CLOSE WINDOW

D1395
བོད་ཡིག

/ //paN+Di ta wA gI shwa ra dang chos rab kyis bsgyur ba'o/ /[]@#/ /rgya gar skad du/ a mr-i ta kA Ni kA nA ma Ar+ya nA ma saM gI ti DI bya Ni/ bod skad du/ 'phags pa mtshan yang dag par brjod pa'i mdor bshad bdud rtsi'i thigs pa zhes bya ba/bcom ldan 'das 'jam dpal gzhon nur gyur pa la phyag 'tshal lo/ /yul dang yul can nam mkha' kun sbyor rab tu 'jug pa'i rgyu mtshan nyid/ /nyi ma zla ba mun pa'i lam bzlog rtsibs can mda' yi bya ba g.yo/ /ye shes 'od zer shin tu cher 'phro thos pa nor bu'i rang bzhin gyi/ / ri bo la gnas zab mo'i skyon bral sa mchog bdag por phyag bgyi'o/ /mtshan yang dag par brjod pa bdud rtsi yi/ /thigs pa lta bur bla ma'i zhabs drin gyis/ /gang zhig rtogs pa de dag mdor bsdus nas/ /rang nyid dran par bya phyir bri bar bya/ /'dir nges par dpal ldan 'bras phung rgyal sa'i mchod rten chen por sangs rgyas bcom ldan 'das dpal shAkya seng ge zhes bya ba la rgyud sna tshogs pa nyan par 'dod pa rnams kyis gsol ba btab pas dpyid zla 'bring po'i nya la dpal chos kyi dbyings gsung gi dbang phyug gi dkyil 'khor dang /de'i steng du rgyu skar gyi dkyil 'khor dang po'i sangs rgyas rnam par spros nas/der nyi ma de nyid la lha la sogs pa rnams la sangs rgyas kyis dbang bskur nas rgyas pa dang bsdus pa'i dbye bas gsang sngags kyi tshul thams cad bstan to/ /de yang dpal dang po'i sangs rgyas rgyas pa las/ /ston pas bya rgod phung po ru/ /shes rab pha rol phyin tshul bzhin//de bzhin dpal ldan 'bras phung du/ /chos bstan gsang sngags tshul rab gsungs/ /zhes gsungs so/ /mtshan yang dag par brjod pa mchog tu gting dpag dka' ba don dam pa snying po'i dbang du byas pa nyid kyi gsang sngags kyi tshul thams cad kyi gtso bor gyur pa 'di yang de nyid du'o//'dir yang bcom ldan 'das rdo rje 'chang gi mchog tu mi 'gyur pa'i ye shes byang chub sems dpa' thams cad kyi snying por gyur pa de bzhin gshegs pa thams cad kyis yang dag par gsungs pa rigs drug gi rtsa dang ldan pa'i 'khor lo drug la gnas pa'i rtsa brgya drug cu rtsa gnyis 'gog pa'i rnam par dag pas tshigs su bcad pa brgya drug cu rtsa gnyis dang /lhag ma phan yon la sogs pa'o/ /de la re zhig /de nas dpal ldan rdo rje 'chang / /zhes pa la sogs pa tshigs su bcad pa bcu drug gis gsol ba 'debs pa'i zol gyis mchog tu mi 'gyur pa de nyid gsungs pa'o/ /de nas ni 'dir yi ge as bdag med mtshon par byed pa nyid kyi rnam pa thams cad kyi mchog dang ldan pa'i stong pa nyid dang /yi ge thas ni mi bskyod pa'i rang bzhin mtshon pa'i dmigs pa med pa'i snying rje gsungs so/ /de dag kyang dgyes pa rdo rje'i 'grel pa shin tu dad pa'i kha sbyor las bshad do/ /de dag gnyis su med pa'i phyir nor bu'i rtse mo'i mthar gnas pa'i khu ba lhan cig skyes pa'i dga' ba e waM gyi sgra'i brjod bya la a tha zhes brjod par bya'o//de yang / e yig dbus su waM yig ste/ /sangs rgyas kun gyi bde ba'i gzhi/ /nam mkha' rdo rje sems dpa' 'di/ /sku gsung thugs kyi sbyor ba las/ / thig le zla ba khu ba sku/ /me dang rdul dang nyi ma gsung / /mun pa sems kyi rnam par brjod/ /nam mkha'i khams su rnam par gnas/ /zhes gsungs so/ /de nyid kyis na stong pa nyid dang snying rje dbyer med pa bde ba chen po'i ye shes rdo rje ni 'di'i bdag nyid du 'dzin pas na rdo rje 'chang ngo //rdo rje ni dbyer med pa'i ye shes te/ yang dag pa ma yin pa'i kun du rtog pas kun nas bslang pa'i phung po dang nyon mongs pa dang 'chi bdag dang bgegs kyi bdud rnams kyis dbyer mi phyed pa'i phyir ro/ /de bas na bdud ni rang gi sems te bdud gzhan med ces gsungs so//yang na phyi rol du de mtshon par byed pa'i rdo rje rtse lnga pa de dbang du gyur pa nyid mtshon pa'i don du 'dzin pas na rdo rje 'chang ste bdag gis zhes pa'i don to/ /dpal ni gnyis su med pa'i ye shes te/ de nyams su myong ba'i tshul nyid kyis de'i bdag nyid du rtag tu ldan pa'i dpal ldan de thos pa zhes pa'i don to//de skad du e waM rdo rje chu skyes kyi/ /nor bu'i nang gnas rdo rje can/ /thig le 'dzin gnas de dbyer med/ /bdag nyid bdag gis zhes gsal byas/ /bde ba zhes pa thob pa shes/ /bdag gi bdag nyid bdag nyid kyis/ /zhes gsungs so/ /dpal dang po'i sangs rgyas bsdus pa las kyang /rgyud rnams su gang / 'di skad bdag gis thos pa'i tshig de bdag gis zhes pa kho na rdo rje can/ /gang zhig zla ba zhu nas spyi bo mgrin pa snying ga'i pad+ma lte ba dang ni gsang ba dang / /rdo rje btsun mo'i b+ha ga dang ni de mchog pad+ma la son thig le thar pa gsum gyis ni//sangs rgyas zhing du rab zhugs de 'dir bcom ldan 'das der rnal 'byor pa rnams bdag gis rig par bya/ /zhes gsungs so/ /'dir yang rdo rje 'chang ni gzhan ma yin gyi slar yang rdo rje 'chang chen po kho na ste/ chos kyi phung po brgyad khri bzhi stong ni skad cig la 'dzin pa la sogs pa gzhan gyis mi nus pa'i phyir ro//de skad du/ 'chad pa po nga chos kyang nga / /rang gi tshogs ldan nyan pa nga / /'jig rten ston pa bsgrub bya nga / /'jig rten 'jig rten 'das pa nga / /lhan cig skyes dga'i rang bzhin nga / /mchog mtha' dga' bral dang po can//dngos po nga ste dngos med nga / /dngos po rtogs phyir sangs rgyas nga / /gang zhig le los bsnun pa dang / /rmongs pa gang gis nga mi shes/ /mchog gi rdo rje btsun mo yi/ /b+ha ga bde ba can du gnas/ /zhes kyang gsungs so/ /zhu ba po dang sdud pa po la sogs pa sangs rgyas kyi zlos gar ni las dang po pa'i sems can gzhug pa'i phyir ro//seng ge dang 'phrog byed dang dbyig gi snying po la sogs pas 'dul bar mi nus pa'i phyir ro/ /rlung 'byung rngub nyi khri chig stong drug brgya po rnams ni gdul dka' ba'o/ /de rnams mchog tu mi 'gyur pa'i ye shes kyi ro chen po dang ldan pa nyid kyis de'i tshe tshul nye bar 'joms pas na gdul dka' ba 'dul ba'o//mchog ni khyad par du 'phags pa'o/ /khyod kyis srog chags gsad par bya/ /zhes pa 'di'i don yang 'di nyid do/ /de bas na dpa' bo'i rim pa phyi rol ma yin lus la srog zad pa ni 'dir bshad do zhes gsungs so/ /dri ma med pa'i 'od du/rnal 'byor pas gang nyin dang mtshan du srog gcad par bya ba de nyid ni rang gi lus la srog nyams par gsungs te/ thams cad mkhyen pa'i go 'phang thob pa'i phyir ro/ /phyi rol du srog gcod pa ni ma yin no/ /'dir phyi rol du srog gcod pa gang gsungs pa de ni rnal 'byor pas gdul bar dka' ba 'dul ba'i phyir de rnams kyi sbyor ba'i stobs kyis bkug nas slar lus de nyid la gzhug par bya'o zhes pa'o//de ltar gdul dka' 'dul ba po yin gyi gdul dka' gsod pa ni rnal 'byor pa ma yin no zhes gsungs so/ /gang gis g.yo ba bskyod pa'i tshul dang dbugs rlung dang bral ba de de bzhin no//'jig rten gsum ni lus dang ngag dang sems kyi 'jig rten gsum ste de las rgyal ba dbang du bya ba ye shes dang lhan cig gcig tu 'dres par byed pa'i ngang tshul gang gi yin pa de de bzhin no/ /sangs rgyas bzhi yi gdan la bzhugs/ /rdo rje pad+mar legs par gnas/ /rim pa kho na nyams su myong //dga' ba bzhi yi mtshan nyid dag /ces gsungs so/ /'di ltar khyab bya khyab byed kyi 'brel ba lus ngag sems dang ye shes kyi dbye bas mchog tu mi 'gyur pa'i bde ba rnam pa bzhi'o/ /de ltar/ b+ha gar ling+ga bzhag nas ni/ /byang chub sems ni gtang mi bya/ /khams gsum po ni ma lus pa//sangs rgyas skur ni bsgom par bya/ /zhes gsungs so/ /rdo rje dbang phyug ni rdo rje'i rtse mo'i nang du gnas pa dbang phyug nyid kyi phyir ro/ /gsang ba nyan thos dang rang sangs rgyas kyi theg pa dag las/ rdo rje'i theg pa bla ma'am lus dang ngag dang sems dang ye shes gcig tu 'dres pa'o//der bde ba chen po'i gzugs nyid kyis rgyal bas na gsang ba'i rgyal lo/ /yang na gsang ba'i rgyal po lngas rgyal bas gsang ba'i rgyal te/ dang po'i sangs rgyas bsdus pa las/ /rnal 'byor pa dag srog gcod nyin dang mtshan mo byed pa de ni srog 'jig pa ru gsungs//sgra gang kha dang bral ba snying la yod par gyur pa de ni brdzun du smra ba nyid/ /kun mkhyen ye shes sar ni rnal 'byor pa yis 'dzin pa gzhan yang ma byin len par gsungs/ /bde ba'i thig le ma lhung gzhan gyi bud med bsten par 'gyur te chags bral min pa las/ /srog dang rtsol ba'i me yis ri bong can yang zhu ba'i btung ba chang gi btung ba'o//gtsug tor dag tu mthe bo'i tshigs nas 'gro ste nya mthar rang gi sems/ /gtsug tor nas ni mthe bong rnams su slar yang 'gro ste nag po'i phyogs kyi mthar thug par/ /rnal 'byor ma yi spyod pa de nyid nyin zhag so so'i dus su 'dod pa'i dngos grub ster//zhes gsungs so/ /brtag pa gnyis kyi rgyal po las kyang / /khyod kyis srog chags gsad par bya/ /brdzun gyi tshig kyang smra bar bya/ /khyod kyis ma byin pa yang blang / /pha rol bud med bsten par bya/ /sems gcig srog chags gsad par te/ /gang phyir sems ni srog tu 'dod//sems can bsgral ba zhes bya ba/ /brdzun gyi tshig tu rab tu bsgrags/ /btsun mo'i khu ba ma byin len/ /pha rol bud med rang mtshungs mdzes/ /zhes gsungs so/ /sgra ji bzhin pa'i don ni gzhan du yang rnyed par sla bas ma brjod do/ /pad+ma dkar po rgyas 'dra ni nam mkha'i khams gsal bar gyur pa ste des 'di'i spyan ye shes chen po de ni de bzhin no//yang na pad+ma dkar po ni khu bas gang ba'i phyir dkar po'i yon tan dang ldan pa'i pad+ma rdo rje'i rtse ste rgyas pa ni kha bye ba'o/ /der spyan de spyan lnga las byung ba'i ye shes gang gi yin pa de de bzhin no//yang na pad+ma dkar po rgyas 'dra ni rnal 'byor sems dpa' rnams kyi thugs te der spyan ni mi 'gyur pa'i bde ba'i ye shes de'i bdag nyid du gang gi yin pa de de bzhin no/ /rdo rje shin tu bsrubs pas rgyas pa kha bye ba'i pad+ma rdul dang khu ba'i sbyor bas dmar ba dang dkar ba'i yon tan dang ldan pa'i btsun mo'i pad+ma'o//der zhal ye shes gang gi yin pa de de bzhin no/ /'di ltar khyab bya khyab byed kyi 'brel bas lus ngag sems dang ye shes kyi rang bzhin thig le bzhi mchog tu mi 'gyur pa'i bde ba ye shes nyid rang du bstan te/ /rang gi lag ste bdag nyid kyi gnyis su med pa'i ye shes kyi 'od zer spros pas rnam pa 'di lta bu'i rnam par mi rtog pa mchog tu mi 'gyur pa bde ba'i ye shes kyi rdo rje'i mchog /yang dang yang du log pa'i kun rtog skad cig tsam yang mi srid ba'i phyir ro/ /'gro ba'i don gyi rgyu nyid kyis gsor bar byed pa 'byed par byed pa'o/ /yang na sbyor ba drug gi tha ma'i rtags kyis bzlog nas 'khor lo so sor 'byed pa dgyes par byed pa ste/rang gi lag pa rnam par mi rtog pa bdag gis rig par bya ba snying rje dang gnyis su med par rtogs pas na gtsug tor gyi 'khor lo 'thob par 'gyur zhes pa'i don to/ /khro gnyer dpral bar bskum pa ste des smin mtshams kyi 'khor lo byang chub kyi sems rgyu ba mtshon pa'o//khu ba de'i rim par ldan pa rlabs te lhan cig skyes pa'i mngon zhen g.yo ba'i phyir ro/ /yul de la mchog gi sgo thabs sbyor ba yan lag drug gi mtshan nyid gang rnams kyi yin pa de de bzhin no/ /rdo rje me long lta bu la sogs pa'i ye shes lnga lag pas dbang du gyur pa'i phyir de'i bdag nyid du gang yin pa'i lag na rdo rje de rnams kyis so//de bas na mtha' gnyis dang bral ba mi rtog pa'i bde ba zhes pa'i don to/ /chos kyi dbyings kyi bdag nyid kyi rnam par rtog pa rnams bde ba chen po'i rang bzhin nyid du ston pa'i phyir gdul dka' 'dul ba pa'o/ /de nyid kyis na dpa' bo bde ba chen po'i ting nge 'dzin la gnas pa'o//nam mkha' mi zad pa nyid kyis 'jigs su rung ba dpa' ba byang chub kyi sems mi 'pho ba'i phyir ro/ /byad can chags pa chen po'i rang bzhin de'i bdag nyid du de dang ldan pa'i phyir 'jigs su rung dang dpa' byad can rnams so/ /rdo rje bde ba chen po'i gnas kyi rtse mo rtse mo'i cha'o//bde ba chen po'i khu ba rdo rje pad+ma'i lte bar son pa nyid kyis rab tu 'phro ba rgyas pa'o/ /rang gzhan gyis rig par bya ba ma yin pa bde ba dga' ba nyams su myong ba'o zhes pas rang gi lag gis so/ /gsor byed pa nam mkha' skal pa dang ldan pa'i sems can rnams bde ba dang chen po la sngar brjod pa'i rdo rje mchog 'byed par byed pa gang yin pa de rnams so//shes rab chos thams cad rnam par rtog pa'i rang bzhin stong pa nyid do/ /dang po'i sangs rgyas bsdus pa las/ nyon mongs dag dang bcas snying las kyi phyag rgya 'di ni de la brtags pa'i ye shes phyag rgya ni//gos pa med cing rnam par 'gyur med mkha' mtshungs mun bcom khyab pa rnal 'byor gyis bgrod bya/ /phung por gnas min ye shes gzi 'od srid pa'i nyon mongs 'phrog byed dang po'i sangs rgyas rjes su ldan/ /rgyal ba mchog gis skyed byed mdzes pa'i phyag rgya yang dag rdzogs pa'i byang chub rgyur bsgom bya//zhes gsungs so/ /de kho na thabs te des bsgrubs pa'i snying rje chen po bde ba chen po byang chub kyi sems so/ /de spros pa'i mtshan nyid kyis 'gro ba'i don byed pas na 'gro don byed pa'o/ /'jig rten las 'das pa'i phyir mchog go/ /dga' ba de ma thag pa'i dga' bas so//mgu ba rjes su 'brel ba'i bde bas so/ /bsam pa can lus dang ngag dang sems gcig tu 'dres par gyur pa lhan cig skyes pa'i lus gang gi yin pa des dga' zhing mgu ba'i bsam pa can no/ /de bas na sems can gyi don byed pa'i phyir rangs pa'o/ /khro bo chos thams cad stong pa nyid du gsal ba'i dngos pos sam/khro bo dga' bral gyi mtha' ste khro bo dga' bral gyi mtha' zhes gdan bzhir bshad pa las so/ /'dzin pa chags pa dang bral ba ste de'i gzugs ldan pa de'i rang bzhin can no/ /de bas na sangs rgyas phrin las byed pa ste/ rnam par mi rtog pa'i bde ba spro ba kho nas sems can gyi don byed par nus pa'i phyir ro//mgon po rnal 'byor gyi dbang phyug bsten bya'o/ /lus btud rnams te bde ba chen por thim pa'i lus dang ngag dang yid kyis so/ /lhan cig gcig tu gyur pa'o/ /mgon po byang chub kyi sems ma 'phos pa/ rdzogs sangs rgyas bde ba rab tu rgyas pa/bcom ldan 'dir dpral ba'i 'khor lo'i dbus dang gsang ba'i lte bar son pa'i ye shes kyi thig le de las byung ba'i 'od gsal gyi ye shes bcom ldan 'das so/ /de bzhin lhan cig skyes pa'i bde ba'i rnam pas gtsug tor gyi lte ba nas rdo rje nor bu'i lte bar 'ongs te slar nor bu'i lte ba nas log ste gtsug tor gyi 'khor lor gshegs pa ni de bzhin gshegs pa'o//byon pa dang ni gshegs pa yis/ /'gro ba dag la khyab par gnas/ /gshegs dang byon pa 'gog pa yang / /de bzhin gshegs pa zhes brjod do/ /zhes gsungs so/ /phyag 'tshal nas mngon du byas nas so//thal mo sbyar ba byas nas ni phyi rol du ma son par byas pa'am srog rtsol gyi stobs kyis sbyar bar byas nas spyan sngar 'dug ste ting nge 'dzin gyi rjes su 'gro bas nor bu'i lte ba'i mthar 'dug nas 'di skad rang gi rig par bya ba'i bde ba gsol ba nyams su myong ba'o/ /bde ba chen po'i rang bzhin gyi 'jig rten gsum khyab pa po nyid kyi khyab bdag ces bod pa'o//bdag la sman pa rdo rje nor bu'i lte bar nyams su myong ba'i bde ba rjes su 'brel ba'i ched du'o/ /de bas na bdag don sems can thams cad la bde ba bskyed pa'i phyir ro/ /de bzhin nyid kyi rang bzhin gyi tha mi dad pa nyid kyis bde ba de skyed pa kho na bdag gi dgos don no//bdag la thugs brtse'i phyir rang gzhan rnams kyi yang dag pa ma yin pa'i kun du rtog pa bsal ba'i phyir ro/ /lus kyi dga' ba la sogs pa thig le bcu drug 'gog pas phyogs gcig pa'i phung po dang khams dang skye mched rnams 'gog pas sgyu 'phrul dra ba bzhin te ma chags pa'i bde ba nyid kyi 'jig rten gsum gyi mngon por rdzogs pa'i byang chub mngon sum du byed pa de thob pa de'i bdag nyid du'o//de bas na bdag a'i rnam pa dang haM gi rnam pa kha sbyor nyid kyi zung 'jug gi rang bzhin du ci nas brjod do/ /de ltar mtshan yang dag par brjod pa bshad du gsol zhes 'brel to//mi shes pa ma rig pa'i bag chags te de nyid 'dam ste rgal bar dka' ba nyid kyis so/ /der bying ba rnams la sman pa bde ba chen po rgyas par byed pa'i ched du'o/ /nyon mongs pa 'pho ba'i sdug bsngal lo/ /des sems dkrugs pa 'gro ba drug tu 'khor ba'i ngang tshul can rnams bla na med pa brjod byar med pa rang bzhin gyis 'od gsal ba'i bde ba chen po'i 'bras bu de thob par bya ba'i phyir ched du bshad du gsol zhes 'chad par 'gyur pa dang 'brel lo//lhan cig skyes pa'i bde ba chen po rgyas pas chos thams cad khong du chud pa'i phyir rdzogs pa'i sangs rgyas so//rnam pa thams cad rnam pa med pa'i stong pa nyid bcom ldan de dang ldan pas bcom ldan 'das so/ /dbugs nyi khri chig stong drug brgya po rnams bde ba chen po dang tha mi dad pa nyid du bstan pas na ston pa'o/ /de bas na 'gro ba dbugs rnams sam lus ngag yid rnams so//bla ma de kho na nye bar bstan pa'o/ /dam tshig chen po thig le bzhi pa de'i 'am de nyid de bde ba'i ye shes so/ /de de'i bdag nyid du mkhyen pa'i de bzhin no/ /dbang po mig la sogs pa rnams gzung ba dang 'dzin pa'i khongs su gtogs pa rnams kyang bsam pa bde ba rang bzhin gyis dbyer med par mkhyen pas na dbang po bsam pa mkhyen to//de bas na mchog ste 'jig rten las 'das pa'o/ /bcom ldan 'das ni bod pa'o/ /ye shes sku ni sku bzhi pa bcu drug phyed phyed thig le 'dzin de'i byang chub kyi sems thig le ma lhung ba nyid kyis log nas steng du son bas gtsug tor gyi gnas su gnas pa nyid kyi phyir gtsug tor chen po'i tshig sgra ste yi ge drug gi bdag nyid e'i rnam pa bzhi'i bdag nyid can no//de'i bdag po drug pa waM gyi rnam pa can rdo rje 'chang ba brtan pa'i rang bzhin no/ /de ltar yang / stong pa chen po yi ge lnga/ /thig le stong pa yi ge drug /ces 'chad par 'gyur pa ste e'i rnam pa dang waM gyi rnam pa zhes pa'i don to/ /'jam dpal ye shes sems dpa' yi/ /zhes pa ni chos kyi brda yis 'jam pa'i sgras rdo rje rtse mo rab tu rgyas pa'i pad+ma mchog go/ /de nyid gnyis su med pa'i ye shes kyi gnas yin pa'i phyir dpal lo//de las byung ba'i gnyis su med pa'i ye shes 'jam dpal ye shes sems dpa' de'i'o/ /sems can thams cad kyi snying la gnas pa'i phyir ye shes kyi sku'o/ /rang bdag nyid rgyu la mi ltos par 'byung zhing mngon sum du 'byung bas na rang 'byung ba'o/ /ye shes de gang yang rung bas ma byas la gang gis kyang ma byin pa rnam pa thams cad kyi nang du son pa ma bcos pa nyid kyi gzugs thams cad pa rang gis rig par bya'o//de skad du/ lhan skyes sus kyang sbyin min zhing / /gang nas kyang ni ma 'ongs la/ /bla ma'i dus thabs bsten pa dang / /bdag gi bsod nams las shes bya//zhes gsungs so/ /theg pa chen po gsang sngags kyi tshul gyis bsgrub bya yin pa'i phyir don to/ /man ngag ma rnyed pa rnams kyis gting dpag par dka' ba'i phyir zab pa'o/ /rdo rje 'chang nyid gang gi mtha' lhan cig skyes pa'i rang bzhin gyi dngos po thams cad kyi rang bzhin yin pa'i phyir don ni rgya che zhing ngo //phyag rgya chen po'i dbang gis bsgrub bya yin pa'i phyir don chen no/ /nyan thos la sogs pa'i ye shes dang thun mong ma yin pa'i phyir mtshungs pa med do/ /dus gsum mnyam pa nyid kyi rnam par 'gyur pa med pa'i phyir rab zhi ba'o//thog ma bar dang mthar dge ba/ /zhes pa ni thog ma dga' ba'i ye shes so/ /bar ma mchog tu dga' ba'i ye shes so/ /mtha' ma dga' bral gyi ye shes so/ /de rnams kyi dge ba ni lhan cig skyes pa'i ye shes kyi rang bzhin bstan pa ste/ de bas na mchog ste dga' ba gsum dmigs su med pa'i rang bzhin gyi phyir ro//de ltar yang / dga' ba gsum gyi dbye ba yis/ /de nas bzhi pa mtshon par bya/ /gsum po dmigs su med pa'i phyir/ /des na lhan cig skyes par brjod/ /thams cad dge ba nyid du 'gro/ /nyi ma chu skyes phye ba las/ zhes pa la sogs pa rgyas par gsungs so/ /rgyud sna tshogs par nye bar mtshon pa'i bde ba chen po'i rnam pa lhan cig skyes pa'i dga' ba bde ba chen po'i ye shes mtshan yang dag par brjod pa lhan cig skyes pa'i gzugs kyis de gzung bar bya ba gnyis su med pa'i ngo bor bya'o zhes 'chad par 'gyur pa dang 'brel lo//mtshan yang dag par brjod pa gang 'das pa'i thos bsam dang ldan pa rnams kyis gsungs pa sgra brnyan gyi ngo bos khong du chud pa'o/ /ma 'ongs pa goms pa mthar phyin par gyur pa gsung bar 'gyur pa de kho na bzhin khong du chud par 'gyur ro/ /da ltar byung bas kyang da ltar ba'i sgom pa dang ldan pas gsung ba ste de bzhin du khong du chud pa'o//'dis ni de bzhin gshegs pa thams cad kyi theg pa chen po gsang sngags kyi tshul bstan to zhes pa yang mtshon par byed par 'gyur te/ skal ba dang ldan pa'i sems can la ltos nas thams cad kyis bstan pa nyid kyi phyir ro//sgyu 'phrul dra ba mngon par rdzogs par byang chub pa'i mtshan nyid la btud par bya bskyed par bya bas na rgyud de chen po yang yin la rgyud kyang yin pas rgyud chen no/ /bde ba chen po'i ye shes zhes pa'i don to/ /de yang / rgyud ni rgyun chags zhes bya ste/ /'khor ba rgyud du 'dod pa yin//rgyud ni gsang ba gsang chen zhes/ /bla ma rgyud du brjod par bya/ /zhes gsungs so/ /mtshan yang dag par brjod pa gang glur blangs pa rang nyid kyis rtogs pa'o/ /rdo rje 'chang chen ye shes kyi sku'i bdag nyid gsang sngags 'chang ye shes lnga'i bdag nyid kyi bde ba 'chang ngo / /dpag med rtog pa'i spyod yul ma yin pa dga' bzhin du lhan skyes kyi rang bzhin du'o//de 'di dag gis gzung bar bya ste gnyis su med pa'i ngo bor bya zhes pa'i don to/ /dus ji tsam du zhe na nges par 'byung gi bar du ji srid rlung nyi khri chig stong drug brgya mchog tu mi 'gyur pa'i tshad mas sa bcu gnyis kyi dbang phyug tu ma gyur pa de ji srid kyi bar du zhes pa'i don to//bstan pa snying por mi 'pho ba bsam pa bde ba'i rang bzhin gang gi yin pa de ni de bzhin no/ /bdag gi don ni bshad zin to/ /rdzogs sangs rgyas kun gyi gsang ba mchog tu mi 'gyur pa'i thig le bzhi pa ste de 'dzin pa de bzhin no/ /'di ltar thig le 'dzin par gyur nas sems can skal ba dang ldan pa'i bsam pa'i khyad par lhan skyes kyi rang bzhin gyis so//ji lta ba bzhin du bshad par 'tshal bas de bzhin du gsol zhes spyan sngar dang 'brel lo/ /nyon mongs ma lus gsal ba 'pho ba'i sdug bsngal thams cad bcad pa'i phyir dang / mi shes ma lus spong ba'i phyir te rnam par rtog pa'i bag chags spangs pa'i phyir ro//'di skad e waM gyi rnam pa'i ngo bo de bzhin gshegs pas gsungs pa'i don gsol ba mngon du byas nas so/ /gsang ba sku dang ngag dang sems kyi dbang phyug thob pa'i lus btud pa lhan skyes su lus ngag yid rnams thim pa'o//gzhan ni bshad zin to/ /a wa d+hU tI la brten pa'i dga' ba bcu drug gi rnam par dag pa'i tshigs su bcad pa bcu drug gis gsol ba btab pa'i phyir gsol ba 'debs pa'i tshigs su bcad pa bcu drug go/ /gsol ba btab pa'i de ma thag tu tshigs su bcad pa drug gis lan gsungs pa'o//de nas te sems can gyi don gyi ched du sangs rgyas rnams kyis gsungs pa la sogs pa mi 'gal te/ byis pa'i skye bos brtag par mi nus pa'i phyir ro/ /bcom ldan phyag rgya chen po shes rab chen po de dang ldan pas bcom ldan no/ /dpal dgyes pa'i rdo rje las kyang / nyon mongs la sogs bdud bcom phyir//'joms pa bcom ldan 'das zhes bya/ /shes rab kyis bcom nyon mongs te/ /de phyir bcom ldan shes rab brjod/ /ces gsungs so/ /shAka thub rdzogs pa'i sangs rgyas rnam par snang mdzad chen po rdo rje 'dzin pa'o/ /ji skad du dpal ri gi a ral+li'i rgyud las//rgyal po chen po zas gtsang ma/ /a ral+lir ni yang dag bshad/ /der ni ri gi sgyu ma che/ /'gro ba shes rab thabs bdag nyid/ /don 'grub yang ni rdo rje sems/ /mchog tu dga' ba bde ba che/ /zhes gsungs so/ /gtsug tor la sogs pa'i 'khor lo drug tu ye shes kyi sku rtogs pa'i phyir rdzogs pa'i sangs rgyas so//kun rdzob dang don dam pa'i ye shes gnyis kyi rkang pa gnyis kyi mchog phul du byung ba rkang gnyis mchog go/ /yang na rkang gnyis te rdo rje nor bu'i rtse mo dang gtsug tor du mi gnas pa dang gnas pa gnyis kyis mchog sa bcu gnyis kyi dbang phyug go//ji skad du dri ma med pa'i 'od las/ zhabs gcig rdo rje nor bu rdul dang nyi ma ste/ /spyi gtsug khu ba ri bong can ni gnyis pa'o/ /rtag tu bkod pa mi chod mi phyed 'dod bdag po/ /'jig rten gsum gyis mchod la spyi bos phyag 'tshal nas/ /zhes gsungs so/ /nyid kyi zhal sna tshogs las gzugs dang nyid kyi ljags gzhom du med pa'i rang bzhin ye shes kyi a wa d+hU tI/de bas na bzang ba lhan cig skyes pa'i dga' ba ster bar byed pa ring zhing 'jig rten gyi khams mtha' yas pa khyab pa ri mo nag po'i rnam pa skra'i tshad tsam longs spyod rdzogs pa'i sku du ma 'phro ba'o//de bas na yangs pa ste de ltar yang dang po'i sangs rgyas rgyas pa las/ du ba smig rgyu me khyer dang / /sgron ma 'bar ba zla nyi ma/ /mun pa can dus thig le che/ /sna tshogs gzugs can 'od gsal ba/ /zhes gsungs so/ /brkyang nas bstan par byas nas so//'jig rten gsum po snang byed cing snang ba dang snang ba mched pa dang snang ba thob pa snang ba byed pa'i mtshan nyid do/ /bdud bzhi'i dgra rnams 'dul byed pa/ nor bu'i lte ba'i nang du brtan pa thob pas rnam par mi rtog pa'i gzugs so/ /de nyid kyi phyir/ /rdo rje'i sgo yi nang du ni/ /bdag gis rkun mo rnyed par gyur//bdud kun nges par brlag byas te/ /bde ba chen po'i dngos po len/ /zhes gsungs so/ /sems can rnams kyi ngan song gsum sbyong bar byed pa'i 'khor lo'i rgyu dga' ba dang mchog dga' dang dga' bral lus dang ngag dang sems kyi thig le rnams lhan cig skyes pa'i ngo bo nyid du rtogs pas rnam par sbyong bar byed pa'o//'dzum lhan skyes kyi gtum mo'i 'od zer snang ba'o/ /rab tu gsal bar bstan nas yang dag par spros nas so/ /tshangs pa rang byung gzhom du med pa'i bdag nyid kyi gsung ni snyan pa bde ba chen po'i bdag nyid kyis 'jig rten gsum po lus dang ngag dang sems kyi mtshan nyid kun bkang nas khyab par byas nas/lag na rdo rje stobs po che/ /stobs che rnam par rtog pa'i rlung mtha' dag snang ba med par byed pa'i nus pa dang ldan pa'o/ /gsang dbang lhan cig skyes pa'i dga' ba'i ye shes te slar gsungs pa so sor nyams su myong bar gyur pa'o//snying rje che dang ldan gyur pa/ /lhun gyis grub par 'gro don sgrub pa dang ldan pas 'gro la phan pa'i don du khyod sngar bshad pa'i rnam par rtog pa'i rlung bde ba chen po nyid du rtogs par byed pa'i ched du/ ye shes lus can 'jam dpal gyi/ /ming brjod par ni lhan skyes kyi bde ba nyams su myong ba'i bdag nyid can don che ba rnam par mi rtog pa'i bde ba chen po nyid kyis bde ba'i don to//dag par byed cing spros pa mtha' dag dang bral ba'i phyir ro/ /sdig sel bar 'jig rten pa'i ma rig pa dang bral bar byed pa'i phyir sdig ba sel ba'o/ /yang na 'jig rten las 'das pa rnam par rtog pa'i dpe lhan cig skyes pa'i sgrib pa dang bral ba'i rang bzhin gyi phyir dag par byed cing ngo //da las ye shes kyi sku las nyan par mgyogs par brtson pa ni 'jug pa'o/ /'gro ba'i don byed pa'i phyir legs so/ /dpal ldan ni nam mkha'i khams mthas gtugs pa lhan skyes kyi dga' ba'i rang bzhin gyi phyir ro//rdo rje 'chang gi don sngar bshad pa'o/ /lag na rdo rje khyod legs so/ /khyod bzang po'o/ /gsang ba'i bdag po de phyir ngas/ /lhan skyes kyi dga' ba'i rtogs pa de/ /khyod la legs par bstan par bya/ /khyod ni rtse gcig yid rnam par mi rtog pa'i blo yis nyon nyams su myong bar gyis zhes pa'o//spyi gtsug la sogs pa'i 'khor lo drug gi rtsa'i dbus kyi lte bar nam mkha'i bde ba nyams su myong ba gsal bar byed pa'i tshigs su bcad pa drug lan no/ /lan gyi tshigs su bcad pa drug go/ /lan gyi mjug thogs su rigs drug la gzigs pas gsungs pa/de nas bcom ldan shAkya thub/ /tshigs su bcad pa 'di gsungs pa/ /zhes gzhan dang 'brel lo/ /gsang sngags rigs chen thams cad dang / /gsang sngags theg pa chen po gsang sngags te/ de yang 'khor lo drug tu rdo rje sems dpa' la sogs pa de bzhin gshegs pa'i bdag nyid can no//yid kyi skyabs su gyur pa'i phyir/ /gsang sngags bde ba dag tu brjod/ /ces so/ /rigs ni gnyis su med pa'i phyir ro/ /chen po'i sgra yis 'khor lo drug gi lte bar gnas pa'i khyab byed dngos po thams cad ro mnyam par gyur pa'i byang chub kyi sems rang gi rig par bya ba rang bzhin gyi gzugs so//'di kho na'i rnam par gzhag pa 'khor lo drug gi rim pas gsungs pa/ gsang sngags rig sngags 'chang ba'i rigs/ /'bab pa'i dga' ba khu ba'i tshul rdo rje 'dzin pa'i phyir mi bskyod pa rnam par shes pa'i rang bzhin nor bu'i lte ba'i nang du gnas pa'i rdo rje pad+ma'i lte ba zab mo'i spyod yul can zhes pa'i don to//gsang sngags 'bar ba lhan cig skyes pa'i snang ba'i rnam pa can gsang sngags pa'i sbas pa'i skad kyis zhes pa yang 'don to/ /de nyid kyi phyir dkyil 'khor gyi 'khor lo'i tshul mtha' dag gi rig sngags spros pa ye shes 'dzin pa'i phyir gsang sngags rig sngags 'chang ba'o//rigs gsum zhes pa ni/ sku dang gsung dang thugs kyi 'khor lo'o/ /des lte ba'i 'khor lor gnas pa'i rdo rje gzugs kyi rang bzhin rnam par snang mdzad chen po dbus kyi rtsa la gnas pa'i yab kyi lus sa bon gyi thig le'o//rnam par gzigs rang gi nyams su myong ba zhes pa'i don to/ /'jig rten 'jig rten 'das pa'i rigs/ /zhes pa 'jig rten 'jig rten gyi sgra lus ngag sems la brjod do/ /de las 'das pa chos kyi 'khor lo'o/ /der bde ba chen po de mtshon bzhin pa 'od dpag med lhan skyes 'du shes kyi rang bzhin no//'jig rten snang byed rigs chen dang / /zhes pa 'jig rten ni snang ba la sogs pa'o/ /de rnams kyi snang byed 'od gsal lo/ /de'i rigs mgrin pa'i 'khor lor gnas pa'i rin chen 'byung ldan bde ba chen po rtogs par byed pa po'i phyir rdo rje tshor ba'i rang bzhin no//chen po nyid kyang ste 'khor lo lnga'i lte ba'i byang chub kyi sems rab tu 'bab pa'i phyir gnyis su med pa nyid do/ /phyag rgya chen po'i rigs mchog dang / /zhes pa phyag rgya chen po'i rigs don yod grub pa dbral pa'i 'khor lor gnas pa rang gis rig par bya ba'i rang bzhin gyi rdo rje 'du byed kyi rang bzhin no//rigs chen gtsug tor cher gzigs nas/ /zhes pa gtsug tor gyi 'khor lor gnas pa'i rdo rje dbyings ye shes kyi bdag nyid kyi phyir lhan skyes kyi ngo bo nyid kyi rang bzhin no/ /dpal dus kyi 'khor lo'i rgyud phyi ma las kyang /'bab pa'i dga' ba khu ba rdo rje yang ni de 'dzin pas na nges par rdo rje 'dzin/ /lus kyi sa bon khu ba yab gcig lte ba'i 'khor lor bde ba gang las dzi na dzika /mtshon cha de ni mtshon bzhin snying gar mchog gi bde ba mgon po A ro l-i ka nyid de/ /rig bya de ni gang gis mgrin par mi g.yo bde bzung rig pa po de rat+na d+h+r-i ka /gang gis dbral pa der ni khu ba dri bral bde ba 'di nyid bzung ba pradz+nyA d+h+r-i ka /gtsug tor tshangs pa'i bu gar mi 'gyur mchog gi bde ba dga' ba bcu drug rdzogs pa ni/ /shes rab gang zhig rang bzhin med pa nya yi mtha' yi mchog gi zla ba'i cha bcu drug /mtha' yas de ni gang gi rig pa spyi bo'i rdo rje de ni drug pa rdo rje sems/ /zhes gsungs so/ /rigs drug po kun rdzob dang don dam pa'i bden pa'i rnam par dag pas tshigs su bcad pa nyid kyis 'khor lo drug tu gnyis su med pa'i ye shes nyid du bstan pa'o/ /rigs drug la gzigs pa'i tshigs su bcad pa gnyis so// //da ni tshigs su bcad pa gsum gyis sgyu 'phrul dra ba mngon par rdzogs par byang chub pa'i rim pa gsungs pa/ tshigs su bcad pa gnyis yod kyang tshigs su bcad ces gcig gi tshig ni byang chub sems kyi cha'i ngo bo A li bsgrub bya'i gtso bo nyid du bstan pa'i don du'o//gsang sngags rgyal po drug ldan zhing / /zhes pa/ oM badzra tISh+T+r-i zhes pa la sogs pa drug dang ldan pa'o/ /gnyis su med pa snying rje dang stong pa dbyer med pa thabs dang shes rab gnyis