CLOSE WINDOW

D1412
བོད་ཡིག

bston pa po/ sprul pa rgyu ma mig 'phrul lta bur snang tshogs pa dang mkha' la rdzu 'phrul dang bcas pa/ ngo bo nyid ni dri ma med pa sku mchog 'jig rten gsum gyis mchod la bdag btud nas/ bsdus pa'i rgyud ni sbas pa 'grel bar byed pa de kho na nyid mkhas pa bshad par bya/ theg pa che las theg pa'i mchog/sngags kyi theg pa bu sla ba/ nyan thos ma yin rang rgyal min/ theg pa chen po'i don bsdus pa/ mu stegs kun gyis ma myangs shing / /pha rol phyin pa'i tshul la brten/ gsang sngags tshul ni rnams grangs mang / bya ba spyod pa gnyis ka'i bdag/ mdo sde rgyud dang rtog rang bzhin/ / chos kyi phung po stong phrag ni/ /brgyad cu rtsa bzhi grangs rnams nyid/ sangs rgyas kun gyis bstan pa yin/ de las ches snying po yi rgyud/ mkha' 'gro ma yi 'khor lo sdom/ yan lag bcu gnyis gsung la brten/ mkha' 'gro ma yi man ngag brjod/ rnam lnga mngon par rdzogs byang chub/chos dbyings bdag nyid sgrub pa'i thabs/ shes rab thabs ni mnyam par sbyor/ lnga pa zung du 'jug pa'o/ chags pa ma yin chags bral min/ dbu mar dmigs par mi 'gyur ro/ bud med kun gyi sgyu ma'i rgya/ 'di ni gnyis med theg pa'i mchog/ snyigs ma lnga yi dus 'dir ni/rnyog pa po rnams blo zhen 'di/ tshe thung brtson 'grus chung ba rnams/ rgyas pa mdor bsdus ched du yang / shes rab pha rol phyin gnyis med/ rgyal bas dpal ldan 'bras spungs bstan/ yang dag rdzogs pa'i sangs rgyas theg/ 'bras bu'i rgyud ni bla na med/ gang du bde 'dod spro ba yi/dka' spyad kyis kyang sgrub par byed/ gsal zhing gting dpag dka' ba dang / yod dang yod pa ma yin dang / rten cing ma nges ma khyab pa/ kun rdzob skyo ba can gang yin/ des na rtog ge bral ba yi/ bde ba chen po dbu ma pa/ stong nyid snying rje gnyis su med/ gang du sems ni yongs su gsal/skye ba 'di la sangs rgyas nyid/ dga' dang bde ba bsgrub par bya/ e ma mkha' 'gro ma rgyud gang / rgyud rnams kun du mchog yin te/ khams gsum dbang phyug ye shes ni/ 'di las gzhan pa yod ma yin/ 'di nyid gnyis med de nyid de/ / bden pa gnyis po rnam phye ba/ gsum gyis kun rdzob rab tu brjod/ don dam pa gang gnyis dag gis/ rtog pa'i rnal 'byor rdo rje bzlas/ dang byin rlabs dang 'od gsal dang / /thung ngu 'jug dang rim pa lnga/ /rgyud rnams kun du bshad pa yin/ rim mtha' rim pa lngar shes nas/rgyud du mtha' drug la 'jug go/ rgyud du mdor bstan rnam gsum dang / rgyas par bshad pa rnam gsum 'gyur/ 'di yi rnam par bshad pa yang / rnal 'byor ma kun du spyod pa'i rgyud du/ ji ltar mdor bstan rab tu brjod/ rgyas par bshad pa'ang de bzhin no/ / so sor rgyas bshad brda dang ni/ cho ga rgyas pa mtha' dag nyid/ mdor bstan pa ni sprul pa yin/ rgyas bshad longs spyod rdzogs par 'dod/ so sor rgyas bshad mtha' dag ni/ myang na 'das pa'i de nyid bstan/ dpa' bo khyod kyis nga la bshad/ sangs rgyas mu stegs kyis rtogs dka'/sgra dang sgra nyams brda dang ni/ lam 'di kho na'i rjes 'brang nas/ dad pa skyes nas de yang dag/ rnal 'byor spyod tshul la gnas yin/ blon po rmongs pa ngan sdig gis/ bsgribs pa byis pa'i shes pa can/ yongs su ma smin sems can gyi/ phyi rol bstan bcos la 'chol ba/de dag kun gyis kyang mi shes/ mi shes mun pas khebs pa dang / mngon pa'i nga rgyal rtag dga' ba/ nga rgyal la sogs bdun sems pa/ de kun gyis kyang sangs rgyas kyi/ spyod yul gsang ba mi shes so/ gzhan du'ang mdor bstan rgyas bshad ni/dka' 'grel tshig ni 'joms pa'o/ so sor rgyas bshad mdor bstan che/ don kun gsal byed rgya cher 'grel/ de gnyis mngon shes thob rnams kyis/ bya yis mkhas pas min pa nyid/ de ltar mtha' drug rnams kyis dag/ de bzhin rigs drug gis sdom pa'o/'bras bu sgrub pa rgyu rnams kyis/ rgyud ni rnam pa gsum du bshad/ de nyid bsdus pa sogs rnams ni/ sgrub byed thabs kyi rgyud dag go/ rgyud ni rgyun chags kun nas bshad/ de nyid gsang dang gsang chen te/ phyi ma'i rgyud/ du 'dod pa yin/ gang zhig gsang ba rnam lnga ni/ rtsa ba'i rgyud du de brjod bya/ rigs dang dkyil 'khor rnal 'byor skyes/ mngon par dbang bskur phyag rgya che/ mngon brjod phyi ma la sogs dang / 'dus pa phyi ma nyid kyang ngo / 'bras ni rnal 'byor rgyud rnams te/ shes rab thabs kyi ming las ni/'dus pa dang ni sdom pa sogs/ rtsa ba dang rgyu'i rgyud rnams ni/ rdo rje mkha' 'gro rdor phreng sogs/ bshad pa'i thabs kyis dad dag go/ bshad pa'i rgyud kyi rjes 'brangs nas/ rgyan bdun gyis ni rigs pa yis/ rgyud kyi rnam bshad rgyal ba bzhed/ de phyir de la 'jug par bya/ / de bzhin du yang bshad rgyud ye shes rdo rje kun la btus par byang chub sems dpa' chen po rnams kyis gsol pa/ bcom ldan 'das rgyan rnam pa bdun ji ltar lags/ bcom ldan 'das kyis bka' stsal ba/ gleng bslang ba rnam pa lnga dang mtha' drug gi bshad pa dang / rigs pa rnam pa bzhi dang / bshad pa rnam pa bzhi dang / rab tu dbye ba rnam pa gnyis dang / gang zag rnam pa lnga'i slob ma yongs su brtag pa dang / bden pa rnam pa gnyis kyis dgongs pa'o zhes so/ rgyas par bshad pa yang 'dir ming dang rgyu mtshan dang byed pa po dang / tshad dang dgos pa'o/ dgongs pas bshad dang dgongs min dang /drang ba'i don dang nges pa'i don/ sgra ji bzhin pa dang sgra ji bzhin pa min pa'o/ rgyud dang gleng gzhi dang / nges pa'i tshig dang rgyu'o/ yi ge'i don dang spyi'i don dang sbas pa dang / mthar thug go/ tshogs la bshad pa dang / slob ma la bshad pa'o/ rin po che dang / tsan+dan dang / pad+ma dang / pad+ma dkar po dang / utAla'o/ /kun rdzob kyi bden pa dang / don dam pa'i bden pa'o/ rigs kyi bu kun rdzob ni mi brtan pa dang g.yo ba'o/ de'i bden pa ni chu zla lta bu'o/ don dam pa'i bden pa ni stong pa nyid chen po bco brgyad do/ de'i bden pa ni mtha' ste gnas kyi rim pa'o zhes so/ rdo rje phreng ba'i rjes su 'brangs nas so sor rgyas par bshad par bya ste/rgyud kyi mtshan ni ming yin la/ rgyu mtshan kye'o chags can gyi'o/ 'di yi byed po rdo rje sems/ tshad ni rim gyis la sogs pa'o/ dgos par bgrangs pa la sogs ni/ sangs rgyas nyid kyang mchog yin no/ / khyad 'phags 'dod pa'i sems can la/ chos kyi de nyid rab gsal byed/ /chags pa ma yin chags bral min/ /zhes pa la sogs dgongs bshad do/ /dman la de nyid gsal ston pa/ /dgongs pa min pas bshad pa ste/ bdag med thams cad stong pa ru/ /dag go zhes sogs bstan pa'o/sku la ngan la sbas pad+ma dang / tsan+dan sogs bshad drang ba'i don/ pad sogs btsun mo la sogs su/ yang dag don ston nges pa'i don/ bya ba spyod pa gnyis ka'i rgyud/ rtog pa sogs su ji bzhin sgra/ dkyil 'khor can sogs cho ga ni/ skye bos gsal bar bstan pa'o/bshad pa gci ba la sogs sgra/ 'jig rten bstan bcos phyi rol byas/ yul sogs rjod byed sangs rgyas kyis/ rgyud du bstan pa sgra min pa'o/ sgra don kho na yi ge'i don/ spyi yi don gyi dbye ba gnyis/ nyan thob 'gyod pa spong ba dang / bskyed pa gsal bar byed pa'o/sbas pa rnam pa gsum du bshad/ 'dod chags chos dang kun rdzob bden/ ye shes gsum bo rnam brtags pa'i/ snying po 'dir yod phyir des de'o/ 'od gsal ba ni rab ston dang / zung du 'jug pa rab rtogs byed/ mthar thug rnam pa gnyis rab brjod/ mtha' ni mur thug pa yi chig /rigs lnga bskyad pa'i rgyud yin te/ rigs gcig gyur ba gleng gzhi yin/ rdo rje sogs zung nges pa'i tshig /sgeg pa yang ni rgyu ru 'dod/ ji bzhin sgra dang dgongs pa dang / de bzhin drang don bstan pa dang / yi ge'i don dang spyi yi don/ tshogs la bshad pa mngon du'o/ji bzhin min dang nges don dang / de bzhin kho nar dgongs bshad dang / sbas pa mthar thug pa yang ni/ slob ma bshad pa yin par 'dod/ dngos po ma lus thos nas de/ 'dzin pa la ni rnam par mkhas/ skad cig gis ni brjed 'gyur pa/ ut+pal zhes bya'i gang zag go/gzung bya lhag par mang thos nas/ ston pa yi ni nus med pa/ bum pa'i ras bal sa bon bzhin/ shes bya ba dkar gang zag brjod/ dad dang ldan zhing snying rje shes/ thos nas blo yi kha 'bye la/ tshigs med 'o ma bzhin 'dzag pa/ pad+ma zhes bya'i gang zag go/ / thos pa nyung zhing nga rgyal ldan/ rtsa ba med pa ra mang du sma/ rjes su gzung bar mi nus pa/ tsan+dan zhes bya'i gang zag go/ tshul khrims bzang zhing mkhas la sgrin/ shes rab ldan zhing rgyud gcig pa/ thos nas legs par ston pa ni/ rin chen zhes bya'i gang zag go/ gang zag bzhi po 'di rnams la/tshogs pa bshad pa 'ba' zhig go/ rin chen gang zag rtog dpyod pa/ slob ma la bshad snod yin no/ bshad pa'i rgyud kyi rjes 'brangs nas/ phan don can gyis rgyud bstan bya/ 'di nyid kyis ni rgyud rnams kun/ drang bar bya'o gzhan du min/ zhes so/ da ni slob ma rnams kyi don la the tshom gyis rab tu 'jug pa'i don du brjod bya la sogs pa brjod par bya'o/'dir brjod bya ni shes rab dang thabs kyi bdag nyid can bcom ldan 'das he ru ka'o/ 'di'i yang so sor rtogs par byed pa po rgyud kyi rgyal po mngon par brjod pa'o/ de dag phan tshun brjod bya rjod byed kyi mtshan nyid ni 'brel ba'o//dkyil 'khor du zhugs te dbang bskur ba sbyin pa ni dgos pa'o/ phyag rgya chen po sgrub pa ni 'dir dgos pa'i dgos pa'o/ 'di rnams mngon par gzigs nas nyan thos kyi sdom pa dang bral ba'i gdul bya rnams kyi 'dod pa lnga la nye bar longs spyod pa'i bsam pas gsang chen gyi gnas dpa' bo dang /dpa' bo'i dbang phyug ma rnams kyis yongs su bskor ba'i phag mos gsol ba btab pas shAkya thub pas dpal he ru ka'i ting nge 'dzin gyis rtsa ba'i rgyud mngon par brjod par 'bum pa las gzhung tshad bdun brgyab 'jig rten dang 'jig rten las 'das pa dag las/'jig rten dang 'jig rten las 'das pa'i don skye ba 'di nyid la sangs rgyas nyid sbyin pa po yang dag par bstan to/ da ni bsdus pa'i don la sogs pa brjod bar bya ste/ de la thog mar bzhugs pa'i gnas kyi ngo bo nyid kyis gnas pa dang / de nas dam tshig gi spyod pa nyid kyis dang ston pa po dang gsol ba 'debs pa po nyid kyis dang /rigs ldan ma'i don gyis dang / pho nya mo mchod pa nyid kyis dang / 'dod pa'i dngos grub sgom pa nyid kyis dang / byang chub kyi sems kyis mchod pa'i don gyis dang / sdig pa thams cad rnam par grol ba nyid kyis dang / rnal 'byor pa nyid sgrub pa'i thabs nyid kyis dang /dam tshig skyong ba nyid kyis dang / dam tshig bye ba bsrung ba nyid kyis dang / bdud rtsi lnga bza' ba nyid kyis dang / zla ba btung ba nyid kyis dang / dbang po gnyis kyis snyoms par 'jug pa nyid kyis dang / lha'i bde ba nyid bsngags pa nyid kyis dang /lha dang mi'i bde ba nyid bsngags pa nyid kyis gnas pa ste le'u dang po la'o/ /de nas ri la sogs pa'i gnas kyi ngo bo nyid kyis gnas pa ste/ de bzhin du gzhan dag kyang phyag na rdo rje'i zhabs kyis rgya cher bshad pa'i rjes su 'brangs nas rgyud ji snyed par rtogs par bye ste mangs pa nyid kyi phyir 'dir ma brjod do//da ni rtogs sla ba nyid kyis bsdus pa'i don mdor bstan nas tshig gi don bshad pa'i don du/ /de nas 'di las zhes pa la sogs pas rgyud rnam par dbye bar bya'o/ /rgyud kyi rgyal po thams cad du 'di skad bdag gis zhes pa la sogs pas nges par bstan pa ma yin nam//'dir de nas 'di las zhes pa la sogs pas ji ltar yin/ 'di ni rgyal bas gsungs pa ma yin no zhe na 'di ni brjod par bya ba ma yin te gang gi phyir gsungs pa don la so sor rton gyi sgra ji lta ba bzhin du 'gyur bar bya ba ni ma yin no zhes so/ /'dir yi ge'i tshogs ming rnams kyis dngos po dang dngos po med par so sor rtog par byed do//'dir dngos po dang dngos po med pa gcig la yang ming du mar 'gyur la de rnams kyi gcig gtso bor yang ma yin te/ thams cad kyis dngos po gcig rtogs par byed pa'i phyir ro/ /dper na bud med dang mi mo la sogs pa rnams kyi lang tsho ma'i dngos po rjod par byed pa nyid kyi phyir dang /mkha'i me tog dang / nam mkha'i me tog gi dngos po med pa rtogs pa nyid kyi phyir ro/ /de bzhin du 'dir a yig ni de bzhin nyid rjod par byed pa'o/ /de bzhin du yang mchog gi dang po'i rgyud du a yig ni chos thams cad kyi sgo ste gdod ma nas ma skyes pa nyid kyi phyir ro zhes so//de'i phyir bdun pa'i mthas e yig tu 'gyur te don nyid las dang po'o/ /rten dang brten pa dag tu brtags pa nyid lta bu nges par bstan pa ma yin no/ /de ltar yang rtog pa thams cad kun las btus pa'i rnal 'byor gyi rgyud du/de nas rgyal po rdo rje 'dzin/ thams cad sa yi dbang phyug mchog/ ces pa la sogs pas bzhugs pa'i gnas so/ rnal 'byor ma'i rgyud du yang / nam mkha' bems min dang ba dang / zhes pa la sogs pas so/ de bzhin du zung du 'jug pa la rten dang brten par brtags nas thams cad du gsung so/des nas gang du 'di skad bdag gis yod pa de ni rgyal ba'i bka' yin la gang du med pa de ni ma yin no zhes sangs rgyas ba rnams kyis brjod par mi bya'o/ gsungs pa yang / legs par gzung ba'i chos la sngon rabs kyi/ mkhas par rlom bas 'jig rten 'di cir 'gyur/sgra 'du byed 'dom mi sgras sbyar bya li/ don la gal te sdong po'i sgras dang de'o/ mis dang sdong po'i sgra yis ni/ tha dad don rtogs bya min te/ kha cig tu ni mang po'i sgras/ don gcig so sor rtogs par byed/ kha cig tu ni sgra gcig gis/ / sna tshogs don rnams so sor rtogs/ e dang b+hag pad+ma dag/ bde ba'i gnas dang bde ldan dang / seng ge'i khri dang dmigs pa med/ de bzhin nyid dang phar phyin 'dod/ dper na sems can lta ba'i sgras/ ral gri lan tsha ne tso rnams/ de bzhin he ru ka yi sgras/ / mkha' 'gro ye shes bde thub pa/ zhes so/ 'dir log pa'i thos pa'i mngon pa'i nga rgyal can rnams kyis grub pa'i mtha' la slod pa ltung ba drug par gsungs so/ mngon par brjod pa 'bum par yang / stong nyid snying rje gcig nyid du/ rgyud gang du ni rab tu bstan/ 'jig rten mgon po sgrub byed pa/rgyud des sangs rgyas bstan pa'o/ zhes so/ 'dis bsdus pa'i don dang / tshig gi don rjes su mtshams sbyar ba'i rgol ba'i lan gsungs so/ kye'i rdo rjes ni 'khor lo sdom pa 'di ni shes par bya bar rgyal ba rnams kyis bstan/ kye'i rdo rje ni de bzhin 'dus pa'i tshig la shes par bya ste de dag rgyud la'o/de nyid phyir na 'dus pa'i rgyud ni shin tu gsal bar byed pa'i phyir/ rgyud shes don du rnam par sgom pa lnga yi bdag nyid mthong ba rab tu bya/ zhes so/ de nas 'di las zhes pa la sogs pa nas gnas zhes pa'i mthar thug pa bzhugs/ pa'i gnas bshad pa rnam pa bzhis rnam par rgyas par bya ste/ de nas te rdo rje 'jigs byed kyi ting nge 'dzin gyi bar ma chad bar ro/ dpal ha ru ka'i ting nge 'dzin la gnas pas rdo rje phag mol bos bar gyur pa kye rdo rje phag mo rtsa ba'i rgyud du rnal 'byor la sogs pa'ang nges par brjod pa de nyid gsang chen bdun bshad par bya'i nyon cig/gzhung bsdus pas ni mdor bsdus pa'o/ rgyas pa las ni min ni gzhung bsdus pa 'dod pa la de kho na'i don du ji ltar bstan pa zhes pa'i don no/ na'i yi ge rnam par brtags pa la'o/ de'i rgyu ci yin zhe na/ rtsa ba mngon par brjod pa 'bum pa ru gsungs pa yang /snyigs ma lnga'i dus su 'dzam bu'i gling pa'i mi rnams dang / khyad par 'phags pa'i yul du tshe thung zhing shes rab dman pa 'byung bar 'gyur te rdo rje slob dpon gang yin pa de dag rtsa ba'i ltung ba la 'jug pa 'byung bar 'gyur/ dge slong rnams mi dge ba bcu byed pa 'byung bar 'gyur/khyim na gnas pa rnams dkon mchog gsum gyi rdzas nye bar longs spyod bar byed pa 'byung bar 'gyur/ mkhas pa rnams ma thos pa'i rgyud 'chad par 'byung bar 'gyur/ mkhas pa'i mngon pa'i nga rgyal gyis rgyud kyi dka' 'grel dang rgya cher 'grel byed pa 'byung bar 'gyur ro//rgyud don phyin ci log tu bstan nas dmyal bar 'gro ba 'byung bar 'gyur ro/ /gang zhig sangs rgyas pa rmongs pa de rnams dang ba blun pa nyid kyis khyim na gnas pa'i slom dpon la bsnyen bkur bar 'gyur ro/ /thams cad mkhyen pa'i rgyal mtshan 'dzin pa rnams la sun 'byin par 'gyur ro//slob ma gang yin pa de rnams bla ma dam pa la skyon tshol ba 'byung bar 'gyur ro/ bla ma dam pa ma yin pa bzang ba dang gnyis su med pa rnams la bstod pa dang mchod pa byed pa 'byung bar 'gyur ro/ bla ma mnyes par bya bar gsungs par gsung bzhin mi byed bar 'gyur ro/chos ston pa po rnams mi dge ba bcu la 'jug pa 'byung bar 'gyur ro/ bud med rnams 'dod pa la shin tu brkam pa 'byung bar 'gyur ro zhes pa 'di'i phyir thams cad du rgyas par bstan pa ni ma yin no/ dpal ha ru ka mnyam par sbyor/ zhes pa ni phag mo dang lhan cig 'dus/ / pa'i he ru ka'i'o/ 'dod pa'i don kun sgrub byed pa ni mngon par 'dod pa thams cad ster ba po nyid kyi phyir ro/ de nyid bla ma las zhes pa ni 'dod pa dang gzugs dang / gzugs med par kun du spyod pa rnams kyi bde ba'i rgyu ni bla ma ste bde ba chen po'o/ kyang ni yang dag par 'byung bar byed pa la'o/bla ma ni rgyud do/ mchog gi dang por yang / rgyud 'di rgyun chags zhes bya ste/ phyi ma snga ma las byung ba/ de nyid gsang ba gsang chen te/ phyi ma dang bcas rgyud du 'dod/ ces so/ mkha' 'gro ma yi dra ba sdom ni 'khor ro/ gsungs pa yang / dad ldan 'jug pa'i yan lag tu/ston pa dpang po 'khor dang ni/ yul dang dus kyang nges bstan pa/ rang nyid tshad ma rab bsgrub phyir/ zhes so/ yi ge'i don to/ de nas zhes pa shes rab ma'i shin tu dga' ba'i bar ma chad pa'o/ gsang chen ni gsang ba'o/ mdor bsdus pa la sa rgyas pa min ni phag mo dang 'dus pa las so/dpal he ru ka ni rdo rje'o/ mnyam par sbyor ni bdag nyid dang de'i b+ha ga lhan cig pa'o/ kun ni zhi ba la sogs pa rnams so/ bla ma las kyang ni/ 'dod pa dang gzugs kyi yul gyi bde ba grub pa'o/ bla ma ni sangs rgyas nyid kyi bde ba'o/ mkha' 'gro ma yi dra ba sdom ni/rtsa sum cu rtsa drug kun nas bsdus pa'o/ gsang chen ni sa'i khams so/ mchog gi ni de bzhin du chu'o/ dgyes pa ni me'o/ s+ya ni rlung ngo / thams cad bdag nyid ni gnas pa/ rtag tu gnas ni 'di'o/ sangs rgyas kun bdag sdom pa ste/ zhes kha sbyor 'byung ba'i rgyud du gsungs so/gsungs pa yang / bzhugs pa rdo rje 'dzin pa der/ thig le'i gzugs kyis gnas pa'o/ zhes so/ rgyud gzhan du yang / thig le zla ba khu ba bsku/ rnam par bcad pa rngul nyid gsung / a yig mun can thugs rab brjod/ mkha' khams e la rnam par gnas/zhes pa ni spyi'i don te/ tshigs la bshad pa yang ngo / de nas 'di las zhes pa la sogs pa la gsang chen ni shes rab ma'i gsang ba'i gnas so/ dpal he ru ka'i khu ba'o/ mnyam par sbyor ni gtum pos lhan cig gcig nyid do/ /bla ma las ni dga' ba gnyis las so/bla ma ni khyad par dga' ba'o/ de mkha' 'gro ma yi dra ba sdom ste rang bzhin can rnams kyi tshogs/ bdag byin kyis brlab pa'o/ gsang chen ni rdo rje lha mo'i gnas so/ mchog gi ni de sbas pa'i dpe spangs pa'o/ dgyes pa ni shes rab ma'i shin tu bde ba'o/thams cad bdag nyid ni rgyal pa'i rang bzhin no/ rtag tu gnas ni btsun mo'i 'khor du 'jug bzhin pa la'o/ de nas 'di las zhes bya ba la sogs pa ni bskyed pa'i rim pa'i bar ma chad pa'o/ gsang chen ni thams cad stong pa'o/ mdor bsdus las ni rnam par mi rtog pa las so/ / rgyas pa min las ni gzugs la sogs pa'i rtog pa las so/ dpal he ru ka mnyam par sbyor ni kun rdzob dang don dam pa'i bden pa dag snang ba med par sbyor ba'o/ bla ma las ni shes rab kyi pha rol tu phyin pa'i lam las so/ bla ma ni shes rab dang thabs kyi de nyid do/ mkha' 'gro ma yi dra ba sdom ni chos kyi sku'o/gsang chen ni thams cad 'dus pa'o/ mchog gi ni chos kyi dbyings so/ dgyes pa ni stong pa chen po la'o/ thams cad bdag nyid ni shin tu stong pa la'o/ rtag tu gnas ni stong pa la ste thabs shes rab kyi gzugs kyis dus gsum du 'khor ba'i bar du gnas te rten dang brten pa dag gcig dag gnyis kyis so/gsungs pa yang / chos rnams kun gyi dbang phyug lus/ /thams cad gzugs kyis rnam par brgyan/ zhes so/ de bzhin du rtag tu gnas ni bcom ldan 'das ma sgyu 'phrul chen po dka' bar spyod ma stong pa nam mkha' dang mnyam pa nyid ni dngos po med pa rnam par spang pa'o zhes so/mthar thug pa'o/ da ni dam tshig gi spyod pa nus pa nan tan du byed pa'i don du gsungs/ sems dpa' pho nya kun rang bzhin/ rdo rje sems dpa' bde ba'i mchog/ 'di ni rang byung bcom ldan 'das/mkha' 'gro ma yi dra ba sdom/ sgra yi tshul las rnam nges 'byung / dam tshig spyod pa'i spyod yul lo/ zhes te pho nya mo'i byang chub kyi phyogs kyi chos rnams thams cad do/ de'i rang bzhin ni chos kyi sku ste dag pa'i ye shes dang rnam par shes pa'i mtshan nyid gzhan gyi don byed pa po'o//sems dpa' ni khams gsum pa'i mtshan nyid de bshad pa'i rgyud du yang / sems can dag ni g.yo bar bshad/ snod ni brtan pa la sogs pa'o/ zhes so/ rdo rje sems dpa' rdo rje chen po'i rang bzhin gyi sems dpa' ni rdo rje sems dpa' zhes bshad/de kho na bde ba'i mchog ste lhan cig skyes pa'i sku shes rab dang thabs rang gi don byed pa'o/ ma 'dres pa la sogs pa chos sum cu rtsa gnyis bdag nyid do/ lhan cig skyes pa'i chos 'di dag gi rnal 'byor pa ni rdo rje sems dpa' ste yang dag par sbyor ba'o/'di ni rang byung bcom ldan 'das ni de kho na tshangs pa sku'i rdo rje 'dzin te sprul pa'i sku'o/ /gzugs kun nas gsal ba'i phyir bcom ldan te gzugs phun sum tshogs pa la sogs pa dang ldan pa nyid kyi phyir te gsungs pa yang / phun tshogs gzugs dang dbang phyug nyid/de bzhin brtson dang grags pa ste/ /'bras bu 'di bzhin ston pa yi/ bsod nams phung po'i mthu las so/ mkha' 'gro ma yi dra ba sdom ni de kho na rnam pa'i mchog thams cad dang ldan pa nyid kyi phyir/ dbang bskur ba'i sangs rgyas su blta bar bya'o/ sgra'i tshul ni sngags kyi sku ste 'di las gsum yang dag par sbyor ba las longs spyod rdzogs pa'i sku gzhom du med pa'i sgra'o/pha rol tu phyin pa'i tshul du yang / /dper na rnga las ma brdungs pa/ /sgra ni kun du 'byung bar 'gyur/ de bzhin rgyal ba'ang lhun grub tu/ ston par byed pa nyid du 'byung //rnam nges 'byung ni sngags kyi lha nyid de yang 'jig rten gsum nyid du nges par phyung ste gdul ba rnams la sgra kun du gsal ba'i phyir ro/ /dam tshig spyod pa'i spyod yul ni lus 'di nyid dam tshig gi spyod pa'i yul du rtogs par 'gyur ba'i phyir rnal 'byor ma'o/ / dam tshig gi spyod pa ni 'chang bzhin par brjod par bya'o/ /gsungs pa yang / gzhan la thabs kyis byed pa ni/ /de bzhin kho na 'gro ba'i gnyen/ /go 'phang 'phags pa'i spyod yul thob/ /byis pa'i spyod yul blta bar bya/ /zhes so/ /dgongs pa'o/ /snyon pa po dang gsol ba 'debs pa po brjod par bya ste/'jigs rten gsum du rnyed par dka'/ /thog ma dbus mtha' yang dag gnas/ bsrub bya srub byed sbyor ba las/ /sngags bzlas bsam gtan la sogs ldan/ /'di ni ye shes dang / thugs dang / gsung dang / sku gcig tu 'dres par gyur pa gtsang zhing dag pa'i gzugs rang bzhin dang /chos dang longs spyod rdzogs pa dang / sprul pa rnams kyis tha dad du 'jug pa can thams cad stong pa dbyings kyi ngo bo can no/ 'jig rten gsum du rnyed par dka' ni bsod nams dman pa rnams kyi'o/ /thog ma dbus mtha' yang dag gnas ni chos thams cad la dus gsum du yang dag gnas pa yang ngo //de bzhin du yang ye shes kyi tshogs dang bral ba rnams kyi yul ma yin pa'o/ /dgongs pa ma yin pa'o/ bsrub bya srub byed sbyor ba las ni rdo rje mkha' 'gror yang / bsrub bya chos 'byung du bshad do//srub byed rdo rjer brjod par bya/ /sbyor ba dbyings dang ye shes yin/ bdud rtsi lta bur mchog tu byung / /dngos su sangs rgyas nyid du byed/ /ces gsungs so/ /bsam gtan la sogs kyi sgra dag las/ bsam gtan gyi sogs kyis kyang / 'di nyid du nges par ston pa'i bzlas pa dang /sbyin sreg dang / gtor ma dang / bsam gtan dang / bza' ba dang btung pa rnams kyis bsgrubs pa'o/ sgra ji bzhin pa'o/ /rnal 'byor nyid cho ga ye shes/ rgyud du gsungs pas mnyam par gyis/ /zhes pa'i rnal 'byor ni gsungs pa yang / thabs dang shes rab snyoms 'jug pa//rnal 'byor zhes par mngon brjod bya/ /gang zhig dngos med shes rab ste/ /thabs ni dngos po'i mtshan nyid do/ /zhes so/ /dgongs pa'o/ /'jig rten pa'i cho ga'i ye shes kyi dngos grub ni dam tshig la sogs pa'i dngos grub nyid kyi phyir ro/ /nyid kyi sgra las cho ga'i ye shes yang ngo //rgyud du gsungs pa gang mngon par brjod pa 'bum par te/ de nyung ngu'i rgyud do/ /da ni rdo rje phag mo la ches snying por gyur pa'i rgyud ji lta ba bzhin bstan par bya'o ton zhes pa'o/ /sgra ji bzhin pa'o/ /ston pa po dang / gsol pa 'debs pa po'i 'brel pa mngon par rjod par byed pa dang /mngon par brjod par bya ba'i 'brel bas gsungs so/ da ni rigs ldan ma'i mchod pa brjod par bya ste/ dbu ma mchog gi dbugs dang ni/ dri dang chu dang ldan pas kyang / /rtag tu rigs ldan ma mchod bya/ /zhes pa ni/ /dbu ma dang / mchog gnyis gzung bar bya'o//tham lo bcu lon pa ni yang dag par spang par bya'o/ dbugs kyis ni rdo rjer kun du bstan pas so/ /dri dang chu dang ldan bas ni ni 'i yi ge las nye bar spyod pa ldas dri dang me tog rigs rnams yang dag par sbyin no/ rigs ldan ma ste rigs kyi gzhon nu ma rnams mchod par bya'o ni mnyes par bya'o//rtag tu ni nyi ma so so'o/ /bshad pa'i rgyud rdo rje a ral+li ru yang / sbas dang skye bo bral ba'i phyogs/ /rang gi khyim mam gzhan rnams su'ang / bcu gnyis lo ma'am de bzhin du'ang / /bcu drug lo ma mchod par bya/ /bshad pa'i rgyud bshad pa'i he ru ka mngon par 'byung pa ru yang /he ru ka dpal rnal 'byor che/ /bdag gis gzung bar byas nas ni/ /gang zhig 'khrig pa mi bsten pa/ shi nas du 'bod 'gro bar 'gyur/ de yi skyob pa yod pa min/ /zhes so/ /drang ba'i don to/ dbu ma tsam du nye bar dmigs pa med pa'i ngo bo nyid kyi phyir/rdzogs pa'i byang chub pa bzhin pa'o/ /mchog gi dbugs kyis ni dbu ma'i lhan cig skyes pa'i rlung gis so/ dri dang chu dang ldan pas ni lte bar gtum mo 'bar bas phung po la sogs pa bsregs pa/ dbral bar zla ba zhu ba'i bdud rtsi 'pho ba med pa gzung ba dang 'dzin pa spangs pa/'gyur ba dang 'dzag pa'i rgyu dang bral ba mi 'dzag pa'i rgyu rdzogs par gyur cig skyes pa'i dga' ba'i rang bzhin/ mchog tu mi 'gyur par gyur lhan cig skyes pa'i sku/ A li kA li dang hUM phaT kyi yi ge dang bral ba gzugs la sogs pa dang bsam gtan la sogs pa dang phyag rgyas byin gyis brlabs pa bla ma'i bka'i kun du spyod pa dang bral ba/stong pa nyid dang snying rje tha dad med pas rtag tu rigs ldan ma de la mchod par bya'o/ /rigs ni phung po zhes brjod la/ /de la gnas pa'i rdo rje phag mo ni a bad+hU tI ra mngon par brjod de/mi shes pa rnams kyis byang chub kyi sems zad par byed pa mo yin la rnal 'byor pa rnams kyi ne bdud zad par byed ma'o/ /de bzhin nyid ni pad+ma zhes brjod par bya ste/ de kho na mA ma kI ste rang gi sems kyis so sor snang ba bsgoms par bya'o/ /rtag tu ni spyod lam bzhi po rnams su gtsang ba'am mi gtsang bar ro//don dam pa'i bden pas zung 'jug bsgom par bya'o zhes pa'o/ /nges pa'i don no/ /da ni 'jig rten pa'i don du pho nya mo'i mchod pa brjod par bya ste/ dus khyad par gyes pho nya mo zhes pa'o/ /dus zhi lo so so dang / nyi ma so so rnam pa gnyis so//de'i bye brag ni dus kyi khyad par te/ nyi ma dang / phyogs dang / zla ba dang / dus drug dang / dus gsum dang / dus bzhi dang bgrong pa'o zhes so/ /de bzhin du lo gcig gi dus la nyi ma rab tu rgyu bas des pho nya mo rdo rje mkha' 'gro ma la sogs pa nas gshin rje 'joms ma'i mthar thug pa rnal 'byor ma sum cu rtsa drug po de rnams sgrub pa dang tshogs kyi 'khor lor kha na ma tho ba med pa'i dam tshig rnams kyis dang /nye bar spyod pa ldan rnams kyis kyang mchod par bya'o/ /drang ba'i don to/ /dus ni nang gi bdag nyid kyi khyim gyi 'khor lo dus sbyor bcu gnyis kyi bdag nyid do/de'i khyad par ni slar yang dbugs dang chu srang dang chu tshod dang / yud tsam dang / dus sbyor phyed pa dang / thun dang / thun dang / thun mtshams dang / nyin mo dang / mtshan mo ste srog rgyu bas pho nya mo'i kun dun spyod pa ye shes dang thugs dang gsung dang / sku'i 'khor lo la pho nya mo rnams kun du spyod pas longs spyod pa dang thim pa dang /dbang byed pa dang / bdag po nyid pho nya mo sum cu rtsa drug rnams rim pa bzhin no/ /de bzhin du longs spyod pa'i dus la rnal 'byor ma rnams mchod par bya'o/ /ji ltar pho nya mo rnams mchod pa de ltar du dpa' bo rnams mchod par bya'o zhes 'di las gsungs pa/pho nya lhan cig skyes grub rnams/ /tham 'bring dang mchog rnams te/ /zhes pa lhan cig skyes ni lhan cig bsres nas skyes so zhes pa dpa' bo sku dang gsung dang thugs dang 'khor lo rnams nyi shu rtsa bzhir grub pa de rnams kyang dus kyi khyad par gyid mchod par bya'o/tham 'bring dang mchog rnams ni/ sa 'og dngas stengs dang / mkha' la spyod pa'i dngos grub ster ba po nyid kyi phyir ro/ /de bzhin du rigs ldan ma rnams phyag rgya chen mo mi 'gyur ba'i bde ba chen po'i skad cig gis so/ /'jig rten pa'i don du pho nya mo dpa' bo dang bcas pa mchod par bya'o//'dir dus kyi khyad par ni gdan bzhi la sogs par bya ste/ rgyud ni rgyud gzhan gyis shes par bya'o zhes bcom ldan 'das kyis gsungs pa'i phyir ro/ dang por re zhig gdan bzhi chu srin la sogs pa'i dus sbyor rnams kyi mtshams dang ldan pa ni ro hi ta la sogs pa'i rtsa ba cu gnyis dang /de bzhin du rgyal dang mchu la sogs pa'i zla ba bcu gnyis po de rnams ni ma rig pa la sogs pa'i yan lags rnams so/ /dus sbyor re re ni dbyu gu lnga'i bdag nyid do/ /rtsa ba'i rgyud du dbyu gu ni chu srang drug cu'i bdag nyid do/ /chu srang ni dbugs drug gi bdag nyid do//de bzhin nyid dang mtshan mo yis/ /nyi khri brgyad gnyis brgya yi dbugs/ /zhes so/ /rdo rje mkha' 'gror yang ro hi ta dang po'o/ /gnyis pa la mo hi ta'o/ /gsum pa la bzang po'o/ bzhi pa la khyu mchog go/ /lnga pa la rus sbal lo//drug pa la chu srin no/ bdun pa la khyo med pa'o/ brgyad pa la mi ki ra'o/ /dgu pa la b+ha dri ka'o/ /bcu pa la byA ku li'o/ bcu gcig pa la mi bri ka'o/ /bcu gnyis pa la sa'i dbang phyug go/ /zhes so/ /gdan bzhi'i bshad pa'i rgyud du yang gsung pas ro hi ta dang chu srin dag//bzhi pa gti mug dang ni rus sbal dag/ /bzang po khyu mchog dag kyang lnga pa ste/ khyo med 'dod pa dag kyang lnga pa'o/ /b+ha dri byA ku li dag drug pa yin/ mi kir dang rmi lam bdun pa'o/ /zhes te/ dbyu gu drug cu'o/ /bsdus ba'i rgyud du yang mdor bstan pa gsungs pa ste rgyud gzhan gyis rgyas par bshad par rtogs par bya'o//bcom ldan 'das rdo rje snying pos gsungs pa/ kye rdor gyis ni 'khor lo sdom pa dang / /gdan bzhi par yang shes par byed pa yin/ bsdus pa'i 'khor lo sdom pa'i tshig rnams kyis//de bzhin gdan bzhi pa dang kye rdo rje/ /gdan bzhi pas ni kye rdo rje dang ni/ /bsdus pa'i 'khor lo'i sdom tshig shes par bya/ dang po'i sangs rgyas nges don tshig gis kyang / slar yang sdom pa chen po shes par bya/ zhes so/ /de bzhin du 'bum phrag lnga pa'i kye'i rdo rjer dbugs drug gis chu srang ngo //chu srang drug cus chu tshod do/ chu tshod gnyis kyis yud tsam cig go/ chu tshod lnga rnams kyis dus sbyor du 'gyur ro zhes pa la sogs pa rgyas par ro/ /'di ltar dus sbyor phyed pa'i dbye bas nyi shu rtsa bzhi mchod par bya'o/ /de bzhin du thun mtshams kyi dbye bas bzhi'o//thun gyid bye bas brgyad mchod par bya'o zhes so/ /gang gi phyir phyi rol gyi gnas la sogs par dkyil 'khor du dang / tshogs kyi 'khor lor de rnams kun du spyod par byed pa'i phyir ro/ /bcom ldan 'das kyis gsungs pa/ gnas la sogs pa de rnams su/ de bzhin gshegs pa'i phung po dang khams dang dang skye mchod la sogs pa rnam par dag pa khams rnams lha'i gzugs kyis 'byor pa 'am gshegs pa ni 'das pa'i dus su byung ngo //da ltar 'byung ngo / /ma 'ongs pa na 'byung bar 'gyur ro zhes dri ma med pa'i 'od du'o/ kha sbyor gyi rgyud du gsum nges par bstan te/dbang byed pa dang longs spyod pa dang / thim pa skye ba dang / gnas pa dang 'jig pa'i ngo bo'o zhes so/ /rdo rje'i tshig tu da ltar ba'i dus la longs spyod do/ /ma 'ongs pa'i dus su thim mo/ /'das pa'i dus su dbang byed do zhes so/ /de bzhin du longs spyod pa da ltar ba la sogs pas ma 'ongs pa rnams kun rdzob bas slar yang longs spyod pa dang dbang byed pa dang /bdag po nyid thim pa'i gnas skabs bzhi'o/ /slar yang bcom ldan 'das phyag na rdo rjes gsungs pa byis pa'i dus su longs spyod do/ / lang tsho'i dus la dbang byed pa dang / rgan po'i dus la bdag po nyid dang 'chi ba'i dus na thim pa ste/ thim pa las slar yang skye ba ni byis bzhes brjod par bya'o/ /snga ma 'gog pa dang phyi ma skye bas/ kha ton dang mar me la sogs pa'i dpe bzhin/ 'dir yang 'chi ba'i mthar skye ba'i cha shas [(]gyi [,]kyi [)]chos su shes par bya'o//de'i phyir yang na longs spyod pa dang / thim pa rnam par gnyis so zhes so/ /gsungs pa yang dbang byed pa ni gnas pa'o/ /de nyid longs spyod pa ste bdag po nyid kyang ngo / /thim pa zhes pa ni 'gro bar bya ba'i gnas la'o/ /da ltar ba la longs spyod pa'o//'byung bar 'gyur ba'i dus la thim pa'o zhes grub po/ /de bzhin du phyi rol du phyogs kyi 'khor lo dang tshogs kyi 'khor lor mchod par bya'o zhes so/ /rigs ldan ma rnams dus thams cad du mchod par bya'o/ chu srin gyi 'pho bal shar gyi zhal 'byung ba ni/ ji skad gsungs pa'i gnas su/rngul tshon rnams kyis dkyil 'khor bris te gsad pa'i don du mkha' 'gro ma la mchod yon byin nas me tog la sogs pas mchod par bya'o/ /de bzhin du sa ga can la sogs pa la dbang du bya ba'i don du nyi ma gung la lA ma'o/ karka Ta la sogs pa la rengs pa'i don du phye ma red du ma skyes ma la'o//lang la sogs pa la nyi ba'i don du mtshan mo phyed na gzugs can ma la mchod par bya'o/ /slar yang mchu can la sogs pa la skrod pa'i don du khwa gdong ma la'o/ /bum pa'i phyed kyi nyin zhag la dgug pa'i don du bug gdong ma la'o//lug gi 'pho ba la phur bus gdab pa'i don du khyi gdong ma la'o/ /snon can gyi phyed la rgyas pa'i don du gdong ma la'o/ /chu stod can la sogs pa la dug gzhil ba'i don du gshin rje sreg ma la'o/ /khrums can gyi phyed la rmongs pa'i don du gshin rje pho nya ma la'o//smin drug can la sogs pa la rengs pa'i ched du gshin rje ma che ba ma la'o/ /mgo can gyi phyed la rnam par dbye ba'i don du gshin rje 'joms ma la ste zla ba phyed pa dang zla ba dang / ji srid thun brgyad kyi dbye bas ji skad gsungs pa'i cho gas mchod par bya'o/ /ji ltar thun mtshams bzhir mkha' 'gro ma la sogs pa de bzhin du rab tu ma mo la sogs pa nyi shu rtsa bzhi po rnams phyogs kyi dbye bas mchod do zhes rtogs par bya'o//de bzhin du tshogs kyi 'khor por yang ming gi sngags kyis mchod nas rna 'byor ma rnams kyi kun du spyod pa bya ste shes rab dang thabs kyi dbye bas longs spyod pa'i dus la bza' ba dang /btung ba dang / 'khrig pa dang myang bas rnal 'byor ma mchod par bya'o/ /'dir gang dang gang du 'gro ba der lhag ma la sogs pa za bas de dang de'i rigs su 'gyur te tshur 'ong gi bar du'o/ / dper na rgyas pa la sogs pa'i rigs kha ton la sogs pas bram zer 'gyur ro/ /bral ze'i rigs rnams la ba lang gi sha za bas rigs ma yin par 'gyur ro/ /de bzhin du rnal 'byor ma rnams kyang rigs ma yin pa rnams/ rigs dang rigs kyang ma yin pa/ zhes gsungs te gang du bzhi yod pa der thun mtshams kyi dbye bas rnal 'byor ma'i kun du spyod pa'o//rnal 'byor gyi rgyud du yang rnal 'byor ba'o zhes bcom ldan 'das kyis kyang gsungs te shes rab kyi rgyud gyi dgongs pas rnal 'byor kyi rgyud rtogs par bya'o/ /rtsa ba'i 'khor lo rnam par dag pa'i don to//de bzhin du rnal 'byor rgyud du gsungs pa/ rnal 'byor ma'i rgyud du dam tshig shes par bya'o/ /de bzhin du gang du brgyad yin pa der thun gyi dbye bas nyi ma'i cha la mtshan mo phyed nas nyi ma gang ji srid par bzhi'o/ /de bzhin du zla ba'i cha la yang bzhi'o/ /'di ltar mtshan mo dang nyin mo mnyam pa'i thun mtshams las so//gang du bcu drug yod pa der thun phyed pa dbye bas so/ /gang du sum cu rtsa gnyis yod pa der yud tsam gyi dbye bas so zhes bya ba la sogs pa rtogs par bya'o zhes pa drang ba'i don to/ /dus khyad par gyis zhes pa gang du sogs dbang du byed cing byin gyis brlabs pa der de'i dkyil 'khor gyi lha dang ldan pa phreng ba la sogs pa'i sngags srog 'babs pas mchod par bya zhing /bsgrub par bya'o zhes pa nges pa'i don to/ /de bzhin du sku'i 'khor lo la gnas pa brgyad ni sa 'og gi dngos grub ster ba po nyid yin pa'i phyir tha ma'o//khrag gdong ma la sogs pa rnams kyang yi dags dang dud 'gro'i dngos grub ster ba'i phyir ro/ /de bzhin du sa la spyod pa brgyad ni rgyal srid la sogs pa'i dngos grub ster bas 'brang ngo / /de bzhin du mkha' la spyod pa brgyad ni 'dod pa na spyod pa'i dngos grub ster bas mchog ste/mkha' 'gro ma la sogs pa rnams kyang gzugs na spyod pa'i dngos grub ster ro/ /'di ltar 'jig rten pa'i bden pas bsgrub par bya ba gang yin pa de thams cad 'jig rten pa'i 'bras bu de ci zhe na/ des bsgrubs bas sangs rgyas nyid du mi 'gyur ro//'di'i phyir gsungs pa/ yid ni nang du chud pa yis/ 'dod pa'i dngos grub bde bsgom bya/ /zhes pa phyag rgya chen mo'i don du'o/ /'di'i tshig snga ma la sogs pa ni dpal 'dus pa stong phrag nyi shu rtsa lnga par gsungs pa/ rdo rje skyil krung gis sems ni/ nor bu'i nang du chud pa lta//rgyu mthun la sogs bde ba rdzogs/ /dri med nyid bar kho nar de'o/ /zhes so/ /des na rdo rje skyil krung ni b+ha gar ni b+ha gar ling+ga bzhag nas byang chub kyi sems rdo rje nor bu'i nang du chud pa ni yid ni nang du chud pa'o/ /lhan cig skyes pa'i sems nang du chud pa des/ 'dod pa'i dngos grub rgya chen mo rnam pa'i mchog thams cad dad ldan pa'i stong pa nyid dang /snying rje'i snying po can bde ba chen po'i thabs kyis gcig tu 'dres par gyur pa bsgom par bya'o/ /nyi ma'i snang ba ye shes kyi phyag rgyal dmigs bzung du 'jug pa'i rnal 'byor pa zhes pa'o//ji srid du nor bu'i rtse mo nas spyi bor dri ma med pa nyid thob par gyur pa de srid du mi 'gyur ba'i bde ba de bsgom par bya'o/ /de las rnal 'byor pa brtson 'grus dang ldan pa rnams kyis skye ba 'di nyid la sangs rgyas nyid do zhes so/ /dbang mdor bstan par yang / las kyi phyag rgya'i snyoms 'jug dang //ye shes phyag rgya sogs dmigs dang / /phyag rgya chen po gcig sbyor bas/ /mi 'gyur ba de 'phel bar byed/ ces so/ /ji srid byang chub sems 'dor ba/ /skye gnas las thob rgyun ma chad/ /de srid du ni rnal 'byor pas/ /mi bya kun du dga' ba mchog//bde ba'i rang bzhin de nyid kyis/ /ldan pa'i sangs rgyas gzugs brnyan ni/ /ji srid khu ba brtan gyur pa/ /bdag nyid rtag tu bsgom par bya/ /lte bar rgyu mthun nyid du brjod/ /snying gar rnam par smin par dran/ /mgrin par skyes bu byed pa nyid/ spyi bor dri med nyid rab gsal/ /zhes gsungs so//skya rengs 'char ba'i dus dag tu/ /zla ba nya la des bsgrub bya/ /zhes so/ /'dir 'dod pa ni dmigs pa med pa'i snying rje chen po'o/ /dngos grub ni dmigs pa dang bcas pa'i stong pa nyid chen po rnal 'byor pa'i rang rig par bya ba nyid kyi phyir ro zhes gsungs so/ /'gyur ba dang g.yo ba'i dngos grub dag dang /mchog gi dngos grub phyag rgya chen mo sangs rgyas kyi yon tan ma lus par ster bas sangs rgyas kyi gzugs brnyan sna tshogs pa'i mtshan nyid bsgom par bya'o zhes so/ /yang na phyi'i yan lag med pa la lag pa'i phyag rgya gsor bas ye shes kyi phyag rgya dang lhan cig gzugs gcig tu gyur pa thams cad stong pa sangs rgyas kyi gzugs brnyan nye bar bstan pa ji lta ba bzhin du bsgom par bya'o gsungs pa yang skyon dang bcas pa'i phyag rgya yongs su spang par bya'o//phyag rgya bzang mo bde ba bsgom pa'i don du gzung bar bya'o//de ni/ med pa lag pa'i sbyor ba yi/ /phyag rgya rang la rag las pa/ /sems kyi nor bu spangs pa yi/ /zhes so/ /rang gi lag gis rdo rje mchog /yang dang yang du gsor byed pa/ /zhes kun spangs rnams la gsungs so/ /yang na las kyi phyag rgya med na ye shes kyi phyag rgyas rnam par rtogs pa snyoms par zhugs pa phyag rgya chen mo rnam par mi rtog pa la dmigs par bya'o//skye dgu'i bdag po'am rnal 'byor pas so/ /de bzhin du las dang ye shes kyi phyag rgya ni rab tu chags pas mchog gi dga' ba'i gnas skabs 'phags pas ci yang mi smra ba'i dngos pos bsgom par bya'o zhes pa dgongs pa'o//da ni bde ba chen po'i don brjod par bya ste/ rang rdzas thig les sangs rgyas dang / /byang chub sems dpa' mchod par bya/ /zhes pa ni/ rtog pa'i rnal 'byor pas sgrub pa chen po'i rnal 'byor dbang bskur bas rnam par bsgom par bya ba phyag rgya la rjes su chags par byed pa'i yid byin gyis brlab pa'i don du rang rdzas thig le rnams kyi ro myong bas mchod par bya'o//mchod pa'i rdo rje la sogs pa ni sangs rgyas la sogs pa'o/ /phyi rol du sangs rgyas gzi brjid ni dkyil 'khor la sogs par gnas pa'i sems kyi thig le rnams kyis ming med kyis ji srid du gsang bar 'phangs pa la'o//rang rdzas thig le 'pho ba med pa'i ye shes rnams kyi de bzhin du nor bu'i bu gar phaT yig gis 'pho ba med pa'i ye shes kun du gnas pas sangs rgyas rnams mnyes par byed do/ /mkha' 'gro ma rdo rje gur du rab tu gsungs pa/rang rdzas mdzes pa nyid kyi rdzas/ /stong dang shin tu stong pa dang / /stong pa chen po'i rgyu de yis/ /thams cad stong pa mngon sum du/ /byas las bde chen skad cig gis/ /mchod par bya phyir rdzogs par bya/ /zhes so/ /mthar thug pa'o/ / thig le'i mchod pa'o/ /da ni 'di'i 'bras bu gsungs pa/ /mthong ba dang ni reg pa dang / /thos pa dang ni dran pas kyang / /sdig pa kun las grol bar 'gyur/ /de ltar the tshom med pa nyid/ /ces te/ mthong ba ni nu ma dang skra dang ldan ma'o/ /reg pa ni ye shes kyi phyag rgya lha'i gzugs kyis rtogs pa de'i'o//de la 'di la snyoms par 'jug pa'i rim pa ji ltar gsungs pas/ /phag mo de rnam par bsgoms nas sngags kyis byin gyis brlab par bya'o/ /oM AHhUM ho haM k+ShaH sku dang gsung dang thugs dang lte ba dang gtsug tor dang gsang ba rnams su dgod par bya'o//de nas go cha gnyis kyis byin gyis brlabs nas/ pad+ma dang rdo rje dag la oM baM bsgom par bya/ /yan lag la dgod par byas pas dpag tu med pa zil gyis mnan nas hUM phaT bya zhing dga' ba brtsam par bya'o/ /thos pa ni zab mo'i chos so/ /dran pa ni gnas so/ / drang ba'i don to/ /mthong ba zhes pa la sogs pa ni dag pa'i chos kyi rang bzhin lhan cig skyes pa'o/ /de las rgyu mthun pa'i bde ba la reg pa'o/ /de nyid thos pas te shin tu dga' ba'i sgra dang bla ma'i zhal snga nas thos so/ /kyang yig las rdzogs pa drug gi bsnyen pa dang sbyin pa la sogs pas rtsa ba'i ltung ba las grol zhing mi dge ba spangs pas grol bar 'gyur ro//mtshams med pa la sogs pa byas pa'i sdig pa las grol bar 'gyur ro/ /nges pa'i don to/ /sdig pa grol ba bsod nams bskyed pa'i cho ga'o/ /de las cir 'gyur zhe na gsungs pa/ / rnal 'byor pa nyid bsod nams mchog/ /dag byed sdig pa 'jig byed pa'o/ /sngags bzlas pa dang bsam gtan dang / bde ba yis kyang bsgrub par bya/ /zhes sgrub thabs gsungs so/ /rnal 'byor pa nyid ni mngon par shes pa lnga dang dkyil 'khor gyi 'khor lo grub pa/sa bdun pa'i dbang po nyid/ de nas sa brgyad pa'i dbang po nyid/ spyod dus su yang / de bzhin du gsung rdo rje'i ting nge 'dzin la gnas pa'i sngags pas brgyad pa'i dbang phyug ces so/ /yang na sa bcu pa'i dbang po nyid de rang byin gyis brlab pa'i ye shes las skyes pa sangs rgyas kyi zhing nas sangs rgyas kyi zhing du 'gro ba la sogs pa'i rnal 'byor pa nyid kyang sgrub par byed do zhes pa'i don ni sgrub pa'i phyir zhes pa'i don to//sngags kyi bzlas pas ni sngags rnams gsungs te/ sngags kyi sgo nas/ oM sum+b+ha ni sum+b+ha huM hUM phaT/ oM gr-ih+Na gr-ih+Na huM hUM phaT/oM gr-ih+NA pa ya gr-ih+NA pa ya huM hUM phaT/ oM A na ya hoH b+ha ga bAn badzra huM hUM phaT/ ces pa zhal bzhi pa'i sngags so/ /oM na mo b+ha ga ba te bI re shA ya/ ma hA ka lpAg+ni san+ni b+hA ya/ dza Ta mu ku Tot+ka Ta ya/ daMSh+TA ka ra lo gra b+hI Sha Na mu khA ya/ sa ha sra b+hu dza b+hA su rA ya/ bar shu pA sho r+ya ta shU la kha t+pAM ga d+hI ra Ne/ byA g+h+rA dzi nA m+pa ra d+ha rA ya/ ma hA d+hu m+b+rAn+d+ha kA ra ba pu ShA ya/ zhes pa rkang pa brgyad pa'i sngags so/ /oM ka ra ka ra ku ru ku ru ban+d+ha ban+d+ha trA sa ya trA sa yak+Sho b+ha ya k+Sho b+ha ya/ hrauM hrauM hraHhraH pheM pheM phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa ru d+hi rAn+t+ra mA lA pa lam+bi ne/gr-ih+Na gr-ih+Na sap+ta pA tA la ga ta b+hu dzang+gaM sa rbaM pA ta rdza ya ta rdza ya A kaT+T+h+ya kaT+T+h+ya/ hriM hriM/ dz+NauM dz+NauM/ k+Sh+mAM k+Sh+mAM/ hAM hAM hIM hIM hUM hUM/ ki li ki li si li si li hi li hi li d+hi li d+hi li huM hUM phaT/ zhes pa rkang pa nyi shu rtsa bzhi pa'i sngags so/ /yi ge'i grangs steng du ni dgu bcu rtsa bdun no//phyi ma la yang brgya'o/ /oM yig la sogs pa nas huM hUM phaT kyi yi ge'i mthar thug pa rtsa ba'i sngags so/ /de bzhin du yang snying po la sogs pa'i sngags kyang shes rab dang thabs la sogs pa rnams kyis rtogs par bya'o/ /'di rnams kyi rab tu brjod pa'i bzlas pas so//bsam gtan gyis kyang ni dkyil 'khor gyi 'khor lo la sogs pa rnam par rtog pa'i bsam gtan gyis so/ /kyang yig las phyi rol gyi sbyin sreg dang / tshogs kyi 'khor lo dang gtor ma sbyin pas kyang ngo / /bde ba yis kyang ni las kyi phyag rgya dang / ye shes kyi phyag rgya'i 'gyur ba dang g.yo ba'i bde bas so//kyang yig las dam tshig bskyang bas 'og min gyi srid pa'i mthar thug pa'i bdag po lo bcu gnyis rnams kyis 'di nyid kho nar 'grub par byed do zhes pa drang ba'i don to/ /rnal 'byor pa nyid ni rdo rje 'chang nyid do/ /de nyid kho na mchog ste gnyis su med pa yang dag par rdzogs pa'i sangs rgyas nyid do//bsod nams ni bsod nams kyi tshogs rdzogs pa nyid kyi phyir ro/ /dag byed ni ye shes kyi tshogs rdzogs pa nyid kyi phyir ro/ /sdig pa 'jig byed pa ni tshul khrims kyi tshogs yongs su rdzogs pa nyid kyi phyir ro/ /sngags bzlas pa dang zhes bya ba la sogs pas rim pa min pas gsungs pa'i yan lag gsum gyis yan lag drug po rnams rtogs par bya ste/de rnams kyis kyang bsgrub par bya'o/ /byis pa las dang po pa rnams kyis 'dod pa'i dngos grub sgrub pa la yang gsungs pa/ 'dod pa nye bar longs spyod pas yan lag drug gi sgrub thabs so//'dir phyag rgya chen mo'i sgo nas yan lag drug brjod par bya ste/ dpal 'dus pa phyi mar yang / mchog gi yan lag drug rnams kyis/ /zhes so/ /de nyid du gsungs pa/ sor sdud de bzhin bsam gtan dang / /srog rtsol de nas 'dzin pa dang //rjes su dran dang ting nge 'dzin/ /rnal 'byor yan lag drug tu 'dod/ /dpal dus kyi 'khor lor yang nges par bstan pa/ so sor sdud pa lus la yul dang yul can bcu po rnams ni rab tu 'jug pa med pa'o/ /bsam gtan dag kyang shes rab rtog dang dpyod pa dga' dang g.yo med bde brtse gcig sems pa'o//srog gi rtsol ba dag kyang lam na gnyis po bsgyel zhing dbu mar srog ni zhugs pa dag tu 'gyur/ /thig ler srog ni rab tu zhugs shing gnyis ka'i bgrod pa bcom ste rtse gcig sems pa 'dzin pa'o/ /gtum mo'i snang bar gang zhig gyur pa nges par lus dang nam mkha' la yang rjes su dran par 'gyur//shes rab thabs kyi bdag nyid kyis ni 'gyur med bde ba'i dbang gis ye shes gzugs la ting nge 'dzin/ /zhes so/ /'di'i rgyas par bshad pa gsungs pa/ 'dir so sor sdud pa zhes bya ba ni lus la yul dang yul can bcu po rnams kyi 'brel pas rnam par shes pa rab tu 'jug pa med pa ste/stong pa'i gzugs kyi yul rnams la gzhan mig la sogs pa rnam pa lnga po rnams kyis rab tu 'jug pa'o/ /sha la sogs pa'i mig rnams kyis stong pa nyid la dmigs par 'gyur ro zhes pa'i don to//de nas de nyid la blta ba ni shes rab bo/ /rtog pa ni sems kyi dngos po 'dzin pa'o/ /dpyod pa ni de'i don nges pa'o/ /dga' ba ni gzugs la chags pa'o/ /g.yo med bde ba ni stong pa nyid dang lhan cig sems gcig tu byed pa g.yo med bde ba mchog las bsgom pa zhes pa bsam gtan yan lag lnga'o//de nas srog gi rtsol ba zhes pa g.yon pa dang / g.yas pa'i lam bsgyel bas cig car nyid du 'bab pa ste sems kyis bzlas pa'o/ /de nas 'dzin pa zhes pa thig ler te dpral bar srog ni rab tu zhugs shing phyi rol du rgyu ba med par yang dag par sdom pa'o//de nas rjes su dran pa zhes bya ba rang gi 'dod pa'i lha mthong ba rnam par rtog pa dang bral ba'o/ /de nas ting nge 'dzin zhes bya ba shes rab rang gi sems kyis so sor snang ba des lhan cig pa'i mi 'gyur ba'i bde ba'i go 'phang thob pa sgrib pa thams cad dang bral ba'i phyir gzung ba dang 'dzin pa dang bral ba'i sems zhi ba'i bde ba chen po zhes pa yan lag drug gi sgrub thabs so//'bras bu ni dpal dus kyi 'khor lor gsungs pa/ so sor sdud pas rnal 'byor pa ni yul dang rnam par bral ba sngags rnams kun gyis byin gyis rlob/mngon par shes pa lnga ni thob par 'gyur te mi yi bdag po bsam gtan sbyor bas dag pa'o/ /srog gi rtsol bas dag pa ri bong can dang nyi ma dang bral byang chub sems dpa' rnams kyis mchod/ bdud dang nyon mongs la sogs nyams shing stobs bcu la ni 'jug par 'gyur te 'dzin pa'i stobs kyis so//rjes su dran pa'i legs par dag pa dri med 'od kyi dkyil 'khor dag kyang ye shes gzugs las so/ /de nas ting nge 'dzin gyis dag pa nyin zhag 'ga' zhig dag gis ye shes lus ni 'grub par 'gyur/ /zhes so/ /lha'i rnal 'byor dang ldan pa phyag rgya chen po sgom pa so sor sdud pas bcu drug las yongs su rdzogs pa'am/gang gi tshe lo phyed kyis gzung bya sems dang / 'dzin pa po'i sems brtan par gyur pa de'i tshe tshig gi mchod sbyin pa la sogs pa sbyin par byed de sha'i mig tu 'gyur ro/ /gang gi tshe bsam gtan dag pa de'i tshe mig mi 'dzums pa lha'i mig dang lha'i rna bar 'gyur ro//gang gi tshe rtag tu dbu mar 'bab pa de'i tshe byang chub sems dpa' rnams kyis rab tu bsngags par 'gyur ro/ /rlung bcu 'gags pa las sems thig ler gnas pa 'gro ba dang 'ong ba dang bral ba stong pa nyid rab tu thob pa de'i tshe bdud la sogs pa nyams par byed do//gang gi tshe stong pa nyid la chags pa stobs bcu nyid thob pa sgrib pa med pa'i sems 'dod pa'i gnas skabs bcu thob pa de'i tshe 'od zer lnga dang ldan par 'gyur ro/ /ting nge 'dzin gyi bde ba de gang gi cho lo gsum dang phyogs gsum gyis gtsug tor du phyin pa dri ma med pa thob pa de'i tshe ye shes kyi lus te dus der rin po che la sogs pa'i char 'bab par 'gyur ro//mkha' 'gro ma rdo rje gur du 'bras bu ni/ 'jig rten khams rnams thams cad du/ /ji srid rdo rje'i lus dang ldan/ / khams gsum rgyu dang mi rgyu ba/ /ma lus lus pa med par 'grub/ /blo dang ldan pa ye shes ldan/ /de yi rjes su thams cad 'brang / /zhes so/ /don dam pa la sogs pa 'di'i lam sgom pa'i nye bar bstan pa rgyud rnams su bcom ldan 'das kyis gsungs so/ /du ba la sogs mtshan ma dag dang ni//srog rtsol gyis ni dbu mar 'bab pa dang / /rig ma'i brtul zhugs dag gis rdo rje ni/ /ltung min steng du khu ba'i lam 'dis ni/ /sangs rgyas kun bde rnal 'byor pas thob 'gyur/ /zhes dang / slar yang / de bzhin sems kyi 'od gsal rtog pa yi/ /sgom pa'i thabs rnams dag gis mi mthong ste//de nyid du ni brkyang ma dag dang ni/ /ro ma gcig tu sbyar bas mthong bar 'gyur/ /zhes te nges pa'i don to/ /da ni dam tshig bskyang ba brjod par bya ste/ legs par mnyam gzhag sgrub pa pos/ /rtag tu dam tshig bskyang bar bya/ /zhes pa 'dis dam tshig dpal 'dus par brjod pa rnams dang /rdo rje mkha' 'gro la sogs pa'i sgrub thabs su mu stegs pa rnams kyi rnam pa sna tshogs pa dang zhi ba nyid dang drag po rnams kyi bya ba de rnams 'jig rten gyi rab tu 'jug pa las bsod nams kyi tshogs kyi don du sdom pa dang ldan pa'i rnal 'byor pas bskyang bar bya'o//dpal 'dus par yang / ngo bo nyid kyis kun 'byung ba/ /khams gsum dag na rnam par spyod/ /sems can kun la phan 'dod pa sa/ /dam tshig mtha' dag spyad par bya/ /zhes so/ /rang gi bdag po nyid kho nas dang po'i dus can gyi tshangs pa la sogs pa'i rdzu 'phrul chen po rnams snod rnams kyis lhan cig skyes pa rang bzhin sna tshogs kyi 'jug pas sems can gyi don du 'gyur ba gang yin pa de'i phyir ro//'jig rten pa rnams kyi dam tshig thams cad kun du spyod par bya'o zhes pa 'di'i don to/ /gur gyi rgyud du yang / rang gzhan chos ni sun mi 'byung / /zhes so//rnal 'byor gyi rgyud du yang / pha rol smra ba gang yang rung / /mtshan ma'i dbye bas rnam par gnas/ /de 'dir brnyas par mi bya ste/ /rdo rje sems dpa'i rnam 'phrul yin/ /zhes pa dang / tshangs pa sku yi rdo rje 'dzin/ /zhes pa la sogs pa 'di las bya'o/ /sgra ji bzhin pa'o/ / dam tshig bye bas dkyil 'khor du/ /'dod pa'i dngos grub thob mi 'gyur/ /zhes pa dam tshig bye ba'i nyes pa brjod par bya ste gsungs pa yang / dkyil 'khor nges sdom dus dang ni/ /brda dang sngags dang phyag rgya dag /lha rnams dang ni grub mtha' la/ /rgyal ba rnams kyi dam tshig bsgrags//zhes so/ /de'i dbye ba gsungs pa/ srid pa de phyin ci log tu gyur pa des mngon par 'dod pa'i don du mi 'gyur ro/ /dam tshig yang dag par bsrungs pa las dngos grub bo zhes so/ /de bzhin du/ lha rnams srin po'i gzugs can gyis/ /dam tshig las ni nyams par byed//ba byung la sogs sar mthong nas/ /srin po rnams ni ring du 'gro/ /lha rnams bshad pa sogs mthong nas/ /rang gi gnas ni rnam par 'dor/ /zhes so/ /'di las dam tshig rnams dkyil 'khor la sogs par bsnyen pa bya'o/ /gang gi tshe sangs rgyas la sogs pa lha zhi ba rnams kyi bya ba ni mkha' 'gro la sogs pa drag po srin po'i dam tshig gis byas pa de'i tshe 'grub par mi 'gyur te/gsungs pa yang dam tshig gzhan dang bya ba gzhan gyis 'grub par mi 'gyur te sgrub pa po rnams 'chi bar 'gyur ro zhes so/ /mchog gi dang po'i sangs rgyas su yang gsungs pa/mi phyed lam la gnas pa yis/ /dam tshig bzhi po bsrung bar bya/ /go ku la sogs rtag tu bza'/ /dam tshig 'di ni 'da' dka' ba'o/ /dam tshig bzhi ni chang btung ba dang / bdud rtsi lnga dang / sgron ma bza' dang / bud med dang 'grogs pas khu ba myang ba yang ngo / /sngags kyi spyod pa la brten nas rtag tu bza' bar bya'o/ /rigs su 'dzin pa gzhom pa'i phyir du lha rnams tshim par bya'o/ /khyim pa rnams kyi yul dang rigs kyi tha snyad kyis so/ /dge tshul la sogs pa rnams kyis bza' bar mi bya'o//sgra ji bzhin pa'o/ /de nas gzhan yang rab 'chad byed/ /phyi rol bdud rtsi lnga mdzes pa/ /sbrang rtsi khrag dang ga pur bcas/ /tsan+dan dmar po dang sbyar ba/ /tshogs kyi dbus su rab bzhugs ni/ /thams cad rdor mtshan mtshan ma 'dzin/ /zhes pa bdud rtsi lnga bza' ba nges par bstan to//sbrang rtsi ni rkang ngo / /khrag ni rdul lo/ /ga pur ni khu ba'o/ /tsan+dan dmar po ni bshang ba'o/ /tshogs kyi dbus su rab zhugs ni gci ba'o/ /bshad pa'i rgyud rdo rje mkha' 'gror gsungs pa/ dbang po thams cad rnam grol ba/ / tshogs kyi dbang por gang zhig 'gyur/ /zhen pa zhes dgongs so/ /sbyar ba ni sgron ma lnga sbrang rtsi la sogs pa rnams kyis so/ /thams cad rdor mtshan mtshan ma 'dzin ni hra ti yig bkod pa'i sngags pas bza' bar bya'o/ /sbyor ba ni rgya cher 'grel du gsungs pa'i ril bu'i cho ga brjod pa thog mar rang gi bdud rtsi rnams dang /go ku la sogs pa rnams kyi sha ji ltar rnyed pa bzung nas de gnyis zos pa'i zla ba'am dus gzhan la bu ma skyes pa'i gzhon nu ma'i dbang po gzung ba la dga' ba byas nas hUM phaT ces pas byang chub kyi sems phyung nas pad+ma'i snod du rdo rjes gzung bar bya'o//gnyis pa la ro la mchod pa byas nas rkang gsum pa la lo bcu gnyis ma la mchod pa byas nas rdul lo/ /bzhi pa rang gi gci ba'o/ /lnga pa la bshang ba gzung bar bya'o/ /nam mkha' la sogs pa'i 'phel bsam sha ka bcu lnga'o/ /de bzhin du drug pa la sogs pa'i tshes lnga la mi dang /rta dang glang po che dang / khyi dang / ba lang gi sha rnams gzung bar bya ste ma sha bzhi'i bdag nyid kyi cha gcig la sogs pa'i phel bas ma sha ka drug cu'o/ /bcu gcig pa la zas ma zos pa la chang 'thungs te skyug par byas nas des ma sha ka bdun cu rtsa lnga'i bdud rtsi dang /sbrang rtsi bco lnga rnams kyis lhan cig tu btags nas ce spyang gi pags par bcug nas thod pa kha sbyor du byas te mtshan mo shi ba dang ma shi ba lhan cig bsregs par khru gang gru gsum pa'i dong brus nas der bcug ste mchod par bya'o/ /oM badzra kro d+hi shwa ri sarba dra byA Ni sho d+ha ya hUM phaT/zhes pas gtor ma sbyin par bya'o/ /de nas gshegs su gsol zhes bya ba la sogs pa dang / oM shrI he ru ka zhes bya ba la sogs pa dang / oM sum+b+ha zhes bya ba la sogs pas gtor ma byin nas bdud rtsi sngags brgya rtsa brgyad kyis bsngags pa'i ral gri bzhag nas mchod par bya'o//yi ge bcu pas bsrung ba byas nas lha'i sngags kyis rang gi khyim du bcu gnyis pa la thun bzhir zhal bzhi pa'i sngags dang / bcu gsum pa la rkang pa brgyad pa dang / bcu bzhi pa la ka ra ka ra la sogs pa bzlas par bya'o/ /de nas nyi ma gzas gzung ba dang bton nas mi'i zhag gis mon sran sde'u'i tshad tsam gyi ril bur bya'o//gang gis nye bar bstan pa las longs spyod bsang gtor byas nas gzhag par bya ste de yis thams cad du dag pa'o/ /dam tshig gi ril bu'i cho ga'o/ /da ni tshogs kyi 'khor lor zhi ba'i btung ba rgyas par 'chad do zhes/ming med mthe bong gdong dag gis/ /rnal 'byor rig pas bza' bar bya/ /zhi ba'i btung ba bzhin myangs pas/ /dngos grub rtag pa thob par 'gyur/ /zhes sbyangs pa'i chang gis gtso bo la drug skyes kyi sngags kyis yang dag par tshim par bya zhing bdag nyid tshim par bya'o/ / bshad pa'i rgyud du yang / dang por bla ma la phul nas/ /de ma thag tu sangs rgyas rnams/ /de mthar phyag rgya la byin nas/ /zhi ba'i btung ba bzhin du myang / /zhes so/ /zhi ba'i btung ba yang bcom ldan 'das kyis gsungs pa mu stegs pa rnams kyi sgrub pa'i phyogs rnams la 'gyur te/khrag dang bcas pa'i ba lang gi pags par so ma ba li zhes pa bzhin du nye bar 'jal ba la ji ltar zhi ba'i btung ba sdig pa 'joms shing dag par byed pa de bzhin du 'dir chang 'thungs pa'o zhes pa'i don to/ /mu stegs pa rnams kyi de nyid mchog tu gzi brjid can nyid las so//dngos grub ni rdo rje lta bu'i ting nge 'dzin las skyes pa'i byang chub mchog go/ /rnal 'byor gyi rgyud rdo rje rtse mor yang / rdo rje lta bu'i rnam 'gyur can/ /byang chub sems ni mchog gyur pa/ /sku gsum yongs su mthar thug pa/ /byang chub mchog tu brjod par bya/ /zhes so//byang chub kyi sems yang dag par gnyis su med pa nges par brten par bya ba'i ro myang ba'i dam tshig rgyas par bstan pa ni/ 'di ni bdud rtsi lnga ru 'gyur/ /dngos grub thams cad rab 'jug pa'o/ /zhes pa ni spyi bo'i zla ba'i bdud rtsi gang yin pa b+ha ga'i rdul la son pa dga' ba thams cad kyi rang bzhin 'di ni zhes pa dgongs pa'o//bdud rtsi khu ba de nyid g.yo bas lnga nyid du 'gyur ba'i phyir bdud rtsi lnga'o/ /'di ni rnal 'byor pas gcig pur bkod nas dang phyag rgya mas bslabs pa de las kyang bsnyen pa bya'o/ /dngos grub thams cad rab 'jug pa ni rnal 'byor ba nyid du 'gyur ro//mchod bzhi de bzhin rnal 'byor ma/ /dpa' bo gnyis med snyoms par 'jug /snyoms par zhugs la de nyid 'dzin/ /zhes pas dam tshig bzhi rgyas par bstan te/ /kun du spyod pa'i rgyud du yang / /me long la sogs bzhi rnams ni//mchod bzhi rjes su brjod par bya/ /mkha' 'gro ma sogs pad+mar gnas/ /mA ma kI sogs bzang mo yin/ /zhes so/ /gzugs la sogs pa'i yul dam pa bzhi rnams su/ phyag rgya ma lnga rnams kyis lhan cig snyoms par 'jug pa byas nas snyoms par 'jug pa'i mtha' la dga' ba bzhi'i dga' ba la thun mtshams bzhir nan tan bya'o//lte ba dang snying ga dang / nu ma'i bar dang lce'i rtsa ba dang / spyi bo'i steng du dga' ba dang / mchog tu dga' ba dang / khyad par dga' ba dang / lhan cig skyes pa de nam mkha' zhes rgyud phyi mar ro/ /dpal 'dus par yang / gal te 'dod de rdo rje 'chang / /zhes so/ /yang yig ni 'dir 'gro ba'i don te gang gi tshe 'dor ba de'i tshe gdon mi za bar lces myang bar bya'o/ /dpal 'dus par yang / rdzas kyang lhag par dbrog par bya/ /zhes so/ /'bras bu ni dpal dus kyi 'khor lor/ /rgyal po ri bong 'dzin pa gcig pu 'chi ba'i 'jigs pa 'phrog pa thams cad dus su bsten par bya//shes rab chos 'byung dag la gnas pa'i nyin mor byed dang lhan cig rnal 'byor ldan pas smos ci dgos/ /zhes so/ /lha dang mi yi bde ba nyid/ /bsdus byas nas ni kun nas so/ /rdo rje mchog gi cha yis ni//bcu drug char yang mi phod do/ /zhes pas ni bde ba chen po rgyas par 'chad de/ lha dang ste lha rnams kyi dang / mi rnams kyi bde ba bsdus par byas nas te gal te mtshungs par bya ba de bzhin du yang stong pa nyid dang snying rje gnyis su med pa shes rab dang thabs lhan cig skyes pa la 'jig rten pa'i dgod pa la sogs pa'i bde ba de rnams kyis bcu drug gi char yang mi phod dper yang mi 'gro'o//de dag gi bde ba ni bshad pa'i rgyud du yang / sa bon mngar bas bsgos gyur par/ /mngar bas rjes su bsten pa dang / /gang las mngar bas 'phel 'gyur ba/ /de yi ro ni mngar bar bshad//de bzhin chos kyi bdud rtsi 'byung / /bde las skyes pa bde ba thob/ /sa gsum po ni gang na yang / /de yi dpe ni yod ma yin/ /zhes dang / slar yang rdo rje mkha' 'gro ru/ /byang chub sems de'i bdag nyid can/ /rdo rje'i rang bzhin can gyi cha/ /phra mo spro ba rab brjod pa//phra mo'i rdul du yang dag bstan/ /ngo bo nyid las mthu stobs kyis/ /rang bzhin kho nar de grub po/ /'di yi rang bzhin brjod pa ni/ /zhal mchog ma ni khyod la bshad/ /ces so/ /dgongs pa'o/ /bsdus pa'i don gyis yongs su bcad pa ste dang po'o// //da ni bde ba chen po bsgrub par bya ba'i gnas rgyas par gsungs pa//ri bo tshang tshing sman ljongs dang / /rgya mtsho chen po'i 'gram dag dang / /gdod nas grub dang dur khrod du/ /der ni dkyil 'khor bri bar bya/ /zhes so/ /'dir ri bo ru rengs pa la sogs pa dang gter gyi dngos grub bsgrub par bya'o/ /de bzhin du tshang tshing ste/shing 'khrigs par dkyil 'khor bris nas dbang la sogs pa dang rin po che'i dngos grub po/ /sman ljongs te 'khri shing gis g.yogs par zhi ba la sogs pa dang bcud len gyi dngos grub bo/ /rgya mtsho chen po'i 'gram du ma rungs pa'i las dang / ral gri'i dngos grub po//dang yig las sa'i khyim mam phug tu 'jig rten gsum nyid dang / ye shes kyi dngos grub po/ /gdong nas grub pa ni grub pa'i gnas so/ /der las kyi phyag rgya'o/ /dur khrod du yang mig sman la sogs pa dang rengs pa la sogs pa'o/ /drang ba'i don to/ /ri bo ni nus ma rgyas pa la sogs pa dang ldan pa'i rab tu myos ma'o//tshang tshing ni skye bo gzhon nu ma'o/ /sman ljongs ni rgyas pa'i rked pa la'o/ /rgya mtsho chen po'i 'gram ni rje rigs la sogs pa'i skye bo'o/ /dur khrod du ni gtum po la sogs pa'i gnas so/ /yang yig las gang dang ci yin pa yang ngo //gdod nas grub pa ni pad+ma can la sogs pa lhan cig skyes pa'o/ /der dkyil 'khor ni rdo rje dang pad+ma 'dus pa dag bya'o/ /nges pa'i don to/ /chu dang ba byung blangs nas ni/ /bdud rtsi lnga dang yang dag ldan/ /dur khrod kyi ni sol bar ldan/ /de yis sa la rab tu byug /ces pa la chu ste ba lang gi gcin dang / ba byung yang dag par blangs nas dkyil 'khor gyi gnas la nye bar byug par bya ste/ phyi dang nang gi bdag nyid can gyi bdud rtsi lnga la sogs pas kyang nye bar byug go/ /de nas sngags pas/ /dkyil 'khor bzang po bri bar bya/ / zhes pa ni dri bzang pos kyang nye bar byugs te slob dpon las kyi cho ga mthong bas rang gi dkyil 'khor brtsam par bya'o zhes pa drang ba'i don to/ /ba byung ni dbang po thams cad kyi byang chub kyi sems kyi ye shes so/ /dur khrod ni rlung ngo / /thal ba ni 'od gsal lo/ /chu yis ni de'i bgrod pas so//sa gzhi ni gsang bar khyab par bya'o/ /nye bar byugs nas ni bskyod nas so/ /dkyil 'khor ni dga' ba'o/ /bri bar bya ni sems kun du rdzogs par bsgom par bya ba ste nges pa'i don to/ /ro bsregs sol ba ni rus pa'i phye ma dag go/ /dur khrod so phag ni ba bla rnams kyis so//spyod par byed pa 'jug pa po dang ldan pas/ /slob dpon dge ba'i mtshan nyid can/ /zhes pas rdul tshon gsungs te sgra ji bzhin pa'o/ /yang dag shes shing rgyud shes pa ni rigs pa'o/ /he ru ka yi gsang sngags rig /khro med gtsang la mkhas pa dang / /sbyor shes ye shes pha rol 'gro//zhes pas slob dpon gyi mtshan nyid gsungs so/ /yan lag dur khrod thal bas byug /phyi mo chen pos rnam par brgyan/ /rus pa'i phreng ba 'phyang ba dang / /kha T+wAM ga ni lag na gnas/ /zhes pas 'di'i spyod lam gsungs pa sgra ji bzhin pa'o/ /bdag nyid he ru kar byas nas//ha 'og he ru ka dran bya/ /mkha' la rdo rje'i gur bsams nas/ /rdo rje chu skyes der dgod bya/ /'khor lo'i dbus su bdag nyid dang / /steng du mda' yi dra ba dang / /rdo rje'i ra ba yang dag ldan/ /'og tu mtshon cha dgod par bya/ /phyogs dang phyogs bral rnams su yang //bdud rnams kun gyis mi phyed pa'i/ /go cha gnyis pa bgos pa ni/ /gdug spyod rnams kyis mi phyed do/ /zhes pa gsum po 'di rnams kyis srung ba'i 'khor lo gsungs so/ /bdag nyid ces pa ni dang por re zhig /oM shrI he ru kou0f85haM zhes brjod la zhe sdang rdo rje zhal g cig phyag gnyis pa rdo rje dang dril bu 'dzin pa shes rab dang bcas pa bdag nyid bsgom par bya'o//de nas dpal he ru ka'i ye shes 'khor lo dran par bya'o/ /'od zer gyis bkug nas gsol ba gdab par bya ste dbang bskur ba la sogs pa'i don du bdud bskrad par bya'o/ /ra las skyes pa'i nyi ma la/hUM las skyes pa'i sna tshogs rdo rje/ de las skyes pa'i rdo rje gur dang rdo rje'i mda'i dra ba la sogs pa bsams la dbus su k+Sha yig las skyes pa'i 'khor lo rtsibs bcu pa bsgom par bya'o/ /rdo rje chu skyes la gnas pa'i rdo rje sems dpa' mngon brjod bla mar bshad pas bsam par bya'o//yang na/ nyi ma'i dkyil 'khor dbus gnas pa'i/ /rdo rje sems dpa' rnam bsgom bya/ /zhal gsum phyag drug zhi ba ste/ /dag pa'i shel dang zla ba'i 'od/ /phyag rgya chen pos snyoms par zhugs/ /shes rab skyil krung la gnas pa/ thod pa'i phreng ba'i cod pan can//mi bskyod pas ni dbu rgyan byas/ /rgyan rnams thams cad yang dag rdzogs/ /mtshan rnams thams cad kyis mtshan cing / /dpe byad rnams kyis yang dag brgyan/ /kha T+wAM ga dang thod pa 'dzin/ /rdo rje dril bus kun 'khyud pa/ /dpa' bo lcags kyu zhags pa 'dzin/ / bde ba chen po'i go 'phang gnas/ /rnam par 'gyur ba'i zhabs gnyis so/ /ser dang dkar po ljang gu'o/ /zhes so/ /yang na zhal gcig pa phyag gnyis pa'i rnam par bsgoms nas de bzhin du gyur pa'i rdo rje hUM mdzad rnam par gtsigs pa drag po g.yas brkyang gi stabs kyis gnas pa mgo bo'i phreng ba can shes rab dang bcas pa nyi ma la gnas pa bsgom par bya'o//gnod mdzes la sogs pa'i khro bo bcu po spros nas sngags kyis bka' bsgos pas rdo rje sa 'og gi khro bo rnams kyis bkug pa rnams zhal gcig phyag gnyis rdo rje dang dril bu 'dzin pa la yang dag par gtad de bgegs kyi gtso bo rnams la phur bus gdab par bya'o//oM g+ha g+ha g+hA ta ya g+hA ta ya sarba duSh+TAM big+h+nAM hUM phaT/ kI la ya kI la ya sarba pA paM hUM phaT/ badzra kI la badzra d+ha ra A dz+nyA ba ya ti kA ya wAk+tsi t+ta badzra kI la ya hUM phaT/ 'a khyil bas brdung bar bya ste/ oM badzra hUM badzra mung+ka ra badzra kI la ya A ko Ta ya hUM phaT/bgegs mtha' dag med par bltas nas de'i 'og tu thams cad brtsam par bya'o/ /drang ba'i don to/ /mchog dang por yang gsungs pa/ rang nyid sdug bsngal med bde bas/ /bdag nyid brtan par 'gyur bar bgyi/ /gang zhig myur du mchog gi don//rtogs par bya zhing bsgrub par bya/ /nges pa'i don to/ /dngos grub chen po rab ster byed/ /dkyil 'khor 'jigs chen bri bar bya/ /zhes pa ni thod le kor gyi thig gdab pa gsungs te/ dang por sa gzhi dag pa dang / slob ma yongs su gzung ba byas nas thod le kor gyis thig gdab par bya'o//dang por khrag ni chen po yis/ /sbags pa'i ro yi srad bu yis/ /he ru ka dpal grong khyer mchog /dkyil 'khor bzang po'i thig gdab bya/ /zhes pas ye shes kyi thig gdab pa gsungs so/ /khru gang ba dang khru bzhi pa/ /ji srid khru ni stong phrag bar//gru bzhi pa la sgo bzhi pa/ /zhes pas 'khor lo sdom pa chung ba gsungs so/ /shin tu zlum po sgo brgyad pa/ /zhes pas 'khor lo sdom pa chen po gsungs so/ /de yi dbus su pad+ma ni/ /'dab bcas ge sar ldan pa bri/ /lte bar dgod bya dpa' bo che/ /'jigs byed 'jigs su rung ba ste//thod pa'i phreng ba'i rgyan dang ldan/ /zhal bzhi pa la spyan gsum pa/ /glang po'i pags pa rnam par bgos/ /smin ma bzang po rdo rje dbyes/ /phyag na kha T+wAM ga byas pa/ /mgo bo'i phreng bas rnam par brgyan/ /de mdun lha mo mdzes ma ni/ /rdo rje phag mo bri bar bya//he ru ka la mngon phyogs byas/ /spyan gsum drag po'i gzugs can ma/ /thod pa rgyu mas gang ba dang / /zhal nas khrag ni 'dzag pa mo/ /phyogs rnams kun gyi lhar bcas pa'o/ /lha min mi rnams sdigs par byed/ /ces pas lha dgod pa gsungs so/ /de'i zhes pa ni gru bzhi dang zlum po dag gis 'khor lo gsum dang 'khor lo drug gi bdag nyid can gyi dkyil 'khor dag gi snying por ro//bri bar bya zhes pa ni rdul tshon rnams kyis so/ /dpa' ba ni dpa' ba'i nyams dang ldan pa'i gtso bo'o/ /spyan gsum zhes pa ni zhal so so rnams la'o/ /gla po'i pags pa rnam par bgos pa ni pus mo'i mthar thug par ro//rdo rje dbye zhes pa ni sna tshogs rdo rje phyed pa ste sna dang spyan gsum yang ngo / /mdun du rdo rje phag mo ni shes rab kyi rigs kyi dbye bas phye ba'o/ /g.yon ma dkar mo dag pa'o/ /bri bar bya ni dgod par bya'o zhes pa'o/ /drang ba'i don to/ / rgyud gzhan du yang / gang tshe sems ni stong pa mkha'/ /mnyam par skyes par gyur pa yang / /de tshe sngags dang phyag rgya dang / /lha rnams kyang ni brtags pa'o/ /zhes so/ /nges pa'i don to/ /mkha' 'gro ma ni nyi shu bzhi/ /phag mo'i rigs las yang dag byung / /phyogs dang phyogs bral rnams su yang //'khor lo gsum du de mchod bya/ /dpa' bo rnams dang ma mo nyid/ /dur khrod rnams su'ang mchod par bya/ /zhes pas dkyil 'khor pa dgod pa gsungs te/ /dpa' bo rnams dang zhes pa nyi shu rtsa bzhi'o/ /ma mo rnams dang zhes pa bya rog gdong pa la sogs pa brgyad do/ /de bzhin du mkha' 'gro ma bzhi rnams so//dur khrod rnams su zhes pa ni/ /me dang rlung gi khor yug gi dbus su dur khrod do zhes pa rgya cher bshad pa las 'byung ngo / /yang na nam mkha' der gnas pa brgyad do/ /yang yig las snying por thod pa rnams so/ /'dir gang gi tshe rdul tshon gyi dkyil 'khor la sogs pas lha rnams bri ba de'i tshe/thabs dang shes rab tha dad pas bya ba ni skal ba dang mi ldan pas blta bar bya ba nyid las gsang nas zung 'jug gi dkyil 'khor ba'i gtso bo ni/ ras ris la sogs par ji ltar rigs par zung 'jug tu bri bar bya'o zhes gsungs so/ /de la las kyi rjes 'brangs nas//sems ni mkha' 'gro la sogs phyag /gnyis bzhi drug brgyad bcu bcu gnyis/ /zhal gcig gnyis gsum lnga sogs pa'am/ /nag po la sogs kha dog rnams/ /dkyil 'khor pa yang de bzhin shes/ /zhes so/ /da ni mngon par brjod pa bla mar gsungs pa'i rdo rje mkha' 'gro zhal gcig phyag gnyis pa'i dkyil 'khor bsdus pa sum cu rtsa bdun gyi bdag nyid can brjod par bya ste/de bzhin du yang rdo rje snying pos gsungs pa/ phyag gnyis pa la zhal gcig pa/ /spyan gsum rnam par 'gyur ba'i zhal/ /'jigs byed dang ni dus mtshan mo//g.yas brkyang pa yis mgo bo mnan/ /sna tshogs rdo rje phyag rgya drug /zla ba phyed pas nye bar mdzes/ /stag gi pags pa'i sham thabs can/ /mgo bo'i phreng bas rnam par brgyan/ /thod pa kha T+wAM ga 'dzin cing / /rdo rje gsor bar mdzad la brtson/ / kun nas 'khyud pa'i phag mo ni/ /de yi kha dog phyag dang dbyibs/ /byin pa gnyis kyis mnyam par 'khyud/ /thod pa rdo rje sdigs mdzub mdzad/ /phyogs kyi gos can skra ni grol/ /dum bus brgyan pa'i 'og pag can/ /'khor dang bcas pa'i dkyil 'khor ba/ /de dag zhal gcig phyag gnyis pa//phyag rgya lnga dang yang dag ldan/ /spyan gsum drag po'i gzugs can te/ /thams cad yi dags gdan la bzhugs/ /bla ma sgom byed kyis bsgom bya/ /dbus su rdo rje he ru ka /kha dog sngon po bde ba che/ /de bzhin mkha' 'gro ma sogs ser//thugs 'khor gnas pa'i dpa' bo gnag /rab gtum ma la sogs pa dkar/ /gsung 'khor dmar por dpa' bo dmar/ /dpa' mo rnams ni nag mo'o/ /sku yi dpa' bo dkar po ste/ /dpa' mo rnams ni dmar mo'o/ /bya rog gdong la sogs pa ljang / / gshin rje sreg sogs du ba'i mdog /bzhi ni Da ma ru dang ni/ /thod pa dang ni kha T+wAM ga /thugs sogs dpa' bo rdor dril sogs 'chang ba/ /rnal 'byor ma rnams thod pa dang rdo rje la sogs pa dang sdigs mdzub can no/ /bya rog gdong ma la sogs pa rnams thod pa dang kha T+wAM dang gri gug 'chang ba'o//gzhan rnams Da ma ru dang mgo bo dang sdigs mdzub can no/ /dpa' bo g.yas brkyang la/ mkha' 'gro ma rnams kyis byin pa dkris pa ji ltar gsungs pa'i rgyan rnams so zhes pa'o/ /de nas dpa' bo rnams tha dad par dgod pa dang / /rnal 'byor ma rnams tha dad par dgod par bya'o zhes gsungs pa/yang na sku'i mkha' 'gro'i 'khor lo ni mkha' 'gro ma la sogs pa dang / sku'i 'khor lor gnas pa dang / dam tshig gi 'khor lor gnas pa rnams kyis nyi shu rtsa gcig gi bdag nyid can no/ /de bzhin du gsung dang / thugs kyi 'khor lo gnyis la gsung dang thugs kyi 'khor lo dang ldan pa'o//rin chen mkha' 'gro'i 'khor lo la/ mkha' 'gro ma la sogs pa lnga'i bdag nyid can yang na'o/ /dam tshig gdon mi za ba'i 'khor lo la/ mkha' 'gro ma la sogs pa dang / bya rog gdong ma la sogs pa dang ldan pa bcu gsum gyi bdag nyid can yang na'o//de bzhin du phag mo'i 'khor lo'ang rtogs par bya'o/ /de nas yang na/ dpal 'dus pa bzhin du bzhugs pa dang / dgu'i bdag nyid can yang na ste/ gsungs pa yang / gang bcom ldan 'das bzhin du rdo rje phag mo'i zhal dang phyag dang /kha dog dang dbyibs dang phyag rgya rnams bya'o zhes pa ste 'on kyang / steng zhal phag pa'i zhal dkar po mche ba gtsigs pa'o zhes gsungs so/ /yang na zhal gcig phyag gnyis ma dmar mo skyil krung phyed pas gnas pa'o/ /yang na phag pa'i zhal 'dug pa'o/ /dpa' bo gcig pu'am zur gsum du gnas pa yang na'o//phyag bzhi pa la sogs pa'ang ji skad du gsungs pa/ dkyil 'khor ba dang ldan pa dgod/ /ces gsungs pas so// //da ni mngon par brjod pa 'bum par gsungs pa'i sa bon dgod pa brjod par bya ste/ de la ye shes kyi 'khor lo la/a A aM aH mdun dang rgyab dang / g.yon dang g.yas kyi dbye bas nye bar bstan pa las so/ /de bzhin du thugs la ni i r-i l-i u/ phyogs rnams su'o/ /dbang ldan la sogs pa'i phyogs bral rnams su U l-I r-I I'o/ /de bzhin du gsung gi 'khor lo la/ / e ar a la o phyogs rnams su'o/ /au A la Ar ai phyogs bral rnams su'o/ /de bzhin du sku la/ ya ra la wa phyogs rnams su'o/ /wA lA rA yA phyogs bral rnams su'o/ /dam tshig la a A aM aHphyogs rnams su'o/ /ha hA haM haHsnying po bzhin no/ /dbus zla ba la hUM rin chen dang dur khrod kyi sa bon bcu gnyis nyi ma la'o//nyi shu rtsa bzhi ni zla ba'i ste/ ji skad du gsungs pa'i yi ge dgod par bya'o zhes so/ /yang na mngon par brjod par gsungs pa rtogs par bya ste/ gsungs pa yang / sdom pa sna tshogs shes nas ni/ /sgrub pa'i cho ga bsnyen pa ste/ /'dod dang 'dod pa mang shes nas/ /gcig gi 'bad pas gzung bar bya/ / zhes so/ /de nas bum pa bya ba ni/ /rtsa ba nag po la sogs spong / /bza' ba kun gyis legs bkang ba'i/ /thod pa steng du gzhag par bya/ /mgrin pa srad bus dkri bya zhing / /kha ni yal 'dab kyis brgyan zhing / /gos zung gis ni legs dkris pa/ /brgyad ni sgo ru dgod par bya/ / gos zung gis ni legs dkris pa'i/ /bum pa dgu pa dbus su'o/ /rin chen lnga dang yang dag ldan/ /sman lnga la sogs yang dag ldan/ /gser ram dngul lam rin po che/ /mu tig rnams kyis mdzes par bya/ /dkyil 'khor kun du dgram par bya/ /de nas grong mchog mchod par bya//zhes so/ /rdul tshon gdab pa'i bar ma chad par bum pa dgod pa'o/ /mchod pa yang gsungs pa/ bza' ba kun gyis zhes pa ni/ /dam tshig gi ril bu rnams kyis so/ /srad bu yis ni zhes pa tshon sna lnga pas so/ /yal 'dab ni a mra la sogs pa rnams so/ /bla mar yang /aM bu dzam+bu ka dam+pa/ /dpal 'bras sa bon gang bas so/ /pa lA mo TA thal mo byas/ /gi ri ka Ni ka rnams dang / /dpal gcig lha dang bcas pa yang / /lnga po 'di rnams sman du bshad/ /ces so/ /sgo ru zhes pa ni/ sgor dgod pa dang / grwa dang dbus su yang ngo / /shar dang nub kyi bum pa dag gi bar du/rgyal ba dang rnam par rgyal ba'i bum pa yang ngo / /la sogs pa'i sgra las lo thog lnga dang / dri bzang po'i me tog lnga rnams kyang ngo / /dri yi chu yis legs par gdab/ /bdag nyid kun nas zhal la ni/ /zhes pa ni 'phags pa'i khrus gsungs pa'o/ /kun nas zhal zhes pa ni/oM sum+b+ha zhes pa la sogs pa'i sngags 'don cing / shar dang byang la sogs pa'i phyogs su/ /mthe bong dang sdigs mdzub kyi se gol gtogs par bya'o/ /oM me di nI badzrI b+ha ba badzra ban+d+ha hUM/ oM badzra prA kA ra hUM baM hUM/ oM badzra pany+tsa ra hUM paM hUM/ oM badzra bi tA na hUM khaM hUM/ oM badzra sha ra dzA la trAM saM trAM zhes bsrung bar bya'o//de nas yan lag dri bzang gtsang / /ji ltar yod pa'i rgyan mchog 'chang / /hI hI bsgrags nas rab 'jug byed/ /ces so/ /gal te dngos grub mchog 'dod na/ /mar me brgya yang dbul bar bya/ /zhes pa mchod pa brjod pa gsungs pa'o/ /sgra ji bzhin pa'o/ / nam mkha'i mkha' 'gro ma rnams gang / /thugs kyi 'khor lor de dgod bya/ /sa stengs mkha' 'gro ma gang yin/ /gsung gi 'khor lor rnam dgod bya/ /sa 'og mkha' 'gro ma gang yin/ /sku yi 'khor lo la dgod bya/ /ma mo brgyad po phyogs rnams dang / /phyogs bral rnams su dgod par bya//zhes te thugs kyi 'khor lo la'o/ /bla mar yang / rlung gi dkyil 'khor la gnas pa'i/ /sku yi dkyil 'khor rnam bsgom bya/ /mkhas pas chu la gnas pa yi/ /gsung gi dkyil 'khor bsgom par bya/ /me yi dkyil 'khor la gnas pa'i/ /thugs kyi 'khor lo bde ba che//dbang chen dkyil 'khor la gnas pa'i/ /dam tshig gi ni dkyil 'khor mchog /slar yang 'khor lo pad rdo rje'i/ /phreng bas 'khor lo sum bskor bya/ /cho ga ji bzhin dam 'khor lo/ /sna tshogs rdo rje'i phreng bas bskor/ /rtsibs rnams dkar dmar sngo snying po'i//phyi yi mtshan sogs sna tshogs mdog /de bzhin me tog spos mar mes/ /dpa' bo rnal 'byor ma mchod bya/ /rgyal mtshan dmar dang de bzhin ser/ /dkar dang nag dang ser skya dang / /me tog phreng dang sna tshogs phye/ /bla re yol ba sna tshogs dang / / bza' ba dang ni btung ba yis/ /rab mnyam bzhag pas mchod par bya/ /mchod pa nges par bstan pa ste/ sgra ji bzhin pa'o/ /dkyil 'khor du 'jug pa'i cho ga'o/ /de nas/ sgrub pos dngos po kun gyis ni/ /dang por slob dpon mnyes par bya/ /grub 'dod shin tu mnyam gzhag pas//gus pas bla ma bzang mchod bya/ /zhes pa ni bla ma mchod pa brjod par bya ste/ slob dpon rgyud bzhi'i kun du spyod pa shes pa nyid las so/ /mngon brjod bla mar yang / dpal he ru ka'i rigs 'byung ba'i/ /kun brjod mdzes pa bslab par bya/ /slob dpon kun spyod bslab pa dang //yul gyi kun spyod khyad par las/ /rnal 'byor ma rgyud kun spyod dang / /rnal 'byor rgyud rnams rgyas pa dang / /bya ba'i dbye ba'i rim nyid kyis/ /rgyud kun mngon par shes pa nyid/ /ces so/ /gdu bu dang ni lag rgyan nyid/ /dpung rgyan gos kyis rnam par brgyan/ / lag sor la yang dag byed gcig /de bzhin yo byad lham dang ni/ /mgo bo'i gtsug tor dang ni gdugs/ /bla ma 'di rnams kyis mchod bya/ /sgra ji bzhin pa'o/ /sgrub po yang ni rnga can nam/ /dbyangs snyan pa yi dril bu dkrol/ /cho ga bzhin du dkyil 'khor mchod/ /ha ha zhes kyang brjod par bya//zhes te dkyil 'khor rab tu gnas pa brjod par bya'o/ /rnga can ni cang te'u'o/ /cho ga bzhin ye shes kyi 'khor lor rab tu bcug nas/ /rdul tshon gyi dkyil 'khor gyi mdun du/ /dkyil 'khor byas nas slob dpon gyis mchod yon la sogs pa sngon du 'gro bas mchod par bya'o//drang ba'i don to/ /dril bu ni shes rab bo/ /dbyangs snyan ni rdo rje can ma'o/ /rnga can ni pad+ma can ma'o/ /nam gyi sgras rin chen dang las dang / de bzhin gshegs pa rnams so/ /yang gi sgra las skal ba dang ldan ma gzhan rnams kyang bsten par bya'o/ /ha ha zhes kyang bya ba ni bde ba nyams su myong ba gzhan la ste/thig les dkyil 'khor du gtor bar bya zhing rnam par rtog pa la yang ngo / /de nas dkyil 'khor bsang gtor byed pa'o/ /nges pa'i don to/ /mkha' 'gro ma yi dra ba sdom/ /sngags pas yang na nyis 'gyur bzlas/ /'dab ma 'khor lo dur khrod dang //sgo rnams nges par nyis 'gyur ro/ /zhes pa 'khor lo drug gi dkyil 'khor nges par ston par byed do/ /de la sdom pa chen po'i 'khor los sgyur ba la/ /snying por chu skyes 'dab ma bcu drug pa'o/ /sa dang chu dang me dang rlung dang nam mkha'i 'khor lo rnams lnga'o/ /dur khrod rnams ni bcu drug go//sgo rnams ni brgyad do/ /dbus su gtso bo dpal he ru ka phyag nyi shu rtsa bzhi pa/ /mgo bo brgya'i phreng ba can mkha' 'gro ma yi dra ba sdom dpal dus kyi 'khor lo zhes pa'o/ /dkyil 'khor ba'i rnam par gzhag pa ni mang ba nyid kyi phyir ma brjod do zhes pa drang ba'i don to/ / nyis 'gyur ni stong pa nyid dang snying rje dbyer med pa'o/ /mkha' 'gro ma yi dra ba sdom ni/ byang chub kyi sems so/ /bzlas par bya ni shes par bya ba'o/ /yang na'i sgra las bsgom par bya ba yang ngo / /'dab ma zhes pa chos kyi dbyings su'o/ /nyis 'gyur ni shes rab dang thabs kyi bdag nyid can gyi 'khor lo lnga ste/dngos su ni snying rjer 'gyur ro/ /sa 'og gi dur khrod brgyad kyi mthar thug par 'phro bar byed pa'o/ /nges pa ni gdon mi za ba'o zhes pa nges pa'i don to/ /shing lnga u dum+Wa ra yi/ /so shing rab tu sbyin par bya/ /dkyil 'khor du mgo gang du lhung / / de yi las ni sgrub par byed/ /ces pa so shing brjod pa'o/ /lnga zhes pa ba Ta dang / a shwad+tha dang u dum+bA ra dang / pa r+k+kA TA dang / tsu ta rnams so/ /oM badzra ha sa zhes pas bza' bar bya'o/ /sgra ji bzhin pa'o/ /slob ma'i mig dang gdong ba la/ /ser po'i gos kyis g.yogs nas su/ / de nas bskor ba byas nas ni/ /sgrub pa po de bla mas dbul/ /lho phyogs kha bltas me tog de/ /dkyil 'khor du ni dor bar bya/ /gang du me tog de lhung ba/ /de ni sngags pa de yi rigs/ /zhes so/ /dkyil 'khor du ni dgu'i bdag nyid du'o/ /bla mar yang / sdang rmongs de bzhin nga rgyal dang //chags dang phrag dog de bzhin nyid/ /'di rnams rigs ni lnga por nges/ /'dod dang thar pa'i 'bras rab ster/ /glang po seng ge myur 'gro dang / /de bzhin rma bya nam mkha' lding / /khyab 'jug tshangs pa de bzhin nyid/ /dbang phyug che dang dbang po nyid/ / grwa bzhir ma mo bsam par bya/ /zhes so/ /rmongs pa la sogs pa ni ma mo rnams so/ /gos sar ba ni rgyas pa'i don to/ /oM tsak+Shu ban+d+ha ba ra mA Na ye/ /zhes pas bcing bar bya'o/ /bla mas dbul ni sngags kyis byin gyis brlabs pa'i me tog gcig gam/ /las kyi rdo rjes skor ba byed du bcug nas//dkyil 'khor gyi lho sgor khrid de/ /oM pra tIts+tsha ho zhes me tog de yi ge gsum gyis byin gyis brlabs la dor bar bya'o/ /sgra ji bzhin pa'o/ /bcud dang bcud len nad med dang / /nor dang 'bru rnams rab stsol byed/ /rtag tu dpal g.yang zhi ba ster/ / dkyil 'khor gyi ni lho sgor ro/ /zhes bshad pa'i rgyud du'o/ /nyi ma gnyis par khrag gis ni/ /thig le de la bya'o/ /zhes pa ni lhag par gnas pa brjod pa ste/ bsrung ba'i don du slob ma la thig le bya ba'o/ /slob dpon shin tu mnyam gzhag pas/ /slob ma yi ni gdong phye la//lha gang gi ni gnas gang yin/ /de dang de nyid rab bstan bya/ /zhes te/ oM di byen+d+ra ya nayung+g+ha TA ya swA hA/ /zhes pas mig dar dgrol bar bya'o/ /lha nyid ni rnam par snang mdzad la sogs pa dang / mkha' 'gro ma la sogs pa dang / 'dir mkha' 'gro ma dang / lA ma dang /dum skyes ma dang / gzugs can ma rnams sa la sogs pa dag pa'o/ /slar yang g.yon nas brtsams pa yis/ /de nas bskor ba byas nas ni/ /sgrub pos bla ma la btung nas/ /yon gyi mchog ni dbul bar bya/ /zhes pas yon gsungs pa/ kye rdo rje la dkyil 'khor mchog /de bzhin me long rtag pa la/ /bzang po'i gos ni rta mgrin la'o/ /rdo rje nyi mar gser mchog dang / /rta mchog la yang rta nyid de/ /rtag tu yon gyi mchog yin no/ /zhes mkha' 'gro ma rdo rje gur gyi rgyud du'o/ /rin chen lcags zangs pa lang rta/ /glang chen bu mo nor 'dzin bral//bran mo 'dod pa'i chung ma sogs/ /rna rgyan gdu bu la sogs pa/ /bdag nyid dngos po kun gyis ni/ /blo dang ldan pas dbul bar bya/ /de nas brtsams te bran du bdag /bdag gis bdag nyid yang dag dbul/ /dpal ldan bla ma khyed zhabs kyi/ /yang dag rdzogs pa'i byang chub brnyes//de bzhin dpa' dbang mkha' 'gro ma/ /rnal 'byor ma mo rnam gnyis 'gyur/ /de ltar rnal 'byor grub gyur na/ /'jig rten gsum du ma bzlogs so/ /zhes pa bla ma mnyes par byed pa brjod pa'o/ /sgra ji bzhin pa'o/ /sngags pa dkyil 'khor ma mthong bar/ /gang zhig rnal 'byor pa nyid 'dod//mkha' la khu tshur gyis bsnun dang / /smig rgyu'i chu ni 'thung bar byed/ /gang zhig dkyil 'khor 'di dbang bskur/ /rgyud rnams thams cad sgrub pa pos/ /lha dang lha min mi rnams ni/ /zil gyis gnon par 'gyur ba yin/ /zhes pa dkyil 'khor du zhugs pa'i phan yon brjod pa'o//dkyil 'khor zhes pa ni/ mngon brjod du gsungs pa'i mkha' 'gro lnga'i dkyil 'khor 'dus pa dang mtshungs par ro/ /sgra ji bzhin pa'o/ /yang dag par mchod nas/ /de nas slob dpon phyag rgya mo dbul bar bya'o/ /des dgod pa'i dbang bskur ba sbyin par bla ma la bus gsol ba gdab par bya'o zhes pa dbang mdor bstan pa ste/phyag rgya ma lo bcu gnyis ma dang por byas nas/ /ji srid lo nyi shu'i mthar thug pa gzung bar bya'o/ /de ltar yang bcom ldan 'das kyis gsungs pa gang zhig bcu gnyis lo lon bu mo dkar sham dang / gzhan pa de bzhin skye gnas nyi shu'i lo lon pa/ /bzung nas bu mo skyes pa dam tshig la zhugs pa/ /bla mas dbang bskur don gyi rgyu ru nges par brtag /ces so/ /gos dang rgyan la sogs pas yang dag par mchod nas bus yang dag par dbul bar bya'o/ /yang dag par rab tu sbyin pas sbyin par bya'o//sgra ji bzhin pa'o/ /dgod pa dang / blta ba dang / kun du reg pa dang / 'khyud pa dang / lag pa 'dzin pa dang / gnyis gnyis sbyor bas phyag rgya ma'i dbang bskur ba rnam pa drug dang rnam pa gsum mo/ /'di rnams kyi slob dpon dang gsang ba la sogs pa rnams kyis dbang bskur bar 'gyur ro//slob dpon gsang ba shes rab dang / /bzhi pa de slar de bzhin no/ /zhes so/ /dbang bskur ba la sogs nges par bstan pa 'di la/ /rgyud sna tshogs su dbang bskur ba du ma gsungs te/ mdor bsdus pas rnal 'byor dang rnal 'byor ma'i rgyud du bzhi gsungs so//bya ba'i rgyud du ni shes rab mas dgod pas bde ba nyams su myong ba dgod pa'i dbang bskur ba'o/ /spyod pa'i rgyud du shes rab ma la blta bas bde ba las blta ba'i dbang bskur ba'o/ /rnal 'byor bla ma'i rgyud du ni shes rab ma'i nu ma gnyis la reg pa las 'gyur ba'i bde ba ni nu ma la reg pa'i'o//rnal 'byor bla na med pa'i rgyud du shes rab ma'i lag pa 'dzin pas bde ba ni lag pa 'dzin pa'i dbang bskur ba'o/ /'dus pa la sogs pa rnal 'byor gyi rgyud du 'khyud pa'i bde ba las/ 'khyud pa'i dbang bskur ba'o/ /rnal 'byor ma'i rgyud du yang gnyis gnyis bskyod pa las gnyis ka'i bde ba las gnyis gnyis kyis dbang bskur ba'o//bcu drug gi ngo bo can bzhi 'dod pa na spyod pa'i mi rnams kyi gnyis la rnam pa gsum mo zhes pa mdor bsdus nas dbang bskur ba'o/ /bum pa dang gsang ba dang shes rab kyi mtshan cing las gsum mo//slob dpon la sogs pa'i dbang bskur ba la/ 'dir 'jig rten dang 'jig rten las 'das pa'i dbye bas rnam pa gnyis so/ /bzhi pa yang rnam pa gnyis te/ bden pa dag gi rnam par 'jug pas bzhi pa'i ming dang 'gyur ba dang / 'gyur ba med pa shin tu dbyer med pa bde ba chen po thams cad stong pa rgyu dang 'bras bu 'gog pas 'gyur ro//de ni kak+kol ra gnas pa'i hUM phaT yi ge'i mtshan nyid gsum par 'gyur bar 'os pa ma yin no/ /'di ltar yang / bo lar gnas pa yang dbang bzhi pa de kho na nyid kyi dbang rab tu gsal bar byed do zhes pa 'jig rten pa'i dbang ni de kho na nyid tshul gnyis su med pa dang bral ba ste de ni 'dir stong pa nyid dang snying rje tha mi dad pa 'pho ba med pa'o zhes pa'o//thams cad gsang ba'i rgyud du yang / /rgyu yi de nyid mnyam sbyor las/ /'bras bu'i de nyid bstan par bya/ /'bras bu'i de nyid mnyam 'jug pa//rgyu yi de nyid the tshom med/ /rang bzhin so sor sgrub byed la'ang / /rab tu bya dang byed pa'o/ /zhes gsungs so/ /'bras bu bstan pa'i phyir yang / de bzhin du bcom ldan 'das kyis gsungs pa/ 'dir bzhi pa'i mngon par dbang bskur bas mngon par dbang bskur na sangs rgyas gnyis pa nyid do zhes so//'phags pa'i zhabs kyis kyang gsungs pa/ dang po las kyi sbyor ba yis/ /sa brgyad pa ni thob par 'gyur/ /snad ba gsum po mthong ba dang / /sa bcu la ni rab tu gnas/ /mngon par byang chub legs thob nas/ / gtsang ma'i gnas su nye bar 'gro/ /zhes so/ /gsang ba dang / shes rab dang / bzhi pa ni 'bras bu zhes brjod do/ /de'i phyir mya ngan las 'das pa'i bde ba nyid/ 'pho ba med pa yang lhan cig skyes pa mi 'gyur ba nges par bzhi par brjod do zhes pa zung du 'jug pa grub pa'o/ / bum pas mngon par dbang bskur ba ni slob dpon gyi dbang bskur ba'o/ /gsang ba blta bas dang / bdud rtsi myang bas gsang ba'i dbang bskur ba'o/ /las kyi phyag rgya gtad pas dang / dbang po gnyis kyi bde ba rtogs pas shes rab ye shes kyi dbang bskur ba'o/ /nor bu'i nang du tshud pa'i byang chub kyi sems kyi bde ba rtogs pas bzhi pa'o//drang ba'i don to/ /'dir bum pa'i sgras nu ma brjod de/ /de la reg pa las 'gyur ba'i bde ba gang yin pa de ni bum pa'i dbang bskur ba'o/ /gsang bar rdo rjes reg pa las 'gyur ba'i bde ba gang yin pa de gsang ba'i dbang bskur ba'o//dbang po gnyis kyis snyoms par 'jug pa las/ g.yo ba'i bde ba gang yin pa shes rab ye shes kyi dbang bskur ba'o/ /phyag rgya chen mo la rjes su chags par 'gyur ba med pa'i bde ba gang yin pa de ni bzhi pa de slar de bzhin gyi mngon par dbang bskur ba don dam pa'o zhes pa nges pa'i don to//de nyid bsdus pa dpal dang yang / /gsang ba'i rdo rje 'jigs byed de/ /dkyil 'khor rgyas pa'i dbang po 'di/ /ma byung 'byung bar mi 'gyur ro/ /zhes pa dkyil 'khor gyi phan yon no/ /sgra ji bzhin pa'o/ /chu dang cod pan la sogs pa'i dbang mdor bsdus nas bstan pa'i tshul lo//bshad dang ma bshad gang ci 'ang rung / /de kun dpal he ru kar gnas/ /zhes pa ni dbang mang po rgyud phan tshun du 'bral ba de yang brjod do/ /sgyu 'phrul dra bar yang gsungs pa/ /chu sogs mngon par dbang bskur bdun/ /mkhas pas tha dad rtogs par bya/ /zhes so/ /phreng ba chu dang rdzogs sangs rgyas//rdo rje dril bu me long dang / /ming dang slob dpon rjes gnang ste/ 'di ni mngon par dbang bskur rim/ /zhes rnal 'byor gyi rgyud du'o/ /'khor lo sdom pa 'di nyid du ma bshad pa chu dang cod pan la sogs pa'i dbang gang yin pa de thams cad dpal he ru ka las te/'bum phrag lnga pa nyung ngu'i rgyud du dang / mkha' 'gro ma rdo rje gur la sogs par yang rgyas par shes par bya'o/ /de'i dag pa yang 'bum phrag lnga par gsungs pa/ /byis pa skyes pa ma yin no/ /chu yis khrus byed dbang bskur ro/ /de yi gtsug pung rab gzhag pa/ /cod pan du ni yongs su btags//de yi rna ba dbugs la sogs/ /dar dpyangs dbang zhes bya bar bshad/ /de yi dgod dang smra ba nyid/ /rdo rje dril bu'i dbang bskur ro/ /lnga la longs spyod brtul zhugs so/ /ming ni ming gi dbang bskur ro/ /pha yi rtag tu glog la sogs/ /ster bar byed pa rjes gnang yin//de lta rnam pa bdun gyis ni/ /dbang bskur bdun du rab tu bsgrags/ /de yi bag ma byas pa ni/ /gong ma'i dbang du brjod par bya/ /de la shes rab gtad pa ni/ /lag pa 'dzin pa brjod par bya/ /zhes so/ /mkha' 'gro ma rdo rje gur du yang / dang po bum pa'i dbang yin no//gnyis pa gsang bar 'dod pa yin/ /shes rab ye shes gsum pa ni/ /ji ltar de bzhin gshegs de min/ /zhes so/ /gzhan des mi 'gyur ba'i bde ba stong pa shes rab la bdag skyes pa ni bzhi par brjod do/ /'jig rten las 'das pa'i dbang gang mchog gi rgyal ba'i bdag po'i phyag rgya mchog la rjes su sbyor ba'o zhes gsungs so//bzhi pa mngon par byang chub pa'i rim par gang gi sems kyi snang ba dngos po med pa'i mtshan nyid dag gi thams cad stong pa de bzhin gshegs pa'i phyag rgya chen mo 'gyur ba med par rtogs par bya'o zhes pa sgra ji bzhin pa ste dbang gi cho ga'o// //da ni mkha' 'gro ma rnams dgod pa gsungs pa/ mkha' 'gro ma rnams gnas rnams su/ /kun nas rnam par rol par byed/ /ces dang por lus rnams dben pa'i don du/ rnam par rol par byed pa ni/ pul+lI ra la sogs pa'i gnas nyi shu rtsa bzhir khyab par byed pa'o//mkha' 'gro ma rnams ni rdo rje rnal 'byor ma rnams so/ /bshad pa'i rgyud du yang / Dai nam mkha' 'gro byed la/ /dbyings su 'dir ni btags pa'o/ /nam mkha' kun du rgyu grub pas/ /mkha' 'gro ma zhes rab grub byed/ / ces so/ /dgongs pa'o/ /kun nas zhes pa ni gling thams cad kho nar te gal te pul+lI ra la sogs pa tsam nyid ni pho nya mo rnams khyab par byed pa nyid du mi 'gyur ro/ /rgyud gzhan du yang gsungs pa/ gnas ni shar gyi lus 'phags 'gyur/ /lho yi 'dzam bu'i gling dang ni/ /nub kyi ba lang spyod rnams dang //byang du byang gi sgra mi snyan/ /nye ba'i gnas ni sa steng du/ /phyogs bral nye ba'i gling du 'gyur/ /de bzhin zhing la sogs pa kun/ /rgya mtsho'i khor yug la sogs su'o/ /zhes so/ /'di'i phyir rtul po rnams kyi don du pul+lI ra la sogs pa nyi shu rtsa bzhi nges par bstan pa'o//phyi rol du mkha' 'gro ma sum cu rtsa drug ni/ lus la mgo bo la sogs pa'i gnas rnams su khyab par 'gro bar byed pa'i rtsa rnams so/ /mkha' 'gro ma ni byang chub kyi phyogs kyi chos sum cu rtsa bdun no/ /rnam par rol par byed pa ni gzhan du chos kyi dbyings su 'du bar byed pa'o//lugs las bzlog pas brtson 'grus chen mo dang / 'khor los sgyur ma dang / stobs chen ma dang / shin tu dpa' mo dang / lnga pa 'khor lo'i go cha ma dang / chang 'tshong ma dang / dum skyes ma dang / 'khor lo'i shugs ma zhes pa brgyad ni sku'i 'khor lo la gnas pa'o//mkha' 'gro gdong ma dang rta rna ma dang shin tu bzang mo dang / sngo bsangs lha mo dang / de bzhin kho nar bcu gsum pa chang 'thung ma dang / rlung shugs ma dang / 'jigs byed ma dang / sa srung ma ste brgyad ni gsung gi 'khor lo la gnas pa'o/ /shing grib ma dang / lang ka'i dbang phyug ma dang /mi'u thung ma dang / de bzhin du dpa' ba'i blo gros ma dang / sna chen ma dang / de bzhin kho nar 'od ldan ma dang / gtum pa'i mig ma dang / rab gtum ma dngos grub sbyin zhing dngos grub sgrub par byed pa yin no zhes pa brgyad ni thugs kyi 'khor lo la gnas pa'o/ /dpa' bo bzang po nyi shu bzhi//'di dag gtso bor grub pa yin/ /zhes pa ni 'khor lo gsum la gnas pa'i dpa' bo rnams kyang mdor bstan no/ /lugs las bzlog pas rim pa las 'das pa dang / rim pa dang mthun par rtogs par bya'o/ /'di rnams kyi kha dog la sogs pa ni 'chad par 'gyur bar brjod par bya'o//sgra ji bzhin pa'o/ /rang ming brjod pa'i gsang sngags la/ /hUM phaT yi ge sbyar bar bya/ /aM yig kun la gsal byed de/ /las rnams kun dang dngos grub sbyin/ /zhes pa ni dkyil 'khor ba'i shes rab dang / thabs dag gis sngags mdor bstan pa ste/'di'i don 'di yin te/ oM pra tsaN+De hUM phaT/ de bzhin du gzhan rnams kyang rtogs par bya'o/ /oM khaN+Da ka pA li ni hUM phaT/ de bzhin du dpa' bo gzhan rnams kyang ngo / /dpa' bo nyid gyur grub pa ni/ /khyim gyi dkyil 'khor mthong ba yin/ /zhes pa 'di nang gi dkyil 'khor gsungs te/dkyil 'khor ba'i lha rnams lus la rtsa'i gzugs su tha dad pas gnas te/ dpa' bo nyid so la sogs pa nyid du gnas pas slar yang dngos grub rdzogs par 'gyur ro/ /de bzhin du yang gsungs pa/ rtsa rnams mkha' 'gro ma rab brjod/ /dpa' bo so dang san mo sogs//zhes so/ /bla mar yang so dang sen mo dag rab gtum ma'o/ /skra dang spu dag gtum mig ma'o/ /pags pa dang dri ma dag 'od ldan ma'o/ /sha la sna chen ma'o/ /rgyus pa ni dpa' ba'i blo gros ma'o/ /rus pa ni mi'u thung ma'o/ /mchin pa la lang ka'i dbang phyug ma'o//snying la shing grib ma'o/ /mig la sa srung ma'o/ /mkhris pa la 'jigs byed chen mo'o/ /glo ba la rlung shugs ma'o/ /rgyu ma la chang 'thung ma'o/ /sta zur gyi rgyus pa lnga sngo bsangs lha mo'o/ /lto ba la shin tu bzang mo'o/ /keng rus la rta rna ma'o/ /mtshams mtha' la mkha' 'gro gdong ma'o//bad kan yang 'khor lo'i shugs ma'o/ /rnag ni dum skyes ma'o/ /khrag ni chang 'tshong ma'o/ /rdul ni 'khor lo'i go cha ma'o/ /tshil ni shin tu dpa' mo'o/ /mchi ma ni stobs chen ma'o/ /mchil ma ni 'khor los sgyur ma'o/ /snabs ni brtson 'grus chen mo'o zhes pa drang ba'i don to//sam+bu Ta'i rgyud du yang / he ru ka dpal dpa' bo 'di/ /dpyid kyi thig ler 'dod pa ste/ /dpyid thob pas ni chog shes pa/ /snyoms par 'jug pa mnyam par gnas/ /zhes pa nges pa'i don to/ /rnal 'byor mchog rab mthong ba ni/ /me ste gzhan dag sog ma bzhin//zhes pa ni gnyis su med pa dgod par brjod pa ste/ stong pa nyid dang 'dus pa'i rnal 'byor de nyid byang chub phyogs kyi rang bzhin rnams kyang mthong ba ste/ bla ma'i man ngag las shes shing lhag par rtogs nas so/ /gsungs pa yang / /gnas ni dpal rnal 'byor pa rnams kyi rdo rje nor bur sbas pa'o zhes so//gzhan yul sna tshogs dkyil 'khor du 'dus pa ni bsgrub par bya ba ma yin no/ /me ni mkhas pa'o/ /phyi rol la mngon par zhen pa spang bar bya'o zhes pa sum+bu Ta'i rgyud du yang / dper na mar 'dod dar ba yi/ /snying po blang nas 'dor de bzhin//chos kyi bdud rtsi lnga thob nas/ /rtog pa ma lus dor bar bya/ /sngags bzlas med cing dka' thub med cing sbyin sreg med/ /dkyil 'khor pa yang yod min dkyil 'khor yod ma yin/ /sngags kyi bzlas pa de yin dka' thub sbyin sreg de/ /de ni dkyil 'khor pa dang dkyil 'khor dag kyang de//mdor na sems de 'dus pa'i tshul can no/ /zhes kun du spyod pa'i rgyud du'o/ /bla mar yang / bdag gis 'di dag gang brjod pa/ /sems can bsam pa'i sbyor ba las/ /bsam gtan las gzhan bde med phyir/ /de phyir bsam gtan mchog tu 'gyur//phyi rol khyams las rnal 'byor pa/ /de rnams khams rnams zad par 'gyur/ /de bas phyi rol dor byas nas/ /rnal 'byor rol pas gnas par bya/ /rdo rje rnal 'byor ma rnams kyis/ /rnam dag ye shes spyan gyis gzigs/ /dpal ldan rdo rje rnal 'byor ma'i//snying rje 'khrugs pa'i sems kyis ni/ /de rnams mnyes pas dngos grub mchog /ji ltar 'dod bzhin stsol bar byed/ /de yis rje btsun ye shes ni/ /rab tu 'bad pas bsgrub par bya/ /zhes so/ /mchog gnyis su med pa