CLOSE WINDOW

D1454
བོད་ཡིག

@##/ /rgya gar skad du/ shrI badzra satwa nA ma sA d+ha naM/ bod skad du/ dpal rdo rje sems dpa'i sgrub thabs zhes bya ba/ dpal rdo rje sems dpa' la phyag 'tshal lo/ /rnal 'byor pa dbang rnam pa bzhi tshul bzhin du thob cing /dam tshig rnams srog gi phyir yang mi gtong bas/ ri sul dang / brag phug dang / chu klung dang / dur khrod la sogs par gnas la/ nang par dang por Da ma ru'i sgras ldang bar bya'o//de nas lag pa g.yas pa khro bo'i sdigs mdzub snying gar bstan la/ oM sum+b+ha ni sum+b+ha hUM hUM phaT/ oM gr-ih+na gr-ih+na hUM hUM phaT/ oM gr-ih+NAkr-i pa ya gr-ih+NA pa ya hUM hUM phaT/oM A na ya hoHb+ha ga bAn badzra bid+yA rA dza hUM hUM phaT/ de nas gdong bkru ba la sogs pas khrus byas nas stan 'jam pa la 'dug la/ tshad med pa bzhi bsgom par bya ste/ bde ba ma thob pa'i sems can rnams bde ba dpag tu med pa la dgod par bya'o//de ltar gzhan gyi sems can thams cad gsal ba'i sems kyis snying rje bskyed par bya'o/ /de ltar gzhan gyi don bya ba'i sdug bsngal la ji mi snyam pa'i dga' ba bsgom par bya'o//phan pa dang bde ba bskyed pa la btang snyoms bsgom par bya'o/ /de nas rang gi bdag po'i sa bon las 'od byung nas nam mkhar 'khor dang bcas pa bsams la mchod pa dang /sdig pa bshags pa la sogs pa bya'o/ /smon pa'i sems kyis bdag he ru kar bsgyur la/ sems can thams cad he ru kar gyur cig ces pas smon lam bya'o/ /smon pa'i sems kyis de nas g.yo ba dang mi g.yo ba'i chos thams cad gcig dang du ma dang bral ba'i ngo bor rang bzhin gyis 'od gsal bar bsgom mo//sems brtan par bya ba'i phyir sngags 'di brjod par bya'o/ /oM shU n+ya tA dz+nyA na badzra swa b+hA ba At+ma kou0f85haM zhes brjod do//de nas bdag gi sdom pa dang / bsod nams dang ye shes kyi stobs kyis bgegs bskrad par bya ste/ mdun gyi nam mkha' la nyi ma'i dkyil 'khor bsams la/ de'i steng du hUM bsams te/de las 'od 'phros pas bgegs bskrad par bya'o/ /de nas rdo rje'i rab dang bla re dang phur bu rnams kyis phyogs bcing ngo / /de nas 'jug pa'i sems kyis shin tu yang cha phra ba'i rang bzhin gyis ngo bo mi dmigs so//a A a I u U e ai o au aM aHa ka tsa Ta ta pa ya ha hUM/ de dag gyur pa las hUM/ de chos 'byung ba'i phyag rgya gru gsum brtsegs mar bsams la/ de'i dbus su shrI he ru ka/ bA rA hI dang gnyis su med par bsgom par bya ste/ dpal he ru ka phyag bzhi pa zhabs gnyis pa 'jigs byed dang dus mtshan mnan pa/zhal g.yas dkar g.yon ljang dbus mthing nag /rgyab ser ljang / zhal bzhi pa spyan gsum dang ldan pa/ phyag dang po gnyis rdo rje dang dril bu bzung bas 'khyud pa/ g.yas kyi phyag gnyis pa na kha TI ga /g.yon gyi gnyis pa na ka pA la bsnams pa/thod pa'i phreng bas dbu brgyan pa/ sna tshogs rdo rjes spyi bor mtshan pa/ zla ba phyed pa'i gzugs can/ spyi bor mi bskyod pa bzhugs pa/ thod pa'i phreng ba se ral khar thogs pa/ stag gi pags pa'i sham thabs can/ ska rags sil sil 'khrol ba/ spyi bor nor bu dang / rna cha dang /mgul rgyan dang / gdu bu dang / tshangs pa'i skud pa dang / thal ba ste/ pha rol tu phyin pa drug dag pa'i rgyan dang ldan pa/ shin tu 'jigs su rung ba'i gzugs can/ yum bA rA hI mdog mthing nag zhal gcig phyag gnyis pa/ spyan gsum pa/ gcer bu skra grol ba 'jigs pa'i gzugs can/phyag gnyis na gri gug dang ka pA la thogs te/ gtso bo la 'khyud pa/ zhabs g.yon gyis 'khyud pa g.yas brkyang ba'o/ /brgya byin gyis phyogs kyi 'dab mar mkha' 'gro ma/ nor bdag phyogs su lA ma/ chu bdag phyogs su dum skyes ma/ gshin rje'i phyogs su gzugs can ma/lha mo de rnams kyang kha dog nag mo dang / ser mo dang / dmar mo dang / ljang gu'o/ /spyan gsum pa phyag bzhi pa/ phyag dang po na gri gug /gnyis pa na thod pa/ g.yon pa na