CLOSE WINDOW

D1382
བོད་ཡིག

/ //rgya gar g+hi paN+Di ta bi nA ya shrI mi tra dang / ldan ma tshul khrims seng ges chu mig ring mor bsgyur ba'o/ / @##/ /rgya gar skad du/ aSh+T+'a Sh+Ta ke na tsa tuHSha Sh+Thi yo gi nI ba liM bi d+hi nA ma/ bod skad du/brgyad brgyad drug cu rtsa bzhi'i rnal 'byor ma rnams kyi gtor ma'i cho ga zhes bya ba/ dpal rdo rje sems dpa' la phyag 'tshal lo/ /sngags pas las tshogs sgrub pa dang / bar du gcod pa bsal bar 'dod pas pho nya mo drug cu rtsa bzhi la dbyu gu drug cu rtsa bzhi'i gtor ma dbul bar bya'o//de la dang por skyabs su 'gro ba dang sems bskyed pa la sogs pa sngon du 'gro ba'i chos mthun pa rnams byas te/ las dang rjes su mthun pa'i dkar gsum la sogs pa'i gtor ma'am/ bdud rtsi lnga dang bcas pa yongs su grags pa'i gnas brgyad dam/ grong khyer la sogs pa'i phyogs brgyad dam/yid dang mthun pa'i gnas rnams su mchod pa dang bcas pa'i gtor ma dbul bar bya ste/ de yang shar la sogs pa'i phyogs brgyad du tsA rtsi kA la sogs pa'i rnal 'byor ma brgyad brgyad drug cu rtsa bzhi po rnams dzaHhUM baM hoH/ la sogs pas spyan drang ba la sogs pa bya ste/de rnams kyang rang rang gi bzhon pa la gnas pa phyag bzhi pa spyan gsum pa zhal sna tshogs pa'o/ /de la shar gyi phyogs su pad+ma 'dab ma brgyad pa'i ze'u 'bru la tsA rtsi kA zhal gcig pa nag mo'o/ /me'i mtshams su khyab 'jug ma nag mo'o/ /gshin rje dang bden bral du phag mo dang gdong drug ma dag dmar mo'o//chu lhar dbang mo ser mo'o/ /rlung du rgya mtsho'i gdong ste tshangs ma ser mo'o/ /byang du drag mo dkar mo'o/ /dbang ldan du dpal mo dkar mo ste de gnyis zhal gcig ma'o/ /de ltar pad+ma'i lte ba la gtso mo bzhugs pa'i brgyad brgyad drug cu rtsa bzhi'i pad 'dab la rnal 'byor ma rnams bzhugs pa ni rang rang gi gtso mo'i dbyibs dang kha dog la sogs pa bzhin no//da ni tsA rtsi kA la sogs pa rnams kyi rim pa bzhin du phyag g.yas kyi mtshan ma brjod par bya ste/ tsA tsi kA'i phyag g.yas kyi dang po ni gri gug /gnyis pan rtse gsum/ khyab 'jug ma'i 'khor lo dang dbyug to/ /phag mo'i dbyug pa dang ral gri/ gzhon nu ma'i mdung thung dang lcags kyu/ dbang mo'i rdo rje dang mda'/ /tshangs ma'i pad+ma dang tshangs pa'i dbyug pa/ drag mo'i rtsa gsum dang Da ma ru/ de ltar 'dab ma'i lha mo rnams kyi g.yas kyi phyag gnyis pa rnams na yang ngo //de bzhin du tsA kA'i phyag g.yon gyi dang po na thod pa/ gnyis pa na kha T+wAM ga'o/ /khyab 'jug ma'i pad+ma dang mdung / phag mo'i lcags sgrog dang phub/ gzhon nu ma'i rin po che dang zhags pa/ dbang mo'i dril bu dang gzhu/tshangs ma'i spyi blugs dang par bu/ drag mo'i kha T+wAM ga dang sbrul/ bkra shis chen mo'i pad+ma dang rin po che rnams so/ /gtso mo ji lta ba bzhin du 'khor gyi lha mo rnams kyi yang ngo / /de la shar phyogs la sogs pa rnams su tsA rtsi kA la sogs pa rnams kyi pad+ma'i 'dab ma rnams kyi mdun nas g.yas skor gyis rig par bya'o//de la tsA rtsi kA la mngon par