CLOSE WINDOW

D1456
བོད་ཡིག

/bdag gis gzhung 'di rab tu ma shes kyang / /thugs rje chen pos yongs su gzung du gsol/ /dpal 'khor lo bde mchog gi rgyun bshags bsdus pa/ dpal au D+ya na lha mo'i gnas pa rgyal po in+d+ra b+hU tis mdzad pa rdzogs so/ /[]@##/ /rgya gar skad du/ shrI tsakra saM bar gar+b+ha tat+t+wa sid+d+hi/bod skad du/ dpal 'khor lo sdom pa'i snying po'i de kho na nyid grub pa/ dpal 'khor lo sdom pa la phyag 'tshal lo/ /gang du thabs dang shes rab mnyam sbyor bas/ /kun rdzob don dam dbyer med rang bzhin can/ /bde dang stong pa 'dus pa'i ros gang ba'i//gnyug ma'i ye shes de la bdag phyag 'tshal/ /gang zhig goms par gyur pas srid pa yi/ /btson rar dkris pa'i 'ching ba kun gcod pa/ /sems kyi dam pa rang rig rin chen mchog /gang la brten nas rtogs pa'i thabs bshad bya/ /drug dang brgyad gnyis bcu phrag gnyis dang lnga//bzhin rgyas mig yangs gzugs mdzes lang tsho ldan/ /dad dang thos dang snying rjes yid brgyan ma/ /skyabs song sems bskyed yang dag dbang bskur ba/ /nyes bral dben par g.yeng ba kun spangs te/ /khams dang rjes mthun bza' dang btung ba dang / /dri zhim yid 'ong rgyan mdzes spyod dgu ldan//gang dang tha mal 'dzin pa rnams spangs te/ /dbang po'i gzhu ltar snang ba lha yi lus/ /de la yi ge d+ya ni sna rtse dang / /byin pa mtshan gyi lte bar rnam dgod cing / /lte ba snying ga kha dang dpral ba ru/ /sngags kyi tshogs dang bcas pas byin gyis brlab//'khyud dang 'o byed sen mos 'debs pa dang / /mchu 'jib pa dang nu ma 'tshir ba dang / /nyed dang rdeb dang sor mo bskyod pa yis/ /dbang gnyis snyoms par 'jug pa'i sbyor ba bya/ /gang tshe mnyam med rin chen mchog lta bu/ /sems kyi dam pa rang rig bde chen po//gang du rtogs pa de tshe srog rtsol ba/ /bkag pa'i sbyor bas bde chen ro myang bya/ /dngos dang dngos med mtha' gnyis rnam spangs shing / /stong dang snying rje dbyer med rang bzhin can/ /dus gsum rgyal ba'i ye shes bskyed pa'i rgyu/ /rang rig bde chen ye shes gcig pu pa/ / gnyug ma'i rang bzhin gang der mtshon par bya/ /gang du mtshon bya mtshon byed kyis mtshon pa/ /rnam shes ye shes nyid du mtshon pa dang / /ye shes gang des shes byar snang ba yi/ /'gro ba ma lus de kun der mtshon bya/ /de tshe dbang po'i yul du snang ba yang / /gzugs sgra dri ro reg byar gyur pa yi//dngos po 'di kun ma lus bde chen po/ /gang du de las gzhan pa'i dngos med cing / /bde chen ye shes zhes bya gcig pu pa/ /gcig pu'i nyams kyis du mar gar mdzad do/ /gang gis rang gi ye shes mchog bsgoms pas/ /srid pa'i 'ching ba ma lus kun bcad de/ / bdag gzhan nye bar 'tsho ba'i 'byung gnas kyis/ /mnyam med mya ngan 'das pa'i dbyings la brten/ /dpal 'khor lo sdom pa'i snying po'i de kho na nyid grub pa/ slob dpon chen po dzA lan+d+ha ras mdzad pa rdzogs so/ /#/ /dpal lhan cig skyes pa'i man ngag bzhugs/

CLOSE WINDOW