CLOSE WINDOW

D1487
བོད་ཡིག

/[]@##/ /rgya gar skad du/ shrI tsa kra saM ba ra su pra tiSh+Tha/ bod skad du/ dpal 'khor lo sdom pa'i rab gnas/ dpal rdo rje mkha' 'gro la phyag 'tshal lo//dpal 'khor lo sdom pa'i dkyil 'khor gyi chogs rab tu gnas par bya ba ni/ chos grangs bzang po rgyu skar rgyal/ gza' phur bu la ri mo bri ba'am/ lugs su blugs pa'am/ 'bur du brkos pa'i khang par phyin la/ sa sbyangs pa'am/ ma sbyangs pa'i gnas su sa'i cho ga ji lta ba bzhin du byas la/ dkyil 'khor 'dam gang ba la/ ba'i rnam lngas legs par byugs/ dri zhim po'i chus byugs la/ /dri'i thig le dang / me tog gi tshom bu bkod la/ yon chab me tog dri zhim po bdud rtsi lnga dang ldan pa'i chang bzang po bshams nas/bum pa gcig byas te de yang / gnas dang ldang ba nyid dang ni/ /zhes bya ba'i de kho na nyid dgu'i don ji lta ba bzhin bsgoms la/ grangs kyi bsnyen pa rtags dang / mtshan ma'i bsnyen pa byas nas/sbyin sreg gtor ma byas te/ de nas rdo rje slob dpon dag pa'i khrus byas/ mdzes pa'i gos gyon/ rgyan btags/ rten la dri zhim po'i chus byugs te/ me tog gi phreng ba btags te/ kham phor gyi snod du me mdag blugs la/ thang ka la sogs pa'i rten de'i bgegs bskrad par bya ste/zhal bzhi pa'i sngags kyis lag pa g.yon pas yungs kar blangs te/ de la g.yabs la de'i bgegs bskrad par bsams la/ me'i nang du blugs par bya'o/ /de bzhin lag pa g.yas pas kyang bya ste/lan gsum du bya'o/ /sku gzugs sam glegs bam la sogs pa la rab gnas gang byed pa'i rten de ras kyis g.yogs la hUM bruM shraM gyi sngags kyis gtums pa gzhag par bya'o/ /de nas nyi ma 'char kar dkyil 'khor gyi thig btab la/ tshon dgye zhing lha bkod la/ dkyil 'khor gyi cho ga nas bshad pa bzhin byas la/ mchod pa bshams/ bu mo lnga g.yon ngos su khrus byas/ rgyan btags la gzhag /chos 'byung gi dkyil 'khor du thod pa'i steng du me long la sin+d+hu ras bris la gzhag go//de nas rten de la khrus bya ste/ dkyil 'khor de'i byang phyogs su khrus kyi khang pa yid du 'ong ba shel gyi gzhi la rin po che'i ka bas brgyan pa/ mu tig dang / rin po ches spras pa la sogs pa bris la khrus kyi khang pa der stegs bu'i steng du 'bol ba'i stan la 'dug la/mdun gyi stegs bur pad+ma'i steng du rab gnas byed par 'dod pa'i ras ris sam/ glegs bam la sogs pa mdun du bzhag la/ me long bstan pa la bum pa'i chus khrus gsol la/ bstod pa dbyangs dang bcas pa bya ste/ de la bstod pa'i dbyangs ni/khams gsum gyis ni phyag bya ba/ /gsang ba gsum gyi gnas las byung / /dbang bskur ba ni rdo rje che/ /mi ldog pa yi khrus gsol lo/ /oM sarba ta thA ga ta a b+hi Shiny+tsa hUM/ ji ltar bltams pa tsam gyis ni/ /de bzhin gshegs kun khrus gsol ba//lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi She ka sa ma ya shri ye hUM/ /gzugs kyi phung po rnam dag pa/ /nyon mongs gti mug sbyong byed pa'am/ /me long lta bu'i ye shes kyis//dpal ldan sku yi sku khrus gsol/ /tshor ba'i phung po rnam dag pa/ /nyon mongs nga rgyal sbyong byed pa'i/ /mnyam pa nyid kyi ye shes kyis/ /dpal ldan yon tan dbang bskur ro/ /'du shes phung po rnam dag pa//nyon mongs 'dod chags sbyong byed pa'i/ /so sor rtog pa'i ye shes kyis/ /dpal ldan gsung gi dbang bskur ro/ /'du byed phung po rnam dag pa/ /nyon mongs phrag dog sbyong byed pa'i/ /bya ba nan tan ye shes kyis/ /dpal ldan phrin las dbang