CLOSE WINDOW

D1401
བོད་ཡིག

@##/ /rgya gar skad du/ sA d+ha na ni dA na shrI tsakra sam+ba ra nA ma pany+tsi kA /bod skad du/ dpal 'khor lo sdom pa'i dka' '+rel sgrub pa'i thabs kyi gleng gzhi zhes bya ba/ bcom ldan 'das dpal rdo rje mkha' 'gro la phyag 'tshal lo//mgon po sku gsum bde ba'i bdag /he ru ka dpal la btud de/ /bla ma brgyud rim las 'ongs pa/ /dad pas cung zad bri bar bya/ /de nas zhes bya ba la sogs pa ni/rgyud 'di rgyud gzhan gyi mtha' dang yang dag par ldan pa ste/ de nas zhes bya ba'i sgra ni sngon gyi rgyud la ltos pa yin no/ /'dis ni rgyud 'di bar chad med par gsal bar byed do/ /gang gi phyir 'bum phrag gsum pa zhes bya bar 'di skad bdag gis zhes gsungs te/de nyid kyis na dang po gleng gzhi'i tshig rab tu sbyor ba med de sngon rab tu sbyar ba'i phyir/ rgyud ces bya ba ni rab tu 'brel pa ste/ rgyu'i rgyud dang thabs kyi rgyud dang 'bras bu'i rgyud do/ /rgyu'i rgyud ni rigs te 'dir shin tu rnyed par dka' ba'i sgrub pa po nyid do/ /thabs kyi rgyud ces bya ba ni/ sngon du dkyil 'khor du zhugs pa'i rim pas sgom pa dang /bzlas pa dang / gtor ma dang / 'khrul 'khor dang / sngags kyi rab tu sbyor ba la sogs pa'o/ /'bras bu'i rgyud ces bya ba ni gnyis su med pa gsal ba gcig tu gnas pa ste/ ngag gi spyod yul ma yin pa dang /sems kyi yul las ring ba nyid do/ /rab tu 'brel ba de ji lta bu zhe na/ gang 'dir sangs rgyas kyi chos rnams gnas pa'o zhes bya ba'i don te/ 'di'i phyag rgya ni yi ge a'o/ /as sdom pas na yi ge thams cad a las byung ba'o zhes bya ba'i don to//dpal rdo rje snying po rgyan gyi rgyud las kyang / snying ga'i dbus na mi shigs pa/ /rab tu 'bar ba mar me bzhin/ /mi 'gyur mchog tu phra ba yi/ /a ni gtso bo dam pa'o/ /zhes gsungs pa dang /yang brtag pa'i rgyal po gnyis pa las/ lte bar phyag rgya chen po gnas/ /'bar ba mar me'i rtse lta bu/ /dbyangs yig dang po'i rang bzhin te/ /blo zhes sangs rgyas rnams kyis brtag /ces gsungs so//de phyir zhes bya ba ni/ yi ge a las bshad pa thams cad 'byung ba'o zhes bya bar sbyar ro/ /de gang zhe na/ gsang ba zhes bya ba la 'di'i rigs rnams gsal bar ma byas pa'o/ /gsal bar ma byas pa de ci zhe na/ sbas pa bdun te/ de nyid gsal bar bshad pa ste/ gsang ba de nyid yul dang ni/ /gsang ba rgyal po'i 'khor lo'o/ /gsang ba sbas pa bden pa ste/ /gsang ba gsang ba'i pad+ma ste/ /gsang ba sa bon gyis dga' ba/ /gsang ba thams cad 'dus pa ste/ /gsang ba bar chad med bde ba'o//zhes so/ /mdor bsdus pa'o zhes bya ba ni yang dag par bsdu pa ste gzhung gi tshad la bya'o/ /don ni ma yin te/ sangs rgyas kyi chos thams cad kyang sdud par byed pa'i phyir ro/ /de nyid ni sdom pa ste/ sdom pa zhes bya ba ni thams cad 'dzin zhes bya ba'i don no/ /dpal he ru ka yang dag sbyor//zhes bya ba ni/ dpal he ru ka ni bdag nyid do/ /rdo rje phag mo ni phyag rgya ste/ de dag gi yang dag par sbyor ba ni phyag rgya chen po'i mtshan nyid do/ /'dod par bya bas na 'dod pa ste/ 'dod pa'i don phun sum tshogs pa'o/ /'dis sangs rgyas nyid dang rdo rje 'dzin pa nyid sgrub par byed pas na 'dod pa'i don kun nas sgrub par byed pa'o//de gang zhe na/ bla ma las kyang bla ma ste/ /zhes bya ba la bla ma'i don gsungs te/ sems can mos pa sna tshogs pa'i bsam pa'i dbye ba'i dbang gis 'jig tshogs la lta ba dag par bya ba'i phyir chos kyi phung po brgyad khri bzhi stong dag bstan to//de las kyang bla mar gyur pa nyid snying la gnas pa'i de kho na nyid bla na med pa ste/ rdo rje can dang bcas pa'i sangs rgyas rnams kyis so so rang gis rig pa'i rang bzhin nyid tshig gi lam las 'das pa nyid do/ /de nyid kyis na/ bskal pa bye ba brgyar yang ni//de nyid dman pas 'grub mi 'gyur/ /zhes bcom ldan 'das kyis gsungs so/ /mkha' 'gro ma yi dra ba sdom/ /zhes bya ba ni 'khor phun sum tshogs pa gsungs te/ de ni nam mkhar 'gro ma'o/ /yi ge e ar 'gyur ro/ /'gro bas na DA ste/ nam mkhar 'gro ba zhes bya ba'i don to//DA zhes bya ba'i sgra la gsungs pa'o/ /a ka ni gya gyur 'gro ba ste/ 'dir thams cad du 'gro ba ni gya gyur 'gro ba'o/ /des na nam mkhar 'gro ba'i ngang tshul 'di la yod pas na mkha' 'gro ma zhes bya ste/ bye ba khrag khrig brgya stong gi sku'i rdzu 'phrul gyis thams cad du cig car 'gro bas zhes bya ba'i don no//de rnams kyi dra ba ste/ tshogs zhes bya ba'i tha tshig go/ /sdom pa ni bde ba'i mchog ste/ de rnams kyi lhan cig tu skad cig re re la bde bas yang dag par tshim pa'i phyir ro/ /gsang ba zhes bya ba la sogs pa ni stong pa nyid bcu drug gi rang bzhin gyi brda'i yi ge ste/thams cad kyi sgra ni de rnams gsungs pa yin no/ /ra ni mtshal chen po yi khams/ /ha ni ri las skyes pa ste/ /ri skyes zhes pa mgo skyes so/ /sa ni dri yi snod yin te/ /lus la dri ni ji lta bar/ /sa ni rlung du gsungs pa ste/ / ra ni dri nyid yin par gsungs/ /yi ge me ni me tog ste/ /ra ni de bzhin lan tshwa'o/ /me ni sha chen por 'dod de/ /sa ni rab tu sbyor ba nyid/ /rba ni mgo bor rab tu gsungs/ /lha mo me ni rkang yin te/ /ni ni dri yi mar khu'o/ /sa ni so dang sen mo ste/ /da ni rgya mtsho las skyes so/ / s+thi ni kha ba'i snying po ste/ /ta ni ga pur bstan pa'o/ /yang na/ /gcig tu thams cad mkhyen pa ste/ /kun du 'gro ba shin tu phra/ /snying gi gsang chogs mnyam pa ste/ /sgyu ma'i rang bzhin stong pa nyid/ /sems kyi rang bzhin bsam mi khyab/ /yid bzhin nor bu 'dra ba bzhin/ / shes rab ming du de brjod do/ /gsang ba zhes kyang bshad pa yin/ /mchog ni don dam nyid kyis te/ /chos kyi sku zhes de brjod do/ /lhag mthong kun mkhyen ye shes kyi/ /dgyes pa zhes ni bshad pa yin/ /bsam gyis mi khyab brtan pa dang / /g.yo ba'i dngos po thams cad kyi /rang bzhin lhan cig skyes pa yi/ /dga' ba rab tu 'bar bde'o/ /thams cad bdag nyid ces bya ni/ /dbang po kun dang rnam shes sems/ /thams cad nas ni thams cad du/ /yid kyi rnam shes zhes bshad cing / /shes rab blo gros blor yang brjod/ /rtag tu zhes bya ba ni//'das pa dang ni ma 'ongs dang / /da lta'i bdag nyid can gyi mchog /'di yis skye dang 'jig spangs 'di/ /khyab nyid rdo rje'i sku nyid de/ /dbang du byed cing rtag shar nyid/ /dus kun can nyid bshad pa yin/ /bzhugs zhes bya ba la/ kun nas sems can thams cad kyi/ / khams kun la ni thams cad du/ /lus kun la ni mnyam khyab par/ /sems kyi rgyun nyid yang dag gnas/ /zag pa med cing bsam mi khyab/ /dri ma med cing bdag gis med/ /rang nyid stong pa mkha' mnyam pas/ /dngos dang dngos med rnam par spangs/ /thog ma tha ma med zhi ba/ / chos rnams kun gyi dbang phyug sku/ /kun gyi rang bzhin 'dzin pas na/ /bden pa gnyis la yang dag brten/ /ji ltar shing la rab brten pa/ /me yi sa bon rnam gnas dang / /ji ltar til gyi 'bru rnams la/ /til gyi mar khu de ltar ni/ /khams gsum la ni rnam gnas pa/ /phyag rgya chen por shes par bya//zhes bya bar dgongs so/ /mkha' 'gro kun dngos sems dpa' ni/ /zhes bya ba la/ mkha' 'gro ma kun gyi sgras ni rab tu gtum mo la sogs par 'dod la/ de rnams kyi phra rab yongs su bsgrubs pas na/ de rnams kyi dngos kyi rang bzhin no/ /de su zhig ce na/ sems dpa' zhes bya ste/rgyu ba dang mi rgyu ba'i bye brag gi gnyis so/ /sems can rgyu ba zhes bshad la/ /snod kyi 'jig rten mi rgyu ba'o/ /zhes gsungs so/ /rdo rje sems dpa' bde ba mchog /ces bya ba la/ mi phyed pas na rdo rje ste/ rdo rje dang chos mthun pas gzhan rnams 'bigs pa'i phyir ro//de bas na sems dpa' ste/ dngos bo thams cad gcig tu gyur pa nyid do/ /rdo rje yang yin la sems dpa' yang yin pas rdo rje sems dpa' ste/ dngos bde dngos po med pa bde/ /rdo rje sems dpa' bde bar brjod/ /'di ni zhes bya ba ni nges par gzung ba ste/ de nyid bcom ldan rang 'byung zhes bya ba la/brtan pa dang g.yo ba dang grol ba ma lus pa rnams rang 'byung bas na/ rang 'byung bcom ldan no/ /'di la bcom pa yod pas na bcom ldan te/ bcom pa'i sgras dbang phyug la sogs pa rnams pa drug gzung ngo / /yang na 'joms pas na bcom zhes gzung ste/ nyon mongs pa'i bdud la sogs pa bcom pa'i phyir ro//de yang nyon mongs shes rab kyis 'joms pas/ de'i phyir shes rab kyis 'joms zhes gsungs so/ /nyon mongs pa dang bral bas na dpa' ba'o/ /rtsa yi 'khor lo'i gzugs kyis bsdams pas na/ /mkha' 'gro ma yi dra ba sdom pa ste/ /bde mchog sdom pa 'khor lo'i yin par bshad//ces so/ /yang na bla ma las kyang zhes bya ba la sogs pa la bla ma ni khams bcu drug yin la/ de las kyang bla mar gyur pa ni mkha' 'gro nyi shu rtsa bzhi'o/ /de rnams kyi tshogs ni dra ba ste/ de rnams nyid rtsa ba'i 'khor lo'i tshul gyis bsdams pas na sdom pa ste/shin tu yang sbas pa'i gleng gzhi'i tshig gsal bar bya ba'i phyir/ ji ltar 'byung ba gsungs pa la/ gsang ba zhes pa ni 'di skad do/ /mchog ni bdag gis so/ /dgyes pa ni thos pas so/ /thams cad bdag nyid du ni gsum pa'i don gyis bdun pa ste/gzhan dang gzhan gyis ma yin no zhes pa'i don no/ /dus nam gyi tshe zhe na/ rtag tu bzhugs pa'i tshe na'o/ /gang du zhe na/ bde ba chen po'i gnas su'o/ /de yang gang zhig ce na/ 'di ni rang byung bcom ldan 'das/ /zhes bya bar sbyar ro/ /yang na/ gsang pas yi khams yin te/ /de bzhin mchog ni chu yin la/ /dgyes pa me zhes rnam par bshad/ /thams cad bdag nyid rtag 'gro ba/ /rtag tu bzhugs pa nam mkha'i khams/ /zhes so/ /gang yang sems can gyi khams thams cad ni mkha' 'gro ma kun gyi rang bzhin te/de nyid rdo rje sems dpa'o/ /bde ba ni bde ba chen po ste/ mchog ni phul du byung ba'o/ /ji lta bur gyur pa'i bcom ldan 'das kyis bshad do zhes bya bar sbyar ro/ /'byung zhes bya ba la/ /sa ni bde ba ste/ de'i chags pa chen po'i rjes su dpag par bya ba'i phyir 'byung ba'o//de bas na sgra'i tshul la zhes pa ste/ rdo rje nor bu'i nang du chud pa'i hUM gi sgra'i tshul nges par byung ba ni dus gsum dang khams gsum pa'i ma lus pa'i dpa' bo dang rnal 'byor ma'o/ /de rnams kyi dam tshig ni 'dus par 'dod pa ste/ rdo rje dang pad+ma lhan cig tu mnyam par sbyor ba'i phyir ro/ / yul dang dbang po bcu gnyis po rnams kyis nye bar longs spyod pa ni spyod pa ste/ so so rang gis rig pa'i tshul gyis rang gi sems kyi spyod yul thob pa'i rnam par shes pa'i mtshan nyid ni spyod yul lo/ /thog ma ni gsang ba la sgrib pa lnga spangs shing / nam mkha' ltar dag pa dbus dang mtha' dri ma med pa shin tu gnas pa nyid kyi ye shes la 'khrul pa tsam zhig gzhom par bya'o//gzhan du na rang bzhin gyis rnam par dag pa'i phyir ro/ /bsrub bya bsrub bya'i sbyor ba bzhin/ /de bzhin zhes bya ba 'di lta ste/ gtsub gtan dang gtsub shing dang skyes bu'i lag pa'i rtsol ba las du ba rab tu skye zhing me mngon par mched mod kyi/me de yang gtsub shing la yang med gtsub gtan la yang med skyes bu'i lag pa dag la yang med yongs su brtags na gcig la'ang mi gnas so/ /me 'di ji lta ba bzhin du/ 'dir yang / bsrub bya'i chos 'byung rab tu gsung //bsrub pa rdo rjer brjod pa'o/ /de yang dag par sbyor ba las/ de bzhin du bdud rtsi lta bu'i ye shes 'byung ba ni/ mngon par sangs rgyas pa nyid kyi byed pa po ste/ shes rab lus 'byung ye shes ni/ /mkha' mnyam thabs dang lhan cig nyid/ /bde chen rnam pa gcig pu ni//yang dag dbang bskur las shes bya/ /sngags bzlas bsam gtan la sogs ldan/ /rgyud 'di bshad kyis nyan par gyis/ /zhes bya ba ni bcom ldan 'das kyis gsang ba pa'i bdag po la gsungs pa'o/ /rgyud kyi sgras ni 'dir rab tu brjod pa rdo rje'i nges pa'i tshig ma lus pa rnams te/de nas zhes bya ba la sogs pa nas yongs su rdzogs pa'i mthar thug pa'i phyag rgyas btab pa'i don bsdus pa zhes bya ba'i don no/ /yid skyob par gyur pas na sngags te ye shes so/ /bsam gtan ni sems rtse gcig pa'i mtshan nyid do/ /yang na A li dang kA li'i don ni sngags kyi bzlas par bshad la/byang chub sems la rab brtson na/ /rnal 'byor dbang phyug rang nyid gtso/ /byang chub sems 'di rdo rje ste/ /sangs rgyas kun gyi rang bzhin no/ /dbugs 'byung bar ma mchog dag dang / /zhes bya ba la dang por bcud kyi len gyi don du lo bcu gcig pa'i bdag nyid pad+ma bskul ba'o//gnyis pa lo bcu gnyis pa dang / dam tshig gi don du shin tu dga' bar bya'o/ /gsum pa lo bcu drug pa'i me tog dang ldan pa dang / dngos grub kyi don du sngags la dang por goms par bya'o/ /bzhi pa lo nyi shu ma'i shes rab kyi bdag nyid kyis ni mkha' la spyod pa sgrub par byed do//lnga pa lo nyi shu rtsa lnga ma'i bdag nyid kyis ni dbang bskur ba'i don du'o zhes bya ba'i bar du ni me long lta bu la sogs pa'i ye shes lnga rnam par dag pa'i rim pa bzhin du bstan to/ /dbugs 'byung zhes bya ba ni rang gtso bo'i lhas legs par sbyangs pa'i btsun mo dang lhan cig spyod pa la rjes su 'jug pa'o//rigs ldan ni rigs kyi bu mo'o/ /med na gzhan yang gzung bar bya ste/ legs par 'dus pa la byang chub kyi sems gzhag par bya'o/ /dri zhes bya ba ni me tog sna tshogs la sogs pa dang / gos dang rgyan la sogs pa rnams kyis brgyan par bya'o//chus zhes bya ba ni chang rnam pa sna tshogs par shes par bya ste/ rlung dang mkhris pa dang bad kan las skyes pa rnams la phan pa'i rjes su mthun pa'i sbyin pas mchod pa ste/ mchod pa'i bdag nyid du gyur pas sangs rgyas rnams kyi bdag nyid mchog tu dga' ba'i skus phyogs bcu gsal bar bya ste/ye shes sgron mas mngon par byang chub par mdzad do/ /kyang gi sgras ni nges par shes par mdzad pa'i don no/ /rtag tu ni rgyun mi 'chad par de kho na nyid bsgom pa la gzhol ba'o/ /yang na dbugs dbyung ba zhes bya ba ni/ g.yon dang g.yas kyi dbugs gnyis snyoms par 'jug pa'i dbugs de rnams lte ba'i rtsa bar yang dag par 'du ba'i dus su phyag rgya mi 'gyur ba'i mchog go//gang du bar ma mchog dang zhes bya ba'i tshig gzhan yod pa der brjod par bya ste/ dang po dang tha ma dag ste/ gzhon nu ma dang rgan mo dag gi bar du gyur pa'i rdul ni bar ma zhes bya'o/ / bar ma mchog dang bsdus pa'i tshogs ni des mtshon pa'o/ /de nyid kyis na gsungs pa/ dri yi chu dang bcas pas kyang / /zhes pa ste/ dri'i chu ni sih+la kaM ngo / /de dang bcas pa ni ga pur te/ de lta bur gyur pas rigs ldan rnams la mchod par bya zhes so/ /dus kyi khyad par gyis zhes bya ba la/dus kyi nges pa bshad par bya ste/ de 'dod chags la sogs pas mi 'phrog par 'jug par bya ba'i phyir/ sngon du nyi ma'i dus las dus drug yang dag par gsal bar bya ste/ sog dang / dbyar dang / ston dang / dgun dang / dgun smad dang / dpyid dang / 'dod lhas mnyam du 'ong ba'i dus te/dus rnams gsal bar shes par byas la/ las thams cad brtsam par bya'o/ /tho rangs dgun smad las 'ongs pa/ /dpyid dang dbyar gnyis nyin cha gnyis/ /nyin phyed sa gar mkhas pas sbyar/ /srod na de bzhin ston ka ste/ /dgun stod mtshan mo'i cha yin no//zhes gsungs so/ /'di rnams kyi rang bzhin yongs su shes par byas la/ rdo rje sems dpa' la sogs pa dang sbyar bar bya ste/ rdo rje sems dpa' dgun smad de/ /rnam par snang mdzad thub pa dpyid/ /kye ho rta mchog so ga ste/ /de bzhin dbyar ni he ru ka / rdo rje nyi ma ston ka la/ /pad+ma gar dbang dgun stod do/ /so ga mar me bza' bya ste/ /de bzhin du ni dbyar kha chu/ /ston gyi dus su mar khu ste/ /de bzhin dgun stod me tog go/ /kye ho dgun smad ga pur te/ /de bzhin dpyid ni bzhi mnyam mo/ /de rnams sman ni chen po ste/ /dus drug dus ni shes par bya//dus tshod 'di dang mnyam med de/ /sbyor ba kun gyi dam pa yin/ /de dag rang bzhin grub pa ru/ /nam zhig rnal 'byor par 'gyur na/ /rnal 'byor ma kun mnyes 'gyur te/ /rnal 'byor mkha' 'gro 'dus pa'o/ /zhes gsungs so/ /pho nya zhes bya ba ni mchod pas mnyes par 'gyur ba rnams so//mchog dang zhes bya ba la sogs pa ni sngar bstan pa rnams te/ des ni lhan cig gang skyes pa de yid ni nang du chud pa yis te/ bsgom par bya ba ni rtag tu de'i rang bzhin du bya ba'o/ /'dod pa'i dngos grub ni rdo rje 'dzin pa'i dngos grub bo//ni zhes bya ba'i sgra ni nges par gzung ba'i sgra'i don no/ /rang rdzas ni ga pur ro/ /mchod par bya zhes bya ba la sogs pa ni sgra ji bzhin pa'o/ /sbrang rtsi ni sbrang rtsi chen po'o/ /khrag ni me tog go/ /ga pur bcas zhes bya ba ni ga pur dang lhan cig par yod pa'i me tog ste/ mi phyed pa'i rim pas so//tsan+dan dmar po ni sha'o/ /sbyar zhes bya ba ni bshang ba la sogs pa dang bcas pas mnyam med drug po bcud kyis len no/ /rdo rje mtshan ma ni chos kyi 'byung gnas las byung ba'o/ /yang na thams cad rdo rje ni bcom ldan 'das dpal he ru ka yin la/ de'i mtshan ma ni thod pa'o//'dzin pa ni de la rang gi lag pas blang bar bya ba ste/ ming med ni sa gzhir byas la/ mthe bo ni ri rab tu sbyar bar bya ba'o/ /rgya mtsho bsrubs pa'i bdud rtsi bzhin/ /rtog pa gsum du shes par bya/ /oM ha hoH hrIH'o/ /de la/ /ha zhes bya bas snyigs ma 'phrog /yi ge hoHyis dre 'joms la/ /gang zhig me 'bar hrIHyig ste/ /pa ba ka zhes rab tu bsgrags/ /mkhas pas bsgrubs pa'i bdud rtsi myang / /dang por bla mar dbul bya ste/ /de yi rjes su he ru ka / rdo rje can gyis sbyor dbul lo/ /phyag rgya la ni phul nas ni/ /bdag nyid kyis ni yang dag myang //sbyor ba kun gyi snying po yis/ /bdud rtsi rnam pa ldar 'gyur ro/ /'di lta bu yi sbyor ba yis/ /rdo rje sems dpa' dang mnyam 'gyur/ /yang na ga pur bcas pa ni/ /byang chub sems dang bcas pa'o/ /tshogs kyi dbus su gzhag par bya/ /zhes bya ba la/ mig la sogs pa dbang po thams cad kyi tshogs te/ grangs bdun par gyur pa dbang po gnyis kyi bye brag tu tshogs te de rnams 'dus pa'o/ /gnyis po de gang zhe na/ mthe bong srin lag rtse sbyar zhes bya ba la sogs pa ste/ mthe bong ni rdo rje yin la/ srin lag ni pad+ma'o/ /de dag gi sbyar ba ni mthe bong srin lag rtse sbyar ba'o//myang zhes bya ba ni rig par bya zhes bya ba'i don no/ /mchod bzhi de bzhin rnal 'byor ma/ /zhes bya ba ni rdo rje bzhi yis te/ dang por stong pa'i byang chub po/ /gnyis pa la ni sa bon bsdu/ /gsum ba la ni gzugs brnyan rdzogs/ / bzhi pa la ni yi ge dgod/ /ces bya ba dang / bum pa'i steng gi thod pa bzhi rnams dang / de bzhin du mkha' 'gro ma la sogs pa'i rnal 'byor ma rnams te/ 'di dag gi dkyil 'khor gyi 'khor lo'i bdag nyid mchod par bya'o zhes bya ba'i don no/ /de nyid kyis ni/ dba' bo gnyis med snyoms 'jug pa'i//snyoms par 'jug pa de nyid 'dzin/ /zhes bya ba ste/ de la dpa' bo zhes bya ba ni nyi shu rtsa bzhi dang lhan cig tu spyod pa snyoms par 'jug pa'o/ /'dir dad pa la sogs pa rnams rnam par dag pa'i khwa'i gdong pa la sogs pa rnams so/ / dpa' bo'i sgras ni thams cad gzung bar bya ste/ dper na rgyal po zhes bstan pas/ 'khor thams cad yongs su gzung ba bzhin no/ /byang chub kyi sems bskyed pa'i rim pa'i sgom pa pos ni 'di ltar rab tu shes par bya ste/ de bzhin du mkha' 'gro ma la sogs pa'i lha mo rnam par thar pa bzhi'i bdag nyid can rnams dus bzhi pa rnams su dpa' bo dang gnyis su med pa'i snyoms par 'jug pas mchod par bya'o//gzhan yang yongs su rdzogs pa'i rim pas sgrub pa pos ni/ thog ma dang tha ma med pa'i nga rgyal gyis gnas pa'i dus kyis nges pa med par 'gyur bas ci zhig bya ba gsungs pa ji lta ba'i phyag rgya dang lhan cig snyoms par zhugs pa'i sbyor ba dang ldan pas thams cad du khyab pa'i rdo rje 'dzin pa chen po'i nam mkha'i khams thams cad du rab tu gnas pa'i kun du bzang po thams cad kyi bdag nyid sangs rgyas kyi byang chub khams gsum pa brjod pa dang bral ba bsgom par bya ste/ji ltar nyi ma phyed du song ba'i nyi ma ni dman pa dang bar ma dang mchog tu 'byung bar mi rtog pa bzhin du thams cad du snang bar byed pa de ltar rnal 'byor bas kyang kun du rab tu snang ba'i ye shes kyis mu stegs thams cad dang / nyan thos dang rang sangs rgyas kyi sa shin tu mnan nas snang ba med par nam zhig tu gyur pa de'i tshe sangs rgyas kyi nyi ma'i 'od kyis phyogs bcu'i sangs rgyas kyi zhing khams kun du de bzhin gshegs pa thams cad kyi chos kyis khams gsum du snang bar byas te/ rtog pa med cing mi rtog pa ji lta ba bzhin shes par byas pa ni de nyid ting nge 'dzin zhes bya ba'i tshig gi don no//mi 'gyur ba ni mi ste/ ji ltar mi rnams kyi bdag nyid kyi bde ba gong bur bsdus par byas nas zhes shes par bya'o/ /rdo rje phra mo 'di dang rnal 'byor gzhan la brten pa sgrin par bya bar 'dod pa de'i tshe/ bcu drug char yang mi phod do/ /zhes bya ba ni nye bar mtshon pa tsam ste/ char yang mi bzod bgrang bar yang mi bzod dper yang mi bzod rgyur yang mi bzod do zhes pa'o/ /da ni gnas phun sum tshogs pa gsungs pa/ ri sul zhes bya ba sogs pa ste/ sgra ji bzhin pa ni go sla ba kho na ste/ brda yig ni sangs rgyas kyi phyag rgya chu skyes chen po yon tan dang ldan pa khyad par gyi gsang ba'i gnas bstan pa'i phyir ri sul zhes bya ba gsungs te/ don ni nags tshal 'khrigs shing dben pa'i yul te/ der gnas pa zhes 'dir gzung bar bya'o/ /'dir gtso bor bzung bas 'khor rnams kyang gzung bar bya'o zhes so//yang bud med kyi phyag rgya ni 'dod chags la sogs pa'i nags tshal gyis 'khrigs pa'o/ /de nyid thabs kyi rnam par dag pa ni byang chub kyi lam du gyur pa'o/ /de'i rnam par dag pa ni rab kyi mthar thug par 'gro ba'i phyir ro//yul ni chos 'byung du bstan te de nyid de bzhin gshegs pa thams cad kyis bsngags pa'i rdo rje'i rigs la sogs pa'i khyad par can gyi bu mo skye bo las byung ba'i phyir dben pa'o/ /yang na de kho na nyid kyi bde ba chen po'i bdag nyid ni mi g.yo ba'i ri ste/ mu stegs can ngan pa las rab tu byung ba'i rlung gis mi sgul ba'i phyir ro//dman pa'i sems can gyis gting dpag mi nus pas na tshang tshing ngo / /rgyal ba'i bdud rtsis yongs su gang pa'i khu bar gyur pas na phug go/ /chu bo chen po'i 'gram rnams zhes bya ba la de nyid thabs dang shes rab yang dag par sbyor bas zab pa dang rgya che ba'i shes rab kyi chu'i gnas su gyur pas na/chu 'gram rnams so/ /gdod nas grub pa ni rtag tu yongs su grub pa ste/ 'char ba dang nub pa spangs shing yongs su rdzogs pa rtag tu nam mkha' dang mnyam pa'o/ /de yang 'dod chags kyi me 'bar bas nyan thos la sogs pa'i byang chub bsregs pas na dur khrod do//yang na sems can thams cad kyi rgyud la mnyam pa nyid kyis gnas pas na dur khrod ces bya'o/ /der ni zhes bya ba ni de lta bu'i khyad par du'o/ /dkyil 'khor ni snying po de len zhing 'dzin par byed pas na dkyil 'khor ro//bri bar bya zhes bya ba ni yid kyis bsgom par bya ba'o zhes bya ba'i don no/ /phyi rol ni go sla ba nyid do/ /dkyil 'khor de nyid dam pa ste/ /he ru ka dpal ye shes che/ /phag mo'i lus las byung ba yin/ /b+ha ga pad+ma'i dkyil 'khor ro/ /de la dkyil 'khor 'dus pa ste//dkyil 'khor bde ba'i mchog yin te/ /dkyil 'khor dpa' bo'i rnal 'byor ma/ /kha sbyor gnyis su med pa nyid/ /bdag gi de nyid mnyam gzhag dang / /lha yi de nyid kyang de bzhin/ /sngags kyi de nyid phyag rgya dang / /de ni dkyil 'khor mchog yin no/ / yan lag kun bsgom las 'das pa/ /rtog pa'i rnam rtog spangs pas ni/ /gug skyed thig le dang bral ba/ /de ni dkyil 'khor mchog yin no/ /chos dang chos min rnam dpyad na/ /rnam dag nam mkha' lta bu ni/ /chos kun nye bar mi dmigs pa/ /de ni dkyil 'khor zhes byar bshad//chags dang chags min rnam 'phro ba/ /pad+ma rA ga 'bar dang mtshungs/ shin tu chags shing chags pa'i sems/ /de ni dkyil 'khor mchog yin no/ /bcu drug khams na rnam bzhugs shing / /gzugs dang gzugs med dri med pa/ / rtog pa po dang skul byed sems/ /de ni dkyil 'khor zhes su brjod/ /dkyil 'khor lus su gsungs pa dang / /b+ha ga'i dkyil 'khor nyid dang ni/ /byang chub sems dpa'i dkyil 'khor te/ /dkyil 'khor gsum du btags pa'o/ /'di ltar sa 'og sa stengs sa bla dang //rgyu ba dang mi rgyu ba ni thams cad mkhyen pa'i dkyil 'khor ro zhes brjod do/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u dang po'i rnam par bshad pa'o// //de la zhes bya ba ni sgra ji bzhin pa'i gnas su'o/ /lci ba zhes bya ba ni sa la ma lhung ba'i byug pa ste/der brtsam par bya zhes bya ba dang sbyar ro/ /'di'i rab tu byed pa ni dkyil 'khor gyi thabs kyi cho gar shes par bya'o/ /dur khrod du ni kun spyod bya/ /zhes pa ni dur khrod kyi bdag nyid las byung ba'i tshon sna lnga mngon par 'du bya ba ste/tshon sngon po ni ro bsregs pa'i sol ba'i phye mas so/ /tshon dmar po ni dur khrod kyi so phag gis so/ /tshon dkar po ni mi'i rus pa'i phye mas so/ /tshon ser po ni yung ba dang mi rus kyi phye mas lhan cig sbyar bas so/ /tshon ljang gu ni mi rus kyi phye ma dang lo ma ljang gu'i phye ma dang ldan pas so//des dkyil 'khor 'jigs pa bri bar bya ste/ 'khor los sgyur ba'i rgyal po'i 'byung gnas pas na 'jigs pa'o/ /slob dpon mtshan nyid bzang dang ldan/ /zhes bya ba ni rab tu gnas pa'i cho ga la mkhas pa'o/ / sbyor ba shes pa ni bsam gtan la gnas pa'o/ /pha rol 'gro zhes bya ba gsungs pa/ dang po stong pa nyid kyi rgya mtsho'i chu la ma lus pa'i sdig pa bkrus pas nam mkha' ltar dri ma med cing snying rje chen po dang byams pa nas brtsams nas/ brtson 'grus kyi spro ba dang dga' ba dang ldan pas bdag nyid dpal he ru ka bsgom par bya'o//thod pas spyi bor brgyan byas pas/ /zhes bya ba ni de bzhin gshegs pa lnga'i gzugs bris pa'i phreng ba sna tshogs kyi ral pa'i cod pa na la shin tu brgyan pa'o/ /yan lag thams cad byugs pa ni ro bsregs pa'i thal ba dang /bdud rtsi lnga bsres pas so/ /dum gcig ces pa ni sor mo lnga'i 'khor lo'o/ /rus pa'i phreng ba rnam 'phyang dang / /zhes bya ba ni mgo bo lnga bcu tham pa la byas pa'i phreng ba'o/ /ma 'byor na bris pa 'am/ bsam gtan gyis kyang bya'o/ /kha T+wAM ga zhes bya ba ni lag pa g.yon par te thod pa dang bcas pa'o//g.yas pa ni rdo rje gsor bar bya'o/ /bdag nyid ces bya ba ni go sla'o/ /de ltar byas nas bri bar bya'o zhes bya bar sbyar ro/ /ro'i skud pa zhes bya ba ni mi ro dang lhan cig dur khrod du bskyal ba'i skud pas la ma lhung ba gzung la mi 'chi bcu phyed bcas pa'i khrag chen pos bsgo bar bya'o//yang na ro'i skud pa zhes bya ba ni mi ro'i rgyus pa las byas pa'i thig skud do/ /khru gang zhes bya ba la sogs pa ni khru gang nas brtsam pa nas nyi shu'i bar du ste/ de las lhag par mi bya'o/ /sngags pas nyis 'gyur rnam par spyad/ / ces bya ba ni bgo ba'i thig skud kyi mtshan nyid do/ /mkha' 'gro dra ba'i bde mchog mchod/ /ces bya ba ni mchod pa bya ba'o/ /gang gis gzhal zhing gdab pa gsungs pa/ cha 'phen pa yi rim nyid kyis/ /blo bzang dkyil 'khor thig gdab bya/ /zhes bya ba la sogs pa la/ cha gsum po rnams kyis 'phen pa ni cha 'phen pa ste/de'i rim pa ni cha 'phen pa'i rim pa'o/ /cha 'phen pa'i rim pa des dkyil 'khor thig gdab par bya'o/ /dkyil 'khor tshad gzhal sa la ni/ /shar nas nub tu gzung bya ste/ /nyis 'gyur gyis ni thig btab nas/ /de 'og bya rog rjes btsal bya//shar nas lho ru phyin bya zhing / /nub nas kyang ni de bzhin te/ /byang gi phyogs su des gzhal nas/ /tshangs pa'i thig ni gdab par bya/ /shar phyogs la sogs bzung nas ni/ /thig bzhi dag ni btab byas nas/ /phyi nas phyogs ni re re zhing / /cha brgyad brgyad du 'di btab nas//der ni cha chen tshad du bya/ /slar yang cha bzhir bgo byas la/ /re mig drug cu bzhir ldan pa'i/ /mtshams nas thig ni gdab par bya/ /so so'i mtshams nas thig btab pas/ /'dus pa'i thig skud mchog yin no/ /phyi nas cha ni re re zhing / / cha gnyis su ni gzhal bar bya/ /thig btab 'di yi tshad gzhal nas/ /dbang po la sogs gnyis gnyis bya/ /thig skud tshad ldan bzung nas ni/ /ji snyed btsal ba kha sbyar bya/ /de snyed bde chen 'khor lo dang / /sku gsung thugs kyi tshad du bya/ /re mig bdun bdun ldan pa ni//thig skud bskor ba mchog yin no/ /'khor lo snying po de las drug /rtsibs kyis mdzes pa de ltar bya/ /lte ba dang ni pad+ma rnams/ /re mig bzhi dang gsum du bya/ /tshangs pa yi ni ngos gnyis su/ /rtsibs kyi nang du mdzes par bya/ /gsum po nyid ni thams cad du//rtag tu rdzogs pa nyid du bya/ /thugs ni rdo rje phreng bas bskor/ /de bzhin gsung ni pad phreng gis/ /sku yi 'khor lo phreng bas bskor/ /lhag ma ji ltar mdzes pas so/ /de la shar phyogs su dbang po'i gnas su shi ri'i shing la lha'i tshogs dkar po'o//lho phyogs su ni tsu ta'i shing la gshin rje nag po'o/ /nub phyogs su ni mya ngan 'tshang la gnas pa sprin gyi rgyal po dmar po'o/ /byang phyogs su ni byang chub kyi shing la gnod sbyin gyi sde dpon ser po'o/ /me yi mtshams su ni ka rany+dza la gnas pa drang srong gi tshogs dmar po'o//srin po'i mtshams su ni la ta dzA ti la srin po'i tshogs sngon po'o/ /rlung gi mtshams su ni rlung gi bdag po srid sgrub la gnas pa ljang gu'o/ /dbang ldan gyi mtshams su ni n+ya gro d+ha la gnas pa'i yi dags kyi tshogs du ba'i mdog tu gnas pa ni dur khrod chen po rab tu 'jigs pa zhes bya'o//lte bar dgod bya dpa' po ni/ /zhes bya ba ni lha'i dgod pa bstan no/ /gzi brjid ldan zhing zhes bya ba ni drag po bas kyang shin tu drag pos 'jigs par byed pa ste/ zhal dang po char sprin gyi mdog lta bu rin po che in+d+ra nI la chen po'i tshogs spungs pa ltar 'od zer 'bar ba la bskal ba'i me ltar shin tu 'bar ba'i 'od kyis 'khrigs pa'i spyan gsum pa/mche ba gtsigs shing rngam pa dang bcas pa 'jigs pa dag kyang 'jigs par mdzad pa'o/ /ha ha zhes bzhad ces bya ba la lha mo dang kun du 'khyud pas dga' ba dang bcas shing zhal pad+ma lta bur rgyas pa cher bzhad cing rnam par 'phro ba'i nor bu'i tshogs spungs pa lta bu'i tshems kyi 'od kyis g.yo ba dang mi g.yo ba la gsal bar mdzad cing ro'i mchog gi rgyal po lhun po'i rtse mor sna tshogs pad+ma dang /nyi ma'i dkyil 'khor la zhabs gnyis kyis bsnun cing hUM yig gis hUM zhes mdzad pa dang bcas pa'o//zhal g.yas pa gser bsregs pa lta bur shin tu ser zhing rab tu dga' ba'i spyan rgyas pas 'jig rten gsum snang bar mdzad pa'o/ /zhal g.yon pa rin po cha margad ltar rab tu gsal zhing 'od zer ljang gu 'khrigs pa 'phro bas rnam par bzhad pa dang bcas pa'o//nub phyogs kyi zhal ban+duka dang / da Di ni'i me tog ltar shin tu dmar zhing nyi ma'i dkyil 'khor 'char ka'i mdog lta bu'i 'od zer sgeg pa'i nyams dang ldan zhing rnam par rol pas bu mo mchog rnam par chags par mdzad pa'o//de lta bu phyag bcu gnyis pa bri bar bya ste/ g.yas pas ni lcags kyu/ g.yon pas ni dgra sta'o/ /gzhan ni sngar bshad pa bzhin te/ kha T+wAM ga thod par bcas pas ni gcig gis so/ /de yi zhes bya ba la sogs pa la/ de yi sku mdog mtshon cha 'chang / zhes bya ste/ mi bskyod pa gtso bor gyur pa'i tshe'o/ /rdo rje sems dpa'i tshe mdog dmar po phyag na rdo rje dang thod pa bsnams pa'o/ /de'i rjes su 'khor lo gsum gyi go rims bzhin du rdo rje dang pad+ma dang 'khor lo rnams dgod par bya'o/ /khwa'i gdong pa la sogs pa yang ji lta bu'i mtshan ma ste/mkha' 'gro ma zhes bya ba la sogs pa'i sgra ji bzhin pa'o/ /de nas bum pa zhes bya ba ni/ rgyal dang bkra shis ni shar gyi phyogs kyi sgor ro/ /dngos grub dang rdzu 'phrul dag ni byang du'o/ /rgyal dang rnam par rgyal ba dag ni nub phyogs su'o/ /grub pa dang srub pa ni lho phyogs su'o//dgu pa ni dngos grub thams cad rnam par rgyal ba ste mdun du dgod par bya'o/ /bdag nyid ces bya ba la sogs pa ni tshon gyi las zin nas dkyil 'khor gyi sgrub ba brtsam par bya'o/ /mar me zhes bya ba ni me dang / me tog dang / bdug pa dang //lha bshos la sogs pa dbul bar bya'o/ /de nas lo grangs bcu drug pa/ /me tog bcas dang lhan cig des/ /phyag rgya dang sbyor legs gnas nas/ /dngos grub mchog ni bsgrub par bya/ /bde ba las byung dkyil 'khor ni/ /'dod pa kun ldan mchod byas te/ / sngags pas lte bar bsam bya ba/ /rlung dang me yi dbus su ste/ /de dbus A li kA li'o/ /dbus su stong pa'i ri mo ni/ /so sor rtog 'gyur dam pa dang / /de nyid bya grub sgrub pa'o/ /shin tu rnam par dag bshad cing / /gang 'di bla ma'i bla ma'o/ /chos rnams ro gcig byed ba yi//rang gi 'khor lo blta bar bya/ /ma lus 'gro ba gsum bskyed pa/ /rmi lam dang ni sgyu ma dang / /gzugs brnyan bzhin du bsgom bya ste/ /brtse ldan sna tshogs pa yi gnas/ /dgod ces bya ba ni gnas ji lta ba bzhin du 'og nas 'byung ba ltar sku la sogs pa byin gyis brlab par bya zhing /mig la sogs pa yang byin gyis brlab pa bya ste/ mig gnyis su pad+ma dang zla ba la gnas pa'i yi ge oM yongs su gyur pa'i 'khor lo las gti mug rdo rje zhal gsum pa/ phyag drug pa ral ba'i dbu rgyan can rgyan thams cad kyis brgyan pa ni thams cad kyi'o/ / khyad par du zhal g.yon pa ser zhing g.yas pa ljang gu 'khor lo dang dril bu bsnams pa'i phyag gnyis kyis gzugs rdo rje la 'khyud cing / phyag gzhan gyis gti mug gi bdag nyid kyi tshangs pa dral ba'i pags pa rgyab na bsnams pa/ gzhan gyis rde'u chung kha T+wAM ga dang thod pa bsnams pa ste thams cad la sbyor ro//kun kyang sems dpa'i skyil mo krung gis bzhugs pa nyid de rnam par snang mdzad kyi dbu rgyan can no/ /rnam gnyis su ni pad+ma dang nyi ma la gnas pa'i yi ge hUM yongs su gyur pa'i rdo rje las zhe sdang rdo rje ste/ yan lag thams cad dang rtsa ba'i zhal sngon po/g.yon pa ser zhing g.yas ba ljang gu rdo rje dang dril bu bsnams pa'i phyag gnyis kyis sgra rdo rje la 'khyud cing / gzhan gyis zhe sdang gi bdag nyid kyi khyab 'jug dral ba'i pags pa bsnams pa/ mi bskyod pa'i dbu rgyan can bsgom par bya'o//sna bug gnyis su pad+ma dang nyi ma la gnas pa'i yi ge trAM yongs su gyur pa'i rin po che las ser sna rdo rje ste/ rtsa ba'i zhal ser po zhal g.yas pa sngo zhing g.yon dmar ba rin po che dang dril bu bsnams pa'i phyag gnyis kyis dri rdo rje la 'khyud cing / gzhan gyis ser sna'i bdag nyid kyi 'dod pa'i lha dral ba'i pags pa bsnams pa rin chen 'byung ldan gyi dbu rgyan can bsgom par bya'o//lce'i rtsa bar pad+ma dang nyi ma la gnas pa'i yi ge AH yongs su gyur pa la pad+ma de las 'dod chags rdo rje ste/ rtsa ba'i zhal dmar po g.yon pa ser zhing g.yas pa dkar po pad+ma dang dril bu bsnams pa'i phyag gnyis kyis ro rdo rje dang mnyam par ldan pa/gzhan gyis 'dod chags kyi bdag nyid kyi dbang phyug chen po dral ba'i pags pa bsnams pa snang ba mtha' yas kyi dbu rgyan can bsgom par bya'o/ /dpal bar pad+ma dang nyi ma la gnas pa'i yi ge baM yongs su gyur pa'i ral gri las phrag dog rdo rje ste/zhal gsum phyag drug pa ral pa'i thor tshugs can yan lag thams cad dang rtsa ba'i zhal ljang gu g.yon pa ser zhing / g.yas pa sngo ba ral gri dang dril bu bsnams pa phyag gnyis kyis reg rdo rje la 'khyud cing / gzhan gyis phrag dog gi bdag nyid kyi tshogs kyi bdag po dral ba'i pags pa bsnams pa/ don yod grub pa'i dbu rgyan can bsgom par bya'o/ /snying gar pad+ma dang / nyi ma la gnas pa'i yi ge hUM yongs su gyur pa'i rdo rje las dbang phyug rdo rje ste/ yan lag thams cad dang rtsa ba'i zhal dkar po g.yon pa ser zhing g.yas pa sngo ba rdo rje dang dril bu bsnams pa'i phyag gnyis kyis chos kyi dbyings rdo rje dang shin tu snyoms par 'jug pa gzhan gyis dbang phyug thams cad kyi bdag nyid dbang po dral ba'i pags pa bsnams pa mi bskyod pa'i dbu rgyan can bsgom par bya'o//thabs ji lta ba de bzhin du shes rab ste de la 'khyud pa'i rtsa ba'i phyag gis me long dang / pi wang dang / dri'i dung dang / ro'i snod dang / sna tshogs pa'i gos dang / chos kyi 'byung gnas kyi phyag rgya rnams bsnams pas 'khyud pa go rims ji lta ba bzhin du gzugs rdo rje la sogs pa blta bar bya'o//de'i rjes su go cha'i phyag rgya bsam par bya ste/ thugs rdo rje'i 'og tu snying ga'i pad+ma dang zla ba la gnas pa'i oM ha yongs su gyur pa'i rdo rje las rdo rje sems dpa' dkar po dmar po'i mdog can phag mo la 'khyud pa'o/ /mgo bor sku rdo rje'i steng du pad+ma dang zla ba la gnas pa'i na ma hi yongs su gyur pa'i 'khor lo las rnam par snang mdzad ser po sngon po'i mdog can gshin rje ma la 'khyud pa'o//spyi [(]gcug [,]gtsug [)]tu pad+ma dang nyi ma la gnas pa'i swA hA hu yongs su gyur pa'i pad+ma las pad+ma gar gyi dbang phyug dmar po dkar po'i mdog can rmongs byed ma la 'khyud pa'o//phrag pa gnyis su pad+ma dang nyi ma la gnas pa'i gau' Ta he yongs su gyur pa'i rdo rje las he ru ka sngon po ljang ba'i mdog can skyod byed ma la 'khyud pa'o/ /mig gnyis su ni pad+ma dang nyi ma la gnas pa'i hUM hUM ho yongs su gyur pa'i rin po che las rdo rje nyi ma dmar po du ba'i mdog can skrag byed ma la 'khyud pa'o//yan lag thams cad du pad+ma dang nyi ma la gnas pa'i phaT haM yongs su gyur pa'i sna tshogs rdo rje las rta mchog yan lag thams cad rlung gi khams ltar khyab pa ljang gu du ba'i mdog can gtum mo la 'khyud pa'o//rdo rje sems dpa' la sogs pa'i dpa' bo rnams ni zhal gcig pa phyag bzhi pa spyan gsum pa zhal mche ba rnam par gtsigs shing rgyan thams cad kyis brgyan pa ral pa'i cod pan la dar gyis bcings shing g.yas brkyang ba'i gnas pa dang ldan zhing rtsa ba'i phyag gis rim pa bzhin du rdo rje dang 'khor lo dang pad+ma dang rdo rje sngon po gdengs pa dang rin po che dang sna tshogs rdo rje rnam par bsnams pas 'khyud par blta'o//thams cad kyi g.yon pas ni dril bu ste phyag gzhan gnyis kyis rde'u chung dang kha T+wAM ga dang thod pa bsnams pa'o//phag mo la sogs pa'i lha mo rnams ni de dang 'dra bar zhal gcig pa phyag bzhi ba spyan gsum pa gcer bu skra grol ba la phyag rgya lngas rnam par brgyan pa/ g.yon pas dril bu dang kha T+wAM ga dang thod pa 'dzin pa g.yas na rde'u chung dang zangs gri/ gnyis su med pa'i sbyor ba la snyoms par zhugs shing /shin tu chags pas 'dus pa'i bde ba dam pa'o/ /rdo rje sems dpa' la sogs ba'i lha thams cad ni mi bskyod pa'i dbu rgyan can no/ /de bzhin du bcom ldan 'das ma rdo rje phag mo'i sku dang gsung dang thugs kyang ye shes sems dpa' dang bcas par oM AH baM hUM gis byin gyis brlab par bya zhing mig la sogs pa rnams kyang ji ltar bstan pa'i gti mug rdo rje la sogs pas so//de'i lte bar ni oM baM gyis rdo rje phag mo'o/ /snying gar ni haM yoM gis gshin rje ma'o/ /khar ni hriM moM gis rmongs byed ma'o//mgor ni hreM hriM gis skyod byed ma'o/ /spyi gtsug tu ni hUM hUM gis skrag byed ma'o/ /yan lag thams cad la ni phaT phaT ste gtum mo'o/ /de'i rjes la rang gi sa bon las 'od zer spros te/ dzaHhUM baM hoH'i sbyor bas rdo rje lcags kyu la sogs pa'i rim pas bsang gtor dang /zhal bsil dang