CLOSE WINDOW

D1353
བོད་ཡིག

@##/ /rgya gar skad du/ she kod+de sha TI kA nA ma/ bod skad du/ dbang mdor bstan pa'i rgya cher 'grel pa zhes bya ba/ bla ma dam pa rnams kyi zhabs la phyag 'tshal lo/ /'jig rten 'khrig pa rnam spangs shing //phyag rgya che la mnyam par sbyor/ /zag med bde ba la 'khyud pa/ /bde chen sku la phyag 'tshal lo/ /'jig rten nyid ni rnam spangs shing / /rtog med nyid la rtag tu zhugs/ /rnam rtog mi mnga' chos kyi sku//rtog bral sku la bdag phyag 'tshal/ /zag bcas rmi lam gnas skabs spangs/ /chos rnams rmi lam lta bur mkhyen/ /bde ba gzhan la smod mi mdzad/ /longs spyod rdzogs sku bdag phyag 'tshal//'jig rten sad pa'i bya ba spangs/ /sprul pa'i mdzad pas 'jig rten la/ /zag med bya ba ston mdzad pa/ /gar mdzad sku la bdag phyag 'tshal/ /'di ni byis pa gang dag rnams//bla ma legs par ma bsten pa'i/ /rgyud rnams log par ston byed pa/ /shes rab 'chal pa can rnams 'byung / /de rnams la ni phan bya'i phyir/ /bsdus pa'i dbang gi rgya cher 'grel/ /'gro la rjes su brtse ba yis//bdag gis myur du bri bar bya/ /de la bcom ldan 'das sa bcu gnyis kyi dbang phyug gis mchog gi dang po'i sangs rgyas thabs dang shes rab gnyis su med pa'i rgyud brtag pa lnga ba'i bdag nyid gsungs pa yin la/'di ni brtag pa rnam pa lnga las kyang / 'jig rten las 'das pa'i dbang 'ba' zhig slar bzlas te gsungs pa yin no/ /gang dag 'jig rten las 'das pa'i rdo rje'i tshig kyang 'di nyid de/ bzhi pa legs par ston pa'i phyir ro//de bas na bdag gis 'di'i don rtsa ba'i rgyud du bstan pa dang / de'i rgya cher 'grel rgyal po zla ba bzang pos mdzad pa dang / gzhan yang sngon gyi mkhan po nA gA rdzu na la sogs pa rnams kyi rjes su 'brangs te gsal bar bya'o//de ci'i phyir zhe na/ ji skad du mchog gi dang po'i sangs rgyas kyi rgyud las gsungs pa/ phyi ma'i dus kyi rnal 'byor spyod mang dag /brkam zhing rab gtum ma bsdams 'byung bar 'gyur/ /sdig la rab dga' rnal 'byor yo byad chags//rgyud chen 'di dang bzhi pa 'di spong 'gyur/ /rgod cing dbang po g.yengs la phrag dog can/ /gnas la chags shing rnyed pa 'dod pa dag /sbyor bar byed pa'i skabs la rtag tu gnas/ /bzhi pa 'di ni rab tu spong bar 'gyur/ /rkang lag rdegs shing kha ni rgya tshom smra//rtse 'jo dgod la rtag par rab tu zhugs/ /gcig la gcig ni mgul 'khyud lag pa sbrel/ /grong du 'jug na spyod lam gzhan du 'chos/ /mi rigs sbyor ba'i mtshan nyid 'di dag ste/ /gzhan gyi bu mo la yang rtag tu chags/ /gzugs kyis chags shing mdud pa bor ba yin//grong dang grong khyer yul 'khor kun du rgyu/ /de dag bza' dang btung la rab tu zhugs/ /glu dang bro gar de bzhin rol mo dang / /nyo 'tshong lhag par byed cing rab tu brtson/ /btung ba dag la chags shing ngo tsha bor/ /mi rigs brtson pa'i spring yig bskur bar byed/ /dam tshig de bzhin spyod lam bstan nas ni//khyim pa dag dang bsten cing dam dral nas/ /de dag dam tshig log par shin tu gnas/ /las gang rdo rje 'chang gis rtag smad pa/ /srang dang tshad la g.yo sgyu byed par zhugs/ /de 'dra'i sdig pa nyon mongs las byas pas/ /las ngan byed pa de dag ngan song 'gro/ /dung dang gser dang nor bu nor mang dang //khyim dang gnyen bshes rnam spangs dkyil 'khor zhugs/ /sangs rgyas bstan pa 'di la nges byung nas/ /sdig pa'i las rnams shin tu spyod par byed/ /nor dang 'bru la snying por 'du shes shing / /bzhon dang ba lang shing rta rnams la chags/ /gang la rnal 'byor nan tan med pa rnams//de dag gis kyang ci phyir dkyil 'khor zhugs/ /ngas ni sngon tshe rnal 'byor spyad pa na/ /lus dang srog la rab tu ma bltas par/ /nga yis ting 'dzin zhi ba 'di brtsams na/ /de dag de tshe 'di thos gad mos 'debs/ /bzod pa spangs na rab tu spro bar byed/ /rnal 'byor spyod pa de yis tshig tu smra//dam tshig nyams la byang chub ga la yod/ /dam tshig bral nas byang chub 'di thob pa/ /ngas ni ma thos nam yang yod ma mthong / /shes rab dman zhing yon tan rnam spangs la/ /rgyud chen mchog gi yon tan rtag tu brjod/ /'tsho ba med pa mang po rnal 'byor byed/ /sangs rgyas byang chub rnam pa kun mi 'dod//byis pa de dag rtag tu lta la chags/ /stong pa nyid ni thos na sdang skrag 'gyur/ /gang dag dam tshig srung zhing yon tan ldan/ /byams la gnas shing rtag tu bzod rtogs pa/ /mnyen zhing des la shin tu sdom pa rnams/ /de dag de tshe yongs su nyams par 'gyur/ /gang yang shin tu dam bral sems ldan dang //mi bzad ma rungs ngan pa'i las byed pa/ /dam tshig ma yin spyod cing 'thab la dga'/ /de dag de yi dus na mchod par 'gyur/ /bsgom par bya zhing rab tu go bar bya/ /zla ba zangs ngal dad pa'i phyir 'brang snyen/ /bde bar gshegs pa'i bstan pa 'di dran nas//de dag la ni nam yang yid ma rton/ /de dag 'dod chags che zhing zhe sdang che/ /gti mug che zhing nga rgyal dregs pas rgyags/ /lus kyang ma dul ngag kyang ma dul zhing / /sems kyang ma dul ngan song gzhol ba yin/ /rnal 'byor