CLOSE WINDOW

D1449
བོད་ཡིག

bsgom pa med cing srung ma med dang phra ma zhugs dang sgrub pa med pa yi/ /rgyal po la ni yul du shes pa ji ltar rang don brjod pa mi 'dor ltar/ /sems kyi rgyal po mi khom brgyad dang 'brel pa tshul ni 'di nyid do/ /[]@##/ /rgya gar skad du/ ba san+ta ti la kA TI kA nA ma/bod skad du/ dpyid kyi thig le'i rgya cher 'grel pa zhes bya ba/ dpal dpyid kyi thig le la phyag 'tshal lo/ /sum cu rtsa drug so so yi/ /rang bzhin kun rig he ru ka /khyab bdag phyag byas dpyid thig ni/ /rim gyis rnam par dbye bar bya/ /slob dpon chen po dpal nag po zhabs zhes bya ba/bzhi pa phyag rgya chen po'i dngos grub brnyes pa/ rang dang gzhan gyi don sgrub pa la rtul phod pa/ dpal he ru ka mngon sum du gzigs shing gnyis pa lta bu/ gdul byas 'jig rten dang 'jig rten las 'das pa rtogs par byed pa/ /rnam par bkra shis rmad du byung ba'i rnal 'byor ma'i rgyud ston zhing /khyad par du 'phags pa'i spyod pa mthong ba la bskul ba/ rang gi shes rab la snang bzhin pa'i rnam pa sna tshogs pa'i nye bar bstan pa dang / snang bzhin pa'i man ngag gi khyad par de'i don gyi slad du rab tu gsal ba'i dgongs pas brtson par mdzad do//rang nyid kyis dran pa'i ched du nang gi bdag nyid kyi rim pas bcom ldan 'das dpal he ru ka'i sgrub pa'i thabs kyi cho ga dpyid kyi thig le 'di mngon par brjod par bzhed pas/ de nyid rang gi gzugs dang 'tsham pa'i rang 'dra dang bcas pa la phyag byas te/mnyam dang mi mnyam zhes bya ba la sogs pas sgrub pa'i thabs kyi cho ga'i gnas la brtson par mdzad do/ /de la dang por re zhig rjod par byed pa la sogs pa bshad par bya ste/ rjod par byed pa ni dpyid kyi thig le'o/ /brjod par bya ba ni rdzogs pa'i rim pa'o//brjod par bya ba dang / rjod par byed pa'i mtshan nyid ni 'brel pa ste/ sgra dang don dag gi thun mong gi mtshan nyid kyi phyir ro/ /bde blag tu rtogs pa ni dgos pa'o/ /yang dag pa'i ye shes sngon ma can phyag rgya chen po'i dngos grub sngon du 'gro ba/ 'gro ba ma lus pa'i don phun sum tshogs pa ni de'i dgos pa'i zhes pa ni bsdus pa'i don to//dpal he ru kar mngon par brjod pa de la phyag byas nas dpyid kyi thig le bshad par bya'o zhes 'brel to/ /ji lta bu zhe na/ mnyam dang mi mnyam zhes pa la sogs pa ste/ mnyam pa ni thabs kyi rang bzhin rnams dang / mi mnyam pa ni shes rab kyi rang bzhin rnams te/bde ba chen po de dang gnyis su med pa'i rang bzhin can gyi byang chub kyi phyogs sum cu rtsa bdun po lam lngas bsdus pa gang yin pa 'di rnams te/ lus dran pa nye bar gzhag pa nas brtsams te yang dag pa'i ting nge 'dzin gyi mthar thug pa gang gi rang bzhin yin pa de nyid kyi rang bzhin gyis gnas pa gang yin pa de'o//de la chos nyi shu rtsa gnyis po rnams ni mnyam pa ste/ 'jig rten pa'i lam gyis bsdus pa nyid kyi phyir ro/ /chos bco lnga po rnams ni mi mnyam pa ste/ 'jig rten las 'das pa'i lam gyis bsdus pa nyid kyi phyir ro/ /yang na mnyam pa ni g.yas kyi rtsa las rab tu byung bar yang dag par rig pa rnams dang /mi mnyam pa ni g.yon gyi rtsa las rab tu byung ba rnams te/ mig la sogs pa'i rnam par shes pa drug rnams so sor dga' ba la sogs pa bzhir phye bas dga' ba nyi shu rtsa bzhi rnams dang / 'khor lo bzhi po la 'jug pa la sogs pa 'jug gnas ldang gsum gyi rim pas dga' ba la sogs pa gsum du phye ba las dga' ba bcu gnyis rnams dang /yan lag thams cad tshim pa las ni gcig go/ /de ltar na byang chub kyi phyogs kyi chos sum cu rtsa bdun gyi rang bzhin gyis gnas pa'i bcom ldan 'das ni lhan cig skyes pa gcig pu'i sku'o//phyi rol du yang de snyed kyi mkha' 'gro ma rnams dang ldan pa'o/ /de nyid 'khor lo'i dbang phyug nyid du rtogs par bya ba'i phyir/ rang lus rtsa zhes bya ba la sogs pa gsungs te/ rang lus rnams su ste rang gi lus kyi sgo brgyad po rnams su rtsa gang yin pa 'di rnams mthong ba dang thos pa dang sgom pa dang myang ba dang reg pa'i tha snyad de/phyi rol tu khwa gdong ma la sogs pa'i gzugs rnams so/ /de bzhin du 'khor lo bzhi ni sprul pa la sogs pa rnams te/ lte ba dang / snying ga dang / mgrin pa dang / spyi bo'i gnas rnams go rims bzhin du/sprul pa dang / chos dang / longs spyod rdzogs pa dang / ngo bo nyid kyi sku'i rang bzhin rnams te/ ye shes dang / sems dang / ngag dang / lus kyi 'khor lo'i bdag nyid can de rnams su gtso bo ste/ kun rdzob dang don dam pa dbyer med pa'i byang chub kyi rang bzhin snying po'i gzugs nyid kyis rje bor gyur pa'o//sngags kyi sku nyid kyis kyang de'i rang bzhin gsungs pa/ dbyangs lnga dang bcas phyi mo bcu gnyis gsal byed sum cu rtsa bzhis brgyan/ dbyangs lnga'i tshig gis gcig lhag pa'i bcu po khong du chud par byas te/ de la chos kyi 'khor lo'i dbus dang phyogs kyi 'dab ma bzhi la go rims bzhin du hUM aM AHhriM khaM zhes pa'i dbyangs lngas nye bar mtshon pa/de bzhin gshegs pa rnams kyi sa bon bkod pa las phung po rnam par dag pa'o/ /longs spyod rdzogs pa'i 'khor lor yang oM AHI U e ste sa bon lnga rnams bkod pa las khams lnga rnam par dag pa'o//de bzhin du ma ning bzhi po spangs pa'i phyi mo bcu gnyis po g.yon dang 'og tu gdong dang / de nyid g.yas su steng du gdong ste nyi shu rtsa bzhi rnams kyis ni ka yig la sogs steng dang 'og gi gdong rnams ma yig gi rang bzhin gyi rjes sung ro dang bcas pa rnams kyis yongs su bskor ba'o//de bzhin du de rnams nyid ma ning dang bcas pa'i bcu drug po nyis 'gyur du gyur pa ni bde ba chen po'i 'khor lo la ste/ steng dang 'og gi yi ge gnyis spangs pa ka la sogs pa sum cu rtsa gnyis po nyis 'gyur du gyur pa ni sprul pa'i 'khor lo la'o//rtsa nyi shu rtsa bzhi dgod pa'i phyogs la ni chos kyi 'khor lo'i mtshams su ya ra la wa rnams so/ /dro ba rnams ni de'i phyi rol du snod du gyur pas gnas so/ /'khor lo bzhi po yang dbus su dbyangs kyi dang po dang sprin gyi sgra dang tshangs pa dang mi 'jigs pa'i yi ge rnams so//dz+wa lan+d+ha ra la ra yig dang / 'og sgo'i rtse mor k+Sha yig go/ /'di rnams kyis brgyan pa ni A li'i rang bzhin gyi sngags so/ /'dis sa bcu'i dbang phyug nyid du rtogs par bya ba'i phyir gsungs pa/ sku gsung thugs kyi dbye bas gnas pa'i gnas la sogs pa bcu rnams kyi dbang phyug ces pa'o//gzhan yang ji ltar bur phyag byas nas dpyid kyi thig le 'chad ce na/ rab tu dga' ba la sogs pa'i rang bzhin gyi byang chub sems dpa'i sa bcu po gang yin pa 'di rnams gnas la sogs pa rnams te/ sku la sogs pa'i 'khor lo rnams su lugs las bzlog pa'i dbye bas spyi bo la sogs pa'i gnas rnams su mi phyed ma la sogs pa'i rang bzhin gyi rtsa'i gnas la de rnams dbang phyug ste khyab bdag go//'di ni byang chub sems dpa'i sa bcu ste/ gang rnams su byang chub sems dpa' nyon mongs pa dang shes bya'i sgrib pa rab tu bsreg pa nyid las bden pa mthong ba ste/rnam par mi rtog pa'i dbyings mngon sum du mdzad pa las bskal pa grangs med pa gsum gyis 'thob par bya ba'i byang chub tu 'gyur ba yin te/ sems bskyed pa ni sa rnams la/ /mos dang lhag bsam dag pa dang / /rnam par smin pa gzhan du 'dod//de bzhin sgrib pa spangs pa'o/ /zhes gsungs pa'i phyir ro/ /'dir ni pul+lI ra la sogs pa'i brdar byas pa'i sa bcu'i kun du spyod pas bsgrub par bya ba thim pa la sogs pa'i rang bzhin gyi sku gsum po gtso bor rtogs pa rang rig pa dpal bde ba chen po rnam grangs gzhan yang dag par rdzogs pa'i byang chub kyi rang bzhin dpal he ru ka nyid shin tu myur bar mngon sum du byed cing skye ba 'di nyid la rdzogs par byed pa ni shes rab kyi pha rol tu phyin par bstan pa las khyad par ro//'di las na lhan cig skyes pa kho na chos kyi sku la sogs pa'i rang bzhin gyis gnas la sogs pa'i sa rnams kyi bdag po nyid kyi phyir/bcom ldan 'das sa bcu'i dbang phyug nyid du rtogs par mdzad pa yin no/ /gnas la sogs pa rnams dang sa rnams kyi nges pa'i tshig ni gzhi mthun pa nyid las phyi nas bshad par bya'o/ /gzhan yang ji lta bu zhe na/ kun 'gro ste/ kun ni phung po la sogs pa rnams yin la/de la chos nyid kyis gnas pa nyid kyi phyir kun 'gro ste/ chos kyi dbyings so/ /sems can kun gyi rang snying dbus son zhes pa la/ sems can kun ni phyugs dang bya dang sbrul dang mi la sogs pa rnams so/ /de rnams kyi rang gi snying gi dbus son te/ snying ga'i pad+ma kha sbyor du zhugs pa ze'u 'bru'i nang du gnas pa'i sa la sogs pa'i khams bzhi'i rang bzhin steng dang 'og tu nyi ma dang zla ba'i dkyil 'khor gyi dbus su son pa/skra rtse brgya stong gi tshad phra zhing shin tu phra ba'i chos kyi dbyings kyi rang bzhin 'khor lor thams cad kyi mkha' 'gro ma dang dpa' bo dbyer med pa'i gzugs kyis thig le'i rang bzhin du gnas pa ste/rtag tu snying la gnas pa yi/ /thig le gcig pu yi ge med/ /de sgom byed pa'i skye bo la/ /mchog gi ye shes skye bar 'gyur/ /zhes gsungs pa dang / kha sbyor kha sbyor sgom pa na/ /thig le gcig pu snang ba ste/ /kha sbyor ma yin sbyar gyur na//thig le thig le min nyid 'gro/ /zhes gsungs pa'i phyir ro/ /gzhan yang ji lta bu zhe na/ nam mkha'i rnam pa ste/ chos kyi sku nyid kyi phyir ram nam mkha' lnga'i rnam pa'i sum skor ba la sogs pa'i rtsa rnams su reg cing rtogs pa nyid kyi phyir ro/ /yang gsungs pa/b+ha ga'i dbus su nam mkha' gang / /nam mkha' lnga rnams kyis brgyan pa/ /lte ba dang ni ge sar bcas/ /'dab ma brgyad kyis rnam par brgyan/ /zhes pa la sogs pa'o/ /mchog tu zhi zhes bya ba ni/ /don dam pa'i byang chub kyi sems rang bzhin nyid kyi phyir mchog go/ /spros pa med pa nyid kyi phyir zhi ba'o//de bzhin du dpal he ru ka zhes pa la sogs pas don dam pa dang kun rdzob kyi rang bzhin gyi byang chub kyi sems kyi ngo bo nyid du yang dag par rtogs par bya ba'i phyir gsungs pa yin te/ dpal he ru ka ni/ rgyud du gsungs pa'i rnam par thar ba bzhi'i bdag nyid can no//lhan cig skyes pa gcig pu chos kyi sku de'i rang bzhin dang de'i ngo bo nyid de ni mchog tu mya ngan las 'das pa'i de kho na nyid do/ /de bzhin du bzhengs pa ni/ sprul pas bzhengs pa'o/ /gang 'di phag mo'i rnam pas 'byung bar 'gyur ba'i dpyid kyis mngon par shes pa la sogs pa'i me tog 'byung ba'i sbyor bas he ru ka dang yang dag par sbyor bzhin pa ni thig le lta bu ste thig ler snang ba'i rang bzhin can gyi ye shes kyi me 'bar ba/phung po dang khams dang skye mched kyi bud shing sreg par byed pa de'i gang yin pa 'di rnams ni spro ba te/ dbu ma'i lam gyi steng du 'khor lo gsum la 'jug ste/des na 'bar ba ste de'i 'od dang 'od gang gis yin pa de yin no/ /de bzhin du lus dang ngag dang yid de rigs gsum gyi rang bzhin gyi ra sa nA la sogs pa'i rtsa gsum po gang yin pa 'di ni rgyas pa ste/ pul+lI ra la sogs pa'i gnas rnams dang / sprul pa la sogs pa rnams su rgyas pa de'o/ /bsags pa gang yin pa 'di ni nyi shu rtsa bzhi dang nyi shu lhag pa'i brgya dang / stong phrag nyi shu rtsa gcig dang / stong phrag bdun cu rtsa gnyis kyi grangs can gyi rtsa'i 'khor lo gang yin pa 'di rnams ni mtha' yas pa'i dpa' mo'i rang bzhin te/kun rdzob byang chub sems kyi rnam pas der mgon po ste khyab bdag go/ /yang smras pa/ rkang pa gsang ba bshang lam lte snying mgo bo la/ /khams kyi dkyil 'khor du son ri rab rgyab tu 'gro/ /rtsa rnams dam tshig rdo rje'i pad+mar son pa yi/ /gnyi ga'i sems ni he ru ka ste khyod la 'dud//gsang ba'i ko ka'i chu yi ze'u 'bru'i nang du ni/ /mkha' ste nam mkha' chen po lnga po gnas pa yin/ /chos kyi dbyings kyi thig le gnyis min gnyis su med/ /lhan skyes bdag nyid he ru ka ste khyod la 'dud/ /sprin nag brtsegs pa'i nang du 'gyu ba'i glog las ni//lhag pa'i 'od de mchog tu brtsegs pas sems can dang / /snod du bcas pa rab tu sreg par byed pa yi/ /'gro ba'i ma ste he ru ka ma khyod la 'dud/ /lte ba'i 'khor lo'i bug pa'i chu yi phung po dang / /rdo rje dang ni chu skyes 'dus pa las byung ba/ /bdud rtsi'i ro yi btung ba la ni cher srid pa'i//rta gdong gi ni me 'od khyod la phyag bgyi'o/ /zhes pa la sogs pa'o/ /chos kyi sku'i rang bzhin gyis phyag byas nas/ /de las gzhan gyis kyang phyag byas pa/ /'gro ba'i rang gzhan don gyi bde ba zhes bya bas gsungs pa yin te/ 'gro ba'i ni khams gsum gyi'o/ / rang rig pa'i bde ba ni rang bde ba ste/ rdo rje'i kha las ma 'phos pa'i gnas skabs su longs spyod rdzogs pa'i sku'i rang bzhin dang / de las gzhan du gzhan don gyi bde ba ni sprul pa'i sku'i rang bzhin no/ /gang 'dir 'gro ba skyed pa de kho na de bzhin gshegs pa skyed pa ste/ de'i rang bzhin nyid kyi phyir 'gro ba'o//de kha sbyor thig ler yang gsungs pa/ khrag ni mkha' 'gro kun rang bzhin/ /pad+mar snang ba sbyor ba las/ /pad+ma gar dbang du ni brjod/ /steng du spro zhing 'od gsal ba/ /rdo rje nyi ma mchog tu bshad/ /dpal ldan rdo rje mkha' 'gror yang / /snang zhing 'bar ba gang yin de//thub chen rnam par snang mdzad do/ /dga' bral mtha' de rta mchog 'di/ /rlung rnams sna tshogs 'byung phyir ro/ /zhes so/ /'di nyid las sngon du gsungs pa'i tshul kho nas phag mos yang dag par 'khyud pa'i sku'o/ /dpal he ru ka mngon par brjod pa la ming med kyang kun rdzob kyis shrI he ru ka zhes pa'i mngon par brjod pa las bcom ldan 'das su rtogs par bya'o//hUM yig brag ca lta bu'i sgras dga' zhing yid 'phrog pa gang las dpyid kyi thig le gang yin pa de nyid nA da ste/ des sgra byed cing sgrogs pa ni thig le ste bcom ldan 'das so/ /'di rnams nyid las/nA da dang thig le sgrogs pa kho na de dag gis snyoms par snyoms pa snye/ bskyed pa'i rim pa las 'das pa nyid kyi phyir rdzogs pa'i rim pa'i rang bzhin no/ /phyag byas nas zhes pa ni snga ma dang 'brel lo/ /ji ltar zhe na/ rnal 'byor gnas las phyung ba yi/ /dpyid kyi thig le brjod par bya//rnal 'byor gyi gnas bzhi po bdag dang gzhan dang sngags dang de kho na nyid du brjod pa go rims bzhin du lte ba dang snying ga dang mgrin pa dang spyi bo rnams las phyung ba ste/ 'gro ba dang 'ong ba'i sbyor bas rab tu 'jug pa rnams so/ /de rjod par byed pa'i sgrub pa'i thabs kyi cho ga la yang dpyid kyi thig le la zhes brjod par bya ste/rol rnyed ma 'phrogs pa'i snyan dngags bzhin no/ /'di gang las 'byung ba yin zhe na/ bshad pa/ dpal 'khor lo sdom pa zhes bya ba'i rgyud las te/ der gang zhig phyi rol dang nang gi mtshan nyid dang / de bzhin du skyes pa dang ma skyes par brjod pa'i rim pa'i lam de kho na nyid kyi rang bzhin gyis bshad par bya'o zhes snga ma dang 'brel lo//de ltar na bskyed pa'i rim pa la sum cu rtsa bdun gyi bdag nyid kyi dkyil 'khor gyi 'khor lo dang / rdzogs pa'i rim pa la ni de'i grangs kyi bde ba chen po'o//gzhan du rtsa'i 'khor lo nyid du yang rtogs par byed do/ /dpal ldan rdo rje mkha' 'gro ma/ /zhes pa la sogs pas dgos pa gsungs te/ bcom ldan 'das ma gang yin pa 'di ni rdo rje mkha' 'gro ma'o/ /rdo rje ni gzhom du med cing 'gyur ba med pa ste/ sgo'i gnas su gzhom du med pa'o//mkha' 'gro gdong la ro gcig tu yang dag par 'dzag pa'i bdud rtsi'o ma'i rgya mtsho dba' rlabs su phye ba la grol bar 'gro zhing 'gro'o zhes pa/ rdo rje mkha' 'gro ma ste/ thig le'i zer ma stong phrag lta bur 'bar ba'i sku can gyi bcom ldan 'das ma ye shes kyi me'i 'od de phag mo'o//de'i 'od dngos grub ni chos nyid kyi rang bzhin nyid las/ rang bzhin kho na rdzogs pa ste/ thams cad kho na rig pa nyid kyi phyir ro/ /ci phyi rol du gnas pa yin nam zhe na/ ma yin no zhes gsungs pa/ rang lus te/ phung po la sogs pa'i rang bzhin gyi lus la rnam par gnas shing 'dug pa'o//sngar gsungs pa'i rim pa kho nas 'di nyid las dmigs pa'i phyir ro/ /des na rgyud rgyas pa rtogs par bya mi nus pa'i gang zag 'dod pa shin tu chung ba rnams kyis gsal bar khong du chud cing / de ji lta ba bzhin du rtogs par 'gyur ba yin no//rgyu 'di las gzhung shin tu nyung ngur rdzogs pa'i rim pa yongs su rdzogs par khong du chud par bya ba'i phyir brjod par bya'o zhes bya ba'i don to/ /'dir/ rdzogs pa'i rim pa la 'dzegs pa'i rnal 'byor pa'i dbang pos dkyil 'khor dang sbyin sreg dang bsgom pa dang bzlas pa rnams ji ltar bya zhe na/ma yin no zhes gsungs pa/ bskyed pa'i rim pa'am/ sku gzugs la sogs pa gang yin pa 'di rnams nyid ni thams cad du de btags pa nyid yin pa'i phyir dang / phyi rol gyi yo byad kyis bsgrub par bya ba nyid yin pa'i phyir bcos ma ste byas pa'o/ /'dus pa ni/rnam par nyams pa'i chos can te/ bum pa la sogs pa bzhin no/ /des na brdzun zhing g.yo ba byed pa byas pa de rnams kyis sam/ sgom pa rnams kyis ci bya zhes dgongs so/ /gal te de ltar na de bcom ldan 'das kyis ci ltar bstan zhes dogs na/ bcos ma'i bya ba zhes pa la sogs pa gsungs te/sngar bshad pa'i dkyil 'khor la sogs pa bcos ma'i bya ba gang yin pa 'di rnams kyang yod pa na de'i rang bzhin te/ dkyil 'khor la sogs pa rnams kyi dngos grub kyi ngo bo nyid rtogs shing khong du chud par bya ba'i phyir bstan pa yin gyi/ de nyid 'bras bu'i rang bzhin ni ma yin no//'di rnams nyid kyi rang bzhin nam ngo bo nyid ni lhan cig skyes pa'i dngos grub ste/ 'chad bzhin pa'i dkyil 'khor la sogs pa ni de'i rnal 'byor la brten nas thams cad du phyi rol gyi bcos ma kho na'o/ /des na/ dkyil 'khor lus la bsgom par bya//zhes kyang dgongs so/ /dkyil 'khor la sogs pa la mos pa rnams rab tu gzhug pas re zhig de sgom par byed la/ phyi nas de nyid kyi sgo nas rang bzhin gyi dngos grub sgrub pa de yod de/ de rnams kyi phyi rol du mngon par zhen pa dor nas nang gi bdag nyid rnams la 'jug par byed do zhes pa de bstan pa yang dgos pa dang bcas pa yin no//ji ltar pha rol don gnyer rnams/ /zhes bya ba la sogs pas dpe gsungs te/ ji ltar rgya mtsho la sogs pa rnams kyi pha rol thob pa don du gnyer ba rnams gzings kyi bzhon pa dang skya ba la sogs pa'i 'bad pa la rten par byed la/pha rol thob pa na rtswa lta bur 'dor bar byed do/ /de kho na bzhin du phyi rol gyi dkyil 'khor thob nas nang gi bdag nyid can rang bzhin gyi dngos grub thob pa dang ldan pa gang yin pa de thob pa na phyi rol 'dor bar byed do zhes pa'i don te/ /ji skad du/ thabs byung thob pas spang bya gang / /de ni thabs zhes bstan pa yin/ /zhes pa'i gsungs las/ rin po che'i gang zag sngon du goms pa de ni bcos pa'i dkyil 'khor la sogs pa de rnams yud tsam kho nas ma bcos pa'i dkyil 'khor du lhag par mos par byed cing bcos ma ma yin par byed pa kho na'o zhes bya ba ni khyad par ro//de lta bu'i rigs can ni rnyed par dka' ste/ rdzogs pa'i rim pa la yid ches par dka' ba tsan+dan la sogs pa rnams kyis so/ /mtshan ma'i khyad par rnams kyis de'i rigs can du shes par bya ste/ du ba las ni mer shes dang / /chu skyar las ni chu yin te//byang chub sems dpa' yi ni rigs/ /blo dang ldan pas mtshan mar shes/ /zhes gsungs pa'i phyir ro/ /'dir re zhig rang bzhin yongs su shes pa kho na byang chub bo/ /bsgom par bya bzhin pa yod pa ma yin na yang gsal bar 'gyur ro zhes pa/ gsal ba dang mi gsal bas byang chub kyi rgyu dag tu 'gyur zhes dogs pa la gsungs pa/dkyil 'khor la sogs zhes bya ba la sogs pa ste/ bcos ma'i bsam pa can brtags pa'i rnal 'byor pa la dkyil 'khor la sogs pa can dang por gsungs te/ bri ba'am yid la bya'o/ / de thams cad legs sam/ mi legs kyang rung ste de sgom par byed bzhin pa la re zhig gsal bar 'gyur ba yin gyi/ de de kho na nyid ni ma yin par brjod par bya'o zhes bya ba ni lhag ma ste/ ral pas brgyan zhing 'od dang ldan/ /phrag par se ral dkar po dang / /spyi blugs thogs shing thal ba yis//ra ri can du sbags pa yang / /'dir ni gang gang yang dang yang / /rmongs chen rnams kyis sgom byed pa/ /de de'i mdun du snang bar 'gyur/ /zhes gsungs pa'i phyir ro/ /las rab 'byams yang dkyil 'khor la sogs pa ltar de kho na nyid ma yin par 'gyur ram zhes dogs pa la gsungs pa las rab 'byams dang bcas zhes bya ba la sogs pa ste/gang yang bcom ldan 'das kyis sna tshogs pas dub pa'i bsgrub bya la/ las rab 'byams dang ldan pa'i rgyud bstan pa yin gyi/ de de kho na nyid ni ma yin no/ /dgongs pas kyang dngos po dam pa lhan cig skyes pa yang dag par rig cing myang bar bya ba'i phyir te/gang las she na/ las rab 'byams sgrub pa'i don du de sgom pa la 'jug bzhin pa na/ de'i sgo kho na nas de mngon par 'du byed pa 'jig par byed pa'i phyir/ rang bzhin gyi dngos grub chos kyi bdag nyid can/ mchog gi nam mkha'i rnam pa can lhan cig skyes pa la 'jug par byed do zhes pa'i dgongs pa can te de lta bu'i rgyud bstan pa de ni don med pa nyid ni ma yin no//sgra shes phyir zhes bya ba la sogs pas dpe gsungs te/ ji ltar phyi rol pa'i drang srong rnams kyis/ sgra tsam shes pa'i slad du de'i bstan bcos te sgra'i bstan bcos byed de/de byed pa na 'ga' zhig gis de kho na nyid rtogs par 'gyur ba ma yin no/ /de kho na bzhin du las kyi rjes su 'brangs nas te/ de dang mthun pa'i kha dog dang dbyibs bgrang ba na/ rol mo dang glu mkhan la sogs pa bzhin du byed pa yin te/ rigs dang dge ba'i bshes gnyen dang sngon gyi bsod nams bsags pa dang yang dag pa'i smon lam med pas/mi de rnams kyis spros pa med pa rnyed par mi 'gyur ro/ /gang zhig rigs la sogs pa dang ldan pa de rnams kyis de mngon sum du byed par 'gyur ba kho na'o/ /de yang gsungs pa/ rgya che'i chos ni thos pa dang //bshes gnyen bzang po bsten pa dang / /rigs las kyang ni 'jug pa ste/ /'di las 'gyod med byed par 'gyur/ /zhes so/ /de kho na nyid rnyed