CLOSE WINDOW

D1363
བོད་ཡིག

slob dpon rol pa'i rdo rjes mdzad pa rdzogs so// //paN+Di ta bA gI shwa ra dang / lo tsA ba chos rab kyis bsgyur ba'o// @##/ /rgya gar skad du/ shrI kA la tsakra sA d+ha na yo ga pa dI pA hwa yaM/bod skad du/ dpal dus kyi 'khor lo'i sgrub thabs rnal 'byor rab gsal zhes bya ba/ dpal rdo rje sems dpa' la phyag 'tshal lo/ /gang gi byams pas 'jig rten la gzigs pa/ /dkyil 'khor gsum gyi gal ba sna tshogs 'di/ /de ni dpal ldan dus 'khor ting 'dzin rgyal/ /rdo rje 'dzin pas khyed la phun tshogs mdzod//byang chub sems dpas mdzad pa'i rgyas 'grel sogs/ /med par mkhas pas rgyud mang rtogs pa min/ /dang po'i sangs rgyas thos nas rdzogs byang chub/ /legs grub gnyer rnyed phyir na bde thob 'gyur/ /de yi sgrub thabs rjes dran bya ba la/ /bdag ni mkhas min sdeb sbyor mchog yod min//de lta na yang rang nyid dran ched du/ /bdag gis bgyid de mkhas rnams bzod par mdzod/ /rlung me chu sa lhun po dang / /sna tshogs chu skyes dkyil pad+mar/ /zla nyi sgra gcan bdud dbang phyug /rol par g.yas brkyang zhabs gzhol zhing / / sna tshogs yum la snyoms 'jug pa/ /gcig tu rang gzhan don phun tshogs/ /sku bzhi'i dag nyid zhi ba ni/ /gnyis su med cing rtog pa spangs/ /'gyur med bde ba chen po gang / /stong pa nyid dang snying rje'i bdag /de dran chos dang rjes mthun pas/ /sgrub thabs kun du 'dris par bya//srid pa'i skye bar kun rmongs las skyes pa'i/ /mngal gyi sdug bsngal dag kyang mtha' yas shing / /byis pa gzhon nu nyid dang long tsho dang / /rgan po la yang srid par bar du 'jig /de la mi yi dngos po rnyed dka' ste/ /chos bzhin spyod pa shin du rnyed par dka'/ /sangs rgyas 'byung dang theg pa chen po dang //de la gus pa 'ang shin tu rnyed par dka'/ /brtan rnams mtha' dag gsang ba'i bsam gtan la'ang / /gang zhig tshe na rab tu 'jug par byed/ /de las sangs rgyas nyid du 'gyur ba la/ /e ma'o 'jug pa shin tu dka' ba nyid/ /des na blo ldan rnams kyi mgo dang ni//gos la me shor bzlog pa ltar sgrub bya/ /snying rje che ldan rnal 'byor pa/ /rmongs dang nga rgyal la sogs spang / /chu sogs bden dang rjes gnang dang / /bum pa gsang ba mchog gsum dang / /shes rab chen po'i dbang bskur ba/ /bla ma dam pa'i rim thob pa/ /gang nas skyong chos ldan zhing //skye dgu rnams kyang bder gnas la/ /gang na sa 'dzin rtsod med pa/ /der ni bsgrub pa brtsam par bya/ /skyed tshal ri bo rgyal ba bzhugs/ /grub pa'i lha gnas stong pa dang / /dur khrod dang ni chu 'gram dang / /gnas gtsang dang ni sa phug dang / /gang du sems ni nyams dga' bar/ /ci 'byor pas ni mchod par bya//dang por re zhig rnal 'byor pas/ /kun nas srung ba'i 'khor lo bsam/ /bde ba'i lam la stan 'dug nas/ /sngon du khro dbang nga rgyal bya/ /snying gar sna tshogs chu skyes nyi/ /dbus su sa bon hUM bsgom bya/ /de 'od dkyil gsal srung 'khor mchog /rgyal rgya mtsho gtsor bsgoms nas//phyag 'tshal sngon du 'gro ba yis/ /'chad par 'gyur ba'i rnam bdun gyi/ /mchod pa bla na med byas nas/ /stong pa nyid la dmigs par bya/ /lha yi skur ni bskyed pa dang / /lus sogs rnam par sbyong ba rnams/ /rim pa ji bzhin brjod bya ste/ /de rnams sngags kyang go rims bzhin//oM AHhUM ho haM k+ShaHpradzonya pA yAt+mA ka kA ya wA k+tsi t+ta dz+nyA nA d+hi pa te ma ma kA ya wAk+tsi t+ta badzraM badzrA mr-i ta swa b+hA baM ku ru ku ru skan+d+ha d+hA two ya ta naMdz+wa ni swa b+hA paM swA hA/ de nas gtsug tor steng gi char/ /zla ba'i dkyil 'khor nya gang ba/ /de ni waM las byung ba bsgom/ /gtsug tor nas ni rkang sen mthar//sbrul gyi shun pa bzhin du ni/ /lan gsum dor bas gnyug ma'i lus/ /bdag gi lus de de nas ni/ /dge ba'i las la zla bar bsam/ /dbang sogs rgyas par ma brjod do/ /gsang sngags 'di ni brjod par bya/ /oM swa b+hA wa shud+d+haHsarba d+harmAHswa b+hA wa shud+d+hou0f85haM/ dpral ba mgrin pa s nying ga dang //lte ba gtsug tor gsang ba la/ /oM AHhUM hoHde nas ni/ /haM k+ShaHyi ge rim pas sbyar/ /'od dpag med dang rin chen dbang / /de nas don yod rnam snang mdzad/ /mi bskyod pa dang rdo rje 'dzin/ /sku mdog phyag mtshan 'chad 'gyur bzhin/ /oM hraHsarbA s+t+wa rA dza mA ra kle shAn+ta ka ra badzra tI k+Sh+NA duHkhats+tshe da ma ma ka raM bi sho d+ha ya swA hA/sngags 'di yang dag brjod byas nas/ /lag pa phan tshun nye bar bya/ /a i la sogs thung du ni/ /g.yon pa'i mthe'u chung 'og tshigs nas/ /g.yas pa'i mthe bor steng tshigs sogs/ /lA sogs ring po lnga pa gsum/ / a i r-i u l-i/ e e a ra o al/ ha ya ra wa la/ zhes pa dang / lA wA rA yA hA/ A la au A ra ai A/ l-I U r-I A zhes pa'o/ /lag pa kha sbyar dbus su ni/ /hUM gi yi ge mchog tu sngo/ /zla ba nyi ma sgra gcan gyi/ /sa bon gyis ni rtse lnga bcing / /rdo rje'i phyag rgya de yis ni/ /gtsug tor rkang sen mthar thug reg /oM AHhUM ho haM k+ShaHkA ya wA k+tsi t+ta dz+nyA nA d+hi pa te badzra kA ya ma ma kA ya wAk+tsi t+ta dz+nyAn badzraM badzra kA ya swa b+hA baM ku ru ku ru swA hA/ zhes brjod do/ /de nas nga rgyal bya ste/ oM sarba ta thA ga ta badzra kA ya swa b+hA ba At+ma kou0f85 zhes bya'o/ /blo ldan rigs drug rnams bkod nas/ /de nas yan lag drug dgod bya/ / lag gnyis kha sbyar byas nas ni/ /mthe bong zung dag snying gar dgod/ /bsrung ba'i 'khor lo nyer bsdu ba/ /lugs las bzlog pa'i rim pas brjod/ /oM h+l-IM hr-i da yA ya na ma/ /oM hUM shi ra se swA hA/ oM d+h+r-iM shi khA yai bau ShaT/ oM hriM ka pa tsA ya hUM/ lag gnyis dag gis lus kun la/ /reg cing 'di ni yang dag brjod/ /oM hrAM ne trA ya pa ShaT/oM hraHa s+t+ra ya phaT/ mdzub mo dang ni mthe bong gi /se gol lag pa g.yon pas bya'o/ /mi dge ba la lag g.yas kyi/ /phyogs kun du yang mtshon cha mchog /de yi 'og tu blo bzangs kyis/ /'dir yang stong nyid bsgom par bya/ /brtan par byed pa'i sngags rnams kyang / /'chad par 'gyur ba nyid bzhin no//rlung sogs dkyil 'khor bsams nas ni/ /steng du de yongs gyur pa las/ /ring du mthong ba'i mtshams kyi mtha'/ /der ni rab gsum pa'o/ /yul 'khor bsrung phyir yul 'khor mthar/ /ra ba lnga yang de bzhin no/ /kun gyi 'og tu mdung dang ni/ /steng du mda' yi dra ba'o/ /dbus su rdo rjes gzhi ni//yul 'khor mthar yang bsgom par bya/ /tho rangs grib ma'i mtshams kyi mthar/ /khang pa brtsegs pa'o de nang du/ /sna tshogs pad+ma 'am 'khor lo ste/ /de dbus nyi ma'i dkyil 'khor ro/ /oM hAM yaM rAM wAM laM badzrA kA sha bA yu te dza yu da ka pr-i th+wI badzra swa b+hA ba pany+tsa d+hA ta bo badzra maN+DalA ni ku ru ku ru swA hA/ zhes pa 'og tu dkyil 'khor dgod pa'i sngags so/ /oM AHhuM raHbadzra tsan+d+ra sUR+Ya rA hu kA lAg+na yaHkA ya wA k+tsit+ta badzra prA kA rA na ku ru ku ru swA hA/ zhes pa ra ba'i sngags so/ /oM bi shwa kA ya badzra badzra kU TA gA raM ku ru ku ru swA hA/ zhes pa khang pa brtsegs pa'i sngags so/ /oM bi shwa badzra pad+ma ku ru ku ru swA hA/zhes pa pad+ma'i sngags so/ /oM raHbadzra sUR+Ya badzra sUR+YA sa naM ku ru ku ru swA hA/ zhes pa nyi ma'i gdan gyi sngags so/ /hUM yig rdo rje las skyes pa'i/ /rdo rje shugs ni gtso bo bzhin/ /dbu ni g.yas 'gying glang lpags gyon/ /nyi shu rtsa drug phyag ldan pa'i/ /khro dbang rnal 'byor pa yis bsgom/ / klu bcu yis ni rgyan du byas/ /ral pa dar dpyangs phyag gdub dang / /ske rags mgul rgyan rkang gdub rim/ /rgyal ba rnam rgyal zhes bya dang / /stobs kyi rgyu dang pad+ma zhes/ /gnyis rnams dang po g.yon shes bya/ /nor rgyas bu dang dung skyong dang / /mtha' yas de bzhin rigs ldan dang / /'jog po pad+ma che dag go//ma lus bgegs kyi dkyil 'khor rnams/ /sku las me 'od 'phros pas bsregs/ /mtha' yas zhing rdul grangs 'das pa'i/ /nyi ma las lhag gzi 'od can/ /bsams nas de snying pad nyi la/ /ha ya ra wa la rnams brtsegs/ /thung ngu ring pos rab phye ba/ /de rnams bcu ni rtsibs bcur spro//ha yig las skyes gtsug tor can/ /rtsa zhal gyi ni snyan g.yon las/ /phyung ste khang brtsegs steng dbus su/ /zla ba 'am nyi mar snang bar bsgom/ /snyan g.yas nas phyung gnod mdzes ni/ /hA skyes rdo rje sa 'og tu'o/ /bgegs mthar byed pa yi las skyes/ /shangs bug g.yon nas shar du'o//shangs bug g.yas nas me mtshams su/ /yI las byung ba'i dbyug sngon can/ /r+r-i skyes shes rab mthar byed ni/ /g.yon pa'i