dgod pa/ rdo rje gsum tha mi dad pa/dang ba lhun gyis grub pas lhan cig skyes pa thams cad stong pa ste dgongs pa'o/ /gnyis su med pa dgod pa'i cho ga'o// //da ni ngag rnam par dben pa'i don du sngags btu ba brjod par bya ste/ thams cad chos 'byung nyams dga' bar/ / sna tshogs lte bar mi shigs dge/ /sngags pas cho ga bzhin du bri/ /chos kun gcig tu bsdu bar bya/ /zhes te chos thams cad ni/ thams cad mkhyen pa'i chos stobs bcu dang mi 'jigs pa bzhi dang / ma 'dres pa bco brgyad pa de rnams 'byung ba gang yin pa de bzhin no/ / mi shigs pa ni thams cad stong pa'o/ /dge ba ni lhan cig skyes pa'i dga' ba'o/ /lte bar ni de bzhin nyid du'o/ /sna tshogs ni rgyu can no/ /chos kun gcig tu bsdu ba ni sku gsung thugs nye bar bsdus pa nyid do zhes pa nges pa'i don to/ /gru gsum gyi rnam pa/ lnga bcur gcig gis dman pa'i bdag nyid can gyi re mig bris nas/'dab ma brgyad la sngags btu bar bya'o/ /A li kA li mnyam byas nas/ /sde tshan las ni yongs sdom pa/ /der gnas dpa' bo btu bar bya/ /'dod don thams cad sgrub byed yin/ /zhes pa nges par bstan pa gsungs pa/A li kA li zhes pa ni/ lnga bcur dman pa de nyid du/ sde tshan brgyad kyi bdag nyid bris nas/ dpa' bo he ru ka sngags kyi bdag nyid can dgod par bya'o zhes pa drang ba'i don to/ /A li kA li mnyam pa ni stong pa nyid dang / snying rje tha mi dad pa/ lhan cig skyes pa stong pa longs spyod rdzogs pa/shes rab dang thabs bsgom par bya'o/ /phung po dang khams dag ji ltar 'dres par 'gyur ba'o/ /de nas zung 'jug gi sku gdul bya'i bsam pa yongs su rdzogs par byed par 'gyur ro zhes pa nges pa'i don to/ /bzhi pa'i lnga pa gang yin pa dang //zhes bya ba la sogs pa nas/ dpa' bor dbang po btu bar bya/ /zhes pa ni mthar thug pas rkang pa brgyad pa'i gsal byed gsungs so/ /de nas/ de la dbyangs kyis yang dag sbyar/ /zhes bya ba la sogs pa nas/ 'di ni rtsa ba'i sngags su bshad/ /ces pa'i mthar thug pas dbyangs sbyar ba'i yi ge gsungs so//'dir 'di dag gi snga ma dang phyi ma'i gzhung dag las/ sngags btu ba brjod par bya ste/ de la dang por dri bzangs kyis ras pa la sogs pa la chos 'byung bris la ji ltar nye bar bstan pa bzhin du bya'o/ /steng du bcu gsum/ de nas drag po//de nas dgu/ de nas bdun/ de nas 'dod pa/ de nas gsum/ de nas gcig ces so/ /de la lugs dang mthun pas A li kA li gnyis rim pas bris nas so/ /'og gi cha las zhes kha cig go/ /me tog la sogs pa'i rab tu byed pa sbyin par bya zhing / chang dang sha dang bdug spos kyis bdug par bya'o zhes so//dang por oM yig byin nas te/ dang por bri bar bya'o/ /bzhi pa'i lnga pa gang yin ni na'o/ /lnga pa yi yang lnga pa la oM yig ldan pa ni ma'o/ /lnga pa'i bzhi pa ni b+ha yig go/ /dang po'i gsum pa ga yig go/ /de bzhin nyi shu dgu pa wa yig go/ /bzhi pa'i dang po'i mtha' ta la e yig ldan pa'o//mthar gnas pa'i bzhi pa I yig ring po ldan pa ni wI'o/ /mthar gnas pa'i gnyis pa e yig ldan pa ni re'o/ /sum cu pa yang dag par blangs nas/ /A yig ring po ldan pa shA'o/ /nyi shu drug pa gang yin nyid kyi mtha'i ni ya'o/ /de nas brgya'i phyed phyed bzung nas ni ma'o/ / slar yang sum cu gsum pa A yig ring po ldan pa ni hA'o/ /dang po'i yang dang po ni ka'o/ /mthar gnas pa'i gsum pa la 'og tu pa yig lhan cig pa A yig ldan pa ni wA'o/ /dang po'i gsum pa gang yin pa 'og tu na yig i yig thung ngu dang ldan pa ni g+hi'o/ /sum cu rtsa gnyis gang yin nyid rjes su nga ro dang ldan pa ni saM'o//bzhi pa'i lnga pa gang yin pa i yig thung dang ldan pa ni ni'o/ /lnga pa'i bzhi pa gang yin pa A yig ring po dang ldan pa ni b+hA'o/ /mthar gnas pa'i dang po gang yin pa ni ra yig gi dang po ya'o/ /gnyis pa'i gsum pa ni dza'o/ /gsum pa'i dang po A yig ring po ldan pa ni TA'o//lnga pa'i yang lnga pa ma'o/ /dang po'i dang po nyid u yig thung ngu ldan pa ni ku'o/ /de bzhin bcu gcig pa gang yin o yig ldan pa ni To'o/ /bcu drug pa yang dag par blangs nas 'og tu ka yig ldan pa ni t+ka'o/ /gsum pa'i dang po A yig ring po dang ldan pa ni TA'o/ /nyi shu drug pa yang dag blang ni ya'o//bzhi pa'i gsum pa rjes su nga ro dang ldan pa ni daM'o/ /dro ba'i gnyis po 'og tu Sh+T+ra/ A yig ring po dang ldan pa ni Sh+TA'o/ /dang po'i dang po gang yin ni ka'o/ /nyi shu bdun pa yang dag gzung A yig ring po dang ldan pa ni rA'o/ /nyi shu brgyad pa ldan pa las oM yig ldan pa ni lo'o//dang po'i gsum pa gang yin ni 'og tu ra yig ldan pa ni gra'o/ /lnga pa'i bzhi pa gang yin pa I yig ring po dang ldan pa ni b+hI'o/ /sum cu rtsa gcig pa bzung nas ni Sha'o/ /de nas slar yang bco lnga pa Na'o/ /nyi shu rtsa lnga pa nyid ni a yig thung ngu dang ldan pa ni mu'o/ / dang po'i gnyis pa gang yin pa A yig ring po ldan pa ni khA'o/ /nyi shu drug pa yang dag blang ni ya'o/ /de nas yi ge so gnyis pa ni sa'o/ /dro ba'i tha ma yang dag blang ni ha'o/ /sum cu gnyis pa nyid 'og tu ra yig ldan pa ni sra'o/ /lnga pa'i bzhi pa gang yin pa yu yig thung ngu ldan pa ni b+hu'o//gnyis pa'i gsum pa ni dza'o/ /lnga pa'i bzhi pa gang yin pa A yig ring po dang ldan pa ni b+hA'o/ /dro ba'i gsum pa u yig thung ngu dang ldan pa ni su'o/ /nyi shu bdun pa nyid dang A yig ring po dang ldan pa ni rA'o/ /mthar gnas rnams kyi dang po ya'o/ /nyi shu rtsa gcig pa nyid ni pa'o//mthar gnas rnams kyi gnyis pa ni ra'o/ /de nas sum cu pa nyid ni u yig thung ngu dang ldan pa ni shu'o/ /lnga pa'i dang po gang yin pa A yig ring po dang ldan pa ni pA'o/ /dro ba'i dang po gang yin pa o yig ldan pa ni sho'o/ /byA yig ni de ni de nas mchog tu gsal lo//bzhi pa'i dang po gang yin ni ta'o/ /de nas dro ba'i dang po U yig ring po dang ldan pa ni shU'o/ /de las nyi shu brgyad pa ni la'o/ /dang po'i gnyis pa kha'o/ /gsum pa'i dang po 'og tu wa yig dang A yig dang thig le ldan pa ni T+wAM'o/ /dang po'i gsum pa gang yin pa ga'o/ /bzhi pa'i bzhi pa gang yin pa A yig ring po dang ldan pa ni d+hA'o//mthar gnas rnams kyi gnyis pa i yig thung ngu dang ldan pa ni ri'o/ /gsum pa'i lnga pa gang yin pa e yig ldan pa ni Ne'o/ /de nas byA yig sbyar bar bya ba ni gsal lo/ /dang po'i bzhi pa gang yin pa 'og tu ra yig dang ldan pa ni g+h+ra'o//de nas yi ge brgyad pa i yig thung ngu dang ldan pa ni dzi'o/ /bzhi pa'i lnga pa gang yin pa A yig ring po dang ldan pa ni nA'o/ /lnga pa yi yang lnga pa/ 'og tu pa yig ldan pa ni m+ba'o/ /nyi shu bdun pa yang dag blang ni ra'o/ /bzhi pa yi yang bzhi pa ni d+ha'o/ /de nas nyi shu rtsa bdun pa A yig ring po dang ldan pa ni rA'o//nyi shu rtsa drug pa nyid dang ya'o/ /de nas nyi shu lnga pa nyid ma'o/ /de nas sum cu rtsa gsum pa A yig ring po dang ldan pa ni hA'o/ /bzhi pa'i bzhi pa gang yin pa U yig ring po dang ldan pa ni d+hU'o/ /lnga pa'i yang lnga pa 'og tur yig dang A yig dang ldan pa ni mrA/bzhi pa'i lnga pa gang yin pa 'og tu d+ha yig ldan pa ni n+d+ha'o/ /dang po'i dang po yang a yig ring po dang ldan pa ni ka'o/ /de las nyi shu rtsa bdun pa ni ra'o/ /mthar gnas rnams kyi bzhi pa ni wa'o/ /de nas nyi shu rtsa gcig u yig thung ngu dang ldan pa ni du'o/ /dro ba'i gnyis pa dbyangs a yig gnyis pa dang po dang ldan pa ni ShA'o//nyi shu rtsa drug pa nyid mthar ya yig go/ /dpa' bo'i dbang po btu bar bya/ /zhes pas rkang pa brgyad pa'o/ /de la dbyangs kyis yang dag sbyar/ /'dir gsal byed brjod par bya'o/ /bcu gsum pa yi yang dag ldan dang / gnyis pa dang /drug pa dang ldan pa las zhes pa bcu gsum pa zhes pa dbyangs rnams kyi nang nas so/ /gnyis pa zhes pa gsal byed rnams la bltas nas so/ /de bzhin du gzhan rnams kyang shes par bya'o/ /bcu gcig pa yi yang dag ldan/ /bzhi pa nyid kyi bdun pa la/ /bcu gcig pa yi yang dag ldan pa ni brgyad pa la'o//de nas dbyangs kyi gnyis pa yang dag ldan ni dgu pa la'o/ /dbyangs yig gnyis pa yang dag ldan/ /de bzhin nyid du bcu gnyis pa/ /'og tu ba yig yang dag ldan/ /gnyis pas bcu bzhi pa la'o/ /'og tu na yig yang dag ldan/ /gsum pas gsum lnga pa la'o//bcu drug pa la thig le ldan/ /de las pha rol gsum pas so/ /bco brgyad pa la gnyis pas so/ /de bzhin nyi shu rtsa gcig pa'o/ /de nas nyi shu rtsa gsum pa/ /lnga pa yang dag ldan pa'o/ /de nas nyi shu rtsa bzhi pa/ /bcu gsum pa yis yang dag ldan/ /'og tu ka yig yang dag ldan//nyi shu rtsa lnga par 'gyur ro/ /nyi shu drug pa gnyis pas so/ /nyi shu brgyad pa thig ler bcas/ /'og tu TA yig yang dag ldan/ /gnyis pas nyi shu dgu pa la'o/ /sum cu gcig pa gnyis pas so/ /sum cu rtsa gnyis gang yin nyid/ /dbyangs kyi bcu gsum pa dang ldan//'og tu me dang yang dag ldan/ /sum cu rtsa gsum par 'gyur ro/ /zhes pa'i me ni me'i sa bon ra yig go/ /sum cu rtsa bzhi pas so/ /sum cu rtsa bdun pa'ang lnga pas so/ /sum cu brgyad pa gnyis pas so/ /mkha' 'gro ma rnams sgrub byed bshad/ /'og tu me dang yang dag ldan//bzhi bcu rtsa gnyis par 'gyur ro/ /zhes pa'i me ni ra yig go/ /lnga pas yang dag ldan pa ni/ /bzhi bcu rtsa gsum pa ru 'gyur/ /bzhi bcu rtsa lnga pa nyid ni/ /dbyangs kyi gnyis pa sbyar bar bya/ /bzhi bcu drug pa u yig gis/ /de yi pha rol gnyis pas so//lnga bcu gcig pa lnga pas so/ /de las pha rol gnyis pas so/ /lnga bcu gsum pa bcu gsum pas/ /lnga bcu drug pa drug pas so/ /wa yig thig le yang dag ldan/ /gnyis pas lnga bcu rtsa dgu pa'o/ /gnyis pas drug cu rtsa gcig bshad/ /de las pha rol gsum pas so//drug cu gsum pa nyid gang yin/ /bcu gcig pa yis yang dag ldan/ /drug cu rtsa lnga pa nyid kyang / /gnyis pas me dang yang dag ldan/ /drug cu drug pa gsum pas so/ /de las pha rol gnyis pas so/ /de las pha rol gsum pas so/ /'og tu yi ge pa dang ldan//yi ge drug cu rtsa brgyad pa'o/ /bdun cu rtsa gcig yang dag blang / /dbyangs kyi gnyis pas sbyar bar bya/ /bdun cu bzhi pa nyid kyang ngo / /de las pha rol drug pas kyang / /de las pha rol gnyis pa yis/ /'og tu nyi ma yang dag ldan/ /zhes pa'i nyi ma ni 'dir ra yig go/ /de las bdun cu rtsa bdun pa//'og tu d+ha yig yang dag ldan/ /'di las pha rol gnyis pa yis/ /yi ge brgyad cu rtsa gcig gang / /dbyangs kyi lnga par yang dag ldan/ /de las pha rol gnyis pa yis/ /oM yig gis kyang yang dag ldan/ /yi ge brgyad cu rtsa bzhi'i bdag /chos kyi phung po stong phrag rnams//'di ni rtsa ba'i sngags su bshad/ /ces so/ /sngar gsungs pa nyid las 'dir rab tu rgyas par bya'o/ /chos kyi phung pho stong phrag brgyad cu rtsa bzhi ni/ /theg pa chen po'i sde snod yang dag par bzung nas/ mdo sde dang rgyud dang / rtog pa'i tshul gyis bdag nyid can no/ /sngags kyi tshul yang dag par bzung nas/mngon par brjod pa bla mar yang / brgyad cu rtsa bzhi theg pa che/ /sngags kyi spyod pa'i tshul la gnas/ /zhes so/ /'dir de kho na nyid kyi mdo sde gsal ba'i phyir/ /rtog pa las rtog pa nyid dang / sngags las bye brag tu rtogs par byed pa'i phyir rgyud dang rgyud kyi ming yang 'dod de 'dir sngags kyi theg pa las gzhan//lha'i theg pa dang rdo rje'i theg pa dang / mdo sde dang / chos mngon pa dang / 'dul ba'i bdag nyid can no/ /'dir phung po'i chos rnams la mngon du phyogs par byed do zhes pa chos mngon pa ste/ phung po la sogs nges par bstan pa'i phyir ro//rtsa ba dang sbom po'i ltung ba nges par bstan pa'i phyir 'dul ba nyid do/ /dngos grub thams cad kyi ni gzhi/ /mkha' 'gro rnams kyi snying nye byed/ /dpal he ru ka lha yi ni/ /dngos grub gdon mi za bar sbyin/ /'bras bu nges par bstan pa'o/ /rkang pa kun la dang por oM/ / ma mo rnams kyi ming dang ldan/ /re re'i mtha' mar hUM phaT yig /dngos grub thams cad rab sbyin byed/ /ces pa bla ma'i dgongs pa gsungs/ /bla mar yang / gnas dang bla ma'i brgyud rim 'brangs/ /rnal 'byor ma rnams kha cig 'dod/ /oM yig dang po zhes pa'o/ /ma mo bya rog gdong ma la sogs pa'i ming dang lhan cig badzra sngon ma'i hUM hUM phaT kyi yi ge dang lhan cig pa ni bzlas par bya ba'o//de bzhin du yang gsungs pa/ na mo b+ha ga wa te bI re shA ya badzra kA kA s+ye huM hUM phaT/ /'di lta bur gzhan rnams kyang rtogs par bya'o/ /sgra ji bzhin pa'o/ /rkang ba brgyad pa'i sngags so//de nas snying po'i sngags su gang 'gyur ba ni/ yi ge nyi shu gnyis zhes pas gnas las skyes pa'i gsang sngags nges par ston par byed pa ste/ de bzhin du yang gsungs pa/ oM shrI badzra he he ru ru kaM huM hUM phaT DA ki nI dzA la sam+ba ra swA hA/ /mngon par brjod pa 'bum par ni yi ge drug par gsungs te/oM hrAM hrAM hroM hUM phaT ces so/ /de'i nye ba'i snying po rab tu gsungs pa/ yi ge bdun pa'i gsang sngags mchog /ces pas nye ba'i snying po'i gsang sngags gsungs pa rtsa ba'i rgyud du yang oM hri haHhaHhUM hUM phaT/ ya yig brgyad pa'i sa bon dang / phyi mo bcu gnyis mngon par ldan//yi ge bar ma dor byas nas/ /yan lag drug ste he ru ka'i/ /zhes pas yan lag drug btu ba gsungs te/ brgyad pa ni ha yig go/ /dbyangs bcu gnyis dang lhan cig pa'o/ /yi ge bar ma ni/ bar gyi re re dbyi bar bya'o/ /dpa' bo'i phyogs la dper na ha hi hu he ho haM/lha mo rnams ni hA hI hU hai hau ha/ dpa' bo drug ni mnyam sbyor ba ni rim pa kho nar dbyangs yig la gnas pa'o zhes so/ /baM b+h+raM aM hrAM hAM hUM/ na maHswA hA dang bau ShaT hUM bau Sha phaT yi ge sbyar/ /dang po snying gar shes par bya/ /gnyis pa spyi bo ru ni bshad/ /gsum pa gtsug tor du rab brjod//bzhi pa go char 'gyur ba yin/ /lnga pa mig tu 'gyur ba yin/ /drug pa mtshon char brjod par bya/ /oM yig dang por yang dag ldan/ /snying ga sogs su rnam par dgod/ /ces yan lag la dgod par gsungs so/ /'di lta ste/ oM haM baM hri da yA ya na maH/ oM hiM b+h+raM shi ra se swA hA/oM huM AM shi khA ye bau Sha Ta/ oM heM hi ka ba tsa ya hUM/ oM heM haM hAM ne tra yA ba ShaT/ oM haM hAM as+t+rA ya phaT/ ji ltar nye bar bstan pa las phyag rgya bzang pos snying ga la sogs pa bzhir reg par bya'o/ /lag pa gnyis ka dag dang / yan lag thams cad la reg nas go char bya'o//dge ba la g.yon pa dang / mi dge ba la g.yas pa'i sdigs mdzub kyi se gol gyis phyogs thams cad du bsrung bar bya'o/ /rnal 'byor ma kun mnyam par sbyor/ /hA yig drug pa sngon ma can/ /oM yig dang po ming thog mthar/ /sngar bzhin yongs su gyur par bya/ /zhes te/ lha mo'i yan lag dgod pa gsungs pa/ oM hAM bAM hri da yA ya na maHoM hAM yoM shi rA se swA hA/ oM hriM moM shi khA ya bau ShaT/ oM hreM hriM ka ba tsa hUM/ oM ho hUM ne tre ya ba ShaT/ oM hraHphaT/ yan lag thams cad la mtshon cha'o/ /de kho na bzhin du bya'o/ /gang gi tshe na bzlas pa bya ba ni shes rab dang thabs kyis bon gnyis ming dang por ldan pa oM yig dang por shes par bya'o//lha mo rnams kyi kha dog la sogs pa ni las kyi rjes su 'brangs pas so/ /bla mar yang gsungs pa/ rnal 'byor ma drug gi gsang sngags ni/ /waM yig dang yoM yig dang / moM yig dang / hUM yig dang / hriM yig dang / phaT yig nyid dang zhes so//bzlas par bya ba'i gsang sngags kyang / /oM shrIM bAM baM hUM hUM hUM phaT swA hA/ 'di lta bur gzhan yang rtogs par bya'o/ /sgra ji bzhin pa'o/ /snying po la sogs pa'i sngags so// //de nas 'di las gsang sngags kyi/ /las kyi sbyor ba bshad par byed/ /gsang sngags 'bum du bzlas pa yis//'dod pa'i dngos grub 'byung bar 'gyur/ /zhes pas bzlas pa dang mchod pas so/ /mngon 'byung du yang / dkyil 'khor gru gsum nyid du yang / /gal te rdul gyis mchod par bya/ /de phyir nga ni rtag gnas nas/ /des ni sems can rjes su gzung / / zhes so/ /drang ba'i don gyis gsal lo/ /rtsa ba'i sngags kyis ni zung 'jug gi'o/ /'bum bzlas pas ni rtag tu bsgoms pas so/ /sngags kyi ni thams cad stong pa'i'o/ /dngos grub ni phyag rgya chen po'i mtshan nyid du 'gyur ro/ /nges pa'i don to/ /sgrub po gsang sngags 'di yis ni/ / 'jig rten gsum na gang ci yod/ /de kun skad cig gis sgrub cing / /las de thams cad byed par 'gyur/ /drang ba'i don gyis gsal lo/ /gsang sngags ni ye shes kyis so/ /de bzhin du yang gsungs pa/ gsang sngags ye shes brjod par bya/ /sgrub pa po ni zung 'jug shes pa'o/ /kun byed par 'gyur ni sgyu ma'i lus kyis so//'bum phrag lnga par yang gsungs pa/ ye shes gcig pus las rnams kun/ /byed do ye shes smra ba rnams/ /zhes so/ /lha dang lha ma yin la sogs pa dang / gnod sbyin la sogs pa rnams 'di dran pa tsam gyis gsod par byed/ thog lhung ba dang /char 'bebs par byed pa dang zlog par byed do/ /rgya mtsho rnams skems par byed do/ /chu klung bzlog phyogs su 'bab par byed do/ /sa gzhi ri dang bcas pa g.yo bar byed do/ /dbang po ste rdo rje zlog par byed do/ /shing la 'dzegs te sgrub pa po gang du 'dod pa der 'gro bar byed do/ /'di ni sngags dang phyag rgya rnams thams cad dang /dngos grub thams cad phrog par byed do/ /khrag 'dren par byed do/ /myur ba kho nar slar yang gtong bar byed do/ /gzugs stong phrag rnams su byed do/ /'dod na snang bar byed do/ /yang na ma yin no/ /'dis khang bzangs kyi rtse mo la sogs pa dang /ro la sogs pa rnams phye mar byed do/ /bdud rtsi dug du byed do/ /dug bdud rtsir byed do/ /zla ba chu dang chu zla ba dang dri ngan pa dri bzang por ro zhes te/ zla ba ni chang ngo / /dgongs pa'o/ /dri phrog par byed do/ /gang du 'dod pa de kho nar 'pho bar byed do/ /sgra ji bzhin pa'o//gdong du nam mkha' lding 'gro bas 'dus pa la zla ba 'byin par byed pa 'dzin pa'o/ /bud med rnams kyi kun du spyod pa myur ba gang yin pa de ni dngos grub kyi 'bras bur 'gyur zhes rdzogs pa'i rim pa'i mchod pa gsungs so/ /longs spyod rdzogs pa'i bdag nyid shes rab ma dag pa'i khrag gi skal ba can gyi b+ha gar ling+ga rab tu bcug nas bde stong bsgom par bya'o//nam zhig myur bar gyur pa na/ /gdong ste skye gnas su nam mkha' lding zhes pa nam mkha' lding gi phyag rgyas 'gro bas gdong gi ste kha yis byas nas/ 'dus pa la ste dga' ba la'o/ /zla ba 'byin pa 'chang ba thig le bzhi 'chang ba'o//dgongs pa'o/ /me skyed par byed do/ /'dis 'og la sogs pa zlog par byed do/ /drang ba las glog skyed par byed do/ 'dis rtags gar byed du 'jug go/ /bsgrub bya'i ming bzung nas bzlas pa byas na skad cig la de 'chi bar byed do/ / sgrub pa pos ma lus pa rnams la longs spyod par 'gyur ro zhes pa 'jig rten pa'i dngos grub ste sgra ji bzhin pa'o/ /brtul zhugs mi dgos so/ /dka' thub dang longs spyod pa mi dgos/ smyur bar gnas pa mi dgos te/ rtog pa'i bya ba'i cho ga 'dis ji ltar 'dod pa'i las rnams bya'o/ zhes pa sdom pa'i rtog pa nyid nges par ston par byed do/ /rtog pa zhes pa sdom pa'i rgyud do/ /rnal 'byor gyi rgyud du yang / rtogs par byed pa'i phyir rtog par brjod par bya ste/ 'di'i nye bar spyod pa bsam gtan tsam gyis so zhes so/ /dgongs pa'o/ /bsgrub par bya bas khros pas lan cig zlos na bye ba rnam par 'joms par byed/gal te nges pas 'tsho ba la g.yon pas bzlas na 'tsho bar byed do/ /g.yon pas zhes pa la lag pa g.yon pa'i sdigs mdzub bo/ /dur khrod kyi sol ba nyid kyis lan cig bzlas pas gang la bsnun pa de ltung bar byed do ni/ myur du sa'i cha las zhes pa ste/de nas mi 'am/ lha ma yin nam/ dud 'gror ro/ /dur khrod kyi thal bas bsnun pa de sha zas 'dzin par byed de/ /rtsig pa 'am spang leb la mtshan mo gang gi ming ro bsregs pa'i sol ba la sngags bzlas pas bris pa de gdon chen pos gzung bar 'gyur ro/ /a ti muk+ta ka'i lcug ma la bzlas nas gang la bsnun pa de nges par myur du gsod par 'gyur te/gang rtag tu gsang sngags bsgrubs pas so/ /gang gseg ma la bzlas nas bsnun pa de rengs par 'gyur ro/ /gu gul la lan cig bzlas te/ gang gis bdug par nges par sbyor ba byed pa de/ de la myur du skad cig gis 'bebs par byed do//gdon chen pos zos shing kun du zos par 'gyur ro/ /gang gi lag pa g.yon pa la bzlas nas par zos pa la sbyin par byas pa de/ slong bar byed do ste/ myur du dug med par byed do zhes pa sgra ji bzhin pa'o/ /mkha' 'gro rgyas btab pa la/chu la lan cig bzlas pas rgya rnams 'joms par byed cing / myur du mkha' 'gro ma rnams zlog par byed do/ /mkha' 'gro mas rgyas btab pa ni 'jig rten pa'i mkha' 'gro ma sems can thams cad la gnod par byed pa des phyogs bcings pa'o/ /ka ra bI ra'i lcug ma des gang la bsnun pa'i sbrum ma de'i mngal gang du 'dod pa kho nar 'pho bar 'gyur ro//'di rnams kyi slar gso ba yang lag pa g.yon pas bya'o/ /g.yas pa'i las des lag pa g.yon pas zhi bar bya'o zhes so/ /rten cing 'brel bar 'byung zhing 'khrul ba med/ /nor bu sngags dang sman ni bsam mi khyab//sems stobs yong 'gyur de la bya ba 'grub/ /ces so/ /sgra ji bzhin pa'o/ /he ru ka sngags mi shes par/ /rnal 'byor gang zhig mngon 'dod pa/ /de ni phu ba ma brdung ba ste/ /gsang sngags 'dis ni spangs pa yin/ /gsang sngags 'di ni mi shes pa/ /rnal 'byor pa gang mngon 'dod pa//de ni ngal ba don med do/ /de yis 'bras bu thob mi 'gyur/ /zhes pa yang dag pa'i ye shes bsngags pa'o/ /he ru ka ni rgyu dang gzugs dang byed pa'o/ /spangs pa ni don dam pa'i bden pa thams cad stong pa'o/ /sngags ni zung 'jug gi dpal 'dus pa phyi mar yang /gang gang dbang po yul rnams kyis/ /brten nas bskyed ba gang yin pa/ /yid de man zhes su ni bshad/ /tra yig skyob par byed pa'i don/ /zhes so/ /dgongs pa'o/ /mdo sde rgyud dang rtog pa la/ /ngal ba don med 'bras bu med/ /lha mo bzhis yongs su zhus par yang /thub pa chen po chos phung po/ /stong phrag brgyad cu rtsa bzhi las/ /gang gis de nyid mi shes pa/ /de rnams thams cad 'bras med nyid/ /ces so/ /'bras bu shes pa ni/ chos rnams thams cad kyi nye bar bgrod par bya ba rdo rje 'chang chen po'i go 'phang ngo / /sgra ji bzhin pa'o//gsang sngags 'di ni 'dod spyod pa'i/ /dngos grub thams cad rab sbyin byed/ /bzlas dang sbyin sreg gtor ma dang / /bsam gtan bza' btung gis kyang sgrub/ /ces pa 'dis sgrub thabs gsungs so/ /'dod pa na spyod pa ni bde ba dang / dga' bas kyang sgrub po/ /sngags nyid ni ma ning gi bzlas pas so//de kho na nyid kyi sbyin sreg gis dang / kun du rtog pa'i rnal 'byor gtor mas dang / lhan cig skyes pa'i bsam gtan gyis dang / tshogs kyi 'khor lo'i byed pas kyang bsgrub par bya'o zhes pa nges pa'i don to/ /drang ba'i don gyis go sla'o//mkha' 'gro ma ni rig pa che/ /rdo rje rnam snang mdzad mar 'dod/ /sa stengs na ni rin chen bzhi/ /phreng ba'i sngags ni ji bzhin mchog /ces so/ /phag mo'i phreng ba'i sngags kyang he ru ka mngon byung du gsungs pa/ 'di lta ste/ oM na mo b+ha ga ba ti badzra bA rA hI/ zhes pa la sogs pa nas/pro taM ge ha na prA nAM king+ki ni zhes pa la sogs pa nas phaT swA hA'i mthar thug pa'o/ /oM badzra be ro tsa nI ye huM hUM phaT/ rig pa'i rgyal po zhes pa zhal bzhi pa'i sngags so/ /nyi shu bzhi yi sngags kyis sbyor/ /phreng ba'i sngags su yongs su bsgrags/ /zhes pa ni/ rkang pa nyi shu rtsa bzhi pa gsungs te/dpal he ru ka mngon par brjod par yang / oM ka ra ka ra zhes pa la sogs pa nas/ huM hUM phaT zhes pa'i mthar thug par ro/ /mkha' 'gro ma rnams rig pa che/ /pho nya mo kun rang bzhin gnyis/ /lha mo'i snying po dang nye ba'i snying po gsungs te/ oM badzra bar+Na nI ye huM hUM phaT/ snying po gzhan no/ /de bzhin du nye ba'i snying po ni/ oM sarba bud+d+ha TA ki nI ye/ badzra par+Na nI ye huM hUM phaT swA hA/ pho nya mo bzhi yang dag ldan/ /rig pa'i rgyal po rab tu bsgrags/ /zhes bzlas pa gsungs pa/ rdo rje zhabs kyi rgya cher bshad par gsungs pa/ oM sum+b+ha ni sum+b+ha badzra DA ki nI ye huM hUM phaT ces pa de bzhin du gzhan du 'ang rtogs par bya'o//ma mo brgyad dang yang dag ldan/ /dpa' dbang he ru ka ru 'ang bshad/ /ces pa rkang pa gsungs so/ /mi yis cho gas bsgrubs gyur na/ /las rnams thams cad byed par 'gyur/ /snying po nye ba'i snying po dang / go cha bshad pa lnga pa 'di/ /rab tu 'bad pas bsgrub par bya//dngos grub thams cad rab sbyin byed/ /ces pa nges par 'dzin par byed pa'i sngags so/ /rgya cher 'grel pa dri ma med pa'i 'od du yang gsungs pa/ ming gi sngags ni thams cad du snying po'o zhes so/ /hrIHyig la sogs pa yan lag drug ni nye ba'i snying po'o/ / go cha'i sngags ni shes rab dang thabs te/ oM baM yoM moM hriM hUM phaT/ bzhad pa lnga pa zhes pa ni/ haM hiM huM heM hoM swA hA yang na'o/ /de bzhin du rigs gsum gyi sngags ni/ oM AHhUM swA hA/ de bzhin du rigs drug kyang oM AHhUM ho haM k+ShaHswA hA/ de bzhin du dgug pa la sogs pa can yang / dzaHhUM baM heHzhes so//mngon par brjod pa bla mar yang / /he yig rnam pa yang dag byung / /he ru ka ni rnam bsgom bya/ /hI yig rnam pa yang dag byung / /rdo rje mkha' 'gro rnam bsgom bya/ /hUM yig ye shes kyis rdzogs pa/ /rdo rje hUM mdzad bsgom pa las/ /hUM yig rnam pa yang dag byung / /mi bskyod rnam pa sgom par byed//baM yig ye shes kyis rdzogs pa/ /rdo rje sems dpa' rnam sgom byed/ /oM b+h+rUM AM buM rnam pa rdzogs/ /sangs rgyas mkha' 'gro rnam sgom byed/ /aM trAM raM swA rnam pas rdzogs/ /rin chen mkha' 'gro rnam sgom byed/ /hrIM hrIHA yig gis rdzogs pa/ /pad+ma mkha' 'gro rnam sgom byed//khaM hoHha yig gis rdzogs pa/ sna tshogs mkha' 'gro rnam sgom byed/ /DAM yig mkha' 'gro ma nyid kyang / /yaM yig rnal 'byor ma de bzhin/ /b+hUM yig sa spyod lha mo'o/ /khaM ni mkha' 'gro de bzhin no/ /zhes so/ /de bzhin du/ oM badzra DA ki nI ye hUM phaT/ de bzhin du gzhan no//oM kA kA s+ye hUM phaT/ de bzhin du gzhan no/ /oM ka ra ka ra badzra pra tsaN+De badzra khaN+Da ka pA li ni huM hUM phaT/ ces rgya cher 'grel par ro/ /'bum phrag lnga par yang gsungs pa/ sku ni rtsa ba'i sngags su 'gyur/ /gsung gi rang bzhin snying por brjod/ /thugs kyi gsang sngags dper brjod pa//nye ba'i snying po kho nar 'gyur/ /ye shes sa bon zhes bshad pa/ /ye shes sngags dang lhan cig brjod/ /sa bon nye ba'i snying po nyid/ /snying po rtsa ba'i gsang sngags las/ /ji srid de grub sbyin 'gyur ba/ /skal ldan rab tu 'bad pas bzlas/ /zhes so//gsungs pa yang rtsa ba'i sngags la sogs pa sngags so so re re la las kyi rjes su mthun pas mthar hUM phaT kyi rnam pa'i yi ge'i gnas su lha bod pa la swA hA mthar bya'o/ /de bzhin du zhi ba can la sogs pa'i sbyin sreg dang rgyas pa la yang ngo / /mchod pa la yang zhi ba la 'ang na maH'i mtha'o//dgug pa la bau Sha Ta ma tha'o/ /dbang la ba Sha Ta mtha'o/ /rnam par sdang ba la sogs pa dang / rengs pa la sogs pa 'ang hUM phaT yi ge mtha'o/ /sbyin sreg la 'ang / bzlog pas thams cad rdzogs pa'o/ /de bzhin du yang / 'bum phrag lnga pa'i kye'i rdo rjer gsungs pa/rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang rten gzhan gyi/ /las rnams kun la 'bras bu med/ /gal te glegs bam las rnyed na/ /man ngag ces bya de ni ci/ /ji ltar bris pa glegs bam ni//drang ba'i don gyis rab bstan to/ /glegs bam dag la bklags pa'i sngags/ /man ngag rnam par spangs rnams kyis/ /sgrub pa rab tu byed pa'i mi/ /gang des la nyon mongs 'gyur/ /zhes pa sgra ji bzhin pa'o/ /de nas sku gsum bshad par bya/ /he ru ka dpal gnyis med sbyor//gang gis rnam par shes tsam gyis/ /sgrub pos sa la bsgrub par bya/ /zhes pas sems rnam par dben pa gsungs te/ rnal 'byor ma'i rgyud du yang / /bsam gtan rdo rje ting 'dzin ni/ /sems kyi rin chen rab bsgrub pa/ /he ru ka dang gnyis med sbyor/ / rdo rje phreng ba'i rgyud du yang / /sku gsum dag ni tha dad pa/ /skye ba yis ni yang dag ldan/ /rdzogs pa'i rim pa'i phyogs las ni/ /rnam gcig tu yang 'gyur ba yin/ /sgra ji bzhin pa'o/ /chos kyi sku yi las can du/ /gang tshe sgrub pa po 'gyur ba/ /de tshe de yi snod shes nas//de ni ye shes nga rab smra/ /zhes pa sems la rag las pa nyid du gsungs so/ /chos kyi sku ni thugs rdo rje mi bskyod pa ste drang ba'i don to/ /chos kyi sku ni don dam pa'i bden pa dang zung 'jug go/ /pha rol tu phyin pa'i tshul du yang / /chos sku rnam gnyis zhes bya ste/ /chos dbyings shin tu dri med dang //zhes pa nges pa'i don to/ /snod ni slob ma rin po che'i gang zag gi snod de/ rgyud gzhan du yang / zab cing rgya che la sems bla ma'i nges pa la dga' gtong ba'i ngang tshul dang ldan yon tan shes/ /thar ba don gnyer rgyud la gus shing g.yo ba min pa'i sems ldan de nyid thob pa shin tu sbed//gdug pa rnams kyis grogs nyams slob ma de nyid bla ma shin tu mkhas pa rnams kyis bsdu bya ba/ /shes rab dbang la sogs pa'i rgyur te gzhan zhes bya ba slar yang 'bring po bsod nams dag gi rgyur/ /zhes so/ /ye shes ni shes pa khong du chud pas brtag pa ste/ legs par rtogs pas bems po ma yin pa'i bde ba'o zhes te nges pa'i don to//rab tu smra ba ni/ dbang bskur nas de nyid rab tu gsal bar byed pa'o/ /de bzhin du yang / ji skad gsungs pa'i cho gas dbang bskur byin nas ni/ /slob ma'i lhag par mos pa yid kyis kun bltas te/ /zab cing rgya che'i tshul las lhag par mos pa la//mngon par dbang bskur rin chen tshig kho nas byin cig /ces so/ /longs spyod rdzogs sku'i lus can du/ /gang tshe sgrub pa po 'gyur ba/ /de tshe de yi snod shes nas/ /de nas ye shes nga rab smra/ /longs spyod rdzogs sku ni 'od dpag med de'i snod du ni de'i rigs can no/ / de la gus pa yang ngo / /nga ni dpal he ru ka'o/ /drang ba'i don to/ /longs spyod rdzogs pa ni kun rdzob kyi bden pa sgrub pa po'i don du gnyer ba'o/ /rdo rje a ral+li ru yang / brtan zhing dul la blo gros ldan/ /bzod ldan drang la g.yo sgyu med/ /bla ma la gus snying rjer ldan/ /de la rgyud ni rab bstan bya/ /zhes so//ye shes ni 'dod pa bdag byin gyis brlab pa'o/ /nges pa'i don to/ /sprul pa sku yi lus can du/ /gang tshe sgrub pa po 'gyur ba/ /de tshe de yi snod shes nas/ /de ni ye shes nga rab smra/ /sprul pa ni 'dir rnam par snang mdzad de/ mngon par dbang bskur ba bdun gyis dbang bskur ba'i sgrub pa po'o//bla mar yang / dus dang tshod ni rnam par grol/ /gtsang sbra'i kun du spyod pa spangs/ /rang gi sgyu dang sngags sbyor ba/ /sems can kun gyi don la brtson/ /ye shes ni de'i sgrub thabs so/ /drang ba'i don to/ /sprul pa ni phra mo'i rnal 'byor sgrub pos bdun gyi dbang phyug go/ /ye shes ni rdo rje bzlas pa'i mtshan nyid do//nga ni dpal bla ma'o/ /grub pa pad+ma badzra pa'i zhabs kyis kyang gsungs pa/ kun nas dri med rang bzhin rang bzhin med pa yi/ /yid bzhin nor bu rdo rje bum pa ltar bshad pa/ /so so'i bdag nyid rig blo cho ga bzhin rig nas/ /rgyal ba rnams kyi sku ni don dam dag pa'o//de la sems ni rnam par rtog bcas dogs shing sems par 'gyur/ /zla ba'i rnam pa sangs rgyas kyi sna tshogs longs spyod pa can gyi sku/ bde ba'i rang bzhin kun rdzob byang chub kyi sems de brjod par bya'o/ /gang yang gnas skabs der khyad par dga' ba'i ming skad cig 'char ba b+ha ga'i dbus su son pa de/yungs kar ming du rnam par gzhag pa/ brten pa sprul pa'i sku zhes de las sangs rgyas rnams kyis gsungs so/ /chos dang longs spyod rdzogs sprul pa/ /thob par 'gyur bar the tshom med/ /dpal he ru kar spyod las bdag /'grub 'gyur 'di la the tshom med/ /ces rdzogs pa'i 'bras bur gsungs so/ /chos ni chos kyi sku'o/ /de bzhin du yang bcom ldan 'das kyis mngon par rtogs pa'i rgyan du gsungs pa/ thub kho na'i bco brgyad pa'o/ /chos kyi sku zhes brjod pa yin/ /theg chen nye bar longs spyod phyir//longs spyod rdzogs pa'i sku ru 'dod/ /gang gis srid pa ji srid par/ /'gro la phan pa sna tshogs dag /mnyam du mdzad pa'i sku re ni/ /thub pa'i sprul sku rgyun mi 'chad/ /bla mar yang / gnyis ni gzugs med pa ste bcom ldan 'das dpal he ru ka ni rnam par shes pa'o//phag mo ni nam mkha'o/ /dpe byad brgyad cu ni bcom ldan 'das dpal he ru ka rdo rje'o/ /mtshan sum cu rtsa gnyis gang yin pa de/ shes rab ma bcom ldan 'das ma/ 'phags ma rdo rje phag mo'o/ /bcom ldan 'das sngon po dang / dmar po dang / phag mo dmar mo dang sngon mo can no zhes pa sku gsum mdor bstan pa ste sgra ji bzhin pa'o//dpal he ru ka sbyor las bdag /bdag ni zung 'jug ces pa ste/ /sdod pa lhan cig skyes pa sgom pa po'o/ /dgongs pa ma yin pa'o/ /da ni bshad pa'i rgyud du gsungs pa'i mdo brjod par bya'o/ /dang por phung po la sogs pa yongs su dag pa'o//de nas thugs ka'i lha'i sa bon no/ /de nas mchod pa dang / smon lam gdab pa dang tshangs pa'i gnas bzhi'o/ /de nas rang bzhin dag pa la sogs pa nas ji srid pa'i dkyil 'khor ro/ /de nas gur bcing ba la sogs pa dang / phur bus gdab pa dang brdung ba la sogs pa'o//de'i steng du lhun po la sogs pa lha'i 'khor lo bsgom pa'o/ /phyi nas go chas kun du bsrung ba dang phyag rgya dang sngags kyis dgug pa dang / dpa' bo dang dpa' mo rnams kun du tshim nas/ ye shes kyi 'khor lo rab tu gzhug pa dang / mngon par dbang bskur ba dang / de bzhin du mchod pa dang /bstod pa dang / thams cad rnam par dag pa yang ngo zhes pa'o/ /da ni mngal skyes kyi rim pas rab tu 'jug pa'i sgrub thabs mdor bstan par bya ste/ thog mar re zhig srung ba'i 'khor lo dang / mchod pa dang / rnam par thar pa dag par byas nas stong pa nyid bsgoms te/ha ya ra wa la las skyes pa'i nam mkha' la sogs pa'i dkyil 'khor ro/ /de'i steng du suM las skyes pa'i lhun po la rtag pa khang pa brtsegs pa dur khrod dang ldan pa la sna tshogs chu skyes dang nyi ma'i gdan blta bar bya'o/ /der rnam pa lngas mngon par rdzogs par byang chub pa'i bcom ldan 'das dang po'i mgon po/ji skad gsungs pa'i mtshan nyid can shes rab dang lhan cig zhu bar gyur par bsgom par bya'o/ /de'i 'od zer gyi lha mo'i glus dpa' bo rab tu sad cing bslang ste/ dkyil 'khor ba dang bcas pa bsgoms nas/ ye shes kyi 'khor lo gzhug cing /mngon par dbang bskur te/ mi bskyod pa cod pan du bsgom par bya zhing / rnam par dag pa'i mthar thug pa'o/ /yang na sgong skyes kyi rim pas rnam pa lnga las skyes pa'i dpa' bo/ sna tshogs chu skyes dang nyi ma la gnas pa/ 'khor lo dang bcas pa bsgoms nas ye shes kyi 'khor lo dang mngon par dbang bskur ba gzung zhing bsgom par bya'o//de nas thig le'i rnal 'byor dang / mchod pa dang bstod pa dang / sku'i dkyil 'khor ba rnam par phyung nas/ gtor ma byin te bdag nyid tshim par bya'o zhes so/ /de nas rin chen dbang po'i sbyor bas bya ba dang / rtogs par bya ba dang /rab tu 'bar ba dang / bdud rtsir byas nas bza' ba lto ba'i me la sbyin sreg bya'o/ /de nas nyi ma gung la yang / ji skad gsungs pas bsgoms nas/ lag pa g.yon pas myur ba dang bul ba ma yin pa dang phyi mo dman pa ma yin pa kun du rtog pa spangs pas sngags brjod cing bzlas par bya'o//yang na nye bar dmigs pa'i bzlas pa bya'o/ /de nas ji ltar bde bas gnas nas phyi ma red yang dag par blangs pa byas nas/ de bzhin du rnam par snang mdzad kyi sbyor ba yan lag drug dgod pa byas te gnyid log par bya'o/ /de nas mtshan mo phyed la yang de bzhin du bsgoms nas rmi lam dge ba blta bar bya'o//chu tshod lnga pa'i thun mtshams kyi bdag nyid la yang ngo / /de nas snga dro'i thun mtshams la rdo rje phag mo bsgoms nas mngon par brjod pa gsungs pa sngar bzhin du thams cad bya'o/ /shin tu dga' ba la'ang 'od dpag med bsgoms nas yan lag dgod pa byas te/shin tu dga' ba'i mthar don yod pa'i bdag nyid myang bar bya'o/ /lhag ma las thams cad ni mi bskyod pa'i sbyor bas bya'o/ /de ltar sdom pa lnga pa sbom po'i ltung ba dang / phas pham pa spangs te bzung nas bsgom par bya'o/ /de las nam mkha' la 'gro ba'i dngos grub tu 'gyur ro//de ni rdzogs pa'i rim pas sangs rgyas nyid ched du nges par 'jug pa'i sgrub thabs brjod par bya ste/ bshad pa'i rgyud du yang gsungs pa/ 'di rtag nges par 'dzin byed pa/ /chos kun rtogs par byed pa yin/ /A li kA li bdun bsams nas/ /rnal 'byor chen pos ngal bso bya//zhes pa 'di mdor bstan pa dang rgyas par bshad pa gsungs pa de nyid du rnal 'byor pa dang por brjod/ /de nyid he ru ka gnyis med/ a A i I u U r-i r-I l-i l-I e ai o au aM aHka kha ga g+ha nga / tsa tsha dza dz+ha nya/ Ta Tha Da b+hA Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaHzhes so//so sor rgyas par bshad pa yang kun spyod du/ zla ba'i dkyil 'khor legs rdzogs pa/ /lte ba'i rtsa bar gnas pa bsgom/ /de yi dbus son bsam pa ni/ /yi ge dam pa'i go 'phang ste/ sku gsung thugs kyi rdo rje can/ /lha yi gzugs su bsgom par bya/ /gong bu las 'das bsgom pa de//sems nyid du ni mi bsgom mo/ /bdag gi rnal 'byor ba yi sbyor/ /rjes su chags pa'i sbyor ba yis/ /rab zhugs ro ni mnyam par 'gyur/ /kun dga' ldan pa gnyis nyid ni/ /shin tu dga' ba'i gnas su 'gyur/ /chos dbyings dag pa'i grong khyer du/ /sems can khams ni rab 'jug byed//'di ni ches gsang shes par bya/ /gang du yang ni ma bstan te/ /rnal 'byor kun la mchog gyur pa/ /phyag rgya che las gzhan med do/ /rgyud rnams kun du gang gsang ba/ /mya ngan 'das pa'i de nyid bstan/ /rgyu 'di yis ni rnal 'byor pa/ /bden pa gnyis la yang dag brten//bsam pa thams cad bsal nas ni/ /longs spyod kun la longs spyod byed/ /gnyis med ye shes sems ldan pas/ /mi bya cung zad yod ma yin/ /rnam par mi rtog sems gcig bdag /'dod pa'i yon tan lnga rnams spyad/ /gang zhig rtag tu 'di bsgom pa//sa la 'dod pa kun dbang phyug /mtho ris longs spyod thob par 'gyur/ /yang na 'khor los sgyur ba nyid/ /ces so/ /'di yi don kun spyod du yang / /de nyid chos kyi rang bzhin ni/ /mya ngan 'das pa 'ba' zhig 'dod/ /ces so/ /thog ma med pa nas gnas pa'i haM yig gi 'od zer gyis 'jig rten gsum gyi gzugs dang ldan par bsgom par bya'o//'di ltar ngag rnam par dag pa'i sngags pa'i lte pa stong par dkar zhing dmar bar gsal ba'i shes rab dang thabs kyi bdag nyid can phyag gnyis phan tshun 'khyud pa/ sna tshogs pad+ma dang zla ba'i gdan la gnas pa/'od zer lnga'i rang bzhin bde ba chen po'i skur bsgom par bya'o/ /'di ltar sku rnam par dag pa'i rnal 'byor pa rdo rje dang pad+ma mnyam par sbyor ba las/ sku gnyis bde ba chen por bsgoms nas brtan pa dang g.yo ba thams cad de bzhin nyid kyi gnas su rab tu bcu ga ste/ ji ltar nye bar bstan pa'i bde bas zung 'jug nyid bsgom par bya'o//rdzogs pa'i rnal 'byor ro/ /sku gsum gyi cho ga'o/ /de nas snying po'i gsang sngags kyi/ /las rnams bshad bya de nyon cig /gsang sngags 'bum du bzlas pa yis/ /dpag tshad bye bar de lding 'gyur/ /zhes pa ni//sngon du bye bsgrub par byed pas/ sngags grub pa'i sngon du bsnyen pa 'bum bzlas par bya ba 'am/ rab tu sbyor ba'i dus su 'bum bzlas pas sam/ yang na bklags pas grub pa'i 'bum bzlas pa'am yang na skye ba snga ma las bsgrubs pas so zhes pa sgra ji bzhin pa'o//'gro zhing 'ong bar 'gyur ba myur du'o/ /gzugs rnam pa du mar byed do / /'di khang bzangs dang shing la 'dzegs te/ dpag tshad bye bar 'gro ba'o/ /rnal 'byor ba rnams dang yang dag par ldan pas nam mkha' la 'gro ba dang 'ong bar byed do/ /'dod na snang bar byed de/ma yin pa kho nar zhes te rnal 'byor dang ldan pa skabs gsum par yang ngo / /'dod na sgrub pa po byis pa dang rgan po dang dar la bab pa'i mi mor 'gyur ro/ /sgrub pa po mkha' la spyod pa dang sa la spyod pa'am/ byol song du yang 'gyur ro/ /dbang po rnams 'phrog par byed do/ /'di rnams skye bo rnams kyi lag pa g.yas pas so//g.yon pas myur du slar gso ba'i mchog tu byed do/ /nyi ma dmar po dang khu ba gnyis la gal te lan cig bzlas na skye bo thams cad kyi lus dang ngag dang sems dang dbang po rnams rengs par byed do/ /sgra ji bzhin pa'o/ /de nas gzhan yang 'dir bshad bya//dam tshig chen po'i mchog gyur pa/ /gang gis thos pa tsam gyis ni/ /myur du dngos grub rab 'jug pa'o/ /gang gis lus sam/ kha la yang pad+ma dang gla rtsi dang / ga pur dang ma li ka la sogs pa'i dri bro ba/ rtag tu mig mi 'dzums pa grib ma dman pa/ khro ba med pa mir skye ba lan bdun pa'o/ /de zos pa tsam gyis rnal 'byor pa mkha' la spyod par 'gro'o/ /de'i snying ga na ro tsa na yod de/ snying po brgya bzlas pas thig le byas na/ dpag tshad bye ba brgyar 'gro bar 'gyur ro/ /dpal he ru ka'i snying po gang zhig shes pa yang shin tu gdon mi za bar bzang po'i lus dang /'dod pa yang ji ltar 'dod pa bzhin thob par 'gyur ro/ /sgra ji bzhin pa'o/ /snying po'i las so/ /de nas nye ba'i snying po ni/ dngos grub thams cad rab grub byed/ /'jig rten gsum gyur gang cung zad/ /de kun skad cig gis 'grub bshad//gsang sngags 'bum bzlas pas 'jig rten gsum yang g.yo bar byed do/ /mkha' 'gro ma thams cad sgrub pa po'i mngag gzhug byed par the tshom med do/ /'di kho nas chu la bzlas te/ des mig bkrus nas skye ba bdun pa la sogs pa 'am 'tsho ba dang 'chi ba yang mthong bar 'gyur ro//mig dag la bzlas nas bltas pa gang yin pa de skad cig gis gnon par byed do/ /dpa' bo shi ba'i rkang mthil gyi pags pa blangs nas 'bad pas gdags par bya'o/ /mi'i khrag gis rna ba'i mig sman gyi dbus su bcug la zlum skor gyi rnam par bya'o//de'i phyi rol du ldong ros dang gi'u wang dang / bud med kyi me tog dang / gur gum gyis de bsgo bar bya zhing / slar yang grib skam byas nas lcags gsum gyis dkris te/ de nas lhag par gnas pa byas te/ skar ma rgyal la rnal 'byor pas he ru ka'i khar bcug la/lag pa g.yon pas bkab nas gsang sngags brgya rtsa brgyad bzlas par bya'o/ /ji srid du ril bu gzugs brnyan gyis nas 'dzag pa sbyin par byed de/ sgrub pa po de yis de grub par 'gyur bar the tshom med do/ /de khar bcug pas rnal 'byor pa lha rnams kyis kyang mi mthong ngo //kha nas bton na ni mthong bar 'gyur ro/ /ril bu'i rig pa 'dzin par 'gyur ro/ /ril bu 'di ni mkha' spyod grub par dpa' bo rang nyid kyis gsungs so/ /thod pa blangs nas/ sgrub pa po'i sdigs mdzub kyi rtse mos gang gi ming nas smos te mnyes na de'i khrag skems par byed do//g.yon pa'i ming med kyis mnyes na slar yang de nyid du 'dren no/ /mngon par bsngags pa brjod de/ gang gi ming nas smos te thod pa la bsnun pa byin na/ de'i klad pa 'gas par 'gyur ro/ /thod pa de ba'i 'o mas bkang na nye bar 'gyur ro/ /ro tsa nas thig le byas na gang la bltas pa de rgyas btab par 'gyur ro//sdigs mdzub kyis bsdigs par byas na de skad cig gis sa la ltung bar 'gyur ro/ /gang gis ming nas smos te/ sa la rkang pas bsnun na de 'chi bar 'gyur ro/ /slar gso ba la chu la mngon par bsngags nas/ sa la mngon par gtor bar bya'o//mngon par bsngags pa'i sdigs mdzub kyis stong la yang bsdigs par bya'o/ /tshig gis grol ba ni/ de rnams de ltar gnas par the tshom med do/ /sgrub pa pos gtum po'i thal ba la lan brgyad bzlas nas bsnun na/ sems can gang dang gang rjes su dran pa de dang de'i gzugs 'dzin par yang 'gyur ro//sbyin sreg gi thal bas bsnun na/ de bzhin du lha rnams kyis kyang mi mthong ngo / /chu la lan brgyar bzlas nas bsnun na slar yang mthong ngo / /thod pa kha sbyar gyi phyag rgya bcings nas khros par gyur pas gal te/gang gi ming nas smos te dbugs mi 'byin par bzlas pa de rtag tu smyo bar 'gyur ro/ /phyag rgya zhes pa mche ba'i phyag rgya'o/ /khros pa ni mche ba gtsigs pa'o/ /yid kyis grol ba ni/ phyag rgya bcings pa de gshegs pa'o/ /sgrub pa po'i gtsug phud la mngon par bsngags te/gang gi ming nas smos te bcings na/ sgrub pa po gang na yod pa der/ mkha' 'gro ma de rnams myur du 'ong bar 'gyur ro/ /sgrub pa po'i gtsug phud la lan brgya bzlas nas bcings na mi snang bar 'gyur ro/ /gseg ma la lan bdun mngon par bsngags te/ phyogs su gtor na 'chi bar byad do//lha la sogs pa rnams dang ma mo rnams kyi sbyor ba 'phrog par byed do/ /skyes pa dang bud med 'khrig par byed pa na khyi bzhin du myur du 'byar bar 'gyur ro/ /gseg ma la bzlas nas chu klung la gtor na chu klung rgyun las bzlog phyogs su 'bab par 'gyur ro/ /mkhas pas gseg ma de nyid kyi dba' rlabs gnod par byed do//steng du bltas bzhin du stong phrag gcig bzlas pa byas na char chen po zlog par byed do/ /yid kyis bcings pa grol bar byed do/ /gal te pha rol gyi dpung la mngon du phyogs par gyur pas stong phrag gcig bzlas pa byas nas/g.yul gyi nang du rab tu zhugs pa'i lus la mtshon gyis chod par mi 'gyur ro/ /lan 'bum bzlas pa'i cho gas so/ /nye ba'i snying po'i sgrub pa'o// //de nas 'di las go cha'i las/ /'jig rten gsum na gang yod pa/ /'bad pas 'bum phrag bzlas pa yis/ / bsgrub bya'i las 'di bshad par bya/ /bzlas bzhin lam du 'gro ba na/ /chom rkun rnams kyis mthong mi 'gyur/ /sa bdag khyim du ra bzhugs nas/ /gang 'dod blangs nas 'gro bar 'gyur/ /bzlas bzhin gang gang la reg pa/ /de de skad cig la rengs byed/ /gsang sngags bzlas pas rkang pa yis//bsnun na de tshe grol bar 'gyur/ /lan gsum bzlas pa'i rang khrag gis/ /thig le byas nas gang dag gi /lhan cig mthong ba'am smra ba de/ /de yi khrag ni 'dren par byed/ /khros pas khyim gang du zhugs te/ /bzlas na de la rims kyis 'debs/ / chu la lan bdun mngon bsngags pas/ /gtor na slar ni 'tsho bar 'gyur/ /gang gi gdong la blta zhing bzlas/ /de yi ngag kyang 'phrog par byed/ /stong phrag gcig ni bzlas byas na/ /chu yi steng du 'gro bar 'gyur/ /chu la ji bzhin thang la yang / /de bzhin 'dor zhing 'gro bzhin gnas//gang gi lag pa dril phyis byas/ /rtag tu stong phrag bzlas brjod bya/ /'jig rten gsum du rnam gnas pa'i/ /rnal 'byor ma rnams dbang du 'gyur/ /skar ma rgyal gyi sbyor bas ras byas nas/ de gyon te gsang sngags stong phrag bcur bzlas pa'i mi de de nas/ 'di 'grub par 'gyur te/ de gyon pa tsam gyis mi snang bar 'gyur zhing / mkha' la spyod par 'gyur ro/ /dbang po gang dang gang lam nyid/ /de dang de yi rang bzhin las/ /mchog tu mnyam gzhag spyod pa yis/ /sangs rgyas kun gyi rang bzhin 'gyur/ /zhes so/ / de ltar nan tan byed pa gsungs pa/ dbang po'i lam nyid ces pa/ mig la sogs pa rnams kyi yul nyid do/ /sangs rgyas rang bzhin ni/ shes rab gsungs so/ /rdo rje mkha' 'gror yang / thams cad tshe na las rnams kun/ /rnam par mi rtog ngo bo yis/ /dogs pa med par kun du spyad//de dang de dag 'da' bar dka'/ /zhes so/ /shes rab gsal ba'i rang bzhin gyis/ /rnam par mi rtog sems dpa' yis/ /dogs med spyod pa kun du spyad/ /brtul zhugs de rnams bdag nyid che/ /thabs shes cho ga las gzhan du/ / gal te sems ni 'pho mi bya/ /nges par kun du brtan pa de/ /byang chub chen po rab sbyin byed/ /des na la lar gnas pa dang / /gang du mngon zhen 'gyur ba med/ /bde ba yongs su 'gyur ba'i tshul/ /'bras bu ci zhig thob 'gyur bar/ /de yi tshe na cis mi 'dod/ / brtan dang g.yo ba'i dngos 'di med/ /'on kyang snang ba tsam mtshan nyid/ /gal te khyad 'phags bsgom pa 'di/ /goms pa'i stobs las khyad 'phags bde/ /yid bde la sogs las bskyed nas/ /bla med 'bras bu thob pa la/ /rgyu yi dngos po sgrub pa'i tshe//bcom ldan lha mo skyon ci 'ang med/ /de bas 'bad pa thams cad kyis/ /kun du 'gro ma mchod par bya'o/ /byad ka'i sdom pa mi bzad pas/ /sdug bsngal gyis gdungs lus skems byed/ /sdug bsngal las sems rnam g.yeng 'gyur/ /g.yengs las dngos grub gzhan du'o/ / yid kyi lus ni brtan pa'i phyir/ /thams cad bde nyid brtan par 'gyur/ /sdug bsngal nyid kyis g.yo bar 'gyur/ /'gog pa yang ni lhag par 'gro/ /lus dang ngag sems bde gnas nyid/ /thob nas byang chub thob par 'gyur/ /zhes so/ /dpal 'dus pa phyi ma ru/ /mnyam par ma gzhag rnal 'byor gyis//rtag pa kho nar mnyam par gzhag/ /thams cad sems su gang spyod pa/ /kun du spyod par zhes bsgrags so/ /lhan skyes sems la sgro btags nas/ /de ni bde las g.yeng mi bya/ /'di la rnam g.yeng kun rtog nas/ /de ni bde la slar yang bsdu/ /sgom pa gong du yang /sems ni so so rang la bsdu/ /de las yon tan mthong ba'i phyir/ /ting nge 'dzin la sems dga' bya/ /rnam g.yeng nyes pa mthong ba'i phyir/ /de la mi dga' zhi bar bya/ /brnab sems yid mi bde la sogs/ /langs pa de bzhin zhi bar bya/ /de la sems la mngon 'du byed//rang gi ngag gis 'byung ba thob/ /de goms pa las 'du mi byed/ /de nas de yi lus dang sems/ /shin tu sbyangs pa phra mo thob/ /slar yang de ni rnam 'phel bas/ /dam pa'i tshogs su shes par bya/ /'phel ba'i ring du 'gro ba yis/ /dngos gzhi'i gnas pa de thob po//de sbyangs pa las mngon par shes/ /sems ni las rung mchog tu 'gyur/ /da ni 'di'i so sor sgrub pa'i don du tshangs pa'i skud pa la sogs pa'i sngags brjod par bya ste/ dpa' bo'i sngags yi ge nyi shu rtsa gnyis pas tshangs pa'i skud pa byin gyis brlab bo / / oM hrAM hrIM hraiM hUM phaT/ ces pa 'dis brgya phyed mgo bo'i phreng ba rnams so/ /oM hUM hUM hUM hAM hUM phaT/ ces pas mthe bong gi rdo rje byin gyis brlab po/ /oM badzra bA rA hI hUM phaT ces pas mgul rgyan no/ /oM sarba bud+d+ha DA ki nI ye hUM phaT/ ces pas pags pa'i gos so/ /nye ba'i snying pos gsal bar brgyan no//oM hAM hIM haiM haM phaT ces pas 'og pag go/ /phreng ba'i sngags kyis thod pa'o/ /oM badzra bai ro tsa nI ye swA hA zhes pas mgo bo'i phreng ba'o/ /thod pa'i dum bu la sogs pa'i sngags kyis sen mo dang so byin gyis brlab par bya ste/ gnas par byed pa'i dus kyis dang por ro/ /de bzhin du kha T+wAM ga la oM he he ru ru kaM huM hUM phaT ces pas byin gyis brlab par bya'o//oM badzra bA rA hi huM hUM phaT ces pas cang te'u'o/ /de ltar go cha gnyis dang zhal bzhi pas bdag nyid go bgos nas gnas par bya'o/ /yang na phyag rgya lnga po sngags dang bral ba nyid kyis byin gyis brlab par byas nas/ / go cha gsum po bgos te/ rkang pa brgyad pa'i sngags kyis brgyan te/ /nges par 'jigs pa dang / gtse bar byed pa de'i don du kun nas spyad par bya'o/ /shing gi khu ba la mgon po rnam pa stong du bzlas pas/ gang la thig le byas pa de shing dang 'dra bar 'gyur ro/ /glang po che la sogs pa'i rkang pa'i rdul gyis bsnun na de'i gzugs 'dzin par 'gyur ro//lan gsum bzlas pa'i chus gtor na slar 'tsho bar 'gyur ro/ /sgra ji bzhin pa ma yin pa'o/ /skye ba bdun pa'i cho ga'o/ /de nas 'di las sgrub pa bshad/ /sgrub po gang gis 'grub 'gyur ba/ /bong bu'i rnam pa'i rnal 'byor bdag /yid kyi shugs ni bzlog bya'i phyir/ /zhes pa he ru kar byed pa gsungs pa/ bong bu'i rnam pa ni/ bong bu'i sgrub pa'o/ /sdom pa'i yid kyi shugs shes pa/ /yid kyi shugs 'dod pa tsam nyid kyis bya ba'i dngos grub bo/ /drang ba'i don to/ /bong bu'i rnam pa'i rnal 'byor bdag gang yin pa de de bzhin no//de'i rang bzhin brgyad cu ldog pa'i ched du mngon par rtogs pa'o zhes pa nges pa'i don to/ /bong bu'i ni mkha' 'gro ma rnam pa'i zhal nas khrag 'dzag pa'i gri gug dang / tho ba dang kha T+wAM ga dang / rtse gsum lag na gnas pa'o/ /dkyil 'khor ba rnams gsungs pa/ji skad gsungs pa bzhin du kun du gnas pa'i dpa' bo dang / dpa' mo dang mkha' 'gro ma la sogs pa rnams kyang / zhal nas khrag 'dzag pa/ /de dag zhal dmar po phag mo rdo rje sdigs mdzub dang / ka pA la'i phyag can mkha' 'gro ma la sogs pa rnams la nga tsho rgyas pa mngon brjod bla mar gsungs par rtogs par bya'o zhes pa sgra ji bzhin pa'o//rtag tu bdag nyid bong bu yis/ /byas na rnal 'byor ldan pas mthong / /zhes pa ni rtag pa'i rnal 'byor gsungs te/ gsungs pa yang / sangs rgyas rnal 'byor ma bral bas//rnal 'byor sangs rgyas bdag nyid 'gyur/ /zhes so/ /tshe thung ba dang / tshe ring ba dang / skye ba bdun pa'i phyugs dang / ming dang sems can gang dang gang yin pa'i gzugs/ de'i gzugs su sgom pa po 'gyur ro zhes phan yon gsungs so/ /skye ba bdun pa'i skyes bu grib ma bdun par de mthong bar 'gyur te bsgoms pa'i stobs las so//gzhan rnams kyang ngo / /sgra ji bzhin pa'o/ /des shas gtor ma sbyin sreg ni/ /thun mtshams gsum du rtag tu bya/ /bza' ba yar ngo mtshan phyed la/ /'grub 'gyur 'dir ni the tshom med/ /ces so/ /dri bzang po'i lus de rang nyid shi ba bsgrub par bya ste/nam mkha' la 'gro bar 'gyur ro/ /sgra ji bzhin pa'o/ /mkha' 'gro rnams la tsA ru sbyin/ /bdun du 'jug par the tshom med/ /ces pa de rnams kyi ched du tsA ru dbul bar bya ste/ bdun du 'jug pa ni bar ma chad pas skye ba bdun du mir skyes pa'o/ /drang ba'i don to/ / 'bum phrag lnga bzlas par yang gsungs so/ /skye ba bdun pa'i phyugs nyid kyang / /mkha' spyod dngos grub sbyin par byed/ /phung po khams ni 'khogs pa dang / nad dang brgyal ba sel bar byed/ /'chi med nyid kyi rjes 'brangs pa/ /'chi med grub pa ster bar byed/ /bsang bsregs pa yi rjes 'brang ba//sangs rgyas nyid kyang myur du sbyin/ /phyi ru skyes pa ji ltar bcings/ /de bzhin ye shes ro nyid kyang / /ji srid rnam pa yongs rdzogs pa'i/ /tshe ni rgya chen ster bar byed/ /ces pa nges pa'i don to/ /gsang ba'i rgyud ni thams cad du/ /sngags kyi snying po dam pa ni/ /de nyid gang gis shes pa de//'dir ni 'grub 'gyur the tshom med/ /ces pa ni gsang ba ni byis pa'i skye bo la sba bar bya'o/ /rgyud rnams drug po rnams so/ /sngags ni yi ge bdun pa'i gsang sngags so/ /snying po ni bong bu'i sgom pa'o/ /de nyid kyis ni zung 'jug gi mtshan nyid kyis so/ /shes par byed pa ni/dpal bla ma'i zhal las so/ /de 'grub par 'gyur ni sgra ji bzhin pa'o/ /brtags pa'i rnal 'byor ro/ /de nas 'di las rab 'chad byed/ /yi ge re re'i brdar 'gyur ba/ /gang gis smras pa tsam gyis ni/ /pho nya mo rnams dbugs dbyung byed/ /ces bya ba la sogs pas brda'i skad gsungs pa/brda ni lus dang ngag gi brda'o/ /skal ngan gyis yongs su mi shes pa'i ched du/ dam tshig la sogs par rnal 'byor pa dang rnal 'byor ma rnams kyi'o/ /DA skyes bur bshad/ DI bud med/ pU mnom pa/ su za ba/ mA mo'i/ zhes pa yang ngo / /yo chung ma/b+hI sring mo/ bI grogs mo/ /de bzhin du shrI khrag /lu bu mo/ si zhi ba'i btung ba/ se btung ba/ hI sha/ b+ha bza' ba yang ngo / b+hu 'dus pa can nyid kyang ngo / /gA 'gro ba'o zhes bshad do/ /si dur khrod kyang ngo / /b+hu shi ba'o/ /DI rnal 'byor ma'o/ /gA lA ma'o/ /s+t+ri gzugs can ma kun mkha' 'gro ma/hA de bzhin du du ma skyes ma'o/ /dza byin pa gnyis su 'gyur ro/ /b+ha gsong por smra ba/ ka lag pa dag go/ /su'i sgra ni legs par 'ong ba'i bya ba'o/ /gzhan mang po rnams kyang ming yig dang po las shes par bya ste/ 'jig rten gsum na brtan pa dang / g.yo ba'i chos gang dag bshad pa de rnams so/ /yang zhes pa ni/ de bzhin du bla mar yang ma'i zhes pa 'dus pa'o/ /b+ha zhes pa za ba'o/ /b+h+yo zhes pa mi za ba'o/ /s+ya zhes pa btung bya dang btung bya ma yin pa'o/ /ga zhes pa bgrod bya dang bgrod bya ma yin pa'o/ /klu zhes pa 'dod bya'o/ / ming gi dang po zhes pa mngon brjod du yang sa zhes pa dam ma'o/ /ra zhes pa khyo med ma'o/ /du zhes pa spyod ngan ma'o/ /su zhes pa skal bzangs ma'o/ /sa zhes pa dam tshig can ma'o/ /a zhes pa 'ongs pa'o/ /na zhes pa ma 'ongs pa'o/ /sa zhes pa skyes bu dam pa'o/ / dbang bskur ba'i dus su dam tshig gi don la lhag par mos pa rnams la slob dpon gyis 'di dag sbyin par bya'o zhes pa sgra ji bzhin pa'o// //de nas skad gzhan rab brjod pa'i/ /brda ni nga yis rab 'chad byed/ /gang gi spun dang sring mos kyang / /the tshom med par shes par 'gyur//zhes pas brda gzhan gsungs te/ skad gzhan ni ri khrod pa dang / kla klo la sogs pa'i skad mtha' yas pa'i sgra'o/ /shes nas nga yis rab tu 'chad par byed ni bden pa'i ngag go/ /po taM gI ni gsong por smra ba'o/ /pra ti po taM gI ni gsong por smra ba'i lan no/ /ga mu 'gro bar nges par ston pa nyid do//lum pa rnal 'byor pa 'ong ngo zhes pa'o/ /gsong por smra ba ni phyag 'tshal ba'o/ /taM gI sngon ma'o/ /pra ti rtog pas brtags nas so/ /ga mu zhes brjod pa la 'gro'o zhes brjod par 'gyur ro/ /rnal 'byor ma rnams kyi yang ngo / /dam tshig la sogs par ngag gis kla klo'i skad do//ka Tu kaM ni zur cig ces brjod pa'o/ /ma ra NaM ni sgra ngan du bshad do/ /shi ra ni brdzun no/ /ka rni ka ni dril bu'o/ /bI ra Na snying ngo / /ka ra Na ni phag pa'i ze bar 'gyur ro/ /shra ba Na ni rna bar rab tu bsgrags so/ /man+tha naM ni bdud rtsi'i gnas so/ /A li kA li mkha' 'gror bshad//na ra kaM ni dkyil 'khor brjod/ /a mu kaM ni dur khrod bshad/ /ka khi la ni sgo zhes brjod/ /shwa sa naM ni bram zer bshad/ /pa ri D+hi ni rgyal rigs so/ /bar ti ni rje rigs so/ /kur ni dmangs rigs so/ /a na ta s+tha nyid gtum po'o/ /pU shu li ka khyim du bshad/ / b+ha gi nI mkha' 'gro ma rab brjod/ /de bzhin med ka ni chu/ /gri hi NI phyag rgyas 'debs pa'i/ /lces so la reg pa ni ltogs pa'o/ /reg pa ni zos so zhes pa'o/ /tri Sh+Ni bri yis bsgos pa'o/ /ka ra Na ni me tog go/ /hA s+yaM ni lto ba 'phyang bar bshad do/ /dan+ta ni char 'gog pa zhes bshad do//trip+ti zhu ba zhes brjod par bya'o/ /de haM grong khyer zhes brjod/ /d+hu rmu phyi rol zhes bshad do/ /d+hu ma pri yA ni sprin no/ /sA nu ni ra'o/ /sa ri ta ni 'bab chu/ a da ni ni so'o/ /paM kAM rgyal mtshan no/ /tshan+do ni phreng ba'o/ /NaN+TaM ni phyugs so/ /sa saM ni bzhi mdor rab tu brjod/ /pha lgu ShaM ni skye bor brjod/sa ma yi ni ro chen shes par bya/ /ma hAk+Sha raM bdun du 'jug pa phyugs chen po'o/ /gang la sogs pa yi ge re re'i ming gis so/ /hrI ni ngo tsha byed pa rnams/ /zhes pa 'khrig pa smras par 'gyur ro/ /hA rnam grangs so zhes pa yul kha cig tu'o/ /ho rnam grangs shes par bshad ces pa yul kha cig tu'o//bod dang ti nu dang / kar+NA Ta la sogs par ro/ /de bzhin du yang gsungs pa/ kar+NI Ta ru ka r+Na'i sgras/ /rdo dang rkang pa brjod pa yin/ /la lar 'on pa rab tu brjod/ /de bzhin rgyud du bstan pa rnams/ /zhes pa sgra ji bzhin pa'o/ /'jig rten dang 'jig rten las 'das pa'i bstan bcos su rab tu grags pa'i rang gi brda dang kla klo'i skad do//de nas gzhan yang rab tu bshad/ /ji ltar mkha' 'gro ma mtshan nyid/ /gang gis rnam par shes tsam gyis/ /sgrub pos dngos grub thob 'gyur ro/ /zhes pa ni las kyi phyag rgya'i dngos grub chen po ni/las kyi phyag rgya dang lhan cig pa'i dngos grub chen po ste/ mkha' 'gro ma rdo rje gur du yang / rang rig mA ma kI phyung ste/ /pad+mar rdo rje can bcug nas/ /des ni dngos grub thabs cig 'gyur/ /phyag rgya chen po zhes bsgrags so/ /phyag rgya che ba rnam rol de/ /dgongs pa mngon sum nyid du 'gyur//thams cad rig cing nges rnams grol/ /skye ba 'di nyid la 'grub 'gyur/ /zhes so/ /pad+ma'i 'dab ltar dkyus ring mig /dkar mo gos dkar la dga' ba/ /tsan+dan sar pa'i dri dang ldan/ /rtag tu bde gshegs 'dus la dga'/ /rnam par snang mdzad rigs las skyes//de rigs rus skyes shes par bya/ /bud med btso ma'i gser dang 'dra/ /rtag tu dmar ser gos la dga'/ /dzA ti tsam pa ka dri ldan/ /de yang rin chen rigs las byung / /bud med gang zhig kha dog dmar/ /dmar po'i gos ni rjes su 'chang / /ma li ka dang chu skyes dri/ / de 'od dpag med rigs can bshad/ /gang zhig ut+pal ltar sngo bsangs/ /rtag tu sngon po'i gos la dga'/ /bud med ut+pal sngon po'i dri/ /de yang don yod rigs las byung / /bud med gang zhig kha dog nag /nag dang sngon po'i gos la dga'/ /lte ba ke ta ka yi dri/ /de ni mi bskyod rigs las 'byung //lte ba zhes pa gla rtsi'o/ /dpal bzang po yi rigs su gsal/ /zhes so/ /dmar zhing dkar ba'i bud med gang / /dmar zhing dkar ba'i gos la dga'/ /rtag tu ga pur dri dang ldan/ /de yang rdor sems rigs las byung / /rnal 'byor ma yi rigs dag ni/ /drug po 'di dag ngas bshad do//zhes pa ni bram ze mo dang / gar mkhan dang / gtum mo dang / rje rigs mo dang / dmangs rigs mo dang / g.yung mo zhes pa drug go/ /spyan ma dang / dkar mo dang / shes rab kyi pha rol tu phyin ma dang / mA ma kI dang / sgrol ma dang / rdo rje dbyings kyi dbang phyug ma'o//'di rnams kyi dri yang / lus dang b+ha ga la yang rtag tu 'gyur te zhes ji skad gsungs pa'o/ /sgra ji bzhin pa'o/ /g.yon pa'i kun spyod la rtag dga'i/ /rigs kyi rig pa'i yi ge zlos/ /rang gi phyag rgya'i 'ching ba dang / /rang rigs las byung tshig rnams smra/ /zhes pa ni g.yon ma ni bud med do//rigs kyi rig pa'i yi ge ni rnam par snang mdzad la sogs pa'i sngags so/ /rang gi phyag rgya ni rigs gang yin pa so so'i 'ching bde'i rigs kyi phyag rgya'o/ /tshig rnams ni tshig go/ /g.yon pas 'gro ba'i bud med gang ni/ bud med rnams so/ /rnal 'byor ma rnams rtag tu skad chen po rab tu smra ba dang /g.yon pa'i lta bas kun du blta ba'o/ /bud med ni mi mo rnams la gsol ba 'debs par byed pa dang / rigs kyi sa bon rab tu smra ba rigs kyi bya ba mi 'dor ba nyid kyis/ rang gi bstan bcos su gsungs pa mi 'dor zhing rang gi rigs kyi rig pa zlos/de ni dam tshig ldan par brjod/ /phyag 'tshal ba ni gang 'ching ba/ /g.yon pa'i yan lag rtag tu 'dud/ /bud med rnams dang kun smra byed/ /de nyid dam pa'i dngos por 'gro/ /zhes pa ni lhan cig spyod pa'i skabs nyid las lhan cig spyod pa gsungs pa/ dam pa'i dngos po ni rang gi ngo bo'o//'gro ba ni ston par byed pa'o/ /dam tshig can de'i mthe bos sa la ri mo 'dri ba ni/ rkang pa dang lag pa g.yon pas so/ /mgo bo 'phrug par byed pa dang / /de bzhin rang rig dran pa'o/ /mkhur ba 'am ko sko dag dang ni/ /snod dag tu ni sor mo ston/ /zur gyis blta zhing lan cig sngags//zlos shing rig pa nges par blta/ /dam pa'i dngos 'gro rnal 'byor ma/ /gang yang dam tshig can rnal 'byor/ /zhes so/ /sa la ri mo 'dri ba nyid ni bla ma dang skye bo bdag gi rang gi rjes su chags pa gsal bar byed pa'o/ /mgo bo 'phrug par byed pas rang nyid gzhan dbang du gyur par smra bar byed do//sna dag la sor mo ston zhes pa 'dis bdag bsrungs pas khyod kyi ma lta bur rjes su chags pas 'jigs par byed do/ /zur gyis blta bas ni/ 'ong ba'i yan lag blta bar byed do/ /sgra ji bzhin pa'o/ /chags pa'i sems so/ /rnyed dka' mkha' 'gro ma rnams dang //de bzhin kho na ma rnams kyang / /bdud rtsi lnga rnams dam pa'i dngos/ /rang gi mtshan nyid 'dir brjod bya/ /zhes pa ni/ gzugs yongs su bsgyur ba'i mtshan ma dang phyag rgya gsungs te/ bdud rtsi lnga ni rigs lnga ste dgongs pa'o/ /gzugs can ma dang 'o byed ma//lA ma yongs gyur byis bcas ma/ mi ldog 'di pa me lha mo/ /mkha' 'gro ma ni rnam bdun bshad/ /ces pa mdor bstan pa'o/ /bram ze dang / gtum po dang / gar mkhan dang / tshos mkhan dang / g.yung po dang / rgyal rigs dang / dmangs rigs te/ de dag gi rigs las yang dag par byung ba 'di dag kyang bdun no//gang zhig smin ma 'degs byed cing / /mngon par zhen pas blta ba dang / /sngon gyi gzugs ni sdud byed cing / /phyi nas 'jigs par byed pa nyid/ /de ni gzugs can mar shes bya/ /dpa' bo gnyis med bsten pa'o/ /zhes pa rgyas par bshad pa'o//gsungs pa yang / /de yis gang byin pa'i dam tshig rdzas de bza' bar bya'o/ /ji srid du lan bdun bzlas la dbang du byas te/ de nas mkha' la spyod pa nyid do zhes so/ /sngon ni dang po pa'i gzugs so/ /'jigs pa ni yongs su bsgyur ba'i gzugs rang gi gzugs kyis gnas par byed do zhes pa'i don to//'dod pa'am gal te mi 'dod rung / /byis pa 'khyud cing 'o byed pa/ /de ni 'o byed mar shes bya/ /mkha' 'gro sdig pa 'joms byed ma'o/ /zur blta gdong la khro gnyer can/ /rdo rje smin bsgyur sdigs mdzub dang / /dbugs 'byin 'jigs par byed gang yin//de ni lA mar rnam nges bstan/ /'jigs par byed pa ni/ hUM yig la sogs pa'i bdag nyid dang chags pa'i bdag nyid do/ /phag dang ri bong can byi la/ /ce sbyang ra dang rta sogs kyi/ /gzugs kyis kun du skrag cing 'jigs/ /de ni yongs 'gyur ma zhes bshad/ / ces so/ /phag ni phag go/ /byi la ni byi dgra'o/ /ra ni ra'o/ /sgra ji bzhin pa'o/ /gang zhig kun du dga' bas dgod/ /song nas slar yang mi bzlog pa/ /rjes su chags pas gsal bar dgod/ /des ni byis bcas mar shes bya/ /rjes su chags pa ni rab tu dang ba'i bzhin no/ /sgra ji bzhin pa'o//yid ni skyo bas lag pas sam/ /bong bas saM ni rkang pa yis/ /gos sam shing gis reg pa dang / /de yis reg pas 'tsho mi 'gyur/ /de ni mi ldog mar shes bya/ /bsgrub bya min par yongs su bsgrags/ /zhes so/ /mtshon cha la sogs pas rig pa dang / lag pa la sogs pas rmas pa ni mi 'tsho bar the tshom med pa'o//de'i phyir rang bzhin rjes su chags par bya'o zhes rtogs par bya'o/ /khrus sam/ za ba dang btung 'gro ba dang / khros pa'i lta bas kun du lta bar byed pa ni/ rnam par 'gyur ba ston par byed pa'o/ /phyi nas mkha' 'gro ma ste 'di dpa' mor bshad ces pa'o//phyin ni/ des mthong ba dang / bza' ba la sogs pa zos par gyur pa la'o/ /sgra ji bzhin pa'o/ /mkha' 'gro rnams kyi lag par phyag rgya 'am/ khyim du gnas pas mtshon par byed pa ni/ thod pa dgra sta mche ba dang / /'khor lo nyid dang rgyal mtshan mnyam/ / rdo rje dang ni ral gri grags/ /bdun po rigs kyi phyag rgyar grags/ /khyim du bri rnams mchod par byed/ /rigs kyi rig pa zlos par byed/ /ces pa la khyim du ni chos 'byung du'o/ /rigs kyi rigs ni rigs so sor bcings pa gang yin pa de'i rigs kyi lha nyid sgom par byed pa yang ngo / / dgongs pa'o/ /mkha' 'gro ma'i mtshan nyid do// //de nas gzhan yang mkha' 'gro ma'i/ /mtshan nyid ji bzhin rab 'chad byed/ /mkha' 'gro'i dam tshig la gnas pa/ /sgrub po gang gis shes par bya/ /ces pa ni dpal he ru ka'i rigs kyi mkha' 'gro ma'i kha dog gi mtshan nyid dang mtshan ma gsungs pa/sgrub pa po ni/ he ru ka'i dam tshig la gnas pa'i dam tshig can rnams so/ /sgra ji bzhin pa'o/ /bud med gang yang kha dog dmar/ /pad+ma'i dri ni rnam par gtong / /khyim du pad+ma bri ba yang / /pad+ma gar dbang rigs byung yin/ /zhes te/ pad+ma gar dbang ni 'od dpag med do//dgongs pa'o/ /rang gi khyim du dpal rdo rje/ /bris pa rtag tu mchod byed gang / /lus ni gnag dang sngo bsangs ma/ /de ni rdo rje'i rigs byung yin/ /gang gi dpral ba 'am lag par ni/ /'khor lo yang ni rab snang ba/ /ser zhing skal bzangs phun sum tshogs/ / rtag tu mchog tu ches legs pa/ /rang khyim 'khor lo bris pa ni/ /thun mtshams bzhi ru mchod par byed/ /rnam par snang mdzad rigs las skyes/ /mkha' 'gro ma yi stobs kyis dregs/ /zhes pa ni/ 'khor lo ni gser las gzhan gyis gnas pa'o/ /legs pa can ni bag mar btang ba g.yo ba gsal ba'o//sngo bsangs so mtho ma rungs pa/ /g.yo zhing mang du mi smra mo/ /rang khyim ral gri mchod byed pa/ /don yod grub pa'i rigs byung ba'o/ /ser zhing gser du snang ba dang / /mig gi g.yo zhing kha spu ser/ /rin chen dpral bar snang ba'am/ /lag par yang rung khyim du 'ang rung //rtag tu rgyal srid gnas pa gang / /bsnyems shing bden par smra ba dang / /ma li tsam pa ka dri yang / /de ni rin chen rigs las byung / /zhes so/ /'am gyi sgra ni dkar po dang ba lang tsho dang ldan pa dang / rgyal ba dang / ma rgyal ba dang ldan pa ni go sla'o/ / mdog nag ma rungs sha la dga'/ /rtag tu ma rungs las la dga'/ /rtse gsum 'am ni thod pa 'ang rung / /dpral ba 'am lag pa khyim du'ang rung / /bris pa rtag tu mchod byed pa/ /de ni 'jigs byed rigs las byung / /zhes te/ 'jigs byed ni rgyal rigs so zhes grub thob la ba'i na bza' can gyi zhabs so//sprin gyi kha dog dang 'dra zhing / /so ni mi mnyam par gnas pa/ /rtag tu ma rungs las la dga'/ /g.yon gyi mche ba gtsigs pa gang / /rtag tu dgra sta mchod byed pa/ /rnam par 'dren pa'i rigs las byung / /zhes pa/ rnam par 'dren pa ni sgrub thabs kyi cho ga la yang dmangs rigs so zhes so//sgra ji bzhin pa'o/ /gzugs yongs su bsgyur ba'i mtshan ma'o// //de nas 'di las lA ma yi/ mtshan nyid ji bzhin rab 'chad byed/ /gang gis rnam par shes tsam gyis/ /sgrub pos dngos grub thob 'gyur ba'o/ /zhes bya ba la sogs pas phyag rgya rgyas par bshad pa gsungs te/lA ma rnams ni yid 'phrog ma rnams so/ /dngos grub rnams ni rnam pa thams cad shes pa nyid dang / lam shes pa nyid dang / rnam pa thams cad mngon par rdzogs par byang chub pa'i mtshan nyid phyag rgya chen po mchog gi don rab tu sgrub pa po la gsal lo//gang gi na chung kun mthong ba/ /gdong pa yongs su zlum pa dang / /kha la sma ra can nyid dang / /spu dang smin ma ring ba dang / /gos bzang gtsang la zhi ba dang / /mi g.yo bden par smra ba dang / /rtag tu dam pa'i chos la dga'/ /pad+ma'i dri ni rnam par gtong / /de ni bcu pa'i tshigs mtshams la//khyim du pad+ma bris pa yang / /pad+ma las byung lA ma yi/ /mtshan nyid gyur pa 'di dag yin/ /pad+ma'i phyag rgya sbyin par bya/ /yang na rus sbal phyag rgya yang / /pags dang ril ba spyi lugs nyid/ /phyag rgya'i lan du brjod par bya/ /pad+ma'i phyag rgya ni lag pa gnyis ka dag gi sor mo thams cad bskum ste pad+ma kha 'bus pa'i rnam par 'gyur ro//rus sbal gyi phyag rgya ni g.yon pa'i steng du lag pa g.yas pas pags pa'i phyag rgya ni glang po che'i pags pa 'dzin pa nyid do/ /ril ba spyi lugs kyi phyag rgya ni de bzhin du gsal lo/ /mchu ni glo zhing mig dkyus ring //mig ni dmar zhing ser skya ste/ /phyugs shing skal bzangs dpal yon can/ /dkar zhing tsam pa ka yi dri/ /ring dang ring min lag nyid dang / /rnam pa sna tshogs gos la dga'/ /dpral bar ri mo gsum pa nyid/ /mtshams ni gyen du bstan pa nyid/ /dgod cing dga' ba nyid dag dang / lam ni rnam par gnon cing gnas/ /g.yul du shi ba rnams kyi ni/ /gtam la rtag tu shin tu dga'/ /de yi bcu bzhi dang brgyad pa/ /de yi dus tshigs yin par bshad/ /khyim du rtse gsum bris pa la/ /rtag tu de ni mchod par byed/ /'jig rten dbang phyug lA ma yi/ /mtshan nyid gyur pa 'di dag go//'di 'dra'i rab myos ma mthong nas/ /mdung gi phyag rgya rab bstan bya/ /rkang pa g.yon pa bskum byas nas/ /gar ni de la rab bstan bya/ /g.yon pas yongs su bskor ba yang / /phyag rgya'i lan ni yin par bshad/ /mthe chung mthe bos mnan nas sor mo gsum pa rnams brkyang pa las rtse gsum gyi phyag rgya'o//gar ni g.yas brkyang du gsal lo/ /gang gi mkhur ba mkhur tshos la/ /khung bur snang ba gnas pa dang / /rtag tu mngar zhing ser la gtsang / /mig ni ljang dang ser skya dang / /gang gi dpral ba 'am lag pa la/ /ri mo gcig pa snang ba dang / / mgrin ring skra ni 'khyil ba dang / /rtag tu gos dmar la dga' ba/ /dgod cing glu ni len pa yang / /glo bur nyid du rab khro byed/ /sems ni g.yo zhing khyad par du/ /'thab mo la yang zhen pa ste/ /de ni nya yi dus tshigs su/ /khyim du dril bu bris pa yang / /shes rab pha rol phyin byung ba'i//lA ma'i mtshan nyid yin par bshad/ /'di 'dra'i rab myos mthong nas ni/ /dril bu'i phyag rgya rab bstan bya/ /gnyis pa mdung thung phyag rgya yang / /sgrub po shin tu mnyam gzhag pas/ /g.yon nas yongs su bskor ba yin/ /phyag rgya'i lan ni yin par bshad/ /dril bu dkrol ba'i sbyor ba yang //lag pa g.yon pas rab bstan bya/ /zhes so/ /shes rab kyi pha rol tu phyin pa las byung ba ni gtum po'i rigs so/ /mdung thung gi phyag rgya ni lag pa gnyis kha sbyar la/ sdigs mdzub gnyis bskum ste/ gung mo'i tshigs gsum pa'i glor bzhag nas/ de bzhin du mthe bo gnyis tshigs bar mar gzhag pa las so/ /sgra ji bzhin pas so/ /gang zhig thung zhing byin pa sbom/ /rtag tu ser po'i gos la dga'/ /de ni bcu bzhi'i dus tshigs la/ /khyim du rin chen bris pa yang / /'di 'dra'i rab myos mthong nas ni/ /rin chen phyag rgya rab bstan bya//gnyis pa dung gi phyag rgya yang / /rab tu 'bad pas sbyin par bya/ /g.yon nas yongs su bskor ba yi/ /phyag rgya'i lan ni yin par bshad/ /rin dbang las byung lA ma yi/ /mtshan nyid gyur pa 'di dag yin/ /dung gi phyag rgya ni lag pa g.yas pa bkan la mthe bong nang du bcug pa'i khu tshur la sdigs mdzub rab tu brkyang bar bya ba las so//lus kun la ni ba spu yod/ /mig ni nag cing ser skya dang / /sbom zhing rnam 'gyur mi bzad pa/ /gsus pa glo zhing sna ni nyams/ /gang zhig gnag cing mig zlum pa/ /rtag tu glu dang gar la dga'//'di yi bcu gcig tshigs mtshams la/ /khyim du mche ba bris pa yang / /'di 'dra'i rab myos mthong nas ni/ /klu yi phyag rgya rab bstan bya/ /sgrub po dngos grub brtson pa yis/ /gnyis pa mdung thung phyag rgya nyid/ /g.yon nas yongs su bskor ba yis/ /phyag rgya'i lan ni yin par bshad//klu dbang rigs kyi lA ma yi/ /mtshan nyid 'di 'drar 'gyur ba yin/ /zhes so/ /klu'i dbang po ni nam mkha' lding gi'o/ /de'i bdag po ni don yod de dgongs pa'o/ /lag pa g.yon pa'i steng du g.yas pa'i khu tshur bzhag la/ lag pa'i mthe bo dang mthe chung brkyang nas sor mo gsum gdengs ka'i rnam pa ni//mig sman gyi phyag rgya'o zhes pa sgra ji bzhin pa'o/ /de nas 'di las lag g.yon gyi/ /brda gzhan rab tu 'chad par byed/ /gang gi spun nam srin mor yang / /yang dag par ni rnam shes byed/ /ces bya ba la sogs pas brda gsungs so//gsong por smra zhes brjod pa yin ni/ lag pa g.yon pas gsong por smra ba las so/ /ming med ston pa nyid las ni/ /gsong por smra ba'i lan du brjod/ /gang zhig lto ba rdebs pa ni/ /bkres pa rab tu gsal bar byed/ /gang zhig dpral ba ston pa ni/ /de nyid gang 'ongs zhes pa 'dri//khar ni sor mo rab 'jug pa/ /khyod kyis zos pa rab gsal byed/ /gang zhig lce ni skyod par byed/ /bza' bar bya zhes rab gsal byed/ /gang zhig pus mo la reg pa/ /ngal so zhes ni brjod pa yin/ /gang zhig sor mo'i rtse reg pa/ /ngal ni sos par rab gsal byed//gang zhig so ni 'cha' byed pa/ /khyod kyi sha ni bza' bya'o/ /gang zhig khro gnyer ston byed pa/ /bcings so zhes ni brjod pa yin/ /gang zhig mkha' lding ston byed pa/ /sgrub po bdag gis grol ba'o/ /lag par lag pas brdebs pa ni/ /gtor ma bza' zhes brjod pa yin//lag pa g.yas pa ston byed pa/ /de ltar gyis zhes rab tu brjod/ /gang zhig rna ba la reg pa/ /bdag ni ngal bso gnas par bya/ /gang zhig sen mos sen mo reg /shi ba dur khrod du khyer zhig /gang zhig sa la rnam par 'dri/ /dkyil 'khor du ni rab 'jug byed//gang zhig ko sko la reg pa/ /bde bas nyal bar byed do zhes/ /zhes pas 'phongs ni bshang lam ste gsal lo/ /de nas gzhan pa phyag rgya la/ /phyag rgya'i lan ni rab 'chad byed/ /gang gis rnam par shes tsam gyis/ /pho nya mo rnams dbugs dbyung 'gyur/ /gang zhig khu tshur ston byed pa//de la lag pa rab bstan bya/ /gang zhig skra yang ston byed pa/ /rtag tu kha T+wAM ga bstan bya/ /gang zhig yan lag rnam par bskyod/ /de la mche ba rab bstan bya/ /zhes so/ /bud med gang zhig spyi gtsug ston byed pa/ /de la mgo bo rab bstan bya/ /gang zhig dpral ba ston byed pa/ /de la mkhur tshos rab bstan bya//gang zhig so rnams ston byed pa/ /de la lce ni rab bstan bya/ /gang zhig mchu ni ston byed pa/ /de la ko sko rab bstan bya/ /gang zhig mgrin par kun nas reg /de la lto ba rab bstan bya/ /gang zhig lag pa ston byed pa/ /de la dpung pa rab bstan bya/ /gang zhig ltag pa ston byed pa//de la rgyab ni rab bstan bya/ /gang zhig nu ma ston byed pa/ /de la'o ni rab bstan bya/ /gang zhig lto ba ston byed pa/ /de le lce ba rab bstan bya/ /gang zhig gsang ba ston byed pa/ /de la rtags ni rab bstan bya/ /gang zhig brla ni ston byed pa/ /de la 'phongs ni bstan par bya//gang zhig pus mo ston byed pa/ /de la byin pa rab bstan bya/ /gang zhig rkang pa ston byed pa/ /de la rang gi rkang mthil lo/ /gang zhig sor mo ston byed pa/ /de la sen mo rab bstan bya/ /gang zhig sa ni ston byed pa/ /de la nam mkha' rab bstan bya/ /gang zhig nam mkha' ston byed pa/ /de la nyi ma rab bstan bya//gang zhig chu klung ston byed pa/ /de la rgya mtsho bstan par bya/ /gang zhig gung mo ston byed pa/ /de la sdigs mdzub rab bstan bya/ /gang zhig ming med ston byed pa/ /de la lce ni rab bstan bya/ /gang zhig paT+Ti sa ston pa/ /de la mdung ni rab bstan bya/ /gang zhig mgo bo rab ston byed//de la mtshams ni rab bstan bya/ /gang zhig ngos ni ston byed pa/ /de la kha ni rab bstan bya/ /gang zhig khro gnyer ston mdzad pa/ /de la gtsug phud rab bstan bya/ /gang zhig so ni ston byed pa/ /de la mchu ni rab bstan bya/ /gang zhig mgrin pa ston byed pa/ /de la kha ni rab bstan bya//gang zhig dpral ba ston byed pa/ /de la mig ni rab bstan bya/ /sor mo gcig ni rab ston byed/ /sngags pas legs par 'ongs sam brjod/ /gnyis kyis legs par 'ongs brjod 'gyur/ /mthe bong btsir las dge ba'o/ /sdigs mdzub mthe bong sbyor ba yis/ /mig gi phyag rgyar rab tu grags//de ltar phyag rgya so so ni/ /rab tu 'bad pas bstan par bya/ /ji srid 'tsho bar rnal 'byor ma/ /dbang du 'gyur bar the tshom med/ /ces pa ni lag pa g.yas pa'o/ /'o ni ko sko'o/ /chu klung ni sor mo kyog po'i rnam pas nam mkha' la ri mo bris pa las so/ / rgya mtsho ni dug can pas so/ /de bzhin du lag pa gnyis kyi ri mo las so/ /lce ni mthe chung ngo / /mtshams bstan par bya zhes pa ni sdigs mdzub dang mthe bo'i sbyor bas so/ /gsungs pa yang / /sdigs mdzub dang mthe bo'i se gol sgrogs par byed pa ni/ 'dir sngags pa gtso nyid du nges pa'i zhes so//phyag rgya gang yin pa de la kun du smra ba bzhi po 'di dag go zhes so/ /rang gi skal ba nyid yongs su shes pa'i don du phyag rgya'i lan bstan par bya'o/ /'ga' zhig dang rtsod pa mngon par 'dod pas ni ma yin te/ gang nus pa med pas rnal 'byor ma zhing skyes grub pa rnams khros pa de las rtsod pa'i dus su lag pa g.yon pa snying gar bzhag ste phyag bya'o//rgyud gzhan du yang / rnal 'byor pa rnams ji srid ting nge 'dzin dang mngon par shes pa ma skyes pa de srid du/ 'jig rten pa dang rtsod pa'i don du phyag rgya'i lan bstan par mi bya'o zhes so/ /kAm+bo dzI ka'i ched du brda'o// //de nas gzhan yang mkha' 'gro ma'i/ /mtshan nyid ji bzhin rab 'chad de/ /sgrub po gang gis mkha' 'gro ma/ /'di ni ring yang shes par bya/ /rjes su chags pa'i mtshan nyid gsal bar gsungs pa/ /dam tshig can gang rjes chags pa/ / dpa' bo'i longs spyod sa gzhi yin/ /gzhi ni sa gzhir byas nas so/ /rnal 'byor pa yi sdom pa mchod/ /ces pa ni rjes su chags pa ni khol mo bzhin du dbang gyur cing / /ma bzhin du phan par 'dod pa/ /sring mo bzhin du mnyes gshin pa zhes brjod pa ni dam tshig can du lung nyid las so/ / bud med kyi rtags la slar yang rtags nyid do/ /gang gi rnal 'byor pa'i'o/ /dpa' bo zhes pa ni lung las gang gi tshe nges par rnam par zab po ni dpa' bo de'i longs spyod bya ni dbyig 'dzin te/ dbyig ni rin po che/ 'dzin par byed do ste byas nas so/ /gzhi ni gnas tes gzhi'o//de las gnas su byas nas/ yang dag pa yang dag pa'i rnam pas bsgom par bya'o/ /rang gi sems la gnas pa'i rnal 'byor dang ldan pa ni rnal 'byor ro/ /sdom pa ni dri ma med pa'i don du yang / lhan cig skyes pa'i sku gsung thugs/ /ye shes gcig sbyor sdom pa dang / zhes so/ /spros pa med pa'i dbyig gnyen zhabs kyis kyang gsungs pa/ de nyid zag pa med pa'i dbyings/ /bsam gyis mi khyab dge dang brtan/ /bde ba rnam grol sku 'di ni/ /thub pa chen po'i chos zhes bshad/ /ces so/ /rdo rje gur du yang / 'gro gnyis dngos po mthong nas nga / / shes rab thabs kyi bdag nyid do/ /shin tu kha sbyor rnal 'byor gyis/ /mA ma kI med mi bskyod med/ /dgongs pa'o/ /lugs bzlog pa yi blta ba dang / /bzhin ni rnam par 'gyur ba nyid/ /gdong ni rtag par smin ma g.yo/ /mkha' 'gro rnams su the tshom med/ /ces pa mkha' 'gro ma thams cad rjes su chags pa gsungs te/lugs bzlog pas ni/ g.yon pa'i yan lag gis blta ba dang rnam par 'gyur ba'o/ /bdud rtsi dang bcas pa zhu bar ldan pa zhes pa dpa' mo'i lha'o/ /rtag pa ni rab tu dang po'o/ /'dod pa'i bstan bcos su yang / bzhin ni rab dang mig kyang dri ma med//gtam ni rgyun chags snyan par yang smra zhing / /yang dang yang du nges par blta ba yang / /skye bo dngos la rjes chags mtshan ma'o/ /zhes so/ /sgra ji bzhin pa'o/ /rnam 'gyur bskor ba shes byas te/ /ri mo gsum pa yongs su zlum/ /glo bur du ni zlog par byed//'gro zhing gdong ni 'jigs pa nyid/ /ces pa ni/ ri mo gsum ni dbus ma'o/ /rnam 'gyur bskor ba mdzes pa ste/ /yongs su zlum pa'i rnam pas so/ /yang na yongs su zlum pa nyid ni 'bru'i rnam pa ste/ nu ma gnyis po ston par byed do/ /glo bur du zlog par byed pa ni/bya ba bral bas so/ /gdong 'jigs pa nyid kyang brjod pa'i tshig rnam par btang nas gzhan nyid smra bar byed do/ /sgra ji bzhin pa'o/ /de rnams kyi khyim du rang rang gi mtshan ma rdo rje'i rnam pa me long dang bcas pa dang / 'khor lo dang / rin po che dang / chu skyes dang / ral gri dang / bde bar gshegs pa rnams kyi me long dang bcas pa zhes pa'o//rang gi mtshan ma rigs kyi mtshan ma'o/ /de bris pa ni me long gnas pa rdo rje rnal 'byor ma rnams kyi'o/ /sgra ji bzhin pa'o/ /nam mkha' la skyes pa gang yin pa rnams kyi rgyal mtshan dang / mdung thung kha sbyor ro/ /dgra sta dang / mdung rtse gsum yang dag par ldan pa de ma mo'i rigs las skyes pa rnams kyir shes par bya'o//'dir snga ma phyed kyis rnal 'byor ma rnams rtogs la/ phyi ma phyed kyis ma mo bdun po'i gzugs so/ /rgyal mtshan dang mdung thung kha sbyor ni rdo rje pad+ma sbyor ba'o/ /mkha' 'gro ba ni/ /me long rnams las te/de bzhin du dgra sta dang yang dag par ldan pa'i me long ngo / /sgra ji bzhin pa'o/ /de nas 'di las gsang mchod kyi/ /go cha'i rim pa rab 'chad byed/ /gang gi rnam par shes tsam gyis/ /rnal 'byor pa rnams dngos grub 'gyur/ /zhes rang byin gyis brlab pa gsungs te/ rang byin brlab pa'i go 'phang dga'//sangs rgyas mu stegs can la gsang / /'di ni gsal bar bya min gsang / /zhes bla mar ro/ /lugs 'byung lugs las bzlog pa yi/ /pho nya rnams ni yang dag gnas/ /rtag tu 'og steng dngos grub ster/ /bdag dang pho nya mo kun nas/ /lha mo mthong dang reg pas kyang //pho nya mo de dngos grub ster/ /gang zhig nyin/ /mtshan du bsten pa/ /de ni grub 'gyur the tshom med/ /ces pas 'jig rten dang 'jig rten las 'das pa'i sgrub thabs gsungs so/ /pho nya mo rnams ni nu ma dang skrar ldan pa/ zhi ba la sogs pa'i mngon par dbang bskur ba/ / dngos grub sbyin pa ni 'jig rten pa'i gzugs yongs su bsgyur ba gsum sbyin pa'o/ /bdag dang pho nya mo ni mngon par dbang bskur ba/ /de kho na nyid shes pa nyid kyis las kyi phyag rgya pho nya mo nges par 'joms pa'o/ /chos kyi phyag rgya dang / phyag rgya chen po'i rgyur gyur pa'i ye shes zhes bshad pa'i dngos grub ster ba'o//phyag rgya chen mo dang dam tshig gi phyag rgya'i rgyur gyur pa ston ka'i nam mkha' dang mtshungs pa'i lha mo gsum po rnams kyi sku rnams kyis rtse bar byed pa dam tshig gi phyag rgya bsgom par bya zhing shes par bya'o/ /nyin dang mtshan mo ni shes rab dang / thabs dpal bla ma'i zhal las so//'grub 'gyur ni sangs rgyas nyid du nye bar 'gro ba'o/ /pha rol tu phyin pa'i tshul du yang / /dngos med dngos med kyang med pa'ang / /des kyang sangs rgyas nyid du brjod/ /ces so/ /sgra ji bzhin pa'o/ /rigs sum cu rtsa drug gi pho nya mo gang yin pa de rnams 'o byed pa dang 'khyud pas rab tu 'bad pas bsgrub par bya'o//rnal 'byor gnas kyi khyad par las/ /zhes pa ni rigs sum cu rtsa drug po rnams kyi rigs ldan ma ni sum cu rtsa bdun pa'o/ /de bzhin du rtsa ba'i rgyud du yang / 'dir rdo rje phag mo ni rigs ldan ma'o/ /rigs med ma ni g.yung mo'o/ / mkha' 'gro ma ni/ dmangs rigs ma'o/ /lA ma ni rgyal rigs ma'o/ /dum skyes ma ni rje rigs ma'o/ /gzugs can ma ni bram ze'o/ /bya rog gdong ma ni kla klo ma'o/ /'ug gdong ma ni phyag bdar mkhan ma'o/ /khyi gdong ma ni gdol pa mo'o/ /phag gdong ma ni stag gzig ma'o/ /gshin rje brtan ma ni ri khrod ma'o//gshin rje pho nya mo ni b+hi l+li'o/ /gshin rje mche ba mo ni sbos ma'o/ /gshin rje 'joms ma ni smon thab ma'o/ /rab tu gtum mo ni mda' mkhan ma'o/ /gtum mig ma ni chang 'tshong ma'o/ /'od ldan ma ni phreng mkhan ma'o/ /sna chen ma ni gser ma gar mkhan ma'o/ / dpa' bo'i blo gos ma ni khron pa mkhan ma'o/ /mi'u thung ma ni 'od ma'i gar mkhan ma'o/ /lang ka'i dbang phyug ma ni 'khar ba mkhan ma'o/ /shing grib ma ni nor bu mkhan ma'o/ /sa srung ma ni lcags mkhan ma'o/ /'jigs byed ma ni rgya skyegs mkhan ma'o/ /rlung shugs ma ni srin pa la mkhan ma'o//chang 'thung ma ni til mar mkhan ma'o/ /sngo bsangs lha mo ni 'dreg mkhan ma'o/ /shin tu bzang mo ni ko pags mkhan ma'o/ /rta rna ma ni shing mkhan ma'o/ /bya gdong ma ni gling bu mkhan ma'o/ /'khor lo'i shugs ma ni shan pa ma'o/ /dum skyes ma ni mkhur mkhan ma'o//chang 'tshong ma ni tshem bu ma'o/ /'khor lo'i go cha ma ni gar mkhan ma'o/ /shin tu dpa' mo ni btso blag mkhan ma'o/ /stobs chen ma ni nya pa ma'o/ /'khor los sgyur ma ni rdza mkhan ma'o/ /brtson 'grus chen mo ni smad 'tshong ma'o zhes so/ /'di rnams kyi khyim yang gnas la sogs pa'i ming du rig par bya'o//de'i phyir grong khyer chen po gcig nyid na'ang gnas te de rnams mchod par bya'o/ /de'i phyir yang de don du gnyer ba pos yul bskor bar mi bya'o/ /mngon brjod du yang / nyi shu rtsa bzhi'i dbye ba yis/ /gnas gang 'di na kho nar gnas//de phyir bskor ba de nyid kyis/ /skyo ba'i bya ba don mi gnyer/ /gal te de nyid dman gyur na/ /de rnams bskor bas ci zhig bya/ /ci ste de nyid ldan gyur na/ /de rnams bskor bas ci zhig bya/ /zhes so/ /'o dang 'khyud pas zhes pa ni/ /bla mar yang / de bzhin 'o dang 'khyud pa yis//rnam pa sna tshogs dga' ba rnams/ /b+ha gar ling+ka rab sbyor bas/ /rnam par smin pa'i ye shes mchog /rnam nyed phyag rgya nyad par byed/ /mtshan bral nges par mtshon par bya/ /dang po dga' ba'i yi shes te/ mchog tu dga' ba yang dag ldan/ /rab dga'i dga' ba dngos grub che//lhan cig skyes pa'i dga' ba mchog /ces dgongs pa'o/ /rab tu 'bad pas ni 'dod pa'i bstan bcos su gsungs pas so/ /rgyud gzhan du yang / mchod pa'i don du 'dod pa'i bstan bcos yon tan mang po'i gnas ni rnal 'byor pa yis rig par bya/ /shin tu dga' bar gyur kyang rnal 'byor ma rnams rnal 'byor pa la ma tshim dngos grub sbyin mi 'gyur//zhes so/ /rnal 'byor gnas su ni/ gsang bar te khyad par las so/ /rdo rje bdud rtsir yang / byed pa bcing ba'i sbyor ba yis/ /sa gsum po ni bsgrub par bya/ /khyogs dang grub mo yis kyang ni//de bzhin shin tu rab brkyang nyid/ /ces so/ /rdo rje a ral+li rgyud du/ ji srid mi 'dzag de srid du/ /pad+mar rdo rje gzhug bya min/ /zhes so/ /pad+ma chen po der phyin nas rdo rje gzhug par bya'o zhes pa dgongs pa'o/ /ji srid rnal 'byor tshogs pa nyid/ /dngos grub thams cad byed par bshad//ji srid rdo rje mkha' 'gro rnams/ /rnal 'byor pas ni bsgrub par bya/ /zhes so/ /sbyor dang kun sbyor de rjes 'gro/ /yang dag bzung nas tshogs pa nyid/ /'dod khams gnas pa'i bud med ces pa'i don to/ /de bzhin du lha mo dang klu mo dang / de bzhin 'dab chags mo dang lha min mo dang mi yang ste/rgyud gzhan du yang / spre mo dang ni khyi mo yang / /bong mo de bzhin rnga mo skyes/ /ri dgas mo dang ra ma nyid/ /phag mo ba min las byung ba/ /bdag nyid he ru ka kho nas/ /'dod par bya'o zla drug gis/ /'grub 'gyur 'dir ni the tshom med/ /sgra ji bzhin pa'o/ / rdo rje mkha' 'gro ma rnams ni/ /rgyud sna tshogs su gsungs pa'i lha mo rnams so/ /sgra ji bzhin pa'o/ /ma dang sring mo bu mo dang / /chung ma pho nya mo can gnas/ /zhes so/ /thams cad bsten pa gsungs pa/ shes rab kyi pha rol tu phyin pa ni rdo rje dbyings kyi dbang phyug ma'o/ /rdo rje mkha' 'gro ma ni reg bya rdo rje ma'o//dgongs pa'o/ /pho nya mo de dbang gyur las kyi phyag rgyar 'gyur zhing gsang ba'i mi mo gzhan gyi bud med dam tshig ste/ /rang dbang chos kyi phyag rgya phul ni mang po la dga' rang gi chung ma ye shes phyag rgya'o/ /don dam pa'i bsnyen par yang / /de bzhin 'dir ni ldan khyod med pa bsnyen par bya//ji ltar chags pas mngal ni 'dzin par mi byed de/ /mngal nas 'dod min skye ba'i kha na [(]mthong [,]ma thor [)]'gyur/ /skye bo'i kha na ma thos 'jig rten pha rol nyams/ /zhes so/ /gang gis sngags 'di sbyin byed pa/ /yang / gang yang de yi cho gar 'gyur/ /zhes pa ni bsten pa'i 'bras bu gsungs pa'o//gang la sngags gang yod pa de shin tu chags pa las de'i ye shes dga' bar ston par byed do/ /de'i ni sgrub pa po'i dngos grub kyi cho ga de nyid du 'gyur ro/ /gsal lo/ /de nas rnal 'byor rgyud du ni/ /rnyed dka'i dam tshig nga yis bshad/ /he ru ka dpal rnal 'byor mchog/ ma byung 'byung bar mi 'gyur ro/ /zhes so/ /rnal 'byor rgyud rnams su ni sangs rgyas thod pa'i rgyud du yang / rnal 'byor gyi rgyud ni nges par bye ba phrag drug go/ /rnal 'byor ma'i rgyud ni bye ba phrag bcu drug go zhes so/ /dpal he ru ka ni gnyis su med pa'i ye shes nye bar bstan pa'o/ /bla mar yang / rdo rje theg par nyer bstan pa'i/ /ngag de dngos grub go 'phang nyid/ /ma thos pa yi chos bstan pas/ /sems can srid las grol bar 'gyur/ /bstan bya bla med ston byed pa/ /mi snang la sogs grub par byed/ /'jig rten gsum na gang cung zad/ /de kun skad cig las grub 'gyur/ / zhes so/ /rnal 'byor ni/ ye shes kyi sku ste sku bzhi 'chang ba'o/ /gzugs brnyan gyi chos kyi gzugs nyid kyis/ byams pa la sogs pa rnams kyis blta bar bya ba'o/ /longs spyod rdzogs pas gzugs can rnams dang mkha' la rgyal ba'i sras sogs dgra bcom rnams la chos sku yis//zhes pa chos kyi rang bzhin gyi sku rnams kyi ye shes kyi 'od zer spro bar byed do zhes pa'o/ /de'i phyir longs spyod rdzogs pa nyid ni/ nyan thos dang lha dag gis blta bar bya ba ste 'og min la sogs par ro/ /de bzhin du sprul pa ni mi rnams kyis blta bar bya ba ste/ rdo rje btsun mo'i b+ha gar sems can rnams smin pa'i don du'o zhes gsungs so//dgongs pa'o/ /rtag par dngos grub rnams kyang skyong ba dang / pho nya mo gzhan rigs byung ba/ /'dod la chags pa 'dod min bya/ /gnyis su med dang thogs pa med/ /dam tshig rnams ni spyod pa dang //mi mo'i spyod pa legs par srub/ /tshangs par spyod pa'i de bzhin zhal/ /'dren pa'i rtsa yi kun spyod de/ /'di brgyad dam tshig yin par bshad/ /rnal 'byor pa gang de srung byed/ /myur du dngos grub de thob 'gyur/ /zhes so/ /dngos grub rnams ni 'dod pa dang /gzugs dang phyag rgya chen po'i dngos grub rnams 'dzag pa ste/ g.yo ba dang / mi g.yo ba'i bde ba'i mtshan nyid rnams te/ 'dod pa lnga la nye bar longs spyod pa'i skye bo rnams kyi rgyu'i byang chub kyi sems rtag tu sangs rgyas nyid kyi rgyu zung 'jug ma nyams pa'o zhes pa'i don to//dgongs pa'o/ /dam tshig ni khu ba'i thig le bzhi rnams so/ /de rnams shes rab la chags pas 'ongs pa rnams gsang bar srung bar byed pa'o/ /pho nya mo ni rigs ldan ma dor nas/ phyi rol gyi don du mkha' 'gro ma la sogs pa rnams bsgom par mi bya'o zhes so/ /'dod la rnam par rmongs pa yis//pho nya mo gzhan kun sbyor 'gro/ /zhes klog pa ni gzhan no/ /gnyis su med pa ni thig le bzhi po rnams nya'i mthar gnyis su med pa'i rnam par byed pa'o/ /thogs pa med pa'i dam tshig rnams kyi spyod pa ni/ /dga' ba bcu drug gi rang bzhin 'gyur ba med par rab tu zhugs pa'o//mi mo'i spyod pa legs par srub pa ni/ shes rab kyi pha rol tu phyin ma kun du bzang mo ni/ /mi mo'i de'i spyod pa bzhi ste/ gsungs pa yang / brtan pa rnams kyi spyod pa bzhi/ /zhes te/ byang chub sems dpa' so so rnams kyis sems can gyi don du/de rnams la rtag tu bde ba'i sems so zhes so/ /brtse bdag gzhan gyi don brtson ldan/ /gnas med gnas la dga' ba nyid/ /ces mdo sde rgyan du'o/ /zhal ni rdo rje'i sgo ru'o/ /tshangs par spyod pa ni rtag tu mi 'pho ba'i tshul khrims so/ /'og tu son pa bzhi po rnams kyi rtsa ba'i kun spyod ni/mkha' 'gro gdong gi kun spyod la ste/ rdo rje nor bu las bkug nas khu ba steng du 'gro ba zhes pa nges pa'i don to/ /'og min gyi srid pa'i mthar thug pa'i dngos grub kyi rgyu rtag tu smon pa dang 'jug pa'i byang chub kyi sems bskyed pa'o//dam tshig ni myos byed dang go ku la sogs pa dang rigs ma yin pa la sogs pa la 'gro ba de rnams yul dang rigs kyi tha snyad kyis srung bar byed pa'o/ /rigs gzhan zhi ba la sogs pa'i mngon par dbang bskur ba de sangs rgyas pa'i dam tshig sun 'byin pa gzhan gyis dam tshig spyod pa rnams 'jig rten pa'i dngos grub kyi don du 'dod par mi bya'o//gnyis su med pa ni pho nya mo dang dpa' bo dag gi dus gcig tu bde ba byang chub sems kyi ro myang ba'o/ /thogs pa med pa ni bsten pa rnams dang dam tshig rnams kyi spyod pa sngags la sogs pa spro bar byed pa'i lha la sogs pas gzhom par mi nus pa'o//mi mo'i spyod pa legs par srub ni/ rigs thams cad las skyes pa de rnams la 'khrig pa byed pa'i rgyu'o/ /tshangs par spyod pa ni bde ba de bzhin zhes pa srub pa zhal rdo rje'i khar rtogs par bya'o//'dren pa ni byang chub kyi sems 'dzin pa ste/ rgas pa la sogs pa 'joms pa'i ched du'o/ /dam tshig brgyad po 'di rnams ni/ /'jig rten bya ba spangs nas ni/ /shin tu mnyam gzhag bskyang bar bya/ /myur du dngos grub thob par 'gyur/ /zhes pa de bzhin gshegs pa'i nges pa'o//bsgrub la yang dag rnams gnas pas/ /sgrub pos rtag tu shes par bya/ /zhes klog pa ni gzhan no/ /drang ba'i don to/ /thun mong rgyud rnams thams cad du/ /gtan tshigs des ni gzhom mi bya/ /dad pa tsam gyis blang bya yi/ /mig dang lag par ma yin no/ /zhes pa bsnyen pa la don smod par byed pa 'dis ci zhig ces rigs pa rnams kyis gzhan du ma yin no//gsungs pa yang / rdzas kyi nus pa bsam mi khyab/ /ces gsungs so/ /de phyir sangs rgyas nyid thob par 'gyur zhes so/ /bdud rtsi lces blang bar gsal lo/ /dag dang ma dag rnam dag pa//sgrub po rnam pa gsum du gnas/ /mnyes byed rnam par dag pa dang / /gsal byed yon tan ldan pa'i mi/ /zhes pas slob ma rnam pa gsum gyi mtshan nyid gsungs te/ dag pa ni thar pa don du gnyer ba rang gi lus la sogs pa gtang ba'o/ /ma dag pa ni rang lhag par gnas pa'i don du gnyer ba'o//rnam par dag pa ni phyag rgya dang dkyil 'khor la sogs pa don du gnyer ba de nyid bla ma mnyes par byed pa'o/ /gsal byed ni dbang po 'bring bo'o/ /yon tan dang ldan pa ni rin po che'i gang zag bden pa don du gnyer bar gsal lo/ /sgrub pos gsum po 'di rnams la//mchod pa bya phyir brnyas mi bya/ /sgrub pa po rnams brnyas mi bya/ /mchod par bya zhing gus par bya/ /zhes so/ /zhes pas bla ma dang sems can dag mnyes par byed pa gsungs so/ /slob dpon ni 'jig rten las 'das pa'i kun du spyod pa shes pa nyid kyi phyir ro/ /bla mar yang /kun spyod rnal 'byor ma rnams dang / /de bzhin nyid du mkha' 'gro ma/ /ma mo phyi yi phyag rgya rnams/ /phag mo'i rigs las yang dag byung / /lung dang grub pa'i bstan bcos rnams/ /de bzhin mdo yi mthar skyes rnams/ /bla med go 'phang kun du spyod/ /shes rab pha rol phyin 'byung ba//zhes so/ /slob mas phyir brnyas par mi bya/ /mchog dang po'i brtag par yang / /gal te slob ma phyir zhing de/ /slob dpon la ni gang brnyas pa/ /des ni sangs rgyas kun brnyas pas/ /rtag tu sdug bsngal thob par 'gyur/ /zhes so/ /gur gyi rgyud du yang / bla ma'i grib ma chung ma dang //mchil lham stan dang sngas rnams la/ /rmongs chen gang zhig 'gom byed na/ /mi de rnams ni spu gri'i so/ /gang tshe dbang bskur mchog thob pa'i/ /slob ma bla ma'i bka' 'gom pa'ang / /'jig rten 'di ru sdug bsngal 'gyur/ /'jig rten pha rol dmyal bar gnas//sgyu dang g.yo yi rab sbyor gyis/ /gus pas log pa bsal byas nas/ /zag byed mdze dang nad chen dang / /dmyal ba la sogs rnams su skye/ /de ltar shes nas slob ma des/ /bla ma la gus mchog tu gzhol/ /bla ma'i bka' ni rab skyong byed/ / dngos grub rgya chen 'grub par 'gyur/ /'dir rnal 'byor ma'i rgyud rdo rje gur du yang / /shes rab pha rol phyin pa'i thabs/ /'di ni rnal 'byor mar brjod de/ /phyag rgya chen po rab sbyor bas/ /gang phyir de nyid rgyud du byed/ /ces so/ /sgrub pa po legs pa rnams mchod par bya yis rnam par 'tshe bar mi bya'o//de bzhin du yang gsungs pa/ sems can kho na rdzogs sangs rgyas/ /sangs rgyas pa yi 'dod pa'i lha/ /gsal lo/ /dam tshig dang slob ma yongs su brtag pa'i cho ga'o// //de nas rnal 'byor dngos grub rnams/ /sgrub pa'i mtshan nyid dbye shes nas//myur du dngos grub rab 'jug pa'i/ /spyod pa'i brtul zhugs bshad par bya/ /zhes pa ni spros pa dang bcas pa dang / spros pa med pa dang / shin tu spros pa med pa'i dbye bas rnam pa gsum lus dang sems kyi gsang sngags kyi sgo'i spyad pa spyod pa po rnams kyi'o//de'i spyod pa'i brtul zhugs ni 'jug pa'i bye brag go/ /dngos grub ni 'di nyid du mkha' la spyod pa'o/ /mtshan nyid dang dbye ba ni rnal 'byor ma'i brda dang rigs dang kun du spyod pa la sogs pa'o/ /grong dang grong du de song nas/ /pho nya kun du rnam par gnas/ /pho nya ral gri'i so bsten dang //dag byed sdig pa 'jig byed pa/ /rtag tu rab myos mar gsungs pa/ /rnal 'byor pa grong dang grong khyer la sogs par song ba ste kun spyod du yang / ji ltar he ru ka dpal shes/ /ji ltar 'dod bzhin yongs su rgyu/ /zhes so/ /rnal 'byor ma de'i mchod pa dang hUM gi gzugs dang brda dang brda can dang /khyim lnga la sogs pa'i grong du gnas pa nyid kyi 'khor lo'i rnal 'byor ma rnams bsgrub par bya ste/ gang las thams cad du g.yon ma'i 'jug par 'gyur ba lhur len pa'o/ /ral gri'i so ni rnam par 'joms pa'i mtshan nyid do/ /gang las mchod par byas pa dang mchod par 'dod pa nges par sreg par byed do//nges par rlom pa'o zhes pa'i don to/ /sgra ji bzhin pa'o/ /pho nya mo 'khrig pas legs par 'grogs pa las sgrub pa pos dngos grub thob par 'gyur/ /bzlas brjod bsam gtan sogs bral bas/ /yun mi ring bar nyid grub byed//rnal 'byor pa rnams sngags phyag rgya/ /sna tshogs mchod pa rab 'jug pa/ /rdo rje mchod pa las gzhan med/ /spyod pa'i brtul zhugs bla na med/ /ces so/ /bsten pa'i 'bras bu gsungs pa/ dngos grub skad cig gcig gis rdzogs par byang chub pa'o/ /bla mar yang / rnal 'byor bzang mo'i spyod pa yis/ /gnyis med ye shes sems ldan pas/ /skad cig gcig gis rdzogs byang chub/ /mchog tu rtag pa thob par 'gyur/ /zhes so/ /yun mi ring ba ni skad cig gcig gis sgrub par byed pa ste/ mthar thug pa'i rten yongs su gyur ba'i sangs rgyas nyid rdo rje'i mchod pa bud med dang 'grogs pa'o//bcom ldan 'das kyis kyang gsungs pa/ phyag rgya rab tu 'grogs las shin tu rnam dag bde ba nyid/ /yang dag thob ste dmyal ba'i sdug bsngal 'jig par byed/ /skye ba 'di nyid la yang rang gi lus kyis ni/ /bdud ni bcom pa de dang 'di la ngo mtshar ro//bud med skye gnas 'grogs las ma nyams bde ba ni/ /skal ldan rnams kyis de thabs sbyor bas blang bar gyis/ /zhes so/ /pho nya'i lam la dga' ba ni dag pa'o/ /sgrub pa po ni dngos grub brtson/ /tsA ru rtag tu bza' bar bya//rig mas lhan cig de nyid 'chang / /zhes so/ /kha sbyor 'byung ba'i rgyud du yang / /mi khyi'i skyugs pa bsres dang sha /rdo rje'i chu dang sbrang rtsir ldan/ /rnam snang mdzad dang kun du bsres/ /rnal 'byor pas ni rtag tu bza'/ /zhes so/ /de nyid 'chang ni de'i de nyid stong pa nyid dang snying rje tha mi dad pa de 'chang ba'o//dgongs pa ma yin pa'o/ /dag pa'i spyod pa'o/ /rigs rnams kun la spyad par bya/ /bza' min