mchod yon la sogs pa phul la mchod pa thams cad kyis cho ga bzhin du yang dag par mchod do/ /nam mkha'i zhes bya ba la sogs pa la khams gsum pa go rims bzhin du ye shes kyi 'khor lo dam tshig gi 'khor lo la dgug pa ba dang gzhug pa dang bcing ba dang dbang du bya ba ste/rang gi snying ga'i sa bon gyi 'od zer spros te yang dag par bskul nas/ bcom ldan 'das de bzhin gshegs ba kun gyis de bzhin gshegs pa thams cad kyi dbang bskur de ring bdag la stsol/ sangs rgyas bdag nyid chen po rnams kyis 'od zer spros pa las gzugs rdo rje la sogs pa'i rim gyis rnal 'byor ma sprul te/nam mkha'i khams yongs su gang ba'i bdud rtsi lnga'i bum pa phyag gis bsnams nas dbang bskur bar phyogs pas tshigs bcad 'di yis dbang bskur bar bya ste/ dbang bskur rdo rje chen po ni//khams gsum gyis ni phyag byas pa/ /gsang gsum gnas las byung ba yin/ /sangs rgyas kun gyis byin pa'o/ /oM sarba ta thA ga ta a b+hi She ka sa ma ya shri ye hUM/ dbang bskur bas thugs kyi gtso bos dbu rgyan du gyur to/ /mkha' 'gro ma la sogs pa ni rnam par snang mdzad la sogs pa rnams kyis so//sku dang gsung dang thugs kyi phyag rgyas ni 'khor lo gsum pa'o/ /khwa'i gdong pa la sogs pa dang / mtshams na gnas pa rnams kyang rnam par snang mdzad la sogs pa'i phyag rgyas gdab par bya la/ cho ga bzhin du hUM gis rdo rje sprul pa dang /lha mo'i pad+ma gsum pa'i yi ge es bskyed pa la/ e yig gis lte ba dang baM yig gis ge sar bskyed nas rdo rje lcags kyu'i 'od zer des bkug la pad+ma'i rtsar khu ba phebs par mos shing rjes su chags par bya ste/ oM sarba ta thA ga ta a nu rA ga Na badzra swa sgra ba At+ma kou0f85haM/ skye gnas kyi sgra yis bskul bas de bzhin gshegs pa thams cad rjes su chags pas rab tu zhugs nas snying gar zhu bar byas la/ rdo rje'i nang nas pad+ma'i nang du spro bar bya zhing / mchod pa'i lha mo bcu drug gi gzugs kyis ba spu'i bu ga'i rtse mo dang mtshams nas spros la cho ga bzhin du mchod la tshogs dbul bar bya ste/oM shrI he ru ka ar+g+haM pra tIts+tsha swA hA/ zhes pas zhabs bkru ba ni zhabs la'o/ /zhal bsil ni zhal du phul la phyi nas mkha' 'gro ma rnams kyis mchod par bya ste/ dri dang me tog la sogs pa rnams kyis so/ /dpal he ru ka zhes bya ba'i dka' 'grel sgrub thabs kyi gleng gzhi las le'u gnyis pa'i rnam par bshad pa'o// //de nas sgrub pos dngos kun gyis/ /dang por slob dpon mnyes par bya/ /zhes bya ba ni dkyil 'khor du gzhug pa la sogs pa'i don du ci nus pas mchod pa byas la gsol ba gdab par bya'o//shin tu sgra snyan dril bu 'khrol/ /sgrub pa po yis rnga brdungs shing / /zhes bya ba la dang por cang te'u ru 'dod do/ /de nas dril bu ni lo grangs bcu drug pa'i bu mor gsungs la/ lnga ni lo grangs bcu gnyis ma'o/ /shin tu sgra snyan zhes bya ba ni ngag snyan zhing gzugs mdzes pa la mdog sdug pa'o//rdul zhes bya ba ni rjes su chags par bya ba'o/ /bu sdug de rnams gdong la zhes bya ba ni go sla ba kho na'o/ /'di'i cho ga'i rim pa ni dbang bskur ba'i rab tu byed par shes par bya'o/ /gzhung mangs kyis dogs pas 'jigs bas na 'dir ma bris so//lho yi phyogs su brten pa ni/ /zhes bya ba la sa'i bdag po dang yul 'khor rnyed pa dang ral gri dang sa 'og gi dngos grub rnams dang / nad med pa dang ye shes dang thar pa'i don du ni dkyil 'khor gyi shar sgor ro/ /gser 'gyur rtsi dang bcud kyis len ba dag nad med pa dang /nor dang 'bru rab tu sbyin pa dang / dpal dang bkra shis dang rtag tu zhi ba'i don du dkyil 'khor gyi lho sgor ro/ /dbang dang dgug pa dang phun sum tshogs pa dang / zhi ba dang / rgyas pa dang / skye bo rnams kyi yid du 'ong ba dang / bu dang tsha bo la sogs 'phel ba'i don du ni dkyil 'khor gyi nub sgo nas so//bstan pa bsrung ba'i don du gdug pa can rnams tshar bcad pa dang / dgra rnams bzlog cing pham par bya ba'i don du dkyil 'khor gyi byang sgor ro/ /de yi snyim pas me tog gtor/ /zhes bya ba ni dad pa 'phel zhing sems tshim par bya ba'i don du dbab par bya ste/g.yas brkyang ba'i gnas pas bzhag la thal mo sbyar ba snying gar bzung ste/ rlung gi dkyil 'khor gyi steng du rlung gi sa bon la rkang pa gnyi ga mnan pa dang / snying gar rlung dang sa dang me ste rlung gi sa bon gyis bskyod cing / rdo rje phag mo'i rnal 'byor 'dzin pa la/'jigs pa'i yi ge hUM gis hUM zhes brjod pa dang / a le le le hUM aHzhes pas rdo rje dril bu'i sgra dang 'jigs pa'i sgra grag par bya ste/ rab dang dman pa dang bar ma thams cad la 'dis dbab par bya'o/ /de nas skal ba dman pa la ni gsang ba'i ye shes can gyis rang gi yan lag lnga de bzhin gshegs pa lnga'i sa bon gyis byin gyis brlabs la/mar khu chen po dang / gu gul chen po dang bcas pas sman bdun cha bsnyams par byas la/ chang dang gu gul du ldan pa'i bdug pa'i sbyor bas bdug pa sbyar zhing rdo rje phag mo bzlas par bya'o/ / de'i dri mnam pa tsam gyis de'i mod la byin gyis rlob par 'gyur te/ gsung babs pas ni sngar ma thos pa'i tshigs bcad brjod la/ thugs babs pas ni 'das pa dang ma 'ongs pa shes par 'gyur ro/ /sku babs pas ni khru gang dang khru dor 'phar bar 'gyur ro/ /oM sid+d+ha sa ma ya pa ri pa li te hUM hUM hUM ho ho ho swA hA/zhes bya ba'i sngags kyis rdo rje spyi bor bzung ste gshegs su gsol la/ me tog gtor nas gang du lhung ba de'i rigs la sbyin par bya ba'am yang na gang 'dod pas so/ /dpal he ru ka la sogs pa'i/ gnas ni de la bstan par bya//zhes bya ba ni dkyil 'khor tsam de la bstan par bya'i de kho na nyid ni ma yin no/ /de'i rjes la ni chu'i dbang bskur ba la sogs pa bya'o/ /de'i rjes la bum pa'i dbang ngo / /de nas zhes bya ba la sogs pa ni gsang ba'i dbang sbyin pa'i don du slob dpon shin tu mnyam par gzhag la mchod par bya'o//phyi de nyin par zhes bya ba ni nam phyed na'o/ /mtshal chen zhes bya ba ni lus dang ngag dang sems chags pa las byung ba'i phyir lan gsum bzlas pa zhes bya ba ni/ oM AHhUM zhes bya ba 'dis so/ /de la thig le bya ba yin/ /zhes bya ba ni snying ga dang /mdzod spu dang / mgrin pa dang / mgo bo rnams su'o/ /de nas gdong phye dkyil 'khor bstan/ /zhes bya ba ni thams cad zin nas dkyil 'khor gyi de kho na nyid la sogs pa'i thams cad rdzogs par bstan to/ /de nas bla ma yon zhes bya ba la sogs pa go sla'o//gang gi rnyed dka' gang yin pa/ /de yi de nyid gser srang stong / /zhes bya ba la sogs pa ste/ bdog pa dang ldan pa rnams kyis ni go sla ba kho na'o/ /nges gnon zhes bya ba ni bstan pa la 'khu ba'i gdug pa rnams so/ /sngags pa dkyil 'khor ma mthong bar//zhes bya ba la sogs pa la/ gang la la nam mkha' la brdeg par 'dod pa dang smig rgyu'i chu 'thung bar 'dod pa bzhin te/ med pa'i phyir de dag gis bya ba ga la zhig /rnal 'byor 'di ni mchog rab dang / /sbyor ba kun gyi dam pa yin/ /zhes bya ba ni 'dir dbang sgyur ba'i rnal 'byor pa'o//gang zhig rtag tu 'dod gyur pa/ /zhes bya ba ni gang dang gang 'dod pa de dang de'o/ /'di ni lha mi zil gnon 'gro/ /zhes pa ni 'dod pa la longs spyod par 'gyur ro zhes bya bar sbyar ro/ /dkyil 'khor 'di ru dbang bskur ba/ /rgyud rnams kun gyi sgrub por gsungs//zhes bya ba ni rnal 'byor thams cad kyi mchog dang phyag rgya chen po'i dngos grub sgrub pas so/ /kun zhes bya ba'i sgras ni bya ba dang spyod pa dang rnal 'byor dang rnal 'byor ma rnams gzung ngo / /dgod pa dang blta ba dang lag brkyang dang / 'khyud pa dang gnyis sbyor ba la sogs pa zhes bya ba ni rgyud de dag thams cad du dbang bskur bar 'gyur te/ gang gi phyir de nyid bsdus pa zhes bya ba la sogs pa las gsungs pa thams cad kyang rgyud 'di nyid du dbyer med cing gcig pas so zhes bya ba ste/ 'dir dbang bskur ba ni dbang bskur mchog go zhes de bzhin gshegs pa thams cad kyis gsungs so//de'i phyir/ dkyil 'khor rnams kyi rgyal po 'di/ /ma byung 'byung bar mi 'gyur ro/ /zhes gsungs so/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u gsum pa'i rnam par bshad pa'o// //de nas mkha' 'gro ma rnams kyis/ /sa rnams la ni rol ba ste/ /zhes bya ba de la sa rnams ni rtsa rnams thams cad de/ de rnams su rol pa ni gnas rnams su dpa' bo dang dpa' mo'i dbang phyug ma rnams rnam pa sna tshogs kyis gtsubs shing gnas so zhes bya ba'i don no//brtson chen zhes bya ba ni go bzlog pa'i tshig tu blta bar bya ste/ thog mar thugs kyi 'khor lo la rab tu gtum ma dang por sbyar nas lugs su 'byung ba dang / lugs las bzlog pa dgod cing rab tu sprul pa de ltar gsung dang sku'i 'khor lo la yang ji srid brtson chen ma'i mthar thug pa rnams rab tu gnas pa'o//sku gsung thugs kyi dbus su ni/ /ji ltar phyi rol nang de bzhin/ /zhes pa de la puM bul+li ma la yar zhes mgo bor ni thod pa'i dum bu can dang / rab tu gtum ma ste/ so dang sen mo dbab pa'o/ / dzAM dzA lan+ng+ha ra zhes bya ba'i spyi gtsug tu ni keng rus chen po dang gtum mig ma ste/ skra dang spu 'bab pa'o/ /auo Di yA Ni zhes bya ba ni rna ba g.yas par keng rus dang 'od ldan ma ste/ pags pa dang dri ma 'bab pa'o/ /a arbu da zhes bya ba rgyab kyi char ni mche ba rnam par gtsigs pa dang / sna chen mo ste/sha bab pa'o/ /gnas so/ /go go dA ba ri zhes bya ba rna ba g.yon par ni lha'i dgra dang dpa' bo'i blo ma ste/ thams cad du rgyus pa 'bab pa'o/ /rAM rA me shwa ra zhes bya ba smin ma'i dbus su ni 'od dpag med dang mi'u thung ma ste/ rus pa'i phreng ba 'bab pa'o/ /de de wI ko Ti zhes bya ba mig gnyis su ni rdo rje 'od dang lang ka'i dbang phyug ma ste/mchin pa 'bab pa'o/ /mAM mA la wa zhes bya ba lag pa'i rtsa ba gnyis su ni rdo rje'i sku dang shing gi grib ma ste/ snying 'bab pa'o/ /nye ba'i gnas so/ /kAM kA ma ru zhes bya ba mchan khung gnyis su ni myu gu can dang sa srungs ma ste/rtag tu mig 'bab pa'o/ /o o Te zhes bya ba nu ma gnyis su ni rdo rje ral pa can dang 'jigs byed chen mo ste/ mkhris pa 'bab pa'o/ /zhing ngo / /triM tri sha ku ni zhes bya ba lte bar ni dpa' bo chen po dang / rlung gi shugs ma ste glo ba 'bab pa'o/ /ka~M ko sa la zhes bya ba sna'i rtse mor ni rdo rje hUM mdzad dang chang 'thung ma ste rgyu ma'i phreng ba 'bab pa'o//nye ba'i zhing ngo / /kaM ka liM ga zhes bya ba khar ni shin tu bzang po dang / sngo bsangs lha mo ste/ rtsib logs kyi chu rgyus 'bab pa'o/ /laM la pAka zhes bya ba phrag par ni rdo rje bzang po dang / shin tu bzang mo ste/ lto ba 'bab pa'o/ /go tshan+do ha'o/ /kI kAny+tsir zhes bya ba snying gar ni 'jigs byed chen mo dang rta rna ma ste/ bshang ba 'bab pa'o/ /hi hi ma la ya zhes bya ba chu sor ni mig mi bzang dang bya gdong ma ste/ mdoms 'bab pa'o/ /nye ba'i tshan+do ha'o//preM pre ta pu ri zhes te yi dags gnas pa zhes bya ba mtshan ma ni stobs po che dang 'khor lo'i shugs ma ste/ bad kan 'bab pa'o/ /griM gri ha de ba ta zhes bya ba bshang ba'i lam du ni rin chen rdo rje dang dum skyes ma ste rnag 'bab pa'o/ /'dus pa'o/ /sauM sau rASh+Ta zhes bya ba brla gnyis su ni rta mgrin dang glang sna ma ste/khrag 'bab pa'o/ /suM su brna dI pa zhes bya ba byin pa gnyis su ni nam mkha'i snying po dang 'khor lo'i go cha ma ste/ rdul 'bab pa'o/ /nye ba'i 'dus pa'o/ /naM na gar zhes bya ba sor mo rnams su ni dpal he ru ka dang shin tu dpa' mo ste/tshil 'bab pa'o/ /si sin+d+hu zhes bya ba rkang pa'i bol la ni pad+ma gar gyi dbang phyug dang / stobs chen ma ste mchi ma 'bab pa'o/ /dur khrod do/ /maM ma ru zhes bya ba ma the bong gnyis la ni rnam par snang mdzad dang / 'khor los sgyur ma ste/ mchil ma 'bab pa'o/ / kuM ku lu ta zhes bya ba pus mo gnyis la ni rdo rje sems dpa' dang brtson 'grus chen mo ste/ sna chu dang snabs 'bab pa'o/ /nye ba'i dur khrod ste/ thugs dang gsung dang sku rnams rim pa ji lta ba bzhin du mkha' spyod ma dang sa la spyod ma dang sa 'og na gnas bar bsam mo/ /'di dag sngon gyi grub pa yin//zhes bya ba la nyi shu rtsa bzhi gtso bor byas pas na ri rab kyi rdul gyi grangs snyed rnams bzung ste de rnams bsdus so/ /sangs rgyas bye ba grangs med pa'o/ /zhes bya ba ni rigs pa'o/ /rang ming brjod pa'i sngags zhes bya ba ni/ gsal byed oM gyi sngags dang ni//lhan cig tu ni rang mi brjod/ /huM hUM phaT ni mthar sbyar te/ /cho ga de ltar rim bzhin bzlas/ /zhes pa'o/ /rang ming zhes bya ba ni dpa' bo dang dpa' mo'i dbang phyug ma rnams kyi mchog ste/ oM DA ki nI ye huM hUM phaT/ ces bya ba la sogs pa dang / oM ka ra ka ra/khaN+Da ka pA li na pra tsaN+DI ye huM hUM phaT/ zhes bya ba la sogs pa'o/ /yang na snying po'i sngags dang spel ma'am dkyil 'khor pa'i lha dang gcig pa'i rtsa ba'i sngags bzlas te/ yan lag ma nyams dung phreng dang / /sangs rgyas rnal 'byor gyis zhi ba/ /rgyas pa rin chen mkha' 'gro ste//dbang la phyag na pad+ma'o/ /bskrad pa rta yi rgyal po ste/ /dbye ba mi bskyod gtso bos so/ /kun tu kun don phun tshogs la/ /'khor lo can gyi 'khor lo sbyar/ /zhes so/ /dpal he ru ka zhes bya ba'i dka' 'brel gyi sgrub pa'i thabs kyi gleng gzhi las le'u bzhi pa'i rnam par bshad pa'o// //de nas thams cad chos 'byung bar/ /sna tshogs zhes bya ba la chos thams cad ni stobs bcu dang mi 'jigs pa la sogs pa ste/ de rnams kyi 'byung gnas pas na 'dir chos kyi 'byung gnas zhes bya'o/ /sna tshogs ni brtan pa dang g.yo ba'i bdag nyid do//gang gi lta bar mi shigs dge / zhes bya ba la mi shigs dge ba ni rdo rje 'dzin pa ste/ dge ba rnams 'dzin pa'i phyir ro/ /de bas na/ chos kun gcig tu bsdu bar bya/ /zhes bya ste bri bar bya zhes bya ba dang 'grel to/ /'dir zhes bya ba ni chos kyi 'byung gnas la'o//der gnas zhes bya ba ni 'khor lo gsum gyi sbyor ba dang ldan pa'o/ /rab rgyas zhes bya ba ni yi ge rnams phreng du bya ba'o/ /bzhi pa yi ni lnga pa dang / /zhes bya ba la sogs pa rnams kyis bcom ldan 'das kyi sngags kyi tshigs bcad brgyad pa dang /ka ra ka ra zhes bya ba la sogs pa dang bcas pas rtsa ba'i sngags btu ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u lnga pa'i rnam par bshad pa'o// //gzhan yang yi ge nyi shu gnyis/ /snying po yig bdun nye snying po//zhes bya ba ni 'og nas bshad par bya'o/ /ya tshan brgyad pa'i sa bon zhes bya ba ni ha yig bcu gnyis so/ /dor byas pa zhes bya ba ni dbyangs yig ring po rnams dang / lhan cig gyur pa'i dbus na gnas pa rnams te/ oM ha na maHhi swA hA hU bau ShaT he huM hUM ho phaT haM rnams so//snying gar yi ge ha dang rdo rje yongs su gyur pa las rdo rje sems dpa' dkar po zhal gcig ba phyag bzhi pa phyag g.yas na rdo rje dang rde'u chung / g.yon pa na dril bu dang kha T+wAM ga dang thod pa 'dzin pa/ rdo rje phag mo mdog dmar mo la 'khyud pa'o//mgo bor yi ge hi dang 'khor lo yongs su gyur pa las rnam par snang mdzad ser po phyag g.yas na 'khor lo gzhan ni sngar bstan pa bzhin te/ gshin rje ma mdog sngon mo la 'khyud pa'o/ /spyi gtsug tu yi ge hUM dang pad+ma yongs su gyur pa las pad+ma gar gyi dbang phyug dmar po phyag g.yas na pad+ma bsnams pa rmongs byed ma mdog dkar mo'i mgrin pa nas 'dzin pa ste/gzhan ni sngar bstan pa bzhin no/ /phrag pa gnyis su ni yi ge he dang rdo rje yongs su gyur pa las he ru ka mdog sngon po phyag g.yas na rdo rje gdengs pa bsnams pa yang dag par skyod ma mdog ljang gu la 'khyud pa'o//lhag ma sngar bstan pa bzhin no/ /mig gnyis su ni yi ge ho dang rin po che yongs su gyur pa las rdo rje nyi ma gser bsregs pa'i mdog can phyag g.yas na rin po che bsnams pa/ skrag byed ma nam mkha' ltar mthing skya'i mdog can la 'khyud pa ste/lhag ma ni sngar bstan pa bzhin no/ /dpral bar yi ge hi dang sna tshogs rdo rje yongs su gyur ba las rta mchog phyag g.yas na sna tshogs rdo rje bsnams pa/ gtum mo du ba'i mdog can la 'khyud ba ste/ gzhan snga ma bzhin no/ /thams cad kyang rgyan kun gyis brgyan zhing g.yas brkyang ba'i gnas pas gnas pa ral ba'i cod pan dar gyis bcings pa'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u drug pa'i rnam par bshad pa'o// //de nas dbyangs yig ces bya ba la le'u lnga par bstan pa'i gsal byed dang dbyangs su sbyar bar bya ste/bcu gsum nyid ces bya ba ni yi ge o'o/ /yi ge gnyis pa zhes ba ni/ rim pa ji lta ba bzhin yi ge ma'o/ /dbyangs yig bcu gcig ni e'o/ /yi ge drug pa ni ta ste rim pa 'di nyid kyis thams cad la sbyar bar bya'o zhes so//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bdun pa'i rnam par bshad pa'o// //de nas rang gi bdag nyid kyi/ /zhes bya ba ni chos thams cad gdod nas skye ba med cing bdag med pa'i rang bzhin yongs su dag cing rang bzhin dang bral bas kun du bsam pa'o//dpa' bo kun dang mnyam sbyor bas/ /mkha' 'gro kun gyi dra ba sdom/ /zhes bya ba ni/ snying rje chen po sprul pa'i rang bzhin te/ /rang gi bdag nyid snying po'i sngags yig ni/ /yongs rdzogs dkyil 'khor dkyil 'khor mchog /skad cig ye shes kyis rdzogs pa//gru bzhi pa la sgo bzhi pa/ /rta babs bzhi yis brgyan pa ste/ /dra ba dra phyed kyis spras pa/ /dar dang me tog phreng 'phyang ba/ /phyi yi dkyil 'khor bstan par bya/ /dbus su rtsibs brgyad 'khor lo la/ /sna tshogs pad+ma bri bar bya/ / zla ba nyi ma'i dbus gnas par/ /hUM gi ye shes rdzogs pa las/ /bde chen bde ba'i 'byung gnas te/ /sngo skya drag shul 'jigs pa'i 'od/ /'jigs chen ha ha zhes bzhad pas/ /'jigs pa dag kyang 'jigs par mdzad/ /zhal brgyad pa la spyan gsum pa/ / bcu drug phyag gis brgyan pa ste/ /mgo bo'i phreng bas rnam par brgyan/ /sna tshogs rdo rjes mtshan pa yi/ /dbu la zla phyed ral pa 'dzin/ /phyag rgya drug gis rgyas btab sku/ /'jigs byed dang ni dus mtshan dag//g.yas brkyang ba yis yang dag mnan/ /rdo rje dril bus snyoms 'jug cing //phag mo'i nu ma 'dzin par byed/ /tshangs pa dral ba'i bags pa ni/ /rlon pa bzung ste sku la mnabs/ /rtse gsum mdung dang dgra sta dang / /ral gri dang ni cang te'u ste/ /zangs kyi lcags kyu phyag g.yas na'o/ /g.yon pa de bzhin thod pa dang / / kha dang mgo dang zhags pa dang / /tho ba sdigs mdzub phyag gzhan na/ /sngo dkar dmar ser ljang gu dang / /du ba rdul dang thal kha mdog /de lta bu yi zhal ldan pa/ /bcom ldan 'das kyi sku chen po/ /shes rab ye shes las rdzogs pa/ /phag mo ljang skya'i 'od 'phro ba//byin pa gnyis kyis yang dag 'khyud/ /spyan gsum skra ni grol ba ste/ /thod pa'i phreng bas rnam par brgyan/ /de yi zhal dang dbyibs 'dra ba/ /dum bus mtshan pa'i ska rags can/ /zhal gyi mche ba gtsigs pa'o/ /phyogs gos chags pa'i lta ba dang / / ro smad cha ni rnam rgyas pa/ /tshangs pa'i pags pa yongs lha mo/ /skal bzangs ldan ma mda' gzhu 'dzin/ /yi ge oM gyi shar 'dab la/ /phyag mtshan mkha' 'gro ma dgod bya/ /ba yi byang gi 'dab ma la/ /rgod ma'i mkha' 'gro ma dgod bya/ /dzra yis nub 'dab snyan grags ma//drag shul mkha' 'gro ma dgod bya/ /he yis gser ldan ma zhes pa/ /mkha' 'gro chen mo lho phyogs dgod/ /ser po ljang gu sngon po dang / /sngo bsangs dang ni dkar dang dmar/ /dkar dang ljang gu sngon po dang / /de bzhin dmar dang sngo dang ljang / /thams cad zhal gsum phyag drug pa//spyan gsum rnam 'gyur rab 'jigs pa/ /rgyan rnams thams cad yongs rdzogs shing / /phyogs kyi gos can skra grol ba/ /g.yas brkyang ro yi steng gnas pa/ /bdud bzhi rab tu 'joms pa'o/ /drag po'i thod pa'i phreng pa can/ /pad+ma dang ni nu rgyas ma//zur gyis lta zhing bzhad pa dang / /snying rjes chags pa'i bde dam pa/ /mda' dang gzhu ni 'dzin mdzad cing / /zhags pa lcags kyu phyag gzhan na/ /g.yon na kha T+wAM thod pa ste/ /g.yas pas cang te'u brdung bar mdzad/ /mtshams bzhir bum par thod pa la/ /byang chub 'o mas yongs bkang ba'o//shar phyogs kyi rtsibs la ni yi ge hi yis rtse byed ma zhes bya ba'i mkha' 'gro ma'o/ /byang gi rtsibs la ni yi ge ru yis gdu bum zhes bya ba'i mkha' 'gro ma'o/ /nub tu ni yi ge ru yis dung phreng can zhes bya ba'i mkha' 'gro ma'o/ /lho phyogs su ni kaM kis keng rus can ma zhes bya ba'i mkha' 'gro ma'o//me yi mtshams su hUM gis hUM byed ma'o/ /srin mo'i mtshams su phaT mdzad ma'o/ /rlung gi mtshams su ni mdzes can ma'o/ /dbang ldan du ni kI li kI li zhes bya ba'i ma mo'o/ /ma mo brgyad po de rnams ni/ /bcom ldan 'das kyis zhal mdog sku//zhal gcig phyag ni bzhi pa la/ /thod pa kha T+wAM dril bu 'dzin/ /kun kyang cang te'u zangs gri can/ /phyogs kyi gos can g.yas brkyang gnas/ /de bzhin thod pa'i phreng ba can/ /phyag rgya lnga yis brgyan pa'o/ /ro yi steng gnas bsgom bya ste/ /drag cing rno la 'jigs rngams pa'o//dbang ldan mtshams su sngon byung ma/ /rlung mtshams su ni khyung mchog ma/ /srin mo'i mtshams su gsus 'phyang ma/ /me mtshams su ni ri khrod ma/ /ser po ljang gu sngon po dang / /bzhi pa cung zad dmar po'o/ /zhal gcig pa la phyag bzhi pa/ /thod pa dang ni kha T+wAM 'dzin/ / zangs gri cang te'u phyag gzhan na/ /bzhi pa la ni rdo rje'i mdung / /phyogs kyi dregs pa'i bde dang ldan/ /gsus pa 'phyang zhing gtsigs pa ste/ /ska rags ring zhing rgyas pa'o/ /spyan gsum rnam 'gyur mi bzad pa/ /skra grol ba la 'jigs mdzad ma/ /thod pa'i phreng ba'i cod pan can//rgyan rnams kun gyis brgyan pa'o/ /shar phyogs kyi sgor ni/ baM gyis mi bzad drag shul can/ /zhes bya ba'i mkha' 'gro ma'o/ /lho sgor ni/ yi ge ras rol rtsed drag can/ /zhes bya ba'i mkha' 'gro ma'o/ /nub sgor ni/ swA yis rang 'od dra ba mchog /ces bya ba'i mkha' 'gro ma'o//byang sgor ni/ hA yis rgyal ba'i do shal mchog /ces bya ba'i mkha' 'gro ma'o/ /de rnams zhal gsum phyag drug ma'o/ /sngo dang dmar dang dkar po ste/ /thod pa kha T+wAM ga dang ni/ /mgo dang sdigs mdzub phyag g.yon la/ /lcags kyu dang ni zangs gri dang / /cang te'u g.yas pa'i phyag na'o//lho zhal dkar sngo ljang gu ste/ /thod pa kha T+wAM zangs gri 'og /sdigs mdzub g.yon te zhags pa dang / /lcags kyu cang te'u g.yas na'o/ /nub phyogs dmar sngo ljang gu ste/ /lcags sgrog cang te'u zangs gri dang / /thod pa dang ni kha T+wAM ga /mgo bo dang ni sdigs mdzub po//byang phyogs ljang dang dkar po dang / /ser dang dmar 'dres dgyes pa'i zhal/ /'bebs dang cang te'u gri sdigs mdzub/ /thod pa dang ni mgo bo 'dzin/ /kun kyang skra grol drag chen mo/ /spyan gsum rnam par 'gyur ba'i zhal/ /zhal gdangs pa la ljags 'gril ba//g.yas brkyang pa yis rnam par bzhugs/ /thod pa'i phreng brgyan dri ma med/ /phyogs kyi gos can dag dang ldan/ /ro dang pad+ma nyi dbus gnas/ /mi bskyod pa yi dbu rgyan can/ /zur mig blta zhing g.yo ba dang / /snying rjes chags pa'i bde ba can//byang phyogs sgo la phyogs par ni/ /snying po ye shes gnas dgod bya/ /oM shrI badzra he he ru ru kaM hUM hUM phaT DA ki ni dzA la saM pa raM swA hA/ sku gsung thugs dang lhan cig tu/ /go cha drug gis brgyan pa ste/ /zhal ni rnam thar brgyad dag pa/ /phyag ni stong pa bcu drug go//de'i rjes la snying po nye ba'i snying po yi ge bdun pa'i bdag nyid kyi sngags chen po rdo rje mchog gi dkyil 'khor brjod par bya ste/ hUM gi yi ge yongs rdzogs las/ /rdo rje mkha' 'gro bde ba che/ /A li kA li dngos 'byung ba/ /gtso bo zhal gsum phyag drug pa//spyan gsum mtshan rnams kun gyis mtshan/ /dpe byad bzang po brgyad cu ldan/ /phag mo dang ni gnyis med bde/ /stong nyid snying rje 'khrigs pa yis/ /rdo rje dril bu snyoms 'jug cing / /phyag gzhan mi yi pags pa'i gos/ /thod pa kha T+wAM ga dang ni/ /drug pa la ni mdung rtse gsum//thod pa'i phreng bas spras pa ste/ /rgyan rnams thams cad klubs pa yi/ /sna tshogs rdo rje zla phyed dag /ral pa 'dzin zhing g.yas brkyang ba/ /sna tshogs pad+ma nyi dbus su/ /chung mar bcas pa'i 'jigs byed mnan/ /'dod pa'i 'bras bu kun ster ba'o//de'i phyi rol du 'khor lo rtsibs drug pa bris la/ /rnal 'byor ma drug der dgod par bya'o/ /rtsibs drug 'khor lo'i dbus su ni/ /myur du dngos grub sbyin byed ma/ /shar phyogs la sogs g.yon skor gyis dgod par bya ste/ yi ge phaT kyis ni dpal rol rtsed ma ste lha mo dang po'o//yi ge hUM gis ni rdo rje 'jigs byed ma ste gnyis pa'o/ /yi ge ha yis ni gtum drag ma ste gsum pa'o/ /yi ge ho yis ni rdo rje snang byed ma ste bzhi pa'o/ /yi ge hrIHyis ni rdo rje drag mo ste lnga pa'o/ /yi ge oM gyis ni rdo rje mkha' 'gro ma ste drug pa'o/ /lha mo de rnams zhal gcig pa//phyag bzhi drag chen spyan gsum ste/ /skra grol phyogs kyi gos dang ldan/ /thams cad yi dags nyi steng gnas/ /de rnams sngo dang ser ba dang / /ljang gu dmar dang dud ka dkar/ /kun kyang cang te'u dril bsnams shing / /mi yi pags pa gnyis kyis 'jon//thod pa'i phreng ba'i dbu rgyan can/ /g.yas brkyang pa yi gnas pas bzhugs/ /yi ge drug las yang dag byung / /dngos grub nye bar byed pa mo/ /mgon po'i sku mdog ji lta bar/ /de bzhin du ni phag mo ste/ /dbyibs dang phyag rgya de dang mtshungs/ /mi yi pags pa spangs nas su//lha mo mda' gzhu bsnams par mdzad/ /yan lag kun dang rtsa zhal sngo/ /g.yas dang g.yon ni ser dang ljang / /rgyan rnams thams cad yongs rdzogs shing / /lha mo'i pus mo gnyis 'khyud pas/ /mchog tu dga' bas myos pa mo/ /snying gar ye shes gnas bsams shing //sku gsung thugs kyis byin brlabs pa/ /go cha gnyis kyis rnam par brgyan/ /spro dang bsdu ba'i sbyor ba yis/ /shin tu mnyam gzhag sngags bzlas bya/ /oM hriHha ha huM hUM phaT/ yi ge drug po de rnams kyis/ /mkha' 'gro ma drug byang chub kyi//yan lag drug mchog bsgom par bya/ /bdun pa dbus su gyur pa ni/ /yi ge hUM mdzad he ru ka /dran pa byang chub yan lag sogs/ /zhes pas so/ /oM d+hi d+hi d+hiM hUM phaT/ yi ge poM dang yoM dang ni/ /yi ge moM dang hriM nyid dang / /hUM dang phaT ces bshad pa ni/ / rnal 'byor ma ni drug tu grags/ /yi ge re re yang dag gnas/ /zhes bya ba de la 'di'i cho ga rim pa bzhin dgod par bya'o/ /pad+ma 'dab ma lnga pa lte ba dang ge sar gyis 'khrigs pa bris la de'i dbus su ni yi ge baM las yang dag bar byung ba'i phag mo ni/ sku mdog dmar mo 'od 'bar ma//zhal gsum phyag drug zhi ba ste/ /spyan gsum pa la skra grol ba/ /thod pa'i phreng ba'i dbu rgyan can/ /phyogs gos phyed krung bcas pa'i gar/ /phyag rgya drug gis btab pa'i sku/ /mgo bo'i me tog phreng ba can/ /dus mtshan 'og tu byas nas su/ / rkang pas mnan par gyur pa na/ /sdang ba kun dang lha bdud dgra/ /me ltar 'bar ba dmar chen ma/ /g.yas dang g.yon ni sngo dang ljang / /thod pa nyid dang kha T+wAM ga /zhags pa lcags kyu de bzhin te/ /mgo dang zangs gri 'dzin pa ni/ /dngos grub thams cad sbyin byed pa'o//shar phyogs la sogs pa'i lha mo rnams ni g.yon skor gyis bsam par bya ste/ yoM gis gshin rje ma'o/ /maM gyis rmongs byed ma'o/ /hrIM gis yang dag skyod ma'o/ /hUM gis skrag byed ma'o/ /phaT kyis ni gtum mo ste/ de rnams thams cad zhal gcig dang / / phyag bzhi spyan gsum skra grol ba/ /phyogs kyi gos can gar gyi mchog /phyag rgya lnga yis brgyan byas shing / /mgo yi phreng ba'i do shal byas/ /rang rig snang ba'i dbu rgyan can/ /snying rjes 'khrug pa'i bde dam pa/ /sngo dang dkar dang ser po dang / /ljang dang du ba skya bo ste/ / thod pa dang ni kha T+wAM 'dzin/ /dril bu dang ni cang te'u gri/ /yang / gnyis med sbyor ba snyoms zhugs pas/ /rdo rje sems sogs thams cad ni/ /'khyud la sogs pa'i rim pa bzhin/ /phyag dang mtshon cha mdog sngo gsung / /lte ba snying ga mgrin pa mgo/ /spyi gtsug yan lag kun mtshon cha//zhes bya'o/ /de rjes lha mo'i snying po yi/ /sngags kyi yi ge yongs rdzogs pa/ /dkyil 'khor dkyil 'khor rnams kyi mchog /ji ltar go rims bzhin 'byung bshad/ /yi ge so so yongs rdzogs las/ /drag po bcu dang gsum bdag nyid/ /dngos grub thams cad rab ster ba'o//chos kyi dbyings las 'byung ba yi/ /gzhal yas khang pa yid dga' ba/ /gru bzhi pa la sgo bzhi pa/ /rta babs bzhi yis brgyan pa ste/ /dra ba dra phyed kyis spras pa/ /dar dang me tog phreng 'phyang ba'i/ /dbus su pad+ma dmar po ni/ / 'dab ma brgyad pas brgyan pa'o/ /lte ba la ni phag mo ste/ /'dab mar lha mo rnams ni dgod/ /mtshams kyi sgo yi phyogs rnams su/ /lha mo rnams kyi snying po bsgom/ /phyag 'tshal ba dang rgod ma'i kha/ /dzra gi ni dang drag can ma/ /shar dang byang gi phyogs dang ni/ /nub dang lho phyogs sgo ru'o//khros ma dang ni gtso mo nyid/ /kha ba ma dang gser ldan ma/ /de rnams mtshan gyi lha mo ste/ /me la sogs pa dgod bar bya/ /hUM mdzad lha mo byin za'i ming / /phaT mdzad ma dang sbas mdzad ma/ /shar dang de bzhin byang dang ni/ /nub dang lho yi 'dab lha mo//yi ge ha las dbus gtso mo/ /sngo zhing drag shul gzi brjid che/ /shin tu drag po bdud kun 'joms/ /mtshan rnams thams cad yongs rdzogs shing / /rdo rje phag mo zhes bya ba/ /dngos grub thams cad rab ster ba/ /sngo dang ser dang dmar dang ljang / /steng dkar zhi dang zhal lnga pa//bcu gnyis phyag dang zhal gsum ste/ /rnam 'gyur mche ba gtsigs pa ste/ /g.yas brkyang pa la legs gnas pa/ /zhabs mnan mdzad nas 'jigs byed dang / /tsA mu N+DI yang 'jigs pas brgyal/ /thod pa'i phreng can sna tshogs pa'i/ / rgyan rnams kun gyis bklubs pa'o/ /gsus pa 'phyang zhing skra grol ma/ /phyogs kyi gos can rang 'od kyi/ /thabs dang bde la legs gnas pa/ /snying rje 'khrugs shing myos pa yi/ /rdo rje dril bu snyoms 'jug pa/ /thod pa kha T+w+rAM mdung dang ni/ /zangs gri cang te'u zhags pa dang //lcags kyu tshangs pa'i mgo dang ni/ /dgra sta dang ni sdigs mdzub bsnams/ /phyag gnyis mi yi pags pa yi/ /snam bu gyen du 'phyar ba'o/ /ser dang ljang dang dmar dang sngo/ /'dab ma'i lha mo rnams kyi mdog /sngo dang ljang dang dkar dang ser/ /sgo bzhi por ni gnas pa'o//dmar dang dud dang sngo dang dkar/ /me sogs dbang ldan bar gnas pa'i/ /bcu gnyis de rnams zhal gcig pa/ /phyag bzhi pa la spyan gsum ste/ /rgyan rnams kun gyis bklubs pa'o/ /yi dags kyi ni gdan stengs su/ /phyed krung bcas pas shin tu gnas//phyogs kyi gos can skra grol ba/ /nu ma gnyis 'phyang gzugs bzang ba/ /yid dga' rnam par 'gyur ba'i zhal/ /zur gyis blta zhing g.yo ba ste/ /g.yas pa rdo rje cang te'u 'dzin/ /g.yon pa kha T+wAM khrag gis ni/ /gang ba'i snod dang dril bu'o/ /'on kyang sgo'i lha mo zhes bya ba rnams kyi gdan la/shar phyogs kyi ni dbang po'o/ /byang phyogs kyi ni gnod sbyin no/ /nub phyogs su ni chu bdag go/ /lho'i ni gshin rje'o/ /de rnams kyi snying ga'i g.yas brkyang ba'i gnas pas gnas pa/ spyan gsum pa skra gyen du 'greng ba thod pa'i phreng ba can sprul gyi rgyan sna tshogs kyis brgyan pa ste/rim pa ji lta ba bzhin du lcags kyu dang zhags pa dang / lcags sgrog dang 'bebs pa rnams gtso bo'i phyag tu'o/ /gzhan gyis rdo rje gsor ba dang thod pa dang kha T+wAM ga dang mgo bo 'dzin pa'o/ /zhal rnam par 'gyur zhing gsus pa 'phyang ba kun kyang mgo ba'i phreng bas brgyan pa ste/gcer bu pad+ma rgyas pa/ byang chub sems kyi gzi brjid bskyed cing myos pa ste/ dkyil 'khor thams cad du rang gi 'od kyis thabs dang mchog tu dga' bas gang ba'o/ /sku dang gsung dang thugs dang snying gar ye shes kyi gnas dang /go cha gnyis rnam par brgyan la dbang bskur te mchod nas bstod la/ sngags kyi bzlas pas spro bar bya ste/ oM badzra bai ro tsa nI ye hUM hUM phaT swAhA/ sa steng na ni rin chen bzhi/ /phreng ba'i sngags ni dam pa yin/ /zhes bya ba ni/ de rnams ni yid bzhin nor bu ltar 'gro ba ma lus pa'i 'dod pa'i don sgrub par byed pa'o zhes pa'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u brgyad pa'i rnam par bshad pa'o// //las mchog go rims ji bzhin du/ /zhes bya ba la bsam gtan tsam gyis grub par 'gyur ba dang /kha cig ni bsam gtan dang sngags kyis grub par 'gyur ba dang / la las ni bsam gtan dang sngags dang 'khrul 'khor gyi bya bas 'grub pa ste/ rang nyid rdo rje 'dzin rgyal po/ /bka' yi 'khor lo rab sbyor bas/ /'jig rten gsum po gang cung zad//zhi sogs yid la 'dod tsam gyis/ /sngags mchog cho ga shes pas ni/ /de kun skad cig de la 'grub/ /klu thams cad kyi sgras ni chu bdag dang mtha' yas la sogs pa bzung ste/ sngags lan cig bzlas pa dang / bsam gtan gyis bskul nas bka' bkug ste/de dag shin tu 'jigs pas myos nas rdzu 'phrul chen po dang ldan pa rnams rdzu 'phrul gyis bar snang gi nam mkha' la song ste chu'i tshogs kyi rgyun 'thor bar byed do/ /yang na chu bo dang / rgya mtsho dang / lteng ka dang / khron pa dang / rdzing bu'i 'gram rnams su rdo rje bya khyung gzi brjid chen bo'i gtso bo des klu rnams la bka' bsgo bar bsgoms la/blo bzang pos khro bas 'khrug cing bzlas par bya ste/ pad+ma 'dab ma brgyad pa nyams dga' zhing lte ba dang ge sar gyi phreng bas 'khrigs pa'i dbus su/ rdo rje chen po mche ba gtsigs pas 'jigs pa dang bcas shing /phyag brgyad pa zhal bzhi pa ste/ zhal dang po sprin gyi mdog lta bur sngo zhing khro ba dang bcas pa/ g.yas pa du ba lta bu g.yon pa sngo bsangs steng du bya khyung gi zhal shin tu dmar ba nyi ma bcu gnyis kyi 'od ltar gzi brjid rno ba mche ba gtsigs shing 'jigs par mdzad pa'o//g.yas pas rdo rje mchog gsor ba dang / g.yon pas sdigs mdzub mdzad cing zhags pa dang bcas pa dang / gzhan gnyis kyis dbang po'i pags pa'i na bza' mnabs pa/ thod pa dang ni kha T+wAM ga /lcags kyu dang ni mdung 'dzin zhing / /brgyad pa cang te'u ru ni 'dod//g.yas brkyang zhabs kyis gnon pa ni/ /chu bdag 'jigs pas brgyal bar 'gyur/ /zla phyed ral pa bcings pa la/ /sna tshogs rdo rjes nye bar brgyan/ /phyag rgya drug po sku la brgyan/ /mgo bo'i phreng bas rnam par brgyan/ /stag lpags kyi ni sham thabs can//mche bas ma mchu sdebs mdzad cing / /khro bo'i lta bas gzigs mdzad cing / /'dab ma brgyad la klu'i rgyal po brgyad bri bar bya'o/ /shar phyogs su ni mtha' yas so/ /byang phyogs su ni nor rgyas bu'o/ /nub phyogs su ni pad+ma'o/ /dbang ldan du ni pad+ma chen po'o//me mtshams su ni dung skyong ngo / /srin por ni stobs kyi rgyu'o/ /rlung mtshams su ni ma dros pa ste/ dkar dang sngo dang dmar dang ljang / /ser dang dud ka skya ljang ser/ /rin chen ldan pa'i gdengs ka mtho/ /thal mo mchog tu sbyar byas nas/ /bcom ldan 'das kyi zhal du blta//'jigs pa'i sa ni bka' nod cing / /skrag pa dang bcas blta bar bya/ /yang na phyag bcu gnyis pa'i bde ba chen po bsgom par bya ste/ sngon du bstan pa bzhin te/ chu bdag chung ma bcas pa mdog dkar po mnan pa'o/ /klu rnams dang chu bdag ni snying gar hUM nAM hUM bri'o//bris sku la dmigs shing shar du bltas pas rtsa ba'i sngags bzlas par bya ste/ 'bum gyis na mngon du gyur nas/ rdo rje khro bo bya khyung zhes bya ba'i gtso bo chen po'i bka' tsam gyis char 'bebs par 'gyur ro/ /oM aM anan+dA ya hUM nA hUM swA hA/ oM bAM bA su ki/ oM taM tak+Sha ka oM paM pad+ma/oM maM ma hA pad+ma/ oM saM saM kha pA la/ oM ka karko Ta ma/ oM aM a na ba ta ba ta/ oM baM ba ru Na ya nA gA d+hi pa ta ye nA gA nAM baR+Sha pa ya hUM nAM hUM swA hA/ zhes bya ba ni thams cad blta bar bya'o/ /khro bo chen po sgom pas thams cad khri phrag tu bzlas pa dbul lo/ /mi smra bar gyur cing shin tu mnyam par gzhag pas tshangs par spyod cing 'o ma dang /sA lu'i 'bras chan bza' bar bya ste/ klu'i gtor ma dang ldan zhing / 'o mas khrus byas la 'o ma'i sbyin sreg dbul bar bya ste/ 'o ma can gyi shing las skyes pa'i yam shing mtho gang pa dang lhan cig bsreg par byas la bum pa 'o mas bkang ste 'o ma dang bcas pa'i gtor ma phyogs bcur rab tu sbyin no//de lta bu'i tshogs mchod la/ dus bzhir stong phrag bzlas par bya ste/ zhag bdun gyis nges par sa gzhi thams cad du char 'bab par 'gyur ro/ /yang na 'dir chu dang yungs kar dngul gyi snod du blugs la lan nyi shu rtsa gcig bzlas so//sangs rgyas kyi gzugs brnyan gdung dang bcas pa la/ dri chu dang / 'o mar bsres pas khrus byas la chu 'gram gnyis kyi sa gcig tu byas nas klu'i gzugs bya ste/ mgo dgu pa nub tu bltas ba gzhag go/ /de nas khrus byas la mchong de/ de dang khrus kyi chur bcas pa chu klung du gtor bar bya'o/ /de ma thag tu klu rnams mgu nas 'dzam bu'i gling thams cad du char rgyun mi 'chad pa 'bebs par 'gyur/ sa gzhi 'bru dang ldan par 'gyur zhing / sems can thams cad bde ba'i reg pa'i gnas pas gnas par 'gyur ro/ /de nas 'khrul 'khor gyi rab tu sbyor bar bya ste/sngags kyi 'khrul 'khor las byung ba/ /gdengs ka'i dbang phyug 'khor lo'i ming / /mchog tu rmad byung brtag pa yang / /thos pa tsam gyis skrag byed na/ /ming dang bcas par bris pa yis/ /gdengs ka thams cad smos ci dgos/ /gro ga 'am ni ras dkar la//'dab brgyad pad+ma bri bar bya/ /'khor lo gsum po rim ji bzhin/ /rdo rje pad+ma 'khor phreng bskor/ /dug dang lan tsha ske tshe dang / /tsha ba gsum dang dur khrod sol/ /sna tshogs g.yon gyi skor phyogs su/ /shin tu mnyam par gzhag pa yis/ /shar la sogs pa'i phyogs dang ni//dbang ldan phyogs kyi mtshams nas brtsam/ /ka ra ka ra la sogs pa'i/ /sngags 'di dag nas brtsams nas ni/ /rab gtum mo la sogs pa dang / /brtson chen mtha' mar rab tu gnas/ /rang ming bcas par bri bya ste/ /hu hUM phaT dang sbyar bar bya//oM ni thams cad gsal byed cing / /grub sbyin 'dod pa thams cad gsal/ /'khor lo gsum gyis yongs bskor ba'i/ /rtsibs mchan mu khyud klu brgyad po/ /mtha' yas la sogs bri bar bya/ /'dab brgyad lte ba'i dbus su ni/ /hUM nAM hUM sarba nA ga baR+Sha pa ya shI g+h+raM phaT/dkyil 'khor gyi ni phyi rol du/ /rin chen dang ldan gdengs gsum mtho'i/ /mjug ma phan tshun skye dkris bskor/ /de rnams kyi ni gdengs ka la/ /hUM nAM hUM ni rnam dgod bya/ /grog mo'i mkhar gyi sa dang ni/ /ba yi rnam lngar bcas pa yis/ /mtho gang tsam pa'i nor rgyas kyi//gzugs brnyan byas la de yis ni/ /snying gar 'khor lo gzhug bya ste/ /dgug sogs byas nas yang dag mchod/ /ka ra bI ra'i lcug bkab ste/ /bar chad med par chus khrus bya/ /lan cig bzlas pa'i gu gul gyis/ /bdug pa rgyun mi 'chad par sbyar//gal te 'bab par ma gyur na/ /de ni nyi ma bdun pa la/ /dum bu dum bur byas nas su/ /bum pa'i nang du gzhug byas la/ /chu bo chen por bskur bar bya/ /de yis klu kun pham nas ni/ /'jigs dang bcas pas brgyal 'gyur te/ /chu yi tshogs ni 'bebs par byed//lag pa g.yon pa la 'khor lo yid kyis bsams la/ ming dngos su bris nas lan cig bzlas pas ni dus su sbrul gyis zin pa slong bar byed do/ /lag pa bstan pa tsam gyis lha thams cad dang gnod sbyin thams cad dang srin po la sogs pa'i gdon gyis gzir ba las grol bar 'gyur ro//yang na/ kham phor