spyan las lho ru spro/ /r+r-I las byung ba'i 'dod rgyal ni/ /g.yas pa'i spyan las bden bral du'o/ /'dir ni skye ba'i rim nyid kyis/ /dang por gnod sbyin dbang ldan mchog /lhag mchu dang rlung gi phyogs/ /rim pa las ni bzlog pa yin/ /wu yig yongs su gyur las skyes/ /pad+ma mthar byed zhal sgo las/ /wU yig las byung mi g.yo ba/ /gci ba'i sgo nas nges par skyes/ /bshang lam sgo nas phyung ba ni/ /l-i yig las skyes gshin rje gshed/ /rdo rje gtsug tor nas phyung ba//l-I yig las chen stobs chen te/ /khro bo'i rgyal po 'di rnams kun/ /mi mnyam gzi ldan gtso bo mtshungs/ /ma lus bgegs ni 'joms mdzad cing / /bdud bzhi zad par mdzad rnams so/ /so sor bsdu ba'i rim nyid kyis/ /nga 'og nya Na man rnams//bsams te zad par nam mkha' sogs/ /de ltar sgo rnams las byung spro/ /khang brtsegs steng dang g.yon mdzes drung / /gzhan ni khang brtsegs phyi rol du/ /stong pa rlung me chu dang sa'i/ /dkyil 'khor lnga pa zung la'o/ /de bzhin gza' dang klu rnams dang / /'byung po rnams kyang gdan la'o//zad par gza' dang 'byung po rnams/ /mtshon cha 'dod ma sogs ji bzhin/ /khro bo phyogs skyong klu rnams kyi/ /dbyibs ni 'chad 'gyur ji bzhin no/ /klu yis khro bo rnams kyang 'dir/ /zhal gsum phyag drug spyan gsum pa'o/ /'di kun ming gi rim pa yang / /gtor ma'i sngags ni ji bzhin no//ra ba gsum par phyogs skyong dang / /gza' rnams 'chad 'gyur gdan la'o/ /phyi rol ra ba lnga rnams la/ /de bzhin klu dang 'byung po spro/ /g+ha dz+ha D+ha b+ha d+ha rnams brtsegs/ /phyogs skyong sa bon go rims bzhin/ /ga dza Da ba da rnams brtsegs/ /gza' rnams rim pas 'byung ba'o//kha tsha Tha pha tha rnams brtsegs/ /rim pa ji bzhin klu'i sa bon/ /ka tsa Ta pa ta rnams brtsegs/ /'byung po rnams ni rim pas 'byung / /ra ba gsum dang ra ba lnga'i/ /phyi dang nang du de bzhin no/ /de dag rnam par gnon byed pa'i/ /steng dang 'og tu gnas pa spro/ /ye shes mkha' rlung me dang chu//sa yi khams las yang dag byung / /srung ba'i 'khor lor gnas pa drug /gnyis gnyis sems dag lus srung ba'o/ /lus las 'jig dus me 'bar bas/ /bgegs dang log par 'dren pa bsregs/ /mkha' khyab me stag tshogs 'phro ba'i/ /'khor lo 'dir ni rnam par bsgom/ /de nas mnyam par gzhag pa yis//bdud sreg pa ni bsgrags par bya/ /oM AHhUM ho haM k+ShaHhraHhraHhraHhraHra ra ra ra badzra na la sarbA ba ra Na d+harma pra la ya swa b+hA ba sarba mA ra kA yi ka big+h+na bi nA ya kA dI nAM da sha dig+ga tA nAM kA ya wA k+tsi t+tA ni da ha da ha pa tsa pa tsa b+ha sh+mIM ku ru ku ru hUM hUM phaT phaT/ ces pa bdud sreg pa'i sngags so//bgegs dang log 'dren la sogs rnams/ /rdo rje lcags kyus dbang byas te/ /rdo rje zhags pa yis kyang ni/ /bcing pa lnga yis bcings par bsgom/ /khro dbang rdo rje phur bu ni/ /lte ba'i 'og nas mdung gi tshul/ /phyogs bcu rnams su gdug pa yi/ /steng du bying bar bsam par bya//sngags ni/ oM AHhUM ho haM k+ShaHhUM hUM hUM phaT phaT phaT badzra kI la ka kA ya wAk+tsit+ta dz+nyA nA d+hi pa te ShaD+mu kha ShaD+b+hu dza sarba tsa ra Na sarba big+h+na bi nA ya kA di duSh+TA naM kA ya wAk+tsit+ta dz+nyA nA ni kI la ya kI la ya hUM hUM phaT phaT/ de nas rdo rje tho ba'i sngags ni/ oM l+l-IHbadzra mung+ga ra mA rA dI nAM shi ra si kaN+The hr-i da ye nA b+hau gu h+ya badzra kI la kA nA ko Ta ya k+ShAM k+ShAM k+ShiM k+ShIM k+ShIM k+Sh+R-IM k+ShUM k+ShUM k+Sh+l-i k+Sh+l-IM hUM hUM hUM phaT phaT phaT/de nas blo ldan khro dbang gi / nga rgyal byas nas phyogs bcu yi/ /phur bu bsrung ba'i khro bo la/ /sngags 'di brjod de bka' bsgo bya/ /oM hUM kro d+hen+d+ro haM kro d+hA nA mU dz+nyA dA ya ka swA hA/ oM haM badzra kro d+ha rA dza ma ho Sh+NI shor+d+ha di shi rak+ShAM ku ru ku ru swA hA/oM yaM badzra kro d+ha rA dza a ti ba la/ sarba big+h+nAn+ta ka pU rba di shi rak+ShAM ku ru ku ru swA hA/ oM raM badzra kro d+ha rA dza dzam+b+ha ka duSh+Ta pradz+nyAn+ta ka dak+Shi Na di shi rak+ShAM ku ru ku ru swA hA/ oM laM badzra kro d+ha rA dza stam+b+ha ka ya mAn+ta ka pa sh+tsi ma di shi rak+ShAM ku ru ku ru swA hA/ oM waM badzra kro d+ha rA dza mA na ka bi rA ga pad+ma n+ta ka u t+ta ra di shi rak+ShAM ku ru ku ru swA hA/oM yAHbadzra kro d+ha rA dza nI la daN+Da ag+ne y+YAM di shi rak+ShAM ku ru ku ru swA hA/ oM rAHbadzra kro d+ha rA dza Tak+ki rA dza nai r+r-i t+yAM di shi rak+ShA ku ru ku ru swA hA/ oM lAHbadzra kro d+ha rA dza ma hA ba la bA ya byan+dI shi rak+ShAM ku ru ku ru swA hA/ oM waMHbadzra kro d+ha rA dza tsa le I shA na di shi nga k+Sha'aM ku ru ku ru swA hA/ oM hAHbadzra kro d+ha rA dza sum+b+ha rA dza a d+h+wa di shi rak+ShaM ku ru ku ru swA hA/de nas oM sarba ta thA ga ta rak+Sha tsakra swa b+hA bAt+ma kou0f85 zhes pas brtan par bya'o/ /de nas de rnams la gtor ma/ sngags tshig rnams kyis rim pas sbyin/ oM AHhUM ho/ uSh+NI Sha sum+b+ha ni sum+b+ha big+h+nAn+ta ka nI la daN+Da ka TAk+ki ra dza pad+man+ta ka a tsa la ya mAn+ta ka ma hA ba le b+h+yaHsa p a ri wA re b+h+ya i daM ba liM gan+d+haM puSh+paM d+hU paM dI paM ak+Sha taM da dA ma he te tsA ga t+ya sa pa ri wA rAHshI g+h+raM i daM ba liM gr-i h+Nan+tu kha dAn+tu bi wan+tu dzaHhUM baM hoHsaM tr-ip+tAHsarba satwA nAM shAn+tiM puSh+TiM rak+ShA ba ra Na gup+taM kurban+tu hUM hUM phaT phaT badzra d+ha ra A dz+nyA pa ya ti swA hA/zhes pa khro bo thams cad kyi gtor ma'i sngags so/ /oM AHhUM hoH A kA sha wA yu te dza u da ka pr-i th+wI sA d+hi te b+h+yaHsa pa ri wA re zhes pa la sogs pa lhag ma snga ma bzhin te zad par gyi gtor ma'i sngags so//oM AHhUM hoHbra h+ma b+hiSh+NU nai r+r-i t+ya bA yu yA g+nimA sa mu dre shwA re n+d+ra ya k+She b+h+yaH/ zhes pa la sogs pa phyogs skyong gi gtor ma'i sngags so/ /oM AH hUM hoHrA hu kA lA g+ni tsan+d+ra sU R+Ya bud+d+ha maM ga la shu kra pr-i ha spa ti ke tu sha ne b+h+yaH/zhes pa la sogs pa gza'i gtor ma'i sngags so/ /oM AHhUM hoHdza ya bi dza ya pad+ma ka rko Ta ga bA su kiM shaM khA pA la ku li kA nan+ta ta k+Sha ka ma hA pad+me b+h+yaH/ zhes pa la sogs pa klu'i gtor ma'i sngags so/ /oM AHhUM hoHbe tA Da bi kr-i ta mu kha shwa kA ka shU ka ra gr-i d+h+ra byA g+h+ro lU ka dzam+bu ga ru Da mu khe b+h+yaHsa pa ri zhes pa la sogs pa thams cad snga ma bzhin te 'byung po'i gtor ma'i sngags so//gtor ma rgyal mtshan ba dan sogs/ /mchod pa'i rnam pa yang dag ldan/ /med na yid kyis bsgom par bya/ /bza' bca' la sogs rgya che ba/ / shing rta khur dang zangs mo cha/ /thal mo la sogs bar du yang / /g.yon dang g.yas dang zung gis bkab/ /nam mkha' lding gi phyag rgya dang / /sku yi rdo rjes sbyang bar bya/ /gsung gi rdo rjes rtogs bya ste/ /thugs kyi rdo rje sbar bar bya/ /ye shes kyi ni bdud rtsi dgug /rtse lnga gri gug ral gri dang //rin chen chu skyes 'khor lo yis/ /phyag rgyas de rnams la gtor ma/ /dbul zhing 'thor 'thung sogs kyis mchod/ /dril bu'i sgra dang bstod pa bya/ /ye shes nam mkha' rlung me chu/ /sa yi rang bzhin de rnams kyang / /haM a i r-i u l-i bsam/ /kra mA dA pa rak+She na sa ste//'khor lo drug tu gshegs gsol bya/ /skad cig nyid la dgug bya ste/ /ji skad bstan pa thams cad nyid/ /ces pa gsungs pa'i 'khor lo'i sgrub thabs kyi cho ga'o/ /de nas rnal 'byor rig pa 'dzin/ /'dod ma'i grogs dang ldan pa yang / /kha ni dag par bya ba'i phyir/ / bdud rtsi ril bu kha ru gzhug /yang na lus dag bya ba'i phyir/ /rdo rje'i phyag rgyas lus reg nas/ /dang por skad cig rnam pa yis/ /dpal ldan dus kyi 'khor lo'i sku/ /thugs kar paM skyes pad dmar 'dab brgyad pa'am/ /yang na aM skyes sna tshogs pad+mar ni/ /zla ba nya ba la ni hUM yig sngo//de las byung ba'i rdo rje rtse lnga pa'i/ /gzi brjid las skyes sangs rgyas tshogs rnams ni/ /bsam pa thams cad yongs su rdzogs mdzad pa'o/ /sangs rgyas rnams la mchod pa'i phyir du yang / /'khor lo'i gtso bo rnams kyang bsgom par bya/ /brtsegs pa'i sa bon las byung ba/ / dri chab ma sogs lha mo ni/ /kun nas 'od kyis bkug rnams kyis/ /mngon par phyag 'tshal rab mchod bya/ /oM ts+tsh+dz+dz+h+nya badzra gan+d+ha gan+d+hA naM ku ru ku ru swA hA/ oM ts+tsh+dz+dz+h+nyA badzra mA le mA lA r+ts+tsa naM ku ru ku ru swA hA/ oM T+Th+D+D+h+Na badzra d+hU pe d+hU pA r+ts+tsa