bar ni mi brtag go /dbyer med pho nya mo de yi/ /de nyid las kun rnam par gnas/ /zhes bya ba la sogs pa'i spros pa med pa'i spyod pa gsungs te/rigs kun la ni rigs lnga po rnams la'o/ /dbyer med ni rnam par rtog pa med pa'o/ /de nyid las ni rang bzhin las so/ /kun du rnam par gnas pa ni mthong ba'o/ /sgrub pa rnam pa gnyis rab brjod/ /pho nya mo gcig po 'di las gzhan sna tshogs gzugs dang / pho nya mo de bskul ba'i dngos grub yang dag par gnas pa'o//'di yang pho nya mo gcig mtshan nyid thams cad dang ldan pa las gzhan sgrub pa po la gus pa sna tshogs gzugs dang / gnyis pa phyag rgya chen mo'o/ /gsungs pa yang / byang chub sems dpa' shes rab kyang / /yang dang yang du bsten bzhin pa//rnal 'byor gdon mi za bar skye/ /zhes so/ /dngos grub yang dag par gnas pa la ni dngos grub la mtshan gnyis 'dir gsungs pa/ bla ma brgyud rim las thob pa/ /mngon par dbang bskur sngags legs ldan/ /phyag rgya kun sbyor las tshul khrims/ / yongs rdzogs ye shes lus las skye/ /zhes pas tshogs gsum nges par ston par byed do/ /bla ma brgyud pa dang drug rdzogs pa dang / 'khor lo skyes pa'i bsod nams so/ /rim pas thob pas ni bsod nams kyis so/ /mngon par dbang bskur ni bzhi pa thob pa'o/ / sngags legs ldan ni rgyu dang 'bras bu gnyis su med pa 'dis so/ /bla ma rnams kyi rjes su zhes pa 'dis bsod nams dang ye shes kyi tshogs gsungs so/ tshul khrims ni tshul khrims kyi tshogs te tshul khrims kyi spyod pa'o/ /gsungs pa yang / tshul khrims spyod pa dri med yongs rdzogs pa//rtag tu ma nyams skyon med spyod pa ni/ /zhes so/ /gsungs pa yang tshul khrims kyi tshogs kyi don du bud med rnams kyi mkha'i pad+mar smad par mi bya'o zhes so/ /yongs su rdzogs pa'i tshogs gsum po rnams kyis ye shes lus skye ste thams cad mkhyen pa nyid do//gsungs pa yang / tshogs gnyis yongs su rdzogs pa ni/ /byang chub sems dpar rab tu brjod/ /tshogs gsum yongs su rdzogs pa ni/ /ston pa thams cad mkhyen par brjod/ /ces te sgra ji bzhin pa'o/ /nang par sngar langs sems dag nyid//lus la ma lus byas nas ni/ /yan lag las 'das mtshon cha rnams/ /lus la gnas pa kun du spyod pa gsungs te/ sems dag ni rdo rje mkha' 'gror gsungs pa'i dgongs su gsol zhes bya ba la sogs pas rdo rje sems dpa'i sdom pa gzung ba'o//rdo rje rtse mo'i rgyud du yang gsungs pa/ sems ni ma skyes pa la yang / /dngos grub 'ga' yang thob mi 'gyur/ /dpal 'dus par yang 'di lta ste/ dngos po thams cad dang bral ba/ /phung po khams dang skye mched dang / /gzung bya 'dzin pa po spangs pa//chos bdag med pa mnyam nyid pa/ /rang sems gdod nas ma skyes pa/ /stong pa nyid kyi rang bzhin no/ /zhes so/ /lus pa ni dum bu'o/ /ma lus pa ni lus pa med pa ste/ byas nas ni so sor byin gyis brlabs pa'o/ /'di lta ste kun spyod du gzugs kyi phung po la rnam par snang mdzad do//tshor ba'i phung po la rdo rje nyi ma'o/ /'du shes kyi phung po la pad+ma gar gyi dbang phyug go /'du byed kyi phung po la rdo rje rgyal po'o/ /rnam par shes pa'i phung po la rdo rje sems dpa'o/ /de bzhin gshegs pa thams cad nyid la dpal he ru ka rdo rje'o//mig dag la gti mug rdo rje'o/ /rna ba dag la zhe sdang rdo rje'o/ /sna dag la phrag dog rdo rje'o/ /kha la 'dod chags rdo rje'o/ /reg la ser sna rdo rje'o/ /skye mched thams cad la dbang phyug rdo rje'o/ /sa'i khams la ltung byed ma'o/ /chu'i khams la gsod byed ma'o/ / me'i khams la 'gugs byed ma'o/ /rlung gi khams la gar gyi dbang phyug ma'o/ /nam mkha'i khams la pad+ma'i dra ba can ma'o/ /de ltar phung po dang khams dang skye mched rnams la lha'i nga rgyal bskyed par bya ste thams cad la'o/ /bla mar yang / lung dang bral ba'i rnal 'byor pa//sangs rgyas rigs can 'byung bar 'gyur/ /lung ni dor bar mi bya zhing / /dkon mchog gsum shes dor mi bya/ /thogs med lus la gnas pa ni/ /bstan bcos bshad pa mthong ba'i phyir/ /ril bu kha ru gzhug par bya/ /lus kyi dag byed byas nas ni/ /de nas phyag rgya kun du spyad//ces so/ /dag byed byas nas ni rang gi lhag pa'i lha'i rnal 'byor gyis so/ /yang na dang por gsang sngags brjod par bya ste/ oM swa b+hA ba shud+d+haHsarba d+har+m+mAHswa b+hA wa shud+d+hou0f85haM zhes bsam par bya'o/ /rang gi snying gar ra yig bskal pa'i me ltar bsgom par bya'o/ / de las byung ba'i rdo rje nyi ma 'bar ba'i phreng bas 'khrugs pa/ de'i steng du hUM chen po 'jig pa'i me dang mtshungs par 'gyur ro/ /rdo rje des slar yang rdo rje las byung ba'i he ru kar bsam par bya'o zhes bshad pa'i rgyud du'o/ /phyag rgya kha cig la sogs pa/ /rnal 'byor gnas rnams nges bstan bya//mtshon char brjod la 'gom mi bya/ /dam tshig gnas gang smad mi bya/ /mngon par brtson las 'da' mi bya/ /de yis lhan cig bde ba bya/ /grol ba'i don du bde ba gzung / /zhes te/ mngon par brtson pa ni sgrub pa dang ldan pa'o/ /de yis ni mkha' 'gro ma rnams kyis so//bde ba gzung bar bya'o/ /grol ba'i don ni skye ba 'di kho na la bde ba byang chub kyi sems te/ rnal 'byor gyi rgyud du yang gsungs pa/ dngos grub kun gyi gter gyur pa/ /byang chub sems ni lhung gyur na/ /phung po rnam shes brgyal gyur la/ /dngos grub smad med ga la yin//zhes so/ /da ni dur khrod la sogs par mtshan mo rgyu ba gsungs pa/ de nas dam tshig spyod byas nas/ /slar yang rnam 'khrul sems dpa' nyid/ /mtshan mo gcer bur yongs su rgyu/ /rtag tu gnas dang dmar bar 'gyur/ /zhes bya ba la sogs pas thog mar rang gi khyim du mnyam par bzhag pas dam tshig gi spyod pa spyad par bya'o//kun spyod du yang / dang por mnyam gzhag rnal 'byor pas/ /'bad de nus pa bskyed par bya/ /nus pa bskyed pa'i rjes thogs la/ /yid la 'dod pa'i brtul zhugs spyad/ /sems can rjes su gzung ba'i rgyur//dpa' bo chen po rgyu bar byed/ /ces so/ /rnam 'khrul sems can thams cad ni/ rnam par 'khrul ba'i gnas skabs kyi lus kyi bya ba'o/ /slar yang bsam gtan las nus pa bskyed nas/ phyi nas spyod pa kun du brtsam mo/ /rang sems bskul pa'i don gyi phyir//yid ni brtan nam g.yo'am ci/ /nag po dmar po ni/ nag po he ru ka /dmar po phag mo'i dngos por 'gyur ro zhes pa drang ba'i don to/ /nag po 'jigs pa'i phung por gnas pa de'i tshe ma chags pa thams cad stong pa sgom pa po'o/ /nges pa'i don to/ / mgul rgyan gtsug phung dpung rgyan dang / /rna rgyan tshangs pa'i skud pa can/ /mgrin par mgo bo'i phreng ba 'phyang / /'og pag sil sil sgra sgrogs pa/ /ral pa'i cod pan dar dpyangs dang / /skra sogs phyin ci log gis brgyan/ /rdo rje pad+ma kha T+wAM bcas/ cang te'u hUM gi sgra sgrogs pa//zhes so/ /dpal ldan rgyal bu gzhon nu'i brtul zhugs kyi lam gsungs pa/ rdo rje pad+ma bcas pa ni/ rdo rje a ral+lir yang / shing las byung ba'i rdo rje byas/ /de bzhin shing byung dril bu ni/ /bzung nas rtag tu yongs su rgyu/ /he ru ka nyid rab sgrub ched/ / mi yi rus pa'i mgul pa'i rgyan/ /sogs byas ral pa'i cod pan sogs/ /phyin log ro yi skra las skyes/ /zhes so/ /dpa' bo kun dang rnal 'byor ma/ /go cha gsum gyis brgyan pa dang / /srog chags yan lag pags pa gyon/ /bde ba don gnyer bde bskyang bya/ / mchod phyir thogs pa spangs nas ni/ /he ru ka dpal gtsang sbrar gnas/ /phyag rgya lnga dang yang dag ldan/ /sgrub pa po ni dngos grub brtson/ /zhes so/ /dpa' bo zhes pa ni dpa' bo nyi shu bzhi rnams kyis lus kyi khams la lhag par gnas par bya'o/ /gsungs pa yang / thod pa'i dum bu la sogs kun//lus kyi khams la brtags pa'o/ /go cha gsum ni shes rab dang thabs dag gi go cha gnyis so/ /dpa' mo rnams kyi yang spyi bo la sogs par rab gtum ma rnams so zhes 'di nyid du 'chad par byed do/ /de bzhin du yang spyi bor rab gtum ma'o//spyi gtsug tu gtum pa'i mig can ma'o zhes pa la sogs pa'i nga rgyal brjod la bsam par bya'o/ /rgyud du lhag par gnas pa las gzhan dpa' bo drug shes rab dang thabs gsungs so/ /dpa' bo rnams brjod par bya ste/ de bzhin du bla mar yang sen mo dang so dag la thod pa'i dum bu'o//skra dang spu dag la keng rus chen po'o/ /pags pa dang dri ma la keng rus so zhes bya ba la sogs pa lha mo rnams dgod pa bzhin du rtogs par bya'o/ /de ltar bdag nyid rnam bsams nas/ /tsham ngam sngags kyis legs par bsrung / /rkang pa brgyad pa'i sngags nyid ldan//tshangs par spyod pas rtag tu bza'/ /zhes gsungs so/ /srog chags ni stag go/ /bskyod par bya ba ni 'gro ba'o/ /bde ba ni ji lta ba bzhin du 'gyur ro/ /drang ba'i don to/ /rnal 'byor bde ldan sdug bsngal bral/ /zhes so/ /mchod phyir thogs skud pa las skyes pa yang dag par spangs nas/skra las skyes pa bcang bar bya'o/ /gtsang sbra 'di dag dpal he ru ka'i rgyud du rnam pa gsum du gnas so/ /thal ba dang ni mchod phyir thogs/ /dus kun du ni rnam par gnas/ /rigs dang rigs min ngor mi blta//gtsug tor 'ching bar byed pa spang / /zhes pa'i rigs ni bram ze la sogs pa'o/ /rigs ma yin pa ni gtum mo la sogs pa 'ching bar byed pa'o/ /rigs dang rigs ma yin pa rang bzhin gcig pa dang gcer bu dang skra grol ba yang ngo / /sgra ji bzhin pa'o/ /pho nya gtsang sbra dang po ste//gnyis pa zla ba yin par 'dod/ /gsum pa rnal 'byor ma lhan cig /zas gcig tu ni za ba yin/ /zhes pho nya mo nyid kyis lhan cig pa'o/ /rdo rje a ral+li ru yang / /gzugs dang lang tsho phun sum tshogs/ /tshul khrims kun spyod yon tan ldan/ /phrag dog rmongs chags la sogs spang //de bzhin sgrin zhing ngo tsha shes/ /bla mar yang / rang nyid gsang sngags rig pa ste/ /thabs cig rig pa'i brtul zhugs spyad/ /ces so/ /zla ba ni myos byed do/ /kun spyod du yang / zla ba 'thungs nas rtag pa yi/ /dngos grub go 'phang mchog tu 'gyur//zhes so/ /bla mar yang / bshang ba sha chen zos nas ni/ /dga' ba lhan cig myos byas 'thung / /sems gnas 'chi med khang pa ru/ /'dren pa dpa' bo bsgom par bya/ /sgrub po gtsang sbra 'di yis ni/ /dngos grub rtag pa thob par 'gyur/ /gtsang sbra 'di tsam nyid kyis ni//rnal 'byor pa rnams kun du 'gro/ /zhes so/ /yan lag dang / mgo bo dang / yid 'dis dngos grub dri ma gsum dang bral ba'o/ /chu la sogs pa gzhan gyis ni ma yin no/ /bshad pa'i rgyud du yang / zla ba nya dang 'phos pa dang / /ches dang ches la brtag par bya/ /rnal 'byor dri ma bsal ba'i khrus bya 'am//yang na mi bya'o zhes so/ /bya ba gzhan la sogs pa yang gsungs pa/ brjod pa bzlas pas kun du bshad/ /yan lag bskyod sogs phyag rgya ste/ /lha yi rnal 'byor dmigs nas ni/ /gang phyir rtag tu gnas par bya/ /mang du brjod pas ci zhig bya//'jig rten bya ba gang la gnas/ /rdor sems go 'phang thob don du/ /phyin ci log gis gnas par bya/ /rigs bzhi la ni slong mo spyad/ /mkhas pas phru ba chag par ni/ /bza' bya chu klung 'gram du ni/ /rang sems rab tu gsal bar bya/ /byi la'i rkang pa tsam gyis ni/ /bsod snyoms bzung nas blo bzangs ldan//blangs pa nyid bcas bza' bya zhing / /ma byin rtag tu blang bar bya/ /mi yi g.yon nas bskor bya zhing / /rab myos skye bo'i g.yon nas so/ /ma nges pa yi khyim du gnas/ /'grub 'gyur 'dir ni the tshom med/ /de nas 'dir ni lha mchod pa/ /chu klung 'gram dang nags yul du//bdag gis lha nyid mchod par bya/ /bdag gis gsang sngags yang dag brjod/ /me tog la sogs lhag gnas bya/ /mi gang phyag rgya 'gom mi bya/ /'jug bya mngon par dga' mi bya/ /bgrod bya'i gzhon nu ma rtag btang / /blo ldan bgrod bya min pa bsten/ /de bzhin nyan thos skal ngan la//yid brtan pa nyid mi bya'o/ /zas byed pa dang thod can nyid/ /de bzhin ral pa 'chang nyid lang / /zhes so/ /gding ba'i dam tshig ni pags pa'o/ /'phangs kyi dam tshig ni gang zag rnams kyis so/ /stan gyi dam tshig ni/ srog chags khyi gzhom par mi bya'o/ /brjod par bya ba ni brdzun tshig ma yin pa'o//ma byin pa ni gzung ba ma yin pa kho na la ste gzhan gyi chung ma bsten par mi bya'o/ /nyin mo gnyid log mtshan dus su/ /sad las shin tu mnyam par gzhag/ /sha chen po ni za bar byed/ /chu chen rab tu 'thung byed dang / zhes so/ /sgra ji bzhin pa'o/ /de nyid bsdus las gang rab gsungs//mchog gi dang po 'phrog byed rgyud/ /gsang ba'i rgyud du yang dag bshad/ /rdo rje 'jigs byed kye rdo rjer/ /brtul zhugs bya ba spyod bzlas pas/ /dngos grub nyid sgrub brtul zhugs can/ /de 'dir bsam gtan tsam gyis ni/ /sngags pas skad cig las bsgrub bya//zhes pa ni/ de nyid bsdus pa zhes pa gnyis ka'i rgyud do/ /mchog gi dang po ni rtog pa ru'o/ /'phrog byed rgyud du ni rta mgrin gyi rgyud du 'am gsang ba'i rgyud du'am thun mong ma yin pa'i gsang ba ru'o/ /bsam gtan gyis na 'dir spyod pa la sogs pa dang bral bas thams cad 'byung bar 'gyur ro zhes brjod do//'dis rgyud kyi bdag nyid che ba nyid smos so/ /sgra ji bzhin pa'o/ /shin tu spros pa med pa'i spyod pa'o/ /de ni rang byin gyis brlab pa shin tu dag pa'i rim pas spyod pa brjod par bya ste/ rnal 'byor lam dga'i rnal 'byor pa/ / gtsang sbra 'di ni kun du spyad/ /gtsang sbra'i bsod nams gang 'gyur ba/ /de ni smra bar nus ma yin/ /zhes bya ba la sogs pas so/ /'dir brjod pa gsum dang 'chad bzhin pa'i bzhi pa'o/ /he ru ka dpal ye shes che/ /rnam dag dngos grub thams cad sbyin/ /bde ba'i chu 'thungs pa nyid las//sgrub pa gnyis med rnal 'byor ldan/ /zhes pa la dpal he ru ka ni dmigs pa dang bcas pa'i stong pa nyid do/ /ye shes che ni dmigs pa med pa'i snying rje'o/ /rnam dag ni de gnyis 'od gsal ba'o/ /dngos grub thams cad sbyin pa de'i chu ni bde ba nyid kho na chu ste/khu ba'i gzugs dang ba nyid las so/ /'thungs pa las ni snang ba med par byed pa las so/ /gnyis med ni gnyis ma yin pa la der brjod do/ /de bzhin du yang gsungs pa/ dam tshig zla ba bdud rtsi de za ba ni 'pho med yin/ dgongs pa ma yin pa'o/ / byang chub sems ni gang srung ba/ /dag byed sdig pa 'jig byed pa'o/ /sdig pa thams cad rnam nges grol/ /dag pa'i lus ni nad med pas zung 'jug gsungs so/ /byang chub kyi sems ni lha'i rnal 'byor ro/ /phyi rol du 'gyur ba med pa'i don to/ /byang chub kyi sems ni rlung gi yan lag bsdus pa'o//byang chub kyi sems ni zla bar 'gyur ro/ /sbas pa'o/ /byang chub kyi sems ni mchog gi de kho na nyid stong pa nyid do zhes pa yang mthar thug pa'o/ /bsrung bar bya ba ni bskyed par bya ba ste slob dpon gyi zhabs kyis kyang gsungs pa/ shin tu mnyam gzhag byang chub sems//'bad pas bskyed par bya ba yin/ /'khor bar bya ba rab sgrub phyir/ /thabs gzhan yod pa ma yin no/ /skyes gang skad cig gcig nyid la/ /byang chub sems ni rab bsgom pa/ /de yang bsod nams phung po ni/ /bgrang bar nus pa ma yin no/ /dag pa'i lus ni rnam par dag pa'i lus dang /ngag dang / yid dang ye shes dang ldan pa'o/ /gsungs pa yang / rgyu dang 'bras bu 'gog pa las/ rgyal ba'i lus dang dbang po gzhan/ /gsung dang thugs dang bde ba'ang gzhan/ /phung po'i tshogs pa gzhan pa'o/ /dgongs pa ma yin pa'o//de nas pho nya mo rnams gang / /reg dang smra bas kun du spyad/ /nyon mongs thams cad rnam dag bdag /bde bar gshegs pa'i sa thob byed/ /rgyal ba'i dbang po skye 'gyur zhing / /chos ldan rgyal po'i rigs su 'gyur/ /rdo rje rtag tu mchod byas nas/ /rang nyid gus par gtor ma sbyin//zhes pa ni/ reg pa nges par rtog pa dang / /kun du smra ba thob pa nyid ni pho nya mo ni rigs ldan mo'o/ /rtsa ba'i rgyud du yang / khrag ni shes rab zla rtag tu/ /thabs de nyi ma nyin mo'o/ /gnyis ka la gzhan ma zhes nges par brjod/ /rtag tu 'jig rten bde ba che//dgongs pa'o/ /kun du spyad par bya ba ni dmigs pa med pas bsgom par bya ba'o/ /'phags pa'i zhabs kyis kyang gsungs pa/ skye ba med cing dmigs med dang / /stong nyid gang zhig sgom par byed/ /zhan pa'i bdag nyid de bsgom pa/ /'di ni dmigs pa med pa'i sems//gnas pa nam mkha'i mtshan nyid do/ /zhes so/ /nyon mongs thams cad ni nyon mongs pa dang / nye ba'i nyon mongs pa rnams so/ /bde bar gshegs pa ni bcu gsum pa sangs rgyas kyi kun du bzang po la sogs pa'o/ /gsungs pa yang / /rdo rje 'dzin pa dge ba'i sa//bcu gsum par yang rnam par bshad/ /gru gsum rnam pa'i chos 'byung ba/ /de ni b+ha gar brjod par bya/ /skye ba ni de nas thob pa'o/ /rgyal ba'i dbang po rnams so/ /rgyal po ni 'khor los sgyur ba'o/ /rgyud gzhan du yang gsungs pa/ rnal 'byor dbang po rab tu g.yo ba'i yid kyis rnal 'byor ma thob nam zhig 'chi bar gyur pa na//dpal ldan mi yi 'jig rten du ni rab mchog grub pa'i rigs su rnal 'byor ldan par skye bar 'gyur/ /zhes so/ /chos dang ldan pa ni mi dge ba bcu dang bral ba'o/ /rdo rje mchod pa ni myos byed dang bsam gtan no//dpal 'dus pa phyi mar yang / myos byed rigs ni dbyer med pa/ /rig ma'am pad+ma'i phyag rgya'o/ /zhes so/ /dpal rdo rje mkha' 'gror nges par bstan pa/ chang ni zla ba zhes su grags/ /rdul ni nyi ma zhes bshad do/ /rab 'jug ro mnyam dngos por ro/ /byen gyis brlab pa go 'phang spyod//ces phyi mar ro/ /gtor ma ni/ bgegs kun rnam par 'joms byed pa/ /zhes so/ /bla mar yang / rkang pa g.yas brkyang sbyar ba yis/ /'bar ba'i phyag rgya bcing bar bya/ /kha ni dam tshig gis bkang nas/ /'di lta'i gsang sngags rjes dran bya/ / oM a ral+li hoHdzaHhUM bo hoHbadzra DA ki n+yaHsa ma ya s+t+waM dr-i sh+ya hoHde ltar lan gsum bzhi 'am lngar/ /yang nas yang du brjod par bya/ /lugs mthun lugs dang mi mthun pas/ /thod par sbyin par bya ba'o/ /gtsang sbra'o/ /rdo rje thal mo gyen phye la/ /sngags 'di bzlas par bya'o//oM kha kha khA hi khA hi sarba yak+Sha rAk+Sha sa b+hU ta pre ta pi shA tsa un+mA da/ a pasma ra DA ka DA ki n+ya da ya/ i maM ba liM krah+nan+tu sa ma yaM rak+Shan+tu ma ma sarba sid+d+him+me pra yats+tshan+tu ya thai waM/ ya theSh+TaM/ b+hu ny+dza tha/ dzig+h+ra tha/ pi ba tha/ mA ti kra ma thA/ ma ma sarba kA rta yA sat+su kha pi br-id+d+ha ye sa ha yI ka b+ha ban+tu hUM hUM phaT swA hA/ de ltar cho ga 'di yis ni/ thun mtshams bzhi ru sbyin par bya/ /zhes pa drang ba'i don to/ /gtor ma sbyin par bya'o/ /bza' bar bya'o/ /de nyid du sha bza' bar bya ba'i don du mtha' gcig tu bde bar kun du gnas te mnyam par gzhag pa'i sbyor ba ni thams cad kho nas bza' bar bya'o zhes pa nges pa'i don to//rang rang las la gang gsungs bzhin/ /cho ga sbyar la sbyin par bya/ /nag po'i phyogs kyi bcu bzhi pa'am/ /dkar po 'am de nas pho nya mo/ /myur du dngos grub byed pa ni/ /rab tu 'bad pas mchod par bya/ /rdo rje mchod pa'i cho ga yis/ /de bzhin myos byed sha sogs kyis/ / zhes pas rnal 'byor ma'i mchod pa gsungs te/ rang rang las zhes pa so so'i las kyi rjes su 'brangs nas gtor ma sbyin par bya'o/ /bcu pa la sogs pa rdzogs pa drug gzung bar bya'o/ /kun spyod du yang / nag po'i phyogs kyi bcu pa dang / /de bzhin dkar po'i phyogs la'ang 'gyur/ / de nas kyi sgra las rgyal can gyi bcu pa gzung bar bya ste/ kun spyod du yang / rgyal gyi zla ba sogs brtsams nas/ /bcu pa la ni gus pas mchod/ /dam pa'i skye bo kun 'dus la/ /dngos po dam pa thams cad dbul/ /der ni tsA ru'ang bza' bya zhing / /snod gnyis ma lus kun tu gnas//de yi lag tu 'ongs pa'i dpal/ /su yis kyang ni gzhom mi nus/ /zhes te sgra ji bzhin pa'o/ /pur+Na la sogs gnas la sogs par gtso bo bzang / mkha' 'gro ma brgyad kho na de ltar gnas pa yang / rdo rje lha mo myos byed rnams dang sha yis kyang / /dpal gsang mchod pa la sogs rnams kyis phyogs gcig tu//skye bo gus par ldan pas de rnams mchod byas pa/ /he ru ka dpal mngon par mnyes gyur pa/ /rang gi pho nya mchog dang rnal 'byor pa rnams la/ /ma gu ba'i sems kyis mchog ni stsol bar 'gyur/ /zhes so/ /de rnams du zhig na sum cu rtsa bdun no//pho nya mchog 'ba' zhig tu ma zad kyis rnal 'byor pa la mchog stsol bar 'gyur ro zhes so/ /mtshan mo skra grol gcer bur gyur/ /brtul zhugs can gyis gtor ma sbyin/ /phyag rgya he ru kar sbyor bas/ /de ni ma mo rnam gnyis 'gyur/ / zhes so/ /brtul zhugs ni rig ma'i brtul zhugs gzung ba'o/ /phyag rgya ni 'bar ba'i phyag rgya'o/ /sbyor bas ni las kyi rjes su 'brang ngo / /slar yang / gnas ni mtshan mor rnal 'byor pas/ /gcer bu skra grol gyur nas ni/ /lho phyogs kha bltas 'dug pa yis/ /ji lta'i las kyi rjes 'brang bas//de nyid gsum gyi mngon bsngags te/ /mtshan phyed dus su gtor ma sbyin/ /zhes so/ /da ni rdo rje'i sdom pa brjod par bya ste/ de bzhin du yang rdo rje mkha' 'gror gsungs pa/ /sangs rgyas chos dang dge 'dun la/ /rtag par bdag ni skyabs su mchi//sangs rgyas byang chub sems dpa' kun/ /bdag la dgongs par mdzad du gsol/ /bdag ming che ge zhes bgyi bas/ /dus 'di nas gzung ji srid du/ /byang chub snying por gnas kyi bar/ /ji ltar dus gsum mgon po rnams/ /rdzogs byang chub tu nges mdzad pa/byang chub sems ni bla na med/ /dam pa bdag gis bskyed par bgyi/ /rnam gsum tshul khrims bslab pa yang / /dge dang chos ni sdud pa dang / /sems can don bya'i tshul khrims rnams/ /bdag gis brtan por so sor gzung / /sangs rgyas chos dang dge 'dun te//dkon mchog mchog gsum bla na med/ /sangs rgyas rnal 'byor las skyes sdom/ /deng nas brtsams te gzung bar bgyi/ /rdo rje chen po'i rigs bsdus la/ /rdo rje dril bu dang phyag rgya/ /de nyid las ni so sor gzung / /slob dpon yang ni gzung bar bgyi/ /rin chen chen po'i rigs rung ba//dam tshig yid du 'ong ba la/ /nyi ma nyi mar drug byas nas/ /sbyin pa bzhi ni rab sbyin bgyi/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum/ /dam chos so sor gzung bar bgyi/ /las chen po yi rigs bsdus la//sdom pa thams cad yang dag ldan/ /de nyid las ni so sor gzung / /mchod pa'i las ni ci nus bzhin/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir/ /sdom pa mtha' dag gzung ba dang / /ma brgal ba rnams bsgral bar bgyi//ma grol ba rnams bdag gis dgrol/ /dbugs ma phyin pa dbugs dbyung zhing / /sems can mya ngan 'das la dgod/ /de la dang por bde bas nye bar zhugs te/ /lce la ma las skyes pa'i zla ba la hUM las skyes pa'i rdo rje dkar po rnam par bsams nas//rdo rje thal mo spyi bor bcings te/ oM swa b+hA wa shud+d+haHsarba d+har+m+mAHswa b+hA wa shud+d+hou0f85haM/ zhes brjod nas sdom pa gzung bar bya'o/ /de nas ras ris la sogs pa la gnas pa'am/ mnga' bdag yang dag par mchod nas/ /thog ma bar dang tha mar ni/ /gsang sngags y i ge brgya pa bzlas//de bzhin du yang bla mar gsungs pa/ oM badzra he ru ka sa ma ya ma nu pA la ya/ he ru ka twe no pa tiSh+Tha dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha sarba karma su tsa me tsit+taM shre yaHku ru hUM ha ha ha ha hoHb+ha ga wAn badzra he ru ka mA me muny+tsa he ru ka b+ha ba ma hA sa ma ya satwa AHhUM phaT/de ltar kun la khyab pa yi/ /bcom ldan yi ge brgya pa'o/ /zhes so/ /de nas ting nge 'dzin gsum gyis brtags pa'i rnal 'byor bsgom par bya'o/ /rdo rje phag mo'i rang bzhin nyid kyis sin+d+hu ra bsgrub par bya'o/ /grub pa shA ba ra la sogs pas sbyar ba'i cho gas 'dzin pa'i dus su shin tu phyis pa'i me long gi mthil du sin+d+hu ra btab nas gser gyi thur mas zur drug pa bris pa'i dbus su gsang sngags bris nas phyi rol gyi zur du dga' ba 'khyil ba'i phyag rgya bri bar bya'o//nye bar spyod pa lnga la sogs pas mchod nas bzlas te gshegs su gsol bar bya'o//sin+d+hu ra de zangs kyi snod du gzhag par bya'o/ /de nas lArga li'i sbubs kyi dbus su bcug na ji skad gsungs pa'i dam tshig gis yang dag par mchod nas phyag rgya chen po'i dngos grub bdag la byin cig ces phyag 'tshal bar bya'o//de ltar zla ba drug tu nyi ma so sor byas nas mthar rnal 'byor ma rnams bza' ba dang btung bas kun du tshim par bya'o/ /spyod pa la 'jug pa'i gnang ba dang dngos grub kyang gsol bar bya'o/ /de smyon pa'i spyod pa spyad par bya ste/ thod pa bzung nas de sin+d+hu ras dga' ba 'khyil pa'i thig le byas te srad bu thogs la tshong dus dang /khron pa dang nye bar bud med rnams rnam pa mang pos g.yon nas bskor bas bskor bar bya'o/ /sngags kyang bzlas par bya'o/ /gang la thig le'i mnan pa mthong ba de mnyes par byed do/ /zla ba drug gis mtshams med pa lnga byas pas kyang 'grub par 'gyur ro//mnyam par ma bzhag pa'i sbyor bas bsgom par bya'o zhes pa ni sgom par byed pa na gcer bu'am gal te gcer bu ma yin pa rung ste/ gang du ji ltar gsungs pa de ltar der ro/ /gtor ma'i cho ga'o// //nang gi gtor ma gsungs pa/ /rdo rje mchod pa rnam dag bdag/ / ri bong can zhu thig le 'chang / /mya ngan 'das byung dpa' ba ni/ /de nas bdag nyid mchod par bya/ /zhes pa dag pa ni chags pa ma yin pa las dag pa dag yod pa ma yin no zhes brjod do/ /chags la zhen pa zhes so/ /mya ngan 'das byung ni gsal bar he ru kar yang dag par byung ba'o/ /kun spyod du yang /he ru ka dpal myang 'das byung / /drug pa sems kyi sprul pa yin/ /dag pa'i chos kyi sprul pa ni/ /phag mo'i gzugs su bstan pa yin/ /zhes so/ /dpa' bo sngon po 'am dgongs pa'o/ /sangs rgyas sogs rnams dpa' kun rnams/ /rnal 'byor ma rigs 'dren pa mo/ / zla ba 'dus pa legs gnas pa'i/ /spyod pa'i spun ni mchod par bya/ /spyod pa'i spun ni rdo rje spun rnams so/ /zla ba 'dus pa legs gnas pa ni dam tshig can du gsal lo/ /spun rnams kyis dang rang gi bu rnams kyis lhan cig tu bde ba dang sdug bsngal rjod par byed kyis de rnams la sngags dang phyag rgya la sogs pa dang sangs rgyas kyi ye shes rab tu gsal bar bya ba ni ma yin no zhes so//de rnams kyis pha ma dang 'brel pa de rnams la gsang sngags sbyin par mi bya'o/ /rnal 'byor gyi rgyud du yang / lha mo sbas pa de gzung bya/ /pha dang bu yis yid brtan min/ / sgra ji bzhin pa'o/ /de rnams kyi lhan cig tu tsA ru bza' bar mi bya'o/ /dam tshig spyod pa sun 'byin pa 'di rnams la sngags la sogs pa sbyin par mi bya'o/ /nye bar bstan pa nyams mi bya/ /zhes te 'brel bar gyur pa de rnams kyis dang slob dpon gyi bu dad pa med pa rnams dam tshig gi spyod pa srun zhes la ba'i na bza' can gyi zhabs kyis so//dam tshig ces pa ni bsrung bar bya ba dang bza' bar bya ba'i mtshan nyid do/ /de rnams kyang sbyin par mi bya zhing / de rnams la de kho na nyid kyang ngo / /sgra ji bzhin pa'o/ /dam tshig la gnas pa rnams la don ji lta ba bzhin du nye bar bstan pa la sogs pa sbyin par bya'o//pho nya ma gtogs gzhan dag la/ /'dod pas rmongs pas 'gro mi bya/ /zhes pa ni nye bar bstan pa la sogs pa ni kun rdzob kyi bden pa dang / don dam pa'i bden pa zung 'jug go/ /la sogs pa'i sgra las rdo rje bzlas pa dang phra mo'i rnal 'byor ro//dam tshig gnas pa ni dam tshig gcig pa'i slob ma bzang po rnams la'o/ /rdo rje bdud rtsi'i rgyud du yang / /g.yo can la min rgyan po rnams la min/ /dam tshig sdang la yod pa ma yin no/ /bla ma la gus rnam par dul ba dang / /phrag dog chags pa rnam par spangs pa dang //dkyil 'khor rab zhugs slob ma bzang po la/ /rdo rje theg pa'i 'dren pa po la ni/ /de la rgya chen mchog 'di ni/ /de nyid mchog ni bstan par bya/ /rgyud gzhan du yang / gang yang rgas pa'i dngos por gnas/ /gang yang rtog ge dga' ba'i mi/ /dge slong dngos por gnas pa gang //de la de nyid bstan mi bya/ /zhes so/ /pho nya mo ni phyag rgya rnams so/ /dang ba'i don to/ /pho nya mo ni rnam pa thams cad kyi mchog dang ldan pa'o/ /nges pa'i don to/ /gzhan ni dam tshig dang bral ba'o/ /sgra ji bzhin pa'o/ /pho nya mo la zhen pa ni grub pa'o/ / pho nya ma gtogs ni zad par gyur pa'o/ /gang rim pa las 'da' bar byed pa ni skye gnas dman la dga' bas gnas pa la legs pa'i rnam pa la sbyin par mi bya'o/ /tha ma la pa'i rnal 'byor ba de rnams kyi ma 'am sring mo bu mo dang / chung ma 'am pho nya mo nyid gnas/ /zhes pa la/ pho nya mo ni bud med de//rnal 'byor sdom pa'i rgyud du yang / sgyu ma dag ni thams cad las/ /bud med sgyu ma khyad par 'phags/ /yang dag rdzogs sangs rgyas grub 'gyur/ /zad par gyur pa ni dman pa'i theg pa la brten pa'o/ /rnal 'byor gyi rgyud du gsungs pa yang / 'di de sangs rgyas thams cad kyi//rig ma'i brtul zhugs bla na med/ /blun po gang zhig 'da' byed pa/ /de la mchog gi dngos grub med/ /ces so/ /dpal he ru ka mngon par brjod par yang / /pho nya mo rtag zhen thar la/ /'da' ba yis kyang longs spyod bya/ /skye gnas dman la dga' bar gnas//bsnyen bkur nyid ni bya ba min/ /zhes so/ /'ang gi sgra las mthar skyes mo bsten du yang shin tu bzod cing khyad par 'phags pas bsten par bya'o/ /dam tshig la sogs pa can no/ /sgra ji bzhin pa'o/ /de yis dka' thub zad par 'gyur/ /'khor lo 'am mchog tu grub pa rnams//'di rnams khu ba 'gugs par byed/ /lhan cig rdzas kyis the tshom med/ /ces pas ma bsten pa'i nyes dmigs gsungs te/ 'dod pa can de rnams kyis ma bsten pa las khros pa rnams kyis dka' thub ste/ brtul zhugs la sogs pa nyams par 'gyur ro//sbyin pa'i bdag po'i 'khor lo las skyes pa'i bsod nams dang / phyag rgya chen po'i dngos grub dang rdzas rnams kyis lhan cig pa'i chos la sogs pa de las kyang gdon mi za bar ro/ /nya la rnal 'byor ma bsten bya/ /tshogs kyi 'khor lo 'am brgyad pa gnyis/ /bcu bzhi pa dang nya la yang //de yi tshes la rnal 'byor ma/ /sngags pas btung bas mchod par bya/ /bde bas kyang ngo / /sbyin bdag gi 'khor lo la yang gdon mi za bar 'dod pa sbyin pas phyag rgya sbyin par bya'o/ /gsungs pa yang / nor gyis rgyu rnyed 'gag pa med pa'i smad 'tshong ma//bsod nams mang po'i rgyu ru de rnams rab sbyin bya/ /rtag pa'i dngos grub rgyu ru gsang ba'i yan lag ni/ /slob dpon chen po'i go 'phang rgyu ru dbul bar bya/ /rnam pa gzhan du bsod nams phyin ci log tu 'gyur/ /bza' ba yon tan brgyad 'gyur mar me'i 'bras bu ster/ / mar me'i brgyad 'gyur shin tu rnam par dag pa'i chang / /chang gi brgyad 'gyur na chung ma la rab sbyor te/ /phyir 'dod pa'i sbyin pa nges par khyad par 'phags/ /rgyud gzhan du yang / 'dod pa'i sbyin pa thams cad du ni bde mnyam 'bras ster 'khor lo'i dus su smos ci dgos/ /yid 'ong chung ma sring mo skal bzangs bu mo rnams kyang gsang ba'i sbyin pa la ni rab sbyin bya//bu mo rgan mo dar ma rnams dang lus ni dri ma dang bcas bram ze mo dang rgyal rigs mo/ /rje mo dmangs mo mthar skyes rnams sam mig dang lag pa dang bral rnam chu sna ni chad ma rnams/ /mtha' dag byang chub rgyu ru thabs dang shes rab thabs kyis mchod par bya ste rgyal po slob dpon snying rje che ba dang //bcas pa'i thugs ldan dri ma dag dang rnam par bral zhing byang chub spyod la rjes su zhen pas so/ /rnal 'byor pa rtag g.yon nas spyod/ /rkang pa g.yon pa sngon du 'dor/ /lag pa g.yon pa rab tu bsgyur/ /g.yon pa steng du so sor mchod//pho nya g.yon pa kun du sbed/ /g.yon pa tshim byed za bar byed/ /brtul zhugs med 'joms brtul zhugs rdzogs/ /sgrub pa po ni de nyid brtson/ /zhes pas so/ /g.yon pa tshim byed za bar byed/ /ces pa ni g.yon pa'i ming med kyis tshim par byed pa la sogs par bya'o/ /tshim par byed pa brjod par bya ste sngags pa'i lag pa la dgod par byas la myos byed lag pa g.yon pa dang oM yig gis sbyang bar bya'o//g.yas pa dang AHyig gis rtogs par bya'o/ /thal mo bkab nas hUM yig gis 'bar bar bya'o/ /nam mkha' lding gi phyag rgya dang hoHyig gis bdud rtsir byas nas ye shes kyi nyi ma lta bu bltas te de nas myos byed kyi thig le g.yon pa'i ming med kyi rtse mos sa la chos 'byung gru gsum du byas nas dbus su zlum po dmar po der ye shes kyi 'khor lo gsal bar bltas la de tshim par bya'o//haM dang rdo rje'i phyag rgyas phyi rol rnams spyan drang / 'dir oM AHhUM ho haM k+Sha a A/i I/ r-i r-I/ u U/ l-i l-I/ a A/ e ai/ ar Ar/ o au/ al Al/ ha hA/ ya yA/ ra rA/ wa wA/ la lA/ ka kA/ kha khA/ ga gA/ g+ha g+hA/ nga ngA/ tsa tsA/ tsha tshA/ dza dzA/ dz+ha dz+hA/ nya nyA/ Ta TA/ Tha ThA/ Da DA/ Na NA/ pa pA/ pha phA/ ba bA/ b+ha b+hA/ ma mA/ ta tA/ tha thA/ da dA/ d+ha d+hA/ na nA/ sa sA/ ny+pa ny+pA/ Sha ShA/ sha shA/ Th+ka Th+kA/ la lA/ wa wA/ ra rA/ ya yA/ ha hA/ k+Sha k+ShA/ zhes shes rab dang thabs sum cu rtsa drug tshim par bya'o/ /k+Sha yig dang lag pa g.yon pa'i rgyab kyis gshegs su gsol lo/ /yul gyi bdag po gtor mas tshim pa yang gsungs pa'i cho ga nyid las so/ /'dir rgyas par bya ba ma yin no zhes bcom ldan 'das kyis gsungs pa'i tshim par byed pa'i cho ga'o//brtul zhugs med 'joms ni brtul zhugs ngan pa'am brtul zhugs med pa ste/ /mu stegs pa rnams kyi khyi la sogs pa'i brtul zhugs te de 'joms pa yang ngo / /rnal 'byor pa'i brtul zhugs kyis rdzogs pa ni bde bar gshegs pa'i rig ma'i brtul zhugs ldan pa nyid kyi phyir ro//sgra ji bzhin pa'o/ /rang gi dam tshig rigs kun spyod/ /gcig tu tsA ru bza' bar bya/ /rigs lnga rnam par kun du spyod/ /rigs bzhir yang ni grags pa yin/ /rang gi dam tshig ni rgyud mtshungs pa nyid do//rigs kyi kun du spyod pa zhes pa ni yul dang rigs kyi tha snyad kyis rigs dang ldan pa rnams kyis bya ba'o/ /rigs lnga mnyam par kun du spyod ni 'jig rten las 'das pa kun spangs rnams kyis so/ /rigs bzhi kun du spyod pa ni spros pa med pa brtan pa rnams kyis so zhes pa ni sgra ji bzhin pa'o//rigs gcig mnyam par kun du spyod/ /rnal 'byor dngos grub rab ster byed/ /ces pa ni gcig tu smyon pa'i brtul zhugs 'dzin pa rnams kyis so/ /rnal 'byor gyi rgyud du yang gsungs pa/ /ji ltar 'dod bzhin bsgrub bya bsgrub/ /de yi phyi nas ji 'dod pas//'dod pa'i bya ba 'am ji 'dod bzhin/ /kun za de bzhin thams cad byed/ /dbang po gang dang gang lam nyid/ /gang gang de de'i rang bzhin las/ /mnyam par ma bzhag sbyor ba yis/ /rang lhag lha nyid kun du spyad/ /de nyid sbyor ba 'di yis ni/ /thams cad myur ba kho nar 'grub//ngan zos ngan byas thams cad kyis/ /kun mchog nyid kyis nyes pa med/ /ces pa mnyam par ma bzhag pa'i rnal 'byor pa'i spyod pa'o/ /ba lang sha dang rta sha dang / /mi khyi glang po sna tshogs rnams/ /sngags dang phyag rgyar yang dag ldan/ /dpa' bo rnams kyi zas su bshad/ / ces so/ /gsungs pa yang ba lang ni mig go/ /rta ni lce'o/ /mi ni lus so/ /khyi ni rna ba'o/ /glang po che ni sna'o/ /sna tshogs ni sbrang bu ste yid do/ /'di rnams kyi sha ni gzugs la sogs pa'i yul lo/ /za ba ni snang ba med par byed do/ /sgra ji bzhin pa ma yin pa'o/ /phyag rgya ni rdo rje la sogs pa'o/ / sngags ni yi ge gsum la sogs pa'o/ /bla mar yang rlung dang me'i dkyil 'khor gyi steng du AHyig las skyes pa'i thod pa ye shes lnga'i bdud rtsis yongs su gang ba cha bcu drug pa hUM yig gis byin gyis brlabs pa/ yi ge gsum las byung ba spros pa'i 'khor lo gsum bsgom par bya'o//sa ma ya shud+d+ha d+harmAHsa ma ya shud+d+hou0f85haM zhes so/ /de nas rdo rje'i lces bza' bar bya'o/ /rdo rje bdud rtsi'i chu btung bar bya'o/ /oM badzra a mr-i tong+ka Tha Tha trAM AHkhaM hUM zhes pa drang ba'i don to/ /rang gi lhag pa'i lha nyid kyi sbyor bas bdud rtsir byas nas bza' bar bya'o zhes pa nges p a'i don to//nang gi gtor ma'o/ /he ru ka dpal gyi sprul pa/ /nyer spyod bstan bcos mtshan nyid do/ /zhes pa ni he ru ka'i rgyud 'di nyid kyi cho ga bstan bcos te/ nye bar bstan pa'i bstan bcos theg pa chen po yang dag par gzung ba thams cad kyi mchog nyid yin pa'i phyir rnam par mtshon par byed pa sprul pa'o//gsungs pa yang / don gcig nyid phyir ma rmongs phyir/ /thabs mang phyir dang dka' med phyir/ /dbang po rnon pos dbang byas phyir/ /sngags kyi bstan bcos khyad par 'phags/ /zhes te sgra ji bzhin pa'o/ /gnyis su med pa'i ye shes mchog/ /rnal 'byor rtag tu gzung bar bya//bgegs med ji bzhin dngos grub de'o/ /gzhan du 'gas kyang rab 'grub min/ /zhes pa ni 'di kho na khyad par du 'phags pa'i zung 'jug gsungs pa'o/ /gzung bar bya ni rnal 'byor bsgom par bya'o/ /gsungs pa yang / sku gsung thugs kyi phyag rgya yis/ / rgyas gdab ye shes brjod bya ste/ mchog gzhan theg pa thun mong ni/ /sems med sems ni bde ba che/ /zhes so/ /dgongs pa ma yin pa'o/ /bgegs med ni gang de lta bur bgrod pa bya ba'i phyir dang / bdud rnams kyis dbyer mi phyed pa'i phyir ro/ /ji bzhin dngos grub ni mngon par 'dod pa'i dngos grub dang de'i bsrung ba yang thams cad sbyin par 'gyur ro//gzhan du sems can 'gas kyang de'i don du rab tu sgrub pa ste/ rab tu 'jug pa ma yin no/ /de kho nas don thams cad sgrub pa ni stong pa nyid kyi rnal 'byor dang ldan pa'o/ /de yi pho nya mo mchog bzang / /lhan cig brtson par ldan pa yin//gang chags dga' ba'i legs sbyor las/ /rnal 'byor rdzas kyi rnam dbye las/ /snyoms par 'jug pa sems 'dzin pa/ /byang chub mchog ni bsgrub par bya/ /bla ma'i nye bstan la kun zhe na/ /de yi don gyis nor sbyin mtshungs/ /zhes pas 'bras bu gsungs te/ gang de lta bur gyur pa'i sgrub pa po de'i ral gri dang snag tsha dang cho nga la sogs pa brten pa'i chos spangs pa de'i bya ba thams cad byed pa ni pho nya mo shes rab ma'o//gsungs pa yang byang chub sems dpa' ni zol pa kho na shes rab kyi pha rol tu phyin pa de yang bcos mar byed do/ /mchog tu legs par bslabs pa'i lha mo gzhan la chags pa ma yin pa la mchog tu brtson pa ni de'i bya ba la rang bde ba chen po bsgrub pa la yang ngo //de'i mtshan nyid thams cad dang ldan pa'i bshes gnyen can gang 'di la chags pa ni bde ba chen po'i ting nge 'dzin sems nges par chags pa'i rnal 'byor pa'o/ / bla mar yang / 'jigs pa nges bcom yongs su dag pa'i blo/ /spros pa'i rnam rtog ma lus bcom byas pa/ /byams dang snying rje'i rgyan gyis brgyan pa'i lus/ /rnal 'byor pa bdag ma chags bde bar gnas/ /zhes so/ /dga' ba legs sbyor las ni mi 'pho ba rdzogs par longs spyod pa las so//byang chub mchog ni yang dag par rdzogs pa'i byang chub kyi bdag nyid gdul bya rnams la rtogs par byed do zhes pas byang chub ste gzhan gyi don byed pa'o/ /snyoms 'jug la ni las dang ye shes kyi phyag rgya dag gsungs pa yang / las kyi phyag rgya'i snyoms 'jug dang / /ye shes phyag rgya rjes chags la//bde ba chen po byang chub sems/ /brtul zhugs brtan pos bsrung bar bya/ /zhes so/ /sems ni sangs rgyas thams cad kyi yon tan rnams kyis bsags pa nyid kyi phyir sems so/ /dag pa mchog tu mi 'gyur ba de 'dzin par byed do zhes pas 'dzin pa'o//dgongs pa'o/ /bla mas nye bar bsten zhes pa dgongs pa'i skang la sogs pa dang bshad pa'i rgyud du gsungs pa'o/ /des kun nas zhen pa ni de mngon par shes pa'o/ /bshang ba'i rgyud du yang nye bar bsten pa gsungs pa 'di lta ste/ zla ba'i dkyil 'khor rdzogs pa ni/ /lte ba'i dbus su bsgom par bya//mchog tu mi 'gyur go 'phang ni/ /de yi dbus son bsam par bya/ /sku dang gsung thugs 'dres pa yis/ /lha yi gzugs su bsgom par bya/ /sems nyid du yang bsgom pa min/ /chags pa ma yin chags bral min/ /'dod chags bral zhes rigs par ldan/ / bla mas nyer bstan lam gyis ni/ /mchog tu 'bad pas bsams pa las/ /de ltar ngal sos pa la gnas/ /'jig rten du mas mi shes so/ /rnal 'byor rnal 'byor bral mi bya/ /myang 'das go 'phang 'ba' zhig pa/ /de lta'i byang chub 'gyur rnyed dka'/ /rnam gzhan 'bras bu med par 'dod//rnam gzhan mu stegs ngan pa la/ /'od gsal la sogs yod ma yin/ /kun spyod du yang / /ldog pa ji skad mdor bstan pa/ /bshad bya sgrub pa po rnams nyon/ /shrI yig gnyis med ye shes te/ /he zhes rgyu sogs stong pa nyid/ /ru yig bkod pa dang bral ba/ /ka zhes gang du'ang mi gnas pa'o//'di rnams rang bzhin las stong pa/ /kun 'gro gzhom du med pa'o/ /mdor bsdus nas ni bsgom byas na/ /'dod pa'i dngos grub thob par 'gyur/ /zhes so/ /de'i don gyis ni de'i rnam par 'byor pas so/ /nor sbyin te lus ngan po dang mnyam par nam zhig 'gyur te nam mkha' mdzod nyid las so//nor rgyun ma'i rtog par yang gsungs pa/ /gang shin tu yun ring por ches legs par yang dag par spros shing / rab tu rtogs pa ni mi rnams kyi dbul ba'i sdug bsngal gyi nyes pa zhi ste gzhan du de'i lag tu dbul son to zhes te sgra ji bzhin pa'o//stong phrag nyi shu rtsa gcig dang / /de bzhin kho nar drug brgya yis/ /srog rnams rnal 'byor pas gsad bya/ /a wa d+hU tI'i zhabs la gnas/ /zhes pas 'od gsal gsungs so/ /a wa d+hU tI ni ma rig pa'o/ /de'i zhabs ni 'od gsal te rtog pa las rnam par grol ba'o/ / gsad par bya ni bde ba chen po nyid kyi tshul du bya'o/ /nges pa'i don to/ /stong phrag nyi shu rtsa gcig dang brgya phrag drug gis lhag pa'i dbugs nyin dang mtshan mos la la nA dang / ra sa nA dang / dbu ma nas so/ /de la dus sbyor bcu gnyis 'pho ba rnams su bdun cu rtsa lngas lhag pa'i drug brgya'i grangs nyin zhag so sor dbu ma nas so//lhag ma la/ la la nA dang / ra sa nA nas rab tu 'bab pa dus sbyor bcu gnyis po de rnams su so so re rer lug la sogs pa mi mnyam pa'i dus sbyor gyis brgya phrag bco brgyad kyi dbugs so/ /de bzhin du ra sa nA nas rab tu 'bab pa so so re rer glang la sogs pa mnyam pa'i dus sbyor gyis so//so so re rer 'pho ba'i dus sgra gcan a wa d+hU tIr rkang pa dang bcas pa'i lnga bcu rtsa drug gi grangs so/ /de rnams su dkyil 'khor re re 'bab pa ni g.yon pa dang g.yas pa dag la drug cus lhag pa'i sum brgya'i grangs te rkang pa dang bcas pa'i bcu gcig gi dbugs rnams dkyil 'khor so so'i dbus nas so sor bcings pas dman pa'o//'dir dkyil 'khor nam mkha' la sogs pa lnga la la nA nas so/ /g.yon dang g.yas su yang ngo / /'dir lte ba'i pad+ma chu srin la sogs pa 'dab ma drug cu'i rten la grangs ji lta ba bzhin du 'dab ma'i dbus dang /shar dang / g.yas dang / g.yon dang / nub tu stong pa dang / rlung dang / me dang / chu dang / sa'i dkyil 'khor rnams 'dab ma rnams su dang / sna'i bu ga dbus la dang / steng dang g.yas dang g.yon dang 'og tu 'bab ste bcu gnyis kyi mthar nam mkha' la sogs pa dang /sa la sogs pa'i dbye bas 'byin pa dang / sdud pa'i rim pas 'od dpag med dang don yod pa'i rang bzhin gyis so/ /rnam par snang mdzad kyi rlung yang lus la rjes su 'gro bar rtogs par bya'o/ /drug pa ye shes kyi dkyil 'khor ni lte ba'i ze 'bru la steng gi bu gar cig car nyid kyis so//dkyil 'khor lnga'i dbugs kyi bdag nyid/ /ces rlung gi de nyid do/ /'di rnams kyi g.yas pa dang / g.yas min gyi dbugs rtsa'i kun du spyod pa'i stobs kyis srog dang thur sel gyis dbu mar rgyun du rab tu zhugs pas thun mong ba'i 'chi ltas kyis 'chi ba slu bar 'gyur ro//dbu ma'i yang dbugs rnam pa gsum ste tha ma dang 'bring dang mchog gi dbye bas so/ /de la tha ma ni 'gyur ba'i rang bzhin 'chi ba ster bar byed pa'o/ /'bring ni 'chi ltas 'joms pa ste lhan cig skyes pa'i dbugs kyis 'khor lo'i grangs rengs pa dkar po mi bskyed pa'o/ /mchog ni sangs rgyas nyid ster ba byed pa po ste rdo rje bzlas par ji ltar nye bar bstan pa las rab tu 'byung ba dang 'jug pa nyid kyis srog dbu mar rab tu gzhug par bya ste nyi khri brgyad gnyis brgya'i grangs ji srid par ro zhes so//gsungs pa yang / rnal 'byor pa yi dbugs 'byung rngub/ /sbyor gzhi gcig pa la brtson pa/ /shes rab thabs kyi gzhir gnas te//sngags kyi yan lag ma nyams bzlas/ /de la brtul zhugs bshad pa med/ /bgrang phreng med cing sngags rnams med/ /gzungs dang sbyin sreg las rnams kun/ /gcig nas gcig tu bzlog par 'gyur/ /'di sems kyi bsam pa thob par 'gyur te 'dir yang rang bzhin brgyad cu 'phro ba las sems rnam par dben par rtogs bya ste snang ba gsum gyis rlung 'bab pa'i phyir ro//'phags pa'i zhabs kyis gsungs pa yang / rlung ni gang du der gnas pa/ /rang bzhin de dang de 'byung 'gyur/ /ji srid rlung ni mi rgyu dang / /snang ba mi g.yo bar 'gyur ro/ /rlung rnams phra ba'i gzugs kyis ni/ /shes dang yang dag 'dres gyur te//dbang po'i lam nas byung nas ni/ /yul rnams la ni dmigs par byed/ /dgongs pa lung ston du yang / ji srid 'jig rten brda dang ni/ /de bzhin rnam pa sna tshogs brtags/ /rnam rtog rlung las rtag tu ni/ /byang chub sems su 'gyur ba yin/ /zhes so/ /de la snang ba'i sum cu rtsa gsum snang ba mched pa'i bzhi bcu tham pa'o//snang ba nye bar thob pa'i bdun no/ /'di dag kyang spyod bsdus la sogs par rtogs par bya'o/ /bzlas pa 'di'i phan yon gsungs pa/ /dgra dang seng ge glang chen dbang po me dang lto 'phye'i bdag po chom rkun zhags pas 'ching ba dang / /chu gter 'khrugs pa dang ni sha za 'chi ba'i 'jigs byed nad dang dbang po nye bar 'tshe ba dang //dbul dang bud med bral dang mi bdag 'khrugs pa'i 'jigs pa dang ni rdo rje ltung dang don nyams pa/ /gang zhig rnal 'byor ma rnams zhabs ni gsal bar yang ni dran byed de la rab tu nyams par 'gyur/ /bla mar yang / rtags ni gnyis gnyis sbyor bas so/ /dngos grub ched du gsang sngags bzlas//'khor los sgyur drug 'grub par byed/ /nges par zla drug gis gzhan min/ /zhes so/ /rdo rje bzlas pa 'dis bsnyen pa byas nas sgyu ma lta bu'i ting nge 'dzin gyis las rnams thams cad chog ji lta ba bzhin du bsgrub par bya'o/ /sngags kyi de nyid gsal ba 'di/ /gsung gi rdo rje'i sgrub thabs so/ /rnal 'byor byis pa'i rtogs bya min//rtog ge pa yis mi shes so/ /ye shes gsum gyi dbye ba yis/ /sems tsam la ni nges par sbyar/ /sems rnams dben pa zhes bshad pa/ /rim 'di sangs rgyas spyod yul lo/ /zhes so/ /drang ba'i don to/ /'od gsal ba'i rim pa'o/ /de nas pho nya'i mtshan nyid mchog / gzhan pa yang dag mdor bstan pa/ /gang gis yang dag rnam shes byed/ /mkha' 'gro'i dam tshig la gnas pa'o/ /ming po dang ni pha nyid dang / /rje bo skad cig las mthong byed/ /lce sbom mig ni dmar ser la/ /skra ni dmar ser de nas rtsub/ /thun mong dngos grub thams cad dang / /bzlas dang brtul zhugs la rtag dga'//zhes pas pho nya mo'i rang gi ngo bo gsungs so/ /rje bo ni bdag po nyid du kun du spyod par byed de 'dod pa'i brgyad 'gyur nyid kyi phyir ro/ /de'i phyir de rnams bsten par bya ste ji ltar sus kyang ma tshor bar bya'o/ /sgra ji bzhin pa'o/ /mkha' 'gro ma ni nyi shu bzhi/ /spyod dang grol ba'i 'bras rab ster//zhes pas gsal lo/ /dran pas yang dag ldan pa yi/ /pho nya zhes bya'i go 'phang ldan/ /phreng ba'i sngags ni rtag tu zlos/ /'dod pa'i don kun grub byed pa/ /zhes te/ dran pas ni lha'i bsam gtan no/ /gzhan du rtogs par sla'o/ /dpa' bo'i dbang po sgrub par byed pa de bzhin du'o/ /rnal 'byor rol ba 'bras rab ster//rgyu dang mi rgyu'i 'jig rten gsum/ /gdon mi za bar glo bur 'byung / /zhes pa ni dpa' bo'i dbang po'i rkang pa brgyad pa dang de bzhin du lha'i rnam pa'i rnal 'byor las so/ /mkha' 'gro ma la sogs pa ni bya rog gdong ma la sogs pa dang ldan pa'i 'jig rten gsum sgrub par byed do//sngags dang phyag rgyar yang dag ldan/ /sgrub pa po yis the tshom med/ /phyag rgya dman pa'i gsang sngags rnams/ /lus can rnams kyis 'grub mi 'gyur/ /zhes pa ni gsang sngags zhal bzhi pa'o/ /phyag rgya mkha' 'gro ma la sogs pa rnams te drang ba'i don to/ /gsang sngags shes pa'o/ / phyag rgya shes bya ste zung du 'jug pa'o zhes pa nges pa'i don to/ /sngags pas dro ba'i bya ba dag /mngon par brtson pas rtogs par bya/ /'dod pa'i don kun sgrub byed pa'i/ /rnal 'byor chen po sun 'byin gang / /khyi yi skye gnas brgyar song nas/ /gtum po ru yang skye bar 'gyur/ /dam tshig gi spyod pa sun 'byin pa de rnams rmongs pa dang ngan 'gror 'gro bar 'gyur//gtum mo'i rnal 'byor chen po la mngon par brtson pas so/ /gsungs pa yang / /ji ltar g.yo ba de yang sman sogs kyi/ /stobs kyi me dang yang dag phrad pas 'ching / /de bzhin khu ba shin tu rnal 'byor gyis/ /shes rab ma dang yang dag phrad pas zhes so/ /dro ba'i bya ba ni gtum mo'i me'i ri mo'o/ / bshad pa'i rgyud du yang / A li kA li mnyam byas nas/ /ri mo de la nges par sbyar/ /steng du 'phar ba'i ri mo las/ /'og tu 'dzag par byed pa'o/ /drang ba'i don to/ /dro ba'i bya ba ni 'dod pa'i 'dod chags rab tu gsal ba dbang po gnyis kyi sbyor bas ji ltar 'gyur ba de bsgom par bya'o/ /bla mar yang / bdud rtsi thig le'i gzugs can ni//khu ba'i gzugs kyis 'dzag par byed/ /bsrub bya srub byed sbyor ba las/ /ye shes me ste 'di yi las/ /zhes so/ /nges pa'i don to/ /rnal 'byor chen po ni kun spyod du/ longs spyod rdzogs par shes par bya/ /rnal 'byor chen por rnam par gnas/ /bla mar yang / snying la gnas par nges par bstan//thig le gcig ni 'gyur ba med/ /de sgom byed pa'i skyes bu la/ /rang gi ye shes skye bar 'gyur/ /zhes te drang ba'i don to/ /rnal 'byor chen po ni/ /rdo rje rnal 'byor bla na med/ /ces gsungs pa'o/ /rgyas par bstan pa yang bla mar/ chos bdag med pa'i lam gyis ni/ /dkyil 'khor mchog tu rab zhugs nas//shes rab pha rol phyin sbyor la/ /de bzhin rnal 'byor pa ngal so/ /zhes te nges pa'i don to/ /khyim ni khyim rnams so/ /dper na kha cig mar 'dod pas/ /'bad pas chu la srub par byed/ /de las mar sar mi 'byung yang / /lus nyon mongs pa kho nar zad/ /ces pa nges par bstan pa gsungs pa gsal lo//bzang por 'dzin dang mchod dang btud/ /'tsho ba'i thabs kyi rgyud nyid phyir/ /rnal 'byor gzhan la brten pa dang / /bzlas pa gzhan ni don med do/ /zhes pas sngags pa gsungs te/ shes rab ma nus ma'i zla ba'am zla ba can dbyer med pa'i chos can gyi phyag rgya chen po'i skabs las gzhan pa'i lha dang sngags la sogs pa mchod pa don med do//gsungs pa yang / thub pa 'gro ba 'jigs med ldan/ /phyag rgya dkyil 'khor sngags la sogs/ /zab cing rgya che'i chos rnams la/ /skal ba bral ba'i bdag nyid la'o/ /bzang po ni dpal bzang po'i rigs nyid kyi phyir kun rdzob dang don dam dag gis bzang ba nyid kyi phyir bzang po 'tsho ba'i thabs shes pa ni 'tsho ba'i don to//dgongs pa lung ston pa rnal 'byor gyi rgyud du yang / sngags dang phyag rgya'i sbyor ba yis/ /de rnams 'tsho ba rtog par byed/ /de rnams 'dus pa mi shes te/ /gang de'ang dman pa'i lam du ltung / /sgra ji bzhin pa'o/ /rnal 'byor che 'dzin dpa' bo ni/ / yul phyogs gang du gnas gyur te/ /gtum mo kla klos gang ba yang / /yul de yongs su brtags pa yin/ /zhes te/ rnal 'byor chen po ni cha dang bcas pa rdo rje sems dpa' zhes brjod pa ste drang ba'i don to/ /rnal 'byor chen po ni shes rab ma cha med par snang ba'i rjes su 'gro ba thams cad kyi mchog rnal 'byor chen po zhes brjod pa ste nges pa'i don to//yul de ni yul de kho na bzang po zhes gnas te de'i phyir gtum mo'i rnal 'byor bsgom par bya'o/ /lus med rdo rje'i zhabs kyis kyang gsungs pa/ gtum mo'i rnal 'byor bsam pa sogs/ /gal te nyon mongs mi 'jog na/ /bskal pa bye ba stong gis ni//nyon mongs ci yis ldog par byed/ /sgra ji bzhin pa'o/ /phyi rol gnyis gnyis las rnam grol/ /yang dag lam ni ston byed gang / /sems can rjes su gzung ba'i rgyur/ /de rung ni rtag par gnas/ /zhes pa ni/ gnyis gnyis ni rtag par rtog pa'o/ /yang dag pa'i lam ni gnyis las rnam par grol ba byang chub sems dpa' rnams kyi mdor bsdus pa'i lam ste 'di lta ste thabs dang shes rab kyang ngo zhes smos par zung 'jug ces bshad pa de bzhin nyid gnyis su med par sbyar ba las zhes gsungs pa la'o//dri ma med pa'i 'od kyi rgya cher 'grel bar yang / sna tshogs rnam rtog la sogs lam gyis ni//bcu drug bzhi yi rab tu dbye ba can/ /de nyid de bzhin gshegs pas gang gsungs pa/ /lam dang bral bas thob pa ma yin no/ /zhes so/ /da ni 'gro ba'i don byed pa'i ched du de rnams kyi gzugs kyis gnas so/ /kun rdzob pa'i gzugs la brten nas nges par yang dag pa'i lus kyis ston to//sgra ji bzhin pa'o/ /shes rab dang nus pa'i cho ga'o/ /de nas gzhan yang bshad bya ba/ /shin tu rnyed dka' dgongs pa yis/ /gang gis rnam par shes tsam gyis/ /sgrub pos myur du 'grub par byed/ /ces bya ba la sogs pas zhal bzhi pa'i sngags btub gsungs so//sa yi cha mnyam yid 'ong bar/ /tsan+dan gyis ni nye bar byugs/ /me tog sil ma gcal du bkram/ /dri bzang dri ldan sa la ni/ /bdag nyid cha bcas byas nas ni/ /phyogs bcing bar ni bya ba'o/ /de nas rdza rnga bcing byas nas/ /ri mo dgu pa shin tu zlum/ /bcu drug sum cu rtsa gsum pa'i/ /yi ge'i phyi mo mnyam bsgribs nas//der gnas dpa' bo btu bar bya/ /'dod pa'i don kun sgrub byed pa/ /lugs 'byung lugs las bzlog pa yis/ /sgrub pos dbyangs dang yi ge yis/ /de rnams gcig dman lnga bcu yis/ /thub pa'i grangs kyi nang chud par/ /zhes te/ rdza rnga bcing ba ni ngos gnyis nas ri mo brgyad rnams kyis gcig gis dman pa'i lnga bcu'i bdag nyid kyi re mig rdza rnga'i rnam par bya'o//steng 'og gnyis su zlum po'i rnam pas ri mo bzhi bcu rtsa dgu ste sgra ji bzhin pa'o/ /re mig sum cu gnyis pa gzung / /lnga pa'i dbyangs kyis phye ba las/ /brgya phyed phyed pa yang dag blang / /nyi shu bzhi pas 'og tu'o/ /zhes pa ni sum cu gnyis pa so las byung ba'i sa yig go//lnga pa u yig go/ /brgya phyed phyed pa gsal byed do/ /nyi shu bzhi pa b+ha yig go/ /de nas sum cu drug pa gzung / /gsum pa'i dbyangs kyis sbyor ba'o/ /de nas sum cu gnyis pa gzung / /lnga pa'i dbyangs dang yang dag ldan/ /nyi shu lnga pa yang dag gzung / / nyi shu bzhi pa 'og tu'o/ /sum cu gsum pa yang dag blang / /sbyor bor bco lnga pa dang ldan/ /zhes pa la sum cu drug pa la dbyangs gsum pa sbyar ba ni ni'o/ /sum cu gsum pa ha'o/ /bco lnga pa thig le'o/ /lnga pa yis ni yang dag ldan ni hUM ngo / /lnga pa yis ni yang dag ldan/ /yi ge mchog tu mdzes pa'o//nyi shu gnyis pa yang dag ldan/ /nyi shu bdun pa yang dag ldan/ /phyag 'tshal dang por yang dag ldan/ /rkang pa dang por yang dag 'dod/ /ces pa nyi shu gnyis pa'o/ /nyi shu bdun pa Ta'o/ /phyag 'tshal dang po ni rkang pa'i dang por oM yig go/ /nyi shu gcig gis dman pa gzung / /me yi bu yis yang dag ldan//gsum po'i dbyangs dang yang dag ldan/ /de rnams dbyangs yig brgyad pa la/ /sum cu drug par yang dag ldan/ /rkang pa gnyis par brjod par bya/ /zhes pa la/ nyi shur gcig gis dman pa la me'i bu yis ni 'og tu ra yig gos so/ /gsum pa'i dbyangs dang yang dag ldan ni gri'o// brgyad pa ni ha'o/ /sum cu drug pas 'og tu ste h+na'o/ /slar yang tshig 'di sbyin par bya/ /'dod pa'i don kun sgrub byed yin par gsal lo/ /de nas rang byung bzung nas ni/ /lnga pa'i dbyangs dang yang dag ldan/ /steng du thig les brgyan pa ni/ /rkang pa gsum par brjod bya ste/ /nyi shu gnyis pa yang dag ldan/ /nyi shu bdun pa yang dag ldan//zhes pa gsal lo/ /nyi shur gcig gis dman pa nyid/ /nyi shu bdun pas yang dag ldan/ /gsum pa'i dbyangs dang yang dag ldan/ /de nas sum cu gsum pa'i sngags/ /gnyis pa'i sngags dang yang dag ldan/ /yi ge nyi shu pa dang ldan/ /nyi shu rtsa gcig re mig gnas//de bzhin nyi shu drug gnas pa/ /zhes pa la nyi shu pa ni kA li la ltos nas so/ /nyi shu rtsa gcig pa ni ya'o/ /nyi shu rtsa drug pa ni ya'o/ /lan gnyis bzlas pa'i tshig 'di yang / /sgrub pa mchog ni btu bar bya/ /zhes pa la 'di ni nyis 'gyur ro/ /de nas lugs las bzlog pa gzung //re mig dang po'i yi ge ni/ /bzhi pa mtha' yis yang dag sbyar/ /spyi bor bco lnga pas spras pa/ /de nas nyi shu gnyis pa nyid/ /de nas nyi shu bdun pa'o/ /chos don 'dod dang thar pa rnams/ /rkang pa gsum par brjod par bya/ /bzhi pa'i mtha' ni u yig go//bco lnga pa ni thig le'o/ /re mig gnyis pa'i sa bon gang / /de nas sum cu drug pa nyid/ /nyi shu drug pa so gsum pa/ /bcu gsum pa yi dbyangs kyis spras/ /re mig las ni bcu pa nyid/ /sgrub pa pos ni lugs bzlog pas/ /nyi shur gcig gis dman pa nyid//de nas nyi shu gsum pa'o/ /zhes pa ni gnyis pa A'o/ /sum cu drug pa na'o/ /nyi shu drug pa ya'o/ /bcu gsum pa'i dbyangs kyis spras pa ho'o/ /bcu pa b+ha ste lugs las bzlog pa ha la sogs pa nas so/ /nyi shur gcig gis dman pa'o/ /nyi shu gsum pa ba'o/ /gnyis pa'i dbyangs dang yang dag ldan//thig les spyi bor brgyan pa'o/ /gcig dman sum cu pa bzung nas/ /slar yang re mig brgyad pa la/ /me yi bu ni yang dag ldan/ /hUM phaT yi ge mthar sbyar ba/ /'jig rten gsum las rnam rgyal sngags/ /rkang pa bzhi yis rnam par brgyan/ /zhes te/ gcig gis dman pa'i sum cu pa ni wa ste/ kA li la ltos nas so/ /brgyad pa ni dza ste lhag ma sgra ji bzhin par ro/ /rkang pa kun gyi dang por oM/ /mkha' 'gro ma sogs yang dag ldan/ /hUM phaT yi ge mthar sbyar ba/ /dngos grub kun gyi 'bras rab ster/ /zhes pas bzlas pa'i nges pa gsungs te gsal lo//rig pa'i rgyal po'i sngags 'di ni/ /ma byung 'byung bar mi 'gyur ro/ /rgyud rnams kun la thun mong du/ /bya ba thams cad sgrub par byed/ /ces pa ni rgyud rnams kun la ni bya ba dang / spyod pa dang / gnyis ka'i rgyud rnams su'o/ /khro bo bzhi dang yang dag ldan/ /sku brgyad yang dag ldan pa ni//dkyil 'khor nyid ni srung don dang / /sems can rnams kyang khyad par las/ /'dis ni sgrub pa tsam gyis kyang / /bdud kyang skad cig la 'chi'o/ /zhes te/ khro bo bzhi ni gnod mdzes kyi sngags 'di'o/ /sku brgyad ni rkang pa brgyad de gsal lo/ /rdo rje bzlas pas bsgrub bya ba//dngos grub kun gyi 'bras bu 'byung / /chags pa kun las rnam par grol/ /gzhan du nam yang ma yin no/ /zhes pas rdo rje bzlas pa gsungs so/ /gsungs pa yang / don gyi rjes 'gro'i bzlas pa yi/ /rang bzhin med pas mdzes pa yis/ /dus gsum sangs rgyas kyis brtags pa/ / rdo rje bzlas par de brjod bya/ /zhes dang / don gyi rjes 'gro'i bzlas pa yis/ /rang bzhin med pas mdzes pa yin/ /ma ning dag gi gnas zhugs pa/ /sngags kyi yan lag ma nyams bzlas/ /zhes 'bum phrag lnga par yang ngo / /tha dad yi ge slong mo ste/ /de 'don pa ni za ba yin/ /gang zhig bzlas par dga' ba de/'di rnams slong mo za 'dod min/ /dgongs pa lung ston du yang / /dang po'i yi ge'i sbyor ba yis/ /rtag tu dbugs ni brngub par bya/ /brgyad pa'i mtha' yis yang dag ldan/ /u yig gis ni thig les brgyan/ /rnal 'byor pa yi dbugs gtong byed/ /mdzes pa'i bzlas par 'di brjod bya//dgongs pa'o/ /dngos grub thams cad ni zhi ba can la sogs pa'i dngos grub ste/ sa la sogs pa'i dkyil 'khor du/ srog 'bab pas las kyi dngos grub po/ /chags pa kun las rnam par grol ni b+hu su ku'i spyod pa la gnas so/ /sgra ji bzhin pa'o/ /rig pa'i rgyal po'i sngags btu ba'i cho ga'o//ma rungs pa kun 'joms byed pa'i/ /gsang sngags mi zad pa 'di ni/ /sha chen gyis kun 'joms byed pa/ /rdo rje las skyes yin par bshad/ /ces pas gnod mdzes rgyal po'i sngags kyi las gsungs te/ zhal bzhi pa'i sngags 'di ni rdo rje las skyes te zhe sdang gi ting nge 'dzin las skyes pa'o//dgongs pa'o/ /khyi rta glang po zangs gtsug can/ /de bzhin pa lang rnga mo phag/ /gtor ma sbyin sreg bya ba rnams/ /thams cad rnam dpyod med par bya/ /ma lus lus pa med 'grub cing / /rgyal srid kun yang sgrub par byed/ /gsang sngags sbyin sreg 'bum gyis ni//sgrub pa po yis the tshom med/ /ces te khyi ni khyi'o/ /rta ni rta'o/ /glang po ni lag ldan no/ /zangs kyi gtsug phud can ni khyim bya'o/ /rnam dpyod med par ni gdon mi za bar ro/ /zas ni sbyin par bya ba ma yin pa kho na'o/ /med na bag zan la sogs pa las byas pa srog song ba'i phyugs kyi sha'o/ / sgra ji bzhin par ro/ /dung dang nya phyis phyag rgya sogs/ /thams cad srog chags yan lag chos/ /chos kyi sku yi lus can gyis/ /thod pa la ni su zhig smos/ /zhes pa ni dung dang nya phyis la phyag rgya'i rgyan 'jig rten du bstan la chos kyi sku'i mtshams kyi tshu rol sems can rnams kyi thod pa la rgyu ci'i phyir mi rigs zhes dgongs so//'di kho na phyogs yin pa de'i phyir yang 'od zer gyis kun du 'gengs pa bkra shis pa thob par byed pa nyid kyi phyir dung la sogs pa 'ba' zhig bkra shis pa nyid ma yin no/ /de'i mgul rgyan la sogs pa bstan pa gsungs pa/ dpa' bo thod pa'i phreng ba can/ /zla ba phyed pas cod pan byas//phyi mo lnga dang yang dag ldan/ /bsod nams kun gyi rgya mtsho che/ /zhes te 'di'i don 'di ltar yang dag par sangs rgyas ni seng ge dang 'phrog byed la sogs pa rnams kyi yang gtso bo ste/ gsungs pa yang / bkra shis kun gyi bkra shis pa/ / grags pa bkra shis snyan grags dge /dbugs 'byin chen po dga' ston che/ /kun dga' chen po dga' ba che/ /zhes so/ /de'i phyir yang rnam dpyod med par yid 'phrog pa ni tha snyad du rnal 'byor pas rig par bya'o/ /sgra ji bzhin pa'o/ /phyag rgya thod pa kha T+wAM ga / dpa' rnams dpa' las skyes par bshad/ /dpa' las skyes pa ni rdo rje rigs la sogs pa las skyes pa'o/ /bshad ni sangs rgyas rnams kyis bstan pa'o/ /rgyud mdor bstan par bcom ldan 'das kyis gsungs pa yang / byang chub la gnas byang chub che/ /bya rgod phung po'i ri chen por//ston pa po gnas nges pa ru/ /shes rab pha rol phyin pa'i tshul/ /sangs rgyas gsang sngags rang bzhin dag /dpal ldan 'bras spungs ston par 'gyur/ /zhes so/ /sgra ji bzhin pa'o/ /gnod mdzes kyi las kyi cho ga'o/ /da ni lag pa la dgod pa gsungs pa//sgrub pa po yi lag g.yon gyis/ /brda ni lnga po bstan par bya/ /'di ni dpa' bo'i gsung la ste/ /brda rnams kyi ni rab 'jug pa'o/ /zhes bya ba la sogs pas sor mo lnga ste sgra ji bzhin pa'o/ /'gro kun g.yon las byung ba yi/ /g.yon pa'i kun spyod rnam par gnas//mthe bong la ni rnam snang gnas/ /sdigs mdzub rin chen 'byung ldan gnas/ /gung mo'i yan lag 'od dpag med/ /ming med ral gri 'chang bar gnas/ /mthe chung dpal ldan mi bskyod pa/ /lag pa'i dbus su rgyal ba'i bdag /de ltar dpa' bo dgod pa ni//g.yon pa 'byung ba'i rgyu yin no/ /lag pa'i rgyab tu rtag tu sbyar/ /dpa' bo thams cad mnyam du 'gro/ /'di ni lag pa 'god par 'gyur/ /g.yon pa'i cho ga bsgrub pa las/ /zhes so/ /g.yon pa ni kun rdzob las 'od gsal ba'o/ / dgongs pa'o/ /lag pa dgod pas tshim pa la sogs pa bya'o/ /'di rnams zung 'jug gi sa bon rnams kyis so/ /de bzhin du kun spyod du oM baM/ haM oM/ hriM moM/ /hroM hreM/ hUM hUM/ phaT phaT ces pAM bAM hAM yAM hrIM meM hra hIM hUM hUM phaT phaT/ dkar po dang / dmar po dang / ser po dang sngon po dang /dmar po dang / dkar mo dang / sngon mo dang / ser mo dang / ser po dang / ljang mo dang / sngo bsangs dang / dud ka'o zhes pa lag pa'i mchod pa la gcig tu mthe chung la sogs par gang gi tshe lag pa dag phung po dang khams la sogs pa'i dbye bas de'i tshe g.yon pa'i 'jug pas dgod pa nye bar bstan pas dbus su rdo rje sems dpa' dang phag mo'o gsungs so//de bzhin du/ gshin rje ma dang rnam par snang mdzad/ rmongs byed ma dang 'od dpag med/ skyod byed ma dang he ru ka / skrag byed ma dang rin chen dbang po/ /gtum mo dang rta mchog /mi bskyod pa la sogs pa g.yon du dgod par bya'o/ /mngon brjod du gsungs pa'i sa bon rnams ni hoHhrIHaHb+h+ruM/ mthe chung la sogs pa'i nang du baM mo/ /de bzhin du g.yas la mthe bong la sogs pa la lAM mAM pAM tAM khaM/ nang du waM de ser po dang / sngon po dang /dmar po dang / du ba dang / cher ser ba rnams g.yas la'o/ /sngon po dang / ljang gu dang / dmar po dang / ser po dang / dkar po rnams kyang ngo / /sa ni spyan mar bshad pa ste/ /chu yi khams ni mA ma kI/ /me ni dkar mo zhes bshad do/ /rlung ni sgrol mar rab tu bsgrags//stong pa rdo rje dbyings phyug ma/ /'gyur med shes rab pha rol phyin/ /mthe bong la sogs thams cad du/ /sngon bzhin rim mthar ma lus brjod/ /gsang ba 'di ni mi bshad cing / /rab tu 'bad pas sba bar bya/ /'dis ni dpa' bo brda bya zhing / /gcig tu tsA ru bza' bar bya//zhes pa shes rab kyi pha rol tu phyin ma phag mo'i gsang ba rnyed dka' ba'i phyir ro/ /kun spyod du yang / /rnal 'byor ma drug sbyar bzhin no/ /rdo rje sems sogs bcu gnyis dag /dpa' bo chen pos sbyar bar bya/ /lag mchod shin tu rnyed par dka'/ / rnal 'byor pa yi lag mchod kyis/ /dbul pos 'dod pa'i don bzhin 'gyur/ /sems ni gzhan du gyur pa nyid/ /bza' btung gos sogs thob par 'gyur/ /rtag tu mchod pa byed pa ni/ /de yis bsam pa sgrub par byed/ /bla mar yang / mtshan ma drug po rtag tu mchod/ /mngon par bsngags nas bsgrubs pa las/ /rnal 'byor rgyal po mchog gi mchog /de yis ring por mi thogs 'grub/ /ces te sgra ji bzhin pa'o/ /lag pa mchod pa'i cho ga'o/ /de nas gzhan ni rab 'chang byed/ /bza' bya'i ston mo ma lus pa//yang dag cho ga gang gis ni/ /myur du dngos grub rab 'jug pa'o/ /zhes zhal bzhi pa gsungs so/ /sgrub pos rtag tu sngar brjod pa'i/ /phyugs rnams 'gugs par mi bya ba'o/ /mdor bsdus pa las phyugs rnams lnga/ /rgyas par sum cu rtsa bdun te//dngos grub yan lag skye bdun pa/ /dngos grub bsgrub la 'dus pa ni/ /dang por mi yi rigs rnams kyis/ /rigs rnams kyi ni rigs las phyugs/ /rkang bzhi rnams kyi lag ldan te/ /'dab chags rnams kyi ngang pa nyid/ /chu spyod rnams kyi 'ang rus sbal te/ / lha rnams kyi ni kha g.yo ba/ /dngos grub sgrub pa'i dkyil 'khor du/ /'di rnams phyugs su kun du bshad/ /'di rnams sbyin sreg gtor sogs kyi/ /'dod pa'i dngos grub 'gyur pa yin/ /zhes so/ /mi dgug pa ni dgug par mi bya'o/ /gsungs pa yang / /gdug pa la 'jug par cho ga thams cad kyi gtso bo las so sor sgrub par byed do zhes pa skye ba bdun pa bdun du 'jug pa ste gsungs pa yang /skye ba bdun pa'i phyugs gnyis kyang / /mkha' yi spyod dngos ster bar byed/ /bza' dang btung ba gang cung zad/ /zos dang 'thungs pa rnam drug po//smin pa las ni bcud 'gyur te/ /de tshe dang po'i skye ba'o/ /phyi nas phrag nyid du 'gyur ba/ /gnyis par gsal bar 'gyur ba yin/ /gsum pa na ni sha nyid 'gyur/ /bzhi par pags pa nyid du 'gro/ /lnga par rtsa nyid du ni 'gro/ /drug par rus pa nyid du 'gro/ / bdun par rkang nyid du 'gro'o/ /bdun du 'jug pa de yin te/ /zhes so/ /bsngags pa las ni yon tan las so/ /phyugs ni bram ze'o/ /kha g.yo ba ni ra skyes so/ /sgra ji bzhin pa'o/ /khyi nag mo yi 'o mas sbyar/ /ma sha nag po 'bras dang bcas/ /bcu bzhi pa'am brgyad pa'i mtshan mo'i ro'i khar dogs pa med par brgya rtsa brgyad du sgrub pa pos ji srid du cha dang bcas par byas nas//de nas yi dags langs nas ni/ /ci bgyi zhes kyang smra bar byed/ /sa 'og gnas pa dang ral gri/ /tshar gcad rjes su bzung la sogs/ /ril bu mig sman gter rnams sam//rkang pa phyugs dang bcud kyis len/ /sgrub po'i yid la gnas pa ni/ /cig byin nas ni yi dags 'gro/ /zhes te sgra ji bzhin pa'o/ /'og dang steng du pho nya 'grub/ /rgyud 'dir the tshom med pa yin/ /zhes pas yongs su dag pa'i rnal 'byor gsungs te sgra ji bzhin pa'o//ro langs sgrub pa'o/ /da ni bskyed pa'i khyad par gsungs pa/ /ba lang gnas dang steng lding nyid/ /lhag ma mi skam rtsa de nas/ /dung chen po yi rang bzhin bya/ /yang ni rus sbal gnas pa'o/ /zhes pa ni/ ba lang gnas steng du lding ba ni rlung gi dkyil 'khor ro//lhag ma me'o/ /mi skam pa chu'o/ /rtsa ni sa'o/ /dung chen po'i ri ni dang po'i mgon po las yang dag par 'byung ba'i he ru kar bsgom par bya'o zhes pa dgongs pa'o/ /bla ma bshad pa'i rgyud du yang / /mngal skyes kyi rim pa 'di nges par bstan pa 'di lta ste/mngal skyes glu yi sbyor ba yis/ /bsgom pa yongs su brtag par bya/ /sgong skyes glu ni spangs pa ste/ /sgra dang sgra min rnam spangs pa/ /zhes so/ /slar yang mngal skyes kyi tha dad pa'i dbye ba/ /glu yi sgra la sogs bcas pa/ /gnyid log sad par byed pa'i glu//mkhas la rmongs pas smad mi bya/ /sems can don rgyus rtogs bya ba/ /ma rtogs pa ni rtogs par byed/ /ces so/ /yang na ni phyogs gzhan du ste rus sbal gnas zhes pa sgong skyes kyi rim pas myur du bsgom par bya'o/ /rgyud gzhan du yang sgong skyes dang mngal skyes srid pa bskyed pa'i rim pas rnam pa gnyis te/tshangs pa'i sgong sgong las skyes pa brjod pa 'jig rten gyi khams 'byung ba'o/ /mngal ni gnyis gnyis sbyor bud med kyi mngal nas slar yang byung ba'o zhes so/ / bla mar yang / sgong skyes rim pa'i sbyor ba yis/ /rnam sgom byed las bsgom par bya/ /lnga po 'dus pa bsams pa las/ /sgong skyes mchog ni bsgom pa'i phyir/ /'khor lo'i dbye bas dbye ba yis/ /ji lta'i rnal 'byor rnam sgom byed/ /bsam pa'i bye brag ji lta bas//ji ltar 'dod bzhin sgom par byed/ /bdag po la sogs dbye ba yis/ /rigs kyi dbye ba rnam sgom byed/ /lha mo nyid dbye'i dbye ba yis/ /bdag po la sogs sgom par byed/ /drang ba'i don to/ /cha med glu ni spangs pa las/ /sgong skyes la cha spangs pa'o//gnyis gnyis thams cad rnam par grol/ /sgong skyes 'gyur ba mchog yin no/ /nges pa'i don to/ /bshad pa'i rgyud las/ mngon par rtogs pa brjod par bya ste/ nam mkha'i dbyings su yaM las skyes pa'i rlung gi dkyil 'khor sngon po gzhu'i rnam pa rgyal mtshan gyis mtshan pa'o//der raM las skyes pa'i me'i dkyil 'khor zur gsum pa can dmar po rdo rjes mtshan pa'o/ /baM las skyes pa'i chu'i dkyil 'khor zlum po dkar po'i 'od zer gyi phreng ba can no/ /laM las skyes pa'i sa'i dkyil 'khor ser po gru bzhi pa rdo rjes mtshan pa 'od zer ser po 'khrugs pa'o//der saM las skyes pa'i lhun po zur bzhi pa rin po che sna bzhi'i rang bzhin dbus su b+h+rUM las byung ba'i rnam par snang mdzad de las skyes pa'i khang pa brtsegs pa gru bzhi pa rta babs bzhis brgyan pa mdung gis 'bugs pa dang /ro bsregs pa dang / rus pa'i dri dang / rnag gi dri dang / byis pa shi ba dang / sprul gyis zos pa dang / mi bzad pa'i g.yul dang lhag ma zab ste dur khrod brgyad kyis rnam par brgyan pa bsams nas/ /rnam pa lngas dang po mgon po'i rnam pa bsgoms te/zhu bar gyur pa la lha mo'i glus rab tu sad par byas pa'i mkha' 'gro lnga po 'khor dang bcas pa g.yas brkyang dang g.yon brkyang gis gnas pa'i shes rab dang thabs kyi rnam par bsgoms nas/ khams dang phung po dang skye mched byin gyis brlab par bya'o/ / ye shes kyi 'khor lo rab tu bcug nas mngon par dbang bskur te bzlas pa la sogs pa bya'o/ /mngal skyes sku ni bsgrub bya ste/ mkha' spyod nyid du the tshom med/ /ces gsungs so/ /phag mos lhan cig dpa' bo ni/ /he ru ka yi dngos grub sbyin/ /zhes pas sangs rgyas nyid bsgrub pa gsungs te/lhan cig pa ni ro mnyam du gyur pa'o/ /he ru ka ni shes rab ye shes te phyag rgya chen po'i don du bsgom par bya'o/ /'jig rten pa'i dngos grub kyi don du ni dpa' bo gcig pa yang na ste/ bla mar yang / de nas dpa' bo'i 'khor lo ni//rang gi phyag rgyas 'khyud pa bsam/ /rang rang gi ni rnal 'byor ma/ /snying gar sbas pa rnam bsgom bya'o/ /zhes so/ /rnal 'byor ma rnams kha cig 'dod/ /rnal 'byor pa kha cig mi 'dod/ /he ru ka dpal gcig pa yi/ /kha dog ji bzhin phag mo ni/ /rnal 'byor ma yi bdag por bsam//tha dad dbye bas phye ba yi/ /ji ltar he ru ka rdo rje/ /de bzhin lha mo dbus su ni/ /sangs rgyas mkha' 'gro ma sbyor bas/ /rnal 'byor ma yi 'khor gyis bskor/ /dpa' bo sku yi rdo rje ni/ /b+ha ga'i dbus su rnam sgom byed/ /de bzhin 'khor lo gsum sbyor bas//ji ltar bsam gtan rim pa las/ /tha dad 'khor lo rnam pa lnga/ /tha dad dbye bas bsgom par bya/ /zhes pa gsal lo/ /phyag gnyis pa sogs rnam brtsams nas/ /ji srid phyag ni 'bum du bshad/ /ces pa la sogs pa'i sgra las/ / gcig la sogs pa mtha' yas pa'i zhal dang phyag dang zhabs mang po dang du ma'i kha dog tu rtogs par bya'o/ /bshad pa'i rgyud du yang / ji ltar gnas brgyud pa'i rim pa mngon par brjod pa 'bum pa'i rjes su 'brangs nas rnal 'byor ma'i dkyil 'khor gyi le'ur rdo rje sems dpas gsungs pa dang /gzhan yang rdo rje mkha' 'gros mngon par brjod pa gsungs so zhes so/ /de nyid du/ ji ltar bla ma'i bka' 'dod bzhin/ /gnas kyi gzhung lugs de bzhin no/ /ji ltar bsam pa'i bye brag gis/ /rnal 'byor ma yi dkyil 'khor bsgom//zhes pas gsal lo/ /lus dkar 'jigs byed rnam pa ste/ /mgo bo phreng bas rnam par brgyan/ /rdo rje phag mo la gzigs pa/ /de yi kha dog mtshon cha 'chad/ /dpa' bo thod pa'i phreng ba can/ /phyag rgya lnga yis rnam par brgyan/ / ral pa'i cod pan dar dpyangs dang / /mdung dang rdo rje bsnams pa'o/ /cung zad mche ba gtsigs pa'i zhal/ /yi dags chen po gdan du byas/ /rnal 'byor cho ga bzhin shes nas/ /dus kun du ni bsgom par bya/ /zhes pas phyag bzhi pa bsgom pa gsungs so//cho ga bzhin zhes pa ni bshad pa'i rgyud du gsungs pa 'di lta ste/ zla ba'i kha dog dang mtshungs pa/ /de bzhin dmar po 'bar bas 'khrugs/ /sangs rgyas phreng bas rnam par spras/ /rgyan kun gyis ni brgyan pa'o/ /zhal bzhi pa la phyag bzhi pa/ /zhes so/ / klu'i blo'i zhabs kyis kyang gsungs pa/ zhal gcig pa la phyag gnyis ni/ /yud tsam nyid kyis rang gi lha/ /pad+ma zla ba mnyam pa'i gdan/ /'od kyi dkyil 'khor gyis mdzes pa/ /zhes so/ /dang po'i mgon po de bzhin du/ /zhal gsum phyag drug zhi ba ste/ /spyan gsum thugs rje yi ni gnas//sna tshogs chu skyes zla dbus gnas/ /stong nyid ye shes yang dag 'byung / /ral pa bcings pa zla phyed dang / /thod pa'i cod pan dbu rgyan can/ /rgyan rnams thams cad yongs su rdzogs/ /rdo rje skyil krung gis legs gnas/ /rang snang rig ma'i lus sbyor gnas//thugs rje chags pas shin tu bde/ /dkar po sngon po dmar po'i zhal/ /rnam thar gsum gyi rang bzhin skyes/ /rdo rje dril bu snyoms 'jug pa/ /lha mo'i nu ma 'tshir bar byed/ /rdo rje mdung dang thod pa dang / /kha T+wAM ga dang mgo bo 'chang / / zhes so/ /phyag gnyis sems dpa'i skyil krung can/ /rgyan rnams kun gyis brgyan pa'o/ /zhes pa ni/ kha sbyor du zhal bzhi pa/ /phyag bcu gnyis pa yang na ste rnam pa'o/ /de bzhin du yang bla mar/ /de yi nang du 'khor lo ni/ /rtsibs brgyad dkar po'i kha dog can//de yi dbus su pad+ma che/ /kha dog sna tshogs 'dab brgyad pa/ /ze 'brur ge sar gyis 'khrungs pa/ /zla ba'i dkyil 'khor dbus gnas pa'i/ /rdo rje sems dpa' rigs bcas skyes/ /dkar dang ser dang de bzhin dmar/ /ljang gu zhal bzhi bzhi pa dang //dgod dang drag po rnam par gtsigs/ /mchog tu gtsigs pas 'jigs par byed/ /rdo rje dril bu snyoms 'jug pa/ /mdung dang dgra ste cang te'u/ /gri gug thod pa kha T+wAM ga /tshangs pa'i pags pa gos su gyon/ /zhags pa tshangs pa'i mgo bo nyid//bcu gnyis phyag gis de bzhin no/ /sems dpa'i skyil krung gis gnas pa/ /thod pa'i cod pan dbu rgyan can/ /rgyan rnams thams cad yang dag rdzogs/ /mtshan dang dpe byad dang ldan pa/ /thugs kar ye shes dam tshig ste/ /cod pan rdo rje 'dzin pa'o//ji ltar thabs bzhin shes rab 'dra'o/ /phyag rgya lnga yis byin gyis brlabs/ /rigs kyi dbye bas phye ba yis/ /rdo rje dbyings dbang phyug ma mchog /bde chen thabs kyi sbyor ba yis/ /sku gnyis zhu bar gyur pa dang / /de ma thag tu bzhengs pa yi//sku yi mkha' 'gro 'khor dang bcas/ /zhes so/ /dpa' bo rnal 'byor ma lhan cig /g.yas brkyang ba dang g.yon brkyang gnas/ /dkar sngo ser dang dmar ba'i zhal/ /rdo rje dril bus 'khyud pa'i phyag /sngar gyi zhal sogs rim pa yis/ /phyag ni mtshan ma 'dzin pa'o//zhes so/ /de bzhin du gsung gi 'khor lo mkha' 'gro ma la sogs pa rnams kyang rtogs par bya'o/ /sgra ji bzhin pa'o/ /de nas rnal 'byor ches mchog tu/ /bsngags pa'i rnal 'byor kun du min/ /zhes pa ni che ba gsungs pa ste/ sgra ji bzhin no//bskyed pa'i bye brag gi cho ga'o/ /bza' bya nya sha la sogs kyis/ /de bzhin sgron ma lnga sogs kyis/ /mtshan ma la ni rtag tu bya/ /sgrub po ston mo'i dngos grub ni/ /zhes te/ sgron ma la sogs pa ni go ku da ha na rnams te dgongs pa'o/ / de nas pho nya mo sbyin bya/ /pang du mgo bo mngon byas nas/ /ma'am sring mo'am bu mo yis/ /dpa' bo gnyis med mchod byas te/ /zhes te mgo bo ni thod pa'o/ /pang par sbrang rtsis bkang ba thogs nas shes rab ma la sbyin par bya'o/ /sngar gsungs pa yi cho ga yis//bcings pa legs par grol bar bya/ /de nas sngags 'dis 'grub 'gyur te/ /ji srid sdud g.yeng yod par du/ /zhes te/ 'ching ba ni rjes su 'brel ba ste shes rab ma la'o/ /legs par grol ba ni sangs rgyas pa'i grol ba'o/ /bud med thams cad rigs gcig par bgegs byed pa yin pa dang /de rnams kyi rtogs bya dang rtogs pa nyid yod pa'i phyag rgya rnams kyi dngos grub bo/ /de nas ji ltar rang gis nus pa la gshegs pa rnams kyis dang / gnas pa rnams kyis kyang spang bar bya ba ma yin pa/rang gi bu rnams kyis nam zhig chags pa gang kho nas sems can rnams ltung bar byed pa de kho nas rnal 'byor pa srid pa'i pha rol du 'gro'o zhes so/ /sdud cing kun du g.yeng ba ni 'khor bas te gsal lo/ /slob dpon lus su gnas pa'i ched/ / sngags pa rnams la mchod pa len/ /dpa' bo rnams kyi gdan nyid dang / /phyag rgya de la the tshom med/ /ces te/ slob dpon ni sgrub pa'o/ /de'i lus te bdag kho na dpa' bo rnams kyi stan dang phyag rgya yin pa de'i phyir yang mchod par bya ba nyid do/ /dgongs pa'o//sgrub po legs par mnyam gzhag pas/ /glu dang gar la sogs pa bya/ /ji srid lus can thams cad kyang / /rnal 'byor shes par ma gyur pa/ /de srid 'khor bar 'khyam byed cing / /sdug bsngal mya ngan gyis g.yengs 'gyur/ /zhes pas rol pa gsungs te/bla mar yang / /rnal 'byor ma rnams mnyes byed pa'i/ /glu la mkhas pas smad mi bya/ /zhes so/ /rnal 'byor zhes pa ni rnal 'byor rang gi stong pa nyid dang snying rje tha dad med pa'o/ /shes par byed pa ma yin pa'o/ /zhes so/ /gsungs pa yang rang gi sems yongs su shes pa kho na byang chub bo//dgongs pa'o/ /sgrub pos dngos po thams cad kyis/ /phyag rgya nus pas mchod par bya/ /mchod pas mchod par 'os pa ste/ /brnyas pas nges par sreg par byed/ /phyag rgya mo ci yang ngo / /drang ba'i don to//phyag rgya mchod pa ni dag cing gsal ba ston ka'i dri ma med pa'i nam mkhar snang ba bsgom par bya'o/ /dngos po thams cad kyis ni rang bzhin med pa'i srid pa sgom par byed pas so/ /nges par sreg par byed ni rdo rje rnal 'byor ma rnams zhes pa la 'jigs pa dang smyo ba la sogs pas gzir bar byed do//nges pa'i don to/ /rnal 'byor rgyud du mi rnams kyis/ /phyag rgya chen po dang po 'grub/ /rab tu 'bad pas mchod par bya/ /phyi nas dpa' nyid kun du dpyad/ /ces pas bsngags pa gsungs so/ /dang po 'grub pa ni thog ma med pa'i srid par 'grub pa ni phyag rgya chen po dang las kyi phyag rgya thams cad rdzogs pa'o//drang ba'i don to/ /dang po ni lhan cig skyes pa/ /des 'grub pa ni rdzogs pa'o/ /phyag rgya chen po ni shes rab ma'o/ /nges pa'i don to/ /rnal 'byor rgyud rnams su ni 'dus pa la sogs pa rnams su'o//sku gsung thugs ni yang dag 'grub/ /sangs rgyas gzugs ni 'chang ba'i mchog/ /'dzam bu nA da'i 'od bzhin du/ /dman pa'i dngos grub yang dag bsten/ /zhes so/ /dpal 'dus par gzugs sna tshogs dang / sgra sna tshogs dang /bsam pa sna tshogs pa'i don thob pa ni sangs rgyas mkha' 'gro ma rnams so/ /de rnams kyi gzugs tsam 'chang ba dman pa 'jig rten pa'i mkha' 'gro ma rnams so zhes pa'i don to/ /de ltar mchod pa'i cho gas/ zhi ba la sogs pa gang yang / / nyon mi mongs pa kho nas 'grub/ /sgrub pa po yis the tshom med/ /ces te/ mchod pa ste sngon du 'gro ba can gyi las kyi bya ba de don du gnyer bas so zhes pa sgra ji bzhin pa'o/ /gsang ba'i mchod pa'i cho ga'o/ /de nas 'di las mkha' 'gro ma'i/ / dra ba'i 'khor lo'i chog rgyas bshad/ /gang du las rnams myur bar ni/ /sgrub pa po yis the tshom med/ /ces pas sngags kyi gzugs brnyan gyi bsam gtan gsum te/ rgyas par nga yis 'chad par byed/ /ces rtogs par bya'o/ /'dir rtsa ba'i rgyud kyi rjes su 'brangs nas chos kyi phyag rgya sngags dgod par rtogs par bya'o//dpa' bo kun dang phag mo ni/ /pad+ma'i lte bar nges par sbyar/ /'dab ma bzhi la mkha' 'gro ma/ /phyogs bral rnams su bdud rtsi'i snod/ /ces te/ dpa' bo thams cad ni de bzhin gshegs pa lnga'i bdag nyid can hUM yig go//phag mo ni nA da'i bdag nyid can no/ /mkha' 'gro ma ni bzhi ste/ /de rnams kyi ming gi dang por gnas pa'i sa bon yang na'o/ /bdud rtsi'i snod ni khu ba la sogs pas yongs su gang ba'i thod pa yang na'o/ /bla mar yang /aM AM iM IM uM eM aiM oM auM aM aHlus kyi dbus su'o/ /r-i r-I/ l-i l-I/ phyogs bral rnams su'o/ /kaM khaM gaM g+haM ngaM / tsaM tshaM dzaM dz+haM nyaM/ TaM ThaM DaM D+haM NaM/ taM thaM daM d+haM naM/ paM phaM baM b+haM maM/ yaM raM laM waM/ shaM ShaM saM haM/ thugs la sogs pa ste/ thugs kyi 'khor lo rnams su kha dog dkar po ste/'di kun mchog tu gsang chen te/ /gang sul yang bshad mi bya'o/ /zhes pa drang ba'i don to/ /dpa' bo thams cad ni lhan cig skyes pa/ phag mo ni stong pa nyid/ pad+ma'i lte ba ni chos kyi dbyings su nges par sbyar bar bya ba ni de dag zung du 'jug pa'i mtshan nyid du shes par bya'o//nges pa'i don to/ /'bar phreng rgya mtshor blta bar bya/ /kun nas sgo yi 'khor lo ste/ /dpa' bo'i dbang po zhal bzhi pa/ /dpa' bo dpa' mo gnas de bzhin/ /zhes pas de kho na nyid kyi bsam gtan gsungs te/'bar phreng rgya mtsho ni 'od zer lngas yongs su dkris pa'o/ /de'i 'khor lo ni phung po la sogs pa rgyal ba'i tshogs lus kho nas blta bar bya'o/ /nam mkha'i dbyings ni de dngos su byed pa'i phyir kun nas sgo ste kun nas khyab pa'o//ye shes kyi sku ni zhal bzhi pa ste/ sku bzhi'i bdag nyid can no/ /dpa' bo'i dbang po ni/ rdo rje sems dpa' la sogs pa rnams kyi gtso bo'o/ /dpa' bo'i spyan la sogs pa rnams kyis mtshon pa dpa' bo'o/ /gnas te rnam par dag pa'i so dang sen mo la sogs pa thod pa'i dum bu la sogs pa shes rab dang bcas pa mtshon pa'o//gsungs pa yang / lus ni rdo rje'i ba spu can/ /rdo rje spu ni gcig pu'i lus/ /sen mo skyes pa rdo rje rtse/ /rdo rje snying po pags pa mkhregs dpal 'dus par yang gsungs pa/rin chen chen po kha dog lnga/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rig pas rtag tu bsgom/ /zhes mthar drug tu gdon mi za ba'i don to/ /'od zer lnga dang ldan pa ni sgyu ma'i lus kun rdzob kyi bden pa'i rang bzhin can gyi gzugs so//thams cad stong pa 'di rang gi lus su rab tu gzhug par bya zhing / gcig tu 'dres par gyur pa las nyin dang mtshan mor de las rim pas brtan par gyur pa la srid pa dang zhi ba'i bdag nyid rgyal bar 'gyur ro zhes pa dgongs pa'o//sngags kyi de nyid bshad pa la'o/ /da ni 'jig rten las 'das pa'i sbyin sreg gsungs pa/ smin ma'i dbus su gzhug par bya/ a wa d+hU tI'i gnas de bzhin/ /dpa' bo 'chol ba'i zhal gyi mer/ /sbyar bya nam yang gzhan du min//zhes bya ba la sogs pas so/ /rgyud du yang / smin dbus zla ba pad+ma yin/ /bcu drug gis ni de bskor ba'o/ /dang po'i dbyangs yig yang dag ldan/ /bsams nas skad cig de la 'bar/ /zhes so/ /haM AHhUM sku gsung thugs rnams su bsgoms nas lte bar nA da dmar po rnam par bsgoms te de'i 'od zer gyis zhu ba'i bde ba bsgom par bya'o zhes pa nges don to//dpa' ba'i zhabs 'dod pa la lte bar nyi ma dang zla ba la thig le'i ri mos dbyangs kyi yi ge gsum gyis dkris nas/dkar po phyed dang dga' ba phyed kyi mthar ro zhes drang ba'i don to/ /gzhug par bya zhes pa ni dpral ba'i thig ler srog rtsol gyis srog rab tu gzhug pa'o/ /a wa d+hU tI'i gnas ni gtum mo can du zhugs pa de las 'gyur ro/ /dpa' bo 'chol ba'i zhal gyis me sbyar bya gzhan du min ni phung po la sogs pa rnams so//gzhan du min ni/ ba lang sha dang khrag phreng sogs/ /bsreg bya lnga dag rab tu sbyin/ /phyi nas sreg za 'bar ba la/ /sreg blugs dgu ni sbyin par bya/ /zhes pa'i sreg blugs dgu ni yul dang dbang po zad pa las phung po dang khams dag go//de'i phyi nas 'bar ba la ni la la nA dang ra sa nA gcig tu sbyor ba las so/ /gsungs pa yang 'dzin pa'i mthar gtum mo'i rnal 'byor bsgom par bya'o zhes pas/ nye bar bstan pa de las lte bar bum pa can byas nas g.yo ba med par bya'o zhes pa'o//sreg za ni 'od gsal ba'i me bde ba chen po'i ting nge 'dzin gyis lus dang / ngag dang / sems rang bzhin med par bya'o zhes pa nges pa'i don to/ /'di dag sbyin sreg mdor bstan pa ste/ dngos grub thams cad rab sgrub byed/ /mkha' 'gro ma gzhan sbyor ba yis/ /'grub 'gyur 'dir ni the tshom med/ /ces pa 'dis phan yon gsungs so/ /sbyin sreg gi de kho na nyid do/ /dgongs pa'o/ /de bzhin du yang / lte ba'i pad+ma'i thab chen po las kyi rlung gis sbar ba'i gtum mo shas rab kyi me de la the tshom med par sbyin par bya'o//de kho na nyid kyi sbyin sreg go/ /'dod pa thams cad skyed byed pa/ /ji ltar lha 'khor rnams su mtshon/ /mchod pa gnyis med sbyor ba yis/ /las rnams so sor legs sbyar ba/ / gang 'dir dngos byed pa yi sngags/ /de rnams dbye ba nga yis bshad/ /kha dog pho nya sogs gang sngags/ /mnga' yi shugs kyis yongs su 'khor/ /phan tshun sbyar ba'i gsang sngags ni/ /rnam snang gis ni phye ba nyid/ /sa bon phreng ba spel ba ni/ /hUM yig mthar ni rab tu gnas//zhes pa 'di rnams kyis bzlas pa gzhan gsungs so/ /thams cad ces pa zhal gcig pa la sogs pa'i sngags so/ /gnyis med sbyor ba yis ni/ /shes rab ma lhan cig pas dpa' bo'i sngags dang spel ba la sogs pa dang lhan cig pa las kyi rjes su 'brang bas so zhes pa sgra ji bzhin pa'o//sngags ni phreng ba'i sngags rkang pa nyi shu rtsa bzhi pa'o/ /dbye ba ni yongs su phye ba bshad par bya'o/ /kha dog ni dkar po la sogs pa'o/ /pho nya mo la sogs pa ni rab gtum mo la sogs pa dang lhan cig pa'o/ /mda'i shugs ni rlung gi shugs kyis so//yongs su 'khor ni 'bab pa'i dbang gis mtshon par bya'o/ /rnam par sdang bas ni ma rungs pa'i las rnams so/ /sa bon phreng ba ni shes rab dang thabs kyi sngags kyi phreng ba'o/ /hUM yig ni mthar bzlas par bya'o/ /ni yig ni ma brjod pa bsdu ba la ste/des ni oM yig dang por dang phaT yig la sogs pa mthar shes par bya'o/ /sngon po la sogs pa'i kha dog kyang ngo / /gsungs pa yang de ltar phreng ba'i sngags kyi rkang pa so sor dbugs kyi 'khor lo'i grangs so/ /'dir bgrang phreng med cing sngags brjod pa med de dbugs 'jug pa dang 'byung ba dag dang lhan cig sngags kyi yi ge rnams rab tu 'jug pa dang 'byung ba me tog gi phreng ba bzhin du zla ba dang nyi ma'i rang bzhin lugs dang mthun pa dang lugs dang mi mthun pas blta bar bya'o//de ltar nyin zhag brgya phrag bco lnga rnams kyis dbugs g.yo ba med pa bum pa can gyi gnas skabs su 'gyur ro//de nas mngon par shes pa lngar 'gyur ro zhes pa dgongs pa'o/ /bsgrub bya 'gog pas 'gyur ba ni/ /gom pa gcig kyang mi 'gro'o/ /kha sbyor kha sbyor can dngos po/ /rdo rje lu gu rgyud bcings pa//zhes pas phan yon gsungs so/ /'gog pas ni dkyil 'khor bcu po rnams su'o/ /bsgrub par bya ba ni rlung ste dpral bar gnas pa gsang bar phyin pa'o/ /mi 'gro'o ni ze 'bru las gzhan du ste/ bde ba nyi mar rab tu zhugs par 'gyur te 'dzin pa'i yan lag gis so//bla mar yang / srog gi rtsol ba'i 'khrul 'khor nyid/ /bsams nas skad cig de las 'bar/ /zhes so/ /kha sbyor can ni kha sbyor ma yin pa kha sbyor can du gyur pa ste/ khu ba dang rdul dag go/ /rdo rje mkha' 'gror yang / shes rab thabs ni mnyam par sbyor//kha sbyor can zhes mngon brjod bya/ /lag pa dag gis kun du 'khyud/ /rdo rje lu gu rgyud du brjod/ /ces te dgongs pa'o/ /'di rnams rdo rjes dbye bya zhing / /de nas bung ba 'khor bar bya/ /de la lcags kyu 'gugs byed la/ /de bzhin gtun shing skyed byed la//za la rdo rje kho nar brjod/ /'bugs la mda' ni kho na dang / /dus min 'chi ba bslu ba la/ /nu mar kha T+rAM ga sbyar bya/ /zhes pas dus su 'chi ba bslu ba gsungs so/ /rdo rje ste pho dbang gis bud med kyi pad+ma bye bar bya'o/ /bshad pa'i rgyud du yang / rdo rje pad+ma dbye bar bya/ / bung ba sbrang rtsir 'dod pa yin/ /'khor ba g.yo bar bya'o/ /bde ba'i thabs te thams cad rig /ces so/ /'gugs byed la ste byang chub kyi sems kyi shin tu bde ba la lcags kyu ste sdigs mdzub lcags kyu'i rnam pas so/ /bskyod pa la ste gtun shing 'di'i rdo rje rab tu gzhug pa'o zab la ste bag chags rnams kyi rdo rje ste khu ba'o//'bugs pa la ste stong pa nyid kyi mdangs rnam par 'joms par 'gyur ro/ /de nyid kyis dgongs pa'o/ /kha T+wAM ga ni shes rab mi'i khu ba 'gro ba'o/ /bshad pa'i rgyud du yang / shes rab kha T+wAM ga gzugs can/ /zhes so/ /nu ma la sbyar ba ni bcom ldan 'das kyis nges par bstan pa'i ched du ste gsungs pa yang /'di ni 'chi ltas bslu ba la/ /rnal 'byor rnams kyis dga' bar 'gyur/ /zhes so/ /dgongs pa'o/ /thod pa'i mchod yon snod du ni/ /zhal du mtshon cha nges par sbyar/ /sku gsung thugs kyi gsang sngags ni//dbang po gnyis la dgod par bsgrags/ /zhes pa'i tshogs pa la sogs pa'i mtshon cha rnam par gzhag pa ni 'od zer ro zhes so/ /gnas kyi 'jug pa drang ba'i don to/ /thod pa ni kaM bde ba skyong bar byed do zhes pa'o/ /rdo rje mkha' 'gror yang / lha mo dus 'chi bslu ba la//yan lag kha T+wAM ga dang sbyar/ /thod pa'i mchod yon snod du ni/ /zhal du mtshon cha nges par sbyar/ /zhes te nges pa'i don to/ /dbang po gnyis mnyam par sbyar bas bsgrub par bya'o zhes pa sgra ji bzhin pa'o/ /phan tshun rol pa'i gsang sngags ni/ /gcig tu mkha' 'gro ma dang sbyar//lha dang lha min mir bcas rnams/ /'di yis myur du bsgrub par bya/ /zhes pa sgra ji bzhin pa'o/ /'chi ba bslu ba'o/ /de nas dbang du byed pa'i mchog /gzhan ni yang ni rab 'chad byed/ /bza' bya zos pa min pa la/ /bzlas pa'i mthar ni slar yang skyugs//bza' dang btung ba rnams la sbyar/ /'di ni mtshan mo bdun gyis ni/ /ji srid 'tsho bar bud med rnams/ /dbang du 'gyur bar the tshom med/ /ces pas dbang du bya ba gsungs so/ /skyugs pa ni bza' bya skyugs pa'o/ /de nyid slar yang bkrus nas bzlas pa'i mthar nye ba'i snying po'i dbang du bya ba'i cho ga las ji ltar gsungs pa der 'gyur ro zhes so//ser skya'i mar ni 'thungs nas su/ /de nas bzlas mthar skyug par bya/ /bdag gi gdong pa de nyid kyis/ /byugs te khros pas blta bar bya/ /gzhon nu ma de mthong ba yis/ /dbang du 'gyur bar the tshom med//ces pa gsal lo/ /til mar sA lu btags pa ni/ /ldan pas lus ni bskus nas ni/ /sngags pas snum 'khur byas nas ni/ /bza' ba la ni de sbyar bya/ /gal te las 'di ma btang na/ /rtag tu mi mo dbang du 'gyur/ /snum 'khur ni 'khur ba'i bye brag go//bza' ba la lan bdun bcas pa ma btang na ji srid 'tsho'i bar du'o/ /til nag rnams ni zos nas su/ /skyugs pa skye tshe dang lhan cig /ru rta bshang lam las grol ba/ /lag skyes lto ba'i srin bu ni/ /rang gi khrag gis brtags par bya/ /khu ba nyid kyis sbyar bar bya/ / bza' ba btung ba mig sman dang / gos la byugs pas sbyar bar bya/ /de ltar ji srid 'tsho bar du/ /dbang du byed par the tshom med/ /ces te ru rta ni bshad par dgongs so/ /lag skyes ni ming med kyi sen mo'o/ /srin bu ni 'bu'o brag ni ming med las byung bas so//gsal lo/ /sngar brjod pa'i lha nyid bsams nas de sngon du 'gro bas las bya'o/ /ba lang sha bsregs sbyin sreg la/ /khrag gis bskus na lha rnams dang / /ma mo dbang du 'gyur ba yin/ /gal te ma 'ongs 'chi bar 'gyur sngags pas sbyin sreg 'di yis ni//zhag bdun gyis ni 'grub par 'gyur/ /sbyin sreg mthar ni gtor ma sbyin/ /'gro ba dgug bya brtul zhugs can/ /zhes te/ lha rnams ni shes rab dang thabs kyi bdag nyid can nam las kyi rjes su 'brang bas bya'o/ /khrag gis skyugs pa la'o//sbyin sreg gi mthar dbang du bya ba'i cho gas ji skad gsungs pa bzhin 'gyur ro zhes pa sgra ji bzhin pa'o/ /dbang du byed pa'i cho ga'o/ /brda ni mkha' 'gro ma rnams kyi/ /lus nyid kyi ni mtshan nyid dang / /sngags pas dpa' dbang ma klog cing //g.yon gyi kun du spyod pa sbas/ /zhes pas gsang chen gsungs te/ rgyud kyi mtshan nyid dpa' bo'i dbang bo'i yan lag gi dbye ba dang dpa' bo'i dbang po bum pa la sogs pa'i dbang bskur ba ma yin pa'i byis pa rnams rgyud du sbas so/ /sgra ji bzhin pa'o/ / da ni rnam pa lngas phyag drug pa'i sgrub thabs brjod par bya ste/ dbang po rnon po rnams kyis 'dir/ A li kA li lugs dang mthun pa dang / /lugs las bzlog pas nyis 'gyur byas nas/ hUM yig la sogs pas byin gyis brlabs pa/ rdo rje la sogs pa'i mtshan ma las skyes pa'i dpa' bo dkyil 'khor dang bcas pa'i rang dam tshig sems dpa' bskyed nas ye shes sems dpa' rab tu gzhug par bya'o//de bzhin du mngon par brjod pa'i bla mar gsungs pa/ /snying gar zla ba'i dkyil 'khor gyi/ /dbus su ye shes sems dpa' ni//de mdog phyag mtshan bltas nas ni/ /zla ba rdo rje sa bon can/ /zhes so/ /de nas mgo bo sogs par dgod pa byas ye shes kyi 'khor lo rab tu gzhug par bya'o/ /rang gi snying ga'i lcags kyu'i sbyor bas dbang po dang / dpa' mo'i tshogs rnams nam mkhar bltas yang dag par mnyes pa'i rjes su gsol ba gdab par bya'o//oM a b+hi Shiny+tsan tu mAM sarba ta thA ga ta zhes so/ /de nas he ru ka'i gzugs can gyi sangs rgyas de rnams kyis/ /oM sarba ta thA ga ta a b+hi She ka sa ma ya shri ye hUM hUM zhes pa mngon par dbang bskur bya'o//mngon par dbang bskur ba'i cod pan du rang gi rigs kyi dbang po he ru kar 'gyur ro/ /snying po'i 'khor lo la gnas pa rnams ni rin chen dbang po thugs la sogs pa'i 'khor lo la gnas pa rnams kyi thugs dang /gsung dang / sku'i mkha' 'gro dur khrod na gnas pa rnams kyi dam tshig gi dpa' bo yang ngo zhes pa'o/ /shes rab la rjes su chags pa dang / phra mo'i rnal 'byor rnam par bsgoms te/ dam tshig gi 'khor dag par byas nas/ rdo rje'i bzlas pa la sogs pa bya'o//dam tshig kun spyod yang dag ldan/ /sngags pas mnyam gzhag bzlas par bya/ /srog gi rtsol ba'i dkyil 'khor nas/ /phyag 'tshal hUM yig brjod par bya/ /mdzes pa'i bzlas pa'am/ ngag gi bzlas pa byas nas smon lam gdab pa dang /gtor ma sbyin par bya'o/ /dpa' bo'i 'od zer gyis bkug pa de rnams rang la rab tu bcug nas gshegs su gsol bar bya'o/ /mngon par brjod pa bla mar yang / /mgon po zhal gsum phyag drug pa/ /spyan gsum rnam par 'gyur ba'i zhal//dmar po dkar po sngon po'i zhal/ /rdo rje dril bu snyoms par zhugs/ /phyag na kha T+wAM ga ral gri/ /cang te'u dang mgo bo'o/ /zhes so/ /de nas phyag bzhi pa brjod par bya ste dbang po 'bring po rnams kyi'o/ /de bzhin du yang phyag bzhi pa la zhal bzhi pa//spyan gsum drag po 'jigs par byed/ /g.yas brkyang zhabs kyis gnas pa ste/ /dus mtshan 'jigs byed mgo bo mnan/ /dkar sngon ljang dang dmar po'i zhal/ /rdo rje dang ni dril bu dang / /thod pa kha T+wAM cang te'u can/ /bcom ldan ji 'dra de bzhin du//bcom ldan 'das ma'ang de 'dra'o/ /yang na zla ba rdo rje'i rim pas bsgom par bya ste de bzhin du/ /de yi dbus 'gyur stong pa ni/ /zla ba hUM gi yi ge mchog /de yongs gyur las rdo rje bzang / /rdo rje sems dpa' rnam bsgom bya/ /zhes so/ /de nas hoHyig gnyis dang bcas pa la//sngar grub pa rnams dran par bya'o/ /gnyis ka kun du dga' 'gyur bas/ /shin tu dga' bas zhu bar gyur/ /de ma thag tu dpa' bo dang rnal 'byor ma rnams langs te cang te'u grags pa'i sgras bskul bar gyur to/ /de nas sa bon dang mtshan ma las skyes pa'i dpa' bo bsgom par bya'o//de nas zhal gcig phyag gnyis pa'i cho ga dbang po rtul po rnams kyis rang byin gyis brlabs pas bsgom par bya ste zla ba dang sa bon zhes pa'am/ yang na yud kyis te/ de bzhin du bla mar yang / yud kyi rnam pas rdzogs pa yi/ / rnal 'byor rnal 'byor mchog gi mchog /ces so/ /rdzogs pa'i rim pa yang mkha' 'gro ma rnams kyi brda la sogs pa ste/ gang gzhan drung du 'don byed na/ /ngan pa'i bdag nyid rmongs can te/ /phyugs kyi mchog yin mkha' 'gro ma'i/ /pho nya rnams kyis zos gyur kyang //de dag la ni skyob mi byed/ /sangs rgyas 'jig rten las ltung zhing / /bla ma 'khu ba'i sdig pa byed/ /dam tshig skyong bar mi byed dang / /brda la sogs rnams rab sbed byed/ /de 'dir da ni rjes su 'dzin/ /mkha' 'gro ma nyid dge ba'i zhal/ /zhes te gzhan gyi ni dam tshig rig pa las gzhan no//drung du 'don par byed pa ni sems par byed pa dang 'dri bar byed pa'o/ /da ni khyod la srung bar mi byed do/ /sangs rgyas 'jig rten las ni chos kyi dbyings las so/ /bla ma ni bla ma'i dam tshig ste gsal lo/ /sngags pas rtsa ba'i gsang sngags tshig /lan bdun par du rjes dran bya/ /de 'di'i thugs kar phag mo ni/ /srung ba byed par the tshom med/ /chu klung chu gter lteng ka dang / /ri bo dang ni bzhi mdor rung / /dur khrod nags tshal 'jigs rung ba/ /seng ge glang chen 'jigs brgyad la//dpa' bo rnams dang pho nya mos/ /lhan cig sgrub po rtag tu rol/ /ri bo tshang tshing sman ljongs dang / /mtsho dang gsang ba'i sa yi mthil/ /zhes pas gnas gsungs so/ /dpa' bo rnams dang pho nya mos/ /lhan cig mnga' bdag rtag tu rol/ /kye gang gi phyir don gang las rol par byed pa de'i phyir/'dir sgrub pa po yang dga' bar byed do zhes pas gsal lo/ /dpa' bo dang dpa' mo rnams kyi gsang ba'i gnas kyi cho ga'o// //de nas grub pa'i rnal 'byor ches/ /rnam brgyad sngags kyis bshad par bya/ /de yis mkha' 'gro ma mthong ba/ /rab tu stsol 'gyur the tshom med//ces pas bzhad pa brgyad gsungs so/ /de ltar dang po snying gar bzhag pa'i rtsa ba'i sngags la sogs pa bzlas par bya'o zhes pa sgra ji bzhin pa'o/ /ha hA hi hI hu hU he hai 'jigs par byed pa'i bzhad pa 'di rnams kyis de rnams rnam par 'byed par byed cing 'khrul pas 'jigs te 'bros par byed do//sgrub pa po yang mkha' spyod de dngos grub rgya chen po ster bar byed do/ /bde ba can ni pho nya mo rnams kyis lhan cig sgrub po rtse bar byed do zhes sngags gsungs so/ /dngos grub ni bcu gsum pa 'bras bu'i bdag nyid ster ro/ /bcom ldan 'das kyis kyang rgyud mdor bstan par gsungs pa/stong nyid snying rje'i bdag nyid skur/ /ye shes lnga dang sku gsum pa/ /bcu gsum 'bras bu thob pa po/ /dpal ldan dus 'khor la phyag 'tshal/ /zhes so/ /bde ba can bcos ma yin pa rab tu zhi ba'i bde ba'o zhes pa sgra ji bzhin pa'o//rnal 'byor ma rnams mthong ba dang / /gzhan pa brgyad kyi cho ga'o/ /da ni yang dag rab 'chad byed/ /gang gis mi rnams dbang du 'gyur/ /sngags dang rnal 'byor cho ga las/ /dpa' bo'i zla bas bsgrub par bya/ /zhes pas phyi rol gyi dbang du bya ba gsungs te/mi rnams ni rigs lnga po rnams so/ /rnal 'byor cho ga las ni las so so'i rjes su mthun pas so/ /sgra ji bzhin pa'o/ /zla bas ni sbyin sreg gis so/ /sgrub pa po yang dpa' bo'i dbang po nyi ma bdun las so/ /dngos grub rgya chen stsol bar byed//bdag nyid mtshan mo sbyin sreg byas/ /brgya rtsa brgyad ldan nyid kyis ni/ /thun gsum du ni bsgrubs gyur na/ /rgyal po dpung dang bcas nyid kyang / /nyi ma bdun gyis dbang du gyur/ /phyed kyis bu ni chen po ste/ /de phyed kyis ni blon po'o/ /las sgrub pa la sreg blugs ni//rgyal phran so gnyis sbyin sreg bya/ /bram ze rnams la'ang nyi shu ste/ /nyi ma bdun du sbyin sreg bya/ /rgyal rigs thun mong ba la bdun/ /rje'u rigs rnams la sbyin sreg lnga/ /dmangs la sbyin sreg gsum bya'o/ /mthar skyes de bzhin gcig sbyar bya/ /de ltar dpa' bos rigs rim las//zla ba gcig gis bsgrubs gyur pa/ /sgrub pos gsang sngags 'di yis ni/ /'gro ba mtha' dag 'gugs par byed/ /ces te phyed ni lnga bcu rtsa bzhi'o/ /bu chen po ni rgyal po'i bu'o/ /de'i phyir gyis ni nyi shu rtsa bdun gyis so/ /thams cad du thun mtshams gsum du rtogs par bya zhing sbyar bar bya'o//sha dang nya dang ldan par ni dbang gi thab tu'o/ /lha dmar po'i sbyor bas so zhes so/ /da ni bcom ldan 'das kyis gsungs pa'i rnal 'byor brjod par bya ste/ dpa' bo gcig pa'am shes rab dang thabs kyi bdag nyid kyang