CLOSE WINDOW

D1427
བོད་ཡིག

rgya gar gyi mkhan po chen po so ma nA thas/ gnyal mi shes rab mchog gi don du bsgyur cing zhus nas gtan la phab pa'o/ /[]@##/ /rgya gar skad du/ shrI b+ha ga wa ti a b+hi sa ma ya nA ma/ bod skad du/ dpal bcom ldan 'das mngon par rtogs pa zhes bya ba/ dpal rdo rje sems dpa' la phyag 'tshal lo/ /rnal 'byor pa'i dbang phyug gis re zhig dang por tshangs pa'i gnas bzhi bsgom par bya'o/ /de nas phung po lnga'i nga rgyal bskyed par bya ste/ gzugs kyi phung po ni rnam par snang mdzad do/ /tshor ba'i phung po ni rdo rje nyi ma'o/ /'du shes kyi phung po ni pad+ma gar gyi dbang phyug go//'du byed kyi phung po ni rdo rje rgyal po'o/ /rnam par shes pa'i phung po ni rdo rje sems dpa'o/ /de bzhin gshegs pa thams cad kyi rang bzhin ni dpal he ru ka'o/ /mig gnyis la ni gti mug rdo rje'o/ /rna ba gnyis la ni zhe sdang rdo rje'o//sna la ni ser sna rdo rje'o/ /kha la ni 'dod chags rdo rje'o/ /reg la ni phrag dog rdo rje'o/ /skye mched thams cad la ni dbang phyug rdo rje'o/ /sa'i khams ni ltung bar byed pa'o/ /chu'i khams ni gsod par byed pa'o/ /me'i khams ni 'gugs par byed pa'o/ / rlung gi khams ni pad+ma gar gyi dbang phyug go/ /nam mkha'i khams ni pad+ma'i dra ba can te/ de dag ni phung po dang khams dang skye mched rnams kyi lha'i rnam par dag pa'o/ /de nas rdo rje'i gur bsam par bya ste/ oM sum+b+ha ni sum+b+ha ni hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/oM A na ya hoHb+ha ga bAn badzra hUM hUM phaT/ ces bya ba'i sngags shar phyogs la sogs par nges par gzhag par bya'o/ /steng du ni mda'i dra ba'o/ /sa gzhi ni yi ge hUM las sna tshogs rdo rje'i rang bzhin du byin gyis brlabs nas de'i 'od kyi snang ba las rdo rje'i ra ba dang rdo rje'i bla re ste/oM g+ha g+ha g+hA ta ya g+hA ta ya sarba duSh+TaM pra duSh+Ti hUM hUM phaT/ kI la ya kI la ya sarba pA paM hUM hUM phaT/ hUM hUM hUM badzra kI la badzra d+ha ra Adz+nyA pa ya ti sarba big+h+nAM bi nA ya ka kA ya bAka tsit+ta badzra kI la ya hUM phaT/ phur bus gdab pa'i sngags so/ / oM badzra mud ga ra badzra kIl A ko Ta ya hUM phaT/ phur bu brdung ba'i sngags so/ /de nas rang gi snying gar yi ge a las zla ba'i dkyil 'khor/ de'i steng du yi ge hUM 'od zer sna tshogs rnam par 'phro bar bsam par byas la/ de'i snang bas mdun du yang dag par rdzogs pa'i sangs rgyas dang /bla ma la sogs pa bltas la phyag bya ste/ mchod par bya'o/ /de nas dkon mchog gsum la skyabs su 'gro ba bya'o/ /de nas oM swa b+hA ba shud+d+haHsarba d+har+m+mAHswa b+hA ba shud+d+hou0f85haM zhes bya ba brjod la/ yang ni stong par rnam bsam zhing / /sems tsam du y ang des gnas bya//byang chub sems ni bsgom pa yis/ /mig yor tsam gyi shes pa la/ /oM shU n+ya tA dz+nyA na badzra swa b+hA ba At+ma kou0f85haM zhes brjod par bya'o/ /de nas langs nas rten dang brten pa'i tshul du gnas pa bai raM b+ha la sogs pa'i gnas la gnas pa'i yi ge yaM y ongs su gyur pa las rlung gi dkyil 'khor gzhu lta bu ba dan gyis mtshan pa mdog sngon po'i rnam par bsam par bya'o//de'i steng du raM yongs su gyur pa las me'i dkyil 'khor gru gsum 'bar bas mtshan pa kha dog dmar po'o/ /de'i steng du yi ge baM yongs