281a6 /slad kyis yul ma ga d+hA'i paN+Di ta chen po mkhas btsun grub pa brnyes pa rA hu la shra'i b+ha dra'i zhal snga nas/ chag lo tsA ba shAkya'i dge slong dpal gyi mtha' can gyis dag par bcos shing gtan la phab pa'o/ / @##/ /rgya gar skad du/ /shra'i kA la tsakra gaNo pa
281a7 de sha nA ma/bod skad du/ dpal dus kyi 'khor lo'i rtsis kyi man ngag ces bya ba/ dpal dus kyi 'khor lo la phyag 'tshal lo/ /stong pa rab skyes nas bzung ste/ /'das lo byin pas lo dag pa'o/ /nyi mas bsgyur bas zla bar 'gyur/ /dgun zla 'bring sogs 'das zla sbyin/ /gnas gnyis
281b1 'og ma mig gis bsgyur//mda' ros thob la gcig bsres te/ /steng la byin pas zla dag 'gyur/ /zla dag gnas gsum bar ma la/ /so yis bsgyur te mig gis bsre/ /'og la ros thob bar ma sbyang / /lhag la mkha' sbyin bar nas gcig /'og tu phab la drug cus bsgyur/ /mkha'
281b2 byin des phri lhag chu srang //bar ma drug cus bgos thob rnams/ /steng byin lhag mchu tshod gnas/ /de la ris bgos lhag gza' gnas/ /gnas gnyis 'og mar klu mig sbyin/ /dus gnyis bgos lhag cha shas gnas/ /nor la ri dang zla bsres te/ /steng ma lag pas bsgyur
281b3 la gzhug /klu lag bgos lhag ril po'i gnas/ /zla ba dag par gdengs ka sbyin/ /gnas gsum bar ma drag pos bsgyur/ /'og ma bu ga yon tan gyis/ /thob pas bar sbyang lhag mal/ /mkha' dus bsgyur te thob pa dang / /lhag ma drug gis bsgyur te thob/ /bar nas
281b4 'og phab rim sbyangs pa'i//lhag mchu srang dbugs su gnas/ /dbus ma drug cus bgos pa'i lhag /chu tshod yin te thob pa la/ /gcig bsres steng ma lhag bsgyur gzhug /de ltar bgos lhag skar ma'i gnas/ /gza' la tshes sbyin dbyu gur dbri/ /ril por sbyin te
281b5 chu zla yis//bgos pa'i lhag mas rkang pa gzung / /bgor med na ni de nyid gzung / /thob pa mnyam sbyin mi mnyam dor/ /rkang bzung sngon mas cha shas bsgyur/ /'byung dang 'byung dang mda' rig byed/ /me dang mig dang zla ba ste/ /phyi ma la ni de nyid bzlog /zla ba'i rkang par
281b6 shes par bya//rkang pa ma zin dang pos bsgyur/ /de la dus dang nyi ma yis/ /bgos pas thob pa chu tshod yin/ /lhag ma drug cus bsgyur ba la/ /gong gi 'god byed kyis thob pa/ /chu srang yin te lhag ma la/ /drug gis bsgyur las thob pa dbugs/ /de ltar thob pa de rnams kyis/ /rkang
281b7 pa sngon ma zos dang sdom//phyi ma ma zos la phril/ /gza'i longs spyod gnas su ni/ /sbyin dor sngar gyi mtshan mas shes/ /tshes grangs gnas gnyis steng chus bsgyur/ /'og gi sum cha steng la sbyin/ /de la mkha' dus bgos thob rnams/ /skar ma'i gnas su sbyin par bya/ /lhag
282a1 ma chu tshod gnas su bsre//'og gi lhag ma nyi shus bsgyur/ /chu srang gnas su gzhug par bya/ /de nyid gnas gnyis gcig la ni/ /skar ma'i gnas nas drug dang ni/ /chu tshod gnas nas zhe lnga dor/ /dor bas 'khor phyed lhag na'ang dor/ /med na 'khor phyed
282a2 bsres la dor//dor ba'i lhag ma drug cus bsgyur/ /'og gi chu tshod yar la blang / /mda' yon zlas thob nyi rkang gzung / /ro zung zla ba de bzlog phyi/ /nyi ma'i rkang par shes par bya/ /rkang pa bzung ba'i sngon ma yis/ /skar ma'i gnas la sogs pa bsgyur/ /de la mda'
282a3 yon zla ba yis//bgos pas thob pa chu tshod yin/ /lhag ma drug cus bsgyur ba la/ /'og gi chu srang yar la blang / /de las thob pa chu srang yin/ /lhag ma drug gis bsgyur ba la/ /'og gi dbugs ni yar la blang / /de las thob pa dbugs yin no/ /de ltar thob pa de rnams
282a4 kyis//nyi rkang sngon ma zos dang bsdom/ /phyi ma ma zos la phril/ /gza' dang nyi ma'i longs spyod du/ /sbyin dang dor bar bya ba ni/ /nyi ma byang bgrod dus su sbyin/ /lho ru bgrod tshe dor bar bya/ /de nyid gza' dang nyi skar yin/ /nyi ma'i skar mar tshes grangs sbyin/ /'og tu tshes la ro
282a5 yis bsgyur//de la gza' yi longs spyod bsre/ /de la drug cus bgos thob pas/ /skar ma'i gnas la sbyang bar bya/ /lhag mas chu tshod la sogs sbyang / /sbyangs pa'i lhag ma zla skar yin/ /nyi zla gnyis bsres sbyor bar 'gyur/ /tshes la mig gis bsgyur ba la/ /gcig
282a6 phri ris bgos lhag ma ni//byed pa yin te bgor med na/ /de nyid yin par shes par bya/ /gza' gnas ri bgos lhag ma gza'/ /bgor med na ni de nyid gza'/ /de yi chu tshod chu srang dbugs/ /tshes de'i ma 'ongs par shes bya/ /gza' gcig lan gnyis byung gyur na/ /
282a7 zhag gcig tshes grangs gnyis dor 'gro/ /gal te gza' de mchongs gyur na/ /tshes grangs de nyid lan gnyis 'ong / /tshes grangs chad lhag des shes bya/ /skar ma'i gnas la thub lag gis/ /bgos pa'i lhag ma skar ma yin/ /bgor med na ni de nyid yin/ /sbyor ba yang ni
282b1 de dang mtshungs//grangs ni 'og ma yin par 'dod/ /skar dang sbyor ba'i chu tshod sogs/ /'das par khong du chud par bya/ /de ltar gza' dang tshes grangs dang / /skar ma'i sbyor ba byed pa ste/ /yan lag lnga yi rtsis yin no/ /dpal dus kyi 'khor lo'i rtsis kyi man ngag paN+Di ta chen po
shAkya shra'i b+ha dras mdzad pa rdzogs so/

CLOSE WINDOW