rung ste/zhal la sogs pa'i dbye bas zhi ba la sogs pa'i las byed do/ /gang gi tshe zhi ba la sogs pa la sku'i zhal gtso bor byas nas dkar por 'gyur te zla ba'i dkyil 'khor gyi dbus su gnas pa'o/ /de bzhin du gsung rdo rje zhes pa la sogs pas dbang la sogs pa la 'di ltar ma mo'i gsang ba'i pad+mar rnams lngas waM yig las skyes pa'i chu skyes las skyes pa'i lha zhal gcig phyag gnyis pa dkar pos srung la zhon pa pad+ma dkar po dang mi 'jigs pa'i phyogs dkar po la sogs pa dang ldan pa rab tu bzhad pa'am lha mo ut+pal dkar po'i phyag bsgrub par bya pa'i khyim du mngag par bya'o//'di ltar dbang du bya ba la hrIHyig las skyes pa dmar po mda' gzhu can bsgom par bya'o/ /dgug pa la ni lag na zhags pa dang lcags kyu thogs pa'o zhes pa khyad par ro/ /sgra ji bzhin pa'o/ /sa stengs 'dod pa'i dbang phyug bzhin/ /dpal ldan skal ba bzang por 'gyur//dbang dang dgug dang rnam par sdang / /de bzhin gsad dang bskrad pa dang / /rmugs dang rengs pa nyid dang ni/ /rmongs dang de bzhin bskyod pa dang / /lkugs dang 'on dang long ba nyid/ /ma ning nyid du byed pa dang / /las rnams 'di dag thams cad ni/ / sgrub po nyid kyis 'grub par 'gyur/ /zhes pas phan yon gsungs so/ /'dod pa'i dbang phyug ces pa bud med skal ba bzang mo mtha' yas pa'o/ /dpal 'dus par yang gsungs pa/ ri rab sum cu rtsa drug gi/ /rdul phran ji snyed yod gyur pa/ /de yi btsun mo de snyed pa/ / yon tan gnas ni 'byung bar 'gyur/ /zhes so/ /sgra ji bzhin pa'o/ /sgrub pa po rnam par rtog pa med pa/ blo dang ldan pa mkhas shing des pa kha cig 'jig rten pa dang 'jig rten las 'das pa'i dngos grub rnams de kho na nyid lhag par rtogs pa nyid kyis gdon mi za bar sgrub par byed do zhes the tshom med do zhes pa sgra ji bzhin pa'o//dbye ba bco brgyad kyis tha dad pa'i rigs lnga dbang du bya ba'i cho ga'o/ /de nas 'di las rab 'chad byed/ /pho nya mo yi gnas kyi mchog /yul dang yul dus skye 'gyur te/ /ye shes ldan pa skye bar byed/ /ces pas gnas la sogs pa'i sa bcu gnas nyi shu rtsa bzhi nges par bstan pa gsungs te/de rnams mkha' 'gro ma ru bshad/ /rdo rje'i dkyil 'khor gtso mo yin/ /dngos grub brtson pa'i sgrub pa pos/ /lugs las bzlog pa yongs shes bya/ /ku lu tA dang mya ngan dang / /sin+d+hu na ga ra gser gling //sau rASh+Ta dang lha yi khyim/ /yi dags grong dang kha yi gnas/ /kAny+tsi lam+pA ka yi yul/ /ka ling+ga dang ko sha la/ /de bzhin dge mtshan gsum o Te/ /kA ma rU pa mA la wa/ /lha mo'i mkhar dang dga' dbang phyug /go dA ba ri ardu da/ /o Di yA na dzA lar grags//pul+lI ra ma la de bzhin/ /yul 'di rnams kyi bu mo gang / /dpa' bo gnyis med bstan pa nyid/ /de kun 'dod pa'i gzugs can te/ /yid kyi shugs kyis rdzu 'phrul che/ /zhes te/ lha'i khyim ni kong ka na'o/ /yi dags grong ni rin po che'i gling ngo //dz+wa lar grags ni dzA lan+d+ha ra'o/ /pul+lI ra mA la ya ni pur+N+Na gi ri'o/ /dgongs pa'o/ /'di rnams su zhes pa nye bar mtshon pa khyim lnga la sogs pa'i grong du rgyun du'o/ /thams cad rdo rje'i dkyil 'khor gtso mo ste dpal he ru ka'i btsun mo'o zhes pa sgra ji bzhin pa'o/ /da ni mdor bsdus pas thun mong ba'i ming nyid kyis rnam par 'chad de/rnal 'byor mar bshad ku lu tAr/ /mya nga ma yul du ma mo ste/ /de bzhin lA ma sin+d+hu'i yul/ /rigs kyi gtso mo na ga rar/ /zhes pa la sogs pas rnal 'byor ma'i ming dang gnas dang grangs te rdo rje rnal 'byor ma rnams so//de bzhin du mya ngan gyi yul la sogs par rtogs par bya'o zhes so/ /na gar ni skye bo'i bu'o/ /rdo rje mkha' 'gror yang / ro langs zhes bya'i rig ma che/ /dpa' bo kun gyi mchog btab ster/ /spa zhing khung bur gnas byed dam/ /gnas der gnas pa'i bzang po ni//byin pa'i spu zhes bya bar grags/ /zhing skyong gtsigs pa chen po'o/ /rgan byad ma zhes rnam par grags/ /lha mo lam khar shing 'phel gnas/ /zhes te sgra ji bzhin pa'o/ /gser gling du ni chu can brjod/ /sau rASh+Ta ru rigs kyi lha/ /khyim gyi lha ru mkha' 'gro ma//yi dags grong du bu mo can/ /kha ba'i ri ru gzugs can bshad/ /kAny+tsi nyid du byis bcas ma/ /khyim gyi lha dang lam+pA ka /ka ling+ga ru brtul zhugs 'dzin/ /ko sha la ru sha za mo/ /dge mtshan gsum par du ma skyes ma/ /o trer dpal dbang bskur mar brjod/ / kA ma rU par dkar mo dang / /lha mo'i mkhar du'ang sbas ma dang / /g.yo can de bzhin dga' dbang phyug /go dA wa rir pho nya che/ /arbu da ru lum+bIr bshad/ /o Di ya na ra yan lag ma/ /dzA lar grags par dra 'dzin ma/ /gtum mo'i bu mo can gyi rigs/ /pul+lI ra mA la yar gnas//zhes so/ /lha mo'i mkhar du'ang de zhes pa'i 'ang yig gis phyogs gzhan du thabs kyang ngo / /rdo rje mkha' 'gror yang / lha mo'i mkhar du rna nyams ma/ /stobs chen po yi rigs las byung / /mdung gi lag ni lha mo ste/ /rnal 'byor kun dbang phyug ma mchog / gnas der gnas pa'i drag po ni/ /pa Ta'i shing la yang dag brten/ /zhing skyong lus po chen po ni/ /sgyu can mchog gi dbang phyug go/ /zhes so/ /de bzhin drag tu dgod par gnas/ /rdul bral lha mo yang dag byung / /zla ba'i gdong zhes rnam par grags/ /rdo rje'i mtshon cha 'dzin pa ste//nags der gnas pa'i lha mo de/ /ka dam+pa la rim pas brten/ /dril bu chen po zhes grags te/ /zhing skyong stobs ni chen po'o/ /kol+la gi rir bkra shis che/ /gtsigs pa'i skye gnas yang dag byung / /zhes so/ /de bzhin du/ tsa ri tra ni lag skyes gnas//gtsigs pa nus pa yang dag byung / /lag skyes gnas pa bshad pa ni/ /phyag rgya shAk+ti 'chang ba mo/ /zhing der gnas pa'i dril bu che/ /zhing skyong stobs ni chen po'o/ /gyen du skra ni gdengs kar ldan/ /gdug pa thams cad 'jigs byed pa'o/ /zhes so//slar yang / bod kyi yul du lhan skyes bshad/ /chu srin rgyal mtshan 'dzin pa'o/ /zhes so/ /zhing 'di rnams kyi bu mo gang / /dpa' bo rnams kyis dngos grub ster/ /mtshan mo 'du bar byed pa dang / /yongs su rgyu zhing rtag pa ru/ /dngos grub rgya chen ster bar byed//mkha' spyod rnams su rnyed dka' ba'i/ /las rnams thams cad sgrub po yis/ /'grub par 'gyur te the tshom med/ /ces te sgra ji bzhin pa'o/ /phyag rgya drug gis lhag pa yi/ /gzhan yang stong phrag nyi shu gcig /lus dang yul du pho nya rnams/ /brgya phrag dgu yi rigs rnams ni//dbugs rnams grangs ni ji snyed pa/ /pho nya mo rnams de snyed bshad/ /nyi shu rtsa bzhi'i rnal 'byor ma/ /'khor lo gsum rigs gtso mo'o/ /zhes pa 'di rnams kyi bsdus pa gsungs so/ /nyi shu rtsa bzhi po de rnams kho na bzung ste/ de rnams kyang 'khor lo gsum gyis bsdus so//gsum po rnams kyang gcig gis gcig kyang ste gnyis su med do zhes gsal lo/ /sbas pa'i yi ge dang dkyil 'khor dgod pa'i cho ga'o/ /da ni rnal 'byor ma'i gzugs kyi sgyu ma rgyas par 'chad de/ dpa' bo me tog chu 'thungs nas//dpa' bo'i gsang sngags rjes dran bya/ /phyag rgya lhan cig sgrub pa po/ /rtag tu 'khrig pa bya ba'o/ /zhes pa la sogs pas me tog gi rdul yang na'o/ /dgongs pa'o/ /mtshan mo sha ni bza' bya yang / /sbyang bya rtogs bya bde ba thob/ /brda dang 'khyud pa'am de nas ni//reg dang dgod dang rigs chen mo/ /zhes so/ /bza' bya za ba la sogs pa la rnam pa drug ste/ /bla mar yang / bza' bar bya ba'i don du ni/ /lan gsum mngon par bsngags nas bza'/ /zhes so/ /bde ba thob pa ji lta ba bzhin du 'gyur bar ma zad/ /mi rgas pa'i rgyur yang gsal la//phyag rgya legs par mthong nas bzhad/ /bden pas tshangs par spyod pa dang / /'dis ni bzhad pa dag tu bya/ /lta ba bsregs pa grags ldan zhes pas sgeg pa'i sems dpa' gsungs so/ /tshangs par spyod pa ni mi 'pho ba'i tshul khrims so//legs par bshad pa ni 'od can 'gags pa po chu shel du bya'o/ /lta ba bsnyems pa ni dga' ba'i bstan bcos su yang / /ku mu di can lhan cig spyod pa mthong ba rab dga' mdzod spur smin ma gar byed dus su yang / /de yi rkang pa bkod pa skad cig la ni mnyam du 'jig cing 'jug rnams dran pa smra bar byed//dga' bas rnam par myos pa rnam par brgyud pa de dag rtsod pa'i gnas ni bud med rnam par 'gyur ba cig /sa yi sbrang gis myos pa phal cher myos pa spro byed gzugs dang dpal ni gang yin de rnams nyon/ /lha mo ji ltar gnas pa'i gar dang glu dang mchi ma 'dzag dang dgod dang byung ba za bar byed//ces gzugs kyi dbyibs ni 'dra ba/ /sdug pa mthong nas byed pa'o/ /rnam pa sna tshogs sdug pa'i las/ /zhes so/ /'dod pa'i bstan bcos su yang skra chas bcings pa grol dang zlum por bkod pa'i thig le ma lus 'chang ba dang ni mtha' cig tu//mig sman nag po brang la g.yer kha'i sgra ldan rin chen gser skud phrag par gcig tu do shal dang / /rim par lag pa cha dang bcas pa spras pa gcig tu 'dzin pa'i 'dod ma de rnams rna g.yeng ba/ /zhes pa la sogs kyang ni mthong nas cung zad stan dang 'gog pa'i brla yi gos ni 'phrog par byed//mchi ma 'dzag ces pa ni de bzhin spyod par byed pa'i bstan bcos su/ /'jigs pa med la gdon mi za bar du ste 'jigs pa rgyas mi byed/ /khros kyang gar byed 'jug cing de yi skad cig nyid la dgod/ / do shal 'chang ba'i stobs med ma ni cir 'gyur zhes kyang grags/ /kye ma bsod nams ldan pa'i mthar gnas ma ni rnam par 'byor bar byed/ /sgra ji bzhin pa'o/ /rdo rje mi 'phrog gcer bu dang / /lag pa g.yon pas mchod par byed/ /dbugs 'byin bum pa can dang dgod/ /de bzhin ngo mtshar gar rnams kyis shes te//mi 'gom pa ni rang nyid kho nas 'khyud par byed pa'o/ /dga' ba'i bstan bcos su yang / /kun nas 'grogs pas rang nyid 'o byed bya ba dang ni cho ga shes rab bral bas 'khyud pa dang / /mal gyi mthar ni rked pa yis kyang lam du 'dod pa'i rnam grangs dang ni bus mo ni//khros pas g.yo zhing nyug par byed pa'i rjes su 'gro ba'i bud med dran pas brtse ba yis/ /'phel ba la gnas mngon par dga' ba'i snying ni rtse dga' rol pa'i stobs kyis 'jug par byed/ /ces so/ /dbugs 'byin gyis ni ring du dbugs 'byin pas so//gar gyis ni gar rnams kyis te gsang ba'i nor bur thig ler rgyun la de'i gar gyis mnyes par bya'o/ /de nyid thams cad ro gcig pa des sngags pas bkug nas brla zung gi bar du gnas par bya'o zhes so/ /ngo mtshar ni ya mtshan dang bcas pa'i rnam pa shin tu dga' ba rnams kyis sgra yang byed de rdo rje bdud rtsi'i rgyud du yang //de nas mnyes pa'i lha mo che/ /pad+ma rgyas pa'i mA ma kI/ /dam du 'khyud pa byas nas ni/ /dbang po kun la'o bya'o/ /ma mchu dang pos 'o byas nas/ /sing yig gdon par bya ba'o/ / zhes pa sgra ji bzhin pa'o/ /ha hA hi la sogs pa bzhad pa rnam pa brgyad rnal 'byor ba'i spyod pa mchog tu dga' ba rdo rje pho nya mo rnams thams cad kyi mtshan nyid 'di dag tu 'gyur ro zhes pa rnal 'byor gyi spyod pa gsungs pa shin tu dga' ba la mi mo'i spyod pa sngags dang bsam gtan la sogs pa can nyid kyis mchog tu dga' bar 'gyur ro//de'i phyir rnal 'byor ma rnams mnyes pa'i ched du 'dod pa'i bstan bcos shes par bya'o/ /gsungs pa yang / dpa' bo rnams kyis slar yang spu ldang ba la sogs pa ni lhan cig skyes pa can yin gyi gzhan ma yin no zhes so//dpal he ru ka mngon par brjod par gsungs pa/ gtso mo rnams dang dpa' bo ni/ /spu ldang lhan cig skyes bde gang / /rdo rje 'gom par mi bya'o/ /g.yon pas yongs su brtags pa yin/ /zhes so/ /da ni myos byed 'byung ba brjod par bya ste/ rgyud du gsungs pas byang chub kyi sems dkar po'i phyogs la g.yon pa'i mthe bo nas tshes gcig la sogs pa'i dbye bas gtsug tor du 'gro'o//'di lta ste dang po'i tshes la dbang po'i sor mo'i tshigs la'o/ /de bzhin du gnyis pa dang gsum pa la'o/ /rkang pa'i tshigs dang pus mo dang /rked pa dang lag pa'i sor mo'i tshigs dang po dang / tshigs bar ma dang / gsum pa'i tshigs dang / lag pa'i tshigs dang / dpung pa'i tshigs dang / phrag pa dang dpung pa'i tshigs dang / snying ga dang / mgrin pa dang dpral ba dang / gtsug tor du gnyis pa la sogs pa rnams song nas slar yang nag po la dpral ba dang mgrin pa la sogs par tshes gcig la sogs par 'gro'o//de la cha rnams kyi dmar por snang ba nyid bsgom par bya'o/ /mngon par brjod pa bla mar yang gsungs pa/ oM shrI he ru ka ya bid+ne he bid+ya rA dzA ya d+hi ma he ta to bi raHpra tso da yA AHhUM/mi smra bar ni rtag tu bsgom/ /dbyangs skyong mchog ni bzlas par bya/ /zhes te sgra ji bzhin pa'o/ /rnal 'byor ma'i bzhad pa dang gzugs kyi sgyu ma'i cho ga'o// //de nas lta ba bshad bya ste/ /sgrub po gang zhig pho nya mo'i/ /gnas kyi dbye ba'i chog shes nas//sgom pa rtag tu mngon dga' ba/ /zhes pa la sogs pas lta ba gsungs so/ /gnas kyi dbye ba'i cho ga ni dpa' bo dang dpa' mo dag gis ri bo la sogs pa'i gnas te drang ba'i don to/ /mgo bo la sogs pa rnams su pu yig la sogs pa rnams dgod par bya'o//de bzhin du bla mar yang / pu dzA o a go rA de mA kA o tri ko ka la ka hi bre gri sau su na si ma ku/ zhes so/ /brda la sogs pa yang shes nas sngags dang bsam gtan la sogs pa bya'o/ /sgra ji bzhin pa'o/ /lam gyi bzhi mdo 'am khyim du yang / /dpa' bo gnas pa'i ri bo yang //mkha' 'gro'i dam tshig la gnas la/ /ring bo nas kyang gzigs par 'gyur/ /zhes pa sgrub pa de kho na sngon du byed pa nyid do/ /sgra ji bzhin pa'o/ /mtshan mo skra grol gyur nas ni/ /mchod pa las rnams yang dag brtsams/ /mchog gzhan rab tu bcug pa'am//phyogs bcings pa la sogs pa nyid/ /lha dang lha yi tshogs kyis kyang / /ma mthong bar yang mchod par gyis/ /zhes pas rdo rje'i mchod pa gsungs te/ rab tu bcug nas ni bkug nas so/ /gzhan ni rgyas la sogs pa can no/ /skye bo dang bral bar phyogs bcing ba la sogs pas gnas la sogs pa bsrung ba byas nas bud med myos pa dang lhan cig nye bar spyod pa lnga la sogs pa nyid kyis mchod pa byas nas de'i chu skyes su rdo rje rab tu gzhug go//kyang gi sgra las mi la sogs pa rnams kyis te bram ze la sogs pa rnams dang nyan thos la sogs pa rnams kyis mthong bar bya ba ma yin no//rang gi sgra las mthong yang kha na ma tho ba med pa rnams ni yon tan gzhal du med pa dang ldan pa phyag rgya chen po grub pa'o/ /gsungs pa yang / /gang khyod nyes med lus rnams kun/ / kha na ma tho med pas gzigs/ /shes rab pha rol phyin pa khyod/ /rnam par mi rtog khyod la 'dud/ /de bzhin du/ /gzugs med gzugs dang ldan pa'i mchog /sna tshogs gzugs can yid las skyes/ /gzugs rnams thams cad snang ba'i dpal/ /gzugs brnyan ma lus 'chang ba po//zhes so/ /mchod par bgyi zhes pa ni don dam pa'i bden pas phyag rgya ma dang 'grogs pas zung 'jug sgom par byed pa'o/ /de nas nyi shu rtsa lhag pa'i brgya phrag bcu gcig gi nyi ma rnams kyis dri ma med pa nyid du 'gyur ro zhes pa nges pa'o//dgongs pa'o/ /rtsa ba'i sngags dang yang na gzhan yang sngags pas grub par 'gyur ro/ /gang tshe me tog snyim pa bkang / /nam mkhar gtor ba ma mthong na/ /zhes pa la sogs pas rtsa ba'i sngags la sogs pa gsungs te/ me tog gcig sa la lhung ba de'i tshe pho nya mo rnams 'grub par byed de ngag gi dbang phyug dang ngag gi dbang phyug gi ma mo rnams 'gugs par byed par 'gyur ro//lha la sogs pa'i gnas mtha' yas pa la gnas zhes so/ /'dir sngags ni bshad pa'i rgyud las gsungs pa'o/ /de bzhin du yang gsungs pa/ oM he ru kaM hUM hUM phaT ces so/ /yang na oM dz+wa la dz+wa la b+h+yoHhUM phaT swA hA/ zhes pa phyag gnyis pa'o/ /oM shrI ha ru ka hUM phaT swA hA/ zhes pa phyag bzhi pa'o/ /badzra wA rA hI hUM hUM phaT swA hA zhes so/ /skar ma'i rgyu ba shes par 'gyur/ /sa 'og sogs su gang 'gyur dang / /snying po nye snying yin na ni//bsgrub bya de ni mi mthong ngo / /zhes te/ rgyu ba rnal 'byor ma rnams kyis shes par byed pa mi mthong ste/ rnal 'byor de nam mkha' la 'gro ba'i phyir ro/ /me'i gong bu bzhin du nam mkha' la mi snang bar byed do/ /ji bzhin pa'o/ /grong dang grong du de bzhin dgon//grong khyer dang ni bzhi mdo dang / /dpa' bo'i khyim dang shing gcig dang / /ri yi rtse dang mtshan ma mtshungs/ /shing rtser kha dog dmar bsams nas/ /yi ge bdun gyi bdag nyid can/ /mi phyed myur du ltung bar 'gyur/ /sa spyod rnams kyang ltung bar 'gyur/ /bdag gi lus la rnam bkod do//sa la ku sha'i stan la nyal/ /yi ge bdun gyi bdag nyid can/ /ji srid brgya rtsa brgyad par bzlas/ /rmi lam du ni bya ba kun/ /ston par 'gyur te the tshom med/ /ces bya ba ni/ rnal 'byor ma rnams oM hriHzhes bya ba la sogs pas 'khor lo bsgom pa dang bzlas pas thams cad byed de sgra ji bzhin pa'o//bu mo'i lus kyi cho gas sngags kyis bgrang phreng la mngon par bsngags par bya'o/ /ral gri dang mar me dang mthe bong dang / me long la bltas pas pra phab pa mthong ste dge ba dang mi dge ba gang cung zad yod pa 'dir ston par byed do zhes pas rdo rje'i skar ma 'am snang ba gsungs so//dpal kye'i rdo rje la sogs par gsungs pa'i cho gas shes par bya'o zhes pa sgra ji bzhin pa'o/ /de nas yi ge pa yi sngags/ /rnam bkod 'khor lo'i dbye ba las/ /lag g.yas nyi ma'i dbus su ni/ /stong phrag gcig tu mngon bsngags nas//gang gis lag pa ston par byed/ /de ni nges par 'gugs par byed/ /'khor lo zla ba'i dkyil 'khor du/ /rnam bkod lag pa g.yon pas de/ /shel gyi rnam pa'i 'od zer gyis/ /phyogs bcur rnam par 'byer bar byed/ /ces pa ni 'byung po la sogs pa 'bros par byed pa'o//sgra ji bzhin pa'o/ /gang gis lag pa ston par byed pa de nad la sogs pas gzir ba de rnams kyi nad thams cad las grol bar 'gyur te the tshom med do/ /dug dang gdon dang rims dang gzer dang mdze la sogs pa yang 'joms par byed do zhes pa sgra ji bzhin pa'o//ba lang sha ni mngar gsum btags/ /gal te sngags rig gcer bu gang / /mtshan mo gsang ba ru ni gnas/ /stong phrag brgyad du sbyin sreg bya/ /sngags pas nang par dus su ni/ /gser srang stong ni rnyed par 'gyur/ / sbyin sreg stong phrag bcu rnams kyis/ /yul 'khor dam pa rnyed par 'gyur/ /zhes pas sbyin sreg gsungs so/ /mngar gsum ni sbrang rtsi 'o ma ka ra'o/ /sgra ji bzhin pa'o/ /yang na gsang sngags rgyal po che/ /gnas ni gang du bsam par bya/ /sbyin sreg 'bum gyis gnas de ru//rgyal srid 'gyur bar the tshom med/ /ces pa sgra ji bzhin pa'o/ /dkar po yis ni zhi bar byed/ /dmar pos dbang du 'gyur bar byed/ /nag pos myur du gsod par byed/ /ser pos nges par gnon par byed/ /ces pa kha dog gsungs te sgra ji bzhin pa'o//lag pa g.yon dang g.yas pa la/ /zla nyi mun pa can dang me/ /spyi bor bcings pa mthong ba dang / /byed par 'gyur te gzhan du min/ /ji srid khu tshur ma bkrol ba/ /mtshon cha myur du gnod par byed/ /gru dang shing rta 'khrul 'khor dang / /dud 'gro la sogs pa yi gzhi//zhes te/ g.yas pa la ni lag pa g.yas pa khu tshur bcings nas sngags bzlas pas mi la sogs pa'i 'khrul 'khor la sogs pa gnon par 'gyur ro/ /sgra ji bzhin pa'o/ /yang na bya ba thams cad ni/ /sgrub par gyur pa bsgrub par bya/ / dri bzangs me tog 'bras bu dang / /bdug pa so rtsi bzang po'i zas/ /zhes pa ni gsal lo/ /lus kyi sbyor ba dang por 'gyur/ /sbyor ba gnyis pa nus pa ste/ /gsum pa rgyal srid longs spyod nyid/ /bzhi pa mtho ris gnas pa yin/ /sum cu rtsa drug pho nya mo/ /de 'grub der ni the tshom med//khams gsum rgyu dang mi rgyu bcas/ /dmod 'debs rjes 'dzin byed pa yin/ /zhes pa phan yon te/ 'dir sngags pa'i lus kyi longs spyod ni lus mdzes par 'gyur ro/ /bsam gtan grub pa la nus pa/ /zhes so/ /ngag gi 'jal ba rgyal sred ces te yid la mngon par 'dod pa'o//bzhi pa ni bud med bzang mo'i bde ba'o/ /sgra ji bzhin pa'o/ /yang na rnal 'byor ma drug sngags/ /'khor lo lag pa g.yon par gnas/ /gang gi lag pa de bstan pa/ /de ni nges par 'gugs par byed/ /'khor lo'i yi ge la sogs ni dmar por gsal lo//tsan+dan dmar po'i rdul dang ni/ /de bzhin skye tshe lan tshwa dang / /bsgrub par bya ba'i rkang rjes rdul/ /gcig tu byas nas btags par bya/ /rnal 'byor ma rnams sngags dang ni/ /lag pas mnye ba byas nas ni/ /de nas mtshan mo gdol ba'i mer//ro bsregs me la phye ma bsregs/ /bsgrub byar mngon phyogs gyur nas ni/ /sbyor ba'i di ni brtsam par bya/ /ji srid chig brgyar sbyin sreg bya/ /de srid nges par 'gugs par byed/ /ces pa sngags brjod pas bsgrub bya rmya shing rmugs par gyur pa rlung dang me'i dkyil 'khor la gnas pa phyag gi zhags pa dang lcags kyu dang lha rnams kyi 'od zer gyis snying phug nas/de nas bud med de'i skye gnas lcags kyus phug nas zhags pas mgrin pa bcings nas gcer bur mngon du phyogs nas zhabs kyi 'og tu lhung bar gyur par bsam par bya'o zhes pa sgra ji bzhin pa'o//sa yi mgon po bdag nyid dang / /nor yang dbang du 'gyur ba yin/ /rdul de nyid ni yang dag blang / /lcags kyi phye ma rnam par bsre/ /dur khrod ras la gtums nas ni/ /lan bdun bzlas te bzhi mdo ru/ /sor mo brgyad du sa brkos nas/ /dgra yi ming dang yang dag ldan//gang gi ming smos sbas pa de/ /myur du bsgrub bya de gnon gyur/ /ba yi 'o mas grol don du/ /de nas phyi ma de bkru bya/ /zhes te/ de zhes pa bsgrub bya'i rkang rjes kyi'o/ /de la gnas pa'i yang na'o/ /sgra ji bzhin pa'o/ /phye ma de nyid blangs nas ni/ /smyo byed lnga dang yang dag ldan//yi dags gos su de btums nas/ /dgra yi ming ni kun du bri/ /gcig tu byas nas brgyar bzlas te/ /dur khrod du ni me sba bya/ /bsgrub bya 'phral du smyo bar 'gyur/ /'o mas bkrus na bde ba'o/ /zhes te rang gi gnas su 'gyur ba'o/ /lnga zhes pa ni da du ra'i rtsa ba dang sdong bu dang 'dab ma dang me tog dang 'bras bu'o//yi dags ni shi ba'o/ /sgra ji bzhin pa'o/ /zla mtshan dang ldan pa'i khrag gis gro ga la ming kun du bri bar bya'o/ /sum mdor bzlas pa byas te mthe bos mnan na dbang du 'gyur ro/ /rang zhes pa ming med mthe bos mnan pa'o//rkang pas mnan par byas nas ming med kyis bzlas par bya'o zhes pa sgra ji bzhin pa'o/ /de nas las mchog bshad par bya/ /ngag gis dngos grub rab bsgrub pa'o/ /ka ra bI ra'i me tog dmar/ /ba yi 'o mar ldan pas kyang / /nyin zhag so sor sngags bzlas pas//zhi ba'i ling+ga'i spyi bor bsnun/ /nyi ma bdun du mnyam gzhag pas/ /brgya rtsa brgyad po nyid kyis so/ /de nas nyi ma brgyad pa la/ /me tog de rnams blangs nas su/ /chu klung chen po'i chur zhugs nas/ /de dag re re dor bar bya/ /mthar gyis kyang ni thams cad rnams//gsang sngags bzlas nas dor bar bya/ /chu klung dor ba'i me tog gang / /rgyun las ldog na sgrub pa pos/ /de ni chu dang ldan pa blang / /smos ma reg pa de 'thungs na/ /sgrub pa po de'i ngag gis ni/ /dngos grub 'gyur bar the tshom med//ces te sgra ji bzhin pa'o/ /lag pa skye gnas phyag rgya bcings/ /brgya rtsa brgyad du bzlas par bya/ /sngags pa bsgrub byar mngon phyogs nas/ /bsgrub bya yi yang lto bar gnas/ /blo ldan de yid la gnas pa/ /thun gsum mthe chung ba skyong bar bya/ / mtshan mo bdun gyis rgyal po sogs/ /brgya byin sogs rnams nges par 'gugs/ /zhes te mthe chung ni lce'o/ /dgongs pa'o/ /tsan+dan dmar po'i rdul gyis ni/ /bsgrub par bya ba'i gzugs byas nas/ /tsha ba gsum gyis rnam par byugs/ /spra tshil gyis ni rab byug bya//sgrub pos de yi gsang gnas su/ /zangs ma'i khab kyis de phug nas/ /seng ldeng mdag me du med la/ /nyi ma bdun du nges par gdung / /sngags kyis lan cig bzlas pa yis/ /bsgrub bya myur du 'gugs par byed/ /bsgrub bya'i ming ni sngags spel ba/ /gi wang ro yi sen rtsi yis//gro ga'i 'dab ma la bri bya/ /rgyal po'i gnas dang sde nyid bcas/ /spra tshil gyis ni 'dab ma dkri/ /seng sdeng me yis gdung bar bya/ /ji srid spra tshil ma zhu ba/ /de srid bar du gdung bar bya/ /rgyal po nges par myur du 'gugs/ /bsgrub par bya ba'i rkang rjes rdul//tsan+dan dmar po dang bsres pa/ /dur khrod thal ba dang lhag ma/ /gcig tu byas nas sgrub pos ni/ /seng ldeng mdag me du med la/ /rdul de lag pa gnyis kyis ni/ /mnyes nas gdung ba'i sbyin sreg bya/ /ji srid du ni bsregs pas 'grub/ /brgyal zhing sems dang bral ba dang //rnam par rmongs shing nyon mongs pas/ /phyugs dang de bzhin pho nya mo/ /rlung gi shugs kyis 'ong bar 'gyur/ /ka ra bI ra'i lcug ma ni/ /rlan bcas dpung pa'i tshad tsam ni/ /blangs nas de la sngags bris te/ /ro bsregs me ru de gzhug bya/ /ji srid de ni ma tshig pa//de nas myur bas blangs nas ni/ /rigs pas lan bdun bzlas byas nas/ /bsgrub bya'i ming nas de bskor bya/ /bud med mchog gang rjes dran nas/ /rlung gi shugs kyis de 'gugs byed/ /g.yon gyi 'jug pas de slar yang / /bskor bas zhi bar byed pa yin//ka ra bI ra mar me tog /rgyal la gi wang gis byugs te/ /chu klung chen por zhugs nas ni/ /lte ba tsam du chu ru gnas/ /lag pa kha sbyor dbus gnas pa/ /de nas stong phrag gcig tu bzlas/ /lag pa gnyis kyis phye mar brlags/ /chu yi lhan cig btung bar bya//rnal 'byor pa ni tshig grub pa/ /de nas de yis dngos grub 'gyur/ /rgyal po rgyal po'i btsun mo yang / /yid kyis nges par 'gugs par 'gyur/ /lha dang lha min mir bcas rnams/ /khros pa'i tshig gis gsod par byed/ /tshar bcad rjes 'dzin la sogs pa//thams cad tshig gis byed pa yin/ /zhes pa las sna tshogs gsungs te sgra ji bzhin pa'o/ /de nas gzhan ni rab 'chad byed/ /bud med kun du rmongs byed pa/ /ka ra bI ra'i me tog ni/ /rigs pas lan bdun bzlas pa rnams/ /de rnams kha sbyor byas nas ni//skye gnas dbus su nges par sbyar/ /gnyis med ye shes rnal 'byor ldan/ /gsang sngags brgya phrag gcig bzlas bya/ /sgrub pa de dag rnams kyi ni/ /gcig ni phung pos blangs nas su/ /de yis mi mo gang la bsnun/ /de ni mod la dbang du 'gyur/ / zhes te rigs pas zhes pa ni rnal 'byor ma thams cad kyi sngags kyis so/ /kha sbyor byas pa ni mig btsums pa'i dga' ba med pa'o/ /dmar po ni ka ra bI ra'i me tog go/ /gnyis med ces pa bud med dang skyes pa'i dbang po gnyis gcig pa nyid do/ /dgongs pa'o/ / de nas yi ge ha lnga yi/ /las ni 'chang byed de nyid las/ /gang gis rnam par shes tsam gyis/ /myur du dngos grub rab 'jug byed/ /ces pa sgra ji bzhin pa'o/ /hIM hIM hUM hau haHzhes pa sngags bstan pa'o/ /shes rab dag pa tsam gyis yon tan phyed do/ /sgra ji bzhin pa'o//'di dag dgod par bya ba ni rnal 'byor pa'i lag pa dag brtan par mnyes par bya'o/ /bsgrub bya la mngon du phyogs par gyur pas de'i ming nas bskul ba dang ldan pas de'i khrag 'gugs par byed de dgra bo mod la 'chi bar 'gyur ro/ /'di dag ni ha yig dbus mar byas nas gzhan gyi ming dang ldan pa bkod pas kha nas khrag 'dzag par bsam par bya'o//sdigs mdzub dang ming med kyi thod par gnas pa'i khrag rab tu mnye bar bya ste ji srid de skad bzhin par 'gyur gyi bar du'o/ /de nas bsgrub bya de rnams 'jig go/ / g.yon pa'i ming med kyi rtse mo nas mnyes na de nas 'tsho'o/ /chang 'thungs nas gal te khros pas mig dmar por gyur pas bzlas par bya ste rgyal po sde dang dpung dang bzhon pa dang bcas pa yang myur du 'gugs par byed do/ /myos byed ni chang la sogs pa'o/ /de bzhin du shun pa dang bu ram dang bcas pas so//gang cung zad bya ba de sbrang rtsis mchog tu btags nas chu rnams kyis sbyar ba yang mkhas pas chang rnam pa gsum du shes par bya'o/ /bu ram so ba bcos pa'i chang / /mkhas pas d+hA hA kI la gnas/ /mnye bya zos shing 'thungs pa gang //de de myos byed ces bshad do/ /sgra ji bzhin pa'o/ /de nas rnam pa sna tshogs shes/ /mkha' 'gro ma la gtor ma sbyin/ /sgrub po dngos grub la brtson pas/ /gsang sngags bzlas pa rab tu bya/ /zhes pas bsnyen pa gsungs so/ /bzlas pa zhes pa nye bar mtshon pa ste sbyin sreg la sogs pa 'di nye bar bsdus so//ri bong la sogs pa'i spu'i skud pa la stong phrag mngon par bsngags nas gang gi mgul pa la bcings na mi de de dang 'dra bar 'gyur ro/ /ka ra bI ra'i me tog la/ /stong phrag gcig tu mngon bsngags nas//de yis sbrum ma la reg na/ /mngal ni gzhan du 'pho bar 'gyur/ /sdigs mdzub la mngon par bsngags te sdigs mdzub bstan na de rnam par 'joms par byed do/ /sgrub pa po'i g.yon pa'i ming med kyis reg na 'tsho bar byed do/ /sgra ji bzhin pa'o/ /de nas 'di las 'bad pa yis//rdo rje mkha' 'gro'i snying po 'chang / /gang gis bsgrubs pa tsam gyis ni/ /dngos grub kyi ni 'bras bu 'byung / /zhes pa las gsungs so/ /mkha' 'gro rnams kyi rig pa chen po bzlas par bya zhes pa ni rnal 'byor pas 'bum bzlas pa bsgrubs pas 'byung po rnams dbang du byed do zhes pa sngon du bsnyen pa gsungs pa phag mo'i sngags 'bum bzlas pas so//da ni mngon par brjod pa bla mar gsungs pa'i rdo rje phag mo'i sgrub thabs brjod par bya ste/ stong par bsgoms nas rang gi snying gar zla ba la gnas pa'i sna tshogs su chu skyes kyi steng du/A li kA li'i dbus su yaM las skyes pa'i phag mo rdo rje rnal 'byor ma dmar mo phyag gnyis ma zhal gcig pa spyan gsum pa mche ba gtsigs pa skyil krung phyed pas gar byed bzhin pas gnas pa shin tu mdzes pa phyag g.yon gyi mthar skra grol ba sna tshogs pad+ma la rnam par bzhugs pa zhal mche ba gtsigs pa//zla ba phyed pas nye bar mdzes pa cod pan la rdo rjes mtshan pa dngos grub thams cad rab tu sbyin par byed pa drag mo thod pa'i phreng ba can/ dpral bar rdo rje phreng ba can/ /g.yon du thod pa khrag dang bcas//g.yas su rdo rje sdigs mdzub byed/ /bskal pa'i me ltar kun du 'bar/ /khrag la dgyes shing khrag 'dzag mo/ /spyan dmar 'od zer dmar po ste/ /sangs rgyas lnga yis rgyan du byas/ /yang na pad+ma dmar po yi/ /dbus su sems dpa'i skyil krung can//thod pa'i phreng ba'i cod pan can/ /rgyan rnams kun gyis brgyan pa'o/ /rdo rje dril bu snyoms par 'jug /thabs ni 'tshir zhing 'dzin pa'o/ /yang na g.yas brkyang dmar por bcas/ /skra ni gyen du bcings shing brdzes/ /'jigs byed dang ni dus mtshan mnan//rgyan byad dmar gnas shin tu rmugs/ /de ltar lha mo sna tshogs mtshon/ /sna tshogs dbyibs dang kha dog ste/ /snying la ye shes ting 'dzin sems/ /bsams nas sems ni mtshon par bya/ /ji ltar 'khor lo lnga bdag nyid/ / b+ha ga'i dbus su bsgom par bya/ /de nas 'khor lo bzhi bdag nyid/ /de lta bu sogs mthar thug pa'o/ /yang na yud kyi sbyor ba yis/ /brjod pa'i sa bon sogs dran bya/ /sa bon 'od zer spros pa yis/ /'gro ba'i don ni sgrub pa dang / / bar ma gsal ba'i ye shes dang / /rnam shes mchog gi lus can rnams/ /thun mtshams bzhi ru bsgoms pa las/ /sa 'og sa stengs kun blta bya/ /bdag po rnam gnyis de ji srid/ /mthong bar sa la rnam par spyad/ /nges par sbyor ba 'di yis ni/ / dngos grub myur du thob par 'gyur/ /go cha chen pos yang dag bsrung / /'bum phrag bzlas nas las bya'o/ /sgra ji bzhin pa'o/ /mi'i rus pa'i phur pa sor drug pa byas nas brgya rtsa brgyad bzlas te dgra'i sgor gzugs par bya ste de'i rigs rgyud zad par 'gyur ro/ /ba lang gi zhing ngam ma he dang glang po che dang rta'i ra bar sba bar bya ste/gang dang gang gi rus pas phur pa byas na de'i rigs rgyud nyams par byed do zhes pa'o/ /rigs rgyud ni rigs so/ /brgyad lhag pa'i brgya bzlas pa las so/ /sgra ji bzhin pa'o/ /de nas rgyal po dbang du bya bar 'dod par gyur na sgrub pa pos sa'i rang bzhin gyi gzugs brnyan byas nas sor brgyad kyi sa ru gzhug par bya'o//nyi ma dang po la ma du lung+ga'i me tog gsum dang me tog bsres la sbyin sreg bya zhing nyis 'gyur du 'phel bar bya'o/ /stong phrag brgyad de srid mi bdag dbang du gyur gyi bar sbyin sreg bya'o//sngags kyi rgyal po 'di nyid kyis/ /rmugs dang de bzhin rengs pa dang / /rmongs dang skems pa nyid kyang ni/ /'grub 'gyur 'dir ni the tshom med/ /ces te sa la ni rgyal po'i sgo ru'o/ /me tog ni rdul lo/ / dgongs pa'o/ /sha dang ldan pa'i sbyin sreg gis/ 'grub par 'gyur te gzhan du min/ /skyes pa bud med du bya bar 'dod pas/ /skyes pa'i zhes pa de nyid kyi'o/ /rkang pa'i pags pa dang sen mo ni 'dir cha mnyam par bya'o/ /rkang pa ni ltogs pa de nyid kyi'o/ /kaN+Da ka ri'i me tog dang 'bras bu gnyis cha mnyam par byas la ri bong gi khrag gis btags par bya'o//nyi ma bcu gcig ji srid par grib nas bskam par bya'o/ /nyi ma bcu gnyis pa la gang gi mgo bor phye ma byin pa'i skyes pa de nges par bud med du 'gyur te yang dag par 'o mas bkrus pas grol bar 'gyur ro//ltogs pa ni bya rog chen po'o/ /khrag rnams zhes spangs pa gsum pa'i don to/ /mgo la zhes pa mgo la zhes thob bo/ /sgra ji bzhin pa'o/ /yang na khyi ru bya bar 'dod pas rgyal gyi lcags ne le'i mgo bor bzhag nas zhag bdun du sngags stong phrag brgyad bzlas par bya'o//nyi ma brgyad pa la slar yang gur gum gyis mnyam par byas nas sbyin sreg brgya rtsa brgyad bya'o/ /de nas gang gi mgo bor de'i thal ba byin pa'i skyes pa de khyir 'gyur ro/ /slar gso ba la mtshan mo mkha' 'gro ma rnams la gtor ma sbyin par bya'o zhes so//rgyal ni skar ma rgyal la lcags kyi dri ma'o/ /brgyad ces pa brgyad lhag pa'i stong phrag go/ /khyi ni khyi'o/ /sgra ji bzhin pa'o/ /rdzas nyid 'dir rdzas ma yin par bya bar 'dod na gser shing gi 'bras bu'i sbyin sreg brgya rtsa brgyad byas na gang gi tshe/mi de'i rdzas ma yin par 'gyur ro/ /slar gso ba la ni sngags a ru ra'i sbyin sreg byas na de bzhin du 'gyur ro/ /gser shing ni smo byed do/ /ltas su byung bar bya bar 'dod pas gang bya chen po'i tshang gis sbyin sreg byas na nyi ma bdun pa la 'dir ltas su 'byung bar 'gyur te sa la'o//slar gso ba la ni phub ma'i sbyin sreg byas na nges par ltas ngan zhi bar 'gyur ro/ /spel tshig gi dbye bas brgyad lhag pa rnams bzlas pas zhi'o zhes pa sgra ji bzhin pa'o/ /zla ba gzas zin pa na byi la'i spu rnams ro bsregs pa'i mer bsreg par bya'o//gang gi ming nas smos pa sngags kyis mi de byi lar 'gyur ro/ /thal ba mgo bor blugs pa de 'o mas bkrus na zhi'o/ /bya rog gi rgyus pas srad bu byas nas sngags kyis mngon par bsngags te mgul par bcings pa'i mi de bya rog tu 'gyur ro/ /sems can gang dang gang nyid kyis skud pa mgul pa la bcings te brgya rtsa ba rgyad bzlas na mi de dang 'dra bar 'gyur ro//mgul pa'i skud pa bkrol bas kyang grol bar 'gyur ro/ /rang gi so ba la mngon par bsngags nas pha rol gyi so ba rnams su gzhag par bya'o/ / so ba phyed kyis kyang bdag nyid la mngon par dbang bskur nas mtshan mo bdun du sngags bzlas pa byas te/ de nas so ba 'gugs par byed do/ /rang gi so ba la lan bdun bzlas nas so/ /sgra ji bzhin pa'o/ /sna tshogs pa'i las rab 'byam gyi cho ga'o/ /de nas gzhan ni rab 'chad byed//mkha' 'gro ma yi gnas chen po/ /rin chen lnga yi rang bzhin dge /ri bo bzang pos bris nas ni/ /de yang steng du rtag bzlas bya/ /mkha' 'gro ma yi dra ba sdom/ /zhes bya ba la sogs pas phyi rol gyi mchod pa gsungs so/ /ri bo ni suM las skyes pa'i lhun po'o//lnga zhes pa nam mkha' la sogs pa'i dbyings su gnas par bsam par bya'o/ /bshad pa'i rgyud du yang / rten dang brten pa'i rang bzhin gyis/ /b+hai ram+ba la sogs par gnas/ /bla ma brgyud rim ji lta bar/ /de ltar shes nas chog shes pas/ /ri yi mgo dang ge sar dang //sna tshogs 'dab ma 'jam pa la/ /de yi dbus gnas dpa' bo ni/ /'dod don thams cad sgrub pa po/ /zhes pa drang ba'i don to/ /gtsug tor la sogs pa'i pad+ma ni lnga'o/ /bzang po ni gsang ba'i pad+ma gcig pu'o/ /sna tshogs chu skyes 'dab ma brgyad pa rdo rje nor bur gnas pa la sogs pa brgyad pa ze'u 'bru dang bcas pa la nyi ma'o//u mA ra dang de rang dbang phyug chen po dag rdul dang khu ba'o/ /'dir he ru ka ni lhan cig skyes pa'i dga' ba'o/ /de dag 'gags pa ni gang ba'o/ /rdo rje phag mo ni de la snang ba thams cad mkhyen pa nyid de zla ba'am//zla ba can gyi dbye ba med pa'i chos can ma sgom par byed pas skye bo zhes pa nges pa'i don to/ /mkha' 'gro de bzhin lA ma dang / /dum skyes ma dang gzugs can ma/ /rab gtum la sogs nyi shu bzhi/ /bya rog gdong sogs ma mo brgyad//ces pa 'dis byang chub kyi phyogs kyi dag pa gsungs so/ /kun spyod du yang lus rjes su dran pa nye bar gzhag pa ni mkha' 'gro ma'o/ /de bzhin du gzhan yang rtogs par bya'o/ /rdo rje sems sogs dpa' bo ni/ /lugs las bzlog pas rab tu bstan//zhes pas 'khor lo lngas bsdus pa'i dkyil 'khor gsungs so/ /mkha' la 'gro ma nyi shu bzhi/ /zhes pa le'u bzhi par gsungs so/ /rnal 'byor ma'i rgyud nyid kyi phyir ro/ /drang ba'i don gyis go sla'o/ /nges pa'i don gyis mkha' 'gro ma la sogs pa rnams lte ba la sogs pa'i 'khor lor sa la sogs pa 'bab pa'o//rab gtum la sogs pa rnams rtsa nyi shu rtsa bzhi'i sen mo dang so la sogs pa 'bab pa'o/ /bya rog gdong la sogs pa rnams sgo'i rtsa rnams te/ kha'i dri ma la sogs pa 'bab pa'o//dpa' bo rnams kyang so dang sen mo la sogs pa 'bab pa'o zhes so/ /dang por rdo rje sems dpa' ste/ /de nas dpa' bo rnam snang mdzad/ /pad+ma gar gyi dbang phyug nyid/ /de bzhin he ru ka dpal che/ /nam mkha'i snying po rta mgrin dang / /de bzhin rin chen rdo rje mchog /stobs po che zhes brgyad pa ni/ /sku yi 'khor lor gnas pa ste/ /lugs las bzlog par gsungs pa'o/ /mig ngan rdo rje 'jigs byed nyid/ /rdo rje bzang dang shin tu bzang / /rdo rje hUM mdzad nyid dang yang / /dpa' chen rdo rje ral pa dang //myu gu can zhes bya ba ste/ /brgyad po gsung gi 'khor lor gnas/ /rdo rje'i lugs dang rdo rje'i 'od/ /'od dpag med dang lha dgra dang / /de bzhin nyid du mche rnam gtsigs/ /keng rus keng rus chen po mchog /thod pa'i dum bu can rnams ni/ / dpa' bo nyi shu rtsa bzhir bshad/ /brgyad po thugs kyi rdo rjer gnas/ /dpa' bo gcig pu'i don du ni/ /ji skad gsungs bzhin kha dog dbyibs/ /bsgom par bya zhing mchod par bya/ /zhes te sgra ji bzhin pa'o/ /nyi shu rtsa bzhi'i dpa' bo rnams/ /dpa' mo che sogs pho nya mo//zhes pas shes rab dang thabs nyid du gsungs so/ /de la gshin rje sreg ma la sogs pa bong bu dang rnga mo dang / ra dang byi la'i gdong can zhes brjod do/ /pho nya mo sum cu rtsa drug ni mtshan ma lngas mtshan ma la chags pa dang cung zad dgod pa yongs su 'khyud pa gcer bu nyid dang skra grol ba spu langs pa yang ngo zhes te sgra ji bzhin pa'o//sngar brjod pa yi cho ga yis/ /mkha' 'gro ma yi dra ba sdom/ /dngos po kun gyis mchod par bya/ /dngos grub kun byed dge ba yin/ /zhes te sngar brjod pa ni rtsa ba dang bshad pa'i rgyud du brjod pas so//rdo rje mkha' 'gror yang tho rangs rang gi snying gar zla ba'i dbus su a yig gis zla ba'i dkyil 'khor rnam par bsams nas de'i steng du hUM yig rnam par bsgom par bya'o/ /de nas byams pa'i sems byas nas/ /phyi nas dkyil 'khor bri bar bya'o//zhes pa'i cho gas mkha' 'gro ma la sogs pa'i gnas dgod pas so/ /de bzhin du kun spyod du/ mkha' 'gro de bzhin lA ma dang / /dum skyes ma dang gzugs can ma/ /pad+ma'i phyogs kyi gnas la dgod/ /dngos grub thams cad sgrub byed ma/ / zhal gcig ma la phyag gnyis ma/ /sna tshogs gzugs can rnam sgeg ma/ /phyogs bral gyi ni bzhi po la/ /lnga yis gang ba'i thod pa nyid/ /suM yig la sogs yang dag sbyar/ /yul dang yul du rnam gnas pa/ /drangs pa 'khor lo'i snying por gnas/ /rnal 'byor rig pas rtag tu mchod//ces so/ /da ni mngon par brjod pa bla mar gsungs pa'i dam tshig gi mkha' 'gro la sogs pa bsgom pa brjod par bya ste 'di lta ste/ dkyil 'khor snga ma'i dbus su ni/ /pad+ma 'dab brgyad bri bar bya/ /sna tshogs kha dog ge sar ldan/ /'dod pa'i 'bras bu kun rab sbyin//de la dbus su hUM yig ni/ /rdo rje sems dpa' rnam bsgom bya/ /bcom ldan zhal bzhi sngo dang ser/ /dmar dang ljang zhal spyan gsum pa/ /bcu gnyis phyag ste g.yas brkyang gnas/ /'jigs byed che dang dus mtshan mo/ /zhabs kyi mthil gyis kun du mnan//dam tshig rdo rje phag mos 'khyud/ /phyag gnyis rdo rje dril bu'o/ /zhes so/ /de nas gzhan ni rab 'chang byed/ /gsung gi dkyil 'khor sgom pa'o/ /dkyil 'khor snga ma'i dbus su ni/ /gsung gi 'khor lo yongs bsgom bya/ /rtsibs brgyad kha dog dmar po la//pad+ma snga ma de bzhin nang / /rdo rje sems dpa' yongs bsgyur bas/ /gsung gi rdo rje yongs su bsgom/ /zhal bzhi phyag ni bcu gnyis pa/ /zhes pa la sogs pa rgyas par ro/ /de nas mchog sgrub pa'i cho gar 'gyur te/ pad+ma 'dab brgyad yid 'ong ba/ /kha [ dog sna tshogs yid 'phrog par//nyi ma'i dkyil 'khor gyi dbus su/ /pad+ma'i rgyal po rnam par bsam/ /zhal bzhi pa phyag bcu gnyis pa rdo rje phag mos 'khyud pa/ phyag gnyis kyis rtse mo lnga gdengs pa'i rdo rje pad+ma dang dril bu'o/ /phyag gzhan gnyis kyis tshogs bdag gi pags pa'i na bza' 'chang ba g.yas kyi phyag rnams su mdung dang lcags kyu dang gri gug dang cang te'u g.yon rnams su kha T+wAM ga dang zhags pa dang tshangs pa'i mgo bo dang dgra sta rnams so//kha T+wAM ga yang mchod phyir thogs kyi tshul gyis steng du rdo rje rtse mo lnga pa dang / dril bu rab tu 'chang ba ba dan gsum pas mtshan pa dbus su sna tshogs rdo rjes mtshon pa 'og tu rdo rje rtse gcig pa'o//rgyu ma'i thod pa phyag tu gnas pa'o/ /sngon po dang ser po dang dmar po dang ljang gu'i zhal phag mo dmar mos 'khyud pa/ dkyil 'khor phyi ru rnam pa lnga'i/ /yi dgas rnams kyis de bzhin bskor//phyi ru dur khrod mi bzad pa/ /kha dog sna tshogs mchog gi mchog /shing mchog sna tshogs kyis yid 'ong / /ce spyang bcas pas shin tu 'jigs/ /bya rog 'ug pa bya dkar rgod/ /ce spyang de bzhin ro bsregs dang / /keng rus dang ni mdung gis phug /'phyang dang phyed tshig pa dang mgo /mgo thod dang ni rje ngar dang / /mgo med lag dang mgo bo dang / /sbrul ni sna tshogs yid 'ong dang / /mig sna de bzhin rnga bo che/ /seng ge phag dang stag rnams dang / /ra dang lug dang de bzhin du/ /glang chen rta bong ba lang dang //rnga mo sna tshogs dam tshig mchog /myos byed rnam pa sna tshogs nyid/ /de bzhin chang gi btung ba mchog /dpa' bo 'dus pa bzang mo yi/ /rnal 'byor ma rnams sna tshogs mchog /thod pa kha T+wAM ga 'dzin zhing / /gri gug dang ni cang te'u mchog /lha yi rol mo sna tshogs dang / /bza' dang bca' ba ro yi mchog /rnam pa sna tshogs 'o byed 'khyud/ /gzhib bya ba ldag bya ba mchog dam pa/ /rnam pa de lta'i dur khrod du/ /gnod sbyin ro langs srin po rnams/ /zhes so/ /cha brgyad dkyil 'khor yid 'ong ba//'bar ba dang bcas nyi ma mtshungs/ /dkyil 'khor rdo rje rin chen gyis/ /shin tu dga' ba thug med sgrub/ /ces so/ /da ni gnas brjod pas sgrub thabs brjod par bya ste/ 'di la bsnyen pa dang nye bar sgrub pa dang sgrub pa chen po ste yan lag bzhi gnas so/ /rnal 'byor dang rjes su rnal 'byor dang shin tu rnal 'byor dang rnal 'byor chen po ste bzhi'o//mngon par brjod pa bla mar yang / /de nyid kyi ni snying gar bsgom/ /bsnyen pa rnal 'byor rab tu brtags/ /mkha' 'gro ma tshogs dkyil 'khor nyid/ /nye bsnyen rjes su rnal 'byor gyis//dpa' bo'i yan lag dgod pa yis/ /rnal 'byor gyis ni sgrub pa brtsam/ /dag pa'i bzlas pa grub chen gyis/ /yan lag rnal 'byor chen po'o/ /zhes so/ /'di'i don 'di yin te/ dang po'i mgo bo'i ye shes sems dpa'i thugs kar gnas pa ting nge 'dzin sems dpa' la dmigs pa rnal 'byor bsgoms nas sprul pa rnams kyis blang ba'i dpa' bo nyi shu rtsa bzhi'i sa bon yan lag dgod par byas nas thig le'i rnal 'byor dang phra mo'i rnal 'byor dang byang chub kyi phyogs kyi chos kyi dag pa dang bzlas pa rnams so//gtor ma sbyin nas bdag nyid go bgo bar bya'o/ /'dir nye bar sgrub pa'i yan lag la ji ltar gsungs pa ni bcom ldan 'das zhal gcig pa phyag gnyis pa la sogs pa bsgoms nas mkha' 'gro ma'i tshogs kyi dkyil 'khor bsgom par bya'o/ /de nas mtshan ma bcu gnyis kyi dkyil 'khor brjod par bya ste bla mar yang mkha' 'gro ma ni rdo rje ste mtshan ma brgyad la'o//lA ma ni dril bu la'o/ /dum skyes ma dang gzugs can ma ni glang po che'i pags pa'i khu tshur la'o/ /de bzhin du bya rog gdong ma la sogs pa rnams kyi mdung dang lcags kyu dang cang te'u dang kha T+wAM ga dang zhags pa dang tshangs pa'i mgo bo dang dgra sta dang sna tshogs rdo rje mtshan ma brgyad la'o//slob dpon b+ha bas kyang gsungs pa mkha' 'gro ma bcu po rnams ni bzhi dang drug ni dgra sta dang zhags pa dang mdung dang kha T+wAM ga dang rdo rje dang sna tshogs rdo rje rnams so zhes pa'o//ji srid ldog pa'i spyod yul du gyur gyi bar du phyi'i dkyil 'khor la bsod nams kyi tshogs kyi don du me tog la sogs pas mchod par bya'o/ /g.yon nas bskor ba'i 'jug pa'i phyag 'tshal ba dang po ming dang lhan cig swA hA'i mtha' ye shes rgyas pa'i don du'o//kun spyod du yang / gnyis med rdzas ni me tog sogs/ /me tog re re nas dbul bya/ /zhes so/ /mngon par brjod pa bla mar yang / /ye shes lnga yi bdud rtsi yis/ /sa gzhi kun nas byug par bya/ /bzod pa'i pha rol phyin me tog /'bad pas gtor te dbul bar bya//sna tshogs phyag rgya yid 'ong ldan/ /rgya che shin tu mnyam gzhag pas/ /zhes so/ /rgyud mdor bstan par yang / /shing skyes rdo 'am ras la yang / /gru bzhi khru yi tshad du ni/ /skra dang srog chags phra brtags nas/ /sa la dkyil 'khor bri bar bya/ / zhes te sgra ji bzhin pa'o/ /dngos po kun gyis zhes pa ni mkha' spyod la sogs pa gzugs yongs su bsgyur ba gnas pa rnams so/ /rgya cher bshad pa sum cu rtsa drug par yang / /grub 'dod shin tu mnyam gzhag pa'i/ /rnal 'byor pas ni thun gsum bsgom/ / gtor ma dang ni sbyin sreg bya/ /sgrub chen dus kyi khyad par las/ /zhes so/ /bsgom par bya ni rnam pa lngas mngon par byang chub pas sam/ yan lag bzhis thun mtshams bzhir ro/ /yang yid la bzlas pa dang dam tshig btung ba yang bya'o/ /dran pa'i don to/ / thun mtshams gsum ni kun du sbyor ba gsum gyi lus shes rab dang thabs su bsgom par bya'o/ /snyoms par 'jug pa ni gcig tu 'dres pa'i dngos por bya'o/ /sbyin sreg ni phung po rnams so/ /dus ni mi 'gyur ba'i bde ba yin no zhes pa nges pa'i don to//da ni rgyun du gsungs pa'i mchod pa brjod par bya ste/ snga bar mal las langs nas bshang ba dang kha bshal ba bya'o/ /rang bzhin gyi kha dag pa'i don du ril bu khar gzhug par bya'o/ /mdun du dkyil 'khor byas nas bdud rtsi lnga dang bcas pa'i ba byung gis so//ji skad gsungs pa'i cho gas ming med dang mthe bong kha sbyar ba dag gis 'khor lo'i dbus su bcom ldan 'das phag mo dang lhan cig pa mchod par bya'o/ /de nas shar dang byang dang nub dang lhor gnas pa rnams la'o/ /me dang bden bral dang rlung dbang du gnas pa rnams la'o//yang na phyogs gsum g.yas su bskor ba dang phyogs bral rnams su g.yon pas 'khor lo mtha' dag yang dag par ldan pa'o/ /yi ge brgya pa bton nas btud pa tsam gyis mdzod spur phyag byas nas dkyil 'khor gyi re kha dbyi bar bya'o//mchod pa'i cho ga mdor bsdus pa'o/ /de nas gzhan yang bshad bya ba/ /phyugs kyi las kyi cho ga mchog /gang gi rnam par shes tsam gyis/ /myur du dngos grub rab 'jug pa'o/ /zhes bya ba la sogs pas yi ge bdun pa'i las gsungs te sgra ji bzhin pa'o//sngags pas cho ga ldan byas nas/ /sA li btags pa las byung phyugs/ /bong bu mi dang rus sbal dang / /rnga mo ce spyang rta la sogs/ /kun du sna tshogs phag dag ni/ /dngos grub ster ba'i phyugs su bshad/ /ces te phyugs kyi skye ba bdun pa so sor bdun pa can no//bong bu ni bong bu'o/ /sna tshogs phag ni grong gi phag pa'o/ /sgra ji bzhin pa'o/ /des zos pa 'dis skye ba bdun pa shes pa dang rnyed par 'gyur ro zhes pa phan yon gsungs pa'o/ /sgra ji bzhin pa'o/ /mtshan nyid ji ltar 'gyur ba dang //de rnams las ni rab 'chang byed/ /nyon cig lha mo skal ba che/ /rnal 'byor pa yi mnyes gshin ma/ /skye ba gcig dang skye ba gnyis/ /gsum bzhi lnga dang skye ba drug /skye ba bdun du 'gyur ba yang / /de rnams phyugs su the tshom med/ /ces te/ phyugs ni bong bu la sogs pa ste drang ba'i don to/ /de 'gro ba ma yin pa las bdun no/ /nges pa'i don to/ /gang gi dbugs ni dri zhim zhing / /mig mi 'dzum par nges pa lta/ /bden par smra ba'i mi de rnams/ /rtag tu dam pa'i chos la dga'/ /bdag gi skye ba shes pa dang //rtag tu lus kyi dri ni zhim/ /mtshan nyid de rnams ldan pa de/ /skye ba bdun du gyur pa'i phyugs/ /zhes so/ /'di rnams bshad pa'i rgyud du gsungs pa ni bla mar yang / 'di 'dra rnal 'byor pas mtshon bya/ /'chi bdag me yis mi 'tshig cing / /srog chags gdug pa sna tshogs kyis//nam yang za bar mi 'gyur ro/ /sgra ji bzhin pa'o/ /dbang po gnyis kyi sbyor ba yis/ /nye snying 'bum du bzlas pas kyang / /de nyid kyi ni lag par dbul/ /sbyin pa 'di ni bdag la stsol/ /zhes so/ /de ni zos pa tsam gyis kyang / / lha yi gzugs ni 'chang bar 'gyur/ /snying ga'i ro tsa na blangs nas/ /gang la thig le byed 'gyur ba/ /sems can gang dag gang nyid kyi/ /de dang de yi gzugs 'dzin 'gyur/ /skra 'am spu 'am rgyud ma yis/ /skud pa byas nas mgrin pa la/ /bcings na sems can gang yin de'i//mi de de 'drar 'gyur ba yin/ /de ltar thams cad yongs shes nas/ /sngar brjod pa yi las rnams sgrub/ /ces so/ /des na de ni rang shi ba'i'o/ /rab tu zos pa ni zos pa'o/ /sngar brjod pa mngon par brjod par gsungs pa'i las rnams bya ba'o zhes pa sgra ji bzhin pa'o//mkhas pa shing lo'i khu ba ni/ /ro tsa nar bcas blangs nas su/ /dpral bar thig le byas na ni/ /de gzugs 'gyur bar the tshom med/ /ces te shing ni 'byung po'i skra'o/ /sgra ji bzhin pa'o/ /phyugs rnams nyid kyi spu rnams ni/ / lag dang spyi bor bcing bar bya/ /ljon shing yan lag lnga dang ldan/ /mi de de yi gzugs su 'gyur/ /zhes te ljon shing ni skye ba bdun pa'o/ /de'i yan lag lnga rnams su'o/ /dgongs pa'o/ /rnal 'byor goms shing bzlas par ldan/ /mi ni nus par ldan yin yang //dka' dang sdig pa la dga' de/ /dngos grub lam ni 'gog pa yin/ /zhes pas sgrub pa po gsungs so/ /rnal 'byor ni gnyis su med pa'o/ /gsungs pa yang / shes rab thabs ni snyoms zhugs pa/ /mi phyed rdo rje gsum gyis mtshan/ /shes dang shes bya rdzogs gcig nyid//stong nyid snying rje gnyis su med/ /dgongs pa'o/ /dka' ba ni dam tshig nyams pa'o/ /sdig pa la dga' ba ni mi dge ba bcu dang rtsa ba dang sbom po'i ltung ba la sogs pa la rab tu 'jug pa'o/ /rtsa ba'i ltung ba rnams kyang gshin rje gshed nag po'i rgyud du gsungs pa/slob dpon smad par mi bya ste/ /bde gshegs bka' las 'da' mi bya/ /de bzhin khros nas spun rnams la/ /nyes pa brjod par mi bya'o/ /sems can rnams la byams pa'i sems/ /nam yang nges par btang mi bya/ /byang chub sems ni 'dor mi bya/ /rang gzhan chos la smad mi bya//yongs su ma smin sems can la/ /gsang ba nyid ni bstan mi bya/ /bdag nyid phung po smad mi bya/ /chos rnams ngo bo sun mi dbyung / /gdug pa'i byams pa rtag tu spang / /chos rnams nyid ni bstan mi bya/ /dad ldan sems can bslu mi bya/ /rtag tu dam tshig bsten par bya//shes rab rang bzhin bud med la/ /skyon nyid kyis ni sun mi dbyung / /zhes so/ /sbom po'i ltung ba yang grub pa'i slob dpon pad+ma myu gu'i zhabs kyis/ sbom po'i ltung ba stobs nyid las/ /rdo rje btsun mo la zhen dang / /stobs las de yis byang chub sems//dbang byed bdud rtsi'i cho ga dang / /shin tu gsang ba mi sbed nyid/ /tshogs kyi 'dus pa rtsod pa dang / /dad pa che las gsang ba'i chos/ /phyin ci log tu ston pa dang / /nyan thos lhan cig nyin zhag bdun/ /rgyun mi 'chad par 'grogs pa dang / /rnal 'byor mi shes rnal 'byor rgyags//dad pa med la dam tshig ston/ /zhes so/ /de zhes pa rtsa ba'i ltung ba bcu bzhi dang / /sbom po'i ltung ba rnam pa dgu'o/ /ni ni gang gi phyir gyi don te/ dngos grub kyi lam 'grogs par byed pa ni de'i phyir spang bar bya'o/ /gsungs pa yang //dmyal ba yi dags dud 'gro ru/ /kun nas ltung bar byed pa gang / /de'i phyir ltung ba rnams su bshad/ mkhas pas de rnams yongs su spang / /ltung ba las slong bar byed pa'i sngags kyang gsungs pa/ bshad pa'i rgyud du yang / oM shrI bud+d+ha ka pA li kaM bu A hUM DA ki nI dzA la sam+ba ra hUM phaT swA hA/yang na rang gi ming bzlas pa yang stong phrag sum cu rtsa drug tu bzlas par bya'o/ /'khor lo byas nas ji lta bu'i rnal 'byor gsungs pa las bla ma dam pa'i mdun du phyag byas nas ltung ba thams cad nges par 'dul bar byed pa'i gsang sngags gdon par bya'o//slar yang bla ma la gsol ba btab pas dam tshig sdom pa blang bar bya'o/ /bdag ni mi shes rmongs pa ste/ /dam tshig las ni 'gal zhing nyams/ /bla ma mgon pos bdag skyabs mdzod/ /gtso bo rdo rje 'dzin pa ste/ /thugs rje chen po'i bdag nyid can//'gro ba'i gtso la bdag skyabs mchi/ /zhes pa the tshom med byas nas/ /nges par dngos grub can du 'gyur/ /zhes so/ /bla ma'i rgyud du bla mar yang / /zhi bar 'gyur zhing skal bzangs nyid/ /rnal 'byor ma yis dbang yang bskur/ /thun bzhi'i go rims bzhin du ni//phyi dang gsang ba'i chus bkru'o/ /zhes so/ /ltung ba las slong bar byed pa'i cho ga'o// //glang po rta dang rus sbal dang / /rnga mo phag sogs ce spyang dang / /bya rog 'ug sogs bya rgod sogs/ /khrung khrung bzhad dang khra rnams dang / /gzugs bzang gzugs ngan rnams kyis kyang //lha yi gzugs su de 'gyur ro/ /rnal 'byor chen po rang 'dod gzugs/ /skye 'gyur 'di la the tshom med/ /'di las che mchog dngos grub ni/ /'jig rten gsum na yod ma yin/ /'jig rten can du 'gyur ba dang / / 'og min gnas kyi mthar thug pa/ /phyag rgya dkyil 'khor bsgom pa'o/ /zhes pas phan yon gsungs so/ /'og min ni gzugs na spyod pa'i mtha' ste de'i mthar thug pa'i bdag po nyid du 'gyur ro/ /sa bdun gyi dbang phyug yang 'jig rten pa can sgrub pa nyid las so//phyag rgya dkyil 'khor bsgoms pas ni dkyil 'khor mngon sum du byas pas kyang 'jig rten pa thams cad 'grub par byed do zhes pa'o/ /bcom ldan 'das kyis dang po mchog gi sangs rgyas su gsungs pa/ 'dod par spyod pa'i dngos grub ni//las kyi phyag rgyas bsgrub par bya/ /ye shes phyag rgyas 'og min gyi/ /gnas kyi mthar thug bdag po nyid/ /gzugs zhes bya'o kun mkhyen nyid/ /rnal 'byor chen po'i phyag rgya che/ /ma nyams bsgoms pas bsgrub par bya/ /'gyur ba med pa'i bde ba nyid//skye ba 'di las sangs rgyas nyid/ /ces so/ /de nas rdzogs pa'i rim pa nyid kyis phag mo yud kyis bsam par bya'o/ /zung 'jug mnyam par sbyor ba las/ /snang ba gsal ba las bde ba'i/ /go 'phang rtag tu mthong ba ni/ /de ni rgyal bas mchod par 'dod//nyer spyod lnga yi sbyor ba yis/ /myur du sangs rgyas thob par 'gyur/ /'dir ni dpal ldan rdo rje 'chang / /mngon sum 'gyur te the tshom med/ /dbang po'i dra lta'i 'jig rten du/ /sems can kun don byed pa po/ /rus sbal lus ni skyong ba ci/ /bsam gyis mi khyab sangs rgyas chos//lung ni lhag par rtog pas grub/ /phyi yi bstan bcos kyis ma sgrubs/ /de nyid phyir na 'gro ba'i mgon/ /bde ba che la yang dag brten/ /med pa'i chos can la ni chos/ /skye ba 'di ni rab tu mthong / /yid bzhin nor ltar ma lus pa'i//sems can bsam pa yongs rdzogs byed/ /shes rab thabs gnyis snyoms 'jug pas/ /chos dbyings kun du dmigs pa la/ /thams cad stong par rab 'byung ba/ /ye shes dag pa'i ye shes nyid/ /gang des rdzogs pa'i byang chub nyid//skad cig gcig la rnyed par 'gyur/ /brgya phrag bco brgyad dbugs rnams kyis/ /'gyur med skad cig gis zos pas/ /bde gshegs sa ni kun 'od 'gyur/ /zung 'jug rnam par sgom pa po/ /de ltar nyi khri'i brgyad gnyis brgyas/ /rdzogs pa'i bde stong skad cig gis//bcu gnyis pa ni de nas 'grub/ /nges par sras po chen po yis/ /thog ma tha ma med ces pa/ /so so rang rig mi g.yo ba/ /yang dag rdzogs pa'i sangs rgyas tshul/ /bde ba chen po rang don ldan/ /gzhan don byed phyir sangs rgyas te/ /rtag tu snying rje can gyi stobs//chos kyi dbyings la rtag tu gnas/ /skal ldan che ge zhes mthong ngo / /sngon gyi 'phen pa'i dbang dang ni/ /rnam rtog thams cad bral las te/ /'gro ba nam mkha'i mthar thug par/ /sems can don la rab tu 'jug /mthong ba'i yul la khyab pa ni//sprul pa'i ye shes su bshad do/ /lus dang ngag yid gsang ba ni/ /lhan skyes bsgoms pa rnams kyis thob/ /ji ltar rgyal ba sangs rgyas kyis/ /brgya byin gzugs brnyan sogs brjod pa/ /dgug byas nges par bton pa ni/ /chos kyi dbyings ni nges par gsungs//ji ltar bai DUr sa gzhi gtsang ma la/ /lha dbang lus kyi gzugs brnyan snang ba ltar/ /de bzhin 'gro ba'i sems gzhi gtsang ma la/ /thub pa'i dbang po sku yi gzugs brnyan 'char/ /ji ltar rnga bo che las ni/ /ma brdungs par yang sgra 'byung 'gyur//de bzhin rgyal ba bzo med par/ /ston par byed pa yang dag 'byung / /ji ltar 'jig rten dge ba'i lam 'jug na/ /rlung skyes chu char sprin gyis 'bebs pa ltar/ /de bzhin brtse rlung 'gro dge mngon spel phyir/ /sangs rgyas sprin las dam chos char pa 'bebs//tshangs bzhin zag med gnas las ma bskyod pa/ /gang tshe sprul pa rnam pa du ma ston/ /rtag tu nyi bzhin ye shes snang ba spro/ /rnam dag rin chen yid bzhin nor bu'i thugs/ /rgyal ba rnams kyi gsungs 'di ni/ /brag ca bzhin du yi ge med/ /sku ni nam mkha' lta bu ste//khyab dang gzugs med rtag pa med/ /sa bzhin 'gro ba'i dkar po yi/ /chos kyi sman ni ma lus pa'i/ /rnam pa kun du gzhir gyur pa/ /'di ni sangs rgyas sa yin no/ /brgya byin rnga bzhin sprin dang tshangs pa nyi ma nor bu rin chen bzhin//brag ca lta bu nam mkha' dang ni sa gzhi lta bur de bzhin gshegs/ /zhes so/ /skye ba bdun pa'i gzugs yongs su bsgyur ba'i cho ga'o// //de nas sbyin sreg cho ga bshad/ /'jig rten gsum po dbang du 'gyur/ /gang gis yang dag cho ga yis//myur du dngos grub rab 'jug pa/ /ba lang sha dang chang bsregs nas/ /lag pa g.yon pas sbyin sreg bya/ /sangs rgyas kyang ni dbang 'gyur na/ /phran tshegs mi ni smos ci dgos/ /zhes te/ chang ni bu ram las byung ba dang rgun 'brum gyi shing las skyes pa'i btags pa las byung ba'o//sangs rgyas ni mkhas pa'o/ /sgra ji bzhin pa'o/ /kha chu so shing dag dang ni/ /de bzhin rang gi lus mnyes pa/ /ming dang myos byed sbyin sreg gis/ /'jig rten gsum yang dbang du byed/ /ces te/ kha chu ni skyugs pa'am mchil ma'o//myos byed ni rtsa ba bcu pa la sogs pa'i rtsa ba mo'o/ /sgra ji bzhin pa'o/ /zla mtshan ldan pa'i khrag dang ni/ /zos nas skyugs pa dag dang ni/ /mi yi skra dang ldan pa yi/ /sbyin sreg gis ni 'gugs par 'gyur/ /sgra ji bzhin pa'o/ /rang gi lus las zos pa skyugs//nim pa'i shing la me sbar nas/ /mkhas pa rang sgra'i sbyin sreg bya/ /mod la mchog tu sdang bar 'gyur/ /zhes te rang gi lus ni khyi'o/ /skra ni bsgrub bya'i'o/ /mkhas pa ni las rab 'byam shes pa'o/ /sgra ji bzhin pa'o/ / smyo byed me la brgyad brgyar ni/ /tsha ba'i til mar gyis bsgres pas/ /bya rog gshog pas sbyin sreg bya/ /nges par 'phral du skrod par 'gyur/ /mi yi sha ni khrag dang ldan/ /rwa can dug dang mnyam ldan pa/ /mtshan mo dur khrod sbyin sreg bya/ /dgra bo myur du gsod par 'gyur//zhes te mtshan mo ni thun tshod gnyis pa la'o/ /gsungs pa las kyang / zhi ba can ni srod la bya/ /de nas tho rangs rgyas pa can/ /nyi ma gung dang mtshan phyed la/ /dbang dang bskrad pa la sogs so/ /dkon mchog gsum la sogs pa la//gnod pa byed pa'i dgra bo la ste nyes pa phyung dus mi bya ste dngos grub nyams par 'gyur ro/ /sgra ji bzhin pa'o/ /ce spyang sha yis sreg blugs brgya/ /yang dag sbyin sreg byed pa'i mi/ /de ni ji srid 'tsho bar du/ /lag tu dpal 'ong the tshom med/ / ces te mi ni shar du mngon par phyogs pa'o/ /yang dag pa ni rgyas pa can gyi tshogs so/ /brgya ni brgyad lhag pa dang bcas pa'o/ /sgra ji bzhin pa'o/ /'ga' zhig myos byed dang ldan pa'i/ /sha chen dag gis sbyin sreg byed/ /sgrub po mchog ni thun gsum du//ji srid brgya rtsa brgyad kyi bar/ /ji srid 'tsho bar sa kun la/ /spyod par 'gyur bar the tshom med/ /de bzhin zla ba gsum steng du/ /skad cig nyid la dbul ba 'jig /ces pa ni rtag tu'o/ /spyod par 'gyur zhes pa ni rtag tu'o/ /spyod par 'gyur zhes pa ni rnam par rgyal ba dang ldan par 'gyur ro//skad cig las ni stong thob pa la'o/ /sgra ji bzhin pa'o/ /gsang sngags dus kun zlos byed pa/ /de la btud ni yid ma yin/ /lha rnams thams cad bsgoms nas ni/ /thun tshod gnyis su sbyin sreg bya//de la mkha' 'gro ma rgyal srid/ /stsol 'gyur 'dir ni the tshom med/ /rang gi lus ni 'di nyid kyis/ /mkha' la spyod pa'i go 'phang thob/ /ces pa ni phan yon gsungs pa'o/ /dus kun ni spyod lam bzhi po thams cad du bzlas par bya zhing mchod par bya'o//sngags ni gang la la zhig go/ /lha ni mkha' 'gro lnga la sogs pa'i sngags te mngon brjod du gsungs pa rtogs par bya'o/ /oM badzra DA ka daM hUM phaT/ oM bud+d+ha DA ka nyaM hUM phaT/ oM rat+na DA ka hUM phaT/ oM pad+ma DA ka naM hUM phaT/ oM bi shwa DA ka maM hUM phaT/ nye ba'i snying po lnga ste thams cad gcig kho na'o zhes so//rgyal srid ni 'byor pa'o/ /gsungs pa yang / mchod la brtson pas mchod par 'gyur/ /bzlas la brtson pas rnam par dag /me la sbyin sreg brtson pas 'byor/ /bsam gtan brtson pas thar pa thob/ / ces so/ /rang gi lus ni mchog tu bde ba lus med pa 'od gsal ba'o/ /'di nyid kyis ni skye ba 'di nyid do/ /mkha' spyod ni nam mkha' la 'gro ba'o/ /go 'phang ni sangs rgyas nyid rtag pa'o/ /gsungs pa yang / go 'phang rtag pa 'gro gsum du/ /mi rtag go 'phang kun du'o//thob par 'gyur ni las kyi lus can no/ /sgra ji bzhin pa'o/ /ce spyang sha dang myos byed kyi/ /phyi dang nang gi sbyin sreg gis/ /las rnams thams cad bsgrub par bya/ /sgrub pos rgyud du brjod pa yis/ /zhes pa ste ce spyang ni ce spyang ngo //las thams cad ni zhi ba can la sogs pa brgyad dngos grub chen po rnams so/ /sbyin sreg gis ni thab tu dong lta bar yang blugs gzar la sogs pas dang lag pas kyang bsgrub par bya'o zhes pa nges pa'i don to/ /gau zhes pa dbang po rnams so/ /sha ni gsungs pa yang //mAM zhes mA ma kIr rab brjod/ /sa zhes rdzogs pa'i byang chub gsal/ /dgongs pa'o/ /myos ni lhan cig skyes dga'o/ /sogs pa'i sgra las dga' ba gsum po rgyur gyur pa'o/ /sbyin sreg gis ni lhan cig skyes pa stong pa bsgoms pas so//nang gi zhes pa thams cad stong pa bde ba la'o/ /phyi dang zhes pa kun rdzob kyi bden pas so/ /las rnams thams cad ces pa 'gro ba'i don byed pa sangs rgyas nyid do/ /gsungs pa yang sangs rgyas nyid ni ye shes dang thugs rje dang nus par bstan pa don gnyis mkhyen pa'o zhes te nges pa'i don to//rgyud du ni shes rab dang thabs dag gis gzhung yang dag par spel ba rnams su ste der rgyal bas gsal bar byed pa rnams ni 'dus pa phyi ma la sogs pa rnal 'byor gyi rgyud nyi shu rtsa bzhi dang rnal 'byor ma'i rgyud rnams kyang ste dpal he ru ka mngon par 'byung ba dang /mngon par brjod pa bla ma dang / nam mkha' dang mnyam pa dang / kun spyod dang rdo rje mkha' 'gro dang / r-i gi a ril+li dang rdo rje a ral+li dang dpal he ru ka mngon par brjod pa dang / rig pa rgya mtsho dang / gsang ba rgya mtsho dang / ral pa gyen brdzes phyi ma dang kha sbyor 'byung ba'i rgyud rnams su rtogs par bya'o zhes pa sgra ji bzhin pa'o/ /da ni thab gsungs pa/ zhi la thab khung zlum po ru/ /sgrub pos sbyin sreg bya ba yin/ /zhes bya ba la sogs pas so/ /rdo rje A ral+lir yang nges par bstan pa/khru gang ba yi tshad tsam la/ /sngags pas khru phyed brkos par bya/ /mkhas pas shin tu dkar ba yis/ /rdul tshon ldan pas thab khung bya/ /der ni sha la sogs pa dang / /gsungs pa'i sngags kyis sbyin sreg bya/ /me ni rang gi lha yi gzugs//'dod don thams cad sgrub byed yin/ /zhes so/ /'dir thams cad du thab khung gi phyed kyi tshad brko bar bya'o/ /thab khung gi drug cha ni kha khyer te thab khung gi rnam pa'o/ /thab khung gi bcu gnyis cha ni mchu ste thad kar 'byung ba'o/ / gang gi che rdul tshon du gyur pa de'i tshon dpangs nges pa med do/ /sgra ji bzhin pa'o/ /rgyas pa'i sbyin sreg gru bzhi ru/ /gsal la gzhu yi rnam pa ru/ /zur lnga yang dag bshad pa la/ /slar yang rnam par ldang dang bskrad/ /dbang la zur gsum pa yi thab//dgug pa la ni zur bdun du/ /rmongs pa'i sbyin sreg zur drug tu/ /rengs pa la yang zur brgyad la/ /thab khung mtshan nyid shes nas ni/ /de nas me la sbyin sreg byin/ /zhes so/ /'dir thams cad du me tog dang gos la sogs pa las kyi rjes su 'brangs pas dkar po la sogs par shes par bya'o//sngags ni mchog tu gsang chen la yang brjod pa nyid ma yin pa'i phyir 'dir mi brjod do/ /'dir zhi ba la dkar po'i zhal 'dzum pa dang bcas sngon ma gtso ba'o/ /thun dang po la'o/ /dpa' bo gcig pa yang rung ngo //rgyas pa la dkar po dang ser po mtshungs pa gnyis pa la 'gyur ro/ /de bzhin du rengs pa la ser po rengs pa gsum pa la'o/ /de bzhin du rmongs pa la ser po dang dmar por 'gyur ro/ /de bzhin du dgug pa la chags pa dang bcas pa dmar po lnga pa la 'gyur ro//de bzhin du dbang la dmar po dang nag po drug pa la'o/ /de bzhin du gsang ba la nag po'i zhal bdun pa la'o/ /skrod par byed pa ni dkar po dang nag po brgyad pa la'o/ /bsgrub par bya'o zhes pa khro ba dang bcas pa'o/ /yang na thun phyed pa'i dbye bas phye'o/ /yang na thun mtshams bzhi'i dbye bas las rnams te snga ma'i thun mtshams la zhi ba'o//nyi ma gung la rengs pa'o/ /nub par gyur pa la dgug pa'o/ /mtshan mo phyed la gsang ba'o/ /sgra ji bzhin pa'o/ /dpal 'bras pa la sha dang ni/ /u dum+WA ra'am a shwad+tha ni yam shing ngo / /de nas gsang sngags grub par 'gyur//zhes sreg rdzas gsungs so/ /gsungs pa yang / /gsang sngags bzlas pas 'grub par 'gyur/ /cho gas bcu cha'i sbyin sreg las/ /zhes so/ /'dir thams cad du dang por sngags bsgrub pa'i ched du yi ge gsum gyi gsang sngags kyi bdag po bzlas pa dang sbyin sreg la sogs pa bsgrub par bya'o//de bzhin du lhan cig skyes pa'i bsam gtan dang bsam gtan gzhan bsgrub pa'i ched du dang por bstan par bya'o/ /rnam pa gzhan du dngos grub med do/ /dpal dus kyi 'khor lor yang gsungs pa/ sngags dang gzugs brnyan grub par srid pa gsum gnas su ni ci yang 'grub par 'gyur ba nyid ma yin//de yi rgyal po rang sems dri ma rnam par bral ba dag la gsang sngags gzugs ni bsgrub par bya/ /zhes pas/ de bzhin du srog gi rlung rdo rje bzlas pa'am ma ning gi bzlas pas sam srog rtsol la sogs pas las rab 'byam gyi don du dbu mar rab tu gzhug par bya'o//srog gis bsgrubs pa las rnam pa gzhan du las grub pa med do zhes pa nges pa'o/ /gsal lo sbyin sreg gi cho ga'o/ /de nas 'dis ni ye shes kyi/ /'khor lo dgug pa mchog 'chad byed//phyag rgyas bcing dang lag par dgod/ /de nas yan lag dgod pa sogs/ /dpral drug mnyam par spror ba yis/ /mkha' 'gro ma yi dra ba sdom/ /zhes pa la sogs pas ye shes dgug pa la sogs pa mdor ston te dam tshig sems dpa' rdzogs nas ye shes kyi 'khor lo dzaHhUM baM hoHzhes pa la sogs pas rab tu gzhug par bya'o zhes pa yang na'o//drang ba'i don to/ /ye shes sems dpa' ni gzhon nu ma dang rab tu 'grogs pa'i khu ba ste/ de'i dgug pa ni srog la sogs pa'i rlung gi tshogs kyis byed do/ /spyi bor byang chub kyi sems yongs su rdzogs par byed do zhes pa'i don to//des mes zhu bar gyur nas thig le'i gzugs kyis mgrin pa dang snying ga dang lte ba dang gsang bar rab tu 'jug par byed do/ /sa ni de'i bcing ba byed do/ /chu'i khams ni lus la bsil ba nyid du byed do/ / slar yang gnas de nas steng du bgrod pa'i don du rgyu mthun pa'i bde ba nyid do/ /spyan ma la sogs pas rdo rje'i glu rnams kyis rab tu rtogs par byed do/ /lte ba la sogs pa nas de lta bu la sogs pa rnams kyis bslangs nas bde ba chen po dri ma med pa nyid du gyur pas phung po la sogs pa sgrib pa med par byed do//de nas rnal 'byor pa rnam pa thams cad mkhyen pa'i go 'phang du 'gyur ro zhes pa des pa'i don to/ /phyag rgya ste dra ba'i phyag rgya dang sdom pa 'chang bar byed do zhes pa rnal 'byor ro/ /sgra ji bzhin pa'o/ /sdong po la ni rdo rje sems/ /lcug mar rnam par snang mdzad gnas//pad+ma gar dbang gung mo la/ /he ru ka ni ming med gnas/ /mtha' la nam mkha'i snying po yang / /rta mgrin lag pa'i mthil du'o/ /dpal mo chos sogs pho nya mo/ /lag pa g.yon par de bzhin gnas/ /zhes te lag pa la dgod pa gzhan rgyas par 'chad do//lag pa g.yas pa la ste sgra ji bzhin pa'o/ /mdzub mo lcags sgrog lta bur sbrel/ /'og tu mthe bong nges par sbyar/ /gung mo dag ni kha ba ltar bya/ /ming med la sogs rab tu brkyang / /'bar ba'i phyag rgya mgor bzhag nas/ /rkang pa gcig mnan gyen du blta//kun du bskor zhing rnam bskor bas/ /de nas pheM yig bsgrag par bya/ /ye shes 'khor lo mnyam bkug nas/ /dam tshig 'khor lor rab gzhug bya/ /zhes pas phyag rgya rgyas par bstan no/ /dam tshig de nyid ni rnal 'byor dang rjes su rnal 'byor dang shin tu rnal 'byor chen po gang yang rung bas rdzogs pa ste phyi rol du byis pa skyes pa tsam ni dam tshig gi 'khor lo zhes su brjod par bya'o//dpa' drug mnyam par sbyor ba ni/ /yan lag drug tu ji bzhin rim/ /zhes pa ni dang por yan lag dgod pa gsungs te gsal lo//'byung mo drug mnyam sbyor ba yis/ /go cha gnyis par bshad pa yin/ /phag mo pho nya gshin rje ma/ /de bzhin rmongs byed skyod byed ma/ /skrag byed gtum mo pho nya mo/ /yan lag drug tu ji bzhin rim/ /zhes pas go cha gnyis pa gsungs te gsal lo/ / mgo bo sogs la rab gtum sogs/ /pho nya mo ni nyi shu bzhi/ /cho ga gsum par bshad pa yin/ /sgrub pa'i phyir du rnal 'byor bdag /ces so/ /go cha zhal gyi dgod pa gsungs pa rnal 'byor pa chung ngu dang / 'bring dang chen po rnams kyis btags pa u yig gis rdzogs par sgom pa po rnams kyi kun rdzob dang don dam pa'i bden pa dag gis so//de'i phyir yan lag bzhin he ru ka bsgom par bya'o/ /de bzhin du yang gsungs pa ji ltar ma ngal du lus rdzogs pa de bzhin du lha bskyed pa la dkyil 'khor rgyal po mchog bsnyen pa'i yan lag go/ /de bzhin du las rgyal po mchog nye bar sgrub pa'o//thig le'i rnal 'byor ni sgrub pa'o/ /phra mo'i rnal 'byor ni sgrub pa chen po ste ngag dang khu ba'i bde ba rdzogs pa'o zhes so/ /da ni nang gi pu yig la sogs pa nyi shu rtsa bzhi po rnams kyi shes rab dang thabs dag gis gnas la sogs pa rnams kyi yi ge rnams gzhom du med pa dang zla ba dang thig les brgyan pa dag gi dgod pa brjod par bya ste/mgo bor puM brtags pa rnal 'byor pas dgod par bya'o/ /de bzhin du gtsug tor du dziM mo/ /rna ba g.yas pa'i steng du oM mo/ /mgrin pa'i rgyab tu oM mo/ /rna ba g.yon pa'i steng du goM mo//smin ma'i dbus su rAM ngo / /mig gnyis la deM no/ /phrag pa dag la mAM mo zhes pa gnas dang nye ba'i gnas su'o/ /mchan khung gnyis su kaM ngo / /nu ma gnyis su oM mo/ /lte bar triM mo/ /sna'i rtse mor koM ngo zhes pa zhing dang nye ba'i zhing gnyis su'o/ /kha la kaM ngo / /mgrin par laM mo//snying gar kAM ngo / /rmig par hiM mo/ /'dun rtog dang nye ba'i 'dun rtog dag la'o/ /rtags la preM mo/ /bshad lam du gr-iM ngo / /brla dag la sauM ngo / /byin pa dag la suM mo/ /rkang pa'i sor mo rnams la naM mo/ /rkang pa'i rgyab dag la siM mo/ /rkang pa'i mthe bong dag la maM mo//pus mo dag la kuM mo zhes pa 'dus pa can dang nye ba'i 'dus pa can dang / /dur khrod dang nye ba'i dur khrod de bzhin no zhes pa drang ba'i don to/ /nyi shu rtsa bzhi ni kun spyod du/ lus kyi khams ni nyi shu bzhis/ /dpa' bo rnams su btags pa'o/ /zhes te nges pa'i don to/ /mgo bo la sogs par dgod pa'i cho ga'o//de nas sa dang pha rol tu phyin pa bcu rnams rnam par sbyang bar bya ste de bzhin zhes bya ba la sogs pas sa bcu gsungs pa/ gnas ni rab tu dga' ba'i sa/ /de bzhin nye gnas dri ma med/ /zhing ni 'od byed shes par bya/ /nye ba'i zhing ni 'od 'phror bshad//'dun rtog shin tu rgyal dka' ba/ /nye ba'i 'dun rtog mngon gyur nyid/ /'dus pa can yang ring du song / /nye ba'i 'dus can mi g.yo ba/ /dur khrod legs pa'i blo gros sa/ /nye ba'i dur khrod chos kyi sprin/ /zhes te/ gnas zhes pa phyi rol du gling bzhi'o/ / nye ba'i gnas ni nye ba'i gling bzhi po rnams so/ /gzhan sngar gsungs pas shes par bya'o/ /rab tu dga' ba ni byang chub sems dpa'i sa'o/ /phyi rol du lus la spu la sogs pa gzhan la sbyin pa'i pha rol tu phyin pa'o/ /de bzhin du lus la pags pa dang sha ni dri ma med pa'o/ / ro dang chu rus pa dang rkang rtsa dang srog dus kyi me dang chags pa'i khams te ring du song ba sgra gcan dang nyi ma dang zla ba zhes pa'o/ /de ltar spu dang skra la sogs pa nas zla ba'i mthar thug pa sgrib pa med pa rnams sa bcur gsungs pa rnams so/ /gsungs pa yang / mgon po sa bcu'i dbang phyug ni//'di rnams don la gzhan mi gsungs/ /de bzhin du/ dgongs pas pha rol phyin pa bcu/ /rnal 'byor ma yi kla klo'i skad/ /he ru ka dpal rnal 'byor che/ /dpa' bo'i yan lag brtan g.yo'i bdag /ces te/ brtan g.yo ni khams bcur gsungs pa de nyid sgrib pa las dpal he ru ka'i yan lag tu 'gyur ro//bcom ldan 'das kyis kyang gsungs pa/ /lus las ma gtogs gang zhig khyab byed thar pa ster ba'i sangs rgyas gzhan ni 'ga' yang yod ma yin/ /zhes te dgongs pa'o/ /kun nas phyag dang zhabs kyi mtha'//kun nas spyan dang dbu dang zhal/ /kun nas thos ldan ting 'dzin ni/ /thams cad g.yogs te gnas par byed/ /de nas dngos grub bsgrub bya ba/ /rnal 'byor ldan pa'i sems kyis so/ /sgrub po rnams la phan don du/ /de nyid 'di ru dper brjod do/ /zhes pas sgom pa gsungs so//dang zhing gsal ba'i rnal 'byor gyis/ /gzi brjid gzugs 'chang bsgom par bya/ /zhes brjod do/ /de nyid mi slu ba sogs bde/ /he ru ka dpal rab tu bstan/ /bshad pa'i rgyud kyis rjes 'brangs nas/ /bla ma'i zhal las rtogs par bya/ /bla mar yang / rang gi lhag pa'i lhar dmigs nas//de nyid gcig pu rnam bsam bya/ /zla drug tsam na nges par ni/ /lkugs pa'i dngos por thal bar 'gyur/ /zhes te dgongs pa'o/ /sa nges par bstan pa'i le'u'o// //de nas gzhan ni rab 'chang byed/ /'dir ni de nyid bcu bzhi'o/ /zhes pas bskyed pa'i rim pas sgrub pa'i thabs kyi mdo gsungs so//gzhan las 'od gsal dang zung du 'jug pa las so/ /'dir he ru ka'i rgyud du de nyid rnams ni dbang bskur ba rnams te ye shes kyi ched du'o/ /sgra ji bzhin pa'o/ /gdan dang phyag rgya can dgod pa/ /shes rab yan lag gdugs phur bu//rab dang ni gur dgod pa/ /de bzhin rgyu sogs stong pa nyid/ /'jug pa dang ni sgra tsam mo/ /A li kA li sogs bsdus pa/ /dgug pa ye shes sems dpa' yis/ /gcig tu shes rab rjes chags pa/ /bdud rtsis tshim par byed nyid dang / / 'khor lo chen po gshegs su gsol/ /de nyid rnams ni bcu bzhi ste/ mdor bsdus pa nyid bstan pa yin/ /zhes rgyas par bshad pa gsungs so/ /gdan ni gnas la sogs pa las la gsungs pa'i khyim du 'am dge ba'i yul du sngar gsungs pa'i gdan la rdo rje skyil mo krung gis nye bar 'dug ste bsgrub par bya'o//bum pa la sogs mdun du'o zhes pa'i don to/ /phyag rgya can ni 'khor lo can la sogs pa de rnams dgod pa'o/ /shes rab ni shing la sogs pa las byas pa'i rdo rje dril bu 'am kha T+wAM ga la sogs pa dgod pa'o/ /bla mar yang / rtag tu mchog gi phyag rgya lnga//cod pan thogs pa las byas pa/ /thod pa dang ni kha T+wAM 'dzin/ /lus ni thal ba'i rdul dang ldan/ /zhes so/ /yan lag ni der phung po la sogs pa dgod par bya'o/ /dam tshig gi ril bu khar gzhug par bya'o/ /rang bzhin dag pa'i sngags brjod pa'i de ma thag tu gdug pa la phur bus gdab par bya'o//phyi rol gyi dkyil 'khor la sogs pa sngon du 'gro bas phyi dang nang gi bdag nyid can stong par bltas nas hUM yig las skyes pa'i 'od zer gyis gdug pa rnams bsregs nas bskrad par bya'o/ /yang na gnod mdzes la sogs pas phur bus gdab par bya'o//de nas ra ba dang de'i 'od zer gyis gur dgod pa dang rdo rje'i sa gzhi yang bsgom par bya'o/ /bla mar yang / phyogs bcur srid rtse'i bar du ni/ /'od zer phreng ba spro bar bya/ /de nas 'od des bltas nas ni/ /rab gur ni de bzhin no/ /zhes so/ /rgyu sogs stong pa nyid ni don dam pas bsrungs pa tshigs su bcad pas bsgom par bya'o//bla mar yang / chos ni nam mkha' lta bu ste/ /chos min chos nyid kyang ma yin/ /nam mkha' lta bur gos pa med/ /rang bzhin med cing gnas med pa'o/ /zhes so/ /de nas 'jug pa sgra tsam ni yid las byung ba'i mchod pa'i bar ma chad par sems tsam gyi don la gnas par bya zhing nA da tsam du rnam par brtag par bya'o//de nas stong pa'i sngags brjod nas bsgom par bya'o/ /A li kA li la sogs bsdus pa ni rlung la sogs pa'i dkyil 'khor sngon du 'gro bas khang pa brtsegs pa bsgoms nas rnam pa lnga las skyes pa'i dang po'i mgon po rnam par bsgoms te shes rab kyi chags pas zhu bar gyur pa lha mo'i glus rab tu sad par byas te sku la sogs pa'i mkha' 'gro'i gzugs su rdzogs pa sems dpa' gsum gyi bdag nyid can du bsgom par bya'o//rdo rje mkha' 'gror yang glur gsungs pa/oM ma hA su kha badzra sa twa dzaHhUM baM hoHsu ra s+t+waM zhes so/ /de nas dgug pa ye shes sems dpa' yis ni snying ga'i sa bon gyi 'od zer gyis ye shes kyi 'khor lo bkug nas rab tu gzhug par bya'o/ /de nas dbang bskur ni dbang bskur ba'i spyi bor rang gi rigs kyi dbang po bsgom par bya'o//he ru ka'i rnam pa la shes rab rjes su chags pa ni rang gi dbang bskur ba'i shes rab ma'i 'dod pa las mchod nas phung po la sogs pa dgod pa byas te rjes su chags pa'i ting nge 'dzin gyis rjes su chags par bya'o/ /bdud rtsis tshim byed ni dam tshig skyong ba dang bstod pa la sogs byas nas/gshegs su gsol zhes pa ni de dag bsdu bar bya'o zhes pa ste drang ba'i don to/ /gdan ni 'dod pa lnga nye bar brten nas byed pa'o/ /phyag rgya can dgod pa ni srog chags gsod pa la sogs pa'i sbyor ba'o/ /gdu bu srog chags gsod pa spangs//zhes pa shes rab ni shes rab kyi lhan cig pa'o/ /gdug pa'i phur pa ni sbyor ba ste rgyud du yang / gdug pa thams cad 'dul ba ni/ /nu ma mchan khung gnyis 'tshir ba'o/ /ra ba gur ni dgod pa bde ba chen po'i ting nge 'dzin gyis so/ / rgyu sogs stong pa nyid ni shrI yig gnyis su med pa'i ye shes lhan cig skyes pa sgom pa'o/ /'jug pa sgra tsam ni dkar dmar thabs shes rab sbyor ba la shin tu dga' ba'i sgra thos pa'o/ /A li kA li sogs bsdus pa ni de dag 'gags pa'o/ /dgug pa ye shes sems dpa' yes ni ye shes 'dod pa des 'gugs par byed pa'o//dbang bskur ni/ bde ba'i sems des bsil ba nyid/ /gsang bar ngo mtshar bsil ba thob/ /ces gsungs so/ /shes rab rjes chags ni mi 'pho ba'i bde ba sems par byed pa'o/ /bdud rtsis tshim byed ni gsan nas dpral bar 'gro ba'o//'khor lo chen po ni nyi khri brgyad nyis brgya'i dbugs kyi tshogs so/ /de'i gshegs su gsol ba ni bde ba chen po'i go 'phang ste/ de nas rdo rje 'chang gi sa bcu gnyis pa'i 'byung gnas thob par 'gyur te dus gsum shes pa yang ngo //gsungs pa yang / bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /sangs rgyas kun ni kun rig mchog /bcom ldan 'das kyis gsungs pa'i sa rnams kyang dri ma med pa'i 'od du 'di lta ste/kun du 'od dang / bdud rtsi'i 'od dang / nam mkha'i 'od dang / rdo rje'i 'od dang / rin chen 'od dang / pad+ma'i 'od dang / las kyi 'od dang / dpe med pa dang / nges pa'i dpe dang / shes rab 'od bcu par bzhed pa dang / thams cad mkhyen pa'i 'od kyis chen po dang so sor bdag nyid rig pa bcu gnyis pa'o zhes te rnal 'byor pa rnams kyi dus sbyor 'gags pa las grub par 'gyur ro zhes pa nges pa'i don to//slob dpon rnams kyi bcu po gang / /dkyil 'khor bri ba'i las rnams so/ /zhes pas de nyid bcu gsungs te/dkyil 'khor dang ni ting 'dzin dang / /phyag rgya stang stabs 'dug stangs dang / /gtor ma sbyin sreg rab gnas dang / /spyan drang gshegs su gsol ba'o/ /zhes so/ /rgyas par ston pa ni de nyid bcu rab tu gnas par shin tu rgyas pas rtogs par bya'o/ /'khor lo 'khyil pa mgul rgyan dang //gdu bu de bzhin 'og pag dang / /thal bas lhan cig pa drug po/ /dpa' bo rnams kyi phyag rgyar bshad/ /ces pas phyag rgya can rgyas par bshad de gsal lo/ /thal ba spangs pa lnga po ni/ /mkha' 'gro ma yis rab tu bsgrags/ /zhes te sgra ji bzhin pa'o//rdo rje thabs kyi ngo bo yis/ /dril bu shes rab rang bzhin las/ /zhes te sogs kyi sgras mtshon cha la sogs pa'i dag pa gsungs so/ /de bzhin g.yas su Da ma ru/ /g.yon du kha T+wAM ga brjod bya/ /brgya phyed mgo bo'i phreng ba yis/ /mkha' 'gro ma dang dpa' bor mnyam//mi shes gcod byed gri gug ste/ /bdud rnams gsod byed thod pa'o/ /de rnams gcer bu'i gar byed de/ /sgrib pa med pa'i stong pa nyid/ /myos byed btung ba rtag tu dga'/ /bde ba chen po'i go 'phang gnas/ /rdo rje'i glu ni glu chen po/ /chos kyi 'khor lor rab 'jug byed//dbang po rnams ni 'gog pa gang / /go ku la sogs lnga za ba'o/ /phung po'i sgrib pa zad pa'i ming / /bdud rtsi lnga po za ba'o/ /dur khrod du ni rol bar gang / /sems can lus la chen por gnas/ /rnal 'byor dngos grub 'dod pa yis/ /de ltar thams cad yongs shes bya//zhes te sgra ji bzhin pa'o/ /chos kyi 'khor lo bskor ba'i cho ga'o/ /rlung me chu dang sa gzhi ri/ /pad+ma nyi ma'i dkyil 'khor du/ /dbus su dkyil 'khor gtso bo de/ /u ma dbang phyug mnyam mnan nas/ /zhes pa la sogs pas sprul pa'i sku rgyas par 'chad de de'i u ma dbang phyug ni g.yon du dbang phyug chen po'o//g.yas su dkar mo'o/ /bla mar yang / dbang phyug chen po'i mgo bo mnan/ /u ma'i nu ma rgyas pa mnan/ /zhes so/ /rdo rje mkha' 'gror yang dkar po zhal gcig pa phyag bzhi rnams su dgra sta dang thod pa dang thal mo sbyar ba'o//rgan byang ma nag mo zhal gcig pa phyag bzhi rnams su thod pa dang kha T+wAM ga dang ral gri dang cang te'u can no/ /sgra ji bzhin pa'o/ /ye shes 'khor lo'i pad 'dab la/ /bdud rtsi yi ni thod pa rnams/ /nag po dmar po dkar po'i lha/ /'khor lo gsum du rim bzhin gnas//mkha' 'gro ma sogs rim ji bzhin/ /bya rog gdong sogs de bzhin nyid/ /phyogs su ji ltar de bzhin zur/ /sgrub pos rtag tu shes par bya/ /zhes te ye shes 'khor lo ni snying po'i 'dab ma la'o/ /bdud rtsi ni bshang ba dang gci ba dang khrag bcud rnams ni dbang ldan la sogs pa'i phyogs bral rnams su'o//de nyid du nag po ni thugs kyi 'khor lo la'o/ /de bzhin du dmar po ni gsung gi 'khor lo la'o/ /dkar po ni sku'i 'khor lo la'o/ /mkha' 'gro ma la sogs pa rnams nag mo dang so bsangs ma dang dmar mo dang ser mo rnams shar dang byang la sogs te bya rog gdong la sogs pa rnams kyang ngo //zur du gshin rje sreg ma la sogs pa rnams kyang ngo / /sgra ji bzhin pa'o/ /yang na zhal gyi kha dog gis de rnams phyogs bzhir bskor bar shes par bya'o/ /nag po dmar po gser du snang / /kha ba kun+da zla ba mtshungs//zhes gtso bo'i zhal gyi kha dog gi dbye bas rnal 'byor ma dgu po de rnams nag mo'o/ /g.yas su dmar mo dgu ser mo rgyab tu gnas pa'o/ /byang du gnas pa dkar mo'o/ /sgra ji bzhin pa'o/ /kun spyod du yang / gshin rje sreg ma sogs/ /gzugs gnyis ldan zhing yid 'phrog ma//sgra ji bzhin pa'o/ /he ru ka dpal rgyal po che/ /go 'phang mchog ni bsgom par bya/ /sems dpa' dpa' bo pho nya mo/ /dngos po kun gyi rnal 'byor ldan/ /zhes so/ /longs spyod rdzogs pa gsungs pa yang / longs spyod rdzogs pa nyid 'khor los sgyur ba bzhin du slar yang khams thams cad du rdzogs par longs spyod pa nyid tha dad ma yin par yongs su 'dzin pa'o zhes so//de yang mchog gi dang po la sogs par rtogs par bya'o/ /sgra ji bzhin pa'o/ /klu yi dbang po rus pa'i rgyan/ /stag lpags glang po'i pags pa dang / / bdud dang nyon mongs snyoms 'jug dang / /shes bya'i sgrib pa rnams kyang ngo / /zhes pas chos gsungs so/ /gsungs pa yang / 'khor gsum rnam par rtog pa gang / /de ni shes bya'i sgrib par 'dod/ /ser sna la sogs rnam rtog gang / /de nyid nyon mongs sgrib par 'dod/ / ces so/ /bdud kyi sgrib pa rnam par dag pas klu'i dbang po'o/ /nyon mongs dag pas rus pa'i phyag rgya'o/ /snyoms 'jug dag pas stag gi pags pa'o/ /shes bya yongs su dag pas glang po che'i pags pa yang ngo / /sgra ji bzhin pa'o/ /u ma dbang phyug che de bzhin/ /thod pa tshangs pa'i mgo bo dang //thod pa'i phreng ba de bzhin te/ /thal bcas tshangs pa'i skud pa dang / /mgo bo'i phreng ba yang dag ldan/ /de dag rnam dag shes par bya/ /khro bo'i dbang dang byang chub sems/ /sgrib pa cung zad dang ldan no/ /zhes te cung zad ces pa nyon mongs pa bzhi pa'o/ /gsungs pa yang /nyung ngu'i ye shes kyis byas pa/ /nyon mongs bzhi po nges bsregs yin/ /zhes te sgra ji bzhin pa'o/ /u ma dang dbang phyug chen po ni rdul dang khu ba'o/ /r-i gi a ral+lir yang / /mgo bo yang ni nyon mongs bdud/ /thod pa nam mkha' dag pa zhes so/ /A li kA li'i dag pa sgra ji bzhin pa'o//sems can mos pa sna tshogs pas/ /spyod pa sna tshogs kun du gnas/ /sna tshogs tshul gyi cho ga yis/ /sna tshogs pa yi thabs bstan no/ /zhes te lhag par mos pa tha dad pa nyid kyi sems can gang yin pa de la tha dad pa'i tshul dang thabs bstan no/ / lhag par mos pa sna tshogs pa ni nyan thos la sogs pa'i sems so/ /spyod pa dang tshul rnam pa gsum ni bye brag tu smra ba la sogs pa'i 'dod pa rnams so/ /thabs ni lam sgom par byed pa'o/ /de la gang zag tu smra ba rnams la gang zag mi rtag par sgom pa la sogs pa gsungs so//don smra ba rnams las la sogs pa'i zad par bsgom pa'o/ /rnam par shes pa rnams la brtags pa tsam nyid kyi ting nge 'dzin no/ /dbu ma rnams la rmi lam lta bu dang 'gyur ba med pa gnyis su med pa'i ye shes sgom pa gsungs te sems can gyi bsam pas ston pa rnams kyang de bzhin te khur ba'i gang zag yod de rtag par yang mi smra mi rtag par yang mi smra'o//rdul phra rab tshogs pa'i bdag nyid kyi tha ma'i lus mtshan la sogs pa dang ldan pa yang yod do/ /kye rgyal ba'i sras dag 'di lta ste khams gsum pa ni rnam par shes pa tsam mo zhes so//rgyud gzhan du yang / /sgyu 'phrul chen mo drag chen mo/ /'byung dang sdud par byed pa mo/ /kun rdzob kyis so/ /shes rab pha rol phyin byed ma/ /byed po sangs rgyas lus can min/ /zhes te ldog pas mya ngan las 'das pa nyan thos dang rang sangs rgyas kyi phung po lhag ma dang bcas pa dang /theg pa chen po pa rnams kyi phung po lhag ma med pa'o/ /stong pa nyid gnyis su med pa smra ba po rnams kyi rab tu mi gnas pa shin tu gnyid log pa dang sad pa dang bral ba bzhi pa dang rmi lam lta bu ni 'bras bu'o/ /shes rab kyi pha rol tu phyin pa'i tshul du bstan pa la gang sems ma yin pa'o zhes gsungs pa chos thams cad dngos po ma yin pa'i rang bzhin gyi ting nge 'dzin gyis zhes so//bcom ldan 'das kyis kyang gsungs pa/ nam mkha' dang ni 'gog pa gnyis/ /'dus ma byas gsum rtag pa ste/ /'dus byas thams cad skad cig ma/ /bdag gi stong zhing byed po med//dbang skyes blo ni rna med kyis/ /phra rab bsags pa dngos su rig /kha che'i gzhung gi chu gter gyi/ /bye brag smra ba'i gzhung 'dod 'gyur/ /shes pa rnam can skyed byed ni/ /dbang po'i spyod yul snang ba min/ /nam mkha'i mo gsham bu dang mtshungs/ /'gog pa dag ni nam mkha' bzhin//'du byed bems po yod ma yin/ /dus gsum rjes 'gro dag kyang med/ /thogs pa med pa'i gzugs yod min/ /zhes pa mdo sde pa yi rig /yan lag can zhes bya ba med/ /phra rab rdul rnams yod ma yin/ /sgyu ma rmi lam mthong ba yis/ /dmigs pa med pa rab tu gsal/ / gzung dang 'dzin pa las grol ba'i/ /rnam par shes pa don dam yong / /rnal 'byor spyod gzhung rgya mtsho yis/ /pha rol phyin rnams de skad sgrogs/ /rnam par shes pa don dam yod/ /de yang mkhas rnams mi 'dod do/ /gcig dang du ma'i rang bzhin dang / /bral phyir nam mkha'i pad+mo bzhin//yod dang med dang yod med dang / /gnyis ka'i bdag nyid min pa'am min/ /mtha' bzhi rnam par grol ba yi/ /de nyid dbu ma pa yi rig /de bzhin du 'ang / /bdag med 'byung ba yod cing dge dang mi dge 'bras bu yod de byed pa po yis rnam par dman/ /'gro ba po med ma lus thar ba'i slad du 'gro ba yod cing 'chi ba yod de bcings pa med//dngos po med pa dag kyang yod de skad cig rnam bral rang bzhin med pa dag gi srid pa yod/ /'di dag bdag gi bden pa'i tshig ste lha dang gdengs can rnams kyi gdon bcas tshig gis 'joms mi 'gyur/ /sgra ji bzhin pa'o/ /zab mo'i chos ni ston pa la//gal te mos par ma gyur kyang / /smod pa dag tu mi bya ste/ /chos nyid bsam mi khyab dran bya/ /zhes pas dag pa'i sku gsungs so/ /zab mo ni rtog ge'i yul ma yin pa'o/ /gang gis 'dir bdag yul min pa/ /bdag gis chos nyid mi shes te/ /dus gsum bzhugs pa'i rdzogs sangs rgyas//bdag nyid chen po rnams kyis mkhyen/ /sgrib pa kun las rnam par grol/ /gang gis khams gsum rgyas gdab pa/ /khro bo'i dbang dang byang chub sems/ /dkyil 'khor kun gyi gtso bo'o/ /zhes te bdag nyid chen po ni sku lnga'o/ / rdzogs sangs rgyas ni sa bcu gsum gyi dbang po'o/ /dus gsum bzhugs pa ni tshogs gsum mo/ /khro bo'i dbang po ni gshin rje mthar byed la sogs pa'o/ /byang chub sems dpa' ni byams pa la sogs pa'o/ /dang yig las spyan ma la sogs pa'o/ /thams cad ni mkha' 'gro lnga la sogs pa rnams kyis mkhyen no zhes pa ste sgra ji bzhin pa'o//sku bzhi'i cho ga'o/ /de ltar gang zhig sgom pa dang / gsang sngags bzlas pa byed pa ni/ /skye dang skye bar chos ldan pa'i/ /rgyal po'i go 'phang 'gyur ba yin/ /zhes pas rjes su 'gro ba gsungs so/ /de ltar de kho na nyid kyi rnal 'byor mtshan ma dang bcas pa'i gzugs sam//'khor los sgyur ba'i rgyal po yang ngo / /sgra ji bzhin pa'o/ /dper na mar gyis gang ba'i snod/ /me yi dbus su legs gzhag pa/ /de la mar ni zhu 'gyur te/ /snod kyi dri ma gnas par byed/ /ces pas las kyi lus gtong ba don du gnyer ba la dpe gsungs pa/dper na mar me med pa bzhin du lus gnas pa rnam par shes pa med pa'o/ /dang po'i sangs rgyas su yang / phung po med kyang rnal 'byor pa ni bde ba'i go 'phang 'gro ste 'on kyang 'jig rten du ni grags pa min/ /zhes te dgongs pa/ rnal 'byor pa rnams 'chi tshe'am/ / rnal 'byor ma rnams thugs dgyes pas/ /lag na me tog sna tshogs thogs/ /sna tshogs rgyal mtshan yang dag ldan/ /sna tshogs rol mo'i sgra rnams dang / /sna tshogs glu dang mchod pa yis/ /'chi ba zhes 'di rnam rtog ste/ /mkha' spyod gnas su 'khrid par byed/ /ces pa ste nyes pa mthar phyin pa gsungs so//'am gyi sgra las skyes pa 'di nyid kho na la'o/ /phyag rgya chen po dang bcas pa grub pa'i dngos grub kyi dus su'o/ /de bzhin du yang / dus kyi 'khor lor khro bo sangs rgyas lha mo dang bcas nges par ro yi rdo rje rnams dang sa yi snying po sogs/ /rab tu dga' ba'i thugs rnams rnal 'byor pa las grub pa'i dus su nam mkha' la ni mngon sum 'gyur//de yi 'dod pa'i dngos grub ri bong can gyi zhag gi ri rangs nas ni mtshan mo phyed la 'gyur/ /rin po che'am me tog char ni mchog gyur dus kyi sbyor bas sa yi steng du 'bab par 'gyur/ /zhes te rnal 'byor ma rnams gur gum la sogs pa'i char 'bebs par byed do//rnal 'byor ma'i rgyud nyid kyi phyir ro/ /phyi rol du yang / /rdo rje slob dpon rnams kyis byed de de'i phyir ro zhes so/ /'di rnams rtogs na mi shes pa rnams kyi 'chi ba'o zhes phung po med pa mchog gi bde ba zhes brjod pa la'o/ /phyag rgya'i dngos grub mnyam pa 'di'o/ /phyag rgya'i dngos grub kyang dpal dus kyi 'khor lor gsungs pa/mchog gi bde ba la gnas rdo rje ma 'khrums nyid kyi bar du chu skyes las ni byung mi bya/ /gang tshe 'dod pa grub pa de yi tshe na 'di ni sangs rgyas byin gyis brlabs par rab tu 'gyur/ /rdo rje chu skyes dag nas gzhug bya rang gi rdo rje'i snying gar ye shes 'khor lo rab bcug ste//'di yi 'od zer rnams kyis gnyis ka'i lus ni gang bar byas nas rnam pa thams cad nyid du byed/ /ces so/ /'khrid par byed ni de rnams kyis sam de rnams kyi mkha' spyod gnas su ste gnyis su med pa'i go 'phang du 'khrid par byed do/ /dgongs pa'o/ /sangs rgyas rnams ni byung gyur ram//ma byung na yang rnam kun du/ /bsam gyis mi khyab chos nyid ni/ /'phel 'grib spangs pas gnas pa yi/ /zhes pas stong pa nyid dang snying rje tha mi dad pa gsungs so/ /sangs rgyas rnams ni sangs rgyas sprul pa sku gsum po rnams so/ /de bzhin du yang bcom ldan 'das kyis gsungs pa/chos dang longs spyod rdzogs sprul pa/ /dag pa'i sku las spro bar byed/ /ces so/ /sgra ji bzhin pa'o/ /zhes pa de ltar bzhag nas ni/ /'jig rten pa kun smad mi bya/ /de rnams rtogs pa bsam mi khyab/ /sangs rgyas gar mkhan bsam mi khyab/ /ces te/ gzhal nas ni de ltar brjod pa'i rim pas rtogs par byas nas so//'jig rten pa kun ni lha rnams so/ /smad par mi bya'o zhes pa ni gsungs pa yang dag gang las don gang la bsam par bya ba thams cad stong par bgrod pa mthar thug pa ni thams cad 'od gsal ba mthar thug pa'i phyir ro/ /dgongs pa ma yin pa'o//bsam gyis mi khyab pa ni rtog ge'i rtogs bya ma yin pa'o/ /sangs rgyas gar mkhan ni sangs rgyas kyi rnam par 'phrul ba'o/ /pha rol tu phyin pa'i tshul du gsungs pa yang / sangs rgyas khams dang sangs rgyas byang chub dang / /sangs rgyas chos dang sangs rgyas mdzad pa ste//'di ni 'dren pa rnams kyi spyod yul de/ /dag pa'i sems can gyis kyang bsam mi khyab/ /gsungs pa yang / gal te sangs rgyas khams med na/ /lus can kun la myang 'das med/ /byang chub kyang gsungs pa 'phel 'grib spangs pa'i zhes pa la sogs pas 'dir ro/ /chos kyang gsungs pa mi 'jigs pa la sogs pa rnams te chos thams cad mngon par rdzogs par byang chub pa la dang /nges par 'ching ba'i gegs byed pa la dang / lam kun bshad pa la dang / 'gog pa thob pa la mi 'jigs pa rnam pa bzhi'o/ /'di yang nub par gyur pa'i de kho na nyid kyi bya ba'o//rdo rje a ral+lI rgyud du gsungs pa yang de nas byang chub sems dpa' de rnams thams cad go 'phang mchog nyid thob nas sangs rgyas kyi gar ston par byed de kha cig tu rdzogs par byang chub par byed/ kha cig tu dga' ba spyod pa dang / lha las babs pa dang mya ngan las 'das pa dang /de bzhin du khab nas nges par 'byung ba zhes so/ /sgra ji bzhin pa'o/ /mdo sde bya ba spyod pa rnams/ /rnal 'byor gang mtha'i dbye ba las/ /sems can 'jug la tshul khrims ni/ /de dang de la rab tu bstan/ /zhes pas sde snod gsum bsdus pa gsungs te tshul khrims ni mi dge ba spong ba bag med pa rnams kyi don du rab tu bstan pa'o//de la mdo sde dang chos mngon pa dang 'dul ba nyan thos kyi sde snod du'o/ /de la byang chub sems dpa'i sde snod du gsang ba rnams zhes pa ste bya ba dang spyod pa dang gnyis ka'i rtog pa rnams kyis so/ /theg pa chen por yang thun mong du gsungs pa dang byis pa rnams la gsungs pa yang /rnam pa gang dang gang dag gis/ /sems can rnams ni yongs yin byed/ /rnam pa de dang de dag gis/ /chos ni bstan par bya ba yin/ /zhes so/ /rgyud des na dang por yang dag pa'i ye shes ma bstan to zhes pa sgra ji bzhin pa'o//gal te rgyud gzhan thams cad du rdzogs pa'i sangs rgyas nyid ma gsungs na de dag la rigs zhes dogs pa la gsungs pa/ mngon par brjod pa 'bum pa yis/ /rgyud las phung pa snying po bsdus/ /bdun brgya'i gzhung gis yang dag rdzogs/ /sangs rgyas rtogs phyir lha mo skye//zhes pas rgyud bla mar gsungs so/ /rgyud ni 'bras bu'i rgyud do/ /phyung ba ni rtsa ba'i rgyud las so/ /snying po ni rdo rje ste dbyings thams cad rtogs par byed pa'i ye shes so/ /bsdus pa'i bden pa gnyis kyi bdag nyid can no/ /lha mo ni kye rdo rje phag mo'o/ /gang bdag gis dam bcas pa de dang de rab tu bstan no//skye ba 'di kho na la sangs rgyas nyid sbyin par byed pa/ bde ba'i thabs ni rgyas min pa/ /sangs rgyas kun gyis mngon par mchod/ /da ni de la mchod pa sogs/ /yid 'ong rnam par rgyas par gyis/ /zhes so/ /rdo rje a ral+li ru yang / gang zhig rgyud 'di klog par byed/ / gang zhig dad par byed pa'am/ /gang zhig lhag par mos par byed/ /skye bo gang zhig mchod pa'ang / /de rnams thams cad sangs rgyas 'gyur/ /srid pa'i longs spyod gnas longs spyod/ /ces so/ /yang dag par rdzogs pa'i sangs rgyas ni dpal rdo rje sems dpa' ste 'dir phyag rgya chen po grub pa'o/ /phyag rgya chen po pa yang bcom ldan 'das kyis gsungs pa/phyag rgya sgyu ma'i rjes su mthun pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam ni mkha' la gnas pa yis//sems dang sems byung la ni bdag gis 'khyud de 'gro ba du ma'i gzugs kyis de ni gcig po'o/ /dgongs pa'o/ /dpal rgyud kyi rgyal po rdzogs so zhes pa ni dpal he ru ka bde ba chen po phyi ma dang bcas pa'i rgyud mthar thug pa'o/ / de bzhin du yang bcom ldan 'das kyis gsungs pa/ srid gsum phra rab gzugs min 'dir ni rnam par shes pa de bzhin rnam par shes pa nyid med de/ /sangs rgyas shes rab gang du'ang gnas pa ma yin zhes pa'i tshig ni sangs rgyas pa rnams ston par 'gyur/ gang gis 'gyur med dang bral mi rnams kyis ni stong pa nyid de gzugs nas stong par lta byed pa//de nas gtso bos gang zhig 'pho med lhan skyes lus kyi bde ba dag ni sngags kyi theg par bstan/ /zhes so/ /rgyud kyi rgyal po ni mdo sde dang rgyud dang rtog pa rnams ni rgyud rnams so//rgyal po ni gnyis su med pas dbang du byed pa nyid kyi phyir ro/ /rdzogs so ni yang dag par thob pa ste sems can thams cad kyi mthar thug gi de nyid do zhes sgra ji bzhin pa'o/ /da ni chos rnams gang dag rgyud la rab tu 'byung / /rgyud dang zhes bya ba la sogs pas rgyud rab tu gnas pa'i don du grub pa'i mtha' gsungs so//gsungs pa yang bye brag tu smra ba dang mdo sde'i mtha' pa dang rnal 'byor spyod pa dang dbu ma'i grub pa'i mtha' la sangs rgyas rnams kyis chos rnams gang dag la sogs pa'i tshigs su bcad pas rgyas btab po zhes so/ /chos rnams gang dag rgyu las rab tu 'byung ni lnga dang bdun du rab tu grags pa rnams so//ma rig pa la sogs pa'i lag sgrog gis bsdams pa'i 'khor lo rgyu dang 'bras bu'i bdag nyid can no/ /de rnams nyon mongs pa dang las sdug bsngal te/ yan lag gsum dang gnyis dang bdun kun rdzob tu ste thog ma med pa nas byung ba dang tha ma dang ldan pa ste ma rig pa 'gags pa las rnam par sangs rgyas pa nyid de gsungs pa yang /ma rig pa dang / 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / nye bar len pa dang / srid pa dang / skye ba dang / rga shi ste bcu gnyis rnams so/ /'dod chags dang zhe sdang dang gti mug gi bdag nyid ni ma rig pa'o/ /'du byed ni sngon gyi las rnams so/ /rnam par shes pa ni mngal du 'jug pa'o/ /ming dang gzugs ni nur nur po la sogs pa lnga'o//skye mched drug ni mig la sogs pa rdzogs pa'o/ /reg pa ni yul dang dbang po'i rnam par shes pa phrad pa'o/ /tshor ba ni bde ba la sogs pa'i bdag nyid do/ /srid pa ni 'khrig pa'i 'dod chags so/ /nye bar len pa ni 'dod pa'i yul 'dzin pa'o/ /srid pa ni 'byung 'gyur gyi srid pa 'bras bu'o//las kyi skye ba ni slar yang phung po nying mtshams sbyor ba'o/ /rga shi ni gsal lo/ /dang po brgyad pa dgu nyon mongs/ /gnyis pa bcu pa las yin te/ /lhag ma bdun ni sdug bsngal yin/ /gsum du 'dus phyir bcu gnyis ni/ /chos gsum gsum las 'byung ba ni//gnyis gnyis gnyis las rang 'byung ba/ /bdun te bdun las gsum 'byung ngo / /slar yang de nyid de rnams 'khor/ /srid pa'i 'khor lo rgyu 'bras kyang / /'gro ba kun yin sems can gzhan/ /'ga' zhig 'dir ni yod ma yin/ /stong pa kho na stong pa'i chos//rab tu 'byung 'gyur chos rnams las/ /kha ton mar me rgya la sogs/ /zhes so/ /rgyu las rab tu 'byung gi don to/ /rgyu de rnams ni de bzhin gshegs