par mi 'gyur ba 'ba' zhig ma yin gyi/ ji srid du lus nyon mongs pa'i sbyor ba las rang gi sems rnam par bskyod pa'i sgom pa byed bzhin pa ni bcos ma ste de yang thob par mi 'gyur ro zhes pas gnyi ga nyams pa'i phyir sgrub pa ni rmongs shing cher rmongs pa nyid thob par 'gyur te/bde ba dang ldan pa'i sems ni ting nge 'dzin du 'gyur la/ mnyam par gzhag pa'i sems ni ji lta ba khong du chud pa'i shes rab tu 'gyur ro zhes gsungs pa'i phyir ro//dpal gsung ba 'dus par yang / /sngags kyi sku yi rab sbyor gyis/ /byang chub med cing sgom pa med/ /de ltar rnam dpyad mdor bsdus nas/ /sku gsung thugs kyi rnam par ni/ /bsgom bya byang chub sbyor ba na/ /ting nge 'dzin ni sngags su brtags//zhes pa la sogs pa'o/ /don 'di nyid bshad par bya ba'i phyir/ /'bad pas nyon mongs ldang ba ste/ /zhes pa la sogs pa ste go sla'o/ /kha cig gis smras pa/ /rnam par mi rtog pa'i ting nge 'dzin rtogs pa na sangs rgyas nyid rtogs par 'gyur te/ / stong pa nyid sgom pa lta bu'o/ /de gang gi phyir na de la kun nas nyon mongs pa dang rnam par byed pa'i rtog pa med pa'i phyir sangs rgyas nyid kyang de'i rang bzhin kho na'o zhe na/ brjod par bya ste/ rnam par mi rtog pa las sangs rgyas nyid do zhes pa dang / stong pa nyid ni de lta bu'o zhes pa ni snang brnyan gyi rang bzhin/gzugs dang chad pa'i phyogs te/ phyogs gnyi ga spangs pa ni sangs rgyas nyid do zhes pa dang 'gal ba'o/ /yang zla ba dang rdo rje la sogs pa'i rim pa las skyes pa'i lha'i sku de bzhin gshegs par nga rgyal ba'i khyad par du 'phags pa'i rnam par rtog pa dang bcas pa ni sangs rgyas nyid 'thob pa'i rgyur 'gyur ro zhe na/de sel ba'i slad du/ rtog bcas kyis kyang 'gyur ma yin/ /zhes gsungs te/ 'di ltar rnam pa sna tshogs pa'i khyad par las kyang sangs rgyas nyid 'byung ba ma yin te/ khyad par du 'phags pa dang khyad par du 'phags pa ma yin pa'i rnam par rtog pa dag ni bye brag med par 'khor lo'i rgyu nyid kyi phyir ro//yang gsungs pa/ dge'am mi dge na yang rung / /rtog par bye brag ci zhig yod/ /rten gyi dbye ba'i rgyu mtshan gyis/ /mes sreg nyid du bye brag med/ /ces so/ /'o na gang las der 'gyur zhe na/shin tu rnam dag ces bya ba la sogs pa gsungs te/ phung po la sogs pa rnams kyi rang bzhin yongs su shes pa las 'gyur ro/ gang gi phyir na/ phung po la sogs pa 'di rnams rang bzhin kho na las bde ba chen po'i rnam grangs lhan cig skyes pa rnam par dag pa rnams so//de'i phyir bral ba'am sbyor ba'i chos 'ga' zhig gis ni 'di rnams byed par nus pa ma yin no/ /rtsig pa la sogs pa rnams nam mkha' lta bur rang bzhin yongs su shes pa kho na rgyu'i gtso bo dang / de byed pa yin gyi gzhan ni ma yin no zhes bya ba 'di bshad pa yin no//de yang ston pa po bla ma la rtse gcig pa dang dam tshig la tshad mar byed pas yin gyi gzhan du ni ma yin no/ /'o na yongs su shes pa yang yongs su shes par byed pa po dor nas 'gyur ba ma yin gyi/ gnyis yin na ji ltar de kho na nyid gnyis su med par 'gyur zhe na/ bya ba dang byed pa'i dngos po sel bar byed pa/ bya ba rang bzhin las yod min/ /zhes bya ba la sogs pa gsungs te/ dngos po rnams kyi 'ong ba dang 'gro ba la sogs pa'i bya ba dang byed pa po rnams su rtogs par dbyer med pa'o zhes pa la phyogs gnyis so/ /dang po byed pa po kho na yin na bya ba mi 'thob la/gnyis pa la byed pa po ci zhig yin te/ bya ba dang tha mi dad pa nyid kyi phyir ro/ /de la de dag gi 'brel pa yod pa na yin no zhe na/ de'i bdag nyid yin na ni dbyer med pa'i phyir sngar bshad pa'i skyon no/ de las byung ba yin na ni/ bya ba skyes pa na byed pa zhig pa'i phyir gang gi bya ba yin/byed pa po dang bcas par yang ji ltar brjod de/ dngos po rnams ni skad cig ma yin pa'i phyir na su zhig gang la 'brel pa yin/ rgyun la gzhag pa'i 'brel pa yang brtags pa ste/ dngos po pa ni ma yin no/ /de'i 'das pa la sogs pa la yod pa nyid kyi phyir te/shes bya las sngar gal te shes/ /de ni ci la dmigs nas byung / /shes las gal te shes bya snga/ /de ni ci la dmigs nas byung / /shes dang shes byas lhan cig na/ /de ni ci la dmigs nas byung / /zhes gsungs pa'i phyir ro/ /bya ba dang byed pa'i dngos por gzhag pa yang 'brel par brjod par mi bya ste/rgyu dang 'bras bu dag ni phan tshun ltos pa nyid las ma grub pa'i phyir ro/ /de bas na byed pa po dang bya ba'i dngos las 'das pa 'di dag thams cad yin te/ shes pa po dang shes pa tha dad pa med pas gnyis su med pa'i de kho na nyid 'grub pa kho na'o//de yang kun rdzob tu brjod pa yin te/ /rang bzhin gsal ba'i ye shes kyang de nyid du nub pa'i phyir ro/ /dper na mar khu dang thal bas dri ma med par byas pa'i me long la/ dbugs thim pa dang bsreg par bya ba med pas/ me la 'bar ba'i tshogs thim pa lta bu'o/ /byed pa po dang bya ba tha mi dad pa'i sbyor ba ni gang zhig gang las tha mi dad pa de ni de'i bdag nyid de bu ram dang mngar ba lta bu'o/ /bya ba'ang byed pa po las tha mi dad pas logs su bya ba med pa ste/ rang bzhin gyi gtan tshigs so/ /gang zhig gang las tha dad pa de ni de'i bdag nyid ma yin te/bum pa las snam bu lta bu'o/ /bya ba'ang byed pa po las tha dad na/ /de ni bya ba ma yin te/ 'gal ba dmigs pa 'am rgyu 'gal ba dmigs pa'o/ /'o na gal te de ltar yin na chos thams cad kyi rang bzhin gang yin zhe na/kun gyi rang bzhin zhes bya ba la sogs pa gsungs te/ phung po la sogs pa chos thams cad kyi rang bzhin ni/ thog ma las ma skyes pa'i ngo bo yi ge a sprul pa'i 'khor lo la gnas pa rang bzhin gyis grub pa ste/ chos kyi sku ni thog ma dang tha ma med pa'i phyir ro/ /de'i dpe ni rin po che rnams kyi 'byung gnas rgya mtsho lta bu'o//grub mtha' bshad par bya ba'i phyir/ /rtag tu 'jig rten tha snyad ni/ /zhes bya ba la sogs pa gsungs te/ re zhig 'jig rten ni gzhan gyi dpes bdag la sogs pa yod pa'i tha snyad dang / 'jig rten las 'das pa ni rang gi sde ba ste/de ni 'gal ba ni/ bdag la sogs pa med pa'i tha snyad de/ phyogs 'dzin pa 'di dag gi 'khor ba'i rgyu kho na yin no/ /'o na grub pa'i mtha' ji lta bu yin zhe na/ yod pa'am med pa nyid kyi yang / /zhes bya ba la sogs pa la/ bstan pa thams cad la grags pa'i yod pa dang /med pa lta ba dag tshad ma'i stobs kyis 'grub pa ste/ de dag gi rang bzhin ji ltar mi dmigs pa de ltar grub pa'i mtha' yin no/ /de ci'i phyir tshad ma kho na ma grub pas de'i grub pa'i lta ba gang las 'byung / gzhal bya med pas de ma grub pa dang tshad ma gzhal bya dag phan tshun ltos pa'i phyir ro//de bas na phyogs gang la yang mi gnas pa grub pa'i mtha'o/ /de nyid bshad par bya ba'i phyir/ /rang bzhin nyid kyi sbyor ba ni/ /zhes bya ba la sogs pa gsungs te/ phyogs gnyis la ma zhen pa yongs su shes pa 'dis sangs rgyas thob par 'gyur ro/ /de bas na rang bzhin yongs su shes pas lhan cig skyes pa rtogs pa yin te/de nyid lam yin pas mthong ba dang sgom pa la sogs pa ni ma yin no/ /de bas na rang bzhin gyi lam la brten nas thams cad byed pa ni/ 'dod pa'i yon tan lnga la longs spyod pa'am/ 'jig rten la 'gal ba'i bza' ba la sogs pa'am/spyod lam bzhi 'am/ 'gro ba'i don du byed na grol ba ni lta ba thams cad kyi bcings pa las grol bar 'gyur ro/ /dpyid kyi thig le'i rgya cher 'grel pa/ gsang ba chen po'i sgron ma las/ rgyas pa bstan pa dang po'i rgyas par bshad pa'o// //de nas gang yang rung zhes bya ba la sogs pa la/ de nas zhes bya ba ni bstan pa dang po 'das ma thag pa la'o/ /gzugs can rnams ni rnam pa bzhi'i sems can gyi rigs gnas dgu'i bdag nyid kyi 'khor ba la gnas pa gang yin pa de'i lus kho na phung po la sogs pa'i mtshan nyid du rgyud kyi nang nas ston pa ste/de nyid lha'i mtshan nyid ni dpa' bo dang rnal 'byor ma'i rang bzhin du bshad par bya'o/ /de gang gi phyir bskyed pa'i rim pa la gtogs pa'i lha ni don dam pa'i lha ma yin te bcos ma'i phyir ro/ /gang zhig rang bzhin du bde ba chen po'i ngo bo de kho na lha yin te/rin chen 'byung ldan dang / ngag gi dbang phyug gi rang bzhin las 'byung zhing rol pa'i phyir ro/ /'dir ni re zhig rdo rje dang pad+ma yang dag par sbyor ba dang / rnam par bral ba dang / bdag 'di yin no zhes bya ba'i nga rgyal dang rigs mi mthun pa'i yid byed pa rmongs pa dang /'gro ba dang 'ong par bya ba'i rang bzhin gyi snang ba mtha' yas dang / mi bskyod pa dang / rin chen 'byung ldan dang / rnam par snang mdzad dang / don yod grub pa'i rang bzhin la rjes su zhugs pas lhan cig skyes pa'i bde ba dang ldan zhing /rdo rje 'chang chen po dang chos kyi dbang phyug ma'i rang bzhin gyi pha dang ma dag gi sprul pa bdag yin te/ gang zhig bdag gi gzugs la sogs pa'i phung po lnga de nyid rgyal ba rnams dang / gang zhig bdag gi mig la sogs pa dang / sa la sogs pa'i khams te/de dag gti mug la sogs pa'i 'khor los sgyur ba drug dang / ltung byed ma la sogs pa'i rigs kyi lha mo rnams so/ /mer mer po la sogs pa'i gnas skabs la sa bcu'i rang bzhin gyi zla ba bcu pa'i bar du/ de dag gi pad+ma dang rdo rje'i bum par ye shes chu yis bdag gi spyi bor dbang bskur ba dang /pha'i thig le lnga'i cod pan dang / de dag gi rgyal mtshan dang / mchog gi yan lag yang dag par sbyor bas rdo rje dang dril bu'i dbang bskur ba thob pa dang / de bzhin nyid kyi snying po la 'gro ba'i phyir/ de bzhin gshegs pa'i ming thob pa dang /de'i rjes la mngal gyi chos gos gon pa'i phyir/ brtul zhugs thob pa dang / dbugs dbyung drug dang ldan pas lung bstan pa dang / dbugs dbyung ba thob pa dang / pha'i snyoms par zhugs pa bzhin du/ de la bzhugs pa las mi ldog pa'i phyir/ phyir mi ldog pa'i dbang thob pa dang /byang chub kyi sems bza' ba dang / mtsho skyes kyi nang na gnas pa'i phyir/ gsang ba dang shes rab kyi dbang thob pa dag yin te/ chos kyi dbyings kyi rang bzhin yin no/ /de bas na ji ltar de bzhin gshegs pa thams cad de bzhin du bdag dang ji ltar khams gsum pa yang de'i rang bzhin te/phun sum tshogs pa 'dra ba'i phyir ro/ /gang zhig phun sum tshogs pa la brten pa de ni rang bzhin med pa'i ngo bo nyid du dag pa yin no/ /de bas na chos thams cad rang bzhin gyis dag pa dang / bdag dang rang bzhin gyis dag pa ste/ oM shU n+ya tA dz+nyA na badzra swa b+hA wa At+ma kou0f85haM/de ltar rang bzhin gyis grub pa'i rim pa rnam par dpyad nas/ lus po 'di nyid de bzhin gshegs pa'i rang bzhin yin no zhes bstan par bya ba'i phyir/ gzugs ni sangs rgyas rnam par snang mdzad ces bya ba la sogs pa gsungs te/ gang zhig gzugs ni gzugs kyi phung po ste/de nyid rnam par mdzes pa'i phyir rnam par snang mdzad ni me long lta bu'i ye shes kyi rang bzhin te/ rnam pa dang bcas pa'i phyi rol gyi sku dkar po can ni ma yin no/ /de bzhin du tshor ba ni bde ba la sogs pa dang tha mi dad pa'i ngo bo rang byung gi cha gang yin pa de nyid rdo rje nyi ma ni mnyam pa nyid kyi ye shes kyi rang bzhin gyi rin chen 'byung ldan te/rnam pa dang bcas pa'i sku ser po ni ma yin no/ /de bzhin du 'du shes pad+ma gar gyi dbang phyug ces bya ba ni/ pad+ma'i nang na gar dbang 'dra ba'i byed pa'i de nyid du dbang byed pas na pad+ma gar gyi dbang phyug ste/gang zhig dge ba la sogs pa 'di rnams 'du byed cing cha gnyis po bskul ba las skyes pa'i sems can gyi sprul pa sna tshogs pa de nyid rdo rje ste/ de bzhin gshegs pa rnams kyi dbus su gsal ba'i phyir rdo rje rgyal po'o/ /dga' bral gyi mthar rta mchog ste bya ba sgrub pa'i ye shes kyi rang bzhin yin gyi sngo bsangs ni ma yin no//gang rnam par shes pa'i dngos po 'di rnams yongs su gcod par byed pa de nyid rdo rje ltar mi phyed pa'i sems dpa' gang yin pa de ni rdo rje sems dpa' ste/ snying stobs dang rdul gyi cha gnyis po ro mnyam par byed pa'i mtshan nyid mi bskyod pa dang thugs kyi rdo rje shin tu rnam par dag pa'i chos kyi dbyings kyi ye shes kyi rang bzhin yin gyi phyi rol gyi kha dog sngon po ni ma yin no//de bzhin du sngar gsungs pa'i lnga po thams cad kyi lhan cig skyes pa'i bdag nyid can te/ 'di'i yod pa'o zhes pas thams cad kyi gzugs can khyab pa byed pa po bcom ldan 'das dpal he ru ka gang yin pa ni drug pa rdo rje 'chang chen po ste/chos nyid kyi rang bzhin gyi byang chub tu shes par bya'o zhes pa ni lhag ma'o/ /dpal gsang ba 'dus par yang gsungs pa/ mdor na phung po lnga rnams ni/ /sangs rgyas lngar ni rab tu bsgrags//zhes dang / dgongs pa lung bstan par yang / /phung po kho na rdzogs sangs rgyas/ /byang chub don phyir rkyen du 'byung / /de bzhin gshegs pa brjod de rnams/ /gnyis med de bzhin nyid du spyor/ /zhes so/ /zla gsang thig ler yang / 'gro ba 'di kun sangs rgyas lnga bdag nyid//lha yi zlos gar mchog tu bkra ba ltos/ /gang du bde chen zhes bya gcig pu ste/ /gcig pu du ma'i nyams kyis gar mdzad do/ /zhes so/ /mkha' 'gro ma rdo rje gur du yang / mi bskyod nyid ni 'gro zhes bya/ /'dod chags thams cad rnam par spangs//rtag pa yi ni khrir gsungs te/ /rdor mtshan rdo rje can bye ba/ /dpag med tshe dpag med par bshad/ /nam mkha' ji srid bdun gyi rgyal/ /zhes pa la sogs pa'o/ /de bzhin du kha sbyor du yang / ma las skyes pa gsum dang ni/ /pha las skyes pa'i cha gsum nyid//lus kyi cha drug 'di rnams ni/ /de bzhin gshegs pa'i lus can drug /ces pa la sogs pa'o/ /skye mched rnams dpa' bo rnams su sbyar ba'i phyir/ mig la gti mug rdo rjer bshad/ /ces bya ba la sogs pa gsungs te/ mig gnyis po gti mug rdo rje ste/ gzugs kyi yul la sred pa med pa nyid kyis de sdud pa'i phyir na yul gzhan la rab tu 'jug pa ni gti mug ste/'od gsal ba'o/ /rdo rje ni mi phyed pa ste/ sku'i 'khor lo las stobs po cher bshad pa'o/ /rna ba'i dbang po ni zhe sdang rdo rje ste thugs kyi 'khor lo las khaN+Da ka pA la'o/ /sgra 'dzin pa na ro gcig pa nyid kyi phyir na rnam par rtog pa gzhan la sdang ba'i phyir ro//sna'i dbang po ni phrag dog rdo rje ste gsung gi 'khor lo las mig mi bzang ngo / /'di nyid thams cad kyi bdag nyid yin pa nyid kyis dri thams cad nye bar za ba po gzhan cung zad kyang med de khyab par byed pa po nyid yin pa'i phyir ro//kha la ni/ kha la gnas pa'i lce'i dbang po ni chags pa'i rdo rje ste/ gsung gi 'khor lo las/ dang po myu gu can no/ /reg pa lus kyi dbang bo ni ser sna rdo rje 'khor lo'i mtha' las rdo rje sems dpa'o/ /dbang po thams cad kyi khyab par byed pa yin pa'i phyir na phyag rgya ma thams cad kyi pad+mar reg pa'i bde ba'i rang bzhin kho na myong zhing gzhan du ma yin pas na ser sna'o//skye mched thams cad ni yid kyi dbang po he ru ka ste thugs kyi 'khor lo'i mtha' las rdo rje'i lus so/ /dbang po thams cad la khyab par byed pa nyid du shes par bya ste/ 'khor los sgyur ba drug pa'o zhes kha cig ste/ yang na sa'i snying po dang phyag na rdo rje dang nam mkha'i snying po dang 'jig rten dbang phyug dang sgrib pa rnam par sel ba dang dpal ldan kun du bzang po ste 'di rnams mig la sogs pa'i 'du shes de rnams la'o zhes gsungs pa'i phyir ro/ /gtso bos ni bde ba chen pos phug pa nyid kyi phyir 'di rnams ni dpa' bo'i zol gyis rnyed par 'gyur gyi/rdo rje dang rdo rje dril bu 'dzin pa ni ma yin te/ brtag pa nyid yin pa'i phyir ro/ /dpal gsang ba 'dus par yang / /rdo rje'i skye mched nyid kyang ni/ /byang chub sems dpa'i dkyil 'khor mchog /ces pa'i tshul gyis so/ /ltung byed ma zhes bya ba la sogs pas khams kyi de kho na nyid gsungs te/ gang 'dir sa'i khams ni rus pa dang sha la sogs pa'am/ sprul pa'i 'khor lo'am/ snyoms par zhugs pa'i dus su sra ba'i reg pa gang yin pa ste de ni ltung byed ma dang mkha' 'gro ma'o//der mngon par zhen pa'i rnam par rtog pa bcom pa stong pa nyid dang / dga' ba dang / byams pa dang / thabs kyi rang bzhin du shes par bya'o/ /gang 'dir chu'i khams ni chu dang khrag la sogs pa'am/ chos kyi 'khor lo'am/ snyoms par 'jug pa'i dus su gsher ba la reg pa ste de ni gsod byed ma dang lA ma'o//der mngon par zhen pa'i rnam par rtog pa zad par byed pa mtshan ma med pa dang / mchog dga' dang / snying rje dang / smon lam gyi rang bzhin du shes par bya'o/ /gang 'dir me'i khams ni lus rnams la dro ba'am/longs spyod rdzogs pa'i 'khor lo 'am/ snyoms par 'jug pa'i dus su me'i rig pa ste ye shes kyi me 'bar ba de ni 'gugs byed ma dang dum skyes ma'o/ /der mngon par zhen pa'i rnam par rtog pa 'joms par byed pa smon pa med pa dang / dga' bral dang /dga' ba dang / stobs kyi rang bzhin du shes par bya'o/ /de bzhin du gang 'dir rlung gi khams ni 'gro ba dang 'ong ba dang bskum pa dang brkyang ba'i mtshan nyid dam bde ba chen po'i 'khor lo'am/ snyoms par 'jug pa na spro ba ste/ gnas pa'am/ rgyu ba dang 'dug pa dang / langs pa'am/nyin dang mtshan du nyi khri chig stong drug brgya'i dbugs rgyu ba'ang rung ste/ der ni gar gyi dbang phyug ma yan lag thams cad kyi gar gyi bsgrub par bya ba'i phrin las kyi dbang phyug ma gzugs can ma ste/ mngon par 'dus ma byas pa dang / lhan cig skyes pa'i dga' ba dang /btang snyoms dang / ye shes kyi rang bzhin du shes par bya'o/ /'di rnams nyid las dang / chos dang / dam tshig dang / phyag rgya chen po ste/ de rnams e baM ma yA'i brdas bstan pa yin no/ /yang gsungs pa/ sa ni spyan mar brjod pa ste/ chu khams gsod byed ma ru dran//me ni gos dkar mo yin te/ /rlung ni sgrol mar rab tu grags/ /zhes pa dang / gsang ba'i de kho na nyid rab tu gsal bar yang / e yig sar ni shes bya ste/ /las kyi phyag rgya spyan ma'o/ /zhes pa la sogs pa'o/ /de bzhin du/ kye'i rdo rje las/ bol+la kak+ko la sbyor bas/ sa ni de la skye bar 'gyur/ /zhes gsungs pa'i phyir ro/ /de bzhin du nam mkha'i khams ni rtsa thams cad kyi bug pa'am/ dbang po'i sgo rnams kyi bug pa'am/ ba spu'i bu ga'i nam mkha' yang rung ste/ de ni pad+ma'i dra ba can ma zhes bya ba phag mo'o/ /pad+ma'i rtsa 'dra ba'i rje mo ste/ de ni chags pa'i 'dam gyis ma gos pa/ gzung ba dang 'dzin pa'i rnam par rtog pa las grol ba/ sngar bshad pa'i khams bzhi po la khyab pa mor rnam par shes par bya'o/ /yang gsungs pa/ nam mkha'i khams kyi gzugs su gnas/ /de nyid mkha' spyod ma ru dran/ /zhes so/ / rdo rje gur du yang / khams rnams kun gyi dbus su gnas/ /zhes gsungs pa dang / nam mkha'i gcig pu'i rang bzhin gyis/ /thub pa chen po 'dir bzhugs so/ /zhes dgongs pa lung ston pa las gsungs pa las so/ /'di ltar zhes pa la sogs pas nye bar bsdu ba gsungs te/tshul 'dis khams gsum na gnas pa'i lus can thams cad kyi phung po la sogs pa'i lus ni lha'i bdag nyid can du rnam par shes par bya ba yin gyi phyi rol gyi zhal dang phyag la sogs pa dang ldan pa ni ma yin no/ /gang gi phyir na/ phung po'i za ma tog gi nang du son pa'i bde ba dang sdug bsngal dang /nyon mongs pa dang / las dang / skye ba dang / 'jig pa la sogs pa gang yin pa 'di rnams thams cad du de dang dbyer med pa'i phyir lha'i bdag nyid can kho na'o/ /'khor ba gang yin pa 'di nyid mya ngan las 'das pa yang de kho na yin te/ de dag gi dbye ba ni 'ga' yang yod pa ma yin no zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las/rgyas par bstan pa gnyis pa'i rgyas par bshad pa'o// //lus can thams cad kyi lus ni re zhig de bzhin gshegs pa'i bdag nyid can no zhes le'u gnyis pas rtogs par byas pa de rnams kyi gang las 'jug pa dang 'byung bar gyur pa de rnams kyi tha ma dang /'bring dang / mchog gi dbye bas sgo rnams rtogs par bya ba'i phyir de nas zhes bya ba la sogs pas mdor bstan pa la 'jug ste/de'i don ni go sla'o/ /ka ba gcig ces bya ba la sogs pas rgyas par bstan pa gsungs te/ gang 'di rnams thams cad lha'i sku can te/ der ka ba gcig ni sgras tshigs kyi sgras brjod par bya ba rgyab kyi phyogs su/ bshang lam dang / ltag pa dag gi bar las brtsams te/ de ji sid du a rbu da'i mthil du khyab par gnas pa ka ba lta bu'o/ /gang gi g.yon dang g.yas kyi logs dag tu dpa' bo nyi shu rtsa bzhi lta bu dang / logs su gnas pa'i thigs pa dpa' bo rnal 'byor ma'i rang bzhin/ 'khor lo gsum gyis bsdus par rig par bya ste/ gang du de rnams kyi dbus su 'jug bzhin pa de'i rten gyi dbyug pas 'og dang /lha'i gnas su he ru ka'i rang bzhin gyi keng rus chen mo'i zol gyis phye ba de lta bu gang gi yin pa ni ka ba gcig pa'o/ /kha sbyor du yang gsungs pa/ logs kyi rtsib ma bcu gnyis dag/ /nyis 'gyur du ni gyur pa las//dpa' bo rnal 'byor ma tshogs kyis/ /kun nas yongs su bskor ba'o/ /sgal tshigs dbyug pa'i rnam pa 'di/ /mchog gi he ru ka yi rten/ /phung po khams sogs sangs rgyas kyis/ /ka ba zhes ni mngon brjod bya/ /zhes pa dang / dpal rdo rje mkha' 'gror yang / / ji ltar ka ba chen po yis/ /rol pa'i khyim ni gzung bya ba/ /de bzhin sgo dgu can gyi lus/ /sgal tshigs nyid kyis gzung bar bya/ /zhes so/ /yang na ka ba gcig lta bu'i ka ba ste a ba d+hU tI'o/ /rtsa thams cad kyi 'khor lo 'dzin pa la 'di rnams ni brjod pa kho na las rtsa rnams kyi dbus su ka ba gcig ste/lte ba'i dbus na 'khor lo che/ /skud pa bcu drug dang ldan pa/ /kha sbyor byed pa'i sbyor ba yis/ /yi ge a dang yang dag ldan/ /thams cad bzhi yi ngo bo nyid/ /de yi dbus su gnas pa gang / /ka bar gyur pa rgyal mo che/ /de ni a ba d+hU tIr bsgrags//zhes bya ba 'byung ngo / /'khor lo chen por ka ba bcu drug gis spras pa'o/ /a yig dang yang dag par sbyor ba kha sbyor gyi sbyor ba las thams cad kyi rten gyi rang bzhin gyis der dbus su rnam par