su med pa'i ting nge 'dzin las byung ba bde ba chen po'i rang bzhin ni gsang sngags kyi tshul du'o//pha rol tu phyin pa'i tshul du ni bdag dang bdag gi ba dang gzung ba dang 'dzin pa la sogs pa yid kyi spros pa mtha' dag dang bral ba chos thams cad bdag med pa'i rang bzhin ngo bo nyid kyi sku'i bdag nyid sems so/ /de 'byung ba ni don gyi sgo las 'byung bar 'gyur pa'i phyir ro zhes gnyis su med par 'byung ba'o//mi skye ba'i chos de 'di'i brjod bya yin pa'i phyir mi skye ba'i chos can no/ /mi skye ba'i tshul nyid de yang 'thad pa las nges par bya ste/ de ltar yang de kho na shes pa'i 'bras bur gyur pa'i de kho na shes pa nyid rgyu ste/ gzhan ni phyin ci log gi rang bzhin gyis 'khor ba'i rgyu nyid kyi phyir ro/ /de kho na shes pa de yang mi skye ba'i rang bzhin pha rol tu phyin pa'i theg pa dang gsang sngags kyi theg pa'i bdag nyid du rgyu dang 'bras bu'i dngos pos nges par bstan pa bla ma'i man ngag gi rim pa las 'ongs pa brjod par bya ste/ bden min mi bden pa yang ma yin gnyis ka yang min gnyis ka min pa'ang min/ /bgrang ba dang bral rnam pa kun gyi mchog gi bdag nyid dbu ma yi ni blo/ /rgyal ba ston pa de nyid brtan dang g.yo ba'i 'gro ba'i de nyid kyang ni de/ /rang gis yang dag rig pa bde ba lha mo rdo rje'i mdza' mor gyur pa rgyal//zhes pa ste dbu ma'i blo/ dbu ma'i rtog pa kho nar byang chub kyi lam zhes theg pa chen po ba thams cad la grub bo/ dngos po dang dngos po med pa la sogs pa'i ngo bo dag gi mtha' dag la rab tu mi gnas pa'i blo ni dbu ma'i blo'o/ /de ni bden mi bden pa yang ma yin/gnyis ka yang min/ gnyis ka min pa'ang min pa'i mtha' bzhi las grol ba'i rang bzhin gyi yul can gyi rnam pa'i mtha' bzhi las grol ba'i rang bzhin gyi phyir ro/ /nges par gang gang dag gi yul can du byed pa de de'i rnam pa ste/ dper na sngon po'i shes pa ni sngon po'i rnam pa bzhin no//de nyid kyi phyir bgrang ba dang bral ba ste bgrang ba thams cad kyang mtha' bzhi la brten pa'i phyir ro/ /'o na gal te dngos po dang dngos po med pa la sogs pa'i ngo bo dag gi mtha' dag la rab tu mi gnas pa'i blo dbu ma'i blo yin na des ji ltar byang chub sems dpa' rnam pa thams cad kyi sbyin pa dang tshul khrims la sogs pa byang chub kyi tshogs yongs su rdzogs par byed/yang de rnams byang chub kyi rang bzhin gyi sdug bsngal rtogs par 'gyur la byang chub kyang dbu ma'i blo'o/ /de yang dngos po med pa'i rang bzhin yin la/ sbyin pa la sogs pa yang dngos po'i chos can nyid kyis dngos po'i ngo bo nyid do zhes dogs pa bsu ba rnam pa kun gyi mchog gi bdag nyid ces gsungs te/rnam pa kun gyi mchog sbyin pa la sogs pa'o/ /de'i bdag nyid ni de'i rang bzhin te de rnams 'di ltar sbyin pa la sogs pa yang dngos po dang dngos po med pa la sogs pa'i ngo bos rab tu mi gnas pa dbu ma'i blo'i rang bzhin nyid do//de ltar yang sbyin pa la sogs pa dngos po dang dngos po med pa'i ngo bo ma yin te/ yod pa dang med pa la sogs pa'i tshul gyis skye ba dang mi ldan pa'i phyir ro/ /dngos po'i chos rnams kyang rgyu la rag las pa'i phyir ro/ /rgyur mngon par 'dod pas sa bon la sogs pa 'gags pa las rgyu can 'byung bar mi 'gyur la/ma 'gags pa las kyang ma yin zhing rgyu med pa las kyang dngos po'i chos rnams ma yin no/ /de ltar min na yul dus nges pa dang mi ldan par rtag tu thams cad 'byung bar thal ba'i phyir ro/ /de ltar sbyin pa la sogs pa dngos po ma yin zhing dngos po med pa yang ma yin no//de bzhin du yang gang dag brgya lam na yang rang bzhin gyis dngos por ma gyur pa de dngos po med par ji ltar 'gyur te dngos po med pa ni dngos po chad pa'i phyir ro/ /de'i phyir blang bya'i chos sbyin pa la sogs pa'am/ dor bya'i chos 'dod chags la sogs pa'am/de'i 'bras bur gyur pa khyad par can ma yin pa'i lus dang longs spyod dang gnas la sogs pa thams cad kyang dngos po dang dngos po med pa dag tu rab tu mi gnas pa'o/ /de rnams dngos po la sogs par yongs su brtags pa ni yang dag pa ma yin pa'i kun du brtags pa'o//de lta bas na de dag rnam pa kun gyi mchog gi bdag nyid dbu ma'i blo skye ba med par gnas so/ /da ni sbyin pa la sogs pa 'di rnams kho na la slob bzhin pa na chos nyid 'di kho na lhag par mos shing sems can gyi don la brtson pas myur du ji ltar lha'i rnal 'byor gyis phyi dang nang yongs su dag pa rdzogs par 'gyur ba de ltar brjod par bya ste/srid pa dang mya ngan las 'das pa dag gi rang bzhin 'og dang steng gi lha mo'i dbu ma'i gnas su dbyangs dang po'i rang bzhin gyi blo bcom ldan 'das ma bdag med ma'i ngo bo ni dbu ma'i blo'o/ /de ni bden min mi bden pa yang ma yin/gnyis ka yang min/ gnyis ka min pa yang min te shin tu rnam par dag pa'i gzugs la sogs pa'i chos kyi dbyings kyi ye shes kyi rang bzhin nyid kyis mtha' bzhi las grol ba chos thams cad kyi rang bzhin gyi phyir ro/ /de nyid rnam pa kun gyi mchog gi bdag nyid de/rnam pa kun gyi mchog lha mo bzhi shin tu rnam par dag pa'i gzugs kyi phung po la sogs pa'i rang bzhin dang / lha mo bzhi shin tu rnam par dag pas la sogs pa'i rang bzhin dang / lha mo bzhi shin tu rnam par dag pa gzugs la sogs pa'i yul gyi rang bzhin no/ /de'i bdag nyid ni de dag gi rang bzhin no/ / thams cad kyang mtha' bzhi las rnam par grol ba dbu ma'i blo'i rang bzhin gyi phyir ro/ /bcom ldan 'das ma de bgrang ba dang bral ba ste/ sems can thams cad kyi dngos po dang dngos po med pa la sogs pa yang dag pa ma yin pa'i kun du rtog pa'i rang bzhin bgrang ba thams cad gcod pa'i phyir ro//lha'i gzugs kyis yongs su dag pa'i phung po dang khams dang skye mched kyi nga rgyal bskyed nas/ tha mal pa'i nga rgyal spangs te rnam par brtags pa ma yin pa lnga'i rnal 'byor la ji ltar gnas par 'gyur pa de bzhin du brjod par bya ste/ srid pa dang mya ngan las 'das pa dag la rab tu mi gnas pa'i sems dbu ma'i blo'o//de nyid bcom ldan 'das ma rtag chad spangs pa gzung ba dang 'dzin pa rab tu snang ba tsam gang zhig a wa d+hU tI zhes brjod pa dbyangs dang po'i rang bzhin de nyid dbu ma'i blo ste/ skye ba med pa'i rang bzhin khams gsum po ro mnyam pa'i tshul gyis rtogs pa'i phyir ro//bcom ldan 'das ma de mtha' bzhi las grol ba ste/ phung po dang khams dang skye mched kyi rang bzhin lha mo bzhi la sogs pa rnams spro ba'i phyir ro/ /de ltar yang grub thob dag gis/ rang gi 'khor gyis yongs bskor nas/ /sems kyi rgyal po gar byed do//zhes gsungs so/ /'dis ni 'di ltar bshad pa yin te/ ji ltar gnas pa rnal 'byor ma'i 'khor lo kho na glo bur gyi mi shes pa tsam sel ba'o zhes pa'o/ /rgyal ba ston pa de nyid ni pha rol tu phyin pa'i theg pa'i 'bras bur gsungs so/ /bde ba rdo rje'i mdza' mor gyur pa ni gsang sngags kyi theg pa'o//brtan dang g.yo ba'i 'gro ba'i de nyid kyang ni de zhes pa ni gnyis ka'i yang ngo / /rang gi yang dag rig pa ni rang gis yang dag par rig cing nyams su myong ba gang gi yin pa de ni de de bzhin no/ /'di ni dbu ma'i blo de bla mas smra bar bya ba ma yin zhing bya ba la yang ma yin te/'on kyang bdag nyid kho nas nyams su myong bar bya ba rang byung gi ye shes bsam gyis mi khyab pa'i ye shes zhes dgongs pa'o/ /a'i rnam pa la sogs pa'i dbyangs bcu gnyis kho na 'dir bstan pa ni ri la sogs pa'i yi ge bzhi ma ning yin pas dor ba'i phyir ro//gnas dang nye ba'i gnas la sogs pa'i gnas bcu gnyis lus la khyab pa'i byang chub kyi sems kyi cha mtshon par byed pa yi ge A la sogs pa bcu gnyis ni cha bcu gnyis bde ba chen po'i rnam pa'i phyir ro/ /de yang / a yi rnam pa gnas kyi ming //A yi rnam pa nye ba'i gnas/ /i yi rnam pa zhing gi ming / /I yi rnam pa nye ba'i zhing / /u yi rnam pa tshan+do ha/ /U yi rnam pa nye tshan+do/ /e yi rnam pa 'du ba ste/ /e yi rnam pa nye 'du ba/ /a yi rnam pa dur khrod nyid/ /au yi rnam pa nye dur khrod/ / aM gi rnam pa 'thung gcod nyid/ /a yi rnam pa nye 'thung gcod/ /ces gsungs so/ /gsang ba la sogs pa'i 'khor lo drug tu 'khor lo re res rlung sum stong dang brgya tham pa la sogs 'gags pas zung dag nye bar dmigs pa mtshon byed bde ba chen po rgyas pa'i ngo bo a'i rnam pa la sogs pa drug kha sbyor nyid kyis so//sa bcu gnyis kyi dbang phyug gi phyir ro/ /sa de yang / kun du 'od dang / bdud rtsi 'od dang / nam mkha'i 'od dang / rdo rje'i 'od dang / rin chen 'od dang / pad+ma'i 'od dang / las kyi 'od dang / dpe med dang / dpe bral dang / shes rab 'od dang / thams cad mkhyen pa nyid dang /so so rang gis rig par bya ba zhes bya ba'o/ /yang na a i u zhes pa lus ngag yid gsum gnyis su med pa nyid kyi dga' ba'o/ /A I U zhes pa gsum gnyis kyi tshul nyid kyis mchog tu dga' ba'o/ /e o aM gsum ni dbyangs gnyis kyi bdag nyid can rdo rje gsum dga' bral lo//ai au aH zhes pa gsum ni rdo rje gsum dbyer med pa bzhi pa lhan cig skyes pa'i dga' ba'o/ /'dis ni dga' ba bzhi'i rang bzhin bcom ldan 'das skye ba med pa'i ngo bo bshad pa'o/ /oM badzra tI k+Sh+Na lus dang ngag dang sems gcig tu 'dres pa la sogs pa de nyid rdo rje lhan cig skyes pa'i ye shes so//des na rnon po ste rnam par rtog pa'i rlung mtha' dag sdud pa'o/ /de yang rdo rje nor bu'i lte bar gnas pa mi 'dzag pa'i gnas skabs mi bskyod pa'o/ /duH kha ts+tshe da/ de bzhin gshegs pa mtha' dag gi rdo rje'i sku nyid kyi phyir 'gyur pa'i sdug bsngal med pas sdug bsngal bcad de lte bar gnas pa'i rnam par snang mdzad do//pra dz+nyA dz+nyA na mU rta yi/ shes rab ye shes kho na sku ste gang gi rang bzhin yin pa de shes rab ye shes sku snying gar gnas pa'i 'od dpag med do/ /dz+nyA na kA ya/ ye shes bde ba chen po'i sems kho na gang gi lus nye bar bsags pa'i bdag nyid kyi phyir ro//de yang mgrin pa'i 'khor lor gnas pa'i rin chen 'byung ldan no/ /wA gI shwa ra ngag dbyangs dang gsal byed kyi bdag nyid rnams kyi dbang phyug gzhom du med pa'i rang bzhin smin mtshams kyi 'khor lor gnas pa'i don yod grub pa'o//a ra pa tsa na ya/ a dang ra shes rab dang thabs dag /pa tsa na gang gis gsal ba'i ngo bo de gtsug tor gyi 'khor lor gnas pa'i rdo rje sems dpa'o/ /te na maH'di ltar 'khor lo drug tu gnas pa'i rang bzhin lhan skyes kyi dga' ba'i ye shes rang gis mngon sum du mthong ba'i phyir khyod la phyag 'tshal lo zhes bos pa'o//'di ltar phyi dang nang gi ngo bos khyab bya 'gro ba la rnam par gnas pa lhan skyes kyi dga' ba'i ye shes rdo rje bzhi pa'o/ /de nyid longs spyod rdzogs pa dang sprul pa'i sku'i bdag nyid lte ba la sogs pa'i 'khor lo'i dbus su gnas pa snying gar gnas pa brjod par bya'o//de yang / gang dag sangs rgyas kun gyi sku/ /snang ba ma yin gsal byed min/ /shes min ma byas dag pa ste/ /dngos med la sogs rnam par spangs/ /me long gzugs brnyan yan lag mtha' dang ldan/ /shin tu gsal gzugs snang 'gyur ji lta ba/de ltar rdo rje 'dzin sku mtshan dang ni/ /dpe byad brgyad cur ldan pa kho na'o/ /ji ltar dbang po'i gzhu yi bkod pa kha dog du mar mthong ba dag /'jig rten pa yi dge ba la sogs pa dag ston par 'gyur pa bzhin/ /de ltar rdo rje 'dzin pa thob nas dkar po la sogs kha dog dag /ma tshang med pa yang dag skyed byed nges par las la de bzhin no/ /lus dang ngag dang sems gcig ngo bo rnal 'byor chen po sdud byed tshigs su bcad pa gsum gyis sngar bshad pa'i sgyu 'phrul dra bas mngon par byang chub pa'i rim pa mtshon pa'i phyir de ltar bshad do/ / da ni sgrib pa med pa'i phung po dang khams dang skye mched kyi 'khor lo rdo rje dbyings kyi dkyil 'khor gyi sgo nas rnam pa thams cad dbang po kun mi 'gyur pa'i thig le'i ngo bo sgyu 'phrul 'dzin pa byang sems rdo rje'i spro ba gsungs pa/ 'di lta ste/ lhan skyes kyi ye shes kyi blo de dang ldan pas sangs rgyas phyag rgya chen po gnyis su med pa'i ngo bo nyid kyi phyir bcom ldan 'das so//nor bu'i lte bar gnas pa'i khu ba nyid kyis rtag tu rgyas pa'i rdo rje nyid kyi phyir rdzogs pa'i sangs rgyas so/ /a'i rnam pas ni 'dir rang bzhin gyis 'od gsal ba'i phyag rgya chen po lhan cig skyes pa'i gzugs can shes rab kyi pha rol tu phyin par brjod do//de yang rdul phra rab kyi chos las 'das pa me long gi gzugs brnyan dang mtshungs pa'o/ /de las byung ba na a las byung ba yang dag par rdzogs pa'i sangs rgyas thabs dang shes rab kyi bdag nyid rdo rje sems dpa' ma ning gi go 'phang lhan skyes kyi lus la brjod do//a de yang yig 'bru kun gyi mchog ste gzhom du med pa'i phyir ro/ /sgrib pa dang bral ba nyid kyi phung po dang khams dang skye mched yul gcig tu 'dres pa'i phyir ro/ /de ltar yang / mar me lta bur 'bar ba ni/ /snying gi dbus su gzhom du med/ / mchog tu mi 'gyur phra ba ste/ /khyab bdag don chen mchog nyid do/ /lte bar phyag rgya chen po gnas/ /sgron ma 'bar ba'i rtse mo 'dra/ /dbyangs yig dang po'i rang bzhin de/ /blo zhes sangs rgyas rnams kyis bsgrags/ /zhes gsungs so/ /sangs rgyas kyi yon tan mtha' dag ster ba'i phyir don chen no//de nyid kyis ni yi ge dam pa skye 'gag dang bral ba'o/ /chos kyi rang bzhin 'od gsal 'phro bas sna bug g.yon pa dang g.yas pa dag tu dkyil 'khor bcu rgyu ba med pa'i phyir a wa d+hU tIr song ba'i srog nyid kyis ni srog chen po'o/ /rdo rje 'dzin pa gzugs brnyan gyi lus sgyu ma lta bu'i sku zhes bya ba'i don to//de bas na skye ba med pa rnam par mi rtog pa'i dmigs pa med pa'i ye shes kyi bdag nyid do/ /ni gang phyir gyi don nam nges par gzung ba'o/ /tshig tu brjod pa ngag gi phreng ba 'don pa ste de dang bral ba'i phyir tshig tu brjod pa spangs pa ma ning gi bzlas pa'i ngo bo nyid kyis thams cad du khyab pa'i phyir 'jug pa'i dbyibs kyi rlung gi tshul lo//brjod pa kun te dbyangs dang gsal byed kyi bdag nyid rnams kyi dang po'i rgyu yin pas brjod pa kun gyi rgyu yi mchog go/ /de rnams don dam par stong pa nyid dang snying rje dbyer med pa'i byang chub kyi sems kyi sngags las byung ba'i phyir ro//de nas yang bcom ldan 'das kho na ste/ dmigs pa'i gnas kyi phyir dbu ma bde ba yang dag par rig par 'byung ba zhes pa'i don to/ /tshig kun 'od gsal nyid du rtogs pa'i phyir tshig kun rab tu gsal bar byed de mchog tu mi 'gyur pa ha'i rnam pa'i rang bzhin no//mchod pa shes rab phyag rgya chen po'o/ /de chen po gang gi yin pa de de bzhin no/ /'dod chags chen po dmigs pa med pa'i snying rje'i bdag nyid gang yin pa de de bzhin te phyi nas 'dzin pa'o/ /yang na mchod pa dga' ba ston no//chen po 'jig rten las 'das pa ste lhan skyes rgyas pa gang yin pa de de bzhin no/ /rnam pa de lta bu'i 'dod chags chen po mchog tu mi 'gyur pa'i bde ba chen po rdzogs pa dang ma rdzogs pa'i phyir yan lag med pa'i rdo rje sems dpa'i zhes bya ba'i don to/ /de bas na sems can thams cad dga' bar byed pa'o//mchod pa chen po ni snga ma bzhin no/ /zhe sdang che mi bskyod pa'o/ /nyon mongs kun dbugs 'byung rngub nyi khri chig stong drug brgya po rnams kyi dgra chen po 'joms byed de bde ba chen po'i rig pa nyid kyis mi g.yo ba zhes pa'i don to/ /mchod pa chen po bshad zin to//gti mug las shin tu 'das pa'i phyir gti mug che'o/ /de bas na gti mug rnam par mi rtog pa'i blo lhan cig skyes pa'i ye shes gang gi yin pa de de bzhin no/ /gti mug khu ba 'pho ba'o/ /de sel ba za ba'i phyir gti mug sel lo/ /khro ba che rnam par rtog pa dang nyon mongs pa thams cad brlag pa'i phyir ro//khro ba las 'das pa'i phyir khro ba chen po dga' bral 'gog pa lhan cig skyes pa'i dga' ba'o/ /dgra che ba lus ngag sems kyi rdo rje rnams gcig tu 'dres par byed pa'i phyir ro/ /'pho ba'i chags pa las 'das pas mchod pa chen po chags pa che ste mchog tu mi 'gyur pa'i thabs kyis sems can gyi don yongs su mi gtong ba'i phyir ro//chags pa thams cad sel bar byed de 'gyur pa'i bde ba'i chags pa sel bar byed ces pa'i don to/ /lhan cig skyes pa'i sku mngon par dga' ba mthar thug par gyur pa nyid kyis smin mtshams kyi chu skyes so/ / 'ga' zhig gi 'dod pas nor bu'i rtsa bar 'dod pa chen po'i sku'i dga' ba zhes pa'i don to/ /de nyid du de bzhin du lhan cig skyes pa'i gsung mngon par dga' ba nyid kyis bde ba che gsung gi dga' ba zhes bya ba'i don to/ /de kho na nyid du lhan cig skyes pa'i thugs kyi mngon par dga' ba nyid kyis dga' ba chen po thugs kyi dga' ba zhes bya ba'i don to//dga' ba chen po'i dga' ba 'di yin pas mgu ba che ste der de kho na bzhin du lhan cig skyes pa'i ye shes mngon par dga' ba nyid kyis ye shes kyi dga' ba'o/ /'dis sad pa'i gnas skabs bcom nas sprul ba'i sku'i dga' ba bzhi'i dbye bas bstan pa'o//rnam par mi rtog bde ba che/ /'dod pa'i mtshan nyid bdag nyid can/ /'di ni dga' ba bde ba yi/ /khyim gyi sgo yi them pa 'dra/ /e ma ho bde ba bde ba che/ /e ma ho ji ltar ji ltar bza'/ /ji ltar 'dod pa mchog sems su/ /dga' ba sna 'dren lta bu'o/ /da ni mchog tu dga' ba'i dbye ba bstan par bya ste/de la gzugs che zhes pa snying ga'am/ kha cig gi bzhed pas nor bu'i dbus su gzugs chen po bde ba yang dag pa'i rtog pa rgyas pa gang yin pa de de bzhin no/ /bde ba chen po'i rang bzhin nyid kyis khams gsum spyi'i khyab byed chos kyi rgyal srid kyi dbang gi ngo bo yin pa'i phyir ro//de nyid kyis na lus kyang che ba 'od gsal nyid kyis longs spyod rdzogs pa'i phyir sku'i mchog tu dga' ba'o/ /longs spyod rdzogs pa'i snang ba byed pa'i phyir kha dog che ba ste 'jig rten las 'das pa'i kha dog ces pa'i don to/ /rang bzhin gyi 'od gsal ba nyid kyis lus po che ste khyab bdag ces pa'i don to//'di gnyis kyi gsung gi mchog dga' gsungs so/ /mchog tu gsang chen nyid kyi ming tsam las kyang 'das pa'i phyir ming yang che ba'o/ /bde ba rgya che ba'i phyir rgya che ba'o/ /tshig 'di dag gis ni thugs kyi mchog dga' brjod pa'o/ /dkyil bde ba snying po 'khor len pa chen po yangs pa shin tu rgya che bas na dkyil 'khor chen po yangs pa yin no//sgyu ma lta bu'i 'od gsal nyid kyis 'gro ba la khyab pa'i phyir 'dis ni ye shes kyi mchog dga'o/ /'di ni rmi lam gyi gnas skabs bcom pas longs spyod rdzogs pa'i sku'i mchog tu dga' bzhi'o//dngos rnams dngos nyid du sgro btags/ /stong pa nyid kyis brlabs byas phyir/ /rang bzhin med pa'i sbyor bdag nyid/ /mchog tu dga' ba'i ngo bo nyid/ /ces kyang gsungs so/ /da ni gnyid log pa'i gnas skabs zad pas chos kyi sku'i rang bzhin sgyu ma lta bu'i bdag nyid byin gyis brlabs pa nyid kyis dga' bral gyi dbye ba bzhi gsungs pa shes rab chen po stong pa nyid chos kyi dbyings kyi mtshan nyid kyi phyir ro//de'i mtshon lus kyi dga' bral ste nor bu'i rtse mo'i nang ngam lte ba'i pad+mar 'dzin pa'i phyir shes rab chen po'i mtshon 'chang ba'o/ / 'dis sku'i dga' bral gsungs so/ /nyon mongs rang bzhin gyi 'dod chags la sogs pa'o/ /de rnams kyi lcags kyur gyur pa'i phyir nyon mongs lcags kyu che ba'o/ /de yang gsung gi dga' bral lo/ /de bas na mchog ste lhan cig skyes pa'i dga' ba 'thob pa'i rgyu'i phyir ro/ /grags chen lhan cig skyes pa gzhom du med pa rgyas pa'i sgras 'gro ba sad par byed pa'i phyir ro//snyan grags chen po ste/ bde ba chen pos thams cad kyi dga' ba bskyed pa'i phyir ro/ /tshig 'di nyid kyis thugs kyi dga' bral brjod do/ /chos thams cad kyi skye ba dang 'gag pa rang bzhin gyis dri ma med pa'i snang ba'i phyir snang ba chen po'o//gzung ba dang 'dzin pa'i spros pa dang bral ba'i bde ba nyams su myong ba gsal bar byed pa'i phyir gsal ba che ba'o/ /tshig 'di dag gis ye shes kyi dga' bral yang dag par bstan to/ /'di dag gis ni 'di ltar gsungs pa ste/ rdo rje bla ma'i zhal nas ma rig pa'i gnyen po'i skad cig bde ba gang thob pa de nyid kyi grib ma ltar cung zad rjes su mthun pa'i bde ba'i dpes ji ltar ri mo'i thang sku me long gi nang du nye bar mtshon pa ltar de lta bu kho na'i bde ba'i rnam pa mtshan bzang po sum cu rtsa gnyis 'chang ba dang dpe byad bzang po brgyad cus brgyan pa longs spyod rdzogs sku shes par bya'o//de ltar yang / ston pa sum cu rtsa gnyis mtshan/ /mnga' bdag dpe byad brgyad cus spras/ /btsun mo'i ba ga bde chen du/ /khu ba zhes bya rnam par gnas/ /zhes gsungs so/ /yang / e ma ho shes te e ma'o shes//e ma'o 'di dag gsal bar shes/ /'di ni mchog tu 'bad pa'i sems/ /dga' bral dga' ba tsam nyid do/ /zhes gsungs so/ /da ni bzhi pa'i gnas skabs bcom pas bde ba chen po'i skur gnas pa'i rang bzhin lhan cig skyes pa'i dga' ba'i dbye ba bzhi po gsungs pa//chags pa dang chags bral med pas chags pa chen po'i ngo bo sgyu 'phrul chen po ye shes kyi phyag rgya'o/ /brjod du med pa de de'i bdag nyid du 'dzin pas na sgyu 'phrul chen po 'chang ngo / /de nyid kyi phyir mkhas pa nor bu'i lte ba'i nang du mi 'pho ba'i bde ba rig pa'i phyir ro/ /'dis sku'i lhan skyes kyi dga' ba gsal bar byas so//sgyu 'phrul chen po phyag rgya chen po ste de'i 'phro bas 'gro ba'i don sgrub par byed pa'i phyir sgyu 'phrul chen po'i don sgrub pa'o/ /'dis gsung gi lhan cig skyes pa'i dga' ba rab tu bstan to/ /sgyu 'phrul chen po'i don bshad pa 'di nyid do/ /de'i dga' ba lhan cig skyes pa'i bde ba nyams su myong ba'o//der dga' ba thim pa ste bde ba chen po gcig tu 'dres par gyur pa zhes bya ba'i don to/ /'dis ni thugs kyi lhan cig skyes pa'i dga' ba mtshon to/ /sgyu 'phrul chen po sangs rgyas kyi sgyu 'phrul mig 'phrul can mchog gi sgyu 'phrul can rlung nyi khri chig stong drug brgya po rnams mchog tu mi 'gyur pa nyid thob pas 'khor lo so sor sa gnyis gnyis so sor dmigs pa'i rim pas rdo rje nor bu'i rtse mo nas slar bzlog nas gtsug tor kyi 'khor lo'i lte bar gnas pa'i sgyu 'phrul chen po mig 'phrul can no//nor bu'i lte ba'i nang dang gtsug tor gyi gnas te gnas gnyis su gnas pa'i phyir ro//'di dag gis ni dga' ba bcu drug gi rang bzhin bcom ldan 'das rab tu bstan to/ /de ltar yang dri ma med pa'i 'od las/ sprul pa yi ni sku gsung thugs/ /ye shes gcig sbyor sdom pa'o/ /longs spyod rdzogs pa'i sku gsung thugs//ye shes gcig sbyor sdom pa'o/ /dpal ldan chos kyi sku gsung thugs/ /ye shes gcig sbyor sdom pa'o/ /lhan cig skyes pa'i sku gsung thugs/ /ye shes gcig sbyor sdom pa'o/ /sad pa rmi gnyid bzhi pa yin/ /dbang po gnyis kyi bde ba min//ye shes thugs dang gsung dang sku/ /gnas bzhi rnams su yang dag gnas/ /las kyi phyag rgya yongs su dor/ /ye shes phyag rgya rnam par spangs/ /phyag rgya chen po las skye yi/ /lhan cig skyes pa gzhan dag min/ /zhes gsungs so/ /gzhan yang / dngos dang dngos po med pa dben pa nyid bral gang du rang nyid mdzes//'jam pa'i dga' ba'i bdag nyid rab rgyas mchod 'os nam mkha'i mtha' khyab byed/ /rnam pa sna tshogs rnam rgyas dri med nyid kyi me long dkyil 'khor 'phro/ /phal cher bde ba'i gzhi de lhan cig skyes dga' bzhi pa zhes grags pa//smin mtshams pad+mar lhan skyes mngon par dga' ba'i dba' rlabs snying gi pad khyim gyi/ /dkyil du brtags pa'i rnam rtog du ma'i gnas kyi bskyod sems rnam par bkra ba mchog /lte ba'i pad+mar gzung ba mtha' gcig spro ba lus pa med pa dba' rlabs 'bar/ /rdo rje mtsho skyes chags pa skal bzang gnyis med bde ba'i bdag nyid rgyal gyur cig /nor bu'i rtsa bar sems kyi dga' ba tsam ni rab tu rgyas/ /slar yang nor bu'i dbus su ma lus kun du rtog pa 'dres/ /de yi rjes la rtse mo'i nang du ngal so 'khrul rtog med/ /lhan skyes las skyes gang yang 'dam skyes la gnas rgyas par 'gyur//zhes pa ni phyogs gzhan no/ /sbyin pa chen po phyi nang gi dngos po mtha' dag yongs su gtong ba dang rnam par rtog pa'i spros pa dang yid kyi rnam 'phrul gtong ba'o/ /de'i bdag po rje bo lhan cig skyes pa'i dga' ba bcom ldan 'das kyi dbang du gyur pa'i phyir ro/ /de bas na gtso bo de 'jig rten pa'i sbyin bdag dang mi mnyam pa'i phyir ro//phyi rol gyi phyag rgya dang 'grogs pa'i byang chub kyi sems mi 'pho ba tshul khrims chen po'o/ /de de'i bdag nyid du 'dzin pas tshul khrims chen po 'chang ba'o/ /mchog nor bu'i lte ba'i mthar gnas pa'o/ /phyi rol gyi sgra la sogs pa la mngon par zhen pa med pa bzod chen te de 'dzin pas bzod chen 'chang ba'o//de nyid kyi phyir brtan pa ste 'di mchog tu brtan pa'i ngo bo nyid kyi phyir ro/ /sna bug g.yas g.yon gyi dkyil 'khor bcu'i rlung bcom pas a wa d+hU tIr 'jug pa brtson 'grus chen po'o/ /de las brtul pas brtson chen gang yin pa de de bzhin no//lhan cig skyes pa'i bde bar gnas pa'i sems bsam gtan chen po'o/ /de kho na nyid ting nge 'dzin te/ phyi rol gyi rnam par g.yeng ba med pa'i phyir ro/ /de la mi gnas pa'i sbyor bar gnas pas de de ltar gsungs so/ /shes rab chen po gzhom du med pa kun du son pas gsung thams cad pa'o//de nyid lus te brag ca lta bu longs spyod rdzogs pa chen po'i lus su snang ba'i phyir ro/ /de de'i bdag nyid 'dzin pa ni de bzhin no/ /don 'di yang dpal dang po'i sangs rgyas bsdus pa'i rgyud kyi rgyal po las bshad pa/ /nor gtod sbyin pa bud med 'grogs las yid kyi 'pho ba med pa yang ni tshul khrims te//sgra la sogs pa ma zhen bzod pa gnyis kar son pa'i rlung nyid nyams pas brtson 'grus so/ /bsam gtan dang ni shes rab lhan skyes bde bar son pa'i sems dag kun son gsung thams cad/ /ces so/ /pha rol tu phyin pa drug rnam par dag pas dgyes pa'i rdo rje phyag drug pa'o zhes kha che ba'i dka' 'grel rgyas pa las kyang ngo //stong pa dang snying rje dbyer med pa srid pa'i mtha'i ye shes stobs gnyis su med pa de de gang yin pa bzhin no/ /che ba snying rje'i khu ba'i stobs kyis 'gro ba'i don la sbyor ba'i phyir thabs che ba ste/dngos po'i tshogs rang bzhin med pa mngon sum du byas kyang bde ba chen po mtha' gcig pa nyid kyis 'khor ba'i bar du 'gro ba'i don 'phro ba'i phyir ro/ /ma skyes pa nyid thob nas sgyu ma dang / rmi lam dang / dri za'i grong khyer gyi rang bzhin du chos thams cad khong du chud nas brag ca bzhin du sangs rgyas kyi chos ston pa nyid kyis kyang smon lam gyi ye shes nga rgyal med pa rnams kyi rgya mtsho ste 'byung gnas so//'di dag gis ni thabs dang / smon lam dang / stobs dang / ye shes kyi pha rol tu phyin pa bzhi'o/ /de yang de yi 'gro don rdzu 'phrul srid pa'i mtha' ma skye med thob pa gzhan ni bzhi po rnams//zhes gsungs so/ /'dir 'gro don zhes pa thabs so/ /rdzu 'phrul zhes pa smon lam mo/ /srid pa'i mtha' ma zhes pa stobs so/ /skye med thob pa zhes pa ye shes so/ /pha rol phyin pa bzhi po 'di rnams shes rab de nyid kho na'i gzhan zhes pa khyad par du gyur pa'i rnam pa'i ngo bo nyid do zhes pa'i don to//gzhan du na tshigs bcad ni sbrel bar 'os pa'i phyir ro/ /shes bya'i dkyil 'khor mtha' dag bde ba chen po'i rnam pa nyid kyis 'jig rten las 'das pa'i bde ba yang dag par ldan pa 'gro ba la 'phro ba'i phyir byams chen rang bzhin no//de nyid kyi phyir dpag tu med do/ /rtag par rgyun tu rang dbang du gyur pa'i bde ba chen po nyid kyis 'gro ba sdug bsngal dang bral bar bsgrub pa'i phyir snying rje chen po'o/ /de bas na blo'i mchog ste nor bu'i lte ba'i rtse mor bde ba chen po nyams su myong ba'i phyir ro/ / bdud dang nyon mongs snyoms 'jug dang / /shes bya'i sgrib pa kho na yang / /khro ba chen pos nges par bsregs/ /stobs tsam dag ni bsrungs pa yin/ /zhes kyang gsungs te/ byams pa la sogs pa'i dbang gis zhes pa'o/ /shes rab chen po phyag rgya chen po ste de de'i bdag nyid du gang la yod pa de shes rab chen po'o//chen po yang yin la shes rab kyang 'di yin pas shes rab chen po ste zung 'jug gi ting nge 'dzin la gnas pa'o zhes pa'i don to/ /blo chen ldan lhan cig skyes pa'i ngo bo nyid kyis sems can gyi don mi gtong ba'i phyir ro/ /de bas na mkhas pa chen po ste 'dod pa'i gnas skabs bcu shes pa'o//'dod pa'i gnas skabs bcu yang so sor sdud pa'i yan lag du ba la sogs pa'i mtshan ma bcu'o/ /de ltar yang dpal dus kyis 'khor lo las/ bsam pa 'dod pa yan lag tsha gdung mchog gi byad bzhin pad+ma skam zhing gzhan du 'jug / 'dar dang smyo ba 'thibs rmugs yid 'khrugs pa dang mi bzad brgyal bdag ni rab tu 'byung / /de rnams rdo rje can gyi du ba la sogs rnam bcu rab gsal srog chags kyi lus la/ /'dod pa'i gnas skabs 'jig rten du ni rnam pa rab gsal rgyal ba gang zhig 'dod pa gang / /zhes gsungs so//ting nge 'dzin gyi yan lag gsal bar gyur pas lhan cig skyes pa'i dga' ba byang chub sems kyi nyams kyis rlung nyi khri chig stong drug brgya la khyab pa'i phyir rdzu 'phrul chen po'i stobs dang ldan no/ /shugs chen byang chub kyi sems 'phos pa nyid kyis rtsa thams cad du yang dag par 'bab pa'i phyir ro//kun rdzob dang don dam pa'i rim pas lus thams cad la khyab pa'i phyir mgyogs pa chen po'o/ /bde ba chen pos 'jig rten dang 'jig rten las 'das pa'i bsod nams dang ye shes kyi tshogs rdzogs pa'i phyir rdzu 'phrul chen po'o/ /de bas na dbang chen grags pa zhes bya ste/dngos po thams cad ji lta ba bzhin du khong du chud pa'i phyir 'dod byar 'gyur pas na dbang phyug che ba zhes grags pa gang yin pa de che bar grags pa ste/ stong pa nyid dang snying rje dbyer med pa thams cad mkhyen pa'i ye shes pa'i don to/ /mtshams med pa lnga la sogs pa sdig pa'i las byed pa rnams kyang bde ba chen po'i mtha' gcig tu byed pa'i phyir stobs chen pha rol gnon pa'o//gdol pa smyig ma mkhan la sogs/ /mtshams med lnga po byed pa dag /gsang sngags theg pa spyod pa yis/ /tshe 'di nyid la sangs rgyas 'gyur/ /zhes kyang gsungs so/ /srid pa'i 'dod chags la sogs nyon mongs pa'o//de nyid ri bo ste mi shes pa'i mtha' nyi shu'i phyir ro/ /bshig par dka' ba'i phyir chen po'o/ /de 'joms pa chags pa chen po'i rjes su chags pas phyin ci ma log pa yang dag pa'i ye shes rnyed pa'i phyir ro/ /bde ba chen po'i gnas thob pa/ / zhes bya ba'i don to/ /snang ba dang snang ba mched pa dang / snang ba nye bar thob pa dang / snang ba med pa'i mtshan nyid ni rdo rje chen po 'dzin pa de de bzhin no/ /de bas na mkhregs pa ste bde ba bar mtshams med pa'i phyir ro/ /drag po gyen rgyu dang thur sel gyi rlung ste gdul bar dka' ba'i phyir ro/ / de las 'das pa'i phyir drag po chen po ste/ rlung thams cad mchog tu mi 'gyur pa'i ro chen por bsgyur ba'i phyir ro/ /yul dang bdag po la sogs pa 'khor ba'i sdug bsngal stor ba'i ngo bo dag bsdus nas bde ba chen po gcig tu thim pas drag shul che'o/ /'jigs chen rtag pa dang / chad pa'i mthar lhung ba ste de'i 'jigs pa dngos po med par byed pas na 'jigs chen 'jigs pa byed pa po'o//rab tu mi gnas pa'i mya ngan las 'das pa chen po zhes bya ba'i don to/ /mgon po rje bo rigs mchog phyag rgya chen po des mchog ste rtag tu rjes su 'gro ba'i phyir ro/ /bla ma gzhan rnams la yang bde ba'i rang bzhin nye bar ston pa'i phyir ro//gsang sngags che ba bde ba chen po'i ye shes des mchog ste kha na ma tho ba med pa ste zhes pa'i don to/ /theg pa chen po bde ba chen po'i ye shes so/ /tshul 'dis thob par bya bas na theg pa chen po'i tshul lo//rdo rje dang pad+ma'i lte ba'i rtse mo'i mthar gnas pa lhan cig skyes pa'i dga' ba thob pa zhes bya ba'i don to/ /theg pa chen po'i tshul bshad zin to/ /mchog bsam gtan bzhi pa'i rtse mo 'dzin zhes bya ba'i don to/ /'di ni dpal rdo rje sems dpa'i sgo nas gtsug tor dang /dpral ba dang / mgrin pa dang / snying ga dang / lte ba dang / gsang gnas dang / nor bu'i rtse mor 'gro ba dang 'ong ba mtshon par byed pa'i tshigs su bcad pa bcu bzhis byang