166b3 @##/ /rgya gar skad du/ shrI kA la tsa kra sa ha dza sA d+ha naM/ bod skad du/ dpal dus kyi 'khor lo lhan cig skyes pa sgrub pa'i thabs/ dpal dus kyi 'khor lo la phyag 'tshal lo/ /rab 'jigs 'jig rten 'jigs skyobs pa/ /bud med sbyor la tshangs par spyod/ /thugs rje shes rab dbyer med
166b4 pa//phyag 'tshal de bsgrub mdo tsam bri/ /rab tu bsngags pa'i sa yi cha/ /sngags pa rab tu yid dge bas/ /maN+Dal la sogs pa byas la/ /gtor ma sbyin pa sngon 'gro bas/ /bgegs bskrad par bya'o/ /de nas b+h+rUM las rdo rje'i khang ba brtsegs pa bsams la/ dbus su 'dam skyes dang /
166b5 nyi ma la/ hUM rab tu dkar ba las 'od 'phros te/ sangs rgyas la sogs pa bkug nas/ mchod pa thams cad kyis mchod par bya'o/ /stong pa rlung dang me dang chu/ /sa dang rgya mtsho ro pad+ma/ /zla ba nyi ma me dkyil du/ /rin chen khang brtsegs 'od 'phro bsgom/ /zla ba nyi ma ma steng du/ /drag po
166b6 'dod lha'i gdan bzhugs pa//rdo rje dang ni dril 'dzin 'khyud/ /gangs ri ltar dkar btsun mor bcas/ /pha rol phyin drug dag pa'i rgyan/ /yon tan thams cad tshad med pas/ /tshad med dag pa'i chos ldan pa/ /sangs rgyas sku lnga'i bdag nyid do/ /lte bar sangs rgyas yum bcas bsregs/ /
166b7 spyi bor zla ba bzang rgyun 'dzag /chos 'byung gnyis 'dus rdo rje can/ /srid gsum yang dag bsgom par bya/ /rdo rje pad+ma mnyam sbyor las/ /shes rab pad+mar sems thig le/ /lhan cig skyes pa de dbang gis/ /mi shigs 'od gsal bsgo bar 'gyur/ /bsnyen pa bdud rtsi lnga la sogs/ /rigs
167a1 kyi gtso bo bzhi dag ni//sngags kyis bzlas pa la sogs pa/ /so sor sdud pa la sogs 'gyur/ /rdo rje pad+ma las skyes pa'i/ /bdud rtsi nye bar sgrub pa'o/ /dga' ba la sogs rdo rje gsum/ /pad+mar mnyam song bsgrub par 'gyur/ /shes rab sbyor la mi 'dzag gang / /
167a2 sgrub pa chen po nyid 'gyur te/ /phra mo yi ni sbyor bas so/ /de bzhin gzhan ni gzhan du 'gyur/ /mchog tu gsang ba khyab bdag la/ /rtse gcig mnyam par bzhag pas ni/ /thun mong thun mong ma yin rtags/ /smig rgyu nam mkha' la sogs mthong / /oM kA la tsakra AHhUM hoHswA hA/
167a3 oM hraM hrIM hr-iM hruM h+r+l-iM hraHswA hA/ oM badzra d+hA twi shwa re AHhUM swA hA/ ting nge 'dzin las skyon/ mdo li la sogs pa'i rnam pas bzlas pa bya'o/ /nyi ma dang / zla ba dang / dus dang / ro dang / rgya mtsho dang / me dang / nam mkha'i de kho na nyid bsgom par bya'o/ /gtor ma ni mtshan phyed na sbyin par bya ste/ dus
167a4 dang /ro'i yi ges byin gyis brlabs la/ rgya mtsho dang / mig gi phyag rgya dang ting nge 'dzin gyis sbyin par bya'o/ /oM brah+me/ bi Sh+Nu nai ri t+ye/ pA yu/ ya ma/ ag+ne/ sa mu treM/ I shwa ren+d+ra/ yak+She b+h+yaH/ sa pa ri wA re b+h+yaH/ i daM ba liM/ gan+d+haM/ puSh+paM/ d+hU paM/ dI paM/ ak+Sha taM da dA ma hi/ te dza a ka t+ya/
167a5 sa pa ri wA re/ shI g+hAM i daM ba liM gr-ih+Na saM tr-ip+ta/ hUM hUM phaT badzra d+ha ra A dz+nyA pa ya ti swA hA/ zhes pa'i sngags kyis so/ /nor mchog gtong ba sbyin pa ste/ /yum sbyor mi 'dzag tshul khrims so/ /sgra sogs mi 'dzug bzod pa ste/ /gnyis spong le lo med brtson 'grus/ /kun nas mi g.yeng bsam gtan
167a6 mchog /bde sbyor 'od gsal shes rab yin/ /de 'bras bsam mi khyab rmad byung / he ru ka dpal brjod pa'o/ /de ltar cung zad dus 'byung rgyud/ /snying po sbas pa 'di phyung bas/ /sgrub po yang dag sbyor rnams la/ /ye shes me chen 'bar bar 'gyur/ /dpal dus kyi 'khor lo lhan cig skyes
pa'i sgrub thabs/

CLOSE WINDOW