CLOSE WINDOW

D1403
བོད་ཡིག

/ @##/ /rgya gar skad du/ shrI tsakra saM ba ra pany+dzi kA nA ma/ bod skad du/ dpal 'khor lo sdom pa'i dka' 'grel zhes bya ba/ dpal 'khor lo sdom pa la phyag 'tshal lo/ /'dod lha khyab 'jug bde byed zhe sdang sbrul gdug mi gso 'dod chags mtshor mi rol/ /rab tu rmongs pa'i dra bar mi gnas ser sna'i me yi dgra yi stobs ni med par byed/ /bdag med rgyur gyur pa yi smon pa rnam spangs sems nyid tsam du dga' bas rol pa yi//zhal bzhi ston par mdzad pa'i dpal ldan he ru ka yi sku yis 'gro ba srungs/ /lus dang yid las byung ba yi/ /glo skam mdze sogs nyon mongs ni/ /rgyud 'di la ni sbyor nus pa'i/ /dad dang rigs ldan dag la zad/ /rgyud ni phul byung rin po che'i/ /phyug po gang gis tshad gzhal nus//rgya mtsho chu yi thigs pa ni/ /gang gis bgrang bar mi nus so/ /nor sbyin nyid kyi khyim 'di yis/ /khyim gyi nor ni brtsi mi nus/ /rgyud 'di rdo rje 'chang ba yis/ /thugs nyid kyis ni rab tu bstan/ /de phyir blo dman bdag la ni/ /bla ma dag gis rab tu byin/ /nye bar bzhag nas rnyed gyur te//thal phung la yang gter rnyed bzhin/ /gal te shes bzhin med pa yis/ /brjed ngas pa yi mtshon bzung nas/ /rkun ma nyid kyis phrogs 'gyur bas/ /de phyir bdag gis rnam par dbye/ /blo yi chad bas dam bzung yang / /tshig don bzung ba shin tu dka'/ /gdams ngag med par rgyud las ni//blangs nas khas 'don bum me bzhin/ /gang gi phyir thams cad du dgos pa ma mthong na 'jug par mi 'gyur bar snang ste/ de bzhin du yang / bstan bcos dag ni thams cad dang / /yang na las ni 'ga' zhig la/ /ji srid dgos pa ma bstan par/ /de srid 'jug par rigs ma yin//zhes gsungs so/ /gang gi phyir blo dman pa yang dgos pa ma bstan na thabs la 'jug par mi 'gyur te/ dman pa yang dgos pa ma bstan na 'jug par mi 'gyur ro zhes gsungs so/ /de la dpal 'khor lo bde mchog don du gnyer ba rnams 'jug pa'i yan lag tu 'chad pa po rnams kyis de yang dgos pa ston te/de yang gsungs pa/ mdo don 'chad par 'dod pa yin/ /dgos pa bsdus pa'i don bcas dang / /tshig don bcas dang mtshams sbyar bcas/ /brgal lan bcas la bsnyad par bya/ /de yang rjod par byed pa la sogs pa ston pa sngon du 'gro bas legs par bshad pa yin no//'on kyang de nas de'i phyir zhes bya ba la sogs pa'i tshig bcom ldan 'das kyis gsungs te/ de la 'dir re zhig tshig don ni gnyis su 'chad de/ de yang bstan par bya ste/ bsdus pa'i don dang phyogs las mdo/ /zhes pa la sogs pa ste sgrub pa'i thabs las rgyas par bshad par bya'o//tshig gi don la sogs pa rim par ston pa dang 'chad par 'gyur ro/ /zhal bzhi pa la sogs pa'i sku rdo rje 'chang chen po ni ston pa po ste/ de yang de nyid dngos su sprul pa'i skur gnas pa'o/ /rgyud 'di ni thog ma med pa'i dus nas bstan par bya ba nyid du gnas te/sems can rnams kyi bsod nams ma yin pas kha cig tu ni nub/ la lar ni bsod nams kyi dbang gis dar ro/ /de yang bstan bya dang ston pa po la sogs pa 'di sgyu ma lta bu ste/ de bzhin gshegs pa'i mdzad pa ni bsam gyis mi khyab bo/ /'di'i phyir bcom ldan 'das rdo rje phag mo ni zhu ba po'o//phyag na rdo rje ni sdud pa po ste/ de yang thun mong du bstan pa gtang pa nyid kyi phyir ro/ /yang na zhal bzhi pa la sogs pa'i sku ston pa po dang bstan par bya ba dang / ston pa po la sogs pa'i don ma lus pa rgyud kyis ston par grub ste/ bde bar gshegs pas gsungs pa yin te/ rgyu dang 'bras bu la sogs pa dang bde ba dang sdug bsngal la sogs pa dang 'dod chags dang zhe sdang la sogs pa dang legs par spyad pa dang nyes par spyad pa la sogs pa bzhin du byas pa ni ma yin no/ /'dir/ dpa' bo bye ba nyid dang yang //sangs rgyas bye bas legs par bshad/ /ces gsungs so/ /gzhan yang / 'das pa'i sangs rgyas rnams kyis gsungs/ /ma 'ongs rnams kyang gsungs par 'gyur/ /da ltar byung ba'i rdzogs sangs rgyas/ /yang dang yang du gsungs pa gang //rgyud chen sgyu 'phrul dra ba las/ /gang yang 'dir ni glur blangs pa/ /zhes bya bar gsungs so/ /'dir gsungs pa ni ston pa nyid de gzhung dang don thun mong du tshig dang yi ge la sogs pas sangs rgyas kyis dus nges pa med par ston bzhin pa'i dpal 'khor lo sdom pa'i rgyud la 'jug par byed de/de nyid ston par 'dod pas bcom ldan 'das kyis de nas de phyir zhes bya ba la sogs pa gsungs te/ bcom ldan 'das kyis dpal bde mchog 'khor lo la lhag par mos pa rnams kyi don du grangs 'bum pa'i rtsa ba'i rgyud las phyung ste/mdor bsdus pa la dga' ba'i don du ston to/ /rdo rje phag mo gsol ba 'debs pa yin la/ bcom ldan 'das kyis de nas de phyir zhes bya ba la sogs pas lan gsungs so/ /de nas zhes bya ba'i sgra ni rjes thogs te/ a tha zhes sogs phyis pa la lnga ba'o/ / rtsa ba'i rgyud bstan pa'i rjes thogs so/ /rtsa ba'i rgyud nyid bzhir bya ste gsang ba bshad par bya zhes sbyar ro/ /de la dpal 'khor lo sdom pa'i rgyud kyi don gzhan du bya bar mi nus te 'dir de nyid kyi don yongs su rdzogs pa'i phyir ro/ /bye brag ni gzhung bsdus pa tsam mo/ /yang na gang gi phyir rdo rje phag mos bdag la gsol ba btab pa'i rgyu'i phyir gsang ba bshad par bya zhes sbyor ro//rgyud las gsungs pa mnyan par gyis/ /zhes bya ba'i tshig gis gsol ba btab par grub bo/ /gang gi phyir gsol ba ma btab par chos bshad pa ni legs pa ma yin te/phar bskul nas chos bshad na mi gus pa srid pa'i phyir ro/ /gsol ba 'debs pa po lha mo yin par ji ltar nges she na/ gang gi phyir bla ma'i brgyud pa la rtsa ba'i rgyud de nyid kyis gsol ba 'debs pa yin no/ /de'i phyir 'dir yang de nyid gsol ba 'debs pa por go bar bya'o//kha cig ni bcom ldan 'das zhu ba po yin pas bcom ldan 'das ma ni ston pa po yin zer te/ de bzhin gshegs pa'i dgongs pa bsam gyis mi khyab pa'i phyir ro/ /ra ha zhes bya ba ni dus dang yul dang rang bzhin te skye 'gro thams cad kyi spyod yul ma yin pas so//dus ni 'das pa la sogs pa ste/ de yang rtag pa'i dus ni khyad par du zhes bya ba la sogs pas brjod do/ /yul ni yul phyogs so/ /de ni gsang ba zhes bya ba la sogs pa'i tshig gis brjod do/ /rang bzhin ni lhan cig skyes pa'i ngo bo ste/ de yang dpal he ru ka bsgom pa'i gnas su dam tshig gi spyod pa dang /gsol ba gdab pa dang mchod pa la sogs pa'i mtshan nyid do/ /yang na rdo rje 'chang chen po la gsang ba'i sgras brjod de/ de skye 'gro thams cad kyi spyod yul ma yin pa'i rang bzhin nyid kyi phyir ro/ /'di'i phyir thun mong du skye bo rnams kyis rtog pa dang bral bas dben pa nyid de de las byung ba ni gsang ba'o//de yang dpa' bo nyi shu rtsa bzhi dpa' mo sum cu rtsa bdun dang yang dag par ldan pa'i dpal he ru ka bsgom pa'i gnas dang dam tshig gi spyod pa la sogs pa ji srid pa ni rgyud kyis ston te 'di nyid kyi phyir de nyid brjod bya'o//de nyid kyi phyir yang dpal 'khor lo sdom pa'i don dang sku bshad par bya zhes bya'o/ /sku ni rjod byed du byas te sku rjod byed du byas pa nyid kyis brjod bya gsal bar byas pa nyid do/ /de nyid kyi phyir rjod par byed pa dang brjod par bya ba gnyis brjod bya rjod byed kyi mtshan nyid kyi 'brel pa'o//'di'i phyir rjod byed kyi dgos pa ni phyin ci ma log par brjod par bya ba ston pa'o/ /brjod par bya ba'i dgos pa ni 'di nyid yongs su shes par byas nas mngon du byed pa'o/ /de'i yang dgos pa ni chos ston pa la sogs pas 'gro ba'i don byed pa ste/mngon du ma byas na gzhan la ston par mi nus so/ /thabs dang thabs las byung ba'i mtshan nyid kyi 'brel pa ste/ thabs ni 'dir dkyil 'khor gyi 'khor lo la sogs pa'i mtshan nyid do/ /de yang ji ltar 'dod pa dang rjes su mthun par yul la nye bar longs spyod pas goms bzhin pa nyid kyi phyir ro//thabs las byung ba ni mi gnas pa'i mya ngan las 'das pa'o/ /de ltar yang / 'brel pa dang ni rjes mthun thabs/ /skyes bu'i don ni rjod byed pa/ /ngag ni yongs su brtags par rigs/ /de las gzhan ni brtag bya min//bdag gis re zhig bsdus pa'i don du gsol ba btab pa/ ci shes snyam pa'i rdo rje phag mo'i dogs pa bsu ba'i don du 'di nyid bshad ce na gsungs pa/ mdor bsdus pa ste zhes bya ste kun sdud pas na/ mdor bsdus pa ni nyung bar gyur pa'o/ /de la don nam gzhung gang yin snyam pa la rgyas par min zhes bya ste/min ni nges par gzung ba ste/ don bsdus pa kho na ma yin no/ /don la dogs pa bsal ba'i don du sgra bsdus pa yin gyi don ni ma yin no zhes bya ba'i don to/ /gzhung bsdus pa nyid du mngon par 'dod pa kho nar dgongs pa'o/ /don bsdus par ma yin par ji ltar shes na rgyas par zhes bya ba gsungs te/gang gi phyir don mang po nyid ni rgyas pa'o/ /gal te 'di la don bsdus pa yin pa de lta na ni mngon par 'dod pa'i don ni mi 'grub pa'i phyir dang / nam mkha' dang mnyam pa'i rgyud las ma bstan par 'gyur ro/ /nam mkha' dang mnyam pa'i gzhung las mdor bsdus nas/dpal 'khor lo sdom pa'i rgyud la lhag par mos shing 'dod pa'i gdul bya'i mos pa'i dbang gis ston pas gsungs pa'o/ /de ltar gang gi phyir 'dod chags la sogs pa'i gdul bya la 'dod chags la sogs pa de nyid ston te/ de ltar yang / ji ltar me yis tshig pa la/ /yang ni me yis gdung bar bya/ /de bzhin 'dod chags mes tshig la/ /'dod chags me yis gdung bar bya/ /zhes gsungs so/ /gzhan yang / 'dod chags bral ba lta bu'i sdig /khams gsum na ni gzhan med de/ /de phyir 'dod chags dang bral ba//nam yang khyod kyis mi bya'o/ /zhes bya'o/ /gsang ba'i tshig gi don gang bstan pa de nyid cung zad rgyas par 'chad de he ru ka dpal zhes bya ba gsungs so/ /kun rdzob tu zhal dang phyag la sogs pa'i gzugs su sbyor ba ni yang dag par sbyor ba'o/ /ga ta ni las kyi rkyen du byas pa'o//dpal ni gnyis su med pa'i ye shes su mngon par 'dzin no/ /he ni rgyu la sogs pa stong pa nyid do/ /ru ni smon pa dang bral ba'o/ /ka ni gang du yang mi gnas pa ste/ dpal he ru ka zhes bya bar gnas so/ /de yang / shrI ni gnyis med ye shes te/ /he ni rgyu sogs stong pa nyid ru ni tshogs dang bral ba ste//ka ni gang du'ang mi gnas pa'o/ /zhes gsungs so/ /gzhan yang / shrI ni gnyis med ye shes te/ /he yis rgyu ni spangs pa ste/ /ru ni gzugs las nges par grol/ /ka yis byed pa las grol ba'o/ /blta bar bya bas na gzugs so/ /byed pa ni dbang po la sogs pa'o//yang na/ hes ni bdud las rgyal ba ste/ /rus ni phyogs sgo thams cad 'gengs/ /ka ni rtog pa'i dra las grol/ /des ni he ru ka zhes brjod/ /he ru ka dpal rdo rje phag mo de dang ldan pa'i he ru ka la dpal he ru ka zhes bya ba ni tshig dbu ma phyis pa'i bsdu ba ste/ rims zhi bar byed pa'i sngags la rims kyi sngags zhes zer ba lta bu'o/ /yang dag sbyor ba nyid mi khyad par ro/ /gang gi phyir brjod par 'dod pas khyad par dang khyad par gyi gzhi zhes dgongs pa'o/ /de bzhin du dpal he ru ka yang dag par sbyor ba yang de'o/ /dpal he ru ka ni gsang ba'i sgra brjod par bya ba'i phyogs gcig go//de bshad par bya zhes sngon du song ba'i bya ba nyid dang sbyor ro/ /rang gi don phun sum tshogs pa dpal he ru ka bstan nas/ gzhan gyi don phun sum tshogs pa'i sgo nas de khyad par du byed pa ni/ thams cad ces bya ba la sogs pa gsungs so//thams cad ni dgra bo dang mdza' bo dang tha mal ba rnams dang lha dang lha ma yin la sogs pa'am/ sems can gyi 'dod pa ni mngon par 'dod pa ste yid las 'dod pa'i bar ro/ /de rnams kyi don gyi yul ni yul te/ de yang bde ba ma rnyed pa rnyed pa dang /rnyed pa mi 'bral ba dang / sdug bsngal byung ba dang mi sbyor ba dang / ma byung ba mi bskyed par de la sgrub pa pos mngon du byed pa'o/ /sgrub pa po thun mong dang thun mong ma yin pa gang zhe na/ bla ma las zhes bya ba la sogs pa gsungs so/ /gtso bo las kyang gtso bo ste/he ru ka dpal sbyor ba la 'jug pa'i yan lag tu gang gi phyir gtso bo nyid du bstan pa'o/ /gtso bo ma yin na de las lhag par mos pa yang gtso bo nyid ma yin par grub pas mi 'jug ste/ de rnams de la gtso bo ma yin pa'i blo med do/ /gtso bo yang de las lhag par mos pa rnams la gtso bor bstan pas 'jug ste/'di nyid chos nyid de thun mong ma yin par 'dod pas so/ /gang gi phyir bla mar gyur pa'i lha gzhan yod kyang de las kyang bla mar gyur pa'i lha dpal he ru ka zhes dgongs pa'o/ /yang na phul du byung ba'i bsod nams dang ye shes kyi tshogs la shin tu sbyor bas nyan thos la sogs pa las bla ma bcom ldan 'das te/'dis ni rang gi don phun sum tshogs pa dang thabs phun sum tshogs pa bstan to/ /bla ma las bla ma yin pa ji ltar yin zhe na/ mkha' 'gro zhes bya ba la sogs pa gsungs so/ /DA ni dmigs pa med pa'i ye shes bdag nyid kyis mngon du byed nus pa 'di'i ngang tshul lo zhes pa DA yi ni ste/nges pa'i tshig gis kar byas pas DA ki nI'o/ /gang gi phyir Dai ni nam mkha' la 'gro ba ste/ 'dir skad kyi byings las rnam par dag pa nam mkha' la 'gro ba ni bya ste de dang 'dra bas thabs dang ldan pa ni nam mkha'o//de yang 'dir dmigs pa med pa'i lam gyi gshog pas 'gro ba'o/ /dmigs pa med pa'i ye shes rnal 'byor pas thabs dang mngon du byed pa'o/ /de rnams kyi ye shes ni nam mkha' ste/ de las 'gro ba ni gnas te 'dir 'gro ba ni gnas pa'i don to//de yang ngal sos te mi dmigs pa'i ye shes mngon du byas nas gzhan kun du spyod pa 'gags te/ 'di ni gzhan du spyod pa med pa'o/ /de'i ye shes ni shes rab ste shes rab kyi rang bzhin nyid kyi phyir mkha' 'gro ma ni stong pa nyid do/ /dra ba ni thabs te gang gi phyir dra bas nya la sogs pa sdom par grub po//gang gi phyir thabs kyis nyon mongs pa'i nya la sogs pa nyid bsdams pas ci yang mi byed de/ de nyid kyi sdom pa ni bde ba ste kha na ma tho ba phyir bsal nas sdom par byed pas mkha' 'gro ma'i dra ba sdom mo/ /sham ni bde ba'i tshig nyid de/ /sham ni bde bar brjod pa bya//zhes gsungs pa'i phyir ro/ /gang yang 'jig rten pa rnams ni sham gyi sgra ni rkan las byung bar 'dod do/ /yang na mkha' 'gro ma dang lA ma la sogs pa rnams rang las sprul zhing 'chang bas na byings so/ /'dis ni gzhan gyi don phun sum tshogs pa dang thabs phun sum tshogs pa'i sgo nas khyad par du byed de khyad par gsum gyis khyad par du byas pa'i dpal he ru ka yang dag par sbyor ba bshad par bya zhes sbyar ro//'dir ni su'i mtha' can dang ti'i mtha' can gyi tshig thams cad du bshad par bya'o/ /mtshams sbyar ni dgongs pa ste/ thos pa dang bsam pa la sogs pa yang dang yang du byed pa'o//rgol ba ni mi mthun pa'i phyogs su byas nas rgol ba'o/ /lan ni brgal pa yongs su spangs pa'o/ /gong du bstan pa gang 'og nas 'byung ba'i gnas skabs su rang gi blos dpyad cing go bar bya'o/ /'di thams cad gang du gnas nas bdag gis bshad ces pa la gsang zhes bya ba la sogs pa gsungs te/gsang ba'i sgras ni ye shes dang thugs dang gsung dang sku dang / dur khrod du grags pa'i 'khor lo lnga la gnas pa dpa' bo dang bcas pa dang / dpa' bo med pa'i rnal 'byor ma sum cu rtsa bdun bzang po de la brten pas gsang ba ste rnal 'byor ma rnams kyis gnas su rung zhes bya ba'i don to//de yang gzhal yas khang pa'o/ /'dis ci zhig brjod ce na mchog ces gsungs te/ mchog ni mya ngan las 'das pa ste/ 'di ni gang ji srid pa'i 'bras bu 'dod pas na mchog go/ /yang na mchog ni dgra ste rgyu nyon mongs pa'o//de yang mchog ni spang zhing yongs su spang ste 'joms par byed pa yin pa de mchog ces bya'o/ /dgyes pa ni 'dis rol pa ste sgyu ma lta bur so sor snang zhing gsal bzhin pa nyid kyi phyir ro/ /'di'i phyogs gcig yin pa nyid kyi phyir dgyes shing rol pa de mngon du byed pa la yang thams cad nas ma yin pa'i phyir bde ba zhes bya ba la sogs pa gsungs so//thams cad ni brtan pa dang g.yo ba la sogs pa'i bdag nyid gang yin pa de thams cad bdag nyid de gzhal yas khang pa'o/ /de la gnas pa ni de las gzhan du 'gro ba ldog ste 'gro bar bya ba las gzhan med pa'i phyir ro//rtag tu zhes pa ni 'khor ba ji srid kyi bar ro/ /gnas phun sum tshogs pa yod du zin kyang gnas phun sum tshogs pa med par 'gyur ro zhes pa la/ mkha' 'gro kun dngos sems dpa' ni/ /zhes pa la sogs pa gsungs te/mkha' 'gro kun ni mkha' 'gro ma dang lA ma la sogs pa ste/ de yan lag tu gyur pa'i lus dran pa nye bar gzhag pa la sogs pa'i rang bzhin nyid kyi phyir de'i yan lag dang nying lag nyid kyis bdag nyid chen po'o/ /yang na dbang po dang bcas par smras na tshig chad ma nyid du 'gyur ba'o//mkha' 'gro kun zhes bya ba la sogs pas 'khor bstan to/ /gzhan gyi don mi byed pa ni ston pa po bdag nyid che ba ma yin no zhes pa la/ sems dpa' zhes bya ba gsungs te/ sems can gyi don byed pa la zhugs pa nyid kyi phyir sems dpa'o/ /de ltar gyi don yang gang gi yin par nges zhes pa la/rdo rje sems dpa' zhes gsungs te dbyer mi phyed pa'i bsam pa ste/ mi phyed pa la lhag par mos/ /zhes dgongs so/ /don dam pa'i rnam par rtog pa yang don rab tu bsgrub pa'i nus pa med do zhes pa la/ bde ba zhes gsungs te/ bde ba ni shin tu bde ba ste/stong pa nyid do/ /don dam pa dang don dam pa ma yin pa gnyis la chags pa dang bral ba'i phyir ro/ /'di yang bya ba'i khyad par yin no/ /dngos po med pa la lhag par mos pa ni mdzes pa ma yin zhes pa la/ mchog ces gsungs te/ gzhan gyi don la dga' bas na mchog go//'di ni bya ba'i khyad par yin pa de rdo rje sems dpa' zhes bya ba'i don to/ /gnas la sogs pa phun sum tshogs pa'i bdag nyid dpal he ru ka yang dag par sbyor ba bshad par bya zhes sbyar ro/ /gal te dpal he ru ka yang dag par sbyor ba khyod kyis dngos su mngon du byas na de ji ltar bshad ces snyam pa la/'di ni zhes pa la sogs pa gsungs te 'di ni nges par gzung ba'o/ /'di ni dpal he ru ka nyid yang dag par sbyor ba rang nyid ni bdag yin pas dpal he ru ka yang dag par sbyor ba bshad ces bya'o/ /dpal he ru ka yang dag par sbyor ba'i ngo bo nyid mngon du byas nas de nyid ston no zhes dgong so//de ltar yin yang khyod yon tan gyi gnas ma yin no zhes pa la/ rang byung zhes gsungs te/ stobs bcu dang mi 'jigs pa la sogs pa sangs rgyas kyi yon tan 'byung ba'i sa gzhi de yin no/ /de gang yin zhes pa la/ bcom ldan 'das zhes pa la sogs pa gsungs te/dbang phyug dang ni gzugs bzang dang / /dpal dang grags dang ye shes dang / /brtson 'grus phun sum tshogs pa ste/ /drug po 'di la ldan zhes bya/ /bcom pa dang ldan pas na bcom ldan 'das so/ /bcom pa dang ldan pa nyid ji ltar zhes pa la/dpa' zhes gsungs te/ nyon mongs pa'i g.yul las rgyal bas na dpa' bo'o/ /de ltar yang / nyon mongs la sogs bdud rnams ni/ bzhi po bcom pas bcom ldan no/ /nyon mongs pa dang phung po dang 'chi bdag dang lha'i bu'i bdud rnams bcom pa'o/ / gzhan yang / nyon mongs la sogs bdud 'joms pas/ /'joms phyir bcom ldan zhes su brjod/ /de ltar nyon mongs pa cis bcom/ /zhes pa la/ mkha' 'gro zhes pa la sogs pa gsungs te/ mkha' 'gro ma ni shes rab ste/ de yang chos rab tu rnam par 'byed pa'i ngo bo nyid de bzhin nyid kyi rang bzhin no//dra ba ni nyon mongs pa'o/ /sdom pa ni de la yid bsrung ba'o/ /mkha' 'gro ma rgyur gyur pa gang yin pas dra ba la sogs sdom pa de ni mkha' 'gro ma'i dra ba'i sdom mo/ /ji ltar mkha' 'gro ma'i dra ba sdom pa de bzhin du bdag nyid dpa' bo yin pas dpal he ru ka yang dag par sbyor ba bshad ces pa'i don to//de ltar yang / nyon mongs shes rab kyis 'joms pas/ /de phyir shes rab bcom ldan brjod/ /ces gsungs so/ /nyon mongs pa las rgyal ba de yid bsrung ba'o/ /dra ba ni gti mug gi don te/ des kyang nyon mongs pa thams cad bsdus pa'o//gang yang nyon mongs pa rnams kyi rtsa ba ni bdag tu lta ba'o/ /de ltar yang / skyon gyi rigs rnams thams cad ni/ /bdag tu lta bar gyur las byung / /de yang ma rig srid pa las/ /de la nyes pa la sogs 'byung / /gti mug nyes pa rnams kyis ni//'byung gnas su ni rab tu brjod/ /bdag tu lta ba spangs ba yis/ /nyes pa thams cad spong bar 'gyur/ /zhes gsungs so/ /nus pa dang ldan pa'i rgyu yod na 'bras bu 'byung ngo zhes bya ba'i don to/ /mkha' 'gro ma thams cad kyi 'khor gyis bskor ba'i dpal he ru ka yang dag par sbyor ba de lta bu bdag gis bsdus nas bshad do zhes bya ba'i don to//rang 'byung zhes bya ba ni rgyu dang 'bras bu'i ngo bo nyid la sogs pa rang gi ngo bo nyid kyis yod do zhes kha cig zer te/ don dam par rgyu dang 'bras bu la sogs pa ngo bo nyid kyis yod pa ma yin no//re zhig da ltar ba 'di 'bras bu ma yin te/ yod pa dang med pa las skye ba dang bral ba'i phyir ro/ /gang yang yod pa ni mi skye ste/ yod pa nyid kyi phyir ro/ /rgyur mngon par 'dod pa'i dngos po bzhin no/ /gal te dngos po yod pa yang skye'o zhe na/ dngos po 'jig pa med par thal ba'i phyir ro//gal te 'jig par 'dod do zhe na/ sngon gyi dngos po nyams pa las sngon ma byung ba skye na/ dngos po yod pa las skye ba med pa dang / gal te sngon gyi dngos po nyams pa las sngon ma byung ba skye ba de lta na yang yod pa las skye ba ste/ sngon med pa dang lhan cig skye ba nyid yin pa'i phyir ro zhe na/lhan cig tu skye ba ni med de sngon nyid nyams pa'i phyir ro/ /gang gi phyir sngon gyi dngos po nyams pa dang da ltar gyi dngos po yod pa'i phyir med pa dang 'dra ba bskyed par mi nus pas kyang yod pa las skye ba med do/ /gal te yod pa las skye bar mi 'dod pa ma yin nam/yod pa ji ltar 'gyur/ gang gi phyir skye ba med pa'i ri bong gi rwa la sogs pa ni yod pa ma yin no/ /don byed nus pa'i mtshan nyid dang ldan pa'i phyir dngos po nyid yin no/ /don gyi bya ba la sbyor mi nus pa'i phyir mi'i rwa la sogs pa bzhin du don gyi bya ba don du gnyer bas rtag pa'i dngos po gang yang khas len par mi byed do//yang na yod pa skye ba yin par khas blangs su zin kyang de rnams las skye ba med de bkag pa nyid kyi phyir ro/ /med pa yang mi skye ste 'og nas sun 'byin pa'i phyir ro/ /yod pa dang med pa las skye ba med de phan tshun spangs te gnas pas bdag nyid gcig pa med pa'i phyir ro//gnyi ga ma yin pa'i phyogs la yang skye ba med de dus gcig tu yod pa dang med pa gnyi ga bkag pa'i phyir ro/ /yod pa dang med pa las phyin ci log tu gyur pas yod pa dang med pa'i ngo bo nyid ma yin pa'i phyir logs shig na mi srid do//de srid kyang mi rtag par 'dod pas rgyu dang 'bras bu nges par yod par thal bar 'gyur te 'bras bu yod pa la rtsod pa 'gog pa'i skabs yin pa'i phyir ro/ /don gyi bya ba la sbyor ba med de yod pa las kyang skyer mi btub pa'i phyir ro/ /des thun mong du dngos po thams cad gcig dang du ma'i rang bzhin du med de skye ba bkag pa nyid kyi phyir ro//dngos po rang bzhin med par sgrub bzhin pa'i phyir skye ba med pa dang ldan pas rtag tu dngos po med pa nyid du 'gyur ro zhe na/ 'dir lan gdab par bya ste/ skye ba'i snga rol na yod pa gcig skye'am med pa gcig skye/gal te yod pa las skye'o zhe na/ yod pa las skye ba ma yin te thams cad kyis gcig dang du ma'i rang bzhin du med de yod pa'i bdag nyid du grub pa'i phyir ro/ /med pa las kyang mi skye ste 'og nas 'gog pa'i phyir ro/ /yang na nus pa'i ngo bo nyid kyi rgyu'i bdag nyid gsal ba'i bdag nyid kyis yod pa bskyed do zhe na/gsal ba'i ngo bo nyid du gyur pa'i bdag nyid bskyed pa de yod pa zhig yin nam med pa zhig yin/ gal te rgyus byas pa'i sngon rol du yod pa yin na/ nus pa bzhin du mi skye bar 'gyur te/ gtan tshigs ni gong du song ba'i rim pa nyid kyi phyir ro//yang na med par 'dod na de'i tshe 'bras bu yod par smra ba nyams par 'gyur ro/ /'bras bu med par smra bar thal bar 'gyur ro/ /nus pa dang gsal ba gcig tu 'dod na/ yod pa dang med pa'i phyogs kyi skyon du 'gyur ro/ /tha dad pa'i bdag nyid yin na sngon du bstan pa'i skyon nyid kyis so//gzhan yang nus pa 'di rgyu'i bdag nyid yin nam/ 'bras bu'i bdag nyid yin/ rgyu'i bdag nyid yin na/ de nyid skye ba'i sngon rol du yod pa nyid kyi phyir 'bras bu ma yin pas 'bras bu yod par smras pa nyams so/ /'bras bu'i bdag nyid yin na 'bras bu'i dus na nus pa med do//de'i bdag nyid yin na sngon med par ji ltar 'gyur/ rgyu'i bdag nyid la nus pa'i ngo bo nyid 'bras bu yod pa yin na nus pa ma yin te/ gsal ba yang mi srid pa'i phyir ro/ /rgyu dang 'bras bu gnyis las nus pa don gzhan du gyur pa yin na de nyid ma yin pa gnyis brjod du yang med pa'i phyir ro//nus pa ni rgyu yang ma yin la 'bras bu yang ma yin no/ /gal te rgyu yang ma yin 'bras bu yang ma yin na/ cung zad dgag pa dang sgrub pa med pas gnod pa med do/ /gzhan yang dngos por gyur pa thams cad kyi rgyu dang 'bras bu bkag pas grol bar 'dod pa bkag pa'i yul grub ste sems phyin ci ma log pa thar pa grub pa ni 'dod pa kho na'o//nus pa dang ldan pa las ma gtogs pa don gzhan du gyur pa'i nus pa med de rang gi ngo bo bum pa la sogs pa bzhin du de dmigs pa yin pa las bye brag tu mi dmigs pa'i phyir ro//mi dmigs pa'i mtshan nyid du gyur pa de 'bras bu dang rgyu'i tshogs pas nus pa yod pa de med na med pa la 'bras bu rnam par shes pas mig la sogs pa bzhin du yod par dgag cing sgrub par mi nus so/ /rtag pa nyid yin pas 'bras bu bskyed par mi nus pa'i phyir ro//de med pas dpe mi 'grub po/ /de nyid dang gzhan du brjod du med pa yang thun mong gi rigs pa'i rim pa 'di yis sun phyung bar bya'o/ /de bzhin du lkog tu gyur pa thams cad la yang go bar bya'o/ /gal te skye ba'i dngos po bdag nyid yod pa yin na dngos po yod par ji ltar 'gyur/gzhan yang skye ba med pa yod par rtogs na/ de lta na ni skye ba'i sngon rol du skye ba med pa'i dngos po yod par bstan par 'gyur ro/ /gang gi phyir dngos po yod pa'i don du skye bar 'dod na gal te yang skye ba med par yod par grub na/ de'i tshe skye ba dgos pa ci yod/skye ba med pa'i dngos po yin no zhe na/ ma yin te de la sngon du bstan pa'i skyon nyid kyi phyir dang / gzhan yang brjod par bya ste/ gal te skye ba'i sngon rol na yod pa yin la cha shas cung zad ma grub pas de'i don du skye ba don med pa ma yin no zhes pa'i phyogs la yang brjod par bya ste/de ni mi rigs te 'bras bu yod par smra bar thal ba'i phyir ro/ /yod pa dang med pa gcig tu mi btub pas yod pa'am med par thal ba'i phyir ro/ /de la skyon yang bstan pa'i phyir/ /gsal ba'i phyogs ni sngon du sun phyung ba'i phyir ro/ /gal te blangs par bya ba nyid du de bskyed par bya'o zhe na/'di'i phyogs kyang mi rigs te gang gi phyir dang po bdag nyid thams cad kyi ngo bo nyid kyis skyes pa nyid du grub nas yod pa la/ de bzhin lan gnyis su bskyed pa don med pa'i phyir ro/ /'bras bu yod par smra ba'i skabs yin pa'i phyir skye ba'i sngon rol bas kyang snga bar yod de sngon du bskyed pa mi rigs pa'i phyir ro//skye ba med pa'i phyogs kyang sngon du sun phyung ba'i phyir thams cad du yod pa skye bar mi rigs so/ /gal te yod pa skye ba med pas na med pa skye bar 'gyur ro/ /gang gi phyir de bzhin du mer mer po la sogs pa'i rgyu la lan brgyad tsam du zin kyang lag pa dang rkang pa la sogs pa bzhin nying lag tshogs pa'i bdag nyid kyi lus 'bras bur gyur pa dmigs pa'i mtshan nyid yin pa las ma dmigs pa'i phyir med pa nyid do//gang gi phyir de bzhin du gzugs dang snang ba dang mig dang yid la byed pa rnams dang mdun na snang ba'i gzugs sngon po la sogs pa las mig gi rnam par shes pa ni gzhan no//rna ba dang sgra dang yid la byed pa rnams dang / gling bu dang pi wang la sogs pa dang / sngon po dang dmar po la sogs pa brjod pa dang mi brjod pa yid du 'ong ba dang mi 'ong ba'i sgra dang bral ba ni/rna ba'i rnam par shes pa ma yin no/ /sna dang dri dang yid la byed pa rnams dang / tsam pa ka dang ba ku la la sogs pa'i yid du 'ong ba dang yid du mi 'ong ba dang bar ma'i drir sna'i rnam par shes pa yod pa ma yin no/ /lce dang ro dang yid la byed pa rnams dang / tsha ba dang kha ba dang bska ba la sogs pa ror snang ba ni lce'i rnam par shes pa ma yin no//lus dang yid dang reg bya rnams dang 'jam pa dang rtsub pa la sogs pa reg byar snang ba ni lus kyi rnam par shes pa ma yin no/ /'das ma thag pa dang / mi gzhan yid la byed pa dang / sngon po la sogs pa gzugs su snang ba ni rjes las thob pa'i shes pa 'di ni sngon po'o zhes rnam par rtog pa'i shes pa ni rnam par mi rtog pa'i sngon po la sogs pa gzugs kyi rnam pa nyid kyi shes pa gzugs sngon po la sogs pa'i yul la yod pa ma yin no//de bzhin du drug po 'gags ma thag pa'i rnam shes gang yin pa de yid do zhes bshad pa nyid kyi phyir ro//de bzhin du so sor skyed pa po sgra dang dri dang ro dang reg bya so sor snang ba ni rna ba dang sna dang lce dang lus dang de ma thag pa'i rnam par shes pa 'byung ba ni sgra la sogs pa dngos po med pa la 'di yin no zhes rnam par rtog pa'i shes pa la rnam par mi rtog pa'i sgra la sogs pa so sor snang ba ni rna ba la sogs pa'i shes pa la yod pa ma yin no//rnam par rtog pa'i shes pa ni sngon po la sogs pa 'di yin zhes bya ba la sogs pa'i ngo bo nyid du skye ste/ rgyu de la ni yod pa ma yin no/ / rnam par mi rtog pa yang mdun na gnas pa'i sngon po la sogs pa'i gzugs so sor snang ba la/ rnam par shes pa snga ma snga ma las rgyu gcig gis bsdus pa'i phyi ma skad cig ma gnyis par 'byung ba ni mdun du gnas pa sngon po la sogs pa'i gzugs gzhan dang gzhan yul du bya ste/rnam par rtog pa'i shes pa bskyed de/ de yang rgyu la yod pa ni ma yin no/ /de ltar yul gzhan la yang blta bar bya'o/ /gang la rigs mthun pa'i rgyud gcig gis mtshan nyid la gzhan dang gzhan 'byung ba yod pa dang / gang du rgyud gcig tu 'jug pa med pa yin la/de yang rnam pa thams cad du gcig tu rgyun mi chad pa med pas gzhan yang rgyud nye bar gyur pa'i rnam par mi rtog pa dbang po'i shes pa sgra la sogs pa'i yul tshogs pa thun mong sngon sgra la sogs pa 'dzin pa'i rnam par mi rtog pa la sogs pa'i dbang po'i shes pa la/rjes su rtog pa med pa dang rtog pa dang bcas pa yang de'i yul skye bar 'gyur ro/ /rgyu de la de yang yod pa ma yin no/ /khar ba'i dril bu'i sgra ji bzhin dang / chu'i gnyer ma bzhin du sgra'i rgyun la 'jug par 'dod do/ /de'i 'dod pas sngon gyi sgra'i rnga skad cig 'dzin pa'i rna ba'i rnam par shes pa mi rtog pas phyis sgra'i skad cig mi 'dzin pa'i rna ba'i rnam par shes pa rtog pa med pa'am/gzhan yang rtog pa dang bcas pa'i sgra'i mdun nam gzhan yul can gyi shes pa skye bar 'gyur ro/ /'chad pa'i dus su yang snga ma snga ma'i rnam par rtog pa las phyi ma phyi ma'i rnam par rtog pa sems la 'byung ngo //'o na dang po nyid kyi rnam par rtog pa rtog bcas gzhan skyed byed de gang las skyes she na/ 'di la ni nges pa med de/ kha cig tu dga' ba dbang po'i shes pa gcig las sam mang po las kyang skye bar 'gyur ro//ji ltar gnyid 'thug pos non pa la/ glo bur du dbyug pa lhung bas de dang phrad pa'i reg bya'i yul la/ lus kyi dbang po'i shes pa byung ba ni skyes bu la lus kyi dbang po'i shes pa skye ba yin no/ /kha cig tu thog chen po lhung ba las rtog pa med pa las rna ba'i rnam par shes pa skye ba yin no//kha cig tu a ga ru dang tsan+dan dang / ga pur la sogs pa byugs shing zos pas sna'i bu ga rgyas te/ sna'i dbang pos shes pa dri'i yul spyod do/ /kha cig tu tsha ba dang kha ba dang bska ba la sogs pa'i rdzas lce dang phrad pa'i lce'i dbang po shes pa mi rtog pa yul ro la skye ba yin no//kha cig tu reg bya shes pa'i rjes la mig phye bas bla ma la sogs pa'i skye bo'i yul gzugs mthong bas ni mig gi dbang po'i shes pa skye'o/ /kha cig tu dbang po'i shes pa thams cad nub nas rtog pa dang bcas pa'i gtso bo yid la sogs pa shes pa sdun ma las rjes su byed pa'i shes pa rtog pa dang bcas pa las kyang rtog pa dang bcas pa gang yin pa skyes so//de nyid dus gcig tu dbang po'i shes pa lnga'am drug las skye bar 'gyur ro/ /ji ltar rnam par shes pa drug gi rjes su gnyid kyis log pa'i dus su sngon du bsam pa'i don rmi lam na brjod par snang ngo //gal te zhe na ri bong gi rwa la sogs pa bzhin du med pa las skye na/ thams cad las kyang thams cad skye bar thal bar 'gyur ro zhe na/ gang gi phyir 'gro ba'i bskyed bya skyed byed la sogs pa ni sgyu ma lta bu'o/ /'o na dbang po'i shes pa rtog pa med pa yin la rtog pa dang bcas pa ma yin par ji ltar shes pa yin zhe na/'di la re zhig phyi rol gyi don yod pa mdo sde bar gnas pa'i phyogs la byis pa rnams kyis rtogs par bya ba'i phyir ji ltar dran pa phyogs tsam cung zad brjod par bya ste/de la dngos po ni shes pa dang shes bya gnyis su gnas so/ /gzhan gsum po la sogs pa ni yod pa ma yin no/ /byed pa po dang byed pa la sogs pa yang de nyid kyi khongs su bsdus pa'i phyir ro/ /gang gi phyir de bzhin du rtog pa'ang tshad ma shes pa sngon du 'gro bas brtag par bya ste/tshig gi don rnam par gzhag pa ni tshad ma nyid dang 'brel ba'i phyir ro/ /gzhan du na 'di lta bu'i gzugs 'di na med ces pa dang / 'di ni 'di na med do zhes pa'i yul gzhan dang dus gzhan dang / rang bzhin gzhan phan tshun spangs pas yul gzhan la sogs pa rtog pa med do//gnyid 'thug po'i gnas skabs bzhin du sngon nyid las phan pa thob pa dang / mi phan pa spong ba'i bdag nyid tha snyad 'gro ba rnams la med par 'gyur ro/ /gang yang yul dang dus kyi bskal pa de yang de'i yul dang dus rnams ni de nyid kyi dus na shes bya dang shes byed kyi ngo bo nyid do//rang bzhin gyi bskal pa gang yin pa yang don gyi bya ba byed ba de thams cad mkhyen pa 'dod chags dang bral ba nyid la sogs pa yang shes bya'i tshogs su gnas so/ /gang yang don gyi bya ba mi byed pa ni ri bong gi rwa la sogs pa bzhin du yang phyi rol la mi gnas pa'o//thog ma med pa'i rnam par rtog pa'i bag chags 'ba' zhig las gyur pa'i rnam par rtog pas byas pa'i shes bya ni don dam pa ma yin pa nyid do/ /dngos po ni gnyis kho na ste/ de la shes pa dang shes bya gnyis bdag nyid gcig pa nyid med do/ / de'i bdag nyid gcig pa yin na shes pa nyid dam shes bya nyid gnyis su dbyer med par 'gyur ro/ /de yang ma yin te gnyis po ni phan tshun ltos pa nyid kyi phyir ro/ /shes bya'i phyogs yin na ni 'gro ba rnams long ba dang lkugs pa lta bur 'gyur ro/ /shes pa las gzhan med na shes pa'i phyogs la shes bya nyid shes pa nyid yin pa'i phyir phyi rol gyi don mthong ba med par 'gyur ro//phyi rol gyi don yod par smra bas de lta bu de yang mi 'dod do/ /de la gnyis po phan tshun spangs te gnas pa yin te/ shes pa'i bdag nyid shes bya'i bdag nyid du mi 'gyur ba'i phyir ro//shes pa nyid gzhan gyis gsal bar byed pa ma yin la rang nyid gsal bar byed pa yin te/ shes bya gsal bar byed pa'i bdag nyid ma yin pa'i phyir ro/ /de'i bdag nyid yin na sngar bstan pa'i skyon du thal bar 'gyur ba'i phyir ro/ /shes pa yang gsal ba nyid ma yin na shes bya'i bdag nyid kyi skyon du 'gyur ro//gzhan gsal ba yin na/ gzhan yang de bas lhag ba'i gsal byed nyid yin no/ /gzhan yang rang gsal bar 'gyur ba'am/ gzhan gyi gsal byed du 'gyur ro/ /gzhan du na gzhan 'dis gsal byed yin zhes bya bar mi 'gyur la/'di yang gsal ba yin zhes bya bar yang mi 'gyur ro/ /rang nyid gsal ba'i ngo bo nyid yin par 'gyur te/ de gsal bar ma gzung yang gsal byed nyid yin pa'i phyir ro/ /gzhan du na sgrub par mi nus te de'i gsal bar byed pa nyid rtogs par dka' ba yin te/gsal byed ma bzung bas ni gsal byed nyid du mi 'grub pa'i phyir ro/ /gang gi phyir gsal byed nyid du bzung ba ni gsal ba nyid du rtogs kyi gzhan du ni mi 'grub bo/ /de rtogs pa yang gsal byed nyid kyis rtogs pa yin na/ phan tshun ltos pa'i skyon du 'gyur ro//'o na gang gi phyir yang dngos po'i rang bzhin yin te de'i rang bzhin gyis gzhan nye bar bsgyur te/ ji ltar dmar po'i rdzas dang sbyar bas dkar po'i rdzas kyang dmar por 'gyur ro/ /de ltar nag po'i rdzas kyis nag por 'gyur la/ ljang gus ljang gu zhes bya ba la sogs pa'o//mar me'i 'od kyis kyang gsal bar byed de snang ba dang bcas pa'i gzugs su 'gyur ro/ /gang yang rang nyid gsal byed kyi bdag nyid ma yin na de bdag nyid dang gzhan mi gsal ba ji ltar gsal bar 'gyur/ gang gi phyir dbyig pa'i mi gsal ba'i bdag nyid kyis mun pa'i bum pa la sogs pa gsal bar mi 'gyur te/mar me la sogs pa len pa med par thal bar 'gyur ba'i phyir ro/ /gal te gzhan gsal ba'i ngo bo nyid blangs pas gzhan gsal bar byed do zhe na/ de ni ma yin te gsal bar byed pa'i ngo bo nyid dang mi ldan pa'i phyir ro/ /gang gi phyir de bzhin du gang gzhan ma yin pa de la re zhig rang gi ngo bo nyid gsal byed ma yin pa'i phyir gzhan ji ltar gsal bar byed/ de gzhan gyis gsal bar byed pa'i ngo bo nyid yin na de yang gzhan gyis byed dgos pas thug pa med par 'gyur ro//cung zad kyang gsal bya dang gsal byed med pas 'gro ba long ba dang lkugs par 'gyur ro/ /de yang gang 'di nyid dang 'di nyid ma yin pa la sogs pa yul dang dus dang rang bzhin sgrub pa dang dgag pa'i bdag nyid kyi tha snyad med pas tha snyad thams cad rgyun chad par 'gyur ro//de ltar yang ma yin no/ /des ni gzhan gyi phyogs sun phyung ba'o/ /gang gi phyir shes pa rang nyid gsal bar byed pa'i bdag nyid yin na/ de lta na yang de'i shes bya ji ltar gsal bar byed par 'gyur/ gang gi phyir shes pa'i ngo bo nyid ni shes bya mi 'dzin la shes bya rang gi ngo bo nyid kyang shes pa mi 'dzin pa'i phyir ro//de gnyis shin tu tha dad par ni gong du bsgrubs zin to/ /gal te shin tu tha dad pa yin du zin kyang dmar po'i rdzas dang dkar po'i rdzas sbyar bas dmar por 'gyur ba bzhin dang /mun par gnas pa'i snam bu la sogs pa sgron ma la sogs pa'i 'od gsal ba'i dngos po dang nye ba las gsal ba de bzhin du shes pa dang nye ba las shes bya gsal bar byed pa yin no zhe na/ ma yin te/ shes pa dang shes bya dag shin tu tha dad pa'i dpe mi 'grub pa'i phyir ro//gang gi phyir de ltar dpe zhes bya ba ni shes bya'i bdag nyid yin la shes pa'i bdag nyid ni ma yin no/ /de gnyis ni shin tu tha dad pas shes pa'i bdag nyid ni gsal ba'i bdag nyid du snang ba bzhin ma yin la/ de'i bdag nyid med pa'i rang bzhin ni dpe yin la/gang yang dper 'gyur ba ni gang gi phyir tshad mas grub pa'i don ni dper grub pa yin pa la de yang tshad ma las tha dad pas gnas pa yin no/ /de gsal bzhin pas de'i bdag nyid ma yin pa ji ltar gsal bar byed/ de ltar dpe grub pa med pas 'dod pa'i don cung zad kyang mi 'grub bo//'gro ba thams cad 'on pa dang lkugs pa la sogs par 'gyur ro/ /gang gi phyir de ltar shes pa skyes pa'am ma skyes pa yin na/ skyes pa'i phyogs la gzugs la sogs pa'i rgyu yod pa las 'gyur ro/ / de yang med na mi 'gyur te rnam pa dang bcas pa'am/ rnam pa med pa'am gzhan gyi rnam pa can du 'gyur ro/ /de la dang po'i phyogs la de'i bdag nyid dang de las byung ba gnyi ga'i 'brel pa ni shes bya dang shes pa dag la med do/ /tha dad pa'i shes bya gsal ba'i bdag nyid kyis ji ltar rtog par 'gyur te mi 'gyur ro//de ltar shes bya las skyes ba med pas shes pa de'i rnam pa can med do/ /shes pa de'i rnam pa can du rtogs pa med pas kyang don rtogs pa ni btags pa tsam du grub kyi thams cad du don rtogs pa ni med do/ / rtag pa dang mi rtag pa dang yod pa dang med pa'i phyogs la de'i bdag nyid dang de las byung ba med pa'i phyir dang tha dad pa nyid kyi phyir de'i rnam pa dang bral bas sngon bzhin du don bsgrub pa'i yan lag nyid du bsam par mi bya'o/ /de'i bdag nyid dang de las byung ba med pas 'brel pa gzhan yang brtag par mi rigs te de ni nye bar phan 'dogs pa'i phyir ro//phan mi 'dogs na ni sngar bstan pa'i skyon du thal bar 'gyur ro/ /phan 'dogs na de las byung ba'i phyogs su thal bar 'gyur te phyis dpyad par bya ba nyid yin pa'i phyir ro/ /thams cad du skya ba med pa'i phyogs ni gzhan sgrub par byed pa'i yan lag ma yin pa'i phyir ro//de ma yin pa'i phyogs ni de las byung ba'i phyogs so/ /de la gcig tu phyi rol gyi don gyis bskyed pa ma yin no/ /shes pa nyid don gyi rnam par snang ba yin gyi logs shig pa'i don gyis bskyed pa ma yin no//thog ma med pa nas rnam par shes pa'i rgyud las byung ba'i de ma thag pa'i rkyen gyi rmi lam gyi rnam par shes pa bzhin du rnam par shes par smra bas kyang de bzhin du gang gi phyir sgo bcad nas khyim du nyal te/ mig btsums te gnyid log pa las khang pa bas che ba'i tshad kyis glang po che dang /rta la sogs pa'i rnam par shes pa glang po che la sogs pa med par yang don gyi rnam pa skye'o/ /de rmi lam na shes pa'i rnam pa snang ba yin gyi don rta la sogs pas byas pa ni mi rigs so/ /mig gi bya ba med kyang so sor snang ba'i phyir ro//gang gi phyir mig 'dzums pa yang long ba bzhin du gzugs so sor snang ba yod pa ma yin no/ /gal te mig gi bya ba yang de la nya bar dmigs pa yod do zhe na/ bden te de la nya bar dmigs pa yod do/ /de la nye bar dmigs pa med par ni mi grub po//'on kyang mig gi dbang po med pa nyid do/ /long ba dang gnyid log pa la de med kyang rmi lam na sngon po la sogs pa'i gzugs so/ /so sor snang ba ji ltar mi 'gyur ro/ /shi bar snang ba yang ji ltar mi 'gyur te rmi lam mam sad pa'i dus na yang med de de'i lus ni mes bsregs pa nyid yin no//ji ltar khang pa chung ngu'i nang du tshad shin tu che ba'i sa gzhi la gnas pa'i sdong po dang ri dang mtsho dang nam mkha'i dkyil du nyi ma'i gzugs brnyan so sor snang ste/ de rnams der zhugs pa'am gnas pa ni ma yin no/ /gnyid log pa las ma gtogs pa gzhan la snang ba med do//nyams pa med pa'i skyes bu thams cad la nye bar dmigs pa'i rgyus thun mong du don gyi ngo bo nyid de ltar nye bar dmigs so/ /gal te rmi lam na don yod pa yin na mkhan po la sogs pas bshad pa la sogs pa byed pa de ji ltar dmigs par mi 'gyur//gal te gnyid sad ba'i dus su dris pa la de thams cad med de mi dran pa'i phyir ro zhe na ma yin te/ thams cad du mi dran pa med pa'i phyir ro/ /gal te rmi lam gyi gnas skabs na don med na/ ci 'dod dpe tsam gyis gnyid sad pa'i dus su don gyis stong pa'i shes pa 'grub par 'gyur/gang gi phyir rab rib can gyi shes pa log pa yin pa bzhin du rab rib med pa'i shes pa log par 'gyur ram ste mi 'gyur ro/ /gang gi phyir de bzhin du rnam par shes pa 'khrul pa med pa de don gyis stong pa yang ma yin te mi slu ba'i phyir ro//don las skyes pa'i phyir slu'o/ /gzhan du shes pa don med pas 'byung na mi slu ba'i mtshan nyid kyis kyang don mi rnyed de log pa'i shes pa bzhin du 'gyur ro/ /de yang don las skyes pa ni don rjes su 'gro ba dang ldog pa gnyis dngos su dbang po'i shes pa la yod pa yin no//gang gi phyir de ltar rab rib la sogs pa'i skyon dang bral ba'i mig yod na shes pa yod la shes pa med na med do/ /mig 'dzums pa las gzugs dang snang ba dang / yid la byed pa yod kyang de med na med do/ /yang mig phye nas yod pa yin no/ de ltar na snang ba yod na yod de de med na med do/ /gzhan yang mig la sogs pa'i rgyu yod kyang yang sgron ma la sogs pa'i gsal ba yod na snang ba yin no/ /de ltar mdun du gnas pa'i bum pa la sogs pa'i gzugs yod par gyur pa yin no/ /snang ba la sogs pa yod kyang de med na med do//yang de yod na yod pa yin no/ /de bzhin du yid la byed pa yod pas rnam par shes ba skye'o/ /de med na med do/ /bum pa la sogs pa yod kyang gnyid 'thug pa'i gnas skabs su med do/ /yang de sad na yod do/ /de la re re gsal na rnam par shes pa skye pa med pas de thams cad kyi nus ba yin par dpag go//de bzhin du mig gis gzugs la 'jug gi sgra la sogs pa la ma yin no/ /mig gis sgra la sogs pa rtogs pa med de/ rna ba'i dbang po la sogs pa yongs su brtag pa don med par thal ba'i phyir dang 'on pa la sogs pa med par thal par 'gyur ro//de'i sgra la sogs pa skyed byed ma yin pa'i phyir gang de la snang ba yin skyed byed ma yin kyang snang na don thams cad mngon sum du gyur pas thams cad kyis thams cad shes par 'gyur ro/ /dbang po'i shes pa thams cad kyi gnas skabs 'di nyid do//mig la sogs pa'i rnam par shes pa gzugs la sogs pa'i gzugs brnyan gyis rnam pa can skye'o zhe na/ rnam pa med pa'am/ gzhan gyi rnam pa can dag don rtogs pa med de mi srid pa'i phyir ro/ / gang gi phyir ji ltar skyes bu rang gi de bzhin thams cad du mngon sum du mi 'gyur ba bzhin no/ /snang ba'i me long la de'i gzugs brnyan mthong bas des de rtogs pa'o/ /gzugs brnyan nyams su myong ba nyid rang gi bzhin gyi gzugs skyes bus nyams su myong ba'o//de la gzugs brnyan nyams su myong ba las gzhan dngos su nyams su myong ba ni mi srid do/ /de ltar don yod par smra ba thams cad nyid kyis kyang don gang du yang mngon sum du mi 'gyur ro/ /de la shes pa me long lta bu la gzugs brnyan nyams su myong ba nyid de nyams su myong ba'o//de mthong ba nyid don mthong ba'o/ /gang gi phyir rang gis don mngon sum du byas pa ni med do/ /de mngon sum nyid yin na mngon sum gyi bdag nyid kyis rnam par shes pa'i bdag nyid kyi phyir rnam par shes par 'gyur ro/ /mngon sum nyid kyis rnam par shes pa nyid bsgrub pas don ni ma yin no//gzhan yang don nyid mngon sum yin gyi rnam par shes pa ni ma yin no/ /de mngon sum ma yin pa nyid kyis thams cad mngon sum ma yin pa nyid du thal bar 'gyur ro/ /gzugs brnyan mngon sum du byas pas rang gi bzhin yang mngon sum du byas pa bzhin du de mngon sum nyid du bya ba ni mi rigs so//de'i phyir na don mngon sum ma yin no/ /de la gang yang sngon po'i rnam pa las shes pa gzhan gyi rnam par 'gyur na sngon po'i rnam pa ma yin no/ /rnam par shes pa de rtag pa'i ngo bo nyid du 'gyur ro/ /de nyid rang rig pa yin gyi de sngon po ni ma yin te sngon po'i rnam pa dang bral ba'i phyir ro//yang dag pa'i rig pa la yod pa dang med pa'i rnam pa dang bral ba ma yin no/ /ser po'i shes pa dang mi 'bral ba'am/ sngon po dang bral ba ni ma yin no/ /gang de'i ngo bo nyid ma yin pa de ni yang dag pa'i rig pa ma yin no//ser po'i shes pa ni nag po'i shes pa ma yin pa bzhin no/ /ji ltar me long la rang gi bzhin gyi gzugs brnyan snang ba ni rang gi bzhin gyi rnam pa yin gyi gzhan gyi rnam pa ni ma yin no/ /de yis rang gi bzhin nyid yang dag par rig pa yin gyi gzhan gyis ma yin te/de'i rnam pa dang bral ba'i phyir ro/ /de bzhin du gzhan gyis rnam par rig pas sngon po'i don gyi rnam pa ma yin te/ shin tu thal ches pa'i phyir ro/ /yang dag par rig pa yang ma yin no/ /rnam pa med pa'i shes pa yang sngon po'i don rig pa po ma yin te/ gang gi phyir de don gyi rnam pa thams cad dang bral pa'i phyir gzugs brnyan thams cad dang bral ba'i me long gi dkyil 'khor bzhin no/ /don rtogs par ji ltar 'gyur gang gi phyir me long gi ngos la gzugs brnyan ma lus pa dang bral te gzugs brnyan dang bral bas na rang gi bzhin la sogs pa rtogs pa ma yin no//de bzhin du shes pa ni gang du yang don gyi ngo bo nyid kyi bdag nyid kyi gzugs brnyan med pas ji ltar don nyid rtogs par 'gyur/ don rang gi bzhin ltar rang gi mngon sum du mi 'gyur te sngon du bstan pa'i skyon nyid kyi phyir ro/ /de bas rnam pa med pa dang gzhan gyi rnam pa can gnyis kyis don yang dag par rig pa ni mi srid do//zhar la byung ba ni des chog go/ /phyogs tsam zhig bstan pa yin te/ 'di las gzhan du ni gzhung mangs kyis dogs pas ma bris so/ /de ltar gyur pa gang las she na/ nges 'byung zhing zhes pa ni nges par 'byung ba zhes bya ba la sogs pa gsungs te/'di nges par bye brag tu lha rnams nges par byed pas na nges par 'byung ba ste A li dang kA li'i tshogs so/ /de nas yang gang las she na/ sgra'i tshul las zhes bya ba la sogs pa gsungs te/ sgra'i tshul ni sgra tsam ste//de so so'i rten du 'gyur ba phra mo'o/ /de'i gzugs ni ngo bo nyid do/ /gdan ji lta bar dbyangs dang gsal byed kyi tshogs kyi steng du hUM ngo / /de las skyes pa ni sna tshogs rdo rje ste lte ba'i steng du gdan la gnas pa'i hUM yig go/ /de'i steng du bar mchod par hUM nag po'o//de'i steng du AH dmar po'o/ /de'i steng du oM dkar po bsgom par bya'o/ /oM la sogs pa rang bzhin med par bya ste/ gang nA da tsam de ni sgra tsam ste de thig le la'o/ /de zla ba phyed pa la'o/ /de o la'o/ /de a yig go/ /de blo'i thig le tsheg drag gnyis la'o//de'i phyi'i blo'i dbyug pa la'o/ /de o'i rgyab tu 'byar ba'i glo'i dbyug pa la'o/ /de a yig gi mgo bo la'o/ /de hUM yig gi dang po nA da tsam mo/ /nA da de thig le'o/ /de mgo bo la'o/ /de zla tshes la'o/ /de las thig le la'o/ /de ha la'o/ / de ha'i phyed stod kyi cha la'o/ /de ha'i 'og gi cha'i phyed glo'i dbyug pa la'o/ /de u la'o/ /de sna tshogs rdo rje la gnas pa'i hUM yig gi nA da tsam la'o/ /nA da de thig le'o/ /de mgo bo la'o/ /de ha'i stod kyi cha la'o/ /de ha'i smad kyi cha'i logs kyi dbyug ba la'o/ /de u la'o//de sna tshogs rdo rje'i shar gyi logs kyi dbus kyi cha'i rdo rje'i rtse mo la'o/ /de g.yon phyogs kyi rtse mo la'o/ /de lho'i cha'i g.yas kyi rtse mo la'o/ /de dbus kyi rtse mo la'o/ /de g.yon phyogs kyi rtse mo la'o/ /de nub phyogs kyi g.yas kyi phyogs kyi rtse mo la'o/ / de dbus kyi rtse mo la'o/ /de g.yon gyi rtse mo la'o/ /de byang phyogs kyi g.yas kyi rtse mo la'o/ /de dbus kyi rtse mo la'o/ /de g.yon gyi rtse mo la'o/ /de shar phyogs kyi g.yas kyi rtse mo la'o/ /de dbus kyi lte ba la'o/ /de stong pa nyid kyi rang bzhin zhugs pa'i rnam par bsam pa'o//de nas yang shar gyi logs kyi g.yas kyi rtse mo la'o/ /de nas byang phyogs kyi logs kyi g.yon phyogs kyi'o/ /de nas dbus kyi'o/ /de las g.yas phyogs so/ /de nas nub phyogs kyi logs kyi g.yon no/ /de las dbus ma'o/ /de las g.yas phyogs so//de las lho phyogs kyi logs kyi g.yon pa'o/ /de las dbus so/ /de las g.yas pa'o/ /de nas shar gyi logs kyi g.yon pa'o/ /de las dbus ma'o/ /de nas lte ba la gnas pa'i hUM yig gi u'o/ /de nas ha'i smad kyi cha'i dbyug pa'o/ /de las stod kyi cha'o//de las mgo bo'o/ /de las zla tshes de las thig le de nas nA da de las nA da tsam mo/ /de las u'o/ /de las ha'i smad kyi cha'i dbyug pa'o/ /de las stod kyi cha'i mgo bo la'o/ /de las zla ba phyed pa'o/ /de las thig le'o/ /de las nA da'o/ /de las nA da tsam mo//de las a'i mgo'o/ /de las a'o/ /de las glo'i dbyug pa'o/ /de las gzhan glo'i dbyug pa'o/ /de las thig le gnyis so/ /de las o'o/ /de las zla ba phyed pa'o/ /de las thig le'o/ /de las nA da'o/ /de las nA da tsam mo/ /de las byung ba gtan la gnas pa rtsa bar gyur pa pad+ma'i snal ma phra bar gnas pa bsgom par bya ba'i lha khru phyed dang bzhi ba'i tshad dkar po las dang nyon mongs pa'i bag chags rnam par dag pa'i gzhir gyur pa'i rnam par shes pa'i dmigs pa shes rab kyi pha rol tu phyin pa'i ngo bo nyid thabs dang shes rab kyi bdag nyid rdo rje sems dpa'i rang bzhin sangs rgyas kyi ri mo bsgom par bya'o//sgra'i tshul zhes pa ni gnyis po las sgyu ma lta bu nyid du bdag nyid skyes so zhes bya bar dgongs so/ /zhing ni nges par gzung ba'o/ /de lta bu lha gnyis po'i bdag nyid phyung ste/rten cing 'brel par 'byung ba'i yan lag bcu gnyis kyis rnam par dag pa ni/ phyag bcu gnyis nyid do/ /phyag mtshan ni man ngag las sam/ glang chen pags pas g.yogs zhes bya ba la sogs pa gsungs so/ /de las bdag 'ba' zhig byung ba ni ma yin te/nges 'byung zhing zhes bya ba la sogs pa gsungs so/ /dam tshig ni go ku da ha na la sogs pa'o/ /de'i spyod yul ni bsten pa ste/ de nyid kyi spyod yul gang yin pa mkha' 'gro ma dang lA ma la sogs pa dam tshig spyod yul lo/ / spyod yul ni yul lo/ /dam tshig ni sprul pa ste/ de yang sems can gyi don la so sor 'brel ba'o/ /kha cig na re nges 'byung gi sgra ni mang po'i tshig gi mtha' can yin yang rkyen yongs su gyur pas/ gcig gi tshig tu bya ste rdo rje 'dzin pa dang sbyar zhes zer ro/ /ci khyod don dam pa'i ye shes kyi rang bzhin yin nam snyam du dgongs pa la/rnyed dka' ba zhes bya ba la sogs pa gsungs so/ /shes rab dang thabs dag dang rnam par rtog pa dang gsum ni gsum mo/ /de gnyis bye brag tu rtog pa nyid kyis nye bar gyur pas rnam par rtog pa gsum pa'o//gal te phyis kyi rnam par rtog pa ma yin no shes rab dang thabs kyi bdag nyid rnyed sla'o zhes dgongs so/ /de nyid kyis zhen pa med pa'i tshul du goms pas nyon mongs pa thams cad sangs rgyas pa'i lhan cig skyes pa'i ye shes dngos su byed do/ /de bas na rnam par shes pa'i ngo bo nyid rnam par mi rtog pa nyid nga yin no//de'i phyir 'jig rten zhes bya ba la sogs pa gsungs so/ /'jig rten ni 'jig rten mthong ba ste nye bar dmigs pa'i bar ro/ /de yang thabs dang shes rab gnyis su gzung ba la sogs pa nye bar dmigs pa'i phyir ro//'jig rten gyi sgras rnam par rtog pa nyid rnyed de/ de nye bar dmigs pa las byung ba'i phyir ro/ /yang na dga' ba dang mchog dga' dang dga' bral rnams su rnyed par dka' ba ste gsum du zhes gsungs pa'i phyir lhan cig skyes pa med do/ /lhag ma ni snga ma bzhin no//de bas na thog ma zhes bya ba la sogs pa gsungs so/ /rtog pa dang bcas pas na thog ma dang bar dang tha ma rnams su yang dag par cha shas su phye ba gang yin pa la bdag rnyed par dka'o/ /rjes su mthun pa'i sgo nas rnyed par sla ba blo la bzhag ste rnyed par dga' ba nyid du gsungs so//gang yang rtog pa dang bcas pa zhes bya ba 'di ni bdag gi ngo bo ma yin zhes bya bar dgongs so/ /rnam par mi rtog pa nyid gang yin pa de bdag gi ngo bo nyid de/ de ye shes kyi bdag nyid yin pa'i phyir ro/ /de yang rnam par rtog pa las rnyed par dka'o zhes bya ba'i don to//yang na rnam pa sna tshogs dang / rnam par smin pa dang / rnam par nyed pa rnams su mang dag par gnas pa med cing ma mthong bar 'gyur ro zhes bya ba'i don to/ /nyams su myong ba med pa nyid kyi phyir ro/ /de'i phyir rnyed par dka'o/ /gang gi phyir mtshan nyid dang bral ba'i skad cig ma la nye bar dmigs pa thams cad spangs pa'i lhan cig skyes pa'i ye shes nyams su myong ba'i phyir ro//thabs dang shes rab kyi sbyor ba las rnyed par sla bar gsungs pa ni don gyis 'phangs pa'o/ /de ltar yang de nyid ji ltar grub ba yin zhe na/ bsrung pa dang bsrubs pa'i sbyor ba yis zhes gsungs so//bsrub pa ni shes rab kyi cha'o/ /bsrubs pa'i sbyor ba ni thabs kyi cha ste chos kyi brda yin pa'i phyir ro/ /gang de gnyis ro gcig par gyur pa de ni de nyid do/ /bsrub pa dang srub par byed pa'i sbyor ba gang yin pa de ltar na rnyed par sla ba yin no//de he ru ka yang dag par sbyor ba bshad ces bya bar sbyor ro/ /lhan cig skyes pa'i rdzas kyi ngo bo de nyid ni bcom ldan 