naM ku ru ku ru swA hA/ oM T+Th+D+D+h+NA badzra pra dI pe pra dI pa r+ts+tsa naM ku ru ku ru swA hA/ oM p+ph+b+b+h+ma badzrA mr-i te nai bi d+ya pU dzaM ku ru swA hA/ oM p+ph+b+b+h+mA badzra k+Sha te ny+k+Sha ta pha la r+ts+tsa naM ku ru ku ru swA hA/ oM t+th+d+d+h+na badzra lA s+ye wa s+t+ra b+ha ra Na pU dzaM ku ru ku ru swA hA/ oM t+th+d+d+h+nA badzra hA s+ye ga N+DA darna pu dzaM ku ru ku ru swA hA/ oM k+kh+g+g+h+nga badzra wA d+ye wa d+ya pU dzaM ku ru ku ru swA hA/ oM k+kh+g+g+h+ngA badzra nr-i t+ye nr-i t+ya pU dzaM ku ru ku ru swA hA/oM s+p+W+paSh+sh+th+ka badzra gI te gI ta pU dzAM ku ru ku ru swA hA/ oM s+W+paSh+sh+th+kA badzra kA me bud+d+ha bo d+hi satwA nAM badzra su ra ta pU dzIM ku ru ku swA hA/ zhing rdul kun las lhag pa yi/ /rdo rje gsum sbyor rdzogs sangs rgyas/ /dam chos dang bcas tshogs rnams la//bdag ni gus pas phyag bgyi'o/ /de rnams re re la yang de snyed kyi/ /de la bos pa shin tu yid 'phrog pa/ /dri chab ma sogs lha mo'i tshogs rnams kyis/ /dri bzang la sogs rnams kyis mchod pa bgyi/ /bgyis dang bgyid du stsal dang gzhan rnams la//rjes su yid rangs btang snyoms gzhag pa ste/ /srid par lus sogs las skyes nyes pa dang / /sdig pa ma lus pa dag bshags par bgyi/ /rdzogs sangs rgyas dang byang chub sems dpa' dang / /'phags pa du mas chos la mchog mdzad dang / /gzhan gyi dge ba byas pa gang yin la//rab tu dga' bas rjes su yi rang ngo / /mchog gi brtse bas khyab par gyur pa yi/ /kun du chags las ma chags bde ba 'byung / /thar pa'i thabs ni rab tu sbyin mdzad pa'i/ /sangs rgyas rnams la rtag tu skyabs su 'chi/ /kun du rtog pa ma lus kun nas spangs/ /rdzogs pa'i sangs rgyas rnams kyi phun tshogs brten//dngos dang dngos med gnyis su med pa'i chos/ /rnam pa gnyis la rab tu skyabs su mchi/ /sangs rgyas rdzogs pa'i sangs rgyas dam pa'i chos/ /dam pa'i yon tan mnga' ba tshogs kyi mchog /chags pa'i zhags pa'i tshogs las nges grol bar//'gyur ba de la nges par skyabs su mchi/ /sems can rnams kyi ci 'dod don/ /bya phyir bdag gi lus 'di ni/ /shin tu rnam par dag sems kyis/ /sangs rgyas rnams la dbul bar bgyi/ /rmongs dang dka' thub kyis bskams pa'i/ /'gro ba'i lo tog thams cad la//dam chos ston pa'i char pa ni/ /rgyal bas rgyun mi 'chad par mdzod/ /ji srid 'khor ba'i brtson ra las/ /ma grol sems can gcig gi bar/ /de srid mya ngan mi 'da' ba'i/ /brtse ba chen po bstan du gsol/ /gal te gzugs can gyur na zhing gi rdul/ /kun dang mnyam pa'i nam mkha'i tshad las kyang //lhag par gyur pa'i bsod nams 'di de yang / /rdzogs pa'i byang chub nyid du bsngo bar bgyi/ /ma lus nyes las nges grol zhing / /yon tan kun gyis brgyan gyur pa/ /ye shes rgya mtsho rdzogs sangs rgyas/ /sems can don phyir 'grub par shog/ / byang chub sems ni bskyed bgyi zhing / /bsam pa rnam par dag pa bskyed/ /bdag dang bdag gir 'dzin pa spangs/ /rtsa ba gsum ni dran par bgyi/ /sbyin sogs phyogs dang tshangs gnas bzhi/ /bsdu bzhi dge ba rnam bcu bsten/ /sgrib pa lnga dang nyon mongs dang / /de bzhin zag pa bzhi po spang / / de nas dngos po med la bsgom pa med/ /bsgom pa bsgom pa nyid ma yin/ /de ltar dngos po dngos med pas/ /bsgom pa dmigs su med pa'o/ /stong pa'i rang bzhin stong nyid las/ /kun nas nyon mongs rnam byang skyes/ /de lta na yang kun rdzob tu/ /bsngags pas dkyil 'khor dbang phyug bsgrub//ji ltar mthar ni chu yis me/ /'jig ste sa yang zhu bar gyur/ /chu ni rlung gis sems byed cing / /rlung ni stong par 'jug par byed/ /kun gzhi rnam par shes pa'i sems/ /mkha' dbyings yul dang bral gyur pa/ /rnam pa kun gyi mchog ldan gzugs/ /dbu ma'i gnas su gzhag par bya//de nas oM shU n+ya tA dz+nyAn badzra sa b+hA bA t+ma kou0f85haM oM a ni mi t+ta dz+nyAn badzra swa b+hA bA t+ma kou0f85haM/ oM a pra ni hi ta dz+nyAn badzra swa b+hA bA t+ma kou0f85haM/ oM a na b+hi saM skA ra dz+nya na badzra swa b+hA bA t+ma kou0f85haM/ 'di ni phyi ru chos 'byung ste/ /ma yi lus la gru gsum mo/ /de dbus brtsegs pa'i sa bon dang //smon lam bag chags dbang las byung / /h+k+Sh+m+l+W+R+YaM rdo rjes kyang ni de rnams mtshan//dbyi bas ni/ gzhu dang zur gsum dang / /zlum po gru bzhi go rims bzhin/ /ma yig las skyes lhun po che/ /rin chen rdo rje'i rang bzhin de/ /'og la stong phrag bcu drug dang / /steng la stong phrag lnga bcur brjod/ /de yi phyed du k+Sha las skyes/ / sna tshogs pad+ma'o ha dang ni/ /zla phyed thig le las skyes pa'i/ /zla ba nyi ma sgra gcan gzugs/ /nang du dpral ba sogs kyang ngo / /de steng hUM 'phros rdo rje ni/ /'bar ba'i sa dang gur nang du/ /'od gsal b+h+rUM yig las byung ba'i/ /khang pa brtsegs pa'i dkyil 'khor gsum/ /'og tu oM skyes dbus kyi ni//pad+mar nyi zla dgra gcan 'dzin/ /thugs kyi dkyil 'khor pad+ma rams/ /sum cu rtsa gnyis de zhes bya/ /oM yig ye shes las skyes par/ /zla ba nyi ma'i gdan rnams so/ /phyi rol dag tu bzhon pa'i steng / /zla ba nyi ma spangs pa yi/ /brgyad dang bcu gnyis grangs rnams so//sgo rnams su ni shing rta bzhi/ /sna tshogs nor bu gser sogs kyi/ /dkyil 'khor de yang 'od gsal te/ /mtha' yas sangs rgyas zhing rdul dang / /mnyam pa'i nyi ma'i 'od dang mtshungs/ /nam mkha' ji srid mthas gtugs par/ /sangs rgyas dkyil 'khor rnam par 'phro/ /sangs rgyas byang chub lha rdzas gnas//rang bzhin dri med shin tu gsal/ /gzhal med bsod nams ye shes kyi/ /tshogs las byung ba'i nor bus brgyan/ /snying po'i 'khor lo'i nor bu'i nang / /'di ni kun nas dag pa'i mchog /de nas phyi rol de lus la/ /de khams dag par rgyas par brjod/ /chos kyi phung po'i dag pa ni//rtsa ba'i rgyud bzhin brjod bya ste/ /sangs rgyas chos dang dge 'dun chos/ /thugs gsung sku yi dkyil 'khor ro/ /tshangs pa'i gnas bzhi rnams kyis ni/ /rdo rje'i thig le bzhi pa ste/ /dran pa nyer gzhag bzhi rnams kyis/ /kun nas gru bzhi pa nyid do//yan lag bcu gnyis 'gags pa yis/ /sgo ni bcu gnyis po rnams te/ /de bzhin sa ni bcu gnyis kyis/ /rta babs dag ni mdzes pa rnams/ /'phags lam yan lag brgyad rnams kyis/ /phyogs brgyad du ni dur khrod rnams/ /stong nyid bcu drug ka ba rnams/ /khams rnams kyis kyang khang pa brtsegs//rnam thar brgyad kyis sgo khyud rnams/ /gzugs can yon tan brgyad rnams kyis/ /'gram rnams dang ni logs rnams nyid/ /thugs gsung sku yi dbye bas so/ /tshul khrims la sogs phung bo lngas/ /kha dog lnga ni rnam sbyangs pa/ /theg pa gsum gyis rab gsum//dad pa'i dbang po sogs kyis lnga/ /dang sogs stobs rnams dag gis lnga/ /thugs gsung sku yi dkyil 'khor ro/ /ting nge 'dzin dang gzungs rnams kyis/ /dkyil 'khor gsum la kha khyer te/ /pha rol phyin bcu rdzogs pa yis/ /rin chen snam bu rnam par bkra/ /ma 'dres chos ni bco brgyad kyis//do shal phyed pa de rnams nyid/ /dbang rnams kyis kyang ba ku lI/ /dge bas kra ma shI R+Sha'o/ /stong nyid la sogs rnam thar gyis/ /dril bu'i sgras ni gang ba ste/ /rdzu 'phrul rkang pas rgyal mtshan gtams/ /spong bas me long rab tu 'bar/ /byang chub yan lag rnga yab g.yo//yan lag dgu yi phreng bas brgyan/ /bsdu ba bzhi po rnams kyis ni/ /zur du sna tshogs rdo rjes brgyan/ /bden pa rin chen bzhi rnams kyis/ /sgo dang sgo khyud mtshams su spras/ /mngon shes lnga yis rtag tu ni/ /zlum skor chen po lnga yis bskor/ /rnam pa kun gyis byang chub spras//rdo rje phreng bas legs par bskor/ /bde ba gcig bu'i lcags ri yis/ /de bzhin ye shes rdo rje 'bar/ /shes rab thabs kyi cha yis ni/ /zla ba nyi ma rtag tu shar/ /thugs gsung sku dang yang dag dag /chos kyi 'khor lo bum pa che/ /rnga bo che dang byang chub shing / /de bzhin yid bzhin nor bu sogs//'di dag dpal ldan dus 'khor gyi/ /dkyil 'khor chos kyi dbyings dang ldan/ /phun tshogs kun byed bsgoms nas ni/ /de nas a sogs ka sogs dgod/ /ces gsungs so/ /thung ngu yon tan yaN 'phel ring / /tshes mtha' dag tu aM dang a/ /a sogs g.yon skor lugs 'byung ste//la sogs de las bzlog pa'o/ /sum cu rtsa gnyis mtshan rnams ni/ /zlar 'gyur zla ba'i rgyu rnams so/ /la sogs wa ya Da D+ha rnams/ /yi ge rnam gnyis rnam gnyis brjod/ /las ta sogs pa Ta tsa/ /ka sogs rang rang gnyis brtsegs nas/ /de rnams gcig pa lugs bzlog las//da g+ha ga sogs rim pa'o/ /g.yas skor ba dang zung gis