CLOSE WINDOW

D1499
བོད་ཡིག

/[]@##/ /rgya gar skad du/ a b+hi She ka pra ka ra Na/ bod skad du/ dbang gi rab tu byed pa/ dpal rdo rje sems dpa' la phyag 'tshal lo/ /sngon du bsnyen pa'i cho ga ni/ /lha yi 'khor lo bsgom par bya/ /skyo na de yi gsang sngags bzla//'khor lo'i gtso bo'i 'bum bzlas te/ /yang na rang gi lha yi 'bum/ /dkyil 'khor pa yi khri yin no/ /bsnyen pa'i cho ga'o/ /de nas dgun zla ra ba dang / dpyid zla 'bring po dang / tha chungs dang / dbyar zla gsum pa dang / ston zla ra ba'i tshes gcig dang /gsum dang / lnga dang / bdun dang / bcu dang / bcu gsum dang / bco lnga'o/ /gza' zla ba dang / lhag pa dang / phur bu dang / pa ba sangs so/ /rgyu skar snar ma dang / mgo dang / lag dang / rgyal dang / dbo dang / me bzhi dang / lha mtshams dang / snron dang / snrubs dang / gro bzhin dang / chu stod dang / chu smad dang / khrums stod dang / khrums smad do/ /sbyor ba byed pa bzang po brtags nas dkyil 'khor bri ba'i don du slob mas lan gsum du gsol ba gdab po/ /de'i tshe slob ma'i lte bar nyi ma la hUM gi 'od zer gyi snying ga'i kaM nag po las byung ba'i sdig pa sha za lta bu rlig pa 'phyang ba skra gyen du brdzes pa/sna rtse nas bton la hUM de yang snying gar 'ongs te/ hUM mdzad du gyur nas phyir bton la/ oM sum+b+ha ni su m+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+Na pa ya gr-ih+Na pa ya hUM hUM phaT/ oM A na ya hoHb+ha ga bAn bid+yA rA dza ya a mu ka s+ya pA paM nA sa ya nA sa ya hUM hUM phaT/ phyag gi rdo rjes sdig pa bton nas brlag par bsam mo/ /slob ma'i sems kyi bgegs ni/ oM badzra kI li kI lA ya a mu ka s+ya sarba big+h+nAM ban+d+ha hUM phaT/ ces brjod cing phur bu gdab bo/ /phur bu'i 'od zer gyis sdig pa rnams bsreg go//de nas slob ma saM las kun du bzang por bsams la snying gar zla ba la sna tshogs rdo rje bsam/ mgo la zla ba la gnas pa'i hUM las rdo rje rtse lnga pa bsams pa'i rdo rje'i lte ba'i dbus su lha mo mA ma kI bzhugs par bsams la/ de'i thugs ka'i zla ba'i steng gi rdo rje'i lte ba'i nang gi sngags kyi phreng ba las byung ba'i rdo rje phra mos lus khyab par bya ste/oM AHshaM ka re shAn+tiM ka re g+hu Ta g+hu Ta g+hu Ti ni/ g+hA ta ya g+hA ta ya/ g+hu Ti ni g+hu Ti ni a mu ka rak+Sha swA hA/ zhes bsrung ngo / /'khyil pa'i sngags sbyin no/ /slob ma bzung ba'i cho ga'o/ / de nas dkar po'i tshes gcig dang / brgyad dang / bcu dang / bcu gsum dang / bcu bzhi dang nya nas nya'i bar du snga dro nas brtsams te dkyil 'khor gyi las bya'o/ /grong dang skyed mos tshal dang lha khang dang khyim rnams kyi phyogs mtshams bdun dang mchod rten la nye ba dang klu gnas pa'i chu la nye ba dang shing gcig la nye ba dor la dbang ldan du khung bu mtho gang brus la slar bkang ste lhag na bzang /yang chus bkang la gom pa brgyar phyin nas chu dma' bar ma song na bzang / chu sgra dang bcas na klu'i gnod pa 'ong / sa brtag pa'o/ /maN+Dal byas la dkyil 'khor pa dang zhing skyong la sogs pa la mchod gtor bya ste/gang dag 'dir gnas lha dang klu/ /gnod sbyin srin po'am gzhan yang rung / /sa 'di bdag gis bslang bgyid na/ /dkyil 'khor don du stsal du gsol/ /zhes lan gsum gsol ba gdab po/ / sa bslang ba'o/ /rmi lam la sogs par byin pa'am ma bkag par go na nyi ma gzhan gyi snga dro nam mkha'i rdo rje 'chang la sogs pa rnams la yid kyis gnang ba nos la srung ba'i 'khor lo dang bgegs la phur bus gdab pa'am bsgom pa'am/ drag po'i sbyin sreg gis bgegs bskrad la slob ma la bsrung ba'i don du zhi ba'i sbyin sreg byas la/sa de la las thams cad pa bzlas pa'i yungs kar dang chu dang thal bas bsang ngo / /de nas sa'i lha mo spyan drang zhing mchod la/ lan gsum gsol ba gdab bo/ /gyis zhes zer ba dang yid kyis nam mkhar bteg la/ sa de la klu nyal bas de'i pang pa'i char brko'o//de la gza' nyi ma rgyu ba'i ston zla tha chungs la sogs pa'i zla ba gsum pa la rim pa bzhin shar lho nub byang du mgo bo blta zhing lho la sogs par phyogs te nyal lo/ /sa brko ba'o/ /de nas skyon dang zug rngu bsal bar mi nus pa la lag pa reg cing 'khyil pa bzlas pas dag par 'gyur ro//dri'i chu dang bsres la dong dgang ngo / /ma khengs na gzhan yang ngo / /sa'i dbus su rin po che lnga dang sman lnga dang 'bru lnga gzhug go/ /de nas hUM dang las thams cad pa bzlas pa'i chus gtor zhing brdungs la khru phyed mtho zhing dbus cung zad mtho la byang shar cung zad dma' bar bya'o//khang thog dang rdo stengs la sogs pa ma brkos kyang dag pa yin no/ /yungs kar dang chu dang thal ba la 'khyil pa bzlas pas bsang ngo / /ba'i rnam lnga dang dri'i chu la de bzlas pas g.yas skor du byugs la oM b+hu khaM gis stong par bya//oM laM hUM gis rdo rjer bsgoms te/ oM me di nI badzrI b+ha ba ban+d+ha hUM zhes lag pas reg cing byin gyis brlab bo/ /de nas nam mkha' na gnas pa'i sa'i lha mo mchod de bstims la hUM laM hUM brjod cing pad kor gyi phyag rgya bya'o/ /yi ge brgya pa brjod do/ /sna tshogs pa stong pa nyid dang ro gcig par brtan par mos la stong par bsgom pa ni bla na med pa'i rnam par dag pa'o//sa sbyong ba'o/ /de nas rdo rje dang dril bu bzung nas sa'i dbus su 'dug ste/ srung ba'i 'khor los bgegs bsal nas/ lce rdo rjer bsams la/ ma lus phyogs rnams kun bzhugs pa'i//sangs rgyas thams cad bdag la dgongs/ /bdag ming rdo rje che ge mos/ /'dir ni dkyil 'khor bri bar bgyid/ /sangs rgyas la sogs kun byon nas/ /bdag la dngos grub stsal du gsol/ /zhes brjod la nam mkha'i rnam snang la sogs pa slob ma bzhi shar la sogs par gnas pas sam/gcig gis kyang de dang der song nas/ de bzhin gshegs pa kun zhi ba/ /de bzhin gshegs pa kun gyi gnas/ /chos kun mchog tu bdag med pa/ /dkyil 'khor dam pa bshad du gsol/ /mtshan rnams thams cad yang dag rdzogs//mtshan min thams cad rnam spangs pa/ /kun du bzang po sku yi mchog /dkyil 'khor dam pa bstan du gsol/ /zhi ba chos kyi mchog las byung / /ye shes spyod pa rnam spyod byed/ /kun du bzang po gsung gi mchog /dkyil 'khor dam pa bstan du gsol//sems can kun gyi sems chen po/ /rang bzhin dag cing dri ma med/ /kun bzang thugs mchog kha los sgyur/ /dkyil 'khor dam pa bstan du gsol/ /zhes so sor rang nyid la gsol ba 'debs su gzhug go/ /dngos su gsol ba 'debs pa med na yid kyis bya'o//de nas yid kyis nam mkha' la gdeg go/ /de nas langs la shar du bltas nas de bzhin gshegs pa rnams la phyag 'tshal te bdud bsal pa'i phyir hUM mdzad du bsgoms la mig gnyis nyi zla ltar byas la mig 'bras gnyis hUM du byas pa'i bskal pa 'i me ltar 'bar ba'i rdo rje'i lta bas phyogs thams cad kyi 'gro ba la blta zhing nga rgyal bskyed la/bdag ni rang nyid rdo rje can/ /phyag na rdo rje'ang rang nyid bdag /bdag ni sangs rgyas rgyal po che/ /stobs can rdo rje can bdag yin/ /rnal 'byor dbang phyug rgyal po bdag /phyag na rdo rje brtan bdag ste//bdag po rdo rje chen po bdag /byin gyis brlab pa mi 'dor ro/ /zhes brjod do/ /de nas rkang mthil du rdo rje bsgoms te/ 'gying ba'i nga ro dang bcas pa byed cing rdo rje gsor dril bu dkrol zhing rdo rje'i stang stabs kyis dbang ldan du song nas de nas brtsams te slob ma dang lhan cig rdo rje rkang stabs byed cing /gang bdag gis phyogs 'di na gnas pa'i lha dang lha ma yin dang / gnod sbyin dang / srin po dang / yi dags dang / sha za dang / brjed byed dang / 'byung po dang / mkha' 'gro dang / gnon po dang / mi'am ci dang / sngags grub pa rgan po dang /rgan mo 'khor dang bcas pa khyed rnams dengs shig /sa phyogs 'dir bdag rdo rje slob dpon che ge mos sems can thams cad bla na med pa'i ye shes thob par bya ba'i phyir dang / slob ma che ge mo'i don du dkyil 'khor che ge mo 'dri bas khyed rnams kyis rdo rje 'chang chen po'i bka' thos pa tsam gyis myur du dengs shig dang /gang dag mi 'gro ba de rnams bdag rdo rje hUM mdzad kyis/ rdo rje 'bar ba rab tu 'bar ba gsal zhing rab tu gsal ba'i ye shes kyis rdo rje chen pos mgo bo tshal ba brgyar 'gas par 'gyur ro zhes brjod cing / khro bo dpag tu med pa spros pas bgegs bsal par bya'o//dkyil 'khor gyi sa gzhi yang rdo rje'i rang bzhin du byin gyis brlab po/ /de nas rdo rje rtse gcig pa rkang pa'i mthil du bsgoms la/ sa gzhi la bri zhing gar byed pas bskor bar bya'o/ /de'i rjes la rdo rje rtse gsum pa dang / rtse lnga pa dang sna tshogs rdo rjes yang ngo //bskor ba gzhan du phyogs pas rjes 'dod cing re res bskor ba lan gsum gsum bya'o/ /de nas dkyil 'khor gyi 'khor lo mchod la sa la lag pa reg cing gtso bo'i sngags brgya rtsa brgyad yi ge brgya pa lan bdun bzlas la lha bsgom zhing de nyid du nyal lo//sa gzung ba'o/ /de nas lcags sam seng ldeng ngam/ rus pa'i phur pa sor brgyad pa sboms su sor phyed dang gsum pa stod rang rang gi gzugs la smad phur par 'dug pa bcu yungs kar dang tsan+dan dmar pos byugs la skud pa kha dog lnga pas dkris te rab gnas byas la mchod de snod sar par gzhag go//de nas skad cig gis stong pa'i rjes la rdo rje'i sa gzhi dang ra ba dang gur gyi nang du hUM mdzad du rang nyid bsgoms pa'i snying ga'i hUM las 'od 'phros pas bgegs thams cad bkug nas dong du bcug la hUM las 'od 'phros pa'i khro bo bcu la gtad do//de rnams kyi oM badzra kI li kI lA ya sarba big+h+nAM hUM gis gdab/ oM badzra mud+ga ra A ko Ta ya hUM zhes brdung bar bsgoms la/ de rang nyid kyis kyang dbang ldan nas g.yas skor du 'od kyi phreng ba'i phyogs mtshams brgyad dang / steng 'og gi shar nub tu gdab cing brdung ngo //mi nus na sgo skyong gis so/ /yang na phur pa med par ji skad bshad pa'i bsgom pa kho nas gdab pa dang brdung ba byas la lag pa gan rkyal du gnas pas bsgyur zhing / oM badzra AHhUM zhes brjod cing sa la bsnun te de ltar mos pas bya'o/ / bgegs la phur bus gdab pa'o/ /de nas dkyil 'khor gyi dbus su 'dug ste/ dri'i dkyil 'khor byas par sa'i lha mo las dam tshig sems dpa' bsgoms nas/ lag pa g.yas pa'i mthil du hUM bsams te sor mo rtse gsum lan gsum du bsnun pa dang de'i sgra dang hUM gi 'od zer gyis bskul ba'i sa'i lha mo ye shes sems dpa'i ngo bo dang 'dres par gyur pa dga' ba dang ldan pa'i thugs can ser mo zhi ba na bza' dkar po bsnams pa/rgyan cha sna tshogs pa can g.yon pa dang cig shos kyi phyag gis gser gyi bum pa bzang po bsnams shing / mi 'jigs pa mdzad pa zhal gcig pa mdun du gnas pa la mchod de yang dag par bskor ba dang bcas pas/ oM tshur spyon sa yi lha mo che/ /'jig rten thams cad kyi ni yum/ /rin chen kun gyis rnam par spras/ /bzang po'i rgyan gyis rnam par brgyan/ /do shal rkang gdub sgra dang ldan//rdo rje sems dpa' rab mchod pa/ /mchod yon 'di ni bzhes nas kyang / /dkyil 'khor las ni grub par mdzod/ /hi hi hi hi hUM swA hA zhes lan gsum brjod pas spyan drang ba dang nye bar gnas par gsol ba sngon du 'gro ba'i lhag par gnas par bya'o/ /des kyang de ltar gyis shig ces brjod nas de nyid du thim par bsam/de nas rdo rje bcing ba nang du byas nas des sa la reg cing / oM badzrI b+ha ba hUM zhes lan gsum brjod nas/ rdo rje bsdams pa las byung ba'i hUM 'bar ba spros pas dbang chen gyi rdo rjer bsams nas/ oM badzra D+r-i D+ha tiSh+Ta zhes lan gsum brjod pas byin gyis brlab/des ni sa dbang du 'gyur ro zhes pa ni sa'i lha mo lhag par gnas pa'i cho ga'o/ /de nas dkyil 'khor gyi sa gzhi la dri zhim pa'i chu bdud rtsi lnga dang bcas pa yi ge gsum gyis bsngags pas byug pa dang me tog gi gcal dgram pa dang / phyi dro khrus byas shing dri zhim pos bsgos la gos sar pa gyon pa me tog phreng ba can/kha dri zhim pos bsgos la do shal dang sor gdub la sogs pa'i rgyan rnams go rims ji lta ba bzhin du oM AHhUM swA hA zhes bya ba dang / oM badzroSh+NI Sha hUM phaT ces pa dag go rims bzhin du bsngags pa'i ras sam dar dmar po'i cod pan gyis brgyan nas dkyil 'khor gyi dbus su shar gyi phyogs par 'dug pa'am/dkyil 'khor gyi shar nas nub tu phyogs par 'dug kyang rung / dkyil 'khor gyi bdag po'i rnal 'byor