CLOSE WINDOW

D1498
བོད་ཡིག

/spyod pa'i glu'i 'grel pa rdzogs so// @##/ /rgya gar skad du/ shrI tsakra sam+ba ra a b+hi sa ma ye/ bod skad du/ dpal 'khor lo sdom pa'i mngon par rtogs pa/ dpal rdo rje sems dpa' la phyag 'tshal lo/ /rdo rje sems dpa'i sku ni dpal ldan dga' ba rgyas pa mgon po sna tshogs shel lta bu/ 'jig rten 'das pa'i sbyor bas 'jig rten snying gi mun pa rnam par 'joms pa myur mdzod cig /nor bu byi dor byas pas dgos pa 'byung ltar mkhas pas tshogs gnyis 'dod phyir 'di la ni/bsnyen bkur rim pa sgrub pa'i thabs ni 'khrul pa spong ba rab bshad bya/ dang po kho nar ri'i rtse mo la kha lhor bltas te gtor ma btang nas skra grol ro la 'dug la dam tshig bsten nas/ sems can thams cad sdom pa'i go 'phang thob par 'dod pas yi ge bzhi'i don mngon du byas la/cig car du stong pa'i ngang las tha mal pa'i nga rgyal spangs la/ shes rab ma dang bcas pa'i sdom pa phyag gnyis pa'i nga rgyal gyis/ thog mar oM dang mthar hUM phaT ces pa'i A li kA li'i sngags 'od zer dang bcas pas g.yon skor du dkris nas/ 'khor lo gsum gyi lha tshogs spros la bgegs kyi tshogs 'joms par bsams te/ gzugs kyi phung po la sogs pa rnams la rnam par snang mdzad la sogs pa lhag par mos pa byas nas/ oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bAn bid+yA rA dza hUM hUM phaT/ ces sngags bzhi po brjod pas nag po ljang gu dkar po ser po las 'phros pa'i gzugs shin tu che ba tshangs pa'i gnas nas sa 'og tu khyab pa/ shar byang nub lho la rim pa ltar bkod pas de'i 'od zer gyis de'i kha dog dang mtshungs pa'i rdo rje'i ra ba gru bzhi pa/de dang mnyam du hUM las skyes pa sna tshogs rdo rje de la hUM gis mtshan pa'i sa gzhi sa 'og gi bar du'o/ /de'i 'od zer las gyur pa'i rdo rje rtse lnga pa'i ra ba/ de'i phyir mda'i dra ba/ 'og tu rdo rje bla res brgyan pa'i gur bsam par bya'o/ /de nas sum+b+ha la sogs pa'i sngags bzhi las grub pa'i khwa gdong ma la sogs pa bzhi dang /de gnyis gnyis kyi 'od las grub pa'i gshin rje brtan ma la sogs pa'i lha mo brgyad po zhal gcig pa phyag gnyis pa g.yas rdo rje tho ba g.yon phur bu ste/ de yang lte ba yan chad rang dang 'dra ba bsnams pas rang dang 'dra ba du ma sprul nas phyogs bcu na gnas pa'i bgegs tshogs bkug nas hUM ring brjod pas de las grub pa'i ra ba dang nye ba'i khron pa brgyad du bcug la sngags 'dis mgo la phur pa gzhag par bya'o//oM g+ha g+ha g+hA ta ya g+hA ta ya/ sarba du Sh+DA na pra du Sh+TA na hUM hUM phaT/ oM kI la ya kI la ya sarba pA paM hUM hUM phaT/hUM hUM hUM badzra kI la ya badzra d+ha ro A dz+nyA pa ya ti sarba big+h+nAM kA ya wAka tsit+ta badzra kI la ya hUM phaT ces so/ /de nas brdung ba'i sngags kyis brdung bar bya ba'o/ /oM badzra mud+ga ra badzra kI la A ko Ta ya hUM hUM phaT/ ces brdeg pa dang brdung ba dag gis bgegs kyi tshogs bde ba chen po dang ro gcig par gyur par bsams la//bgegs lhag ma bskrad/ de'i 'od ra ba la thim par gyur pas de las byung ba'i rdo rje dang pad+ma 'khor lo'i khor yug bsgoms la/ 'gro ba yang rnam pa thams cad kyis bgegs med par bsam par bya'o//de ltar snying gar aM las byung ba'i zla ba'i dkyil 'khor la gnas pa'i hUM sngon po'i 'od zer gyis 'chad par 'gyur ba'i dkyil 'khor gyi 'khor lo mdun gyi nam mkha' la spyan drangs la/ phyag rgyas ar+g+ha la sogs pa dbul zhing hUM las byung ba'i lha mo bcu drug gis mchod par bya'o//de la me tog ma/ bdug spos ma/ mar me ma/ dri chab ma ni/ dkar ba/ du ba'i mdog /mar me'i rtse mo lta bu dang / dmar ba phyag g.yas kyi dang po na me tog gi gzhong pa spos khang mar me dri'i dung chos so/ /cig shos kyi gsum la Da ma ru dang thod pa/ khaT+wA ga'o//pi wang ma/ gling bu ma/ rnga zlum ma/ rdza rnga ma ni/ sngo/ ser/ dmar/ ljang ba ste/ phyag dang po gnyis kyis rang rang gi rol mo 'khrol ba/ gzhan gnyis kyis rdo rje dang dril bu'o/ /bzhad ma dmar mo phyag dang po gnyis kyis bzhad pa'i stangs mdzad pa/ sgeg mo sngon mo phyag gnyis rdo rje dril bu dkur brten pa/glu ma ser mo 'khar ba'i sil