su gyur pa las chu'i dkyil 'khor zlum po kha dog dkar po bum pas mtshan pa'o//de'i steng du yi ge laM yongs su gyur pa las/ sa'i dkyil 'khor gru bzhi pa kha dog ser po rdo rjes mtshan pa'o/ /de'i steng du yi ge suM yongs su gyur pa las ri'i rgyal po ri rab zur bzhi pa rin po che sna bzhi'i rang bzhin can rtse mo brgyad kyis nye bar mdzes par byas pa'o//de'i steng du yi ge hUM las byung ba'i sna tshogs rdo rje/ de'i steng du paM las byung ba'i sna tshogs pad+ma 'dab ma brgyad pa lte ba dang ge sar du bcas pa/ de'i dbus su A li kA li'i sbyor ba'o/ /de'i dbus su yi ge hUM rdo rje sems dpa'i rang bzhin can 'od zer sna tshogs rnam par 'phro bar bsams la/de yongs su gyur pa las dpal he ru ka nyi ma la bzhugs shing dkyil 'khor gyi 'khor lo dang bcas pa dur khrod brgyad kyis brgyan pa'o/ /de nas dur khrod rnams bshad par bya ste/ rdo rje ra ba'i nang du g.yon skor gyis phyogs thams cad dang /dbang ldan la sogs pa'i mtshams rnams bzhi bzhir brjod par bya ste/ drag tu gtum pa dang / tshang tshing 'khrigs pa dang / 'ur 'ur 'bar bas khyab pa dang / 'jigs su rung ba rnams shar la sogs pa'i phyogs su g.yon skor gyis legs par gnas so//dbang ldan gyi mtshams su ni ha har dgod pa'o/ /byin za'i mtshams su ni nags tshal phun sum tshogs pa'o/ /srin po'i mtshams su ni mun pa mi bzad pa'o/ /rlung gi mtshams su ni kI li kI li'i sgra sgrogs pa'o/ /rdo rje ra ba'i dur khrod de rnams ni 'jigs pa'i gzugs kyi ro langs dang 'byung po 'dus pa ce spyang gi sgra sgrogs pa'o//rim pa de ltar gnas pa'i dur khrod brgyad po der shing dang / phyogs skyong ba dang / klu'i dbang po dang / sprin gyi dbang po rnams la shI ri Sha dang / a shwad+tha dang / kaM ka la dang / tsU ta'i shing ste shar la sogs pa'o/ /ba ta dang / ka rany+dza ka dang / la tA dza ti dang / parti ba'o/ /de bzhin du dbang po dang / nor bdag dang / klu'i dbang po dang / gshin rje dang / dbang ldan dang / byin za dang / srin po'i dbang po dang / rlung bdag go/ /de bzhin du nor rgyas dang /'jog po dang / stobs kyi rgyu dang / pad+ma dang / pad+ma chen po dang / hu lun ta dang / rigs ldan dang / dung skyong ngo / /de bzhin du sgra sgrogs pa dang / rmugs pa dang / mun pa can dang / kun du 'khyil pa dang / 'khrigs pa dang / drag po dang / 'bab pa dang / gang ba sprin gyi bdag po ste/de rnams de bzhin du bsams nas/ bcom ldan 'das zhal bzhi pa/ spyan gsum pa phyag bcu gnyis pa/ dpral bar rdo rje'i phreng ba 'dzin pa/ g.yas brkyang bas bzhugs pas 'jigs byed chen po dang / dus mtshan dag zhabs kyis mnan pa/rdo rje phag mo la 'khyud pa'i phyag gnyis kyis rdo rje dang dril bu bsnams pa/ phyag gzhan gnyis kyis glang po che'i pags pa na bzar bsnams pa g.yas pa'i phyag gsum pa la Da ma ru/ bzhi pa la dgra sta/ lnga pa la gri gug /drug pa la mdung rtse gsum pa bsgreng ba/g.yon pa'i phyag gsum pa la kha T+wAM ga rdo rjes mtshan pa/ bzhi pa khrag gis bkang pa'i thod pa/ lnga pa la rdo rje'i zhags pa/ drug pa la tshangs pa'i mgo bo bsnams pa/ ral pa'i thor tshugs kyis brgyan pa/ thod pa'i phreng ba'i thod can/zla ba phyed pa 'dzin pa/ sna tshogs rdo rjes mtshan pa'i dbu rgyan can zhal rnam par 'gyur