bskur ro//rnam shes phung po rnam dag pa/ /nyon mongs zhe sdang sbyong byed pa'i/ /chos kyi dbyings kyi ye shes kyis/ /dpal ldan thugs kyi dbang bskur ro/ /ji ltar dam pa tog dkar dga' ldan nas/ /lha mdzes lhums nas bltams pa khrus gsol ltar/ /sku gdung ring bsrel dri ma med par bcas//sprul sku yid 'ong rnams la sku khrus gsol/ /zhes pa dang / oM sarba ta thA ga ta snA na pra tiSh+Tha ta ya swA hA zhes bya ba 'dag chal du 'os pa/ sbru'i 'dab ma dang / nye shing dang bag phye'i chal dang / ba'i rnam lnga dang / yung ba dang / 'bras yos dang /til mar dang / sbrang rtsi dang / 'o ma dang / ga na d+ha pa tra dang bcas pa/ sku gzugs nyid dang / ras ris dang / pusti yin na me long gi steng du bstan la/ tsan+dan dang / ga bur gyi dri'i thig le byas la/ me tog dang bcas pa la ku sha'i pir gyis bkru bar bya'o/ / oM sarba ta thA ga ta kA ya bi sho d+ha ni swA hA/ bya ba pa dang / oM ma la saM sho d+ha ni swA hA zhes brjod cing bum pas bkru'o/ /sug pa dang / bul tog dang / sbang mas kyang bkru'o/ /de ltar sku gzugs la sogs pa la lan gsum mam/ lnga tsam bkrus la/ byug pa dang khrus mi btub pa ras ris la sogs pa rnams la ni/me long la bltas me long gi ngos kyi gzugs brnyan la bum pas khrus gsol bar bya'o/ /de nas/ phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dab 'dra'i spyan mnga' ba//de ni 'jig rten dge ba'i bkra shis dang po'o/ /de yis nges par gsungs pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa yin/ / dge 'dun dam pa chos ldan thos pa'i bkra shis 'byung / /lha dang mi dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o/ /zhes bya ba la sogs pa bkra shis kyi tshigs su bcad pa brjod cing bum pa'i chus khrus gsol la/phyogs bcu'i sangs rgyas rig pa'i lha mo la sogs pa rnams kyis kyang khrus gsol bar bsam mo/ /gos gtsang ma dris bsgos pas sku phyis byas te/ de bzhin gshegs pa'i sku gzugs la ni bla gos dang / snam sbyar gsol bar bya'o/ / byang chub sems dpa' rnams la gos sna tshogs dang / khro bo rnams la gos sngon po dang dmar po 'bul zhing / pusti yin na yang zhal sbyar la na bza' gsol bar bya'o/ /bkra shis dang tshigs su bcad pa gdon par bya'o/ /rten dang po sta gon la gnas pa'o/ /de nas dkyil 'khor chen po spyan drang ba'am/gtsug lag khang yod na dkyil 'khor gyi lha rnams gtso bo dang bcas pa der bstan la/ bdag nyid gtso bo dang tha mi dad du bsgoms la mchod par bya'o/ /de ltar bdag nyid dkyil 'khor la mchod pa'i rjes la yon bdag rnams dang / rab tu gnas par byed pa rnams la/ dbang bskur ji ltar 'os pa'i bstod pa byas la pus mo sa la btsugs te/ lag pa g.yas pas spos snod bzung la/ g.yon pas dril bu'i sgra sgrogs shing / /dam pa'i rdo rje bcom ldan 'das/ /rigs pa'i rgyal po phyag 'tshal bstod/ / rdo rje 'chang chen che ge bdag /ji ltar nus pa'i nyer spyad kyis/ /rigs pa'i rgyal po 'di zhes pa'i/ /sang ni rab gnas bgyi bar 'tshal/ /slob ma rnams la brtse phyir dang / /khyed rnams la yang mchod pa'i phyir/ /bcom ldan 'das la gus bdag la/ /rjes su gnang bar mdzad par rigs//sangs rgyas rnams ni dgongs su gsol/ /byang chub sems dpa' dgra bcom dang / /gang yang gsang sngags lha rnams dang / /'jig rten skyong ba'i lha rnams dang / /rdzogs sangs rgyas kyi bstan pa la/ /dga' dang rdo rje'i spyan mnga' ba/ /bdag dang slob mar bcas pa la//thugs