dang ldan pas bsgom pa'i dkyil 'khor gyi phyi rol shar la sogs su gnas nas sam byang du phyogs pas dbang ldan gyi mtshams su bum pa lhag par gnas par bya'o//de la zhi ba dang rgyas pa'i bum pa dag gi nang du ni sor bcu drug go/ /lte ba'i 'og nas kha dang mchu'i bar gyi dpangs su sor nyi shu'o/ /kha'i mtshams nas mchu 'phyang ba'i bar ni sor gnyis so//mgrin pa ni sor drug go/ /mchu'i bar gyi kha ni sor brgyad do/ /sor brgyad pa'i cha gnyis ni mgul pa'i sbubs so/ /cha gcig ni mchu gnyis kyi dpangs so/ /dbye ba dang bskrad pa dag la ni lto ba'i rgya la sor bcu gnyis so/ /dpangs su sor nyi shu rtsa bzhi'o//rked pa ni sor brgyad do/ /kha ni sor drug go/ /'di'i mchu gnyis ni sor mo re'o/ /dbang dang dgug pa dag gi bum pa ni bzo bos ji ltar byas pa'o/ /rengs pa la ni thung zhing zlum pa la dpangs su sor bcu drug go/ /mgrin pa la ni sor bzhi'o/ /sor drug ni 'di'i rtsibs su'o//las thams cad pa la ni zhi ba la sogs pa'i las su gsungs pa'i bum pa rnams gzung bar bya'o zhes dus kyi 'khor lo las gsungs la/ de las gzhan pa'i rgyud rnams las ni/ rtsa ba nag por ri med/ /mchu 'phyang mgrin ring lto ba che/ / bum pa rnams de ltar brjod pa yang sor bcu drug pa la sogs par rig par bya'o/ /'dir gser la sogs pa'i bum pa rgyud du gsungs pa'i mtshan nyid dang ldan pa'am yang na ji ltar rnyed pa yang bzung ste/ zhi ba'am rgyas pa'i don du 'bras btags pa'am thod lo kor ram tsan+dan gyi lde gu dkar pos byas la sna tshogs pad+ma 'dab ma brgyad pa'i lte pa'i steng du zla ba dang nyi ma la gnas pa'i lha'i sa bon dang phyag mtshan bri bar byas la bdud rtsi lnga dang dri zhim po'i chus bkang la rin po che lnga dang /sman lnga dang / 'bru lnga nang du bcug ste/ a mra la sogs pa'i lo mas kha brgyan pa dang /ske la me tog gi phreng ba dang bcas pa'i ras kha tshar ma nyams pa gnyis bcings pa rnams bla re'i 'og tu mtshan ma dgod pa'i rim pas so sor bris pa'i maN+Dal gyi steng du dkyil 'khor gyi rnam par mdun du ku sha'i steng du bkod nas hUM lan bdun du bzlas pa'i thig skud dkar po bdun gyis oM badzra shi kha re ru Ta ma Ta di shaM ban+d+ha hUM zhes pa'i sngags kyis dkri bar bya'o//zhi ba la sogs pa'i las dang mthun pa'i kha dog can lnga rnams kyis zhes bya ba ni rgyud gzhan du'o/ /rin po che lnga ni mu tig dang / gser dang / pad+ma rA ga dang /byi ru dang / mu men dang / pad+ma rA ga ma rnyed na dngul lam zangs sam dung yang rung ngo / /mu men gyi gnas su nor bu yang rung ngo / /dbul nas ma 'byor pa ni rnam par rgyal ba dang las thams cad pa'i bum pa rin po che dang ldan par bya'o/ /bum pa gzhan la ni ma yin no/de la yang rnam par rgyal ba'i bum pa nges par rin po che dang ldan par rig bar bya'o/ /sman lnga ni br-i ha ti dang / kaN+Da ka ri dang / daN+DoT+pa la dkar po dang / dbang po lag pa dang / a ba rA dzi ta dkar po rnams so/ /'bru lnga ni til dang / nas dang / mon sran dang /'bras dang / so ba dang gro rnams so/ /kha cig tu 'bras so ba'i gnas su mon sran gre'u'o/ /a pa dang / nA ga ge sar dang / a sho ka dang / a shwad+Tha dang / u du m+WA ra ste lnga po rnams las gang yang rung ba'i 'dab mas kha brgyan no/ /nA ga ge sar med na n+ya gro d+ha'am/'dzam bu'i lo mas bya'o/ /ras ni dkar po'am dmar po'am ser po'o/ /kha cig tu ljang gu dang nag po'ang brjod do/ /rnam par rgyal ba'i bum pa la chos 'byung gi dbus su pad+ma la ji ltar rigs par zla ba 'am nyi mar bdag po'i mtshan ma'am sa bon no/ /bum pa gzhan rnams la ni pad+ma la gnas pa'i zla ba 'am nyi mar ji ltar rigs bar lha rnams kyi ni pad+ma la mtshan ma'am sa bon no//'khor lo lnga la so sor re re ste lnga'o/ /yang na pho brang du gnas pa kho na'i lnga'o/ /yang na 'di rnams kyi lnga dang 'khor lo bzhi bzhi ste dgu'o/ /yang na dbus kyi pho brang dang dam tshig gi 'khor lo la gnas pa rnams kyi ni bcu gsum mo//thugs kyi 'khor lo'i phyogs su gnas pa rnams kyi gcig dang mtshams su gnas pa rnams kyi gcig go/ /de ltar gsung gi 'khor lo dang sku'i 'khor lo la yang yin te bcu dgu'o/ /phyogs 'di rnams su lha so sor dgod pa la las thams cad pa'i dum skyes ma ni lhag par dgod do//de'i rjes su 'brangs pas dkyil 'khor gzhan rnams la yang ji ltar rigs pas bum pa'i grangs rig par bya'o/ /de la gtso bo yin pa'i phyir rnam par rgyal ba'i bum pa'i steng du dung chos sam pad+ma'i snod du hUM gis bsngags pa'i ji ltar snyed pa'i bdud rtsi lnga dang bcas pa'i dri zhim po'i chus ye shes kyi bdud rtsir byas pa'i rdo rje rdul phra rab kyi rang bzhin bum pa bcud dang bcas pa de rnams skad cig gis stong pa nyid du byas la/b+h+rUM gyi yi ge las bum pa rin po che'i rang bzhin gyi gzhal yas khang du bsgoms la/oM badzra a mr-i to da ka hUM zhes lan bdun brjod la 'bru gsum gyis lan gsum du bsngags te me tog gi phreng bas bcings pa'i rdo rje bzhag nas de nas oM tap+te te p+te ma hA tap+te swA hA/ lan bdun bdun brjod pas dkyil 'khor gyi lha'i chu'i rang bzhin du bkug la bcug ste chur lha'i gdan dang bcas pa skad cig gis bsams la rang gi snying ga'i sa bon gyi 'od zer gyis ye shes kyi dkyil 'khor mdun du bkug la mchod yon dang zhal bsil byin la yang dag par mchod de dam tshig gi 'khor lo la bcug la chags pa chen pos zhu bar gyur ba'i byang chub kyi sems kyi ngo bo mngon du byas pa de dang ro gcig tu gyur par bsam/mtshan ma la yang dam tshig gi lha dang ye shes kyi lha gcig tu gyur pa bsam par bya'o/ /de nas hUM zhes brjod cing rdo rje dang 'brel pa'i me tog gi phreng ba dang ldan pa g.yon pa'i khu tshur gyis bzung la oM badzra u da ka hUM zhes lan grangs brgya rtsa brgyad chu la bsngags par bya'o//yang na 'khor lo'i bdag po'i snying po bzlas par bya'o/ /de nas oM AHbig+h+nAM ta kr-ita hUM zhes bdud rtsi 'khyil pas bsngags la me tog dkar po gsum gzhug par bya'o/ /bum pa gzhan lha gang dang gang gi yin pa de dang de'i sngags kyis brgya rtsa brgyad dang nyi shu rtsa gcig gam bdun du bzlas shing steng gi rdo rje'i mig gi phreng ba'i mthar bzung nas de ltar me tog gzhug par bya'o//de nas rnam par rgyal ba la sogs pa'i bum pa rnams me tog la sogs pas mchod nas bsrung ba'i don du las thams cad pa'i chus de'i lo mas bsangs te/'dir dkyil 'khor gyi bya ba rnams rdzogs par gyur pa de srid du bgegs rnams zlog par mdzod cig ces brjod cing gtor ma yang nye bar reg ste/ mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum//rdo rje dbyings la phyag 'tshal bstod/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje phyag 'tshal bstod/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas gos pa med//rdo rje sku la phyag 'tshal bstod/ /rdo rje bdud rtsi rgyal po che/ /mi rtog nam mkha' rdo rje 'dzin/ /'dod chags pha rol phyin pa thob/ /rdo rje gsung la phyag 'tshal bstod/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pas yang dag byung //rdo rje sems la phyag 'tshal bstod/ /ces bstod pa sngon du song bas dril bu dkrol zhing dung chos sam pad+ma'i snod du chu nyung ngu blugs la steng du rdo rje bzhag ste bum pa'i steng du gzhag par bya'o/ /bdag nyid dam slob ma rnams la bsang ba'i don du bum pa de rnams las chu nyung zad bcus nas dkyil 'khor gyi khang pa'i shar sgo'i byang gi char man+ji la gnas pa'i dung chos la sogs par las thams cad pa'i bum pa nyid ku sha'i chun po dang ldan pa de'i don du der gzhag par bya'o zhes pa ni//gzhan dag gi'o/ /bum pa rnams mngon par bsngags pa dang mchod pa la sogs pa nyi ma so so'i thun gsum ma ma thun gcig tu bya'o//'dir dkyil 'khor la nye bar mkho ba'i phyir dang po rdul tshon dkar po la sogs pas 'dab ma brgyad bris la lte ba la rnam par rgyal ba'i bum pa'am las thams cad pa'i bum pa gzhag par bya'o/ / shar gyi 'dab ma la thig skud snod du gzhag go/ /lhor rdo rje/ byang du dril bu'o/ nub dang mtshams kyi 'dab ma rnams su ci rigs pa'i rdul tshon lnga'i snod rnams so/ /bum pa de'i chu la 'khyil pa'i sngags sam/ oM a AH aM aHzhes bya ba brjod nas tshon thig la bsang gtor bya'o zhes pa ni bum pa lhag par gnas pa'i cho ga'o//de nas dkyil 'khor sa gzhi dri bzang po la sogs pas byugs shing me tog gcal du bkram ste/ /der nub tu phyogs par ji ltar rnyed pa'i bdud rtsi lnga dang bcas pa'i dri bzang pos bdag po lnga'i le tshe rnams su maN+Dal gru bzhi pa dang lha gzhan la zlum por bya'o//de nas maN+Dal rnams su rang gi snying ga'i sa bon gyi 'od zer gyis 'khor lo'i gtso bo la sogs pa'i lha'i dkyil 'khor spyan drangs te bkod nas zhabs bsil la sogs pa sngon du 'gro ba'i mchod pa dang bstod pa dang bdud rtsi myang ba bya ste/pus mo g.yas pa sa la btsugs nas lce rdo rje rtse gcig la hUM bkod de/ lag pa g.yas pas spos phor thogs la g.yon pas dril bu dkrol zhing / che ge zhes bya bcom ldan 'das/ /rig sngags rgyal la phyag 'tshal bstod/ /slob ma rnams la brtse ba dang / / khyed rnams la yang mchod pa'i phyir/ /thugs rje'i bdag nyid mgon khyod kyi/ /dkyil 'khor 'di ni bri bar 'tshal/ /bcom ldan bdag ni gus pa la/ /de ni gnang bar mdzad par rigs/ /'gro la 'khor lo'i don sbyin byed/ /sangs rgyas rnams ni dgongs su gsol/ / byang chub sems dpa' 'bras gnas dang / /gang gzhan gsang sngags lha rnams dang / /'jig rten skyong ba'i lha dang klu/ /sems can rdzogs sangs bstan gnas dang / /rdo rje spyan dang snyan ldan pa/ /gang dag bstan la dga' ba rnams/ /bdag la dgongs par mdzad du gsol//bdag ming rdo rje che ge mos/ /che ge mo 'byung dkyil 'khor ni/ /'gro ba dag par bya ba'i phyir/ /yo byad ci 'byor pas 'dri na/ /deng bdag slob mar bcas pa la/ /thugs ni brtse bar dgongs nas su/ /dkyil 'khor bcas pa thams cad kyis/ /byin gyis brlab pa mdzad par rigs//zhes lan gsum don la brten nas brjod cing gsol ba gdab par bya'o/ /lha lhag par gnas pa'i cho ga'o/ /de nas rdul tshon gyi dkyil 'khor ram dkyil 'khor gzhan yang rung ste sngar brjod pa'i tshul gyis dang po bum pa lhag par gnas pa dang / dgod pa dang nye bar spyod pa lnga la sogs pa'i mchod pa byas nas nga rgyal la sogs pa'i skyon dang bral ba'i slob ma legs par brtags pa la dge bsnyen la sogs pa'i bslab pa byin pa la yongs su sbyangs la mchog tu theg pa chen po la mos pa rdo rje sems dpa'i sdom pa 'dzin par nus par gcig gam gnyis sam mang po yang rung ste/las kyi rdo rjes dkon mchog gsum so sor dkyil 'khor byas la sngon du song bas dkyil 'khor gyi shar sgo dang nye bar rdo rje slob dpon shar ram byang du kha phyogs par gnas pa'i mdun du maN+Dal byas la pus mo g.yas pa'i lha nga sa la btsugs pa'am/tsog bur bsdad la me tog dang bcas pa'i thal mo sbyar te/ de bzhin gshegs pa'i sku gsum thob par 'dod pa'i bsam pas dkyil 'khor du 'jug par gsol ba gdab par bya'o/ /'chi dang skye dang rgas pa yis/ /chu srin la sogs kyis 'jigs pas/ /srid pa'i mtsho las sgrol byed cing //ston pa khyod ni dga' chen te/ /byang chub chen po'i tshul ston pa/ /mgon po chen po bdag 'tshal lo/ /dam tshig de nyid bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni gzhug tu gsol//zhes lan gsum du'o/ /khyod ni theg chen snod yin pas/ /tshul chen 'di la bu tshur shog /gsang sngags spyod tshul cho ga 'di/ /khyod la yang dag bstan par bya/ /dus gsum 'byung ba'i sangs rgyas ni/ /sku gsung thugs kyi rdor 'dzin gyis/ /rdo rje sngags la rab byung bas//ye shes mnyam med thob pas na/ /sngags kyi sbyor ba mnyam med pas/ /gang gis stobs chen bdud kyi sde/ /shAkya seng ge sogs mchog gis/ /chen po mi rnams bcom nas su/ /'jig rten rjes 'jug la brten te/ /'khor lo bskor nas mya ngan 'das/ /de phyir shin tu bu khyod kyis//thams cad mkhyen nying thob par mdzod/ /ces brjod par bya'o/ /de'i rjes su bdag ming 'di zhes bgyi ba dus 'di nas bzung ste/ snying po byang chub la thug gi bar du rkang gnyis rnams kyi mchog /phyogs bcu'i sangs rgyas bcom ldan 'das thugs rje chen po dang ldan pa thams cad mkhyen pa thams cad