pa/ mche ba gtsigs shing 'jigs par byed pa/ sgeg pa la sogs pa'i nyams dang ldan pa/ sku mdog mthing ka bzhugs par bsam par bya'o/ /rtsa ba'i zhal mthing nag zhal g.yas pa shin tu ser ba/rgyab pad+ma rA ga'i mdog can/ g.yon ma ra ka ta lta bu'i mdog can/ stag gi pags pa'i sham thabs bsnams pa'o/ /mi'i mgo bo rlon pa'i phreng ba 'chang ba/ rna cha dang / gdu bu dang / mgul rgyan dang / ska rags dang / spyi gtsug nor bus brgyan pa/mchod phyir thogs pa 'chang ba/ thal ba dang / phyag rgya drug ste/ pha rol tu phyin pa drug rnam par dag pa'i phyir phyag rgya drug gis rgyas btab pa'o/ /de'i spyan sngar bcom ldan 'das ma sku mdog dmar mo zhal gcig ma/ spyan gsum pa/ phyag gnyis ma/skra grol ba/ gcer bu dum bu'i ska rags kyis brgyan pa/ phyag g.yon pas 'khyud nas gdug pa dang bdud bzhi la sogs pa'i khrag gis bkang ba'i thod pa bsnams pa/ g.yas phyogs thams cad du gdug pa rnams la sdigs mdzub byed cing rdo rje bsnams pa/ bskal pa'i me lta bu'i gzi brjid chen po dang ldan pa khrag la dgyes shing khrag 'dzag pa/ byin pa gnyis kyis 'khyud pa/ bde ba chen po dang thugs rje chen po'i bdag nyid can no/ /mkha' 'gro ma dang lA ma dang / khaN+Da ro ha dang / gzugs can ma rnams ni don thams cad grub par byed pa ste/pad+ma'i phyogs kyis gnas su nag po dang / ljang ku dang dmar po dang / ser po zhal gcig pa/ phyag bzhi pa ste/ phyag g.yon na kha T+wAM ga dang thod pa/ g.yas pa Da ma ru dang gri gug bsnams pa/ spyan gsum pa skra grol ba/ gcer bu g.yas brkyang bas bzhugs pa/zhal mche ba rnam par gtsigs pa/ phyag rgya lngas brgyan pa dgod par bya'o/ /mtshams rnams su 'dod chags dang gti mug la sogs pa rnam par dag pas sems tshim par byed pa'i mchod pa ste/ byang chub kyi sems la sogs pa'i snod bzhi po dgod par bya'o//dang po thugs kyi 'khor lo rtsibs brgyad pa ste/ mdog sngo nag rdo rje'i phreng bas brgyan pa/ de'i shar gyi rtsibs la pUl+li ra ma la yar/ khaN+Da ka pA la dang / rab tu gtum ma'o/ /byang dzA lan d+ha rar/ ma hA kang ka la dang / gtum pa'i mig can ma'o/ /nub u D+ya na du kang ka la dang /'od ldan ma'o/ /lho ar bu dar/ mche ba rnam par gtsigs pa dang / sna chen ma'o/ /me go dA wa ri ra su ra bai ra dang / brtan pa'i blo can ma'o/ /bden bral rA me shwa rar/ 'od dpag med dang / mi'u thung ma'o/ /rlung de bI ko Tar rdo rje 'od dang / lang ka'i dbang phyug ma'o//dbang ldan ma lnga bar/ rdo rje sku dang / shing grib ma ste/ 'di dag ni thugs kyi 'khor lo'o/ /gnyis pa gsung gi 'khor lo'i rtsibs brgyad pa dmar po ste/ pad+ma'i phreng bas yongs su bskor ba'o/ /de'i shar gyi rtsibs kA ma rU par/ aM gu ri dang / e ra pa ti'o//byang o Ter rdo rje ral pa can dang / 'jigs byed chen mo'o/ /nub tri sha ku ner/ dpa' bo chen po dang rlung gi shugs can ma'o/ /lho ko sa lar rdo rje hUM mdzad dang chang 'thung ma'o/ /shar lhor ka ling gar rab tu bzang po dang / sh+yA ma de bI'o/ /lho nub laM pA kar rdo rje bzang po dang /shin tu bzang mo'o/ /nub byang kAny+tsir 'jigs byed chen po dang / rta rna ma'o/ /byang shar hi mA la yar mig mi bzang dang / kha gA na ne ste/ de dag ni gsung gi 'khor lo'o/ /gsum pa sku'i 'khor lo ni dkar po ste/ 'khor lo'i