so ni ma btang bar/ /dug la sogs pas bris byas pa/ /dkyil 'khor gsum po chu dag gis/ /'dab brgyud pad+mas mtshan pa yi/ /dkyil 'khor dam pa bris byas la/ /lte bar yi ge baM bris nas//hUM gnyis kyis ni gzir bar bya/ /'dab brgyad la ni de bzhin du/ /klu brgyad snying po gzir ba bri/ /de nas sngags 'di gdab par bgyi/ /mtsho skyes kun du bskur bar bya/ /oM badzra kro d+ha ma hA ba laM/ ha na ha na pa tsa pa tsa bi d+h+wan+sa ya/ u ts+tsha Ta ya/ sarba Ni mA ra ya hUM phaT/de nas dgug pa la sogs pa byas nas yang dag par mchod de/ kha sbyar la klu'i sar gzhug ste/ gu gul dang sardza ra dang sgog skya bsres pa'i bdug pas bdug cing sngags bzlas na char 'bab po/ /zlog par byed do zhes bya ba ni bka' yi 'khor lo rab sbyor bas so//yang na rdo rje 'dzin pa'i spyi bor phul ba'i me tog blangs la rtsa ba'i sngags lan bdun btab ste srin lag la bdugs na 'dis nam mkha' la char bzlog par 'gyur ro/ /rgya mtsho skems par byed do zhes bya ba ni/ ji ltar gsungs pa'i cho ga dang / sgom pa rgya mtshor bung ba'i sngags pas shin tu khros pa'i gzi brjid chen pos skams par 'dir gdon mi za'o//kha dang kha la yongs su bzlas nas bsnun na chu bo rgyun las bzlog go/ /thog zlog par byed do zhes bya ba ni sdigs mdzub tsam gyis so/ /bzlas brjod 'bum byas pas sa g.yo bar byed ces bya ba ni/g.yas brkyang sbyor bas gar mdzad bzhin pa'i dga' ba dang bcas spro ba dang bcas pas mkha' 'gro ma'i 'khor lo rab tu mgu bar byed do/ /shing la 'dzegs te zhes bya ba la sogs pa ni gang gi tshe sgrub pa po grub par 'gyur ba de'i tshe thams cad byed do zhes bya ba'o//gzugs brgya stong du ma zhes bya ba la sogs pa ni/ phyag rgya chen po'i go 'phang la gnas pas 'jig rten 'dir gang grub pa'i sangs rgyas de la lta ci smos so/ /snying rje chen po'i 'jug pa'i smon lam grub pa rnams ni dus rtag tu sems can ji ltar 'dul ba'i dbang gis de dang de'i gzugs 'dzin par 'gyur ro//gzhan yang brtson 'grus dman gyur pa/ /gang tshe sgrub po dngos grub 'dod/ /de tshe sngags dang rgyud kyis 'grub/ /sngags ni yid skyob ces grags pa/ /rgyud sman bzang po thabs chen thob/ /su la dngos grub grub mi 'gyur//ma lus gzugs su sgyur bar byed/ /rang bzhin bsod nams dman pas kyang / /tshogs pa rnams ni rnyed 'gyur na/ /rnam pa sna tshogs la sogs pa'i/ /sems can rnams ni chags bya'i phyir/ /bya ba rnams ni skyed par byed/ /dang po lha'i bdag nyid du gyur par byas la/phyi nas sa bon gyi dngos po grub ste/ ji lta bu'i sa bon la sogs pa yin zhe na shing gi tshogs kyis te/ e raN+Da dang smyo byed la sogs pa bshad pa dang de bzhin du sa bon rnams so/ /de dag la sogs pa yongs su smin pa rnams cho ga bzhin du sgrub par byed de/dkar po ma yin pa'i 'byung po'i nyi ma la rigs ngan gyi me tog gis bsgo zhing bdud rtsi lngas kyang mnyes la nyin mtshan de la skams te/ khyi nag po'i thod par dur khrod kyi sas bkang la/ mar ngo'i tshes brgyad dam bcu bzhi la ji ltar bstan pa'i ma mo'i gnas su bskyed nas sgrub pa po'i sa bon blangs la/sngags pas he ru ka dang bla ma mgon po khyad par du mchod pa byas la dur khrod du gtor mas mchod de/ mngon par bsngags la gang gi gzugs su bsams nas mgrin par bcings nas de'i gzugs su bsgyur te bkrol na slar yang rang gi gzugs su 'gyur ro//yang gser shing gi sa bon blangs la zla ba mar ngo la sbrul nag po'i zhag gis byugs la/ mar ngo'i tshes brgyad dang / bcu bzhi la khwa nag po'i thod par ji skad bstan pa'i gnas su mnyam par gzhag pas bskyed de/ smin ma'i sa bon blangs nas cho ga bzhin bya/ ste/ gang yin pa'i gzugs su bsams nas mgrin pa bcings na de'i mod la sbed par 'gyur ro/ /dang por re zhig cho ga shes pas bram ze mchog gi rigs las byung ba'i gsal shing ngam mtshon gyis brgyab pa yang rung ste de'i thod pa blangs la/ grog mkhar gyi sas bkang ste dgongs mo'i dus su dur khrod dam lam gyi bzhi mdo dang sum mdo dang chu bo'i 'gram rnams su sa bon bcug la chus gtor ba dang gtor ma sbyin pa dang nyi ma re re bsrung bar bya ste/dpal he ru ka'i gzugs phyag rgya dang rgyan kun gyis brgyan pa/ kha T+wAM ga dang thod pa lag pa g.yon pas 'dzin cing /lag pa g.yas pas rde'u chung 'dzin pa'i spyod pa'i gzugs kyi brtul zhugs kyis bsrung bar bsams na sha za la sogs pa rnams kyis tshugs par mi 'gyur la gzhan du na mngon par 'gyur ro/ /sman bzang po rdzogs par bya ba la ni tshes dang skar ma dang gza' bzang po la gzugs pa dang blang bar bya ste/gang dang 'dra ba'i gzugs su byed par 'dod pa'i sngags pa mnyam par gzhag par byed de/ gang dang gang gi khrag gis 'bras bu rnams la mang du gtor zhing de'i sha la sogs pas byugs la de'i zhag gis kyang mnye bar bya ste/de'i thod pa ji ltar bstan pa de bzhin bskyed cing / de'i zhag dang chu dang sha dang khrag gis gtor ma dang bdug pa dang byug pa la sogs pa nan tan du yang dang yang du byas la/ smin pa'i dus blang bar bya ste/ gcer bu spyi gtsug grol bas bu mo'i lag pa g.yon par thod pa bzhag cing /ci nas kyang 'bras bu sa la ma lhung bar gzung ngo / /grub pa'i sa bon de bsgrims te blangs la cha gsum du byas la gcig ni bla ma rdo rje 'chang la dbul lo/ /gnyis pa ni de bzhin gshegs pa thams cad dang dpa' bo dang rnal 'byor ma rnams la dbul lo//gsum pa ni bdag nyid kyis bzung la/ khwa'i gdong pa la sogs pa'i rnal 'byor 'byung po'i ma mo'i dkyil 'khor gyi dbus su gnas te khar bcug na rnal 'byor pa sna tshogs kyi rnam pa dang mtshungs par snang ste/ cho ga ji lta ba bzhin du nges par de 'dra ba'i gzugs su mthong bar 'gyur ro//sbyor ba'i nus pa skyes bu thams cad du mi snang bar 'grub par 'gyur te/ sa bon gyi dam tshig 'grub pa'i cha tsam yang 'ug pa la sogs pa rnams kyis mi mthong na sa la skyes pa rnams kyis lta smos kyang ci dgos te/ blo dang ldan pas ji srid 'dod pa'i bar du mnyam par gzhag na lha'i bu mo rnams dang lhan cig tu rtse bar 'gyur ro//'dod na kha nas bton na mthong zhing mi 'dod na mi mthong bar 'gyur te/ mi snang ba'i dbang phyug tu 'dod par 'gyur ro/ /khang bzangs dang shing gi rtse mo la sogs phye mar byed do zhes bya ba ni//sngags kyi rgyal pos me 'bar ba'i/ sta gri bzhin du gtub par bya'o/ /lag pa g.yon pa zla ba'i 'od ltar dri ma med pa'i 'khor lo 'di bkod na gnas pa dang rgyu ba dang yan lag las skyes pa dang sbyar ba las byung ba'i dug rnams lag pa'i mthil bstan pa tsam gyis bdud rtsir byed cing zla ba'i 'od ltar dri ma med pa'i 'od zer 'bar bas dug sna tshogs kyis brgyal ba yang slong bar byed do//bdud rtsi bcud kyis len gsungs te/ bdud rtsi za ba la sogs pa'o/ /dug tu byed do zhes bya ba ni 'bad pa med par gang du sngags nag por byas pa nyid kyis so//yang na ku ba khan de'i sa bon blangs la sbrul nag po'i zhag gis byugs te/ za ba mar ngo'i gza' ma rungs pa la dgongs ka'i dus su sbrul nag po'i thod par bzhi mdo'i sas bkang la btsugs nas skyes bu'i khu ba'i thig le byas nas gang la bltas pa'i bza' ba dang bca' ba dang btung ba la sogs pa rnams kha zhing sngags dang bcas pa ni dug tu 'gyur la 'dod na rnal mar 'gyur ro//zla ba zhes bya ba chang ngo / /'o ma zhes bya ba 'o ma'i btung ba'o/ /zla ba'i 'od ltar dri ma med pa'i bsam gtan tsam gyis so/ /yang na shing arka dkar po dang me sbar la pad+ma'i snal ma phra mo phye mar byas te/'o ma dang lan mang du btags te sngags kyi sbyin sreg brgya rtsa brgyad kyi bar du dbul nas de'i thal ba blangs la tsing ka'i khu bas sbrus te/ grib ma la lan bdun gyi bar du bskam par bya'o/ /de nas mchod pa'i dus su rnal 'byor pa rnams kyi sor mo'i nang bkang la chang gi snod kyi nang du thal ba blugs la 'o ma dang kun da dang /zla ba ltar dri ma med par 'gyur ro/ /rtog pas rmongs pa'i sems can rnams la las 'di spyad par bya'o/ /ji ltar ku su ma'i me tog bskams pa'i phye ma la dzam bi ri 'bras bu'i khu bas lan mang du sbrus la ba'i gcin gyis spangs nas pad+ma'i snod du blugs pas ni'o ma dang chang dang 'dra bar byed do//tsher ma dang bcas pa'i ka rany+dza'i 'bras bu'i phye ma dang nA ri'i pags pa dang bcas pas/ ltag pa la sogs pa la byugs na dri 'phrog par byed do/ /de ltar me tog dang shing dang 'bras bu la sogs pa thams cad kyi dri 'phro'o//me tog sna tshogs pa la phan tshun du bdug pa la sogs pas bdugs pa'am bsregs na/ gang du 'dod pa dri bro bar byed do/ /nam mkha' lding gi gdon gyis 'gro ba 'byin par byed cing zhes bya ba la sogs pa la 'khor lo de nyid klu rnams spangs shing zla bas nye bar brgyan pa la lha'i bu mo dang skyes pa gnyis kyi ming dang spel la skar ma rgyal gyi dus su go ro tsa nas bris la mchod pa chen po byas te bzung la bdag nyid dpal he ru ka'i bdag nyid du sbyor zhing /rang gi rig ma ni rdo rje phag mos yongs su brtags pa gnyis su med pa'i rnal 'byor gyi ting nge 'dzin la gnas nas mtshan thog thag rig pa'i rgyal po bzlas pa byas na rang nyid 'ongs te 'dus pa ni bud med dang 'dus pa zhes bya'o/ /rig ma las rdul rang byung ste bud med rnams kyang 'dus par 'gyur ro//nam mkha' lding gi gdong gis 'gro ba zhes bya ba ni/ go bzlog 'dug stangs kyis shin tu rgyas pa'i pad+ma'i nang du chud pa'i khrag dang bcas pa'i rtsa kha bye ba las 'byin par byed pa ni de bzhin gshegs pa thams cad kyi rang bzhin gyi rigs su 'gyur bas mi mchog ste dpal dang ldan zhing mtshan dri ma med par 'gyur ro//de'i lag mthil na yod pa'i dpal gang gis kyang 'phrogs mi nus te/ 'byung po thams cad kyi mchod gnas su 'gyur bas 'khor los sgyur ba dang mnyam par dpal dang ldan zhing tshe dang nad med par phun sum tshogs pas mtshan pa'o//dran pa tsam gyis gsod par byed do zhes bya ba la 'khor lo de nyid nyi ma'i dkyil 'khor gyi nang du chud par dug dang lan tshwa dang ske tshes bris la dur khrod kyi thal ba dang sol bas gzugs brnyan byas la snying gar bcug la bsgrub bya dran bzhin du bkug ste bcug la dur khrod du sbas nas mi'i rus pa'i phur bus snying gar btab nas chu tshan blugs la khro bas sngags bzlas na nyi ma bdun gyis 'chi bar 'gyur ro//gtum mo sbar ba 'bar ba'i phreng ba'i ting nge 'dzin la gnas nas lho phyogs kyi rlung gis brdabs shing bus na gang yin pa der me skyed par byed do zhes pa'o//rtse gcig pa'i rdo rje gsor zhing sngags bzlas pas ni sa 'og pa rnams 'joms par byed do/ /lag pa'i mthil du mngon par bsngags nas rlung gi rjes su bsnun na gang du 'dod pa der ser ba 'bebs par 'gyur ro/ /dran pa tsam gyis glog skyed par byed do zhes bya ba la sogs pa ni go sla'o//dur khrod kyi sol ba zhes bya ba la sogs pa la zla ba mar ngo'i tshes brgyad dam bcu bzhi la ro bsregs pa'i me la shing arka bsregs la da du ra'i khu bas me bsad nas sol ba des dug dang lan tshwar bcas pas dur khrod ras la nyi ma'i dbus su chud pa'i 'khor lo bris nas dur khrod kyi thal bas gzugs brnyan byas te/de'i snying gar ming dang spel ba bcug la dgug pa la sogs pa byas la gu gul chen pos bdugs nas gang gi ming nas bzung ste/ sngags kyis lan cig bzlas te bsnun na de'i mod la ltung bar 'gyur ro/ / 'khor lo de nyid sa kwa ta ka'i smyu gus sha za'i snying gar cho ga bzhin du bris la ji skad gsungs pa'i thal bsngags dang bcas pas gang gi ming nas smos te bsnun na de sha zas gzung bar 'gyur ro/ /dur khrod kyi sol ba zhes bya ba la gong du bstan pa'i sol bas 'byung po'i nyin zhag gi mtshan mo la spang leb bam rtsig pa'i ngos sam dben pa'i gnas gang yang rung bar gza' rnams kyi phyag mtshan gyi dbus su 'khor lo la bsgrub bya'i ming du spel ba bres nas gu gul chen pos bdugs na de gzas bzung bar 'gyur ro//slar gso ba la ni de dag thams cad la yang nan tan du 'o mas bkru zhing zhi ba'i yid kyis bzlas par bya'o//a ti muk+ta'i lcug ma zhes bya ba la sogs pa la tsan+dan dmar po'i rdul las bsgrub bya'i gzugs brnyan byas la dur khrod kyi ras la ro'i sen rtsi dang ro tsa na las sngon du gsungs pa'i 'khor lo zla ba'i dkyil 'khor la bris te snying gar bcug la dri'i chus khrus byas nas dgug pa la sogs pa bya zhing /a ti muk+ta'i lcug ma la/ bsgrub bya'i ming dang spel ba'i sngags lan bdun bzlas nas gang la bsnun na dga' ba chen po'i mdog dmar zhing gcer bu skra grol ba myos shing byang chub kyi sems rgyun du 'bab pa rnga mo la zhon pa dbugs kyi zhags pas bkug ste/rkang pa dag gi mdun du 'gyil bar bsam mo/ /nyi ma bdun yongs su rdzogs pas rlung gi shugs kyis 'ong bar 'gyur ro/ /mi ro'i thod tshal la ldong ros dang / yung bas gang gi ming dang spel ba'i 'khor lo nyi ma'i dkyil 'khor gyi dbus su bris nas dur khrod dam lam gyi bzhi mdor khru gang tsam du brkos te/kha sbub tu sbas la gseg ma la lan bdun bzlas nas bsnun te/ de ji srid 'tsho'i bar du bcings par 'gyur ro/ /gang gi tshe bgrod 'dod pa de'i tshe yang tshub mas khyer ba'i shing lo la mchi ma dang khwa'i khrag dang bya rog gi sgro'i rtsa ba la smyu gus ming dang bcas par bris nas gyen du ldang ba'i rlung la bskur na gang du 'dod pa der 'gro bar 'gyur ro zhes so//rengs pa gso ba la ni phyung nas bkru bar bya'o/ /ra nag po'i yan lag lnga dang til mar chen po dang gu gul chen po rnams cha bsnyams la chang gis sbrus te mchod pa'i dus su lan cig bzlas te bdug par sbyar na de bsnams pa tsam gyi mod la 'bebs par 'gyur ro//yang dur khrod kyi ras la shing a sho ka'i smyu gus klu rnams spangs pa'i 'khor lo de nyid la bris la yi ge e'i dbus su rak+Sha zhes bya ba'i ming dang spel bar byas nas yang dag par mchod cing de khyim gyi phyogs gcig tu bzhag na lus srul po thams cad bcings par 'gyur ro//'khor lo de nyid du dur khrod kyi ras la bsgrub bya'i ming dang spel te bris nas bud med kyi ro bsregs pa'i thal pa dang tsan+dan dmar po'i rdul du bsres pas bsgrub bya'i gzugs brnyan byas la dgug pa la sogs pa byas nas snying gar bcug nas yang dag par mchod de ka ra bI ra'i lcug ma bsgrub bya'i lag pa'i tshad tsam bud med ro bsregs pa'i 'bar ba'i me la bskyur la ji srid ma tshig par de myur du blangs te rig pa'i rgyal po lan cig bzlas nas gang zhig dran bzhin bskor na de 'gugs par byed/ltor bsnun na mngal 'pho bar 'gyur ro/ /gzhan yang rkang pa brgyad pa yi/ /sngags kyi las mchog bshad par bya/ / nam mkha'i dbyings kyi dbus su ni/ /zla ba'i dkyil 'khor bsam par bya/ /sku gsung thugs kyi 'khor lo yi/ /dbus su bde chen 'khor lo bri/ /'dab brgyad pad+ma ge sar ldan/ /rdo rje pad+ma 'khor lo yi/ /phreng bas gsum bskor dbus su ni/ /sna tshogs rdo rje'i phreng bskor nas//'od zer tshogs ni spo bya ste ste/ /'on kyang dkar dmar sngo rnam pa/ /las kyi 'od zer gyis brgyan pa/ /dbus su dpa' bo'i snying po dang / /ji ltar bstan zhing bsgrub bya'i ming / /de lta bu yi cho gas bri/ /'di ni srung ba chen po ste/ /srung ba kun gyi dam pa yin/ /rims dang lto ba na ba dang //dug gi nad dang mkha' 'gro nye bar 'tshe ba dang / gza'i gnod pa dang / bdud dang / log 'dren dang / gang dag lus srul po la sogs pa dag grib ma la yang 'da' bar mi nus na de'i lus la lta ci smos/ /zla gzugs 'dra ba'i yi ge blta/ /phyogs bcur 'byer bar byed pa yin//dkar po yis ni zhi bar 'gyur/ /nag po skad cig gsod par 'gyur/ /dmar pos dbang du byed 'gyur te/ /de nyid kyis ni nges par 'gugs/ /ser po yis ni rengs pa dang / /dpung tshogs bzhon par bcas pas gnon/ /rnal 'byor ma yi snying po mchog /gsang ba las kyang shin tu gsang / /sngags kyi de nyid rab sbas pa/ /he ru ka dpal rdo rje che/ /rgyud ni gang gis mi shes shing / /bla ma che la gus med par/ /sngags kyi dngos grub 'bras 'dod dang / /rnal 'byor pa ni rnal 'byor 'dod/ /gsang sngags 'di ni rnam spangs pas//de ni 'bras bu thob mi 'gyur/ /dper na la la 'bras 'dod pas/ /phub ma rdung bar byed dang mtshungs/ /de ni ngal ba don med de/ /'bras bu thob par mi 'gyur ro/ /de phyir mchog 'dod gang yin pas/ /'bad de rdo rje slob dpon gzung //gsang sngags 'di ni 'dod spyod pa'i/ /byin gyi rlabs kyis 'bras bu ster/ /zhes so/ /dpal he ru ka zhes bya bya ba'i dka' 'grel sgrub pa'i thabs kyi gleng gzhi las le'u dgu pa'i rnam par bshad pa'o// //de nas sku gsum bshad bya ste/ /zhes bya ba la sku gsum gyi sgras ni chos dang longs spyod rdzogs pa dang sprul pa rnams so//de la sku dang gsung gi gsang ba zhes bya ba bsod nams kyi rgyu mthun pa'i mtshan nyid ni/ de bzhin gshegs pa'i longs spyod rdzogs pa dang sprul pa'i mtshan nyid de/ kun rdzob dang don dam pa'i mtshan nyid do//gang zhig rten cing 'brel par 'byung bar zhugs shing khongs su chud pas chad pa med pa rtag pa med pa/ yid kyi rnam par shes pa'i lam nas 'jug pa'i bsam gtan goms shing byang bas mi dmigs shing kun nas nyon mongs pa med pa rnam par byang ba med pa stong pa ma yin zhing lus kyi yul ma yin pa dag gi spyod yul las 'das pa yid kyi rang bzhin gyi yul ma yin pa de ni de bzhin gshegs pa thams cad kyi nam mkha'i khams dang mnyam par 'jug pa chos kyi sku'o//de ltar de bzhin gshegs pa rnams kyi don dam pa'i sgro nas sku gsum po blta bar bya'o//de rnams kyi sgrub pa bshad par bya ste/ gang zhe na/ he ru ka dpal gnyis med sbyor/ /zhes bya ba ste gzhal yas khang gi dbus su yi ge b+h+rUM yongs su gyur pa las 'khor lo rtsibs brgyad pa de'i dbus su sna tshogs pad+ma 'dab ma brgyad pa'i steng du zla ba'i dkyil 'khor de'i dbus su A li kA li yongs su gyur pa las rdo rje sems dpa' sku mdog dkar po zhal gcig phyag bzhi pa phyag g.yas na rdo rje dang rde'u chung /g.yon na thod pa dang kha T+wAM ga dang dril bu 'dzin pa/ phag mo mdog dmar mo la 'khyud pa g.yas brkyang ba'i gnas pas gnas pa ste/bsrub bya srubs pa'i sbyor bas 'dod chags kyi me 'bar bas zhu bar gyur par blta'o/ /de'i 'od zer las nges par 'byung ba'i rnal 'byor ma rnams kyi rdo rje'i glus yang dag par bskul bar bsams te/ oM hUM a ma hA su kha a la la la ho/ ma hA su kha ra tsa tas+t+waM/ su ra ta su kha bi yog su ra to a ho ma hA su khaM su kha ma nu sid+d+hi ho/ su ra ta sa ma ya sau khya ba yaM/ oM hUM a ho a ho b+ha ga bAn ma hA su khaM/ ut+ta ra sarbo tha mo sau khya ma ya hUM a la la la ho/ staM bar ma su kha ma len du po bo tiM ma dza la su khaM a la la la ho/ bi ti swa bya ma ya/sgra brnyan dang 'dra ba'i glus bskul ma thag tu de'i ngo byas nas bzhengs te/ rig rnams kyi bdag po chos kyi sku'i rang bzhin gyis 'od gsal ba dpal thugs kyi mkha' 'gro bde ba chen po mdog sngo zhing gzi brjid chen po nyi ma bye ba ltar gsal zhing / khro bo'i lta ba dang lo bcu drug lon pa'i rnam pa lta bu mtshan thams cad yongs su rdzogs pa dpe byad thams cad kyis yang dag par brgyan zhing /zhal bzhi pa phyag bcu gnyis pa/ g.yas brkyang ba'i gnas pas bzhugs shing / spyan gsum pa zhal mche ba rnam par gtsigs pa ste/ zhal g.yon pa dang g.yas pa dkar zhing ser ba nub phyogs kyi zhal dmar po'o/ /phyag dang po gnyis rdo rje dang dril bu yang dag par ldan pa gzhan gyis khyab 'jug gi mgo bo bzung nas khyab 'jug gi pags pa bsnams pa ste/ phyag lhag ma rnams kyis dgra sta dang mdung rtse gsum dang zangs gri dang cang te'u rnams ni phyag g.yas na'o//g.yon pas ni zhags pa dang thod pa dang kha T+wAM ga dang sdigs mdzub bo/ /thod pa'i phreng bas dpa' bo dbu bcings shing / spyi bor mtho ba zla ba phyed pas ral ba bcings te/ sna tshogs rdo rjes mtshan pa bsnams pa stag gi pags pa mnabs shing /rgyan thams cad kyis klubs pa rdo rje mkha' 'gro ma la 'khyud pa ste/ de ni zhal gcig /phyag gnyis pa spyan gsum pa gcer bu mdog sngo ba ste/ dum bus mtshan pa'i skar gas can rgyan thams cad yongs su rdzogs shing phyag g.yon pas 'khyud cing thod pa thogs pa g.yas pa rdo rje gdengs pa dang sdigs mdzub mdzad pa'o//'dab ma rnams la ni mkha' 'gro ma la sogs pa'o/ /'khor lo rtsibs brgyad la ni rab tu gtum mo la sogs pa dang / khwa'i gdong ba la sogs pa nas gshin rje 'joms ma'i mthar thug pa 'di ni rnal 'byor ma nyi shu ste zhal gcig pa phyag bzhi pa la dkar po dang ser po dang dmar po dang ljang gu ni mkha' 'gro ma la sogs pa'o//mtshams rnams su ni dum bu'i thod pas mtshan pa'o/ /yang dkar po dang ser po dang dmar po dang ljang gu rnams ni g.yon skor gyis phyogs kyis so//sngo skya dang ser po dang ljang gu dang ser po ni g.yas skor gyis mtshams na gnas pa'o/ /thod pa'i dum bu can dang rab tu gtum mo la sogs pa'i dpa' bo rnams ni phyag bzhi pa'o/ /rnal 'byor ma rnams ni phyag gnyis pa'o/ /rdo rje dang dril bu dang kha T+wAM ga dang cang te'u ni dpa' bo'i'o//lha mo rnams kyis ni thod pa dang rdo rje dang sdigs mdzub po/ /thugs la sogs pa byin gyis rlob pa'i dus su ni rdo rje bzhi po 'ba' zhig gis so/ /sku gsung thugs kyi ting nge 'dzin sems dpa' bsgom pa snga ma bzhin du'o/ / gsung rdo rje yang mdog dmar zhing dbang phyug chen po'i mgo bo bsnams nas pad+ma dang dril bu bsnams pa ni khyad par ro/ /dkar po dang dmar po dang sngon po dang ljang gu ni g.yon skor gyi phyogs kyi'o/ /ser po dang dkar po dang ljang gu dang nam mkha' ltar sngo bsangs ni g.yas skor gyi mtshams kyi'o//'khor lo'i shugs ma la sogs pa sku'i rdo rje ma yang snga ma bzhin te/ 'khor lo dang dril bu dang tshangs pa'i mgo bo thogs pas tshangs pa'i pags pa bsnams pa ni khyad par ro/ /sangs rgyas mkha' 'gro ma la 'khyud pa ste/ de yang dkar mo thod ba dang 'khor lo thogs nas sdang ba rnams la sdigs mdzub byed pa'o//sngon po dang ljang gu dang dmar po dang ser po ni g.yon skor gyis ni mkha' 'gro ma la sogs pa'i'o/ /nag po dang ser po dang dmar po dang ljang gu dang zla ba ltar dkar ba dang dud ka dang skya bo dang dkar po ni phyogs dang mtshams kyi'o//oM shrI badzra he he ru ru kaM hUM hUM phaT/ DA ki nI dzA la saM ba ra swA hA/ thugs kyi mkha' 'gro'i'o/ /oM haM b+ha ga d+ha ka A ro li ka DA ki ni dzA la sam+ba ra hUM phaT swA hA/ pad+ma mkha' 'gro'i snying po'i'o/ /oM A ro li ka dziM hUM phaT/ nye ba'i snying po'o//oM pad+ma DA ki nI hrIH hUM phaT swA hA/ oM sarba pad+ma DA ki nI ye AH hUM phaT swA hA/ lha mo'i snying po dang nye ba'i snying po'o/ /oM shrI DA ki nI dzA la sam+ba ra ru lu ru lu b+h+rUM hUM phaT swA hA/ oM b+h+rUM aM b+h+rUM hUM phaT/ sangs rgyas mkha' 'gro'i snying po dang nye ba'i snying po'o/ /oM bu d+d+ha DA ki nI ye bai ro tsa nI ye b+h+rUM hUM phaT swAhA/oM hUM sarba bud+d+ha DA gi nI ye hUM b+hUM phaT swA hA/ lha mo'i snying po dang nye ba'i snying po'o/ /rnal 'byor pa dman pa rnams kyi rab tu sbyor ba shes par bya ste/ sngags pas yungs kar gyi 'bras bu mang po la 'gegs pa'i ro'i khrag dang / zhag gis yang dang yang byugs la tshes brgyad kyi skar ma rgyal la nyi ma tsha ba'i dus su gzhi la gzugs par bya ste/gsang ba'i zhing sa zhag dang khrag gis bran pa dang de'i thod par bkug ste/ bskyed la smin pa'i sa bon ci rigs pa blangs te/ blo dang ldan pas mar khu'i rgyu me la ma reg par btsir nas mar khu sa la ma reg par bzhag ste sngags dang rnal 'byor gyis bsrung ngo //de nas yang 'gegs pa'i tshil las mar ngo'i nyin zhag khyad par can la/ mdun du maN+Dal byas la sngags pas cho ga bzhin du mchod nas dpal he ru ka dang gnyis su med pa yi dags rnams la gtor ma sha dang khrag dang ldan pa byin la he ru ka'i spyod pas rnal 'byor chen po ngal so zhing sngags bzlas la byin gyis brlab par bya ste/yi ge hUM gi snying po 'jigs pa'i sgra bsgrags par bya'o/ /de nas rlung gis me bskyod ba'i rlung gi dkyil 'khor gyi steng du rkang pa la hUM bkod pa'i rgyal mtshan bsams la sngar bstan pa'i mar khus byug par bya'o//de nas rkang mthil nas brtsams nas mgo bo'i bar du gu gul chen po'i bdug pas rgyun mi 'chad par bdugs la maN+Dal gyi me tog gis rnal 'byor pa thams cad kyi bkas snying ga dang mgor brdegs la/nga rgyal gyis sngags bzlas shing dril bu sgra drag tu dkrol nas skye gnas kyi phyag rgya bdag gi dpral bar bzhag pa bstan par bya'o/ /de'i tshe ro'i lus la bgegs sna tshogs 'byung ste bar chod byed do//de la sngags chen po grub pa'i rdzas kyis bgegs bzlog par bya ba'i phyir 'jigs par mi bya zhing drag po'i gzugs kyis dpa' bo'i dam tshig ci rigs par bstan par bya zhing / bdud rtsi lnga dang chang du ldan pa'i thod par gtor ma byin la bdag la rnal 'byor mkha' la spyod pa grub pa byin cig ces brjod par bya'o//de nas de'i lus la 'dzags pa'i mar khu blangs la ku ba la sogs pa gang yang rung bar blugs nas rkang mthil du byugs na nam mkha' la spyod pa'i dngos grub byed par 'gyur ro/ /yang sbur ter gyi sa bon la nya skyogs su byi dang ka'i khu ba dang khrag gis yang dang yang du sbags la gang yin pa'i thod par dur khrod kyi sas bkang bar bcug nas gtor ma dang mchod pa la sogs pa sngon bstan pa bzhin du ci rigs par byas la yongs su smin pa'i sa bon blangs la khar bcug na byar 'gyur ro//de la sogs pa'i sa bon khrag dang zhag gis yang dang yang du sbags shing sha dang rus phye'i bdug pas bdugs la de'i thod par bskyed de dus su smin pa'i 'bras bu blangs la khar bcug na de 'dra ba'i gzugs su mthong zhing tshe dang nad med pa phun sum tshogs par byed la de ltar khwa dang ce sbyang dang khra dang rma bya dang khyim bya la sogs pa'i gzugs su byed do//kha nas bton na ni snga ma bzhin no/ /zla ba mar ngo'i skar ma rgyal dang / gza' nyi ma la li ta la'i sa bon blangs te/ yang zla ba mar ngo'i gza' nyi ma la gcer bus ma du lung ga'i sa bon blangs la gang yang rung ba de'i yan lag gi mchog tu bcug la sha las bskyed par bya'o//rus pa'i snying po mar khu dang pags pa dang rus par bcas pas rig ma'i phyag brgyan te/ bdag nyid thal bas byugs nas de la blugs par byas na 'bu srin la sogs pa'i nye bar 'tshe bas mi tshugs par 'gyur ro//'khrul 'khor gyi cho ga sngags dang ldan pas chu dron gyis mkhas pas rtag tu bkru bar bya'o/ /gshin rje mthar byed dang bgegs mthar byed sngags kyis mngon par bzlas pa'i bya ba dang bcas pas sha za la gtor ma sbyin no//gzhan du bton te khyer bar 'gyur ro/ /sangs rgyas spyan gyi sngags kyis ni gzugs la mA ma kI'i snying pos bkru bar bya'o/ /sgrol ma yis ni bskyed cing / de bzhin du gos dkar mos ni bsrung bar bya'o/ /de ltar na skyon med cing bskyed na grub pa'i rdzas su gdon mi za'o//de bas ni de'i sa bon sngar bstan pa bzhin du blangs la lcags gsum gyis dkri bar bya'o/ /ma sha gsum dang ra ti phyed dang brgyad ni nyi ma'i tshad do/ /ma sha bzhi dang ra ti phyed dang gsum ni zla ba'i tshad do/ /ma sha gsum dang ra ti phyed dang lnga ni sreg byed kyi tshad do//de ltar go rims bzhin du nyi ma dang zla ba sreg byed rnams kyi ril bu dkris na blo dang ldan pas khar bcug na sped par byed do/ /'jig rten gsum dang zla ba nyi mas mi mthong la kha nas bton na ni slar mthong bar 'gyur ro/ /yang lcags gsum gyis ma dkris par khar bcug na ni/de ma thag tu ma du lung ga'i gzugs su 'gyur la bton na ni grol bar 'gyur ro/ /tshig 'phrog par 'gyur ro zhes bya ba la sogs pa ni sngags grub pa ste gzhan du ni ma yin no/ /de nas sngags kyi 'khor lo ni/ /cho ga las kyi mchog yin te/nam mkha' dbyings kyi dbus su ni/ /sngags pas li khri'i mdog 'dra zhing / /zla ba'i dkyil 'khor bsam par bya/ /de yi dbus dgod pad+ma ni/ /bcu drug 'dab mas brgyan pa ste/ /de dbus 'dab brgyad ge sar ldan/ /bcu drug 'dab ma'i shar phyogs la/ / oM shI he he ru ru kaM badzra DA ki nI dzA la sam+ba ra/ dbus su ra dang hUM hUM phaT/ /phyogs rnams su ni g.yon skor ro/ /phyogs mtshams su ni thod pa ste/ /lte bar swA hA dang spel ba'i/ /bsgrub bya'i ming ni bri bar bya/ /dbus ni sna tshogs rdo rje phreng / /phyi rol rdo rje'i phreng gis bskor//'od dmar 'bar bas rnam brgyan par/ /yi dags sen rtsi'i khu ba dang / /tsan+dan dmar bo bsres pa yis/ /yan lag 'od med kyis brgyan zhing / /gcer bur gyur pas rang gis bri/ /ma mo'i khyim mnyam yid 'ong bar/ /shin tu 'jam po'i stan gnas shing //lha yi rnal 'byor dmigs nas su/ /skye gnas phyag rgya de nas bcing / /bsgrub bya la ni mngon phyogs te/ /sngags bas brgya dang rtsa brgyad bzlas/ /tsan+dan dmar po'i rdul las ni/ /bsgrub par bya ba'i gzugs byas la/ /de yi lte bar 'khor lo gzhug / skye gnas nas ni skud pa dbyung / /yang na sna yi bug nas/ /phyag rgya ldan pas mthe chung bskyod/ /skud ba bzung nas dus gsum du/ /yid la gnas pa'i 'khor lo bskyod/ /bram ze gsod kyang nyin bdun gyis/ /grub pa nyid du the tshom med/ /yang na tsha ba gsum byug la//spra tshil gyis kyang rab tu byug /zangs ma'i khab kyis skye gnas dbug /seng ldeng 'dab ma du med la/ /brgya rtsa brgyad du bzlas nas kyang / /blo dang ldan pas nyin bdun gyis/ /bsgrub bya nges par 'gugs par 'gyur/ /de nas mi bdag bu mo sogs/ /'khor dang bcas pa'i ming bris la//bsgrub par bya ba'i rkang rjes la/ /tsan+dan dmar po nyid dang ni/ /dur khrod zas lhag thal ba rnams/ /sngags pas gcig tu byas nas ni/ /seng ldeng mdag me du med la/ /rdul gnyis lag gnyis kyis mnyes nas/ /sngags dang ldan pa'i sbyin sreg bya//de yi thal bas bsgrub bya yi/ /gzugs byas 'khor lo'i snying gar gzhug /spra tshil gyis ni byugs la bsro/ /ci nas spra tshil ma zhu bar/ /nyi ma bdun du bsgrub byas na/ /lha yi 'jig rten 'ong 'gyur na/ /skye bo phal pa smos ci dgos/ /myos shing rmongs nas brgyal gyur nas//rlung gi shugs kyis 'ong bar 'gyur/ /'dis ni bcings par yang bya ste/ /thod pa skam po la ldong ros dang yung bas ming dang bsres pa'i 'khor lo bris la dur khrod dam lam gyi bzhi mdor sbas na/ ji srid 'tsho'i bar du bcings par 'gyur ro/ / dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu pa'i rnam par bshad pa'o// //de nas gzhan yang bshad par bya/ /zhes bya ba la sogs pas skye ba bdun pa la sogs pa'i phyugs bzung ba ste skye ba gzhan gyis bar mchod pa'o/ /de'i mtshan nyid ni le'u bzhi bcu rtsa dgu pa las ston pas 'dir ma brjod pa'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu gcig pa'i rnam par bshad pa'o// //de nas nye ba'i snying po bshad/ /ces bya ba ni/ oM hrIHha ha hUM hUM phaT te dgug pa la sogs pa'i don gyi las rnams bsdus pa'i snying po'o//'dab ma drug pa'i pad+ma yi/ /ge sar ze 'brus mtshan pa ste/ /zla bas nye bar mdzes byas shing / /rdo rje phreng ba bzang pos brgyan/ /de yi phyi rol 'khor lo ni/ /zla ba'i 'od 'dra dri med bri/ /pad+ma drug la rig pa che/ / yi ge g.yon nas bskor ba bri/ /bdud kyi las kun zlog byed pa'i/ /'khor lo'i rgyal po zhes bya ba'o/ /'khor lo de yi rtsibs la yang / /rnal 'byor ma drug snying po ste/ /dbus su bdun pa he ru ka / dur khrod sen rtsi ro tsa na/ /rang gi khu ba bcas pas bri/ /kha nas gsang sngags rgyal po zlos//rjes chags phyogs su lag brkyang ste/ /bsgrub bya mdun du bsams nas ni/ /rnal 'byor snyoms par 'jug pa yi/ /rjes su chags pas bsgrub byas na/ /lha yi 'jig rten 'ong 'gyur te/ /skye bo phal pa smos ci dgos/ /yang na tsan+dan dmar po dang //ske tshe lan tshwa de bzhin te/ /bsgrub bya'i rkang rjes sa dang ni/ /gcig tu byas nas btab par bya/ /de yi gzugs byas grog la/ /'khor lo bris nas snying gar gzhug /gang gi ming smos bzlas nas su/ /bsgoms na nges par 'gugs par 'gyur//sgrub pa'i sbyor ba 'di yis ni/ /sa yi bdag po nyid dang ni/ /nor dang skye bo dbang du 'gyur/ /skems shing zhes bya ba ni nus pa dang ldan pa'o/ /'di chu la yongs su bzlas la zhes bya ba ni lag pa la 'khor lo bsgoms pas so/ /mi'i khrag dang zhes bya ba ni dpa' bo'i ro de nyid kyi'o//snod du zhes bya ba ni thod par ro/ /nyan mig ces bya ba la nyan zhes bya ba rna ba'o/ /de la reg pa tsam gyis mig rno bar 'gyur te/ 'di ni gling mtha' nas rnyed pa'o/ /khrag dang zhes bya ba ni dpa' bo'i snying gi khrag dang ste/ yang dang yang du bsgos la grib ma la bskams pa'o//lcags gsum zhes bya ba sngar bstan pa bzhin no/ /lhag par gnas par byas la zhes bya ba ni byin gyis brlabs pa'i cho ga'i rim pa'o/ /dpal he ru ka'i zhal du bcug la zhes bya ba ni/ ro'i steng du dur khrod la sogs dben pa'i gnas su tshon sna lngas dkyil 'khor bris la/de'i dbus su bsgrub par bya ba ste/ gu gul gyis bdug par bya'o zhes bya'o/ /nye ba'i snying po'i sngags 'dis zhes bya ba la sogs pa ni gsal lo/ /yang na nyi ma phyed na khro zhing nga rgyal gyis non pa'i sems kyis dur khrod kyi ras sam/shing arka'i 'dab ma la mi'i rus pa'i smyu gus sngar bstan pa'i sol ba dang dug la sogs pa drag po'i rdzas kyis ji ltar bstan pa'i 'khor lo bris la/ dur khrod kyi thal bas bsgrub bya'i gzugs brnyan byas te snying gar bcug nas/ ske tshes byugs la yang dang yang du bsro bar byas na lus tsha bas btab ste sa la 'gyel bar 'gyur ro//de ro bsregs pa'i sa la sbas la mi rus kyi phur bus snying gar btab la tshigs thams cad tsher mas bkang ste/ snying gar chu tshan blugs na sdug bsngal chen po nyams su myong nas 'chi bar 'gyur ro//yang na mi ro'i khar skyes pa'i yungs kar gyi 'bras bu blangs nas gang gi ming nas smos te gzugs brnyan la bsnun na de de'i mod la 'chi ba'am lus rims kyis 'debs par 'gyur zhing / 'o mas bkrus na slar yang thar bar 'gyur ro/ /dur khrod kyi ras la yung ba'am ldong ros kyis 'khor lo bris la tsan+dan dmar po'i rdul dang /ske tshe dang lan tshwa dang de bzhin du bsgrub bya'i rkang rjes kyi rdul dang gcig tu byas pa'i phye ma lcags phye dang bsres la/ ras kyis phur la lam gyi bzhi mdor sor brgyad tsam brkos la dgra'i ming dang bcas par lan bdun bzlas nas sbas na de ji srid 'tsho'i bar du bcings par 'gyur ro//bton nas 'o mas bkrus na slar rnal mar 'gyur ro/ /sme sha can gyi ro bsregs pa'i thal bas bsgrub bya'i gzugs byas nas gang yin pa'i ming dang 'khor lo bris nas snying gar bcug ste de nyid kyi thal bas lan bdun bzlas nas bsnun na de'i gzugs 'dzin par 'gyur ro zhes so//rims kyis thebs par bya ba la ni/ yi dags kyi snying gar gang zhig gi ming dang spel nas 'khor lo bris pa de des thebs par 'gyur ro/ /lto na bar bya ba la ni yi dags kyi glad pa la bya'o//brjed byed la ni rlung dang sprin gyi 'khor lo bya'o/ /gzer gdab pa la ni mdud rtse gsum pa la'o/ /dug dang mdze nad la ni lto 'phye la'o/ /gza' gang yin pa'i mtshan ma'i nang du chud par bris na des 'dzin par 'gyur ro/ /sbyin sreg gi me'i thal ba zhes bya ba ni sngar bstan pa'i sman gyi sbyin sreg gi thal bas gzugs byas la de'i snying gar 'khor lo bcug nas gang gi ming nas smos te bsnun na de lha nyid kyis kyang mi mthong ngo //chu la lan brgya rtsa brgyad bzlas nas gtor na slar yang snang bar 'gyur ro/ /thod pa kha sbyar gyi phyag rgya la zhes bya ba la khyi smyon pa'i thod pa kha sbyar gyi nang du gzhug par bya ste/gang zhig gi ming dang spel ba'i 'khor lo smyo byed lnga dang ldan pa dbugs mi 'byin par lan bdun bzlas te bcug nas bcings la rgyas btab nas dur khrod du gang ming dang bcas nas sbas na de smyo bar 'gyur ro//de nyid kyis skye bo stong yang smyo bar 'gyur ro/ /bton nas 'o mas bkrus na slar yang grol bar 'gyur ro/ /sman bzang po bsgrubs nas khang stong du song ste lan brgya bzlas la bdag nyid kyi spyi bor bcings na zhes bya ba la sogs pa ste sgra ji bzhin par bstan te go sla'o//gzhan gyi dpung mngon du phyogs pa ni zhes bya ba la/ ldong ros sam yung bas lag pa g.yon pa'i mthil du 'khor lo 'di bris la lan stong du yongs su bzlas te khu tshur bcangs nas gzhan gyi dpung mngon par phyogs pa na yul du 'jug par bya'o//yang na zangs ma'i glegs mal ldong ros kyis sat+ta ka s+ya rak+Sha sarba a yud ni ba ra NaM zhes bya ba dang spel nas bris la cho ga bzhin mchod la sbra tshil gyis g.yogs la lan stong du bzlas te lag pa g.yon par bzung la khu tshur bcangs la/gsang sngags rgyal po brjod bya zhing / /rgyan rnams kun gyis rnam brgyan nas/ /ji srid khu tshur ma grol bar/ /mtshon cha thams cad bcings par 'gyur/ /dgra bo gal te lag na ni/ /mtshon cha 'phyar bar byed pa yang / /ji srid khu tshur ma grol bar/ /mtshon cha gtong bar mi nus so//de nas sman mchog bshad bya ste/ /mtshon cha lnga ni bzlog phyir ro/ /'khrul 'khor gyis 'phen mi 'phen dang / /de bzhin lag pas 'phen pa dang / /'phangs nas de ni 'dzin nyid dang / /lag pas mtshon cha 'gyed dang lnga/ /'jig rten gsum po ma lus na//mtshon cha rnams ni 'di dag go/ /lag pas 'phen pa 'khor lo brjod/ /'khrul 'khor gyis 'phen mda' la sogs/ /'phangs nas gzung bzhags sogs te/ /lag pa'i mtshon cha stobs 'gyed pa/ /mi 'phen ral gri sogs gnas pa/ /'khor lo sman ni legs mthong gis//mda' la sogs pa ni a kar na bi d+ha ka kas so/ /zhags pa la sogs pa'i dbyig pa ni ut+palas so/ /lag pa'i mtshon cha ni gzhan gyis mi thub pa dkar pos so/ /ral gri la sogs pa ni smyo byed kyis so/ /sman bzang po de rnams nyi ma bzang po la blangs nas bdud rtsi lngas bsgos la sme sha can gyi bu mo sngon mo'i me tog gis byugs nas mang ro'i chos brgyad dam bcu bzhi la bram ze'i thod pa ro bsregs pa'i sas bkang bar bcug la/ji skad bstan pa bzhin du chu blugs pa dang gtor ma sbyin pa la sogs pa byas nas smin pa'i lcug ma bzang po skar ma rgyal dang gza' nyi ma la blangs la mnyam par gzhag pas sa lam lhung bar sngags kyi rgyal pos shin tu bsrungs la/de dag thams cad lhan cig tu g.yon skor gyis bsgril la skud pa byas la mgrin pa'am mgo bor bcings na mtshon cha slar bzlog cing mi tshugs par 'gyur la thams cad mtshon cha brgyas bsnun kyang gnod pa'i tshor ba mi 'byung zhing mtshon gyis mi chod la rdo rje'i lus su 'gyur ro//yang na dpa' chen gcig nyid kyis/ /mtshon cha thams cad zlog byed pa/ /pin ta kar zhes bya ba'i/ / sman chen rnyed par gyur nas ni/ /sngags pas nyi ma bzang po la/ /de yi 'bras bu yongs smin pa/ /sngon bstan rim pa'i sbyor ba yis/ /bram ze'i thod par sa bon gzugs/ /de nas shing smin pa dang gza' nyi ma la nyi ma shar ba'i dus su de'i rtsa ba phra mo rnams kha byang du phyogs pas blangs nas sa la ma lhung bar bzung ste ji ltar bstan pa'i rim pas phrag pa dang spyi bor bzung na/rgyu ba dang mi rgyu ba thams cad rmongs par 'gyur ro/ /yang de'i ge sar zho dang lhan cig bza' ste/ ji srid mgrin par lud kyi bar du dpa' bos bza'o/ /de ji srid ma zhu ba de srid du rdo rje 'dzin pa dang 'dra ba'i lus su 'gyur te/de la mtshon chas phog kyang chu'i thigs pa ltar gnod par mi 'gyur ro/ /yang na sngon gyi