pas gsungs zhes pa ni ji ltar kun du rtog pa de bzhin du gsung bar byed do zhes pas de'o/ /gzhan mi gsungs pa nyid kyi phyir ro//rgyu ni rkyen no/ /'khor bar brjod pa dang ldan pa'o/ /de rnams kyang ni 'gog pa gang yin pa zhes pa ni kyang yig las srid pa dang rgyu dang bcas pa brjod pa 'ba' zhig tu ma zad kyi sangs rgyas rnams kyi mya ngan las 'das pa yang rgyu dang bcas pa ste yan lag bcu gnyis 'gog pa'i mtshan nyid zung du 'jug pa'i bde ba ma brtags pa nam mkha'i me tog sems med pa bems bo ma yin pa'i gzugs so//de skad gsungs pa'i tshul can dge sbyong che ni zung 'jug gsungs pa yang dag par rdzogs pa'i sangs rgyas te brdzun mi gsungs pa tshangs pa la sogs pa'o//sbyin par bya ba'i chos rab mchog 'di ni/ /zhes pa chos kyi sbyin pa thar pa thob pa'o/ /sbyin pa'i bdag po dang lhan cig ces pa rtogs par sla'o/ /ngag gi skyon tsam dang bral ma lus go 'phang ni/ /dpal sdom bdag gis nyung ngur rnam phye mtha' drug ldan//kun phan mnga' bdag ci yin rab tu gsal bar bris/ /de nyid kyis ni sems can kun zhi bde ba thob par byed/ /gang dag legs par gsungs pa'i ngag /de kun bde bar gshegs pa'o/ /zhes kyang gang phyir rgyal bas gsungs/ /de phyir mkhas pas de mi smad//gang phyir ston pa gcig pu rgyal bas mdor bstan pas/ /rnam par g.yeng ba med pa'i yid rnams kyis bshad pa/ /thar pa thob pa'i tshogs dang rjes mthun pa/ /de yang drang srong bka' bzhin spyi bos long / /oM ke li ka yi blo gros ches/ /byis zhabs zla ba sngon ma can//de rnams kyis bstan de nyid ni/ /'jigs med dga' ba zhes bya yul/ /dpal ldan rnam gnon grong yid dga'/ /dag pa'i gnas ni rgyal ba'i gzhi/ /gzi brjid stong dang tshul khrims byung / /'byor pa'i don gyis nor sbyin mtshungs/ /rgyal chen lhag pa'i rgyal po dpal/ / rgyal ba dga' ba can zhes grags/ /bkod pa chen po bdag po mchog /de yi dbon po mang thos gang / /de nyid kyi 'dir rgyal bas bstan/ /don mang 'khor lo sdom pa la/ /dga' bas chog bdun gyis ni/ /tshig don rnams ni brjod pa las/ /bsod nams dkar ba thob pa gang / /de nyid kyis ni zung 'jug pa'i//de nyid mkhas pa'i 'grel pa yi/ /dpal ni spyi bor gnas pa dang / /sems can rnams kyang bde chen gyis/ /bde ldan dngos grub mchog thob gyur/ /dpal de kho na nyid mkhas pa zhes bya ba dpal sdom pa'i 'grel pa rdzogs so// //dga' byed bdag po'i slob dam pa/ /de nyid bzhi po rtogs pa las//rtag pa'i rdo rje de yis byas/ /'jigs med dga' byed ces bya'o/ /dpal 'khor lo sdom pa'i 'grel pa dpal de kho na nyid mkhas pa zhes bya ba 'di kun ldan gyi lo cho 'phrul chen po rta'i zla ba'i yar ngo'i tshes brgyad la shAkya'i dge slong rin chen grub kyis bsgyur cing zhes te gtan la phab pa'o// // @##/ /rgya gar skad du/ la g+hu saM ba ra tan+d+ra pa Ta la a b+hi san+d+hi/ bod skad du/ sdom pa'i rgyud chung ngu'i mtshams sbyor/ dpal rdo rje mkha' 'gro la phyag 'tshal lo/ /sdom pa'i rgyud chung ngu'i mtshams sbyor brjod par bya ste/ dang por re zhig bskyed pa dang / rdzogs pa'i rim pa gnyis kyis bsdus pa'i don thams cad le'u dang pos mdor bstan nas gnyis pa nas le'u lnga bcu pa'i bar gyis ni rgyas par bstan te/kun gyi tha ma'i le'u yis ni de rnams gcig tu mdzad do/ /bcom ldan 'das kyis bsdus pa'i rgyud chung ngu 'di'i kha sbyor gsum pa'i bshad pa 'di ni nA ro ta pa'i dgongs pa'o//de la/ dbang bskur nas ni 'di nyid bstan/ /zhes pa'i tshig gis theg pa chen po gsang sngags la dang por dbang bskur ba'o/ /de la dkyil 'khor sngon du 'gro bas le'u gnyis pas ni dkyil 'khor ro/ /gsum pas ni dbang bskur ba'o/ /bzhi pas ni dbang bskur ba'i don gyi ngo bo de kho na nyid de/de ltar le'u gsum pos ni de yang gsang ba zhes bya ba nas ma nyan par gyis zhes bya ba'i bar bshad pa'o/ /'dis ni de ltar 'chad par gyur pa'i/ ba lang gnas kyi lci skam dang / /zhes bya ba la sogs pa sngon du 'gro bas sgom pa'i dkyil 'khor rgyas par bshad pa yang 'di nyid kyis zin pas de las logs shig tu ma brjod do//de nas/ gsang sngags zlos pa'i bzlas brjod dang / /bsam gtan gyis kyang 'grub par 'gyur/ /zhes rnam par bshad pa'i 'grel pa las lnga pa nas brgyad pa'i bar gyi le'u bzhi dang nyi shu lnga pa dang sum cu pas ni go rims 'chol bas bzlas pa'i sngags btu ba bstan te/rgyud las slob dpon med par sngags kyi bzlas pa dgag pa'i don yin par rtogs par bya'o/ /'di ltar bzlas pa'i dngos grub mchog dang / tha ma'i mtshan nyid las 'jig rten pa'i dngos grub bstan pa ni dgu pa nas bcu bzhi'i bar mthar thug pa dang / bzhi bcu rtsa gsum pa las le'u lnga bcu pa'i bar du shes par bya'o/ /gang du dbang bskur nas 'jig rten las 'das pa'i mchog gi dngos grub bstan to/ /de ltar 'di la 'jig rten dang 'jig rten las 'das pa'i dngos grub ni rnal 'byor ma'i bka' drin las 'gyur ba 'dir bstan pa'i don du bco lnga pa nas nyi shu rtsa bzhi pa'i bar gyis ni/pho nyas lhan cig dngos grub ma/ /zhes bya ba la sogs pa rnam par 'grel te/ 'dis rnal 'byor ma'i dbye ba shes par bya ba'i phyir yi ge brda dang / rigs drug gi dbye ba dang / ming gi rnam grangs dang /mkha' 'gro ma'i rigs dang / lA ma'i rigs kyi mtshan nyid dang / lag pa'i brda dang / lta ba'i phyag rgya dang / yan lag gi phyag rgya dang / mtshan ma'i phyag rgya dang / ngag gi brdas rab tu shes par 'gyur ba'i bye brag bcus pho nya'i mtshan nyid le'u bcur go rims ji lta ba bzhin bstan to//de'i rjes la/ dam tshig rtag tu bskyang bar bya/ /zhes bya ba la sogs pa'i don rdzogs par byed pa las nyi shu rtsa drug pas ni yongs su shes pa'i pho nya ma mnyes par byed pa bsrung ba'i dam tshig bstan to/ /nyi shu rtsa bdun pas ni thob pa'i phyag rgya mnyes pa de'i bka' spyod pa bya ste/rnal 'byor pa nyid ces bya ba la sogs pa'i mtshan nyid kyi don rdzogs par byas pas spros bcas kyi spyod pa bstan to/ /nyi shu brgyad pa dang nyi shu dgu pas ni spros bcas kyi spyod pa bstan to/ /de nas/ sbrang rtsi mtshal dang ga bur bcas/ /zhes bya ba la sogs pa'i bshad pa ni sum cu rtsa gcig pa la sogs pa'i le'u gsum gyis spyod pa thams cad la mkho ba bzang ba'i dam tshig bstan to//de la yang lag pa'i mchod pa dang / rdzas kyi khyad par gyi ming dang / kha zas kyi cho ga dbye bas gsum du shes par bya'o/ /de'i rjes la/ mchod bzhi de bzhin dpa' bo che/ /zhes bya ba la sogs pa rnam par 'grel pa ni sum cu rtsa bzhi pa la sogs pa le'u bzhi ste/phyag rgya chen po dang / chos kyi phyag rgya dang / las kyi phyag rgya dang / las kyi phyag rgya dbang du bya ba go rims ji lta ba bzhin du rtogs par bya'o/ /dam tshig gi phyag rgya ni sngar gyi dkyil 'khor gyi 'khor lo bsgom pa'i mtshan nyid gzhan du bstan pas na 'dir de las logs shig tu rgyas par ma bstan to//de nas sum cu rtsa brgyad pas ni yang rnal 'byor pa nyid ces bya ba la sogs pa'i don rdzogs par bya ba'i phyir spros med dang / shin tu spros med kyi spyod pa rgyas par bstan to//de la rnal 'byor ma gsum gyi thun mong du gyur ba'i dngos grub kyi mtshan nyid sum cu rtsa dgu pa nas bzhi bcu rtsa gnyis pa'i bar du bstan to/ /de ltar mdo dang rgyas par bstan pa'i sgo nas le'u lnga bcu rtsa gcig tu bsdus nas bstan to zhes bla ma'i man ngag go/ / sdom pa'i rgyud chung ngu'i mtshams sbyor ba dpal na ro ta pa'i rjes su 'brangs pa mkhas pa su ma ti kIrti'i zhal snga nas mdzad pa rdzogs so// //rgya gar gyi mkhan po de nyid dang / lo tsA ba dge slong grags mchog shes rab kyis bsgyur to// // @##/ /dpal bde mchog gi rgya cher bshad pa tshig don rab tu gsal ba zhes bya ba/ dpal bde mchog mkha' 'gro la phyag 'tshal lo/ /kun 'gro kun snying nam mkha'i dbus gyur mchog zhi ba/ /he ru ka dpal mchog tu mya ngan 'das pa de nyid dngos/ /thabs dang shes rab las byung rab gsal nye bar 'bar ba'i 'od//nyi gzhon phun tshogs bde mchog zhabs btud de nyid bshad par bya/ /'grel pa dag gis rgyud rgyal ni/ /ma lus rnam par ma bkrol zhes/ /rtsa ba'i rgyud las bdag gis ni/ /gtam du dris pa bzhin du thos/ /bdag ni shin tu blo dman yang //bla mas byin gyis brlabs pa dang / /bshad rgyud yang dag rtogs pa yis/ /de don rtsom phyir nyes pa med/ /rgyud kyi brjod par bya ba ni gang / dgos pa'i dgos pa ni gang zhig /de nas zhes bya ba nas bka' stsal to zhes bya ba'i bar gyis rjod par byed pa'i rgyud yin la/ de nas brjod par bya ba ni rgyu'i rgyud dang thabs kyi rgyud dang / 'bras bu'i rgyud do/ /de la rgyu'i rgyud ni le'u nyi shu rtsa drug pa las ston pa'i gang zag rnam pa gsum mo/ /thabs kyi rgyud ni bskyed rdzogs gnyis so/ /'bras bu'i rgyud ni sku gsum mo/ /de la gtso bor thabs kyi rgyud gsungs pa nas de brjod par bya ste/de la le'u dang po'i tshigs bcad gcig gis rgyud kyi dgos pa bstan to/ /tshigs bcad phyed kyis mtshan bstan to/ /tshigs bcad phyed dang gnyis kyis ni rgyud kyi gleng gzhi bstan to/ /tshigs bcad gnyis kyis ni lus rnam gzhag bstan/ le'u dang po'i lhag mas ni tshogs kyi 'khor lo dang zhi ba'i btung ba dang pho nya'i gtsang sbra gnas dang bcas pa mdor bstan pa'o//le'u gnyis pas dkyil 'khor gyi 'khor lo bstan to/ /le'u gsum pas slob ma dbang bskur ba bstan to/ /le'u bzhi pas lha dgod pa bstan to/ /de ltar le'u gsum pa dang bzhi pas bskyed pa'i rim pa bsgom pa gsungs so//le'u lnga pas rkang pa brgyad pa'i gsal byed btu ba bstan to/ /le'u drug pas dpa' bo drug gi sngags btu ba bstan to/ /le'u bdun pas rkang pa brgyad pa'i dbyangs yig btu ba bstan/ /le'u brgyad pas snying po bzhi dang go cha'i lha mo drug gi sngags btu ba bstan/ le'u dgu pas rtsa ba'i sngags kyi phrin las lnga bcu bstan/le'u bcu pas snying po sngags kyi mchog dang 'jig rten pa'i sngags grub pa bstan/ le'u bcu gcig pas dngos grub kyi bzas kyi kha zas skye ba bdun pa bstan/ le'u bcu gnyis pas nye ba'i snying po'i phrin las bstan/ le'u bcu gsum pas go cha'i sngags kyi phrin las bstan/de ltar le'u lnga pa nas bcu gsum pa'i bar gyis bskyed pa'i rim pa'i bzlas pa bstan to/ /le'u bcu bzhi pas dngos grub kyi dkyil 'khor tshogs kyi 'khor lo bstan/ le'u bco lnga pa nas nyi shu rtsa lnga'i bar gyis tshogs kyi 'khor lo'i yan lag bstan to//le'u bco lnga pas dag byed kyi lha mo'i yi ge'i brda bstan/ bcu drug pas dag byed kyi lha mo'i brda'i mtshan nyid bstan/ bcu bdun pas dbang gi lha mo'i mtshan nyid bstan/ bco brgyad pas dpa' bo'i lha mo'i mtshan nyid bstan/ bcu dgu pas bka' bsgo ba'i mtshan nyid bstan/ nyi shu pas dbang gi lha mo'i brda bstan/nyi shu rtsa gcig pas dpa' bo'i lha mo'i mtshan nyid dang / rtsa gnyis pa las bkas gnang ba'i lha mo'i brda dang / rtsa gsum pa las kun spyod ma'i mtshan nyid dang / rtsa bzhi pa las de'i brda dang / rtsa lnga pa las lha mo lnga'i lus la dpa' bo dang dpa' mo dgod pa'i sngags so//le'u nyi shu rtsa drug pa nas rtsa dgu'i bar gyis le'u dang po'i rdzogs rim rgyas par bshad pa las/ rtsa drug pas rgyu dang thabs dang 'bras bu gsum bstan/ rtsa bdun pas sbyor ba dang dngos gzhi dang rjes gsum bstan/ rtsa brgyad pas rdzogs pa'i rim pa'i gzhan don bstan/rtsa dgu pas dbang bzhi pa bstan/ le'u sum cu pas bskyed pa'i rim pa srung ba'i 'khor lo bstan to/ /sum cu rtsa gcig nas bzhi bcu pa'i bar gyis dngos grub len pa'i rgyu ba dang mi rgyu ba'i 'khor lo bstan/ bzhi bcu rtsa gcig pa nas lnga bcu'i bar gyis dngos grub len pa'i gsang sngags kyi 'khor lo bstan to//le'u nga gcig pas bskyed pa'i rim pa sgom pa'i thabs bstan pa'o/ /de ltar na le'u lnga ni rdzogs pa'i rim pa yin la/ le'u bcu gsum ni bskyed pa'i rim pa yin/ le'u bcu gnyis ni gnyis ka'i yan lag tshogs kyi 'khor lo yin la/ mtshan ma thob nas dngos grub len pa ni le'u nyi shu yin la/thabs kyi kha skong ba ni le'u nga gcig pa yin no/ /de ltar na thabs 'bras bu dang bcas pa ni brjod par bya ba yin la/ thos bsam sgom gsum gyis de khong du chud pa ni dgos pa yin la/ mtshan ma thob nas dngos grub gsum bskyed pa ni dgos pa'i yang dgos pa yin no//'brel ba ni de'i bdag nyid dang thabs dang thabs las byung ba'o/ /de'i bsdus pa'i don ni thabs dang bskyar ba'i cho ga dang dngos grub len pa'i kha bskang ba'o/ /bskyed rdzogs gnyis ni thabs yin la/ tshogs kyi 'khor lo ni bskyar ba'i cho ga yin la/ rgyu ba dang mi rgyu ba'i 'khor lo ni 'bras bu dngos grub len pa yin la/le'u nga gcig pa ni kha bskang ba'i man ngag go/ /da ni yan lag gi don brjod par bya ste/ rtsa ba'i rgyud le'u 'bum pa dang / rgyud phyi ma sh+lo ka 'bum pa rdzogs pa'i rjes la le'u nga gcig pa ston par bzhed nas da nas zhes bya ba la sogs pa gsungs pa yin no/ / de yang dpa' bo dang dpa' mo brjod kyis mi lang bas phyag 'tshal nas bdud rtsi rnam pa lngas mchod de bstod nas gsol ba btab pa'i rjes thogs la/ de nas zhes bya ba gsungs pa yin no/ /de yang thog mar rgyud kyi brjod bya ston par bzhed nas/ gsang ba bshad bya ba zhes gsungs te/ gsang ba'i don ni gnyis te/bskyed pa'i rim pa dang / rdzogs pa'i rim pa'o/ /bskyed pa'i rim pa'i gsang ba ni gnyis te/ dpa' bo gcig pu bsgom pa dang / dkyil 'khor gyi 'khor lo bsgom pa'o/ /de ci'i phyir gsang ba yin zhe na/ dpal mchog dang po las ye shes sems dpa' snying gar bcug pas gsungs pa'i phyir ro//rgyud rdo rje rtse mo las kyang / gsang chen theg pa 'di ru ni/ /zhugs pa gang dang gang yin pa/ /rgyal ba'i gnas kyis thob 'gyur/ /zhes gsungs so/ /rdzogs pa'i rim pa ni phyag rgya bzhi dang thabs bzhi dang ldan pas gsang ba'o/ /ci'i phyir gsang ba yin zhe na/tshangs pa dang khyab 'jug dang dbang phyug chen po dang nyan thos dang rang rgyal ba rnams kyis ma goms par bde ba stong pa nyid ma rtogs pa'i phyir ro/ /de yang 'di nyid las/ lha dang mi yi bde ba ni/ /bsdus byas rdo rje 'dzin pa yi/ /bcu drug char yang mi phod do/ /zhes gsungs pa dang /kha sbyor las kyang sangs rgyas dang byang chub sems dpa' thams cad kyi spyod yul yin pas na gsang ba zhes gsungs so/ /bshad bya zhes bya ba ni sgra'i dgos pa bstan pa ste/ sngon dpa' bo dang dpa' mo rnams kyis khong du chud pa yin yang / da ltar rnal 'byor pa rnams kyis rtogs pa'o//de'i rjod par byed pa ji ltar yin zhe na/ mdor bsdus pa ste rgyas par min/ /zhes bya ba gsungs te rgyud le'u 'bum pa las 'dir mdor bsdus pa dang / sh+lo ka 'bum pa las mdor bsdus pas na rgyas par min pa ste ltos sa gnyis nas phyi ma'i phyi ma yin no zhes bya ba'i don to/ / brjod par bya ba de nyid gsal bar bstan pa ni/ he ru ka dpal yang dag sbyor/ /zhes bya ba gsungs te/ mtshan nyid pa sku gsum gyi rang bzhin yin yang de'i rgyu ba bskyed rdzogs gnyis kyi thabs la dpal he ka zhes bya ba sangs rgyas dang byang chub sems dpa' brdar btags pa yin no/ /yang dag sbyor zhes bya ba ni shes rab ston to//dngos kyi yum sa bcu gnyis pa'i stong pa nyid shes rab yin la/ de'i rgyu'i bskyed rdzogs gnyis kyi shes rab la btsun mo zhes brdar btags pa yin no/ /thabs ni du/ shes rab ni du zhe na/ bskyed pa'i rim pa dpa' bo gcig pu dang / dkyil 'khor 'khor lo rdzogs pa'i thabs dang shes rab dang /rdzogs pa'i rim pa'i las kyi phyag rgya dang / chos kyi phyag rgya dang / dam tshig gi phyag rgya dang / phyag rgya chen po'i thabs dang shes rab bo/ /de'i mtshan nyid phyis bshad par bya'o/ /yang dag sbyor zhes bya ba ni bya'o/ /yang dag sbyor zhes bya ba ni mnyam par sbyor ba'i don yin te/ ji ltar na mnyam par sbyor ba'i don yin/rnam par rtog pa'i rang bzhin brgyad cu dang bral ba'i bde ba rtogs pa mngon sum du skye ba dang / chos kyi dbyings stong pa nyid phyag rgya chen po mngon sum du mthong bas yul ji lta ba bzhin gyi rnam par shes pa skyes pas mnyam par sbyor zhes bya'o/ /sa bcu gcig pa'i ye shes kyi chos kyi dbyings stong pa nyid dang mnyam par sbyor ba ni 'dir ma yin no//dgos pa gang zhe na/ 'dod pa'i don kun sgrub byed pa/ /zhes bya ba gsungs te/ rnal 'byor pa rnams kyi 'dod pa'i don ni 'jig rten pa'i dngos grub 'dod pa'i khams kyi yon tan dang / thun mong gi dngos grub bsam gtan dang //gzugs med kyi ting nge 'dzin dang / /mchog gi dngos grub sangs rgyas dang byang chub sems dpa'i ye shes so/ /sangs rgyas kyi gzhan don sku gnyis kyi mdzad pa ni 'dir rgyu'i skabs yin pas brjod par mi bya'o/ /dgos pa de bla na med pa'i rgyud thams cad kyi thun mong yin na bde bar gshegs pas da ltar gyi rgyud gang zhig gsungs pa snyam du byang chub sems dpa' rnams rtog pa la/phyi ma las kyang phyi ma ste/ mkha' 'gro ma yi dra ba sdom/ /zhes mtshan gsungs pa yin no/ /mtshan ni rdo rje'i tshig yin pas brjod bya rnam pa gsum du gyur pa yin te/ byang chub sems dpa' sa'i snying pos dbyings su rtogs pa dang /spyan ras gzigs kyis sngags su rtogs pa dang 'jam dpal gyis chos su rtogs pa'o/ /de la dbyibs ni rtsa'i 'khor lo byang chub kyi sems phab pas dga' ba bzhi sdom pa'o/ /sngags ni dbugs 'byung rngub kyis 'khor lo srog a wa d+hU tIr bcug pas mi rtog pa'i sdom pa'o//chos nyid stong pa nyid la sgyu ma'i ye shes skyes pas bde ba chen pos sdom pa'o/ /ci'i phyir phyi ma'i phyi ma yin zhe na/ /le'u 'bum pa ni rtsa ba'i rgyud yin la/ /sh+lo ka 'bum pa nas nam mkha' dang mnyam pa'i phyir phyi ma yang le'u lnga bcu rtsa gcig pa ni phyi ma'i phyi ma yin pas so//sprul pa'i sku ci'i phyir bde mchog ma yin zhe na/ de ni rjod par byed pa ma yin te/ la las gzugs kyi rnam par rtog pas chos ston pa dang / la la sgra'i rnam par rtog pas chos ston pa'i phyir ro/ /de la gzugs kyi rnam par rtog pa la mos pa la lha'i sku bsgom pa dang / sgra'i rnam par rtog pa la mos pas sngags bzlas pas bcos ma yin te/rdo rje mkha' 'gro las/ rang bzhin ma grub rtog pa'i phyir/ /phyi rol bcos ma rab tu sbyar/ /zhes gsungs pas so/ /ston pa ni su zhig /gnas ni gang du/ dus ni nam gyi tshe 'khor ni su dag dang / chos ni ci zhig bstan snyam pa la bcom ldan 'das kyi gleng gzhi gsungs pa ni/gsang ba mchog gi dgyes pa na/ /zhes pa nas/ mkha' 'gro dra ba'i sdom pa yin/ /zhes bya ba'i bar gyis gsungs so/ /de la gsang ba ni dga' ba'i gnas so/ /mchog ni mchog dga'i gnas so/ /dgyes pa'i lhan cig skyes dga'i gnas so/ / 'dzam bu'i gling gru gsum na bzhugs pa'o/ /thams cad bdag nyid ni gcig ste/ gdul bya'i 'khor drag po 'jigs byed dang / nyan pa'i 'khor sangs rgyas dang byang chub sems dpa' dang / sprul pa'i 'khor rigs lnga'i dpa' bo dpa' mo dang / sdud pa po'i 'khor lcang lo can gyi bdag po'o//rtag tu bzhugs zhes bya ba ni dus de gnyis ldan gyi dus su drag po 'jigs byed btul ba'i tshe'o/ /bzhugs zhes bya ba ni gnas dang sbyar na sangs rgyas kyi zhing du ston pa yin la/ ston pa dang sbyar na dbang byas pa dang longs spyod pa'i mdzad pa rnams dang ldan par ston pa yin no//mkha' 'gro kun dngos sems dpa' ni/ /zhes bya ba ni sprul pa'i sku ste 'bras bu'i he ru ka zhes bya ba'i don to/ /mkha' 'gro ni gnyis te/ rtog pa med pa'i zhi gnas kyi nam mkha' bsam gtan bzhi dang gzugs med par 'gro ba dang gzung 'dzin dang bral ba'i lhag mthong stong pa nyid kyi nam mkha' ste sa bcu gcig tu 'gro ba'o//kun zhes bya ba ni bsam gtan dang gzugs med pa'i ting nge 'dzin thob pa ni 'jig rten gyi mkha' 'gro dur khrod brgyad na gnas pa kun nam/ sa bcu gcig rtogs pa'i 'jig rten las 'das pa'i sangs rgyas dang byang chub sems dpa'i 'khor lo lnga'i dbus na bdag po 'bras bu he ru ka ni gtso bo yin pas dngos zhes bya'o//sems ni snying rje'i dbang gis rgya che ba'i sems can la dmigs pa'am/ shes rab kyi dbang gis zab pa'i chos nyid la gzigs pas na sems dpa'o/ /rdo rje sems dpa' bde ba'i mchog /ces bya ba ni longs spyod rdzogs pa'i sku ste rgyu'i he ru ka'o//rdo rje ni sa bcu gcig pa'i stong pa nyid de de la sems dpa' ni dag pa'i 'jig rten pa'i ye shes te nyon mongs pa dang shes bya'i sgrib pa dang bral bas na dpa' ba'o/ /sgyu ma lta bu dang stong pa nyid ro gcig pas na bde mchog ni ji snyed pa'am ji lta ba mkhyen pa'i ye shes so//'di ni rang byung bcom ldan dpa'/ /zhes bya ba ni chos kyi sku ste bde ba chen po'i ye shes so/ /rang byung ni sems rang gi 'od gsal nyams su myong ba'i rgyu rkyen las skyes pa yin gyi glo bur gyi rgyu rkyen las ma skyes pas na rang byung ngo / /bdud bzhi bcom pas na bcom ldan 'das so//nyon mongs pa dang shes bya'i sgrib pa'i bag la nyal spangs pas na dpa' ba'o/ /mkha' 'gro dra ba'i sdom pa yin/ /zhes bya ba ni bshad pa'i chos te sprul pa'i sku dpa' bo dang dpa' mo'i dra ba'i sdom pa'am dbyibs dang sngags dang chos kyi bde mchog yin pas na sdom pa'o/ /phun sum tshogs pa lnga'i gleng gzhi byang chub sems dpa' rnams kyis mngon sum du grub pa bcom ldan 'das kyis gsungs pa la dgongs pa ci yod ce na 'di ni dgongs pas bshad pa yin te/sa'i snying pos dbyings su go ba dang / spyan ras gzigs kyis sngags su go ba dang / 'jam dpal gyis chos su go ba'o//de la dbyings ni las kyi phyag rgya dkyil 'khor b+ha ga ni gnas yin la de yang mtshan nyid gsum ste/ dga' ba 'byung bas gsang ba dang / mchog dga' 'byung bas mchog dang / lhan cig skyes dga' 'byung bas na dgyes pa'o/ /thams cad bdag nyid 'khor lo ste rtsa drug cu rtsa bzhi'o//rtag tu bzhugs ni dga' ba bzhi'i dus so/ /sku gsum ni lkog ma dang snying ga dang lte bar phyin pa'i bde ba'o/ /ston pa des bshad pa'i 'khor lo bzhi khyab pa ni 'khor ro/ /sngags ni dkyil 'khor gyi lus kyi gnas na dbugs 'byung rngub gsum gyi mtshan nyid dang ldan pas na gsang ba mchog gi dgyes pa na'o//thams cad bdag nyid ni dbugs nyi khri chig stong drug brgya'o/ /rtag tu bzhugs ni rlung gnyis 'gog pa'i dus ni srog a wa d+hU tIr chud pa'o/ /ston pa po ni rtsa gsum gyi rlung dbus su chud pas mi rtog pa skyes pa'o/ /des bshad pa'i chos ni dbugs nyi khri chig stong drug brgya'i dra ba sdom pa las bde ba skyes pa'o//de la chos kyi dbang du byas na phyag rgya chen po'i chos kyi dbyings kyi gnas so/ /de yang stong pa nyid dang mtshan ma med pa dang smon pa med pa'i mtshan nyid dang ldan pas gsang ba mchog gi dgyes pa na'o/ /thams cad bdag nyid ni byang chub kyi phyogs kyi chos sum cu rtsa bdun no//rtag tu bzhugs ni bsam gyis mi khyab pa'i dus te/ shes rab ye shes yul gyi stong pa nyid dang dbang bzhi pa yul can gyi stong pa nyid mthong ba'i dus so/ /rtag tu bzhugs ni sems 'od gsal ba'i rang bzhin gyis gnas pa'o/ /ston pa ni rnam par mi rtog pa'i ye shes te gong bu'i gzugs las 'das par gyur pa sprul pa'i sku dang dngos po med pa yin zhes gsungs pas longs spyod rdzogs pa'i sku dang /de yang bsam gyis mi khyab pa zhes gsungs pas gnyis su med pa'i bde ba chen po chos kyi sku'i ston pa des bshad pa'i sems kyi bde mchog gi dra ba sdom pa'o//de lta bas na ston pa'i gleng gzhi bshad pa las kyi phyag rgya chags lam bsgom pa dang / chos dang / dam tshig gis phyag rgya grol ba'i lam bstan pa dang / phyag rgya chen po bsgom par rang lhag par gnas pa'i lam bstan pa'o/ /bshad pa'i rgyud rdo rje mkha' 'gro dang kha sbyor thig le las dkyil 'khor b+ha ga'i dbang du byas nas 'byung ba bzhi'i rtsa'i dbus su nam mkha'i rtsa gnas su bshad pas 'byung ba lnga dang sbyar ba/dkyil 'khor lus kyi dbang du byas nas rlung lnga ston pa dang / dkyil 'khor chos kyi dbyings kyi dbang du mdzad nas yi ge bcu drug gis kun brtags pa dang gzhan dbang gi snang ba spangs pa'i yongs su grub pa'i 'od gsal ba'i snang ba bshad pas stong pa nyid bcu drug mtshon pa yin pas bshad pa'i rgyud kyi don la rmongs par mi bya'o//de ltar gleng gzhi bshad nas rgyud kyi lus mdor gzhag par bzhed pa ni/ sgra yi tshul la nges 'byung rnams//zhes bya ba la sogs pa gsungs te/ sgra ni rlung dbus ma las 'byung ba'i yi ge hUM ngo / /de las 'byung ba ni lha drug cu rtsa gnyis te/ sprul pa las 'byung dpa' bo rnams/ /yan lag drug cu sems kyis sprul/ /dag pa'i chos kyi sprul pa ni/ /phag mo'i gzugs su bstan pa yin//zhes gsungs pa'i phyir ro/ /dam tshig spyod pa ni rten gyi gang zag rnal 'byor pa'o/ /spyod yul ni lha'i 'khor lo'o/ /de yang ji lta bur bsgom par bya zhe na/ thog ma dbus mthar rnam par bzhes/ /zhes bya bar gsungs te/ thog ma ni gnas pa'i rnal 'byor te tshad med pa byin gyis brlabs pa dang tshogs bsags pa dang /stong pa nyid la gnas pa'i rnal 'byor ro/ /dbus ni ldang ba 'jug pa yongs su rdzogs pa byin gyis brlabs pa dang / dbang bskur ba dang / srung ba'i 'khor lo dang / mchod pa'i rnal 'byor te ting nge 'dzin de rnam pa gsum mo//mthar nye bar bsdu ba dang kun du spyod pa ste ldang ba'i rnal 'byor ro/ /rnam par gnas zhes bya ba ni rnal 'byor rgyud la sbyor ba dang dngos gzhi rjes 'jug dge bar gnas pa'o/ /de'i phan yon ci zhig ce na/ /'jig rten gsum du rnyed dka' zhes bya ba gsungs te/ sa bla dang sa 'og dang sa steng gsum du ye shes sems dpa' lus la 'jug pa dang 'ching ba'i tshe ye shes sems dpa' la phar 'jug pa rnyed par dka' ba'o//bshad pa'i rgyud rdo rje mkha' 'gro las zab mo'i rdzogs pa'i rim pa'i dbang du mdzad nas sgra ni a wa d+hU tI'i rlung yin la 'byung ba ni dga' ba bzhi'i shes pa yin la dam tshig spyod pa ni skye mched bcu gnyis bde bas khyab pa yin la/spyod yul ni bdag byin gyis rlob pa'i lam las thams cad bde bas khyab par rtogs pa yin no/ /rang rig 'od gsal gyi bde ba de dus thams cad du gnas pas na/ thog ma dbus mthar yang dag gnas//zhes gsungs pa yin no/ /de la dbang bzhi pa'i dus kyi tshe mngon sum du rtogs pa ni 'jig rten gsum du rnyed par dka' ba yin no/ /de yang thabs gang gis rtogs par bya zhe na/ shes rab thabs kyis sbyor ji bzhin/ /zhes pas phyag rgya bzhi las bde ba stong pa nyid du rtogs par bya'o zhes gsungs pas bshad pa'i rgyud la rmongs par mi bya'o//rdzogs pa'i rim pa'i dbang du mdzad nas/ thabs dang shes rab sbyor ba bzhin/ /sngags bzlas bsam gtan la sogs ldan/ /zhes bya ba gsungs te/ bde ba rtog pa med pa lhan cig skyes pa dang /bde ba stong pa nyid du shes pa don gyi lhan cig skyes pa gnyis grub par byed pa'i thabs ni shes rab phyag rgya bzhi dang thabs bzhi ste/ de yang phyag rgya bzhi ni las kyi phyag rgya ni lo brgyad nas nyi shu rtsa bzhi'i bar gyi bud med kyi a wa d+hU tI nam mkha'i rtsa'i reg bya'o/ / chos kyi phyag rgya ni 'dod pa'i yon tan lnga yid du mi 'ong ba dang / bar ma spangs pa'i gzugs sdug pa dang sgra snyan pa dang dri zhim pa dang reg bya rnams kyis yid du 'ong ba'o/ /dam tshig gi phyag rgya ni sa dang chu dang rlung spangs pa'i rlung me'i drod can no/ /phyag rgya chen po ni rjes su dpag pa dang lung gis bstan pa dang lkog tu gyur pa ma yin pa chos nyid mngon sum gyis rtogs pa'o//thabs ni 'khrul 'khor gyis byang chub kyi sems 'dzin par nus pa'i rnal 'byor pa'i phyi'i lus kyi dbang po mngon sum las kyi phyag rgya'i thabs so/ /chos kyi thabs ni yul 'dod pa'i yon tan lnga yid du 'ong ba las skyes pa'i bde ba yid kyi mngon sum mo//dam tshig phyag rgya'i thabs ni nang gi reg bya bde ba skyes pa'i lus kyi dbang po mngon sum mo/ /phyag rgya chen po'i thabs ni rang rig pa'i mngon sum gyis chos nyid mthong ba'i rnal 'byor pa'i mngon sum mo/ /sbyor ji bzhin ni dga' ba gsum la rang bzhin brgyad cu dang bral nas rtog pa med pa'i rnam par shes pa dang /bde ba stong pa nyid shes pa'i 'od gsal ba'i ye shes so/ /yul ji lta ba bzhin du mngon sum gyi lam gyis rtogs pas na sbyor ji bzhin no/ /sngags bzlas ni dbugs 'byung rngub a wa d+hU tIr bcug pa'o//bsam gtan ni rtog med kyis mthong ba'i stong pa nyid de snang ba'o/ /sogs ni bla na med pa'i sbyin sreg dang mchod sbyin dang slob dpon no/ /de yang kha sbyor las/ 'byung rngub 'khor bas bzlas pa yin/ sgom pa so sor snang bas na//slob dpon sems kyi rgyal po yin/ /e waM la sogs gang gsungs pa'o/ /zhes gsungs so/ /sbyor nyid cho ga'i ye shes ni mtshan nyid kyi theg pa ltar goms pa lam du byed pa ma yin pa phyag rgya bzhi'o/ /rgyu rkyen bsags pa las byung ba'i ye shes bla ma'i man ngag mngon sum gyi gzhan don gyis bskyed pas na mchog gi ye shes so//rgyud las gsungs pa zhes pa ni le'u 'bum pa dang sh+lo ka 'bum pa las so/ /nyan par gyis zhes bya ba ni sdud pa po lag na rdo rje la sems rtse gcig pas nyon cig ces pa'o/ /de ltar tshigs su bcad pa gnyis kyis le'u lnga bcu rtsa gcig gi lus mdor gzhag gsungs nas/de ni le'u dang po rdzogs pa'i rim pa'i mdor bstan gnas dang bcas pa rgyas par bshad par bzhed nas dbugs 'byung bar ma mchog dag dang / /dri yi zhes bya ba gsungs te/ dang po snod gcig tu za ba tshogs kyi 'khor lo bsten pa'i rdzas dang /dbugs 'byung byang chub kyi sems dang / bar ma rang byung gi khrag dang / mchog sha chen po dang / dri ni bshang ba dang ro'i chu ni gci ba dang / bcas pa ni rta dang glang po dang khyi dang ba lang dang mi sha ste lnga'o/ /de oM AHhUM gsum gyis byin gyis brlabs nas rigs lnga'i rang bzhin can gyis ro rdo rje mar bskyed pa'o//rnal 'byor pas dus rtag tu khyad par rigs ldan rnams ni mchod par bya'o zhes bya ba ni thun bzhi'am dus drug tu tshogs kyi 'khor lo'i lha mchod par bya'o/ /rnal 'byor pa ni rten gyi gang zag go//dus rtag tu zhes pa ni rgyun mi 'chad par dus drug go/ /khyad par ni rtog pa med pa'i shes pas ro myang ba'i rigs ldan ni lha drug cu rtsa gnyis su bskyed pa'o/ /mchod pa ni nang du 'khor lo bzhi pa la dkyil 'khor bzhi bsgom pa dang / lus kyi dkyil 'khor dang lnga la nang gi sbyin sreg dbul ba'o/ /tshogs kyi 'khor lo de yang gnyis su gyur te bdud rtsi lnga'i ro rdo rje ma la yid nang du chud pas bde ba rtog med kyi 'dod pa'i dngos grub sgom pa'am/ gal te yid phyir byung na dus drug tu rigs ldan dkyil 'khor la sbyin sreg gis mchod pa'o//ro 'ba' zhig gis tshogs kyi 'khor lo bya'am zhe na/ pho nya lhan cig skyes dngos grub/ /mchog dang 'bring dang tha ma ste/ /zhes bya ba gsungs te/ pho nya ni mtshan nyid dang ldan pa'i bud med dge bsnyen ma'i sdom pa dang byang chub sems dpa'i sdom pa dang sngags kyi dbang bskur thob pa'o//de yang / gzhi ni sa gzhir byas nas su/ /rnal 'byor pa yis longs spyod bya/ /zhes gsungs so/ /lhan cig skyes pa'i dngos grub ni/ goms pa las byung ba ma yin pa/ bde ba rtog med rgyu rkyen tshogs pa las skyes pa'i dga' ba bzhi ni lhan cig skyes pa'i dngos grub bo//mchog ni las las skyes pa ste skye ba snga mar gsang sngags kyi sgom pa goms pa'i tshogs lam dang sbyor lam mthong lam sgom lam thob pa'i byang chub sems ma'o/ /'bring ni zhing skyes te gnas nyi shu rtsa bzhi dang yul dbus su skyes pa dang dbang po tshang ba dang las kyi mtha' ma log pas dge ba la 'jug pa dang /sngags kyi bstan pa la dad pa dang / bstan pa dang phrad pa ste bdag gi 'byor ba lnga dang ldan pa'o/ /tha ma ni sngags las skyes ma ste rdo rje slob dpon gyi phyag rgyar gyur pas ma dang /rang dang lhan cig dbang bskur ba'i sring mo dang / rang gis dbang bskur ba'i bu mo dang / slob mas dbang bskur ba'i tsha mo dang / rang gi sgom pa'i yan lag tu gyur pa pho nya ma'o/ /tshig de rnams ni reg bya rdo rje ma yin la de la gzugs dang sgra dang dri dang ro dang / reg bya dang ldan pas tshogs kyi 'khor lo'i yul ni 'dod pa'i yon tan lnga yin no zhes bstan to/ /yid ni nang du chud pa yin/ 'dod pa'i dngos grub bsgrub par bya ba la yid ni rnam par rtog pa'o/ /nang du chud pa ni srog a wa d+hU tIr chud pas 'dod yon lnga la shes pa rtog pa med par skyes pa'o//'dod pa'i dngos grub ni bde ba rtog pa med pa bsam gtan gyi sdom pa mi g.yo ba'i las so/ /gal te rtog pa skye bar gyur na ji ltar bya zhe na/ rang rdzas thig les sangs rgyas dang / byang chub sems dpa' mchod par bya/ /zhes bya ba gsungs te/ dga' bral du song ba'i byang chub kyi sems kyis phung po lnga'i sangs rgyas dang /dbang po drug gi byang chub sems dpa' dang / 'byung ba lnga'i yul mchod par bya'o/ /de bzhin du gzugs dang sgra dang dri dang ro rnams la dga' bral du song na gzugs rdo rje ma la sogs pas phyi dang nang gi dkyil 'khor la mchod par bya'o/ / de skad du yang mnyam sbyor las/ /lha la dmigs pa byed pa dag /rnal 'byor gzugs brnyan rang bzhin te/ /rang gi dam tshig bdag sbyor ba/ /mi 'gyur dam pa grub par 'gyur/ /gzugs brnyan lugs ma la sogs pa/ /rnal 'byor 'byung bar mi 'gyur kyang / / byang chub sems la rab brtson na/ /de las rnal 'byor lhar 'gyur ro/ /zhes gsungs so/ /las kyi phyag rgya spangs pa yi/ /'gro ba'i lam la ji ltar yin/ /nang du chud par bya zhe na/ /mthong ba dang ni reg pa dang / /thos pa dang ni dran pa yis/ /zhes bya ba gsungs te/ mthong ba gzugs rdo rje ma nas reg bya rdo rje ma'i bar du thos pa sgra rdo rje ma dang / dran pa chos kyi rdo rje ma las ma rmongs pa dran pa'i 'du byed sngon nyams su myong ba'i don to/ /de la yid nang du chud pa rtog pa med pa skyes pas rtog pa las grol bar 'gyur ba'am/ yid phyir byung nas rtog pa skyes na dang ba'i dad pas gzugs rdo rje ma la sogs pas sangs rgyas dang byang chub sems dpa' mchod par byed pa/de ltar grol ba'i lam 'di la yang the tshom med par mchod par 'gyur ro/ /de'i phan yon gsungs pa ni yid nang du chud pas/ rnal 'byor pa nyid bsod nams mchog /dag byed sdig pa 'jig byed pa/ /bsod nams mchog gi rtog pa med pa'i ye shes kyi tshogs dgu'o/ /dag ni rgyu kun 'byung dag pa'o/ /sdig pa 'jig pa ni sdug bsngal gyi bden pa zad pa'o/ /gal te yid phyir 'byung ba la bsod nams kyi tshogs su gyur pa ni/gsang sngags zlos pa'i bzlas brjod dang / /bsam gtan gyis kyang 'grub par 'gyur/ /zhes bya ba gsungs te/ gsang sngags zlos pa'i dus drug tu ris drug gi bzlas pa zlos pa'o/ /bzlas brjod ni dbugs 'byung rngub kyi bzlas pa'o//bsam gtan ni rdo rje sems dpa' dang rnam snang dang pad+ma gar dbang dang he ru ka dang rdo rje nyi ma dang rta mchog gi ting nge 'dzin bsgoms nas dus drug tu bdud rtsi rnam pa drug mya ngan grub par 'gyur ro/ /kyang zhes pa ni yid nang du chud pa las phyir 'byung ba yang bsod nams kyi tshogs su 'gyur ba'o//de skad du yang rdo rje mkha' 'gro las/ tho rangs dgun smad gyur pa na/ /dpyid dang dbyar ni nyi cha gnyis/ /nyin phyed mkhas pas sogs ka sbyar/ /srod ni de bzhin ston ka ste/ /dgun stod mtshan phyed cha yin no/ /zhes gsungs so/ / rdo rje 'di rnams kyi rang bzhin shes par byas la rdo rje sems dpa' la sogs pa dang sbyar bar bya ste/ rdo rje sems dpa' dgun smad de/ /rnam par snang mdzad thub pa dpyid/ /de bzhin rta mchog sos ka ste/ /dgun nam dbyar na he ru ka / rdo rje nyi ma ston ka la/ /pad+ma gar dbang dgun stod do//sos ka mar me bza' bya ste/ de bzhin du ni dbyar ka chu/ /ston gyi dus su mar khu ste/ /de bzhin dgun stod me tog go/ /kye ho dgun smad ga pur te/ /de bzhin dpyid ni bzhi mnyam mo/ /de rnams sman ni chen po ste/ /dus drug tu ni yongs shes bya'o//dus mchog 'di dang mnyam med de/ /sbyong ba kun gyi dam pa yin/ /rang bzhin de rnams rdzogs par ni/ /nam zhig rnal 'byor par gyur na/ /rnal 'byor ma rnams mnyes 'gyur te/ /rnal 'byor mkha' 'gro ma sdud pa'o/ /zhes gsungs pas so//so ga dang dbyar dang ston ka dang dgun stod dang dgun smad dang dus drug ni rigs drug gi 'dod pa'i lha kun gsal bar byas la/ 'dod pa'i yon tan lngas dran pa'i bde ba dang ldan pa las phyir 'phros pa'i bsod nams kyi tshogs bsag par bya'o/ /dngos grub kyi rgyu gang zhe na/shin tu mnyam gzhag sgrub pa pos/ /dam tshig rtag tu bskyang bar bya/ /zhes bya ba gsungs te/ shin tu mnyam gzhag ni rnal 'byor pa sems rtse gcig pa'o/ /dam tshig ni rig pa'i dbang bskur ba'i rigs lnga'i dam tshig bcu bzhi dang phyir mi ldog pa'i dbang gi sdom pa rdo rje slob dpon smod pa nas shes rab bud med smod pa'i bar du bcu bzhi dang gsang ba'i bzhi dang shes rab ye shes kyi sdom pa brgyad de bzhi bcu dus drug tu dran pas rtag tu bskyang bar bya'o//bzhi bcu de kho na skyong ngam zhe na/ byang chub kyi sems kyi srung ba yin te/ kun rdzob byang chub kyi sems bde ba rtog med bsam gtan gyi sdom pa dang don dam pa byang chub sems kyi bde ba stong pa nyid shes pa zag med kyi sdom pa'o//dran pas ni dam tshig bsrung ba yin la/ dam tshig gis ni byang chub kyi sems bsrung ba yin no/ /gal te nyams na ci zhe na/ dam tshig nyams pas dkyil 'khor du/ /dbang bskur dngos grub thob mi 'gyur/ /zhes bya ba gsungs te/ dam tshig bsrung ba'i sems med pas nyams na dbang bskur mi thob pa dang nyon mongs pa'i dbang gis dam tshig nyams na dngos grub thob par mi 'gyur ba'o/ /'di skad ston pa yin te/dri'i thig le dang me tog gi tshom bu dang yig 'bru dang phyag mtshan dang lag pa'i phyag rgya chen po gzugs brnyan gyi dkyil 'khor bzhag nas rnal 'byor ma sum cu rtsa bdun dang / rnal 'byor pa nyi shu rtsa lnga'i rang bzhin du bskyed nas rang rang gi gnas su rang rang gi phyag rgya dang /sgom pa dang bzlas pa dang ngag gi brda dang lus kyi brda dang bcas pas 'dod pa'i yon tan lnga la rgyu rkyen tshogs pa las lus bde ba dang yid bde ba'i bsam gtan gyi ting nge 'dzin bskyed pa'am/ gal te rtog pa byung na dad pa dang dang ba'i sems kyis lha'i 'khor lo la nang gi sbyin sreg dbul bar bya'o//yang na rdo rje mkha' 'gro las byung ba ltar go cha drug gi lhar bskyed par bya'o/ /yang na rgyud bla ma nas byung ba bzhin/ mkha' spyod bya yi gzugs can gyis/ /thugs kyi 'khor lo bsgrub pa dang / /sa spyod ma yi gzugs can gyis//gsung gi 'khor lo sgrub pa dang / sa 'og dud 'gro'i gzugs can gyi bong bu'i rnam pas he ru ka sku'i grub pa bsgrub par bya'o/ /'jig rten pa'i lus dang ngag gi spyod lam dor nas lus ngag gi brda bya ba yin te/ de skad du yang mnyam sbyor las/ / de nas khrus byas dri zhim lus/ /ci 'dod pa yi gos dang rgyan/ /sna tshogs gos ni bgos nas kyang / /me tog phreng ldan kha dri zhim/ /gang gis lha dang 'dra ba yi/ /bud med dag ni legs bsgrubs la/ /skal bzang dag ni phyag rgyas mtshan/ /tshogs kyi 'khor lo brtag par bya//zhes gsungs so/ /de ltar tshogs kyi 'khor lo bshad nas/ zhi ba'i btung ba bshad par bya ste/ sbrang rtsi mtshal dang ga pur bcas/ /tsan+dan dmar du sbyar ba ni/ /zhes bya ba gsungs te gsang ba'i dbang bskur ba'i yul rdo rje mar ston pa yin no//de yang gang zhe na sbrang rtsi ste gci ba dang / mtshal te rang byung dang / ga pur te byang chub sems dang / dmar te sha chen po dang / tsan+dan te bshang ba dang sbyar ba'i sha lnga dang bsres nas ro mnyam par byas pa'o/ /de gang du gzhag par bya zhes gsungs te/ lha drug cu rtsa gnyis kyi dbus thod pa bzhi'i gnas su'o/ /lha de rnams ji lta bu zhe na/ thams cad rdo rje'i mtshan ma 'dzin/ /zhes bya ba gsungs te/ dpral bar rdo rje'i phreng bas brgyan pa'o/ /de ltar myang bar bya zhe na/ sbom po mtha' ltag rtse sbyar bas//zhes bya ba gsungs te/ mthe bong dang srin lag gnyis kyis lce'i steng du ro gzhag par bya'o/ /ji ltar shes pas zhi ba'i btung bar 'gyur zhe na/ rnal 'byor rig pas rtag tu dpyad/ /ces bya ba gsungs te/ rnal 'byor bsam gtan gyi bde ba'o/ / rig pa ni lce'i dbang po'i mngon sum gyis dga' ba bzhi'i bye brag rtogs pa dang / de yang bdud rtsi lnga'i ro la dang por skyes pa'i bde ba'i rang bzhin dga' ba dang / mchog dga' yid bde ba/ lhan cig skyes dga' skyes pa'i rjes la bla ma'i mngon sum gyis gzhan don gyi ro'i stong pa nyid rtogs pa rnal 'byor gyi mngon sum skyes pa ni rtag tu dpyad ces bya ba yin te/kha sbyor las kyang / rnam shes dang ni ye shes kyis/ yul gyi rig pa rtag tu dpyad/ /ces bya ba gsungs so/ /de ltar na lce'i dbang po'i mngon sum dang / rnal 'byor gyi mngon sum gyi rang bzhin brgyad cu dang bral ba'i ro'i stong pa nyid nyams su myong ba ni zhi ba'i btung ba zhes bya'o//gdan bzhi las chos kyi dbus ni lus kyi dkyil 'khor yin la rdo rje'i mtshams 'dzin pa ni kha sbyor ba yin la/ sbom po ni gsang ba'i rdo rje srin lag gi ni pad+ma de sbyar ba las byung ba'i byang chub kyi sems rnal 'byor pas rig pa ni zhi ba'i btung ba yin no zhes gsungs te/gzhan gyi don slob ma dbang bskur ba'i don du gsungs pas bshad pa'i rgyud la rmongs par mi bya'o/ /de ltar shes pas rtog pa med par gyur pas zhi ba'i btung ba myangs na/ dngos gru brtag par thob par 'gyur//zhes gsungs te/ zhi ba'i btung ba ni/ ri bong 'dzin las rtswa zhi ba/ /zhes grags pas skyes pa skar ma rgyal dang gza' phur bu la btus nas bA rA Na sI'i rig byed kyi gnas su ba gi wang can gyi pags pa la sngags stong rtsa brgyad bzlas nas bkrus te de'i chu 'thungs na bsam gtan dang po'i ting nge 'dzin thob po zhes rig byed kyi gzhung nas byung bas/dpe de bzhin du bdud rtsi lnga'i ro las shes pa rtog med skyes nas chos kyi sku thob par 'gyur ro/ /gal te shes pa rtog med skyes nas de bsod nams kyi tshogs su gyur pa ni/ 'di ni mi 'chi bcu phyed gyur/ /dngos grub thams cad 'jug byed yin/ /zhes bya ba gsungs te/ mi 'chi bcu phyed ni bdud rtsi lngas dri ma med pa'i de kho na nyid dang / 'dod pa'i dbang phyug gi de kho na nyid dang / tshe 'phel ba'i de kho na nyid du grub pas na dngos grub thams cad grub ces bshad do//de ltar zhi ba'i btung ba bshad nas da ni pho nya'i gtsang sbra bshad par bya ste/ mchod bzhi rnal 'byor ma/ dbang gnyis snyoms par 'jug pa yi/ /zhes bya ba gsungs te/ mchod bzhi ni dpes ston pa yin te/ dung can ma dang pad+ma can la sogs pa'i las kyi phyag rgya dang /yid du 'ong ba'i yul chos kyi phyag rgya dang / sbyor ba legs pa'i gtum mo me drod can dang / mngon sum gyis mthong ba'i stong pa nyid kyi phyag rgya chen po las bde ba zag pa med pa de bzhin du tha mal pa las kyi phyag rgya'i rnal 'byor ma la yang bsnyen sgrub bzhis sbyangs pa'i sa chu gnyis kyi pha rol me rlung gnyis kyi tshu rol na dbus ma nam mkha'i rlung dang kha sbyar nas bde ba rtog pa med pa ni rgyu rkyen gyi tshogs pa las skyes la bla ma'i gdams ngag mngon sum gyi gzhan don la ni reg bya stong pa nyid du rtogs pas rnal 'byor pa'i mngon sum skye ste/de nyid zag pa med pa'i bde ba shes rab ye shes yin pas/ dbang gnyis snyoms par 'jug pa yi/ /snyoms par 'jug pa'ang de nyid 'dzin/ /zhes bya ba gsungs te/ snyoms par 'jug pa dang pos ni rtog pa med pa zhi gnas skye la/ snyoms par 'jug pa gnyis pas ni reg bya yul gyi stong pa'i de kho na nyid 'dzin cing rtogs pa'o//'byung ba bzhi'i dbus ma nam mkha'i rtsa dang sprad pa las ji ltar bde ba skye zhe na/ mnyam sbyor las/ sgyu ma dag ni thams cad las/ /bud med sgyu ma khyad par 'phags/ /zhes gsungs te/de la stong pa nyid ji ltar rtogs she na/ bla mas slob ma'i rna drung du/ /rab tu 'bad de bklag par bya/ /zhes gsungs pas/ bla ma'i tshig gis stong pa nyid las dran pa'i nges pa drangs nas a sa ma sa ma zhes te nges pa'i shes pa mngon sum gyis zlos gar byed pa ni man ngag yin no//de'i phan yon ni/ lha dang mi yi bde ba ni/ /bsdus byas rdo rje 'dzin pa yi/ /bcu drug char yang mi phod do/ /zhes gsungs te/ lha ni tshangs pa dang brgya byin la sogs pa'i bsam gtan gyi bde ba'o/ /mi ni mkhas pa rnams kyis rjes dpag gis stong pa nyid rtogs pa'i yid bde ba bsdus kyang mngon sum gyi bde ba zag pa med pa nyid kyi bcu drug char yang mi phod pa'o//de yang rdo rje mkha' 'gro las/ /rtsa bcu drug la brten pa'i khams bcu drug /gtum mo drod kyis bzhu nas bde ba zag pa med pa gcig tu shes pas bsgril ba'i rtsa'i skud pa gcig gi bde ba stong pa nyid rtogs pa'i char yang mi phod pa'o//de ltar tshogs kyi 'khor lo dang zhi ba'i btung ba dang pho nya'i gtsang sbra bshad nas/ ri sul tshang tshing phug rnams dang / /chu bo dag gi ngogs dag dang / /gdod nas grub pa'i dur khrod du//der ni dkyil 'khor bri bar bya/ /zhes bya ba gsungs te/ sgra ji bzhin pa'i gnas bzhi ni bum pa'i dbang bskur ba'i gzugs brnyan gyi dkyil 'khor gyi rten yin no/ /dbyibs kyi dbang du byas na ri sul ni bde ba chen po'i 'khor lo/ /tshang tshing phug ni longs spyod kyi 'khor lo/chu bo'i ngogs ni chos kyi 'khor lo/ /dur khrod ni sprul pa'i 'khor lo ste lus kyi dkyil 'khor ro/ /sngags kyi dbang du byas na ri sul ni lo bcu gnyis ma tshang tshing phug ni bcu drug ma dang / chu bo'i ngogs ni nyi shu ma dang / dur khrod ni rtsa bzhi ma ste b+ha ga'i dkyil 'khor ro//chos kyi dbang du byas na ri bo ni stong pa nyid dang tshang tshing phug ni mtshan ma med pa dang / chu bo ni smon pa med pa'o/ /dur khrod ni 'od gsal te/ chos kyi dbyings kyi dkyil 'khor ro/ /de skad du yang rgyud bla ma las/ dkyil 'khor lus zhes bya ba dang //dkyil 'khor b+ha ga zhes su bshad/ /dkyil 'khor chos kyi dbyings yin te/ /rnam pa gsum du nges pa yin/ /zhes gsungs so/ /le'u dang po'i rnam par bshad pa'o// //de ltar rdzogs pa'i rim pa bshad nas bskyed pa'i rim pa'i 'khor lo gsungs pa ni/de nas lci ba ma lhung ba zhes bya ba la sogs pas bstan te/ de la le'u gnyis pas ni slob dpon gyi las bshad pa dang / le'u gsum pas slob ma'i las bshad pa dang / le'u bzhi pas lha dgod pa bshad nas bskyed pa'i rim par gyur pa yin no//de la thog mar gtsang sbra gsum gyis rdzogs pa'i rim pa'i bsnyen pa byas nas dkyil 'khor bri ba'am/ yang na phyis 'chad par 'gyur ba'i bsnyen pa la ltos nas bskyed rim gyis bsnyen pa ma gsungs so/ /de yang rgyud bla ma las/ gtsang sbra gsum gyis bsnyen pa byas nas dkyil 'khor bri zhes gsungs so//sa'i cho ga ci'i phyir ma gsungs she na/ bshad pa'i rgyud la ltos pa'am sbyang mi dgos pa'i dbang du mdzad pa yin no/ /bsnyen pa dang sa'i cho ga'i rjes la dkyil 'khor gyi mtshan nyid bshad par bzhed nas/ba yi lci ba ma lhung bas/ /dkyil 'khor sa ni legs par byug /ces gsungs te/ ba'i rnam lngas byugs pa ni rgyud sde bzhi'i thun mong yin no/ /khyad par du rnal 'byor ma'i rgyud las dur khrod kyi thal ba dang bdud rtsi rnam pa lngas byugs nas dkyil 'khor rtsom par bstan to//dur khrod kyi thal ba dang mi gtsang bas ci zhig byed ce na/ shi ba dang ma shi ba dang gtsang ba dang mi gtsang bar ro mnyam par ston par bzhad pa yin no/ /dkyil 'khor gyi mtshan nyid bshad nas/ tshon gyi mtshan nyid bshad par bzhed nas/ dur khrod du ni kun spyod pa//zhes bya ba la sogs pa gsungs te/ kun spyod pa ni mnyam par spyod pa ste rin po che dang tshon rtsi dang dur khrod kyi rdzas la dbye ba med pa'o/ /ro bsregs pa'i sol ba'i phye ma dang / zhes bya ba ni rus pa'i phye ma dkar po dang / sol ba'i phye ma nag po'o//dur khrod so phag ldan pa yi/ /zhes bya bas mtshos pa las ser po dang / tshos pa las dmar po'o/ /ljang gu ni rus pa dang tshon ljang gu bsres pa'o/ /dkyil 'khor bzang po bri bar bya/ /zhes bya ba ni drag po 'jigs byed zhe sdang chen pos 'dul bas na bzang po'o//snying stobs rdul dang mun pas kyang / /gang phyir sems can don 'gyur bas/ /des na 'di ni bzang po ste/ /byang chub spyod pa'i rjes 'jug pa'i/ /zhes gsungs pa'i phyir ro/ /de ltar tshon gyi mtshan nyid bstan nas/slob dpon gyi mtshan nyid ston pa ni/ slob dpon mtshan nyid thams cad pa/ /yang dag shes shing rgyud shes pa/ /zhes bya ba la sogs pa gsungs te/ mtshan nyid thams cad ni rang dang gzhan gyi don phun sum tshogs pa'o/ /yang dag shes ni rgyud sde bzhi'i lta ba shes pa'o//rgyud shes pa ni rgyud sde bzhi'i spyod pa shes pa'o/ /ngag gi mtshan nyid ni dpal ldan khrag 'thung gi sku gsung thugs te/ gsang sngags shes zhes bya ba gsungs te/ sngags ni snying po nas gnod mdzes kyi bar gyi sngags bcu gcig go /sems kyi mtshan nyid ni/khro med snying rje dang ldan pa/ /gtsang zhing ltung bas ma gos pa/ /mkhas pa de nyid bcu shes pa/ /sbyor shes zhi gnas shes pa dang / /ye shes lhag mthong shes pa dang / /pha rol 'gro zhes bskyed rim gyi rtags gsum dang / rdzogs rim gyi rtags lnga dang ldan pa'o//lus kyi mtshan nyid ni thod pa lngas spyi bor brgyan pa dang / thal bas byugs pa'i bar gyis phyag rgya drug drug dang ldan pa dang / go cha'i yi ge drug bkod pas gug skyed kyis brgyan pa dang / rus pa'i phreng ba tshangs pa'i skud pa dang / dum bu gcig pa las byas pa spyi gtsug gi nor bu dang /rus pa'i phreng ba'i do shal dang / lag pa g.yon pas kha T+wAM ga bsnams pa ste/ slob dpon gyi mtshan nyid bcu drug po 'di dag gis nye bar mtshon pa yin no/ /de ltar slob dpon gyi mtshan nyid bshad nas dkyil 'khor bsgrub pa bstan pa ni/ bdag nyid dpal he ru ka zhes bya ba la sogs pa smos te/ dang po bskyed rim gyi bsnyen pa bsam gtan gyi 'khor lo bshad par bzhed nas bdag nyid dpal he ru kar byas nas de'i 'og tu ni/ dpal ldan he ru ka dran bya/ /zhes bya ba gsungs te/ ji ltar he ru kar bya zhe na/ le'u lnga bcu rtsa gcig pa nas byung ba ltar de nyid bcu bzhi'i tshul gyis bskyed pa 'am yang na/gnas dang ldang ba nyid dang ni/ /'jug dang yongs su rdzogs pa dang / /byin gyis brlabs dang dbang bskur dang / /ting 'dzin mchod pa nye bar bsdu/ /zhes gsungs pas/ lha bskyed nas de'i 'og tu dpal he ru ka dran par bsgom pa dang /bsgoms pas skyon thun bzhir snying gar 'khor lo bkod pa de nye bar bsdu ba dang / tsham dam gyi sngags kyis bsrungs la ldang bar bya'o/ /de lta bus mtshan dang grangs dang dus kyi bsnyen pa byas nas sa'i cho ga zin pa'i rjes la/sta gon gyi cho ga bshad pa ni/ de ltar bdag nyid go bgos nas/ rab rnams ni phyogs su dgod/ /ces bya ba gsungs te/ de ltar zhes bya ba ni snga ma bsnyen pa'i cho ga ltar sngon 'gro'i rnal 'byor lnga dang / dngos gzhi ting nge 'dzin gsum gyi rnal 'byor byas nas sa'i lha mo'i cho ga byas nas sprul pa'i 'khor lo snying gar bkod de mig dang rkang pa byin gyis brlabs nas khro bo'i bstod pas bstod cing bgegs la bka' bsgos nas bgegs nye bar zhi ba'i cho ga bya ba ni de ltar bdag nyid ces bya ba ni sgra'i don yin no//go ba gos nas zhes bya ba ni bgegs nye bar zhi ba'i thog mar go cha bgo bar bya'o//dpa' bo dang dpa' mo'i stang stabs byas pa'i rjes la/ /badzra p+hany+dza ra Na hUM zhes bya bas ra pa rnams phyogs su dgod pa dang / badzra me di nI ban+d+ha baM hUM zhes pas sna tshogs rdo rje'i mtshon cha bya ba dang / badzra prA kA ra haM zhes bya bas 'khor lo ltar zlum po'i bdag nyid rdo rje ra ba'i mtshon cha nye bar dgod pa dang /swa ra dzA la hUM traM hUM zhes pas steng du rdo rje bla re'o/ 'og tu mda'i dra ba bya ba dang / oM badzra dz+wa la a na lA ka hUM zhes pas me 'od kyi phreng ba bskor ba'i dbus na mtshon cha'i dra ba byas pas bskor ba'o//de'i phan yon ni de ltar go cha bgos pa la sum cu rtsa gsum pa'i lha'i dbang po brgya byin gyis kyang gzhig par mi nus pa'o/ /de'i rjes la dri'i thig le byas nas lha lhag gnas bya ba dang / nges brjod las byung ba bzhin du bum pa lhag par gnas pa dang /phyi dang nang gi sbyin sreg lhag par gnas pa dang / gtor ma lhag par gnas pa dang / slob ma lhag par gnas pa ni rdo rje mkha' 'gro las kha bskang bar shes par bya'o/ /de'i don ni 'di skad ston pa yin te skar ma rgyal dang gza' phur bu'i zhag la sngar bstan pa'i gnas yid dang mthun par dbang thob pa'i rnal 'byor pas sgrub pa'i grogs po dang bcas pas bdud rtsi rnam pa lnga'i ri lu khar bcug nas sngon du bsnyen pa bya ba yin te/de yang thog mar mchod pa rnam pa lnga byin gyis brlabs nas rdo rje dril bu bzung zhing cod pan dang rgyan btags nas stod g.yogs dang smad g.yogs bgos te tshad med pa'i rnal 'byor dang /byin gyis brlab pa'i rnal 'byor dang / bsrung ba'i rnal 'byor dang / tshogs bsags pa'i rnal 'byor dang / stong pa nyid kyi rnal 'byor te sbyor ba lnga dang /dngos gzhi'i ting nge 'dzin rnam pa gsum dang / ldang ba'i rnal 'byor gyi nye bar bsdu ba dang / kun du spyod pa byed cing mtshan ma dang dus dang grangs kyi bsnyen pa bya'o/ /de'i rjes la rdo rje mkha' 'gro dang nges par brjod pa las byung ba bzhin du sa'i cho ga bya'o//gnyug mar gnas pa sa'i char snga ma bzhin du sbyor ba dang dngos gzhi dang rjes bsgoms la dkyil 'khor ma bteg pa'i sngon du sgrub pa'i grogs pos mtshan brgya rtsa brgyad pas bstod cing rang nyid khro bo'i nga rgyal bsgoms la/ sa'i lha mo'i cho ga rnam snang sgyu dra nas 'byung ba bzhin du bya zhing rdo rje mkha' 'gro ma bzhin du dkyil 'khor nam mkha' la 'degs pa'am rtsa ba'i rgyud 'di nyid bzhin du dkyil 'khor snying gar dgod par bya'o//de'i rjes la dkyil 'khor gyi steng du 'dug la phyogs bcu'i sangs rgyas la phyag bya ba dang /khro ba'i bstod pa bya ba dang / bgegs la bka' bsgo ba dang / lhag pa dang ma tshang ba kha bskang ba'i phyir bskor ba lan bdun bya ba dang / lta bas bgegs bsal ba dang / dpa' bo dang dpa' mo'i stang stabs bya ba dang / gnod mdzes kyi 'khor los srung ba'i 'khor lo bya ba dang /phur bus btab nas dri'i thig le bya ba dang / lha lhag par gnas par bya ba dang / rtsa ba'i rgyud nas bshad pa'i bum pa dgu'am/ bshad pa'i rgyud nas byung ba'i bum pa drug la lhag par gnas par bya ba dang / nang gi sbyin sreg tshogs kyi 'khor lo dang /phyi rol gyi sbyin sreg gang yang rung bas lhag par gnas par bya ba dang / kha sbyor dang mkha' 'gro ltar gtor ma lhag par gnas par bya ba dang / de nyid bsdus pa'i rgyud dang / rdo rje mkha' 'gro ltar slob ma lhag par gnas pa'i cho ga bya'o//'di'i cho ga rgya cher ni yid 'ong phreng bar blta bar bya'o/ /de ltar lhag par gnas pa byas nas phyi de nang par nyi ma 'char kar dkyil 'khor nam mkhar bteg la thig gdab par bya'o/ /de ltar bdag nyid rab bsrung zhing / /sngags dang phyag rgyas rnam brgyan nas//dngos grub thams cad rab ster ba'i/ /dkyil 'khor 'jigs pa bri bar bya/ /zhes bya bas ni dkyil 'khor chen po'i slob dpon gyi las mdor bstan pa yin no/ /de ltar bdag nyid rab bsrung zhes bya ba ni sta gon gyi cho ga rdzogs nas phyi de'i nyin par tshad med pa'i rnal 'byor dang /byin gyis brlabs pa'i rnal 'byor dang / bsrung ba'i rnal 'byor dang / tshogs sogs pa'i rnal 'byor dang / stong pa nyid kyi rnal 'byor byas nas dang po sbyor ba'i dang dkyil 'khor rgyal mchog gi lhar bskyed de las kyi rgyal mchog gi dus su cho ga drug gi sngags kyis lhar bskyed pa dang /ye shes sems dpa' gzhug pa dang / dbang bskur zhing ting nge 'dzin bsgoms nas phyag rgya drug gis rnam par brgyan pas dngos grub thams cad ster ba'i dkyil 'khor thig gdab cing bri bar bya'o//de nas sems med srad bu zhes bya ba ni ro'i ras kyi skud pa las byas pa'i srad bu'o/ /ru d+hi ra chen po zhes bya ba ni mtshon pa yin te/ bdud rtsi lnga dang ldan pa'i tshon gyis kha bsgyur bar bya'o/ /dpal ldan khrag 'thung grong khyer mchog /dkyil 'khor 'jigs pa thig gdab bya/ /zhes bya ba ni thig gdab pa'i cho ga mdor bstan pa'o/ /khru bzhi pa'am khru brgyad pa/ /zhes bya ba ni thog ma dang tha ma'i tshad lte bar khru drug pa yang gzung bar bya'o/ /de nyid nye bar mtshon pa yin pas ci nus par bya zhes pa'i don to//zur bzhi pa la sgo bzhi pa/ /rta babs bzhis ni rnam par brgyan/ /zhes pa go sla'o/ /sngags pas nyis 'gyur rnam dpyad cing / /zhes bya ba ni phyi'i dkyil 'khor nyis 'gyur gyi tshad do/ /mkha' 'gro dra ba'i bde mchog mchod//ces bya ba ni thig gdab pa'i rten gyi dkyil 'khor la mchod pa'am thig gi dam tshig sems dpa' la ye shes sems dpas mchod pa'o/ /de yi dbus su pad+ma ni/ /'dab brgyad lte ba 'bar dang bcas/ /ge sar yang dag ldan par bzhag /ces bya ba ni/ye shes kyi 'khor lo'i rten bri ba bstan te pad+ma 'dab ma brgyad pa'i sa gzhi ni ser po'o/ /shar gyi pad+ma'i 'dab ma sngon po ser po nub dmar po byang ljang gu mtshams ni phyed kyi mdog can no/ /rin po che'i phreng bas bskor ba'o/ /thugs kyi 'khor lo nag po rtsibs brgyad pa ka ba brgyad dang ldan pa rdo rje'i phreng bas bskor ba'o//gsung gi 'khor lo rtsibs brgyad dmar po ka ba brgyad dang ldan pa pad+ma'i phreng bas bskor ba'o/ /sku'i 'khor lo rtsibs brgyad dkar po ka ba brgyad dang ldan pa 'khor lo'i phreng bas yongs su bskor ba'o//dam tshig gi 'khor lo ni sgo bzhi dang ldan pa rin po che lnga'i rtsig pa kha khyer rta babs dang bcas pa dur khrod brgyad kyis brgyan pa rdo rje ra ba dang me 'od kyis bskor ba'o/ /de ltar rten gyi dkyil 'khor bstan nas brten pa lha dgod pa ni/ lte bar dgod bya dpa' bo ni//zhes bya ba gsungs te/ lugs su blugs pa'am 'bur du brkos pa'am ri mor bris pa ci rigs pas dgod par bya'o/ /dpa' bo ni bdud bzhi las rgyal ba'i 'bras bu'i he ru ka'o/ /'jigs byed drag po'i gzugs can zhes bya ba ni gar gyi nyams dgu dang ldan pa'o//de yang zhi ba'i sku ni mtshan dang dpe byad dang ldan pa'o/ /rgyas pa'i sku ni rgyan thams cad kyis rnam par brgyan pa'o/ /dbang gi sku ni 'od zer dmar po 'phro ba'o/ /mngon spyod kyi sku ni sgeg pa dang / dpa' ba dang 'jigs su rung ba'i sku'i nyams dang / dgod pa dang gshe ba dang rngam pa gsung gi nyams dang / snying rje dang zhi ba dang ngo mtshar thugs kyi nyams te de dang ldan pa'i 'jigs byed chen po'i gzugs can no/ /de'i mtshan nyid phyis rgyas par bshad par bya'o/ /mdangs dang ldan zhing rab tu 'bar/ /zhes bya ba ni bskal pa'i me ltar gzi brjid che ba'o//ha ha zhes bya sgra cher bzhad/ /ces bya ba ni zhal g.yas pa tshangs pa 'dul bas bzhad pa dang / rgyab mas tshogs bdag 'dul bas mche ba gtsigs pas gshe ba dang / zhal g.yon pas lha ma yin gyi rgyal po sgra gcan 'dzin 'dul bas tshangs pa'i mgo bo zhal du stobs shing rngam pa'o//zhal mdun ma ni sgeg pa'i nyams can yum rdo rje phag mo la 'khyud pa'o/ /thod pa'i phreng ba'i rgyan dang ldan/ /zhes bya ba ni sangs rgyas lnga'i cod pan can la thod pa lngas mdzes par byas pa'o/ /bzang po'i spyan gsum ni smin ma'i dbus na spyan mnga' ba dang gsum mo//zhal bzhi mnga' ba ni bshad zin pa'i nyams bzhi dang ldan pa/ sngon po dang ser ba dang dmar ba dang ljang gu dang zhal bzhi pa phyag bcu gnyis ston par bzhed nas gnyis kyis glang po che dkar po'i pags pa bsnams pa dang /phyag dang po gnyis kyis rdo rje dang dril bus 'khyud pa dang / smin ma bzang po rdo rje dbyes/ /zhes bya ba ni smin ma rdo rje 'khyog pa dang 'dra ba yod pa'o/ /phyag dang po rdo rje bsnams pas ni g.yas kyi phyag mtshan lhag ma bzhi nye bar mtshon pa yin te/cang te'u dang gri gug dang dgra sta dang rtse gsum pa bsnams pa'o/ /phyag na kha T+wAM ga bsnams shing / /zhes bya ba ni g.yon pa'i dbus mas kha T+wAM ga bsnams pas bzhi nye bar mtshon pa yin te/ dril bu dang ka pA la dang zhags pa dang tshangs pa'i mgo bo bsnams pa'o//brgya phyed phreng bas rnam par brgyan/ /zhes pa ni mi mgo lnga bcu'i do shal can no/ /g.yas pa brkyang ba'i rnam pas bzhugs shing 'jigs byed dang dus mtshan mnan pa ni le'u lnga bcu rtsa gcig par bshad pas go bar dgongs nas ma gsungs pa yin no//de ltar bcom ldan 'das bshad nas de'i yum gyi mtshan nyid bshad pa ni/ de mdun gnas pa'i lha mo ni/ /rdo rje phag mo zhes bya ba/ /gsungs te/ mdun nas 'khyud pa'i tshul gyis bzhugs pa'i sku mdog dmar mo lha mo rdo rje dbyings kyi dbang phyug ma yin yang drag po 'jigs byed la rdo rje phag mo zhes grags so//rab 'jigs zhes bya ba ni zhal cung zad mche ba gtsigs pa'o/ /rab 'jigs 'jigs byed che la phyogs/ /zhes bya ba ni 'jigs byed dang dus mtshan 'dul ba'i yum bcom ldan 'das la 'khyud pa'o//spyan gsum drag po'i gzugs can zhes bya ba ni sku mdog dmar po spyan gsum pa g.yon brkyang pas drag po'i gzugs can no/ /de'i phyag g.yon pa na ka pA la khrag gis bkang ba bsnams pa'o/ /zhal nas ru d+hi ra 'dzag pa ni gsung rab yan lag bcu gnyis gsung pa'i rtags so//lha dang lha min mir bcas pa/ /zhes bya ba ni phyag g.yas pa gri gug bsnams pas lha dang dri za dang gnod sbyin dang srin po dang klu dang lha ma yin dang mi dang mi'am ci ste brgyad dang bcas pa 'joms pa'i phyir sdigs mdzub mdzad pa'o//mkha' 'gro ma ni nyi shu bzhi/ /zhes bya ba ni thugs kyi 'khor lo zhal gcig phyag gnyis pa sku mdog sngon mo brgyad dang / gsung gi 'khor lo dmar mo brgyad dang / sku'i 'khor lo dkar mo brgyad de gri gug dang ka pA la bsnams pa phyag gnyis pa phyag rgya lngas brgyan pa'o//rdo rje phag mo'i rigs las byung / /zhes bya ba ni stong pa nyid nyi shu rtsa bzhis mtshon pa'o/ /phyogs dang phyogs kyi mtshams rnams dang / /zhes bya ba ni phyogs ni nang gi ye shes kyi lha mo bzhi dang sgo ma bzhi'o/ /mtshams ni gshin rje brtan ma la sogs pa'o//'khor lo lte bar mchod pa bya/ /zhes bya ba ni gzhal yas khang gi dbus dkyil 'khor gyi 'khor lo la bya ba yin no/ /de bzhin 'dir ni dpa' bo yang / /zhes bya ba ni thugs dang gsung dang sku'i dpa' bo nag po dang dmar po dang dkar po ste zhal gcig pa phyag bzhi pa rdo rje dang dril bu cang te'u dang kha T+wAM ga bsnams pa'o//'khor lo yang dus gzhan zhes bya ba yin no/ /sngar bshad pa'i 'khor lo gsum la gnas pa'o/ /mchod ces bya ba ni dpa' mo nyi shu rtsa bzhi dang snyoms par zhugs te de yang mchod pa rnam pa lngas mchod pa yin no//sgrub po gal te dngos grub 'dod/ /ces bya ba ni dngos grub len pa'i tshe las kyi phyag rgya dang snyoms par zhugs pas/ gnyis med dpa' bo mchod par bya/ /zhes bya'o/ /'dir ni rjes 'jug rnal 'byor pa'i dbang du mdzad nas gzugs brnyan bri ba gsungs pa yin no//sngon nas sangs rgyas kyi sprul pa'i 'khor los sku'i sgo nas chos ston par mdzad pa'i tshe na byang chub sems dpa' sa'i snying pos thod pa'i phreng ba'i sangs rgyas lnga ni 'byung ba lnga'o/ /spyi gtsug gi rtsa lnga dang spyan gsum dang zhal bzhi lkog ma longs spyod kyi 'khor lo'i rtsa bzhi dang /phyag bcu gnyis kyi rtsa lhag ma bcu gnyis dang / phyag drug gis dbang po drug gi rtsa dang / g.yas brkyang bas bshang gci gnyis kyi rtsa mtshon pas ma 'ongs pa'i rnal 'byor bas rtsa'i 'khor lo bsgom mo zhes ston pa yin no//spyan ras gzigs dbang phyug gi dbang du byas na thod pa lnga ni spyi gtsug gi 'khor lo'i rlung lnga mtshon pa dang / spyan gsum ni rlung gsum dang / zhal bzhi ni lkog ma'i rlung bzhi dang / phyag bcu gnyis kyis lkog ma'i rlung bcu gnyis dang / phyag drug ni dbang po drug gi rlung dang /zhabs gnyis kyis bshang gci gnyis kyi rlung 'gog pa'o/ /byang chub sems dpa' 'jam dpal gyi dbang du byas na thod pa lnga ni ye shes lnga dang / zhal bzhi ni ye shes bzhi dang / spyan gsum rnam par thar pa'i sgo gsum dang /phyag bcu gnyis pha rol tu phyin pa bcu gnyis dang / phyag rgya drug pha rol tu phyin pa drug dang / zhabs gnyis srid pa dang zhi ba la mi gnas pa dang / stag gi pags pa ni nyon mongs pa dang shes bya'i sgrib pa dang bral ba dang / mi mgo lnga bcu rtsa gcig ni 'du byed lnga bcu rtsa gcig rnam par dag pa'o//de ltar yang kha sbyor las bshad pas the tshom mi bya'o/ /bum pa bzhi ni ye shes bzhi dang / stong pa nyid bzhi dang / chos kyi dbyings kyi ye shes thugs kyi 'khor lor snang ba dang / so sor rtog pa'i ye shes gsung gi 'khor lor snang ba dang /me long lta bu sku'i 'khor lor snang ba dang / phrin las kyi 'khor lor bya ba nan tan gyi 'khor lo dang / rtsig pa lnga ye shes lngar snang ba dang / sgo bzhi rnam par thar pa bzhir snang ba dang / bsam gtan bzhi rta babs bzhir snang ba dang / dur khrod brgyad ni sangs rgyas kyi zhing khams brgyad du snang ba dang /shing brgyad byang chub kyi shing brgyad dang / klu brgyad yon gyi bdag po brgyad dang / phyogs skyong brgyad rnam par gzigs la sogs pa'i sangs rgyas brgyad dang / pho nya brgyad nyan thos brgyad dang / sprin brgyad mya ngan las 'das pa'i tshul ston pa'i rang rgyal ba brgyad dang /tshig pa dang ma tshig pa la sogs pa brgyad ni sangs rgyas kyi zhing brgyad de/ de ltar na rnam par gzigs la sogs pa'i mtshan nyid kyi theg pa'i chos kyi 'khor lo brgyad kyis mtha' bskor ba'i dbus na 'khor lo bde mchog bzhugs pa ni bstan pa'i snying po mngon sum gyi lam yin pas sa bcu gcig pa la thams cad kyang mngon sum gyi lam 'khor lo bde mchog tu sangs rgyas so zhes bya ba'i don yin no//rdo rje ra ba ni rdo rje theg pa'i chos kyi 'khor lo bskor ba dang / me 'od ni nyon mongs pa dang shes bya'i sgrib pa bsreg go zhes bya ba'i tha tshig go//de ltar lha dgod pa'i cho ga bstan nas dkyil 'khor bteg nas sta gon gyi lha dbab pa dang bsres te rdo rje dril bu dkrol zhing lan bdun bskor ba byas nas lhag pa dang ma tshang ba dang bskang par bya'o zhes bya ba ni lhag ma'o/ /da ni bum pa gzhug par bya ba yin pas/de nas bum pa bya ba ni/ /zhes bya ba la sogs pa gsungs te/ bum pa'i rgyu rin po che'am sa las byas pa kha gyed pa gsus pa ldir ba mgrin pa phra ba mchu 'phyang ba la cho ga bya zhes bya ba'i don to/ /rtsa ba la sogs nag nog med/ /ces bya ba ni legs par bkrus nas dris byugs pa'o//mu tig gser dang rin chen dang / byi ru dngul dang zangs ma ste/ /zhes bya ba ni rin po che lnga dang 'bru lnga dang sman lnga dang bdud rtsi lnga dang ldan pa'i bum pa'i steng du bza' ba kun bkang ba'o/ /snod ni steng du gzhag par bya/ /zhes bya ba ni bdud rtsi rnam pa lnga dang ldan pa'i thod pa'i steng du gzhag go//mgrin pa srad bus dkris pa dang / /zhes bya ba ni tshon sna lnga'i skud pa btags pa'o/ /kha ni 'dab mas brgyan par bya/ /zhes bya ba ni 'bras bu dang ldan pas kha brgyan pa'o/ /gos zung gis ni legs dkris pa//zhes bya ba ni bum pa brgyad la thabs dang shes rab kyi gos zung res dkris pa'o/ /brgyad ni sgo ru rnam par dgod/ /ces bya ba ni rgyal ba dang bkra shis dang dngos grub dang rdzu 'phrul dang rgyal ba dang rnam par rgyal ba dang grub pa dang srung ba brgyad sgo bzhi dang mtshams bzhir dgod pa'o//gos zung gis ni legs dkris pa'o/ /bum pa dgu pa dbus su gzhag /ces bya ba ni gos dmar po dang nag pos dkri bar bya'o/ /rnam par rgyal ba'i bum pa'o/ /gser ram dngul lam rin chen nam/ /mu tig rnams kyis mdzes par bya/ /zhes pa ni bum pa rin po che rnams kyi phra bkod pa dang ldan pa'o//bum pa gcig pu rin po ches bya'am zhe na/ dkyil 'khor kun du rin chen dang / /gser rnams kyis ni legs par spras/ /zhes bya ba ni dkyil 'khor gyi lha rnams kyi mtshan ma yang rin po ches mdzes par bya'o/ /de lta bu'i 'khor lo bde mchog gi grong khyer mchog yid du 'ong ba bum pas mchod na dngos grub tu gyur pa la the tshom med do//de ltar bum pa bshad nas da ni mchod pa'i rdzas byin gyis brlab pa ni/ bdag nyid kun nas bsgo ba yi/ /dri yi chu yis legs par gdab//ces bya ba ni hUM mdzad zhal bzhi pa'i sngags kyis kun nas bsgo ste des mchod pa rnams bsang bar bya'o/ /gal te dngos grub 'dod pas me tog dang bdug pa dang mar me dang dri chab dang / mar me brgya ni dbul bar bya/ /zhes bya ba ni dpa' bo lnga'i sha'i snod brgya lha mor bskyed cing dbul pa'o//de ltar bsags shing byin gyis brlabs nas mchod par bya ba dang / dbul ba ni mar me brgya zhes bya ba yin no/ /de ltar rdzas bsags pa ni byin gyis brlabs nas/ da ni ye shes sems dpa' spyan drangs pa ni/ nam mkha'i mkha' 'gro ma rnams ni/yid kyis thams cad steng du dgod/ /ces bya ba la sogs pa gsungs te/ pheM pheM gyi phyag rgya dang bcas pas ye shes sems dpa' spyan drangs la bar snang du byon pa la mkha' 'gro ma'i snying po rdo rje mkha' 'gro nas 'byung ba'i mtshan brgya rtsa brgyad pas bstod cing rdo rje mkha' 'gro'i rgyud nas 'byung ba bzhin du mchod yon dbul bar bya'o//skye gnas kyi phyag rgya bcings la thugs kyi 'khor lo ste mkha' spyod kyi gnas su bzhugs pa dang / sa stengs kyi mkha' 'gro ma gsung la bzhugs pa dang / sa 'og gi 'khor lo sku la bzhugs pa dang / ma mo bcu gnyis phyogs dang mtshams su bzhugs pa'o/ /de nas dbang bskur ba'i gsol ba btab la me long gi gi ngos la dri'i thig le dang me tog gi tshom bu bkod la sku khrus gsol zhing bdag la dbang bskur bar bya'o//de nas dkyil 'khor mchod par bya ba ni/ /gal te dngos grub mchog 'dod na/ /zhes bya ba la sogs pa gsungs te/ dri la sogs pa grangs brgya snyed kyis dpal ldan khrag 'thung gi dkyil 'khor gyi dpa' bo dang dpa' mo drug cu rtsa gnyis la mchod par bya'o//de nas bsod nams bsags pa'i rjes gzugs sdu gu dang sgra snyan pa la sogs pa la ro dang reg bya 'bul bar bya ba las tha mar reg bya bshad pa ni/ rgyal mtshan dmar dang de bzhin ser/ /zhes bya ba ste/ rgyal mtshan ni ro'i gos sam bdud rtsi lnga dang dur khrod kyi thal ba'i thig le byas pa'o//dmar ba ni gsung dang / ser ba ni ye shes kyi mkha' 'gro ma dang / dkar ba ni sku dang / nag po ni thugs dang / ser skya ni sgo ma rnams dang / sna tshogs pa'i mtshams kyi lha mo rnams dbul bar bya'o/ /dkyil 'khor gyi rdzas ni me tog gi phreng ba shar sngo ba dang /lho ser ba dang / nub dmar ba dang / byang ljang ba du ma dang / bla re dang / rdo rje rin po che dang pad+ma dang sna tshogs rdo rjes mtshan pa'o/ /bsrung ba'i rdzas ni dar dang bcas pa'i mda' shin tu mdzes pa dang / phur pa bcu dang /yungs kar dang gu gul dang bcas pa'o/ /nang gi sbyin sreg gi rdzas ni/ /de bzhin bza' ba btung ba yis/ /zhes bya ba gsungs te/ kha zas ro brgya pa dang rgun chang la sogs pa'o/ /mnyam par gzhag ste mchod par bya/ /zhes bya ba ni sgrub pa'i grogs po dang bcas pa tshogs kyi 'khor lo'i lhar bskyed la lag pa g.yas g.yon dgang gzar dang blugs gzar gyis lus kyi 'khor lo'i lha la mchod par bya'o//de'i don 'di skad ston pa yin te dang por re zhig nyi ma 'char kar dkyil 'khor nam mkhar bteg la ras bal gyi skud pa la dur khrod kyi thal bas byugs la legs par bsgril la dkyil 'khor gyi nyis 'gyur gyi tshad dang ldan pa la sboms su sgo'i nyi shu'i cha dang ldan pa khrag chen po dang bdud rtsi lnga dang ldan pa'i tshon sna lngar kha bsgyur ba la hUM oM trAM h+'+riH aHzhes bya ba bkod la zhal gcig phyag gnyis par bskyed la mig dang thig gi 'od zer gyis ye shes sems dpa' bcug la mchod pa lngas mchod la/gser la sogs pa'i snod du bzhag la oM badzra sU tra mA ti kra ma hUM zhes bya bas sngags brgya rtsa brgyad bzlas par bya'o/ / lha thams cad kyi sngags bzlas pa'i dri'i chus byugs pa'i dkyil 'khor gyi 'khor lo yi ge dzaHser po mig la bkod pa'i nyi ma dang zla ba so sor snang bas dbus dang sgo gnas gang du 'ong ba bltas la/ sgrub pa'i grogs mchog yi ge hUM dang sna'i dbugs kyis brngubs nas gsang ba'i rdo rje'i lam nas phyung la rdo rje hUM mdzad kyi gzugs kyis gzhag go//de'i lag par dzaHdzaHzhes bya bas thig skud gtad la slob dpon shar du kha bltas te slob mas drangs la nub tu kha bltas pas tshangs pa'i thig dang por gdab par bya'o//slob dpon byang du kha bltas te tshangs pa'i thig gnyis pa gdab par bya'o/ /slob dpon me ru gnas nas byang du bltas te shar gyi thig gdab par bya'o/ /slob dpon rlung du gnas nas lhor bltas te nub phyogs kyi thig gdab par bya'o/ /yang bskor nas de nyid du 'dug la shar du bltas nas byang du thig gdab par bya'o//me'i phyogs su 'dug ste nub tu bltas te lho'i thig gdab par bya'o/ /de bzhin du kha khyer dang mtshams kyi thig gdab par bya'o/ /tshangs pa'i thig nas brtsams te cha bcu bdun pany+tsa re khA'i rtseg pa dang /nyi shu pa la sgo 'gram gyi rtsig pa dang / rtsa gsum pa la ya phubs kyi rtsig pa dang / rtsa bzhi pa la bcu gcig rdo rje dang sum cu rtsa gnyis kyi bar gyis rta babs gdugs dang bcas pa rdzogs par bya'o/ /sgo 'khor lo'i brgyad cha la sgo'i dbus nas brtsams nas gsum pa dang lnga pa la sgo khyud dang logs kyi rtsig pa bya'o//de ltar zur bzhi pa'i thig rdzogs nas bdud rtsi 'khyil pa'i phur bu stod khro bo la smad rdo rje rtse gcig pa dbus su btab la de la srad bu nyis ldab tu btags nas tshangs pa'i thig nas brtsams te cha gsum ni pad+ma/ cha gcig ni gri gug gam rin po ches bskor ba'o//de'i phyi rol du cha gsum ni 'khor lo cha gcig rdo rje phreng bas bskor ba'o/ /de'i phyi rol du gsung gi 'khor lo cha gsum ni pad+mas bskor la/ de'i phyi rol du sku'i 'khor lo cha gsum ni 'khor lo'i phreng bas bskor ba'o/ /de'i phyi rol du rdo rje ra ba me 'od rim pa gnyis thams cad kyi mtha' nas bskor bar bya'o//de ltar thig btab nas bar chad kyi bgegs bzlog pa'i phyir phyogs skyong la phur bus btab la tshon dgye bar bya'o/ /yod cing 'byor na gser la sogs pa'i rin po che'am yang na bsres pa'am tshon rtsi las byas pa dur khrod du rus pa'i phye ma las dkar po'o//thal ba las nag po dang / so phag tshos pa dang ma tshos pa las dmar po dang ser po/ mi rus dang bsres pa'i ljang gu la rigs lnga'i sa bon bkod nas lhar bskyed de ye shes sems dpa' bcug ste mchod pa lngas mchod de/oM badzra tsi tra sa ma ye hUM zhes bya bas sngags brgya rtsa brgyad bzlas pas yi ge hiHdang bcas pas gzi byin bskyed par bya'o/ /de nas thog mar slob dpon gyis sgo rnams phye la 'khor lo bris nas dbus kyi phur bu'i bu ga bkang la dbang ldan gyi mtshams su tshon gyi pra brtags nas slob mas kyang ci bde bar bri bar bya'o//sngar bshad pa bzhin du 'khor lo lnga bkod la lha'i yig 'bru'am phyag mtshan nam sku phyag rgya chen por bkod de tshon sna lnga'i sa sngon po dang ser po dang dmar po dang ljang gu dang dkar po'i rim pas bris la 'dod yon gyis dmar po'o//rin chen pha gu dkar po/ dra ba dra phyed kyis nag po'o/ /shar du rta babs rdo rjes mtshan pa/ lhor rin po che/ nub tu pad+ma dang / byang du sna tshogs rdo rjes mtshan pa'i rta babs bri bar bya'o/ /de'i logs brgyad du sngar bstan pa bzhin du dur khrod brgyad bri bar bya'o//de nas dgongs ka'i dus su dkyil 'khor gyi sa gzhi kun du dris nye bar byugs la bum pa la sogs pa'i rdzas thams cad bsags te phur bu dang mda' la sogs pa bsrung ba'i rdzas rnams kyang bris te/ rdo rje slong ba'i phyag rgyas dkyil 'khor bslangs la so so'i snying pos lha rnams phab ste dkyil 'khor du zhugs nas de bzhin gshegs pa la phyag bya zhing khro bo'i bstod pas bstod de/bdud rtsi 'khyil ba'i sngags kyis bgegs bsal nas lhag pa dang ma tshang ba kha bskang ba'i phyir yi ge bdun zlos shing lan bdun bskor ba byas la/sngar ji skad bshad pa bzhin du/ gnas dang ldang ba nyid dang ni/ /'jug dang yongs su rdzogs pa dang / /byin gyis brlabs dang dbang bskur dang / /ting 'dzin mchod pa nye bar bsdu/ /zhes bya ba'i bar du byas la/mchod pa thams cad kyis yang dag par mchod nas sbyin sreg dang gtor ma yang bya'o/ /rgyas pa ni yid 'ong phreng bar blta bar bya'o/ /le'u gnyis pa'i rnam par bshad pa'o// //de ltar slob dpon gyi las rnams rdzogs nas/ da ni slob ma 'jug pa dang /dbang bskur ba'i cho ga bshad par bya ste/ de nas sgrub pos dngos kun gyis/ /zhes bya ba ni sgrub pa po ni lhag par gnas pa byas pa'i slob ma'o/ /dngos kun gyis zhes bya ba ni 'dod pa'i yon tan lnga'o/ /dang por slob dpon mnyes par bya/ /zhes bya ba ni slob dpon dang sgrub pa'i grogs po la 'dod pa'i yon tan lngas tshogs kyi 'khor lo bya'o//'grub 'dod shin tu mnyam gzhag pas/ /zhes bya ba ni slob ma sems rtse gcig pa dang bcas pa'o/ /ci nus pas ni bla ma mchod/ /ces bya ba ni 'dod pa'i yon tan lngas ci 'byor ba'i tshogs kyis mchod par bya'o//de ltar thog mar slob dpon mnyes par byas nas slob dpon gyis sgrub pa'i cho ga bya ba yin te/ dkyil 'khor bris pa'i nub mo de nyid gzugs rdo rje ma dang sgra rdo rje ma dang dri dang / ro dang reg bya rdo rje ma rnams kyis dkyil 'khor mchod par byas nas slob ma dbang bskur bar bya'o//de yang ji ltar bya zhe na/ dril sbyangs me tog spos kyis brgyan/ /zhes bya ba la sogs pa la 'dod pa'i yon tan lnga'i gzugs kyis mchod pa bya ba'am/ yang na snga ma de nyid slob dpon gyis las byas nas phyi de nyin slob ma 'jug par 'dod pas/gos dang phyag rgya lnga la sogs/ /shes rab yan lag phur bu 'dra/ /zhes bya ba gsungs pas/ shes rab kyi yan lag dang bcas pas bsgrub par bya ste/ bcu gnyis ma dang bcu drug ma dang nyi shu ma'i las kyi phyag rgya dang bcas pas tshad med pa dang /byin gyis brlab pa dang / bsrung ba dang stong pa nyid kyi rnal 'byor dang dang por sbyor ba dang dkyil 'khor rgyal mchog dang las kyi rgyal mchog bsgoms la slob ma la dbang bskur bar bya'o/ /de yang ji ltar bya zhe na/ dril sbyangs zhes bya ba ste dge bsnyen gyi sdom pa dang /byang chub sems dpa'i sdom pa byin nas sngags kyi lhar bskyed pa ni sbyangs pa'i lus lha mo bcu drug gi gnas su dri'i thig le byas te/ me tog sum cu rtsa drug bkod la spos kyis bdugs shing lus kyi 'khor lo'i lha yis brgyan par bya'o//shin tu sgra snyan zhes bya ba ni lo bcu drug ma ste gzugs yid du 'ong ba sgra snyan pa dri zhim po dang ro dang reg bya yid du 'ong ba dang ldan pas nye bar mi tshon pas na sgra snyan zhes bya'o/ /dril bu dkrol zhes bya ba ni a wa d+hU tI'i rtsa'i ming yin no/ /sgrub pa po yis rnga brdung zhing //zhes bya ba ni nyi shu ma ste longs spyod pa'i gzhir gyur pa'o/ /de rnams dang bsam gtan gyi bde ba dang zag med kyi bde ba skye bar bya'o/ /bying rmugs dang rgod pa byung na gnyen pos bzlog pa bzhin du dga' bral bu gyur na/ ha ha zhes ni brjod par bya/ / zhes bya ba ste rlung gi 'khrul 'khor gyen du bzlog pa'i thabs yin no/ /de ltar bsgrubs zin pa'i rjes la slob ma 'jug pa'i cho ga bstan pa ni/ de ltar cho ga bzhin dkyil 'khor/ /zhes bya ba gsungs te/ cho ga bzhin du lha drug cu rtsa gnyis bsgom pa'o//dkyil 'khor la 'dod pa'i yon tan kun dang ldan pas dkyil 'khor la mchod par bya'o/ /rdo rje slob dpon dkyil 'khor gyi nang na gnas bzhin du las kyi slob dpon gyis slob ma yol ba'i rgyab tu yi ge bdun pa bzlas pa'i smad g.yogs dang /hUM mdzad bzlas pa'i stod g.yogs dang / sgo ba bzhi bzlas pa'i gdong g.yogs dang / rdo rje gtsug tor bzlas pa'i ze'u ka bcings la snyim pa me tog gis bkang nas yol ba'i nang du bcug ste ka staM b+ho zhes dri bar bya'o/ /slob mas skal ba dang ldan pa bdag lags so zhes brjod par bya'o//de nas bdun rnam par dag pa byas la sdom pa bzung nas snying gar rdo rje bzhag nas byang chub tu sems bskyed de dpa' bo gcig pu'i lhar bskyed nas mchod de phyi rol gyi bum pa'i chus dbang bskur bar bya'o/ /de nas bskor ba byas nas kyang //zhes pas nang gi 'jug pa ston te lag na rdo rje thogs pa'i slob mas kA kA s+ye hUM dzaHzhes bya bas shar phyogs kyi sgo nas 'dug pa dang / de nas bskor la byang phyogs kyi sgo nas u lU kA s+ye hUM zhes pas gzhug pa dang / de nas bskor la nub phyogs kyi sgo nas oM shwa nA s+ye phaM zhes pas bcing pa dang /de nas bskor te lho phyogs kyi sgo nas oM sU ka rA s+ye ho zhes pas dbang du bya ba'o/ /de nas yang shar phyogs kyi sgo nas bcug la A khaM bI ra ho zhes smras nas slob ma nam mkha' dang mnyam pa'i dkyil 'khor du zhugs so zhes brjod du gzhug go//de nas lha'i dam tshig bsgrags pa dang slob dpon gyi dam tshig bsgrags pa ni/ kyang zhes bya ba'i don yin no/ /de'i rjes la ye shes dbab pa ni/ slob dpon shin tu mnyam gzhag pas/ /zhes bya ba smos te/ slob dpon shin tu sems rtse gcig pas sgo dbye ba'i phyag rgyas slob ma'i snying ga dang rang gi snying ga phye nas rang gi snying ga'i zag pa med pa'i rdo rje slob ma'i snying gar bcug la/lus kyi 'khrul 'khor dang ngag dang sems kyi 'khrul 'khor dang / rdzas kyi 'khrul 'khor gyis dbab par bya'o/ /ma babs na dbang bskur bar mi bya'o//grong khyer dam pa der gzhug bya/ /zhes bya ba ni sprul pa'i sku'i ye shes kyi lha de mthong bar gzhug par bya'o/ /ye shes babs nas sprul pa'i dkyil 'khor dam pa mthong bar gyur pa yin no/ /de ltar gsang ba'i dkyil 'khor du 'jug pa ston pa ni//lho'i phyogs su bsten nas su/ zhes bya ba ni slob dpon gyi g.yon ngos nas 'jug pa yin no/ /de la snyim pa me tog dor/ /zhes bya ba ni pra tIts+tsha ho zhes bya bas dor bar bya'o/ /gang gi steng du babs pa de blangs la pra ti grih+na s+t+waM i maM satwa ma hA ba la zhes bya bas bcing bar bya'o//de nas gdong g.yogs bkrol zhing de la rang gi rigs kyi dkyil 'khor gyi lha bstan par bya'o/ /de ltar phyi'i 'jug pa lnga dang nang gi 'jug pa brgyad byas nas de'i rjes la dbang bskur bar bya'o/ /de nas slob dpon legs par ni/ /mnyam par gzhag ste phyag rgyas mchod//ces pa ni oM sarba ta thA ga ta a nu rA ga Na badzra swa b+hA ba At+ma kou0f85haM zhes bya bas rjes su chags pa'i ting nge 'dzin bsgoms te/ rdo rje dang pad+ma byin gyis brlabs nas slob ma'i kha nas bcug nas slob ma yum gyi mkha' gsang nas bton nas dpa' b o gcig pu yab yum du bskyed de ye shes sems dpa' bcug nas go cha bskon nas chu dang cod pan dang rdo rje dang bdag po dang ming dang rdo rje brtul zhugs dang phyag mtshan gyi brtul zhugs dang /sngags kyi brtul zhugs dang mchod pa lnga'i brtul zhugs sbyin par bya'o/ / de nas slob ma phyir mi ldog pa'i dbang bskur bar bya'o/ /gsol ba 'debs su bcug la/ rdo rje slob dpon smad pa dang / /zhes bya ba bcu la sogs pa phas pham pa bcu bzhi byin nas seng ge'i khri'i kha la bzhag ste/ lha drug cu rtsa gnyis lus la bskyed de ye shes sems dpa' bcug pa dang go cha bskon la phyir mi ldog pa'i rnam par rgyal ba'i bum pas snga ma bzhin du chu dang cod pan dang rdo rje dang bdag po dang ming dang mig dbye ba spangs pa dang me long bstan pa dang ye shes dang mda' gzhu gtad pas sprul pa 'gyed pa'i sku dang /dril bu gsung dang /yang me long bstan pas thugs dang / rgyud thams cad kyi rjes su gnang ba rnam pa lnga dang / sku gsung thugs kyi rdo rje brtul zhugs dang / lung bstan pa dang / gzengs bstod pa dang / dbugs dbyung ba dang / rjes su gnang ba byin pa dang / yan lag bcu dang ldan pa ste/gzugs brnyan gyi dkyil 'khor la bum pa'i dbang bskur ba ni mnyam par gzhag pa ste/ phyag rgya mchod ces bya ba ni mdor bshad pa yin no/ /da ni lus kyi dkyil 'khor la gsang ba'i dbang bskur ba ni/ de nas slob ma phyi de nyin/ / zhes bya ba smos te rdul tshon gyi lha gshegs su gsol nas tshogs kyi 'khor lo la dbye ste/ gsang ba'i dbang bskur ba'i gsol ba slob mas btab nas/ khyod kyis srog chags gsad par bya/ /zhes bya ba'i sdom pa bzhi phog nas rgyud kyi rim pa dang sngags kyi rim pa dang ye shes kyi rim pa sgom du bcug nas/mtshal chen lan gsum bzlas pa yi/ /de la thig le bya ba yin/ /zhes bya ba ni gnas gsum du bdud rtsi lnga'i dri'i thig le byas la/ mtshal chen dang ldan pa'i byang chub kyi sems slob mas rdo rje'i rtse mo las sam pad+ma'i rtse mo las srin lag gis sam dung chos las blang bar bya'o//slob dpon gyis phyogs bcu'i sangs rgyas kyi zhal nas zhu ba'i thig le slob ma'i lce la phab nas ro rdo rje ma la dga' ba gsum gyi ting nge 'dzin bskyed pas bsam gtan gyi sdom pa dang / bzhi pa ro'i stong pa nyid shes pas zag pa med pa'i sdom pa bskyed nas ngo mtshar bde ba che zhes ched du brjod pa ched du brjod gzhug go//de nas de'i tshogs kyi 'khor lo byas la dkyil 'khor b+ha ga la shes rab ye shes kyi dbang bskur bar bya'o/ /pha ma'i thabs dang shes rab las sgyu ma lta bu'i lhar bskyed pas zla ba sa bcu dang /a haM 'don pa sngags dang / khru ma chos gos dang / thal mo sbyar ba'i phyag rgya dang / rgyu rkyen gyi tshogs pa las lhar bskyed do zhes me long gi gzugs brnyan bstan nas shes rab kyi dbang bskur ba'i gsol ba 'debs su bcug la/bla ma dang shes rab kyi zhabs la phyag 'tshal nas sdom pa dag kyang mnos te/ de yang bsnyen sgrub bzhis sbyangs pa'i rdzas dang me tog gi thig les brgyan pa'i las kyi phyag rgya dang snyoms par 'jug pa'i ched du gtad la 'byung ba bzhi'i dbus ma nam mkha'i rtsa dang reg par gyur pas reg bya stong pa nyid kyi ting nge 'dzin rtogs pa ni gdong phye dkyil 'khor bstan zhes bya ba yin no//gang gi lha gnas gang yin pa/ /zhes bya ba ni bde ba stong nyid zag med ni lha yin la/ de'i gnas ni dud can dang pad+ma can dang ri dgas can no//der de yang dag bstan par bya/ /zhes bya ba ni slob ma de bde ba stong pa nyid kyi tshogs pa de slob dpon gyi mngon sum gyi gzhan don gyi man ngag gis slob ma la nges pa skyes pa ni yang dag par bstan pa'o/ /slob ma shes rab ye shes kyi dbang bskur ba'i rjes la zhi gnas kyi sgo mo brgyad khri bzhi stong gi sgo nas lhag mthong stong pa nyid brgyad khri bzhi stong gi mngon sum gyi lam ston cing zhes brjod du gnang ba sbyin par bya'o//de nas nyi ma 'char kar slob dpon la yon dbul bar bya'o/ /de nas phyag 'tshal ba dang bskor ba byas la dkyil 'khor b+ha ga dang bla ma slob dpon la sngags dang phyag rgya'i cho gas phyag bya'o//de nas bla ma dag la yon/ /zhes bya ba ni go sla'o/ /de ltar nges par bya ba ni/ sgrub pa po yis rab mnyes bya/ /zhes pa dbang bskur ba nges par thob pa'i rjes thogs la nges par yon dbul bar bya'o//de nas dbang bskur ba'i phan yon bstan pa ni/ /de nas de la mkha' 'gro ma/ /zhes bya ba la sogs pa gsungs te/ mkha' 'gro ma sum cu rtsa gnyis dang / mkha' 'gro ma la sogs pa ye shes kyi lha mo bzhi dang / sgrub pa po lhan cig tu dga' ba bzhi'i ting nge 'dzin spyod pas 'gro ba thams cad zil gyis gnon par 'gyur ro//phan yon gnyis pa ni dbang bskur ba khyad par can 'di grub na 'jig rten gsum po thams cad kyi bar chad bya bar mi zlos shing mi snang ba dang / sa 'og tu 'gro ba dang / nam mkha' la rgyu ba dang / rkang mgyogs dang bcud len la sogs pa rnal 'byor pa 'dod pa tsam gyis dus thams cad du skye bar 'gyur ro/ /phan yon gsum pa ni gzugs du ma byed pa dang / nam mkha' la song nas mkha' 'gro ma rnams la bka' bsgo zhing chad pas bcad pa dang / phan 'dogs dag kyang bltas pa tsam gyis skad cig gis skyed par byed do//gal te dbang ma thob na des ci zhig tu 'gyur zhe na/ sngags pas dkyil 'khor ma mthong ba/ /zhes bya ba smos te/ dbang ma thob bzhin du bsgom bzlas byas kyang grub par mi 'gyur ba'i dpe gsungs pa ni/ sgra snyan pa 'byung du re bas nam mkha' la khu tshur brdeg pa dang smig rgyu'i chu 'thung ba bzhin no//rgyud sde thams cad las khyad par du gyur par bstan pa ni/ rnal 'byor 'di ni mchog rab dang / /zhes bya ba gsungs te/ 'khor lo bde mchog tu dbang thob na rgyud sde bzhi'i slob dpon du gyur pa dang /rgyud sde bzhi'i dngos grub tu rung ba yin te/ de yang lha la sogs pa drag po 'jigs byed nyi shu rtsa bzhi zil gyis gnon pas dgod pa dang blta ba dang lag bcangs dang 'khyud pa la sogs pa ni 'dir dbang bskur bar gyur pas thams cad kyi bdag por 'gyur ro//gzhan du dbang bskur bas bde mchog gi slob dpon du ci'i phyir mi 'gyur zhe na/ mngon sum gyi lam ston pa'i dkyil 'khor gyi mchog 'di ni sangs rgyas 'od srungs la sogs pa la yang ma byung la/ ma byon pa'i rgyal ba byams pa la sogs pa'i ring la yang 'byung bar mi 'gyur ro//de ltar na rgyud thams cad kyi don la bde mchog gi rgyud kyi don gyis khyab bam zhe na/ bshad dang ma bshad gang ci'ang rung / /de kun dpal ldan khrag 'thung gnas/ /zhes bya ba gsungs te/ rgyud sde bzhi bshad pa dang ma bshad pa'i 'khor lo bde mchog gi rgyud kyi don thams cad kyis brjod par bya ba ni sku gsum gyi rang bzhin dpal he ru ka brjod byar bstan pa yin no//le'u gsum pa'i rnam par bshad pa'o// //de ltar dbang bskur ba bshad nas/ da ni lha dgod pa bshad par bya ba ni/de nas rnal 'byor ma rnams kyis/ /sa la rnam par rol pa ste/ /zhes bya ba gsungs te/ rnal 'byor ma rnams ni sum cu rtsa bdun no/ /sa la rnam par rol pa ni dbang byas pa dang / longs spyad pa dang thim pa gsum gyis gdul bya 'dul ba'o/ /ci'i phyir lha dgod pa dbang bskur ba'i rjes la bshad ce na/rdul tshon gyi dkyil 'khor dang lus kyi dkyil 'khor dang b+ha ga'i dkyil 'khor gsum la thun mong du lha dgod par bshad pa yin/ /de rnams kyi mtshan nyid slob ma 'jug pa'i rim pa dang sbyar nas sku'i 'khor lo nas brtsams te thugs kyi 'khor lo'i bar du bstan pa yin/sku gsung thugs kyi dbus su gnas pa ni/ phyi rol ji ltar de bzhin nang / /zhes bya ba smos te/ phyi rol ni gzugs brnyan dang / nang ni lus dang / gsang ba ni b+ha ga'o/ /mkha' 'gro ma ni nyi shu rtsa bzhi zhes bya'o/ / sku gsung thugs kyi 'khor lo la gtso bor bstan pa yin no/ /'di dag sngon nyid grub pa yin/ /zhes bya ba ni dkyil 'khor gsum du dgod pa'i lha ni sngon nyid nas grub pa'i lha yin no zhes bya ba'i don to/ /de ltar lha dgod pa bstan nas de'i sngags bstan pa ni/ rang ming brjod pa'i sngags la ni/ /mthar ni hUM hUM phaT dang sbyar/ /zhes bya ba smos te/ dkyil 'khor gsum la lha dgod pa bzlas pa'i sngags so/ /rnal 'byor mchog ni 'di mthong na/ /zhes bya ba ni lha dpa' bo dang dpa' mo'i sngags 'di mthong na/ gzhan dag snying po med rtswar mtshungs//zhes bya ba gsungs te/ 'bras bu 'dod pas phub ma brdung ba bzhin no/ /oM ni thams cad gsal byed de/ /grub pa 'dod pa thams cad ster/ /zhes bya ba yin te/ dngos grub gsum ster zhes bya ba'i tha tshig go/ /de ltar lhar dgod pa'i bzlas pa dag gi phan yon gsungs pa ni/dpa' bo nyid 'gyur grub pa ni/ /zhes bya ba gsungs te/ mtshan ma thob pa'i bsnyen pa grub pa'o/ /khyim du dkyil 'khor mthong ba yin/ /zhes bya ba ni gzugs brnyan dang lus b+ha ga gsum rang gi gnas su mthong ba'o/ /de shes nas mngon sum gyi lam gyis rtag tu sgom pa ni gdon mi za bar 'grub par 'gyur ro zhes de bzhin gshegs pas gsungs so//'dis ni shugs la dpa' mo rnams kyi sngags btu ba yang bstan pa yin te/ yab yum gyi snying po dang / nye ba'i snying po bzhi dang / dpa' bo dang dpa' mo'i sngags dang / go cha'i sngags gnyis dang / rkang pa brgyad pa'i sngags gnyis dang / gnod mdzes dang bcu gcig la sngags btu ba'i thabs rnam pa bzhi yin te/ ming mtshan gyi dang po 'khrul 'khor gyi sgo nas btu ba dang / ming gi sgo nas btu ba dang /dbyangs dang gsal byed kyi sgo nas btu ba dang phyed btus pa'o/ /rtsa ba'i rgyud 'dir ni dpal mo rnams kyi sngags ming gis btus pa dang / rkang pa brgyad pa'i sngags dbyangs dang gsal byed kyis btus pa dang / go cha gnyis phyed btus pa ste bzhi 'dir btu ba bstan pa yin no//de la re zhig dang por dpa' mo rnams kyi sngags ming gis btu ba shugs la bstan no/ /le'u bzhi pa'i rnam par bshad pa'o// //de ltar le'u gsum gyis lha bsgom pa bshad nas bzlas pa'i sngags btu ba bstan pa ni dang por rtsa ba'i sngags btu ba bstan pa yin no//de la sngags btu ba'i gzhi ni/ de nas thams cad chos 'byung bar/ /sna tshogs lte bar mi shigs dge / zhes bya ba gsungs te/ sa'i phyogs cha mnyam par ba'i rnam lnga bdud rtsi lngas byugs la me tog sil ma bkram ste/chos 'byung gru gsum gyi dbus su pad+ma 'dab ma brgyad pa bris la de'i lte ba la mi shigs pa'i yi ge a dge ba bri bar bya'o/ /bris nas cho ga bzhin du sngags/ /chos kun gcig tu 'dus par bya/ /zhes bya ba ni yi ge thams cad kyi phyi ma dbyangs yig dang /gsal byed lnga bcu gsung gi chos gcig tu bsdus pa bri bar bya'o/ /btu ba'i don bstan pa ni 'dir sngags tshig 'di yin te/ A li kA li mnyam byas nas/ /zhes bya ba gsungs te/ pad+ma 'dab brgyad la A li gcig dang kA li bdun bdun bkod pas mnyam par 'gyur ro//bzhi bzhi ru ni shes byas la/ /zhes pa ni bzhi mnyam pa'i sde tshan brgyad de de btus pas ci zhig ce na/ 'dir don thams cad grub par byed pa ste/ sngags btu ba 'di la brten nas 'jig rten dang thun mong dang mchog gi dngos grub gsum skyed par mdzad de/de yang rdzogs pa'i rim pa lus kyi 'khor lo dang sbyar na sgra rang gi mtshan nyid bskyed pa'i rgyu lte ba sprul pa'i 'khor lo gru gsum gyi dbus na rtsa drug cu rtsa bzhi pad+ma'i lte ba 'dab ma brgyad pa de la A li'i nang du 'jug pa dang / kA li phyir rgyu ba'i rlung gis brgyan pa'i gnas de la slob dpon sems kyi rgyal pos rkan dang lkog ma la sogs pa gnas brgyad nas sngags kyi tshul du 'byung ba yin/chos 'byung gru gsum de yang lus kyi dkyil 'khor gyi dbus yin no/ /rkang pa rlung dang lte ba me dang lto ba chu dang snying ga sa dang mgo bo nam mkha'i dkyil 'khor gyi dbus na yan lag brgyad kyi rkang pa dang ldan pa'i dbus na sgo bzhi nye bar mtshon pa'i dkyil 'khor la sngags btu bar bya'o zhes bya ba shugs kyis ston pa yin no//de la btu ba'i thabs ni lnga pa'i lnga pa ni ma'o/ /lnga pa'i bzhi pa ni b+ha'o//dang po'i gsum pa ni ga'o/ /nyi shu rtsa dgu pa ni wa'o/ /bzhi pa'i dang po ni ta'o/ /mthar gnas pa'i bzhi pa ni wa'o/ /mthar gnas pa'i gnyis pa ni ra'o/ /sum cu pa ni sha'o/ /nyi shu drug pa ni ya'o/ /brgya'i phyed kyi phyed ni ma'o/ / sum cu rtsa gsum pa ni ha'o/ /dang po'i dang po ni ka'o/ /mthar gnas pa'i gsum pa ni la'o/ /dang po'i gsum pa ni ga'o/ /sum cu rtsa gnyis pa ni sa'o/ /bzhi pa'i lnga pa ni na'o/ /lnga pa'i bzhi pa ni b+ha'o/ /mthar gnas pa'i dang po ni ya'o/ /gnyis pa'i gsum pa ni dza'o//gsum pa'i dang po ni Ta'o/ /lnga pa'i lnga pa ni ma'o/ /dang po'i dang po ni ka'o/ /bcu gcig pa ni Ta'o/ /yi ge bcu drug pa ni ta'o/ /gsum pa'i dang po ni Ta'o/ /dang po'i dang po ni ka'o/ /gsum pa'i dang po ni Ta'o/ /nyi shu rtsa drug pa ni ya'o/ / bzhi pa'i gsum pa ni da'o/ /uSh+ma'i gnyis pa ni Sha'o/ /dang po'i dang po ni ka'o/ /rtsa bdun pa ni ra'o/ /dang po'i gsum pa ni ga'o/ /nyi shu rtsa brgyad pa ni la'o/ /lnga pa'i bzhi pa ni b+ha'o/ /sum cu rtsa gcig pa ni Sha'o/ /bco lnga pa ni Na'o/ /nyi shu rtsa lnga pa ni ma'o/ / dang po'i gnyis pa ni kha'o/ /nyi shu rtsa drug pa ni ya'o/ /sum cu rtsa gnyis pa ni sa'o/ /uSh+ma Sha'i mtha' ma ni ha'o/ /sum cu rtsa gnyis pa ni sa'o/ /lnga pa'i bzhi pa ni b+ha'o/ /gnyis pa'i gsum pa ni dza'o/ /lnga pa'i bzhi pa ni b+ha'o/ /uSh+ma Sha'i gsum pa ni sa'o/ / nyi shu rtsa bdun pa ni ra'o/ /an+ta s+tha'i dang po ni ya'o/ /nyi shu rtsa gcig pa ni pa'o/ /an+ta s+tha'i gnyis pa ni ra'o/ /sum cu rtsa gsum pa ni sa'o/ /de bzhin yi ge d+ha nyid dang / /zhes bya ba ni rang gi gzugs nyid bstan pa bcom ldan 'das kyi phyag rgya'i sa bon gsungs pa yin no//bzhi pa'i dang po ni ta'o/ /uSh+ma'i dang po ni sha'o/ /nyi shu rtsa brgyad pa ni la'o/ /dang po'i gnyis pa ni kha'o/ /bzhi pa'i bzhi pa ni d+ha'o/ /an+ta s+tha'i gnyis pa ni ra'o/ /gsum pa'i lnga pa ni Na'o/ /de'i 'og tu yi ge byA ni dpa' bo bshad pa'o//dang po'i bzhi pa ni g+ha'o/ /de nas de bzhin zhes bya ba ni dang po'o/ /nyid kyi sgras ni nges par gzung ba ste/ dang po'i sde tshan brgyad pa ni dza'o/ /yang na de bzhin du yang brgyad pa'o zhes gzhan du bshad do/ /bzhi pa'i lnga pa ni na'o/ /lnga pa'i lnga pa ni ma'o/ / nyi shu rtsa bdun pa ni ra'o/ /bzhi pa'i bzhi pa ni d+ha'o/ /nyi shu rtsa bdun pa ni ra'o/ /rtsa drug pa ni ya'o/ /rtsa lnga pa ni ma'o/ /sum cu rtsa gsum pa ni ha'o/ /bzhi pa'i bzhi pa ni d+ha'o/ /lnga pa'i lnga pa ni ma'o/ /bzhi pa'i bzhi pa ni d+ha'o/ /dang po'i dang po ni ka'o/ /rtsa bdun pa ni ra'o//mthar gnas pa'i bzhi pa ni wa'o/ /rtsa gcig pa ni pa'o/ /uSh+ma Sha'i gnyis pa ni Sha'o/ /nyi shu rtsa drug pa ni ya'o/ /de dag dpal he ru ka'i gsang sngags kyi rgyal po'o/ /ka ra ka ra zhes bya ba la sogs pa'i dpa' bo'i sngags ni nges brjod bla mar btu bar dgongs te/'dir ma gsungs sngags 'di ni kha sbyor gyi rgyud las rigs lnga'i he ru ka'i nang nas don yod grub pa he ru ka'i sngags yin te/ der sprul pa'i sku dpa' bo nyi shu rtsa bzhi char bgos nas sngags su byas pa la yin gyi rang rang gi sde sngags su byas pas ni khaN+Da ka pA la la sogs pa yin no//rkang pa brgyad pa dang sngags 'di bsdams pa la rtsa ba'i sngags zhes ming du 'dogs te/ de la yang rkang pa brgyad pa cha brgyad du ma bgos shing sngags 'di tshan nyi shu rtsa bzhir ma bgos pa'i thog ma oM gcig mtha' mar hUM hUM phaT gcig dang bcas pa las thams cad byed ces pa'i rtsa ba'i sngags yin la/rkang pa brgyad pa cha brgyad du bgos nas oM brgyad dang hUM hUM phaT brgyad dang bcas pa ni a tsa na man+da zhes bya ste mchod pa sprul pa'i sngags yin no/ /sngags 'di cha nyi shu rtsa bzhir bgos pa ni bstod pa dang bzlas pa'i sngags yin no//rig pa'i rgyal po'i gsang sngags te/ /zhes bya ba ni phan yon ston pa'o/ /'jig rten dang thun mong dang mchog gi dngos grub thams cad grub par yod pa dang / bya ba dang rnal 'byor gyi rgyud kyi sngags 'di mchog tu gyur pa gzhan na med pa'o//gzhan dag snying po med rtswar mtshungs/ /zhes bya ba ni zag pa med pa'i ye shes 'bebs pas na sems 'od gsal ba'i snang ba yin no zhes bya ba'i tha tshig go/ /le'u lnga pa'i rnam par bshad pa'o// //de ltar le'u lnga pas rtsa ba'i sngags btu ba bshad nas//go cha'i sngags btu ba bstan pa ni/ gzhan yang yi ge nyi shu gnyis/ /zhes bya ba smos te/ rgyud bla mar lha nyi shu rtsa gnyis kyi ming mtshan gyi dang po 'khrul 'khor gyi yi ge btu ba la dgongs nas 'dir ming tsam las ma gsungs so/ /snying po yi ge bdun nye snying / / zhes bya ba la snying po chos kyi sku ston pa yin la nye ba'i snying po ni longs spyod rdzogs pa'i sku ston pa yin no/ /rtsa ba'i sngags kyi yi ge sprul pa'i sku ston pa yin no/ /nye ba'i snying po ni rgyud bla mar lha bdun gyi yi ge btu ba'i 'khrul 'khor gyis bstan pas 'dir ming tsam las ma bstan pa yin no//snying po dang nye ba'i snying po gnyis kyi sngags dngos ni le'u brgyad pa las go bzlog nas ston pa yin no/ /go cha'i sngags phyed btu bar bya ba ni/ /ya tshogs brgyad pa'i sa bon dang / /zhes bya ba gsungs te/ ya nas bgrangs pa'i sde tshan brgyad pa ni ha'o//gug skyed bcu gnyis zhes pa ni dbyangs yig bcu gnyis dang sbyar bas ha bcu gnyis su 'gyur ro/ /yi ge bar ma dor byas pa ni ring po drug phyi ba'o/ /yan lag drug gi he ru ka/ zhes bya ba ni he ru ka drug gi sa bon ha thung ngu drug tu 'gyur pa la bya'o/ /dpa' bo drug dang mnyam sbyor ba//zhes bya ba ni sngags dang mnyam par sbyor ba ste/ de yang ji ltar yin zhe na/ oM ha snying gar/ na ma hi mgo bor/ swA hA hu spyi gtsug tu/ bau Sha Ta he phrag par/ hUM hUM ho mig tu/ phaT haM yan lag lnga la bkod pas dpa' bo drug gi snying por gyur pas na/yi ge gcig tu yang dag gnas/ /zhes bya ba ni sngags drug po dang sbyar bas na yang dag ldan zhes bya ba yin no/ /sgrub pos snying por shes par bya/ /zhes bya ba ni go cha'i snying por gyur pa'o/ /de yang las la sbyar ba'i tshe thams cad gsum du 'gyur te/bskyed pa'i rim pa lha'i skur bsgoms snying ga nas yan lag gi bar du go cha bgos nas bzlas pa bya ba ni man+t+ra ste sngags zhes bya'o/ /'khor lo rtsibs lnga la bkod nas 'khrul 'khor bcing ba ni yan+t+ra ste 'khrul 'khor zhes bya'o/ /thod par bskyed pa'i sa bon dang sman a go ta la sogs pas mtshon cha bzlog cing bsrung ba'i go cha'i las byed pas