brtse nye bar bzung nas kyang / /thugs rje ldan rnams rab gnas mdzod/ /ces gus pas lan gsum brjod do/ /yang phyi nang gsang bas mchod la/ yi ge brgya pa gdon/ rtsa ba'i dkyil 'khor sta gon la gnas par bya'o/ /de nas yang mtshan mo nyal nas/phyi de nang par tho rangs nas/ rdo rje slob dpon dag pa'i khrus byas/ mdzes pa'i rgyan gyon la/ rab tu gnas par bya ba'i phyir/ de bzhin gshegs pa rnams kyi gzhal yas khang dang gdan skad cig mas bsams te/ nyi ma'i dkyil 'khor gyi steng du/ gtsug lag khang mchod rten ri mor bris pa/lugs su blugs pa/ 'bur du btod pa rnams sa bon yi ge oM la bsdus te/ de yongs su gyur pa las/ phyag mtshan sa bon dang bcas pa bsam mo/ /de las 'od 'phros pas sems can gyi don byas/ rab tu gnas par bya ba'i de bzhin gshegs pa rnams la phog nas tshur 'dus te/sa bon dang / phyag mtshan dang bcas pa la thim nas/ de yongs su gyur pa las/ rnam snang du gyur pa sku gsung thugs byin gyis brlab pa/ go cha gyon ye shes sems dpa' spyan drang bar bya ste/ rgyud nas 'byung ba'i sngags dang phyag rgyas dbang bskur/rigs kyi bdag pos dbu brgyan/ glegs bam mam srung skud bgrang phreng gsung snang ba mtha' yas su/ lha'i ming ma shes pa/ rdo rje dril bu la sogs pa'i phyag mtshan rdo rje sems dpa'i sku bskyed thabs gong dang 'dra'o/ / de rnams la phyi nang gi mchod pa byas la/ rin po che sna bdun dang / bkra shis kyi rdzas brgyad la sogs pa/ 'dod pa'i yon tan thams cad kyis mchod la/ sbyin sreg dang gtor ma byas la/ dag pa'i rdo rje bcom ldan 'das/ /rigs pa'i rgyal po phyag 'tshal bstod/ /mgon po thugs rje che bdag nyid//rigs pa'i rgyal po 'di zhes pa'i/ /'gro la phan phyir rab gnas bgyid/ /rdo rje 'chang chen che ge bdag /ji ltar 'dod pa'i nyer spyod kyis/ /thams cad 'dir ni rab bzhugs nas/ /thugs rje can rnams rab gnas mdzod/ /de nas spyan dbye ste/ mig dbye ba ni/ ye shes kyi rnam par shar du gzhug pa'i phyir nang par nyi ma 'char ka dngul gyi snod na yod pa'i mar dang sbrang rtsi gser gyi thur mas blangs la/ ji ltar mig mkhan rgyal po yis/ /'jig rten ling thog bsal ba ltar/ /de bzhin rgyal ba rnams kyi spyan/ / sems can don du dbye bar bgyi/ /oM tsak+Shu tsak+Shu sa man+ta tsak+Shu bi sho d+ha ne swA hA zhes pas gser la sogs pa'i thur mas spyan dbye bar bya'o/ /de nas snyan dbye bar bya ste/ gser las byas pa'i rna brud thogs la/ sgra rnams thos pas phongs gyur la/ /rgyal bas chos kyi rnga brdungs ltar//de bzhin sems can don gyi phyir/ /rgyal ba'i snyan ni dbye bar bgyi/ /oM dI bya kar+Na ye swA hA/ de nas shangs dbye bar bya ste/ gser la sogs pa'i rmang tsher thogs te/ zag bcas phung po dri spangs pa'i/ /'gro ba sems can kun gyi phyir/ / rnam par dag pa'i dri brnyes ltar/ /rgyal ba'i shangs ni dbye bar bya/ /oM dI bya g+h+ra NA ye swA hA/ de nas thur ma thogs la zhal dbye bar bya ste/ chos kyi nga ro dga' ba yis/ /'gro ba thams cad tshim mdzad ltar/ /ro mchog brgya ldan zhal zas dam pa 'di/ /dbul zhing rgyal ba'i zhal ni dbye bar bgyi//oM dI bya mu khA ye swA hA/ so shing dbul ba ni/ rin chen mchog grub ka ra bI ra yis/ /bkur sti rim gro tshems kyi dri bsal ltar/ /bde gshegs gsung gi dngos grub thob gyur nas/ /'gro kun skad du chos kyi don rtogs shog /oM dI bya dan+ta sho d+ha ya swA hA/gal te 'khor los sgyur ba'i cha lugs yin na/ dung gi so