'das so/ /de ji lta bu zhes pa la ji bzhin zhes bya ba gsungs te/ thams cad du yi ge bzhi po'i da'i ngag ni/ thog ma tha ma dbus med cing / /ji srid mya ngan 'das pa min//bdag min gzhan yang ma yin pa/ /'di ni bde ba chen po yin/ /g.yas pas cig shos lag pa yi/ /rgan po dang ni ming med kyis/ /longs spyod kyi ni rlabs gnyis ni/ /rnal 'byor pa yis btsir byas na/ /gzhon nu ma yi bde ba bzhin/ /de nas ye shes skye bar 'gyur//zhes bya'o/ /ji bzhin gyi sgra'i don no/ /de ltar de bzhin bzhi pa yang zhes bya ba ni de bzhin sgra'i don no/ /tshigs bcad gnyis po'i don ni bla ma'i gdams ngag las shes par bya'o/ /'dir sgra'i sdeb sbyor la sogs pa ni bshad par mi bya ste/ /bde bar gshegs pa'i lung yin pa'i phyir ro//gsang ba'i sgra brjod par bya ba khyad par dang bcas pa'i dpal he ru ka yang dag par sbyor bar ston to/ /de gnyis brjod par bya ba dang 'brel pa la sogs pa dang / bsgrub par 'dod pas sngags bzlas zhes bya ba la sogs pa gsungs te/ sngags ni rkang pa brgyad pa la sogs pa'o/ /de rnams nyid yang dang yang du zlos pa ni bzlas pa'o/ /bsam gtan ni lha'i rnam pa la sems pa'o/ /sogs kyi sgras ni rigs ldan gyi mchod pa dang / pho nyas 'dod pa bsgrub pa dang / byang chub kyi sems kyi thig les byang chub sems dpa' la sogs pa mchod pa dang /sdig pa thams cad rnam par dag pas rnal 'byor nyid du bsgrub pa dang / dam tshig bskyang ba dang dam tshig bsrung ba dang / bdud rtsi lnga bza' pa dang tshogs kyi 'khor lor zla ba'i btung ba bzhin du bdud rtsi lnga myang ba dang /dbang po gnyis kyi sbyor ba dang / /lha rdzas kyi bde ba'i sngags pa dang / ri sul dang tshang tshing la sogs pa'i gnas dang / dkyil 'khor la sogs pa'i de nyid bcu dang / bla ma dang dpa' bo dang dpa' mo'i dbang phyug ma'i dkyil 'khor gyi mchod pa dang /slob ma dkyil 'khor du gzhug pa dang / de nas dbang sbyin pa dang / phyag rgya dang slob dpon gyi mchod pa dang / mkha' 'gro ma'i sa gzhi la rol pa dang / sngags btub dang rig pa'i rgyal po'i las kyi tshogs dang / 'jig rten pa'i dngos grub brgyad bsgrub ba dang /brda'i cho ga dang las kyi phyag rgya'i mtshan nyid dang / de gnyis kyi 'gro ba dang 'ong ba'i bya ba brjod pa dang / mkha' 'gro ma'i mtshan nyid dang / phyag rgya dang phyag rgya'i lan bstan pa dang / dam tshig mi brjod pa dang / 'jig rten dang 'jig rten las 'das pa'i dam tshig chen po brgyad dang /gcig tu tsA ru bza' ba dang gtor ma sbyin pa dang gnod mdzes rgyal po'i sngags btu ba dang / de'i las kyi tshogs bsgrub pa dang / sngags kyi gzugs brnyan bsam gtan dang rnam par mi rtog pa'i ye shes de nyid bsgom pa dang / 'jig rten las 'das pa'i mchog dang /de nas yang zhal bzhi pa'i sngags kyi tshig dang bcas pa'i dpa' bo dang dpa' mo'i dbang phyug ma rnam snang du rtogs pa'i thugs kyi rdo rje la sogs pa'i sngags kyi bzlas pa dang / gnas la sogs pa'i sa bcu dang / /yul nyi shu rtsa bzhi bstan pa dang / nub mo phyogs kyi gos la sogs pa byang chub kyi phyogs kyi chos sum cu rtsa bdun dang /de nas thod pa'i dum bu la sogs pa dpa' bo nyi shu rtsa bzhi khams rnam par dag pa dang / mkha' spyod dang sa spyod kyi lha mo'i gzugs brje ba dang / rtsa'i rigs sum cu rtsa bdun gyi 'khor lo kun tu spyod pa mgo zug pa dang longs spyod pa dang thim pa dang /dbang du byed pa dang / chos kyi 'khor lo bskor ba dang / de nas sprul pa dang / longs spyod pa dang / chos rnam par dag pa'i sku'i rang bzhin dang / stong pa dang snying rje dbyer med pa nyid ces bya ba ste de rnams bsdu pa'o/ / sbyor ba ni zhi ba dang rgyas pa dang dbang dang mngon spyod la sogs pa'i las kyi ting nge 'dzin no/ /cho ga'i ye shes ni bya ba nyid ces bya ba ni cho ga ste/ legs par dpyad pa la sogs pa'i las so/ /de'i ye shes ni shes par bya ba nyid de la yod pas na de bstan pa'o/ /mar gyis gang ba'i bum pa ni//me yi steng du bzhag gyur na/ /mar ni zhu zhing zhu gyur nas/ /snod kyi dri ma nyams par byed/ /he ru ka dpal zhes ming gis/ /de bzhin sdig pa 'joms par byed/ /ces pa'i tshig gis so/ /yang na 'dir cho ga ni 'das pa dang ma 'ongs pa dang da ltar byung ba'i ngo bo nyid dus gsum mo//ye shes ni ye shes pa brgyad kyi lus so/ /cho ga yang yin la ye shes kyang yin pas na cho ga'i ye shes so/ /sbyor ba ni cho ga'i ye shes nyid do/ /gsang ba zhes bya ba la sogs pa'i tshig gis brjod par bya ba bshad do zhes bya bar sbyar ro/ /rgyud ni nam mkha' dang mnyam pa'i rgyud do//gsungs pa ni ma lus pa yang dag par bsdus pa gang yin pa de 'dir gsang ba zhes bya ba la sogs pa'i tshig gis brjod par bya ba nyid du gsungs so/ /de nas yang mnyan par gyis ni rdo rje phag mo las te de'i bsgrub bya ni gsang ba nyid yin par dgongs so/ / mdor bsdus pa'i rgyud kyi gzhung gzhan yin pa la 'gal ba med do/ /gal te 'di skad ces bya ba la sogs pa rgyud du ni gsungs pa 'dir ma bstan na/ sngar ma byung ba nyid kyi phyir/ 'dir ci'i phyir mi ston zhe na ma yin te/ rtsa ba'i rgyud kyi brjod par bya ba dang 'brel pas sngon ma byung ba nyid med pa nyid kyi phyir ro//gal te dge slong dag 'di skad bdag gis thog pa dus gcig na zhes bya ba la sogs pas chos bsdu bar bya'o zhes gsungs pa'i phyir 'di ni sdud pa po nyid dang / de dang 'brel ba yin nam zhe na ma yin te/ sdud pa pos kyang bcom ldan 'das kyis gsungs pa'i rjod byed dang brjod bya'i ngo bo nyid kyi rgyud bsdus pa'i phyir ro//gal te bcom ldan 'das ma ston pa po yin na/ de'i tshe bzhugs zhes bya ba la sogs pa'i tshig gi don dang ji ltar 'byor zhe na/ bzhugs zhes bya ba la sogs pa'i tshig ni he ru ka dpal yang dag sbyor gyis bshad do//de yang ji lta bu zhe na/ gsang ba mchog gi ni zhes bya ba la sogs pa gsungs pa dang sbyar ro/ /rgyud ni 'dis don gyi rtogs pa bskyed pas sgra'i tshogs so/ /'dir don tha dad gsum yin te/ rgyu 'bras thabs kyi rang bzhin no/ / 'bras bu ni che ba'i ngo bo nyid kun tu bzang po'o/ /rgyud 'di goms pa'i gnas skabs kyi khyad par rdzogs pa nyid de/ rgya yang dkyil 'khor gyi lha'i tshogs so/ /thabs kyang 'byung ba bzhi dang ri rab dang gzhal yas khang la sogs pa'o/ /rgyud ni 'dir de bzhin du yang / rgyud la rgyud du brjod pa ste//de rgyun de yang rnam pa gsum/ /rten dang thabs dang rnam pas ni/ /rgyud don gsum gyis bsdus pa'o/ /zhes gsungs so/ /gsang ba zhes bya ba'i tshig gis shin tu mdor bsdus nas ma lus pa'i rgyud kyi brjod par bya ba bstan to/ /de nas/ he ru ka dpal yang dag sbyor//zhes bya ba la sogs par rgyas par dgrol bar dgongs nas bstan pa'o/ /'di na mar shin tu rgyas par ni rgyud rdzogs pa'i bar gyis gsungs so/ /de nyid dbugs dbyung bar ma zhes bya ba la sogs pa gsungs te/ bar ma dang mchog ni 'dir 'dis srog 'dzin pas na dbugs sam/dus yin pas na dbugs zhes bya'o/ /bar ma ni me ste sa chu me rlung zhes gsungs pas bar ma 'gyur pa nyid kyi phyir ro/ /bar mar gyur pa nyid kyang phal pa gang yin par gzung ba nyid kyi phyir te brjod do/ /mchog ni dbang chen te lha'i rgyal po nyid yin pa'i phyir ro//bar ma dang mchog gi dbugs ni gnas sam du zhes bya ba'i don to/ /des na rigs ldan mchod par bya/ /zhes bya bar sbyar ro/ /ji lta bur gyur pa la zhe na/ dri zhes bya ba la sogs pa gsungs te/ 'di la dri yod pas na dri ste/ dri rgyu ba nyid kyi rlung ngo / /gang la yod pa de ni chu'o//de gnyis kyi gnas dang 'di bcas pas dri'i chu dang bcas pa zhes bya ste/ tshig bar ma phyis pa ni bsdu ba ste mar gyis gang ba'i bum pa zhes bya ba lta bu'o/ /ni zhes pas ni tshig gi kha bskang ba'o/ /'di'i don ni rigs ldan ni rnal 'byor ma ste/ de mchod par byed pa ni mnyes par byed pa'o//rtag tu ni dus thams cad du ste de nyin re zhing zhes bya ba'i don no/ /dus kyi khyad par ni dus kyi khyad par te/ dkar po'i phyogs kyi tshes gcig la sogs pa la/ gdams ngag ji lta ba bzhin du thun phyed kyi cha rnams su'o/ /dkar po'i tshes gcig nas gzung ste snga dro'i bar thun phyed la/pu las skyes pa'i mgo bo la/ oM ka ra ka ra pra tsaN+DI huM hUM phaT/ ces bya ba'i sngags las skyes pa'i rab gtum mo bsgom par bya'o/ /gnyis ba la dzAM las skyes pa'i spyi gtsug tu/ oM ku ru ku ru tsaN+Da ak+Shi ye huM hUM phaT/ ces bya ba'i sngags las skyes pa'i gtum mig ma'o//gsum pa la oM las skyes pa'i rna ba g.yas pa la/ oM ban+d+ha ban+d+ha pra b+hA ba tI ye huM hUM phaT/ ces bya ba'i sngags las skyes pa'i 'od ldan ma'o/ /bzhi pa la aM las skyes pa'i mgo bo'i ltag par/ oM trA sa ya trA sa ya ma hA nA se huM hUM phaT phaT/ces bya ba las skyes pa'i sna chen ma'o/ /lnga pa goM las skyes pa'i rna ba g.yon pa la/ oM k+Sho b+ha ya k+Sho b+ha ya bI ra ma tI ye huM hUM phaT/ ces bya ba'i sngags las skyes pa'i dpa' bo'i blo can ma'o/ /drug pa rAM las skyes pa'i smin ma'i dbus su/ oM hrauM hrauM kharba rI ye huM hUM phaT/ces bya ba'i sngags las skyes pa'i mi'u thung ma'o/ /bdun pa deM las skyes pa'i mig gnyis la/ oM hraHhraHlang+ka shra rI ye huM hUM phaT/ ces bya ba'i sngags las skyes pa'i lang+ka'i dbang phyug ma'o/ /brgyad pa mAM las skyes pa'i phrag pa gnyis la/ oM pheM pheM dru mats+tshA ye huM hUM phaT/ces bya ba'i sngags las skyes pa'i shing grib ma ste thugs kyi 'khor lo'o/ /lha mo rnams kyi gdan ni nyin mo'i cha la me'i dkyil 'khor ro/ /mtshan mo dang po'i thun phyed la kAM las skyes pa'i mchan khung dag tu/ oM phaT phaT e rA ba tI ye huM hUM phaT/ ces bya ba'i sngags las skyes pa'i sa srungs ma bsgom par bya'o//gnyis pa la oM las skyes pa'i nu ma dag la/ oM da ha da ha ma hA b+hai ra bI ye huM hUM phaT/ ces bya ba'i sngags las skyes pa'i 'jigs byed chen mo'o/ /gsum pa la trAM las skyes pa'i lte ba la/ oM pa tsa pa tsa bA yu be ge huM hUM phaT/ ces bya ba'i sngags las skyes pa'i rlung gi shugs can ma'o/ /bzhi pa la koM las skyes pa'i sna rtser/ oM b+ha k+Sha b+ha k+Sha ba sha ru d+hi ra an+t+ra mA lA ba laM bi ni su ra b+hak+ShI ye huM hUM phaT/ ces bya ba'i sngags las skyes pa'i chang 'thung ma'o/ /lnga ba la kaM las skyes pa'i kha la/oM grih+Na grih+Na sap+ta pa tA la ga tA b+hu dzaM gaM sarbaM bA tardza ya tardza ya sh+yA ma de bI huM hUM phaT/ ces bya ba'i sngags las skyes pa'i lha mo sngo bsangs ma'o/ /drug pa la laM las skyes pa'i mgrin par/ oM A kad+D+h+ya A kaD+D+h+ya su b+ha dre huM hUM phaT/ ces bya ba'i sngags las skyes pa'i rab tu bzang mo'o//bdun pa la kAM las skyes pa'i snying gar/ oM hriM hriM ha ya kar+Ne huM hUM phaT/ ces bya ba'i sngags las skyes pa'i rta rna ma'o/ /brgyad pa la hi las skyes pa'i mdoms su/ /oM dz+NauM dz+NauM kha gA na ne huM hUM phaT/ ces bya ba'i sngags las skyes pa'i bya gdong ma'o zhes bya ba ni gsung gi 'khor los te/nub mo'i cha la lha mo rnams kyi gdan ni chu'i dkyil 'khor ro/ /tshes gnyis la nang bar gyi thun phyed la preM las skyes pa'i mtshan ma la/ oM k+Sh+mAM k+Sh+mAM tsakra be ge huM hUM phaT/ ces bya ba'i sngags las skyes pa'i 'khor lo'i shugs can ma'o//gnyis pa la griM las skyes pa'i bshang lam la/ oM haM haM khaN+Da ro hA huM hUM phaT/ ces bya ba'i sngags las skyes pa'i dum skyes ma'o/ /gsum pa la sau las skyes pa'i brla gnyis la/ oM hIM hIM shauN+Di nI ye huM hUM phaT/ ces bya ba'i sngags las skyes pa'i chang 'tshong ma'o//bzhi pa la suM las skyes pa'i byin pa dag la/ oM hUM hUM tsakra barmi Ni ye huM hUM phaT/ ces bya ba'i sngags las skyes pa'i 'khor lo'i go cha ma'o/ /lnga pa la naM las skyes pa'i rkang pa'i sor mo rnams la/ oM ki li ki li su bI re huM hUM phaT/ ces bya ba'i sngags las skyes pa'i rab tu dpa' mo'o//drug pa la saM las skyes pa'i rkang ba'i bol la/ oM si li si li ma hA ba le huM hUM phaT/ ces bya ba'i sngags las skyes pa'i stobs chen mo'o/ /bdun pa la maM las skyes pa'i rkang pa'i mthe bong dag la/ oM tsi li tsi li tsa kra brti nI ye huM hUM phaT/ces bya ba'i sngags las skyes pa'i 'khor los sgyur ma'o/ /brgyad pa la kuM las skyes pa'i pus mo la/ oM d+hi li d+hi li ma hA pI R+Ye huM hUM phaT/ ces bya ba'i sngags las skyes pa'i brtson chen mo'i zhes bya ba ni sku'i 'khor lo nyin mo'i cha la lha mo rnams kyi gdan ni dbang chen gyi dkyil 'khor ro//de nyid kyi mtshan mo'i dang po'i thun gnyis la rab gtum ma dang gtum ma'i mig can ma dang sna chen ma rnams dang nye bar go rims bzhin du khwa gdong ma dang / 'ug gdong ma dang / khyi gdong ma dang / phag gdong ma'o/ /gnyis pa'i thun gnyis pa la dpa' bo'i blo ma dang /mi'u thung ma dang / lang+ka'i dbang phyug ma dang / shing grib ma rnams dang nye bar go rims bzhin du/ gshin rje brtan ma dang / gshin rje pho nya ma dang / gshin rje mche ba ma dang / gshin rje 'joms ma rnams bsgom par bya'o/ /de ltar yang tshes gsum pa'i nyin zhag la thugs dang gsung gi 'khor lo'o//de nas yang tshes bzhi pa la sku'i 'khor lo dang dur khrod ma rnams te/ rnal 'byor ma sum cu rtsa gnyis kyi kun du spyod pa'o/ /de ltar tshes lnga la sogs pa rnams kyang go bar bya'o/ /dpal he ru ka dang mkha' 'gro ma la sogs pa bzhi'i rnal 'byor ni rnam par shes pa'i 'khor lo'o//'di rnams la kun du spyod pa med de gdams ngag med pa'i phyir ro/ /ji srid zla ba drug tu bsgom pa dang bzlas pa bya ste mtshan ma thob par byas nas/ de nas zla ba bdun du rnal 'byor ma rnams kyi kun du spyod pa'o//de ltar byas kyang gal te ma grub na yang de bzhin du bsgom par bya'o/ /'dir zla ba sum cu rtsa drug gis nges par 'grub par 'gyur ba ni gdams ngag go/ /bar ma chad par rgyud du bsgoms na lo gcig gis so/ /de nas zla ba drug tu goms pa'i rim pas so/ /me la sogs pa'i sbyor bas mngon spyod la sogs pa yang de bzhin du shes par bya'o//de ltar mngon spyod ni thugs kyi 'khor lo'i me'i dus na'o/ /zhi ba la ni gsung gi 'khor lo'i chu'i dus na'o/ /rgyas pa la ni sku'i 'khor lo'i dbang chen gyi dus na'o/ /skrod pa la ni dur khrod kyi 'khor lo'i rlung gi dus na'o//rnal 'byor ma ni gang yang rung ba bsgom mo/ /me'i rlung ni sor bzhi'o/ /dbang chen gyi rlung ni sor bcu'o/ /rlung gi rlung ni sor drug go/ /chu'i rlung ni sor bcu gnyis pa'o/ /me dang dbang chen rlung dang chu/ /bzhi dang bcu dang drug cu gnyis//sor mo'i tshad kyis phyir 'byung ba'i/ /gnas ni nges pa nyid yin no/ /'on kyang steng du 'gro zhing dro ba ni me'i rlung ngo / /shin du grang ba yang ma yin/ /shin tu dro ba yang ma yin zhing sna'i bug gang bar rgyu ba ni sa'i rlung ngo / /logs su rtsub par rgyu ba ni rlung gi rlung ngo / / shin tu grang ba 'og tu rgyu ba ni chu'i rlung ngo / /de la me la sogs pa'i dkyil 'khor la me ni gru gsum dmar po rtse mo bdun gyis mtshan pa'o/ /dbang chen ni ser po gru bzhi rdo rjes mtshan pa'o/ /rlung ni gzhu lta bu sngon po ba dan gyis mtshan pa'o/ /chu ni zlum po dkar po bum pas mtshan pa'o//rlung phyir rgyu bas me la sogs pa'i dus go bar bya'o/ /rigs ldan gyi mchod pa bstan pa ni dngos grub dang por bstan pa ste/ de nyid bsgrub bya gtso bo nyid yin pas so/ /rigs ldan ji tsam yin zhes pa la/ pho nya zhes bya ba la sogs pa gsungs so/ /sngar rigs ldan zhes bya ba ni rigs gcig pa tsam la gcig gi tshig tu byas pa'o//de yang sems can sdug bsngal ba la gdung bas na pho nya'o/ /pho nya zhes bya ba ni mang po'i tshig go/ /rigs ldan dang pho nya ni ming gi rnam grangs so/ /de lhan cig skyes pa ni bcom ldan 'das kyi rang bzhin dang mnyam pa mkha' 'gro ma bzhi la sogs pa'o//de de'i ye shes kyi rang bzhin no/ /dngos grub ni gshin rje brtan ma la sogs pa'i rnal 'byor ma brgyad do/ /tha ma ni sku'i 'khor lor gtogs pa'i sa 'og na gnas pa'o/ /'bring ni gsung gi 'khor lor gtogs pa'i sa spyod do/ / mchog ni thugs kyi 'khor lor gtogs pa'i mkha' la spyod pa'o/ /'dis ni rnal 'byor sum cu rtsa drug nyid mchod par bya'o zhes dgongs so/ /lus dang phyi'i dkyil 'khor gnyis bsgrub bya dpal he ru ka yin par grub bo/ /ci goms pa dang ldan pas bsgom par bya zhes pa la/yid nang du chud pas zhes bya ba la sogs pa gsungs so/ /'dod pa ni gzugs dang sgra la sogs pa'o/ /de rnams kyis sam dpal he ru ka'i dngos grub ni 'dod pa'i dngos grub ste/ bsgom par bya ba'i dngos po ni rang la yod par bya'o zhes pa'i don to/ /'dod pa'i dngos grub yod pa yin//zhes pa'i bar ro/ /'dod pa gzugs dang sgra la sogs/ /zhes gsungs pas so/ /ji lta bu nyid ces pa la yid ni zhes gsungs te/ rnam par shes pas shes pa'i don to/ /sems dang yid dang rnam shes dang / /yang na rnam par rig byed do//zhes gsungs pa'i phyir ro/ /nang du chud pa ni rang dang dbyer med pa'i dpal he ru ka'i gzugs su bsam par bya'o zhes bya ba'i don to/ /'dod pa thams cad la longs spyod pas dpal he ru ka'i rnal 'byor 'grub po zhes bsam pa'o/ /de ltar yang / 'dod pa'i longs spyod thams cad la//brten na myur du 'grub par 'gyur/ /zhes gsungs pa'i phyir ro/ /ni'i sgra ni nyid kyi don to/ /bya ba mi byed pas na bsgrub bya 'grub pa med pa'i phyir ro/ /bsgom pa'i ngo bo nyid ni yid kyi rang bzhin no/ /gzugs la sogs pa'i yul la nye bar longs spyod pa'i mtshan nyid de phyi'i mchod pa'o//dngos kyi mchod pa ni rang rdzas zhes bya ba la sogs pa gsungs te/ phyi rol gyi shes rab rgyud gzhan nas gsungs pa'i mtshan nyid can mchod pa'i don du byang chub tu sems bskyed par bya'o/ /de gnyis snyoms par zhugs pa las skyes pa'i thig les bdud rtsi myang ba'i rang bzhin gyis dga' bar byas la longs spyad na sangs rgyas te/gzugs dang tshor ba la sogs pa phung po lnga dang / byang chub sems dpa' ste mig la sogs pa'i rang bzhin mchod par bya'o/ /de ltar thun gsum du rjes su gnas shing dngos su mchod par bya'o//de yang / mig yangs khu ba blangs nas ni/ /blo ldan brtan pas yid kyis bza'/ /'di de sngags rnams thams cad kyi/ /sku gsung thugs kyi mchod pa'o/ /zhes gsungs so/ /gsang ba'i mchod pa ni lhan cig skyes pa nyams su myong ba'o//phun sum tshogs pa'i mchod pa'i rnam pa bzhi 'grub po zhes dgongs te/ rnal 'byor 'dis sngon du bsags pa'i sdig pa dang / bsod nams kyang gzung ba la sogs pa mngon par zhen pas byas pas nyams nas sngon ma yin pa nyid mngon par zhen pa med pa'i bsod nams su 'gyur ro//de nas dngos grub ni mthong ba dang ni zhes bya ba la sogs pa gsungs so/ /mthong ba ni mig gis nye bar dmigs pa'o/ /reg pa ni lus kyi dbang pos reg pa'o/ /thos pa ni rna ba'i dbang pos so/ /dran pa ni yid kyi dbang pos so/ / 'di rnams kyi dpal he ru ka dang 'brel ba'i rgyur gyur pas skyes bu gzhan yang grol bar 'gyur te/ /lus kyi nyes par spyad pa la sogs pas byas par gyur pas sdig pa thams cad byang bar 'gyur ro/ /sdig pa med pa'i rnal 'byor gyis sdig pa med par 'gyur ro/ /de ltar de nyid go rims bzhin du bstan to zhes pa'i don to//'di bden don nam zhes pa la/ the tshom med ces gsungs te/ yid gnyis mi bya zhes bya ba'i don to/ /mthong ba la sogs pas gzung ba la sogs pa la mngon par zhen pa las grol bar 'gyur te/ gsang ba lhan cig skyes pa rtogs pa'i dus kyi rnal 'byor yin pa'i phyir ro//gsang ba'i mchod pa'o/ /de la yang de nyid kyis ni khams gsum nyid kyang ci yang ma yin zhes pa'i don to/ /kha cig na re the tshom med ces bya ba ni rtog pa med pa yin no zhes zer ro/ /rnal 'byor pa mthong bas ji ltar zhe na/rnal 'byor pa nyid ces bya ba la sogs pa gsungs te/ dpal he ru ka'i rnal 'byor nyid/ mchog ces pa ni mthong ba tsam gyis sdig pa thams cad 'joms pa'i phyir ro/ /'di nyid kyis dag par byed pas na bsod nams so/ /dag byed ni nyon mongs pa'i dri ma dang bral bar byed pas na'o//sdig pa 'jig pa ni mtshams med pa rnam pa lnga la sogs pa nyams par byed pa'i phyir ro/ /bsgom par bya'o zhes bya ba mdor bstan pa de rgyas par bshad pa ni/ 'grub par zhes bya ba la sogs pa gsungs te/ 'grub par zhes bya ba'i yi ge i er byas pa ste/dngos su yin no zhes pa'i don to/ /bzlas pa yis zhes bya ba ni gsum pa phyis te/ de yang yid kyi bya ba'o/ /de yid kyis chos kyi dbyings so/ /'jig rten gyi khams skyob pa las na shes rab dang thabs kyi bdag nyid dpal he ru ka sngags su grub pa'o//sngags ni dang po'i don gsum par byas pa'o/ /bzlas pa zhes bya bas ni ngag gi bya ba bstan pa'o/ /bsam gtan zhes pa sems kyi bya ba'o/ /shes rab thabs kyi bdag nyid kyis ni lus kyi bya ba yang ngo / /bzlas pa la sogs pa dang / lhan cig byas pas 'bras bur 'gyur//zhes pa'o/ /dam tshig ces bya ba la sogs pa gsungs te/ dam tshig tu gsungs pa rtag tu spyod na de rnams bsgom par bya'o zhes dgongs so/ /de ltar yang / 'di ni dam tshig dmyal ba'i chu/ /dam tshig nyams na bsreg par 'gyur//zhes gsungs so/ /dam tshig spyad pa'i spyod yul yin/ /zhes bya ba'i rgyas par bshad pa'o// //sgrub pa po ni gang gi phyir sgrub pa pos rtag tu sgom par byed pa'i dus su/ go ku da ha na dang bdud rtsi rnam pa lnga'i ri lu bsgom pa rtsom ba'i dus su bza' bar bya'o//de yis bgegs med pa yin no/ /shin tu mnyam gzhag ni shin tu mnyam pas mi mthun pa spangs te/ shes rab dang thabs kyi bdag nyid kyi rnal 'byor gyis kun du phan par rgyas pa'o/ /dam tshig kyang gzhan nas gsungs te/ de ltar yang / na dang ga dang ha de bzhin//mtha' yi shwa dang dang po'i shwa/ /zhes gsungs so/ /de la yang gsang ba'i brda byed pa ji ltar yin zhes pa la/ dam tshig nyams pas zhes bya ba la sogs pa gsungs te/ nyams pa ni dam tshig mi shes pa la bstan pa'o/ /a ni gang gi phyir gyi don to/ / gang gi phyir nyams na dngos po'i de kho na nyid yongs su mi shes pa rnams kyis smod par 'gyur bas gnyi ga la skyon du 'gyur ro/ /de bas na dngos grub kyang med la sgrub pa po yang med do/ /gsang sngags kyi rgyud kyis kyang dngos grub tu mi 'gyur ro zhes dgongs so//kha cig las ni sngags kyi dkyil 'khor du dngos grub mi 'thob bo zhes pa'i gzhung yod do/ /sngags kyi de nyid ni bskul zhing ston pas na ste/ snying po ni byang chub ste gang de len pa de ni de bzhin no/ /gsang sngags theg pa chen po zhes bya ba bshad par bya'o//thams cad du mi phyed par dam tshig bsten par bya ba ni dngos su mchod pa'o/ /gzhan yang bdud rtsi lnga bsten pa'i ngo bo nyid dngos su mchod po yin par sbrang rtsi zhes bya bar gsungs so/ /sbrang rtsi dang chos mthun pas sbrang rtsi ni sa bon te/ yang dag par sbyor bas skyon gsum 'joms pas brdar byas pa nyid kyi phyir ro//khrag ni rab tu grags pa'o/ /ga pur ni bde bas 'gengs pas na ga bur te yi ge dang lung nyams par byas pas grub po/ /de yang sha'o/ /dmar byed pas na khrag ni dri chu'o/ /tsan+dan ni dga' bar byed pas na snang mdzad do//tshogs kyi nang ni tshogs kyi 'khor lo'i dbus so/ /dbus kyi sgra ni thun mong du bsgrub par bya'o/ /zhugs pa ni gzhug pa'o/ /ni ni nyid kyi don to/ /rten ci yin zhes pa la thams cad ces pa la sogs pa gsungs te/ thams cad rdo rje ni sna tshogs rdo rje'o//de nyid kyis mtshan ma ni gang la des mtshan pa ni thams cad rdo rjes mtshan pa ste/ de yang thod pa'o/ /de la de 'dzin pa de ni de bzhin no/ /thabs ji ltar bstan zhes pa la/ sbom po mtha' ltag ces bya ba la sogs pa gsungs te/ rtse mos kha la myong bar bya ba ni myang bar bya ba nyid do//de la myang bar bya ba ni rnal 'byor rig pas shes pa la bdud rtsi myang ba'i sbyor ba rig pas so/ /yang na sems tsam du mnyam par 'jog pa'o/ /rtag tu ni dkyil 'khor gyi lha'i 'khor dang bcas pa bdud rtsi lnga bza' bar bya'o zhes pa'i don to/ /'dir the tshom mi bya'o/ / zhes pa ni zla ba'i btung ba zhes bya ba la sogs pa gsungs te/ bram ze rnams mchod sbyin byed pa'i dus su zla ba'i shing gi khu ba phyugs dmar ser gyi pags pa dang mnyes pa ni zla ba'i btung ba'o/ /de yis tshe rgyas pa yang bsod nams 'phel lo/ /ji ltar bram ze rnams the tshom med par zla ba 'thungs te/de bzhin du rnal 'byor pas bdud rtsi lnga myangs na dngos grub thob par 'gyur ro/ /rtag pa ni rtag pa'i 'bras bu 'byung ba nyid yin pa'i phyir ro/ /the tshom mi bya bar myang ba tsam dper byas pa yin gyis 'bras bu mnyam pa ni ma yin no//ji ltar/ dri chen dri chu khu ba khrag/ /smad pa nyid du mi bya'o/ /cho ga yis ni rtag tu bza'/ /'di 'bras gsang ba gsum las skyes/ /zhes gsungs so/ /sbrang rtsi la sogs pas ci brjod ce ne/ bcu phyed ces pa ni bdud rtsi rnam pa lnga rnams gcig tu byas pa ni bdud rtsi lnga'o//lha'i rnal 'byor dang ldan pas the tshom spangs te bdud rtsi myang ba'i cho gas yang myangs na bza' ba dang btung ba la sogs pa thams cad bdud rtsir 'gyur ro zhes pa ni bsdus pa'i don to/ /ji ltar/ 'di la dngos grub rtag pa 'byung / /zhes pa la/ thams cad ces bya ba la sogs pa gsungs te/ thams cad ni 'jig rten dang 'jig rten las 'das pa'i dngos grub ste de la 'jug pa ni de bzhin no/ /mdor bstan nas rgyas par bshad pa'i spyi'i don ni/ mchod pa zhes bya ba la sogs pa gsungs te/ mchod pa bzhi ni mchod pa bzhi ste/'di'i don ni phyi dang gsang ba dang yid kyi rang bzhin dang dngos kyi ngo bo nyid kyi bye brag gis de bstan te/ de'i phyir bzhi zhes gsungs te/ nang du zhes bya ba la sogs pa'i rnam pas rgyas par bstan to zhes bya ba'i don to/ /rnal 'byor ma zhes pa ni mkha' 'gro ma la sogs pa bzhi dang /khwa gdong ma la sogs pa brgyad dang / dpa' bo dang dpa' mo gnyis su med pa'i gzugs kyis snyoms par zhugs pa de ni dpa' bo dang gnyis su med par snyoms par zhugs pa'o/ /rnal 'byor ma nyi shu rtsa bzhi mchog dang 'bring dang tha ma bstan pa ni dpa' bo dang gnyis su med par snyoms par 'jug pa'i sgra'i don te rkyen phyi ba nyid kyi phyir ro//ji ltar snyoms par 'jug pa yin pa de bzhin du/ de nyid rdo rje phag mo dang dbyer med pa'i rang bzhin 'dzin pa ni de nyid 'dzin pa'o/ / ta ni kar byas pa'o/ /he ru ka dpal yang dag sbyor/ zhes pas de bstan to/ /lhar gyur pas na lha ste de'i bde ba dang / mi la yod pas ni mi ste/ de'i ngo bo nyid ni mi'o/ /de'i yang bde ba'i rang bzhin gnyis su med par yod par grub bo/ /bde ba ji ltar rnyed ces pa la/bde ba de ni zhes gsungs so/ /bde ba ni sems bde bar gnas pa ste de nyid bde ba'o/ /de yang dmyal ba dang yi dags dang / byol song dang 'gro ba rnams kyi thun mong du ril por bsdus pa dang / rdo rje ni dri ma med pa'i blo de nyid de cha ni phra ba nyid kyi phyir ro/ /rdo rje yang yin la cha yang yin pas na rdo rje cha ste/lhan cig skyes pa'i ye shes kyi don to/ /lha dang mi la sogs pa'i bde ba yang dbyer med par gnas shing byas par gyur pas na rdo rje'i cha'i bcu drug gi cha yang mi phod do/ /mi phod pa ni nyon mongs pas zhes pa ni lhag ma'o/ /thabs 'dis nyon mongs pa las rgyal bar bsgrub bya nyid kyi phyir ro//ji ltar bde ba de bzhin du bstan pa ni ril bo'i don du bstan pa'o/ /dbang bskur ba med par dngos grub med pas de yang dkyil 'khor du ma zhugs par yod pa ma yin pas na ri sul zhes bya ba la sogs pa gsungs so/ / ri ni ri bo'o/ /sul gyi sgras ni de'i logs gnyis pas nang ngo / /tshang tshing gi sgras ni lcug ma la sogs pas g.yogs pa'i phyogs so/ /chu'i ngogs ni gling ngo / /gdod nas grub pa ni gang gdod nas grub pa'i sa phyogs de ni de bzhin no/ /dur khrod ni ro'i gnas so/ /de la ni rtags kyi bdun pa'o//dbang bskur ba'i don du dkyil 'khor bri bar bya'o zhes bya ba'i sgras ni le'u rdzogs par bstan pa'o/ /dpal he ru ka'i yan lag dang nying lag 'dis brjod pas na rjod byed de rgyud kyi sgra'i lus so/ /de la dkyil 'khor du 'jug pa'i le'u la 'dis 'jug pas 'jug pa'o//de nyid bya bas na cho ga ste/ dpal he ru ka la sogs pa'i dkyil 'khor la 'jug pa'i cho ga'o/ /de ston par byed pa'i le'u ni gzhung yongs su bcad pa'o/ /dang po ni gcig go zhes bya ba ni dpal 'khor lo sdom pa'i le'u dang po'i dka' 'grel lo// //dkyil 'khor ni de la zhes bya ba la sogs pa gsungs te/ gang la las yod pa de la rang gi las med kyang bya ba'o/ /de thun mong du rgyud las gsungs pa'i cho ga la brten nas go bar bya bas thun mong du rgyud du gsungs pa'i rigs pas so/ /'dir ni cung zad thun mong dang thun mong ma yin pa'i cho ga gsungs zhes bya'o//de la zhes bya ba la sogs pa la/ de la ni dkyil 'khor bya ba'i don du/ chu dang lci ba dang / rnam par snang mdzad kyis ril bu la sogs pa rnams su slob dpon dang slob mas dkyil 'khor gyi don du dkyil 'khor gyi sa'i gnas la byug par bya'o//yang de'i steng du dur khrod kyi thal ba la sogs pas byug pa ni dur khrod ces bya ba la sogs pa gsungs te/ dur khrod thal bar yang dag ldan/ /bdud rtsi lnga dang bcas pa yis/ /gang yin pa de bzhin du chu dang lci bas byugs pa'i rjes su sa gzhi byugs la dkyil 'khor brtsam par bya'o zhes bya bar sbyor ro//chu dang lci bas byugs pa'i rjes su dur khrod kyi thal bal sogs pas byugs pa de lta na yang / ci'i phyir de'i rjes su dkyil 'khor brtsam par bya zhes pa la der ni zhes gsungs te/ srung ba'i 'khor lo la sogs pa pa'i rjes la'o//dur khrod du ni kun spyod cing / /zhes pa ni dur khrod la sogs pa gzhan du dkyil 'khor byed pa na yang de'i tshe dur khrod du bsgom par bya zhes dgongs so/ /rdul tshon ni ro bsregs sol ba zhes bya ba la sogs pa gsungs te/ dur khrod so phag ces pa ni ro bsregs pa'i sa dang dur khrod kyi so phag med na de bsgoms la bsgrub par bya'o//dur khrod kyi sol ba dang / dur khrod kyi so phag dang / rdul tshon la dur khrod du brtsam bar bya'o zhes kha cig zer ro/ /ka ni thung ngu'o/ /nag po dang ser po'i rdul tshon gnyis kyang ngo / /bzang po ni skye 'gro thams cad kyi spyod yul ma yin pas so//slob dpon zhes pa ni/ dam pa'i chos ni ston pa dang / /bshad dang gdams ngag ston pa dang / /dbang ni bskur ba'i las byed pa/ /slob dpon du ni rab bshad do/ /zhes gsungs pa'i mtshan nyid do/ /khyad par du gyur pa'i bla ma nyid do//bla ma ni slob dpon gyi sgras brjod pas mkhas par yongs su gsungs pa'i rigs pas so/ /'dir yang dbang gi don du'am bsod nams kyi don nam/ dngos grub kyi don du rnal 'byor pas gal te dkyil 'khor 'bri bar byed na de yang shin tu khyad par gyi mtshan nyid thams cad kyi sgo nas mtshon pa ni yang dag ces bya ba la sogs pa gsungs te/yang dag pa ni phyin ci ma log par gzung ba la sogs pa dang bral bas te de'i shes pa ni yang dag pa'i shes pa'o/ /de yang 'dir bde mchog la sogs pa'i rgyud shes ba ni yang dag shes shing rgyud shes pa'o//he ru ka dpal gsang sngags shes/ /zhes pa ni he ru ka'i rkang pa brgyad pa la sogs pa'i sngags man ngag ji lta ba bzhin du shes pa de ni de bzhin no/ /yang na dpal he ru ka'i gsang sngags rtag tu zlos pa'o/ /'phral du gnod pa byas pa la sems 'khrug pa ni khros pa ste/de med pa ni khro ba med pa'o/ /gtsang zhing zhes pa ni sems 'khyog pa'i skyon dang bral ba'o/ /mkhas pas zhes pa ni dge ba la spro ba'o/ /sbyor ba ni zhi ba la sogs pa de'i pha rol tu son pa de dang ldan pa ni sbyor zhes ye shes pha rol 'gro'o/ /thod pa lngas dbu la brgyan pa gang yin pa de/thod pas spyi bo brgyan byas shing / /zhes bya bas so/ /thal ba ni dur khrod dang 'brel pa'i thal bas yan lag gang la byugs pa de ni yan lag thams cad thal bas byugs pa'o/ /gug skyed dag gis lus brgyan cing / /zhes pa ni yod pas na mi'i rus pa'i phreng ba'i khyad par gyis lus brgyan pa gang yin pa de ni de bzhin no//rus phreng zhes pa ni sems can rnams kyi rus pa'i phreng ba ste/ /rus pa de la yang dag pa gnas pa'o/ /'on kyang gug skyed sgras ni rin chen 'byung ldan dang / 'od dpag tu med pa bsres pa la brjod de/de yis lus la byug ces kha cig zer ro/ /de la rus pa zhes bya ba la sogs pa ni rgyan nyid bstan pa'o/ /dum gcig spyi bor rnam par brgyan/ /zhes bya ba ni dum bu ni phyogs gcig ste/ dum bu gcig pa gang la yod pa de ni de bzhin te/ dum bu gcig pas gang la brgyan pa de ni de bzhin no//gzhan gyi sgra las byas pa'i dbu rgyan dang zhes bya ba'i don to/ /rus pa'i phreng ba rnam par dpyangs/ /zhes bya ba ni mchod phyir thogs te/ de gang la yod pa de ni rus pa'i phreng ba dpyangs pa'o/ /yang ni bsdu ba'i don to/ /kha T+wAM ga g.yon pa'i phyag na yang dag par gnas pa ni kha T+wAM ga ni lag ni gnas pa'o//'dis ni rgyan la sogs pa'i sgo nas khyad par du byas pa ste/ de ltar gyur pa'i gdams ngag ji lta ba bzhin du dkyil 'khor gyi lha dang dpal he ru ka'i bdag nyid du bsam pa ni dpal he ru ka dran pa'o/ /dkyil 'khor gyi lha dang dpal he ru ka'i ye shes kyi bdag nyid dam tshig de dang 'dra ba'i dpal he ru ka zhugs par bya'o//'khor lo 'di'i snying gar dgod pa zhes pa ni 'di ni dpal he ru ka'i bdag nyid du gyur pa'i snying ga'i don ni rab tu gtum mo la sogs pa'i lha mo dang / thod pa'i dum bu la sogs pa'i dpa' bo rnams/pul+lI ra ma la la la sogs pa dang / so dang sen mo la sogs pa'i lus la dgod pa'o/ /dngos po med par gyur pa'i don ni sa la sogs pa'o/ /de ltar bdag nyid go bgos nas/ /zhes pa ni bdag nyid dpal he ru kar byas te/ rdul tshon gyi dkyil 'khor byas pa las phyi rol du thog mar phyogs rnams su rab ba bsgom par bya'o//at+mA nAM gyi sgra las 'di thob pa'o/ /yang na sems tsam du ste nges pa'i tshig gi cho gas las ni srog med do/ /bdag nyid kyi khyad par ro/ /sems tsam gyi bdag nyid dpal he ru kar bya'o zhes pa'i don to//don dam par 'di ni sems tsam mo zhes dgongs pa'o/ /dpal he ru ka'i bdag nyid ji ltar bsgom pa bya zhe na/ /de ltar bdag nyid go bgos nas/ /zhes bya bar gsungs te/ ma ni gong ma bzhin no/ /phung po la sogs pa dag pa'i bdag nyid du brtson par byas pa la dpal he ru ka gzhug par bya'o zhes pa ni bya'o//'og tu mtshon cha ni 'dir 'og tu mtshon cha yang gzhug par bya'o/ /'khor lo'i steng du ni mda'i dra ba'o/ /de nas dkyil 'khor pa'i lha dang dpal he ru ka gzhug par bya'o//bdag nyid kyi steng du mkha' spyod de/ rdo rje'i rang bzhin gyi gur byas nas dpal he ra ka gzhug par bya'o zhes sbyor ro/ /go cha de yang dpal he ru kar rdzogs nas dpa' bo drug la sogs pa'i sngags kyis go cha'i cho ga ni/ de ltar bdag nyid rab srung zhing / /zhes bya ba gsungs te/nges pa'i tshig gis ni snga ma bzhin no/ /phyag rgya ni rdo rje phag mo'o/ /sngags ni rtsa ba'i sngags la sogs pa'o/ /yang na phyag rgya ni mtshan ma'i phyag rgya'o/ /sngags ni ka ra ka ra la sogs pa'i sngags te/ oM ka ra ka ra huM hUM phaT/ ces bya ba la sogs pa rnams rkyen gyi yan lag dang nying lag la sogs pa'o//de ltar bdag nyid rab bsrung zhing / /zhes pa nas/ dkyil 'khor 'jigs pa bri bar bya/ /zhes bya bar sbyar ro/ /thos pa dang dran pa'i tha snyad las phyir phyogs pa yin pa'i phyir na/ 'jigs chen zhes bya ba la sogs pas ni dngos grub kyi don du dkyil 'khor bri bar bya'o zhes bstan pa yin no//sngon du bstan pa'i cho gas rgyun du bar ma chad par bsgoms pa'i mthar phyin pa na dkyil 'khor sngon du song bas nyin mtshan du bzlas pas dngos grub bsgrub par bya'o zhes dgongs so/ /'jigs pa'i rtags ni de nas zhes bya ba la sogs pa gsungs te/chu dang lci bas byugs pa'i rdo rje gur la sogs pa'i rjes su ru d+hi bur ni chen pos kyang / /zhes pa ni ro'i shing khri la dkris pa'i ngo bo nyid yin pas so/ /'jigs pa zhes pa ni dur khrod kyis yongs su bskor ba nyid gyi phyir ram/ dpal he ru ka'i sgra'i don bkrol nas dkyil 'khor bdag med par bstan pas byis pa rnams 'jigs pa bskyed pa nyid kyi phyir ro//grong khyer mchog ces pa ni dpal he ru ka'i ngo bo nyid yin pas na'o/ /khru gcig pa dang khru brgyad pa/ /zhes pa ni khru bzhi'am khru brgyad kyi tshad 'di ni de bzhin no/ / lhag ma ni go sla'o/ /nyis 'gyur rnams dpyad cing zhes pa ni/ /bru gnyis dang ni khru brgyad dang / /khru ni bcu drug ces pa ni/ /thig skud 'di yi khyad par ro/ /'khor lo nyis 'gyur thig skud bya'o/ /zhes bstan pa yin no/ /sngags pas zhes pa ni bzlas pa rig pa'o/ / de'i dkyil 'khor gyi dbus su mkha' 'gro ma'i dra ba sdom pa mchod par bya'o zhes pa'i don to/ /ci byas nas zhes pa la/ gzhag ces pa la sogs pa gsungs te/ kha dog sna tshogs dang bcas pa'i 'dab mar gnas pa ni 'dab bcas so/ /de ji lta bu zhes pa la/ lta ba 'bar dang zhes gsungs te/'di sna tshogs pad+ma'i ming can gyi lte bas ni sa bon gyi snod mtshon pa ste/ mang po'i tshig ni mang po spro ba nyid kyi phyir ro/ /rang gis ni legs par kha phye ba nyid la sogs pa'o/ /ge sar ni ze 'bru ste de 'dab mar gnas pa ni 'dab bcas so/ / de yis 'dir ge sar gyis yongs su rgyas par gyur pa zhes par dgongs so/ /lhag ma ni go sla'o/ /du 'bod chen po la sogs pa'i dmyal ba'i srung ma rnams kyang 'jigs par byed pas na 'jigs byed chen po'o/ /mdangs yang dag par byed pas na mdangs ldan no/ / ni ni gang gi phyir gyi don te mdangs nyid rab tu gsal ba'o/ /gzhung kha cig las ni rab tu gsal bar yod de dang gi tshig kha bskang ba'o/ /ha ha zhes bya sgra cher bzhad/ /ces pa ni A li dang kA li las sprul pas ngo mtshar du ha ha zhes dgod pa'i gzugs can gyi sgra chen po nam mkha' khyab par zhal nas gsungs ba gang yin pa de ni de bzhin no//thod pa'i phreng ba'i rgyan dang ldan/ /zhes pa ni thod pa'i phreng ba'i rgyan ni nyon mongs pa rnam par dag pa de rnams thod pas gzung ba'o/ /bde ba'i ngo bo nyid du gyur pas na bzang po'o/ /rnam par thar pa'i sgo gsum dag pas zhal re re zhing spyan gsum mo//rnam par thar pa'i sgo bzhi dag pas zhal bzhi'o/ /glang po che yi pags pa bgos/ /zhes pa ni phyag gnyis kyis de rgyab nas bkab pa nyid kyi phyir ro/ /glang po dang chos mthun pas nyon mongs pa'i tshogs ni glang po'o/ de ltar yang / glang po'i bags pa gos su gyon/ /zhes gsungs so/ /gang gi phyir de dang tha dad de sgyu ma lta bur nye bar gnas pas pags pa ste de g.yogs pa'o/ /kun rdzob tu sgyu ma lta bu ste/ 'di nyid kyi phyir rgyab tu gzung ba ste snying gar ni ma yin no/ / med pas gzung bar bya ba ma yin pa'i phyir glang po che'i pags pas g.yogs pa'o/ /nA da ni de nyid kyi dgongs pa gsal bar byas pa'o/ /rdo rje lta bus sna tshogs yang dag par bcom par gyur pas/ de smin ma gnyis gang yin pa de ni rdo rje 'byes pa'i smin ma ste/ smin ma'i dbus ni lte ba'o//smin ma dang ni mig dag gi 'og tu rdo rje rtse gsum pa nyid du grub pa'o/ /de gsungs pa/ smin dbus rdo rje'i lte ba ru/ /zhes gsungs so/ /phyag na la kha T+wAM ga bsnams shing / /zhes gsungs te/ sems can gyi don byed pa 'di la yod pas gsum pa'i phyag na byas pa ste/de yang kha T+wAM ga phyag na byas pa gang yin pa de de bzhin no/ /sems can gyi don bya ba'i ched du rnam par dag pa'i kha T+wAM ga 'chang ba'o/ /bsnams zhes bya ba ni bya ba la thams cad du gnyis pa'i sgra'o/ /phreng ba'i ngo bo nyid kyis phyed po ni phreng ba phyed po ste/ brgya phyed kyi phreng ba ni brgya phyed kyi phreng bas brgyan pa'o//A li kA li dang 'brel ba'i phreng bas mgul du byas so zhes dgongs so/ /de mdun na gnas pa zhes pa ni dngos su mdun nas 'khyud cing gnas pa ni gnas pa'o/ /lha mo ni bcom ldan 'das dang lhan cig pas na lha mo'o/ / rdo rje sdug bsngal can gyi nyon mongs pa 'joms pas na rdo rje phag mo'o/ /rab 'jigs mi gdug pa can la sdigs mdzub byed pas mngon du 'khyud par bstan nas de rgyas par ston te/ he ru ka dpal phyogs zhes bya ba ni khyab pa nyid yin pas ni thams cad du gnyis par sbyar ro/ / de mdun ni lha mo'i khyad par ro/ /thod pa'i nang du son pa'i rgyu ma ni thod pa rgyu mas bkang ba'o/ /de bdud rnams kyi rgyu mas thod pa yang dag par bkang ba ste/ gzhan ma gang ba med pa'o/ /kha nas ru ti ra 'dzag cing / /zhes pa ni 'dod chags rnam par dag pa'o/ /phyogs kun du ni sdigs mdzub byed//ces pa ni phyogs kyi bdag po thams cad la zhes pa'i don no/ /lha dang lha ma yin dang mi dang bcas pa'i 'jig rten gsum zhes dgongs so/ /phyogs kun zhes pa'i gzhung ni gang la phyogs yod pa de ni phyogs kun gyi bdag po nyid du go bar bya'o//mkha' 'gro ma ni nyi shu bzhi/ /zhes pa ni rab gtum mo la sogs pa nyi shu bzhi'o/ /dang ni khwa gdong ma la sogs bcu gnyis bsdu ste/ de yang thams cad mchod par bya'o/ /phag mo'i rigs las byung ba ni zhes pa ni phag mo dang lhan cig tu thugs la sogs pa'i rigs las byung ba'o//'dis rigs nges par bstan to/ /'khor lo'i lte ba zhes pa ni dkyil 'khor bris pa dpal he ru ka dang dkyil 'khor gyi lha mo rnams bsgoms nas mchod par bya'o zhes dgongs so/ /lha rnams ji ltar dgod ces pa la/ phyogs dang phyogs mtshams rnams dang zhes gsungs so//de bzhin 'dir ni dpa' bo yang / /zhes gsungs so/ /'dir zhes pa ni 'khor lo'i lte ba'i dbus kyi rigs las byung ba zhes pa'i don to/ /lha'i 'khor lo thams cad mchod pa'o zhes mdor bsdus pa'o/ /'khor lo yang dag bsdus gnas zhes pa ni gnyis pa'i mang po'i tshig gi mtha' can gyi tshig ste ni phyi ba'o//de yis 'khor lo lte bar zhes pa brtan par byas pa'o/ /ni'i sgras lus nyid gnas pa bkag pas yang nges par mchod par bya'o zhes dgongs so/ /'dis mchod bar bya ba ci zhe na/dpa' bo gnyis med ces bya ba gsungs te/ mtshungs pa dang bral bas gzung ba la sogs pa'i ngo bo gsod par byed do zhes pas dpa' bo ste de yang sems tsam mo/ /de'i phyir gsungs pa/ gnyis su med pa de'i dpa' bo ste/ gnyis su med pa kho na mchod par bya'i zhes dgongs so//ci'i phyir zhes pa la/ sgrub po gal te dngos grub 'dod/ /ces gsungs te/ dngos grub ni gnyis pa phyi ma ste gang dngos grub 'dod pa'i sgrub pa po des mchod par bya ste/ dkyil 'khor sems tsam nyid du shes par bya'o/ /de nas bum pa zhes bya ba la sogs pa ni go sla'o//rtsa ba nag po la sogs pa med/ /ces pa ni rtsa ba ni rdza mkhan gyi 'khor lo byas pa'i 'og gi cha'o/ /nag po ni nag po'i cha'o/ /sogs kyi skras ni sna tshogs pa nyid la sogs pa'o/ /gser dang rin po che ni gser yang yin la rin po che yang de yin te/ rin po che ni thams cad du 'di yis ni rin po che sna lnga bstan to/ /de la zangs tha mar smos pa'o/ /bza' ba kun zhes pa bza' ba kun gyi tshig gis 'bru sna lnga dang sman sna lnga'o/ /bza' ba'i sgras bdud rtsi lnga'o/ /thod pa steng du gzhag par bya/ /zhes pa ni bdud rtsi lnga'i khyad par bstan pa'o/ /ni'i sgra ni khyad par gyi don to//rin po che sna lnga dang / sman lnga ni bum pa'i nang du'o/ /bdud rtsi lnga thod pa gnas pa ni de'i steng du bzhag pa'o/ /yang na thod pa la de'i steng du gzhag par bya zhes pa ni/ bdud rtsi gsum pa'i sgras bum pa'i khyad par de rdul tshon gyis bris la bum pa'i steng du bzhag go zhes zer ro/ / bum pa de rnams kyi mgul pa ni mgrin pa'o/ /kha ni 'dab mas brgyan par bya/ /zhes pa ni zhes bya ba la sogs pas bum pa dgu pa rgyal ba'i bum pa zhes bya ba la rin po che sna lnga gzhug par bstan to/ /gser ram dngul lam rin chen nam/ /zhes bya ba gsum pa'i don las dang po'i gcig gi tshig go//rin chen mu tig ni gsum pa'i gnyis pa'i tshogs phyi ba'o/ /dngul la sogs pas brgyan pa'i bum pa dgu pa dbus su byas la grong mchog mchod par bya'o zhes sbyar ro/ /gang gis zhes pa la gser rnams kyis mdzes par dgram zhes bya ba la sogs pa la rin po che ni mu tig la sogs pa'o//gser nyid ni gser ro/ /'dir mdzes pa ni mdzes shing brgyan pa'o/ /rin chen gser gyis brgyan pa de ni de bzhin no/ /ji lta ba'i gdams ngag gis mchod pa thams cad ji ltar dgram zhe na/ dkyil 'khor gang yin pa de la mchod pa ni glang po rin po che dang / rta rin po che dang / nor bu rin po che dang /ral gri rin po che dang / 'khor lo rin po che dang / blon po rin po che dang / bud med rin po che ste de rnams gser dang yon tan 'dra bas gser zhes kha cig zer ro/ /bdag nyid kun nas sgo yi ni/ /zhes pa ni bdag nyid dpal he ru ka grong gi dbus su mchod par bya zhes sbyar ro/ /sa stengs ni sa gzhi'o//yang na sa 'og mkha' 'gro ma/ /zhes pa ni nyi shu rtsa bzhi'o/ /gzhung kha cig na ma mo zhes bya ba'i sgra yod de de nyid kyi don to/ /ma mo'i sgras ni khwa gdong ma la sogs pa bcu gnyis so/ /gong gi mar me zhes pa ni thun mong gi mar me brgya bya bar gsungs so/ /mar me brgya yang zhes pa ni mar khu chen por gyur pa'o//'dir ni'i sgra ni khyad par gyi don te/ lhag ma ni go sla'o/ /bca' ba ni nas kyi khur ba la sogs pa'o/ /bza' ba ni zan la sogs pa'o/ /ston mo ni tshod ma'o/ /btung ba ni btung ba ste/ zho dang thug pa la sogs pa'o/ /bya zhes pa ni mchod pa zhes pa lhag ma'o/ / 'dis phyi rol gyi mchod pa bstan to/ /de la 'khor lo dang mchod pa de dag gi cho ga'i ched du mngon par brjod pa'i le'u ste de yang gnyis pa'o/ /dpal 'khor lo sdom pa'i dka' 'grel las le'u gnyis pa'o// //bla ma'i gdams ngag med na 'grub pa'i thabs cung zad kyang med pa'i phyir de nyid mnyes par bya ba ni dbang gi dus su mchod par bya ba ste/de nas zhes gsungs so/ /gang gi phyir nges par slob dpon gyi gdams ngag med na dngos grub med pa ste/ de'i phyir bla ma mnyes par bya'o/ /de nas zhes bya ba ni tha dad pa'i tshig ste/ de nyid slob dpon zhes bya ba la sogs pa gsungs so//dang por zhes pa ni slob dpon gyi khyad par te/ yang dag shes shing rgyud shes pa/ /zhes bya ba la sogs pa ni bye brag gi khyad par can no/ /yang na dus kyi khyad par te dang por slob dpon mnyes par bya ba ni gsol ba gdab par bya ba'i don to/ /dngos kun gyis zhes bya ba ni nor dang bdag nyid la sogs pa'o//ci nus pas ni bla ma mchod/ /grub 'dod shin tu mnyam gzhag pas/ /zhes pa'i ni'i sgra ni khyad par gyi don to/ /de'i phyir re zhig bla ma nyid slob dpon te slob mas dngos po kun gyis mchod nas de nas dkyil 'khor bya'o/ /de la zhugs pa la sogs pa'i don du mchod par bya ste/bdag gis dbang la sogs pa thob nas dngos grub bsgrub par bya'o/ /grub par 'dod pa ni grub 'dod de/ sngags kyi bzlas pa la sogs pa byas shing mnyam par gzhag pas so/ /dril dbyangs zhes bya ba la sogs pas ni dril bu'i dbang ston te/sgrub pa po yis dril bu dkrol/ /zhes bya bar sbyar ro/ /me tog spos kyis brgyan zhes pa ni mchod pa'i don du zhes pa'o/ /shin tu sgra snyan zhes pa ni nye bar mtshon pa ste/ mtshan nyid thams cad bstan pa'o/ /ci bya zhes pa la dril bu dkrol zhes bya ba la sogs pa gsungs te/dril bu ni kun rdzob bo/ /de yi sgra ni/ ji ltar/ srid pa ngo bo nyid kyis dag /ngo bo nyid kyis srid bral byas/ /ngo bo nyid dag sems dpa' mchog /srid pa mchog tu byed par 'gyur/ /zhes bya ba'i tshig brjod pa dang / blos kyang de'i don du 'di de sangs rgyas thams cad kyi/shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal bas bzhed/ /ces pa'i tshigs bcad brjod de/ /bla ma rje btsun gyis dril bu byin la/ dril bu'i sgra la dmigs nas dkrol bar bya zhes dgongs so/ / rnga brdung zhing zhes pa ni bkra shis par byed pa'o/ /'am gyi sgras ni mtshan nyid gzhan bsdu ba'o/ /yang go rims bzlog pas rim pa bzhin sgrub pa po yis kyang de brdung bar bya'o/ /dang por slob dpon gyis byin pa de zhes bya ba ni gang sgra bya bar grub pa gang yin pa ni yang sgras rtogs par bya'o/ /ha ha zhes ni brjod par bya//zhes pas ni ha ha ni ming gi dbang ste/ bla ma rje btsun gyis gus pa nyid du gyur pa'i slob ma'i bdag nyid gang yin pa la nges de bya'o/ /bya zhes pa ni bya'o zhes bstan pa'o/ /de nas 'di yis ni bla ma la gus pa chen por bstan pa yin to/ /ha ha dang ming gnyis ni sgra'i bdag nyid yin par mthun pas ming zhes de ltar brjod do//de phyir chu dang dbu rgyan dang rdo rje dang bdag po'i dbang rnams gzung ba yin/ /de gnyis kyi sngon du 'gro ba nyid yin pa'i phyir ro/ /don gzhan yang bla mas kyang dril bu'i sgra bya'o zhes shes par bya'o/ /ci byas nas zhes bya ba la phyogs bcur dril bu'i sgra phra mo bya ba ste/de ni dril bu'i sgra zhes bya ba'i man ngag go/ /yang na de sngon bzhin gyi tshigs bcad kyis so/ /sgrub pa pos kyang rnga brdung ba dang ha ha'i sgra yang bya ste/ ha ha ni rgyal bar gyur cig pa'o/ /yang gi sgras ni gzhan brdung ba dang / dkrol ba'i khyad par dang glu yang shes par bya'o//dril dbyangs ni rang rang rtags su nye bar gnas pa ste/ lo nyi shu rtsa lnga ma brjod pa'o/ /dril bu ni lo bcu gnyis ma'o/ /rnga ni lo bcu drug ma'o/ /dril bu'i sgra ni rdo rje'i rigs so/ /dril bu ni rin po che'i rigs so/ /rnga ni pad+ma'i rigs so/ /ha ha ni de bzhin gshegs pa'i rigs so//dang yig las gzhan yang ngo / /ming gis ni gzhan dril bu'i sgra'i rigs rnams te de rnams gang yang rung ba cig slob dpon gyis bsten par bya'o/ /dril bu'i sgra yang slob ma sgrub pa pos a ho su kha zhes bya ba'i sngags kyis rnam par brjod par bya'o zhes bya ba'i don to/ /gang gi rjes su zhes pa la srin lag ces pa la sogs pa/sbom po mtha' ltag rtse sbyar bas/ /rnal 'byor rig pas rtag tu spyad/ /zhi ba'i btung ba bzhin myangs na/ /dngos grub rtag pa thob par 'gyur/ /zhes bya ba'i tshigs bcad dang yang sbyar bar bya'o/ /de nas 'di'i don gzhan yang sngon du bstan pa'i shes rab bsten pa gang yin pa las byung ba slob dpon gyis mthe bong dang srin lag gis slob ma la byin te spyod par bya'o//slob ma de yang zhi ba'i btung ba bzhin myangs na dngos grub thob par 'gyur ba ste gsang ba'i dbang ngo / /'di nyid kyis slob dpon gyi dbang yang 'grub ste de sngon du 'gro ba'i phyir ro//gang gi rjes su 'di thams cad bya zhes pa la/ de ltar zhes bya ba la sogs pa la me tog la sogs pa sngon du 'gro bas/ sngon du bstan pa'i rdul tshon gyi dkyil 'khor ram thang ka'o/ /mchod pa zhes pa ni yang dag pa'i sgras phye ste/ de la mchod la gzhug par bya'o zhes sbyar ro/ / gang yin zhes pa la gang yin zhes pa ni gtsang sbra byed pas na bu ste/ de'i phyir sngags pa la ka'i sgra byas pa'i bu ni slob mas te/ bzlas pa la sogs pa rig pa rigs la sogs pa dang ldan par 'gyur ro/ /ci byas na zhes pa la/ dar gyis legs par bkab nas su/ /zhes bya ba la sogs pa gsungs te/dar ni gos dmar po'o/ /bu de rnams la zhes pa ni thun mong du mang ba'i tshig byas pa'o/ /de nyid du re re gzhug par bya'o zhes so/ /de nyid ni me tog gis bkang zhes bya ba gsungs te bcug pa'i rjes su sgrub pa pos g.yas nas bskor ba bya ste snyim pa me tog gis bkang ste dor bar bya'o//lho phyogs sku la brten nas su/ /snyim pa me tog de nas dor/ /zhes pa ni lho phyogs su mngon par phyogs pas dor ba ste man ngag go/ /yang na mchod rten la phyag bya ba'i rim pas bcom ldan 'das la g.yas phyogs su bskor ba'o/ /dpal he ru ka la sogs gnas//zhes pa ni gnyis pa phyi ba ste/ gdong phyed dkyil 'khor bstan par bya/ /zhes sbyar ro/ /dkyil 'khor bstan pa'i rjes su dpal he ru ka nye bar mtshon pa ste/ gnas la sogs pa bstan par bya'o zhes pa'i don to/ /de nas zhes bya ba la sogs pas ni shes rab ye shes kyi dbang ston te/de nas de gsang ba'i dbang gi rjes thogs su slob dpon zhes pa ni brtan pa nyid la sogs pa'i yon tan dang ldan pa'o/ /de la zla mtshan la ka ra ka ra la sogs pa'i sngags bzlas pas thig le bya'o/ /de la zhes pa ni de rnams kyi nang nas kha cig dkyil 'khor du bcug cing gdong phye ba la des thig le bya zhes pa'i don to//gang yang lha rnams kyi gnas de la bstan par bya'o zhes dgongs so/ /gnas la sogs pa dpal he ru ka la sogs pa'i lha bstan par bya'o/ /lus rjes su dran pa ni mkha' 'gro ma'o/ /tshor ba rjes su dran pa ni lA ma'o/ /chos rjes su dran pa ni dum skyes ma'o//sems rjes su dran pa ni gzugs can ma la sogs pa dkyil 'khor gyi de nyid dang / lha'i de nyid kyang bstan par bya'o/ /de nas/ slob dpon dang ni bcas pa la/ /rab tu 'dud pa byas nas ni/ /zhes pa la/ de nas slob ma gdong phye ba'i rjes la dkyil 'khor la 'dud pa byas nas thig le byas pa dkyil 'khor gyi mdun du bstan par bya'o//g.yon nas brtsams pa'i rim pa yis/ /de nas bskor ba rab tu bya/ /zhes pa ni yang bskor ba bya ste/ g.yon nas brtsams nas g.yas su bskor ba'am/ g.yon du bskor bas 'khor bar byas la dkyil 'khor dang bla ma btud nas/bla ma la de bzhin gshegs pas gsungs pa'i yon dbul bar bya'o/ /dkyil 'khor lha'i de nyid bstan pa'i rjes su slob mas bla ma la yon dbul ba'o/ /de yang bdud rtsi lnga sbyin pa sngon du 'gro bas chu la sogs pa'i dbang nas slob dpon gyi bar du de nas gsang ba'i dbang ni zhes pa ni gzhung go bzlog pa ste bsdus pa'i don to//yon ni dbul zhes bya ba la sogs pa gsungs te/ gtor ma'i ngo bo nyid chur ni dbul ba ste/ nges par gtong ba ni ma lus par gtong ba'o/ /de ma lus bar gtong ba yang yin la/ gser srang brgya dang stong yang yin pas na de ni de bzhin no//gser srang 'bum yang dbul lo/ /glang po che zhes pa rgyan phyis pa'i tshig go/ /sor gdub ces pa ni sor gdub dang bcas pas gsum pa'i don to/ /dam pa ni dbu rgyan no/ /gser las byas pa'i mchod phyir thogs/ /zhes pa ni tshangs pa'i skud pa gser las byas pa'o//bran mo zhes pa ni rkyen med pa'o/ /'di thams cad bla ma la dbul bar bya'o/ /rang rtags dam tshig slob dpon ni/ /sbyin min bu dang chung ma dang / /rang srog gis kyang bsten bya na/ /longs spyod g.yo ba smos ci dgos/ /zhes gsungs pa'i phyir ro/ / bdag nyid dngos po thams cad kyis/ /blo ldan bla ma dag la dbul/ /zhes pa ni dngos po thams cad ni lus la sogs pa'i bya ba'o/ /'dir 'di lta bur gyur pa mi zad pa thob par 'dod pa'i blo'i nor can gyis so/ /rang nyid dbul ba ni deng nas zhes bya ba la sogs pa gsungs te/ 'bul lags ni rkyen med pa'o//de ltar zhes bya ba la sogs pas ni mjug rgyas par bya ba nyid gsungs te/ gang du gsungs pa'i gser la sogs pa sbyin par byas pa la sgrub pa pos nges par shin tu legs shing mdzes pa'o zhes rjes su yi rang ba'i don to/ /de la zhes pa ni bya ba'i cho ga de la rjes su gnas pa'i 'bras bu mkha' 'gro ma zhes bya ba la sogs pa ston to//mkha' 'gro ma zhes pa ni mkha' 'gro ma'i rigs so/ /de'i khyad par ni rnal 'byor ma zhes bya ba la sogs pa gsungs te/ rnal 'byor ma ni mkha' 'gro ma nyi shu rtsa bzhi khwa gdong ma la sogs pa yang ngo / / lA ma ni lA ma'i rigs su skyes pa ste/ lA ma'i ming gi rnam grangs la yang lA ma'i sgras brjod pa'am/ a phyis nas ma bcug pa'i mang po'i tshig gi mtha' can gyi tshig go/ /de dang zhes bya ba la sogs pa la 'di lta bur gyur ba'i dkyil 'khor du zhugs shing mchod nas/ dbang blang ba'i phyir de bris pa sngon du song bas dngos grub bsgrub par bya ba'i don du mkha' 'gro ma rnams rgyur gyur pas mkha' 'gro ma thams cad la sbyor ba ste/bgrod par bya ba ma yin par yang 'gro zhes bya ba'i don to/ /mkha' 'gro ma zhes bya ba la sogs pa