dam tshig dag la mi spyod de/ /tshig tsam gyis ni dngos grub thob mi 'gyur//nan tan lhur byed dngos grub thob mi dka'/ /de bas dam tshig dag la nan tan bya/ /zhes so/ /de lta bu'i rnal 'byor ba'i ming tsam dang ldan pa rnams rnal 'byor gyi spyod pa phyin ci log par spyod par 'gyur ba bstan pa dang / rdo rje 'chang gis gsungs pa'i rgyud kyi don log par bkral bas log pa'i lam du 'jug pa dang /gnyis su med pa'i ye shes ni skad cig ma 'gyur ba'i bde ba 'jig rten phal ba'i zag pa dang bcas pa nyid yin zhes brjod pa dag 'byung ngo zhes gsungs pas de bas na bdag gis nges pa'i don gyi mdo dang / rgyud gcig nas gcig gi nges ba'i don gyis gsal bar bya'o//de la rgyud kyang kha cig ni drang ba'i don du bstan la/ kha cig ni nges pa'i don du bstan la/ kha cig ni gnyis ga ston to/ /de yang ji skad du sgron ma gsal bar byed pa zhes bya ba rnal 'byor chen po'i rgyud kyi bshad pa las/ dgongs pas bshad dang dgongs min dang / /ji bzhin sgra dang ji bzhin min//drang ba'i don dang nges pa'i don/ /rgyud ni mtha' drug mtshan nyid can/ /zhes gsungs so/ /gzhan yang nges pa'i don gyi mdo sde la rton par bya'i/ /drang ba'i don gyi mdo sde la rton par mi bya'o zhes gsungs pa dang / gzhan yang bcom ldan 'das kyis rdo rje gtsug tor gyi rgyud las ji skad du lha'i dbang po'i ting nge 'dzin ni rnam pa gnyis te/mtshan ma dang bcas pa dang mtshan ma med pa'o/ /mtshan mar bcas pas mtshan bcas kyi/ /dngos grub rgyal ba dam pa bzhed/ /mtshan ma med la gnas pas ni/ /mtshan ma can yang bsgrub tu rung / /zhes gsungs so/ /gzhan yang drang ba dang nges pa'i don ni shes rab kyi pha rol tu phyin pa tshul brgya lnga bcu pa las ji skad du/khams gsum du skyes pa'i sems can thams cad srog dang phral yang ngan song du yang mi 'gro la/ myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ro zhes gsungs ba lta bu ste/drang ba'i don ni de bzhin gshegs pa la ngan sems kyis khrag 'byin pa dang / dgra bcom pa gsod par brtson pa la sogs pa'i rnal 'byor stobs dang ldan pa rnams kyi zhe sdang gi rigs su skyes pa la mchog tu snying rje bskyed la de skad cig tsam zhig gzhom gyi/ rnam pa kun du gzhom pa ni ma yin no//des ni bdag gzhan gnyis ka'i dngos grub rgyur gyur pa lta bu'o/ /nges pa'i don ni/ srog ces bya ba rlung du bshad/ /nyin mtshan rnams su rab rgyu ba'i/ /gang zhig rlung ni rab bsad na/ /dngos grub rab mchog thob par 'gyur/ /zhes gsungs pa lta bu'o/ /de bzhin du lus can thams cad la gnas pa'i kun rdzob byang chub kyi sems ni srog yin la/de'i rgyu ba bcad pa ni srog bcad pa'o zhes gsungs so/ /de bas na rgyud thams cad kyang nges pa dang drang ba'i don du gnas par rton par byas la/ dang po'i las can gyi rnal 'byor pa rnams la yang rdo rje slob dpon rton pa rnams kyis don gnyis po ji lta ba bzhin du rim pas rtogs par bya zhing khong du chud par bya'o//de ltar ma 'ongs par 'byung bar 'gyur ba la sogs pa'i rdo rje 'chang gis gsungs pa rnams bdag gis gsal bar bstan cing / de lta bas na mdor bstan pa'i dbang gi rgya cher 'grel rtsom pa la 'jug pa bstan nas/ da ni rgyud nyid kyi don la 'jug par bya'o//de la rtsa ba'i rgyud kyi le'u lnga bcu pa las dbang mdor bstan pa 'di phyung ba yin la/ de nyid rgyal po zla ba bzang po zhes bya ba byang chub sems dpa' phyag na rdo rje'i sprul pa zhu ba pos zhus pa ni zla ba bzang pos gsol pa/ ston pa dbang ni rnam bdun dang / /rnam gsum de bzhin bla na med//'jig rten 'jig rten 'das bsgrub phyir/ /bsdus pa yis ni bdag la gsungs/ /zhes bya ba smos te/ ston pa zhes bya ba ni bcom ldan 'das kyi dus kyi 'khor lo'i ting nge 'dzin du zhugs pa la gus pa'i tshul gyis bos pa'o/ /dus kyi 'khor lo zhes bya ba 'di nyid gang yin/ dus ni gang 'khor lo ni gang snyam pa la/ji skad du rtsa ba'i rgyud las/ /phyi dang nang gi dbye ba yis/ /dus ni rnam pa gnyis su 'dod/ /de bzhin 'khor lo yang rnam gnyis/ /dus kyi 'khor lor rab tu brjod/ /phyi yi dus ni rnam pa lnga/ /nang gi steng 'og rab dbye bas/ /rnam pa gnyis su shes bya zhing //mkhas pa rnams kyis rtogs par bya/ /drug cu dang ni bcu gnyis khyim/ /de bzhin nyin dang mtshan mo dang / /bgrod pa gnyis dang dus tshod de/ /rnam pa lngar ni mngon par brjod/ /stong yang g.yas dang g.yon pa la/ /'byung dang 'jug par byed pa dang / /dkyil 'khor la lnga dbye ba yis//rnam pa gsum du rab tu bshad/ /'og gi 'byung 'jug bye brag gis/ /rnam pa gnyis su brtag par bya/ /'di dag spyir ni rtogs par bya/ /bzang ngan bsam mi khyab pa gsum/ /bzang dus gang yin de blang zhing / /ngan pa'i dus ni spang bar bya/ /bsam mi khyab par kun du blang / / rgyud rnams kun gyi don 'di yin/ /'khor bar 'khor lo rab tu brjod/ /ces gsungs pa yin no/ /gzhan yang yi ge re res bshad pa ni bsdus pa'i rgyud kyi 'grel pa las rtogs par bya'o/ /dbang ni rnam pa bdun zhes pa ni 'og nas ston bzhin pa'i rnam pa bdun