sems rdo rje'i rnam par gzhag pa bstan to//bde ba chen po rgyas pa'i phyir sangs rgyas so/ /rnam par snang mdzad kyi sgras rang bzhin gyis 'od gsal ba'i rang bzhin ye shes te/ de chen po gang gi yin pa de de ltar bshad de/ ye shes kyi rang bzhin gyi sku zhes pa'i don to/ /brjod du med pa'i bde ba chen po'i bdag nyid kyi lus ngag yid rnams thub pa'i sbyor bas thub pa chen po'o//de bas na bde ba chen po'i rang bzhin ji lta ba bzhin du byed pas na thub chen ldan no/ /yid kyis skyabs su gyur pa'i phyir/ gsang sngags bde ba brjod par bya/ /zhes pas gsang sngags chen po ni bde ba chen po'i ye shes nyid tshul chen thob par bya zhing drang bar bya ba ste/de las byung bas na gsang sngags tshul chen las byung ba nyid kyang bde ba chen po'i rang bzhin no zhes bstan par bya ba'i don du/ gsang sngags tshul chen bdag nyid can/ /zhes gsungs so//de bas na/ sngags kyi de nyid gsal ba 'di/ /gsung gi rdo rje'i sgrub thabs yin/ /ye shes gsung gi rab dbye bas/ /sems tsam la ni nges par sbyar/ /zhes gsungs so/ /slar yang / rnal 'byor phyi yi bzlas pa dor/ /bar du gcod pa mi 'gyur ro/ /sngags don bcom ldan rdo rje can//rdo rje'i bdag nyid ji ltar bzlas/ /zhes gsungs so/ /yang dpal dang po mchog gi sangs rgyas las/ /bde ba chen po'i rang bzhin 'di/ /gang ba'i sgra yis brjod par bya/ /gzhan dngos bye brag thams cad ni/ /spro dang sdud par byed pa po//zhes gsungs so/ /chu la sogs pa sngon du 'gro bas 'jig rten las 'das pa'i dbang sbyin pas na sbyin pa dang / pad+ma dang rdo rje yang dag par sbyor bar byang chub kyi sems srung bas na tshul khrims dang chos thams cad ni gang du yang mi gnas pa'o zhes chos thams cad ni rnam par mi rtog pa khong du chud par bzod pa'i phyir bzod pa dang /phyag rgya chen po gsal ba'i ngo bor brtson pas brtson 'grus dang bsam gtan bzhi par thim pas bsam gtan dang / bla ma'i zhal las rnyed par bya ba phyag rgya mchog gi shes rab dang / ting nge 'dzin gyi yan lag gsal ba'i don du btsan thabs kyi sbyor ba yang thabs so//btsan thabs kyi sbyor ba yang 'di lta ste/ gang gi tshe so sor sdud pa la sogs pas gzugs brnyan mthong nas rlung thams cad ma bsdams pa nyid kyis mi 'gyur pa'i skad cig skye bar mi 'gyur te/ de'i tshe nA da goms par byas pas lhan cig skyes pa'i dga' ba goms pa'i btsan thabs kyi hUM gi rnam pa'i sgra yis srog dbu mar gzhug par bya'o//'di ltar legs par bslabs pa'i mchog gi 'dod pa mo rgyud las gsungs pa'i yon tan dang ldan pa rjes su chags pa mo'i kak+ko lar bo la cho ga bzhin du bcug la mi 'dar ba nyid kyis ngal bso ste/de'i ze'u 'bru'i khar rdo rje nor bu btsir nas shin tu dag pa'i ros skad cig tsam mi bsgul bar bya'o/ /de nas de 'gyur pa'i gnas skabs 'byung bas na hUM gi rnam pa brjod pa sngon du 'gro bas bla ma dam pa'i drin gyis thob pa mngon du bya zhing bzhi pa lhan cig skyes pa'i dga' ba nyams su myong bas byang chub kyi sems kyi thig le 'gog pa'o//de nas mi 'gyur pa'i skad cig thob pa'o/ /'di ltar yang ting nge 'dzin gyi yan lag gsal bar 'gyur ro zhes pa'i don to/ /ting nge 'dzin gyi yan lag gsal bas skad cig la mngon par byang chub pa'i skabs skad cig 'byung ba na rang gzhan gyi don thams cad rdzogs pa'i smon lam dang /nor bu'i lte ba'i nang nas brtsams te log nas gtsug tor gyi 'khor lo'i bar gyi bde ba chen po'i ye shes te pha rol tu phyin pa bcu po 'di dag thob pa mngon sum du byas pas na pha rol phyin bcu thob pa ste'o//pha rol tu phyin pa bcu po 'di dag kho na gang gi gnas yin pa de pha rol tu phyin pa bcu'i gnas pa ste/ bde ba mtha' gcig pa byang chub kyi sems kyi rang bzhin zhes bya ba'i don to/ /yang na pha rol tu phyin pa bcu po rnams kyi gnas yin pas pha rol tu phyin pa bcu'i gnas so//rten dang brten pa nyid med pas de'i bdag nyid kyi phyir pha rol tu phyin bcu dag pa'o/ /de yang / rten dang brten pa'i 'phel pa dag /ji srid 'gyur pa nyid du 'gro/ /sems ni 'gyur med nyid thob pa/ /rten dang brten pa'i mtshan nyid med//ces gsungs so/ /de bas na pha rol tu phyin pa bcu'i tshul lam dbye bas gang gi yin pa de de bzhin no/ /mgon po ting nge 'dzin gyi rjes su 'gro bas sems can thams cad lhun gyis grub pas byin gyis brlabs pa'i phyir ro/ /rab tu dga' ba la sogs pa'i sa bcu po gnas dang nye ba'i gnas la sogs pa nyi shu rtsa bzhi mtshan nyid kyi dbang phyug gtso bo ste/lhan cig skyes pa'i ye shes kyi rnam pas khyab pa nyid kyi phyir ro/ /'di'i don ni 'di lta ste/ rnal 'byor sbyin pas rab tu dga'/ /tshul khrims ldan pas dri med 'gyur/ /bzod pas 'od byed brtson 'grus kyis//'od 'phro ba 'di bsod nams can/ /bsam gtan gyis dga' mngon du gyur/ /shes rab kyis ni sbyang dka' ba/ /thabs chen pos ni ring du song / /stobs dang ldan pas mi g.yo 'gyur/ /legs pa'i blo gros smon lam gyis/ /ye shes ldan pas chos kyi sprin//rgyal ba de bzhin gshegs pa ni/ /so so rang rig bcu gcig 'gyur/ /zhes gsungs so/ /dpal kun du gsang chen las kyang / /sangs rgyas kun gyi bdog pa kun/ /rang gi sems ni chos bsdus pa/ /chos kyi bdag med sbyor ba yis/ /'ching ba rang nyid gsad par bya//rang sems kho na gsad bya ste/ /sems nyid kyis ni gsad par bya/ /rang sems kho na rdzogs sangs rgyas/ /sems nyid kyis ni rtogs par bya/ /zhes gsungs so/ /yang / sa bcu po las 'das nas ni/ /de nas rtags ni rengs par 'gyur/ /zhes gsungs so//gzhan yang / rang nyid rtags ni rengs gyur na/ /pad+ma'i steng du bsdad nas su/ /rdo rje rtags ni byin brlabs pas/ /rdo rje sems dpa' dang por skyes/ /zhes so/ /sa bcu la ni gnas pa po/ /zhes pa sa bcu po khams bcu rnams bsdus pa'o/ /de yang rlung dang /sems dang / byang chub kyi sems dang / khrag dang / rkang mar dang / rus pa dang / rgyus pa dang / sha dang / dbang po dang / pags pa'o/ /de rnams kyi bsdu ba ro mnyam pa'i dngos po ste/ de la gnas pa po nam mkha' ji srid par rab tu mi gnas pa'i mya ngan las 'das pa'i tshul gyis so//'dir rgyu bla ma'i man ngag go/ /de gsungs pa/ shes bcu rnam dag bdag nyid can/ /zhes pa ste du ba la sogs pa'i rtags bcu shes pa'o/ /dpal dang po'i sangs rgyas las/ mkha' la chags pa'i sems kyis mig dag mi 'dzums pas ni rdo rje'i lam du zhugs pa yis//stong lus du ba smig rgyu rab gsal dri med srin bu me khyer nyid dang sgron ma dang / /'bar ba zla ba rdo rje dang yang mchog gi cha dang thig le yang ni mthong bar 'gyur/ /de yi dbus su sangs rgyas sku ni yul dang rnam bral longs spyod rdzogs sku du ma'o/ /zhes gsungs so//de la yang dang po bu ga med pa'i khyim gyi phug tu yan lag drug goms par bya ste/ yan lag drug kyang 'dir/ so sor sdud dang bsam gtan dang / /de bzhin srog rtsol 'dzin pa dang / /rjes su dran dang ting nge 'dzin/ /sbyor ba yan lag drug tu 'dod/ /de la du ba la sogs pa bcu yang so sor sdud pa'i yan lag tu gsungs so//de yang so sor sdud pa yul dang yul can bcu po rnams ni 'jug pa med pa'i lus ngag ste zhes gsungs so/ /de'i bdag nyid de rang bzhin gang yin pa de de bzhin te sna tshogs gzugs mthong ba'i phyir ro/ /mig la sogs pa'i dbang po'i gzugs la sogs pa'i yul 'dzin pa ni 'khor ba rnams kyi bza' ba de yongs su dor ba so sor sdud pa stong pa nyid kyi gzugs kyis sha la sogs pa'i spyan gyi gzugs brnyan 'dzin pa ste du ba la sogs pa nas thig le'i bar mthong ba'i dbye bas ma brtags pa'i ye shes kyi phung po ji srid pa'o//shes bcu yul dang yul can rnams kyi rnam par dag pa gcig nyid sna tshogs gzugs so/ /de 'dzin pas/ shes bcu rnam dag 'chang ba po ste so sor sdud pas mthong ba'i gzugs bsam gtan gyi yan lag gis dus gsum dang khams gsum pa'i rab tu snang ba'i bdag nyid so so rang gis rig par bya ba la rnal 'byor ba'i sems rgyun du gnas par 'gyur ro zhes pa'i don to//de ltar yang 'phags pa lha'i zhal snga nas/ rang nyid kho na bcom ldan 'das ma srog mchog bdag mo 'byung rngub kyi/ /tshogs su son pa rab tu zhi ba srog rlung mnan par thim gyur par/ / 'od zer gang zhig cher rgyas 'od gsal rnal 'byor dbang phyug 'di'i/ /rang lus nyid las 'thon nas mun bcom 'jig rten gsum las 'das/ /zhes gsungs so/ /sa ra ha'i zhabs kyis kyang gsungs te/ /glo bur phyir byung sha ba ri/ /nam mkha'i 'bras bu len par mdzod/ /lag pas bzung dang reg tu med//lhan cig mi gnas rtse bar byed/ /mig mi 'dzums dang mi bsam dang / /bla ma'i gsung gis rlung ni dgag /ces so/ /yang / rtog pa nyams pas blo nyams shes/ /blo ngan rjes su rtog byed drag /blo ldan 'di nyid kho na las/ /nam mkha' bas lhag ci yang 'char//zhes gsungs so/ /'dis ni bsam gtan gyi yan lag gsungs so/ /bsam gtan yang ni shes rab rtog dang dpyod pa dga' ba mi g.yo'i bde ba rtse gcig sems/ /zhes gsungs te/ bsam gtan mi bskyod pa rnam par shes pa'i phung po'o/ / rnam pa bcu po nam mkha' la sogs pa g.yon dang g.yas pa'i dkyil 'khor rnams 'gags pas rnam pa bcu po gang yin pa de ni de bzhin no/ /de yang ral gri can 'du byed kyi phung po'o/ /'dis ni srog rtsol gyi yan lag gsungs so/ /de yang / srog gi rtsol ba lam gnyis ltung ba yang ni dbu mar srog dag 'jug par 'gyur pa'o//zhes gsungs so/ /da ni 'dzin pa'i yan lag gsungs pa/ don bcu/ srog dang / thur sel dang / mnyam gnas dang / gyen du rgyu ba dang / khyab byed dang / rlung dang / rus sbal dang / rtsangs pa dang / lha sbyin dang / nor las rgyal zhes bya ba'i rlung rnams so/ /de don du gnyer bar mngon par 'dod pa ste/ lte ba/ snying ga/ mgrin pa/ dpral ba/ gtsug tor gyi pad+ma'i lte bar 'gro ba dang / 'ong ba'i dbye ba gang gis de de bzhin no/ /'dis 'dzin pa'i yan lag gsungs te/ de ltar yang / thig ler srog gi rab 'jug gnyi gar 'gro ba yang bcom 'dzin par yang ni rtse gcig sems/ /zhes gsungs so/ /de phyag na rin chen tshor ba'i phung po'o/ /de kho na thub dbang ste lhan cig skyes pa'i gtum mo gsal ba'i nus pa thob pa'i phyir ro/ /stobs bcu ni mchog tu mi 'gyur par bsgrub par nus pa'i phyir sngar bshad pa'i 'dod pa'i gnas skabs kyi mtshan nyid gang gi yin pa de stobs bcu'o//lhan cig skyes pa'i gtum mo'i snang bas 'jig rten gsum du khyab pa'i phyir khyab bdag go/ /de nyid kyi phyir ma lus pa kun phung po dang khams dang skye mched rnams kyi don lhan cig skyes pa'i bde ba rab tu gsal ba'i mtshan nyid byed pas ni kun kyi don ni ma lus byed do//'dis ni rjes su dran pa'i yan lag gsungs so/ /de yang / g.yung mo rjes su dran pa yang ni pad+ma 'dzin par 'gyur/ /zhes pas 'du shes kyi phung po rnam pa bcu po zhes so/ /rjes su dran pa g.yung mo rtsa dbu ma 'dod pa'i gnas skabs bcu'i dbye ba zhes pa'o//de nyid kyi phyir/ gtum mo'i snang ba gang zhig lus la nges par gsal 'gyur nam mkhar rjes su dran par 'gyur/ /zhes gsungs so/ /rnam bcu sngar bshad pa'i rlung 'gog pa'i mtshan nyid kyi rnam pa gang yin pa de de bzhin no//'dis ni ting nge 'dzin gyi yan lag gsungs te/ de ltar yang / dpal ldan bsam gtan dag ni 'khor lo can te rnam snang rnam pa bcu/ /ting nge 'dzin rlung bcu po rnams 'gog pa'o zhes gsungs so/ /'di ltar bcom ldan 'das rab tu mi gnas pa'i mya ngan las 'das pa rlung rnams mi rgyu ba skyes pa'o//slar yang / shes rab thabs kyi bdag nyid mi 'gyur bde ba'i dbang las ye shes sku ni ting nge 'dzin/ /zhes gsungs so/ /de nyid kyi phyir dbang ldan te rnam par rtog pa'i rlung mtha' dag mchog tu mi 'gyur pa'i de nyid bde ba mi phyed pa dbang du gyur pa'i phyir ro//che ba po lhan skyes kyi gzugs kyis 'jig rten gsum du khyab pa'i phyir ro/ /'di lta bu ni 'jig rten las 'das pa'i dbang ste/ dbang bskur nas ni 'di nyid bstan/ /zhes pas 'jig rten pa'i dbang sngon du 'gro ba ni sbyor ba yan lag drug gi rgyu nyid kho na'o/ /sbyor ba yan lag drug po de yang du ba la sogs pa'i rim pas bsgom par bya'o//de ltar yang / 'di nyid kho na'i sgrub pa'i thabs/ /rab tu snang ba bsam mi khyab/ /du ba la sogs mtshan ma de/ /shes rab gzugs ni nam mkha' mnyam/ /yod dang med las rnam par 'das/ /rang gi sems kyi rkyen gyi don//rdul phran las skyes tshogs pa dag /kun nas yongs su dor bar bya/ /du ba smig rgyu me khyer dang / /sgron ma 'bar ma zla nyi ma/ /mun can cha dang thig le che/ /sna tshogs gzugs ni 'od gsal dag /ces gsungs so/ /bkab dang ma bkab mig dag gis/ /stong par 'dis ni rjes ma brtags//rmi lam lta bur gzugs mthong ste/ /gzugs de rtag tu bsgom par bya/ /zhes kyang gsungs so/ /bshad pa yang 'di nyid kho na'i ste nyon mongs pa dang shes bya'i sgrib pa ma lus pa med pa'i bud shing gi thams cad mkhyen pa'i ye shes kyi me'o/ /sgrub pa'i thabs gsal ba'i ngo bor rnal 'byor pas du ba la sogs par bya'o//ji lta bur gyur pas she na/ rtsa ba'i rgyud dang / bsdus pa'i rgyud dang / 'phags pa shes rab kyi pha rol tu phyin pa la sogs pa nges pa'i don gyi mdo sde thams cad du grags pas so/ /stong pa nyid las glo bur du rab tu snang ba'i phyir rab tu snang ba'o//rnam par rtog pa thams cad las 'das pa'i phyir bsam gyis mi khyab pa'o/ /de kho na nyid kyi sngon gyi tshul gyi phyir mtshan ma'o/ /gzung 'dzin dang bral ba'i rang bzhin stong pa'i blo ni shes rab bo/ /de'i gzugs ni rnal 'byor mngon sum gyi snang ba'o//phyi dang nang gi dri mas ma gos pa'i phyir nam mkha' dang mnyam pa'o/ /yod pa dang med pa la sogs pa'i rnam par rtog pa'i rnyog pa dang bral ba'i phyir yod dang med las rnam par 'das pa'o/ /rnal 'byor pa rang gis rig par bya ba'i phyir rang gi sems kyi rkyen gyi don to//rnam pa thams cad nas ma bcos pa rmad du byung ba rang bzhin med pa'i ngo bo nyid kyi phyir rgyu las skyes pa'i tshogs pa kun nas yongs su dor ba'o/ /phyi nang mtha' dag tu khyab pa'i du ba dkar po'i rnam pa stong pa'i snang ba ste/ 'di yang sprin ltar snang ba'i mjug thogs su skyes pa'o/ / ji skad du/ dang po sprin dang 'dra bar snang / /gnyis pa du ba lta bu'o/ /zhes gsungs so/ /'di ltar chu g.yo ba'i rnam pa smig rgyu'o/ /me khyer dang sgron ma'i rnam pa dag grags pa'o/ /mtshan ma bzhi po 'di dag ni bu ga med pa'i khyim du mun pa'i rang bzhin gyi phyir mtshan ma'i rnal 'byor dang nam mkha'i rnal 'byor ro//dpal 'dus pa la sogs pa las/ ji skad du/ dang po dang gnyis pa lugs las bzlog pas rdo rjer son pa'i sems 'gog pas mtshan ma 'dzin pa skyes par 'gyur te/ dang po smig rgyu'i rnam pa ste/ /gnyis pa du ba lta bu'o/ /gsum pa srin bu me khyer 'dra//bzhi pa sgron ma 'bar ba ste/ /lnga pa rtag tu snang ba ni/ /sprin med nam mkha' lta bu'o/ /zhes gsungs so/ /de nas sprin med nam mkha' lta bur snang ba sngon du 'gro ba'i me'i rnam pa stong pa'i snang bas 'bar ba'o/ /zla ba dang nyi mar snang ba ni grags pa'o/ / mun pa can ni sgra gcan gyi snang ba rin po che nag po lta bur snang ba'o/ /cha zhes pa glog tu snang ba'o/ /thig le che zhes pa rgyu ba dang mi rgyu ba gsal bar byed pa kha dog sngon po zla ba'i dkyil 'khor gyi rnam pa snang ba'o/ /rtags drug po 'di dag ni sprin med pa'i nam mkha'i snang ba'i ngo bo'i phyir nyin mo'i rnal 'byor dang bla gab pa'i rnal 'byor ro//de nas de'i dbus su gnas pa longs spyod rdzogs pa'i sku'i bdag nyid sangs rgyas kyi sku mthong ba dang lhan cig skad cig gcig la lag par gnas pa'i chu lta bur dwangs pa'i rnam pa bum pa dang snam bu la sogs pa mthong ba sna tshogs gzugs ni 'od gsal lo//bkab dang ma bkab mig dag gis/ /zhes pa bar snang la dmigs pa nyid kyis phyed btsums pa'i mig dag go/ /stong pa nam mkhar gzung ba dang 'dzin pa dang bral ba 'di ni rjes su ma brtags pa rmi lam lta bu'i gzugs rnal 'byor gyi mngon sum mo/ /gzugs de sna tshogs gzugs bsgom par bya ste/bsam gtan gyi yan lag gis brtan par bya'o/ /rgyal ba'i yum bar ma las/ rin chen snang ba zhes bya ba'i ting nge 'dzin dang / rin chen sgron ma zhes bya ba'i ting nge 'dzin dang / zla ba snang ba zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang /rnam pa thams cad gzigs pa zhes bya ba'i ting nge 'dzin dang zhes bya ba la sogs pa gsungs so/ /'chad par 'gyur pa yang / /sangs rgyas kun gyi mngon sum pa/ /ye shes me lce 'od rab gsal/ /zhes so/ /'phags pa klu sgrub kyi zhal snga nas kyang / gang rnams kyi blo yod med las/ /'das shing gnas dang bral ba de/ /zab mo dmigs pa dang bral ba/ /rkyen gyi don du rnam par brtags/ /la ba'i na bza' can gyi zhal snga nas kyang / snang ba thob pa'i rnal 'byor bas/ /gzhan du rtags ni shes bya ste/ /grub pa dag tu mi 'khrul dang //me dag la ni du ba bzhin/ /mig dag rengs par byed par 'gyur/ /mgo bo yang ni 'dud pa dang / /sems dang sems byung brlan pa dang / /stong nyid lta ba'i stong pa nyid/ /ces pa la sogs pa gsungs so/ /gzhan gyis kyang / dri med nam mkha' gang du mig phyed sprul pa nas//cher 'phro'i thugs rjes brlan pa'i sems kyis me dag las/ /yod med gnyis ka dngos dang dngos med rnam 'byed pa/ /glo bur du sogs mtha' dag rjes 'gro 'char/ /de bzhin du/ dang por thog mtha' las grol ba/ /dbu ma tsam la yang dag gnas/ /de stong gnas 'dor gang de yi//snang ba bcu yi bdag nyid do/ /'dir nang du khong du chud pa ni/ bla ma chen po dag gi drin gyis bsod nams dang ldan pa rnams la brjod do/ /'di nyid rnal 'byor gyi dbang phyug rnams kyi rdo rje'i glu kun rdzob dang don dam rab tu ster ba dag tu yang rab tu gnas te/ dpal sa ra ha pa'i zhabs kyis kyang gsungs pa/rmongs pa nam mkha'i tshad ma ni/ /gal te shes na rmongs tshogs gcod/ /dang po rnam dag nam mkha' la/ /lta zhing lta bas mig ni 'gag /ces so/ /de bzhin du/ /chos kyi tshad ni 'di tsam mchog /mang po smras pas ci zhig bya/ / mig ni phyed mig gyen bzlog nas/ /mig ni brtan pa nyid kyis shes/ /zhes so/ /yang / ya mtshan can gcig nam mkha'i dkyil du shar/ /stong nyid gzugs mdzes ltos dang b+hu su ku/ /dpe med me tog shar ro b+hu su ku/ /rin chen rin thang med pa'i me tog long / /'di ni me tog kha dog sna tshogs can//de ni stong nyid dgon par me tog rgyas/ /zhes so/ /de bzhin du/ nam mkha'i me tog shar ba'i yum/ /mi gnas pa yi rab tu lci/ /zhes so/ /yang / blta zhing lta bas mtshan mo nam langs kyang / /zhi ba sgron ma sbar nas lam 'tshol lo/ /zhes so/ / de bzhin du/ skya rengs shar ro b+hu su ku/ /zhi bas smras pa nam langs thun/ /zhes so/ /yang / zla ba gang la shar ma thag nyid du/ /sems kyi rgyal po de ma thag tu 'gag /dga' dang snying rje'i Da ma ru yi sgra/ /'phags pa'i lha yi stong pa nyid 'di mdzes/ /zhes so/ /lho dang byang gi khral ba las//nags pos gsungs pa'i bar lam mo/ /zhes so/ /yang / sems nyid rjes rtogs rin chen rab dga' ba/ /rnam grol mis sbas rmongs pa rnams kyis smras/ me tog lnga byung me tog de ru yal/ /rab tu dga' ba'i sems nyid nam mkha'i byin/ /zhes so/ /de bzhin du/ /ngo mtshar che ba gang zhig mthun las byung //gang gis nyi zla gnyis bcings mar me sbar/ /zhi ba rang nyid dbang bzhag rang nyid dgod/ /nam mkha'i sbrum ma las ni skyes pa mthong / /zhes so/ /yang / tha shal rmongs pa zab mo'i chos thos kyang / /mun pa'i nam la cung zad mthong ba med/ /gal te nam mkha'i rtse mor me tog shar//zhi bas smras pa de na 'khrul pa zhig /ces so/ /gzhan rnams kyis kyang gsungs te/ nam mkha' la ni yid dang rlung dang mig /dus gcig tu ni yang dag legs sbyar na/ /rgyal ba'i yon tan rin chen nges par skye/ /'di rnams de bzhin gshegs pa'i gsungs rab bo//zhes so/ /yang sna tshogs rnam rtog spong zhing mi sems dang / /gal te nam mkhar mig ni dbye byas na/ /phyogs bcu'i lam rnams nyid ni nges par shes/ /rnal 'byor dbang phyug mtha' dag 'di las 'thob/ /ces so/ /de bzhin du/ rang gi sems kyi mtshan nyid mtha' dag spangs//mig phyed gyen du lta zhing lhan cig tu/ /dbus su rlung ni bus ma thag nyid du/ /de rjes rdo rje'i me dang du ba 'byung / /zhes so/ /de phyir thog ma med pa thog ma nas ma skyes pa'o/ /spros med yang dag pa ma yin pa'i kun du rtog pa spang ba'i bdag nyid dmigs pa med pa'i rang bzhin sems med pa'i sems gang gi yin pa de/thog ma med pa spros med bdag ste sna tshogs gzugs mthong ba/ /zhes bya ba'i mthar ro/ /'dis ni dang po nyid du rnam par mi rtog pa mngon du byed pa'o/ /zhes rgyu gsungs so/ /chags pa chen po'i mes phung po dang khams dang skye mched mtha' dag dang sgrib pa dang bral bar byed pa'i phyir dag pa'i bdag go//'dis ni bar du yang rnam par mi rtog pa nyid do/ /bde ba chen po'i khu bas byugs pa nyid kyis de bzhin nyid bdag nor bu'i rtse mo'i mi 'pho ba'i khu ba'i rang bzhin no/ /'dis ni mthar yang rnam par mi rtog pa nyid gsungs so/ /bden pa phyin ci ma log pa'i bde ba smra ba mngon sum du bya ba de'i tshul gyis gsal bar bya ba'i ngang tshul gang gi yin pa de de bzhin no//mtshams med lnga byed pa dang / sangs rgyas rdo rje 'dzin pa la sogs pa bde ba chen po'i tshul nyid kyis rab tu gsal ba'i tshig 'gyur pa med pa nyams su myong ba brjod pa'i phyir gang yin pa de de bzhin no//du ba la sogs pa'i rtags la sogs pa phyin ci ma log pa'i sgo nas bde ba chen po zhes ji skad smras pa de bzhin du sems can rnams la bdag nyid kyis byed pa'i phyir ji skad smras pa de bzhin byed do/ /'di dag gis ni 'di ltar bshad de/ thog mar dge ba/ bar du dge ba/ tha mar dge ba ni gzhan du ma yin no zhes pa'o/ /'o na ji ltar byis pa'i skye bos rnam par brtags pa/ dang po rnam par rtog pa'i bsgom pa/ bar du dbang po gnyis kyis bde ba bsgom pa/ tha mar rnam par mi rtog pa bsgom pa ni bde ba chen po bsgom pa yin nam zhe na/ de ni ma yin gyi/kun du rgyu dang 'dra bar ni/ /'bras bu thams cad mthong bar 'gyur/ /ko tra ba yi sa bon las/ /sA lu'i 'bras bu 'byung ba med/ /rnam rtog sa bon las byung ba'i/ /'bras bu rnam par rtog bcas 'gyur/ /rnam par rtog med las byung ba'i/ /'bras bu rnam par rtog med 'gyur/ /de'i thog mar dge ba rnam par mi rtog pa bsgom pa ste bar dang tha mar yang ngo //ji ltar sa bon de ltar shing / /de ltar ljon shing de ltar 'bras/ /'jig rten kun du mthong ba ste/ /de ni rten cing 'brel 'byung nyid/ /ces so/ /gnyis su med pa bde ba dang khu ba gnyis su med pa'i tshul lo/ /tshul de dag gsal bar byed pa'i phyir gnyis su med par stong pa'o//yang dag pa'i ye shes ji lta ba'o/ /de nyams su myong ba'i gnas nor bu'i lte ba'i mtha' rtse mo ste/ der rnam par gnas pa de mi gnas par legs par gnas pa'o/ /bdag med pa chos thams cad snang ba med pa'i mtshan nyid sna tshogs gzugs kyi rang bzhin no//de nyid seng ge ste zil gyis mi non pa'i phyir ro/ /de'i phyir sgra gzhom du med pa'i sgra yang dag par bskyod pa gang yin pa de bdag med seng ge'i sgra dang ldan pa'o/ /mu stegs ngan pa de kho na nyid ma yin pa shes pa'i thabs su gyur pa bdag la sogs pa'i shes pas der srid pa mu stegs pa ste gzung ba dang 'dzin pa'i spros pa'o//de kho na mi brten pa'i phyir ri [(]dgas [,]dwags [)]dang 'dra bas ri [(]dgas [,]dwags [)]so/ /de rnams gzhom du med pa'i sgra de kho nas 'jigs shing 'jigs par byed pa de nyid du nub par byed pas mu stegs ri [(]dgas [,]dwags [)]ngan 'jigs byed do/ /de ltar yang stong nyid seng ge'i sgra yis ni//rgol ba thams cad skrag par mdzad/ /gang dang gang du zhugs pa de/ /de dang de ru stong pa nyid/ /ces so/ /bde ba chen po'i rang bzhin nyid kyis phung po dang khams dang skye mched la sogs pa kun la khyab pa'i phyir kun du 'gro ba'o zhes pa de bzhin no/ /de nyid kyi phyir don yod gzhom du med pa'i stobs gang yin pa de don yod stobs so//rgyun mi 'chad pa gzhom du med pa'i bde ba chen po khu ba 'gro ba dang 'ong ba'i rang bzhin zhes pa'i don to/ /ji ltar rdo rje nor bu'i lte ba'i mthar byon pa de bzhin du gtsug tor gyi 'khor lor gshegs pas de bzhin gshegs pa'o/ /bde ba chen po rgyas pas khams gsum po gnon pa'i shugs yid ltar mgyogs pa ste de dang ldan pas yid ltar mgyogs pa'o//phyi nas las 'dzin pa'o/ /chags pa dang chags bral dang dbu ma'i chags pa las rgyal ba'i phyir rgyal ba'o/ /ma rig pa la sogs pa rten cing 'brel bar 'byung ba'i yan lag bcu gnyis 'gog pas dgra rgyal lo//rdo rje nor bu'i rtse mor rnam par rtog pa'i rlung thams cad las rgyal ba'i phyir rnam par rgyal lo/ /bde ba chen po'i thig le'i tshul nyid kyis 'khor lo drug tu bsgyur ba'i ngang tshul gang gi yin pa de 'khor los sgyur ba ste/ 'khor lo drug tu bsgyur ba zhes pa'i don to//yan lag bzhi pa dang yan lag drug gi stobs las rgyal ba'i phyir stobs po che'o/ /tshogs kyi rtsa stong phrag bdun cu rtsa gnyis la khyab pa'i bdag po nyid kyis mchog lhan cig skyes pa'i dga' ba khu ba'i rang bzhin no/ /dga' ba dang mchog dga' dang dga' bral gyi tshogs kyi slob dpon lhan cig skyes pa'i gzugs brnyan nye bar ston par byed do//phung po lnga la sogs pa'i tshogs kyi lhan cig skyes pa'i tshul nyid bskyed pas mchog gi rje bo nyid kyi phyir tshogs rje'o/ /tshogs sgyu ma lta bu'i sku de bzhin gshegs pa'i rigs rnams sam rang bzhin te de rnams kyi bdag po ste rje bo byang chub kyi sems kyi rang bzhin gyi phyir 'od gsal lo//de nyid kyi phyir dbang dang ldan pa ste de dang ngo bo yang dag par mthong ba'i gzugs thams cad gsal ba'i phyir zhes so/ /mthu chen nus pa'am nyams su myong ba mi 'pho ba'i phyir gang yin pa de de bzhin no//srog la sogs pa'i rlung rnams bde ba chen por thim par byed pa'i gces pa 'dzin pa'i phyir gces pa 'dzin pa ste'o/ /tshul chen dmigs pa med cing snang ba med pa'i du ba la sogs pa'i snang ba gang gi yin pa de de bzhin no/ /lhan cig skyes pa'i tshul nyid kyis blun po la sogs pas drang bar mi nus pa'i phyir gzhan gyi dring mi 'jog go//tshig gi rje bo so sor sdud pa'i yan lag gsal bar gyur pas ma bcings pa'i tshig nyid kyis mchog sbyin pa la sogs pa nus pa'i phyir ro/ /'dis ni don so so yang dag par rig pa thob par gsungs so/ /mi 'pho ba'i khu ba nyid kyis tshig bdag ste gzhom du med pa'i sgra'i tshul nyid kyis tshig tu brjod pa spangs pa'i phyir ro//'dis ni tshig so so yang dag par rig pa thob pa gsungs so/ /chos thams cad bdag med pa rab tu ston pa'i phyir smra mkhas pa'o/ /'dis ni chos so so yang dag par rig pa thob pa yang gsungs so/ / rdo rje'i bzlas pa la sogs pas bde ba thob pas tshig la dbang ba'o/ /'dis ni spobs pa so so yang dag par rig pa thob pa gsungs so/ /'di ltar so so yang dag par rig pa bzhi thob pa ngag tshig mtha' yas pa gang gi yin pa de tshig mtha' yas te/ sems can thams cad la skal ba ji lta bar rang bzhin gyis 'od gsal ba'i bdag nyid la sogs pa'i chos kyi 'khor lo skor bar byed pa'i phyir ro//kun rdzob kyi bden pa 'gog pa'i chos ston pa'i phyir tshig bden pa ste/ kun rdzob kyi bden pa yang rang byin gyis brlabs pa sgyu ma lta bu'i lus te/ de'i dag pa'i rgyu don dam pa'i bden pa 'od gsal la zhes bya'o//bden pa smra ba stong pa nyid dang snying rje dbyer med pa rang gis rig par bya ba'i rab tu ston pa'i phyir ro/ /bden pa bzhi ni ston pa po lhan cig skyes pa'i dga' ba bzhi po nye bar ston pa'i phyir ro/ /'khor lo bzhi'i lte bar gnas pa nyid kyis rlung bzhi brgya bzhi stong chig khri 'gog pa'i phyir phyir mi ldog pa ste sa mi g.yo ba thob pa zhes bya ba'i don to//phyir mi 'ong nyon mongs pa dbang du gyur pas 'khor ba pa min pa'i phyir ro/ /rang rgyal rtsa mtha' dag bde ba chen po'i tshul nyid du thob pa'i 'dren pa rang rgyal lo/ /bse ru ltar bse ru ste mi 'pho ba nyid kyis rtsa thams cad du 'pho ba'i phyir ro//nges par 'byung ba rnam par rtog pa nyon mongs pa sdug bsngal gang las nges par 'thon pa ni nges 'byung ste sna tshogs kyang yin la nges 'byung yang yin pas nges 'byung sna tshogs te 'khor lo drug gi pad+ma'i lte ba'o/ /de rnams su nges par bde ba chen po'i tshul nyid du byung bas na nges 'byung sna tshogs las byung ba'o//'byung ba chen po lnga po rnams kyi rgyu byed pa gcig pa gnyis pa med pa ni 'byung ba chen po rgyu gcig pa'o/ /de ltar yang / 'byung ba lnga po sa bon ni/ /gzung ste rgyu rkyen tshogs pas skye/ /sa sra chu ni gsher ba ste/ /me ni dro ba las skye'o//rlung ni bgrod pa nam mkha' bde/ /lnga pos yongs su rdzogs 'gyur pa'o/ /lha dang lha min mtha' dag gi /skyed byed ston pa rmongs pa dag /ces gsungs so/ /de bzhin du/ dpal dgyes pa rdo rje'i rgyud las kyang / /bo la kak+kol sbyor bas/ /reg pas sra ba'i chos nyid kyis//sa ni de las skye bar 'gyur/ /byang sems khu ba'i rnam pa las/ /chu yi khams ni yang dag 'byung / /bsrubs pa las ni me 'byung ste/ /g.yo ba rlung du rab tu grags/ /bde ba nam mkha'i khams nyid de/ /lnga po dag gis yongs su bskor/ /zhes gsungs so/ /'dod yon lnga la longs spyod kyang nyon mongs pa dang bral ba'i phyir dge slong ngo //yang dag par rdzogs pa'i byang chub kyi dbang las rnam par rtog pa dang nyon mongs pa'i dgra mtha' dag bcom pas na dgra bcom pa ste byang chub kyi sems kyi sbyor bas bskyed pa'i dpe'i dpe can brjod du med pa'i de kho na nyid kyi bde ba nyid kyis don thams cad rdzogs pa'i phyir ro//bla ma dam pa'i gdams ngag gis dbang bzhi pa'i skad cig la slob ma'i bzhi pa'i skad cig 'das pa nyid kyis skad cig de nyid la shin tu dad pa'i sbyor bas ma rig pa mtha' dag rab tu spangs pa'i phyir zag pa zad pa gang gi'am gang las yin pa de de bzhin no//'od gsal du zhugs pas rang bzhin gyi 'dod chags dang bral ba nyid kyis bde ba chen po nyams su myong ba'i phyir 'dod chags bral ba'o/ /gtsug tor dang nor bu'i rtse mor brten pa nyid kyis dbang po dang yul thams cad zil gyis non pa'i phyir ram/ dbang po gnyis kyis sbyor ba las ma skyes pa'i phyir dbang po thul lo//'dod yon lnga'i nye bar sbyor ba nyid kyis sngon med pa'i bde ba ngo mtshar ba thob pa'i phyir bde ba rnyed pa'o/ /mi 'pho ba'i bde ba nyid kyis bde ba de nyams pa'i 'jigs pa med pa'i phyir 'jigs med thob bo/ /lhan cig skyes pa'i dga' ba'i rtsi chen po dang ldan pa nyid kyis lus dang ngag dang sems kyi g.yeng ba'i me mtha' dag rab tu zhi ba'i phyir bsil bar gyur pa'o//hi don 'di la chags pa dang chags bral la sogs pas ma gos pa'i phyir ro/ /rnyog pa med pa ye shes kyi sku'o/ /rig pa shes rab ye shes chen po'o/ / de'i rkang pa dbang bzhi par thim pa'o/ /de dang ldan pa de dang gnyis su med pa'i tshul zhes pa'i don to/ /chags pa med pa'i bde ba las phul du byung ba las slar mi ldog pa'am ji srid rtogs par bya ba rtogs pas bde gshegs so/ /phung po dang khams dang skye mched la sogs pa'i tshul gyis 'jig rten bde ba chen po nyid du rig pa de ni de bzhin no//mchog ni dga' ba dang mchog dga' dang dga' bral gyi mchog gi phyir mchog phul du byung ba'o/ /bdag dang bdag gi ba la sogs par rtog pa rab tu nyams pa'i phyir bdag gir mi 'dzin pa ste de bzhin nyid kyi bdag nyid ces pa'i don to//bdag gis bde ba la longs spyod do zhes bde bar nges pa'i ngar 'dzin pa dang bral ba'i phyir ngar 'dzin no/ /ji srid rdo rje sems dpa'i nga rgyal spang mi bya/ /zhes pa'o/ /kun rdzob kyi bden pa sgyu ma lta bu bdag byin gyis brlabs pa'i mtshan nyid dang / don dam pa'i bden pa 'od gsal yongs su shes pa ste 'di dag bden pa gnyis so//de ltar yang rang byin gyis brlabs pa dang stong par khams gsum po mthong ba zhes bya'o zhes gsungs so/ /de nyid tshul te lam mo/ /de la gnas pa de mngon sum du byed pa rlung 'byung ba dang rngub pa mtha' dag 'phrog par byed pa zhes pa'i don to//yang dag pa'i snying po 