phyogs pa'i nor gyi pad+ma'i 'dab ma rnams la 'dab ma dang por 'jigs byed ma'o/ /de bzhin du gnyis pa la sogs par drag mo dang / mche ba gnyis gtsigs ma dang / kha nas me 'bar ma dang / rlung shugs ma dang / rab gtum ma dang / drag mig ma dang / sna chen ma rnams so/ /mer khyab 'jug ma la mngon par phyogs pa'i nor gyi pad+ma'i 'dab ma rnams la/ khyab 'jug ma'i dang po la sogs par dpal mo dang / sgyu 'phrul ma dang / grags ma dang / bkra shis ma dang / shin tu nga rgyal ma dang /dpal rgyal ma dang / dpal can ma dang / 'khor lo can ma ste brgyad po rnams so/ /lho ru phag mo'i pad+ma'i 'dam ma la keng rus ma dang / dus mtshan ma dang / khro gdong ma dang / dus lce ma dang / gtsigs ma dang / nag mo dang / 'jigs byed ma dang / gzugs ngan ma ste brgyad rnams so//bden bral du gzhon nu ma'i mdun gyi pad+ma'i 'dab ma la/ pad+ma dang / yan lag med ma dang / gzhon nu ma dang / ri dgas bdag mo dang / rin chen phreng ma dang / mig bzangs ma dang / rul pa ma dang / bzang mo ste brgyad po rnams so/ /nub tu dbang mo'i mdun gyi 'dab ma nas rdo rje 'od ma dang /rdo rje lus ma dang / gser gyi mchog ldan ma dang / rigs 'dzin ma dang / sna tshogs ri mo 'dri ma dang / chu shing ma dang / zug rngu sel ma dang / shin tu sgrol ma ste brgyad po rnams so/ /rlung du tshangs ma'i mdun gyi pad+ma'i 'dab ma nas mchog sbyin 'don ma dang /pad+ma'i mig ma dang / chu skyes ldan ma dang / blo ma dang / ngag gi dbang phyug ma dang / glu len ma dang / glog ma dang / dran pa ma ste brgyad po rnams so/ /byang du drag mo'i mdun gyi pad+ma'i 'dab ma nas gau rI dang / gaM gA dang / rtag ma dang / shin tu mgyogs ma dang / 'debs ma dang / dpal mo dang / ser skya dang / nag mo ste brgyad po rnams so/ /dbang ldan du bkra shis chen mo'i mdun gyi pad+ma'i 'dab ma la dpal ldan dkar mo dang / zla ba'i ri mo can dang / ri bong 'dzin zhal ma dang / ngang pa'i mdog can dang / 'dzin byed ma dang / pad+ma'i dbang phyug ma dang /'od zer mig ma dang / dri med ri bong 'dzin ma rnams te brgyad brgyad drug cu rtsa bzhi po rnams so/ /pad+ma'i lte ba la tsA mu N+DA'i gdan la yi dags dmar po'o/ /'dab ma la lha mo brgyad do/ /khyab 'jug ma'i bya khyung ngo / /phag mo'i ma he'o/ /gzhon nu ma'i rma bya'o/ /dbang mo'i glang po che'o//tshangs ma'i ngang pa'o/ /drag mo'i glang ngo / /bkra shis chen mo'i seng ge'o/ /tsA rtsi kA la sogs pa'i sa bon gyi yi ge ni ha yig ni tsA muN+DA'i'o/ /haM yig ni dbang phyug chen mo'o/ /ha na phag mo'i'o/ /hA ni dbang mo'i'o/ /k+Sha ni khyab 'jug chen mo'i'o/ /k+ShA ni tshangs ma'i'o/ / k+ShaM ni bkra shis chen mo'i'o/ /k+Sha ni gzhon nu ma'i ste gtso bo rnams kyi'o/ /de bzhin du 'dab ma'i lha mo rnams kyi rim pa ji lta ba bzhin du shar la sogs pa'i phyogs brjod kyi rgyab kyi pad+ma'i 'dab ma rnams la hI hr-I hU h+l-I k+ShI k+Sh+R-I k+ShU k+Sh+l-I/ zhes bya ba'i dbyangs ring po rnams so/ /mdun gyi phyogs kyi 'dab