CLOSE WINDOW

D1393
བོད་ཡིག

slob dpon dus kyi 'khor lo'i zhabs kyis mdzad pa rdzogs so// //paN+Di ta wA gI shwa ra dang chos rab kyis bsgyur ba'o/ /[]@##/ /rgya gar skad du/ shrI kA la tsakra ga Na tsakro pA yi kA bi d+hi/ bod skad du/ dpal dus kyi 'khor lo'i tshogs 'khor gyi cho ga zhes bya ba/dpal rdo rje sems dpa' la phyag 'tshal lo/ /de yang tshogs kyi 'khor lo ni rigs sum cu so drug gi dpa' bo dang / dpa' mo'i dbang phyug rnams kyi rigs kyi dkyil 'khor du bya ste/ de yang dang por gdan bsham pa ni/ dbus su ba lang dang phag gi pags pa'i stan la/shes rab dang bcas pa'i gtso bo ste/ slob dpon bsdad cing mi'i pags pa'i snod do/ /de'i g.yas phyogs su mi'i pags pa'i steng du g.yung mo'o/ /phyogs rnams la khyi dang rta dang ba lang dang / glang po'i pags pa'i stan rnams la dmangs rigs ma dang /rgyal rigs ma dang bram ze ma dang / rje'u rigs ma rnams dang / mtshams rnams kyi byang shar nas dri chu dang dri chen dang khrag dang rkang rnams kyi snod rnams so/ /de nas thugs kyi dkyil 'khor yongs su bskor ba'i phyogs rnams su lug dang nags kyi khyi dang rnga mo dang 'dam seng gi pags pa rnams la 'khar mgar ma dang /um pa'i steng du gar byed ma dang / nor bu byed ma dang / khron pa byed ma rnams so/ /mtshams rnams la ra dang ri [(]dgas [,]dwags [)]dang bong bu dang phag pa'i pags pa'i stan rnams la tha ga ma dang / chang 'tshong ma dang / gser mgar ma dang /phreng ba ma rnams so/ /de nas gsum pa gsung gi 'khor lo'i gnas la phyogs dang phyogs mtshams la chu srin dang / ku m+ni ra dang / 'gron bu'i phung po dang / nya skam dang / chu srin dang / sbal pa dang / rus sbal khog pa dang / dung gi gdan rnams la shan pa ma dang /bum pa byed ma dang / khur ba byed ma dang / smad 'tshong ma dang / khyogs mkhan ma dang / nya ba ma dang / gar ma dang / khrus mkhan ma rnams so/ /de nas bzhi pa'i yongs su bskor ba'i phyogs rnams su bse dang stag dang dred dang sre mong rnams kyi pags pa la lcags mgar ma dang /rgya skyegs mkhan ma dang / srin bal mkhan ma dang / mar khu mkhan ma rnams so/ /mtshams rnams su me'i mtshams nas 'bri dang ce spyang dang / sram dang / byi la'i pags pa rnams la smyug mkhan ma dang / shing mkhan ma dang / ko lpags mkhan ma dang / 'breg mkhan ma rnams so/ /yongs su bskor ba lnga pa la/ go ta pa dang / byi ba dang / sa li dza ta ka dang / spre'u rnams la kla klo ma dang / mi gtsang phyags ma dang / dur khrod gnas ma dang / tshon rtsi ma rnams so/ /mtshams kyi me mtshams nas ri bong dang gzugs mo dang /i shu ka pa shu dang / sbal pa rnams la ko skya ma dang / mthu ma dang / mi rgod ma dang / ri khrod ma rnams so/ /pags pa 'di rnams med na shar dang mer khyi'i pags pa'o/ /lho dang bden bral du rta'i pags pa'o/ /nub dang rlung du glang po che'i pags pa'o/ / byang dang dbang ldan du ba lang gi pags pa'o/ /dbus su mi'i pags pa'o/ /rnal 'byor ma 'di rnams ma lus pa gos dang bral ba/ skra grol ba phyag rgya lnga dang ldan pa/ me rnams kyi g.yas rnams su dpa' bo yang de rnams dang mnyam par phyag rgya lnga dang ldan pas/ de rnams la pags pa'i gdan sbyin par bya'o//de nas btung ba'i snod ni shar dang mer nya phyis so/ /lho dang lho nub tu na ri ke la'i snod do/ /nub dang rlung du kham phor ro/ /byang dang dbang ldan du mi'i thod pa'o/ /dbus su shing gi phor pa rnams so/ /de nas dam tshig gi rdzas rnams ni lha mo rnams kyi rang bzhin te/gdan gyi srog chags sum cu so drug gi stobs rnams dang / chu la spyod pa'i dam tshig go/ /ya tsa ta ka dang / ne+e tso dang / khu byug dang / sa ri ka dang / bya wang dang / phug ron dang / so bya dang / mchil pa dang / ngur ba dang / ngang pa dang / bya long dang / khu byug dang / mig dang / ra ma dza ka dang / ba ka bi ta dang / po ta ki dang / sreg pa dang / bzhad dang / chu bya dang / chu skyar dang / khwa ta dang / bya