'khor ba dga' ba dang mchog dga'i bde ba'o/ /de'i pha rol dga' bral gyi ye shes so/ /de'i mtha' lhan cig skyes pa'i dga' ba bde ba'i ye shes so/ /de la gnas pas na 'khor ba'i pha rol mthar son pa ste bsam gtan bzhi pa'i rtse mo 'dzin zhes pa'i don to//bya ba byas pa dbang bzhi pa'i ye shes gang gi yin pa de de bzhin no/ /'dod yon lnga la longs spyod pas bsgrubs pa'i mya ngan las 'das pa'i bde ba skams te/ mchog tu bde ba'i gnas nyid kyi phyir ro/ /de la gnas par mi 'gyur pa'i ye shes kyi sku zhes pa'i don to//ye shes 'ba' zhig pa dag pa gnyis su med pa'i chos kyi mtshan nyid chos kyi sku'i bdag nyid do/ /de las byung ba nges par 'byung ba mchog tu mi 'gyur pa'i rang bzhin zhes pa'i don to/ /shes rab sna tshogs gzugs mthong ba'i mtshan nyid do/ / de nyid mtshon chen te nyon mongs pa mtha' dag sel ba'i phyir gang gi yin pa de de bzhin no/ /de nyid kyi phyir blang ba dang dor ba'i rtog pa'i dra ba 'joms par byed pas rnam par 'joms pa'o/ /dam pa rlung ste/ bla ma dam pa'i gdams ngag gis rnyed par bya ba'i phyir ro/ /chos ni e waM gyi rnam pa ste bde ba rang gi mtshan nyid 'dzin pa'i phyir dam chos so//de yang / chos kyi phung po brgyad khri dang / /bzhi stong zhes ni grags pa dag /kun gyi gzhir gyur pha dang ma/ /yi ge gnyis ni bdag gis bshad/ /e yi rnam pa ma yin te/ /waM gyi rnam pa phar brjod do/ /thig le der ni rnal 'byor 'gyur//rnal 'byor der ni rmad byung mchog /e yi rnam pa pad+mar brjod/ /waM gyi rnam pa rdo rje nyid/ /der ni thig le sa bon 'gyur/ /'gro ba gsum po de las skyes/ /e yi rnam pa shes rab ste/ /waM gyi rnam pa dga' ba'i bdag /thig le gzhom med de nyid de/ /de las skyes par mi 'gyur pa//de nyid shes pa gang zhig gis/ /chos kyi phyag rgya yi ge gnyis/ /shes te sems can thams cad la/ /chos kyi 'khor lo skor byed 'gyur/ /zhes gsungs so/ /gzhan du yang / e ni nam mkha'i snang ba ste/ /chos kyi dbyings su rab tu grags/ / waM gyi rnam pa bde gshegs tshogs/ /e yig rnam pa yang dag gnas/ /e dang gsang chen nam mkha'i khams/ /b+ha ga chos 'byung chu skyes dang / /seng ge'i gdan gnas rdo rje can/ /rgyud gzhan du ni bdag gis bshad/ /waM ni rdo rje can rdor sems/ /rdo rje 'jigs byed dbang phyug dang //he ru ka dang dus 'khor dang / /dang po'i sangs rgyas zhes sogs kyis/ /zhes gsungs so/ /gzhan du yang / bdag gis e waM rnam par rtogs/ /mtha' dag ma lus rtogs pa dang / /de ni chos kyi za ma tog /rang gi gtso bo'i cha lugs te/ /zhes gsungs so/ /chos kyi dbyings rang byin gyis rlob pa'o//der ram des mdzes pas na chos rgyal lo/ /lhan skyes kyi snang ba'i tshul gyi phyir gsal bar ldan te/ gsal ba'i ngang tshul lo/ /rgyun ma chad par snang ba med pa bsgoms pas du ba la sogs pa'i rtags bcu dang / sangs rgyas kyi gzugs mi shes pa'i mun pas bsgribs pa'i 'jig rten rnams kyi snang ba byed pa'i phyir 'jig rten snang ba byed pa'o//mchog phul du byung ba rang bzhin gyis 'od gsal nor bu'i nang du son pa mchog gi bde ba chen po'i 'od zer gyi tshul nyi ma la sogs pa'i snang bra las mchog tu 'gyur pa'i phyir ro/ /chos lhan cig skyes pa'i dga' ba bzhi'i chos kyi dbang phyug 'jig rten gsum gyi rje bo ste rtag tu byang chub sems kyi ro myang ba las dbang phyug nyid kyi phyir ro//chos bde ba chen po rin po che'i char gyis 'jig rten sgyur bar byed pa'i phyir chos kyi rgyal po'o/ /legs pa'i lam bdag byin gyis brlab pa'i mtshan nyid kyis ston pa po gsal bar mdzad pa'o//don dam par chos thams cad ye shes kyi rnam par rab tu snang bar byed pa'i phyir grub pa rdzogs pa'o/ /nga las sam gang gi yin pa de de bzhin no/ /bsam pa gzung ba dang 'dzin pa'i rnam par rtog pa gang yin pa de de bzhin no/ /sangs rgyas rdo rje 'chang bskyed pa bsgom pa goms pas 'grub pa ste/rtag tu mngon du byas pa'o/ /de'i phyir kun du rtog pa thams cad bdag dang bdag gi bar 'dzin pa'i mngon par zhen pa spangs pa gsal ba'o/ /dbang dang dam tshig dang spyod pa la sogs pa'i don du rnam par mi rtog pa'i sems kyis thams cad byed pa'i phyir rnam par mi rtog pa'o//chos thams cad kyi rang bzhin gyi phyir dbyings so/ /'od gsal du nges pa nyid kyis zad pa med pa'i phyir mi zad pa'o/ /sku gsum gyi bdag nyid bde ba chen po'i tshul gcig gi phyir chos dbyings so/ /rang 'byung lhan cig skyes pa nyid kyi phyir dam pa'o/ / mi 'gyur pa'i phyir zad mi shes pa'o/ /'dis ni rnam par mi rtog pa bsgom pa kho na phyag rgya chen po 'grub pa'i rgyu'o zhes bshad pa'o/ /bsod nams snying rje chen po'i chags pas bsgyur ba'i sems med pa'i sems kyis ting nge 'dzin gyi yan lag mngon du byed pa'i bde ba ste/ de'i bdag nyid du de dang ldan pas na bsod nams ldan pa'o//de ltar yang / chags bral las gzhan sdig med de/ /bde ba las gzhan bsod nams med/ /de phyir 'bad pa thams cad kyis/ /'pho ba'i bde ba rnam par spangs/ /zhes gsungs so/ /phyag rgya chen po'i dngos grub kyi thabs su gyur pa'i bde ba'i ye shes kyi phyir bsod nams kyi tshogs so//de yang / gang zhig ri dbang rtse nas lhung ba de/ /'pho bar mi 'dod de lta na yang 'pho/ /bla ma'i drin gyis gdams ngag rtogs pa de/ /grol bar mi 'dod de lta na yang grol/ /zhes gsungs so/ / ye shes kyi tshogs rdzogs pas na ye shes te/ nor bu'i nang du son pa'i dmigs su med pa'i bde ba'i ye shes kyi tshul gyi phyir ro/ /bde ba sna tshogs kyi 'byung gnas kyi phyir ye shes 'byung gnas so/ /de skad du/ kun nas zhabs dang phyag ldan pa/ /thams cad du ni spyan dang zhal//kun du dran ldan 'jig rten ni/ /kun la khyab par gnas pa'o/ /zhes gsungs so/ /che ba bcu drug gi tshul gyi phyir ro/ /gtum mo'i sbyor bas rnam par rtog pa'i bud shing thams cad bsreg pa nyid kyis rnam par mi rtog pa'i ye shes dang rtag tu ldan pas na ye shes ldan pa'o//sgyu ma lta bu bdag byin gyis brlab pa'i dbang du byas pa'i phung po khams dang skye mched nyid kyi rab tu snang ba'i phyir dang / brdzun gyi 'khrul pa thams cad dang bral ba'i phyir yod med shes te rang gis rig par bya ba lhan cig skyes pa'i tshul zhes pa'i don to/ /bshad ma thag pa'i tshogs gnyis dang ldan pa'i phyir//tshogs gnyis tshogs ni bsags pa po ste ba spu'i khung bu'i rtse mo nas nam mkha' khyab pa'i sangs rgyas la sogs pa'i kun nas 'phro ba'i tshul gyi phyir ro/ /'od gsal nges pa nyid kyis mi 'phro ba'i bde ba'i phyir rtag pa'o/ /sna tshogs rtsa stong phrag bdun cu rtsa gnyis te der bde ba'i gzugs kyis mdzes pas na kun rgyal lo//lus ngag sems gcig tu byed pa'i rnal 'byor can no/ /dga' ba bzhi'i bdag nyid kyi phyir bsam gtan no/ /rnal 'byor gyi dbang phyug gi rdo rje nor bu dang gtsug tor du nyams su myong bar bya ba nyid kyi phyir bsam par bya'o/ / de bzhin gshegs pa thams cad kyi ye shes kyi sku'i phyir blo ldan bdag drug pa rdo rje 'chang ngo / /gzhon nu ma'i dga' ba'i bde ba bzhin du gzhan gyis rig par bya ba ma yin pa'i phyir so so rang rig go/ /de skad du/ gzhon nu ma yi dga' ba ni/ /med par bde ba smra mi nus/ /lang tsho'i dga' ba rnyed pa na//bde ba chen po rang las rig /de bzhin ting nge 'dzin bral ba'i/ /bde ba bde bar mi nus te/ /ting 'dzin mi 'gyur pa thob pa'i/ /rnal 'byor bas ni rang las rig /ces gsungs so/ /rnam par rtog pa'i rlung chad pa'i phyir mi g.yo ba'o/ /rdo rje sems dpa'i gzugs kyi phyir mchog gi dang po'o//lhan cig skyes pa'i dbus su gnas pa'i sku gsung thugs kyi phyir sku gsum 'chang ngo / /bdag nyid kyi bde ba rtogs pa'i phyir sangs rgyas so/ /sad pa dang / rmi lam dang / gnyid log pa dang / bzhi pa dang / bzhi pa 'das pa nyid kyis sku lnga'i bdag nyid can no/ /khyab bdag ni bde ba'i ngo bos byis pa la sogs pa'i gnas skabs la khyab pa'i phyir ro//rigs lnga'i bdag nyid kyi me long lta bu'i ye shes la sogs pa'i bdag nyid kyi phyir ye shes lnga'i bdag go/ /de ltar yang / bo la kak+ko la sbyor bas/ /reg pas sra ba'i bag chags te/ /sra ba gti mug chos kyi phyir/ /gti mug rnam par snang mdzad 'dod//gang phyir byang sems gsher ba las/ /gsher ba chu yi khams su 'dod/ /chu ni mi bskyod rang bzhin phyir/ /zhe sdang gtso bo mi bskyod pa'o/ /gnyis kyis bsrub pa'i sbyor ba las/ /rtag tu drod ni skye bar 'gyur/ /'dod chags me las byung ba nyid/ / 'dod chags dpag med rdo rjer 'gyur/ /kak+ko lar ni gang zhig sems/ /de ni rlung gi rang bzhin can/ /don yod rlung las byung ba nyid/ /phrag dog don yod grub par 'gyur/ /bde ba'i 'dod chags khrag tu 'gyur/ /khrag ni nam mkha'i mtshan nyid de/ /nam mkha'i ser sna rdo rjer 'gyur/ / ser sna nam mkha' las byung nyid/ /ces gsungs so/ /yang na pha ma'i sbyor ba yis/ /pha'i byang chub kyi sems sa bon zla ba dri ma med pa'i gzugs kyi phyir me long lta bu'i ngo bo nyid dang / ma'i rang byung gi me tog nyi ma rin po che 'byung ldan chags pa'i phyir mnyam pa nyid dang / /pad+mar rdo rje zhugs pa chags pa chen po'i sa bon gyis 'od dpag med kyi bde ba'i phyir so sor rtog pa dang /bskyod pa rlung gis nyams su myong ba don yod grub pa'i ngo bo nyid kyi phyir bya ba sgrub pa dang / bar do'i rnam shes zhugs pas 'phel ba dang / de nas ma'i mngal nas thon pa gzugs rdzogs pa shin tu rnam par dag pa chos kyi dbyings kyi ye shes so//sngar bshad pa'i gzugs mngon sum du byas pas sgrib pa med pa'i phung po lnga 'phro ba'i phyir sangs rgyas lnga bdag cod pan no/ /so sor sdud pa dang / bsam gtan dang / srog rtsol dang / 'dzin pa dang / rjes su dran pa'i yan lag gsal bar 'gyur pa'i phyir spyan lnga'o//ting nge 'dzin gyi yan lag dang ldan pa'i phyir chags pa med pa 'chang ngo / /sems kyi skad cig brgyad khri bzhi stong gis sangs rgyas thams cad bde ba chen po'i ngo bo nyid du skyed pa'i phyir sangs rgyas thams cad skyed pa po lhan cig skyes pa'i dga' ba ste/rdo rje rin po che'i nang du son pa'i bde ba'i sems kyi phung po zhes pa'i don to/ /sngar bshad pa'i rnam pas rang gi sems rab tu sad pas sangs rgyas so/ /de'i sras bdag las skyes pa'i lhan skyes rang nyid yongs su mthong ba nyid kyis mchog tu sdug pa'i gnas su gyur pa'i phyir rnam par mi rtog pa rab tu rtogs pa'i nges par 'byung ba zhes bya ba'i don to//dga' ba gsum las 'das pa'i phyir dam pa ste lhan skyes zhes bya ba'i don te/ rang gi nyams su myong ba'i phyir mchog go/ /shes rab sna tshogs te de kho na skye ba'i gnas so/ /de las byung bas na shes rab srid 'byung ni bde ba chen po'i rnam pa longs spyod rdzogs pa'i sku ni skye gnas nyid de sems can thams cad kyi skye ba'i gnas nyid kyi phyir ro//ye shes kyi sku'i phyir chos rnams 'byung ba'o/ /srid pa dga' ba gsum sel ba lhan cig skyes pa'i dga' ba byed pas srid pa sel lo/ / gcig pu gnyis su med pa'i phyir ro/ /sra ba dbyer med pa'i phyir dang / mkhregs pa lhan skyes kyi bde ba nyid kyis brtags pa'i nyon mongs pa thams cad med pa'i phyir ro/ /ye shes kyi sku yin pas dbyer mi phyed pa'i phyir rdo rje'i bdag go/ /shin tu dad pa dang ldan pa'i sems bla ma'i man ngag bshad pa tsam gyis sangs rgyas kyi gzugs nyid du skyes pa'i phyir skyes ma thag pa'o//de skad du/ de nyid rim pas snying rje la sogs yon tan gyis sbyangs pa/ /dad ldan snying la go 'phang rang nyid kun nas len/ /zhes gsungs so/ /'gro ba'i bdag skye bo thams cad kyi ma dang pa'i gnas su gyur pa 'gro ba'i rje bo rdo rje sems dpa'i rang bzhin zhes pa'i don to//da ni rang byin gyis brlab pa gsungs te/ de yang / kun rdzob tu stong pa mthong bas so sor sdud pa'i mtshan ma zhes bya ba sprin dang du ba la sogs pa bzhin snang ba'o/ /de yang dang po ste sgron ma bar du mthong bar 'gyur ro/ / rtags bzhi po de yang 'dus pa la sogs par gsungs so/ /'bar ba la sogs pa nas thig le'i bar gyi rtags drug ni 'dir tshigs su bcad pa gnyis kyis gsungs so/ /sngar bshad pa'i sprin med pa'i nam mkha' las rab tu snang ba gang yin pa de nam mkha' las byung ba'o/ /rang byung ni sems rnam par rtog pa thams cad dang bral ba nyid kyi phyir ro zhes pa'o//de bas na shes rab ye shes me zhes pa ste/ 'bar bar rab tu snang ba'o/ /'od chen rnam par snang bar byed/ /ces pa zla ba'i bar du snang ba'o/ /de nyid ye shes snang ba lam me ba'o/ /'gro ba'i mar me ni nyi ma'i snang ba'o/ / ye shes sgron ni sgra gcan gyi snang ba'o/ /gzi brjid chen po 'od gsal ba ni glog gi rab tu snang ba'o/ /sngags mchog mnga' bdag rig sngags rgyal/ /zhes pa thig le'i snang ba'o/ /de yang kha dog sngon po zla ba'i dkyil 'khor gyi rnam pa'o/ /gsang sngags rgyal po don chen byed/ / ces pa rnal 'byor pas khams gsum gyi dngos po'i rnam pa thams cad snang brnyan sgyu ma dang rmi lam gyi snang ba dang mi mnyam pa mthong bar 'gyur zhes pa'o/ /bshad pa ni nam mkha' sangs rgyas kyi sku ste der byung bas na de ltar bshad de/ /rang bdag nyid du byung ba ni de bzhin no/ /shes rab ye shes lhan skyes kyi gtum mo'i ye shes so//de nyid kho na me dang 'dra bas me gang yin pa de de bzhin no/ /kun du khyab pa'i phyir chen po'o/ /cher 'bar ba 'di'i yin pas 'od chen no/ /rang bzhin gyis 'od gsal ba'i ye shes rnam par snang ba ste de nyid rnam par snang bar byed pa'o/ /ye shes kho na gang gi snang ba yin pa de ye shes snang ba'o//snang bar byed cing gsal bar byed pas lam me ba'o/ /mar me ltar 'gro ba'i snang ba byed pa'i phyir 'gro ba'i mar me'o/ /ye shes kho na gang gi sgron ma yin pa de ye shes sgron no/ /gzi brjid chen po'i snang ba gang yin pa de gzi brjid chen po'o/ /de nyid kyi phyir 'od gsal lo//bde ba chen po'i gtso bo nyid kyi phyir sngags mchog mnga' bdag go/ /rig sngags phyag rgya chen po'i rgyal po nyid kyi phyir rig sngags rgyal lo/ /don dam pa'i gsang sngags rgyal po nyid kyi phyir gsang sngags rgyal po'o/ /bde ba chen po'i ngo bo nyid du 'jig rten gsum 'phro ba'i phyir don chen byed do//chen po yang yin zhing gtsug tor yang 'di yin pas gtsug tor chen po de bzhin gshegs pa thams cad kyi thig le'o/ /nam mkha' gtsug tor gyi rnam par phung por gyur te gnas pa'i phyir ro/ /gtsug tor nas byung ba ye shes kyi thig le ste/ gtsug tor chen po rmad byung gtsug go//o T+Ta'i lam nas gzi brjid phung po'i tshul gyis bcom ldan 'das de bzhin gshegs pa thams cad kyi ye shes sems dpa' gang yin pa 'di de bzhin gshegs pa thams cad kyi gtsug tor las 'thon nas spyi bor rdo rje'i rnam par gnas pa'o/ /de ltar yang / gang gi yid byung rang gi rdo rjer drangs nas rang nyid dpral bar blangs//shAkya thub pas shes rab ye shes stobs kyis rdo rje gtsug tor chen por son/ /dmigs dang bcas par son te stong pa nyid dang snying rje dmigs pa med bya ba/ /nges par lha mi lha min la sogs bla ma 'gro ba'i ston pa gcig phyag 'tshal/ /zhes gsungs so//nam mkha' stong pa nyid kyi bdag po bde ba'i bdag po zhes pa'i don to/ /de skad du/ snang ba med pa'i sems kyis ni/ /gnas pa nam mkha'i mtshan nyid do/ /nam mkha' bsgom pa 'di nyid ni/ /stong pa nyid ni bsgom par 'dod/ /ces gsungs so/ /sna tshogs rnam pa sna tshogs pa rang byin gyis brlab pa'i ting nge 'dzin gyis skad cig gcig la mngon par rdzogs par byang chub par ston pa'i ngang tshul gang gi yin pa de nam mkha'i bdag po sna tshogs ston to//rtag pa la sogs pa sangs rgyas kun gyi bdag gi ngo bo rang gi rig par bya ba lhan cig skyes pa'i ye shes te des na mchog dam pa de bzhin gshegs pa thams cad kyi ye shes kyi sku zhes pa'i don to//'gro kun dga' ba lhan cig skyes pa'i tshul du mig dang ldan te lta bar byed cing nyams su myong bar byed pas na 'gro kun dga' ba'i mig dang ldan no/ /brtan pa dang g.yo ba'i dngos po rnams bde ba sna tshogs kyi gzugs su mthong bas sna tshogs gzugs can no//skal ba dang ldan pa ji lta ba bzhin du sngags dang phyag rgya dang mngon par rtogs par dkyil 'khor dbyung ba la sogs thams cad byed pas skyes pa po'o/ /lhan skyes kyi bdag nyid du mchod bya yin pa'i phyir mchod cing ngo / /rtag tu phyi dang nang gi bdag nyid can gyi phyag rgya bsnyen pa'i zil gyis mnan par bya ba min pas rjed pa'o//mchog tu mi 'gyur pa'i ye shes kyi phyir drang srong che'o/ /lus dang ngag dang sems kyi dbye bas rigs gsum ste/ bde ba chen po'i nang du thim pa nyid du 'chang ba de ni de bzhin no/ /'jig rten las 'das pa'i ye shes 'dzin pa'i phyir gsang sngags 'chang ngo //dam tshig chen po gsang sngags ni bde ba dam pa'i mngon par rdzogs pa'i byang chub pa'i ting nge 'dzin te de 'dzin pa ni de bzhin no/ /dkon mchog ni chos dang longs spyod rdzogs pa dang sprul pa zhes bya ba lhan cig skyes pa'i gzugs gcig pu'o/ /de 'dzin pa'i phyir de bzhin no//de nyid kyi phyir gtso bo ste thog ma dang tha ma med pa'i phyir ro/ /theg pa mchog gsum ston pa po/ /dga' ba bzhi pa gsal bar byed pa po'o/ /de skad du/ nam mkha' rdo rje'i dbyings dbus gnas/ /rdo rje dkyil 'khor bsgom pa ste/ /lus ngag sems kyi nga rgyal ni/ /bsams nas de ni bskal par gnas//zhes gsungs so/ /don yod bcing du med pa zhags pa dang 'dra ba ste/ sbyor ba yan lag drug gi mtshan nyid gang gi yin pa de don yod zhags pa ste byang sems rdo rje gdul bya sems can rnams la gzugs mthong bas de bzhin nyid rab tu snang ba'i phyir ro/ /rdo rje lta bu 'jig rten gsum gyi ting nge 'dzin gyi rlung 'gog pa'i phyir rnam par rgyal lo//'dzin pa chen po byang chub kyi sems rnam par mi rtog pa'i sbyor bas mi gtong ba gang gi yin pa de de bzhin no/ /rdo rje zhags pa dang 'dra bas zhags pa gang yin pa de de bzhin te/ srog bcings pas sems kyi rdo rje yang bcings pa'i phyir ro//rdo rje lcags kyu bzhin du bde ba'i ting nge 'dzin thams cad 'gugs pa'i phyir rdo rje lcags kyu'o/ /zhags pa'i sgra yis lte ba'i 'og tu 'khyil pa'i rnam par snang ba'i klu'i rnam pa nor rgyas kyi bu zhes bya ba rtsa'i bye brag go/ /des a wa d+hU tI'i lam nas tshangs pa'i gnas su son nas byang chub kyi sems bkug pas khams dang skye mched rnams rgyas par byed pa'i phyir zhags pa che'o//'di ni snying ga'i rtsa gcig dang bcas pa'i dpral ba dang / spyi bo dang / rna ba g.yas pa dang / rgyab gzhung dang / rna ba g.yon pa dang / mig dang /smin mtshams dang / phrag pa gnyis dang / mchan khung dang / nu ma gnyis dang / lte ba dang / sna rtse dang / kha dang / mgrin pa dang / snying ga dang / mdoms dang / gsang ba dang / bshang lam dang / brla dang / byin pa dang / rkang pa'i rgyab dang / sor mo dang / mthe bong dang /pus mo g.yas su khyab pa'i lhan skyes kyi dga' ba byang chub kyi sems rab tu mtshon par byed pa nyid kyis sam/ byang chub sems zla ba'i gnas nyi shu rtsa bzhi'i rang bzhin gyi rnam par dag pa rkang pas dman pa'i tshigs su bcad pa nyi shu rtsa lngas shin tu rnam par dag pa chos kyi dbyings kyi ye shes kyi bshad pa 'jig rten las 'das pa'i rnam par shes pa mi bskyod pa'i rang bzhin gyi bshad pa'o//da ni rdo rje 'jigs byed 'jigs par byed/ /rkang pa dang bcas pa'i tshigs su bcad pa bcus me long lta bu'i ye shes kyi bshad pa gsungs te/ rdo rje a wa d+hU tI'o/ /de'i nang du rlung b+he raM b+ha'i shugs gzhom du med pa la bde ba'i bdag nyid kyi gzugs la sogs pa'i phung po nyid kyi bde ba chen po'i rang bzhin gyis gdug pa'i rnam par rtog pa rnams 'jigs pa rang bzhin med par byed pa'o zhes pas/rdo rje 'jigs byed 'jigs par byed/ /khro bo dga' bral gyi mjug thogs su mdzes pas na khro bo'i rgyal po bde ba chen po'i rang bzhin 'jam dpal gyi sku'o//gdong drug ni so sor sdud pa la sogs pa thabs su gyur pa drug po gang yin pa de de bzhin no/ /sdug bsngal thams cad gcod byed nyid kyis 'jigs so/ /phung po dang khams dang skye mched kyi dbang po rnams mtha' dang bral ba'i phyir nam mkha' ltar dang ba nyid kyis mngon par shes pa drug gi rang bzhin mig drug gang gi yin pa de mig drug go//yul drug po bde ba chen po nyid du longs spyod pas lag drug go/ /chags pa chen po'i bdag nyid can gyi ye shes su phung po la sogs pa bsgyur bar nus pa'i phyir stobs dang ldan no//bde ba rtogs pas na keng rus so/ /mche ba gtum mo ste de bla ma'i gdams ngag gis 'bar ba dag rtse mor gyur pa'i phyir gtsigs pa po'o/ /ha la ha la nam mkha'i ye shes nyid kyis rdo rje'i mtha' srog bsdam pa'o/ /des rtsa mtha' dag tu son pa'i bde ba nyid kyis gdong ba bde ba'i ye shes brgya pa mtha' yas pa gang gi yin pa de ha la ha la gdong brgya pa'o//gshin rje bdag gzhan du mngon par zhen pa gnyis so/ /de'i gshed po zung 'jug dang ldan pa zhes bya ba'i don to/ /bgegs ni bdud de/ rang gi sems rab tu 'joms te bdud ni rang gi sems te bdud gzhan med ces so/ /de bcom pas mdzes pa ni bgegs kyi rgyal lo//rdo rje yang dag pa'i ye shes kyi shugs chen rab tu 'phro ba de'i tshul gyi phyir de bzhin no/ /thig le dang nA da gcig tu byed pas rnam par rtog pa mtha' dag gdul ba'i phyir 'jigs byed pa'o/ /de ma thag tu bshad pa'i rim pas stong pa nyid dang / snying rje dag dbyer med pa'i phyir gzhom du med pa chos kyi dbyings kyi ngo bo nyid kyis grags pa sgra chen po rdo rje dbyer mi phyed pa 'di'i 'am des na dbyer med pa de de bzhin no/ /lhan skyes kyi lus kyi phyir rdo rje'i snying ngo / /sgyu 'phrul yid rnam par bsgyur ba rdo rje dbyer mi phyed pa'i phyir te gang gi yin pa de de bzhin no//chos kyi dbyings kyi ngo bo nyid kyis dngos po mtha' dag la 'khyud par byed pa'i phyir gsus po che'o/ /rdo rje de bzhin gshegs pa thams cad kyi sku gsung thugs ye shes rdo rje rnams kyi skye gnas bskyed pa'i gnas te lhan cig skyes pa'i dga' ba las skyes pa'i phyir de bzhin no/ /rdo rje'i bdag nyid o Di ya na dang dzA lan+d+ha ra'i ming can gyi rdo rje'i bu ga gnyis kyi nang du bde ba chen po'i rang bzhin gyi bdag po nyid ni de bzhin no//phul du byung ba'i bde ba myong ba'i ngo bo'i phyir rdo rje snying po dbyer med pa'i snying po'o/ /sgrib pa dang bral ba nyid kyis rnam pa thams cad kyi mchog dang ldan pa'i stong pa nyid kyi ngo bo nyid kyi phyir mkha' 'dra ba'o//srog g.yo ba med par gyur pa'i phyir mi g.yo ba'o/ /thams cad ro mnyam par gyur pa'i phyir ral pa gcig ma bzhin du bsgyings pa ste brjid pa gang yin pa de de bzhin no/ /mchog gi phyag rgya'i sbyor ba bde ba chen po'i gzugs nyid du pags pa'i bar du son pa'i khu ba dkar po glang chen ko ba de rlon pa lhan skyes nyid kyi phyir ro//de'i bdag nyid du gyon pa ni de bzhin no/ /sgra khyad par du gyur pa'i ngo bo nyid kyi phyir drag po'i las 'das pas drag chen no/ /bde ba chen po rgyas pa'i sgra ha ha zhes byed pa'i phyir ha ha zhes sgrogs pa'o/ /snga ma 'di bzhin du bde ba'i sgra'i ngo bo nyid kyi phyir hi hi zhes sgrogs pa'o//bde ba chen po rdo rje'i bu gar gzhan zil gyis gnon pa'i phyir 'jigs par byed do/ /mchog gi btsun mo las 'khyud pa'i rdo rje rtsa'i bde ba nyid kyi phyir gad mo chen mo'o/ /phyag rgya chen po'i sbyor bas shin tu dpangs mtho ba'i ha'i rnam pa gad rgyangs can gyi gad mo'i tshul gyi phyir gad rgyangs can no//rang gi rig par bya ba nyid kyis rdo rje gad mo ye shes kyi gad mo'o/ /'jig rten gsum po bde ba chen po'i sgra ni cher sgrogs pa'o/ /byang chub kyi sems dbyer med pa'i ngo bo nyid kyi phyir rdo rje sems dpa'o/ /byang chub kyi sems kyi chus bkang nas rgyun mi 'chad par 'bab pa'i ye shes kyi thig le'i ngo bo nyid kyi phyir sems dpa' che'o//rdo rje'i nang du bde ba chen po nyid du mdzes pas na rdo rje rgyal po'o/ /de nyid kyi phyir bde ba che ste rab tu mi gnas pa'i bde ba mya ngan las 'das par bgrod pa'i phyir shugs can gyi phyir rdo rje'i shugs so/ / yod pa dang med pa'i phyogs med pas mi 'pho ba'i bdud rtsi'i dga' ba rnyed pas dga' che'o/ /rdo rje hUM mdzad byang chub kyi sems rgyal po'i hUM gi rnam pa bzhi'i ngo bo dga' ba bzhi dang bsam gtan bzhi yi ngo bos o Di ya na dang / dzA lan d+ha ra dang / pul+lir ma la ya dang / ma rur rgyu ba'i phyir rdo rje hUM mdzad hUM zhes sgrogs so//a wa d+hU tI rdo rje'i mdas sna bug gnyis su 'gog pa'i phyir rdo rje a wa d+hU tI'o/ /de kho na mtshon pa mda' de 'dzin pa'i phyir mtshon du rdo rje'i mda' thogs pa'o/ /bde ba chen po'i gzhi nyid kyis rdo rje gnyis su med pa'i ye shes kho na ral gri ste nyon mongs pa thams cad gcod pa'i phyir ro//de gang gi yin pa de de bzhin no/ /de nyid kyi phyir bag chags mthug po gcod pa'i phyir gcod do/ /srog la sogs pa'i rlung kha dog lnga ni rdo rje kun no/ /de skad du/ ye shes lnga'i bdag nyid rlung / /'byung ba lnga yi rang bzhin can/ /pad+ma'i sna rtser byung nas ni/ /gong bu'i ngo bor brtag par bya//kha dog lnga pa'i rin po che/ /srog dang rtsol ba zhes byar gnas/ /rang sngags snying gar bsams nas ni/ /sems ni thig ler son par dgod/ /sna rtser yungs 'bru zhes bya ba/ /srog dang rtsol ba'i brtag pa rnams/ /srog dang rtsol bar gnas pa'i 'od/ /'od lnga sangs rgyas kyis gsungs pa//kha dog lnga yi bdag nyid dbugs/ /srog dang rtsol bar brtags pa ni/ /sna yi rtse mor 'bad pa yis/ /rnal 'byor rig pas rtag tu bsgom/ /zhes gsungs so/ /de yang mi bskyod pa la sogs pa de bzhin gshegs pa lnga'i rang bzhin dang / spyan ma la sogs pa lnga'i rang bzhin g.yas g.yon gyi sna bug gnyis su rgyu ba 'chang ba ste mi g.yo bar byed pas rdo rje kun 'chang ngo //du ba dang smig rgyu'i rab tu snang ba nyid kyis dbyer med pa'i rdo rje 'dzin pa nyid kyi phyir rdo rje can no/ /gnyis gnyis kyi sbyor bas gnyis su med pa'i ye shes kyi phyir rdo rje gcig pu'o/ /las kyi phyag rgya'i sta zur gyi bar du rnam par rtog pa'i bde ba dga' ba'i g.yul sel bas g.yul sel ba'o//ye shes kyi gtum mo 'bar ba'i me long gi pra dbab pa dang mi mnyam pa'i rdo rje 'bab pa nyid kyis mig sha'i mig la sogs pa mi zad pa brtsegs pas bde ba chen po mthong ba gang gi yin pa de bzhin no//rdo rje 'bar ba bzhin du dbyer med pa nyid kyi spyi bor skye bas na sgra yang rdo rje 'bar ba ste bde ba chen po nyid kyi gtsug tor non pa'i phyir ro/ /gyen du rgyu dang thur sel 'gog pas 'dar ba dang 'phags pa la sogs pa 'bebs pa byin gyis brlabs so/ /de dang ldan pas rdo rje 'bebs pa ste/khams gsum la phyag rgya chen po'i dbang bskur ster ba po zhes pa'i don to/ /bde ba chen po nyid kyis dngos po thams cad kyi rang bzhin gyi phyir 'bebs pa che'o/ /lta ba thams cad dang bral ba nyid kyis rtogs bya phul du byung ba'i bde ba mtha' yas pa nyams su myong ba'i ye shes kyi phyir mig brgya pa ste/sha la sogs pa'i mig gi sna tshogs mthong ba gzhom du med pa mthong ba'i phyir rdo rje'i mig go/ /ba spu bye ba phrag phyed dang bzhi'i nang du khu ba 'bab pa'i rtsa rnams kyi myu gu rang bzhin gyis snang ba'o/ /de nyid lus te lhun gyis grub pa'i ye shes gang gi yin pa de lus ni rdo rje'i ba spu can/rdo rje dbyer med pa'i ye shes de nyid spu ste bar med par 'phags pa'i phyir ro/ /gcig pu gnyis su med pa lus gzugs gang yin pa de de bzhin no/ /lhan cig skyes pa nam mkha'i lus/ /zhes pa'i don to/ /rdo rje'i rtse mo lta bur dmar pa dang dkar ba'i yon tan dang ldan pa'i phyir sen mo lhan cig skyes pa'i dga' pa'i thig le ste des bskyed pas na sen mo skyes pa rdo rje'i rtse ste ye shes kyi sku zhes pa'i don to//rdo rje'i snying po rnam par 'gyur pa med pa'o/ /'phyang bzhin pa nyid kyis pags pa ste reg bya bde ba'i bdag nyid can rdo rje'i lce'i rtsal lo/ / mkhregs pa rgyun mi 'chad pa'i bde ba nyid gang yin pa de de bzhin no/ /gnas dang nye ba'i gnas la sogs pa lus kyi gnas su thim pa dang longs spyod pa la sogs pa'i rim pas lhan skyes skyed pa ni rdo rje'i phreng ba ste/ lhan skyes kyi thig le'i phreng ba 'dzin pas na rdo rje'i phreng thogs so/ /dpal dang ldan pa gnyis su med pa'i ye shes can no//lus thams cad khyab pa'i mchog tu mi 'gyur pa'i bde ba khu ba nyid kyis rdo rje'i rgyan gyis brgyan pa ste'o/ /btsun mo mchog la 'khyud pa las byung ba'i bde ba'i sgra ha ha'i gad rgyangs rab tu rgyas pa gang gi yin pa de de bzhin no/ /sgrogs pa las phyir 'thon pas nges par sgrogs pa ste/nang gi bde ba rang byung gi bde ba'i sgra zhes pa'i don to/ /de ltar yang / nam mkha'i gang+gA'i 'gram du nyi ma zla ba dag gi dbus gnas pa/ /bla ma'i bka' yi cha las rlung gnyis kun nas kha sbyor cho ga yis/ /ji lta'i gnas su sems kyi nyams myong bde ba myang ba dga' nyams can//gang zhig nang du lta ba bde ba'i nA da ci zhig de ni rgyal/ /nyi zla'i 'od kyi khro bor byas pa'i thun mtshams chen po'i rjes 'brel dpal/ gang gis bla med dus su rol pa'i 'gro ba de yi bdag nyid skyed/ gang yang snang ba 'dod ma ro mnyam rtsen pa'i bde ba gcig pu'i sgra//ye shes bdag nyid lus zad rgyal ba'i longs spyod rdzogs pa'i sku de rgyal/ /gsal byed de dang sgra de dang ni dbyangs ni bcu drug de dag kyang / /gang las rnam par spro zhing lhung ba dag dang kun nas thim bzhin pa'ang / /sa 'og mthil nas 'then zhing lhang lhang longs spyod rdzogs pa'i sa'i dbang phyug /tshangs pa'i ka ba rnam bsgyings rdo rje nam mkha'i rnga chen rnam par rgyal/ /zhes gsungs so/ /'khor lo drug tu mi 'gyur pa'i bde ba rig pa'i phyir yi ge drug pa'o/ /lus la sogs pa'i nam mkha' thams cad khyab pa'i bde ba chen po'i sgra nyid kyi phyir rdo rje'i sgra'o//'khor lo thams cad du byon pa'i thig le dang srog 'dres pas ye shes dang rnam par shes pa gcig tu 'dres par gyur pa'i nA da nyid kyi phyir 'jam dbyangs so/ /rdo rje dang pad+ma'i lte ba'i nam mkhar son pa'i bde ba'i sgra'i ngo bo nyid kyi phyir sgra che ba'o/ /'jig rten gsum ni snang ba la sogs pa rab tu snang ba gsum ste/stong pa dang shin tu stong pa gcig pu byed pa 'gog pa'i snyoms 'jug gis gcig pa gnyis su med pa de kho na sgra ste thams cad stong pa 'od gsal gang yin pa de de bzhin no/ /de nyid kyi phyir che ba'o/ /mig la sogs pa rang bzhin med pa nyid nam mkha'i khams so//de nyid mthas klas te mthar phyin pa gang yin pa de sgra sgrogs pa bde ba'i sgra gang yin pa de de bzhin no/ /chos thams cad rang bzhin med pa nyid sgra dang ldan pa rnams kyi mchog go/ /nor bu'i lte ba dang gtsug tor du gnas pa'i bcom ldan 'das bde ba'i thig le'o/ /'di ni snying gar gnas pa'i srog 'bab pa'i rtsa bdun dang /bshang ba dang / gci ba dang / khu ba dang khrag 'bab pa'i rtsa bzhi sgrib pa dang bral ba nyid ston par byed pa'i tshigs su bcad pa bcu tham pa rkang pa dang bcas pas gzugs kyi phung po rnam par dag pa rnam par snang mdzad kyi sgo nas 'jig rten las 'das pa me long lta bu'i ye shes kyi bshad pa'o// //yang dag bdag med ces pa la sogs pa nas/ ye shes me lce 'od 'bar gsal/ /zhes pa'i bar gyi tshigs su bcad pa bzhi bcu rtsa gnyis rnam par dag pa'i 'du shes kyi phung po 'od dpag med kyi sgo nas so sor rtog pa'i ye shes kyi bstod pa gsungs so//de bzhin nyid g.yon dang g.yas kyi rgyu ba chad nas a wa d+hU tIr rgyu ba'o/ /de yang / rtsa rnams kyang ni rang bzhin gyi/ /lha rnams de nyid du min nyid/ /de rnams 'di dag mchog tu dag /rang bzhin rang bzhin med pa nyid/ /shes rab thabs dag gcig pa gang / /rnam kun gcig tu bsdom pa'o//de ni a wa d+hU tI rnam bcom bdag /dbu ma khong du chud par 'dod/ /thog ma dbus mtha' kun rtog gi / 'brel pa mngon par mi sems pas/ /dag pa shel dang mtshungs pa ni/ /rab byed a wa d+hU tI ste/ /zhes gsungs so/ /de kho na 'byung ba sa la sogs pa rnams kyi bdag med pa ste bdag dang bdag gi ba mi dmigs pa'o//de