mangs kyis dbu skra bshad la/ dbu skra lcang lo mthon mthing g.yas su 'khyil/ /rin chen 'bar bas brgyan pas rab tu mdzes/ /lha mi kun gyis blta bas mi ngoms te/ /bsod nams thob phyir rgyal ba'i dbu skra bshad//oM karma ma d+ha ra li hUM/ rin po che'i dbu rgyan dbul ba ni/ /bde gshegs sku la mtshan dang dpe byad ldan/ /byang chub mchog gi rgyan gyis mdzes lags kyang / /rin chen do shal se mo do la sogs/ /rgyan gyi khyad par dam pa mchod par dbul/ / oM rat+na a laM kA ra hUM/ de nas spu gri thogs la/ rab tu byung ba'i gzugs yin na skra bzhar ba dang / ji ltar rang byung mchod rten drung / /ston pas khyim pa'i rtags spangs ltar/ /'gro ba sems can don gyi phyir/ /khyim pa'i rtags rnams spang bar bgyi/ /oM sarba sho d+ha na khats+tsha da hUM/snam sbyar dang / bla gos dang / sham thabs gsol nas/ ji ltar sman pa'i rgyal po 'tsho byed kyis/ /rgyal ba'i sku la na bza' gsol ba ltar/ /de bzhin 'gro ba rnams la phan pa'i phyir/ /ngo tsha khrel yod gos mchog gsol bar bgyi/ /oM dI bya bA sa pra Na ye swA hA/chu tshags dang / lhung bzed la sogs pa thogs la/ oM su kha pa rik+Sha ra ye swA hA/ de nas thugs kar rdo rje bzung la/ mtshan dang dpe byad la sogs bskyed pa'i phyir/ /dung dang dpal be'u g.yung drung 'khyil pa dang / /bkra shis rdzas brgyad dag gis rnam brgyan pa//rgyal ba'i thugs la rnam par brgyan par shog /oM dwa triM shata ma hA pu ru Sha lak+Sha NA shI ti a nu byany+dza nA ye swA hA/ byang chub sems dpa'i cha lugs yin na/ so mangs dang / khab dang / bsnyung bu dang / gri gug dang / chu gri rnams phul la/ 'gro ba sems can kun la phan pa'i phyir//rig pa'i gnas lnga dag la bslab bya zhes/ /ji ltar thugs dam rgya che bzhes pa bzhin/ /mkho ba'i yo byad rnams ni dbul bar bgyi/ /oM u pa yu dz+ya te su kha pa ri ka ra ye swA hA/ de bzhin gshegs pa'am/ byang chub sems dpa' la thun mong du rin po che sna bdun dang /bkra shis rdzas brgyad dang / 'jig rten pa'i bkra shis pa'i bil ba star ka dang / zho dang / ras yug dkar po dang / gdugs gser gyi yu ba can rnams dbul/ dang po las thams cad pa'i chus bsangs la/ dri'i thig le dang / me tog gi tshom bu bkod la/theg mchog bla re gdugs dang ba dan dang / /bdud bcom rgyal mtshan lhab lhub ting 'phan dang / /gar dang rol mo'i mchod pa'i sgra dbyangs kyis/ /rgyal ba'i dkyil 'khor mdzes par brgyan par bgyi/ /ji ltar mi dbang 'khor los sgyur ba yi/ /rin chen sna bdun tshogs dang ldan pa ltar//rgyal ba rnams dang byang chub sems dpa' la/ /rin chen sna bdun tshogs rnams dbul bar bgyi/ /lha yi rgyal po lha min g.yul rgyal nas/ /bkra shis lha mo brgyad kyis mchod pa ltar/ /rgyal ba rnams dang byang chub sems rnams la/ / bkra shis rdzas brgyad dag gis mchod par bgyi/ /'jig rten khyim bdag rnams ni dpal bsten nas/ /bil ba star ka bum pa bzang dang bcas/ /mdun du bdar nas bkra shis byed pa ltar/ /rgyal ba sras dang bcas la dbul bar bgyi/ /de nas 'dod pa lnga'i longs spyod gter bzang dbul ba ni//gzugs sgra dri ro reg ldan pa'i/ /mchog tu gyur pa'i longs spyod rnams/ /bdag gis dad pas dbul bar bgyi/ /ci bde bar ni bzhes su gsol/ /oM badzra dI bya An+naM sa mA d+hi d+h+yA naM pri Na ne swA hA/ zhes pU dza lnga yang bya'o/ /de nas 'byor pa yod na sbyin sreg bya'o//med na sgyed [(]po [,]pu [)]dkar po gsum btsugs la/ sa las byas pa'i