phreng bas yongs su bskor ba'o//de'i shar gyi rtsibs pre ta pu rir stobs po che dang / 'khor lo'i shugs can ma'o/ /byang gr-i ha de ba tAr rin chen rdo rje dang / khaN+Da ro ha'o/ /nub sau rASh+Tar/ rta mgrin dang / shauN+Di nI'o/ /lho phyogs su bar+Na dI par nam mkha'i snying po dang / 'khor lo'i go cha ma'o//shar lhor na ga rar/ dpal he ru ka dang / shin tu dpa' mo'o/ /lho nub sin d+hur/ pad+ma gar gyi dbang phyug dang / stobs chen mo'o/ /nub byang ma rur/ rnam par snang mdzad dang / 'khor los sgyur ma'o/ /byang shar ku la tAr rdo rje sems dpa' dang / brtson 'grus chen mo ste/de dag ni sku'i 'khor lo'o/ /khaN+Da ka pA la la sogs pa'i dpa' bo rnams ni zhal gcig la phyag bzhi pa/ spyan gsum pa/ mche ba gtsigs pa/ ral ba'i thor tshugs kyis brgyan pa'i cod pan can/ phyag gnyis 'khyud pas rdo rje dang dril bu bsnams pa/ phyag g.yon pa na kha T+wAM ga /g.yas pa na Da ma ru/ sku la phyag rgya rnam lnga la sogs pa dang ldan pa/ g.yas brkyang bas bzhugs pa'o/ /rab gtum la sogs pa'i lha mo rnams ni phyag gnyis dang / zhal gcig pa thod pa bsnams pa'i phyag gis 'khyud pa/ gdug pa rnams la sdigs mdzub dang gri gug bsnams pa/mig gsum pa drag po'i gzugs can skra grol bas rnam par mdzes pa/ gnyis su med pa'i sbyor ba la brtson pa gcer bu'i mchog /gdu bu dang dbu'i nor bu dang / rna cha dang / mgul rgyan dang / tshangs pa'i skud pa thogs pa/ mgo bo'i phreng bas mgul pa brgyan pa/ska rags sil sil sgra sgrogs pa'o/ /shar dang byang dang nub dang lho'i sgo rnams su khwa gdong ma dang / 'ug gdong ma dang / khyi gdong ma dang / phag gdong ma'o/ /shar lho dang / lho nub dang / nub byang dang / byang shar mtshams rnams su ya ma dA D+hi dang /gshin rje brtan ma dang / gshin rje pho nya mo dang / gshin rje mche ba can ma dang / gshin rje 'joms ma ste/ ji ltar mkha' 'gro ma la sogs pa'i tshogs ji lta bar khwa gdong ma la sogs pa'i dbye ba yang de bzhin no/ /de bzhin du mtshams na bzhugs pa'i lha mo rnams ni yid 'phrog pa'i gzugs gnyis pa ste/thams cad yi dwags kyi gdan la bzhugs shing sems can gyi don mdzad pa la brtson pa'o/ /dpa' bo dang rnal 'byor ma 'di dag thams cad ni dpral bar rdo rje'i phreng ba'o/ /de nas gzhan yang byang chub kyi phyogs kyi chos sum cu rtsa bdun lha'i sbyor bas sbyar bar bya ste/de dag kyang gang zhe na/ lus rjes su dran pa ni mkha' 'gro ma'o/ /tshor ba rjes su dran pa ni lA ma'o/ /chos rjes su dran pa ni khaN+Da ro he'o/ /sems rjes su dran pa ni gzugs can ma'o/ /'dun pa'i rdzu 'phrul gyi rkang pa ni rab gtum ma'o//brtson 'grus kyi rdzu 'phrul gyi rkang pa ni gtum pa'i mig can ma'o/ /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang po ni brtan pa'i blo can ma'o/ /brtson 'grus kyi dbang po ni mi'u thung ma'o//dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni ai rA ba ti'o/ /dad pa'i stobs ni 'jigs byed ma'o/ /brtson 'grus kyi stobs ni rlung gi shugs can ma'o/ /dran pa'i stobs ni chang 'thung ma'o//ting nge 'dzin gyi stobs ni sh+yA ma de bI'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag ni kha gA na ni'o/ /dga' ba yang dag byang chub kyi yan lag ni 'khor lo'i shugs can ma'o//shin tu sbyangs