rgod dang / 'ug pa dang / hor pa dang / rma bya dang / khyim bya dang / khra dang / 'ol ba dang / byan lag dang / shing gi dgra dang / mig sngon dang / tsa ko ra dang / go bo dang / pags pa'i bya chen po dang / dA tu ha dang / pa dor dang / sa hi dang / nya za dang / khrung khrung dang / aM pa ri ka rnams kyi stobs te 'di rnams ni mkha' la spyod pa'i dam tshig gi rdzas sum cu so drug go/ /de nas yang so dang / skra dang / pags pa dang / sha dang / chu ba dang /rus pa dang / grod pa dang / bag dang / shig dang / ba spu dang / srin bu dang / glo ba dang / rgyu ma dang / mtshan ma dang / bad kan dang / mkhris pa dang / chu ser dang / khrag dang / rngul dang / tshil bu dang / mchil ma dang / snabs dang / dri chu dang / zhag dang / rnag rnams te kha dog sna tshogs dang /dri sna tshogs dang / phyi sa dang / lce dang / mig dang / rna ba dang / sna dang / khu ba dang / rdul rnams te 'di rnams ni sems can rnams kyi lus kyi dam tshig go/ /khu ba dang / dri chu dang / bshang ba dang / rkang mar dang / sha dang / mcher pa dang / mkhris pa dang /khrag dang / rgyu ma dang / pags pa rnams dang / chu dang / yon chab dang / bdug spos dang / me tog dang / 'bras bu dang / 'bru ma nyams pa dang / mar me dang / lha bshos rnams ni snod du bzhag ste phyogs mtshams brgyad du gzhag go/ /de nas slob dpon gyis srung ba'i 'khor lo bsgom pa sngon du song bas stong pa nyid kyi rjes su bdag nyid kyi sa bon gyi 'od zer las spyan drangs pa'i ye shes kyi 'khor lo mchod pa sngon du song bas/thugs la sogs pa'i dkyil 'khor la gzhug par bya'o/ /de rnams kyang lha'i gzugs su bsgoms la/ de nas slob dpon gyis sngon du song ba'i dam tshig gi rdzas dang /stobs dang / myos byed dang / zan la sogs pa sngon du bzhag la gtor ma sbyang bar bya'o/ /sbyang lugs ni/ oM badzra kro d+hi shwa ri sarba dra bya ni bi shwa d+ha ya hUM phaT ces pas bdud rtsi lnga myos byed kyis bzhu bar bya ste bsang gtor bya'o/ / de nas srin lag gis blangs nas/ gru gsum byas pa'i dbus su maN+Dal zlum po byas pa dang / de la ye shes kyi 'khor lo spyan drang ngo / /de nas srin lag gis blangs nas/ sngon du song ba'i sngags kyis yang dag par mnyes par bya'o/ /de nas sdig pa bshags pa la sogs pa bya ste/'dod pa'i don la gsol ba gdab pa byas nas gshegs su gsol bar bya'o/ /de nas zhing skyong rnams la sngon du song ba'i sngags kyis gtor ma sbyin la/ de nas oM ha ri ti piN+Da kaM pra tI ts+tsha swA hA/ oM dU ti ki a grA saM pra tI ts+tsha swA hA/ zhes pas 'phrog ma dang / pho nya dag la chang zan dang phud yi ge gsum mngon par bzlas te sa la bzhag nas bza' ba zos pa dang sbyin no//de nas yon bdag gis maN+Dal byas te ci bde bar gsol bar zhu zhes so/ /de nas las kyi rdo rjes bla ma la gus pas/ bag yod pa dang dam tshig gi rdzas de rnams gus pa dang bcas pas dbul bar bya'o//myos byed kyi snod pad+ma'i phyag gis drang bar bya zhing / len pas kyang pad+ma'i lag kor gyis so/ /slob dpon la thams cad nyis 'gyur du drang bar bya'o/ /de rnams kyi myos byed kyi phud dang por slob dpon la phul te phyag byas la btung bar bya'o/ /gnang ba ma byin par du myos byed sa la mi gzhag cing /sa la bzhag na gcig la gcig pad+ma'i lag pas blang bar bya'o/ /de ltar stobs dang myos byed la sogs pa dang ldan pa btung ba dang bza' ba dang bca' ba rnams 'dren pa'i dus su de dag gis brjod pa/ chos rnams rang bzhin rnam par dag /de la the tshom ma byed par//bram ze khyi dang gdol ba rnams/ /rang bzhin gcig tu bza' bar gyis/ /bde gshegs chos rnams zag pa med/ /nam mkha' dang mtshungs dri ma med/ /gzung dang 'dzin pa rnams dang bral/ /'di la 'khrul pa med par gyis/ /zhes so/ /gzhan yang /'khor lo'i gtso bos ma gnang bar/ /tshogs kyi 'khor lo bya ba min/ /lha yi rnal 'byor ldan pa yis/ /bya ba thams cad dal gyis bya/ /gzhan du rnam par g.yeng bar 'gyur/ /'gro bar 'dod