| བོད་ཡིག |
250b1 @##/ /rgya gar skad du/ Sha Dang+ga yo ga u pa de sha/ bod skad du/ yan lag drug gi sbyor ba'i man ngag/ /dpal mad bde ba chen po la phyag 'tshal lo/ /bde chen sku la phyag 'tshal lo/ /sbyor drug man ngag bshad par bya/ /sgrub po dbang bzhi thob pa yi/ /rdo rje 'chang chen sgrub don du/ /dben
250b2 pa'i gnas su 'bol stan la//yi dam lhar gnas sbyor drug bsgom/ /dang po so sor sdud pa ni/ /mtshan mo sngon la nyin mo phyi/ /bu ga med la thog mtho'i nang / /ri rab bsrangs la gling bzhi bsdu/ /gyen la nyi zla dar lce bskyod/ /rdo rje bsdams pas rgya mtsho gzhom/ /steng gi rlung chen thur la brdeg /
250b3 lus kyi byed pa zhes bya ste/ /des ni rlung rnams nang du 'ching / /gtsug tor chen po'i lta stangs bya/ /lha yi nga rgyal gnas pa yis/ /nam mkha' zhen pas nam mkhar blta/ /du ba la sogs rtags lnga 'byung / /stong nyid rtogs par 'gyur ba'o/ /nyin mo nang du nub shar ba blta/ /gung la bsgom
250b4 par mi bya'o//snga ma ltar ni byed bcings pas/ /phyi yi mkha' la rtog med blta/ /'bar ba 'dra sogs rtags drug 'byung / rig pa mkha'i lding la sogs rtags/ /so sor sdud la snyoms zhugs na/ /sngags rnams kun gyi byin gyis rlob/ /stong nyid de brtan bya ba'i phyir/ /bsam gtan snga ma ltar ni
250b5 bsgom//nam mkhar mig lta stong nyid bsgom/ /de la goms pas shes rab dang / /rtog dang dpyod dang dga' bde 'byung / /de rtag mngon shes lnga 'byung 'gyur/ /bsam gtan la ni snyoms zhugs na/ /mngon shes lnga'i thob par 'gyur/ /rig pa rtse gcig sogs rgyur 'gyur/ /de gnyis
250b6 thog mar dge ba ste//stong nyid mthong rten byed pa'o/ /stong la bde ba rgyas gdab phyir/ /srog dang rtsol bas rlung dbang sdud/ /bdud rtsi 'khyil ba'i lta stangs bya/ /kun 'dar nang du dbugs bcug la/ /rdo rje'i bzlas pa brtsams par bya/ /des ni bde ba rab skyes na/ /gtum mo 'bar ba'i sbyor ba bya/ /
250b7 shin tu ma skyes phyag rgyar sbyar/ /lus sems bde ba chen por nges/ /sangs rgyas sras dang mkha' 'gro mthong / /skul dang lung ston 'byung bar 'gyur/ /bum 'jug la sogs dgu ru 'gyur/ /srog dang rtsol bas nges par ni/ /byang chub sems sogs rnams ni gzigs/ /de brtan bya
251a1 phyir 'dzin pa bsgom//'khor lo bzhi yi lte ba la/ /rlung sogs tha mi dad btsud bsgom/ /lus yang la sogs rtags 'byung ngo / /bum gnas la sogs dgu ru 'gyur/ /rtag tu 'dzin pa'i stobs kyis ni/ /rdo rje sems dpa' yang dag 'jug /de gnyis bar du dge ba'o/ /
251a2 bde stong dbyer med brtan bya'i phyir/ /rjes su dran pa bsgom pa ni/ /gnas bzhir brtan pa'i bde stong bsgom/ /shin tu goms byas sangs rgyas kyi/ /lta ba mi 'phro brtan par gnas/ /lus la 'od 'phro longs sprul mthong / /rjes dran la ni snyoms zhugs na/ /'od kyi dkyil 'khor 'byung bar 'gyur/ /
251a3 rjes med la sogs sku shes bya/ /de brtan bya phyir ting 'dzin bsgom/ /bde stong dbyer med de nyid la/ /shin tu goms par bya ba'o/ /thams cad bde stong la sogs 'byung / /lhun grub la sogs dgu ru 'gyur/ /ting 'dzin dbang sgyur tsam gyis ni/ /sgrib pa thams cad 'byang bar 'gyur/ /de
251a4 gnyis tha mar dge ba'o//de la spyod pa goms pa yis/ /tshe 'di nyid du sangs rgyas thob/ /ma thob par do'i sbyor drug bsgom/ /de ni chags bral man ngag ste/ /chags can sbyor drug gzhan du shes/ /de byas dge bas bdag dang gzhan/ /rdo rje 'chang chen gnas thob shog /sbyor ba yan lag
drug gi man ngag tse lu pas mdzad pa rdzogs so/
CLOSE WINDOW