go cha'i rim pa'i sngags pas bram ze'i thod bar bcugs pa'i a shwat+tha'i rtsa ba blangs la cho ga bzhin du ril bu bya'o/ /nyi ma zla ba sreg byed pa'i//so so'i cha la gnas pa yi/ /lcags gsum gyis ni dkris byas pa'i/ /ril bu kha ru gzhug par bya/ /de nas dpa' bo chen pos mtshon cha thams cad bzlog cing rims dang / lto na ba dang / dug dang / mkha' 'gro'i gnod pa dang / gza' rnams de'i dri tshor ba tsam gyis rab tu 'bros te/seng ge'i dris glang po che 'bros pa bzhin no/ /yang pe ta'i sa bon bram ze'i klad pa la cho ga bzhin du btsugs la sman bzang po blang bar bya ste/ skar ma rgyal dang gza' nyi ma dang zla ba la mchod pa dang gtor ma byas na phyag rgya dang bcas pa'i sgrub pa po lha'i rnal 'byor gyis sngags zlos pas snga ma bzhin gcer bu skra grol bar gyur pa mnyam par gzhag pas mtha' dag btus te/rnal 'byor ma'i lag par thod pa sa lam lhung bar gzhag go/ /de nas dum bu bdun byas la skud pa dkar pos dkris nas gang gi spyi bor bzung na sa stengs na ji snyed pa'i mtshon cha du ma rnams brlag bar 'gyur te/dper na nyi mas mun pa bzhin no/ /de nas 'dam gyi cho ga bshad/ /nag po chen po sman chen po/ /rgyal dang nyi ma la btsal nas/ /mchod dang gtor ma yang dag ldan/ / dgongs mo'i dus su snyan mnan la/ /tho rangs lha yi bdag nyid dang / /gcer bu skra grol gyur pa yis/ /shin tu mnyam par gzhag bas blang / /khyu mchog rwa yis blangs pa yis/ /phyi nas lhan cig bsre bar bya/ /gzhon nu ma yis btags nas su/ /de yis lus ni bsku bar bya//ji srid lus la gnas kyi bar/ /de srid mtshon chas chod mi 'gyur/ /dug kyang lus la mi 'phog ste/ /bdag nyid chen pos sman bza'o/ /yang ku mA ri blangs la gzhon nu ma'i rkang rjes kyi sa dang ldan par byas la lug gi rwa dang cha mnyam par byas te btags pa'i 'dam bskus na sum cu pas kyang mi chod do//yang tsa na li'i sdong bu blangs la mtshan gcig pa dang shing gcig pa'i sa dang ldan par byas pa'i sbyor bas byugs pa'i lus ni sum cu pas kyang mi shigs so/ /de dag gi lo gcig gi nus pa can de phyi nas ni gzhan bya'o//de nas sba bya dpa' chen pos/ /dpa' bo thams cad mchod byas te/ /mngal nas dang po phyung ba ni/ /ma yi nu zho ma 'thungs par/ /shi ba'i ro ni rnyed nas ni/ /he ru ka dpal gnyis med mchod/ /gtor ma mnyam par gzhag pas bsrung //ltag pa nas ni gshags nas su/ /de yi lce ni blang bar bya/ /b+h+ring+ga ra dza du du ra/ /kaM kaM dza ga gzhan mi thub/ /rgyal dang nyi ma la blangs nas/ /lnga po rnams dang ldan pa ni/ /btags te ril bu byas nas su/ /grib ma la ni bskams nas kyang / /lcags gsum gyis ni dkri bar bya//ra ti phyed brgyad ma sha gsum/ /ra ti phyed gsum ma sha bzhi/ /ra ti lnga dang ma sha gsum/ /rim pa bzhin du dkri bar bya/ /dkris nas yang dag mchod byas la/ /stong du bzlas te khar bcug na/ /ji srid kha nas gnas pa ru/ /sa gnas mtshon cha du ma yang //bltas ba tsam gyis 'jig 'gyur te/ /dper na 'bar mes rtswa bzhin no/ /rims dang lto nad dug dang ni/ /mkha' 'gro ma yi gnod pa dang / /gza' rnams thams cad zlog byed pa/ /rdo rje sems dpa'i bka' bzhin no/ /de nas gzhan yang bshad bya ba//sems can thams cad rab rmongs pa/ /rgyal gyi nyin par nan tan du/ /nags kyi ras bal blangs nas su/ /bu mo gzhon nu'i skud pas bya/ /g.yon phyogs su ni bkal nas su/ /sum sgril du ni skud pa bya/ /rtsa ba'i sngags ni stong phrag brgyang / /mngon par bzlas shing btags nas ni//mdud pa byas nas lag g.yon gyis/ /de ru ma mo rnams ni brtag /nyi shu rtsa bzhi gnyis med pa/ /'gog pa'i ting 'dzin la gnas te/ /yang dag mchod pa byas nas su/ /lag pa g.yas pa bcing bar bya/ /mtshon cha thams cad zlog byed pa//ral gri mda' sogs gzhan du min/ /nags skyes shal ma li yi bal/ /blo dang ldan pas rgyal la blang / /gzhon nu ma yi lag pa ni/ /sa yis phyi nas bkal bar bya/ /dge ba'i rgyu skar skar ma dang / /zla ba stobs can dag la ni/ /sngon du gsungs pa'i bya ba yis//shin tu mnyam gzhag mdud pa bya/ /'di ni yid la gzung byas pas/ /sum cu pas kyang mi 'ching zhing / /mtshon cha thams cad 'ching 'gyur pas/ /las kyi cho ga blta bar bya/ /de ltar gsang ba'i lta ba las/ /gsang chen gsang bas sba bya ste//blo dang ldan pas thams cad du/ /skal med sems can la mi sbyin/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu gnyis pa'i rnam par bshad pa'o// //de nas zhes bya ba ni de ma thag tu'o/ /cho ga'i las rnams ni/go rims bzhin du bshad bya ba/ zhes bya ba ni/ oM ha na maHhi swA hA hu bau ShaT he hUM hUM ho phaT haM ste re re zhing ngam sbyor ba'i tshig gi yi ge drug gi gzugs dang dpa' bo'i lha ci rigs par sbyar ro/ /de la cho ga zlos bzhin du/ ya nga ba'i lam du zhugs na zhes bya ba la sogs pa ni zlos bzhin pas yid la ci 'dod pa thams cad byed do zhes pa'o//de nas dbus su dpa' bo'i sngags/ /de nyid rig pa'i bsam gtan gyis/ /dpa' bo'i 'khor lo rab sbyor bas/ /de yis bya ba kun bya'o/ /de la rim pa 'dis bri bar bya ste/ zla ba'i dbus gyur rdo rje ni/ /rtse gsum de bzhin kha drug pa/ /de yi dbus gyur pad+ma ni/ /'dab ma drug la legs gnas pa/ /sngags pas ze'u 'brur bri bar bya/ /ji ltar bstan bzhin bsgrub bya'i ming / /rdo rje sems sogs sangs rgyas kyis/ /ji ltar go cha'i sngags bshad bzhin//sngon sngags dbus su bri bya ste/ /gzhan ni pad 'dab la de bzhin/ /ring po drug ni yongs spangs par/ /rdo rje'i lte bar dgod par bya/ /gur gum sen rtsi rang khrag dang / /ro tsa na yis grog la/ /rgyal dang nyi dus sgrub pa pos/ /cho ga bzhin du bri bar bya//dus gsum du ni bzlas byas nas/ /mchod chen byas nas gzung bya ste/ /sngags pas lan bdun sngags btab nas/ /gos kyi tha mar bcing bar bya/ /lam du zhugs na rkun po dang / snag gis 'jigs par mi 'gyur ro//thams cad du ni bsrung 'gyur te/ /grub pa nyid du the tshom med/ /yang 'khor lo de nyid kyi lte ba la thig le lta bu'i rgyan byas pa'i thig les bskor nas/ bsgrub bya 'khor dang bcas pa mo ha na zhes bya ba'i tshig dang spel la gos kyi tha ma la mdud de/ chos kyi dbyings su bsgoms nas zlos bzhin du 'gro na lha dang mi rnams kyis mthong bar mi 'gyur ro//yang bi sha da ta ka ri'i sa bon bram ze'i thod par cho ga bzhin btsugs la bskyed pa dang / zla ba gzas zin pa'i dus su byang phyogs su zug pa'i rtsa ba blangs la lcags gsum gyis dkris te lan stong bzlas na go char 'gyur ro//yang na n+ya gro d+ha'i 'bras bu khwa nag pos zos pa'i rtug pa'i 'bras bu blangs nas nyi ma bzang po la/ bram ze'i thod par ro bsregs pa'i sa yis bkang bar btsugs nas bdud rtsi lngas gtor te skyes nas 'dab ma gnyis tsam blangs la lcags gsum gyis dkris la mchod pa rnams kyis mchod nas bsngags te khar bcug na/lha dang mi rnams kyis mi mthong bar 'gyur ro/ /go cha bzlas pa'i lag pas gang la reg pa de zhes bya ba la dur khrod kyi ras la ba ra ci ta ka'i khu ba blangs la ldong ros dang yung ba'i a shwa ka'i smyu gus 'khor lo thig les mtshan pa bris te phyi nas bsgrub bya dpung dang bzhon par bcas pa'i ming dang spel nas lan stong bzlas nas/yang bsgrub bya'i rkang rjes kyi rdul dang dur khrod kyi thal ba la bsgrub bya'i gzugs byas te/'khor lo'i snying gar bcug nas me tog ser pos gtor zhing rkang pa g.yon pas mnan la brgyad brgya bzlas nas sbas te/ de'i steng du snying gar gnas pa'i khang pa byas la gang gi ming gzung ba de mdung bzhin du rengs par 'gyur te/sum cu rtsa gsum pas kyang bskyod par mi nus so/ /gzhan gyi dmag tshogs sgrol bar bya ba la ni 'o mas bkus na slar rnal mar 'gyur ro/ /rang gi khrag la zhes bya ba la sogs pa gsal lo/ /khro bo'i rgyal po'i rnam par bsgoms la 'di ltar chu'i rdul phra rab thams cad dkyil 'khor gyi lhar bskyed pa'i dbu rgyan gyi gzugs kyis ni chu'i steng du 'gro bar 'gyur ro//rnal 'byor ma dang dpa' bo'i 'khor lo snyoms par zhugs pa ni lag pa g.yon pa dang g.yas pa gnyis kyis mnyes na rigs drug gi rnal 'byor ma dbang du 'gyur ro//skar ma rgyal la ras byas la zhes bya ba la sbrul gyi rgyal po rnyed nas dkar po dang nag po'i ri mo thams cad so sor dum bu dum bur bcang la nag po dang dkar po'i dbye bas so sor bya ste/ ras bal gyi sa bon blangs nas dkar po'i zla ba la rgyal gyi nyin par dum bu dkar po zhag dang shas bsgos la sa la sbas te gdab po//ji ltar nag po'i dum bu'i zhag dang shas kyang sa bon bsgos shing / zla ba mar ngo'i rgyal gyi nyin par de nyid kyi zhag dang shas sa la yang spag go/ /dkar po dang nag po'i cha'i bye brag gis ji ltar bskyed pa'i ras bal blangs la rgyal gyi nyi ma gzhan la dkar po'i chos bskyed pa'i ras bal la/rnal 'byor ma ser skyas bkal ba de'i nyin bar thag pa ser skyas btag go/ /de ltar nag po'i chas bskyod pa'i ras bal tshes nag po'i skar mo rgyal la rnal 'byor ma sngon mos bkal zhing de nyid kyi nyi ma la thag pa sngon pos ji ltar lus yog par gyur pa de ltar btags par byas la sngon po dang dkar po'i cha yis rgyal gyi nyi ma gzhan la bsgrub par bya ste/ras la stong phrag sum cu rtsa dgu mngon par bsngags la brgyad brgya bzlas shing bdug par bya ste/a ka ru nag po dang dum bu nag po'i sha dang rus pa zla ba mar ngo la bskyed pa'i ras la bdug go/ /de ltar zla ba mar ngo la bskyed pa'i ras ni dum bu dkar po'i sha dang rus pa dang sang ka puSh+pa dang bcas pas bdug par bya'o/ /de nas gus pas bla ma dang dpa' bo dang rnal 'byor ma rnams mchod la/lha'i rnal 'byor dmigs te/ rgyal la bsgrub pa'i ras la rnal 'byor ma'i bka' lung gis bsgo bar bya'o/ /de gyon pa'i lus kyis stong phrag bcu bzlas nas 'grub par 'gyur te/ grib ma mi mngon zhing dpag tshad stong gi bar du nam mkha' la 'gro ba dang 'ong bar 'gyur la lha de nyid kyis kyang mi mthong ba ste/steng gi phyogs su 'og min gyi mthar thug par 'gro bar 'gyur ro/ /yang sbrul gyi rgyal po'i khar bcug pa'i nang du lig bu mig du ba ma shor bar bsregs pa'i thal ba rang byung gi me tog gis sbrus pa la lan stong phrag sum cu mngon par bsngags nas mig sman du byas na yang mi mthong bar 'gyur ro//yang na mi'i thod par sbrul gyi rgyal po bzhag ste/ rul nas zags pa'i rus pa blangs la rgya mtshor 'bab pa'i chu bor zhugs te/de'i rus pa'i dum bu la lan stong phrag bcu mngon par bzlas nas bdar te/ dpral bar thig le byas na grib ma mi mthong bar byed do/ /yang na de'i thod pa la mngon par bsngags nas bdar ba'i thig le byas kyang grib ma mi mngon par byed do/ /dbang po gang dang gang las gyur//de dang de yi rang bzhin 'gro/ /zhes bya ba ni mig la sogs pa'i dbang po rnams ni gzugs dang sgra la sogs pa'i rang gi don la dmigs pas na bdag po ste/ dbang po de nyid spyod lam kun du rnyed pa de dang de'i rang bzhin gyi ro myong bar byed pa zhes bya ba'i don no//mchog tu zhes bya ba ni sngon du don dam pa'i bden pa la dmigs pas so/ /mnyam gzhag sbyor ba'i zhes bya ba ni bdag la byin gyis brlab pa'i rim pa'i rdo rje sems dpa'i nga rgyal dang ldan par byas shing bdag nyid rnal 'byor chen po la rnam par gnas pas phyag rgya chen po mngon par byang chub pa la yid kyis goms pas shes rab ye shes kyi 'byung gnas su gyur pa thob cing phul du byung ba'i rnal 'byor pa chen po ni/thams cad sangs rgyas rang bzhin 'gyur/ /zhes so/ /shing yongs 'du'i khu bcud ces bya ba ji ltar bstan pa'i cho gas ro'i khar bskyed pa'i shing yongs 'du'i khu bcud la lan stong du bzlas nas gang la thig le byas shing bsgoms pa'i stobs kyis sprul na shing du 'gyur ro//cho ga de nyid kyis yungs kar gyi sa bon bram ze'i thod par bskyed pa blangs nas yang glang po che'i thod par bcug nas skyes pa'i 'bras bu'i phye ma dang ldan pa'i glang po che'i rkang rjes kyi rdul la lan stong du bzlas nas gang la bsnun pa de glang po che ru 'gyur la/glang po che de zhon na glang po che stong las rgyal bar 'gyur ro/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu gsum ba'i rnam par bshad pa'o// //de nas sgrub thabs bshad bya ba/ /zhes bya ba 'dis sgrub par byed pas na sgrub thabs chen po'o/ /bong bu'i rnam pa'i rnal 'byor bdag/ /yid kyi shugs kyis bzlog bya'i phyir//zhes bya ba la yid kyi shugs ni yid kyi shugs te de'i cho ga dang ldan pas lta ba ngan pa dang sgrib pa thams cad las bzlog nas dag par 'gyur ba'i lus rmi lam ltar myur du yongs su brje bas g.yo ba dang bral te mi shigs pa'o//ma lus rnal 'byor 'dzin byed pa/ /bong bu'i rnal 'byor rnal 'byor mchog /sangs rgyas kun dang mnyam sbyor bas/ /mkha' 'gro ma yi dra ba sdom/ /pad+ma dpal gyi nags tshogs na/ /kla klo sangs rgyas kun phyag rgya/ /dga' ba kun gyi bde ba yis//nags kyi dbus su rnam par rol/ /mkha' 'gro ma dang lA ma dang / /dum skyes ma dang gzugs can ma/ /sna tshogs gzugs kyis rnam rol zhing / /rgyan kun brgyan bzhin 'od gsal ba/ /sngon du bstan bzhin 'khor dgod bya/ /'on kyang mkha' 'gro ma rnams dang //mkha' 'gro ma ni bong bu yi/ /rnam pa'i gdong can khrag mig gam/ /mkha' 'gro ma'i lag na mdung rtse gsum pa steng du bskor zhing kha T+wAM ga dang thod pa bsnams pa phyag bzhi pa/ mi ro'i gdan la bcibs shing me bzhin 'bar ba spyan gsum pa skra grol ba gcer bu'o//bdag po la sogs pa thams cad kyi mtshan ma dang rgyan dang gos la sogs pa ni sngar bstan pa bzhin du blta'o/ /'on kyang thugs kyi 'khor lo'i dpa' bo thams cad ni nam mkha' lding gi zhal can no/ /gsung gi 'khor lo'i dpa' bo rnams kyi zhal ni rma bya'i gdong can no//sku'i 'khor lo'i dpa' bo ni seng ge'i gdong can no/ /khwa'i gdong pa la sogs pa ni rang gi ming gi gdong pa'o/ /gshin rje'i gdong pa la sogs pa mtshams kyi ni ma he dang / ri dgas dang / stag dang / de bzhin du gung gi gdong pa'o//dkyil 'khor thams cad kyang spyan gsum pa la spyan dmar zhing snying rje chen pos yongs su gzung ba chos bdag med pa las byung ba'o/ /'di rnams rnal 'byor dam pa'i gtso/ /sdug bsngal thams cad zad byed pa'o/ /dbugs rnams lte ba'i rtsa ba nas//g.yas dang g.yon pa gnyis dag gis/ /zla ba nyi ma rnam par bshad/ /chu shing me tog lta bu ni/ /lte ba'i rtsa ba nas 'greng pa/ /ba lang rmig 'dra'i pad+ma ni/ /bong bur rnam par shes par bya/ /'og tu phyogs pa'i pad+ma gang / /zla ba'i 'od 'dras rnam brgyan pa/ / de dbus rtag tu stong pa ni/ /hUM yig rlung gi rang bzhin nyid/ /'bar ba mar me lta bu ste/ /'og gi rlung ni yongs gang las/ /snying ga nas ni steng du rgyu/ /spyi bo phug ste 'gro bar bshad/ /rnal 'byor pa gang sa gsum mnyam/ /sems can kun gyi snying gnas pa/ /sems ni mnyam par song ba ste//sems kun la ni dbang thob pas/ /mchog gi pha rol phyin thob ste/ /rab tu 'bar ba'i skad cig la/ /mun pa'i tshogs kun 'joms byed pa/ /nyi 'od nor bu ji lta bar/ /rgyu dang mi rgyu ma lus pa'i/ /sa gsum gsal bar byed pa ste/ / bskal pa'i me bzhin gzi brjid 'bar/ /g.yo ba med cing 'khrul pa med/ /rgyu dang dpe las rnam par 'das/ /rnam par mi 'gyur gos pa med/ /sgrib pa lnga ni rnam par spangs/ /he ru ka dpal mgon rang bzhin/ /bdag nyid rig pa med pas na/ /skad cig de la 'das kun dang //ma 'ongs pa dang da ltar byung / /thams cad mkhyen pa'i rang yid mthong / /'di ni bong bu'i rnal 'byor pas/ /lag mthil gnas pa bzhin du mthong / /de yi don du g.yeng ba kun/ /spangs nas zla ba drug tsam du/ /lkugs pa'i dngos por ldan gyur pas/ / bong bu'i mkha' 'gro bsgrub par 'gyur/ /bsgrub pa dang ni ldan pa yis/ /rnal 'byor thams cad rnyed par 'gyur/ /brtul zhugs bral yang brtul zhugs ldan/ /dri ma can yang dag par 'gyur/ /dbul po yin yang nor 'byor 'gyur/ /nad pa yin yang nad bral 'gyur/ / rgas med 'chi ba med rnyed pas/ /thos pa med par chos ston cing / /sdug bsngal du ma'i tshogs la ni/ /sems can dgrol bar byed pa po/ /bstan pa bla med ston pa yin/ /mi snang la sogs dngos grub dang / /lha mig mngon shes lnga thob pa/ /'jig rten gsum gang cung zad yod//thams cad skad cig de la mthong / /tshe zad par ni snang ba dang / /de bzhin tshe ring gyur pa nyid/ /bong bu dang ni glang chen dang / /gang dang gang du rigs 'gyur pa/ /skye ba stong phrag du mar yang / /de dang de yi gzugs su ni/ /rnal 'byor pas ni 'dir mthong 'gyur//gang 'dir skye ba bdun shes nas/ /de yis gtor ma sbyin sreg bya/ /rnam par mi rtog bdag nyid kyis/ /mtshan mo gsang ba la gnas te/ /bzang po nyid du sbyar byas nas/ /lha yi lus su 'gyur ba dang / /grub pa nyid du the tshom med//zlos pa zhes bya ba ni dung gi phreng ba la'o/ /gsang ba zhes bya ba ni skye ba bdun pa'i dang sngags kyi mtshan nyid kyi'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu bzhi pa'i rnam par bshad pa'o// //de nas brda zhes bya ba ni rnal 'byor ma rnams kyi brda byas pa'o//dngos grub 'dod pa rnams kyis shes bar bya'o/ /dang zhes bya ba ni go sla'o/ /bsam pa gcig pa nyid kyi phyir de mnyes par 'gyur ro zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bco lnga pa'i rnam par bshad pa'o// //de nas zhes bya ba ni rim pa bzhin du'o/ /gsang ba zhes bya ba ni skal ba med pa'i sems can rnams la mi bstan pa'o/ /dngos grub che zhes bya ba la sgrub pa po de nyid kyi gnyis su med pa'i phyag rgya chen po'i byed pa po'o/ /de gang zhe na/bram ze rnam snang bshad pa ste/ /rin chen tsaN+DA lIr shes bya/ /gar mkhan dpag med mgon po ste/ /tshos mkhan don yod rdo rje can/ /mi bskyod pa yi Dom+bi ste/ /drug pa rdo rje sems dpa' yi/ /rgyal rigs su ni shes par bya/ /bdun pa he ru ka yi ni/ /sna tshogs rigs 'byung dmangs rigs so//g.yon nas 'gro ba'i bud med gang / /zhes bya ba la sogs pa ni go sla ste/ sgrub pa po'i thabs rjes su mthun pa'i phyir des nan tan du shes par bya'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu drug pa'i rnam par bshad pa'o// //de nas rnyed dka' zhes bya ba la sogs pa ni/ chags pa chen po'i rang bzhin nyid ni 'dod chags bral ba la sogs pas rnyed par dka' ba'o/ /de gang zhe na/ dam tshig dkyil 'khor dam pa'o/ /bdud rtsi lnga zhes bya ba la lnga ni sa la sogs pa'o//dngos bden pa zhes bya ba la sogs pa ni chos thams cad bsdus par 'gyur ba'i phyir ro/ /de nas lnga po rnams kyi bdud rtsi ni stong pa nyid kyi snying po ste/ yang dag sbyor bas gcig bsdus pa/ /snying po gang yin de bde ba/ /rlung zhes bya ba'i byang chub sems/ / dbang po kun gyi gtso 'di yin/ /de yi dbus su yang dag bskyed/ /yi ge la sogs pa yi gzugs/ /gzugs can ma dang rnal 'byor ma/ /lA mA dang ni dum skyes te/ /zhal bzhir par ni rnam par bshad/ /sbyor ba bzhi dang yang dag ldan/ /lnga pa 'khor los sgyur ba ste//ge sar dang ni lte bar ldan/ /'dab ma bzhi yis yang dag mtshan/ /de dbus dpa' bo chen po ste/ /phyag brgyad kyis ni rnam par brgyan/ /dang po'i sha yis yongs bkang ba/ /de bzhin gnyis pa'i khrag gis te/ /lhag ma'i phyag gnyis dbang bskur ba'i//dra ba'i phyag rgya 'dzin par mdzad/ /lnga pa drug pas lha mo 'khyud/ /gzhan gyis kha T+wAM cang te'u/ /sku mdog dkar po 'od 'phro ba/ /ston ka'i nam mkha' dri med bzhin/ /dkar po dmar po sngo dang ljang / /'bar ba'i zhal bzhi gsungs pa'o/ /gshin rje ma dang skrag byed ma//nags tshal ma dang 'jigs ma dang / /kun spyod tshe za ba su ra/ /brgyad pa phag mor yang dag brjod/ /gru bzhi pa la sgo dang mtshams/ /brgyad du rnam par 'gyur zhing 'jigs pa nyid/ /sha dang khu ba gsol ba ste/ /dang po rgyas 'debs phyag rgya ste/ / gnyis pa snying dral ba yi rgya/ /gsum pa rmongs byed phyag rgya ste/ /de bzhin bzhi pa slong ba'i rgya/ /lnga pa gar gyi phyag rgya ste/ /de bzhin drug pa gsod pa'i rgya/ /bdun pa 'jog par byed ba ste/ /brgyad pa ldang ba'i phyag rgyar nges/ /phyag rgya brgyad du bshad pa'o/ /phyag gi mtshon char yang dag ldan//'od zer phreng ba du ma las/ /sangs rgyas tshogs kyi sprin 'phro ba/ /thog mtha' med pa'i sems dpa' ni/ /rdo rje sems dpa' bde ba che/ /yang na sngon du bstan pa bzhin/ /'khor lo gsum po 'od kyis nam mkha' rgyas pa ste/ /dkyil 'khor dam pa brjod bya ba//dbus su 'khor lo yang dag bri/ /ge sar dang ni lte bar ldan/ /'dab ma bzhi dang ldan par bshad/ /kha dog sna tshogs yang dag 'bar/ /de dbus dpa' bo dgod pa'o/ /shel ltar dag pa dri ma med/ /dang po'i zhal ni rnam bzhad cing //chags pa'i lta bas rnam par gzigs/ /khro gnyer rab tu 'bar ba dang / /mche ba gtsigs pas 'jigs par mdzad/ /g.yas kyi zhal ni gdengs pa ste/ /g.yon pa ngo mtshar che ba nyid/ /rgya ba zhal 'jigs pa che ba ste/ /zhal dag 'bar dang bcas pa'o//dkar dang dmar dang de bzhin sngo/ /ljang gu rnams kyi gdong can no/ /phyag brgyad par ni yang dag bri/ /rgyan kun 'dzin pa dpal dang ldan/ /ljags 'dril bas ni 'jigs su rung / /'jig pa'i dus ltar drag shul che/ /dur khrod du ni 'jigs shing rngam//ha ha zhes bzhad cher bzhad cing / /yi ge phem gyi sgra sgrogs pa'o/ /zhal gcig pa dang phyag gnyis su/ /lha rnams bzhi po bshad pa ste/ /shar du rdo rje sems dpa' yin/ /lho ru rnam snang mdzad du brjod/ /nub tu don yod rgyal po ste/ /byang du pad+ma gar dbang ngo //kha T+wAM thod pa phyag bsnams nas/ /khrag dang khu ba dag gsol mdzad/ /'khor lo'i dbus su he ru ka /sngon bstan mtshon cha bsnams nas bzhugs/ /gnyis pa 'khor lo rtsibs brgyad che/ /thal mdog 'od zer dmar po 'bar/ /de la lugs 'byung lugs bzlog pas//dgod pa nyid du rab tu grags/ /gzugs can ma dang 'o byed ma/ /lA ma yongs 'gyur byis bcas mo/ /mi ldog lha mo dI pa mo/ /brgyad pa rdo rje'i gar dbang brjod/ /nang gi lha mo'i gzugs brgyad ni/ /sku mdog dkar la 'bar dang bcas/ /phyag gnyis pa la zhal gcig pa//khrag gis bkang ba'i thod pa dang / /kha T+wAM ga ni phyag gis 'dzin/ /spyan gsum rgyan kun 'bar dang bcas/ /sgeg dang bcas pa'i lha yi lus/ /snying rje dga' ba'i mdzes dang ldan/ /de nas thugs gsung sku yi ni/ /'khor lo lha rnams dgod par bshad//shar phyogs pa la sogs pa ji lta ba bzhin lugs su 'byung ba dang lugs las bzlog pas/ dung can ma dang lbos mo dang / /gsod byed ma dang ser mo dang / /dral byed de bzhin gtum mo ste/ /ri khrod nyid dang sgrol ma'o/ /de dag ni thugs kyi 'khor lo'i'o//khro gnyer khams gsum rnam rgyal ma/ /so can de bzhin za byed ma/ /sna chen ma dang ba lang gdong / /byi la can dang glang chen lce/ /de dag ni gsung gi 'khor lo'i'o/ /ba lang sna dang bzhin bzangs ma/ /dmar gtum ma dang so sngo bsangs/ / stobs chen nags tshal dri ldan ma/ /mdog khra mo dang bden g.yon ma/ /sku yi 'khor lo'o/ /de dag sgeg gdong sgeg dang bcas/ /snying rjes gdungs shing myos dang ldan/ /rang ming brjod pa'i sngags la ni/ /oM dang hUM hUM phaT sbyor bas/ /thugs gsung sku yi dbye ba yis//lha mo rnams ni mdog sngo zhing / /zangs gri dang ni thod pa can/ /gang yang sku mdog dmar lha mo/ /pad+ma dang ni thod pa can/ /lha mo sku mdog dkar ba dang / /mdung thung dang ni kha T+wAM thogs/ /dka' bzlog nyid dang tsA muN+DI/ /tshangs pa dang ni khyab 'jug ma//sgo rnams skyong bar yang dag bshad/ /sgo bzhi rnams su sbyar bar bya/ /gang gis kha T+wAM thod pa ste/ /khrag dang khu ba gsol mdzad pa'o/ /kun kyang rgyan kun yongs rdzogs shing / /skra grol gcer bur gyur pa yi/ /snying rje dga' ba'i bde ba che/ /dkyil 'khor rnams kyi rgyal po 'di//ma byung 'byung par mi 'gyur ro/ /thams cad bza' bar gang rigs pa/ /dngos por rang bzhin mnyam bsres te/ /dag dang mdag ngor mi lta/ /rigs dang mi rigs min de bzhin/ /de nyid bcu ni rig pa yis/ /thams cad za zhing longs spyod bya//bud med mtshan nyid shes byas la/ /de nyid rig pas mchod par bya/ /mngon par zhen pas zhes bya ba la sogs pa ni/ sgra ji bzhin pa ste gsal lo/ /'on kyang / gzugs can ri mo can du brjod/ /dung can 'o byed mar gsungs te/ /lA ma nyid ni glang chen ma/ /yongs 'gyur ma ni pad+ma can//mi ldog pa'i la bir shes bya/ dI pa mo dang phur bu ma/ /re re yang ni gnyis gnyis su/ /so so yi ni mtshan nyid 'gyur/ /pad+ma can ni pad dri dang / /glang chen myos pa'i stobs bzhin du/ /dbyangs snyan snyan par smra ba dang / /mnyen bzhin lang tsho 'bar ba'i gzugs//yan lag rtsub la pad+ma yi/ /'dab 'dra'i mig la skra 'khyil zhing / /sna dang so ni phrad de yang / /sor mo thung zhing yan lag mnyen/ /sen mo 'jam zhing zangs kyi mdog /bzhin ni rab tu zhi ba ste/ /dpal 'dod pa ni pad+ma can/ /zhi ba'i las la sbyar bar bya//glang po can ma glang po'i dri/ /mchu 'phyang byin pa sbom ma dang / /glang chen myos pa'i stabs su 'gro/ /sor mo ring zhing lus po ring / /nu ma 'phyang zhing skra rtsub la/ /lte ba mtho zhing nu ma rtsub/ /mig ni phra zhing sbrang rtsi sred/ /snyan par smra zhing skad 'dzer ba/ /'dod ldan ro smad mchu sbom zhing //rkang mthil mnyam par gnas pa ste/ /chang la dga' zhing dus rtag tu/ /nor 'dod glang po can ma ste/ /rgyas pa'i sbyor ba brtsam par bya/ /dung can ma ni dung mdog dang / /zhib ma'i gdong can byin pa ring / /bya rog skad dang bong bu dri/ /so sbom sor mo ring ba ste//skra rtsub yan lag 'jam pa dang / /lus bong mtho zhing mig chung ma/ /mgrin pa phra zhing so thag ngan/ /sna mtho mchan khung sbu yod pa/ /mchu srab gdugs kyi rnam pa can/ /dung can ma ni khyim thab gsod/ /dbang gi las la sbyar bar bya/ /ri mo can ma rtag tu ni/ /ri mo la dga' sna tshogs mdog /sna tshogs gzugs can nu ma 'phyang / /sen mo mnyan zhing skad chung la/ /lus bong chung zhing byad kyang chung / /sgra ngan bya rog rang bzhin can/ /bya rog sgra skad sha la dga'/ /tshig rtsub 'dod pa'i nus dang ldan/ /nag po'i las la sbyar bar bya/ /pad+ma can ni lha yi rigs//glang po can ma gnod sbyin rgyud/ /dung can ma ni mir shes bya/ /ri mo can ma yi dags rigs/ /ba ta pa ya lha yi rigs/ /gdugs kyi dpung pa mgrin pa ring / /so snang ba la mchu snum zhing / /mig ni pad+ma ltar dmar ba'i/ /skye gnas yangs shing dbral ba yi/ / dbyes che skra snum ser skya'o/ /lus po ran zhing ring ba yi/ /sna mtho sna ni rno ba ste/ /yan lag 'jam zhing lag pa'ang ring / /ngang pa'i 'gros can ngang pa'i skad/ /dri dang me tog 'o ma sred/ /lhug par gtong zhing lha la gus/ /bud med dbang phyug rnams kyi gtso/ /nyung ngu za zhing nor dang ldan//rgyas pa'i las la sbyar bar bya/ /pi la pi ni nu rgyas ma/ /lus bong mtho zhing byin pa sbom/ /ngo tshon mig ni phra ba ste/ /rna ba 'phyang zhing skra rtsub pa/ /bung ba'i skad la mchu 'phyang ma/ /lus rgyas lto ni mang du za/ /'dod pa chung zhing rtag stobs ldan/ /tshogs pa la dga' dpung pa 'phyang //yan lag rtsub cing skra ring ba/ /so sna sen mo 'jam pa ste/ /rkang pa mnyam zhing sna ring la/ /lto ni bum pa ltar sbom zhing / /bum pa'i 'phyang ba la mdzes pa'i bzhin/ /zhi dang rgyas la'ang sbyar bar bya/ /phur bu ma ni mig g.yo zhing / /'og mig can la gdong srab pa//so snang lus kyi sha srab cing / /skra chu 'dod drag na 'bab pa/ mgo skya bus pa ltar 'gro zhing / /sbur zhing lus bong chung ba ste/ /lag pa thung zhing nu ma mtho/ /smin sbom dpral chung byin yang sbom/ /de yis reg na mi 'tsho ste/ /nye du rnams ni brlag par byed//nag po'i las la sbyar bar bya/ /brgyad pa ri dgas ma skal bzang / /lto ba chung zhing rkang pa chung / /ri dgas mgrin pa ri dgas mig /skra ni phra zhing snum pa ste/ /so yang sral mchu snum pa/ /gzugs mdzes thig le lta bu'i byang / /reg 'jam sred pa mang du smra//sgra ni bya rog skad lta bu/ /rtag tu gcer bu dbul ba yin/ /sems rtsub pa la sdig la dga'/ /skur 'debs ma de yi dags rigs/ /dbang gi las la sbyar bar bya/ /'di brgyad du ni rab tu grags/ /thod pa dang dgra sta la sogs pa'i mtshan ma brgyad ni/ ji ltar bstan pa'i rigs kyi go rims bzhin du gzugs can ma la sogs pa'i phyag dang po'i mtshan ma'o//gzhan gyi kha T+wAM ga dang thod pa nas khrag dang khu ba gsol ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu bdun pa'i rnam par bshad pa'o// //de nas yang dag bshad bya ba/ /mkha' 'gro ma yi go 'phang mchog /ces bya ba la mchog ni mang po'i rigs te/ mang por 'gyur ba'i rigs rnams so/ /gang yang gsungs pa/ dam pa'i rigs ni rnam pa brgya/ /zhes pa'o/ /rab tu gnas bas na go 'phang ste//gang gi mtshan nyid gsung ba de nyid kyis yongs su dag pa'o/ /dam tshig ces bya ba ni rnal 'byor pa rnams kyi rjes su 'jug pa ste/ des gnas pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bco brgyad pa'i rnam par bshad pa'o// //de nas yang dag bshad bya ba/ /zhes bya ba ni mdog dang mtshan ma'i rjes su'o/ /lA ma zhes bya ba ni yid du 'ong ba reg pa la sogs pa'i yon tan gyi mtshan nyid dang ldan pa ste/ yan lag thams cad yongs su rdzogs pa'o/ / gang gi bzhin zhes bya ba la sogs pa ni go sla'o/ /srin mo zhes bya ba ni sbyor ba gcig pa'o/ /pad+ma'i phyag rgya zhes bya ba ni/ lag pa gnyis pad+ma skor bar sbyin par bya'o/ /yang na pad+ma'i phyag rgya ni pad+ma'i phyag rgya ste/ gang du ji lta bar/ langs pa'am ni stan dag la/ /mdun du skal bzang bzhag nas ni//pad+ma rab tu rgyas par bya/ /myur du gnyis gnyis sbyor ba yis/ /mkhas pas rdo rjes rgyas gdab bya/ /rus sbal gyi phyag rgya ni lag pa gnyis thal mo sbyar ba'o/ /rus sbal phyag rgya b+ha gar ni/ /thal mo brdeg dang ldan reg bya/ /phyag rgya sngags kyi sbyor ba yis//sa yis ma mchu btsir bar byed/ /mi thub ri dgas lpags pa'o/ /yang na 'jam zhing mtshan nyid bzang / /mi thub stan du shes par bya/ /spyi blugs thod pa zhes brjod de/ /yang na spyi blugs lus su brjod/ /lag gnyis mgrin par dam 'khyud nas//ji ltar skyil krung bcas nas 'khyud/ /ji ltar phyag rgya rtogs 'gyur ba/ /phyag rgya'i lan du brjod pa yin/ /tshes bcu bzhi zhes bya ba la sogs pa go sla'o/ /yang na tshes bcu bzhi'i gnas skabs ji ltar rnyed/ pad+ma rnam par rgyas shing 'bar dang ldan/ / dpal ldan gang gi sems ni gang mnyam pa/ /de ni pad+ma can gyi mtshan nyid yin/ /mchu gnyis glo zhing zhes bya ba la sogs pa ni go sla'o/ /mdung zhes bya ba ni ser mo gcig bstan pa'i phyag rgya sbyin par bya'o/ /de nas rdo rje skyil krung gis/ /rang gi rdo rje der gnas pa'o/ / gar nyid kyang ni bstan par bya/ /zhes bya ba ni/ dam du 'khyud nas 'o byed cing / /byed pas bsdams pa'i phyag rgya rnams/ /rab tu bskor ba byas nas ni/ /glang chen ma dang bde sgrub ma'o/ /bcu bzhi zhes bya ba ni go sla'o/ /ci nus pas mchod par bya'o zhes bya ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu dgu pa'i rnam par bshad pa'o// //de nas gzhan yang bshad bya ba/ /lag pa g.yon gyi brda rnams te/ /zhes bya ba la brda rnams kyi gnyis ka'i rang bzhin gcig tu gyur nas ming po dang sring mo ltar shin tu gdung ba'i dbang du gyur nas bsgom pa thams cad byed do zhes bya ba'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu pa'i rnam par bshad pa'o// //de nas gsang ba chen po ni/ /mtshan nyid nga yis bshad par bya//zhes bya ba la nga yis zhes bya ba ni rdo rje 'chang bas te/ snying rje chen po'i dbang gis rnal 'byor pa rnams kyi thabs gang gis sgrub po 'grub par 'gyur ba de nyid ni gsang ba chen po'i mtshan nyid de/ /nyan thos la sogs pa'i spyod yul ma yin pa'i phyir ro//bud gang spyi gtsug reg byed pa/ /zhes bya ba la sogs pa ni sgra ji bzhin pa ste go sla'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gcig pa'i rnam par bshad pa'o// //de nas gzhan yang rab bshad pa/ / yan lag phyag rgya'i khyad par ni/ /zhes bya ba ni 'dir gsang ba chen po'i mtshan nyid do/ /gzhan zhes bya ba ni dam pa ste/ gang gis rnal 'byor ma rnams mnyes par 'gyur ba'o/ /khyad par zhes bya ba la lag pa'i spyi las khyad par ni sor mo rnams so/ /gang gis shes pas zhes bya ba la sogs pa ni sgra ji bzhin pa'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gnyis pa'i rnam par bshad pa'o// //de nas zhes bya ba la sogs pa ni/ sgra ji bzhin pa ste go sla'o/ /gzhir ni sa gzhi byas nas su//zhes bya ba ni stan las ldang ba'o/ /mchod ces bya ba ni dam por 'khyud dang 'o bya ba'o/ /smin ma g.yo zhes bya ba ni/ cung zad ngo tsha ba'i phyir ro/ /rnal 'gyur bskor ba zhes bya ba ni/ phul du byung ba'i bde ba sgrub pa'i don gyis bskor ba ni byang chub kyi sems la yongs su bskor ba ste/srog dang rtsol ba sdom pa'i 'khrul 'khor gyis yang dag par phul du byung ba'i bde ba chen po'i lte ba'i dkyil 'khor du 'bar bas stong pa dbus su chud pa'i sngags pas 'jig rten gsum po dang lhan cig tu 'dre ba ste/ sa dang chu dang rlung nyid dang / / me dang nam mkha' nyid dang ni/ /bdag dang gzhan du rtag tshor dang / /skad cig de la kun mi dmigs/ /de'i mod la ldog 'gyur te/ /bdag gis bde ba nyams su myong / /zhes so/ /khyim du zhes bya ba la sogs pa ni go sla'o/ /yang na/ b+ha ga'i dbus chung rdo rje ni/ /shin tu stong par bsgoms pa ni//thams cad nam mkha' dang mnyam pa'o/ /ma rig la sogs glo bur ba/ /rtog pa'i nyes pa rtog las byung / /rang bzhin 'od gsal rnam dag pa/ /sems ni me long bzhin du blta/ /chos rnams gzugs brnyan lta bu ste/ /gsal zhing dag pa nam mkha' mtshungs//ral gri nyon mongs gcod byed pa/ /sems can don byed rno ba'o/ /bsod nams kyis 'degs rgyal mtshan bzhin/ /mdung thung nyon mongs 'bigs byed pas/ /sems ni rtse gcig pa nyid do/ /de nyid me rtse rnal 'byor pas/ /kha sbyar bde ba thob pa'o//mtshan ma'i cha byad gsal zhes bya/ /zhes bya ba ni rdo rje dang 'khor lo dang rin po che dang pad+ma dang ral gri dang sna tshogs rdo rje rnams ni rgyal mtshan dang / mdung thung rnams ji lta ba ste/ de bzhin gshegs pa rnams kyi rigs kyi dbye bas rdo rje dang rgyal mtshan dang ral gri dang mdung thung ni nas kyi 'bru tshad tsam mo//'khor lo dang rin po che dang pad+ma dang sna tshogs rdo rje rnams ni sran tsa na ka'i tshad tsam ste/ mi bskyod pa la sogs pa'i rim pas ji lta ba bzhin rang rang gi mtshan ma kha dog lnga po'i nang du dkyil 'khor gyi 'khor lo chud pa la/ sems brtan pa phra mo'i rnal 'byor sgom pa las/rnal 'byor pas phyag rgya'i dngos grub yid kyi rang bzhin bzang po 'grub par 'gyur ro/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gsum pa'i rnam par bshad pa'o// //de nas gzhan yang brda yi skad//ces bya ba la yul sna tshogs kyi khyad par gyi skad ni brda zhes bya ba kla klo ste/ rnal 'byor ma rnams kyi dam tshig gi phyag rgya'o/ /pro taM gi zhes bya ba ni gsang por smra ba zhes bya ba la sogs pa ni/ sgra ji bzhin pa nyid kyis na go sla ba ste/ gang zhig brda yi skad rnams shes pa ni//'dir rnal 'byor pa nyid du the tshom med do/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa bzhi pa'i rnam par bshad pa'o// //de nas don kun 'dod pa yi/ /sba bya brgyad mtha' sbyar byas te/ /zhes bya ba la brgyad kyi mtha' ni yi ge ha ste/yi ge u dang thig ler bcas pa'o/ /oM na mo b+ha ga wa ti bI re shA ya/ zhes bya ba la sogs pa ni go sla'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa lnga pa'i rnam par bshad pa'o// //de nas gzhan yang zhes bya ba ni dpal he ru ka'i bdag nyid chen po'o//lugs 'byung lugs las bzlog pa yis/ /zhes bya ba ni rnal 'byor gyi bslab pa'i rim pa las ma 'das pa'o/ /'og dang steng gi dngos grub ste/ /zhes bya ba la 'og ni sa 'og la sogs pa gang ci yod pa'o/ / steng gis zhes bya ba ni steng gi dngos grub ste phyag rgya chen po'o/ /pho nya dang 'dra bar gyur pas na pho nya ste byang chub pa'i phun sum tshogs pa thams cad du nges shing thams cad du gnyis su med pa'i dga' ba'i rang bzhin gyis legs par gnas pa'i pho nya'o/ /bdag gi pho nya ma zhes bya ba ni spyod pa'i mchog lhan cig tu spyod pa'o//kun 'gro zhes bya ba ni skal ba ldan pa'i sems can rnams kyi don bsgrub par bya ba'i phyir 'o bya ba dang rab tu 'khyud pa la sogs pa thams cad ster bas so/ /rnal 'byor gnas kyi khyad par nyid/ / ces bya ba la/ gnas ni sa ru rab tu bshad/ /pad+ma'i dkyil 'khor gnas su gsungs/ /gnyis med dga' ba'i rang bzhin rgyal/ /bde chen gang du gnas pas na/ /de phyir mchog gi pad+ma gnas/ /khu khrag 'dres shing gang ba ni/ /khyad par du ni 'o byas nas/ /lce yis yang dag dril nas blangs//chang 'thung rab tu dga' ba yis/ /rdo rje pad+ma mnyam dgar sbyar/ /ji snyed rnal 'byor tshogs rnams ni/ /zhes bya ba la dga' ba'i bstan bcos las bshad pa'i byed lugs de snyed rnams rdo rje sems dpas gsungs te/ byang chub tu grub pas tha mal pa'i mtshan nyid kyi dbye ba shes par bya'o//de nyid kyis na/ bden can kun la sbyin bya yi/ /gzhan du nam yang ma yin no/ /zhes gsungs so/ /ma dang sring mo zhes bya ba la sogs pa rnams ni sgra ji bzhin pa'o/ /gang zhig rtag tu sngags sbyin pa/ /zhes bya ba ni phyag rgya de nyid dang sbyor bas shes rab ye shes so zhes bya'o//rnyed dka'i dam tshig nga yis bshad/ /ces bya ba la sogs pa ni go sla'o/ /he ru ka las sbyor gzhan med/ /ces bya ba ni gang zhig bstan pa de thams cad he ru ka'i sbyor bas bya'i gzhan gyis ni ma yin no zhes bya ba'i don no/ / de nyid kyis na/ slob dpon rnal 'byor ma nyid kyi/ /zhes pa ste/ rnal 'byor pa rnams kyi ma ni rnal 'byor ma'o/ /de'i phyir brnyas mi bya zhes bya ba la sogs pa gsungs te/ rnal 'byor gzhan dang kun sbyor bas/ /zhes bya ba la/ snying rje chen por rab dga' ba'i/ /rnal 'byor mchog gi thabs spangs nas//'dod lha'i dngos grub bsgrub don du/ /rnal 'byor gzhan la brten byas pas/ /gang zhig dngos grub 'dod gyur pa/ /dmus long bzhin du rnam par rmongs/ /rgyal srid las nyams rgyal po bzhin/ /nges par sdug bsngal gyis rmongs 'gyur//dam tshig spyod pa'i spyod pa bya/ /zhes bya ba la sogs pa sna tshogs pa gsungs pa ste/ rnam par mi rtog sems kyis ni/ /rigs rnams thams cad mnyam par sbyar/ /dbang po gnyis ni mnyam sbyor bas/ /nyan pa la sogs dbang po kun/ /bsre zhing bde bar bsdu bar bya//gtso bo gang du spyod pa yi/ /tshangs spyod stong pa nyid du 'gyur/ /brjed med dran pa'i spyod pa yis/ /bde ba rtogs par byed pa'i gzhi/ /rdzogs pa'i byang chub lam dag pa'i/ /de nyid bla na med pa ni/ /dam tshig spyod pa rab tu gsungs/ /byang chub bsgrub la gnas pa yi//sgrub pa po yis rtag zhes bya/ /rgyud kun gyi ni thun mong du/ /zhes bya ba ni bya ba dang spyod pa dang rnal 'byor dang rnal 'byor ma rnams dang / rnal 'byor bla ma'i rgyud chen po'i rang bzhin du bya ba'i sbyor ba dang mtshungs pa ma yin no/ /mi gzhom zhes bya ba ni/mnyam pa'i bdag nyid du blta bar mi bya ste/ rgyud dang de rnams ni rgyu ma yin pa'i phyir ro/ /dam tshig mi spyod shin