198b5 rgya gar gyi mkhan po bud+d+ha kA ra b+ha dra dang / lo tsA ba gyi jo zla ba'i 'od zer gyis bsgyur ba'o// @##/ /rgya gar skad du/ sha Dang+ga yo ga nA ma/ bod skad du/ sbyor ba yan lag drug pa zhes bya ba/ dpal ldan sha ba ri pa la phyag 'tshal lo/ /sgrib pa'i sprin tshogs dang bral ba/
198b6 grangs mthar rlung rtog kun 'gag pa'i/ /bar snang du ni spyan ras gzigs/ /gang ba'i zla ba 'char te mdzes/ /srid zhi'i dmigs dang bral byed gang / /khyab byed de nyid tha dad min/ /stong yang rnam pa kun dang ldan/ /sa rnams dbang phyug rab mi gnas/ /g.yo med rtog kun dang bral yang / /
198b7 mkhas la ma nyams bde ba ston/ /sems min las ni 'char ba'i mgon/ /'gro sems byin gyis rlob gyur cig /yod rtog rtag pa'i mthar gyur te/ /ma dpyad med rtog mnar med rgyu/ /grol lam de ltar bsubs gyur la/ /gang zhig sems las 'das pa yi/ /stong nyid thugs rje tha mi dad/ /
199a1 nam mkha'i gzugs brnyan ston pa lo/ /bla ma de la rab dga' bas/ /rtag tu gus byas phyag 'tshal lo/ /de lta'i bla ma dngos chen gyis/ /bstod pa rang rtog brjod pa nyid/ /'bar ba'i me ni med pa na/ /du ba'i rgyun ni gang la 'byung / /rtogs brjod pa yi skyon yin mod/ /
199a2 'jug par byed pas gzhan don rgyu/ /ston pas ma nges dngos po la/ /dgos don grub 'dod ga la 'jug /drang don rtogs pas khengs pa can/ /lam las 'khrul pa'i sngags pa rnams/ /dgag pa 'jug pa'i tshig sgo nas/ /ma rtogs rtogs phyir sangs rgyas kyi/ /bka' yi 'jig rten
199a3 kun don phyir//go bla tshig gis 'jam dbyangs kyis/ /bka' bsdu'i tshul gyis shaM b+ha lar/ /dus 'khor bsdus rgyud legs par gsungs/ /thugs rje chen po'i sprul sku des/ /TI ka dri med 'od ces mdzad/ /de gsal nges don thob nas su/ /mkhas kun srid du sel zhing rol/ /gang du
199a4 ji srid shes bya la//kun mkhyen zhes mtshan don dang ldan/ /'khrul zhing snying po med par gyur/ /shes rab pha rol phyin pa zhes/ /mkha' byung sangs rgyas yum gcig gis/ /skye 'dod ma lus rnam rtog tshogs/ /slar mi 'byung tshul 'joms par mdzad/ /gang du dri med nam mkha'
199a5 la//mig phyed brtan par bshad pa na/ /bde chen stong rtogs rtog med las/ /du ba la sogs rtog med 'byung / /de bas na rdzogs pa'i rim pa gsal bar byed pa/ phyag rgya chen po'i lam bsgom pa'i rjes su mthun pa/ dpal ldan dang po'i sangs rgyas la sogs pa'i rgyud nas gsungs pa/
199a6 yang dag par rdzogs pa'i sangs rgyas nyid kyi 'bras bu ster bar byed pa'i gsung rab rin chen 'dus par bya ste/ sangs rgyas rin chen gyi za ma tog dang po'i sangs rgyas kyi rgyud kyi rgyal po las gsungs pa/ nyams med bde ldan ye shes dbang can rnam pa kun ldan pa/ /'gro kun sgyu ma can gyi thig le rgyal
199a7 po'i dbang phyug gi /A li kA li nyi zla'i gdan ni rdo rje 'dzin pa'i min/ /hUM yig gyur ba'i sku gzugs dang ni phyag mtshan mi 'dod do/ /ces bya ba'o/ /de bas na las dang po pa'i rnal 'byor pa ma nyams pa'i mchog bsgrub par mngon par 'dod pa/ bla ma dam pa'i man ngag thob pa/ ma rungs pa'i
199b1 grogs spangs pa/du ba la sogs pa'i mtshan ma la goms pa rtsa dbu ma sbyangs pa/ sems can thams cad la bu gcig pa'i bsam pa can/ 'jig rten dang 'jig rten las 'das pa'i bden pa la brten pa/ rang lus dang bu dang chung ma la sogs pa la ltos pa med pa/ /dgon pa dang gtsug lag khang dang /
199b2 bla ma'i nor gyi longs spyod las logs pa/ sangs rgyas dang byang chub sems dpa'i lam bsten pa/ byams pa snying rje dga' ba btang snyoms tshangs pa'i gnas bzhi la gnas pa/ zhi ba la sogs pa 'jig rten gyi grub pa sgrub pa'i 'dod pa dang bral ba/ thams cad mkhyen pa'i go 'phang thob par 'dod
199b3 pa//chos dbyings rnam pa thams cad dang ldan pa'i stong pa nyid kyi me long la phra phab pa bzhin du ma skyes pa'i chos mthong ba mig yor dang rmi lam lta bu rang bzhin can/ rdul phra rab kyi phung po'i chos kyi brtag dpyad dang bral ba/ chad pa'i stong nyid ring du byas pa/ nang gi bde ba rang rig pa'i chos la
199b4 rjes su chags pa/phyi'i dbang po'i bde ba yongs su spangs pa/ shes rab dang thabs kyi bdag nyid byang chub kyi sems brtan par byed pa kho na la brtson pa can/ bde ba chen po'i mchog shes rab ye shes kyi lam gyi man ngag thob pas rten dang rten can dang / phyag mtshan dang / mdog dang / dbyibs
199b5 dang /dkyil 'khor gyi rtog pa mi 'dod ces bya'o/ /de bzhin du/ rgyal bas gsungs pa'i de nyid ni/ /bcu drug bzhi ru rab phye bas/ /sna tshogs rnam rtog lam gyis ni/ /brgya lam med pas mi 'thob bo/ /hUM phaT la sogs rtog pa can/ /bskyed pa'i rim pa las 'das pa/ /rdzogs rim
