CLOSE WINDOW

D1362
བོད་ཡིག

slob dpon dus kyi zhabs kyis mdzad pa rdzogs so// / /paN+Di ta chen po bud+d+ha shrI dz+nyAn dang / lo tsA ba byams pa'i dpal gyis bsgyur ba'o/ /[]@##/ /rgya gar skad du/ shrI kA la tsa kra ri Ti ti sa ha dza sA d+ha nAM nA ma/ bod skad du/ dpal dus kyi 'khor lo skad cig gis bskyed pa'i lhan cig skyes pa'i sgrub thabs zhes bya ba/bde ba chen po'i sku la phyag 'tshal lo/ /rnam pa dang bcas rnam pa med pa'i bcom ldan 'das ma shes rab ma des rab tu 'khyud/ /skye 'jig rnam par spangs pa'i mi 'gyur bde la dgod pa la sogs rnams dang bral ba yis/ /sangs rgyas rnams ni skyed par mdzad pa'i sku gsum dang bcas dus gsum yang dag mkhyen pa po//thams cad mkhyen pa dang po'i mchog gi sangs rgyas gnyis med de la phyag 'tshal lo/ /dang po skad cig gcig gis stong pa la gnas phyi nas de bzhin skad cig gis bskyed pa/ /sna tshogs chu skyes zla ba nyi ma sgra gcan rnams kyi dkyil 'khor la gnas dbang phyug dang //'dod lha dag gi snying gar g.yas brkyang shin tu sngo ba rdo rje dril bu dang ldan phyag gnyis kyis/ /sna tshogs yum gyi sku la yang dag 'khyud pa'i dpal ldan mnga' bdag dus 'khor lo/ /sprin nag lta bu'i ral pa'i tshogs la ta ma la mtshungs mi bskyod pa la sogs pas spras//phyag rgya drug gis kyang ni rab spras thod pa dkar po'i phreng bas bcings pa gang / /mi mgo'i do shal spyan gsum gser mtshungs sku mnga' gri gug pad snod dang ldan phyag gnyis ma/ /dpal ldan sna tshogs yum dang gnyis med bde ba chen po'i rang bzhin la sogs bsgom par bya//de nas khams gsum rang dang mtshungs par ldan pa de rnams ma lus lha mo'i sku la bzhugs/ /de yang rang la rang lus gdan dang bcas pa nyi ma la ste nyi ma hUM la'o/ /U ni ha la de yang mgo bo la ste de nyid zla ba phyed pa nyid la'o/ /zla phyed thig le de nyid nA da de bzhin nam mkha' kha rlangs me long la phog mtshungs//de ltar 'od gsal zhugs nas slar yang snga ma dang mtshungs gzugs su dran par byas pa dang / /sprul pa sna tshogs khams gsum rnams su nam mkha' khyab par skad cig gis ni spro bar bya/ /de ltar yang ni de bzhin bsdu zhing yang ni de ltar bskyed cing spro ba de bzhin du/ / mnyam par gzhag pa'i zung 'jug lam dang 'di yis ni/ /sangs rgyas zhabs la yang dag 'gro bar 'gyur/ /dpal ldan dus 'khor sgrub pa'i thabs/ /gang byas pa yi bsod nams 'dis/ /'jig rten pa rnams lhan skyes kyang / /gnyis med rang bzhin zhabs thobs shog /dpal dus kyi 'khor lo'i sgrub thabs lhan cig skyes pa zhes bya ba/

CLOSE WINDOW