gnas pa yin no/ /ka bar gyur pa rnams kyi rgyal po chen mo de ni a ba d+hU tIr rab tu bsgrags so//gzhan yang ji lta bu zhe na/ rgyun dgu zhes bya ba la sogs pas/ sgo dgu zhes bya ba la sogs pa mdor bstan pa'i rgyas par bshad pa gsungs te/ rgyun dgu rnams ni mig gnyis dang / rna ba gnyis dang / sna gnyis dang / kha dang / gsang ba dang / bshang lam du brjod pa gang yin pa de la de skad ces bya'o/ /re re la yang sgo rnam pa dgur rab tu bsgrags te/ de ltar mig gi dbang po ni sa dang / chu dang / me dang / rlung dang / nam mkha' dang / rnam par shes pa dang / dge ba dang / mi dge ba dang / gnyi ga'i sems las byung ba'i chos dang ldan pa nyid la sa dgur rab tu dbye ste/de ltar gzhan la yang rtogs par bya'o/ /de rnams kyang sangs rgyas lnga dang rnal 'byor ma bzhi'i rang bzhin te/ de ltar na sgo dang sgo ni dgu'i bdag nyid can gyi dkyil 'khor gyi 'khor lor gsungs so zhes shes par bya'o/ /yang de bzhin du sgo yang dgu phrag dgu'o zhes pas/lus la sgo brgyad cu rtsa gcig tu shes par bya ste/ de rnams las 'dzag pa gang yin pa de rnams kyang de bzhin gshegs pa nyid do zhes khong du chud par bya'o/ /de'i don ni/ lus can gyi ni tha ma'i sgo/ /rags pa'i lha ru sprul pa yin//zhes bya bas gsungs te/ lus can gyi sgo gang yin pa de ni rnam pa dgu dang ldan pa ste/ de nyid ni tha ma ste snang bzhin pa'i gzugs nyid kyi phyir dang / phyi rol gyi gzugs su rab tu gsal ba'i phyir dang / shin tu 'dzag cing 'bab pa'i phyir na tha ma ste/ dman pa'i phyir ni ma yin no//'di rnams nyid las rags pa ste/ sgo gzhan la ltos nas gzugs lta bu'o/ /sngar bshad pa'i de bzhin gshegs pa'i lha mo dgu po'i rang bzhin nyid kyi phyir lha ru rnam par sprul pa yin no/ /gzhan zhes bya ba la sogs pas ngag gi sgo mdor bstan pa gsungs te/lus dang sems dag gi bar du 'jug bzhin pa nyid kyi phyir 'bring po ste/ ngag gi sgo ni rnam pa bzhir shes par bya'o/ /me zhes bya ba la sogs pas rgyas par bshad pa gsungs te/ 'dir bzhi po ni/ me dang / rlung dang / dbang chen dang / chur bshad pa rnams te/ go rims bzhin du mgrin pa dang /lte ba dang / gsang ba dang / snying gar gnas pa pad+ma gar gyi dbang phyug dang / rta mchog dang / rin chen 'byung ldan dang / mi bskyod pa'i rang bzhin can dum skyes ma dang / gzugs can ma dang / lA ma dang / mkha' 'gro ma'i rang bzhin te/ g.yas dang /g.yon dang / gnyig dang / rengs shing dal bar rgyu ba can dmar po dang / ljang gu dang / ser po dang / dkar po'i kha dog can rnams so/ /gtso bo'i yon tan gyis phye pas phan tshun du grangs bzhi pa ste/ nyin dang mtshan du nyi shu rtsa bzhir rgyu ba/ 'jug pa la sogs pa rnams kyis brgya phrag bcu drug lhag pa'i khri phrag gnyis kyi dbugs 'bab pa ni/lus thams cad kyi rtsa 'khor lo rnams su rang rig pas rig par bya'o/ /gang rnams su rlung 'bab par rnam par shes pa'i skad cig so so la rgyu zhing rab tu 'jug pa ni 'gro ba dang 'ong ba'i rnal 'byor gyis myong bar bya'o//de rnams nyid ni ngag gi sgo ste/ g.yon dang g.yas dang dbus kyi rtsa'i bug pa dang ldan pa de rnams nyid las bcom ldan 'das ma'i yi ge chen mo 'char bar byed do/ /rgyu dang 'bras bu tha mi dad pa'i phyir de rnams nyid dag gi sgor bstan to/ /de gsal ba'i gnas ni kha yin no//de rnams kyang me la sogs pa rnams 'jug pa la sogs pa rnams so/ /ci ltar zhe na/ steng du zhes bya ba la sogs pa gsungs te/ go rims bzhin du me'i dkyil 'khor ni steng du rab tu 'jug ste/ byin za gyen du 'bar ba'i phyir ro/ /rlung gi dkyil 'khor ni logs kyi sgo dag las 'bab ste/rlung dag ni 'khyog por 'gro ba'i phyir ro/ /dbang chen ni drang por reg cing 'bab ste/ de'i mnyam pa nyid kyi phyir ro/ /chu ni 'og tu 'bab ste/ chu rnams ni thur kho nar 'bab pa'i phyir ro/ /yang gsungs pa/ g.yas las byung ba'i 'od zer ni/ / de ni byin za'i dkyil 'khor te/ /'di ni kha dog dmar por gsal/ /'di la pad+ma mgon po lha/ /dung dang kun+da lta bur dkar/ /rengs shing dal bar rgyu ba yang / /'di ni chu yi dkyil 'khor te/ /'di la rdo rje mgon po lha/ /zhes so/ /ji skad du/ sgron ma bzhi par yang / 'gro ba bzhi ni steng dang ni//logs dang drang po 'og tu yang / /zhes so/ /kha sbyor du yang / me dang nges par rlung dang ni/ /de bzhin dbang chen dang ni chu/ /'khor lor sems kyi rgyu ba las/ /steng logs drang po 'og tu 'gro/ /zhes pa dang / dgongs pa lung ston las kyang / me dang nges par rlung dang ni//de bzhin dbang chen dang ni chu/ /'khor lo sems kyi rgyu ba las/ /steng logs drang po 'og tu 'gro/ /de rnams dbus su rang lha nyid/ /phan tshun du ni bzhi pa sbyor/ /zhes so/ /thugs kyi sgo gsungs pa/ gsum pa ni sku dang gsung gi sgo la ltos nas so/ /yid kyi zhes pa ni yid tsam du rtogs par bya ba'o//ci ltar zhe na/ zla ba nyi ma'i rab dbye las/ /zhes pa ste/ zla ba nyi ma ni g.yon dang g.yas kyi rtsa ste/ /gnyis po'i dbye bas 'bab pa las dang / steng du rlung gi rim pas srog dang rtsol ba dang / 'og tu rdzas kyi rim pas khu ba dang khrag 'bab pa las so/ / 'di las na phra mo'i rnal 'byor gyis rtogs par bya ba kho na yin pa'i phyir mchog gi sgo'o/ /de bzhin du yang / 'jug dang 'byung ba nyid las kyang / /zhes bya ba gsungs te/ steng du srog dang rtsol ba dag gi dang / 'og tu rdzas dag gi 'jug pa dang 'byung ba dag las so/ /yang na 'og gi 'jug pa las dang /steng ni 'byung ba las so/ /'di mchog gi sgo yin na/ ci zhig gi sgo nas su zhig 'jug pa yin zhe na/ 'og gi sgo nas zhes bya ba la sogs pa gsungs te/ la la nA'i lam ni 'og gi sgo'o/ /khyad par du 'phags pa'i shes pa ni rnam par shes pa ste/ bde ba chen por 'jug pa'i 'jug pa las snang ba gnyis po'i 'og tu 'jug pa na lhan cig skyes pa 'char ba'i phyir dpyid kyi dus su snang bar 'gyur ro//ra sa nAr brjod pa ni steng gi sgo'o/ /khams rnams ni sa la sogs pa'i rang bzhin mig la sogs pa'i dri ma rnams su snang bar 'gyur te/ rul pa'i dri la sogs pa dur khrod kyi gzugs nyid kyi phyir ro//yang na 'og gi sgo nas rnam par shes pa la sogs pa'i phung po lnga po lus can rnams kyi lus la snang bar 'gyur te/ phung po lnga po ni nang gi bdag nyid yin pa'i phyir ro/ /steng gi sgo nas sa la sogs pa'i khams 'byung ba lnga po skye bar 'gyur te/phyi rol gyi phyogs yin pa'i phyir ro/ /de bzhin du mig la sogs pa'i rnam par shes pa drug gi tshogs gang yin pa 'di rnams ni rnam par snang mdzad la sogs pa'i sangs rgyas rnams kyi rang bzhin gyi gzugs la sogs pa'i yul drug po 'dzin pa'i slad du steng gi sgo nas g.yo ba rnams te/'jug bzhin pa de rnams kyi yul lhar mngon par zhen pa'i sgo nas 'dod pa rdzogs pa rnams gnas pa ni 'jug par rig par bya'o/ /nang du rab tu 'jug pa de rnams slar yang steng gi sgo nas gtong bar byed de rang gi lha la nye bar longs spyod pa'i slad du'o//yang na bde ba chen po'i 'khor lo las rnam par shes pa ste khyad par du 'phags pa'i shes pa dang ldan pa 'og gi sgo nas la la nA'i lam gyis pad+ma'i nang du thob par 'gyur ro/ /rnal 'byor gyi stobs las de nyid steng gi lam nas bkug pa ni khams te/ khams nyi shu rtsa bzhi rgyas par byed cing gnas dang po bzhi rnams su skye bar byed do//yang smras pa/ nyi ma rnam par rgyas pa'i 'od kyis mdzes ma ni/ /stobs chen sgra yi gos kyis mdzes pa'i ze'u 'bru las/ /mgo bo'i rtse mor sgeg cing legs par yongs gang ba'i/ /'od kyis mtshan pa'i ri bong can ni sar pa 'char//sna tshogs me tog ro yis myos pa'i rig pa yang / /myur dang dal ba bar ma la ni klung gi sgra/ /bung ba nyer lhags mtshan phyed dga' ston chen por ni/ /'dzin par byed cing der son blo ni ngo mtshar ro/ /'char ba'i nub pe nyer 'ongs mtshan mor byed pa slar//'di las kyang ni g.yo med cod pan la ni 'char/ /mtha' gnyis pa yi cha zad skad cig la/ /zla ba nyi ma snang bar 'gyur ma yin/ /rgya mtsho'i chu yi dbus su nyi ma 'char ba ste/ /rtse mo las kyang zla ba nub par 'gyur ba yin/ /song ba'i steng gi sgra gcan 'jig dus me 'dis ni//'og gi bsil zer byed pa dag ni khyur mid byed/ /pad+ma can ni pad+ma'i bzhin te spyan ma ru/ /rab tu gsal te yul dang yul can 'dres pa yin/ /dang por mi shes 'di ni de las gzhan du na/ /rdo rje chu skyes gnyis po 'dres pa 'di ru'o/ /skad cig sgrub pa po ni sa bon nyed pa las/ /sdom pa gsum po thob par 'gyur te bzhi pa can//lhan skyes mi zad gnas kyi cha shas phreng ba ni/ /blangs pa'i dus su brjod pa dang bral lhag pa'o/ /gal te legs par bslab pa'i rdo rje sgeg mo dang / /bla ma yi ni zhal nas rtogs shing thob 'gyur ba/ /gang gi yin pa de tshe mchog 'bring sgrub pa ni//rnam par nges pa thob 'gyur de ni de nyid rig /ces so/ /de nyid 'gro'o de zhes bya ba la sogs pas gsungs te/ 'dis ni steng dang 'og gi sgo'i dbye bas 'gro ba dang 'ong ba'i tshul de gshegs su gsol ba dang / spyan drang ba'i tshul gang dag yin pa de dag gi dus gsum pa'i sangs rgyas thams cad de 'khor lo gsum du gnas pa'i dpa' bo nyi shu rtsa bzhi rnams dang /nyi shu rtsa lnga pa dpal he ru ka'o/ /de bzhin du mkha' 'gro ma rnams ni nyi shu rtsa brgyad de/ ye shes dang / thugs dang / gsung dang / sku'i 'khor lor gnas pa mi phyed ma la sogs pa'i rtsa'i yi nang du'o//sbyor ba'i ma ni grub pa'i dpa' bo dang / lhan cig skyes pa'i rnal 'byor ma rnams mig la sogs pa'i sgo nas rtsa'i rang bzhin gyis gnas pa rnams so/ /yang na lhan cig skyes grub de rang bzhin gyis grub pa kho na 'dir rnam par gzhag pa yin gyi brtags pa ni ma yin no/ / dbye ba ji lta bu yin pa ston par byed de/ 'jug pa dang ldog pa dang / skye ba dang 'jig pa dang / ldang ba dang / 'jug pa dang / mnyam par gzhag pa dang / mnyam par ma bzhag pa dang / yon tan dang skyon dang / kun nas nyon mongs pa dang / rnam par byang ba dang / bde ba dang / sdug bsngal dang /bde ba dang mi bde ba la sogs pa'i rang bzhin gyi 'dus byas kyi bdag nyid can sgo gsum nas 'jug bzhin pa de thams cad ni lhan cig skyes grub ste/ dpa' bo dang rnal 'byor ma'i rang bzhin du shes par bya'o zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las rgyas par bstan pa gsum pa'i rgyas par bshad pa'o// //sgo gsum po'i gnas lha'i 'khor lor rtogs par bya ba de'i gnas la sogs pa sa bcu'i rim pas gnas par bstan par bya'o/ /de nas zhes bya ba la sogs pa gsungs te/sgo rgyas par bstan pa'i de ma thag tu gsungs pas na/ de nas so/ /gang yang rung zhes pa ni/ de bzhin gshegs pa gang yang rung ba'i ste/ sems can thams cad kyi thun mong ba yin gyi/ bdag nyid kho na'i ma yin pa'o/ /gnas la sogs pa ni gnas te/bstan par bya ste zhes bya bar 'brel lo/ /rgyun dgu zhes bya ba la sogs pas de gsungs te/ sngar gsungs pa'i sku'i sgo rnams gang yin pa ni rgyun dgu'o/ /de rnams su gnas pa ni rtsa rnams gang yin pa ste thams cad kyi lha dgu'o/ /de bzhin du mgo bo nas brtsams te b+ha ga'i dbus su son pa'i a ba d+hU tI'i cha shas bcu po kho na sangs rgyas dang byang chub sems dpa' rnams kyi sa bcur brjod par bya'o//bden pa mthong ba las nang du de myong zhing mthong ba de'i tshe 'bad pa mang pos bsgrub par bya ba'i mthong ba'i lam la sogs pas ci zhig bya zhes bya bar dgongs so//sa bshad nas/ sa'i gnas gzhan gsungs pa/ dpral ba zhes pa la sogs te/ 'dir lus 'di las dpral ba'i gnas bde ba chen po'i 'khor lo nas brtsams te/ rtsa'i 'khor lo'i nges pa ste gtan la phab pa shes par bya'o//de ltar na der son pa'i sum cu rtsa gnyis kho na longs spyod rdzogs pa la sogs pa dag tu rab tu byung ba ste/ gtsug tor gyi 'khor lo lus kyi shing gi rtsa ba nyid yin pa'i phyir 'di kho na las 'og tu yal ga ste lus ni shing ngo / /de la lag pa gnyis dang rkang pa gnyis te bzhi la kha 'og tu bltas pa'i rtsa nyi shu dang /phyogs gnyis dang rgyab ste gsum po la rtsa gsum dang / snying ga dang rdo rje la rtsa drug dang / lu gu rgyud du bcings pa'i rtsa gsum 'khor lo bzhi'i mchod rten gyi'o/ /de ltar dpral ba kho na las rtsa'i 'khor lo nges pa yin no//rnal 'byor ma ni sum cu rtsa gnyis po de rnams te/ byang chub kyi sems gang yin pa ni de dang mtshungs par 'bab po/ /de kho na khaN+Da ka pA la la sogs pa'i dpa' bo rnams so/ /rdo rje gtum po la sogs pa ni dpa' bo chen po ste/ rdo rje gtum po ni dpal he ru ka'o/ / don de byang chub sems ni zhes bya ba la sogs pas gsungs te/ 'di rnams phyi rol du sku'i sgo la sogs pa rnams dang / rnag gi dri la sogs pa'i rnam grangs rnams dang / gtum drag la sogs pa rnams su'o/ /nang du ni spyi bo la sogs pa'i gnas nyi shu rtsa bzhi gnas pa rnams kyi yul gyi ming dzA lan+d+ha ra la sogs pa rnams su'o//mkha' spyod ces bya ba la sogs pas de'i rnam par dbye ba gsungs te/ pul+lI ra nas brtsams te mA la wa'i bar gyi rtsa gang yin pa de rnams ni mkha' spyod ma'o/ /kA ma rU pa nas brtsams te/ hi ma la ya'i bar ni sa spyod ma'o//pre ta pu ri nas brtsams te ku lu ta'i bar gyi sa 'og na gnas pa rnams te/ lus kyi steng dang bar dang tha ma'i dbye ba las so/ /mkha' spyod ma la sogs pa nyi shu rtsa bzhi po 'di rnams ni sa bcur rab tu gnas pa rnams so/ /khwa gdong ma la sogs pa'i rang bzhin gyi rtsa rnams ni de'i cha shas sgo rnams su rnam par gnas pa yin no//'di nyid sku gsung thugs zhes bya ba la sogs pas gsungs te/ gnas ni nang gi rab tu dbye ba ste/ spyi bo la sogs par phye ba de la brten nas gnas pa rnams so zhes pa ni tshig gi lhag ma'o/ /'di nyid ni gnas la sogs pa gang yin pa de nyid brten pa nyi shu rtsa bzhi'i rang bzhin gyi rtsa rnams ni mkha' 'gro ma ste/de bzhin du de'i rten du gyur pa'i rtsa bcu po de rnams ni sa'i rang bzhin no/ /ji ltar gnas pa'i rang bzhin gyis zhes pa ni gnas las ma 'das par ji lta ba bzhin du gnas pa ste/rnal 'byor pa gang dang gang gis gnas gang dang gang yin pa de dang der lhan cig skyes pa gnas pa yin gyi brtags pa ni ma yin no/ /'di rnams nyid ni rab dga' sogs/ /sa rnams su ni yang dag bshad/ /ces pa ni/ de la spyi bo dang / spyi gtsug dang / rna ba g.yas pa dang rgyab rnams ni gnas te byang chub kyi sems gnas pa'i phyir ro//'di nyid rab tu dga' ba ste/ thim pa la sogs pa'i rim pas dga' ba gsum po skyed par byed pa'i phyir ro/ /rna ba g.yon dang / smin ma'i dbus dang / mig dang dpung pa'i rtsa ba ni nye ba'i gnas te gnas dang nye ba'i phyir ro//'di nyid ni dri ma med pa ste/ ye shes kyi mes rnam par rtog pa'i dri ma bsregs pa'i phyir ro/ /mchan khung dang nu ma ni zhing ste/ rdul dang 'o ma'i zol gyis byang chub kyi sems 'byung ba'i phyir ro/ /'di nyid ni 'od byed pa ste/ de la kun du lta ba las yid kyi kun du dga' ba'i 'od bskyed pa'i phyir ro//lte ba dang sna rtse ni nye ba'i zhing ste/ dri dang / snabs 'dzin pa nyid kyi phyir ro/ /'di nyid ni 'od 'phro ba ste/ ye shes kyi sems rab tu snang bar byed pa'i phyir ro/ /kha dang mgrin pa ni 'dun pa ste rol nye bar longs spyod pas 'dod pa ldog pa'i phyir ro//'di nyid ni rgyal bar dka' ba ste/ ro las ldog par mi nus pa nyid kyi phyir ro/ /snying ga dang chu so ni nye ba'i 'dun pa ste/ don rtogs pa dag ni bza' bar bya ba smin pa la de rgyab kyis phyogs pa nyid kyi phyir ro/ /'di nyid ni mngon du gyur pa ste/ de'i mtshams su'am/smin pa na mngon du gyur pa'i phyir ro/ /gsang ba dang bshang lam dag ni 'du ba ste/ thabs dang shes rab dag snyoms par zhugs pa de la 'dres shing rtsa gcig pa nyid kyi phyir ro/ /'di nyid ni ring du song ba ste/ de'i rtsa'i bug pa de ni ring ba nyid kyi phyir ro/ /brla dang byin pa ni nye ba'i 'du ba ste/sngar gsungs pa dag las kyang 'dres pa'i phyir ro/ /'di nyid ni mi g.yo ba ste/ de'i sbyor ba las ldog par dka' ba nyid kyi phyir ro/ /sor mo dang rkang pa'i rgyab ni dur khrod de/ gnas thams cad kyi bdag nyid yin pa'i phyir na rnam par mi rtog pa'i gnas myong bar byed pa'i phyir ro//'di nyid ni legs pa'i blo gros te/ bdag med pa nyid ni legs pa yin la/ de der rig bzhin pa nyid kyi phyir ro/ /mthe bong dang pus mo ni nye ba'i dur khrod de/ snga ma lta bu'o/ /'di nyid ni chos kyi sprin te/ spyi bo nas sprin gyi char bab pa bzhin du byang chub kyi sems kun du ru lhung ba'i phyir ro//sa bcus yang dag par bsdus pa'i gnas la sogs pa de rnams nyid sa bcu po ste/ de dag tu thim pa la sogs pa'i rim gyis ye shes gong nas gong du rim gyis 'phel ba'i phyir ro/ /de rnams su'i sa yin zhe na/ dbang po zhes bya ba la sogs pa gsungs te/mig la sogs pa'i dbang po drug po gang yin pa 'di nyid rang bzhin gyis byang chub sems dpa' ste/ de bzhin du gzugs la sogs pa'i phung po gang yin pa rang bzhin gyis sangs rgyas rnams su sngar khong du chud par byas pa de rnams kyi sar gyur pa yin te/rang bzhin gyis bzhugs pa'i sangs rgyas dang byang chub sems dpa' rnams ni 'di rnams su'o zhes pas sa'o/ /'di nyid las na 'phags pa rnams kho nas sangs rgyas nyid thob par byed pa ma yin gyi/ ji tsam du so so'i skye bo rnams kyi phung po dang dbang po gang yin pa rnams kyang rang bzhin gyis sangs rgyas dang byang chub sems dpa' nyid yin pa las/de rnams kyang sangs rgyas nyid thob par byed par 'gyur te/ de kho na nyid du de bzhin gshegs pa dang so so'i skye bo dag dbyer med pa nyid kyi phyir ro/ /'o na bskal pa grangs med pa gsum gyis byang chub 'thob pa yin te/de ji ltar na phung po la sogs pa sangs rgyas la sogs pa'i rang bzhin du shes pa tsam gyis thob par 'gyur zhe na/ byang sems zhes bya ba la sogs pa gsungs te/ gang gi tshe rdo rje'i kha'am/ chu skyes kyi nang du byang chub kyi sems sum cu rtsa gnyis kyis gang ba nyid myong bar gyur pa de'i tshe/de rnams sangs rgyas nyid du 'gyur ro/ /des na dus la ltos pa ni ma yin no zhes bya ba ni lhag ma'o/ /'o na sangs rgyas rnams ni mngon par dga' ba la sogs pa'i sangs rgyas kyi zhing rnams su ye shes kyi dkyil 'khor gyi rnam pas bzhugs so zhes pa ma yin nam/mi'i srid par 'khor bzhin pa bdag cag rnams gang las na byang chub tu nye bar 'gyur zhes pa'i dogs pa bsal ba'i phyir/ rang lus nyid la zhes bya ba la sogs pa gsungs te/ rang gi rang bzhin khong du chud pa las sad pa de'i srid pa ni sangs rgyas nyid de/de ni rang gi lus nyid la gnas pa de rnam par gzhag pa yin no/ /'di nyid las na de nyid sangs rgyas kyi zhing ste/ 'di nyid du rang bzhin gyis grub pa'i lha cig skyes pa'i sangs rgyas bzhugs pa'i phyir na/ gzhan mngon par dga' ba la sogs pa rnams su ni ma yin no//de'i phyir lus las gzhan du ni phyi rol gyi gnas rnams su'o/ /sangs rgyas nyid ni rang bzhin gyis te rang dgar byung ba rnams so/ /rang bzhin te ji ltar skyes pa de nyid kyis gnas pa yin gyi khyad par du byas pa ni ma yin no/ /'dod pa ni gang de rnams la 'dod cing re ba'o//rdzogs pa'i rim pa rtogs shing rig pa rnams kyis ni/ rang bzhin gyis grub pa kho nas sangs rgyas nyid du 'dod par bya ste/ 'gro ba 'di kun sangs rgyas mnga' bdag nyid/ /ces gsungs pa'i phyir ro/ /de bzhin gshegs par gyur pa 'chi ba las na pha rol du yin pa'i phyir/lung du ma bstan pa'i rnam par rtog pa yang spangs pa yin no/ /dpal kye'i rdo rje las/ sangs rgyas ma yin sems can ni/ /gcig kyang yod pa ma yin te/ /rang dang rang gi rtog pa las/ /zhes gsungs pa'i phyir dang / slob dpon phyag na rdo rjes kyang //mi ni rdo rje 'dzin rnam pa/ /bud med rdo rje btsun mo'o/ /zhes gsungs pa dang / de bzhin gshegs pa'i gsang ba'i mdor yang / sems can thams cad kyi lus dang ngag dang sems kyi tha snyad ni rigs gsum gyi gsang ba'o/ /zhes pa dang / ye shes zhabs kyis kyang / de ltar sems las byung ba rnam pa sna tshogs kyis gang yang rung ba'i lus dang ngag dang yid kyi las ni phyag rgya dang sngags kyi rnam par sangs rgyas rnams kyis rtogs so zhes gsungs pa'i phyir ro/ /gnas dang nye ba'i gnas zhes bya ba la sogs pas ni sngar gsungs pa'i sa bcu po rnams kyi ming gsungs te/'di rnams kyi nges pa'i tshig ni sngon du bshad pa'o zhes pa rdzogs pa'i rim pa sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las rgyas par bstan pa bzhi pa'i rgyas par bshad pa'o// //de nas gang yang rung zhes bya ba la sogs pas sngar gsungs pa'i gnas nyi shu rtsa bzhi rnams dang spyi bo la sogs pa rnams gzhi mthun pa'i ming dang / der gnas pa'i rtsa rnams mkha' spyod ma la sogs pa'i rang bzhin te/ de rnams kyi mdor bstan pa dang rgyas par bshad pa gsungs te/ de nas zhes pa nas/ bshad par bya'o zhes pa'i bar du ni mdor bstan pa ste go sla'o/ /spyi bo ma la ya yi yul/ /zhes bya ba la sogs pas ni rgyas par bshad pa gsum pa yin no/ /de la ma la ya zhes pa ni/ gang du bde ba chen po'i rang bzhin kun rdzob dang don dam pa mi phyed pa'i byang chub kyi sems 'dren par byed pa de ni ma la ya ste/ de lta bur gyur pa'i yul ni ma la ya'i yul lo/ /spyi bo de nyid du ste/ der 'byung ba'i phyir ro/ /rtsa'i dra ba'i rtsa bar 'dzin par byed pas na/ spyi gtsug ni dzA la n+d+ha ra'o//rna ba g.yas pa'i lam nas gtum mos 'phur bar brjod de/ mkha' la rgyu zhing 'jug pas na 'gro ba'o/ /phyi rol du 'byung ba ni der o Di ya na ste rna ba g.yas pa'o/ /dbyangs dang gsal byed kyi pho nya mo 'di dag gis phyag rgya gsum po snyoms par zhugs pa las/las kyi rlung dbang phyug gi dbyug pas phye ba'i phyir rnam par mi rtog pa'i bde ba myong bar rtogs par bya'o zhes pas arbud ste/ mgo bo'i rgyab po/ /pri Sho d+ha ra la sogs pa nyid las ha'i da'o/ /sngar gsungs pa'i tshul gyis bzhi po 'di rnams ni gnas