CLOSE WINDOW

D1503
བོད་ཡིག

bram ze chen po nyin mdzad rdo rjes rim pa ji lta ba bzhin du sbyar ba rdzogs so// @##/ /rgya gar skad du/ shrI badzra DA ki nA ma ma hA tan+t+ra rA dza ut+te yaM bo d+hi tsit+ta a ba lo ka mA la sA d+ha no pi ka nA ma/ bod skad du/ dpal rdo rje mkha' 'gro zhes bya ba'i rgyud kyi rgyal po las btus pa'i sgrub pa'i thabs byang chub kyi sems kun du gzigs pa'i phreng ba zhes bya ba/bcom ldan 'das thugs rje chen po 'phags pa spyan ras gzigs dbang phyug la phyag 'tshal lo/ /sgyur 'phrul chen mos kun 'khyud pa'i/ /dpa' bo rdo rje can btud nas//rdo rje mkha' 'gro'i rim pa yis/ /de yi sgrub thabs bri bar bya/ /chos kyi dbyings kyi bdag nyid mchog /dang por ro ni bsgom par bya/ /sgrub po de yi ster gnas te/ /hu ru ka nyid bsgom par bya/ /zhes bya ba la de la rim pa ni 'di yin te/ rang gi snying gar re pha las//byung ba'i nyi ma'i dkyil 'khor bsgom/ de nyid du ni hUM zhes pa/ /thabs dang shes rab gzugs can bsam/ /hUM las byung ba'i rdo rje ni/ /kha dog nag po drag chen po/ /de yi lte ba'i dbus gnas par/ /slar yang hUM gi de nyid bsgom/ /hUM ni yongs su gyur pa las/ / sgrub po zhe sdang bdag nyid bsam/ /rgyan rnams thams cad yongs rdzogs shing / /rang gi lhag pa'i lha gzugs bya/ /khro la sa bon sngon po ste/ /rdo rje nyi ma de bzhin no/ /zhi ba'i sa bon zla ba'i mdog /zla ba rdo rje la gnas bsam/ /sgrub po lha yi gzugs bzung la/ / de nas lha yi mchod pa spro/ /lha yi mig dang ldan pa yis/ /sangs rgyas thams cad blta bar bya/ /bcom ldan rdo rje cang yis gsungs/ /rnal 'byor skyed par gsungs pa'o/ /sangs rgyas kun gyi dngos sa bon/ /rang snying zla bar bsams nas su/ / bde gshegs de yi 'od zer gyis/ /mdun du bkug par blta bar bya/ /ar+g+ha la sogs lung byung ba/ /phyi dang gsang ba'i mchod sogs bya/ /de nas phyag ni byas nas su/ /de 'og bdag nyid 'di ltar dbul/ /sangs rgyas byang chub sems dpa' rnams/ /kun nas bdag la dgongs su gsol//bdag ming 'di zhes bgyi ba ni/ /dus 'di nas bzung ji srid du/ /byang chub snying po mchis kyi bar/ /ji ltar dus gsum mgon po rnams/ /yang dag byang chub nges mdzad pa/ /de bzhin bla med byang chub sems/ /dam pa bdag gis bskyed bar bgyi//sangs rgyas rnal 'byor sdom pa la/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te mchog tu gzung / /bslab pa yi ni tshul khrims dang / /dge ba'i chos ni bsdu ba dang / /sems can don byed tshul khrims gsum//bdag gis so sor brtan por gzung / /rdo rje'i rigs mchog chen po la/ /rdo rje dril bu phyag rgya yang / /yang dag nyid gzung bgyi zhing / /slob dpon dag kyang bdag gis bzung / /rin chen rigs mchog rnal 'byor gyi/ /dam tshig yid du 'ong ba la/ /nyin re bzhin du dus drug tu//sbyin pa rnam bzhi stsal bar bgyi/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum/ /dam chos yang dag gzung bar bgyi/ /las kyi rigs mchog chen po la/ /mchod pa ci nus bgyid pa dang //sdom pa thams cad ldan par bgyi/ /bla na med pa'i byang chub sems/ /dam pa bdag gis bskyed bgyi zhing / /sems can kun gyi don gyi phyir/ /sdom pa ma lus gzung bar bgyi/ /ma brgal ba rnams bsgral bar bgyi/ /ma grol ba rnams bdag gis dgrol//dbugs ma phyin pa dbugs dbyung zhing / /'gro kun mya ngan 'das la dgod/ /byams dang snying rje byas nas su/ /dge ba la ni dga' ba bsgom/ /mi dge'i chos la btang snyoms bya/ /sdig bshags la sogs de bzhin no/ /bcom ldan rdo rje can gyis gsungs//de bzhin gshegs pa thams cad mchod pa dang sdom pa gzung ba'o/ /sangs rgyas thams cad gshegs gsol nas/ /de 'og 'di ltar bsgom par bya/ /bdag gis mchod pa'i sangs rgyas rnams/ /gang nas ma byon gar ma gshegs/ /phung po khams dang skye mched rnams//gang yin lha yi rang bzhin nyid/ /rnal 'byor de nyid rdzogs bya'i phyir/ /blo dang ldan pas de nyid bsgom/ /gzugs ni sangs rgyas rnam snang mdzad/ /tshor ba rdo rje nyi ma yin/ /'du shes pad+ma gar dbang ste/ /'du byed rdo rje rgyal po yin//rnam shes rdo rje sems dpa' ste/ /'di dag kun dngos rang bzhin ni/ /rdo rje mkha' 'gro zhes byar grags/ /yang dag gcig pu chen po'i lha/ /bde ba thams cad rab ster ba/ /sgyu ma chen po'i rang bzhin gyis/ /chags bral chags pa zhes byar bshad//sa khams ltung byed ma yin te/ /de bzhin chu khams gsod ma'o/ /me khams 'gugs byed ma yin te/ /de bzhin rlung ni gar dbang ngo / /nam mkha'i khams ni sgyu ma cher/ /rang nyid 'gro ma zhes byar bshad/ /sangs rgyas kun dang mnyam sbyor ba/ / mkha' 'gro ma ni 'bar ba'i mchog/ /'byung ba lnga yi rang bzhin gyi/ /de ni rdo rje gtso mor gnas/ /mig gnyis gti mug rdo rjer bshad/ /nyan pa zhe sdang rdo rjer brjod/ /sna ni ser sna rdo rje ste/ /kha ni 'dod chags rdo rjer gsungs/ /lus ni phrag dog rdo rje ste/ /skye mched thams cad mnyam sbyor bas//rdo rje mkha' 'gro bde ba'i mchog /bcom ldan rdo rje can gyis gsungs/ phung po dang khams dang skye mched kyi rnam par dag pa'o/ /oM swa b+hA ba shung+ng+haHsarba d+harmAHswa b+hA ba shud+d+hou0f85haM/ de nas dngos kun las grol ba'i/ /chos kun b dag med mnyam par blta//thams cad nam mkha'i mtshan nyid de/ /nam mkha' la ni mtshan nyid med/ /khams gsum pa ni ma lus ba'i/ /'gro ba sgyu ma lta bu yin/ /brtan pa dang ni g.yo ba yi/ /'gro ba dmigs su med pa ste/ /mthong ba dang ni reg pa'i dngos//thams cad sgyu ma ji bzhin no/ /gzugs ni thams cad stong pa nyid/ /stong pa'i tshul gyi mig gis ni/ /dogs pa med par bsgom pa'i mchog /rnam par mi rtog pa yis blta/ /nam mkha'i tshul gyi sems kyis ni/ /der ni thams cad nam mkha'i dngos//dogs pa med pa'i bsgom par ldan/ /rnam par mi rtog skye bar 'gyur/ /oM sh+'u n+ya tA dz+nyA na badzra [(]swA [,]swa [)]b+hA ba At+ma ko haM/ bcom ldan rdo rje can gyis gsungs/ /stong pa nyid ni byang chub bo/ /sna tshogs pad+ma'i nyi dkyil la/ /der ni hUM las byung ba yi/ /dbus gnas las kyi rdo rje bsgom//slar yang hUM gi de nyid bsam/ /'od zer sna tshogs 'bar ba las/ /mkha' 'gro ma yi 'khor spro ba/ /zhal gcig phyag gnyis spyan gsum pa/ /sku mdog dmar mo drag chen mo/ /mdung gi dbyibs can 'jigs pa'i gzugs/ /spyan dmar kham skra gyen du brdzes//lang tsho phun sum tshogs par ldan/ /stag gi pags pa'i na bza' can/ /ljags 'dril bas ni cher 'jigs te/ /'jigs pa dag kyang 'jigs par mdzad/ /de nas rdo rje sngags spro bya/ /oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ihrA pa ya hUM hUM phaT/oM A na ya hoHb+ha ga bAn bid+yA rA dza hUM hUM phaT/ der sngags tshig ni 'di dag gis/ /lha dang lha min mir bcas pa/ /phur bu yis ni btab nas su/ /hUM sngags 'od kyi ra ba dang / /khyad par du ni dra ba bya/ /bcom ldan rdo rje can gyis gsungs/ / srung ba'i 'khor lo dang sngags kyi tshig rnams so/ /shes rab mkha' dbyings dbus bsam pa/ /rlung dang me yi dkyil 'khor ro/ /de yi dkyil 'khor dbus gnas par/ /chu yi dkyil 'khor bsgom par bya/ /chu yi dkyil 'khor dbus gnas par/ /dbang chen dkyil 'khor de bzhin te//'byung ba thams cad bsdus pa las/ /gzhal yas khang brtsegs bsgom par bya/ /gru bzhi pa la sgo bzhi pa/ /kha khyer de bzhin rdo rjes mtshan/ /skud pa bzhi dang yang dag ldan/ /dar gyi phreng bas mdzes par byas/ /dkyil 'khor grwa rnams thams cad dang //sgo dang sgo khyud mtshams rnams su/ /rdo rje rin chen rnam spras pa'i/ /phyi yi dkyil 'khor thig gdab bya/ /shes rab can gyis de yi nang / /'khor lo'i phreng bas rnam brgyan te/ /de yi dbus gyur pad+ma ni/ /dkar pos shin tu mdzes par bya/ /de yi yang ni steng gyur pa//pad+ma mdog dmar 'bar dang bcas/ /slar yang de yi dbus gyur par/ /'od ldan pad+ma dmar po bri/ /de nas sngags pa de nang du/ /rdo rje phreng ba kun 'khrug bri/ /slar yang pad chen 'dab brgyad pa/ /in+d+ra nI la'i 'od 'bar bri/ /rdo rje ka ba'i nang logs su//dkyil 'khor lnga yis rnam brgyan pa/ /ri rab lhun po'i steng du ni/ /sna tshogs pad+ma yid 'ong bsam/ /bcom ldan rdo rje can gyis gsungs/ /khang pa brtsegs ma'o/ /de dbus stan la rnal 'byor pas/ /dbyangs yig bcu drug las byung ba'i/ /zla ba'i dkyil 'khor bsgom par bya//'od zer kun du rnam par spro/ /de steng ye shes sa bon las/ /rdo rje nyid du bsgom par bya/ /zla ba rdo rje mnyam sbyor bas/ /rdo rje sems dpa' bsgom par bya/ /nyi ma rdo rje'i bsam gtan gyis/ /khro bo'i lus su rnam par bsgom/ /zla ba nyi ma gnyis 'dus pa//lha rnams skyed par byed pa'i rgyu'o/ /de skad du'ang / /A lis zla ba kA lis nyi/ /dbus su sa bon bsgom par bya/ /de nyid sems dpa' zhes byar bshad/ /mchog tu dga' ba'i gzugs can no/ /zhes gsungs so/ /rang lus las byung 'od zer gyis//nam mkha' thams cad g.yogs nas ni/ /bsdus te bkug nas btsud pa yi/ /rnal 'byor zhe sdang bdag nyid 'gyur/ /zla ba ltar dkar 'dzum dang bcas/ /'od zer dmar po 'bar ba 'khrug /sangs rgyas phreng ba yang dag ldan/ /rgyan rnams kun gyis yang dag bklubs//zhal bzhi pa la phyag bzhi pa/ /ral pa dang ni cod pan ldan/ /rig pa bzhi dang yang dag ldan/ /spyan gsum 'bar ba chen po ste/ /g.yas pa dkar min shin du zhi/ /g.yon pa dmar zhing 'jigs par byed/ /rgyab zhal gser dang 'dra ba'i mdog /rdo rje kha T+wAM bsnams pa dang / /de bzhin thod pa dril bu bsnams/ /thod pa la bzhugs gar dang ldan/ /dbang gnyis dga' ba'i snyoms zhugs shing / /rgyal ba'i 'od zer kun du 'khrug /bcom ldan rdo rje can gyis gsungs/ /rgyu yi rdo rje 'dzin pa'o/ / shes rab gnas kyi mthar thug par/ /smon lam rnam par sbyong byed cing / /sems can don brtson sems kyis ni/ /dpa' bo srid pa sbyong bar mdzad/ /rtag tu 'dod pas myos pa yi/ /lha yi bu 'di rnams dang ni/ /gzhan yang skye bo chags can phyir/ /'dod chags thams cad dag par mdzad//bde chen shin tu grub bya'i phyir/ /rtog pa rgyas par sbyin pa dang / /thog ma tha ma med pa'i mchog /rtog pa thams cad la sogs bshad/ /'das pa'i dus na sngon byung ba/ /rtog pa la sogs bde ba che/ /der ni rdo rje sems chen gyis/ /lhag pa yi ni lha gcig bzhugs//'jig rten khams rnams thams cad kyi/ /sems can kun don 'byung bya'i phyir/ /glu dang rol mo sogs pa'i gar/ /srid pa kun gyi gtso bor gyur/ /sems can thams cad 'byung ba'i phyir/ /dga' ba yang dag bsdus pa'i nga / /de nas sems kyi 'gyur ba yi//'dod pa'i chags pa rnam spangs te/ /des 'dul bar ni mkhyen nas su/ /'dod chags chen po ston par mdzad/ /shes rab thabs kyi sbyor ba yis/ /chos kyi sku yi chos nyid do/ /bcom ldan rdo rje 'dzin pas gsungs/ /shes rab dang kun du 'khyud pa'i rnam par dag pa'o//ri bo ri sul tshang tshing phug /chu bo chen po'i 'gram rnams dang / /gdod nas grub pa'i dur khrod du/ /der ni dkyil 'khor brtsam par bya/ /zhes bya ba la/ /bde ba chen po mi g.yo bas na ri bo'o/ /sems can sman par 'jug par dga' bas na ri sul te phug dang ldan pas tshang tshing ngo //chu bo chen po'i 'gram rnams zhes bya ba ni de dang snyoms par 'jug pa shes rab kyi chu gnas pas na chu bo'i 'gram mo/ /gdod nas grub pa zhes bya ba ni rtag tu grub pa ste 'char ba dang nub pa spangs shing nam mkha' ltar yongs su grub pa rtag tu bde ba chen po'i tshul gyis dmigs pas de'i rang bzhin du byas pa'o//dur khrod ces bya ba ni sems can thams cad kyi rgyud mnyam par gnas pa'i phyir ro/ /bcom ldan rdo rje can gyis gsungs/ /gsang ba'i dkyil 'khor gyi gnas so/ /lag gnyis kun du 'khyud ba ni/ / rdo rje lu gu rgyud bcings brjod/ /kha sbyor lu gu rgyud du bzhed/ /slar yang rnam par grol ba'i lam/ /'bad pa'i tshogs kyi dga' ba'o/ /rdo rje pad+ma dbye ba dang / /sgro chun sbrang rtsi byed par bshad/ /bskor ba gang phyir bskyod pa dang / /mi 'khrugs rdo rjes dkrug par bya/ /der ni gsal shing zhes byar brjod//rdo rje thams cad mid par bya/ /rdo rje zhes bya de bzhin gshegs/ /de yi chags pa lcags kyu ste/ /lcags kyu'i sbyor ba cho gas dgug /rdo rje'i lam nas phyung nas su/ /pad+ma'i mdzod du gzhug par bya/ /dbang bskur ba yi cho ga yis/ / zla ba'i dkyil 'khor du ni zhu/ /gsang ba'i yig gsum sngags kyi mchog /sna tshogs yi ge yang dag spro/ /bcom ldan rdo rje can gyis gsungs/ /gsang ba'i dkyil 'khor du dbang bskur zhing gdon pa'o/ /'dod chags chen po rjes chags pas/ /yi ge las byung rnam spangs shing //nam mkha' lta bur bdag med po/ /dag pa nyid du de nas son/ /de nas sems can sangs rgyas kyi/ /bla med don ni nus med pa'i/ /stong pa nyid la rtag bzhugs pas/ /'gro kun stong bas bcom nas ni/ /thams cad dmyal bar ltung mthong ste/ / slar yang bdag dang gzhan don la/ /mos pas gus pa nyid du 'gyur/ /de nas 'jig rten khams kun na/ /bzhugs pa'i sangs rgyas kun bsdus te/ /bdag la myur du bskur bar mdzod/ /oM ma hA su kha badzrasatwa dzaHhUM baM hoHsu ra te s+t+waM/ /'dis ni bskul ba tsam gyis kyang //dag pa'i bde ba kun ster ba/ /'dod pa'i don kun sgrub byed cing / /'gro kun bde ba bskyed par 'gyur/ /bcom ldan rdo rje can gyis gsungs/ /khu ba'i gtso bo bskul ba'o/ /de nas mkha' dbyings dbus gyur par/ /nyi ma'i dkyil 'khor bsam par bya//phyogs dang phyogs mtshams nam mkha' la/ /dpag med rigs kyis yongs gang ba'o/ /mkha' dbyings nyi ma de dbus su/ /rang gi sa bon mtshan ma ni/ /nyi ma stong bas lhag pa yi/ /'od zer rnon po 'bar zhing 'khrug /me stag 'phro bas bdud sde bsreg /gang bur bsdus pa'i sbyor ba yis/ /zhu ba las ni skur bzhengs pa/ /zhal bzhi pa dang phyag bzhi pa'am/ /ji srid phyag ni 'bum gyi bar/ /gdan dang mdog dang phyag rgya rnams/ /rnal 'byor can gyis rtag tu bsgom/ /phyag rgya chen po'i cho ga yis/ / sku gsum chos ni ston par mdzad/ /ting 'dzin yan lag shes par bya/ /bsgrub bya sgrub thabs rigs pas so/ /bcom ldan rdo rje can gyis gsungs/ /'bras bu rdo rje 'dzin bskyed pa'o/ /nga ni 'dod pa'i gzugs kyi mchog /sangs rgyas kun gyis byin brlabs pa/ / nga nyid chos kyi sku yi mchog /sangs rgyas kun gyi bdag po yin/ /sangs rgyas kun gyi sbyor 'phrog cing / /sangs rgyas kun gyi bde ba che/ /sangs rgyas kun gyi sku chen po/ /sangs rgyas kun gyi gsung snyan pa/ /sangs rgyas kun gyi thugs chen yin/ /sangs rgyas kun gyi mchod pa che//sangs rgyas kun gyi rgyal po che/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen 'dzin pa kun gyi dbang / /bcom ldan rdo rje can gyis gsungs/ /rdo rje can gyi yon tan no/ /oM sum+b+ha ni sum+b+ha hUM hUM phaT/ oM gr-i h+Na gr-i h+Na hUM hUM phaT/oM gr-ih+NA pa ya gr-ih+NA pa ya hUM hUM phaT/ oM A na ya hoHb+ha ga bAn bid+yA rA dza hUM hUM phaT/ zhal bzhi byin gyis rlob par byed pa'i sngags gsungs te/ lugs las bzlog par bya'o/ /oM d+harma d+hA tu swab+hA ba At+ma kou0f85haM/ bcom ldan 'das kyi zhal dang m dog /phyag dang bzhugs tshul de bzhin te/ /sku mdog sngon po cher drag pa/ /'jig pa'i dus kyi me 'od 'dra/ /'bar ba'i sku lus sgra che ba/ /'jigs pa dag kyang 'jigs par mdzad/ /lhag ger bzhad chen tshems kyi 'od/ /lha mo'i dkyil 'khor 'od kyi ni/ /'khor lo bla re dbus gnas shing //'od ldan phyag ni bzhi bzhi dang / /thong ka sgyu ma chen mos mdzes/ /g.yon pa pad+ma rA ga mtshungs/ /shin tu khros pas 'jigs su rung / /sol ba'i phung po 'bar 'dra zhing / /dza ba'i ku su ma dang mtshungs/ /g.yas pa shel dang mtshungs pa ste/ / gangs dang kun+da zla ba 'dra/ /rgyab ni gser bsregs lta bur 'bar/ /nyi ma 'char ka lta bur mdzes/ /rtsa zhal sngon po chen po ste/ /spyan gsum gyis ni mdzes par byas/ /yi dags chen po mnan nas su/ /nyi ma la bzhugs gar dang bcas/ /thod pa dang ni kha T+wAM ga / de bzhin gzhan na mda' dang gzhu/ /cho ga'i bya ba de nyid kyis/ /ye shes rgya mtsho bsgom par bya/ /shar ni dkar zhing 'od sngo ste/ /g.yon pa kha T+wAM dril bu dang / /gzhan na rdo rje thod pa'o/ /byang phyogs margad ser skya'i mdog /g.yon na kha T+wAM zhags pa dang / /g.yas na rde'u chung thod pa bsnams//nub phyogs dmar zhing ser skya'i 'od/ /gzhu dang mda' yi mdog dang ni/ /sna tshogs pad+ma thod pa dag /g.yon dang g.yas kyi phyag tu dgod/ /lho ni dkar zhing ser ba'i 'od/ /g.yon na mdung dang rin chen te/ /g.yas na ba dan thod pa bsnams/ / glang chen ce spyang mi dang ni/ /glang gi thod pa cho ga bzhin/ /dang po ltung byed ma yin te/ /gnyis pa gsod byed ma yin la/ /gsum pa 'gugs pa zhes bya ste/ /bzhi pa gar gyi dbang phyug ma/ /rig ma de dag gyen skra 'bar/ /rgyan rnams thams cad rnam par bklubs/ /gar dang ldan pas yang dag bzhugs//phyogs mtshams dag ni bzhi po ru/ /thod pa rnam pa bzhi po dgod/ /sangs rgyas gzugs kyis rnam brgyan pa/ /spyi gtsug gsal bar yang dag ldan/ /bde ba chen po rin chen che/ /'byung ba bzhi yi tshogs dang ldan/ /skye dang gnas dang 'gag pa rnams//rtag tu lha mo bzhi yi dngos/ /oM ha ni rdo rje sems dpa' ste snying gar ro/ /na ma hi ni rnam par snang mdzad de mgo bor ro/ /swA hA hu ni pad+ma gar gyi dbang phyug ste spyi gtsug tu'o/ /bau ShaT he ni dpal he ru ka ste phrag pa gnyis la'o/ /hUM hUM ho ni rdo rje nyi ma ste mig gnyis su'o//phaT haM rta mgrin te yan lag thams cad kyi cho ga'o/ /de nas rang gi snying gar rdo rje'i lte bar zla ba'i dkyil 'khor la thugs rdo rje hUM gis bskyed par bya'o/ /a hrIH ha ha hUM hUM phaT kyis ni mgrin par zla ba'i dkyil 'khor