199b6 sbyor ba de nyid ni//de nyid rgyu yin gzhan min no/ /de ni shing la gnas pa yang / /dum bur gtubs kyang mthong ba med/ /gtsub shing gtsub stan gtsubs pa las/ /de nyid du ni mthong ba ltar/ /rnam rtog goms pa'i thabs kun gyis/ /sems kyi snang tshul mi mthong mod/ /ro ma rkyang ma
199b7 gcig sbyor bas//de nyid du ni de snang 'gyur/ /du ba la sogs mtshan ma yin/ /dbu mar rgyu ba srog rtsol gyis/ /rig ma brtul zhugs rtag ma nyam/ /byang sems gyen du rgyu ba yis/ /sangs rgyas kun lam 'di yis ni/ /rnal 'byor bde ba thob 'gyur te/ /pho nya kun gyi lhan skyes yang / /ma
200a1 nyams bde mchog thob 'gyur ro//gzugs la sogs pa'i rtog pa can/ /dkyil 'khor la sogs sgom pa pos/ /'jig rten bsgrub pa 'grub mod kyi/ /'dod pa'i grub chen ga la 'byung / /sems can snying rje gzhan don dang / /rtag tu dge ba brtson pa'o/ /rnam par dag pa'i
200a2 slob ma yis//bla ma'i drin gyis lam mchog thob/ /lam mchog rin chen legs pa 'di/ /bag med mi la byin kyang ni/ /rang khyim nags su zhugs pa yi/ /spyod yul jag pas 'phrog par 'gyur/ /bag med le lo the tshom dang / /gnyid dang 'gyod pa chom rkun gyi/ /nye du'i nags nang
200a3 zhugs pa yis//grol lam mchog ni 'phrog 'gyur ro/ /srog gcod ma byin len dang brdzun/ /phra ma tshig rtsub gzhan bud med/ /ngag 'khyal ba rnab sems gnod sems dang / /log lta'i chom rkun gyis kyang 'phrog /bza' btung shin tu tshad med dang / /longs spyod du ma'i chom rkun
200a4 gyis//bag med rgyal 'gyur rmongs pa'i ltar/ /brtson 'grus ldan pas yang 'phrog 'gyur/ /rin chen yin min mi shes pa/ /gzhan mi mkhas la ston par byed/ /rin thang med pa'i rin chen de/ /mi mkhas tshig gis skal med 'gyur/ /rin chen yon tan mkhas pa la/ /mi
200a5 shes de ni bstan par bya//de yi rnam dag tshig gis ni/ /rang gi rin chen shes par bya/ /pha ma bu mo sring mo nu/ /spun dang yid 'ong chung ma dang / /sangs rgyas byang sems kun gyi yang / /gzugs kyi bdud ni geg byed do/ /chom rkun nye du spangs nas su/ /'bad de slob mas rin chen las/ /
200a6 bla ma dam pa'i drin las byung / /thos nas shin tu gsang bar bya/ /bdag byin brlab pa'i rim pa dang / /dpa' bo'i rim pa thar lam min/ /shin tu rnam dag rim pa nyid/ /sangs rgyas kyis gsungs grol phyir ro/ /gang gis dbang bskur don nyid kyis/ /shes rab thabs dang ldan rgyud du/ /
200a7 mtshams med lnga dang ldan rnams kyang / /bde bsangs rgyas kyis bsdu byas/ /dpa' bo'i rim pa phyi min te/ /lus la srog rlung zad byed yin/ /nam mkhar khams gsum snang ba gang / /bdag byin brlab par de bshad do/ /'khor ba snying po med pa la/ /de zad pas ni de nyid las/ /chu
200b1 shing zad pas de 'bras ltar//sangs rgyas 'bras bu 'byung 'gyur ro/ /rta bla mo dang sdig srin ni/ /ma las skyes te ma gsod do/ /sgyu ma las byung rnal 'byor sems/ /de ltar sgyu ma gsod par byed/ /gnyis med mi g.yo rgyu med dang / /yi dam ma nyams chags chen dang / /dngos po
200b2 dngos min ma yin pa//ye shes sems dpa' kun du bzang / /sgra med sgra chen lhan skyes dang / /byang sems thig le 'dzin pa'i dpal/ /dus kyi 'khor lo'i rdo rje dang / /rnal 'byor shes rab thabs dang ldan/ /de ltar rdo rje'i rnal 'byor gang / /bde gshegs du mas bsten dang bshad/ /
200b3 rdo rje 'dzin pa gsang sngags rigs/ /byang sems kun gyis bka' bsdu mdzad/ /rdo rje'i thig gnas dam tshig ldan/ /rnyog pa dang bral 'dod pa med/ /bzod ldan lam gnas de nyid bsgom/ /dmyal ba'i 'jigs skyob slob ma la/ /lam ston don gyi tshangs par spyod/ /bdud 'joms rdo rje
200b4 sems grags pa'i//bla ma thog mar bsten par bya/ /lha yi dmigs pa rnam pa gnyis/ /mngon sum dang ni rjes dpag go/ /de nyid sbyor bas nam mkha' la/ /skar ma ltar ni mngon sum du/ /longs spyod rdzogs sku du ma snang / /yongs su ma smin rnal 'byor la/ /goms phyir ri mo la
200b5 sogs pa//don dam min pa'i rtogs pa ni/ /shi ba'i ro ltar rjes dpag go/ /'dir sems can gyi bsam pa'i dbang gis rnal 'byor pa rnams la lha'i dmigs pa rnam pa gnyis te/ mngon sum dang ni rjes dpag go/ /de nyid las mngon sum ni de kho na nyid kyi sbyor bas nam mkha' la skar ma
200b6 bzhin du longs spyod rdzogs pa'i sku du ma sgyu ma dang rmi lam lta bu dus gsum gyi srid pa gsum sha'i mig la sogs pa gzung ba'o//'dir dang po mngon shes med pas las dang po pa'i rnal 'byor pas sha'i mig gis sna tshogs gzugs brnyan mthong ngo / /mngon shes byung nas lha'i mig gis mthong