tan+t+ra ste sman gyi rgyud yin no//le'u drug pa'i rnam par bshad pa'o// //de ltar go cha'i sngags kyi phyed btu ba bshad nas/ rkang pa brgyad pa'i dbyangs dang sbyar bas bshad pa ni/de nas dbyangs yig bcu gsum pa/ /zhes bya ba la sogs pa gsungs so/ /de la dbyangs yig bcu gsum pa ni o'o/ /yi ge gnyis pa ni ma'o/ /dbyangs de yi ge dang sbyar bar bya ste de bzhin du gzhan yang sbyar bar bya'o/ /dbyangs kyi bcu gcig pa ni e'o//dbyangs yig bzhi pa ni I'o/ /yi ge bdun pa ni wa'o/ /dbyangs yig bcu gcig pa ni e'o/ /brgyad pa ni ra'o/ /dbyangs yig gnyis pa ni a'o/ /yi ge dgu pa ni sha'o/ /dbyangs yig gnyis pa ni A'o/ /bcu gnyis pa ni ha'o/ /yi ge nyi shu gsum pa ni gsal byed rtsa gsum pa ste 'di nyid du btus pa'o//de la dbyangs kyi yi ge gnyis pa ni A'o/ /de dang ldan pa ni bcu bzhi pa ste yi ge la dang sbyar bar bya'o/ /yi ge bco lnga pa ni ga ste gsal byed bco lnga pa'o/ /yi ge nyi shu pa ni na dang ldan pa ste dbyangs yig gsum pa i dang sbyar bar bya'o//dbyangs yig bco lnga pa ni aM ngo / /bcu drug pa ni sa'o/ /yi ge aM gis mdzes pa ni saM mo/ /dbyangs yig gsum pa i dang ldan pa ni bcu bdun pa ste na'o/ /dbyangs yig gnyis pa ni A ste des gtso bo brgyad pa b+ha dang sbyar ba'o//dbyangs yig gnyis pa A dang ldan pa'i yi ge nyi shu rtsa gcig pa ni Ta'o/ /dbyangs yig lnga pa ni u'o/ /de dang ldan pa'i yi ge nyi shu rtsa gnyis pa ni ma'o/ /dbyangs yig bcu gsum pa ni o'o/ /de dang ldan pa'i rtsa bzhi pa ni ta'o/ /sde tshan dang po ni ka'o//de blangs nas nyi shu lnga pa ni ha dang sbyar bar bya'o/ /sde tshan gsum pa'i dang po ni Ta ste de la dbyangs yig gnyis pa ni dbye bar bya'o/ /nyi shu rtsa brgyad pa ni da'o/ /de bco lnga pa ste oM gyi mgor sbyar bar bya'o/ /gsum pa'i dang po ste 'og tu ra dang bcas pa dbyangs yig gnyis pa A dang ldan pa la yi ge nyi shu pa Sha dang sbyar ba'o//sum cu rtsa gcig pa ni ra ste dbyangs yig gnyis pa A dang sbyar bar bya'o/ /yi ge sum cu rtsa gnyis pa ni la'o/ /bcu gsum pa ni o ste de dang ldan par bya'o/ /yi ge sum cu rtsa gsum pa ste ga ni nyi ma dang baM de dang ldan par bya'o//phyi mo bzhi pa ni I ste yi ge nyi shu rtsa bzhi pa b+ha dang ldan par bya'o/ /phyi mo lnga pa ni u'o/ /sum cu rtsa bdun pa ni ma ste de dang sbyar ba'o/ /sum cu rtsa brgyad pa ni kha ste dbyangs yig gnyis pa A dang sbyar bar bya'o/ /bzhi bcu rtsa gnyis pa ni sa ste 'og tu sbyar bar bya'o//bzhi bcu rtsa gsum pa ni b+ha ste yi ge lnga pa u dang sbyar bar bya'o/ /bzhi bcu rtsa lnga pa ni ba ste dbyangs yig gnyis pa A dang sbyar bar bya'o/ /dbyangs yig lnga pa ni u ste bzhi bcu rtsa dgu pa sa dang sbyar bar bya'o/ /bzhi bcu rtsa bdun pa ni ra ste dbyangs yig gnyis pa A dang sbyar bar bya'o//lnga bcu rtsa gcig pa ni sha ste dbyangs yig drug pa U dang sbyar bar bya'o/ /lnga bcu rtsa gnyis pa ni ba ste dbyangs yig gnyis pa A dang sbyar bar bya'o/ /lnga bcu rtsa gsum pa ni sha ste dbyangs yig bcu gsum pa oM dang sbyar bar bya'o//lnga bcu rtsa dgu pa ni sha ste dbyangs yig drug pa U dang sbyar bar bya'o/ /mthar gnas pa'i bzhi pa ni wa ste dbyangs yig gnyis pa A dang sbyar bar bya'o/ /dbyangs yig bco lnga pa aM dang ldan zhing lnga bcu rtsa dgu pa ha dang sbyar bar bya'o//drug cu rtsa gcig pa ni d+ha ste dbyangs yig gnyis pa A dang ldan par bya'o/ /drug cu rtsa gnyis pa ni ra ste dbyangs yig gsum pa i dang sbyar bar bya'o/ /drug cu rtsa gsum pa ni na ste dbyangs yig bcu gcig pa e dang sbyar bar bya'o/ /drug cu rtsa bzhi pa ni wa ste dbyangs yig gnyis pa A dang sbyar bar bya'o//drug cu rtsa lnga pa ni g+ha'o/ /rdo rje sems dpa' ni ra ste de dang ldan par bya'o/ /drug cu rtsa drug pa ni dza ste dbyangs yig gsum pa i dang sbyar bar bya'o/ /drug cu rtsa bdun pa ni na ste dbyangs yig gnyis pa A dang sbyar bar bya'o//yi ge drug cu rtsa brgyad pa ni ma ste ba dang sbyar bar bya'o/ /bdun cu rtsa bzhi pa ni ha ste gnyis ka la dbyangs yig gnyis pa ste A dang sbyar bar bya'o/ /bdun cu rtsa lnga pa ni de ste dbyangs yig drug pa U dang sbyar bar bya'o/ /bdun cu rtsa dgu pa ni ma ste dbyangs yig gnyis pa dang ldan zhing ra dang ldan par bya'o//bdun cu rtsa bdun pa ni na ste ta dang ldan par bya'o/ /bdun cu rtsa brgyad pa ni ka ste dbyangs yig gnyis pa dang ldan par bya'o/ /yi ge brgyad cu rtsa bzhi pa ni ma ste dbyangs yig bzhi pa'i mtha' dang sbyar bar bya'o/ /brgyad cu rtsa gnyis pa ni sha ste dbyangs yig gnyis pa A dang sbyar bar bya'o//tshig re re la yang oM dang tha mar hUM hUM phaT dang sbyar ba ni rtsa ba'i sngags su gyur pas mkhas pas shes par bya'o/ /dngos grub kun gyi gnas yin zhing / /zhes bya ba ni gang zag 'ba' zhig bsgom pa dang bzlas pa'i sgo nas dngos grub tu 'gyur ba dang /'khrul 'khor gyi sgo nas dngos grub tu 'gyur ba dang / sman gyi tshogs pas dngos grub tu 'gyur bas na gnas yin zhing zhes bya'o/ /mkha' 'gro'i snying ni 'joms pa yin/ /zhes bya ba ni sngags brjod nas bka' bsgo ba tsam gyis ji skad smras pa bzhin du byed pas ni snying 'joms pa'o//dpal ldan khrag 'thung lha rig rgyal/ /bklags pas grub pa don yod pa/ /zhes bya ba ni ye shes babs pa la slob dpon gyis sngags kyi gnang ba byin nas bzlas mi dgos pa dngos grub yin no/ /oM dang por sbyar zhing hUM phaT tha mar sbyar ba ni go sla'o//'di ni rtsa ba'i gsang sngags te/ sgrub po thams cad sgrub byed yin/ /zhes bya ba ni gang dang gang sgrub pa'i cho ga de la the tshom med par gyur pa bsnan nas sgrub byed yin no/ /bsnan pa'i don ni 'di lta ste/ klung ni rgyun las bzlog kyang srid la//nyi ma dang zla bas la lhung yang srid de gsang sngags 'di yis mi 'grub par yang mi srid do/ /le'u bdun pa'i rnam par bshad pa'o// //de ltar rtsa ba'i sngags btu ba bstan nas/ da ni go cha'i mkha' 'gro ma'i sngags btu ba bstan par bya'o//de nas rang gi bdag nyid kyi/ /zhes bya ba ni bcom ldan 'das nyid kyi sku gsung thugs kyi snying po yin pas na rang gi bdag nyid kyang ngo / /dpa' bo thams cad mnyam sbyor ba/ /mkha' 'gro ma yi dra ba yi/ /'khor lo bde mchog yin par 'dod/ / ces bya ba ni sku rtsa ba'i dra ba'i bde mchog dang / gsung mkha' 'gro dra ba'i bde mchog dang / thugs sgyu ma lta bu dang stong pa nyid kyi bde mchog gsum ston par byed pa'i snying po ni dbang dang mngon spyod la bzlog nas bzlas pa dang zhi ba dang rgyas pa la lugs su 'byung ba ltar zlos pa'i snying po'i dang po'i yi ge oM ni rtsa'i 'khor lo'i sku'o//shrI ni rtsa'i 'khor lo'i gsung ngo / /badzra ni rtsa'i 'khor lo'i thugs so/ /he he ni gsung gi 'khor lo'i sku'o/ /ru ru ni gsung gi 'khor lo'i gsung ngo / /kaM ni gsung gi 'khor lo'i thugs so/ /hUM ni thugs kyi 'khor lo'i sku'o//hUM gnyis pa ni thugs kyi gsung ngo / /phaT ni thugs kyi thugs so/ /tshig lhag ma ni bde mchog ston pa yin no/ /ma byung 'byung bar mi 'gyur ro/ /zhes bya ba ni 'og min gyi pho brang na sangs rgyas dang byang chub sems dpa' rnams la dus thams cad du ston pa yin yang 'dzam bu'i gling du sngar ma byung zhing phyis 'byung bar mi 'gyur ba'o//nye ba'i snying po yi ge bdun ni sa bcu gcig pa'i yan lag bdun gyis chos kyi 'khor lo bskor bar ston to/ /yum gyi nye ba'i snying po gnyis pa 'di dang rnal 'byor ma drug gi ming gi yi ge dang po dang sbyar nas rnal 'byor ma drug gi go cha'i sngags su 'gyur ro//de la sngags kyi yi ge oM dang phag mo'i ming mtshan gyi dang po baM dang / yi ge gnyis pa haM dang gshin rje ma'i ming mtshan gyi dang po oM dang yi ge gnyis pa hriM dang / rmongs byed ma'i ming gi dang po maM dang yi ge bzhi pa hreM dang /skyed byed ma'i ming gi dang po hriM dang / sngags kyi lnga pa hUM dang / skrag byed ma'i ming gi dang po hUM dang / sngags kyi phaT dang / gtum mo'i ming gi dang po phaT dang / sngags kyi drug pa phaT dang sbyar ba ni rnal 'byor ma drug gi sngags so/ /de ltar na yum gyi nye ba'i snying po gnyis pa dang rnal 'byor ma'i ming drug gi phyed btus pa yin no//rnal 'byor ma'i snying po yi ge bcu gsum pa ni rang don chos kyi sku ston pa yin la/ nye ba'i snying po ni gzhan don gzugs kyi sku ston pa yin no/ /ma byung 'byung bar mi 'gyur ro//zhes bya ba ni sngar bshad zin to/ /sa stengs na ni rin chen bzhi/ /zhes bya ba ni yab yum gyi snying po dang nye ba'i snying po bzhi ste rang dang gzhan gyi don rdzogs pas rin po che dang 'dra ba'i phyir ro/ /he ru ka 'byung ba las sangs rgyas dkon mchog gi snying po chos dkon mchog yin pas na rin po che zhes gsungs so//phreng ba'i sngags kyi dam pa yin/ /zhes bya ba ni sngags bzlas nas bsgrub po zhes bya ba'i tha tshig go/ /rig pa'i rgyal po he ru ka/ /zhes bya ba ni gsungs/ sems 'od gsal ba'i rang bzhin gyi sngags yin no zhes ston pa yin te/ 'dus pa'i rgyud phyi ma las/ye shes lnga yi ngo bo nyid/ /'byung ba lnga yi rang bzhin dbugs/ /zhes gsungs pa'i phyir ro/ /le'u brgyad pa'i rnam par bshad pa'o// //de ltar sngags btus pas yi ge kun tshogs par gyur nas bzlas pa mtshan ma thob pa dang / sngar bshad pa'i dkyil 'khor nyid la dngos grub bsgrub pa'am/rkang pa brgyad las 'khrul 'khor bris nas bsgrub pa'am/ sman gyi tshogs las bsgrub pa yin pas de nas rtsa ba'i sngags kyis zhes bya ba la sogs pa gsungs te/ lam mchog rim pa bzhin du zhes bya ba ni 'jig rten dang thun mong dang mchog gi rim pa'o//de ni rnam par bshad par bya/ /zhes bya ba ni las lnga bcu par phye nas so/ /'jig rten gsum gang yod pa rnams/ /zhes bya ba ni dngos grub gsum mo/ /thams cad skad cig gis 'grub 'gyur//zhes bya ba ni man+t+ra dang tan+t+ra dang yan+t+ras myur du grub par 'gyur ba'o/ /las rnams thams cad byed pa'o/ /zhes bya ba ni gzhan gyi don du phrin las byed pa'o/ /de ltar mdor bstan nas rgyas par bshad pa ni/ lha thams cad dang zhes bya ba la sogs pa smos pa ste/sngon bcom ldan 'das kyis gnod sbyin dang klu dang srin po dang lha ma yin la dbang byas pa dang longs spyod pa dang thim pa bzhin du lha thams cad la bsgom pa dang bzlas pas bka' bsgos nas zhi rgyas dbang dang mngon spyod kyi phrin las byed pa'am/ gang zag 'ba' zhig 'khrul 'khor dang gnyis kas byed pa'am/gang zag la las sman dang gsum kas byed pa'am so sor grub pa yang srid do/ /de la lha thams cad dran pa tsam gyis gsod pa ni rkang pa brgyad pa'i sngags kyi tha mar mA ra ya phaT ces bya ba mtshan thog thag bzlas so/ / klu la sogs pa thams cad kyang de bzhin du 'gyur ba yin no/ /gnod sbyin dang dri za rnams la yang de nyid kyis 'gyur ro/ /gal te thams cad la thugs kyi 'khor lo'i bdag po bsgoms na rkang pa brgyad pa bzlas pas so/ /gnod sbyin dang srin po thams cad la gsung gi 'khor lo rkang pa brgyad pa bzlas pas so//klu dang lha ma yin thams cad la sku'i 'khor lo nam mkha' lding gi gdong can bsgoms nas rkang pa brgyad pa bzlas pas so/ /sprin thams cad dran pa tsam gyis rlog par byed ces bya'o/ /rgyud bla ma las gsungs pa'i klu brgyad 'dul ba'i cho ga ste chu bo dang /rgya mtsho dang / khron pa dang / rdzing bu'i 'gram rnams su klu brgyad kyi dkyil 'khor bri bar bya ste/ pad+ma 'dab ma brgyad pa bris la shar gyi 'dab ma la mtha' yas/ byang du nor rgyas/ nub tu 'jog po/lhor pad+ma/ dbang ldan du pad+ma chen po/ me mtshams su dung skyong / bden bral du stobs kyi rgyu/ rlung gi mtshams su ma dros pa/ dkar ba dang / sngo ba dang / dmar ba dang / ljang ba dang / ser ba dang / dud ka dang / ljang ba dang ser skya de dag kyang rin po che'i cod pan dang sbrul mgo'i gdeng ka dang ldan pa'o//klu brgyad thal mo sbyar ba'o/ /de'i lte ba'i dbus su bcom ldan 'das nam mkha' lding gi gdong can zhal mche ba gtsigs shing zhal bzhi pa phyag brgyad pa lnga pa bya khyung gi zhal ni dmar po nyi ma bcu gnyis kyi gzi brjid can phyag dang po gnyis kyis rdo rje bsnams shing sdigs mdzub mdzad pa/gzhan gnyis kyis klu'i dbang po'i pags pa bsnams pa/ gsum pa gnyis kyis lcags kyu dang kha T+wAM ga bsnams pa/ bzhi pa gnyis kyis mdung dang cang te'u 'dzin pa'o/ /zhabs bzhis chu lha khyo shugs dang klu brgyad kyi mjug ma gnon pa bris la de'i mdun du rnal 'byor pa blo gros chen pos de dang 'dra ba'i bcom ldan 'das bya khyung chen po bsgoms la bris pa'i dkyil 'khor gyi mdun du bsnyen pa 'bum bya'o//des mtshan ma byung ba dang las la sbyar ba'i phyir 'o ma'i sbyin sreg 'bum phul bas sprin thams cad 'jig par byed cing char 'bebs par byed pa dang char zlog pa yang byed do//yang na rkang pa brgyad pa'i 'khrul 'khor bya ste/ sngar bshad pa'i klu brgyad kyi 'khor lo gro ga'am ras dkar po la bris la phyi rol nas 'khor lo gsum gyis bskor zhing dug dang lan tshwa dang /ske tshe dang tsha ba gsum dang dur khrod kyi sol bas snag tsha byas nas dpa' bo dang dpa' mo thams cad kyi sngags bris la klu brgyad kyi snying gar hUM nAM hUM zhes bya ba dang / lte bar bcom ldan 'das kyi skyin par hUM nAM hUM sarba nA ga baR+Sha ma na yaSh+Thi shI g+h+raM phaT ces bya ba bris pa'i 'khrul 'khor grog mkhar gyi sa dang ba'i rnam lnga bsres pa las nor rgyas kyi gzugs gdengs ka bdun dang ldan pa mtho gang gi tshad tsam byas la de'i snying gar bcug ste/dgug pa la sogs pa'i cho ga byas nas ka ra bI ra'i lcug mas bkab ste gu gul gyi dud pas bdug cing rgyun mi 'chad par chu'i khrus bya'o//de ltar byas na char 'bab par 'gyur ba dang ma babs na nyi ma bdun pa la lus dum bur byas nas bum par bcug nas chu bor bsgyur na char 'bab par 'gyur ro/ /zlog par byed na snga ma bzhin du 'khrul 'khor bris la nor rgyas kyi gzugs brnyan gyi snying gar bcug ste yungs kar gyis brdegs pa'am/yang na rdo rje 'dzin pa la phul ba'i me tog rnying pa gu gul dang bsres pa'i bdug pas rtsa ba'i sngags zlos shing nam mkha' la bdugs na zlog par byed do/ /rgya mtsho skems par byed do zhes bya ba klu brgyad gnon pa'i zhal lnga pa mkha' lding gi he ru ka bsgoms na mtshan ma byung ba dang /rgya mtsho chen po'i dbus su 'dug par bsams la nyi ma bcu gnyis kyi gzi brjid dang ldan pas gdon mi za bar skems par byed do/ /kha T+wAM ga'i thod pa la pad+ma 'dab ma brgyad pa re re zhing rkang pa brgyad pa'i sngags bris la chu bo la kha T+wAM gas bsnun na rgyun phyogs las zlog par byed do//dpa' bo zlog par byed do zhes bya ba ni thog babs pa ste lag pa g.yon pa'i mthil du rkang pa brgyad pa'i 'khrul 'khor bsgoms nas sdigs mdzub byas na rdo rje'i thog zlog par byed do//sa g.yo ba zhes bya ba ni bcom ldan 'das zhal bzhi pa/ phyag bcu gnyis pa bsgoms nas tri shU la rtse gsum pa sa la bsnun na g.yo bar byed do/ /shing la 'dzegs te gang du 'dod pa der 'gro bar 'gyur ro zhes bya ba ni sngon du bsnyen pas mtshan ma thob pa dang rkang pa brgyad pa'i 'khru 'khor rkang pa gnyis la bsgoms te/nam mkha' la skas gdang gi phreng ba yod par bsgoms nas 'dzegs na gar 'dod pa der 'gro'o/ /sngags 'phrog par byed ces pa ni rang la byad byed pa'i sngags kyi 'khrul 'khor gyi steng du rkang pa brgyad pa'i 'khrul 'khor dug dang khrag dang /lan tshwa dang ske tshes bris la mnan nas ri rab dang gser gyi sa gzhis kyang mnan na sngags 'phrog par byed do/ /dngos grub thams cad 'phrog pa ni sngar bsnyen pa 'bum byas la mtshan ma thob pa dang /dngos grub 'dod pa'i gzugs brnyan byas la de'i snying gar rkang pa brgyad pa'i 'khrul 'khor bcug nas sbyin sreg bya ba'am chu bor dor ba'am sa 'og tu gzhug par bya'o/ /khrag 'dren par byed na zhes bya ba ni spra tshil gyi ling+ga sor brgyad pa byas la de'i snying gar rkang pa brgyad pa'i 'khrul 'khor khrag dang bcas pa gzhug par bya zhing gsar ba'i gnas su zangs ma'i mo khab btsugs na khrag 'dren par byed do//slar 'o mas bkrus na 'tsho bar 'gyur ro/ /gzugs brgya stong phrag du mar byed do zhes bya ba ni rdo rje mkha' 'gro las sman gyi rgyud bshad par bya ste/mi'i thod par e raN+Da dang smyo byed kyi sa bon btab la bkang ste bskyed nas smin pa dang mar gyi ngo'i nyi shu dgu la dmangs rigs kyi bud med kyi khrag dang bdud rtsi lngas de'i 'bras bu smin pa na bsgos te/ srog chags gang yang rung ba'i spu dang skud pa byas la srog chags de'i mgul du btags na de'i gzugs su 'gyur ro//'dod na snang bar 'gyur zhing mi 'dod na mi snang bar 'gyur ro zhes bya ba ni gser shing gi sa bon blangs la nyi shu dgu la khra'i thod pa'i nang du sbrul nag po'i zhag gis bsgos te bskyed la smin pa dang blangs la gang gi mgul du bcings na de mi snang bar 'gyur zhing bkrol na snang bar 'gyur ro//khang bzangs dang shing gi rtse mo la sogs pa phye mar byed do zhes bya ba ni zhal bzhi phyag bcu gnyis pa'i bde mchog bsgoms nas dgra sta la yi ge rkang pa brgyad pa'i 'khrul 'khor bris te bsnun na phye mar 'gyur ro//dug bdud rtsir byed pa ni lag pa g.yon pa'i mthil du zla ba'i dkyil 'khor gyi steng du rkang pa brgyad pa'i 'khor lo bkod nas sna bu ga g.yon pa'i rlung gi sreg na dgu bdud rtsir byed do/ /bdud rtsi dug tu byed pa ni sgyur ba'am kha ba'i sa bon blangs nas sbrul nag po'i zhag gis byugs te gza' mig dmar gyi zhag la lam gyi bzhi mdor sbrul gyi thod pa yang bkang ste bskyed la de'i khu bas dpral bar thig le byas na bza' btung la bltas pa tsam gyis dug tu 'gyur ro//zla ba chur byed pa ni sman arka'i me sbar la pad+ma'i snal ma'i phye ma dang 'o mas lan mang du byugs te sbyin sreg phul ba'i thal bas tsitra ka'i khu ba dang sbrus te ri lu grib ma la bskams te sog ma'i nang du bcug la chang gi snod du blugs na 'o ma lta bu'i kha dog tu 'gyur ro//ku su ma'i phye ma dang 'dzam bu ra'i 'bras bu'i khu ba dang 'o ma'i nang du blugs na chang 'dra bar 'gyur ro//ro 'phrog pa ni tsher ma dang bcas pa'i shing ka rany+dza'i phye ma dang na rang ga'i shun pa'i phye ma dang bsres pa'i phye mas bdugs na dri 'phrog par byed do/ /gang du 'dod pa der thob par byed do zhes bya ba ni ka rany+dza dang na rang ga'i phye mas gu gul dang bsres pas gla rtsi la bdugs na gu gul gyi dri bro bar 'gyur ro//gla rtsi dang bsres pas gu gul la bdugs na gla rtsi'i dri bro bar 'gyur ro/ /nam mkha' lding gi mdog gis 'gro ba 'byin par byed/ /ces bya ba ni yan+t+ra dang tan+t+ra spangs pa'i ting nge 'dzin thams cad brtan pa yin te nam mkha' lding gi mdog ni gsang ba'i rdo rje'o//'gro ba 'byin pa ni khu ba gyen du bzlog pa'o/ /shi ba'i dus kyi lha mo dang kun spyod/ /ces bya ba ni byang chub kyi sems mi nyams pa'i bde ba thob pa'o/ /de ltar bsam gtan gyi bde ba'i ting nge 'dzin thob na mi'i mchog de'i dngos grub snga ma thams cad kyi dpal sus kyang 'phrog par mi nus so//rnam pa de lta bu dang ldan pa'i dngos grub ces bya ba ni byang chub kyi sems dga' bral du mi gtong ba'i ting nge 'dzin yod na dngos grub thams cad 'bras bu dang bcas par 'gyur ro//dran pa tsam gyis gsod par byed de zhes bya ba ni ras sam shing shun la nyi ma'i dkyil 'khor gyi dbus su rkang pa brgyad pa'i 'khrul 'khor bris la dur khrod kyi thal ba dang sol ba las gzugs brnyan byas te/ snying gar bcug nas bsgrub bya bkug cing mi rus kyi phur bus snying gar btab nas chu tshan blugs te dur khrod kyi sar sbas na nyi ma bdun gyis gsod par byed do//spra tshil gyi dbus su mu zi dang me shel bcug la tshon sna lnga'i skud pas dkris te lan stong phrag gcig tu bskor nas 'phangs na gnas der me skyed par byed do//sa bon rnam par 'joms pa zhes bya ba ni til gyi mar gyis bskus la rdo rje rtse gcig pa la rkang pa brgyad pa stong rtsa brgyad bzlas nas bsnun na 'joms par byed do/ /ser ba 'be+eb pa ni sgra gcan 'dzin rgyu ba'i dus su rkang pa brgyad pa stong rtsa brgyad bzlas pa'i khrag gi thod pa me la blugs na ser ba 'bebs so//mdung rtse gsum pa la stong rtsa brgyad bzlas nas spyi bo la bskor na ser ba zlog par byed do/ /lha thams cad kyi gzugs brnyan gar byed du gzhug pa ni rkang pa brgyad pa'i 'khrul 'khor lha rnams kyi snying gar bcug la 'od ma'i gzhu la ka ra bI ra'i lcug ma'i mda' mtshal chen gyis bskus la thugs kar 'phangs na lha'i gzugs brnyan gar byed par 'gyur ro//thod pa sha med par btogs pa la srin lag g.yon pa'i khrag gis gzugs brnyan bris la gang gi ming dang spel ba de'i snying gar 'khrul 'khor bris la ming nas bzung ste lan re zhing rkang pa brgyad pa dang spel nas bzlas shing khrag dang mnyes na mod la 'chi bar 'gyur ro//sa ma lus pa rnams la longs spyod ces bya ba ni ba lang gi sha dang bcas pa la rkang pa brgyad pa'i sngags stong rtsa brgyad zlos shing sbyin sreg byas na rgyal srid thob par 'gyur ro//'dod na sdud par 'gyur zhes bya ba ni 'dod pa'i longs spyod kyis skyon zhi ba'i sbyin sreg gis rgyal srid kyi g.yeng ba sdud par 'gyur ro/ /de la spyod pa ji lta bus bya zhe na/ bcom ldan 'das kyi rkang pa brgyad pa 'di zlos pa'i tshe brtul zhugs mi dgos spyod pa dang /smyung ba mi dgos cho ga thams cad ci bde bas las byas na 'grub par 'gyur ro/ /gal te khros pas lan cig bzlas pas 'tsho bar 'gyur ro zhes bya ba ni dur khrod kyi ras la mi rus kyi smyu gus dug dang dur khrod kyi sol ba'i khu bas 'khrul 'khor bris la dbus su mA ra ya phaT ces bya ba bri bar bya'o//de nas bsnyen pa 'bum byas la dug dang khrag dang ske tshe dang / lan tshwa dang yungs kar dang rkang rjes dang bsres pa las byas pa'i ling+ga'i snying gar bcug nas las la sbyar ba'i tshe lan cig bzlas na 'chi bar 'gyur zhing / 'o mas bkrus na 'tsho bar 'gyur ro//dur khrod kyi sol ba la lan cig bzlas pa byas zhes bya ba ni nyi shu rtsa bzhi dang dgu la ro bsregs pa'i me la shing arka bsregs la da du ra'i khu bas me bsad la dug dang lan tshwa dang bcas pa'i sol ba'i khu ba mi rus kyi smyu gus nyi ma'i dkyil 'khor kyi dbus su rkang pa brgyad pa'i 'khrul 'khor bris la dur khrod kyi thal ba las byas pa'i gzugs brnyan sor brgyad pa'i snying gar ming dang spel ba'i 'khrul 'khor bcug nas dgug pa la sogs pa byas nas gu gul gyis bdug cing dur khrod kyi sol ba'i sta re byas te ling+ga gtubs na de'i mod la ltung bar 'gyur zhing 'chi bar 'gyur ro//dur khrod kyi thal ba la sngags bzlas te bsnun na de'i mod la sha zas gzung bar 'gyur ro/ /dur khrod kyi sol ba la sngags lan cig bzlas nas zhes bya ba ni sngar bstan pa'i shing arka'i thal ba nyi shu rtsa dgu'i mtshan mo spang leb bam rtsig pa la gza' chen po brgyad bris la snying ga'i dbus su bsgrub bya'i ming dang spel ba'i 'khrul 'khor bcug la bdud rtsi lnga'i dud pas bdug cing sngags bzlas na gza' chen po brgyad kyis gdon mi za bar gzung bar 'gyur ro//'o mas bkrus na slar 'tsho bar 'gyur ro//a ti muk+ta ka'i lcug ma la lan cig bzlas pa zhes bya ba ni tsan+dan dmar po'i ri lu byas pa'i bsgrub bya'i gzugs brnyan gyi snying gar dur khrod kyi ras la ro'i sen rtsi dang gi wang gis zla ba'i dkyil 'khor gyi dbus su 'khrul 'khor bris la bcug nas dgug pa la sogs pa byas te dri'i chus sku khrus gsol zhing a ti muk+ta ka'i lcug ma la sngags lan bdun bzlas te bsnun par bya'o//bsnun pa'i tshe bsgom par bya ba ni gcer bu skra grol ba byang chub kyi sems 'bab cing kha dog nyams shing 'jigs pas brgyal ba rlung gi dkyil 'khor gyi steng du rnga mo la bskyon nas rang gi rkang pa'i drung du ltung bar bsam par bya'o//gseg ma la lan cig bzlas te zhes bya ba ni mi'i thod pa'i dum bu la ba bla dang yung bas nyi ma'i dkyil 'khor la gnas pa'i 'khrul 'khor ming dang spel ba bris te dur khrod dam lam gyi bzhi mdor khru gang tsam brkos te sba zhing kha sbub la gseg ma la sngags bzlas shing gang la 'debs pa de rengs par 'gyur ro//gang du lding ba der 'gro bar 'gyur ro zhes bya ba ni tshub mas khyer ba'i shing lo la mchil ma dang khwa'i khrag gis bya rog gi sgro'i smyu gu byas la 'khrul 'khor bris te tshub ma chen po gyen du ldang ba la bskur na bskrad pa'i gnas der 'gro bar 'gyur ro//gu gul chen pos bdugs na zhes bya ba ni ra thug gi rwa dang rmig pa bzhi dang mi'i tshil dang bshang ba cha mnyam la chang gis sbrus te/dud pas bdugs na sems can thams cad la mkha' 'gro ma 'bebs par 'gyur ro/ /lag pa g.yon pas chang bkab la g.yon pa'i srin lag khar bcug nas tshigs gsum gyi gnas su lces reg cing gzhibs na dus su zin pa'i dug gso bar byed do/ / mkha' 'gro mas rgyas btab pa la zhes bya ba dur khrod kyi ras la shing a ti muk+ta ka'i smyu gus sngar bshad pa'i 'khrul 'khor bris te lte ba'i dbus su e gru gsum bris la zur gsum du a ma hUM gsum dang dbus su rak+Sha zhes bya ba bzhin ming dang spel ba bris te bsgrub bya'i mgul du btags la/chu la rkang pa brgyad pa bzlas shing gdon gyi gzugs brnyan byas pa'i snying gar gdon gyi ming bcug la chus yang dang yang du bsnun zhing slar gtor na gdon rengs par 'gyur ro/ /ka ra bI ra'i lcug ma zhes bya ba ni dur khrod kyi ras la bsgrub bya'i ming dang spel ba'i 'khrul 'khor bris la bud med kyi ro bsregs pa'i thal ba dang tsan+dan dmar po'i rdul dang bsres pa'i bsgrub bya'i gzugs brnyan gyi snying gar bcug ste ka ra bI ra'i lcug ma khru do yod pa dur khrod kyi me la gdungs nas slar yang blangs te spyi bo la bskor zhing snga ma'i gzugs brnyan gyi lte bar bsnun na mngal gang du 'dod pa der 'pho bar 'gyur ro//de la 'khrul 'khor ni 'di yin te e gru gsum gyi dbus su zla ba'i dkyil 'khor bris la/ de'i steng du 'khor lo gsum bris te lte bar sna tshogs rdo rje/ /de'i lte bar pad+ma 'dab ma brgyad pa de'i lte bar bcom ldan 'das kyi sa bon hUM dang yum gyi sa bon baM pad+ma 'dab ma brgyad la rkang pa brgyad pa'i sngags bris la 'khor lo gsum la rang gi lha'i snying po bris la rdo rje dang pad+ma dang 'khor los bskor ba dang sgo dang mtshams su mkha' 'gro ma'i snying po dang dur khrod brgyad kyi gnas su rkang pa brgyad pa'i sngags dang rdo rje ra ba dang me 'od kyi bar du ka ra bI ra'i sngags bri bar bya'o//dbus su bsgrub bya'i ming zhi ba dang rgyas pa la sogs pa dang spel ba'i ming la las bcu gnyis byed par 'gyur ro/ /pad+ma 'dab ma brgyad pa re mig brgyad du byas shing rdo rje rol pa rta'i 'gros sam gshin rje dbyug pa 'chang ba'am yi dags srin po'i gdong ngam ma mo rigs ldan ma'i 'khor lo dgod par bya'o zhes mkha' 'gro las gsungs so//de ltar las lnga bcu bshad nas phan yon ston pa ni dpal ldan khrag 'thung zhes bya ba la sogs pa gsungs te/rkang pa brgyad pa'i sngags mi shes par dngos grub 'dod pa rmongs pa 'bras 'dod pas phub ma brdung ba dang mtshungs so/ /gsang sngags 'di med par 'jig rten dang thun mong dang mchog gi dngos grub gsum mi'i rnal 'byor pas thob par mi 'gyur ro//gsang sngags 'di mi shes na zhi gnas dang lhag mthong gi rnal 'byor yang ngal ba don med cing / zhi gnas dang lhag mthong gi 'bras bu yang thob par mi 'gyur ro/ /ci'i phyir mi 'gyur snyam na sprul pa'i sku'i sngags rkang pa brgyad pa ni gzhan gyi don yongs su rdzogs pa yin no zhes dgongs so//gsang sngags 'dod pa'i yon tan lnga la spyod cing bde bar gshegs pas rgyud sde bzhir gsungs pa'i gsang sngags kyi dngos grub rkang pa brgyad pa'i sngags dang phyag rgya'i dngos grub de lta bu'i 'bras bu ma grub na ji ltar bya zhe na/bza' dang btung ba la sogs pa/ /zhes smos te tshogs kyi 'khor los bskyar ba'i cho ga byas nas bsgrubs na zas kyi mchog bcud kyis len dang bcud la sogs pa dngos grub thams cad ster bar 'gyur ro//le'u dgu pa'i rnam par bshad pa'o// //rtsa ba'i sngags kyi dngos grub dang las bshad nas snying po'i dngos grub dang las bshad pa ni/ de nas he ru ka gnyis med/ /ces bya ba smos te/ he ru ka ni rnam pa gsum ste/ sems kyi 'khor lo dang / lus kyi 'khor lo dang /sprul pa'i 'khor lo'o/ /de dang gnyis su med pa'i sbyor ba gang gis shes pa tsam gyis sku gsum gyi 'bras bu'i dngos grub dang / 'jig rten gyi dngos grub 'grub par the tshom med pas na re zhig dang por sku gsum bshad par bya'o/ /de ltar mdor bstan nas rgyas par bshad pa ni chos kyi sku can du zhes bya ba gsungs te/gang gi sems kyis 'khor lo bde mchog bsgom pa'i tshe sgrub pa po dngos grub brgyad thob par 'gyur ba na ye shes kyi sku grub pa yin no/ /gang gi tshe longs spyod rdzogs pa'i sku lus kyi dkyil 'khor sgrub pa pos bsgoms nas grub par 'gyur ba de'i tshe rgyu'i he ru ka longs spyod rdzogs pa'i sku thob bo//gang gi tshe sprul pa'i 'khor lo bde mchog sprul pa'i sku'i rang bzhin du sgrub pa pos bsgoms na sprul sku thob par 'gyur ba yin no/ /yang na rdzogs pa'i rim pa'i dbang du byas nas dbang bzhi pa thob nas sems kyi stong pa nyid rtogs pas chos thams cad kyi stong pa nyid rtogs te bde ba chen po'i rgyas btab nas bsam gyis mi khyab par bsgoms na de'i tshe chos kyi sku thob par 'gyur ro//shes rab ye shes kyi dbang bskur ba thob nas las kyi phyag rgya la bde stong reg bya'i stong pa nyid rtogs nas gzung ba rang bzhin med par shes pa 'od gsal ba'i stong pa nyid bsgoms na de'i tshe longs spyod rdzogs pa'i skur 'gyur ro//gsang ba'i dbang thob nas ro rdo rje ma la sgyu ma lta bur rtogs pas chos kyi phyag rgya la brten nas sgyu ma lta bu'i rang bzhin bdag byin gyis rlob pa'i lam bsgoms na sprul pa'i sku'i rang bzhin thob par 'gyur ro zhes slob dpon klu sgrub kyis bshad do//yang na rtsa'i 'khor lo bsgoms pas sprul pa'i sku dang / rlung gi 'khor lo bsgoms pas longs spyod rdzogs pa'i sku dang /sems kyi 'khor lo bsgoms pas chos kyi sku thob po zhes kha sbyor las gsungs so/ /bdag nyid shrI he ru kar/ /'grub 'gyur 'di la the tshom med/ /ces bya ba ni rtsa gsum gyi he ru ka ra gyur pa la the tshom med pa'o/ /snying po'i 'bras bu ji ltar 'gyur//zhe na/ bskyed rdzogs gnyis bsgom pa la snying po'i sngags bzlas pas sku gsum grub par 'gyur ro zhes bya ba'i tha tshig go/ /de ltar mchog gi dngos grub bshad nas 'jig rten gyi dngos grub gsungs pa ni/ /gsang sngags kyi ni snying po 'di/ / 'bras bu bshad kyis sgrub bo nyon/ /zhes bya ba ni dngos grub dang las kyi tshogs nyon cig pa'o/ /snying po bzlas pas dpag tshad bye bar 'phags par 'gyur zhing 'gro ba dang 'ong bar 'gyur ro zhes bya ba 'di'i don to/ /rdo rje mkha' 'gro las yungs kar la bgegs bskrad pa'i ro'i khrag dang zhag gis bskus la nyi shu bzhi'i zhag skar ma rgyal dang gza' nyi ma 'dzom pa'i dus su dur khrod kyi sa la khrag dang zhag gis sbrus te mi'i thod par yungs kar bskyed la smin pa'i tshe sa la ma lhung bar dmangs rigs kyi bu mo'i lag par bzhag nas de'i mar khu btsir la mi'i thod par sbas la bsrung bar bya'o//de nas 'gegs pa'i ro btsal la dkyil 'khor steng du ro bzhag nas de'i snying gar dur khrod brgyad kyi mkha' 'gro bcug nas sha dang khrag dang ldan pa'i gtor ma byin la skye gnas kyi phyag rgya bcings te dur khrod brgyad kyi bgegs spyan drang bar bya'o//de'i tshe ro'i lus las sna tshogs kyi bgegs 'byung ba dang / he ru ka phyag 'bum pa bsgoms la bdud rtsi lnga chang dang ldan pa de'i lce la bzhag nas/ rdo rje 'di ni rdo rje che/ /sangs rgyas kun gyis byin gyis brlabs/ /dam tshig 'di las 'das na ni/ / rigs rnams myur du thal bar rlog /oM ha na ha na sa ma ya hUM phaT ces bya ba dang bcas pas ro'i khar blugs la sngar bshad pa'i mar khus rang gi lus po la byugs te ro'i steng du zhon nas mkha' spyod kyi gnas su khyer cig ces byas na 'gro ba dang 'ong ba thams cad bka' bzhin byed par 'gyur ro//gzugs brgya stong du mar byed do zhes bya ba ni yungs kar gyi sa bon la byi tang ka'i khu ba dang khrag gis byugs la nya phyis kyi snod du dur khrod kyi sas bkang la/ bsrung ba byas te btsugs nas yongs su smin pa'i dus su 'bras bu de gzhon nu ma'i lag par sa la ma lhung bar bzhag la snying po'i sngags bzlas shing khar bcug na de'i gzugs 'dzin par 'gyur ro//de bzhin du khwa dang ce spyang dang rma bya dang / ngang pa dang khyim bya dang rta dang / ba lang dang bong bu dang khyi dang phag dang /lug la sogs pa'i thod par sa bon bskyed nas bsrung ba byas te sa la ma lhung bar dmangs rigs kyi bu mo'i lag par bzhag nas snying po bzlas shing bdag nyid kyi khar bcug na de dang de'i gzugs su 'gyur ro/ /kha nas bton na snga ma bzhin du 'gyur ro//khang bzangs dang shing dang khyim rnams la 'dzegs te zhes bya ba ni zla ba yar gyi ngo'i tshes brgyad la skar ma rgyal dang / gza' nyi ma 'dzom pa'i zhag la bil ba'am/ ma du lung ga gang yang rung ba'i sa bon blangs la mi'i thod par dur khrod kyi sas bkang la bskyed de/rkang dang thal bas byugs te bskyed la snod mchu can gyis rkang pa brgyad pa bzlas pa'i chu las bcu zhing gshin rje gshed dang / bgegs mthar byed kyi gtor ma byin te spyan gyi sngags kyis bcus la/ mA ma kI'i sngags kyis chu blugs/sgrol mas phur ma bsal la/ gos dkar mo'i sngags kyis bsrungs pa'i 'bras bu de smin pa'i tshe sa bon blangs la lcags gsum gyis dkris te ri lu byas nas khar bcug na rnal 'byor ma dang lhan cig dpag tshad bye bar 'gro ba dang / nam mkha' la 'gro zhing 'ong ba dang /kha nas bton nas snang bar 'gyur zhing ma bton na mi snang bar 'gyur ro/ /byis pa dang rgan po dang dar la bab pa'i thod par bskyed na de'i gzugs 'dzin par 'gyur ro zhes gsungs so/ /'dod na byis pa dang / /rgan po dang / dar la bab pa zhes bya ba ni tshogs kyi 'khor lo ston pa yin te/ sa spyod gsung gi dngos grub sgrub pa'i tshe gsung gi 'khor lo'i lha dgu byis pa'am rgan po'am dar la bab pa'i gzugs su bsgom ste tshogs kyi 'khor lo byas na de'i gzugs 'dzin par 'gyur ro/ / 'dod na glang po che dang zhes bya ba sa 'og tu mkha' spyod sku'i 'khor lo sgrub par 'dod pa de'i tshe sku'i 'khor lo'i lha dgu glang po che la sogs pa'i gzugs su bsgoms te tshogs kyi 'khor lo byas na de'i gzugs 'dzin par 'gyur ro/ /'dod na rma bya dang zhes bya ba ni mkha' spyod thugs kyi dngos grub sgrub pa'i tshe rma bya dang khyim bya la sogs pa'i gzugs su bsgoms na de'i gzugs 'dzin par 'gyur ro//gang 'dod pa'i gzugs su byed do zhes bya ba ni sangs rgyas dang byang chub sems dpa' la sogs pa'i gzugs su bsgoms na de'i gzugs su 'gyur ro//tshig 'phrog pa dang zhes bya ba ni mi rus las byas pa'i sor brgyad pa'i phur bu la oM badzra kI li kI la ya sarba ban+d+ha ban+d+ha hUM phaT ces bya ba'i sngags 'bum bzlas te/ tsan+dan dmar po'i rgyu las byas pa'i bsgrub bya'i gzugs brnyan gyi snying gar dur khrod kyi ras la rgya skyegs kyi khu bas 'khrul 'khor bri bar bya ste/'khrul 'khor ni sgo bzhi sgo khyud dang ldan pa'i dbus su 'dab ma brgyad dang bcu drug rim pa gnyis su bkod la lte bar bsgrub bya'i ming dang spel ba'i yab yum gyi snying po hUM hri dgod par bya'o/ /nang ma'i 'dab ma brgyad la phyogs bzhir oM he he ru bzhi dang bum pa bzhi dgod par bya'o//phyi rol gyi bcu drug la ru kaM badzra DA ki nI dzA la saM ba ra hUM hUM phaT swA hA zhes bya ba bkod la/ bsgrub bya'i snying gar bcug nas skye gnas kyi phyag rgya bcings la dgug pa la sogs pa byas na sngar bshad pa'i phur bu lkog mar btab na tshig 'phrog pa dang /mig tu btab na mthong ba 'phrog pa dang / rna bar btab na thos pa 'phrog pa dang / sna la btab na dri 'phrog pa dang / lce la btab na ro 'phrog par byed do/ /gang 'dod pa der khrag 'dren pa zhes bya ba ni tsan+dan dmar po'i rgyu las byas pa'i bsgrub bya'i lte bar 'khrul 'khor bcug la bud med yin na b+ha ga nas skud pa 'don pa'o//skyes pa yin na sna bug nas skud pa bton nas skud pa 'thon zhing thabs dang shes rab gnyis su med par bsgoms te snying po'i sngags kyis bzlas par bya'o/ /de nas tshab gsum dang spra tshil gyis byugs la seng ldeng gi me mdag la bdugs na nges par khrag 'dren par 'gyur ro//gnod par byed ces bya ba ni snga ma bzhin du snying po'i 'khrul 'khor bris la bsgrub bya'i rkang rjes dang tsan+dan dmar po'i rgyu las dur khrod kyi zas kyi lhag ma dang gcig tu byas pa'i ling+ga'i snying gar 'khrul 'khor bcug la sbyin sreg byas na yang khrag 'dren par byed do//gnod par yang byed do/ /le'u bcu pa'i rnam par bshad pa'o// //de ltar snying po dang sngags kyi dngos grub dang las bshad nas/ da ni dngos grub kyi yan lag gi rdzas bshad par bya ste//de nas gzhan yang sgrub pa po/ /gang zhig bsten pa tsam gyis ni/ /zhes bya ba ni dngos grub sgrub pa'i kha zas bshad pa yin te/ gang zhig bsten pa tsam gyis dngos grub 'jug cing dngos grub thob pa ni skye ba bdun pa'i 'gro ba sha la sogs pa yin pas de'i thabs bshad par bya'o//de ltar mdor bstan nas rgyas par bshad pa ni skyes bu gang zhig ces bya ba la sogs pa gsungs te/ rdul dri zhim po ni skye ba dang po'i rtags so/ /bden par smra ba gnyis pa'i rtags so/ /mig mi 'dzums pa gsum pa'o/ /khro ba med pa bzhi pa'o/ /kha'i dbugs dri zhim pa ni lnga pa'o//nges brjod las gsungs pa'i grib ma bdun ni drug pa'o/ /bdun pa ngang pa'i 'gros can rnams te skye ba bdun pa'i rtags de rnams shes nas de ji srid 'tsho'i bar du bsnyen bkur gyis bsten pa dang / 'chi ba'i dus kyi tshe/ khyed kyi dngos grub bdag la stsol cig ces gsol ba gdab par bya'o//de kha na ma tho ba med par shi ba dang / de'i snying ga na gi wang yod pa blangs la dpal he ru ka'i snying po'am nye ba'i snying po la sogs pa gang yang rung ba brgya bzlas nas dpral bar thig le byas na nam mkha' la lding bar 'gyur zhing dpag tshad bye bar 'gro bar 'gyur ro//snying gar thig le byas na gzhan gyi sems shes pa dang / mig tu thig le byas na lha'i mig thob pa dang / rna bar thig le byas na lha'i rna ba 'byung ba dang / rkang par thig le byas na rkang mgyogs kyi dngos grub 'byung ba la sogs pa ni rgyud bla ma las blta bar bya'o//de ltar bsten pa tsam gyis zhes bya ba ni 'jig rten gsum gyi ye shes dang ldan pa'i sangs rgyas su 'gyur ro/ /dpag tshad ces bya ba ni skye ba bdun pa'i sha zos na dpag tshad lnga bcur 'gro ba dang 'ong bar nus par 'gyur ro/ /de ni 'jig rten gyi dngos grub bo//de'i snying zos na bsam gtan dang gzugs med kyi lus thob par 'gyur ba thun mong gi dngos grub bo/ /dpal he ru ka'i snying po dang nye ba'i snying po gang gis shes pa'i phyis 'chad par 'gyur ba las bcu gnyis po gang dang gang 'dod pa de dang de thams cad thob par 'gyur ro//spyod pa dang bya ba dang gnyi ga dang rnal 'byor gyi rgyud la ni smyung bar gnas pas dngos grub thob pa yin la/ 'dir ni sman bcud kyis len nam bdud rtsi lnga'am/ skye ba bdun pa'i sha zos nas dngos grub bsgrub par bya'o/ /ci skye ba bdun pa'i sha 'ba' zhig zos pas thob bam zhi na/skye ba bdun pa'i sha dang thod pa srubs med dang / yid bzhin nor bu bsam 'phel dang / sman bcud kyis len dang / las kyi phyag rgya dung can ma dang / pad+ma can dang / ri dgas kyis kyang bsam gtan gyi dngos grub thob par 'gyur ro/ /le'u bcu gcig pa'i rnam par bshad pa'o// //de ltar dngos grub kyi rdzas bshad nas/ da ni nye bar snying po bshad par bya ste/ de nas nye ba'i snying po ni/ /zhes bya ba la sogs pa gsungs pa la/ /nye ba'i snying po ni chos kyi sku dang nye ba'i snying po'o/ /dngos grub thams cad thob byed cing //zhes bya ba ni dngos grub gsum nges par thob par byed do/ /'jig rten gsum na gang cung zad/ /ces bya ba ni khams gsum gyi yon tan thams cad do/ /de kun skad cig gis sgrub bshad/ /ces bya ba ni man+t+ra dang yan+t+ra tan+t+ra gsum dang ldan pas dngos grub yin no//oM hrIHha ha hUM hUM phaT ces bya ba ni bzlas pa dang / 'khrul 'khor ston pa yin te/ bzlas pa ni zhal bzhi phyag bcu gnyis pa bsgoms nas bzlas par bya'am/ yi ge bdun pa'i rang nyid lha bsgoms nas zlo ba'o/ /'khrul 'khor ni dur khrod kyi ras la zla ba'i dkyil 'khor gyi steng du pad+ma 'dab ma drug pa bris la/dbus su hUM lhag ma 'dab ma drug la bkod de mtha' nas rdo rje'i phreng bas bskor/ /dur khrod kyi sen rtsi dang gi wang dang rang gi khu ba dang bcas pas bri bar bya'o/ /bris nas gsang sngags bcu pa bzlas pas 'jig rten gsum gyi sa g.yo bar byed pa'i rtags 'byung bar 'gyur ro//de ltar mtshan ma byung nas las la sbyar ba'i tshe tsan+dan dmar po'i rdul dang ske tshe dang chu bo phar 'gram tshur 'gram gyi sa blangs la lha la sogs pa'i gzugs brnyan byas te/ de'i snying gar 'khrul 'khor bcug la sngags bzlas na lha nas brtsams nas mi'am ci'i bar du thams cad 'gugs par byed do//rgya mtsho dang chu bo dang rdzing la sogs pa skems shing zhes bya ba ni sngar bshad pa bzhin du klu brgyad kyi dbus su nam mkha' lding gi gdong can gyi he ru ka bsgoms nas ba spu'i bu ga thams cad du yi ge bdun pa'i 'khrul 'khor rtsibs drug la bkod la/bskal pa'i me 'bar ba lta bu'i 'od zer gyi phung po dang ldan pa bsgoms nas rgya mtsho dang chu bor zhugs nas skems par bya'o/ /gang du bzlas pa'i gnas der zhes bya ba ni gnas gang du yi ge bdun pa'i 'khrul 'khor bsgoms pa der mkha' 'gro ma'i gzugs byas la mkha' 'gro ma dgug pa la sogs pa byas nas de'i mig tu lag pa g.yon pa'i srin lag btsugs pa 'gugs na gang g.yo ba dang /'gul bar 'gyur ba dang / bka' bsgo na sgrub pa po'i mngag gzhug byed par 'gyur ro//'di chu la yongs su bzlas te zhes bya ba ni bum pa'i dbus su yi ge bdun pa'i 'khrul 'khor bkod la sngags bzlas la mchod pa byas nas chur zhu bar gyur pa las rang gi mig bkrus na skye ba bdun shes par 'gyur ro/ / tshe zad cing zhes pa ni dus ji tsam na 'chi ba dang / srog dang bcas pa snang bar yang 'gyur ro/ /lag pa g.yon pa'i srin lag la yi ge bdun pa'i 'khrul 'khor bkod nas any+dza na'i phye ma dang / dur khrod kyi ras kyi sdong bu zad pa bdud rtsi lnga dang bsres pa'i mig la mngon par bsngags te gang la bltas pa de mthong bar 'gyur ro//mi'i ro zhes bya ba ni mi'i ro'i rkang mthil gyi pags pa dang / mi'i khrag dang mnyam du btags la 'ug pa'i sgro rkang gi nang du lig bu mig dang ldong ros dang gi wang dang gur gum dang rang gi khrag dang bsres te ri lur byas la gser dang dngul dang zangs ma gsum gyis dkris te/yang lhag par gnas par byas la zhes bya ba ni oM AHhUM gsum gyis byin gyis brlabs shing yi ge bdun pa stong rtsa brgyad bzlas la skar ma rgyal dang gza' phur bu'i dus su dur khrod kyi gnas su dpal he ru ka'i gzugs brnyan bris la/ de'i gnas su gu gul gyi dud pas bdug cing mchod pa phul nas rang dpal he ru kar bsgoms pa'i gnas su bcug la lag pa g.yon pas kha bkab la rjes thogs la yang yi ge bdun pa brgya rtsa brgyad bzlas na de'i mdo las spyod pa rnams la mi snang bar 'gyur zhing / sa 'og la spyod pa rnams la grib ma yang mi snang bar 'gyur zhing /mkha' spyod kyi lha rnams kyis kyang mthong bar mi 'gyur ro/ /kha nas bton na snang bar 'gyur ro/ /ri lu 'di ni rgyud 'dir yum phag mos ma zhus par dpa' bo nyid kyis thugs rje'i dbang gis gsungs pa yin no/ /dgra bo'i thod pa sha med par byas la dgra bo'i gzugs brnyan bris te de'i snying gar yi ge bdun pa'i 'khrul 'khor bkod la snying po dang nye ba'i snying po bzlas te rang gi srin lag gi khrag dang mnyes na de'i khrag 'dren par 'gyur ro//gi wang la bzlas te zhes bya ba ni gi wang la yi ge bdun pa bzlas nas dpral bar thig le byas te mig gnyis la yi ge bdun pa'i 'khrul 'khor bkod la gang la blta ba de rgyas btab ste 'gugs par 'gyur ro//mdzub mo la zhes bya ba ni lag pa g.yon par nyi ma'i dkyil 'khor bkod la/ de'i dbus su yi ge bdun pa'i 'khrul 'khor bsams te/lag pa'i sor mo rnams 'od zer du byas la gang la sdigs mdzub byas na de'i mod la ltung bar 'gyur ro/ /sngags bzlas na zhes bya ba ni nyi ma phyed na sems khros pa dang bcas pas dur khrod kyi ras sam shing arka'i 'dab ma la mi rus kyi smyu gus dug dang khrag dang dur khrod kyi sol ba la [ sogs pas 'khrul 'khor bris la/dur khrod kyi thal ba las byas pa'i dgra bo'i gzugs brnyan gyi snying gar ske tshe byugs la yang dang yang du gso bar byas na lus tsha bas btab ste sa la brgyal bar 'gyur ro/ /de dur khrod kyi thab kyi 'og tu sbas nas mi rus kyi phur bus snying gar btab nas snying gar chu tshan blugs shing yungs kar dang ske tshe la sngags bzlas shing bsnun na de'i mod la 'chi bar 'gyur ro//chu la bzlas te btab na slar 'tsho bar 'gyur ro/ /sngags bzlas nas zhes bya ba ni dur khrod kyi ras la yung ba dang ldong ros kyis 'khrul 'khor bris la tsan+dan dmar po'i rdul dang ske tshe dang lan tshwa dang bsgrub bya'i rkang rjes kyi sa dang lcags phye dang bsres nas dgra bo'i gzugs brnyan byas la lam gyi bzhi mdor sbas na dgra bo'i dpung yang gnon par 'gyur ro//tshig gis 'grol bar 'gyur ro zhes bya ba ni bton la 'o mas bkus na grol bar 'gyur ro/ / sme sha can gyi thal ba las/ /zhes pa ni sme sha can gyi ro bsregs pa'i thal ba las bsgrub par bya ba'i gzugs brnyan byas la/ gang gi ming dang bcas pa'i 'khrul 'khor snying gar bcug nas sems can de ba lang dang khyi la sogs par gyur cig ces bsams nas thal bas byugs na de dang de'i gzugs 'dzin par 'gyur ro//sbyin sreg me yi thal ba las/ /zhes pa ni shing arka bsres pa'i thal ba las byas pa'i gzugs brnyan gyi snying gar 'khrul 'khor bcug nas bzlas brjod byas na lha nyid kyis kyang mi mthong ngo / /gu gul chu la lan bdun bzlas te gtor na snang bar 'gyur ro/ /thod pa'i phyag rgya kha sbyar zhes bya ba khyi smyon pa'i thod pa kha sbyar ba'i nang du smyo byed lnga dang ldan pa'i khu bas 'khrul 'khor bris la tshon sna lnga'i skud pas bcings la dur khrod kyi sar sbas na smyo bar 'gyur te//skye bo stong la byas kyang smyo bar 'gyur ro/ /khang stong du gnas te mi'i thod par bskyed pa'i yungs kar khar bcug cing gtsug phud la bcings te mdun nas sngags bzlas na mkha' 'gro ma thams cad bcing bar 'gyur ro//khang stong du song ste thod par bskyed pa'i yungs kar spyi bor bcings la mig tu bkod de yi ge bdun pa bzlas pa de'i srad bu mi snang bar 'gyur ro/ / thod pa dang bcas pa la zhes bya ba ni thod pa'i dbus su 'khrul 'khor bris la sngar bshad pa'i yungs kar steng dang 'og dang phyogs bcur gtor na lha dag dri za dang mkha' spyod dang / gnod sbyin dang / srin po dang / sa spyod dang klu dang lha ma yin sa 'og tu spyod pa rnams bcing bar 'gyur ro/ / thod pa dang bcas pa la zhes bya ba ni thod pa'i nang du 'khrul 'khor bris la chu bo'i sna zug par bcug na bzlog par 'gyur zhing bton na 'bab par 'gyur ro/ /dba' rlabs gnon zhes bya ba ni rgya mtshor gru la 'gro ba de'i tshe thod pa la 'khrul 'khor bris te kha sbyar na dba' rlabs gnon par 'gyur ro//kha phye na kha phyir ldog par 'gyur ro/ /steng du bltas te zhes bya ba ni nam mkha' la 'khrul 'khor bsams te sngags stong bzlas na char chen po gcod par 'gyur ro/ /gzhan gyi dpung mngon du phyogs pa na zhes bya ba ni lag pa g.yon pa'i mthil du ldong ros sam yung bas 'khrul 'khor bris te khu tshur bcangs nas g.yul 'gyed pa'i phyogs su bstan na rengs par 'gyur ba dang /g.yul du zhugs na mtshon cha brgyas bsnun kyang gnod pa'i tshor ba mi 'byung ngo / /mtshon gyis gcod par mi 'gyur ro zhes bya ba ni rdo rje mkha' 'gro las lag pas 'phen pa'i mtshon cha 'khor lo dang /mi 'phen pa'i ral gri dang 'khrul 'khor gyis 'phen pa mda' dang / 'phangs nas gzung bzhags pa dang / stobs 'gyed pa rnams la sman legs mthong gis bskus na 'khor los mi tshugs pa dang / sman sa tas lus la bskus na mdas mi tshugs pa dang /daN+Da ut+palas lus la bskus na zhags pas mi zin pa dang / gzhan gyis mi thub pa dkar pos lus la bskus na lag stobs kyis mi thub pa dang / smyo byed kyis lus la bskus na ral gri la sogs pas mi tshugs par 'gyur ro//sman de'i khyad par ji lta bu zhe na/ bram ze'i thod par ro bsregs pa'i sas bkang ba la sman de rnams kyi sa bon bdud rtsi lnga dang / sme sha can gyi bu mo'i khrag gis byugs na nyi shu brgyad dang / nyi shu dgu'i dus su sa bon btab na mA ma kI'i sngags kyis chu blugs la/sgrol ma'i sngags kyis gtor ma la sogs pa byin la skar ma rgyal dang gza' nyi ma la smin pa'i 'bras bu sa la ma lhung bar blangs te/ sman gyi thum bu de mgul du btags pa'am mgo la bcings pa'am lto sman gyi khu bas lus la bskus na mtshon gyis tshugs par mi 'gyur ro//bin+d+ha rA ga zhes bya ba'i sman dang / a sho ka zhes bya ba'i sman dang / pe ta ro zhes bya ba'i sman gsum gyis kyang mtshon chas mi tshugs par 'gyur ro/ /gzhan yang nag po chen po zhes bya ba'i sman dang khyu mchog gi rwa la chags pa zhes bya ba dang bsres nas lus la bskus kyang mtshon gyis chod par mi 'gyur ro//rdo rje'i lus can du 'gyur ro zhes bya ba ni nags kyi ras bal bu mo gzhon nu mas skud pa bsgril/ yi ge bdun pa bzlas pa'i mdud pa bdun bor te/lus sam mgul du btags na mtshon chas mi chod par rdo rje'i lus su 'gyur ro/ /le'u bcu gnyis pa'i rnam par bshad pa'o// //de ltar nye ba'i snying po'i dngos grub dang las bshad nas/ da ni go cha'i las bshad par bya ba ni/ de nas go cha'i las rnams ni//zhes bya ba la sogs pa gsungs te/ go cha'i las ni bdag dang gzhan bsrung ba'o/ /de yang go cha'i lhar sgom pa'am lha gang yang rung ba la go chas bsrungs pa'i ting nge 'dzin nam 'khrul 'khor ram sman gyi rgyud do/ /de la 'khrul 'khor ni zla ba'am nyi ma gang yang rung bar dbus su pad+ma'am 'khor lo rtsibs drug pa gur gum dang sen rtsi dang /khrag dang gi wang gis grog la bris te skar ma rgyal dang gza' nyi ma'i dus su sku bris nas bcang ba'am sngar bstan pa rnams kyis lus la bsku ba'o/ /'jig rten gsum na gang yod pa//zhes bya ba ni sa 'og dang sa bla dang / sa steng na yod pa'i yon tan ni/ yid la 'dod pa kun byed pa/ /zhes bya ba ni phyis 'chad par 'gyur ba'i las bcu gnyis so/ /go rims bzhin du bshad par bya ba ni 'khrul 'khor dang dngos grub dang las rnams rgyu 'bras yin pas go rims bzhin du rtogs par bya'o zhes bya ba'i tha tshig go//de la go cha zlos bzhin du/ /zhes bya ba ni sngar bshad pa'i 'khor lo rtsibs drug pa dpa' bo drug gi sa bon bkod la/ dbus su 'jam pa'i dbyangs kyi sa bon bkod nas 'khrul 'khor gyi mtha' ma la mdud nas lam du zhugs na seng ge dang glang po dang /sbrul dang me dang / rkun ma dang chu bo dang rgyal po'i chad pa dang yi dags kyi 'jigs pa la sogs pa mi 'byung zhing mi snang bar 'gyur ro/ /go cha zlos bzhin du rgyal po'i pho brang du zhes pa ni snga ma'i 'khrul 'khor snying gar dang lag pa g.yon par bris la sdigs mdzub byas nas slas kyi nang du zhugs na gang 'dod pa der byung nas 'gro bar 'gyur ro//lha rnams kyis kyang mi mthong zhes pa ni n+ya gro d+ha'i 'bras bu go bos zos pa'i bya thal blangs la mi'i thod par ro bsregs pa'i sas bkab ste skar ma rgyal gyi zhag la spyan gyi sngags bzlas shing sa bon btsugs la mA ma kI'i sngags bzlas shing bdud rtsi lngas bcus la 'dab ma gnyis tsam thon pa'i tshe gos dkar mo'i sngags kyis bsrung zhing sgrol ma'i sngags kyis blangs la lcags gsum gyis dkris nas mchod pa chen po byas te go cha'i sngags bzlas nas khar bcug na lha rnams kyis kyang mi mthong bar 'gyur ro//go cha'i sngags zlos pa'i lag pas zhes pa ni dur khrod kyi ras la sman bir tsi ti ka'i khu bas blangs la ldong ros dang yung ba'i khu bas a sho ka'i smyu gus go cha'i 'khrul 'khor bris nas bsgrub bya'i rkang rjes kyi rdul dang dur khrod kyi thal bas gzugs brnyan byas la 'khor lo snying gar bcug la me tog ser pos gtor zhing lag pa g.yon pas mnan la brgya rtsa brgyad bzlas te gang zhig ming nas bzung ba de'i snying gar lag pas reg na mdung bzhin du rengs par 'gyur zhing sum cu rtsa gsum pas kyang bskyod par mi nus so//sngags bzlas shing rkang pas bsnun na thar par 'gyur ro zhes bya ba ni/ 'o mas bskus shing rkang pa'i mthil du 'khrul 'khor gyi sngags bzlas te bkod na de reg nas thar par 'gyur ro/ /rang gi khrag gis zhes bya ba ni rang gi srin lag gi khrag gis mi rus kyi smyu gu dang thod pa sha med par btogs la gzugs brnyan bris pa'i snying gar 'khrul 'khor bkad nas khrag gis mnyes na khrag 'don par byed do//gang gi khyim du zhes bya ba ni dur khrod kyi gnas su dgra bo'i khang pa dang mthun par bris la dgra bo 'khor dang bcas pa thams cad kyi gzugs brnyan 'khor dang bcas pa khang pa'i nang du bris nas thams cad kyi snying gar 'khrul 'khor bkod de rang nyid dpal he ru kar bsams la go cha'i sngags zlos shing stang stabs stong gis dgra bo'i gzugs brnyan thams cad mnyes na thams cad rims kyis btab par 'gyur ro//chu la lan bdun bzlas te zhes bya ba ni go cha'i sngags bzlas shing 'o mas bkrus na 'tsho bar 'gyur ro/ /gang gi gdong la bltas te zhes bya ba ni dgra bo'i rkang rjes las gzugs brnyan byas pa'i khar dur khrod kyi ras la dug gis bris pa'i 'khrul 'khor bcug nas khro bo'i lta bas bltas shing de'i sngags bzlas na tshig 'phrog pa dang 'gugs par 'gyur ro//chu bo dang rdzing bur gnas te zhes bya ba ni chu lha'i gzugs brnyan byas la de'i snying gar 'khrul 'khor bcug nas chu lha'i cod pan de bzhin gshegs pa lnga'i gzugs su bsams nas chu'i steng du chags na thang la ji lta ba bzhin du chu la yang 'gro bar 'gyur ro//chu la yang zhugs na chu bo g.yo ba med pa'i rgya mtsho bzhin du brtan par 'gyur ro/ /lag pa gnyis kyi mthil du zla ba'i dkyil 'khor gyi 'khrul 'khor gyi dbus su bud med che ge mo wa shaM mA ra ya swA hA zhes bya ba bris la lag pa gnyis nyed bzhin du lan stong bzlas na rnal 'byor ma rnams dbang du 'gyur ro//rnal 'byor ma sna tshogs zhes bya ba ni ye shes kyi lha mo sum cu rtsa bdun gang yang rung ba wa shaM mA ra ya he zhes ming dang spel nas dbus su bris nas lag pa gnyis mnyes na thams cad de'i dbang du 'gyur ro//skar ma rgyal zhes bya ba ni rdo rje mkha' 'gro las sbrul gyi rgyal po rnyed nas sbrul dkar nag gi ri mo mtshon rnon pos so sor phye nas bcad la ras bal gyi sa bon la bskus te ras bal gyi zhing sar skar ma rgyal gyi nyin par spyan gyi sngags kyis btsugs pa dang /de bzhin du nag po yang zla ba mar gyi ngo'i skar ma rgyal la spyan gyi sngags kyis ras bal gyi sa bon bskyed pa dang mA ma kI'i sngags bzlas pa'i dkar po'i zhag dang sha yar ngo la bskyed pa bcu zhing nag po'i sha dang khrag gis mar ngo la bskyed pa bcus la/gos dkar mo'i sngags kyis bsrungs pa smin pa'i tshe 'bras bu gnyis blangs la dkar po la bskyed pa ni rgyal rigs kyi bu mo dkar mo 'thag tu zhugs pa dang / mar ngo la bskyed pa ni dmangs rigs kyi bu mo sngon mos 'thag tu gzhug pa dang /ras yug drub pa'i tshe gu gul dang sbrul dkar nag gi sha'i dud pas bdug cing stong phrag bcu bzlas nas stod g.yogs dang smad g.yogs byas te/ de gyon pa'i lus dpag tshad stong du song na lam khar rkun mas mi snang bar 'gyur ba dang /rgya mtsho'i mthar thug par song na 'dzam bu'i gling pa rnams kyis mthong bar mi 'gyur ba dang / rig 'dzin gyi dngos grub thob nas ras de lus la gyon na 'og min gyi mthar thug par steng du 'gro bar 'gyur ro/ /de ltar 'jig rten gyi dngos grub bshad nas/dngos grub bstan pas ting nge 'dzin gang dang gang ldan pas 'grub par 'gyur zhe na/ dbang po gang dang gang lam gyur/ /de dang de yi ngo bor bya/ /mchog tu mnyam gzhag sbyor ba yis/ /thams cad sangs rgyas rang bzhin 'gyur/ /zhes bya ba gsungs te/dbang thob pa'i rnal 'byor gsum gyi dbang du byas nas ting nge 'dzin gsum du 'gyur te/ de la bskyed pa'i rim pa dbang thob nas dbang po drug sems dpa' drug tu bskyed nas gang dang gang gi lam du gyur pa'i gzugs la sogs pa nas de dang de'i ngo bor te gzugs rdo rje ma la sogs pa lha mo rnams kyi ngo bor bya'o//mnyam par gzhag pa'i gnas skabs na yang gzugs rdo rje ma la sogs pa mchod par bsgom pa ni mchog tu mnyam par gzhag pa'i sbyor bas 'gyur te/ dngos rjes ro mnyam pa'i phyir thams cad sangs rgyas kyi rang bzhin du 'gyur ro//gsang ba'i dbang du bskur ba thob pa'i dbang du byas nas mig gi dbang po la sogs pa gang dang gang shes pa rtog pa med par skyes pa de'i lam du gyur pa'i yul gzugs la sogs pa rnams la dga' ba dang mchog dga' dang lhan cig skyes dga'i ngo bo bde ba de'i ngo bor byas te/mnyam par gzhag pa'i gnas skabs na yang gzugs la rang bzhin brgyad cu dang bral ba ni de bzhin du sgra dang / dri dang ro dang / reg bya rnams la yang dga' ba gsum gyi ngo bor mchog tu mnyam par gzhag pa'i sbyor ba yin no/ /ci'i phyir zhe na/dngos rjes ro mnyam pa'i phyir ro/ /des na rnal 'byor pa thams cad 'bras bu sangs rgyas kyi rang bzhin du 'gyur ro/ /shes rab ye shes kyi dbang thob pas mig la sogs pa'i dbang po gang dang gang yin pa stong par shes nas lam du gyur pa'i yul rnams stong pa nyid de dang de'i ngo bor byas te/thams cad der dga' ba'i rang bzhin bde ba chen po'i bdag nyid rgyas btab pa'i mnyam par gzhag pa'i tshe yang bde ba chen po'i rang bzhin du shes pa ni mchog tu mnyam par gzhag pa'i sbyor ba yin te/ dngos rjes bde ba chen por ro mnyam pa'i phyir ro//de nas dngos po thams cad sangs rgyas kyi rang bzhin du rtogs par 'gyur ro/ /de skad du yang / bde bar gshegs pa rtag tu skye med chos/ /chos rnams thams cad de bzhin gshegs dang 'dra/ /zhes gsungs pa'i phyir ro/ / 'gro ba 'di kun sangs rgyas lnga bdag nyid/ /gar mkhan bzang dang ri mo mkhan bzang ltar/ /gang du bde ba zhes bya gcig pu nyid/ /gcig pu'i nyams kyis du ma'i gar mdzad de/ /zhes gsungs pa dang / klung nyid dang bar 'gyur pa las/ /nya dag myur du 'phar ba ltar//de bzhin stong gsal rang gi las/ /sgyu 'phrul dra ba 'byung bar 'gyur/ /zhes gsungs so/ /de nas nam gyi tshe go cha'i las kyi tshogs rnams bya zhe na/ shing yongs 'du'i khu bcud blangs la zhes bya ba gsungs te/ phyis 'chad par 'gyur ba'i las kyi phyag rgya dang snyoms par zhugs shing yongs 'du zhes bya ba rtsa a wa d+hU tI'i khu bcud gyen du bzlog pa'i phyir yi ge hUM gi rlung gis gyen du bzlog pa'i bzlas brjod stong byas te/gang la byang chub sems kyi thig ler byas pa'i byang chub kyi sems mi ltung bar shing bzhin du gnas par 'gyur ro/ / de'i tshe bsam gtan dang po'i bde ba thob pa yin pas na las gang byas kyang grub par 'gyur ro/ /chu la bzlas te gtor na zhes bya ba ni dga' bral du gyur pa'i tha tshig go/ /'di dag glang po'i rkang rjes zhes bya ba ni las kyi phyag rgya'i rtsa a wa d+hU tI 'phral du byung ba'i byang chub sems ni rdul te/rlung gyen du bzlog pa'i phyir yi ge hUM gis rlung 'dren pa'i bzlas brjod stong byas la las kyi phyag rgya a wa d+hU tI ni nam mkha'i rtsa bsnun pa de glang po che ltar byang chub kyi sems dga' bral du mi 'gyur ro/ /dus de'i tshe las gang byas pa thams cad 'grub par 'gyur ro/ / le'u bcu gsum pa'i rnam par bshad pa'o// //de ltar bskyed pa'i rim pa le'u bcu gsum bshad nas/ bskyed pa'i rim pa dang rdzogs pa'i rim pa sgrub pa'i yan lag mtshan ma 'byin pa dang dngos grub len pa dang nyams pa gso ba dang gsum gyi don gyi phyir tshogs kyi 'khor lo bshad par bya ste/de nas bong bu'i rnal 'byor bdag/ /ces bya ba gsungs te/ dri'i thig le dang / me tog bkod pa dang / yig 'bru dang / phyag mtshan dgod pa'i phyag rgya dang sku phyag rgya chen po dgod pa'i dkyil 'khor la ma gtogs pa'i mi'i rnal 'byor pa dang /rnal 'byor ma lha'i rgyan dang kha dog dang cha byad du byas nas sgrub pa ni tshogs kyi 'khor lo zhes bya'o/ /de skad du yang mnyam sbyor las zhes gsungs so/ /de yang ji ltar bya zhe na/ bong bu'i rnal 'byor bdag ces bya ba ni sa 'og tu spyod pa 'dul ba'i phyir bong bu'i he ru ka dud 'gro'i gzugs kyi rnam par snang mdzad sprul pa'i sku'i gzugs brnyan gyi 'khor lo'i cha byad du bya'o//gal te sa spyod 'dul na mi'i gzugs kyi cha byad can gyi sprul pa'i sku'i gzugs brnyan bya'o/ / mkha' spyod 'dul na mkha' lding gi gzugs can gyi sprul pa'i sku'i gzugs can gyi tshogs kyi 'khor lo bya'o zhes kun spyod las gsungs pa'i phyir 'di la the tshom mi bya'o/ /yid kyi gzugs la 'jug pa'i phyir/ /zhes bya ba ni rnal 'byor pa'i yid kyis shugs kyis sprul pa'i sku'i cha byad la 'jug par bya ba'i phyir ro//dus nam gyi tshe zhe na/ gang gis sgrub pa po'i zhes bya ba smos te/ sgrub pa po bong bu'i he ru ka la sogs pa mthong ba'i tshe rang don phun sum tshogs pa dang gzhan don phun sum tshogs pa'i phrin las 'grub par 'gyur ro/ /sgrub pa de ni bshad par bya zhes bya ba ni zhi gnas mngon sum du bskyed pa'i thabs kyi 'khor lo ni sgrub pa'i thabs bshad par bya'o//de ltar mdor bstan nas rgyas par bshad pa ni/ rnal 'byor ma ni lA ma'i gzugs/ /de bzhin du ni mkha' 'gro ma/ /khaN+Da ro ha 'dod gzugs can/ /zhes bya ba ni mkha' 'gro ma ni bong bu'i gdong can dang /lA ma ni seng ge'i gdong can dang / khaN+Da ro ha ni glang po'i gdong can dang / gzugs can ma ni mkha' lding gdong can no/ /gri gug dang thod pa dang / mdung rtse gsum pa dang kha T+rAM ga bsnams pa phyag bzhi pa ro'i gdan la bzhugs pa bsgom zhing mtshan ma dang rgyan dang gos dang cha byad ji lta ba bzhin du bya'o//thugs kyi 'khor lo ji ltar bya zhe na/ dpa' bo dang dpa' mo thams cad rdo rje dang dril bu bsnams pa mkha' lding gi gdong can no/ /gsung gi 'khor lo thams cad pad+ma dang dril bu bsnams pa rma bya'i gdong can no//sku'i 'khor lo thams cad 'khor lo dang dril bu bsnams pa seng ge'i gdong can no/ /gshin rje brtan ma la sogs pa bzhi ni ma he'i gdong dang sha ba dang / stag dang gzig gi gdong can no/ /sgo ma bzhi ni khwa gdong la sogs pa bzhi yin no/ /sku mdog ni phrin las bcu gnyis kyi dbang gis gdong bcu gnyis su 'gyur ba'am/yang na mkha' spyod sgrub pa'i tshe thams cad nag po sa spyod kyi tshe thams cad dmar po sa 'og tu spyod pa dkar por bya'o/ /mkha' 'gro ma brgyad ni gri gug dang ka pA la dang cang te'u dang kha T+wAM ga bsnams pa'i phyag bzhi ma'o/ / gtso bo he ru ka ji lta zhe na/ dpa' bo'i rnam pa khrag gi gdong / /mkha' 'gro rtse gsum lag na thogs/ /zhes bya ba smos te/ rdo rje dang dril bu dang rtse gsum dang / kha T+wAM ga bsnams pa phyag bzhi pa sgom pa'am yang na zhal bzhi phyag bcu gnyis pa zhal mdun ma bong bu'i gdong par snang ba bsgom par bya'o//de yang cho ga gang gis bsgrub par bya zhe na/ de yang / gos dang phyag rgya lnga la sogs/ /shes rab yan lag phur bu dra/ /sgra sogs stong pa sngon 'gro ba/ /zhes bya ba la sogs pa de nyid bcu bzhi'i tshul gyis bsgom par bya'o/ /de ltar 'dod pa'i yon tan lnga la tshogs kyi 'khor lo'i rnal 'byor gyi bsam gtan gyi ting nge 'dzin thob nas 'bras bu mngon par shes pa skye bar 'gyur ba ni/tshe zad pa dang tshe ring ba/ /sgrub pa nyid la snang ba yin/ /zhes bya ba smos te 'chi 'pho ba dang skye ba shes pa yin no/ /sngon gyi gnas rjes su dran pa 'di ni bong bu 'dra/rnal 'byor pa 'di ni bong bu 'dra bar blta zhes bya ba ni nye bar mtshon pa yin te/ 'gro ba rigs drug gi gnas gang dang gang nas 'chi 'phos pa de dang de'i gzugs su da ltar snang bar 'gyur ro/ /da ltar gyi rtags 'di las skye ba snga ma dpog pa yin na skye ba snga ma glang po che las tshe 'phos kyang glang po che'i gzugs su mthong ba yin no//gang dang gang gis skye ba ni/ /zhes bya ba la sogs pa ni 'gro ba rigs drug gi gzugs su snang ba 'gro ba rigs drug gis dpog pa'o/ /'di ni grub pa'i skyes bur 'gyur/ /zhes bya ba ni mngon par shes pa dang ldan pa ste lha'i mig dang rna ba dang gzhan gyi sems shes pa dang zag pa zad pa'i mngon par shes pa dang ldan pa'o//skye ba bdun gyi rim pa'i sha/ /zhes bya ba ni bskyar ba'i cho ga dang skye ba bdun pa'i sha kha na ma tho ba med pa de yis gtor ma dang tshogs kyi 'khor lo bya'o/ /de byas pas cir 'gyur zhe na/sgrub pa po ni 'grub par 'gyur/ /zhes bya ba gsungs so/ /'jig rten dang 'jig rten las 'das pa'i dngos grub kyang bskyed pa'o/ /de bzhin dpag tshad stong phrag ni/ /zhes bya ba ni rdzu 'phrul gyi ye shes pa'i mngon par shes pas dpag tshad stong gi steng du skad cig la myur bar 'gro bar 'gyur ro//rnal 'byor sngags mchog dam pa ste/ /zhes bya ba ni rdzogs pa'i rim pa'i bong bu'i he ru ka ston pa yin te/ de skad du yang gdan bzhi las/ /g.yas dang g.yon gyi ngos gnyis ni/ /nyi ma zla bar rab tu bshad/ /chu shing me tog lta bu ni//lte ba'i dbus nas grol bar gnas/ /ba lang rmig rjes pad+ma ni/ /bong bu'i rnam par shes par bya/ /zhes gsungs pas/ g.yas pa ra sa nA dang g.yon par la la nA ni rtsa srung thag yin zhing dbus ma a wa d+hU tI ni srub shing yin te/ lte ba khrag gi thig le gtsub gtan yin pas mi shigs pa nam mkha'i rlung g.yas g.yon gyi rlung gis bsrubs na rlung me'i drod tsam du gyur pa yin no//des na g.yas g.yon gyi rlung la sngags mchog dam pa ste zhes bya'o/ /mkha' 'gro ma ni sbyor sgrub byed/ /ces bya ba ni mgo bo nam mkha'i dkyil 'khor du 'gro bas lte ba'i gtum mo drod la nam mkha' 'gro ma zhes bya'o//sbyor sgrub byed ces bya ba ni g.yas g.yon gyi rlung gis bsrubs pa'o/ /rnal 'byor mtshan ma gang zlos nas/ /zhes bya ba ni sa chu la thim pas du ba lta bu dang / chu me la thim pas smig rgyu lta bu dang / me rlung la thim pas srin bu me khyer lta bu dang /rlung rnam par shes pa la thim pas sgron ma lta bu'o/ /rnam par shes pa nam mkha' la thim pas nam mkha' lta bu'i rtags mthong nas gang zlos pa zhes pa ni srog a wa d+hU tIr chud pa'o/ /zla gcig gis ni grub par 'gyur/ /zhes bya ba ni gtum mo srub shing gis 'khor lo bsrub pa'i thabs kyis so//gsang ba'i rgyud ni 'di'o/ /snying po shin tu dga' ba yin/ /zhes bya ba ni g.yas g.yon gyi rtsa'i sna ba lang gi rmig rjes lta bu'i rtsa'i nang nas srog dang rtsol ba gnyis a wa d+hU tIr chud pa ni gsang ba'i rgyud ces pa'o//de las byang chub kyi sems babs pas dga' ba dang mchog dga' dang lhan cig skyes dga'i rtog pa med pa skyes pa ni shin tu dge ba'o/ /gang zhig de nas shes pa ni/ /zhes bya ba la sogs pa rtsa gsum gyi rlung a wa d+hU tIr bcug pas rnam par rtog pa'i rkyen ma tshang bas rlung a wa d+hU tIr chud pa'i tshe rtog med skyes pa de'i tshe sgrib pa rnam par spangs nas 'das pa dang ma 'ongs pa la sogs pa dus gsum du shes par 'gyur ro//de yang gdan bzhi las/ mi g.yo rnam par mi 'khor ba/ /rnam par mi 'byung gang yang med//sgrib pa lnga ni rnam spangs pa/ /rang nyid he ru kar gsal 'gyur/ /zhes gsungs so/ /de 'dir rnal 'byor pa nyid du/ /the tshom med ces bya ba ni lte ba sprul pa'i 'khor lo'i dbus su rgod ma'i kha zhes bya ba ba lang gi rmig rjes lta bu'i rlung bcug na byang chub kyi sems bde ba rtog med skye ba la the tshom med do//'di nyid ni/ mkha' 'gro dra ba'i bde mchog yin/ /zhes bya ba ni dngos grub sgrub pa'i tshogs kyi 'khor lo bde mchog yin no/ /le'u bcu bzhi pa'i rnam par bshad pa'o// //de ltar tshogs kyi 'khor lo bshad nas/da ni sgrub pa'i yan lag las kyi phyag rgya ston pa ni/ de nas sdom pa thams cad la/ /zhes bya ba la sogs pa smos te/ sku gsung thugs kyi 'khor lo thams cad sgrub pa'i yan lag ye shes las skyes pa dang / gnas las skyes pa dang / sngags las skyes pa gsum gyis bsgrub par bya ba yin te/ pho nyas lhan cig skyes dngos grub/ /mchog dang 'bring dang tha ma ste/ /zhes bya ba gsungs so/ /de yang 'dzam bu'i gling gnas nyi shu rtsa bzhi nas sprul pa'i sku rgyun mi 'chad par bzhugs pas rnal 'byor pa gdul bya dus la bab par gzigs na ye shes las skyes pa'i sangs rgyas dang byang chub sems dpa' bud med kyi gzugs su byon nas zhi gnas dang lhag mthong dga' ba bzhi'i ting nge 'dzin ston par mdzad pa'am/yang na gnas nyi shu rtsa bzhir skyes pa dbang po tshang ba la sogs pa bdag gi 'byor ba dang ldan pas bde ba'i ting nge 'dzin sgrub par 'gyur ba'am/dbang bskur ba thob pa sngags kyi rnal 'byor mas lus kyi 'khrul 'khor gyis a wa d+hU tIr song nas bsam gtan dang zag med kyi bde ba skyes par gyur pas na dang po kha dog dang dbyibs dang spyod lam gyi mtshan nyid shes nas yan lag dang nying lag gi brda dang /yi ge dang tshig gi brda dang mig dang mchu'i brdas sgrub pa'i yan lag gi byang chub sems dpa' de shes par bya'o/ / de yang / du ba las ni mer shes shing / /chu skyar las ni chu yin te/ /byang chub sems dang blo ldan gyis/ /rigs ni mtshan ma rnams las shes/ /zhes gsungs so/ /rgyu mtshan de bas/ gang zhig brdar ni shes 'gyur te/ /brda drug shes pas de nyid kyis/ / de grub pa ni zhes bya ba ste brda dang spyod lam shes pa des thugs rje chen po dang ldan pa'i sprul pa'i sku'i rnal 'byor ma rnyed nas las kyi phyag rgya'i rgyu rkyen tshogs pa de las ting nge 'dzin sgrub par the tshom med par shes par bya'o/ /de ltar mdor bstan nas rgyas par bshad pa ni/da zhes bya ba skyes bur bshad/ /ces bya ba gsungs te/ le'u bco lnga pa ni dag byed kyi brda yin la bcu drug pa ni dag byed kyi lha mo'i mtshan nyid do/ /de las dang por dag byed kyi lha mo'i brda ston pa la dbang dang dpa' bo dpa' mo dang bkas gnang ba dang kun spyod kyi brda lnga bstan pa yin no//ci'i phyir brda lnga ston ce na/ dag byed kyi lha mo ni dung can ma dang ri dgas can yin pas sems gzung ba dang dbang bskur ba dang tshogs kyi 'khor lo dang bkas gnang ba dang khams brta ba kun du spyod pa yin no/ /de la dang por dbang bskur ba'i brda ston te/da zhes bya ba ni dbang bskur ba'i skyes bu'i phyag rgya'o/ /de zhes bya ba ni dbang bskur ba'i bud med kyi phyag rgya'o/ /spu zhes bya ba ni 'khyud par ston pa'o/ /su zhes bya ba ni dbang bskur ba'i bza' ba ston pa'o/ /ma zhes bya ba ni rdo rje slob dpon dbang bskur ba ston pa'o//las zhes bya ba ni rang gi las kyi phyag rgya'o/ /pi zhes bya ba ni rang dang dus mnyam du dbang bskur ba'o/ /lu ni rang gis dbang bskur ba'o/ /sri ni gsang ba'i dbang bskur ba'o/ /rang byung ni khrag go/ /so ni gsang ba'i dbang bskur ba'i zhi ba'i btung ba'o//pi zhes bya ba ni sman sna brgya rtsa brgyad du bskol ba'i thug pa'o/ /hi zhes bya ba ni sha lnga'o/ /b+ha zhes bya ba ni dbang bskur ba'i tshe kha zas 'bras chan la sogs pa'o/ /nu zhes bya ba ni shes rab ye shes kyi dbang bskur ba'o/ / 'di tsam gyis ni dbang gi lha mo'i brda bstan te/ da ni dag byed kyi lha mo'i brda ston to/ /pi zhes bya ba ni sems 'dzin pa'i gnas su khrod pa'o/ /ngu zhes bya ba ni skye ba bdun pa'i ro kha zas su za ba'o/ /di zhes bya ba ni yum rdo rje phag mo'i rigs so/ /da zhes bya ba ni sgrol ma'o//hri zhes bya ba ni sangs rgyas spyan/ ku zhes bya ba ni mA ma kI/ /ha zhes bya ba ni gos dkar mo/ dza zhes bya ba ni ye shes kyi lha mo de rnams dang byin pa gnyis kyis 'khyud pa'i sems 'dzin pa'o/ /da ni dpa' bo'i lha mo'i bshad par bya ste/ thog ma phrad pa'i che ba zhes bya ba phyag 'tshal ba ston la/so zhes bya ba ni phyag 'tshal ba'i lan no/ /ni zhes bya ba ni sha la sogs pa'i bza' bya'o/ /byo zhes bya ba ni bdud rtsi lngar byin gyis brlabs nas bza' ba'o/ /b+hi zhes bya ba ni rdo rje chur byin gyis brlabs pa'o/ /ga zhes bya ba ni dbang bskur ba la bgrod par bya ba yin gyi ma bskur ba la dam tshig dang mi ldan pa'o//rig ma bsten par dga' ba dang / /zhes bya ba ni nyes par byung bas bgrod par mi bya'o/ /da ni bkas gnang ba'i lha mo'i mchod pa'i lha mo ston te/ ka zhes bya ba ni rigs lnga'i lha mo so sor 'dod par bya'o//sa zhes bya ba ni skyes pa gzhan gyi gam du mi 'gro ba'o/ /ra zhes bya ba ni bdag po med pa dang mchod pa'i phyag rgya'o/ /da ni kun spyod ma ston te/ ngu zhes bya ba ni gzugs 'tshong ba'o/ /su zhes bya ba ni rgyas pa la dad pa'o/ / na zhes bya ba ni mu stegs pa la dad pa'o/ /sa zhes bya ba ni dbang bskur ba thob pa'o/ /a zhes bya ba ni dbang bskur ba ma thob pa'o/ /yA zhes bya ba ni dad pas 'ongs pa'o/ /na zhes bya ba ni dad pa med pas ma 'ongs pa'o/ /so zhes bya ba ni yid du 'ong ba'i yul du gyur pa'o/ / yi ge re re'i brda 'di dag tshor ba sdug bsngal dang / btang snyoms spangs nas tshor ba bde ba sgom zhing rtog pa med pa mngon sum gyi lam la dad pa la sbyin par bya'i ma dad pa la mi sbyin pa dang / grol ba'i lam la yang ma yin zhes shes par bya'o/ /le'u bco lnga pa'i rnam par bshad pa'o// //da ni sems 'dzin pa'i dag byed kyi lha mo'i mtshan nyid bshad par bya ste/ de nas bza' dang bza' min bya/ /zhes bya ba ni las kyi phyag rgya yid du 'ong ba gzugs sdu gu mig gis bza' bar bya ba dang / sgra snyan pa rna ba dang / dri zhim po sna dang / ro zhim po lce'i dang / nam mkha'i rtsa'i dang reg pa lus kyi bza' bar bya ba ste/ longs spyad par bya'o/ /bza' bar mi bya ba ni yid du mi 'ong ba'o/ /de nas rab tu bshad par bya/ /zhes bya ba ni dag byed kyi lha mo bshad par bya zhes pa'o/ /mi thub zla ba dang b+ha ba ba'i zhal snga nas bza' bar bya ba ni gnas nyi shu rtsa bzhi na gnas pa'i sangs rgyas dang byang chub sems dpa'i sprul pa'i sku dang /de rnams la 'dod pa'i yon tan gyi gzugs kyi zhi gnas dang lhag mthong gis chos ston pas bzhugs pa la las dang po pa'i rnal 'byor pas mtshan nyid ma rtogs pas mtshan nyid brtags nas sprul pa'i sku'i lha ye shes kyi lha mo de dang snyoms par zhugs pas me long gi gzugs brnyan la de nyid mthong ba bzhin du 'dod pa'i yon tan lnga char la stong nyid mthong bar gyur pas de'i mtshan nyid bstan pa yin no zhe'o//rin chen rdo rje'i zhal snga nas/ pho nyas lhan cig skyes dngos grub/ /mchog dang 'bring dang tha ma yi/ /zhes gsungs pa/ mchog sangs rgyas dang byang chub sems dpa'i sprul pa'i sku'i ye shes kyi lha mo yang yin la gnas nyi shu rtsa bzhir skyes pa dbang po tshang ba las kyi mtha' ma log pa ni 'bring po yin no//sdom pa gsum la gnas shing dbang bskur ba thob pa ni sngags las skyes pa ste tha ma yin no/ /de dag gsum char gyi mtshan nyid bsdoms nas ston pa ni ye shes kyi lha mo kho na yin zhes mi bya'o//de gsum char las kyang zhi gnas rtog pa med pa dang / lhag mthong stong pa nyid kyi ye shes skye'o/ /sgrub pa mchog tu dam tshig la gnas pa/ /zhes bya ba ni chags pa'i lam bsgom pa'i rten gyi gang zag go/ /bza' bya rjes gnang phan spyod pa/ /zhes bya ba ni mtshan nyid dang ldan pa'i las kyi phyag rgya de slob dpon gyis rjes su gnang nas zhi gnas dang lhag mthong gi shes pa skye ba la phan 'dogs par byang chub sems dpa' rtag tu ngu dang chos 'phags bzhin du bud med kyi bsam gtan dang zag med kyi ting nge 'dzin skye ba'i phyag rgya de rab tu sbyor bar bya'o//de dang rnal 'byor pas ci zhig bya zhe na/ yul lnga dang dbang po'i shes pas las kyi phyag rgya'i yul dang gnyis su med par bya ba'i rnal 'byor pa de blang bya dang dor bya'i rigs kyi bye brag shes par bya'o/ /des cir 'gyur zhe na/ gang gis shes pa tsam gyis ni//zhes bya ba gsungs te/ bcom po mo bshes gnyen la byang chub sems dpa' chos 'phags kyis byang chub tu sems bskyed pa bzhin du sgrub pa po rnams kyis snyoms par zhugs pa las dngos grub thob par 'gyur ro/ / de bas na de thob pa'i thabs kyi cho ga bshad par bya'o/ /de yang ji lta bu zhe na/ bud med pad rtsa ltar dkar zhing / /zhes bya ba gsungs te/ ye shes las skyes pa dang zhing skyes dang sngags skyes kyi dag byed kyi lha mo mtshan nyid bsdoms nas bshad pa yin te/ de la mtshan nyid gsum ste/kha dog dbyibs spyod lam gyi mtshan nyid do/ /kha dog ni dkar ba dang / dbyibs ni mig dkyus ring ba dang / gos dkar po la dga' ba dang / tsan+dan sar pa'i dri yod pa dang / dkon mchog gsum la dad pa ni rin po che'i rigs kyi bud med do//bud med gang zhig kha dog ser ba dang / dmar ser gyi gos la dga' ba dang / dzA ti dang tsam+pa ka'i dri yod pa dang / de yang dkon mchog gsum gyi bstan pa bzang po'i rjes su 'gro ba ni pad+ma'i rigs so/ /bud med gang zhig kha dog sngo bsangs ni gos sngon po la dga' ba ut+pala'i dri yod pa dpa' bo byang chub sems dpa'i rjes su 'brang ba'i he ru ka'i rigs so//bud med gang zhig mdog dkar ba spyod lam pad+ma'i rtsa ba'i dri yod pa thugs kyi 'khor lo'i dpa' bo bla ma ste mi bskyod pa'i rigs so/ / bud med gang zhig kha dog dmar ba/ gos dmar po la dga' ba ma li ka dang ut+pala'i dri yod pa de ni rdo rje phag mo'i rigs so/ /bud med gang zhig kha dog ljang ser gos dkar po la dga' ba mgo la pad+ma'i dri yod pa ni don yod grub pa'i rigs so/ /bud med gang zhig kha dog dmar zhing gos dmar ba la dga' ba ga pur gyi dri dang ldan pa ni rnam par snang mdzad kyi rigs so//de ltar na rnal 'byor ma bdun po de dag ni g.yon pa la spyod pa bde ba lam du byed pa la rtag tu dga' ba ni rnal 'byor ma bdun gyi thun mong gi rtags bstan pa yin no/ /de dag gi lus kyi rtags ji lta bu zhe na/rtags bdun gyi kha dog can no/ /'di rnams kyi ston pa'i yi ge rnams kyang kha dog drug tu dbye ba yin no/ /rang gi phyag rgya'i 'tsho ba zhes bya ba ni rigs drug gi phyag rgya rdo rje dang 'khor lo la sogs pa'i phyag rgya 'chang ba'o/ /rigs bdun pa chos kyi dbyings phag mo yin pas khyad par ston to//ngag gi rtags ji lta zhe na/ rang rigs las byung tshig tu smra/ /zhes bya ba gsungs te/ ris drug gi sa bon gyi yi ge dang mthun pa'i skad 'byin pa'o/ /g.yon la 'gro ba'i bud med gang / /zhes bya ba ni dbang ma bskur ba'i tshe bde ba la mos pa'o//rnal 'byor ma yang g.yon la brtags/ /zhes bya ba ni dbang bskur ba'i rnal 'byor mar gyur nas bde ba bsgom pa ste sems kyi rtags so/ /de ltar thun mong gi rtags bshad nas thabs kyi mtshan nyid ni lag pa g.yon gyis shes rab ma la mchod pa dang /mig g.yon pas shes rab la blta ba dang / bde ba bskyed pa'i gtam smra ba de ni lus kyi phyag rgya'i dam tshig dang ldan par bshad do/ /de ci bsgom zhe na/ rigs kyi sa bon rab tu bsgom/ /zhes bya ba smos te/ shes rab kyi sa bon rab tu bsgom pa'i rigs kyi bya ba der mi bya ba ni tsum+ba na dang tsu sha na la sogs pa'i bya ba dang ldan pa'i rang rtags gsungs pa/spong min zhes bya ba ni thabs kyi ting nge 'dzin mi spong ba'o/ /ngag gi mtshan nyid ji lta bu zhe na/ rang gi rigs kyi rig pa bzlas/ /zhes bya ba smos te lha mo rig pa zlos pa'o/ /lus kyi mtshan nyid ji lta bu zhe na/shes rab la 'dud pa dang / lha mo la phyag 'tshal ba'i sgra kun du smra ba de ni nges par rnam par shes pa dang ye shes kyi mthar phyin pa'i bde bar 'gro ba'o/ /rnal 'byor ma'i mtshan nyid bshad pa ni dga' ba dang po sna tshogs kyi dus su mthe bong g.yon pas sa la ri mo 'dri ba dang /'dir 'jug pa dang zur gyis blta zhing lag pa ston pa'o/ /mchog dga' rnam par smin pa'i dus su rang gi rig pa'i thabs dran pa dang / mkhur ba'am ko sko'am snar thal mo ston pa'o/ /lhan cig skyes dga' mtshan nyid dang bral ba'i dus su zur gyis blta zhing a na ha'i sngags zlos pa dang /rig pa la lta ba'o/ /des cir 'gyur zhe na/ bden par smra ba'i rnal 'byor pa/ /zhes bya ba ste/ don dam pa'i bden pa ston pa'i rnal 'byor ma'o/ /le'u bcu drug pa'i rnam par bshad pa'o// //de ltar dag byed kyi lha mo bshad nas/ dbang gi lha mo bshad pa ni/ /de nas rnyed dka' rnal 'byor ma/ /zhes bya ba gsungs te/ ye shes dang gnas dang sngags las skyes pa'i lha mo byang chub kyi sems dus mnyam du 'byin pa ni rnyed par dka' ba'o//de bzhin mkha' 'gro ma rnams kyi/ /zhes bya ba ni zhi gnas kyi nam mkha' dang lhag mthong gi nam mkhar 'gro ba'i phyag rgya'o/ /de ltar ci zhig byed ce na/ bdud rtsi lnga rnams yang dag 'byung / /zhes bya ba smos te/ slob ma'i khar byang chub sems kyi bdud rtsi 'bebs pa'o//de yang du yin zhe na/ rgyud 'bum pa las bdun du gsungs te/ sangs rgyas spyan dang / nye ba'i sangs rgyas spyan dang / sgrol ma dang / nye ba'i sgrol ma dang / gos dkar mo dang / nye ba'i gos dkar mo dang / mA ma kI 'ba' zhig dang bdun te/ de rnams la zhi ba'i gzugs su bshad pas/ ya mi ni dang skrag byed ma/ /'od ldan ma dang 'jigs gzugs can/ /kun spyod tshe zad pa su ra/ /mkha' 'gro ma ni rnam pa bdun/ /zhes gsungs so/ /de mdor bsdus pa'i mtshan nyid rgyud phyi ma dang nam mkha' dang mnyam pa'i rgyud du bshad pa ni/gzugs can ma dang tsum+pa ka / lA ma yongs 'gyur byis bcas ma/ /mi ldog lha mo e hi ka /zhes bya ba gsungs te/ cung zhig khro bo'i cha byad ston pa ni gzugs can ma dang / nye ba'i gzugs can ma dang / lA ma dang nye ba'i lA ma dang / khaN+Da ro ha dang nye ba'i khaN+Da ro ha dang / mkha' 'gro ma 'ba' zhig go/ /de rnams kyi mtshan nyid le'u lnga bcu rtsa gcig 'dir bshad pa ni rnal 'byor pa la mngon par blta ba dang / smin ma 'degs shing gar byed pa dang /sngar bzhin khro ba las phyis de zhig nas 'dzum pa dang / gzugs can ma ste sangs rgyas spyan gyi mtshan nyid do/ /dpa' bo dang gnyis su med pa la dga' ba dang / byis pa sdug kyang rung / mi sdug kyang rung / byin pas 'khyud cing 'o byed pa ni tsum+bi ka ste nye ba'i gzugs can ma ste rgyal rigs gnyis so//zur gyis blta zhing khro gnyer dang smin ma bsgyur zhing sdigs mdzub byed pa dang / ma rangs pas dbugs mi 'byin pa ltar byed pa ni/ lA ma ste rje'u rigs so/ /phag la sogs pa'i srog chags rnams 'jigs par byed pa ni nye ba'i lA ma ste rigs gnyis yin no//shin tu rgod pa dang slar gnas nas song nas phyir mi ldog pa khaN+Da ro ha ste bram ze'i rigs so/ /yid kyis kun du sbyor bas snyoms par 'jug pa dang / rkang pa'am gos kyis reg na mi 'tsho ba ni khaN+Da ro ha dang nye ba'i khaN+Da'i rigs so//mkha' 'gro ma ni 'dir zhes pa ni dmangs rigs mtha' yas yin pas mtshan nyid rgya cher ma bshad do/ /des ci zhig byed snyam na/ dbang po'i dbang sogs yin par 'dod/ /ces bya ba ni dbang bskur ba dang /tshogs 'khor byed pa dang / mchod pa byed pa dang / khams blta ba dang / bzhi kar rung ba'o/ /de dag ni khyim du ci zhig 'dri zhe na/ gzugs can mas thod pa/ nye ba'i gzugs can mas dgra sta/ lA mas mche ba/ nye ba'i lA mas ral gri/gos dkar mos dgra sta/ nye ba'i gos dkar mos rdo rje/ mkha' 'gro mas ni dung 'dri ba yin no/ /mi thub zla ba dang b+ha ba pa'i zhal snga nas ni sku'i 'khor lo'i brtson 'grus chen po nas brtsams nas/ /thugs kyi 'khor lo'i rab gtum ma'i bar du nyi shu rtsa bzhi yod pa la/ris drug dang sbyar na rdo rje sems dpa' la bzhi/ nye ba'i gzugs can ma dang rnam par snang mdzad la bzhi/ tsum+bi ka dang pad+ma gar gyi dbang phyug la bzhi/ lA ma dang dpal he ru ka'i bzhi/ yongs gyur ma dang / rdo rje nyi ma'i bzhi la byis bcas ma dang /rta mchog gi bzhi la mi ldog pa bzhis byas te/ de ltar nyi shu rtsa bzhi yin la e hi ka ni rdo rje phag mo'i rigs yin no zer ro/ /ye shes kyi lha mo kho na bshad pa ni ma yin gyi zhing skyes dang sngags skyes kyang bshad pa yin te/ mi ldog pa ni zhes bya ste/sgrub min par ni de bshad do/ /zhes gsungs pa'o/ /las dang po'i rnal 'byor ma'i bye brag kyang bshad pa yin no/ /le'u bcu bdun pa'i rnam par bshad pa'o// //de ltar dbang gi lha mo bshad nas/ da ni tshogs kyi 'khor lo bshad par bya ste/de nas gzhan yang bshad bya ba/ /zhes bya ba gsungs pa la tshogs kyi 'khor lo byed pa'i yan lag ni dbang bskur bas las gzhan no/ /mkha' 'gro ma rnams kyi mtshan nyid ces bya ba ni phyis mchod pa'i lha mo brgyad kyi mtshan nyid do//de rnams kyi mtshan nyid shes nas nam mkha' 'gro ma'i dam tshig la gnas pas bde ba rnyed par 'gyur ro/ /de ltar mdor bstan nas rgyas par bshad pa ni/ dmar zhing ser ba'i bud med gang / /zhes bya ba smos te/ kha dog dmar zhing ser ba dang //spyod lam pad+ma'i dri gtong dang / /dbyibs kyi lta stangs zhi ba dang / /rnal 'byor pa la zhen pas blta/ /zhes pa la sogs pa'i mtshan nyid can ni gsung snang ba mtha' yas kyi rigs can no/ /smin ma'i dbus na rtse gsum yod/ /ces bya ba ni ri mo gsum pa'i dbyibs la kha dog sngo skya la sogs pa'i mtshan nyid can ni/thugs mi bskyod pa'i rigs so/ /gang gi dpral bar rtse gsum pa/ /zhes bya ba ni dpral bar rtse gsum pa'i dbyibs dang / kha dog dmar ser la sogs pa'i mtshan nyid dang ldan pa ni sgrol ma ste he ru ka'i lA ma'i rigs so//'khor lo gang gi dpral ba'am/ /zhes bya ba ni dbyibs dang kha dog sngon po dang ldan pa'i mtshan nyid dang ldan pa ni rnam par snang mdzad kyi rigs so/ /gang zhig mig sman nag 'dra zhing / /kha dog dkar zhing mtho ba dang //zhes bya ba ni dbyibs la sogs pa'i mtshan nyid dang ldan pa'i yum rdo rje phag mo'i rigs so/ /ser zhing ser ba'i mdog 'drar snang / /zhes bya ba'i kha dog dang / mig mi g.yo ba la sogs pa'i dbyibs dang ldan pa'i khaN+Da ro ha'i rigs so/ / gang zhig rtag par sha la dga'/ /zhes bya ba spyod lam dang / mig sman gyi mdog la sogs pa'i mtshan nyid dang ldan pa ni nam mkha' 'gro ma'i rigs so/ /sprin gyi mdog 'dra'i bud med gang / /zhes bya ba'i kha dog dang / so ni mi mnyam par gnas shing //zhes bya ba'i dbyibs dang / rtag gdug pa yi las la dga'/ /zhes bya ba la sogs pa'i spyod lam dang ldan pa ni gzugs can ma'i rigs so/ /mkha' 'gro ma yi tshogs 'di dag /ces bya ba ni/ rigs gsum yab yum lnga'i tshogs so/ /zhes bya ba ci'i phyir gsungs she na//sgrub pa po la phan pa'i phyir/ /zhes bya ba la sogs pa gsungs te/ tshogs kyi 'khor lo la phan pa'i phyir ro/ /le'u bco brgyad pa'i rnam par bshad pa'o// //tshogs kyi 'khor lo'i lha mo bshad nas/ /mchod pa'i lha mo bshad pa ni//de nas gzhan yang bshad bya ba/ /zhes bya ba gsungs te/ /dpa' bo'i lha mo la gzhan yang bkas gnang bas mchod pa byed pa'i lha mo bshad par bya'o/ /rnam par snang mdzad la sogs pa'i rigs can gyi rnal 'byor pa la mchod pa'i yan lag tu bkas gnang ba yin no//sgrub pa po yis lA ma yin/ /zhes bya ba ni mchod pa'i phrin las byed pa'i sgrol ma'i rigs kyi lha mo ni lA ma'o/ /de yang rigs kyi bye brag gis lnga yod pas mtshan nyid kyi khyad par dang zhes bya ba smos te/ de yang kha dog gi mtshan nyid kyi khyad par dang /dbyibs kyi mtshan nyid kyi khyad par dang / spyod lam gyi khyad par dang / zla mtshan 'byung ba'i khyad par dang bcas pa'i phyag rgya dang / phyag rgya'i yan lag gi khyad par gyi yan lag gi tshig shes par bya'o/ /de ltar mdor bstan nas rgyas par bshad pa ni/bud med gang zhig bzhin zlum zhing sma ra dang smin ma ring ba dbyibs kyi mtshan nyid do/ /gos gtsang ba dang / sems zhi ba dang / bden par smra ba dang / dam pa'i chos la dga' ba ni spyod lam gyi mtshan nyid do/ /de'i yan lag gi phyag rgya ni rnal 'byor bas mthe chung dang /mthe bo gnyis so sor gshibs la sor mo rnams brkyang ba ni pad+ma'i phyag rgya'o/ /lag pa g.yon pas kha sbub tu byas pa la g.yas pas de'i steng du kha sbubs nas g.yon pa'i sor mo'i bar du g.yas pa'i sor mo gzhag pa ni rus sbal gyi phyag rgya'o//de'i len du rnal 'byor mas pad+ma'i lan ri dgas kyi phyag rgya 'dzin pa spyan ras gzigs dbang phyug gi phyag rgya ste/ g.yon pa'i khu tshur nu ma g.yon pa'i steng du bzhag pa ni rus sbal gyi lan du rdo rje khu tshur pus mo'i steng du bzhag pa ni byams pa'i phyag rgya'o//tshes bcu la zla mtshan 'byung ba dang / spyod lam ni khyim du pad+ma bri ba'o/ /de ltar rdo rje rigs kyi lA ma bshad nas pad+ma rigs kyi lA ma bshad pa ni/ mchu ring zhing mig dkyus ring ba ni dbyibs so/ /dmar ser ni kha dog go/ / phyug pa la sogs pa ni yon tan no/ /ring min thung min ni dbyibs so/ /sna tshogs pa'i gos la dga' ba ni spyod lam mo/ /dpral bar ri mo gsum yod pa dang / skra mtshams gyen du bltas pa ni dbyibs so/ /dgod cing dga' ba la sogs pa ni spyod lam mo/ / de la rnal 'byor pas mdzub mo g.yon pa bsgreng ba mdung gi phyag rgya bstan pa dang rkang pa g.yon pa bskum pa'i gar bstan nas rnal 'byor mas lan du lag pa g.yon pa'i mdung ni phyag rgya byed pa dang / g.yon pa bskor nas 'gro ba ni phyag rgya'i lan no/ /bcu bzhi dang tshes brgyad ni zla mtshan gyi dus so//khyim du mdung rtse gsum pa bri ba ni spyod lam mo/ /'jig rten dbang phyug gi lA ma ston pa nas/ las kyi rigs kyi lA ma ston pa'i bar mkhur tshos su khung bu snang ba ni dbyibs so/ /dmar ser ni kha dog go/ /skra 'khyil ba ni dbyibs so/ / dpral ba dar gyis bcings pa ni spyod lam mo/ /dpral bar ri mo gcig yod cing mgrin pa ring ba ni dbyibs so/ /gos dmar po la dga' ba ni spyod lam mo/ /g.yas pa'i khu tshur gyi mdzub mo bsgrengs nas mdung gi phyag rgya bya ba dang / g.yon pa'i pus mo'i thad kar kha thur du bya ba ni dril bu'i phyag rgya bstan pa'o//rnal 'byor pas g.yon nas ldog pa lan yin no/ /las kyi lA ma bstan nas he ru ka'i lA ma bstan pa ni thung zhing byin pa sbom pa ni dbyibs so/ /gos ser la dga' ba ni spyod lam mo/ /bud med de g.yas pa'i khu tshur gyi gung mo bsgreng ba ni rdo rje'i phyag rgya'o//gnyis pa dung gi phyag rgya ni sor mo thams cad kyi rtse mo bcum pa'o/ /rnal 'byor mas g.yon nas yongs su ldog pa ni phyag rgya'i lan no/ /bcu bzhi ni zla mtshan 'byung ba'i dus su/ /khyim du rdo rje 'dri ba ni spyod lam mo/ /he ru ka'i lA ma bstan nas/phag mo'i lA ma ni lus kun la spu yod pa ni dbyibs so/ /mig nag cing ser ba ni kha dog go/ /sbom pa la sogs pa ni dbyibs so/ /glu mkhas pa ni spyod lam mo/ /sprin gyi mdog can ni kha dog go/ /de la rnal 'byor pas lag pa'i sor mo bcu brkyang nas glu'i phyag rgya bstan pa ni khu tshur g.yon nas mdzub mo bsgreng ba mdung gi phyag rgya bstan par bya'o//rnal 'byor mas g.yon nas ldog pa ni phyag rgya'i lan no/ /tshes bcu gcig ni zla mtshan 'byung ba'i dus so/ /khyim du rdo rje 'dri ba ni spyod lam mo//le'u bcu dgu pa'i rnam par bshad pa'o// //de ltar lha mo gsum gyi mtshan nyid bstan nas/ lha mo gsum gyi brda bstan pa ni/ de nas gzhan yang bshad bya ba/ /zhes bya ba gsungs te/ de la dang po dbang gi lha mo'i brda bstan te/ mkha' 'gro g.yon gyi grwa rnams te//zhes bya ba ni ye shes dang gnas dang sngags las skyes pas so/ /g.yon gyi brda ni zhi gnas kyi bde ba dang / lhag mthong stong pa nyid sgom pa ni brda'o/ /dgos pa ci yin zhe na/ spun dang sring mor shes pa'o/ /kha sbyor dang mnyam sbyor las brda 'di rnams ni sangs rgyas dang byang chub sems dpa'i brda yin pas tha mal pa'i spyod lam bzhag nas zag pa med pa'i spyod lam la 'jug pa yin no zhes gsungs so//rgyud 'dir sbyor ba'i dus su spun dang sring mor shes par bya ba dang / dngos gzhi'i tshe de bzhin gshegs pa'i brda byed pa dang gnyis ka yin par shes par bya'o//de ltar mdor bstan nas rgyas par bshad pa ni lag pa g.yon pa ston pas phyag 'tshal ba dang srin lag ston pas phyag 'tshal ba la sogs pa'i lan du ston pa ni sbyor ba'i tshe na'o/ /ngo shes par byed pa dang /dngos gzhi zag bcas kyi spyod pa btul nas zag med kyi spyod pa la 'jug pa yin no/ /lhag ma ni go sla bas ma bshad do/ /le'u nyi shu pa'i rnam par bshad pa'o// //de ltar dbang gi lha mo'i brda bstan nas/ tshogs kyi 'khor lo dpa' bo'i lha mo'i brda bshad pa ni/de nas yang dag phyag rgya yi/ /mtshan nyid nga yis bshad par bya/ /zhes bya ba smos te/ lag pa'i phyag rgya'i mtshan nyid ni sbyor ba'i tshe na ngo shes par byed pa'am dngos gzhi'i tshe sangs rgyas kyi spyod lam ston pa'o/ / dngos gzhi de ltar byas kyang ci zhig thob par 'gyur zhe na/ gsang ba'am ni don chen la/ /phyag rgya 'di ni sbyar bar bya/ /zhes gsungs pas/ dngos grub lha las len pa'am/ rnal 'byor ma las len pa gnyis su shes par byas te/ dngos grub lha las len pa ni lha'i snying gar bcug pas rnal 'byor mngon sum bskyed pa'i byin rlabs kyis lam ston pa yin la/rnal 'byor ma las dngos grub len pa ni stong pa nyid kyi lam mngon sum du rtogs pas mngon sum gyi lam yin no/ /de ltar mdor bstan nas rgyas par bshad pa ni/bud med gang spyi gtsug la reg pa zhes bya ba smos te/ bud med gang zhig ye shes dang zhing dang sngags las skyes pas so/ /de spyi gtsug la reg pa'i tshe kho mo la rtsa a wa d+hU tI nam mkha'i rtsa yod ces ston pa yin no/ /phyag rgya'i lan du/ mgo bo de la bstan par bya//zhes bya ba ni kho bo'i bde ba ni stong pa nyid rtogs par 'dod ces smra ba yin no/ /de lta bu gang zhig dpral ba ston pa la sogs pa thams cad ni nam mkha'i rtsa ston par nus so zhes ston pa yin la/ mkhur tshos ston pa la sogs pa lan gyi phyag rgya thams cad ni bde ba stong pa nyid mngon sum du sgom zhes ston pa yin no//brda mi 'dra ba mang po ni tshogs kyi 'khor lo'i rnal 'byor ma sum cu rtsa bdun gyi khyad par ro/ /le'u nyi shu rtsa gcig pa'i rnam par bshad pa'o// //de ltar dpa' bo'i brda bstan nas/ bkas gnang ba mchod pa'i lha mo'i bshad pa ni/de nas gzhan yang bshad bya ba/ /zhes bya ba gsungs te/ yan lag ji bzhin cho ga bzhin/ /zhes bya ba ni nying lag gi sor mo'i brda'o/ /dgos pa ci zhig ce na/ spun dang srin mor shes par 'gyur ba'o/ /de ltar mdor bstan nas rgyas par bshad pa ni/sor mo gcig ston pa ni phyag 'tshal ba'o/ /gnyis ston pa ni phyag 'tshal ba'i lan no/ /'di ni rnal 'byor ma kun gyi/ /zhes bya ba ni dag byed kyi dbang gi lha mo dang dpa' bo'i lha mo bka' bsgo ba bskyed/ de 'og ma lus kun spyod ma//zhes bya ba ni rigs lnga'o/ /thun mong gi phyag 'tshal ba dang de'i lan yin no/ /mdzub sor gnyis bkug mig gi rgya/ /zhes pa ni a wa d+hU tI kha 'byed shes sam zhes dris pa yin no/ /sngags pas gang la de bstan te/ /zhes bya ba ni mchod pa'i lha mo sum cu rtsa bdun pa'o//de'i phyag rgya'i lan du mdzub sor gnyis bkug nas de nas brtsams te ji srid 'tsho'i bar du brtan pa ni bde ba mi nyams pa la dbang thob par the tshom med do/ /rdo rje phag mo lta bu gang zhig gung mo ston par byed na rnal 'byor pas mdzub mo bstan par bya'o/ / gang zhig srin lag ston pa ni rab tu gtum ma'o/ /de nas brtsams te gang zhig dpral ba ston pa zhes bya ba tha mar bstan pa ni shing grib ma'i brda'o/ /de'i lan lce nas brtsams te lte ba'i bar du bstan pa ni dpa' mo'i brda ste/ thugs kyi 'khor lo la bstan pa bzhin du sku dang gsung la sogs pa la bstan pa yin no zhes bsgre bar bya ba'i phyir/'di ni rnal 'byor ma kun gyi/ /rim bzhin yan lag phyag rgya yi/ /zhes bya ba smos te/ thugs ji lta ba bzhin du gsung dang sku dang dam tshig mkha' 'gro ma las kyang go rims bzhin du yan lag phyag rgya yin no/ / 'di dag rtags bdun bstan gsang ba/ /zhes bya ba ni chags pa'i lam gsang ba pa rnal 'byor ma'i brda'i rtags shes nas/ yang dag lta ba grub par 'gyur/ /zhes bya ste/ sa bcu gcig gi ye shes kyi dngos grub thob par 'gyur ro/ /rnal 'byor pa kha dog dang dbyibs kyi mtshan nyid dang brda yang mi shes la rnal 'byor ma dbang bskur ba thob kyang brda mi shes na ji ltar rigs drug gi bdag nyid du shes par bya zhe na/rdo rje mkha' 'gro las lha'i 'khor lo bris la me tog 'phang ba'am lag pas reg pa'am/ yi ge'i sde tshan lngar byas la lag pas reg pa'am/ me tog 'phangs na de'i rigs su shes par 'gyur ro/ /yi ge de yang gang zhe na/ a ring thung gnyis dang sde tshan lnga'i dang po lnga dang mthar gnas pa'i dang po gnyis kyi steng du yi ge bdun ni de bzhin gshegs pa'i rigs so/ /i I gnyis dang sde tshan gyi gnyis pa lnga dang /mthar gnas kyi 'og gnyis dang dgu ni rin po che'i rigs so/ /u U dang sde tshan gyi gsum pa lnga dang / mthar gnas kyi gnyis dang dgu ni pad+ma'i rigs so/ /e i gnyis dang sde tshan gyi bzhi pa lnga dang dro ba dang mthar gnas kyi tha ma gnyis ni las kyi rigs so//o au dang aM aHdang dbyangs bzhi dang sde tshan gyi tha ma lnga dang / mthar gnas kyi dang po gnyis dang bdun ni rdo rje'i rigs so/ /las dang po pas gzhan rtogs pa'o/ /le'u nyi shu rtsa gnyis pa'i rnam par bshad pa'o// // de ltar dag byed dang dbang dang / dpa' bo dang bkas gnang ba'i mtshan nyid kyi le'u bzhi dang brda'i le'u bstan nas kun spyod kyi mtshan nyid bstan par bya ba ni/ de nas gzhan yang bshad bya ba/ /zhes bya ba gsungs te/ mkha' 'gro ma yi mtshan nyid de/ /zhes bya ba gsungs te/mkha' 'gro ma ni kun spyod ma'i rigs te lnga'o/ /gang gis shes na pho nya mo/ /zhes bya ba ni kha dog dang dbyibs kyi mtshan nyid shes nas pho nya mo de las kyi phyag rgya bsgrub pa'o/ /dpa' bo sring mor shes 'gyur ba/ /zhes bya ba ni/ sngags skyes kyi lha mor shes pa'o//de ltar mdor bstan nas/ /rgyas par bshad pa ni/ dam tshig can gang rjes chags pas/ /zhes bya ba smos te/ rnal 'byor ma bsgrub pa'i cho ga ston pa yin no/ /rnal 'byor ma dam tshig can gang yid du 'ong ba la rjes su chags pa'o/ /de ji ltar sgrub ce na/rnal 'byor longs spyod sa gzhi yin/ /zhes bya ba smos te/ bsam gtan gyi ting nge 'dzin gyi lo tog bskyed pa'i sa gzhi las kyi phyag rgya'o/ /de yang mnyam sbyor las/ /sgyu ma dag ni thams cad las/ /bud med sgyu ma khyad par 'phags/ /zhes gsungs so//gzhi ni sa gzhir byas nas ni/ /zhes bya ba ni dge bsnyen gyi sdom pa dang / byang chub sems dpa'i sdom pa dang / sngags kyi dam tshig byin pas sa gzhir byas nas/ rnal 'byor pa'i lus kyi 'khor lo sdom pa mchod par bya'o/ /gsang ba 'dus pa dang kha sbyor las/mi yi bud med ma rnyed na/ /khams blta dud 'gro bsten par bya'o/ /zhes gsungs pa ste/ sgra'i khams las drangs nas 'khor ba'i 'gram las pha rol tu rgal bar byed pa'i las kyi phyag rgya kun spyod ma 'di la bshad pa yin no/ /de ci'i phyir zhe na/ de yang rdo rje rtse mo las dud 'gro ste/ 'khor ba'i chu bo rgal dka' bas/ /sems can dag ni thams cad gnas/ /ci ltar mi shes rmongs 'gyur ba/ /de bzhin nga yis sgrol bar byed/ /ces gsungs pa'i phyir kun spyod ma byol song gi lam zhes bya'o/ /bsgrub pa bshad nas thun mong gi rtags bstan pa ni go bzlog pa ni zhes bya ba smos te/mig phab nas zur mig blta ba'o/ /bzhin rnam par 'gyur ba ni chags pas khyab pas bde ba'o/ /rtag tu bzhin gyi smin ma g.yo/ /sna tshogs myur du shes bya ba/ /zhes bya ba ni dga' ba'i dus mtshon pa yin no//rnam par smin pa dang rnam par bskyod pa dang mtshan nyid dang bral ba ni shugs kyis go bar 'gyur ro/ /de bzhin mkha' 'gro 'gyur ba'o/ /zhes bya ba ni sngar gyi lha mo bzhin du 'dir yang mkha' 'gro ma'i rigs su 'gyur bar shes par bya'o//de ltar sku'i rigs bshad pa ni/ rnam 'gyur 'khor ba zhes byas te/ zhes bya ba gsungs te/ bzhin bsgyur zhing ngag gi dkyil 'khor bskul ba dang / ri mo gsum dpral ba na yod pa ni sku'i rigs su nges par 'gro ba'o/ /thugs kyi mkha' 'gro ma ni/gal te ldog par gyur na ni/ /zhes bya ba la gal te bsam par gyur na/ sngar bshad pa'i don rtog med bskyed pa'i ting nge 'dzin la spyod pa gtogs pas de'i gdong rnam par 'jigs pa bzhin 'gyur ba ste rdo rje lta bu'i skad gsal por smra ba yin no//gsung gi rigs ni sgra khu byug ltar gsal ba yin no/ /de kun spyod pa la rigs lnga ston pa ni khyim du rdo rje me long 'dri na nam mkha'i rtsa