la gnas pa'i gsung rdo rje'o/ / oM badzra he he ru ru kaM hUM hUM phaT DA ki nI dz+wa la sam+bar swA hA/ zhes bya bas ni dpral ba'i dkyil 'khor la gnas pa'i sku rdo rje'o/ /de dag ni rdo rje sems dpa' go cha dang / sku gsung thugs byin gyis brlab pa'o/ /lte ba la ni oM baM ste rdo rje phag mo'o/ /snying gar haM yaM ste gshin rje ma'o/ / khar ni hriM moM ste rmongs byed ma'o/ /mgo bor ni hriM hriM ste kun du skyong byed ma'o/ /spyi gtsug tu ni hUM hUM ste kun du skrag byed ma'o/ /yan lag thams cad kyi mtshon tshar ni phaT phaT te gtum pa mo'o/ /oM sarba bud+d+ha DA ki nI ye badzra war+N+Na ni ye hUM hUM phaT phaT swA hA/ zhes bya bas ni lte bar thugs rdo rje lta bu'o//oM badzra bai ro tsa nI ye hUM hUM phaT phaT swA hA/ zhes bya bas ni snying gar sku rdo rje lta bu'o/ /oM bau ri hUM hUM phaT ces bya bas ni/ khar te gsung rdo rje lta bu'o/ /de ltar gang zhig kun bstan pa/ /sgyu 'phrul chen mo'i lus las byung / /shes rab zla ba'i stan la gnas//sna tshogs mdog tu bsgom par bya/ /rdo rje sems dpa' de bzhin gshegs/ /bcom ldan rdo rje can gyis gsungs/ /thabs dang shes rab bdag nyid kyi las te nye bar bsgrub pa'i sgrub thabs so/ /ye shes dam tshig las byung ba/ /de ni rdo rje can du brjod/ /ces bya ba la ye shes ni ye shes sems dpa'o//dam tshig ni rdo rje sems dpa'o/ /de'i rim pa yang 'di yin te/ rang gi sa bon mtshan ma las/ /snying gar ye shes sems dpa' dgod/ /de yi 'od kyis drangs nas ni/ /ye shes 'khor lo rab mchod bya/ /rdo rje srung ba'i go cha ni//mnyam par gzhag pas thams cad bya/ /de 'og dngos po thams cad kyis/ /bdag gi lus la gzhug par bya/ /rdo rje sems dpa' de bzhin gshegs/ /bcom ldan 'das rdo rje can gyis gsungs/ /ye shes sems dpa' gzhug pa'o/ /dbang bskur go 'phang bsgoms nas ni/ /de 'og mchod pa brtag par bya//ye shes 'khor lo'i rim pa yis/ /mdun du rgyal ba bkug nas ni/ /mchod pa kun gyis mchod nas ni/ /dbang bskur phyir ni gsol ba gdab/ /gsang gsum gnas las byung ba yi/ /rdo rje rnal 'byor ma kun dang / /sangs rgyas 'jig rten mgon po yis//brtse bas bdag la dbang bskur gsol/ /des ni sangs rgyas he ru ka'i/ /tshul du nam mkhar bzhugs nas ni/ /bdud rtsi lnga yis gang ba yi/ /bum pa kha dog lngar ldan pa'i/ /kun nas dbang ni skur bar mdzad/ /sangs rgyas rnams ni thams cad kyi//gsang gsum gnas las byung ba yi/ /khams gsum kun gyis phyag byas pa/ /rin chen dbang bskur chen po sbyin/ /rgyal bas dbang ni bskur nas su/ /spyan ma la sogs glu len cing / /mchod pa'i lha mo'i tshogs kyis kyang / /mchod pa kun gyis rab mchod byed//rdo rje sems dpa' de bzhin gshegs/ /bcom ldan rdo rje can gyis gsungs/ /dbang bskur ba yang mchod pa'o/ /mtshan ma gnyis la sngags sbyar bya/ /de yi rim pa 'di yin te/ /bu mo yi ni sna rtse ru/ /a zhes bya ba dgod par bya/ /rang gi rdo rje'i bu gar ni//baM zhes bya ba yang dag sbyar/ /gang yang gzhan dag 'chad pa ni/ /byA zhes bya ba pad+ma la/ /byA ni rdo rje'i rtse mor ro/ /rdo rje sems dpa' de bzhin gshegs/ /bcom ldan rdo rje can gyis gsungs/ /shes rab dang thabs kyi bdag nyid dga' ba ste sbyor ba dang po zhes bya ba'i ting nge 'dzin to//mchog tu dga' ba'i sbyor ba yis/ /rdo rje pad+ma phye nas su/ /lam gyi tshogs kyi rgyun nas ni/ /slar yang spro zhing gtang bar bya/ /rnal 'byor ma yi 'khor lo kun/ /pad+ma'i lte bar nges par sbyar/ /a wa d+hU tI'i gnas de bzhin/ /smin ma'i bar du gzhag par bya//dbyangs yig dang po yang dag ldan/ /bsgoms na skad cig de la 'bar/ /de nas 'bar phreng rgya mtshor ni/ /kun nas sgo yi 'khor lo bsam/ /mgal me 'khor lo la gnas pa/ /mkha' 'gro'i tshogs ni de bzhin 'khor/ /yid shugs chen pos gsal ba'i mdangs//glog lta bur ni gsal ba'i 'od/ /lha yi rnal 'byor tshul gyis ni/ /sa rnams kun du spro bar bya/ /de nyid dbye bas phye nas su/ /rtsa rnams thams cad lam du sbyar/ /sngags pas rang dgar dbye byas te/ /phyin ci log tu nges par sbyar//char gcod pa dang phan 'dogs pa'i/ /las kyi mchog tu rnam par bsgom/ /sbyor ba yi ni don rnams la/ /dga' chen rnyed dka' 'di yis bsgrub/ /ye shes ldan pa'i rang skye gnas/ /yul dang yul du mngon par skye/ /mkha' 'gro ma yi tshogs 'di dag/ /rang rang sa la rnam par rol//mgo bo pul+lI ra yin te/ /so dang sen mo rab tu 'bab/ /rab gtum mo dang thod dum gyis/ /shar gyi rtsibs su yang dag bzhugs/ /spyi gtsug dzA lan+d+ha ra ste/ /skra dang spu ni rab tu 'bab/ /gtum mig keng rus chen po yis/ /lus ngan phyogs su yang dag bzhugs//o D+yan zhes bya'i gnas chen po/ /rna ba g.yas pa'i bla dgas te/ /nub tu pags pa dri ma lags/ /'od ldan keng rus tshul gyis bzhugs/ /arbu da ni rgyab kyi phyogs/ /sha chen dag ni 'bab pa las/ /mche ba gtsigs dang sna chen ma/ /lho yi phyogs su yang dag bzhugs//de dag ni gnas so/ /go dA ba rI rna g.yon te/ /rtag tu rgyus pa 'bab pa las/ /dpa' bo'i blo ma lha yi dgra/ /dbang ldan mtshams su bzhugs par bsam/ /smin dbus rA me shwa rI ste/ /rtag tu rus pa 'bab pa las/ /mi thung mgon po 'od dpag med//rlung gi mtshams su bzhugs par gyur/ /mig gnyis lha mo'i mkha' yin te/ /rtag tu mchin pa 'bab pa las/ /lang ka'i dbang mo rdo rje 'od/ /bden bral mtshams su bzhugs par gyur/ /mA la be ni dpung g.yas te/ /rtag tu snying 'phrul 'bab pa las//ljon grib ma ni rdo rje'i sku/ /byin za'i mtshams su bzhugs par gyur/ /de dag ni nye ba'i gnas so/ /yul de kun na gnas pa rnams/ /thugs kyi 'khor lo yang dag bzhugs/ /mkha' la spyod pa zhes bya ste/ /snyoms par zhugs pas yang dag bzhugs/ /mtshan khung kA ma rU pa ste//rtag tu mig ni 'bab pa las/ /sa srung ma dang myu gu can/ /shar gyi 'dab mar yang dag bzhugs/ /o Te nu ma gnyis