282b2 / @/ /nyi zla 'dzin pa'i rtsis bzhugs/ @##/ /dpal dus kyi 'khor lo la phyag 'tshal lo/ /nyi zla 'dzin pa'i man ngag ni/ /zla ba dag par klu zla sbyin/ /de la mig gis bsgyur bar bya/ /zla ba'i don du gcig sbyin te/ /nyi ma la ni gnyis sbyin no/ /de la mkha' dus chus
282b3 thob dor//dor rgyu med na de nyid dam/ /lhag ma skar mas bsgyur ba la/ /mkha' dus chu bos bgos thob pa/ /skar ma'i gnas su gzhag par bya/ /lhag ma drug cus bsgyur ba la/ /gong gi 'god byed kyis thob pa/ /chu tshod dag tu shes par bya/ /chu srang dbugs dag rim pas shes/ /de ltar
282b4 thob pa de rnams kyis//rgyu skar rnams la sbyangs ba'i lhag /sgra gcan gdong gi skar ma yin/ /de dang nyi zla'i skar ma gnyis/ /mnyam na sgra gcan gdong gis 'dzin/ /mi mnyam na ni rgyu skar phyed/ /bsres pas sgra gcan mjug skar yin/ /de dang nyi zla'i skar ma gnyis/ /mnyam
282b5 na sgra gcan mjug mas 'dzin//de yang zla ba 'dzin pa ni/ /sgra gcan phyed ni dag pa dang / /nyi ma dag pa gnyis bsres pas/ /rgyu skar rdzogs sam phyed lhag dor/ /thig le sha rna zla ba ni/ /'dzin par the tshom med pa yin/ /mnyam po gsum dang thig le shar/ /nyi ma nges par
282b6 'dzin pa yin//dus tshod ji tsam dag na 'dzin/ /nyin mtshan ring thung shes bya ste/ /gza' yi chu tshod dag dang sbyar/ /phyogs ni skar ma'i phyogs dang sbyor/ /che chung ji tsam 'dzin ba ni/ /gza' yi chu tshod man chad dang / /skar ma'i chu tshod man chad rnams/ /bsres te skar mar
282b7 bcas pa dang //sgra gcan skar mar bcas pa rnams/ /mnyam na zla ba ril po 'dzin/ /bco lngas gang rung mang gyur na/ /bzhi gsum dag ni 'dzin par 'gyur/ /sum cus gang mang phyed 'dzin no/ /de bzhin sum cha la sogs pa/ /zhib tu brtsis la legs par smra/ /zhe lngas gang
283a1 rung mang gyur na//mnyam por 'grogs te 'dzin mi 'gyur/ /chu tshod ji tsam 'dzin pa ni/ /zla ba ril bor 'dzin 'gyur ram/ /sum gnyis phyed sogs 'dzin pa ni/ /chu tshod bcu yi bar du 'dzin/ /bzhi cha la sogs chung 'dzin na/ /chu tshod lnga dang drug la sogs/ /
283a2 mkhas pas brtsis la legs bar smra/ /spyir ni zla ba drug drug na/ /zla ba phal cher 'dzin par 'gyur/ /res ni ldan 'ang 'dzin pa srid/ /gal te bcu gnyis bar dag tu/ /mi 'dzin ba'ang srid pa yin/ /zla ba nya la bzung ba yi/ /stong la nyi ma 'dzin yin pas/ /thams cad du ni
283a3 brtsi bar bya//nyi ma che chung 'dzin pa rnams/ /thig le shar ba'i skabs su shes/ /de la zla ba nya dang ni/ /bcu drug mtshams su 'dzin pa dang / /nyi ma stong dang tshes gcig gi/ /mtshams su 'dzin par thub pas gsungs/ /dpal dus kyi 'khor lo'i rtsis kyi man ngag ces bya
pa/

CLOSE WINDOW