kho na yang dag mtha' ste/ yang dag pa ji lta ba'i mtha' gang yin pa de de bzhin te/ de bde ba'i rang bzhin gyi mtha' zhes pa'i don to/ /mi 'pho ba'i snying rje'i ros gang ba'i phyir yi ge med de mi 'gyur pa'o/ / ngag sems 'gog pas rang gi rig par bya ba'i bde ba thob pa stong pa nyid de de ston pa'i phyir stong nyid smra ba'o/ /bdud kyi dgra thams cad sel bar brtson pa'i phyir khyu mchog go/ /yang na tshig gcig go/ /zab cing rgya che ba stong ba nyid dang snying rje dbyer med pa'i bde ba'i sgra sgrogs pas rgyas pa gang gi yin pa de de bzhin no//de ltar yang dri ma med pa'i 'od las/ stong pa nyid kyi dngos po stong pa nyid do/ /'das pa dang ma 'ongs pa'i shes bya stong pa'o/ /des mthong ba'i dngos po stong pa nyid zab cing rgya che ba 'das pa dang ma 'ongs pa med pa'i phyir zab mo'o/ /'das pa dang ma 'ongs pa mthong ba'i phyir rgya che ba'o zhes gsungs so//chos 'byung las byung ba'i phyir dang / sgra brnyan lta bu'i chos ston pa'i phyir chos dang / dung ltar dri ma med pa'i phyir dung ste bde ba chen po thig le'i bdag nyid yid kyi rgyal po'o/ /pad+ma'i bar du mi yi snang can la/ /rdo rje las byung 'o ma'i rgya mtsho'i gzugs//yid bzhin nor bu 'gro kun rang bzhin can/ /he ru ka dpal rgya mtsho chen por rig /ces gsungs so/ /sangs rgyas nyid ster ba po rang bzhin med pa'i bde ba'i sgra'i ngo bo nyid kyi phyir sgra chen ldan no/ /mtha' dag bde ba'i rang bzhin dag gi rdo rje'i ting nge 'dzin rnam par spros pa chos thams cad ston pa po chos kyi snang ba'i ngo bo nyid kyi phyir chos kyi gaN+DI'o//dpe med pa'i bde ba'i shes rab chos sgrogs pa'i sgra bo che'o/ /dga' bral 'khor ba'i phyir mi gnas pa'o/ /nor bu'i rtse mo nas lhung ba'i phyir mya ngan las 'das pa'o/ /de med pa'i phyir gnas pa dang mya ngan las 'das pa yang med pa gang gi yin pa de de bzhin no//bla na med pa'i dga' ba'i chos kyi mdzod bde zhing dge ba ston pa'i phyir phyogs bcu chos kyi rnga bo che/ nam mkha'i mtha' nyid kyis sems dang sems las byung ba dang ma rig pa'i snang ba thams cad 'gags pa'i phyir rang bzhin lhag ma med pa'i rang bzhin gang gi yin pa de gzugs med do//chos kyi sku dang gzugs kyi sku gcig tu gyur pas rnyog pa med pa'i gzugs kyi phyir gzugs bzang ngo / /snying bde bar byed pa nyi ma'i dkyil 'khor gyi gzhi nyid kyis bdud thams cad rab tu dkrugs pa'i phyir dam pa ste'o/ /rtsa stong phrag bdun cu rtsa gnyis su rang bzhin gyi gzugs kyis bde ba chos kyi dbyings 'bab pa'i gzugs kyi phyir sna tshogs gzugs can no//skad cig gcig la mngon par rdzogs par byang chub pa'i ngo bo nyid kyi phyir yid las skyes pa'o/ /chags pa dang bral ba nyid kyis sa dang / chu dang / me dang /rlung dang / nam mkha' dang / mig dang / rna ba dang / sna dang / lce dang / lus dang / ngag dang / yid so sor rang gis rig pa nyid du snang ba'i phyir gzugs rnams thams cad snang ba'i dpal lo/ /sna tshogs gzugs mthong bas ri mo nag po mtha' yas shing mu med pa ye shes kyi sku dang dbyer med pa'i longs spyod rdzogs pa'i sku snang ba'i phyir gzugs brnyan ma lus 'chang ba po'o//de ltar yang / gang zhig gser dngul nor bu dung rdo byi ru dang / /baiDUr+ya zangs nya phyis sogs la gnas pa yang / /des ni nam mkha'i khongs su 'khor ba'i lus can na/ / zla ba re re yang ni snang ba ji bzhin du/ /'di ltar mgon po sems kyi rdo rje de nges par/ /srog chags tshogs la rnam pa sna tshogs su gnas te/ /de yang zag med bdag nyid sna tshogs gzugs can te/ /sgyu ma'i bdag nyid 'jig rten mtha' dag la khyab pa/ /zhes gsungs so/ / rnam par rtog pa thams cad sdud par byed pa'i phyir tshugs pa med cing ngo / /gnyis su med pa'i bsod nams dang ye shes kyi tshogs mthar phyin pa'i ngo bo nyid kyi phyir che bar grags pa'o/ /khams gsum po chos dang longs spyod dang sprul pa zhes bya'o/ /der dbang phyug chen po ye shes kyi sku'o/ / rnam par rtog pa dang bral ba'i phyir 'phags pa'o/ /bgrod par bya bas lam ste 'khor lo drug gi lte ba'o/ /shin tu mtho ba shin tu ring ba'o/ /der bde ba chen po nyid du gnas pas na 'phags lam shin tu mtho la gnas so/ /chos kyi bde ba gnyis su med pa nyid kyis nam mkha'i khams gzhal du med pa'i sangs rgyas kyi sku dpag tu med pa snang ba'i phyir dar ba chen po'o//nor bu'i lte bar nyon mongs pa mtha' dag las rgyal ba'i phyir dang chos de kho na nyid rin po che'i tog brjod du med pa'i ngo bo nyid kyi phyir chos kyi tog go/ /'jig rten gsum sku gsum ste/de kho na gzhon nu ste chos kyi dbyings kyi ngo bos rnam par 'gyur pa med pa'i phyir ro/ /lus 'di thams cad skyed pa'i rgyu'o/ /de gcig ste gnyis su med pa'i bde ba chen po'i sku gang yin pa de 'jig rten gsum na gzhon lus gcig ste/ phyag rgya mchog las byung ba'i bde ba'i ngo bo zhes pa'i don to//sngar bshad pa'i phyag rgya mchog tu son pa'i phyir dang / dngos grub thams cad kyi thu bo yin pa'i phyir gnas brtan zhes brjod do/ /ting nge 'dzin gyi rgyal po'i rim pas ye shes rgan pa'i bdag nyid kyi phyir rgan po'o/ /ye shes khong du chud pas bzhi pa 'das pa'i 'od gsal gyi bdag nyid ye shes kyi gzugs nyid du srog chags thams cad skyes pa'i phyir skye dgu srog chags thams cad kyi bdag po ni skye dgu'i bdag go//dkar po'i tshes gcig la sogs pa bco lnga'i cha las 'das pa'i cha bcu drug dang / nag po'i tshes gcig la sogs pa bco lnga'i cha las 'das pa'i cha bcu drug pa gnyis mtshan nyid gcig pa'i ngo bo nyid kyi phyir sum cu rtsa gnyis mtshon par bya bas na mtshan te/de 'dzin pa ni sum cu rtsa gnyis mtshan 'chang ba'o/ /yang na kun rdzob dang don dam pa'i rim pas dga' ba bcu drug po gnyis 'dzin pa'i phyir de bzhin no/ /chos thams cad ro gcig pa nyid kyi sems can thams cad kyis mngon par 'dod par bya ba nyid kyi phyir sdu gu'o//rang byin gyis brlab pa gsal bar gyur pas blta bas chog mi shes pa'i ngo bo nyid kyi phyir 'jig rten gsum sku gsum gcig pa nyid kyis mdzes pa'o/ /de ltar yang / ston pa sum cu rtsa gnyis mtshan/ /khyab bdag dpe byad brgyad cu ldan//btsun mo'i b+ha ga bde can du/ /khu ba zhes byar rnam par gnas/ /de phyir shin tu mchod 'os de/ /sems can kun la rjes brtse bas/ /sum cu rtsa gnyis mtshan 'dzin pa'i/ /sprul pa yi ni sku dag mdzad/ /de med na ni bde mi 'gyur/ /bde ba spangs nas de ma yin/ /khu ba'i rnam pa bcom ldan 'das//de yi bde ba 'dod mar brjod/ /de ni rang sangs rgyas rnams dang / /nyan thos rnams kyi spyod yul min/ /sangs rgyas sras rnams spyod yul te/ /rdor pad las byung go 'phang ngo / /slar yang / 'gro ba 'di kun sangs rgyas lnga bdag nyid/ /mchog gi zlos gar rnam par bkra ba ltos//mchog tu bde ba chen po zhes bya gcig /gcig 'di du ma'i ro yis gar byed do/ /zhes gsungs so/ /'jig rten mig la sogs pa rnams kyi shes pa sgrib pa dang bral ba'i snang ba'o/ /de'i legs par 'dod yon lnga la nye bar spyod pas 'khor ba'i skyon gyis ma gos pa'o/ / de'i slob dpon nye bar 'doms pas 'jig rten shes legs slob dpon te/ skal ba ji lta ba bzhin du dbang bzhi pa'i bar ster bas 'jig rten slob dpon no/ /gzugs sna tshogs pa spros pas 'gro ba'i don byed pa'i phyir ngal ba med pas 'jigs pa med pa ste mi 'jigs pa'o/ /dbyer med pa'i bde ba'i ye shes shes pa'i don to//gnyis su med pa'i sbyor bas legs par gnas pa'i phyir mgon no/ /skyob byed don dam pa'i bden pa dang / bskyab bya kun rdzob kyi bden pa gcig gi ngo bo nyid kyi phyir skyob pa'o/ /rnam pa thams cad stong pa nyid du rab tu gsal ba'i ngo bo nyid kyis 'pho ba'i bde ba 'dzin pas gzung ba rnams dri ma med pa'i ye shes kyi gdams ngag gi ched du gnas pa yang 'jig rten gsum du yid gcugs pa 'dod yon lnga la longs spyod kyang skyon zad pa ni 'jig rten gsum yid gcugs so//'byung ba lnga po rnams bde ba chen por nges par byed pa'i phyir skyabs so/ / skyob pa bde ba'i bdag nyid kyis ye shes kyi rgyun no/ /de rgyun mi 'chad par ldan pa'i phyir skyob pa'o/ /rtag tu bzhi pa'i skad cig gi ngo bo zhes pa'i don to/ /'jig rten gsum gyi khyab byed lhan skyes kyi dga' ba'i phyir bla na med do/ /nam mkha' ni pad+ma dang rdo rje'i sbyor bas ze 'bru'i nam mkha'i phyogs so//de yi mtha' rgyas pa'o/ /der yang dag par longs spyod pa gnyis su med pa'i bde ba la longs spyod pa gang yin pa de nam mkha'i mtha' la longs spyod pa'o/ /lus ngag yid spangs pa'i bdag nyid rdo rje 'chang chen po'i ye shes rin po che'i 'byung gnas yin pa'i phyir thams cad mkhyen pa'i ye shes mtsho'o//ma rig pa 'khor ba'i bag chags so/ /de nyid sgo nga'i sbubs te 'gro ba bskyed pa'i rgyu nyid kyi phyir ro/ /de byed bde ba chen po gcig nyid rtogs pa'o/ /srid pa lus dang ngag dang sems kyi rang bzhin yongs su mi shes pa'o/ / de kho na dra ba ste mi mthun pa'i rgyu nyid kyi phyir ro/ /de 'joms par byed pas na srid pa'i dra ba 'joms pa'o/ /nyon mongs pa ma rig pa la sogs pa rten cing 'brel par 'byung ba'o/ /gang gi zhi byed pa sgrib pa med pa nyid du nges pa ni de bzhin no/ /'dod yon lnga yi dbang du gyur pa'i nye bar len pa'i phung po lnga po rnams 'khor ba'o//de kho na rgya mtsho ste/ 'dod chags la sogs pa 'khrugs pa'i phyir ro/ /de'i pha rol sgrib pa med pa'i phung po la sogs pa so sor snang ba'o/ /der son pas na 'khor ba'i rgya mtsho'i pha rol phyin no/ /ye shes dga' ba bzhi pa'o/ /de kho na la dbang bskur bar bya ba phung po dang khams la sogs pa sgrib pa med par bya bas na dbang bskur bzhi pa thig le'o//de kho na cod pan can gyi gtsug tor gang yin pa de de bzhin no/ /rdzogs pa'i sangs rgyas thig le de nyid 'di'i rgyan du thogs pa de ni de bzhin no/ /yang na sangs rgyas rnams kyi rgyan du thogs pa de de bzhin no//'dis ni dbang bzhi pa'i ngo bo bcom ldan 'das kyis gsungs so/ /de skad du/ las kyi phyag rgya'i 'brel ba yang / /ye shes phyag rgya rjes chags par/ /bde ba chen po byang chub sems/ /brtul zhugs brtan pas bsrung bar bya/ /'dis ni bsrungs pa kho na yis/ / tshe 'di la ni sangs rgyas nyid/ /tshul khrims tshogs ni yongs su rdzogs/ /bsod nams ye shes dang ldan pa/ /pha rol phyin pa bcu thob pa/ /dus gsum bzhugs pa'i rdzogs sangs rgyas/ /'dis ni rdzogs sangs rgyas kun gyis/ /chos kyi 'khor lo rab tu bskor/ /rlung rnams 'dus bzhin pa yis glog gi me'i rtse mos spyi bo'i zla ba bzhu bar bya//gang gang thig le zhu ba 'di las mgrin pa snying gar son pa lte ba gsang bar 'gog /thig le bab pa zhu ba gang zhig rdo rje nor bur son pa rgyal mtshan rtse mor 'gog /thig le'i phreng ba mi 'dzag pa yis gal te bde ster shes rab ye shes skad cig de//sad dang rmi lam rang bzhin slar yang gzhan 'di gnyid log pa dang bzhi pa'i rang bzhin te/ /lus la gnas pa'i dbugs thim yul la rnam par dpyod pa'i sems ni g.yo ba med thim pa/ /ye shes la gnas bud med sbyor las byang sems zhu bas skad cig tsam yang 'gyur pa yin//sprul pa la sogs rim pas nges par rab tu 'gyur pa'i thugs kyi rdo rje dag ni rnam pa bzhi/ /'di ltar sems ni rnam pa bzhi po srid pa gsum son srog chags rnams kyi thig le'i dbus/ /zhi ba'i bde 'bras ster bar khyab byed gyur pa'i rgyur ni rnal 'byor dbang pos bsrung bar bya/ / mchog tu bder son rnal 'byor rnams kyi skye ba'i sa bon lhung na thar pa ga la zhig /de phyir 'di ni sdom brtson rnams kyis 'khor ba'i bde ba skad cig dus kun du ni dor/ /zhes gsungs so/ /'dus par yang / dngos grub kun gyi gter gyur pa/ /byang chub sems ni lhung ba na/ /phung po rnam shes brgyal ba la//ma smad dngos grub ga la zhig /ces gsungs so/ /dri ma med pa'i 'od las kyang / shes rab 'dus par gang gi dkar po/ /'dzag na de yi bde ba cis 'phel/ /dpyid kyi dus su me tog zum pa/ /lhung na a mra'i 'bras bu gang gis/ /zhes so/ /dpal ye shes rdo rje kun las btus pa rnal 'byor gyi rgyud las kyang //sgyu ma dag ni thams cad las/ /bud med sgyu ma rab tu bsngags/ /ye shes gsum gyi dbye ba 'di/ /gsal ba 'di nyid du mtshon pas/ /zhes so/ /gzhan yang / snang ba mtshan mo'i cha ste rab gsal nyi ma'i 'od zer nyin mo snang ba mched par 'gyur//thun mtshams snang ba thob pa rang bzhin rnams kyi rtag tu sbyar bar bya ste rang nyid kyis/ /mtshan mo ma yin thun mtshams min la nyin mo yang min gang zhig rang bzhin dang bral ba/ /de ni byang chub skad cig 'di ni bla ma mchog gis bshad pa'i rnal 'byor bgrod bya yin//gang du mtshan mo'i mun pa rnam par nyams shing thun mtshams snang ba mtha' dag kyang ni bral/ /ji srid snang byed mi 'chang skad cig dri bral 'dir ni slob ma dag la yang dag mtha'/ /slob dpon gtso bo phyi rol rdzogs pa'i byang chub lta byed dag gis rab rib bcom pas bstan//nang gi bde ba mchog gi go 'phang ci zhig sangs rgyas byang chub skad cig gis thob 'gyur/ /zhes so/ /gzhan du yang / rnal 'byor spyod mngon rdzogs byang chub/ /nor bu'i nang du bde sgrub pa/ /dbu ma'i mngon par rdzogs byang chub/ /'pho ba'i mtha' mar mtshan nyid bral//zhes gsungs so/ /de ltar gnyis ka dbyer med pa gcig tu 'dres pa mchog tu mi 'gyur pa'i bde ba mtshon pa la bzhi pa zhes brjod do/ /de ltar yang / slob dpon gsang ba shes rab dang / bzhi pa 'bras bu'i ngo bo las/ /de dag 'di ni ji ltar zhes/ /khyad cher log par rtog par byed//mchog dang dga' bral gnyis dbus su/ /gang gis rab shes des mtshon bya'o/ /sgra yi 'thad pa 'bad pa yis/ /gal te byed pa yin zhe na/ /'dir ni de dag gis dbang 'di/ /bzhi par yang ni mi 'thad do/ /gsum pa 'bras bu'i ngo bo'i phyir/ /rang bzhin gyis ni rdzogs she na//'bras bu dang por rdzogs nas 'dir/ /phyi nas rgyu yis ci zhig bya/ /dbang 'di ji ltar yin pa 'di/ /bsgrub phyir gzhan gyi rgyur ma yin/ /zhe na sngon du de grub pas/ /slar yang de la don gcig yod/ /gal te 'bras bu rdzogs pa dang / /phyi nas dbang bskur rjod byed na//sangs rgyas rdo rje 'dzin pa dag /dbugs dbyung rab dbye 'di ji ltar/ /sngon du rdo rje 'dzin dbugs dbyung / /slad nas sangs rgyas 'gyur zhe na/ /'di ltar rgyu dang 'bras bu yang / /'chol pa gang gis zlog par byed/ /gal te tshigs su bcad pa'i ngor/ /gnyis kyi dbus su yin na ni//mtshan gzhi nyid min de nyid du/ /tshigs su bcad pa'i don gzhan phyir/ /slar yang mtshan gzhi'i ngo nyid du/ /tshigs su bcad pa'i don sbyor na/ /tshigs su bcad pa dag gi ngor/ /mtshan gzhi gzhan du 'dren pa med/ /dpal ldan pa dang dgyes rdor dang / /de nyid du 'dir dbye ba med//sgrub pa'i thabs kyi dbye ba yis/ /de dag dbye bas brjod pa yin/ /der dbang rnam pa gsum gsungs so/ /zhe na de yang 'jig rten pa'o/ /'jig rten las 'das dbang bskur ni/ /gsungs kyang gsal bar ma mdzad do/ /shes rab ye shes dbang bskur gyis/ /de ni bzhi par shes par bya//zhes pa 'di ni legs shes par/ /'dod na bla ma dam pa bsten/ /de 'dir 'thad pa re 'ga' bas/ /dbus su mtshon byar gang smra yod/ /de lta na yang lung rigs kyis/ /tha ma nyid du the tshom med/ /lhan skyes tha mar gyur pa'i phyir/ /tshigs bcad 'thad pa ji ltar bya//zhe na skyon 'di mi 'byung ste/ /tshigs su bcad pa shin tu 'thad/ /lhan cig skyes pa dang dga' ba dag gi dbus su mchog dang dga' bral yin pa gang gi tshe dga' ba dang lhan skyes la ltos pa'i dbus su mchog dang dga' bral dag 'gyur pa de'i tshe mchog dang dga' bral zhes zhe sa med pa'i drug pa'i sbyor ba'i phyir ram/de dag zhe sa med pa'o zhes mtshon par bya zhes pa/ bzhi par blta ba brten par byos shig /dpal dgyes pa'i rdo rje'i rgyud kyi le'u brgyad pa las/ dga' bral tha ma de bzhin slar/ /zhes gsungs pa'i phyir/ dga' bral gyi tha na lhan cig skyes pa'o zhes gsal bar khong du chud par bya ba nyid do//de bzhin du/ dga' ba'i dga' ba mtha' dag nges/ /de ni bde ba thabs kun rig /ces pa shin tu 'thad pa kho na'o/ /dga' ba gsum po 'di dag lhan skyes kyi rgyur gyur pa dga' ba'i rang bzhin no/ /dga' ba gsum po de ni bde ba'i rang bzhin thabs rgyur te rim gyis brgyud nas mngon sum du kun rig pa lhan skyes kyi dga' ba'i rang bzhin can no//de yang / dga' bral dga' ba chags bral 'gyur/ /lhan skyes dga' ba lhag ma nyid/ /ces gsungs so/ /dga' ba khyad par can ni chags bral te snang ba'i ngo bo nyid nyams su myong ba'i bde ba rnam par rtog pa'i ngo bo zhes pa ji srid du'o//de bzhin du/ gsum pa 'dod chags nyams pa'i phyir/ /des na bzhi pa bsgom par bya/ /de bzhin mchog dga' srid par gsungs/ /chags bral las ni myang 'das nyid/ / dbu ma dga' ba tsam nyid de/ /lhan skyes 'di rnams kyis spangs pa/ /zhes so/ /mchog dga' kun nas nyon mongs pa can gyi bde ba'i longs spyod kyi mtshan nyid kyi phyir srid pa 'khor ba'o/ /mchog dga' kun du snang ba'i bdag nyid kyi kun nas nyon mongs pa can gyi nyams pa'i phyir mya ngan las 'das pa'i ngo bo nyid do//dbu ma dga' ba tsam ni dbu ma ste bde ba thun mong ba'i ngo bo nyid kyi phyir ro/ /dga' ba gsum po 'di dag gis spangs pa'i lhan cig skyes pa'i 'bras bu zhes pa'i don to/ /de bzhin du/ /'dod chags ma yin chags bral min/ /dbu ma dmigs su med pa'o//'dod chags mchog dga' ste zhen pa'i mtshan nyid kyi phyir ro/ /bde ba'i rnam rtog nyid kyis khyad par du 'phags pa'i phyir chags bral dga' bral gyi dga' ba'o/ /dbu ma bar ma'i bde ba tsam nyid kyi dga' ba dang po'i dmigs su med pa'o zhes pa gsum po 'di dag dmigs su med pa lhan cig skyes pa nyid kyi don to//de yang dga' bral dang por mtshon/ /dga' ba gsum po rnam spangs pa/ /zhes pa ni lhan cig skyes pa de yang ste dga' bral dang po pa gang yin pa'o/ /der lhan skyes mtshon par bya zhes pa'i don to/ /de bzhin du/ mchog dga' dga' bral dbu ma ste/ / stong dang stong min gyi ni rgyu/ /mchog gi mtha' kho na ste dbu ma yang ma yin la dga' bral yang ma yin pa'i lhan skyes la ltos nas rgyur brjod de/ stong dang stong min ni stong pa dang snying rje dbyer med pa 'bras bu lhan cig skyes pa zhes bya ba'i don to/ /'ga' zhig gis khyad par gyi dga' ba dga' bral chags pa dang bral ba'i mtshan nyid du brjod nas/mchog dang dga' bral dag gi dbus su mtshon par bya ba lhan cig skyes pa kho nar 'dod pa de rnams kyi 'dod pa la ni dga' ba bzhi po rim bzhin sbyar ba'i tshigs su bcad pa/ /dang po dga' ba tsam nyid de/ /mchog tu dga' ba gnyis par grags//gsum pa khyad par zhes bya ste/ bzhi pa lhan cig skyes par brjod/ /de bzhin du/ /stong dang shin tu stong pa dang / /chen po stong pa gsum pa ste/ /bzhi pa thams cad stong pa ni/ /rgyu dang 'bras bu'i dbye ba las/ /sna tshogs dang po'i dga' ba ste/ /mchog tu dga' ba rnam smin skyes//khyad par dga' ba rnam nyed pa/ /lhan skyes dga' bas tshan nyid bral/ /slob dpon gsang ba shes rab dang / /bzhi pa de yang de bzhin te/ /dbang ni bzhi yi grangs kyis su/ /dga' ba la sogs rim shes bya/ /'dod pa'i dga' ba 'dar bar 'gyur pa yang ste bzhi pa dag gi sbyor ba de gcig go//gang bar nus pa las byung nges par mchog tu dga' bar 'gyur pa 'di ltar gnyis pa'o/ /'bar dang thig le gnyid yul slar yang khyad par gyi ni dga' ba 'di ni gsum pa'o/ /oT+Ta nA da dag dang gnyid ni lhan skyes dga' bar yang 'gyur 'di ni bzhi pa'o/ /zhes bya ba la sogs pa 'di lta bu rnams kyi don ji ltar 'chad par byed/phyag rgya bzhi'i rjes su 'gro ba'i gzhung so so'i skye bos byas pa ni gnas par bya ba ma yin no/ /bum pa gsang ba'i dbang bskur dang / /shes rab ye shes rjod byed can/ /slar yang shes rab chen po nyid/ /de yi shes pa'i rjod byed nyid//'gyur zhing 'gyur pa de nas 'bab/ /mi 'dzag pa yang de nas gzhan/ /lus ngag yid kun rnam dag pas/ /dbang bskur gsum ni rim pa bzhin/ /bzhi pa ye shes kun nas dag /lus ngag sems ni spyod byed pa'o/ /byis pa lang tsho de nas rgan/ /bzhi pa dag ni skye dgu'i bdag /shes rab bu mo lus reg pas/ /byang sems 'dzag pa'i bde ba ni/ /'o chu 'dzin pa'i dbang bskur ba/ /gang la bde de byis par gsungs/ /gsang ba bskyod las mi ring bar/ /skyes pa'i byang sems 'dzag bde ba/ /lang tsho gsang bas dbang bskur ba/ /gang phyir gsang ba las bde 'thob//gsang ba bskyod las ring zhig na/ /skyes bde rdo rje'i rtser bab pas/ /shes rab ye shes dbang bskur ba/ /de rgan 'dzag par gyur gang las/ /phyag rgya chen po'i rjes chags las/ /gang skyes mi 'dzag pa las bde/ /shes rab chen po'i dbang bskur de//gang las mi 'dzag pa nyid 'gyur/ /skye dgu'i bdag por de shes bya/ /skyob pa kun gyi skyed byed nyid/ /rdo rje sems dpa' sems dpa' che/ /byang sems gnyis med mi 'gyur pa/ /'di ni dam tshig sems dpar 'gyur/ /rdo rje rnal 'byor rnam pa bzhi/ /'dis kyang de bzhin gshegs pa yi//nges par lhan cig skyes pa yi/ /dga' ba bzhi pa zhes bya ba'o/ /zhes kyang ngo / /yang sa ra ha pa'i zhal snga nas kyang / lhan cig skyes dga' bzhi ba ste/ /de yang brjod par mi rung ba'o/ /zhes so/ /rol pa'i rdo rjes kyang / lhan skyes dga' ba bzhi pa'i skad cig la//rang gis yang dag rig pa shes par 'gyur/ /zhes so/ /lus ngag yid gsum ni rang bzhin brgya drug cu'i gzhan dbang nyid kyis sdug bsngal gsum mo/ /de rnams kyi sdug bsngal rang bzhin khong du ma chud pa'o/ /de thabs dang shes rab kyi ye shes kyi stobs kyis zhi bas zhi byed do//de nyid kyi phyir gsum sel bzhi pa'o/ /mtha' yas ni zung 'jug gi bzhon pa ste rnam par rtog pa'i rlung thams cad 'gags pas rab tu mi gnas pa'i mya ngan las 'das pa'i phyir ro/ /'dod chags dang / zhe sdang dang / gti mug gsum las grol bar gyur pas na grol gsum thob pa ste/sgrib pa kun las nges par grol bar yang ngo / /rang bzhin gyis 'od gsal ba nyid kyis mkha' ltar mnyam pa nyid la gnas/ /sna tshogs gzugs mthong bas nyon mongs pa thams cad dang bral ba'i phyir nyon mongs dri ma kun las 'das pa'i phyir/chos kyi dbyings mi zad pas 'das pa dang ma 'ongs pa dang / da ltar byung ba'i dus gnas pa dang bral ba'i phyir dus gsum dus med rtog pa po/ rnam pa thams cad gnyis su med pa mthong ba'i phyir sems can kun gyi gtso bo chen po nyon mongs pa'i g.yul thams cad las rgyal ba nyid kyis ji snyed rtogs pa'i chos thob pa'o//yon tan thod ni nor bu'am sangs rgyas bcom ldan 'das so/ /de rnams kyi thod dpal lhan cig skyes pa'i thig le'o/ /chos dang nor dang 'dod pa dang thar pa'i rnam par rtog pas ma brtags pa'i phyir so sor sdud pa'i yan lag gsal ba'i dngos pos sha la sogs pa'i spyan gyis rnam pa thams cad stong pa nyid sna tshogs mthong ba'i phyir dang /gzhan sems can rnams stong pa nyid mthong ba'i don la dmus long nyid kyi phyir lus kun las ni rnam grol ba'o/ /de nyid kyi phyir nam mkha'i lam stong pa nyid kyi gzugs su rab gnas pa rnam par rtog pa'i ngo bor rnam par gnas pa'o//de ltar yang / nam mkha' sgom pa 'di ni shes rab kyi pha rol tu phyin pa sgom pa'o zhes gsungs so/ /yid bzhin nor bu chen po 'chang ba ni mngon par 'dod pa'i don thams cad grub pa ster ba'i phyir lhan cig skyes pa'i thig le 'chang ba ste lhan cig skyes pa rang bzhin med pa shes rab kyi pha rol tu phyin pa'i rang bzhin zhes pa'i don to//de nyid kyi phyir khyab bdag ste khyab byed do/ /lus ngag sems kyi thig le rin po che kun gyi mchog bla na med pa'i dga' ba ster ba po nyid kyi phyir ro//'jig rten las 'das pa mngon par 'dod pa'i don gyi dngos grub ster ba'i phyir dpag bsam shing chen te rgyas pa yang dag par rgyas pa'o/ /bum pa bzang po khyad par can gyi phyir bum pa bzang po che ba'i mchog go/ /lhun gyis grub pa ste sems can thams cad bde bar byed pa'i chos ston pa'i phyir byed pa'o//de nyid kyi phyir sems can kun don byed do/ /phan pa sgrub cing bde ba ster ba'i ngang tshul gang gi yin pa de phan 'dogs so/ /'gro ba la bu gcig pa ltar byams pa'i phyir sems can mnyes gshin pa'o/ /bzang ba dang ngan pa yang bde ba chen po'i ngo bor shes pas na bzang ngan shes shing ngo //dus bde ba chen po byang chub kyi skad cig shes pas na dus shes pa'o/ /'jig rten dang 'jig rten las 'das pa'i don la khyab pa'i ngo bo nyid kyi phyir khyab bdag go/ /lus dang ngag dang sems dang ye shes kyi bdag nyid dam tshig rnam pa bzhi shes pa ni de bzhin no/ /de skad du/ dpal phyag na rdo rje'i zhal snga nas/shes rab dang 'o byed pas dga' ba'i skad cig 'byung bar 'gyur ro/ /de ni lus kyi dam tshig go/ /pad+mar rdo rje bcug pas mchog dga'i skad cig ste ngag gi dam tshig go/ /pad+mar rdo rje bskyod pas khyad par gyi dga' ba'i skad cig ste sems kyi dam tshig go/ / rdo rje nor bur byang chub kyi sems lhags pas lhan cig skyes pa'i dga' ba'i skad cig ste ye shes kyi dam tshig bzhi pa'o/ /de nyid kyi phyir dam tshig ldan te de'i ngo bo nyid kyi phyir ro/ /lhun gyis grub pa nyid kyis chos ston pa la sogs pa'i dus shes pa ni de bzhin no/ /thung pa nyid ni gtsug lag yin pa'i phyir ro//dga' ba bzhi'i skad cig zos pas sems can thams cad kyi dbang po yongs su shes pa'i phyir sems can dbang po shes so/ /las kyi kun rtog mchog gi phyag rgya'i sgo nas sa la spyod pa dang mkha' la spyod pa dang / phyag rgya chen po'i dngos grub kyi rnam grol gsum mo//de la mkhas pa po rtog pa po'o/ /lhan cig skyes pa dbyer med pa'i rang bzhin rdul mun pa snying stobs kyi yon tan dang ldan pa'i phyir yon tan dang ldan zhing ngo / /lus dang ngag dang sems kyi rang bzhin yongs su shes pa'i phyir yon tan shes so/ /'jig rten las 'das pa'i chos bde ba chen po myong ba'i phyir chos shes so//yang dag pa'i ye shes 'chang ba'i rim pas 'gro ba thams cad zhi bar byed pa'i phyir bsngags pa ste ye shes kyi sku zhes pa'i don to/ /'jig rten las 'das pa'i bkra shis rnams 'di las 'byung bas na bkra shis 'byung ngo //bkra shis dga' ba gsum po kun gyi yang bkra shis pa bzhi pa lhan cig skyes pa'i dga' ba ste 'od gsal nyid kyi phyir ro/ /rtag tu 'jig pa med pa'i bde ba grags pa'i ngo bo nyid kyi phyir grags so/ /phun sum tshogs pa thams cad kyi gzhir gyur pa'i phyir bkra shis so//rnam par rtog pa yongs su dor ba las byung ba dri ma dang bral ba 'od gsal gyi snyan grags can gyi phyir snyan grags so/ /bde ba thams cad bsags pa'i ngo bo nyid kyi phyir dge ba'o/ /srog rtsol gsal ba'i dngos pos srog a wa d+hU tIr son pa nyid kyis 'jig rten las 'das pa'i dbugs kyi phyir dbugs 'byin chen po'o//bde ba rgyun mi 'chad pa'i dga' ston nyid kyi phyir dga' ston che'o/ /brjod du med cing gnyis su med pa'i chos kyi dga' ba rab tu gsal bas 'gro ba dga' ba'i ngo bo nyid kyi phyir dga' chen no/ /sems can thams cad bde ba chen pos tshim pa'i phyir rol pa chen po'o//bde ba chen po'i bdag nyid can yin pas mchod par 'os pa'i phyir bkur sti byang sems kyi khu bas lus kyi rtsa thams cad yongs su rdzogs par byed pa'o zhes pa'i don to/ /don dam pa'i dbang rim gro'i ngo bo nyid kyi phyir rim gro'o/ /rgyun mi 'chad pa'i bde ba'i gzhi nyid kyi phyir phun sum tshogs pa'o//lus dang ngag dang sems bde ba mchog tu dga' ba dang ldan pa'i phyir mchog tu dga' ba'o/ /bde ba dang yid bde ba grags pa'i rje bo nyid kyis grags bdag dpal te ye shes sku zhes pa'i don to/ /rnam pa thams cad rnam par dag pa'i ye shes kyi sku'i phyir mchog ldan te rab mchog go//rnam par mi rtog pa'i sems can gyi bsam pa yongs su skong ba'i phyir mchog sbyin te 'od gsal mchog tu sbyin pa ji srid pa'o/ /stong pa nyid dang snying rje dbyer med pa mchog nyid kyi phyir gtso bo'o/ /'od gsal gyi ye shes nye bar bstan pas chags pa la sogs pa srung ba'i phyir/chags pa chen po 'char bas bde ba chen po'i ngo bo stobs pa'i phyir skyabs kyi dam pa'o/ /rnam par rtog pa gzhan dbang du gyur pa zhan pa rnams kyi skyabs kyi 'os so/ /'khor ba'i bag chags kyi 'jigs chen 'joms pa po nyid kyi phyir 'jigs chen dgra ste'o//de nyid kyi phyir rab kyi mchog go/ /rnam pa thams cad kyi mchog dang ldan pa'i stong pa nyid kyis spros pa'i 'jigs pa thams cad 'joms pa'i phyir 'jigs pa ma lus sel ba po ste sems can gyi bsam pa'i dbang gis dag pa'i sku'i gzugs sna tshogs pa 'phro ba zhes pa'i srid pa'o//de skad du/ /de phyir skyes shing 'jigs med srid pa rnam pa gsum song rgyal ba yi ni dag pa'i sku/ /las kyis gnod par gyur kyang rtag tu sems can don dag rgyal ba'i bdag po 'dor mi mdzad/ /'di ltar 'jig rten dbang phyug kho bo srid gsum gnas dang las kyi sar gnas nyi ma nyid//sems can rnams la lam ster dmyal ba'i 'jigs sel lha gzhan nam yang yod ma yin/ /zhes gsungs so/ /rjes su dran pa'i yan lag gsal ba'i dngos pos gtum mo 'bar ba'i rtse mo de dang ldan pas gtsug phud can no/ /ma'i nyi ma dang 'brel ba'i pags pa dang /sha dang / khrag dang / pha'i zla ba dang 'brel pa'i rus pa dang rgyus pa dang khu ba ste de gnyis dang ldan pa phud pu'o/ /de sgrib pa med pa'i sbyor ba dang ldan pas phung po can no/ /ral pa'i lcang lo mtha' dag bcings pa bzhin chos thams cad ro gcig pa nyid du ldan pa'i phyir lcang lo can no//mchog tu mi 'gyur pa'i ngo bo nyid du dngos po thams cad ngo bo gcig pas ral pa can no/ /nyon mongs pa'i rnam par rtog pa mtha' dag bzhar ba'i phyir mgo zlum mo/ /cod pan gtsug tor chen po'o/ /de dang ldan pa'i phyir cod pan thogs so/ / de bzhin gshegs pa lnga'i bdag nyid can chos kyi phung po'i ngo bo nyid kyi phyir sgrib pa med par byas pa'i srog la sogs pa'i rlung nyid kyi phyir gdong lnga ste/ rigs lnga'i rang bzhin zhes pa'i don to/ /snang ba dang / snang ba mched pa dang / snang ba thob pa dang / 'od gsal dang / chos kyi dbyings kyi mtshan nyid gtsug phud lnga gang gi yin pa de gtsug phud lnga dang ldan no//sad pa dang / rmi lam dang / gnyid log dang / bzhi pa dang / bzhi pa 'das pa'i zur phud lnga pa'i me tog thod kyi ngo bo nyid kyi phyir zur phud lnga pa me tog thod do/ /mauny+dza byang chub kyi sems mi 'dzag pa'o/ / de dang ldan pa'i phyir mauny+dza'o/ /phung po dang / khams dang / dbang po la sogs pa rang bzhin med par byed pas brtul zhugs chen po'o/ /de 'dzin pa ni de bzhin bshad do/ /byang sems mi 'dzag pa nyid kyi phyir tshangs par spyod pa'o/ /de nyid kyis brtul zhugs mchog go/ / mchog tu bde bas gang ba'i sangs rgyas kyi chos thams cad mngon du byed pa'i phyir dka' thub mthar phyin pa gang yin pa de de bzhin no/ /rtag tu pad+ma dang rdo rje yang dag par sbyor ba goms pas thig le'i dbus su dbugs drug thim par byed pas thig le de rdo rje'i kha'i bza' ba'i mtshan nyid dka' thub chen po gang yin pa de de bzhin no//sbyor yan lag drug yongs su rdzogs pa bsam gyis mi khyab pa'i bde ba chen po'i chu bor rtag tu bkrus pa'i phyir gtsang gnas so/ /lhan cig skyes pa'i dga' ba'i phyir dam pa'o/ /mchog tu mi 'gyur pa'i bde ba nyid kyi phyir gau tam shAkya thub pa don grub bo//yi ge lnga'i ngo bo nyid kyi phyir haM gi rnam pa de bzhin gshegs pa lnga'i bdag nyid can gyi bram ze'o/ /de'i nA da khong du chud nas gang zhig spyi bor thim pas rnam par rtog pa'i rlung thams cad rgyu bar byed pas na bram ze'o/ /nam mkha' la chags pa'i sems can nyid kyi so sor sdud pa la sogs pa yan lag drug bsdus pas tshangs pa'i gnas yan lag bzhi pa bsam gtan bzhi'i zhal bzhi'i rang bzhin gyi phyir tshangs pa'o//rang bzhin gyis 'od gsal ba stong pa nyid dang snying rje dbyer med pa'i ye shes ni tshangs pa'o/ /de de'i bdag nyid du rig pa nyams su myong bas na tshangs pa shes so//tshangs pa'i mya ngan las 'das pa ni mya ngan las 'das pa tshangs pa dga' bo/ /dga' ba tshangs pa'i ngo bo nyid ces pa gsungs pa'i phyir de thob pa'o/ /stong pa nyid