159a7 rgya gar gyi mkhan po badzra pA Ni dang / lo tsA ba rma pan chos 'bar gyis bsgyur ba'o// @##/ /rgya gar skad du/ shrI tsakra sam+pa ra sA d+ha na triM shi kA pa da pad+d+ha ti/ bod skad du/ dpal 'khor lo sdom pa'i sgrub thabs tshigs bcad sum cu pa/ dpal
159b1 'khor lo sdom pa la phyag 'tshal lo//bde legs rtags can zhabs kyi stang stabs la ni sa chen rir bcas gus 'dud cing / /nyon mongs spangs pa'i rus sbal rgyal po 'phel ba'i dbugs kyis rgya mtsho kun du g.yo/ /gar stabs mchog dang brkyang bskum phyag tshogs rlung gis
159b2 ri bo thams cad g.yo ba bzhin//dbu ni bskyod pas nyi ma zla ba lhung mdzad dpal ldan sdom pas 'gro ba bsrung / /nyon mongs tshogs kyis rnam pa kun du gzir bar gyur pa'i 'gro ba 'di rnams mtha' dag mthong gyur nas/ /rnal 'byor dpal ldan sdom pa zhes byar gzhan la phan par
159b3 mkhas pa'i slob dpon sprin zhes bya ba yis//bla ma mchog gi bka' yis dbugs 'byin rab tu gsal byed de ni longs spyad bya phyir bsdus pa gang / /srid dang zhi ba'i bde ster in+d+ra b+hU ti'i zhabs kyi rim pas rgyud las sdeb sbyor gyis dbyung bya/ /yid dang rjes mthun gnas
159b4 su cho ga bzhin zhugs nas//byams pa la sogs tshangs pa'i gnas rnams bsam byas te/ /bsod nams gter chen nyer bsgrub bya phyir du/ /dam pa'i stong nyid ye shes ro la ches brtson bya/ /legs bsams de nas dmar 'od rab gsal ba/ /re pha las byung nyi ma'i
159b5 gzugs brnyan dbus//rang sngags rgyal po cho ga bzhin bsgoms nas/ /de nyid kyis ni bshad pa'i rim gyis bsrungs/ /der ni yaM yig las skyes rlung dbus su/ /re pha las byung me ni rnam par bsam/ /waM yig las skyes chu ni dkar po yang / /laM yig las skyes 'dzin ma
159b6 ches ser ba'o//der ni suM las skyes pa'i ri rab dbus/ /sangs rgyas yon tan gyis mdzes sangs rgyas gnas/ /de dbus sna tshogs chu skyes lte ba la/ /bcu drug gnyis dang brgyad cu'i sngags sgra las/ /legs skyes zla nyi sbyar bar rang sa bon/ /de mtshan de 'od stobs
159b7 kyis sangs rgyas rnams//bkug cing sbyar te dag pa'i dngos po ni/ /dngos po'i zhen pa bral ba'i dngos po'i gzugs/ /dbang sngon bcag pa ltar gsal rtsa ba'i zhal/ /mche ba gtsigs shing cher drag spyan gsum pa/ /brla gnyis la ni stag pags na bza' grol/ /dpa' bo'i
160a1 dpa' bo sdom pa bsgom par bya//ljang gu dmar dang ser po'i zhal ldan zhing / /ral pa'i tshogs la sna tshogs rdo rje 'dzin/ /gar dgu'i nyams dang zla tshes cod pan ldan/ /phyag rgya drug gis rgyas btab mgo phreng ldan/ /phyag gnyis glang po myos
160a2 pa'i pags pa dang //rtsa ba'i phyag ni rdo rje dril bus mtshan/ /mdung dang kha T+wAM dgra sta zhags pa dang / /thod pa gri gug rnam bkra'i mtshan ma 'phyar/ /dam chos yan lag dgu ni sgrogs pa'i tshul/ /mchog gi mdzes pa la dgyes cang te'us rol/ /tshangs pa'i mgo bos
160a3 phyag gi pad+ma mtshan//zhabs kyis zla nyi dbang phyug gau rI mnan/ /phag mo'i phyag gi zhags pa yis ni 'khyud/ /bzhad pa'i 'od kyis 'jig rten khams snang byed/ /bo la kak+ko lar stsal sems pa'i tshogs/ /sbyor ba las byung dga' ba des sbyin rgyu/ /de mdun gsang ba can
160a4 skyes rab bsngags ma//sgeg cing shas cher chags pa mdog nag ma/ /snying rje bsod nams 'od 'phro gzugs mdzes ma/ /skal ldan rdo rje 'dzin pa'i btsun mo'o/ /g.yon du de bzhin lA ma shin tu ljang / /mdzes pa'i lta stangs 'od 'phro phung po'i lus/ /phrag dog