200b7 ngo //'dod chags dang bral bas na sangs rgyas kyi spyan gyis gzigs so/ /byang chub sems dpar gyur nas shes rab kyi mig gis so/ /yang dag par rdzogs par byang chub pa na ye shes kyi mig gis te/ phung po lhag ma dang bral bas so/ /de ltar stong pa nyid mthong ba'i slad du de bzhin
201a1 gshegs pas mig lnga ste sha'i mig la sogs pa'o//sems can gzhan stong pa nyid ma mthong ba rnams la dmus long nyid yin no zhes de kho na nyid bsgom pa'i nges pa'o/ /de nyid ma yin pa'i sgrub pa ni mngon sum med par rjes dpag de shi ba'i lus dang 'dra ba don dam pa ma yin pa'i
201a2 rtog pa ri mo la sogs pas bstan par bya'o//de ltar lugs ma dang byas pa'i gzugs brnyan sangs rgyas dang byang chub sems dpa' rnams kyi dkyil 'khor ram bris nas blos smon pa'i rnal 'byor la bsgom pa'i phyir nges pa'i rnam pa can brtan par bya ste/ rnam rtog tu bsgom pa'i nges pa'o/ /bsnyen pa
201a3 bdud rtsi lnga sogs dang //rdo rje bzhi sngags bzlas sogs kyis/ /nye sgrub so sor rtog sogs dang / /pad rdor las byung bdud rtsis so/ /sgrub pa dga' ba la sogs dang / /pad+mar ro gcig rdor gsum gyis/ /sgrub chen phra ba'i rnal 'byor dang / /ma nyams rig ma'i sbyor bas so/ /'dir las dang
201a4 po bas thog mar sgrub thabs kyi cho gas bsnyen par bya ste/phyi'i bdud rtsi ldan ni bshang ba la sogs pa'o/ /sogs kyi sgras ni sgron ma lnga'o/ /nang gi bdud rtsi lnga ni phung po lnga'o/ /lha mnyes pa'i phyir de zos pas bsnyen pa'o/ /sogs pa'i sgras sgron ma lnga ni dbang po lnga'o/ /de dag la ltos
201a5 pa med pa ni bsnyen pa ste/lus dang nor gyi sred pa yongs su spong ba'o/ /bsnyen pa des lhas mchog sbyin te bshad pa la sogs pa zos pas ma yin no/ /rdo rje bzhi ni lus ngag yid gsum kyi longs spyod pa la ltos pa med pa dang / nyams pa'i bde ba la ltos pa med pa ste lus ngag yid gsum
201a6 tshangs par spyod pa'i brtul zhugs kyi don to//'dis lhas mchog sbyin gyi sred pa'i longs spyod la ltos pas ma yin na/ /sngags bzlas pa la sogs pa la bzlas pa ni srog rtsol te/ sogs pa'i sgras 'phangs pa dang dgang ba dang gzhil ba'i sbyor ba ni/ /bsnyen pa ste nges lhas mchog sbyin gyi
201a7 srog ma non pas ma yin no zhes nges don to//sgrub pa thun mong gi phreng bas bzlas pa la sogs pa ni drang don to/ /nye ba'i sgrub pa ni so sor rtog pa la sogs pa ste/ 'khor ba pa'i zas ni mig la sogs pas gzugs la sogs pa gzung ba'o/ /de nas log pa ni so sor rtog pa ste stong nyid kyi
201b1 gzugs brnyan la gzhan mig la sogs pas yul gzung ba'o//de bzhin du bsam gtan dang srog rtsol dang 'dzin pa'o/ /nges don du rdo rje dang pad+ma las byung ba'i bdud rtsis nye ba'i sgrub pa'o/ /drang don du 'khor gyi lha kun bskyed pa'o/ /bsgrub pa bshad de/ dga' ba la sogs pa'o/ /'dir
201b2 dga' ba la sogs pa rdo rje gsum ni sku gsung thugs kyi thig le'o//snying dang lte ba gsang ba'i pad+mar ro gcig tu gyur pa'i thig le bsgom pa ni bsgrub pa'o/ /sgrub pa chen po ni nges pa'i don du phra ba'i rnal 'byor ni rtsa dbu ma la gyen du rgyu ba'i sa bon gyis te/ shes rab ma'i sbyor bas ma nyams pa'i bde
201b3 bas so//drang don du shes rab ma'i chos 'byung gi sna'i rtse mor thig le'i sbyor ba la sogs pa'o/ /stong nyid byang chub thog ma ru/ /de nas zla ba thig le 'dzin/ /de las sku ni bskyed pa yin/ /dbang po'i byin rlabs rigs drug gis/ /'di ni bsnyen pa thun mong yin/ /nye bar sgrub pa rdo rje
201b4 bzhis//'dir thabs chung sogs rnam pa bzhi/ /bsgrub pa sgrub chen ngag la yang / /'dir bskyed pa'i rim pas thog mar stong pa nyid las byang chub pa ni sems can rnams la tha mar phung po dor ba las phung po gzhan ma blangs pa'i bar du stong ba'i mtshan nyid can srid gsum stong par mthong ba gang yin
201b5 pa de ni stong pa nyid ces brjod do//de'i rjes su zla ba'i thig le 'dzin pa ni ma'i mngal du kun gzhi'i rnam shes kyi sa bon gyi thig le gzung ba'o/ /de las sku bskyed pa ni zla ba bdun gyis gzugs rdzogs pa'o/ /rigs drug gis mig la sogs pa byin rlabs ni gzugs la sogs pa'i yul la 'jug
201b6 pa'o//'di dang 'dra bar las dang po pas lha'i sgrub pa la yang rtog pa'i bdag nyid bsgom par bya'o/ /'di ni thun mong gi bsnyen pa'o/ /nye ba'i sgrub pa ni srog rlung yongs su rdzogs pa ste/ rdo rje bzhi ni lus ngag yid gsum ye shes rdo rje rdzogs pas so/ /'dir thabs rnam bzhi ni bsnyen pa dang /