yod pas snyoms par 'jug pa sngar ston pas thugs kyi rigs dang / ral gri me long dang bcas pas rin po che'i rigs dang /rgyal mtshan me long dang bcas pas pad+ma'i rigs dang / mdung me long dang bcas pas sku'i rigs dang / me long kha sbyor 'dri ba'i mtshan nyid 'di dag dang ldan pa'i mkha' 'gro ma kun spyod ma rnams kyi nang nas mchog yin par shes par bya'o//le'u nyi shu rtsa gsum pa'i rnam par bshad pa'o// //de ltar kun spyod ma'i mtshan nyid bshad nas de'i brda bshad pa ni/ de nas yang dag bshad bya ba/ /zhes bya ba gsungs te/ sgrub pa po'i brda rnams byas pas spun dang srin mor shes par 'gyur ba ni dgos pa'o//de ltar mdor bstan nas rgyas par bshad pa ni po tang+gi zhes bya ba la sogs pa gsungs pa yin no/ /kha sbyor las dngos grub sgrub pa'i tshe bza' ba dang bcas pa'i spyod pa btul nas sangs rgyas dang byang chub sems dpa'i brdar gyur pa'i spyod pa la zhugs pa dang dngos grub len pa'i thabs su gsungs so//ci'i phyir thabs yin zhe na/ zag pa med pa'i brda yin pa'i phyir ro/ /thog mar phyag 'tshal nas ga muHdang lum+pA zhes 'gro 'ong ston pa dang / de hi zhes bya ba nas brtsams te a mr-i ta na'i bar gyis dbang bskur ba'i rtags dang /sa ga mo nas zhes bya ba'i bar gyis tshogs kyi 'khor lo yan lag gi brda'o/ /kun+ta zhes bya ba nas an+ta zhes bya ba'i bar gyis mchod pa'i yan lag go/ /sha naM zhes bya ba nas brla la reg pa zhes bya ba'i bar gyis khams lta ba'i yan lag go//le'u nyi shu rtsa bzhi pa'i rnam par bshad pa'o// //de ltar le'u lngas lha mo'i brda bshad nas/ lha mo dang rnal 'byor pa'i lus la lha dgod nas mchod pa bya ba ni/ de nas don kun 'dod pa zhes bya ba la sogs pa smos te/dngos grub kyi don thams cad bskyed pa'i rtsa ba'i sngags so/ /bya ba byed pa ni yi ge btu ba'i tshe mi gsal ba/ rnal 'byor pa mos pa dman pa'i sems can rmongs shing mi shes par 'gyur pas rtsa ba'i gsang sngags gsal bar gsungs pa'o/ /de ltar mdor bstan nas rgyas par bshad pa ni dpa' bo dang rnal 'byor ma'i lus la dgod pa'i sngags yi ge btu ba'i tshe mi gsal ba gsungs pa ni 'di yin te/na mo b+ha ga wa te zhes bya ba la sogs pa'o/ /rkang pa brgyad po des bdud rtsi lnga dang cang te'u dang chang dang 'khyud pa'i lha mo brgyad kyis mchod pa yin no//kar kar zhes bya ba la sogs pa dang dpa' bo nyi shu rtsa bzhi dgod pa dang / sku gsung thugs kyi dpa' mo sum cu rtsa bdun pa dgod par bya'o/ /hUM dang phaT kyi mtshams ma phye ba'i rtsa ba'i sngags 'di ni rnal 'byor ma la ye shes 'bebs pas na gsang ba'i tshig gi le'u zhes bya bar gsungs te/rnal 'byor ma sgrub pa'i cho ga'o/ /le'u nyi shu rtsa lnga pa'i rnam par bshad pa'o// //de ltar tshogs kyi 'khor lo le'u bcu gnyis bshad nas/ le'u dang po rdzogs pa'i rim pa rgyas par bshad pa bstan pa ni/de nas zhes bya ba la sogs pa gsungs pa yin no/ /gzhan yang 'jig rten ni/ gsum po dag na yod min pa/ /zhes bya ba ni bskyed pa'i rim pa las gzhan pa tshogs kyi 'khor lo dang zhi ba'i btung ba dang pho nya'i gtsang sbra ni sa 'og dang / sa steng dang / sa bla gsum du rnyed par dka' ba'o//yang na 'dod pa dang gzugs dang gzugs med par rnyed par dka' bas na yod min pa zhes bya'o/ /shrI he ru ka'i sngags shes na/ /zhes bya ba ni yid skyob par byed pa'i gsang sngags te/ gtsang sbra rnam pa gsum mo/ /gsang sngags thams cad yongs dor ba//zhes bya ba ni spyod pa dang bya ba dang gnyis ka dang rnal 'byor gyi rgyud kyi sngags thams cad yongs su 'dor ba'o/ /de ltar mdor bstan nas rgyas par bshad pa ni/ rim dang rim min bzlog pa yis//zhes bya ba la sogs pa gsungs te/ rim dang rim las bzlog pa gang zhig yin zhe na/ pho nya rnams zhes bya ba gsungs te/ pho nya ni phyag rgya bzhi ste las dang chos dang dam tshig dang phyag rgya chen po'o/ /de dag gang mtshan nyid ni rim dang rim las bzlog pa'o//chags pa'i lam pa'i las kyi phyag rgya'i dbang du byas na g.yas skor dang g.yon skor gyis bkod pa ni rim dang rim las bzlog pa'o/ /grol ba'i lam pa'i dbang du byas pa'i chos dang dam tshig gi phyag rgya ni dbugs phyir rgyu ba dang / nad du 'jug pa'i rim dang rim las bzlog pa'o//rang lhag par gnas pa'i dbang du byas nas sgyu ma lta bu dang stong pa nyid ni rim dang rim las bzlog pa'o/ /mtshan nyid de dang ldan pa'i pho nya mo rnams ni zhi gnas dang lhag mthong mngon sum du skye ba'i rgyur yang dag gnas zhes bya'o/ / des 'bras bu cir 'gyur zhe na/ 'og dang steng grub rtag tu ster/ /zhes bya ba smos te/ 'og ni sku'i dngos grub bo/ /steng ni thugs kyi dngos grub bo/ /steng gi sgras 'phangs pas sa spyod gsung gi dngos grub 'grub pa'o/ /rtag tu ster zhes bya ba ni phyag rgya bzhi rgyu nus pa thogs med yin pas 'bras bu skye bar gdon mi za ba'o//dngos grub thams cad ji ltar ster bar 'gyur zhe na/ bdag gi pho nya mo kun 'gro/ /zhes gsungs te/ dngos grub gsum la khyab pas na kun 'gro'o/ /pho nya mo de kun grub ster/ / zhes bya ba ni rgyu yin pa des na dngos grub ster bar 'gyur ro/ /de ltar bsgrubs pa'i 'bras bu bshad nas dad pa'i 'bras bu ni/ mthong dang de bzhin reg pa dang / zhes bya ba smos te/ grol ba'i lam pa'i byang chub sems dpas yid du 'ong ba'i gzugs mthong ba nas brtsams te/sgra thos pa dang dri bsnams pa dang ro myangs pa dang yid du 'ong ba'i reg bya'i bar du'o/ /de yang chags pa'i lam pa'i dbang du byas nas/ tsum+pa na dang rtag tu 'khyud/ /ces bya ba smos te/ khas kha la reg pa dang 'khyud pa dang snyoms par zhugs pa la sogs pas nam mkha'i rtsa'i reg bya yul du byas pa'o//rnal 'byor gnas pa'i khyad par nyid/ /ces bya ba ni/ pho nya'i lam pa'i rnal 'byor dang grol ba'i lam dang rang lhag par gnas pa'i rnal 'byor pa'o/ /gnas kyi khyad par ni phyag rgya'i dbye bas rnam pa bzhir phye ba'o//ji srid rnal 'byor tshogs rnams ni/ /zhes bya ba ni chags pa'i lam dang grol ba'i lam dang rang lhag par gnas pa'o/ /thams cad dngos grub byed par bshad/ /ces bya ba ni phyag rgya gsum gyis bsam gtan gyi ting nge 'dzin mngon sum du bskyad pa dang phyag rgya chen pos zag pa med pa lhag mthong thob pas ni/thams cad dngos grub byed par bshad/ /ces gsungs so/ /de ltar grub pa'i 'bras bu dang dang po'i 'bras bu gnyis bshad nas/ da ni rgyu ston pa yin te/ bde ba kun la sbyin bya yi/ /zhes bya ba ni zhi gnas bde ba dang lhag mthong stong pa nyid mngon sum du byed par sbyin par bya zhes sa bon ston pa yin no//gzhan du nam yang ma yin no/ /zhes bya ba ni/ rnam bshad ni rnam pa bdun te sde snod gsum la gnas pa'i go rims lam du byed pa dang / rgyud sde bzhi la bskyed pa'i rim pa'i dbang thob pa rnams la nam yang sbyin par mi bya'o//bde can kun zhes bya ba gang yin zhe na/ /ma dang zhes bya ba rdo rje slob dpon dang dbang dus gcig tu bskur ba dang / sring mo ni rang dang lhan cig tu dbang bskur ba'o/ /bu mo ni rang gis dbang bskur ba'o/ / chung ma ni bla mas gnang ba'o/ /de rnams shugs kyi rdo rje slob dpon dang bdag nyid dang rang gis dbang bskur ba'i slob ma dang / rnal 'byor ma la ltos te rnal 'byor pa rnams kyang mtshon pa yin no/ /gang zhig rtag tu sngags sbyin pa/ /zhes bya ba ni yid skyob par byed pa'i sngags de'i dbang byin pa rnal 'byor pa de rnams kyi gtsang sbra gsum po de nyid mngon sum gyi lam gyi cho gar bshad do//de ltar rten gyi gang zag bshad nas/ da ni thabs ston pa ni/ de nas rnal 'byor rgyud du ni/ /zhes bya ba la sogs pa gsungs te/rnal 'byor rgyud ni phyi ma'i phyi ma 'di nyid yin te/ thabs kyi rgyud lnga dang shes rab kyi rgyud bzhi las gos dkar mo'i rgyud yin pa'i phyir ro/ /rnyed dka'i dam tshig nga yis bshad/ /ces bya ba ni bsam gtan dang po'i ting nge 'dzin dngos su bskyed pa'i thabs ni tshogs kyi 'khor lo yin pas ngas bshad pa yin no//skyes pa bud med g.yon nas 'gro/ /zhes bya ba ni zhi gnas bde ba dang lhag mthong stong pa nyid kyi bde ba mngon sum mo/ /'dod pa'i dngos grub ster bar byed/ /ces bya ba ni zhi gnas dang bde ba mngon sum du bskyed pa'o//rigs ldan rnams ni mchod par bya/ /zhes le'u dang por gsungs pa bshad par bzhed nas/ khyim dang zhing du rnam gnas pa/ /zhes bya ba ni khyim ye shes pa'i 'khor lo ni khyim mo/ /sku gsung thugs kyi 'khor lo ni zhing ngo / /rnam gnas ni dam tshig gi 'khor lo ste gnas brgyad do//de skad du yang kun spyod las/ /khyim lnga dang ni yul rnams dang / /zhes gsungs so/ /shin tu ring yang shes par 'gyur/ /zhes bya ba ni kha dog dang dbyibs dang spyod lam dang brda rnam pa gsum gyis gnas nyi shu rtsa bzhir skyes kyang phan tshun rnal 'byor par shes par 'gyur ro//de ltar tshogs kyi 'khor lo bshad nas zhi ba'i btung ba bshad pa ni/ he ru ka las sbyor gzhan med/ /ces bya ba gsungs te/ ro rdo rje ma la sgyu ma lta bur rtogs pa ni he ru ka la sbyor ba'o/ / gzhan med ces bya ba ni zhi ba'i btung ba las gzhan med pa'o/ /slob dpon rnal 'byor ma nyid yin/ /zhes bya ba ni zhi ba'i btung ba'i rgyu tshogs pa yin pas na slob dpon zhes rtogs pa yin no/ /rgyud 'di rnams su sgrub pa po/ /zhes bya ba ni zhi ba'i btung ba bsgom pa'i rnal 'byor pa'o//legs par gyur pa nyid yin te/ /zhes bya ba ni rang bzhin brgyad cu dang bral ba'o/ /brnyas mi bya zhing spang mi bya/ /zhes bya ba ni bde ba sgyu ma lta bur rtogs pa'i rgyu yin pas lus ngag gis brnyas par mi bya zhing sems kyis spang bar mi bya'o/ / nus pa yis ni mchod par bya/ /zhes bya ba ni sbyor ba'i tshe na 'dod pa'i yon tan lngas mnyes par bya'o/ /de bzhin zhi ba'i btung ba bshad nas pho nya'i gtsang sbra bshad pa ni/ kA ka la sogs brgyad po ni/ /zhes bya ba gsungs te/ pho nya'i gtsang sbra'i thog mar zag pa med pa'i sdom pa bsrungs la kA ka la sogs pa'i lha mo brgyad kyis srung bar byed pa yin no//kA la sogs pa brgyad ni rnam rgyal la sogs pa brgyad yin pas des bsrung ba yin te de yang rgyud bla ma las/ rnam rgyal la sogs khro bo rnams/ /kA ka la sogs yang dag sprul//zhes gsungs so/ /mos dang dad pa 'phel byed pa/ /zhes bya ba la rnam shes la mos pa 'phel ba dang ye shes la dad pa 'phel ba'o/ /rtag par dngos grub rnams kyi rgyu/ /zhes bya ba ni phyis 'byung ba'i dam tshig brgyad do/ /dam tshig rnams kyang spyod pa'o//zhes bya ba ni dam tshig bsrung ba la mkha' 'gro ma brgyad kyis bsrung ba'o/ /de lta bu'i bdud 'joms pa'i mkha' 'gro ma brgyad bshad nas shes rab ye shes kyi dam tshig bshad pa ni/ lha mo gzhan dang kun sbyor ba/ /zhes bya ba smos te/dang po rnam bshad kyi dam tshig bzhi smos pa ni lha mo gzhan ni dbang bskur ba'o/ /de dag dang kun du sbyor ba ni bsnyen sgrub ma byas par sbyor ba'o/ /dam tshig dang ni mi ldan par/ /rig ma bsten par dga' ba dang / /zhes bshad pas dbang mi bskur ba dang snyoms par mi sbyar ba dang /'dod chags par 'gyur ba dang zhes bya ba ni/ dbang bskur ba yin yang rang bzhin brgyad cu dang ldan pa'o/ /gnyis med ces bya ba ni gzung 'dzin gnyis dang bral ba'i gnyis med du shes pa'o/ /gzugs med ces bya ba ni dga' bral du song ba'o//de las bzlog pa yongs gcod bshad pa ni/ dam tshig spyod pa spyad pa dang / /zhes bya ba ni dam tshig dang ldan pa la spyod pa ni snyoms par 'jug pa'o/ /bud med dbang phyug shin tu sbyor/ /zhes bya ba ni rang bzhin brgyad cu dang bral ba'o/ / tshangs par spyod dang de bzhin gzhi/ /zhes bya ba ni gzung 'dzin dang bral ba'i 'od gsal ba zag pa med pa bsrung bas na gzhi'o/ /khro med rgyun gyis kun spyod pa/ /zhes bya ba ni dga' bral du mi 'gro ba'i bsrung ba'i kun du spyod pa'o/ /'di brgyad dam tshig kun spyod yin/ /zhes bya ba ni shes rab ye shes kyi dbang bskur ba'i dam tshig go//de sgrub pa la gnas pa rnams kyi dam tshig tu shes par bya'o/ /de ltar dam tshig bshad nas/ /rgyud rnams kun gyi thun mong ste/ /zhes bya ba ni pho nya'i gtsang sbra dngos bshad pa yin no/ /stong pa nyid mngon sum du rtogs pa 'di spyod pa dang bya ba dang gnyis ka'i rnal 'byor pa rnams kyi mngon sum du thun mong du snang ba yin pas gnod pa byed pa'i gtan tshigs med par gzhom par mi bya zhing gdags par mi bya ba'o//de ji ltar bsgom zhe na/ dad pa nyid kyis blang bya yi/ /zhes bya bas te/nam mkha'i rgyu dang tshogs pa las bde ba rtog pa med pa'i nges pa'i shes pa 'dren pas gus par blang ba'o/ /mig gis mthong ba dang / rna ba dang / sna dang / lce dang lag pas ma yin no/ /gsang ba 'di ni ma bstan cing / /zhes bya ba 'di ni grol ba'i lam pa la mi gnas/lus kyi bar gyis chos kyi phyag rgya las dbang thob pa yin yang / reg bya rdo rje ma'i gsang ba 'di ma bstan cing rab tu sbas pa yin na ci'i phyir grol ba'i lam pa la mi bstan zhe na/ blo ldan mthe'u chung bskyod par ni/ /zhes bya ba smos te/ blo ldan ni chags pa'i lam pa'o//mthe chung bskyod pa ni rtsa tha ma'i sgo sprad pa'o/ /pho nya mo rnams yang dag gnas/ /zhes bya ba ni dung can dang / pad+ma can dang ri dgas can rnams las kyi phyag rgyar yang dag par gnas pa'o/ /de ltar thabs bshad nas zhar la bskyed rdzogs gnyis ka'i rgyu'i rgyud bshad pa ni/dag dang ma dag 'dres pa ste/ /zhes bya ba gsungs te/ dag pa ni bskyed pa'i rim pa bsgom pa'o/ /ma dag pa ni bdud rtsi rnam pa lnga la longs spyod pa'i rdzogs pa'i rim pa bsgom pa'o/ /'dres pa ni bskyed rdzogs gnyis ka bsgom pa'o/ /de'i ming gi rnam grangs ni/mnyes byed rnam par dag pa dang gsal byed ces bya ba gsungs te/ yon tan dang ldan pa'i ming gsum mo/ /le'u nyi shu rtsa drug pa'i rnam par bshad pa'o// //de ltar le'u dang po'i 'bras bu dang rgyu dang thabs rnam pa gsum gyi sgo nas bshad nas/da ni sbyor ba dang / dngos gzhi dang / mjug rnam pa gsum gyi sgo nas bshad par bzhed nas/ de nas rnal 'byor spyod pa brtul zhugs zhes bya ba la sogs pa gsungs te/ rnal 'byor pa ni gtsang sbra gsum bsgom pa'o/ /spyod pa ni gtsang sbra rnam pa gsum gyis so//brtul zhugs ni gtsang sbra gsum ni dngos gzhi'o/ /sbyor ba ni mchod par shes par bya'o/ /bskyed pa'i rim pa la yang spyod pa dang brtul zhugs yod na rdzogs pa'i rim pa dang khyad par ci yod ce na/ pho nya mo rnams rab sgrub byed/ / ces bya ba gsungs te/ phyag rgya bzhi dang byang chub sems 'bab pa'i bde ba'i dbang po dang / bde ba bskyed pa'i bag chags rgyu'i rkyen dang / slob dpon gyi gdams ngag dran par byed pa mtshungs pa de ma thag pa'i rkyen las bsam gtan gyi sdom pa rnam shes dang zag pa med pa'i sdom pa ye shes skyes pas rab sgrub byed ces bya'o//myur du 'grub ces bya ba ni mngon sum du rtogs par byed pa yin te/ 'bras bu yod ces bya ba yid/ /ces gsungs pa'i phyir ro/ /pho nya rnams kyis tshig thams cad shes par bya'o zhes bya ba ni gtsang sbra gsum la sbyor ba dang /dngos gzhi dang mjug gsum du phye ba ni tshig thams cad do/ /de ltar mdor bstan nas rgyas par bshad pa la dang po mchod pa bstan nas/ yul dang yul du nye bar song / /zhes bya ba smos te/ gnas nyi shu rtsa bzhir rnal 'byor pa de rab tu song zhing sgrub pa'o//kha cig ni rgyud bla ma las bshad pa'i sbyangs pa'i yon tan gyi 'khor lo spyod par sgom pa yin la de'i yan lag tu gnas nyi shu rtsa bzhir rgyu zhing rnal 'byor ma 'tshol ba yin no zhes zer ro/ /de ni rigs pa ma yin te/rdzogs pa'i rim pa'i ting nge 'dzin las langs pa'i tshe phyogs las rnam par rgyal ba dang pha rol tu phyin pa'i spyod pa bya'o zhes kha sbyor las gsungs pa dang 'gal ba dang / rdo rje mkha' 'gro las kyang / bcos ma'i bsgom pa spang bar bya/ /bcos pa'i bzlas pa'ang spang bar bya//de la sogs pa'i bcos ma kun/ /rnal ma'i sbyor ba'i tshul la min/ /zhes gsungs pas sbyangs pa'i yon tan gyi lhar bskyed pa'i don med do/ /'o na yul der ci'i phyir rgyu snyam na/ pho nya'i gzugs su mtshon pa yin/ /zhes gsungs te/ kha dog dang dbyibs dang spyod lam gyis mtshon pa dang brda gsum gyis mtshon pa'o/ /de shes pas 'bras bu ci 'grub ce na/ pho nya ral gri'i so 'dra zhing / /dag byed bsod nams 'phel byed yin/ /zhes gsungs te/ dag byed ni rang bzhin brgyad cu dang bral ba'o/ / bsod nams 'phel ba ni lhag mthong gi ye shes skyes pa'o/ /de bzhin pho nya legs 'dres pas/ /zhes bya ba ni de bzhin ni dpe ral gri'i so 'dra ba la bsnyegs so/ /ral gri 'dra ba su zhe na/ pho nya legs 'dres pas zhes bya ba smos te/ thams cad las ni sems bsdus nas//nang gi bdag nyid dbye byed pas/ /gnas pa'i lus kyi reg bya ni/ /thog ma'i blo ni lhan skyes yin/ /zhes bshad pas rang bzhin brgyad cu dang bral ba la legs par 'dres pa'o/ /sgrub pa po yis dngos grub thob/ /ces bya ba ni phyag rgya bzhi dang sbyor ba las dngos grub gsum thob pa'o//goms pa mi dgos sam zhe na/ bzlas brjod bsam gtan med par yang / /myur ba nyid du grub par 'gyur/ /zhes bya ba smos te/ dper na bkru sman gyi tshogs pa las nad 'byin pa bzhin du bzlas brjod dang bsam gtan med kyang /rnam shes dang ye shes ni rgyu tshogs pa las skye'o/ /de ltar shes pa'i 'bras bu dang / bsgrubs pa'i 'bras bu dang / myur ba'i 'bras bu gsum bshad nas/ thabs bshad pa ni/ sngags dang phyag rgyas sgrub pa po/ /mchod pa nyid la rab tu 'jug /ces bya ba gsungs te/ sngags ni bskyed pa'i rim pa'i lus la lha dgod pa dang / rdzogs pa'i rim pa'i dbugs 'byung 'jug 'khor ba'o/ /phyag rgya ni bskyed pa'i rim pa'i phyag mtshan dang / rdzogs pa'i rim pa'i phyag rgya bzhi'o/ /mchod pa ni gtsang sbra gsum gyi sbyor ba rnam pa sna tshogs dang rnam par smin pa la 'jug pa'o//de las gzhan pa'i mchod med de/ /zhes bya ba ni zhi gnas dang lhag mthong sgrub pa'i mchod pa'o/ /de ltar bstan bcos rnam nges yin/ /zhes bya ba ni mjug bsdu ba ste mngon sum gyi lam bstan pa'i snying po yin no//rgyal po ni mi la khur gyis dge slong seng ge ma bsad kyi bar du mtshan nyid kyi theg pa la yang mngon sum gyi lam yod pa yin pa las bsad nas bstan pa'i snying po nub pa yin no/ /gsang sngags kyi theg pa la ni zhi gnas dang lhag mthong gi lam mngon sum yod pas bstan pa'i snying po ma nub pa yin no//'o na bstan pa'i snying po yod na/ gsang ba 'dus pa'i le'u bcu bdun pa las mar me mdzad nas 'od srungs kyi bar du ma gsungs so zhes bya ba'i don ci yin zhe na/ las dang po pa'i rnal 'byor ma rtogs pa la dgongs pa yin no//sangs rgyas dang byang chub sems dpa' rnams la ni dus thams cad du mngon sum gyi lam gyis chos kyi rdzogs par longs spyod cing nyams su myong ba'i phyir dge slong ma seng ge'i rnam par thar pa las sa bcu pa'i byang chub sems dpa' rnams la phyag na rdo rje mthu bo che rdo rje rgyan zhes bya ba rdo rje theg pa'i chos kyi 'khor lo bskor ro zhes gsungs so//pho nya dang sbyar ba'i mchod pa bshad nas/ rnam par nyed pa dga' bral gyi gnyen por spyod pa bstan pa ni/ pho nya'i lam la dga' bas kyang / /zhes bya ba gsungs te/ chags pa'i lam pa'i sgrub pa po ni dngos grub brtson zhes bya ba ni dga' bral du 'gro ba'i dgos pa'i ro mnyam gyi spyod pa sgom pa'o//de yang gang yin zhe na/ tshogs kyi 'khor lo'i spyod pa ste/ /rig sngags phyag rgyar yang dag ldan/ /zhes bya ba nas zhi ba dang rgyas pa la sogs pa'i sngags dang lag pa g.yas g.yon dgang gzar dang blugs gzar du byas pa'i phyag rgya dang ldan pas bdud rtsi lnga'i kha zas la rtag tu spyad par bya'o//kha zas 'ba' zhig dang tshogs kyi 'khor lo byed dam zhe na/ sgrub pa po ni legs pa ru/ /mnyam par gzhag pas rigs rnams ni//kun la nye bar spyad bya zhing / /zhes bya ba gsungs te/ legs par mnyam par gzhag pa ni rang bzhin brgyad cu dang bral ba'o/ /rigs rnams kun ni gzugs nas reg bya'i bar du yul lnga dga' ba bzhi nye bar longs spyod cing rtog pa med pa'i shes pa skyes pa'i dus su bza' ba ma yin zhes blang dor du mi brtag go//de ltar tshogs kyi spyod pa bshad nas/ zhi ba'i btung ba bshad pa ni don dam du ni dbyer med ces bya ba gsungs te/ don dam bde ba rtog pa med pa sgyu ma lta bu shes pa ni dbyer med pa'o/ / pho nya mo gnyis grub par zhes bya ba ni gsang ba dang shes rab ye shes kyi sgrub pa'o/ /dngos grub cho ga la spyod pa ni gsang ba'i dbang bskur ba'i dus su/ pho nya gcig pu kho na yin/ /zhes bya ba ni bdud rtsi lnga 'byin pa'i yum mo/ /rab bdag nyid ces bya ba ni/ mchog gi dngos grub dang po'o//dngos grub ni/ sgrub pa dag kyang nye ba dang / /zhes bya ba ni 'jig rten gyi dngos grub dang nye ba'o/ /bla ma'i brgyud pas thob pa'i dbang bskur ba dang / yid skyob par byed pa'i sngags kyi ting nge 'dzin dang ldan pa/ pho nya rnam gsum yang dag bshad/ /ces bya'o/ /de ltar gsang ba'i dbang bskur ba'i spyod pa bshad nas pho nya'i gtsang sbra'i spyod pa bshad pa ni dang po'i pho nya'i rnal 'byor pa'i mtshan nyid bstan to//phyag rgya legs sbyor dang tshul ni/ /zhes bya ba ni rang bzhin brgyad cu dang bral ba'i rtog pa med pa'i ngang tshul can no/ /chags med stong dang zhes bya ba ni chags med ni bde ba'i ro myang ba'o//tshul khrims ldan zhes bya ba ni sdom pa gsum la gnas pa'o/ /ye shes rgyu skyes yang dag rdzogs/ /zhes bya ba ni skye ba snga mar goms par byas pa'o/ /sems kyi bdag nyid nang par langs/ /zhes bya ba ni/ dga' ba dang mchog dga' dang /lhan cig skyes dga' las 'das pa'o/ /'od gsal ba ni bsgom pa'o/ /kha cig ni thun bzhi dang por mal nas langs nas/ bskyed pa'i rim pa bsgom pa yin no zhes zer ro/ /de ni skabs ma yin pas brjod par mi bya ste/ rdzogs pa'i rim pa'i spyod pa ni bskyed rim sgom pa ma yin zhing /bskyed pa rim pa la ni thun bzhir lha'i skur bsgom pa ni dngos gzhi yin pas 'brel ba med pa ma yin no/ /de ltar rten gyi gang zag bshad nas thabs bstan pa ni/ lus kyi bya ba kun byas nas/ /zhes bya ba ni rgyud kyi rim pa 'khor lo bzhi dang rtsa gsum bshad pa yin no//lus la shin tu mtshon cha ni/ /zhes bya ba ni sngags kyi rim pa rlung me'i drod can nyi shu rtsa bzhi bsregs pas na mtshon cha'o/ /lus la gnas pa kun du spyad/ /ces bya ba ni ye shes kyi rim pa 'khor lo bzhi las byang chub kyi sems bab pa'o//dag byed byas pa'i lus kyang ni/ /zhes bya ba ni/ gsang ba'i rim pa dga' ba dang mchog dga' dang lhan cig skyes dga' las 'das pa'i dag byed reg bya'i stong pa nyid sgom pa'o/ /rtag tu sngags ni brjod par bya/ /zhes bya ba ni srog a wa d+hU tIr chud pas dag byed kyi lus brtan par gyur pa'o//rnal 'byor sngags rnams nges bsten zhing / /zhes bya ba ni tshogs drug gi rlung a na ha'i nang du gsungs pa'o/ /mtshon cha rnams ni bsgom mi bya/ /zhes pa ni dbang po drug gi rtsa las byang chub kyi sems phab nas bde ba rtog med skyes pa ni mtshon cha yin la/de la goms par mi bya ba ni lus dang yid bde ba dga' bral du mi 'gyur ba'o/ /bram ze sa ra pa'i lugs kyis thig le gnyis shor ba dang gnyis lus pa'i mtshams su bde ba stong pa nyid rtogs pa'i shes pa bskyed par 'dod mod kyi/ mtshon cha rnams ni bsgom mi bya//zhes gsungs pas mchog gi rgyud dang 'gal ba yin no/ /dam tshig can la khro mi bya/ /zhes bya ba ni/ shes rab ye shes kyi dbang thob nas bde ba rtog pa zag med kyi rten yin par shes bzhin du nyan thos kyi theg pa'i rjes su 'brangs nas mi gtsang ba'i rdzas yin par smod pa dang /'jig rten pa'i rjes su 'brangs nas mi tshangs par spyod pa yin no zhes sems pa'i blos las kyi phyag rgya la smod par mi bya'o/ /mngon par brtson las 'da' mi bya/ /zhes bya ba ni kha sbyor las gsungs pa bzhin du rgyu'i tshogs pa la brten pa'o//de dang lhan cig bde bar bya/ /zhes bya ba ni tshogs kyi 'khor lo'i lha mo bde ba dang bsam gtan gyi bde ba sgom pa'o/ /grol ba'i don dang zhes bya ba ni dag byed kyi lha mo dang zag med kyi bde ba sgom pa'o/ /de'i don dang zhes bya ba ni de dang grol ba'i dam tshig spyad pa'o//'di dang lhan cig pa spyod bya/ /zhes bya ba ni gzhan 'phrul dbang byed ltar bltas pa tsam gyis ma yin pa dang / 'phrul dga' ltar dgod pa dang / dga' ldan ltar lag bcangs dang / mtshe ma ltar 'khyud pas ma yin pa'o/ / sA lu sum cu rtsa gsum pa'i bzhin du bsam gtan gyi rgyu'i tshogs pa bskyed par bya'o zhes bya ba'i don to/ /de ltar rnam par nyed pa dga' bral gyi gnyen po spyod pa bshad nas/ dngos gzhi la mtshan nyid dang bral ba'i dus su phyi'i lus ngag gi brtul zhugs bshad pa ni/mtshan mo rtag par nam mkha'i gos/ /zhes smos te/ rtog pa dang bral ba'o/ /gnag dang dmar bar rtag gyur bya/ /zhes bya ba'i 'bras bu'i he ru ka dang yum rdo rje phag mo'i kha dog go/ /srog chags yan lag las byung gyon/ /zhes bya ba ni glang po che dang stag gi pags pa'i gzugs brnyan bgos pa'o//bde ba 'dod pas bde thob 'gyur/ /zhes bya ba ni bsam gtan gyi bde ba lus bde 'dod pa dang / phyi'i brtul zhugs he ru ka'i cha byad kyis bde ba grub par 'gyur ro/ /mchod phyir thogs ni yongs spangs gtsang / /zhes bya ba ni bskyed pa'i rim pa'i phyag rgya lnga las gcig med kyang lus ngag yid gsum gyi zhen pa spangs pa ni yongs spangs gtsang ba'o//shrI he ru ka'i byin gyis brlabs/ /zhes bya ba ni shrI ni gnyis su med pa'i ye shes so/ /he ni rgyu dang bral bas na lus stong par byin gyis brlabs so//ru ni bkod pa dang bral bas na ngag mtshan ma med par byin gyis brlabs pa'o/ /ka ni gang du mi gnas pas na sems smon pa med par byin gyis brlabs pa'o/ /bskyed pa'i rim pa'i mchod phyir thogs spangs nas phyi'i brtul zhugs la rgyan med pa yin nam zhe na/phyag rgya lnga dang yang dag ldan/ /zhes bya ba smos te/ spyi gtsug gi nor bu dang / rna rgyan dang / mgul rgyan dang / lag [(]bdub [,]gdub [)]dang / tshangs skud rnams ni rus pa'i rgyan dang ldan pa'o/ /dus kun du ni yang dag spyad/ /ces bya ba ni bskyed pa'i rim pa ltar dngos gzhi la ting nge 'dzin bsgoms nas ldang ba'i tshe sdud pa ma yin pa dngos dang rjes kyi spyod lam thams cad du phyag rgya lnga'i rgyan dang ldan pa'o//phyag rgya lnga gang zhe na/ mgul rgyan gdu bu rna rgyan dang / /spyi bo nor bus rnam par brgyan/ / mchod phyir thogs dang rnam pa lnga/ /thal ba dang drug go/ /dus kun du ni rnam par gnas/ /zhes bya ba ni dpa' bo gcig pu dang rgyal tshab kyi spyod pa'i tshe spyod lam rnam pa bzhi'i dus thams cad du rnam par gnas pa ste/ tshogs drug gi rtog pa med pa mtshon par byed pa'i phyag rgya drug rnam par gnas pa'o//las dang po pas ji ltar bya zhe na/ mtshan mo brtan par gsal bya zhing / /nyin mo gsang ba nyid du bya/ /zhes bya ba smos te/ mtshan mo tshogs kyi 'khor lo'i dus su gsal bar bya zhing / nyin par 'jig rten pa la gsang ba'i tshe spa bar bya ba yin no//de ltar tshogs kyi 'khor lo dang zhi ba'i btung ba dang pho nya'i gtsang sbra gsum gyi lus dang ngag gi phyi'i brtul zhugs bshad nas gtsang sbra gsum gyi sems kyi gsang ba'i brtul zhugs ni/ tha dad ye shes shin tu sbas/ /zhes bya ba ni tshogs kyi 'khor lo la ma dad par shes pas 'dod pa'i yon tan lnga la tha dad par snang ba dang /zhi ba'i btung ba la gzung 'dzin gnyis su snang ba dang / pho nya'i gtsang sbra la gzung 'dzin gnyis su tha dad par snang ba'i shes pa nus par byas pa ni sbas pa'o/ /rab tu zhi zhing dbang po dul//zhes bya ba ni rnam shes la rang bzhin brgyad cu dang bral bas na rab tu zhi ba'o/ /ye shes la gzung 'dzin gnyis dang bral bas na dbang po thul ba'o/ /gtsang sbra gsum du shes bya zhing / /zhes bya ba ni nyon mongs pa dang shes bya'i sgrib pa dag pas na gtsang sbra ste/de yang / zhi gnas stong pas dben pa dang / sgyu ma lta bu dang dngos por 'dzin pas dben pa dang / stong pa'i ye shes gnyis su snang bas dben pas na rnam pa gsum mo/ /rang gi rgyun bzhin rnam par gnas/ /zhes bya ba ni rang ni shes pa rtog pa med pa'o/ /rgyun ni dang po rtog pa med pa bzhin phyis kyang rgyun yang rnam par gnas pa na rgyun bzhin rnam par gnas zhes bya'o//de skad du yang / don dam snying po las/ mngon sum rgyun ni bsrings pa la/ sgom pa zhes ni bshad pa yin/ /zhes bshad do/ /rigs dang rigs min ngor mi blta//zhes bya ba ni shes pa rtog pa med pa skyes pa'i tshe'o/ /sems pa'i rnam par rtog pa dang bral bas rigs yid du 'ong ba dang / rigs min yid du mi 'ong ba dang btang snyoms su mi 'dzin pas na dor ni blta zhes bya'o/ /shes pa rtog pa med pa gsang ba'i brtul zhugs la phyag rgya rnam pa lngar 'dzin pa yod dam zhe na/spyi gtsug la sogs bcings pa yang / /zhes gsungs te/ gos dang phyag rgya lnga la sogs pa ni blang dor gyi rnam par rtog pa yang med do/ /de ltar na phyag rgya drug ni rnam pa gsum du 'gyur te/ rigs drug gi rang bzhin du phyag rgya drug bsgom pa bskyed pa'i rim pa dang /mtshan bcas kyi rdzogs rim gyi dus su tshogs drug gi shes pa rtog pa med par dran par byed pa'i phyag rgya drug dang dngos gzhi mtshan med kyi rdzogs rim gsang ba'i brtul zhugs kyi tshe phyag rgya drug rnam par bsgom pa yin no//de yang mkha' 'gro las/ rnal ma'i lam ni brten nas ni/ /thams cad byas kyang rnam par grol/ /zhes gsungs so/ /gtsang sbra gsum po de yang gang zhe na/ pho nya dang zla ba dang snod gcig tu za ba'o/ /reg bya rdo rje ma la stong pa nyid mngon sum gyis bsgoms pas na dang po yin no//zla ba la ni ro rdo rje ma la sgyu ma lta bur rtogs pas na bar ma yin no/ /snod gcig tu za ba ni zhi gnas kyi ting nge 'dzin skyes pas na tha ma yin no/ /de la in+d+ra b+hU ti'i zhal snga nas zla ba tshes pa lta bu'i man ngag dang / skar khung lta bu'i man ngag dang seng ge'i phru gu lta bu'i man ngag dang zhes gsungs pa yin no//de la zla ba tshes pa ni 'dod pa'i yon tan lnga la tshogs kyi 'khor lo byed pa'i tshe bde bar mtshon nas tshes bco lnga'i zla ba bzhin du chos thams cad la bsam gtan gyi bde ba rgyas par byed pa yin no/ /skar khung lta bu ni ro rdo rje ma la sgyu ma lta bu'i gseng brtol nas phyi rol gyi nam mkha' bzhin du chos thams cad la sgyu ma lta bu bzhin du rtogs pa yin no//seng ge'i phru gu lta bu ni reg bya rdo rje ma la stong pa nyid mngon sum du rtogs nas seng ge'i yan lag ma snad pas ri dgas thams cad skrag par byed pa bzhin du chos thams cad kyi stong nyid rtogs par 'gyur ba yin no//de yang rgyal po'i yul las/ reg bya'i stong pa nyid rtogs na chos thams cad kyi stong pa nyid rtogs par 'gyur ro/ /lha mo dpal mo'i zhal nas gtsang sbra gsum ni lcags kyu lta bu'i man ngag yin te/de yang khams gsum 'khor ba ni rgya mtsho lta bu yin la/ bde ba rtog pa med pa ni nya lta bu yin la/ gtsang sbra rnam pa gsum gyi lcags kyus bzung nas bde ba chen po'i skam sa la 'byin pa yin no zhes bshad do/ /pad+ma rdo rje'i zhal snga nas gtsang sbra gsum ni nam mkha' lta bu'i man ngag yin te/rtsa gsum gyi sna gsang ba'i rdo rje nor bu b+ha gar song ba la/ g.yon pa la la nA'i rlung gis ni dga' bral gyi bde ba nyams nas khams gsum 'khor ba'i rnam par rtog pa bskyed pa dang / g.yas pas ra sa nA'i rlung gis gyen du bzlog pa'i tshe byang chub kyi sems ra sa nAr bcug pas 'dod pa'i dbang phyug kA ma twat+ta dang /tshe 'phel ba be sha twa tra zhes bya bar 'gyur ro/ /dbus ma a wa d+hU tI'i rlung gis byang chub kyi sems a wa d+hU tIr chud pa'i tshe/ mi zad pa bsam gtan gyi bde ba nai rany+dza na twat+ta zhes bya bar 'gyur ro//de la stong pa nyid kyi rgyas btab pas zag pa med pa'i bde ba bar ma twat+ta zhes bya bar 'gyur ro/ /de yang / dkar dmar gos ni bsal nas kyang / /srog ni nam mkhar chud gyur na/ /bde ba mi zad rtog med pa/ bde ba chen por skye bar 'gyur//zhes bshad do/ /dkar dmar gos ni g.yas g.yon gyi rtsa la byang chub kyi sems gnas pa'i chags pas chags bral spangs pa'i bsam gtan gyi bde ba skyes nas bde ba chen po'i rgyas btab nas dbus ma yang 'dor ba yin no/ / de yang mnyam sbyor las/ chags pa ma yin chags bral min/ /dbu mar yang ni mi dmigs so/ /zhes gsungs so/ /rin chen rdo rje'i zhal snga nas/ a sa ma sa ma zhes bya ba ste mi mnyam pa dang mnyam pa nyid kyi man ngag yin gyi de yang mngon sum gyi shes pa la nges pa 'dren pa bla ma'i man ngag gis byas nas mngon sum gzhan las nges par 'gyur te//gang la rtog pa med pa skyes kyang snang la nges pas na so sor brtags min ma yin no/ /gzung dang 'dzin par nges par lhag pa ni chos dang gang zag bdag gi rang bzhin gzung ba dang 'dzin pa'i rang bzhin yin no//mngon sum bde ba rtog pa med par skyes pa la nges pa'i shes pa 'dren nus pa ni mngon sum rang las nges pa yin la/ gang la ma nges pa des gtsang sbra rnam pa gsum gyis rgyu'i tshogs pas bde ba rtog pa med pa'i nges pa 'dren pa'am bla ma'i mngon sum gyi gzhan don gyis nges pa 'dren pa ni mngon sum gzhan las nges pa yin no//de yang bde ba rtog med rang dang gzhan las nges pa'i bsam gtan gyi ting nge 'dzin la stong pa nyid rang dang gzhan las nges pa 'dren pa ni sa dang po'i ye shes yin no//de ltar na gtsang sbra 'di dag rab tu bskyangs pas/ gtsang ma dag pa'i rim thob nas/ /zhes bya ste zhi gnas dang lhag mthong mngon sum du skyes pa'o/ /dngos grub gang las 'byung mi 'gyur/ /zhes bya ba ni ci'i phyir 'byung bar mi 'gyur te/ gdon mi za bar 'byung bar 'gyur ro/ /de ltar gsang ba'i brtul zhugs dang phan yon dang po bstan nas phan yon gnyis pa rgyud thams cad kyi dngos grub 'grub pa ni de nyid bsdus pa dang bde mchog dang thams cad gsang ba dang dpal mchog dang po dang rdo rje 'jigs byed las gsungs pa'i bzlas pa dang brtul zhugs dang spyod pa la sogs pas grub pa ni 'dir gtsang sbra gsum gyi bsam gtan gyi ting nge 'dzin gyis skad cig gis grub par 'gyur ro//de ltar phan yon gnyis pa bshad nas/ grol ba'i lam pa'i phan yon gsungs pa ni/ rnal 'byor lam pa dga' bas kyang //zhes bya ba gsungs te/ rnal 'byor gyi lam ni chos dang dam tshig gi phyag rgya bsgom pa grol ba'i lam yin pas phyag rgya de nyid la brten nas gtsang sbra 'di yang dag par spyod do/ /grol ba'i lam pa de'i bsod nams ji lta bu zhe na/ gtsang sbra las byung ba'i yon tan rgya chen po de ni gang zag stong phrag du mas kha stong phrag du ma'i sgo nas yon tan brjod kyis mi lang ba'o//yon tan gsum pa bshad nas mchod pa'i phan yon ni/ dpal ldan khrag 'thung ye shes che/ /zhes pa smos te/ dpal bde mchog gi rnam shes dang ye shes kyi rang bzhin no//rnam dag mtshan nyid ni kun sgrub pa la ni rang bzhin brgyad cu dang bral ba'o/ /bde ba'i bsod nams chu 'thungs pa'i/ /zhes pa ni/ byang chub kyi sems bzlog pa'o/ /dag byed sdig pa 'jig byed yin/ /zhes pa ni rnam shes kyi bsam gtan gyi sdig pa dag cing sems kyi nyon mongs pa dang shes bya'i sgrib pa 'dag pa'o//de ltar chags pa'i lam pa'i phan yon bzhi pa bstan nas/ lnga pa chos kyi phyag rgya'i phan yon bstan pa ni/ reg pa dang ni smras pas kyang / /sdig pa kun las grol bar 'gyur/ /zhes bya ba gsungs te/smra ba rna bas thos pa nas reg pa lus kyis myong ba'i bar gyis chos kyi phyag rgya la dmigs na sdig pa las grol bar 'gyur zhing mig gi yul gzugs su dag cing skyon med pa'o/ /gzugs la rtog pa dang bral ba'i bde ba skyes nas gang zhig spyod pa'o zhes bya ba smos te/mchog gi dngos grub bde bar gshegs pa'i sa bcu gcig pa thob pa dang bde bar gshegs pa'i rigs su skyes pa'i lha'i rgyal por 'gyur te/ dngos grub 'bring dang mi'i rgyal por gyur pa'i dngos grub tha ma yin no//de ltar brtul zhugs phan yon dang bcas pa bshad nas/ tshogs kyi 'khor lo'i gtor ma bshad pa ni/ de ltar rtag tu mchod byas nas/ /zhes bya ba smos te/ mchod pa ni gtsang sbra gsum gyis mchod pa'o/ /dad pa yis ni gtor ma sbyin//zhes bya ba ni dkon mchog gsum la mos pa yid kyi dad pa dang / de'i bstan pa bsrung ba la dad pa dang / de'i bstan pa bsrung ba la dad pas 'khor gsum dag pa'i gtor ma gtang bar bya'o/ /ji bzhin cho ga'i sbyor ba yis/ /zhes bya ba ni tshogs kyi 'khor lo'i dus su bdag nyid rnal 'byor pa bzhis lhar bskyed pa dang ci 'byor ba'i rdzas la yaM las rlung gi dkyil 'khor dang /raM las me'i dkyil 'khor dang / de'i steng du kaM gsum las bskyed pa'i thod pa'i sgyed pu dang / yi ge kaM las bskyed pa'i thod pa stong gsum gyi tshad tsam bsams la bdud rtsi lnga'i gang bu yi ge lnga dang /oM aHhUM gsum gyis byin gyis brlabs la/ tha mal pa'i kha zas dag cing lha'i kha zas su zhu ba dang / ye shes kyi bdud rtsis gang bar byas la brtan par byed pa'i sngags 'dis/ oM a kA ro mu khaM sarba d+ha r+m+mA NAM Ad+ya nut+pa n+na twAta ces bya ba lan lnga'i bar du byin gyis brlabs la/de'i mdun du e gru gsum gyi dbus su b+h+rU las gzhal yas khang bskyed la/ dbus su bcom ldan 'das 'byung po thams cad 'dul bar byed pa'i phyag tu bum pa bsams la/ de'i shar du nag po/byang du ru dra chen po/ nub tu lha sbyin/ lhor nag po/ dbang ldan du gtsigs pa/ me'i mtshams su mi srun pa/ bden bral du dga' ba las 'das pa/ rlung du log 'dren te thams cad kyang zhal gcig pa spyan gsum pa/ phyag bzhi pa/ gri gug dang thod pa/ kha T+wAM ga dang mdung rtse gsum pa bsnams pa'o/ /gnag pa dang ser ba dang / dmar ba dang dkar ba'i mdog can/ mtshams na gnas pa yid 'phrog pa'i gzugs gnyis pa shar phyogs kyi nag po chen po la tsa muN+Da dang / drag mo dang / mi sdug ma dang /bka' zlog ma bzhis bskor ba'o/ /byang gi ru dra las rgyal ma dang / rnam rgyal ma dang / mi thub ma dang / gzhan gyis mi thub mas bskor ba'o/ /nub kyi lha sbyin la bzang mo dang / nag sbom ma dang / nag chen ma dang / rnal 'byor ma rnams kyis bskor ba'o//lhor nag po la dbang mo dang / zla ba mo dang / drag mo dang / sdang ba mo rnams kyis bskor ba'o/ /dbang ldan du gtsigs pa la 'phyang ma dang / dbang phyug ma dang / skam po che dang / mar me ma rnams kyis bskor ba'o/ /me mtshams kyi mi srun ma la 'joms ma dang /grong khyer ma dang / gzugs drag mo dang / gzugs chen ma bzhis bskor ba'o/ /bden bral du dga' ba las 'das pa la mche ba can dang / gtsigs ma dang / thod phreng ma dang / kha T+rAM can rnams kyis bskor ba'o/ /rlung du log 'dren la ral gri can dang /dgra sta can dang / rdo rje can ma dang / gzhu can ma rnams kyis bskor ba'o/ /de'i phyi rol du dur khrod brgyad kyis bskor ba la phyogs skyong brgyad dang / pho nya brgyad dang / klu brgyad dang / sprin brgyad dang / mkha' 'gro brgyad dang / ma mo brgyad kyis bskor bar bsams la/zhi ba la thams cad dkar po/ rgyas pa la thams cad ser po/ dbang la thams cad dmar po/ mngon spyod la thams cad nag po/ lha mo sum cu rtsa gnyis ni thams cad kyang gri gug dang ka pA la bsnams pa/ dur khrod brgyad kyi phyogs skyong ba ni shar du rdo rje/lhor ral gri/ nub tu zhags pa/ byang du dbyug pa thogs pa/ mtshams bzhir rdo rje rtse gsum pa dang / gri dang / ba dan dang / mdung rtse gsum pa thogs pa/ phrin las bzhi'i mdog can no/ /e A ral+li he zhes bya ba'i sngags dang skye gnas kyi phyag rgyas spyan drangs pa la mchod pa dbul lo//de lta bu'i mgron bsams nas dus nam gyi tshe mchod ce na/ mar gyi ngo yi tshes bcu dang / /zla ba yar ngor ma gyur pa/ /myur du 'bad pas mchod bya ste/ /zhes bya ba gsungs te/ tshes bcu ni zhag dang po la gnas kyi lha mo dang /gnyis pa la nye ba'i gnas kyi lha mo dang / gsum pa la zhing dang / bzhi pa la nye ba'i zhing dang / lnga pa la tshan+do ha dang / drug pa la nye ba'i tshan+do ha dang / bdun pa la 'du sa dang / brgyad pa la nye ba'i 'du sa dang / dgu pa la dur khrod dang / bcu pa la nye ba'i dur khrod kyi lha mo tshang bar gyur pa'i tshe mchod par bya'o/ /cis mchod par bya zhe na/ rdo rje lha mo myos byed shas/ /zhes bya ba smos te/ lo bcu drug ma'i snying dang / sha dang chang gis so/ /su zhig la zhe na/ skye bo dad pas mchod bya zhing / /zhes bya ba ste tshogs kyi 'khor lo'i lha mo la'o//ci zhig sgom zhing zhe na/ he ru ka dpal lo/ /ting nge 'dzin ji lta bu zhe na/ mngon par dga' ba zhi gnas dang / gus pa'i sems lhag mthong gi ting nge 'dzin gyis so/ /de rnams la gnas mchog mi 'phrog /ces bya ba ni tshogs kyi 'khor lo dang gtor ma byas nas dngos grub gzhan gyis 'phrog par mi nus pa'o//spyod lam ji lta bu zhe na/ mtshan mo'i brtul zhugs can gtor ma/ /skra grol gcer bur gyur bas sbyin/ /zhes bya ba gsungs so/ /phan yon ji lta bu zhe na/ shrI he ru ka bdag sbyor bas/rnal 'byor ma nyid mnyes par 'gyur/ /zhes bya ba gsungs te/ dpal he ru ka'i sbyor ba dang ldan pas rdo rje thal mo gyen du kha phye la oM kha kha khA hi zhes bya ba nas sa hA yi kA b+ha ban+tu zhes bya ba'i bar du bsngo zhing mgron rnams kyi lce la rdo rje rtse lnga pa'i sbu gus gtor ma 'thung bar bsam par bya'o//le'u nyi shu rtsa bdun pa'i rnam par bshad pa'o// //de ltar rang don phun sum tshogs pa bstan nas gzhan don phun sum tshogs pa ston pa ni/ de nas mchod pa rnam dag pa/ /zhes bya ba la gas pa smos te/mchod pa ni sgrub pa'i mchod pa ste gtsang sbra rnam pa gsum mo/ /rnam par dag pa zhes bya ba ni rang bzhin brgyad cu dang bral ba'o/ /sprul pa las byung dpa' bo rnams/ /zhes bya ba ni mchod pa'i yul lha mo drug cu'o/ /de bzhin du bdag nyid dpal he ru ka yab yum la yang mchod pa'o//sangs rgyas kun sogs zhes bya ba ni rnam par snang mdzad dang rin chen 'byung ldan dang snang ba mtha' yas dang don yod grub pa bum pa'i gzugs su snang ba'o/ /sogs zhes bya ba ni mkha' 'gro ma dang / lA ma dang / dum skyes ma dang gzugs can ma'o/ /sras bcas zhes bya ba la sras ni dpa' bo nyi shu rtsa bzhi'o/ /bcas zhes bya ba ni mkha' 'gro ma sum cu rtsa drug go/ /dpa' bo kun dang rnal 'byor ma/ /zhes bya ba ni sngar sras bcas zhes bya ba'i rgyas par bshad pa'o/ / brtan pa dang g.yo ba zhes bya ba ni brtan pa ni gzhal yas khang ngo / /g.yo ba ni brten pa lha'i 'khor lo'o/ /zla ba 'dus pa la gnas pas/ /zhes bya ba ni mchod pa'i yul de rnams la gtsang sbra gsum gyis mchod pa'o/ /mchod pa'i yul gyi lha de rnams ji lta bu yin zhe na/spun dang sdug pa mchod pa yin/ /zhes bya ba smos te/ dri'i thig le dang / me tog gi tshom bu dang / yig 'bru dang phyag mtshan dang / lag pa'i phyag rgya dang / sku phyag rgya chen po bkod pa rnams spangs nas dpa' bo dang / dpa' mo lhar bsgom pa'i lha'i 'khor lo ste spun ni dpa' bo nyi shu rtsa bzhi dang sdug pa ni lha mo sum cu rtsa drug go//de ltar mdor bstan nas rgyas par bshad pa ni/ thog mar rten gyi gang zag ston pa las de yang dngos por bya ba'i gang zag bstan pa ni/ spun dang bu dang lhan cig tu/ /zhes bya ba smos te/ spun ni 'jig rten du grags pa'o/ /bu ni rigs rgyud bsrung ba'o/ /de dang lhan cig tu 'jig rten pa'i bde ba dang / 'jig rten pa'i sdug bsngal gsum dang brgyad kyi bdag nyid 'byung bas rang la brnyas par 'gyur ba'i phyir sngags te tshogs kyi 'khor lo dang /de bzhin du phyag rgya ni zhi ba'i btung ba dang / ye shes ni pho nya'i gtsang sbra ste de rnams la bstan par mi bya'o/ /su la bstan par bya zhe na/ dag byed zas la spyod pa ni/ /rtag tu dam tshig spyad byas 'gyur/ /zhes bya ba smos te/ dag byed kyi zas ni tshogs kyi 'khor lo 'dod pa'i yon tan lnga'o//rtag tu dam tshig byed pa ni/ /bza' bar byed pa'i dam tshig ste rang bzhin brgyad cu dang bral bas 'dod pa'i yon tan lnga la spyod pa'o/ /gsang sngags su la'ang bstan mi bya/ /zhes bya ba ni zhi ba'i btung ba mi bstan pa'o/ / man ngag rnams ni nyams mi bya/ /zhes bya ba ni shes rab ye shes kyi dbang bskur ba'i man ngag go/ /gtsang sbra gsum po de sbyin par bya ba'i gnas ji lta bu zhe na/ dam tshig rnams la ci rigs par/ /zhes bya ba smos te/ rig pa'i dbang bskur ba la dpa' bo gcig pu sbyin pa dang / phyir mi ldog pa'i dbang bskur ba la dkyil 'khor gyi 'khor lo sbyin pa dang / gsang ba'i dbang bskur ba thob pa la mi zab pa'i rdzogs pa'i rim pa bstan pa dang / shes rab ye shes kyi dbang bskur ba thob pa la zab pa'i rdzogs pa'i rim pa ni ci rigs pa zhes bya ba'o//man ngag rnams kyang sbyin par bya/ /zhes bya ba ni mngon sum gyi gzhan don gyis bde ba stong pa nyid la nges par 'dren pa'i thabs/ bla mas slob ma'i rna drung du/ /rab tu 'bad de bshad par bya/ /zhes bya ba gsungs pa yin no/ /de ltar blang bya dang dor bya'i rten gyi gang zag bstan nas sbyor ba'i mchod pa gzhan las bshad pa ni/pho nya ma gtogs gzhan dag la/ /zhes bya ba smos te/ dbang ma bskur ba dang bsnyen sgrub bzhis ma sbyangs pa'o/ /'dod la rmongs pas bgrod mi bya/ /zhes bya ba ni 'dod pa ni rnam par shes pa la zhen pa'o//rmongs pa ni ye shes la rmongs pa'o/ /bgrod mi bya ni rnam shes dang ye shes la sems pa'i rnam par rtog pa mi bya'o/ /de ltar dor bya'i pho nya bsgrub pa mdor bstan nas blang bya mdor bstan pa ni/ pho nya mo zhen rtag thar pa/ /lnga pa yis kyang longs spyod bya//zhes bya ba la pho nya mo las rtag tu zhen pa las grol ba dang / byang chub sems dpa' chos 'phags bzhin du gzung 'dzin gnyis las 'das pa'i longs spyod bya ba'o/ /blang bya'i mdor bstan nas/ dor bya'i rgyas par bshad pa ni/ skye gnas dman la mi gnas la//bsnyen bkur nyid ni bya ba min/ /zhes bya ba smos te/ skye gnas dman pa ni dbang bskur ba thob pa dang / bsnyen sgrub bzhis ma sbyangs pa'o/ /mi gnas pa ni 'dod chags kyi zhen pa med pa'o/ /bsnyen bkur bya ba ma yin pa ni rmongs pas phyag 'tshal ba la sogs pa gus pas mi bya'o//blang bar bya ba'i rgyas par bshad pa ni/ ma dang sring mo bu mo dang / /chung ma pho nya mo nyid gnas/ /zhes bya ba smos te/ sngar bstan pa'i sngags skyes rnams so/ /gnas zhes bya ba ni de dang gtsang sbra rnam pa gsum spyod pa la gnas pa'o/ /pho nya ma gtogs pa la brten pas nyes pa cir 'gyur snyam na/dka' thub nyes pas zad par 'gyur/ /zhes bya ba gsungs te/ bsam gtan dang zag med kyi dka' thub gzung 'dzin gyi rnam par rtog pa skyes pa zad par 'gyur ro/ /blang bar bya bas 'bras bu ji ltar 'gyur ba ni/ 'khor lo'am de bzhin grub pa yi/ /zhes bya ba smos te/ dkyil 'khor gyi 'khor lo tshogs kyi dngos grub bam/ de bzhin du 'jig rten dang mchog gi dngos grub bo/ /mchog dang tha ma lhan cig gus/ /zhes bya ba ste/ mchog ye shes las skyes pa'o/ /tha ma ni sngags las skyes pa'o//shugs kyi bar ma gnas las skyes pa yang bsdu'o/ /lhan cig 'gugs zhes bya ba ni/ /srog a wa d+hU tIr chud pa'o/ /de ltar rdzas rnams nges pa med/ /ces bya ba ni byang chub kyi sems dga' bral du ma btang bas bde ba rtog pa med pa bsam gtan gyis sdom par nges pa'o//yid ni nang du chud pa yis/ /'dod pa'i dngos grub bsgrub par bya/ /zhes bya ba bshad pa yin no/ /de ltar sbyor bas mchod pa bshad nas/ dngos gzhi brtul zhugs bshad pa ni//'jig rten la rtag g.yon nas spyod/ /ces bya ba smos te/ pad+ma rdo rje'i zhal snga nas 'jig rten ni mchog tu gyur pa'i 'jig rten tshogs kyi 'khor lo g.yon nas spyod pa ni dga' ba gsum gyi ting nge 'dzin bsgom pa'o/ /rkang pa g.yon pa sngon du dor/ /zhes bya ba shes rab la la nA las byang chub kyi sems phab pa'o//lag pa g.yon pa yongs su bsgyur/ /zhes bya ba ni thabs kyi la la nA las byang chub kyi sems 'bebs pa'o/ /g.yon gyi phyed la rab mchod byed/ /ces bya ba ni lha mo sum cu rtsa drug dkyil 'khor gyi phyed yin pas dga' ba bzhis mchod pa'o//lus kyi g.yon ni rnam par khyab/ /zhes bya ba ni g.yon pa la la nA'i byang chub kyi sems phab nas 'khor lo bzhi la khyab pa'o/ /g.yon pa yis ni tshim dang za/ /zhes bya ba ni g.yon pa la la nA nas phab nas/ g.yas pa ra sa nA'i rlung gis bzlog nas za ba ni 'dod pa'i dbang phyug gi dngos grub dang bcud kyi len gyi dngos grub tu 'gyur ro//brtul zhugs ma nyams brtul zhugs rdzogs/ /zhes bya ba ni dbus ma a wa d+hU tI'i rlung dang sbrags nas byang chub kyi sems gyen du bzlog pas bsam gtan dang zag med kyi sdom pa'i brtul zhugs rdzogs pa'o//sgrub pa pos ni dam tshig brtson/ /zhes bya ba ni sgrub pa po brtul zhugs spyod pa'i tshe ye shes las skyes pa dang / zhing las skyes pa dang sngags las skyes pa'i dam tshig bsgrub pa la sogs pa'o//dam tshig rigs las spyod pa dang / /zhes bya ba ni dung can dang pad+ma can dang ri dgas can no/ /lhan cig zas la spyod par byed/ /ces bya ba ni mchog dga'i dus yin te/ dga' ba thabs kyi rang bzhin te/ mchog dga' shes rab rang bzhin no//zhes gsungs pa'i phyir ro/ /rigs lnga ru ni kun spyod pa/ /zhes bya ba ni bskyed pa'i rim par lha'i 'khor lor gnas pa'o/ /rigs ni rnam pa bzhi ru bsgrags/ /zhes bya ba ni rgyal rigs la sogs pa bzhi'o/ /de ltar bstan bcos las grags pa'i rigs lnga dang /'jig rten pa las grags pa'i rigs rnam pa bzhi'o/ /gtsang sbra gsum la gnas pa bde ba chen po'i rigs gcig la gnas pa'o/ /rnal 'byor sgrub phyir rtag tu bskyed/ /ces bya ba ni gtsang sbra gsum gyi dngos grub kyi brtul zhugs la spyod pa'o//de ltar brtul zhugs bshad nas/ rjes kyi spyod pa bshad pa ni/ ba lang sha dang rta sha dang / /mi dang khyi sha sna tshogs pas/ /zhes bya ba ni bdud rtsi lnga dang dpa' bo lnga'i sreg rdzas so/ /dkyil 'khor gru gsum byas nas ni/ /zhes bya ba ni ma lha lhar bskyed pa dang /ye shes sems dpa' bskyed la sbyin sreg gis mchod na sangs rgyas kyang nges par 'jig par 'gyur ro/ /de ltar phyi'i sbyin sreg bshad nas/ de bzhin dpa' bo rnams kyi zas/ /zhes bya ba ni nang gi sbyin sreg bstan pa yin te/ lus kyi dkyil 'khor dang nang gi 'khor lo bzhi'i gnas su lha'i 'khor lo bkod la zhi rgyas la sogs pa'i sngags dang /lag pa g.yas g.yon dgang gzar dang blugs gzar gyi mtshan nyid dang yang dag par ldan pas shrI he ru ka sprul pa'i 'khor lo lnga dang sprul pa yin no/ /bstan bcos kun la rnam par mtshon//zhes bya ba ni gzhi dang thabs dang 'bras bu gsum rgyud gzhan las kha bskangs la rtogs par bya ba yin no/ /de ltar nang gi sbyin sreg bshad nas/ gzungs ni rtag tu bsrung bya zhing / /zhes bya ba ni grol ba'i lam pa'i gsang ba'i sbyin sreg ste/gzungs ni rlung me'i drod can no/ /rtag tu bsrung ba ni 'khor lo bzhi la rlung me'i drod can bskyed nas byang chub kyi sems 'dzin pa'o/ /las rnams dag ni thams cad la/ /zhes bya ba ni zhi ba la sogs pa'i las rnams la'o//bgegs med ji bzhin 'grub 'gyur pa/ /zhes bya ba ni bar chad med pas 'di dag gzhan dag tu 'gyur ba ma yin pa ste/ rlung ni rgyun las bzlog pa srid/ /nyi zla thang la lhung yang srid de thabs 'dis ni dngos grub gzhan du mi 'gyur ba'o/ / de ltar grol lam gyi gsang ba'i sbyin sreg bshad nas chags pa'i sbyin sreg bshad pa ni/ 'di ni pho nya bzhin bzang po/ /brtson zhing lhan cig ldan pa yin/ /zhes bya ba ni las kyi phyag rgya'i b+ha ga'i dkyil 'khor du gsang ba'i rdo rje dgang gzar gyis dang / byang chub kyi sems kyi blugs gzar gyis byang chub sems dpa' chos 'phags bzhin du ma chags dga' ba'i longs spyod rdzogs par 'gyur ro//rnal 'byor rdzas ni rnam 'byed yin/ /zhes bya ba ni rang bzhin brgyad cu las rnam par phye nas dga' ba gsum gyi rang bzhin rtogs pa yin no/ /de yang mnyam sbyor las/sgyu ma dag ni thams cad las/ /ye shes sgyu ma khyad par 'phags/ /ye shes gsum gyi dbye ba ni/ /gsal bar de las mtshon par 'gyur/ /zhes gsungs so/ /chags lam gyi sbyin sreg bshad nas bla na med pa'i sbyin sreg ni/ bla ma'i man ngag la dga' zhing /de yi don mchog mtshungs pa'o/ /zhes bya ba gsungs so/ /dbang bzhi pa sems kyi stong nyid rtogs pa na/ bla ma'i man ngag la dga' zhing / de'i don sems kyi stong nyid kyi mchog yang dag par rdzogs pa'i sangs rgyas dang mtshungs pa'o/ /de yang / bde bar gshegs pa rtag tu skye med chos//chos rnams thams cad de bzhin gshegs dang 'dra/ /zhes gsungs so/ /klu sgrub kyi zhal nas kyang / 'gro ba'i chos kun rnam shes kyi/ /me yi bud shing yin par 'dod/ /de dag ji bzhin rnam byed pa/ /me yis bsregs na myur zhing 'gyur/ / zhes gsungs so/ /phyi'i sbyin sreg ni rdo rje mkha' 'gro dang kha sbyor las blta bar bya'o/ /gsang ba dang bla na med pa'i sbyin sreg kyang kha sbyor gyi le'u drug par bshad pas 'dir rgya cher ma bshad do/ /le'u nyi shu rtsa brgyad pa'i rnam par bshad pa'o// //de ltar le'u dang po'i rgyas par bshad pa le'u gsum gyis bshad nas/dbang bzhi pa bsam gyis mi khyab pa'i lam bshad pa ni/ de nas gzhan yang bstan pa ni/ /zhes bya ba gsungs te/ gtsang sbra gsum gyi rjes la dbang bzhi pa ston pa na gzhan yang ngo / /pho nya'i mtshan nyid rigs rnams te//zhes bya ba ni ye shes las skyes pa'i lha mo pad+ma can dang dung can ma dang ri dgas can me long gi gzugs brnyan bzhin du reg bya'i stong pa nyid ston par nus pa'o/ /de'i mtshan nyid ni 'og nas bshad par bya'o/ /dam tshig la gnas mkha' 'gro ma/ zhes bya ba ni dam tshig ni gnyis te/bsam gtan gyi sdom pa dang / zag pa med pa'i sdom pa'o/ /mkha' 'gro ma ni gnyis te/ rtog med bsam gtan gyis nam mkhar 'gro ba dang / gnyis med lhag mthong gis nam mkha' 'gro ba'o/ /gang gis yang dag shes 'gyur ba/zhes bya ba ni sangs rgyas kyi sprul pa dang byang chub sems dpar gang gis mtshan nyid dang brda las shes pa'o/ /de ltar mdor bstan nas rgyas par bshad pa ni ye shes las skyes pa'i lha mo'i mtshan nyid ston pa ni/ spun dang yang na ma dang ni/ /zhes bya ba la sogs pa smos te/rnal 'byor pas sring mor shes pa dang / rnal 'byor mas ming por shes pas na spun no/ /yang na rnal 'byor mas phar shes pa dang / rnal 'byor pas bu mor shes pa'o/ /yang na rnal 'byor mas bdag por shes pa dang / rnal 'byor pas phyag rgyar shes pa'o/ /lam du mar goms par bya zhe na/skad cig gis mthong zhes bya ba gsungs te/ dbang bzhi pa'i dus su so so rang rig pa'i mngon sum gyis sems kyi chos nyid rtogs pa'o/ /de yang kha sbyor las/ pha ni bde ba gang thob pa/ /bde de rang gis longs spyod bya/ /'chi ba'i bde ba gang yin pa/ / bde 'dir bsam gtan zhes byar brjod/ /ces gsungs so/ /de ltar mthong ba'i mtshan nyid ji lta bu zhe na/ lce sbom mig ni dmar ser la/ /zhes bya ba smos te/ de yang kha sbyor las/ glang chen ma ni/ bzhin 'phel che zhing nu rgyas pa/ /lus pa thung zhing skra yang thung / /skye gnas pad+ma'i dri dang ldan//pad+ma glang chen ma zhes grags/ /rigs can ni/ mig dang lta stangs ri dgas 'dra/ /ri dgas pa brgyad po'i rkang pa can/ /skal bzangs pad+ma'i dri dang ldan/ /mig ni dmar ser la zhes bya ba ni/ dmar zhing cung zad ser ba ste/ ma li ka yi dri 'byung zhing //bder gshegs 'dus pa nyid dga' ba/ /bud med dngos grub ster bar byed/ /rtsub ces bya ba ni/ rtsub cing yan lag rtsub pa dang / /le lo ldan zhing mtshan nyid ngan/ /skra ni 'khyil zhing kham par gnas/ /mdo gang na yan lag rtsub pa'o/ /de ltar glang chen ma dang /ri dgas can dang / pad+ma can dang / dung can ma'i mtshan nyid dang ldan pa'o/ /des dngos grub ci zhig bskyed ce na/ thog mar dga' ba'i stong pa nyid la sems zin pa ni dngos grub kun gyi thun mong du ste/ 'jig rten dang thun mong dang mchog gi dngos grub bskyed pa yin no//bzlas dang brtul zhugs la rtag dga'/ /zhes bya ba ni bzlas pa srog a wa d+hU tIr bcu ga na brtul zhugs rnam pa sna tshogs kyi dus su dga' ba'i stong pa nyid rtogs nas de la rgyun mi 'chad cing brtan pa yang dag pa dang ldan pa sa bya'o/ /des phan yon ci zhig 'grub ce na/pho nya mo sogs gnas dang bcas/ /zhes gsungs pa ste/ mkha' 'gro ma bcu gnyis dang gnas nyi shu rtsa bzhi na gnas pa dang bcas pa ni sku gsung thugs kyi mkha' 'gro ma nyi shu rtsa bzhi'o/ /de dag dang bcas pa'i lha mo sum cu rtsa bdun gyi spyod pa 'jig rten gyi dngos grub dang /thun mong dang mchog gi dngos grub ster par 'gyur ro/ /de ltar dga' ba stong pa nyid rnal 'byor bshad nas mchog dga'i stong pa nyid rjes su rnal 'byor bshad pa ni/ 'dod pa'i don kun sgrub byed pa/ /zhes bya ba smos te/ dngos grub gsum sgrub par byed pa'o//rtsa ba'i sngags sogs rtag tu bzlas/ /zhes bya ba ni mchog dga'i rnam par smin pa'i dus su srog a wa d+hU tIr chud pa'o/ /des 'bras bu ci 'grub ce na/ rgyu dang mi rgyu 'jig rten gsum/ /rnal 'byor 'bras bu rab tu ster/ /zhes bya ba gsungs te/ rgyu ba sems can dang /mi rgyu ba snod kyi 'jig rten no/ /snod bcud kyi 'jig rten gsum po de dag mchog dga' bde ba'i rang bzhin gyis shin tu stong pa'i rnal 'byor gyi 'bras bu ster ba'o/ /de dag las 'byung ba yin zhe na/ gsang sngags 'di las 'byung ba yin/ /zhes bya ba gsungs te/ srog a wa d+hU tIr bcug nas mchog dga' shin tu stong pa 'di las snang srid bde ba can gyi rang bzhin du shes pa'o/ /de ltar mchog dga' shin tu stong pa rjes su rnal 'byor bshad nas lhan cig skyes dga'i tshe stong pa chen po shin tu rnal 'byor bshad pa ni/ /sgrub pa po ni dngos grub rtsom//zhes bya ba ni yid bde ba lhan cig skyes pa'i stong pa chen po la rtsom pa'o/ /sngags dang phyag rgyar yang dag ldan/ /zhes bya ba ni srog a wa d+hU tIr chud pa dang / phyag rgya chen po yid bde ba nyid dang yang dag par ldan pa'o/ /phyag rgya dang bral gsang sngags ni//lus can rnams la byin mi rlob/ /ces bya ba gsungs te/ sems kyi stong nyid kyi phyag rgya dang bral na gsang sngags srog a wa d+hU tIr chud kyang rnal 'byor pa la phyag rgya chen po bsam gyis mi khyab pas byin gyis mi rlob bo/ /stong pa chen po skyes pa'i rtags ji lta bu zhe na/ji srid dro ba'i bya ba dag /ces bya ba smos te/ gzung ba bkag nas drod kyi ye shes skyes pa dang / stong pa chen po'i rang bzhin bsam gtan dang po'i bde ba la stong pa nyid kyis rgyas btab pa yin par shes par bya'o/ /de yang ji ltar zhe na/ mnyam sbyor las/sku gsung thugs la 'debs pas na/ /shes rab phyag rgya rjes su brjod/ /ces gsungs pa dang / kun spyod las/ sku gsung thugs kyi rdo rje can/ /lha yi sku ni bsgom par bya/ /zhes gsungs so/ /dro ba'i rtags de ji lta bu zhe na/ gdan bzhi las/ dang por shes rab dro ba yin/ /gnyis pa du mar ldan pa yin/ /gsum pa 'di ni 'khyud pa dang / /bzhi pa mar me 'bar ba ste/ /lnga pa sprin med nam mkha' dang / /zhes gsungs so/ /de ltar lhan cig skyes dga'i stong pa chen po shin tu rnal 'byor bshad nas sems 'od gsal dang nyams su myong ba ro gcig gi zung 'jug gi ngo bo rnal 'byor chen po bstan pa ni/rnam pa thams cad kyi stong pa nyid kyi rang bzhin sems 'od gsal ba'i stong pa nyid du rtogs pa ni stong pa chen po'i rang bzhin zhes bya'o/ /rgyu des 'dod pa'i don kun sgrub par byed pa yin no//sems kyi bde ba chen po dbang bzhi pa thob pa la smad par mi bya bar bstan pa ni/ rnal 'byor che la gang zhig sdang / /khyi yi skye gnas brgyar skye ste/ sme sha can du skye bar 'gyur/ /zhes gsungs so/ /slob dpon ye shes zhabs kyi bzhed pa ltar lha'i sku'i 'khor lo sgyu ma lta bur bsgoms pas/mchog gi dngos grub tu 'gyur ro zhe na/ dper na/ la la mar ni 'dod pa yis/ /'bad pas chu ni bsrubs gyur kyang / /mar sar 'byung bar mi 'gyur gyi/ /lus nyon mongs pa kho nar zad/ /ces gsungs so//'o na bcos ma'i rnal 'byor mas ci zhig thob par 'gyur zhe na/ 'dzin cing mchod par byed pa ni/ /zhes bya ba smos te/ lhar bskyed cing mchod pa byed pa na tshe 'di nyid la 'tsho ba'i thabs kyi rgyur gyur pa dang / tshe phyi mar lha dang mir skye ba la thar bar 'byung ba'i rnal 'byor gzhan la brten pa des ni gzhan du mchog gi dngos grub sgrub pa na/de ni sgyu ma yin pas don med par 'gyur ro/ /ci'i phyir zhe na/ stong pa nyid mngon sum gyis ma bsgoms pa'i phyir ro/ /de rnams kyi don ni 'di skad du ston pa yin te/ ye shes kyi lha mo phyag rgya rnyed nas lus bde ba'i dga' ba dang mchog dga' skyes nas yid bde ba lhan cig skyes dga' de'i rjes thogs la skyes pa yin la dbang bzhi pa'i dus su dga' ba dang mchog dga' dang lhan cig skyes dga' stong pa dang shin tu stong pa chen po'i rgyas btab nas gzung 'dzin gnyis dang bral ba'i rang bzhin sems 'od gsal ba'i bdag nyid dbang bzhi pa'i ngo bo thob pa yin no//dga' ba gsum gyi dus su rang bzhin brgyad cu'i rtog pa dang bral ba yin la/ dga' ba gsum stong par shes pa'i dus su bde bar snang ba'i gzung 'dzin nyid nub pa yin no//de ltar rnam par rtog pa gnyis su snang ba nyid nub na ci zhig tu 'gyur zhe na/ bzhi pa rnal 'byor chen po 'od gsal ba'i rang bzhin du 'gyur ro/ /de la rang bzhin brgyad cu ni dga' ba'i tshe rtog pa sum cu rtsa gsum dang / mchog dga'i tshe bzhi bcu tham pa dang /lhan cig skyes dga'i tshe rnam pa bdun dang bral bas na rtog pa med pa'o/ /de yang stong pa nyid bdun cu pa'i 'grel pa las/ 'dod chags dang bral ba dang / 'dod chags dang bral ba bar ma dang / 'dod chags dang bral ba dag yid kyis 'gro ba dang / 'ong ba dang / mya ngan dang / mya ngan bar ma dang / shin tu mya ngan du gyur pa dang / zhi ba dang / rnam par rtog pa dang / 'jigs pa dang / 'jigs pa bar ma dang / shin tu 'jigs pa dang / sred pa dang / sred pa par ma dang / shin tu sred pa dang / nye bar len pa dang / mi dge ba dang / bkres pa dang / skom pa dang / tshor ba dang / tshor ba bar ma dang / shin tu tshor ba dang / rig pa po dang / 'dzin pa'i gzhi pa dang / so sor rtog pa dang / ngo tsha shes pa dang / snying rje dang / brtse ba dang / brtse ba bar ma dang / shin tu brtse ba dang / dgongs pa dang bcas pa dang /sdud pa dang / phrag dog ste/ mtshan nyid sum cu rtsa gsum mo/ /thabs kyi rang bzhin ni chags pa dang / chags pa bar ma dang / kun du chags pa dang / dga' ba dang / dga' ba bar ma dang / shin tu dga' ba dang / rangs pa dang / rab tu mgu ba dang / ngo mtshar ba dang /dgod pa dang / tshim pa dang / 'khyud pa dang / 'o byed pa dang / 'jib pa dang / ba rtags pa dang / btsog pa dang / khengs pa dang / bya ba dang / 'phrog pa dang / stong pa dang / 'phro ba dang / dga' ba la sbyor ba dang / dga' ba la sbyor ba bar ma dang / shin tu dga' ba la sbyor ba dang / drag pa dang / rnam par sgeg pa dang / 'gras pa dang / 'gyed pa dang / tshig gsal ba dang / bden pa dang / mi bden pa dang / nges pa dang / nye bar mi len pa dang / sbyin pa po dang / skul ba po dang / dga' ba dang / ngo tsha med pa dang / sgrin pa dang /gdug pa dang / mi srun pa dang / gya gyu che ba dang / mtshan nyid bzhi bcu tham pa'o/ /snang ba thob pa dang / ye shes kyi rang bzhin ni 'di lta ste/ chags pa bar ma dang / brjed ngas pa dang / 'khrul ba dang / mi smra ba dang / smyo ba dang / le lo dang / the tshom dang / bcas pas te 'di ni rang bzhin bdun po de dag go/ /rang bzhin brgyad cu po de dag gzung bar snang ba mtshan mo'i sems dang / 'dzin par snang ba nyin mo'i sems kyis phye nas rang bzhin brgya drug cur 'gyur ba yin no/ /de yang shes rab kyi pha rol tu phyin pa las phyi'i sems la sems zhes bya bar rab tu shes so//nang gi sems la sems zhes bya bar rab tu shes so zhes gsungs so/ /de ltar rnam par rtog pa'i gzung 'dzin gnyis nub nas gnyis su snang ba gsum stong pa gsum gyis bkag nas glo bur gyi dri ma dang bral ba'i rang bzhin 'od gsal ba rtogs pa ni sa dang po yin no//de'i phan yon gsungs pa ni/ rnal 'byor che mchog dpa' bo ni/ /yul phyogs gang na gnas gyur pa'i/ /rigs ngan kla klo yin na yang / /yul de yongs su brtags pa yin/ /zhes bya ba gsungs te/ rnal 'byor pa mchog tu gyur pa sems kyi stong nyid rtogs pa'i dpa' bo de ni yul gang na gnas kyang rdo rje'i gdan yin la//rigs ni kla klor skyes kyang sprul pa'i sku dngos yin no/ /rnal 'byor pa sems kyi stong nyid shes nas de bzhin gshegs pa gzhan dag gis byin gyis rlob par 'gyur ram zhe na/sems can yongs su gzung ba'i rgyur/ /de ru nga ni rtag tu gnas/ /zhes bya ba gsungs te/ 'das pa dang da ltar gyi sangs rgyas bcom ldan 'das kyang sngon gyi lam rtogs pa'i rnal 'byor pa de rjes su gzung ba'i phyir yul der rtag tu bzhugs pa yin no//de yang pad+ma rdo rje'i zhal snga nas/ cig car phyag rgya chen po bsgom pa gsungs pa dang / de dang rjes su mthun par ni kha sbyor thig le las sems kyi stong nyid mngon sum gyis rtogs pa bstan to/ /'dir ni bshad pa'i rgyud kun spyod dang / rjes su mthun par dga' ba bzhi la rim gyis stong pa nyid rtogs pa'i tshul gyis bshad pa yin no//de yang las kyi phyag rgya la brten nas dga' ba gsum gyi ting nge 'dzin bskyed pa yin la/ phyag rgya chen po la brten nas dga' ba gsum gyi stong pa nyid rtogs nas 'od gsal ba'i rang bzhin du 'gyur ba yin no/ / le'u nyi shu rtsa dgu ba'i rnam par bshad pa'o// //de ltar rdzogs pa'i rim pa'i rgyas par bshad pa ni le'u lnga bshad nas bskyed pa'i rim pa sngon du 'gro ba'i srung ba'i 'khor lo bstan pa ni/ de nas gzhan yang bshad bya ba/ /zhes bya ba smos te/ shin tu rnyed dka' dgod pa ste//zhes bya ba la sogs pa gsungs te/ gnod mdzes kyi yi ge btu ba'i 'khor lo dgod pa'o/ /gang zhig shes pa tsam gyis ni/ /zhes bya ba smos te/ btus pa'i 'khrul 'khor shes pa'o/ /de yang bshad pa'i rgyud rdo rje mkha' 'gro las/ sgra gcan 'dzin gyi rgyu ba rdo rje rol pa rta'i 'gros dang /phur bu rgyu ba yi dags srin po'i gdong dang / spen pa'i rgyu ba gshin rje dbyug pa 'chang ba dang / mjug rings rgyu ba ma mo'i rigs ldan ma'i 'khor lo bkod pa shes pa tsam gyis las bcu gnyis kyi dngos grub myur du sgrub par byed do//rgyud bla ma'i le'u bzhi pa las gnod mdzes kyi sngags btu ba shes pa tsam gyis srung ba'i 'khor lo byas pas bar chad kyi bgegs med par byas nas dngos grub sgrub pa'i 'khor lo sum cu rtsa bzhi myur du sgrub par byed pa yin no/ /bshad pa'i rgyud gnyis kyi dgongs pa dang ldan pa'i yi ge btu ba'i gnas bshad pa ni/sa yi cha mnyam yid 'ong ba/ /zhes bya ba la sogs pa gsungs te/ yi ge btu ba'i gnas dang / yi ge btu ba'i gzhi'i 'khor lo dang / btu ba'i thabs dang / sgrub pa'i cho ga bshad pa yin no/ /de nas gnas cha mnyam zhing yid du 'ong ba la tsan+dan dang /ga pur la sogs pas byugs pa'i dri bzang po dang ldan pa'o/ /sa ba'i ko ba tsam byug pa la me tog gi sil ma gcal du bkram zhing phyogs bzhir spos snod bzhi bzhag pa'i dris nyams dga' bar gyur ba'i dkyil 'khor de'i shar phyogs kyi char bdag nyid 'dug la/gos dang phyag rgya lnga dang shes rab kyi yan lag dang / bdag nyid rdo rje hUM mdzad bskyed pa'i cho ga kun byas shing / khro bo bcus phyogs bcing ba byas nas phur bus btab cing ra ba dang dra ba dang me 'od kyi phreng ba'i mthar thug pa'i bar du srung ba'i 'khor lo bya'o//de nas/ ba yi rnam lnga bcing byas te/ /zhes bya ba ni dngos su rdza rnga rnyed na re mig la yi ge dgod pa'am/ sa la rdza rnga'i dbyibs bris la re'u mig bzhi bcu rtsa dgu cha mnyam la rdza rnga kha bzhi pa ri mo dgu pas yongs su bskor ba bris la rdza rnga'i phyogs gcig nas brtsams la yi ge'i phyi rim pa bzhin du re mig dang mnyam par bya ba'i bsam pas rnal 'byor shin tu mnyam par gzhag pa'i bsam pas dgod par bya'o//de yang yi ge phyi mo dbyangs dang gsal byed dgod par byas te/ yi ge byung khungs kyi gnas de las dpa' bo zhal bzhi pa'i sngags dngos grub gsum gyi 'dod pa'i don bsgrub pa btu bar bya'o//rim bzhin 'byung dang rim bzlog pa/ /zhes bya ba ni rim bzhin ni a nas brtsams pa'o/ /rim las bzlog pa ni ha nas brtsams pa'i dbyangs dang gsal byed kyi yi ge btu ba'i gnas kyi 'khor lo las bsgrubs pa las rnal 'byor pa thub pa'i dbang phyug gis yi ge btu bar bya'o//de ltar re mig bzhi bcu rtsa dgu'i grangs dang ldan pa la thog mar re'u mig sum cu rtsa gnyis pa blang zhes bya ba smos te/ re'u mig sum cu gnyis pa ni re'u mig / la gnas pa'i yi ge sa'o/ /lnga pa'i dbye ba zhes bya ba ni gnas ji lta ba'i yi ge u dang sbyar bar bya'o/ /brgya phyed phyed pa zhes bya ba ni nyi shu rtsa lnga pa ste ma'o/ /nyi shu rtsa bzhi pa yis dbye/ /zhes bya ba ni thub pa de nyid kyi nyi shu rtsa bzhi pa b+ha ste des phye ba dang ldan pa'o/ /re'u mig sum cu drug pa blang //zhes bya ba ni A li nas brtsams pa'i sum cu rtsa drug pa ste na'o/ /re'u mig gsum pa ste i dang de yang dag par ldan pa'o/ /sum cu rtsa gnyis blang zhes bya ba ni sa'o/ /lnga pas dbye zhes bya ba ni u dang yang dag par ldan pa'o/ /de nas nyi shu lnga pa gzung / /zhes bya ba ni ma'o//nyi shu bzhi pa dag dang sbyar/ /zhes bya ba ni b+ha ste de dang ldan pa'o/ /sum cu gsum pa yang dag blang / /zhes bya ba ni ha'o/ /re mig bco lnga pa dang ldan/ /zhes bya ba ni oM dang ldan pa'o/ /lnga pa dang ni yang dag bcas/ /zhes bya ba ni us brgyan pa'o/ /dang po'i tshig ni yang dag gsungs//zhes bya ba ni rkang pa dang po'i yi ge btu ba'o/ /re'u mig ni bcu dgu pa/ /zhes bya ba ni ga'o/ /me'i bu ni ra ste de dang ldan pa'o/ /re mig sum cus rnam par phye/ /zhes bya ba ni i dang ldan pa'o/ /ya tshan brgyad pa'i sa bon zhes bya ba ni ha'o/ /re'u mig sum cu drug pa ni na dang yang dag par ldan pa'o//slar yang yi ge de dag nyid/ /ces bya ba ni tshig de nyid lan gnyis brjod pa'o/ /de nas rang 'byung blangs nas ni ha'o/ /lnga pas dbye ba ni u dang yang dag ldan pa'o/ /thig les spyi bor rnam par brgyan/ /zhes bya ba ni rjes su 'jug pa'i dbyangs dang ldan par byas te/rkang pa gnyis pa btu ba'o/ /re mig bcu dgu pa nyid la/ /zhes bya ba ni ga'o/ /nyi shu rtsa bdun pa ni phye/ /zhes bya ba ni ra dang ldan pa'o/ /gsum pa dang ni yang dag ldan/ /zhes bya ba ni i dang ldan pa'o/ /sum cu gsum pa legs blangs la/ /zhes bya ba ni ha'o//re mig gnyis ni dbyangs yig gnyis dang ldan pa'o/ /yi ge nyi shu pa dang ldan/ /zhes bya ba ni na dang ldan pa'o/ /re mig nyi shu gcig pa ni pa'o/ /nyi shu lnga pa ni ya'o/ /tshig ni lan gnyis bzlas pa nyid/ /ces bya ba ni bzlas te dgod pa'o/ /go rims bzhin bzlas pa las bzlog pa bstan pa'i phyir/de nas go rims bzlog pa gzung / /zhes bya ba smos te/ re mig dang po ni ha'o/ /bzhi pa'i mtha' dang yang dag ldan/ /zhes bya ba ni u dang ldan pa'o/ /bco lnga pa yis mchod pa ni aM dang ldan pa ste rkang pa gsum pa btu ba'o/ /re mig gnyis pa'i sa bon zhes bya ba ni dbyangs yig A'o//sum cu rtsa drug pa ni na'o/ /de bzhin drug pa ni ya'o/ /sum cu gsum pa ni ha'o/ /re'u mig bcu pa yis mchod/ /ces pa ni o dang ldan pa'o/ /re mig bcu gnyis ces bya ba ni bzlog pa'i bcu pa ste b+ha'o/ /bcu dgu pa ni zhes bya ba ni ga'o/ /nyi shu gsum pa nyid ces bya ba ni ba'o//re mig gnyis pa yang dag ldan/ /zhes bya ba ni A dang yang dag par ldan pa'o/ /steng du thig les brgyan pa ni rjes su 'jug pa'i dbyangs dang ldan pa'o/ /de nas chu yi sa bon gzung / /zhes bya ba ni ba'o/ /brgyad pa'i tha zhes bya ba ni dza'o//me'i bu zhes bya ba ni ra dang ldan pa'o/ /hUM hUM phaT dang mthar sbyar zhes bya ba ni mthar hUM hUM phaT dang sbyar ba'o/ /rkang pa bzhi pa'i sngags 'di 'jig rten gsum las rnam par rgyal ba'i tshul dang ldan pa'i phyir khams gsum rnam par rgyal ba'o/ /oM ni gsal bya kun la yin//zhes bya ba ni dang por oM gyis gsal bar byas shing yi ge hUM phaT kyi tshogs kyi khyad par gang la yod pa de la de skad ces bya'o/ /sngags 'di dag gang yin zhe na/ rig pa'i rgyal po 'khor los sgyur/ /zhes gsungs te/ bgegs bzlog pa'i 'khor gnod mdzes yin la/de'i sngags ni srung ba'i 'khor lo'i sngags so/ /ma byung ba ni mar me mdzad nas 'od srungs kyi bar dang / 'byung bar mi 'gyur ni byams pa nas mos pa'i bar du mi 'byung ba'o/ /de ltar 'byung ba yin yang rgyud de nyid bsdus pa dang / dpal mchog dang po dang rnal 'byor bde mchog dang rdo rje 'jigs byed rnams su khro bo bzhi dang ldan zhing phur bu brgyad dang ldan pas dkyil 'khor bsrung ba byas na gdug pa thams cad sngags 'di rnyed pa tsam gyis brdungs mi dgos par grub par 'gyur ro//de'i don ni 'di skad ston pa yin te/ bshad pa'i rgyud bla ma las rang gi snying gar raM las byung ba'i nyi ma'i dkyil 'khor/ de'i steng du yi ge hUM las byung ba'i rdo rje/ de yongs su gyur ba las/ rdo rje hUM mdzad zhal bzhi pa phyag brgyad pa zhal dang po sngo ba/ g.yas pa ser ba/ rgyab dmar ba/ g.yon ljang ba/ dpa' bo dang mi sdug pa dang /ljags 'dril ba dang / tshems gtsigs pa dang / phyag dang po gnyis na rdo rje dang dril bu/ phyag lhag ma drug na lcags kyu dang / zhags pa dang / ral gri dang / kha T+wAM ga dang / tri shU la dang / thod pa bsnams pa'o/ /sangs rgyas lnga'i cod pan can rus pa'i rgyan gyis brgyan pa/g.yas brkyang ba'i gnas pas 'jigs byed chen po dang dus mtshan mnan pas/ de'i thugs ka'i yi ge hUM las khro bcu skad cig mas sprul la shar du rdo rje gtum po byang du rdo rje nyi ma/ nub tu rdo rje gtsug tor/ lhor rdo rje 'khyil pa/ shar lho mtshams su rdo rje gnod sbyin/lho nub tu rdo rje nag po/ /nub byang du rdo rje stobs po che/ byang shar du rdo rje 'jigs byed de/ steng du rdo rje gtsug tor/ 'og tu rdo rje gnod mdzes de rnams ni zhal gsum pa phyag drug pa/ shar phyogs sngo ba/ /g.yas ser ba/ g.yon ljang ba'o//byang ser ba ni g.yas sngo ba dang g.yon ljang ba'o/ /nub dmar ba ni g.yas dkar ba dang g.yon ljang ba'o/ /lho ljang ba ni g.yas dkar ba dang g.yon ser ba'o/ /shar lho du ba'i mdog can ni shar dang 'dra ba'o/ /bden bral nag po yang shar dang 'dra ba'o/ /rlung gi sngo ba yang shar dang 'dra ba'o//byang shar yang shar dang 'dra ba'o/ /steng dkar po g.yas sngo ba dang g.yon ljang ba'o/ /'og kyang shar phyogs dang 'dra ba'o/ /shar rdo rje dang / byang sna tshogs rdo rje dang / nub pad+ma dang / lhor ni rin po che dril bu dang bcas pa bsnams pas 'khyud pa'o//phyag lhag ma rnams kyis lcags kyu dang kha T+wAM ga dang / tri shU la dang thod pa bsnams pa'o/ /steng gi 'khor los sgyur ba'i 'khor lo dang dril bus 'khyud cing 'og gi gnod mdzes ni rdo rje dang dril bus 'khyud pa/ phyag lhag ma ni snga ma rnams dang mtshungs pa'o/ / de lta bu'i khro bo bcu spros pas glo bur gyi bgegs rnams bskrad nas bsdus pas phyogs skyong bcu gdan du bting zhing bgegs gzhom pa'i phyir stod khro bo smad phur bu rdo rje rtse gcig pa lta bu/ oM g+ha g+ha g+hA ta ya g+hA ta ya sarba duSh+TAM hUM hUM phaT/ kI li kI la ya sarba pA paM hUM hUM phaT/ hUM hUM hUM badzra kI la ya phaT/ badzra d+ha ra A dz+nyA pa ya ti kA ya wA ka tsit+ta badzra kI la ya hUM hUM phaT ces bya bas khro bo bcu bskyed la bgegs kyi snying gar gdab par bya'o/ /oM badzra mung+gar A ko Ta ya hUM phaT ces brdung bar bya'o/ /de nas hUM las rdo rje sa gzhi dang / de'i 'od zer gyis ra ba dang /steng du rdo rje bla re dang / mda'i dra ba dang / phyi rol kun nas me 'od kyi phreng ba bsam par bya'o/ /de nas/ khro bo bzhi dang yang dag ldan/ /lha brgyad dang ni yang dag ldan/ /zhes bya ba gnod mdzes kyi spro ba'i sngags bzhi las khro bo bskyed pa dang yang dag ldan pa dang /phur bu'i sku brgyad bskyed pa dang bcas pa ste/ de lta bu bsgoms pas rgyud thams cad du thun mong du brjod pa'i sngags 'di dang / bsgom pa'i khro bo'i 'khor lo dang bcas pas bcu gnyis kyi 'bras bu bskyed pa yin no/ /btus pa'o/ /btus pa'i sngags 'di nyid gang zhe na/oM sum+b+ha zhes pa la sogs pa ste sum+b+ha ni gnod mdzes la bod pa'o/ /gr-ih+Na zhes bya ba ni khro bo bcu la phyogs skyong ba zung zhig pa'o/ /grih+NA pa ya zhes bya ba ni sprul pa'i 'khor gyis zung shig pa'o/ /A na ya ho zhes bya ba ni khug cig pa'o/ /gal te ma khugs na/ji ltar bya zhe na/ b+ha ga wAM badzra rA dza zhes bya ba smos te/ bcom ldan 'das rdo rje rgyal po'i bkas khug cig pa'o/ /le'u sum cu pa'i rnam par bshad pa'o// //de ltar gnod mdzes kyi 'khor lo bshad na/ dngos grub sgrub pa'i le'u bzhi pa las dang por re zhig rgyu ba dang mi rgyu ba'i 'khor lo le'u nyi shu gsungs pa ni/de nas sha chen 'di dag kun/ /zhes bya ba la sogs pa gsungs te/ sha chen ni 'chad par gyur pa'i sreg rdzas so/ /'jigs byed ni nyon mongs pa dang sdug bsngal 'joms pas so/ /rdo rje skyes yin zhes bya ba ni mngon spyod kyi rdzas rdo rje'i rigs dang mthun pa'o//'di ni dug thams cad 'jigs par byed pa mngon spyod mi bzad sbyin sreg 'di gsungs pa yin no/ /de ltar mdor bstan nas rgyas par bshad pa ni de bzhin zhes bya ba la sogs pa gsungs te/ khyi ni zhe sdang 'joms pa'o/ /phag ni gti mug 'joms pa'o//zangs kyi gtsug phud can ni khyim bya ste 'dod chags 'joms pa'o/ /gang gi dkyil 'khor la zhen pa la mngon spyod kyi ni bya ba gsungs so/ /de ci zhig bya zhe na/ bza' ba ste/ nang gi sbyin sreg dang / sbyin sreg ste phyi rol gyi sbyin sreg dang gtor ma rnams bya'o//ma lus lus pa med grub po/ /zhes bya ba ni las bcu gnyis grub pa'o/ /rgyal srid thams cad bya ba ni nye bar mtshon pa'o/ /de ltar sreg rdzas bshad nas de'i snod bshad pa ni/ dung dang nya phyis mu tig ste/ /zhes bya ba smos te/ dung la sogs pa gsum char yang las dang nyon mongs pa dang khu khrag gi rgyu las byung ba yin no//bsod nams kyi las kyi rgyu rkyen las byung ba'i chos kyi ye shes kyi lus can mi'i thod pas sreg rdzas kyi snod du byas kyang mkhas pa rtog pa dang ldan pa rnams su yang smod par mi 'gyur ro/ /de ltar snod bshad nas bdag nyid lhar bskyed pa ji lta bu zhe na/dpa' bo thod pa'i phreng ba can/ /zhes bya ba smos te/ sangs rgyas lnga'i rang bzhin gyi cod pan can/ zla ba phyed pas rgyan du byas/ /zhes bya ba ni zla ba phyed pa'i rtags can no/ /dpa' bo dbang phyug yin par bshad/ /ces bya ba ni mkha' 'gro ma kun spyod las/sprul pa las byung dpa' bo rnams/ /yan lag drug cus sems kyis sprul/ /dag pa'i chos kyi sprul pa rnams/ /phag mo'i gzugs su bstan pa yin/ /zhes bshad pas dpal he ru ka las byung ba'i dkyil 'khor gyi 'khor lo dang bcas pa bsgom par bya'o/ /phyag rgya bshad pa ni/brda lnga po ni bstan pa dag /ces bya ba ni sor mo g.yon pa lnga thabs lngar bsgom pa dang / g.yas pa lnga lha mo lngar bsgom pa'i brda lnga'o/ /de yang de ltar dgod snyam na/ sgrub pa po yi lag g.yon gyi/ /zhes bya ba ni lag pa g.yon pa'i sgra ni dpa' bo drug gi gnas yin te/shes rab dang thabs ro gcig tu byas nas brda rnams la 'jug par bya'o/ /brda de yang tshogs kyi 'khor lo dang gtor ma dang phyi nang gi sbyin sreg dang dbang bskur ba'i dus su lta'i rang bzhin du bskyed nas brda zhes bya ba lus kyi tha snyad de/ lag pa'i phyag rgya'i bya ba la rab tu 'jug pa'o//ci'i phyir g.yon pa la gtso bo dang dgod snyam pa la/ khams gsum rgyu dang mi rgyu ba/ /'gro kun g.yon las byung ba yin/ /zhes bya ba gsungs te/ lus po phyed ni shes rab tshogs kyi dbyibs las byung ba yin/ g.yas pa ni thabs las byung ba yin no/ / ci'i phyir g.yon pa shes rab yin zhe na/ sangs rgyas dang byang chub sems dpa'i brdar gyur pa yin te/ shes rab thams cad thabs dang shes rab gnyis su 'dus par ston pa yin no/ /des na g.yon pa'i chos kyi dbyings las snod bcud thams cad 'byung ba yin no//de yang ji ltar na lha dgod par bya zhe na/ mthe bong la rdo rje sems dpa'/ mdzub mo la rnam par snang mdzad/ gung mo la pad+ma gar gyi dbang phyug /srin lag la dpal he ru ka / mthe'u chung la nam mkha'i snying po/ sen mo'i ngos la rta mchog bsgoms la/ lag pa g.yon pa bsgyur byas nas/ dpa' bo 'di rnams 'byung ngo / /lag pa'i mthil shrI he ru ka / phag mo kun 'dus dag byed yin/ /zhes bya ba gsungs te/ lag mthil g.yas g.yon du thabs rnam pa drug dang / shes rab rnam pa drug lag mthil du bkod nas thal mo sbyar bas lus kun dag byed ces bya ba'i phyag rgyar 'gyur ba yin no//rgyab tu rdo rje mkha' 'gro ma/ /zhes bya ba ni g.yon pa'i lag pa'i mthil du pad+ma 'dab ma lnga pa'i 'dab ma la mkha' 'gro ma lnga dang / lte ba la gtum mo dgod par bya'o/ /de bzhin du lag pa g.yon pa la dpa' bo rnams bkod pa ni/mdza' ba thams cad 'dus pa'o/ /rin chen rdo rje'i zhal snga nas/ rgyab tu rdo rje mkha' 'gro ma/ /zhes bya ba ni sen mo'i ngos la tsaN+Di ka bkod la sor mo thams cad kyi mdza' ba 'dus pa zhes gsungs so/ /cho ga des ci zhig byed ce na/ de lta'i cho ga'i sbyor ba yis//dpa' bo thams cad mchod par bya/ /zhes gsungs te/ nang gi sbyin sreg dang phyi'i sbyin sreg dang / gtor mas mchod par bya'o/ /sor mo rnams lha'i rang bzhin du bskyed nas 'byung ba rnams ji ltar bya zhe na/ sa ni spyan zhes bya bar bshad/ /ces bya ba la sogs pa 'byung ba lnga lha mo lnga yin par ston zhing /lha de rnams gang du gshegs su gsol zhes bya ba gsungs te/ lag pa gzhal yas khang du byas la mkhas pas gzhal yas khang gi steng rgyab tu gshegs su gsol/ /gsang ba 'di ni mi bshad cing / /zhes bya ba ni lag pa'i phyag rgya gsang ba 'di dbang ma bskur ba la mi bshad cing rdo rje spun ma yin pa la yang gsang ba yin no//'o na dus nam gyi tshe bya zhe na/ de ltar bdag nyid dpa' bo rnams/ /lhan cig zas la spyod pa brtsam/ /zhes bya ba gsungs te/ tshogs kyi 'khor lo bya ba'o/ / dpa' bo thams cad mnyam sbyor ba/ /mkha' 'gro dra ba'i bde mchog yin/ /zhes bya ba ni lag pa'i phyag rgya mnyam par sbyor ba'i bde mchog go/ /le'u sum cu rtsa gcig pa'i rnam par bshad pa'o// //de ltar mi rgyu ba'i sbyin sreg gi 'khor lo bshad nas/ /da ni yi dgas srog song gi 'khor lo bshad pa ni/de nas gzhan yang bshad bya ste/ /zhes bya ba la sogs pa gsungs te/ gzhan yang ni ro langs kyi sbyin sreg go/ /phyi'i sbyin sreg gi spyod pa dang / nang gi sbyin sreg cho ga bzhi'i dkyil 'khor dang / mchod rdzas dang / thab lhar bskyed pa dang /mchod pa dang 'bras bu dngos grub blang ba dang gshegs su gsol ba'o/ /rnam pa gang gis cho ga de shes na myur du dngos grub thob par 'gyur ba'o/ /de ltar mdor bstan nas rgyas par bshad pa ni/ sgrub pos sngar bstan rim pa yis/ /zhes bya ba gsungs te/ le'u sum cu rtsa gcig pa sreg rdzas dang /snod dang lhar bskyed pa'i phyag rgya'i rim pa'o/ /phyugs rnams kyi ni 'gugs pa nyid/ /ces bya ba ni sngar bstan pa'i sreg rdzas kyi steng du kha na ma tho ba med pa'i phyugs 'di rnams kyis bstan par bya'o/ /de la mi'i sha dang / rus sbal dang / bong bu dang / rnga mo dang / ce spyang dang / rta la sogs pa dpa' bo lnga'i sha dngos grub sgrub pa'i dkyil 'khor du bsgrub pa'i yan lag yin no/ /khyad par gzhan dag kyang yod dam zhe na/ rigs mchog phyugs zhes bya ste mi sha ni bdud rtsi lnga par gyur pas na mchog go/ /rkang bzhi pa las glang po mchog dang / 'dab chags las dad pa dang / chu la gnas pa dud 'gro las rus sbal dang /gi wang dang bcas pa'i sha la lha rnams gsol bar bzhed pas chu g.yo ba'o/ /de rnams ni dngos grub sgrub pa'i yan lag tu sangs rgyas dang byang chub sems dpa'i lha'i mig gi mngon par shes pa rnams la grags pa yin no/ /khwa dang chu skyar dang gzhan dang gnyis skyes te khu byug dang /khrung khrung dang / sngags chen po dang / sa ra sa dang / ka dam+pa la sogs pa kha na ma tho ba med pa'i sha dang / nang gi sbyin sreg bza' ba dang / gtor ma dang / phyi rol du sbyin sreg byas nas 'dod pa'i dngos grub thams cad grub par 'gyur ro//de ltar phyi nang gi thun mong gi sbyin sreg bstan nas ro langs kyi khyad par gyi sbyin sreg ga sreg rdzas bshad pa ni/ kr-iSh+Na shwa na zhes bya ba ni khyi mo shin tu gnag pa lus gang la yang spu dkar po med pa 'o ma dang / ma sha'i 'bras nag po phye mar byas pa dang ldan pa'i thug pa sbyar la tshes bco lnga'i dus su skar ma rgyal dang gza' phur bu 'dzom pa'i dus su rgyal rigs sam rje'u'i rigs sam bram ze'i rigs sha dkar la sma ra ser ba shing puN+Da rI ka'am/a shwat+tha la 'gegs nas shi ba'i ro blangs la dkyil 'khor gyi dbus su bzhag ste/ dur khrod brgyad kyi mkha' 'gro gang yang rung ba la dgug pa dang gzhug pa dang bcing ba dang dbang du byas la 'jig rten gyi dngos grub grub pa dang / zhing skyong brgyad la gang yang rung ba bcug nas bsam gtan dang gzugs med thun mong gi dngos grub sgrub pa dang / rigs lnga'i ye shes kyi mkha' 'gro ma bcug nas mchog gi dngos grub 'grub par 'gyur ro//de la dang po dur khrod du dkyil 'khor bsgrub pa 'jig rten gyi dngos grub kyi dbang du mdzad nas 'dzem pa med par ro'i khar sbyin sreg brgya rtsa brgyad du bya zhes gsungs te/ dang por bsnyen pa'i dus su du ba dang 'bar ba dang 'phar ba mthong nas ro'i lte ba'i dbus su me'i dkyil 'khor bskyed nas rkang pa rlung gis g.yabs te lte ba nas 'bar bas mig me'i sgo nas dro ba'i rtags 'byung ba dang /rna ba rlung gi sgo nas 'phar ba dang / sna sa'i sgo nas du ba dang / kha chu'i sgo nas smra ba dang / 'phar ba'i rtags 'byung bar 'gyur ro//de'i tshe me lha thugs kar bzhag la sbyin sreg brgya rtsa brgyad bya'o/ /de nas dur khrod kyi mkha' 'gro bkug la 'dzem pa dang bag tsha ba med pas ro'i khar sbyin sreg brgya rtsa brgyad bya'o/ /de nas ro de langs la ci zhes smra bar 'gyur ro/ /de la lha ma yin gyi bu mo 'dod nas 'og tu 'gro ba la sogs pa dang /dngos grub gang yang rung ba cig byin cig brjod par bya'o/ /de nas 'jig rten gyi mkha' 'gro des gnas sum cu rtsa gnyis kyi bu ga nas zhugs te/ rdo rje snying gis ma zin par lha ma yin gyi bu mo'i gnas su 'gro ba'am/ g.yul las rgyal ba'i dngos grub bam/mngon spyod kyi cho gas tshar bcad pa'am/ zhi ba dang rgyas pas phan 'dogs pa'am/ mig sman gyis bcud len gyi sman rnyed pa'am/ sa 'og gi gter ram/ dpag tshad stong tshun chad kyi rkang mgyogs sam/ lo stong la sogs pa thub pa'i bcud kyis len gang yang rung ba cig byin nas rang gi gnas su 'gro ba yin gyi gzhan du ma yin zhes bya ba ni nyi ma dang zla ba ni sa la lhung yang srid/rlung ni rgyun las bzlog kyang srid/ ro langs kyi dngos grub ni gzhan du ma yin no/ /steng dang sa 'og pho nyas grub/ /ces bya ba ni sku dang gsung dang thugs kyi dngos grub tu 'gyur ro//rgyud 'dir the tshom med kyang rung / /zhes bya ba ni gdon mi za bar 'grub po zhes pa'i don to/ /de ltar ro langs kyi dkyil 'khor sgrub pa bshad nas/ ro langs sgrub pa'i tshe rnal 'byor pa bdag nyid lhar ji ltar bskyed par bya zhe na/ gnas pa'i rnal 'byor sngon du 'gro bas dang por rten gyi dkyil 'khor sgom pa ni gdul ba drag po 'jigs byed kyi brda'i dbang du byas nas yaM las rlung gi dkyil 'khor bskyed pa ni lci ba'o//raM las me'i dkyil 'khor bskyed pa ni thal ba zhes bya'o/ /baM las chu'i dkyil 'khor la lhag ma zhes bya ste/ mngon brjod las kyang /lhag ma rngams su 'bum phrag brgyad/ /ces gsungs pa'i phyir ro/ /laM las sa'i dkyil 'khor la ni mgo bo skom po zhes bya'o/ /dung chen po'i ngo bo zhes bya ba ni/ ri rab dang ri bdun dang / rol mtsho dang gling bzhi lcags ris bskor ba'o/ /de yang kha sbyor las mgo bo ri rgyal lhun po yin//zhes gsungs so/ /sdong pos brgyan pa dang mthun par rlung gi dkyil 'khor gyi steng du rdo rje rtse lnga pa raM dang bcas pas stong gsum bsregs pa ni/ lci ba'i thal ba nyid dag dang / /zhes bya ba'o/ /rnam par snang mdzad kyi rang bzhin spos chu ze ba'i rgyun babs nas/rdo rje'i lte ba raM gyi mes bskol bas/ lhag ma gser gyi pad+ma bye ba phrag brgyar gyur pa ni de bzhin lhag ma zhes bya'o/ /de'i steng du gser gyi sa gzhi chags pa ni mgo bo skam po zhes bya la/ de'i steng du ri rab bskyed pa'i sa bon du chen po'i ngo bo'am/ yang na gser gyi rus sbal gyi gzugs bya'o/ /he ru ka 'byung ba las ni yang na rus sbal dag gi'o zhes bya ba brten pa'i dkyil 'khor ston te/ dpa' bo dpa' mo yin par bshad/ /ces bya ba rdzus skyes la ltos nas yang na/ rus sbal dag gi mgo/ /zhes bya ba ni sgong skyes kyi he ru ka ston pa yin no//myur du dngos grub sbyin par 'gyur/ /zhes bya ba ni rdzus skyes kyi thabs kyis grub par 'gyur ro/ /des bskyed pa'i lha ji lta bu zhe na/ nges brjod bla ma las 'byung ba bzhin du zhal gcig pa phyag bzhi pa rdo rje dang / dril bu dang / cang te'u dang / kha T+wAM ga bsnams pa sngon po'am/ zhal gcig phyag gnyis pa yum rdo rje phag mo la 'khyud pa'am/ phyag 'bum pa zhal stong dang ldan pa rdo rje phag mo kun gzugs zhes bya ba zhal nyi shu rtsa gcig dang phyag rgya lnga las 'khyud pa/ rdo rje phag mo yang de dang 'dra ba sku mdog dkar po snod bcud thams cad kyi phyag mtshan 'chang ba dang /thod pa'i phreng ba can thal ba'i rdul gyis byugs pa/ phyag rgya drug gis brgyan pa/ cod pan gyi bar nas me tog gi phreng ba 'chang ba/ phyag dang po gnyis kyis rdo rje dang dril bu bzung nas phag mo la 'khyud pa/ g.yas gnyis pa mdung bsnams pa/ zhal mche ba gtsigs pa/ ro yi dags chen po'i gdan la bzhugs pa'o/ /de yang ji ltar bsgom par bya snyam na/ de nas rtag tu sgrub pa pos/ /rang gi lha ni shes nas sgom/ /zhes bya ba smos te/ mi 'jigs na zhal gcig phyag bzhi pa dang /'jigs na zhal bzhi phyag bcu gnyis pa dang / ches 'jigs na phyag 'bum pa bsgom par bya ba de lta bu'i yon tan gyi khyad par shes pas sgrub pa pos dngos grub sgrub par 'gyur ro/ /le'u sum cu rtsa gnyis pa'i rnam par bshad pa'o// // de ltar ro langs kyi sbyin sreg bshad nas/ de ni rnal 'byor ma'i lus la sbyin sreg bya ba bshad pa ni/ de nas sgrub pa po rnams kyis/ /zhes bya ba la sogs pa smos te/ chags pa'i lam sgrub pa po rnams kyis ye shes las skyes pa dang / sngags skyes kyi rnal 'byor ma bsnyen sgrub bzhis sbyangs nas ye shes phab pa la 'gro ba dang /du ba dang 'bar ba dang 'phar ba'i tshe/ nang gi sbyin sreg bya ba ni/ /sbyor ba kun las med par bshad/ /ces bya ste/ rgyud gzhan du ma bstan pa'o/ /sreg rdzas ni bza' ba dang bca' ba dang / nya sha dang chang la sogs pa ci nus pas sbyin sreg bya'o//de ltar mdor bstan nas rgyas par bshad pa ni/ med par gyur kyang bza' ba ni/ /zhes bya ba smos te/ bza' ba dang bca' ba la sogs pa bdud rtsi lngar bskyed la mchod par bya'o/ /de ltar rdzas bsags nas de nas ci zhig bya snyam na/de nas pho nya rab sbyin zhing / /zhes bya ba bsnyen sgrub bzhis sbyangs nas lte ba dang snying ga dang / lkog ma dang spyi gtsug tu 'khor lo brtsegs ma bzhi bkod de ye shes 'bebs pa'i pho nya la rang gi lag pa'i dgang gzar dang blugs gzar gyis sbyin sreg bya'o/ /rang gi pang par mgo bzhag la//dpa' bo gnyis med mchod par bya/ /zhes bya ba ni yum rdo rje phag mo bskyed nas mchod par bya'o zhes bya ba'i don to/ /slob dpon dag ni rab tu bsgrub/ /ces bya ba ni dbang bskur ba'i phyag rgya byas pa'o/ /de yang ma dang sring mo dang bu mo dang chung ma ste dbang thob pa'i sngags skyes rnam par 'dod pa'i yon tan lngas mchod pa'i cho ga 'di 'dra ba'i sbyor bas gnyis su med pa dang ldan par byed/de'i phan yon ci zhe na/ de nas sngags ni grub 'gyur te/ /zhes bya ba la sogs pa gsungs te/ srog a wa d+hU tIr chud pa'i sngags grub pa'i sbyor bas ji srid 'byung ba ma zhig pa'i bar du gnas par 'gyur ro//phan yon gnyis pa ni ye shes kyi mkha' 'gro ma nyi shu rtsa bzhi slob dpon gyi lus su gnas nas sgrub pa po las mchod pa len zhing las bcu gnyis mdzad par 'gyur ro/ /des bsam gtan gyi dngos grub mi thob bam zhe na/dpa' bo rnams kyi stan dag dang / /phyag rgya nyid du the tshom med/ /ces bya ba smos te/ stan ni btsun mo yum gyi b+ha ga na bzhugs zhes bya'o/ /phyag rgya ni las kyi phyag rgyar gyur pa'i bsam gtan gyi bde ba bskyed pa'o/ /de yang thabs ji lta bu zhe na/sgrub po shin tu mnyam gzhag pas/ glu dang gar la sogs pa bya/ /zhes bya'o/ /gzugs sdug pa dang / glu snyan pa dang / dri zhim pa dang / ro yid du 'ong ba dang / reg bya 'khyud pa la sogs pas mchod par bya'o/ /mchog gi dngos grub ji ltar thob ce na lus can thams cad kyi snyed du rnal 'byor ye shes lA ma zhes bya ba smos te/rang bzhin brgyad cu dang bral ba'i sems 'od gsal ba'i sems skyes pa de gang zag ji lta bus thob snyam na 'khor ba las skyo ba dang mya ngan las 'das pa la dad pa ste/ ji srid 'khor bar 'khor gyur zhing /mya ngan sdug bsngal gyis g.yengs 'di/ /zhes bya ba 'khor ba las skyo ba'o/ /kun nas dad pas sgrub pa pos/ /phyag rgya thams cad mchod par bya/ /zhes bya ba ni lha dang lha mor bsgoms pas dad pa dang ldan zhing / sgyu ma lta bur mos pas phyag rgyar mchod par bya'o//de ltar bsod nams dang ye shes kyi tshogs chen pos ma 'ongs pa na 'khor los sgyur ba la rgyu ba'i rgyal po dang / lha'i rgyal por gyur pas mchod par gyur pa dang / dad pa dang dang ba dang sgyu ma lta bu'i shes pa med pas mi gtsang ba'i rdzas yin no zhes smras na ma 'ongs pa ngan song gsum du 'gro bar 'gyur ro//drang srong rgyas pa dang / ser skya lta bu bsam gtan thob pas dngos grub ji lta bu zhig thob par 'gyur zhe na/ rnal 'byor rgyud la gus rnams kyis/ /phyag rgya chen po dang por 'grub/ /ces bya ba smos te/ zhi gnas dang lhag mthong zung du 'jug pa'i rnal 'byor rgyud la phyag rgya chen po ste/rnam par mi rtog pa'i ye shes dang por 'grub par 'gyur ro/ /gal te srog a wa d+hU tIr ma chud pas stong nyid kyi rgyas ma thebs na ji ltar bya snyam na/ de bzhin rab tu 'bad pa dang / /kun nas dang bas mchod par bya/ /zhes bya ba gsungs te/bsod nams kyi tshogs bde ba bsgom par bya'o/ /de nas le'u dang po las/ /yid ni nang du chud pa yis/ /'dod pa'i dngos grub bsgom par bya/ /rang rdzas thig les sangs rgyas dang / /byang chub sems dpa' mchod par bya/ /zhes gsungs so/ /de yi 'og tu dpa' bo yis//dpa' bo kun du spyod par bya/ /zhes bya ba ni phyag rgya chen po bsgom pa de'i 'og tu dpa' bo kun du spyod pa kha sbyor las gsungs pa bzhin du dpa' bo gcig pu dang / rgyal tshab dang / phyogs las rnam par rgyal ba dang / pha rol tu phyin pa dang / shin tu spros pa med pa'i spyod pas dngos rjes ro mnyam par bya'o//de ci zhig sgrub snyam na/ de ltar mchod byas de nas ni/ /zhes bya ba la sogs pa smos te/ sa 'og tu 'gro ba la sogs pa'i las bcu gcig sgrub pa pos dka' ba med cing nyon mi mongs pas 'grub par 'gyur ba las gdon mi za'o//le'u sum cu rtsa gsum pa'i rnam par bshad pa'o// //de ltar rnal 'byor pa'i sbyin sreg bshad nas thun mong gi sbyin sreg bshad pa ni/ de nas rnal 'byor ma'i dra ba'i/ /zhes bya ba la sogs pa smos te/ bsnyen sgrub bzhis sbyangs pa'i dpa' bo dang /rnal 'byor ma'i lus po la phyi rol du lha'i 'khor lo dgod pa dang / nang du lha drug cu rtsa bzhi'i 'khor lo bzhi la rim pa bzhin du bkod pa'i 'khor lo'i cho ga rgyas par byas nas dpa' bo dang rnal 'byor ma nang gi sbyin sreg byed pa'i tshe/ oM shan+tiM ku ru swA hA zhes bya ba la sogs pas dpa' bo dang /rnal 'byor ma'i sngags dang spel nas kun du brjod cing sbyin sreg byas nas 'grub pa la the tshom med do/ /de ltar mdor bstan nas rgyas par bshad pa ni dpa' bo nyi shu rtsa lnga dang / rnal 'byor ma sum cu rtsa bdun 'khor lo bzhi'i pad+ma'i lte bar bkod la a wa d+hU tI'i gnas su he ru ka yab yum de bzhin du bkod par bya ste/smin mtshams kyi mdzod spu'i bar du dpa' bo yab yum nges par gzhag par bya'o/ /de ltar lha dgod pa bstan nas me'i mtshan nyid bstan pa ni/ dpa' bo 'chol ba zhal gyi mer/ / zhes bya ba smos te/ lte ba nas rked pa rlung me'i drod can no/ /sreg rdzas ni myos chang dang / ba lang gi sha dang khrag tu bcas pas nang du sbyin sreg bya'o/ /gang la sbyin sreg bya snyam na/ de nas 'bar ba'i me la ni/ /bsreg bya dgu ni bya ba yin/ / zhes bya ba smos te/ rigs lnga re re zhing yang bsreg bya lnga lnga dbul bar bya'o/ /de nas gtum mo drod 'phel ba/ /rtsa rnams sreg par byed pa ni/ /de nas 'bar phreng rgya mtsho yi/ /kun nas sgo yi 'khor lo bsam/ /zhes bya ba yin no/ /kun nas sgo ni bu ga'i sgo rnams nas me'i 'od zer 'byung ba'o//'khor lo bzhi'i dbus su ji lta bu bsam zhe na/ dpa' bo dpa' mo zhal bzhi pa/ /zhes bya ba smos te/ bcom ldan 'das zhal bzhi pa phyag bcu gnyis pa/ yum zhal gcig phyag gnyis pa/ mkha' 'gro ma dang / lA ma dang / dum skyes ma dang / gzugs can ma bzhi ni phyogs kyi pad+ma la'o/ /dpa' kun gnyis su med par bde/ /zhes bya ba ni sku gsung thugs kyi 'khor lo'i khaN+Da ro ha phyi rol sbyar zhes bya ba ni/ kun kyang zhal shar du gzigs pas khaN+Da ro ha rgyab tu bzhag pa'o/ /rang gi gzugs su sngon zhen pa//zhes bya ba ni mi'am ci 'dul ba'i phyir kha gdong ma la sogs pa'i gzugs brgyad do/ /'khor lo'i dbus su bstan par bya/ /zhes bya ba ni gzhal yas khang gi nang du dgod pa'o/ /dpa' bo dang rnal 'byor ma 'di dag gi 'khor lo bstan pas dngos grub thams cad sgrub par byed do//de gang las btus pa yin snyam na/ rig pa'i rgya mtsho las/ dpa' bo mdor bsdus nas ni gsungs pa yin/ zhes bya ba smos te/ rgyud 'bum pa'i le'u dang po tshogs kyi 'khor lo'i skabs nas/ rnal 'byor ma'i sbyin sreg 'di rgyas pa las mdor bsdus pa gsungs pa yin no/ /thabs gang gis grub ce na/ pho nya gnyis med sbyor ba'i bdag /'grub 'gyur 'di la the tshom med/ /ces bya ba gsungs te/ dga' ba bzhi'i ting nge 'dzin gyis/ le'u sum cu rtsa bzhi pa'i rnam par bshad pa'o// //de ltar dpa' bo dang rnal 'byor ma gnyis ka'i sbyin sreg bshad nas/ 'chi bdag 'joms pa bshad pa ni/ de nas las kyi mchog rab ni/ /zhes bya ba la sogs pa gsungs te/ las kyi mchog rab ni tshe 'phel ba'i thabs so//ji bzhin rim gyis mchod pa ste/ /zhes bya ba ni thabs dang shes rab bsnyen sgrub bzhis sbyangs nas rnam pa sna tshogs dang / rnam par smin pa dang / rnam par nyed pa dang / mtshan nyid dang bral ba'i rim gyis dga' ba bzhi'i ting nge 'dzin gyis mchod pa'o//mchod pa gnyis med sbyor bdag nyid/ /ces bya ba smos te/ mchod pa gnyis med sbyor bdag nyid ni rang bzhin brgyad cu dang bral ba'i bde ba stong pa nyid du ro gcig pa'i gnyis med sbyor ba'o/ /las ni so sor sbyor bar bya/ /zhes bya ba ni las bcu gnyis las bsgom pa dang bzlas pa so sor sbyar bar bya'o//de ltar mdor bstan nas rgyas par bshad pa ni/ gang yang sgrub par byed pa'i sngags/ /de yi dbye ba rim ji bzhin/ /zhes bya ba ni de la zhes bya ba'i don yin no/ /tshigs bcad gcig gis mdor bstan pa ni las bcu gnyis kyi mdor bstan pa yin la/de las bye brag tu/ 'chi bdag 'joms pa bshad pas na/ /gang yang sgrub par byed pa'i sngags/ /zhes bya ba gsungs te/ sngags ni lus kyi 'khrul 'khor la dbugs 'byung rngub kyi rlung dang sbyor ro/ /phrin las bzhi'i sngags de'i dbyes bas rim pa ji lta ba bzhin du zhi ba la dkar po/rgyas pa la ser po/ dbang la dmar po/ mngon spyod la nag po'o/ /yi ge'i kha dog dang / zhi ba la rgyal rigs/ rgyas pa la rje'u rigs/ dbang la bram ze'i rigs/ mngon spyod pa dmangs rigs kyi pho nya'i bye brag dang /sogs zhes bya ba ni zhi ba la chu'i dkyil 'khor nas rgyu ba dang / rgyas pa la sa dang / dbang la me dang / mngon spyod la rlung gi dkyil 'khor las rgyu ba'o/ /sngags ji ltar bzlas snyam na/ mda' yi shugs bzhin yongs su 'khor/ /zhes bya ba smos te/ zhi ba dang rgyas pa la yum gyi zhal nas yab kyi zhal du zhugs shing / yab kyi lte ba nas yum gyi lte bar zhugs pas 'khor ba dang / dbang dang mngon spyod la yab kyi zhal nas yum gyi zhal dang / yum gyi lte ba nas yab kyi lte bar 'jug cing 'khor ba'i phan tshun sbyor