ma brgyad rnams la hi hr-i hu h+l-i k+Shi k+Sh-i k+Shu k+Sh+l-i/zhes bya ba'i dbyangs yig thung ngu rnams so/ /shar gyi pad+ma'i 'dab ma dag dang / lho'i dag dang / byang gi dag dang / nub kyi dag dang / me'i dag dang / bden byed bral gyi dag dang / dbang ldan gyi dag dang / rlung gi dag tu'o/ /lhag ma'i 'dab ma drug la ya sogs dbyangs drug dbye ba pad 'dab drug nyid rim pas yongs su byas par thung dang ring ba dang /zhes pa bya la/ phyogs mtshams kyi pad+ma'i 'dab ma rnams su ste/ /de la tsA muN+Da'i pad+ma'i 'dab mar sngar bkod pa'i hi yig go/ /de nas g.yon skor gyis 'dab ma gnyis par ya'o//gsum par yi'o/ /bzhi par y+r-i'o/ /lnga par sngar bkod pa'i hI'o/ /drug par yu'o/ /bdun par yI'o/ /brgyad par yaM ngo / /de bzhin du khyab 'jug ma'i k+Shi yA yI y+r-I k+ShI yU y+l-I ya/ de bzhin du phag mo'i mdun gyi 'dab ma hr-i'o/ /de bzhin du ra r-i h+l-i ru rl-i ra rnams so//de bzhin du gzhon nu ma'i k+Sh+R-i rA rI r+r-I k+Sh-i rU rl-I ra rnams so/ /de bzhin du drag mo'i hu wa wi w+r-i hu wu w+l-i waM rnam so/ /de bzhin du bkra shis chen po'i k+Shu wA wI w+r-I k+ShU wU w+l-I wa rnams so/ /de bzhin du dbang mo'i h+l-i la l-i l+r-i h+l-I lu waM laM rnams so/ /de bzhin du tshangs ma'i k+Sh+lA lA lI l+r-I k+Sh+l-I lU l+l-I la zhes pa rnams so//de rnams las lha rnams rdzogs par bskyed nas/ de nas bza' ba dang bca' ba la sogs pa'i gtor ma rgyas par bshams te/ yaM raM waM laM/ a a a/ bir shu ma mu/ a i ri u li/ /na gu ha go te/ A I r-I U l-I zhes pa'i sa bon gyi yi ge rnams las 'byung ba rim brtsegs dang bdud rtsi lnga la sogs par bskyed nas rnams par sbyang ba'i sngags ni 'di lta ste/oM oM badzra tsan+d+ra sarba d+har+m+mAHsu bi shud+d+ha swa b+hA ba sarba d+har+m+ma na bi sho d+ha nya hA/ oM AHbadzra sU R+Ya sarba d+har+m+mAHpra bo d+ha ka sarba d+har+m+ma na pra bo d+ha ya swA hA/ /oM hUM badzra a na la sarba d+har+m+maHpra dI pa ka sarba d+har+m+maHpra dI pa ya swA hA/oM ho/ sarba d+har+m+ma badzra a sbo ta kA ra sarba d+har+m+ma na badzra a mr-i taM ku ru ku ru swA hA/ sngags kyi rigs 'di rnams kyi go rims ji lta ba bzhin du lag pa g.yon pas sbyang par bya ba dang / g.yas pas rtog par bya ba dag reg pas so/ /'og tu snyim pa kha sbub pas bkab ste rab tu sbyar bar bya'o//rdo rje bya khyung gi phyag rgyas rdo rje bdud rtsir byas te/ de nas rdo rje mkha' 'gro ma rnams spyan drang bar bya ste/ oM ha hA hi hI badzra b+hai ra ba A kaR+Sha ya A ka R+Sha ya/ pra nge sha ya pra be sha ya/ ban+d+ha ya ban+d+ha ya/ to Sha ya to Sha ya/ dzaHhUM baM hoHbadzra DA ki nI nAM hr-i da yaM huM hUM phreM phreM phaT/ ces pa'i sngags kyis spyan drang ngo //de nas rdo rje rtse lnga pa'i phyag rgyas mkha' 'gro ma rnams la gtor ma dri dang / me tog dang / spos dang / mar me dang / mchod yon dang / rdzas ma nyams pa dang bcas pa rnams dbul par bya/ oM AHhUM hoHbadzra tsa rtsi kA b+hI mo grA/ kA la daM Sh+Da/ dz+wa la