ni yi ge'i lung dang yi ge nyams pa dang yi ge bzlog par 'gyur bas nges pa'i tshig bris pa bsdus pa ste/bde bar gshegs pa'i lung yin pas na gtso bo nyid du sgrub pa'i phyir ro/ /de ltar thams cad du'o/ /sgra dang sgra ma yin pa nyid du dogs par mi bya ste/ gnas pa med pas so//slong ba zhes pa ni 'chi ba slong ba'o/ /gnod pa ni gsod pa'o/ /lhag ma ni go sla'o/ /sngags pa dkyil 'khor ma mthong bas/ /zhes bya ba la sogs pas ni dkyil 'khor gyi phan yon yin no/ /ji ltar nam mkha' la khu tshur gyis brgyab kyang brgyab pa'i mtshan nyid kyi don gyi bya ba ni 'grub par mi 'gyur ro//smig rgyu'i chu la 'thung bar 'dod kyang 'thung ba'i mtshan nyid dang skom pa zhi ba'i don gyi mtshan nyid kyi bya ba med do/ /de bzhin du dkyil 'khor ma mthong bar rnal 'byor nyid du 'dod na des rnal 'byor gyi 'bras bu 'dod pa gang du yang rnyed par mi 'gyur ro//'dir gang zhig dpal he ru ka mchog 'dod pa des lha la sogs pa zil gyis gnon pa ste/ gnon par 'gyur ro zhes bya ba'i don to/ /'gro zhes pa ni gnas pa'i don te/ gnas par 'gyur ba'o zhes dgongs so/ /'das pa dang ma 'ongs pa dang da ltar shes shing ston par 'dod par 'gyur ro zhes ston pa yang ma yin no//bshad dang ma bshad gang ci'ang rung / /zhes pa ni gang yang gsungs pa dang / gzhan yang de thams cad dpal he ru ka'i 'khor lo bde mchog gi dkyil 'khor gyi cho ga zhes bya ba ni shin tu gus pas phul du byung ba'o/ / dbang bskur ba zhes pa ni nyon mongs pa spong par byed pa'o/ /de dag gi chog des brjod par bya bas le'u ste de ni gsum pa ste/ dpal 'khor lo sdom pa'i dka' 'grel las le'u gsum pa'o// //rten gyi dkyil 'khor bstan pa'i rjes su de la brten pa'i rnal 'byor ma rnams ston bas le'u bzhi pa ni de nas zhes bya ba la sogs pa gsungs te/gang dam tshig spyod pa'i spyod yul mkha' 'gro mar bsten pa sku dang gsung dang thugs kyi rang bzhin/ sprul pa dang longs spyod dang chos kyi sku'i bdag nyid gang yin pa de'i rgyu nyid kyi phyir mkha' 'gro ma nyi shu rtsa bzhi sa gsum du sku'i 'khor lo la sogs par rol cing khyad par byed do//de nyid ni brtson chen zhes bya ba la sogs pa gsungs te/ 'khor lo'i shugs can ma dang / dum skyes ma dang / chang 'tshong ma dang / 'khor lo'i go cha ma dang / rab tu dpa' mo dang / stobs chen ma dang / 'khor los sgyur ma dang / brtson chen ma zhes pa 'di rnams ni dkar po ste sku'i 'khor lo'o/ /sa srungs ma dang / 'jigs byed chen mo dang / rlung gi shugs can ma dang / chang 'thung ma dang / lha mo sngo bsangs ma dang / shin tu bzang mo dang / rta rnam dang / khwa gdong ma zhes pa 'di rnams ni dmar mo ste gsung gi 'khor lo'o//rab tu gtum mo dang / gtum pa'i mig can ma dang / 'od ldan ma dang / sna chen ma dang / dpa' bo'i blo ma dang / mi'u thung ma dang / lang ka'i dbang phyug ma dang / shing grib ma zhes bya ba ni mdog nag po ste thugs kyi 'khor lo'o/ /sngon rgyud thams cad go rims bzlog pa nyid ni go rims so//de'i phyir rab tu gtum mo zhes bya ba la sogs pa gsungs te/ rab tu gtum mo la sogs pa byas pas/ gtum pa'i mig can ma la sogs pa blta bar bya'o/ /rang rang gi ming brjod pa gang yin pa de'i sngon du sgrub pa'i thabs gsungs pa'i rim pas ka ra ka ra la sogs pa'i sngags dang yang dag par ldan pa'i bar de ni/rang ming brjod pa'i sngags zhes bya ba ste dang po'i don las drug pa'o/ /huM hUM phaT mtha' ru sbyar zhes pa ni huM hUM phaT dang ming gi mthar sbyar ba gang yin pa de ni de bzhin no/ /oM ni thams cad gsal byed de/ /zhes pa ni ka ra ka ra la sogs pa'i sngags las sngon du/oM gyis gsal bar byed pa gang yin pa de ni de bzhin no/ /'di'i don ni oM k+Sh+mAM k+Sh+mAM tsakra be ge huM hUM phaT/ ces pa la sogs pas 'khor lo'i shugs can ma la sogs pa brgyad kyi'o/ /oM phaT phaT e rA ba tI ye huM hUM phaT/ ces pa la sogs pas sa srungs ma la sogs pa brgyad do//oM kar kar pra tsaN+Di huM hUM phaT/ ces bya ba la sogs pa ni rab tu gtum mo la sogs pa brgyad kyi'o zhes pa ni dkyil 'khor rang rang gi lus la yang dgod do/ /'di nyid kyi phyir thugs kyi 'khor lo dang / de nas gsung gi 'khor lo dang / de nas sku'i 'khor lo yang ste/ gdams ngag gi don du rgyud ni go rims bzlog pa'o/ /'on kyang huM hUM phaT mtha' ru sbyar zhes pa'i don ni gzhan yin no/ /huM hUM phaT ces pa'i sngags mtha' ru sbyar ba rnams ni drug pa'i don las dang po ste/ mthar gyur pa nyid kyi phyir mthar sbyar ba ni khwa gdong ma la sogs pa brgyad do//mkha' 'gro ma la sogs pa bzhi ni dbus so/ /dus kyi khyad par gyis de sngags las skyes par blta'o/ /ji ltar/ oM huM hUM phaT phaT kA kA s+yai huM hUM phaT ces bya ba la sogs pa rab tu gtum mo nas shing grib ma'i bar te/thugs kyi 'khor lo la gnas pa de yang sngon po'o/ /sa srungs ma nas bya gdong ma'i bar du gsung gi 'khor lo la gnas pa ste/ de yang dmar po'o/ /'khor lo'i shugs can ma la sogs pa brtson chen ma'i bar du ste/ de yang sku'i 'khor lo la gnas pa ste de yang dkar po'o//mkha' 'gro ma la sogs pa bzhi po ni go rims bzhin du g.yon skor gyis/ nag po dang ljang gu dang dmar po dang dkar po'o/ /gshin rje brtan ma la sogs pa ni kha dog gnyis gnyis thob pa'o/ /grub stsol 'dod pa thams cad ster/ /zhes pa ni 'di rnams tshogs dang / dpal he ru ka'i gtso bo ni dkyil 'khor gyi khyad par gnyis so/ dpa' bo nyid 'gyur zhes pa ni rnal 'byor ma nyi shu rtsa bzhi'i khyad par ro/ /'dis dpa' bo nyid ni dpa' bo'i yan lag tu gyur pa rnyed pa ste/ dpa' bo la 'khyud cing ldan pa zhes pa'i don to/ /dpa' bo ni thod pa'i dum bu la sogs pa ste/de yang zhal gcig phyag bzhi pa spyan gsum pa ral pa'i dbu rgyan gyi thod can stag gi pags pa'i sham thabs can rdo rje dang dril bu g.yon pa dang g.yas pa'i phyag gnyis na 'chang zhing 'khyud pa gzhan g.yon pa dang g.yas pa'i phyag na kha T+wAM ga dang rnge'u chung bsnams pa'o//g.yas brkyang bas gdan la bzhugs pa/ 'khor lo dang rna chal sogs pa'i phyag rgya dang ldan pa 'khor lo dang rjes su mthun pa'i lha mo'i sku mdog go/ /rab tu gtum mo la sogs pa yang phyag gnyis kyis 'khyud pa/ gzhan g.yon pa dang g.yas pa'i phyag gnyis na khrag gis gang ba'i thod pa sdigs mdzub 'chang ba'o//mkha' 'gro ma la sogs pa ni g.yon pa'i phyag gnyis na kha T+wAM ga dang thod pa 'chang ba/ g.yas pa'i phyag na rnge'u chung dang gri gug bsnams pa'o/ /khwa gdong ma la sogs pa ni mkha' 'gro ma la sogs pa'i mtshan ma 'chang ba'o/ /gshin rje brtan ma la sogs pa'i phyag g.yon pa gnyis na rnge'u chung dang gri gug gi mtshan ma 'dzin pa'o//g.yas na kha T+wAM ga dang thod pa bsnams pa'o/ /mkha' 'gro ma la sogs pa rnal 'byor ma sum cu rtsa drug ni zhal gcig spyan gsum pa gcer bu skra grol ba/ g.yas brkyang ba'i zhabs kyis gnas pa/mi bzang pa'i gzugs can/ mgul rgyan la sogs pas brgyan pa'o/ /'on kyang dpral ba la gnas pa'i rdo rje phreng ba dpa' mo rnams la yang ngo / /lha rnams kyi rang bzhin brjod par bya ste/ lus dran pa nye bar gzhag pa'i rang bzhin ni mkha' 'gro ma'o/ /tshor ba dran pa nye bar gzhag pa'i rang bzhin ni lA ma'o//chos dran pa nye bar gzhag pa'i rang bzhin ni dum skyes ma'o/ /sems dran pa nye bar gzhag pa'i rang bzhin ni gzugs can ma ste/ ye shes kyi 'khor lo'o/ /'dun pa'i rdzu 'phrul gyi rkang pa'i rang bzhin ni rab tu gtum ma'o/ /brtson 'grus kyi rdzu 'phrul gyi rkang pa'i rang bzhin ni gtum pa'i mig can ma'o//dpyod pa'i rdzu 'phrul gyi rkang pa'i rang bzhin ni 'od ldan ma'o/ /sems kyi rdzu 'phrul gyi rkang pa'i rang bzhin ni sna chen ma'o/ /dad pa'i dbang po'i rang bzhin ni dpa' bo'i blo can ma'o/ /brtson 'grus kyi dbang po'i rang bzhin ni mi'u thung ma'o/ /dran pa'i dbang po'i rang bzhin ni lang+ka'i dbang phyug ma'o//ting nge 'dzin gyi dbang po'i rang bzhin ni shing grib ma ste thugs kyi 'khor lo'o/ /shes rab kyi dbang po'i rang bzhin ni sa srungs ma'o/ /dad pa'i stobs kyi rang bzhin ni 'jigs byed chen mo'o/ /brtson 'grus kyi stobs kyi rang bzhin ni rlung gi shugs can ma'o/ /dran pa'i stobs kyi rang bzhin ni chang 'thung ma'o//ting nge 'dzin gyi stobs kyi rang bzhin ni lha mo sngo bsangs ma'o/ /shes rab kyi stobs kyi rang bzhin ni shin tu bzang mo'o/ /ting nge 'dzin yang dag byang chub kyi yan lag gi rang bzhin ni rta rna ma'o/ /brtson 'grus yang dag byang chub kyi yan lag gi rang bzhin ni bya gdong ma ste gsung gi 'khor lo'o//dga' ba yang dag byang chub kyi yan lag gi rang bzhin ni 'khor lo'i shugs can ma'o/ /shin tu sbyangs ba yang dag byang chub kyi yan lag gi rang bzhin ni dum skyes ma'o/ /chos rab tu 'byed pa yang dag byang chub kyi yan lag gi rang bzhin ni chang 'tshong ma'o//dran pa yang dag byang chub kyi yan lag gi rang bzhin ni 'khor lo'i go cha ma'o/ /btang snyoms yang dag byang chub kyi yan lag gi rang bzhin ni shin tu dpa' mo'o/ /yang dag pa'i lta ba'i rang bzhin ni stobs chen ma'o/ / yang dag pa'i rtog pa'i rang bzhin ni 'khor los sgyur ma'o/ /yang dag pa'i ngag gi rang bzhin ni brtson chen ma ste sku'i 'khor lo'o/ /yang dag pa'i las kyi mtha'i rang bzhin ni khwa gdong ma'o/ /yang dag pa'i 'tsho ba'i rang bzhin ni 'ug gdong ma'o/ /yang dag pa'i rtsol ba'i rang bzhin ni khyi gdong ma'o//yang dag pa'i dran pa'i rang bzhin ni phag gdong ma'o/ /ma skyes pa'i dge ba'i chos bskyed pa'i rang bzhin ni gshin rje brtan ma'o/ /skyes pa'i dge ba'i chos yang dag par bsrung ba'i rang bzhin ni gshin rje'i pho nya ma'o/ /skyes pa'i mi dge ba'i chos 'joms pa'i rang bzhin ni gshin rje mche ba ma'o/ /ma skyes pa'i mi dge ba'i chos mi bskyed pa'i rang bzhin ni gshin rje 'joms ma ste dur khrod kyi 'khor lo'o//yang dag pa'i ting nge 'dzin gyi rang bzhin ni dpal he ru ka'o/ /grub pa yin zhes pa ni rnal 'byor ma nyi shu rtsa bzhi'o/ /khyim du dkyil 'khor mthong ba yin/ /zhes pa ni rang gi lus dkyil 'khor du mthong ba ste/de nas dkyil 'khor bsgom pas grub par shes nas bsgom par bya'o zhes pa bsam pa'o/ /bder gshegs ni ji lta bar zhes pa ni de bzhin gshegs pa'i gsung gis ni bsgom par bya'o zhes dgongs so/ /dpa' bo dang ldan pa'i rnal 'byor ma ni dpa' bo rnal 'byor ma ste nyi shu rtsa bzhi'o//gnyis su med pa'i dpa' bo spangs pa ni bcu gnyis so/ /thung ngu ni bde bar gshegs pa'i lung yin pa'i phyir ro/ /de rnams dgod pa ni de'i cho ga ste/ de rjod par byed pa'i le'u ste de yang bzhi pa'o/ /dpal 'khor lo sdom pa'i dka' 'grel las le'u bzhi pa'o// //bsgom pa tsam 'ba' zhig gi dngos grub sgrub byed ma yin pas/ 'on kyang bzlas pas kyang zhes pa la de nas zhes bya ba la sogs pa gsungs te/ rgyu mtshan de nyid kyi phyir sngags btu ba ste/ btu ba ni thams cad ces bya ba la sogs pa gsungs so/ / thams cad ni chos rnams so/ /'byung ba ni 'di las 'byung bas na 'byung bar byed pas so/ /sna tshogs ni kha dog sna tshogs pa nyid kyi phyir ro/ /lte ba zhes pa ni lte ba la'o/ /mi shigs pa ni kun tu thob cing zhes pa dge ba 'byung ba nyid kyi phyir ro/ /de lta bur gyur pa'i pad+ma zhes pa'i don to/ / khyad par du byed pa ma gzung par khyad par la blo 'jug par mi 'gyur zhes so/ /lte ba khyad par du byed pa nyid kyi phyir ro/ /yang na chos 'byung ni b+ha ga las don gzhan ma yin no/ /sna tshogs ni sna tshogs kyi pad+ma dang ldan pa'i lte ba la thob pa nyid kyi phyir ro/ /sna tshogs pad+ma 'ba' zhig ni ma yin te/chos 'byung gi khongs su sna tshogs pad+ma la rab tu dgram par bya'o zhes sbyar ro/ /ci byas nas zhes pa la/ bris zhes bya ba la sogs pa gsungs so/ /chos kun ni a la sogs pa dang ka la sogs pa'i ngo bo nyid gcig tu yang dag par bsdus pa'o/ /byas zhes pa ni re mig bzhi bcu rtsa dgu'i gnas la dgod par bya'o zhes pa ni rnam grangs so//'dir sngags tshig ni 'di yin te zhes pa ni re'u mig bzhi bcu rtsa dgu'i gnas su gnas pa la/ de yang bcom ldan 'das kyi rtsa ba'i sngags rkang pa brgyad par 'gyur ba ste/ kun kyang yan lag dang nying lag tu gyur pa'i phyir ro//yi ge las skyes pa'i sngags su bstan te/ ji ltar skud pa yod pa la snam bu zer ba lta bu'o/ /de yang ji ltar dgod ces pa A li zhes pa la sogs pa la gnyis pa'i gcig tshig phyis pa'o/ /kA li mnyam byas zhes pa ni yi ge gcig dang mi 'dor bas so//gzhan nga nya Na na ma spangs pa'o zhes bstan to/ /de ltar gyur pa'i A li dang kA li bkod pa'i dgram pa ste/ de yongs su gyur pa'o/ /de las skye zhing yongs su gyur pa ni gnas skabs kyi khyad par du yongs su gyur pa'o/ /de gang zhes pa la/sde tshan zhes gsungs te dgu ba phyis pa'i lnga pa'o/ /sde tshan brgyad rnams blang zhing yongs su gyur pa de ni sde tshan brgyad kyi ngo bo nyid kyi gnas skabs kyi khyad par shes pa'i don to/ /de'i phyir 'di dang zhes bya ba la sogs pa gsungs te/ sde tshan bzhi dang bzhi ru shes byas la/ / zhes pa ni shes par bya ba gang yin pa de de bzhin du dgod par bya'o/ /yid ni thub pa ste/ pha rol tu phyin pa'i theg pa dang sngags kyi theg pa'i nang nas gtso bo ni sngags kyi theg pa ste/ de bkod par shes pa ni gsang sngags kyi theg pa ni thub pa ste/ mchog go/ de la a la sogs pa dbyangs yig bcu drug ni sde tshan gcig go//yi ge lnga lnga ni ka la sogs pa nas ma'i bar du sde tshan lnga'o/ /ya ra la wa bzhi ni sde tshan gcig go/ /sha Shas ha ni mchog go /ka dang Sha gnyis yang dag par sbyor ba las skyes pa ni k+Sha ste 'dir dgos pa med pas ma bstan no/ /'dir sde tshan brgyad go bar bya'o//der gnas dpa' bo btu bar bya/ /zhes pa ni A li kA li la gnas pa'i dpa' po'i rkang pa brgyad pa'i sngags btu bar bya ste/ zhol gnas pa'i mar lta bu'o/ /lhag ma ni go sla'o/ /bzhi pa'i lnga pa gang yin pa/ /zhes pa ni sde tshan bzhi pa'i lnga pa ni na'o//lnga pa yi ni lnga pa dang / /zhes pa ni ma'o/ /lnga pa yi ni bzhi pa dang / /zhes pa ni b+ha'o/ /dang po'i gsum pa gang yin dang / /zhes pa ni go'o/ /ni'i sgras ni bstod pa'i khyad par ro/ /b+ha ni nyon mongs pa 'joms pas na b+ha ste/ de ya b+ha ga'i don to/ /ga ni phyis brjod par bya'o//de ltar yang / b+ha ni b+ha ga zhes su gsungs/ /zhes bya'o/ /de bzhin nyi shu rtsa dgu pa/ /zhes pa ni ba'o/ /de bzhin zhes pa ni sems can gyi don ston te/ thabs dang shes rab bsdus pas na ste 'brel pa zhes dgongs so/ /bzhi pa'i dang po gang yin dang / /zhes pa ni ta'o/ / ta'i sde tshan nas bzung ste bzhi pa'i dang po ni ta nyid do/ /mthar gnas pa yi bzhi pa dang / /zhes pa ni wa'o/ /so dang mchu las byung zhes pa'i don to/ /de nyid kyi ni gnyis ba dang / /zhes pa ni mthar gnas pa'i de nyid gang yin pa'i yi ge gnyis pa de blangs te dpa' bo btu bar bya'o zhes sbyar ro//sum cu pa ni zhes pa ni/ /sha ste lce'u chung nas 'byung ba'o/ /de yang bzhi pa'i don du ste ni'i sgra'i don to/ /de sum cu pa'i don to/ /de bzhin nyi shu rtsa drug nyid/ /ces pa ni nyi shu rtsa drug pa ni ya'o/ /de bzhin du nyid ni rlung gi don to/ /brgya'i phyed phyed ces pa ni ma'o/ /de bzhin dang zhes pa ni chos thams cad 'chi ba ni med par bstan pa'i don to//de nas sum cu rtsa gsum dang / /zhes pa ni ha ste/ ma'i rjes su bzung ste/ dpa' bo btu bar bya zhes sbyar ro/ /de dpa' bo'i dang po zhes pa ni gsal byed kyi dbang du byas nas dang po ni ka'i sde tshan no/ / de'i sde tshan gyi dang po ka'o/ /ni'i sgra ni gang du yang gnas pa med do zhes pa'i don to/ /mthar gnas pa yi gsum pa ni/ /zhes pa ni la'o/ /sa'i sa bon du bstan pa'o/ /dang po yi ni gsum pa nyid/ /ces pa ni ga'o/ /de la zab mo'i chos kyi don yin pas de nyid de ni'i sgra'i don to/ / sum cu rtsa gnyis pa nyid ni zhes pa ni sa'o/ /sum cu rtsa gnyis pa yin zhes pa'i don to/ /rang gi sgras ni so las byung ba'i sa yin par bstan par bya'o/ /bzhi pa yi ni lnga pa dang / /zhes pa ni na'o/ /lnga pa yi yang bzhi pa dang / /zhes pa ni b+ha'o/ /mthar gnas pa yi dang po dang / / zhes pa ni mthar gnas pa ni mthar gnas sde tshan te/ de'i yang dang po na gnas pa ni ya'o/ /gnyis pa yi ni gsum pa dang / /zhes pa ni dza'o/ /bzlas pa'i don nyid kyis ka na'i rkyen byin pa'o/ /gsum pa'i dang po gang yin btu/ /zhes pa ni Ta'o/ /lnga pa yi yang lnga pa dang / / zhes pa ni ma'o/ /dang po yi yang dang po ni/ /zhes pa ni yang ka ste/ ra dang ka la sogs pa'i sbyor bas 'dod pa gsal bar byed pa ste/ ni'i sgras bstan pa'o/ /de bzhin bcu gcig pa nyid ni/ /zhes pa ni de bzhin du phaT kyi yan lag dang nying lag tu gyur pa nyid kyis ltung bar byed pa'i don bstan pa'o//bcu gcig pa ni Ta'o/ /dang gis ni de'i sngon rol du gyur pa'i pha yig gis nges par sngags kyi mthar de sbyar ro zhes pa de'i phyir nyid gsungs so/ /de bzhin mkhas pas bcu drug pa/ /zhes pa ni bcu drug pa nyid bcu drug pa ste/rang gi don du ma ste du ma lta bu'o/ /de yang ta'o/ /de la mkhas pa zhes pa ni bya bas khyab pa nyid kyi phyir gnyis pa'o/ /lnga pa yi yang lnga pa dang / /zhes pa la sogs pa dang / 'on kyang / bzhi pa'i lnga pa gang yin dang / /zhes bya ba la sogs pa rtogs par bya'o//bzhi pa'i sde tshan gang yin pa de'i yi ge de ni lnga pa'i yang lnga pa blangs la dpa' bo btu par bya'o zhes mkhas pas dgongs so/ /de ltar lnga pa gang yin pa'i yi ge de'i bzhi pa zhes bya ba la sogs pa yang de bzhin zhes gsungs pa ste/ stong pa nyid bcu drug ston par 'di sgrub pa yin no//gsum pa'i dang po ni Ta'o/ /de bzhin nyi shu rtsa drug pa/ /zhes pa ni nyi shu rtsa drug pa'i ya ste mkhas pas bya ba la gnyis pa'o/ /de ltar thams cad blta'o/ /nyi shu rtsa drug pa la sogs pa rnams la ni ta phyi ba ste/ de bzhin zhes pa ni 'di ni rlung gi sa bon nyid do//bzhi pa'i gsum pa gang yin dang / /zhes pa ni da'o/ /na'i sgras ni sdig pa bsreg par don bstan pa yin no/ /uSh+ma yi ni gnyis pa nyid/ /ces pa ni sha Sha sa ha ni drod kyi yi ge'o/ /drod ces pa ni yi ge'i lung byas pa'o/ /gnyis zhes pa gnyis pa Sha'o/ / nyid ces pa ni gzhan gnyis pa nyid las nges par gzung ba'i don to/ /dang po'i dang po gang yin dang / /zhes pa ni ka'o/ /de bzhin nyi shu rtsa bdun pa/ /zhes pa ni nyi shu rtsa bdun pa ni ra'o/ /de bzhin sgra 'di me'i sa bon yin par bstan pa'o/ /nyi shu rtsa brgyad pa'o zhes pa ni nyi shu rtsa brgyad laM gyi sgra ni sa'i sa bon yin par bsgrub pa yin no//dang po yi ni gsum pa dang / /zhes pa ni ga'o/ /ni'i sgras ni khyad par du 'gro zhing rtag tu'ang stong pa nyid la nye bar gnas pa de brjod pa'i phyir gros zhes bya ba'i don to/ /lnga pa yi yang bzhi pa dang / /zhes pa ni b+ha'o/ / yang gi sgra ni sngon du bstan pa'i don bstan pa'o/ /de bzhin sum cu rtsa gcig blang / /zhes pa ni kI li sum cu rtsa gcig pa Sha blang ba'o/ /bco lnga pa ni nyid dag dang / /zhes pa ni/ de bzhin du kA li bco lnga pa ni Na'o/ /nyid ces pa ni kA li dang 'brel pa nyid du nges par bzung ba'o//de bzhin nyi shu rtsa lnga pa/ /zhes pa ni ma'o/ /de lta bu nyid de bzhin gyi sgra'i don to/ /dang po'i gnyis pa gang zhes pa ni kha'o/ /de bzhin nyid du ni'i sgras ni 'di stong pa nyid kyi don bstan pa'o/ /de bzhin nyi shu rtsa drug pa/ /zhes pa ni de bzhin ni sngon bzhin te ya'o/ / yang gi sgras ni ngag gi rgyan no/ /yi ge sum cu gnyis nyid dang / /zhes pa ni yi ge sum cu rtsa gnyis pa ni sa'o/ /dang ni de chu'i rang bzhin yin par bstan to/ /nyid ni 'di nye bar gzung ba'o/ /drod rnams kyi ni tha ma nyid/ /ces pa ni ha'o/ /nyid kyi ni kA li tha ma dang 'brel pa nges par gzung ba'o//sum cu rtsa gnyis pa nyid dang / /zhes pa ni yi ge sum cu rtsa gnyis pa sa'o/ /yang dang nyid kyi tshig gis ni sngon gyi ngag gi don bstan pa'o/ /lnga pa yi ni bzhi pa dang / /zhes pa ni b+ha'o/ /ni'i sgras ni 'dis 'jigs pa sel bar bstan to//gnyis pa yi ni gsum pa dang / /zhes pa ni dza'o/ /nyid kyi sgras ni de rgyal ba'i don du nges par gzung ba'o/ /lnga pa yi ni bzhi pa dang / /zhes pa ni b+ha'o/ /ni'i sgras ni s+ya sngon du bstan pa'i don bstan pa'o/ /drod rnams kyi ni gsum pa zhes pa ni sa'o/ /phyi ma sngon bzhin ni nyi shu rtsa bdun pa zhes pa ni ra'o//gzhan ni me'i sa bon nyid kyi phyir ro/ /mthar gnas rnams kyi dang po nyid/ /ces pa ni ya'o/ /nyid ni bsdu bar nye bar gzung ba'o/ /de bzhin nyi shu rtsa gcig pa ni pa'o/ /de bzhin ni de bzhin gshegs pas gsungs par bstan pa'o//dang po ni yon tan rgyas pa'o/ /mthar gnas pa yi gnyis pa dang / /zhes pa gang yin pa'i gnyis pa ni ra'o/ /de bzhin yang ni sum cu pa/ /zhes pa ni sha'o/ /yang gi sgras ni yang des bzlas pa nyid du bstan pa'o/ /de bzhin ni zhi zhing shis par byed pas na sha'i don bstan pa'o//lnga pa yi ni dang po dang / /zhes pa ni pa'o/ /drod rnams kyi ni dang po dang / /zhes pa ni sha'o/ /dang ni nyid kyi don te/ zhi ba'i don dang dang po nyid du nges par gzung ba'o/ /de bzhin yi ge t+yA nyid dang / /zhes pa ni t+ya'i yi ge blangs te dpa' bo btu bar bya'o zhes sbyar ro//bzhi pa'i dang po gang yin dang / zhes pa ni ta'o/ /drod rnams dang po gang yin dang / /zhes pa ni sha'o/ /de bzhin nyi shu rtsa brgyad pa/ /zhes pa ni la'o/ /de bzhin zhes pa ni de'i sngon du bstan pa'o/ /dang po'i gnyis pa gang yin dang / /zhes pa kha ste snga ma bzhin no//gsum pa'i dang po nyid dag dang / /zhes pa ni Ta'o/ /dang po'i gsum pa gang yin dang / zhes pa ni ga'o/ /bzhi pa'i bzhi pa gang yin ni/ /zhes pa ni d+ha'o/ /ni'i sgra ni sdig pa 'joms par byed pa nyid du bstan pa'o/ /mthar gnas pa yi gnyis pa dang / zhes pa ni ra'o/ /gsum pa'i yang ni lnga pa dang / /zhes pa ni lnga pa ni Na'o/ /yang ni nges par gzung ba'o/ /de ltar thams cad du'o/ /bya yig ces bya dpa' bos gsungs/ /zhes pa ni khyad par can thob par byed pas na bya ste de dpa' bo dpal he ru kas gsungs pa'o/ /dang po yi ni bzhi pa dang //zhes pa ni g+ha'o/ /de bzhin brgyad pa nyid dang yang / /zhes pa ni brgyad pa ni dza'o/ /de bzhin gyi sgras ni rgyal ba'i don rjes su bstan pa'o/ /nyid ni de yis nges par gzung ba'o/ /yang gi sgras ni kA li'i brgyad par bstan pa'o/ /lnga pa yi yang lnga pa dang / /zhes pa ni ma'o//bzhi pa yi yang lnga pa dang / /zhes pa ni na'o/ /de bzhin nyi shu rtsa bdun pa/ /zhes pa ni ra'o/ /de bzhin gyi sgras ni sngon du bstan pa'i don bstan pa'o/ /bzhi pa yi yang bzhi pa dang / /zhes pa ni d+ha'o/ /dang gi sgras ni yang gi don te/ yang na nyi shu rtsa bdun pa/ /zhes pa ni ra'o//yang gi sgras ni de bzhin nyid/ /de bzhin nyi shu rtsa drug nyid/ /ces pa ni nyi shu rtsa drug pa ya'o/ /de bzhin gyi sgras ni de bzhin nyid du'o/ /ta ma'i rkyen gyi cha phyi ma ba'i nyid ces pa ni sngon du bstan pa'i don 'dis ston pa'o/ /nyi shu rtsa lnga blang zhes pa ni ma'o/ /de blangs te dpa' bo btu bar bya'o zhes sbyar ro//blang zhes pa ni gzhan pa yang ngo / /sum cu rtsa gsum nyid dag dang / /zhes pa ni ha'o/ /dang gi sgras ni sems can rnams kyi sdig pa 'joms par byed pa'i don du nges par gzung bar bya'o/ /bzhi pa yi ni bzhi pa dang / /zhes pa ni d+ha'o/ / ni ni yang gi don to/ /lnga pa yi ni lnga pa dang / /zhes pa ma'o/ /bzhi pa yi yang lnga pa dang / /zhes pa ni na'o/ /yang gi sgras ni lnga par bsdu ba'o/ /dang po yi ni dang po nyid/ /ces pa ni ka'o/ /nyid kyi sgras ni sngar bstan pa'i don bstan pa'o/ /de bzhin nyi shu rtsa bdun pa/ / zhes pa ni ra'o/ /de bzhin gyi sgras ni me'i sa bon nyid du bstan pa'o/ /mthar gnas rnams kyi bzhi pa ni/ zhes pa ni wa'o/ /ni'i sgras ni chu'i sa bon nyid du bstan pa'o/ /de bzhin nyi shu rtsa gcig pa/ /zhes pa ni pa'o/ /de bzhin gyi sgras ni A li dang 'brel pa nyid du bstan pa'o//drod rnams kyi ni gnyis pa nyid/ /ces pa ni Sha'o/ /nyid kyi sgras ni 'di'i gnas su nges par bstan pa'o/ /de bzhin nyi shu rtsa drug nyid/ /ces pa ni ya'o/ /de ni rtsa ba'i sngags kyi yi ge btu ba'o/ /ka ra ka ra/ ku ru ku ru/ ban+d+ha ban+d+ha/ /trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraHhraHpheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sha ru d+hi ra/ an+t+ra mA la/ a ba laM bi ni gri h+Na gri h+Na/ sap+ta pA tA la/ ga ta b+hu dzaM ga sar+paM bA tardza ya tardza ya/ A kaD+D+h+ya A kaD+D+ha/ hrIM hrIM/ dz+NauM dz+NauM/ k+Sh+mAM k+Sh+mAM/ hAM hAM/ hiM hiM/ hUM hUM/ ki li ki li/ si li si li/ci li tsi li/ d+hi li d+hi li/ huM hUM/ zhes bya ba ni sngags so/ /'di'i mthar yang phaT gnyis ni gdams ngag gis shes par bya'o/ /rig pa'i rgyal po ni dpal he ru ka'o/ /de'i sngags ni rkang pa brgyad pa'i sngags nyid du grub pa ste/ de shes pa ni dngos grub 'byung ba rtogs pa'o//de nas sngags gzhan gyi tshig ni snying po med pa rtswa dang 'dra ba gang yin pa la bya ba ste/ 'di'i bsgrub bya'i 'bras bu la ltos nas 'bras bu med pa'i phyir ro/ /'bu ni srin bu'i khyad par ro/ /des zos pa ni shing la yang 'bus zos pa'o/ /de la 'di'i don ni 'bus zos pa'i shing ltar gzhan sngags kyi tshogs ni don gyi bya bas stong pa ste/snying po med pa'i rtsa ba bzhin du 'bras bu med par rnal 'byor pas bsam mo/ /rtsa ba'i sngags su rab tu grags/ /zhes pa'o/ /de ni yi ge btus pa tsam 'ba' zhig gi bdag nyid kyi phyir rig pa'i rgyal po'i sngags zhes brjod pa ni ma yin no//yang na rig pa ni mkha' 'gro ma la sogs pa ste/ rgyal po ni 'dis skyed par byed pas rig pa'i rgyal po'i sngags te/ ka ra ka ra la sogs pa ste/ dang po'i don la drug pa'o/ /sangs rgyas kyi rigs 'di sgrub pa nyid kyis rig pa'i rgyal po nyid ni gdams ngag go//sgrub pa thams cad spangs pa'o/ /zhes pa ni sbyin sreg la sogs pa'i sgrub pa yin te/ bzlas pa tsam gyis bsgrub par bya ba nyid kyi phyir ro/ /yod min zhes pa ni mchog 'di las gzhan dngos grub sgrub pa'i thabs ci yang yod pa ma yin no//'di nyid kyi phyir sngags shes na zhes bya ba la sogs pa gsungs so/ /dpal dang ldan pa'i he ru ka gang gis bsgrub pa de dpal he ru ka'i sngags so/ /yi ge btus pa las rab tu rnam par phye nas brjod pa'o/ /de gang yin zhes pa la rtsa ba'i gsang sngags zhes gsungs te/dngos grub thams cad kyi rtsa ba yang de yin la sngags kyang de yin pas de ni de bzhin no/ /rig pa'i rgyal po las gzhan rtsa ba'i sngags zhes dgongs pa'o/ /de yang rnam par thar pa brgyad rnam par dag pas rkang pa brgyad pa'o/ /yi ge ni gsal byed do zhes pa ni dpal 'khor lo sdom pa'i le'u lnga pa'i dka' 'grel lo// //mdor bsdus pa la dga' ba rnams kyi don du yang dag par mdor bsdus pa'i sngags bstan te/ de'i phyir zhes pa ni mdor bsdus pa la dga' ba'i don du yang dag par mdor bsdus pa'i sngags bstan pa'i rgyu mtshan nyid kyi phyir ro//snying po yi ge nyi shu gnyis/ /nye snying yi ge bdun pa yi/ /dngos grub thams cad kyi rgyur gyur pa'i phyir ro/ /nye ba'i sgras ni dman pa'i don to/ /yi ge dman pa yin gyi/ 'bras bu dman pa ni ma yin no/ /de yang gnyis kho na 'og nas 'chad par 'gyur zhes pa'i don to//'og nas kyang re zhig mdor bsdus pa'i go cha'i sngags gsungs te/ ya tshogs brgyad pa'i sa bon dang / /zhes bya ba la sogs pa gsungs te/ ya tshogs brgyad pa'i sa bon ni ha'o/ /dang ni nyid kyi don rnams khyad par du byed pa'i don to/ /gug skyed ni dbyangs yig ste/ma ning yi ge spangs pa'o/ /de bzhin zhes pa ni don gyi khyad par la 'jug pa'o/ /mtshan nyid kyi gsum pa'o/ /yi ge bar ma dor byas la/ zhes pa ni de'i sa bon gyi yi ge bar ma dor bar byas nas dpal he ru ka zhes brjod ces pa ni rkyen phyi ba'o/ /de yang yan lag drug ni yan lag dang nying lag drug go//ji ltar ha hA/ hi hI/ hu hU/ he hai/ /ho hau haM haHzhes bya'o/ /yi ge dang yi ge'i bar byas pas ni ring du byas nas dpal he ru ka zhes brjod ces sbyar ro/ /byas pa ni 'dir don gzung bar bya'o/ /ha yis hi dang ring du byas pa'o//de nas yang hi hI yis hu dang ring du byas pa'o/ /de nas yang hu hU las he dang ring du byas pa'o/ /de nas yang he hai yis ho dang ring du byas pa'o/ /de nas yang ho hau yis haM dang ring du byas pa'o/ /zhes pa ni gnyi ga ring bar gyur pa 'di rnams kyi nang nas drug gzung bar byas te/yi ge de rnams ni ji ltar ha hi hu he ho haM zhes bya ba drug po de yin no/ /de rnams gang gi tshe dpal he ru ka gnyis su med pa rdo rjer gyur pa drug po zhes bya ba gsungs te/ go rims su dpa' bo drug gi sngags yi ge re re la yang dag par gnas pa'o/ /de'i tshe dpal he ru ka'i yan lag drug nyid do//dpa' bo zhes pa ni dang po'i mang po'i tshig gi phyi ba'o/ /de lta bur gyur pa ji ltar zhes pa ni mnyam sbyor bya zhes pa ste/ yang dag par dang po spyod pa ni mnyam sbyor te/ ha la sogs pa'i sngon du oM la sogs pa'o/ /dpa' bo drug sbyin zhes pa'i don to/ / oM la sogs pa gsungs te/ oM na maHswA hA/ bauShaT hUM hUM phaT ces pa ni dang po'i mang po'i tshig phyi ba'o/ /ji ltar yang dag par ldan pa de bzhin du shes par bya'o/ /dpa' bo drug po rnams kyi/ snying po ru ni shes par bya/ /zhes pa ni/ ni'i sgra ni las shes par bya zhes pa la/ grub bo zhes pa gsum pa'i don las dang po'o//dang po'i snying ga nyid du ste/ /zhes pa ni ni'i sgras ni rang gi ha'i yang dag par bsdu ba'o/ /de ltar gzhan yang ngo / /oM ha snying gar rdo rje sems dpa' ste dang po'o/ /snying ga zhes pa ni bdun pa'i don la dang po'o/ /gnyis pa spyi bo rang du dran//zhes pa ni na maHhi rnam par snang mdzad ni spyi bo ru'o/ /dran pa ni bsam par bya'o zhes pa'i don to/ /gsum pa spyi gtsug dag tu sbyar/ /zhes pa ni swA hA hu pad+ma gar gyi dbang phyug ni bzhi pa'i go char 'gyur ro zhes so/ /du'i sgra ni rjes su 'jug pa'o/ / bau Sha Ta he dpal he ru ka'i phrag pa gnyis kyi go char gdams ngag gis shes par bya'o/ /lnga pa mig tu gyur pa ste/ /zhes pa ni hUM hUM hoHrdo rje nyi ma mig gnyis la'o/ /drug pa mtshon char brjod ces pa ni phaT haM rta mgrin yan lag thams cad kyi mtshon cha'o/ /drug pa zhes pa ni dang po'i don gyi drug pa'o//snying ga la sogs pa ni bdun pa'i dang po'i don gyi dang po'i gnyis pa'o/ /mtha' dag nyid du'ang snying po'o zhes pa ni snying por rjes su 'jug pa'o/ /sngags de rnams sam de rnams las grub pa'i dpa' bo drug gnas rnams su go char bya ste/ bdud rnams kyis mi phyed pa'i phyir ro//de'i btu ba de rjod par byed pa'i le'u ni drug pa ste/ drug pa'i tshig las rang gi don du ma'i rkyen byas pa'o zhes bya ba ni dpal 'khor lo sdom pa'i dka' 'grel las le'u drug pa'o// //sngon du rkang pa brgyad kyi sngags btu bar byas nas pa ni yi ge de rnams dbyangs kyi dang sbyar ba nyid du rab tu rtsom ste/de nas dbyangs yig ces bya ba la sogs pa gsungs so/ /de la nyid ni yi ge bsdu ba nges par gzung ste/ dmigs kyis dgar ba'i sgra'i drug pa'o/ /bcu gsum pa ni oM'o/ /dang ni don gyi khyad par te/ /nyi ma'i 'od kyis 'od zer stong phrag 'bar ba brgya dbral ba dang snying ga rnams su bsams te dbang du byed pa ste/nyid kyis 'di'i don nges pa'o/ /yi ge gnyis pa sbyar bar bya/ /zhes pa ni yi ge gnyis pa na ni las gzhan ma ste/ de dang o sbyar ba ni mkhas pas so/ /de nas ma'i gzugs su gyur pa'o/ /de ltar brgyad la sogs pa nyid do//dang po na ni nyid do/ /dbyangs yig bcu gcig pa ni o'o/ /de yang de dang 'di yang dag par ldan pa de ni de bzhin no/ /de'i phyir drug pa'i yi ge ta la brgyan pa'o/ /de nas de'i gzugs su 'gyur ro/ /dbyangs yig nyid kyi bzhi pa ni/ /zhes pa ni I'o/ /nyid ni thung ngu dgag pa'i don to/ / de yis mtshon pa'i bdun pa'i yi ge ni ba ru mkhas pas so/ /de yis bI'i gzugs su 'gyur ro/ /yi ge brgyad pa ni ra'o/ /dbyangs yig bcu gcig pa bar yang dag par ldan pa ni mkhas pas so/ /des re'i gzugs su 'gyur ro/ /mkhas pa zhes bya ba ni thams cad la sbyar ro/ / de nas yi ge dgu pa gzung / /zhes pa ni sha'o/ /de nas zhes pa ni bsdus pa las dang po las dbyangs yig gnyis pa ni A ring po'o/ /de shA'i gzugs su 'gyur ro/ /yi ge bcu gnyis pa ni ha'o/ /dbyangs gnyis pa dang ldan par mi mkhas pas so/ /des hA'i gzugs su 'gyur ro/ / yi ge nyi shu gcig pa gzung / /zhes pa ni nyi shu rtsa gcig pa'i yi ge pa'o/ /dbyangs yig gnyis dang yang dag ldan ni gzung ba de dang ldan pa'o/ /yi ge bcu bzhi pa la yin par mkhas pas so/ /de nas lpA pa'i gzugs su 'gyur ro/ /yi ge nyi shu pa zhes pa ni nyi shu pa'i yi ge ni na'o//de'i 'og dang yang dag ldan pa ni yi ge bco lnga pa ga'o/ /dbyangs yig rnams kyi gsum pa ni/ /dbyangs i'o/ /de yis mtshon par mkhas pas so/ /des g+ni'i gzugs su 'gyur ro/ /nyid ni ring po dgag pa'i don to/ /dbyangs yig bco lnga pa ni thig le'o/ /de yis yi ge bcu drug pa la brgyan par mkhas pas so//des na sam gyi gzugs su 'gyur ro/ /yi ge bcu bdun pa na'o/ /dbyangs yig gsum pa dang yang dag par mkhas pas so/ /mchog tu pa zhes pas ni bla ma dang sangs rgyas la sogs pa la gnod pa byed pa de yis skrod par byed pa'o//ji ltar rlung gi dkyil 'khor la zhon pa'i du ba'i phung po lta bu bsgrub bya'i snying ga dang mgrin pa dang / lte ba dang / rkang pa gnyis la bsgoms na de skrod par 'gyur te/ ni'i yi ge ste de nas gzugs su 'gyur ro/ /yi ge bco brgyad pa yang b+ha'o/ /dbyangs yig a dang yang dag ldan//zhes pa ni nyi shu rtsa gcig pa ste/ nyi shu gcig pa ni Ta mkhas pas shes par bya'o/ /ma mo'i lnga pa ni u'o/ /de yis yang dag par ldan pa ni yi ge nyi shu rtsa gsum pa ni ka mkhas pas so/ /dbyangs yig bcu gsum pa nyid ni bcu gsum pa'i o blangs te/des nyi shu bzhi pa'i Ta yang dag par sbyar ba ni mkhas pas so/ /dang po'i dang pos ni ka mkhas pas so/ /dang gis ni ma brjod pa bsdus pa'o/ /nyi ma'i dkyil 'khor gyi 'od lta bu'i de lta bu'i yang dag par ldan pa bsgrub bya'i snying ga dang lte ba dang spyi bor de bkod nas des dbang du byed do zhes pa'o//nyid ni bsdus pa'i don nges par gzung ba'o/ /ji lta bur gyur pas mkhas pas so zhes pa la/ yi ge nyi shu rtsa lnga sbyar/ /zhes gsungs te/ nyi shu rtsa lnga ni nyi shu lnga pa'i yi ge ta'o/ /des gong du sbyar ba'o/ /des na t+ka'i gzugs su 'gyur ro/ /gsum pa yi ni dang po ni//zhes pa ni Ta mkhas pas so/ /dbang po'i gzhu lta bu'i 'od kyi Ta bsgrub bya'i dpral ba dang snying ga dang mgrin par bkod nas dbang du byed do/ /ni'i sgra'i don to/ /dbyangs yig gnyis pa yang dag ldan/ /zhes pa ni Ta yig la dbyangs yig gnyis pa yang dag par ldan pa gang yin pa de yi ge nyi shu rtsa drug par gyur pa'o//Ta'i gzugs zhes pa'i don to/ /gsum pa yi ni dang po ni/ /de ni gnyis pa dag dang ldan/ /zhes pa'i gzhung gzhan yang yod do/ /gnyis dang ldan pa ni dbyangs kyi gnyis pa de dang ldan pa'o/ /yang dag par sbyar ba'i Ta'i gzugs su 'gyur ro//nyi shu rtsa brgyad nyid dang ni/ /zhes pa ni de mkhas pas so/ /dang gis ni brjod pa'i don bsdu ba ste/ de sprin lta bu'i 'od bsgrub bya'i spyi bor bsams na/ de rengs par byed do/ /nyid ni nges par gzung ba'o/ /dbyangs yig bco lnga pa ni thig le'o/ /des mdzes pa ni mkhas pas so/ / des ni daM gyi gzugs su 'gyur ro/ /gsum pa'i dang po Ta yig gi 'og gi cha la yang dag par sbyar te/ de'i 'og tu me'i sa bon ra dang yang dag par ldan pa'o/ de lta bu nyid kyi sgras ni dbyangs yig gnyis pa dang sbyar te/ yi ge nyi shu rtsa dgu par 'gyur ro/ /des na Sh+TA'i gzugs su 'gyur ro/ / dang gis ni yang dag par sbyor ba bsdu ba'o/ /yi ge sum cu rtsa gcig pa/ /zhes pa ni sum cu rtsa gcig par te/ dbyangs yig gnyis pa dang sbyar ba'o/ /des ra'i gzugs su 'gyur ba'o/ /yi ge sum cu rtsa gnyis pa la'o/ /dbyangs yig gnyis pa dang sbyar na des lA'i gzugs su 'gyur ro//snang byed dang ni yang dag ldan/ /yi ge sum cu gsum par 'gyur/ /zhes pa ni snang byed ni ra'o/ /yi ge sum cu rtsa gsum pa ni ga'o/ /yang dag par sbyar bas ni gra'i gzugs su 'gyur ro/ /ma mo bzhi pa nyid ni I'o/ /nyid kyis ni thung ngu dgag pa'o/ /sum cu rtsa bzhi zhes pa ni//sum cu rtsa bzhi ba'i yi ge b+ha'o/ /nges b+hI'i gzugs su 'gyur ro/ /ma mo lnga pa nyid ni u'o/ /nyid kyis ni ring pa dgag pa'o/ /sum cu rtsa bdun zhes pa ni/ /yi ge sum cu rtsa bdun ma'o/ /de dang yang dag par sbyar ba mu'i gzugs su 'gyur ro/ /mkha' 'gro ma rnams sgrub byed dran//zhes pa ni mkha' 'gro ma rnams kyi sgrub byed ni sngags ma lus pa'o/ /yang na sum cu rtsa bdun pa'i ma 'ba' zhig yang dag par nyi ma ltar snang ba bsgrub bya'i spyi bor bsams na gnod sbyin la sogs pa dbang du 'gyur ro/ /mkha' 'gro ma rnams kyi sgrub byed dran ni mkha' 'gro ma rnams 'dod pa'o//sum cu rtsa brgyad nyid dag ni/ /zhes pa ni sum cu brgyad pa'i yi ge kha'o/ /de dbyangs yig gnyis pa dang sbyar bas kha'i gzugs su 'gyur ro/ /'dir yang thams cad du 'gyur ro zhes bya ba dang po'i bya bar sbyar ba'am/ mkhas pas shes pa gnyis pa'i bya bar sbyar ro//yi ge kha yis sgrub par byed par 'gyur zhes pa 'am/ mkhas pas shes par bya zhes bya'o/ /de ltar gzhan la yang ngo / /kha dbang po sngas pa lta bu'i 'od bsgrub bya'i spyi bor bsams na lha la sogs pa dbang du 'gyur ro// dang ni bsdus pa nyid du nges par gzung ba'o//'di phyir/ lha rnams thams cad sgrub byed yin/ /zhes gsungs so/ /bzhi bcu rtsa gnyis ni zhes pa ni bzhi bcu rtsa gnyis pa'i yi ge sa'o/ /nyid kyi sgras ni sngar bstan pa'i don nye bar gzung ba'o/ /me ni ra'o/ /ni'i sgras ni nges par gzung ba de/ de yang 'di'i 'og gi cha ste 'og gi cha shas la de dang ldan pas bzhi bcu rtsa gnyis pa'i yi ge'o//des sra'i gzugs su 'gyur ro/ /de yang sgrub pa pos shes pa'i bya ba rtogs par bya'o/ /bzhi bcu rtsa gsum pa nyid dang / /zhes bya ba ni yi ge bzhi bcu rtsa gsum pa b+ha'o//de dbyangs yig lnga pa nyid dang sbyar ba des na b+hu'i gzugs su 'gyur ro/ /nyid kyis ni ring po dgag pa'o/ /yi ge bzhi bcu lnga pa zhes pa ni bzhi pa ni bzhi bcu rtsa lnga pa'i yi ge b+ha'o/ /nyid kyi sgras ni sngar bstan pa'i bsdus pa'i don du nges par gzung ba'o/ /dbyangs yig gnyis pa dang sbyar bas b+ha'i gzugs su 'gyur ro//dbyangs yig lnga pa nyid dag dang / /zhes pa ni sngon bzhin no/ /bzhi bcu drug pa yang dag ldan/ /zhes pa ni yi ge bzhi bcu drug pas dang u yang dag par sbyar bas su'i gzugs su 'gyur ro/ /bzhi bcu rtsa bdun pa zhes pa ni yi ge bzhi bcu rtsa bdun pa ni ra'o//nyid kyi sgra sngar bstan pa'o/ /don bsdus pas nges par gzung ba'o/ /dbyangs yig gnyis pa dang sbyar bas ra'i gzugs su 'gyur ro/ /rdo rje sems dpa' mchog tu phan/ /zhes pa ni ra'i yi ge de nyid rdo rje sems dpa'o/ /de bzhin lnga bcu rtsa gcig pa/ / zhes pa ni lnga bcu rtsa gcig pa sha'o/ /de bzhin nyid ces pa ni sngar bstan pa'i don nyid 'dis bstan pa'o/ /lnga pa nyid dang sbyar zhes pa ni ngang gi sgra ni khyad par can te/ dbang po'i gzhu lta bu'i 'od bsgrub bya'i mgrin par bsams na des dbang du 'gyur ro/ /des kyang shu'i gzugs su 'gyur ro//mdzes pa'i mchog ni yin par 'dod/ /ces pa dang lnga bcu rtsa gnyis pa nyid na zhes pa ni lnga bcu rtsa gnyis pa'i yi ge pa'o/ /nyid kyis ni ma brjod pa'i don bsdus pa nyid du nges par bzung ba ste/ rlung gi dkyil 'khor gyis bskyod bzhin pa'i chu 'dzin pa la zhon pa la du ba'i mdog lta bu can bsgrub bya'i mgrin pa dang snying ga dang rked pa dang rkang pa gnyis kyi mthil du bsams na des phul te skrod par 'gyur ro//dbyangs yig gnyis pa sbyar bas pA'i gzugs su 'gyur ro/ /lnga bcu rtsa gsum pa zhes pa ni lnga bcu rtsa gsum pa sha'o/ /de bzhin yang zhes pa ni sngar bstan pa'i don bstan pa'o//de nyid dbyangs yig bcu gsum pa dang sbyar bas mkhas pas shes par bya rjes su gnas pa'o/ /des na sho'i gzugs su 'gyur ro/ /sde tshan bzhi las d+ya nyid du/ /zhes pa ni/ sde tshan bzhi pa'i gsum pa btu/ /zhes brjod pa gang yin pa des da yig dag tu brjod pa'o/ / de yis ka'i sde tshan gyi bzhi pa yin par bstan to/ /gzhan du na a'i sde tshan nam ka'i sde tshan zhes the tshom za bar 'gyur ro/ /de lta ni da yig bri ba la 'khrul par 'gyur ro/ /tsi u dang ka zung gcig gam da zung gcig yin zhes the tshom du 'gyur ro/ /lnga bcu rtsa bzhi pa zhes pa ni lnga bcu rtsa bzhi pa ya'o//de dang sbyar ba mkhas pas so/ /des na d+ya'i gzugs su 'gyur ro/ /yi ge lnga bcu rtsa drug pa/ /zhes pa ni yi ge lnga bcu rtsa drug pa sha'o/ /dbyangs yig drug pa U dang de sbyar bar mkhas pas so/ /des shu'i gzugs su 'gyur ro/ /dgra rnams nges par gsod byed yin//zhes pa ni nyon mongs pa'i dgra las rgyal ba'o/ /mthar gnas pa yi bzhi pa zhes pa ni wa'o/ /lhan cig pa'i don gyis ni gsum pa'o/ /yi ge lnga bcu rtsa dgu pa dbyangs yig gnyis pa dang sbyar ba ni ba de bzhin du sbyar ba'o/ /de bzhin bco lnga pa dang sbyar/ /dngos grub thams cad sgrub byed yin//zhes pa mkhas pa zhes bya ba gnyis pa'i bya ba'i ma mo des T+wAM gi gzugs su 'gyur ro/ /phan yon 'di ni Ta yig tsam gyi'am yang na sngags ma lus pa'o/ /yi ge drug cu rtsa gcig ces pa ni d+ha'o/ /dbyangs yig gnyis pa dang sbyar bas d+ha'i gzugs su mkhas pas so/ /ni'i sgras d+ha 'ba' zhig gi sngon du bstan pa'i don brjod pa'o//de lta bu mkhas pa nyid mchog ces bya bas go bar bya'o/ /de bzhin drug cu rtsa gnyis zhes pa ni yi ge ra yin par mkhas pas so/ /de bzhin zhes pa ni sngar bstan pa'i don gyis rab tu byed pa bsdu ba nyid du gzung ba'o/ /de dang dbyangs yig gsum pa sbyar bas ri'i gzugs su 'gyur ro//drug cu rtsa gsum pa nyid kyang ces bya ba ni Na'o/ /nyid kyang zhes pa ni yang bsdus pa nges par gzung ba'o/ /de dbyangs yig bcu gcig pa dang sbyar pas Ne'i gzugs su mkhas pas so/ /drug cu lnga pa ni g+ha'i yi ge'o/ /rdo rje sems dpa' ni ra'o//de ltar nyid ces pa ni sngar bstan pa'i rab tu byed pa'i don bsdus pa nyid du nges par gzung ba'o/ /des g+ha'i gzugs su rtogs par bya'o/ /drug cu rtsa drug ces pa ni drug cu rtsa drug pa dza zhes te de bzhin gshegs pas gsungs so/ /rang gis ni sngar bstan pa'i don bsdus pa'o//dbyangs yig gsum pa dang sbyar bas dzi'i gzugs su 'gyur ro/ /yi ge drug cu rtsa bdun pa zhes pa ni yi ge drug cu rtsa bdun pa ni yin par gsungs so/ /dbyangs yig gnyis pa dang sbyar bas nA'i gzugs su 'gyur ro/ /de dang yang dag par sbyar ba'i don to//drug cu rtsa brgyad pa zhes pa ni drug cu rtsa brgyad pa'i yi ge ma yin par gsungs so/ /nyid dag dang zhes pa ni sngon du bstan pa'i don bsdu ba nyid du gzung ba'o/ /de ni yi ge ba sbyar bya/ /zhes pa ni ma'i 'og gi cha la blta bar bya'o/ /de nas m+ba'i gzugs su 'gyur ro/ /bdun cu rtsa gcig pa zhes pa ni yi ge bdun cu rtsa gcig pa yin par gsungs so//nyid dag gi sgras ni sngon du bstan pa don bsdus pa nyid du nges par gzung ba'o/ /dbyangs yig gnyis pa dang sbyar bas rA'i gzugs su 'gyur ro/ /bdun cu rtsa bzhi pa zhes pa ni yi ge bdun cu rtsa bzhi pa zhes pa ha yin par gsungs so//nyid kyi sgras ni snga ma bzhin no/ /dbyangs yig gnyis pa dang sbyar bas hA'i gzugs su 'gyur ro/ /bdun cu rtsa lnga pa zhes pa ni bdun cu rtsa lnga pa'i yi ge ni d+ha yin par gsungs so/ /nyid ni snga ma bzhin no/ /de yang ma mo drug pa sbyar bas d+hU yi gzugs su 'gyur ro//bdun cu rtsa drug pa zhes pa ni ma'o/ /ma mo'i gnyis pas dbye bar bya/ /zhes pa ni ma mo'i gnyis pas dbye bar bya'o/ /nyid kyi sgra ni snga ma bzhin no/ /nyi ma yis kyang de nyid dbye ba'o/ /de la ba dang de gnyis kyi gzugs kyi 'og tu gyur pa ra'o/ /ra dang ma dag gi dbyangs su sbyar ro//des m+b+rA'i gzugs su 'gyur ro/ /mchog tu mdzes pa gzhan na med/ /ces pa ni m+b+rA'i sa bon no/ /yi ge bdun cu rtsa bdun pa/ /zhes pa ni bdun cu rtsa bdun pa'i yi ge na'o/ /de dang yang dag ldan par sngar bstan pa'i don gsungs pa'o/ /b+ha 'og gi char sbyar bas n+d+ha'i gzugs su 'gyur ro/ / bdun cu rtsa brgyad pa zhes pa ni yi ge bdun cu rtsa brgyad pa ni ka'o/ /nyid ni snga ma bzhin no/ /dbyangs yig gnyis pa dang sbyar bas kA'i gzugs su 'gyur ro/ /yi ge brgyad cu rtsa gcig pa zhes pa ni brgyad cu rtsa gcig pa yi ge pa'o/ /dbyangs yig bzhi pa'i mthas phye bas pu'i gzugs su 'gyur ro//nyid ni snga ma bzhin no/ /yi ge brgyad cu rtsa gnyis pa/ /zhes pa ni yi ge brgyad cu rtsa gnyis pa ni Sha'au/ /nyid ni snga ma bzhin no/ /dbyangs gnyis pa dang sbyar bas ShA'i gzugs su gsungs so/ /rkang pa brgyad po 'di ni rtsa ba'i sngags so/ /de'i phyir rtsa ba'i gsang sngags mchog tu mkhas pas shes par bya zhes gsungs so//dpal he ru ka nyid rol pa ni dpal he ru ka lha'o/ /de'i rig pa'i rgyal po'i sngags naM ka ra ka ra la sogs pa'o/ /oM dang por huM hUM phaT mthar sbyar zhes pa ni rkyen med pas ring por brjod pa'o/ /sngags kyi mthu dpyad par bya ste/khyad par 'di ni rtsa ba'i sngags dang rig pa'i rgyal po'i sngags la yang ngo / /de'i phyir 'di'i rtsa ba'i sngags te zhes gsungs pa'o/ /rtsa ba'i sngags 'ba' zhig ni ma yin te/ oM la sogs pa'i tshig gis khyad par du byas pa'o/ /'on kyang gang gang gi phyir 'di'i rig pa'i rgyal po'i sngags kyang zhes pa'i don to//sgrub thabs thams cad spangs par zhes pa ni snying po dang / nye ba'i snying po dang cho ga'i sngags dang / rtsa ba'i sngags dang rig pa'i rgyal po'i sngags kyang ngo / /bris pa la sogs pa'i sgrub pa'i thabs thams cad spangs ba'o//rtsa ba'i sngags ni yang dag pa'i dngos po thams cad kyis gsungs pa rig pa'i rgyal po yang cha tsam btu ba'i cho ga rjod par byed pa de le'u yang yin pas de de bzhin no/ /bdun pa'o zhes bya ba ni dpal 'khor lo sdom pa'i dka' 'grel las le'u bdun pa'o// //snying po dang nye ba'i snying po'i sngags sngar bstan pa dang rnal 'byor ma drug gi go cha'i sngags dang rdo rje phag mo'i nye ba'i snying po'i sngags ma bstan pa rnams de thams cad ci lta bu zhes pa la/de nas zhes bya ba la sogs pa gsungs so/ /de nyid A li kA li tshogs pa las yang dag par byung ba dpa' bo thams cad mnyam par sbyor ba mkha' 'gro ma dra ba'i sdom pa yang dag par btu'o zhes pa blta bar bya'o//thams cad ces bya ba la sogs pa dpal he ru ka dang 'di'i sngags kyang de bzhin du brjod do/ /ji lta bar yi ge de rnams hA swA zhes bya ba la sogs pa gsungs so//grub pa'i sngags su rtogs par bstan te/ de bzhin du A li dang kA li gnyis nyid da ltar gyur pas so sor byas nas btus te/ /phyin ci log gi gzugs sbas pa bsdu bzhin pa nyid kyi phyir ro/ /ji lta bur gyur pa zhes pa la rang gi bdag nyid ces bya ba gsungs te/lhan cig skyes pa'i thugs yin zhes pa'i don to/ /oM shrI badzra he he ru ru kaM huM hUM phaT DA ki nI dzA la sam+ba ra swA hA/ zhes bya ba go rims bzhin du bris pa ni btus pa'o/ /snying po'i sngags yi ge nyi shu rtsa gnyis pa ste/ gang gi snying po yin zhes pa la rang gi rig pa'i rgyal po zhes bya ba la sogs pa gsungs te/oM ka ra ka ra la sogs pa rig pa'i rgyal po'o/ /sngags kyi yang snying po yin pa rkang pa brgyad pa'i yang snying po ste/ mdor bsdus nas brjod pa'o/ /de'i mthu ni ma byung zhes bya ba la sogs pa gsungs so/ /'das pa dang ma 'ongs ba dag gi dus su bdag gis sngags 'di cung zad kyang ma bstan to//da ni brjod par bya'o zhes dgongs so/ /rnal 'byor ma rnams kyi go cha'i sngags btu ba'i Ta pha zhes bya ba la sogs pa gsungs so/ /oM hAM hrIM hreM hUM phaT/ ces bya ba ni go rims su byas so/ /Tapha hUM hrA+eM hrIM hAM oM zhes bya ba'i yi ge'i tshogs so//baM dang oM dang yoM dang moM dang hrI dang huM dang phaT nyid do/ /oM la sogs pa ni baM la sogs pa'i dang por sbyar bar bya ste/ oM baM rdo rje phag mo ste lte bar ro/ /hAM yoM gshin rje ma ste snying gar ro/ /hrA+eM moM rmongs byed ma ni kha la'o/ /hreM hrIM ni skyod byed ma ste mgo la'o//hUM hUM skrag byed ma ste spyi gtsug tu'o/ /phaT phaT gtum mo ste yan lag thams cad la mtshon cha'o/ /da ni thams cad du gcig la gcig ltos pa nyid do/ /nyid ni rang gi don du nges par gzung ba'o/ /rnal 'byor ma ni drug par grags/ /zhes pa ni rdo rje phag mo la sogs pa rnal 'byor ma drug gis go cha'i sngags btus pa'o//oM badzra bai ro tsa nI ye swA hA/ zhes bya bas rdo rje phag mo'i nye ba'i snying po'i sngags 'di sbas pas btus pa'o/ /gang yang oM badzra bai ro tsa nI ye swA hA/ zhes gnas pa la huM hUM phaT dag de gnyis swA hA'i gong du bya'o// //mkha' 'gro ma zhes bya ba ni rdo rje phag mo la sogs pa'i sngags ni mkha' 'gro ma'i'o//ni'i sgra ni bdag nyid che bar rab tu bstan pa'o/ /ma byung zhes pa ni sngags kyi khyad par nyid kyi phyir rigs la gcig gi tshig go/ /sa steng zhes bya ba la sogs pa la ji snyed kyi 'jig rten gyi khams de nyid kyi steng gis gzhi gang yin pa ste/rigs kyang gcig gi tshig go/ /rin chen bzhi pa zhes pa ni rin chen bzhi ni des dga' ba rgyas par byed pa'o/ /de gang yin pa la/ phreng ba'i sngags ni zhes bya ba la sogs pa ste sngags kyi phreng ba ni phreng sngags te de yang rkang pa brgyad pa'o/ /ni'i sgra ni khyad par du ma'i rnam par bshad pa'o//de'i phyir de nyid dam pa'o/ /mkha' 'gro ma yi rig pa che/ /zhes pa ni rdo rje phag mo la sogs pa'i sngags so/ /ni'i sgra ni nges par gzung ba'o/ /rig pa'i rgyal po ni rig pa'i rgyal po ste/ oM ka ra ka ra la sogs pa'o/ /dang ni bsdu pa'o//dpal he ru ka de'i don du shes pa ni phyag dang zhal la sogs pa'o/ /go rims bzlog pa'i snying po dang / /rnal 'byor ma drug dang / rdo rje phag mo'i sngags btu ba'i cho ga'i le'u brgyad pa ste/ le'u'i bsdus pa'i don to zhes bya ba ni dpal 'khor lo sdom pa'i le'u brgyad pa'i dka' 'grel lo// //sngags kyi mthu brjod pa med par mi 'gyur bas de bstan pa'i phyir le'u dgu pa ni de nas zhes bya ba la sogs pa gsungs so/ /de nas zhes pa ni sngags btus pa'i rjes la las bshad par bya'o zhes sbyar ro/ /mchog ni yid la 'dod pa'o/ / ci'i phyir zhe na/ de bas na zhes gsungs te gang la 'bras bu bstan pa med par thabs la 'jug par mi 'gyur ro/ /rtsa ba'i sngags dang po nyid du gsungs pa'i phyir de'i las kyang dang por gsungs so/ /de yang bcom ldan 'das nyid kyis gsungs pas so/ /ji bzhin zhes pa rab tu tshogs pa'o//go rims shes pa ni rim pa ji lta ba bzhin no/ /sngags de byed pa po nyid du ston te/ 'jig rten gsum na gang cung zad ci yod pa yang de thams cad ma lus par sgrub par byed do/ /skad cig gis ni 'bum bzlas pa'i rjes su'o/ /sgrub pa po'i bye ba ni thams cad byed pa po zhes bya ba la sogs pa gsungs so//wai po ni nges par gzung ba'o/ /las thams cad ces bya ba la sogs pa gsungs te/ klu thams cad ni mthong ba'i dug la sogs pa ni don mnyam par byas pa'o/ /de'i phyir de dang por bstan pas na'o/ / lha mo thams cad ni seng ge dang 'phrog byed dang dbyig gi snying po la sogs pa'o/ /gnod sbyin thams cad ni zas su mdangs za ba la sogs pa'o/ /thams cad kyi skye gnas zhes pa ni ma rungs pa'i mi rnams so/ /las kyi dang po lha rnams ni srog gcod pa la sogs pas gdung bar byed pa'o//gsang pa ni sgrub pa pos de srog dang bral bar byed pa ste/ de rnams ni nang na gnas pa'i ma rungs pa la mthu 'di gsungs pa'o/ /yang 'tsho bar byed pa'i nus pa dang ldan par rig par bya'o/ /gzhan du na yang snying rje can la nus pa med par thal ba'i phyir ro/ /da ni sems dang mi ldan pa'i yang nus pa ston te/sprin thams cad ces bya ba la sogs pa gsungs so/ /'dar ba ni skrag par byed g.yo bar byed/ dum bu dum bur byed ces pa'i don to/ /char 'bebs par byed do zhes pa ni char 'bebs pa ste/ char 'bebs pa ni sprin las char 'bebs par byed pa'o//lhag ma ni go sla'o/ /chu bo zhes pa ni rgyun drag pa dang ldan pa'o/ /'dis ci zhes pa la dbang po zlog par byed do zhes gsungs te/ dbang bo ni rigs las gcig gi tshig go/ /bdag po byed pas na dbang po ste sems bcas dang sems med kyi bdag po bya ba ma yin par byed pa dgag go zhes pa'i don to//g.yo bar byed ces pa ni rol bar byed pa'o/ /shing zhes bya ba la sogs pas ni sems med pa yang sems dang bcas pa bzhin du byed do zhes pa'i don to/ /sngags thams cad ces pa ni sngags kyi nus pa zhugs pas yang 'phrog par byed do zhes pa'i don to//'dis ni ngag 'phrog pa bstan pa yin no/ /dngos grub thams cad ni bcud len la sogs pa'i dngos grub thams cad de/ grub pa'i rdzas la sogs pa 'phrog par byed do zhes pa'i don to/ /zas 'dod pa 'gul bar byed do zhes pa ni yid la 'dod pa gzhan las len pa'o/ / slar gtong ba byed pa zhes pa ni sngags la sogs pa'o/ /lus su gtogs pa'i sngags kyi mthu ni gzugs zhes bya ba la sogs pa gsungs te 'dis phyag dang zhal mang po la sogs pa nyid bstan pa yin no/ /'dod na zhes pa ni rnal 'byor pa 'dod na mthong zhing mi 'dod na mi mthong ste mi snang ba grub pa ste gzugs sbed pa'i nus pa dang ldan pa'o//yang na gang gis rnal 'byor pa'i gzugs blta ba la sogs pa mthong ste/ de nas de'i bsam pa shes nas de la ston pa'o/ /khang bzangs zhes bya ba la sogs pa legs par brtsigs pa yang 'joms par ston pa'o/ / sogs kyi sgras rdo rje dang brag gi ri yang bstan to/ /legs par brtsigs pa yang 'joms pa'i nus pa can no/ /dug ces bya ba la sogs pa ni dngos po'i rang gi ngo bo nyid gzhan du byed pa'i nus pa dang ldan pa'o/ /zla ba ni chang ste de chur byed par ro/ /thams cad ces bya ba la sogs pas chang la sogs pa'i dri 'phrog par bstan to//thabs 'dis gdul bya de dang de la mthu so sor bsgrubs pa nyid du bstan pa yin no/ /rnam pa gzhan du bshad pa yang yod de klu thams cad ces pa ni nyon mongs pa thams cad do/ /thams cad kyi rol pas ni yul gzugs la sogs pa la lha thams cad ces bya'o//thams cad du rgyal bar byed pas na gnod sbyin thams cad de/ nges pa'i tshig gis dza las yar byas pa'o/ /de yang dbang po thams cad do/ /skye ba'i gnas te skye ba'i rgyu ni skye gnas thams cad do/ /dngos grub thams cad kyi las dran pa tsam ni bsam ba'o//gsod pa ni rnam par dag par byed pa'o/ /sprin ni mkha' 'gro ma rnams kyi rtsa'i mtshams so/ /'thor bar byed pa ni zhu bar byed pa'o/ /char 'bebs pa ni byang chub kyi sems 'bebs pa'o/ /zlog par byed pa ni de rnams brtan par byed pa'o/ /rgya mtsho ni sdig pa'o//chu bo ni sa bon te gyen du zlog par byed pa'o/ /dbang po ni sems so/ /thams cad kyi bdag byed pa ni brtan par byed pa'o/ /gsang sngags 'di bzlas brjod 'bum byas pa ni sngags 'di zhes pa ni drug pa phyi ba'o/ /mtshon par byas pa na 'bum ste dpal he ru ka'o//dang por a tsa'i rkyen byas pa'o/ /de'i bzlas pa ni yid kyis bya ste/ bsgom zhes pa'i don to/ /'di thams cad ni sngags bzlas pa dang dpal he ru ka bsgom zhes dgongs pa'o/ /dkyil 'khor bri ba'i dus su sa blang ba ni sa gzhi g.yo bar byed pa'o/ /shing ni rnam pa lnga'i rnal 'byor ro//de la