no/ /rnam gsum zhes pa ni bum pa dang gsang ba dang shes rab ye shes so//de bzhin bla na med ces pa ni bcu gcig pa shes rab ye shes chen po'i dbang ngo / /'jig rten 'jig rten 'das bsgrub phyir/ /zhes pa ni re zhig 'jig rten pa'i dbang bcus ni 'jig rten pa nyid kyi 'bras bu ster la/ shes rab chen pos ni 'jig rten las 'das pa dang 'jig rten pa'i 'bras bu gnyis ka ster ba'o//ci'i phyir shes rab chen pos gnyis ka ster snyam pa la/ skye dgu'i bdag po yin pa'i phyir dang / dper bya kun las 'das pa'i phyir dang / phyir mi ldog pa phyir mi 'ong ba yin pa'i phyir dang / dge slong dgra bcom pa chen po zag pa thams cad zad pa yin pa'i phyir dang /'jig rten pa'i 'dzag pa'i 'dod chags dang bral nas mi 'dzag pa'i 'dod chags chen po yin pa'i phyir dang / bslab par bya ba'i gnas thams cad mthar son nas gang la yang mi slob pa'i phyir dang / rang sangs rgyas bse ru ltar gcig pu yin pa'i phyir dang / gang ci yang rung ba 'dus pa'i tshogs kyi dpon du gyur pa yin pa'i phyir dang /nam mkha' las byung ba nyid dang / rang 'byung ba nyid yin pa'i phyir dang / rgyu mthun pa las yang dag par bskyed pa yin pa'i phyir ro/ /gzhan yang 'jig rten pa'i ni 'jig rten pa nyid yin pa'i phyir te/ byis pa rnams gzud pa yin pa'i phyir dang /kun rdzob nyid yin pa'i phyir dang / 'gyur ba skad cig ma nyid yin pa'i phyir dang / phung po dang khams zad par byed pa yin pa'i phyir dang / rgyud gzhan la ltos par byed pa yin pa'i phyir dang / bcom pa yin pa'i phyir dang / kha mar bltas pa yin pa'i phyir dang / zhe sdang bskyed pa'i rgyu yin pa'i phyir dang /'jig rten phal pa dang thun mong yin pa'i phyir dang / 'khor ba'i 'bras bu ster ba'i phyir ro/ /'di lta ste/ gza' dang tshes dang skar ma dang / /sbyor ba dang ni byed pa dang / /'di rnams bzang ngan shes pa la/ /'jig rten 'bras bu bsgrub na 'grub/ /ces gsungs la/ cig shos ni yang ji skad du//de nyid med pa'i rnal 'byor pas/ /nges par brtul zhugs smyung ba dang / /yi ge'i don la bsgoms pas ni/ /bskal pa bye ba brgyas mi 'grub/ /ces gsungs so/ /de bas na de nyid ji lta ba bzhin du bdag gis rtogs par 'gyur ba'i rnam grangs kyis bshad du gsol zhes pa'i don to/ /de yang tshul ji lta bar snyam pa la/bsdus pa yis ni zhes bya ba smos pa yin la/ bsdus pa yang tshig ni bsdus pa yin la don ni rgyas pa'i sgo nas zhes dgongs so/ /bcom ldan 'das kyis bka' stsal pa zhes pa ni lan gsung bar bzhed nas so/ /nyon cig zla bzangs zhes pa ni bod pa'o/ /dbang gi don zhes bya ba la/dbang ni 'jig rten dang 'jig rten las 'das pa'o/ /don zhes pa ni gong du bstan pa'o/ /de yang yi ge bzhis bstan par byas te/ a b+hi Sheka zhes bya ba ni/ sprul pa'i 'khor lo rdo rje sems/ /phyag gnyis he ru ka yang de/ /de nyid 'jig rten gsum khyab pas/ /ngo bo nyid du'ang de brjod de/ /sangs rgyas sku ni bde chen po//ye shes rdo rje yang de nyid/ /lhan cig skyes dga' yang de nyid/ /rgyu mthun dag tu de brjod de/ /de nyid rtse gcig dag tu dran/ /bzhi ba'i gnas skabs zad pa de/ /yi ge mchog ste rnam par dag /rdo rje snying pad dbus su bzhugs/ /de nyid hUM yig sems dpar brjod/ /mi bskyod pa yang de nyid de//de nyid thugs kyi rdo rjer brjod/ /khyab 'jug de ni phyag bzhi pa/ /de nyid dz+wA la dz+wA lar brjod/ /chos kyi sku yang de nyid do/ /chos 'khor la zhugs rdo rje can/ /dga' ba mchog gi gzugs 'dzin pa/ /de nyid rnam par smin par brjod/ /gnyid log pa ni spong ba po/ / ye shes chen po'i ros gang ba/ /sems dpa' chen por de brjod de/ /mgrin pa'i longs spyod 'khor lo ste/ /'od dpag med du mngon par brjod/ /gsung gi rdo rje brjod pa'ang des/ /phyag na pad+ma de bzhin gshegs/ /dga' ba mchog tu 'ang de la brjod/ /skyes bu byed pa'ang de la gsungs/ /'jug pa dang ni ldog pa dang //rmi lam gnas skabs zad pa'ang de/ /de nyid longs spyod rdzogs pa'i sku/ /sangs rgyas chos rnams ston pa'ang yin/ /zhal gsum rnam pa'i phyag drug pa/ /de nyid kho na bde byed brjod/ /ki ti ki ti rdo rje'ang de/ /he ru ka ni gsum par 'gyur/ /rtag tu dam tshig la gnas pa/ / gang zhig gnas pa yongs su bgrod/ /dam tshig kun rdzob dkar po ste/ /dpral bar bde chen dga' na bzhugs/ /bdud rtsi la zhugs sems dpa' ni/ /oM gyis yongs su brjod par bya/ /de nyid rnam par snang mdzad brjod/ /sku yi rdo rje de nyid de/ /tshangs pa sku yi rdo rje 'dzin/ /de nyid kho nar yongs su brjod//dga' ba tshangs pa'i gzugs yin te/ /gzugs kyi sku ru de la brjod/ /sprul pa'i sku yi mtshan nyid de/ /de nyid phyag na 'khor lor brjod/ /de nyid ldog dang rgyu mthun nyid/ /de nyid kho na sangs pa zad/ /de nyid pi tsu'i rdo rje ste/ /zhal brgyad he ru ka ru brjod/ /dpa' bo chen po zhal bzhi pa//phyag ni bcu drug rnams dang ldan/ /de ltar sku yi rab dbye bas/ /bzhi pa'i don du khrag 'thung brjod/ /ces gsungs te/ de bas na yi ge bzhi pa ni spyod pa dang grol ba gnyis ster bar byed pas na/ dbang