ni/ /brgyad cu nyi ma'o nyi ma'i rgyu/ /gang 'di me long sogs rim las/ /dbyangs yig dang po gsal byed rjes/ /gang 'di skye ba'i rim pa las/ /gsal byed dang po dbyangs rjes su/ / des na nyi ma'i steng gi ni/ /zla bar hUM yig dri za nyid/ /de rnams kyang ni hriHru 'gyur/ /de yang haM gyur des mtshan pa'i/ /khyab bdag ye shes lnga yi bdag /mthon ka chen po'i 'od ltar gsal/ /rgyal ba lnga yi 'od 'phro ba/ /ston par sprul pa'i rnal 'byor can/ /dus kyi 'khor lor mngon brjod pa//rdo rje'i rgyan dang sku 'od kyis/ /ma lus nam mkha'i khongs khyab pa/ /yan lag bcu gnyis 'gog bdag nyid/ /dus kyi dbugs 'gags las skyes pa'i/ /gtsug rgyan rna cha mgul rgyan dang / /tshangs skud phyag gdub ske rags dang / /zhabs gdub rdo rje phreng ba dang //thal ba stag lpags na bza' dang / /sna tshogs rdo rje zla phyed dang / /ral par dpal ldan rdor sems 'dzin/ /dpa' bo mi rus rgyan ldan zhing / /thod phreng dang ni dar dpyangs can/ /spyan dang phyag dar bcu gnyis te/ /mgrin pa gsum dang zhal bzhi pa/ /nag po mche gtsigs drag po ni//byams chen rang bzhin las 'khrungs shing / /g.yas pa dmar po phyag dang bcas/ /dga' ba chen po'i thugs las 'khrungs/ /ser 'od ting 'dzin la gnas zhal/ /btang snyoms che las yang dag byung / /g.yon zhal dkar po zhi ba ste/ /snying rje chen po las byung ba'o/ /dbus dang g.yas dang cig shos ni//sngo dmar dkar ba'i mgrin gsum ldan/ /sku gcig zhabs gnyis phrag pa drug /dam pa'i phyag ni nyi shu bzhi/ /sum brgya drug cu'i tshigs kyis ni/ /sna tshogs gzugs dang ldan pas mdzes/ /g.yas pa'i phrag gsum sngo dmar dkar/ / cig shos kyang ni de bzhin te/ /dpung pa gnyis gnyis cig shos kyang / /sngo dmar dkar ba'i rnam pa gsum/ /de bzhin phyag ni bzhi bzhi yang / /sngo dmar dkar ba rnam pa gsum/ /de bzhin phyag sor 'og tshigs nas/ /sngo dang dmar dang dkar ba nyid/ /sor mo kun kyang sor gdub kyis/ / mdzes shing kha dog lnga ldan te/ /mthe bong la sogs rim pa yis/ /ser dkar dmar dang sngo dang ljang / /nag po'i phyag bzhir rdo rje dang / /ral gri rtse gsum gri gug 'gyur/ /de bzhin dmar por me mda' dang / /lcags kyu cang te'u thob nyid/ /dkar po bzhin ni 'khor lo mchog / mdung dang dbyug pa dgra sta'o/ /g.yon gyi nag por dril bu mchog/ /phub dang kha T+wAM thod pa ste/ /dmar po bzhir ni gzhu dang zhags/ /rin chen dang ni chu skyes dkar/ /dmar por dpal ldan dung me long / /rdo rje lcags sgrog tshangs pa'i mgo /sna tshogs yum gyis sku la 'khyud/ / dpal ldan oM yig las skyes pa'i/ /pad+mar zla nyi sgra gcan gzugs/ /steng du bdud dang dbang ldan gyi/ /brang gi mthil la nyi gzhon dang / /zla 'od ltar gsal zhabs gnyis po/ /g.yas brkyang du ni rol pas bzhugs/ /zhabs g.yas dmar po'i 'og tu ni/ /lag pa bzhi ba'i bdud dmar po//gdong gcig me tog mda' lnga dang / /lcags kyug zhu dang zhags pa 'dzin/ /zhabs dkar 'og tu dbang ldan yang / /dkar po gdong gcig mig gsum pa/ /lag bzhi rtse gsum Da ma ru/ /kha T+wAM ga dang thod pa 'dzin/ /dga' ma u ma gdong dman cing / / kun du 'khrul pa yang dag skyes/ /skra grol gos dang bral gyur pas/ /rang gi rje bo'i rkang mtha' 'dzin/ /gtso bo'i mgul la 'khyud pa yi/ /sna tshogs yum ni gser gyi mdog /gtso bo'i rgyab zhal gtsor gyur lta'i/ /zhal bzhi dang ni phyag brgyad ma/ /g.yas par gri gug zhags pa dang //Da ma ru dang bgrang phreng ste/ /g.yon par thod pa zhags pa dang / /chu skyes 'dab brgya nor bu'o/ /spyan gsal bcu gnyis kyis phyug cing / /rdo rje sems dpa'i cod pan ldan/ /mi 'gyur gnyis med sbyor ba yis/ /gtso bo'i byin pa'i ljon shing steng / /rang gi byin pa'i 'khri shing dkris//g.yon brkyang ba yi zhabs kyis bzhugs/ /'dab ma brgyad la lha mo brgyad/ /phyag brgyad spyan ni bcu gnyis ma/ /nag dmar ser dan dkar mo ni/ /'bar ba mnyam pa'i stabs kyis bzhugs/ /phyogs bral 'dab mar du ba dang / /smig rgyu mar me mkha' snang ma//phyag rgya lnga sogs rgyan kun gyis/ /gtso mo bzhin du brgyan byas ma/ /rang rang mngon phyogs mgon po'i zhal/ /gtso bor gyur 'dra'i zhal bzhi ldan/ /de phyir mgon po'i zhal mdog gam/ /yang na phyi rol phyogs kyang ngo / /me sogs phyogs bral rnams kyang ni/ /rim pa ji bzhin shar phyogs bzhin//lha dang sku mdog dag kyang 'dir/ /g.yas skor gyis ni brjod pa nyid/ /gzhan du rim pa gzhan nyid dang / /yang na spro ba'i rim pas so/ /nag po 'bar ma bdug spos dang / /tsan+dan kha che gla rtsi ni/ /ga pur bcas snod dril bu dang / /yongs 'du'i me tog me tog phreng / / dmar po 'bar ma mar me dang / /do shal cod pan lag gdub gos/ /ske rags rin chen rna rgyan dang / /sil sil byed pa'i rkang gdub ldan/ /ser mo 'bar ma'i g.yas su dung / /gling bu 'od 'phro rin chen dang / /cang te'u g.yon dang pi wang rnga/ /khar ba'i rnga dang zangs kyi dung / /dkar mo 'bar ba'i g.yas su yang //'o ma chu dang sman chang snod/ /g.yon du bdud rtsi grub pa'i ro/ /'bras bu sna tshogs 'bras chan snod/ /du ba ma sogs mtshan ma ni/ /rang mdog dang mtshungs rnga yab brgyad/ /'di dag khro mo'i dbang phyug dang / /lhan cig pha rol phyin bcur bshad/ /yid bzhin nor bu chos gaN+DI//dpag bsam shing ni grwa gsum du'o/ /gtso bo'i pad+ma'i sa las phyi'i/ /dbang ldan du ni chos kyi dung / /'dod chags chen pos 'dul ba yi/ /skye bo'i 'jig rten de gzigs nas/ /lus la shin tu dga' ba'i sgras/ /rgyal ba'i tshogs ni rab tu gzhug /skyes bu rig ma'i rang bzhin las//phung po khams sogs rab bcug nas/ /ming dang gzugs sogs ngo bo yis/ /mi snang gyur bar rnam par bsgom/ /lha nyid gzugs kyi sku yis ni/ /mi snang gyur par bar snang du/ /phyung bas ji lta ba bzhin du/ /sna tshogs yum la gzhug par bya/ / slar yang de las nges 'thon nas/ /rang gi lus kyi nang du zhugs/ /rdo rje'i lam nas phyung nas ni/ /zla ba zhu ba'i rang bzhin las/ /lha mo'i pad+mar rang rang gi /sa bon las skyes rdo rje ni/ /rten dang brten pa'i mtshan nyid can/ /mi bskyod dkyil 'khor bsams te dbyung / /sngon du bcom ldan 'das sku la//'gro la phan pa kun sgrub pa/ /bdag po de bzhin bcug nas ni/ /dkyil 'khor pa rnams yang dag spro/ /bde chen sbyar las phyi rol du/ /rdo rje phreng ba gnyis kyi bar/ /ral gri phreng sogs kyis brgyan pa'i/ /brgyad gnyis ka ba'i bar bar du/ /phyogs kyi pad+mar rdzogs sangs rgyas//kun tu gzigs rnams spro bar bya/ /thams cad zhal gsum phyag drug pa/ /rgyan rnams kun gyis yang dag brgyan/ /dam pa'i phyag gis rang nyid la/ /mngon phyogs gzhan rigs shes rab 'khyud/ /pad dkar la gnas nyi ma yi/ /dkyil 'khor la ni skyil krung bzhugs/ / rnam shes kyis mtshan spyi bor ni/ /ral pa'i cod pan dang dbyangs can/ /der ni shar phyogs chu skyes las/ /sems can mtha' yas don byed pa/ /don yod grub pa 'di ni nag /dkar dang nag dang dmar ba'i zhal/ /de rnams ye shes lnga rang bzhin/ /phung sogs dag pa'i mtshan nyid do/ /spyan ma dang ni mA ma kI//sgrol ma gos dkar rim pa bzhin/ /sangs rnams kyi shes rab 'gyur/ /mngon du phyogs pa'i gnas las byung / /sku mdog phyag mtshan rang bzhin yang / /rang rig sangs rgyas rnams dang mtshungs/ /ral pa'i cod pan dbye ba gzhan/ /'di rnams rin chen cod ban can//'di ltar thugs kyi dkyil 'khor du/ /sku mdog nag po rnams kyi g.yas/ /ral gri gri gug rtse gsum ste/ /g.yon na phub thod kha T+wAM ga /mdog dmar rnams kyis g.yas pa na/ /mda' dang lcags kyu cang te'u/ /g.yon pa'i phyag gi mthil gsum du/ /gzhu dang zhags pa rin po che//ser po rnams kyi phyag g.yas su/ /'khor lo dbyug pa rdo rje mchog /g.yon phyag gsum du dpal gyi dung / /lcags sgrog rdo rje dril bu'o/ /dkar po rnams kyi phyag g.yas su/ /tho ba mdung dang rtse gsum ste/ /g.yon du bad dkar 'dab brgyad dang / /me long dang ni bgrang phreng ngo //me yi mtshams nas brtsams byas te/ /chu skyes dmar dang zla dkyil las/ /dpal ldan sgrol ma gos dkar mo/ /spyan dang mA ma kI rim bzhin/ /'di rnams thabs ni rim pa bzhin/ /mngon du phyogs pa'i gnas las byung / /rnam snang mdzad dang dpag med 'od/ /las kyi rgyal dang rin chen 'byung //pad+ma'i gdan bzhugs te rnams kyang / /khams sogs dag pa'i mtshan nyid do/ /sangs rgyas lha mo gnyis bar du/ /re mig brgyad la pad dmar steng / /bdud rtsis gang ba'i bum pa'am/ /yang na pad+ma'i snod rnams so/ /shar phyogs sgor