zhon nas gang 'dod pa'i don thob par 'dod pa de rnyed pa'o/ /'di 'dod pa dpal he ru ka nyid do zhes dgongs te/ oM la sogs pa sgrub thabs las gsungs pa'i cho gas nA da la sogs pa la thig le la sogs pa zhugs te/ rang bzhin med par byas pa ni thams cad ces bya ba la sogs pas bstan to//yang thams cad ces bya ba la sogs pa ni nA da la sogs pa zhugs pa grub nas nA da la sogs pa phyir byung ste thams cad grub pa nye bar spyod pa'o/ /'dod na zhes bya ba la sogs pas ni spro ba la sogs pa'o/ /gzugs zhes bya ba la sogs pa ni/oM kar kar la sogs pa'i sngags kyi cha'o/ /'dod na zhes pa la sogs pa ni smon lam mo/ /mi 'dod na zhes bya ba ni mngon par zhen pa med pa'i phyir ro/ /'dir khang bzangs zhes pa ni yid la bzang bas na khang bzangs ni lus so/ /shing ni zhu bar gyur pas na'o//lung dang bstan pas rtag tu ka'i rkyen byas pa'o/ /shing nyid ni zhu ba ste tshor ba'o/ /rtse mo ni sems so/ /sogs kyi sgras ni chos so/ /phye mar byed pa zhes pa ni shes rab kyi mtshon gyis 'byed pa'o/ /'dis dran pa nye bar gzhag pa brjod pas stong pa nyid bstan pa yin no//dug ni yul lo/ /bdud rtsi ni bdud rtsi lnga lta bur ro/ /dman pa'i yul ni bdud rtsi ste/ /bsten pas bdud rtsir byed pa'o/ /de yi sems kyi rnam thar ni/ /mar me lta bu mya ngan 'das/ /zhes bya'o/ /mya ngan las 'das pa ni dug lta bu ste bsten par bya ba ma yin pa nyid kyi phyir ro//gzugs la sogs pa spangs nas longs spyod de zhes dgongs so/ /zla ba zhes pa ni u dang ma gnyis sa dang lhan cig tu gnas byas pa ni zla ba ste oM mo/ /u yang yin la a yang yin pas u dang ma'o/ /lugs las bzlog nas sbyar ba'o//zla phyed dang nA da ni man ngag gis so/ /chu ni ba ste chu nyid yin pa'i phyir ro/ /byed do zhes pa ni chu yang lan gnyis su sbyar ro/ /zla ba zhes pa ni snga ma bzhin no/ /de la 'di'i sngags ni oM ba ba oM zhes bya ste chu'i dkyil 'khor la kun da dang zla ba lta bu'i dkar ba'o/ / yi ge bzhi phyogs bzhir byas la gos gtsang mas brgyan pa bsgrub bya de yang de'i dbus su bsams la mdun du sngags kyi yi ge de rnams las bdud rtsi'i thigs pa 'dzag cing de la 'bab par dmigs la bzlas pa bya des ci zhes pa la thams cad ces bya ba la sogs te/ dri ni nad dang dug la sogs pa'o//lhag ma ni go sla'o/ /nam mkha' lding gi gdong ni gdong dang sgo dang thabs zhes pa ni rnam grangs so/ /gdong dag na 'gro ba'i thabs dag ste gshog pa gnyis lta bu bya khyung ltar bya khyung gi gdong ngo / /yang na gdong zhes pa ni gsum pa phyi ba'o/ /bya khyung ni bya khyung lta bu ste/dpung pa gnyis gshog pa lta bur bskyod pas na'o/ /'gro ba ni 'gro ba'o/ /'byin pa ni skyed par byed pa'o zhes pas 'gro ba la sbyin par byed pa ni rnal 'byor ba'o/ /zla ba dag thabs dang shes rab las byung ba'i byang chub kyi sems dag 'dus pa mnyam par spyod pa'o//gang bud med me tog dang ldan pa rnams la ming rnam par dbye ba mkhas pas so/ /mchog ni thun mong ma yin pa'o/ /des de'i byang chub kyi sems khas blangs la bya khyung bzhin du gshog pa gnyis bskyod cing shes rab kyi khar byin pa lhag ma rang gis btung bar bya'o/ / de yang rkang pa brgyad pa'i sngags 'bum brjod nas mnyam par bsgrub pa'o/ /de la yod pa ni gnas pa'o/ /dpal ni longs spyod kyis rgyas pa yin te/ de yang lha'i bu la sogs pa'i bgegs kyis gzhom par mi nus so zhes pa'i don te/ de la man ngag ni 'di yin te/ ku ta yo d+ha ni sbyor bas mu ni mu khu ta zhes drang ba ste/mu las mu khu ta'o/ /kha ni rtsa ba'o/ /des gdong ni gnyis su med pa'i ye shes rnam par dag pa'o/ /ga ni byang phyogs su rgyu la sogs pa nyid rnam par dag pa'o/ /ru ni nub phyogs su smin pa las grol pa ni rnam par dag pa'o//Da ni lho phyogs na gang du yang mi gnas pa rnam par dag pa'o/ /bsdus pa bya khyung gi gdong ngo / /'di gang la yod pa de ni bya khyung gi gdong ste/ dpal he ru ka'o/ /zhi ba'i 'dus pa gang yin pa la mnyam par spyod pa gang yin pa de ni bya khyung gi mgo zhes kun la sbyar ro//ji lta bur gyur pa las shes pa las 'gro ba 'byin par byed pa zhes gsungs te/ 'gro ba ni shes rab dang thabs kyi ye shes so/ /de 'byin pa ni de skyed par byed pa'o/ /gang las zhes pa la lha mo zhes bya ba gsungs te/ rnal 'byor ma rnams so/ /sa ni zla phyed de bdud rtsi'i sa bon nyid kyi phyir ro//de nas u'o/ /de nas dum bu'i ming ni thig le brjod pa'o/ /a ni 'og gi logs kyi rkang pa brjod pa'o/ /zla bas yang dag par 'gro ni zla ba'i 'dus pa ste ha'o/ /bsdus pa hUM ngo / /nA da'i gdams ngag las so/ /de la mnyam par spyod pa ni shes pa ste/ji srid du bsgom par bya zhes pa'i don to/ /ma'i sgra'i lugs ni bu ba ti ga'i dbyings las spyi ni gnas ji lta bar lha mo rnams dgod pa la mi zhes bya ba ste a tsa la sogs pa'i rkyen byin pas so/ /mchog ni 'dren pa po nyid kyi phyir ro/ /hUM las skyes pa'i rdo rje'i lte ba la gnas pa'i hUM las skyes pa'i dpal he ru ka 'byin par byed do zhes bsdus pa'i don to//de la yang yod pa'i dpal ni rdo rje phag mo'o/ /go cha'i nang du sus kyang gzhom par mi nus so/ /yan lag go cha tsam yang mi thob pa'o/ /de ltar sngar bstan pa'i cho ga dang yang dag par ldan pa'i ji lta ba yin pa de de bzhin du dngos grub thams cad kyi 'bras bu'i skal ba dang ldan par 'gyur ro//dran pa tsam gyis zhes bya ba la sogs pa ni mi dang byol song dang dmyal bar gtogs pa la nus pa'o/ /me ni ra'o/ /me'i dkyil 'khor las gru gsum pa rnam par bsgoms la rlung gi dkyil 'khor gyis bskul bas glo bur du me skyed par byed pa yin te/sngags kyi nus pa bsam gyis mi khyab pa'i phyir ro/ /sa 'og 'joms par byed do zhes pa ni sa 'og na gnas pa'i lto 'phye'i tshogs te sa 'og 'joms par byed ces bya'o/ / des cung zad mi nus zhes pa ni sma phab zhes pa'i don nam 'jigs par byas pa'o/ /thog kyang 'bebs par byed do zhes pa/ kyang gis ni mtshon cha'i bye brag gzhan yang ngo / /thog ni ston mo ste sgra'i dbyings las bstan pa'i sgra 'dod na gnas kyang 'bebs so zhes pa ni don gzhan no//glog ces pa ni las kyi sgra la dang po'o/ /sprin med par yang glog bskyed pa'o/ /glog ni shin tu mdzes shing gsal bar byed de/ dran pa tsam mam bsams pa tsam gyis de bskyed pa'o/ /glog ni nor 'dzin te de dran pa ni hUM las bskyed par bya'o zhes pa'i don gzhan no/ /lhag ma ni go sla'o//gang zhig grub pa'i ming nas bzung ste zhes pa ni gang gi ming bzung ba tsam gyis sngags la sogs pa grub par 'gyur ro/ /gang gis shin tu yang sngags la sogs pa grub pa yin zhes pa'i don to/ /ming bzung bas sngags grub po zhes bsdus pa'i don to/ /shin tu mu stegs pa sngags grub pa'i nus pa can yang lan cig bzlas pas 'chi'o//'dod pa'i khams la sogs pa bzhi la longs spyod pa'i skye bo'o/ /yang na sa gzhi rnams las rgyas par sprul lo zhes pa'i don to/ /de'i phyir 'dod na zhes bya ba la sogs pa gsungs te/ nges par la sogs med par grub ces bstan pa'i phyir//'di yang ni zhes bya ba la sogs pa gsungs so/ /'di la rkang pa brgyad rtsa ba'i sngags so/ /des ci 'dod pa'i las byed do zhes sbyor ro//brtul zhugs ni brtul zhugs chen po la sogs pa'o/ /spyod pa ni sdig spangs kyi spyod pa la sogs pa'i gzugs so//smyung ba ni zhag gcig tu zas mi za bar gnas pa'o/ /de nyid kyi phyir bklags pa tsam gyis 'grub ces pa'i don to/ /rtog pa ni bstan bcos te/ de las gsungs pa'i nye bar spyod pa'i cho ga ste/ ji ltar 'dod par gnas pa'o/ /da ni lhan cig byed pa'i sman dang sngags kyi nus pa ston te/gal te zhes bya ba la sogs pa gsungs so/ /sa tog la che ge mo'i mgo bo bza'o zhes zer zhing 'chang na ma rungs pa sngags lan cig brjod pas sems can bye ba gsod par 'gyur ro/ /khro ba med cing sems zhi bar bya ste mgo tsha zhing dkris par dmigs la bzlas na slar 'tsho bar 'gyur ro//slar gso ba'o/ /gang 'dis srog thob pa ni 'tsho ba ste de byas pa ni srog 'tsho ba'o/ /a ri s+t+ya'i lho phyogs su gtogs pa'i yal ga tsaN+Da li la sogs pa'i sta res bcad pa blangs la nag po'i phyogs kyi bcu bzhi'i nub mo dur khrod du me la bsregs te/de'i lo ma khu bas bsad la sol ba dang thal ba bsdu bar bya'o/ /yang na dur khrod ces pa ni dur khrod du gtogs pa'i thal ba'o/ /gsum pa phyi ba'o/ /sol ba zhes pa 'di gza' mig dmar gyi dus su thal ba cho ga 'dis blang ngo zhes pa ni bsdus pa'i don to//sngags 'bum bzlas pa'i rjes su zhes pa ni a ti muk+ta'i yal ga'i khril 'dug ste bu mos bkal ba'i skud pa sum sgril du byas nas yung bas kha bsgyur te/ nub phyogs su gtogs pa'i yal ga la yang dag par bcings gcer bu skra grol la/zla ba gzas zin nas ma grol ba'i bar du lag pa g.yon pas gzung ste rgyun mi 'chad par bzlas par bya'o/ /de nas de blangs la rtse mos 'ong zhing rtsa bas ni rang gi gnas su phyir 'gro'o/ /lan cig brjod nas zhes pa ni ngo bo nyid la k+ta'i rkyen sbyor ba'o//rengs pa zhes pa ni ser por bsgom pa'o/ /lhag ma ni go sla'o/ /bdag med pa dang rjes su 'brel pa nyid bsgom par bya ba nyid yin par ston te/ mi shes zhes bya ba la sogs pa gsungs so/ /shrI ni gnyis med ye shes te/ /zhes bya ba la sogs pa'i ye shes ni dpal he ru ka'i ye shes so//dngos grub ces pa ni gnyis pa'i don gyi dang po'o/ /pa ni shin tu'i don to/ /mngon par 'dod pa'i khyad par can gyi dngos grub 'dod ces pa'i don to/ /rmongs pas phub ma brdungs dang mtshungs/ /zhes pa ni snying po med pa nyid brdung ba'i gang gi phyir snying po brdungs pas snying po med pa yongs su spangs te/snying po la nye bar gnas pa'o/ /'di nyid kyis snying po med pa bzung bas de la dngos grub med do zhes par dgongs te/ bdag med pa'i sngags med pas dngos grub mi 'grub po zhes bstan pa'i phyir/ gsang sngags 'di ni med pa ru//zhes bya ba la sogs pa gsungs te rtsa ba'i sngags kyis so/ /de'i phyir thun mong ma yin pa'i sngags kyi ngo bo nyid la brjod do/ /dngos grub ni dngos su 'grub par 'gyur ba ste yang dag par rdzogs pa'i byang chub bo/ /bde ba ni 'jig rten las 'das pa'i bde ba'o/ /mi yis ni de'i tshul la gnas pas kyang ngo //thabs dang shes rab gnyis su med pa'i rnal 'byor med par mi 'grub po zhes bstan pa'i phyir ro/ /gsang sngags 'di ni mi shes par/ /zhes bya ba ni sogs pa gsungs so/ /sngags ni thabs dang shes rab kyi rnal 'byor ro/ /log pa yongs su ngal ba'i bsgom pa la sogs pa 'di'i mtshan nyid ni de de bzhin du gnas pa'o//gsang sngags 'di ni spyod par 'dod/ /ces pa ni/ 'dod pa'i yon tan lnga la longs spyod pas bsgrub pa'o/ /nyid kyi phyir brtul zhugs med ces bya ba la sogs pa gsungs so/ /sngags de gang zhes pa la bde bar gshegs pas gsungs so//bde bar gshegs pas sngags pa 'di ni nges par bstan pa'o/ /de lta bu de shes nas sngags dang phyag rgyas te/ sngags las skyes pa'i lha bsgrub pa'i yi ge yin no/ /bza' ba dang zhes pa ni ba la la sogs pa bza' bar byas pa la bza' ba'o//btung ba ni myos par byed pa ste/ chang gi btung ba dang ldan pa'o/ /sogs kyi sgras ni bldag pa dang gzhib pa la sogs pa'o/ /tsA ru ni lhag ma'o/ /ston mo ni bza' ba'o/ /ston mo de la longs spyod pa ni sgra dang ro dang sogs kyis sgras te//gzugs dang dri dang reg bya gzung ba'o/ /des sgrub pa po bdag nyid la mchod na thams cad 'grub bo/ /gang gis dngos grub thams cad du gyur ba de ni de bzhin no/ /de yis ji ltar 'dod bzhin du gnas te/ la la nye bar longs spyod pas rgyas shing bdag med pa'i ye shes kyis brgyan pa'o//rtsa ba'i sngags kyi las kyi cho ga mngon par rjod par byed pa ni le'u dgu pa'o zhes bya ba ni/ /dpal 'khor lo sdom pa'i dka' 'grel las le'u dgu pa'o// //gal te sku gsung thugs kyi bdag nyid dpal he ru ka yin na sku gsum nyid ji lta bu zhes pa rang nyid kyis dri ba byas pa la de nas sgras bstan pas de'i don ni 'on kyang sku gsum nyid ji ltar zhes pa la/sku gsum po nyid bshad par bya zhes pa'i lan no/ /ji lta bur gyur zhes pa la/ he ru ka dpal gnyis med sbyor/ /zhes bya ba gsungs te/dpal he ru ka gnyis su med par the tshom med par sbyor ba gang yin pa de ni de bzhin te sku gsum mo/ /dang po'i mtha' la ta shi la'i rkyen sbyin pa'o/ /sku gsum po khyad par can byas pas sku gsum po 'di nyid 'dir bsgrub bya yin par bstan pa'o/ /gang gis zhes bya ba la sogs pa shes pa tsam gyis ni rtogs pa tsam ste mngon du bya zhes pa'i don to//tsam gyi sgras ni nye bar gzung ba'o/ /sgrub pa ni grub par 'gyur te chos kyi sku la sogs pa rnal 'byor pas mngon par 'dod pa'i don to zhes pa ni/ 'di grub pa'am 'di mi 'grub pa'am zhes pa'i the tshom med pa'o//chos kyi sku'i sgrub pa'i thabs ni chos zhes bya ba la sogs pa gsungs te/ chos kyang yin la sku yang yin pas na chos kyi sku'o/ /lus gang yin pa de ni de bzhin du rgyal ba'o/ /de bsgrub pa ni gang gis de rdzogs par byed pa yin no/ /grub pa de'i tshe ye shes ni bdag gis bshad pa'o//ye shes chos kyi sku gcig dang du ma dang bral ba de bzhin gshegs pa'i spyod yul ngo bo nyid kyis dag pa 'od gsal ba bye brag tu nges par byas pa'o/ /de yang rgyal ba'i rang bzhin chos kyi sku bsdus pa'o/ /de ltar yang gang yang gcig dang du ma'i rang bzhin phun sum tshogs pa chen po'i gzhir gyur pa//dngos dang dngos med ma yin nam mkha' lta bur ro mnyam rtogs par dka' ba'i rang bzhin can/ /gos pa med cing zhi bar 'gyur ba med pa mi mnyam pa dang mnyam par khyab cing spros pa med/ /dpe med rgyal ba rnams kyi chos kyi sku la so sor rang gis rig pas bdag phyag 'tshal//zhes gsungs so/ /sangs rgyas dang byang chub sems dpa'i longs spyod ni longs spyod rdzogs pa zhes gsungs te/ mtshan dang dpe byad la sogs pas mdzes pa'i skus gang gi tshe chos ston par byed pa de'i tshe longs spyod rdzogs pa'i sku byang chub sems dpa' rnams kyi spyod yul longs spyod ces pa ni rgyun gyis rtag pa'o//sangs rgyas dang byang chub sems dpa' la yang dag par grub cing longs spyod pa ste bdag nyid la yod par byed ces pa de ni de bzhin no/ /de ltar yang / 'jig rten las 'das bsam gyis mi khyab legs spyad bden pa'i 'bras bu bdag nyid rnam rgyas gang //'khor rnams dag gi dbus su blo chen rnams kyi dga' ba'i rgyu ru sna tshogs gzung bar mdzad/ /sangs rgyas rnams kyis 'jig rten kun la spros pa mngon par dga' ba'i dam chos rgya chen gsung / /longs spyod rdzogs sku chos kyi rgyal po chen po 'dir ni bzhugs pa de la bdag phyag 'tshal//zhes gsungs so/ /sprul pa ni sprul pa'i sku'i zhes bya ba la sogs pa gsungs so/ /sems can thams cad la thun mong gi rigs kyis rtag pa'i sprul pa'i sku'o/ /de ltar yang / phyogs bcu'i sems can rnams ni smin pa'i rgyur gyur zla zer la me bzhin snang gsal bar byed pa gang //yang dag byang chub dang ni chos kyi 'khor lo kha cig tu yang zhi bar mthong ba ste/ /gcig gi rnam par 'jug pa med cing srid gsum 'jigs pa sel mdzad sna tshogs gzugs kyi thabs/ /phyogs bcu kun tu gshegs pa'i sprul sku thub ba chen po don de la yang phyag 'tshal lo//zhes gsungs so/ /sku gsum nyid bsgrub bya yin par grub bo/ /des ci brjod ces pa la ye shes zhes bya ba la sogs pa gsungs so/ /dpal he ru ka rang gi bdag nyid ni dpal he ru ka rang nyid de thob par 'gyur zhes sbyar ro/ /de ci zhes pa la/ ye shes longs spyod rdzogs sprul te/ /zhes bya ba gsungs te/ ye shes ni chos kyi sku ste/ sgra'i bsdu ba la gcig gi tshig go/ /ste ni thob par bya ba rdzogs pa'o/ /yang ji ltar gyur pa la zhes pa la/ bdag nyid ces gsungs te/ bdag nyid kyis 'chang ba ni de'i rgyu nyid kyi phyir bde ba yang de bzhin du brjod de bde ba'i ngo bo nyid ces pa'i don to//'grub par 'gyur zhes pa ni rnal 'byor pa sku gsum grub bo zhes nye bar bsdu ba'o/ /de ltar gyur pa de dpal he ru ka gang yin pa'i sngags de yang de lta bur gyur pa ni 'di zhes bya ba la sogs pa gsungs te/ yi ge nyi shu rtsa gnyis pa ni snying po sngags te/ 'di'i dgos pa yang snying po'o/ /ji ltar mar ni tshe yin zhes pa lta bu'o/ /de ji lta bur yod pa bshad par bya zhes bya ba la gsang ba'i sgrub pa po zhes gsungs so/ /sems la sogs pa'i rang bzhin sku gsum gyi gsang ba rnam par 'byor pas grub pa ni nges par rdzogs par byed pa zhes pa de ni de bzhin no//khyed kyang de bzhin du gyur pas nyon cig pa'o/ /'phags par gyur zhes pa ni steng du 'gro ba'o/ /'gro ba dang 'ong bar 'gyur zhes pa ni dpag tshad bye ba nyid du skad cig tsam gyis 'gro zhing 'ong zhes dgongs so//des ni yid mgyogs kyi rdzu 'phrul bstan to/ /khang bzangs dang ni zhes pa ni/ gnyis pa'i tshig phyi ba yin no/ /sa zhes pa ni mtho ris la sogs pa'i gnas gsum mo/ /dpag tshad bye ba zhes pa ni gnyis pa phyi ba'o/ /mkha' 'gro ma zhes bya ba ni dga' ba ston pa yin no/ / de kho na bzhin du nam mkha' la 'gro zhing slar 'ong ba'o/ /lhag ma ni go sla'o/ /gzugs zhes bya ba la sogs pa le'u dgu par mdor bstan pa 'dir rgyas par ston te/ 'dod na byis pa dang zhes bya ba la sogs pa gsungs so/ /gang la 'tsho ba yod pas sems gzhon nur gyur pas na bus pa ste skyes pa'o//de yis kyang che long bsgyur ba'i nus pa dang ldan pa'o/ /'dod na glang po dang zhes bya ba la sogs pa ni phyugs kyi gzugs 'dzin par bstan pa'o/ /'dod na rma bya dang zhes bya ba la sogs pas ni bya'i gzugs 'dzin pa'o/ /'dis ni dur khrod du gtogs pa'i nus pa dang ldan bar brjod do//gang zhes bya ba la sogs pas ni thun mong gi gzugs 'dzin pa nyid do/ /lhag ma ni go sla'o/ /gnod par byed ces pa ni 'dod chags la sogs pa gnod par byed pa'o/ /de'i phyir 'am gyi sgras ni ma brjod pa yang dag par bsdu ba ste/ gang gis sku gsum grub pa'o//snying po'i sngags kyi las kyi cho ga de dang de rjod par byed pa'i le'u bcu pa'o zhes bya bas ni/ dpal 'khor lo sdom pa las le'u bcu pa'i dka' 'grel lo// //da ni skye ba bdun pa'i lhan cig skyes pa'i rkyen gyis snying po'i sngags de'i mthu ni/ de nas zhes bya ba la sogs pa gsungs te/de nas zhes pa ni bsdu ba ste/ gang yang rung ba la snying pos skye ba bdun pa'i sbyor ba bshad par bya'o/ /yang ni snying po dang sman gyi sbyor ba'o/ /gang zhig ces pa ni gsol ba 'debs pa'i rtog pa'i rjes la'o/ /rjes la zhes pa ni rjes kyi sgra'o/ /ji lta bu sbyor ba zhes pa la sgrub pa pos zhes bya ba la sogs pa gsungs te/sbyor ba gang gis dngos grub thob par 'gyur ba de bshad do zhes par sbyor ro/ /bsnams pa tsam gyis zhes pa ni bsnams pas bsten pa tsam ste myur du skye ba bdun pa yongs su shes pa 'grub par 'gyur ro/ /re zhig mdor bsdu de yi shes grub ces dgongs so//skyes bu gang zhig ces pa ni skyes pa'i gzugs kyi bsod nams kyi phung po yin zhes dgongs so/ /dri zhim pa nyid ni gla rtsi la sogs pa'i dri zhim po 'di la'o/ /de'i dri zhim pa ni rdul dri zhim pa'o/ /lhag ma ni go sla'o/ /bden par smra ba dang yun ring por mig mi 'dzums pa dang khro ba med pa gang yin pa de ni shes par bya'o//dbugs dri zhim par nga ro 'byung / /zhes pa ni dbugs dri zhim par 'byung ba la ma ning gi rtags bstan to/ /gang la dbugs dri zhim pa 'byung bar 'gyur ba de skye ba bdun pa'i mir skyes pa yin no/ /skye ba bdun pa'i rigs gcig pu mir skyes pa ni mi'i gtso bo zhes pa'i don nam/yang na mi ru skyes pa zhes pa'i don to/ /dri zhim po'i rtags kyi dgongs pa ni/ de zhes pa la sogs pa gsungs so/ /de bsnams pa ni bsnams pa'o/ /shes pa zhes pa ni shes par bya ba'o/ /ci de zhes pa la de'i zhes bya ba la sogs pa gsungs te/gang gi phyir dri zhim po ni ro tsa na'i 'bras bu yin pa'i phyir de rjes su dpag par bya'o/ /de la de ni gzhan las skyes pa ma yin pa'i phyir ro/ /de zhes bya ba la sogs pa ni ro tsa na'i dgos pa ston te/ 'bum bzlas pa'i rjes su bya ba'o/ /dpag tshad bye bar 'gro zhes bya ba ni dpag tshad bye ba ni tshad yongs su bcad pa ste/lam nas steng du 'gro zhes pa'i don to/ /bye ba lnga bcur zhes pa ni dpag tshad do/ /lha rdzas kyi lus ngag yin pa de ni lha rdzas kyi lus te snying po'o/ /gang dang gang 'dod pa'i sgrub pa po de la de dang de ster ba'i skye ba bdun pa'i mtshan nyid kyi cho ga de rjod par byed pa de ni le'u bcu gcig pa'o zhes pa ni/dpal 'khor lo sdom pa le'u bcu gcig pa'i dka' 'grel lo// //de nas zhes bya ba la sogs pa la de nas zhes pa ni snying po'i las tshogs kyi cho ga ldan pa'i rjes su'o/ /lhag ma ni go sla'o//Ta pha hUM huM ha haHhrI oM zhes bya'o/ /oM hrIHha ha huM hUM phaT/ sngags 'di ni go rims su bya ba'o/ /'di ni snying po'i yang nye ba'i snying po zhes pa ni nye ba'i sgra ni dman pa'i don to/ /snying po'i sngags las yi ge dman pa nyid yin gyi nus pa dman pa yin pa'am yang na nye ba'i don to//'di zhes pa ni nye ba'i snying po'i bzlas pa ste/ de yang yi ge grangs ni 'bum bzlas pa'o/ /lha zhes bya ba la sogs pas ni 'gugs pa'i nus pa dang ldan par brjod do/ /rgya mtsho dang chu bo dang rdzing bu rengs pa zhes pa ni chu rengs par byed pa'o/ /gnas der zhes pa ni gang du 'bum phrag bdun gyi sngags bzlas pas bka' nyan byed par 'gyur zhing bgegs mi nus so zhes dgongs so//'di yang bzlas pa tsam du rtogs pa'i nus pa'o/ /'di zhes pa ni yi ge bdun sngags kyi rig pas so/ /chu zhes pa ni chu dang sman lhan cig tu byed pa'i mthu'o/ /skye ba bdun zhes pa ni skye ba bdun dang 'das pa dang ma 'ongs pa yang ngo //mig la mngon par bsngags pa zhes pa ni chu ldog pa'i phyir ro/ /ri lu sgrub pa'i thabs kyi nus pa ston te/ dbang po zhes bya ba la sogs pa ston to/ /dbang po rkang mthil gyi pags pa zhes pa ni mi de'i khrag dang bsnos shing gzhib par bya'o//sbubs kyi nang du zhes pa ni de'i ril por bya'o zhes dgongs so/ /lig bu mig ni mig sman no/ /ldong ros dang / gi wang dang / gur gum zhes pa ni gnyis pa phyi ba'o/ /mig sman dang ldong ros la sogs pa khrag gis sbags pa de sbubs kyi nang du bcug la grib ma la bskam par bya zhing lcags gsum gyis dkri bar byas la bsgrub par bya'o zhes pa ni bsdus pa'i don to//de yang zhes pa ni sngags 'bum phrag bdun du bzlas pa yang rnal 'byor pas so/ /lhag par gnas zhes pa ni dpal he ru ka'i dkyil 'khor gyi 'khor lo de la sbubs lcags gsum gyis dkris par bsgoms nas sngags brgya rtsa brgyad dgongs ka'i dus su bzla bar bya'o zhes pa ni lhag par gnas pa'o//skar ma rgyal zhes pa ni gzhan rgyu skar bzang po la sogs pa yang ngo / /sgrub thabs ni dpal he ru ka zhes bya ba la sogs pa gsungs so/ /dpal he ru ka'i rnal 'byor pas dkyil 'khor gyi 'khor lo'i nang na yod pa'i ri lu de rang gi khar bcug ste/ji ltar gsungs pa yang bzla bar bya'o/ /de nas ji lta ba bzhin du/ gser dang zla ba nyid 'byed rnams/ /rig byed gsum bzhi tshad man cha/ /thub pa gsum mda' ra tis lhag/ /ri lu rim pas dkri bar bya//lcags gsum gyi ni nges pa'o/ /lhag ma ni go sla ba kho na'o/ /nye ba'i snying po gang yin pa/ /'di nyid gang gi snying po yin/ /zhes pa la dpal he ru ka zhes bya ba la sogs pa gsungs te/ dpal he ru ka zhes pa ni/ oM ka ra ka ra la sogs pa'o/ /'dis zhes pa la sogs pa ste/mgo bo'i thod pa zhes pa'i sgra'i rkyen med pa'o/ /de yang thod pa nyid la rma med pa'o/ /sha med par byas la zhes pa ni sha med cing mgo la nyams pa med pa'o/ /de'i lus so/ /sha med kyang yin la lus kyang yin pas de ni de bzhin no/ /de lta bur gyur pa'i bsgrub bya'i lus su bya ste/mnye bar bya'o zhes pa ni yang dag par mnye ba'o/ /gang gis zhes pa la sdigs mdzub ces bya ba gsungs te/ g.yas pas te de'i rtse mos so/ /'di yang bsgom par blta bar bya'o/ /mi'i thod pa blangs pa rdo rje drag po'i rnal 'byor pas rang gi sna'i bu ga g.yas pa nas hUM brjod pa las skyes pa'i phyag na mtshon cha'i phyag mtshan can du skyes pa phyir phyung ste/gang gi ming nas bzung ba'i rtsa lnga phug par byas nas de'i khrag gis thod pa gang bzhin par sdigs mdzub kyi rtse mor bsgoms na sngags de lan mang du bzlas pa des lus kyi nang thams cad kyi sha med pa'i khrag dgug par byed do zhes pa ni bsdus pa'i don to//slar log pa ni g.yon pas zhes bya ba la sogs pa gsungs te/ g.yon pa'i sdigs mdzub kyi rtse mos zhi ba'i sems kyis mnyes na de'i lus kyi nang gang zhing bsgrub bya'i lus rgyas par 'gyur ro//ci zhes pa la 'jug par 'gyur ro zhes gsungs te/ de nyid kyi khrag 'jug par 'gyur ba yin pa'i phyir ro/ /mngon bar bsngags te zhes pa ni bsgrub bya'i mgo bo'i thod pa yin par bsams la khu tshur bsnun par bya'o/ /thod pa zhes pa ni bsgoms pa'am dngos su ste thod pa dgang ba'o//dngos su thod pa'i nang dgang ba yang ngo / /sngags bzlas pa zhes pa ni bya ba'i khyad par ro/ /lhag ma ni go sla'o/ /mkha' 'gro ma thams cad 'ong zhes pa ni mkha' 'gro ma ni dang po'i mang po'i tshig phyi ba'o/ /gyo dum zhes pa ni gnyis pa'i sgra phyi ba'o/ /mkha' 'gro ma'i sbyor ba thams cad 'phrog ces phyogs dang phyogs mtshams su gyo dum nyid gtor ba'o//stan ni 'khrig pa spyod pa'i don du stan nam mal du gtogs par gnas pa na stan nam mal khri la gtogs pa de la bud med dam skyes bu bsdu ba'i don to/ /g.yul ngor zhes pa ni gyo dum gyi rjes su 'jug pa'o//snying po dang nye bas na nye ba'i snying po'i sngags so/ /'di'i las kyi cho ga rjod par byed pa'i le'u ni bcu gnyis pa ste nye ba'i snying po'i las kyi cho ga'i le'u ste bcu gnyis pa'o zhes bya ba ni dpal 'khor lo sdom pa'i le'u bcu gnyis pa'i dka' 'grel lo// // de nas zhes pa ni nye ba'i snying po'i sngags de'i las kyi cho ga bstan pa'i rjes su'o/ /go cha ni go cha'i sngags kyi las bshad pa'o/ /oM ha na maHhi swA hA hu bau ShaT he hUM hUM ho phaT haM ngo / /go rims zhes pa ni bzlas pa dang sman la sogs pa'i nus pa'i rim pas so/ /de gang las zhes pa la 'jig rten gsum na zhes bya ba la sogs pa gsungs te/de thams cad gang yin pa 'dod pa zhes pa ni yid kyi 'dod pa'o/ /go cha zlo zhing lam du zhugs pa na de rkun ma la sogs pas 'jigs par mi 'gyur ro zhes pa ni go cha la sogs pa 'di'i don to/ /rgyal rigs kyi pho brang ni rgyal po'i khab kyi nang du zhugs pa na de yang mi mthong ba'o//de'i phyir mi snang bar 'gyur te zhes pa la gang du mi snang zhes khyams su gnas pa zhes pa ste pho brang gi nang zhes pa'i don to/ /gang gi phyir 'di pha rol gyi mi gzhan rnams kyis zhib tu lta bar byed do/ /'dir yang mthong ba ni sngags kyi mthu'o//gang 'dod pa de blangs te 'gro bar 'gyur ro zhes pa ni mdzod la sogs pa nas dngos po gang 'dod pa blangs te phyir 'byung ba ni mi mthong ngo zhes sbyar ro/ /'dir yang mang po zhib par blta ba nyid kyi phyir de mthong bar dka' bas rtogs mi nus pa ni sngags kyi mthu'o/ /lha rnams kyis kyang mi mthong ngo //zhes pa ni lha rnams kyi sha'i mig yin yang thogs pa med par mthong ste/ de rnams kyis kyang mi mthong ba ni sngags kyi nus pa'o/ /mdung bzhin zhes pa ni de ring du brkos na btsugs pa lta bu ste mi g.yo ba'o/ /rang gi khrag ces pa ni rtogs sla'o/ /gang gi khyim du zhes pa ni khyim 'dir zhes pa'i don to//de la zhes go bar bya'o/ /rnal 'byor pa ni dang po'i mang po'i tshig phyi ba'o/ /rnal 'byor ma nyid dang zhes pa dang po'i don las gnyis pa'o/ /dang po ni rab tu dbye ba'o/ /nyid ni nges par gzung ba'o/ /sna tshogs pa'i gzugs nyid ni mkha' 'gro ma zhes bya ba la sogs pa gsungs te mkha' 'gro ma ni mkha' 'gro ma'i rigs su skyes pa'o//lA ma zhes pa ni lA ma'i rigs su skyes pa'o/ /gzugs can ma ni gzugs can ma'i rigs su skyes pa'o/ /steng du rgyun 'gro ba zhes pa ni nges pa'i tshig gis sa phyis pa'o/ /chu'i phyin ci log tu 'bebs pa shin tu mnan nas 'gro zhes pa'i don to//rnal 'byor pas byang chub kyi sems nor bur brtan par bya ste/ steng du lhan cig skyes pa rgyu zhing dngos su 'gro zhes pa zhib rtogs so zhes pa ni don gzhan no/ /'dod pa'i yon tan lnga la longs spyod pa mdor bstan nas rgyas par bstan pa ni gang du 'dod pa zhes bya ba la sogs pa gsungs so//dbang po rnams ni mig la sogs pa'o/ /lam ni spyod yul nyid do/ /gang gsang gang gzugs la sogs pa/ /de dang de thams cad sangs rgyas kyi rang bzhin ni rnam par snang mdzad la sogs pa'i rang bzhin du gyur pa ni nyams su myong ba yin pa'o//rang bzhin nyams su myong bar bya'o/ /ji ltar nyams su myong ba yin/ /zhes pa la/ mchog tu phan pa'i sbyor ba yis/ /zhes bya ba gsungs te/ mchog ni dpal he ru ka'o/ /phan pa ni byas pa'o/ /sbyor ba ni ting nge 'dzin to/ /gzugs ni rnam par snang mdzad do//sgra ni mi bskyod pa'o/ /dri ni rin chen 'byung ldan no/ /ro ni snang ba mtha' yas so/ /reg bya ni don yod grub pa ste/ sangs rgyas thams cad kyi bdag nyid du grub po zhes bya'o/ /'dod pa'i yon tan lnga la longs spyod pas sngags kyi bzlas pa bya'o zhes dgongs so//shing yongs 'du zhes pa ni shing yongs 'du'i yal ga la sogs pa'o/ /lhag ma ni go sla'o/ /go cha'i sngags bye brag tu bshad pa ni sbyor ba ni go cha sngags kyi sbyor ba ste/ de nyid rjod par byed pa gang yin pa de yang yin la le'u yang yin pas de de bzhin no/ /bcu gsum ni le'u bcu gsum mo zhes bya ba ni/dpal 'khor lo sdom pa'i le'u bcu gsum pa'i dka' 'grel lo// //de nas zhes pa ni yang gi don de yang snying po'i sngags kyi sgrub thabs bshad do zhes bya bar sbyor ro/ /ci zhes pa la gang gis zhes bya ba la sogs pa gsungs te/gang gis sgrub pa po 'grub par 'gyur ba de'i sgrub pa'i thabs zhes pa'i don to/ /don de'i ci'i zhes pa la yid kyi zhes bya ba la sogs pa gsungs te/ yid kyi shugs ni yid kyi rgyal po ste de'i ldog pa grub pa'i phyir ro/ /ci zhes pa la/ /bong bu'i rnam pa'i rnal 'byor gyis//zhes pa'i don to/ /rnal 'byor ma zhes bya ba la sogs pas dkyil 'khor gyi lha ston te/ rnal 'byor ma zhes bya ba la 'khor lo gsum la gnas pa'o/ /'dod pa'i gzugs zhes pa ni bong bu'i gdong gi rnam pa khrag dang bcas pa nyid kyi phyir ro/ /de bas na/bong bu'i rnam pa khrag gi gdong / /zhes gsungs te/ dang po'i mang po'i tshig phyi ba'i phyir ro/ /de bzhin du mkha' 'gro ma zhes pa ni mkha' 'gro ma ni kA kA s+ye la sogs pa'o/ /khwa gdong ma la sogs pa bzhi ma gtogs pa/ gzhan thams cad ni bong bu'i rnam par khyad par du gyur pa'o//rtse gsum lag na thogs zhes pa ni kha T+wAM ga spangs pa'i gnas su rtse gsum bcang ba'o/ /yang lha gsum cu rtsa drug rnams rnal 'byor ma nyid kyi mdog ni sgrub pa'i thabs kyi rim pa nyid do/ /kha nas khrag 'dzag pa bong bu'i rnam pa dpal he ru ka'i rnal 'byor dang ldan pa rang nyid do//da ni 'di ston te/ bong bu'i kha nas khrag 'dzag nyid/ /ces pa ni khyad par ro/ /lhag ma thams cad ni sgrub thabs nas gsungs pa bzhin no/ /rang gi tshe nyid ces pa ni sgrub pa zhes gsungs te/ /snying po'i sngags 'bum phrag bdun gyi grangs bzlas pas grub nas de bya'o zhes dgongs so//de'i man ngag brjod par bya ste/ rten gyi dkyil 'khor rdul tshon gyis mngon bar bris la/ de'i pad+ma 'dab ma brgyad pa'i dbus su yi ge lnga bcu yongs su gyur pa'i hUM bsgom mo/ /phyogs kyi 'dab ma bzhi la bcom ldan 'das dang bcom ldan 'das ma'i snying po dang nye ba'i snying po'o//mtshams kyi 'dab ma la khrag gis gang ba'i thod pa bzhi'o/ /rtsibs nyi shu rtsa bzhi la/ oM khaN+Da ka pA li ni huM hUM phaT/ ces pa la sogs pa'i sngags nyi shu rtsa bzhi dang oM ka ra ka ra phra tsaN+De huM hUM phaT phaT/ ces bya ba la sogs pa'i thod pa'i dum bu la sogs pa dang /rab gtum mo la sogs pa la bsdoms te bzhi bcu rtsa brgyad kyi sngags yin no/ /rtsa ba'i thig le'i nang du khwa gdong ma la sogs pa brgyad do/ /de'i steng du sgo bzhi la/ suM b+ha ni'i sngags bzhi'o/ /ra ba'i nang du rtsa ba'i sngags so/ /ra ba'i phyogs dang sgo'i steng dang /sgo khyud kyi mtshams rnams su go cha'i sngags gnyis so/ /khor yug la bcom ldan 'das ma'i snying po'o/ /phyi rol du pu la sogs pa'i sa bon te/ suM gyi rnam pa la sogs pas bskor bar bsgom mo/ /'khor lo'i lte ba la 'bras sA lu'i khur ba'i rang bzhin las bong bu'i rnam pa'i gzugs brnyan byas te/mar nag dang rgya skyegs kyi khu bas bskus la dngos su bzhag go/ /kha nas khrag 'dzag pa'i bong bu'i rnam pa'i dpal he ru ka'i rnal 'byor dang ldan pas mtshams bzhi ru mar me sbar la/ snying po'i sngags rtse gcig par gyur par bzlas shing gzugs brnyan la blta'o//de nas nang ji lta bar blta zhes bya ba la sogs pa gsungs so/ /de nyid ni tshe zad pa yang zhes bya ba la sogs pa gsungs so/ /yang gis ni srid tshad do/ /'dir zhes pa ni nges pa'i don gyi sgra'o/ / 'di nyid kyi cho ga byas nang zhes pa'i don to/ /bong bu zhes pa ni gal te nges par sngon du bong bur gyur pa yin na rnal 'byor pa de'i tshe bong bu'i bdag nyid du mthong ba'o/ /glang po sgra zhes pa ni i'i mtha' can no/ /gzhan gyi skye ba yang mthong bar bstan to/ /mthong ste zhes pa la sogs pa la gang yang mi la sogs pa'i sems can no//sgrub pa po zhes pa ni gsum pa'i don gyi drug pa'o/ /'dis skye ba bdun pa bde blag tu rnyed pa zhes pa la sogs pa gsungs te/ gtor ma dang / sbyin sreg dang / bza' ba'o/ /bya ba ni byed pa'o/ /rnal 'byor pa des gtor ma dang sbyin sreg bya ba yin no//ci zhes pa la/ sgrub pa po ni grub par gyur/ /zhes gsungs te/ gang yang skye ba bdun pa sgrub pa pos gong du bstan pa'i rim pas grub pa'o/ /rnal 'byor zhes pa'i sgra'i rkyen med pa'o/ /'di rnams bong bu'i rnal 'byor gyis/ /zhes pa'i don to/ /sngags mchog dam pa zhes pa sngags mchog gi sbyor bas so//snying po'i sngags lhan cig tu byed pa'i phyir ro/ /sngags 'chang zhes bya ba'i gzhung la yang de nyid do/ /gtso bo ni mngon par 'dod pas sgrub pa'i phyir ro/ /mkha' 'gro ma ni rdo rje phag mo'o/ /de'i sbyor ba'i ni des sngon gyi skye ba mthong ba'i sgrub pa po de dang snyoms par zhugs so zhes dgongs so//rnal 'byor zhes bya ba ni go sla'o/ /gsang ba zhes pa ni rgyud 'di'i snying po ci zhes pa la snying po zhes gsungs te/ snying po'i sngags so/ /gang gi snying po zhes pa la sngags zhes gsungs te/ rig pa'i rgyal po de gang gis//zhes pa de nyid ni dpal he ru ka dang rig pa'i rgyal po gnyis dag dbyer med pa'i rnal 'byor ba'o/ /ye shes zhes pa'i gzhung la yang / /ye shes tsam gyi rnal 'byor pas/ /de zhes pa ni snying po'o/ /'di ni mkha' 'gro dra ba'i sdom/ /zhes pa ni dpal he ru ka'i rtags la mi ltos pa'o//de nyid la 'dir sbyor ba'i ting nge 'dzin la sems 'dis sbyor zhes dgongs so/ /'di rnams zhes pa'i gzhung la ni/ /'di ni 'gro ba'i don gyi sgra'i dbyings so/ /'di rnams kyis 'thob pa'i mkha' 'gro ma'i dra ba'i sdom pa shes so zhes bshad do/ /dpal he ru kar 'dis byed pa ni dpal he ru ka'i rgyu'i cho ga'o//bong bu'i rnam pa'i rnal 'byor gyis dpal he ru kar byed pa'i cho ga ni sgrub thabs so/ /de rjod par byed pa'i le'u bcu bzhi pa ni bcu bzhi pa'o zhes pa ni/ dpal he ru ka 'khor lo sdom pa'i le'u bcu bzhi pa'i dka' 'grel lo// //de nas zhes pa ni bsdu ba ste de'i phyir zhes pa ni rgyu ste snying po 'ba' zhig gang gis shes pa de des ni rnal 'byor pa ma yin te/ 'on kyang brda yang ste gang gi phyir rnal 'byor dang 'brel ba'i brda'i cho ga'o/ /ci'i don yin zhes pa la/ sdom pa thams cad la zhes gsungs te/thams cad ni skyes bu rnams te/ nyan thos la sogs pa la sba bar bya ba ni sdom pa srung ba ste/ de'i don du zhes pa'i don to/ /de gang dang so sor 'brel pa gzung bar bya ba'i ngo bo nyid yin no zhes pa la/ de nyid kyis zhes gsungs te/ de zhes bya ba la sogs pa'o//DA zhes pa ni de bzhin gshegs pa dpag tu med pa'i brdar byas pa'o/ /DI zhes pa bud med de zhes pa de ni nam mkha' la 'gro ba'i skad kyi dbyings kyi sbyor bas/ de zhes pa ni de bas na de bzhin nyid kyi rjes su 'gro ba'o/ /DI zhes pa ni kwi ba'i rkyen gyis grub pa'o/ /DA ste thams cad du khyab pas na DI'i'o//pu zhes pa ni gnon pa yin/ /zhes pa ni rengs par byed pa la bu'i sgra brdar byas pa ste/ /DI ba la sogs pa dang 'dra'o/ /de ni snying po'i bye brag go/ /su zhes pa ni bza' ba nyid/ /ces pa ni de nyid la 'dir brdar bya'o/ /nyid kyi sgras ni yang dag par bsdu ba nyid du nges par gzung ba'o//ma zhes bya ba ma ru dran/ /zhes pa ni ma nyid ces pa'i don to/ /yo zhes pa ni chung ma nyid/ /ces bya ba ni khyad par can gyi chung ma nyid/ /ces pa'i don to/ /b+hI zhes pa sring mor dran/ /zhes bya ba ni don ji lta ba'o/ /bI zhes bya ba mdza' mor grags pa ni gcugs pa'o//lu zhes bya ba ni bu mo zhes bya ba bdag nyid las skyes pa'o/ /s+t+rI zhes pa khrag tu zhes pa ni khrag go/ /so ni zla ba'i btung ba yin/ /zhes pa ni bdud rtsi'i btung ba'o/ /pe ni btung ba de bzhin no/ /zhes pa ni btung bar bya ba zhu ba'i rdzas zhes pa'i don to//de bzhin gyi sgra phyogs gcig la brdar byas pa nyid du bsgrub pa yin no/ /phI zhes pa ni sha'am yang zhes pa ni sha nyid do/ /b+hI zhes pa ni bza' ba yin/ /zhes pa ni bza' bar bya'o/ /b+hu zhes pa ni 'dus yin/ /zhes pa ni rnal 'byor ma 'du ba'i gnas kyi bye brag go/ /pI zhes bya ba dur khrod yin//zhes bya ba ni ro'i gnas so/ /hUM zhes ro du ma bcas pa'o/ /zhes pa ni ro ste rnal 'byor ma dpag tu med pa gnas so/ /d+hI zhes rnal 'byor ma ru grags/ /zhes pa ni ting nge 'dzin dang ldan pa dang don gnyis kyi phyir ro/ /ga ni lA ma de bzhin no/ /zhes pa ni lA ma'i rigs las brdar byas pa'o//tri ni gzugs can ma nyid do/ /zhes pa ni gzugs can ma'i rigs su gyur pa nyid la brdar byas pa'o/ /ku zhes mkha' 'gro ma de bzhin/ /zhes pa ni mkha' 'gro ma'i rigs su skyes pa la de kho na nyid du brdar byas pa'o/ /dA zhes pa ni dum skyes sam//zhes dum skyes kyi rigs gang yin pa nyid do/ /hA'i sgra yang don gnyis so/ /dza zhes pa ni byin pa gnyis/ /zhes pa ni byin pa gnyis te phyogs gcig la brdar byas pa'o/ /b+ha zhes pa ni gsong por smra/ /zhes pa ni phyag 'tshal ba ste/ b+ha'i sgra yang don gnyis so/ /su zhes pa ni legs 'ongs yin//zhes bya ba ni legs par 'ongs zhes su'o/ /yi ge thams cad ni rkyen med la sogs pa'o/ /'dis kyang / yi ge re re'i brda' yin te/ /zhes pa ni yi ge re re gang yin pa de ni de bzhin no/ /dpa' bo sring mo de shes bya/ /zhes pa ni dpa' bo ni rnal 'byor pa'o//sring mo ni rnal 'byor ma'o/ /bya'o ni nges par gzung ba'o/ /de ni brda'o/ /'di ni mang po la brdar byas pa nyid kyi phyir gsum pa'i don gyis dang po'o/ /brda' dpa' bo dang rnal 'byor ma nyid kyi mas shes par bya ste/ de yang tha snyad kyi yan lag gcig nyid kyi phyir ro/ /yang na brda'i yi ge nyi shu rtsa bzhi ni rnal 'byor ma nyi shu rtsa bzhi rnam par dag pa'o//yi ge'i brda ni yi ge gcig nyid kyi brda'o/ /de rnams ston pa'i cho ga ni yi ge'i brda'i cho ga'o/ /de rjod par byed pa'i le'u ni bco lnga pa'o zhes bya ba ni/ dpal 'khor lo sdom pa'i le'u bco lnga pa'i dka' 'grel lo// //de nas zhes pa ni yi ge'i brda bstan pa'i rjes su'o/ /gsang ba ni rnal 'byor ma rnams so/ /dngos grub chen po ni chen por nges pa'i dngos grub po/ /gsang ba'i dngos grub chen po de rab tu bshad par bya ste/ rab tu byed pa'i bye brag gis bshad par bya'i zhes pa'i don to//ha'i sgra ni ngag gi rgyan yin te zad pa med pa'i sgra ni don mang po la 'jug pa'i phyir ro/ /sgrub pa po zhes pa ni sgrub par byed pa'i rten bzhi pa'i don dang po'o/ /gsang ba'i sgras brjod pa'i rnal 'byor ma de gang zhes pa la thob 'gyur mchog ni zhes bya ba la sogs pa gsungs te/mchog ni dam tshig dang mdog dang dri la sogs pa'o/ /gnas pa yang yun ring du nye bar gnas pa ste/ ji lta bur gyur pa zhes pa la yid 'ong ni sgrub pa po nye bar dgongs pa yin no/ /de yid 'ong nye bar 'khor bar byed pa ni rnal 'byor ma'i skye 'gro ste/ ji lta bur gyur pa rnams kyi don gang yin pa de de ltar zhes pas ston te/gus pa zhes pa ni mchod pa rnams bsten pa'o/ /de nyid kyi phyir 'bad pas shes par bya ba ni dgongs pa'o zhes dgongs so/ /dam tshig gi bshad pa'i rnam par dbye ba ni dgongs zhes bya ba la sogs pa gsungs te/ ni ni nges pa'i don to/ /nges par bsgrub pa'i phyir dpa' bo dang zhes bya ba la sogs pa gsungs te/ dpa' bo dang gnyis su med pa la gzhan du rnal 'byor ma'i skye 'gro rnams gang gi kha dog la sogs pa shes na/ de'i dngos grub mngon du byed cing thob par 'gyur ba de rab tu bshad par bya'o zhes sbyar ro//phyi rol gyi rnal 'byor pas de lta bu shes na dngos grub ster ro zhes dgongs so/ /mtshan nyid ni pad+ma zhes pa la sogs pa gsungs te go sla'o/ /tsan+dan sar par rab tu grags pa ni gor shi sha zhes pa'i don to/ /tsan+dan sar pa'i dri 'di la yod pas tsan+dan sar pa'i dri'o//bde gshegs 'dus pa nyid la dga' ba nyid do/ /rigs ni rta mgrin no/ /de'i rigs gang yin pa de ni chang 'tshong ma'i rigs kyi rgyud do/ /de las byung ba ni sgra thung ba nyid kyi rigs las skye ba nyid do/ /dpa' bo ni nam mkha'i snying po'o/ / de'i rjes su 'gro ba ni 'khor lo'i go cha ma'o/ /de'i rigs las byung ba nyid kyi phyir de ni de bzhin no/ /he ru ka yi rjes su 'brang / /zhes pa ni shin tu dpa' mo'i rigs kyi rjes su 'gro ba'o/ /dpa' bo'i blo ma zhes pa ni dpa' bo'i blo ma'i rigs kyi rjes su 'gro ba'o/ /rdo rje'i rigs ni phag mo'i rigs so//de bzhin gshegs pa ni pad+ma gar dbang ngo / /de'i rigs zhes pa ni de bzhin gshegs pa'i rigs stobs po che'i rjes su 'brang ba'o/ /bdag ces pa ni bdag nyid kyi mngon du yid ches pa'o/ /ni ni rjes su ston pa'o/ /g.yon pa ni bud med do/ / de'i spyod pa ni shin tu khro bo'i nga rgyal la sogs pa'o/ /la ni bsdu ba'o/ /'dir rnal 'byor ma'i skye 'gro yang ji lta bu zhes pa la gsungs pa rang rgyan ni dkar po gos la sogs pa'o/ /kha dog ni pad rtsa ltar dkar ba la sogs pa'o/ /de gnyis bsdoms pa ni yang dag par bcings pa'o//rigs kyi rig pa'i yi ge yang / /zhes pa ni sgrub pa pos de'i rig pa de nyid kyang yi ge rdo rje yin te/ brtan por lhag par mos pa nyid kyi phyir na rnal 'byor ma'i skye 'gro'o/ /des kyang g.yo ba med pa'i gzugs ni lha mo yin no zhes dgongs so/ /rigs ni drug yin zhes pa ni rigs drug gi rab tu dbye ba'i rnal 'byor ma rnams su shes par bya'o//ni ni bsdu ba'i don no/ /de ni phyag rgya 'ching zhes bya ba la sogs pa gsungs te/ phyag rgya 'ching ba ni g.yon pa zhes bya ba la sogs pa gsungs te/ rnal 'byor ma yang g.yon la rtag/ / ces bya ba la sogs pa rnal 'byor ma rnams ni g.yon pas so/ /rnal 'byor ma rnams g.yon zhes pa ni gang yang g.yon gyis rang gi rigs las skye ba'i chos ni smra'o zhes bya ba la sogs pa gsungs te/ chen por gyur pa gang yin pa/ /de bzhin du zlos pa ni rab tu smra bas zlos pa'i tshul can no//nyid kyi don ni bsdus pa'i don to/ /dga' zlos nyid kyi phyir dga' ba zlos pa'o/ /da ni snga ma bzhin no/ /dam tshig 'dor bar bya ba ma yin no/ /dam tshig 'dor bar bya ba ma yin pa'i cho ga ni da dam tshig yod pa can du brjod pa'i rnal 'byor ma'i skye 'gro la ltos nas skyes pa'i rigs kyis bstan pa'am rab tu dbye ba ltos nas gnas pa med pa'o//rab tu dbye ba yang gcig ste/ bud med ces pa ni dmigs kyis bkar ba'i drug pa'o/ /rigs ni grub pa'i'o/ /de nyid kyi sa bon ni rab tu dga' bar smra bar byed pa'o/ /de bye brag tu byed pa ni smra ba'o/ / rigs kyi bya ba dam tshig spyod pa'o/ /rigs kyi rig pha ni rigs kyi lha mo'o/ /rang gi bstan bcos las gsungs pa ni sngags kyi lugs las so/ /de brjod pa zhes pa gnyis pa'o/ /phyag 'tshal ba zhes pa la sogs pa bden pa nyid du nges par bya'o/ /mtshan nyid 'di rnams rtogs nas de lta bur gyur pa ni rnal 'byor ma la de kho na bzhin phyag 'tshal ba la sogs pas de bden par sgrub pa pos nges par bya ba yin no zhes pa ni gsum pa'o//mthe bong g.yon pas zhes pa ni rkang pa'i'o/ /ri mo 'bri ba ni yang dang yang du gang gi tshe 'bri ba de'i tshe de rnal 'byor ma'i skye 'gro'i bye brag go zhes shes par bya bar dgongs so zhes pa ni bzhi pa'i don to//'gro ba phyug par byed pa'o/ /zhes pa ni lag pas byed pa de ni rnal 'byor ma'i skye 'gro'i rab tu byed par shes par bya'o/ /rtag tu zhes bya ba rjes su 'jug pa'o/ /rang gi rig pa dran pa dang de sgrub pa yul la phan zhes pa dang de ltar gyur pa de bltas nas rig pa dran pa ni sgrub pa pos de la sbyor ba'o//rang gi rig pa ni rang gi yi dam gyi lha bzhin du blta'i zhes dgongs so/ /ci zhes pa la yul du phan pa zhes pa ni de lta bu'i phul gang yin pa bla mar bya'o/ /dang po'i don la bdun pa'i don bsdus na lnga pa'o//dri bas dri zhes bsdus pa lta bu'o/ /'di ni yang dag par 'byung ba'i rig pa'o/ /zur gyis blta zhing zhes pa ni kosko la sogs par sor mos bya ste/ zur gyis blta ba gang yin ba bud med de ni rnal 'byor ma'i skye 'gro'i rab tu dbye ba shes par bya'o zhes pa ni dgra gnas kyi drug pa'o//de ltar bltas nas ci byed ces pa la/ lan cig sngags zlos shing rig ma rnam par blta zhes gsungs te/ sngags ni rig pa'i rgyal po'o/ /'dis cir 'gyur zhe na gsungs pa bden par 'gro'o zhes bya ba la sogs pa de go sla'o//[(]rnam [,]rnal [)]'byor ma bdun ni nye bar mtshon pa ste/ drug gi mtshan nyid kyang ngo / /rnal 'byor ma bcu gsum gyi mtshan nyid ni mtshan ma'o/ /bdun po rnams dang drug po'i rnal 'byor ma rnams kyi mtshan nyid yongs su brtag pa la rnal 'byor ma bdun gyi mtshan nyid brtag pa zhes bya ste/bar gyi tshig phyis pa bsdu ba'o/ /de rjod par byed pa ni le'u bcu drug pa ste zhes bya ba ni dpal 'khor lo sdom pa'i le'u bcu drug pa'i dka' 'grel lo// //mtshan nyid bstan pa'i rjes su le'u bcu drug pa brjod de/de nas rnyed dka' zhes bya ba la sogs pa gsungs te/ rnal 'byor ma rnams ni mkha' 'gro ma la sogs pa de dang po'i don la drug pa'o/ /de yang rnal 'byor ma ni lha mo ste/ ni ni khyad par gyi don to/ /rnal 'byor ma rnams zhes pa ni mkha' 'gro ma'i rnal 'byor ma ste/rnal 'byor ma'i yon tan rjes su 'jug pa'i don to/ /de lta bu nyid kyi phyir dam tshig go/ /ci zhes pa la de nas rnyed dka' zhes bya ba la sogs pa gsungs te/ gang gi phyir lha mo'i yon tan dang ldan pa'i mkha' 'gro ma de dga' bas rnyed dka'o zhes dgongs so//gal te de lta bu ji lta ba nye bar bsnyen zhes pa la/ bdud rtsi lnga las yang dag 'byung / /zhes gsungs te/ de'i thabs kyis rnal 'byor ma grub pa'i gnas so zhes dgongs so/ /mkha' 'gro ma rnams kyi mtshan nyid gsungs pa/ ya mi ni dang skrag byed ma//'dod ma dang ni 'jigs dang gzugs/ /kun du spyod dang b+ha su ra/ /mkha' 'gro ma ni bdun du bya/ /zhes ba ni ya mi ni la sogs pa 'di rnams bsdus pa ste/ mdor bsdus nas bdun du byas pa'i zhes dgongs so/ /rang gi mtshan nyid 'dir brjod bya//zhes dgongs so/ /ming dang rjes su mthun pa'i mtshan nyid gang yin ba de bstan pa'i sgo nas brjod pa'o zhes pa'i don to/ /de rnams rjes su mthun pa'i ming gzhan gyi sgo nas kyang ston te/ gzugs can ma dang 'o byed ma/ /lA ma yongs gyur byis bcas mo//mi ldog lha mo e hi ka/ /mkha' 'gro ma ni bdun du dran/ /zhes gsungs te/ gzugs ni gzhan no/ /gzugs can mar brjod pa'i mtshan nyid mngon par zhen pas zhes bya ba la sogs pa gsungs te/ dpa' bo gnyis su med par bsten/ / zhes pa ni dpa' bo gnyis su med par bsten no zhes pa'i don to/ /ming ni gzhan 'o byed ma brjod pa'i mtshan nyid ni sdug pa'am zhes bya ba la sogs pa gsungs so/ /mkha' 'gro zhes pa ni mkha' 'gro mas sdig pa zad par byed do zhes dgongs so/ /de nyid kyi phyir ya ma ni de yang dag par bag yod pa ste/de nyid ya ma la rang gi don du a na'i rkyen byin pa'o/ /de gang la yod pa de ni ya ma ste/ zad par byed pa gang yin pa'o/ /skrag byed ma ni gzhan la mar brjod pa'i mtshan nyid ston te/ zur gyi blta dang zhes gsungs so/ / sdigs mdzub ces pa ni gcig nyid la mang po'i tshig gi de nyid kyi don to/ /gzhan du dbugs 'byin pa yang 'dod par zhes pa'i yang 'jigs par byed pa'i khyad par gyis ngal pa'i phyir ro/ /ni ni khyad par ro/ /de'i phyir khyad par la dga' bas na lA ma ste/ ra lar byas pas na lA ma'o//mtshan gnyis kyi sbyor bas 'jigs pa nyid ni lA ma'o/ /skrag byed ma ni gzhan yongs su 'gyur ba'i mngon par brjod pa'i mtshan nyid ston te/ phag dang zhes bya ba la sogs pa gsungs so/ /sa ra b+ha zhes bya ba ni phyugs kyi khyad par ro//sha ra ma zhes bya ba'i gzhung yod de/ der yang phyugs zhes so/ /thams cad der ni 'jigs byed pa/ /zhes pa ni de mthong bas 'jigs par byed do zhes pa'i don to/ /de'i phyir de ni yongs gyur ro/ /de bas na ni de'i phyir gyi don to/ /gzhan de yongs su gyur pa gang yin pa de ni gang gi phyir de bzhin no//kun du spyod pa gzhan byis bcas mar mngon par brjod pa'i mtshan nyid ston te/ shin tu dga' ba zhes gsungs so/ /song nas slar mi ldog pa nyid kyi phyir kun spyod dge/'dod ma ni gzhan e hi ri mngon par gyur pa'i mtshan nyid ston te/ rjes su chags pa zhes bya ba la sogs pa gsungs so/ /khaN+Da ro ha khaN+Da ni dbyer med pa'i phyogs gcig go/ /ro ha ni yang dang yang du gnas pa de de bzhin no/ /hi ni gang gi phyir ro/ / 'dir phyogs gcig tu yun ring du gnas pas ni i li ka'o/ /'od ldan ma ni gzhan mi ldog par mngon par brjod pa'i mtshan nyid ston te yid ni kun du zhes bya ba la sogs pa la 'od ldan ma gang yin pa de ni gzhan mi ldog pa'i ming can no/ /de yid skyo ba yin no/ /de ltar gyur pas rkang pa dang 'ong ba la sogs pas reg pa'i sems can mi 'tsho'o//mi ldog pa ni bzlog pa nyid du mi nus pa'i phyir ro/ /ci zhes pa la/ /grub min bar ni de bshad do/ /zhes bya ba la sogs pa gsungs te/ de ni gang gi phyir ro/ /mkha' 'gro ma rnams kyi rigs ni 'dir dpa' bos dang por mtshon pa de rlung gi shugs can ma la sogs pa nas brtson chen ma'i bar rnal 'byor ma rnams ya mi ni la sogs pa nas e re ka'i bar gyi rigs rnams ni mkha' 'gro ma rnams te/rnal 'byor ma'i zhes pa ni thun mong gi don to//mkha' 'gro ma rnams kyi rigs kyi phyag rgya dpa' bos bsten cing mtshon par bya'o zhes pa ni gzhung gzhan no/ /mkha' 'gro ma rnams su bstan pa'i rigs rnams ni rigs rnams kyi phyag rgya nyid ni rnal 'byor ma kho na ste/ rlung gi shugs can ma la sogs pa'o//de mtshan pa ni shes par bya'o/ /dpa' bos bsten pa ni dpa' bos bsten pa ste/ dpa' bos bsten no zhes bya ba'i don to/ /gnyis pa mang po'i tshig phye ba'o/ /thod pa dang / dgra sta dang / mche ba dang / 'khor lo dang /chu srin gyi rgyal mtshan dang / ral gri dang / skrag byed du 'gro ba'o/ /dang ni bsdu ba'o/ /chu srin rgyal mtshan ni skra grol ba'o/ /mche ba ni phag pa'i so'o/ /brgyad ni phyag rgya brgyad de phyag rgya 'di rnams kyi nang nas gang yang rung ba cig gang du ni mkha' 'gro ma rnams kyi'o//thod pa dgra sta mche ba dang / ral gri dang skrag byed nyid ces pa ni gzhung gzhan no/ /ral gri ni sgra'i rkyen med pa'o/ /skrag byed ni gri gug go/ /phyag rgya ni snga ma nyid do/ /rnal 'byor ma 'di rnams kyang gzugs yongs su gyur pa la mngon par dga' bas blta ba la sogs pa'o//thod pa la sogs pa'i phyag rgya'i cho gas dgongs pa ni rnal 'byor ma shes par byed pa'i mtshan nyid do zhes bya ba ni/ dpal 'khor lo sdom pa'i le'u bcu bdun pa'i dka' 'grel lo// //de nas zhes bya ba ni gzugs yongs su rjes su'o//de nas tshig gzhan gyi mtshan ma ru bshad do zhes sbyar ro/ /'gro zhing ldog pas na mkha' 'gro ma ste/ de ni tshig gang gis so/ /ji lta bu zhes pa la gang gis zhes bya ba la sogs pa gsungs so/ /mkha' 'gro ma zhes pa ni gnyis pa'i don las dang po'o//tshig ni dmar zhing zhes bya ba la sogs pa gsungs te/ pad+ma'i dri ni rnam par gtong / /zhes pa ni lus las pad+ma'i dri zhes pa'i don to/ /bltas dang rang bzhin zhi ba dang / /zhes bya ba ni khro gnyer la sogs pa spangs pa'i phyir ro//zhen par blta ba'i rjes ston pa/ /zhes pa ni shin tu rjes su chags pa'i khyad par gyi phyir ro/ /yang dag chags pa'i mig ces pa'i gzhung yang ngo / /chags pa dang yang dag par ldan pa'i mig go/ /ser mo zhes pa ni gang gis lhag pa'i don du ste sen mo shin tu dmar ba zhes pa'i don to//yang dag par chags pa'o/ /gnas skabs kyi mtshan ma'o/ /pad+ma 'bri zhes bya ba'i gzhung ni rtogs par sla'o/ /pad+ma gar dbang zhes pa ni dpa' bo 'od dpag tu med pa'o/ /de'i rigs las byung ba zhes pa ni shes par bya'o//smin ma'i dbus kyi rtse gsum gyi rnam pa'i mtshan ma'o/ /lus ni sngo bsangs skya ba dang zhes pa ni gang la sngo bsangs dang skye ba yod pa ni de'i lus so/ /de yis rang gi khyim du rdo rje bris nas khyim du mchod pa'o//gang gis ni nges pa'o/ /de ni nges par dpal he ru ka'i rigs las byung bar shes par bya'o/ /ni ni dag gi rgyan to/ /'am ni phyogs gzhan no/ /yang ni srid tshad do/ /phyir ni shin tu'o/ /dmar zhes bya ba la sogs pa la ra skyes nyid ni ra'o//rtag tu ni rgyun tu'o/ /mkha' 'gro ma zhes pa ni mkha' 'gro ma'o/ /dpral ba la zhes pa ni dpral ba'i dbus su zhes shes par bya'o/ /ni ni sgras so/ /gang gi phyir ni nges par gzung ba'o/ /dpral ba'i sgras ni dpral ba'i dar dpyangs so/ / legs pa zhes pa ni rang gi bag ma'o/ /mchog ces pa ni mchog tu mdzes pa'o/ /so mtho ba ni so ring zhing mtho ba'o/ /g.yon pa ni bya ba yin pa'i las la dga' ba'o/ /rdo rje phag mo'i rigs las byung bar gyur pa'o/ /ji tsam zhes pa la/ /stong phrag bco lnga ldan pa yin//zhes gsungs te/ rnal 'byor ma stong phrag bco lnga zhes pa'i don to/ /dkar zhing zhes bya ba nas mchog ces pa'i bar gyis dum skyes ma'i rigs las byung ba'i mtshan nyid do/ /ma li ka lta bu'i dri gang la yod pa ni ma li ka'i dri zhim po dang ldan pa ni de bzhin no//gang zhig rtag par sha la dga'/ /zhes pa nas/ /mkha' 'gro ma yi rigs byung yin/ /zhes pa'i bar ni dpal he ru ka'i rigs las byung ba'i mtshan nyid do/ /sprin gyi mdog 'dra zhes pa nas the tshom med ces pa'i bar gyis tshogs bdag gi rigs las byung ba'i mtshan nyid do//so ni mi mnyam par gnas shing / /zhes pa ni so ring du 'dug ces pa'i don to/ /tshogs bdag ni bgegs dgra'o/ /mkha' 'gro ma yi tshogs 'di dag/ /dpal he ru ka'i rigs las byung / / sgrub po rnams la phan pa'i phyir/ /mtshan nyid yang dag bshad pa yin/ /zhes pa ni mtshan nyid rnams dang ldan pa ni mkha' 'gro ma'i tshogs dang 'brel ba'o/ /ji lta bur gyur zhes pa la/ dpal he ru ka'i rigs las byung / /zhes pa ste/ rkyen med pa'i dpal he ru ka'i rigs las byung ba ni ring por brjod pa'o//dang la sogs pa'i sgras ni bsdu ba la sogs pa'i don du shes par bya'o/ /mtshan nyid dang rigs bsdus pa'i yid kyis ji lta bar nges pa yod pa ni ma yin no/ /le'u bcu drug par mdog dang dri la sogs pas rnal 'byor ma bdun gyi rigs kyi drug pa'o//bcu bdun bar ming la sogs pa bzung ba dang thod pa la sogs pa'i rtags kyis bdun no/ /'di yang mdog dang dri la sogs pa'i rtags kyis brgyad du 'brel