ston pa/'jigs pa thams cad las 'das pa/ skyes bu chen po'i sku dbyer med pa bla na med pa'i sku la skyabs su mchi'o/ /'dod chags dang bral ba rnams kyi mchog zhi ba theg pa chen po'i chos la skyabs su mchi'o/ /tshogs rnams kyi mchog 'phags pa phyir mi ldog pa'i byang chub sems dpa'i dge 'dun rnams la skyabs su mchi'o//de bzhin du lan gsum du'o zhes skyabs su 'gro ba'i cho ga'o/ /de'i rjes su sangs rgyas dang byang chub sems dpa' thams cad bdag la dgongs su gsol/ /bdag che ge mo zhes bgyi ba dus 'di nas bzung ste/byang chub snying po la mchis kyi bar du/ ji ltar dus gsum mgon po rnams/ /rdzogs sangs rgyas kyis nges byas pa/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang //dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi gtong ngo / / rdo rje rigs mchog chen po yi/ /rdo rje dril bu phyag rgya ni/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i//pad+ma'i rigs chen dag pa yi/ /phyi dang gsang ba theg pa gsum/ /dam chos so sor gzung bar bgyi/ /las kyi rigs mchog chen po la/ /sdom pa kun dang ldan par ni/ /thams cad du ni gzung bar bgyi/ /mchod pa'i las kyang ci nus bgyi/ /byang chub sems ni bla na med//dam pa bdag gis bskyed bgyi nas/ /sems can kun gyi don gyi phyir/ /bdag gis sdom pa ma lus gzung / /ma brgal ba rnams bdag gis bsgral/ /ma grol ba ni dgrol bar bgyi/ /dbugs ma phyung la dbugs dbyung ste/ /sems can mya ngan 'das la dgod//ces lan gsum du'o/ /byang chub tu sems bskyed pa'i cho ga'o/ /de nas bdud rtsi 'khyil pa'i sngags kyis bsrungs nas de dag gi snying ga dang / mgrin pa dang / mgo bo rnams la hUM AH/ oM nag po dang dmar po dang dkar po bsams nas de rnams brjod cing snying ga dang mgrin pa dang /mgo bo rnams la dri chu dang bcas pa'i rdo rje dang ldan pa'i khu tshur g.yas pa reg cing mgo bo la me tog dang mdun du spos dang mar me ni snying ga ste dri yang sbyin no/ /de'i rjes la a shwad+tha la sogs pa'i so shing sor bcu gnyis pa drang zhing srog chags med pa ma gas pa rma med pa dri zhim po'i chus bskus pa rtse mo me tog gis bcings la byang du phyogs te slob ma rnams la sbyin no//de rnams kyis kyang gru bzhi khru gang ba'i maN+Dal lci bas byugs par shar ram byang du phyogs te/ so shing de oM badzra hA sa hA zhes brjod nas rtse mo 'chos te steng du blta zhing ma gas pa de ltos pa med par mdun du dor ro//de rnams la so shing lhung ba'i rjes su 'brangs te 'byung bar 'gyur ba'i dngos grub brjod par bya'o/ /shar dang byang dang nub dang lho dang steng dang 'og tu phyogs par ltung na rim pa bzhin du zhi ba dang rgyas pa dang dbang dang mngon spyod dang rig pa 'dzin pa dang sa 'og gi dngos grub rnams so//maN+Dal gyi ngos su lhung na dngos grub med do/ /de'i rjes su baM gyi yi ge las skyes pa de nyid bzlas pa'i chus kha bkru ba'i phyir 'thor 'thung byin nas bdud rtsi 'khyil pa lan bdun du bzlas pa'i chu 'khyor ba gsum la/ oM hrIHbi shud+d+haH sarba d+harmA pA pa ni tsa a/ mu kA s+ya sho d+ha ya sarba bi kalpan a pa na ya hUM zhes 'don zhing blud par bya'o/ /de nas de rnams kyi phyi ngos su bkod nas hUM las byung zhing de bzlas pa'am 'khyil pa bzlas pa'i ku sha mang po rtse mo ma bcad pa nyal ba'i stan gyi don du byin no/ /de bzhin du sngas kyi don du yi ge d+d+hIHlas skyes pa'i ku sha chun po gcig la 'khyil pa bzlas la oM badzra tI k+Sh+Na baM/zhes pa'i sngags kyis sbyin no/ /de la yi ge hUM las byung pa'i skud pa dmar po slob ma'i lus kyi tshad sum sgril byas la 'khyil pa lan bdun bzlas pa'i mdud pa gsum mam bdun byas pa de rnams kyi dpung pa g.yas pa'am lag pa g.yon par rgyud gzhan du bshad pa'i oM bud+d+ha mai trai rak+Sha rak+Sha sarba n+tu swA hA zhes 'don zhing rang nyid kyis bcings la yang dag par bsrungs te spro ba bskyed par bya'o//bskal pa bye ba du ma ru/ /sdig pa gang zhig sngon byas pa/ /de kun dkyil 'khor 'di dran pa'am/ / mthong bas zad par 'gyur lags na/ /gang dag spyod pa mchog 'di la/ /blo gros shin tu dri med pa/ /de nyid kyis ni ngan 'gro'i rgyun/ /sdug bsngal kun ni rab tu bcad/ /bdag nyid chen po khyed rnams kyis/ /rnyed pa rnam gnyis de ring rnyed/ /gang phyir rgyal ba sras bcas pa//bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bar 'gyur/ /de phyir khyod rnams theg chen la/ /legs par rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams 'di yis 'gro gyur na//de bzhin gshegs pa rnams su 'gyur/ /zhes nyan du bcug nas de rnams 'khyil ba'i sngags kyis bsrungs nas de la bzlas pa'i don du 'khyil pa'i sngags byin te nang par rmi lam bdag la smros shig ces brjod nas gzhal yas khang gi nang / dkyil 'khor gyi sa'i mthar yol ba la sogs pas bcad par ram/ gzhan du seng ge'i nyal stangs kyis nyal du gzhug go/ /rang nyid dkyil 'khor gyi khang par zhugs nas bsrung ba'i don du 'khyil pa'i sngags bzlas par bya'o/ /'dir sdom pa gang slob dpon du mi byed pa la yang thun mong du sbyin par bya ba ni skyabs su 'gro ba dang sems bskyed pa tsam gyi mtshan nyid do//gang yang slob dpon du byed pa la sbyin pa de ni slob dpon gyi sdom pa ste rigs lngas bsdus pa'o/ /de'i phyir slob ma lhag par gnas pa'i cho ga 'di ni sdom pa gnyis sbyin pa sngon du 'gro ba can yin no zhes slob ma lhag par gnas pa'i cho ga'o//de ltar slob ma lhag par gnas pa byas nas/ lhag par gnas par byas pa'i lha ye shes kyi thig gi don du nam mkhar bteg la shar du phyogs par skud pa lnga snod lngar bzhag la dri dang / bdud rtsi lnga dang /yungs kar gyi phye ma dang ldan pa'i tshon gyis kha bsgyur la rigs lnga'i dam tshig pa bskyed la ye shes kyi thig rigs lnga'i ngo bor bstim/ de nas oM a n+ye n+ya a nu ga ta sarba d+harmAH pa ra spa ra a nu pra biSh+Ta sarba d+harmAHa t+yan a nu pra biSh+Ta sarba d+harmAH oM AHhUM zhes brjod cing 'khyil pa'i sngags kyis slob ma dang skud pa lnga lngas re re bya'o//de ltar bsgrims pa la yang gcig bya'o/ /ring thung dkyil 'khor gyi nyis 'gyur la sboms su nas tsam mo/ /de nas shar du dri chu dang bdud rtsi lnga dang ba'i rnam lngas bsang zhing dri dang me tog dang rdzas kyis mchod de lag par reg cing 'khyil pas bsrung ngo //las thams cad pa bzlas pa'i bdud rtsi'i chu dang yungs kar dang dri'i chus gtor te/ rdo rje dang bcas pa'i lag pa g.yas par reg ste oM badzra sa ma ya sU traM mA ti kra ma hUM zhes brjod nas yi ge gsum brgya rtsa brgyad brjod de lhag par gnas par bya'o//yang dkyil 'khor gyi sa la oM sarba saM sho d+ha ni hUM phaT ces pas bum pa thams cad kyi chus bsang gtor byas la dris byugs nas me tog bkram ste nam mkha' la dkyil 'khor dmigs te mchod bstod bya'o/ /de nas slob ma 'khyil pas bsrung ba dang /rang gi lte bar thig skud bzung ba dang / rdo rje rkang pas dang po g.yas sa la 'dor pas 'gro zhing dz+dza dz+dza dz+dzas bskul zhing des kyang dz+dza dz+dza dz+dzas sna drangs la nub nas shar dang lho nas byang du nam mkha' la tshangs thig gnyis rdo rje dang bcas pa'i g.yas pas 'debs shing se gol gyi sgra bya'o//thig gi sgras sangs rgyas thams cad bskul nas thig skud la bstim mo/ /thig gdab pa thams cad du oM badzra sa ma ya sU traM mA ti kra ma hUM hUM/ oM sarba a haM zhes brjod par bya'o/ /de ltar sa'i gnyis kyang ngo / /me'i mtshams nas rlung du'o/ /bden bral nas dbang ldan mtshams su gdab bo//me'i mtshams su gnas te shar gyi rtsa thig 'khor lo'i mtshams su gdab bo/ /rlung nas nub kyi'o/ /de nas byang gi'o/ /me nas lho'i'o/ /thig de'i gcig gi brgyad cha sgo yin no/ /de nas hi hi zhes brjod nas sgo'i rtsa ba'i thig dbyi'o/ / thig thams cad btab nas ye shes kyi thig blos bteg la dkyil 'khor gyi lte bar seng ldeng gi phur bu ste/ rdo rje rtse gcig pa mgo rtse gcig pa hUM las bskyed par bsams la phur pa'i sngags brgya rtsa brgyad bzlas la brdung pa'i sngags kyis brdungs te/ zlum po'i thig btab nas oM AHhUM badzra muHye shes kyi thig skud gshegs su gsol te sangs rgyas kyi thugs kar gzhug go//thig skud kyi cho ga'o/ /de nas rdul tshon la rigs lnga'i dam tshig bskyed la ye shes bstims nas oM badzra tsi tra sa ma ya hUM zhes brgya rtsa brgyad bzla'o/ /de nas yid kyis sbar ro/ / dri dang me tog gis mchod la snod du gzhag go/ /de nas dkyil 'khor lte ba'i phur pa hUM bzhi pa'i sngags kyis bton la blos lag pa'i rdo rje la bstims te khung bu tshon sna lngas bkang la/ 'di ni chos dbyings dag pa ste/ /sems can khams ni rab sgrol mdzad/ /bdag nyid rdo rje 'chang rgyal te//de bzhin gshegs pa kun gyi gnas/ /nyes pa kun las rnam par grol/ /'khor ba'i gnas su yang dag gnas/ /zhes chos dbyings rnam par dag par mos nas oM badzra raM ga sa ma ya oM aHhUM zhes brjod cing g.yas pas rdo rje bzung la g.yon pas dbang ldan nas g.yas skor du tshon dgye'o//phyi nas slob ma dang ji ltar bde bas tshon dgye'o/ /hUM dang 'khyil pa bzlas pa'i bdud rtsi lnga dang dri'i chus dkyil 'khor gyi phyi rol du byugs la de bzlas pa'i chus dkyil 'khor bsangs te rdul tshon lhag ma rnams oM AH hUM badzra muHbrjod pas ye shes pa gshegs su gsol te tshon sa gtsang sar gzhag go//tshon dgye ba'o/ /de nas dkyil 'khor gyi phyogs bzhir mdo bzhi bklag go/ /spos phor brgyad gzhag go/ /ras stong la sogs pa dang / gdugs dang / rgyal mtshan dang /ba dan dang / 'phan la sogs pa yi ge hUM dang bdag po'i sngags bzlas pa'i oM badzra spa ra Na khaM zhes phul nas/ de nas 'khyil pa'i chus maN+Dal bsangs te yi ge gsum dang 'khyil pa'i sngags kyis bsrungs nas rdo rje dril bu bzung ste shar sgo nas nye bar nub tu phyogs pas gnas nas 'khor lo'i dbang po'i rnal 'byor dang ldan pas bris pa'i dkyil 'khor stong pa nyid kyi rjes la srung ba'i 'khor lo dang bgegs la phur bus gdab pa la sogs pa'i cho ga bsgom par bya ba'i dkyil 'khor gyi rang bzhin du brtag par byas nas rab tu sgrub pa'i phyi rol gyi phyag rgya dang snyoms par 'jug par bya ste/de med na ye shes kyi phyag rgya dang snyoms par 'jug pas kyang rung ste/ yang dag par bskyod pa'i dga' ba'i sgras ye shes kyi 'khor lo spyan drangs la zhal bsil dang mchod yon phul ba sngon du 'gro bas rang gi nang du bcug la 'dod chags chen pos zhu bar gyur pa de rdo rje'i lam nas byung nas pad+mar ye shes kyi lha'i 'khor lo'i bdag nyid spros te/dam tshig gi 'khor lo gnas ji lta bar zhugs par bsams nas spyan dang sku la sogs pa byin gyis brlabs pa'i de ma thag tu rang gi snying ga'i sa bon gyi 'od zer gyis bkug pa'i de bzhin gshegs pa dang lha mo rnams kyis dbang bskur nas ji ltar rigs pas rgyas gdab par bya'o//de nas mchod pa'i lha mo spros pa rnams kyis yid bzhin gyi mchod pas mchod de bsil ba'i ras dang ras zung dang / bla re la ras dpyangs pa dang yi ge gsum gyis bsngags pa'i bza' ba dang bldag pa dang bca' ba dang gzhib pa dang btung ba dang zhal zas la sogs pa dang gser dang bu mo dang glang po che dang rta dang ba lang la sogs pa phul nas phyi rol gyi rnal 'byor ma drug gam brgyad dam bzhis gzugs rdo rje ma la sogs pa'i ngo bos rang gi mchod pas mchod nas dril bu dkrol zhing /mi bskyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje dbyings la phyag 'tshal bstod/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog / ston pa rdo rje phyag 'tshal bstod/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas gos pa med/ /rdo rje sku la phyag 'tshal bstod/ /rdo rje bdud rtsi rgyal po che/ /mi rtog nam mkha' rdo rje 'dzin/ /'dod chags pha rol phyin pa thob/ /rdo rje gsung la phyag 'tshal bstod//don yod rdo rje rdzogs sangs rgyas/ /bsam pa thams cad rdzogs mdzad pa'i/ /rang bzhin dag pas yang dag 'byung / /rdo rje sems dpa' phyag 'tshal bstod/ /ces bya bas bstod de/ rang dang shes rab kyi me tog dang bcas pa'i byang chub kyi sems pad+ma'i snod du bcug nas bdud rtsir bcas pa phul te/de rnams bdud rtsi myong bas tshim par byas la bde ba chen po'i rang bzhin du mos nas 'khor lo'i bdag po'i gsang