da na la mu khA/ bA yu be gA/ pra tsaN+Da rau drA k+ShI/ s+thU la nA sA b+hAH sa pa ri wA re b+h+ya/ e daM ba liM gan+d+haM pu Sh+paM d+hU paM dI paM ak+Sha taM da dA ma he te tsa A ba t+ya sa pa ri wA reHshI g+h+raM i daM ba liM gr-i h+Na n+tu khA da n+tu/ bi ban+tu dzaHhUM baM hoH/ saM tri p+tAHsarba twA nAM shAn+ti pu Sh+Ti ra k+ShA ba ra/ guM p+taM ku rban+tu huM hUM phaT badzra d+ha ra A dz+nyA pa ya ti swA hA/ zhes bya bas tsA rtsi kA 'khor dang bcas pa la gtor ma dbul lo//sa ba ri wA ra zhes bya ba nas swA hA'i bar gyis gzhan rnams la yang rang ming dang bcas pas dbul bar bya'o/ /oM AHhuM hoHbadzra baiSh+Nu bi shriH mA yA/ kI rtI/ la k+Sh+m+ya/ su pa ra ma/ bi dza yA/ shrI dza ya na tI/ shrI tsa kri b+h+yaH/ zhes bya bas khyab 'jug ma 'khor dang bcas pa la 'bul lo//oM AHhuM hoH/ badzra bA rA hI/ kaM kA lI/ kA la rA trI/ pra ku bi ti pa dA nA/ kA la dzi hwA/ kA rA lAM/ kA lI/ g+ho rA/ bi rU pa b+h+yaH/ zhes bya bas rdo rje phag mo 'khor dang bcas pa la dbul lo/ /oM AHhuM hoH badzra ku mA rI/ pad+mA/ a naM gA/ ku mA rI/ mr-i ga pa ti ga ma nA/ rat+na mA lA/ su ne trA/ klI n+na/ b+ha drA b+h+yaH/ zhes bya bas gzhon nu ma 'khor dang bcas pa la dbul lo/ /oM AHhuM hoHbadzra in+d+ri/ badzrA b+hA/ badzra gA trA/ wa rka na ka ba tI/ tso ra ba sI/ tsi tra le khA/ ram b+hA/ ha l+yA/ su tA rA b+h+yaH/ zhes bya bas dbang mo 'khor dang bcas pa la dbul lo//oM AHhuM hoHma hA bra h+mA NI/ sA bi tra/ pad+ma ne trA/ kha lu dza la dza bi tI/ bud+d+haM/ wA gI shwa rI/ d+h+we gA ya tI/ bi d+yU tA/ smr-i ti b+h+yaH/ zhes bya bas tshangs ma 'khor dang bcas pa la dbul lo/ /oM AHhuM hoHbadzra ma he shwa rI/ gau rI/ gaM gA/ na ni t+yA/ su pa ra ma tu ri tA/ to ta lA/ lak+Sh+ma NA/ piM ga lA/ kr-iSh+NA b+h+yaH/ zhes bya bas drag mo 'khor dang bcas pa la dbul lo/ /oM AHhuM hoH/ ma hA la k+Sh+mA/ shrA+e shwe tA/ tsan+d+ra le khA/ sha shA d+ha ra ba dA nA/ haM sa ba ra NA/ d+h+r-i ti/ pad+me shwa/ tA rA ne trA/ bi ma la sha shA d+ha rA b+h+yaH/ zhes bya bas bkra shis chen mo 'khor dang bcas pa rnams la gtor ma dbul bar bya'o/ /sa pa ri wA re zhes bya ba la sogs pa nas swA hA'i bar du sde tshan re re zhing yang shes par bya'o/ /dbyu gu drug cu rtsa bzhi yi/ /gtor ma drug cu rtsa bzhi yis/ /sa stengs gnas na pho nya rnams/ / mchod byas dgos 'dong sgrub par byed/ /phyi dang nang gi chos shes pa'i sngags pas rnal 'byor ma'i tshogs rnams mchod cing mnyes par byas/ mchog dang thun mong gi dngos grub tu 'gyur ro/ /dpal dus kyi 'khor lo las rnal 'byor ma drug cu rtsa bzhi'i gtor ma'i cho ga bsdus pa/rnal 'byor ma drug cu rtsa bzhi dbyu gu drug cu rtsa bzhi'i gtor ma'i cho ga rdzogs so// //paN+Di ta chen po kI rti tsan+d+ra'i zhal snga nas/ lo tsA ba grags pa rgyal mtshan gyis bsgyur ro/ / @##/ /rgya gar skad du/ kA la tsa kra a ba tA ra nA ma/ bod skad du/ dus kyi 'khor lo la 'jug pa zhes bya ba/

CLOSE WINDOW