na 'khor lo'i gtso bo la sogs pa la phyag byas nas gnang ba zhu ba'o/ / 'jug pa'i dus su phyag byas pa'o/ /de ltar mnyam par bzhag pas longs spyod do/ /stobs dang myos byed la sogs pas shes pa bteg na bla ma las rjes gnang thob pa dang yid du 'ong ba'i rdo rje'i glu cung zad smad la blang ba ni/ lha de dang de'i phyag rgya dang gar dang bcas pas so/ /de nas stobs dang myos byed la sogs pa bza' ba dang btung ba la sogs pa byas nas dang /so so'i gnas na gnas pa'i rnal 'byor ma rnams dang / zur gyi mig gis sdug pa'i lta bas blta bar bya zhing / mtho la mkhregs pa'i nu ma dang pad+ma lag pa'i pad+mas reg cing mchu gzhib cing 'khyud pa la sogs pa'i kar na'i bye brag bya'o//'dir rnal 'byor dang rnal 'byor ma rnams kyis tha snyad kyi ngo tsha dang rigs dang rigs min la sogs pa'i rnam par rtog pa spangs te/ so so'i gnas na gnas pa'i sring mo la sogs pa sna dang rna ba dang / mchu la sogs pa chad pa dang gzugs ngan pa la sogs pa rnams de ru 'dus pa'i rnal 'byor pa rnams kyis spang bar mi bya'o//rnal 'byor ma rnams kyis kyang ngo / /de yang lang tsho ma gang zhig ut+pa la'i spyan dang ldan pas slob dpon dang dpa' bo rnams dang bcas pa'i rdo rje la mchod pa byed na/ de'i bsod nams kyi sa gzhi dang / glang po che dang rta dang bu mo la sogs pa dpag tu med pa phul bas kyang mchog tu 'gyur ro/ /'dir rnal 'byor pa rnams kyis phyag dang mtshan ma dang rigs kyi dbye ba la sogs pa gzhung ches kyis dogs nas ma bris so/ /de nas stobs dang myos byed la sogs pa la longs spyod pa 'di ltar thams cad bya ste/rdzogs pa dang / zos pa dang 'thungs pa'i lhag ma slob dpon gyis sdud du bcug la/ mdun du bzhag la slar yang myos byed la sogs pa blugs te sngags gsum gyis mngon par byin gyis brlabs pa'i chang gis kha phru btab la/ oM kha kha khA hi khA hi/ u ts+tshiSh+Ta b+hak+Sha swA hA/ zhes pa'i sngags kyis lhag ma'i gter ma la ste/ mar me dang bcas pas phyi rol du gtong du gzhug go/ /de nas gos zung dang lag gdub dang rna rgyan la sogs pa dang dri zhim po dang bcas pa'i so rtsi la sogs pa gtso bo dang dpa' bo dang dpa' mo rnams la dbul lo/ /de nas maN+Dal byas te brjod pa/bsod nams 'di yis sems can grangs med khams gsum la gnas rnams kyis bla na med pa'i byang chub thob par shog /ces pas yon gyi bdag po la smon lam gdab par bya'o/ /de nas lhag ma lus pa dong du sba bar bya'o/ /de ltar tshogs kyi 'khor lo sa bdag rgyal po'am gzhan gyis bya ba'o//de las gzhan pa ni tshogs pa'i bye brag ji ltar rnyed pa'i tha mal pa'i bud med dam skyes pa rnams las/ lnga'am bcu gsum mam nyi shu rtsa gcig gam rtsa dgu'am yongs su rdzogs pa la snyan gsan phab ste/ ji ltar rnyed pa'i gdan la sogs pa la de ltar thams cad bya'o//de nas dpa' bo'i ston mo ni rdul tshon gyi dkyil 'khor med na dbus su ba lang gi lci bas gru bzhi pa byas te/ de nas ye shes kyi 'khor lo spyan drang ba la sogs pa slob dpon gyis snga ma ltar byas la/ de yang tshogs kyi gtso bo shar du phyogs pa'o/ /de'i g.yon du phyag rgya gcig yon bdag gis dbul bar bya'o//gzhan du na phyag rgya dang bral ba'i chang btung ba bkag pa'i phyir ro/ /de'i g.yas phyogs su slob dpon dge slong rnams kyi gral shar du kha phyogs pas so/ /bden bral du slob dpon dge tshul rnams byang du kha phyogs pas so/ /de'i dbang ldan du slob dpon khyim pa rnams lhor kha phyogs pas so//de ltar dge slong ma dang dge tshul ma dang dge bsnyen ma rnams kyi'o/ /tshogs kyi gtso mo'i g.yon du dpa' bo gcig yon bdag gis dbul bar bya'o/ /gzhan du na thabs dang bral ba'i stobs kyis bza' ba bkag pa'i phyir ro/ / lhag ma snga ma dang mtshungs so/ /'di ni dpa' bo'i ston mo dang bcas pa'i tshogs kyi 'khor lo'i cho ga'i rim pa'o/ /tshogs kyi 'khor lo'i mchod pa slob dpon dus 'khor zhabs kyis mdzad pa rdzogs so// //paN+Di ta wA gI shwa ra dang chos rab kyis bsgyur ba'o// //

CLOSE WINDOW