CLOSE WINDOW

D1474
བོད་ཡིག

@/ /dpal 'khor lo sdom pa'i zhi ba'i sbyin sreg gi cho ga bsdus pa bzhugs/ @##/ /dpal 'khor lo bde mchog la phyag 'tshal lo/ /zhi ba'i sbyin sreg gi thab khung gi kha dog dkar po dbyibs zlum po/ rgyar khru gang pa/ zabs su de'i phyed/ yang na kham phor so ma btang ba ru de'i thab khung gi dkyil 'khor du bde ba chen po'i 'khor lo/de'i phyi rol du thugs kyi 'khor lo/ de'i phyi rol du gsung gi 'khor lo/ de'i phyi rol du sku'i 'khor lo/ de'i phyi rol du dam tshig gi 'khor lo bris la/ phyag mtshan thams cad gri gug tu bya'o/ /yi ge bdun pa byed na thab khung lte ba la rdo rje dang gri gug/ 'dab ma rnams la yang gri gug dgod/yang na shin tu bsdus pa byed na rdo rje dang gri gug dgod do/ /de nas rdzas bsham pa ni shing skam po'am/ lci ba skam po yang rung / sreg rdzas 'bru'am/ ti la la sogs pa ci yod kyang rung ba/ sbyang ba spar ba rtogs par byas pa bshams pa/ thab khung du shing bkang la me sbar la/de nas skad cig tsam gyis bdag nyid yi dam lhar bskyed la/ thab khung la sogs pa mi dmigs par bsgoms la/ hUM las thab khung sngar gyi dang 'dra bar bskyed la/ de'i nang du ram las me gru gsum pa bskyed la/ de'i nang du a bsam/ a zhu ba las dbyug to//de yang as mtshan pa/ de yongs su gyur pa las me lha sku mdog dkar po rgyan thams cad kyis brgyan pa/ zhal gcig phyag bzhi pa bskyed la/ de'i thugs kar yaM las rlung raM las me gru gsum pa bsam/ zur gsum la oM AH hUM gsum la/ dbus su lha sum cu rtsa bdun bsgom mo//de nas lag pa g.yas pa'i mthe bos srin lag mnan la/ 'jig rten las 'das pa'i me lha spyan drangs la bstim/ mchod pa la sogs pa dang sreg rdzas la sogs pa rnams sngags 'dis dbul bar bya'o/ /oM ag+na ye/ oM hrIH ha ha hUM hUM phaT/ che ge mo sarba bA paM shIn+taM ku ru swA hA/sar+b+ba big+h+n+waM/ sar+b+ba dz+wa ra/ sar+b+ba gra he/ sar+b+ba u pra dra be/ sar+b+ba duHswa ba ni/ sar+b+ba dur ni mit+ta/ sarba a kA la mri t+yu pra sha ma na swA hA/ sar+b+ba byA ku la tsit+ta ya shIn+taM ku ru swA hA/ tshur gshegs tshur gshegs 'byung po che/ /me lha'i rgyal po drang srong mchog /sreg blugs zhal zas bzhes slad du/ /'di nyid du ni bzhugs su gsol/ /e h+ye hi ag+ne dzaHdzaH/ gang yang bdag blo gti mug pas/ /legs spyad 'di la nyes spyad gang / /gang phyir lus can skyabs gyur pas/ /de kun mgon pos bzod par mdzod//gtso bo nus pa ma mchis sam/ /ma tshang ba'am ma rnyed pas/ /'dir ni bya ba gang bgyis pa/ /de kun khyed kyis bzod par mdzod/ /bdag gi don dang sems can don/ /byin za khyod kyis mdzad lags kyis/ /tshim zhing mgu bar gyur nas kyang / /rang gnas dag par gshegs su gsol/

CLOSE WINDOW