CLOSE WINDOW

D1371
བོད་ཡིག

/des ye shes kyi mkha' 'gro sU R+Ya d+har+m+ma la/ des rat+na shra'i b+ha dra la/ des shAkya shrI b+ha dra la/ /des rgya gar shar phyogs dzA ga d+ha la'i paN+Di ta ma hA bi b+hU ti tsan+d+ras sgra rang 'gyur du mdzad nas bsgyur ba'o/ /[]@##/ /rgya gar skad du/ tri dzo gi hr-i da byA kA sha nA ma/bod skad du/ rnal 'byor gsum gyi snying po gsal ba zhes bya ba/ 'jam pa'i dbyangs la phyag 'tshal lo/ /oM gyis snang ba lam du nges/ /rdo rje sems la phyag 'tshal nas/ /sbyangs pa rab tu gyur pa'i lam/ /phyag rgya chen po bsgom par bshad/ /dbang gis smin byas dam tshig ldan//de la rnal 'byor gsum bstan te/ /gzhan la nam yang ma yin no/ /byin gyis brlab dang rtog pa bsgom/ /rang bzhin rnal 'byor gsum du nges/ /'chi ba'i rtags nyid shes byas nas/ /srog gi thig ler nges par gzhug/ /so sor sdud dang bsam gtan dang //srog rtsol de bzhin 'dzin pa dang / /rjes su dran dang ting nge 'dzin/ /rnal 'byor yan lag drug ces bya/ /mtshan mo gseng med khyim du ni/ /shin tu mnyam gzhag sgrub pa pos/ /byed pa lnga la bcing ba gnyis/ /bla ma'i zhal las shes par bya//yod dang med pa las 'das pa'i/ /du ba smig rgyu srin me khyer/ /mar me sems kyis nam mkhar mthong / /gzhon nu ma yis snga las ni/ /lkog tu gyur pa'i rkun ma mthong / /nyi tshe ba yi mig gis ni/ /sgrub pa po yi song nas mthong / /chu 'dzin dang ni bral ba yi//nam mkha' dngas par gyur pa la/ /snga dro nyi ma rgyab phyogs te/ /phyi dro yang na de bzhin no/ /nyi phyed mig la gnod phyir spang / /nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes snang ba lam me ba//'gro ba'i mar me ye shes sgron/ /gzi brjid chen po 'od gsal ba/ /sngags mchog sngags bdag rig sngags rgyal/ /gsang sngags rgyal po don chen byed/ /ji srid thig le'i nang du ni/ /ri mo nag po skra yi tshad/ /de mthong 'od gsal go 'phang ni/ /rnal 'byor ba yis thob pa yi//so sor sdud pa snyoms 'jug pas/ /sngags rnams thams cad byin gyis brlab/ /shes rab rtog dang dpyod pa dang / /dga' dang bde ba mi g.yo ba/ /bsam gtan yan lag lnga brtan pas/ /mngon shes lnga thob mi bdag kye/ / bar ma dbugs 'byung mchog yin te/ /bshang gci dang ni zla nyi yi/ /rtsa bzhi dang ni yang dag ldan/ /ye shes lnga yi rang bzhin dbugs/ /'byung ba lnga yi ngo bo nyid/ /sangs rgyas lnga yis byin gyis brlabs/ /srog dang rtsol ba zhes byar bshad/ /rtag tu 'dzin pa'i stobs kyis ni//rdo rje sems dpa' yang dag 'jug/ /lte bar gtum mo sbar ba yis/ /de bzhin gshegs pa lnga bsregs te/ /spyan la sogs pa yang bsregs nas/ /haM bsregs pa las zla rgyun 'bab/ /dam tshig sems dpa' spyod yul can/ /sku mthong nas ni nyin re yis//dus su srog gi rlung dag ni/ /rnal 'byor thar pa 'dod pa yis/ /bum pa sbyor bas dgang bar bya/ /ji srid du ni 'khor bzhin ma/ /rang gi lus la yongs bskor ba/ /'od zer 'khor lo mthong 'gyur te/ /sngon gsungs sku la rang gi yin//des ni zla drug reg spangs bde/ /chu nyi lta bur rab snang bar/ /dri ma med par sna tshogs mdog /rnam pa kun du rang gi sems/ /rang gi sems nyid bde ba nyid/ /ting 'dzin bde chen rnal 'byor la/ /spyan lnga mngon shes drug 'byung ste/ /chu srin la sogs khyim rnams su//ma rig la sogs lugs bzlog pas/ /sa ni bcu gnyis thob 'gyur te/ /rtog pa med pa'i chos can la/ /skad cig gcig la mngon sangs rgyas/ /rdo rje nyi ma snang ba che/ /rdo rje zla ba dri med 'od/ /sa rnams yongs su rdzogs pa yi/ dngos po gnyis su rab bstan te/ ye shes yod pa des na de/ /skyob pa ye shes can du brjod/ /dmigs pa med pa snying rje yis/ /sgyu 'phrul dra bas byang chub/ /yid bzhin nor bu lta bu ni/ /mtha' yas sems can re skor ba'i/ /sems can sgrol ba'i bde ba che//'dzag pa'i 'dod chags sel bar byed/ /'gro drug sdug bsngal sel byed pa'i/ /lam mchog tshol dang phrad par shog/ /rnal 'byor gsum gyi snying po gsal ba zhes bya ba/ byang chub sems dpa' 'jam dpal rgyal po grags par gdul bya la dgongs nas skye ba bzhes nas mdzad pa rdzogs so/

CLOSE WINDOW