201b7 nye bar bsgrub pa dang / sgrub pa dang / sgrub pa chen po ste/ lo bcu drug gi bar du'o/ /'dir chung ngu ni skyes ma thag gi byis pa'o/ /so skyes nas byis pa bar ma'o/ /so 'gogs pa na gzhon nu'o/ /so skyes nas bcu drug bar dar la bab pa ste bu bskyed pa'i phyir ro/ /de ltar lha rnams la yang
202a1 yan lag bzhi bsgom par bya'o zhes 'jig rten pa'i bden pa'i nges pa'o//da ni don dam pa'i bden pas sangs rgyas kyi sku bskyed pa brjod do/ /thog mar stong pa nyid byang chub pa ni mun nag la ci yang mi sems pa'o/ /de zla ba thig le 'dzin pa ni thig le chen po'i bar du du ba la
202a2 sogs pa'i mtshan ma 'byung ba'o//bu bskyed pa ni thig le de las kun mthong ba'o/ /rigs drug gi ni sgrib pa dang bral ba'i phung po drug gis te/ byin rlabs ni so so'i skye bo'i phung po dang khams dang skye mched 'gog pa'o/ /de nas chung ngu la sogs pa'i dbye bas thob par 'gyur te/ sa bcu gnyis
202a3 kyi dbang phyug gi bar ro//de nas/ bden don rnam pa bcu gnyis don/ /de nyid rnam pa bcu drug rig /rnam pa nyi shus byang chub pa/ /rnam pa sangs rgyas kun gyi mchog /ces nges pa'o/ /de bzhin du/ nam mkha' du ba la sogs lam/ /bsgoms te sna tshogs gzugs kyi bar/ /de nas
202a4 srog rlung thur sel gnyis//rtsa yi 'khor lor stan par bya/ /rnal 'byor byang sems zla ba ni/ /rA hu la ltar dgod par bya/ /gang 'dod skye ba 'di nyid du/ /zhag 'ga' zhig gis thob par 'gyur/ /lam gyi rgyal po 'di rim pas bsgom pa'i gdams pa dang po'i sangs rgyas kyi mchog la
202a5 bcom ldan 'das kyis gsungs pa 'di lta ste/dbu ba la sogs bsgoms nas su/ /sems ni logs su brtan par bya/ /rtsa dbu ma ni sbyangs nas su/ /ma nyams mchog ni bsgrub par bya/ /pad+mar rdo rje bzhag nas su/ /srog rlung thig ler gnas par bya/ /thig le rnams la 'khor los sgyur/ /rdo rje
202a6 thig le 'gog par bya//rnal 'byor rtag tu rtag bgreng ba/ /rtag tu byang sems gyen du rgyu/ /phyag rgya chen po'i sbyor ba yis/ /rdo rje dbab pas byin brlab pa/ /rgyal chen drug brgya dang bcas pa'i/ /stong phrag nyi shu gcig dang ldan/ /ma nyams bde ba'i skad cig ni/ /tshangs pas rdo rje sems
202a7 dpar 'gyur//ji srid bcu ni ma skyes par/ /shes rab ma gzhan mi bya'o/ /phyi rol g.yengs bar 'byung ba'i phyir/ /mtshan ma rnams kyang bsgom pa'o/ /rdo rje sems nyid so sor rtog /bcu ste bsam gtan mi bskyod do/ /srog rtsol don grub rnam pa bcu/ /'dzin pa rin chen 'byung ldan yin/ /DoM bi
202b1 la ni rjes su dran//'od dpag med de de bzhin no/ /rnam par snang mdzad ting nge 'dzin/ /yul dang yul can bcu po ni/ /'jug pa med par so sor rtog /lus la shes rab bsam gtan ni/ /rtog pa rnam dpyod dga' ba dang / /bde ba'i sems ni rtse gcig go/ /srog rtsol lam gnyis spangs
202b2 nas su//srog rlung dbu mar rgyu ba'o/ /'dzin pa rgyu ba gnyis med par/ /srog rlung thig ler 'jug pa'o/ /rjes dran lus dang nam mkha' ru/ /gtum mo'i bar du snang ba 'byung / /shes rab thabs dang sbyor ba yis/ /ma nyams bde bas ting nge 'dzin/ /so sor rtog gi yul bral zhing / /
202b3 byin rlabs par 'byung sngags kun gyi/ /bsam gtan sbyor bas dag pa ni/ /mngon shes lnga ni thob par 'gyur/ /nyi zla dang bral srog rtsol dag /byang chub sems dpa' kun gyis bsngags/ /bdud dang nyon mongs srog bral ba'i/ /stobs bcur 'dzin pa'i stobs kyis 'jug /rjes su dran pas
202b4 dag pas na//ye shes sku las 'od kor 'byung / /ting 'dzin da gzhag 'ga' zhig gis/ /ye shes sku ni 'grub par 'gyur/ /so sor rtog la sogs pa yis/ /sngags pas don grub ma gyur na/ /nA da goms pa btsan thabs kyis/ /pad+mar rdo rje nor bu la/ /thig le 'gog pas bsgrub par
202b5 bya//bsnyen par thig le'i sbyor ba ni/ /'khor lo can gyi khro stangs kyis/ /nam mkha' rnam pa bcu yin no/ /nye ba'i bsgrub pa sbyor drug ni/ /bdud rtsi'i lam du gnas pa yi/ /bgegs mthar byed kyi lta bas so/ /shes rab sbyor byung thig le ni/ /rdo rje'i nor bur phyin nas su/ /ma mnyam
202b6 gsum 'gyur bsgrub par ro//ma mnyam bde gcig zhi ba ni/ /lhan skyes ye shes sgrub chen la/ /da ni sbyor ba drug bshad de/ /so sor rtog ni las dang por rdo rje sems dpa' ste ye shes kyi phung po'o/ /de yang mtshan ma'i dbye bas rnam pa bcu ste/ du ba/ smig rgyu/ srin bu me khyer/ mar
202b7 me/'bar ba/ zla ba/ nyi ma/ rA hu la/ glog /thig le/ snang ba'i dbye bas ma brtags pa'i ye shes kyi phung po'o/ /bsam gtan mi bskyod ni rnam pa bcu ste/ rnam shes kyi phung po'o/ /yul dang yul can bcu ni sna tshogs gzugs la gcig tu gyur pa ni bsam gtan no/ /srog rtsol