ba'i sngags kyis 'jug cing 'khor bas phreng ba nyid yin no//zhi ba la ni lhod pa ste/ /zhes bya ba ni sngags kyi bzlas pa so dang mchu sbyar nas lce cung zad tsam bsgul ba'o/ /rlung gi rgyu ba ni sa dang chu dal bar rgyu ba'o/ /drag cing rtsub pa ma yin no/ /zhes bya ba ni dbang dang mngon spyod la ngag gi bzlas pa mnyam sbyor nas 'byung ba bzhin du mkhur ba dang dbugs kyi rlung 'byin dang /srin po ngar skad kyis zlo ba dang / me dang rlung gi dkyil 'khor la drag cing rtsub par zlos pa ltar zhi ba dang rgyas pa la ma yin no/ /rang rang gi ni phyogs gnas nas/ / cho ga'i dbye ba bstan pa'o/ /zhes bya ba ni g.yas nas sa'i rlung rgyu ba dang / g.yon nas rlung gi rlung rgyu ba dang / gnyis ka nas sa'i rlung rgyu ba dang / dal bar rgyu ba chu'i rlung ni dkyil 'khor bzhi'i rang rang gi phyogs kyi dbye ba bstan to/ /sa bon phreng ba de nas zin/ /zhes bya ba ni sa bon phreng ba snying po dang nye ba'i snying po'o//de nas zin zhes bya ba ni thog mar yi ge oM nas bzung ba'o/ /hUM ni mtha' ru gnas pa yin/ /zhes bya ba ni mthar hUM phaT swA hA dang bcas pa'o/ /de ltar bsgom pa dang bzlas pa byas nas bskyed pa'i rim pa'i las la sbyor ba'i tshe ji ltar sbyar bar bya zhe na/sgrub pa 'gag par gyur na ni/ /gom pa gcig kyang mi 'gro'o/ /zhes bya ba ni 'chi bdag gi gzugs byas la dur khrod kyi ras la rkang pa brgyad pa'i 'khrul 'khor dug dang khrag gis bris la dbus kyi 'chi bdag gi bdud kyi ming mA ra ya dang bcas pa bris te 'khrul 'khor ling+gar bcug nas sngags kyi 'od zer brgyad kyis bcug na gom pa gcig kyang 'gro bar mi nus par 'chi bar 'gyur ro//'od zer brgyad gang zhe na kha sbyor bar gyur pa dang zhes bya ba rdo rje phra mo'i 'od zer dkar dmar thogs pa 'phros pas gom pa gcig kyang mi 'gro ba ni dang po'o//'od zer gyi lha mo rnams phyir log nas dus ma yin par 'chi ba las rgyal ba'i thabs phyag g.yon pas kha T+wAM ga bzung nas phyag g.yas pas bdud rtsi lnga'i thod pa bsnams pas rang gi zhal du mchod yon gyi bdud rtsi'i nges par sbyar bas dus ma yin par 'chi ba bzlog nas tshe 'phel bar byed do//de bzhin du rdo rje lu gu rgyud bcings pa'i lha mo brgyad 'phros nas 'chi bdag bcings pas dus ma yin par 'chi ba las rgyal nas kha T+wAM ga bsnams shing bdud rtsi'i mchod pa zhal du sbyor ba ni gnyis pa yin no/ /rdo rjes phye ba nyid dang ni/ /zhes bya ba ni rdo rje thogs pa'i lha mo spros nas 'chi bdag bcom ste slar log pas dus ma yin pa'i 'chi ba las rgyal nas kha T+wAM ga bsnams pas bdud rtsi'i mchod pa mchod yon zhal du 'dren pa ni gsum pa'o//de bzhin du rdo rje kha dog lnga pa'i sgro'i chun po spros nas bsgrub bya 'gog pa ni bzhi pa'o//lcags kyu bsnams pa'i lha mos dgug pa ni lnga pa'o/ /gtun shing bsnams nas dgug pa ni drug pa'o/ /rdo rje kha yis za ba ni bdun pa'o/ /mda' yis bcings pa spro ba ni brgyad pa'o/ /de ltar phyag mtshan brgyad dang bcas pa'i lha mo spros nas dus ma yin pa'i 'chi bdag las rgyal ba ni phrin las mdzad nas slar bsdus pa'i tshe phyag g.yon pas kha T+wAM ga bsnams shing /phyag g.yas pas thod pa bdud rtsi lnga'i mchod yon rang gi zhal du rdo rje rtse lnga pa dkar po bsams la bdud rtsi lnga'i mchod yon 'thungs pa ni nges par sbyar ba'o/ /'di skad ston pa yin te thabs dang shes rab snyoms par zhugs pa las lha mo brgyad spros pa ni 'chi bdag gi bdud 'gog cing gom pa gcig kyang mi 'gro bas dus ma yin par 'chi ba las rgyal ba'i phrin las mdzad nas slar sdud pa'i tshe lha mo brgyad kyi phyag g.yon pas kha T+wa'aM ga bsnams shing g.yas pas bdud rtsi'i thod pa bsnams nas tshe 'phel ba'i phyir rang la 'dren par byed pa yin no//de ltar bskyed pa'i rim pa'i dbang du byas pa bshad nas/ rdo rje mkha' 'gro las kha sbyor ni nyi ma dang zla ba ste wa san+ti las 'o/ /rdo rje lu gu rgyud ni las kyi phyag rgya dang 'khyud pa'o/ / rdo rje dbye ba ni a wa d+hU tI dang 'khyud pa'o/ /sgro'i chun pos bskor ba ni hUM phaT kyis bskor ba'o/ /lcags kyus 'gugs pa ni bdud rtsi thig le gyen du bzlog pa'o/ /gtun shing gis dkrugs pa ni sa chu me rlung bzhi'i rtsa bzhag nas A na ha'i rtsas grub pa'o//rdo rje kha'i bza' ba ni bde ba stong nyid kyis rgyas btab nas shing las skyes pa'i srin bu bzhin du za ba'o/ /dbugs pa mda' dang sbyar ba ni reg bya'i stong pa nyid kyi steng du stong pa nyid la nges pa'i shes pa 'dren pa'o/ /dus min 'chi las rgyal ba ni g.yas par sa nA nas gyen du bzlog pa ni wa sha ta ta twa zhes byas te bcud kyis len du 'gyur ba'o//kha T+wAM ga ni lha'i sku bde ba stong par rtogs pa'i lus so/ /thod pa'i mchod yon ni btsun mo'i yum gyi b+ha ga'i byang chub sems so/ /zhal du mchod yon a wa d+hU ti'i zhal du byang chub kyi sems 'jug pa yin zhes gsungs so//le'u sum cu rtsa lnga pa'i rnam par bshad pa'o// //de ltar 'chi bdag 'joms pa bshad nas da ni chags pa'i lam gyis gsang ba'i sbyin sreg bshad pa ni/ de nas/ phyag rgya'i mchod pa chen po dang / /zhes bya ba la sogs pa smos te/dpa' bo dang rnal 'byor ma bsnyen sgrub bzhis sbyangs nas btsun mo yum gyi b+ha ga'i thab khung du gsang ba'i rdo rje'i dgang gzar gyis byang chub sems kyi dgang blugs byed pa ni phyag rgya'i mchod chen zhes bya'o/ /byang chub sems dga' bral du song na bde ba'i ting nge 'dzin nyams nas sngags dgod pa bzlog pa ste/nang gi sbyin sreg gi phyag rgya'i mchod pa 'di dag ni las bcu gnyis myur du grub par byed pa yin no/ /de ltar mdor bstan nas rgyas par bshad pa ni/ mtshan nyid gnyis las sngags sbyar ba/ /zhes bya ba smos te/gsang ba'i rdo rje dang b+ha ga'i dbus su yi ge d+hi dang bya zhes bya ba gnyis kyi sngags kyis byang chub sems bzlog par bya'o zhes kun spyod las gsungs so/ /dpa' bo mkha' 'gro gnyis med pa/ /blo ldan rnal 'byor ma bsgrub bya/ /zhes bya ba ni b+ha ga'i dkyil 'khor du byang chub sems kyi dkyil 'khor bsgom pa'o//rnal 'byor dri med lus ni zhes bya ba ni rang bzhin brgyad cu dang bral ba'i shes pa rtog pa med pa skyes pa'i lus ni dri med lus so/ /pad+ma'i phyag rgya gnon pa'i lus rnams ni rnam pa sna tshogs kyi dga' ba dang /rnam par smin pa'i mchog dga' dang / mtshan nyid dang bral ba'i dus su/ de bzhin mtshon cha nyid dang sbyar/ /zhes bya ba smos te/ dga' ba'i dus kyi tshe yi ge 'khrul 'khor gyi mtshon cha dang sbyar ba dang / de bzhin du mchog dga'i tshe rlung gi 'khrul 'khor gyi mtshon cha dang sbyar ba de bzhin du lhan cig skyes dga'i dus su gzung 'dzin 'gog pa'i a sa ma sa ma zhes bya ba nges pa'i shes pa drangs pas rnam par rtog pa las bzlog pa'i mtshon cha dang sbyar bar bya'o//ci'i phyir mtshon cha yin zhe na/ kha sbyor las dang po'i shes pa rnams yul gyi bde ba la dga' bral mi 'gro ba'i phyir na mtshon cha zhes gsungs so//sngags pas mkha' 'gro ma'i sbyor ba'i snying po rnams kyis de bzhin bya ba ni dpa' bo dang dpa' mo'i snying pos kyang byang chub sems bzlog pa de bzhin du bya'o/ /dpa' bo mchod pa'i cho ga shes/las kyi 'bad pa nyid kyis bya/ /zhes bya ba ni de kho na nyid mchod pa'i rjes la dgug pa la sogs pa'i las bcu gnyis bya bar gsungs pa yin no/ /mkhas pa chen po dz+nyA na shrI'i zhal snga nas rlung gi 'khrul 'khor gyis byang chub sems bzlog pa yin no zhes gsungs so//rnal 'byor rang dga'i sngags las ni/ /zhes bya ba ni phrin las bzhi'i rnam par dbye bas rnal 'byor pa rang dga' ba'i sngags kyis dbang dang mngon spyod la yab kyi zhal dang sbyar bas tshar gcod pa dang / zhi ba dang rgyas pa la yum gyi zhal nas yab kyi zhal du bzlog nas sbyar bas ni phan 'dogs par byed do//de ltar na las kyi dngos grub bcu gnyis la rnam par sgom pa'i thabs de'i dbye ba bcu gnyis kyis phye ba'i sngags kyi phreng ba rtsa'i lam du sbyar bar bya'o/ /sbyor ba yi ni don rnams la/ /'di yis rab tu bsgrub par bya//zhes bya ba ni lus kyi dkyil 'khor la las bcu gnyis kyi 'bras bu'i don rnams bsgom pa dang bzlas pa'i dbye ba 'di yis bsgom par bya'o/ /lha dang lha min rnams dang ni/ /mi dang bcas pas bsgrub par bya/ /zhes bya ba ni 'gro ba ris drug dbang du byed pa la sogs pa 'grub pa'o//le'u sum cu rtsa drug pa'i rnam par bshad pa'o// //de ltar gsang ba'i sbyin sreg bshad nas/ nang gi sbyin sreg phyir bzlog pa bstan pa ni/ de nas gzhan yang bshad bya ba/ /zhes bya ba la sogs pa gsungs te/ gzugs gnon pa yi cho ga ste/ /zhes bya ba ni bsnyen sgrub bzhis sbyangs pa'i las kyi phyag rgya dang snyoms par zhugs pa'am grol ba'i lam pas chos kyi phyag rgya dang / dam tshig gi phyag rgya'i gzugs gnon pa'i cho ga'o/ /phan tshun sbyar ba'i gsang sngags ni/ /mkha' 'gro ma dang gcig tu sbyor//zhes bya ba ni zhi ba dang rgyas pa la tshur 'khor ba dang / dbang dang mngon spyod la phar 'khor bas gsang sngags sbyar zhing nang gi sbyin sreg bzlog nas hUM gi sgras dbugs byung ba ni ngal so ba'o/ /bzlas pa'i mthar skyug par bya'o zhes bya ba ni ngal so ba'i rjes la skyugs pa'o//mtshan mo bdun ni rdzogs pa dang / bza' dang btung ba dag la sbyar/ /zhes bya ba ni skyugs pa'i kha zas ni sbyin sreg gi thal ba yin pas thod pa kha sbyor gyi nang du bzhag la/ tshon sna lnga'i skud pas dkris te mtshan mo bdun sngags bzlas nas gang dbang du bya bar 'dod pa'i kha zas la sbyar na 'di yis ji srid 'tsho'i bar du dbang du gyur par gdon mi za ba yin no//de ltar mdor bstan nas rgyas par bshad pa ni/ ser skya'i mar ni 'thungs nas kyang / /zhes bya ba la sogs pa gsungs te/ lte ba dang snying ga dang lkog ma dang spyi gtsug tu rtsa drug cu rtsa gnyis tshang ba'i 'khor lo bskyed la/lag pa g.yas g.yon dgang gzar dang blugs gzar du byas te/ ser skya'i mar gyis sreg rdzas su byas te mthar wa shaM ku ru ho zhes bya ba'i sngags dang spel la lan brgya rtsa brgyad sreg blugs byas nas mthar po son cha'i btung ba skyugs pas rang gi gdong dri bkrus la zhal bzhi phyag bcu gnyis par bsams te/spyod lam rnam bzhi'i dus thams cad du khros par gyur na rgyal rigs dang / rje'u rigs dang / dmangs rigs dang / bram ze'i rigs la bltas pa tsam gyis 'grub par 'gyur ro/ /las dang po bshad nas gnyis pa bshad pa ni sngar gyi skyugs pa'i steng du til mar dang 'bras sA lu btags pa dang ldan pas lus la bskus la dril nas 'bras kyi phye ma dang bsres nas khrus byas nas mar la btsos la snum khur du byas te/rigs bzhi gang yang rung ba'i bza' ba la sbyar na rdo rje slob dpon gyi las 'di bsam pa ma btang ba'i bar du dbang du 'gyur ro//las bcu pa ni til nag po'i chan la nang gi sbyin sreg brgya rtsa brgyad byas nas ske tshe dang bcas pa'i ru rta dang sbyar nas btung bar byas la skyugs pa dang / lag pa'i sen mo dang / lto ba'i srin bu dang / rang gi srin lag g.yon pa'i khrag dang / rang gi ru rta dang bcas pa sbyar te rnam pa bzhi'i bza' ba dang / btung ba dang / mig sman dang gos la byugs par rab tu sbyar na ji srid 'tsho'i bar du dbang du 'gyur ro/ /las bzhi pa ni ba lang gi sha dang ba lang gi khrag dang nang gi sbyin sreg brgya rtsa brgyad byas na 'jig rten dang 'jig rten las 'das pa'i lha rnams de'i mod la dbang du 'gyur ba'am/gal te lha rnams dbang du ma gyur na/ ldum bu 'u su'i mdog bzhin du mgo bo 'gas par 'gyur ro/ /'ongs na ci zhig byed snyam na/ bdag nyid de yi mdun du ni/ / zhes bya ba smos te/ de'i mdun du bkug la rnal 'byor pa bdag nyid de'i mdun du 'dug la mkhas pas sbyin sreg byas pa dang / 'jig rten pa la gtor ma byin nas khams gsum pa khug cig ces bka' bsgo na mtshan bdun gyis grub par 'gyur ro/ /de ltar nang gi sbyin sreg phyir skyugs pa ni 'jig rten gsum na rnyed par dka' ba yin te/sngags bsgrubs pa'i thal bar gyur pa yin pas 'og nas 'byung ba'i rnam par snang mdzad dang / mi bskyod pa'i thal ba bzhin du steng gi sgo'i thabs kyang dbang du gyur ba'i las byed pa bzhin du las bcu gnyis byed pa yin no//de ltar dam tshig spyod pa'i mtshan nyid kyi rnal 'byor pas rtag tu las bcu gnyis kyi sngags nang gi sbyin sreg phyir bzlog pa'i sbyor ba ni spa zhing rab tu 'bad de sba bar bya'o/ /dor bya'i gang zag ni nang gi sbyin sreg phyir skyugs pa la yid mi ches pas sbas pa'i don rnyed par mi 'gyur zhing skye ba snga mar sbyangs pa'i skal ba dman pas kyang grub par mi 'gyur ro//blang bar bya ba'i gang zag ni skye ba snga mar sbyin pa ma btang bas bsod nams chung ba yin yang sgrub pa po nang gi sbyin sreg la yid ches pas mnyes par byas na grub par 'gyur ro zhes gsungs pas dpal he ru ka nyid nang gi sbyin sreg gis mnyes par bya'o//le'u sum cu rtsa bdun pa'i rnam par bshad pa'o// //de ltar rgyu ba dang mi rgyu ba'i sbyin sreg bshad nas/ de rnams kyi gnas bshad pa ni/ da nas brda dang mkha' 'gro ma'i//zhes bya ba la sogs pa gsungs te/ snod du gyur ba'i rnal 'byor ma ni brda dang kha dog dang dbyibs kyi lus kyi mtshan nyid gang yin pa dang / snod du rung ba dang mi rung ba'i dpa' bo'i yan lag gi dbye ba bshad par bya'o/ /de ltar mdor bstan nas rgyas par bshad pa ni//dpa' bo'i dbang phyug mi bri zhing / zhes bya ba la sogs pa smos te/ thabs dang shes rab 'khyud pa'i dpa' bo'i dbang phyug ri mor mi bri zhing bris su zin kyang dbang ma bskur ba gang gi thad du yang mi gdon pa dang / nyan thos kyi rigs can gyi mdun du g.yon pa'i spyod pa mi bstan par bya'o//gal te sgrub pa po rnyed pa dang bkur sti'i ched du gsang ba'i mtshan nyid can gyi sku bri zhing mkha' 'gro'i sngags bag med par 'don zhing lha'i sku ston na/ de la nga ni mi lta ste/ /zhes gsungs pas bcom ldan 'das kyis byin gyis mi rlob cing dur khrod brgyad kyi mkha' 'gro ma stong phrag du mas ngan pa'i bdag nyid can de za bar 'gyur ro//gal te bram ze'i sdom pa dang ldan pa'am nyan thos kyi sdom pa dang ldan na mkha' 'gro mas mi gnod do snyam na/ bram ze gsod pas the tshom med/ /ces gsungs so/ /sdig spyod rmongs pa'i bdag nyid ces bya ba ni rnyed pa dang bkur sti'i phyir lha'i sku ston cing gsang sngags 'don na bde bar gshegs pa bslus par gyur pas ngan pa'i bdag nyid can de za bar 'gyur ro//de la da ni skyabs mi byed/ /ces bya ba ni nyes pa byas kyang phyis 'gyod pa'i sems mi skye ba de la mi slob po//de ni gsang ba ste rnal 'byor pa'i nang nas bsgrub pa'o/ /dam tshig srung bar mi nus pa de sreg rdzas kyi phyugs dang 'dra ba yin no/ /'jig rten pha rol gnod pa ni/ /bla ma la 'khu dam tshig nyams/ /mtho ris 'jig rten las de lhung //zhes gsungs pa yin no/ /dor bya'i gang zag bstan nas blang bya'i gang zag bstan pa ni/ he ru ka dpal lha sku'i sngags/ /zhes bya ba la sogs pa gsungs te/ yid skyob par byed pas na sngags te/ lha'i sku phyag rgya chen po dang de'i sngags so/ /de dag gang zhig srung bar byed pa la mkha' 'gro ma sum cu rtsa drug dang bcas pa'i phag mo dge ba'i gdong can dpal he ru ka dpa' bo nyi shu rtsa bzhi dang bcas par phan 'dogs par mdzad do//mtshan nyid dang po bla ma la gus pa ni/ bla ma rnams ni bsnyen bkur brjod/ /ces bya ba la sogs pa gsungs so//mtshan nyid gnyis pa dam tshig bsrung ba ni/ gsang ba bsrung ba'i sgrub pa po/ /zhes bya ba gsungs so/ /mtshan nyid gsum pa ni/ bde ba'i lam la mos pa ni/ /mkha' 'gro ma la rtag dga' bas/ /de las dngos grub 'byung bar 'gyur/ /zhes gsungs so//mtshan nyid bzhi pa sems pa ni/ sgrub po po ni bdag nyid 'gyur/ /khams gsum pa la bya ba'i dag /ces bya ba gsungs so/ /mtshan nyid lnga pa mchod par 'gyur ba ni/ sgrub po dpa' bo nyid 'dod pa/ /thams cad du ni mchod par 'gyur/ /zhes gsungs so//mtshan nyid drug pa sgom pa dang ldan pa ni/ de ni rnal 'byor la 'jug dga'/ /yang dag khro ba rigs par 'gyur/ /zhes gsungs so/ /mtshan nyid bdun pa brtul zhugs dang ldan pa ni/ he ru ka yi brtul zhugs 'dzin/ /slob dpon dpa' bo thob gyur pa/ /zhes bya ba gsungs so//brgyad pa gsang sngags la dga' ba ni/ sgrub pa pos ni sngags 'di dag /mthong zhing kun du dga' zhes gsungs so/ /de'i sngags du yin zhe na/ rtsa ba'i sngags kyi yi ge mchog /dpa' bo yi ge bdun pa ni/ /zhes gsungs te/ rtsa ba'i sngags gnyis dang / yab yum gyi snying po bzhi dang / dpa' bo dang dpa' mo'i snying po dang / gnod mdzes kyi sngags la sogs pa rnams 'dzin par byed pa'i rnal 'byor pa gang zhig las bcu gnyis la sbyor ba ni/ oM la sogs pa khyad par dbye/ /zhes bya ba la sogs pa gsungs te/rgyas pa la oM/ zhi ba la swA hA/ dbang la ho/ mngon spyod la phaT ces bya ba la sogs pa'i khyad par gyis dbye ba'o/ /de rnams 'bad de phyag bya zhing / /zhes bya ba ni phrin las bcu gnyis byed pa'i lha de rnams la gus par 'bad de phyag bya zhing zhes bya ba ni/sangs rgyas dang byang chub sems dpa' de rnams la zhi ba dang rgyas pa la sogs pa'i sgo nas mchod pa byas na rtag tu las bcu gnyis byed pa'o/ /dpa' bo chen po de rnams dang lhan cig rol pa dang ldan pas bka' bsgo ba nyan par the tshom med do/ /de ltar las bcu gnyis dang ldan pa'i lha de rnams ji ltar bskyed par bya snyam na/de yi thugs ka nas phag mo zhes bya ba la sogs pa smos te/ thugs ka'i chos kyi dbyings las yum rdo rje phag mo sprul pa de dang snyoms par zhugs pa las dpa' bo nyi shu rtsa bzhi dang dpa' mo sum cu rtsa gnyis dang bcas pa sprul nas las bcu gnyis bya'o//de yang kun spyod las/ sprul pa las byung dpa' bo rnams/ /yan lag bcu drug sems kyis sprul/ /dag pa'i chos kyi sprul pa ni/ /phag mo'i gzugs su bstan pa yin/ /zhes gsungs so/ /mtshan nyid brgyad dang ldan pa'i rnal 'byor pas sngags bcu gnyis zlos shing dkyil 'khor bcu gnyis mi 'dra ba sgom pa la phan yon ci zhig yod ce na/de dang gang zhig legs skyes pa/ /srog chags bsod nams mthong ba yin/ /zhes bya ba gsungs te/ phyi nang gi sbyin sreg byed pa'i rnal 'byor pa lha'i sku bsgoms pa de dang de ni 'phags pa'i rigs su legs par skyes shing dngos grub len pa mthong ba'i srog chags de yang bsod nams can yin no//de'i phan yon gnyis pa mkha' 'gro rnams kyi bsrung ba gsungs pa ni/ gsang ba 'dus pa ltar dngos grub len pa la bar chad kyi bgegs bzlog pa'o//bdud rtsi 'khyil ba'i 'khor lo mi dgos par chu'i nang du 'dug kyang rung rgya mtsho'am ri dang ri bo la sogs par mkha' 'gro ma thams cad kyis bu gcig pa ltar zhen pa'i thugs kyis blta zhing gzigs par gnas pa yin no/ /de nyid bsdus pa ltar gnod mdzes kyi sngags kyis bsrung ba med par 'jigs pa chen po'i dur khrod la sogs par mkha' 'gro dang ro langs la sogs pa du ma de dang lhan cig tu rnal 'byor pa dpa' bo chen po bka' ji ltar bsgo ba ltar bde bar rol cing rgyu bar mdzad pa yin no//rnam par snang mdzad sgyu 'phrul dra ba ltar lus ngag yid gsum la bsrung ba mi dgos pa'i rnal 'byor pa de ri sul dang tshang tshing na gnas na lus la mkha' 'gro ma rnams kyis gsang ba dang /ngag la gsang ba'i drang srong rnams kyis gsang ba dang / yid la rnal 'byor ma rnams kyis sbas pa'i phyir phyogs de dang de dag tu sgrub pa po 'gro ba'i tshe mkha' 'gro ma rnams dang sa stengs su rol pa yin no//le'u sum cu rtsa brgyad pa'i rnam par bshad pa'o// //de ltar gnas bshad nas dus bshad pa ni/ de nas sgrub pa'i rnal 'byor che/ / zhes bya ba la sogs pa gsungs te/ dngos grub len pa'i dus su phyi rol gzugs brnyan gyi 'khor lo'am/ nang gi tshogs kyi 'khor lo byed pa'i tshe/ bzhad pa rnam pa brgyad pa dgod/ /ces bya ba gsungs te/ dkyil 'khor gyi lha la ha brgyad kyis sgra grag pa'i thos pa'i mtshan ma 'byung na de'i rjes thogs la rtags 'di yang dag par mthong bas dngos grub stsol bar gdon mi za ba yin no//de ltar mdor bstan nas rgyas par bshad pa ni/ 'jigs pa'i sgra ni rnam mang po/ /zhes bya ba smos te/ rgyud bla ma nas 'byung ba ltar/ ha ha dang hi hi dang pheM pheM dang hUM phaT ces bya ba'i sgra mi bzad pa mkha' 'gro drug cu rtsa gnyis kyis 'jigs pa'i sgra sgrogs pa'i tshe dpa' bo nyid stobs dang ldan na/shin tu 'jigs pa'i phyag 'bum pa bsgoms pas de rnams skrag cing rnam par dbye bar 'gyur ro//gal te dpa' bo mi 'jigs na lag pa g.yon pa nas bzung la gnas nyi shu rtsa bzhir rang rang gi gnas su khyer nas mkha' 'gro ma de rnams dang lhan cig rtse bar byed cing snang ba mtha' yas kyi bde ba can dang 'dra bar 'gyur ro/ /'og min du 'gro bar 'dod na dpal he ru ka'i nus pas 'dod pa'i rnal 'byor pa de mkha' la 'gro ba'i gnas su khyer bar byed do//gnas der ma khyer na yang bzhad pa brgyad kyi sgra thos pa'i sgrub pa po sngags kyi lus can de 'khor ba'i rgas pa dang 'chi ba rnams bsam gyis mi khyab pa yongs su 'gyur ba thob nas mkha' 'gro thams cad dbang du sdud par 'gyur ro//rdzogs pa'i rim pa dang sbyar na 'di skad ston pa yin te thabs dang shes rab snyoms par zhugs pa'i tshe rlung gi 'khor lo ha brgyad kyis gyen du bzlog pa dang / dga' ba la sogs pa'i dus su dbugs rgod pa dang / rngam pa 'byung ba la sogs pa 'jigs pa'i sgra rnam pa mang po mi bzad par 'gyur ro//de la dpa' bo 'jigs pa med par srog a wa d+hU tIr bcug na lag pa g.yon pa zhes bya ba'i brdas btags pa byang chub kyi sems kyi rang bzhin gyi gnas spyi gtsug tu khyer nas rtsa sum cu rtsa gnyis kyi mkha' 'gro ma dang /rtag tu bde bas mngon par rtse zhing spyi gtsug dzA lan+d+ha ra'i gnas dang 'dra bar 'gyur ro/ /de ltar dpal he ru ka'i nus pa 'dod pas mgo nam mkha'i dkyil 'khor gyi gnas su khyer nas sgrub pa po rlung bzlog pa'i sngags kyi lus can skye rga na 'chi'i chu bo bzhi las brgal bar 'gyur ro//le'u sum cu rtsa dgu pa'i rnam par bshad pa'o// //de ltar dngos grub kyi dus bshad nas dbang du bya ba'i sbyin sreg bshad pa ni/ de nas da ni bshad bya ba/ /zhes bya ba la sogs pa gsungs te/ da ni thabs gang gis rgyal rigs la sogs pa'i mi rnams dbang du gyur pa ni rnal 'byor dang /sngags dang sbyin sreg gi cho ga la gnas pa'i dpa' bos zla ba gcig gis grub par 'gyur ro/ /de ltar mdor bstan nas rgyas par bshad pa ni/ sgrol ma myos byed bcas pa dang /nya yi sha dang ldan par ni/ /zhes bya bas sreg rdzas bstan te/ sgron ma ni sha chen lnga'o/ /myos byed ni chang ngo / /nya sha dang ldan pa ni nya sha dang bcas pa'i khrag dang ldan pa'o/ /dpa' dbang gnas skabs thams cad du/ /zhes bya ba ni lhar bsgom pa ste/ dpa' bo ni rnal 'byor pa'o/ /dpa' bo'i dbang po ni dpal he ru kar bsgom pa'o/ /gnas skabs thams cad ni thun bzhir ro/ /nyi ma bdun gyis sgrub byed cing / /zhes bya ba ni thun bzhir ting nge 'dzin dang ldan pas phyi rol gyi sbyin sreg bya ba'am/ /mtshan mo sbyin sreg byed la gzhol//zhes bya ba ni tshogs kyi 'khor lo byed pa'i dus su mtshan mo phyag rgya lnga la sogs pa'i brtul zhugs dang ldan pas nang gi sbyin sreg byas nas dbang du byed pa la sogs pa dngos grub rgya chen po bcu gnyis stsol bar 'gyur ro/ /rgyal rigs la phyi dang nang gi sbyin sreg grangs du dang ldan par bya zhe na/brgya rtsa brgyad dang ldan nyid kyis/ /zhes bya ba smos te/ grangs brgya rtsa brgyad dang ldan pas thun gsum du phyi dang nang gi sbyin sreg brgya byed na rgyal po'i dpung gi tshogs yan lag bzhi dang bcas pa zhag bdun gyis dbang du 'gyur ro//de'i phyed lnga bcu rtsa bzhis nyi ma bdun sbyin sreg byas na dpa' bo chen po ste/ rgyal tshab dbang du 'gyur ro/ /de'i phyed zhag nyi shu rtsa bdun sbyin sreg byas na slob dpon dbang du 'gyur ro/ /rgyal phran rnams la ni grangs sum cu rtsa gnyis kyis nyi ma bdun gyis dbang du 'gyur ro//grangs nyi shu rtsa bzhis bram ze rnams la nyi ma bdun gyis sbyin sreg byas na dbang du 'gyur ro/ /de bzhin du rgyal rigs dag la bdun gyis dbang du 'gyur ba dang / rje'u rigs lnga dang / dmangs rigs la gsum dang / tha ma ste gdol pa can rnams la rdzas re re zhing thun bzhir sbyin sreg zhag bdun byas na dbang du 'gyur ro//de ltar dpa' bo'i rigs rim gyis/ /zla ba gcig ni yang dag spyad/ /ces bya ba ni gal te zhag bdun gyis ma grub na zla ba gcig gis bskyar ba'i cho gas bskyang bar byas na dbang du 'gyur ro//sngags dang ldan pa'i sgrub pa pos ba shaM ku ru ho zhes bya ba'i sngags dang ldan pa'i sgrub pa pos rgyal rigs la sogs pa'i 'gro ba thams cad dbang du 'gyur ba yin no/ /dpa' bo'i cho ga 'di yis ni/ /'dod pa bsten nas grub par 'gyur//zhes bya ba ni phan yon ston pa yin te/ dbang du bya ba'i cho ga 'di bzhin du las bcu gnyis gang 'dod pa la phyi dang nang gi sbyin sreg 'di bsten na grub par 'gyur ro/ /sa stengs 'dod pa'i dbang phyug bzhin/ /zhes bya ba ni mi'i 'khor los sgyur ba thob pa'am/dpal ldan skal ba bzang por 'gyur/ /zhes bya ba ni brgya byin la sogs pa lha'i 'khor los sgyur bar gyur pa'am/ /sgrub pa pos mkha' 'gro ma sum cu rtsa drug gi yid du 'ong ba la/ dpal 'khor lo bde mchog lta bu mchog gi dngos grub tu 'gyur ro//le'u bzhi bcu pa'i rnam par bshad pa'o// //de ltar rgyu ba dang mi rgyu ba'i 'khor lo bcus dngos grub bsgrub pa bshad nas gsang sngags kyi 'khrul 'khor le'u ston pa las/ dang por re zhig dpa' bo dang dpa' mo thams cad kyi sngags dgod par ston pa ni/de nas las kyi mchog rab ni/ /zhes bya ba la sogs pa smos te/ las kyi mchog ni yi ge'i 'khrul 'khor ro/ /rnal 'byor pa gang gis shes nas dang por bskyed pa'i rim pa la brten nas mthong ba dang reg pa dang thos pa'i mtshan ma thob pa'i sgrub pa pos dngos grub len pa'i tshe dbang du bya ba'i las bcu gnyis byed pa'am yang na rdzogs pa'i rim pa bsgom pa'i rnal 'byor pas sa chu la thim pas du ba lta bu dang /chu me la thim pas smig rgyu lta bu dang / me rlung la thim pas srin bu me khyer lta bu dang /rlung rnam par shes pa la thim pas sgron ma lta bu dang / rnam par shes pa nam mkha' la thim pas nam mkha' stong pa lta bu thim pa'i rtags 'byung ba'i tshe/ 'og nas 'byung ba'i sngags kyis 'khrul 'khor 'di rnams byas na 'grub par 'gyur ro/ /de la rang gi mtshan ma thob pa de las dang po'i rnal 'byor pa yin la/mtshan ma thob pa ni ye shes cung zad tsam la dbang ba yin no/ /mtshan ma thob pa'i rjes la 'jig rten gyi dngos grub bcu gnyis 'grub pa ni phrin las kyi ye shes la dbang ba yin no/ /las bcu gnyis kyis 'gro ba brtul nas mchog gi dngos grub ni tshogs kyi 'khor lo snod gcig tu za ba'i gtsang sbra dang /zhi ba'i gtsang sbra gsang ba'i dbang bskur gyi gtsang sbra dang / shes rab ye shes pho nya'i gtsang sbras zhi gnas dang / lhag mthong mngon sum du skyes nas phyag rgya chen po chos kyi dbyings la sems kyi stong nyid bsgoms pas mchog gi dngos grub thob pa ni ye shes la yang dag par dbang ba'o//de yang rgyud bla ma las/ skye ba stong phrag du ma ru/ /sgyu 'phrul ye shes kyis bskul ba/ /sngags dang phyag rgya legs sbyor bas/ /ye shes la ni dbang thob yin/ /zhes gsungs pas so//de ltar na gzhan don phun sum tshogs pa bcu gnyis ni dbang gnyis pa dgug pa dang / gsum pa dbye ba dang / bzhi pa bsad pa dang / lnga pa bskrad pa dang / drug pa rmugs pa dang / bdun pa rengs pa dang / brgyad pa rmongs shing phur bus gdab pa dang / dgu pa tshig 'phrog cing dgug pa dang /bcu pa 'on long du bya ba dang / bcu gcig pa ma ning nyid du bya ba dang / bcu gnyis pa gzugs sna tshogs su gyur pa ste/ las bcu gnyis po 'di dag bskyed rdzogs la mtshan ma thob pa'i sgrub pa pos 'khrul 'khor dran pa tsam gyis grub par 'gyur bar gdon mi za'o//de yang rdo rje mkha' 'gro las gnod mdzes kyi 'khrul 'khor dang sbyar nas las bcu gnyis 'grub par 'gyur gsungs/ gnod mdzes kyi 'khor lo ji ltar dgod ce na/ 'jig rten 'khrul 'khor gyi mkhan po gza' chen po brgyad yin la/ des gza' rgyu ba'i 'khrul 'khor bcings nas las bcu gnyis byed pas de nyid bsdus pa'i rgyud las khro bo zhes ming du btags so//rig pa mchog las gdon gyi gtso bo 'khrul 'khor gyi mtshan ma can zhes bshad do/ /rdo rje mkha' 'gro las bcom ldan 'das gnod mdzes kyi sngags 'di sgra gcan ltar rdo rje rol pa rta'i 'gros kyis dgod pa'am/spen pa ltar yi dags srin po'i gdong gis dgod pa'am/ mig dmar ltar gshin rje dbyug pa 'chang bas dgod pa'am/ mjug ring sa ltar ma mo rigs ldan ma'i 'khor los dgod pa gsungs pa bzhi po re re la yang 'khrul 'khor bris pa'i gnas mi 'dra ba bcu gnyis dang /bri ba'i snag tsha dang / smyu gu mi 'dra ba bcu gnyis dang / ming dang spel ba'i sngags mi 'dra ba bcu gnyis dang / ling+ga'i bye brag mi 'dra ba bcu gnyis kyis 'khrul 'khor re re las bcu gnyis byed pas bzhi bcu rtsa brgyad du 'gyur ro zhes gsungs pa'o//rgyud bla ma dang he ru ka 'byung ba dang sbyar nas yab kyi snying po dang nye ba'i snying po'i 'khrul 'khor dang yum gyi snying po dang dpa' bo'i sngags dang / dpa' mo'i sngags dang / dpa' bo'i go cha'i sngags dang / dpa' mo'i go cha'i sngags dang / dpa' bo'i rkang pa brgyad pa dang / dpa' mo'i rkang pa brgyad pa'i 'khrul 'khor te/ 'khrul 'khor bcu la dbus kyi ni mi 'dra ba ming dang spel ba bcu gnyis bkod pa'i dbye bas phye ba yin na 'khrul 'khor brgya nyi shur 'gyur ro//de ltar dngos grub kyi 'bras bu bshad nas/ da ni de'i thabs gsungs pa ni/ shar dang byang gi gnas sogs la/ /mkha' 'gro ma ni thams cad khyab/ /ces bya ba gsungs te/ dngos grub sgrub pa'i tshe gnas nyi shu rtsa bzhi na gnas pa'i las kyi phyag rgya dung can ma dang /ri dgas can ma dang / pad+ma can dngos grub kyi yan lag tu bsten par gsungs pa yin no/ /ye shes ldan par rang skye gnas/ /zhes bya ba ni ye shes las skyes pa'i byang chub sems ma'o/ / yul dang yul du mngon par skyes/ /zhes bya ba ni rdo rje gdan nyi shu rtsa bzhir skyes pa'i zhing skyes so/ /rdo rje'i dkyil 'khor gtso mo ste/ /zhes bya ba ni bsnyen sgrub bzhis yum rdo rje phag mor bskyed pa'i sngags skyes so/ /de ni mkha' 'gro ma ru bshad//ces bya ba ni zhi gnas dang lhag mthong gis nam mkhar 'gro bas na mkha' 'gro ma ste/ las bcu gnyis byed pa'i dngos grub sgrub pa'i yan lag tu 'gyur ba'o/ /gnas nyi shu rtsa bzhi po de dag gang yin zhe na/ sku'i 'khor lo ku lu tA nas thugs kyi 'khor lo pul+lI ra mA la yar thug pa'i gnas nyi shu rtsa bzhi'o//sogs zhes bya ba ni khyim lnga pi li pa dang / nye ba'i pi li pa dang / grong mtha' dang / nye ba'i grong mtha' rnams gzung bar bya'o/ /yul de rnams kyi bu mo gang / /zhes bya ba ni zhing skyes kyi bu mo ste dpa' bo dang gnyis su med par 'gyur ba'i dngos grub kyi yan lag gi rnal 'byor ma'o//de kun 'dod pa'i gzugs can te/ /zhes bya ba ni gnas nyi shu rtsa bzhir skyes pa'i ye shes can gyi rnal 'byor ma rnams yid la 'dod pa'i gzugs sna tshogs su bsgyur nas yid mgyogs kyi ting nge 'dzin thob pas rnal 'byor pa'i bsam pa rdzogs par byed pa yin no//dag byed dbang gi lha mo dang / /dpa' bo'i lha mo bka' bsgo skye/ /de 'og ma lus kun spyod ma/ /zhes bya ba ni rnal 'byor ma rnams bshad pa dang / 'di la khyad par ci yod ce na/sngar ni thun mong gi sgrub pa dang / dngos grub dang sgrub pa rnams kyi yan lag tu gsungs pa yin la/ le'u nyi shu rtsa drug dang rtsa bdun dang rtsa brgyad dang rtsa dgu bar ni dngos grub kyi yan lag tu gsungs pa yin te/ le'u gsum pa nas lnga bcu'i bar gyi le'u nyi shus ni las rnams kyi lha mo gsungs pa yin no//de la bsgrub pa'i yan lag ni las dang po pa la mtshan ma ma thob kyi bar du phyag rgyar gyur pa'o/ /mtshan ma thob nas mchog gi dngos grub sgrub pa'i yan lag dang / gzhan gyi don du phrin las bcu gnyis byed pa'i phyag rgya ni 'jig rten gyi dngos grub bsgrub pa'i lha mo ci zhig dgos she na/dngos grub grub pa'i yan lag ste/ 'khor los sgyur ba'i btsun mo rin po che bzhin du reg bya khyad par can gyi sgo nas bsam gtan gyi lus dang yid kyi bde ba skyed pa dang /tshong dpon gyi bu nor bzangs kyi dge ba'i bshes gnyen bcom pa mo lha'i bshes gnyen du reg bya'i stong pa nyid rtogs par byed pa yin no/ /de ltar dngos grub kyi yan lag gi reg bya'i khyad par can las kyi phyag rgya dang / ro khyad par can skye ba bdun pa'i sha dang /dri khyad par can bdud rtsi lnga'i dri dang / sgra khyad par can yi ge dang ngag gi brda dang / gzugs khyad par can las kyi phyag rgya'i yan lag dang / nying lag gi brda dang ldan pas dngos grub bsgrub par bya'o zhes kha sbyor las gsungs so//sngon bcom ldan 'das 'dzam bu'i gling du byon pa'i tshe ye shes kyi lha mo du zhig yod snyam na/ rnal 'byor ma drug ces bya ba gsungs te/ mdor bsdu na go cha'i lha'i rigs drug gi bdag nyid do/ /de yang sku'i 'khor lo'i tha ma ku lu tA dang ma ru gnyis na brtson chen ma dang 'khor los sgyur ma ni ma mo rnams zhes brdas btags so//sin+d+hu dang na ga rar stobs chen ma dang shin tu dpa' mo ni rigs rnams kyi gtso mo zhes bya ba'i brdas btags te/ rta mchog gi btsun mo tsaN+Di ka'i rigs bzhi yin no/ /gser gling dang sau rASh+Tar ni 'khor lo'i go cha dang kos rings ma ni rigs kyi lha mo'i brdas btags so//gr-i ha de ba dang pre ta pu rir ni dum skyes ma dang 'khor lo'i shugs can ma la stobs chen ma zhes bya ste/ nam mkha'i snying po'i btsun mo skrag byed ma'i rigs bzhi'o/ /hi mA la ya dang kAny+tsir ni bya gdong ma dang rta rnam la gzugs can ma zhes bya ba'i brdas btags so//lam+pA ka dang ka ling+gar shin tu bzang mo dang / sngo bsangs ma ni khyim gyi lha mo'i brtul zhugs 'dzin ma zhes bya ba'i brdas btags pa'i he ru ka'i btsun mo bskyod ma'i rigs bzhi'o/ / ko sa la dang tri sha ku ner ni chang 'thung ma dang rlung shugs ma la sha za ma zhes bya ba'i brdas btags so/ /kA ma rU pa dang o Ter ni 'jigs byed chen mo dang sa srung ma la rdo rje mkha' 'gro ma dang / gtso mo'i dbang phyug ces bya ba ste pad+ma gar gyi dbang phyug gi btsun mo rmongs byed ma'i rigs bzhi'o//mA la ba dang de wI ko TIr shing grib ma dang lang+ga'i dbang phyug ma la khaN+Da ro hA zhes brdas btags so/ /rA me shwa rI dang go dA wa rir mi'u thung ma dang dpa' bo'i blo gros ma la mkha' 'gro ma zhes bya ba'i brdas brtags te/ rnam par snang mdzad kyi btsun mo gshin rje ma'i rigs bzhi yin no//arbu da dang / oD+yan du sna chen ma dang 'od ldan ma sme sha can zhes bya ba'i brdas btags so/ /dzA lan+d+ha ra dang pul+lI ra mA la yar gtum mig ma dang rab gtum ma bud med ces bya ba'i brdas btags te/ rdo rje sems ma'i btsun mo'i rigs bzhi yin no/ / de ltar rdo rje mkha' 'gro ma las rigs drug dang sbyar bar bshad kyang rtsa ba'i rgyud la ni pul+lI ra mA la ya dzA lan+d+ha ra gser gling zhes bya ba'i ming gis btags nas thugs kyi 'khor lo la stong phrag nyi shu rtsa gcig yod pa yin no zhes bshad pas thugs kyi 'khor lo'i gnas gnyis las drug ni gsal ba med do//lhag ma gzhan dag ji snyed pa/ /zhes bya ba ni rig drug gis bsdus pa'i gtso mo nyi shu rtsa bzhi las gzhan pa lha mo bcu gnyis kyi rigs ni dpal he ru ka'i 'khor lo'i rnal 'byor ma yin no/ /mkha' 'gro ma sum cu rtsa drug po 'di dag ci'i phyir gtso mo yin zhe na/shrI he ru ka sbyor ba/ /de yi dkyil 'khor gtso mo yin/ /zhes gsungs pa'i phyir ye shes kyi lha mo sprul pa'i sku yin no/ /mkha' 'gro nyi shu rtsa bzhi 'dis/ /rgyu dang mi rgyu'i 'gro ba khyab/ /ces bya ba ni rgyu ba 'gro ba rigs drug gi gdul bya 'dul ba dang / mi rgyu ba snod kyi 'jig rten sangs rgyas kyi zhing khams su byas nas 'gro ba la khyab par gnas pas na sgrub pa po la dngos grub stsol ba yin no/ /de ltar ye shes grub pa'i lha mo bshad nas mchog tu gyur pa'i rnal 'byor pa'i sgrub pa'i yan lag bshad pa ni/ mkha' 'gro 'di yi dam tshig ni//zhes bya ba la sogs pa gsungs te/ las bcu gnyis byed pa'i 'khrul 'khor 'ching ba'i sgrub pa po 'di'i dam tshig ni sprul pa'i 'khor lo bsgom pa yin la/ de yang bsam gtan dang bzlas pa dang sbyin sreg la sogs pa byas nas sa stengs 'di ru las bcu gnyis kyi sbyor ba rdzogs par 'gyur ro//bsam gtan de yang ji lta bu yin zhe na/ rgyas par bshad pa ni/ sngags pa rtag tu mnyam gzhag pas/ /mtshan mo nam mkha'i gos can bya/ /zhes bya ba gsungs te/dpal he ru ka dang yum rdo rje phag mo'i cha byad du bya'o/ /skyes pa'am zhes bya ba ni dpa' bo nyi shu rtsa lngar bsgoms pa'o/ /g.yon pa kun zhes bya ba ni lha mo sum cu rtsa bdun bsgoms pa'o/ /rnal 'byor ma dang dpa' bo mnyes/ /zhes bya ba ni srog a wa d+hU tIr bcug nas dga' ba bzhi'i ting nge 'dzin bsgoms pa'o//de yang nges brjod las/ yid ni nang du chud pa yis/ /'dod pa'i dngos grub bsgrub par bya/ /zhes gsungs so/ /phyag rgya gar gyi mchod pa yis/ /rang byung rtag tu mchod na ni/ /zhes bya ba ni dga' bral du song na phung po dang khams dang skye mched kyi lha mchod pa'o//de yang / rang rdzas thig las sangs rgyas dang / /byang chub sems dpa' mchod par bya/ /zhes gsungs so/ /mchod pa'i 'bras bu ci zhig yin zhe na/ ma lus lus pa med grub cing //g.yon pa mchod la rab tu 'jug /ces bya ba gsungs te/ dga' bral du song yang 'jig rten gyi dngos grub ma lus pa grub par 'gyur pa yin no/ /de'i don ni 'di skad ston pa yin te/ srog a wa d+hU tIr chud nas mi rtog pa skyes na mchog gi dngos grub bam dga' bral du song yang las bcu gnyis kyi 'khrul 'khor dang ldan pas 'jig rten gyi dngos grub grub bo//de la 'khrul 'khor 'di yin te zhi ba la gro ga'am shing shun la/ rgyas pa la ras sam spang leb la/ dbang la bud med kyi smad sham la/mngon spyod la dur khrod kyi ras la gi wang la sogs pas bris nas lha drug cu rtsa gnyis kyi 'khor lo la sngags drug cu rtsa gnyis bris te lha bskyed la ye shes sems dpa' gzhug pa dang go cha bgo ba dang / dbang bskur ba dang / bdud rtsi myang ba dang /bsgom pa dang / bzlas pa dang / mchod pa dang / bstod pa byas nas slar yi ge zhu ba'i 'khrul 'khor bsgrub bya'i ming dang spel ba zhi ba la grog mkhar gyi sa las byas pa'i gzugs brnyan nam/ rgyas pa la kham pa las byas pa'i gzugs brnyan nam/dbang la tsan+dan las byas pa'i gzugs brnyan nam/ mngon spyod la dur khrod kyis las byas pa'i gzugs brnyan gyi snying gar bcug la las bcu gnyis byas na grub par 'gyur ro/ /le'u bzhi bcu rtsa gcig pa'i rnam par bshad pa'o// // de ltar dpa' bo dang rnal 'byor ma'i sngags kyi 'khor lo bshad nas nye ba'i sngags kyi 'khor lo bshad pa ni/ de nas dpa' bo'i me tog chu/ /zhes bya ba la sogs pa gsungs te/ gro ga'am ras sam smad sham mam dur khrod kyi ras la gzhal yas khang dang bcas pa'i lha drug cu rtsa gnyis kyi 'khrul 'khor bkod nas snying po re re'i shar phyogs su ha gnyis/byang phyogs su hi gnyis/ nub phyogs su ho gnyis/ lho phyogs kyi he gnyis kyi dpa' bo dang dpa' mo'i snying po thams cad la ha brgyad kyis bskor ba ni dpa' bo dang dpa' mo'i nye ba'i sngags kyi 'khor lo ste las bcu gnyis byed par 'gyur ro//'khrul 'khor de byed pa'i tshe ling+ga'i snying gar 'khrul 'khor de bcug nas bdag nyid rdzogs pa'i rim pa'i ting nge 'dzin bsgom par bya'o/ /ji ltar bsgom par bya snyam na/ dpa' bo dang rnal 'byor ma bsnyen sgrub bzhi sbyangs la me tog dang chu ni rak+ta dang shu kra ste a wa d+hU tI'i sgor phyin pa 'thungs nas zhes bya ba gyen du bzlog pa la ting nge 'dzin bsgom par bya'o/ /bzlog pa'i thabs gang yin zhe na/ 'thungs nas sngags ni rjes dran bya//zhes bya ba smos te/ ha ha rnam pa brgyad kyis so/ /dus nam gyi tshe zhe na/ phyag rgya lan cig sgrub pa pos/ /mtshan mo rtag tu ro mchog spyad/ /ces bya ba gsungs te/ thabs dang shes rab snyoms par 'jug pa'i tshe rlung nang du 'jug pa'i tshe ni mtshan mo yin la/rlung gyen du bzlog na byang chub sems kyi ro myang bar bya'o/ /sngags gsum bya ba 'di nyid kyi/ /zhes bya ba ni dga' ba dang mchog dga' dang lhan cig skyes dga' ni yid skyob par byed pa'i sngags yin la/ dga' ba gsum po de nyid kyi tshe kun rdzob byang chub sems kyi chu'i lus bde ba dang yid bde ba thob par 'gyur ro//de ltar mdor bstan nas rgyas par bshad pa ni/ 'thungs dang de bzhin sbyin pa dang / /zhes bya ba la sogs pa gsungs te/ dpa' mo'i me tog dang dpa' bo'i byang chub kyi sems gyen du bzlog pa 'thungs pa yin la sbyin pa ni dga' bral du gyur pa'o//de'i rgyu gang yin zhe na/ reg dang lhan cig nag mo che/ /zhes bya ba smos te/ reg pa ni a wa d+hU tI'i sgo phrad pas dga' ba'o/ /lhan cig nag mo ni yum rdo rje phag mo bsgom pa'i shes rab bde bas khyab pa ni mchog dga'o//bde bas tshangs par spyod par 'gyur ba ni yid bde ba lhan cig skyes dga' la bde ba'i rgyas btab pas tshangs par spyod pa'o/ /bzhad pa'i phyag rgyas bsgrub bya ba ni gal te dga' bral du song na ha rnam pa brgyad kyis bzhad pa'i phyag rgyas rlung gyen du bzlog pa'o//lta ba'i bsnyems pas grags ldan pa/ /zhes bya ba ni mig gi phyag rgyas mig btsum par bya'o/ /ngag dang mig gi phyag rgyas dus nam gyi tshe bya zhe na/ mtshan mo'am de bzhin nyin mo'am/ 'di ni bzhad pa dag tu bya/ /zhes bya ba ni mtshan mo dbugs rngub pa dang /nyin mo dbugs 'byung ba'i dus su gnyi gar yang rlung gi 'khrul 'khor bzhad pa dag gi phyag rgya dang lus kyi 'khrul 'khor bya ba yin no/ /de ltar rgyas par bshad nas/ shin tu rgyas par bshad pa ni/ /gzugs dang las kyi gsang ba gang //ji ltar gnas pa'i dpa' bo nyon/ /zhes bya ba gsungs te/ dga' ba bzhi brnyes pa'i gzugs kyi rtog pa dang / byang chub sems bzlog pa'i gsang ba'i thabs gang yin pa ji ltar gnas pa'i lag na rdo rje dpa' bo khyod nyon cig ces pas so/ /rtag tu de yis mchil ma 'byung //zhes bya ba ni dga' ba'i dus su rngul 'byung ba dang / ba spu langs pa dang / dga' ba'i rdo rje las byang chub sems bsgom zhing 'da' bar mi byed pa dang / phyogs kyi gos kyis mchod par bya'o/ /de la gzugs kyi rtags bshad pa ni/ g.yon pa'i dbang phyug thams cad kyi/ /zhes bya ba gsungs te/ ye shes dang zhing dang sngags las skyes pa rnams so/ /thams cad du phyag rgya'i tshogs de dag la rim gyis dbugs 'byin pa dang sdud pa dang ldan pa ni dga' ba'i rtags so/ /dgod pa ni mchog dga'i rtags so//sgeg pa ni lhan cig skyes pa'i rtags so/ /dpa' bo'i ngo mtshar ba ni dga' bral gyi rtags so/ /de yang dga' ba bzhi'i dus kyi dbang du mdzad nas/ sna tshogs dang por byas nas ni/ /zhes bya ba gsungs te/ dang po rnam pa sna tshogs so/ / gnyis pa ni rnam par smin pa'i dus so/ /gsum pa ni mtshan nyid dang bral ba'i dus so/ /bzhi pa rnam par nyed pa'i dus so/ /phyag rgya dang mnyam par sbyar ba'i tshe dga' bral du gyur na sngags rjes su dran par bya'o/ /de ltar gzugs kyi rtags bshad nas/ las kyi gsang ba gsungs pa/ha ha he he rnam pa brgyad/ /ces bya ba gsungs so/ /ha ha dang ho ho hUM hUM he he brgyad do/ /de dus nam gyi tshe nye bar brtag ce na/ sna tshogs dgod dang dbang mchog dga'/ /zhes bya ba gsungs te/ rnam pa sna tshogs dang / dgod pa rnam par smin pa dang / dbang mchog gi mtshan nyid dang bral ba dang /dga' ba ni rnam par spyod pa'o/ /dus de'i tshe ha brgyad kyis nye bar bstan par bya'o/ /lta ba'i bsnyems pas mig gi'o/ /phyag rgya ji ltar bya zhe na/ grub par byed pa rab tu bsngags/ /zhes bya ba smos te/ mig btsums pa'i phyag rgya'o/ /des cir 'gyur zhe na/ de nyid kyi dga' bar 'gyur te zhes bya ba smos te/ bsam gtan gyi bde ba mi nyams par gyur ba'i sngags dang / phyag rgya legs par sbyar zhes bya ba ni rang bzhin brgyad cu dang bral ba'i yid skyob par byed pa'i sngags ni rtog pa dang bral ba'o/ /gnas skabs gang gi tshe zhe na/gtso bo rnams dang dpa' bo yi/ /yum dang lhan cig 'byung bde ba/ /zhes bya ba gsungs te/ dpa' bo nyi shu rtsa bzhi dang dpa' mo nyi shu rtsa bzhi tshogs kyi 'khor lo byed pa'i gnas su dga' ba rnam pa gsum gyis lhan cig 'byung ba'i bde ba'o/ /rdo rje goms par mi bya ba ni dga' bral du ma gyur pas g.yon pa'i rnal 'byor pas yongs su brtags pa'i bde ba'i ting nge 'dzin bsgoms nas 'khrul 'khor gyi las bcu gnyis bya'o//le'u bzhi bcu rtsa gnyis pa'i rnam par bshad pa'o// //de ltar ha brgyad kyi 'khrul 'khor bshad nas/dpa' bo nye ba'i snying po'i 'khrul 'khor gyi las bshad pa ni/ de nas lta ba bshad bya ba/ /zhes bya ba la sogs pa smos te/ bskyed rdzogs kyi mtshan nyid ma thob pa'i rnam pa la yi ge bdun pa'i 'khrul 'khor la sbyor ba'i tshe dpa' bo dang dpa' mo rnams kyi spyan gyis gzigs nas byin gyis rlob par 'gyur ro//dpa' bo dang ni gnyis med min/ /zhes bya ba ni thabs dang shes rab gnyis su med par bsgom pa'i rnal 'byor pa'o/ /gnas kyi dbye ba cho ga zhes bya ba ni lus kyi dkyil 'khor bsgom zhes pa'o/ /sgom pa rtag tu mngon dga' ba/ / zhes bya ba ni go cha bskon pa'o/ /ye shes sems dpa' gzhug pa dang dbang bskur ba dang ting nge 'dzin bsgom pa la dga' ba'o/ /de ltar mdor bstan nas rgyas par bshad pa ni/ lam gyi bzhi mdo'am khyim mam ri bo'am gnas gang yang rung bar rnal 'byor pa gnas pa'i tshe mkha' 'gro ma sum cu rtsa bdun gyis ring por gnas kyang gzigs shing byin gyis brlabs par 'gyur ro//thabs ji lta bu dang ldan par gzigs she na/ phyag rgya gcer bus mchod pa yin/ /phyag rgya dang gnyis su med pa'i rnal 'byor pa ste/ mchod pa'i las de nyid kyis grol bar 'gyur ro//cha byad ji lta bu zhe na/ gos gzhan dag gis bkab nas su/ /zhes bya ba gsungs te/ nam mkha'i gos kyis bkab nas las kyi phyag rgya de dang yang dag par reg cing lus dang yid bde ba'i 'dod pa la spyad par bya'o/ /de bzhin skra ni grol 'gyur bas/ / zhes bya ba ni dpa' bo dang dpa' mo skra grol ba'i go cha drug gis rgyas btab pa'o/ /las rnams thams cad brtsam par bya/ /zhes bya ba ni yi ge bdun pa'i 'khrul 'khor dang / las bcu gnyis brtsam par bya'o/ /de ltar rgyas par bshad nas shin tu rgyas par bshad pa ni/ rtsa ba'i sngags dang de bzhin gzhan/ /zhes bya ba la sogs pa gsungs te/ sngon du las bcu gnyis kyi bsnyen pa bshad par bzhed nas rtsa ba'i sngags kyi 'khrul 'khor dang de bzhin du bsdus pa dang / yum gyi nye ba'i snying po bzhi dang go cha'i sngags gnyis dang gnod mdzes kyi sngags gnyis ni gzhan zhes bya'o//'khrul 'khor de rnams 'ching bas na thog mar phyogs bcing pa dang srung ba'i 'khor lo byas la lha'i yul sum cu rtsa gsum pa rnams dang gza' dang skar ma la sogs pa lha'i tshogs rnams kyis mthong bar mi 'gyur gyi 'khrul 'khor gyi lha mchod par bya'o//bsnyen pa'i lha la mthong ba dang / reg pa dang / thos pa'i mtshan ma thob nas snyim pa me tog gis bkang ste/ sa la lhung bar ma mthong ba de'i tshe gnas dang nye ba'i gnas na gnas pa'i thugs kyi 'khor lo'i mkha' 'gro ma stong phrag gi gnas mkha' spyod la gnas par 'gyur ro//lha'i sku gsung gi thad kar gnas shing sa la mi ltung na gsung gi dbang phyug ma 'grub par 'gyur ro/ /sa la mi snang na 'og gi dngos grub lha dang lha ma yin gyi gtam shes shing sa 'og gi klu la sogs pa dang skar ma rgyu ba shes par 'gyur ro//mtshan ma thob pa'i rnal 'byor pa de yul dang dgon pa dang bzhi mdo dang shing gcig dang dpa' bo'i khyim la sogs pa rnams su yi ge bdun pa'i 'khrul 'khor lag pa g.yon pa'i mthil du bris na lha dang mi sus kyang mthong bar mi 'gyur ro/ /de bas na yul phyogs de dag tu sgrub pa po rtag tu gnas kyang 'jigs pa dang bcas par mi 'gyur ro//shing drung kha dog dmar bsams na/ /zhes bya ba ni rnal 'byor pa'i lus kha dog dmar por bsams nas snying gar yi ge bdun pa'i 'khrul 'khor bkod na mngon par shes par 'gyur ro//mi phyed par 'gyur myur bar zhes bya ba ni bdud dang bar chad rnams kyis byed par mi 'gyur zhing myur du grub par 'gyur ro/ /sa 'dzin rnams kyang gzhan du min/ /zhes bya ba rlung ni rgyun las bzlog kyang srid/ nyi ma dang zla ba ni sa la ltung yang srid kyis sa 'dzin rdo rje 'chang rnams kyi bka' ni gzhan du 'gyur ba ma yin no//snying gar yi ge bdun pa'i 'khrul 'khor bkod nas bden pa bdar nas sa la ku sha'i stan la nyal te sngags brgya rtsa brgyad bzlas na lhas bstan pa'i rmi lam mthong bar 'gyur ro/ / de yang dus ma yin par 'chi ba dang / gzhan gyi gnod pas 'ching ba dang / nad kyis btab pa dang / rnyed pa dang bkur sti la sogs pa'i bya ba gang yang rung ba rnam pa sna tshogs rmi lam du ston par 'gyur ro/ /de bzhin du sngags bzlas nas ral gri la yi ge bdun pa'i 'khrul 'khor bkod pa'am chu la bkod pa'am/mthe bong la bkod pa'am/ mar me dang me long la bkod nas pra phab na pra se na gsal bar 'bebs par 'gyur ro/ /byis pa gzhon nu ma'i mig la yi ge bdun pa'i 'khrul 'khor bkod nas sngags lan bdun bzlas na dge ba dang mi dge ba ston par 'gyur ro//de ltar las gnyis pa bshad nas las gsum pa ni/ de nas dpa' bo yi ge bdun/ /zhes bya ba la sogs pa smos te/ lag pa'i mthil du nyi ma'i dkyil 'khor gyi dbus su yi ge bdun pa'i 'khrul 'khor bkod nas yi ge shel gyi phreng ba lta bu 'od zer 'phro bar bsams nas snying gar yi ge kaM las nad kyi gzugs rid pa gnag pa/skra ser ba bsams la/ oM dz+wa la do shA ya phaT ces bya bas nad mthe bong tsam du zhu nas nad las grol bar bsam par bya'o/ /las bzhi pa ni lag pa'i mthil du zla ba'i dkyil 'khor gyi dbus su yi ge la 'khrul 'khor shel gyi rnam pa lta bu bkod na rims dang gdon dang dug gis zin pa la sogs pa'i sdug bsngal phyogs bcur byed par 'gyur ro//las lnga pa ni mtshan ma gsang ba'i gnas su rgyas pa'i sbyin sreg gi thab khung byas la me lha'i thugs kar yi ge bdun pa'i 'khrul 'khor gyi lha bkod la/ba lang gi sha mngar gsum dang bsres pas brgya rtsa brgyad sbyin sreg byas na gser srang stong rnyed par 'gyur ro/ /las drug pa ni rgyas pa'i thab khung de nyid la dpa' bo lnga dang / bdud rtsi lnga'i sreg blugs stong byas na yul 'khor rnyed par 'gyur ro//las bdun pa ni zhi ba dang dbang dang mngon spyod gang yang rung ba'i thab khung du gsang sngags yi ge bdun pa'i 'khrul 'khor bkod de lha dang mi'i skye ba gang dang gang bsams pa de dang der skye bar 'gyur ro/ /las brgyad pa ni dkar po yis ni zhi bar 'gyur//nag po yis ni nges par gsod/ /ces bya ba gsungs so/ /zhi ba la dkar po zlum po dang / mngon spyod la nag po gru gsum dang / dbang la dmar po gzhu lta bu dang / rengs pa la kha dog ser po mche ba'i dbyibs lta bu dang / dpung gnon pa la dbang chen sa'i dkyil 'khor ser skya dang /'chi ba slong ba la kha dog dkar po 'khor lo rtsibs brgyad pa lta bu dang / sprul gyis zin pa la lag mthil du zla ba'i dkyil 'khor gyi steng du yi ge'i phreng ba bkod pas 'chi ba slong bar 'gyur ro/ /las dgu pa'i dug gis brgyal bar gyur pa la lag pa la yi ge bdun pa'i 'khrul 'khor bkod de srin lag gi tshigs gsum la 'khrul 'khor bkod nas khas gzhibs na dug las thar par 'gyur ro//rims dang gdon la sogs pa yang dag la mthong bas 'jigs par 'gyur ro/ /las bcu pa ni lag pa g.yon pa'i mthil du 'khrul 'khor bkod la g.yul 'gyed pa'i tshe khu tshur bcangs na mtshon gyis tshugs par mi 'gyur ro//las bcu gcig pa dbang du gyur pa ni 'bras bu dang me tog dang so rtsi dang zas la sogs pa nang gi sbyin sreg blugs pa'i rdzas la yi ge bdun pa bzlas na dbang du gyur pa'am yid kyi 'khrul 'khor bcings nas dbus su ming dang spel ba bris na dbang du 'gyur ro//de bzhin du ngag gis brjod cing bzlas pas kyang 'dzam bu'i gling gis gzhi shing dang bcas shing rgya mtsho'i ske rags kyis mtha' bskor ba dbang du 'gyur zhing khams gsum pa'i rgyu ba dang mi rgyu ba thams cad tshar bcad pa dang phan 'dogs par 'gyur ro//le'u bzhi bcu rtsa gsum pa'i rnam par bshad pa'o// //de ltar yi ge bdun pa'i 'khrul 'khor bshad nas/ da ni go cha'i lha mo drug gi 'khrul 'khor bshad pa ni/de nas pho nya mo rnams/ yi ge bdun yang ldan 'grub pa/ /zhes bya ba smos te/ yi ge bdun pa'i 'khrul 'khor gyi rtsibs la go cha'i lha mo drug gi sngags bkod na las bcu gnyis gang 'dod pa la brtson 'grus bskyed na myur du grub par 'gyur ro/ /de ltar mdor bstan nas rgyas par bshad pa ni/de bzhin du ni yi ge bdun/ /zhes bya ba smos te/ lag pa'i dbus su yi ge bdun pa'i 'khrul 'khor bkod la 'khor lo'i rtsibs drug la rnal 'byor ma drug gi sngags dang spel na dbang du bya bar 'dod pa'i gzugs brnyan byas la sngags zlos shing gzugs brnyan snying gar mnan nas lag pa g.yon pa de la bstan na de myur du 'gugs par 'gyur ro//las gnyis pa ni tsan+dan dmar po'i rdul dang ske tshe dang lan tshwa dang bsgrub bya'i rkang rjes kyi sa rnams las gcig tu byas te/ mtshan mo'i dus su sme sha can gyi me'am/ dmangs rigs kyi me'am dur khrod kyi me las gzugs brnyan phye mar byas nas lan brgya sbyin sreg byas nas 'gugs par 'gyur ro/ /las gsum pa ni rdul de nyid lcags kyi phye ma dang bsres nas dur khrod kyi ras la gtum ste lam gyi bzhi mdor sor nyi shu rtsa bzhi brkos nas dgra'i ming dang bcas te sbas na myur du gnon par 'gyur ro//las bzhi pa ni gzugs brnyan de nyid sa 'og nas bton la 'o mas bkrus na slar 'tsho bar 'gyur ro/ /las lnga pa ni sngar gyi phye ma de nyid kyi steng du myos byed lnga po dang rgya'i lung tang dang / thang phrom dang / khre rgod dang / gser shing dang sbyar dug dang lnga sbyar ba dur khrod kyi ras la dgra bo'i ming rus dang bcas pa sngags brgya rtsa brgyad du bzlas shing sbas na 'phral du smyo bar 'gyur ro/ /las drug pa ni de nyid bstun nas 'o mas bkrus na slar 'tsho bar 'gyur ro/ /le'u bzhi bcu rtsa bzhi pa'i rnam par bshad pa'o// //de ltar mkha' 'gro ma drug gi 'khor lo bshad nas/ mkha' 'gro ma drug gi nye ba'i sngags kyi 'khrul 'khor bshad pa ni/ de nas las kyi mchog rab ni/ /ngag gi dngos grub byed pa'o/ /zhes bya ba la sogs pa gsungs te/ las kyi mchog rab ni 'og nas bshad pa'i las bcu gcig go//ngag gi dngos grub ni bsnyen pa'i mtshan ma thob nas ngag gi dngos grub bsgrubs nas las gang yang rung ba bsgrub par bya'o/ /de nas mdor bstan nas rgyas par bshad pa ni/ ka ra bI ra'i me tog dmar/ /zhes bya ba la sogs pa gsungs te/lha yi 'khor lo bsgoms nas/ spra tshil las byas pa'i ling+ga'i snying gar mkha' 'gro ma drug gi snying po'i 'khrul 'khor bris nas dbus su ming byang bris ling+ga'i spyi bor ka ra bI ra'i me tog la sngags brgya rtsa brgyad bzlas te ling+ga'i spyi bor bsnun pa dang /ba'i 'o ma dang bzlas brjod byas pa'i mchod yon brgya rtsa brgyad 'bul la shin tu mnyam par bzhag pas zhag bdun du mchod pa byas nas nyin zhag brgyad pa la cho ga bya zhing nyin zhag dgu pa la sta gon byas la nyin zhag bcu pa la dkyil 'khor bris te ling+ga'i spyi bor me tog brgya rtsa brgyad bsnun nas nyin zhag bcu gcig pa la me tog blangs la chu bo chen por song nas sngags re re zhing bzlas pa la me tog chu bor dor na gal te me tog chu bo'i rgyun las bzlog ste 'ong ba mthong na chu dang bcas pa'i snyim pas bcus la sor ma reg par mid na gsang ba'i rgyud 'di las gsungs pa'i tshig gi dngos grub grub par 'gyur ro//las dang po bshad nas/ las gnyis pa ni skye gnas kyi phyag rgya bcings la sngags brgya rtsa brgyad bzlas shing sngags pas bsgrub par bya ba'i gzugs brnyan gyi snying gar 'khrul 'khor bris la bsgrub par bya ba'i kha lho phyogs su bstan pa la/de'i snying gar bsgrub par bya ba dgug pa dang gzhug pa dang dbang du bya ba ste bsgrub par bya ba la dngos su phyogs shing de'i snying gi pad+ma'i rtsa ba nas drangs te/ gzugs brnyan gyi gsang ba'i gnas nas khab kyis phug la 'khrul 'khor gyi srad bu drangs nas yid ting nge 'dzin la gnas bzhin du thun gsum du skud pa nas drang zhing mtheb mos bskyod la che ge mo mA ra ya hUM phaT ces byas na bram ze yang gsod par 'gyur ro//zhag gsum du che ge mo A kaR+Sha ya hUM phaT ces byas na brgya byin dgug par 'gyur ro//las gsum pa ni tsan+dan dmar po'i rdul las byas pa'i gzugs brnyan la tsha ba gsum gyi chus bkrus zhing gsang ba'i gnas su zangs ma'i khab kyis phug nas khrag 'dzags par bsams te seng ldeng gi mdag ma du ba med pa la sngags lan bdun bdun bzlas te bsros na rgyal po 'khor dang bcas pa 'gugs par 'gyur ro//las bzhi pa ni mi'i bdag po 'khor dang bcas pa'i gzugs brnyan byas la gro ga'i 'dab ma la bri ba'am dur khrod kyi ras la rgya skyegs dang gi wang gis bris la ming dang spel ba'i 'khrul 'khor snying gar bcug nas tsha ba gsum gyis byugs shing spra tshil gyis g.yogs nas dur khrod kyi me la gdungs shing spra tshil ma zhu bar du bsros na 'khor los sgyur ba'i rgyal po dang bcas pa dbang du 'gyur ro//las lnga pa ni bsgrub bya'i rkang rjes kyi sa dang / tsan+dan dmar po'i rdul dang dur khrod kyi thal ba dang bsres pa las bsgrub par bya ba'i gzugs brnyan byas la mkha' 'gro ma drug gi 'khrul 'khor snying gar bcug na seng ldeng gi me du ba med pa la bsgrub bya'i gzugs brnyan de lag pa gnyis kyis mnyes nas sbyin sreg byas na 'chi bar 'gyur ro//las drug pa ni rdul de las byas pa'i ling+ga blangs nas yi ge hUM byas pas dbugs mi 'byin par zos shing dur khrod kyi sar ling+ga mchod rten nag po'i dkyil du bcug la spyi bo gyen du bzhag nas mchod rten dkar pos mnan na skyes pa'am bud med kyang rung brgyal zhing sems dang bral nas rlung gi shugs kyis 'ongs nas sgrub pa po'i gnas kyi steng du lhung bar 'gyur ro//gal te las kyi phyag rgya 'gugs par 'dod na/ dud 'gro'am yang na pho nya mo/ /zhes bya ba la dud 'gro ni kun spyod ma'o/ /pho nya mo ni dag byed dang dbang dang dpa' mo dang bkas gnang ba'i lha mo kha dog dang dbyibs kyi mtshan nyid shes nas brda byas kyang dbang du ma gyur na tsan+dan gyi rdul dang rkang rjes kyi sa dang /dug dang khrag dang ske tshe dang lan tsha dang yungs kar dang dur khrod kyi thal ba dang bsres te/ gzugs brnyan byas te 'khrul 'khor bya ste snying gar mkha' 'gro ma drug gi 'khrul 'khor bcug la mchod rten nag po kha thur du bstan pa dang /dkar po kha gyen du bstan pa'i dbus su bcug na/ ji srid 'tsho'i bar du las kyi phyag rgya'i bya ba byed cing phyag rgya'i mtshan nyid 'dzin par 'gyur ro/ /las bdun pa ni ka ra bI ra'i lcug ma rlon pa dpung pa'i tshad dang mnyam par skar ma rgyal gyi nyin mo bram ze sha dkar ba sma ra ser po shi ba'i ro bsregs pa'i me la bor la ji srid ma tshig pa de srid kyi tshe myur du song ste blangs la mkha' 'gro ma drug gi tha mar che ge mo'i bu mo ba shaM ku ru ho zhes zlos shing mgo la yang dang yang du bskor na gzugs mdzes pa'i bu mo rang dbang med par 'dzin par 'gyur ro//las brgyad pa ni skar ma rgyal gyi dus su bsgrub bya'i gzugs brnyan snga ma'i rjes de rnams las byas la mkha' 'gro ma drug gi 'khrul 'khor bris la snying gar bcug ste bsgrub bya'i mgo bor ka ra bI ra'i me tog brgya rtsa brgyad bzlas pa skar ma rgyal gyi zhag la me tog rnams blangs te sgrub pa pos gi wang gi me tog byugs la sngags re re bzlas shing chu bo chen por dor te me tog kyang chus mi khyer bar gnas pa de'i tshe chu bo chen por lte ba man chad zhugs te rig pa stong zlos shing lag pa gnyis kyis me tog phye mar byas la chu dang bcas te btung bar bya'o//des ngag gi dngos grub thob par 'gyur ro/ /las dgu pa ni rgyal po btsun mo dang bcas pa'i spyi bor che ge mo ba sham ku ru ho zhes bya ba dang bcas pas ka ra bI ra'i me tog bstan na rgyal po btsun mo dang bcas pa 'gugs par 'gyur ba'am/lha dang lha ma yin gyi gzugs brnyan byas la ka ra bI ra'i me tog gi wang gis byugs pa bsnun na myur du dbang byed par 'gyur ro/ /las bcu pa ni mngon spyod kyi 'khrul 'khor byas la de'i lte bar che ge mo mA ra ya hUM phaT ces bya ba dang bcas pa bris te/ka ra bI ra'i me tog bsnun na gsod par 'gyur zhing dbye ba'i sngags bris nas me tog bsnun na phye bar 'gyur ba dang / bskrad pa'i sngags bris na bskrad par 'gyur ba dang /rmongs pa la sogs pa tshar gcod par 'gyur ba dang / tshig tsam gyis chu bo dang shing rta la sogs pa thams cad gnon par 'gyur ba dang / yid la bsams pa'i las bcu gnyis po gang dang gang 'dod pa'i tshig gis thams cad byed par 'gyur ro/ /'khrul 'khor bcu gnyis la ka ra bI ra'i me tog gis bsnun cing sngags zlos zhes bya ba ni lhag ma'o//las bcu gcig pa ni las kyi phyag rgya dbang du byed pa'i tshe na 'khor gyi dpa' bo dbye ba gzhan zhal nas rgyud 'bum par gsungs pas/ de bdag gis le'u lnga bcu rtsa gcig par de bshad par bya'o/ /rgyal rigs kyi bud med bsnyen sgrub bzhis sbyangs la ka ra bI ra'i me tog dmar po blangs te me tog gnyis kha sbyar la skye gnas kyi dbus su bcug nas gnyis su med pa'i snyoms par 'jug pa dga' ba bzhi'i ye shes kyi rnal 'byor dang ldan pas mkha' 'gro drug gi sngags kyi mtha' rgyal rigs kyi bu mo ba shaM ku ru ho zhes bya ba zlos shing snyoms par 'jug pa'i rjes thogs la skye gnas kyi dbus kyi me tog blangs te me tog gang dbang du bya bar 'dod pa la bsnun na de'i mod la dbang du gyur pa dang /brgya la dbang du ma gyur na yang brgyal ba dang smyo bar 'gyur ro/ /de nas de'i mngon du byas la bsnyen sgrub bzhis sbyangs la smyo ba dang sems log na tha mal pa'i tshe skad cig gis dbang du 'gyur ro//'khrul 'khor 'di ni gang mngon sum bsgrub pa de la 'khrul 'khor bcings na don yod cing dbang du byed pa yin no/ /le'u bzhi bcu rtsa lnga pa'i rnam par bshad pa'o// //de ltar mkha' 'gro ma drug gi 'khor lo bshad nas/ da ni bcom ldan 'das snying po'i phrin las kyi dkyil 'khor bshad pa ni/ de nas yi ge lnga ni zhes bya ba la sogs pa smos te/ zhi ba ni gro ga'am/ rgyas pa la ras sam/ dbang la bud med kyi smad sham mam/mngon spyod la dur khrod kyi ras la dkyil 'khor gyi 'khor lo gru bzhi sgo bzhi dang bcas pa bris la dbus su yi ge hUM/ shar phyogs su ha/ lho phyogs su hi/ nub phyogs su he/ byang phyogs su hUM bkod la bsgrub par bya ba'i ming dang spel te 'khrul 'khor bris na las bcu gnyis thams cad grub par byed de/gang gis shes pa tsam gyis ni/ /myur du dngos grub thob par byed/ /ces bshad pa yin no/ /de ltar mdor bstan nas rgyas par bshad pa la 'khrul 'khor gyi sngags ni ha hi hUM ho/ dgra bo'i rkang rjes kyi sa dang dug dang khrag dang ske tshe dang / lan tshwa dang bcas pas dgra bo'i gzugs brnyan byas la che ge mo mA ra ya phaT ces bya ba dang bcas pas 'khrul 'khor snying gar bcug la tsher ma'i me la ling+ga lag pas mnyes nas sbyin sreg byas na kha nas khrag 'dzag cing 'chi bar 'gyur ro//las gnyis pa ni rang gi srin lag gi khrag gis skyes pa'i thod pa sha med par btogs pa'i spyi bor dgra bo'i gzugs brnyan bris la snying gar 'khrul 'khor la dgug pa dang gzhug pa dang dbang du byas nas srin lag gi khrag dang bcas pas thod pa mnyes na de srid skams kyi bar du thun bzhir sngags brgya rtsa brgyad bzlas shing mnyes na sa'i bdag po yang 'chi bar 'gyur ro//las gsum pa ni dgra bo'i gzugs brnyan gyi snying gar 'khrul 'khor bcug nas dur khrod kyi gnas su sbas la khro ba dang bcas shing mgo gsig pa dang / lus gsig pa dang / rkang pa 'degs pa dang bcas pas ling+ga mnan zhing mig gnyis su ma dang Ta las nyi ma dang zla ba bskyed la mig 'bras su hUM las 'od zer dmar po 'bar bas sngags brgya rtsa brgyad bzlas shing thun bzhir mnan na dpung gi tshogs dang bcas pa'i rgyal po pham par byed do//las bzhi pa ni byi la la sogs pa'i sha dang mkha' 'gro ma'i tshogs la gtor ma chen po bya ste che ge mo non cig ces byas na gzhan dag rengs par 'gyur ro//las lnga pa ni gzugs yongs su brje ba ni ri bong la sogs pa'i thod par yungs kar du bskyed la sangs rgyas spyan gyi sa bon gzugs pa dang mA ma kI'i sngags kyis bcug pa dang /gos dkar mo'i sngags kyis bsrung ba dang / sgrol ma'i sngags kyis rtsa ba gsal bar bya'o/ /de yongs su smin pa'i tshe dmangs rigs kyi bu mo'i lag par spu'i srog chags gang gi thod par bskyed pa de'i spu'i srad bu la sngags stong rtsa brgyad bzlas te yungs kar thum bu gang gi mgul du bcings pa de srog chags de dag dang 'dra bar 'gyur ro//las drug pa ni sbrum ma'i gzugs brnyan byas la snying gar 'khrul 'khor bcug nas lag pa gnyis la 'khrul 'khor bkod de sngon du bsnyen pa bzlas brjod stong byas nas ka ra bI ra'i me tog la sngags bzlas shing sbrum ma'i gzugs brnyan la brdeg pa dang /lag pa mnyes na mngal 'jig par 'gyur ro/ /las bdun pa ni 'o mas bkrus na 'bar bar 'gyur ro/ /las brgyad pa ni sngar bstan pa'i rdzas las byas pa'i gzugs brnyan gyi snying gar 'khrul 'khor bcug la dur khrod kyi sar sbas la mtshan phyed na yi ge bdun pa phyag 'bum du bsgoms la rtsa ba'i sngags bzlas nas sdigs mdzub byas na 'chi ba dang 'o mas bkrus na 'tsho bar 'gyur ro//le'u bzhi bcu rtsa drug pa'i rnam par bshad pa'o// // da nas yab kyi phrin las kyi 'khor lo bshad nas yum gyi snying ga'i 'khrul 'khor bshad pa ni/ de nas yang dag bshad bya ba/ /zhes bya ba la sogs pa smos te/ mkha' 'gro kun gyi snying po ste/ /zhes bya ba la/ mkha' 'gro ma kun ni sum cu rtsa bdun no/ / snying po yi ge bcu gsum po/ /'di ni dran pa tsam gyis kyang / /zhes bya ba la sogs pa'i 'khrul 'khor gyi gzhi la 'khor lo rtsibs brgyad pa bris te dbus kyi lte ba la ho dang / shar phyogs su oM dang / byang phyogs su ba dang / nub phyogs su dza dang / lho phyogs su pai dang /shar lhor ro/ /lho nub tu tsa/ nub byang du nI/ byang shar du ye/ sgo bzhi ru hUM gnyis dang phaT dang swA hA dang bcas pas g.yon skor gyis dgod par bya'o/ /de nas ling+ga'i snying gar bcug la sngags brjod pa tsam gyis dngos grub bcu gnyis skyed par byed pa yin no/ / de ltar mdor bstan nas/ rgyas par bshad pa ni mkha' 'gro ma'i rig pa chen po zlos shing rigs lnga'i snying gar dbang gi 'khrul 'khor bcug na dbang du 'gyur ro/ /las gnyis pa rgyas pa'i 'khrul 'khor byas na dpal chen po skye bar 'gyur ro/ /las gsum pa mi rkang las byas pa'i phur pa'i sbu gur bskrad pa'i 'khrul 'khor bcug nas sngags brgya rtsa brgyad bzlas te gang gi sgor sbas pa de skrod par 'gyur ro//las bzhi pa ni zhing dang ra ba dang ma he la sogs pa'i gnas su mngon spyod kyi 'khrul 'khor sbas na brlag par 'gyur ro/ / las lnga pa ni dbang du bya ba'i 'khrul 'khor rgyal po dang blon po la sogs pa'i sgor sbas na 'khrul 'khor gnyis pa rgyal po la sogs pa'i gzugs brnyan gyi snying gar bcug la ma du lung ga'i me tog dang / le brgan rtsi'i me tog dang bsres te dbang gi me lha'i thugs kar che ge mo ba shaM ku ru ho zhes bya ba'i sngags dang sbyin sreg brgya phrag stong byas na dbang du 'gyur ro//las drug pa ni yum gyi yi ge bcu gsum pa 'di nyid yum gyi 'khrul 'khor bris la dgug pa'i sngags k+Sho b+ha ya hUM zhes bya ba dang / gnon pa'i 'khor lo la staM b+ha ya hUM zhes bya ba dang / rmongs pa'i 'khor lo la mo ha ya hUM zhes bya ba dang / skems pa'i 'khor lo la sho Sha ya hUM zhes bya ba dang / tshig 'phrog pa'i 'khor lo la mu kaM hUM zhes bya ba dang / long ba'i 'khor lo la an+d+ha ka ra hUM zhes bya ba dang / slar gso ba'i 'khor lo la shAn+tiM ku ru swA hA zhes pa dang dbus su bris la 'khrul 'khor bcing bar bya'o//las bdun pa ni skyes pa bud med du bya ba ni tan+ta sman gyi tshogs kyi bya ba yin te ro'i khrag dang bya rog gi sgro'i rtsa ba dang bya rog gi sen mo dang / ro'i rkang mthil gyi pags pa dang / ri bong gi khrag dang bcas pa srang la bgar nas cha bsnyams te/ ri lu bcu gcig byas la skar ma rgyal gyi zhag re'i lag pa la bcings nas nyi ma bcur tshogs kyi 'khor lo snga ma bzhin du byas shing bsrungs nas tshes bcu'i dgongs mo blangs te/skyes pa gang gi spyi bor gzhag pa bud med du 'gyur ro/ /las brgyad pa ni skyes pa khyir bya bar 'dod na thog 'bab pa'i lcags ze mo gzung ba'i spyi bor bzhag la mtshan mo bdun yum gyi snying po sngags brgya stong bzlas te/nyin zhag brgyad pa la lcags kyi phye ma bdar ba dang gur gum gyi phye ma dang mnyam por byas te sbyin sreg brgya rtsa brgyad byas pa'i thal ba gang gi spyi bor gzhag pa de khyir 'gyur ro//las dgu pa ni slar gso ba ni tshogs kyi 'khor lo dang gtor ma byin nas bdud rtsi lnga'i chus khrus byas na rnal mar 'gyur ro/ /las bcu pa ni gser gyi rdzas dkar po kha dog skya bor 'dod na gser shing gi 'bras bus sbyin sreg byas pa'i thal ba dang /zha nye dkar po bdar ba'i chus byugs na gser zha nyer 'gyur ro/ /las bcu gcig pa ni a ru ra'i sbyin sreg gi thal ba bdud rtsi lnga'i chu dang btsag dang sgyur rtsi'i khu bas bkrus na rnal mar 'gyur ro/ /las bcu gnyis pa ni dgra bo'i khyim du glo bur du ltas ngan bskyed par 'dod na khwa dang 'ug pa'i gnas kyi tshang shing gis sbyin sreg byas nas thal ba dgra bo'i khyim du pho na mtshan mo bya rog dang 'ug pa'i sgra 'byin par 'gyur ro//las bcu gsum pa ni slar log pa ku sha'i sbyin sreg gi thal bas dgra bo'i khyim du gtor na zhi bar 'gyur ro//las bcu bzhi pa ni byi la'i thod par snga ma bzhin du bskyed pa'i yungs kar dang zla ba gzas zin pa'i tshe/ byi la'i spu'i srad bu byas la gang gi mgul par btags pa de byi lar 'gyur ro/ /las bco lnga pa ni bkrol na rnal mar 'gyur ro/ / las bcu drug pa ni bya khwa'i thod par bskyed pa'i yungs kar khwa'i rgyus pa'i srad bus mgul pa bcings pas khwar 'gyur ro/ /las bcu bdun pa ni khwa dang byi ba la sogs pa'i thod par bskyed pa'i yungs kar zla ba gzas zin pa'i tshe de'i rgyus pa'i skud pas gang gi mgul du bcings pa de'i gzugs su 'gyur ro//las bco brgyad pa ni ba lang gi thod par bskyed pa'i yungs kar dang spu'i srad bus kyang de bzhin du 'gyur ro/ /las bcu dgu pa ni bkrol na thar par 'gyur ro/ /las nyi shu pa ni lcags kyis byi la'i gzugs byas la yum gyi snying po bzlas pa 'bras bus bkang nas 'bru'i bang bar bcug na 'bru 'phel ba dang /lhag ma bdag nyid kyi spyi bor bcings la mtshan mo bdun yum gyi snying po bzlas shing yum gyi snying po'i mthar che ge mo'i bang mdzod kyis tha b+ha hUM bri ste A kaR+Sha ya dzaHzhes bya bas ni 'bru thams cad 'gugs par 'gyur ro/ / le'u bzhi bcu rtsa bdun pa'i rnam par bshad pa'o// //de ltar snying po'i sngags kyi 'khor lo bshad nas/ de ni de'i snying po'i sngags kyi 'khor lo gsungs pa ste/ de nas gzhan yang bshad bya ba/ /zhes bya ba la sogs pa gsungs te/ mkha' 'gro kun gyis dgyes pa yi/ / zhes bya ba ni mkha' 'gro ma sum cu rtsa bdun gyi dngos grub sgrub pa'i nye ba'i snying po'i rnal 'byor ma sum cu rtsa bdun gyis las thams cad sgrub par byed pa'o/ /de ltar mdor bstan nas rgyas par bshad pa ni/ gang gi dran pa tsam gyis ni/ /zhes bya ba smos te/ gang gi dran pa tsam gyis ni/'jig rten gsum gyi drag po nyi shu rtsa gsum dbang du byas pa dang longs spyad pa dang thim par byas pas g.yo byed cing zhes bya'o/ /de ltar gdul bya btul ba dang / dngos grub bskyed pa gsungs pas ni/ /rjes su dran pa tsam gyis kyang / /zhes bya ba gsungs te/ nye ba'i snying po'i sngags dran pa tsam gyis sa 'og dang sa bla dang sa steng gi dngos grub rim gyis ster bar 'gyur ro//'bras bu de lta bu dang ldan pa'i sngags gang yin snyam na/ oM nas swA hA'i bar gyis yi ge nyi shu rtsa gcig pa'i mtshan ma thob pa'i rjes la sngags 'di blangs pa tsam gyis las bcu gnyis byed pa yin no//de ltar phan yon dang po bstan nas gnyis pa ni/ mkha' 'gro rnal 'byor ma rnams dang / /zhes bya ba smos te mkha' 'gro ma dang lA ma dang / khaN+Da ro hA dang dum skyes ma la sogs pa sum cu rtsa bdun gyi thun mong gi sngags yin par gsungs pa dang /sa 'og sku dang / mtho ris thugs dang / mi yul gsung gi las gang dag yod pa de rnams sngags 'dis sgrub par byed do/ /phan yon gsum pa ni/ 'di las mchog tu mchog gyur gang / /zhes bya ba smos te/ 'di las mchog tu 'gyur ba gang yang med pas bla na med pa zag pa med pa'i dngos grub dang /dag pa 'jig rten pa'i ye shes mngon par shes pa drug gi phrin las thams cad sgrub par byed pa yin no/ /phan yon de lta bu dang ldan pa'i 'khrul 'khor de gang yin snyam na/ gro ga'am ras sam shing shun nam dur khrod kyi ras la sgo bzhi sgo khyung dang rdo rje ra ba dang me 'od kyis bskor ba'i dkyil 'khor bris la/dbus su pad+ma 'dab ma brgyad pa bris la lte ba la oM dang sarba dang nub phyogs su g.yon skor gyis dgod pa dang / me ru data/ bden bral du ta/ dbang ldan du ni/ de'i phyi rol du 'khor lo rtsibs brgyad la/ye byang du/ ba nub tu/ dza lhor/ shar du wa/ me ru Ni/ bden bral du ye/ rlung du he/ dbang ldan du hUM/ sgo bzhir hUM phaT phaT swA hA zhes bya ba dgod par bya'o/ /de la snga ma bzhin du lhar bskyed la ye shes sems dpa' gzhug pa dang / go cha bgo ba dang / dbang bskur ba dang / bdud rtsi myang ba dang /mchod pa dang / bstod pa byas la yi ger zhu bar bsam par bya'o/ /de ltar 'khrul 'khor bkod nas bdag nyid bsgom pa bshad pa ni/ mkha' 'gro ma ni kun gyi gnas/ /zhes bya ba gsungs te/ gnas ni 'og nas bshad pa'i rten gyi dkyil 'khor ro/ /mdor bsdus rgyas par ma yin no//zhes bya ba ni brjod bya mdor bsdus pa rjod byed rgyas pa ma yin no/ /de lta bu'i sngags de gang yin zhe na/ me tog 'bras bu sna tshogs kyis/ /ri bo sna tshogs bri bya zhing / /zhes bya ba smos te/ 'byung ba bzhi'i dkyil 'khor gyi steng du gser gyi ri bdun me tog dang 'bras bu sna tshogs pa dang ldan pas bskor ba'i ri'i rgyal po ri rab bri bar bya'o//de'i steng du rnal 'byor pa dpal he ru ka'i skur bsgom pa'o/ /de'i phyogs bzhi ni mkha' 'gro ma bzhi'o/ /dpa' bo rnams kyi dpa' bo nyid/ /ces bya ba la/ dpa' bo rnams ni rnam snang dang / rin chen 'byung ldan dang / snang ba mtha' yas dang /don yod grub pa dang / de'i sa bon na ha ha he he zhes bya ba ste/ bum pa'i gzugs su bskyed nas dpa' bo nyid ces bya'o/ /gzhan yang 'khor lo gsum gyi dpa' bo nyi shu rtsa bzhi dang / mkha' 'gro ma sum cu rtsa drug gis bskor ba ni mkha' 'gro ma dra ba'i bde mchog go//'gro ba 'di dag khyab ces bya ba ni sa 'og dang sa steng du khyab pa'o/ /de la dpa' bo nyi shu rtsa bzhi dang / mkha' 'gro ma nyi shu rtsa bzhi dang rnal 'byor ma bcu gnyis te rab gtum ma la sogs pa sum cu rtsa drug gis bskor nas las bcu gnyis kyi bya ba kun la sgrub pa pos 'khor lor gzhug par blta bar bya'o//dngos grub 'dod pa'i rnal 'byor pa shin tu mnyam par bzhag pas 'khor lo'i bdag nyid 'di shin tu bsgom par bya'o/ /bzlas pa gang zhig bya snyam na/ sngar bshad pa'i yum gyi nye ba'i snying po bzlas par bya'o/ /sngar bshad pa'i 'khor lo thams cad la yang lha drug cu rtsa gnyis pa'i rtsa ba'i 'khor lo 'di bsgom par bya'o//'khor lo chen po kun gyi gnas/ /zhes bya ba gsungs te/ snying po de'i nye ba'i snying po la sogs pa'o/ /dkyil 'khor mi 'dra ba gang mchi yang rnal 'byor pa bdag nyid rtsa ba'i dkyil 'khor 'di bsgom par bya'o//'di'i phan yon ston pa na/ 'di ni sangs rgyas bye ba dang byang chub sems dpa' bye bas sngags kyi 'khor lo 'di legs par gsungs pa yin no/ /rnal 'byor ma yum rdo rje phag mo nas phag gdong ma'i bar du 'khor bye ba sum cu rtsa bdun gyis bskor ba yin pas dngos grub thams cad la bar chad med cing dge ba grub pa yin no//le'u bzhi bcu rtsa brgyad pa'i rnam par bshad pa'o// //de ltar sngags kyi 'khrul 'khor bshad nas/ da ni dngos grub sgrub pa'i rdzas bstan pa gsungs pa ni/ de nas gzhan yang bshad bya ba/ /zhes bya ba gsungs so/ / bsgrub bya ji bzhin cho ga ste/ /zhes bya ba ni skye ba bdun bsgrub pa'o/ /de'i 'bras bu ni gang zhig skye ba bdun la de shes pa tsam gyis sgrub pa'i dngos grub rnams myur du grub par 'gyur ro/ /thog mar skye ba bdun pa grub pa'i thabs kyi tshogs kyi 'khor lo byas la 'bras kyi phye ma skye ba bdun pa'i grangs dang mnyam pas phyugs kyi gzugs bya ste/mi dang rus sbal dang rta dang rnga mo dang bong bu dang ce spyang dang phag dang bdun gyi gzugs byas la khong pa'i nang khrag gis bkang nas gtor ma dang sbyin sreg dang bza' ba bya'o/ /de ltar tshogs kyi 'khor lo byas pas mkha' 'gro rnams mnyes nas skye ba gcig nas skye ba bdun pa'i bar du brgyud pa shes par gdon mi za'o//de'i rtags ni skye ba dang po la kha dri zhim pa dang / gnyis pa'i rtags mig mi 'dzum par blta ba dang / gsum pa bden par smra ba dang / bzhi pa mthong na dga' ba dang / lnga pa dam pa'i chos la dga' ba dang /drug pa rang gi skye ba shes pa dang / bdun pa rtags lus kyi dri zhim pa'o/ /de bsten pa tsam gyis de'i snying ga na go ro tsa na yod pa blangs nas zos na lha'i gzugs 'dzin par 'gyur ro/ /de'i go ro tsa na bsnams pa'am reg pa tsam gyis gzugs sna tshogs 'dzin par 'gyur ba dang /thig le byas pas mi snang ba dang dga' ba'i gzugs 'dzin par 'gyur ro/ /de'i rgyas par bshad pa ni/ de'i snying ni go ro tsa na zhes bya ba smos te/ skye ba bdun pa kha na ma tho ba med par shi ba'i sha len pas na mkhas pa zhes bya'o/ /de las blangs nas sngar bstan pa'i 'khrul 'khor brgyad kyi sngags la go ro tsa nas dbral bar thig le byas na de dang de'i gzugs 'dzin par 'gyur ro//lha'i gzugs 'dzin pa dang gzugs sna tshogs 'dzin pa gnyis bshad nas/ gsum pa shing gang yang rung ba'i khu ba dang go ro tsa na bsres pas dpral bar thig le byas na de shing gi gzugs su 'gyur ro//phyugs gang yang rung ba'i spu dang bsres pa lag pa dang spyi bor bcings na de srog chags de'i gzugs su 'gyur ro/ /rgyas par rgyud bla ma nas bshad pas rgyud bla mar blta bar bya'o/ /gal te tan+t+ra yan+t+ra'i thabs yin na thams cad kyis ci'i phyir sgrub snyam na/rnal 'byor bsgom pa ni zlos zhes bya ba smos te/ rnal 'byor 'ba' zhig bsgom pa dang bzlas pa la dga' ba tan+t+ra dang yan+t+ra'i nus pa dang ldan pa yin yang / bskal pa grangs med pa gsum du dka' ba goms pa'i lam la dga' ba dang bskyed pa'i rim pa bcos ma'i rnal 'byor nyon mongs pa'i lam la dga' bas yan+t+ra 'khrul 'khor gyi thabs dang /tan+t+ra sman gyi sbyor ba'i thabs kyi dngos grub kyi lam 'gog cing smod pa yin no/ /glang po rta dang bong bu dang / /zhes bya ba ni srog chags gang dang gang gi thod par bskyed pa'i yungs kar dang skye ba bdun pa'i snying ga'i go ro tsa na dang bsres nas blangs na lha'i gzugs dang rang dga' ba'i gzugs su 'gyur ro//de ltar bsgoms pa'i ting nge 'dzin dang rag las pa med pa'i skye ba bdun pa'i sha rnyed pa tsam gyis grub par 'gyur ba de las shin tu mchog tu gyur pa'i sa 'og dang sa bla dang mtho ris kyi 'jig rten gsum na yod pa ma yin no//le'u bzhi bcu rtsa dgu pa'i rnam par bshad pa'o// //de ltar bsgrub pa'i yan lag gi rdzas bshad nas bskyar ba'i sbyin sreg gi cho ga bshad pa ni/ de nas sbyin sreg cho ga ni/ /zhes bya ba la sogs pa smos te/ sbyin sreg gi cho gas las bcu gnyis nges par dbang du byed par 'gyur ro//gang gis mtshan ma thob nas sbyin sreg gi cho ga gang zhig shes pa tsam gyi myur du dngos grub 'grub par 'gyur ro/ /de ltar mdor bstan nas rgyas par bshad pa ni/ go mAM sa dang myos byed bsres/ /zhes bya ba smos te/ go mAM sa ni ba lang gi sha ste sha lnga la mtshon par byed pa'o//myos byed ces bya ba ni chang gi bye brag mtshon pa ste sreg rdzas so/ /lag pa g.yon pa ni dpa' bo lnga dgod pa'i phyag rgya'o/ /de nas dbang gi dkyil 'khor gzhu'i dbyibs lta bu la 'dod pa'i me lha bskyed nas de la bdud rtsi lnga dang dpa' bo lnga dang khyad par gyi rdzas dang longs spyod kyi rdzas dang yo byad kyi rdzas dang 'tsho ba'i rdzas dang bcas pas sbyin sreg byas la de'i don 'od du zhu ba'i thugs kar dpa' bo gcig pu dang dkyil 'khor gyi 'khor lo bkod la zhag bdun la sbyin sreg brgya rtsa brgyad byas na brgya byin la sogs pa dbang du 'gyur ro//las gnyis pa ni dkyil 'khor snga ma de nyid las kha chu dang so shing dang rang gi lus mnyes pa'i dri ma dang dbang du byas pa'i ming dang myos byed dang rtug pa'i sbyin sreg byas na sa 'og dang sa bla dang sa stengs gsum dbang du 'gyur ro/ /las gsum pa ni rang gi khrag dang zhag gi sbyin sreg phyir skyugs pa'i thal ba dang mi'i skra dang ldan pas che ge mo A kaR+Sha ya zhes zlos shing sbyin sreg byas na rigs gang yang rung ba 'gugs par 'gyur ro//las bzhi pa ni bskrad pa'i dkyil 'khor bris la mngon spyod kyi me bskyed nas nang gi sbyin sreg phyir skyugs pa dang rang gi skra dang nim pa'i shing dang sbyar bas sbyin sreg byas na skrod par 'gyur ro//las lnga pa ni rang nyid dpal he ru ka'i skur mnyam par bzhag na rgya'i lang tang la me spar la dug dang khrag dang ske tshe dang yungs kar dang khwa'i gshog pa yungs mar la bsgres pas sbyin sreg byas na 'chi ba'am skrod par 'gyur ro//las drug pa ni rgyas pa'i dkyil 'khor bris la 'dzin byed kyi mi'i snying gar bde mchog gi 'khor lo bkod nas dpa' bo lnga dang bdud rtsi dang me tog ser po dang tsan+dan dmar po'i dri dang yung bas byug pa dang sbyin sreg byas na longs spyod dang ldan par 'gyur pa'am/rang gi lus la 'khor lo bzhi'i gnas su dkyil 'khor gyi 'khor lo bzhi bkod nas kha dog ser po bsams te/ gnyid log pa'am ma log pa'am bza' ba'am 'gro ba'am/ 'chag pa la sogs pa'i dus su sngags pas rtag tu yab yum gyi snying po'i mtha' ru puSh+TiM ku ru swA hA zhes dus nges pa med par zlos shing dbang gi sbyin sreg gis sreg blugs brgya byas na zla ba gsum gyi rjes la dbul ba 'jig par 'gyur ro//las bdun pa ni dbang gi dkyil 'khor la sha chen po la sogs pa'i bdud rtsi lnga dang myos byed dang ldan pas thun gsum du sbyin sreg brgya rtsa brgyad byas na sa steng gi 'gro ba thams cad dbang du 'gyur ro//las brgyad pa ni snga ma bzhin du tshogs kyi 'khor lo'i lha bsgoms nas zla ba drug gi bar du nyin mo'i thun gnyis la nang gi sbyin sreg byas na rang gi lus de nyid kyis nam mkha' la 'gro bar 'gyur ro//las dgu pa ni wa'i sha dang myos byed du bsres pas mngon spyod kyi dkyil 'khor la sbyin sreg dang gtor ma byas na yul 'khor dang bcas pa 'jig par 'gyur ro/ /las bcu pa ni rgyas pa'i dkyil 'khor bil ba dang pa la sha dang u dum+WA ra'i bud shing la me sbar la de nyid kyi yam shing gis sbyin sreg 'bum byas na nor gyi bdag po rnam thos sras dang mnyam par 'gyur ro//las bcu gcig pa ni go mAM dang myos byed dang bcas pa la rgyal srid 'dod pas sbyin sreg byas na rgyal srid thob par 'gyur ro//las bcu gnyis pa ni wa'i sha dang bdud rtsi lnga dang dpa' bo lngas sbyin sreg byas na ci bde bar rgyal srid thob par 'gyur ro/ /wa'i sha dang bcas pa'i bdud rtsi lngas nang gi sbyin sreg byas na myur du nor gyi bdag po dzam+b+ha la dang mnyam par 'gyur ro//gang gis sbyin sreg de la brtul zhugs dang gtsang sbra med na yang rgyas pa'i dngos grub thob par 'gyur ro/ /las bzhi pa ni lhag par tshe 'phel bar 'dod pa na bkru sman dang zhes bya ba sran ma sngon po dang sran ma sha zhes bya ba kha dog ljang ba dang tsa na ka zhes bya ba 'bru phra mo dang sbrang rtsi'i tshigs ma zhes bya ba spra tshil dang ske tshe dang tA la'i 'dab ma blangs nas dgra bo'i gzugs brnyan byas la nya phyis kyi nang du bcug nas steng g.yogs la mchod rten nag po dong kha thur du bstan pa'i dbus su btsugs la mchod rten nag pos steng nas mnan na/rnal 'byor pa ji ltar 'dod pa bzhin du gnas par 'gyur ro/ /de ltar sbyin sreg bshad nas rgyu ba dang mi rgyu ba'i 'khor lo bcu dang / gsang sngags kyi 'khor lo bcu'i dkyil 'khor gang la bya snyam na/ de nas gzhan yang bshad bya ba//zhes bya ba smos te/ dkyil 'khor nyi shu'i gnas ni snod bcud thams cad dpal he ru ka'i rang bzhin yin pas phyi dang nang gang yang rung bar sbyin sreg dang 'khrul 'khor byas kyang dngos grub thams cad sgrub par gdon mi za ba yin no/ /de bas na/ rnal 'byor ma yi sa dang gnas//he ru ka'i sku'i yan lag /ces bya ba gsungs te/ rnal 'byor ma'i sa ni dag pa'i sa bcu'o/ /gnas ni ma dag pa'i sa bcu'o/ /dag pa dang ma dag pa gnyis ka yang dpal he ru ka'i sku'i yan lag ste/ sku kun brtan pa dang g.yo ba'i bdag nyid can yin no/ /de ltar rnal 'byor ma'i lus la ma dag pa'i gnas bcu dag pa'i sa bcu'i bdag nyid la dpal he ru ka'i gzhung lugs la spyod pa'i lus kyi dkyil 'khor sa bcu dang /pha rol tu phyin pa bcu la rnal 'byor ma rnams kyi brda'i skad kyi gnas dang nye ba'i gnas la sogs pa'i ming gis btags pa yin no//gang gi brda yin zhe na/ lha dang dri za rnams kyi brdas gnas dang nye ba'i gnas zhes bya ba dang / gnod sbyin dang srin po'i brdas zhing dang tshan+do ha zhes bya ba dang / klu dang lha ma yin gyi brdas 'du sa dang dur khrod ces bya ba rnal 'byor ma rnams kyi brdas btags pa yin no//mtho ris thugs dang sa stengs gsung dang sa 'og sku'i dkyil 'khor rnams ni sems 'od gsal ba'i snang ba yin pas/ dpa' bo yan lag brtan g.yo'i bdag /ces bya ba ji ltar na 'od gsal snod bcud du snang zhe na/ thog med dus su gang bstan pa/ /phyi nang bdag nyid can du gnas//zhes bya ba gsungs te/ thog ma med pa'i dus nas de bzhin gshegs pa rnams byung yang rung ma byung yang rung sems 'od gsal ba'i rang bzhin du gnas pa gang yin pa de ni phyi snod kyi 'jig rten dang nang bcud kyi chos kyi dbyings kyi bdag nyid du gnas pa yin no/ / de yang / chu khams gser dang nam mkha' bzhin/ /dag pa bzhin du dag par 'dod/ /ces gsungs so/ /klung nyid dngas par gyur pa las/ /nya dag myur du 'phar ba ltar/ /de bzhin stong gsal ye shes las/ /sgyu 'phrul dra ba 'byung bar 'gyur/ /zhes gsungs so/ /thog mtha' med pa'i sems dpa' ni//rdo rje sems dpa' dga' ba che/ /zhes gsungs pa yin no/ /dpal ldan khrag 'thung rgyal po che/ /'dod pa kun gyi dbang phyug gtso/ /zhes bya ba ni/ rnam par snang mdzad chen po'i rang bzhin sems rig pa 'od gsal chos kyi sku la dgongs pa yin no/ / kun du phyag dang zhabs ldan zhing / /kun du bcom ldan 'jig rten na/ /thams cad g.yogs nas rnam par bzhugs/ /zhes bya ba ni de nyid bsdus pa las gsungs pa'i rnam par snang mdzad chen po'i rang bzhin dag pa dang ma dag pa'i gnas skabs gnyis ka'i ngo bo sems dang rig pa 'od gsal ba'i ngo bo chos kyi dbyings su gsungs pa yin no//de ltar chos kyi sku'i ngo bos thams cad la khyab pa bde bas na rgyu ba dang mi rgyu ba'i sbyin sreg gi 'khor lo dang gsang sngags kyi 'khor los dngos grub bsgrub par bya ba yin no/ /de yang ji lta bu la gsungs she na bsam gtan ldan pa'i sems kyis ni//zhes bya ba gsungs te/ bskyed pa'i rim pa'i mtshan ma gsum mam/ rdzogs pa'i rim pa'i mtshan ma lnga thob pa'i sgrub pa pos bsnyen pa byas pa la phan gdags pa'i phyir gsang ba'i dngos grub sgrub pa'i le'u nyi shu gnas dang bcas pa gsungs pa yin no//le'u lnga bcu pa'i rnam par bshad pa'o// //de ltar dngos grub sgrub pa'i thabs bshad nas/ bskyed rim bsgom pa'i man ngag gi le'u gsungs pa ni/ /de nas yang dag bshad bya ba/ /zhes bya ba la sogs pa gsungs so/ /man ngag shin tu rnyed dka' ba/ /zhes bya ba la man ngag ni bskyed pa'i rim pa sgom pa'i de nyid bcu bzhi ni shin tu rnyed par dka' bas ni gang zag gi rnam par rtog pas sbyar ba ma yin pa bcom ldan 'das kyis gsungs pa'i nges pa'i don gyi mdo sde bsgom pa'i rim pa bsgrigs pa rnyed par dka' ba'o//dpa' bo'i brda yi skad du ni/ / zhes bya ba ni sangs rgyas dang byang chub sems dpa' thams cad kyi brdar gyur pa bcom ldan 'das kyis rgyud 'di ru mi'i skad du sbas pa gsungs pa yin no/ /de ltar mdor bstan nas rgyas par bshad pa ni/ gos dang phyag rgya lnga la sogs/ /zhes bya ba la sogs pa gsungs so/ /gos ni stod g.yogs dang smad g.yogs glang po che'i pags pa dang /stag gi pags par bsam mo/ /phyag rgya lnga ni thal ba'i rdul ma gtogs pa'o/ /la sogs zhes bya ba ni go cha drug bgos shing rdo rje dang dril bu bzung ba'i de nyid dang por bstan nas de nyid gnyis pa ni shes rab yan lag ste khyim pa'i byang chub sems dpa' la las kyi phyag rgya'am grol ba'i lam pa'i chos kyi phyag rgya'am dam tshig gi phyag rgya'o//de nyid gsum pa ni thog mar rdo rje'i brda bya ba dang / mthar phur bus gdab pa ste/ bgegs bskrad nas dra ba dang mda'i bla re dang rdo rje'i bla re dang me 'od kyi dra ba byas nas phur bus gdab pa yin no//de nyid bzhi pa ni A li kA li zhes brjod pa ste/ snying gar zla ba dang nyi ma'i dkyil 'khor bsgoms la/ de'i dbus kyi yi ge hUM las rkang pa brgyad pa'i sngags brjod nas mchod pa dang dpa' bo dang dpa' mo'i sngags kyis brjod pa ni zhes brjod pa ste/ a ste zhes bya ba lnga pa'i sgra yin pas A li kA li'i rjes la brjod ces bya ba'i don du 'gyur ro//de nyid lnga pa ni/ /rgyu sogs stong pa sngon 'gro yin/ /zhes bya ba ni dpral bar he dang / lkog mar ru dang / snying gar ka dgod pas/ he ni rgyu tshogs spangs pa ste/ /ru ni bkod pa dang bral ba/ /ka ni gang du mi gnas pa//zhes bya ba ni he ru ka'i don la mos pa'i rnam par thar pa'i sgo gsum bsgoms la yi ge gsum sngon du 'gro ba yin no/ /de'i rjes la 'byung ba bzhi ri rab dang bcas pa bsgoms nas gzhal yas khang gi dbus su pad+ma'i steng du nyi zla kha sbyor gyi dbus su yi ge hUM gnas pa la rang gi rnam par shes pa 'jug pas na//'jug pa sgra la sogs pa ni/ /zhes bya ba gsungs so/ /sgra ni yi ge hUM dang baM mo/ /sogs pa ni rdo rje dang gri gug dang 'od zer spro bsdu rgyu'i he ru ka yab yum du gyur ba'o/ /de yang / /zla ba me long lta bu ste/ nyi ma mnyam nyid ye shes yin/ /yig 'bru phyag mtshan so sor rtog /'od zer spro bsdu bya nan tan//sku rdzogs chos dbyings ye shes so/ /zhes gsungs so/ /de nyid bsdus pa'i sbyor ldan nyid/ /ces bya ba ni phyogs bcu'i sangs rgyas bsdus nas rgyu'i he ru ka yab yum gyi zhal du zhugs nas mngal skyes kyi 'khor lo bskyed nas rgyu'i he ru ka yab yum zhu nas thig ler bsdus pa la 'khor lo lnga'i lha mo'i glus bskul ba'i sbyor ba dang ldan pa nyid kyi thig ler zhu ba glu dang bcas pa zhes bya ba'i he'i tshig gi de nyid brgyad pa bdud rtsi tshim byed ces bya ba gsungs te/de lha mo rnams rgyu'i he ru ka zhu ba'i thabs dang bral ba la 'chi bdag gi bdud 'joms pa'o/ /'bras bu'i he ru ka lha mo rnams yid tshim par byed pas na bdud rtsi tshim byed do//de nyid dgu pa mya ngan las 'das pa zhes bya ba ni ye shes sems dpa' gzhug pa'o/ /de nyid bcu pa lag pa'i mchod pa zhes bya ba ni dpa' bo dang dpa' mo drug gi go cha bskon pa'o/ /de nyid bcu gcig pa dbang bskur ba ni chu dang gsang ba dang shes rab ye shes kyi dbang bskur ba'o//de nyid bcu gnyis pa go cha chen pos yang dag gsungs zhes bya ba ni lus kyi 'khor lo dang / sems kyi 'khor lo rnam dag bsgom pa'o/ /de nyid bcu gsum pa sngags rnams zhes bya ba ni gtso bo de'i 'khor gyi sngags bzlas pa'o/ /de nyid bcu bzhi pa mchod pa yin zhes bya ba ni bdud rtsi lngas mchod pa dang bstod pa dang gtor ma sbyin pa'o//nye bar bsdu ba ni ma gsungs kyang smon lam btab nas dkyil 'khor nye bar sgrub pa rgyud bla ma las go bar 'gyur ro zhes dgongs pa yin no/ /de ltar de nyid bcu bzhi bshad nas rnam par dag pa'i 'khor lo la smon lam gdab pa ni/ mi mchog gang zhig kun spyod pa/ /zhes bya ba ni/ sa la 'dod pa'i dbang phyug shog /ces bya ba ste dngos grub dang po bde bar gshegs pa'i sa thob pa dang / dngos grub gnyis pa chos dang ldan pa'i 'khor los sgyur ba'i rgyal por 'gyur ba dang / dngos grub gsum pa sa la 'dod pa'i dbang phyug lha'i dbang po brgya byin lta bur 'gyur ro//de ltar bskyed rim gyi thabs bshad nas bskyed rdzogs gnyis ka'i phan yon gsungs pa ni/ dper na mar gyis gang ba'i snod/ /ces bya ba la sogs pa gsungs te/ mar lta bu ni bskyed rdzogs gnyis so/ /gang ba'i snod ni skal ba dang mnyam pa'i gang zag go/ / me'i dbus su gzhag pa ni byin rlabs dang mngon sum gyi lam yang dang yang du bsgom pa'o/ /mar sar nyid du zhu ba ni/ /bskyed rdzogs kyi mtshan ma thob pa lha'i sku mthong ba'o/ /snod kyi rim pa 'jig pa ni/ tha mal ba'i lus ngag yid gsum nub par 'gyur ro/ /phan yon gnyis pa ni dpal he ru ka'i mtshan bzung nas bzlas pa'am bsgom pa'am bsam pa'am thos pa'i shes rab kyi glegs bam bris pas mtho ris kyi lha'i rgyal po'am mi'i 'khor los sgyur bar 'gyur ba'o//phan yon gsum pa ni 'chi ba'i tshe na phaT phaT kyi phyag rgya dang bcas pas spyan drangs la skye gnas kyi phyag rgyas thugs kar bcug na dpal he ru ka la sogs pa lha mo'i 'khor lo dang bcas pas glu dang rol mo'i sgra bsgrags nas mkha' la spyod pa 'og min gyi gnas su khyer bar byed do//las bzhi pa nyes dmigs ni de 'dra'i dpa' bo chen por bsgoms pa'i rnal 'byor pa dang / des gsungs pa'i rgyud chen po la ma dad par gyur na mngon par mtho bas dbul zhing phongs pa'i ngan song gsum dang /nges par legs pas dbul ba'i khams gsum 'khor ba'i sdug bsngal gyis gdungs par 'gyur ro/ /de ltar phan yon dang nyes dmigs bshad nas don gsum pa'i sku bsgom pa rgyas par bshad pa ni mgul rgyan la sogs pa'i phyag rgya drug dang /gsung rab yan lag bcu gnyis gsungs pa'i ska rags sil sil sgra sgrogs pa'o/ /de nas gang du sgom snyam na/ ri dang sna tshogs pad+ma lte bar ro/ /rgyu gang gis bskyed snyam na/ A li kA li skyes zhes bya ba ni mngon par byang chub pa lngas bsdus pa'o//des gang zhig 'dul snyam na/ u ma'i bdag po rnam par gnon/ /zhes bya ba gsungs so/ /de shes rab dang ldan pa yin snyam na/ rdo rje dril bus sku la 'khyud/ /ces bya ba gsungs so/ /phyag du dang ldan snyam na/ nyi shu rtsa bzhi'i phyed ldan pa/ /zhes bya ba smos te/phyag bcu gnyis dang ldan pa'o/ /'khor ji lta bus bskor zhe na/ dpa' bo rnal 'byor ma tshogs bskor/ /zhes bya ba gsungs te/ dpa' bo nyi shu rtsa bzhi dang dpa' mo sum cu so drug gis bskor ba'o/ /ji lta bu'i blos gar bya snyam na/ dpal ldan he ru ka rgyal che/ /go 'phang mchog gis bsgom par bya//zhes bya ba gsungs so/ /sprul pa'i sku ji lta bu zhig yin snyam na/ rnal 'byor kun dang rnal 'byor ma'i/ /'khor lo dbus su sbyor ldan pa/ /thams cad dgyes shing gnyis med 'gyur/ /'byin dang sdud par mdzad pa yin/ /zhes bya ba gsungs te/ sprul pa'i sku ji lta bu zhig yin snyam na/ dbus kyi gtso bo 'khor dang bcas pa thams cad kyang yab yum gnyis su med cing sems can gyi don du spro zhing mdzad pa rdzogs nas sdud pa yin no//de'i don 'di skad ston pa yin te/ ma 'ongs pa'i gsang sngags kyi sgo'i spyad pa spyod pa rnams kyis dpa' bo dang dpa' mo gnyis su med pa'i 'khor lo bsgoms nas thun bzhir spro bsdu bya ba yin no zhes bya ba'i tha tshig go//don bzhi pa bskyed pa'i rim pa kha sbyor bsgom zhing rdzogs pa'i rim pa mngon sum du bsgoms nas spyod pa goms mi dgos pa'i man+t+ra tan+t+ra yan+t+ra gsum gyi rgyu tshogs pas dngos grub rnams 'byung zhing gsang sngags kyi sgo la mos pa skal ba dang ldan pa'i sems can rnams la'o//spyod pa sna tshogs ston mdzad pa ni man+t+ra tan+t+ra yan+t+ra'o/ /sna tshogs tshul gyis gdul bya ni/ /dgod dang blta dang lag bcangs dang / gnyis gnyis 'khyud pas 'dul ba yi/ /thabs ni sna tshogs ston pa yin/ /zhes bya ba ni byin rlabs dang mngon sum gyi lam gsungs pa'o/ /de ltar 'dul ba'i thabs bstan nas don lnga pa cig car 'jug pa'i thabs ston pa ni/zab mo'i chos ni ston pa la/ /gal te mos par ma gyur kyang / /zhes bya ba gsungs te/ las la dbang zhing las kyi bgo skal la spyod pa dang / zhi gnas dang lhag mthong goms pa las byung ba dang mi mthun pa la yang smod pa dag tu mi bya ste/ las kyi rgyu rkyen tshogs pa'i rten 'brel gyi tshogs pa dpag tu med pa bsam gyis mi khyab pa bzhin du sngags kyi rten 'brel gyi tshogs pa bsam gyis mi khyab pa dang 'khrul 'khor gyi rten 'brel gyi tshogs pa bsam gyis mi khyab pa dang /sman dang nor bu'i mthu bsam gyis mi khyab pa dang / mdo sde las gsungs pa'i chos nyid dran par byas nas smad par mi bya'o//mngon sum dang byin rlabs kyi lam des sangs rgyas dang de'i sras rnams kyi mchog tu gyur ba'i rnal 'byor 'bras bu lam du byed pa'i sngags kyi lam 'di yin pas sangs rgyas rnams byung yang rung ma byung yang rung chos kyi dbyings kyi rang bzhin ni sgrib pa spangs pas 'phel ba'am/'grib pa dang bcas pas 'bri ba med pas gzugs brnyan la sogs pa'i sgyu ma'i dpe brgyad la gang du stong nyid kyi nges pa drangs nas mthong bzhin du shes rab ye shes dang / dbang bzhi pa chos nyid mngon sum du mthong bas gnas pa yin no//de ltar na byin rlabs dang mngon sum gyi lam bsgom pa'i rnal 'byor pa 'jig rten la mi smod cing chos nyid mngon sum du mthong ba'i bgrod pa'i lam cig car 'jug pa'i rnam par thar pa kun bzang sangs rgyas kyi rol pa bsam gyis mi khyab pa bde ba chen po'i lam yin no zhes shes par bya'o//gal te cig car 'jug pa la mi mos pa la ji ltar ba'i lam yin snyam na/ ji srid kr-i ya sogs spyod nas/ /rnal 'byor gsang mtha'i dbye ba nyid/ /ces bya ba gsungs te/ bya ba'i rgyud dang / spyod pa'i rgyud dang / gnyis ka'i rgyud dang / rnal 'byor gyi rgyud dang / gsang ba'i mtha' rnal 'byor ma'i rgyud kyi rim gyis sems can mos pas 'jug pa rnams la de dang de'i rnam par thar pa la dga' ba la chu bo rgya mtsho chen por 'bab pa bzhin du bde mchog gi lam la rim gyis 'jug par bya'o//dgyes pa'i rdo rje las kyang tha mar dgyes pa'i rdo rje bstan par bya'o zhes gsungs so//rgyu ni byin rlabs dang mngon sum gyi lam ston pa yin no/ /rgyal po ni mngon sum gyi lam gsal zhing mdzes pa dang 'bar bas na rgyal po'o/ /'bum pa'i nang nas phyung ba le'u 'bum pa dang sh+loka 'bum pa las phyung ba'i phyi ma'i phyi ma'o/ /dngos grub kyi cho ga ni rgyu ba dang mi rgyu ba'i sbyin sreg dang 'khrul 'khor gyi cho ga'o//shin tu rmad du byung ba ni bsgom mi dgos pa'i man+t+ra dang yan+t+ra'i rten 'brel lo/ /bstan bcos thams cad pa ni 'jig rten dang thun mong dang mchog gi dngos grub kyi thabs rgyas pa'o/ /bklags pas grub pa'i rgyal po in+d+ra b+hU ti bzhin du sngags brjod pa tsam gyis bdud bzhi tshar gcod pa'o/ / gdod ma nas grub pa ni 'das pa'i sangs rgyas thams cad kyis gsungs pa'o/ /de yang / 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /de ltar byung ba'i rdzogs sangs rgyas/ /zhes gsungs pa'i phyir ro/ /le'u lnga bcu rtsa gnyis yod kyang le'u lnga bcu pa la gcig tu bsdoms nas grangs shis par mdzad pa yin no//rdzogs so zhes bya ba ni rgyud mthar thug pa'i tshig go/ /bstod pas mnyes med smad pas mi dgyes med/ /'gro ba kun la bu gcig ltar dgongs la/ /gang gis gnod pa byas kyang bde mdzad pa'i/ /rje btsun bde mchog sku yi zhabs btud nas/ /sangs rgyas sras dang bcas pa'i spyod yul gyi//rtogs bka' bde mchog bshad rgyud la brten nas/ /bla ma dam pa'i bdud rtsi gdams ngag gis/ /rgya cher bshad pas 'gro rnams rtogs gyur shog /dpal 'khor lo bde mchog rgya cher bshad pa'i tshig don rab tu gsal pa zhes bya ba slob dpon chen po dpa' bo rdo rje mdzad pa rdzogs so// //bla ma dri med thugs rje'i shugs las byung //'bangs kyi smon lam grub pa mi 'gags chos/ /'bangs dang grogs kyi don zhus rjes gnang ba/ /mchog dga'i bsams pa grogs la 'phel bar smon/ /gar gyi paN+Di ta pa ra hi ta dang / zhu chen gyi lo tsA ba dge slong 'phags pa shes rab kyis bsgyur zhing gtan la phab pa'o// //

CLOSE WINDOW