zhes bya'o/ /gzhan yang dag cing 'khru bar byed pas na dbang zhes bya ste/ sems bde bar byed pa zhes bya'o//rnam bdun rnam gsum zhes bya ba ni gong du bstan pa'o/ /rtsa'i kun du spyod pa zhes pa ni rigs kyi kun du spyod pa dang / steng 'og dang g.yas dang g.yon dang / thur du sel ba dang / gyen du rgyu ba la sogs pa ste/ 'og nas rgyas par ston pa bzhin no/ /rtsol ba zhes pa ni gyen du rgyu ba 'ba' zhig gzung gi gzhan du ni ma yin no//mdor bsdus pa yis khyod la bshad/ /ces pa ni bshad par zhal gyis bzhes pa'o/ /rgyud la mdor bsdus rnam gsum dang / /zhes pa ni mchog gi dang po'i sangs rgyas 'di dang bsdus pa'i rgyud 'di gnyis kho na yin gyi rgyud gzhan ni re zhig mi gzung ngo / /de la rgyud ces bya ba ni/'jig rten pa'i tha snyad kyis thags dang chu bo'i rgyun la sogs pa la yang 'jug mod kyi/ 'on kyang brjod par bya ba'i don dang / rjod par byed pa'i tshig gnyis su khong du chud par bya'o/ /de ni thabs dang shes rab dang cha mnyam pa zhes bya ba gsum du gnas so/ /de bas na mdor bsdus pa rnam pa gsum yod pa de bzhin du rgyas par bshad pa yang gsum du 'gyur zhes bya'o//de yang gang yin snyam pa la/ rab tu mdor bstan mdor bstan che/ /rab tu rgyas par bshad pa bzhin/ /zhes gsungs te/ mdor bstan gsum yin no/ /de nyid kyi mtshan nyid mi shes pa'i phyir/ mdor bstan rgyas par bshad pa nyid//rgyud kyis bsdus pa brjod pa yin/ /zhes gsungs te/ de nyid ni rgyud thams cad kyi brjod par bya ba stong pa dang snying rje ston par byed pa'i yi ge e waM ma yA yin la de nyid ni bsam pa'i dbang gis kha cig la sdud pa po'i tshig tu snang ba yin no/ /kha cig la ni bden pa bzhi'i chos kyi 'khor lor snang ngo //kha cig la ni nyan thos kyi sde pa'i rtsa ba bzhir ston par snang ngo / /phyi'i dngos po'i sde snod kha cig la ni 'byung ba chen po bzhi ston pa'i tshig tu snang ngo / /de bas na dgyes pa'i rdo rje'i rgyud las kyang / de ltar thams cad bzhi bzhi yin no zhes gsungs so/ /de bas na thun mong ma yin pa'i theg pa 'di ni sku bzhi dang lha mo spyan ma la sogs pas byin gyis brlabs pa stong pa nyid dang /snying rje ston pa'i yi ge bzhi ni rgyud kyi bsdus pa zhes dgongs so/ /rab tu mdor bstan rgyas bshad ni/ /dka' 'grel tshig ni 'joms pa'o/ /zhes pa ni yi ge bzhis son par byed pa'i rgyud kyi ming can yin la/ de yang gang yin zhe na/ thos pa dus gcig na zhes pa nas rdzogs so zhes bya ba yan chad kyis rtogs par bya'o/ /dka' 'grel tshig ni 'joms pa po/ /zhes pa ni de ltar gong du bstan pa'i rnam pa bzhi po ni dka' ba yin la/ de 'joms par byed pa ni gzhung gi tshogs 'og ma rnams yin no/ /mdor bstan chen po'i rgyas bshad ni gang yin snyam pa la/'grel bshad thams cad bsdus don te/ /zhes gsungs pa yin la/ de ni gang yang rgyud dang rgyud kyi ming can thams cad 'grel bar byed pa ste/ rtsa ba'i rgyud kyi 'grel ba byang chub sems dpa' zla ba bzang pos mdzad pa la sogs pa lta bu yin no//de yang sgra dang rtog ge'i bstan bcos kyis mngon par nga rgyal ba'i mkhas pa rnams kyis mngon par shes pa ma thob pas mi bya ste/ rgyud kyi don log par ston pa'i phyir ro/ /de bas na/ de yang mngon shes thob rnams kyis/ /bya ba ma yin mkhas gzhan min/ /zhes gsungs pa la/ byang chub sems dpa' pad+ma dkar pos kyang /ji skad du dri ma med pa'i 'od las nga'am nga lta bus bya'i/ yul gyi longs spyod la chags pa de bzhin gshegs pa'i gsung las phyi rol du gyur pa rnams kyis ni ma yin no zhes gsungs so/ /de ltar rgyud kyi rnam par gzhag pa dang / mdor bstan pa dang / rgya cher 'grel byed pa'i gang zag la sogs pa bstan nas/da ni gang bcom ldan 'das dpal dus kyi 'khor lo stong pa nyid dang snying rje'i bdag nyid phyi dang nang dang gzhan la rab tu gnas pa de nyid mtha' drug gi tshul du gnas par bstan pa'i phyir/ de ltar mtha' drug rnams kyi dag /ces gsungs te/ de la mtha' drug gis ni gong du bstan pa'i rgyud kyi bsdus pa'i ming dang bcas pa rnam pa drug yin pa'ang yang na e waM ni 'di ltar du rkyen gyur la 'og nas don ston pa dang sbyar bar bya'o//de yang / rdo rje rnal 'byor rnam bzhi dang / /byang chub rnam bzhi'i phung po dang / /khams dang skye mched rigs drug dang / /zhes gsungs te/sku dang gsung dang thugs dang ye shes la sogs pa bzhi ste/ ci'i phyir rdo rje snyam pa la/ 'jig rten pa'i bya ba bzhi bkag nas rdo rje lta bu'i bya ba la 'jug pa'i phyir ro/ /de yang phyi dang nang dang gzhan gsum du ston par bya'o/ /byang chub rnam pa bzhi yang tshul de ltar khong du chud par bya ba yin la/gzhan yang kye'i rdo rje'i rgyud las/ dang po stong pa'i byang chub dang / /gnyis pa la ni sa bon dgod/ /gsum pa la ni gzugs rdzogs shing / /bzhi par yan lag bcas pa bstim/ /zhes gsungs so/ /de yang nang du ni 'chi ba'i skad cig dang / phyi rol du ni 'jig pa dang / gzhan ni brjod du med pa'i yi ge ste/stong pa'i rdo rje'o/ /de nang du ni khu ba/ phyi rol du ni zla ba/ gzhan ni dbyangs yig ste/ de ltar rdo rje gnyis pa'o/ /nang du ni de dag yongs su 'gyur bas gzugs rdzogs pa dang / phyi rol du ni 'jig rten chags pa yin la/ gzhan du ni brjod du med pa'i yi ge gnyis la rjod byed gcig go//rdo rje gsum pa'o/ /phyi rol du dum bu bcu gnyis la sogs pa legs par gnas pa yin la/ nang du skye mched rnams gsal ba yin no/ /gzhan ni de ltar rjod byed sgrub pa las 'gro ba rnams kyi don byed pa yin no/ /de ltar na rdo rje bzhi yin zhing / /rgyas par ni dri ma med pa'i 'od las shes par bya'o//byang chub rnam pa bzhi zhes bya ba ni sgyu 'phrul dra ba la sogs pa rnam bzhi'o/ /phung po zhes pa ni drug ste/ gang zhe na/ gzugs dang / tshor ba dang / 'du shes dang / 'du byed dang / rnam par shes pa dang / ye shes so/ /khams zhes pa yang drug ste/ sa dang / chu dang / me dang / rlung dang / nam mkha' dang / ye shes so/ /skye mched ces pa ni bcu gnyis te grags par zad do/ /rigs drug ces pa ni gzugs pa'i khams kyi rigs dang / tshor ba me'i khams kyi rigs dang / 'du shes chu'i khams kyi rigs dang / 'du byed rlung gi khams kyi rigs dang / rnam par shes pa nam mkha'i khams kyi rigs dang /mchog tu mi 'gyur ba ye shes kyi khams kyi rigs te/ mngal nas skye ba rnams la ni sgrib pa dang bcas pa'i rigs drug yin la/ de bzhin gshegs pa rnams ni khams drug gi rigs 'gags pa'i phyir sgrib pa med pa yin te/ khro bo'i rgyal po gdong drug 'jigs pa yin no//de ltar brjod pa'i rim pas ni bcom ldan 'das dus kyi 'khor lo ni mtha' drug gi tshul gnas pa yin la/ de yang le'u lnga'i bdag nyid nas rgyas par ston pa yin bas/ 'jig rten khams sogs brjod pa ste/ /le'u lnga yi dag pa ste/ /dus kyi 'khor lor mngon brjod de/ / zhes gsungs te/ bden gnyis dang po'i sangs rgyas yin/ /zhes bya ba ni de ni brjod pa'i mchog gi dang po'i sku nyid rim pa rnam pa gnyis la brten nas bsgrub par bya ba yin pa'am/ yang na gang ci yang rung ba'i theg pa chen po'i chos kyi 'khor lo bskor ba'i bden pa gnyis dang mi 'gal bar gsungs ba'i phyir de skad ces bya'o//da ni dbang gi rnam par 'byed pa dang / /rnam par dag pa bstan pa'i phyir/ gang yang dang po'i dbang bdun ni zhes bya ba smos te/ chu la sogs pa bdun po ni dang po rnam par rtog ba shas che ba'i byis pa rnams la bstan par bya ba yin pas/ byis pa rnams ni gzhug pa ste//zhes gsungs so/ /de skad du kye'i rdo rje las kyang / skal med sems can gdul dka' la/ /dang po gso sbyong bstan par bya/ /zhes gsungs so/ /de nas bla mar gyur ba rnam par dbye ba ni/ 'jig rten kun rdzob rnam pa gsum/ /zhes gsungs te/ bum pa dang / gsang ba dang / shes rab ye shes te/bdun po las bla mar gyur pa de yang zag pa dang bcas pa la nye bar spyod pa'i phyir kun rdzob pa zhes bstan cing / gzhan yang ma 'ongs pa'i dus na gsum pa bcos ma dang / bzhi pa ma bcos ba dag pa dag /'khrug long du ston pa'i slob dpon gang 'byung bar gzigs nas dbye ba tha dad par mdzad pa yin no//bzhi pa dag ni don dam nyid/ /ces bya ba ni/ de ltar brjod pa'i rim pas kun rdzob kyi dbang bcu la bzhi pa bcu gcig pa tha dad par gsungs pa yin no/ /bzhi pa zhes bya ba ni grangs bzhi kho na yin gyi/ slob dpon ngan pa'i man ngag gzhan la 'khrul par mi bya'o/ /gsum pa dang / gnyis pa dang /dang po la sogs pa ci'i phyir mi gzhag ces dogs pa la/ de yang ci skad du/ sa bon las ni myu gu dang / /de las de bzhin sdong bu dang / /sdong bu las ni 'bras bu ru/ /mkhas pa rnams kyis rtogs par bya/ /zhes gsungs la/ gzhan yang byis pa las dar la bab pa dang / dar la bab pa las rgan po dang /rgan po las yongs su 'khogs par 'gyur zhes bshad do/ /bden pa gnyis ltar na yang kun rdzob kyi bden pa la brten nas don dam pa'i bden pa rig par 'gyur ro zhes gsungs so/ /de bas na bzhi pa ni don dam pa ste 'bras bu'o/ /de bas na chos rnams bden pa gnyis kyis ni/ rdo rje 'dzin pa ngas bstan te/ /'jig rten kun rdzob bden pa dang / /don dam nyid kyi bden pas so/ /zhes gsungs so/ /de'i grangs bstan pa'i phyir/ chu dang cod pan dar dpyangs dang / /rdo rje dril bu brtul zhugs che/ /ming dang rjes gnang bcas pa ste/ /rnam bdun dbang po rgyal po kye/ /zhes gsungs te go sla'o//de nyid dag pa ston pa rjes su rtogs par bya ba'i phyir/ /lus ngag yid ni dag byed pa/ /mngon par dbang bskur gnyis gnyis te/ /rjes gnang ye shes dag pa yin/ /zhes bya ba ni chu dang cod pan gyis ni phung po sbyong bar byed pa yin no/ /dar dpyangs dang rdo rje dril bus ni ngag sbyong ba yin no/ / brtul zhugs dang ming gis ni sems sbyong bar byed pa yin no/ /rjes su gnang bas ye shes sbyong bar byed pa yin no/ /gzhan yang 'jig rten pa'i rnam par gzhag pa bdun yongs su sbyong bar byed pa ni/ gzhan yang khams sogs yang dag dag /chu yi khams rnams dag pa ste/ /zhes bya ba ni 'jig rten na gzhon nu btsas ma thag pa 'khru ba'i phyir dang /sa dang / chu dang / me dang / rlung ste mi bskyod pa khams