74a4 /[]@##/ /rgya gar skad du/ e ka bI ra he ru ka sA d+ha nA ma/ bod skad du/ dpa' bo gcig pa he ru ka'i sgrub thabs zhes bya ba/ dpal he ru ka la phyag 'tshal lo/ /dang po mal nas langs te/ kha la
74a5 sogs pa dag par byas nas/stan 'jam po la nye bar 'dug ste/ snying gar paM las pad+ma dkar po 'dab ma brgyad pa bsgom par bya'o/ /de'i steng du raM las nyi ma'i dkyil 'khor bsams la/ de'i steng du hUM kha dog mthing ga bsams la/ de'i 'od zer gyis mdun gyi nam
74a6 mkha' la/bla ma dang sangs rgyas dang byang chub sems dpa' dang / lha mo rnams dmigs te yid kyis mchod par bsam mo/ /'od zer de nyid kyis sems can thams cad gsal bar byas la/ tshad med pa bzhi bsgom par bya'o/ /de'i rjes su chos thams cad stong
74a7 pa nyid du sngags 'dis bsgom par bya'o//oM swa b+hA ba shud+d+haH sarba d+harmAH swa b+hA ba b+hi shud+d+hou0f85haM/ de'i rjes su oM shU nya tA dz+nyA na badzra swa b+hA ba At+ma kou0f85haM zhes brjod pas/ /snying ga'i nyi ma'i steng du hUM ye shes lnga'i ngo bo gsal ba nyid du dmigs par bya'o/ /'od zer spros te bg
74b1 egs bsregs la/snying ga'i hUM yongs su gyur pa las/ /rdo rje rtse lnga'i chang gzungs su yi ge hUM bsams te/ de'i 'od zer gyis khams gsum gyi sems can thams cad sbyangs te/ 'od zer bsdus ma thag tu rdo rje yongs su gyur pa las dpal he ru ka sku mdog
74b2 nag po zhal gcig phyag gnyis pa/phyag g.yon pa na thod pa dang kha T+wAM ga bsnams pa/ g.yas pa rdo rje 'phyar ba/ mche ba gtsigs pa/ ral pa dang thod pa'i dbu rgyan can/ spyi gtsug gi 'khor lo/ rna rgyan/ mgul rgyan/ dpung rgyan gdu bu dang ska rags
74b3 kyis brgyan pa/mi mgo lnga bcu'i chun 'phyang can/ skyil krung phyed pa'i gar stabs can/ dpral ba dang / mgrin pa dang / snying gar oM AH hUM gsum gyis byin gyis brlabs la/ shes rab rdo rje rnal 'byor mas 'khyud pa/ thugs kar sna tshogs rdo rje'i
74b4 sting du yi ge hUM bsgom par bya'o//de'i 'od zer gyis rang 'dra ba'i ye shes sems dpa' nam mkha' nas bkug ste bdag nyid la bstim par bya'o/ /slar 'od zer gyis de bzhin gshegs pa lha lnga'i dkyil 'khor gyis bdag la dbang bskur ba dang mchod pa dang bstod par
74b5 bsam mo//de nas bdud rtsi myang ba byas la/ chos sku ni 'di ltar dmigs par bya ste/ spyi bo dang mgrin pa dang snying ga dang / lte ba dang bde ba chen po dang / longs spyod dang sprul pa'i 'khor lo bsams te/ haM oM hUM aM ste de dag gi lte bar bsgom par bya'o/ /de nas srog
74b6 dang rtsol ba'i sbyor bas/a las ye shes kyi me 'bar bas/ sngar bkod pa'i yi ge bsreg par byas nas haM gi bdud rtsi'i thig le 'bab par byas la lte bar bsgom par bya'o/ /de la sems gtad cing rtse gcig par byas te/ du ba la sogs pa'i rtags rnyed nas sprin med pa'i nam
74b7 mkha' lta bu'i chos nyid mngon du bya'o//de ltar ci nus su byas la ma goms pa'i dbang gis gsal bar ma gyur na/ sngon bshad pa'i dpal he ru ka'i sku 'ja' tshon lta bu la dmigs te blta bar bya'o/ /de'i bzlas pa ni/ oM hrIH ha ha hUM hUM phaT/ ces pa 'di bzlas par bya'o/ /mchod
pa rnam pa lngas mchod la rang gi snying gar bsdu bar bya'o/

CLOSE WINDOW