203a1 yang bcu ste/don yod grub pa 'du byed kyi phung po g.yon dang g.yas kyi dkyil 'khor bcu ni gcig tu gyur pa'i phyir ro/ /'dzin pa rin chen 'byung ldan ni tshor ba'i phung po'o/ /srog rlung 'dzin pa ni lte ba/ snying ga /mgul pa/ dpral ba/ spyi gtsug gi pad+ma la 'gro ba dang /
203a2 'ong ba'i dbye bas rnam pa bcu'o/ /DoM bi la ni rjes su dran pa 'od dpag med 'du shes kyi phung po rnam pa bcu'o/ /rjes su dran pa ni DoM bi la ste rtsa dbu ma 'dod pa'i gnas skabs bcu'i dbye ba yis so/ /rnam par snang mdzad ting nge 'dzin ni rnam pa bcu ste rlung bcu 'gog pas so/ /de ltar bcom ldan
203a3 'das rlung rnams mi rgyu bas rab tu mi gnas pa'i mya ngan las 'das pa'o//de ni so sor rtog pa la sogs pa'i mtshan nyid brjod de/ so sor rtog pa ni yul dang yul can bcu'i 'brel pas rnam par shes pa mi 'jug pa ste/ lus la shes rab ni nam mkha'i gzugs brnyan stong pa'i yul
203a4 rnams su mig la sogs pa lnga gzhan gyis rab tu 'jug pa'o//de bzhin du yul de nyid la shes rab ni lta ba'o/ /rtog pa ni dngos por gzung ba'o/ /dpyod pa ni nges pa'o/ /dga' ba ni sna tshogs gzugs la zhen pa'o/ /bde ba mi g.yo ba ni sna tshogs gzugs dang sems gcig tu byed pa'o/ /
203a5 de ltar gzung ba dang 'dzin pa'i dbye bas bsam gtan ni rnam pa bcu'o/ /srog rtsol lam gnyis spangs nas ni g.yon dang g.yas pa'i lam spangs pa ni/ 'gags nas lam dbu ma la 'jug pa'o/ /de yang bcu ste dkyil 'khor bcu 'gog pas so/ /thig le ni dpral bar srog rlung 'jug pa'o/ /rgyu
203a6 ba gnyis bral ni 'gro 'ong dang bral ba'o//'dzin pa ni dpral bar srog rlung 'dzin pa ste sems rtse gcig go/ /gtum mo'i bar du snang ba ni nam mkha' srid pa gsum gyi snang ba rjes su dran pa ste/ rnam pa bcu ni sngar bshad pa nyid do/ /shes rab thabs dang sbyor ba yis ni shes par bya ba dang rnam shes
203a7 gcig tu gyur pas ye shes kyi gzugs la ma nyams pa'i bde ba'i dbang gis ting nge 'dzin rnam pa bcu ste/srog rlung la sogs pa rgyu ba med pas so/ /de ltar sbyor ba yan lag drug gi sgrub pa'o/ /da ni so sor rtog la sogs pa'i phan yon brjod de/ so sor rtog pas dag par 'gyur ba ni sna
203b1 tshogs gzugs brnyan brtan par gyur na ste/de'i tshe sngags kun gyi byin gyis brlab par 'gyur ro/ /smras pa tsam gyis mchog sbyin la sogs pa ster ro/ /mngon shes lnga ni gang gi tshe mig btsums pa med par gyur pa de'i tshe lha'i mig 'byung ngo / /de ltar bsam gtan gyi dag pas na lha'i rna ba'ang ngo / /
203b2 srog rtsol gyis dag pas ni gang gi tshe nyi ma dang zla ba'i lam dang bral zhing rtag tu dbu mar rgyu ba/ de'i tshe srog rtsol gyis dag pas byang chub sems dpa' rnams kyis bsngags pa brjod par 'gyur ro/ /bdud dang nyon mongs sogs bral ba'i stobs bcu ni/ stong pa'i gzugs brnyan ni gzung ba yin te/ de la
203b3 'dzin pa'i sems 'jug pa ni 'dzin pa'i stobs kyis so//srog rlung gi 'gro 'ong zad pas ro gcig tu 'gyur ro/ /rjes su dran pas dag pa ni sems kyis gzugs brnyan 'khyud pa ste/ rnam rtog thams cad dang bral ba nyid do/ /de'i tshe dri ma med pa'i 'od kor 'byung ngo / /ba spu rnams las 'od zer
203b4 lnga yang spro ba'o//ye shes sku las ni stong pa nyid kyi sku las so/ /ting nge 'dzin dag pa ni gzung ba dang 'dzin pa'i sems gnyis gcig tu gyur pas ma nyams pa'i bde ba de ni ting nge 'dzin te/ des dag pa ni bral bar gyur pa'o/ /zhag 'ga' zhig gis ni log gsum dang phyogs gsum gyis 'grub pa'o/ /ye shes
203b5 sku ni dbang bcu la sogs pa thob pa'i byang chub sems dpar 'gyur ro zhes so sor rtog pa la sogs pa'i nges pa'o//da ni btsan thabs kyi sbyor ba bshad de/ /so sor rtog pa la sogs pas stong pa'i gzugs brnyan mthong na yang ma nyams pa'i skad cig mi skye na srog rlung mi non pa'i phyir de'i tshe nA shed goms pa btsan
203b6 thabs kyis srog rlung dbu mar rgyu bar byas la/pad+mar rdo rje'i nor bu la byang sems thig le 'gog pas 'dzag pa med par ma ma nyams pa'i skad cig bsgrub par bya'o zhes btsan thabs so/ /nA da la goms pa ni 'dir sgrub thabs kyi le'u ra bcom ldan 'das kyis gsungs pa 'di lta ste/ nus pa gang 'gro lte ba las/ /
203b7 mchog gnas bcu gnyis bcu drug mthar/ /lte bar de thim dbyu gu'i tshul/ /glog me lta bu gyen du rgyu/ /dbu mar bskyod pa 'jam zhing rgyu/ /'khor lor gtsug tor bu ga gnas/ /khab bzhin phyi rol pags la reg /de dus thur ser gyen du bskyod/ /rlung gnyis bkag nas gtsug tor ral/ /
204a1 gzhan gyi lus la zhugs par 'gyur/ /de ltar rdo rje langs byas nas/ /sems ni gzung 'dzin bral ba'i tshe/ /mkha' la spyod par 'gro ba dang / /mngon shes lnga ldan sna tshogs yum/ /da ni stong nyid gzugs brnyan bsgrub par bya ba'i phyir lta stangs bshad de/ 'dir bsnyen pa ni