ba'o/ /sdom ni nyi shu rtsa brgyad de thams cad kyi sgra ni phyogs gcig ma lus pa'o//brgyad po thams cad ni rnal 'byor ma rnams te mdog dang mtshan nyid dang rtags brjod pa ni sgrub pa ste/ gang gis de yang yin la le'u yang de yin no/ /rnal 'byor ma thams cad kyi mdog dang mtshan ma'i cho ga'i le'u ste bco brgyad pa'o zhes bya ba ni/ dpal 'khor lo sdom pa'i le'u bco brgyad pa'i dka' 'grel lo// //de nas zhes pa ni mtshan nyid bsdu ba ste/ gzhan zhes pa ni mtshan nyid do/ /lA ma ni lA ma'i rigs kyi rnal 'byor la zhes pa'i don to/ /ni ni ngag gi rgyan no/ /khyad par zhes pa ni lA ma la sogs pa'i rigs las byung ba rnams kyi thun mong gi mtshan nyid brjod nas da ni lA ma'i rigs rnams kho na ston te zhes pa ni khyad par ro//yan lag tu gyur pa nyid kyi phyir yan lag gi mtshan nyid do/ /de yang dag par bshad do zhes sbyar ro/ /grub po zhes pa ni bzhi pa phye ba'o//de'i don du sgrub pa po zhes gzhung mang ngo / /de yang dang po ni bzhi pa'i don nyid do/ /mtshan nyid ni bzhin gyi zhes bya ba la sogs pa gsungs so/ /dkyil 'khor ni zlum po'o/ /spu ni ba spu mang ba yin no/ /gos bzang zhes pa ni dri ma med pa'i gos so//gtsang ma ni dri ma med pa'o/ /mi bskyed par nges par bya ba'i dpa' bo'i sring mo rang zhes pa ni rnal 'byor ma zhes pa'i don to/ /dpa' bo'i tsha mo zhes pa ni gzhung gzhan no/ /gcig nyid la mang po'i tshig go/ /de mthong nas phyag rgya bya ba'o zhes pa la pad+ma'i zhes bya ba la sogs pa gsungs te/thal mor gtogs pa'i sor mo bkug pa ni pad+ma'i phyag rgya'o/ /yang na zhes pa ni phyogs gzhan no/ /yang na ni ngag gi rgyan no/ /lag pa g.yas ba brkyang ste brdeg par byas pa de'i steng du g.yon pa bskum ste bzhag pa ni rus sbal gyi phyag rgya'o//pags pa dang ni spyi blugs nyid/ /ces pa ni g.yon pa'i phrag pa nas 'phyang ba'i g.yo ba'i gos g.yon pa'i lag pas 'dzin pa'i tshul du byed pa ni pags pa'o/ /kha cig na re mchod phyir thogs pa'i rtsa ru 'gro bar byed pa'i tshul du byed pa'o zhes zer/spyi blugs 'chang ba'i tshul du byed pa ni spyi blugs so/ /dang nyid kyis ni nges par bzung ba'o/ /pad+ma'i phyag rgya byed pa la pags pa'i phyag rgya bstan par bya'o/ /rus sbal gyi phyag rgya byed pa'i spyi blugs bstan par bya'o//rnal 'byor mas phyag rgya bstan na rnal 'byor pas phyag rgya bya ba ni phyag rgya'i lan no/ /dga' zhing zhes pa ni yi ge'i lung gis so/ /dpal rdo rje phag mo dang ldan pa ni he ru ka ste de las byung ba'i rnal 'byor ma rnams te dpal lo/ /mchu ni 'phyang zhing zhes bya ba la sogs pa gzhan rkang pa g.yon pa bskum pa ni zhes bya ba la sogs pa gsungs te/skyil krung phyed ma'i gar bstan no/ /zhes pa'i don te yongs bzlog pa'o/ /kha phyir bltas pa'i rang bzhin ni gnyis po 'di ni phyag rgya'i lan no/ /dus tshigs ni bsod nams kyi dus so//bcu bzhi pa la sogs pa'i dus su de bzhin gshegs pa dang slob dpon la sogs pa mchod pa'o/ /'jig rten dbang phyug ni 'od dpag tu med pa'i rigs so/ /khung bu lta bu rtag tu mkhur tshos la yod pa de ni khung bu ste/ gzhung kha cig las mkhur tshos la ni bye'u 'bras so zer ro//de la mkhur tshos kyi khung bu zhes bya'o/ /mthe bong sor mo thams cad yang dag par mnan nas sdigs mdzub tu byas nas sbyar ba ni mdung gi phyag rgya'o/ /dril bu dkrol bar byed pa lta bu ni dril bu'i phyag rgya'o/ /thung zhing zhes bya ba la sogs pa la gzhan ston te/phrag pa gcig nas gos 'phyang ba'i tshul can gang yin pa de ni phrag pa nas gos 'phyang ba'o/ /rdo rje thal mo byas la gung mo gnyis bslang ste sdigs mdzub gnyis kyis ming med gnyis la dkris la mthe bong gnyis gshib par bya ste kha la nye bar bzhag pa ni kha'i phyag rgya'o//g.yon pa'i lag pa bkan te/ mthe'u chung la sogs pa gsum bskum la mdzub mo dang mthe ba chen gnyis brkyang ba ni dung gi phyag rgya'o/ /g.yon pa'i lag pa bslangs te de'i steng du g.yas pa'i lag pa'i gru mo bzhag pa de mtheb chen dang mdzub mo gnyis bslang la sor mo gsum bskum par g.yas pa'i lag pa bzhag pa ni klu'i phyag rgya'o//gnyis pa zhes bya ba ni phyag rgya'i lan no/ /de'i phyir gsungs pa phyag rgya'i lan zhes pa ni gnyis pa lan gyi phyag rgya rnams kyis so/ /rnam grangs lnga po lA ma'i rigs kyi rnal 'byor ma rnams kyi mtshan nyid brjod pa'i bsdus pas rnal 'byor ma sum cu rtsa gnyis kyi mtshan nyid do//de rnams phyag rgya'i mtshan nyid bstan na phyag rgya'i lan bya'i zhes pa ni khyad par ro/ /ni'i sgra ni la sogs pas de ma brjod pa'i don yang rang nyid kyis go bar bya'o//phyag rgya dang phyag rgya'i lan gyi sgo nas le'u bsdus don ston pa ni thams cad ces bya ba la sogs pa gsungs te/ thams cad kyi sgra ni snga ma bzhin no/ /de la thams cad ni rnal 'byor ma rnams te/ rnal 'byor ma de rnams kyi phyag rgya dang rnal 'byor pa rnams kyi phyag rgya'i lan ston cing brjod pa'i cho ga gang yin ba de gang gis de yang yin la le'u yang yin pas de de bzhin no//bcu dgu ni bcu dgu pa'o/ /ta'i rkyen phyi ba'o zhes bya ba ni dpal 'khor lo sdom pa'i le'u bcu dgu pa'i dka' 'grel lo// // le'u bco lnga par yi ge'i brda bstan nas 'dir ni/ lag pa'i brda bstan pa'i phyir de nas zhes bya ba la sogs pa gsungs so/ /de nas zhes pa ni phyag rgya dang phyag rgya'i lan bstan pa'i rjes su'o/ /gzhan yang zhes pa ni yi ge'i brda bstan pa'i rjes la lag pa'i brda bstan par bya'o zhes sbyar ro//g.yon pa'i lag pa zhes pa ni g.yon pa'i lag pas bsgrub par bya ba nyid kyi phyir g.yon pa'i lag pa nyid kyi brda'o/ /ni'i sgra ni g.yas pa'i lag pa bsgrub par bya ba yang bshad do zhes shes par bya'o//mkha' 'gro rnams kyi mtshan nyid ni/ /de'i phyir gzhan yang bshad par bya/ /zhes pa ni gzhung gzhan te rtogs par sla'o/ /brda ni g.yon zhes bya ba la sogs pa gsungs te/ ni ni nye bar bzung ba'o/ /gsong por smra ba ni phyag 'tshal ba'o zhes de yis brjod pa yin no//srin lag ces pa ni g.yon pa'i lag pa nyid do/ /'di ni khyad par gyi don te/ 'debs pa yin zhes bya ba ni lto ba dang lce yang ni zhes pa ni/ /sgra'i don ni ston par byed/ /ces pa yang rtogs par bya'o/ /de yis de nyid brjod par bya/ /zhes pa ni thams cad du sbyar ro//nam mkha' las kyang 'ongs pa yin/ /zhes pa ni brjod par 'gyur ba'i rjes su 'jug pa'o/ /sor mo 'jug pa zhes pa ni kha ru zhes shes par bya'i ni ni sgra'i don to/ /phus mo la ni reg ces pa ni ni khyad par ro/ /gang gi phyir cung zad 'gro bas phus mo la reg na 'dir ngal lo zhes de brjod pa yin no//'dir ngal lo zhes bya ba la sogs pa gsungs yul gyi khyad par dang 'brel par gsungs so/ /de bzhin du yang bud med kyi rtags dang skyes pa'i rtags dag gi dgongs pas mthu gang la sogs pa yang dag par brjod pa'o//sor mo'i rtse mo zhes pa ni sor mo'i rtse mor reg pa zhes pa'i sgra ni don 'ga' la khyad par du brjod pa'o/ /de yang 'dir de nyid kyi don to/ /mkha' lding zhes pa ni sna'i rtse mo'o/ /paT+Ti sa zhes bya ba ni dpa' bo'i dar dpyangs bcings pa'i rnam par g.yon pa'i lag pas dpral bar ston pa'o//skra zhes pa ni de la g.yon pa'i lag pa'i bya ba nyid kyi phyir ro/ /rnam bsgyur zhes pa ni khro gnyer la sogs pa blta zhing rnam par bsgyur ba nyid do/ /dang gis ni hUM gi rnam par shes par bya'o/ /kha T+wAM ga 'dzin pa'i tshul du byed pa ni kha T+wAM ga ston pa'o//yan lag rnam par g.yo ba la brdar byas pa'o/ /'dir g.yon pa'i lag pa'i bya ba med pa'i mthe chung gnyis bsgreng ste kha'i 'gram gnyis su rdo rje'i khu tshur gnyis bzhag pa ni mche ba gnyis so/ /mche ba gnyis gang yin pa de ni mche ba gnyis kyi phyag rgya'o//gtor ma za zhes smra zhes pa ni gtor ma'i mchod pa la gtor ma za zhes pa'i don to/ /g.yon pa'i lag pa nyid kyis thams cad du bya ba'o/ /g.yas pa'i lag pa'i brda ston te/ gang zhig lag g.yas zhes bya ba la sogs pa gsungs te go sla'o//g.yon pa zhes bya ba la sogs pa g.yon pa'i mthe bong gis mig gnyis zhes pa ni brdar byas pa'o/ /'di gnyis ni gang cung zad kyi bya ba'o/ /gang yang rung zhes bya ba la sogs pa'i gang cung zad pho nya'i phyag rgya'i gzugs bstan pa de rnams rnal 'byor mas byas pa la rnal 'byor pas phyag rgya'i lan bya'o zhes pa'i don to//de thams cad brtsam bya zhes pa ni phyag rgya'i lan zhes pa'i don to/ /gang gi phyir 'di ni dngos po yongs su bzung bar khyad par gyi tshig tu go bar bya'i thams cad kyi sgra ni thun mong gi tshig gi rnal 'byor ma thams cad kyi lag pa'i phyag rgya ni lag pa'i phyag rgya brdar byas pa'i cho ga yin pa de ston pa'ang yin la le'u yang yin pas na rnal 'byor ma thams cad kyi lag pa'i phyag rgya'i cho ga'i le'u nyi shu pa ste nyi shu pa'o zhes bya ba ni/dpal 'khor lo sdom pa'i le'u nyi shu pa'i dka' 'grel lo// //de nas zhes pa ni lag pa'i phyag rgya bstan pa'i rjes thogs su nga yis bshad de zhes sbyar ro/ /de yang rnal 'byor ma rnams ji ltar gyur pa yin zhes pa la/ /gsang ba chen po mthong ba yin/ /zhes pa ni gsang ba chen po'i rnal 'byor ma rnams te/ gang gi phyir de lta bu'i bya ba'i don yin te/de de lta bur mtshon pa ni spyi gtsug la sogs pa rig pa'i rang bzhin no/ /de nas yan lag phyag rgya rnams/ /zhes pa ni gzhung kha cig go/ /de nas zhes pa ni sngar bzhin no/ /gang gi phyir/ mtshan nyid shes pa'i rnal 'byor ma/ /zhes pa ni gzhan yang zhes pa'i sgra'i don to//de ni nye bar gzung ba'i yan lag reg pa la sogs pa gang yin pa de yan lag phyag rgya'i rnal 'byor ma'o/ /spyi gtsug reg byed pa zhes pa spyi bo'i gtsug phud reg pa tsam nyid kyi mtshan nyid do/ /mgo zhes pa ni lag pas reg pa nyid rab tu bstan pa ste/de ltar gzhan yang ngo / /so ni ston la zhes pa ni lag pas mchu gnyis phye ba'o/ /lce zhes bya ba ni de bzhin du phyir phyung ba'o/ /rked rgyab ces pa ni 'phangs kyi yan lag dang nying lag gi mdog dang 'brel ba'o/ /sa zhes pa ni sa gnon gyi phyag rgya bstan zhes pa'i don no/ /gsang bzhes pa ni chos 'byung ngo //'og ces pa ni bshang ba'i lam mo/ /mthil ni rkang mthil lo/ /rkang mthil zhes pa go sla'o/ /sa gzhi zhes pa ni sa gnon gyi phyag rgya nyid bstan pa'o/ /nam mkha' ni bzhin nam mkha' las 'og tu bltas pa ni de bstan pa yin no/ /nyi ma ni steng du blta ba'o//lag pas nam mkha' la chu'i rnam pa'i ri mo'i tshul byed pa ni chu bo'i phyag rgya'o/ /lag gnyis nam mkha' la g.yo ba ni rgya mtsho'i phyag rgya'o/ /lta bas ni yan lag phyag rgya'i mtshan nyid ni lta ba'i yan lag gi phyag rgya'i mtshan nyid do/ /de ston pa gang yin pa yang de yin la de le'u yang yin pas lta ba'i yan lag gi phyag rgya'i mtshan nyid le'u nyi shu rtsa gcig pa'o zhes bya ba ni dpal 'khor lo sdom pa'i le'u nyi shu rtsa gcig pa'i dka' 'grel lo// //de nas gzhan yang zhes bya ba ni/ spyi bor reg pa la sogs pa'i phyag rgya bstan pa'i rjes su yan lag gi phyag rgya bstan par bya'o zhes sbyar ro//'dus ba de nyid ci byed ces pa la khyad par zhes gsungs te/ khyad par can gyi yan lag gi phyag rgya zhes pa'i don to/ /yan lag phyag rgya'i cho ga gang / /de nas yang dag rab bshad bya//zhes pa ni gzhung gzhan no/ /de nas zhes bya ba ni bsdu ba'o/ /de'i phyir zhes bya ba ni khyad par gyis so/ /sor mo gnyis kyis ni bstan pa'o/ /legs 'ongs zhes pa ni mdzub mo dang gung mo gnyis bstan pa'o/ /'di ni rnal 'byor ma kun gyi yan lag dang phyag rgyar rab tu bshad ces pa ni yan lag gi phyag rgya ni rnal 'byor ma thams cad kyi thun mong du yin zhes pa'i don to//po tang gi phyag rgya ni/ yan lag phyag rgyar rab tu grags/ /zhes pa ni gzhung gzhan no/ /po tang gi zhes bya ba'i ming can gyi phyag rgya de ni/ mthe bong mdzub mo rtse sbyar la/ /mdzub mo bag bkug mig gi rgya/ /sngags pas gang la de bstan te/ /de yi mod la ji srid 'tsho'i/ /gsang ba'i dbang 'gyur the tshom med/ /ces pa ni mthe bong dang mdzub mo gnyis lag gnyis su gtogs pa rtse mo sbyar ba ni khab lta bur byas la/sor mo lhag ma rnams bskum ste mdzub mo cung zad bskum pa gang yin pa de ni de bzhin te phyag rgya'o/ /de ni mig gi phyag rgyar shes par bya'o/ /gang la zhes pa ni gang yin pa rnams la phyag rgya 'di rnal 'byor bas bstan pa'o/ /de zhes pa ni de gsang ba'i rnal 'byor ma rnams de nyid kyi dbang du 'gyur ro zhes pa'i don to//po tang gi mig gi phyag rgyas ni/ ji srid 'tsho'i bar the tshom med ces pa ni/ /mig gi phyag rgya 'di la po tang gi ming du byas pa'o/ /de la zhes bya ba la sogs pa mang po'i tshig tu bstan pa ni rnal 'byor ma so so'i yan lag tha dad pa dang sbyar ro//po tang ni snga ma bzhin no/ /spyi bo ston byed pa zhes pa ni spyi bo bstan pa tsam mo/ /sa zhes pa ni bshad zin to/ /kha ni kha'i phyag rgya'o/ /'di ni rnal 'byor ma kun gyi/ /yan lag phyag rgyar rab tu grags/ /zhes pa ni thams cad nyid ni rnal 'byor ma'i yan lag gi phyag rgya kho na ste/tha dad pa med pa'i phyir ro/ /de thams cad nyid kyi zhes pa'i don to/ /'di dag ces pa ni phyag rgya'i lan no/ /las kyi sgra'i gsum pa ste/ /rtags nges pa med pa'o/ /khyad par gyi yan lag gi phyag rgya'i mtshan nyid brjod pa gang yin pa de yang yin la/le'u yang de yin pas khyad par du yan lag phyag rgya'i mtshan nyid kyi cho ga'i le'u nyi shu rtsa gnyis pa ste nyi shu rtsa gnyis pa'o zhes bya ba ni/ dpal 'khor lo sdom pa'i le'u nyi shu rtsa gnyis pa'i dka' 'grel lo// // de nas zhes pa ni yan lag gi phyag rgya'i mtshan nyid bstan pa'i rjes su'o/ /yang dag par rab bshad ces pa ni mtshan nyid kho na rjes su 'jug ste/ 'on kyang las kyi tshig gis snga ma bas khyad par du gyur pa'o/ /de'i phyir gyi sgras ni khyad par gyi don nyid kyi phyir ro/ /de'i khyad par gyi mtshan nyid ci zhes pa la shes par gyur pa zhes bya ba la sogs pa gsungs so//mi ring ba zhes pa ni myur ba'o/ /dpa' bo zhes pa ni dpa' bo rnams kyi zhes pa'i don to/ /dpa' bo'i sring mo zhes pa ni dpa' bo kho nar shes par nus pa'i phyir ram/ dpa' bos dngos grub len pa'i phyir ram/dam tshig mtshungs pa nyid kyi phyir ro/ /de nas gzhan yang rab bshad pa/ /mkha' 'gro kun gyi mtshan nyid de/ /zhes pa'i gzhung ni go sla'o/ /de dngos grub ji ltar ster zhes pa la rjes chags pa zhes gsungs te/ dam tshig can ni mtshungs par dam tshig can gyi rnal 'byor ma gang yin pa rnal 'byor pas mgu bar byas nas de dpa' bo longs spyod pa'i sa gzhir 'gyur ro//dpa' bo ni su b+ha dra rim pa ste/ de nyid kyi longs spyod ni dpa' bo'i longs spyod do/ /nor 'dzin ni rin po che 'chang ba ste/ sa gzhi ni rin po ches gang ba'i stobs kyis blangs nas longs spyod do zhes dgongs so//'on kyang gzhan yang gzhi ni sa gzhi zhes bya ba la sogs pa gsungs te/ 'dis bde ba gzung bar bya ba ni bzhi'o/ /sa ni brtse ba ste/ gang gi tshe de brtse bar gyur pa de'i tshe/ de mkha' 'gro ma bzhir byas pa ni nges par gnas su byas pa rnal 'byor pa'i sdom pa mchod ces sbyar ro//rnal 'byor ni thabs dang shes rab bo/ /mi mthun pa'i mod la 'dis yang dag par sdom pas na zhes sbyar ro/ /yang dag ni bde ba ste rnal 'byor sdom pa ste/ rnal 'byor sdom de mchod pa ni len pa ste/mchog tu dga' ba'i rjes su yul rnams las dbang po'i grong khyer log ste/ yid tsam bde ba tsam dmigs pa gang yin pa de dga' bral lo/ /de yang yul rnams las dbang po zlog pa ste/ yul gyi dga' ba dang bral ba'o/ /de nyid mthar thug par gyur pas rnam par mi rtog pa'i shes rab kyi rang bzhin rang gi ngo bo shin tu bde bas yongs su gang ba de las skyes pa'i lhan cig skyes pa'i dga' ba blang ngo zhes pa ni bsdus pa'i don to//de yang nor bu'i nang du gtogs pa'i byang chub kyi sems brtan par byas pas nyams su myong bzhin pa ni gdams ngag chen po la ltos nas rang gis rtogs pa'o//de'i don du bla ma dam pa rje btsun zhabs kyi pad+ma'i drin dgos pa nyid do/ /de'i phyir rnam par rtog pa'i yid la yang dag par bsdoms pa ni sdom pa ste/lhan cig skyes pa'i dga' bas thabs shes rab sbyor bas de gnyis nyid la de lta bu'i ye shes skye zhes bya'o/ /gang dag las rin thang med pa'i ye shes skye bas na thabs dang shes rab de kho na la rin po cher gyur ba la shes par bya'o/ /mkha' 'gro ma'i mtshan nyid ston te go zlog ces bya ba la sogs pa gsungs so//mdun du na lta ba spangs nas phyir blta ba ni go bzlog pa'i lta ba'o/ /'dis bzhin gyi gzugs mi sdug pa nyid du gsal bar byas pa'o/ /rtag tu bzhin gyi smin ma ni yo zhes bya ba rtag tu smin ma yo zhes bya ba'i don to//sna tshogs myur du shes bya ba/ /de bzhin mkha' 'gro ma las byung / /zhes bya ba ni sna tshogs ni shes par bya ba'o/ /myur ba ni shin tu myur ba'o/ /mkha' 'gro ma ni de'i bsam pa med pa'o/ /byung ba ni 'gro ba'o/ /de de bzhin zhes pa ni de lta bur gyur ba dag gi spyod yul ma yin zhes pa'i don to//sna tshogs nyid ston pa ni rnam 'gyur zhes bya ba la sogs pa gsungs so/ /gang gis lam nas 'gro zhing de nas gzhan yang phyir 'ong ba ni 'khyil pa ste/ 'khor lo lta bur 'khyil ba'o//de'i phyir rnam bsgyur zhing ri mo gsum ni 'gro ba dang 'ong ba'i ngo bo nyid gang yin pa de bzhin te 'khyil ba'o/ /yang ji lta bur zhes bya ba la yongs su zlum zhes te zlum por bskor ba nyid kyi phyir ro/ /mkha' 'gro ma rnams nges 'gro ba//zhes bya ba ni nges pa ni shin tu nges pa'i 'bad rtsol can gyi mtshan ma thams cad blta ba'o zhes bstan pa'i phyir de'i mtshan ma thams cad mtshon par bya zhes gsungs so/ /glo bur du ni bzlog par 'gyur/ /zhes pa ni rgyu mtshan med par dgos pa yod bzhin du smras pa thob pas khyad par du bzlog pa zhes pa ni 'gro ba'i mtshan nyid do//sngar brjod tshig ni nyams par byed/ /ces pa ni sngon du tshig brjod pa de nyams pa ni byed pa'o/ /snga phyi'i tshig la 'brel pa med pa'i tshig gi mtshan nyid ces bya ba'o/ / don med tshig ni nyams par byed/ /ces pa'i gzhung yod de go sla'o/ /rdo rje lta bur gsal ba ni/ /zhes pa gsal ba'i mtshan nyid do/ /sgra ni khu byug skad ltar gsal ba zhes pa ni ngag gi mtshan nyid do/ /khyim du ni zhes bya ba la sogs pas ni khyim gyi mtshan nyid ston to//rgyal mtshan nus par rtag tu 'gyur/ /zhes pa ni rgyal mtshan ni dbang po'o/ /de'i nus pa gang yin pa de ni de bzhin zhes bya ba ste me long gis mtshon pa'o/ /kha sbyor me long yin zhes bya ba ni kha sbyor nyid ni me long la rtag tu blta ba zhes bya ba'i don to//de ni me long gis mtshon pa'o/ /mtshan ma de rnams shes par bya ba ni nye bar bsdu ba'o/ /de'i phyir de ni zhes bya ba la sogs pa gsungs te/ de lta bur gyur pa'i mtshan ma rnams sbyor bas ci ltar shes zhes pa la gang gzugs su byas pa'i mkha' 'gro ma'i mtshan ma'i rang bzhin la goms pas de'i phyir de ni zhes bya ba la sogs pa gsungs te/ldan pa zhes bya ba ni nges par ro/ /mkha' 'gro ma rnams kyi mchog ces pa ni khyad par gyi mtshan nyid dang ldan pas so/ /gang yin pa cig nyid la mtshan nyid 'di rnams te gang rung ba la'o//mkha' 'gro ma 'gro ba la sogs pa'i khyad par gyi phyag rgya'i mtshan ma khyim du me long la sogs pa'i mtshan nyid mtshon par bya bar brjod pa yang de yin la le'u yang de yin pas na mkha' 'gro ma'i phyag rgya'i mtshan ma mtshon pa'i le'u de ni nyi shu rtsa gsum pa ste nyi shu rtsa gsum pa'o zhes bya ba ni/dpal 'khor lo sdom pa'i le'u nyi shu rtsa gsum pa'i dka' 'grel lo// //de nas zhes bya ba ni bsdu ba'o/ /sgra gzhan gyis ni brda brjod de/ /zhes sbyar ro/ /yi ge bco lnga pa'i brda brjod pa nyid kyi phyir ro//ni ni ngag gi rgyan te/ sgrub pa pos brda shes par bya'o/ /spun dang zhes pa sgrub pa po'i khyad par ro/ /sring mo zhes pa ni rnal 'byor ma'i'o/ /de nas gzhan tshig brda yin te/ /zhes bya ba ni gzhan yin te go sla'o/ / po tang gi ni gsong por smra ba'o zhes pa ni gsong por smra ba ni po tang gi'i sgra'o/ /pra ti po tang gi ni gsong por smra ba'i lan no zhes bya ba'i phyir gsong por smra ba ni lan la yang phyag 'tshal ba'i khyad par ro/ /ga mu zhes pa ni 'gro ba yin no zhes pa ni de ston pa'o//lu mu'i sgra brjod pas ni 'ong bar ston pa'o/ /kha cig ni lum bu zhes zer ro/ /de hi ni brjod pa ste zhes pa ni lus su brjod pa'o/ /gri hA Na ni khyim du brjod/ /ces pa ni khang ba'i ming ngo / /kha cig na re khang pa zhes zer te khang pa zhes pa ni snod du gyur ba'i ming ngo //sngar brjod pa yin zhes pa ni thams cad du 'jug pa'o/ /bI ra NaM ni snying nyid do/ /zhes pa ni snying zhes pa la bI ra Na'i ming byas pa'o/ /gzhung kha cig las kA ra Na'i snying nyid do zhes zer ro/ /snying ni kA ra Na'o/ /nyid kyi sgras ni bsdus pa dang nye bar gzung ba'o//kau ra bA ni gsod pa yin/ /zhes pa ni gsod pa la kau ra pA zhes brjod pa yin no/ /kau ra bA'i sgras ni bud med kyi rtags so/ /g+haN+DA zhes pa ni pad+ma'i lte ba ka ra pi la g+ha bi li ming btags pa'o/ /shi ro 'grigs pa ste zhes pa ni dkrigs pa'i mi shi ro byas pa'o//kA ra Na yi ga gi skra/ /zhes pa ni phag pa'i spu la kA ra Na'i ming byas pa'o/ /shra ba Na ni rna ba'o/ /zhes pa ni don ji lta ba bzhin du byas pa'o/ /a mri ta s+thA na ni bsrub ba'o zhes pa ni bdud rtsi 'byung ba'i gnas la bsrub pa'i sgrub pa'i sgras brjod pa'o//sa mA ga mA ni mi'o zhes pa ni mo'i rtags can gyi sgra ste ming brjod pa'o/ /DA li kA ni mkha' 'gro ma/ /zhes da ni/ DA li kA li mkha' 'gro mar brjod pa'o/ / na ra ka ni dkyil 'khor ro/ /zhes pa ni dkyil 'khor la na ra kar brjod pa'o/ /a mu kaM ni dur khrod do/ /zhes pa ni dur khrod la ming byas pa'o/ /kA khi lA'i ni mi rtags can gyi sgra ste de yang sgo'i ming ngo / /shwa sa ni na bram ze'i zhes pa ni bram ze'i ming ngo / / pa ri d+hi ni rgyal rigs sa/ /zhes pa ni rgyal rigs kyi ming ngo / /bi ra ti ni rje'u rigs/ /zhes pa ni rje'u rigs kyi ming ngo / /kru ra ni dmangs rigs so zhes pa ni don ji lta ba'o/ /a n+ta sme sha can no zhes pa ni sme sha can gyi ming ngo / /pa shu pi ka ni khyim mo zhes pa ni khyim gyi ming ngo //DA ki nI zhes sring mo zhes pa ni go sla'o/ /med kam ni chu'o zhes pa ni chu'i ming ngo / /gri hA Na ni phyag rgya'o zhes pa ni phyag rgya ma ni gri hA na zhes bya'o/ /lce so la reg pa ni ltogs pa'i don ston pa'o zhes pa ni ltogs par gyur pas zas slong ngo zhes pa'i don to//triSh+Na ni dri bsgo ba ni triSh+NI ming byas pa'o/ /ku ta ni 'ongs pa'o zhes bya ba ni brda zhes bya'o/ /gnas che ge mo zhes bya ba ni lnga pa'i mtha' can gyi tshig tu rang bzhin gyis grub pa ni lan byin pa'i ming ngo / /ka ra Na ni me tog ces pa ni ka ra Nas brjod pa'o//tu la m+ba ni dgod pa'o/ /zhes pa ni dgod cing bzhad pa zhes pa'i don to/ /ni ni bsdus pa'o/ /da ro ni so'o zhes pa ni sor brjod pa'o/ /bri b+Ti ni 'gog pa ni zhes pa ni 'gog pa la brjod pa'o/ /tri pa ti ni rnam par rig byed ces pa ni tri pa ti brjod pa'o//d+hur yu ni phyi rol zhes pa ni phyi rol gyi gnas su brjod pa'o/ /me g+ha ni bdug spos la dga'o zhes pa ni go sla'o/ /sA nu ni ri bo zhes brjod pa'o/ /sa ri ta chu bo zhes bya'o/ /aM gu la ni yan lag go zhes pa ni sor mo'i grangs so//be da na ni gdong zhes pa ni don ji lta ba bzhin no/ /ra rdzi ka ni lce'i zhes pa ni lce ru brjod pa'o/ /a dA nA ni so'o/ /da ri ya bo ni so zhes pa ni ba sa g+haM 'dras pa'o/ /paM ga ti ni rgyal mtshan zhes pa ni rgyal mtshan la brjod pa'o/ /tshan don ni phreng ba'o zhes pa ni phreng ba la brjod pa'o//tsa la ni rlung ngo zhes pa ni rlung la brjod pa'o/ /pa shu ni ri dgas so zhes pa ni ri dgas la brjod pa'o/ /pa shu'i sgra las dang po'i mang po'i tshig phyis pa'o/ /yA na ti ni dkyil 'khor zhes pa ni dkyil 'khor la brjod pa ste/na ra ka yang ngo sa'am bzhi mdo zhes pa ni bzhi mdo la brjod pa'o/ /phal gu ShaM ni skye 'gro la brjod pa'o/ /sgra'i rtags la rang dbang med pa'o/ /ma hA ak+Sha ra ni ro chen po zhes pa ni mi'i ro la brjod pa'o/ /ma hA pa su ra'i zhes pa ni ra nyid ni ra ste de yang mi brjod ces pa ni thams cad du sgra'i gnyis par go bar bya'o/nA ni mi'o zhes pa ni nA'i sgra ni skyes bu'i tshig ste/ sgra mo rtags can no/ /kha cig las nri zhes zer ro/ /go ni glang ngo zhes pa ni yang ga bI'i sgra don med pa'o/ / ma ni ma he'i zhes pa ni ma hi Sha'i sgra ni phyogs gcig pa'o/ /b+hu ni za ba'o zhes pa ni 'di yang bud med rtags can no/ /zan ni da ltar bza' bar bya'o zhes bya ba'i tshig gis so/ /hA ni rnam grangs so zhes bya ba dang / kha cig tu yA'o zhes pa ni ra'i sgra ni za ba'i rnam grangs te/'di bud med kyi rtags can gyi sgra'o/ /hA yA ni nus pa las so zhes bya ba ni tshig gis so/ /a bya ka ni rgyal po la reg pa zhes pa ni rgyal po'i mi yul ma yin zhes pa'i don to/ /a bya ka yang nges par zhugs/ zhes bstan pa'i phyir ro//ba na ni gnas pa zhes pa ni rkyen med pa'i gnas pa'i tshig tu brjod pa'o/ /kha la reg pa ni zos so zhes pa ni kha la reg pas zos so zhes par bstan pa'o/ /so la reg pas ni tshim mo zhes pa ni go sla'o/ /ho ni rnam grangs so zhes pa ni kha cig na re tshim pa'i rnam grangs so//hri ni ngo tsha ba'o zhes pa ni rol ba la brjod do/ /stong pa la reg pa ni 'dod pa la spyod cig ces pa ste go sla'o/ /brla la reg pa ni stong nyid du zhes pa ni sngon gyi dus nyid du byas so zhes dgongs so/ /'og na zhes bya ba la sogs pa la 'di las gzhan du gyur pa phyag rgya dang phyag rgya'i lan med cing brda yang yod pa ma yin no zhes pa'i don to//mkha' 'gro de bzhin lA ma dang / /dum skyes ma dang gzugs can ma/ /sde tshan bzhi po de thams cad kyang brda'i tshig go/ /DA zhes bya ba ni skyes bur dran zhes bya ba la sogs pa'o/ /de nyid dang por gyur pa gang yin pa'i ye shes la sogs pa'i tshogs sde tshan bzhi po de yang thams cad brda byas pa'i tshig gis thams cad brdar byas pa'o//de nyid rjod par byed pa'i cho ga gang yin pa ni le'u dgu ste sde tshan bzhi po kun gyis brdar byas pa'i tshig gis brda la sogs pa brjod pas de rnams kyi mtha' mar gyur pa'i le'u'o//dang po'i le'u la ltos nas nyi shu rtsa bzhi pa'o/ /le'u bco lnga la ltos nas bcu pa yang ngo / /de bong bu'i rnal 'byor dpal he ru kar byed pa'i cho ga'i le'u bzhag ste le'u bcu po'i bsdus pa'i don bstan pa'o/ /lugs las byung pa dang /lugs las bzlog pa'i zhes pa ni don gzhan no/ /dkar po'i phyogs kyi tshes gcig gi rim pas 'khor lo gsum la sogs pa'i rnal 'byor ma rnams gnas ji ltar bsgom zhing g.yon skor dang g.yas skor du dgod do zhes bya ba'i don to zhes bya ba ni/ dpal 'khor lo sdom pa'i le'u nyi shu rtsa bzhi pa'i dka' 'grel lo// //sngon du bsdus pa'i rtsa ba'i sngags ni ji lta bu ci'i don du sbas zhes rang gi dogs pa bsu ba'i don du de nas kyi sgra'o/ /de'i phyir don kun zhes bya ba la sogs pa gsungs so/ /de la 'dir sngags sba bya zhes sbyar ro/ /gang gi don du sbas zhes pa la thams cad du don rnams kyi yul la chags shing 'dod pa gang yin pa de ni de bzhin no//yul don du gnyer bas don ltos zhes pa'i don to/ /de yis 'phral du bsgrub par mi nus te de'i phyir bdud kyis byin gyis rlob po zhes dgongs so/ /de ji tsam zhes pas brgyad ces gsungs te/rkang pa brgyad nyid kyi phyir sngags brgyad do/ /sbas pa'i sgra las dang po'i mang po'i tshig phyis pa'o/ /mtha' ru rang gi ngo bo nyid kyi sgrar sbyar ro/ /mos pa dman pa'i sems can gang yin pa de ni de bzhin no/ /nyan thos kyi don la yang ltos so zhes pa'i don to//de yang rang nyid dul ba dang zhi ba tsam don du gnyer ba'i phyir dman pa la mos pa'o/ /mu stegs ngan pas kyang mi shes par bstan pa'i phyir ro/ /de'i sems ni de'i don gyi blo'o/ /de ni ming de las srung ba'i don de sbas so zhes dgongs so/ /de la zhes pa ni rang gi dogs pa bsu ba'o//'di zhes pa ni rkang pa brgyad pa'o/ /sbas byas zhes pa ni ji ltar shes zhes pa la rkang pa brgyad po zhes bya ba la sogs pa gsungs te/ dpa' bo dang rnal 'byor ma rnams gsal por yod pa la mi gsal ba ni gsal bar byas pa ste/ slob dpon med par 'jug par mi rigs te/sngags kyi tshul la ni dngos grub nyams par gyur ba nyid kyi phyir ro/ /sngags ni oM na mo zhes bya ba la sogs pa gsungs te/ sngags kyi rgyal po dang bsres par gyur pa'i rtsa ba'i sngags gnyis 'dir sbas pa'o/ /huM hUM phaT gnyis dang sbyar ro/ /gnyis po yang 'dir huM hUM phaT ces gsungs so//de'i phyir rtsa ba'i sngags zhes bya ba la sogs pa gsungs so/ /rtsa ba'i sngags kyi bdag nyid thams cad ni rtsa ba'i sngags kyi bdag nyid thams cad de/ de sbas pa ni gsang bar gyur pa'o/ /ngo bo nyid la N+yu Ta'i rkyen byin pa'o/ /yi ge re re btus pa ni sbas pa'i de rjod par byed pa gang yin pa de'am gang la de yang yin le'u yang yin pas rtsa ba'i sngags thams cad sbas pa'i cho ga'i le'u ste bar gyi tshig phyis pa'o//nyi shu lnga pa'i zhes pa ste dpal 'khor lo sdom pa'i le'u nyi shu rtsa lnga pa'i dka' 'grel lo// // da ni sngags kyi phan yon ston te de nas de phyir zhes bya ba la sogs pa gsungs so/ /de'i phyir ni rtsa ba'i sngags las gtso bor gyur pa'i sngags kyi tshig go/ /yod pa zhes pa ni rdo rje phag mo ste/ de yang dag par rtogs shing rig pa'am med do zhes bstan pa yin no/ /sngags ni rtsa ba'i sngags la sogs pa'o//de shes nas sngags thams cad yongs su dor ba'o/ /dpal he ru ka'i sngags kyang dpal he ru ka ste de gnyis dbyer med pa'i phyir ro/ /le'u bzhi pa las bstan pa'i brtson chen mo la sogs pa'i rnal 'byor ma rnams go rims bzhin du bkod pa ston te/ rim dang rim min zhes bya ba la sogs pa gsungs te/rim bzhin ni go rims bzhin du'o/ /gzhan gyi ming nyid ni rim yin te/ go rims ma yin pa'o/ /de la sngar gyi rnal 'byor ma rnams yang dag par nye bar gnas par ston pa'o/ /da ni go rims bzhin du dgod par bya'o zhes bstan pa'i phyir/ 'og dang steng dang zhes bya ba la sogs pa gsungs so//'og nyid steng du bya'o zhes pa'i don to/ /rab tu gtum mo la sogs par brjod pa gang yin pa de steng du thugs kyi 'khor lo la sogs pa dgod do zhes dgongs so/ /des cir gyur zhes pa la grub rtags ster zhes gsungs te/ de ltar bsgom bzhin pas 'grub par 'gyur zhes dgongs so//de'i phyir/ bdag gi pho nya mo kun 'gro/ /zhes gsungs so/ /bdag ni sems so/ /thugs kyi 'khor lo zhes pa'i don to/ /de bdag gis brtsam par bya'o zhes pa'i don to/ /kun 'gro ni 'khor lo gsum 'gro ba yin no/ /brtsam pa zhes pa 'di byis pa'o/ /pho nya zhes pa ni dang po'i mang po'i tshig la gnyis pa'i gcig gi tshig go//ni ni nye bar bzung ba'o/ /pho nya mo des grub kun ster/ /zhes pa ni pho nya ni pho nya mo'o/ /ci zhes pa la mthong ba dang ni reg pa dang / /zhes gsungs te/ mthong ba ni nye bar dmigs pa ste/ dngos su mngon du byed ces pa'i don to/ /reg pa ni sems kyis bsgom zhes pa'i don to//gang gi tshe gnyis su gyur pa'i tshe dngos grub thams cad ster ro zhes pa'i don to/ /tsu m+wa na zhes pa ni 'o byed pa'o/ /'khyud pa zhes pa ni 'khyud pa'o/ /las luTa'i rkyen byin pa'o/ /rnal 'byor gnas ni zhes bya ba la sogs pa ni rnal 'byor gyi gnas so//khyad par nyid ces pa ni 'dod pa'i bstan bcos las gsungs pa'i 'ching ba la sogs pa'i khyad par ro/ /ji srid ces pa ni gnas la sogs pa lhag ma ma lus par rtogs pa'o/ /ji tsam zhes ba la rnal 'byor tshogs rnams zhes gsungs te/ rnal 'byor ma'i tshogs zhes pa'i don to//ci byed ces pa la/ thams cad dngos grub byed par dran/ /zhes gsungs te/ dngos grub thams cad byed par dran pa ni ma ning gi rtags nyid kyi gcig gi tshig gi mtha' nyid du spyad pa nyid de/ bde bar gshegs pa'i lung ni tshig yin pa'i phyir ro/ /yang na dang po'i mang po'i tshig nyid kyang a'i thig le gcig dang thung ba nyid phyis pa ni nges pa'i tshig byas pa'o//bden pa can du kun la byin/ /zhes pa ni thams cad du bden par gyur pa yin pa 'dis de ni de bzhin du tsA ru bza' ba la sogs pa'o/ /de de bzhin du mtshon pa de la sbyin par bya'o/ /de nas des grub po zhes ston te/ gzhan du nam yang ma yin no//zhes gsungs so/ /ni ni nye bar gzung ba'o/ /'dis ma la sogs pa gzhan gyi rnal 'byor ma bsnyen zhing rtse ba nyid du gsal ba nyid du nye bar ston te/ ma dang sring mo bu mo dang / /chung ma pho nya ma ru gnas/ /zhes gsungs te/ chung ma zhes pa ni bag ma gcig pu'o/ /gang zhig rtag tu sngags sbyin pa//de nyid de bzhin rtag tu dran/ /zhes pa ni gang la rnal 'byor pas rnal 'byor ma la sngags kyi bdag nyid byin la de khyer te/ dngos grub grub par bya zhes bsgrub par bya'o/ /de la sbyin par bya ba ste/ sngags kyi lugs kyi cho ga dran pas de de'i don nyid kyi phyir ro/ /sngags zhes pa ni gsong bor smra ba yang yin no//gzhan yang dam tshig yang dag bshad/ /ces pa ni dam tshig ces pa ni gnyis pa'i mang po'i tshig phyis pa'o/ /gzhan nyid ni bdud rtsi rnam pa lnga la sogs pa'o/ /mang po nyid las gcig gi tshig go/ /dam tshig gzhan yang bdag gis bshad/ /ces pa ni gzhung gzhan yang de bzhin no//dam tshig gzhan yang ni rkyen phyis pa'o/ /de nas kyi sgra la a'i rkyen gyis phyis pa'o/ /dam tshig ces pa ni ma ning gi rtags su bstan pa'am dam tshig ni g.yon nas zhes bya ba la sogs pa gsungs te/ skyes pa ni skyes bu ste/ g.yon du skyes pa'am bud med bzhag nas gzhan skyes pa'am bud med 'gro ba gang yin pa de ni dpal 'khor lo sdom pa'i rnal 'byor ma'am rnal 'byor bar shes par bya'o//de'i phyir yang 'dod pa'i dngos grub tu 'gyur ro zhes nges pa yin no/ /de bas na/ shin tu ring yang shes par 'gyur/ / zhes gsungs te/ sngon du bstan pa'i mtshan nyid ma mthong yang g.yon nas bskor zhing 'gro bas mtshon pa ni pho nya'am pho nya mo'o/ /pho nya de gang nas zhes pa la pho nya zhes bya ba la khyim dang zhes bya ba la sogs pa gsungs so/ /dpal he ru ka las sbyor gzhan med/ /ces bya ba ni dpal he ru ka'i mchog ni gtso bo gang yin pa de ni de bzhin no//dpal he ru ka mchog ni rnal 'byor med pa de ni de ltar mi 'gyur te/ dpal he ru ka nyid kyi rnal 'byor ni mchog gi rnal 'byor ro zhes dgongs so/ /rnal 'byor 'dis ni slob dpon no/ /rnal 'byor ma ni rnal 'byor te/ /gtso bo zhes par sbyar ro//ci zhes pa la rgyud 'di ru ni sgrub pa po legs par gyur pa nyid yin te zhes gsungs so/ /'dir zhes pa ni rang gi ngo bo nyid kyi gnas skabs so/ /legs pa'i sgra ni dang po'i mang po'i tshig srog med kyi ma bris pa'o/ /dpal 'khor lo sdom pa'i rgyud la shin tu sgrub pa po ni legs pa nyid yin no zhes pa'i don to//de'i phyir brnyas ba mi bya ba ni chung ngur bgyi bar mi bya'o/ /spang bar mi bya ba ni smad par mi bya'o/ /de bas na gus pas mchod bar bya'o/ /bdog pa ji lta bus zhes pa'i don to/ /gus pa nyid ston te/ skye 'gro zhes bya ba la kha gdong ma la sogs zhes gsungs te/ khwa gdong ma la sogs pa lha mo brgyad pa 'di gus pa dang dad pa 'phel bar byed pa yin no//de yang dngos grub rnams kyi rgyu yin no/ /de la khwa gdong ma la sogs pa'i gzugs dngos grub kyi rgyu brgyad po de gang yin zhes pa la/ dam tshig rnams zhes pa la sogs pa gsungs so/ /kyang ni nye bar gzung ba'o//dam tshig skyong ba ni dang po'o/ /gzhan nyid dang yang dag par sbyor ba las log ste ci lta bur gyur pa la yod ces pa la/ 'dod la chags par gyur pa dang / /zhes pa la sogs pa gsungs so/ /'dod pa ni yul te de la rmongs pa ni dang por zhugs nas phyis log go zhes dgongs so/ de las log pa ni gnyis pa'o/ /gang la gnyis kyi rnam par rtog pa med ba de ni gnyis med rnam par mi rtog pa nyid da gsum pa'o/ /dang po ni bsdu ba'o/ /gnon pa ni gnon bar byed pa ste khas blangs pa ni grub ba'i mthar gnas pa la gnon pa med de/ lhag par mos pa bstan pa nyid kyi phyir ro//bzhi pa'o/ /dam tshig rnams ni rnal 'byor ma rnams so/ /spyod pa ni 'dod pa bsten pa la sogs pa'o/ /de la spyad pa ni bya ba ste lnga pa'o/ /bud med dbang phyug mi srub min/ /zhes pa ni dbang phyug nyid ni dbang phyug ste/ 'phel ba'i sgra ni mi rtag de/ dbang phyug ma yin pa ni ma yin te/ ma ni ni ma yin pa'o//dbang phyug ma yin ba ni ma yin no sgra'i rkyen med pa'o/ /ci'i phyir zhes pa la bud med bsrubs pa zhes gsungs te/ rnal 'byor ma dang rdo rje pad+ma bskyod pa'o/ /de la dbang phyug nyid ni drug pa'o/ /tshangs par spyod pa chags pa med pa la ci zhes pa tshangs par spyod pa de bzhin blangs zhes gsungs te de bzhin nyid kyi ngo bo nyid byang chub kyi sems blang ba ni de la mngon par zhen pa med pas blang ba ste bdun pa'o//khro ba med pa ni mi khro ba ste/ /khro ba de las kha phyir bltas pa nyid do zhes dgongs so/ /rgyud kyi ni dbang po rnams te/ 'dir kun du spyod pas na kun spyod pa'i ni yul gyi grong khyer la'o/ / dang ni nye bar gzung ba'o/ /yul gyi grong mi chags pa kha phyir bltas pa ni rgyu ste brgyad pa'o zhes pa ni rgyu rdzogs pa'o/ /dngos grub kyi rgyu brgyad po 'di gang la yod pa de rnams gus bas rab tu gnas ni de nyid la mchod do/ /ci'i phyir zhes pa la dam tshig spyod pa zhes gsungs te/ rnal 'byor ma'i tha snyad yin pa'i phyir ro//dam tshig yongs su bskyang ba la sogs pa'i dam tshig brgyad po ni/ dngos grub rgyu'o zhes shes par bya'o/ /sgrub pa po sgrub pa la gnas pa'i dngos grub nges par bya'o/ /rgyud kun gyi ni thun mong ste/ ji ltar 'di rnams dngos grub kyi rgyu yin zhes pa la/nyams shing smad par mi bya'o/ /zhes gsungs so/ /gang gis gnod par mi bya zhes pa la rgyu med par ni nges pa'i rgyu mngon sum la sogs pa tshad mas so/ /gang yang tha dad pa tsam gyis blang bar bya ba nyid kyi phyir mig dang lag pas ma yin no zhes gsungs so/ /de'i phyir yang sba ba nyid do zhes pas phyir gsang ba 'di ni mi bstan cing zhes bya ba dam tshig brgyad do//pho nya la rjes su chags pa'i cho ga ni mthe'u chung zhes bya ba la sogs pa gsungs te/ bya rog gi gdong ma'i rtsa ban+du ka'i me tog lta bur gur gum gyi me tog dang 'dra bas sa bon gang yin pa srin lag dang gung mo gnyis kyi rtse mo kha sbyar zhing bskyod de/bskyod pa ni bskul ba'o/ /ci'i don du zhes pa la/ pho nya zhes bya ba la sogs pa gsungs te/ pho nya mo la yang dag par gnas pa'i myos byed 'dzag pa'o/ /slob ma yongs su brtag pa ni dag dang zhes bya ba la sogs pa gsungs te/ dag pa ni rnam par dag pa'i bsam pa can no//ma dag pa ni phyin ci log gi rnam par 'dres pa dang sgrub pa rnam pa gsum mo/ /mnyes byed ces pa ni yon tan dang yon tan can du las dang rgyu 'bras bu'i 'brel pa la yid ches dang ldan pa'o/ /rnam par dag pa ni bstan bcos las gsungs pa rje su khyab par byed pa'o/ /gsal byed ni blo dang ldan pa ste/'dod chags dang zhe sdang dang gti mug med pa'i yon tan dang de ldan na yang de nyid kyi phyir mi des ni lus shes pa'o/ /slob ma ni rang gis bstan pa la nges par sbyor bas zhes pa ni slob ma ni de rnams kyis yongs su brtag pa ni yongs su brtag pa ste/ yon tan skyon blta ba ste/ slob ma yongs su brtag pa'o//sdom pa dang dam tshig dag ston pa gang yin pa de yang le'u yang de yin pas de bzhin no/ /nyi shu rtsa drug pa'o zhes bya ba ni/ /dpal 'khor lo sdom pa'i le'u nyi shu rtsa drug pa'i dka' 'grel lo// //de nas zhes pa ni dam tshig dngos su bskyang ba la sogs pa dngos grub kyi mtshan ma dang rnal 'byor ma'i mtshan nyid sngags kyi nus pa'i rjes su spyod pa'i brtul zhugs yin zhes shes par bya'o//spyod pa ni rnal 'byor ma'i spyod pa ste/ de'i brtul zhugs la gcig tu rab tu 'jug pa'o/ /de yang ci byas nas sam gang gis spyad par bya zhes pa la de yang dpa' zhes bya ba la sogs te/ni ni nye bar gzung ba'o/ /rnal 'byor ma rnams kyi mtshan nyid bye brag tu shes pa nyid rnal 'byor ma thams cad kyi sgrub pa po dpa' bo yin no/ /ci'i phyir gang zhes pa la/ /myur du dngos grub 'jug par 'gyur/ /grong dang grong du de rab song / /zhes bya ba gsungs te/ skye 'gro rnams tshogs pa la rnal 'byor pa de tshogs kyi nang du 'gro ba ste song ba'o//de na pho nya rab gnas so/ /zhes blta bar bya ste/ mngon du 'gyur zhes dgongs so/ /de ci ltar shes par bya zhes pa la gzugs nyid kyis mtshon pa yin zhes gsungs te/ gzugs nyid kyis mtshon pa ni rtogs pa'i rgyu'o/ /de yang sngar bstan pa'o/ /pho nya dag dang ral gri'i so'i brtul zhugs 'di gnyis ni dag byed do//de'i phyir bsod nams 'phel byed do/ /gang gis 'dod pas ral gri'i so'i brtul zhugs de nyid dag par byed do/ /de'i bsam pa khas blangs nas brjod pa'o/ /de la dag byed ces pa ni gnyis kyi bar du so phyung ma thag gi ral gri bzhag nas 'dod pa la yid spro ba'i 'dod ma'i lam du nyal ba ni ral gri'i brtul zhugs so//yang na pho nya dang ral gri'i so bzhin 'dra ba ste/ goms par dka' ba nyid kyi phyir ro/ /'on kyang pho nya rnams mthong ba ni shin tu yang dag par byed do/ /bsod nams 'phel bas ral gri'i so yang yin te/ don sgrub par byed pa yin no/ /dang po ni bsdu ba'o/ /de'i phyir legs par 'dres bas dngos grub thob ces pa ni pho nya mthong ba la sogs pas legs par 'dres na sgrub pa po dngos grub thob pa'o//gang zhes pa la pho nya zhes bya ba la sogs pa gsungs te/ de lta bur gyur pa'i rnal 'byor ma mthong ba la sogs bas pho nya yang grub pa ni phyi rol gyi bzlas pa dang bsgom pa dang mchod pa med par yang gang yin ba mngon du 'gyur ba'o//myur ba nyid ni bskal pa bye ba grangs med pa la sogs pa dgag pa'o/ /yang na sngags kyi bzlas pa dang dkyil 'khor sgom pa dang mchod pa rnam pa lngas lha la mchod pa med par yang pho nyas 'grub pa zhes pa ni de lta bur gyur ba'i rnal 'byor ma de ni shin tu yang phul du byung zhes brjod pa'o//pho nya ni pho nya mo rnams so/ /legs 'dres ni dngos grub thob pa'o zhes pa ni bzlas pa la sogs pa med par yang mi byed par de nyid kyis sgrub pa po sgrub pa zhes bya'o/ /pho nya dang legs par 'dres pa bdag nyid kyi tshe brjod do zhes kha cig zer ro/ /pho nya mthong ba nyid mchod pa la sogs pa rab tu 'jug pa yin no zhes bstan pa'i phyir mchod pa zhes bya ba la sogs pa gsungs so//sngags kyang yin la phyag rgya yang yin pas sngags dang phyag rgya'o/ /'di la zhes ba ni pho nya mthong ba la sogs pa'o/ /de ltar bstan bcos zhes pa ni dpal 'khor lo sdom pa'i brjod pa'i rnal 'byor ma'i rgyud las so//de nyid kyi phyir pho nya lam la dga' ba'i rnal 'byor pa gdams ngag la nye bar gnas pa'i sgrub pa po yin no/ /rtag tu ni thams cad du'o/ /dngos grub ched du byed pa ni de la gzhol ba'o/ /pho nya'i lam la dga' ba'i sgrub pa po dngos grub ched du byed ces ba'i gzhung gzhan no//ni ni gang gi phyir ro/ /dmigs kyis dgar ba'i drug pa'o/ /pho nya'i lam la dga' ba'i nang nas kha cig dngos grub ched du byed pa de ni sgrub pa po yin no/ /mnyes bar byed pa'i khyad par ston te/ zas dang zhes bya ba la sogs pa gsungs te/ dang ni mnyes par byed par bsdu ba'o/ /zas ni gcig tu bza' ba'o/ / rnal 'byor ma rnams la gsol bar bya'o/ /rtag tu ni rgyun du bar ma chad pa dus ring por ro/ /sngags dang phyag rgya yang dag ldan/ /zhes bya ba ni sngags kyi bzlas pa la sogs pa dang ldan no zhes pa'i don to/ /'di'i don du/ sgrub pa po ni legs mnyam gzhag/ /ces pa ni legs mnyam gzhag ni dpal he ru ka byas pa'i rnal 'byor pa gang yin pa de ni de bzhin no//rnal 'byor kun la rab tu 'jug /ces pa ni gzhung gzhan te/ dang po'i don la drug pa'o/ /brtan pa dang g.yo ba la sogs pa'i stong pa nyid kyi rnal 'byor la rab tu 'jug pa la/ /bag med rnams la dbang med phyir/ /zhes legs par mnyam par gzhag pas zhes pa ni don gzhan no//rigs rnams kun la spyad byas shing / /zhes pa ni rigs thams cad dang lhan cig tu bza' ba'o zhes pa'i don to/ /'di ni bza' ba'o 'di ni mi bza' ba'o zhes bye brag tu mi bya'o/ /de ltar ci'i phyir ma lus pa byed ces pa la ni/ de nyid du ni dbyer med de/ /zhes gsungs te/ ma lus pa dbyer med par de spyod pa'i rnal 'byor pa de kho na nyid du gcig gi ngo bo nyid yin no//pho nya dag kyang dbyer med pa ste thams cad dbyer med pa'i phyir ro/ /de'i phyir pho nya ma'i zhes bya ba gsungs so/ /grub pa gnyis zhes pa ni grub pa gnyis mi rtog pa dang pho nya yang ngo / /sgrub pa gnyis zhes pa ni rnam pa gnyis bsgrub par bya ste/ de nyid 'jig rten pa'i bde ba nyon mongs pa dang bcas pa dang /nyon mongs pa med pa 'jig rten las 'das pa gcig po kho na ni sgrub byed kyi cha'o/ /kho na ni shin tu yang nges par byas pa'o/ /de gang yin zhes pa la pho nya zhes gsungs te/ gnyis ka'i dngos grub kyi don du pho nya nyid/ /'ba' zhig yin gyi gzhan ni ma yin no zhes pa'i don to/ / gang gi phyir rnam par mi rtog de'i drin gyis 'grub ces bya'o/ /de'i drin ci zhes pa la rab tu bskul zhes gsungs te/ drin gang gis bskul bas de'i bsam pa 'grub pa ste/ sngon du byed pa'o/ /gnyis dngos grub bsgrub pa las nye bar bya ba'i don to/ /de la de nyid du dbyer med ces pa ni de nyid du rang gi ngo bo nyid dbyer med do/ /de la pho nya yang sgrub pa rnam pa gnyis zhes pa ni sgrub pa gnyis ni bsod nams kyi tshogs dang rnal 'byor ma'o//spyad bzhin pas dngos grub gnyis grub pa'o/ /'on kyang pho nya gcig pu kho na yin zhes pa ni gcig sgrub pa'i cha ni pho nya'o/ /de'i dngos grub nye ba'i phyir zhes pa ni gzhan gyi bshad pa'o/ /'dir yang gzhung lhag pa yod de/zhing dang grub gnas na ni mkha' 'gro ma ni 'di ru 'tshog /de ru gnas la bzlas pa bya/ /zas la gcig tu spyod pa ni/ /de dang de ru rol pa gnas/ /zhes gsungs te/ gzhung 'di nyid la 'jug par bya ste/ snying por byas te zhes pa zhing zhes bya ba la sogs pa gsungs te/ bza' ba dag la bza' bar bya'o/ /dbang bskur nyid thob pa'i rnal 'byor ma ni rtse ba'i zhes bya ba la sogs pa gsungs te/bla ma'i brgyud rim ni bla ma gzhan dang gzhan nas brgyud de 'ongs pa'i rim pa'o/ /chu la sogs pa ngo bo nyid kyi khyad par ro/ /de yis dbang bskur ba thob pa'o/ /dbang bskur ba ni dbang bskur ba ste/ ldan par 'os pa'i slob dpon la sogs pa'i dbang gang yin pa de ni de bzhin no//slob ma zhes go bar bya'o/ /legs pa'i sdom ni sdom pa legs pa'o/ /legs sngags zhes pa'i gzhung la ni bzlas pa'i sngags so/ /yang dag ldan zhes pa la gzhung bzhin no/ /brgyud pa thob pas pho nya mo ru yang dag bshad ces pa ni pho nya ni mdzes par brjod pa'o/ /slob ma ni chos kyi slob ma ste chos kyi khyad par du byas pa'o//'di dag dbyer med pa'i phyir ro/ /de nas de lta bur gyur pa'i rnal 'byor pa la rnal 'byor ma dga' bar 'gyur ro zhes dgongs so/ /ci zhig gi phyir zhes pa la phyag rgya legs sbyor dang tshul zhes gsungs te/ phyag rgya dang yang dag par sbyor ba las rnyed pa'i lhan cig skyes pa'i dga' ba'i yang ye shes pa de ni bza' ba'o//de'i phyir dang ni gang gi phyir gyi don to/ /yang dag par gang ba'i ye shes kyi yul ni 'dir dpal he ru ka'i shes pa yin no/ /ye shes rgyu skyes yang dag rdzogs zhes pa ni rkyen med pa de shin tu ring por brjod pa'o/ /dpal he ru ka nyid kyi sgom pa'i rim pa ni nang par zhes bya ba la sogs pa gsungs te/nang par ni snga bar ro/ /langs pa ni mal nas langs pa'o/ /sems kyi bdag nyid yin no/ /sems tsam nyid kyi bdag nyid rang bzhin gang yin pa de ni de bzhin no/ /de ltar ci byas nas zhes pa la lus kyi bya ba kun byas te zhes gsungs so/ /shes rab kyi mtshon gyis phung po la sogs pa'i ngo bo nyid kyi lus kyang dum bur bye brag tu phye nas stong pa nyid bsgom mo zhes dgongs so//sngon nyid du ji lta bar song nas zhes pa la/ yan lag shin tu'ang bstan bcos ni/ /lus la gnas pa kun tu spyad/ /ces gsungs so/ /sems can la slob par byed pas na bstan bcos ni de bzhin gshegs pa'i gsung la bstan pa'i rnam pa de rnams lus la gnas pa ni mig la sogs pa la dgod par bya'o//yan lag shin tu ni don dam par rang bzhin med pa'o/ /yang na slob ma'i rtog pa dang / sgra dang nges pa'i tshig dang / sdeb sbyor dang / brtsams pa dang rtsis zhes bya ba dang drug ni rig byed kyi yan lag go/ /de rnams gnas pa na shin tu yan lag ni des rtogs pa ma yin zhes pa'i don to/ / dag byed ces bya ba la sogs pa la phung po la sogs pa rnam par dag pa'i rjes su stong pa nyid du byas pas ni dag byed nyid do/ /oM swa b+hA ba shud+d+haHsarba d+harmAHswa b+hA ba shud+d+hou0f85haM zhes bya ba'i sngags brjod par bya'o/ /de la rtag tu rnal 'byor pas brjod par bya'o/ /de rgyas par rgyud sna tshogs nas gsungs pa'i phyir ro/ /rnal 'byor gnas ni ting nge 'dzin gyi gnas te go cha gnyis kyi gnas zhes bya ba'i don to//des bstan zhes bya ba ni de'i sngags sam de las skyes pa'i lhar byin gyis brlab par bya'o zhes pa'i don to/ /'dis kyang bsgom pa'i phyogs tsam zhig bstan te/ bstan bcos rnams ni [(]bskom [,]bsgom [)]mi bya/ /zhes pa ni rnal 'byor ma rnams la bsgom par mi bya'o//yang na lha rnams kyi mtshan ma dang rig phyed kyi tshig yin zhes kha cig zer te/ spyod pa byed pa'i rnal 'byor pas phyi rol pa'i don du kha cig tu bshad par bya ba'i ched du rig byed kyi tshig gi don kyang skyong bar byed do zhes dgongs so/ /dam tshig bstan pa khro mi bya/ /zhes pa ni dam tshig can spyod pa byed pa'i rnal 'byor pa la khro bo'i sems bskyed par mi 'os zhes dgongs so//mngon par brtson las 'da' mi bya/ /zhes pa ni dpal 'khor lo sdom pa la mngon par brtson pa zhes pa ni de mngon par bsags pa'i rnal 'byor ma rnams so/ /bde ba ni shin tu dga' ba la sogs pa'i bde ba'o/ /grol ba'i don dang de don du zhes pa ni grol ba'i don ni bde ba'i don du yang byas pa ste/'dod pa'i bstan bcos nas 'byung ba bzhin byas la de dang lhan cig tu nyal lo zhes sbyar ro/ /rnam 'khru ba ni rnam par rol pa yang dag par 'byung ba sbyar bar bya zhes sbyar ro/ /gal te bya bar 'os pa yin na bya'o zhes pa'i don to/ /gal te 'dod pa la dga' na de bya'o zhes pa'i bar ro/ /de la mtshan mo zhes bya ba la sogs pa la gnas la chags pa ni nag pa'i phyogs la chags pa'o//mgul rgyan la sogs pa ni mi'i mgos spras pa'o/ /gdu bu zhes pa ni gdu bu'o/ /tshangs skud dang ske rags skra yis spras ba dang dril bu g.yer ka dang ldan pa'i rkang rgyan de'i sgra dang lhan cig tu mgul rgyan la sogs pa 'chang zhes pa'i don to/ /ral pa'i cod pan zhes pa ni ral pa'i dbu brgyan no//dar dpyangs kyi mtshan ma zhes pa ni dpa' bo'i dar dpyangs so/ /bcos ma'i skra la sogs bas brgyan zhes pa ni gzhan skra dang / rnga ma la sogs pas mdzes par byas zhes pa'i don to/ /rdo rjes mtshan pa ni rdo rjes mtshan pa'i pad+ma ste/ thod pa rdo rje pad+ma dang lhan cig tu rdo rje kha T+wAM ga dang Da ma ru'i sgra hUM gi rnam par gnas pa zhes pa ni de de bzhin no//dpa' bo thams cad gang yin pa de ni thams cad dbang bo'i ste 'khor lo gsum ste/ de'i rnal 'byor ma ni rab tu gtum mo la sogs pa'i rnal 'byor ma'o/ /'di rnal 'byor pa des bsgom par bya'o zhes dgongs so/ /de nyid kyi phyir go cha gsum gyis rnam par brgyan te/'khor lo gsum la gnas pa'i go cha gsum gyi bdud kyi mtshon cha bzlog par bya ba'i phyir te/ lha sum cu rtsa bdun sgom pa dang ldan pa'o zhes bsam pa'o/ /srog chags las byung gyon zhes pa ni pags pa'i gos gyon par bya'o zhes shes par bya'o/ /gyon pa ni mnabs pa ste gos g.yogs so zhes pa'i don to//ngo bo nyid la g+hanya'i rkyen byin pa'o/ /de dang lhan cig bde ba bya zhes pa 'di rgyas par ston te/ bde don bskyod pas bde thob 'gyur/ /zhes gsungs so/ /mchod phyir thogs kyang yang dang spangs/ /gtsang sbra dpal he ru ka gnas zhes pa ni kyang ni ma gsungs pa yongs su bsdu ba'o/ /thos pa dang dran pa la sogs pa byas pa'i mchod phyir thogs pa la sogs pa bskyed pa'i gtsang sbra spangs nas dpal he ru ka'i rnal 'byor la gnas pa ni gtsang sbra zhes bsam pa'o//phyag rgya lnga ni rab bcings nas/ /dus rnams kun du rnam par gnas/ /mtshan mo rtag tu gsal bar bya/ /nyin mo yang ni legs sba bya/ /zhes pa ni bya ba'i ye shes legs par sba/rab tu zhib ngal ba spangs/ /gtsang sbra rnam pa gsum du shes/ /rang gi rgyun gyis rnam par gnas/ /zhes pa ni gzhung lhags pa ste/ de la ni de'i don ni rdo rje dang rin po che dang / pad+ma dang las dang de bzhin gshegs pa'i rigs dang so sor 'brel pa dang zhes bsam pa'o/ /mtshan mo rigs la dang so sor 'brel pa ni gsal ba'o//rten ma bcug pa'o/ /ni ni shin tu ba'i don to/ /de nyin mo legs par sba bar bya'o/ /yang ni nges pa'i don to/ /smod cing sems can rnams kyi kha na ma tho bar gyur cing zhes pa'o/ /bya bas bstan pa'i ye shes ni lhan cig skyes pa'i ye shes kyang ngo / /legs par sba ba ni rab tu zhi zhing snying rje dang ldan bas ngal ba las rnam par rgyal ba'o//gtsang sbra de yang rnam pa gsum ni de yang zhen pa med pas 'dod chags la sogs pa la rab tu 'jug pa'o/ /yang na pho nya zhes bya ba la sogs pa 'og nas 'chad pa'i phyir ro/ /rang gi rgyun du ni rang gi sems rnam par gnas pa zhes pa'i bya ba'o/ /mi rigs ni bram ze la sogs pa'o/ / rims ma yin pa ni mthar skyes so/ /ngor mi lta zhes pa ni gtso bor byas pa'o/ /mi lta ba ni smod pa byed pas na smad de gtso bo ma yin no/ /spyi gtsug tu gtsug phud do/ /sogs kyi sgras ni cod pan dang thal ba dang ral pa la sogs pa yin no/ /de rnams bcing ba ni 'chang ba ste/ de spangs pa'o/ /gtsang sbra gzhan ni pho nya zhes bya ba la sogs pa gsungs so//pho nya ni pho nya ste/ thig le gcig phyis pa'o/ /zla ba zhes pa ni zla ba ni byang chub kyi sems so/ /zas gcig ni gang de bza' ba'o zhes pa'i don to/ /za ba nyid ces pa ni thig le gcig phyis pa'o/ /de yang gtsang sbra gsum pa'o/ /gtsang sbra de yang rab tu skyong ba ni gtsang sbra dag pa ste/ rim gyis thob nas ci'i phyir dngos grub tu mi 'gyur zhes dgongs so/ /gtsang sbra de rnams yongs su bskyang ba las gtsang sbra dag pa thob pas/ ci'i phyir phyag rgya chen po'i dngos grub tu mi 'gyur/ bde mchog ces pa ni bde mchog bla ma'o/ /gsang ba'i rgyud ces pa ni gsang ba mdzod la sogs pa'o/ /de bzhin zhes ba ni 'dzin pa med pa'o//nyid ni nye bar bzung ba'o/ /dang po ni spyod pa bsdu ba'o/ /brtul zhugs dang bzlas pa dang nges pa ni sogs kyi sgras dbang po'i tshar bcad pa la sogs pa de dngos grub ster ba zhes pa ni bzlas pa dang brtul zhugs la sogs pas dngos grub ster ba ni lha'o/ /de nyid bsdus pa la sogs pa bzlas pa la sogs pas 'grub po zhes pa ni bsdus pa'i don to//'dir ni dpal 'khor lo sdom pa'o/ /dpal he ru ka'i bsam gtan nyid 'ba' zhig gis sgrub pa pos phyag rgya chen po bsgrub bo zhes bsams pa'o/ /de nyid kyi phyir sngags pas skad cig nyid la 'grub 'gyur zhes bya'o/ /gtsang sbra nyid kyi phan yon ni rnal 'byor zhes bya ba gsungs so//sems tsam du snyoms par zhugs pa ni rnal 'byor ro/ /de nyid yang dag gi byang chub kyi lam de la dag pa