ka pA la/ gnyis pa na kha T+wAM ga /gcer bu skra bshig pa/ 'jigs pa'i gzugs can ma/ tshangs pa dang / biSh+Nu dang / brgya byin dang / srin mo gdan du bting bas g.yon brkyang ba g.yas bskum pas bzhugs pa/ phyag rgya lngas brgyan pa/ thod pa se ral khar 'phyang ba'o/ /de rnams kyi rnam par dag pa ni/ he ru ka'i zhal bzhi ni/ bde ba dang /shin tu bde ba dang / rnam par bde ba dang / bde ba chen po'o/ /yang rnam par thar pa bzhi ste/ stong pa nyid dang / mtshan ma med pa dang / smon pa med pa dang / rang bzhin gyis 'od gsal ba'o/ /phyag rgya bzhi ste/ phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya'o/ /mkha' 'gro ma rnams ni/ la la nA dang / ra sa nA dang / a ba d+hU tI dang / dam rgya na'o/ phyag rgya bzhi dang sbyar ba'o/ /dpal he ru ka'i bzhugs gnas dbus kyi lte ba ni yid bzhin gyi nor bu'o/ /gru gsum gyi 'dab ma bzhi la ni mkha' 'gro ma bzhi'o/bde ba chen po'i 'khor lo rtsibs stong pa gnyis sems dang / mAM sa dang / me tog gis bkang ba'i dung chen po gnyis gzhag go/ /bdag nyid ni mgon po he ru ka ste byang chub sems kyi gzugs can no/ /de nas bdag gis ye shes sems dpa' bsgom mo/ /de nas DA ki la sogs pa'i rigs lnga la sogs pa nam mkha' la bzhugs pa'i ye shes sems dpa' spyan drangs nas bdag gi khar zhugs te/snying ga'i ye shes sems dpa' la thim ste/ gnyis su med par bsam mo/ /de nyid las he ru ka'i sku phra mo 'phros pas/ de rnams kyi dpal gyis reg pa'i sems can thams cad shrI he ru ka'i bdag nyid du bzhugs par bsams la/de nas go cha drug gis lus bsrung / oM ha badzra satwa/ na ma hi bai ro tsa nI swA hA/ swA hA hU pad+ma na rte shwa ra/ bau Sha Ta he he ru ka /hUM hUM ho badzra sU r+ya/phaT haM a mo g+ha/ oM baM badzra bA rA hI/ haM yoM ya ma ni/ hrIM moM mo ha ni/hreM hri san+t+rA sa ni hUM hUM sany+tsa li ni/ phaT phaT tsaN+Di ka /oM hrIH ha ha hUM hUM phaT/ oM badzra bai ro tsa na ye hUM hUM phaT/ oM badzra DA ki nI ye hUM hUM phaT/ oM badzra lA ma ye hUM hUM phaT/ oM badzra khaN+Da ro he hUM hUM phaT/ oM badzra rU pi NI hUM hUM phaT/ 'di ni bzlas pa'o/ /bde ba chen po'i gnas 'di la zhal gcig la nyi ma phyed ma/snga dro'am de'i phyed la sogs par bsgom par bya'o/ /de nas ldang bar 'dod na gtor ma gtang bar bya'o/ /oM a ral+li ho/ /badzra DA ki nI sa ma ya staM dr-i sh+ya hoH/ rdo rje snyim pa kha phye ste/ mtshan phyed na gtor mi sbyin no/ /oM kha kha khA hi khA hi/ sarbA yak+Sha rAk+Sha sa b+hU ta pre ta pi shA tsa/uM mA da/ a pa sma ra/ badzra DA ka DA ki n+ya da ya/ i daM ba liM gr-i h+NaM tu sa ma ya rak+Sha n+tu/ ma ma sarba sid+d+hi m+me pra yats+tsha n+tu/ ya thai baM ya theSh+TaM/ b+huny+dza tha/ pi pa tha/ dzi g+h+ra tha/ ma ti kra ma tha/ ma ma sarba kA rta ya/ sa ta su khaM bi shud+d+ha ye/ sa ha yi ka b+ha ba n+tu hUM hUM phaT/ ces brjod la gtang ngo //'di ni gsang ba'i mchog nyid kyis/ /rnal 'byor ma yi mkha' la 'byung / /rtag tu sems ni bzang po yis/ /sbyor ba'i mchog ni bsgom par bya'o/ /'di ni rab tu gsang ba che/ /gzhan du bstan par mi bya ste/ /dbang po gnyis ni sbyor ba dang / /mchog gi bsgom pa sbyar bar bya//rtag tu dam tshig bsrung bar bya/ /bza' dang bza' min gnyis mi bya/ /bgrod dang bgrod min mi bya ste/ /'thung dang 'thung min sbyor ba'i las/ /'di ltar ye shes goms pa las/ /sngags pa dngos grub myur du 'grub/ /bla ma'i zhal nas rnyed pa ni/ /rab tu gsang ba'i dngos grub ni//gzhan gyis gsol btab gsal bar byas/ /thams cad ma lus 'grub par 'gyur/ /'di byas bsod nams gang thob pa/ /des ni sems can ma lus pa/ /don rtogs stobs dang ye shes ni/ /bsam gyis mi khyab thob par shog /bde mchog gi sgrub thabs slob dpon chen po lU yi bas mdzad pa rdzogs so/

CLOSE WINDOW