CLOSE WINDOW

D1436
བོད་ཡིག

mnyam par ma gzhag pa'i spyod pa ni snga ma dang 'dra'o/ /slob dpon chen po rdo rje dril bu pas mdzad pa/ dpal 'khor lo sdom pa'i rim pa lnga pa'i 'grel pa paN+Di ta su ma ti kIrti dang / lo tsA ba mar ba ban+de chos kyi dbang phyug gis bsgyur ba rdzogs so// @##/ /rgya gar skad du/ sa ha dza saM ba ra sA d+ha naM/ bod skad du/ bde mchog lhan cig skyes pa'i sgrub thabs/ /'khor lo sdom pa la phyag 'tshal lo/ /shes bya rnal 'byor cho ga gsum/ /byin gyis rlob dang rab tu rtog /bsam bral gzugs brnyan yongs su rdzogs/ /sangs rgyas kyis gsungs rnal 'byor du//sems can rdzus te skyes pa bzhin/ /gang zhig skad cig sbyor ba yis/ /sa bon med par rnam par bsgom/ /rang nyid rdo rje mkha' 'gror gyur/ /zla ba phyed pa spyi bor 'dzin/ /dpral bar thod pa'i phreng ba bsnams/ /phyag rgya drug ldan mgo bo'i phreng / /spyan gsum sna tshogs rdo rje can//sna tshogs pad+ma nyi mar gnas/ /'jigs byed dus mtshan bcas par dgod/ /g.yas brkyang ba yi zhabs kyis bcibs/ /rdo rje dril bu ral par ldan/ /gnag cing mi bskyod spyi bo'i gtsug /stag gi pags pas yang dag bcings/ /dpa' bo'i rdo rje phag mo ni/ / spyan gsum dmar zhing mgo phreng ldan/ /rdo rje thod pa khrag gis bkang / /rked rgyan dum bus mtshan pa 'dzin/ /phyogs kyi gos la phyag rgya lnga/ /dbu skra grol zhing sangs rgyas gtsug /'di ltar skad cig gis rdzogs pa'i/ /bdag nyid lus ni bsgom par bya/ /ye shes lnga yi rang bzhin gzugs//sangs rgyas 'od zer rnam par spro/ /spyod yul gcig gi sems kyis su/ /'di nyid kho na yun ring bsam/ /go 'phang 'di la sems can dgod/ /chos dbyings rgyal mtshan yang dag sbyor/ /gnyis gnyis sbyor ba bde las byung / /dga' ba zag pa'i phun tshogs kyis/ / rang rig dga' bas yongs su khengs/ /zag pas skyed par byed pa gang / /des ni rgya chen yid la byed/ /'dus byas spros pa'i rgyun 'di ni/ /'di ltar rtag tu sgom pa pos/ /'od gsal rjes su dran par bya/ /sna tshogs pad+ma nyi ma dang / /'jigs byed dang ni dus mtshan no/ /sdug ma bdag mo mkha' nor bu//de bzhin gshegs pa lnga yi 'og /sku dang yan lag mchog dang ni/ /zla ba thig le nA da rnams/ /'di rnams rim gyis mi snang gzhug /ji ltar me long dbus kyi rlung / /thams cad thim par gyur pa ltar/ /yang dag mtha' ru yang nas yang / /de bzhin rnal 'byor rab tu gzhug /

CLOSE WINDOW