yin te/ /mkhris pa'i khams ni 'bab pa las/ /rdo rje ral can 'jigs byed ma/ /lus ngan phyogs su bzhugs par gyur/ /zhing ngo / /lte bar tri sha ku ni ste//rtag tu glo ba 'bab pa las/ /rlung shugs dpa' bo chen mo ni/ /nub kyi 'dab mar brten te bzhugs/ /ko sa la ni sna rtse ste/ /rgyu ma'i phreng ba 'bab pa las/ /chang 'thung rdo rje hUM mdzad du/ /lho yi phyogs su bzhugs par gyur/ /nye ba'i zhing ngo / /kha ni ka ling ga yin te//gnye ma'i khams ni rab tu 'bab/ /sngo bsangs lha mo shin tu bzang / /yi dags phyogs su bzhugs par gyur/ /mgrin pa lam+pA ka yin te/ /bong bu'i lto ni 'bab pa las/ /shin tu bzang mo rdo rje bzang / /rlung gi mtshams su bzhugs par gyur/ /rol sa'o//snying ga kAny+tsi yul yin te/ /rtag tu chu so 'bab pa las/ /rta rnam dang 'jigs byed de/ /srin po'i mtshams su bzhugs par gyur/ /kha ba can ni chu so ste/ /mtshog ma'i srubs ni 'bab pa las/ /bya gdong ma dang mig mi bzang / /ma yi mtshams su bzhugs par gyur//nye ba'i rol sa'o/ /yul de kun na gang gnas pa/ /gsung gi 'khor lor yang dag gnas/ /sa la rgyu ba zhes bya ste/ /snyoms par zhugs pas yang dag gnas/ /mtshan ni yi dags lha gnas te/ /bad kan khams ni rtag tu 'bab/ /'khor lo shugs ma stobs po che//sku yi 'khor lo shar rtsibs bzhugs/ /bshang lam lha yi khyim yin te/ /rnag 'bab khaN+Da ro hA dang / /rin chen rdo rje lus ngan du/ /'du ba can no/ /sau rASh+Ta ni brla gnyis te/ /khrag gi khams ni 'bab pa las/ /glang sna dang ni rta mgrin du/ /nub kyi phyogs su bzhugs par gyur//byin pa gnyis ni gser gling ste/ /rtag tu rdul ni 'bab pa las/ /'khor lo'i go cha nam mkha'i snying / /lho yi phyogs su bzhugs par gyur/ /nye ba'i 'du ba can no/ /sor mo rnams ni grong khyer te/ /tshil ni rab tu 'bab pa las//shin tu dpa' mo he ru kar/ /yi dags mtshams su bzhugs par gyur/ /sin+d+hu rkang pa'i bol yin te/ /rtag tu mchi ma 'bab pa las/ /stobs chen pad+ma gar dbang phyug /rlung gi mtshams su dgod par bya/ /dur khrod do/ /mya ngan yul ni mthe bo ste//lud pa dag ni 'bab pa las/ /'khor los sgyur ma rnam snang mdzad/ /bden bral mtshams su dgod par bya'o/ /ku lu tA ni pus mo ste/ /rtag tu sna chu 'bab pa las/ /brtson chen rdo rje sems dpa' ni/ /me yi mtshams su dgod par bya/ /nye ba'i dur khrod do//yul ni de dag thams cad nyid/ /sku yi 'khor lor yang dag gnas/ /sa 'og gnas pa zhes bya ste/ /snyoms par zhugs pas rab tu bzhugs/ /lugs 'byung lugs las bzlog par ni/ /pho nya rnams ni yang dag gnas/ /khwa gdong ma ni shar sgor te/ / byang sgor 'ug pa'i gdong pa can/ /nub sgor khyi yi gdong pa can/ /phag gi gdong can lho sgor dgod/ /dbang ldan gshin rje brtan ma ste/ /gshin rje pho nya me mtshams su/ /bden bral gshin rje mche ba can/ /gshin rje 'joms ma rlung mtshams dgod/ /ma ning yi ge bzhi las ni//sgo bzhi rnams su bsgom par bya/ /sha Sha sa ha las byung ba/ /dbang ldan la sogs yang dag gnas/ /rol bcibs shing me ltar 'bar/ /nyi ma la bzhugs gar dang bcas/ /spyan gsum mche ba gtsigs pa ste/ /phyag na kha T+wAM thod pa gri/ /thod pa'i phreng bas rnam par bklubs//'od zer sna tshogs rnam par 'phro/ /khro gnyer rim pa ldan la sogs/ /zur mig blta zhing rnam par g.yo/ /khwa gdong la sogs gcer bu ste/ /mgul do spyi gtsug dpung rgyan dang / /rna cha tshangs pa'i skud par bcas/ /mgo bo'i phreng bas mgul par brgyan//rkang gnyis khrol khrol sgra dang bcas/ /g.yon brkyang pa yi gnas pas bzhugs/ /nyi shu rtsa bzhi gnyis ldan par/ /dpa' bo rdo rje dril bsnams te/ /phyag ni gnyis kun 'khyud pa yin/ /he ru ka ni sku las byung / /mkha' 'gro nyi shu rtsa bzhi ni/ /sgyu 'phrul chen mo'i sku las byung //dam tshig ye shes las byung ba'i/ /de nas rdo rje can du brjod/ /dbang bskur go 'phang bsgoms nas ni/ /de nas mchod pa yang dag brtsam/ /de dag thams cad sngon bzhin bya/ /da ni byang chub kyi phyogs kyi chos sum cu rtsa bdun lha'i sbyor bas rnam par gzhag par bya ste//ltung byed ma ni lus dran pa nye bar gzhag pa'o/ /gsod byed ma ni tshor ba dran pa nye bar gzhag pa'o/ /'gugs byed ma ni chos dran pa nye bar gzhag pa'o/ /gar gyi dbang phyug ma ni sems dran pa nye bar gzhag pa'o/ /rab tu gtum mo ni 'dun pa'i rdzu 'phrul gyi rkang pa'o//gtum mig ma ni brtson 'grus kyi rdzu 'phrul gyi rkang pa'o/ /'od ldan ma ni dpyod pa'i rdzu 'phrul gyi rkang pa'o/ /sna chen ma ni sems kyi rdzu 'phrul gyi rkang pa'o/ /dpa' bo'i blo ma ni dad pa'i dbang po'o/ /mi thung ma ni brtson 'grus kyi dbang po'o/ /lang ka'i dbang phyug ma ni dran pa'i dbang po'o//ljon grib ma ni ting nge 'dzin gyi dbang po'o/ /sa srung ma ni shes rab kyi dbang po'o/ /'jigs byed ma ni dad pa'i stobs so/ /rlung shugs ma ni brtson 'grus kyi stobs so/ /chang 'thung ma ni dran pa'i stobs so/ /sngo bsangs lha mo ni ting nge 'dzin gyi stobs so//shin tu bzang mo ni shes rab kyi stobs so/ /rta rna ma ni ting nge 'dzin yang dag byang chub kyi yan lag go/ /bya gdong ma ni brtson 'grus yang dag byang chub kyi yan lag go/ /'khor lo shugs ma ni dga' ba yang dag byang chub kyi yan lag go/ / dum skyes ma ni shin tu sbyangs pa yang dag byang chub kyi yan lag go/ /glang sna ma ni chos rnam par 'byed pa yang dag byang chub kyi yan lag go/ /'khor lo'i go cha ma ni dran pa yang dag byang chub kyi yan lag go/ /shin tu dpa' mo ni btang snyoms yang dag byang chub kyi yan lag go//stobs chen ma ni yang dag pa'i lta ba'o/ /'khor los sgyur ma ni yang dag pa'i rtog pa'o/ /brtson 'grus chen mo ni yang dag pa'i ngag go/ /khwa gdong ma ni yang dag pa'i las kyi mtha'o/ /'ug gdong ma ni yang dag pa'i 'tsho ba'o/ /khyi gdong ma ni yang dag pa'i rtsol ba'o//phag