snod gtsang mar dkar gsum dang mngar gsum gyi gzhi la sman sna tshogs btab ste/ sbyin sreg gi me'am rig ma'i me la dbyangs skyong gi sngags zlos shing bskol bar bya'o/ /de nas tsA ru dbul bar bgyi'o//de nas bdud rtsi lnga dang dpa' bo lnga dang bcas pa'i tshogs kyi 'khor lo bya'o/ /de nas slob dpon dang / yon bdag gnyis kas sku'i gdan khri nas bzung nas/ me tog gi phreng ba phul te/ ji srid me dang chu dang ni/ /rlung gis bskal pa 'jig bar du//yon bdag bsod nams spel ba dang / /sems can kun gyi don gyi phyir/ /ji ltar rdzogs pa'i sangs rgyas kun/ /dga' ldan gnas su rab bzhugs nas/ /lha mo sgyu ma'i mngal 'jug ltar/ /de bzhin 'dir yang bzhugs su gsol/ /mgon po rtag tu 'dir bzhugs la//me tog la sogs 'di bzhes mdzod/ /che ge mo yi don gyi phyir/ /byang chub sems ni 'phel bar mdzod/ /oM su pra tiSh+Tha badzre swA hA/ smad dang snying ga mgrin pa ru/ /rdo rje gsor bas de rnams la/ /lan gsum bskor nas gzhag par bya/ /lha rnams brtan par 'dod pa yis//bshad par gyur pa'i tshigs bcad gdon/ /blo ldan brtan par bsam par bya'o/ /de nas phyogs skyong dang / ma hA kA la dang / yul gyi bgegs la gtor ma byin la/ 'gro ba sems can don slad du/ /bde gshegs rnams ni bzhugs kyi bar/ /bdag dang gzhan gyi don gyi phyir//sprul pa'i gzugs brnyan bsrung bar mdzod/ /ces bya ba dang / bcom ldan 'das phyag na rdo rje la yang mchod pa dbul/ bde bar gshegs pa sprul pa'i sku bsrung bar zhal gyis bzhes pas ji srid bcom ldan 'das bzhugs kyi bar du srung bar mdzad du gsol zhes brjod pa dang /gtso bo nus pa ma mchis pas/ /ma rnyed pa dang ma tshang ba'i/ /'dir ni nongs bgyis gang lags pa'i/ /rmongs pa bdag gi kun bzod mdzod/ /ces pa'i bzod par gsol te/ dge ba 'di yis myur du bdag /'gro la phan phyir sangs rgyas shog /sangs rgyas ma thob bar du yang / /bde 'gro phun sum tshogs par shog /tshe 'di la yang bsam grub cing / /bar chad thams cad nyer zhi shog /ces dge ba bsngos nas/ ji skad gsungs bzhin rab gnas pa/ /de ni nges byas byed du bcug / khyed kyi de kun yongs rdzogs pas/ /ci bde bar ni bzhes su gsol/ /bla ma yongs su mnyes gyur na/ /las rnams rab tu 'grub par 'gyur/ /dbul po rnams kyis gus pa yis/ /bla ma yongs su mnyes par bya/ /zhes bsgo bar bya'o/ /rab tu byung ba'i gnas brtan dang //khyim pa'i gtso bo rnams la yang / snyigs ma lnga'i dus kyi sprul pa'i sku 'di yin gyis/ 'di khyed kyis ma nyam par srungs shig ces bcol bar byas la/ lugs ma'am ras ris sam pusti yin na/ na bza' bzang po la drangs la/ /shing rta la bskyon nas dri'i thig le byas te/'gro ba rnams dad par bya ba'i phyir/ grong khyer rnams bskor bar bya'o/ /yon bdag dang slob ma rnams kyis sku gzugs la phyag 'tshal ba dang / mchod pa dang / bskor ba dang / glu dang / gar dang / rgyan gdags pa dang / bkra shis pa rnams byed du gzhug /dkyil 'khor ni rang rang gang yin pa'i dkyil 'khor sgrub pa'i cho gas rab tu gnas par byas la/ de nas rab gnas la phul ba'i zas kyi lhag ma rnams ni/ de bzhin gshegs pa'i lhag ma thos shing / sdig pa 'dag par byed pas/ rang dang slob mas bza' bar bya'o//spyad du btub pa rnams ni/ oM swa b+hA bas bsangs la gzhag go/ /rig pa'i bsrung ba dang / bgrang phreng ni skad cig tsam gyis bya'o/ /dpal 'khor lo sdom pa'i rab gnas kyi cho ga slob dpon gnyis med rdo rjes mdzad pa'o/ /

CLOSE WINDOW