yang dag par nyams su myong ba nyid kyis nam mkha' ji srid par 'jigs pa med pa'i bde bar son pa'i phyir thar pa bzhi pa'i don to//yang dag pa'i ye shes kyi mes rdul mun pa snying stobs thal bar byas pa'i phung po nyid kyis rnam grol kho na lus rang bzhin gang yin pa de de bzhin no/ /rang bzhin gyi 'dod chags la sogs pa 'ching ba dang bral bas 'dod yon lnga la longs spyod pas chags pa chen po yang dag par yongs su shes pa thob pa'i phyir rnam grol bcom ldan 'das so//de yang / 'jig rten chags pas 'ching 'gyur pa/ /'dod chags nyid kyis rnam par grol/ /bzlog pa'i bsgom pa de dag ni/ /sangs rgyas mu stegs kyis mi shes/ /dug gi dum bu gang nyid kyis//srog chags thams cad 'chi bar 'gyur/ /dug gi de nyid shes pa des/ /dug gis dug ni 'joms par byed/ /ji ltar me yis tshig pa ni/ /slar yang me yis 'joms par byed/ /de bzhin 'dod chags mes tshig pa/ /'dod chags me yis zhi bar byed/ /gang dang gang gis srog chags dag /drag po'i las kyis 'ching 'gyur pa/ /de dag thabs ni de nyid kyis/ /srid pa'i 'ching ba las grol 'gyur/ /zhes gsungs so/ /gzhan yang / gal te ches phra'i sems kyi myu gu la/ /dag pa'i yul gyi bcud kyis ma bran na/ /nam mkha' khyab pa'i 'bras bu ster ba yi//dpag bsam ljon shing nyid ni ji ltar 'thob/ /kha cig yul rnams dag ni spangs nas te/ /kha cig yul rnams ma bkag par byas nas/ /kha cig yul rnams kho na nyid kyis te/ /mi yi khyu mchog rnams ni byang chub byed/ /ces so/ /stong pa nyid kyi ye shes kyi rang bzhin gyi phyir de bzhin gshegs pa thams cad kyi ye shes sems dpa' bsgom pa byang sems zhi ba ste/zhi ba rtag tu dge ba zhi ba ste/ /zhes so/ /gzung ba dang 'dzin pa la sogs pa sems kyi g.yeng ba rnams zhi ba'i phyir zhi ba nyid do/ /de yang / zhi ba myang 'das khams yin no//zhes te/ las kyi phyag rgya bsten phyir ro/ /gang zhig pha yi bde thob pa/ /de yi bde ba rang nyid bza'/ /gsad pa gang gis lus bde la/ /de yi bde ba bsam gtan brjod/ /ces gsungs so/ /phyi rol du gyur pa rnams med pa'i phyir dmigs pa med pa ste de tsam zhig dmigs pa'i phyir mya ngan 'das so//ma bcos pa'i rang gis rig par bya ba'i phyir phyag rgya chen po shes rab kyi snang ba'i ngo bo nyid kyi phyir zhi ba'o/ /dngos po dang dngos med mchog tu bzod pa stong pa nyid kyi phyir mya ngan 'das so/ /de nyid kyi phyir legs so/ /sangs rgyas thams cad mya ngan las 'da' bas na mya ngan 'das pa bde ba'o//rnam par rtog pa thams cad dang bral bas mthar phyin pa'i bde ba'i phyir nye ba'o/ /thabs dang shes rab dag la bde sdug gnyis med pa'i phyir bde sdug sel bar thar gyur pa'o/ /de skad du/ sdig dang bsod nams gnyis ni gzegs ma phub mar song //rang gi yid ni stong pa nyid gtad do/ /zhes so/ /rang bzhin gyis chags pa dang bral bas mi 'dzag pa'i bde ba chen po'i ngo bo nyid kyi phyir chags bral bcom ldan 'das nyid do/ /bag chags dang bral bas chos ston pa'i sgo nas shin tu rnam par dag pa chos kyi dbyings kyi ye shes kyi ngo bo nyid kyi phyir lus las 'das pa po'o//'od gsal nyid kyi rnam par rtog pa la sogs pas mi thub pas thub pa med pa'o/ /chags pa chen po mi 'dzag pa nyid kyis bde ba thams cad dpe dang bral ba ni dpe med pa'o/ /snang ba la sogs pa dang / bud med la sogs pa'i ngo bo nyid med pas rang bzhin med pa'i ngo bo nyid ni mi mngon no//'od gsal gyi phyir mi snang ba'o/ /khu ba dang rdul mi 'dzag pa nyid kyis nam mkha' ltar gos pa med pa'i phyir gsal byed min no/ /tshes gcig la sogs pa cha bco lnga 'das pas mi 'gyur pa cha shas med pa'o//ye shes nam mkha'i ngo bo nyid kyi phyir kun 'gro'o/ /brtan pa dang g.yo ba'i rang bzhin gyi phyir khyab pa po'o/ /yid kyi spyod yul ma yin pa'i phyir phra zhing ngo / /chos kyi dbyings kyi ye shes so so rang gis rig par bya ba'i phyir zag med do/ /lhun gyis grub par bde ba thams cad skye ba'i phyir sa bon nyid do//chags pa dang chags bral dang dbu ma'i chags pa'i rdul med pa'i phyir rdul med de chags pa chen po bzhi pa'o/ /de bzhin nyid rnam par dag pa'i ngo bo nyid kyi phyir rdul bral lo/ /glo bur gyi dri ma med pa'i phyir dri ma med pa'o/ /rang bzhin dang bral ba nyes pa spangs pa'o//phyi rol gyi rnam par g.yeng ba'i nad zad pa'i phyir skyon med pa'o/ /phyin ci ma log pa'i 'od gsal khong du chud pa'i phyir shin tu sad pa'o/ /gzugs la sogs pa'i phung po la sogs pa rnams lhan skyes nyid kyi rang bzhin du rtogs pa'i phyir sad pa'i bdag go//chos thams cad ye shes kyi ngo bo yang dag par gzhag pa'i phyir kun shes so/ /lhun gyis grub pas sems can thams cad kyi sems kyi spyod pa yongs su shes pa'i phyir kun rig go/ /de nyid kyi phyir dam pa po'o/ /mig la sogs pa med pas kun gzhi'i rnam par shes pa'i chos nyid do//de las 'das pa rgal ba snying rje rab tu rtogs pas stong pa nyid kyi bdag nyid ces pa'i don to/ /spros pa thams cad las 'das pa'i 'od gsal gyi bdag nyid kyi phyir bcom ldan 'das kho na ye shes so/ /de nyid zab pa dang rgya che ba'i bdag nyid kyi phyir gnyis med tshul 'chang ba'o//don dam pa'i ye shes kyi rnam par rtog pa yang med pa'i phyir rnam par rtog pa med do/ /de yang / dam pa'i don gyi rnam rtog kyang / /mkhas pas blang bar mi bya'o/ /bzang ba'am ngan pa'i rnam rtog kyang / /dbye ba'i rnam pa ci zhig yod/ /ces gsungs so/ / lhun gyis grub pas 'dod pa'i yon tan lnga la spyod pa'i bde ba'i phyir 'bad pa rnam par rtog pa dang bral ba gang yin pa de de bzhin no/ /de ltar yang / sngon gyi smon lam gyis bkrun rtag tu lhun gyis grub par gzhan don no/ /zhes gsungs so/ /nyin mo dang mtshan mo dang thun mtshams gyi ting nge 'dzin gsum gyi dbye bas dus gsum du yang dag par byung ba'i sku dang gsung dang thugs sprul pa dang /longs spyod rdzogs pa dang chos kyi sku zhes bya ba sangs rgyas so/ /de rnams kyi las sems can gyi don gyi ngo bo bde ba chen po nyams su myong ba byed pa po'o zhes pa ni de bzhin no//dngos po thams cad mnyam pa nyid kyi khong du chud pa'i phyir sangs rgyas so/ /chos kyi dbyings kyi ngo bo nyid kyis thog ma dang tha mar skyes pa dang 'gag pa dga' bral gyi skad cig 'dzag pa'i skad cig med pa gang yin pa de de bzhin no/ /kun nas nyon mongs pa can dang / rnam par byang ba can gyi chos rnams don dam par na med pas na med pa a dgag pa'i don to//des na thog ma med pa'i sangs rgyas dang po'i sangs rgyas te skad cig la rnam pa lnga dang rnam pa nyi shu sgyu 'phrul dra bas mngon par rdzogs par byang chub pa'i mtshan nyid kyi bde ba thog ma med pa'i sangs rgyas zhes pa'i don to//gang gi rgyu thabs dang shes rab kyi bdag nyid gzung ba dang 'dzin pa'i bdag nyid kyi chos spangs pa de de bzhin no/ /ye shes gnyis su med pa'i ye shes te/ chos thams cad bde bar mthong ba'i phyir mig go/ /de nyid gcig ste gnyis pa med pa gang gi yin pa de de bzhin no/ / rnam par rtog pa mtha' dag spangs pa'i phyir dri ma med do/ /ye shes stong pa nyid kyi ye shes te de nyid kyi lus can ni lhan cig skyes pa'i bde ba'i snang ba 'di'i yin pa de de bzhin du bshad do/ /de bzhin las kyi phyag rgya la sogs pa'i de bzhin nyid do/ /der gshegs pa dga' ba la sogs pa bde ba'i ye shes gang gi yin pa de de bzhin gshegs so//gzhom du med pa'i sgra kun nas rgyas pas sems kyi skad cig thams cad kyi ngo bo sangs rgyas rnams tshim par byed pa'i phyir ngag rnams kyi dbang phyug ni ngag gi dbang phyug go/ /srub dang bsrub pa'i sbyor bas rtag tu a'i rnam pa las rgyas pa'i phyir smra ba rnams kyis mchod par bya ba'i phyir smra ba che ste/bsrub par bya ba rtsa thams cad du bsrub pa'i ngo bo srog gi rlung gi sbyor bas byang chub kyi sems 'dzin pa nyid kyi dbang po dang khams thams cad rgyas par byed pa'i bar du'o/ /gnyis su med par smra ba'i phyir smra ba'i skyes bu'o//phyag rgya mchog gi sbyor bas nyan thos la sogs pa'i mya ngan las 'das pa bzlog pa'i phyir smra ba'i rgyal lo/ /chos thams cad yang dag par khong du chud pa'i phyir smra ba'i dam pa'o/ /lhan cig skyes pa'i bde ba nyams su myong ba'i bde ba'i ngo bo'i phyir mchog gi gnas so//lhan cig skyes pa ye shes kyi khams spros pas sna tshogs kyi don byed pa'i phyir smra ba'i seng ge'o/ /lus dang ngag dang sems thams cad gcig tu gyur pas byang chub kyi sems mi 'dzag pa nyid kyis gzhan rnam par rtog pa'i rlabs kyis pham par mi nus pas na tshugs pa med do//yang snga ma phyed kyis rgyu nyid gsungs la/ phyi ma phyed kyis dga' ba bzhi'i ngo bo 'bras bu gsungs so/ /kun nas gzigs pa'i ngang tshul gang gi yin pa 'di ni kun du lta ba ste kun du bzang po'i gzugs kyis de'i ye shes thob pa ste/ chags pas 'dul ba'i sems can la ltos pas chos kyi dbyings gnyis su med pa'i tshul gyis chags pa chen po'i rgyud spro ba'i phyir ro//bde ba chen po 'dzin pa nyid kyis mchog tu dga' ba thob pa'i phyir mchog tu dga' ba'o/ /gzi brjid phreng ba lhan skyes kyi gtum mo'o 'od kyi rgyun no/ /de'i bdag nyid du/ de dang ldan pas gzi brjid phreng ldan no//blta na sdug pa lhan skyes kyi bde ba mngon sum du byed pa gang gi yin pa de de bzhin no/ /stong pa nyid dang snying rje dbyer med pa bde ba chen po'i ye shes kyi bdud rtsis gang ba'i phyir ye shes kyi rgya mtsho'i zhes pa'i don to/ /'od bzang po lhan skyes kyi ye shes 'phro ba'i bdag nyid gang gi yin pa de de bzhin no//'jig rten gyi khams mtha' yas pa na bzhugs pa'i sangs rgyas la sogs pa'i snang ba byed pa'i phyir 'bar ba'o/ /'gro ba mtha' dag skyed par byed pa gzhan dang thun mong ma yin pa thams cad mkhyen pa nyid kyi sa bon bkrun par gyur pa de bzhin gshegs pa'i mtshan nyid dang ldan pa'i phyir dpal gyi be'u'o//lag na 'od 'bar ba 'od kyi phung po'i gzugs gshin rje gshed la sogs pa'i khro bo'o/ /de spro ba'i tshul gyis snang ba po ste khro bo des gdul ba'i sems can la snang ba po gang yin pa de'o/ /chags pa dang chags bral la sogs pa'i nad thams cad 'joms pa'i phyir sman pa che'o//mchog ni phyin ci ma log pa'i gdams pa'i sman ster ba po'o/ /bdag nyid kyi bde ba chen po'i rang bzhin la gzhan rnams sbyor bas gtso bo'o/ /rnam par rtog pa'i rlung zug rngu thams cad 'joms pa'i phyir zug rngu 'byin pa'o//brjod du med pa'i bde ba'i rang bzhin gyi phyir bla na med do/ /dpag bsam gyi ljon shing bzhin du rnam par rtog pa med pa'i 'gro ba rjes su 'dzin pa 'phro ba'i phyir sman rnams ma lus ljon pa'i shing ngo / /nyon mongs pa mtha' dag gi gnyen po'i phyogs rang bzhin gyis 'od gsal ba bde ba chen po'i rnam pa mngon sum du byed pa po nyid kyi phyir nad do cog chags pa dang chags bral la sogs pa'i mtshan nyid kyi dgra che ba ste 'joms byed do//bdag byin gyis brlab pa'i ngo bo'i phyir mdzes pa sdu gu'o/ /'jig rten gsum lus ngag sems gcig pa nyid de/de'i mchog bde ba chen pos brgyan pa nyid kyis thig le'i ngo bo nyid kyi phyir 'jig rten gsum gyi mchog go/ /gnyis su med pa'i rang bzhin don dam pa'i dngos grub kyi dpal dang ldan pa'i phyir dpal ldan no/ /rang gis rig par bya ba gsal ba bde ba chen po nyid kyi nam mkhar rgyu skar gyi dkyil 'khor bzhin du 'pho ba'i phyir rgyu skar dkyil 'khor can no//yang na gtsug tor du bzhi dang dpral bar bcu drug ste/ rtsa nyi shu po 'di dag ni bad kan gyi khams rab tu 'khrug pa po'o/ /mgrin par sum cu rtsa gnyis dang snying gar brgyad de rtsa bzhi bcu po 'di dag mkhris pa'i khams 'khrug pa po'o//lte bar rtsa drug cu rtsa bzhi dang gsang ba'i pad+ma'i phyi rol yongs su bskor ba bcu drug ste rtsa brgyad cu po 'di dag rlung gi khams 'khrug pa po'o/ /'di nyid kyi bar gyi yongs su 'khor ba bcu dang / dbus kyi dkyil 'khor du drug ni grangs ji lta bar 'dus pa dang 'dus pa rab tu 'khrug par byed pa dang 'khor lo drug 'gog pa'i rang bzhin no//'di ltar rtsa brgya lnga bcu rtsa drug po rnams byis pa rnams la 'chi ba ster ba po ni rnal 'byor pa rnams la bde ba ster ba po ste/ rigs drug gi rtsa dang bcas pas rtsa brgya drug cu rtsa gnyis so//rtsa 'di rnams su yang rlung bcu rgyu bas phung po dang khams bcu'i rang bzhin gyi rtsa re re yang rnam pa bcur 'gyur ro/ /de ltar bcus bsgyur bas stong drug brgya nyi shur 'gyur te rgyu skar nyi shu rtsa bdun gyi chu tshod 'dzin pa'o/ /de dag 'gags pa'i phyir dpal ldan rgyu skar dkyil 'khor can no//phyogs bcu'i nam mkhar 'od gsal nyid de de'i mthar thug pa gsal ba'i dngos po ste don dam pa'i thig le'i ngo bo'o/ /de nyid tshangs pa'i gnas su son pa nyid kyis chos kyi rgyal mtshan legs par 'dzugs pa gang gi yin pa de de bzhin no/ /nyon mongs pa'i gdung ba mtha' dag sel ba nyid kyis lus dang ngag sems gcig tu 'dres pa'i ngo bo 'gro ba nyid gdugs te rgyun chad med pa'i bde ba chen po'i rgyun gyis gtad pa'i gtum mo'i gser gyi dbyug pas bteg ste 'dzin pa nyid kyi gtsug tor du son pa ba spu'i khung bu'i mthar thug par son pa nyid kyis yangs pa rgya che ba gang gi yin pa de de bzhin no//'od kyi mthus byams pa dang byang chub kyi sems nyid kyis snying rje'o/ /de gnyis kyi dkyil 'khor snying po len pa de ni de bzhin no/ /brjod du med pa'i bde ba byang chub kyi sems kyi phyir pad+ma gar gyi bdag po rdo rje pad+ma bskyod pa'i khyab bdag ces pa'i don to//de nyid kyi phyir dpal ldan no/ /dngos po thams cad kyi ngo bo'i phyir khyab bdag chen po'o/ /gtum mo 'bar ba'i sbyor bas rdo rje rin po che chen po'i rtse mor gnas nas rnam par rtog pa'i gdung ba mtha' dag nye bar 'gog pa'i phyir dang / lus thams cad bsil bar byed pa'i phyir gdugs dang 'dra bas gdugs te rin chen gdugs so//sangs rgyas kun rnam par snang mdzad la sogs pa'i rgyal po rdo rje sems dpa' byang chub kyi sems kyi rang bzhin gyi phyir ro/ /sangs rgyas kun gyi bdag nyid chos thams cad stong pa nyid de kho na dngos po mchog gi ngo bo de 'dzin pa ni de bzhin no//phung po la sogs pa'i ngo bo de bzhin gshegs pa thams cad kyi snying por gnas pa yin pa'i phyir sangs rgyas kun gyi rnal 'byor che ste mchog tu bde ba chen po'i rnam pa'i ting nge 'dzin gyi ngo bo'o/ /phung po dang khams la sogs pa sangs rgyas kun gyi bstan pa bde ba nyid du rdzogs par byed pa gcig nyid yin pa de de bzhin no//rdo rje rin chen dbang bskur lhan cig skyes pa'i dga' ba'i bde ba'o/ /de nyid dpal te bcom ldan 'das ni de'i ngo bo nyid kyi phyir ro/ /rin chen kun bdag sangs rgyas kyi dbang phyug chen po ste spyi bor 'chang ba'i phyir ro//'jig rten dbang phyug kun sangs rgyas dang byang chub sems dpa' kun gyi dbang phyug rdo rje sems dpa'o/ /de nyid bdag po ste/ dngos po thams cad kyi ngo bo nyid kyi phyir ro/ /lus la sogs pa'i thig le gsum 'chang ba ste rdo rje 'chang ba kun no//de rnams kyi rje bo stong pa nyid dang snying rje dbyer med pa'i thig le bzhi pa'o/ /sangs rgyas kun gyi thugs kun nas mnar sems med pa nyid kyis thugs rje chen po'i ngo bo nyid kyi phyir de bzhin no/ /sangs rgyas kun gyi thugs la sems med pa'i sems gnas pa thim pa de'i bdag nyid du gang gi yin pa de de bzhin du bshad do//chos kyi dbyings kyi ngo bo'i ye shes kyi sku'i nyid kyi chos thams cad la khyab pa'i phyir sangs rgyas kun gyi sku che ba'o/ /sangs rgyas kun gyi sku dang gsung dang thugs kyi bde ba chen po'i bdud rtsi rab tu 'bab par thim pa'i gzhi bde ba chen po'i bdud rtsi bsam gyis mi khyab pa'i chu bo'i ngo bo nyid kyi phyir sangs rgyas kun gyi gsung yang yin/rtags bzlog pa ni gtsug lag yin pa'i phyir ro/ /sangs rgyas kun gyi gsung gi bdag nyid bsam gyis mi khyab pa'i bde ba'i chu bo gang gi yin pa de thams cad de bzhin du 'thung ba nyid do//rdo rje nyi ma ye shes kyi dkyil 'khor gyi snang ba chen po khams gsum po mtha' dag snang ba nor bu'i lte ba'i nang du gnas pa'i sems kyi skad cig gi mtshan nyid gang yin pa de ni rdo rje nyi ma snang ba che'o/ /de skad du/ rdo rje nyi ma'ang gang zhig sems//nor bu'i nang du son par blta/ /ye shes dkyil 'khor rnam pa yis/ /khams gsum po dag snang ba nyid/ /ces gsungs so/ /mthar lhun gyis grub pas gnyis su med pa'i sems shes pa'o/ /rdo rje zla ba ye shes kyi zla ba ste zla ba bzang po'o/ /de dri ma med pa rnam par rtog pa mtha' dag spangs pa'o//'od 'jig rten gsum du snang ba gang gi yin pa de de bzhin no/ /rkang pa gnyis kyi nyi ma dang zla ba dang sgra gcan dang me dang rdul dang khu ba dang sems dang ye shes gcig pa'i sbyor ba gsum po zhes pa'i don to/ /chags bral 'dod chags dang bral ba'i mtshan nyid kyi sogs pa chags pa chen po lhan cig skyes pa'i bdag nyid bzhi pa de'i bdag nyid du gang gi yin pa de bzhin no//kha dog sna tshogs pa kha dog du ma'i 'bar ba rnam par rtog pa 'jigs pa 'joms pa'i 'od gang yin pa de kha dog sna tshogs 'bar ba'i 'od do/ / 'di yang bla ma'i zhal nas so/ /de skad du yang / sku mthong nas ni nyi ma re re'i dus su srog gi rlung dag dgag pa rab tu bya/ /ji srid nges par 'khor bzhin rang gi lus la yongs 'khor 'od zer 'khor lo mthong bar 'gyur/ /zla ba drug gis reg bya dang bral mnyam pa'i bde ba sdom brtson rnams kyi lam sems 'gyur//chags dang chags bral mtha' thog son pa'i skad cig la yang khyab bdag rlung gi grangs ni 'phel/ /oT+Ta 'bar ba'i bar du khyad par dga' dang lhan skyes dag ni ye shes rnam shes dbus/ /gnyid log gnyid yur mtshams su rdo rje pad+ma dag gi gnyis gnyis sbyor bas bde ba gang //de ni 'phel bar rab bya bla ma'i nges pa'i dbang las 'dir ni 'phel la ngo mtshar med/ /nyon mongs bdud rnams bcom nas rgyal ba'i bdag po la 'jug lo yi sbyor bas rnal 'byor mchog /ces gsungs so/ /dri ma med pa'i 'od las kyang /chags pa byang chub kyi sems kyi dkar po'i phyogs cha bco lnga'o/ /chags bral nag po'i phyogs kyi cha bco lnga'o/ /de'i dbus su lhan cig skyes pa'i dga' ba cha bcu drug pa khams thams cad kyi yang dag par sdud pa 'dus pa dang sdom pa'o zhes so/ / rdo rje skyil krung g.yon dang g.yas pa'i bu gar rgyu ba chad pas rdzogs sangs rgyas rdo rje'i rtse mor gnas pa gang yin pa de de bzhin no/ /sangs rgyas yang dag par brjod pa khams gsum du khyab pa'i gzhom du med pa'i sgra'o/ /de nyid chos de de 'dzin pa'i phyir sangs rgyas yang dag brjod pa'i chos 'dzin no//yang na sku gsung thugs ye shes kyi thig le 'dzin pa ste/ rdo rje skyil krung las sems ni/ /nor bu'i nang du son par blta/ /zhes gsungs pa'i phyir ro/ /sangs rgyas rnam par mi rtog pa'i ye shes so/ /de nyid nyon mongs pa'i bag chags kyi dri mas ma gos pa'i phyir dang /bde ba chen po'i rnam pa'i phyir/ pad+ma phyag rgya chen po'o/ /de las skyes pas na sangs rgyas pad+ma skyes so/ /de nyid kyi phyir dpal ldan no/ /rnam pa thams cad kyi bdag nyid rang gis rig par bya ba'i ye shes ni kun mkhyen ye shes so/ /de nyid mdzod de chos thams cad de'i nang du chud pa'i phyir ro//de 'dzin pas na kun mkhyen ye shes mdzod 'dzin pa'o/ /ye shes kyi snang ba nyid kyis mdzes pas na rgyal po'o/ /ba'i rnam pa'i steng du rdul ba'i shad tsheg drag gi ngo bo zla ba phyed pa'i steng gi thig le'i rang bzhin bde ba byang chub kyi sems gzhom du med pa'i ngo bo nA da dang ldan pa sna tshogs te sgyu 'phrul 'dod yon lnga nye bar longs spyod pa la sogs pa'i tshul 'dzin pa ni de bzhin no//sangs rgyas rig sngags thig le bzhi'i mtshan nyid 'dzin pas na sangs rgyas rig sngags 'chang ba'o/ /de nyid kyi phyir che ba'o/ / smin mtshams su son pa'i dri ma dang bral ba'i ngo bo nyid kyis lhan cig skyes pa'i ye shes kyi ngo bo yin pa'i phyir rdo rje rnon po'o/ /rgyu mthun pa'i ngo bo nyid kyis rnam par rtog pa gcod pa'i phyir ral gri che'o/ /rnam par smin pa'i ngo bo nyid kyis chos thams cad ro gcig pa nyid kyi phyir yi ge mchog ste'o//skyes bu byed pa'i ngo bo nyid kyi phyir rnam par dag go/ /theg pa chen po'i lam gyi bden pa des sdug bsngal gcod pa gang gi yin pa de de bzhin no/ /rdo rje chos ye shes kyi chos te de nyid mtshon cha chen po gang gi yin pa de de bzhin no/ /rdo rje yang dag pa'i ye shes kyi zab mo gzung ba la sogs pa'i rnam par rtog pa dang bral ba'i shes rab kyi rang bzhin gang yin pa de de bzhin no//dzi na mi bskyod pa la sogs pa rgyal ba'i phyir zhes bya ba'i nges pa'i tshig gi dzi na dzika ste/ dri ma dang bral ba snang ba med pa'i sems khong du chud pa'i ngo bo zhes pa'i don to/ /rdo rje'i lam mi 'dzag pa nyid kyis rdo rje blo gros so/'bras bu'i rang bzhin gsal bar gyur pas don bzhin rig go/ /sngar ye shes kyi tshogs bshad nas/ da ni bsod nams kyi tshogs brjod par bya ste/ sngar bshad pa'i sbyin pa'i pha rol tu phyin pa la sogs pa rnams rdzogs par byed pas pha rol tu phyin pa kun rdzogs pa'o//sngar bshad pa'i sa'i rgyan gyi phyir/ sa rnams kun gyi rgyan dang ldan no/ /rnam par dag pa'i chos sogs rtogs pa'i mtshan nyid kyis bdag med chos snang ba med par byed pa chos nyid kyi ngo bo rang bzhin gyis 'od gsal ba'o/ /des yang dag par skyed pa yang dag ye shes zla ba lhan skyes kyi dga' ba'i zla ba de yi 'od bzang bde ba chen po'i rnam pa gang gi yin pa de de ltar bshad do//zla ba dang nyi ma gcig nyid kyis sgyu 'phrul dra ba 'jig rten gsum bde ba chen por gsal ba'i dngos por yang dag par brtson pa gang yin pa de brtson chen sgyu 'phrul dra ba ste'o//rgyud kun ni rnal 'byor gyi rgyud la sogs pa'i rgyud chen po rnams so/ /de rnams kho na'i bstan bya nyid kyi phyir rgyud kun gyi ni bdag po ste de yang mchog go/ /srog dang thur sel nye bar 'gog pas gnyis su med par gyur pa'i ting nge 'dzin rdo rje'i rang bzhin gyi gdan ma lus pa dang ldan pa gang gi yin pa 'di rdo rje'i gdan ni ma lus gdan no//lus pa med pa'i sangs rgyas rnams kyi ye shes kyi sku mchog tu gnyis su med par gyur pa 'chang ba ni ye shes sku ni ma lus 'chang ngo / /du ba la sogs pa'i rtags gsal ba'i dngos pos kun du bzang po lhan cig skyes pa'i dga' ba'i ye shes gang yin pa de de bzhin no//rnam par rtog pa thams cad med pas rdzogs pa'i byang chub thob pa nyid kyi stong pa nyid kyi rnam pa'i blo gros bzang po gang gi yin pa de de bzhin no/ /sa'i sgras 'byung ba lnga nye bar mtshon pa'i phyir sa'i snying po rgyu ste/sa'i snying po lhan cig pa'i dga' ba'i thig le'o/ /de nyid kyi phyir 'gro ba 'dzin te/ 'gro ba mtha' dag gi gzhi'o/ /sangs rgyas kun gyi ste dus gsum du bzhugs pa'i sbyor ba yan lag drug sgom pa po rnams kyi skye ba'i rgyu yi phyir sangs rgyas kun gyi snying po che ste/lhan cig skyes pa'i byang sems rdo rje'o/ /'jig rten dang 'jig rten las 'das pa'i lha spro ba sprul pa ste/ de nyid 'khor lo sna tshogs pa'i dkyil 'khor ro/ /de 'dzin pa sprul pa'i 'khor lo 'chang ste/ khu ba dang rdul gnyis gcig tu 'dres par gyur pa phyi dang nang gi bdag nyid kyi lus dang ngag dang sems 'chang ba zhes pa'i don to//dngos po thams cad kyi rang bzhin dag pa de bzhin gshegs pa'i ye shes kyi sku'o/ /de yang 'di yin la mchog kyang yin pas/ dngos po kun gyi rang bzhin mchog go/ /chos dang longs spyod rdzogs pa gnyis su med par gyur pa sprul pa'i mtshan nyid kyi dngos po kun gyi rang bzhin bdag med pa 'dzin pas na dngos po kun gyi rang bzhin 'dzin to//skye med rang bzhin med pa de kho na nyid kyi chos gang yin pa de de bzhin no/ /sna tshogs kyi don bsgrub bya mngon par 'dod par bya'o/ /phung po dang / khams dang / skye mched la sogs pa'i chos kun gyi ngo bo nyid yang dag pa ji lta ba shes pa 'chang bas na chos kun ngo bo nyid 'chang ba'o/ /shes rab chen po rlung nyi khri chig stong drug brgya bde ba chen po gcig tu thim pa'i blo dang ldan zhes pa'i don to/ /skad cig bzhi pa 'das pa'i dga' ba bzhi gcig tu gyur pa'i sku lhan cig skyes pa rdzogs pa'i byang chub kyi mtshan nyid gcig gnyis su med pa de la'o//'dis kyang bcom ldan 'das dpal 'jam dpal dga' ba bzhi pa'o/ /de skad du/ rdo rje'i sa bon 'bab pas bkrus dag pa/ /chu sbyin 'byung ba'i myu gur gyur pa rgyas/ / rab gsal bzhi pa mkhas pa la yang zab/ /bzhi pa lo tog yongs su smin par 'gyur/ /zhes gsungs so/ /chos kun te dbugs kun khong du chud pa bde ba gcig tu thim pa khong du chud par 'chang bas na chos kun khong du chud pa 'chang ngo / /chos kun rdul mun pa snying stobs rnams mngon par rtogs par mngon sum du bya ba ste/lhan skyes zla ba las byung ba nyid kyis gang gi yin pa de de bzhin no/ /yang dag par bden pa de bzhin nyid do/ /de'i mtha' rab tu gyur pa'i 'bras bu'i gnas skabs so/ /de'i thub pa ji lta ba bzhin du khong du chud pas yang dag mtha'i thub pa'o//blo mchog rdo rje'i rtse mor bde ba khong du chud pa'i phyir ro/ /lhan cig skyes pa'i bde bas tshim par byed bzhin pa nyid kyi phyir mi g.yo ba'o/ /ting nge 'dzin gsal ba'i dngos pos mi g.yo ba'i phyir rab tu dang ba'i bdag nyid rang bzhin gang gi yin pa de de bzhin no/ /rdo rje nor bu'i nang du son pa'i sems rdzogs pa'i sangs rgyas so//de'i byang chub bde ba'i ye shes so/ /de 'chang ba ni de bzhin no/ /rang gis rig par bya ba lhan skyes kyi ye shes sdu gu mchog dus gsum na bzhugs pa'i sangs rgyas kun gyi mngon sum pa'o/ /ye shes me lce rang bzhin gyis 'od gsal ba'i dmigs su med pa'i ye shes kyi 'od rab tu gsal ba mtha' yas mu med pa'i sangs rgyas kyi zhing rab tu gsal bar byed pa po'o//'di ni gtsug tor la sogs pa nas nor bu'i rtse mo'i bar gyi gnas bdun du sgrib pa med par byas pa'i phung po dang / khams dang / dbang po dang / yul dang / las kyi dbang po dang / las kyi dbang po'i bya ba ste drug po'i rnam par dag pas tshigs su bcad pa bzhi bcu rtsa gnyis kyis so sor rtog pa'i ye shes kyi bshad pa'o/ /da ni 'dod pa'i don sgrub ces pa la sogs pas sgrib pa med pa'i tshor ba'i phung po rin chen 'byung ldan gyi ngo bo mnyam pa nyid kyi ye shes kyi sgo nas lhan cig skyes pa'i ye shes de nyid gsungs te/bsam pa thams cad yongs su rdzogs par byed pa po mchog tu mi 'gyur pa'i ye shes kyi gzugs kyi phyir 'dod pa yang 'di yin la/ don yang yin pas 'dod pa'i don to/ /de'i sgrub byed rdzogs par byed pa'o//rdo rje dang pad+ma'i nang du chud pa'i thig le gsum las 'das pa'i phyir dam pa ste'o/ /'khor ba'i bag chags ngan song thams cad kyi rnam sbyong ba bde ba chen po gcig tu byed pa'o/ /lus dang ngag dang sems sems can kun gyi mchog ye shes kyi sku'o/ /de nyid kyi phyir mgon med pa rnams kyi mgon no//phyag rgya chen po'i pad+ma rgyas pa nyid kyis sems can thams cad rab grol byed do/ /sems can thams cad kyi spyod pa nyon mongs pa rnams yang dag pa'i ye shes kyi mtshon gyis gcod pa'i phyir nyon mongs g.yul du gcig gnyis su med pa'i dpa' bo'o//sgra gzhan du bkod pa ni gtsug lag yin pa'i phyir ro/ /mi shes pa ma rig pa de nyid dgra ste/ 'pho ba'i sdug bsngal ster ba'i phyir ro/ /de'i dregs pa phyi rol du rnam par 'phos pa'o/ /de snang ba med par byed pa'i phyir mi shes dgra'i dregs pa 'joms so//sems tsam yang spangs pas nyon mongs pa dang / nye ba'i nyon mongs pa dang bral ba'i phyir blo ldan no/ /chos nyid kyi brdas sgeg ba lhan skyes kyi dga' ba'i khu ba'o/ /de 'chad pa'i phyir de bzhin no/ /gtsug nas 'bab pa'i byang chub sems kyi rgyun kyis lus thams cad gzi mdangs can du byas pas 'jig rten dang 'jig rten las 'das pa'i phun sum tshogs pa dang ldan pa ni dpal ldan no//thabs ni snying rje'i yan lag gi phyir dpa' bo'i nyams nyid de/ shes rab ni stong pa nyid kyi yan lag nyid kyi mi sdug pa'i nyams nyid do/ /de dag gnyis su med pa'i ngo bo bde ba chen po ni dpa' bo mi sdug gzugs te de 'dzin pa ni de de bzhin no//lag pa srog dang thur sel gyi rlung gi rgyud gnyis so/ /de g.yon dang g.yas kyi sna bug gi dkyil 'khor bcu 'pho ba'i dbye bas mtha' yas pa'i phyir rgya'o/ /de bskyod pa bcug pa ste dbu mar bcug pas bum pa can gyi gnas skabs kyi rlung gi tshogs so//de'i gom pas bde ba chen po'i go 'phang ste/ stobs thim par byed pa'o/ /des sam de ru gar byed pa bde ba kha bye ba gang gi yin pa de de bzhin no/ /mchog tu mi 'gyur par bsgyur ba'i rlung gi tshogs nyid kyi dpal ldan te/rgya gnyis su med pa'i ye shes 'pho ba mtha' med pa'o/ /de za bar byed pa'i dpal ldan lag pa brgya ye shes kyi sku'o/ /de gang ba rgya che ba yongs su rgyas pa 'di'i yin pa de de bzhin no/ /dngos po thams cad stong pa nyid kyi rang bzhin du chud pa'i phyir nam mkha' khyab par te/khyab pa nyid der bde ba chen pos gar byed pa rab tu gnas pa gang yin pa de de bzhin du bshad do/ /sa'i dkyil 'khor bzhi'i khyon lte ba'i 'og rdo rje nor bu'i rtse mor gnas pa rdul dang byang sems gang gi yin pa de de bzhin no/ /yi ge la phyis te bstan pa ni gtsug lag yin pa'i phyir ro//yang na sa ni stong pa nyid de khu ba sa bon 'dzin pa'i phyir de'i dkyil 'khor snying po zhes sbyar bar bya'o/ /rkang pa ya gcig mthil gnyis su med pa rab tu gnas pa'i gzugs kyis mnan te brtan par byas pas rtogs par byas pa'o/ /rkang mtheb sen mo bzlog pa'i rim pas gtsug tor du son pa rdo rje dang 'brel pa'i byang chub kyi sems so//de gnyis su med pa'i sbyor bas gnas pa khyon no/ /tshangs pa'i yul sa'i rtse tshangs pa'i bu ga'o/ /de gnon pa gang yin pa 'di'o/ /de skad du yang / zhabs gcig rdo rje nor bu'i rdul ni nyi ma ste//spyi gtsug khu ba ri bong can ni gnyis pa'o/ /bkod pa rtag tu mi phyed dbyer med 'dod bdag po/ /'jig rten gsum gyis mchod la mgo bos phyag 'tshal lo/ /zhes gsungs so/ /bdag po byang chub kyi sems rdo rje dpal dus kyi 'khor lo'i ngo bo'i zhabs bgrod par bya ba dang rtogs par bya bas na mi 'gyur pa'i ye shes so//de bkod pa ma rig pa dgag pa'i phyir rdo rje nor bur rab tu mi gnas pa'i mya ngan las 'das pa'i sa rdul nyi ma sa'i dkyil 'khor bzhi'i khyon ye shes kyi khams su gang bskrun pa'i g.yas rkang pa ya gcig mthil gyis gnon no/ /gtsug tor las byung ba'i bde ba 'das pa'i khu ba zla ba rkang mtheb sen mo sngar 'dod pa'i cha 'char ba'i bdag nyid rnam par shes pa'i khams su gnyis pa gang g.yon pa ni tshangs pa'i yul sa rtse nas gnon no//rtag tu dus gsum du nyon mongs pa'i sgrib pa las 'das pa'i phyir/ ma rig pa mi shes pa'i gri gug gis mi chod pa'o//rnam par shes pa'i chos nyid las 'das pa'i phyir/ gzung ba dang 'dzin pa'i rtse mos dbyer med pa'o/ /bde ba chen po'i ngo bo'i phyir 'dod pa'o/ /bya ba byas pas skam sa nor bur gnas pa'o/ /'jig rten gyi spyod pa las 'das pa'i phyir/'jig rten gsum gyi mchod pa 'khor ba'i pha rol mthar gtsug tor du gnas pa'o/ /dpal dang po'i sangs rgyas las kyang / srog dang rtsol ba'i me yis ri bong can yang zhu ba'i btung ba chang gi btung ba'o/ /gtsug tor dag tu mthe bo'i tshigs nas 'gro ste tshes kyi dbang gis nya'i mtha' ni rang gi sems//gtsug tor nas ni mthe bong rnams su slar yang 'gro ste nag po'i phyogs kyi mthar thug par/ /rnal 'byor ma yi spyod pa de ni nyin zhag so sor dus su 'dod pa'i dngos grub ster/ /zhes gsungs so/ /don dam pa'i ngo bo nyid kyi dbye ba med pa'i phyir don gcig go//zla ba dang nyi ma dag dbu mar zhugs pa la chos gnyis med pa'i phyir gnyis med chos kyi ye shes kyi zla ba rab tu rgyas pa'i don to/ /dogs pa thams cad bcom pa'i phyir dam pa'i don to/ /nam mkha' dang mnyam pa'i bsam gtan gyi thig le'i ngo bo nyid kyi phyir 'jigs pa med do//nam mkha' bzhin du chos nyid kyi ngo bos kun gzhi dang / nyon mongs pa can gyi yid dang 'jug pa'i rnam par shes pa la sogs pa'i ngo bo