tu sbas/ /gang la mi sbyin mi bya ste/ /skal ldan sems can rnams la bshad/ /kha la sogs pa brgya po 'di/ /mos dang dad pas 'phel byed pas//zhes bya ba la 'dod pa'i don phun sum tshogs pa nges shing / byang chub kyi lam la thams cad la khyab pas legs par gnas pa'o/ /dad pa'i nyid kyis zhes bya ba ni/ chos rnams dad pas gzung bya ste/ /shes rab ldan pa'i de nyid rig /ces pa'o/ / de nyid kyis na brtag pa'i rgyal po gnyis pa las gsungs pa/ lag pas ma yin dung por min/ /mkhas pas lce yi blang bya ste/ /tshe dang nad med 'phel byed pas/ /yang dag ye shes 'byung ba'i rgyu/ /mthe'u chung zhes bya ba mthe'u chung ni tshigs dang ldan pa ste/ lo bcu gcig pa'i bdag nyid bzung nas/lce yis blangs te ra sa ya na'i dngos grub brtsam pa ni bde ba chen po 'byung ba'i rgyu'o/ /sgrub pa po ni gsum du gnas/ zhes bya ba ni chung ngu dang 'bring dang chen po'i bye brag gis so/ /dpal he ru ka zhes bya ba'i dka' 'grel sgrub pa'i thabs kyi gling gzhi las le'u nyi shu rtsa drug pa'i rnam par bshad pa'o// //de nas dpa' bo spyod brtul zhugs/ /zhes bya ba la kun la spyod pas na spyod pa'o/ /brtul zhugs ni rus pa'i rgyan la sogs pa'o/ /dpa' bo zhes bya ba ni rnal 'byor pa'o/ /de su zhig ce na/rnal 'byor ma rnams rab bsgrub pa/ /zhes bya ba'o/ /mtshan nyid dbye ba shes byas nas/ /zhes bya ba la/ phung po khams sogs mdor bsdus nas/ /sgyu ma lta bur shes par bya/ /'jig rten chos brgyad yongs shes shing / /dpal ldan slob dpon rdo rje can/ / kun gyi mgon la phyag 'tshal nas/ /bya ba byas pa'i slob dpon gyis/ /gsang ba'i spyod pa bsten par bya/ /'khar gsil lhung bzed chos gos dang / /chu tshags sbyangs pa'i yon tan gyis/ /yan lag lung bzhin mi spang ste/ /lung ma rtogs pa'i rnal 'byor pa/ / sangs rgyas mu stegs can du 'gyur/ /shes rab pha rol phyin dmigs pa/ /lhag pa yi ni lha gcig nyid/ /stong pa'i ye shes yang dag 'byung / /gdug pa thams cad 'jigs byed pa/ /sngon bzhin drag shul rnam 'gyur dpal/ /'jigs pa dag kyang 'jigs par mdzad//mche ba rab tu gtsigs pa po/ /gtsug na zla ba phyed pa la/ /sna tshogs rdo rje'i ral pas brgyan/ /thod pa'i phreng bas rnam par klubs/ /rgyan rnams thams cad yongs rdzogs shing / /stag gi pags pas rnam dkris pa/ /phyed krung bcas pas shin tu gnas/ / sdang ba thams cad 'dul mdzad pa/ /sred dang rmongs pa phrag dog 'gyur/ /kA la rA Ti 'og tu mnan/ /spyan gsum zhal bzhi mgrin pa bzhi/ /mkha' ltar sngo skya ser dang dmar/ /steng gi zhal ni ljang gu ste/ /rdo rje dril bus snyoms 'jug cing / /phag mo dang ni gnyis med dga'/ / chos kyi 'khor lo khar gsil snod/ /mdung dang zhags pa lcags kyu'i phyag /de bzhin mgo dang rde'u chung ste/ /phyag gnyis na ni chos gos so/ /mi lpags snam bu gnyis kyis 'phyar/ /phag mo mdog dmar gcer bu la/ /spyan gsum skra ni grol ba ste/ /rgyan rnams thams cad rab 'bar ba//g.yon pa ro yi lhung bzed de/ /g.yas pa rde'u chung chos dbyangs sgrogs/ /byin pa gnyis ni mnyam 'khyud cing / /snying rje dga' ba'i bde ba che/ /shar la sogs pa'i 'dab ma la/ /rngon pa mo dang gdol pa ni/ /btso blag mkhan dang puk+ka sI/ / shan pa ma dang ri khrod ma/ /de bzhin nya ba sha wa ri/ /ser dang sngo dmar dud kha dang / /skya bo dang ni dmar dang ljang / /de bzhin brgyad pa dkar po ste/ /lugs su 'byung dang lugs las bzlog /bzhad dang zhi dang snying rje dang / /sgeg dang rngam dang mi sdug pa/ /drag shul khro bo'i nyams dang ldan//khar gsil dang ni lhung bzed dang / /rde'u chung dang zangs gri phyag /sgo bzhir khro mo dgod par bya/ /he ru ka yi rang snang ba/ /rdo rje gtum mo rdo rje'o/ /srin mo rdo rje 'jigs byed ma/ /drag shul gdul dka' kun gsol ma/ /thal ba'i mdog dang ljang gu dang //dmar dang sngo ba drag shul 'jigs/ /lhung bzed dang ni khar gsil g.yon/ /chos kyi 'khor lo rde'u chung g.yas/ /phrag pa'i steng na chos gos 'phyar/ /kun kyang zhal gcig phyag bzhi pa/ /rgyan rnams kun gyis rnam par klubs/ /ro steng phyed krung gar gyis ni//bzhugs shing skra grol gcer bu'o/ /bsod snyoms pa dang chos gos gsum/ /phyis mi len dang cog pu pa/ /stan gcig pa dang bla gab med/ /shing drung pa dang dgon pa ba/ /dur khrod pa dang phyag dar khrod/ /phying pa can dang gzhi ji bzhin//sbyangs pa'i yon tan bcu gnyis po/ /de rnams rnam dag rnal 'byor pa/ /gsung rab yan lag bcu gnyis pa'i/ /chos kyi 'dul ba'i tshul khrims kyis/ /rab tu mgu zhing snying rje che/ /dga' ba'i rab tu mdzes pa'o/ /de rnams dang lhan cig spyod cing rjes su 'dug pa rnams dang bcas pa des yid dga' zhing /rdo rje byin gyis brlab pa byas nas/ phyag rgya chen po'i bde bas bzlas pa bya ste/ oM shrI ma hA su kha badzra he he ru ru kaM huM hUM phaT phaT swA hA/ dam tshig gi kha zas la longs spyod cing / sangs rgyas kyi spyod pa dang / brtul zhugs b+hu su ku'i spyod pa'i rim pa 'dis spyad par bya'o/ /de la rim pa ni 'di yin te b+hu zhes bya ba ni za ba ste/ de tsam 'ba' zhig rjes su dran zhing 'du 'dzi thams cad yongs su spangs nas/ dka' thub dang bsnyen gnas la sogs pa cung zad tsam yang bsam par mi bya'o//su zhig ces bya ba ni gnyid log pa ma rig pas nye bar mtshon pa 'di dag rnam par shes pa tsam du mngon du byas la dge ba'i rnam par bsnyen pa'o/ /de ci zhe na slar yang 'jug par bya ste/ rang bzhin gyis 'od gsal ba nyid du mngon du byas te/rang bzhin gyis dri ma med pa'i phyir ro/ /kun zhes bya ba ni bshad bar 'gro ba ste/ bshang gci tsam zhig 'dor bar byed pa'o/ /des de tsam zhig rjes su bsams nas 'du 'dzi yongs su spangs nas/ lus dang tshor ba dang yul dang dbang po'i rang bzhin rnam par bsam par mi bya'o//yul dang yul du zhes bya ba la sogs pa la ngal na phyi rol song nas pho nya'i mtshan nyid nye bar dpyad nas sangs rgyas kyi brtul zhugs la 'jug par bya'o/ /pho nya mo rnams legs 'dres pas/ /phyag rgya chen po'i go 'phang gis//bla med mchog gi byang chub ni/ /'bad pa med par thob par 'gyur/ /myur ba nyid du zhes bya ba ni/ 'od gsal ye shes dag par 'gyur/ /rtag tu rnal 'byor pa mtshan bya/ /bsam gtan 'byor pa 'di yis ni/ /sems kyi rin chen rtag 'gyur na/ /byin gyis rlob par byed 'gyur te//sangs rgyas byang chub rab tu gnas/ /lo grangs bcu drug gzung bya ste/ /rgyan rnams kun gyis rnam par klubs/ /bzhin bzangs ma ni mig yangs ma/ /rnyed nas rig pa'i brtul zhugs spyad/ /brtul zhugs chen pos dus bzhir ni//gsang ba'i mchod pa rtag tu bya/ /zla ba drug gis de dag kun/ /'grub 'gyur 'dir ni gdon mi za/ /zas la rtag tu spyad par bya/ /zhes bya ba la/ phyag rgya che la zhugs pa ni/ /de ni bza' ba kun 'dus yin/ /rigs kun la ni kun spyod yin/ /rigs gcig nyid du brtag par bya//ji ltar me yis gser bsregs bzhin/ /de bzhin sngags kyis kha zas bsgrub/ /oM sarba badzra kA mi Ni sarba b+hak+Sha sho d+ha ya gu h+ya badzri Ni hUM swA hA/ mi 'chi bcu phyed mar dang ni/ /sbrang rtsir lhan cig ldan byas la/ /'thungs na sman gyi dam pa ste//rga dang 'chi ba ring du spong / /gzhon zhing nad med dpal dang ldan/ /gzugs bzangs 'dod lha 'gro ba'i bdag /de nyid dbyer med de yis ni/ /pho nya mo gnyis bsgrub pa la/ /zhes bya ba ni dbang bskur ba'i don du rgyan thams cad yongs su rdzogs pa'i phyag rgya gnyis phun sum tshogs par bya ste/gcig ni gsang ba sbyin pa'i don du'o/ /gnyis pa ni shes rab ye shes kyi don du ste/ 'di ltar de bzhin gshegs pa'i dbugs dbyung ba dang / gnyis pa rdo rje 'dzin pa chen po'i dbugs dbyung ba'i rjes su gnang ba byin la/ de'i rjes su pho nya gcig pu sbyin pa ste/slob dpon bdag nyid chen po nyid kyis brtul zhugs gzugs kyi phyag rgya chen po'i don bsgrub par bya'o/ /'di ltar de bzhin gshegs pa thams cad kyi gsang chen dam pa yang dag par sbyin pa gsang ba'i gnas las byung ba'i bla ma'i man ngag gi rim pas dbang bskur ba thob pa gsang ba 'di ston pa ni rnal 'byor ma rnams kyis yang dag par gsungs pa'i ye shes yang dag rdzogs lus skyes zhes bya ba ji snyed pa'i sangs rgyas thams cad kyis phyag bya bar 'os pa'o zhes bya'o//nang par sngar langs zhes bya ba ni 'od gsal bar gyur pa las so//nying lag gis ni bstan bcos rnams/ /lus la gnas pa kun tu spyad/ /ces bya ba la yan lag shin tu dman pas na nying lag ste/ byang chub kyi sems la sogs pa'i bdud rtsi lnga'o/ /bgegs thams cad bsal bar bya ba'i phyir ro/ / kun tu spyod pa dang bsod nams dang ye shes 'phel bar bya ba'i phyir ro/ /bstan bcos rnams ni rnal 'byor gyi bstan bcos kyi mtshan nyid yin la kun tu spyod pa rnams ni kun spyod do/ /dag byed byas pa lus dang ni/ /zhes bya ba ni lha'i rnal 'byor bsgom pas so/ /de yang rim pa 'dis bdag nyid bsam par bya ste/gzugs dang tshor ba dang / 'du shes dang / 'du byed dang / rnam par shes pa nyid ni/ b+h+rUM aM hrIH hoH hUM zhes bya bas rnam par snang mdzad dang / rin chen 'byung ldan dang / 'od dpag tu med pa dang / don yod grub pa dang /mi bskyod pa'o/ /de bzhin gshegs pa thams cad nyid du gyur pa ni dpal he ru ka ste hi yis so/ /mig dang / rna ba dang / sna dang / lce dang / lus dang / yid ni/ oM hUM trAM AM khaM haM gis gti mug dang / zhe sdang dang / ser sna dang / 'dod chags dang / phrag dog dang /dbang phyug rdo rje'o/ /dzaHhUM baM hoH khaM raM/ gis ni gzugs rdo rje la sogs pa'o/ /lAM mAM pAM tAM khaM gis ni sa dang / chu dang / me dang / rlung dang / nam mkha' rnams spyan ma dang / mA ma kI dang / gos dkar mo dang / sgrol ma dang / rdo rje phag mo rnams so/ /oM AH hUM hUM gis sku dang gsung dang thugs dang ye shes sems dpa' rnams so//chos kyi 'khor lo pad+ma 'dab ma brgyad pa la b+h+rUM aM hraM khaM hUM A I U e'o/ /longs spyod pad+ma 'dab ma bcu drug pa la/ oM A I U e ste dbyangs yig lnga'o/ /bde ba chen po pad+ma 'dab ma sum cu rtsa gnyis pa la haM ngo //sprul pa'i 'khor lo 'dab ma drug cu rtsa bzhi pa la ni a ka tsa Ta ta pa ya sha ste sde tshan brgyad kyis brgyan pa'o/ /g.yon dang g.yas pa dang / yi ge ka la sogs pa dbus su sbyar bar bya'o/ /pu dza o a go rA de ma kA o tri ko ka la ka hi/ bre gri sau su na si ma ku dang khaM praM maM tsaM kaM praM biM maM suM biM/aM khaM baM laM baM druM aM eM baM maM maM baM baM/ suM suM shaM/ baM suM maM haM/ biM khaM maM tsaM raM khaM haM/ saM aM tsaM shriM suM paM maM/ noM tsaM baM maM/ mgo bo dang / spyi gtsug dang / rna ba g.yas pa dang / rgyab logs dang / rna ba g.yon pa dang / smin ma'i dbus dang /mig gnyis dang / dpung pa'i rtsa ba gnyis dang / mchan khung dag dang / nu ma gnyis dang / lte ba dang / sna rtse dang / kha dang / mgrin pa dang / snying ga dang / chu so dang / mtshan dang / bshang ba'i lam dang / brla gnyis dang / byin pa gnyis dang / sor mo rnams dang /rkang pa'i bol dang / mthe bo gnyis dang / pus mo ru'o/ /sen mo dang so ni rab tu gtum ma'o/ /sgra dang spu ni gtum pa'i mig go/ /pags pa dang dri ma la ni 'od ldan ma'o/ /sha la ni sna chen ma'o/ /rgyus pa la ni dpa' bo'i blo ma'o/ /rus pa la ni mi'u thung ma'o/ /mchin pa la ni lang ka'i dbang phyug ma'o//snying la ni ljon 'khril ma'o/ /mig gnyis la ni sa srung ma'o/ /mkhris pa la ni 'jigs byed chen mo'o/ /glo ba la ni klung gi shugs ma'o/ /rgyu ma la ni chang 'thung ma'o/ /gnye ma la ni lha mo sngo bsangs ma'o/ /lto ba la ni shin tu bzang me'o//chu so la ni rta rna ma'o/ /mo dmas bar la ni bya'i gdong pa can no/ /bad kan la ni 'khor lo'i shugs can ma'o/ /rnag la ni dum skyes ma'o/ /khrag la ni glad sna ma'o/ /rdul la ni 'khor lo'i go cha ma'o/ /tshil la ni rab tu dpa' mo'o/ /mchi ma la ni stobs chen ma'o/ /mchil mal ni 'khor los sgyur ba'o//snabs la ni brtson 'grus chen mo ste/ de ltar mkha' 'gro ma thams cad kyi rang bzhin chos kyi dbyings su rab tu grags pa'o/ /bstan bcos ci gsungs dor mi bya/ /zhes bya ba la/ bdud rtsi rnams ni sman gyi mchog /mi bskyod bsten pas rnal 'byor pa//nad rnams thams cad 'joms par 'gyur/ /rtag pa yi ni gzi che zhing / /'od dpag med pas stobs che la/ /rdo rje nyi mas rgas pa med/ /gang phyir don yod rgyal po che/ /sems can kun lus las byung ba/ /don kun bsgrub pa dpal dang ldan/ /sbyor ba de yis mnyam nyid 'gyur//mi bskyod 'thung ba'i rnal 'byor pa/ /stong phrag lngar ni 'tsho bar 'gyur/ /rtag pas khri phrag rab tu gsungs/ /bye bar don yod rdo rje can/ /'od dpag med kyis tshe mtha' med/ /rdo rje nyi mas rgas pa med/ /'khor ba bsgrub pa'i rtsa ba gnyis/ / 'di yis rten byed rnal 'byor pa/ /kun du bzang po dang mnyam 'gyur/ /dag par byas pa'i lus kyis ni/ /rtag tu sngags ni brjod par bya/ /zhes bya ba ni/ oM A nA nA sa ma ya shud+d+haH sarba d+harmA nA nA sa ma ya shud+d+hou0f85haM/ oM swa b+hA ba shud+d+haH sarba d+harmAHswa b+hA ba shud+d+hou0f85haM/ oM shU n+ya t A dz+nyA na badzra swa b+hA ba At+ma kou0f85haM/zhes pa'o/ /rnal 'byor gnas rnams nges bstan zhing / /zhes bya ba ni rang gis dbang bskur ba'i rdo rje can la'o/ /mtshon cha rnams ni bsgom mi bya/ /zhes bya ba ni dam tshig yongs su bskyang pa ste/ de nyid ni de bzhin gshegs pa'i mchod pa chen po'o//dam tshig can gyis khro mi bya/ /zhes bya ba ni dag pa'i lam la legs par gnas pa rnams la'o/ /mngon par brtson las 'da' mi bya/ /zhes bya ba ni 'khor lo sdom par dbang bskur ba'i bla ma dang slob ma gnyis la brnyas pa mi bya ba ste/ gang gi phyir pho nya mo'i bka' thob pa'i phyir//byang chub tu sems bskyed nas bsod nams kyi tshogs bskal ba du mar bsags pa yang de'i mod la 'joms par 'gyur ro/ /de'i don zhes bya ba ni bdud rtsi lnga'i don du'o/ /mtshan mo zhes bya ba ni phyag rgya'i mchod pa bya ba'o/ / gnag dang zhes bya ba ni he ru ka'i gzugs su'o/ /dmar zhes bya ba ni rdo rje phag mor ro/ /'gul to zhes bya ba ni gsal lo/ /bde ba 'dod pas bde spyod bya/ /zhes bya ba ni ji ltar thos par bde ba ste/ bde ba de nyid kyi rang bzhin gyis phyogs bcur gsal bar byed pa ni/ 'di lta bu'i ye shes kyi bdag nyid kyi mar me snang ba shin tu chags pa'i dga' ba dang ldan pa'i rnal 'byor pas lhan cig skyes pa'i snying rje chen po la spyad par bya'o/ /rigs dang rigs min zhes bya ba la dkyil 'khor la sogs pa'i cho ga dang bslab pa ni dang po'i las can sems can la//snying rje'i rgyu yis gzung bar bya/ /bsgom pa yis ni bar chad can/ /srid pa'i 'ching dang ldan pa bzhin/ /rmongs pa'i mchog tu gyur pa nyid/ /de bas 'ching ba spangs gyur na/ /tshe 'di nyid la grub par 'gyur/ /don de nyid kyis na/ ji ltar 'dod pa bzhin du bya//zhes pa'o/ /de la/ zhal bzhir gsungs pa gang yin pa/ /dga' ba bzhi yi rang bzhin gsungs/ /dga' kun rdzogs pa'i byang chub gcig /stong pa'i rang bzhin nyid kyi phyir/ /zhal gcig tu ni rab tu grags/ /spyan gsum srid pa gsum du shar//thog mtha' med pa'i chos rnams ni/ /bems po'i rang bzhin las bzlog pa/ /ral pa'i don du rab tu gsungs/ /sna tshogs sems can don mdzad pas/ /sna tshogs rdo rjes mtshan pa yin/ /zla ba byang chub sems 'gyur ba/ /bde chen rang bzhin 'od gsal ba'o/ / srid pa'i yan lag bcu gnyis phyir/ /bcu gnyis phyag dang mngon du ldan/ /yul rnams dang ni dbang po rnams/ /gnyis med rnam pa'i spyod yul gyis/ /phyag rnams mtshan mas mtshan pa yin/ /byang chub sems ni rdo rjer 'gyur/ /shes rab dril bu rab tu brjod/ /sku gsum dag phyir mdung rtse gsum//glang po gti mug dral pa ste/ /dgra sta zhe sdang gcod byed pa/ /lus ngag sems las yang dag byung / /zhags pas nyes pa 'ching ba ste/ /lus can ma lus mi mthun phyogs/ /sems can don byed rtsom pas na/ /zangs gri shin tu rno ba'o//mgo bo tshangs pa'i rang bzhin gyis/ /kha T+wAM stong pa'i rnam pa ste/ /cang te'u thabs rnams dag pa'o/ /rtag tu dga' ba'i rang bzhin gyis/ /chos kyi dbyangs sgra hUM mdzad pa'o/ /thod pa nam mkha'i dkyil 'khor te/ /snying rje ro yis yongs bkang ba'o/ /gsol ba dngos grub rgyu yin no//mche ba bzhi ni mngon gyur pa/ /bdud bzhi 'joms par mdzad pa'o/ /'od zer 'khrigs pas 'khrug ldan pa'i/ /rtag tu tshes kyi phreng ba gnyis/ /snying rje ro yis yongs bkang bas/ /ha har bzhad pas gsal mdzad zhal/ /nyon mongs bdud bzhi bdag nyid pas//mgo bo'i do shal gyis brgyan byas/ /stong nyid dag pa'i sdigs mdzub po/ /pho nya gtsang sbra dang po yin/ /zhes bya ba ni rgyal ba thams cad bde ba'i rin chen gyi 'byung gnas kyi phyir ro/ /zhi ba ni bdud rtsi dang chang ngo / /zas gcig pu ni za ba nyid//ces bya ba ni gang gi phyir rigs du ma nyid rigs gcig pas na dbye ba mi skye ba de ltar bya'o/ /gtsang sbra 'di ni yang dag spyad/ /ces bya ba ni go sla'o/ /rnam dag bdag nyid ye shes kyis/ /sa rnams kyang ni thob par 'gyur/ /zhes bya ba ni phyag rgya chen po'i dngos grub po//gang yang kha cig brtson 'grus go 'phang dman pas thob par ma gyur na yang / sbrul bzhin du lus 'di yongs su btang nas gtsang ma'i gnas la sogs par de bzhin gshegs pa lta bur 'ching ba las grol bar 'gyur ro/ /yang na mi'i 'jig rten du skyes nas ni/chos ldan rgyal por 'gyur zhes pa ste/ bsod nams dang ye shes kyi tshogs rang bzhin las byung bas byang chub kyi sems rdo rje dang 'dra bar sems can thams cad nye bar 'tsho zhing sems can skyob pa'i sems kyis smon lam btab pas skye ba dang skye bar bde bar gshegs pa'i rigs su skye ste/dpal dang ldan pa'i shAkya'i mgon pos/ ji ltar gsungs pa bzhin du 'gyur ro/ /de bas na/ bca' ba btung ba la sogs ldan/ /bdag nyid sangs rgyas kun sogs mchod/ /ces pa'o/ /rang 'dod pa yi las rnams la/ / dad pas gtor ma sbyin bar bya/ /zhes bya ba ni zhi ba dang rgyas pa la sogs pa rnams la'o/ /mar ngo zhes bya ba la sogs pa ni sgra ji bzhin pa'o/ /mdzub mo mdud byas gung mo nges par sbyar/ /mthe bong rdo rje brtan par yang dag bsdams/ /'di ni dpral ba'i dbus su rab bzhag nas//bskor zhing bskor bas kun du bskor bar bya/ /sngags 'di brjod par byas la/ /oM A ra l+li hoH/ dzaHhUM baM hoH/ badzra DA ki nI sa ma ya s+t+woM dr-i sh+ya hoH de ltar lan gsum bzhir brjod do/ /gcer bu spyi gtsug grol 'gyur bas/ /sgrub pos gnas ni mthon po ru/ / lho phyogs kha bltas bzhag nas ni/ /mtshan mo phyed na gtor ma byin/ /mthon po'i gnas zhes bya ba ni ri'i rgyal po lhun po'i steng du lha'i dkyil 'khor chen po'i sbyor bas 'byung po thams cad pa'i gtor ma sbyin pa ste/ gru bzhi pa la sgo bzhi pa/ /rta babs bzhis ni rnam par brgyan//rim pa lnga yi dbus su ni/ /sna tshogs pad+ma nyi dkyil la/ /rdo rje sems dpa' yongs gyur las/ /bdag nyid he ru kar bsgom bya/ /rtag dang chad pa'i rnam rtog gis/ /'jigs byed dus mtshan 'og tu byas/ /g.yas brkyang zhabs kyi sbyor ba yis/ / bdud rnams thams cad rab 'joms pa/ /sku mdog sngo zhing drag chen po/ /'jig dus me ltar drag shul che/ /spyan gsum 'jigs shing rngam pa ste/ /thod pa'i phreng ba'i dbu rgyan can/ /sangs rgyas lnga yis byin gyis brlabs/ /sna tshogs rdo rjes ral pa bcings/ /byang chub zla bas nye bar mdzes//phyag rgya drug gis sku brgyan byas/ /mtshan rnams kun gyis mtshan pa ste/ /zhal drug pa la bcu drug phyag /dpa' ba mi sdug sgeg pa dang / /bzhad dang drag shul ljags 'dril zhing / /sngo dang ser dang de bzhin dmar/ /ljang gu dang ni dkar po nyid/ / steng gi zhal ni cher drag cing / /nam mkha'i cha la longs spyod pa/ /ha har bzhad dang hUM hUM mdzad/ /hi hi zhes pas 'jigs mdzad pa/ /hUM hUM mdzad bcas phaT mdzad pa/ /yi ge oM oM zhes brjod cing / /rdo rje dril bus snyoms 'jug pa/ /lha mo'i nu ma 'tshir mdzad pa/ /dus mtha'i drag po 'jigs pa yi//pags pa na bza' bsnams shing 'dzin/ /thod pa kha T+wAM mdung rtse gsum/ /zangs gri dang ni dgra sta dang / /lcags kyu zhags pa mgo dang ni/ /cang te'u de bzhin mdung thung ni/ /gnyis kyis dra ba'i phyag rgya ni/ /dpral ba'i steng du legs gnas pa'i//phag mo'i mdog dang phyag la sogs pa yang de dang 'dra ba ste/ 'on kyang pags pa'i gos spangs shing / /mda' gzhu 'dzin pa'i lha mo phyag /lha mo'i skra grol gcer bu la/ /dum bus mtshan pa'i ske rags can/ /byin pa gnyis ni mnyam 'khyud nas/ / snying rjes chags pa'i bde ba can/ /'gro drug srid pa yang dag sbyong / /sems can don la brtson par mdzad/ /'dab mar pho nya bzhi po ni/ /sa la sogs pa'i rang bzhin can/ /mkha' 'gro ma la sogs pa ste/ /sngo dang ser dang dmar dang ljang / /zhal gcig pa la phyag bzhi pa//spyan gsum gcer bu skra grol ba/ /brang gi nu ma rab rgyas shing / /sgeg bcas rnam par bzhad pa'i zhal/ /phyag rgya lnga yis rnam par brgyan/ /g.yon pas lcags kyu zhags pa dang / /lcags sgrog dang 'bebs pa yi phyag /dgug pa dang ni gzhug pa dang / / bcing dang mchog tu mnyes byed pa'o/ /gzhan gyis gri dang thod pa dang / /kha T+wAM ga dang cang te'u 'dzin/ /g.yas brkyang zhabs kyis legs par bzhugs/ /snying rjes chags pa'i myos ldan yang / /'khrul ba thams cad rnam par spangs/ /mtshams su bum pa dang thod pa//bza' ba kun gyis yongs bkang ba/ /steng du thod pa byang chub kyi/ /'o mas yongs su bkang ba'o/ /lus ngag yid gsum byin brlabs shing / /ye shes sems dpa'i go cha gnyis/ /pu la sogs pa yang dag sbyar/ /dbang bskur nas ni mchod bya ste//bka' bzhin du ni bstod byas la/ /shing gcig dang ni dur khrod la sogs pa'i gnas su ni/ ji ltar gsungs pa'i sngags kyi rjes su 'brangs nas/ 'jig rten pa thams cad dang / 'jig rten las 'das pa'i lha'i tshogs kyis yongs su bskor ba'i zhing skyong la sogs pa dgod par bya ste/de la rim pa 'di yin te/ /phag mo dang ni dge ma gnyis/ /gzhon nu ma dang tsA muN+DI/ /tshangs pa dang ni tshogs bdag ma/ /khyab 'jug dbang po rgyas par bshad/ /rim pa gnyis pa'i'o/ /rim pa gsum pa la ni/ dbang po gshin rje chu lha dang //gnod sbyin yi dags gtso mo dang / /sreg byed srin po rlung gi lha/ /rim pa bzhi pa la ni/ nyi ma zla ba mig dmar dang / /gza' lhag dang ni phur bu dang / /pa ba sangs dang spen pa dang / /sgra gcan 'dzin dang rgyal mtshan no/ /rim pa lnga pa la ni/ tshangs pa khyab 'jug de bzhin drag /skem byed nyid ni sgo bzhir ro/ /rim pa gnyis pa'i shar phyogs su/ /hrIH yig las byung lha mo ni/ /phag mo zhes bya phyag bzhi pa/ /mda' dang gzhu dang de bzhin du/ /rgyal mtshan dang ni thod pa nyid/ /mdog sngon drag mo chen mo ste/ /phag gi gdong can 'jigs byed ma//byang du pheM gyis dge ma ni/ /mdog dmar drag mo chen mo ste/ /thod pa nyid dang lcags kyu dang / /kha T+wAM cang te'u de bzhin no/ /nub tu nyi yis gzhon nu ma/ /mdog ser pa la phyag bzhin/ /mdung rtse gsum dang ba dan gsum/ /gzhu dang mda' ni de bzhin no//lho ru hi yis tsA muN+DI/ /mdog sngo ba la phyag bzhi na/ /kha T+wAM nyid dang thod pa dang / /de bzhin ral gri cang te'u'o/ /me mtshams baM gyis tshangs pa ni/ /sku mdog dkar mo phyag bzhin/ /tshangs pa'i sku dang thong ba nyid/ /gzhu dang mda' ni de bzhin no/ /srin por gaM gis tshogs bdag ma//mdog ljang ma'o phyag bzhi na/ /mdung rtse gsum dang thod pa'i phyag /bgrang phreng dang ni la du'o/ /rlung du baM gyis khyab 'jug ma/ /mdog sngon ma la phyag bzhin/ /chang dang chu yi thod pa dang / /zhags pa kha T+wAM de bzhin gzhan/ /dbang ldan i yig las byung ma//dbang mo mdog ser phyag bzhi na/ /rdo rje mdung thung thod pa dang / /sdigs mdzub dang ni zhags pa nyid/ /lha mo thams cad gyen skra 'bar/ /sna tshogs rgyan gyis rnam par bklubs/ /mi ro'i stan bzhugs spyan gsum ma/ /stag gi lpags pas rked pa dkris//rim pa gsum par/ dbang ldan yaM gis gnod sbyin ni/ /khyu mchog stan la bzhugs pa ste/ /mdog dkar ba la phyag bzhi na/ /thod pa dang ni mdung rtse gsum/ /thal mo sbyar la gzhol pa'o/ /shar du i skyes brgya byin ni/ /glang po'i stan la bzhugs pa ste/ / mdog ser phyag ni bzhi pa la/ /rdo rje dang ni thod pa'i phyag /phyag gi thal mo sbyar bar mdzad/ /me mtshams baM gyis drang srong ni/ /mdog dmar phyag bzhi ra skyes zhon/ /me thab dang ni thod pa dang / /skrag pas thal mo sbyor la brtson/ /lho ru yaM gis nyi ma'i bu/ /mdog sngo phyag bzhi ma he zhon//dbyug pa thod pa bsnams pa dang / /skrag pas thal mo sbyar la gzhol/ /bden bral raM gyis srin po ni/ /mdog ljang phyag bzhi mi ro zhon/ /ral gri dang ni thod pa thogs/ /skrag pas thal mo sbyor la brtson/ /nub tu baM gyis chu yi bdag /mdog dkar phyag bzhi chu srin stan//zhags pa dang ni thod pa thogs/ /skrag pas thal mo sbyor la gzhol/ /rlung mtshams yaM gis rlung gi bdag /dud kha phyag bzhi ri dgas zhon/ /ba dan dang ni thod pa nyid/ /de bzhin thal mo sbyor la brtson/ /byang du kuM gis ku be ra/ /mdog ser phyag bzhi bum par bzhugs//rin po che dang thod pa 'dzin/ /thal mo sbyar la gzhol bar mdzad/ /rim pa bzhi pa la ni/ shar du nyi ma mdog dmar ba/ /phyag gnyis kyis ni pad+ma 'dzin/ /thal mo sbyor la brtson par mdzad/ /rta bdun ldan pa'i shing rta zhon/ /me mtshams saM gis pa bsangs//kha dog dkar po 'bar ba ste/ /g.yon pa pad stengs me nor bu/ /g.yas pa de bzhin thod pa ste/ /thal sbyar ba la ra skyes zhon/ /lho ru aM gis mig dmar ni/ /mdog dmar ro yi gdan la gnas/ /ral gri dang ni zhags pa 'dzin/ /thal mo sbyor la gzhol bar byed//srin por raM gyis sgra gcan 'dzin/ /g.yas pa nyi ma g.yon zla ba/ /dud kha thal mo sbyar byas la/ /lus phyed rang gi stan la gnas/ /nub tu saM gis spen pa sngo/ /phyag gnyis thod pa thogs pa dang / /thal mo sbyar ba byas pa'i phyag /me yi thab kyi steng du ni//me bzhin 'bar bas gnas pa'o/ /rlung du shaM gis zla ba dkar/ /g.yon du pad+ma zla nor bu/ /g.yas pa pad+ma'i steng du zla/ /thal mo sbyar byas ngang pa zhon/ /byang du baM gis phur bu ser/ /g.yon du ril ba spyi blugs te/ /g.yas su de bzhin thod pa'o/ /thal sbyar rin chen stan la gnas//dbang ldan buM gyis gza' lag dkar/ /g.yas pa na ni rin chen mda'/ /g.yon pa na ni thod pa'o/ /thal sbyar bum pa'i stan la gnas/ /kaM gis rgyal mtshan sprul gzugs dmar/ /phyag gnyis ral gri thal sbyar ba/ /de bzhin rgyu skar rnams bud med kyi gzugs can te//tha skar ni dkar ba'o/ /bra nye ni ljang gu'o/ /smin drug ni sngo bsangs so/ /snar ma ni dmar skya'o/ /mgo ni sngon po'o/ /lag ni ser po'o/ /nab so ni ser po'o/ /rgyal ni sngo bsangs so/ /skag ni dkar po'o/ /mchu ni ser po'o/ /bre ni ljang ser ro//dbo ni ljang gu'o/ /me bzhi ni dkar po'o/ /nag pa ni ljang gu'o/ /sa ri ni ser po'o/ /sa ga ni sngon po'o/ /lha mtshams ni sngo bsangs so/ /snron ni ser po'o/ /snubs ni ljang gu'o/ /chu stod ni sngon po'o/ /chu smad ni dkar po'o/ /gro zhun ni skya bo'o/ /byi bzhin ni sngo bsangs so//mon gru ni sngon po'o/ /mon gre ni ser po'o/ /khrums stod ni ljang gu'o/ /khrums smad ni ser po'o/ /nam gru ni ser skya'o/ /thams cad ni gser gyi stod g.yogs can la thal mo sbyar bar bsam mo/ /rim pa lnga par ni/ shar sgor baM las tshangs pa ni/ /mdog dkar zhal bzhi phyag bzhi pa'o//thod pa dang ni bgrang phreng dang / /spyi blugs dang ni pad+ma nyid/ /byang sgor biM las skyes pa yi/ /khyab 'jug ces bya phyag bzhi pa/ /mdung dang de bzhin 'khor lo dang / /thod pa nyid dang dbyug pa'o/ /nub tu saM las drag po ni/ /dud pa'i mdog la phyag bzhi pa//mdung rtse gsum dang thod pa nyid/ /de bzhin zhags pa bgrang phreng 'dzin/ /lho ru kaM las skem byed ni/ /mdog ser phyag ni bzhi pa la/ /mdung thung dbyug pa thod pa dang / /de bzhin bgrang phreng 'dzin pa'o/ /de dag kun kyang bu dang bu mo la sogs pa'i 'khor dang bcas shing /sgeg pa la sogs pa'i nyams dang ldan pa'o/ /yang dkyil 'khor chen po'i de nyid kyi sa'i dbus su/ shar du ru dra nag po ste/ /byang du ru dra chen po'o/ /nub tu lha sbyin zhes bya ba/ /lho ru de bzhin nag po'o/ /dbang ldan du ni gtsigs pa ste/ /me mtshams su ni mi sdug pa'o//bden bral dga' las 'das pa ste/ /rlung mtshams su ni log 'dren no/ /de kun zhal gcig spyan gsum pa/ /phyag bzhi gri dang thod pa dang / /kha T+wAM mdung rtse gsum pa'i phyag /gnag dang ser dang dmar dang ljang / /mtshams na gnas pa rnams ni yid 'phrog pa gzugs gnyis pa'o//ru dra nag po'i mdun du ni tsA muN+DI'o/ /g.yon du ni drag mo'o/ /rgyab tu mi sdug ma'o/ /g.yas su dka' bzlog lha mo'o/ /de dag ni mkha' 'gro ma'i gdong can phyag gnyis mchod pa lngas gang ba'i thod pa bsnams pa'o/ /ru dra chen po'i mdun du ni/ / rgyal ma dang / rnam rgyal ma dang / mi thub ma dang / gzhan gyis mi thub ma rnams te/ bca' ba dang btung ba 'dzin pa/ lA ma'i mdog can no/ /nub tu lha sbyin gyi btsun mo/ nag mo bzang mo dang / nag mo chen mo dang / nag mo spom mo dang / rnal 'byor ma rnams te/ khaN+Da ro ha'i mdog can phyag na mchod pa lngas bkang ba'o//lho ru nag po'i btsun mo dbang po dang / zla ba mo dang drag mo dang ldan ma rnams te/ gzugs can ma'i mdog can phyag na bza' btung thogs pa'o/ /dbang ldan du ni gtsigs pa'i btsun mo 'phyang ma dang / lha'i dbang phyug ma dang //dung can ma dang / mar me ma rnams te/ tsA muN+DI'i mdog can phyag na bza' btung thogs pa'o/ /me mtshams su ni mi sdug pa'i gzugs dang / grong khyer du gnas pa'i rnal 'byor ma dang / drag po'i gzugs can ma dang / gzugs chen mo ste/ dbang mo'i mdog can sngon du bstan pa bzhin du phyag na ston mo thogs pa/bden bral du dga' ba las 'das pa'i chung ma mche ba'i gzugs dang / gtsigs ma dang thod pa'i phreng ba can ma gshin rje'i kha T+wAM ga 'phyar ba'o/ /nag mo bzang ba'i mdog can bza' ba dang btung ba lag na thogs pa'o/ / rlung du log 'dren gyi chung ma lag na ral gri dang dgra sta ma dang / lag na rdo rje ma dang / lag na pad+ma can ma rnams te/ rgyal ma la sogs pa'i mdog can lag na bza' ba dang btung ba la sogs pa thogs pa'o/ /yang shar phyogs kyi rta babs kyi mdun gyi dur khrod du 'jigs byed thod phreng can dang srin po dang tshogs kyi dbang phyug dang dril rna ste/bzhi po de dag chung ma dang bcas shing mkha' 'gro ma'i mdog can no/ /byang gi dur khrod du ni gtum pa'i dbang phyug dang / dza yig rngam dang rked pa'i ru dra dang / sbom pa'i dbang phyug chung ma dang bcas pa lA ma'i mdog can no//nub phyogs kyi dur khrod du Da ma ra dang 'dam ka dang pheg dang 'jigs su rung ba rnams chung ma dang bcas pa khaN+Da ro hA'i mdog can no/ /lho phyogs kyi dur khrod du ni sku'i dbang phyug dang / sgra chen dang mche ba gtsigs pa dang mda' 'dzin zhes bya ba rnams chung ma dang bcas pa gzugs can ma'i mdog go//de dag thams cad kyang zhal gcig pa phyag bzhi pa kha T+wAM ga dang thod pa dang / mdung rtse gsum pa dang lha mo la 'khyud pa ste/ sngar bstan pa'i shing brgyad la yang gnas par blta bar bya'o/ /de dag thams cad 'jig rten gsum na grub pa dang rig pa 'dzin pa dang /lha'i bu mo dang mi la sogs pa rnams kyis phyogs bzhir kun du mdun du bdar ba/ yi dags sha za la sogs pa 'du ba/ ki li ki li'i sgra sgrogs par yid kyis blta bar bya zhing / /sgrub pa po la yang mchog ster bas mngon par phyogs pa/ rang gi ming gi yi ge snying gar dgod cing lus ngag yid gsum/oM AH hUM dang bcas pas rigs gsum las byung ba'o/ /de nas cho ga bzhin du bsang gtor dang zhabs bsil byin la dam tshig dang mnyam pa'i sbyor bas/ rang gi 'khor lo la kha zas dbul bar bya ste/ phyag 'tshal dbus su a dang ldan//yi ge hUM byas sbar ba yis/ /yi ge hrIH las me 'bar ba/ /ji srid bya ba rdzogs bar du/ /rdo rje thal mo gyen kha dbye/ /gsang sngags 'di ni brjod par bya/ /kha kha khA hi la sogs pa'i sngags kyis me tog dang bdug pa dang byug pa la sogs pas mchod do/ /de nas sems yang dag par mnyes nas mchog ster bar 'gyur ro//gtso bor bcom ldan 'das kyi sku gsung thugs la rnam par gnas par bsam mo/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa bdun pa'i rnam par bshad pa'o// // de nas mchod pa rnam dag bdag /ces bya ba la/ rnam dag ces bya ba ni dngos po thams cad las so so ma yin pa nyid de/ gnyis su med pa'i bde ba chen po'i rang bzhin 'od gsal ba'o/ /de nyid sangs rgyas rnams kyi chos kyi sku'o/ /de las nges par byung ba ni dpa' bo'o zhes bya ba la srid pa dang zhi ba dag la mi gnas pa'i phyir te longs spyod rdzogs pa'i sku'o//de yang byang chub sems dpa' rnams kyis rjes su spyod pa ste/ tshogs ma lus pa bsags pa las nges par 'byung ba'i phyir ro/ /sangs rgyas kyi tshogs spros nas sems can gyi don byed pa'i mtshan nyid ni sprul pa'i sku zhes bya ba ste/de'i ngo bo nyid kyi bdag nyid kyis bdag nyid mchod par bya ba ni rang gi lha'i sbyor ba yis ji ltar sbyor bas so/ /spun dang sdug pa'ang mchod par bya ste zhes bya ba ni lhan cig tu mnyam pa dang bsam pa dag pa dang nges par sbyor ba dang gcig tu byas pa'o/ / 'ang gi sgras ni rnal 'byor ma nges par bzung ste/ gang gi phyir de rnams ma gtogs par de'i phun sum tshogs par mi 'gyur ro/ /de nyid kyis na nges par gnas/ /zhes bya ba ste/ lha mo dang 'dus ba'i sbyor bas so/ /zhi ba zhes bya ba ni chang ngo / /yang na zhi ba'i bde ba'o//rtag tu shar ba 'od gsal ba/ /snying ga'i pad+mar nges brten nas/ /de 'dra stong pa nyid 'gyur ba/ /sems nyid bsgom par mi bya'o/ /zhes so/ /spun dang bu dang lhan cig tu/ /zhes bya ba la brtse gdung gi byang chub tu sems bskyed pa ma gtogs par bya ste/ sngags dang phyag rgya mchod cing dkyil 'khor dang tshogs kyi 'khor lo bstan pa dang rdo rje'i glu yang thos pas dam tshig la skur zhing slob dpon la smod pa dang /sems can thams cad sun 'byin par byed pa de'i phyir na rdo rje slob dpon gyi bu dmyal bar 'gro bar 'gyur zhing / de'i 'dus pa'i sems can gzhan yang byang chub kyi sems dri ma can du 'gyur ro//de rnams yongs su gzung ba'i phyir zas la spyad par bya ba zhes bya bar sbyar ro/ /'di ni thun mong ngo / /khyad par du ji lta bu zhe na/ gang gi phyir snying rje'i dbang gis byang chub tu sems bskyed pa ji lta ba de ltar de rnams la yang bstan par mi bya ste/dad pa'i dbang gis de rnams kyi byang chub tu sems bskyed pa gzhan nyid du 'gyur ro/ /gsang sngags su la'ang sbyin mi bya/ /zhes bya ba ni sems can yongs su ma smin pa rnams la'o/ /sbyin par bya zhes bya ba ni/ 'dir dbang bskur ba rnams la'o//pho nya zhes bya ba la sogs pa la lam dang 'dra bas lam ste/ byang chub kyi lam mo/ /de yang mtha' yas pa'i nyon mongs pa dang skye ba sbyong ba ste/ nyon mongs pa glo bur ba nyid kyi phyir nam mkha' la sprin dang khug rna dang du ba dang 'khrul pa tsam zhig bsal bas tshe 'di nyid la rdo rje 'dzin par 'gyur ro//de bas na de spangs nas rnal 'byor gzhan la brten par ni/ nyan thos kyi spyod pa dang / kr-i ya dang spyod pa'i rgyud la sogs pa rnams su ji skad bshad pa'i dngos grub thams cad 'dod pa de dag rmongs pas dngos grub med cing bde ba med par 'gyur ro//rgyal srid shor ba'i skyes bu bzhin/ /dad pa'i nor dang phral phyir ro/ /zhes pa ni zhen pa'i lta bas blta ba'o/ /thar pa ni grol ba ste/ pho nya la zhen pa des grol ba'o/ /de bas na/ bde ba yis kyang longs spyod bya/ /zhes bya ba ste/ bde ba thams cad ni b+ha ga las byung ba'i bdud rtsi nyid du nges pa'i phyir ro//bsnyen bkur kho na bya ba min/ /zhes bya ba la/ bsnyen bkur gyi ni don can min/ /chags pas 'dus pa dga' ba ste/ /de phyir 'khyud par rab tu bya/ /rjes su chags dang ldan pas thob/ /gzhan du bde bar mi 'gyur ro/ /skye gnas dman pa zhes bya ba la sogs pa ni rdo rje'i rigs la sogs pa'o//'ang gi sgras ni bram ze mchog la sogs pa bsdu ba'o/ /de rnams kyang ma dang sring mo la sogs pa ltar shin tu gdung ba'i dbang gis so/ /dka' thub bdag nyid chen po yis/ /gang zhig rtag tu mchod byed pa/ /bshung zhing dman pa'i sems kyis ni//dka' thub nges par zad par 'gyur/ /'khor lo de bzhin grub pa yis/ /zhes bya ba ni gang gi dam tshig dang sdom pa nyams pa rnams kyi yang phyis blang ba la ni rnal 'byor 'di sbyin par bya'o/ /mkha' 'gro mkha' 'gro rnal 'byor pas/ /dam tshig sdom pa bla na med//nam mkha' dbyings kyi dbus gnas par/ /dam tshig dkyil 'khor bla na med/ /de yi dbus su 'khor lo che/ /dkyil 'khor lnga yis brgyan pa ni/ /dbus su nyi stan yi dags la/ /I li kA lir yang dag ldan/ /sum cu rtsa gnyis mtshon 'chang zhing / / dpe byad bzang po brgyad cus brgyan/ /byin gyis brlabs pa'i tshig byas nas/ /yi ge hi las yang dag byung / /'jig dus 'od zer ltar 'jigs pa/ /spyan gsum mche ba gtsigs pa'o/ /ljags 'dril khro dang bcas bzhad zhal/ /lha chen thams cad gsol mdzad pa//bskal pa'i me ltar yang dag 'khrug /ral pa'i cod pan gyis brgyan zhing / /'jigs byed pags pas rked pa dkris/ /g.yas brkyang zhabs kyis legs bzhugs pas/ /'jigs byed dus mtshan kun du mnan/ /dpral bar rdo rje phreng ba dang / / sna tshogs rdo rje zla phyed brgyan/ /sku la rgyan drug rgyan du byas/ /phyag drug zhal ni lnga pa ste/ /sna tshogs nyams dang ro mchog ldan/ /sngo dang ser dang de bzhin dmar/ /ljang dang steng dkar zhi ba'o/ /shi ba'ang gso bar byed pa'i mchog /sdang ba thams cad nges gnas pa'i//rdo rje dril bu snyoms zhugs shing / /phag mo'i sku la yang dag 'khyud/ /sa srungs pags pa na bza' 'dzin/ /steng du gdugs dkar gzung ba ste/ /thod pa dang ni kha T+wAM 'dzin/ /drug pa na ni cang te'u'o/ /de dang 'dra ba'i phag mo yi/ /dbu skra grol zhing gcer bu la//mi rus rgyan gyis rnam par bklubs/ /'on kyang pags pa'i gos kyi gnas su gri dang tshangs pa'i mgo dgod par bya'o/ /de shar sangs rgyas mkha' 'gro ste/ /de bzhin byang du las mkha' 'gro/ /nub tu chos kyi mkha' 'gro ste/ /lho ru rin chen mkha' 'gro nyid//dkar dang sngo dang dmar po dang / /ljang gu dang steng dmar ser po/ /'khor lo dang dril bus snyoms par 'jug cing phyag gnyis kyis tshangs pa'i pags pa'i gos bsnams pa dang gzhan gyis thod pa dang kha T+wAM ga dang cang te'u'o/ /g.yas brkyang pas tshangs pa khyo shug mnan pa'o//yang ljang gu dang ser po dang dmar po dang sngon po dang / de bzhin du lnga pa steng ma dkar po ste/ sna tshogs rdo rje dang dril bus snyoms par 'jug pa/ tshogs kyi bdag po'i pags pa bsnams pa dang / gzhan gyis thod pa dang / kha T+wAM ga dang cang te'u bsnams pa'o//g.yas brkyang gi gnas pas tshogs kyi bdag po khyo shug mnan pas 'jigs shing myos pa'o/ /yang dmar po dang sngon po dang ser po dang ljang gu dang steng ma dkar po ste/ pad+ma dang dril bus snyoms par 'jug cing 'dod pa'i lha'i pags pa dral ba bsnams pa dang /thod pa dang / kha T+wAM ga dang / Da ma ru ste/ g.yas brkyang pa'i gnas pas 'dod pa'i dbang phyug bus khyo