271a4 / //rgya gar gyi paN+Di ta chen po krI ka ra dang / lo tsA ba chen po 'gos lhas btsas kyis bsgyur cing zhus te gtan la phab pa'o/ /[]@##/ /rgya gar skad du/ shrI tsakra sam+ba ra sa ha dza tat+ta A lo ka /bod skad du/ dpal 'khor lo
271a5 sdom pa'i lhan cig skyes pa'i de kho na nyid snang ba/dpal 'khor lo sdom pa la phyag 'tshal lo/ /gang la brten nas rang rig bde chen po/ /stong dang snying rje dbyer med mtshon pa'i gzhi/ /chos dang longs sprul bde ba chen po yi/ /rang bzhin rtsa yi 'khor lo'i mgon btud
271a6 nas//'khor lo bde mchog dpal rim las byung las/ /spyod 'chang mgon po'i zhal snga las rnyed pa'i/ /rang rig bde chen ye shes mtshon pa'i thabs/ /dpyid dang thig le bsgom pa'i man ngag bshad/ /bsam gtan khang pa rnam g.yeng skye bo yi/ /'du 'dzi dang bral
271a7 rnam par dben pa'i sar//yongs su 'dzin pa ma lus rnam spangs te/ /mi g.yo rtse gcig ting 'dzin mchog bsgrub bya/ /bde ba'i stan gnas rdo rje skyil krung dang / /lag gnyis mnyam par gzhag pa'i phyag rgya can/ /lus bsrangs nas ni mgrin pa dgug pa dang / /mig
271b1 gnyis sna yi rtse mor mnyam sbyar zhing //gang la rgyan dang cha lugs phyag mtshan dang / /mtshan dang dpe byad ma lus yongs rdzogs pa/ /rang snang shes rab phag mo dang 'dus pa'i/ /gnyis med bde ba'i rang bzhin rang lha'i sku/ /sgyu ma smig rgyu dri za'i grong khyer dang / /bar
271b2 ma'i srid dang chu zla lta bu yi//lus kyi dbus gnas sa sogs 'byung ba bzhi/ /byams dang snying rje dga' dang btang snyoms dang / /spyan sogs rig ma bzhi yi bdag nyid dang / /chos dang longs sprul bde ba che rang bzhin/ /e baM ma yA rtsa yi 'khor lo la/ /dbyangs dang
271b3 gsal byed byang chub yi ger ldan//rdul dang snying stobs mun pa'i rang bzhin gyi/ /rtsa gsum gyis ni yang dag sbrel byas pa/ /yon tan skyon gyi rang bzhin rtsa gnyis la/ /brten nas steng dang 'og gi sgo gnyis nas/ /'byung dang 'jug pa srog dang rtsol ba yi/ /gang du
271b4 mi g.yo rtse gcig gyur pa las//dang po ri dgas sred bzhin snang ba dang / /mtshan gnyis pa dang du ba'i rnam pa can/ /gsum pa srin bu me khyer dang 'dra zhing / /bzhi pa sgron ma 'bar ba lta bu dang / /mtshan ma lnga pa rnam par ma brtags par/ /sprin med nam mkha' lta bu 'byung
271b5 'gyur zhing //de tshe gang du ye shes me 'bar ba/ /gsal ba glog gi 'od dang mtshungs pa yi/ /steng du 'phro bas bdud rtsi'i rgyun 'bebs shing / /bde chen rang rig ye shes ster bar byed/ /gang la brten nas skyes pa'i ye shes dang / /rang rig las gzhan brjod par mi nus
271b6 shing //dngos dang dngos med rtog pa las grol ba/ /bde chen de bzhin nyid la bdag phyag 'tshal/ /gang zhig skyes pas thog med 'khor ba nas/ /bsags pa'i sgrib pa ma lus kun spong ba/ /gnyis med bde ba chen po'i rang bzhin gyi/ /gnyug ma'i ye shes de la
271b7 bdag phyag 'tshal//rtog pa gang gis rtog pa kun gcod cing / /sna tshogs snang ba'i dngos kun der mtshon pa/ /bde chen rang rig ye shes gcig pu pa/ /gnyis med rtogs pa'i mchog la bdag phyag 'tshal/ /gang la bstod dang gang gis bstod pa dang / /ji ltar
272a1 bstod cing phyag 'tshal dang bral ba//spros tshogs gdags pa'i mtha' las rab 'das pa'i/ /mnyam nyid de bzhin nyid la bdag phyag 'tshal/ /gang zhig goms pa mthar phyin pas/ /kun du rtog pa kun spong zhing / /rnam par mi rtog ye shes
272a2 mchog /tshe 'di nyid la ster bar byed/ /brtul zhugs spyod 'chang bla med pa/ /'bar ba'i gtso bo'i bka' drin las/ /rtog pa'i don gang 'dir bsdus pas/ /'gro kun rdo rje 'chang thob shog /dpal 'khor lo sdom pa'i lhan cig skyes pa'i de kho na nyid snang ba slob dpon
chen po dpag med rdo rjes mdzad pa/

CLOSE WINDOW