dpe med pa'i chos kyi don bcom ldan 'das mthong bar 'gyur pa ni rnam rig sna tshogs gzugs don can no/ /rnam par rtog pa'i mun pa thams cad sangs pa nyid kyis sems med pa'i sems snying rje'i rgyud kyi ngo bo nyid kyi sems dang rnam shes rgyud dang ldan no//dngos po ma lus pa kho na gsal bar gyur pa'i lhan skyes nyid kyi don te/ de las dga' ba dpe med pa'i dga' ba 'di'o/ /de skad du/ kho bo yul ni 'di de yid kyi 'jug pa lnga yi skad cig 'di nyid dang //zhen pa dang ldan dbang po'i stobs ni nyon mongs rgyas pa'i sa bon 'di nyid ni/ /bla ma dam pa'i zhabs rdul gang zhig reg pa'i dbang gis rang nyid 'di dag ni/ /bdag la snying po nyid ni de nyid bdud rtsi nyin bzhin 'bab 'gyur phyag byar 'os//zhes gsungs so/ /chos thams cad kyi rang bzhin de bzhin nyid khong du chud pas stong pa nyid dga'o/ /mtha' gnyis su ma lhung ba'i phyir blo mchog go/ /chags pa dang chags bral dang / dbu ma'i chags pa dang rang bzhin gyis bral ba'i phyir srid pa'i 'dod chags la sogs spangs pa'o//srid gsum lus ngag sems gcig tu 'dres pa'i dngos po'i bde ba chen po tha mal pa'i dga' ba'i bdag nyid ma yin pa'i dga' ba chen po 'di'i yin pa de de bzhin no/ /ston ka'i zla ba ltar dkar ba'i phyir dang / dag pa khams thams cad kyi khu ba'i phyir sprin dkar dag pa bzhin du dkar ba'o//rdo rje sems dpa'i rang bzhin nyid kyis ma rig pa'i dri ma dang bral ba'i phyir dag pa'o/ /bag chags tsam yang med pa'i phyir ston ka'i zla ba'i 'od lta bu'i 'od bzang po gang gi yin pa de de bzhin no/ /chags pa chen po rjes su chags pa las/ srog dang thur sel gnyis kha sbyor gyi dbang gis de'i bdag nyid kyi sems nyi ma 'char ka lta bur snang bas na/nyi ma 'char ka'i dkyil 'khor gyi mdzes pa yid du 'ong ba gang gi yin pa'am/ lhan cig skyes pa'i gtum mo'i 'od zer gyis kun nas 'khyud pa'i phyir ro/ /bde ba chen pos rkang pa'i mthe bong gi sen mo'i bar du khyab pa'i phyir sen mo'i bar du shas cher dmar ba'i 'od kyi snang ba bde bas khyab pa byang sems rgyal po 'di'i yin pa de de bzhin no//shin tu rnam par dag pa lhan skyes kyi mthon ka 'pho ba'i phyir mthon ka byang chub kyi sems so/ /de'i rtse mo bde ba chen po'o/ / de'i cod pan bzang po mchog lta bu'i 'od 'di'i yin pa de de bzhin no/ /'khyog pa'i rang bzhin sgrib pa med par byas pa nyid kyis skra mchog mthon ka chen po can gnyis su med pa'i sems rdo rje 'chang gis lus thams cad yongs su gang ba snying ga'i rlung las byung bas mthon ka'i phyir gtsug tor du 'chang ba ni de bzhin no//nam mkha' ji srid par bde ba chen po chos la dmigs pa byed do zhes pa'i don to/ /sa'i dkyil 'khor las byung ba'i phyir cher dmar ba nyid kyang ser ba'i phyir nor bu chen po bzhin nam slar bzlog ste/ nor bu chen po las byung ba'i bde ba chen po 'od chags dpal 'di'i yin pa de de bzhin no//de ltar yang / bde ba ser po bde ba dmar/ /bde ba nag po bde ba dkar/ /bde ba ljang gu bde ba kun/ /bde ba'i rnam pa 'gro ba che/ /zhes gsungs so/ /des ni 'jig rten gsum po bde ba chen po bcom ldan 'das kyi ngo bo zhes gsungs so//sangs rgyas sprul pa chos thams cad bde ba'i rang bzhin sangs rgyas kyi ngo bo nyid spro ba rgyan cha gang gi yin pa de de bzhin no/ /lhan cig skyes pa'i bde ba chen po 'pho bas 'jig rten khams brgya 'jig rten gyi khams mtha' yas pa la rjes su brtse ba'i ngang tshul 'di'i yin pa de de bzhin no//nu'i sgra ma sbyar ba ni gtsug lag yin pa'i phyir ro/ /chags pa dang chags bral 'gog pas sku gsung thugs ye shes 'phro bas smon lam thams cad yongs su rdzogs pa'i phyir rdzu 'phrul rkang pa'i stobs chen ldan no//dngos po dang / dngos med gcig gi ngo bo'i de kho na nyid dang ldan pas de nyid de rtag tu rnam pa thams cad kyi mchog dang ldan pa'i stong pa nyid du thim pa ni dran pa chen po'o/ /de 'dzin pa'i phyir dran pa chen po 'chang ngo / /dgod pa dang / lta ba dang / lag pa bcangs pa dang /gnyis gnyis 'khyud pa'i ting nge 'dzin bzhis mdzes pa'i phyir/ dran pa bzhi po ting nge 'dzin rgyal lo/ /rnam par snang mdzad la sogs pa'i de bzhin gshegs pa drug po rnams bde ba chen po dang lhan cig gcig tu 'dres par gyur pa nyid kyi lan bdun gyi ngo bo'i phyir bza' ba dang btung ba la sogs pa'i ro drug zos pa dang /'thungs pa la sogs pa smin pa las rgyal ba dang / 'bab pa la sogs pas sam/ bcud dang / khrag dang / sha dang / pags pa dang / rtsa dang / rus pa dang / rkang mar gyi ngo bo nyid kyis bdun du bsgyur ba'i ngo bo nyid kyi phyir thig le bdun byang chub yan lag me tog ces bya ba'i spos bde ba chen po rgyas pa gang gi yin pa de de bzhin no//lan bdun pa yang bza' bar bya/ mi 'dzag par bya zhes pa'i don ni 'di nyid do/ /de skad du/ phung po khams sogs can bsregs pa/ /dkyil 'khor lnga ni rgyu ba dang //yul dang dbang po 'gag pa dang / /dga' ba la sogs kun bskyed par/ /spyi bor yang dag gnas pa yi/ /haM yig thig le zla ba 'dzag /dpral bar zla ba las nyi mar/ /mgrin par sgra gcan de nas 'ongs/ /lte ba'i gtum mo dag tu zhugs/ /gsang ba'i 'khor lor de nas son//gsang ba'i 'khor lo 'dir lhung ba/ /'di ni phyugs chen dag bshad de/ /rtse gsum pa yi 'og gi rtsa/ /rtsa gsum 'dab pa'i bu ga bstan/ /skye ba bdun pa nyid dbang phyug /mkha' spyod dngos grub ster ba po/ /rgyal ba nad ni 'phrog par byed/ /phung po khams dag 'bar gyur pa//'khor los sgyur ba nyid ster byed/ /yul dang dbang po bsad nas ni/ /yang ba la sogs yon tan ldan/ /mkha' spyod nyid ni ster bar byed/ /sad pa la sogs rjes 'brel bas/ /sangs rgyas nyid ni myur du ster/ /ji ltar phyi rol dngul chus bcings/ /de bzhin ye shes ro 'di yang //sdug bsngal thams cad 'phrog byed pa'i/ /dngos grub yang ba ster bar byed/ /'di ltar tshangs pa phyug khyab 'jug /gsang ba'i 'khor lor lhung ba las/ /tshe ni rgya chen ster 'gyur te/ /ji srid sreg blugs rab 'bab pa/ /steng ni sgra gcan phyugs su brjod//zla ba nyi ma phyugs chen po/ /tshangs pa'i bu ga nas lhung ba/ /zos pas grol ba'i 'bras rab ster/ /khrag dang rgyus pa de bzhin du/ /rkang mar 'bad pas dbyung bar bya/ /'di ni phyugs su shes bya ste/ /lus can phyi rol gzhan du min/ /skye ba bdun po dag ni phyugs/ / kun gyi mchog gi dbang phyug go/ /ji ltar lus la skye bdun pa/ /de ltar bshad bya de nyon cig /bza' ba btung ba ro drug po/ /thams cad zos shing 'thungs pas ni/ /smin pa las ni bcud nyid 'gyur/ /de yi skye ba dang po de/ /phyi nas khrag nyid du ni 'gyur/ /gsal bar gnyis par 'gyur pa yin//gsum pa sha nyid du ni 'gyur/ /bzhi pa pags pa nyid du 'gro/ /rtsa nyid lnga par 'gyur pa ste/ /drug pa rus pa nyid du 'gyur/ /bdun pa rkang mar nyid du 'gyur/ /lan bdun bar ni 'gyur pa yin/ /zhes gsungs so/ /de bzhin nyid ni chos 'byung a ba d+hU tI'o//der gshegs pa nyid kyi yon tan thams cad 'byung ba'i phyir/ srog la sogs pa'i rlung rnam pa bcu 'gags pas sa bcu dang / kun du 'od kyi mthar thug pa'i sa'i gting thob pa'o/ /de nyid yon tan mtsho ste/ sa thams cad la brten pa nyid kyi sems can gyi don de dang de byed pa'i phyir ro//nam mkha'i dkyil 'khor nang du son pa nyid kyis g.yon dang g.yas pa'i sna bug dag tu srog rgyu ba'i dkyil 'khor brgyad po de rnams lam dbu mar zhugs pa'o/ /de'i tshul de'i gdams ngag bla mas bstan pa'i so sor sdud pa la sogs pas rig pa ni de bzhin no//yang dag sangs rgyas rang 'byung ye shes so/ /de'i lam chos kyi dbyings kyi ye shes te de mngon du byed pa'i phyir de bzhin no/ /chos kyi sku dang tha mi dad pa'i sprul pa'i skus sems can thams cad kyi don yongs su mi gtong ba'i phyir sems can kun la smin par byed pa la sogs pas shas cher chags pa gang gi yin pa de de bzhin no//rnam par rtog pa'i sprin dang bral bas nam mkha' lta bu'o/ /stong pa nyid kyi rang bzhin nyid kyis chags pa med do/ /rang bzhin gyis 'od gsal ba de kho na nyid yid la byed pas sems can kun gyi yid la 'jug pa'i phyir de bzhin no//sems can kun la rang gi mos pa'i dbang gis rdo rje 'chang la sogs par rab tu snang ba'i ngo bo nyid kyi phyir sems can kun gyi yid ltar mgyogs so/ /sems can kun gyi dbang po rtul po dang / 'bring dang rnon po'i tshul de rnams kyi don spros pa dang bcas pa dang /spros pa med pa dang / gzhom du med pa bde ba chen po'i ting nge 'dzin gyi shes pa ni de bzhin no/ /sems can kun gyi yid rnam par rtog pa'i sems 'phrog pa rang bzhin med par byed pas na sems can kun gyi yid 'phrog pa'o//phung po lnga don de nyid ni don dam pa'i rdo rjes de bzhin gshegs pa'i tshogs pa thams cad kyi de bzhin nyid du gzhug pa'o/ /de shes pa'i phyir de bzhin no/ /de skad du yang / gzugs kyi phung por son me long / /sa khams mig gi dbang po dang / /gzugs kyang lnga par gyur pa ste//khro bo byams pa yang dag ldan/ /zhes pa la sogs pa gsungs so/ /'od gsal las bzhengs pa rang bzhin gyis 'od gsal ba nyid du rnam par dag pa'i phung po lnga 'chang bas na rnam dag phung po lnga 'chang ba'o/ /nges 'byung kun gyi mtha' zung 'jug gi ting nge 'dzin la gnas pa'i phyir de bzhin no//brjod du med pa bdag med pa'i bde ba rtogs pa'i phyir nges par 'byung ba kun la mkhas so/ /bde ba chen po rin po che nyid kyis chags pa med kyang / thugs rje chen po'i stobs kyis nyan thos la sogs pa'i lam la gnas pa'i phyir nges 'byung kun gyi lam la gnas so//bde ba chen po'i sku'i chos su chos kyi dbyings nges par 'byung ba kun no/ /de ston pa rnam par rtog pa med pas ston pa po'o/ /ma rig pa la sogs pa'i yan lag bcu gnyis 'gags pas sam/ gnas dang / nye ba'i gnas la sogs pa'i gnas bde ba chen po nyid kyis yan lag bcu gnyis srid rtsa bton no/ /de skad du yang / gzhan gyi gnas ni shes rab la/ /bdag nyid gnas ni thabs su brjod/ /'di dag gnyis med dngos po ni/ /rnal 'byor gnas zhes bya bar gnas//de nyid gnas ni de las skyes/ /de dang bral bar gang gyur pa/ /lhan skyes zhes ni mnyam par grags/ /ngag gi lam 'das spyod yul lo/ /zhes gsungs so/ /gzhan du gnas ni bud med gsang ba'i pad+ma dam tshig dag tu rdo rje kho na nye ba'i gnas su 'gyur//zhing dang bdun pa dag dang 'dus pa ro bsregs sa gzhi de bzhin 'di ltar mtha' dag gi /yan lag g.yon dang shar ni gnas te gzhan pa de bzhin g.yas pa dag ni nye ba'i gnas/ /de ltar zhing sogs thams cad lag pa rkang par gnas pa'i sor mo'i mtshams la thugs par ro//zhes so/ /gzung ba dang 'dzin pa'i rnam pas dben pa'i skye mched bcu gnyis 'chang ba'i phyir dag pa rnam pa bcu gnyis 'chang ngo / /tha mal pa'i brtags pa'i bde ba sdug bsngal dang / bzhi pa'i mtshan nyid kun 'byung dang / ye shes kyi dkyil 'khor gyi nang du son pa'i lus ngag sems kyi rang bzhin 'gog pa dang /dmigs pa dang bral ba rang gi sems kyi snang ba la 'gro ba sangs rgyas kyi skur mthong ba'i lam ste 'di dag thams cad gnyis su med pa gnyis kyi rnam pa can gang gi yin pa de de bzhin no/ /rnam pa sna tshogs pa rnam pa bzhi dang / rgyu mthun pa la sogs pa rnam pa bzhi'i dga' ba chen po'i ye shes brgyad 'dzin pa'i phyir shes pa brgyad po rtogs pa 'chang ngo //rgyu mthun dang / rnam par smin pa dang / skyes bu byed pa dang / dri bral gyi skad cig rnams re re zhing sum gyur las/ rnam pa bcu gnyis pa bcu gnyis kun rdzob dang don dam pa'i bden pa'i dbye bas de dang ldan pa'i phyir bden don rnam pa bcu gnyis ldan no//de la lus dang / ngag dang / sems kyi dben pa'i rgyu mthun gyi dbye bas dang po gsum sprul pa'i sku'i'o/ /snang ba dang / so sor snang ba dang / rang bzhin gyi snang ba med pa'i rnam par smin pa'i dbye bas gnyis pa gsum longs spyod rdzogs pa'i sku'i'o//sems dang sems las byung ba dang / ma rig pa'i dri ma dang bral ba'i rnam par smin pa'i dbye bas gsum pa gsum chos kyi sku'i'o/ /dga' ba gnyis dang / khyad par dang / lhan skyes kyi dga' ba dri bral gyi dbye bas bzhi pa gsum ye shes kyi sku'i'o//srog zad pas rdul 'gags pa'i phyir ram/ dga' ba bcu drug gi cha khu ba 'gags pas de nyid rnam pa bcu drug rig pa ni de bzhin no/ /lug dang glang la sogs pa'i khyim bcu gnyis 'gags pa nyid kyis sam/ sa bcu gnyis thob pa'i phyir bden don rnam pa bcu gnyis ldan no//'khor ba'i cha bcu drug zad pas sam/ mi 'gyur pa'i phyir de nyid rnam pa bcu drug rig go/ /sbyor ba yan lag drug bsgoms pa nyid kyi rnam par dag pa'i a wa d+hU tI sbyangs pa nyid kyis phung po lnga dang / khams lnga dang / dbang po lnga dang / skye mched lnga rnam par dag pa'i rnam pa khong du chud pa'i phyir rnam pa nyi shus byang chub pa'o/ /ma rig pa 'gags pa'i phyir rnam par sangs rgyas so/ /dngos po'i tshogs thams cad kyi sangs rgyas kyi rang bzhin du rtog pas kun nas rig mchog go/ /mya ngan las 'das pa kun gcig tu gyur pa sangs rgyas kyi sprul pa'i sku dpag tu med pa dngos po'i grong khyer rlung gi tshogs kyi bde ba chen po nyid du skad cig gcig la 'gyed pa'i phyir de bzhin no//'dis ni mtshan ma med pa gsungs so/ /rlung thams cad kyi rlung re re zhing bde ba chen por bsgyur bas skad cig thams cad mngon rtogs so//sems can thams cad kyi sems kyi skad cig rnam pa chen po nyid du rig pa'i phyir de bzhin no/ /theg pa sna tshogs thabs tshul yan lag bzhi dang / yan lag drug dang / thig le'i sbyor ba la sogs pas 'gro ba'i don la bde ba chen po nyid du rtogs par byed 'phro bar byed pas na de bzhin no//ye shes kyi sku nyid kyi lus ngag sems nges par 'byung ba'i phyir theg pa gsum gyi nges 'byung ba'o/ /theg pa gcig gnyis pa med pa 'bras bu ha'i rnam pa ste der gnas pa'o/ /ma rig pa rnam par nyams pa'i phyir khams rnams dag pa'i bdag nyid gang gi yin pa de nyon mongs khams rnams dag pa'i bdag go//nyon mongs pa'i khams de yang bco brgyad de/ rus pa dang / pags pa dang / sha dang / khrag dang / rgyus pa dang / rkang mar dang / tshil dang / khu ba dang / bad kan dang / bshang ba dang / gci ba dang / mchil ma dang / snabs dang / mcher pa dang / mchin pa dang / rnag ma dang / dri ma dang / ba spu zhes bya ba rnams so/ /bsod nams dang sdig pa'i rnam par rtog pa med pa'i phyir las kyi khams rnams zad byed pa'o/ /rang bzhin thams cad 'gags pas ye shes kyi pha rol tu son pa'i phyir chu bo'i rgya mtsho kun las rgal lo//rang bzhin de yang chags bral dang chags bral 'bring po dang / shin tu chags bral dang / yid gang yin pa dang / 'gro 'ong dang / mya ngan dang / mya ngan 'bring po dang / shin tu mya ngan dang / zhi ba dang / rnam par rtog pa dang / 'jigs pa dang /sred pa dang / bar ma'i sred pa dang / shin tu sred pa dang / nye bar len pa dang / dge bral dang / bkres pa dang / skom pa dang / tshor ba dang / mnyam pa'i tshor ba dang / shin tu tshor ba dang / rig byed rig pa dang / 'dzin pa dang / gnas dang / so sor rtog pa dang /ngo tsha dang / snying rje dang / byams pa dang / byams pa 'bring po dang / shin tu byams pa dang / tshim pa dang / bsags pa dang / ser sna ste sum cu rtsa gsum gyi skad cig ma rnams shes rab ye shes kyi'o/ /'dod chags dang / chags pa dang / mgu ba dang / mgu ba 'bring po dang / shin tu mgu ba dang / dga' ba dang / rab tu dga' ba dang / ngo mtshar dang / dgod pa dang / 'khyud pa dang / 'o dang / gzhib pa dang / brtan po dang / brtson 'grus dang / nga rgyal dang / byed pa dang / 'phrog pa dang / stobs dang / spro ba dang / gya tshom 'bring po dang / gya tshom mchog dang / drag shul dang / sgeg pa dang / khon du 'dzin pa dang / dge ba dang / ngag gsal ba dang / bden pa dang / nges pa dang / nyer len med pa dang / sbyin pa po nyid bskul ba dang / dpa' ba dang / ngo tsha med pa dang / khram nyid dang / ma rungs pa dang / g.yo dang / 'khyog pa ste skad cig ma bzhi bcu po rnams thabs kyi ye shes kyi'o/ /'dod chags 'bring po dang / brjed ngas dang / 'khrul ba dang / cang mi smra ba dang / ngal ba dang / le lo dang / blun pa nyid de skad cig ma bdun po snang ba thob pa'i ye shes kyi'o//'di rnams kyang nyin mo dang mtshan mor gnas pa'i brgya drug cur 'gyur ro/ /rnam par rtog pa mtha' dag bzod pa'i phyir sbyor ba'i dgon pa las byung ba ste/ sbyor ba ye shes kyi snyoms par 'jug pa tsam ste/ dgon pa rtogs par dka' ba'i phyir ro/ / nyon mongs nye ba'i kun nyon mongs ma rig pa la sogs pa bag chags dang bcas pa gtan spangs pa gang gi yin pa de de bzhin no/ /sbyor ba yan lag drug gis bsgrubs pa'i phyag rgya chen po shes rab ste de dang gnyis su med par gyur pa'i snying rje chen po des don yod bcing du med cing /gzhom du med pa'i bde ba 'gro ba'i don byed pas na de bzhin no/ /snyoms par 'jug pa la sogs pa'i 'du shes kyang med pa'i phyir 'du shes kun gyi don spangs shing ngo / /rnam shes 'dzin pa dang bral ba don phyi rol yang ste gang gi yin pa de de bzhin no/ /de nyid kyi phyir gnas med pa'i chos nyid tsam gyi phyir 'gog par byed do//sems can thams cad kyi yid rnam par mi rtog pa'i sbyor bas yang dag par 'byung ba'i phyir sems can kun yid yul dang ldan no/ /yang na yul ma yin pa spyod yul ma yin pa'o/ /de nyid kyi phyir sems can kun gyi yid rig pa'o//sems can kun gyi yid nang du chos kyi dbyings kyi ngo bo nyid snang ba'i phyir gnas pa'i zhes pa de bzhin no/ /sems can de dag gi sems dang mthun pa de bzhin nyid kyi ngo bor 'jug pa thob pa ste/ thams cad ni chos nyid kyi ngo bor khyad par med pa'i phyir ro/ / phyin ci log las bzlog pa nyid kyis bde ba chen po'i ye shes 'char ba'i phyir/ sems can kun yid tshim par byed do/ /zag pa med pa'i bde ba'i dga' ba'i ngo bo nyid kyi phyir sems can kun gyi yid dga' ba'o/ /yod pa dang med pa'i phyogs dang bral ba mchog tu mthar phyin pa'i ngo bo nyid kyis grub pa'i mthar phyin no//gang zag la sogs par 'khrul pa dang bral ba'i phyir 'khrul pa med do/ /kun brtags dang / gzhan dbang dang / yongs grub dang bral ba'i phyir nor ba thams cad rnam par spangs so/ /don gsum shes rab kyi don bsgrub bya bde ba'i rang bzhin gyi don gsum mo//'jig rten dang 'jig rten las 'das pa'i grub mtha' yongs su shes pas sems can rnams la de kho na nyid phyin ci ma log pa ston pa'i phyir the tshom med pa'i blo'o/ /brtan pa dang g.yo ba'i dngos po ma lus pa'i ngo bo'i phyir kun don no//sgrib pa med pa'i rdul mun pa snying stobs kyi yon tan gcig gi rang bzhin gyi phyir yon tan gsum gyi bdag go/ /sbyor ba yan lag drug gis rang byin gyis brlabs pa gsal bar gyur pa'i phyir/ phung po lnga'i don rnams ni sangs rgyas ni phung po lnga don no/ /rtag pa nyid kyis dus gsum du'o//rnam par rtog pa'i rlung gi skad cig thams cad bde ba chen por bye brag phyed pas sgyur bar byed pa ni de bzhin no/ /bzhi pa'i skad cig kho nas dngos kun dang tha mi dad pa/ kun du bzang po zhes bya ba rdzogs pa'i sangs rgyas rig pa po'o/ /de bas na/ sangs rgyas kun gyi rang bzhin 'chang ste lhan skyes 'dzin pa zhes pa'i don to/ /gtsug tor gyi nor bu'i 'khor lor son pa nyid kyis lus med ni chos kyi dbyings rdo rje'i lus med do/ /de nyid bde ba bsags pa'i ngo bo'i phyir lus kyi mchog gang gi yin pa de de bzhin no/ / bde ba chen po nyid kyis lus kyi mtha' ston par byed/ spro bar byed pas na lus kyi mtha' ni ston pa po'o/ /de nyid kyi phyir gdul bya'i bsam pas gzugs rnams sna tshogs kun du ston no/ /nor bu chen por gnas pa'i phyir nor bu chen po'o/ /skye bo chen po thams cad sgyur ba'i don du bde ba rin po ches mtshan pa'i tog ni rin chen tog go//'di ni yan lag bcu gnyis 'gags pa dang / sa bcu gnyis rab tu thob pa'i rnam par dag pas mnyam pa nyid kyi ye shes kyi tshigs su bcad pa nyi shu rtsa bzhi'o// //da ni bya ba grub pa'i ye shes kyi tshigs su bcad pa bco lnga'i sgo nas sgrib pa med pa'i 'du byed kyi phung po don yod grub pa'i tshul gyis mchog tu mi 'gyur pa'i ye shes de nyid gsungs te/dus gsum du bzhugs pa'i sangs rgyas kun gyi rtogs par bya ba mngon sum du bya ba yang dag pa'i ye shes kyi rang bzhin te/de nyid 'jam dpal ye shes kyi sku'o zhes pa'i mthar ro/ /de skad du/ khyod la rag las mngon byang chub/ /khyod ni thams cad gzigs pa'i yab/ /khyod ni 'byung zhing 'byung 'gyur pa/ /de bzhin gshegs pa rnams kyis bstan/ /zhes gsungs so/ /lus dang ngag dang sems kyi rang bzhin khong du chud pa'i ngo bo nyid kyi phyir gnyis su med pa'i dpal kho na sangs rgyas byang chub bo//mngon par rdzogs par byang chub pa bzhi pa'i ngo bo nyid kyi phyir bla na med do/ /lhan skyes kyi bsgrigs pa nyid kyis 'jig rten pa la sogs pa'i gsang sngags kyi skye gnas rgyu nyid bcom ldan kho na yin pa'i phyir ro//brjod bya dang rjod byed kyi 'brel pa med bzhin pa nyid kyi chos kyi dbyings mchog tu mi 'gyur pa'i bdag nyid ni yi ger med pa'o/ /gzugs dang yon tan la sogs pa'i brjod pa las 'das pa zhes pa'i don to/ /'byin byed dang /'gengs byed dang / bum pa can mi 'gyur pa nyid kyis rang gis rig par bya ba'i phyir gsang sngags chen po'i bdag nyid rigs gsum pa lus dang ngag dang sems rnams dga' ba dang / mchog dga' dang khyad par gyi dga' ba'i ngo bo gang gi yin pa de de bzhin no/ /zhi ba dang rgyas pa la sogs pa brjod pa'i mtshan nyid 'jig rten pa'i sngags dang /mchog tu mi 'gyur pa'i sbyor bas thig le dang nA da'i bdag nyid 'jig rten las 'das pa'i sngags de nyid bsgrub bya yin pa'i phyir don to/ /gsang sngags don kun phyag rgya chen po'i don ni/ de skyed pa po skyed byed do//a ka tsa Ta ta pa ya shak+Sha oM gyi yi ge sde tshan bcu srog la sogs pa rlung bcu po rnams dbu mar rgyu ba nyid kyi gcig tu gyur pa lus thams cad la thim pa'i phyir thig le chen po bcom ldan 'das te/ don dam pa'i ngo bo nyid kyi phyir yi ge med pa mchog tu mi 'gyur pa'i bde ba'i ye shes rdo rje sems dpa'o//de skad du yang / rtsa ba'i rgyud las/ lus ngag sems kyi khams rnams kyi/ /gang phyir skyabs gyur de yi phyir/ /sngags don sngags kyi sgra yis ni/ /stong nyid ye shes mi 'gyur pa/ /bsod nams ye shes las byung sngags/ /stong nyid snying rje'i bdag nyid do//zhes so/ /dbus su ye shes kyi phung po dang / rnam par shes pa'i phung po dang / ye shes kyi khams dang / nam mkha'i khams dang / yid dang / rna ba dang / sgra dang / chos kyi khams dang / mchog gi dbang po dang / b+ha ga dang / chu 'dzag pa dang / khu ba 'dzag pa'i ngo bo rnams sgrib pa med pa nyid so sor rang rang gi yul 'dzin pa rnam par spangs pa nyid ro mnyam par 'gyur pa gcig tu 'dres par gyur pa stong pa'i yi ge dang po rnal 'byor pa rang gi rig par bya ba thams cad med pa ma yin pa'i mtshan nyid de nyid gzhom du med pa a'i yi ge stong pa ri mo tsam brjod du med pa gri gug gi rnam pa'o//dbu ma gzhom du med pa'i mtshan ma las/ shar du 'du byed kyi phung po dang / rlung gi khams dang / sna dang / reg bya dang / ngag gi dbang po dang / bshang ba 'dzag pa rnams gcig tu 'dres par gyur pa stong pa'i yi ge e dbyug pa'i rnam pa stong pa'i yi ge gnyis pa'o//dbu ma gzhom du med pa'i mtshan ma'i g.yas su tshor ba'i phung po dang / me'i khams dang / mig dang / ro dang / lag pa dang / 'gro ba rnams sgrib pa med pa nyid stong pa'i yi ge r-i thig le gnyis te stong pa'i yi ge gsum pa'o//dbu ma gzhom du med pa'i mtshan ma'i g.yon du 'du shes kyi phung po dang / chu'i khams dang / lce dang / gzugs dang / rkang pa dang / len pa rnams sgrib pa med pa nyid stong pa'i yi ge u brjod du med pa thig le gcig gi gzugs stong pa chen po'i yi ge bzhi pa'o//dbu ma gzhom du med pa'i mtshan ma'i nub tu gzugs kyi phung po dang / sa'i khams dang / lus kyi dbang po dang / dri dang / bshang khung dang / smra ba rnams ro mnyam pa nyid gcig tu 'dres par gyur pa nyid ha la'i rnam pa stong pa'i yi ge l-i stong pa'i yi ge lnga pa ste/'di ltar baM gyi rnam pa yi ge lnga stong pa chen po dmigs pa med pa'i snying rje'i bdag nyid can rdul phra rab kyi chos nyid las 'das pa pra phab pa dang mnyam pa rnal 'byor pa'i rtogs bya'o/ /de'i rten du gyur pa e'i rnam pa chos 'byung gi tshul rnam pa thams cad stong pa nyid kyi rang bzhin ni thig le stong pa yi ge drug go//de bzhin du rnam par shes pa'i phung po dang / nam mkha'i khams dang / rna ba dang / chos kyi khams dang / b+ha ga dang / khu ba 'dzag pa rnams sgrib pa dang bral ba stong pa nyid sngar bshad pa'i dbu ma gzhom du med pa'i mtshan ma'i steng du ka'i sde tshan gyi bdag nyid gsal byed kyi yi ge ka brjod du med pa ni thig le stong pa dang po'o//shar gyi mtshan ma'i shar du 'du shes kyi phung po dang / rlung gi khams dang / sna'i dbang po dang / reg bya dang / ngag dang / bshang ba 'dzag pa rnams sgrib pa dang bral ba thams cad stong pa nyid tsa'i sde tshan gyi bdag nyid gsal byed kyi yi ge tsa brjod du med pa'i thig le stong pa gnyis pa'o//g.yas kyi mtshan ma'i g.yas su tshor ba'i phung po dang / me'i khams dang / mig dang / ro dang / lag pa'i dbang po dang / 'gro ba rnams sgrib pa dang bral ba rnam pa thams cad stong pa nyid/ Ta'i sde tshan gyi bdag nyid gsal byed kyi yi ge Ta brjod du med pa'i thig le stong pa gsum pa'o/ /g.yon gyi mtshan ma'i g.yon du 'du shes kyi phung po dang / chu'i khams dang / lce dang / gzugs dang / rkang pa'i dbang po dang / len pa rnams sgrib pa dang bral ba'i stong pa nyid pa'i sde tshan gyi bdag nyid gsal byed kyi yi ge pa brjod du med pa'i thig le stong pa bzhi pa'o//nub kyi mtshan ma'i nub tu gzugs kyi mtshan ma'i phung po dang / sa'i khams dang / lus kyi dbang po dang / dri dang / 'jug pa'i dbang po dang / brjod pa rnams sgrib pa dang bral ba'i stong pa nyid ta'i sde tshan gyi bdag nyid gsal byed kyi yi ge ta brjod du med pa'i thig le stong pa lnga pa'o//dbu ma gzhom du med pa'i mtshan ma'i 'og ngos su ye shes kyi phung po dang / ye shes kyi khams dang / yid dang / sgra dang / mchog gi dbang po dang / chu 'dzag pa rnams rnam pa thams cad sgrib pa dang bral ba stong pa nyid sa'i sde tshan gyi bdag nyid gsal byed kyi yi ge brjod du med pa'i thig le stong pa drug pa'o//de ltar thig le stong pa yi ge drug ni chos kyi 'byung gnas rdo rje 'dzin pa e'i rnam pa stong pa nyid dmigs pa dang bcas pa pra phab pa'i rang bzhin can no/ /de dag gi stong pa chen po yi ge lnga ni dbyangs kyi tshogs khu ba dang zla ba zhes brjod par bya zhing /thig le stong pa yi ge drug ni gsal byed kyi tshogs rdul dang nyi ma zhes brjod do/ /'dir yang khu ba dang zla ba ni baM gyi rnam pa rdo rje'o/ /rdul dang nyi ma ni e'i rnam pa pad+ma'o/ /rdo rje dang pad+ma 'di dag gcig pa nyid ni rdo rje sems dpa' zhes bya'o//rdo rje ni mchog tu bde ba'i ye shes khu ba'o/ /sems dpa' ni thams cad kyi rnam pa shes rab kyi gzugs zhes bya ba ste/ ye shes dang rnam par shes pa byin gyis brlabs pa sgrib pa dang bral ba gcig tu gyur pa de kho na nyid 'gro ba'i don mdzad pa rdo rje sems dpa'o//de dag kyang rgya cher 'grel pa dri ma med pa'i 'od las gsungs par shes par bya'o/ /rnam pa kun ldan rnam pa med ni rgyu gsungs pa ste/ so sor sdud pas bum pa la sogs pa'i dngos po gang mthong ba pra phab pa dang mtshungs par rab tu snang ba ni rnam pa kun ldan te rtog pa dang bral zhing ma 'khrul pa'i mngon sum gyis mthong ba'i phyir ro//rnam pa med pa rdul phra rab kyi chos nyid las 'das pa ste rtog pa dang bral ba'i phyir bkab pa dang ma bkab pa'i mig gi rtogs bya'o/ /'di ltar rnam pa kun ldan rnam pa med pa rgyu ste/ shes rab kyi pha rol tu phyin pa chen po stong pa nyid rnam pa thams cad kyi mchog dang ldan pa'o//de las skyes pa'i 'bras bu mchog tu mi 'gyur pa'i bde ba ni bcu drug phyed phyed thig le 'chang ste/ de bzhin gshegs pa rnams kyi shes rab ye shes chen po zhes brjod do/ / de skad du yang / rnam pa kun gyi mchog ldan pa'i/ /stong nyid rgyu ni dang po nas/ /dmigs pa med par byas nas phyis/ /'gro don mdzad pa 'bras bu'o/ /zhes so/ /cha bcu drug po rnams kyi phyed brgyad de/ de'i phyir thig le bzhi'o/ /lus dang ngag dang sems dang /ye shes kyi mtshan nyid sad pa dang / rmi lam dang / gnyid log pa dang bzhi pa'i gnas skabs skyed pa po de 'dzin pas na bcu drug phyed phyed thig le 'chang ngo / /dam tshig bzhi skyong ba po rdo rje sems dpa' chags pa chen po zhes pa'i don to/ /yan lag med pa dkar po'i phyogs kyi cha bco lnga dang bral ba ste/de rnams kyi mthar gnas pa dkar po'i nya'i mthar ro/ /rtsis las 'das pa ni rtsis nag po'i tshes gcig go/ /der mi 'jug pa ni rtsis las 'das pa ste lhan cig skyes pa'i don to/ /bsam gtan bzhi pa'i rtse mo can/ /zhes pa ni dga' ba'i bde ba'i bsam gtan ni dang po'o/ / mchog tu dga' ba'i bde ba'i bsam gtan ni gnyis pa'o/ /khyad par gyi dga' ba'i bde ba'i bsam gtan ni gsum pa'o/ /lhan cig skyes pa'i dga' ba'i bde ba'i bsam gtan ni bzhi pa'o/ /tshes lnga dang / tshes bcu dang / nya dang / nya'i mthar thig le la mchog tu mi 'gyur pa'i bde ba'i bsam gtan gnas pa de'i rtse mo mchog gi cha bde ba yongs su gang ba nyid de/de 'chang bas na bsam gtan bzhi pa'i rtse mo 'chang ngo / /shes bya ye shes 'char rtog pa/ /dpyod pa de yi sbyor ba nyid/ /gsum pa dga' ba lta bu ste/ /bzhi pa bde ba bsdus pa ste/ / lnga pa rtag tu snang ba ni/ /sprin med nam mkha' lta bu'o/ /zhes pa bsam gtan gyi yan lag lnga kun nas shes pa'i phyir bsam gtan yan lag kun shes shing ngo / /chos thams cad mnyam pa nyid la sogs pa'i ting nge 'dzin gyi tshogs dang stobs rig pa'i phyir ting 'dzin rig dang rgyud rig pa'o//ting 'dzin lus can chos kyi sku ste/ 'di kho na longs spyod rdzogs pa dang / sprul pa'i sku dag gi mchog gang gi yin pa de de bzhin no/ /chos kyi sku dang tha mi dad pa'i longs spyod rdzogs pa'i skus 'khor kun gyi dbus su mdzes pas na longs spyod rdzogs sku kun gyi rgyal lo//lhun gyis grub pa dang ldan pa'i 'gro ba'i don sna tshogs pa'i rang bzhin can gyi sprul pa'i sku kho na sprul pa gzhan rnams kyi nang na mchog gi sprul pa'i sku ste sku'i mchog go/ /rang bzhin dang bcas pa'i rigs gsum dang / rigs lnga la sogs pa'i rgyud 'od gsal nyid du 'dzin pa'i phyir de bzhin no//phyogs bcur sprul pa sna tshogs 'gyed cing spro ba gang gis yin pa de de bzhin no/ /rang ji lta bar 'gro ba'i don byed pa'i phyir ji bzhin 'gro ba'i don byed pa'o/ /'od gsal ga'i sems rdo rje nyid kyis khyab 'jug gi rang bzhin gyi phyir lha'i dbang po'o/ / chags pa chen po'i bdag nyid kyi lus nyid kyis tshangs pa'i bdag nyid kyi phyir lha'i lha'o/ /nor bu'i nang dang gtsug tor du bgrod pas stobs ldan gyi ngo bo'i phyir lha min dbang po'o/ /dpe med pa'i gnyis su med pa'i dpal gyi bdud rtsi thob pas sgra gcan gyi rang bzhin gyi phyir lha min bdag go//bdag med pa sa srung gi bu la gnas pa nyid kyis brgya byin gyi rang bzhin gyi phyir 'chi med dbang po'o/ /chos thams cad rang bzhin med par ston pa nyid kyis phur bu'i rang bzhin gyi phyir lha'i bla'o/ /bde ba chen po'i khu ba mche bas phyogs gcig pa'i phung po la sogs pa'i bgegs kyi tshogs dbang du byas pa nyid kyis bgegs kyi bdag po'i phyir 'joms byed do//lus dang ngag dang yid grol ba'i ngo bo spyan gsum pa'i ngo bo'i phyir 'joms byed dbang phyug pa'o/ /sems can thams cad la yang dag pa'i ye shes rab tu ston pa po nyid kyis srid pa'i dgon pa las rgal ba'o//sdug bsngal sna tshogs kyis gtses pa rnams la bde ba chen po 'byung ba'i ston pa'i phyir ston pa gcig pu