shug mnan pa'o/ /yang ser po dang sngon po dang dmar po dang ljang gu dang de bzhin du steng ma dkar po ste/ rin po che dang dril bus snyoms par 'jug cing dbang po dral ba'i pags pa bsnams pa dang thod pa dang kha T+wAM ga dang cang te'u'o//g.yas brkyang ba'i gnas pas dbang po khyo shug mnan pa ste/ kun kyang spyan gsum pa phyag drug pa ral pa'i cod pan dar gyis bcings pa/ me mtshams dang bden bral dang /rlung mtshams dang dbang ldan gyi mtshams rnams su ni sangs rgyas kyi mkha' 'gro ma dang / rdo rje mkha' 'gro ma dang / pad+ma mkha' 'gro ma dang / las kyi mkha' 'gro ma rnams te/ dkar po dang sngon po dang dmar po'o/ /yang sngon po dang dkar po dang ser po'o/ / yang dmar po dang sngon po dang ser po'o/ /yang ljang gu dang sngon po dang ser po ste/ kun kyang zhal gsum phyag drug pa/ /spyan gsum gcer bu ska grol la/ /phyag rgya lnga yis brgyan pa'o/ /nga rgyal bcas shing gar mdzad pa/ /snying rje chags pa'i dga' dang ldan/ / 'khor lo'i mda' dang rdo rje'i mda'/ /pad+ma'i mda' dang rin chen mda'/ /rang gi mtshan mas mtshan ma'i mda'/ /g.yon pa thams cad na gzhu'o/ /thod pa kha T+wAM ga dang Da ma ru'o/ /gzhan gyis zhags pa dang lcags kyu 'dzin pa'o/ /shin tu zlum zhing re mig dgu/ /phyi rol gru bzhi sgo bzhir ldan//de la shar sgor ni gzugs mang ngo / /byang du ni gzugs bzang ngo / /nub tu ni rdo rje dbyig pa can no/ /lhor ni rdo rje snang ba'o/ /kun kyang zhal gsum phyag drug pa/ /rgyan rnams kun gyis bklubs pa ste/ /sngon bstan sangs rgyas mkha' 'gro sogs//rim bzhin mtshan ma thogs pa'o/ /de yi phyi rol yul du yang / /gru bzhi pa la sgo bzhi pa/ /rta babs bzhi yis brgyan pa dang / dang dang me tog gi phreng ba 'phyang ba ste/ de la lha'i snam bu gru bzhi pa'i me'i mtshams la sogs pa'i g.yon skor gyis dgod par bya ba ni rdo rje'i kha dang drag po'i kha dang /rdo rje phag sna ma dang / snyan grags ldan ma dang / rdo rje pho nya mo dang / rdo rje sen mo dang / rdo rje gzhon nu ma dang / rdo rje dung can ma dang / rdo rje dri ma dang / rdo rje nyal ma dang / dri can ma dang / 'jigs ma'i zhal dang /spyi gtsug zla ba dang / khro gnyer ma dang / sna tshogs kyi gzugs ma dang / rdo rje lus can ma dang / rdo rje sgrog ma dang / sgyu 'phrul lha mo dang / snyan byed ma dang / kham bam ste/ de ltar lha mo nyi shu'o/ /shar phyogs kyi sgor ni rdo rje 'bar ba ma dang /byang du ni rdo rje 'khyil ma'o/ /nub tu ni rdo rje 'jigs byed ma'o/ /lhor ni rdo rje grub ma'o/ /de dag ni mkha' 'gro ma'i dkyil 'khor grub pa'o/ /sgo srung ba thams cad kyang spyan gsum pa/ zhal rnam par 'gyur ba gsus pa 'phyang ba'o/ /gzhan dag ni sna tshogs kyi gzugs can rol ba mo thams cad phyag rgya lnga 'dzin pa thod pa'i phreng bas brgyan pa zhal gsum pa dpa' ba dang sgeg pa dang snying rje'i ros gang ba nu ma rgyas shing skal ba dang ldan ma gcer bu skra grol ba snying rje chen pos chags pa'i dga' ba'i dam pa ro'i gdan la bzhugs pas gar byed pa'i mchog ste/thod pa dang kha T+wAM ga dang rde'u chung gi bdag nyid can/ zhags pa dang lcags kyu can rdo rje gsor zhing dril bu dkrol ba'o/ /de nas sku dang gsung dang thugs byin gyis brlabs la go cha gnyis kyis brgyan nas ye shes kyi 'khor lo de la dgug pa ste/dbang bskur ba la yang dag par mchod nas/ bstod pa byas la sngags bzlas par bya ste/ oM shrI badzra DA ka a haM hUM DA ki ni dzA la sam+ba ra huM hUM phaT swA hA/ gus pa'i bsam pas rtag tu bzlas par bya ste/ rdo rje mi smra ba'i brtul zhugs chen po spro ba dang bsdu bar bya'o//oM shrI bud+d+ha DA ka a b+h+rUM hUM DA ki ni dzA la sam+ba nga huM hUM phaT swA hA/ oM shrI karma DA ka a khaM hUM DA ki ni dzA la sam+ba ra huM hUM phaT swA hA/ oM shrI pad+ma DA ka a d+h+ri hUM DA ki ni dzA la sam+ba ra huM hUM phaT swA hA/ oM shrI rat+na DA ka a aM hUM DA ki ni dzA la sam+ba ra huM hUM phaT swA hA/oM shrI badzra wA rA hI baM huM hUM phaT swA hA/ de ltar mkha' 'gro ma thams cad kyi bzlas pa'i sngags rab tu bshad pa'o/ /sdom pa 'di rnam par nges par bzung na rdo rje dang mnyam pa'i dngos grub bzang po gdon mi za'o/ /mchog dang tha ma zhes bya ba la sogs pa ni gang yang gzhan dag sngon du grub pa dam tshig can byin gyis brlab pa'i go 'phang dran par bya ste/mchog tu zhes bya ba ni lhan cig skyes ma'o/ /dbus ma ni zhing las skyes ma'o/ /tha ma ni sngags skyes ma'o/ /des lhan cig skyes pa de'i rdzas ni rnam par nges pa yin zhes bya ba ste/rtsar chud pa'i dbang po thams cad las byung ba'i rdzas gang de rnams kyi rkyen gyis rtag tu bskyed pa'i bdud rtsi lnga la sogs pa gnas pa'i thod pa la khrag dang chang du ldan pas dkyil 'khor gru gsum byas la/ steng dang dbus dang 'og rnams su/ / phyogs dang phyogs mtshams ji ltar gsungs/ /de nas kha zas bza' bya ste/ /de nyid gsum ni mngon bsngags la/ /dam tshig mchog ni btung zhing sbyin/ /bla ma rdo rje 'dzin gtso dang / /rnal 'byor ma tshogs bdag la gson/ /sdom pa ma lus bzung byas nas/ /rtag tu bdag gis bskyang bar bgyi//zhes bya'o/ /'jig rten la rtag g.yon nas sbyong / /ces bya ba la g.yon pa'i kun du spyod pa rnams ni bde ba'i 'byung gnas yin pas grub pa'i don du rnam par spyod do/ /rnal 'byor chen po 'di nyid bde ba can dang nam mkha'i pho brang dang / 'jig rten gsum gyi 'gro ba'i bdag po'o/ /gang g.yon pas g.yon pa las skyes pa rnams pa rgyan na mchog gi don thams cad ster bar nus shing rgyas par byed la bde ba ster bas na g.yon gyis bkur sti bya ste/ rnal 'byor pa thabs thams cad la mkhas pas so/ /gang gi phyir bde mchog gtso bo'i nges pa thams cad g.yon ba las byung ba'i phyir ro//phyag rgya chen pos mchod med par/ /gang zhig de bzhin gshegs pa mchod/ /de yis ngal ba don med de/ /'bras bu thob par mi 'gyur ro/ /brtul zhugs ma nyams zhes bya ba la brtul zhugs ni dus kyi nges pa dang /sbyangs pa'i yon tan bcu gnyis la sogs pas bskal pa du mas brgya lam na sangs rgyas pa de dag thams cad zil gyis gnon cing brtul zhugs spong pa ste/ tshe 'di nyid la sangs rgyas thob par byed pa'i phyir ro/ /gang gi phyir sgrub pa po bya ba la brtson pa ni 'jig rten pa'i spyod pa las rnam par grol ba ste brtul zhugs rdzogs pa'o//dam tshig ces bya ba la sogs pa la 'dis grangs su bgrangs pas ni rigs te drug dang lnga la sogs par gsungs pa'o/ lhan cig ces pa ni sngon du bstan pa bzhin no//rigs lnga las ni kun spyod pa/ /zhes bya ba la rin po che'i rigs mi bskyod pa nang du 'dus pas rigs bzhi ru rab tu gtogs so/ /mthar thug pa yang sems kyi bdag po'i rigs su gcig pa'o/ /dkyil 'khor pa rnams der mnyam pa'o//rnam par mi rtog kun spyod bya/ /'du 'dzi yongs su 'dzin med cing / /longs spyod min pa'i zas rnams dang / /'dod pa'i yon tan rnam pa lnga/ /kha na ma tho med bsten bya/ /me la ji ltar bzang ba mnyam spyod yul/ /ji ltar nyi ma'i snang bas mnyam par ston/ / rlung gis ji ltar dri ma mnyam par bsdus/ /rnam rtog rmongs pa'i rgya mtsho rigs spangs la/ /dam tshig ma lus kun tu spyod par bya/ /dkyil 'khor gru gsum zhes bya ba la/ /sa phyogs rtsub cing snying po ma yin pa/ gas shing mdog gnag pa la/ rgyar sor nyi shu/ zabs su sor bcu pa'i thab khung byang du mgo bstan pa byas la las kyi rdo rje dang / de bzhin du mdung rtse gsum pa dang / rdo rje tho ba'i mtshan ma rnams rtse mo steng du bltas pas gsad pa'i las la mdung gi rtse mo steng du blta bar bya ste/ phyag mtshan 'dir sor bzhi pa'i tshad du bri bar bya'o//de'i steng du sor gsum bor nas zheng dang dpangs sor gsum pa'i kha khyer gyis thab khung bskor bar bya'o/ /de nas sa nag po nyid dang bong bu dang rnga mo'i rtug pa dang / mi rus dang 'bras kyi phub ma dang / sol ba byugs la dri mi zhim pa'i me tog dang bdug pas mchod la/shing dri mi zhim zhing rtsub pa tsher ma can gyi shing ngam/ dur khrod kyi shing ngam/ bong bu dang rnga mo'i rtug pa skam pos bya zhing nim pa dang seng ldeng dang tsher ma can nam/ ba lu ti ka tsher ma can la sogs pa'i shing rnams kyi yam shing sor bcu pa'i tshad tsam rtsa ba'i cha las byas pa'am/ro bsregs pa'i rtsub shing gshags pa las byung ba'ang rung ste/ dug dang khrag dang mar khu la bdug pa bsreg par bya'o/ /yang yungs kar tsha ba'i mar khu dang khrag dang lan tshwa dang ske tshe dang nim pa'i 'dab ma'i thal ba dang / rkang rjes kyi sa dang bong bu dang rnga mo la sogs pa'i rtug pa dang skra dang zhag dang bya rog dang 'ug pa'i sgro dang bshang ba dang gci ba dang mi rus kyi phye ma dang spu dang sha la sogs pa re re zhing ji skad rnyed pa'i rdzas dug dang khrag dang smyo byed kyi 'dab ma'i khu bas sbangs la/thal ba dang sol ba dang 'bras kyi phub ma la sogs pas dgra bo'i gzugs brnyan byas la mtshon rnon pos mgo bo nas brtsams te/lus dum bu dum bur gtubs la/ mngon spyod kyi las la sbyin sreg dbul te/ lcags kyi snod du khrag dang chu dang mi dang bong bu'i gcin la yi ge phaT kyi mtha' dang ldan pa'i mngon spyod yi ge bdun pa lan bdun bzlas la/bsreg rdzas la bsang gtor byas la/ dkon mchog gsum la gnod pa rnams dang / dam tshig las 'da' bar byed pa rnams sbyar bar bya'o/ /de nas gos nag pos brgyan zhing lcags kyi rgyan dang ldan pas khro bo'i sems kyis gshin rje'i phyogs su kha bltas la sngags pas khro bo'i skyil krung gis stan mkhrang po la gnas shing mtshan phyed dang nyin phyed na bsgrub bya rnam par bsams te/rang gis bskyed pa'i dkyil 'khor du/ yi ge hUM phaT mtha' na yod pa'i 'brug sgra ltar sngags brjod la/ des rab dang 'bring dang tha ma'i sbyin sreg bya'o//'dir mngon spyod kyi me ni dur khrod kyi me'am rus pa las byung ba'am rdo las skyes pa'am gdol pa'i khyim nas byung bas gong ma thab khung du ji ltar bstan pa'i bud shing la rlung g.yab kyis ba ba ka sbar te/ hUM dz+wa la dz+wa la hUM zhes brjod cing cho ga bzhin du me sbar ro//de nas lag pa g.yon pa ku sha dang bcas pa'i mthe bong srin lag gi rtsa bar btsugs la me lha spyan drang bar bya ste/ oM e h+ye ma hA b+hU ta de ba r-i Shi dwi dza satwa ma gri hi twa A hu ti A ha raM a smin san+ni hi to b+ha ba zhes bya bas me'i phyogs nas spyan drangs te/byon nas 'bar ba'i snying bo'i dbus su khro bo mi bzad ces bya ba'i klog ltar phun sum tshogs pa dang ldan pa ba spu kham pa de bzhin du du ba'i mdog can mig g.yo ba steng du gzigs shing sbra che ba/ mche ba bzhi pa stobs che zhing rlung gi dkyil 'khor la bzhugs pa 'jigs pa'i yi ge hUM gis hUM zhes mdzad pas spyan gsum pa la phyag bzhi pa rdo rje 'od zer gyi gzi brjid che zhing rig pa'i gnas la legs par bzhugs pa/zhal bdun pa rnam par gtsigs shing ma he'i gdan la bcibs pa'i du ba'i phreng bas 'khrug cing 'jigs su rung ba lcags kyi rgyan bzang po dang ldan zhing lcags kyi lugs ma'i zhal can 'bar ba'i phreng ba dang bcas shing spyan dmar ser mnyam pa med pas 'jigs par gzigs pa gos sngon po mnabs shing 'jig pa'i me ltar drag po'i 'od kyis 'jig rten gsum po gsal ba/phyag gnyis kyis mdung dang rdo rje 'dzin pa/ yang gzhan gyis ral gri dang zangs gri 'dzin pa'o/ /de'i g.yas logs su ni nag po kham ser zhes bya ba g.yas gnyis na rdo rje dang gri gug 'dzin pa yan lag nag po'i du ba'i spyan can tshams kyis ma mchu bzung nas 'tshir ba'o//g.yon gnyis khrag gis gang ba'i thod pa dang ral gri 'dzin pas gnas pa 'od zer dmar po mnyam du 'bar ba'o/ /g.yon du ni gshin rje mthar byed drag cing char sprin gyi 'od dang mnyam pa zhal drug phyag drug mnga' zhing / zhal drug la spyan gsum pa rnam par 'gyur zhing /zhal mche ba rnam par gtsigs pa lcags kyi rgyan 'bar ba can dur khrod kyi me ltar dpangs mtho ba ma he la zhon pa 'jam dpal gyi snying po las byung bar bya'o/ /me thab kyi ngos gnyis la ni mthar byed dang nag po gnyis ji lta ba'i rang bzhin can du bsam par bya ste/ltogs shing za 'dod pa phyag bzhi pa dang drug pa can no/ /yi dags kyi rgyal po ji lta ba de bzhin du drag cing bya ba byed pa'i byin za drag po'i las 'ba' zhig sems pa'o/ /de ltar thams cad ting nge 'dzin gyi stobs las byung ste/ don thams cad bsgrub pa'i sgrub pa pos las dang rjes su mthun pa'i sngags dang phyag rgya'i sbyor bas yang dag par ldan par byas la/sku dang gsung dang thugs byin gyis brlabs par byas nas cho ga bzhin du mchod yon la sogs pas mchod pa bya ste/ mgo bor mchod yon no/ /rkang pa gnyis la ni zhabs bkru'o//oM ar+g+haM pra tIts+tsha swA hA/ lag pa g.yas pa'i mdzub mo dang / mthe bong bkab pa lta bur byas pas chu blangs te lag pa bskyod pas dbul bar bya'o/ /oM pA t+yaM pra tIts+tsha swA hA/ de nas zhal bsil dang bsang gtor byin la mchod pa bya ste me tog ni mgo la'o/ / bdug pa ni mdun du'o/ /dri ni snying gar ro/ /mar me yang mdun du'o/ /lha bshos kyang de bzhin du mdun du dbul bar bya'o/ /de ltar yang dag par mchod pa dang khyad par du yang yid kyis nan tan du bsams la/ zhal bsil byin te/ so rtsi dbul bar bya'o/ /de la dgong gzar ni yu ba sor bcu drug pa la dkyus sor bzhi pa zabs su sor gnyis pa/de'i dbus su yang gru gsum pa ste/ rdo rje rtse gsum pa'i phreng bas yongs su bskor ba 'di'i dbus su yang mtshan ma bya ste/ stag dang sbrul dang seng ge rnams kyi gdong pa gang 'dod pas mtshan mar bya zhing mar 'dzag pa'i bu ga sor gcig pa'o//mchu ni rdo rje gdeng pa 'dar bas byin gyis brlabs pa'i sor tshad tsam mo/ /de bzhin du blugs gzar gyi yu ba ni sor bcu bzhi pa dkyus sor gsum pa/ zabs sor gcig pa gru gsum pa de bzhin du mtshan mas byin gyis brlabs pa'o//yu ba'i mthar ni rdo rje rtse gsum gdengs pas byin gyis rlabs pa'i mngon spyod kyi gzar bu dgang bar bya ste/ thog gis brgyab pa'i shing ngam lcags sam/ tsher ma rno ba can gyi shing rnams las bya'o/ /'dis ni sangs rgyas dag kyang nges par 'jig zhes bya pa'i don no//de ltar phyi rol gyi sbyin sreg bshad nas/ yang nang gi bstan par bya ba'i phyir/ sngags dang phyag rgya yang dag ldan/ /dpa' bo rnams kyi zas de bzhin/ /zhes bya ba gsungs te/ sngon du bstan pa'i rdzas rnams kyis/ /rang gi lhag pa'i lha'i sbyor ba dang ldan pas bya'o//nyon mongs thams cad zhi don dang / /ting nge 'dzin ni rgyas bya'i phyir/ /srid gsum snying po'i thab khung du/ /las rnams thams cad rab bsgrub bya/ /rang bzhin gyis byung lte ba ru/ /gtum mo'i me ni bzang pos brgyan/ /rtsa ba'i rang bzhin he ru ka /rnal 'byor pa kun dgang bar bya/ /rang bzhin med pa'i sems kyis ni/ /'byung ba kun gyi sreg blugs bya/ /'di ni bla med sbyin sreg tu/ /sangs rgyas kun gyis rab tu gsungs/ /rang gis bdag nyid rang bzhin du/ /phyi yi dngos po shes bar bya/ /de ltar yang gsungs pa/'od zer phreng bas 'khrigs shing drag /'od kyi dkyil 'khor rab 'bar ba/ /lte ba'i thab khung kun du gsungs/ /lte ba me yi thab khung nyid/ /bud shing thams cad ye shes mes/ /'byin dang sdud par byed pa yin/ /las kyi rlung gis rab bskyod pas/ /lte ba'i dkyil du rab tu 'bar//dbang po kun las byung ba'i sems/ /bde ba bud shing du ni 'gyur/ /las dang skye ba las byung ba/ /nyon mongs zhi phyir sbyin sreg bya/ /rdzogs pa'i byang chub rim gyis ni/ /'di yis myur du rgyas par 'gyur/ /bskal pa'i me dang rtogs mtshungs shing //'od kyi snang bas legs gnas pa/ /rtsa brgyad rnams kyi 'bras bu ni/ /snying ga'i gnas su yang dga' bar/ /drug cu rtsa bzhi'i 'dab ldan pa'i/ /pad+ma nyid kyi dbus su me/ /de yi dbus su me yi lha/ /mthe bo'i tshigs tshad tsam du blta/ /phyag gnyis me yi mdog can ma//lhan cig skyes dga' rab 'bar ba'i/ /nyi ma'i dkyil 'khor mnan nas ni/ /'od zer 'bar bas rab gsal ba/ /dbyings kun la ni 'bar byed pa/ /thams cad rtsa ru song bar blta/ /blta ba kun gyi bud shing ni/ /'dab ma'i mthar ni yang dag gsungs/ / yid kyis me tog mchod bya zhing / /yid kyis bdug pas bdug par bya/ /yid kyi dri ni bde dang ldan/ /yid kyi mar me rab 'bar ba/ /gtor ma 'dus byas gang ba yi/ /yid nyid kyis ni mchod par bya/ /rkyang ma dgang gzar yang dag gsungs/ /ro bcud blugs gzar blugs gzar kha//kha yi pad+ma'i 'dab ma ste/ /sor gnyis tshad du rab rgyas pa'o/ /dbyug pa rdo rje rin chen mtha'/ /ji srid rang gi rdo rje 'bar/ /thod pa sreg rdzas snod yin te/ /thams cad rdzas ni sreg blugs byas/ /de ltar rim pa rab tu brjod/ /rtsa lnga la ni yang dag brten//lnga po yang dag sbyar bar bya/ /sa dang chu dang de bzhin me/ /rlung dang nam mkha' mnyam pa'o/ /chu shing me tog lta bu ni/ /lte ba'i dbus su yang dag gnas/ /rtag tu khyab byed gnas pa ste/ /mkhas pas kun tu bskor bar bya/ /'dab brgyad rtag tu steng du blta//ge sar dang ni ldan par gsungs/ /de yi dbus su rab brtan pa/ /rnam shes lhan cig skyes pa'i lha/ /rlung gi nam mkhar rab tu 'bar/ /de'i rdul phran rnam pa ru/ /mtshan nyid rab tu shes par bya/ /skra rtse brgya yi cha yis ni/ /'od zer rgyun mi 'chad par gnas//ar+g+ha byin bya rab 'bar ba'i/ /thig le ri mo yi ge med/ /sngon bzhin mtshan nyid yang dag ldan/ /sor mo lnga dang mnyam ldan pas/ /gang ba'i sbyin sreg rab tu gsungs/ /sreg blugs sbyin sreg sor mo gsum/ /sbyin sreg rim pa'i sbyor ba yis//bdud rtsi'i yi ge yang dag ldan/ /bdud rtsi dkyil 'khor dbus su ni/ /mchog gi de nyid yi ge gsum/ /bde chen bdud rtsi dgug pa yis/ /dmigs pa thams cad dga' bar gsungs/ /sbyin sreg gi ni rim pa yis/ /rgyun du 'bab cing 'bab 'gyur te/ / nyin dang mtshan du khu ba'i rgyun/ /de bzhin gshegs pa kun bsdus nas/ /der ni sku mchog rab bzhugs pa/ /zhi ba'i sbyin sreg de brjod do/ /rgyas la byang chub sems dpa' dgug /gzugs su lhag par mos par bya/ /shin tu nyon mongs zad pa'i phyir/ /khyad par du ni khro bo'i gzugs//rnam pa sna tshogs rjes chags pas/ /bud med gzugs ni rnam bsam bya/ /sku gsung thugs la 'debs pa'i phyir/ /bud med phyag rgya rab tu gsungs/ /gru gsum me yi dkyil 'khor du/ /rang byung gi ni lhag pa'i lha/ /sreg rdzas snod la khyad par du//sngags pas las rnams thams cad pa/ /dpa' bo gnyis med snyoms 'jug pa/ /oM a baM hUM/ yi ge gnyis kyi sngags lus can/ /ha ha sid byas yang dag zlos/ /khu ba ji ltar 'byung 'gyur ba/ /lhan cig skyes dga' rab tu 'bar//me yi dkyil 'khor 'od gsal ba/ /'jig dus me dang stobs mnyam la/ /ma lus pa kun sbyin sreg las/ /lnga phung phyi nas ma 'khor te/ /de yi thal ba'ang lus mi 'gyur/ /chos kyi rang bzhin 'gag med pa'i/ /chos nyid dang ni snying rje ches/ /smon lam gyis ni bskyed pa yis//sangs rgyas kun dang mnyam par 'gyur/ /bde ba'i byang chub dkyil 'khor ni/ /'di yis rgyas par yang dag 'gyur/ /nyon mongs shin tu zhi don dang / /shin tu stong pa rten med pas/ /sprin med nam mkha' ji bzhin du/ /shes rab pha rol phyin gang dang //phyag rgya chen po dbang du 'gyur/ /shrI he ru ka'i sprul pa zhes bya ni/ khams gsum gyi bdag nyid kyi dkyil 'khor ro/ /nyer spyod ces bya ba ni sangs rgyas ji lta ba de bzhin du sems can thams cad de dag gnyis su med pa'i rnam par mtshon pa'o/ /bstan bcos thams cad brjod ces bya ba ni/sangs rgyas kyi de nyid bsdus pa ste/ dpa' bo'i phyag rgya sbyor ba dang / /de ltar kha zas nyer bsten pa'i/ /dam tshig bzang po 'di yis ni/ /dngos grub phul du byed pa'o/ /bdag gi med cing yongs gzung med/ /kha na ma tho med lhun grub/ /sna tshogs las byung 'o mar bcas//de bzhin gshegs pa thams cad mchod/ /gnyis med ye shes sems kyis ni/ /rgyun du zhes bya ba ni bar chad med pa'o/ /de nyid kyis na sbyor bas rtag tu mchod ces so/ /bgegs med ces pa ni dam tshig spyod pas so/ /de ni phyag rgya chen po'i dngos grub ji lta ba bzhin 'grub pas na/de ni gzhan du 'gyur ma yin/ /zhes bya ba nyan thos kyi byang chub la sogs par mi 'gyur ro/ /de yi pho nya gzhan bzang po/ /zhes bya ba la/ de yi ni rnal 'byor pa'i'o/ /brtson par lhan cig ldan pa yin/ /zhes bya ba ni lhan cig de dang bcas par 'gyur ba'o//gang gi phyir brtson par ldan zhes bya ba ni dngos grub pa la rjes su chags pa ste/ ye shes dang ldan zhing nyams dga' ba rnam par 'byed pa de snyed nas/ dpal he ru ka mnyam par sbyor ba'i rnal 'byor pas shin tu chags pa'i dga' ba'i longs spyod bya'o/ /rnal 'byor rdzas kyi rnam 'byed yin//zhes bya ba la rdzas ni thams cad mkhyen pa'i ye shes kyi bdud rtsi ste bcud kyis len no/ /dper na lha'i shing gis 'dod pa'i don gyi 'bras bu ster ba de bzhin du 'dir yang byang chub kyi sems kyi shing gis sangs rgyas kyi 'bras bu ster ba'o/ /rnam 'byed bye brag gnyis su gsungs//spyod dang grol ba'i 'bras rab stsol/ /bla ma'i man ngag thob nas su/ /yang dag bsgom pa mngon par spro/ /rtag tu nus dang ldan pa yis/ /byang chub mchog ni bsgrub byas nas/ /tshe 'di nyid la sangs rgyas ni/ /rdo rje 'dzin pa chen por 'gyur/ /de'i don zhes bya ba ni gang gi tshe brtson 'grus dman par gyur pa rnams kyis/bla na med pa'i ye shes ma thob pa de'i tshe 'dod pa'i don gyi longs spyod thob cing sbyin bdag dang mnyam par 'gyur ro zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa brgyad pa'i rnam par bshad pa'o// //de nas zhes bya ba ni gsungs ma thag pa'i rjes la'o/ /gzhan yang zhes bya ba ni khyad par gyi mtshan nyid do/ /bstan pa zhes bya ba ni sngon du'o/ /de nas gzhan yang shes par bya/ /zhes sbyar ro/ /gang gis zhes bya ba ni mtshan nyid kyis so//shes 'gyur zhes bya ba ni rnal 'byor can gyis so/ /dam tshig la gnas mkha' 'gro ma/ /zhes bya ba ni dam tshig las mi 'da' ba ste/ sgrub pa po rnams la phan pa'i phyir/ ma dang pha zhes bya ba la ma dang pha gang rnyed nas so/ /dang gi sgra ni lhan cig spyod pa'i rjes su 'jug pa'o//bdag po nyid du zhes bya ba ni ye shes thob par ro/ /skad cig mthong zhes bya ba ni bdag nyid de/ de dag gis de yongs su rdzogs pa ni so sor rang gis rig pa zhes bya ba'i bar du'o/ /de ltar yang gsungs pa/ pha las thob pa'i bde ba gang / /bde de rang gis longs spyad bya//bde ba gang gis 'dir 'chi ba/ /de yi bde ba bsam gtan brjod/ /ces so/ /lce sbom zhes bya ba la/ bzhin 'phel che zhing nu rgyas ma/ /bzhin yang thung zhing skra yang thung / /glang chen dri bro dregs pa ma/ /mdor bsdus nas ni rab tu bshad/ /lus po ring zhing bzhin yang ring //de bzhin lag pa rkang pa ring / /nya yi dri bro khu ba 'bab/ /skye gnas ring zhing zla ba 'dra/ /mnyam zhing sngo bsangs nu ma mkhrang / /yan lag chung zhing skra yang srab/ /skye gnas chung zhing skra yang rtsub/ /dal bar smra zhing sna mtho ma/ /mgrin pa ha cang ring ba min//gzugs mdzes pad+ma dkar po 'dra/ /lus las rtag tu rdul 'byung ba/ /shin tu dri zhim yid 'phrog ma/ /mig dang lta stongs ri dgas 'dra/ /ri dgas mgrin pa ri dgas lto/ /ri dgas rgyal po'i rked pa can/ /skal bzang pad+ma'i dri dang ldan/ /de yi mig ni dmar ser la/ zhes bya ba la dmar ser ni cung zad dmar ba ste/ de bzhin lag pa rkang pa'ang dmar/ /mA li ka yi dri 'byung zhing / /bde gshegs 'dus la dga' ba yi/ /bud med dngos grub ster bar byed/ /lus rgyas nu ma yang rgyas shing / /skra ni 'khyil bar gyur pa dang / /ngang pa'i 'gros can dal bar smra//shin tu ring min bzhin yang zlum/ /lte ba'i dbus su gnyer gsum ste/ /dbus nas 'phyang ba der shes bya/ /rtsub cing yan lag rtsub pa dang / /lha sbyin lta bus gzhan la smod/ /skra ni 'khyil zhing kham par gnas/ /mdog ngan yan lag rtsub pa dang //skyes pa lta bur nu ma spangs/ /sA la lta bu'i dri yang bro/ /'od 'bar sA la'i dris byugs la/ /rtag tu chang la dga' ba ste/ /dam tshig spyod pa phun sum tshogs/ /bsam pa rtogs la nan tan byed/ /khyad par can gyi dri zhim pa/ /chang gi rjes su 'gro ba ste/ / chang gi khyad par dag dang ni/ /chang gis shin tu myos pa dang / /de bzhin khu ba mang po'o/ /dngos grub kun gyis thun mong du/ /zhes bya ba ni dge ba'i bshes gnyen gyis khyad par rnyed nas thar pa'i don du thams cad rjes su 'gro ba'o/ /dran zhes bya ba ni 'di'i mtshan nyid rnams so//yang dag ldan zhes bya ba ni rnal 'byor ma'o/ /pho nya la sogs go 'phang bcas/ /zhes bya ba la go 'phang ni rab tu gnas zhes pa ste/ yon tan gyi gnas zhes bya ba yin la de dang bcas pa'o/ /gang gi yin zhe na/ mkha' 'gro ma mchog nyi shu bzhi/ /zhes bya ba ste de rnams kyis ma lus pa rnams bsdus pa'o//gang gi phyir de rnams kyis 'jig rten gsum du khyab pa zhes bya ba ste/ de dag rnyed nas mchod pa byas pas ni sgrub pa po la longs spyod dang grol ba'i 'bras bu rab tu stsol bar 'gyur ro/ /rtsa ba'i sngags ni rtag tu zlos/ /zhes bya ba la lam ngan pa thams cad las yid skyob pas na sngags te//gnyis su med pa'i ye shes yin la/ de rnam par dag pa'i sngags zlos pa'o/ /'dod pa'i don kun sgrub byed pa/ /zhes bya ba la 'dod par bya bas 'dod pa ste/ sems can thams cad kyi don byed pa rdo rje 'dzin pa la sogs pa'i gzugs so//de'i sgrub pa po ste tshe 'di nyid la sangs rgyas nyid thob pa'i phyir ro/ /de nyid kyis na sngags 'di las byung ba yin te zhes bya ba ni/ shin tu goms pa rnyed par 'gyur ba'o zhes bya ba'i don no/ /de ci zhig ce na/ rgyu dang mi rgyu 'jig rten gsum/ /zhes bya ba ste/'jig rten gsum ni yongs su dag pa'i sangs rgyas kyi zhing ngo / /rgyu ba ni sems can gyi 'jig rten no/ /mi rgyu ba ni snod kyi 'jig rten no/ /de'i tshe de dag lhan cig rdo rje 'dzin pa'i ror ro gcig ces bya'o/ /yang na 'jig rten gsum ni sku rdo rje la sogs pa'o/ /de rnams kyi rgyu ba zhes bya ba ni byang chub kyi sems rdo rje ste/bde ba 'dod pas skyed pa'i phyir rgyu'o/ /mi rgyu ba ni de thob pa ste de dag lhan cig 'jug pa zhes bya bar sbyar ro/ /de su'i zhe na sgrub pa po ni zhes bya ba ste/ gang gi phyir 'di sngags dang phyag rgya yang dag par ldan zhing dngos grub la brtson pa nyid do//de nyid kyis na/ /phyag rgya dang bral byin mi rlob/ /ces bya ba ste/ sku gsung thugs la 'debs pa ste/ /shes rab phyag rgyar rab tu brjod/ /de dang bral ba ni nyan thos ltar dad pa'i nor med pa'i phyir lus can de la sngags kyis byin gyis rlob par mi 'gyur ro/ /sngags zhes bya ba ni/gnyis su med pa'i ye shes te/ rdo rje 'dzin pa thob ces bya ba'i don no/ /gang gi phyir des na/ shin tu sbyar bas rtogs par bya/ /zhes bya ba ni/ yid gzhan du ma yengs pa ste shin tu brtson pas so/ /ji srid dro ba'i bya ba dag /ces bya ba la/ dang po shes rab dro ba ste//gnyis pa du ba ldan par 'gyur/ /gsum pa la ni 'od 'khrug 'byung / /bzhi pa mar me ltar 'bar ba/ /lnga pa rtag tu snang ba ni/ /sprin med pa yi nam mkha' bzhin/ /don 'di nyid gsal bar gsungs pa/ /snang ba cung zad gsal ba ni/ /dro bar gyur ba zhes bya'o//ye shes kyi snang ba de nyid 'bring por gsal ba ni rtse mor gyur pa zhes bya'o/ /gang gi tshe phyi rol gyi don gsal nas ye shes kyi snang ba mched nas rnam par rig pa tsam gyi gnas skabs su rtog pa'i tshogs las grol ba'i rgyun mi chad par 'od gsal ba ni bzod pa zhes bya'o/ /de nyid sangs rgyas kyi chos rnams mchog tu gyur pa ni chos kyi mchog ces bya ba'i don no//gang zhig sdang zhes bya ba la sogs pa ni rmongs shing sdig pa'i grogs po dang 'dus pas sun 'byin 'og tu phyogs pas mnar med par 'gro bar 'gyur ro/ /rnal 'byor che mchog ces bya ba la/ sogs pa la yul de yongs su brtags pa ste/ zhes bya ba ni ci nas kyang de'i rtsa lag rnams kyang mchod par bya'o zhes bya ba'o/ /de rung ni zhes bya ba ni rnal 'byor pa'i snying la gnas pa'o zhes bya ba'i don no/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa dgu pa'i rnam par bshad pa'o// //de nas gzhan yang zhes bya ba ni/ he ru ka las gzhan pa ste/ /khro bo'i rgyal po gnod mdzes zhes bya ba'i don no/ /de'i mngon par rtogs pa'o/ /dgod pa ni dbyangs dang yi ge rnams go rims ji lta ba bzhin rgyas par byas pa'o//sa'i cha ni zhes bya ba la sogs pa ni 'byung po thams cad pa'i gtor ma byin pa'o/ /kun du 'gyur ba'i sa bon ni/ /yi ge hUM gi cha gzugs can/ /mi 'gyur ba ni bde ba ste/ /nam mkha' dang mnyam gnas med pa/ /de nas go cha bcings byas nas/ /thams cad stong pa rten med pa//rdza rnga zhes bya'i yi ge gsum/ /sku gsung thugs kyi dbye bas sku gsum mo/ /rlung gis shin tu bskor ba yi/ /ri mo brgyad la yang dag brten/ /ri mo dgu pa dbus gnas pa/ /stong pa'i rnam pa dri med dgod/ /A li kA li mnyam rgyas bya/ /dga' ba bzhi yi rang bzhin can//chos kyi rnga chen mi shigs pa/ /gsung rab yan lag bcu gnyis pa/ /chos kyi yi ge yongs rdzogs pa/ /de nas grangs kyi nang song bas/ /chos bdag med pa yang dag bsten/ /zhal bzhi par ni rnam par grags/ /bdud bzhi rnam par 'joms pa'o//rlung la zhon nas spro byed cing / /khams gsum pa ni yang dag sdud/ /rlung gi de nyid shin tu rig /rim bzhin 'byung dang ri ma min pa'i/ /A li kA li las byung ba/ /rjod dang brjod bya'i yi ge ste/ /sgra brnyan lta bu'i rnam par rtog /re mig sum cu gnyis pa blang / / zhes bya ba la sogs pa ni ji lta ba bzhin te go sla'o/ /oM su m+b+ha ni sum+b+ha huM hUM phaT/ oM gr-i h+Na gr-ih+Na huM hUM phaT/ oM gr-ih+NA pa ya gr-ih+NA pa ya huM hUM phaT/ oM A na ya ho b+ha ga bAn badzra rA dza huM hUM phaT/ 'di ni khams gsum rnam rgyal zhes bya ba'o/ /sngags tshig bzhi yis rnam par brgyan/ / dkyil 'khor bsrung ba'i don du ni/ /gdug pa thams cad nges gnon pas/ /khro bo bzhi dang yang dag ldan/ /skad cig gi se ni sku brgyad 'gyur/ /zhes bya ba la sngags re re zhing sku gnyis gnyis spro bar bya ste/ shin tu drag cing bgegs thams cad sel bar byed ba'i 'khor lo chen po'i khor yug gi mthar thug par khwa'i gdong pa la sogs pa brgyad/zhal gcig pa phyag gnyis pa la zangs gri dang kha T+wAM ga 'dzin pa 'od zer dmar po 'bar ba'i spyan gsum pa drag cing 'jigs par byed pa lang tsho la bab pa/ gzhon zhing rnam par 'gyur ba'i zhal can stag gi pags pas rked pa dkris pa smad kyi cha phur bu'i rnam par rno zhing 'bar la bskal pa 'jig pa'i me dang 'dra bar 'od zer 'bar ba la gnas pa'o//de nas phyogs mtshams brgyad du bgegs kyi tshogs rnams dong gi nang du chud par byas la lugs su 'byung ba dang lugs las bzlog bas khro bo'i phur bu rnams sngags 'dis dgod par bya ste/oM g+ha g+ha g+hA ta ya g+hA ta ya sarba duSh+TAM hUM phaT/ kI la ya kI la ya sarba pA paM hUM phaT/ hUM hUM hUM badzra kI la ya badzra d+har A dz+nyA pa ya ti kA ya bAka tsit+ta badzra kI la ya hUM phaT khro bo'i lta bas nges par bltas la/rdo rje'i tho bas brdung bar bya'o/ /oM badzra mung+ga ra badzra kI la ya/ A ko Ta ya hUM phaT/ yi ge b+h+rUM gyis bskyed pa'i 'khor lo la rdo rje gtum po dang / rdo rje nyi ma dang / rdo rje gtsug tor dang / rdo rje 'khyil pa dang / rdo rje gnod sbyin dang / rdo rje nag po dang / rdo rje stobs po che dang /rdo rje 'jigs byed dang / de bzhin du gtsug tor 'khor los sgyur ba dang / 'og tu gnod mdzes rab tu grags/ sdug bsngal ba dang kun 'byung ba dang 'gog ba dang lam dang zad pa dang / mi skye ba dang / chos dang / rjes su shes pa dang / kun rdzob dang / sgra ji bzhin pa'i ye shes rnam par dag pa la khro bo bcu spro bar bya'o//dbus su ni rdo rje sems dpa' yongs su gyur pa las bdag nyid rdo rje hUM mdzad du bskyed par bya ste/ mdog sngo zhing drag shul che ba/ gzi brjid che zhing mche ba gtsigs pa dang bcas shing 'jigs par byed pa zhal g.yas dang g.yon pa ser po dang ljang gu dpa' bo dang mi sdug pa ljags 'dril ba'i zhal dang smin ma bsnyer ba'i khro gnyer gyis gtsigs pa ste/spyan ni dmar zhing zlum pa ste/ /khro bo 'bar ba'i phreng 'khrug drag /rdo rje hUM yig hUM mdzad pa/ /mi rus rgyan gyis rnam par bklubs/ / mgo yi me tog phreng ba can/ /sangs rgyas lnga ni spro ba'i bdag /phyag gnyis rdo rje dril bu dang / /'jig rten gsum rgyal phyag rgya bcings/ /shes rab dang ni snyoms 'jug pa/ /lhag ma'i phyag gis lcags kyu zhags/ /ral gri thod pa kha T+wAM 'dzin/ /g.yas brkyang ba yis gdan la bzhugs//'jigs byed dang ni dus mtshan dag /zhabs kyi pad+ma'i 'og tu byas/ /de'i shar gyi rtsibs la rdo rje gtum po ste/ mdog sngo zhing g.yas pa dang / g.yon pa'i zhal ser po dang ljang gu/ phyag g.yas na rdo rje dang tho ba dang sdigs mdzub po/ /g.yon na thod dang kha T+wAM ga phyag gnyis kyis rang dang 'dra ba'i shes rab la 'khyud pa'o//byang phyogs su ni nyi ma ste/ mdog ser zhing zhal g.yas pa dang g.yon pa dag sngon po dang ljang gu rang dang 'dra ba'i shes rab la 'khyud cing / rdo rje dang dbyug pa dang thod pa dang kha T+wAM ga 'dzin pa'o/ /nub phyogs su rdo rje gtsug tor te mdog dmar zhing g.yas pa dang g.yon pa dag dkar po dang ljang gu rang dang 'dra ba'i shes rab la 'khyud cing pad+ma dmar po dang thod pa dang kha T+wAM ga 'dzin pa'o//rdo rje 'khyil pa ni lho phyogs su ste/ mdog ljang gu rang dang 'dra ba'i shes rab la 'khyud cing g.yas pa dang g.yon pa dag ser po dang dkar po/sna tshogs rdo rje thod pa dang kha T+wAM ga 'dzin pa'o/ /me'i mtshams su rdo rje gnod sbyin du ba'i mdog can g.yas pa dang g.yon pa dag ser po dang ljang gu mdzes shing rang gi shes rab ma la 'khyud pa dang / mdung rtse gsum pa dang / thod pa dang kha T+wAM ga 'dzin pa'o//bden bral du ni rdo rje nag po mdog dmar zhing g.yas pa dang g.yon pa dag ser po dang ljang gu rang gi shes rab dang snyoms par zhugs pa dang / dgra sta dang thod pa dang kha T+wAM ga 'dzin pa'o/ /rlung mtshams su ni rdo rje stobs po che mdog sngo zhing g.yas pa dang g.yon pa ser po dang ljang gu ste rang gi shes rab la snyoms par zhugs pa dang /mdung rtse gsum pa dang thod pa dang kha T+wAM ga 'dzin pa'o/ /dbang ldan du ni rdo rje 'jigs byed mdog sngo zhing g.yas pa dang g.yon pa dag ser po dang ljang gu'i mdog rang gi shes rab ma la 'khyud cing ral gri dang thod pa dang kha T+wAM ga 'dzin pa'o//steng du gtsug tor 'khor los sgyur ba ste/ mdog dkar zhing g.yas pa dang g.yon pa dag sngon po dang ljang gu rang gi shes rab la 'khyud cing 'khor lo dang thod pa dang kha T+wAM ga 'dzin pa'o/ /'og tu ni gnod mdzes rdo rje ste/ sngo zhing g.yas pa dang g.yon pa dag ser po dang ljang gu rang gi shes rab la 'khyud cing /rdo rje gtun shing dang klu'i zhags pa thogs nas sdigs mdzub byed pa'o/ /khro bo thams cad kyang sna tshogs pad+ma dang nyi ma'i dbus su gyur pa'i 'jig rten skyong ba brgyad g.yas brkyang bas mnan nas bzhugs pa ste/ 'phags skyes po dang / mig mi bzang dang / yul 'khor srung dang / rnam thos kyi bu dang / de bzhin du me dang / srin po dang / rlung bdag dang dbang ldan gyi lha'o/ /steng du ni lha'i bdag po tshangs pa'o/ /'og tu ni thags bzangs ris te/ de dag gi snying gar lugs su 'byung ba dang lugs las bzlog pa dgod do//khro bo thams cad kyang skra kham pa gyen du 'bar zhing smin ma bsnyer ba'i khro gnyer rnam par gtsigs pa'i zhal can thung zhing gsus pa 'phyang ba spyan gsum pa dmar zhing zlum pa mgo bo'i phreng bas do shal byas shing mi rus kyi rgyan gyis bklubs pa/mtha' yas sngon po'i sbrul gyi spyi gtsug gi nor bu byas shing / 'jog po dmar po'i 'od bsgyings pas rna cha byas pa'o/ /pad+ma dkar po do shal byas pas brgyan zhing / stobs kyi rgyu ljang gus ni mchod phyir thogs byas pa'o/ /dung skyong ser pos ni lag gdub byas pa'o//rigs ldan sna tshogs kyi mchog can ni dpung rgyan du yang dag par btags pa'o/ /pad+ma dkar pos ske rags su byas pa'o/ /nor rgyas kyi bu mdog pad+ma'i rtsa dang 'dra bas rkang gdub byas pa ste/ skad cig tsam gyis sku dang gsung dang thugs brgyan zhing /byang chub kyi sems kyi chus dbang bskur bas rang gi rigs las byung ba'i dbu rgyan can rdo rje 'bar ba'i 'od 'khrug cing drag po rang gi lus las rnam par spro ba nam mkha'i dkyil 'khor g.yogs pa/ phyogs bcu'i mthar thug par khro bo 'bar ba'i rigs kyis 'khrug pa'o//de nas/ bka' yi 'khor lo myur 'khor ba/ /de nyid rig pas g.yon du bskor/ /lha rnams sems kyis brtan byas nas/ /de nas bgegs ni med par 'gyur/ /shin tu rnam dag de bzhin gshegs/ /'di ni rnyed pa tsam gyis su/ /gdug pa thams cad 'chi bar 'gyur//nyon mongs bdud dgra 'joms par byed/ /gang dag 'di las 'da' byed na/ /brlag 'gyur 'di la the tshom med/ /dpal ldan rdo rje hUM mdzad kyi/ /'khor lor sbyor bdag rdza rngar bcas/ /bstan pa'i las rnams brtsam byas nas/ /dngos grub kun gyi 'bras 'byung ba'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u sum cu pa'i rnam par bshad pa'o// //de nas sha chen thams cad kyi/ /zhes bya ba la sogs pa la thams cad ni zhe sdang la sogs pa nyon mongs pa rnams te/ dam tshig rnams kyi mthus de rnams 'jigs par 'gyur ba'o//des cir 'gyur zhe na/ rdo rje skyes zhes bya ba ni rdo rje ni dbyer med pa'i ye shes so/ /de las skyes pa ni rdo rje 'dzin pa'i sku'o/ /'di ni zhes bya ba ni 'di rnams te/ gdug pa thams cad kyis zhes bya ba ni zhe sdang la sogs pa'i 'jigs byed mi bzad pa'o/ /rdo rje skyes zhes bya ba'i nye bar bsdus pa'o//'di ltar khyi dang zhes bya ba la sogs pa bza' ba yang yin la sbyin sreg kyang yin pas na/ bza' ba sbyin sreg gtor ma bya/ /zhes so/ /rtog dang bral bas bya zhes bya ba ni rang gi rang bzhin gyis 'od gsal ba'i phyir ro/ /de yang kha na ma thob med pa rnyed nas/rdo rje'i rnal 'byor can gyis bya ba ste/ gzhan du na sems can la gnod pa byas par 'gyur ro/ /de yang gsungs pa/ sems can gnod pa tsam gyis ni/ /phyag rgya'i dngos grub thob mi 'gyur/ /rnam par mi rtog sems gang zhig /thab khung sgra ni rab tu grag /rnam dben me ni rab sbar la//ma lus rnam par rtog pa yis/ /sha dang sha chen sbyin sreg bya/ /skye bos smad pa gang ci'ang rung / /srog chags yan lag las byung dang / /sna tshogs chang ni btung bar bya/ /zhes bya ba'o/ /ma lus pa ni 'jig rten gsum po'o/ /de dang de rnams su gang bcom ldan 'das kyis gsungs pa de ni lus pa med pa ste dngos grub ces bya ba'i don no//rgyal srid thams cad ces bya ba ni rdo rje 'dzin pa nyid do/ /dung dang nya phyis mu tig rnams/ /gsum char rgyu las byung yin na/ /zhes bya ba la sogs pa la rgyu ni las mi dge ba rnams te de las yang dag par byung ba'o//des ni 'gro ba drug las mi'i 'gro ba bsod nams 'phags par ston te/ 'di nyid kyis na/ chos kyi ye shes lus can gyi/ /thod pa la ni su zhig smod/ /ces bya ba gsungs te/ smad par mi bya ba kho na'o zhes bya ba'i don no/ /dge ba'i las kyis skye ba 'bras bu dang bcas pa ni mi nyid de bsod nams kyi tshogs chen po las byung bas na shin tu rnyed par