bzhi po sbyong ba'i phyir chus bkrus pa yin no/ /cod pan gyis ni phung po dag /ces pa ni tha mal pa'i phung bo rgyal ba rnam par snang mdzad du bskyed pa dang / 'dreg mkhan gyis gtsug phud gzhag pa yin no//dar dpyangs pha rol phyin pa dag /ces bya ba ni rgyal ba don yod grub par bskyed ba dang / gzhon nu'i rna ba phug pa yin no/ /gzhan yang rgyal ba rin chen 'byung ldan du bskyed par bya ba dang / gzhon nu ma la btsas nas smra ba dang / dgod pa la sogs pa las sbyang ba dang / stong pa nyid dang /snying rje'i brda bstan pa dang mi 'gyur ba'i bde ba'i brda bstan pa dang / sangs rgyas gsung rgyun mi 'chad pa dang zhes bya ba ni 'khor ba ji srid pa de srid du chos kyi 'khor lo 'jig rten du rgyun mi 'chad par bskor ba'i phyir dang / nang du ni bde ba chen po'i sangs rgyas kyi gsung rgyun mi 'chad pa'i phyir dang / gzhan yang nyi zla gcig tu dag pa'o zhes gsungs te/ g.yas dang g.yon pa'i nyi zla'i ming can dang / sgra gcan 'dzin gyi ming can gcig tu dag par bya ba'i phyir/ rdo rje dril bu mi 'gyur che/ /zhes bya ba'i dbang yin no/ /rdo rje brtul zhugs mi 'pho ba/ /yul dang dbang po dag ba'o/ /gzhan yang gzhon nu skyes pa rnam par rtog pa med par 'dod yon lnga la longs spyod pa dang /'pho ba'i bde ba las mi 'pho bar bya ba dang / rgyal ba 'od dpag tu med par bskyed pa dang / yul dang dbang po tha mi dad par bya ba'i phyir brtul zhugs kyi dbang yin no/ /ming ni byams pa la sogs dag /ces bya ba ni/ gzhan yang gang gzhon nu bu btsas nas ming gi dus la bab par ni ming btags pa de byams pa la sogs pa tshad med pa bzhi'i rang bzhin can no//khro bo bzhi bskyed par bya ba'i phyir ming zhes bya ba'i dbang yin no/ /gzhan yang gang gzhon nu lo bcu drug lon pa la bag ma'i bya ba byed pa las sbyang ba dang /bu mo la ni lo bcu gnyis te/ dus de nas sa bon gyi bde ba 'byung ba ste/ sbyang ba'i phyir phyag rgya lag tu gtad pa tsam dang / rgyal ba rdo rje sems dpa'i skur bskyed pa'i phyir/ snang ba sangs rgyas nyid du dag /ces bya ba ni dbang yin no/ /de ltar dbang bdun gyi dag pa bstan nas/ da ni dbang bdun po de yang longs spyod dang ldan pa rnams kyis rdul tshon gyi dkyil 'khor sngon du song ba las bla ma dam pa las blang bar bya ba yin la/dbang bdun po ni 'di yin te/ dkyil 'khor bzhengs nas sbyin par bya/ /zhes gsungs pa yin no/ /bum pa dang ni gsang ba dang / /shes rab ye shes dngos por brjod//ces bya ba ni de ltar gong du dbang bdun po dag dang bcas par bstan nas/ da ni shes rab ye shes la sogs par ston par byed pa'o/ /slar yang shes rab chen po ni zhes bya ba ni 'jig rten las 'das pa'i dbang ngo / /de yi ye shes mngon par brjod/ /ces bya ba la de yi zhes pa ni 'jig rten pa'o//ye shes mngon par brjod ces pa ni drang ba'i bde ba mngon par brjod ba'o/ /de yang drang ba zhes brjod pas/ byis pa kha cig gis bsam pa las 'gyur ba dang mi 'gyur ba'i bde ba 'dra zhes dogs na/ de ni ma yin te/ ci'i phyir zhe na/ 'gyur ba'i bde ba ni nu ma dang skrar ldan pa la brten pa'i phyir dang / mi 'gyur ba'i bde ba ni rnam pa kun gyi mchog dang ldan pa'i phyag rgya chen mo shes rab kyi pha rol tu phyin pa sangs rgyas thams cad skyed par mdzad ma la brten pa'i phyir ro//de bas na drang zhes bya ba'i tshig gis dpe mtshon pa tsam la rjod par byed pa yin no/ /gzhan yang nu ma dang skrar ldan pa'i mi mo la shes rab ces gsungs so//dbang po rnon pos ni de mchog tu mi gzung gi /gang de'i gdul bar dka' ba'i skyes bu la gsungs pa yin no/ /de yang ji skad du/ re zhig mi mo shes rab yin/ /skyes bu thabs su shes par bya/ /zhes gsungs pa'i phyir ro/ /gzhan yang brda yis gsungs pa ni ji skad du/ bud med skye gnas pad+ma ste//skyes bu'i dbang po rdo rje brjod/ /ces gsungs pa lta bu'o/ /de bas na brda dang brda ma yin pa la rnal 'byor pas bslab par bya'o zhes bcom ldan 'das kyis gsungs so/ /khyad par gyi ngo bo brjod par bya ba'i phyir/ 'gyur zhing 'gyur te zhes bya ba smos so/ /de bas gzhan ni rgyu mthun pa de la 'jig rten pa thams cad ni zag pa dang bcas pa yin la/zag pa dang bcas pa nyid kyi bye brag ni 'gyur ba dang mthun pa la sogs pa ste/ 'dzag pa'i bdag nyid can no/ /mngon par dbang bskur rim gsum gyis/ /lus ngag yid ni yang dag dag /bzhi pa ye shes dag pa ni/ /lus ngag yid ni dag par byed//ces bya ba la de ltar brjod pa'i dbang bzhi pa yis ni lus ngag yid ye shes dang bzhi sbyor bar byed pa ste/ gsum po ni byis pa rnams kyis rtogs par byas pa'i phyir ro/ /bzhi pa ye shes la sogs pa bzhi char sbyong ba ni nges pa'i don to/ /de bzhin gshegs pa'i bka' lung ngo //de yang ci skad du/ dang po mchog gi sangs rgyas las/ /'jig rten lta bu'i ye shes kyis/ /lus ngag yid ni nyon mongs pas/ /dka' bas 'jig rten dngos grub 'grub/ /mchog gi dngos grub thob mi 'gyur/ /'jig rten 'das la gzhol bas ni/ /skye 'gag med pa'ang 'grub 'gyur na//'jig rten lta