sngags brgya rtsa brgyad dkyil 'khor pa'i sngags nyi shu rtsa re re dang yi ge brgya pa bzla'o/ /'chad par 'gyur ba'i cho gas 'byung po thams cad pa'i gtor ma dbul lo//yong na sgrub pa'i grogs dkyil 'khor gyi 'gram du bzhag nas phyir byung ste 'byung po thams cad kyi gtor ma'i cho gas rang gi 'dod pa'i lha dang dbang po la sogs pa la gtor ma dbul lo/ /de nas lag pa g.yas pa gan rkyal du byas nas gung mo dang ming med cung zad bskum la mngon du phyogs par gzung bar bya'o//lag pa gnyis pus mo nang du byas nas tsog tsog por 'dug cing / mi smra bar lag pa'i ze'u 'bru'i kha la mang du bya ba cing lan gsum gsum du rna ba'i bug pa gnyis dang /mig dang kha dang lag pa dang lto ba dang mgo rnams la reg par bya'o/ /de lta bu ni nye reg gi cho ga'o/ /de'i rjes la yod na lhag chad la sogs pa'i nyes pa zhi bar bya ba dang dkyil 'khor tshim par bya ba'i phyir zhi ba dang rgyas pa'i sbyin sreg byas nas khams gsum rnam par rgyal ba'i rnal 'byor dang ldan pas me tog gi phreng ba blangs te oM sum+b+ha ni sum+b+ha hUM hUM phaT/oM gr-ih+Na gr-i h+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bAn bid+yA rA dza hUM hUM phaT/ ces bya ba'i sngags zlos shing rdo rje shugs kyis dkyil 'khor du zhugs nas rdo rje gsol zhing dril bu dkrol nas rdo rje rkang pas oM hUM phaT ces bya ba dang oM hUM AHphaT ces bya ba dang /oM hUM a a phaT ces bya ba dang / oM hUM ha na ha na mA ra ya duSh+DAn/ g+hA ta ya g+hA ta ya a a hUM hri phaT ces pa'i sngags bzhi go rims bzhin du zlos pa'i shar sgo la sogs par brjod do/ /slob ma rnams dang bskor ba gsum lhan cig tu byas nas lhag pa dang ma tshang pa'i nyes pa zhi bar bya ba'i phyir 'khor lo la bltas te phreng ba bcom ldan 'das la phul nas bskor ba'i grangs bzhin nub la sogs pa bzhir gnas pas shar la sogs pa bzhir oM badzrod b+ha Ta ya sa ma ya pra be sha ya hUM zhes bya ba'i sngags kyis sgo dbye bar [(]sasams [,]bsams [)]te oM sa ma ya pra be+e sha ya mI zhes brjod nas gar byed cing slar phreng ba blangs la rang rang gi mgo la bcings te 'khor lo la phyag 'tshal nas/deng sems can thams cad la dngos grub thams cad kyi bka' drin mdzod cig ces go bar byas nas bsgom pa dang bzlas pa bya'o//'di dkyil 'khor gyi khang pa las phyi ngos su dbang po la sogs pa go rims bzhin du dkar po dang / ser skya dang / nag po dang / dud ka dang / dmar po dang / khra bo dang / ser po dang / ljang gu'i ba dan brgyad dkyil 'khor gyi lha rnams la phul nas shar la sogs par gzugs par bya zhes pa ni shes rab skyong zer/bcom ldan 'das kyis kyang sangs rgyas thod pa'i rgyud du/ gru bzhi pa la sgo bzhi pa/ /ba dan brgyad kyis nye bar brgyan/ /zhes gsungs so/ /de'i rigs rnam par snang mdzad dang de'i rigs kyi lha rnams kyi ni rang rang phyogs su dgod par bya'o zhes kha cig ste/rin chen dbang po dang de'i rigs can rnams ni bden bral du'o/ /snang ba mtha' yas dang de'i rigs las byung ba rnams rlung du'o/ /don yod grub pa dang de'i rigs kyi lha rnams ni dbang ldan du'o/ / 'khor lo'i dbang po shar du'o/ /de'i rigs kyi lha rnams rang gi phyogs su'o zhes kha cig go/ /dbang po ser po dang / khyab 'jug nag po dang / zla ba dkar po dang / nyi ma dmar po dang / tshangs pa ser po ste/ dbang por me'i dbang po dang / gshin rje nag po dang / bden bral dud ka rnams ni rang rang gi phyogs su'o//nub tu chu lha dkar po dang / sa ser mo dang / thags bzangs ris kyi nag po dang / rlung dang rlung gi ljang gu'o/ /byang du lus ngan po'i ser po dang / tshogs bdag gi dkar po'o/ /dbang ldan du dbang po'i dkar po'o/ /de ltar 'phan bco lnga ni phyogs kyi bdag po rnams mnyes par bya ba'i don du'o//mi 'byor na ni nus pa ji lta bar ba dan rnams dbul bar bya'o zhes pa ni dkyil 'khor sgrub pa'i cho ga 'khor dang bcas pa'o/ /de'i rjes la de nas bla mas nang par gtor ma btang nas dkyil 'khor gyi khang pa nas byung ste slob ma rnams la rmi lam dris nas ri las lhung pa la sogs pa mi dge ba'i rmi lam byung na bdud rtsi 'khyil pa'i sngags kyis bsrungs nas dkyil 'khor gyi khang par 'jug pa'i tshe slob ma rnams kyi sngon du slob dpon zhugs par bya ste//oM bra be sha b+ha ga bAn ma hA su kha mok+Sha pu raM sarba sid+d+hi su kha pra daM pa ra ma su kha u d+ha ma d+hi sid+d+hi dzaHhUM baM hoHpra sid+d+ha swA hA/zhes gzengs bstod pas zhugs nas g.yas skor gyis 'khor lo'i dbang phyug gi nga rgyal gyis nub la sogs pa'i sgor gnas te dkyil 'khor gyi shar la sogs pa'i sgor oM badzra ud g+ha Ta ya sa ma ya pra be+e sha ya hUM zhes 'don zhing phye la/ me tog gi phreng ba la oM pa ra ma su khaM shA ya su la li ta/bi la sI na mi ta na mi te na mA mi b+ha ga bA n+taM dzaHhUM baM hoH hi hi hi hi hIH pra tIts+tsha ku su ma any+dza li ni nA tha ho/ /zhes bya ba'i sngags kyis dkyil 'khor la dor nas slar bzung ste phreng ba'i dbang gis bsam pas rang gi mgo la bcings nas mngon sum du gyur pa'i 'khor lo'i dbang phyug bla mar mos nas des ster bzhin pa'i phreng ba'i dbang la sogs pa 'chad par 'gyur ba'i dbang ma lus pa dang cho ga bzhin du slob dpon gyi las thams cad la gnang ba thob nas slob ma gzhug pa'i ched du bde ba chen po'i bdag nyid shes rab dang thabs kyi rang bzhin de kho na nyid kyi bstod pa sngon du 'gro bas dkyil 'khor gyi dngos grub 'dod par bya'o//de kho na nyid kyi bden pa'i byin rlabs kyang bya'o/ /nam mkha' las skyes mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /mi bskyod rdo rje deng bdag bsgrubs//kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag par mkhyen/ /'dod chags kun gyi rjes chags pa/ /'dod chags chen po dga' ba che/ /bcom ldan de ni bdag grub mdzod//shin tu dag pa chos kyi mchog /gdod nas grol bas de bzhin gshegs/ /kun du bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug che mchog phyag rgya yis/ /grub pa'i rdo rje cher bstod pas//rdo rje snyems par bdag mdzod cig /sems can kun gyi yid khyab cing / /sems can kun gyi snying la gnas/ /sems can kun gyi yab gyur nyid/ /'dod chags dam tshig mchog gyur pa'i/ /bden pa gang gi ye shes mchog /shes rab thabs bdag dkyil 'khor yin//bden pa de yis mgon po bdag /khyed kyis 'dod pa rab rdzogs mdzod/ /chos rnams gzugs brnyan mtshungs par ni/ /dag cing gsal la rnyog pa med/ /gzung du med cing brjod du med/ /rgyu dang las las yang dag byung / /de bzhin nyid las de nyid skyes/ /bden pa de yis slob ma ni//gzugs brnyan gsal bar slob ma bzhin/ /kun gyis dri ma med mthong shog /ces brjod pa de ni slob dpon 'jug pa'i cho ga'o/ /de nas sgo'i slob dpon mi 'dod na gzhan las kyi rdo rjes sta gon du gnas par byas pa'i slob ma bslab pa gnyis dang ldan pa dri zhim po'i chus khrus byas la bdud rtsi 'khyil pa'i sngags kyis bsngags pa'i gos dmar po'am gzhan yang rung ste yol ba'i phyi rol du rnam par snang mdzad kyi gzugs su'am/'khor lo'i bdag po'i gzugs su slob ma dmigs la oM sarba ta thA ga ta a nut+ta ra bod+hi a laM kA ra bsta pI da me g+ha sa mu dra spa ra Na sa ma ye hUM zhes smad dkris bya'o//oM badzra u Sh+NI Sha hUM phaT ces pas spyi gtsug tu thod bya'o/ /bdud rtsi 'khyil pas sngags pa'i gos dmar po'am ser pos/ oM tsak+Shu baN+d+haM ba ra ma NA ya hUM zhes pa'i sngags kyis mig ras bcing ngo / /a khaM bI ra hUM zhes brjod pas me tog gi phreng ba byin te g.yas su bzung la las thams cad pa'i bum pa'i chus gtor zhing snying ga dang mgrin pa dang spyi bor gnas pa'i rdo rje dang pad+ma dang 'khor lo'i steng du nyi ma dang zla ba dang hUM na ga bo AH dmar po oM dkar po'i ye'i 'od zer gyis lus gsal bar bya sta hUM zhes brjod cing dkyil 'khor gyi shar sgor bzhad la/las kyi rdo rje sa bzung nas dkyil 'khor du 'jug par bya ba'i phyir dri bar bya'o/ /kye khyod ci la dga'/ /des skral bzang bdag bde ba chen po la'o zhes brjod par bya'o/ /de nas de la oM sarba yo ga tsi t+ta ut+pA da A mi zhes 'don du bcug nas byang chub tu sems bskyed par byas la snying gar rdo rje me tog dang bcas pa reg ste oM su ra ta sa ma ya s+t+waM hoH sid+d+hi badzra ya thA su khaM zhes 'don zhing bzung nas/deng khyod de bzhin gshegs pa thams cad kyis byin gyis rlob par 'gyur bas de bzhin gshegs pa thams cad kyi mchog tu gsang ba'i dkyil 'khor 'di khyod kyi dkyil 'khor du ma zhugs pa rnams la smra bar mi bya zhing dang pa dang mi ldan pa rnams la yang smra bar mi bya'o zhes brjod nas/oM AH ya mAN+ta kr-i ta hUM zhes bya bas khrid nas A khaM bI ra hUM zhes bya ba 'dis yo la ba'i nang du bcug nas/ ma hA ra ta su dr-i d+ha su thoSh+yo su su kho badzra satwa A d+ya sid+d+hi nAM/ zhes 'don zhing skor ba byed cing thal mo sbyar nas dkyil 'khor gyi shar sger/oM sarba ta thA ga ta pU dza u pa s+thA na ya At+ma n+'aM ni R+YA ta yA mi sarba thA ga ta badzra satwa a d+hi tiSh+Tha swa mAM/ oM sarba bud+d+ha pU dza u pa s+tha naya At+ma nAM ni R+YA ta A mi/ sarba ta thA ga ta badzra bai ro tsa na ye a d+hi t+Sh+yi swa mAM zhas so/ /lhor ni oM sarba ta thA ga ta pU dza a b+hi She ka ya At+ma nAM ni R+Ya ta yA mi/sarba ta thA ga ta badzra rat+na a b+hi Shi ny+tsa mAM/ nub tu ni oM sarba ta thA ga ta pU rdzo pra brtan na ya A t+ma n+laM ni R+YA ta yA mi/ sarba ta thA ga ta badzra d+harmA pa rta ya mAM/ byang du ni oM sarba ta thA ga ta pU dza karmA NaM At+ma nI ni R+YA ta yA mi sarba ta tha ga ta badzra karma ku ru mAM/zhes bya ba'i sngags lngas rim pa bzhin du dkyil 'khor la bzhugs pa'i mi bskyod pa la sogs pa'i de bzhin gshegs pa rnams la phyag byed du bcug nas/ yang shar sgor oM gu ru tsa ra Na pU dza u pas+thA na ya At+ma nAM nir+yA ta yA mi/ oM sarba ta thA ga ta pa ri tra ma aM tha At+ma nAM nir+yAta yA mi/zhes bya ba'i don sngon du 'gro bas 'don du gzhug go/ /de nas deng khyod de bzhin gshegs pa thams cad kyi rigs su zhugs kyis deng ngas rdo rje'i ye shes bskyed pa'i ye shes gang 'dis de bzhin gshegs pa thams cad kyi dngos grub kyang thob na dngos grub gzhan lta smos kyang ci dgos te/khyod kyis dkyil 'khor ma mthong ba rnams kyi mdun du smra bar ma byed cig /dam tshig nyams par gyur ta re zhes mgo bor rdo rje bzung nas dril bu dkrol zhing / 'di ni dam tshig rdo rje ste/ /gal te khyod kyis gang du yang / /rung ba'i mdun du smra ma byed/ /smras na spyi bo 'gas par 'gyur/ / zhes brjod nas snying gar rdo rje bzung ste/ rdo rje sems dpa' deng khyod kyi/ /snying la yang dag zhugs par gyur/ /gal te tshul 'di smras na ni/ /de ma thag tu dral te gshegs/ /zhes bka' bsgo nas rnam par rgyal ba'i bum pa'i steng na gnas pa'i chu ming med dang mthe bos bzung ba'i snod kyis de'i khar blugs shing /'di ni khyod kyi dmyal ba'i chu/ /'das na sreg cing dmyal bar ltung / /dam tshig bsrungs na dngos grub ster/ rdo rje bdud rtsi'i chu 'thungs shig /ces brjod cing khyor bas chu 'thung du bcug pa/ deng phyin chad khyod kyi phyag na rdo rje nga yin gyis ngas 'di byos shig ces bsgo ba gang yin pa de yang bya dgos so//khyod kyis nga la brnyas par ma byed cig /brnyas pas khyod ya nga ba ma spangs bar khyod dus ma yin par shi pa'i dus byas nas dmyal bar gyur ta re zhes gdon par bya'o/ /dam tshig gi chu sbyin pa'i cho ga'o/ /de nas bsgrub pa'i dus las sngon du dngos grub la sogs pa nges pa'i don du slob ma snod dang ldan pa la lha dbab par bya'o//de la dang por ri la sogs pa yid dang rjes su mthun pa'i gnas su sngon du 'gro ba byas pas sems brtan par rdo rje sems dpa'i rnal 'byor shin tu brtan par dmigs pa'o/ /'bebs pa la nus pa thob pas mtshan nyid dang ldan pa'i lhag par gnas pa'i slob ma mdun du bya ste skad cig stong pa nyid kyi rjes la yi ge a las byung pa'i snang ba mtha' yas gzugs su bskyed la/bdag de bzhin gshegs pa thams cad kyis byin gyis rlobs la rdo rje sems dpa' 'bab par gyur cig ces 'don du bcug nas de'i snying gar laM las bskyed pa'i sa'i dkyil 'khor ser po rdo rjes