160a5 bdag nyid 'dod pa'i ro yis phye//nyi ma'i 'od kyis gsal ba'i lus bzang ma'o/ /skyon gyi zhags pa dum bu nyid byed cing / /'dod chags tshul gyur yon tan tshogs skyed ma/ /des na drag mo khrag ltar dmar ba'i mdog /rgyab tu dum bur bod ma bsam par bya/ /
160a6 g.yas su btso ma'i gser gyi mdangs ltar ser/ /ser sna'i sems ldan ring du lta zhing mdzes/ /skal bzangs nga rgyal gyis mtho gzugs can ma/ /'jig rten gsum gyi bde 'byung rgyur gyur ma'o/ /mtshams kyi thod pa bzhi ni bde skyed pa'i/ /bdud rtsi lngas gang bum pa'i
160a7 steng gnas par//bsam zhing cho ga yis ni 'khor lo gsum/ /khams gsum pa yi rnam pas rab tu grub/ /khwa gdong ma ni shar gyi phyogs su gnas/ /mig sman bcag 'dra'i mdangs ldan khro gnyer gtsigs/ /byang du 'ug gdong ma ni drag chen ma/ /ches
160b1 cher ljang gu shin tu 'jigs ma bsam//mchog gi pad+ma rA ga ltar mdzes lus/ /de 'od hA hA'i sgra yis lus mdzes ma/ /khyi gdong ma ni nub tu chu dang nyir/ /nyi ma bye ba brgya yi 'od gzugs ldan/ /phag gdong ma ni khros pas ngur ngur sgrogs/ /'di yi mthu dang
160b2 bsam pa du ma ste//gser mdog 'bar ba lus kyi mdangs gsal ba/ /lho ru phyogs kyi dkyil 'khor snang byed ma'o/ /'khor lo mchog gi mtshams su lha mo bzhi/ /sa gnyis kyi ni kha dog 'phro zhing gsal/ /mche gtsigs drag cing mgrin pa'i sgra zab pa/ /
160b3 gshin rje brtan ma la sogs 'bad pas bsgom/ /de ltar sgyu ma smig rgyu ltar mdzes shing //bkra ba ro gnas brgyad kyi dbus bsams nas/ /snying ga'i mtshan ma hUM yig 'od tshogs kyis/ /bkug pa'i 'khor lo dam tshig rnams kyis gzhug /byang chub 'byung ba'i rgyur
160b4 gyur de nyid gsum//yan lag drug gi cho ga'i rim pas sbyar/ /khams sogs phung po nges par rnam sbyong ba/ /byang chub phyogs kyang cho ga bzhin du bsam/ /dbang ni dbang bskur cho ga bzhin bsgrubs nas/ /de bzhin mchod par kyang ni gus pas bya/ /bstod dang nyer
160b5 spyod bdud rtsi'i btung ba sbyin//spros nas sprul pa'i nyams kyis rgyal rnams mchod/ /sems can ma lus sangs rgyas byang chub ni/ /mchog la nges sbyar der ni longs spyod sku/ /de nyid de bzhin chos skur nges brtags te/ /rnal 'byor ma yi kun spyod tha snyad bshad/ /
160b6 dU tI b+ha baM rA dzi ka yA gri hI taM ta yA sa ma yaM sa mat+ti/ ming med dang ni mthe bong kha dag gis/ /chos 'byung gzugs brnyan dbus su sangs rgyas mchod/ /stobs dang stobs min de rigs de nyid shes/ /gsang sngags ro la zhes par sngags bzlas bya/ /gtor ma'i de
160b7 nyid blo yis gtor ma sbyin//ci 'dod sgron me mchog dang 'o ma btung / /hA ro pa dA do la nges brtags pas/ /yid ni rtag tu 'jigs par mi 'gyur ba/ /ye shes 'char ba'i snang ba mchog gis ni/ /rtag chad rmongs pa'i mun nag che gzhom bya/ /'di nyid
161a1 bde ba'i bdag nyid dkyil 'khor te//rdor pad sbyor las 'pho med thugs rdo rje/ /bla ma'i man ngag dad pas de bzhin nyid/ /bris las bdag gis bsod nams gang thob des/ /sems can rnams kyis dpal ldan rdo rje yi/ /theg par bstan pa'i phun
161a2 tshogs sangs rgyas ni//bde ba'i rang bzhin khams gsum pa las 'das/ /ro gcig gcig pa g.yo ba brtan gyur cig /dpal 'khor lo sdom pa'i sgrub thabs tshigs bcad sum cu pa/ /slob dpon sprin gyi bzhon pa'i lhas mdzad pa 'di/ paN+Di ta tshul khrims 'byung
161a3 gnas blo gros kyis mdzad pa'i 'grel pa'i rgya dpe la legs par bltas te/chos kyi rje rin po che sprul pa'i sku zhwa dmar cod pan 'dzin pa bzhi pa dpal chos kyi grags pa ye shes dpal bzang po'i zhal snga nas kyi bka' bzhin du/ zha lu lo tsA ba d+harma pA la b+ha dra zhes bgyi bas/


CLOSE WINDOW