ni shin tu stobs//rmugs byed rengs byed khengs byed rnams/ /khro mo gzhan ni thob pa la/ /de bzhin kho nar rol bar mdzad/ /phan tshun gzhan rigs las skyes phyir/ /khro bo dang ni khro mo nyid/ /khro bo'i rgyal po thams cad la/ /mngon du phyogs pa phyag rgyar 'gyur/ /rengs byed ma dang khengs byed ma//shin tu stobs ma zhes bya dang / /rmugs byed ma rnams btsun mo nyid/ /chu skyes dkar dang snang byed la/ /g.yas brkyang ba yi stabs kyis gnas/ /mngal du zla ba bzhi pa la/ /ming gzugs 'byung ba'i skad cig go/ /'byung ba bzhi las byung ba'i gzugs/ /de skyed khro bo lhag ma rnams//dbang po drug ni 'byung ba la/ /mkha' lding la sogs yang dag spro/ /shar sogs sgo las byung ba yi/ /g.yas su ra ba'i rtsig pa la/ /snam bur dbang por legs dag pa/ /mkha' snying sa yi snying po dang / /rnam sel 'jig rten mgon zhes bya/ /byang chub sems ma phyogs bral du//reg bya ro dri gzugs rdo rje/ /ma rnams yul dag pa las skyes/ /shar sogs sgo yi g.yon rnams su/ /kun bzang dang ni rdo rje 'dzin/ /'di dag 'og dang steng du 'gyur/ /steng dang 'og tu 'gyur ba gzhag /chos dbyings ma dang sgra ma ste/ /de dag thabs dang shes rab dag /ye shes rnam shes las skyes pa/ /de bzhin sngon po ljang gu'o/ /'di kun g.yas su rim pa yis/ /rdo rje gri gug dgra sta ste/ /g.yon pa rnams su dril bu dang / /thod pa dang ni tshangs mgo bshad/ /'di kun g.yas dang cig shos zhal/ /dus kyi 'khor lo bzhin zhes bshad//sngon po rnams ni nag po bzhin/ /ljang gu rnams kyi ser po bzhin/ /ji skad bshad pa'i gnas nyid du/ /'di dag bsgom par yang 'dod do/ /skye ba'i gnas kyang gzhan dag tu/ /gzhan du ji ltar 'dod pa bzhin/ /kha khyer la ni shar g.yas dang / /g.yon du dri dang phreng ba gnyis//gshin rjer bdug spos mar me ma/ /nub tu sgeg mo bzhad ma nyid/ /lha bshos dpal ldan bdud rtsi yi/ /'bras bu ma ni byang du'o/ /steng du sgra ma gar mkhan ma/ /'og tu glu ma 'dod ma'o/ /de yis bar bar mtha' yas pa'i/ /gzung ba'i mtshan ma brjod bya ste/ /dung chos phreng ba spos phor dang //mar me dar dpyangs do shal dang / /zan snod bdud rtsi'i 'bras sil snyan/ /gos dang rdo rje mtsho skyes rnams/ /res 'ga' du ba ma la sogs/ /lha mo brgyad dang bum pa brgyad/ /yid bzhin nor bu la sogs bzhi/ /dor nas thugs kyi dkyil 'khor ni/ /dpal ldan 'dus pa lta bu nyid//lha ni nyi shu rtsa lnga pa/ /'di yang rang sems nus pa dag /shes nas rnal 'byor pas bsgom bya/ /gang tshe sems mchog lhan cig skyes/ /rdo rje sems dpa' snying por gyur/ /de tshe mgon po bzhugs pa la'ang / /ris ni med pa nyid kyis skyon/ /med ces thub pa chen pos gsungs//yang na dbang gi don du yang / /dkyil 'khor phyi yi 'khor lo spangs/ /'dir ni khro rgyal gtsug tor dang / /gnod mdzes kyi ni rgyal po dag /steng 'og dag tu gnas pa'ang bya/ /zla ba drug gis ma rig sogs/ /drug ni reg pa'i yan lag par/ /bdun par tshor bar skye ba la//dbu ma'i dkyil 'khor spro bar bya/ /de la sprul pa'i 'khor lor ni/ /chu tshod drug cu'i rang bzhin gnas/ /shar sogs phyogs su tsa rtsi kA/ /la sogs rdo rje'i ming thogs ldan/ /sna tshogs zhal dang rgyan bzang can/ /spyan gsum ldan zhing phyag bzhi ma/ / dbang po tshangs pa dbang phyug dang / /glang po'i gdong dang lha min dang / /khyab 'jug mthar byed sped byed rnams/ /gzhan rigs thabs la 'di dag ni/ /lag pa yis ni kun du 'khyud/ /yi dags dmar dang mkha' 'gro'i dbang / /ma he ltos 'gro za ba dang / /glang po dang pa khyu mchog dang //seng ge'i rgyab tu pad+ma brgyad/ /rang rang phyogs su nges gsal ba/ /phyogs dang phyogs bral dmar dang dkar/ /pad+ma'i lte bar zla nyi bral/ /sa ga'i stabs kyis gnas pa la/ /kha dog mtshungs pa'i mtshan nyid can/ /lha mo'i tshogs rnams brgyad brgyad kyi/ /'dab mar rol pa'i stabs kyis bskor//tsa rtsi kA ni gri gug dang / /mdung dang thod pa kha T+wAM 'dzin/ /khyab 'jug ma ni 'khor lo dang / /dbyug pa pad+ma dung gis mtshan/ /phag mo'i mtshon cha dbyug pa mchog /ral gri dang ni lcags sgrog phub/ /gzhon nu ma ni lha rdzas mdung / /lcags kyu zhags pa nor bus mtshan//rdo rje dbang mo rdo rje dang / /mda' dang dril bu gzhu 'dzin 'gyur/ /tshangs ma lag par chu skyes dang / /tshangs dbyug spyi blugs lhung bzed 'dzin/ /drag mo rtse gsum Ta ma ru/ /kha T+wAM ga dang sprul gyis mtshan/ /dpal chen mo ni pad+ma dang / /bgrang phreng chu skyes rin chen mtshan//de nas de 'dab lha mo yi/ /ming gi phreng ba bshad par bya/ /'jigs ma drag mo dus kyi ni/ /mche ba ma dang me 'bar gdong / /rlung gi shugs ma rab gtum ma/ /spyan drangs ma dang sna chen ma'o/ /gtso bo khyab 'jug ma'i 'dab mar/ /dpal mo sgyu ma drag ma dang / /bkra shis ma dang rnam rgyal ma//dpal rgyal dpal rgyal byed ma dang / /dpal ldan 'khor lo can ma'o/ /phag mo'i 'dab mar keng rus ma/ /dus mtshan ma dang khros ma dang / /dus kyi lce ma gtsigs ma dang / /nag mo drag mo gzugs ngan ma'o/ /pad+ma lus med gzhon nu ma/ /ri dgas bdag pos 'gro ma dang //rin chen phreng ma mig bzang ma/ /rus ma brgyad pa bzang mo'o/ /rdo rje 'od dang rdo rje lus/ /gser ldan ma dang u rba ste/ /bkra ba'i ri mo rab 'bar grags/ /zug rngu med ma legs sgrol ma'o/ /rig byed 'don ma pad+ma'i mig /chu skyes ldan ma blo ma dang / /ngag gi dbang phyug glu ma dang //de bzhin glog ma dran ma'o/ /gang du drag mo gtsor gyur der/ /dkar mo gang+gA rtag ma dang / /myur ma dang ni 'degs ma dang / /mtshon byed dmar ser nag ma'o/ /dpal ldan dkar mo zla ris ma/ /zla zhal ma dang ngang pa'i mdog /'dzin ma pad+ma'i dbang mo dang //skar mig dri med ri bong 'dzin/ /sum cu rtsa drug grangs mnyam pa'i/ /'dod dang phyir 'dod lha mo rnams/ /gsung sku'i dkyil 'khor kha khyer la/ /zhal gcig rang rang phyogs gsal byed/ /phyogs cha re re rnam pa dgu/ /rol pa'i stabs kyis legs par bzhugs/ /shar du ral gri phub 'dzin te//gshin rjer mda' dang gzhu 'dzin rnams/ /klur ni 'khor lo dung 'dzin te/ /nor sbyin thob chu skyes 'dzin/ /steng dang 'og gi rigs gnyis ni/ /lag na gri gug thod pa 'dod/ /gsod dang bskyed par 'dod ma ni/ /rta babs rtsa ba'am steng 'og tu'o/ /'di rnams gang gis bskyed pa ni//rgyas par dogs pas ma bshad do/ /zla ba brgyad pa sreg pa yi/ /yan lag sku yi dkyil 'khor spro/ /las dang bya ba'i 'khor lo yi/ /rtsa rnams rnam par dag pa dang / /nag sogs zla ba dag pa las/ /der ni lha rnams bcu gnyis 'gyur/ /rdo rje dang po'i ming ldan pa/ / sngar bzhin yang dag ye shes sbyong / /shar sgo'i g.yas nas brtsams byas te/ /de rnams mkha' snying la sogs bzhin/ /sgra dang sgo yi ngos rnams su'o/ /sgo rnams su ni rang rang gi /bzhon pa'i rgyab gnas sgo skyod rnams/ /phyogs dang phyogs bral dmar dang dkar/ /ge sar ze 'bru 'od 'phro ba//zla nyi bral ba'i 'dam skyes la/ /rdo rje'i gdan bzhugs rang phyogs mdog /gnyis med shes rab la mngon phyogs/ /'dab ma nyi shu rtsa brgyad la/ /rol pa'i rkang stabs kyis gnas pa/ /kun kyang phyag bzhi kha dog dang / /mtshan ma mtshungs pa'i lha mos bskor/ /yi dags dmar po bden bral nag /ral gri gri gug phub thod 'dzin/ /ri dgas la ni rlung gi lha/ /ljon shing dbang po'i me tog dang / /in+d+ra nI la ut+pal dmar/ /ma he'i pad+mar gshin rje dbyug /ral gri lcags sgrog zhags pa 'dzin/ /ra yi pad+mar me lha mdung / /dbyug pa pad+ma chu skyes 'dzin/ / gdong drug shak+ti mdung rin chen/ /me long ldan par rma byar gnas/ /glang po'i pad+mar gnod sbyin ni/ /rin po che dang be con dang / /ne'u le dang dung rnams 'dzin/ /dbang po sa srung bu la gnas/ /rdo rje dril bu mda' gzhu 'dzin/ /dang pa'i pad+mar tshangs pa khab/ /bgrang phreng chu skyes spyi blugs can//glang gi pad+mar drag po ni/ /mdung dang mda' dang sbrul gzhu 'dzin/ /chu srin pad+mar rgya mtsho ni/ /zhags pa rin chen ngos gnyis ldan/ /byi ba'i pad+mar tshogs bdag ni/ /dgra sta mchog gi rdo rje dang / /zhags pa dang ni rin chen ldan/ /mkha' 'gro dbang po la gnas pa'i/ / khyab 'jug 'khor lo be con dang / /chu skyes skye ba lnga dung 'dzin/ /mchog sde'i don dang rjes mthun par/ /'di rnams phyag rgya 'byung 'gyur ba/ /srin mo dang ni rab gtum ma/ /gshin rje ma dang chu lha mo/ /dpal chen nor dbang rlung lha mo/ /glog ma dkar mo phag mo dang / /gzhon nu ma dang dpal mo rnams//dkyil 