gnyis su med pa'o/ /spros pa thams cad nye bar zhi bas rnam par mi g.yo ba'i bde ba'i ye shes la gnas pa'i phyir 'gro ba'i bla ma'o/ /'jig rten byang chub sems dpa' la sogs pa'o//phyogs bcur rab grags pa ni bsod nams kyi tshogs la sogs pas rab tu grags pa'o/ /de rnams la longs spyod rdzogs pa'i sku la sogs par rab tu snang ba nyid kyis chos kyi sbyin bdag go/ /che ba po ni brtan pa dang / g.yo ba'i bdag nyid khyab pa'o//lhan cig skyes pa'i dga' ba'i bde ba'i sems can ni byams pa ste/ de nyid lus thams cad la khyab pa'i phyir go cha'o/ /des chas pa bkab pa'o/ /sems kyi rnam par g.yeng ba gsal ba'i phyir/ sngar brjod pa'i snying rje'i ya lad kyis bgos pa bsrung pa'o/ / dri ma dang bral bar gyur pa phyag rgya chen po ni shes rab ste/ de ral gri gang gi yin pa de de bzhin no/ /mda' thig le dang / gzhu nA da de gnyis su med pa'i ngo bo'i phyir de bzhin no/ /chags pa chen po'i ting nge 'dzin gyis sbyor bas 'dzag pa'i bag chag za ba'i phyir/ nyon mongs mi shes g.yul ngo sel lo//'od gsal rin chen gyis non pa'i lus ngag sems kyis chags pa nyid kyis bdud dgra'o/ /rdo rje'i gdan nyid kyis srog dang thur sel 'gog pa'i phyir bdud 'dul ba ste mi 'pham pa'o/ /de nyid kyi phyir dpa' bo'o/ /byams pa la sogs pa'i rang bzhin gyi phyir sad pa dang /rmi lam dang / gnyid log pa dang / bzhi pa mi zad pa'i phyir bdud bzhi'i 'jigs pa sel bar byed do/ /rang bzhin gyi dri ma med pa'i rang byin gyis brlab pa nyid kyis bdud kyi dpung rnams 'pham byed pa'o/ /dkyil 'khor drug gi bdag po yin pa'i phyir rdzogs pa'i sangs rgyas so/ / srid pa'i 'dod chags kyi sred pa'i dri ma spangs pa'i phyir 'jig rten 'dren no/ /grub mtha' thams cad kyi pha rol du son pa nyid kyis mchod 'os so/ /gzhom du med pa'i nA da la brten pa'i dam pa'i chos thams cad gsung ba nyid kyis mchod par 'os pa'i phyir bstod 'os so/ /dge ba'i stegs ye shes su zhugs pas ma rig pa la sogs pa'i dri ma bkrus pas lha dang bcas pa'i 'jig rten pa rnams kyi phyag bya bar 'os pa'i phyir phyag gi gnas so//'dod pa'i yon tan lngas chos 'byung gi nang du son pa nyid kyang byang chub ster ba po nyid kyi phyir nyan thos la sogs pa rnams kyis rtag tu ri mor bya ba'i 'os so//nyon mongs pa las rgyal ba nyid kyis yon tan yongs su rdzogs pa'i phyir byang chub sems dpa' rnams kyi bkur bar 'os pa'i mchog go/ /de bzhin gshegs pa thams cad kyi yum nyid du gnyis su med pa'i bde ba khong du chud pa'i ngo bo nyid kyi phyir rjed par bya ba'i mchog go//gsang sngags kyi sgo'i spyad pa spyod pa rnams kyi bde ba dam pa'i bdag nyid kyi phyir phyag byar 'os pa'o/ /sems can thams cad la bde ba chen po'i rnam pas de bzhin gshegs pa thams cad kyi thugs snying po la gnas pa'i phyir bla ma'i rab bo/ / 'jig rten gsum po gom gcig gnyis su med pa lhan cig skyes pa'i dga' ba'i bgrod pa nyams su myong ba'am/ des bsgrod pa khyab pa ni 'di'o/ /mkha' ltar mtha' med rnam par gnon pa lhan cig skyes pa'i ngo bo nyid kyis rtsen pa gang gi yin pa de de bzhin no/ /snang ba med pa 'pho ba'i ngo bo zhes pa'i mthar ro//rig pa gsum po 'dod pa na spyod pa dang / gzugs na spyod pa dang / phyag rgya chen po'i dngos grub sgrub pa po gang gi yin pa de de nyid gsum rig go/ /thos pa tsam gyis kyang mchog tu bde bar byed pa nyid kyi shin tu rnam par dag pa'i phyir gtsang ma'o/ / bzhi pa'i ngo bos rtag tu 'byung ba'i phyir dag pa ni dag pa'o/ /de gzung ba dang / 'dzin pa gcig pa nyid kyis gnyis su med pa'i ye shes can yin pa'i phyir mngon shes drug ldan no/ /'khor lo drug gi ting nge 'dzin la zhugs pas sbyin pa la sogs pa'i pha rol tu phyin pa 'dzin pa dang dran pa'i ngo bo nyid kyi phyir rjes dran drug go//chos thams cad chags pa med pa theg pa chen po'o/ /don khong du chud pa'i phyir byang chub sems dpa'o/ /dpag tu med pa'i sems can tshim par byed pa'i phyir sems dpa' chen po'o/ /bsam gyis mi khyab pa'i 'dod yon lnga la nye bar spyod pa'i bde bas sems can 'don pa'i nus pa chen po dang ldan pa'i phyir rdzu 'phrul chen po'o//'jig rten pa'i kun tu rtog pa dang bral ba'i phyir 'jig rten 'das so/ /zla ba bzang po nyid kyis dmigs pa dang bral ba'i phyir/ shes rab pha rol phyin pa'i mtha'o/ /shes rab kyis ni de nyid phyag rgya chen po'i rang bzhin thob pa rnyed pa'o//spros pa thams cad las 'das pa nyid kyis nam mkha'i ngo bo'i phyir bdag rig go/ /rang gzhan dag gnyis su med par khong du chud pa'i phyir gzhan rig go/ /dngos po ma lus pa'i rang bzhin yang dag par mthong ba'i phyir thams cad pa'o//dngos po dang dngos med dag gnyis su byar med pa rtogs pas phan pa'i phyir kun la phan pa'o/ /bde ba chen po'i bdag nyid kyis ye shes kyi sku'i phyir gang zag mchog go/ /chos kyi sku dpe med pa'i ngo bo nyid kyi phyir 'jig rten pa'i dpe las 'das pa'o//lhan skyes nyid du so sor rang gis rig par bya ba'i phyir shes par bya'o/ /bde ba 'dzin pa po nyid kyis ye shes kyi bdag po'i phyir shes pa'i bdag po'o/ /de nyid kyi phyir mchog go/ /snod ji lta ba bzhin du phyin ci ma log pa'i chos ster pa'i phyir chos kyi sbyin bdag ste/yid kyang gtong ba'i phyir chos kyis sbyin bdag nyid kyi gtso bo'o/ /las kyi phyag rgya dang / ye shes kyi phyag rgya dang / phyag rgya chen po dang / dam tshig gi phyag rgya'i don ston pas gsal bar byed pa'o/ /phyag rgya bzhi pa'i don ston pa nyid kyi phyir/ nges 'byung gsum po bgrod rnams kyi sa la spyod pa dang /mkha' la spyod pa dang / phyag rgya chen po'i dngos grub don du gnyer ba rnams 'gro ba'i bsnyen bkur gnas kyi mchog go/ /phyag rgya bzhi'i nye bar bstan pa gsungs pa yang 'di lta ste/ las dang ye shes phyag rgya che/ /dam tshig ces grags 'od gsal te/ /rgyu dang bsgom bya de bzhin du//thob bya bzhi pa 'jig pa med/ /rgyu zhes bya ba ni/ dang po las kyi phyag rgya las byung ba'i lhan cig skyes pa mi 'dzag pa'i bde ba gang yin pa'o/ /bcom ldan 'das kyi gsung rab las gsungs pa de yang bden pa nyid de/ 'on kyang kun rdzob 'jig rten pa'i dpes me long lta bu ste/ don dam par ni ma yin no//de phyir las kyi phyag rgya dbang po rnon po'i gzung bya ma yin no/ /las kyi phyag rgya yang nu ma dang skra dang ldan pa'i 'dod pa'i khams kyi bde ba'i rgyu'o/ /las ni 'o byed pa dang / 'khyud pa dang / gsang bar reg pa dang / rdo rje bskyod pa la sogs pa'i bya ba'i bdag nyid de/ des nye bar mtshon pa'i phyag rgya ni rkyen byed pa'o//'dir rkyen ni 'gyur pa'i bde ba'i mtshan nyid do/ /mu dra ni bde ba'i khyad par te/ rA ti dga' ba ster bar byed pas na mu dra'o/ /bsgom bya ye shes kyi phyag rgya ste/ de yang rang gi sems kyis yongs su brtags pa'i sna tshogs yum la sogs pa'i lha mo'i rang bzhin sngar nyams su myong ba gzugs kyi khams kyi bde ba'i rgyu'o//ye shes dgod pa dang rtsen pa la sogs pa'i bsgom pa'i mtshan nyid de/ /rkyen ni 'dir 'bab pa'i bde ba'i mtshan nyid do/ /phung po dang khams dang skye mched la sogs pa'i lha'i rnam pa sbyangs te/ cho ga ji lta bas dkyil 'khor 'khor lo gsal bar byas nas bsrub cing bsrub pa'i sbyor bas ye shes kyi me rab tu spar la/ji srid bsregs pas ri bong can haM 'dzag pa dpral ba nas mgrin pa dang / snying ga dang / lte ba dang / rdo rje pad+ma'i lte ba'i rtse mor te/ byang sems kyi gzugs kyis yul dang / dbang po mtha' dag bde ba chen po rgya mtsho'i gnas su gcig tu 'dres par byas te/de'i rang bzhin gyi ting nge 'dzin la snyoms par zhugs pas gnas par byas te/ ji srid dpal phyag rgya chen po mngon du gyur pa de srid du'o/ /thob bya zhes pa phyag rgya chen po ste/ rmi lam dang mig 'phrul dang / yid kyi rang bzhin lta bu chen po yang 'di yin la/phyag rgya yang yin pas te/ chen po slar yang 'di rnam pa thams cad kyi mchog dang ldan pa nyid de/ phyogs gcig pa ma yin pa dang / byang sems rdo rje 'dis rgyas gdab par bya bas na phyag rgya'o/ /rkyen ni 'dir rang gi sems kyis yongs su brtags pa'i chos dang bral bas du ba la sogs pa'i mtshan ma sngon du 'gro ba can rang gi sems kyi snang ba rnal 'byor pa'i bgrod bya pra phab pa lta bu'o//ji srid dam tshig gi phyag rgya mngon sum du bya ba'i bar de la 'khyud par bya'o/ /'jig pa med par mchog tu mi 'gyur pa'i rang bzhin te/ de yang 'bras bu'i ngo bo phyag rgya chen po'o//mu dra mchog tu mi 'gyur pa'i bde ba'i mtshan nyid kun nas brten pa dus thams cad du mi g.yo ba'i sbyor bas gang ba'i gnas skabs kun nas len pas na mu dra'o/ /chen po yang 'di yin te spangs pa che ba nyid dang / rtogs pa che ba nyid kyis so/ /de la spangs pa che ba ni/ bag chags dang bcas pa'i sgrib pa thams cad spangs pa'i mtshan nyid ngo bo nyid ces bya ba 'od gsal mngon du byed pa'i mtshan nyid do/ /rtogs pa che ba ni yongs su dag pa sangs rgyas kyi chos thams cad kyi bdag nyid zung 'jug ces bya ba mngon sum du byed pa'i rang bzhin no/ /gang yang ston ka'i nyin gung gi nam mkha' dri ma med pa lta bu stong pa nyid dang ro gcig pa'i 'od gsal mngon sum du byas pa kho na sangs rgyas kyi chos mtha' dag rtogs pa ste/'gro ba ma lus pa'i don sgrub pa'i gzugs kyis der sangs rgyas kyi chos thams cad yod pa'i phyir ro//de nyid kyi phyir chos rnams kyi gnas ni sku ste/ chos kyi sku'o zhes 'chad pa de la ni mi snang bar yang rtogs pa'i rnam par gzhag pa la bum pa snang bar snam bu la sogs pa rtogs par thal ba bzlog par dka'o/ /'o na ni grangs can pa'i lta ba skyon med par 'gyur ro/ / gzhan yang brtags pa'i phung po dang khams dang skye mched la sogs pa sgyu ma dang / rmi lam dang / dri za'i grong khyer dang / pra phab pa bzhin du mthong ba ni kun rdzob kyi bden pa mthong ba dang / rang byin gyis brlab pa zhes brjod do/ /kun rdzob kyi bden pa kho na don dam pa'i bden pa 'od gsal yongs su dag pa me long la sogs pa'i ngo bo rnam par snang mdzad la sogs pa brten pa lha'i tshogs dang /gzhal yas khang la sogs pa rten dkyil 'khor te/ de nyid ni 'jig rten las 'das pa'i dkyil 'khor nyid du rgyud kyi rgyal po thams cad las gsungs pa nyid de sangs rgyas kyi chos mtha' dag gi rang bzhin nyid du yang ngo //bden pa gnyis po de nyid rnam pa gnyis su med pa'i rang bzhin ni zung 'jug ces bya bar brjod de/ de'i phyir zung 'jug gi sku kho na chos kyi sku ste/ longs spyod rdzogs pa'i sku dang / ngo bo nyid kyi sku dag las tha dad du gyur pa rnal 'byor pas so so rang gis rig par bya ba'o//'phags pa klu sgrub kyi zhal snga nas kyang / gang zhig gcig min du ma ma min pa/ /zhes pa la sogs pas chos kyi sku'i mtshan nyid dang / 'jig rten las 'das bsam gyis mi khyab/ /ces pa la sogs pas longs spyod rdzogs pa'i sku dang /sems can rnams ni smin par bya phyir/ /zhes pa la sogs pas sprul pa'i sku dang / 'jig rten gsum gyi kun spyod las grol/ /zhes pa la sogs pas bde ba chen po'i sku'i mtshan nyid gsungs so/ /rang gi lta ba'i 'dod pa mdor bstan pa las kyang / gzugs kyi phung po mtha' yas pa//bdag gi sprul pa'i sku ni mchog /sgra yi phung po mtha' yas pa/ /bdag gi longs spyod rdzogs sku mchog /chos kyi phung po mtha' yas pa/ /bdag gi chos sku rab tu grags/ /bde ba'i phung po mtha' yas pa/ /bdag gi bde sku mi 'gyur mchog /ces gsungs so//de bzhin du yang cha bcu drug pa khong du chud pa gzhan gyi sems shes pa/ /sgra brnyan dang mtshungs pa sgra rtogs pa gzugs ma lus par yang dag par mthong ba'i ye shes kyi mtshan nyid sku bzhi'i rang bzhin du rig par bya ste/ de skad du dpal dus kyi 'khor lo'i rgyud las kyang / shes rab ma yin thabs min lhan cig skyes pa'i sku 'di chos kyi skur ni 'gyur pa yin/ /shes rab thabs kyi rang bzhin mun pa rnams dang bral ba ye shes rnam shes dbye ba las/ /sgra brnyan dang mtshungs sems can du ma'i don dag byed po 'di ni longs spyod rdzogs pa'i sku/ /sems can rnams ni smin pa'i rgyu ru slar yang 'di ni sangs rgyas rnams kyi sprul skur 'gyur//zhes gsungs so/ /'dis ni lus dang ngag dang sems dang / ye shes kyi rnam par dag pa phyag rgya bzhi gsungs so/ /dpal dang po'i sangs rgyas las/ /'gyur zhing 'gyur pa de nas 'dzag /mi 'dzag dri ma med pa gzhan//pad+mar rdo rje bcug pas rtse mo can dang rlung las thigs pa lhung ba gsum pa'o/ /rnal 'byor gsum po 'di dag nges pa kho nar sku gsung thugs kyi phyag rgya'o/ /chags dang chags bral thog mthar son pa mchog gi bde ster rnal 'byor bgrod bya bzhi pa'o/ /phyag rgya rnams kyi ma de rnam pa bcu por 'gyur te 'di ni dpal ldan bla ma'i zhal//zhes gsungs so/ /dpal rnam par snang mdzad mngon par byang chub pa'i rgyud las kyang / las kyi phyag rgya mnyam bsten nas/ /chos kyi phyag rgya rnam par bsgom/ /de nas gong du phyag rgya che/ /de yi dam tshig 'byung bar 'gyur//zhes gsungs pa'o/ /gzhan du yang / thar pa dpal mo mi 'jigs bde ba dag/ /lang tsho dga' ma bcom ldan ma de dor/ /phal cher sngon du bsags pa'i drag shul las/ /gang gi bdud rtsi dor nas dug 'thung byed/ /ces gsungs so/ /dang po'i sangs rgyas las kyang //phyag rgya bzhi po mi 'gyur bde ba'i 'bras bu ster ba 'di rnams rnal 'byor pa yis bsgom/ /kun du dus kun du ni dga' ba'i chags pa la gnas 'jig rten lam las rab grol bas/ /grong dang dgon pa dur khrod ma dag pa dang dag pa'i gnas dang khyim dang lha yi gnas dag tu//rigs dang rigs min dang bral lus kyi stobs dang bde ster bza' btung la sogs dang ldan pas/ /zhes gsungs so/ /don gyi dam pa'i ye shes kyi rnam dag dpal gnyis su med pa'i blo gang gi yin pa de de bzhin no/ /sems can thams cad kyi don byed pa'i phyir 'jig rten gsum na skal bzang ngo //khyab pa'i phyir khyab pa'o/ /rnal 'byor ma thams cad kyi yid du 'ong ba'i rin po che mi 'dzag pa'i phyir dpal ldan no/ /phun sum tshogs pa thams cad kyi gzhir gyur pa'i phyir 'byor ba kun byed pa'o/ / chos thams cad gnyis su med pa'i bdag nyid can gyi phyir 'jam dpal gnyis su med pa'i dpal te ye shes kyi sku nyid kyi phyir dpal dang ldan pa'i mchog go/ /'di ni sgrib pa med pa'i cha bco lnga'i rnam par dag pas de bzhin gshegs pa thams cad kyi ting nge 'dzin du gyur pa bya ba byed pa'i mtshan nyid bya ba grub pa'i ye shes kyi tshigs su bcad pa bco lnga bshad pa'o//'di ltar yang / /rdo rje sems dpa' la sogs pa'i sgo nas skye ba'i rim pa nges par bstan to/ /bar bar du bzlog nas bstan pa ni man ngag sba ba'i don du'o/ /yang gzhom du med pa'i nA da rgyas pa nyid kyis sems can gyi bsam pa'i dbang gis de bzhin du snang bas sdud pa pos de kho na bzhin du bris pa'o// //da ni mchog sbyin zhes pa la sogs pa tshigs su bcad pa lngas/ bcom ldan 'das de kho na ye shes lnga'i sgo nas bstod pa gsungs te/de la mchog sbyin rdo rje la sogs pas me long lta bu'i ye shes kyi sgo nas so/ /sangs rgyas chags pa la sogs pas mnyam pa nyid kyi ye shes kyi sgo nas so/ /sangs rgyas 'dzum pa la sogs pas so sor rtog pa'i ye shes kyi sgo nas so/ /med pa las byung zhes pa la sogs pas bya ba grub pa'i ye shes kyi sgo nas so//sgyu 'phrul dra ba la sogs pas shin tu rnam par dag pa chos kyi dbyings kyi ye shes kyi sgo nas te/ de bzhin gshegs pa rnam par snang mdzad dang / rin chen 'byung ldan dang / 'od dpag med dang / don yod grub pa dang / mi bskyod pa'i rang bzhin du zhes pa'i don to//de la tshigs su bcad pa dang pos rgyu ste/ /lhag mas ni 'bras bu'o/ /de bzhin du yang rgyu'i ye shes dang / rkyen gyi ye shes dang / gdan gyi ye shes dang / bsgom pa'i ye shes dang / grol ba'i ye shes te rgyu me long lta bu'i ye shes so/ / rkyen mnyam pa nyid kyi ye shes so/ /gdan so sor rtog pa'i ye shes so/ /bsgom pa'i ye shes bya ba grub pa'i ye shes so/ /'gro ba'i ye shes shin tu rnam par dag pa chos kyi dbyings kyi ye shes so/ /de bzhin du rnam pa lngas mngon par rdzogs par byang chub pa yang mtshon te/ des na rtsa ba'i rgyud du ye shes rnam pa lnga'i bstod pa'i tshigs su bcad pa lngas rnam pa lnga bsgom pa bcom ldan 'das kyis gsungs pa 'di lta ste/ stong par dngos po'i tshogs pa ni/ /brtags pa'i gzugs ni rnam spangs pa/ /pra phab lta bur mthong 'gyur te/ /me long gzhon nu ma yi bzhin//zhes pa 'jig rten las 'das pa'i bden pa gzugs kyi phung po me long lta bu'i ye shes so/ /dngos po thams cad mnyam gyur nas/ /gcig gi dngos por 'gyur med gnas/ /mi 'gyur ye shes las byung ba/ /chad pa ma yin rtag pa min/ /zhes pa tshor ba'i phung po mnyam pa nyid kyi ye shes so//yi ge 'du shes kun dag nyid/ /a yi rnam pa'i rigs las byung / /yi ge chen po'i go 'phang thob/ /'du shes can min 'du shes min/ /zhes pa 'du shes kyi phung po so sor rtog pa'i ye shes so/ /ma skyes pa yi chos rnams dang / /'du byed dag dang bral rnams su/ / byang chub nyid min sangs rgyas min/ /sems can ma yin 'tsho ba min/ /zhes pa 'du byed kyi phung po bya ba grub pa'i ye shes so/ /rnam par shes pa'i chos nyid 'das/ /ye shes dag pa rnyog pa med/ /rang bzhin gyis ni 'od gsal chos/ /chos kyi dbyings kyi tshul rtogs pa/ / zhes pa rnam par shes pa'i phung po shin tu rnam par dag pa chos kyi dbyings kyi ye shes so/ /de bzhin du sdud pa'i rgyud du yang / /tshigs su bcad pa brgya dang gcig la sogs pa gsum gyis 'khor lo la sogs pa'i mtshan ma la sogs pa de bzhin gshegs pa'i phung po'i mtshan nyid gsungs pa 'di lta ste/'khor lo kun nas gsal ba srid gsum bde ba rin chen 'di yis chags pa nyid pad+ma/ /nyon mongs zad pa ral gri de nas rdo rje yang ni ye shes sku ste dbyer med pa/ /mi shes gcod pa gri gug mchog gi rigs drug dag kyang 'di rnams kyis ni bskyed pa gang //de yang 'di ltar rig par bya ste mkha' bzhin ro mnyam phung po khams dang skye dbang sogs/ /gang du nges pa rigs kyi gzugs ni 'jig par 'gyur pa de ni gzugs chen dag tu gsungs/ /gang gi 'khor ba'i sdug bsngal 'jig pa nyid du 'gyur pa de ni tshor ba chen por gsungs//gang gis 'khor ba'i 'du shes 'jig pa nyid du 'gyur pa de ni 'du shes rdo rje che/ /gang du 'khor ba 'phel ba 'jig pa nyid du 'gyur pa de ni 'du byed rdo rje nyid/ /gang du sad sogs gnas skabs 'jig pa nyid du 'gyur pa de yang rnam par shes par gsungs/ / gang du mi shes dngos por 'jig pa nyid du 'gyur pa de ni thub pa'i ye shes nyid/ /'di rnams par rnam par snang mdzad la sogs rgyal mchog dam pa rnam pa drug rnams rigs drug ste/ gzhan ni khams drug dbye ba sa dang me dang chu dang rlung dang nam mkha' zhi ba rnams/ /zhes gsungs so/ / don ni dga' ba bzhi'i rang bzhin gyi phyir mchog sbyin rdo rje mchog ces bos pa'o/ /bde ba la longs spyod pa'i gzhi yin pas yang dag mthar 'gyur ro/ /bde ba stong pa la sogs pa nyid kyis stong nyid las byung ngo / /dpe'i tshul gyis sangs rgyas byang chub bo/ /'od gsal du zhugs pa 'dud do//chags pa chen po'i ngo bo'i phyir sangs rgyas chags pa'o/ /dga' bral nyid kyi chos kyi sku'i phyir sangs rgyas sku'o/ /sangs rgyas 'dod la zhes 'don pa ni sangs rgyas kyis 'dod par bya bas so/ /stong pa nyid kyi snying po lhan cig skyes pa'i dga' ba'i skad cig nyid kyis sangs rgyas dgyes pa'o//gnyis spangs pas gnyis su med pa'i bde ba'i dga' ba rnyed pas sangs rgyas rol pa ste/ 'di dag gis rkyen gyi ye shes gsungs so/ /bde ba'i bdag nyid kyi ye shes ston pa'i sbyor ba las sangs rgyas 'dzum pa'o/ /lhan cig skyes pa'i gtum mo'i snang bas shes bya'i dkyil 'khor mtha' dag khyab pa'i phyir sangs rgyas bzhad pa'o//las kyi phyag rgya'i sgo nas kyang a wa d+hU tI'i gnas thob pa'i srog la sogs pa'i rlung nyid kyis gzhom du med pa'i nA da rgyas pa'i ngo bo nyid kyi phyir sangs rgyas gsung nyid do/ /chos kyi sku dang tha mi dad pa'i longs spyod rdzogs pa nyid kyis sangs rgyas thugs so//stong pa nyid las byung ba'i sku bzhi'i phyir med pa las byung ngo / /ngo bo nyid kyi phyir sangs rgyas 'byung ba'o/ /rang byung gi ngo bo'i phyir nam mkha' las byung ngo / /bzhi las 'das shing yod pa dang med pa las 'das pa'i rang gis rig par bya ba'i phyir ye shes las byung ngo //sgyu 'phrul chen mo las byung ba'i mchog tu bde ba nyid kyi phyir sgyu 'phrul dra ba'o/ /lhan skyes kyis khyab pa'i brtan g.yo'i bdag nyid kyi phyir sangs rgyas rol ston no/ /thams cad du bod pa'o/ /dga' ba bcu drug gi ngo bo nyid kyis mang pa'i phyir thams cad thams cad do//kun du bzang po'i bde ba chen po'i ye shes kyi sku'i gtso bo'i phyir ye shes sku nyid do/ /de bzhin gshegs pa lnga'i ye shes kyi bstod pa tshigs su bcad pa lnga'o// //da ni phan yon gyi tshig rkang rnams kyang cung zad bshad par bya ste/'di ni zhen pa mngon sum du nyams su myong bzhin pa'i bde ba rtogs pa nyid kyis so/ /'od gsal gyi phyir ye shes kyi sku'o/ /mtshan yang dag par brjod pa 'di ni lhan cig skyes pa nyams su myong ba'o/ /rtag tu lhan skyes dag pa'i rang bzhin nyid kyi 'dod yon lnga la longs spyod kyang nyon mongs pa dang ma 'dres pa'i phyir yongs su dag pa ma 'dres pa'o//lam bla na med pa'i ngo bo'i phyir dga' ba bla na med pa'o/ /nyams su myong bzhin pa'i mtshan nyid kyi phyir dang po'o/ /yid ches pa brtan pa'i phyir mgu ba chen po bla na med pa'o/ /byang sems rdo rje'i rang bzhin nyid kyis lus dang ngag dang yid kyi gsang ba'o//dam pa'i chos kyi tshul ni shes rab kyi pha rol tu phyin pa'o/ /de yang dag par gzung ba gnyis su med pa'i ye shes kyi tshul nyid rtogs pa'o/ /sbyor ba yan lag drug gi kun rdzob dang don dam pa'i rang bzhin byang sems rdo rje rab tu bshad pa'i phyir bstan pa la sogs pa'i tshig drug go//byin gyis brlab pa ni brtan par byed pa'o/ /'khor lo drug la gnas pa'i phyir re zhig 'khor lo dang po'i phan yon no/ /rang bzhin gyi 'od gsal nyid kyis thams cad mkhyen pa'i ye shes so//sangs rgyas kyi byang chub ni bzhi pa'i ye shes nyams su myong ba'o/ /mngon par rtogs pa ni 'od gsal snang ba med pa'i ye shes mngon sum du byed pa'o/ /chos kyi dbyings thugs su chud pa ni rnam pa thams cad stong pa nyid kyi rang bzhin gyi phyir ro/ /stobs bcu'i stobs nyid ni du ba la sogs pa'i mtshan ma bcu'i stobs dang ldan pa'i phyir ro//bde ba chen po nyid du 'ong ba'i phyir lung ngo / /lhun gyis grub pa rtogs pa'i ngo bo nyid kyi phyir yang dag par grub pa'o/ /spros pa thams cad dang bral ba nyid kyis dri ma med pa'o/ /stong pa nyid kyi phyir sprul pa'i sku'i sangs rgyas kyi gzugs mthong ba'i skye gnas so//rtsa'i 'khor lo yongs su dag pa'i bdag nyid kyi phyir zhing ngo / /'bras bu'i ngo bo gnas pa'i phyir gzhi'o/ /kun rdzob theg pa chen po dang dam pa rdo rje theg pa'i spyod pa mi 'gal ba'i ngo bo'i phyir byang chub sems dpa'i spyod pa'o//mthar thug thob pa'i rgyu yin pa'i phyir mtha'o/ /de kho na nyid brtag pa'i gnas yin pa'i phyir brtag pa'o/ /nges par 'byung ba khyad par du 'phags pa'i thabs yin pa'i phyir skye ba'i gnas so/ /lhun gyis grub pas de bzhin gshegs pa'i mdzad pa byed pa'i phyir gdung mi 'chad pa'o//'od gsal byin gyis brlabs pa'i phyir rab tu 'phel ba'o/ /khyab byed yin pa'i phyir sdud pa'o/ /bsam gyis mi khyab pa'i ngo bo nyid kyi phyir ting nge 'dzin to/ /shes rab la sogs pas bsam gtan rnam pa lnga'i ngo bo nyid kyi phyir bsam gtan no//ye shes tsam nyid gzhi yin pa'i phyir rnal 'byor ro/ /rnam par rtog pa rnams snang ba med pa'i phyir spong ba'o/ /chags pa la sogs pa'i 'ching ba dang bral ba'i rgyu yin pa'i phyir grol ba'o/ /yang dag pa'i ye shes kyi rang bzhin gyi phyir thar pa'o/ /lhan cig skyes pa'i bde ba la gnas pa'i phyir zhi ba'o//'od gsal nyid kyi 'byung gnas so/ /rgud pa thams cad ni skyon thams cad do/ /ngan song gi sgo thams cad de dmyal ba dang / yi [(]dgas[,]dwags [)]dang / dud 'gro ste ngan 'gro thams cad do/ /kha gcod dang 'dra ba'i phyir 'gebs pa'o/ /yang dag par rdzogs pa'i byang chub kyi lam yin pa'i phyir lam bzang po'o//rten cing 'brel par 'byung ba 'chad pa'i phyir mi 'jug pa'o/ /skal ba ji lta ba bzhin du chos kyi 'khor lo bskor ba'i rgyu yin pa'i phyir bskor ba'o/ /rdo rje theg pa nyid kyis nyan thos la sogs pa las rnam par rgyal ba'i ngo bo'i phyir gdugs dang /rgyal mtshan dang / ba dan bsgreng ba'o/ /rnal 'byor brtan par byed pa'i rgyu yin pa'i phyir gnas so/ /byang chub sems dpa' gsang sngags kyi sgo'i spyad pa spyod pa sngags kyi tshig klog pa la sogs pa rnams kyis myur du grub pa 'thob pa'o//mngon sum du byed pa'i ngo bo'i phyir bsgom pa la sogs par brtson pa rnams kyis rtogs pa'o/ /stong pa nyid kyi bye brag grub pa'i mtha'i ngo bo nyid kyi phyir stong pa nyid so sor rtogs pa'o/ /'bras bu dang rgyu'i bdag nyid kyis gnyis su med pa so sor rtog par mngon par brtson pa rnams so//rnam par mi rtog pa so sor rtog pa'i ngo bo nyid kyi phyir yongs su dag pa'o/ /gnyis su med pa'i ye shes kyi phyir chos thams cad sems rtse gcig gis rtogs pa'o/ /mtshan ma ngan pa 'chi ba'i mtshan ma la sogs pa dang / lha'i bu la sogs pa phag pa'i mngal du skyes pa'i phyir dri ngan pa la sogs pa'i ltas ngan pa'o//rdo rje dbyings kyi dkyil 'khor chen po la sogs pa bsgoms pa nyid kyis bdud kyi dgra'i las ring du spong bar byed pa'o/ /ting nge 'dzin thams cad thob pa'i phyir tshul bzhin ma yin pa yid la byed pa thams cad mi skye bar byed pa'o//snyems pa'i sems kyi spyod pa rgyags pa'o/ /ha cang nga rgyal che ba ni dregs pa'o/ /bdag gir 'dzin pa ni ngar 'dzin pa'o/ /sdug bsngal ni lus kyi'o/ /yid mi bde ba ni sems kyi'o/ /de bzhin gshegs pa nges par 'byung ba'i phyir snying por gyur pa'o//mchog tu sba bar bya ba'i phyir gsang bar gyur pa'o/ /gsang sngags kyi tshul gyi rim pa kho nas bstan pa'i phyir gsang chen du gyur pa'o/ /rnam par rtog pa med pa'i las kyi phyag rgya la sogs pa bsten pa'i rgyu'i phyir phyag rgya dang / gsang sngags thams cad du gyur pa'o//nad med pa ni nad dang bral ba nyid do/ /stobs ni lus kyi nus pa'o/ /dbang phyug ni glang chen la sogs pa'o/ /phun sum tshogs pa ni nor dang 'bras bu la sogs pa'o/ /dpal ni gnyis su med pa'i phyir ro/ /dge ba ni dge ba bcu gtso bo yin pa'i phyir ro/ / zhi ba ni rnal 'byor goms pa'i phyir ro/ /legs pa ni thog ma dang bar dang tha mar bkra shis pa'i phyir ro/ /grags pa ni byang chub kyi sems kyis rab tu gang ba'i phyir ro/ /snyan pa ni dbang la sogs pa rab tu bstan pa'i phyir ro/ /tshigs su bcad pa ni sangs rgyas nyid ster ba po'i phyir ro//bstod pa ni lam ster bas so/ /shin tu rnam par dag pa ni bsod nams kyi tshogs rdzogs pas spros pa'i dri ma thams cad bkrus pa'i phyir ro/ /shin tu dag byed ni ye shes kyi tshogs bsags pa nyid kyis snying gi gnas ngan len gsal ba'i phyir ro//mu stegs pa la sogs pa'i shes pa la sangs rgyas kyi chos 'jog pa po nyid kyi phyir shin tu bkra shis pa'o/ /mgon med pa rnams kyi skyabs su gyur pas skyabs so/ /dga' ba'i rgyu'i phyir gnas so/ /rang rang gi chos kyis skyob par 'dod pa rnams bskyab pa'i phyir skyob pa'o//yongs su skyob byed dang bral ba rnams kyi dpung gnyen no/ /mya ngan las 'das pa'i grong thob pa'i phyir gling ngo / /nyon mongs pa dgu bcu rtsa brgyad ni nad thams cad do/ /rnam pa thams cad rnam pa med pa'i stong pa nyid ston pas ye shes kyi snang ba'o//spyan lnga ni sha'i spyan la sogs pa'o/ /gzung ba dang 'dzin pa med pa'i phyir gnyis su med pa'o/ /a wa d+hU tIr son pa nyid kyis sgro 'dogs thams cad dang bral ba'i phyir chos nyid do/ /rang bzhin med pa'i phyir chos thams cad brjod du med pa'i rang bzhin nyid do/ /gsang sngags kyi sgo nas thos pa dang /bsam pa dang / bsgom pa'i spyad pa spyod pas na de de bzhin no/ /de bzhin gshegs pa'i rigs las byung ba rnams ming kho na gtsug gi nor bu ni ming gi gtsug gi nor bu'o/ /sangs rgyas kyi yon tan ma tshang ba med pa dang ldan pa'i phyir thams cad yongs su rdzogs pa'o/ / chos thams cad kyi don yongs su rdzogs pas ma nyams pa'o/ /lhag chad med pas zil gyis non par mi nus pa'o/ /gzhung dang / don 'chang ba dang / dkyil 'khor sngon du 'gro bas glegs bam klog pa dang / sems pas kun chub par byed pa dang / bsgoms pas tshul bzhin du yid la byed pa'o//mdangs dang / stobs dang / gzi brjid zil gyis mi non pa zil gyis mnan par bya ba ma yin pa nyid do/ /gzi brjid zil gyis mi non pa ni/ /gzi brjid nang du 'phro ba nor bu bdag nyid chen po'o/ /phyir bzlog pa ni gnyen por gyur pa'o/ /snyigs ma lnga ni sems can dang //lta ba dang / bskal ba dang / tshe dang / yo byad kyi mtshan nyid do/ /dri ngas dang / skur ba dang / smad pa'i tshig sngon du 'gro bas mi snyan pa brjod pa'o/ /yid du 'ong ba ni yid du 'thad pa'o/ /phyogs bcur dam pa'i chos kyi rnga sgra rgyun mi 'chad par sgrogs pa gang yin pa de lta bu chos kyi rgyal po zhes pa chos kyi rgyal srid kyi bdag por 'gyur ro zhes 'brel ba'o//oM sar+b+ba d+ha r+m+mA b+hA ba swa b+hA ba bi shud+d+ha badzra a A/ aM aH pra kr-i ti pa ri shud+d+haH sar+b+ba d+ha r+m+mAH ya du ta/ sarba ta thA ga ta dz+nyA na kA ya/ many+dzu shrI pa ri shud+d+hi tA mu pA da ye ta aM AH sarba ta thA ga ta hr-i da ya/ha ra ha ra/ oM hUM hrIH b+ha ga bAn dz+nyA na mUrti/ bA gI shwa ra ma hA bA tsa/ sar+b+ba d+har+m+ma ga ga nA ma la su pa ri shud+d+ha d+ha rma d+hA tu dz+nyA na gar+b+ha AH 'di ni dang po dang / bar dang / tha mar byin gyis brlab pa'i sngags so/ /de ltar yang / a'i rnam pa byang chub kyi sems so//sa dang pha rol tu phyin pa la spyod pa'i rang bzhin a'i rnam pa'o/ /sangs rgyas nyid mtshon pa aM gi rnam pa'o/ /mya ngan las 'das pa chen po gsal bar byed pa a'i rnam pa'o/ /ye shes kyi sku byin gyis rlob pa po a'i rnam pa'o/ / lus dang sems dang ngag byin gyis rlob pa po oM hUM hri'i yi ge'o/ /brtan dang g.yo ba'i ngo bo'i dngos po rnams chos rnams kyi dbyings/ ngag gi dbang phyug gi bdag nyid ces pa'i don to/ /chos kyi sku rgyas gdab pa'i don du aH'i rnam pa tha mar brjod do/ /de nas shes pa de ma thag tu'o/ / gang gis dang por gsol ba btab pa'i dpal ldan rdo rje 'chang des/ gsang bstod nas ni tshig 'di gsol/ /zhes 'brel ba'o/ /de nyid kyi tshe bde ba skyes pas dga' zhing ngo / /slad nas dga' ba skyes pas mgu nas so/ /yang dag rdzogs pa'i byang chub thob pa'i legs pa'i lam sgyu 'phrul dra ba'i rgyud kyi tshul bstan cing bshad pa'o//don chen rang bzhin gyi don 'byung ba'i rgyun no/ /lam 'di yang sangs rgyas rnams kyi yul te spyod yul yin gyi gzhan gyi ma yin no zhes gnas so/ /rdo rjes mtshan dpal phyag na snying po bcom ldan 'jig rten dbang phyug 'grel chen rjes su 'gro//legs bsngags don zab dag la brten cing rmad byung kha che'i dka' 'grel rgyas pa dbang por ldan/ /sna tshogs rgyud kyi gsang chen rnam par g.yo ldan gdams pa sna tshogs bdud rtsis rgyas gyur pa/ /nyi ma'i dpal gyis mdor bshad 'di ni dam pa rnams kyi sems la kun nas rgyas gyur cig /mdor bshad bdud rtsi'i thigs pa ma 'khrugs shing / /yid 'ong brtsams las bdag gis bsod nams ni/ /gang zhig thob pa de yis 'gro ba rnams/ /gnyis med bde ba dag dang ldan gyur cig /dpal mtshan yang dag par brjod pa'i mdor bshad bdud rtsi'i thigs pa zhes bya ba/dngos grub brnyes pa'i slob dpon paN+Di ta chen po gnas brtan nyi ma'i dpal ye shes kyi zhal snga nas mdzad pa rdzogs so/ /rgya gar gyi mkhan po paN+Di ta chen po nor bu dpal ye shes dang / bla ma rje btsun rdo rje 'chang chen po dpal nyi ma'i dbang po'i 'od zer gyi zhal snga nas/

CLOSE WINDOW