khrol rdeb pa/ gar ma ljang gu phyag gnyis pa pad kor mdzad pa 'di rnams kyi phyag gzhan rnams kyi thod pa dang khaT+wAM ga'o/ /gzugs ma dkar/ ro ma dmar/ reg ma ljang / chos ma dkar mo ste phyag g.yas dang po me long ro'i snod/gos sna tshogs/ chos 'byung ngo / /cig shos gsum la Da ma ru dang thod pa kha T+wAM ga'o/ /bcu drug po zhal gcig phyag bzhi pa'o/ /de'i rjes la rkang pa brgyad pas bstod pa bya/ sdig pa bshags pa la sogs pa bya/ oM swa b+hA ba shud+d+haH sarba d+harmAH swab+hA ba shud+d+hou0f85haM/zhes pa'i don mngon du byas la/ khams gsum yang stong pa nyid kyi rang bzhin du blta zhing rang gi sems nyid yi ge gsum gyi ngo bo nyid oM AH hUM/ de la u ha mgo zla tshes thig le nA da la rim pas nang du thim par byas la/ oM shU n+ya tA dz+nyA na badzra swa b+hA ba At+ma kou0f85haM/zhes bya ba'i don bsam zhing yid kyis gdon/ nA da tsam gyi rtog pa yang spang ngo / /de nas sngon gyi smon lam gyi dbang gis rang gi sems nyid nA da'i rnam par nam mkha' la bzhag la/ de las yaM las rlung gi dkyil 'khor sngo ba gzhu'i dbyibs can ba dan gnyis dang ldan pa'o//raM las me'i dkyil 'khor dmar po zur gsum pa 'bar ba bdun gyis mtshan pa/ baM las chu'i dkyil 'khor dkar po zlum po bum pa lta bu la bum pas mtshan pa/ laM las sa'i dkyil 'khor ser po gru bzhi pa rdo rje phyed pas mtshan pa/ de dag kyang rang rang gi sa bon gyis byin gyis brlabs pa'o//de'i steng du suM las rin po che sna tshogs las grub pa'i ri rab kyi steng du paM las sna tshogs pad+ma'i ze'u 'bru la hUM las sna tshogs rdo rje'i lte bar g.yon dang cig shos kyi nyis 'gyur gyis 'khor ba'i A li kA li las zla ba/ de las gzugs brnyan lta bu'i yi ge'i dbus su sngar bzhag pa'i nA da las rim pa ltar spro ba bsdu ba las 'khor lo lnga'i sa bon hUM phyi dkar la nang sngo ba/zla ba dang sa bon yongs su gyur pa las 'khor lo lnga'i lha dang bcas pa'i gzhal yas khang dur khrod brgyad kyis bskor ba'o/ / de la bcom ldan 'das sna tshogs pad+ma dang nyi ma la g.yas brkyang g.yon bskum pa'i zhabs kyis 'jigs byed dang dus mtshan mnan pa sku mdog nag po/ shar dang byang la sogs pa'i zhal ni gnag ljang dmar ser pa'o/ /zhal re re zhing dmar la zlum pa'i spyan gsum pa/ stag gi pags pa'i sham thabs can/phyag bcu gnyis pa/ rdo rje dang dril bur bcas pa'i phyag gnyis kyis rdo rje phag mo la 'khyud pa/ de'i 'og ma gnyis kyis glang po'i pags pa dkar po khrag dang bcas pa rgyab tu 'dzin pa/ g.yas kyi 'og ma rnams kyis Da ma ru dang / dgra sta dang / gri gug dang /rtse gsum pa'o/ /g.yon 'og ma rnams kyis rdo rjes mtshan pa'i kha T+wAM ga /khrag gis gang ba'i thod pa/ rdo rje'i zhags pa/ tshangs pa'i mgo bo'o/ /brgya phyed mi mgo'i do shal can/ 'khor lo dang / rna rgyan dang / mgul rgyan lag gdub rked rgyan thal ba'i rang bzhin te phyag rgya drug dang ldan pa/mi'i rgyus pa'i tshangs skud can/ dpral ba'i steng na thod pa lnga dang nor bu dang cung zad g.yon du yo ba'i zla ba tshes pa dang / sna tshogs rdo rjes brgyan pa'i ral pa'i thor cog can/ zhal rnam par 'gyur zhing mche ba gtsigs pa/ sgeg pa/ dpa' ba/ mi sdug pa/ drag po/ /bzhad pa/ 'jigs pa/ snying rje che ba/ rmad du byung ba/ zhi ba ste gar gyi nyams dgu dang ldan pa'o/ /de'i mdun gyi rdo rje phag mo ni mdog dmar ba/ zhal gcig pa/ spyan gsum pa/ skra grol zhing 'phyang ba/ nam mkha'i gos can la/ thod pa'i dum bus rked rgyan byas pa/ g.yon pas 'khyud cing ka pA la'i khrag gi rgyun yab la stobs pa/ g.yas pas rdo rje dang bcas pa'i sdigs mdzub gyen du bsgreng ba/ chags pa med pa nyid kyi phyir mi mgo skam po'i phreng ba/ nyi ma'i 'od kor can/ phyag rgya lnga dang ldan pa khrag 'dzag pa/cung zad dgod cing ba spu langs pa'o/ /'khor rnams ni shar la sogs pa phyogs g.yon skor la/ me la sogs pa'i mtshams g.yas su bskor ro/ /de la phyogs kyi 'dab ma la mkha' 'gro ma lA ma/ dum skyes ma/ gzugs can ma'o/ /de yang gnag /ljang / dmar/ ser ba/ zhal gcig pa/ spyan gsum pa/ skra grol ba/ phyag bzhi la g.yon pas