bu smos ci dgos/ /de bas phyag rgya che la 'bad/ /ces gsungs so/ /de bas na bzhi bas ni thams cad sbyong zhing thams cad 'grub pa yin no/ /gzhan yang 'jig rten pa'i dpe brjod par bya ba'i phyir/ byis pa zhes bya ba la sogs pa smos te/ byis pa dang 'dra zhing yun thung la mi brtan pa ni bum pa'o//ngar ma zhes pa ni byis pa'i yon tan ni yar ldan la/ 'on kyang mi brtan pas dar ma ste gsang bya'o/ /rgan zhes pa ni gnyis po'i yon tan yar ldan la 'on kyang 'gyur zhing mi rtag pa ste shes rab ye shes so/ /bzhi pa dag ni skye dgu'i bdag /ces bya ba smos te/ skye dgu thams cad gnyis su med pa'i ye shes su bskrun zhing skyed par mdzad pas na skye dgu'i bdag po yin zhing / yon tan pa bzhi po thams cad rdzogs pa'i phyir mi ldog pa'i dbang zhes kyang bya'o/ /de yang nang du brjod na gang yin snyam pa la/ shes rab nu ma yan lag ni/ /zhes smos te/ shes rab ni mi mo yin la/nu ma'i yan lag ni nu ma'i yan lag gnyis/ reg las byang chub sems 'pho bde/ /zhes pa ni nu ma gang yin pa de la reg pa'i bde ba ni 'gyur pa'i bde ba ste/ de ni gang phyir byis pas bde ba thob pa yin pa de'i phyir byis pa'o/ /dkar 'dzin gyis ni byis pa de dbang bskur ba yin te/de ni gsang sngags kyi tshul 'di la bsnyen gnas yin no/ /gzhan yang gsang ba ni mi mo ste nu ma dang skrar ldan pa'o/ /mnyes zhes pa'i sgras ni snyoms par zhugs pa'o/ /yun ring ba'i sgras ni bum pa las bye brag tu byas pa yin la/ de ni nyis 'gyur ro/ /des na dar la bab par shes par bya'o//skyes zhes pa ni bde ba'o/ /gang gis snyam pa la byang chub sems zhes bya ba gsungs te/ kun rdzob kyi byang chub kyi sems kyis so/ /de yang mi brtan pas na/ 'pho ba zhes gsungs so/ /de bas na 'pho ba'i bde ba'o/ /gang phyir gsar las bde thob pa/ /zhes pa ni gsang ba la brten nas skyes bu 'dod chags can rnams kyi bde ba 'byung ba yin no//dar la bab pa de dbang bskur zhes pa ni byis pa la ltos pa'o/ /de nyid ni dge bsnyen no/ /yun ring gsang ba mnyes las skyes/ /zhes pa ni yun rings pa ni bum pa dang gsang ba ste/ sum 'gyur ro/ /de nyid dge tshul yin no//rdo rje rtse mo ni nor bu'i rtse mo'o/ /mthun zhes pa ni yun ring du gnas pa la bya'i thams cad du mi 'dzag pa ni ma yin no/ /gang phyir rgan dang mthun gyur bas/ /zhes pa ni rgan po dang 'dra zhing yun ring ba'o/ /de nyid ni shes rab ye shes dbang bskur zhes bya ba ste/ zag pa dang bcas pa'i bde ba mthar son pa'o//gzhan yang de ni 'dod pa'i khams kyi bde ba mthar gtugs pa yang yin no/ /da ni phyag rgya chen mo zhes bstan pa'i phyir/ phyag rgya che la zhes smos te/ yangs ba dang rgya che ba dang kun du bzang mo dang / nam mkha' ltar dogs pa med pa gang yin pa de ni phyag rgya chen mo zhes bya'o//rjes chags pas zhes pa ni gang la rjes su chags pa'i dbang ni phyag rgya chen mo'i dbang ngo / /ji ltar rjes su chags par bya zhe na/ gang la'ang mi gnas par bya'o/ /de de ltar chags par bya'o/ /rgyu mthun la skyes bde ba gang / /zhes bya ba la/ rgyu mthun ni thogs ba med pa'i rgyu las thogs pa med pa'i 'bras bu skye bar mthun pa'i phyir ro//de skad du yang / sa bon gang dang gang las ni/ /de dang de yi 'bras bu 'byung / /zhes gsungs pas/ gang phyir rgyu mthun nyid du 'gyur/ /zhes pa ni rgyu bsgom par bya ba med pa las 'bras bu 'dzin pa med pa'i ye shes su 'byung ba'o//phyag rgya chen mos de dbang bskur/ /zhes pa ni de ltar brjod pa'i dbang la skyes bu 'ga' zhig zhugs pa de phyag rgya chen mo'i dbang du zhugs pa yin la/ des na/ dge slong dgra bcom zag pa zad/ /ces bya ba yang yin no/ /de nyid ni dus gsum gyi sangs rgyas thams cad bskrun pas/skyob pa thams cad skyed mdzad ma yin la/ gsum po las gtso bor 'gyur ba dang brtan pa dang 'di dang gzhan gnyis ka'i phun sum tshogs pa skyes pas skye dgu'i bdag po de zhes bya zhes gsungs so/ /de lta bu'i stobs kyis kun rdzob kyi byang chub kyi sems rtse mo gyen du bltas pa'i dus na/rdo rje nor bu'i rtse mo nas sprul ba'i bar du/ rdo rje sems dpa' lhan cig skyes pa'i sku dang / de nyid chos kyi 'khor lor sems dpa' chen po zhes bya ba ni chos kyi sku'o/ /de nyid longs spyod kyi 'khor lor/ /mi 'gyur gnyis med byang chub sems/ /zhes bya ba longs spyod rdzogs pa'i sku'o//de nyid bde ba chen po'i 'khor lor dam tshig sems dpa' 'di yin zhing zhes bya ba sprul pa'i sku'o/ /gzhan yang lugs las bzlog pa'i dus su ni de nyid bzlog par shes par bya'o/ /rdo rje rnal 'byor rnam pa bzhi/ /zhes bya ba ni de ltar 'gyur ba'i 'pho ba med pa'i bde ba chen po ni sku'i rdo rje la sogs pa rnam pa bzhi yin la/de nyid dus thams cad la dbang du gyur pas/ dus kyi 'khor lo 'di ru brjod/ /ces bya'o/ /rnal 'byor rnams la thar ster ba/ /zhes pa ni shes rab chen po de nyid do/ /'di nyid ces bya ba ni shes rab chen po 'di nyid do/ /bsgrub par bya ba ni zhes bya ba ni nyams su blangs pa'i thabs so//de nyid gang yin zhe na/ ma bsams