kyi ming can du shes par bya'o//de la brten pa'i rtsa bzhi po ni mkha' spyod ma ste/ rab gtum ma la sogs par brjod par bya ba rnams kyi spyod yul dang yul te bzhi'i rang bzhin dro ba la sogs pa'i chos kyi rnam par rtog pa rnam pa bzhi po bde ba chen por myong bas na khyad par du 'phags pa'i dga' ba myong ba'i phyir rab tu dga' ba'i sa yang yin no//go ste sa'i rang bzhin sprul pa'i 'khor lor sbyin par byed do zhes pas go dA ni a ba d+hU tI'i ste/ des 'dzin par byed cing khebs par byed do zhes pas go dA ba rI ni rna ba g.yon pa ste/ des de la khyab pa'i phyir ro//dga' ba dang dga' ba ni dga' ba dag ste/ la la nA dang ra sa nA'i rang bzhin smin ma dag go/ /de dag gi dbus su dbang phyug ste/ gang gi ye shes kyi me de'i dbus su'o zhes pa mdzod spu'i nang du'o/ /ye shes kyi me de nyid lha mo ste/ lha mo de nyid kyi rdzong ni 'dir ko Ta ste/mig gnyis ni de wI ko Ta'o/ /de dang de la brten pa ste/ der thob pa'i phyir ro/ /de bzhin du dpung pa dag gi bar ni lag pa dag gi ste/ gang 'di rnams kyi rtsa ba gnyis po ste/ 'di phrag pa gnyis po 'di nyid mA la ba'o/ /so sor skyes pa'i rnam par rtog pa'i phreng ba 'jig cing gcod par byed pa'i phyir mA la bar brjod par bya ste/thim pa myong ba'i phyir ro/ /'di rnams ni nye ba'i gnas te/ de la brten pa'i rtsa rnams dpa' bo'i blo can ma dang / mi 'u thung ma dang / lang+ka'i dbang phyug ma dang / shing grib ma rnams kyi rang bzhin te/mkha' spyod ma rnams kyi spyod yul dang yul du shes par bya'o zhes pa thugs kyi 'khor lo la'o/ /mchan khung gnyis ni kA ma rU pa ste/ mngon par 'dod par bya zhing mthong ba gang gi yin pa de'i ni 'dod pa'i gzugs te mchan khung gnyis so/ / o ni steng du 'gro bas len cing khas len par byed pa ni gtum mo'o zhes pas nu ma gnyis ni o tre'o/ /gnyis po 'di rnams ni sngar gsungs pa'i tshul gyi zhing ngo / /lte ba dang sna rtse gnyis po dag ni/ /tri sha ku ne dang / ka sha la ste/ 'dir gang zhig sha ku ni ste bya lta bu'i khwa gdong ma'i rnam pa lus dang ngag dang sems kyi rtsa gang yin pa de ni tri sha ku ne ste/rdo rje'i mdud pa'i gzugs nyid kyi phyir lte ba'i gnas su'o/ /de bzhin du sna'i rtse mo ni ko sha la ste/ ngar snabs 'gro ba gang gi phyir/ de ni ko sa la'o/ /'di dag ni sngar gsungs pa'i tshul gyis nye ba'i zhing du shes par bya'o//kha dang mgrin pa ni ka ling+ga dang laM pA ka dag go/ /kaM ni bde ba yin la/ li ni 'gro bar byed pa'o/ /zhes pas ni ka ling+ga ste/ bsnyen pa'i dus su de mthong ba las lha'i dga' ba bskyed par bya ba'i phyir ro/ /de bzhin du lce'u chung gi bzhi las bdud rtsi myang ba la cher sred pa'i lces der sbyor ba'i phyir na/mgrin pa ni laM pA ka ste/ de dag ni sngar gsungs pa'i rnam par bshad pa las 'dun pa zhes brjod par bya'o/ /snying ga dang chu so yang kAny+tsi dang hi mA la ya dag ste de ltar ni/ kaM ni bde ba yin la/any+tsa ti ni 'gro zhing rgyug par byed pa/ chu shing gi me tog lta bur 'chad bzhin pa'i 'og gi kha las bdud rtsi thig le 'dzag pa/ hUM gi rnam pa'i bdud dral ma'i rtsa dang ldan pa nyid kyi phyir ro/ /byang chub kyi sems kha ba'i mdog can de'i gnas nyid kyi phyir/ chu so ni hi mA la yar brjod par bya'o//de dag ni nye ba'i 'dun pa ste sngar bzhin no/ /de ltar zhes bya ba la sogs pa ni/ de la brten pa'i rtsa rnams ni sa srung ma dang / 'jigs byed chen mo dang / rlung shugs ma dang / chang 'thung ma dang / lha mo sngo bsangs ma dang / shin tu bzang mo dang /rta rna dang / mkha' 'gro gdong ma ste/ sa la spyod pa 'di rnams kyi gnas rnams shes par bya'o/ /lus kyi dbus su gnas pa nyid kyi phyir sa spyod ma'o/ /de bzhin du mtshan ma 'di rnam pa gnyis te/ bud med kyi mtshan ma'o/ /de kho na bzhin du bshang lam yang ste/ de dag ni go rims bzhin du ste pre ta pu rI dang / gri ha de ba tAr shes par bya'o/ /de ltar ni pre ta ni nam mkha'o/ /grong khyer lta bu'i nam mkha' lnga rnams ni grong khyer te/ de yi rgyal mtshan zung ni pre ta pu rI'o/ /bshang lam gyi sgo ni/ gri ha de ba tA ste khyim ni lus yin la/ lha rnam par snang mdzad yin pa ni khyim gyi lha ste/de bshang ba'i khams kyi gnas nyid yin pa'i phyir ro/ /de rnams ni go rims bzhin du 'du ba'i mid can du shes par bya ste/ snyoms par 'jug pa'i dus su/ rgyal mtshan gnyis po'i thur ser gyi lam gnyis po sbyor ba'i phyir ro/ / de bzhin du brla gnyis po dang byin pa gnyis po yang sau rASh+Ta dang su war+Na dwI par shes par bya'o/ /de ltar ni/ bde ba'i yul 'khor lta bu ni yul 'khor te/ brla gnyis po nyid phan tshun khyad par du 'phags pa'i dus dang / khyad par du 'phags pa mthong pa ni sau rASh+Ta'o/ / de bzhin du 'od shin tu dkar ba'i sems ni mdog bzang ste/ de'i gling lta bu yin pa'i phyir byin pa gnyis po ni gling ngo / /de rnams ni sngar bzhin du nye ba'i 'du bar shes par bya'o/ /de bzhin du rkang pa'i sor mo brgyad dang / rkang pa'i rgyab kyi gnas ni na ga ra dang sin+d+hur shes par bya ste/sor mo ni 'gro bar mi byed do zhes pas na gang yin la/ de la mchog tu rgyas par byed pa'i phyir ra ste na ga ra'o/ /rkang pa'i rgyab las mthe bong la byang chub kyi sems 'dzag par byed pa'i phyir rkang pa'i rgyab ni sin+d+hu'o/ /gnyis po 'di ni sngar gsungs pa'i tshul gyis dur khrod do//rkang pa'i mthe bong dang pus mo ni/ /ma ru dang ku lu tAr shes par bya ste/ ma ni bde ba chen po yin la/ de sgrogs pa'i las ni ma ru'o/ /ku ni rnam par rtog pa ste/ de 'joms par byed pa'i phyir ku lu tA'o/ /gnyis pa 'di ni go rims bzhin du snga ma ltar nye ba'i dur khrod du brjod par bya'o//sa bcu 'di rnams gnas la sogs/ /zhes pa ni/ gnas la sogs pa'i brdas brtan pa yin no/ /rang lus skyes zhes pa ni/ zla ba bcu'i rim pas skyes pa'i rang gi lus dang lhan cig tu skyes pa rnams te/ mthong ba'i lam gyi rim pas thob par bya ba ni ma yin no/ /de rnams ni bshad pa'i tshul gyis gnas kyi dbye bas 'byed par byed do/ /de nyid phyi rol gyi sgo rnams dang lhan cig tu nang gi dgu po las gcig bzung ste sa bcur brjod par bya'o/ /de rnams su'i sa yin zhe na/ sangs rgyas rnams kyis zhes pa ste/ gzugs la sogs pa phung po'i rang bzhin ye shes gcig pu'i bdag nyid can rnams so/ /yang na/ sangs rgyas rnams ni khams kyi rang bzhin gyis dpa' bo nyi shu rtsa bzhi rnams sam/ mi phyed ma la sogs pa'i rtsa nyi shu rtsa bzhi rnams kyang sangs rgyas rnams so//gcig lhag pa las dpa' bo dang rnal 'byor ma 'di rnams ni lhan cig skyes pa'i sa bcu'am/ brtags pa ma yin pa'i bsgrub par bya ba yang yin no zhes dgongs so/ /'phags pa rnams kho na'i sa ma yin gyi so so'i skye bo rnams kyi yang yin no zhes bstan par bya ba'i phyir/sku gsung thugs kyi 'khor lo la/ /zhes bya ba la sogs pa gsungs te/ sngar gsungs pa'i rim pa rnams kyis lus la gnas pa'i thugs la sogs pa'i 'khor lo gnas nyi shu rtsa bzhi'i dbye bas phye ba rnams su/rkang med dang / rkang gnyis dang / rkang bzhi dang / rkang mangs te lus can thams cad la yang rtsa'i rang bzhin gyi sa 'di rnams ni gnas bcu po ste/ de kho na nyid kyis sems can thams cad ni sa'i dbang phyug yin pa nyid kyi phyir ro zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las/rgyas par bstan pa lnga pa'i rgyas par bshad pa'o// //da ni rang gi lus la gnas pa'i rtsa'i 'khor lo rnams kho na 'khor lo thams cad du gnas pa'i mkha' 'gro ma'i rang bzhin de'i gtso bo ni/rang bzhin gyis grub pa'i sngags kyi bdag nyid de/ de rnams rtogs pa bya ba'i slad du/ rgyas par bstan pa drug pa la 'jug pa'i phyir/ de nas zhes bya ba la sogs pa gsungs te/ gang yang rung zhes pa ni/sems can gyi khams thams cad du gtogs pa ni de bzhin gshegs pa'i sku ste/ snga ma bzhin du phung po la sogs pa'i rang bzhin las lha'i ngo bo nyid kyi'o/ /gnas ji lta ba bzhin du ni/ gnas la ma 'das par byas nas/ rtsa'i 'khor lo kho na rnal 'byor ma'i tshogs su mtshon par bya ste/bshad par bya'o zhes bya ba ni mdor bstan pa'o/ /snying gi dbus son zhes bya ba la sogs pas/ der gtso bo sngags kyi rang bzhin gyis gnas par gsungs pa ste/ 'dir lus can thams cad kyi snying ga ni/ chos kyi 'khor lo ze'u 'bru dang ge sar dang bcas shing thun tshod brgyad rnam par dag pa'i rang bzhin du gnas pa'i 'dab ma brgyad pa'i rtsa'i 'khor lo'o//de'i dbus su ste/ til gyi mar me'i rang bzhin can chu shing gi me tog ltar 'og gi gdong ma sum skor ma zhes bya ba gang yin pa de'i dbus su/ nyi ma'i 'od zer gyi tshogs lhung ba'i snga dro'i ba mo'i zil pa lta bu'i thig le 'dzag bzhin pa yungs kar phra mo'i tshad tsam gyi hUM gi yi ge ni brjod par mi nus pa nyid kyis na gzhom du med pa ste/rnam par rtog pa'i dngos po thams cad kyi 'jigs pa med pa nyid kyi phyir dpa' bo'o/ /de nyid lus can thams cad kyi snying dga' bar byed pa nyid kyi dpyid lta bu yin pa'i phyir na dpyid de/bcom ldan 'das dpal he ru ka'o zhes shes par bya ba yin gyi/ zhal bzhi pa phyag bcu gnyis pa ni ma yin no/ /rta gdong gi me lta bu'i ye shes kyi me gang yin pa 'di ni bsrub par bya ba dang srub par byed pa yang dag par sbyor ba'i mtshan nyid las kyi rlung gis steng du bskul ba las lte ba'i gnas nas 'bar ba steng gi lam du song nas/de la snying gang gnas pa'i dpa' bo de'i bdud rtsi'i bkod ma'i rgyun ltung bas de nyid du zhu bas reg pa 'di nyid gnyis su med par sbyor ba yin pa'i phyir snyoms par zhugs pa ste/dpyid kyi thig le zhes brjod par bya'o/ /de nyid 'di ni he ru ka zhes bya ba la sogs pa gsungs te/ hUM gi yi ge gang yin pa 'di ni sngar gsungs pa'i mtshan nyid kyis brjod pa de nyid dpal he ru ka ste/ ye shes 'bar ba'i phyir na rdo rje phag mo ni thig ler brjod par bya'o//de nyid rgyu ba dang bcas pa'i mi rgyu ba ste/ gnas pa dang 'gro ba'i bdag nyid kyi 'gro ba la sngar gsungs pa'i rnal 'byor ma'i gzugs te/ kha dog dmar po blangs nas gnas pa'o/ /de bzhin du bcom ldan 'das ma de nyid lus la sogs pa'i dbye bas dbye bar 'gyur ba'i dman pa dang 'bring dang dam pa'i sgo gsum gyi dbye bas/'gro ba dang song ba dang gnas pa rnams mdzad pa yin no/ /de kho na'i yin gyi/ lus can thams cad la yang rnam par gnas so zhes pa'i don to//dkyil 'khor gyi gtso bos 'khor lo bzhi la khyab par bstan pa'i phyir/ lte bar zhes bya ba nas brtsams te/ 'dir ni ji ltar bde bar rol/ /zhes bya ba'i mthar thug pa gsungs te/ de la lte ba sprul pa'i 'khor lo la dpyid de nyid a yig thung ngu'i gzugs so/ / snying ga chos kyi 'khor lor ni nA da dang thig le dang ldan pa'i hUM yig gi rnam pa'o/ /mgrin par longs spyod rdzogs pa'i 'khor lor ni cha gsum pa shin tu ring po'i oM yig gi gzugs te/ rtsa khyog po nyid las de la lan gsum du bskor bas gtum mo'i 'jug pa dang 'byung ba'o zhes byas nas so//dpral bar bde ba chen po'i 'khor lor ni nA da dang thig les brgyan pa gzhom du med cing 'gyur ba med pa ha'i yi ge'o/ /de nyid lugs las ldog pa dpral ba dang / mgrin pa dang / snying ga dang / lte ba rnams su dpal he ru ka sngags kyi sku'i gzugs so//sa sogs 'byung ba zhes bya ba la sogs pas de'i rten gsungs te/ de'i sangs rgyas kyi zhing ni sa la sogs pa'i rang bzhin gyi 'khor lo bzhi po rnams so/ /nyin dang mtshan mo dang gung dang / phyi dro dang mtshan phyed dang snga dro'i mtshan nyid kyis thun bzhi po 'khor lo bzhir 'bab pa can/brgya phrag lnga bcu rtsa bzhi dbugs kyi grangs te/ de nyid ni/ shes rab dang ldan pa'i bcom ldan 'das de nyid kyi zhal bzhi yin no/ /rnam pa sna tshogs pa la sogs pa la dga' ba nye bar mtshon pa'i skad cig bzhi dang / dga' ba la sogs pa bzhi dang /myur ba dang / rlangs pa dang / rnam par bcings pa dang / sna tshogs byed pa'i sbyor ba bzhi po rnams gang yin pa 'di rnams so sor bshad pa las/ de nyid de'i phyag bcu gnyis po rnams dang de nyid steng du rab tu 'jug pa las ni spyan bcu gnyis dang / de nyid dbus su rab tu 'jug pa las ni mtshon cha bcu gnyis po rnams so//'di nyid bya ba dang byed pa po dag gi ste/ sreg par byed pa dang 'phel bar byed pa'i dngos pos ro mnyam pa nyid kyis na/ dpal thig le rdo rje sems dpa' dpyid de'i gzugs so/ /des ji ltar bde bar te/ dga' ba bzhi'i rang bzhin nyid la brten nas rol zhing lus can thams cad kyi lus la dga' bar byed do zhes bya ba'i don to/ /de ltar dbus kyi gtso bo shes rab dang bcas pa'i zhal dang / phyag dang / sku mdog dang / dbyibs dang / mtshan ma ni nang gi gzugs su gsal bar byas nas/'dab ma bzhi po dag ni yang / /zhes bya ba nas brtsams te/ rtsa lnga rnams ni rnam par gnas/ /zhes pa'i mthar thug pa'i gzhung ni/ /ye shes kyi 'khor lo'i mkha' 'gro ma bzhi po dang mchod pa'i bum pa bzhi po yang rtogs par bya ba'i phyir gsungs pa yin te/de la chos kyi 'khor lo'i shar dang / byang dang / nub dang / lho ste phyogs kyi char gnas pa bzhi po ni 'dzin pa dang / gsher ba dang / dro ba dang / g.yo ba'i mtshan nyid de/ thugs kyi rdo rje dpal he ru ka'i gnas ye shes kyi 'khor lor gnas shing son pa de rnams nyid ni mkha' 'gro ma la sogs te/mkha' 'gro ma dang / lA ma dang / dum skyes ma dang / gzugs can mar shes par bya'o/ /de las nam mkha' la thim pa las mkha' 'gro ma dang / chu nam mkha' la rol pas na mA la ste/ sdeb sbyor las yi ge bzlog pa'o//me nam mkha' dum bur byed cing 'gro bar byed do zhes pas dum bu ste/ de rnam par dag pa las/ de nyid du gsal ba'i phyir khaN+Da ro hA'o/ /des na gzhi mthun pa'i bsdu ba yin no/ /rlung nam mkha'i gzugs su 'gro zhing rnam par sbyong ba'i phyir/gzugs can ma'o/ /phyogs kyi mkha' 'gro ma rnams bshad nas/ phyogs bral du gnas pa'i bum pa rnams/ phyogs bral gnas pa'i zhes bya ba la sogs pas gsungs te/ ye shes kyi 'khor lo'i snying ga de nyid du bdud rtsi lnga 'bab cing mtshams su gnas pa'i rtsa gang yin pa de nyid ni bum pa'i rnam pa ste/de las byung ba'i bug pa thod pa'i phreng bar gnas pa de rnams su bdud rtsi'i bdag nyid kyi mchod pa bzhi po shes par bya'o zhes lus kyi zhes bya ba la sogs pas nye bar bsdu ba gsungs te/ de ltar bshad pa'i tshul gyis lus kyi dbus su rtsa lnga ste/sum skor ma ye shes kyi pad+ma'i mchod pa'i mkha' 'gro ma bzhi dang bcas pa rnams so zhes shes par bya'i/ nA da'i gzugs su myong ba nyid kyi phyir phyi rol rnams dang rtag pa ni ma yin no/ /sku gsung thugs zhes bya ba la sogs pas/'khor lo gsum gyi rtsa rnams rnal 'byor mar gsungs te/ thugs gsung sku zhes brjod par bya ba yin na yang / lugs las bzlog pas klog pa ni/ /skal ba med pa rnams la sba ba'i don to/ /de'i phyir thugs la sogs pa'i 'khor lo dang / spyi bo la sogs pa nyi shu rtsa bzhi'i bdag nyid kyi gnas su/rab gtum ma la sogs pa nyi shu rtsa bzhi po rtsa'i gzugs kho nas gnas dang gnas su ste/ gnas dang nye ba'i gnas nas nye ba'i dur khrod kyi mthar thug pa ste/ mthar thug pa rang bzhin gyis grub pa kho nas rnam par gnas te/rtsa ba'i rgyud du yang / lhan cig skyes grub mkha' 'gro rnams/ /zhes gsungs pa'i phyir ro/ /spyi bor yang dag byung ba yi/ /rtsa rnams spyi bo skyes zhes dran/ /zhes bya bas de nyid gsungs te/ 'dir bde ba chen po'i 'khor lo las rtsa sum cu rtsa gnyis rab tu 'byung bar 'gyur te/gang dang ldan pa lta bu byung ba de rnams las khu ba dang / khrag dang / gnyi ga 'dzin par byed pa/ la la nA dang ra sa nA dang a wa d+hU tI rnams ni khams gsum po ma lus par skyed par byed pa ste/ snying stobs dang rdul dang mun pa'i rang bzhin lus dang ngag dang sems kyi bdag nyid can du khong du chud par bya'o//de la rtsa sum cu rtsa gnyis kyi ming ni/ /dpal kye'i rdo rjer/ mi phyed ma dang phra gzugs ma/ /mdzes ma g.yon ma lus thung ma/ /rus sbal skyes ma sgom pa ma/ /dbang ma skyon ma bshang ba ma/ /ma dang mtshan mo gsal sbyin drod//brkyang ma kun 'dar ro ma dang / /gzhol ma rangs pa'i gdong ma dang / /spyi ma rgyu sbyin sbyor bral ma/ /sdug ma grub ma me ma dang / /de bzhin yid bzang sum skor ma/ /'dod ma khyim ma gtum mo dang / /bdud dral kA t+ya'i bu mo dang / /zhes pa'o/ /sum cu rtsa gnyis po 'di rnams thun mtshams kyi rtsa bzhi dang bcas pa ni sum cu rtsa drug yin la//sum skor ma la sogs pa dang / /a wa d+hU tI la sogs pa brgyad dor nas/ /lhag ma mi phyed ma la sogs pa ni rab gtum ma la sogs pa nyi shu rtsa bzhir shes par bya la/ 'di rnams kyi so dang sen mo la sogs pa'i khams nyi shu rtsa bzhi ni/thod pa'i dum bu la sogs pa rnams su shes par bya'o/ /de la rtsa gnyis dang mkha' 'gro ma rnams kyi nges pa'i tshig ni/ dbye bar bya ba ma yin pa'i sen mo dang so rab tu 'byung ba'i phyir/ mi phyed ma ste spyi bo la'o/ /shin tu phra ba'i skra dang ba spu 'bab pa'i phyir/phra gzugs ma ste spyi gtsug tu'o/ /pags pa'i dri ma phyi rol tu snang bzhin pas 'bab pa'i phyir/ mdzes ma ste rna ba g.yas pa la'o/ /g.yon nyid du gang ba'i sha 'bab pa'i phyir ram/ g.yon gyi rnam pa'i snying stobs kyi khams 'byung ba'i phyir te/gnyi ga las g.yon pa ma ste rgyab tu'o/ /chu rgyus 'bab pa las sam/ zos pa skyugs pa las te/ gnyi ga las thung ngu ma ni rna ba g.yon pa la'o/ /rus sbal gyi rgyab lta bur mi phyed pa'i rus pa'i phreng ba 'bab pa'i phyir/ rus sbal skyes ma ste smin ma'i dbus su'o//mchin pa 'byung bar byed cing 'dzag par byed do zhes pas/ sgom pa ma ste mig gnyis la'o/ /snying las bdud rtsi'i ro gtor bar byed pa'i phyir/ dbang ma ste dpung pa'i rtsa ba gnyis la'o/ /gnas dang nye ba'i gnas su rtsa brgyad po 'di rnams ni mkha' spyod ma ste/thabs dang bcas pa thugs kyi 'khor lo la'o/ /skyon byed cing rang gi yul gyi rnam par 'gyur bar byed do zhes pa skyon ma ste/ mig gi khams la gnod pa'i mchan khung dag la'o/ /mchan khung mthong ba las yid rnam par 'gyur te/ 'di ni bdag gi'o zhes zhe sdang 'byung ba'i phyir yang ste/zhe sdang dang skyon zhes pa ni rnam grangs so/ /mkhris par brjod pa'i bshang ba 'bab bar byed do zhes pas bshang ba ma ste/ nu ma gnyis la'o/ /bshang ba'i khams bskul ba na steng du glo ba 'bab pa'i phyir ma lta bu yin pas ma'am/ ma la brten nas mngon par 'dod pa skyed pa'i phyir dang / 'gro ba skyed par byed pa'i phyir yang ste lte ba la'o/ /rgyu ma'i phreng ba rnams su bde ba chen por nyal ba'i phyir ri khrod ma'o/ /mtshan mo'i rnam par rtog pa skyed pa'i phyir/ mtshan ma ma ste sna rtse la'o/ /gnye ma dang tshil bu'i tshogs kyis rgyu ma la yongs su bskor nas gnas so//de 'bab par byed pa'i phyir dkar sbyin ma yin pa'am/ des bsil sbyin ma ste kha la'o/ /lto bar bkres pa'i me ste/ de 'bab par byed pa nyid kyi phyir/ drod ma ste mgrin pa la'o/ /bshang ba 'bab pa nyid kyi phyir/gzhol ma ste yi ge bzlog pa las pra la bA'o/ /rnam par snang mdzad 'bab ma snying ga la'o/ /mtshams mtha'i snod kyi nang du de 'bab pa nyid las rangs pa'i gdong ma ste/ de'i reg pa las thabs dang shes rab dag gi dga' ba nyid kyi phyir chu so la'o//gsung gi 'khor lo la/ zhing dang nye ba'i zhing dang / 'dun pa dang nye ba'i 'dun pa 'di rnams su rtsa brgyad po ni sa spyod ma rnams so/ /khams mnyam pa nyid kyi bad kan 'bab pa'i phyir spyi ma ste gsang ba la'o/ /phal cher sha za ba'i phyir ram/ mi sbyor ba'i rnam par rtog pa skyed par byed pa'i phyir/sbyor bral ma ste bshang lam la'o/ /khrag 'bab pa las dpyid kyi me tog rnams kyi dga' ba skyed par byed pa'i phyir sdu gu ma ste brla dag la'o/ /snyoms par 'jug pa na rdul skye ba ni thams cad la grub ste/ de 'bab par byed pa nyid kyi phyir grub ma ste byin pa la'o//grub pa'i mtshan ma skye ba'i rten yin pa'am/ de gtso bo yin pa'i phyir na lus rgyas pa la tshil bu nyid rgyu yin la/ de 'bab pa'i phyir rgyu sbyin ma ste/ rkang pa'i sor mo rnams la'o/ /gdong gi mchi ma ni mya ngan 'bar ba yin pa'i phyir me ma ste rkang pa'i rgyab la'o//lud pa dor bas rnal 'byor pa rnams kyi dga' ba skyed par byed pa'i phyir yid bzangs ma ste rkang pa'i mthe bo la'o/ /ji srid du ngar snabs kyi skyon byed pa'i phyir kA t+ya ya na ste pus mo gnyis la'o zhes pa sku'i 'khor lo la 'du ba dang / nye ba'i 'du ba dang /dur khrod dang / nye ba'i dur khrod du brjod pa rnams su rtsa brgyad po rnams ni sa 'og na gnas pa rnams so/ /ngag gi snga ma'i sgo zhes bya ba la sogs pas dam tshig gi 'khor lo'i rtsa'i nges pa'i tshig rgyas par gsungs te/ ngag gi sgo las/ snga ma ni lus kyi sgo de rnams su'o/ / mig la sogs pa'i rtsa brgyad po g.yas dang g.yon du yang ste/ mig dang / rna ba dang / sna dang / kha dang / gsang ba dag tu'o/ /de rnams kyi ming ni rab tu grags pa kho na ste/ yul nye bar mtshon pa'i dam tshig gi rjes su gnas pa'i phyir/ dam tshig gi 'khor lor gnas par shes par bya'o zhes pa ni rtsa'i nges pa'i tshig go//gnas kyi rim pa'i tshig ni sngar bshad pa rnams so/ /mkha' 'gro ma rnams kyi nges pa'i tshig brjod par bya ste/ 'dir g.yas kho na'i mkha' 'gro ma rnams ni phag mo'i rigs las yang dag par byung ba yin no zhes lan mang du khong du chud par byas pa yin no//de dang mi phyed pa'i gzugs nyid kyis de rnams kyi brjod par bya ste/ de la rab tu ma zhi ba dang gtum pa nyid gang gi yin pa de ni rab tu gtum ma'o/ /g.yon dang cig shos kyi rtsa dag bde ba chen po'i gnas su son pa ji srid par gtum zhing rno pa'i sreg par byed pa ni 'di'i yin no zhes pas gtum mig ma'o//gnyis po dag dbu mar rab tu gsal ba las me'i kha dog gi 'od dang ldan pa nyid kyi phyir 'od ldan ma dang / gsang ba dang / snying