'khor pad+mar bstan pa bzhin/ /khyab 'jug dang ni mthar byed dang / /'phrog byed dang ni nor dbang dag /rim bzhin ljang dang sngon po'o/ /steng dang 'og gi rigs nyid kyis/ /der ma yang na 'dod pas brjod/ /ma bshad phyag rgya'i gzugs rnams kyang / /ji skad bshad pa'i ming nyid kyis//mngon phyogs phyag rgya rnams kyi yang / /mtshon cha gzhan rigs nyid du 'dod/ /'dab ma'i lha mo de rnams kyis/ /ming ni sa bon mtha' rdo rje/ /bzhi brgyad mi gdags 'dab mar ni/ /'chad 'gyur rnams la brjod par bya/ /lag pa rkang pa'i mthil gtsug tor//bshang lam rtsa yi rang bzhin las/ /drug drug sgo ba'i khro bo dang / /de yi lha mo yang dag spro/ /lha bdag phyogs su dbyug sngon can/ /ral gri rdo rje phub sprul ldan/ /gshin rje'i phyogs su 'dod pa'i rgyal/ /mda' dang lcags kyu gzhu zhags ldan/ /stobs chen 'khor lo dbyug pa dung //rin chen ldan pa chu bdag tu'o/ /mi g.yo tho ba mdung pad+ma/ /me long ldan pa nor sbyin du/ /gtsug tor can ni dgra sta dang / /rtse gsum sbrul zhags kha T+wAM ldan/ /gnod mdzes phyag bzhi gri gug dang / /rdo rje thod pa dril bu ldan/ /'di dag g.yas brkyang stabs kyis ni//rang rang shes rab shing rtar gnas/ /phag rta glang po gdong lnga pa/ /bdun gyi grangs dang ldan pas drangs/ /phyogs kyi mdog dang lhan cig pa/ /steng dang 'og gi shing rta yang / /ljang gu dang ni sngon po ste/ /grangs bdun mkha' lding a ni la/ /seng ge rkang pa brgyad pas drangs/de rnams kyi ni shes rab kyang / /'od zer can dang skul byed ma/ /dpal ldan rdo rje lu gu rgyud/ /khro gnyer can dang shin tu sngo/ /drag can ma rnams gzhan gyi rigs/ /zla ba dgu par len pa la/ /sor mo nyi shu'i rtsa rnams ni/ /rnam dag klu dbang bcu rnams dang / / rab gtum ma rnams yang dag spro/ /rta babs ka ba'i rtsa rnams su/ /re mig zung bzhir klu rnams te/ /rlung me sa chur bum pa dang / /rdo rje pad+ma rin chen ldan/ /shar du pad+ma stobs rgyu dag /gshin rjer nor rgyas dung skyong dag /nub tu 'jog po pad chen te/ /byang du rigs ldan mtha' yas so/ / klu dbang rgyal ba rnam rgyal zhes/ /'di dag mkha' dang sa 'og tu/ /mkha' dang ye shes dkyil 'khor la/ /rnal 'byor dbang pos bsgom par bya/ /mgo bo rnams ni gdengs kas bkab/ /rang rang phyogs kyi mdog dang ldan/ /rgyan rnams kun gyis brgyan pa ste/ /thams cad rdo rje'i gdan gyis gnas//dam pa'i bde slad khyi gdong ma/ /la sogs rab gtum phyag rgyar 'gyur/ /pad+ma la sogs 'di rnams kyang / /thabs kyi tshul ni ji lta bar/ /zhal gcig phyag gnyis phyag rgyal lnga/ /ldan zhing mi mgo'i phreng ba can/ /lus la mi rus phreng ba dang / /thod pa'i phreng ba dar dbyangs ldan//gos dang ldan zhing skra grol ma/ /gri gug dang ni thod pa 'dzin/ /rang gi bzhon pa'i steng rnams su/ /'khor lor zlum po'i stabs kyis gnas/ /me rlung 'khor yug bar gyi ni/ /dur khrod du ni bzhon pa rnams/ /shar du bse dang ma mtshams su/ /b+he ruN+Da dang lho ru dom/ / bden bral khrung khrung nub phyogs su/ /seng ge rlung du mig sngon po/ /nor bdag phyogs su 'bri dang ni/ /dbang ldan du ni bshang lam gdong / /mdung gis 'bigs par khyi gdong ma/ /lhag ma za bar khra gdong ma/ /ro bsregs par ni phag gdong ma/ /drag po'i g.yul du bya rgod gdong / / ce sbyang gdong ma rnag gi drir/ /sbrul gyis zos par mkha' lding gdong / /rus pa bcas par stag gdong ma/ /byis pa shi bar lug gdong ma/ /sngon mo rdo rje mig ma dag /kun gyi steng gi nam mkha' dang / /kun gyi 'og gi sa 'og tu/ /a ni la dang rkang brgyad pa'i/ /shing rtar gnas pa bsgom par bya//kun nas rlung gi khor yug mthar/ /zhal mdog mtshon cha sna tshogs pa'i/ /'byung po bye ba phyed dang bzhi'i/ /tshogs rnams sgrub pa po yis bsgom/ /de ltar dpal ldan dus 'khor zhes/ /bsams nas dkyil 'khor gsum nang du/ /'gro drug gnas pa'i sems can rnams/ / gsang mchog dkyil 'khor du bkug nas/ /rnam par snang mdzad sogs sangs rgyas/ /khams dang bcas pa snying gar gzhug /byang chub sems su zhu gyur pa/ /rdo rje nas ni yang dag spro/ /byang chub sems des dbang bskur bar/ /bsams te reg pa'i skad cig der/ /zhu ba'i sa bon sogs ngo bos//zhal mdog mtshon cha sna tshogs pa/ /lha yi gzugs kyi sku yis ni/ /shes rab thabs kyi bdag nyid can/ /dga' chen bde bas gang gyur pa/ /rang lus dkyil 'khor bdag nyid gyur/ /gang phyir gsal byed sna tshogs pa/ /sa bon dbyangs dang ldan rnams te/ / gsal byed ma lus bdag nyid can/ /so sor bsdu ba'i tshul las k+Sha/ /sum cu rtsa gnyis dbyangs ldan pa/ /de ni sa bon rnams su 'gyur/ /k+Sha k+Shi k+Sh+R-i k+Shu k+Sh+l-i/ k+ShA k+ShI k+Sh+R-I k+ShU k+Sh+l-I/ k+Sha k+She k+Sha ra k+Sho k+Sha la k+ShaM/ k+ShA k+Shai k+Sha ra k+Shau k+ShA la k+ShA/ k+Sh+ha k+Sh+ya k+Sh+Ra k+Sh+Wa k+Sh+la/ k+Sh+hA k+Sh+yA k+Sh+RA k+Sh+WA k+Sh+lA/ phung po khams dbang yul rnams dang //las dbang dang ni bya ba rnams/ /sum cu rtsa gnyis mtshan du gyur/ /rtsa ba'i rgyud las ji skad du/ /sangs rgyas zhing na sems can gang / /sku gsum dam tshig bdud rtsi yis/ /bskyed cing rdo rje'i dpal gyis reg /thams cad der ni de bzhin gshegs/ /rdo rje gsum gyi ye shes 'thob//'dir ni rdzogs pa'i sangs rgyas gyur/ /bsgoms te de nas de dag rnams/ /rang rang zhing du rab tu gzhug /ces gsungs so/ /srid pa'i yan lag srog spro ba/ /rdo rje'i gsung bskyed btsa' ba brjod/ /gtsug tor dang ni lte ba hoH/ /dpral mgrin snying gar oM AHhUM/ / lte ba'i hoHyig 'od rnams kyis/ /dpal ldan bde chen pad+ma ru/ /shes rab dang bcas rdo rje can/ /shes rab chags pas khu bar zhu/ /de mthong yid mi bde ba yis/ /sgrol ma la sogs shas cher brtson/ /byams sogs mchog gi rang bzhin can/ /'gro ba'i don la rab 'jug phyir/ / snyan pa'i dbyangs kyis stod byed cing / /ston pa la ni glu dag mdzad/ /spyan ma bdag ni 'gro ba'i yum/ /rnal 'byor pa yi rgyu mthun gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /mA ma kI bdag sring mo ste/ /rnal 'byor ba yi rnam smin gnas/ /bdag gi dkyil 'khor rang bzhin gyis//dus 'khor bzhengs la bdag 'dod mdzod/ /gos dkar mo bdag bu mo kye/ /rnal 'byor pa yi skyes bur gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /sgrol ma bdag ni tsha mo ste/ /rnal 'byor pa yi dri bral gnas/ /bdag gi dkyil 'khor rang bzhin gyis//dus 'khor bzhengs la bdag 'dod mdzod/ /stong pa'i dkyil 'khor nyams myong nas/ /'gro ba gdon pa'i bsam pa yis/ /sku gsung thugs kyi dkyil 'khor ni/ /'gro ba'i mgon pos spro bar mdzod/ /ces so/ /sgrol ma byams pa'i rang bzhin te/ /mA ma kI ni brtse ba'i sku//gos dkar dga' ba'i rang bzhin te/ /spyan ma btang snyoms sku can no/ /rdo rje dbyings kyi dbang phyug ma/ /thams cad la ni khyab bdag nyid/ /rim pas spyan ma la sogs glu/ /rgyu mthun 'bras sogs rim pa ste/ /thugs sku gsung dang ye shes bdag /rdo rje glu yis bskul gyur pa/ /de gsan nas ni srid pa gsum//mig 'phrul lta bur gzigs gyur nas/ /sngar bzhin sa bon sogs ngo bos/ /khyab bdag rdzogs par bsdom bya ste/ /dkyil 'khor spro ba'ang de bzhin no/ /zla ba bcu bar mnga' bcas pa/ /rnam lnga mngon par rdzogs byang chub/ /sku bskyed pa yi mtshan nyid can/ /bsnyen pa'i yan lag dang po 'di//phyis kyang de ltar bsgom par bya/ /oM su bi shud+d+ha d+harma d+hA tu swa b+hA wat+ma kou0f85haM/ bsnyen pa'i yan lag gnyis pa ni/ /gsung bskyed pa yi rgyu las 'gyur/ /hoHyig gnyis kyi bar gnas pa'i/ /yi ge suM ni sngar bzhin dgod/ /sku gsung thugs las yang dag byung / /zla nyi sgra g can mtshan nyid can//'og dang steng du dus kyi me/ /de ni shes rab gsum po'o/ /de yi 'od kyis bdag nyid ni/ /zla ba bzhin du zhu bar blta/ /mthong nas 'dir yang bskul ba dang / /cho ga thams cad sngar bzhin du/ /gcig ni srog 'byung ched du ste/ /gzhan ni brgyad gnyis lo yi mthar/ / bde bar skyed pa'i ched du'o/ /mngal skyes rnams kyi srog rlung dang / /khams rnams ji bzhin bskyed pa dang / /rnam shes rab tu sad byed pa/ /de bzhin spyan ma la sogs rnams/ /ye shes rdo rje'i dkyil 'khor du/ /dung can ma la brten pa'i sems/ /dkyil 'khor lnga ni 'bab don dang / /'gro ba'i don phyir rdo rje can//glu gsan rdo rje che ldan pa/ /khu ba'i gzugs ni dor nas kyang / /steng pa'i dkyil 'khor 'bab pa yi/ /rdo rje dbyings kyi dbang phyug mas/ /'khyud tsam nyid kyis gzhon du ni/ /sna tshogs yum dang