pa yang dag byang chub kyi yan lag ni khaN+Da ro he'o/ /chos rnam par 'byed pa yang dag byang chub kyi yan lag ni ShauN+Di nI'o/ /dran pa yang dag byang chub kyi yan lag ni 'khor lo'i go cha'o/ /btang snyoms yang dag byang chub kyi yan lag ni shin tu dpa' mo'o//yang dag pa'i lta ba ni stobs chen ma'o/ /yang dag pa'i rtog pa ni 'khor los sgyur ma'o/ /yang dag pa'i ngag ni brtson 'grus chen mo'o/ /yang dag pa'i las kyi mtha' ni khwa gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o//yang dag pa'i dran pa ni phag gdong ma'o/ /yang dag pa'i ting nge 'dzin ni dpal he ru ka'o/ /dge ba'i chos ma skyes pa rnams skyed pa ni gshin rje brtan ma'o/ /dge ba'i chos skyes pa rnams yang dag par bsrung ba ni gshin rje pho nya ma'o/ /mi dge ba'i chos skyes pa rnams yang dag par spong ba ni gshin rje'i mche ba can ma'o//mi dge ba'i chos ma skyes pa rnams mi bskyed pa ni gshin rje 'joms ma'o/ /de nas gzhan yang sku'i dkyil 'khor mchog gi rim pa'i sbyor bas sa bcu yongs su dag pas gnas la sogs pa yang dag par bshad par bya ste/pU dzA o a go rA/ de mA kA o hri ko ka la kA hi/ pre kr-i sau su na si ma ku/ pU zhes bya ba ni pUl+li ra ma la ya ste/ mgo bor ni rab gtum ma'o/ /dzA zhes bya ba ni dzA lan d+ha ra ste/ spyi gtsug tu gtum pa'i mig can ma'o/ /o zhes bya ba ni o D+ya na te/rna ba g.yas par 'od ldan ma'o/ /a zhes bya ba ni ar bu da ste/ mgo bo'i rgyab tu sna chen ma ste gnas so/ /go zhes bya ba ni go dA ba ri ste/ rna ba g.yon par brtan pa'i blo can ma'o/ /rA zhes bya ba ni rA me shwa ra ste/ smin ma'i dbus su mi thung ma'o/ /de zhes bya ba ni de bI ko Ta ste/mig tu lang ka'i dbang phyug ma'o/ /mA zhes bya ba ni mA la ba ste/ phrag par ni shing grib ma ste/ nye ba'i gnas so/ /'di dag ni thugs kyi 'khor lo ste/ nam mkha' la spyod pa'o/ /kA zhes bya ba ni kA ma ru ba ste/ mchan khung dag tu ni ai rA ba tI'o/ /o zhes bya ba ni o Te ste/nub ma gnyis su ni 'jigs byed chen mo ste zhing ngo / /dri zhes bya ba ni tri sha ku ni ste/ lte bar ni rlung gi shugs can ma'o/ /ko zhes bya ba ni ko sa la ste/ sna'i rtse mor chang 'thung ma ste nye ba'i zhing ngo / /ka zhes bya ba ni ka ling ga ste khar ni sh+yA ma de bI'o//la zhes bya ba ni lam pA ga ste/ mgrin par ni shin tu bzang mo ste/ tshan+do ha'o/ /kA zhes bya ba ni kAny+tsi na ste/ snying gar ni rta rna ma'o/ /hi zhes bya ba ni hi mA la ya ste/ 'doms su ni kha gA na ne ste/ nye ba'i tshan+do ha'o/ /'di dag ni gsung gi 'khor lo ste/ sa la spyod pa'o//pre zhes bya ba ni pre ta pu ri ste/ mtshan ma la 'khor lo'i shugs can ma'o/ /gr-i zhes bya ba ni gr-i ha de ba ste/ bshang ba'i lam du khaN+Da ro he ste 'dus pa can no/ /sau zhes bya ba ni sau rASh+Ta ste/ brla gnyis su shauN+Da nI'o/ /su zhes bya ba ni su bar+Na dwI pa ste byin pa gnyis la 'khor lo'i go cha ma ste/nye ba'i 'dus pa can no/ /na zhes bya ba ni na ga ra ste/ sor mo rnams la ni shin tu dpa' mo'o/ /si zhes bya ba ni sin d+hu ste/ rkang pa'i bol la ni stobs chen ma ste/ dur khrod do/ /ma zhes bya ba ni ma ru ste/ mthe bong dag la ni 'khor los sgyur ma'o/ /ku zhes bya ba ni ku la tA ste/pus mo gnyis la ni brtson 'grus chen mo