204a2 du ba la sogs pa'i mtshan ma bsgom pa ste/der dang po'i sbyor ba ni du ba la sogs pa'i mtshan ma sems kyis gzung ba'o/ /de yang rnam par bcu ste du ba la sogs pa dmigs pa'i ye shes bcu'o/ /de yang gtsug tor 'khor los sgyur ba khro bo'i lta stangs ni mig 'dzums pa med par gyen du lta bas mtshan ma
204a3 'byung ste/mtshan mo'i sbyor ba rnam pa bzhi dang / nyin mo'i sbyor ba rnam pa drug go/ /de bas gzugs brnyan gyi bar so sor rtog pa dang bsam gtan gyi bsnyen pa'i yan lag yin no/ /bdud rtsi'i lam la sogs pa la bgegs mthar byed ni bdud rtsi 'khyil pa ste/ de'i blta ba ni bdud rtsi'i gnas dpral
204a4 ba ste/der btang bas der nye ba'i sgrub pa la yan lag drug go/ /gzugs brnyan mthong ba ni srog rtsol dang srog rlung 'dzin par bya'o zhes nye ba'i sgrub pa'o/ /shes rab sbyor byung thig le ni shes rab ma'i chags pa las byung ba'i thig le rdo rje nor bur gnas pa'o/ /ma nyams pa gsum ni gsang ba dang /
204a5 lte ba dang / snying gar ro/ /de ltar bsgrub pa'i yan lag bya'o/ /ma nyams bde gcig zhi ba ni byang chub sems pas kyi ma nyams pa'i skad cig ni zhi bar brjod do/ /lhan skyes ye shes sgrub chen ni ma nyams bde ba dang byang sems lhan cig tu gyur pa chen po'i yan lag bzhi pa'o/ /sgyu ma lta bu phyag rgya che/ /nam
204a6 mkhar sems su med sems la//me long gzugs brnyan lta bur snang / /khams gsum na ni snang bar byed/ /glog ltar 'od zer du ma spro/ /sgyu ma'i sku las tha mi dad/ /yul dang dbang po'i dbye ba med/ /snang ba tsam ste nam mkhar gnas/ /sems su med sems gcig pu yang / /'gro ba
204a7 sna tshogs sems la 'khyud//rang sems las byung sems snang tsam/ /me long nang gi gzugs brnyan bzhin/ /rnal 'byor kun gyis bsten bya ba/ /sangs rgyas sras bcas kyis bsten bya/ /ye shes me de 'bar ba na/ /phung po la sogs dang bcas pa'i/ /rtog pa'i dra ba sreg par byed/ /rnal
204b1 'byor kun la lo gcig gis//lhan cig skyes bde thob par byed/ /shes rab 'dzin pa'i sems yin nyid/ /ye shes de yi gzung bya ste/ /snang tsam du ba la sogs bcu/ /phyi yul dang bral 'dzin pa de/ /gzung yul la thim dbang skur yin/ /de las ma nyams lhan skyes dang / /mya ngan las
204b2 'das bde ba ni//bzhi pa dpe med 'jig rten 'das/ /sangs rgyas gsung 'di gang snying la/ /zhal na yod de bla ma'i mchog /'dir shes ra ba ni 'dzin pa'i sems yin te/ de'i snang ba du ba la sogs pa rnam ba bcu gzung bar bya ba pra phab pa dang / me long gi gzugs brnyan lta bu'i gzung bya ni
204b3 ye shes so//me long la rang gi mig gi gzugs brnyan ni rang gi mig gi gzung bya yin no/ /gzung yul la thim dbang bskur yin pa ni gzungs cha'i ye shes la 'dzin pa'i shes rab rab tu 'jug pa phyi'i yul la mi 'jug pa ni so sor rtog pa dang bsam gtan dang srog rtsol dang 'dzin pa kun ni thim par
204b4 brjod de yan lag drug la'o//de las ni thim pa la ste ma nyams lhan skyes dang mya ngan las 'das pa'i bde ba ni bzhi pa'i bde ba ste/ byis pa dang dar la bab pa dang / 'dzag pa'i bde ba mchog 'jig rten gyi dpe las 'das pa khams gsum gyi spyod pa las grol ba'i don to/ /dgod pa dang / lta ba dang /
204b5 reg pa dang / 'khyud pa dang / lag pas gzung ba dang / 'khrig pa dang bral ba/ las kyi phyag rgya dang yid kyi phyag rgya'i rgyu las ma byung ba/ stong pa nyid rnam pa thams cad so sor snang ba'i mtshan nyid can ngo / /sangs rgyas kyi gsung 'di ye shes kyi thabs yin te/ slob dpon gang gi snying la gnas pa rang
204b6 gis myong ba'i phyir zhal la yod pa slob ma rnams la ston pa'i phyir dus rtag tu yod pa de ni bla ma'i mchog ste rdo rje 'dzin pa'i don to//dbang po gnyis kyi bde ba rtogs pa gzhan ni ma yin no/ /nam mkhar sems chags mig mi 'dzums/ /rdo rje lam zhugs pad+ma las/ /du ba smig rgyu srin me khyer/ /mar
204b7 me 'bar ba zla nyi ma//rA hu la glog thig le snang / /de nas gzugs brnyan yul med pa/ /longs spyod rdzogs sku du ma snang / /da ni rang sems kyi sang ba la rab tu 'jug par brjod de/ sngags kyi theg pa dang pha rol tu phyin pa 'dir rnal 'byor bsgom pa gnyis te/ nam mkha' la rnal 'byor bsgom pa
205a1 dang /bla gab med par ro/ /nam mkha' la rnal 'byor byed pa ni mtshan mo bu ga med pa'i khang pa ru mun pa nag po la nam mkha' la sems chags pas du ba la sogs pa'i mtshan ma mthong ba'o/ /rdo rje lam zhugs ni rtsa dbu mar srog rlung 'jug pa'o/ /mig mi 'dzums pa'i