thod pa kha T+rAM ga/g.yas pas Da ma ru dang gri gug gcer bu g.yas brkyang bas bzhugs pa'o/ /mtshams kyi 'dab ma rnams la byang sems/ nyi ma/ bdud rtsi lnga/ sgron ma lnga/ grub pa'i dngul chu lta bur gyur pas gang ba'i pad snod bzhi'o/ /yang na bzhi ka yang bdud rtsi lngas gang ba'o/ /de nas thugs kyi 'khor lo rtsibs brgyad pa sngon po rdo rje'i phreng ba sngon pos bskor ba'o/ /de la shar gyi rtsibs la dpa' bo thod pa'i dum bu dang dpa' mo rab gtum mo'o//byang la keng rus chen po dang gtum mig ma'o/ /nub tu keng rus can dang 'od ldan ma'o/ /lho ru mche ba gtsigs pa dang sna chen ma'o/ /me la chang dgra dang dpa' blo ma'o/ /bden bral la 'od dpag med dang thung ngu ma'o/ /rlung la rdo rje'i 'od dang lang ka'i dbang phyug ma'o//dbang ldan la rdo rje'i sku dang shing grib ma'o/ /de'i phyir gsung gi 'khor lo dmar po ste pad+ma dmar po'i phreng bas bskor ba'o/ /de la shar gyi rtsibs la myu gu can dang sa srung ma'o/ /byang la rdo rje ral pa can dang 'jigs byed chen mo'o/ /nub la dpa' bo chen po dang rlung shugs ma'o//lho la rdo rje hUM mdzad dang chang 'thung ma'o/ /me la rab tu bzang po dang lha mo sngo bsangs ma'o/ /bden bral la rdo rje bzang po dang shin tu bzang mo'i// rlung la 'jigs byed chen po dang rta rna ma'o/ /dbang ldan la mig mi bzang dang bya gdong ma'o//de nas sku'i 'khor lo dkar po ste 'khor lo'i phreng ba dkar pos bskor ba'o/ /de'i shar gyi rtsibs la stobs po che dang 'khor lo'i shugs can ma'o/ /byang la rin chen rdo rje dang dum skyes ma'o/ /nub la rta mgrin dang chang 'tshong ma'o/ /lho la nam mkha'i snying po dang 'khor lo'i go cha ma'o//me la he ru ka dang shin tu dpa' mo'o/ /bden bral la pad+ma gar dbang dang stobs chen ma'o/ /rlung la rnam snang dang 'khor los sgyur ma'o/ /dbang ldan la rdo rje sems dpa' dang brtson 'grus chen mo'o/ /thod pa'i dum bu la sogs pa'i dpa' bo rnams ni zhal gcig pa/phyag bzhi pa/ spyan gsum pa/ mche ba gtsigs pa'i zhal/ ral pa'i thor cog dang ldan pa/ dpral ba la rdo rje phreng bas mtshan pa'i dpa' bo'i ras kyis bcings pa/ phyag dang po gnyis rdo rje dril bu dang bcas pas yum la 'khyud pa/ 'og ma gnyis Da ma ru dang kha TI ga bsnams pa'o//tshangs skud can phyag rgya lnga dang ldan pa/ g.yas brkyang pas bzhugs pa'o/ /rab tu gtum mo la sogs pa'i dpa' mo rnams ni zhal gcig pa/ spyan gsum pa/ drag mo'i gzugs la skra grol zhing gos dang bral ba/ phyag gnyis pa g.yon pas 'khyud cing thod pa bsnams pa/g.yas pas sdigs mdzub gri gug dang bcas pas bsdigs pa'o/ /de nas sgo rnams su khra gdong ma/ 'ug gdong ma/ khyi gdong ma/ phag gdong ma ste ming dang mthun pa'i gdong can/ khyad par gzhan ni mkha' 'gro ma la sogs pa bzhin no/ / mtshams rnams la gshin rje brtan ma/ gshin rje pho nya ma/ gshin rje mche ba ma/ gshin rje 'joms ma ste mi'i gdong pa can yid 'phrog pa/ g.yas dang cig shos kyi mdog gnyis pa/ brgyad po yang ro'i gdan no/ /mkha' 'gro ma la sogs pa'i lha thams cad kyang mi mgo'i do shal can/dpral bar rdo rje phreng bas mtshan pa'o/ /dum bus brgyan pa'i ska rags la g.yer ka'i sgra sgrogs pa'o/ /'di lta bu'i 'khor dang lhan cig 'khrungs pa'i bcom ldan 'das kyi thugs kar nyi ma la hUM sngon po ting nge 'dzin sems dpa'o/ /lte ba la A li kA li'i phreng ba 'od zer lnga dang ldan pa dkyil 'khor gyi lha'i rang bzhin spros pas g.yas pa'i rlung dang lhan cig phyir song nas 'gro ba thams cad 'khor lo'i bdag nyid du byas te/yongs su grub pa'i dpa' bo dang dpa' mo rnams dang ro gcig tu gyur nas/ g.yon gyi rlung dang lhan cig nang du zhugs pas rang gnas su gzugs brnyan lta bu'i zla ba'i dkyil 'khor blta'o//de la hUM gis mtshan pa de yongs su gyur pa las bcom ldan 'das dkar po zhal gcig phyag gnyis pa rdo rje dang dril bur bcas pas rdo rje phag mo dang snyoms par zhugs pa/ zhabs brkyang bskum du bzhugs pa ye shes sems dpa'i rang bzhin te/de ltar sems dpa' gsum ldan du bdag nyid blta'o/ /yang na thugs kar ye shes sems dpa'/ de'i thugs kar ting