dka' ba'o//ye shes dang thar pa rab tu sgrub pas na/ chos kyi dbyings kyi lus can gyi thod pa ste mi'i'o/ /gzugs mdzes yon tan gnas yin pas//phyag rgya lnga ni rab tu spras/ /rus phreng shin tu nges par ni/ /dag byed rgyan ni bzang po'o/ /zhes gsungs so/ /des na/ dpa' bo rnams kyis dbang phyug bshad/ /ces so/ /brda zhes bya ba ni kla klo ste sangs rgyas kyi phyag rgya'o/ /'di ni dpa' bo'i gnas yin te/ / zhes bya ba la sangs rgyas lnga'i rang bzhin can 'byung ba lnga'i bdag nyid brtan pa dang g.yo ba'i 'gro ba ma lus pa sna tshogs pa rnams rtsa lnga'i rang bzhin las skyes pa'i bde ba'i bdag nyid ji lta bde bzhin du mngon par byang chub du yang dag pa'i don ston no/ /g.yon pa ni shes rab ste rang bzhin med pa'i ngo bo'o//de nyid kun rdzob pa yongs su dris pa ni chos rnams kyi gnyis su med pa'i de bzhin nyid nye bar mtshon par byed pa'o/ /mdza' ba thams cad 'dus pa zhes bya ba ni dpal he ru ka dang phag mo gnyis su med pa'i bde ba mngon par byang chub pa ni snying po la mngon par phyogs shing mya ngan las 'das pa la gzhol ba'o//de nas/ rang nyid rdo rje 'dzin slob dpon/ /dpal ldan sangs rgyas kun gyi pha/ /rigs drug go rims ji bzhin du/ /lag pa g.yon par bkod de bzla/ /A li kA li mnyam sbyar la/ /sde tshan grangs kyi go rims bzhin//sbom po ni mthe bo'o/ /mdzub mo ni sdig pa'o/ /gung mo ni ring ba'o/ /srin lag ni tha ltag go/ /tha ma ni mthe chung ngo / /rdo rje sems dpa' zhes bya ba la sogs pa ni go sla'o/ /dpa' bo zhes bya ba ni mi bskyod pa'o/ /gang du gnas pa'i sngags kyi yi ge de nyid kyi rigs kyi ming nas 'bod cing /de'i sbyor bas byin gyis brlab par bya'o/ /kye che ge mo rdo rje de bzhin gshegs pa zhes bya'o/ /de la rigs kyi go rims ni 'di yin no/ /a A ka tsa Ta ta pa ya sha zhes bya ba 'di rnams ni rnam par snang mdzad rgyal po sde tshan gyi yi ge dgu'i bdag nyid do/ /i I kha tsha Tha tha pha ra Sha ni sde tshan gnyis pa ste rin chen rgyal po'o//u U ga dza Da da ba las ni sde tshan gsum pa ste 'od dpag med kyi'o/ /e ai g+ha dz+ha D+ha d+ha b+ha ha'i sde tshan ni bzhi pa ste don yod pa'i'o/ /o au aM aHnga nya Na na ma'i sde tshan ni mi bskyod pa'i ste lnga pa'i'o/ /de ltar de dag ni 'jig rten thams cad skye ba dang 'jig pa dang gnas pa'o//des sangs rgyas thams cad kyi bdag po'i rdo rje'i ming dang rim pa ji lta ba bzhin du sbyar bar bya ste/ drug pa rdo rje sems dpa' ni cod pan no/ /de yang / rgyu la 'bras bus rgyas btab cing / /'bras bu la yang rgyu rgyas gdab/ / ces pa ste/ rdo rje bzhad pa dang / rdo rje sgeg pa dang / rdo rje rol pa dang / rdo rje rtag pa rnams ni rnam par snang mdzad kyi rigs kyi ming ngo / /shes rab myu gu'i rdo rje dang / rdo rje myu gu'i rdo rje dang / mchog tu dga' ba'i rdo rje dang / bde bar dga' ba'i rdo rje dang / 'bebs pa'i rdo rje rnams ni las kyi rigs kyi ming ngo //rdo rje bde ba'i myu gu dang / pad+ma'i rdo rje dang / rdo rje pad+ma'i myu gu dang / dga' ba'i rdo rje rnams ni rin po che'i rigs kyi ming ngo / /ye shes rdo rje dang / yid bzhin nor bu rdo rje dang / yan lag med pa'i rdo rje dang / spyan ras gzigs rdo rje rnams ni pad+ma'i rigs kyi ming ngo //bde ba chen po'i rdo rje dang / chags pa'i rdo rje dang / nam mkha'i rdo rje dang / shes rab kyi rdo rje dang / pha rol tu phyin pa'i rdo rje rnams ni zhe sdang gi rigs kyi ming du gyur pa ste/ phyag rgya chen po'i dngos grub kyi bde ba can gyi zhing du byin gyis brlabs pa'o/ /de bzhin du 'di dag kyang phyag rgya chen po'i ming du gyur pa ste/rdo rje snying po dang / rdo rje mtshon cha dang / rdo rje e ma bde dang / rdo rje bdag med ma dang / rdo rje'i spyan te de rnams ni rnam par snang mdzad kyi rigs can no/ /rdo rje mkha' 'gro ma dang / rdo rje gau rI dang / rdo rje phreng ba ma dang / rdo rje mdza' ma rnams ni rin po che'i rigs can ma'i ming ngo //rdo rje shugs ma dang / rdo rje lcags kyu dang / rdo rje do shal ma dang / rdo rje phreng ba ma dang / rdo rje bzhad ma rnams ni pad+ma'i rigs can ma'i ming ngo / /rdo rje 'phyar ma dang / rdo rje rgyas ma dang / rdo rje pad+ma dang / rdo rje 'byung ba dang / rdo rje rgod ma rnams ni las kyi rigs can ma'i ming ngo //rdo rje chags ma dang / rdo rje sgrol ma dang / rdo rje phreng ba ma dang / rdo rje 'bebs ma dang / rdo rje blo gros ma dang / rdo rje kong ka ma dang / rdo rje la la nA dang / rdo rje dbugs dang / rdo rje lag pa rnams ni zhe sdang gi rigs can ma'i phyag rgya chen po'i dngos grub kyi ming ngo //'di dag ni lag tu dgod par bya ste/ g.yon pa shes rab las byung ba/ /'gro ba skyed byed rgyu yin te/ /rtsa lnga 'byung ba lnga dag gsungs/ /sa ni spyan zhes bya ba la sogs pa la/ la ta dang / gu ru dang / gtso mo dang / byis pa dang / dar ma ste de rnams su legs par gnas pa'o//pha rol tu phyin pa ni bzhi'o/ /stong pa ni 'o byed ma'o/ /'di dag 'byung lnga thog mtha' med/ /chos kyi skye gnas bde 'dzin ma/ /gang zhig dngos med nyid shes rab/ /dngos po'i mtshan nyid 'dir thabs so/ /'byung ba la yang 'byung ba ste/ 'char ba la yang 'char pa ste//he ru ka yi thugs rje'o/ /des na thabs ni skyes bur brjod/ /stong pa bud med gzugs rnams la/ /bsam med lhun gyis grub pa yis/ /'dod chags chos ni rten byed pa/ /de yi de la brten bzhin pas/ /mngal 'dzin pa las blang bar bya/ /mdun du rdo rje 'dzin gnyis pas//de yi cho ga sbyor ba yis/ /dpa' po dam pa mchod par bya/ /mchod pa sna tshogs nyer bsdus pas/ /de nas rjes su gnang ba sbyin/ /byang chub snying po mthar thug par/ /phyogs kyi 'khor lo ma lus kun/ /chos kyi 'khor lo bla med pa/ / sems can mchog la yang dag bskor/ /shes rab thabs dag rigs pa yis/ /yid bzhin nor bu ji lta bar/ /zhum pa'i 'dus pa yongs spangs nas/ deng nas brtsams te 'gro don gyis/ /dbang bskur thob cing rjes gnang ba'i/ /bya ba byas pa rab dga' bas//'gro kun dga' bar byed pa ni/ /'jam pa'i tshig gis smra bar bya/ /deng du bdag tshe 'bras bur bcas/ /mi yi gson pa 'bras bu yod/ /de ring bdag gis bdag nyid rig /de ring bdag gis bde longs spyad/ /mkha' 'gro mas gsungs bsam mi khyab//rgyud ni de ring bdag gis rnyed/ /de ring bdag la lha mnyes shing / /de ring bdag gis dngos grub ldan/ /de ring sangs rgyas rigs su skyes/ /sangs rgyas sras por deng bdag gyur/ /slob ma'i bya ba yongs rdzogs nas/ /rgyab tu zhes bya ba ni phyi nas te/ gshegs su gsol bar bya ba ni/me tog dang / bdug pa dang / byug pa dang / glu dang / gar dang mchod pa rnams kyis/ de ltar nye bar bsdu ba nas/ lhan cig zas la brtsam par bya/ /zhes bya ba ni 'di nyid du dbang bskur ba rnams dang lhan cig tu'o/ /'di ni mi bshad ces bya ba ni yang dag par sbyin pa shin tu sba ba'o//des cir 'gyur zhe na/ dpa' bo thams cad mnyam sbyor bas/ /mkha' 'gro dra ba'i bde mchog yin/ /zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u sum cu rtsa gcig pa'i rnam par bshad pa'o// //de nas gzhan yang bshad bya ba/ /sbyin sreg bza' bca' 'dus pa yi/ /zhes bya ba la/ las gang gis ni sems can rnams/ /mi bzad dmyal bar 'tshe bar 'gyur/ /thabs chen rnams dang ldan pa la/ /rnal 'byor pa rnams nges grol 'gyur//phyugs zhes bya ba ni bong bu la sogs pa ste/ sangs rgyas lnga'i rnam par dag pa yin la/ de dag kha na ma tho ba med par bsgrub par bya'o/ /mi rnams ji ltar phyugs yin zhe na/ rigs rnams zhes bya ba la sogs pa smos te/ phyugs kyi sgras ni dam pa bzung bas na/rigs rnams las rigs kyi mchog phyugs bzung ste/ yon tan thams cad ldan pa'i phyir ro/ /sngar bstan rim pa zhes bya ba ni/ skye ba bdun pa shin tu mtshon pa'o/ /yang na thun mong ba ste nad kyis ma myos shing shu ba dang mdze la sogs pa dang bral ba thob pa'o//yang na sngar bstan zhes bya ba ni lag pa'i brda ji ltar bstan pa de'i bya bas so/ /gnas dang nye gnas zhing rnams su/ /dngos grub sgrub pa'i dkyil 'khor ni/ /'khor chen mdun du bdar byas la/ /gus par byas te bzung byas nas/ /he ru ka dpal sbyor ba'i bdag /tshogs kyi dkyil 'khor grub par 'gyur/ /kr-iSh+Na shwa na'i thug pa ni/ /ma sha 'bras ni nag po ldan/ /zhes bya ba ni ro langs chen po bsgrub par bya ba'i don du/ dang por ting nge 'dzin dang mchod pa rnam pa lnga la sogs pas yang dag par mchod de snying po'i sngags 'bum bzlas la/phyi nas sgrub pa brtsam par bya'o/ /'gegs pa'i ro'am gzhan yang rung / /rma med cing ma nyams pa gzugs mdzes pa rnyed nas mar ngo'i tshes brgyad dang bcu bzhi la/ dben pa'i yul phyogs su song nas ri'i rtse mo'am dur khrod du/ dur khrod kyi rdzas thams cad kyi phye mas rim pa ji lta ba bzhin du dkyil 'khor bri bar bya ste/gru bzhi pa la sgo bzhi pa/ /ka ba brgyad dang rta babs ldan/ /dbus su 'dab brgyad bris byas te/ /kha dog sna tshogs nyi mas mtshan/ /de nas sgrub pa'i grogs mchog snying stobs can dang lhan cig tu bsgrub par bya ste/me tog dang bdug pa chal du bkram zhing rgyal mtshan gyis mdzes par mchod pa dang gtor ma rab tu rgyas par byas la dri'i chu bdud rtsi lnga dang bcas pas ro bkru bar byas la/ til mar chen pos byugs la yi dags kyi me tog gis mchod par bya'o/ / bum pa gcig gam brgyad khrag dang zhag dang shas dgang bar bya'o/ /dur khrod kyi ras kyis mgrin pa dkri bar bya ste/ zhag dang khrag la sogs pa'i lha bshos dang sre mong gi lus phye mar byas pa gu gul chen po dang bcas pa'i bdug pa dang / yam shing arka'i bal gyi sdong bu la ra tshil gyis lan bdun byugs la til mar chen pos thod par me sbar ba'i du bas de'i mig byugs la/go cha gnyis kyis bsrung ba dang phur bu dang ra ba'i bsam gtan ji lta ba bzhin 'dir yang byas nas dril bu dang cang te'u'i sgra dang yi ge hUM gi sgras brjod par bya ste/ zan dang ma sha'i sran thug dang /khrag dang bcas pa'i gtor ma yi dags rnams la sbyin par bya'o/ /de nas dkyil 'khor gyi dbus su mgo shar du bzhag nas de'i snying gar dpa' bo kha shar du bltas te 'dug la g.yon logs su arka'i snod bzhag go/ /gzhan yang khyi nag po'i 'o ma'am/ba nag po'i 'o ma bdud rtsi lnga dang bsres pa ma sha nag po dang 'bras dang bcas pa'i thug pa zhag dang sha dang khrag dang bcas pa dur khrod kyi kham phor du thod pa'i steng du legs par bzhag nas de'i kha cung zad phye la/ shing la sogs pas me sbar ba mchog ster bar mngon par phyogs par bya'o//de nas de'i snying gar dpal he ru ka'i bka'i 'khor lo bsgoms la snying po'i sngags kyis brgya rtsa brgyad dam brgyad brgya sbyin sreg bya zhing / dpal he ru ka dang phag mo'i mkha' 'gro ma bye ba snyed kyis ha ha zhes cher bzhad pas bskor zhing ce spyang bye bas bskor ram/phyogs bcur sdigs par byed dam/ srin po'i tshogs rnams 'jigs pa'i sgra dbyangs sgrogs pa dag mthong yang 'jigs par mi bya ste/ brtson 'grus brtan pos mnyam par gzhag par bya zhing g.yas phyogs su sgrub pa'i grogs bzhag la/ dril bu gsil zhing phyag na rdo rje'i dbang byed par bya'o//bdug pas rgyun mi 'chad par bdugs na/ de nas ro de langs nas ni/ /ci bgyi zhes ni smra bar 'gyur/ /de la ar+g+ha sbyin byas la/ /kye legs so dpa' bo chen po/ /rdo rje sems dpa' brtul zhugs bzang / /grub pa bdag ste bde legs kyi/ / dngos grub bdag la rab tu stsol/ /sgrub po yid la gang 'dod pa'i/ /gcig sbyin nas ni rang gnas 'gro/ /dpa' bo srin po'i 'khor gyis bskor/ /sgrub pa po ni dpal dang ldan/ /de yi skad cig de la ni/ /'jig rten gsum po shes par 'gyur/ /lha yi lus su'ang de 'gyur te//'dod pa'i gzugs can dpa' bo che/ /'jig rten gsum po ma lus na/ /skal bzang de bzhin gshegs pa 'dra/ /nam mkha'i khams bzhin rgas pa dang / /'chi ba dag ni rnam par spangs/ /'dod pa'i dngos grub rab 'jug pa/ /srid pa kun du rnam par rgyu/ / lci ba'i thal ba nyid dag dang / /lhag ma mgo skam mtshon cha'o/ /zhes bya ba ni bskyed pa'i rim pa brten pa'i rnam par bshad pa ste/ mgo bo'i sgra ni sa'o/ /thal ba ni chu'o/ /mgo bo skam zhes bya ba ni me'o/ /mtshon cha zhes bya ba ni rlung ste/ de dag ni 'byung ba chen po bzhi'i dkyil 'khor ro//ri chen po'i ngo bor bya zhes bya ba ri'i rgyal po lhun po'o/ /de la rim pa 'di yin te/ yi ge yoM yongs su gyur pa las rlung gi dkyil 'khor sngon po gzhu lta bu la ba dan gyis mtshan pa yaM gis byin gyis brlabs pa ste/ rngams su ni dpag tshad sa ya drug 'bum grangs med pa'o//de'i steng du ni yi ge raM yongs su gyur pa las me'i dkyil 'khor gyi mchog gru gsum mdog dmar po 'bar bas mtshan pa 'bar ba'i phreng ba 'khrug par bsam zhing nyi ma bye ba lta bur gsal ba ste/ rngams su stong phrag gsum dang brgya phrag phyed dang bzhi'o/ chur ni rngams su stong phrag nyi shu dang bcu gcig lhag pa'o/ /me'i steng du yi ge baM las yang dag par byung ba'i chu ste/ gsal zhing kha ba lta bu/ bum pa dkar pos mtshan pa zlum po 'od kyi phreng ba can no/ /de'i steng du yi ge laM yongs su gyur pa las gser gyi dkyil 'khor gru bzhi pa dpangs su 'bum phrag brgyad pa zheng du 'bum phrag bcu gnyis pa'i sa'i dkyil 'khor te phyis lhag ma'ang gser du 'gyur ba ste/de la yi ge khaM yig rtse gsum pa'i sna tshogs rdo rje'o/ /sna tshogs rdo rje'i lte ba la yi ge suM las byung ba'i ri rab ste/ dpangs su brgyad cu rtsa bzhi la gru bzhi pa rin po che sna bzhi'i rang bzhin/steng gi cha la gdugs lta bu'i rnam pa can/ rgyar stong phrag brgyad cu pa'o/ /de'i shar gyi phyogs su ni yi ge a yongs su gyur pa las shar gyi lus 'phags te/ zheng du dpag tshad brgyad stong / chur ni dgu stong zla ba phyed pa'i rnam pa can no//byang phyogs su ni yi ge i yongs su gyur pa las sgra mi snyan te chu dang zheng du stong phrag bcu pa la gru bzhi pa/ nub phyogs su ni yi ge u yongs su gyur pa las ba lang spyod chu dang zheng du dpag tshad dgu stong zla ba yongs su rdzogs pa lta bu'i rnam pa can no/ /lho phyogs su ni yi ge e yongs su gyur pa las 'dzam bu'i gling ste/chu dang zhing du dpag tshad bdun stong pa byang phyogs yangs la lho phyogs zhum pa'i rnam pa'o/ /de dag gi ngos kyi phyogs gnyis gnyis su yang shar dang lho dang nub dang byang rnams su yang / i I/ u U/ ri r-I/ li l-I ste/ yi ge de dag gis lus dang lus 'phags/ rnga yab dang rnga yab gzhan/ g.yo ldan dang lam mchog 'gro/ sgra mi snyan dang sgra mi snyan gyi zla ste/ gling phran brgyad po de dag re re zhing yang gling lnga brgyas yongs su bskor ba'o/ /de'i steng du yi ge raM yongs su gyur pa las nyi ma'i dkyil 'khor ro//de'i steng du yi ge hUM yongs su gyur pa las sna tshogs rdo rje/ de'i lte ba la yang hUM ste de las rdo rje phur bu dang ra ba bsams la/ rdo rje hUM mdzad kyi 'khor lo'i bsam gtan bya'o/ /hUM mdzad yongs su gyur pa las kun du bzang po'o/ /de las srid pa gsum gyi bye brag gi chos kyi 'byung gnas gru gsum pa la dkar po gyen du 'greng ba la nang gi nam mkha'i rang bzhin du pad+ma dmar po la yi ge b+h+rUM dang 'khor lo yongs su gyur pa las rnam par snang mdzad ser po zhal gcig phyag bzhi pa la ral pa dang cod pan dar gyis mtshan pa/g.yas na 'khor lo dang cang te'u/ g.yon na dril bu dang thod pas brgyan pa'i kha T+wAM ga 'dzin pa/ g.yas brkyang ba'i gnas pas bzhugs pa gshin rje ma sngon mo la 'khyud pa'o/ /gshin rje sngon mo yang zhal gcig phyag bzhi pa ste/ g.yas pa cang te'u dang zangs gri thogs pa/ g.yon pa dril bu dang / thod pa dang / kha T+wAM ga thogs pa/ skra grol zhing gcer bu phyag rgya lngas brgyan ba'o/ /de ltar rnam par snang mdzad rig ma dang bcas pa las byung ba ri rab kyi rtse mo'i gzhal yas khang bsam par bya ste/ nam mkha' ltar yangs shing rin po che sna lnga'i rang bzhin can bzang po ste/gru bzhi pa la sogs pa'i yon tan dang ldan pa rdo rje'i ka ba twa ra Na dang bcas pa dra ba dang dra ba phyed pa dang dar dang me tog gi phreng ba 'phyang ba chos kyi dbyings shin tu rnam par dag pa rgyu mthun pa rdo rje'i skud pas brgyan pa'o/ /de'i dbus su A li kA li de'i steng du hUM dang aM gnyis las rdo rje dang zangs gri de dag gi lte ba la yang sa bon de rnams yongs su gyur pa las rdo rje sems dpa' zhal gsum pa phyag drug pa ston ka'i nam mkha' ltar 'od dri ma med cing zla ba bye ba ltar gsal bar 'dzin pa zhal g.yas pa dang g.yon pa sngo ba dang dmar po rdo rje dril bu bsnams pas 'khyud cing /phyag g.yas na cang te'u dang tshangs pa'i mgo/ /g.yon pa na thod pa dang kha T+wAM ga thogs ba spyi gtsug tu mi bskyod pas brgyan pa'o/ /sngags pa'i lte bar bsam bya ba/ /dbus su rlung dang de bzhin me/ /de dbus A li kA li ste/ /de dbus stong pa'i ri mo'o//bde ba chen por yang dag sbyar/ /gnyis med gnyis su med pa'i mchog /sgra yis bskul ba byas pa yis/ /sems can thams cad 'ong gyur nas/ /sangs rgyas rjes chags sbyor ba yis/ /sems can khams ni rnam par sbyangs/ /bde ba las byung dkyil 'khor te//b+h+rUM aM hriM ho hUM hi/ /de nas sems rgyun dbang bskur la/ /i yig sa bon gyis dbyung bya/ /rnam par snang mdzad dang / rdo rje nyi ma dang / pad+ma gar gyi dbang phyug dang / rdo rje rgyal po dang / mi bskyod pa dang / de bzhin du he ru ka'o/ /oM hUM aM a khaM haM/ gti mug dang / zhe sdang dang / de bzhin du phrag dog dang / 'dod chags dang / ser sna dang / dbang phyug rdo rje'o/ lAM mAM pAM tAM zhes bya ba'i sa bon ni/ spyan dang / mA ma kI dang / gos dkar mo dang / sgrol ma'o/ /oM AH hUM zhes bya bas 'gro ba gsum gyi lus ngag yid gsum rdzogs par bya'o//phung po dang skye mched dang khams rnams ni zhal gcig pa dang / phyag gnyis pa la sogs pa ji ltar 'dod pa'i gzugs su bsam gtan gyis 'gro ba gsum po ma lus par rdzogs par bya'o/ /de nas nam mkha'i dkyil 'khor du/ oM AHhUM zhes bya ba'i yi ge hoHdmar po gnyis dang spel pa dri za'i sems can lta bu nam mkha'i phyogs nas smon lam gyi sems kyis yi ge lnga bkug ste/snying gar zhugs nas thabs dang shes rab rjes su chags pas bskyed pa'i 'dod chags chen pos me sbar bas pad+mar sku gnyis zhu bar gyur te/nam mkha' ltar dri ma med cing 'byung ba thams cad kyi gnas chen po'i ting nge 'dzin gyi gzugs brnyan lta bur gyur pa'o/ /de'i rjes la thog ma med pa'i dus nas goms pa'i smon lam gyi sems bskyed pa'i byams pa chen po dang / snying rje dang / dga' ba dang btang snyoms kyi rang bzhin de'i 'od zer las spros pa'i lha mo spyan rab tu rgyas pa dang ldan pa nam mkha'i gzugs brnyan lta bu rnams glu 'di yis mgon po skul bar byed pa ni/kye srid gsum bde ba khyod 'dir bzhengs/ a la la la la ho/ /pad+ma'i gnas ni mthong mdzod la/ /rdo rje 'dzin rgyal bde ba che/ / rgyal ba yi ni sdom pa mdzod/ /a la la la la ho/ /khyod ni stong pa kun gyi mchog /bde gshegs snying po mthong mdzod la/ /mdzes ma dang dus bde ba ni/ /srid pa gsum na snying po'o/ /a la la la la ho/ /bde ba'i bdag po thong thong thong / /rgyal ba'i bdag po chos sku ho/ /zhes bya ba'i glus bskul ma thag tu/yi ge hUM las byung ba'i rdo rje snying po'i ste/ mngal nas skyes pa'i rim pa'o zhes pa'o/ /yang na rus sbal dag gi'o/ /zhes bya ba las rus sbal ni sgo nga las skyes pa'o/ /de'i rim pa ni skad cig tsam gyis rnal 'byor gyi lha'i rnam pa bsgom par bya ba thogs pa med pa'i ye shes 'byung ba rtsom pa med cing rgyun chad pa med pa'i snying rje chen po'i thabs dang shes rab kyi phyag rgya chen po'i yang dag par rdzogs pa'i byang chub ni rus sbal zhes bya ste/mi 'gyur bar nges pa'i phyir ro/ /phyag bzhi pa dang zhal bzhi pa/ /zhes bya ba la sogs pa ni rim pa gnyis ka la yang sbyar bar bya'o//sku mdog dkar po zhes bya ba la ni rdo rje 'dzin pa'i khyad par cho ga bzhin du shes par byas la/ lha thams cad bsgom par bya'o/ /dngos grub 'dod pas dngos grub phyir/ /skad cig tsam yang gzhan sems skyes/ /mkhas pas 'bad de gnas mi bya//de lta'i yon tan khyad par gyis/ /rnal 'byor pa ni thams cad kyis/ /'dod pa'i dngos grub thob par 'gyur/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa gnyis pa'i rnam par bshad pa'o// //de nas zhes bya ba ni thams cad shes par byas nas so//sbyor ba kun gyi dam pa ni/ /bde ba'i mchog ste phyag rgya ni/ /dngos grub kyi ni thabs chen po/ /mkha' 'gro dra ba'i sdom pa yin/ /de bas na sgrub pa po'i sgrub thabs mchog med de/ bsod nams chen po sogs pa'i phyir ro/ /de bas na tshogs kyi dkyil 'khor brtsam par bya ste/'phags pa lha'i zhal snga nas kyi spyod pa bsdus pa'i sgron ma las/ ji skad gsungs pa bzhin no/ /bza' ba dang bca' ba la sogs pa ni sgra ji bzhin pa'o/ /de nas pho nya rab sbyin zhes bya ba la sogs pa la rang gi phang ba la ni rang gi yan lag go//dpa' bo gnyis med mchod par bya/ /zhes bya ba la dpa' bo rnams sbyin par bya ba'o/ /ma zhes bya ba la sogs pa'am zhes bya ba ni gang zhig skal ba dang ldan par gyur pa ste/ gzhan du na ma dag par 'gyur ro/ /de dag thams cad ni bdag nyid mchod pa'i phyir gzhag pa'o//bcings pa las ni grol bar bya/ /zhes bya ba ni bag chags las grol bar bya ba'i don du ste/ bag chags spangs pa las grol bar 'gyur ba'i phyir ro/ /slob dpon lus su legs gnas te/ /zhes bya ba la sogs pa la rdo rje 'dzin pa'i skur dmigs nas thams cad byas la/phyi nas dpa' bo'i dpa' mo kun spyad par bya ste/ snang ba med pa las langs nas zung du 'jug pa'i 'byung ba'i rim pas sangs rgyas kyi sku mngon sum du byas nas rdo rje lta bu'i ting nge 'dzin gyi yon tan thams cad kyis brgyan nas gnas par 'gyur ro/ /sa 'og 'gro ba'am zhes bya ba la sogs pa ni sems can gyi don du gang cung zad zhi ba la sogs pa yid la ci 'dod pa de dag thams cad sgrub po'i bka' tsam gyis 'grub par the tshom med pa'o//dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa gsum pa'i rnam par bshad pa'o// //de nas mkha' 'gro ma'i dra ba'i/ /'khor lo'i cho ga rgyas pa ste/ /zhes bya ba la ji ltar bstan pa'i 'khrul 'khor dang sngags kyi rab tu sbyor ba/ de dag thams cad bsgrubs pas grub par the tshom med do/ /sgrub thabs yid la brten pa ste/ a ba d+hU tI'i gnas rnyed pa'i phyir ro//de'i sgom pa gsungs pa/ dpa' bo kun dang rnal 'byor ma/ /pad+ma'i lte bar nges par sbyar/ /zhes bya ba la lte ba ni lte ba'i pad+ma'i snying po'i ste der nges par sbyar ba'o/ /rnam par rtog pa'i sdig bskyod pas na a ba d+hU tI'i ste/ me 'bar ba'i gzugs can yin la/de'i bdag po yang a ba d+hU tI'i zhes brjod do/ /de'i gnas ni rab tu gnas pa ste/ rten pa zhes bya ba'i don to/ /de yis rnal 'byor pa la yang de bzhin du gsungs so/ /gang du zhe na smin ma'i bar du zhes bya ba ste/ zla ba dang pad+ma'i bar du A li'i ri mo bcu drug gis bskor ba'o//dpa' bo 'chol pa'i zhal du zhes bya ba la/ 'chol pa ni 'jigs su rung ba ste bcom ldan 'das kyi zhal du'o/ /rgyu des na me lha zhes bya ba dbyangs yig dang po'i rang bzhin las langs pa'i me lha la bsreg par bya'o zhes bya ba'i don to/ /'di dag ces bya ba ni rdzas 'di dag gis so//bsreg bya lnga zhes bya ba ni de bzhin gshegs pa lnga rnam par dag pa rnams kyis so/ /bsreg bya dgu zhes bya ba ni re re zhing ste/ bzhi bcu rtsa lnga'i sbyin sreg bya'o zhes bya ba'i don to/ /de nas 'bar phreng rgya mtsho zhes bya ba'i rab tu 'bar ba dang ldan pa'o/ /bsam zhes bya ba ni sngags pas so//de ci zhig bya zhe na/ 'khor lo zhes bya ba ste/ kun nas sgo zhes bya ba ni khams gsum ma lus pa'i dkyil 'khor te rang byung ba'i lhag pa'i lha'o/ /dpa' bo'i dpa' bo zhes bya ba la sogs pa ni rang gi lhag pa'i lha'i sbyor bas so/ /dpa' bo'i gnas zhes bya ba ni gzhal yas khang dang bcas pa'o//'dab ma la pho nya ma bzhi'o zhes bya ba ni lte ba'i pad+ma'i 'dab ma bzhi la mkha' 'gro ma la sogs pa bzhi'o/ /'khor los sgyur ba'i dpa' bo dang / /gnyis med par ni ci bde bar/ /khaN+Da ro ha phyi rol sbyin/ /zhes bya ba ni ji ltar 'dod par bsgoms nas de la lhag par mos pas sbyin sreg bya'o zhes bya'o//phyi rol pa gang zhe na khwa'i gdong pa la sogs pa'o/ /gang gi gzugs kyis she na/ rang gi gzugs su zhes bya ba ste/ ji lta ba'i gzhal yas khang gi sgo dang / mtshams bzhir sngags pas de'i gzugs su blta ba'o//bstan par bya zhes bya ba ni bsgom pa'o/ /gang du zhe na/ 'khor lo'i dbus su'o/ /'khor lo 'di dag bstan pa ni/ /dngos grub thams cad sgrub byed yin/ /zhes bya ba la ye shes sems dpa'i thugs ka'i pad+ma dkar po la mtshan ma'i sa bon gyi thig le'i nang du khams gsum gyi bdag nyid kyi sems kyi dkyil 'khor bsgom pa ni/'od zer bye bas rab brgyan cing / /sangs rgyas sprin gyis rab tu 'khrigs/ /thig le'i rnal 'byor bsdus byas pa/ /phra mo'i rnal 'byor rnam par bsgom/ / rigs kyi rim pa'i mtshan ma'i nang du hUM las gyur pa'i dkyil 'khor nam mkha'i ngos ltar yangs pa rgyal ba'i rin po che'i gnas bde ba chen po shin tu phra ba'i rdul phra rab bsags pa ye shes kyi 'od zer gyi phreng ba las rnam pa sna tshogs kyi sku mtha' yas pas ma lus pa'i sems can rnams rdo rje mkha' 'gro'i dam tshig gi byin gyis brlabs pa srog dang rtsol ba rab tu bsdams shing /sems shin tu brtan par bzung ba na/ zhag bdun gyis 'dar ba dang bskyod pa dang 'bebs pa dang g.yo ba dang 'phar ba dang mngon sum du mthong bar 'gyur ba la the tshom med do/ /'khor lo 'di dag bstan pa ni/ /rdo rje snying po snying rje che//rig pa'i rgya mtsho zhes bya ba la sogs pa ni/ de'i le'u dang por 'khor lo bstan pa de 'dir yang de bzhin du the tshom mi bya'o/ /pho nya gnyis med sbyor ba'i bdag /ces bya ba ni shin tu rnyed par dka' ba'i sngags kyi gzhung rnyed nas bzlas brjod dang bsgom pa dang mngon par ldan pa de ni 'dir gdon mi za bar grub par 'gyur ro zhes bya'o//dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa bzhi pa'i rnam par bshad pa'o// //de nas las kyi rab mchog ni/ /ji bzhin rim gyis mtshon pa ste/ /zhes bya ba la rim ni yongs su brgyud pa ste/bla ma gcig nas gcig tu 'ongs pa'i gzhung lugs nyams pa med par bya ba'i don to/ /mchod pa gnyis med sbyor ba'i bdag /ces bya ba ni gnyis su med pa'i mchod pa ste/ thabs dang shes rab gnyis su med pa'o/ /de'i sbyor ba'i bdag nyid kyi sngags pas las kyi mchog bsgrub par bya ba yin no//las ni so sor sbyor bar bya/ /zhes bya ba ni zhi ba la sogs pa'o/ /gang 'grub par byed pa'i sngags zhes bya ba ni sde tshan brgyad do/ /de yi dbye ba rim ji bzhin/ /zhes bya ba la sogs pa la yi ge ni dbyangs yig dang gsal byed sum cu rtsa gsum mo//pho nya ni rtsa'i rang bzhin gyi rnal 'byor ma'o/ /sogs pa'i sgras ni dpa' bo nyi shu rtsa bzhi bzung ste/ de rnams kyi sngags so/ /mda' yi shugs kyis yongs su 'khor/ /zhes bya ba la sogs pa la mda' ni rlung ste/ de'i shugs kyis 'gro ba yin la des 'khor ba ste/ 'gro ba dang 'ong bar nges par 'jug pa'o//phan tshun 'dus pa'i sngags ni zhes bya ba ni A li kA li dag 'dus pa ste 'dus pa'o/ /yul nyid kyis ni phye ba'o/ /zhes bya ba ni snying ga dang mgrin pa dang lte ba dang mgo ste de rnams su dgod pa'o/ /sa bon phreng bde dag zin/ /hUM ni mtha' ru gnas pa yin//zhes bya ba la gang du 'gugs shing gzhug pa la yi ge hUM gnas pa'o/ /de la don ni 'di yin te/ g.yon pa dang g.yas pa'i ngos gnyis su/ dbyangs yig bcu gnyis kha gyen du bltas par dgod do/ /'og tu bltas pa ni yi ge ka la sogs pa phreng ba gnyis te de'i dbus su chud par bya'o//gang yang gsungs pa/ g.yon dang g.yas kyi ngos gnyis su/ /dbyangs yig bcu gnyis gnas pa ste/ /steng du bltas par yang dag bshad/ /ka la sogs pa mngon par spel/ /zhes so/ /bsgrub bya 'gog par gyur na ni/ /'gog pa ni rgyu ba gnyis rnam par bcings pa'o//bsgrub bya zhes bya ba dngos grub tu gyur pa ste/ rten med pa'i bde ba chen po'i rang bzhin no/ /gom pa gcig kyang mi 'gro'o/ /zhes bya ba ni/ rlung gis 'gro ba med pa'i phyir 'gro bar bya ba'i yul mi srid pa ste/ de dang de nyid rang bzhin gyis ro gcig tu gyur pa'i phyir ro//kha sbyor sbyar bar gyur pa dang / /zhes bya ba la sogs pa la/ kha sbyor sbyar bar gyur pa ni/ /zla ba nyi mar rnam par bshad/ /g.yon dang g.yas kyi ngos gnyis su/ /rdo rje lu gu rgyud bcings pa/ /steng gi sgo ru rtag gnas pa'i/ /snang byed 'bar ba'i phreng ba can//rnam par grol ba'i lam gyi tshogs su rgyun gyi mchog tu dga' ba sbyor ba ni kha sbyor ro/ /yang na lag pa gnyis kun du 'khyud pa ni/ rdo rje lu gu rgyud bcings brjod/ /thabs dang shes rab mnyam sbyor ba/ /kha sbyor zhes ni bshad pa yin/ /rdo rje dbye ba nyid dang ni/ /zhes bya ba la sogs pa ni/pad+mar rdo rje gzhug pa'o/ /bskor ba ni bskyod pa'o/ /rdo rje pad+ma 'byed pa ni/ /sgo chun sbrang rtsir byed par bshad/ /bskor bas 'di ni bskyod pa'o/ /bde dang dga' ba'i rang bzhin gyis/ /zhags pa pad+mar bcug pa ste/ /'dod la chags pa'i lcags kyu yis//de bzhin gshegs pa thams cad dgug /mi 'khrug 'khrug byed rdo rje ste/ /de ni gtun shing rab tu grags/ /bza' ba rdo rje 'debs pa la/ /de bzhin gshegs pa 'dus pa'o/ /dbugs la mda' ni sbyar byas te/ /zhes bya ba la mda' ni sgra'o/ /yan lag kha T+wAM ga dang sbyar/ / zhes bya ba la kha T+wAM ga ni lha'i sku ste/ nam mkha' lta bu'i yan lag pas na kha T+wAM ga'o/ /thod pa'i mchod yon snod du ni/ /zhal du mchod yon nges par sbyar/ /zhes bya ba la/ sngags pas lte bar bsam bya ba/ /rlung gi dbus su me'i dkyil 'khor ro/ /de steng sna tshogs pad+ma dang / /de steng thod pa byang chub kyi//ye shes bdud rtsis yongs bkang ba'o/ /de dbus A li kA li dang / /ye shes lnga yi rang bzhin can/ /hUM yig gis ni byin brlabs la/ /bdag nyid baM las rdo rje sems dpa'i sbyor bas zhi ba dang / snying rje'i go 'phang can ston ka'i nam mkha' ltar dri ma med pa zla ba ltar 'od zer gyi phreng ba du ma 'phro ba/bdud bzhi zhabs kyis mnan pa phag mo dang gnyis su med pa'i bde ba chen po'o/ /spyi bo'i zla ba'i steng du mi shigs pa/ a ta sa'i me tog ltar shin tu sngo ba las ba'i 'o ma'i rgyun nyin dang mtshan du 'bab pa'o/ /gang zhig 'og gi pad+ma la/ /zla ba nyi mas brgyan pa ste//lte ba'i dbus su de bsam bya/ /rlung gi dbus su me dkyil 'khor/ /lus med par ni mi lta ste/ /rab tu zhi ba'i yid kyis sbyar/ /yang mgo bor yi ge laM las dbang chen gyi dkyil 'khor la klu she sha nA ga'i lhag ma bde ba chen po'i gzugs can gdengs ka gsum gyis mdzes pa'o//thig les bar brgyan pa las char pa'i rgyun ltar 'bab par bsam mo/ /yi ge i ni bdud rtsi'i rgyun/ /mig gnyis su ni dgod par bshad/ /kun+da zla ba dkar dang mtshungs/ /dbang po'i mtshon chas brgyan pa'o/ /steng du sprin gyis g.yogs bya ba/ /'brug dang glog gis brgyan pa ni/ / nam mkha'i dbus su khyab par bsam/ /bdud rtsi'i chu rgyun rab 'bab pas/ /grong khyer mthar ni zhi bar byed/ /bsgrub bya'i steng du 'dug bsams na/ /dug dang tsha ba'i rims la sogs/ /bsam gtan tsam gyis spel bar byed/ /dkyil 'khor dbus chud kha dog dbyibs/ /gang zhig rtag tu bsam byas na//de yi tshe ni zad 'gyur na'ang / /tshe ring bar ni 'gyur ba nyid/ /log gcig par ni kha sbyor na/ /rgas pa med cing 'chi ba med/ /nad sogs kyis ni gdung mi 'gyur/ /klu chen rnam pa brgyad rnams kyis/ /gal te zin pa'i dug chen yang / /bkod pas dug med byed pa ste/ /dug gis shi ba'ang slong bar byed//dus min 'chi las rgyal 'gyur te/ /nad las rnam par grol bar 'gyur/ /ston ka'i dus kyi zla 'dra ba/ /lag pa g.yon pa'i mthe bong la/ /zla gzugs yi ge baM 'phyang bas/ /bdud rtsi yang dag btsir bas ni/ /rim gyis dus min 'chi ba 'joms/ /de nas srung ba'i cho ga 'gyur ba ste//rdo rje srung bzlog gir dmigs pas/ /bdag nyid srung bzlog gi gtso bo/ dkar zhing zhal g.yas pa rnams sngon po dang dmar po dang ser po dang / g.yon pa rnams ljang gu dang dmar po dang dud ka ste/ steng gi zhal chen dkar ba/ zla ba la bzhugs shing rgyan sna tshogs kyis brgyan pa/gos dkar pos nye bar mdzes pa g.yas brkyang ba'i sbyor bas 'chi bdag gi bdud la sogs pa mnan pa sangs rgyas lnga'i dbu rgyan chen po dang shi ba sos par byed pa'i mchog spyan gsum zhi zhing snying rje'i nyams kyis dga' ba phyag dang po sdigs mdzub dang bcas pas rdo rje gdengs pa gsor zhing /gzhan zhags pa dang bcas pa'i dril bu 'dzin pa/ de bzhin du ral gri dang dgra sta dang gtun shing dang thod pa dang / mi 'jigs pa sbyin pa'i lcags kyu dang / yang gzhu dang mda' rna drung du bkang ba dang / kha T+wAM ga dang tho ba dang bdud rtsis gang ba'i bum pa dang pad+ma dang bcas pa'i dung dang bco lnga pa dang bcu drug pas dbang bskur ba'i phyag rgya'o//'di'i snying gar 'khor lo bsam par bya ste/ pad+ma 'dab ma brgyad pa bris la lte bar sna tshogs rdo rje rtse mo bcu gnyis pa/ sna tshogs rdo rje lte bar yi ge hUM/ de'i lte ba la yang yi ge baM/ yi ge baM gyi lte ba la bsgrub bya'i ming yi ge gsum dang spel ba rak+Sha tshig dang bcas pa bri'o//rtsibs kyi nang du mkha' 'gro ma bzhi ni 'dir g.yon skor du dgod par bya ste/ DaM laM khaM rUM ri r-I li l-I dang spel ba'o/ /pad+ma 'dab ma dgod pa ni/ /rim pa bzhin du thugs kyi dkyil 'khor te/ khaM praM kaM tsaM kaM praM ba maM rnams shar dang byang dang nub dang lhor ro/ /me mtshams la sogs par ni/ saM baM aM khaM ba laM baM traM rnams hUM yig dang spel ba'o/ /de'i phyi rol du ni sna tshogs rdo rje ste lte ba la dbyangs yig bcu drug bri bar bya'o/ /rtsibs bzhi la ni gnod mdzes zhal bzhi pa bri bar bya'o/ / de nas ske rags/ de nas 'dab ma bcu drug pa'i pad+ma bri bar byas la/ ske rags la ni ka khaM gaM g+haM ngaM / tsaM tshaM dzaM rnams bri'o/ /'dab ma bcu drug la ni rje btsun gyi yi ge brgya pa bri bar bya'o/ /de'i phyi rol du ni 'khor lo rtsibs bcu drug pa bris la 'khor lo'i rtsibs la sngon bzhin du g.yon skor gyis bri ba ni/aM aM baM maM maM baM/ baM suM/ baM saM/ maM haM/ baM khaM maM tsaM/ raM khaM kha haM saM maM tsaM/ aM sa/ ha saM ba maM ba tsaM baM maM zhes bya ba rnams yi ge oM dang por byas la hri dang bsgrub bya'i ming spel ba bri bar bya'o/ /de'i phyi rol tu ske rags la ming dang spel bar/ dz+haM nyaM TaM ThaM DaM D+haM Na/ taM thaM da d+haM naM/ paM phaM baM b+haM ma rnams bri bar bya'o/ /de'i phyi rol du ni gru bzhi pa la sgo bzhi ba/ ra ba lngas bskor ba ste/ sgo bzhi dang mtshams rnams su rim pa ji lta ba bzhin du/ kaM uM s+yaM/ shuM yaM yaM yaM yaM rnams/ yaM raM laM waM shaM ShaM swA hA/ rnams dang ldan pa'i bsgrub bya'i ming hUM dang hUM phaT dang spel ba'o/ / sgo'i steng du ni kha zum pa'i rdo rje bri'o/ /de'i steng du ni tshig brgyad pa'i sngags bri bar bya'o/ /de'i phyi rol la ske rags la ni srung bzlog 'di bri bar bya ste/ na maHsa man+ta kA ya bA ka tsit+ta badzra ni/ oM hUM badzra he ru ka tsakra warti sarba lo ki ka lo kot+ta ra Ni/ yan+t+ra man+t+ra tan+t+ra bu pra yo ga ti ni ye na ke na tsi ta kr-i ta ni/sarba Ni A kaD+D+h+ya A kaD+D+h+ya/ gri h+na gri h+na b+hak+Sha ya b+hak+Sha ya/ trA sa ya trA sa ya/ ha na ha na/ da ha da ha/ pa tsa pa tsa/ k+Sh+mAM k+Sh+mAM/ dz+nyauM dz+nyauM/ ma tha ma tha/ bid+d+h+waM sa ya bid+d+h+waM sa ya/ sha ta sa ha sra d+ha/ sha ta sa ha sra d+ha/ bi tsur+Na ya/ bi tsur+Na ya/ oM phaT badzra he ru ka uSh+NI Sha tsakra warti se kha mu khaM tsak+Shu ban+d+ha ban+d+ha hUM hUM/sngags pa che ge mo rak+Sha ku ru hUM oM swA hA/ yi ge k+Sha'i lto bar 'khor lo bri/ yang tha'i lto bar k+Sha bri bar bya'o/ /tha'i phyi rol du ni A li kA li bri bar bya'o/ /de'i phyi rol du ni rdo rje'i phreng bas bskor la/ cho ga bzhin du rab tu gnas par byas la/ shi ba gso ba'i sngags bzlas par bya ste/oM me tri saM dzi ba ni ma hA mai tri mi khi dzi ba pra be sha ya sarba badzra pad+ma sa ma ya yo ge / ma hA bo d+hi tsit+taM be d+ho ba mu rte hUM hUM hUM a a swA hA/ lan khri bzlas na dus ma yin par 'chi ba sel to/ /de nas rang byung blang bya ba/ /Dom+bi'am yang na bram ze yi/ /glang chen rdul dang byang chub sems//tshil chen dud pa pad+ma'i chu/ /rdo rje chu yis bri bya ste/ /phreng ba'i sngags kyis bskor byas la/ /skud pa dkar pos dkri bar bya/ /dbang bskur yang dag mchod pa dang / /gtor ma rab tu rgyas pa bya/ /bdag nyid shrI he ru ka yi/ /dngos byas nas ni bzlas pa bya/ /oM hrIHha ha A mu ka s+ya shAn+tiM ku ru shAn+tiM ku ru hUM hUM d+haM d+haM phaT/mar dang sbrang rtsi dang bdud rtsi lnga'i nang du bcug ste bzhag na nad dang bcas pa nad med bar 'gyur ro/ /yang na rtag tu rnal 'byor pa'i mgo la bcing na rnal 'byor ma rnams mchog ster bar 'gyur zhing / bgegs med par 'gyur ba dang g.yul du zhugs na thams cad las rgyal bar 'gyur ro//oM badzra he ru ka sa ma ya ma nu pA la ya he ru ka twe no pa tiSh+Tha dr-i D+ho me b+ha ba/ su po Sh+yo me b+ha ba/ a nu rak+to me b+ha ba/ su to Sh+yo me b+ha ba/ sarba sid+d+haM me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoH b+ha ga bAn badzra he ru ka pad+ma b+ha baM krit+ta te d+he ku yad/gal te sdig pa mi 'dor ba de'i tshe bla ma dang thub pa la gsol cig ces de'i sdig pa nye bar bsgrags la/ de nas rang gi lus khro bo chen po dur khrod kyi me 'jig pa'i dus ltar 'bar ba la gnas pa spros nas bsgrub bya'i snying gar zhugs te/ kha sbyor gyi pad+ma snying rje'i bdag nyid kyis dral nas de'i bsrung ba'i lha rang gi lus la gzhug par bya'o//de nas rnam par shes pa'i lha khu tshur gyis bzung la za ma tog gi nang du bzhag nas bde ba can gyi zhing khams su khyer nas mi bskyod pa'i sku thob ste mchod par bsam mo/ /de nas ming dang bcas par/oM phaT a mu kaM b+ha k+Sha phaT k+Sha zhes brjod la mkha' 'gro ma rnams kyis bskor nas za bar bsams te/ khro bo'i lcags kyus drangs te hUM gi khro bo'i khab kyi lte ba'i rtsa ba dbyung bar bya zhing snying dang rkang dang sha dang khrag rnams drangs la dum bu dum bur byas nas sgro'i chun po ltar bskor bar bya'o//de bzhin du khro bo dang mkha' 'gro ma'i tshogs du ma mtshon cha rnam pa sna tshogs thogs pas gcod cing btub par blta ba dang mkha' 'gro ma rnams khros shing / mche ba gtsigs pas 'jigs par byed par bsam mo/ /zhag bdun du ni rab sbyor bas/ / blo ldan rdo rje 'ang lhung 'gyur te/ /nyin phyed dang ni mtshan phyed na/ /las 'di rab tu brtsam par bya/ /skra grol gcer bur gyur pa yis/ /khros pas gshin rje'i phyogs bltas la/ /mkhrang ba'i stan la gnas nas ni/ /dus me'i byin za bzlas par bya/ /hUM phaT raM raM raM a mu ka pany+tsa a nan taR+Ya ka ri raM raM raM hUM phaT/'di ni bzlas pa tsam gyis kyang / /bsgrub bya gom pa gcig mi 'gro/ /nyin mtshan bcu bzhi tsam gyis