205a2 nam mkha' las/du ba/ smig rgyu/ srin bu me khyer/ mar me zhes bya ba bzhi mtshan mo'i sbyor bas mthong ngo / /de nas sprin med pa'i nam mkha' mthong ste/ nam mkha' de las nyin mo'i sbyor bas/ nam mkha' las byung rang byung ba/ /shes rab ye shes mi bo che/ /zhes bya ba sprin med pa'i
205a3 nam mkha' 'bar bar mthong ngo //de nas/ 'od chen rnam par snang bar byed/ /ye shes snang ba lam me ba ni zla ba'i snang ba'o/ /'gro ba'i mar me ni nyi ma'o/ /ye shes sgron ma ni rA hu la'o/ /gzi brjid chen po 'od gsal ba ni glog go/ /sngags drag mnga' bdag rig sngags rgyal ni thig le'o
205a4 zhes pa ni mtshan ma ni bcu'o//gsang ba 'dus pa la sogs pas mtshan ma'i sbor pas so/ /mtshan brjod las nyin mo'i sbyor bas bcom ldan 'das kyis gsung so/ /de nas/ gsang sngags rgyal po don chen byed/ /ces bya ba bum pa dang ras la sogs pa'i rnam pa thams cad dang ldan pa'i
205a5 gzugs brnyan mthong ba'o//de nang gi ni thig le'i dbus su gzugs brnyan yul med pa de'i dngos po med pas so/ /longs spyod rdzogs sku du ma ni gzugs brnyan gyi sbyor bas rang sgra gang yin pa de thos par 'gyur ro/ /de ltar rtog pa med cing gzugs kyi snang ba ni sprul pa'i sku'o/ /sgra'i snang
205a6 ba ni longs spyod rdzogs pa'i sku'o//sprin med nam mkha' rnal 'byor gyis/ /mig gnyis brtan pas blta bar bya/ /thig ler dri med 'od 'phro can/ /ri mo phra nag mthong ba'i bar/ /ri mo nag der kun mkhyen sku/ /rnyog med chu la nyi ma ltar/ /rang bsam rnam pa kun dang ldan/ /yul
205a7 med sna tshogs snang bar 'gyur//nyin mo'i sbyor ba 'dir sprin med pa'i nam mkha' la rnal 'byor pas mig brtan par blta bar bya ste/ snga dro dang phyi dro nyi ma la rgyab bstan nas so/ /gzhan du na rab rib 'byung ste des de la gnod pa'o/ /zhag re re zhing blta bar bya ste/ thig le'i nang du ri mo nag po sku'i
205b1 tshad dri med 'od 'phro ba mthong ba'i bar du'o//a ba d+hU tI ra ri mo nag po de'i nang du kun mkhyen gyi sku yin pa'i khams gsum chu la nyi ma ltar mdog sna tshogs rnyog pa med pa/ rang gi sems rnam pa kun dang ldan pa/ yul dang bral ba/ sems gzhan ma yin te/ gzhan gyi sems shes pa med pas
205b2 so/'dir dang por rang sems kyi snang ba 'di rnal 'byor pa'i sha'i mig gis mthong ste/ lha'i mig la sogs pas gzhan gyi sems shes pa mthong / tshe sdus pa las bcom ldan 'das kyis mig lngar bshad de/ sha'i mig /lha'i mig /sangs rgyas kyi spyan/ shes rab kyi spyan/ ye
205b3 shes kyi spyan ni goms pa'i stobs kyis 'byung bar 'gyur ro//de bsan thams cad mkhyen pas ma gzigs pa mi srid do/ /sa yi rnam pa sra ba min/ /chu snang de min chu min phyir/ /me ltar de min drod med pas/ /rlung snang de min mi g.yo'i phyir/ /mkha' ltar de min mthong phyir ro/ /
205b4 mdog sna tshogs snang mdog ma yin/ /rnam pa kun ldan yang mi mthong / /byis pas ma rig mun phyir ro/ /sa rlung chu yi rlung la thim/ /chu ni me la rlung la thim/ /chu ni me la me rlung mkhas mtshan ma bcu/ /de yang sna tshogs gzugs brnyan 'gyur/ /de yang ma nyams bde ba'i mchog /rang
205b5 sgra ye shes sku ru 'gyur//ye shes las byung rdzu 'phrul sku/ /sgrub pa skye ba 'di nyid du/ /dbu mar srog rlung 'jug pa dang / /g.yas g.yon nyi zla'i rgyu ba sdom/ /sems ni sna tshogs sku la chags/ /bde ba mchog gi rdo rje bslang / /yang na pad+ma rdo rje'i sgra/ /rdo rje gsor ba rang lag gis/ /
205b6 bde phyir sa bon 'dor mi bya/ /'chi 'jigs 'phrog gi la ma'i zhal/ /'di ni phyag rgya chen po'i gdams ngag /dang po'i sangs rgyas las kyang gsungs/ /'di kho na ni bsgrub par ya/ /bsam du med pa'i snang ba dang / /du ba la sogs mtshan ma dang / /shes rab gzugs brnyan mkha'
205b7 dang mnyam//yod dang med pa las 'das pa'i/ /rang sems kyis ni myong ba'i don/ /rdul phra rab kyi tshogs pas ni/ /kun nas yongs su spangs pa yi/ /du ba smig rgyu srin me khyer/ /mar me 'bar ba zla nyi ma/ /rA hu la glog thig le che/ /sna tshogs gzugs brnyan 'od gsal ba/ /
206a1 btsums dang ma btsums mig dag gis/ /stong par gang ni ma brtags pa/ /gzugs brnyan gang mthong rmi lam ltar/ /de ni rtag tu bsgom par bya/ /bsgom pa'i gzugs brnyan dngos med la/ /rnal 'byor pa yi bsgom ma yin/ /sems ngo dngos po med pa min/ /sku
206a2 la rtog med mthong phyir ro//phra phab ltar ni me long la/ /dngos med las byung gzhon nus mthong / /'das dang ma 'ongs pa yi chos/ /de nyid rnal 'byor nam mkha' mthong / /de med pas ni dngos po min/ /dngos po stong pa'i don mthong phyir/ /dngos po med las don yod min/ /sgyu ma'i dra ba rmi