nge 'dzin sems dpa'/ de'i nA da dang bcas pa ni bde ba chen po'i bdud rtsi'i rang bzhin du bsam mo//oM AHhUM/ oM sar+b+ba bI ra yo gi nI kA ya wAka tsit+ta badzra swa b+hA wa At+ma kou0f85haM/ zhes brjod do/ /de'i rjes la mig gnyis la pad+ma dang zla ba'i steng du 'khor lo dang oM las gti mug rdo rje dkar po gzugs rdo rje mas 'khyud pa'o/ /rna ba gnyis la pad+ma dang n yi ma'i steng du rdo rje dang hUM las zhe sdang rdo rje nag po sgra rdo rje mas 'khyud pa'o//sna la pad+ma dang nyi ma'i steng du rin po che dang traM las ser sna rdo rje ser po dri rdo rje mas 'khyud pa'o/ /lce'i rtser chu skyes dang nyi ma'i steng du 'dam skyes dmar po dang a~M las 'dod chags rdo rje dmar po ro rdo rje mas 'khyud pa'o//dpral bar chu skyes dang nyi ma'i steng du ral gri dang haM las phrag dog rdo rje ljang gu reg bya rdo rje mas 'khyud pa'o/ /thugs kar pad+ma dang nyi ma'i steng du rdo rje dang hUM las dbang phyug rdo rje dkar po chos dbyings rdo rje mas 'khyud pa'o/ /de la gti mug rdo rje la sogs pa nang gi skye mched kyi rnam par dag pa'i rang bzhin lha'i mig la sogs pa ster ba ste/de yang rim pa ltar sa'i snying po/ phyag na rdo rje/ nam mkha'i snying po/ 'jig rten dbang phyug /sgrib pa thams cad rnam par sel ba/ kun du bzang po'i ming gzhan no/ /ral pa'i thor cog la rnam snang /mi bskyod/ rin 'byung / 'od dpag med/ don grub/ rdo rje sems dpas rgyas btab pa/ zhal gcig spyan gsum phyag rgya lnga dang ldan pa/ phyag gnyis te g.yas pa rnams la 'khor lo/ rdo rje/ rin po che/ pad+ma dmar po/ ral gri/ /rdo rje dkar po rnams so/ / g.yon thams cad dril bu'o/ /g.yas brkyang bas bzhugs pa/ 'di rnams kyi yum ni/ dzaHhUM baM hoHkhaM raM las skyes pa phyi'i skye mched kyi rnam par dag pa'i rang bzhin rang 'od ma g.yon brkyang pas gnas pa/ phyag gnyis pa/ g.yas pa thams cad la rim pa ltar me long / pi wang / dri'i dung chos/ ro'i snod/ gos sna tshogs/ chos 'byung ngo / /g.yon thams cad dril bu ste sgra rdo rje ma ni g.yon pa yang pi wang bsgreng ba rin 'byung gis rgyas btab pa'o/ /de las lte ba dang snying ga mgrin pa spyi bor pad+ma dang zla ba la lAM mAM pAM tAM las byung ba'i ltung byed ma gsod byed ma 'gugs byed ma gar gyi dbang phyug ma ste/spyan ma/ mA ma kI / gos dkar/ sgrol ma'i rang bzhin/ 'di dag kyang zhal gcig phyag bzhi ma g.yas pas 'khor lo/ rdo rje/ pad+ma/ ral gri/ gri gug bsnams pa'o/ /g.yon pa thod pa/ kha T+waM ga'o/ /gsang gnas su pad+ma dang zla ba la khaM las byung pa'i pad+ma'i dra ba du ba lta bu/zhal gsum phyag drug ma g.yas dkar ba cig shos dmar ba/ phyag g.yas pas lcags kyu tshangs mgo gri gug /g.yon pas thod pa/ kha T+waM ga /zhags pa'o/ /spyan gsum pa/ phyag rgya lnga dang ldan pa/ skra grol zhing nam mkha'i gos can g.yas brkyang bas bzhugs pa'o//lnga po 'di dag kyang rim pa ltar sa chu me rlung nam mkha' rnam par dag pa'i rang bzhin no/ /de dag la rim pa bzhin b+h+rUM hUM hri hoHoM las byung ba'i dkar po/ nag po/ dmar po/ ljang gu/ ser po'i rang bzhin/ rnam snang / mi bskyod/ snang mtha'/ don grub/ rin 'byung ste/ gzugs dang / rnam par shes pa dang / 'du shes dang / 'du byed dang / tshor ba'i phung po rnam par dag pa'i rang bzhin gyis 'khyud pa dang rgyas btab pa'o/ /gzugs la sogs pa'i phung po'i de bzhin nyid la gtsug tor gyi pad+ma dang zla ba la hi gyur pa las rdo rje sems dpa' dkar po la hUM las byung ba'i rdo rje rang 'od mas 'khyud pa ste/de ni ye shes dang dbyings kyi rang bzhin gyis rnam par dag pa'o/ /de la rnam snang gi phyag g.yas 'khor lo bsnams nas bsgreng ba/ mi bskyod pa rdo rje dang bcas pas sa gnon mdzad pa/ 'di gnyis ka g.yon pa dril bu 'dzin pas lha mo'i dku la brten pa'o//snang mtha'/ don grub/ rin 'byung dag ni pad+ma dmar po/ sna tshogs rdo rje/ rin po che bsgreng bas bsnams pa/ g.yon pas dril bu thugs ka'i thad du yum gyi rgyab tu 'khyud pa'o/ /rdo rje sems dpa' phyag g.yas pas rdo rje 'dzin pa rol pa dang bcas pas snying ga'i thad du yum gyi rgyab