mtshan pa gru bzhi par nyi ma la hUM sngon po dang mgo bo la baM las byung ba'i chu'i dkyil 'khor dkar zhing zlum pa bum pas mtshan par zla ba la yi ge oM dkar po dang mgrin par yaM las byung ba'i rlung gi dkyil 'khor sngon po gzhu lta bu ba dan g.yo ba gnyis kyis mtshan par zla ba la yi ge a dmar po bsgoms nas rang gi snying ga'i sa bon gyi 'od zer gyis thugs dang gsung dang sku rdo rje rnams kyi rang bzhin hUM AHgyi yi ge rnams la bcug nas rkang pa gnyis kyi 'og nas rlung gi dkyil 'khor gyis mtshan pa'i raM yongs su gyur pa'i me'i dkyil 'khor dmar po gru gsum pa yi ge raM dmar pos mtshan pa cig 'od zer 'phros pa las gnas pa'i yi ge dz+he dmar pos slob ma 'degs shing yi ge dz+hai gyi 'od zer gyi tshogs kyis 'og gi bu ga nas zhugs pa dang hUM la sogs pa'i 'od zer rnams kyis lus ma lus pa kun nas bkang bar bsgom zhing spos phor 'degs pa sngon du 'gro bas dril bu dkrol zhing A be sha ya staM b+ha ya ra ra ra ra tsa la ya tsa la ya hUM ha a dz+haiM zhes bya ba'i sngags lan brgyar 'don zhing bsam gtan la mchog tu gzhol pas dbab par bya'o//gal te phebs nas cher 'phags par gyur na de'i steng du ri rab rdo rje'i rang bzhin de'i steng du dbang chen gyi dkyil 'khor de'i steng du rdo rje rtse lnga pa de'i steng du yi ge dzaHde'i steng du rnam par snang mdzad bsgoms te bzlog par bya'o//de ltar phebs par gyur pa las slob ma'i thugs rdo rje'i 'od zer rnams kyis gsung rdo rje'i sa bon gyi bdag nyid bskul bar byas la lce la zla ba la gnas pa'i AHdmar po las 'od zer gyi phreng bas 'khrugs pa bsgoms nas rdo rje smros zhig ces smrar gzhug pa byas la de ltar 'dis rang ngam gzhan gyi dge ba'am mi dge ba'i bya ba bden par smra'o//de nas zhugs pa'i lha'i snying ga'i 'od zer gyis bkug nas rang gi snying ga'i sa bon la bstim zhing slob ma'i mgo la rdo rje bzung nas/ oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol//zhes bya ba sngon du 'gro ba'i hUM A badzra muHzhes bya bas gshegs su gsol bar bya'o/ /yang na/ dril bu'i zhabs kyis bris pa yi/ /bshang gci la sogs byugs pa yi/ /ras ni bud med rdul dang ldan/ /gtubs la byi la'i rtug pas byug /gu gul dang ni rnam par bsreg /yi dags me ni kun blangs la/ /de ni pad+ma'i snod bzhag nas/ /der ni de kun bcug nas ni/ /g.yas brkyang ba yis kun gnas pa'i/ /'khor lo gsum bdag khro ba ltas la/ /de yis 'khor lo gsum bdag la/ /rdo rje bdug pa de phul na/ /phebs par 'gyur bar the tshom med//oM tiSh+Tha ma hA krod+ha sa ma ya hUM shrI he ru kA ya bid+ma he bid+yA rA dza ya d+hi ma he swA hA zhes bya ba 'dis dpa' bo rab tu bskur bar bya'o zhes mngon par brjod pa'i rgyud 'bum par gsungs pa'i tshogs dbab par bya'o/ /bshang gci la sogs zhes pa ni bdud rtsi lnga dang sgron ma lngas byugs pa'o//bla ma bde mchog gi gzugs g.yas brkyang du gnas pas bde mchog gi bdag nyid slob ma g.yas brkyang du gnas shing snying gar thal mo sbyar la lag pa g.yon gyis dril bu sgrogs shing tiSh+Tha zhes bya ba'i sngags dregs pa dang bcas pas zlos pas lag pa g.yas kyis bdug par bya'o//de nas gal te phebs zhes bya bar rig par bya'o/ /gal te yang rgyud kha cig tu bu mo lo bcu gnyis lon pa skyes pas ma nyams pa yan lag dang nying lag ma nyams pa dang khye'u gzhon nu lo de nyid lon pa la bud med kyi yul mi shes pa yan lag dang nying lag ma tshang ba med pa'i snod mdun du bzhag nas lha dbab par bya'o zhes gsungs te/de la yang skad cig so so la rdo rje 'chang gi sku mngon du byed cing tshogs bsags pa cig car brtan par bsgom nus pas yan lag ma tshang ba med pa dang / lo mang po'i phyogs la spangs te/de la yang 'khyil pas lha phebs par 'gyur ro zhes pa ni/ rgyud gzhan du mang du gsal bar byas pa slob ma la dbab pa'i don du bsgrub par bya'o zhes pa dbab pa'i cho ga'o/ /de nas slob ma dkyil 'khor la phyogs pa la khyod kyi mig lam ni ci snang zhes dris pa na des smras pa/dkar po dang / ser po dang / dmar po dang / nag po dang / snang ba rnams kyis rim pa bzhin du 'di la zhi ba dang rgyas pa dang dbang dang mngon spyod kyi dngos grub la skal ba dang ldan par rig par byas nas 'di'i mthe bong gnyis rdo rje dang bcas pa'i lag pa g.yas kyis bzung ste/rdo rje rkang pa'i gar gyi tshul gyis 'khyil pa brjod cing skor ba gsum byed du bcug nas bden pa'i byin gyi rlabs 'di bya'o/ /bdag gi dkyil 'khor 'di lta bur/ /slob ma 'di ni yang dag bcug /bsod nams ci 'dra de 'dra yis/ /lha rnams rigs kyi rim par 'gyur/ / 'di ni dngos grub ci 'drar 'gyur/ /rigs gang gi ni snod gyur dang / /bsod nams mthu ni ci 'dra bar/ /de ltar dkyil 'khor 'di la shog /ces pa ni dkyil 'khor du slob ma spyan 'gegs dang bcas pa gzhug pa'i cho ga'o/ /de nas sngar bzung ba'i phreng ba la yi ge traM gis bsngags pa las gang zhig ma rnyings shing gsar pa'i me tog cig phyung la de'i lag pa thal mo sbyar ba la sbyin par bya'o//de'i tshe des me tog gi phreng ba dang rang nyid kyang yi ge gsum gyis 'od gsal zhing sdig pa bkru bar mos nas bla mas kyang de ltar byin gyis brlabs pas gus pa sngon du 'gro ba dkyil 'khor dang bcas pa'i dkyil 'khor gyi dbang phyug mdun du gnas pa bzhin dmigs la dkyil 'khor der yid kyis zhugs te/de'i dbus su oM tiSh+Tha badzra dr-i D+ho me b+ha ba/ shA shwa to me b+ha ba hr-i da yaM me/ a d+hi tiSh+Tha sarba sid+d+heM me pra yats+tsha hUM ha ha ha ha hoHA khaM bI ra hUM/ pra ti ku su ma/pra tIts+tsha any+dza li nA tha hoH/ /zhes sngags 'don zhing me tog dor bar bya'o/ /re khA lnga'i nang du me tog lhung ba dang bstun te 'di la rigs bstan par bya'o/ /de'i rnal 'byor yang sbyin no/ /dngos grub kyang mtshon par bya'o/ /gal te sangs rgyas rnams kyi mdzod spu 'am/dbu 'am gtsug la me tog lhung na phyag rgya chen po'i dngos grub bo/ /sku mchog la ni mchog go/ /dbus la ni 'bring po'o/ /'og gi cha la ni tha ma'o/ /sku las ha cang ring ba ni yun ring pos so/ /nye na dngos grub myur ro/ /lha rnams kyi rang gi gnas ni re'u mig la sogs pa rnam par bcad pa las shes par bya'o//gal te lha gnyis kyi bar du lhung na de'i tshe me tog gang la nye ba de'i rigs su 'gyur ro/ /mnyam pa nyid na ni gnyis ka'i dngos grub mchog 'grub pa'o/ /de'i tshe gang la dad pa de'i rigs yin no/ /re khA lnga'i phyi rol du lhung na lan gsum gyi bar du dor bar bya'o//de ltar na'ang phyi rol du lhung na dngos grub phra mo'o/ /phyi rol gyi zlum po'i re khA rnams dang rdo rje'i phreng ba'i phyi rol la ni dngos grub med do/ /'di la dkyil 'khor yang mi bstan no/ /sngags bzlas pa la sogs pas skal ba dang ldan pa nyid du bsgrubs nas skabs gzhan du de gzhug par bya'o//phyi'i rdo rje phreng ba'i nang du lhung na tshogs chen pos so/ /de nas me tog de slar bzung nas phreng ba la bcings te/ phreng ba de pra ti gr-i h+Na s+t+waM i maM satwa ma hA ba la/ zhes 'don zhing slob ma'i mgo bor bcing bar bya zhes pa ni phreng ba'i dbang gi cho ga'o/ /de'i rjes la slob ma'i snying gar zla ba la bdag po dang dpral bar raM dang mig gnyis la 'bar ba dang bcas pa'i oM gnyis bsgoms nas/rdo rje sems dpa' deng khyod kyi/ /mig 'byed par ni brtson par mdzad/ /mig ni thams cad 'byed mdzad do/ /rdo rje mig ni bla na med/ /oM dz+nyA na tsa kaShu hUM AHswA hA/ zhes 'don zhing mig ras bsal bar bya'o//de nas kye ltos shig ces brjod nas lha rnams kyi mtshan brjod pa sngon du 'gro ba'i 'khor lo'i bdag po nas brtsams te byang gi sgo skyong ba'am ji ltar yod pa gnod mdzes kyi bar du bstan nas/ dad pa'i shugs kyis myur du ni/ /dkyil 'khor bzang po 'di la ltos//khyod ni sangs rgyas rigs su skyes/ /sngags dang phyag rgyas byin gyis brlabs/ /phun tshogs dngos grub thams cad ni/ /dam tshig mtshog las 'byung bar 'gyur/ /rdo rje pad+ma mchog g.yo ba'i/ /sngags rnams ma lus sgrub par gyis/ /zhes brjod nas des kyang rdo rje dkyil 'khor chen por bdag zhugs so//rnal 'byor dkyil 'khor chen po bdag la bstan/ /gsang ba'i dkyil 'khor chen po bdag gis mthong / /zhes 'don du bcug nas dam tshig 'don du gzhug go/ /ho ho ho zhes bya ba ni slob ma la dkyil 'khor bstan zhing der gzhug pa'i cho ga'o//de nas chu'i dbang bskur ba'i don du bla ma la ji ltar 'byor pa'i yon phul nas pus mo sa la btsugs te thal mo sbyar bas/ /byang chub rdo rjes sangs rgyas la/ /ji ltar che ba'i che byin ltar/ /bdag kyang bskyab pa'i don gyi phyir/ /nam mkha'i rdo rje ded bdag stsol/ / zhes brjod cing gsol ba gdab bo/ /de nas bla mas rtsa ba'i dkyil 'khor gyi phyi ngos su ji ltar khrus kyi chu de la mi reg par shar phyogs kyi 'jug pa'i sgo la phyogs par shar phyogs su sna tshogs pad+ma zhes bya ba la sogs par shing stan la sogs par maN+Dal gyi bar du bya zhes bya ba'i mthar thug pa'i sku gzugs kyi don du sngar bstan pa la slob ma rdo rje 'chang gi gzugs su bsgoms nas dkyil 'khor la mngon par phyogs par sbyang bar bya ste sngon du brjod pa'i oM A big+hAM zhes bya ba la sogs pas rim par sbyang bar bya ste/de la oM AH big+h+NaM ta kr-i ta hUM zhes yungs kar la lan bdun bsngags te/g.yas pa dang cig shos kyi khu tshur gyis bzung la g.yon skor g.yas skor du so sor oM sarba pA paM da ha na badzrA a badzra satwa s+ya sarba pA paM da ha swA hA/ zhes brjod cing bya bas la yungs kar rnams mer blugs so/ /de bzhin du lan gsum du'o/ /de bzhin du g.yon skor dang g.yas skor du chu khyor ba gsum gyis lan gsum du bya'o//de nas me la dor la de bzhin du kham phor dkar po g.yas pa dang cig shos kyi phyag gis bzung nas g.yon skor gyis bya bas nas g.yon phyogs su gzhag go/ /g.yas skor gyis bya bas nas g.yas pa'i phyogs su gzhag go//de bzhin du lan gsum du'o/ /de bzhin du yang dUr ba'i myu gu ba'i lci ba la glan pa rnams kyis so/ /de bzhin zan gyi chang bu rnams kyis so/ /de bzhin du ras kyis kyang byab po/ /de nas lag pa bkrus nas lag po slob ma la reg par bya'o/ / snying gar dris byug pa dang / me tog phreng ba mgo la gdags pa dang / mdun du mchod yon byin la mar mes bskor zhing 'khyil pa'am hUM gi yi ge lan bdun bzlas la mar dang bcas pa'i spos dkar gyis bdug par bya'o zhes bya ba ni byab pa'i rim pa'i cho ga'o/ /de'i rjes su bdud rtsi 'khyil pas bsngags pa'i dUr ba'i chun pos zangs snod na gnas pa'i bdud rtsi lnga dang ba'i rnam lnga dag la oM hUM trAM hrIHkhaM kha/zhes brjod pas bskul la yang chu gtsang mas bkru zhing / ji ltar bltams pa tsam gyis ni/ /lha yi chu ni dag pa yis/ /de bzhin gshegs kun sku khrus gsol/ /de bzhin bdag gis khrus bgyi'o//de nas snying ga'i sa bon gyi 'od zer gyis phyogs bcu mtha' yas pa na bzhugs pa'i de bzhin gshegs pa dang rig pa'i lha mo rnams spyan drangs la mchod de slob ma dbang bskur ba'i don du/ rdo rje can gyis sangs rgyas la/ /'gro ba bskyab pa'i ched du dbang / / yon tan 'byung gnas ji ltar stsal/ /de ltar 'di la stsal du gsol/ /zhes bya ba'i tshigs su bcad pas gsol ba btab nas de bzhin gshegs pa de rnams shes rab dang snyoms par zhugs pa'i 'dod chags chen pos zhu bar gyur nas rnam par snang mdzad kyi sgo nas nang du zhugs nas rdo rje'i lam nas phyung ste lha mo'i pad+ma nas zhugs te skad cig gis stong pa nyid kyi rjes la hUM dang rdo rje las skyes pa'i mi bskyod pa'i gzugs shes rab dang bcas pa'i ye shes sems dpa' dang dbyer med pa la dbang bskur nas slar phyag dang zhal la sogs pa'i sku pad+ma nas byung ste/nam mkha' la bzhugs pa'i spyan ma la sogs pa'i rig pa'i rig ma dang bcas pas gdugs dang rgyal mtshan dang /ba dan dang / rol mo'i sgra dang / glu dang / gar dang / me tog dang / gur gum la sogs pa'i char rnams dang lag pa'i yal ga dang bcas pa'i kha rgyan can bum pa dkar po byang chub kyi sems kyi bdud rtsis gang ba rnams kyis slob ma de dbang bskur ba'i tshe gzugs rdo rje ma la sogs pa'i lha mo rnams kyis/bkra shis gang zhig sems can kun gyi snying la gnas/ /thams cad bdag nyid rigs kun bdag po ye shes mchog /sems can ma lus skyed byed bde ba chen po