ste/ nye ba'i dur khrod do/ /'di dag ni sku'i 'khor lo ste/ sa 'og na gnas so/ /de yang sku gsung thugs kyi dbye ba yis/ /yi ge gsum gyi ngo bo las/ /mtho ris mi yul sa 'og tu/ /skad cig gcig gis sku gcig 'gyur//skad cig tsam gyi rnal 'byor bdag /skad cig gis ni phyag rgya can/ /kun nas kun du skad cig ste/ /skad cig gis ni gsang sngags 'don/ /oM AHhUM/ oM sarba bI ra yo gi nI nI kA ya bAka tsit+taM badzra swa b+hA ba At+ma kou0f85haM/ oM badzra shud+d+haHsarba d+ha rmA badzra shud+d+hou0f85haM/ de nas go cha gnyis shes nas/ /ye shes 'khor lo rnam par bsgom/ /sngags dang phyag rgya'i sbyor shes pas/ /dam tshig 'khor lo la myur gzhug /de nas go cha gnyis bshad par bya ste/ snying kar oM ha'o/ /mgo bor na ma hi'o/ /spyi gtsug la swA hA hu/ phrag pa gnyis la ni bau Sha Ta he/mig gnyis la ni hUM hUM ho/ /yan lag thams cad la ni phaT phaT haM/ dang po rdo rje sems dpa' ste/ /gnyis pa rnam par snang mdzad bzhugs/ /gsum pa pad+ma gar dbang bzhugs/ /bzhi pa dpal ldan he ru ka /rdo rje nyi ma rta mchog ste/ /gdug pa go cha rnams kyis bsrungs//oM baM rdo rje phag mo'o/ /haM yoM ya mi ni'o/ /hriM moM rmongs byed ma'o/ /hriM hrIM skyod byed ma'o/ /hUM hUM skrod byed ma'o/ /phaT phaT ni tsaN+Di ka ste/ yan lag thams cad la mtshon cha yin te/ lte ba dang snying ga dang de bzhin du kha dang / mgo bo dang /spyi gtsug dag gi mtshon cha nyid do/ /mdzub mo mdud byas gung mo nges par sbyar/ /mthe bong rdo rje brtan por rab tu sbyar/ /'di ni dpral ba'i dbyings su rab bzhag nas/ /bskor zhing bskor bas kun du bskor bar bya/ /rkang pa mnan cing gyen du blta/ /gyen du pheM gyi sgra sgrogs shing /phyogs bcu 'jig rten khams bzhugs pa'i/ /dpa' bo rnal 'byor ma rnams dgug /oM yo ga shud+d+haHsarba d+har+m+mA yo ga shud+d+hou0f85haM/ de nas snying po'i phyag rgya sbyin par bya ste/ lag pa g.yas pa dang g.yon pa bskor zhing mkha' 'gro ma'i dam pa bde bar gzhug par bya'o/ / oM shrI badzra he he ru ru kaM huM hUM phaT badzra DA ki nI dzA la sam+ba raM swA hA snying po'i sngags so/ /oM hrIH ha ha huM hUM phaT nye ba'i snying po'i sngags so/ /oM badzra bai ro tsa nI ye huM hUM phaT swA hA/ bcom ldan 'das ma'i snying po'o/ /oM badzra sarba bud+d+ha DA ki NI ye badzra war+N+Na nI ye huM hUM phaT swA hA/ bcom ldan 'das ma'i nye ba'i snying po'o//oM ka ra ka ra huM hUM phaT/ oM pra tsaN+Da huM hUM phaT/ oM ku ru ku ru huM hUM phaT/ oM tsaN+Da ak+ShI ye huM hUM phaT/ oM ban+d+ha ban+d+ha huM hUM phaT/ oM pra b+hA ba tI ye huM hUM phaT/ oM trA sa ya trA sa ya huM hUM phaT/ oM ma hA nA se huM hUM phaT/ oM k+Sho b+ha ya k+Sho b+ha ya huM hUM phaT/ oM bI ra ma tI ya huM hUM phaT/oM hrauM hrauM huM hUM phaT/ oM kharba rI ya huM hUM phaT/ oM hraH hraH huM hUM phaT/ oM laM ke shwa rI ya huM hUM phaT/ oM pheM pheM huM hUM phaT/ oM dru mats+tshA ya huM hUM phaT/ oM phaT phaT huM hUM phaT/ oM ai ra ba tI ya huM hUM phaT/ oM da ha da ha huM hUM phaT/ oM ma hA b+hai ra bI ya huM hUM phaT/ oM pa tsa pa tsa huM hUM phaT/oM bA yu be ge huM hUM phaT/ oM b+hak+Sha b+hak+Sha ba sa ru d+hi rA na tra mA la a ba la m+bi ne huM hUM phaT/ oM su ra b+hak+ShI ya huM hUM phaT/ oM gr-ih+Na gr-ih+Na sa pa ta pA tA la ga ta b+hu dzaM ga sarbaM wA/ tardza ya ta rdza ya huM hUM phaT/ oM sh+yA ma de bI ya huM hUM phaT/ oM A kaD+D+h+ya A kaD+D+h+ya huM hUM phaT/ oM su b+ha dre huM hUM phaT/oM hriM hriM huM hUM phaT/ oM ha ya ka r+Ne huM hUM phaT/ oM dz+nyauM dz+nyauM huM hUM phaT/ oM kha ga A na ne huM hUM phaT/ oM k+Sh+mAM k+Sh+mAM huM hUM phaT/ oM tsakra de ge huM hUM phaT/ oM hAM hAM huM hUM phaT/ oM khaN+Da ro he huM hUM phaT/ oM hIM hIM huM hUM phaT/ oM shauN+Di nI ye huM hUM phaT/ oM hUM hUM huM hUM phaT/ oM tsakra bar+m+mi NI ya huM hUM phaT/oM kI li kI li huM hUM phaT/ oM su bI re huM hUM phaT/ oM si li si li huM hUM phaT/ oM ma hA ba le huM hUM phaT/ oM hi li hi li huM hUM phaT/ oM tsakra brti nI ya huM hUM phaT/ oM d+hi li d+hi li huM hUM phaT/ oM ma hA bI r+ya huM hUM phaT/ oM kA kA s+ye huM hUM phaT/ oM u lU kA s+ye huM hUM phaT/ oM shwA nA s+ye huM hUM phaT/oM shU ga rA s+ye huM hUM phaT/ oM ya ma dA D+hI ya huM hUM phaT/ oM ya ma dU tI ya huM hUM phaT/ oM ya ma daMSh+Ti NI ya huM hUM phaT/ oM ya ma ma thA nA ya huM hUM phaT/ oM DA ki nI ya huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ya huM hUM phaT/ oM na mo b+ha ga ba te bA re shA ya/ma hA kalpa ag+ni sin+na b+hA ya/ dza TA ma ku Tota ka TA ya/ daMSh+T+rA ka rA lo gra b+hI Sha Na mu khA ya/ sa ha sra b+hu dza b+hA su rA ya/ par shu pA sho d+ya ta shU la kha T+wAM ga d+hA ri Ni/ byA g+h+ra dzi nAM ba ra d+ha rA ya/ ma hA d+hUM brAn d+ha ka ra ba puShA ya huM hUM phaT/ de dag ni mchod pa'i sngags so//ji ltar bltams pa tsam gyis kyang / /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi She ka sa ma ya shri ye hUM/ dbang bskur ba'i sngags so/ /rdo rje'i thal mo gyen du kha phye la mtshan phyed na gtor ma sbyin par bya'o//oM badzra A ral+li hoHdza hUM baM hoHbadzra DA ki nI sa ma ya s+t+waM dr-i sh+ya hoHoM A hUM zhes bya ba 'dis lan lnga'i bar du mngon par bsngags par byas la btab par bya ste/ oM kha kha khA hi khA hi sar+b+ba yak+Sha rak+Sha sa b+hU ta pre ta pi shA tsa un+ma da a pasmA ra DA ka DA ki n+ya da ya i maM pa liM gr-ih+Nan dus ma yaM rak+Shan tu/ma ma sar+b+ba sid+d+hi m+me pra yats+tshan+tu ye thai baM ya theSh+TaM b+huM dza tha pi ba tha dzi g+h+ra tha mA ti kra ma tha/ ma ma sar+b+ba kA ra ta ya sad su kha bi brid+d+ha ye sa hA ya ka b+ha ban+tu huM hUM phaT swA hA/ so dang sen mo dag khaN+Da ka pA pa'o//skra dang spu dag ma hA kang ka la'o/ /pags pa dang dri ma dag kang ka la'o/ /sha ni mche ba rnam par gtsigs pa'o/ /rgyus pa ni su ra bai ri'o/ /rus pa ni 'od dpag tu med pa'o/ /mchin pa ni rdo rje lod do/ /snying ni rdo rje sku'o/ /mig ni ang ku ri ka'o/ / mkhris pa ni rdo rje ral pa can no/ /glo ba ni dpa' bo chen po'o/ /rgyu ma ni rdo rje hUM mdzad do/ /gnye ma ni rab tu bzang po'o/ /grod pa ni rdo rje bzang po'o/ /chu so ni 'jigs byed chen po'o/ /skra mtshams ni mig mi bzang ngo / /bad kan ni stobs po che'o/ /rnag ni rin chen rdo rje'o/ /khrag ni rta mgrin no//rdul ni nam mkha'i snying po'o/ /tshil ni dpal rdo rje he ru ka'o/ /mchi ma ni pad+ma gar gyi dbang phyug go/ /mchil ma ni rnam par snang