CLOSE WINDOW

D1455
བོད་ཡིག

/#/ /'khor lo bde mchog gi rgyun bshags bzhugs/ @##/ /bcom ldan phyogs kyi zhal bzhi phyag bcu gnyis/ /bcu gnyis phyag gis glang chen pags sogs bsnams/ /bde gshegs drug 'gyur phyag rgya drug gis brgyan/ /rdo rje phag mo sku rgyan bde ba mchog la rol//mkha' 'gro la sogs tshogs kyi 'khor lo bskor/ /mkha' sogs sa dang de bzhin sa 'og bcas/ /'jig rten gsum mchog 'khor bcas bzhugs so 'tshal/ /ye shes rdo rje dam can dgongs su gsol/ /thog ma med nas skye ba 'di bar du/ / shin tu mi bzang 'khor bar bdag 'khyams pas/ /bskal ba'i dus mtha' bstan pa'i snyigs ma la/ /khyed kyi zhal gyi 'od zer glog tsam mthong / /sngon gyi 'phro dang khyed kyi thugs rje yis/ /theg pa mchog gyur bla na med pa dang / /gsang sngags rdo rje theg pa'i don chen 'di/ /blo ngan bdag gis spyad cing bsgrub pa'i phyir//bdag gis khas blangs dam bcas tshun chad du/ /bsgrubs pa'i 'bras bu mngon du ma gyur kyang / /dam tshig mi 'da' bde gshegs bka' mi slu/ /mngon sum zhal bzhin rtag tu khyed la dgongs/ /nyon mongs rang bzhin rnam shes ma sbyangs par//khyed kyi sku gsung thugs ni ma mthong yang / /khyed kyi bka' las bdag ni mi 'da' na/ /bka' yi byin rlabs bdag la grub par mdzod/ /bdag gi rang bzhin khyed dang yongs su mnyam/ /ma lus 'gro tshogs rnams kyang de bzhin lags/ /bdag gis lus kyis nyes pa ci spyad pa//sku yi dkyil 'khor tshogs la bzod par gsol/ /bdag med tshul gyis ngag gis nyes smras pa/ /rig sngags lha yi snying po phyag rgya dag /rgyun mi 'chad par yongs su spyad pa las/ /nyams gyur gsung gi tshogs la bzod par gsol/ /bdag gi yid kyis gzhan gyi nyes bsams shing //ting 'dzin lta spyod lha dang slob dpon dang / /rig sngags lha yi snying po'i phyag rgya dag /rgyun mi 'chad par tshogs la bzod par gsol/ /slob dpon brnyas shing bka' las 'das pa dang / /spun la nyes smras byams pa chen po spangs/ / byang chub sems spangs theg pa gsum spangs smod/ /skal min gsang bsgrags bdag nyid phung po smad/ /chos la yid gnyis sdug la chags bral byams/ /chos la gnyis 'byed dad pa'i sems la smod/ /dam tshig ji bzhin bsnyad pa mi bsten dang / /brtags pa'i rig ma smad par byed pa dang //rtsa ba 'di nyams khyed la bzod par gsol/ /dam tshig mi ldan rig ma bsten par dga'/ /dkyil 'khor tshogs rtsod gsang ba'i chos ston dang / /sems can dad la dam tshig gzhan du ston/ /nyan thos dag dang lhan cig gnas byed cing / /sbyor ba ma byas snod min gsang ba ston//phyag rgya mi shes phyag rgya bsten pa dang / /bsnyen pa dag par ma byas dkyil 'khor zhugs/ /sdom pa gnyis kyi bcas pa dgos med pas/ /yan lag dam tshig 'di las 'gal bgyis pa'i/ /bka' chad gnas su gyur pa ci mchis pa/ /bzod par gsol lo tshangs par stsal du gsol//da lta'i dus su bstan pa 'jig dus su/ /nyon mongs shes chen khyed kyis rab tu mkhyen/ /so sor thugs dam bzhin du nyer dgongs la/ /ji ltar 'tshal ba bzhin du phrin las mdzod/ /ji ltar bu yis rab tu mi shes kyang / /pha yis brtse bas legs par skyong ba ltar/

CLOSE WINDOW