rnams kyi nang nas 'di dpal he ru ka'i rnal 'byor pas gtsang sbra gong du bstan pa la spyad par bya'o/ /gtsang sbra'i dgos pa ni gtsang sbra zhes bya ba la sogs pa gsungs te/pho nya ni gtsang sbra'i rgyu nyid kyi phyir gtsang sbra'o/ /de rnams gang yin pa bsod nams de kha cig gis brjod par mi nus te/ ci zhes pa la sgrub pas yon tan rgya chen po zhes gsungs te/ sgrub pa po gang gis gtsang sbra'i yon tan rgyas par nus pa ni kha ni du ma zhes bya ba gsungs te/ gang yang kha mang por gyur bde'i tshe nus zhes dgongs so//rigs kyi gcig gi tshig go/ /gnyis pa la sogs pa yang du ma nyid ces pa la stong phrag gcig gdong zhes gsungs te/ stong du bgrangs pa'i gdong ni stong gi gdong ste/ gdong stong phrag ces pa'i don to/ /ci'i phyir de lta bu sgrub pa po zhes bya ba la dpal ldan zhes bya ba la sogs pa gsungs te/dpal he ru ka nyid ye shes chen po'o/ /rnam dag ni nyon mongs pa med pa'o/ /kun ni stobs bcu la sogs pa'i yon tan gyi mtshan nyid gang yin pa de nyid kun gyi mtshan nyid do/ /de ltar rnal 'byor pa yang de lta bur gyur zhes dgongs so/ /sgrub pa po zhes pa ni gang gi phyir ro/ /sgrub pa po'i bde ba'i chu ni byang chub kyi sems de 'thung ba ni bdag nyid gnyis med kyi sbyor bas bde ba'i chu 'thung ba ste/gnyis su med pa'i sbyor ba'i bdag nyid ni sdig pa kun las grol lo zhes sbyar bar bya'o/ /ci'i phyir zhes pa la dag byed sdig pa nyams byed ces gsungs te/ gang gi phyir bde ba'i chu de lta bur gyur pa zhes pa'i don to/ / reg ba dang ni smra bas kyang / /zhes pa ni sgrub pa po dang zhes pa'i don to/ /mtshams med pa lnga la sogs pa'i sdig pa thams cad ni lus ngag skyon ni med pa zhes bya'o/ /skyon med pa nyid kyi phyir lus ngag pa zhes shes par bya'o/ /mnyam par spyod pa zhes bya ba ni bde ba'i chu la mi zhes bya ste go sla'o/ /skye zhing skye bar ni skye ba nas skye bar de bzhin gshegs pa'i rigs su skye ba'o//de ltar rtag tu mchod ces pa ni rnal 'byor ma mchod par bya ba ste/ gtor ma sbyin par bya zhes pa'i don to/ /de yang gang gi tshe sbyin zhes pa la sbyin gsungs te/ gtor ma bya'o/ /ci 'dod ni rang ci 'dod pa'i zhi ba'i las la sogs pa'i cho ga 'di dang rgyud gzhan nas gsungs pa'o//mchod pa'i dus kyi khyad par ni/ /nag po zhes bya ba la sogs pa gsungs te/ /'am gyi sgras ni dgu dang bcu bzhi'o/ /ni ni khyad par gyi don nam bsdu ba'i don to/ /nag po'i phyogs kyi bcu bzhi dang dkar po'i phyogs la ni gzhung gzhan te/ ni'i sgras ni bcu dang dgu bsdu ba'o//lhag ma gang zhes pa ni gang bcu dang dgur gyur pa'am bcu bzhi'i bar du mchod pa bya ste/ bcu dang / dgu la yang ngo / /de bzhin ci zhes pa la myur du 'bad pas mchod pa ni chang dang shas kyang rdo rje lha mo la'o/ /de mchod cing gus pa dang ldan pa'i skye 'gro dpal he ru ka la mngon par dga' ba de thugs mnyes nas mchog stsol bar 'gyur ro//de'i lag gnas mchog gang yin pa ni myur bar tshes rnams la 'bad pas mchod par bya'o/ /lag pa na gnas pa'i mchog go/ /mchog ni yid la 'dod pa'o/ /lhag ma ni go sla'o/ /spyod pa dang brtul zhugs dang mchod pa dang gtor ma brjod pa gang yin pa de ni le'u yin pas de de bzhin no//nyi shu rtsa bdun ni nyi shu rtsa bdun pa'o zhes bya ba ni/ dpal 'khor lo sdom pa'i le'u nyi shu rtsa bdun pa'i dka' 'grel lo// //mnyam pa nyid kyi le'u ni de nas mchod pa zhes gsungs so/ /de nas kyi sgras ni de phyir gyi don du lta ba'am bde bar gshegs pa'i lung yin pa'i phyir ro//gang gi phyir mnyam pa nyid med par yang dag pa'i byang chub tu mi 'gyur bas de'i phyir bdag nyid phyi dang gsang ba'i mchod pa dag gis mchod do zhes pa'i don to/ /rnam par dag pa'i bdag nyid kyi sems 'di ni de rnam dag bdag nyid do/ /ji lta bur gyur pa'i rnam dag bdag nyid ces pa la/ mya ngan 'das nges 'byung dpa' bo zhes gsungs te/ mya ngan las 'das pa ni dga' bral gyi dga' ba ste blo'o/ /phyi rol gyi yul la dmigs pa'i phyir de nas de'i rjes la nges par 'byung zhing gnas pa de la mchod ces bya ste/ sgrub pa po'i mchod pa'o/ /bdag nyid kyi sems lhan cig skyes par gnas pa'o//yang na dpe med pa nyid kyis lhan cig skyes par 'gro ba ni 'gro ba dang ldan pa ste/ rtogs pa dang ldan pa'i bdag nyid do/ /gdams ngag med par dga' bral gyi dga' ba la blo ma sbyangs pas dga' bral gyi dga' ba lhan cig skyes pa'i ye shes kyi sngon du ston te/ blo ma sbyangs pas bzhad gad kyang byed do//des kyang dga' bral ni byang chub kyi sems ltung ba la go ste/ bdag nyid brlag par byed do/ /des 'di ltar lhan cig skyes pa'i dga' ba nye bar mi rnyed do zhig cig /rang gi sems bsrung ba'i don du me la rtse bya'o/ /des cir 'gyur zhes pa la/ kun zhes bya ba la sogs pa gsungs te/ kun ni sangs rgyas la sogs pa'o//mchod pa ni mchod par 'gyur zhes pa'i don to/ /sangs rgyas kun sogs ni dang po'i mang po'i tshig phyis pa'o/ /mchod pa zhes pa ni a yig thung bar byas pa'o/ /lhan cig skyes pa'i dga' ba'i ye shes kyi rtogs pa dang ldan pa'i bdag nyid ni sangs rgyas te/ sangs rgyas zhes pa 'grub po//sangs rgyas kun sogs mchod bar bya/ /zhes pa ni gzhung gzhan no/ /sangs rgyas kun la sogs par skye ba ni mchod par 'gyur ro zhes bya'o/ /'on kyang thams cad nyid sangs rgyas zhes pa la thams cad ces bya ba la sogs pa gsungs so/ /dpa' bo thams cad ces pa ni sgra dang po'i mang po'i tshig go/ /brtan pa ni shing gi sdong po la sogs pa'o//g.yo ba ni mi la sogs pa'o/ /'di ni de kho na nyid kyi mchod pa'o/ /spun dang spyod ni mchod par bya/ /zhes pa ni/ ni ni bsdus pa'o/ /chos lhan cig tu thos pa ni spun no/ /spyod pa ni 'dir rang gi lung la gnas pa nyid spyod pa'o/ /zla ba ni byang chub kyi sems so/ /'dus pa ni/ sbyor ba ste de mnyam pa nyid la gnas pa'o/ /zla ba'i 'dus pa yang dag gnas ni sgra gnyis kyi dang po'o/ /des kyang mchod par bya'o zhes ba'i don to/ /spun dang bu dang lhan cig tu/ /bde dang sdug bsngal yang dag 'byung / /ye shes de la bstan mi bya/ /zhes bya ba ni spun de rnams la ye shes bstan par mi bya'o/ / zhes sbyar ro/ /spun dang bu rnams ni gcig tu yid la 'dod par shes pa mnyam pas lhan cig pa'o/ /'on kyang dpe 'dir bde ba dang sdug bsngal yang dag par 'byung ba gang yin pa shes pa de ni de bzhin no/ /de lta na yang de dag gis mi gos te/ bde ba'i gnas skabs ni sdug bsngal gyi yan lag tu 'gyur ba'i phyir ro//thun mong yin yang thun mong ma yin bar mkhas pa nyid kyis rtogs par bya ba'i phyir ro/ /don dam par bstan par bya ba ma yin te de ni bstan par mi nus pa'i phyir ro/ /bdag nyid kyi gzhung lugs las 'jug pa ni lhad 'jug pa'o/ /las dang 'bras bu la sogs pa thams cad sun 'byin pa ni thams cad sun 'byin pa'o//de dag la yang bstan par mi bya'o zhes dgongs so/ /gang gi phyir de dang shin tu lhan cig gnas pa ni rang bzhin mthun pa'i phyir smod par byed pas dmyal bar 'gro ba'o/ /de ni slob ma byed pa yin yang 'os pa ma yin no zhes shes par bya'o//don gzhan brjod par bya ste/ yun ni dga' ba yin te/ chos kyi brdar byas pa nyid kyi phyir ro/ /bu ni mchog tu dga' ba'o/ /lhan cig ni dga' bral gyi dga' ba'o/ /bde ba dang sdug bsngal las yang dag par byung bar gnas pa de bzhin te/ 'di ni lhan cig skyes dga' ba'o/ /de la lhan cig skyes pa'i ye shes ni byed pa po ste/bstan par mi bya ba ni bstan par bya ba byed ba nyid kyi phyir ro/ /bdag nyid kyis kyang mi ston te rang nyid la byed pa 'ga' ba'i phyir ro/ /'di ni dgos pa yin 'di ni dgos pa min zhes bye brag tu byed pa ni lhad 'dzud pa'o/ /thams cad sun 'byin pa ni 'dod chags la sogs pa'i nyon mongs pa'i tshogs so/ / lus la sogs pa thams cad de la ma yin pa zhes pa ni lhan cig skyes pa'i ye shes kyi mtshan nyid la zhes pa'i don to/ /'di nyid yang dang yang du rnam par bshad pa ste/ 'di nyid skyes bu'i don mchog tu sgrub pa nyid kyi phyir ro/ /zas zhes pa la dag byed ni bdud rtsi rnam pa lnga'o/ /spyod pa zhes pa la/ rtag tu dam tshig spyod byas 'gyur/ /zhes pa ni/dam tshig ni go ku da ha na ni mtshan nyid do/ /rgya gang gis zhes pa la rtag tu zhes gsungs te/ rtag tu ni rtag par de rnam par rtog pa spangs pa'o/ /rgyu'i stobs kyi sgra'i gsum pa'o/ /gang gi phyir sngags dang nor bu dang sman gyi mthu bsam gyis mi khyab pa'o/ /sngags ni sngags la sogs pa gang ci yang rung ba sa'i bdag po la sogs pa'o//man ngag rnam par nyams mi bya/ /zhes pa ni lan cig tsam gsol ba btab pa la sred pa'i dbang gis dbang bskur ba la sogs pa mi bya ba'o/ /don ji lta ba'i gdams ngag dam tshig dang ldan pa la sbyin par bya'o/ /de'i phyir na sgra ni khyad par ro/ /pho nya mo ni dam tshig dang ldan pa'o//dang ni bsdus pa'o/ /ni ni nye bar bzung ba'o/ /'dir 'dod pa la rmongs pas 'dod pa'i khyad par 'gro bar mi bya'o/ /pho nya mo bsrung rtag thar pa/ /zhes pa ni pho nya ni phyi rol gyi yan lag can no/ /bsrung ba ni go cha bya'o/ /de yis thams cad mngon par zhen pa zhi bar bya ba'o/ /yang na pho nya dbang du bya ste/ gzhan la mi 'gro bar bya'o zhes pa ni pho nya srung ba'o//de nas thar pa'i rtag tu de kho na nyid kyi rjes su 'brang ba'i phyir ro/ /gzhan gyi lhag ma bza' mi bya/ /zhes pa'i tshig la sogs pa kha cig zer ro/ /de bzhin gshegs pa'i rigs su skyes pa'i pho nya mo rnams la gsal por bstan pa bsrung ba yin no zhes zar ro/ /'bad ba yis kyang longs spyod bya//zhes pa ni pho nya gus pas bzung ste/ de dang lhan cig bde ba byed pa'i dus gus pa ma yin bya bar shes so/ /nu ma bzung ba la sogs pas kyang de dga' ba'i bde ba la longs spyod par bya'o/ /de'i phyir/ bsnyen bkur nyid ni bya ba min/ /zhes gsungs so/ /stobs kyis mnan la longs spyad de/ /de ni bsnyen bkur snod ma yin//zhes pa'i tshig gis so/ /skye dman bde la longs spyad bya/ /zhes bya'o/ /dngos grub gang las zhes pa la ma dang zhes bya ba la sogs pa gsungs te/ gang gi tshe ma la sogs pa bzhin du brtse bar gyur pa ni de'i tshe grub po zhes dgongs so/ /gang gi tshe yang 'khyog par gyur na de'i dngos grub kyang 'khyog por 'gyur ro zhes bstan pa'i phyir dka' thub zhes bya ba la sogs pa gsungs so//thog ma med pa'i dus nas byas pa'i dka' thub de yis zad par byed do/ /ci'i phyir zhes pa la 'khyog pa'am zhes gsungs te'am ni gang gi phyir ro/ /gang gi phyir pho nya mo'i snying 'khyog na de bzhin du dngos grub kyang 'khyog par 'gyur ro zhes pa ni kha phyir bltas par 'gyur ro zhes pa'i don to//de lta bur gyur pa'i pho nya mo ci zhes pa la 'gugs zhes bya ba la sogs pa gsungs te/ mchog gi byang chub kyi sems brtul zhugs gang yin pa'o/ /de'i phyir lhan cig tu ni lhag par ro/ /de lta bu'i rdzas ni nges pa yin zhes pa ni rdzas ni byang chub kyi sems de kha na ma tho ba med par blang ba ni nges pa'o//'jig rten la rtag g.yon nas spyod/ rkang pa g.yon pa sdun nas 'dor/ /zhes pa ni go sla'o/ /lag pa g.yon pa yongs su bsgyur/ /g.yon gyi lag pa brtan 'gyur te/ /lus kyi rnam pa yongs su bsgyur/ /g.yon pas steng du rab mchod bya/ /zhes pa ni steng gi sgra ni rdo rje'o/ / des rnal 'byor ma rnams kyi bsam pa zhes pa ni mchod par byed pa'i rnal 'byor pas so/ /g.yon pa zhes bya ba la sogs pa ni go sla'o/ /brtul zhugs med 'joms brtul zhugs rdzogs pa ni bram ze la sogs pa'i brtul zhugs ni brtul zhugs med pa'o/ /dam tshig la sogs pa spyod pa nges par byas shing lha bsgom pa la sogs pa 'bad de byas pas 'joms pa'o//dam tshig ni rnal 'byor ma'o/ /rigs kyi spyod pa ni lhan cig skyes pa'i spyod pa'o/ /yul gyi phyogs kha cig tu bza' ba la longs spyad pa'o/ /rigs lnga la ni kun spyod spyad/ /ces pa ni rigs lnga la mnyam par spyad pa'o/ /ci gang gi phyir/ rigs ni rnam pa bzhir grags min//zhes pa ni rigs bzhi yod pa ma yin pa de bzhin du rnal 'byor yin te/ 'jig rten pas brtags pa nyid kyi phyir ro/ /de ltar gyur pa'i rnal 'byor pa rnams kyi nang du grags pa ni sngags pa'o/ /yang na rigs bzhi po gang yin pa de ni de bzhin te/ rigs bzhi ni zhal bzhi ste dpal he ru ka nyid kyi rnal 'byor pa nyid kyi phyir ro//lung yin pa'i phyir ur byas pa'o/ /gang gi phyir rigs bzhi po ma yin pa nyid ces pa la gsungs pa rigs rnams gcig tu ste mnyam par spyod pa nges pa gang yin pa de rigs gcig la mnyam par spyod pa ste/ dpal he ru ka'i rnal 'byor bas kyang rigs gcig mnyam par spyod pa rnam par dag pa ni zhal bzhi'i kha dog go zhes dgongs so//dkon mchog gsum la sogs pa la gnod pa byed pa nyams pa la 'jigs pa'i ched du las rab tu rgyas pa ni/ ba lang sha dang zhes bya ba la sogs pa gsungs so/ /sbyin sreg gi cho gar gsungs pa'i cho gas thab khung la sogs pa rjes su gnas la mngon spyod la sogs pa la nye bar mkho ba'i tsha ba'i mar nag la sogs pas me rab tu sbar ste/du ma skyes ma g.yas pa'i sna bug nas nang du rab tu zhugs te/ bshang ba'i lam nas phyir phyung la rdo rje lcags kyu dang gri gug gi mtshan ma 'dzin par bsam mo/ /bsgrub bya gcer du myos par gyur ba bkug la de nyid kyis de bum bur byas par rnam par bsams la/phyugs kyi sha la sogs pa de'i sha'o zhes blos brtan bor bya'o/ /khro bo chen po'i nga rgyal dang ldan pas byas na dkrol nas gsod par byed do/ /rtsa ba'i sngags kyis sbyin sreg bya'o/ /sna tshogs pa la khyim bya la sogs pa'o/ /sngags dang phyag rgya'i rang bzhin can gyi phyi rol gyi yan lag can de dang lhan cig tu longs spyad na dpa' bo de rab tu bsngags pa yin no zhes pa la sngags zhes bya ba la sogs pa gsungs so//sngags dang yang dag par ldan pa ni sngags kyi mnyam pa nyid dang yang dag par ldan pa'o/ /de la longs spyad pa ni dpal he ru ka'i sprul pa bdag nyid kyis lha mo rnams la yang nye bar spyod pa'i rnal 'byor ma rnams la bya'o//de yang rnal 'byor ma'i rgyud thams cad kyi 'dod pa yin no zhes brjod pa'i phyir/ dpal he ru ka zhes bya ba la sogs pa gsungs so/ /gzhan du yang rtag tu dpal he ru ka'i rnal 'byor gzung ba ni dgos pa yin pa'i phyir gzungs ni zhes bya ba la sogs pa gsungs so/ /rnal 'byor zhes pa ni rnal 'byor gyi sbyor ba gang la yod pa ni rnal 'byor gyi gzungs kyi khyad par ste/gnyis su med pa'i ye shes so/ /dpal he ru ka gnyis med ces pa de nyid do/ /de bzhin du sems kyis kyang ste tshig gcig nyid do/ /'di rnams ci lta bas bgegs med par 'grub pa'i don to/ /de ltar gzhan gyi thabs ni ma yin no//zhes go bar bya ba'i phyir bgegs med ces bya ba la sogs pa gsungs so/ /de yang pho nya mo'i mchog ni gtso bos de lta bur gyur pa'i rdzas lha rdzas kyi dngos grub tu rung ba yin no/ /lhan cig bzod pa de ldan pa/ /ma chags dga' bas yang dag sbyor/ /zhes pa ni phyi rol gyi dga' ba'i yang dag par gang sbyor ba snyed nas ma chags pa ni rtag tu rnal 'byor ba rnam par chags par mi 'gyur ba'o//rnal 'byor ni ting nge 'dzin to/ /rdzas ni bza' bar bya ba'o/ /de gnyis gzhan dag gi rnal 'byor dang bza' ba dag rnam pa'i cha ga yin pa de ni de bzhin no/ /de'i ngo bo nyid du gyur pa'i rnal 'byor gyi rdzas rnam pa'i char bya ba'o/ /yang na rnal 'byor las skyes pa'i rdzas ni byang chub kyi sems te/rnam par phye ba ni rnam pa'i cha shas su byas la shes rab tu lhan cig tu longs spyad pa ni cha shas zhes pa'i don to/ /khyad par can gyi cha 'di ni rnam pa'i cha ste/ de'i ngo bo nyid ni rnam par cha'o/ /rnal 'byor pas bla ma'i man ngag la dga' bar gyur cig ces pa'i phyir/bla ma'i zhes bya ba la sogs pa gsungs so/ /dpal he ru ka'i rnal 'byor gyi man ngag bla mas byin pa la yang dag par dga'o zhes dgongs so/ /de'i phyir de'i don ni de'i don du gnyer ba'o zhes pa ni de'i don to/ /'dir yang nor ni dad pa la sogs pa ste/ de ltar yang dad pa'i nor dang / shes rab kyi nor dang /thos pa'i nor dang / brtson 'grus kyi nor dang / dga' ba'i nor dang / ting nge 'dzin gyi nor dang / dran pa'i nor dang zhes gsungs so/ /de'i ster ba ni/ 'dod pa'i don ni rdzogs bya gang / /zhes pa ni nor ster ba dpal he ru ka dang de mnyam pa'o/ /nang gi bdag nyid kyi sbyin sreg dang 'jig rten pa'i sbyin sreg ni phyi rol du gyur pa'i phyir rigs gcig tu brjod pa gang yin pa de yang le'u zhes kyang bya ste/de nang gi bdag nyid kyi sbyin sreg dang rigs gcig gi cho ga'i le'u nyi shu rtsa brgyad pa'o zhes bya ba ni dpal 'khor lo sdom ba'i dka' 'grel las le'u nyi shu rtsa brgyad pa'o// //drod kyi bya ba med par ni spyod pa med de de'i phyir de bstan ba'i don du le'u ni de nas zhes bya ba gsungs so//de nas zhes bya ba ni nang gi bdag nyid kyi sbyin sreg la sogs pa bstan pa'i rjes su'o/ /gzhan zhes pa ni gzhan no/ /ci zhes ba bstan pa ni zhes gsungs te gzhan yang bstan pa'o/ /ci'i phyir zhes pa'i don to/ /gang gi don du zhes pa la pho nya'i mtshan nyid shes bar bya//zhes gsungs te/ de'i mtshan nyid shes pa'o/ /gang gis yang dag shes 'gyur ba/ /mkha' 'gro ma yi dam tshig gnas/ /zhes ba ni sgra'i gnyis pa'i don gyi dang po'o/ /spun ni dpa' bo'o/ /pha ni dpal he ru ka'o/ /bdag po nyid du mthong ba nyid bdag bo nyid do/ /sngags kyi mthus skad cig gis so/ / lce sbom zhes bya ba la sogs pa la dmar ser gyi mig gang yin pa de ni de bzhin no/ /reg na rtsub cing dmar ser gyi bla dang skra gang la yod pa de ni de bzhin no/ /dngos grub kun gyi thun mong du bstan pa'i phyir/ dngos grub kun gyi thun mong ste zhes bya ba la sogs pa gsungs te/ dran pa dang sems dang yang dag par ldan pa ni yang dag par rjes su sbyor ba'o//ci bsam zhes pa la pho nya la sogs pa gsungs te/ go 'phang bcas zhes gsungs te sogs pa'i sgra ni dam tshig bsrung ba'o/ /go 'phang ni ye shes de dang bcas pa ni dran pa dang mnyam par ldan pa'o/ /'dis ni 'di ltar ston te/ dam tshig can gyis 'bad pas pho nye mo bsgom par bya zhes so//pho nya mo ci tsam zhes pa la/ mkha' 'gro ma mchog nyi shu bzhi/ /spyod dang grol ba'i 'bras rab ster/ /zhes gsungs so/ /rab tu gtum mo la sogs pa'i mkha' 'gro ma nyi shu rtsa bzhi nye bar mtshon pa nyid kyi phyir bcu gnyis po yang 'dir shes par bya'o/ /de ci'i don du de bsgom zhes gsungs te/ spyod pa ni mtho ris la sogs pa'o/ /grol ba ni nyon mongs pa can gyi 'ching ba spangs pa'o/ /de'i 'bras bu phul du phyung ba ster ba zhes pa de ni de bzhin no/ /de rnams dpal he ru ka'i gtso bo byas pa'i dkyil 'khor la gnas par bsgoms la rtsa ba'i sngags bzlas pa'i phyir rtsa ba'i sngags zhes bya ba la sogs pa gsungs te/ go sla'o/ /'jig rten gsum la dbang bar skye ba ni yang dag par 'byung bar 'gyur ro/ /de nyid kyi phyir de nas spyod dang grol ba'i 'bras bu star/ ci'i phyir de ltar zhes pa la sngags zhes bya ba gsungs so/ /sngags ni de nyid bskul zhing zlos pa'o/ /phyag rgya ni lha'o/ /de dag dang sgrub pa po dang ldan pa'o/ /dngos grub la ched du byed par yod pa'i sgrub pa po yin no//sngags 'ba' zhig kho na ci'i phyir bzlas zhes pa la sogs dang zhes bya ba la sogs pa gsungs so/ /lha mo bsgom pa dang bral na nye bar mngon du byed pa'i byed pa po sngags kyi las ma yin par thob par mi 'gyur zhes pa'i don to/ /lus ni rnal 'byor pa ste khyad par can gyi lus su sbyor ba'i phyir ro/ /de yang sngags la nye bar mngon du sbyor zhing gus pas rgyun du yun ring po'i dus su goms par go bar bya ba ni rtogs par bya ba'o//de nyid ci'i phyir zhes pa la ji ltar dro ba'i bya ba'i bdag nyid ces pa gsungs te/ sems can gzhug par bya ba'i don du zhib dang rgyas pa dang mngon spyod la sogs pa ni dro ba'i bya ba bskyed pa'o//de ji ltar bdag yin ba ni de bzhin du nus pa'o/ /de nyid nus pa zhes bya ba'i bar ro/ /gang dkon mchog gsum la gnod pa byed pa de rnams la tshe 'di nyid la sdug bsngal la sogs par byed pa'i nus pa bstan par bya'o/ /'on kyang 'jig rten pha rol tu yang sngags kyi nus pa bstan pa'i phyir gang zhig sdang zhes bya ba la sogs pa gsungs so//rnal 'byor chen po ni dpal he ru ka'i rnal 'byor ro/ /lhag ma ni go sla'o/ /rnal 'byor chen po las gzhan ni byang chub kyi sgrub byed ma yin no zhes bstan pa'i phyir/ bsrubs gyur pa zhes bya ba la sogs pa gsungs so//dad bas mngon par yid ches pa gang srub pa nyid bzhin du rnal 'byor pa gzhan la go bar byed na 'bras bu cung zad kyang med do zhes dgongs so/ /rnal 'byor gzhan ni bzang ba'i rgyu nyid du gzung ba'o/ /mchod par byed ces pa ni mchod par byed pa'am/ 'di lta ste rnal 'byor gzhan 'chang bas 'jig rten pha rol gyi don du mi 'gyur bar bstan pa'i phyir rnal 'byor gzhan la bstan pa ni zhes gsungs so//dpal he ru ka'i rnal 'byor pa bzhugs pa'i gnas kyang bsod nams skyed byed du bstan pa'i phyir rnal 'byor che 'dzin zhes bya ba la sogs pa gsungs so/ /rigs ngan gtum mo la sogs pa'i yul yang dpa' bos yongs su brtags pa ste/de gang yin pa'i yul nyid du yongs su brtag par bya'o/ /de ru zhes pa ni dpal he ru ka'i byin gyis brlabs pa'i yul dang 'brel pa gang yin pa'i sems can de rnams yongs su bzung ba'i don du rtag tu gnas pa'o/ /nus pa ni sngags kyi nus pa'o/ /gnas skabs ni dpal he ru ka'i rnal 'byor pa bzhugs pa'i yul gyi sems can gyi don du nye bar gnas pa'o//pho nya'i mtshan nyid dang nus pa'i gnas skabs shes par bya ba'i don du brjod pa gang yin pa de yang yin la le'u yang yin pas de de bzhin no/ /nyi shu rtsa dgu ni nyi shu rtsa dgu pa'o zhes bya ba ni dpal 'khor lo sdom ba'i le'u nyi shu rtsa dgu pa'i dka' 'grel lo// //de nas zhes pa ni rtsa ba'i sngags btu ba bkod pa'i rjes su gzhan bkod pa bshad pa'o/ /de dgod par bya ste/ 'dir yi ge dang gug skyed dgod pa'o/ /re mig bzhi bcu rtsa dgu'i rgyud kyi ri mo'o/ /ji lta bur gyur pa zhes pa la shin tu rnyed dka' zhes gsungs so/ /gang gi phyir 'di las bzhi pa'i sngags btu ba de ni de bzhin no//sngags nyid btu ba'i khyad par ci yin zhes pa la/ gang zhig ces bya ba la sogs pa gsungs so/ /gang zhig ni sngags kyis so/ /myur du dngos grub rab bsgrub pa/ /zhes pa ni des bgegs rab tu zhi ba'o/ /gang la dgod ces pa la sa'i cha zhes bya ba la sogs pa gsungs so/ /tsan+dan ni bdud rtsi lngar mngon par 'dod pa'o//da'i rang gi ngo bo shes pa dga' ba bskyed pa'i phyir ro/ /dri zhim dri ni tsan+dan la sogs pa'o/ /bdud rtsi lnga dang bsres la dri zhim pa'i dris sa'i cha byug par bya'o/ /me tog dri zhim ni tsam pa ka la sogs pa'o/ /bdug sbos ni sbyar ba la sogs pa'i bdug spos so/ /de ltar gyur pa'i gnas su phyogs bcing ba sngon du song bas stong pa nyid du bsgom par bya'o//yi ge tsam so sor dgram pa ni rab tu dgod pa'o/ /yi ge ni a la sogs pa dang ka la sogs pa'i yi ge nyid yi ge tsam mo/ /ci byas na zhes pa la mnyam par bri zhes gsungs te/ mnyam par a la sogs pa dang ka la sogs pa rim pa bzhin du bris shing bzhag pa nyid do//ci sngon du song bas zhes pa la rdza rnga zhes bya ba la sogs pa gsungs te/ rdza rnga bcings pa nyid kyi dbyibs gang yin pa de bzhin du dgod pa'o/ /lugs las byung ba dang lugs bzlog pa nyid du de dbyangs dang gsal byed bzung bas kha phyir bltas pa nyid kyi rdza rnga dang 'dra'o//dpa' bo ni sngags so/ /'dod pa'i don kun sgrub byed pa/ /zhes pa ni sngags kyi khyad par ro/ /ci'i phyir de la dpa' bo btu zhes pa la/ rim bzhin 'byung dang rim min pas/ /dbyangs dang yi ge sgrub pa pos/ /zhes gsungs te/ dbyangs ni a la sogs pa'o/ /yi ge ni ka la sogs pa sgra'i ngo bo nyid kyi phyir te/gang yin pa de btu bar bya'o/ /de lta'i grangs kyi nang gtogs pa/ /zhes pa ni re mig gi grangs kyi nang du gtogs pa ji ltar yin pa de ltar yang dag par btu'o zhes pa'i don to/ /de tshig gang gis zhes dogs pa la thug pa zhes gsungs so/ /re mig sum cu rtsa gnyis blang / /zhes pa ni/ re mig ces pa ni sgra'i rkyen med pa'o//ka yod pa'i re mig nas brtsams te/ re mig sum cu rtsa gnyis pa na yod pa'i sa bzung ba'o/ /ka nas bzung zhing bgrangs pa'i sa nyid gzung ngo / /thams cad du re mig bzung bas re mig la gnas pa'i yi ge gzung ngo / /'di nyid nye bar 'khor bar gzung ngo / /re mig gsum pa zhes bya ba'i gzhung la ni lce'u chung can gyi sha yod pa nas bzung ba'i gsum pa na so las byung ba'i sa yod de bzung ba'o//lnga pa yis ni dbye ba bya/ /zhes pa ni us khyad par du byas pa'o/ /brgya yi phyed phyed yang dag blang / /zhes pa ni ka yod pa'i re mig nas bzung nas brtsis pa'i ma'o/ /de bzhin nyi shu rtsa bzhi dbye/ / zhes pa ni de bzhin ka yod pa nas bzung ste zhes pa'i don to/ /nyi shu rtsa bzhi'i dbye ba ni b+ha'o/ /des brgya'i phyed phyed kyi 'og gi char dbye ba'o/ /re mig sum cu drug pa la/ /re mig gsum pas dbye bar bya/ /zhes pa ni a yod pa nas bzung ste/ na yod pa ni sum cu rtsa drug pa ste/ re mig gsum pa ni a yod pa nas bzung ste re mig gsum pa'i i'o des dbye bar bya'o//de nas sum cu gnyis pa blang / re mig lngas ni dbye bar bya/ /zhes pa ni de nas ni ka yod pa nas bzung ba'o/ /ni ni nyid kyi don nam bsdu ba'i don to/ /de ltar lnga pa la yang ngo / /de nas nyi shu lnga pa bzung / nyi shu bzhi dang sbyar bar bya/ /zhes pa ni/ nyi shu lnga ni nyi shu rtsa lnga pa ste ma yin pa'o//de nas zhes pa ni ka yod pa nas so/ /nyi shu bzhi ni nyi shu rtsa bzhi pa ste b+ha yod pa'o/ /de yang gsum pa ni mtha' ste/ ma'i 'og tu b+ha sbyar bar bya'o zhes pa'i don to/ /sum cu rtsa gsum yang dag blang / /re mig bco lnga pa yis mchod/ /ces pa ni de nas zhes bya ba rab tu 'jug go//ka yod pa nas gzung ste/ sum cu rtsa gsum pa na ha yod pa'o/ /bco lnga ni thig le yod pa'o/ /a yod pa nas bzung ste/ lnga pa yis ni yang dag ldan/ /mdzes pa'i mchog ni yin par 'dod/ /ces pa ni a yod pa nas gzung ste lnga pa nyid ni lnga pa ste/ us sa bon 'dis mdzes par byas na don thams cad byed pa'i phyir ro//nyi shu rtsa gnyis yang dag ldan/ /de bzhin nyi shu bdun dang ldan/ /zhes pa ni nyi shu gnyis ni nyi shu rtsa gnyis te pha yod pa'o/ /a yod pa nas nyi shu rtsa bdun pa na yod pa'o/ /'di thams cad blangs pas dang po'i tshig rkang ngo / /dang po'i sngags kyi tshig tu brjod/ /ces pa ni dang po'i tshig go/ / re'u mig ni bcu dgu pa/ /me yi bu dang yang dag ldan/ /re'u mig gsum pas dbye bar bya/ /zhes pa ni a yod pa'i re'u mig bcu dgu pa ni bcu dgu pa ste ga'o/ /me'i bu gang yin pa ni ra'o/ /a yod pa nas re mig gsum pa'i dbye ba ni i yod pa'o/ /ya tshan brgyad pa'i sa bon la/ /sum cu drug pa yang dag ldan/ /slar yang tshig ni de nyid ni/ / zhes pa ni ya yang yin la sde tshan yang de yin pa ni ya'o/ /de'i brgyad pa'i sa bon ni ha'o/ /re mig sum cu rtsa drug pa/ /zhes pa ni a yod pa nas re mig sum cu rtsa drug na na yod pa'o/ /yang de lta bur gyur pa'i tshig go/ /dang dang nyid ni bsdus pa dang nye bar gzung ba dag go/ /de nas rang byung blangs nas ni/ / zhes pa ni rang byung ni ha'o/ /de nas zhes pa ni gr-ih+Na gr-ih+Na'i tshig las/ re mig lnga pa yang dag sbyar/ /zhes pa ni a yod pa nas lnga pa na u yod pa'o/ /spyi bor thig les brgyan par bya/ /zhes pa ni/ 'dir thams cad du zla phyed ni med de thig le tsam gyis brgyan pa'i phyir ro/ /'dod pa'i don kun sgrub byed pa/ /zhes pa ni 'di'i ming du grags so zhes pa'i don to//phaT ni sngar bzhin du rjes su 'jug pa'o/ /thig le spyi bor sbyar bar bya/ /zhes bya'o/ /de'i phyir/ de nas nyi shu gnyis pa gzung / /de bzhin bcu gcig pa nyid dang / /zhes pa ni gzhung kha cig na yod do/ /ka yod pa nas nyi shu rtsa gnyis pa na pha yod pa'o/ /bcu gcig pa ni Ta yod pa'o//'di ni phaT go sla'o zhes pa ni gnyis rkang tshig go/ /re'u mig bcu dgu pa la ni/ /nyi shu rtsa bdun pa yis dbye/ /gsum pa yis ni yang dag ldan/ /zhes pa ni a yod pa nas bcu dgu ni bcu dgu ba'i re mig ste'o/ /ni ni bsdu ba'o/ /nyi shu rtsa bdun pa nar yod pa'o/ /sum cu gsum pa blangs byas la//re mig gi ni gnyis pa yis/ /nyi shu yang dag mnyam par ldan/ /mdzes pa mchog gi phan pa'o/ /zhes bya ba ni sum cu gsum ni sum cu rtsa gsum pa ste/ ka yod pa nas so/ /a yod pa nas gnyis pa na A yod pa'o/ /ka yod pa nas nyi shu ba nan yod pa'o/ /nyi shu gcig pa'i re'u mig ni/ /de bzhin nyi shu drug par ldan//zhes pa ni nyi shu gcig pa ni ka yod pa nas gzung ngo zhes pa'i don to/ /ni ni bsdu ba'o/ /de bzhin zhes pa ni ka yod pa nas nyi shu drug pa na a yod pa'o/ /lan gnyis goms pa'i tshig nyid kyang / /zhes pa ni gnyis pa ni nye bar de 'dra ba'i tshig nges par bya'o zhes pa'i don to/ /de nas go rims bzlog pa gzung //re'u mig las ni dang po nyid/ /bzhi pa'i mtha' dang yang dag ldan/ /de bzhin bco lnga pa yis mchod/ /ces pa ni go rims bzlog pa nyid kyis de bkod pa'i las dang po ni dang po na ha yod pa'o/ /ha de nyid dang po ste blang ba'o/ /tshig ni gsum par brjod ces sbyar ro/ /a yod pa nas bzhi pa ni kha cig I ste/de'i mtha' u yod pa'o/ /gzhan ni go sla'o/ /tshig gsum po ni chos sogs kyi/ /tshig ces pa ni mchog gi tshig go bar bya'o/ /'dir yang phaT ni rjes su gzhug pa ste/ tshig rkang gsum pa'o/ /re mig gnyis pa'i sa bon zhes pa ni a yod pa nas A yod pa'o/ /gnyis pa'i sa bon ni lha rnams kyi'o ni nges par gzung pa'o//re mig sum cu rtsa drug ces pa ni sum cu rtsa drug pa'i re mig ni a yod pa'i re mig nas bzung ste na yod pa nyid blang ngo zhes dgongs so/ /na blangs la tshig rkang bzhi par brjod do zhes par bya'o/ /lhag ma go sla'o/ /re mig sum cu gsum pa zhes pa ni hA'o/ /re mig bcu gsum zhes pa ni a yod pa nas so//re mig las ni bcu nyid dang / /go rims bzlog ni sgrub pa pos/ /zhes pa ni ha yod pa nas bcu pa na b+ha yod pa'o/ /re'u mig las ni bcu dgu pa/ /zhes pa ni a yod pa nas bcu dgu pa na ga yod pa'o/ /re'u mig nyi shu rtsa gsum pa/ /zhes pa ni ka yod pa nas nyi shu rtsa gsum pa'i re'u mig na ba yod pa'o//de nyid ba blang ba'o/ /de'i phyir pa nyid gzung ngo zhes pa'i don to/ /a yod pa nas gnyis pa na a yod pa'o/ /steng du thig les brgyan par bya/ /zhes pa ni thig le tsam ni thig le ste/ sa'i sa bon ba'o/ /de nas zhes pa ni bkod pa nyid kyi phyir ro//brgyad pas mtshan cing byin gyis brlabs/ /me'i bu yis zhes bya ba la sogs pa ni go sla'o/ /'dir yang phaT ni rjes su 'jug par bya'o/ /hUM phaT mtha' ru sbyar bar bya/ /zhes bya'o/ /hUM phaT mtha' ru sbyar ba zhes pa ni hUM phaT mtha' ru sbyar ba nges par mtha' ru mchog tu nges par byas te/sgra'i rkyen med pa'i tshig ni shin tu ring bar brjod pa'o/ /'di ni zhes pa ni sngags kyi tshig gi tshogs so/ /'jig rten gsum ni seng ge dang / /'phrog byed dbyig gi snying po ste/ /ma lus pa las rgyal ba'o/ /zhes bya ba ni 'jig rten gsum las rnam par rgyal ba'o//lhag ma ni go sla'o/ /oM zhes bya ba la sogs pa la sngags kyi tshig bzhi po'i oM ni gsal byed de/ de'i phyir oM gyi rang bzhin brjod pas hUM dang phaT dang sngon du song ba'i hUM phaT dag mtha' ru sbyar ba'i sngags rnams gang yin pa de ni de bzhin no/ / de nas sngags ni 'di yin te/ oM sum+b+ha ni sum+b+ha huM hUM phaT/ oM gr-ih+Na gr-ih+Na huM hUM phaT/ oM gr-ih+Na pa ya gr-ih+Na pa ya huM hUM phaT/ oM A na ya ho/ /b+ha ga wA na badzra huM hUM phaT ces bya'o/ /rig rgyal 'khor los sgyur ba yi/ /zhes pa ni rig pa ni lha rnams te/ de rnams kyi rgyal po zhes pa ni rig pa'i sngags so//rig pa'i rgyal mo'i ming can 'di rnams kyi nang nas 'khor los sgyur ba ste/ de kho na nyid bsdus pa la sogs pa gang yin pa de'i dkyil 'khor bsrung ba'i sngags 'di yin no/ /de nyid kyi phyir/ de nyid bsdus dang dpal mchog dang / /bde mchog rdo rje 'jigs byed du//khro bo bzhi dang yang dag ldan/ /sku brgyad dang ni bcas pa ru/ /dkyil 'khor bsrung ba'i don du yang / /gdug pa kun las khyad par du/ /zhes gsungs so/ /sku brgyad ni 'jig rten skyong ba brgyad do/ /gdug pa can kun zhes pa ni gdug pa can thams cad la dkyil 'khor bsrung ba'i don du'o//'di ni zhes pa ni sngags kyis so/ /'chi bar 'gyur zhes pa ni gdug pa can gang yang rung ba'o/ /'khor lo'i sbyor bas brjod pa zhes pa ni rang nyid las shes rab la de nas bdag rab tu zhugs par bya zhing bzlas na dngos grub thams cad kyi 'bras bu bskyed do/ /sngags kyi tshig rkang bzhi po zhes pa ni sngags bsdus pa ste/oM zhes bya ba la sogs pa gsungs pa'o/ /de la 'dir gzhan yang hUM dang phaT sbas pa'o/ /rdza rnga bcings pas sngags btu ba brjod pa gang yin pa de yang yin le'u yang yin pas de ni de bzhin no/ /sum cu ni sum cu pa'o zhes bya ba ni dpal 'khor lo sdom pa'i le'u sum cu ba'i dka' 'grel lo// //nyi shu rtsa bdun par mchod pa dang gtor ma'i bya ba mdor bstan pa dang / nyi shu rtsa brgyad par sbyin sreg mdor bstan pa rgyas par bshad pa'i don du le'u 'di ste/ de nas zhes bya ba la sogs pa gsungs te/ de nas sbyin sreg go/ /de dag kun zhes pa ni bla ma dang sangs rgyas dang byang chub sems dpa' la gnod pa byed pa'o/ /rdo rje skyes ni sku rdo rje la sogs skyes pa'o/ /dpal gsang ba 'dus pa las/ sha chen de dag thams cad kyi/ /'jigs byed rdo rje skyes bu dran/ /zhes gsungs so//yang na dbyer med pa'i ye shes las skyes pas na rdo rje skyes so/ /ci'i phyir de ltar yin zhes pa la yin zhes bya ba la sogs pa gsungs te/ de ni de rnams kyi don no/ /de yang gang gi phyir sha chen pos gdug pa can thams cad 'jigs byed chen po yin pas de ltar na sha chen po des bya'o zhes pa'i don to//'dis ni sbyin sreg gzhan las lhag par brjod pa'o/ /shin tu gdug cing drag po la/ /zhi ba dag ni rigs ma yin/ /zhes gsungs pa'i phyir de rnams ngan song du 'gro ba dgag pa'i don du de ltar da la nges pa'i bzlog par bya'o/ /de ltar zhes pa ni gdug pa can nyams par byed pa ni khyi la sogs pa'i shas kyang sbyin sreg byed pa'o//bza' zhes pa ni mchod pa'i don du bza' ba'o/ /sha de rnams nyid kyis mchod pa la sogs pa'i bya ba bya'o zhes pa'i don to/ /ci 'dis mngon par 'dod par 'gyur ram mi 'gyur zhes pa'i rnam rtog gis dpyod pa'o//de las phyin ci log ni ma dpyad pa'o/ /de ci zhes pa 'grub cing zhes bya ba la sogs pa gsungs so/ /ma lus pa ni lhag ma med pa ste/ ral gri la sogs phul du byung ba ma lus pa grub pa gang yin pa de ni ma lus pa ste sangs rgyas nyid do/ / rgyal srid thams cad ni 'khor los sgyur ba'o/ /de dag rang nyid kyis srog bcad pa ma yin par gzung ba'o/ /spyod par byed pa'i rnal 'byor pas snod ni thod pa la bya'o zhes bstan pa'i phyir dung dang zhes bya ba la sogs pa gsungs so/ /mu tig ni mu tig bskyed pa'i srog chags kyi khyad par te/de'i rus pa'i khyad pa la yang mu tig gi sgras brjod do/ /ji ltar dung la sogs pa rig byed pa rnams kyi dag byed yin pa de thod pa yang yin no/ /srog chags kyi yan lag tu khyad par med par bstan pa'i phyir gsum char rgyu las byung ba yin no zhes gsungs so/ /rgyu ni las dang nyon mongs pa dang phung po la sogs pa'o//des dung la sogs pa gsum po'i rgyu de las byung ba'o/ /de bzhin mi yang yin no/ /de bas na rig byed smra ba rnams thod pa la ci'i phyir smod par byed/ 'on te sman la sogs pa bzhin nye bar mkho ba yin pas dung la sogs pa ni dag byed nyid du bya ba ste/des na dgos pa mthong ba yin no zhe na/ ci bcom ldan 'das kyis kyang thod pa la dgos pa mthong ba ma yin nam/ gang gi phyir rin po che skye 'gro thams cad kyi thun mong rang gi ngo bo nyid du shes pa ni ma yin no/ /su zhig smod ces pa la chos kyi ye shes lus can zhes gsungs so//chos rnams ni phung po la sogs pa rnams te stong pa nyid la sogs par rtogs pa ni ye shes so/ /de nyid kyi rang bzhin gyi lus gang yin pa de ni de bzhin te rnal 'byor pa'o/ /de rnams te sgra'i bdun pa'i don la drug pa'o/ /de nyid kyi phyir dpal he ru ka yang de 'dzin pas su zhig smod ces bstan pa'i phyir/thod pa zhes pa la sogs pa gsungs so/ /thod pa'i phreng ba'i ngang tshul gang la yod pa de ni thod pa'i phreng ba can te/ spyi bo la sogs pa nyid dam thod pa'i phreng ba gang la yod pa ni sgra'i mu tig gi don du i ya'i rkyen byin pa ste/ de bas na dbu la thod pa lnga'i phreng ba 'chang ba'o//dpa' bo ni grogs med pa nyid kyi phyir ro/ /zla phyed nyid du byas pa ni 'dus nas brgyan pa gang yin pa de yang zla ba phyed pas rgyan du byas pa'o/ /nag nog med pa'i rnam par dag pa'i sprul par gzung ba'i phyir zla ba phyed pa 'chang ba'o/ /dpa' bo rnams kyi nang nas kyang gang yin de la dpa' bo ste/seng ge dang 'phrog byed la sogs pa las de rgyal ba gang yin pa de ni dran pa ste rab tu grags pa na ci'i phyir smad par byed/ brda ni lnga bo bstan dang zhes pa ni rdo rje phag mo la sogs pa lha mo lnga brjod pa'o/ /ral pa'i cod pan gyi thod pa lnga de bstan pa ni bsgom par bya'o//sgrub ba po'i lag g.yon ni/ /zhes pa ni bstan par bya'o zhes sbyar ro/ /ni ni khyad par ro/ /g.yon pa'i lag pa la gnas pas dam tshig la sogs pa sbyin no zhes dgongs so/ /ci'i phyir zhes pa la dpa' bo rnams zhes bya ba la sogs pa gsungs so/ /dpa' bo rnams ni rdo rje sems dpa' la sogs te/de rnams kyi gnas ni lag pa g.yon pa'o/ /'di ni gang gi phyir ro/ /gang gi phyir g.yon pa'i lag pa ni brda ste/ dpa' bo dang dpa' mo'i dbang phyug ma rnams rab tu 'jug pa la brdar byas pa'o/ /de rnam par dag pa ni 'di ste/ g.yon pa zhes bya ba la sogs pa gsungs so//g.yon pa ni stong pa nyid do/ /stong pa nyid kyi chos rnams las stong pa nyid kyi chos rab tu skye'o zhes gsungs pa'i phyir ro/ /g.yon ba ni shes rab bo/ /de las byung ba 'gro ba thams cad kyi phung po la sogs pa'o/ /gang gi phyir thams cad sdig pa med pa tsam gyis ni don gyi bya ba cung zad kyang mi byed do//khams gsum zhes bya ba la sogs pa phyi rol du yang de bzhin du zhes sgrub pa yin no/ /lag pa'i mchod pa bstan pa'i phyir rdo rje sems dpa' zhes gsungs te/ rdo rje sems dpa' ni sngo bsangs te mthe bong la bsgom par bya'o/ /yal ga ste mdzub mo la rnam par snang mdzad do//gtso bo ste gung mo la pad+ma'i gar te pad+ma gar gyi dbang phyug go/ /'chang ba ni srin lag ste dpa' bo ni dpal he ru ka'o/ /mthe chung la ni nam mkha'i snying po zhes pa ni sgra'i rkyen med pa'o/ /de yang chung la ni phra ba ste/ rtogs par dka' ba'i ngo bo nyid kyi phyir ro//mi zad pa zhes pa ni zad pa med pa'o/ /nam mkha'i snying po ni rdo rje nyi ma'o/ /sor mo thams cad kyi sen mo la rta mgrin no/ /dang ni bsdus pa'o/ /de dag ni g.yon pa las byung bar bstan pa'i phyir gnas su zhes gsungs so/ /bdag tu 'dzin pa la sogs pa'i rang bzhin rnam par dpyad pas nyams shing mi mthong bas na/rdo rje sems dpa' la sogs pa ltar byung ba de bzhin no/ /'di zhes pa ni sgra'i drug pa'i don gyi dang po'o/ /de dag la dpa' bo thams cad g.yon pa las yang dag par byung ba'o/ /lag pa ni rgyu'o/ /lag pa'i mthil zhes pa ni lag pa'i dbus su'o//he ru ka dpal rdo rje phag mo'o/ /'dir brjod pa lag pa'i dbus su 'dab ma brgyad dang bcas pa'i pad+ma'o/ /de'i ze 'bru la dpal he ru ka dang snyoms par 'jug pa'i rdo rje phag mo'o/ /shar gyi 'dab ma la mkha' 'gro ma'o/ /byang du lA ma'o//nub tu dum skyes ma'o/ /lhor gzugs can ma'o/ /dbang ldan du gshin rje ma'o/ /mer rmongs byed ma'o/ /bden bral du skyong byed ma'o/ /rlung du skrag byed ma bsgom par bya'o/ /'di ni lag par dgod pa ste/ mdza' ba thams cad 'dus pa yin/ /zhes bya ba ni lag pa la lha dgod pa gang yin pa'i cho ga brjod pa ni de lag par dgod pa'o//yid du 'ong ba thams cad 'dus pa de ni de bzhin no/ /de ltar rim pa 'dis dpa' bo mchod par bya'o/ /mkha' 'gro ma la sogs pa'i ming gzhan ston te/ sa ni zhes bya ba la sogs pa gsungs so/ /'o byed ma ni rdo rje phag mo'i ming gi bye brag go//de nyid stong pa nyid de stong pa nyid la stong pa nyid rnam par dag pa zhes pa'i don to/ /de'i phyir pha rol tu phyin pa zhes bya'o/ /gang sbyin pa dang / tshul khrims dang / bzod pa dang / brtson 'grus dang / bsam gtan gyi pha rol tu phyin pa ni mkha' 'gro ma la sogs pa nas rdo rje phag mo'i bar du rim pa bzhin shes par bya'o//de bzhin zhes pa'i sgras ni shes rab kyi pha rol tu phyin pa ni pha rol tu phyin pa lnga ru son pa yin no zhes bstan pa yin no/ /dbus su dpa' bo kun gyi gnas/ /zhes pa ni dbus su dpa' bo thams cad kyi rdo rje'i zhabs kyis gnas la rol pa lta bu'o zhes shes par bya'o//dpa' bo thams cad kyi rol par gnas pa rnam par dag pa lag pa'i dbus su zhes dgongs so/ /mkhas pas rgyab tu gshegs su gsol/ /zhes pa ni lag pa'i rgyab tu lha thams cad me long gi gzugs brnyan bzhin du blta'o zhes pa'i don to//de'i lag pa'i steng dang rgyab tu bsgom par bya ba ni khyad par can gyi don du ni'i sgras bstan pa'o/ /de'i phyir gang de ltar mthong ba de ni mkhas pa'o/ /lnga po yang ni brdas bstan bya/ /zhes pa ni bdud rtsi lnga yang brdas brjod par shes par bya'o/ /de yang lag pa la dgod pa'i yul de nyid la bstan pa'i yul la de nyid bdud rtsi rnam pa lnga la b+h+rUM AM dzrIM khaM hUM gi sa bon las bskyed pa'i rnam par snang mdzad la sogs pa'i bdag nyid yi ge gsum gyis byin gyis brlabs par yang dag par bsgrubs la rab tu gtum mo la sogs pa rnams la oM pra tsaN+Di huM hUM phaT/oM khaN+Da ka pA le huM hUM phaT phaT ces bya bas thams cad kyi ming gzung ba sngon du song bas mthe bong dang srin lag gi khas lan nyi shu rtsa bzhir tshim par bya ba'i phyir sbyin par bya'o/ /lce la yang lan cig gzhag pa ni bdud rtsi lnga nye bar longs spyod pa'i don gzhan du shes par bya'o//des ni mchod par 'gyur ro/ /brda yang lag pa la bkod pa sngon du 'gro bar bya'o zhes shes par bya'o/ /thod pa la sogs pa la de ltar bdud rtsi rnam pa lnga byas la lag pa la dgod pa sngon du 'gro bas myang bar bya'o zhes rtogs par bya'o/ /rgyud kyi don ni mang po nyid kyi phyir ro//dpa' bos brda bya ba ni mchod par bya'o zhes pa'i don to/ /de ltar 'dir ni zhes pa ni 'dis bdud rtsi lnga la sogs pa'i cho gas zas ni ma bgos par snod gcig tu gtogs par bza'o zhes pa'i don to/ /zas la longs spyad pa'i 'bras bu ni/ dpa' bo thams cad mnyam sbyor ba//mkha' 'gro ma yi dra ba sdom/ /zhes gsungs so/ /he ru ka nyid yin zhes pa'i don to/ /bza' ba dang / sbyin sreg dang / gtor ma'i bya ba dang / gzhan brda'i cho ga brjod pa gang yin pa de le'u yang yin pas de de bzhin no/ /sum cu rtsa gcig ni sum cu rtsa gcig pa'o zhes bya ba ni dpal 'khor lo sdom pa'i le'u sum cu rtsa gcig pa'i dka' 'grel lo// //da ni mchod pa la sogs pa sgrub pa'i thabs kyis tshig gi don gyi le'u ni de nas gzhan yang zhes bya ba la sogs pa gsungs so/ /de nas ni mchod pa la sogs pa bstan pa las gzhan yang dag par brjod pa ste/nges par yang dag par brjod bzhin pa nyid kyi phyir ro/ /de gang yin zhes pa la/ bza' dang ston mo 'dus pa ste/ /zhes gsungs so/ /bza' ba ni phyugs la sogs pa'o/ /ston mo ni longs spyad par bya ba bsags pa gang yin pa de ni de bzhin te/sngags kyi nus pas so/ /gang gis bza' ba dang ston mo la 'dus pa yang dag par mdzes par byas pa'i lha'i rnal 'byor la sogs pa gang yin pas bza' ba dang ston mo la 'dus pa de ni de bzhin no/ /dngos grub ni phyag rgya chen po'i dngos grub bo//myur ba ni tshe 'di la'o/ /mchod pa la sogs pa'i rdzas ni phyugs rnams kyis ni zhes bya ba la sogs pa gsungs so/ /dgug pa ni thun mong du'o/ /dngos grub rnams kyi nang nas gtso bo phul du byung ba logs shig tu byas pa'o/ /nyid ces pa ni gang phyugs rnams kyis gtso bo nyid gzung zhes pa'i don to//de sgrub pa po ji lta bur zhes pa la ston te/ sngon du bstan pa'i rim pa'i lha'i rnal 'byor gyis mchod par bsgrub par bya zhes pa de ni de bzhin du brjod do/ /sgrub po sngar bstan rim pa yis/ /phyugs rnams kyis ni dgug pa nyid//ces gsungs te/ phyugs zhes bya ba la sogs pa la dang ni yang gi sgra'i don to/ /de bzhin zhes pa ni ji ltar phyugs yin pa de ltar rab tu bsgrub po zhes pa'i don to/ /bong bu ni bong bu'o/ /mi ni rab tu grags pa'o/ /kha cig na re nags kyi mi yin zhes zer ro//rus sbal ni rus sbal lo/ /rnga mo ni mgrin rings so/ /ce spyang ni rab tu grags pa'o/ /bong bu mi rus sbal rnga mong ce spyang zhes pa ni dang po'i mang po'i tshig phyis pas re zhig lnga po ni gtso bo'o/ /rta la sogs pa zhes pa ni lhan cig pa'i don la sgra'i gsum pa'o//sogs kyi sgras khyi dang ba lang yang ngo / /phyugs 'di dag ni bsgrub yan lag/ /ces pa ni phul du byung ba'i dngos grub nyid kyi yan lag gi rang bzhin gang yin pa de ni de bzhin no/ /thun mong gi dngos grub kyang de rnams kyis 'thob pa ni/ /dngos grub sgrub pa nyid du yang / / zhes gsungs so/ /dgug pa dang ro langs la sogs pa'i dngos grub kyang sgrub cing rdzogs par byed do/ /nyid ni nges pa'i don to/ /dang ni dngos grub bsdu ba'o/ /yang phyugs dgug pa ni rigs rnams la ni zhes bya ba la sogs pa gsungs so/ /dngos grub kyi bdag por byed pas na rigs te mi'o//mi'i rigs rnams kyi nang nas bram ze'i rigs ni phyugs so/ /rkang bzhi pa bong bu la sogs pa las glang po che'o/ /de'i phyir/ rkang bzhi rnams la glang po dang / /zhes gsungs so/ /glang po che'i sgra ni i'i mtha' can du yod do//'dab chags rnams la dang zhes pa ni dgug pa'i skabs su phyin pas 'dab chags dgug pa yang ston te/ khwa la sogs pa'i nang nas ngang pa nyid ni gtso bo'o zhes pa'i don to/ /de yang ngang gis ni ngang pa'i rgyal po gzung ngo / /dud 'gro rnams las rus sbal rgyal/ /zhes ba ni/chu las skyes pa'i dud 'gro rnams las rus sbal rgyal ba de rus sbal ni gtso bo'o/ /de yang gang bsad pa ma yin par rab tu grags pa'o/ /lha rnams kyis ni kha g.yo ba/ /zhes pa ni ra dang ma hi sha dang khyim bya'o/ /kha g.yo bar byed pas na kha g.yo ba ni ra la sogs pa'o/ / ci de rnams kyi kha g.yo zhes pa la ston to/ /sna tshogs kyi gzugs kyi rol bas na lha ste/ lha ma yin la sogs pa'o/ /dngos grub bsgrub pa'i dkyil 'khor du/ /phyugs 'di dag ni yang dag brjod/ /ces pa ni phyugs 'di dag dang 'dab chags 'di ni mnyam par sangs rgyas kyis brjod pa'o//dngos grub bsgrub pa yang yin la de dkyil 'khor yang yin bas de de bzhin no/ /de la mchod pa'i don de 'dab chags dgug pa ni khwa dang zhes bya ba la sogs pa gsungs so/ /chu skyar ngang bzhad ni rab tu grags par zad do/ /gnyis skyes sngags chen ni ne tsho'o//khrung khrung ni chu bya'i phye brag go/ /khwa dang chu skyar ngang bzhad dang / /gnyis skyes sngags chen khrung khrung dang / /sA ra sa dang ka dam pa/ /'di rnams gtso bo dang po yin/ /zhes dgongs so/ /'di rnams kyang gtso bo ni dang ba yin no zhes gong du bstan to//de gal te ngang pa'i sgras rgyal rigs sam rnal 'byor pa'i khyad par yin no zhes kha cig 'dod do/ /de'i tshe ni 'di ltar bshad par mi bya'o/ /'di rnams kyi ci zhes pa la/ bza' dang gtor ma sbyin sreg bya/ /zhes gsungs te/ bza' ba ni bza' ba'o/ /'dis ci zhes pa la/'dod pa kun gyi grub par 'gyur/ /zhes gsungs te/ khwa la sogs pa nas ka dam pa'i bar du bza' ba dang sbyin sreg dang gtor ma bya ba zhes 'grub po/ /khwa dang chu skyar ngang bzhad dang / skye gnyis sngags chen khrung khrung dang / /sA ra sa dang ka dam pa/ /bza' ba dang ni sbyin sreg dang /gtor ma'i bya bas 'grub pa la/ /zhes pa ni bsags pa'i tshig go/ /yi dags chen po'i sgrub thabs ni/ kriSh+Na zhes bya ba la sogs pa gsungs so/ /gnod mdzes kyi sngags sam rtsa ba'i sngags kyis sngon du bsnyen par byas shing mtshan ma thob pas rma med cing ma rul pa'i ro blangs la dur khrod du mtshan phyed na khyi nag mo'i 'o ma la 'bras ma god pa dang ma sha nag po bsgre zhing de'i kha nyid du sngags kyis sbyin sreg bya'o//de ni nag po zhes bya ba la sogs pa gsungs so/ /khyi nag mo'i 'o mas sgrub pa pos sbyin sreg bya'o/ /mchog tu gyur pa nyid de sngon du bsnyen pa byas pa nyid bstan to//sa 'og ni sa 'og gi dngos grub ste bug par 'jug pa'i dngos grub ces pa'i bar ro/ /'grong ni rab snang la 'gro ba'o/ /ral gri ni ral gri'i dngos grub bo/ /'am gyi sgras ni 'khor lo la sogs pa'i dngos grub bo/ /phan 'dogs pa ni rjes su gzung ba'o//tshar bcad pa ni gdug pa can gzhom pa'o/ /ri lu mig sman gter rnams sam/ /rkang mgyogs dag gam bcud kyis len/ /zhes pa ni 'am ni bsdus pa'o/ /gzhan ni go sla'o/ /dngos grub ni 'di rnams nang nas gang cung zad dngos grub byin nas 'gro'o/ /gzhan du nges pa med pa'i phyir ro//steng dang 'og tu pho nyas 'grub/ /rgyud 'dir the tshom med pa yin/ /zhes pa ni 'og ma'i rnal 'byor ma ni sa gzhi la gtogs pa'o/ /steng gi rnal 'byor ma ni bar snang la gtogs pa'o/ /de'i dngos grub ni dngos grub tu 'gyur ro zhes dgongs so/ / lci ba'i thal ba nyid dang zhes pa ni lci ba ni lci ba skam po'o/ /de bzhin lhag ma mgo skam zhes pa ni lhag ma ni sgron bu'o/ /mgo skam ni ha ri tha'o/ /de zhes pa ni phreng ba de'i don du'o/ /rus sbal zhes pa ni rus sbal gyi rus pa la phreng ba bya'o/ /ro langs kyi bsgrub pa la nges par 'di dag yin no//zhi ba dang / rgyas pa dang / dbang dang / mngon spyod la/ /bo de tse ni las kun byed/ /ces bya'o/ /gdan bzhi nas gsungs pa bzhin du/ /las gzhan rnams ri lu blta bar bya'o/ /phyag bzhi zhes bya ba la sogs pa la ro langs bsgrub pa la rdo rje dang mdung dang / thod pa dang / kha T+wAM ga phyag bzhin 'chang ba bsgom par bya'o zhes sbyar ro//dkar po dang / ljang gu dang / dmar po dang / ser po ni shar dang byang la sogs pa'i bcom ldan 'das kyi zhal bzhi'o/ /ji srid phyag ni 'bum gyi bar/ /zhes pa ni zhal dang phyag la nges pa med par dgongs pa'o/ /'on kyang gdams ngag la bltas so//yang na zhal bzhi ni dkar po nyid do/ /mtshan ma ni man ngag las so/ /de'i phyir gzhan du yang de ltar gdams ngag las shes par bya'o/ /de bzhin zhes pa ni/ gdams ngag ji lta ba bzhin du/ zhes pa'i don to/ /rdo rje phag mo de la gzigs/ /de yi mdog dang mtshon cha 'chang //zhes pa ni rdo rje dang thod pa 'chang ba'o/ /'di yang zhal bzhi nyid do/ /bcom ldan 'das dkar bas bcom ldan 'das ma dgar ba'o/ /'dir bsgom pa'i rim pa shes pas lha sum cu rtsa drug thams cad kya grangs kyang zhes pa'i don to/ /rtag tu dus gsum du bsgom par bya'o//phyag dang zhal 'bum la sogs pa la ni g.yas thams cad du rdo rje dang g.yon mdung ngam yang na ni kha T+wAM ga dang thod pa dang / zhal thams cad ni dkar po'o/ /gzhan thams cad ni sgrub pa'i thabs rim pa las shes par bya'o/ /dur khrod 'dab chags dang / phyugs bong bu la sogs pa dang /ro langs yi dags dang / de rnams bsgrub pa'i bskyed pa'i rim pa brjod pa gang yin pa de'i le'u yang yin pas sum cu gnyis pa ste sum cu rtsa gnyis pa'o zhes bya ba dpal 'khor lo sdom pa'i le'u sum cu rtsa gnyis pa'i dka' 'grel lo// //da ni bsnyen bkur sngon du 'gro bas mchod pa la sogs pa la rjes su gnas so zhes bstan pa'i phyir/ de nas zhes bya ba la sogs pa gsungs so/ /de nas ni mchod pa la sogs pa rjes su gnas pa gzhan la yang gzhan gyis ji ltar 'gyur ba de lta de ltar sgrub pa pos bya'o zhes sbyar ro//thams cad kyi bsgrub bya rnams rnal 'byor gyis 'thob pas gang de rnams la sgra'i rtags kyi bdun ba'o/ /bsnyen bkur bstan pa'i phyir/ /bza' dang zhes bya ba la sogs pa gsungs so/ /bza' ba ni go ku da ha na la sogs pa'o/ / ston mo ni zho dang mar dang phye mar ka ra dang la du la sogs pa'o/ /bza' ba mang po nyid kyi phyir ston mo ni zhol sogs pa nyid do/ /nya ni ro hi ta la sogs pa'o/ /sha ni ra la sogs pa'i sha'o/ /sogs kyi sgras ni gzhan yang ji ltar rnyed pa'i bza' ba la sogs pa'i khyad par ro/ / 'dis bya ba ni bya ste sgrub pa pos mchod do zhes shes par bya'o/ /rang bzhin gyi phyir de ltar mchod par byed pa'i sgrub pa po ni thun mong ma yin no zhes dgongs so/ /ci nus pa dang zhes pa ni nus pa dang zhes pa ji lta bur gyur pas des de la bya ba bya'o zhes dgongs so/ /de dag nus pas 'da' bar mi bya'o//bdud rtsi rnam pa lnga bskyed par mi nus shing lnga po yod pa ma yin na bza' ba la sogs pa yang bdud rtsi rnam pa lngar bsgom par bya zhing bsten par bya'o/ /'bad pas nges par ro/ /nub mo rtag tu bya ba ni/ /zhes pa ni re zhig nyin mo yang bza' ba la sogs ba bya zhing bsten par bya'o//nub mo ni nges par bya'o/ /ni'i sgras ni de'i don gyi phyir ro/ /de nas pho nya bza' ba sbyin/ /zhes pa ni bza' ba ni bza' ba la sogs pa bza' bar bya ba'i phyir longs spyod pa'o/ /rang gi yan lag mgor byas la/ /zhes pa ni rang gi lag par thod pa blangs la de nas bza' ba la sogs pa bza' zhing pho nya dang lhan cig tu mchod par bya'o zhes pa ni bsdus pa'i don to//dpa' bo gnyis su med pa mchod/ /ces pa ni snyoms par 'jug pa'i mchod pa yang dpa' bo dang lhan cig tu bsgrub par bya'o zhes pa'i don to/ / rang dang lhan cig ces pa'i gzhung la ni de la dpa' bo dang lhan cig pad+ma la chos 'byung du byas nas dpa' bo dang gnyis su med par mchod pa yang dpa' bo dang lhan cig tu bsgrub par bya'o zhes bshad do/ /ma'am yang na sring mo'am/ /bu mo'am yang na chung mar ni/ /zhes pa la mkha' 'gro ma lnga la sogs pa bzhin du brtse bar 'gyur na de dang lhan cig pas bcings pa las shin tu grol te thar bar byed do//de nas sngags ni grub 'gyur te/ /zhes bya'o/ /lha dus ji tsam du zhes pa la/ ji srid 'byung ba yod bar du/ /zhes gsungs so/ /ji srid 'byung ba ni nyon mongs pa rnams kyi phun sum tshogs pa'o//de gzhan du gyur pa'o/ /de lta bu'i rnal 'byor ma la bsnyen bkur bya ba'i phyir slob dpon zhes bya ba la sogs pa gsungs te/ slob dpon de lta bu'i lhan cig skyes pa'i lus blangs nas mchod pa len cing sgrub pa po dngos grub la nye bar ni bcom ldan 'das so//de lta bu'i slob dpon la mchod na rdo rje 'chang la mchod par 'gyur bas de la mchod pas/ de bzhin gshegs pa thams cad mchod par 'gyur/ /zhes dgongs so/ /dpa' bo rnams kyi gdan dang gnas/ /phyag rgya mtshan ma bsnams pa dang / /rdo rje zhabs ldan klu dang ni/ / gar ni g.yas brkyang ba yi zhabs/ /de ltar sgrub pa pos mnyam bar gzhag pas lha'i rnal 'byor gyi bdag nyid dpal he ru ka'i rnal 'byor gyi bdag nyid kyi che ba ji srid ces bya ba la sogs pa gsungs so/ /ji srid 'khor bar 'khor ba de srid du dpal he ru ka'i rnal 'byor gyi ye shes ma yin no/ / dang ni de srid kyi don byed pa'i phyir ro/ /mi rga ba yang ji tsam zhes pa la/ lus can thams cad ji srid du/ /zhes gsungs te/ ji srid lus can thams cad nyid/ /ces pa'i don to/ /phyag rgya dang lha rnams la mchod par bya'o/ /des ci zhes pa las mchod par bya zhes bya ba la sogs pa gsungs te/mchod pa zhes pa ni mchod pa ste mchod pa po zhes pa'i don to/ /dang po nas bsgrub pa rang bzhin