tu 'khyud pa/g.yon dril bu lha mo'i dku la brten pa'o/ /yang na rnam shes kyi phung po la rdo rje sems dpa'/ phung po lnga'i bdag nyid mi bskyod pa 'di ltar shes par bya'o/ /'di ni phan tshun du bdag nyid gcig tu rtogs pa'i phyir ro//de ltar rnam snang la sogs pa la mi bskyod pas rgyas gdab par bya'o/ /de nas spyi bo/ mgrin pa/ snying ga dag la rtag pa dang / 'od dpag med dang / mi bskyod pa gsum ni shes rab dang bcas pa lus ngag yid gsum rnam par dag pa'i rang bzhin no/ /gti mug rdo rje la sogs pa'i lha rnams ni snyoms 'jug gis bde ba chen po'i rang bzhin du zhu nas skye mched dang khams dang phung po la sogs pa la thim par gyur to//de'i rjes la snying gar oM ha las rdo rje sems dpa' dkar po/ spyi bor na ma hi las rnam snang ser po/ gtsug tor la swA hA hu las pad+ma gar dbang dmar po/phrag pa gnyis la bau ShaT he las mi bskyod pa nag po/ mig gnyis la hUM hUM ho las rdo rje nyi ma dmar po/ yan lag thams cad la phaT haM las rta mchog ljang gu'o/ /de la rdo rje can ni zhal gsum phyag drug pa/ gzhan rnams ni zhal gcig phyag bzhi pa'o/ /dang po'i phyag g.yas la rdo rje/Da ma ru/ tshangs mgo'o/ /g.yon pa dril bu/ kha T+wAM ga /thod pa/ rtsa ba g.yas pa g.yon pa'i zhal ni dkar ba/ dmar ba/ sngo ba'o/ /gzhan rnams la 'khor lo/ pad+ma/ rdo rje/ rin po che/ ral gri dang Da ma ru g.yas na bsnams pa'o/ /g.yon pa dril bu thod pa dang bcas pa'i kha twAM ga'o//de dag la rim pa ltar phag mo/ gshin rje ma/ rmongs byed ma/ skyod byed ma/ skrag byed ma/ gtum mo dag gis 'khyud pa'o/ /de la phag mo dmar ba ste zhal gsum phyag drug ma/ rtsa ba dang g.yas g.yon gyi zhal ni dmar ba/ sngo ba/ ljang ba'o//g.yon pa gsum ni thod pa kha T+wAM gzhags pa'o/ /g.yas pa gsum ni lcags kyu tshangs mgo gri gug go/ /gshin rje ma la sogs pa ni sngo ba/ dkar ba/ ser ba/ ljang ba/ dud ka ste gos dang bral zhing skra grol ba/ zhal gcig spyan gsum phyag bzhi pa/ g.yon pas thod pa dang bcas pa'i kha T+wAM ga dang /dril bu/ g.yas pas Da ma ru dang gri gug go/ /phyag rgya lnga dang ldan pas g.yas brkyang pas bzhugs pa/ de la lha dkar ba dag zla ba'i gdan dang 'od kor can/ /gzhan ni nyi ma'i gdan dang de'i 'od kor can du rang nyid la bsams nas/ yum la yang mig la sogs pa'i rnam par dag pa skad cig mas bsgom par bya'o//go cha yang lha mo'i lte ba la oM baM las phag mo ste/ snying gar haM oM las gshin rje ma/ mgrin par hriM moM las rmongs byed ma/ dpral ba la hreM hriM las skyod byed ma/ spyi bo la hUM hUM las skrag byed ma/ yan lag thams cad la phaT phaT las gtum mo'o//'di drug po la yab med pa'o/ /de'i rjes la hUM dkar po las skyes pa'i rdo rje nag po/ byA~M dmar po las nor bu dmar po'i rtse la byA~M ser pos byin gyis brlabs pa'o/ /lha mo la a las pad+ma 'dab ma gsum pa d+yAM las ze'u 'bru dkar po'i rtse mo la d+yAM ser pos byin gyis brlabs pa/de yang lha mo'i snying po dang nye snying gnyis lte ba dang snying ga /rang gi snying po dang nye snying mgrin pa dang dpral ba la'o/ /bcom ldan 'das ma la bcom ldan 'das kyis 'o byed pa/ yab kyi snying po dang nye snying gis yum gyi lte ba dang snying ga /yum gyi snying po dang nye snying gis yum rang gi mgrin pa dang dpral ba ste/de nas yum gyis yab la 'o byed do/ /de nas yi ge gsum gyi dga' ba yang brtsam par bya'o/ /de nas g.yon pas g.yas pa'i rkang pa mnan la g.yon phyogs su gyen la blta zhing lag pa gnyis mthe bong rtse sprad la thur la bstan la mdzub mo mdud par byas la gung mo rtse sprad/ming med dang mthe'u chung brkyang nas dpral ba'i steng du g.yon du bskor bzhin pa ni 'bar ba'i phyag rgya ste/ pheM zhes brjod cing thugs ka'i 'od las byung ba'i ting nge 'dzin gyis spyan drangs pa'i ye shes kyi 'khor lo lha mo bcu drug la sogs pas mchod nas bdag dang lha rnams la gzhug par bya'o//oM yo ga shud+d+haHsarba d+harmA yo ga shud+d+hou0f85haM zhes brjod nas/ pad kor byas la 'khyud pa'i tshul gyis byed cing / oM AHhUM zhes pa'i sngags 'dis byin gyis brlab par bya'o/ /de'i