lhan cig bzhengs/ /byis pa rnams la srog la sogs/ /rlung bcu nges par 'bab pa ste//'di ni dam tshig dkyil 'khor du/ /sku rdzogs pa yi mtshan nyid can/ /'di de dkyil 'khor rgyal po ni/ /mchog gi ting nge 'dzin zhes bya/ /nye bar bsgrub pa'i yan lag kyang / /ye shes sems dpa' gzhug pa ste/ /byis pa'i yul dang dbang po dag /yang dag sad pa'i dbye ba las//gsung ni mngon du rdzogs gyur pa/ /rnam pa nyi shus rdzogs byang chub/ /bskyed rim rnam gnyis shes bya ste/ /sgong skyes dang ni mngal nas skyes/ /de ni 'jig rten khams bskyed dang / /mi rnams bskyed pa nyid kyang ngo / /skad cig gis ni bskyed pa gang / /de ni rdzus te skye bar 'gyur//rgyal bas sems can bsam dbang las/ /de yang bskyed pa'i rim par gsungs/ /gang du bskyed pa'i rim pa de'i/ /rtog pa'i dra ba spangs pa ni/ /nam mkha' las byung rang byung ba/ /zhes sogs rnams kyis rab tu brjod/ /byis pa btsas pa'i srog gang dag /dbu ma a ba d+hU tIr gnas//de las byung nas dbang po drug /rnam shes yul rnams dang lhan cig /rab 'jug des na 'od sngon po/ /rdo rje shugs ni mkhas pas spro/ /rkang pa brgyad pa'i shing rta zhon/ /hUM yig rdo rje las byung ba/ /'od zer rnon pos nam mkha' khyab/ /srung 'khor las bsrungs mtshan nyid can//bdud dang nyon mongs mthar byed pa/ /gtso des ye shes 'khor lo dgug /lte bar lcags kyu bsnun byas shing / /mtshon cha rnams kyis 'jigs byas te/ /nyi shu rtsa bzhi'i phyag rnams kyang / /'di yi zhags pas rab bcings te/ /bsgrub par byas nas rang gnas su//'ong bar rnam par bsgom par bya/ /byis pa'i sna tshogs yul rnams ni/ /mtha' dag dngos po'i mtshan nyid do/ /bskyod nas gnyug ma'i gnas su ni/ /rnam shes 'jug pa de ji bzhin/ /kun gzhi las skyes mig dang lus/ /lce dang sna yi dbang po rnams/ /rnam dag rmugs byed rengs byed dang //khengs byed dang ni shin tu stobs/ /rim bzhin gzhug dang bcing ba dang / /de bzhin mnyes dang ro mnyam byed/ /dzaHhUM baM hoHrim nyid dang / /lcags kyu rdo rje zhags pa dang / /dril bu hriHlas byung dbyug pa/ /de rnams sa bon mtshan ma nyid/ /de bzhin sngar bzhin legs mchod nas//ye shes 'khor lo cho ga bzhin/ /myur du dam tshig 'khor lo dang / /gcig tu gyur pa rnam bsgom bya/ /yab yum sa bon hUM dang phreM/ /phung po khams dang dbang po yul/ /thung du ring po yon tan sogs/ /'di ni oM dang chos dbyings AH/ /haM haHgtsug tor shin tu sngo//ha hA gnod mdzes drag ldan ma/ /yaM raM waM laM khro bo bzhi/ /lAHbAHrAHyAHkhro mo rnams/ /ya ra la wa dbyug sngon dang / /'dod pa stobs chen mi g.yo'o/ /srung ba'i 'khor lo gzhan du bshad/ /lA wA yA rA khor mo rnams/ /a aHA aM ha haHhA/ /haM rnams phyogs dang mtshams rim bzhin//nag mo 'bar sogs du ba sogs/ /oM AHhoHhUM rim pa bzhin/ /yid bzhin nor bu la sogs rnams/ /hi hI hr-i hr-I h+l-i h+l-I hu/ /hUM rnams bum pa rnams kyi'o/ /ha k+Sha haHk+ShaHhA k+Sha dang / /haM k+ShaM tsa rtsi ka sogs rim/ /phyogs kyi pad+ma'i mdun rgyab kyi/ / 'dab ma gnyis la hi hI dang / /hr-i hr-I h+l-i h+l-I hu hU rnams/ /phyogs bral pad+ma'i mdun rgyab kyi/ /'dab ma gnyis su k+Sh-i k+ShI dang / /k+Sh+R-i k+Sh+R-I k+Sh+l-i k+Sh+l-I k+Shu k+ShU rnams/ /phyogs kyi pad+ma'i 'dab ma ni/ /lhag ma rnams su ya la sogs/ /thung ngu'i dbyangs kyis phye ba drug /phyogs bral pad+ma'i 'dab ma ni//lhag ma rnams su ya la sogs/ /ring po'i dbyangs kyis phye ba drug /tsa sde la sogs sde pa drug /ya Na'i sde pa ha k+Sha ldan/ /rnam bcad bcas dang thig ler bcas/ /'dod dang phyir 'dod tshogs kyi'o/ /sku yi dkyil 'khor pad+ma yi/ /lte ba bcu gnyis rnams su ni/ /bden bral sogs kyi tsa nyaHdang //TaM NaHpaM maHrnams/ /khyab 'jug mthar byed dbang ldan dang / /nor sbyin kaM ngaHsaM kaH'o/ /'dab ma rnams la nya nyi sogs/ /ring dang thung dus phye ba drug /phyi nas brtsams te dgod par bya/ /dzr-i ni lte bar shes rab ma/ /rlung lha'i pad+mar tsA la sogs/ /ring po'i dbyangs ldan 'byung ba ste//'di ni sdud pa'i dbye ba las/ /ni lte bar shes rab ma'o/ /khyi gdong ma sogs lha mo yi/ /sa bon brtsegs par rnam sgom ste/ /shar du ka sde brtsegs pa can/ /la thog k+Sha tha'i pa na lho/ /nub tu sa 'og brtsegs pa dang / /la thog ta tha'i ya Na byang / /zur du ca Ta ta pa sogs/ /kun nas brtsegs pa'i sa bon no//rgyal ba'i hUM dang rnam rgyal k+ShU/ /shin tu sngon mo rdo rje mig /rnam bcad bcas dang thig ler bcas/ /ka sa dang po'i sde pa brtsegs/ /'byung po bye ba phyed dang bzhi/ /ma lus sa bon sna tshogs pa'o/ /'dir ni btsas pa'i byis pa rnams/ /nges par gnas skabs gsum du 'gyur//sad dang mi lam gnyid log nyid/ /des na sku sogs byin gyis brlab/ /dpral ba mgrin pa snying ga dang / /lte ba gsang ba gtsug tor te/ /oM AHhUM hoHde bzhin du/ /swA hA sa rim bzhin byin gyis brlabs/ /byin gyis brlab pa 'di nyid ni/ /byis pa ma yis 'khyud dang mtshungs/ / de bzhin bdag po rnal 'byor pas/ /lha mo'i tshogs kyis bkru bar bya/ /dpral bar aM las byung zla bar/ /oM las 'khor lo rtsibs brgyad pa/ /las byung sku'i rdo rje dkar/ /zhal gsum g.yas g.yon nag dang dmar/ /phyag drug g.yas na 'khor lo dang / /rdo rje pad+ma 'dzin par dran/ /ral gri dril bu nor bu g.yon//shes rab lhan cig ral pa 'dzin/ /dpral ba nas ni de phyung ste/ /de yis nam mkha' kun nas dgong / /sku yi rdo rje'i gdul bya la/ /chos ston bya ba mdzad nas slar/ /bkug ste mdun du bzhag pa la/ /dbang bskur don du gsol ba gdab/ /ngag gis bar du mchod par//sku yi rdo rje 'dzin pa rnams/ /bdag la mngon par dbang bskur gsol/ /sku yi rigs las byung ba yi/ /lha mo rnams kyis bdud rtsi yis/ /gang ba'i bum pas dbang bskur zhing / /byin gyis brlab par yang ni bya/ /dpral bar zla ba'i dkyil 'khor la/ /sku yi rdo rje bcug nas ni//de la gsol ba gdab pa yi/ /tshigs bcad 'di gnyis brjod par bya/ /dpal ldan sku yi rdo rje 'dzin/ /rdo rje mi phyed gsum bsgoms pas/ /sku yi rdo rje can gyis ni/ /byin rlabs gnas su deng bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms nas//sku yi rdo rje can gyis ni/ /byin rlabs gnas su ding bdag mdzod/ /mgrin par re pha las byung ba'i/ /nyi mar a yig gyur las skyes/ /pad+ma dmar po 'dab brgyad pa/ /de las gsung gi rdo rje bsgom/ /shes rab dang bcas rtsa zhal dmar/ /g.yon dang cig shos dkar dang nag /chu skyes rdo rje 'khor lo g.yas/ /nor bu dril bu ral gri g.yon/ /snga ma bzhin du phyung nas ni/ /lhag ma ming tsam gzhan tha dad/ /de bzhin snying gar thig le las/ /byung ba'i sgra gcan dkyil 'khor ni/ /sngon po der yang hUM yig las/ /yang dag bskyed pa'i rtse lnga pa/ /rdo rje de yongs gyur pa las//thugs kyi rdo rje rnam par bsgom/ /shes rab bcas shing rtsa zhal nas/ /gzhan dag dmar dar dkar po nyid/ /rdo rje 'khor lo chu skyes g.yas/ /dril bu rin chen ral gri g.yon/ /phyung nas snga ma bzhin du ste/ /thams cad rgyas par ma bris so/ /de nas gcig nyid sngags 'di yis//nga rgyal kun du gzung bar bya/ /o sarba ta thA ga ta kA ya wA k+tsit+ta badzra swa b+hA bA t+ma kou0f85haM/ de bzhin kho na shes rab kyi/ /lte ba'i phyogs su hoHyig ste/ /gsang bar swA yig gtsug tor du/ /hA yig rigs drug dgod par bya/ /khu ba gcig pu'i chos las ni/ /gang phyir thabs ni r igs gsum nyid//rdul dang khu ba'i bdag nyid kyis/ /shes rab kyi ni rigs drug 'gyur/ /dbang bskur de nas de ma thag /rang rang rigs bdag gis rgyas gdab/ /rgyas 'debs sangs rgyas kun kyang ni/ /gtsug tor chos gos 'dzin shes bya/ /rdo rje sems dpa' yang der 'dir/ /sngon po mi bskyod mtshungs par 'gyur//sangs rgyas rnam shes rgyas btab pa/ /sangs rgyas rgyas btab sangs rgyas skyes/ /ye shes rnam shes kyis rgyas btab/ /rnam shes ye shes kyis rgyas btab/ /'di ni las kyi rgyal po mchog /bskyed pa'i mtshan nyid ji srid pa'o/ /zhes pa de ltar rdo rje can/ /srid gsum thams cad dkyil 'khor te//phyi dang lus dang gzhan la yang / /de rnams spro dang sdud pa ste/ /dngos po'i rigs rnams la ni de/ /mkha' khams bzhin du yang dag gnas/ /rnam gsum srid par gnas pa de/ /mi rtag nyid du mi 'gyur ro/ /gang phyir mig 'phrul ji lta bzhin/ /'byung ba'i tshogs ni mi rtag 'gyur//de bzhin rtag dang mi rtag pa/ /mtshungs mthong mi shes yid can rnams/ /dag phyir 'jig rten bden pa yis/ /rdo rje can gyi sgrub thabs brjod/ /sku gcig yum dang