CLOSE WINDOW

D1496
བོད་ཡིག

@##/ /rgya gar skad du/ tsAr+ya gI ti/ bod skad du/ spyod pa'i glu/ 'jam dpal gzhon nur gyur pa la phyag 'tshal lo/ /dpal rdo rje gdan pa la phyag 'tshal lo/ /gzugs brnyan ci 'dra 'gro ba srid pa de 'dra ste/ /rang gi ngo bo brtags na rang bzhin yod ma yin/ /rang gi ngo bo gzugs brnyan 'dra shes ma skyes pas//kwa ye rmongs pa'i sems khyod mi shes ma byed cig /dri med mkha' dang rgyas pa'i nor bu me long la/ /de la gsal bar snang ba bdag dang 'gro ba kun/ /ji ltar byis pa rang gi gzugs brnyan la 'khrul ltar/ /bdag gzhan 'byed pa'i 'khrul pa la ni ci phyir gnas//gang gis gzugs brnyan la ni rtag par shes shing rtogs/ /de ni phyugs dang 'dra ste grib ma la rgol yin/ /dkyil 'khor 'khor lo bsgom pa brtan par bya ba ste/ /de nyid shes pa'i rnal 'byor pa yis der mi gnas/ /mtshon par bya ba mchog tu bde chen gces pa ste//dkyil 'khor de la bsdus te brtan par bya ba yin/ /khyod kyis brtags shing bskyed pa'i tshul ni gang yin pa/ /de la de nyid rang bzhin yin par ji ltar sems/ /ji srid de nyid rang bzhin yongs su ma shes pas/ /de srid byang chub bla na med pa ji ltar 'grub//rnam rtog spros pa ma lus dngos po med pa ste/ /de dag mchog tu bde ba chen po'i rang bzhin yin/ /'jig rten chos brgyad dag la sems ni mnyam pa dang / /ting nge 'dzin gyi tshogs la gnas par 'gyur bar gyis/ /gnas na shin tu rnam par dag par 'gyur ba ste//spros pa'i spyod pa ma lus yongs su spong ba yin/ /rnam par rtog pa sna tshogs kyis ni dngos gang bskyed/ /de ni mchog tu rnam par dag pa'i rang bzhin min/ /spros pa dang ni rnam rtog ma lus yod min la/ /de ni de bzhin nyid de mchog tu rnam dag dngos/ / de bzhin nyid kyi ting 'dzin me chen 'bar ba ste/ /nyon mongs sogs ma lus sreg par byed pa yin/ /gang tshe 'jig rten yongs su shes par gyur pa na/ /de tshe 'gro ba thams cad nam mkha' bzhin du 'gyur/ /'gro ba'i rang bzhin mkha' 'dra ba la mig 'phrul cing / /rnam rtog rab rib kyis rmongs ldongs par ma byed cig /'gro ba sngon chad ci 'dra phyis kyang de 'dra ste/ /snga phyi dag dang bar la khyad par yod ma yin/ /rab rib can gyis ji ltar mkha' la skra mthong dang / /rnam rtog rab rib 'jig rten mthong la khyad par med/ /rnam rtog rang bzhin mkha' dang mnyam pa'i rang bzhin du//brtags pa'i rang bzhin ma lus pa dag bsgom par gyis/ /sdig pa'i rnam smin chol rkun 'jigs pa mthong ba yis/ /kwa ye tshul khrims nor chen bsrung phyir mel tshe byos/ /srid pa'i mtshan rings dag la gti mug gnyid log gis/ /kwa ye sems ni bag med ma byed mel tshe byos//nyi ma med na nyin mo yod pa min pa dang / /tshul khrims nor dang bral la bsam gtan ga la yod/ /gnyid log pa yi khang pa chom rkun zhugs pa yis/ /kwa ye khyod kyis tshul khrims nor chen phrogs sa re/ /skad cig tsam yang bya ba ngan la ma chags par//de nyid nyi ma shar bar du mel tshe byos/ /ji srid de nyid nyi ma dag ni shar ba na/ /de srid srid pa nor bu bzhin du ci dgar spyod/ /bdag ni gang yin 'gro ba khyed rnams de yin te/ /rang bzhin 'byed pa'i nang gi gnod pa ma byed cig /rnam rtog nang gi gnod pa 'di ni gzhom bya ste/ /dug sbrul lta bu de ni bdud rtsi'i ros zhi bya/ /nang gi gnod pa sbrul gdug mgo mangs lta bu ste/ /'gro ba ma lus sna tshogs rtogs shing shes nas ni/ /de bzhin nyid de bdud rtsi chen po'i ro zhes bya/ /rnal 'byor chen po'i sems kyi ngal so'i gnas gang yin//bdud rtsi chen po'i ro ni rtag tu btung byas nas/ /bde ba chen po'i mya ngan 'das mchog shes par 'gyur/ /gcer bu sbyin sreg byed pa bram ze ma yin zhing / /ral pa 'dzin pa dang ni rigs dang rgyud kyis yin/ /gang zhig lus dang ngag dang yid ni yongs dag na//de lta bu ni bram ze yin par sangs rgyas gsung / /sdig pa bcu po gang yin pa ni spang bya zhing / /dge ba bcu po yon tan stobs dang ldan par bya/ /dman pa'i rigs su skyes kyang 'di ni gang gi tshe/ /ma shi bar du chos ma yin pa spyad mi bya/ /bzod pa'i chos 'dzin pa yis khro ba las rgyal zhing //yul gyi bde ba 'dod pa ma lus spang bar bya/ /bde ba'i chos kyis mtsho la rtag tu khrus bya zhing / /'dus pa'i skyon dang 'jigs dang gti mug bskyed mi bya/ /yang dang yang du keng rus bzhon pa la zhon cing / /rtag tu mi gtsang 'dzag pa rmongs pas ma tshor ram//'dod dang gti mug ngan 'gro'i lam ni spang bya zhing / /kwa ye sems khyod rang gis rang gi dri ma khrus/ /gus pas bla ma dam pa'i chu mig bsten bya zhing / /gti mug chen po'i dri mas gang gos zad par bya/ /bla ma'i man ngag de nyid chu yin pas//de blangs nas ni rang nyid bkru bar shes par bya/ /sems khyod yongs su go bar gyis la rang la ni/ /yongs su blta zhing gti mug nag chen po sbyongs/ /mi ni gang zhig thub pa'i chos gtam mi nyan pa/ /de ni chu dang nags kyi mi dang mnyam pa yin/ /nges par 'jig rten 'jig rten pha rol 'gro bas na//thub pa'i chos kyi gtam ni mnyam par bya ba yin/ /thub pa'i chos thos nas ni chos min gnas mi bya/ /mnar med 'gro la sus kyang bzung bar mi nus pas/ /chos thos nas ni chos kyi don bzhin gang bsgoms pa/ /des ni bde bar mtho ris thar pa'i 'bras bu thob//gti mug mun nag dag la chos ni sgron ma ste/ /srid pa'i mtsho las grol bar byed pa'i gzings yin no/ /slob dpon chen po dpal mar me mdzad ye shes kyis mdzad pa'i tshul khrims kyi spyod pa glur blangs pa rdzogs so// //paN+Di ta badzra pA Ni dang /

CLOSE WINDOW