rjes la 'khor lo dang dus g cig tu spyan drangs pa'i rnal 'byor ma la sogs pas ye shes kyi bdud rtsis bkang ba'i thod pa dang Da ma ru bsnams pa rnams thugs ka nas spros pa'i lha mo bcu drug gis mchod cing /ji ltar bltams pa tsam gyis ni/ /de bzhin gshegs kun khrus gsol ltar//lha yi chu ni dag pa yis/ /de bzhin bdag gis khrus bya'o/ /zhes brjod cing g.yon pa'i phyag g.yo ba'i thod pa las ye shes kyi bdud rtsi bab pas dbang bskur bas/ rang nyid bde ba chen po'i rang bzhin du bsams nas lhag pa'i bdud rtsi las lha rnams de bzhin gshegs pas rgyas gdab cing /oM sarba ta thA ga ta a b+hi She ka sa ma ya shri ye hUM hUM phaT/ ces brjod pas bcom ldan 'das la sna tshogs rdo rje la gnas pa'i mi bskyod pa/ yum la rnam snang / mkha' 'gro ma la sogs pa la rin 'byung / thugs gsung sku la gnas pa'i lha rnams la mi bskyod pa snang mtha' rtag pa'o//dam tshig gi lha rnams la don grub po/ /de nas mchod pa sngon du 'gro bas ro ma zhes pa'i lha mos phul ba'i bdud rtsi myangs nas rkang pa brgyad pa'i bstod pa bya'o/ /oM na mo b+ha ga wa te bI re shA ya huM hUM phaT/ oM ma hA ka wa ag+ni san+ni b+hA ya huM hUM phaT/ oM dza TA mu ku To t+ka TA ya huM hUM phaT/oM daM Sh+Ta ka rA lo gra b+hI Sha Na mu khA ya huM hUM phaT/ oM sa ha srab+hudza b+hU su rA ya huM hUM phaT/ oM pa ra shu pA sho d+ya ta shU la kha T+wAM ga d+hA ri Ne huM hUM phaT/ oM byA g+h+rA dzi na a m+ba ra d+ha rA ya huM hUM phaT/ oM ma hA d+hu m+b+rA n+d+ha kA ra ba pu ShA ya huM hUM phaT swA hA/ zhes pa'i sngags bcom ldan 'das kyi rkang pa brgyad pa'o//oM na mo b+ha ga wa ti badzra bA rA hI baM huM hUM phaT/ oM na maH Ar+yaa ba rA dzi te trai lokya mA te ma hA bi d+ye shwa ri huM hUM phaT/ oM na maH sarba b+hU ta b+ha ya bA he ma hA badzra huM hUM phaT/ oM na mo badzrA sa ne a dzi te a pa rA dzi te ba sh+yaM ka ri ne tra b+h+ra ma Ni huM hUM phaT/ oM na maHsho Sha Ni ro Sha Ni krod+ha ni ka rA li ni huM hUM phaT/oM na mas+t+rA sa ni ma ra Ni su pra b+he da ni a pa rA dza ye huM hUM phaT/ oM na mo dza ye bi dza ye dzam+b+ha ni stam+b+ha ni mo ha ni huM hUM phaT/ oM na mo badzra bA rA hI ma hA yo gi nI kA me shwa ri kha ge huM hUM phaT/ ces pas yum gyi rkang pa brgyad pas bstod la/ spros pa'i lha mos bstod pa nyid do/ / sngar bshad pa'i lha thams cad ma lus pa'i stong pa nyid du rtogs par bya ba'i phyir ye shes sems dpa'i rang bzhin yab yum gyis sgyu ma lta bu chags pa'i sgras 'gro ba thams cad bkug nas dur khrod la/ de dam tshig la dang / sku gsung thugs bde chen gyi mkha' 'gro ma la sogs pa bcom ldan 'das yab yum la/de yang phyag gnyis pa la/ de'i shes rab kyang de la thugs ka'i khu ba'i rang bzhin chags pa chen po'i hUM dmar po la/ de la yang U ha la/ mgo zla tshes la/ nA da thig le yang me long la has btab pa yal ba ltar rjes su gzhig pa'i rim pas snying rje dang stong pa gnyis su med pa'i rang bzhin lha'i 'khor lo sna tshogs pa yang don dam par blta zhing 'od gsal du 'jug par bya'o//de nas de'i ngang las skad cig gis bzhengs pa'i gnyis su med pa'i de kho na nyid kyi phyir/ dkyil 'khor gyi 'khor lo'i lha'i rang bzhin so so la byang chub kyi phyogs kyi chos sum cu rtsa bdun so so la sbyar ba dbang po dman pa'i don du yin pas ma byas par skad cig la sbyar bar byas pa yin no//de las skyo bar gyur na sngags bzlas par bya ste/ lte ba'i pad+ma la zla ba la gnas pa'i nA da dkar dmar la 'byung 'jug gnas pa'i rlung dang lhan cig oM AHhUM zhes bya ba yid kyis bzlas pa rdo rje'i bzlas pa'o//de bzhin du nA da kho na la lha'i tshogs spro bsdu sngon du 'gro ba snying po dang nye snying bzlas shing lha so so'i sngags kyang brjod la spro bsdu bya ba ni dam tshig gi bzlas pa la slob pa'o/ /chos rnams mnyam pa nyid kyi ngang las sngags kyi phreng ba'i dngos po rang gi zhal nas rdo rje'i lam nas pad+mar/de nas d+hU tI nas zhugs yum gyi zhal nas rang gi zhal du ko ro ro 'khor bar bsam/ sngags kyi phreng ba bzlas pa do li'i bzlas pa slob pa'o/ /oM shrI badzra he he ru ru kaM huM hUM phaT DA ki nI dzA la sam+ba raM swA hA/ bcom ldan 'das kyi snying po'o//A+oM hrIHha ha huM hUM phaT/ nye ba'i snying po'o/ /oM badzra bai ro tsa nI yai huM hUM phaT swA hA/ yum gyi snying po'o/ /oM sarba bud+d+ha DA ki nI yai badzra war+NaN ni yai huM hUM phaT swA hA/ nye ba'i snying po'o/ /bcom ldan 'das kyi phreng sngags ni/ oM na mo b+ha ga wa te bI re shAya/ mahA kalpA g+ni san+ni b+hA ya/dza TA mu ku Ta t+ko TA ya/ daMSh+TA ka rA lo gra b+hI Sha Na mu khA ya/ sa ha sra b+hu dza b+hA su rA ya/ pa ra shu pA sho d+ya ta shU la kha T+wAM ga d+hA ri Ni/ byA g+h+rA dzi nA m+ba ra d+ha rA ya/ ma hA d+huM brA n+d+ha kA ra ba pu ShA ya/ ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/hrauM hrauM hraH hraH/ pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa/ ru d+hi rAn+t+ra mA lA ba lam+bi ne/ gr-i h+Na gr-i h+Na/ sapra pA tA la ga ta b+hu dza gas raMpa bA/ ta rdza ya/ ta rdza ya/ A kaD+D+h+ya A kaD+D+h+ya/ hriM hriM/ dz+nyauM dz+nyauM/ k+Sh+mAM k+Sh+mAM/ hAM hAM/ hI hI/ hUM hUM/ ki li ki li/ si li si li/hi li hi li/ d+hi li d+hi li/ hUM hUM phaT swA hA zhes so/ /bcom ldan 'das ma'i phreng sngags ni/ oM na mo b+ha ga wa ti badzra bA rA hI/ Ar+ya a pa rA dzi ta trai lokya mA te ma hA bi bye shwa ri/ sarba b+hU ta b+ha ya bA he ma hA badzre/ badzrA sa ne a dzi te a pa rA dzi te ba sh+yaM ka ri Ne tre b+h+ra ma Ni/ sho Sha Ni ro Sha Ni kro d+ha ka rA li ni/trA sa ni mA ra Ni pra b+he da ni a pa rA dza ye/ bi dza ye dza m+b+ha ni stam+pha ni mo ha ni/ badzra bA rA hI ma hA yo gi nI kA me shwa ri kha ge/ ta d+ya thA/ bro taM ge pro taM ge / ha na ha na/ prA Na'aM/ kiM ki ni khiM khi ni/ d+hu na d+hu na/ badzra ha ste/ sho Sha ya Sho Sha ya/ badzra kA pA la kha T+wAM ga d+ha ri Ni/ma hA pi shi ta mAM sA sha ni ma nu Sh+yA n+t+ra prA br-i t+te san+ni d+h+yaM na ra shi ro mA lA graM thi ta d+hA ti Ni/ su m+b+ha ni sum+b+ha/ ha na ha na pra NAM/ sarba phA paM s+t+wA nAM sarba ba sU nAM mAM sats+tshe da ni/ kro d+ha mU rte daMSh+TA ka rA li ni ma hA mu dre/ shrI he ru ka de ba s+ya gra ma hI Shi sa ha sra shi re sa ha sra b+hA ha be sha ta sa ha sra A na ne dz+wa li ti/te dza se dz+wa la mu khe/ piM ga la lo tsa ni/ badzrA sha rI re/ badzrA sa ne/ mi li mi li/ ti mi li ti mi li/ he he ha ha/ huM huM/ kha kha/ d+hu d+hu/ d+hu ru d+hu ru/ mu ru mu ru/ munyatsa/ munyatsa/ a dwe te ma hA oM gi nI pa Thi ta sid+d+hi/ draiM d+h+raM draiM d+h+raM/ graM graM he he ha ha/ b+hI me has has/ bI re hA hA ho ho hUM hUM trai lo kya bi nA sa ni sha ta sa ha sra ko Ti ta thA ga ta pa ri wA re hUM hUM phaT/ soM ha ru pe khaHga dza rU pi gaH/ hrai lo kyo da re sa mu dra me kha le/ gra sa gra sa huM hUM phaT/ bI rA dai te huM hUM haH haH ma hA pa shu mo ha ni/ ma hA yo gI shwa ri twaM DA gi nI sarba mo kA ni ban+da ni sa byaH/pra t+ya ma ya ka ri Ni hUM hUM phaT/ b+hu ta trA sa ni ma hA bI re ba ra ma sid+d+he yo swU ka rA s+ye hUm hUM phaT/ oM ya dA d+hI ye hUM phaT/ /lha so so'i sngags ni/ oM ka ra ka ra huM hUM phaT/ oM pra tsa NiDa huM hUM phaT/ oM ku ru ku ru huM hUM phaT/ oM tsaN+DA kiShA ye huM hUM phaT/ oM ban+d+ha ban+d+ha hUM hUM phaT/oM pra b+ha ba tI ye hUM hUM phaT/ oM khar rI ye huM hUM phaT/ oM hraH hraH huM hUM phaT/ oM laM ke shwa ri ye huM hUM phaT/ oM pheM pheM huM hUM phaT/ oM hru ma ts+tshA yai huM hUM phaT/ oM phaT phaT huM hUM phaT/ oM ai ra ba tI ye huM hUM phaT/ oM da ha da ha huM hUM phaT/ oM ma hA b+hai ra bI ye hUM hUM phaT/oM pa tsa pa tsa hUM hUM phaT/ oM bA yu be ge hUM hUM phaT/ oM b+hak+Sha b+ha k+Sha ba sha ru d+hi rA n+t+ra ma lA ba la mib ne hUM hUM phaT/ oM su rA b+ha k+Shi ye hUM hUM phaT/ oM gr-ih+Na gr-ih+Na sa p+ta pA tA la ga ta b+hu dzaM ga sarba m+'+ba ta rdza ya ta rdza ya huM hUM phaT/ oM sh+yA ma de bI ye huM hUM phaT/ oM A kaD+D+ya A kaD+D+h+ya huM hUM phaT/oM su b+ha dre hUM hUM phaT/ oM hriM hriM hUM hUM