206a3 lam bzhin//chos can med pa'i chos kyis 'dir/ /skye bar 'dir ni rab tu bstan/ /mtha' yas sems can sems tshim pa'i/ /yid bzhin nor bu ji bzhin no/ /sngar ma mthong ba'i gzhon nu mas/ /pra phab pas ni rkun po mthong / /phyogs gcig gi ni mig dag gis/ /sgrub pa pos ni phyi nang
206a4 mthong //gal te yod pa'i gzugs mthong na/ /rang gi gdong pa cis mi mthong / /gal te med pa'i gzugs mthong na/ /ci ste ri bong rwa mi mthong / /gzhan gyi mig gis mi mthong la/ /rang gi mig gis kyang mi mthong / /ji ltar gzhon nu ma yi bu/ /ma skyes pa yang mthong 'gyur ro/ /gsang
206a5 'dus kyi rgyud phyi ma las kyang /so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting nge 'dzin/ /sbyor ba yan lag drug tu 'dod/ /'dir so sor sdud ni phyi'i gzugs la sogs pa la mig gi/ dbang pos mig gi rnam par shes pa la sogs pa mi 'jug par nang gi
206a6 yul du ba la sogs pa rnams la lha'i mig la sogs pas lha'i mig gi rnam par shes pa la sogs pa rab tu 'jug pa ste/nang gi stong pa nyid la dmigs pas pra phab pa'i gzhon nu mas mthong ba ltar stong pa la ma brtags pa'i dngos po thams cad mthong ba ni so sor rtogs par brjod de/ khams gsum
206a7 gyi sku mthong ba'i phyir ro//bsam gtan ni chos thams cad stong par mthong ba ste/ shes rab ni de dag la sems rab tu 'jug pa'o/ /rtog pa ni sems kyi dngos po gzung ba'o/ /dpyod pa ni dngos po so sor rtog pa'o/ /dga' ba ni dngos po thams cad la sems gnas pa'o/ /mi g.yo ba'i bde
206b1 ba ni dngos po thams cad las bde ba thams cad phun sum tshogs pa'o//de ltar bsam gtan yan lag lnga ldan no/ /de nas srog rtsol rlung ni rkyang ma dang / ro ma g.yon pa dang g.yas pa'i lam 'gags te/ a ba d+hU tI dbu ma'i lam la srog rlung rtag tu 'jug pa ste/ dga' ba dang / bum pa can dang /
206b2 'phang pa'i sbyor bas dbu ma la oM yig gis 'jug pa dang / hUM yig gis 'gog pa dang / AHyig gis phyir 'byung ba ste/ zla ba dang / rA hu la dang / nyi ma'i tshul gyis rnal 'byor gyis byed do/ /de nas 'dzin pa ni srog gis dang / chu dang / me dang / rlung gi dkyil 'khor lte ba dang / snying ga dang / mgul
206b3 pa dang /dpral bar 'jug cing phyi rol du mi 'byung zhing / thig ler srog rlung 'jug pa ni 'dzin pa'i yan lag tu brjod do/ /rjes su dran pa ni rang gi yi dam gyi lha'i gzugs brnyan rtog pa med par mthong ba dang / de las 'od zer rnam pa sna tshogs pa'i 'od kor dang khams gsum gyi spro ba rnam pa du ma
206b4 ni rjes su dran par brjod do//de nas ting nge 'dzin ni yi dam gyi lha la rjes su chags pas ma nyams pa'i bde ba thob pa gang yin pa de dang sems gcig tu gyur cing gzung 'dzin dang bral ba ting nge 'dzin du brjod do/ /bsnyen pa'i dus su nam mkha' chos 'byung la sems kyi rdo rje rab tu bzhag la so sor rtog
206b5 gis bsgoms te/bsam gtan gyis brtan par bya'o/ /de la bcom ldan 'das kyis dam bcas pa/ bsam pa thams cad yongs spangs nas/ /gang zhig yongs su brtag par bya/ /gal te yid ches ma byung na/ /de tshe de tshig bdag gi brdzun/ /zhes bya'o/ /'dir yid ches pa ni du ba la sogs
206b6 pa'i mtshan ma yin te/sngags la sogs pa gzhan ni nyin gcig gis mi 'grub pas ci ste yid ches par 'gyur/ de bas the tshom ma byas par blo rten med par byas la stong pa nyid zab mo la dmigs pa med pa'i ye shes 'byung ngo / /khyi sogs pa la sha yi mig /lha yi mig ni lha sogs la/ /rang sangs
206b7 rgyas dang nyan thos dang //sangs rgyas spyan ni gsum pa 'byung / /byang sems la ni shes rab spyan/ /sgrib pa med cing kun du gzigs/ /ye shes spyan ni sangs rgyas la/ /dang po'i mtshan ma ni du ba la sogs pa sna tshogs kyi gzugs rdzogs pas ma nyams pa'i skad cig thob pa'o/ /mtshan ma bar
207a1 ma ni ma nyams pa'i skad cig brgya phrag bco brgyad kyis dang po thob pa dang /mngon shes lnga dang mthong ba'i don mthong ba dang / 'jig rten gyi grub pa thob pa'o/ /tha ma'i mtshan ma ni nyams pa'i skad cig stong phrag nyi shu gcig dang / drug brgyas sa bcu gnyis thob pa sangs rgyas nyid
207a2 rdo rje 'dzin pa'o//phyag rgya chen po 'grub po zhes bya ba thog ma'i dang po'i sangs rgyas kyi rgyud la sogs par gsungs pa sbyor ba yan lag drug pa rdzogs so// //grub pa thob pa'i paN+Di ta chen po shrI a nu pA ma rak+Shi ta pA da naM gis mdzad pa la stod dir ri'i glang skor mkhan pa khrod du/ rgya gar shar
phyogs dza ga ta la'i paN+Di ta chen po bi b+hU ti tsan+d+ra dang /

CLOSE WINDOW