gdong ma ni yang dag pa'i dran pa'o/ /bcom ldan 'das dpal rdo rje mkha' 'gro ni yang dag pa'i ting nge 'dzin to/ /dge ba'i chos ma skyes pa rnams skyed pa ni gshin rje brtan ma'o/ /dge ba'i chos skyes pa rnams srung ba ni gshin rje pho nya ma'o//sdig pa mi dge ba'i chos skyes pa rnams spang ba ni gshin rje mche ba ma'o/ /sdig pa mi dge ba'i chos ma skyes pa rnams mi skyed pa ni gshin rje 'joms ma'o/ /bcom ldan rdo rje can gyis gsungs/ /byang chub kyi phyogs kyi chos sum cu rtsa bdun lhas rnam par sbyar ba'o/ / snying ga'i dbus gyur pad+ma ni/ /'dab ma brgyad dang ge sar bcas/ /de yi dbus su gnas pa'i rtsa/ /mar me lta bu'i gzugs can te/ /chu shing gi ni me tog ltar/ /rtag tu 'phyang zhing 'og tu blta/ /de yi dbus bzhugs dpa' bo ni/ /yungs kar sbom po'i tshad tsam ste/ / hUM gi sa bon mi shigs pa/ /kha ba lta bu 'bab pa yin/ /ba san+ta zhes bya ba yin/ /lus can rnams kyi snying dga' byed/ /rgod ma'i khar ni me yi gzugs/ /phag mo'i ti la kar ni bzhed/ /las kyi rlung gis bskyod nas su/ /lte ba'i dkyil 'khor nas ni 'bar/ /ba san+ta dang phrad pas mnyes//snyoms par 'jug pas yang dag bzhugs/ /'di ni shrI he ru ka yi/ /ba san ti la ka ru bzhed/ /gzugs sogs rgyu dang mi rgyu ba/ /stong pa nyid du yang dag gnas/ /sku gsung thugs kyi bye brag gis/ /sgo gsum nas ni yang dag rgyu/ /'gro ba dang ni 'ong ba ru//de dag thams cad lus la gnas/ /lte bar a yi gzugs kyi ni/ /thung ngu zhes ni bya bar grags/ /snying gar gnas pa'i yi ge hUM/ /ring po cha gnyis tshad du gnas/ /mgrin par gnas pa'i yi ge oM/ /cha gsum pa lu ta zhes brjod/ /dpral bar gnas pa'i yi ge haM//sgra dang thig le mi shigs pa/ /'khor lo bzhi yi bye brag gis/ /sa sogs 'byung ba chen po yin/ /mtshams bzhi ru ni lhag par gnas/ /pad+ma bzhi las yang dag byung / /dga' ba bzhi yi tshul gyis ni/ /sbyor ba bzhi las mchog tu gnas//mchog tu dga' ba'i gzugs kyis ni/ /bya ba dang ni byed pa'i dngos/ /rdo rje sems dpa'i rang bzhin gyis/ /'dir ni ji ltar bde bar ro/ /phyogs bzhi yi ni 'dab ma la/ /'byung ba bzhi yi rtsa bzhi ni/ /mar me lta bu'i gzugs can de/ /mtshams kyi cha la gnas nas su//rtsa ni gang dag rgyu ba dag /bdud rtsi lnga ni rgyu ba ste/ /mchod pa'i gzugs kyis de la brten/ /de yi gzugs kyi rang bzhin dag /mchod pa bzhi zhes bya bar bshad/ /'di ni lus can snying dbus na/ /rtsa brgyad du ni rnam par gnas/ /sku gsung thugs kyi bye brag gis//gzhan yang nyi shu rtsa bzhir brjod/ /gnas sogs sa la brten nas su/ /gnas dang gnas su yang dag brten/ /mgo bo las ni yang dag byung / /rtsa ni mgo la skyes zhes brjod/ /snying stobs rdul dang mun pa'i gzugs/ /de dbus sgyu 'phrul chen mo'i gtso//rim pa dag ni 'di nyid kyis/ /blo dang ldan pas phyag rgya bya/ /khwa gdong la sogs sngon ji bzhin/ /ltung byed la sogs rnam par dag /bcom ldan rdo rje can gyis gsungs/ /phyag rgya rnams ni mtshon cha'o/ /a las skyes pa'i thod par ni/ / rdzas bcu dag ni bsam par bya/ /rlung dang me yi dkyil 'khor gyis/ /bsro ba dang ni 'bar bar bya/ /dang po'i yi ge ldan pa ru/ /bsgoms na skad cig de la 'bar/ /yi ge go bzlog sbyor ba yis/ /rgyud la sngags ni bsgom par bya/ /oM ni thams cad 'bar byed de//de nyid gsum ni yang dag brjod/ /lha mo de ltar bsgoms pa yi/ /rdzas kyis dngos grub 'bras bu stsol/ /sbyor ba 'di yis dngos grub kyi/ /yid ches yang dag 'jug par 'gyur/ /thams cad kyis ni mi mthong zhing / /rnal 'byor can ni skad cig mthong / / lha mchog las skyes phrogs nas su/ /sangs rgyas kun gyi bu mo spyad/ /gang+gA'i klung mnyam sangs rgyas rnams/ /rdo rje gsum gyi gnas bzhugs pa/ /lag tu shing tog bzhag pa bzhin/ /rdo rje'i mig gis mthong bar 'gyur/ /gang+gA'i klung mnyam zhing rnams ni//sku gsung thugs kyi mtshan nyid rnams/ /sems kyi rol mo las phyung bar/ /rnal 'byor bdag nyid can gyis mthong / /'di ni mchog tu gsang chen te/ /sbyor ba kun gyi dam pa yin/ /bcom ldan rdo rje can gyis gsungs/ /bdud rtsi myang ba ste dkyil 'khor rgyal mchog gi ting nge 'dzin to//yi ge pho nya la sogs sngags/ /mda' yi shugs kyis yongs su 'khor/ /sprul pa'i 'khor lo'i dbus su ni/ /sde tshan brgyad kyis shin tu bskor/ /sngags rnams thams cad 'byung ba ste/ /gzhan yang ci yang rung ba ste/ /sgra lnga dag ni yang dag ldan//ya ra la bas rnam par brgyan/ /chos kyi 'khor lo zhes bya ba/ /lus can rnams kyi snying dga' byed/ /cha rnams bzhi po dag gis ni/ /kun nas yongs su bskor ba ste/ /longs spyod 'khor lo zhes bya ba/ /ro rnams kyi ni rten rang bzhin/ /bde ba chen po'i 'khor lo che//byang chub sems ni sum cu gnyis/ /zla ba nyi ma zhes bya ba/ /g.yon dang g.yas kyi ngos gnyis su/ /dpa' bo mkha' 'gro ma rnams kyi/ /'gro dang 'ong ba byed pa'i rgyu/ /gnas gnyis la ni rtag brten nas/ /'og dang steng du yang dag brten/ /g.yon dang g.yas kyi ngos gnyis su//de bzhin dbyangs yig bcu gnyis ni/ /rtag tu steng du bltas par bri/ /ga sogs 'og tu bltas pa ni/ /ngos gnyis dag tu spel ba ste/ /dbus su de ni sbyar bar bya/ /de ltar bstan pa 'di dag ni/ /rtsa dang sgra yi rang bzhin no/ /gnyis med ye shes rdo rje ste//mkha' 'gro sgra yi rang bzhin no/ /nges 'byung sangs rgyas thams cad de/ /gang du skye ba zhes byar grags/ /shin tu rnam dag ye shes che/ /lha mo kun gyi rang bzhin gang / /rdo rje sems dpa' zhes bya ste/ /mchog tu bde bar brjod pa yin/ /rang byung gi ni gzugs 'di nyid//spro dang sdud par byed pa'o/ /yi ge pho nya la sogs bsngags/ /der ni cha dang bral ba gang / /b+ha ga'i dbus su gzugs med pa/ /de ni rtag tu gnas pa yin/ /smin dbus thig le'i pad+ma ru/ /bcu drug skud pas bskor ba yin/ /shes rab thabs kyi mnyam