gyis grub pa'i phyag rgya chen po ni lta'o/ /de ci ltar gyur pa de 'jig rten pas mi shes par bstan pa'i phyir/ nga rgyal can zhes bya ba zhes gsungs so//nga rgyal la sogs pa'i nyon mongs pa lhan cig thob pa ni nga rgyal can no/ /nga rgyal gyis bcings pas de mi shes so zhes bya ba'i don to/ /de bzhin du/ sngar gyi cho gas bsnyen bkur bya'o/ /zhes pa'i don to/ /phyi nas dpa' bo'i dpa' ba kun du spyad pa zhes pa ni sngar gyi rnam par rtog pa spangs te/dpa' bo'i sems mi rtog pa nyid la spyad par bya'o/ /re zhig mchod ni de ltar yin no/ /de nas de yis sa 'og la sogs pa'i dngos grub thams cad kyi sgrub pa por 'gyur ro/ /zhing dang zhes bya ba la sogs pa ni go sla'o/ /gsang ba'i mchod pa dang bza' ba la sogs pa byas pa dang /bsnyen bkur dang bla mar byas pa dang phyag 'tshal ba la sogs pa de brjod pa gang yin pa de le'u yang yin pas de de bzhin no/ /sum cu gsum ni sum cu rtsa gsum pa'o zhes pa ni/ dpal 'khor lo sdom pa'i le'u sum cu rtsa gsum pa'i dka' 'grel lo// //de nas zhes pa ni mchod pa dang bsnyen bkur bstan pa'i rjes su'o/ /mkha' 'gro ma'i dra ba'i 'khor lo brjod pa'i cho ga rgyas par bshad do zhes blta bar bya'o/ /mkha' 'gro ma rnams kyi ngo bo nyid ni mkha' 'gro ma'o/ /de nyid dra ba dang 'dra bas na dra ba yin te/nyon mongs pa'i chu srin la sogs pa 'chang ba nyid kyi phyir ro/ /de'i 'khor lo ni dkyil 'khor te mngon du brjod pa gang yin pa de ni cho ga rgyas pa yin no/ /las gang las de de bzhin du cho ga rgyas pa yi ni mkha' 'gro ma dgod pa la sogs pa'o/ /de gang zhes pa las gang gis//zhes bya ba la sogs pa gsungs so/ /de zhes pa ni dum skyes mas 'grub po zhes par bya'o/ /dpa' bo kun gyi dkyil 'khor la pad+ma'i lte bar nyi shu bzhi ni dpa' bo dang ldan pa'i rnal 'byor ma nyi shu bzhi dgod par bya'o/ /de'i phyir nges par sbyar te zhes gsungs so/ / de la nges par sbyar zhes pa ni nges par sbyar bar bya'o zhes pa'i gzhung yang de ltar nyid do/ /pad+ma'i lte ba'i sgra ni 'dab mar brjod pa yin te/ de'i phyi sgra'i mang po'i tshig go/ /smin ma'i bar du nges par 'jug /a wa d+hU tI gnas de bzhin/ /zhes pa ni/ gtso bo la sogs pa lha thams cad kyi spyan gsum pa bstan pa yin no//gang gi phyir smin ma'i dbus ni sna dang rjes su mthun pa'i dpral bar sdig pa 'joms pas a wa d+hU tI sems tsam mo/ /de'i gnas ni de'i mtshan ma ste spyan gsum pa'o/ /dpral ba yang gtso bo'i gnas so/ /'dis ni lha dgod par bstan pa'o//de lta bur gyur pa'i rnal 'byor pas sbyin sreg bya'o/ /dpa' bo 'chol ba'i zhal gyis ni/ /de nas me ru gzhan mi sreg/ /ces pa ni/ dpa' bo 'chol ba'i zhal na khro ba dang bcas pa'i zhal lo/ /des mtshan cing yod pa'i sbyin sreg bya'o/ /rdzas gzhan gyis ni mi bya ste phyugs kyi sha nyid do zhes dgongs so//phyugs zhes bya ba la sogs pa go sla'o/ /dang po bsreg bya lnga sbyin zhing / /de nas 'bar ba'i me la ni/ /bsreg bya dgu ni sbyin par bya/ /zhes pa ni go sla'o/ /me'i zhal du sreg rdzas byin la de nas lha'i zhal du sreg rdzas sbyin pa ni 'bar phreng zhes bya ba la sogs pa gsungs so//hom khung gi dbus su 'khor lo blta'o/ /kun nas kyi sgo ni sgo bzhi nyid kyi phyir ro/ /dpal he ru ka'i zhal bzhi'o/ /dpa' bo ni mtshon pa ste dpa' bo'i gnas 'khor lo/ dpa' bo dang ldan bzhi rnal 'byor ma rnams dang bcas par blta'o/ / zhes dgongs so/ /'dab mar pho nya bzhi po dang / /zhes pa ni 'dab ma zhes pa'i rigs tsam ste/ shar la sogs pa'i 'dab ma la mkha' 'gro ma bzhi yang ngo / /mkha' 'gro de bzhin lA ma dang / /dum skyes ma dang / gzugs tsan ma zhes bya'o/ /dpa' bo'i 'khor lo zhes pa ni/'khor lo gsum du gtogs pa'i dpa' bo dang gnyis su med pa dam pa'i bde ba nyams su myong bas gnas so zhes dgongs so/ /'khor lo gsum du gtogs pa'i rnal 'byor ma dpa' bo dang gnyis su med pa'i snyoms par 'jug pa yod pa de ni de bzhin no/ /gnyis su med pa'i bde ba zhes sbyar ro//dum skyes ma yi phyi rol sbyin/ /zhes pa ni rgyab kyi 'dab ma la dum skyes ma gnas par bya'o/ /rang gi gzugs ni mngon zhes pas/ /'khor lo dbus ni bstan par bya/ /zhes pa ni/ ni'i gcig ni khyad par gyi don to/ / ni'i sgra gnyis pa ni nyid kyi don to/ /rang gi ngo bo nyid las dang rjes su mthun par zhi ba la sogs pa la dkar po la sogs pa'i gzugs su bstan cing bsgom par bya'o/ /dum skyes ma ni phyi rol sbyin/ /zhes dgod pa gang gsungs pa'i cho ga de 'dir thams cad las gtso bo nyid du bstan pa yin no//dgug pa la sogs pa la de rab tu sbyar bar bya'o zhes shes par bya'o/ /'dod pa'i 'khor lo bstan pa ni/ /dngos grub thams cad rab sbyin byed/ /ces pa ni dpal 'khor lor bstan pa'i lha tshogs ni dngos grub thams cad rab tu ster bar byed pa la 'dod cing 'dun pa ni bsgrub pa'o//las dang rjes su mthun par zhes pa ji skad gsungs pa bzhin du shes par bya ste/ las dang rjes su mthun pa'i gzugs kyis kha dog bzhin du bsgoms la lha'i zhal du dgang blugs sbyin par bya'o zhes pa'o/ /sbyin sreg gi dbang du byas pa nyid kyis las dang rjes su mthun pa'i gzugs dang mdog ni ma yin te/'on kyang gzhan du yang ngo / /dngos grub thams cad rab sgrub byed/ /ces pa'i gzhung la sgrub pa'i khyad par byas pa'o/ /'khor lor bstan pa'i lha rnams kyis tshogs gang las zhes pa la/ rig pa'i rgya mtsho zhes pa la sogs pa gsungs so/ /dpa' bo zhes pa ni dpa' bo ni rdo rje 'chang ngo / /pho nya dang snyoms par zhugs pa la sbyin sreg bya'o zhes pa'i don to/ /pho nya dang gnyis su med par nges par mtshon pa'i sbyin sreg dang dgug pa de brjod pa gang yin pa'i le'u ni de de bzhin no//sum cu bzhi ni sum cu rtsa bzhi'o zhes bya ba ni 'khor lo sdom pa'i le'u sum cu rtsa bzhi pa'i dka' 'grel lo// //de nas zhes pa ni lha'i bkod pa brjod pa'i rjes su las kyi mchog yin no zhes shes par bya'o/ /de yang zhi ba la sogs pa'i cho ga'i sngags kyis bzlas pa'i mtshan nyid 'dod pa'i don gtso bor byed pa'i phyir ro//ji bzhin rim gyis mtshon pa ste/ /zhes pa ni drag po la sogs pa'i las kyis rim par mtshon cing rtogs pa'o/ /ji ltar sngags bzlas par bya ba zhes pa mchod pa'i bya ba ji lta bur gyur pa ni gnyis su med cing dbyer med pa'i rnal 'byor las snyoms par zhugs pa'i rdo rje phag mo dang 'khyud pa de'i bdag nyid kyi rang bzhin gang yin pa de ni de bzhin du so sor mchod pa'i las su legs par sbyar ro//rab tu grags pa'i sngags ni gang / /go rims ji bzhin tha dad de/ /zhes pa ni so so so sor dngos grub nus pa'i dang tshul gang yin pa de ni de bzhin te rtsa ba'i sngags la sogs pa'o//so so so sor ni zhi ba la sogs pa'i las la legs par sbyar ba de ni tha dad du blta bar bya'o/ /rim pa dang ni rim pa ma yin pa ni tha dad pa ste/ yi ge'i sngags zhes bya ba la sogs pa gsungs te/pho nya dang por gyur pa gang yin pa'i dpa' bo rnams te/ de ni pho nya la sogs pa bsngags shing bkur ba ste/ thod pa'i dum bu la sogs pa'i sngags dang pho nya la sogs pa gang yin ba de ni de bzhin te/ de'i sngags ni dpal he ru ka'i rkang pa brgyad pa la sogs pa'i sngags so//des sngags de bzlas par bya'o zhes shes par bya'o/ /ji ltar zhes pa la/ mda'i shugs bzhin yongs su 'khor/ /zhes gsungs te/ mda'i shugs ni sgra'i gsum pa phyis pa'o/ /mda'i shugs kyis yongs su 'khor ba'i sngags de nyid phan tshun sbyar ba zhes bya ba la sogs pa gsungs te/ni ni khyad par ro/ /zhi ba'i cho ga las lhod pa ste lag pa'i mthil du bsgrims bzhin pa thag pa bzhin du phan tshun gyi gnas su byas shing yang dang yang du gtogs pa'i yi ge gzhan gang yin ba de phan tshun du byas pa ni sngags te zhes bya ste mdor bsdus pa'i don to//'jug pa yis ni phye ba nyid/ /ces pa ni rang gi kha'i nang nas rab tu zhugs te yang rdo rje'i lam nas phyir phyung ste/ pad+ma'i lam nas lha mo'i snying gar rab tu zhugs te/ de de'i zhal nas byung ste de nas yang rang gi zhal du rab tu zhugs pa zhes bya'o//zhugs pa'i sbyor ba'i don ni/ drag po'i las rang gi kha nas lha mo'i khar zhugs te/ de nas yang pad+ma'i nang nas phyir phyung ste/ rdo rjer zhugs nas rang gi kha nas lha mo'i kha ru zhes pa ni rim pa'o/ /de lta bu'i cho ga rgyas par bya ba ni/ sa bon phreng ba de nas 'dzin//zhes gsungs te/ phan tshun du yi ge dmar por sngags kyi phreng bar bsgom par bya'o zhes shes par bya'o/ /hUM ni mtha' ru gnas par bya/ /zhes pa ni hUM bsgrub bya'i mtha' ru rab tu gnas pa gang yin pa de ni de bzhin no/ /hUM lha sbyin sod cig hUM zhes pa ni bzlas pa'i sngags kyi mthar huM hUM phaT phaT dang sngar gyi gnas su yang spel bar bya'o//de'i phyir bsgrub bya 'gog par gyur na ni/ gom pa gcig kyang mi 'da'o/ /zhes gsungs te/ ni ni nye bar gzung ba'o/ /hUM yig dag ni 'gog pa nyid yin no/ /kha sbyar sbyar bar gyur pa dang / /zhes pa ni zhi ba'i cho ga la ni oM lha sbyin swA hA/oM zhes sngon bzhin du spel ba'o/ /kha sbyor ni spel ba ste kha sbyor gyi ngo bo nyid do/ /sngon dang phyi ma dag la oM gyis dgag pa'o/ /rdo rje zhes bya ba la sogs pa/ hUM ni mtha' ru gnas pa yin/ /zhes pas rgyas par bstan to/ /drag po'i las la rdo rje ni hUM gi ming ste/des dbye bar bya'o/ /bsgrub bya'i thog ma dang tha ma dag ni hUM sbyin pa na dbye ba'o/ /ji lta bur gyur pa zhes pa la/ rdo rje lu gu rgyud bcings bas/ /zhes gsungs te/ rdo rje'i lcags sgrog bcings pa gang yin pa de ni de bzhin no/ /rdo rje sgro chun bzhin bskor te/ / zhes pa ni bskor ba ni sngags zhes shes par bya'o/ /shes rab dang thabs kyi kha la sogs pa rnams su sngags rab tu zhugs shing phyir byung ba dag ni myur bar bstan pa'o/ /drag po'i chog la rdo rje nag po'i phyag rgya can gyi dum skyes ma'o/ /zhi ba la dkar po g.yon pa na kha T+wAM ga bsnams pa'o//'gugs pa la ni lcags kyu nyid/ /ces pa ni gang gi tshe 'gugs pa de'i tshe dzaH/ lha sbyin khugs shig dzaH/ zhes spel ba ni snga ma bzhin du lcags kyu'i sgra ni dzaH'o/ /rtsa ba'i sngags bzlas pas lcags kyu'i phyag rgya can gyi dum skyes ma dmar mos bsgrub bya'i snying phug ste 'gugs so//skrod pa la de bzhin du gtun shing ngo zhes pa ni dpung la sogs pa bskyod pa na hUM lha sbyin la sogs pa bskyod cig hUM zhes spel lo/ /dum skyes ma yang rang gi mdog dang ldan ba gtun shing phyag na bsnams pa zhes pa ni de bzhin gyi sgra'i don to/ /bza' ba bza' ba la rdo rje nyid ni dum skyes ma rang gi gzugs 'chang ba'o//phaT lha sbyin zo shig phaT ces pa ni spel ba'o/ /dbug par bya ba la 'bigs pa ni mda'i phyag rgya can gyi dum skyes ma'o/ /phaT lha sbyin phug cig phaT ces spel lo/ /dus min 'chi las rgyal nyid yang / /yan lag kha T+wAM gdang sbyar//zhes pa ni/ dus ma yin par 'chi ba las g.yon du kha T+wAM ga bsnams pa ni dum skyes ma'o/ /hUM dkar po las bdud rtsi'i rgyun stong 'jag pa'o/ /hUM lha sbyin sod cig hUM zhes pa ni spel ba'o/ /thams cad du las la legs pa'i 'od dang bcas pa'o/ /dum skyes ma'i zhal du thod pa'i mchod yon sbyin pa ni/thod pa'i mchod yon zhal du ni/ /zhes gsungs so/ /mtshon cha nges par sbyar zhes pa ni mchod yon sbyin ba'i rjes la lcags kyu la sogs pa'i mtshon chas bsgrub bya'i yan lag la nges par sbyar bar bya zhing dum skyes ma bsgom par bya'o zhes dgongs so//gnyis med kyi las zhes bya ba ni snyoms par 'jug pa'o/ /zhi ba la sogs dang dus su 'tsho ba yang bzlog pa brjod pa gang yin pa de yang yin le'u yang yin pas de de bzhin no/ /sum cu lnga ni sum cu rtsa lnga'o zhes bya ba ni/ dpal 'khor lo sdom pa'i le'u sum cu rtsa lnga pa'i dka' 'grel lo// //de nas zhes pa ni gnyis su med pa'i las kyi rjes su'o/ /phyag rgya ni phyi rol gyi phyag rgya la mchod pa yin no/ /ji lta bur zhes pa la sngags kyi yi ge gsum dgod par rab tu grags so/ /sngags kyi dgod pa rab tu grags nas phyag rgya de mchod pa'o//yi ge gsum po'i sngags kyang ni/ /myur du dngos grub byed pa'i phyir/ /zhes pa ni phyir ni gang gi phyir ro/ /sngags kyi sbyor ba ni sngags zhes bya ba la sogs pa gsungs te/ sngags kyi yi ge gsum gyi sngags sbyar nas rnal 'byor ma la bsrub po zhes sbyar ro/ /rtags gnyis la zhes pa ni shes rab dang thabs gnyis kyi mtshan ma'o//de ni/ mkha' 'gro dpa' bo gnyis su med/ /ces gsungs te/ mkha' 'gro ma nyid mkha' 'gro ste/ /dpa' bo dang yod pa gang yin pa ni gnyis su med pa ste/ de'i rtags zhes dgongs so//hUM las rdo rje oM las pad+ma rdo rje'i nor bu dang pad+ma'i ge sar dag AHlas bskyed la sku la sogs pa la ye shes gsum bkod de rnal 'byor ma la bsrub pa'o/ /dag pa'i lus ni ci 'dod pa/ /zhes pa ni 'dir dag pa'i lus ni 'dir gnyis su med pa'i snyoms 'jug gi mchod par brjod do//dpa' bo mchod pa na nya dang sha la sogs pa la bya zhing gnyis su med par shes par bya la/ zhi ba la sogs pa'i las bya ba ni 'bad pas yi dam du bya'o/ /bye brag tu phye zhing so sor byas na zhi ba la sogs pa'i las ni phyin ci log tu phan tshun tha dad par sbyar bar bya'o/ / bsgrub bya de nyid kyi don ni/ tshar gcod pa dang zhes bya ba la sogs pa gsungs so/ /tshar gcod pa dang rjes su bzung ba'i don gyi dgos pa de la gnas pa ni sgra'i rtags kyi bdun pa'o/ /phan tshun sbyar zhes mdor bstan pa ste/ rgyas par bshad pa ni/ rnam dbye med ces bya ba la sogs pa gsungs te/rtsa'i lam rnams nas pad+ma'i lam rnams su sngar bstan pa'i rim pas sbyar ba'i sngags yin te/ de dag gi gnas skabs yin pa'i phyir ro/ /de nyid dbye bas las kyi ni/ /tshig gi dbye ba rab bsgrub bya/ /sbyor ba'i don rnams la zhes pa ni brjod pa'i don zhi ba la sogs pa rab tu bsgrub par bya'o//'dis 'grub pas gzhan du dngos grub brtsams pa thams cad bsgrub par bya'o/ /de kho na nyid kyi las kyi tshogs rnams grub par bya ba'i don du mchod pa dang / de yis dgug pa nges par brjod pa gang yin pa de le'u yang yin pa de de bzhin no/ / sum cu drug pa ni sum cu rtsa drug pa'o zhes bya ba ni dpal 'khor lo sdom pa'i le'u sum cu rtsa drug pa'i dka' 'grel lo// //da ni de nas zhes bya ba la sogs pas ni dbang du byed pa brjod pa rab tu rtsom ste/ bzlas pa bsgrub par bya ba'i las kyi rjes yin pas na de nas kyi sgra'o/ / gzhan zhes bya ba ni thabs so/ /yang dag pa ni so so so sor bye brag tu bya'o/ /bshad pa ni yang dag par rab tu bshad pa'o/ /gzugs ni lus te/ de bzhin gnon pa ni sems can te/ de'i sgrub thabs shes pa ni gzugs gnon pa'i sgrub thabs te thabs shes pa'i don to/ /de ni/ phan tshun bsgril ba'i gsang sngags ni/ mkha' 'gro ma dang gcig tu sbyar/ /zhes gsungs te/ rtsa ba'i sngags dang rig pa'i rgyal po dang mkha' 'gro ma'i sngags gsum gcig tu byas pa sman bsgrub par bya'o zhes bya ba'i don to/ /de nyid ni zos na zhes bya ba la sogs pa gsungs so//bzlas pa'i mthar ni skyug par bya/ /zhes pa ni zos nas skyugs pa de bkrus la yang de zos na skyug par bya'o/ /ga pur rjen pa dang bsres nas sngags gsum po nub mo mdun du thun mtshams gsum du bzlas pa bya'o/ /de nas bza' ba la sogs pa la btab ste byin na ji ltar gsungs pa bzhin du 'gyur ro//ba ser skya'i mar ni ser skya'i mar te/ lan bdun bzlas nas 'thungs nas skyugs par bya'o/ /de bdag nyid kyi gdong la byug par bya'o/ /de zhes pa ni byug pa'i rjes su'o/ /bskus zhes bya ba la sogs pa la bskus pa'i yan lag mar de de yis blang ba'o/ / ni ni sbyor ba bsdu ba'o/ /sA lu khur ba yang dag ldan/ /zhes pa ni sA lu'i khur ba'i rang bzhin gyi skyong bu byas la mar de yis btsos te/ de bza' ba nyid du sbyin bar bya'o/ /ni ni nyid kyi don to/ /thams cad nyid du sngags kyi bzlas pa go bar bya'o/ /gal te las ni ma btang na/ /zhes pa ni gal te grol bar mi 'gyur ro//til nag dag ni zos nas su/ /ske tsher bcas pa skyugs pa dang / /ru rta dang ni bshang lam byung / /lag skyes lto ba'i srin bu dang / /zhes pa ni dang ni rab tu sbyor ba bsdu ba'o/ /ni ni khyad par ro/ /ti la nag po ske tshe dang lhan cig tu zos nas skyug par bya ba dang /ru rta lan bdun du bshang ba'i lam nas phyir dbyung bar bya'o/ /lag skyes ni sen mo'o/ /lto ba'i srin bu ni lto ba nas phyir byung ba'i 'bu'o/ /bza' ba ni za bar bya'o/ /byug pa ni lus la'o/ /ba lang gi sha'i sbyin sreg ni khrag gis bskus zhes pa ni/ba lang gi sha'i sbyin sreg ni sbyin sreg gi don du de'i khrag gis bskus pa ste/ phyugs kyi khrag gis bskus pa'i phyugs kyi shas sbyin sreg byas na bsgrub bya lha'i rnam par shes pa dbang du 'gyur ro/ /yang lha ni 'jig rten pa'i lha ste sha ni phyugs nyid kyi'o//de'i phyir de'i zhes gsungs te/ mdun zhes pa ni dpal he ru ka thang ka'am lugs sku de'i zhal lam mdun nam rgyab tu'o/ /las thams cad pa'i thab khung du'o/ /mtshan bdun gyis ni 'grub par 'gyur/ /zhes pa ni mtshan mo bdun la dus gsum du sbyin sreg byas pas 'grub pa'o//rnyed dka' zhes pa ni dbang du bya ba'i cho ga'o/ /dam tshig spyod pa'i rnal 'byor mtshon/ /zhes pa ni dam tshig spyod pa'i mtshan nyid dbang du bya ba'i cho ga'o/ /skal ba dman pa ni de sngon bsod nams chung ba'o/ /bsod nams chung ba'i zhes pa ni da ltar yang bsod nams chung ba'i sgrub pa pos mi 'thob ste nga brnyes pas ni 'thob bo//dbang du bya ba gtso bor byas nas dbang gi las dang bya ba gang yin pa dbang gi las gtso bor sman la sogs pa sbyin sreg gi rnam pa de brjod pa gang yin pa de le'u yang de yin no zhes bya'o/ /sum cu bdun pa ni sum cu rtsa bdun pa'o zhes bya ba ni/dpal 'khor lo sdom pa'i le'u sum cu rtsa bdun pa'i dka' 'grel lo// //'di ni rgyud du gsungs pa'i sbas pa thams cad bstan pa'i phyir/ de nas zhes bya ba la sogs pa gsungs te/ brda ni TA zhes pa ni skyes bu'i zhes bya ba la sogs pa'i gzhung sngar bstan pa'i brda'o//ni ni khyad par ro/ /mkha' 'gro ma ni rab tu gtum mo la sogs pa'o/ /lus ni lag pa la sogs pa'i brda'i don te de'i mtshan nyid do/ /mkha' 'gro ma'i rigs kyi mtshan ma dang mdog dang dri la sogs pa'o/ /dpa' bo'i yan lag dbye ba ni mdog dang zhal dang /phyag la sogs pa'o/ /de ltar nyid ces pa ni sba bar bya'o/ /brda la sogs pa dang dbang gi yan lag gi dbye ba ni dpa' bo'i dbang phyug rnal 'byor pas mi bri ba dang / brjod par mi bya ba zhes bya ba blta bar bya'o/ /cung zad gang gis mdun mi gdon/ /zhes pa ni rgyud gzhan la sogs pa la brten pa'i mdun du rgyud 'di bklag par mi bya ba'o zhes bya ba'o//g.yon pa'i kun spyod legs sbas pa/ /zhes pa ni g.yon pa'i kun spyod ni dpal 'khor lo sdom pa'i rnal 'byor pas legs par sba ba ste brda la sogs pa'o/ /gsang ba'i mtshan nyid mkha' 'gro mas//sngags ni bag med pas 'don na/ /zhes pa ni glegs bam du gtogs pa'i mkha' 'gro ma la sogs pa bag med pas rang gi bya ba la ltos pa med par 'don ba dang / 'bri ba dang / klog pa la nga de la mi blta ba'i dngos grub la sogs pa mi mthong zhes pa'i don to//'on kyang gzhan yang gsungs te/ mkha' 'gro ma stong phrag du ma yis bza' ste/ de bza' bar bya bar 'gyur ro zhes bya ba'i don to/ /de'i sgras ni mgo g.yo bar ro/ /ci'i phyir zhes pa la ngan pa'i bdag nyid can zhes bya ba la sogs pa gsungs so/ /ngan pa'i bdag nyid ces pa ni rang gi don la aNa'i sgra'i rkyen byin pa'o//shin tu ngan pa'i bdag nyid ces pa'i don te bdag nyid khyad par du byas pa'i sems so/ /dam tshig ni sngags dang phyag rgya dang grub mtha'o/ /bram ze ni sangs rgyas so/ /sdig pa nyid spyod pas ni sdig spyod do/ /de'i phyir gdug pa can gyi spyod pa ste/chos dang mi ldan ba'i gnas skabs de ni sdig spyod do/ /rmongs pa zhes pa ni shin tu gti mug pa ste/ mngon par 'dod pa la mi sbyor zhing bslus pa'o/ /de zhes pa ni gang klog pa la sogs pa byed pa po de yang bdag gis mi skyob ste ngan pa'i bdag nyid gdug pa can gyi rang bzhin rnal 'byor ma rnams kyis bza' bar bya'o//'di ci'i phyir zhes pa la sbed cing yang dag par sdom zhing bsrung ba'i gsang ba ni rnal 'byor ma'o/ /ni ni yang gi don to/ /srung ba po rnams kyi nang na de phyugs nyid de/ rang nyid kyi phyir gsad par bya'o/ /de lta bu'i sgrub pa pos ni nyes pa chen po byas pa'i phyir ro//de bas na ni sgra ni khyad par ro/ /lhung zhes bya ba la sogs pa la sangs rgyas kyis gzigs pa'i 'jig rten ni sangs rgyas 'jig rten no/ /de'i phyir yang ltung bar 'gyur ro zhes dgongs so/ /de yang bla ma gsod cing dam tshig brlag par byed pa'o//gang gi phyir gang yang skyong zhing srung ba'i rgyud ni dpal he ru ka bltas 'jigs te/ de kho na nyid ma gtogs pa rnams 'jigs pa skyed par byed pa'i phyir ro/ /de ni bdag gi rjes su 'dzin no/ /rjes 'dzin pa ni brtse ba'i khyad par ro/ / mkha' 'gro ma zhes pa ni sgra'i gsum pa'i phyi ba'o/ /dge zhing dge ba'i gdong gis gang la de na ji lta ba yin no/ /de ltar rjes su 'dzin pa ni rjes su mthun par 'dod pa'o/ /bla mas kyang dgongs pa'o/ /gsang bar byed pa ni sped par byed pa ste/ de mthong na gzhan sgrub pa pos de la 'khyud pa'am/'di ni bdag gi phyogs su zhugs pa'o zhes 'jig rten pa rnams la legs so zhes bsgrub pa'i phyir ram sbed do zhes pa'i don to/ /dpa' bo 'dod ces pa ni dpa' bo nyid 'dod pa ste/ rgyun gyi ting nge 'dzin la 'jug cing sbyor ba'o/ /yang dag rab sbyin ni slob ma phun sum tshogs pa dang ldan pa'i zhes pa'i rnam par 'dod pa'o//rig par gyur na bla ma las thob pa'o/ /dpa' bo nyid thob pa ni 'jig rten pa'i tha snyad la 'jigs pa med pa'i phyir ro/ /he ru ka dpal brtul zhugs 'dzin/ /zhes pa ni rang gi bstan bcos byas pa yongs su skyong ba nyid kyi phyir sgrub pa pos dpa' bo nyid mthong dga' zhes par sbyar ro//mthong zhing zhes sngags 'di nyid ces pa ni/ dpal he ru ka'i rnal 'byor du mtshon cing mtshon pa la sgrub pa po dag gzhan gyi de lta bu la mthong zhing dga' zhes pa'i don to/ /ji ltar gsungs pa'i rtsa ba'i sngags brjod cing de dag dpal he ru ka'i brtul zhugs 'dzin pa la 'bad pas phyag byed cing dga' zhes par sbyar ro//de ci zhe na gsungs pa/ sangs rgyas kun la sogs pa mchog/ /ces pa ni rdo rje 'chang la sogs pa mchod par 'gyur ro/ /de la phyag 'tshal ba/ ji ltar nyid ces pa la gang gi phyir rnal 'byor pa de dpal chen dpal he ru ka'i rol pa dang ldan pa'o//de ltar rnal 'byor pas rnam par blta ba'i gtan nyid du de 'gyur ro/ /dran pa ni ci zhes pa la de dag ces bya ba la sogs pa gsungs so/ /thugs la gnas pa'i dpa' bo ni/ /dpal he ru ka'i brtul zhugs 'dzin ba de dag ni thugs kar gnas pa'i dpa' bo ste/dang po'i mang po'i tshig gi don la drug pa'i gcig gi tshig go/ /rnal 'byor ma dang gnyis med gnas/ /zhes pa ni sgra'i mang po'i tshig la a bris pa ni nges pa'i tshig gi cho ga'o/ /de'i phyir 'di'i don ni gang gi phyir 'di lta bu zhes pa la gang gi phyir de dag rnal 'byor ma ste/lha mo gnyis med gzugs kyis gnas/ /zhes bya'o/ /gang phyir de yis legs skyes pa/ /srog chags bsod nams mthong ba yin/ /zhes pa ni de ji ltar zhes pa la gang gi phyir de dpal he ru ka brtul zhugs 'dzin pa ni bsod nams mthong bas srog chags la dge ba bskyed par 'gyur ro//rol pa'i gnas ni chu bo la sogs pa gsungs so/ /yang dag par zhen pa'i spyan ni dpal he ru ka'i brtul zhugs 'dzin pa mthong ba na rjes su chags pa zhes bya'o/ /'dir ni sgras ni dga' ba'o/ /ri su la ni khung ngo / /tshang tshing ni ri'i nang gi nags tshal thibs po'o//gsang ba'i mi mo rnal 'byor ma/ /gang de gsang ba'i rnal 'byor ma'i gnas so/ /chu bo la sogs de dag thams cad dang khyad par du ni 'di'o/ /rnal 'byor ma yi gnas gzhan nyid/ /gsang ba'i rnal 'byor ma yi gzhi/ /brjod pa gang yin pa de le'u yang yin bas de de bzhin no//sum cu brgyad ni sum cu rtsa brgyad pa'o zhes bya ba ni dpal 'khor lo sdom pa'i le'u sum cu rtsa brgyad pa'i dka' 'grel lo// //de nas zhes pa ni rnal 'byor ma'i gnas kyi rjes su'o/ /rim pas dgong pas na rnam pa brgyad ni rnam pa brgyad ji lta ba bzhin no//de bzhin du rnal 'byor pas dngos grub chen po ni/ phyag rgya chen po'i dngos grub dpal he ru ka'i rnal 'byor pas so/ /sngags ni 'di yin te/ ki li ki li/ tsi li tsi li/ si li si li/ d+hi li d+hi la zhes bya'o/ /rig pa'i rgyal po'i sngags kyi lhag ma dang des na rnam pa brgyad dgod pa'o//ha hA he hai ho hau huM hUM zhes bya'o/ /lha mo'i sngags kyis kyang rnam pa brgyad du dgod pa'o/ /de nas zhes bya ba la sogs pa go sla'o/ /rnal 'byor ma rol bas 'jigs pa 'byung yang 'jigs pa mi bya'o zhes pa ni de la dpa' bo 'jigs kyang zhes bya ba gsungs te/kyang ni gang gi phyir ro/ /de la zhes pa ni rol pa nyid kyi phyir ro/ /dpa' bo mi 'jigs zhes pa ni/ /gang gi tshe dpa' bo mi 'jigs na de'i tshe lag pa g.yon nas bzung nas rang gi khyim du khyer ro/ /dpa' bo dang bcas pa ni gnyis ka'i dgos pa yin no zhes bstan pa'i phyir/lag pa g.yon nas bzung nas ni/ /de ni rang gi gnas su khyer nas gsungs so/ /mkha' 'gro ma dang lhan cig tu/ /zhes pa ni sgra'i gsum pa'i phyi ba'o/ /he ru ka dpal chags 'dod pas/ /zhes pa ni dpal he ru ka sbyor bar 'dod pa'o//mkha' spyod kyi go 'phang ni bde ba can no/ /de nyid rang gi grong zhes pa'i bshad pa'o/ /rga dang 'chi ba thams cad med/ /ces pa ni/ de dag rnam par rtog pa las skye ba nyid kyi phyir de bcom pas na de spangs zhes pa dgongs so/ /rnam par rtog pa bcom pa nyid ci'i phyir zhes pa la/sgrub pa po sngags lus can zhes gsungs te/ sngags kyi chos thams cad kyi rang gi ngo bo nyid dngos su byed pa ste/ de'i bdag nyid kyi phyir zhes dgongs so/ /mthong ba ni mkha' 'gro ma nye bar dmigs pa ste/ ha har dgod pa brjod pa gang yin pa de yang yin la le'u yang yin pas de bzhin no//sum cu rtsa dgu ni/ sum cu rtsa dgu'o zhes bya ba ni dpal 'khor lo sdom pa'i le'u sum cu rtsa dgu pa'i dka' 'grel lo// //da ni dbang du bya ba 'ba' zhig gis sbyin sreg gi le'u ni/ de nas zhes bya ba la sogs pa gsungs so/ / gang gi phyir dbang du byas pas sems can gang gi bstan pa la sbyor bar nus pa yin no/ /de yang dag par bshad par bya'o/ /de gang zhes pa la sogs pa/ /gang gis mi rnams dbang du 'gyur/ /zhes gsungs so/ /sbyin sreg gang gis nges par sems can dbang du byed ces pa'i don to//de yang dus ji tsam na 'grub ces pa la/ zla bas 'grub par 'gyur zhes gsungs so/ /ji lta bur gyur pa'i dpa' pos so/ /rnal 'byor sngags kyi cho gar gnas/ /zhes pa ni sngags la sogs pa sngon du 'gro zhes pa'i don to/ /rnal 'byor pa gang gis 'grub ces pa la/ sngon ma nya dang bcas pa yis//zhes gsungs te/ sha ni sngon du gsungs pa'o/ /nya yang ngo / /shas ni phyi'i sbyin sreg bya bas nang gi bya ba'o zhes shes par bya'o/ /gnas skabs thams cad du yang phyag bzhi pa la sogs par yang dpa' bo dbang phyug dpal he ru ka yis so/ /zhag bdun gyis so zhes bya'o//zla ba gsum du thun mtshams gsum du brgya rtsa brgyad kyis sbyin sreg sbyin par byas la/ de nas zhag bdun du sbyin sreg byas na bsgrub bya 'grub par sgrub pa po la ster ro/ /mtshan mo sbyin sreg byed la gzhol/ /zhes pa ni mtshan mo ni shes rab ste brdar byas pa nyid kyi phyir ro//shes rab dang ldan pas sbyin sreg bya'o zhes dgongs so/ /de nyid ni brgyu dang zhes bya ba la sogs pa gsungs so/ /thams cad du ni bsdu ba'o/ /phyed kyi zhes pa ni lnga bcu rtsa bzhi'o/ /de'i phyed ces pa ni nyi shu rtsa bdun no/ /blon po ni mi 'thab 'dum pa la sogs pa dbang du byed do zhes sbyar ro//yul dpon la sogs pa ni yul dpon dang grong dpon la sogs pa'i don to/ /sum cu rtsa gnyis sbyin sreg bya'o/ /sbyin sreg rim gyis sbyin sreg bya/ /zhes pa ni/ rigs kyi rim pas sbyin sreg bya/ /zhes bstan pa yin no/ /de nyid ni nyi shu zhes bya ba la sogs pa gsungs te/bram ze la ni sbyin sreg nyi shu sbyin par bya'o/ /dmangs rigs nyid la zhes pa ni sbyin sreg gsum mo/ /mthar skyes pa ni sbyin sreg gcig ces pa ni lan re re sbyin sreg bya ste/ sbyin sreg bya'o zhes pa'i don to/ /gtum mo la sogs pa'i don to//lhan cig la ni mnyam brten nas/ /zhes pa ni dpal he ru ka la mnyam par brten nas so/ /sbyin sreg la nges pa dang brtul zhugs la sogs pa ni nges pa med do zhes bstan pa ni/ 'dod pa bsten nas zhes bya ba la sogs pa gsungs te/ gzugs dang sgra la sogs pa'i 'dod pa la cho ga sngon du song ba ste/lha'i rnal 'byor gyi cho ga sngon du song bas bsten par bya'o/ /'dod pa'i yon tan lnga la goms shing sbyin sreg bya'o zhes dgongs so/ /de nas ci zhes pa la 'grub par 'gyur zhes gsungs te/ dbang du byed pa 'grub po zhes pa ni lhag ma'o//rigs lnga dbang du byed pa de sngon du song ba'i phyag rgya chen po'i sgrub thabs brjod pa gang yin pa de yang yin la le'u yang yin pas de de bzhin no/ /bzhi bcu ni bzhi bcu tham pa'o zhes bya ba ni dpal 'khor lo sdom pa'i le'u bzhi bcu pa'i dka' 'grel lo// //rnal 'byor pas nus pa bskyed pas ji lta bu'i las grub ces dri ba la de nas kyi sgra'o/ /de bcom ldan 'das kyis bka' stsal pa/ las kyi rab mchog ni zhes pa ni shin tu mngon par 'dod pa'i don 'byung ba yin no zhes shes par bya'o/ /gang cis zhes pa la/gang gis shes na sgrub pa pos/ /zhes gsungs so/ /ji ltar sgrub pa po'i ye shes de bzhin du gtso bo'i de ci zhes pa la/ dbang dang zhes bya ba la sogs pa gsungs so/ /de nas las kyi mchog rab bshad/ /ces pa'i gzhung ni go sla'o/ /dbang du dgug pa gnyis gcig gsod pa dang bskrad pa gnyis gcig nyid de las kyi tshogs bcu gnyis so//de dag gi las chen po rnams dran pa ni bsams pa tsam gyis de dge 'grub par 'gyur te/ sgrub pa po dang sbyar bar bya'o/ /rnal 'byor ma nyi shu rtsa bzhi'i gnas ni shar dang byang gi zhes gsungs so/ / thams cad ni gtso bo'i gnas la sogs pa'o/ /gnas sogs zhes bya ba ni sgra'i bdun pa phyi ba'o/ /thams cad khyab ces pa ni dang po'i mang po'i tshig phyi ba'o/ /yul nyi shu rtsa bzhi nyid gnas la sogs pa'i mkha' 'gro ma ni ni'i sgras khyad par du byed pa'o/ /rang skyes ni rang gi rigs so//rdo rje dkyil 'khor gyi gtso mo ni dpal he ru ka'i dkyil 'khor gyi gtso mo'o/ /ku la tA ya zhes bya ba la sogs pa'i gnas ston te/ gnas la sogs pa'i sgras mdor bstan pa ku la tA ya zhes bya ba la sogs pa rgyas par bya bzhin pa'i dur khrod la sogs pa nyid gnas kyi thog ma can du go bar bya'o//'di'i yang gdams ngag gi don ni pul+lI ra ma la ya la sogs pa'i sgras gnas la sogs pa go bar bya'o/ /khyim gyi lha zhes pa ni sgra'i bdun pa phyi ba'o/ /tri sha ku ni zhes pa ni bdun pa'i don la dang po ste de bzhin gyi sgra'i don to/ /rdo rje dkyil 'khor gtso mo yang phyogs gang dang gang na de yod ces 'dri ba la ku lu tA ya zhes bya ba la sogs pa brjod do//de rnams su arbu da la sogs pa yul der gnas par gsungs te/ uD+yan dang 'bar ba 'dzin pa dang / pul+lI ra ma la ya dang por gyur pa gang dag yin pa de ni uD+ya na dang / 'bar ba 'dzin pa dang /pul+lI ra ma la ya la sogs pa dang arbu da la sogs pa ku lu tA'i mtha' can no/ /dgongs pas kyang 'dir pul+lI ra ma la ya dang por byas pa'i 'bar ba 'dzin pa dang uD+yan dang / arbu da la sogs pa rnams na yod pa'i gdams ngag gi don du go rims ma yin par bstan pa'o//'dis dkyil 'khor dang lus la pul+lI ra ma la ya la sogs par rnal 'byor ma dgod par brjod pa'o/ /bu mo gang / dpa' bo gnyis med khyab pa'o/ /zhes pa ni bu mo thams cad du de lta bu nyid la nye bar gnas pa nyid kyi phyir ro/ /dpa' bo thod pa'i dum bu la sogs pa dang gnyis su med par khyab pa'i ngang tshul gang yin pa de ni de bzhin te sgra'i rkyen phyi ba yang ngo //su~M` dze+e oM aM goM rAM deM mAM kAM oM triM koM kAM laM kaM hiM/ preM gr-iM sauM suM naM siM maM kuM/ zhes pa'i yi ge nyi shu rtsa bzhir gyur pa'i sngags ni sbas pa yin no/ /de rnams la zla tshes dang thig ler bcas pa las go rims ji lta ba bzhin du skyes pa'i lus kyi gnas su pul+lI ra ma la ya la sogs pa rnams su rab tu gtum mo la sogs pa'o//oM ka ra ka ra pra tsaN+De huM hUM phaT phaT/ ces bya ba la sogs pa'i sngags las skyes pa bsgom par bya'o/ /'dod pa'i gzugs can zhes pa ni 'dod pa tsam dang 'brel pa'i gzugs so//don gang gis zhes pa la/ yid kyi shugs kyis ldog pa dang / /zhes gsungs te/ dgos pa gang la yid rab tu zhugs nas de grub pa dang de nas yid kyi shugs kyis ldog pa'o/ /phyi rol gyi yul du rnam par dpyod pa'i de'i rigs gang yin pa de rab tu bstan pa'i phyir/rnal 'byor ma drug ces bya ba la sogs pa gsungs so/ /lus la gnas pa'am dkyil 'khor la gnas pa'i pul+lI ra ma la ya la sogs pa'i rab tu gtum mo la sogs pa rim pa bzhin du shes par bya'o/ /phyi rol gyi yul rnams su de'i rigs su skyes pa ji lta ba'am de bzhin du'o//rdo rje phag mo dang gshin rje ma la sogs pa'i ma mo drug ces bya ba ni ma mo bdun gyi gzugs so/ /mya ngan yul du lA ma'i rigs kyi gtso mo zhes bya'o/ /dpal he ru ka'i rigs las byung ba la m+pa ka sau rASh+Tar rigs kyi lha zhes bya ba ni rigs kyi lha'i gzugs la mchod pa bya'o zhes pa'i don to//yi dags grong du bu mo che/ /mkha' 'gro ma dang bcas pa'i gzugs/ /zhes pa ni bu mo'i gzugs ni mkha' 'gro ma ste gzugs can ma'i rigs so/ /kha ba'i ri dang kAny+tsi ru ba li ka dang bcas pa zhes pa ni sa li ka'i rigs so//de nyid pany+tsa pa'i yul lo/ /khyim gyi lha ni khyim gyi lha la'o/ /ka liM ga ni brtul zhugs 'chang ba'o/ /ko sa lar ni sha zan ma ste sha chen za ba'o/ /yi dags grong du rdo rje mkha' 'gro ma/ /zhes pa ni yi dags grong ma zhes pa ni yi dags grong du yang dag par byung ba'i rnal 'byor ni gnyis su med pa'i ye shes so//sbom pa'i dbang phyug la sogs pa ni dum skyes ma'i rigs su gyur pa'o/ /pul+lI ra ma la ya dang / gser gyi ri zhes pa ni 'dir mthar skyes pa'i bud med stong phrag nyi shu rtsa gcig ces pa ni mang por bstan pa'i don to//lhag ma gzhan ni ci snyed pa/ /zhes pa ni yul gzhan rnams su yang de lta bu zhes pa'i don to/ /ji snyed pa ni ji snyed pa'o/ /dpal he ru ka'i rnal 'byor zhes pa ni dang po mang po'i tshig phyi ba'o/ /lha mo sum cu rtsa drug dpal he ru ka'i dkyil 'khor la srub pa chen po ni shes rab dang thabs kyi rang bzhin nyid dam thabs dang ldan pa'o//dpal he ru ka dang shes rab kyi ngo bo nyid de dang 'brel pa rnams te/ de rnams kyi nang nas dkyil 'khor gyi gtso mo rdo rje phag mo dang snyoms par zhugs so zhes dgongs so/ /srub pa chen po'i sprul pa ni sgra'i rkyen med pa'o//gang gi phyir de'i sprul pa dpal he ru kar yang dag par byas nas so/ /dpal he ru ka'i phyag rgya chen po'i dkyil 'khor gyi gtso mo yin no zhes kha cig zer ro/ /nyi shu rtsa bzhi ni nyi shu rtsa bzhis rgyu ba dang mi rgyu ba thams cad khyab pa ste/ sku dang gsung dang thugs kyi rang bzhin no//ci'i phyir de ltar zhes pa la/ dam tshig de dag mkha' 'gro ma rnams zhes pa ni dam tshig ni gdams ngag go/ /de dag ci tsam zhes pa la sprul zhes gsungs te/ nges par byung zhing gzhal cing bcad pa ni/ yongs su gzhal ba gang yin pa de ni de bzhin no//de dag rnams kyi dngos kyi 'bras bu ci zhes pa la/ de yang bsgoms pas zhes gsungs te/ 'byor ba chen po'i rnam pa yang dag par skyes zhes pa'i don to/ /bsam gtan la sogs gang ci'ang rung / /sa steng na ni spyod pa rdzogs/ /zhes pa ni bsam gtan gang ci yang rung ba sngags dang phyag rgya sogs pa de dang 'brel pa de ni mkha' 'gro ma rnams nyid do//sa ni sa gzhi la rgyas par ni ma lus pas so/ /steng ni rang gi ngo bo nyid kyis gcer bu ste gos med par bya'o/ /nub mo zhes pa ni mnyam pa nyid la'o/ /des ci zhes pa la thams cad ces bya ba la sogs pa gsungs so//dpa' bos dpal he ru ka yang dag par byung ba ni dpa' bor 'byung ba ste/ thod pa'i dum bu la sogs pa'i dpa' bo'o/ /rnal 'byor ma rab tu gtum mo la sogs pa mnyes pas so/ /phyag rgya dang lha'i sbyor bas gar la sogs pa la nye bar spyad pa'o/ /de yang tha mal pas ni ma yin no//des rtag tu mchod par bya'o/ /rang 'byung gi rdul dang ldan pa'i byang chub kyi sems kyis so zhes bya ba ni mchod pa rnam par dag par brjod pa ni g.yon pa'i mchod pa gtso bo nyid kyi phyir ro/ /nyi shu rtsa bzhir sbas pa'i yi ge pu la sogs pa de snyed kyi grangs dkyil 'khor gyi grangs kyi rnal 'byor ma rnams kyi tshogs de dgod pa yang ngo //de brjod pa gang yin pa de yang yin la le'u yang yin pas de de bzhin no/ /bzhi bcu gcig ni bzhi bcu rtsa gcig pa'o zhes bya ba ni dpal 'khor lo sdom pa'i le'u bzhi bcu rtsa gcig pa'i dka' 'grel lo// // le'u sum cu rtsa dgu pa dgod pa mdor bstan pa de rgyas par ston pa'i sngags la sogs pa'i le'u ni de nas zhes bya ba la sogs pa gsungs so/ /gang gi phyir sngags la sogs pa med par dgod par mi bya ste/ de'i phyir dpa' bo ni dpa' bo'i ro dang ldan pa'o/ /'di ni sngags 'di ste rkang pa brgyad pa'am yi ge bdun pa'o//rjes su dran pa ni bklag pa'o/ /ci byas nas zhes pa la me tog chu dang rdul dang ldan pa'i byang chub kyi sems btung ba'o/ /de nas rdo rje'i 'gros kyi gar bya'o/ /phyag rgya shes rab dang lhan cig tu mtshan mo sha'i bza' ba bya'o zhes sbyar ro//ci lta bur gyur pa ni gsum gyis btsir ba'o/ /gsum gyi sku la sogs pa gsum gyis btsir ba'o/ /de lta na yang cis zhes pa la/ des ni zhes gsungs te/ sngags 'di mchog tu byas pa'o/ /sngags gsungs te bde ba thob par 'gyur zhes gsungs te/ oM astu su khA ba huM hUM zhes pa'i sngags 'di'o//kha cig na re oM su khA ba huM hUM zhes zer ro/ /bdud rtsi rnam pa lnga la sogs pa 'dis sngags la nye bar dgod par bya'o/ /gzhan rnams la yang sbyin no zhes pa ni/ 'byung dang de bzhin sbyin pa dang / /zhes gsungs so/ /dam tshig can la reg nas bde bar gyur pa dang /de bzhin du sngags sngon du 'gro bas sbyin zhing bgad do/ /de'i phyir bzhad dang zhes gsungs so/ /reg ces pa'i gzhung la ni bde bar gnas pa la reg pa bzhad do zhes pa'i don to/ /rigs chen mo ni brtul zhugs chen pos spyod pa'i rnal 'byor pa zhes pa'i don to//bden pas tshangs par spyod pa dang / /zhes pa ni bden pa ni tshangs pa des tshangs par spyod do zhes bya ba ni dka' thub ces 'dir brjod do/ /de lta bur gyur pa phyi rol ma yin par phyag rgya la dgod par bya'o/ /ci byas nas zhes pa la bsgrub par bya'o zhes bya ba la sogs pa gsungs so//bsgrub par bya bas na bsgrub bya ste/ sgrub pa pos des bdud rtsi rnam pa lngar myang ba'i mthar dgod pa'i phyag rgyas mtshon par mthong nas bgad par bya'o/ /ji lta bur gyur pa zhes pa la lta ba'i bsnyems pa ste de bltas bas mthong ba'i bsnyems pa gang yin pa de ni de bzhin no//de lta bur gyur pa de ni snyan grags yin no/ /'dis zhes pa ni ki li ki li la sogs pa dang / ha he la sogs pa yang ngo / /bzhad pa ni bgad pa ste/ sgra'i nA da'i rkyen gyis grub pa'o/ /bdud rtsi rnam pa lnga myang ba sngon du song bas sgrub pa pos bzhad par bya'o zhes sbyar ro//de yang phyi rol phyag rgya de zhes pa na de lta bu nyid du sbyar ro zhes bya ste/ shes rab dang thabs dag kyang bzhad do zhes des grub po/ bden pa zhes bya ba la sogs ba pa ni rnal 'byor ma gzhan kha cig gis de lta bur gyur pa'i sgrub pa po mthong nas bzhad do zhes kha cig zer ro/ /mtshan mo zhes pa ni phyi rol gyi yul gyi rnam par rtog pa'i ro nus pa'i rang bzhin ni dga' bral gyi dga' ba'o//nyin mo ni rang rig pa tsam de'i rang bzhin lhan cig skyes pa'o/ /'am ni dga' ba dang mchog tu dga' ba nyid bsdu ba'i don to/ /de bzhin ni de bzhin nyid kyi don bstan pa'o/ /de yang chos thams cad yongs su shes pa'i lhan cig skyes pa'i rtogs pas byas pa gang yin pa de nyid de kho na nyid kyi gnas skabs 'thob po zhes dgongs so//phyi rol gyi don ni gsal po nyid do/ /rnal 'byor pa de mthong nas gnas la sogs pa na gnas pa'i rnal 'byor ma rnams sngon ma byung ba'i gzugs kyis bya ba ston pa ni gzugs dang zhes bya ba la sogs pa gsungs so//gzugs kyi rang bzhin dang lus kyi bya ba gang yin pa de nyid gcig pa ste/ gsang ba de lta bur gyur pa gsal bar byed pa'i phyir ro/ /dpa' bo ni de bzhin gshegs pa'o/ /ji ltar gnas pa ni ji ltar yongs su gnas pa'o//de nyid ni gar dang zhes pa la sogs pa gsungs te/ dang por gar byed do/ /de nas mig dag la mchi ma byung zhing dad pa'i sgra'i rkyen med pa ste/ gus pa'i tshul byed pa'o/ /bdag nyid spro ba ni bdag nyid bsten par spro ba'o/ /de bzhin gyi sgras ni mchod yon la sogs pa'o//dad pas spu ldang de bzhin no/ /zhes pa'i gzhung la ni brtse bas ba spu ldang ba yang ngo / /de la nang du gyur pa'i sgrub pa po'i bya ba ni rdo rje zhes bya ba la sogs pa gsungs te/ bgom pa ni shin tu rdo rje bslang bar bya'o zhes bya ba'i don to/ /bgom mi bya zhes pa ni gzhung ni ma lus pa bdag gis sngar bgom pa ni shin tu ba'i don nyid do//dmigs pa zhes bya ba'i gzhung la de lta bu byas pa'i rnal 'byor ma rnyed nas des kyang rdo rje thob pa'o/ /de'i phyir/ de bzhin phyogs kyi gos dang mchod/ /ces gsungs te/ de bzhin du sbyin pa med pa'i g.yon pa'i rnal 'byor dbang phyug ma rnams de dag kun rnal 'byor ma rnams kyis so//de'i phyir de nyid ni khyad par ro/ /de 'di ni phyag rgya'i tshogs kyi rim pa gar la sogs pa dang rdo rje 'gom pa la sogs pas kyang ngo / /dbugs 'byin pa la sogs pa'i khyad par gyis rang nyid kyi mdun du ston te/sngon gyi bya ba byed pa'i rnal 'byor ma rnams kyi mdun du bya'o/ /sngags dang phyag rgya ni dgod pa'i phyag rgya'o/ /sngags ni de nyid ha ha he he zhes bya ba la sogs pa gsungs so/ /ha ha he he zhes pa ni dgod pa rnam pa brgyad do/ / dgod pa'i sngags ni rjes dran zhes par sbyar te/ ho ho hUM hUM zhes pa'i phyi ma ni de dag ces pa'i sgras bsdu ba'o zhes pa la sogs pa mang po'i tshig gi mtha' can tshogs pa yang dag par bsten pa yin no zhes pa'i tshig gis so/ /sngags phyi ma phyed po ni 'di yin te/ ki li ki li zhes bya ba la sogs pa gzung bas so//sna tshogs dbang phyug mchog tu brtse/ /zhes pa ni 'di lta bu'i yi ge'i rnal 'byor ma ni shin tu yang brtse ba'o/ /khyad par spyod pa mchog tu brtse/ /zhes pa'i gzhung la ni gar la sogs pa'i khyad par gyi spyod pa ste/ de nas hA hA rnam pa'i mthar byed pa'o//de'i phyir/ hA hA rnam pa 'dir nye bar/ /zhes gsungs so/ /rtag tu ngu dang mchi ma 'byung bar rab tu gnas pa'i du zhing mchi ma 'byung rab 'thob/ /ces pa ni de nyid mchi ma lhung ba dang bcas pas hA hA'i rnam pas kyang de rnams dga' bar 'gyur ro/ /de nyid ci'i phyir zhes pa la/ bsam gtan sngags ni rab tu sbyor//zhes gsungs te/ bsam gtan dang sngags kyis shin tu sbyar zhing mnan pa de ni rnal 'byor ma'o/ /de'i rigs la bltas pas brtse ba dang ldan par 'gyur ro zhes dgongs so/ /rnal 'byor ma rnams dang rnal 'byor pa rnams gnyi ga yang dga' zhing gnyi ga yang spu ldang ba la sogs so//gang gi mdun du rdo rje bgom par bya/ /zhes pa la rdo rje zhes bya ba la sogs pa gsungs te/ gang g.yon pa ni rnal 'byor mar yongs su brtags pa yin te/ brdar byas pa la sogs pas mtshon pa de mdun du'o zhes pa ni rtogs par bya'o/ /dgod pa'i sngags dang rnal 'byor ma'i gzugs sprul pa brjod pa gang yin pa de yang yin la le'u yang yin pas de de bzhin no//bzhi bcu gnyis ni bzhi bcu rtsa gnyis so/ /zhes bya ba ni dpal 'khor lo sdom pa'i le'u bzhi bcu rtsa gnyis pa'i dka' 'grel lo// //da ni rnal 'byor ma blta ba dang gcer bu'i mchod pa dang yi ge bdun pa'i las kyi cho ga'i le'u ni de nas zhes bya ba la sogs pa gsungs te/de nas zhes pa ni dgod pa la sogs pa bstan pa'i rjes su'o/ /blta ba la sogs pa bshad do zhes sbyar ro/ /mi zhes pa ni mi mchog nyid kyi phyir gdul bya'i bsam pa shes pa'o//rten nges par gnas pa la brten par gnas te/ lam gyi bzhi mdo zhes bya ba la sogs pas gnas tha dad par ston to/ /'di nyid du bsgom par bya'o zhes dgongs so/ /khyim dag gam zhes pa ni re zhig khyim nyid du zhes pa'i don to/ /blta ba la ni gzigs par 'gyur/ / zhes bya ba la sogs pa gsungs so/ /dam tshig gi don ni dam tshig thob par bya ba'i don du gnas pa'o/ /phyag rgya gcer bus mchod pa'i las ni gzhan du yongs su brjod do zhes pa ni gcer bu'i mchod pa rgyas par bstan pa'o/ /las ni rab tu gzhug ces bya ba la sogs pa gsungs so/ / gcer bu 'am bgo ba gzhan pags pa la sogs pa rab tu gzhug pa ste smad dkris pa phyag rgya la 'dod pa spyad do/ /des ni yang dag reg 'dod spyad/ /ces pa ni/ de yi las kyis bde bar 'gyur/ /zhes pa'i don to/ /de ltar zhes pa ni gcer bu dang pags pa'i gos bgos par rab tu dgug pa'o//las thams cad ni za ba la sogs pa'o/ /rtsa ba'i sngags ni rkang pa brgyad pa'o/ /gdug pa can rnams gnon pas na dam par gnon pa ste/ rkang pa bzhi pa'i sngags so/ /'di dag rnal 'byor ma mthong ba'i dus su bzlas pa'o zhes rgyas par bshad pa'o/ /bsgom dus su phyogs bcing ba la sogs pa bya'o//de'i phyir/ /phyogs bzhir bcing ba de bzhin no/ /zhes gsungs so/ /phyogs bcing gnas pa de bzhin no/ /zhes pa ni gzhung gzhan no/ /de lhar phyogs bcing ba la sogs pa ni/ phyogs bcing brjod pa de bzhin no/ /zhes pa ni sngags 'di nyid kyis zhes bshad par bya'o//bya zhes pa ni mchod pa la sogs pa'i las thams cad do/ /rtsa ba'i sngags dang de bzhin gzhan/ /de bzhin bzhi yis phyogs bcing bya/ /zhes pa ni gzhung gzhan no/ /rtsa ba'i sngags kyis las thams cad byed do/ /gzhan rkang pa bzhi pas phyogs bcing par bya'o zhes sbyar ro//phyogs bcings pa zhes pa'i sgra'i gnyis pa phyi ba'o/ /de bzhin gyi sgra ni de gnyis te/ de lta de ltar rab tu byed pa tha dad do zhes pa'i don du bshad do/ /mchod pa legs par sbas pa nyid ni/ lha yul lha yi tshogs kyis kyang / / ma mthong bar ni mchod par gyis/ /zhes gsungs so/ /yi ge bdun pa'i nus pa ni/ /snyim pa me tog gis bkang ste/ /mkha' la spyod pa gyen du mthong / /zhes gsungs so/ /me tog gis yang dag par bkang ba la yi ge bdun pa'i sngags te gyen du mthong ba ni gyen du gtor zhes pa'i don to//de yang mkha' spyod ni mkha' spyod de bar snang la gnas par 'gyur ba'o/ /snyim pa la sgra'i mo rtogs yod pa ni lung yin pa'i phyir ro/ /de'i phyir/ de nyid du ni snang mi 'gyur/ /zhes gsungs te/ de nyid du mthong zhing sa la ma lhung na'o/ /stong phrag ces bya ba la sogs pa ni go sla'o//ngag gi dbang phyug ni gza' phur bu'o/ /de ni man ngag ma'o/ /lha ni lhar gyur pa'i lo rgyus zhes pa'o/ /lha'i gtam ni lha rnams kyi rnal 'byor ma rnams te lo rgyus la sogs pa'o/ /rtsis dang gza'i kun du spyod pa shes pa'o/ /sa 'og ces pa ni sa 'og rnam pa bdun gyi lo rgyus zhes pa'o//grong zhes bya ba la sogs pa la dga' byed kyi grong la sogs pa'o/ /dgon pa ni dgon pa chen po'o/ /grong khyer ni 'phel bzhin pa la sogs pa'o/ /dpa' bo'i khyim ni zhing skyong la sogs pa lhag par gnas pa'i sa'o/ /mkha' ni nam mkha'o/ /rtse mo ni ri'i rtse mo'o//gnas de rnams su snying po'i yi ge bdun pa gang dran pa ni bzlas pa byed pa ste/ de lha dang mis mthong bar mi 'gyur ro/ /gnas de rnams su der bzlas pa byas na mi snang ba 'grub po zhes dgongs so/ /de'i phyir phyogs de rnams su sgrub pa po rtag tu gnas so zhes pa ni nye bar bsdu ba'o//gnas de rnams nyid du sngags 'di bzlas par bya'o zhes dgongs so/ /yi ge bdun gyi bdag nyid can/ /zhes pa ni grangs bdun gyi bdag nyid kyi yi ge gang yin bde ni de bzhin no/ /de sdong po'i rtse mor bsams na sdong po'i rtse mo 'gug par 'gyur ro/ /mi phyed pa ni dbyer med pa'o//'dis ni 'dod pa dang rjes su 'brel par bsten to/ /sa 'dzin ni rdo dang rdo'i ri bo'o/ /bdag gi dgos pa zhes pa ni bdag ni dgos pa'i don du'o/ /bdag nyid 'dod pa zhes pa ni gzhung gzhan te go sla'o/ /bdag gi lus la zhes pa mig dang / rna ba dang /sna dang / lce dang / lus dang / yid rnams su yi ge drug go/ /yid la ni phaT bkod nas ku sha'i stan la nyal ba ni nyal bar bya'o/ /lhag ma ni go sla'o/ /tshe lo nges pa gang sngags kyis brjod pa'am dpal he ru ka'o/ /'chi bas bcom pa ni 'chi bas bcom pa ste/ 'chi ba'i gam du song zhes pa'i don to//mthong ba nyams par gyur pa ni yul gzhan du gnas pa'o/ /gzhan dang gzhan gyi bya ba thams cad 'dis nye bar bsdu ba'o/ /de zhes pa ni lhas ston pa'o/ /ral gril sogs pa la brgya rtsa brgyad bzlas te pra se na'i rtsis 'jug par byed do/ / gzhon nu'am gzhon nu ma la ral gri bstan par bya'o/ /de dag gis dge ba'am mi dge ba brjod do/ /de nas zhes bya ba la sogs pas nad zhi ba ston te/ nyi ma'i dbus su yi ge bdun pa'i sngags dngos su go ro tsa na la sogs pas dgod cing bri ba'am/ bsams la de'i dbus su nad pa bsam ste stong phrag gcig bzlas pa bya'o//de dbye ba nyid ni spel ba'o/ /shel gyi rnam pa lta bu dri ma med pa'i phyir de nad kyis gdungs pa la bstan zhing bltas te bsam par bya'o zhes pa'i bar ro/ /shel lta bu'i yi ge'i zhes pa ni gzhung gzhan no/ /shel gyi rnam pa lta bur dkar po'i rnam pa lta bu mdzes pa gang yin pa de ni de bzhin te sngags so//de lta bu'i sngags lag pa la bsgoms la nad kyis gdungs pa la bstan par bya'o/ /bzhi pa'i don las sgra gnas kyi gnyis pa'i bshad pa'o/ /mthe bong 'dra bar skad cig gis/ /zhes pa ni de'i snying gar mthe bong gi tshad tsam gyi dri ma med pa shel lta bu'i rnam par shes pa bsam par bya'o//ji lta bur gyur pa thams cad du song ba'i nad la gang de yis nad thams cad las grol ba'i lus po la rnam par shes pa yang bsgom par bya zhing sngags bzlas par bya'o zhes pa ni bsdus pa'i don to//sbyor ba gzhan ni zla ba'i zhes bya ba la sogs pa gsungs te/ g.yon pa'i lag pa gang yin pa de ni g.yon pa'i lag pa ste 'khor lo'o/ /g.yon pa'i lag par ni ri bong can gyi gzugs bsams la re mig dgu pa'i 'khor lo ste/ de'i dbus su oM shar du hrIH lho ru ha/ nub du ha/ byang du huM/ yang dbus su hUM mtshams bzhir phaT do zhes pa ni yi ge bdun pa'i sngags so/ /Ta bor bas ni yi ge bdun no/ /kha cig ni oM zhes zer ro/ /de'i phyir/ /yi ge shel gyi mdog ltar snang / /zhes so/ /shel bzhin du dkar po nyid kyi phyir yi ge bdun po rnams yang dag par bye brag tu snang zhing rab tu snang ba gang yin pa de ni de bzhin te/'khor lo'o/ /yang ji lta bur dgod pa ni nad thams cad gang yin pa de ni de bzhin no/ /bsgrub bya dbus su gnas pa'i 'khor lo lag pa g.yon par bsgom zhes pa ni gdams ngag go/ /rims dang zhes bya ba la sogs pa la lhan cig pa'i don gyi sgra'i gsum pa'o//mche ba'i dug gis zin pa la sogs pa rnams kyis nad gzhom pa gang yin pa'i phyir 'khor lo de ni dug gis zin pa la sogs pa'i nad 'joms pa'o/ /sogs kyi sgras ni mi rgyu ba la sogs pa'i dug go/ /ni ni nye bar gzung ba'o/ /nad thams cad dang bral ba gang yin pa de ni nad thams cad dang bral ba'o//zla ba'i gzugs la yi ge zhes pa ni sngar bzhin du ri bong can gyi gzugs la yi ge bdun pa'i g.yon pa'i lag par blta zhing bsams la nad kyis gdungs pa la bstan pa'am bya ba par bya'o/ /phyogs bcur rnam par 'byer bar 'gyur/ / zhes bya ba ni sngags kyi yi ge de dag rnams la 'od zer bdud rtsi'i rang bzhin 'byung ste/ phyogs ni shar la sogs pa'i phyogs so/ /'byor ba ni khyab pa'o/ /'di lta bu'i rang bzhin gyi yi ge g.yon pa'i lag pas bstan pa'am bya ba par bya'o zhes dgongs so/ /sbyin sreg ni ba lang sha zhes bya ba la sogs pa gsungs so//mngar gsum ni bu ram dang sbrang rtsi dang sha kha ra'o/ /yang na sngags kyi rgyal po zhes pa ni gang la zhi ba la sogs pa'i don du bsams na de la zhi ba la sogs par 'gyur ro zhes bstan pa'i phyir/ de'i tshe bzlas na the tshom med/ /ces bya'o/ /bzlas bzhin pa ni dkar po yis//zhes bya ba la sogs pa gsungs te/ 'phral du nges par 'gugs par 'gyur/ /zhes pa ni g.yon pa'i lag par yi ge bdun pa mdog dmar po nyid blta bar bya'o/ /yang na zhes bya ba la sogs pas ni de ltar sngags bzlas pa nyid kyis thams cad 'grub po zhes dngos grub kyi rtags bstan pa'o//snod ces pa ni nye bar mkho ba'o/ /so rtsi rnam pa sna tshogs kyis ni lus kyi sbyor ba ste/ lus yang dag par 'dzin pa'o/ /gnyis pa ni nus pa dang ldan pa ste/ mi ma yin yang bka' mnyan par 'gyur ro zhes dgongs so/ /gsum pa ngag gi nyid ces pa ni ngag gi dngos grub po zhes dgongs so//sngags kyi rgyal po bsams nas zhes pa'i don to/ /gsang sngags zhes pa brjod pa ni de nyid bskul zhing yang brjod pa'o zhes bya'o/ /ngag dang lus dang sems kyis ngag grub pas tshar gcod pa dang rjes su 'dzin par byed pa'i rnal 'byor pa'o//snying po'i nye ba'i snying po las kyi bya ba de bsgrub bya me tog gtor ba la sogs pa'i bya ba de brjod pa gang yin pa de yang yin la le'u yang yin pas de de bzhin no/ /bzhi bcu rtsa gsum ni bzhi bcu rtsa gsum pa'o zhes bya ba ni/ dpal 'khor lo sdom pa'i le'u bzhi bcu rtsa gsum pa'i dka' 'grel lo// //de nas zhes pa ni rnal 'byor ma drug gi sngags kyi las kyi tshogs ston par brtsams te/ gang la pho nya dngos su grub pa de'i las kyi tshogs so/ /ci byas nas rab tu ston zhes pa la/ las ni mnyam par brtsam zhes gsungs te/ dgug pa la sogs pa byas nas las kyi tshogs rab tu brtsam zhes sbyar ro//gang gis zhes pa la yang dag kun sgrub pa/ yi ge bdun pa yang dag ldan/ /zhes gsungs te/ yang dag par bya brag tu bdag gis bsgrub par bya ba sgrub pa gang yin pa de ni rnal 'byor ma drug gi sngags so/ /de dang yang dag par ldan pa yang dag pa'i rnal 'byor gyi bsam gtan no//las ni lag pa'i zhes bya ba la sogs pa gsungs te/ oM hA hrIM hreM huM hUM phaT ces pa ni yi ge bdun gyi sngags so/ /rnal 'byor ma drug gi yi ge bdun ni rnal 'byor ma drug ste lag pa'i dbus su bkod na bsgrub bya 'gugs par 'gyur ro zhes sbyor ro//dgod pa brjod pa ni drug ces bya ba la sogs pa gsungs te/ 'khor lo'i rtsibs drug la yang dag par gnas pa'i 'khor lo gang yin pa des ni 'gugs pa ste/ de drug la yang dag par gnas pa'i 'khor lo bya ba'i khyad par ro//de'i phyir ni khyad par ro/ /g.yon pa zhes pa ni lag pa'i dbus kyi khyad par ro/ /drug tu yang dag par gnas pa'i 'khor lo ji lta ba yin pa de bzhin du 'gugs pa'o/ /de'i phyir gang la lag pa ste bstan pa zhes gsungs so/ /ci byas nas ni lag pa de gang la bstan pa las so//gang gis dgug pa'i gzugs 'chang ba ste/ 'khor lo bsam par bya'o/ /yang ci byas nas zhes pa la/ kha nas gsang sngags rgyal po zlo/ /zhes gsungs te/ sgra'i gnyis pa'i phyi ba'o/ /rnal 'byor ma drug dang 'brel ba'i yi ge bdun pa khas brjod pa ste/ khyad par du bsgom par bya ba nyid kyi phyir ro/ /ji lta bur gyur pa ni gsang sngags rgyal po zhes ston to/ /skul bar byed pa dang ldan pas so/ /'khor lo rtsibs drug pa g.yon pa'i lag par bsams la/ de la dbus su oM rtsibs drug la hAM hrI heM hUM phaT ces pa'i yi ge drug dgod par bya'o//de'i 'od zer gyi dra ba lcags kyu'i rnam pa can gyis bsgrub bya bkug par bsgom zhing / de'i lag pa 'khor lo dang ldan