mdzad do/ /snabs ni rdo rje sems dpa' ste/ de dag ni dpa' bo'i yan lag rnam par dag pa'o/ /dpa' po'i rtsa ba'i sngags mchog gang / / mchod phyir thogs la sogs pa brtag /dpa' bo nyi shu rtsa bzhi yi/ /lus kyi khams la rnam par brtag /go cha'i phyag rgya dpa' bo drug /phyag rgya 'di yis lus mdzes te/ /rdo rje phag mo'i sngags gang yin/ /mgrin pa mgul dos brgyan pa yin/ /snying po'i sngags kyi dpa' ba yi//phreng ba brgya yi phyed kyis brgyan/ /gsang sngags yi ge bdun gyis ni/ /rna cha yis ni rna ba brgyan/ /sangs rgyas kun gyi mkha' 'gro ma/ /pags pa'i gos ni 'dzin pa'i mchog /rnal 'byor ma drug sngags kyis ni/ /ska rags byas pa rnam par brgyan/ /'khor lo kun gyi rnal 'byor ma//sngags kyi btung ba'i thod pa yin/ /bai ro tsa na'i sngags gang yin/ /thod pas mgo bo rnam par brgyan/ /de ltar bdag nyid rnam bsams te/ /tsham ngam sngags kyis shin tu bsrung / /tshangs par spyod pa brtag gyur nas/ /rkang pa brgyad pa'i gsang sngags mchod//'jigs pa thams cad rnam spangs te/ /de ltar rnal 'byor bdag nyid bsam/ /'khor lo bde mchog sdom pa la/ /blo ldan che gang rnam par spyod/ /rigs lnga dag tu kun spyod pa/ /rigs gcig tu ni rnam par brtag /rnam par mi rtog bdag nyid sems/ 'dod pa'i yon tan lnga la spyod/ /dogs pa thams cad rnam spangs te/ /dpa' bo seng ge bzhin du spyod/ /A li kA li mdun bsams nas/ /rnal 'byor chen po ngal bso ste/ /zla ba'i dkyil 'khor rdzogs pa ni/ /lte ba'i rtsa bar gnas par bsgom/ /yi ge mchog gi gnas gyur pa//de yi dbus su rnam par bsgom/ /sku gsung thugs kyi rdo rje can/ /lha yi sku ni bsgom par bya/ /de ni gzugs las 'das pa ste/ /dngos po med pa'i chos nyid yin/ /de yang bsam gyis mi khyab bsam/ /sems nyid brtag par mi bya'o/ /bsam gyis mi khyab de bsams na//de las gzugs ni tho bar 'gyur/ /kha T+wAM ga ni lha yi sku/ /shes rab Da ma ru yi sgra/ /nyin mo bcom ldan rdo rje can/ /rnal 'byor ma ni mtshan mor bshad/ /mya ngan 'das byung dpa' bo rnams/ /drug pa sems kyi sprul pa ste/ /dag pa chos kyi sprul pa ni/ / phag mo'i gzugs su bstan pa yin/ /shrIr yig gnyis med ye shes te/ /he ni rgyu sogs rnam par spangs/ /ru yig tshogs dang bral ba nyid/ /ka ni gang du 'ang mi gnas pa'o/ /sems ni ngal bso rnal 'byor pa/ /myang 'das bstan pa ma yin nyid/ /'pho ba'i tshe na rnal 'byor pa/ / dpal ldan khrag 'thung sogs rnal 'byor/ /me tog sna tshogs lag na thogs/ /sna tshogs rgyal mtshan ba dan dang / /rol mo'i sgra ni sna tshogs dang / glu yi mchod pa sna tshogs kyis/ /'chi ba zhes bya rnam rtog ste/ /mkha' spyod gnas su 'khrid par byed/ /dpal bcom ldan 'das mngon par rtogs pa zhes bya ba/yul b+haM ga la'i slob dpon bsod snyoms pa dngos grub brnyes pa/ rnal 'byor gyi dbang phyug chen po lU yaM pas mdzad pa rdzogs so// //kha che'i mkhas pa shrad d+hA ka ra barma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa las/slad kyi dpal rdo rje slob dpon chen po rje btsun na ba ko Ti pA da'i zhal snga nas dang / bod kyi lo tsA ba 'gos lha btsas kyis yul shar phyogs kyi dpe dang bstun te bcos pa'o/ /dus phyis shar phyogs dza ga ta la'i paN+Di ta chen po dA na shI las 'grel pa dang bstun nas cung zad bcos pa'o/

CLOSE WINDOW