sbyor gyis//kha sbyor zhes byar brjod pa yin/ /gsang ba mchog gi dgyes pa ni/ /thams cad bdag nyid rtag bzhugs gang / /'di ni kun mkhyen zhes bya ste/ /kun du 'gro ba mi shigs pa'o/ /pad+ma yi ni sna rtse ru/ /rgyu dang mi rgyur bcas par bsgom/ /yid kyis bzlas dang yang dag ldan//ngag dang yi ge rnam par spangs/ /nges pa'i go 'phang rtag tu gnas/ /brtan pa chos dbyings rang bzhin no/ /shin tu phra ba rdul dang bral/ /ye shes sku ste dri ma med/ /gsal ba mchog gi rang bzhin te/ /mya ngan 'das pa 'ba' zhig yul//phan tshun 'dud pa'i gsang sngags ni/ /yul nyid kyis ni dbye bar bya/ /sa bon phreng ba de nas bsgom/ /hUM gi skud pas bcings pa ste/ /bsgrub bya 'gog par gyur na ni/ /gom pa gcig kyang mi 'gro'o/ /sngags dang thig le 'di dag ni/ /kun rdzob byang chub sems bsgom par//bcom ldan rdo rje can gyis gsungs/ /'di yi shes rab lhan skyes te/ /de yi gzugs su gyur pas gnas/ /las kyi rlung gis bskyod nas su/ /lte ba'i dkyil 'khor 'di nas 'bar/ /sgyu ma chen mo zhes byar bshad/ /las rnams thams cad sgrub pa'o//skra rtse brgyar gyur pa yi cha/ /skad cig glog gi 'od zer can/ /lha yi rnal 'byor lus su ni/ /lte ba'i sgo yi bu ga nas/ /phyogs rnams kun du spros nas ni/ /lha dang lha min kun bsregs te/ /snying ga'i chos kyi 'khor lo ni/ /bsregs te longs spyod 'khor lor song //sna bug g.yas nas byung nas ni/ /slar yang zhugs te smin mtshams kyi/ /mdzod spu'i khung nas byung nas ni/ /phyogs bcur bzhugs pa'i sangs rgyas dang / /byang chub sems dpa' thams cad kyi/ /sna sgo g.yon du zhugs nas ni//spyi bo'i 'khor lo bsregs nas su/ /sngon gyi lam nas slar byung ste/ /slar yang spyi gtsug tu ni zhugs/ /bsregs par gyur pa'i sangs rgyas rnams/ /dga' ba bskyed nas lte ba yi/ /dkyil 'khor du ni song gyur nas/ /sngon bzhin du ni gnas par gyur//dga' ba skad cig bye brag gis/ /bla ma'i zhal las shes par bya/ /bcom ldan rdo rje can gyis gsungs/ /mya ngan las 'das pa'i byang chub kyi sems bde ba chen po'i bsam gtan no/ /oM na mo b+ha ga wa te bI re shA ya/ /ma hA kalpa ag+ni san+ni b+hA ya/ dza TA ma ku Tot+ka TAya/daMSh+TA ka rA lo gra b+hI Sha Na mu khA ya/ sa ha sra b+hu dza b+ha su rA ya/ pa ra shu bA shobyA ta shU la kha T+wAM ga d+ha ri Ni/ byA g+h+rA dzi nAM ba ra d+ha rA ya/ ma hA d+hu m+b+rA n+d+hA ka ra pa pu ShA ya hUM hUM phaT swA hA/ k+Sh+maM k+Sh+maM phaT phaT/ ka ra ka ra/ ku ru ku ru/ ban+d+ha ban+d+ha/ /pa tsa pa tsa/ hiM hiM/ haM haM/ da ha da ha/ ku ru ku ru/ /trA sa ya trA sa ya/ b+hak+Sha b+hak+Sha/ hUM hUM/ ki li ki li/ ba sa ru d+hi ra/ an+t+ra mA lA ba laM bi ni grah+Na grih+Na/ k+Sho b+ha ya k+Sho b+ha ya/ A k+ShaD+D+ha A kaD+D+h+ya/ rtsi li tsi li/ si li si li/ sa p+ta pA tA la ga ta b+hu rdzi ga sarba m+bA ta rdza ya ta rdza ya hraM hraM/ pheM pheM/ hriM hriM/ d+hi li d+hi li//sngags kyi tshig ni kun la yang / /oM ni thams cad gsal byed de/ /hUM hUM phaT ni mtha' ru sbyar/ /rab gtum la sogs mkha' 'gro ma/ /rang ming brjod pa'i sngags pa ni/ /dang por oM dang sbyar bya ste/ /hUM hUM phaT ni mtha' ru gnas/ /oM shrI badzra he he ru ru kaM hUM hUM phaT DA ki nI dz+wa la sam+ba raM swA hA/snying po'o/ /oM hrIHha ha hUM hUM phaT/ nye ba'i snying po'o/ /oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya hUM hUM phaT/ oM A na ya ho b+ha ga bA na bid+ya rA dza hUM hUM phaT/ snying po dang nye ba'i snying po'o/ / oM sarba bud+d+ha DA ki nI ye badzra bar+Na nI ye hUM hUM phaT phaT swA hA/ snying po'o/ /oM badzra bai ro tsa nI ye hUM hUM phaT phaT/ nye ba'i snying po'o/ /oM bI ra hUM hUM phaT/ snying po dang nya ba'i snying po'o/ /rje btsun ma'i sngags kyi tshig go/ /oM hai/ na ma hi/ swA hA hu/ bau Sha Da he/ hUM hUM ho/ / phaT haM/ de dag ni dpa' bo drug gi go cha'o/ /oM baM/ haM yoM/ /hriM rmoM/ /hreM hriM/ hUM hUM phaT phaT/ oM ni kun la sbyin par bya/ /rnal 'byor ma drug go cha yin/ /oM a A/ i I/ r-i r-i/ l-i l-i/ e ai/ o au/ /aM aHka kha ga g+ha dang / tsa tsha dza dz+nya nya/ Ta tha Da D+ha Na/ ta tha da d+ha na/ pha pha ba b+ha ma/ ya ra la wa/ sha Sha sa ha k+Sha hUM hUM phaT phaT swA hA/ dpa' bo dang mkha' 'gro ma thams cad kyi gnas so/ /oM na mo b+ha ga ba ti badzra bA rA hI/ /Ar+yA pa rA dzi te trai lokya mA te ma hA bid+ye shwa ri/ sarba b+hU ta b+ha yA bA he ma hA badzra/ badzra sa ni a dzi te a pa rA dzi te ba sh+yaM ka ri ne tra b+h+ra ma Ni/sho Sha Ni ro Sha Ni kro d+ha ka rA li ni/ san+t+rA sa ni mA ra Ni su pra b+he da ni a pa rA dza ye/ bi dza ye dza m+b+ha ni sta m+b+ha ni mo ha ni/ badzra b+hA rA hi ma hA yo gi nI kA me shwa ri kha ge / ta d+ya thA/ pro taM ge pro taM ge / ha na ha na prA NAM/ king+hi ni khid+khi ni d+hu na d+hu na badzra ha ste sho Sha ya sho Sha ya/badzra kha T+wAM ga ka pA la d+ha ri Ni/ ma hA pi shi ta mAM sa A sa ni/ ma nu Sh+yA n+t+ra pra bri t+te san+ni d+h+yaM na ra si ro mA la gran+thi ta d+hA ri Ni/ sum+b+ha ni sum+b+he/ ha na ha na prA NAM/ sarba pA pa sa twA nAM/ sarba pa shU nAM ma hA mAM sa tshe da ni/ kro d+ha mUrte daM Sh+Ta ka rA li ni ma hA mu dre/ shrI he ru ka de ba s+ya a gra ma hi Shi/sa ha sra shi re sa ha sra bA ha be/ sha ta sa ha sra A na ne/ dz+wa li ta te dza s+ya dz+we la mu khe/ biM ga la lo tsa ne/ badzra sha rI re/ badzra A sa ni/ mi li ti mi li he he he ha ha hUM hUM kha kha d+hu d+hu/ ru ru/ d+hu ru d+hu ru/ mu ru mu ru/ a dwai te ma hA yo gi nI pa Thi ta sid+d+hi draiM d+haM draiM d+haM graM graM//he he ha ha b+hAM me/ ha sa ha sa bI re/ ha ha ho ho hUM hUM trai lokya bi nA sha ni sha ta sa ha sra ko Ti/ ta thA ga ta pa ri bA re hUM phaT/ saM ha rU pe khaHga dza rU pe gaHtrai lokya u da re/ sa mu dra me kha le gra sa gra sa hUM hUM phaT/ bI rA dwe te hUM hUM phaT/ hA hA ma hA pa shu mo ha ni ma hA yo gI shwa ri twaM/DA ki nI sarba lo kA nI/ b+han+d+ha ni sa d+yaH ya kA ri Ni hUM hUM phaT/ b+hU ta trA sa ni/ ma hA bI re ba ra ma sid+d+hi yo gI shwa ri phaT hUM hUM phaT/ hUM hUM phaT/ hUM phaT swA hA/ oM ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/hrauM hrauM hraHhraHpheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa ru d+hi ra an+t+ra mA lA ba lam+bi ni gr-ih+Na gr-ih+Na/ sap+ta pA tA la ga ta b+hu dzaM ga /sarba m+bA ta rdza ya tardza ya/ A kaD+D+h+ya A kaD+D+h+ya/ hriM hriM/ dz+nauM dz+nauM/ k+Sh+mAM k+ny+mAM/ hAM hAM/ hIM hIM/ hUM hUM/ ki li ki li/ si li si li/ /tsi li tsi li/ d+hi li d+hi li/ hUM hUM phaT phaT swA hA/ oM shing gcig dang ni dur khrod dang / /ri bo dang ni ri sul phug /grong dang bzhi mdo zhing dang ni/ /khyad par du ni khang stong dang / /sems can snod dang thang dang ni/ /khyad par du ni chu la gnas//nag po drag po drag chen mo/ /lha sbyin mnyam du bsten pa dang / /nag po gtsigs pa 'jigs byed dang / /rga las 'das dang log 'dren rnams/ /rgan byed ma dang drag byed mo/ /'jigs byed ma dang u ma dang / /rgyal dang rnam par rgyal ma dang //mi thub gzhan gyis mi thub ma/ /nag mo bzang mo nag chen mo/ /nag spom ma dang rnal 'byor ma/ /dbang mo dang ni zla ba mo/ /drag tu sdang dang 'chang ba mo/ /'phrog byed ma dang mar me ma/ /'jigs byed grong gnas rnal 'byor ma/ /drag mo'i gzugs dang gzugs chen mo//mche ba gtsigs dang thod chen mo/ /thod phreng phreng can kha T+wAM ma/ /sprul chen ral gri dgra sta ma/ /rdo rje de bzhin gzhu can ma/ /de nyid chen mo mkha' 'gro ma/ /las kun rjes su sgrub byed ma/ /sbyor ba'i dkyil 'khor rgyal chen mo/ /rdo rje de bzhin dbang phyug gtso//de bzhin gshegs pa'i sku chen te/ /rdul med rnal 'byor sbyin pa mo/ /rdo rje dbang mo'i bka' 'di yis/ /thams cad kun nas 'dir spyon cig /oM kak+ka D+ha na bab+ban+ng+ha na kha kh+khA da na sarba du Sh+TaM ha na ha na g+ga g+ga Ta na a mu ka s+ya shAn+tiM ku ru hUM hUM phaT phaT dzaHswA hA/ bdud rtsi yis ni kha bkang ste/ /lha rnams thams cad tshims par bya/ /rnal 'byor rnal 'byor ma yis ni/ /las rnams thams cad 'grub par bsgom/ /oM b+hak+Sha b+hak+Sha sarba yo gI shwa ri hUM hUM dzaHswA hA/ bcom ldan rdo rje can gyis gsungs/ /dpa' bo dang mkha' 'gro ma thams cad kyi gtor ma'i sngags so//oM na mo nI lAM ba ra d+ha ra badzra pA Na ye ma hA yak+Sha se nA ba ta ye/ a ne ka gaM gA nA di bA lu ka u pa ma bud+d+ha ko TI sha ta sa ha sra pa ri br-it+tA ya/ bi kri ta daMSh+T+Da ka rA la rlu pa ya ag+nir/ shi nA ya na yA dza li ta bi shra swA sA b+his nI dA ya/ ba su ki ma ra ga dza bi b+hu Shi ta ka ra tsa ra NA ya/kr-iSh+Na b+hu dzaM ga ya dz+nyo pa bi tA ya/ dza li ta b+hu dzaM ga ma Ni ma ku TA ya/ phu ri Ta to pa ba da nA ya/ saM ku rtsi b+hu b+hu la TA ya/ da sha na a pasta dwa to s+thA ya/ kri tan+ta rU pA ya/ bi dud dzi ha rA ya/ ma ho ga b+ha k+Sha nA ya ka ra s+phaT sa na ka rA ya/ su pa Na nA ga rA dza me kha lA hUM ka ra Na da/ trA sa na ka rA ya/ a shi ti dzo dza na sa ha su ga ra dza nu maN+Dal tsan+d+ra a di t+ya skan+d+ha ba ha nA ya/ daMSh+Ta ga ka rA la ma hA si ta aT+Ta hA sa na dA ma hA saM k+Sho pa ka rA ya/ kA la rU pA ya trai lo kya b+hak+Sha na ka rA ya/ nA gA mr-i d+yu kA ya i maM gAM ga nA de pA lu ka sa ma bu d+d+hai b+ha ga ba ta a b+hi b+hA Sha man+ta a brta shA mi/tad+ya thA/ b+ho b+ho ban nA ga a d+hi pa ta yi/ i dan ni nI lAm+ba ra d+ha ra sha rI raM/ badzra pA Ni hr-i da yaM/ yaHsa mA ti kra ma tha ma ku la/ u tshA da naM b+ha bi Sh+ya ti/ /ta d+ya thA/ bud+d+ha bud+d+ha/ bi bud+d+ha'i bud+d+ha/ mA ti kra ma tha/ ha ra ha ra nA gA nAM/ pra ha ra pra ha ra nA gA nAM/ ts+tshin+di ts+tshin+da nA ga hri da yA ni/ b+hin+da b+hin+da nA ga ma rma ni/ bi siR+Ya n+tu nA ga sha rI rA Ni/ bi s+pho Ta ya nA ga na ya nA ni/ tar+ya thA hUM phaT/ nA ga bi dA rA Na ya phaT/ nA got+sA da nA ya phaT/ nI laM pas nA ya phaT/ a pra ti ha ha pa la ba rA ka mA ya phaT/ kri tAn+tA ya phaT/ kri tAn+ta rU pA ya phaT/ ro ShaNA ya phaT/ trA sa nA ya phaT/ kuM b+haN+Do tshA da nA ya phaT/ pre ta pi shA tsa bi nA sha ka rA ya phaT/ yak+Sha a pa sma ra bi nA sha ka rA ya phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+hAM bi nA sha ka rA ya phaT/ sarba sha trUM saM g+ha bi nA sha ka rA ya phaT/nI lAm+ba ra d+ha ra badzra pA Ni rA dz+nya pA ya ti swA hA/ gnod sbyin dang srin po la sogs pas zin pa la ni chu la bzlas te gtor na grol bar 'gyur ro/ /char pa bzlog ba ni thal ba la bzlas nas sprin la bltas te gtor bar bya'o/ /chu la bzlas te gtor na char 'bab par 'gyur ro//rims la ni skud pa sngon po la bzlas te lag pa la gdags so/ /zla ba dang nyi ma gzas zin pa'i dus su go ro tsa na la lan stong mngon par bzlas te dpral bar thig le byas na mi snang bar 'gyur ro/ /don la dmigs te gtsang zhing gtsang ma'i gos gyon la/nyin mtshan du kun du ru bsregs te lan brgyad rgya bzlas na rmi lam du dge sdig thams cad ston par 'gyur ro/ /sa la lan bdun bzlas te chom po la bltas nas bus na chom po bas mi mthong zhing bzlog par 'gyur ro/ /me tog gam 'bras bu la lan bdun bzlas te gang la gtor ba de dbang du 'gyur ro//bcom ldan rdo rje can gyis gsungs so/ /dpal rdo rje mkha' 'gro ma zhes bya ba'i rgyud chen po las btus pa'i sgrub pa'i thabs byang chub kyi sems kun du gzigs pa'i phreng ba zhes bya ba slob dpon chen po ka lA ka pas mdzad pa rdzogs so/

CLOSE WINDOW