ldan pa'am/ /yang na lha mo dgu dang ldan/ /nyi shu lnga pa'i bdag nyid sogs/ /rgyal bas gdul bya'i bsam pas gsungs//'dir ni sems kyi ngo bo yis/ /gnas pa'i bsgrub bya 'ga' yang med/ /bsgrub bya gang zhig sgrub pa po/ /rdo rje can gyis bsgrub pa 'khrul/ /de phyir rang sems dri ma bral/ /dkyil 'khor gyi ni gtso bor bya/ /da ni thig le phra mo sogs/ /rnal 'byor bzlas pa brjod par bya/ /gang phyir mi rnams bcu drug los//thig le'i bde ba kun du 'byung / /sems mchog thig le rdzogs pa ni/ /thig le'i rnal 'byor zhes byar brjod/ /'dzag pa'i bde la dmigs pa ni/ /phra mo'i rnal 'byor zhes byar brjod/ /mi rnams lag pa 'dzin pa dang / /shes rab ma yang gtod par byed/ /dbang brtul la sogs rnal 'byor pas//las dang ye shes phyag rgya ste/ /rnal 'byor gnyis dang de bzhin bzlas/ /rtsa ba'i rgyud bzhin brjod par bya/ /bcu drug lo 'am rig ldan ma/ /gzugs dang lang tshos brgyan pa la/ /dang por legs par bslab byas te/ /dbang bskur nas ni bsgrub pa brtsam/ /sku gsung thugs byin brlab pa ni//dpral ba la sogs rnams la dgod/ /swA hA gsang ba gtsug tor che/ /de nas pad+ma rnam par sbyangs/ /a yig dam pa 'dab brgyad pa/ /hUM yig gis ni rdo rje ldan/ /de bzhin rdo rje dang bcas pa'i/ /shes rab pad+ma bskyod rgyu las/ /hUM gis rang gi rdo rje ni/ / rtse mo lnga par rnam par bsgom/ /de dbus pad+ma 'dab brgyad pa/ /A yig gis ni rab tu brtags/ /de ltar rdo rje pad+ma dang / /bcas par byas nas pad+mar bzhugs/ /de ltar rdo rje 'dzin pa'i snye mas/ /'dzin cing rnal 'byor hUM phaT bya/ /b+ha gar ling+ga rab bkod nas/ /byang chub sems sems ni spro mi bya//khams gsum po ni ma lus nas/ /sangs rgyas gzugs su bsgom par bya/ /oM sarba ta thA ga tA nu rA ga Na badzra swa b+hA bA t+ma kou0f85haM/ /lte bar gtum mo 'bar ba yis/ /de bzhin gshegs pa lnga bsregs shing / /spyan ma mig la sogs pa yang / /bsregs nas ri bong can haM 'dzag / bdud rtsi khu ba'i chos can ni/ /thig le'i gzugs kyis 'dzag par byed/ /thig le'i rnal 'byor zhes grags pa/ /bcu drug phyed phyed thig le 'chang / /phra mo'i rnal 'byor zhes grags pa/ /rgyu mthun la sogs steng du 'gro/ /dung can ma 'di phyag rgya che/ /de ni gtum mo rab tu brjod/ /lte ba'i steng du g.yung mo gang / /a ba d+hU tI mi yi sna//'od zer lnga yi rang bzhin sogs/ /dkyil 'khor lnga ni 'bab byed pa/ /sna rtser yungs kar du grags pa/ /de yang srog dang rtsol bar bshad/ /khams gsum po ni ma lus nas/ /srid pa gsum ni yongs shes pa/ /srog 'gog pa ni yungs kar ma/ /de yang rgyu bcas rgyu med du'o//so sor sdud pa phyag rgya che/ /nam mkha' stong pa'i mtshan nyid do/ /gang zhig kho nar yid dag ni/ /bkod pa de yi phyogs su snang / /mtshan ma'i mthar ni re khA gang / /de la brtan dang g.yo ba'i gzugs/ /rnal 'byor bsam gtan sogs de yang / /zhes gsungs so/ / de ltar rnam pa sna tshogs sogs/ /man ngag ji bzhin rab dbye bas/ /dga' ba'i thig le gtso bo las/ /sku gsung thugs dang bzhi par grags/ /rgyu mthun la sogs rim pa yis/ /ji ltar byon pa de bzhin gshegs/ /dpral ba sogs dang lte ba sogs/ /shes rab chos 'byung bdag nyid la'o//gang tshe thig le phra mos kyang / /dus gsum pa yi srid gsum shes/ /du ba la sogs mtshan ma'i mtha'/ /mthar thug gzugs brnyan mthong bar byed/ /rnal 'byor pa yi dkyil 'khor gyi/ /'khor lo spro ba nyid dang yang / /'khor ba spro pa rnams bu sogs spro/ /de bzhin sgrub pa chen po'o//lus dang dbyer med sngags bzlas pa/ /de yang srog dang rtsol bar bshad/ /lus ngag sems kyi rtsa rnams ni/ /g.yas dang g.yon dang dbu ma ru/ /glog las gzhom du med pa'i skad/ /yan lag drug gis de bzhin bzlas/ /so sor sdud dang bsam gtan dang / / srog rtsol de bzhin 'dzin pa dang / /rjes su dran dang ting nge 'dzin/ /rnal 'byor yan lag drug tu 'dod/ /dbu ma mchog gi dbugs dang ni/ /dri yi chu dang bcas pa yis/ /rtag tu rig sngags ma mchod bya/ /khyad par dus kyi pho nya mo/ /drang ba'i don du rnal 'byor pa/ /thun mong dngos grub 'dod pas kyang //bgrang phreng la sogs chog yis/ /rtag tu mnyam par gzhag pas bzla/ /las kun pa la rdo rje bzhi/ /'jig rten khams mthar swA hA sbyar/ /gang tshe rnal 'byor bzlas pas skyo/ /rnam par g.yeng ba'i sems ldan na/ /mchog sbyin rdo rje mchog sogs kyi/ /bstod pa byas nas rab mchod de//gtsug tor spyi bo mgrin snying ga /lte ba gsang ba rnams su ni/ /rdo rje rtse mo bzhi pa dang / /rtse mo bcu drug par rnams bcas/ /rtse mo sum cu rtsa gnyis rnams/ /bsams nas de yi lte dbus gshegs/ /las dang bya ba'i 'khor lor yang / /sum cu pa dang rtse lnga par//ji ltar rigs par gshegs gsol bya/ /dung dang gaN+DI nor bu ljon/ /du sogs phung khams lha dang bcas/ /bde ba chen po'i gnas su'o/ /skye mched bcu gnyis khro bo dang / rtsa rtsi kA sogs shing rtar gnas/ /'od zer can sogs lha mo dang / /klu dang khyi gdong ma la sogs/ / ji ltar rigs pas gshegs gsol bya/ /rnal 'byor pa yis thun gsum du/ /sngar bshad chogs bdud rtsi lnga/ /legs par sbyangs te gtor ma sbyin/ /rnal 'byor dbang pos nyin so sor/ /bdag nyid tshim par bya ba yang / /skyil krung dang ni so rnams nyid/ /cung zad phye zhing bkug nas bskyod//yang na dpral bar thig le dkar/ /bsams nas yongs su ngal ba bso/ /oM AHhUM hoHrim gnas pa/ /de yis sbyangs dang rtogs pa dang / /'bar ba dang ni bdud rtsir bya/ /mthe bong ming med dag gis ni/ /snod de chang gi thigs pa yis/ /phyi rol du ni gru gsum dang / /de dbus zlum po byas nas ni//nyi ma'i gzugs ltar rab gsal ba/ /de yid dbus su ye shes kyi/ /'khor lo srid gsum mchog bsgoms nas/ /tshim pa sogs pa la 'bad par bya/ /de bzhin nang gi dkyil 'khor yang / /sngar bzhin zas dang khrus dang ni/ /lha mo'i tshogs kyis dbang bskur ro/ / nyal tshe stong pa nyid la gzhug /ldang tshe glu yis bskul ba ste/ /dpal ldan dus kyi 'khor lo yi/ /rdo rje'i rnal 'byor rtag tu dran bya/ /yul bdag grong bdag dag la yang / /gtor ma cho ga ji bzhin sbyin/ /'phrog ma la ni chang bu gnyis/ /pho nya mo la phud kyi ni/ /chang bus la gzhag par bya/ /zos lhag 'byung po rnams la ste//sbyin pa'i tshigs bcad brjod bar bya/ /rnal 'byor ma thob rnal 'byor dbang / /gal te g.yo ba'i sems dbang las/ /nam zhig shi bar gyur pa na/ /dpal ldan mi yi 'jig rten du/ /rab mchog rigs su skye bar shog /der yang sngon goms rnal 'byor ldan/ /ye shes rnal 'byor rab yangs pa//de la slar yang spyod byed cing / /tshogs gnyis yang dag bsags pa las/ /mi 'gyur mchog gi go 'phang gi /ye shes nges par thob gyur te/ /gang du'ang skye ldan min gyur cig /ces bya'o/ /rdo rje slob dpon las kyi cho ga la/ /sngon du nan tan bya ba gang yin pa/ /rgyas 'grel mdzad pa'i mkhyen ltar sgrub pa'i thabs//'di ni rnal 'byor rab gsal zhes bya'o/ /mkhas pa'i man ngag dang bcas bris pa las/ /dge ba yangs pa bdag gis thob pa des/ /'gro ba myur du mi 'gyur bde ba che/ /dpal ldan rdo rje 'dzin pa nyid gyur cig /dpal dus kyi 'khor lo zhes bya ba dang po'i sangs rgyas su grags pa'i bskyed pa'i rim pa thams cad gtso bor gyur pa'i sgrub thabs dbu ma chen po'i paN+Di ta mai tri ba'i zhal snga nas mdzad pa rdzogs so// //'di'i gzhung gi tshad ni cung zad lhag pa'i bzhi brgya'o/ /gzhung 'di bod skad du/ gcig tu bde bar gshegs pa'i bstan pa rin po che la gces spras mdzad cing /lung dang mngon par rtogs pa'i yon tan rin po che bsam gyis mi khyab pa la mnga' 'byor bas thub pa'i dbang po dang gnyis su med par lhar bcas skye dgu'i gtsug rgyan dpal ldan bla ma dam pa/ zhwa dmar cod pan 'dzin pa bzhi pa'i zhal snga nas legs par sgyur cig ces bka' stsal pa bzhin du//bstan pa rin po che gus pas mchod pa'i sa skyong chos kyi spyan ldan dpon chen kun dga' rin chen rgyal po bas mthun rkyen stsal te/ legs par sbyar ba'i skad kyi brda sprod pa'i gzhung gi cha tsam rtogs shing sngon gyi skyes bu dam pa rnams kyis dam pa'i chos ji ltar bsgyur ba'i tshul rjes su dpag pa las rtogs pa'i zha lu lo tsA ba dge slong chos skyong bzang pos lugs gnyis kyi 'dun sa gzhis ka lhun grub gling gi skyed mos tshal du zil gnon gyi lo chu stod kyi zla ba'i tshes bcu drug la rdzogs par bsgyur cing zhus te gtan la phab pa'i yi ge pa ni dge ba'i bshes gnyen bla ma shes rab 'phags pa zhes bgyi ba'o/

CLOSE WINDOW