yin/ /bkra shis des ni dbang bskur mchog de khyod la shog /phun sum tshogs pa mnga' bdag gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma'i 'dab ma 'dra ba'i spyan ras rgyas/ /bkra shis des ni khyod la deng 'dir zhi byed shog /de yi nye bar bstan pa'i mchog rab mi g.yo ba//'jig rten gsum na grags shing lha dang mis mchod pa/ /chos kyi mchog rab skye dgu rnams la zhi byed pa/ /bkra shis des ni khyod la de ring zhi byed shog /dge 'dun dam pa chos ldan thos pa'i bkra shis phyug /lha dang mi dang lha mi yin gyi phyag gi gnas/ / tshogs kyi mchog rab ngo tsha shes dang dpal gyi gzhi/ /bkra shis des ni khyed la de ring zhi byed shog /ces pa'i bkra shis kyi glu rnams kyis nye bar sbyin zhing rang nyid kyis kyang de rnams blangs la rnam par rgyal ba la sogs pa'i bum pa rnams nas chu nyung zad bcus te pad+ma'i snod du blugs pa'am yang na rnam par rgyal ba'i bum pa'i chu oM ma hA su khaM badzra satwa a b+hi She ka na s+t+waM a b+hi Shiny+tsA mi sarba ta thA ga ta a d+hi pa ti twe na dr-i D+ho me b+ha ba zhes brjod nas sam/bsdus pa la dga' na ma brjod par yang lag pa g.yas kyi rdo rje dang bcas pa'i lo mas so/ /de nas de bzhin gshegs pa bzhi'i bum pa rnams kyis so//de nas ji ltar rigs pa'i dkyil 'khor pa'i bum pa rnams so/ /med na ni rnam par rgyal ba'i bum pa'i chu mi bskyod pa'i bdag nyid can byang chub kyi sems kyi bdud rtsi'i ngo bo rdo rje dang bcas pa'i lo ma'i rtse mos 'gying bag dang bcas pa'i chu gtor zhing /rdo rje chen po'i dbang bskur bas/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /o badzrod ka a b+hi Shiny+tsa hUM su ra ta s+t+waM a haM zhes brjod cing lan gsum du dbang bskur bar bya'o/ /de'i tshe bde ba chen po dang snyoms par zhugs par bsam par bya'o zhes pa ni chu'i dbang gi cho ga'o//de nas/ byang chub rdo rje sangs rgyas la/ /ji ltar che ba'i che byin ltar/ /bdag kyang bskyab pa'i don gyi phyir/ /nam mkha' rdo rje deng bdag stsol/ /zhes bla ma la gsol ba btab par gyur pas slob ma de aM dang rin po che las byung ba'i rin chen 'byung ldan gyi gzugs can ye shes sems dpa' dang gcig tu gyur pa las nam mkhar gnas pa'i de bzhin gshegs pa dang lha mo rnams kyis bum pas dbang skur bar byed cing gzugs rdo rje ma la sogs pas bkra shis kyi glu sgrogs par bsgom par bya'o//rdo rje dang bdag po dang ming gi dbang lha rnams la yang de ltar ro/ /de nas gser la sogs pa las byas pa'i dbu rgyan rin chen 'byung ldan du bskyed cing de'i rang bzhin ye shes sems dpa'i ngo bo slob ma rigs kyi bdag po'i dbus su de bzhin gshegs pa lngar byin gyis brlabs pa'i dbu rgyan de'i mgo bo'i dbus dang dpral ba dang logs gnyis dang mgo bo'i rgyab rnams su rim pa bzhin oM d+harma d+hA twI shwa ri a b+hi Shiny+tsa b+h+rUM/oM satwa badzri a b+hi Shiny+tsa hUM/ oM rat+na badzri a b+hi Shiny+tsa a/ oM ng+harma badzri a b+hi Shiny+tsa hrIH/ oM karma badzri a b+hi Shiny+tsi khaM/ zhes bya ba'i sngags lngas bzhag nas mgo bo la bskon zhing /rdo rje chen po'i dbang bskur ba/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes pa dang / oM AHbadzra mu ku Ta a b+hi Shiny+tsa hUM su ra ta s+t+waM a haM brjod nas/ oM badz+wa tu Sh+ya ho zhes brjod pas dgyes par bya'o zhes pa ni dbu rgyan gyi dbang ngo //de nas oM hUM trAM hrIHaH/ zhes bya ba'i sngags kyis dpral bar dar dpyangs bcing par bya'o/ /de nas/ byang chub rdo rje sangs rgyas la/ /ji ltar che ba'i che byin ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol//zhes gsol ba btab par gyur pa'i slob ma hrIHdang pad+ma yongs su gyur pa'i snang ba mtha' yas kyi gzugs can ye shes sems dpa' dang dbyer med pa rdo rje yang snang ba mtha' yas kyi bdag nyid du bsams nas/ rdo rje chen po dbang bskur ba/ /khams gsum kun gyis phyag byas pa//sangs rgyas kun gyi gsang gsum gyi/ /gnas las byung pa sbyin par bya/ /zhes pa dang / /sangs rgyas rnams kyi rdo rje'i dbang / /de ring khyod la bskur bar bya/ /sangs rgyas kun gyi rab bsgrubs phyir/ /rdo rje 'di ni khyod kyis zung / /zhes brjod cing slob ma'i snying ga dang mgul ba dang mgo bo rnams su rdo rje reg nas lag pa g.yas su sbyin par bya'o zhes pa ni rdo rje'i dbang ngo //de nas byang chub rdo rje sangs rgyas la/ /ji ltar che ba'i che sbyin ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol/ /zhes gsol ba btab par gyur pa'i slob ma de khaM dang ral gri las skyes pa'i don yod grub pa'i gzugs can ye shes sems dpa' dang dbyer med par bskyed la dril bu yang don yod grub pa yongs su gyur par bsams nas de'i lag pa g.yon du byin te lag pa rdo rje dril bu dang ldan pas phyag rgya la 'khyud pa'i tshul byed du bcug ste/rdo rje chen po'i dbang bskur ba/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes pa dang / oM badzra ad+hi pa ti s+t+waM a b+hi Shiny+tsA mi tiSh+Tha badzra sa ma ya s+t+waM zhes oM badzra g+haN+De a a/ bcom ldan bdag gis gzung lags kyis//bdag la nye bar gyur par mdzod/ /ces 'don du gzhug par bya'o zhes pa ni bdag po'i dbang ngo / /ming gzhan dril bu'i dbang bskur ba'i cho ga'o/ /de nas/ byang chub rdo rje sangs rgyas la/ /ji ltar che ba'i che byin ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol//zhes gsol ba btab pa'i slob ma de oM dang 'khor lo las skyes pa'i rnam par snang mdzad kyi gzugs can ye shes sems dpa' dang ro gcig par bsgoms nas spyi bor rdo rje dang dril bu bzung zhing / rdo rje chen por dbang bskur zhing / /khams gsum kun gyis phyag byas pa//sangs rgyas kun gyi gsang gsum gyi/ /gnas las byung ba sbyin par bya/ /zhes brjod nas oM rdo rje sems dpa' khyod rdo rje'i ming gis dbang bskur bar bya'o/ /zhe sdang rdo rje khyod ces bya ba'am/ gti mug rdo rje khyod ces bya ba'am/ de la sogs pa me tog lhung ba'i rjes su 'brangs te rang gi rigs kyi ming rnam par snang mdzad kyi bdag nyid kyis dbang bskur bar bya'o//de la rdo rje sems dpa'i mtshan rnams ni mchog gi dang po'o/ /dpe med dang / rab dga' dang / ro mnyam dang / rnam par rgyal ba dang / sems dpa' dang / a la la dang /bde chen dang / lus med dang / ye shes dang lhan cig skyes pa dang / rdo rje rnams so/ /re re zhing rdo rje'i sgrar sbyar bar bya ste de bzhin gshegs pa drug gi ming rnams kho na'o/ /mi bskyod pa'i mtshan rnams ni bzhad pa dang / rol pa dang / dga' ba dang / 'gying ba dang / rnam par g.yo ba dang /rang byung dang / zhe sdang dang / snying rje dang / sems dpa' dang / hUM mdzad dang / mi bskyod pa dang / rdo rje rnams so/ /rnam par snang mdzad kyi ni rnam par snang mdzad dang / oM yig dang / rang 'byung dang / rtag pa dang / de bzhin gshegs pa dang / sgyu ma dang / sangs rgyas dang /gzugs dang / sku rdo rje rnams so/ /rin chen 'byung ldan gyi ni rin po che dang / yid bzhin nor bu dang / mkha' dang / gzi brjid dang / nyi ma dang / snang byed dang / nga rgyal dang / rdo rje rnams so/ /snang ba mtha' yas kyi ni 'dod chags dang / kun du gzigs dang / chos dang /pad+ma dang / rdo rje myu gu dang / pad+ma'i myu gu dang / rab tu dga' ba'i myu gu dang / rdo rje'i myu gu dang / mchog dga' dang / rab skyes dga' dang / dpag med dang / ngag rdo rje rnams so/ /don yod grub pa'i ni/ don yod dang / rta mchog dang / dam tshig dang / pha rol tu phyin pa dang / las dang /rlung dang / reg bya dang / phrag dog rdo rje rnams so/ /rdo rje sems dpa'i btsun mo rnams ni rdo rje shugs can ma dang / rdo rje rol pa mo dang / rdo rje myos ma dang / rdo rje kang ka na dang / rdo rje bzhin ma dang / rdo rje ba dan ma dang / rdo rje phreng ba ma dang / rdo rje 'chang ma'o/ /mi bskyod pa'i ni rdo rje bdag med ma dang /rdo rje phyag ma dang / rdo rje phreng ba ma dang / rdo rje bde ma dang / rdo rje mA ma kI dang / rdo rje zhe sdang ma dang / rdo rje dga' ma'o/ /rnam par snang mdzad kyi ni rdo rje mkha' 'gro ma dang / rdo rje dkar mo dang / rdo rje sgeg mo dang / rdo rje spyan ma dang / rdo rje gti mug ma dang / rdo rje dga' ma'o//rin chen 'byung ldan gyi ni rdo rje do shal ma dang / rdo rje dbugs 'byin ma dang / rdo rje 'bar ma dang / rdo rje phreng ba ma dang / rdo rje nam mkha' ma dang / rdo rje nam mkha' dga' ma'o/ /snang ba mtha' yas kyi ni rdo rje chags ma dang / rdo rje glu ma dang / rdo rje kye ma dang / rdo rje bde ma dang / rdo rje rol ma dang /rdo rje blo ma dang / rdo rje bzhad ma dang / rdo rje dkar mo dang / rdo rje 'dod chags dga' ma'o/ /don yod grub pa'i ni rdo rje snyems ma dang / rdo rje sgyu ma dang / rdo rje rta ma dang / rdo rje sgrol ma dang / rdo rje gar gyi dbang phyug ma dang / dam tshig rdo rje ma dang / rdo rje dga' ma'o/ /ming gi dbang gi cho ga'o//de nas slob ma des yon phul la thal mo sbyar la/ bdag ni khyod kyi bka' drin las/ /gang gis rang bzhin don nus pa'i/ /rdo rje slob dpon gyi ni dbang / /thugs rje'i gter kye bdag la stsol/ /zhes brjod pas bla ma la gsol ba btab la hUM dang rdo rje las skyes pa'i rdo rje sems dpa'i gzugs su bsams nas rdo rje hUM las skyes par bsgoms nas/thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems bdag bdag po'i bdag /bcom ldan 'das dpal mchog dang po'i skyes bu'o zhes brjod cing de kho na nyid kyi rdo rje 'dzin du gzhug /de nas dril bu a las skyes par bsgoms nas/ 'di ni sangs rgyas thams cad kyi/ /dril bu dbyangs kyi rjes 'gror bshad/ /khyod kyis kyang ni rtag tu zung / /byang chub mchog tu rgyal bas bzhed/ /ces brjod cing de kho na nyid kyis dril bu 'dzin du gzhug go//slob mas kyang / a/ srid pa ngo bo nyid kyis dag /ngo bo nyid kyi srid bral ba/ /rang bzhin dag mchog sems dpa' yis/ /dam tshig srid par byed par 'gyur/ /zhes brjod cing dkrol bar bya'o/ /dril bu'i dam tshig go/ /yid kyis lus ni bsten byas la//phyag rgya'i dam tshig yin par 'dod/ /gang gis lus kun sten byed pa/ /de ni phyag rgyar rab tu grags/ /ye shes phyag rgyar byin brlabs nas/ /'dod pa thams cad longs spyod pas/ /dngos grub thams cad bsgrub par gyis/ /zhes bya ba rtogs par byas nas rdo rje sems dpa'i sku ye shes kyi phyag rgya kha sbyor gyi rim pas byin gyis rlob du bcug nas 'khyud pa'i tshul du byed du bcug la slob ma skad cig gis stong pa nyid du byas la hUM dang rdo rje las skyes pa'i rdo rje sems dpa'i gzugs can ye shes sems dpa' dang ro gcig tu gyur par bsgoms pa'i mgor rdo rje dang dril bu bzung la oM ma hA su khaM badzra satwa a b+hi She ka s+t+waM a b+hi Shiny+tsA mi/sarba ta thA ga ta a d+hi tiSh+Tha na dr-i D+ho me b+ha wa zhes lan gsum du'o/ /phyag rgya'i dam tshig gsum sbyin pa'i cho ga'o/ /de'i rjes la slob ma rdo rje sems dpa'i gzugs su bsgoms te chu'i dbang la brjod pa'i snying ga'i sa bon la sogs pa nas/ji srid rdo rje rtse mor 'dzag pa yi/ /rdo rje chen po'i dbang bskur/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /oM AHsarba ta thA ga ta a b+hi She ka ta sa ma ya shri ye hUM swA hA zhes 'don zhing dbang bskur ro//de nas mi bskyod pa cod pan du bsams nas de bzhin gshegs pa dang lha mo gzhan rnams de nyid du ye shes sems dpa'i ngo bor bcug nas/ oM su pra tiSh+Tha badzra swA hA/ zhes bya ba'i sngags kyis byin gyis brlabs te/ de la me tog la sogs pa dbul lo//de'i rjes su/ mi ldog 'khor lo'i dbang bskur ba/ /mgon po yis ni bdag la gsung / /'khor lo lha yi de nyid dang / /slob dpon gyi ni las rnams dang / /sangs rgyas kun gyi dam tshig dang / /sdom pa gsang ba dam pa dag /rtag tu slob dpon bdag la gsung / sems can kun gyi don bgyid phyir/ /zhes khyad par gyi gsol ba btab la/ de nas mdor bsdus nas gzhal yas khang 'di ni rnam par snang mdzad kyi rang bzhin no zhes bya ba la sogs pa dkyil 'khor gyi de kho na nyid rnam par dag pa dang / mdor na phung po lnga rnams ni/ /sangs rgyas lngar ni rab tu grags//zhes bya ba la sogs pa lha rnams kyi de kho na nyid rnam par dag pa dang / don dam par dkyil 'khor la sogs pa