pa la/ oM hrIHha ha huM hUM phaT lha sbyin khugs shig ces pa'i bskul tshig dang ldan pas sngags bzlas shing dngos su lag pa bstan na de 'gugs par 'gyur ro zhes pa ni bsdus pa'i don to//tsan+dan dmar po la sogs pas rnal 'byor ma rnams kyi sngags kyis lag pa gnyis mnye zhing / dur khrod kyi me'am/ gtum po la sogs pa'i me la de kho na nyid bzhin du bskul tshig dang ldan pas sbyin sreg bya'o/ /cho ga ji lta ba zhes pa ni tsan+dan dmar po la sogs pa sreg par byed pa la sogs pa ni cho ga'o//phul du byung ba'i sbyor ba gang la de yis sbyor ba 'di dpal he ru ka la brten la sbyin sreg bya'o/ /de nyid tsan+dan dmar po la sogs pa bsgrub bya'i rkang rjes kyi rdul dang 'brel to/ /dgra yi ming dang bcas pa ni/ /zhes pa ni bskul tshig dang bcas pa'o//'o ma gtsang ma ni ba'i 'o mas slar gso bar 'gyur ro zhes dgongs so/ /lhag ma ni go sla'o/ /yi ge bdun pa'i rang bzhin dang / rnal 'byor ma drug po de'i las dgug pa la sogs pa'i brjod pa gang yin pa de yang yin la le'u yang yin pas de de bzhin no//bzhi bcu bzhi ni bzhi bcu rtsa bzhi pa'o zhes bya ba ni dpal 'khor lo sdom pa'i le'u bzhi bcu rtsa bzhi pa'i dka' 'grel lo// //da ni rnal 'byor ma drug gi go cha'i sngags kyi lhag ma yi ge drug gi bdag nyid kyi sngags ni las kyi tshogs kyi le'u ni de nas zhes pa la sogs pa gsungs so//de nas zhes pa ni rnal 'byor ma drug gi go cha'i sngags dang / yi ge bdun pa'i bdag nyid kyi sngags kyi las kyi tshogs bstan pa'i rjes su'o/ /las mchog ni yi ge bdun pa'i sngags dang 'brel ba yin no zhes shes par bya'o//oM baM haM yoM hriM moM hreM hriM huM hUM phaT phaT ces pa ni sngags de yis las kyi dngos grub rab tu bsgrub pa'o/ /tshig tsam gyis bsgrub bya 'grub par yongs su byed pa ste/ de nyid ni ka ra bI ra zhes bya ba la sogs pa gsungs te/ ka ra bI ra dmar po'i me tog brgya rtsa brgyad pa'i 'o ma 'bab pa ste 'dus byas la sbangs la brgya rtsa brgyad bzlas par bya'o//de nas lan re re bzla zhing ling+ga'i spyi bor bsnun no/ /de ltar zhag bdun du bya'o/ /shin tu mnyam gzhag ni lha'i rnal 'byor ro/ /de nas zhag ni bcu gcig par/ /zhes pa ni nyin zhag bdun gyi rjes su'o//ni ni nyid kyi don to/ /ji snyed zhag bcu gcig tu gyur pa de snyed du zhag bzhir ni de yang dag par blang bar mi bya'o/ /'on kyang de snyed kyi nyin zhag rnams su de la sngags kyang thun mtshams gsum du bzlas par bya'o/ /de nyid kyi phyir ni sgra ni khyad par ro/ /nyi ma bcu gcig par yang dag par blangs te/yang dag par phyin ci ma log par blta zhing blang ngo / /brgyu'o zhes pa thun mong gi las so/ /brgyu ba'i skud pa yang ka ra bI ra'i shing gi shun pa'o zhes pa ni gdams ngag go/ /khyad par ni me tog dag gis zhes gsungs te/ ni ni nyid kyi don te/de ni me tog go zhes pa'i don to/ /chu bo chen por ni skam pa med pa'o/ /ni ni bsdu ba'o/ /por ni de nyid kyi don no/ /ni ni nye bar gzung ba ste/ kha cig tu yang gnyis ni brgyu bar mi bya'o/ /ci ltar chu skyur zhes pa na/ /de dag kun ni rim bzhin du/ /zhes gsungs te/ bsnun pa'i dus su sbrengs la dang po la sogs pa'i me tog la zhes par byas nas de kho na nyid bzhin du brgyu ba'o/ /de'i go rims kyis chu la dor ro/ /kha cig na re brgyu ba'i dus su go rims yin zer ro/ /nub phyogs kyi me tog bsnun pa'i dus su/ nub phyogs kyi me tog brgyu ba'i dus kyang de'i zhes zer ro//rgyun las bzlog ste rab 'bab na ni rgyun gyi shugs sngags kyi mthus shin tu mnan te log nas 'ong ba'o/ /lhag ma ni go sla'o/ /tshig grub pa gang yin pa de ni de bzhin te sgrub pa'o/ /gsang ba'i rgyud las byung ba ni rab tu phyed pa zhes dgongs so/ / rnal 'byor ma'i rnal 'byor gyi phyag rgya ni skyil krung bcas la rdo rje bcings par byas nas gung mo gnyis kyi kha dang mthe bong gnyis kha sbyar nas mdzub mo gnyis sgreng ste/ phan tshun sbyar ba ni rnal 'byor ma'i rnal 'byor gyi phyag rgya zhes pa cig zer ro/ /skye gnas kyi phyag rgya zhes pa'i gzhung la yang phyag rgya ni 'di nyid do//rjes su bzlas pa'ang shes par bya'o/ /ji ltar bzla zhes pa la bsgrub byar zhes pa la sogs pa gsungs te/ mthe chung ni rnal 'byor ma drug gi yi ge drug gi breng ba spel ba dang bcas pa shog bur rtogs par byas la/ bsgrub bya'i rkang rjes kyi rdul la sogs pa las byas pa'i gzugs brnyan gyi lto bar bcug ste/bskyod pa ni bzlas par bya'o/ /ci lta bur gyur pas bzlas zhes pa la gsungs te/ bsgrub bya'i gzugs brnyan du gtogs pa la mngon du phyogs te/ thun mtshams gsum du de yid la gnas pas brgya byin la sogs pa 'gugs par byed do//zhag bdun du brgya rtsa brgyad bzlas par bya'o/ /lnga bcu rtsa drug dang bcas pa'i bdun brgya'i mtha' ni brgya'i mthar 'gugs pa'o/ /de zhes pa ni mtshon chas so/ /lhag ma ni go sla'o/ /gzugs brnyan du gtogs pa bsro bzhin pa ni dur khrod du bor ba'i sol ba'am thal ba la gdung ba'o//rdul de nyid ni sbas na ni/ /zhes pa ni sbyin sreg rdul lo/ /lhag ma ni go sla'o/ /phyugs zhes pa la sogs pa ni sbyor ba gzhan bstan to/ /skyes pa'am bud med byed pa ni rang mngon par 'dod pa'i las so/ /de'i rgyu nyid kyi phyir pho nya yongs su gzung ba ni pho nya tshar gcod pa'o//rlan bcas dpung gi tshad mnyam blang / /zhes pa ni rlan dang bcas pa'i dpung ba'i tshad kyis ka ra bI ra'i lcug ma blang ba'o/ /gang la sngags ni mngon par bri/ /zhes pa ni gang gi ming dang spel ba'i sngags de nyid mngon par bri zhes pa'i don to/ /gang gi las zhes pa ni skyes pa'am bud med do//bzlog ste rnal 'byor ma drug gi go cha phyi ma'i yi ge'i sngags so/ /de zhes pa ni skyes pa'o/ /de'am zhes pa ni bud med do/ /de'i phyir/ bud med mchog gam legs pa'i gzugs/ /zhes pa ni bud med mchog ces ba ni bud med mchog go/ /ngag gi dngos grub kyi sbyor ba gzhan ni ka ra bI ra'i me tog dmar zhes pa la sogs pa gsungs te/skar ma rgyal la brgya rtsa brgyad bzlas pa byas nas blang bar bya'o/ /de nas gi wang gis byug pa'o/ /de zhes pa ni me tog de'o/ /myos byed kyi chu la yang dag par gnas te de la brgya rtsa brgyad bzlas pa bya'o//de nas chu bo chen por lte ba tsam chung nub par byas la stong phrag gcig bzlas par bya'o/ /lag pa gnyis kyis zhes pa ni stong bzlas pa'i rjes su sgrub pa po'i grogs kyis sgrub pa po'i snyim par yang dag par rgyas shing ze 'bru la sogs pa med par gzhug par bya'o//chu ni zhes pa ni gang la me tog de sgrub ba'i grogs kyi thal mo kha sbyar du gnas par gyur pa rang gi lag pa gnyis su bya'o/ /tshig grub pa'i dgos pa ni rgyal po'am zhes bya ba la sogs pa gsungs te/ khros pas tshig gis gsod 'gyur zhing / /dbye dang bskrad pa gnyis kyang byed//ces gsungs so/ /thun mong ma yin par skrod pa'o/ /glang po dang / rta dang / de bzhin du sprin ni/ de bzhin sprin te/ glang po rta dang de bzhin sprin no/ /de gang yid la 'dod pa zhes bya'o/ /gang yid la 'dod pa de 'gugs par byed do/ /'gugs par byed pa la sogs pa'i sbyor ba gzhan gsungs pa ni de yang go sla'o//yid ches sems ni nges par 'jug /ces pa ni sems dang ldan pa la sbyor ba yin gyi shing dang rdo la sogs pa la ni ma yin no/ /rnal 'byor ma drug gi go cha'i sngags kyi phyi ma'i yi ge drug gi bdag nyid kyi sngags de'i las dang /rnal 'byor ma drug gi las de yang dag gi dngos grub tshig grub pas 'gugs pa de brjod pa gang yin pa'i le'u yin pas de de bzhin no/ /bzhi bcu rtsa lnga ni bzhi bcu rtsa lnga pa'o zhes bya ba ni/ dpal 'khor lo sdom pa'i le'u bzhi bcu rtsa lnga pa'i dka' 'grel lo// //da ni yi ge ha lnga'i las ni/ de nas zhes bya ba la sogs pa gsungs te/ de nas ni ha lnga'i las kyi rab byed do/ /ha lnga zhes pa ni ha lnga'i las dgos pa'am/ de rab tu sgrub pa po'i rnal 'byor bas ha lnga rgyas par bya'o/ /ha lnga ston te hA hI hai hau haM/ zhes bya ba ni ha lnga'o//dbyangs drug po gang yin pa'i dpa' bo drug gi go cha'i sngags btu ba'i lhag ma dbyangs lnga ni has khyad par du byas pa'o/ /ha lnga ni mda' lnga dang ldan pa'i lag pas mnye bar bya'o zhes sbyar bar bya'o/ /de'i phyir yang ston te/ yi ge ha ni lnga po dag /ces gsungs te/ lag par ha lnga ni lag par 'khor lo rtsibs lnga pa bsam pa'am/ dngos su bris la yi ge lnga bsam pa'am bris la mnye bar bya'o zhes pa ni nye bar bsdu ba'i don to/ /lnga'i sgras ni gsal po'i don nyid kyi phyir/ U yang gzung bas hA hI hU hai hau haM/ zhes bya ba ni ha drug go/ /de nyid ha lnga'i sngags so//sngags drug gi zhes gzhan kha cig 'dod do/ /kha nas kyang ni khrag 'dzag cing / /zhes pa ni rtsa lnga la khab kyi rnam pa can gyi gdong gis phug ste khrag dgug bzhin pa thod pa la gnas par bsam par bya'o/ /de nas de ma thag tu dgra bo de 'chi'o/ /sbyor ba gzhan ni rang gi khrag ni zhes bya ba la sogs pa gsungs so//srin lag ni bu med pa nyid de de'i khrag ni khrag go/ /skam pa ni bskam par bya'o zhes pa'i don to/ /ha rnam pa lnga bzlas pa nyid ni dgos pa'o/ /gal te khros zhes bya ba la sogs pas ni bzlas pa tsam gyis 'grub par ston to//dug dang ske tshes lag pa'i mthil gnyis la rnam par byugs la/ de'i steng du ba bla dang thod le kor la sogs pa bya rog gi gshog pa'i smyu gus gzung ste ha rnam pa lnga sngon bzhin du bris la bsam gtan gyis kyang de bzhin du bltas te/ seng ldeng gi 'dab ma'am me la bsgrub bya'i rkang pa'i rdul lag pa gnyis kyis mnye ba ni yang dag par mnyes nas ming gzung ba sngon bzhin du 'gro bas de nyid kyi sngags kyi sbyin sreg byas na kha nas khrag skyugs te dgra bo 'chi bar 'gyur ro//zhes kha cig zer ro/ /sbyin sreg gi sbyor ba ni byil dang ni zhes pa la sogs pa gsungs te/dbang ni dbang phyug go/ /'dzam bu ka ni lung nyid kyi phyir ro/ /sha de dag gis mkha' 'gro ma rnams la gtor ma sngon du 'gro bas sbyin sreg bya'o/ /de la mkha' 'gro ma la gtor ma dang sbyin sreg spyod do zhes bya'o/ /sha de sngags 'di dang spel ba sngon du 'gro bas sbyin sreg bya zhes dgongs so//rta ni dngos grub byed pa ni rgyal po la sogs pa grub par byed pa'o/ /'di dag ces pa ni byi la la sogs pa'o/ /ri bong la sogs zhes pa ni sogs kyi sgras ce spyang la sogs pa gzung ngo / /lan stong bzlas zhes pa ni sgra'i rkyen med pa'o/ /lag pa la bzlas brjod stong gis mngon par bsngags nas kar bI ra'i me tog dang bcas nas sbrum ma la reg par bya'o//des ci zhes pa mngal ni zhes bya ba la sogs pa gsungs so/ /yi ge re re yang dag sbyar/ /zhes pa ni 'bum phrag lnga bzlas pa'i rjes su de nas las la sbyar ro zhes dgongs so/ / btang na thar pa zhes pa ni lag pas de'i lus btang na mngal 'pho ba las thar pa'o/ /rnal 'byor ma drug gi go cha'i sngags kyi sbyor ba rnams dang rdo rje phag mo'i sbyor ba dang gzhan du yang dpal he ru ka'i rnal 'byor pas ha lnga'i las lag pa mnye ba la sogs pa de brjod pa gang yin pa de yin la le'u yang yin pas de de bzhin no//bzhi bcu rtsa drug ni bzhi bcu rtsa drug pa'o zhes pa ni/ dpal 'khor lo sdom pa'i le'u bzhi bcu rtsa drug pa'i dka' 'grel lo// //da ni rdo rje phag mo'i nye ba'i snying po'i las kyi tshogs ni de nas zhes bya ba la sogs pa gsungs te/de nas zhes pa ni ha lnga'i las kyi tshogs kyi rjes su'o/ /mkha' 'gro kun gyi snying po de yang dag par bshad do zhes sbyar ro/ /mkha' 'gro kun ni rdo rje phag mo'i snying po'i sngags so/ /de'i snying po'i yang snying po ste rdo rje phag mo'i nye ba'i snying po'i sngags zhes pa'i don to/ / oM badzra bai ro tsa nI ye swA hA zhes bya'o/ /de'i phyir yang dag par bshad par bya'o/ /gang gi phyir dngos grub thams cad kyi 'bras bu ster bar 'gyur ba'i phyir de'i phyir 'di ni zhes bya ba la sogs pa gsungs so/ /'di bzlas pas dngos grub thams cad kyi 'bras bu ster bar yang dag par bshad par bya'o//nye ba'i snying po brjod bzhin pa nyid yin no/ /ji ltar mkha' 'gro ma kun gyi snying po yin zhe na/ de'i las kyi tshogs ni nges par 'gyur ba'i phyir ro/ /de la zhes pa ni rgyu dang 'bras bu'o/ /mkha' 'gro ma'i rig pa chen mo yang de bzlas bzhin pa yang de bas de bzhin no/ /de la sor drug pa zhes pa ni sgra'i rkyen med pa'o//rigs rnams skrod do zhes pa ni de'i rigs rgyud kun yang dag par skrod bar 'gyur ro zhes dgongs so/ /sa las byas pa'i gzugs brnyan zhes bya ba ni/ de'i snying gar 'gro ba la sogs par gtogs pa la de'i snying gar de'i sngags dang de'i ming spel ba'o//rgyal po'i sgor sba bar bya'o/ /sor brgyad ces pa ni de'i tshad kyi phyed brkos la sba'o zhes pa'i don to/ /de nas gzhan du ma du lung ga'i me tog gsum sbyin sreg bya'o/ /de nas gzhan yang tshangs par stong phrag brgyad nyid sbyin sreg bya'o zhes zer ro/ /kA kAN TI'i 'bras bu ni nag po chen po'i 'bras bu'o//rab tu ltogs pa ni bya rog go/ /rgyal gyi lcags ni lcags [(]gyi [,]kyi [)]'bu'o/ /gser shing ni da du ra'o/ /bya chen po ni srin bya'o/ /khwa'i rgyus pa ni khwa'i rtsa'o/ /lhag ma ni phyi ma rnams so/ /'dis 'di ltar ston te/ 'bras sob bcug pa'i rjes su de'i sngags kyis mngon par bsngags pa'i chus bdag nyid la dbang bskur zhing zhag bdun du bzlas pas nor rnams 'gugs so//mkha' 'gro ma thams cad kyi sngags kyi las brjod pa gang yin pas de de bzhin no zhes bya ba ni/ dpal 'khor lo sdom pa'i le'u bzhi bcu rtsa bdun pa'i dka' 'grel lo// //de nas zhes pa ni nye ba'i snying po'i las tshogs bstan pa'i rjes su'o/ /sngags gzhan yang yang dag par brjod par bya'o/ /de la snying po ste de'i phyir mkha' 'gro kun zhes bya ba la sogs pa gsungs so/ /mkha' 'gro kun gang yin pa de ni snying po'o/ gang dge ba zhes pa ni gang gi phyir gyi don to/ /gang gi phyir dge ba gang gis mkha' 'gro mar 'gyur zhing dngos su bskyed pa gang yin pa'o/ /sems can ma lus pa rnams kyi 'dod pa'i don thams cad sgrub par byed pa po nyid yin pas 'dod pa'i don thams cad sgrub par byed pa po gang yin pa de ni rnal 'byor ba'o//gang zhig dran pa tsam gyis ni/ /'jig rten gsum yang g.yo bar byed/ /ces bya ba ni gang yang dag pa'i dngos grub yang dag pa'i byang chub ni go rims bzhin du yin pa de'i snying po'i sngags bshad do bar sbyar ro/ /de la snying po'i sngags ni sba ba ste zhes bya ba la sogs pa gsungs so//sngags sbas pa ni/ oM sarba bud+d+ha DA ki nI ye badzra war+N+Na nI ye hUM phaT swA hA/ zhes bya ba ni brjod pa'o/ /sngags 'di bklags pas 'grub ba ste/ /zhes pa ni bri ba la sogs pa spangs pa'o/ /de yang las thams cad sngon du gsungs pa byed pa'i ngang tshul gang yin pa de ni las thams cad byed pa ste rnal 'byor pa'o//dge ba ni rnam par dag pa'o/ /las rnams kun byed dge ba yin/ /zhes pa'i gsung la ni sngags kyi khyad par ro/ /sngags 'di gang gis zhes pa la/ mkha' 'gro ma zhes bya ba la sogs pa gsungs so//mkha' 'gro ma zhes bya ba ni mkha' 'gro ma'o/ /rnal 'byor ma ni gzugs can ma'o/ /ni ni kun sdud pa'o/ /de bzhin dum skyes ma la ni zhes pa ni/ dum skyes ma dang lA ma dag go zhes dgongs so/ /de bzhin thams cad rnams zhes pa ni thams cad rnams nyid ni rdo rje phag mo la sogs pa'o//de ltar sngags ni de lta bu'i sngags so/ /las thams cad byed pa nyid mdor bstan pa dang rgyas par bshad pa'o/ /sa 'og la sogs yod pa zhes pa ni 'jig rten gsum shes shing dngos grub thams cad rab tu sgrub par byed pa'o//'di las gzhan sgrub par byed pa gang yang yod pa ma yin no zhes pa'i don to/ /gang gi phyir sngags 'di las thams cad sgrub par byed pa'o zhes pa la/ bla med de zhes bya ba la sogs pa gsungs te/ 'di ni zhes pa ni snying po'o/ /lha rdzas dang thabs rab tu ston pa ni lha rdzas thabs ni rab ston pa'o//mdor bstan pa'i rnal 'byor ma rnams kyi dgod pa rgyas par ni/ thams cad ces bya ba la sogs pa gsungs so/ /bsgom mo zhes brjod pa ni bri ba nyid de gang gsungs pa nyid kyis kyang de bzhin du yang bsgrub par bya'o/ /ri bo zhes pa ni ri rab bo/ / de'i steng du rtag tu sgom pa zhes pa ni/ rgyun gyis rtag pas gzhal yas khang ba zhes pa'i don to/ /de bzhin zhes pa ni gzhal yas khang pa'i steng du mkha' 'gro ma la sogs pa sgrub pa'i thabs kyi rim pa bzhin du bsgom par bya'o/ /de'i phyir mkha' 'gro ma zhes bya ba la sogs pa gsungs so//dpa' bo rnams zhes pa ni dpa' bo thod pa'i dum bu la sogs pa dang bcas pa'i rnal 'byor ma rab tu gtum mo la sogs pa nyi shu rtsa bzhi bsgom par bya'o zhes shes par bya'o/ /mkha' 'gro ma zhes bya ba la sogs pa ni mang ba'i phyir khwa gdong ma la sogs pa yang dpa' bo bsten pa yang ni dpal he ru ka bsten pa yang ste bsgom par bya'o zhes bya'o//ji lta bu ji tsam gyi dpa' bo zhes pa la gsungs te/ hA hA he he zhes bya ba la sogs pas dgod pas nye bar mtshon pa'i dpa' bo nyi shu rtsa bzhi ni dpa' bo rnams zhes pa'i don to/ /mkha' 'gro dra ba'i bde mchog bsgom//zhes gsungs te/ sngon du mdor bstan pa rgyas par byas pa'o/ /dpa' bo rnams go rims bzlog pas so sor rgyas pa ni/ rdo rje sems dpa' zhes bya ba la sogs pa gsungs te/ bsgom par bya ba sbyar ba ni thams cad du sgra'i gnyis pa'o/ / thod pa'i dum bu dang po zhes pa ni dang po ni thog mar ro/ /dang por gnas pa'i thod pa'i dum bu dang lhan cig tu keng rus chen po la sogs pa bsgom par bya'o zhes pa'i don to/ /grangs kyi sgo nas nye bar bsdu ba ni/ dpa' bo nyi shu rtsa bzhi yis/ /zhes gsungs te/ dpa' bo nyi shu rtsa bzhi dkyil 'khor dang lus la'o//de'i phyir 'gro ba 'di dag ces gsungs te/ 'di ni lus ston pa'i tshig go/ /thod pa'i dum bu dang / keng rus chen po dang / keng rus dang / mche ba rnam par gtsigs pa dang / dgra lha dang / 'od dpag med pa dang / rdo rje 'od dang / rdo rje sku dang /myu gu can dang / rdo rje ral pa can dang / dpa' bo chen po dang / rdo rje hUM mdzad dang / rab tu bzang dang / rdo rje bzang dang / 'jigs byed dang / mig mi bzang dang / stobs po che dang / rdo rje rin chen dang / rta mgrin dang / nam mkha'i snying po dang / dpal he ru ka dang / pad+ma gar gyi dbang phyug dang /rnam par snang mdzad dang / rdo rje sems dpa' zhes bya'o/ /de la brgyad po thod pa'i dum bu la sogs pa nas rdo rje sku'i bar ni sngon po ste thugs kyi 'khor lo ston pa'o/ /myu gu can la sogs pa nas mig mi bzang gi bar du brgyad po ni dmar po ste gsung gi 'khor lo dmar po'o//stobs po che la sogs pa nas rdo rje sems dpa'i bar du dkar po ste/ sku'i 'khor lo yang dkar po'o/ /'di dag ni phyag gnyis pa'am/ phyag bzhi pa dag ni slob dpon gyi 'dod pas so/ /mgo dang / spyi gtsug dang / rna ba g.yas pa dang / ltag pa dang / rna ba g.yon pa dang /smin ma'i dbus dang / mig gnyis dang / dpung pa'i rtsa ba gnyis dang / mchan khung gnyis dang / nu ma gnyis dang / lte ba dang / sna dang / kha dang / mgrin pa dang / snying ga dang / mdoms dang / mtshan ma dang / bshang ba'i lam dang / brla dang / byin pa dang / rkang pa'i sor mo dang /bol dang / mtheb chen gnyis dang / pus mo gnyis rnams la thod pa'i dum bu la sogs pa dang / rab tu gtum mo la sogs pa dang ldan par bsgom par bya'o/ /'dir de rnams kyi lus khyab pa'o/ /bsdus pa'i don ston te dpa' bo rnams ni dpa' bo'o/ /mkha' 'gro ma ni mkha' 'gro ma rnams so//de nyid ni rnal 'byor ma ste/ de yang rnal 'byor ma rab tu gtum mo la sogs pa 'khor lor bzhugs pa blta bar bya zhes pa'i 'khor la khyab par 'dis bstan pa'o/ /bya ba kun ni zhi ba la sogs pa rnams so/ /gang gis shes pa la sgrub pa po zhes gsungs te/gang gi tshe sgrub pa po yin na de'i tshe 'dis zhes dgongs so/ /'di dag nye bar bsdu ba ni/ 'khor lo'i bdag nyid rtag tu bsgom/ /zhes gsungs te/ dpa' bo dang dpa' mo las skyes pa'i 'khor lo'i bdag nyid bsgom par bya'o zhes pa'i don to/ /mchod pa nye bar bsdu ba ni sngar bshad pa'i zhes bya ba la sogs pa gsungs te/phyi rol dang gsang ba dang yid kyi rang bzhin zhes pa'i don to/ /mchod pa ni mkha' 'gro ma'i dra ba sdom zhes gsungs te/ 'khor lo chen po ni dngos grub chen po'i rten yin pas de bzhin du zhes pa ni rnam grangs kyi tshig yin no/ /'das pa la sogs pa'i de bzhin gshegs pa rnams kyis kyang 'di bzhed pa ni legs par gsungs zhes bya ba la sogs ba gsungs te/rgyud ni sangs rgyas bye bas kyang legs par gsungs so/ /byed pa po'i sgrub pa'i sgra'o/ /dpa' bo bye ba nyid kyis kyang zhes gsungs te/ bye ba nyid do/ / rnal 'byor ma rnams mang ba ni/ /mkha' 'gro ma ni re re yang / /bye ba'i grangs kyi 'khor gyis bskor/ /zhes gsungs te/ rnal 'byor ma re re la rnal 'byor ma bye ba bye bas bskor ba'o/ /de la mkha' 'gro ma la sogs pa bcu gnyis dang / rab tu gtum mo la sogs pa nyi shu rtsa bzhi dang / rdo rje phag mo yang ngo / /de nyid ni rnal 'byor ma zhes bya ba la sogs pa gsungs so/ /de bzhin gyi sgras ni de dag thams cad mnyam pa kho nar gzung ba'o/ /'di la ci'i phyir mchod ces pa la/ mchod ces pa la sogs pa gsungs te/ dngos grub kun byed dge ba yin/ /zhes gsungs so/ / mkha' 'gro ma thams cad kyi rten nam gzhi rdo rje phag mo'i snying po'i sngags so/ /sbas pa dang de'i dkyil 'khor yang brjod pa gang yin pa le'u yang yin pas de de bzhin no/ /bzhi bcu brgyad ni bzhi bcu rtsa brgyad do zhes bya ba ni/ dpal 'khor lo sdom pa'i le'u bzhi bcu rtsa brgyad pa'i dka' 'grel lo/// da ni he ru kar byed par gsal por ni/ de nas zhes bya ba la sogs pa gsungs so/ /de nas zhes pa ni rdo rje phag mo'i snying po'i sngags la sogs pa bstan pa'i rjes su'o/ /phyugs kyi las zhes pa ni phyugs rnams kyi las ni phyugs kyi las te/ skye ba bdun pa nye bar dmigs pa'i mtshan nyid do//sA li'i khu ba'i rang bzhin zhes pa ni sA li ni kha ba'i dus su skyes pa'i 'bru'i bye brag go/ /'bras kyi khu bar 'gyur ba'i rnam pa gang yin pa de ni de bzhin te phyugs so/ /phyugs ni bong bu zhes bya ba la sogs pa gsungs so/ /de la zhes pa ni skye ba bdun pa ste/ sna tshogs kyi phag pa ni mdog sna tshogs kyi ri dgas kyi khyad par ro//de yang dag par 'dus byas te/ bong bu la sogs pa dang bcas pa de dag gi nang nas kha cig ces pa'i don to/ /'dis kyang sngar gyi las nyid gsal por byas pa'o/ /dang por bong bu dang mi dang / rnga mo la sogs pa'i skye ba ji snyed pa ni skye ba bdun par mtshon pa'o//de yang 'di nyid do/ /'di dag ces bya ba la sogs pa la 'di dag la skye ba bdun pa'i mi ni las dang / de'i mtshan nyid ji ltar yin pa de ltar rab tu bshad do zhes sbyar ro/ /de nyid gsal bar bya ba'i phyir/ /skye ba gcig dang skye ba gnyis/ /gsum dang bzhi dang lnga nyid dang //skye ba drug dang bdun du yang / /phyugs nyid du ni gdon mi za/ /zhes bya'o/ /lung nyid yin pa'i phyir ro/ /phyugs dang chos mthun pas phyugs so/ /mtshon nyid ni dri zhim zhes bya ba la sogs pa gsungs so/ /las ni de ni zhes bya ba la sogs pa gsungs so/ / bsnams sam reg pa tsam gyis ni/ /lha yi gzugs ni 'dzin par 'gyur/ /zhes gsungs so/ /gang zhig thig le byed pa ste/ /de yi mod la grub ba ni/ /rang 'dod pa'i ni gzugs su 'gyur/ /'di ni rang rigs gzugs can 'gyur/ /zhes bya ba ni gzhung bzhin no/ /gang gis thig le zhes pa la//gi wang zhes pa la sogs pa gsungs te/ blang zhes pa ni g.yon pas zhes bya ste sgra'i rkyen yongs su gyur pa'i phyir ro/ /snying po'i sngags zhes pa ni dpal he ru ka dang rdo rje phag mo dag gi'o/ /ji 'dra ba'i 'dod pa'i gzugs zhes pa la/ gang dang zhes pa la sogs pa gsungs te/lag pa'i spyi bo ni dpung ba'i rtsa ba ste/ lag pa'i sgra la lag pa'i sgra las dpung pa dang nye ba'i lag pa'o/ /yan lag lnga ni phyugs dang shing gang yin pa'i gzugs su 'dod na/ de'i rnam par snang mdzad la sogs sa dang / yan lag lnga lo ma dang me tog la sogs pa'o//rnal 'byor goms pa ni bzlas pa ste/ bzlas par bya'o zhes pa'i don to/ /btang na grol ba zhes pa ni 'dir dgos pa phyugs la sogs pa'i gzugs nyid du ci'i phyir gnas par mi byed ces pa la/ sdug bsngal zhes pa la sogs pa gsungs te/ dud 'gro zhes dgongs pa yin no//gang gi gzugs 'dzin zhes pa/ glang po rta dang zhes bya ba la sogs pa gsungs te/ sgra'i drug pa'i don gyi gsum pa'o/ /de dag gi gzugs 'dzin zhes pa'i don to/ /mngon par 'dod pa'i gzugs la sogs pa 'dzin zhes pa'i don to/ /de dag kyang rgyas par 'chad de/de'i bya ba la glang po che la sogs pas gtor ma dang longs spyad par byas na de nas mngon par 'dod pa'i gzugs la sogs pa 'thob po/ /'dir yang gnyi ga'i snying po'i bya ba'o/ /mchog yod ma yin zhes pa ni skye ba bdun pa'i dngos grub kyi rang bzhin gyis grub ba na nus pa'o//skye ba bdun pa'i bsgrub bya'i phyugs las nyid du gzugs yongs su brje ba brjod pa gang yin pa de yang yin la le'u yang yin pas de de bzhin no/ /bzhi bcu rtsa dgu ni bzhi bcu rtsa dgu pa'o zhes bya ba ni/ dpal 'khor lo sdom pa'i le'u bzhi bcu rtsa dgu pa'i dka' 'grel lo// //de nas zhes bya ba ni/ skye ba bdun pa'i bsgrub bya gzugs yongs su brje ba bstan pa'i rjes thogs su'o/ /ha ha he he zhes bya ba la sogs pa dgod pa rnam pa brgyad kyi sngags kyi sbyin sreg gi cho ga bshad par bya'o/ /gang gis phyugs kyi sha'i sbyin sreg gi cho gas dbang gi las bya'o//myur du dngos grub la der rab tu gnas so zhes pa'i don to/ /sbyin sreg ni kha chu zhes bya ba gsungs te/ kha chu ni mgrin pa nas byung ba'i lud pa'o/ /khyi'i spu ni khyi'i spu'o/ /'phral du 'gugs zhes pa ni 'grub par 'gyur zhing 'ong ba nyid du yod pa'o//yoM gi sa bon de nyid kyis 'gugs pa'o/ /gang gis de 'gugs pa'o ni yoM las skyes pa'i rlung gi dkyil 'khor la gnas pa'i bsgrub bya 'ong bar bltas nas dus tshigs kyi khrag la sogs pas sbyin sreg bya'o zhes sa ni bsdus pa'i don to/ /khyi'i lus po ni khyi'i khog pa'o/ / 'phral ni 'tsho ba'o/ /de'i skrod pa ni gsod pa'o/ /rtag tu bzlas pa'i 'bras bu ni/ /sa dang zhes bya ba la sogs pa gsungs te/ sad pa ni gnyid sad pa'o/ /nyal bzhes ba ni mal stan du gtogs par gnyid log pas so/ /byas zhes pa ni dgos pa byas pa'o/ /langs nas gnas zhes pa ni nyal nas 'dug nas langs nas so//me thu na gang la yod pa de ni me thu na'o/ /bdud ces pa ni phung po la sogs pa'i bdud do zhes dgongs so/ /bdud ni sems te/ sems nyid ni bdud chen po'i zhes gsungs pa nyid kyi phyir ro/ /sngags pas rtag tu zlos byed de//yang dag dus ni yid yin te/ /zhes pa ni gzhung gzhan no/ /de la bzlas pa byed pa la yang dag pa'i dus la blta bar mi bya'o/ /gzhan pa'i sngags kyang / oM ha hA he hai ho hau haM hAM phaT swA hA zhes bya'o/ /oM ki li ki li/ shi li shi li/ tsi li tsi li/ d+hi li d+hi li phaT swA hA zhes bya ba yang ngo //sreg blugs brgya zhes pa ni a ka'i shing la sogs pa la rtag tu sreg blugs brgya brgya dus lan gsum du 'bul lo/ /lha rnams thams cad bsgoms nas ni/ /thun gnyis bar du sbyin sreg bya/ /zhes pa ni de la lha'i bsam gtan pa dang / phyugs kyi sha thams cad dang chang dang yang dag par ldan pa'o//go ma yu'i sha sar gyis/ /zhes pa ni ce spyang gi sha snying po'o/ /sbyin sreg bya zhes pa ni la la'o/ /phyi dang nang du bya zhes pa ni nye bar mkho bar bya'o/ /sbyin sreg ched du thab khung mes/ /dngos grub thams cad rab bsgrub bya/ /zhes pa ni sngags kyi tshig bzlas shing bsam gtan dang sngags bya'o//sngags med pa ni sngags bsten pa'o/ /de gnyis kyi nub gcig tu byas pa la ci zhes pa la ston to/ /yul 'khor ba ni nges ltung byed pa'o/ /rigs pa gsungs pa ni/ rnal 'byor dbang phyug mnyes byas nas/ /dbul po nyid du gal 'gyur//zhes gsungs so/ /rnal 'byor dbang phyug ni lha'i dbang phyug ste/ gang yin pa de ni de bzhin du bzhad pa'i sngags so/ /dbul po ni dbul po nyid do/ /ci bde bar zhes pa ni nges pa med pa'o/ /brtul zhugs gtsang sbra med pa la/ /zhes bya ba la sogs pa ni ji ltar bde ba nyid kyi rgyas bshad do//rjes gnang ni lhas rjes su gnang ba ste/ rmi lam du mtshan ma mthong ba nyid kyis so/ /lhag pa'i tsher 'gyur ba ni dUr ba'o/ /sbrang rtsi'i tshigs ma ni sbrang rtsi'i snyigs ma'o/ /khyim gyi 'dab ma ni steng nas 'phyang ba'i dud pa'o/ /de thams cad gang gi khyim gyi phyogs gcig tu sngags bzlas nas sbas na/de ji ltar gsungs pa bzhin du 'gyur ro/ /de nas zhes pa ni sbyor ba thams cad bstan pa'i rjes su'o/ /gzhan yang bshad bya ste de ci'i zhes pa la/ rnal 'byor ma yis dang gnas/ /zhes gsungs te/ gnas la sogs pa gang yin pa de ni gnas dang nye ba'i gnas la sogs pa'i gnas so//sa nyid ni gnas la sogs pa ste/ sa dang gnas la sogs pa ni sgra'i gnyis pa phyi ba'o/ /rnal 'byor ma ni rnal 'byor ma rnams so/ /yan lag nying lag ces pa ni yan lag ni lag pa la sogs pa'o/ /nying lag ni tshigs la sogs pa'o//spyi bor gzugs kyi phung po'o/ /stobs ni tshor ba la sogs pa'o/ /sa dang gnas la sogs pa phung po la sogs pa'i bdag nyid dpal he ru ka'i yan lag dang nying lag go/ /yan lag thams cad kyi thabs su gyur pa bshad par bya'o zhes sbyar ro/ /nye ba'i gnas nyid ni nye ba'i gnas te yi ge u phyi ba'o//dpal he ru ka nges par 'chang zhes pa ni nges par byas pa'o/ /sa 'di rnams de'i yan lag la bkod par bya'o zhes 'di ni nang gi bdag nyid sa zhes pa ni zhes gsungs te/ 'di rnams nang gi bdag nyid kyis zhes pa'i don to/ /pha rol phyin bcu sa rnams ni//zhes pa ni rab tu dga' ba la sogs pa sa bcu po dag ni/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / smon lam dang / stobs dang / thabs dang / ye shes kyi pha rol tu phyin pa ste bcu'o/ /brda'i skad ces ba ni rnal 'byor ma rnams kyi brdar byas pa'i skad do//mtho ris zhes bya ba la sogs pa ni 'khor lo gsum mo/ /dpal he ru ga'i rnal 'byor chen po bstan par byas nas dngos grub bsgrub par bya'o zhes sbyar ro/ /thams cad ces pa la sogs pas ni 'di nyid kyi khyad par ro/ /kha cig na re 'di seng ge rnam par rol pa'i phyag rgya yin no zhes zer ro//de la lag pa ni rdo rje'o/ /tshig ni yul lo/ /dbang du bya ba'i sbyin sreg dang / gnas la sogs pa'i sa dang rgyas par ston pa'i yang gzhung gang gis rgyas par ston pa de ni dbang du bya ba'i sbyin sreg dang gnas la sogs pa'i sa ston pa'o//de nyid rnam pa sna tshogs kyi rab tu byed pa'i don gyis de kho na nyid brjod pa ni 'di'i cho ga ste de'i bdag nyid kyi le'u ni lnga bcu pa'o zhes bya ba ni/ dpal 'khor lo sdom pa'i le'u lnga bcu tham pa'i dka' 'grel lo// //da ni bsgom par bya ba bsdus pa'i don la sogs pa'i le'u de ni/ de nas zhes bya ba la sogs pa gsungs te/ de nas zhes pa ni bshad pa'i mjug bsdu ba'o/ /de'i phyir zhes pa ni gang gi phyir lha bskyed pa med par cung zad kyang mi 'grub po/ /de'i phyir brgyud pa yang dag par bshad par bya'o zhes sbyor ro/ /brgyud pa ni dam pa'i skyes bus gcig nas gcig tu bshad pa'o//rnyed dka' ba zhes pa ni mdzad par yongs su shes pa rnyed par dka' ba gang yin pa de ni de bzhin de brgyad pa'o/ /sbas pa ni smad byed kyi kha na ma tho ba med par bya ba'i don du'o/ /nga ni da nyid do/ /ci zhes pa la rgyud ces gsungs te/ rgyud ci yang dag par 'dus pa byed pa gang yin pa de ni de bzhin te/dpal 'khor lo sdom par brjod pa'o/ /brda skad kyis gsungs pa ni brda'i skad kyis gsungs pa'o/ /dpa' bo de bzhin gshegs pa ste brdar byas pa'i skad do/ /sngon ma byung ba nyid kyis 'dir brda byas so zhes dgongs so/ /de'i phyir yang sgra dang sgra ma yin par yang dogs par mi bya'o//sgra 'ba' zhig ni don gyi rtogs byed ma yin gyi 'on kyang brdar byas pa dang bcas pas so/ /de yang dpa' bos kyang byas zhes pa ni dpa' bos brdar byas pa'i skad yin no zhes legs par brjod do/ /de yang dag par 'dus byas pa'i sgras ci byed ces dgongs so/ /gos ni stag gi pags pa dang glang po che'i pags pa'o//phyag rgya lnga zhes pa ni mgul rgyan dang gdu bu dang rkang rgyan dang / rna rgyan dang tshangs pa'i skud pa'o/ /phyag rgya lnga'i dang por gyur pa gang yin pa de ni mgul bar brgyan pa'i mgo bo'i phreng ba dang ske rags la sogs pa'o//rdo rje dang rdo rje dril bus ni 'khyud pa'o/ /phur bu ni phur bu ste/ rdo rje'i rang bzhin gyi gur ro/ /'di ni nya bar mtshon pa nyid kyi phyir rdo rje'i ra ba la sogs pa'o/ /'jug pa sgra sogs zhes pa ni/ 'jug pa ni gzugs kyi phung po la sogs pa'i rnam dag go/ /sgra ni thig le'i steng du ri mo'i rnam pa'o//hUM gi spyi bo'i ma ni 'dir srog med par gzung ba'o/ /de yang thig le'i gzugs nyid du rtogs par bya'o/ /nA da yang de ma yang de yin pas nA da dang ma'o/ /de la sogs pa gang yin pa ni zla ba phyed la sogs pa de ni nA da dang ma la sogs pa ste/ 'jug pa sgra dang ma sogs ni 'jug pa sgra dang ma la sogs pa'o//ji srid bsdus pa'i sbyor ldan pa/ /zhes pa ni spro ba sngon du song bas sdud pa ste/ 'di yis de nges pa nyid kyi phyir ro/ /bdud rtsi tshim byed nges par rdzogs/ /bdud rtsi lngas tshim pa rab tu bskyed pa'o/ /gos dang phyag rgya lnga la sogs pa dang /phur bu dang dra ba dang / A li kA li brjod pa dang / rgyu la sogs pa stong pa nyid dang / 'jug pa dang / sgra dang / thig le dang / bsdu ba'i sbyor ba dang / bdud rtsi tshim byed yongs su rdzogs pa dang / lag pa'i mchod pa dang / dbang bskur ba dang / go cha chen po sngon du song bas sngags kyi mchod pa zhes bya ba ste/de kho na nyid bcu bzhi 'di ni gtso bo nyid du bstan pa'o/ /de'i phyir yang 'di ni de nyid bcu bzhi ni zhes gsungs te/ bcu dang bzhi'i yan lag dang nying lag tu gang yin pa de ni de bzhin te/ rgyud kyi brjod par bya ba mdor bsdus pa'o/ /de'i phyir mdor bsdus na zhes gsungs te/'dis gang la mnyam par spyod pa'i tha snyad du byed ba'o/ /de nyid bslab par bya'o zhes pa'i don to/ /de sdig pa thams cad dag pa'i bdag nyid du 'gyur te/ gang dang de ni rtag tu 'brel ba nyid kyi phyir ro/ /thams cad ni mtshams med pa lnga la sogs pa'i sdig pa rnam par dag pa gang yin pa de ni de bzhin te/bdag nyid kyi sems gang yin pa'o/ /gang yin pa de ni rnal 'byor pa'o/ /de de bzhin ni sgra'i nges pa gzhan du lta bas so/ /las rnams bskal pa brgya ru yang / /chud ni zos par mi 'gyur te/ /tshogs shing dus la bab pa na//'bras bu nges par smin par 'gyur/ /zhes bya'o/ /las la 'bras bu med par nyams par mi 'gyur ba ni thabs kyis kyang rnam par dag pa nyid do/ /de thabs ni cung zad kyang nyams pa med pa ste 'bras bu ma byung ba la ni nyams par mi 'gyur ro zhes gsungs ba'i phyir ro//nyid kyi sgra ni nges pa'i don yin pas so/ /gang gi phyir sdig pa'i 'bras bu de nyid nyams pa'i thabs so/ /'on kyang las kyi rang bzhin nyid thabs gzhan gyis kyang de'i sngon gyi las nyams pa'i mtshan nyid kyi 'bras bur skyed de 'bras bu gzhan bskyed par mi nus pas dngos po med pa rgyun chad pa nyid du 'gyur ro//yang na 'di lta bu'i thabs kyi khyad par gyis de nyams pa skyed par byed pa'i mchog zag pa med pa'i bde ba chen po'i rang bzhin dus mnyam du bskyed do/ /ji ltar sgron mas rab rib bsal nas gsal bar skyed par byed pa yin no zhe na//de rab rib sel bar ni mi byed de 'on kyang gsal ba nyid 'ba' zhig go/ /de gsal bzhin pa rang gis rab rib med par 'gyur ro/ /bdag nyid chen po'i thabs kyang ci'i phyir khas mi len/ thabs kyi khyad par gang gis de'i 'bras bur mi 'gyur ro/ /thabs mi shes pa la ni las nyams shing med par mi 'gyur ba mi mthun pa ma yin no//de bzhin gshegs pa'i sa thob cing zhes pa ni/ zag pa thams cad zad pa'i ngo bo nyid de bzhin gshegs pa'i ye shes kyi sa thob pa'o/ /bsgom pa phul du byung bar 'gro ba med pa la mi 'gyur na/ de'i tshe ci zhes pa la skye dang skye bar bder gshegs kyi/rigs su skyes zhes gsungs te/ de bzhin gshegs pa'i rigs gang yin pa de ni de bzhin te/ bskyed pa de'i phyir skye ba'o/ /'di yang sgra'i lnga pa phyi ba'o/ /skye zhing skye bar lha'i skye ba dang / mi'i skye ba ste chos dang ldan pa'i rgyal por 'gyur ba ni ko sa la dang rgyal po legs pa'i blo gros la sogs pa lta bu'o//gal te shin tu sdig pa can gyis kyang ji ltar yang de kho na nyid bcu bzhi goms par byas na/ de'i tshe cir 'gyur zhe na/ ji ltar zhes bya ba la sogs pa gsungs te/ ji lta ba bzhin du lus dang ngag dang yid kyi bya ba byas shing bsags pa thog ma dang tha ma dang bar du 'brel ba'i sdig pa'i las gang yin pa de ji ltar sngon la sogs pa'i sdig pa'o//de'i ji ltar sngon la sogs pa'i sdig pa zhes pa ni sgra'i dang po'i don gyis drug pa'o/ /gang skyes bu'i mtshan nyid thams cad dman pa'o/ / gzhan yang de kho na nyid bcu bzhi po'i ngo bo nyid dpal he ru ka sgom pa de ni sa gzhi'i 'dod pa thams cad kyi dbang phyug go/ /de'i sdig pa'i phung po cung zad kyang mi nus par byas pa ni bsam gtan las skyes pa nyid kyi las kyi 'bras bu'o/ /yang na ji ltar sngon bsags kyi sdig pa bsam gtan 'dis zad cing med par byas pas rtag tu 'dod pa thams cad kyi dbang phyug tu 'gyur ro//phyag dang zhal la sogs pa'i rnam pa dang ldan pa'i dpal he ru bsgom bzhin pas sngon du bstan pa'i sdig pa'i las ji ltar zad pa la/ mar gyis zhes bya ba la sogs pa gsungs te/ ji ltar mar gyis gang ba'i snod me'i dbus su bzhag pa'o//de ltar ci 'gyur zhes pa la/ mar sar zhu zhing zhu gyur nas/ /zhes gsungs so/ /de gal te snod kyi mar sar zhu ba chu dang 'dra ba mtshan nyid kyi rdzas so/ /tshig gi don no/ /zhu zhing zhu ba rnyed nas chu dang 'dres par 'gyur ro zhes pa'i don to/ /des ci zhes pa la snod kyi dri ma 'jig ces gsungs te/dri ma ni dus ring po rnyed nas zhu ba'i chu nyams par 'gyur ro/ /ji snyed du chu lta bu nyams pa med pa de snyed du mar sar mi nyams pa ni de dag dngos po'i mthu kho na'o zhes dgongs so/ /snod kyang rten yin pa'i phyir snod do/ /me yang snod ces brjod do//de bzhin du de'i las zad pa zhes pa de nyid ni/ de bzhin sdig pa 'jig par 'gyur/ /zhes gsungs te/ 'khor ba'i rgya mtshor sems can rnams mngon par zhen pas sdig pa'i las thun mong bas lhung ba rnams stong pa nyid kyi ye shes kyi mes dpal he ru kar byas pa'i snod bsgom bzhin pas phung po la sogs pa mngon par zhen pa de'i gzung ba la sogs par mngon par zhen pa'i mtshan nyid de'i las kyang zad nas phung po la sogs pa skyon med par 'gyur ba'o//gzhan yang stong pa nyid la mngon par zhen pa dang bcas pa'i skyon ni ji lta ba bzhin du don gyi bya ba byed pa dang bral ba nyid kyi phyir ro//de ltar yang / rdo rje snying po snying rje che/ /dngos po nyid kyis rnam grol zhing / /dngos po nyid kyis 'ching 'gyur bas/ /de yongs shes pas grol bar 'gyur/ /zhes gsungs so/ /nyon mongs pa med pa zad par 'gyur bas mchog gi byang chub mi 'thob bas nyon mongs pa las grol bar rang la phan pa byed pa yang mi 'thob po//des 'dir byang chub thob pa ni brtson 'grus brtan por byas shing ma lus pa bsreg pa ma yin pas nyon mongs pa rtswa'i zil pa lta bur byas pa'o zhes kyang ngo / /dpal he ru ka zhes pa ni/ shrI ni gnyis med ye shes te/ /he ni rgyu sogs stong pa'o//ru ni tshogs dang bral ba ste/ /ka ni gang du'ang mi gnas pa'o/ /zhes pa ni shes rab dang thabs kyi rang bzhin de'i ming can ni mtshan nyid kyi phyir ro/ /de nyid kyi phyir de zhes pa'i sgra ni drug pa'i don to/ /ming ni mtshan te gtso bor bsgrub pa nyid du dgongs so/ /gang las zhes pa la/ bsam gtan zhes gsungs te/bsam gtan ni bsams pa tsam mo/ /klog pa ni thun mong du'o/ /rang gis 'don pa dang rtse gcig pa'i yid kyis bris na/ rang nyid 'khor los sgyur ba ni/ 'khor los sgyur ba nyid do/ /dpal he ru ka'i rnal 'byor pa rnal 'byor gyis kyang ma grub na 'don pa la sogs pa byas pas kyang ngo //gal te tshogs par ma gyur na 'chi bar gyur na de'i tshe cir 'gyur zhes pa la/ 'pho ba'i tshe zhes pa la sogs pa gsungs te/ rnal 'byor pa ni skyes bu'o/ /dpal he ru ka la sogs pa'i dpa' bo dang dpa' mo rnams ni gsum pa'i mang po'i tshig phyis pa'o/ / sgra sna tshogs ni rnga la sogs pa byin gyis brlabs pa'i dpal he ru ka la sogs pa'o/ /bya ba bag tsam gyis mtshon pa'o/ /de nyid ni de 'dra'i zhes bya ba la sogs pa gsungs so/ /lha ni dpal he ru ka'o/ /dpa' bo chen po ni thod pa'i dum bu la sogs pa'o/ /rnal 'byor ma ni rdo rje phag mo la sogs pa'o//sha'i mig gis mthong bar dka' ba'o/ /dpal 'khor lo sdom pa'i rgyud chen po gang gis shes pa ni rtogs pa yang ngo / /ma dad pa ni ma dad pa'i skyes bu'o/ /de dbul bar 'gyur te/ sdug bsngal gyis gsungs par 'gyur ba gang yin pa de ni de bzhin no/ / mgul rgyan zhes bya ba la sogs pa gsungs te/ bshad pa nye bar mjug bsdu bar ston te/ mgul rgyan gdu bu dpung rgyan dang / /zhes pa ni yang dag par bsdu ba gcig go/ /mgul rgyan zhes bya ba la sogs pa sngon bzhin du rgyan gyi mjug bsdu ba'o/ /ri steng sna tshogs pad+ma ni sna tshogs pad+ma'i gnas kyi mjug bsdu ba'o//A li kA lis zhes pa ni rnam pa lnga'i mjug bsdu ba ste/ A li kA li zhes pa'i don to/ /da ni lhag ma bsdu ba'o/ /u ma zhes pa ni lhan cig gi sgra'i don te gsum pa'o/ /gdan gyi mjug bsdu ba'o/ /rdo rje dril bu sku la 'khyud ces pa ni mtshan ma dang 'khyud pa'i mjug bsdu ba'o//mtshan nyid po 'dis ni mtshan ma gzhan nye bar mtshon pa'o/ /nyi shu rtsa bzhi'i phyed ldan pa/ /zhes pa ni khwa gdong ma la sogs pa bcu gnyis ni nyi shu rtsa bzhi'i phyed do/ /dpa' bo dang ldan pa'i rnal 'byor ma ni dpa' bo dang rnal 'byor ma ste nyi shu rtsa bzhi'o//de'i tshogs ni dpa' bo dang rnal 'byor ma'i tshogs so/ /sgra thung bar byas pa ni lung yin pa'i phyir ro/ /des bskor zhes pa ni rnal 'byor ma sum cu rtsa drug gi mjug bsdu ba'o/ /dpal he ru ka rgyal po chen po gang yin pra de ni/ he ru ka dpal rgyal po che/ /zhes bya ste/gtso bo'i mjug bsdu ba'o/ /go 'phang zhes pa ni khyad par ro/ /'dis kyang rten dang brten pa'i ngo bo nyid ma lus pa'i dkyil 'khor kyi mjug bsdu ba'o/ /mdor bsdus pa bstan nas/ yang shin tu mdor bsdus pa ni/ thams cad ces bya ba la sogs pa gsungs te/ dpa' bo thams cad ces pa'i drug pa'i gcig gi tshig gi don no//rnal 'byor ma ni 'dir 'khor te/ de'i 'khor dang bcas par gnas pa ni 'khor bcas so/ /srub ba ni rdo rje phag mo'i rnal 'byor dang de ldan pa ste/ sgra'i thung ba ni lung yin pa'i phyir ro/ /dbus su sbyor ldan pa zhes pa'i gzhung la ni dbus ni zag pa med pa'i bde ba'o//de nas de phyir gsung bshad bya/ /zhes bya ba la sogs pa nas srub pa'i sbyor ldan pa zhes pa'i bar gyis gong du bstan pa'i chos thos nas dpa' bo dang / dpa' mo'i dbang phyug ma thams cad chos kyi snying pos dgyes nas so/ /gnyis su gyur pa ni thugs dgyes pas gnyis pa'i ngo bo nyid du gyur pa ste/'byin pa ni spro ba'o/ /sdud pa ni spros pa sdud pa'o/ /dpa' bo dang rnal 'byor ma ni gzhan gyi don gyi ched du chos nyan pa'o/ /dpal he ru ka'i gdul bya'i don du/ bcom ldan 'das la rdo rje phag mos gsol ba btab pa'o/ /de lta bur gyur pa gzhan gyi don gyi ched du thos pa la rab tu 'jug ste/tshogs pa mngon par sprul nas chos ston pa'o/ /dpal he ru ka la mos pa nyid ci'i phyir zhe na/ sna tshogs zhes bya ba la sogs pa gsungs so/ /sna tshogs pa'i don 'dzin cing spyod pa la spyod pa rnams sna tshogs pa'i gzugs khyim pa la sogs pa'i mtshan nyid sna tshogs pa'i spyod pa rnam par rtogs shing shes nas mdzad do zhes pa ni brtan par byas pa'o//de nyid ci'i phyir zhes pa la/ sna tshogs tshul gyis gdul bya rnams/ /thabs ni sna tshogs ston pa yin/ /zab mo'i chos ni ston pa la/ / gal te mos par ma gyur kyang / /zhes bya'o/ /nyan thos la sogs pa'i tshul la/ gal te gdul bya lhag par mos na gang kha cig tu gyur pa la/ de'i tshe sna tshogs pa'i thabs kyis rnam pa sna tshogs pa'i lam lhag par mos pa la ston no/ /de lta bu la lhag par mos pa'i dgos pa ci yin zhes pa la/zab mo'i chos ni ston pa la/ /zhes gsungs so/ /zab mo'i chos shes rab dang thabs gnyis su med pa'i ngo bo nyid bshad cing bstan pa la/ de'i rgyu nyid kyis so/ /sna tshogs pa'i tshul la mos pa ston pa dag gis chos gang la lhag par mos pa la de la ston no zhes pa'i don to//mos pa sna tshogs pa ci'i don zhes pa la/ smod pa dag tu mi bya ste/ /gang gi phyir/ chos nyid bsam mi khyab dran bya/ /yang na thabs sna tshogs ni lha sna tshogs pa'i gzugs kyis ston pa'o/ /sems can nyid lha'i gzugs su bstan par byas so zhes dgongs so//thabs dang shes rab kyi bdag nyid gsang sngags theg pa chen po la ji ltar 'dod pas rol cing re zhig lhag par mos pa la sbyor ro/ /gal te de ltar yang ma gyur na ci zhes pa la/ zab mo zhes bya ba la sogs pa gsungs so/ /zab mo ni stong pa nyid kyi rang bzhin shes rab kyi cha'o//chos ni phyag dang zhal la sogs pa'i rnam pa thabs kyi cha'o/ /zab mo yang yin la chos kyang yin pas zab mo'i chos so/ /de bla na med par ston pa ni/ dpal 'khor lo sdom pa zhes brjod pa'i rgyud de zab mo'i chos ston pa la/ gal te 'di la lhag par mos par ma gyur na/gdul bya rnams kyis de la smad par mi bya'o/ /de la ji ltar bya zhes pa la/ chos nyid bsam mi khyab dran bya/ /zhes gsungs te/ bsam gyis mi khyab pa'i chos rnams kyi ngo bo nyid kyi rang bzhin dran par byas pa ni bstan par bya ba'o/ /bsam gyis mi khyab pa'i ngo bo nyid thams cad du bsgom par bya'o zhes dgongs so//'dir chos kyi phung po dang / khams dang / skye mched la sogs pa rnams bdag gi yul gzung ba la sogs pa'i ngo bo nyid du yod pa ni ma yin no/ /rgyu gang gis zhes pa la/ gang zhes gsungs te/ chos nyid de bzhin nyid stong pa nyid de ni mi shes te/chos nyid kyi ngo bo nyid kyis rang nyid la byed pa 'gal ba'i phyir ro/ /de ltar yang / sems kyis sems mi [(]shas [,]shes [)]pa'o/ /zhes gsungs pa'i phyir ro/ /gzung ba la sogs pas dben pa'i ye shes sems tsam ni stong pa nyid du de brjod do/ /rnam par shes pa las gzhan du stong pa nyid ces bya ba ma gtogs pa cung zad kyang med do//ma gtogs pa nyid ni rnam par dben pa gang yin pa la 'dod pa'o/ /ci zhes pa la/ mkhyen zhes bya ba la sogs pa gsungs te/ de yang dag sangs rgyas te yang dag pa'i rtogs pa dang ldan pa'o/ /bdag nyid chen pos khyab pas na sangs rgyas so/ / de sangs rgyas kyi sras po gang yin pa de ni de'i sras te byang chub sems dpa'o/ /gang gi phyir byang chub sems dpar gyur nas sangs rgyas su 'gyur ba'o/ /de dag sangs rgyas rnams sam sras ni de'i sras te de'i bdag nyid las skyes pa nyid kyi phyir ro/ /sangs rgyas rnams kyi bdag nyid kyi chos ni chos nyid rtogs pas sangs rgyas te/de yang dag par rtogs par 'gyur bas byang chub sems dpa' yang sangs rgyas zhes bya ba'i tha snyad byas te nges par rtogs par 'gyur ba nyid kyi phyir ro/ /chos nyid rtogs pa'i chos nyid ji tsam du 'byung bar 'gyur zhes pa la/ byung zhes bya ba la sogs pa gsungs te/sangs rgyas rnams byung ba ni 'ongs nas gnas pa rjes su 'brel par nye bar gnas pa'am/ ma byung ba'i rang bzhin du gnas pa zhes dgongs so/ /thams cad ces pa ni rang bzhin gyis rgyud kyi rgyun gyi ngo bo nyid kyis rtag tu gnas pa'i phyir ro/ /bsam gyis mi khyab pa ji ltar 'gyur zhes pa la/'di tsam gyi dus su gnas so zhes bsam gyis mi khyab pa nyid kyi phyir 'phel ba dang 'dri ba spangs pa nyid kyi phyir de ltar gzhal bas rtogs pa mnyam par byas pas na smad par mi bya ste/ 'jig rten pa thams cad kyis so/ /de dag la 'jig rten pa rnams kyi rtogs pa rnam par gzhag pa ci'i phyir bsam gyis mi khyab ces pa la/sangs rgyas gar ni bsam mi khyab/ /ces gsungs te/ sangs rgyas nyid gzugs sna tshogs nye bar gnas pa'i phyir gar mkhan no/ /de nyid ni mdo zhes bya ba la sogs pa gsungs te/ mdo ni mdo sde'o/ /bya ba zhes bya ba ni bya ba'i rgyud do//mngon zhes pa ni chos mngon pa'o/ /sgra'i dang po'i don gyi drug pa'o/ /spyod pa zhes pa ni spyod pa'i rgyud do/ /rnal 'byor gyi rgyud ni gsang ba'i rgyud do/ /ni ni bsdu ba'o/ /sems can 'jug pa'i zhes pa ni sgra'i bzhi pa phyis pa'o/ /thar pa ni nyon mongs pa'i 'ching pa med pa'o//ni ni 'di'i don to/ /thams cad du bye brag tha dad pa'i bsam gyis mi khyab pa'i sems can gzhug pa'i don du'o/ /bsam gyis mi khyab pa'i sems can gzhug par bya ba yang dag par rdzogs pa'i sangs rgyas kyis mkhyen no/ /snga ma dang sbyar ro/ /de dang de la 'jig rten pa la sogs pa rkang pa bzhi ni dga' ba lta bur yang dag par rdzogs pa'i sangs rgyas kyi dga' ba ni de bzhin nyid bsam gyis mi khyab po zhes dgongs so//yang na mdo ni mdo sde pa'o/ /bya ba ni rnam par bshad pa ste bye brag smra ba'o/ /mngon pa'i chos ni dbu ma pa'o/ /rnal 'byor gsang bzhi rnal 'byor spyod pa'o//de nas de'i phyir gsang bshad bya zhes bya ba la sogs pa gsang bar khas blangs pa'o/ /dbugs 'byung bar mi mchog dag gis zhes bya ba la sogs pa'i gzhung gis bcom ldan 'das ston pa dang ldan pas sdud par byed pa po dang / thams cad dgyes so zhes bya ba la sogs pas de dang de la dga' ba zhes pa'i bar gyi gdul bya dga' bar bya ba la sogs pa sgrub par byed pa dang ldan pa yin no//bcom ldan 'das nyid bstan pas gang rgyud kyi rgyal po chen po zhes bya ba la sogs pa'i gsung khyad par gyis khyad par can de la lnga bcu rtsa gcig ni lnga bcu gcig pa'i le'u rdzogs so zhes sbyar ro// //de la ji lta bur gyur pa dpal he ru ka mngon par brjod pa de la'i sgras byas pa'i de'i sgra khyad par can ni dang po'i mtha' can gyi khyad par gyi tshig bstan pa'i phyir/ chen po zhes bya ba la sogs pa gsungs te/ chen po'i rgyud kyis sangs rgyas kyi chos 'dis rgyas par byed pas na de yang rgyud ces bya'o//don dam pa'i zag pa med pa'i bde ba chen po gang yin pa de rgyal po ste/ de bas na rgyud kyi rgyal po chen po'o/ /gzhung 'bum gyi bdag nyid kyi nam mkha' dang mnyam pa'i mtha' dang dbus ma dag nas phyung ba de 'di la yod pas phyung ba'o//dang ni rgyud gzhan gyi don bsdu ba ste/ bla ma las kyang bla ma zhes bshad zin to/ /rgyal po nyid ni rgyal po ste/ bstan bcos thams cad rnams ni rgyud thams cad kyi gong du gyur pa nyid kyi phyir dang / rab tu gsal bar byed pa nyid kyi phyir ro/ /de nyid kyi phyir bcom ldan 'das kyang zla ba 'chang ba'o//'dis kyang zla bas ni brjod par bya ba'i cha gcig bstan pa'o/ /rdo rje phag mo dang lhan cig dpal he ru ka chen po zhes pa ni chen po ste/ rnal 'byor ma mkha' 'gro ma la sogs pa sum cu rtsa drug go/ /dpa' bo ni thod pa'i dum bu la sogs pa nyi shu rtsa bzhi'o/ / bklags pas grub pa'i sngags so/ /thams cad mkhyen pa ni rnal 'byor ma rnams kyi mtshan nyid la sogs pa'i ye shes dang / mngon sum la sogs pa'i shes pa yang ngo / /gzhan gyis mi thub pa ni dka' zlog dang bcas pa'i bde byed kyis so/ /dang por gyur pa ni dngos grub kyi yang dang por grub pa'o//dpal he ru ka dpa' bo chen po bklags pas grub pa/ thams cad mkhyen pa gzhan gyis mi thub pa gdod nas grub pa/ rjod par byed pa nyid kyi phyir rgyud kyang de ltar brjod do/ /dang ni sa la sogs pa rnam par dag pa la sogs pa brjod pa'o/ /sgrol ba ni srid pa'i rgya mtsho las 'dis sgrol bar byed pa ste/pa tsa la sogs pa la a tsa'i rkyen byin pa'o/ /rgyud ni mdo'o/ /dpal ni bsod nams dang ye shes kyi tshogs so/ /'khor lo ni chos kyi 'khor lo'o/ /dpal dang ldan pa'i 'khor lo ni/ dpal 'khor lo ste/ des lus la gnas pa'i sems can gyi yid yang dag par sdom pa zhes pa ni dpal 'khor lo sdom pa'o//dpal he ru ka ni/ de rjod par byed pa nyid kyi phyir rgyud kyang de bzhin du brjod cing / rab tu gsal bar bya zhing chen po yin pas na/ rnal 'byor ma yi rgyud rgyal po/ /zhes bya ste/ rnal 'byor ma'i rgyud kyi rgyal po chen po zhes bya ba ni/sgra'i rkyen med pa'i tshig yin te/ rnal 'byor ma'i gdams ngag ni mang ba nyid kyi phyir ro/ /dpal he ru ka mngon par brjod pa'i rgyud kyi rgyal po chen po 'bum pa'i nang nas phyung ba ni/ bla ma'i bla ma bstan bcos thams cad kyi rgyal po'o/ /dpal he ru ka chen po bklags pas grub pa thams cad mkhyen pa gzhan gyis mi thub ces pa ni/mchog gi rgyud dpal 'khor lo sdom pa'i ming can rnal 'byor ma'i rgyud kyi rgyal po lnga bcu rtsa gcig pa ni le'u lnga bcu rtsa gcig pa rdzogs so// //yang dag par rdzogs pa ni rdzogs so zhes pa'i don to//rgyud kyi rgyal po chen po zhes bya ba nas/ rnal 'byor ma chen mo'i rgyud kyi rgyal po zhes bya ba'i bar ni/ sgra'i su'i mtha' can dang / ti'i mtha' can gyi tshig bsdu ba'o/ /rdzogs so zhes pa'i tshig ni le'u lnga bcu pa la yang dpal he ru ka mngon par brjod pa zhes sbyar ro// //bla mas gzhung gi bshad pa ni/ /ji ltar bdag gis dran phyir bri/ /don ni ston par byed pa'i tshig /gyur pa'i ngag de bdag gi yin/ /'dir ni blang dang dor ba'i tshig /tshad mas kyang ni nges byas pa/ /bla ma'i gdams ngag med par ni/ /the tshom med par mi 'gyur ro/ / phreng ba bzhin du bla ma'i bka'/ /sna tshogs dag ni yid 'phrog pa/ /rgyud dang 'brel ba spyi bor ni/ /'khrul pa sel byed blang bar bya/ /rang sems rnam par dag pa g.yo ba'i ming can 'gro ba ni/ /rang gi sems nyid kyis ni gzung bar rnam par bsgom/ /rang gi sems las 'dir ni snying po gzhan na med//gzung ba med pa dkyil 'khor myur du bsgom par bya/ /dpal gyi go 'phang sgom par lha yi go 'phang ste/ /gang phyir go 'phang dri ma med par gnas par 'gro// srid pa ma gtogs zhi byed de ma rtogs par med/ /srid pa rnam dag 'dir ni dbyer ni med pa'o//dpal ldan 'khor lo sdom pa mtsho skyes gyur pa la/ /sbas pa'i gdams ngag ma ga ran+da ro yi gnas/ /de nyid dag la sbrang bu mchog sbyin bdud rtsi de/ /rang 'byung dri med bsod nams yid kyi gtso bo'o/ /gzhan gyi snyan ngag 'di yi 'brel par byed pas bltas//bdag gi blo yang de don grub phyir dga' ba skyes/ /sbyor ba nus gang dus tshigs dag tu gar dang glu yang len/ /sbyor mi nus pas skye bos de la spro bas ci mi byed/ /tshig don gsal po nyid lta bu/ /sa gzhi dpal ldan 'khor sdom byas/ /gang 'di legs byas de thob pa'i//skye 'gro yon tan de thob shog /ces bya ba ni dpal 'khor lo sdom pa'i dka' 'grel slob dpon mkhas pa chen po b+ha ba b+ha dra'i zhabs kyis mdzad pa rdzogs so// //gzhung 'di'i tshad ni stong phrag gsum dang brgya phrag lnga'o/ /rgya gar shar phyogs lha mo mkhar nas byung ba yi//paN chen mkhas pa mi mnyam rdo rje dang / /dbyar mo thang gi gra nas byung ba yi/ /khams pa dge slong ba ri rin grags kyis/ /bsgyur cing zhus te gtan la phab/ /skad slob gsar la phan don du/ /rgya dpe ji bzhin bsgyur ba yin/ /mkhas pa don gyi ched byed rnams/ 'di la mi dpya mi bcos zhu/ /bdag ni cung zad rtogs yod kyang / /don 'gyur ma byas sgra bzhin bsgyur/ /'jig rten pha rol don gyi phyir/ /rgyud 'grel yin pas 'jigs phyir ro/ /bal yul grong khyer mam bu ru/ /pan tu ba ro'i lha khang du/ /ne+eng dang ba ris yon bdag byas/ /lo paN gnyis kyis rgyud 'grel bsgyur/

CLOSE WINDOW