CLOSE WINDOW

D1425
བོད་ཡིག

/ @##/ /rgya gar skad du/ shrI tsa kra sam+bA ra nA ma sha ta aSh+Ta kAM sto tra/ bod skad du/ dpal 'khor lo sdom pa'i mtshan brgya rtsa brgyad pa'i bstod pa/ dpal rdo rje mkha' 'gro la phyag 'tshal lo/ /bskal pa'i me ltar 'bar ba'i 'jigs pa'i skur ldan pa//khros pas 'jigs mdzad mtsho skyes sngon po'i sku mdog bzhin/ /nyi ma'i dkyil 'khor steng bzhugs kha T+wAM ga dang ni/ /rdo rje bsnams shing oM oM yi ge dag pa yis/ /tshangs pa dang ni khyab 'jug drag po'i lha dag gi/ / mgo rnams bcad mdzad nas ni dbu la rnam brgyan pa/ /hUM hUM phaT phaT Ta Ta yi ge 'khor ldan pa/ /mi yi seng+ge zil mnan nas ni 'jigs mdzad pa/ /thugs rje chen pos sprul pa'i 'khor lo'i tshul bskyed pa/ /dzaHhUM baM hoH dpal mo'i nu ma rab tu mnan/ /bde bar gshegs pas dbu gtsug la ni rnam brgyan pa//lha rnams kun gyi dbu gtsug zhabs kyis mnan mdzad pa/ /a la la yi sgras ni bgegs rnams skrag mdzad pa/ /cang te'u 'khrol zhing khyab 'jug drag po'i pags pa bsnams/ /rdo rje lha mo rnams kyi 'khor los sgyur mdzad pa//hu lu hu lu dzi dzi traM traM dzaM dzaM sgrogs/ /rgyu mas brgyus pa'i mgo bo'i phreng ba'i rgyan ldan pa/ /rdo rje mkha' 'gro'i gzugs kyis 'jigs byed glu len pa/ kruM kruM dang ni hu lu hu lus myos mdzad pa/ /rdo rje mkha' 'gro rnam par brgyan pa yi/ /dur khrod du ni gar dang ha la ha la'i sgras//gnod sbyin rnams ni rab tu skrag par mdzad pa des/ /rdo rje mkha' 'gro ma yi glus ni rab bskul ba/ /sha dang khrag dang rgyu ma nang khrol gsol bar mdzad/ /haM haM a a'i sgras ni lha rnams gsal mdzad pa/ /thod pa klad pas bkang nas gsol phyir phyag na bsnams//ka ha ka ha'i bzhad sgras 'khor ba 'jigs mdzad pa/ /mi bzad dur khrod rnams kyi rus pa'i rgyan ldan pa/ /rdo rje ha har bzhad pas khams gsum rgyal mdzad pa/ /ha ha hi hi dza dza'i yi ges sdigs mdzub mdzad/ /ha ha bzhad pas ri bo rtse nas bsgyel mdzad pa//rnal 'byor ma dang dpa' rnams hri hri sgrogs pas 'bod/ /mi yi seng ge rtse gsum gyis 'gugs sems can don mdzad pa/ /mche ba gtsigs pa'i zhal bzhi sku mdog sngon por ldan/ /bruM bruM sgrogs shing phyag rgya chen por bskyed mdzad pa/ /rdo rje glog stong 'gyu ba'i ljags ni phyung nas kyang //rdo rje dril bu mda' dang gzhu la kraM kraM sgrogs/ /g.yon brkyang ba dang sbrul rnams kyis ni dbu brgyan cing / /bskal pa grangs med sems can don mdzad mi 'dor ba/ /ha na da ha phaT phaT sgrogs shing skyob mdzad pa//rnal 'byor stobs kyis rgyal ba'i mdzad pa rnams mdzad pa/ /dngos dang dngos med min zhing bsgom dang rdo rje can/ /tsa Ta tsa Ta graM graM khaM khaM sgrogs mdzad pa/ /sangs rgyas sku gsung thugs kyi spros pa stong pa nyid/ /rol pa'i lta bas dri ma ma lus bral ba dang / /go lu go lu dzaM dzaM yaM yaM sgrogs pas zhi ba dang //mkha' dang mnyam pa'i ting 'dzin bzhugs pa'i mthu mnga' ba/ /maM maM sgras ni bde ba chen po'i bdag nyid can/ /thugs rje chen pos rjes 'brel sems can mi gtong ba'i/ /brtan g.yo'i rang bzhin he ru ka dpal phyag 'tshal bstod//mkha' 'gro'i dam tshig A li kA li'i sbyor ba ste/ /rigs lnga'i bde gshegs bcom ldan 'das kyis bshad du gsol/ /lha dang drang srong rnams ni phyag 'tshal brjod pa yis/ /he ru ka dpal gsang ba'i sku 'dzin der nges 'gyur/ /dpal ldan 'khor lo sdom pa'i mtshan brgya rtsa brgyad pa'i bstod pa rdzogs so/

CLOSE WINDOW