ni/ /gal te rdo rje 'dzin pa yang / /'chi 'gyur 'di la the tshom med/ /de nas 'di'i zhi ba bya ste/ ji srid sdig pa dor gyi bar du sngags 'di brjod par bya'o/ / oM swA hA a a/ baM a mu ka pA pa tshi ra to b+hU ta ta s+ye ba shAn+tir+b+ha ba tu baM aM a oM swA hA/ gos dkar po gyon la lus dri dkar pos byugs la 'o ma 'thung zhing lha khang stong par bzlas na zhi bar 'gyur ro/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa lnga pa'i rnam par bshad pa'o// //de nas zhes bya ba ni/ dus ma yin par 'chi ba bslu ba'i rjes thogs su'o/ /mchod par bya ba nyid mchod pa ste las kyi phyag rgya'o/ /de nyid de bzhin gshegs pa thams cad kyi mchod pa chen po'o/ /ci'i phyir zhe na/ sngags dgod mchod par rab tu grags//zhes bya ba'i sngags ni gnyis su med pa'i ye shes te/ de'i rnam par dag pa ni yi ge dgod pa yang sngags so/ /des na 'di mchod par rab tu grags so/ /de'i rab tu 'jug pa'i rgyu gsungs pa/ myur du dngos grub byed par zhes bya ba la sogs pa ste/ mchod pa 'dis myur du dngos grub byed pas na de'i don gyis dngos grub 'dod pa rnams kyis byed pa ste bstan par bya ba'o//mtshan ma gnyis la sngags rab sbyar/ /zhes bya ba la yi ge hUM gis ni rtag tu rdo rje bskyed pa'o/ /yi ge a yis ni 'dam skyes so/ /yi ge baM gyis ni ze'u 'bru'o/ /phaT kyis ni bu ga bkag nas ye shes mtshon pa'o//mkha' 'gro ni rdo rje phag mo'o/ /dpa' bo ni dpal he ru kar ro/ /gnyis su med pa'i rang bzhin gyis rab tu 'jug pa'o/ /rnal 'byor ma bsrub bya zhes bya ba ni snyoms par 'jug pa'o/ /blo ldan ni las la mkhas pas so/ /dag pa'i lus zhes bya ba ni gzung ba dang 'dzin pa las rnam par grol ba'o//rang 'dod pa zhes bya ba ni rang nyid kyi 'dod pa ste/ rigs dang tshul khrims dang ldan zhing ma dang bu mo la sogs pa lta bu'i nang nas gcig bzung bar byas nas dpa' bo dang nye bar bsu bar bya'o/ /rnam dbye zhes bya ba ni tshogs kyi dkyil 'khor ba thams cad la so sor dbye'o//phyin ci log tu nges par sbyar/ /zhes bya ba ni rnal 'byor mas skyes pa ltar byas pa'o/ /ci'i phyir zhe na/ tshar gcod pa dang phan 'dogs phyir/ /las kyi dngos por rnam par bsgom/ /zhes bya ba la nyon mongs pa rnams tshar gcod pa dang sems can rnams rjes su gzung ba'i phyir ro//las ni de bzhin gshegs pa rnams rnam par dag pa'i mtshan nyid yin la/ 'di'i dngos por snang bsgom pa ni/ phyin ci log tu spangs pa'i phyir ro/ /de nyid dbye bas phye nas ni/ /zhes pa la de nyid ni rigs lnga ste/ mig la sogs pa rnam par dag pa'i gti mug rdo rje la sogs pa'o/ /rtsa yi lam du sbyar bar bya/ /zhes bya ba ni/ rtsa'i sngags kyis de kho na nyid kyi khyad par gyis so/ /yang na sgyu ma lta bu'i rang bzhin nyid gnyis su med pa'i rang rig pas sbyar bar bya ba ste/ ji ltar phyi rol de bzhin nang //zhes bya ba'o/ /'di yis zhes bya ba ni bde ba chen po'i rab tu sbyor bas so/ /lha dang lha min rnams dang ni/ /mi dang bcas pa'ang zhes bya ba ni phyag rgyar gzung bar bya'o zhes bya ba'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa drug pa'i rnam par bshad pa'o// //de nas gzhan yang bshad bya ba/ /zhes bya ba ni rnal 'byor pa chung ngu'i thabs chen po'o/ /tshar gcod ces bya ba ni/ sman bzang po dang bcas pa'i sngags kyis tshar gcod pa'o/ /gnon pa zhes bya ba ni bud med thams cad mnan pa ste sgyu can dang g.yo can dang gdul dka' ba ma lus pa dang lhan cig tu bsgrub pa'o//'dod pa'i yon tan longs spyod pa'i/ /phan tshun sbyar ba'i gsang sngags ni/ /zhes bya ba ni sgrub thabs kyi yan lag gsungs pa ste/ phan tshun ni phyi dang nang ngo / /mkha' 'gro ma nyi shu rtsa bzhi po de dag nyid sngags dang 'dra bas na sngags so//mkha' 'gro ma dang gcig tu sbyar/ /zhes bya ba ni gnyi ga bsdus par gyur pa'o/ /yang na sngags ni khyad par can gyi dbyangs yig go/ /de nyid ci lta bu zhe na/ dang po dbyangs yig thig le dang bcas pa pad+ma'i steng du bsams na de skad cig tsam gyis 'bar bar 'gyur zhing yul rnams su yang nye bar rgyu ba yin no//de yang / bde ba thams cad kyi ni mchog /chos kyi dbyings ni mi shigs pa/ /u dang thig ler yang dag ldan/ /sngags dang rgyud rnams btus pas te/ /khams gsum kun nas 'dres pa'o/ /bza' dang btung bar yang dag ldan//zhes bya ba'i bar du gsal lo/ /cho ga de nyid kyis/ ser skya'i mar ni 'thungs nas su/ /bzlas pa'i mthar ni skyug par bya/ /zhes bya ba la sogs pa ste go sla'o/ /til mar zhes bya ba la sogs pa la sA lu btags pas dri ma dril ba ni lus bskus pa'o/ /snum khur zhes bya ba la sogs pa'ang go sla'o//til nag po ni zos nas su/ /ske tshe bcas pas skyug par bya/ /zhes bya ba la sogs pa yang cho ga de nyid kyis te gsal lo/ /ba lang sha zhes bya ba la sogs pa ni nang gi sbyin sreg ste/ lte ba'i thab khung nyid du ni/ /pad+ma yi ni dbus su lha/ /mthe bo'i tshigs tshad tsam du blta//phyag gnyis sku mdog dmar ba la/ /nyi ma'i stan la bzhugs pa ni/ /'od kyi snang bas legs gnas pas/ /yang na nas kyi tshad tsam la/ /dbugs kyis bkug ste bsreg par bya/ /de yi bsam gtan chud sems kyis/ /dbang dang dgug pa nyid du 'gyur/ /de'i mod la zhes bya ba la sogs pa ni go sla'o//rab tu 'bad de gsang bar bya/ /zhes bya ba la sogs pa la sba ba ni gsang ba ste/ dam tshig spyod pa'i mtshan nyid cher/ /'bad cing rab tu 'bad de gsang bar bya ba mi gsal bar byed pa'o/ /dper na dmus long gi lag tu nor bu mchog bzhag pa bzhin du cho ga khyad par can 'di yang skal ba dman pas mthong bar mi 'gyur ro//bsod nams chung ba'i sgrub pa pos kyang ste/ bla ma mnyes par byas pas ni rnyed par 'gyur zhing gzhan du ni ma yin no/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa bdun pa'i rnam par bshad pa'o// //de nas brda zhes bya ba ni brdar gdags pa'o/ /de bzhin du mkha' 'gro ma'i lus kyi mtshan nyid ni gang yin dang zhes bya ba la mkha' 'gro ma ni nyi shu rtsa bzhi'o/ /lus ni rnal 'byor ma rnams kyis rnal 'byor gyi lus so/ /dpa' bo'i yan lag dbye zhes bya ba ni pul+li ra dang mA la ya la sogs pa'i gnas nyi shu rtsa bzhi'o//'dis ni 'khor lo dgod pa ston to/ /de bzhin zhes bya ba la sogs pa ni/ ji ltar sgom pa bzhin du dgod pa'o/ /dpa' bo'i dbang phyug mi dri zhes bya ba la sogs pa ni de'i gzugs kyis su la'ang bstan par mi bya'o zhes bya ba la sogs pa ste go sla'o//gsang ba srung zhes bya ba ni rang nyid sped par byed pa'o/ /de dang zhes bya ba ni tshad mar gyur pa dang ngo / /gang zhig gis zhes bya ba ni dpal he ru ka'i rnal 'byor can no/ /bsod nams mthong ba yin zhes bya ba ni bsod nams des grol bar 'gyur ba'o/ /ci zhig ce na/legs skyes pa zhes bya ba ste/ lnga pa'i don la drug pa yin no/ /'dis ni ngan 'gro las rnam par grol bar bstan to/ /gnas ji lta ba bzhin du gnas pa ni rnal 'byor ma dang gsang ba mi zhes bya ba ste/ dam tshig skyong ba rnams dang mnyam pa'i bdag nyid ni gsang ba'i mi ste de dang lhan cig pa'o//dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa brgyad pa'i rnam par bshad pa'o// //de nas zhes bya ba ni rol pa'i rjes la ste/ thams cad brdzun pa nyid du shes nas bshad pa'o/ /sngags kyis zhes bya ba ye shes bskul ba ste/sngags ni yid skyob gsungs pa na/ /de kho na nyid bskul bar gsungs/ /zhes gang gsungs pa'o/ /des cir 'gyur zhe na/ de nas 'di la yang dag blta/ /zhes bya ba la sogs pa ni mchog ster bar 'gyur ro zhes bya ba'i don te go sla'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa dgu pa'i rnam par bshad pa'o// //de nas zhes bya ba la sogs pa la mi rnams ni sa steng pa'i 'jig rten du 'gyur ba'o/ /dpa' bo ni dpal 'khor lo sdom pa'o/ /de'i sngags ni rkang pa brgyad pa'o/ /de dag gi rnal 'byor ni de'i rnam pa phun sum tshogs pa dang ldan pa'o//gang gi bya ba yin zhe na/ gsungs pa/ sgron ma myos byed bcas pa dang / zhes bya ba la sogs pa ste nang gi sbyin sreg bya'o zhes bya ba'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu ba'i rnam par bshad pa'o// //de nas las kyi rab mchog ni/ /gang gis shes pa sgrub pa yis/ /zhes bya ba la sogs pa la gang gis zhes bya ba ni sngags kyis te rnyed par dka' zhing gsang bar gyur pa'o/ /ji ltar shes she na/ bshad pa'i rgyud las bla ma'i bka' las shes par bya'o//de skad du gsungs pa/ gang du las ni yod gyur pa/ /rang gi las kyi cho ga med/ /der ni spyi yi rgyud dag las/ /gsungs pa cho ga mkhas pas bsten/ /de gsungs pa/ rdo rje dang ni rta yi 'gros/ /gshin rje yi dags de bzhin te/ /gzhan yang ro langs nyid dang yang / / srin po yi ni khyab par gyis/ /rim dang rim las bzlog pa dang / /stong pa'i sgo ni nges non pa/ /rdo rje thod pa grwar ldan pa/ /sngags kyi phreng bas khyad par byas/ /'khrul 'khor chen po bcu gnyis ni/ /dngos grub sgrub pa po la ni/ /dran pa'i mchog ni ster bar 'gyur/ /de nas rdza rnga bcing ba ni//byas nas dgod pa nyid rab sprul/ /dbang ldan la sogs g.yas skor gyi/ /sbyor ba so sor re mig la/ /oM sum+b+ha ni sum+b+ha huM hUM phaT/ oM gr-ih+Na gr-ih+Na huM hUM phaT/ oM gr-ih+NA pa ya gr-ih+NA pa ya huM hUM phaT/ oM A na ya ho/ b+ha ga pAM bi d+yA rA dza huM hUM phaT/ re mig dbus su lha sbyin ni//ji ltar las kyi rjes mthun pa'o/ /de nas yang oM sum+b+ha huM hUM phaT/ oM/ gnyis pa la ni hUM phaT ni de hUM ta gri// gsum pa la ni hUM h+NA suM hUM h+NA gr-ih+NA/ bzhi pa la ni huM de hUM de hUM de hUM/ lnga pa la ni ho b+ha ga bA na hUM gr-ih+NA pa ya/ drug pa la ni A na ya phaT/ bid de ba ya phaT huM hUM/ bdun pa la ni oM huM hUM rA dza hUM h+NA gr-i oM//sbyor ba 'di ni rings pa dang / ltung ba dang 'di nyid kyis non pa yang bya'o/ /yi ge hUM gi gnas su 'bar ba'i rdo rjes gzir ba'i bsgrub bya bri zhing rdo rje'i lte ba la yang hUM bris pa la/ dpa' bo g.yul du bsad pa'i bum pa'am bram ze'i bum pa skam por 'phral du ro bsregs pa'i sar sba'o//de nas yang dang po la ni oM ni hUM/ bzhi pa stong pa/ oM gr-i hUM/ gnyis pa la ni b+ha/ dgu pa la stong pa/ sum stong pa'o/ /haM stong pa'o/ /gr-i gsum pa ni h+Na hUM suM stong pa'o/ /h+Na phaT h+Na/ bzhi pa la ni stong pa'o/ /lnga pa la ni oM b+ha ga hUM stong pa/ oM pa ya pa ya/ drug pa la ni rA dza/stong pa/ A na ya/ stong pa/ h+Na stong pa/ gr-i bdun pa la ni/ ho hUM bAM bi d+yA/ stong pa/ h+Na huM hUM gri// 'di dag ni rta'i 'gros kyis dgod pa'i sngags te/ yul stong par ma he dang rta la zhon pa'i bsgrub bya 'thab par byed pa ro langs kyis mnan na dbye bar 'gyur te/ rta dang ma he cho ga bzhin du bum par bzhag la/bsgrub bya'i khang pa'i sgo'am yang na ro bsregs pa'i sar sba bar bya'o/ /de la dug dang khrag dang ske tshe'i sa bon thod pa la gzhag la/ mi rus kyi smyu gus dur khrod kyi ras sam dpa' bo'i ro'i bum pa la sngags pa kha lhor bltas pas 'khor lo gnyis bri bar bya'o//mar ngo'i tshes brgyad dam bcu bzhi'i mtshan phyed na cho ga'i rim pa 'dis bya'o/ /gsad pa la ni gshin rjes mnan cing za bar byed pa'o/ /yi dags la ni yi dags kyis so/ /ro langs la ni ro langs kyis so/ /srin po la ni srin pos mnan pa'o/ /stong pa la ni stong pa'i pad+mas so//rdo rjes mthar dbye bar bya'o/ /mtshams bzhir ni thod pa bri bar bya'o/ /las kyi cho ga mthong ba yis/ /'di dag kun la khros byas na/ /'jigs byed mi bzad pa de bzhin/ /'khrul 'khor de rnams ji ltar 'grub par 'gyur zhe na/ de'i phyir gsungs pa/dngos grub sgrub pa po la ni/ /dran pas 'grub 'gyur gdon mi za/ /zhes pa'o/ /su yin zhe na/ thams cad bla ma'i gnas la sogs/ /mkha' 'gro mas ni thams cad khyab/ /ces bya ba la sogs pa la/ thams cad ces bya ba ni grong mtha' dang nye ba'i grong mtha' la sogs pa'i mthar thug pa'i gnas sum cu rtsa gnyis so//de rnams kyi bla ma ni thams cad bla ma ste yul nyi shu rtsa bzhi'o/ /thams cad bla ma gnas la sogs pa de rnams kyi mkha' 'gro mas ni thams cad du khyab pa'o/ /de rnams kyis gsang ba brjod kyi gzhan ni ma yin no zhes bya ba'i don te/gang dag gi bkod pa'i cho ga yin pa de rnams nyid ji lta bu zhes snyam du dogs na/ gsungs pa/ yul dang yul du mngon par skye/ /ye shes ldan pa dang skye gnas zhes bya ba la sogs pa la/ ye shes ni bde ba chen po ste de dang ldan pa'o/ / rang rang gi dpag tu med pa'i skye ba'i gnas ni rang skye gnas te/ byang chub kyi sems kyi rgya mtsho'o/ /des bskyed pa ci zhig ce na/ 'dir gsungs pa'o/ /de ni mkha' 'gro ma ru bshad/ /ces bya ba la sogs pa la/ mkha' 'gro ma ni khams nyi shu rtsa bzhi ste/ rnal 'byor ma'i rdo rje'i lus nyid de bzhin du yang dag par byung ba'o//rdo rje'i dkyil 'khor gtso mo yin/ /zhes bya ba la sogs pa la rdo rje ni mi phyed pa ste gnyis su med pa'i ye shes so/ /der gtso mor gyur pa ni/ rdo rje dkyil 'khor gtso bo ste/ /de rnams nyid las skyes pa'o/ /de rnams kyi gnas gsungs pa/ku lu ta dang zhes bya ba la sogs pa ste/ sku'i 'khor lo nas brtsams nas thugs kyi 'khor lo'i mthar thug pa'o/ /ji lta ba'i sbyor ba bsdu ba'i phyir yul 'di rnams kyi bu mo zhes bya ba la sogs pa gsungs so/ /dpa' bo gnyis med rnal 'byor ma/ zhes bya ba ni snyoms par 'jug pa'o//yid kyi shugs kyis 'jug pa yin/ /zhes bya ba la yid kyi shugs ni yid kyi shugs zhes bya ba ste/ nyi shu rtsa bzhi po 'di dag ni shin tu mgyogs par song nas yang dag par sdud pa'i gzugs can no/ /rnal 'byor ma rnams brda'i gsungs pa/ rnal 'byor ma drug ces bya ba la sogs pa'o/ /brda bya ba'i bye brag du zhig ce na/ 'dir gsungs pa/ ku lu ta/ mya ngan yul na ma mo rnams/ /zhes bya ba la sogs pa stong phrag nyi shu rtsa gcig gis nye bar mtshon pas/ stong phrag nyi shu rtsa gcig dang / stong phrag bdun cu rtsa gnyis su shes par bya'o//de dag gang du sbyar zhe na/ 'dir gsungs pa/ lhag ma gzhan dag ji snyed pa/ /dpal ldan he ru ka yi ni/ /'khor lo'i rnal 'byor ma yin no/ /zhes bya ba la sogs pa ste/ nyi shu rtsa bzhi'i rang bzhin gyis thams cad bsdus so zhes bya'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gcig pa'i rnam par bshad pa'o// //de nas dpa' bo me tog chu/ /zhes bya ba la sogs pa la me tog ni sbrang rtsi ste/ de dpa' bos btung bar bya'o/ /sngags ni rjes dran bya zhes bya ba ni yi ge ha rnam pa brgyad de/ bu mo mig bzangs rnyed nas so//phyag rgya lhan cig ces bya ba la sogs pa ni go sla'o/ /sngags gsum bzlas pa 'di yis ni/ /zhes bya ba/ oM sarba badzra kA mi Ni sarba b+hak+ShaM sho d+ha ya/ gu h+ya badzri Ni swA hA/ zhes pa'o/ /'thung dang zhes bya ba ni rang nyid kyis so/ /de bzhin zhes bya ba ni de la yang ngo //reg dang zhes bya ba ni pad+ma'i mchog chen po ste/ chu skyes dmar po lta bu'i der rang nyid grub par bya ba'i sems kyis rang gi rdo rje sbyar bar bya ba'o/ /bzhad pa zhes bya ba rnam pa brgyad pas so/ /gtso bo che zhes bya ba ni chang gis myos pa'i sngags pas so/ /gang gi phyir de bzhin gshegs pa thams cad kyi sgrub pa po'i lus kyi dkyil 'khor du 'dus shing /de bzhin du lha mo thams cad kyang reg rdo rje'i lus kyi dkyil 'khor du chud pa'i phyir ro/ /reg rdo rje gang zhig ce na/ bden pa tshangs par spyod pa dang / lha dang bzhad pa'i phyag rgyas bsgrub/ / ces bya ba ste/ bsgrub ces bya ba ni bsgrub bya ste ye shes chen po'o/ /de lta bu'i phyag rgya zhes bya ba ni las kyi phyag rgya'o/ /ji lta bu zhe na/ blta ba'i bsnyems pa grags ldan pa/ /zhes bya ba la blta ba ni mig go/ /bsnyems pa ni g.yon pa'o/ /gang gi don du rtag tu bsnyems pa dang ldan pa'o//'dis ni zhes bya ba ni 'di yis so/ /mtshan mo'am de bzhin nyin mo zhes bya ba ni/ der chud pa'i yid dang ldan pa'o/ /de ltar goms par gyur pa las phyag rgya chen po'i rtags skye ba ni/ gzugs dang las kyi gsang ba gang / /zhes bya ba la sogs pa ste/nyon zhes bya ba ni phyag na rdo rje la bcom ldan 'das kyis de skad ces bka' stsal pa'o/ /dngos grub mngon du phyogs pa'i dpa' bo'i gsang ba'i mtshan ma ni 'di dag ste/ gzugs phra ba dang reg pa spang ba dang / khyab pa dang yang dag par thob pa nyid dang / rab tu snang ba nyid brtan pa dang dbang du gyur pa dang 'dod dgur gyur pa zhes bya'o//de'i tshe bkres pa dang skom pas gnod par mi 'gyur zhing / bshang ba dang gci ba la sogs pa'ang ldog par 'gyur ro/ /'di dag thams cad rmi lam dang mtshungs shing khyad par cung zad kyang mi dmigs so/ / rtag tu de dag mchi ma byung / zhes bya ba ste/ mig gnyis ni 'dir gnyis kyi tshig tu blta bar bya ste/ de yang kye ma sems can gnas pa 'di ni thabs dam pa 'di lta bu skad cig kyang mi bsgom la sdug bsngal mi bzod pa'i 'khor ba'i tshogs can 'khor bar skyabs med pa 'dir skye ba dang rga ba dang 'chi ba la sogs pa'i 'jigs pas 'khrugs shing gnas pa las g.yo ba dang ldan pa 'di la snying rje rtag tu skye bas so//rang las byung ba'i zas de bzhin/ /zhes bya ba ni bde ba'i bdud rtsi de'i pad+ma las blangs pa'o/ /rdo rje la ni 'gom mi byed/ /ces bya ba ni skyes pa'i tshul du byed pa ste/khams gsum las 'da' ba'i bsam pas so/ /de bzhin gcer bur gyur pas mchod/ /ces bya ba ni nu ma dang mchan khung dang byin pa dang pad+ma'i dkyil 'khor la blta ba'o/ /'di ni phyag rgya'i tshogs kyis bstan pa ste/ gang de'i dbang po thams cad kyi ro nyams su myang bar bya'o//dbugs 'byin zhes bya ba ni shes rab kyi rlung rnams kyis dbab ba'o/ /bskyod ces bya ba ni bsgrub bya'i lus bsgul ba'o/ /dgod dang zhes bya ba ni dgod pa'i lus mnan pa'o/ /gar dang zhes bya ba ni gar gyi 'gros kyis rab tu 'jug pa'o/ /ngo mtshar zhes bya ba ni so so'i skye bo rnams rmad du gyur par mdzad pa'o//sna tshogs zhes bya ba ni rnal 'byor pa thams cad do/ /dang por zhes bya ba ni 'dis bshad par bya'o zhes bya ba'i don to/ /ha hA he hai ho hau haM haH/ zhes bya ba 'di ni dgod pa brgyad ces bya'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gnyis pa'i rnam par bshad pa'o// //de nas spyan ras gzigs zhes bya ba la sogs pa la/ ci zhig gi don du rnal 'byor ma rnams spyan ras gzigs kyis 'chad par mdzad ce na/ 'dir gsungs pa/ dpa' bo dang ni gnyis med mi//zhes bya ba ste/ gang gi spyan ras gzigs ni mi rnams dpa' bo ltar rnal 'byor ma rnams dang gnyis su med par 'gro ba'i phyir te/ de ni dpa' bo dang ni gnyis med mi'o/ /su zhig la spyan ras kyis gzigs par 'gyur zhe na/ 'dir gsungs pa/ gnas kyi dbye ba'i zhes bya ba la gnas ni pul+lI ra dang /mA la ya la sogs pa'o/ /de rnams kyi dbye ba ni gnas la sogs pa ste/ de rnams kyi cho ga ni gang dang gang du gang dang gang sbyor ba de shes pa'o/ /ci zhig byas pas she na/ bsgom la rtag tu mngon dga' ba/ /zhes bya ba ste/ bsgom pa dang mngon par blta ba dang ldan pa la/spyan ras kyis gzigs par 'gyur ro/ /gang du gnas pa la zhe na/ lam gyi bzhi mdo zhes bya ba la sogs pa ste go sla'o/ /ji ltar/ pad+ma'i 'byung gnas nyams dga' la/ /ngang pa'i tshogs rnams 'dus pa bzhin/ /dam tshig la gnas mkha' 'gro ma/ /ring po nas kyang gzigs par 'gyur//zhes pa ste thugs rje chen po'i thugs kyis gdungs pa'i phyir ro/ /gos med par rnal 'byor can gyis phyag rgya mchod pa ni gcer bus mchod pa'o/ /las de nyid kyis grol bas na/ /phyag rgya gcer bus mchod pa yi/ /las nyid kyis ni yongs su grol//zhes so/ /gos gzhan dag gis bkab nas ni/ /zhes bya ba la gos ni stag gi pags pa la sogs pa'o/ /gzhan ni rus pa'i rgyan gyi yan lag la bzhag pa'o/ /'dod pa rnams kyis gos mi 'gyur/ /zhes bya ba ni/ ji ltar chu yis pad+ma mi gos shing / /ji ltar mkha' la nyi mas mi gdungs bzhin//zhes so/ /de bzhin skra grol gcer gyur pas/ /zhes bya ba la de la gus par byas nas las thams cad bya'o zhes bya ba'i don to/ /yang na bslab pa dang dbang bskur ba la sogs pa las thams cad brtsam par bya'o/ / rtsa ba'i sngags dang de bzhin gshegs/ /zhes bya ba la sogs pa la rtsa ba'i sngags ni bzlas pa'o/ /phyogs bcing bar ni 'jug pa yis/ /zhes bya ba ni rab dang dra ba dang bla re dang mda'i dra ba dang me'i dra ba'i sngags kyis 'jug pas mchod par byed pa'i lha rnams kyis kyang mi mthong na mi rnams kyis lta ci smos zhes bya ba'i don to//sngags de dag bsgrub cing bzlas pa'i nus pa gsungs pa/ snyim pa me tog gis bkang ste/ /mkha' la spyod pa gyen du 'thor/ /zhes bya ba ste/ snyim pa me tog mkha' la gnas shing sa la ltung bar mi mthong ba'o/ /yang na snyim pa'i me tog ces bya ba ni mkha' la spyod pa'i sems can stong phrag gam 'bum phrag gi mthar thug pa yang dbang du 'gyur ro//skar ma'i rgyu ba shes par 'gyur/ /zhes bya ba ni dri ma med pa'i ye shes kyis thams cad rig pa'o/ /yul yul de bzhin dgon pa dang / / zhes bya ba la sogs pa ni go sla'o/ /lus kyi sbyor ba dang po ste/ /zhes bya ba la sogs pa la 'og nas 'byung ba'i tshul gyis phyi nas las rnams brtsam par bya'o/ /shing drung zhes bya ba ni snying gar pad+ma 'dab ma drug pa bsam mo/ /yi ge bdun gyi bdag nyid can las byung ba ni/tshogs 'phro ba 'dzin pa las mi phyed par 'gyur te/ sa 'dzin rnams kyang gzhan du min/ /zhes so/ /bdag gi lus la rnam bkod de/ /zhes bya ba ni 'khor lo ste bdud rtsi lngas sa gzhi byugs la ku sha bting ste brgya rtsa brgyad bzlas brjod byas la cho ga bzhin du nyal na mkha' 'gro ma'i 'khor lo spros nas/'jig rten gsum dang lhan cig 'dres shing rnam par zhugs te/ bcom dang mnyam zhes bya ba la sogs pa thams cad ston par 'gyur ro/ /de bzhin sngags las ral gri chu/ /zhes bya ba la sogs pa ni/ bu mo gtsang ma la bab pa ste/ /phyi 'phred kyi dus su bu mo'i mig la brgya rtsa brgyad bzlas na tho rangs ji ltar 'gyur ba ston par 'gyur ba ste/khang pa'i nang du mar me sbar la bum pa gang ba dang ras ris kyi lha mchod la ral gri'am me long ngam/ mar me dngos la bstan par byas na 'dir ston par 'gyur ro/ /yang mthe bong til mar gyis bskus la sen rtsis byugs te/bstan par byas na su zhig gis nor khyer ba smra bar 'gyur zhing bcom pa dang nyams pa la sogs pa yang ston par 'gyur ro/ /de nas dpa' bo'i yi ge bdun/ /'khor lo dgod pa'i bya ba nyid/ /ces bya ba la sogs pa la/ nyi ma zhes bya ba ni nyi ma phyed na ste/khro ba'i sems kyis dur khrod kyi ras sam/ thod pa'am shing arka'i lo ma la/ sngon du bstan pa'i rtsibs la mi rus kyi smyu gus mi'i khrag dang bcas pas bsgrub bya'i ming rim pa ji lta ba bzhin bris te/ gzugs brnyan gyi khong par bcug la ske tshes byugs nas yang nas yang du bsro zhing sngags stong rtsa brgyad bzlas so//rims kyis thebs par bya ba la ni yi dags kyi snying gar ro/ /lto ba na bar bya ba la ni yi dags kyi glad par ro/ /rjed byed la ni rlung dang sprin gyi dkyil 'khor la'o/ /gzer ba la ni mdung rtse gsum pa la bri'o/ / dug dang mdze nad la ni lto 'phye la'o/ /gzas bzung ba la ni gza'i gzugs brnyan la 'khor lo rim bzhin dgod par bya'o/ /'di ni nad rnams thams cad nyid/ /bskyed cing skyong bar byed pa'o/ /yi ge shel gyi rnam pa ltar/ /zhes bya ba la gro ga'i 'dab ma'am lag pa g.yon pa la tsan+dan dkar po la sogs pas zla ba'i dbus su bri zhing bkod la nad kyis gdungs pa la bstan par bya'o//bltas pa tsam gyis mod la ni/ /nad las rnam par grol bar 'gyur/ /ston ka yi ni zla 'dra ba/ /bdud rtsi'i chu rgyun 'bab pa ni/ /snying ga mdzod spu mgrin mgo bor//zla gzugs yi ge bsams nas ni/ /phyogs bcur rnam par 'byer bar 'gyur/ /pa la sha zhes bya ba la sogs pa ni sngon du bstan pa bzhin du sbyin sreg bya'o/ /gang tshe mig ser nad zin pa'i/ /mtshan nyid ldan pas shes byas la/ /rang gi dbugs kyis gzir byas pas//shi ba slong bar byed pa'o/ /rims dang gdon zhes bya ba la sogs pa ni/ dran pa tsam gyis sel bar byed cing grib ma yang mi 'gom na lag pa bstan pas lta ci smos zhes bya'o/ /g.yul du khu tshur bcings na ni/ /zhes bya ba ni ldong ros sam yung bas lag pa g.yon pa la 'khor lo 'di dag bris pa'am/yang na zangs ma glegs pa la 'khor lo bris la/ che ge mo'i lus la mtshon cha thams cad zlog shig ces bya ba dang / sngags lan stong bzlas nas bcings nas rdo rje khu tshur gyi nang du bcug ste/ de nas gsang sngags rgyal po dran/ /ji srid khu tshur ma grol bar//dgra bo gal te lag na ni/ /mtshon cha 'phyar bar byed pa yang / /ji srid khu tshur ma grol bar/ /mtshon cha gtong bar mi nus so/ /'di yis g.yul las bdag rgyal zhing / /rgyan po 'gyed las bdag rgyal 'gyur/ /yang 'gegs nas shi ba'i khar 'khor lo bcug nas de nas bslang ste/des rang gi kha nub phyogs ma yin par bltas la/ 'di bris na yang bris pa tsam gyis rgyan po las rgyal bar 'gyur ro/ /thams cad du shin tu mnyam par gzhag pa'i sngags pas khams gsum du bka'i 'khor lo rab tu sbyar na/ sa 'og sa stengs mtho ris su//dmod 'debs phan 'dogs nus pa yin/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gsum pa'i rnam par bshad pa'o// //de nas pho nya mo zhes bya ba ni las kyi pho nya ste/ yi ge bdun pa dang rnal 'byor ma drug go/ / yi ge bdun pa ni sna tshogs pad+ma'i 'dab ma la'o/ /rnal 'byor ma drug gi cho ga'i yi ge ni 'khor lo'i rtsibs la las dang rjes su mthun par dgod par bya'o/ /bsgrub bya'i ming dang spel byas nas/ /de yi mod la sgrub byed pa'o/ /tsan+dan dmar po'i rdul dang ni/ /de bzhin ske tshe lan tshwa dang //sgrub par byed pa'i rkang rjes sa/ /gcig tu byas nas btags par bya/ /rnal 'byor ma'i 'khor lo lag pa gnyis la bsgoms la snyoms par 'jug pa'i tshul gyis mnyes nas dur khrod kyi me'am/ sme sha can gyi ro bsregs pa'i me la mtshan phyed na sbyin sreg bya ste/ de'i thal bas bsgrub bya'i gzugs brnyan byas la gro ga'i 'dab ma la 'khor lo bris nas bcug pa mngon du phyogs par bzhag nas/de bkug nas brgyal bar bsgom zhing gang gi ming nas smos te/ lan brgya rtsa brgyad bzlas na de 'gugs par 'gyur ro zhes bya ba'i don to/ /bsgrub par bya ba'i zhes bya ba la sogs pa ni go sla'o//sbyor ba 'di ni grub pa ste/ /zhes bya ba la/ rdul de nyid ni blangs nas ni/ /lcags phye dang ni bsres byas nas/ /bsgrub bya ming bskul bcas par bri/ /dur khrod ras la 'khor lo bri/ /de nas bcings te mchod pas lan bdun bzlas la lam gyi bzhi mdor sa la song brgyad tsam brkos nas sbas pas gang yin pa de de'i mod la myur du bcings par 'gyur ro//phyung nas ba'i 'o mas bkrus na rnal mar 'gyur ro/ /phye ma de nyid blangs la smyo byed yan lag lnga dang ldan par byas nas ro'i gos la 'khor lo bsgrub bya'i ming dang bcas pa rim pa bzhin bris la gtums te/lan brgya bzlas la dur khrod kyis la sbas na nges par 'phral du smyo ba nyid du 'gyur la/ slar gso ba la ni bton te ba'i 'o mas bkrus na thar bar 'gyur ro/ /sbyor ba 'di ni grub pa ste/ /zhes bya ba yin no/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa bzhi pa'i rnam par bshad pa'o// //de nas las kyi rab mchog ni/ /zhes bya ba la sogs pa ni sgra ji bzhin pa'o/ /ba yi 'o ma yis zhes bya ba ni des bkru bar bya ba'o/ /ling+ga ni rang byung ba la'o/ /de ltar zhes bya ba la sogs pa ni/ nyin gcig bzhin du nyi ma bdun du 'o ma 'thung zhing byas la/ de nas zhag gsum lon par gyur pa dang / chu bo zhes bya ba rgya mtshor 'gro ba der song la rnal 'byor ma'i 'khor lo mchod de bka' nos na tshig gi dngos grub tu 'gyur ro/ /smras pa rnams nges par 'gyur ro/ /skye gnas brgya zhes bya ba ni ro'i sen rtsi dang ro tsa nas gro ga la sngar bstan pa'i 'khor lo ming dang spel ba bri'o//lto bar gnas zhes bya ba ni der gzhug pa'o/ /gang gi lto bar zhe na/ de'i gzugs brnyan byas pa'i ste/ tsan+dan dmar po la sogs pa sgra ji bzhin no/ /de'i skye gnas nas skud pa dbyung ngo //yang na ling gar yang bsams la/ /lag pa g.yon pa'i khu tshur gyi mthe bos skud pa mnan la/ blo ldan thun gsum mthe'u chung bskyod/ /ces bya ba la sogs pa ste gsal lo/ /bsros na zhes bya ba ni/ ji srid sgra tshil ma zhu bar/ /zhes bya ba dang sbyar bar bya'o//dud 'gro'i ni zhes bya ba ni ro'i'o/ /las kyi pho nya mo'i zhes bya ba ni rjes su shi ba ste bud med dang skyes pa lhan cig bsregs pa'o/ /'dzin zhes bya ba ni sngags pas de'i ming nas bos la khyod kyis bdag gi bya ba rtag tu gyis shig lan gsum du bsgo bar bya'o/ / de nas ka ra bI ra'i lcug ma lag pa phyed kyi tshad tsam blangs la che ge mo 'dir shog la che ge mo zhes bu mo rang gi ming nas brjod la/ myur du khrid de shog cig ces bsgo nas bskor bar bya'o/ /dbus gnas zhes bya ba ni skye gnas kha sbyar ba'i dbus su gnas pa'o/ /me tog dmar po zhes bya ba ni las 'di zla ba gzas zin pa'i dus su bya ba'o//dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa lnga pa'i rnam par bshad pa'o// //de nas yi ge ha lnga yi/ /zhes bya ba ni/ ha hi hu he ho'i mthar thug pa'o/ /las brjod pa ste/drug pa dbus su bsgyur ba ni/ /he ru ka yi rab snang ba/ /nyi dbus rdo rje rtse lngar gyur/ /yi ge ha lngas byin gyis brlabs pa'o/ /yi ge ha ni lnga po zhes bya ba ni go sla'o/ /ri bong zhes bya ba ni ri bong gi thod par gnas pa'i sa bon gzung bar bya'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa drug pa'i rnam par bshad pa'o// //de nas gzhan yang bshad bya ba/ /mkha' 'gro ma kun snying po ste/ /zhes bya ba ni gsungs ma thag pa'i le'u'i rjes thogs la'o/ /snying po ni sngags te mkha' 'gro ma thams cad kyi snying po'o//'di ni zhes bya ba ni 'og nas 'byung ba'o/ /mi rus kyi rgyu las byung ba'i zhes bya ba la sogs pa ni gsal lo/ /sa'i rang bzhin las zhes bya ba rdza mkhan gyi lag pa phyis pa'i 'jim pa las so/ /de nas long bar bya ba ni/ ba ma shi ba'i be'u mo'i lci ba blangs la gzugs byas te snying gar sngags bcug la mig la lhang tsher bkab ste sngas la phur bus gdab par bya'o//bton na ni thar bar 'gyur ro/ /de nas skyes ba bud med du bya bar 'dod na zhes bya ba la sogs pa ka ka a na d+hi ka'i 'bras bu ni nag po chen po'i 'bras bu'o/ /bkres pa zhes bya ba ni kha ste sngar bshad pa'i cho ga bzhin du bud med kyi thod par skyes pa'i sa bon blangs la ri bong gi khrag dang btags par bya'o//lag pa bcings la zhes bya ba ni de khu tshur gyis bzung nas nyi ma bcu gnyis pa la thug pa'i bar du bzlas so/ /mgo las bsal na ni slar rnal mar 'gyur ro//de nas skyes pa khyir bya bar 'dod na zhes bya ba la rgyal gyi lcags zhes bya ba ni gser ro/ /sbyin sreg byas la zhes bya ba ni las thams cad pa'i thab khung ngo / /mgo las bsal na ni rnal mar 'gyur ro/ /rdzas rdzas ma yin par 'dod na zhes bya ba la sogs pa ni go sla'o//dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa bdun pa'i rnam par bshad pa'o// //de nas gzhan yang bshad par bya/ /mkha' 'gro ma kun dge ba gang / /zhes bya ba ni gsungs pa'i las de la gsungs pa'o//oM sarba bud+d+ha DA ki nI ye badzra war+Na nI ye huM hUM phaT swA hA/ sngags 'di bzlas pas 'grub pa ste/ /zhes bya ba ni sngon du bsnyen pa la sogs pa la ma ltos par las thams cad byed do zhes bya ba'i don to/ /gsungs ma thag pa'i gsang sngags gang yin pa de ni gnas kyi dkyil 'khor gyi mngon par rtogs pa mdor bsdus nas gsungs pa/mkha' 'gro ma ni kun gyi gnas/ /zhes bya ba la sogs pa ste/ ri bo bzang po zhes bya ba ni rin po che sna bdun gyi rang bzhin ri rab rtse mo brgyad pa me tog dang 'bras bu la sogs pa phun sum tshogs pa bri ba'o/ / de'i steng du gzhal yas khang 'di'i nang du gser dang dngul la sogs pa'i bum pa'i steng du kun da dang zla ba lta bu'i ha ha he he zhes bya ba la bzhad pa'i phyag rgya des mtshams [(]gyi [,]kyi [)]'dab ma'i thod pa bzhi la byin gyis brlabs pa'o/ /phyogs kyi 'dab ma bzhi la mkha' 'gro ma la sogs pa bzhi'o//'khor lo gsum rnams la dpa' bo dang dpa' mo rnams so/ /khwa'i gdong pa la sogs pa bzhi ni sgo rnams so/ /gshin rje 'joms ma la sogs pa ni mtshams su ste mdor bsdus pa'o/ /rdo rje sems dpa' rnam snang mdzad/ /ces bya ba ni sku'i 'khor lo nas brtsams nas thugs kyi 'khor lo'i mthar thug pa rnams kyi lhag ma dgod pa'o//'khor lo bdag nyid rtag tu bsgom/ /zhes bya ba ni nang gi rnal 'byor bstan pa'o/ /sngar bshad pa yi cho ga yis/ /zhes bya ba ni le'u dang po dang gsum par gsungs pa'i cho gas so/ /rjed ces bya ba ni mchod par bya'o zhes pa'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa brgyad pa'i rnam par bshad pa'o// //de nas gzhan yang bshad bya ba/ /ji srid cho gas phyugs bsgrub pa/ /zhes bya ba la phyugs kyi sgra ni mchog ste de kha na ma tho ba med pas rnyed pa'o/ /skye ba gcig ces bya ba la sogs pa la skye ba gcig nas brtsams nas rgyun ma chad par bdun pa'i mthar thug pa'o//nyid ces bya ba la sogs pa la/ gzhan byol song gi phyugs kyi spu dang ldan pa'o/ /de'i skra dang / sen mo dang / so dang / pags pa dang / sbu dang / yan lag lnga bsres nas lag pa dang / mgor bzung na de dang 'dra bar 'gyur ro/ /bkrol na rnal mar 'gyur ro/ /dka' zhing nyon mongs la dga' ba/ /zhes bya ba ni gang gi phyir gnod pa byed cing sel ba'i don gyis dngos grub kyi lam dang 'gal ba zhes bya'o//dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bzhi bcu rtsa dgu pa'i rnam par bshad pa'o// //de nas sbyin sreg cho ga ni/ /zhes bya ba la sogs pa la phyi dang nang gi sbyor ba ji lta ba bzhin no//gang gis bsreg par bya zhe na/ le'u bzhi bcu rtsa bdun pa'i sbyin sreg gi sngags kyis so/ /lhag pa'i tshe ni dU R+Wa'o/ /kusmaN+DaM zhes bya ba ni de'i sa bon no/ /khyim gyi tA ma la'i 'dab ma la zhes bya ba ni bA sa ka'i 'dab ma ste des sbyin sreg bya'o/ /'di'i rab tu sbyor ba gsungs pa ni tA ma la'i 'dab ma la ro bsregs pa'i sol bas yi ge ga'i nang du chud par bsgrub bya bris la bcings te/nya skyogs kyi nang du bcug nas dUR+Wa dang 'bras kyi phub ma la sogs pas bkang ste/ kha gab kyis bcad la sbra tshil gyis rgyas btab nas/ phyi sa'i nang du kha sbub tu dbugs mi phyin par bzhag na kha bcings par 'gyur ro/ /de nas gzhan yang bshad bya ba//zhes bya ba 'di ni rab tu dga' ba la sogs pa'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u lnga bcu pa'i rnam par bshad pa'o// //de nas gzhan yang bshad bya ba/ /gzhung lugs shin tu rnyed dka' ba/ /zhes bya ba ni 'dir yang phyag na rdo rje la bos te gsungs pa'o//sangs rgyas thams cad kyi man ngag bla ma chen po la gus pa ma gtogs par dka' bas kyang rnyed par mi 'gyur bas shin tu yang rnyed dka' ste/ chos kyi de kho na nyid ji ltar 'gyur bas na/ bden pa gnyis la legs par gnas pa'i zung du 'jug pa rgyu ba ste/ phyag rgya chen pos de mngon par rdzogs pa'i sangs rgyas byang chub pa'o//de yang rim pa ji lta bzhin/ /nyams pa med par lhag par khong du chud cing bsgrub par bya ba'i rjes su 'jug pa sgrub pa po rnams kyi sgrub thabs dang spyod pa'i cho ga shin tu gsal ba bskyed pa'i rim pa nas brtsams nas/ ji srid rdzogs pa'i rim pa'i mthar thug pa'i ting nge 'dzin mngon sum du dpal he ru ka dang mnyam par gyur pa ste/sangs rgyas kun dang mnyam sbyor ba/ /mkha' 'gro dra ba'i sdom pa las/ /byung ba'i ting 'dzin rdzogs pa yi/ /sangs rgyas byang chub phyag rgya che'i/ /las gnas rnal 'byor ma yi bka'/ /'dren zhing nye bar spyod pa bcas/ /lan dang bcas shing sangs rgyas spyan/ /mchog las mchog tu gyur pa dang //gcig nas gcig brgyud man ngag ste/ /thos dang bsam pa sgom pa yis/ /shes rab ye shes goms pa ni/ /rnal 'byor rgyun chags rab 'brel pas/ /rgyun mi chad don skal ba can/ /yongs su smin cing yongs su byang / /snod ldan de yi phyir bstan pas/ /'ong ba gang yin 'dir gzhung lugs/ /rgyud rnams kun du gsungs pa gang //gsang chen sangs rgyas kun gnas pa/ /'bum phrag sum 'gyur gang yin nyid/ /rab rgyas rgyud la 'ongs pa'o/ /des na bskyed pa'i rim pa la brten pa'i de kho na nyid bcu bzhi sgom pa'i rdzogs pa'i rim pa mthar thug pa'i nyon mongs pa dang bral ba'am brtson 'grus dang ldan pas dpa' bo ste dge ba la spros pas so//de'i mngon sum du byed pa ni 'dir brda gsungs pa'o/ /nga yis ni rdo rje 'dzin pas sbas pa'o/ /gang du zhe na rgyud gzhan dag tu ste/ bya ba dang spyod pa dang rnal 'byor dang rnal 'byor bla ma rnams su'o/ /gos dang zhes bya ba ni stag gi pags pa'o/ /yang na nges par gnas par bya bas na gos te gzhal yas khang ngo / /phyag rgya lnga ni 'khor lo lnga la sogs pa'o//yang na me long lta bu'i ye shes la sogs pa'i ye shes lnga'o/ /shes rab yan lag ces bya ba ni kha T+wAM ga'o/ /yang na shes rab kyis mgrin par 'khyud pa'o/ /phur bu 'dra zhes bya ba ni khro bo'i phur bu dang rdo rje'i rab dang bla re dang mda'i dra ba dang me long gi dra ba la sogs pa'o/ /A li kA li zhes brjod nas//zhes bya ba ni zla ba dang nyi ma'i gzugs kyis rnam par bsgom pa'o/ /rgyu sogs stong pa sngon 'gro ba'i/ /zhes bya ba la rgyu ni byed pa'o/ /de la sogs pa ni rgyu sogs te/ bskyed pa'i bya ba la sogs pa'o/ /de rnams kyi stong pa ni bzhi pa bya ba grub pa'i ye shes so/ /sngon 'gro zhes bya ba ni gsum pa so sor rtog pa'i ye shes so//'jug pa sgra la sogs pa nas/ /zhes bya ba la rgyu rdo rje 'dzin pa ni 'jug pa'o/ /'jug pa'i rgyu ni sgra ste gnas skabs bzhi pa'i yi ge hUM ngo / /sogs pa zhes bya ba ni zla ba dang nyi ma dang mtshan ma'i bar du'o/ /ji srid bsdus pa'i sbyor ldan pa/ /zhes bya ba ni gsum po de dag gong bu'i gzugs su bsdus pa'i sbyor ba ste bya ba grub pa'i rnal 'byor ro//bdud rtsis tshim byed ces bya ba shin tu rnam par dag pa'i ye shes kyis rdo rje 'dzin pa yongs su brnyes pa'o/ /mya ngan 'da' zhes bya ba ni nye bar bsdus pa'o/ /lag pa'i mchod pa zhes bya ba ni bshad zin to/ /'di lta bur gyur pa yang / /gal te bag med pas ma grub na/ de 'pho ba'i tshe rnal 'byor pa rnams zhes bya ba la sogs pa gsungs te go sla'o//dpal he ru ka zhes bya ba'i dka' 'grel sgrub thabs kyi gleng gzhi las le'u lnga bcu rtsa gcig pa'i rnam par bshad pa'o// //sna tshogs bla ma'i zhal snga nas kyi bka' drin dang / /slob dpon du ma'i gzhung lugs rnam par bltas pa yis/ /bdag nyid dran par bya phyir sgrub thabs gleng gzhi ni//mchog tu gsal zhing 'bar ba dad pas bris pa yin/ /bdag gis rnal 'byor mi gnyis kyi/ /dka' 'grel rdzogs par byas pa las/ /gyur pa'i dge ba gang yin des/ /rnal 'byor can gyi don byed shog /dpal 'khor lo sdom pa'i dka' 'grel sgrub thabs kyi gleng gzhi zhes bya ba/ slob dpon chen po la wa pa'i zhal snga nas kyis mdzad pa rdzogs so// //yang dag ye shes snang byed pa/ /sbas pa'i nyi ma'i zhal snga nas/ /la wa pa yis dka' 'grel ni/ /'bad pa chen pos bshad pa'o/ /rgya gar gyi mkhan po sUr+ya gup+ta dang / bod kyi lo tsA ba 'gos lhas btsas kyis bsgyur cing zhus te gtan la phab pa'o// //

CLOSE WINDOW