rim pa gnyis ka la rang bzhin med pa'i bdag nyid can de kho na nyid rnam par dag pa dang / dkyil 'khor 'dri ba la sogs pa rdo rje slob dpon gyi las 'khor dang bcas pa brjod par bya'o//de ltar dkyil 'khor gyi de kho na nyid la sogs pa'i ye shes dang 'da' bar bya ba ma yin pa'i ngo bo dam tshig dang / bya ba dang mi bya ba'i bdag nyid can gyi sdom pa dang / de bzhin du bsgrub par bya ba la skal ba dang ldan pa nyid du brjod do/ /phyir mi ldog pa'i ming gzhan slob dpon gyi dbang gi cho ga'o//de nas bdag nyid kyis snying po la sogs pa'i sngags brgya rtsa brgyad dam lan gsum du bzlas la/ bcom ldan bdag gis stsal lags kyis/ /bdag la nye bar mdzad du gsol/ /zhes brjod cing slob ma la sbyin no/ /slob mas kyang / bcom ldan bdag gis bzung lags kyis/ /bdag la nye bar mdzad du gsol/ /zhes bya ba 'dis bzung nas lan gsum du bzlas par bya'o zhes pa ni/ sngags gtad pa'i cho ga'o/ /de nas gser ram dngul gyi snod du bzhag pa'i mar ram sbrang rtsi mig sman dang gser las byas pa'i thur mas slob ma'i mig la yi ge raM bsgoms la/oM badzra ne tra a pa ha ra pa Ta laM hrIHzhes 'don zhing bskul nas/ ji ltar mig sman rgyal po yis/ /'jig rten rab rib bsal ba bzhin/ /bu khyod kyis ni mi shes pa'i/ /ling tog rgyal ba rnams kyis bsal/ /zhes brjod do zhes pa ni mig sman gyi cho ga'o//de nas me long blangs nas a yig bsngags nas slob mas blta zhing / chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las yang dag byung / /rdo rje sems dpa' me long ltar/ / dag cing gsal la dri ma med/ /sangs rgyas kun bdag bu khyod kyi/ /rang nyid kyi ni snying la gnas/ /ngo bo nyid med gnas med pa/ /de ltar chos rnams shes gyis la/ /sems can don ni mnyam med gyis/ /skyob pa rnams kyi sras su skye/ /zhes gdon no/ /me long gi dbang gi cho ga'o/ / de nas yi ge hoHlas byung ba'i mda' gzhu hoHzhes brjod nas sarba ta thA ga ta a nu rA ga ya swA hA/ zhes brjod pa ni mda' 'phen pa'i tshe yang ngo / /slob mas sarba ta thA ga ta a nu rA ga ya mi zhes brjod cing bgegs la 'bigs pa'i bsam pas phyogs bzhir mda' bzhi 'phang bar bya'o//mda' 'phang ba'i cho ga'o/ /de nas yol ba la sogs pas dben par byas la slob mas gsang dbang gi don du bla ma la gzhon nu ma lang tsho la sogs pa dang ldan pa'i shes rab ma dam tshig dang ldan pa'am/ de med na gzhan yang rung ste bla ma la phul nas bla ma rdo rje sems dpar mos la thal mo sbyar nas/khyod kyi zhabs kyi bka' drin gyis/ /bdag gis bla med bya ba thob/ /de phyir gsang pa'i dbang dag gis/ /mgon pos rjes su gzung bar mdzod/ /ces bya ba'i tshigs su bcad pas gsol ba gdab bo/ /de nas bla mas 'khor lo'i dbang phyug gi nga rgyal dang ldan pas tha mal pa'i bud med kyi gzugs de stong pa nyid kyi rjes la lha mo'i gzugs su bskyed pa dang rdo rje dang pad+ma 'du byas pa sngon du 'gro ba'i snyoms 'jug byed cing /oM sarba ta thA ga ta a nu rA ga Na badzra swa b+hA ba At+ma kou0f85haM/ zhes 'don zhing s nying ga'i sa bon gyi 'od zer gyis rnam par snang mdzad la sogs pa'i de bzhin gshegs pa thams cad spyan ma la sogs pa dang snyoms par zhugs pas bkug la bdag nyid kyis rnam par snang mdzad kyi sgo nas bcug la 'dod chags chen pos zhu bar gyur te a wa d+hU tI nas 'gro bar bsams nas rdo rje nor bur lhan cig skyes pa'i bde ba brtan par byas te/mthe bong dang ming med kyi rdo rje nor bu btsir nas pad+ma las byung nas de bzhin gshegs pa zhu ba'i khu ba de rang gi byang chub kyi sems dang dbyer med par mos nas/ gsung rdo rje'i gzugs can gyi slob mas mthong nas ma dad kyis dogs pa med pa'i khar ram/ji srid du gdong g.yogs bcings pa nyid kyis de mthong ba'i spyod yul ma yin par ro/ /rdo rje 'chang sogs 'das pa yis/ /ji ltar sangs rgyas sras dbang bskur/ /de ltar byang chub sems bzang pos/ /bu khyod dbang ni bskur bar bgyi/ / zhes bya ba dang / 'khor lo'i bdag po'i sngags dang / oM badzra d+h+r-i ka hUM zhes bya ba la sogs pa rgyud ji lta ba bzhin du gdon zhing dbab par bya'o/ /des kyang rnam par snang mdzad la sogs pa de bzhin gshegs pa kun 'dus pa'i blos a ho ma hA su kha zhes brjod cing btung bar bya'o/ / shes rab mas kyang langs nas gos med pa nyid du rang gi chu skyes na gnas pa'i de lta bu'i byang chub kyi sems thig le'i rnam pa de ltar de'i khar dbab par bya'o/ /des kyang de ltar btung ngo / /shes rab dang thabs dag gis kun rdzob byang chub kyi sems gsang ba'i dbang gis dbang bskur ba ni gsang ba'i dbang gi cho ga'o//de'i rjes la de'am gzhan yang rung ste/ shes rab ma dam tshig dang sdom pa la gnas pa gzugs dang lang tsho dang ldan pa/ byang chub rdo rjes sangs rgyas la/ /ji ltar che ba'i che byin ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol/ / zhes pas/ /gsol ba btab pa'i slob ma la/ /gzugs ma shin tu nyams dga' 'di/ /bsten bya sangs rgyas rnams kyis brtags/ /'khor lo rim pa'i sbyor ba yis/ /bde ba dam pa myong bar gyis/ /rdo rje skyil krung la sems ni/ /nor bur chud pa brtags pa yin/ /zhes bsgrub par byas nas gtad par bya'o//des kyang gur kum la sogs pa dri zhim pos byas pa gos gsar pa chu skyes slob ma la ston cing / kye ma bdag gi pad+ma 'di/ /bde ba thams cad yang dag ldan/ /gang zhig cho ga bzhin bsten pa/ /de yi mdun na bdag gnas so/ /sangs rgyas bsten pa la sogs pa//pad+mar bya ba ji bzhin gyis/ /bde chen rgyal po rang nyid ni/ /'di dag tu ni rtag tu bzhugs/ /b+hany+dza mok+Sha zhes 'don no/ /des kyang rang nyid lha'i gzugs kyis shes rab ma lha mo'i gzugs su bskyed nas a dang hUM las skyes pa'i pad+me dang rdo rje dag gi ze'u 'bru dang nor bu a dang oM las skyes pa dang rdo rje'i nor bu'i bu gar phaT ser po bsgoms nas lus kyi g.yon gyi char song ba'i rtsa'i rtse mor hrIHdmar po las byung ba gnas pa mdzub mo dang lces srid sngon du 'gro ba can gyis yang dag par bskul nas/oM si si si ha ha ha swA hA/ zhes bya ba dang / oM sarba ta thA ga ta a nu rA ga Na badzra swa b+hA ba At+ma kou0f85haM/zhes bya ba'i sngags brjod cing bla ma'i man ngag las dga' ba'i dbye ba sngon du byas nas rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pas lus byin gyis brlabs la/ bla mas kyang rnam par snang mdzad dang spyan ma la sogs pa dpag tu med pa bcug pa dang /ro gcig tu gyur pas dga' ba brtsam par bya'o/ /shes rab sbyor bas dpal dang ldan/ /de nyid yang dag mtshon par bya/ /rdo rje skyil krung la sems ni/ /nor bu'i nang du chud par brtag /ces rtogs par byas nas nus pa ji lta bar bzung ste dal bus bton nas chu skyes las lce nyid kyis blangs te/de kho na nyid kyi lta bas dam tshig gi ngo bo byang chub kyi sems btung bar bya'o zhes pa ni shes rab ye shes kyi dbang gi cho ga'o/ /de'i rjes la tshig kho nas dbang bzhi pa sbyin par bya'o/ /shes rab ye shes las byung ba'i myu gu lta bu'i byang chub kyi sems de bsgoms pas rab tu 'phel bar byas nas sgrib pa med par gyur nas de kho na nyid chos thams cad bsam du med pa'i rang bzhin yan lag bdun dang ldan pa'i phyag rgya chen po'i bdag nyid rdo rje 'chang gi rang bzhin dbang bzhi pa'i ngo bo brjod par bya'o zhes dbang bzhi pa'i cho ga'o//de'i rjes la de'i lag pa slob ma'i lag par bzhag nas de nyid rang gi lag pa g.yon par bzung ste rdo rje dang bcas pa'i lag pa g.yas pa slob ma'i mgo bo la bzhag nas/ 'dir ni khyed rnams dbang po yin/ /bdag gis 'di la 'di gtad do//zhes de bzhin gshegs pa la dpang btsugs te/ thabs gzhan gyis ni sangs mi rgya/ /'gro gsum 'di yang dag pa yin/ /de phyir 'di dang bral bar ni/ /nam du yang ni ma byed cig /'di dang sangs rgyas thams cad kyi/ /rig pa brtul zhugs bla na med/ /rmongs pa gang zhig 'di spong ba//de la mchog gi dngos grub med/ /ces brjod pas rig pa'i brtul zhugs thams cad sbyin par bya'o zhes bya ba ni rig pa'i brtul zhugs sbyin pa'i cho ga'o/ /de'i rjes la slob ma rdo rje sems dpa'i gzugs su bsgoms nas/ 'di de sangs rgyas thams cad nyid/ /rdo rje sems dpa'i phyag na gnas//khyod kyis kyang ni rtag tu zung / /rdo rje sems dpa'i brtul zhugs brtan/ /zhes brjod cing rdo rje 'dzin du gzhug par bya'o/ /des kyang oM sarba ta thA ga ta sid+d+hi badzra sa ma ya tiSh+Tha s+t+waM d+ha ra yA mi badzra sa twa hi hi hi tI hUM zhes brjod cing gzung bar bya'o/ / rdo rje'i brtul zhugs kyi cho ga'o/ /de nas spyod pa'i brtul zhugs 'dod pa la gsungs pa ni gang yang bud med dam skyes pa spyod pa'i brtul zhugs slong pa de la rdo rje phag mo'i gzugs sam/ bdag med ma'i gzugs sam me tog lhung ba dang bstun pa'i rig pa'i lha mo'i gzugs skyes pa ni bde mchog dang /dgyes pa rdo rje la sogs pa'i gang yang rung ba'i gzugs su bsams nas/ de'am de la snying ga'i sa bon gyi 'od zer gyis bkug pa'i ye shes kyi lha bcug nas gtso bo'i sngags lan gsum brjod nas/ rdo rje sems dpa'i phyag rgya 'di/ /phyi dang nang du yang dag gnas/ /kha T+wAM ga dang cang te'u snod//sbyin gyi dpa' bos gzung bar gyis/ /zhes brjod de kha T+wAM ga dang cang te'u dang thod pa sbyin par bya'o/ /de nas 'khor lo mi bskyod pa'i skur cig car bskyed de/ /ye shes pa bcug nas mi bskyod pa'i rang bzhin yin zhes mos nas oM d+ha ra b+ha ra/ d+ha rA ya d+ha rA ya/ ma ra ta ma ra ta/badzra d+h+r-i ka phaT swA hA/ zhes bya ba'i sngags kyis lan gsum du bsngags pa'i 'khor lo de tshig 'dis sbyin par bya'o/ /rdo rje sems dpa'i phyag rgya 'di/ /phyi dang nang du yang dag gnas/ /'khor lo mi bskyod pa yi gzugs/ /sbyin gyis dpa' bos gzung bar gyis/ /zhes spyi gtsug tu'o//de nas rna rgyan 'od dpag med kyi skur cig car bskyed de ye shes bcug nas 'od dpag med pa'i rang bzhin yin zhes mos nas oM badzra d+harmAHsa ma ya s+t+waM hUM hu lu hu lu A ro l-i ka phaT swA hA/ zhes bya ba'i sngags kyis lan gsum du bsngags pa'i rna rgyan de tshig 'dis sbyin par bya'o/ /rdo rje sems dpa'i phyag rgya 'di//phyi dang nang du yang dag gnas/ /rna rgyan 'od dpag med kyi bdag /sbyin gyis dpa' bos gzung bar gyis/ /zhes pas rna ba gnyis la'o/ /de nas mgul rgyan rin 'byung gi rang bzhin yin zhes mos nas oM badzra sUR+Ya ta mo bid+ha ma na sa ma ya s+t+waM a haM rat+na d+h+r-i ka phaT swA hA/zhes bya ba'i sngags kyis lan gsum du bsngags pa'i mgul rgyan de tshig 'dis sbyin par bya'o/ /rdo rje sems dpa'i phyag rgya 'di/ /phyi dang nang du yang dag gnas/ /mgul gyi phreng ba rin chen che/ /sbyin gyis dpa' bos gzung bar gyis/ /zhes pas mgul du'o/ / de nas gdu bu rnam snang gi skur cig car du bskyed de ye shes bcug nas rnam par snang mdzad kyi ye shes yin zhes mos nas oM shA shwa ta pa ra ma shA shwa ta a h+ye hi dzi na dzika swA hA/ zhes pa'i sngags kyis lan gsum du bsngags pa'i lag tu de tshig 'dis sbyin par bya'o/ / rdo rje sems dpa'i phyag rgya 'di/ /phyi dang nang du yang dag gnas/ /lag gdub rnam snang nyid du bshad/ /sbyin gyis dpa' bos gzung bar gyis/ /zhes pas lag pa gnyis la'o/ /de nas ska rags don grub kyi skur cig car gyis bskyed de ye shes bcug nas don yod grub pa'i rang bzhin yin zhes mos nas oM phuHphuHhi hi hi pradz+nyA d+h+r-i ka ces bya ba'i sngags kyis lan gsum du bsngags pa'i ska rags de tshig 'dis sbyin par bya'o//rdo rje sems dpa'i phyag rgya 'di/ /phyi dang nang du yang dag gnas/ /ska rags la ni grub pa zhugs/ /sbyin gyis dpa' bos gzung bar gyis/ /zhes pas rked pa la'o//bud med kyi phyogs la ni tshigs su bcad pa la dpa' bo zhes bya ba phyung nas lha mo zhes bya ba brjod par bya'o/ /spyod pa'i brtul zhugs sbyin pa'i cho ga'o/ /de'i rjes la de bzhin gshegs pa'i spyod lam gyi tshul du byas nas chos gos kyi grwa bzung ba'i khu tshur g.yon pa snying gar bzung zhing /g.yas pa mi 'jigs pa'i phyag rgyas 'di ltar lung bstan pa'o/ /khyod ni nga yis lung bstan te/ /rdo rje sems dpa' de bzhin gshegs/ /srid la mchog zhi rab bsgrub phyir/ /srid pa'i ngan 'gro nyid las bton/ /kye de bzhin gshegs pa rdo rje che ge mo zhes bya ba la sogs pa sid+d+hi sa ma ya s+t+waM