ga dang / gdong gi sna rtse chen po rnams gang gi yin pa de ni sna chen ma ste/ gnas kyi mkha' 'gro ma rnams ni don ji lta ba bzhin no/ /dpa' bo skyed par byed pa nyid kyis yod par byed pa gang yin pa de ni dpa' bo'i blo can ma ste/ lte ba'i dbus nas dpa' bo ni/ /zhes gsungs pa'i phyir ro/ /rnon po yang 'di yin la 'khor lo gsum sreg par byed pa'i sgo yang 'di yin te/slar yang de 'phel bar byed pa'i phyir/ mi'u thung ma'o/ /lang+ka ni lus kyi grong ste/ de'i dbang phyug ma'am rje mo ni lang+ka'i dbang phyug ma'o/ /shing gi grib ma lta bur bsil ba 'phel bar byed pa'i phyir/ shing grib ma'o zhes pa nye ba'i gnas kyi mkha' 'gro ma rnams kyi don ji lta ba bzhin te/thugs kyi 'khor lo'i mkha' la spyod pa rnams so/ /sa srung lta bu'i shugs 'bab pa ni sa srung ma'o/ /sgron ma gnyis pa la 'dud pa gcod pa'i phyir/ 'jigs byed chen mo'o/ / rlung lta bur steng dang 'og dang phyogs bcu rnams su yang mgyogs pa'i shugs gang gi yin pa de ni rlung shugs ma'o/ /sgron ma gnyis par yang chang ni bdud rtsi ste 'thung bar byed do zhes pas chang 'thung ma ste/ ye shes kyi sgron ma'o zhes pa zhing dang nye ba'i zhing gi mkha' 'gro ma rnams kyi don ji lta ba bzhin no//rab tu dga' ba ldang ba'i phyir sngo bsangs kyang 'di yin la/ 'khor lo thams cad du rol pa las lha mo yang yin pa ni lha mo sngo bsangs ma'o/ /legs pa ni me long yin la/ bzang ba ni dge ba ste/ de gang gi yin pa de ni shin tu bzang mo'o/ / rta lta bur rna ba g.yas nas 'byung bar byed pa ni rta rna ma'o/ /bya'i gdong gi rnam pa nyid kyi phyir mkha' 'gro bya gdong ma ste/ 'dun pa dang nye ba'i 'dun pa'i mkha' 'gro ma rnams kyi don ji lta ba bzhin du'o zhes pa gsung gi 'khor lo las sa spyod ma rnams so/ /'khor lo lta bur 'khor lo rnams su 'di'i shugs kyis 'gro zhing 'ong bas na 'khor lo'i shugs can ma'o//de bzhin gshegs pa dang spyan ma la sogs pa rnams dang por dum bur byed cing / slar yang 'jug par byed cing skyed par byed pa'i phyir dum skyes ma'o/ /myos par byed pa'i chang 'thung ba'i phyir chang 'thung ma'o//'di'i go cha 'khor lo lta bu yin pa de ni/ 'khor lo'i go cha ma'o zhes pa 'du ba dang nye ba'i 'du ba'i mkha' 'gro ma rnams kyi don ji lta ba bzhin no/ /shin tu dpa' ba'i a yig las byung ba'i phyir/ shin tu dpa' mo'o//'gro ba dang 'ong ba dag gi stobs chen mo gang gi yin pa de ni stobs chen mo'o/ /'khor lo rnams su 'jug pa'i ngang tshul gang yin pa de ni 'khor los sgyur ma'o/ /ldang ba na brtson 'grus chen mo gang gi yin pa de ni/ brtson 'grus chen mo'o zhes pa dur khrod dang nye ba'i dur khrod kyi mkha' 'gro rnams kyi don ji lta ba bzhin no//de ni sku'i 'khor lo'i sa 'og spyod pa rnams so/ /mig la sogs pa'i dbang po bcu la sogs pas yul gyi bza' ba la sogs pa 'dzin pa'i phyir/ dbang po'i rtsa brgyad po khwa gdong ma la sogs pa ste/ dam tshig gi 'khor lo'i dpa' mo rnams kyi nges tshig go//da ni dpa' bo rnams kyi nges pa'i tshig brjod par bya ste/ dum bu ste mgo bo'i gnas su so dang sen mo'i gzugs kyis byang chub kyi sems len par byed cing skul bar byed pa'i phyir thod pa'i dum bu'o/ /ma hA kaM ka ni spyi gtsug gi gnas su yong pa de nyid de/skra dang ba spu len par byed pa'i phyir keng rus chen po'o/ /rna ba'i rtsa bar son nas pags pa'i dri ma skul byed pa'i phyir keng rus so/ /rgyab tu sha'i rang bzhin gyi mche ba rnam par gtsigs pa gang gi yin pa de la de skad ces bya ste/ gnas kyi dpa' bo'i nges pa'i tshig go//chang rnams kyi ste chu rgyus rnams kyi dgra rna ba g.yon pa la 'jug par byed pa ni chang dgra'o/ /smin ma'i dbus su gnas nas dpag tu med pa'i rus pa'i phreng ba rab tu 'jug par byed pa nyid las byung ba ni 'od dpag med do/ /rdo rje rin chen lta bu'i 'od mig gang gi yin pa de las mchin pa rab tu 'jug par byed pa'i phyir rdo rje 'od do//gang gi lus rdo rje lta bur brtan pa'i dpung pa'i rtsa ba las snying rab tu 'jug par byed pa'i phyir rdo rje lus te/ nye ba'i gnas kyi dpa' bo'i tshig go/ /mchan khung dag las mig gi myu gu skye ba'i phyir myu gu can no/ /nu ma dag las rdo rje'i ral pa lta bu'i mkhris pa'i khams skyed par byed pa'i phyir rdo rje ral pa can no//lte bar rdo rje chen po yang 'jig par byed pa glo ba rab tu 'jug pa las dpa' bo chen po'o/ /sna rtse las rgyu ma'i sgo rab tu 'jug par byed pa nyid kyi phyir/ rdo rje hUM mdzad do zhes pa zhing dang nye ba'i zhing gi dpa' bo'i nges pa'i tshig go//bde ba 'phel bar byed pa mo/ /gnye ma rab tu 'jug par byed pa nyid kyi phyir shin tu bzang po'o/ /mgrin pa las lto ba rab tu 'jug par byed pa'i phyir/ rdo rje bzang po'o/ /yang na mgrin pa dang lto ba dag las thog ma dang bar dang tha mar dge ba'i rdo rje theg pa'i chos kyi 'khor lo rab tu bskor ba las kyang ngo //skye bo sdar ma'i snying la skrag par byed pa bshang ba rab tu 'jug pa nyid kyi phyir rdo rje 'jigs byed do/ /chu so las mtshams kyi mtha'i mig gsum rab tu 'jug par byed pa nyid kyi phyir/ mig mi bzang ngo zhes pa 'dun pa dang /nye ba'i 'dun pa'i dpa' bo rnams kyi nges pa'i tshig go/ /gsang ba las lus 'dzin par nus pa'i bad kan 'bab pa'i phyir stobs po che'o/ /bshang lam las kha dog ser po'i rnag rab tu 'jug par byed pa'i phyir rin chen rdo rje'o/ /brla dag las stobs dang ldan pa'i khrag rab tu 'jug pa'i phyir rta mgrin no//byin pa dag las ba spu'i bu ga'i nang khyab par byed pa'i rdul rab tu 'jug pa nyid kyi phyir nam mkha'i snying po'o zhes pa 'du ba dang nye ba'i 'du ba'i dpa' bo'i nges pa'i tshig go/ /rkang pa'i sor mo dag las mi phyed pa'i hUM gi yi ge'i gzugs kyi tshil bu rab tu 'jug par byed pa'i phyir dpal he ru ka'o//rkang pa'i rgyab las pad+ma gar gyi dbang phyug byang chub kyi sems mchi ma'i rang bzhin rab tu 'jug pa'i phyir pad+ma gar gyi dbang phyug go/ /mthe bo dag las kha dog dkar po'i lud pa rab tu 'jug par byed pa nyid kyi phyir rnam par snang mdzad do//pus mo dag la zla ba dkar po'i ngar snabs rab tu 'jug par byed pa nyid kyi phyir rdo rje sems dpa'o zhes pa dur khrod dang nye ba'i dur khrod kyi dpa' bo'i nges pa'i tshig go/ /g.yon dang g.yas su 'bab pa las rab tu 'jug bzhin pa 'di rnams kyi sngon du nges par byas pa'i mkha' 'gro ma rnams dang /don ji lta ba bzhin gyi nye ba'i gnas na gnas pa rnams dang / rnal 'byor ma rnams kyi thim pa dang / longs spyod dang / dbang byed pa las bdun cu rtsa gnyis su shes par bya'o/ /don 'di ni/ sku gsung [(]thug [,]thugs [)]kyi 'khor lo la//nyi shu rtsa bzhir yang dag brjod/ /ces bya ba nas brtsams te/ shes rab pha rol phyin 'di rnams/ /lus la yang dag rnam par gnas/ /zhes bya ba'i mthar thug pa'i gzhung gis rtogs par byas pa yin no/ /'di rnams kyi tshig gi don gyi nges par sbyor ba ni go sla'o zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las/rgyas par bstan pa drug pa'i rgyas par bshad pa'o// //rtsa'i rang bzhin gyi rnal 'byor ma rnams byang chub kyi phyogs kyi chos rang bzhin du rtogs par bya ba'i phyir/de nas zhes bya ba la sogs pas rgyas par bstan pa bdun pa gsungs te/ gang yang zhes bya ba la sogs pa la/ dang por rig par bya ba ni/ lus dran pa nye bar gzhag pa ni mkha' 'gro ma'o zhes bya ba la sogs pa'i gzhung gi snying ga la sogs pa dang / mgo bo la sogs pa'i lus kyi sgo 'di rnams su mkha' 'gro ma'i rang bzhin gyi rtsa rnams byang chub kyi phyogs kyi chos kyi ngo bo nyid du yang 'gyur ro zhes khong du chud par bya'o/ /'dir byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/lam lngas bsdus pa'i byang chub kyi phyogs kyi chos sum cu rtsa bdun la ji lta ba bzhin du bslab par bya'o/ /de la lam gang zhe na/ tshogs kyi lam dang / sbyor ba'i lam dang / mthong ba'i lam dang / sgom pa'i lam dang / mi slob pa'i lam mo//de la tshogs kyi lam gang zhe na/ chos bcu gnyis rnams so/ /bcu gang zhe na/ dran par nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi rnams so/ /de la sbyor ba'i lam gang zhe na/ chos bcu rnams so/ /bcu gang zhe na/ dbang po lnga dang stobs lnga rnams so//de la mthong ba'i lam gang zhe na/ chos bdun rnams so/ /bdun gang zhe na/ byang chub kyi yan lag bdun rnams so/ /de la sgom pa'i lam gang zhe na/ lam gyi yan lag rnams so/ /lam gyi yan lag gang zhe na/ 'phags pa'i lam yan lag brgyad po rnams so//mi slob pa'i lam gang zhe na/ lam shes pa'i mtha' las mtha'i skad cig go/ /ci skad du de rnams byang chub kyi phyogs yin/ chos rnams kyang gang las yin/ byang chub kyang gang yin zhe na/ smras pa/ 'dis thams cad kyi bdag nyid kyi ngo bo nyid rtogs par bya'o zhes pas byang chub bo//ci de khyab pa yin zhe na/ smras pa khyab byed yin te phyogs gcig pa ni ma yin no/ /de gang gi phyir gang zag bdag med pa'i mtshan gyi byang chub ni nyan thos pa'i byang chub ste/ phyogs gcig pa'o/ /chos rnams rdzas nyid kyis mngon par rtogs pa las/de bzhin du rnam par grol bzhin pa nyan thos kyi byang chub tu nges par gyur pa de'i byang chub ni/ rang gi don tsam gtso bor byed pas ni rnam par ma dag pa nyid kyi phyir nyi tshe ba'o zhes brjod par bya'o/ /bdag med pa gnyi ga'i mtshan nyid las ni byang chub ste/yang dag par rdzogs pa'i byang chub ni khyab par byed pa po nyid yin pa'i phyir na nyi tshe ba ma yin te/ chos rnams kyi de kho na nyid kyi dngos pos rnam par gzhag pa'i phyir ro/ /de'i mtshams kyi yan lag rnams ni thabs te/ byang chub kyi yan lag rnams so/ / yan lag dang / thabs dang / phyogs dang mngon par gsal bar byed pa zhes pa rnam grangs so/ /chos rnams kyang gang las yin zhes pa ni/ 'dzin par byed pa de/ byang chub sems dpa' lam la gnas pa rnams kyi sems las byung ba rnam par gzhag par bya ba rnams te/ dge ba'i phyogs kyis bsdus pa rnams so//zag pa med pa nyid kyi phyir lam gyi bden pa ni mtha' gcig tu dge ba'i phyir/ lam gyi dbye ba las dge ba ste/ zag pa dang bcas pa'i sgrub pa po de las ltos nas so/ /lam lnga po rnams ni/ gnyis dag gis bsdus par rig par bya ste/gnyis po gang dag gis she na 'jig rten pa'i lam dang / 'jig rten las 'das pa'i lam gyis so/ /de la 'jig rten pa'i lam gyi chos rnams gang zhe na/ chos nyi shu rtsa gnyis po rnams so/ /gang zhe na/ dran pa nye bar gzhag pa rnams dang / yang dag par spang ba dang /rdzu 'phrul gyi rkang pa rnams dang / dbang po rnams dang / stobs su brjod pa rnams so/ /de la 'jig rten las las 'das pa'i lam gyi chos rnams gang zhe na/ bco lnga rnams so/ /gang zhe na byang chub kyi yan lag bdun dang / 'phags pa'i lam yan lag brgyad po rnams so//de la dran pa nye bar gzhag pa bzhi gang zhe na/ smras pa/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa rnams so/ /de la lus dran pa nye bar gzhag pa ni/ 'dir thams cad kyis thams cad du/rang dang gzhan gyi lus 'di ni ji srid du rgyun gyis 'jug pa na khams gsum por gang zhig snang ba de nyid/ de rab tu rnam par spyod bzhin pa de srid du gcig par 'gyur ba ma yin te/ cha shas can ma grub pa nyid kyi phyir dang / de ma grub pa yang /smin pa dang / ma smin pa dang / dmar ba dang / dmar ba ma yin pa la sogs pa la skyon mthong ba nyid kyi phyir te/ gcig nyid grub pa las/ du ma nyid du ma skyes pa'i rdul phra rab tu dbye bar bya bzhin pa nyid kyi phyir/ tshogs pa ma skyes pa'am/ de mngon par rtogs na sna tshogs pa rdul phra rab tu ltung ba'i phyir ro//de'i phyir gnyi ga'i chos dang bral ba nyid las lus 'di ni stong pa'o zhes bya bar rjes su dran pa gang yin pa de'i nye zhing nye bar sems kyi gnas pa ni lus dran pa nye bar gzhag pa yin no/ /de bzhin du/ bde ba la sogs pa'i bdag nyid can gyi chor ba rnams kyang /rnam par shes pa'i tshogs drug la brten pa nyid kyi phyir/ rnam pa bco brgyad de/ de bde yang bde bde ba la sogs pa rnams 'das pa la sogs par phye na ma grub pa'i phyir stong pa'o zhes dran pa'i rang gi sems nye bar gnas pa ni/ tshor ba dran pa nye bar gzhag pa yin no//shes bya de lta bu yin pa'i phyir na sems dang / snga ma dang phyi ma dang lhan cig tu byung ba nyid du ma grub pa'i stong pa nyid do zhes dran pa gang yin pa'i nye bar gnas pa ni sems dran pa nye bar gzhag pa yin no/ /de bzhin du dge ba dang mi dge ba dang lung du ma bstan pa la sogs pa'i phye ba'i chos rnams snga ma bzhin du stong pa nyid las dran pa'i gnas pa gad yin pa ni chos dran pa nye bar gzhag pa ste/byang chub sems dpa'i lam mo/ /gang gi phyir zhe na/ khams gsum po ni lnga'i bdag nyid de/ de la lus dran pa nye bar gzhag pas gzugs kyi phung po'i yang dag par rjes su khong du chud pa las/bar ma gnyis pos/ tshor ba dang rnam par shes pa gnyis dag gi mtha' las 'du shes dang 'du byed dag ste/ chos kyi sgras thun mong ba snod kyi 'jig rten no/ /nyan thos kyi lta ba la ni rtag pa dang /bde ba dang / gtsang ba dang / bdag dang bcas pa'i phyin ci log bzhi'i gnyen por/ mi rtag pa dang / sdug bsngal ba dang / mi gtsang ba dang / bdag med pa'i mtshan nyid kyi dran pa nye bar gzhag pa rnams so zhes pa ni khyad par ro/ /sngags kyi lta ba la ni rang rig pa'i rang bzhin gyi mkha' 'gro ma rnams ni lus la sogs pa rnams te/chos nyid kyi gzugs su shes par bya'o/ /de'i don ni/ lus dran pa nye bar gzhag pa ni mkha' 'gro ma'o zhes bya ba la sogs pas gsungs so/ /de la rdzu 'phrul gyi rkang pa ni du zhig ces kha cig dogs pas/ smras pa/ rdzu 'phrul gyi rkang pa rnams ni bzhi yin te/ 'dun pa'i rdzu 'phrul gyi rkang pa dang / brtson 'grus kyi rdzu 'phrul gyi rkang pa dang / dpyod pa'i rdzu 'phrul gyi rkang pa dang / sems kyi rdzu 'phrul gyi rkang pa'o/ /de la 'dun pa'i rdzu 'phrul gyi rkang pa la sogs pa gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa'o//mdo 'di rnams kyi don ni 'di yin te/ 'dir ting nge 'dzin thams cad kyi skyon drug nyid du 'gyur ba 'di lta ste/ le lo dang / dmigs pa brjed pa dang / bying ba dang / rgod pa dang / 'du mi byed pa dang / 'du byed pa'o//'di las bying ba dang / rgod pa gcig tu byas nas skyon lngar 'gyur ro/ /de rnams spong ba'i 'du byed brgyad do/ /brgyad gang zhe na/ dad pa dang / 'dun pa dang / brtson 'grus dang / shin tu sbyangs pa ste bzhi dang / dran pa dang / shes bzhin dang / sems pa dang / btang snyoms te brgyad do/ /de la dang po ni le lo'i gnyen po ste/ dad pa ni dge ba'i las la rab tu 'jug go/ /'dun pa ni de'i bsam pa dang lhan cig tu gnas pa nyid do/ /brtson 'grus kyis ni le lo spong ngo / /shin tu sbyangs pas spong ba mngon sum du byas pa'i bya ba de nyid ni 'dun pa'i rdzu 'phrul gyi rkang par brjod par bya'o//dran pas ni dmigs pa brjed pa spong bar byed la/ shes bzhin gyis ni bying ba dang rgod pa ste/ 'di dag ni brtson 'grus dang dpyod pa'i rdzu 'phrul gyi rkang pa dag go/ /gang gi tshe sems dang btang snyoms dag gis gang zhig 'bad pas spong ba de ni sems kyi rdzu 'phrul gyi rkang par brjod par bya'o//de nyid kyi phyir de dag ni brtson 'grus bzhir brjod bar bya'o/ /de nyid ting nge 'dzin rgyal po'i mdor gsungs te/ dben pa la gnas pa/ 'dod chags dang bral ba la gnas pa/ 'gog pa la gnas pa/rnam par spong bas yongs su bsgyur ba/ 'dus byas kyi dmigs pa la sbyor ba dang bral ba'i phyir rdzas spong ba de ni spong ba dang ldan pa'i rdzu 'phrul gyi rkang pa zhes pa ste/ yan lag lnga po bsdu bar byas na rdzu 'phrul gyi rkang pa bzhi po ni rnam pa nyi shu rnams so/ /rdzu 'phrul ji lta bu zhe na/'phel ba ni rdzu 'phrul te/ ri d+hU 'phel ba la'o zhes pa'i byings sA rA ya Na las 'dod pa'i phyir ro/ /de la stobs bcu dang / mi 'jigs pa la sogs pa'i sangs rgyas kyi yon tan gang yin pa thams cad nyid 'phel bar byed cing 'thob par byed pa de ni rdzu 'phrul te yang dag par rdzogs pa'i byang chub bo//de'i rkang pa lta bu yin pa'i phyir rkang pa ste/ thob par byed pa la ni rdzu 'phrul gyi rkang pa'o/ /thun mong pa yin yang lam gyi thabs nyid de/ 'di kho na'i rkang pa gnyis nyid ni ting nge 'dzin gyi skyon gyi gnyen po shin du ba yin pa'i phyir ro/ / 'di rnams kyi rang bzhin ni rab gtum ma dang / gtum mig ma dang / 'od ldan ma dang / sna chen ma ste thugs kyi 'khor lo'i gnas kyi mkha' 'gro ma rnams so/ /de la dbang po rnams ni du zhe na/ lnga'o/ /lnga gang zhe na/ dad pa dang / brtson 'grus dang /dran pa dang / ting nge 'dzin dang / shes rab po/ /de la sbyor ba'i lam du nges par 'byed pa'i cha dang mthun pa'i chos bzhi po dro bar gyur pa dang / rtse mor gyur pa dang / bzod par gyur pa dang / 'jig rten pa'i chos kyi mchog rnams so/ /de la byang chub sems dpa' zag pa med pa'i ting nge 'dzin la mngon du phyogs par byas pas me'i snga ltas su dro bar 'byung ba ltar/sems las ye shes kyi me skye ba de ni dro bar gyur par brjod par bya'o/ /de nyid shin tu ba'i lhag pa'i bsam pa dang lhan cig tu gnas pa ni rtse mo'o/ /de nyid sems su bzod par byed pa'i bdag nyid ni bzod pa'o//de nyid bzod pa'i de ma thag tu 'byung ba ni 'jig rten chos mchog ste/ nye bar spyod pa las 'di ni sbyor ba dang bcas pa'o/ /de la nges par 'byed pa'i cha dang mthun pa dang po dag tu dad pa la sogs pa de rnams dbang po lngar brjod par bya'o/ / de la dad pa ni yod pa nyid dang 'jig rten las 'das pa'i lam dang / bden pa dang dkon mchog gsum la sogs pa la sems kyi yid ches pa de ni dad pa'i dbang po'o/ /dad pa'i dbang pos bskyed pa'i chos rnams la 'bad par byed pa de ni brtson 'grus kyi dbang po'o/ /de yang rnam pa bzhi ste/sngon du 'gro ba'i brtson 'grus dang / mi ldog pa'i brtson 'grus dang / so sor rtog pa'i brtson 'grus dang / sgrub pa'i brtson 'grus so/ /brtson 'grus kyis bskyed pa'i chos rnams la yang dang yang du sngon du phyogs par byas nas brjod pa med pa de ni dran pa'i dbang po'o//dran pa'i dbang pos bskyed pa'i chos rnams yid la byed pa ni tha snyad gzhan thams cad yongs su dor nas gnas par byed pa de ni ting nge 'dzin gyi dbang po'o/ /ting nge 'dzin gyi dbang pos bskyed pa'i chos rnams la yang dag par so sor rtog cing rnam par dpyod par byed pa gang yin pa de ni shes rab kyi dbang po'o//ci'i phyir dbang po zhes bya zhe na/ dge ba'i chos rnams rab tu 'byung ba nyid kyi phyir dbang po ste/ kun nas nyon mongs pa dang rnam par byang ba'i phung po lnga rnams kyi shin tu skyed par byed pa'o/ /shes rab kyi dbang po dor nas dpa' bo'i blo can ma dang /mi'u thung ma dang / lang+ka'i dbang phyug ma dang / shing grim ma ste mkha' 'gro ma bzhi rnams ni dad pa dang / brtson 'grus dang / dran pa dang / ting nge 'dzin rnams rnam par dag par shes par bya'o/ /de la stobs rnams ni du zhe na/ lnga'o/ /lnga gang zhe na/ sngar bshad pa'i dad pa la sogs pa rnams kho na'o//dbang po dang stobs la sogs pa rnams kyi byed pa tha dad pa yin nam ci zhe na/ smras pa/ gang gi tshe dad pa la sogs pa rnam par 'gyur ba de ni/ dbang po'i zol la brten nas 'gyur te/ gang gi tshe mi mthun pa'i phyogs ma dad pa dang / le lo dang / brjed nges pa dang / rnam par g.yengs shing skye ba'i gnas yid la byed pa dang / shes rab 'chal bas mi brdzi ba ni stobs su 'gyur ro zhes pas byed pa tha dad pa'o/ /sngar gsungs pa'i shes rab kyi dbang po dang bcas gsung gi 'khor lo'i sa srung ma dang / 'jigs byed chen po dang /rlung shugs ma dang / chang 'thung ma dang / lha mo sngo bsangs ma dang / shin tu bzang mo rnams rnam par dag par shes par bya'o/ /de la byang chub kyi yan lag ni du zhe na/ bdun no/ /bdun gang zhe na/ ting nge 'dzin yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang / dran pa yang dag byang chub kyi yan lag dang /btang snyoms yang dag byang chub kyi yan lag go/ /yan lag 'di rnams ni mthong ba'i lam du byang chub kyi yin te/ sgrib pa med pa'i ye shes ni byang chub bo/ /gang gis bden pa mthong ba'i sems la ting nge 'dzin du byed pa de ni ting nge 'dzin yang dag byang chub kyi yan lag go/ /gang gis de kho na la 'bad par byed pa de ni brtson 'grus yang dag byang chub kyi yan lag go//gang du de kho na la the tshom med pa'i sems su byed pa de ni dga' ba yang dag byang chub kyi yan lag go/ /dga' ba de nyid kyis lus dang ngag dang sems dang las la dbang ba las nyon mongs pa'i gdung ba sbangs pa'i phyir/shin tu bsil ba thob pa de ni shin tu sbyangs pa yang dag byang chub kyi yan lag go/ /yang dag par rdzogs pa'i dngos po'i rang bzhin yongs su shes pa de ni chos rab tu rnam par 'byed pa yang dag byang chub kyi yan lag go/ /de nyid la sems kyi brjed pa med pa ni dran pa yang dag byang chub kyi yan lag go//ting nge 'dzin la mi bzod pa dang / zhen pa med pa dor ba de ni btang snyoms yang dag byang chub kyi yan lag go/ /'di rnams kyi nang nas ting nge 'dzin dang / brtson 'grus yang dag byang chub kyi yan lag gi rang bzhin ni/rta rna ma dang / mkha' 'gro gdong mar shes par bya'o zhes pa gsung gi 'khor lo'i dpa' mo rnam par dag pa'o/ /dga' ba la sogs pa lhag ma lnga rnams kyi ni 'khor lo'i shugs can ma dang / khaN+Da ro hi dang / chang 'tshong ma dang / 'khor lo'i go cha ma dang /shin tu dpa' mo'i rnams rnam par dag pa'o/ /nyon mongs pa'i sgrib pa'i gnyen po mthong ba'i lam gsungs nas/ shes bya'i sgrib pa'i gnyen po sgom pa'i lam gsungs te/ de yang 'phags pa'i lam yan lag brgyad do/ /brgyad gang zhe na/ yang dag pa'i lta ba dang /yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin rnams so/ /de la sgom pa'i lam du shes bya'i sgrib pa rang bzhin med pa'o zhes pa'i blo gang yin pa de ni yang dag pa'i lta ba ste/'jig rten pha rol yod pa nyid du lta ba yang yin no/ /lta ba de rnyed nas kyang bdag med pa la dmigs pa ni yang dag pa'i rtog pa'o/ /rang gis mthong ba'i don sems can rnams la rab tu gsal bar ston pa ni yang dag pa'i ngag go//mtha' gcig tu dge ba ni lus kyi las kyi mtha' yin la/ rdzu 'phrul la sogs pa rnams kyis 'dul bar bya ba'i phyir du pha rol skrag par byed pa yang yang dag pa'i las kyi mtha'o/ /bsam gtan gyi kha zas tsam dang chos gos la sogs pa tshol ba gang yin pa de ni yang dag pa'i 'tsho ba'o//spyod lam thams cad du rang gi sems dang lus dang ngag dang sems kyi tha snyad dang mthun par sbyor ba ni yang dag pa'i rtsol ba'o/ /yang gsungs pa/ spyod pa la zhugs rgyal sras dbang po yi/ /yul du sna tshogs ji lta ji ltar 'jug / de lta de ltar rig pa mthu tshig gis/ /sems can phan phyir mngon par 'du byed do/ /zhes so/ /sgom pa'i lam du dmigs pa ma brjed pa ni yang dag pa'i dran pa'o/ /der rtse gcig pa'i sems ma g.yos pa rdo rje lta bu'i ting nge 'dzin gyi mtshan nyid ni yang dag pa'i ting nge 'dzin te/kun du 'od kyi sa'i bar du gsal bar 'gyur ba gang yin pa'o/ /de la dang po gsum gyis ni/ /stobs chen ma dang / 'khor los sgyur ma dang / brtson 'grus chen mo rnams rnam par dag pa'o zhes sku'i 'khor lo'i rnam par dag pa'o/ /yang dag pa'i las kyi mtha' ni khwa gdong ma dang /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma'o zhes pa ni sgo skyong ma rnam par dag pa'o/ /yang dag pa'i ting nge 'dzin ni bcom ldan 'das dpal he ru ka rdo rje ste ye shes kyi pad+ma'i lte ba rnam par dag pa'o//dge ba'i chos ma skyes pa rnams skyed pa'i phyir la sogs pa ni gshin rje brtan ma la sogs so zhes pa ni/ dam tshig gi 'khor lo'i mtshams kyi lha mo rnam par dag pa'o/ /byang chub kyi phyogs kyi chos sum cu rtsa bdun po 'di rnams kyi rab tu dbye ba ni/rdzas su na/ de rnams dbang po lnga dang / stobs lnga'i gnas skabs kyis bsdus shing 'gyur ba yin te/ dran pa nye bar gzhag pa ni dran pa'i stobs sam/ dran pa'i dbang po'o/ /rdzu 'phrul rkang pa rnams ni shes rab bam brtson 'grus kyi stobs su'o/ /yang dag par spong ba rnams ni brtson 'grus su'o//ting nge 'dzin gyi stobs ni ting nge 'dzin yang dag byang chub kyi yan lag tu'o/ /brtson 'grus kyi stobs ni brtson 'grus kyi byang chub kyi yan lag tu'o/ /shes rab kyi stobs ni chos rab tu rnam par 'byed pa byang chub kyi yan lag tu'o//dran pa'i stobs ni dran pa yang dag byang chub kyi yan lag tu'o/ /dad pa'i stobs ni brtson 'grus yang dag byang chub kyi yan lag tu'o/ /byang chub kyi yan lag rnams lam gyi yan lag brgyad du bsdus pa 'di lta ste/ yang dag pa'i dran pa dang ting nge 'dzin dag ni dran pa dang ting nge 'dzin gyi byang chub kyi yan lag tu bsdus shing son pa'o//brtson 'grus yang dag byang chub kyi yan lag ni yang dag pa'i rtsol bar ro/ /chos rab tu rnam par 'byed pa yang dag byang chub kyi yan lag ni yang dag pa'i lta bar ro/ /yang dag pa'i ngag dang / las kyi mtha' dang /'tsho ba ste tshul khrims dag pa'i las gsum po dang / de bzhin du yang dag pa'i lta ba dang / yang dag pa'i rtog pa dang / yang dag ba'i rtsol ba dang / yang dag pa'i dran pa dang / yang dag pa'i ting nge 'dzin rnams ni byang chub kyi yan lag lnga rnams las te/ shin tu sbyangs pa yang dag byang chub kyi yan lag dang /btang snyoms yang dag byang chub kyi yan lag ste/ yang dag par bsdus na dngos po bcur 'gyur ba yin no/ /de rnams kyang tshul khrims dang / ting nge 'dzin dang / shes rab kyi stobs te gsum po rnams su bsdus pa yin no/ /de la yang dag pa'i ngag dang /las kyi mtha' dang / 'tsho ba ni tshul khrims dag pa'i las yin la/ yang dag pa'i rtsol ba ni tshul khrims dag pa'i las kyi 'bras bu ste tshul khrims kyi phung po'o/ /yang dag pa'i lta ba dang / yang dag pa'i rtog pa dang / shin tu sbyangs pa yang dag byang chub kyi yan lag dang /btang snyoms yang dag byang chub kyi yan lag ste bzhi rnams ni shes rab kyi phung po'o/ /yang dag pa'i dran pa dang / yang dag pa'i ting nge 'dzin ni/ ting nge 'dzin gyi phung po'o/ /tshul khrims dang / ting nge 'dzin yang shes rab kyi mthar thug par 'gyur ba yin te/ shes rab kho na chos rnams kyi rtogs pa po'o zhes pa'i rigs pa la'o//de ltar na sum cu rtsa bdun po ni bcu rnams kyis dang / bcu rnams ni gsum gyis dang / gsum rnams ni gcig gis yang dag par bsdus so zhes khong du chud par byas pa yin no/ /'di skad du gsungs pa yin te/ / 'dir sngar gsungs pa'i yang dag par rig pa'i rang bzhin gyi mkha' 'gro ma'i rnam pa'i rtsa spyi bo la sogs pa nas pus mo'i gnas kyi mthar thug pa dang lte ba'i 'khor lo'i nang gi bzhi ste/ sum cu rtsa bdun te/ sgo brgyad po rnams dang / brgyad po'i dbus kyi a wa d+hU tI'i rang bzhin gyi lus kyi gnas rnams la yang dag par brten pa'i rtsa dgu dang /dbus kyi rtsa bcu rnams su yang bsdus shing son pa yin la/ bcu po bcu po de rnams la la nA la sogs pa gsum du dang / de yang dbus ma'i rtsar ro/ /de ltar na dbus kyi a wa d+hU tI ni/ rdo rje phag mo'i rang bzhin no//de las rtsa'i tshogs thams cad gsal bar 'gyur bas na de kho na la brten par 'gyur ba yin no/ /'di rnams kyis ni kun rdzob dang / don dam pa'i dngos po gnyis gsal bar byas pa yin te/ de nyid zung 'jug gi lam gsal bar byas pa yin no/ /ji skad du gsungs pa/ ji ltar chu 'dzin du ma ni//dbyibs dang kha dog sna tshogs can/ /nam mkha'i khongs su byung nas ni/ /de nyid du ni thim 'gyur ba/ de ltar snang ba gsum po yi/ /rgyu can rang bzhin thams cad yin/ /yul rnams kun la zhugs nas kyang / /'od gsal bar ni 'jug par 'gyur/ / zhes pa dang / de bzhin du gzugs kho na stong pa nyid dang / stong pa nyid kho na gzugs so zhes bya ba la sogs pa gsungs pa'i phyir dang / kun rdzob las ni logs shig tu/ /don dam pa ni su zhig smra/ /zhes gsungs pa'i phyir ro/ /'di dag gis ni kun rdzob dang don dam pa dag so sor 'byed cing /mngon par zhen pa nyid las/ zhi ba dang / tshangs pa dang / grangs can gyi skyes bu la sogs par smra ba'i gzhan gyi sde pa dang / rnam pa med par khas len zhing smra ba la sogs pa'i rang gi sde pa yang sel bar byed par 'gyur ro zhes pa spros pas chog go//dkyus ma brjod par bya ste/ de ltar 'di rnams nang du rtsa'i rang bzhin dang / phyi rol du ni zhal dang sku mdog dang / phyag dang / dbyibs dang / mtshon cha la sogs pa 'dzin pa ste/ sems can gyi bsam pa'i dbang la brten nas dkyil 'khor gyi 'khor lor rnam par gzhag pa dang /pul+lI ra la sogs pa'i gnas rnams su/ zhing skyes ma'i gzugs kyis rjes su 'dzin par mdzad pa rnams rol bar byed cing / dga' bar byed la/ rab tu rgyu bar byed do/ /de bzhin du nang du yang / de rnams kyi zhal la sogs pa yod de/ rtsa thams cad nyid bde ba chen po'i 'khor lo las byung nas rdo rje dang chu skyes kyi mthar thug pa na zhal du rab tu gsal bar 'gyur la/de'i myu gu rnams ni so so'i phyogs mang po rnams so/ /khams kyis gtsos pa las sku mdog dang ldan pa ste/ de ltar yang so dang sen mo ni dkar po dang / skra dang ba spu ni nag po dang / pags pa'i dri ma ni dmar nag dang / sha ni dmar po'i mdog dang / chu rgyus rnams ni dkar po dang / rus pa'i phreng ba ni dkar po dang / mchin pa ni shin tu nag po dang / snying ni dmar dkar dang / mig dag ni dkar po dang / nag po dang / mkhris pa ni ser po dang / glo ba ni dmar po dang / rgyu ma dang gnye ma ni dkar po dang / lto ba ni sngo bsangs dang / bshang ba ni ser po dang / mtshams mtha' ni dmar dkar dang / bad kan ni dkar po dang / rnag ni zla ba ltar dkar ser dang / khrag ni dmar po dang / rdul ni me'i kha dog dang /tshil bu ni dkar po dang / mchi ma ni mu tig gi 'bras bu ltar dkar ba dang / mchil ma ni gnag cing dkar ba dang / ngar snabs ni ser po dang dkar po'o zhes pa ni kha dog gi dbye ba'o/ /'di rnams kyi dbyibs ni/ 'khyog po'i gzugs nyid kyis g.yon dang g.yas su rab tu rgyu bas gnas pa ste/g.yas brkyang ba la sogs pa'i gzugs su grub pa'o/ /mtshon cha 'di rnams kyi gri gug dang thod pa rnam par dag pa ni rnam par rtog pa'i dri ma 'byed par byed pa'i lhan skyes kyi rang bzhin du shes par bya'o/ /'dir tshigs su bcad pa/rnam rtog dri ma rnam gcod pa'i/ /yang dag myong ba'i bdag nyid thob/ /gzung dang 'dzin las nges par grol/ /lhan cig skyes dkar nges pa'o/ /reg pa tsam gyis 'jig rten la/ /sangs rgyas 'bras bu nyid sbyin byed/ /mkha' 'gro ma sogs bcur bshad pa'i/ / 'khor lor son slad rtog pa ni/ /mi phyed la sogs rang bzhin gyis/ /dus kun du ni 'gro la gnas/ /khams kyi rang bzhin dpa' bo che/ /nyi shu rtsa bzhi yang dag ldan/ /rang lus dbus son rtsa rnams ni/ /dpa' mo yin na gal te 'dir/ /ji ltar rmongs shing 'khrul par gyur//pul+lI ra sogs gnas rigs na/ /phyi rol yongs su dor 'gyur te/ /sgom pa de ltar 'khrul pa yin/ /nang gi rnal 'byor ldan pa las/ /rnal 'byor pa rnams thar pa 'thob/ /zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las//rgyas par bstan pa bdun pa'i rgyas par bshad pa'o// //da ni phyi rol gyi dkyil 'khor dang / mchod sbyin dang / bzlas pa dang / sbyin sreg la sogs pa nang du gzhag pa de rnams rab tu gsal bar bya ba'i phyir/ de nas gang yang rung zhes bya ba la sogs pa gsungs te/'di rnams kyang sngar brjod pa nyid kyi phyir go sla'o/ /de la lus kho na dkyil 'khor du rtogs par bya ste/ lus kyi dkyil 'khor zhes bya bar 'brel lo/ /ji lta bu zhe na/ byang chub che zhes bya ba la sogs pa ste/ byang chub kyi phyogs kyi chos sum cu rtsa bdun rnam par dag pa rnam par gzhag pa'i rtsa gang yin pa 'di rnams ni rnam pa de nyid kyis ye shes dang /thugs dang gsung dang sku dang dam tshig gi 'khor lor gnas pa'i mkha' 'gro ma la sogs pa rnams su rnam par gzhag go zhes brten pa'i dkyil 'khor gyi rnam par dag pa gsungs pa yin no//de su'i rgyu yin zhe na/ 'di ni rnam par rtog pa med cing dmigs pa med pa sgrib pa med pa'i rang bzhin gyi mkha' 'gro ma'i yin no zhes brjod par bya ste/ DI ni nam mkhar 'gro ba ste/ sangs rgyas dbyings su rab tu brtags/ /nam mkha' kun rgyu'i dngos grub rnams//mkha' 'gro ma zhes brjod par bya/ /zhes gsungs pa'i phyir ro/ /ye shes lnga'i nam mkha' chen po la rgyu ba ni rtsa rnams te/ de'i phyir de nyid ni mkha' 'gro ma zhes brjod par bya ste/ de la reg pa las gnyis ka la rnam par mi rtog pa'i de kho na nyid 'char ba'i phyir ro//brten pa'i dkyil 'khor gsungs nas/ lus kyi dkyil 'khor zhes bya ba la sogs pas rten gyi dkyil 'khor gsungs te/ de la lus kho na dkyil 'khor te/ thugs dang gsung dang sku'i dkyil 'khor gyi rtsa dang / khams kyi rang bzhin/ rnal 'byor ma dang dpa' bo rnams kyi rten nyid yin pa'i phyir ro//de nyid kyi phyir nyams dga' ba ste/ phyi rol gyi rdul tshon la sogs pa la ltos pa med pa nyid kyi phyir ro/ /phyi rol gyi dkyil 'khor la sgo bzhi yod pa ji lta ba bzhin du nang du yang yin no zhes bstan pa'i phyir bshad pa/ de la lus kyi dkyil 'khor gyi sgo bzhi rnams ni/mig dang / rna ba dang / sna dag dang / khar brjod pa rnams so/ /yang na ji skad gsungs pa'i zhes pa/ sngar gsungs pa ji lta ba bzhin gyi sgo gsum po rnams kyi cha shas las bzhir 'gyur te/ g.yon dang g.yas kyi rtsa ni thugs kyi sgo ste dang po'o//bdag gi gdan la sogs pa bzhi ni gsung gi sgo ste gnyis pa'o/ /dgu'i bdag nyid can sku'i sgo ni 'og dang steng gi dbye bas rnam pa gnyis so/ /de ltar sgo bzhi la brten pa'i ka ba gnyis gnyis dang ldan pa nyid kyi phyir ka ba brgyad do/ /nang gi mig la sogs pa'i rtsa'i ka ba rnams dang ldan pa'o//ji ltar phyi rol gyi dkyil 'khor gru bzhi pa yin pa de bzhin du mnyam pa'i dngos pos lus kyi dkyil 'khor yang gru bzhir shes bar bya'o/ /gang las she na/ mnyam pa nyid de/ 'di ni lus 'di ji lta ba bzhin te/ rkang pa'i 'og nas gtsug tor gyi mthar tshad dang ldan pa de bzhin du lag pa brkyang pa na yang tshad de kho na'o//phyi rol gyi dkyil 'khor ni thugs dang gsung dang sku'i bdag nyid can gyi 'khor lo gsum la nyi shu rtsa bzhi ste gzhan no/ /de bzhin du nang du yang thugs dang gsung dang sku'i rtsa rnams kyi rten du gyur pa spyi bo la sogs pa nas phyin pa'i mthar thug pa'i gnas nyi shu rtsa bzhi'i bdag nyid can gyi 'khor lo gsum dang ldan pa'o//mgo bo'i ri bo'i ze'u 'bru la/ /zhes bya ba la sogs pa ni mdor bstan pa ste/ de yang rlung la sogs pa'i dkyil 'khor bzhi po'i steng du gnas pa'i ri rab kyi rtse mo la gnas pa'i sna tshogs pad+mar bshad cing khong du chud par bya bzhin pa de kho na bzhin du nang du yang lus kyi dkyil 'khor la dkyil 'khor gyi mtshan ma ni/bla ma'i man ngag las rtogs par bya'o/ /rkang mthil du ni gnas pa'i rlung / /zhes bya ba nas brtsams te/ mi gsal gsal ba'i gzugs can gyis//zhes bya ba'i mthar thug pas dkyil 'khor gyi mtshan ma'i de kho na nyid rgyas par gsungs pa bshad par bya ste/ rkang pa'i mthil du ste rkang pa'i 'og go/ /der rlung gnas pa ste gzhu'i rnam pa nyid kyis khyad par du 'phags pa las brtsams pa nyid kyi phyir de nyid bai ram+b+ha'o//rang gi don la an te bai kri ta lta bu'o/ /rkang pa'i gnas kyi bdag nyid can gyi bya ba ni be+e ram+b+ha zhes brjod par bya ste/ 'dis ni rlung gi dkyil 'khor gyi byed pa po'i dbyibs kyang gsungs pa yin no/ /de'i steng du yang yin pa sum mdo'i phyogs te/ rked pa'i cha'o/ /der bud med dang skyes pa dag gi/rak+ta dang nor bu grol ba nyid las me'i dkyil 'khor gru gsum pa'i rang bzhin gyis 'bar ba rnam par gnas so/ /de'i steng du sngags kyi phreng ba zlum po zhu zhing sbyor ba las chu'i dkyil 'khor te/ lto ba'i phyogs su rang bzhin gyis gnas so/ /de'i steng du snying gar gru bzhi pa gser lta bu'i sa'i dkyil 'khor yod de/de'i steng gang yin pa mgrin pa'i cha ni/ rnam grangs gzhan du na sgal tshigs te/ de nyid ni ri rab tu shes par bya ste/ mig la sogs pa'i rtse mo brgyad dang ldan zhing / de'i 'dab ma bzhi po rin po che'i rang bzhin yin pa'i phyir ro//ri rab gang yin pa 'di las mgo bo'i dbus der mi phyed ma la sogs pa'i rtsa sum cu rtsa gnyis po de nyid ni sna tshogs pad+mar te/ bcom ldan 'das kyi gdan du shes par bya'o/ /de'i nang du A li dang kA li dbyangs dang gsal byed kyi bdag nyid can byang chub kyi sems sum cu rtsa gnyis kyi god bu klad pa nyid ni zla ba'i dkyil 'khor te/bcom ldan 'das kyi khyad par gyi gdan no/ /gdan rnams rang bzhin gyis grub pa ni bye brag gi rgyud kha cig tu ma gsungs par rtogs par bya'o/ /rnam par dag ba'i de kho na nyid ni thams cad kyi tshe smra bar bya ba ma yin pa'i de kho na nyid yin pa'i phyir/gang zag gi mos pa'i dbang las gang na rnams su rab tu phye ba yin no/ /de nyid kyi phyir 'khor lo gsum du gnas pa'i dpa' bo dang rnal 'byor ma rnams la kha cig tu zla ba'i gdan dang / kha cig tu nyi ma'i gdan no zhes khong du chud par bya'o//de yi dbus su zhes pa la sogs pa la/ /de yi ste klad pa'i dbus su gzhom du med cing 'gyur ba med pa haM gi yi ge ste/ zhu'i bdud rtsi rgyas pa las thig le'i tshor ba bsil ba ni thig le zhes brjod par bya'o/ /de ni brtan pa dang / g.yo ba'i bdag nyid dngos po thams cad du 'gyur ba nyid kyi phyir rdzogs shing rab tu gnas pa'i gnas rnams kyi de nyid sa bon gyi gzugs kyis gsal zhing /don dam pa'i byang chub kyi sems kyi gzugs kyis ni mi gsal ba'o/ /de nyid kyi phyir/ kun gyi ste/ rkang med dang / rkang gnyis dang / rkang bzhi dang / rkang mangs dang / sgong skyes dang / mngal skyes dang / drod gsher skyes dang / rdzus skyes dang / dud 'gro dang / yi dags dang / dmyal ba dang / lha dang / lha ma yin dang / mi rnams kyi'o/ /lus can rnams kyi lus ni/ dang po de kho na las skyes pa yin te/ pha dang ma snyoms par zhugs pa'i dbang gis gzhan gyi tshe na/bdun rtsi kho na zhu bzhin pa rnam par gnas pa yin no/ /de nyid ni bcom ldan 'das he ru ka'i rang bzhin te/ chos nyid yin pa nyid kyis chos rnams la khyab pa na/ sangs rgyas 'byung ba dang mi 'byung ba na yang de gnas pa nyid kyi phyir ro/ /chos thams cad ni/ gdod ma nas ma skyes pa nyid kyi phyir rten cing 'brel bar 'byung ba yin pa nyid kyis/'byung ba'i dngos po 'di rnams nyid kyis 'gog pa grub pa yin te/ 'dir ni 'ga' yang skye ba med/ /'ga' yang 'chi ba yod min te/ /sems kyi rang bzhin rnam pa ni/ /'khor bar gnas par shes par bya/ / zhes gsungs pa'i phyir ro/ /skye ba dang 'gag pa'i rnam par rtog pa yang dngos po nyid la dmigs pa ma yin la/ snang ba la dmigs pa yang sgyu ma dang mtshungs pa nyid kyi phyir/ dngos po thams cad ni skyes par smra bar mi bya ste/ ma skyes shing ma 'gag par shes par bya'o/ /thabs dang shes rab snyoms par 'jug pa gsungs pa/de nyid kyis te bde ba chen po'i 'khor los rang gi lus kyi dkyil 'khor gyi steng du'am/ dkyil 'khor ba'i rang bzhin gyi ye shes kyi me dga' bar byed pas na'o/ /nA da ni sprul pa'i 'khor lo'i ze'u 'brur gnas pa'i a yig ste/ 'byed par byed pa ni rang gi gnas las g.yo ba'i rang bzhin nyid kyis song ste/ bdud rtsi'i chu 'thung ba la sred pa nyid kyi phyir 'khyog por byas nas rtsa ba nas 'byin par byed do zhes bya ba'i don to/ /yang smras pa/ nA da yi ge kun gyi ste/ /byed pa gcig nyid thob pa na/ /gang phyir ngag tshig rab dbye bas//lte ba'i phyogs su rnam par gnas/ /rlung dang nye rlung 'khor lo yi/ /ldang sogs bya ba la brten nas/ /rengs pa la sogs rang bzhin gyis/ /'jug cing gzhan pa nyid la brten/ /dbu ma'i rang bzhin rnam pa bcu'i/ /de nyid brten par brjod par bya/ / bsrub bya srub byed sbyor ba las/ /de ni bde chen byed pa'o/ /gyen du 'bar ba'i rnal 'byor gyis/ /phung sogs dbang po sreg par byed/ /bskal ba'i me gzugs nyid 'di ni/ /kun gyi sdud dang byed po yin/ /zla ba thig le'i rang bzhin gyis/ /'gro ba dga' bar byed pa po/ /bde chen 'khor lo chen por ni//gzhom med yi ge'i gzugs 'chang ba/ /kha ba'i 'od dang mtshungs pa yi/ /byang chub sems las byung ba'i 'od/ /spros te rin chen 'khor lo'i mthar/ /'dzag par byed cing rnam par gnas/ /de nyid srog chags rnams kyi srog /de nyid mchog gi yi ge ste//de nyid kun la khyab ste 'di/ /lus kun la ni rnam par gnas/ /'dis ni nA da 'phel byed de/ /dga' ba'i gnas [(]gyi [,]kyi [)]cha ru 'gyur/ /de nyid dpyid kyi thig le yi/ /rnal 'byor du ni brjod par bya/ /zhes so/ /de'i phyir de gnyis kyis gdan bzhi'i bdag nyid can gyi dkyil 'khor ram/sprul pa la sogs pa'i dkyil 'khor tshogs par bshad par gyur pa yin te/ phyi rol du yang dkyil 'khor gyi gtso bo rang 'dra dang bcas pas dkyil 'khor yongs su rdzogs par 'gyur pa yin gyi/ gzhan du ni ma yin no/ /de nyid dkyil 'khor zhes bya ba la sogs pas rten gyi dkyil 'khor gyi nges pa'i tshig gsungs te/snying po ste rtsa dang khams dang dpyid dang thig le'i rang bzhin gyi mkha' 'gro ma dang dpa' bo dang dpal he ru ka dang rdo rje phag mo'i rang bzhin yang dag par 'dzin pa'i phyir na/ lus kho na dkyil 'khor du brjod par bya'o//maN+Da ni nye ba'i tshig ste/ len pa'i don las/ la ti la Da'i rkyen byas pa las so/ /rtsa chen sum cu rtsa bdun zhes bya ba la sogs pas nang gi bdag nyid kyi rnam par dag pa gsungs te/ byang chub kyi phyogs kyi chos sum cu rtsa bdun po gang yin pa 'di rnams ni rig pa dang bcas pa'i rang bzhin te/de rnam par dag pa las/ sngar gsungs pa'i rtsa'i 'khor lo kho na dkyil 'khor ro/ /byang chub kyi sems zhes bya ba la sogs pas dpa' bo'i rnam par dag pa gsungs te/ byang chub kyi sems 'dzag pa'i khams kyi rang bzhin nyi shu rtsa bzhi po de nyid ni rin thang med pa nyid kyi phyir/rin po che ste lha mo'i 'khor lo'i dkyil 'khor ro/ /dkyil 'khor de'i snying po 'dzin par byed pa ni dpa' bo'i dkyil 'khor te dkyil 'khor rnam pa gnyis so/ /phyi rol du ni gru bzhi pa la sogs pa yin la/ nang du snying ga'i dkyil 'khor ni 'khor lo gsum la sogs pa'o/ /'dir phyi rol du spyi bo la sogs pa ni dzA lan+d+ha ra la sogs pa yin la/ nang du ni rtsa dang khams kyi rang bzhin no/ /dkyil 'khor 'di rnams kyang 'di nyid gcig pu'i ma yin gyi/ sna tshogs pa'i 'gro ba lnga po 'di rnams kyang de'i dkyil 'khor du shes par bya'o//de gsungs pa ni/ sna tshogs khyab cing rnam par gnas/ /zhes pa'o/ /yang na phyi rol gyi dkyil 'khor du gzugs dang sgra la sogs pa rnams kyis te mchod pa de rnams kyis nang gi dkyil 'khor mchod par bya'o/ /nang du bum pa ni ka pA la'i nang du bdud rtsi lnga rnams bde ba'i mchod pa'i slad du rig par bya'o//'dir phyi rol du gzugs la sogs pa 'dod pa'i yon tan lnga rnams kyis dbang po'i sgo rnams mchod par bya la/ nang du ni grub pa ste rang bzhin gyis grub pa'i rdzas nam mkha' lngar 'dzag pa'i rdzas rnams su gnas pa'o//don de ni/ phyi rol du ni gzugs sgra sogs/ /zhes bya ba la sogs pas gsungs so/ /phyi rol du sbom po dang phra mo ni dam tshig sbyin pa'i slad du slob ma rnams la ston par byed do/ /'dir ni sbom po dang phra mo'i dbye bas tha dad pa'i byang chub kyi sems rdo rje 'dzin pas/ 'gro ba thams cad sangs rgyas nyid du sgrub par byed pas na/sangs rgyas nyid dang byang chub sems dpa' nyid kyang dam tshig ste sbyin zhing shar ba'i rgyu mtshan gyis dkyil 'khor 'di kho na las go 'phang thob par 'gyur ro/ /don 'di ni sbom po dang phra ba la brten nas gsungs pa yin te/ de la sbom po ni khams nyi shu rtsa bzhi rnams dang /phra ba ni byang chub kyi sems so/ /yang na sbom po ni sgo las byung ba'i dri ma'i rdzas rnams dang / phra mo ni byang chub kyi snying po zhu bar byed pa'o/ /yang gsung ba/ sbom dang phra ba'i rab dbye bas/ /dngos por rtogs pa rnam pa gnyis/ /rags pa'i rdzas ni rnam dgu ste//phra mo'i tshil bu grub pa'i rdzas/ /gzhan pa zhu byed rdzas dbye bas/ /zhes so/ /phyi rol gyi dkyil 'khor gyi gtso bos sems can gyi don du nyan thos dang / rang sangs rgyas dang / yang dag par rdzogs pa'i sangs rgyas dang / tshangs pa la sogs pa sprul par byed la/nang du ni 'dzag par byed do zhes pas sgo dgu po rnams ni/ nyan thos dang mig la sogs pa'i sgo rnams ni rang sangs rgyas te/ 'dus ma byas pa nyid kyi phyir ro/ /dga' ba la sogs pa rnams ni yang dag par rdzogs pa'i sangs rgyas yin la/ lus dang ngag dang sems rnams ni tshangs pa la sogs pa rnams so//'di rnams thams cad dkyil 'khor de nyid las rdzogs par 'gyur ro zhes pa dkyil 'khor gyi nges pa'o/ /nang gi khu ba la sogs dang / /zhes bya ba la sogs pas phyi dang nang gi bdag nyid can gyi sbyin sreg gsungs te/ 'dir phyi rol du til brdung ba'i slob dpon rnams kyi dam tshig gi me'i kha nas ye shes kyi me tshim par byed pa de kho na bzhin du gzugs la sogs pa'i yul rnams kyis dang /so sor sdud pa dang bsam gtan dag dang snyoms par 'jug pa las skyes pa'i khu ba la sogs pa rnams kyis phung po la sogs pa'i sangs rgyas dang de'i sras kyi dkyil 'khor tshim par bya'o//shes rab kyi me ni gtum mo ste/ 'bar zhing rno ba nyid kyi phyir ro/ /bsreg cing 'bar ba'i phyir 'di ni sbyin sreg tu shes par bya'o/ /skye mched drug dang khams rnams dang / /zhes bya ba la sogs pas mchod pa gsungs te/'dir sngar bshad pa'i tshul gyis phung po la rnams ni mkha' 'gro lnga dang / skye mched drug ni 'khor los sgyur ba drug dang / khams rnams ni thod pa'i dum bu la sogs pa bzhi rnams dang / rtsa sum cu rtsa drug rnams ni ye shes kyi lha mo dang mkha' 'gro ma rnams so//de ltar lha la sogs pa'i gzugs can 'di rnams kyi shes rab dang thabs gnyis po sbyor ba las mchod sbyin gang yin pa de ni mchod par shes par bya'o/ /yang gsungs pa/ rang bzhin med pa'i gnas bsgoms pas/ /lha yi gzugs su bsgom de ni//mchod pa chen po'i mchod pa ste/ /sangs rgyas kun gyi sgrub pa'i thabs/ /zhes so/ /'di nyid ni/ de yis de rnams mchod pa'i phyir/ /zhes gsungs pa yin no/ /spyi bo yi ni thod pa ni/ /zhes bya ba la sogs pas sngar bshad pa'i sbyin sreg gi yan lag rnams gsungs te/spyi bo'i thod pa gang yin pa 'di rnams ni mgo bo'i thod pa ste/ de nyid zla ba'i bsreg rdzas rnams kyi gzhir gyur pa nyid kyi phyir bsreg rdzas kyi snod yin gyi gzhan ni ma yin no/ /de bzhin du g.yon dang g.yas su son pa'i la la nA dang ra sa nA ra 'og tu rdzas zhu ba 'bab pa'i phyir go rims bzhin du dgang gzar dang blugs gzar du shes par bya'o//sprul pa'i 'khor lo lte ba'i dkyil 'khor ni me thab ste/ der me lhung ba'i phyir ro/ /bsrub bya dang srub byed yang dag par sbyor ba las/ las kyi ched du gang du 'byung ba ni tshangs pa'i me ste/ /de ni sum mdo dang de las 'og tu gsang bar gru gsum du 'bar ba yin no//rang bzhin gyis zhes pa ni tshig gi lhag ma'o/ /phyi rol du yang tshangs pa'i me ni zhi ba can la bstod par byed do/ /de yang gtsub shing gtsubs pa las byung bar gyur pa'o/ /sbyin sreg brjod nas/ nA da sngags zhes brjod par bya//zhes bya ba la sogs pas bzlas pa gsungs te/ gang 'di ni sngar gsungs pa'i lte ba'i gnas las 'thon pa'i phyir srog gi rlung ste/ de nyid ni sngags thams cad kyi rgyu yin pa nyid kyi phyir sngags zhes brjod par bya'o/ /de nyid kyi 'jug pa la sogs pa'i rim pa gang gi tshe 'khor mor yin pa de ni bzlas pa zhes brjod par bya ste/de nyid kyi phyir rang bzhin gyis bzlas pa 'di ni 'jig rten thams cad kyi thun mong bar gsungs so/ /yang gsungs pa/ /gang yang khams gsum sems can rnams/ srog dang rtsol ba la brten nas/ /gsang sngags rgyal po zlos bzhin du//mi shes bsam gtan bsam bya spangs/ /zhes so/ /bzlas pa gsungs nas/ dkyil 'khor gnyis med rnal 'byor gyis/ /zhes bya ba la sogs pas sgom pa gsungs te/ phyi rol du ni sku dang gsung dang thugs rnams la dmigs nas rnal 'byor pa rnams kyi so sor snang ba ste nang du ni/sprul pa la sogs pa'i dkyil 'khor bzhir phyag rgya'i tshogs la sogs pa so sor snang ba de nyid bsgom pa ste/ rang bzhin med pa'i phyir dmigs pa med pa'am/ gnyis su med pa'i dkyil 'khor de nyid ni bsgom pa'o/ /yang gsungs pa/ dngos po med la bsgom pa'i dngos//bsgom pa bsgom pa min pa nyid/ /de ltar dngos po dngos med pas/ /bsgom pa dmigs su med pa'o/ /zhes so/ /lhan cig skyes pa'i ngo bo 'di/ /rgyal ba rnams kyi dkyil 'khor sogs/ /zhes bya bas nye bar bsdu ba gsungs te/ rgyal ba rnams kyi ni sems can thams cad kyi ste 'di rnams kyi dkyil 'khor la sogs pa ste/dkyil 'khor dang / sbyin sreg dang / mchod sbyin dang / bzlas pa dang / bsgom pa zhes brjod pa ni lhan cig skyes pa'i ngo bo de rang bzhin gyi gnas pa yin gyis bcos ma ni ma yin pa'o//bcos ma ni lhan cig skyes pa la bzhugs pa'i don kho na bstan pa yin te/ sems can thams cad ni rdo rje 'chang nyid do zhes pa'o/ /dkyil 'khor 'di rnams phyi rol du slob dpon gyis byin gyis brlabs pa yin na nang du su zhig gis zhes dogs pa la/ dkyil 'khor dbang po'i gzugs kyis ni//sems kyi rgyal po slob dpon no/ /zhes bya ba gsungs te/ rang rig pa'i rang bzhin nyid kyi phyir/ sems kyi rdo rje 'chang gang yin pa de ni sngar gsungs pa'i dkyil 'khor dang / mi phyed pa las khong du chud par bya ste/ de nyid ni slob dpon no/ / de ni yang dag par rig pa'i cha byad kyis rgyu ba'i phyir slob dpon zhes brjod par bya ste/ 'di nyid/ dkyil 'khor dbang po'i gzugs kyis ni/ /zhes bya bas gsungs pa yin te/ 'dir la sogs pa'i sgra phyis par blta bar bya'o/ /shin tu bstan pa gsungs te/ dkyil 'khor la sogs pa ji skad du gsungs pa thams cad ni 'di nyid du khong du chud par bya'o//gal te 'dir gsungs pa'i dkyil 'khor la sogs pa rnams ni/ dkyil 'khor gyi yo byad rnams dang / thig dang / rdul tshon dang / sa yongs su gzung ba dang / spyan drangs pa dang / bzhugs su gsol ba dang /gshegs su gsol ba dang / dkyil 'khor sgrub pa dang / mngon par dbang bskur ba dang / khrus dang / gtor ma la sogs pa rnams te/ de rnams nyid ni lus kyi dkyil 'khor du khong du chud par bya zhing / shes bar bya zhes bya ba'i tha tshig go/ /de ltar ni dbus kyi rtsa ni thig dang /rdul tshon ni khu ba dang / gcin la sogs pa rnams dang / gnas nyi shu rtsa bzhis bsdus pa'i rtsa bcu'i sa de rnams su thim pa la sogs pa'i rim pas yongs su 'dzin pa ni sa yongs su gzung ba dang / 'jug pa la sogs pa'i rim pas spyan drang ba la sogs pa rnams dang /ye shes kyi rim pa ni dkyil 'khor sgrub pa dang / rdo rje nor bu'i bum pa las pad+ma'i gdan la gnas pa'i lha dang lha mo'i 'khor lo la rgyun lhung bas mngon par dbang bskur ba dang / 'dis ni 'dzags pa lces myang ba ni gtor ma'o zhes rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las rgyas par bstan pa brgyad pa'i rgyas par bshad pa'o// //gang gong du sngags bzlas par gsungs pa'i sngags 'di ni ci zhig ce na/ de lta bu khong du chud par bya ba'i phyir/de nas zhes bya ba la sogs pas rgyas par bstan pa dgu ba gsungs te/ gang yang rung zhes bya ba ni/ gang zhig su yang rung ba'i sems can gyis rang bzhin gyis grub ba'i sngags ni btu ba ste/ de las sngags thams cad rab tu skye'o zhes khong du chud par bya'o//de la phyi rol du dkyil 'khor gru gsum pa bris te/ de'i nang du pad+ma 'dab ma brgyad pa'i ri mo byas nas/ de'i dbus kyi lte ba la a yig go/ /'dab ma rnams la brgyad brgyad kyi dbye bas A li dang kA li bkod pa'i bzhi pa dang / lnga ba la sogs pa'i rim gyis lnga ba'i lnga ba la sogs pa'i spros pas rtsa ba'i sngags btu bar bya'o//nang du ni gru gsum pa gang yin pa 'di rnams ni/ rtsa ba'i dbus kyi rtsa ba brgyad po A li dang kA li dang bcas pa'i dbus su gnas pa'i a yig ni bcom ldan 'das yi ge dang tshig dang ngag ma lus pa dang ngag chen po'i gzugs kyis rnam par gnas pa de nyid las yi ge rnams gsal bar 'gyur te/de rnams kyang tshig skyes bar byed pa yin la/ de rnams kyis kyang ngag dang / de rnams kyis kyang ngag chen po ste/ ji srid du 'jig rten pa'i dngos po'i dbye ba mtha' yas pa dang / chos kyi phung po stong phrag brgyad cu rtsa bzhi'o zhes pas/'di thams cad ni yi ge las rab tu skye ba gang yin pa'o/ /de yang lte ba dang gsang ba dag ni rten dang brten pa'i dngos por brjod pa de nyid kyi phyir/ sprul pa'i 'khor lo kho na sngags kyi rten yin no zhes brjod do/ /de ltar na a yig ni ris med pa ste/ a yig las rab tu byung ba'i sngags rnams ni/mthun pa'i gzugs kyis zhi ba las gos pa'i las kyi tshogs byed cing rab tu 'jug pa yin gyi rnam pa gzhan du ni ma yin te/ yongs su shes pa'i de kho na nyid ni sngags so/ /yang gsungs pa/ mchog tu mi 'gyur gcig pu pa'i/ /ngo bo nyid kyi sngags kyi ste//de yongs shes pa tsam gyis ni/ /sngags rnams 'dir ni las byed do/ /zhes pa dang / de bzhin du/ de nyid phyir na sngags rnams ni/ /yi ge'i rang gzugs su mi 'dod/ /gang phyir rtsa yang 'khyog por ni/ /byed pa tsam du mi nus so/ /zhes so/ / 'di ni/ sngags kyi gzugs kyis lus can gyi/ /las kyi tshogs ni byed pa yin/ /zhes bya bas gsungs pa yin no/ /yi ge rnams ni lnga bcu nyid/ /ces bya ba la sogs pas ni gnyis pa gsungs te/ A li rnams thabs dang shes rab kyi rang bzhin gyis gnyis nyid kyi phyir dang / de la A li'i sde tshan dor bar byas pa'i yi ge sum cu rtsa gnyis te/ra dang k+Sha dag 'og dang steng du 'god pa'i phyir na/ kA li sum cu rtsa gnyis kho na yin pa'i phyir/ drug cu rtsa bzhir yang dag par rtogs par bya la/ brten pa ni dngos su na yi ge lnga bcu rnams so/ /gzhan gyi sde pa la grags pa'i rig byed la sogs pa rig pa'i gnas bcu bzhi dang /rang gi sde pa la grags pa'i rig pa'i gnas lnga la brten nas/ a yig ni yi ge de rnams nyid kyis 'jug par byed do/ /yang gsungs pa/ dang po gcig ni dgu dbus na/ /bcu yis ma bcings gang yin pa/ /de ni bcings med shes bya gang //de nyid mchog gi go 'phang rig /dbyangs gsal yi ge rnams kyang ni/ /grangs bcu'i rjes su 'jug pa'o/ /phan tshun sbyor phyir as bcings par/ /gang gis shes te 'gro ba'i bla/ /zhes so/ /spyod pa'i rig byed yan lag bzhir/ /de yi bkod pa rgyas par te//rnying pa'i chos kyi bstan bcos su/ /rig pa bcu bzhi 'di rnams so/ /sgra dang gtan tshigs rig pa dang / /de bzhin kho nar nad dang ni/ /gso ba dang ni bzo rig gnyis/ /rig pa'i gnas ni lnga po'o/ /'di rnams thams cad ni a yig las 'byin par byed do zhes pas yi ge thams cad kyi dbang phyug ste/de dor nas de rnams 'don pa ni yod pa ma yin no/ /'di ni/ rig byed sogs su yang dag gnas/ /zhes bya bas gsungs pa yin te/ zhi ba dang drag po dang gnyis ka'i rang bzhin gyi sngags dang / phyir bzlog pa la sogs pa dang / /srung ba'i 'khor lo dang / phyi rol gyi bstan bcos dang / sngar bshad pa'i rig pa'i gnas rnams te/ 'di rnams su yi ge'i byed pa rab tu 'jug gi /gzhan du na cung zad kyang yod pa ma yin no zhes khong du chud par bya'o/ /de nyid kyi phyir/ sngags btu ba 'di ni thams cad du rnam pa mi rtog pa yin par rnal 'byor ma'i rgyud la sogs pa rnams su khong du chud par bya ste/don de ni/ gzhan du cung zad yod ma yin/ /zhes bya bas gsungs pa yin no/ /sngags 'di ni ci zhig /'khor ni su/ gnas ni gang du yin/ grangs ni ji tsam zhes dogs pa la/ a ka tsa Ta ta pa ya sha//dbus su son pa zhes bya ba la sogs pa'i gzhung gsungs te/sde pa so so las yi ge dang po blangs pa ste/ A li kA li gang yin pa ni ngag ma lus pa'i rang bzhin te rgyu yin la/ sde tshan ni brgyad du 'gyur ro/ /de nyid ni yi ge lnga bcu ste/ A li kA li rnams mnyam du byas pa las ni drug cu rtsa bzhir yang dag par rtogs par bya ste/rtsa so so la yi ge re re bsams pa las sprul pa'i 'khor lo la rang bzhin gyis grub pa'i yi ge lnga bcu po 'di rnams nyid brgyad pa brgyad kyis dbye bas tha dad pa'i 'khor lo sdom pa'i dkyil 'khor gyi lha drug cu rtsa bzhi'i rang bzhin yin te/ phyogs dang phyogs bral brgyad rnams su rnam par gnas par shes par bya'o//de rnams dbus kyi zhes bya ba la sogs pas dbus kyi gtso bo gsungs te/ A li kA li'i rang bzhin can gyi rtsa de rnams kyi dbus su mchog gi dbang phyug ste mchog gi dpa' bo dang rnal 'byor pa'i rang bzhin gyi yi ge de rnams kyi dbang phyug 'khor los sgyur ba'o//de bzhin du ma ning gi sa bon bzhi po yongs su dor nas/ a yig la sogs pa'i yi ge bcu gnyis ni bcom ldan 'das kyi phyag bcu gnyis so/ /bsregs pa'i sa bon bzhi po ni/ mkha' 'gro ma dang / lA ma dang / dum skyes ma dang / gzugs can ma rnams so//ka yig la sogs pa ha yig gi mthar thug pa/ ma yig thig les mtshan pa ni 'khor lo gsum gyi dpa' bo dang dpa' mo rnams so/ /sa la sogs pa ha yig gi mthar thug pa rnams ni khwa gdong ma la sogs pa rnams te/ k+Sha yig ni zad pa'i mkha' 'gro yin la/ dbus su a yig ni rdo rje phag mo'o/ /de'i phyir 'di ni sde tshan brgyad po 'di rnams kyis bskor ba yin la/ mchog tu mi 'gyur ba'i a yig kho na sngags thams cad kyi rgyu ste/ des na 'dis sngags 'byin par byed pa yin no/ /a yig ces bya ba la sogs pas de'i phan yon gsungs te/gdod ma nas ma skyes pa'i de kho na nyid gsal por byed pa'i phyir don chen no/ /de rnams de kho nas byed pa nyid kyi phyir/ sde tshan rnams kyi gtso bo'o/ /lus can te/ sgrub pa po rnams sam/ gang zhig sngags kyi tshig tshad mar smra ba rnams kyang de nyid las skyes shing byung ba yin no//de ltar na rang bzhin gyis sems can gyi sngags thams cad kho na'i dpung gnyen no zhes bya bar gnas so/ /gang zhig ral gri mig sman dang / /zhes bya ba la sogs pas las rab 'byams kyis dngos grub rnams kyis 'di yongs su shes pa kho na las yin gyi gzhan las ni ma yin no zhes gsungs te/ral gri dang / 'khor lo dang rin po che dang rdo rje dang pad+ma'i rig pa 'dzin pa'i dngos grub lnga po rnams ral gris nye bar mtshon pa nyid las so/ /gang gis grib ma nyams par gyur pa de ni mig sman gyi dngos grub ste gnyis pa'o/ /gang gis skad cig tsam gyis dpag tshad brgya stong du 'gro bar byed pa de ni rkang pa byug pa'i dngos grub ste gsum pa'o//gang gis sa la gnas pa'i gter mthong ba'am/ bug pa'i sgor rab tu zhugs nas lha ma yin gyi bu mo 'gugs par byed pa de ni sa 'og gi dngos grub ste bzhi pa'o/ /gang gis shin tu yid du 'ong ba'i gnod sbyin mo la longs spyod pa de ni/gnod sbyin gyi lus can ma'i dngos grub ste lnga pa'o/ /gang zhig khar bcug pa tsam gyis sangs rgyas kyi zhing thams cad du 'phur nas sangs rgyas rnams las chos nyan par byed pa de ni ri lu'i dngos grub ste drug pa'o/ /gang gis zhi ba la sogs pa'i las brgyad po sgrub par byed pa ni/'jig rten gsum gyi khongs su rgyu ba'i dngos grub ste bdun pa'o/ /gang gis rdo dang zangs la sogs pa gser du byed pa de ni dngul chu'i dngos grub ste brgyad pa'o zhes pa grub chen brgyad po rnams so/ /gzhan yang lha'i spyan la sogs pa'i mtshan nyid dang / phra ba la sogs pa'am/ sku'i dbang phyug la sogs pa 'jig rten dang 'jig rten las 'das pa rnams te/ sde tshan brgyad kyis brgyan pa'i dngos grub ste de rnams ni dbyangs dang po kho na las byung ba yin gyi so so'i spros pas de sprub pa'i 'bad pa byed pa ni ma yin no zhes gsungs pa yin no/ /gang zhig cung zad cas bya ba la sogs pa ni/sems can thams cad kyi mthar thug par son pa nyid kyis na khyab pa por bstan pa'i phyir gsungs pa yin te/ lus can rnams kyi ni rkang med la sogs pa rnams kyi ste tshig dang dbyangs gsal ba dang mi gsal ba dang gnyis ka'i bdag nyid can skyed par byed pa de ni sngags thams cad kyi gzugs kho na ste/de las skyes par gyur cing nang du son pa nyid kyi phyir ro/ /lte ba'i phyogs las 'thon pa'i bde ba chen po'i sgra'am/ gzhan du na nA da nyid sngags te/ yid skyob pa'i phyir ro/ /gsang ba'i skad kyis snyoms par 'jug pa na 'di thams cad de/ bud med dang skyes pa'i tshogs de nyid ni/ skad de kho nas rab tu dga' bar byed do/ /dbyu gu'i dbye bas rgyal bar gyur pa de nyid kyis thig le'i dbye ba 'phel bar byed do zhes pas/ de lta bu la sogs pa'i las kyi tshogs byas pa'o/ /lus can thams cad kyis sna tshogs pa'i mdud pa'i gnas chen po sprul pa'i 'khor lo las chos kyi rol pa ste/yi ge thams cad dang / tshig dang / ngag dang / ngag chen po la sogs pa rnams dang / chos kyi phung po stong phrag bcu rtsa bzhi la khyab par byed pa rnam par 'byung ste rab tu skye'o/ /dga' ba skyes pa'i dus su ni/ /sngon du gzung ba gang zhig smra//gsal dang mi gsal rang bzhin te/ /nA da 'di ni sngags su bshad/ /dga' dang khro dang rmi lam dang / /brgyal dang 'chi ba'i skad cig dang / /sad dang dga' ba'i dus su ni/ /sgra de nyid ni thos par 'gyur/ /nye bar bsdu ba gsungs pa/ sngar gsungs pa'i sngags grub pa la/sngags kha cig gi'o zhes bya ba'i nges pa yod pa ma yin na/ /gang gis na 'di sngags kyi dngos grub las mngon du ldog par byed/ bsgom pa na phul du byung ba dang phul du byung ba ma yin pa nyid las te/ gang zhig chos nyid kyi sa yi ges khyab pa de la yod pa na/ des rnam pa sna tshogs pa'i las byed pa 'di nyid ni phul du byung ba'o//don de ni/ ma skyes pa yi rang bzhin ni/ /sngags kyi sde tshan dbang phyug mchog /ces bya bas gsungs te/ gdod ma nas ma skyes pa'i dngos po thams cad kyi rang bzhin mtshon bar byed pa a yig 'di ni de'i dpe nyid kyis sngags de rnams rang gi las dang rab tu sbyor te/'bras bu dang bcas pa yin no/ /de nyid kyi phyir sde tshan dbang phyug mchog ces pa de rnams kyi bdag po nyid du byas nas te/ de rnams de'i bdag po ni ma yin no zhes pa'o/ /zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las/rgyas par bstan pa dgu pa'i rgyas par bshad pa'o// //da ni chos la sogs pa'i sku gsum gyi rang bzhin gyi 'khor lo bzhi dang / dpyid kyi thig le'i nges pa'i tshig dang / sngags las skye gnas bzhi dang / dbyangs la sogs pa'i rang bzhin rnams ni/brjod du med pa'i lhan cig skyes par khong du chud par bya ba'i phyir/ de nas zhes bya ba la sogs pas rgyas bar bstan pa bcu pa gsungs te/ de nas zhes pa ni rgyas par bstan pa dgu pa la ltos nas bar med pa'i don to/ /gang yang rung ni/ gang su yang rung ba'i ste/chos la sogs pa'i gzugs kyis ni/ sku gsum gyi rnam pas so/ /bde ba chen po'i ye shes ni lhan cig skyes pa ste/ lhan cig skyes pa rab tu bshad par bya'o zhes pa ni mdor bstan pa'o/ /sems can thams cad cad ni sku gsum ste/ lhan cig skyes pa'i rang bzhin gsum dang ldan pa kho na'o zhes bya ba 'di gsungs pa yin no//spyi bo lte bar gnas 'khor lo/ /zhes bya ba la sogs pas/ de rnams kyi gnas gsungs te/ spyi bo dang lte ba'i bar du gnas pa'i 'khor lo gnyis po gang yin pa 'di ste/ 'og tu chos 'byung gi nus pa las sa'i chos dang bcas pa'i phyir dang / steng du spyi gtsug gi pad+ma'i lte ba la yang gru gsum gyi rnam pa'i chos 'byung gi rang bzhin nyid kyi phyir de ni e'i rnam pa'o/ /de bzhin du snying ga dang mgrin par gnas pa'i 'khor lo gnyis kyang baM yig gi rnam pa ste/ baM yig lugs las bzlog pa'i rnam pa las kyang gru gsum nyid do/ / 'di skad du gsungs pa yin te/ sprul pa dang bde ba chen po'i 'khor lo gnyis ka shes rab kyi rang bzhin yin pa nyid las shes rab dang thabs kyi rang bzhin yang yin la/ de kho na bzhin du snying ga dang mgrin pa'i 'khor lo dag kyang shes rab kyi rang bzhin nyid thabs dang shes rab kyi rang bzhin yang yin te/a wa d+hU tIs thams cad la khyab pa nyid kyi phyir ro/ /lte ba'i dbus zhes bya ba nas brtsams te/ pad+ma 'dab ma brgyad du brjod/ /ces bya ba'i mthar thug pas ni/ sprul pa'i sku la sogs pa'i 'khor lo bzhi la/ go rims bzhin du 'dab ma drug cu rtsa bzhi dang / sum cu rtsa gnyis dang / bcu drug dang / brgyad rnams te/ dbyu gu dang / chu tshod dang / 'pho ba dang / thun tshod kyi rang bzhin nyid kyi phyir ro/ /ji ltar phyi rol du nyid ma rab tu rgyu bas dbyu gu la sogs par rnam par 'byed pa de kho na bzhin du nang du srog rab tu rgyu bas/ de 'khor lo la brten pa kho na ste/'di rnams ni dus kyi 'khor lo las khong du chud par byas pa yin no/ /'dab ma drug cu rtsa bzhi zhes bya ba nas brtsams te/ kun nas rnam par gnas pa'o/ /zhes bya ba'i mthar thug pas ni/ shes rab dang thabs 'ba' zhig gi dus kyi khyad par bzhi po re zhig sprul pa'i sku la sogs pa'i rang bzhin rnams su yang 'gyur ro zhes rtogs par bya ste/de la lte ba'i 'khor lo la sprul pa'i sku ste/ sems can thams cad kyi phung po dang skye mched kyi rang bzhin gyi sangs rgyas dang byang chub sems dpa' rnams skyed par byed do/ /snying ga'i 'khor lo la chos kyi sku ste/hUM yig la sogs pa'i rnam pa phung po dang khams nye bar sdud pa'i gzugs nyid kyi phyir ro/ /mgrin pa'i 'khor lo la longs spyod rdzogs pa'i sku yang ste/ 'di rnams kyis chos kyi bdud rtsi yongs su longs spyod cing sbyin pa las myang pa'i phyir ro/ /spyi bo'i 'khor lo ye shes chen po ngo bo nyid kyi sku ste/kun rdzob pa'i byang chub kyi sems kyi rang bzhin nyid kyi phyir ro/ /sku gsum lus kyi dbus su ni/ /'khor lo'i rnam pas yang dag gnas/ /sku gsum yongs su shes pa ni/ /bde ba chen po'i 'khor lor brjod/ /ces bya ba dang / de bzhin du/ sku dang mdzad pa gang gis 'gro phan phyir//rigs dang lha mo rigs kyi gtso bo rnams/ /rang lus sngags su son pa'i rang bzhin te/ /zhi ba rdo rje 'chang slad brten par bgyi/ /zhes bya ba'o/ /sprul pa'i 'khor lo'i dbus su ni/ /zhes bya ba nas brtsams te/ haM gi yi ge 'bar bar byed//ces bya ba'i mthar thug pa'i gzhung ni/ /sems can thams cad kyi 'khor lo'i brten pa sngags kyi sku khong du chud par bya ba'i phyir gsungs pa yin te/ de la sprul pa'i 'khor lo thob pa na/ /tshul gang gis dbus su a yig dang / 'dab ma rnams la A li kA li rnams so/ chos su hUM gi yi ge mkha' 'gro lnga'i sa bon ma ning bzhi dang bcas pa rnams so/ /mgrin par ni oM yig ring po bzhi 'am/ /dbyangs bcu drug gis bskor ba'i tshangs pa'o/ /spyi bor kha 'og tu phyogs pa'i haM gi yi ge A li nyis 'gyur gyis bskor ba rnams go rims bzhin du dkyil 'khor chen po dang snyoms par zhugs pa'i ye shes kyi dkyil 'khor dang /snyoms par zhugs pa'i ye shes kyi dkyil 'khor sha'i mtha' dang sha'i dbus kyi rtsa bzhi ni he ru ka'i dkyil 'khor gyi rang bzhin gyi 'khor lo 'di rnams rtogs par byas pa yin no/ /de bzhin du/ zla ba nyi mar rnam grags pa//zhes bya ba la sogs pas 'khor lo la brten par gyur pa'i rtsa gnyis po gsungs te/ 'khor lo rnams kyi g.yon dang g.yas dag tu zla ba dang nyi ma dag ste/ srog dang thur sel las steng dang 'og tu khu ba dang khrag gi khams rab tu 'bab pa dag ni/ la la nA dang / ra sa nA la gnas pa shes par bya ste/ 'dis ni phyi rol du zla ba dang nyi mar snang ba ni nang dang 'brel ba kho na'o zhes brjod pa yin no/ /rdzas de dag gi 'bab pa'i sgo'i rnam pa snang bar bya ba'i phyir/ mgrin pa nas brtsams zhes pa la sogs pa gsungs te/ gang 'dir g.yon logs su la la nAr bshad pa'i rtsa de ni/'og gi gdong can mgrin pa nas brtsams nas lte ba'i dbus ji srid par myos byed 'bab pa dang / de bzhin du gang 'dir g.yas logs su ras nAr bshad pa'i rtsa gang yin pa ni/ zla ba dang khu ba dang thur sel gyi rlung ngo / /de la thag ni nyi ma dang srog gi rlung ste/kha dog dang byed las las so zhes pa tshig gi lhag ma'o/ /zla ba dang nyi ma 'di dag ni sems kyi sgo'i dbye ba gnyis te/ g.yas dang g.yon gyi lam gyi rang bzhin la brten nas steng dang 'og tu rab tu 'dzag cing rgyu bas rab tu 'bab pa dag ni 'jig rten dbang phyug dang / nam mkha'i snying po'i rang bzhin dang /'od dpag med dang / rin chen 'byung ldan gyi rang bzhin du shes par bya ste/ dpag med rdo rje'i nyi ma dag /'khor ba sgrub pa'i rtsa ba gnyis/ /zhes gsungs pa'i phyir ro/ /phyi rol du yang gang gi tshe nub pa'i ri la nyi ma 'og tu 'gro ba de'i tshe 'char ba'i phyir na zla ba steng du 'gro ste/bzlog pa las kyang ngo / /sems kyi sgo la brten pa'i zla ba dang nyi ma gang yin pa 'di dag ste/ de nyid ni dpa' bo dang mkha' 'gro ma rnams kyi 'gro ba dang 'ong pa rab tu 'jug pa'i rgyun du shes par bya'o/ /de bzhin du khams nyi shu rtsa bzhi po rnams ni dpa' bo rnams te/de rnams ni zla ba rgyu ba rnams so/ /khrag 'bab pa'i rtsa de rnams ni mkha' 'gro ma rnams te nyi ma rgyu ba rnams so/ /de ltar na lus pa med pa'i phyir/ gang zhig sems can thams cad kyi yin no zhes bya bar shes par bya'o/ /de bzhin du phyi rol gyi 'char ba dang nub pa ni nang nyid du rab tu gnas so zhes bstan pa'i phyir/'char ba dang ni nub byed pa/ /zhes bya ba la sogs pa gsungs te/ de la gang gi tshe srog gi rlung g.yas pa'i sna bug la shar ba de'i tshe thur sel gyi rlung g.yon pa'i sna bug nas nub cing 'gro'o/ /de ltar nyin dang mtshan mor zla ba dang nyi ma rab tu rgyu ba ni sems can thams cad kyi gnas nyid de/gnyid log pa dang sad pa yang de kho na bzhin du shes par bya'o/ /de bzhin du gnyid log pa la yang zla ba'i cha dang nyi ma'i cha'o/ /de bzhin du gnyid log dang sad pa'i gnas skabs ni zla ba dang nyi ma'i rang bzhin 'od dpag med dang rin chen 'byung ldan du shes par bya'o//dbus kyi ka ba ni dus su 'chi ba yang slu bar khong du chud par bya ba'i phyir/ g.yon dang g.yas pa'i ngos zhes bya ba nas brtsams te/ 'og gi char yang rnam par gnas/ /zhes bya ba'i mthar thug pa'i gzhung gsungs pa yin te/g.yon dang g.yas kyi rtsa la ma ning gi sa bon spangs pa'i dbyangs bcu gnyis rnams te/ go rims bzhin du 'og dang steng gi gdong pa rnams ka la sogs pa'i gsal byed nyi shu rtsa bzhi po thig le dang bcas pa 'og dang steng gi gdong rnams kyis yongs su bskor ba rnams ni/ngo bo nyid kho nas rtsa nA da'i rnam par gnas pa'o/ /'di nyid ni/ dbus su byas nas nges par bya/ /zhes bya bas gsungs pa yin no/ /'og tu thur sel gyi lam du thur sel srung bar byed pa k+Sha yig ste/ dung gi phyag rgyal gnas pa de'i steng du ni re pha'o/ /chos kyi 'khor lo'i dbus su son pa'i hUM yig gi 'od zer rnams kyis//g.yon dang g.yas kyi dbyangs dang gsal byed rnams dkrugs nas dbu mar rab tu 'jug par 'gyur te/ de'i tshe rigs ldan ma mchod pa'i dbang gis dus su 'chi ba slu ba byas nas rnal 'byor pa rdo rje 'chang gi sgom pa chen po thob bar 'gyur ro//da ni byang chub kyi sems gnas pa yang dag par rgyu ba'i dbang gis sku gsum gyi rang bzhin du rtogs par bya ba'i phyir/ gang tshe mgrin par zhes bya ba la sogs pa gsungs te/ gang gi tshe mgrin par cha bcu drug gi rang bzhin ro'i rnam pa'i zla ba gnas pa dang /de bzhin du sna rtse ste/ snying ga dang lte ba'i rtse mo dang rdo rje'i rtse mo la yin pa de'i tshe bde ba yongs su rdzogs pa nyid kyi phyir/ zla ba 'di ni longs spyod rdzogs pa'i sku'o zhes brjod par bya'o/ /de kho na'i khyad par las/ sangs rgyas rnams kyi ste phung po rnams kyi mchog rang rig pa'i skur shes par bya'o//de nyid gang zhig rdo rje'i rtse mo las zla ba nub par gyur cing b+ha ga'i nang du lhung ba nyungs kar gyi tshad du gnas par gyur cing nyi ma'i dbus su rab tu zhugs pa de'i tshe 'di ni sprul pa'i sku zhes bya ba'i grangs su 'gro'o/ /sangs rgyas zhes bya ba la sogs pas/ de'i gtan tshigs gsungs te/de'i phyir zla ba dang nyi ma yang dag par sbyor ba las/ phung po la sogs pa'i rang bzhin gyis sangs rgyas dang byang chub sems dpa' rnams spro zhing skyed par byed do/ /des na 'di ni sprul pa'i sku ste so so'i skye bo lta bu nyid kyi phyir longs spyod rdzogs pa'i sku nub par gyur pa las sprul pa'i skus sems can gyi don byed do zhes bya bar rnam par gzhag go//'di nyid nyi ma'i dbus su gnas na/ /yang pad+ma gar gyi rang bzhin du bshad pa la 'jug go zhes rtogs par bya ba'i phyir/ pad+ma gar dbang rgyal po ste/ /zhes bya ba gsungs te/ pad+ma'i gar ni pad+ma gar te/ de la 'dod pa rab tu 'byung ngo zhes pas/ pad+ma gar gyi dbang phyug go/ /'bar bar gyur pa'i nyi ma dang yang dag par sbyor ba las rgya'i mtshal lta bur snang bar byed pa'i phyir rgyal po'o/ /don de ni/ pad+mar snang ba'i sbyor ba las/ /zhes bya bas gsungs pa yin te/ pad+mar snang ba ni rang byung ngo / / de dang sbyor ba las gcig tu gyur pa yang pad+mar snang ba'i sbyor ba can zla ba zhes brjod par bya'o/ /longs spyod rdzogs pa dang sprul pa'i sku gsungs nas/ sprul pa'i sku yi rang bzhin can/ /zhes bya ba la sogs pa chos kyi sku gsungs te/ de ru ste/ sprul pa'i sku'i ming can gyi nyi ma dang zla ba nub par gyur pa de la rab tu zhugs te/snang ba gnyis po ro mnyam pa nyid thob pa yod na/ de'i byang chub sems te/ zla ba dang nyi ma'o/ /gong bur gyur pa dri ma med pa ni/ gnyi ga'i rnam par rtog pa'i rnyog pa med pa ste chos kyi sku zhes bya'o zhes gzhan dang sbrel lo/ /ci lta bu zhe na/ snang ba gnyis dang ro mnyam pa nyid ni 'khor ba'i lam ste/de'i rnam par rtog pa gcod pa gang du yin pa de la de skad ces bya'o/ /longs spyod rdzogs pa dang sprul pa'i sku ni spros pa nye bar zhi ba gang du yin pa de'i phyir/ gzhi mthun pa'i bsdu ba'o/ /lhan cig skyes pa nyid kyi phyir zhi ba'o/ /phan tshun 'gal ba'i phyogs gnyis po spangs pa'i phyir/gnyis gnyis med pa'o/ /rang rig pa nyid kyi phyir mchog go/ /nyon mongs pa med pa'i phyir dag pa'o/ /rdo rje ni stong pa nyid yin la/ sems dpa' ni snying rje ste/ de'i rten yin pa'i phyir na rdo rje sems dpa'i rang bzhin no/ /thabs rnam par thar pa'i sgo gsum dang thabs las byung ba rang bzhin gyis 'od gsal ba'i rnam par thar ba'i sgo'i rang bzhin nyid kyi phyir dpal he ru ka'o//de nyid ni chos kyi sku zhes brjod par bya ste/ yid skyob pa'i phyir de nyid sngags so/ /'dod chags la sogs pa'i nyon mongs pa'i dra ba rtswa lta bur za ba'i phyir/de nyid srin bu'o/ /'o na rnal 'byor ma'i rgyud du srin bu nyid du bstan mod/ bya ba la sogs pa'i rgyud rnams su ma yin pa'i phyir/ ci ltar na chos kyi sku ni khyab par byed pa po zhes bya zhe na/ dgod dang zhes bya ba la sogs pa brjod par bya ste/ bya ba dang spyod pa'i rgyud rnams su thabs dang shes rab rnams phan tshun du dgod pa'o//rnal 'byor gyi rgyud du ni lta ba'o/ /rnal 'byor dang spyod pa gnyis ka'i rgyud rnams su lag pa 'dzin pa ste/ 'di rnams ni nye bar mtshon pa'o/ /rnal 'byor chen po'i rgyud rnams su 'khyud pa dang / rnal 'byor ma'i rgyud du gnyis gnyis so//de gsungs pa/ dgod dang lta ba dag gis sam/ /'khyud dang de bzhin gnyis gnyis te/ /rgyud ni bzhi po rnams kyi yang / /dgongs pa'i skad kyis bstan pa yin/ /zhes so/ /de ltar na 'dod chags dang chags bral te gsum po zos nas rgyud thams cad nyid du srin bur rnam par gzhag pa'i phyir/chos kyi sku khyab par byed pa po nyid do zhes pas skyon med do/ /chos kyi sku dkyil 'khor gyi 'khor lo'i rang bzhin nyid du bstan pa'i phyir/ rtsa rnams thams cad ces bya ba la sogs pa gsungs te/ rtsa thams cad kyis mnyam par sbyor ba gang gi yin pa de ni rtsa thams cad mnyam par sbyor ba ste/dpa' bo nyi shu rtsa bzhi dang / de rnams kyis nye bar mtshon pa'i mkha' 'gro ma gang yin pa 'di rnams so/ /de rnams kyi dra ba ni tshogs te/ der sdom pa sde/ don dam pa'i byang chub kyi sems kyi rang bzhin nyid do zhes bya ba'i don to/ /chos kyi sku ni rnam pa thams cad pa nyid du bstan pa'i phyir/gsang chen zhes bya ba la sogs pa gsungs te/ gang zhig rgyud kyi rgyal po 'di rnams su gsang chen zhes bya ba la sogs pa ni dgongs pa'i skad de/ gang zhig sa dang chu dang me dang rlung rnams dang / phyi rol rnams dang / nang rnams dang / 'khor lo bzhi rnams su brjod par bya ste/ sangs rgyas thams cad kyi bdag nyid kyi sdom pa dang / bde ba chen po'i rang bzhin du rnam par gnas pa chos nyid kyi gzugs yin pa nyid kyi phyir ro/ /yang zhes bya ba la sogs pas/ de nyid me long lta bu la sogs pa'i sangs rgyas lnga'i rang bzhin du gsungs te/de ltar ni/ sna tshogs pa'i shes bya'i dkyil 'khor gzugs brnyan du gyur pa nyid kyi phyir/ de nyid me long lta bu'i ye shes so/ /rkang med la sogs pa rnams shin tu gcig pa nyid kyi phyir/ de nyid mnyam pa nyid kyi ye shes so//de nyid don dam par so sor spyod pa'i phyir/ so sor rtog pa'i ye shes so/ /de nyid las 'gro ba'i don rab tu 'jug pa'i phyir/ de nyid bya ba nan tan gyi ye shes so/ /chos nyid kyi gzugs nyid kyi phyir 'di ni chos kyi dbyings kyi ye shes so/ /yang na rnam par snang mdzad ces bya ba la sogs pa 'di nyid sangs rgyas lnga'i rang bzhin nyid du gsungs te/de ltar ni/ rang rig pa'i rnam pas snang bar mdzad pa'i phyir/ de nyid rnam par snang mdzad do/ /'dod chags la sogs pa rnams kyis mi bskyod pa'i phyir de nyid mi bskyod pa'o/ /'di las longs spyod rdzogs pa dang sprul pa'i rin po che 'byung ba'i phyir/rin chen 'byung ldan no/ /ye shes kyi rang bzhin gyi dpag tu med pa'i 'od gang yin pa 'di ni 'od dpag med do/ /gang las sems can gyi don gyi bya ba ma lus pa grub pa de ni don yod grub pa'o/ /don dam pa'i rang bzhin du gsungs nas bdud rtsi lnga zhes bya ba la sogs pas kun rdzob kyi rang bzhin du gsungs te/gsang chen la sogs pa lnga rnams bdud rtsi lnga'i rang bzhin yang yin la/ gong bu dang thig le'i rnam pa ni nam mkha' lnga'i dbus su ro mnyam pa nyid du bzhugs pa'o/ /kun rdzob tu yang rang gi lus la gnas pa'i ye shes chen po ni shin tu rnam par dag pa'i ye shes su sangs rgyas rnams gsung par mdzad do zhes bya ba ni tshig gi lhag ma'o//rdo rje sems dpa' zhes bya bas de nyid kyi khyad par gsungs te/ sngar nges par byas pa'i mchog tu bde ba'i rang bzhin rgyu dang rkyen la mi ltos pa gang yin pa ni chos kyi sku'o zhes brjod par bya ste/'dis ni sngar yang don dam pa'i rang bzhin nyid du rtogs par byas pa/ bcom ldan 'das dpal he ru ka sku gsum gyi rang bzhin du bstan nas/ de dang dbyer med pa'i bcom ldan 'das ma phag mo bstan pa'i phyir/ 'di nyid shes rab ces bya ba la sogs pa gsungs te/'di nyid kyi ste/ lus kyi bdag nyid lhan cig skyes pa'i rang bzhin dpal he ru ka'i lte ba'i dkyil 'khor du 'bar ba ste/ bsrub par bya ba dang / srub par byed pa'i sbyor ba las skyes pa'i las kyi rlung gis yang dag bskyod pa'i me'i gzugs can mar yang dag par rig pa gang yin pa de nyid ni 'di'i lhan cig skyes pa'i shes rab ma rang bzhin gyis grub pa zla ba dang zla ba'i 'od lta bu'o//de nyid ni bA rA hI ste/ bA yig dang rA yig las/ rlung dang byin za dag gis haM las ra ma ti ste dga' bar byed pa 'dzag go zhes pas bA rA hI yin gyi phag gi gdong pa ni ma yin no//dpyid ni hUM yig la sogs pa yin la/ thig le lta bu yin pas thig le ste/ de rnyed pa na yang dag par tshim pa'o zhes gong du bshad pa nyid kyi phyir ro/ /skra yi rtse mo zhes bya ba la sogs pas 'di'i tshad gsungs te/ gang zhig skra yi rtse mo stong phrag brgya ste 'bum gyi tshad kyi sha chas te/de lta bu'i cha shas kyi rnam pa gang gi yin pa de la de skad ces bya'o/ /'dis ni/ 'di'i shin tu phra ba nyid rtogs par byas pa yin te/ rnal 'byor ba'i ye shes kyi bgrod par bya ba nyid kyi phyir ro/ /yang gsungs pa/ bad rtsa'i skud pa lta bu rab phra'i gzugs can ma//bskal me sngon song bde chen gnas ni ji srid par/ /khyab cing gnas gang skyes bu chen pos nyer thob pa/ /de ni he ru ka mchog shes rab mar brjod do/ /zhes so/ /glog 'gyu ba dang mtshungs pa'i 'od/ /ces bya ba ni/ legs pa'i phreng ba'i 'od lta bu'o//lha yi rnal 'byor dus su ni/ /zhes bya ba la sogs pas de'i byed pa po gsungs te/ lha'i rnal 'byor te/ shes rab dang thabs gnyis sbyor ba de'i dus skabs su'o/ /de nyid ni ye shes kyi me 'bar ba'o/ /rnal 'byor pas ba spu'i bu ga'i mtshams thams cad nas 'thon te/lha dang lha min te/ phung po dang / dbang po'i rnam par rtog pa bsdigs par byas nas/ chos dang longs spyod rdzogs pa'i 'khor lo'i mdud pa'i gzugs kyi phung po dang khams kyi rnam par rtog ba'i bud shing bsregs nas g.yas kyi sna bug nas 'thon te/ mdzod spur son pa'i bug pa nas phyogs bcur gnas pa de rnams kyi spyi bo'i bug par zhugs nas/de rnams kyi 'khor lo bzhi pa bsregs te/ slar yang sna bug g.yon nas 'thon te/ spyi bo'i bu ga nas zhugs nas sngar bzhin du bsregs pas de bzhin gshegs pa rnams 'phel bar byed do/ /lte ba'i dkyil 'khor du brtan par 'gyur zhing rnam par thim par byed do//yang gsungs pa/ bsrub bya dang srub byed yang dag par sbyor ba las ye shes kyi me 'di ni/ lte ba'i dkyil 'khor du thim par byed de/ 'bar ba'i snang ba rnams kyis dam tshig gi 'khor lor gnas pa'i de bzhin gshegs pa rnams bsregs nas/longs spyod rdzogs pa'i 'khor lor gnas pa'i thabs la lan gsum du bskor te/ mdzod spur song nas gnad kyi sgo phye ste/ au D+ya na gyi ming can nas phyog bcur gnas pa'i de bzhin gshegs pa rnams kyi dzA lan+d+ha ra'i ming can gser gyi sgo nas zhugs te/sngon du de rnams kyi 'khor lo bzhi po bsregs nas/ sngar bshad pa'i sgo nas 'o ma'i rgyun gyis song nas bsregs pa'i de bzhin gshegs pa rnams dga' ba skyed par byed do zhes so/ /rgyud kyi rim pa dang ye shes kyi rim pa sdud par byed de/ g.yon dang g.yas pa'i logs su ni//dbyangs yig bcu gnyis yang dag gnas/ /zhes bya ba 'dis ni sngags kyi rim pa'o/ /chos kyi sku rnam par dpyod pa na gsang ba'i rim pa'o/ /nye bar bsdu ba gsungs pa/ de la sku gsum gyis 'khyud pa la ni/ 'khor lo bzhir bshad pa dang / snang ba gnyis su bshad pa dang /de ro mnyam pa nyid du rtogs par byas pas gsungs pa yin no/ /nA da dang thig le phrad par bshad pa ni/ he ru ka dang rdo rje phag mo dag dpyid dang thig ler brjod cing gsungs so/ /'gro ba dang 'ong pa'i sgras ni/ de dag gi yang dag par sbyor ba gsungs so/ /sngags dang rgyud dang ye shes dang gsang ba'i rim pa bshad pa ni/g.yon dang g.yas pa'i logs su ni/ /dbyangs yig bcu gnyis yang dag gnas/ /zhes bya ba'i tshig 'di dang / de bzhin du/ 'di nyid shes rab lhan cig skyes/ zhes bya ba nas brtsams te/ 'khor lo ni/ yang dag bsregs nas nges byung ste//zhes bya ba'i mthar thug pa'i tshig dang / de bzhin du/ bsregs pa nyid kyi sangs rgyas rnams/ /slar yang dga' bskyed par byed/ /ces bya ba 'di dang / lte ba'i dkyil 'khor du 'ongs nas/ /snga ma bzhin du gnas par 'gyur/ /zhes bya ba 'dis rim pa bzhi po sngags dang rgyud dang ye shes dang gsang ba rnams bshad cing bstan pa yin no//de bzhin du sprul pa la sogs pa'i 'khor lo bzhi po la/ gang zhig dbyangs lnga la sogs pa rnam par dgod pa dang bsdus nas/ A li kA li gnyis po nyis 'gyur du gyur pa dang / hUM yig la sogs pa'i sa bon lnga po dang ma ning gi sa bon rnam par dgod pa dang /tshangs pa ring po rnam par dgod pa dang / A li sum cu rtsa gnyis kyis yongs su bskor ba'i gzhom du med pa'i yi ge rnam par dgod pa rnams ni/ sprul pa'i 'khor lo'i dbus su ni/ /sde tshan brgyad kyis yongs su bskor/ /yi ge rnams kyi mchog gzugs kyis//a ni yi ge dam pa'o/ /zhes bya ba la sogs pa'i gzhung gis gsungs pa yin no/ /mdor bstan pa la ltos nas rgyas par bstan pa ste/ mdor bstan pa ni yang dag par bsdus pas khong du chud par byed pa'o/ /rgyas par bstan pa ni/ rgya chen pos so zhes bya ba ni tshig gi lhag ma ste/rgyas par bstan pa 'di rnams ni le'u zhes bya ba'i don te/ gang zhig ral gri dang mig ces bya ba la sogs pa'i dngos grub chen po brgyad po rnams kyi don ni sngar gsal bar bshad pa de rnams te/ de rnams sngar gsungs pa'i dpyid kyi thig le'i sgrub pa'i thabs kyi cho ga rtogs pa las 'gyur ro zhes bsgrub par byas pa yin no//dbang bo zhan pa'i sems can yongs su gzung pa'i phyir dang / 'di ni dbang po rnon po'i gang zag gi yul yin no zhes bstan pa'i phyir/ mdor bstan pa zhes bya ba la sogs pa gsungs pa yin te/ mdor bstan pa las na/bla ma'i zhabs kyi bka' drin te/ de'i zhabs kyi chu skyes kyi rdul rin po che ston pa po bla ma yang dag par rtogs pa'i de kho na nyid kyi rin po che rnam par 'byed pa la mkhas pa rnams kyis yang dag par brgyan pa'i mkhas pa gang yin pa'o/ /de bzhin du gang yang gzhan du rgyas par bstan pa dang /shes rab ma'i mngon par brjod pa dang / slob dpon de'i bka' drin las lhan cig skyes pa myong bas na/ rkang pa so so dang / tshig so so'i ngag de kho na nyid 'gyur ba med pa snang bar mdzad pa'i bcom ldan 'das de bzhin gshegs pa rgyal ba mchog rnams kyis yang dag par rol par mdzad pa 'bad pa dang bcas pas nye bar thob pa rnams te/gang kho na myong ba de kho na mdo dang rgyud thams cad kyi nang du blta bar bya'o/ /gsungs pa/ lung las yid ches nyid dang ni/ /de bzhin bla ma las yid ches/ /rang las yid ches nyid dang ni/ /de bzhin gzhan las yid ches pa//yid ches bzhi yis gzung bar bya/ /zhes bya ba la sogs pas gsang ba'i de kho na nyid rab tu gsal ba las gsungs pa'i phyir ro/ /de bzhin du gang yang rdo rje mkha' 'gro dang ldan pa'i rang gi snying po yang phyi rol du ma yin te/ de ltar byas nas bdag gis dpyid kyi thig le 'di byas pa yin te/gang las dad pa brtan pos 'dzin par byed pa de rnams ni gzhal du med pa'i/ /dad pa brtan pos bzung pa'i gzhung byed pa nyid kyis rang bzhin brtan pa'i sgo nas gzhung rdzogs par brtan pa'i phyir zhes pa dpal ldan bla ma sangs rgyas zhes bya ba la sogs pa gsungs te/ bdag la phan pa rdo rje'i bla ma sangs rgyas dang byang chub sems dpa'i bka' thob pa/ de bzhin gshegs pa'i skur gnas pa/ spyod pa'i brtul zhugs nag po pa bdag gis dpyid kyi thig ler brjod pa 'di ni/ rgyas par bstan pa bcu'i bdag nyid du byas pa gang yin pa ni yongs su rdzogs pa ste/rgyud thams cad kyi don yang dag par bsdus pas gzhan la ltos pa med pa'i phyir ro zhes bya ba'i don to zhes pa rdzogs pa'i rim pa'i sgrub pa'i thabs kyi cho ga dpyid kyi thig le'i rgya cher 'grel pa gsang ba chen po'i sgron ma las/ rgyas par bstan pa bcu pa'i rgyas par bshad pa'o//dpyid kyi thig le'i rgya cher 'grel pa rdzogs so// //sa skyong 'dzin ma'i thig le'i gtsug rgyan nags nang du/ /'phags yul mkhas pa'i dpyid kyi rin chen rab dkod pa/ /de tshe dpyid kyi thig le'i rgyas 'grel me tog gi/ /rdzogs pa'i sbrang rtsi bung ba gzhon nus 'thungs pa'o//rgya gar shar phyogs kyi mkhas pa chen po nags kyi rin chen zhes bya ba/ bcom ldan 'das dpal rdo rje rnal 'byor ma'i zhabs kyi thig le la yang dag par reg pas/ dpal he ru ka'i dpyid kyi dga' ba yang dag par thob pa de la/ chos kyi rgyal po grags pa 'byung gnas rgyal mtshan dpal bzang po zhes bya ba/de bzhin gshegs pa thams cad kyi gsang ba'i mdzod mtha' dag gzigs pa'i spyan dang ldan pa des gsol ba btab nas/ de'i bka' lung dang / grub pa'i skyes bu zhang gi ring lugs pa chen po bsod nams rin chen gyis kyang bskul nas/

CLOSE WINDOW