phaT/ oM ha ya ka r+Ne hUM hUM phaT/ oM dzaunyaM dzaunyaM huM hUM phaT/ oM kha gA na ne huM hUM phaT/ oM kaMShamA kaMShamA huM hUM phaT/ oM tsa kra be ge huM hUM phaT/ oM hAM hAM huM hUM phaT/ oM khiN+Da ro he huM hUM phaT/ oM hrIM hrIM huM hUM phaT/ oM shauN+Di nI ye huM hUM phaT/ oM huM huM huM hUM phaT/oM tsa kra barmi NI ye hUM hUM phaT/ oM ki li ki li huM hUM phaT/ oM su bI re huM hUM phaT/ oM si li si li huM hUM phaT/ oM ma hA ba le huM hUM phaT/ oM hi li hi li hUM hUM phaT/ oM tsa kra brti nI ye hUM hUM phaT/ oM d+hi li d+hi li huM hUM phaT/ oM ma hA bIr+ye huM hUM phaT/ oM kA k+'a s+ye huM hUM phaT/ o u lU kA s+ye huM hUM phaT/oM shwA nA s+ye huM hUM phaT/ oM sU ka ra s+ye huM hUM phaT/ oM ya dA d+hI ye huM hUM phaT/ oM ya ma dU tI ye huM hUM phaT/ oM ya ma daM Sh+TI NI ye huM hUM phaT/ oM ya ma ma tha nI ye huM hUM phaT/ oM DA ki nI ye hUM hUM phaT/ oM lA mA yai huM hUM phaT/ oM rU pi NI ye hUM hUM phaT/ces so/ /de nas ldang bar 'dod na bdag nyid kyi dpral ba/ spyi bo/ rna ba g.yas/ ltag pa/ rna ba g.yon/ smin mtshams/ mig gnyis/ phrag pa gnyis/ mchan khung gnyis/ nu ma gnyis/ lte ba/ sna rtse/ kha/ mgrin pa/ snying ga / dpyi gnyis/ mtshan ma/ bshang lam/ brla gnyis/ byin pa gnyis/ rkang sor/ bol gong / pus mo/ mthe bong rnams la/ pul+lI ra mA la ya/ dzA lan+d+ha ra/ au D+ya na/ arbu da/ go dA ba rI/ rA me shwa rI/ de bI ko TI/ mA la be/ kA ma rU pa/ a tra/ tri sha ku ne/ ko sa la/ ka ling+ga/ lam+pa ka /kAny+tsi/ hi ma la ya/ pre ta pu ri/ gr-i ha de ba/ sau rASh+Ta/ su war+Na dwI pa/ na ga ra/ sin+d+hU/ ma ru/ ku lu tA ste gnas nyi shu rtsa bzhi'i rang bzhin du mos par byas la/ de dag la rim pa ltar rab gtum mo/ gtum mig ma/ 'od ldan ma/ sna chen ma/dpa' blo ma/ thung ngu ma/ lang ka'i dbang phyug ma/ shing grib ma/ sa srung ma/ 'jigs byed chen mo/ rlung shugs ma/ chang 'thung ma/ lha mo sngo bsangs ma/ shin tu bzang mo/ rta rna ma/ bya gdong ma/ 'khor lo'i shugs ma/ dum skyes ma/ chang 'tshong ma/ 'khor lo'i go cha ma/ shin tu dpa' mo/ stobs chen ma/ 'khor los sgyur ma/ brtson 'grus chen mo rnams nyi shu bzhi'i rtsa yi ge'i rang bzhin du gnas par bsgom par bya'o/ /kha dang sna g.yas sna g.yon bshang lam du khwa gdong ma la sogs pa bzhi'o/ /rna ba g.yas g.yon dang mig gnyis la gshin rje brtan ma la sogs pa bzhi'o//snying ga /mgrin pa/ lte ba/ dpral ba dag la mkha' 'gro ma la sogs pa bzhi'o/ /so dang / sen mo/ skra dang / spu/ pags pa/ dri ma/ sha// rgyus pa/ rus pa/ mchin pa/ snying / mig /mkhris pa/ glo ba/ rgyu ma/gnye ma/ grod pa/ phyi sa/ skra mtshams/ bad kan/ rnag /khrag /rdul/ tshil/ mchi ma/ mchil ma/ snabs rnams kyi rang bzhin rnams thod pa'i dum bu la sogs pa dpa' bo nyi shu rtsa bzhi'i rang bzhin du gnas par bsams la/ spyi bo'i chu skyes la gnas pa yab byang chub sems kyi rang bzhin la/gsang ba'i chu skyes la gnas pa/ a shad kyi rang bzhin phag mo dang lhan cig tu 'khyud cing bde ba chen po'i rang bzhin skye bar 'gyur ba zhes gdams ngag shes nas yongs su dag pa'i lus kyi dkyil 'khor yang dang yang du brtan pa'i mos pas thabs shes rab kyi bdag nyid stong pa dang snying rje ro gcig pa bde ba chen po nyid kyi sku/bdag nyid lta bur sna tshogs pa'i 'gro ba yang der mos shing ci bde bar gnas par bya'o/ /lU yi pa zhabs rim par brgyud pa sdom pa 'byung pa'i don/ /thabs dang bcas par yang dag mthong nas bla ma'i gdams ngag 'di//shes rab snying rjer ldan pa mi 'jigs bdag gis legs bshad byas/ /bsod nams 'dis ni yang yang skye ba'i rim pa rnams su yang / gtso bo dbang phyug sku yi 'od zer nam mkha' khyab par grags pa yi/ /rdo rje rol par lhan cig srid gsum de yi go 'phang thob par shog /dpal 'khor lo sdom pa'i mngon par rtogs pa/ ma hA paN+Di ta a b+ha yA ka ra gup+ta pA das mdzad pa rdzogs so// //ma hA paN+Di ta rat+na ra k+Shi ta pA da'i zhal snga nas dang / lo tsA ba shAkya'i dge slong rdo rje 'dzin pa zhang grub pa dpal bzang pos bsgyur ba'o/

CLOSE WINDOW