b+hur b+hu ba swaH/zhes pa'i sngags kyis me tog lhung ba dang rjes su mthun pa'i de bzhin gshegs pa'i ngo bos slob ma la lung bstan par bya'o/ /gang 'di ltar lung ston par byed pa de bzhin gshegs pa thams cad kyis yang dag par rdzogs pa'i byang chub tu lung bstan par bya'o zhes dang bar bya'o zhes pa ni lung bstan pa'i cho ga'o//rig pa dang rdo rje spyod pa'i brtul zhugs dang lung bstan pa 'di rnams rgyud kha cig tu dbang bskur ba nyid du tha snyad byas so/ /de'i rjes la slob ma'i stan gyi mdun du'am kha cig tu ni gdan la yang oM badzra he tu maM zhes brjod cing b+h+rUM las skyes pa'i chos kyi 'khor lo dang /lag pa g.yas su oM badzra b+ha Sha raM zhes brjod cing a las skyes pa'i dung dang / g.yon du dbyangs dang po las skyes pa'i po ti dbyangs dang a brjod pa dang / dbyangs a brjod cing byin nas dril bu dkrol du gzhug cing / thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang ni mnyam sbyor ba'i/ /kun spyod nam mkha'i ngang du gsal/ /deng nas brtsams te 'jig rten na/ /sems bskyed dang bcas kun gyis ni/ /chos kyi 'khor lo rab tu bskor/ /chos kyi dung ni bla na med//'khor yug tu ni 'bud par gyis/ /zhes brjod par bya'o/ /de yis so sor mos pa las/ /chos kyi 'khor lo bskor bar gyis/ /zhes dril bu gtad de gsil bar byed do/ /de ltar rjes su gnang ba byin nas rjes su gnang ba lhag par gnang ba sbyin par 'dod pas rim pa bzhin du rnam par snang mdzad la sogs pa'i gzugs su bsgoms pa'i slob ma la/sems can kun la phan pa'i phyir/ /'jig rten khams rnams thams cad du/ /ji ltar gdul bya sna tshogs la/ /chos kyi 'khor lo bskor bar gyis/ /sems can kun la phan pa'i phyir/ /'jig rten khams ni thams cad du//ji ltar gdul bya sna tshogs la/ /rdo rje'i 'khor lo rab tu bskor/ /sems can kun la phan pa'i phyir/ /'jig rten khams ni thams cad du/ /ji ltar gdul bya sna tshogs la/ /rin chen 'khor lo rab tu bskor/ /sems can kun la phan pa'i phyir/ /'jig rten khams ni thams cad du//ji ltar gdul bya sna tshogs la/ /pad+ma'i 'khor lo rab tu bskor/ /sems can kun la phan pa'i phyir/ /'jig rten khams ni thams cad du/ /ji ltar gdul bya sna tshogs la/ /las kyi 'khor lo rab tu bskor/ /shes rab thabs kyi rang bzhin dag/ / yid bzhin nor bu chen po ltar/ /bud med chags dang bral ba yis/ /sems can don ni bla med kyis/ /des kyang 'di la phyag byas nas/ /'di skad ces brjod par bya'o/ /gtso bos ji ltar bka' stsal ba/ /de ltar bdag gis bya ba bgyi/ /zhes pa ni rjes su gnang ba'i cho ga'o//de nas/ spyi bor gdugs ni bzung byas nas/ /skor ba byed du bcug nas ni/ /dkyil 'khor sgor ni thal sbyar la/ /gdugs bcas dbab cing 'di skad brjod/ /slob ma 'di ni phul byas kyi/ /gsang sngags rgyud rnams 'dzin par shog//ces bya bas 'khor lo'i dbang phyug la gsol ba btab nas gdugs gzhan du bzhag nas slob ma yid du 'ong ba la 'di skad brjod par bya'o/ /'dir ni slob dpon dkyil 'khor dang / /sngags dang rgyud kyang 'dzin par 'gyur/ /sangs rgyas byang chub sems dpa' dang / /lha rnams kun gyis dgongs par 'gyur//sems can kun la brtse ba'i phyir/ khyed kyis dkyil 'khor cho ga bzhin/ /nan tan bskyed de bri bar bya/ /sgrub pa po rnams rgyud la sbyor/ /mchog gsang dkyil 'khor dam pa 'di/ /mthong ba dang ni zhugs 'gyur bas/ /sdig pa kun las nges par grol//khyed rnams de nyid legs par gnas/ /bde chen theg pa 'di la ni/ /phyi nas 'chi ba yod min no/ /mi tshugs pa dang mi srid pas/ /cis kyang mi 'jigs dga' bar gyis/ /srid pa kun du dag byas phyir/ /srid pa'i sdug bsngal las khyod 'das/ /sangs rgyas rdor 'dzin bcas kun gyis//tshe ldan de ring dbang bskur bas/ /khams gsum kun gyi rgyal srid che/ /bdag po kun du khyod nyid 'gyur/ /'dod chags bral ba lta bu'i sdig /khams gsum na ni gzhan med do/ /de phyir 'dod chags dang bral bar/ /khyod kyis nam yang mi bya'o/ /'dod pa kun la nyer spyod pas//gang la 'jigs med spyad par gyis/ /sha lnga bdud rtsi bza' bar bya/ /'di las gzhan yang dam tshig bsrung / /srog chags gsad par mi bya zhing / /bud med rin chen spang mi bya/ /slob dpon spang par mi bya ste/ /dam tshig shin tu 'da' dka' bas//shes rab thabs su sems dpa' yis/ /mi bya ba ni cung zad med/ /de bzhin gshegs gsungs ji lta ba'i/ /sdig pa med pas 'jigs ma byed/ /de ltar yid ni rab tu rdo rje nyid du gyis/ /rang gi dam tshig mi bzad de bzhin las brgya bstan par gyis/ / de ring tshegs chung bde bar 'gro ba'i rdo rje sems dpa' dang / /rab tu mnyam zhing rtag pa nyid du rtogs par 'gyur/ /gzhan yang chos de rnams las chos de ji bzhin par/ /dbang bskur ba las dge ba'i ched du bu gces pa yi ma bzhin du/ /sangs rgyas dang byang chub sems dpa' thams cad kyi chos nyid kyi thugs dang bas yang dag par dgongs par mdzad do zhes bya ba ni dbugs dbyung ba'i cho ga'o//de ltar dbang thob pa'i slob ma dbugs 'byin zhing dga' bas 'di ltar bgyi'o/ /deng bdag skye ba 'bras bur bcas/ /bdag gi gson pa'ang 'bras bur bcas//de ring sangs rgyas rigs su skyes/ /sangs rgyas sras su deng bdag gyur/ /zhes brjod do/ /de nas glang po che dang / rta dang / rin po che dang / sa le sbram dang / dngul dang / gser dang / rgyan dang / ba lang dang / ma he dang / bran pho dang / bran mo dang / khol po la sogs pa dang /gces pa'i chung ma dang / bu dang bu mo la sogs pa rnams sam ji ltar nus pas bla ma la bsnyen bkur gyi phyir dbul bar bya'o/ /gtor ma dang sbyin sreg dang tshogs kyi 'khor lo dang dge 'dun la ston mo la sogs pa yang bya'o/ /de nas cho ga ji lta bar rgyas pa dang zhi ba'i sbyin sreg byas nas rang nyid kyis dkyil 'khor mchod pas mchod de//thams cad kyis ci nus pa ji lta ba de bzhin gshegs pa la sogs pa rnams la mchod pa gyis shig ces pas slob ma la sogs pa rnams kyis mchod pa byed du bcug nas zhugs pa rnams la yang bza' ba dang / bca' ba dang /bldag pa dang / chang la sogs pa'i tshogs kyi 'khor lo'i tshul rnams kyis tshim par bya ste/ de dag dang lhan cig tu mi nyal bar dkar po la sogs pa dang byang chub kyi sems sgrub pas yang dag par mchod nas khyod rnams kyis 'jug pa 'di su la yang brjod par mi bya'o/ zhes bka' bsgos nas slob dpon gyis yon blang par bya'o/ /des kyang gus pas dbul bar bya'o/ /rin chen yid 'ong chung ma dang / /rang gi lus dang zhing dang ni/ /ji ltar bla ma mnyes 'gyur dbul/ /mdor bsdus nas ni 'di ltar bya/ /bla ma mnyes na dngos grub 'grub/ /gzhan du min zhes thub pas gsungs//slob dpon bla med byed pa po/ /rdo rje sems dpa' mchod pa'o/ /de yi bsod nams ma byas ci/ /dka' thub ma spyad par yang dag /ces gsungs pas so/ /der slob ma bkod nas phyi rol du phyogs skyong gi gtor ma gtang / /mchod pa la sogs pa byas nas dang du zhugs nas dkyil 'khor la phyag 'tshal te 'khor lo'i bdag por mchod yon la sogs pa phul nas dge ba yongs la bsngo ste dkyil 'khor la lan gsum bskor ba byas nas bcom ldan 'das la phyag byas nas shar sgor 'dug ste/yi ge brgya pa lan gsum brjod do//gang yang bdag blo gti mug pas/ /legs spyad 'di la nyes gyur gang / /gang phyir lus can skyabs gyur pa/ /de kun mgon khyod bzod par gsol/ /gtso bo nus pa ma mchis shing / /ma rnyed pa dang ma tshang ba/ /'dir ni bya ba gang bgyis pa/ /de kun mgon khyod bzod par gsol//zhes bzod par gsol nas/ oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ /oM AHhUM badzra muH/ zhes pas ye shes kyi dkyil 'khor gshegs su gsol nas rang nyid kyis sprul pa'i dkyil 'khor rang nyid la bcug la oM a kA ro mu khaM sarba d+harmA NAM A d+ya nu t+pan+na twA ta oM AHhUM phaT swA hA oM AH hUM muH/zhes 'don zhing chos thams cad skye ba med par mos nas dril bu dkrol zhing lag pa na gnas pa'i rdo rjes shar sgo nas brtsams te tshangs thig gi lam nas gtso bo'i gnas kyi bar du dbyi zhing //rang gi mgo la rdul tshon cung zad tsam blugs nas pad+ma la sogs pa'i bar du dbye bar bya'o/ /de nas sgo rnams la gnas pa dang zur ni lag pa na gnas pa'i rdo rje'i rtse mos gzhig par bya'o/ /oM badzra kI lA ya uta kI lA ya sarba kI laM badzra d+ha rA yA dz+nyA pa ya ti hUM hUM hUM hUM phaT ho zhes bya ba'am/hUM gi sngags kyis phur pa rnams bton nas/ oM ru ru spu ru dz+wa la tiSh+Tha sid+d+ha lo tsa ni sarba a nra sA d+ha ne swA hA/ zhes bya ba'i chu la lan brgya rtsa brgyad du bzlas pas bkru'o/ /phur pa'i lha rnams gshegs su gsol lo/khung bu yang dgang ngo / /nad zhi ba la sogs pa'i don du gnyer ba la rdul tshon cung zad byin nas rgyal ba'i bum pa'am/ bum pa gtsang ma gzhan ras kyis brgyan pa'i rnal 'byor mas bzung ste/ khyogs la zhon pa'i slob dpon nam/ slob mas dril bu'i sgra dang rol mo'i sgra dang gdugs dang /rgyal mtshan dang / ba dan dang / mchod pa rnams dang ldan pas 'bab chu chen po'am chu zab mor khyer nas 'gram du 'dug ste ba'i lci bas byugs la dri dkar pos byugs/ dkyil 'khor byas nas pad+ma'i lte ba la rdo rje sems dpa' dang / 'dab ma la klu rnams sngon bzhin du mchod do//klu gtor gyi sngags kyis 'o thug gi gtor ma byin nas mchod do/ /klu rnams la rdul tshon gtad nas chu la blugs par bya'o/ /klu rnams kyis kyang bkur sti chen pos sa 'og tu khyer bar bsam par bya'o/ /yang rdul tshon khyer ba'i bum pa de chus bkang nas de kho na bzhin bzhag ste/de nas zhi ba'i don du dkyil 'khor la sogs pa'i khang pa chag chag gdab bo/ /ba'i lci bas byugs pa'i dkyil 'khor par gzhon nu ma rnams la 'o thug gi ston mos tshim par bya'o/ /de nas slob dpon gyis/ mkho ba'i yo byad rnams bsdus nas//rang nyid kyis ni spyad par bya/ /slob ma la sogs cung zad min/ /khung bu 'geng dang rab gnas dang / /sbyin sreg dkyil 'khor nor gang yin/ /de kun slob dpon nyid dbang zhes/ /rdo rje 'dzin pa mchog gis gsungs/ /yon bdag gis rab gnas byas pa'i sku gzugs la sogs pa bskyod par rung ba ni rol mo'i sgra la sogs pas mchod pas rang rang gi gnas su khyer nas mchod par bya'o//slob dpon dang sgo'i slob dpon rnams dang las kyi rdo rje can dang rnal 'byor ma rnams dang bzo rnams ji ltar rigs par nos pa ji lta bar ras la sogs pa dang so rtsi la sogs pas tshim par bya'o//dge 'dun la ston mo dang rnal 'byor pa la tshogs kyi 'khor lo yang bya'o/ /dman pa dang mgon med pa rnams la'ang tshim par bya'o zhes pa ni dkyil 'khor nye bar bsdu ba'i cho ga'o/ /de ltar 'dir ni dkyil 'khor bri ba'i cho ga'o//bri ba'i cho ga 'di yid kyis bsgrubs pa'i cho ga nyid kyis kyang 'bras bu dang ldan no zhes bya bas yid kyi cho ga kho na mchog yin no/ /de'i phyir dkyil 'khor gyi bdag po'i gzugs kyis sa gzung ba la sogs pa dang / sku gzugs la sogs pa'i rab gnas dang /slob ma la dbang bskur ba dang / gshegs su gsol ba dang / zhi ba'i sbyin sreg gi mthar thug pa thams cad yid kyis bya'o/ /de nyid kyi tshe gang gis kha cig tu sbrel ba dang 'di dag thams cad byar mi nus pa'am mi rnyed pa de'i tshe bsgom par bya'o//de'i tshe dngos po yod pa la yang bsam gtan kho na gtso bo yin no/ /'on kyang 'jig rten pa lta ba dang sbyin pa la mngon par dad pa la sogs pas bsod nams spel ba 'ga' zhig gi ched du phyi mchod kyi cho ga 'dod do/ /rgyu med cing tshogs pa dang bral bas ni bsgom pa kho nas cho ga thams cad bsgrub par bya'o zhes sngon gyi slob dpon rnams kyis gsungs so//de'i phyir las dang po pas kyang sems brtan pas yid kyis sprul pa'i dkyil 'khor du sngon gyi rab gnas dang / skal ba la bstan pa dang dbang bskur bar bya'o/ /de ltar yang sangs rgyas thod pa'i rgyud las/shes rab pad+ma'i nang dbus su/ /dpag tshad bye ba'i dkyil 'khor la/ /dkyil 'khor de yi dbus su ni/ /mkhas pas slob ma dbang bskur bya/ /zhes pa dang gzhan du yang gsungs pa ste/ yid kyis 'ga' zhig nyid du ni/ /rgyal ba'i dkyil 'khor bya bar bzhed//ces gsungs so zhes pa ni yid kyi dkyil 'khor gyi cho ga'o/ /slob dpon chen po a b+ha yA ka ra gup+tas mdzad pa'i dbang bskur gyi rab tu byed pa rdzogs so// //paN+Di ta de nyid dang mkhas pa baN+de shes rab dpal gyis bsgyur ba'o//

CLOSE WINDOW