pa'i snang ba dang zhes gsungs te/ ma bsams pa ni bsam du med pa yin la/ snang ba ni de'i dbang gis bskyed pa'i rtags bcu'o/ /rtags de yang mtshan yang dag par brjod pa las ji skad du/ shes rab ye shes me bo che/ /'od chen rnam par snang bar byed//ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /sngags mchog mnga' bdag rig sngags rgyal/ /zhes gsungs te/ shes rab ye shes ni gong du brjod pa'i ma bsams pa nyid do/ /shes rab stong pa nyid de ni 'phags pa shes rab kyi pha rol tu phyin pa las ji skad du lha'i dbang po brgya byin gyis tshe dang ldan pa rab 'byor la dris pa/'phags pa rab 'byor gang shes rab kyi pha rol tu phyin pa la rnal 'byor du byed par 'dod pa des ji skad du bslab par bya/ de skad ces smras pa dang / tshe dang ldan pa rab 'byor gyis/lha'i dbang po brgya byin la 'di skad ces smras so/ /lha'i dbang po brgya byin gang shes rab kyi pha rol tu phyin pa la rnal 'byor du byed par 'dod pa des nam mkha' ltar thogs pa med pa la bslab par bya'o zhes gsungs so/ /shes rab chen po la dmigs par bya ba'i don 'di ni gang gsang ba 'dus pa las kyang ji skad du/dngos po med las sgom pa med/ /bsgom par bya ba dngos po min/ /de ltar dngos dang dngos med par/ /bsgom pa dmigs su med pa'o/ /zhes gsungs so/ /de bas na shes rab chen po zhes bya ba ni thogs pa med pa'i stong ba nyid yin par khong du chud par bya'o/ /shes rab de lta bur kho na las spyod dang grol brnyed par 'gyur te/de yang ji skad du/ bsam du med pa de bsams na/ /de las 'dzin pa 'thob par 'gyur/ /zhes gsungs so/ /de bas na de lta bu la gnas pa'i rnal 'byor ba la yid ches par byed pa'i rtags ni/ du ba la sogs mtshan med/ /zhes bya ba 'byung bar gsungs so//de yang ji skad du/ bsam bya bsam par mi bya dang / /nyin mtshan gcig tu yongs rtogs bya/ /gal te nyams myong ma byung ba/ /de tshe nga yis brdzun smras yin/ /zhes gsungs la/ nyams su myong ba yang du ba la sogs pa'i rtags yin gyi/ gzhan ni ma yin no/ /de yang rnal 'byor pas re ba dang dogs pa la sogs pa'i rtog pa rnams spangs la/nyin mtshan gcig tsam yang dmigs pa rtse gcig tu bzhag na yin gyi gzhan du ni ma yin no/ /de nyid legs par bstan pa ni/ /shes rab gzugs ni mkha' mnyam dang / /zhes gsungs te/ thogs pa med pa'i yid yin no/ /de nyid rtag pa dang chad pa las grol bar bstan pa'i phyir/yod dang med las rnam par 'das/ /zhes gsungs so/ /sems kyis bcos pa bdud du bstan pa'i phyir/ sems kyi rkyen gyis don rnams dang / /zhes gsungs so/ /sems kyis bcos pas ni zab mo nyid rnyed par mi 'gyur ro/ /gzhan yang ting nge 'dzin la rdul tshon gyi dkyil 'khor spang bar bya ba'i phyir/rdul phran las skyes tshogs pa rnams/ /kun du yongs su spang bas so/ /zhes bya ba gsungs te/ rdul tshon gyi dkyil 'khor la brtags pas yid ches par 'byung bar mi 'gyur ro/ /de ltar kun du rtog pa thams cad spangs ba la 'di rnams 'byung bar 'gyur te gang zhe na/du ba zhes bya ba dub lta bu'i snang ba yin gyi du ba nyid ni ma yin no/ /smig rgyu yang de ltar mthong ba'o/ /me khyer ni mkha' gsal ltar snang ba'o/ /mar me yang mar me ltar snang ba yin gyis/ dngos po ni ma yin no/ /'bar zhes pa ni me'i 'od kyi snang ba lta bu'o/ /zla ba ni zla ba lta bur snang ba'o//nyi ma ni nyi ma lta bur snang ba'o/ /mun can sel zhes pa ni sgra gcan gyi snang ba'o/ /cha shas zhes pa ni glog ltar 'byung ba'i snang ba'o/ /thig le che zhes pa ni du ba mjug rings lta bu'i 'od kyi dkyil 'khor sngon por snang ba'i mthong ba'o/ /de ltar na snang ba bcu yin te/ de dag kyang kha cig ni nub mo snang la nyin mo mi snang ba'o//kha cig ni nyin mo snang la nub mo mi snang ba yod do/ /de yang bsdus pa'i tshul gyis rtags snga ma gcig yin par dgongs so/ /rlung rnam pa lnga yin pas na lnga'o/ /gcig nyid shes pa gyur pa'i dbang gis du mar snang bas na gcig yin no/ /de ltar brjod pa de yang phal che ba la dgongs pa yin gyi/gang zag gi bsam pa'i dbang gis ni rtags mtha' yas par rtogs par bya'o/ /slob dpon la la dag gi zhal snga nas ni du ba la sogs par snang ba ma yin gyi/ ting nge 'dzin brtan pa dang / brtan pa ma yin pa skad cig gis tshad du rjod par byed do/ /sna tshogs gzugs ni rab tu gsal//zhes bya ba ni de lta bu du ba la sogs pa'i rtags sna tshogs pa la dmigs pa'o/ /'di'i rgyas pa ni tsakra saM ba ra'i 'grel pa byang chub sems dpa' phyag na rdo rjes mdzad pa las khong du chud par bya'o/ /mig gnyis ma phye ma btsums pas/ /zhes bya ba ni rnal 'byor brtags la 'dun pa rnams kyi bya ba yin gyi/thams cad du ma yin no/ /nyin mo dang mtshan mo dang blag pa med pa zhes bya ba gsum yod de/ de yang bla ma'i man ngag las khong du chud par bya'o/ /lha ri spyan thob par bya ba'i phyir/ 'dun pa dang ldan pa rnams kyis gzung bar bya ba ma yin no/ /gang gis stong bar ma brtags pa//zhes pa ni so sor bsdud pa sprin med pa'i nam mkha' lta bu'o/ /de nyid la gzugs bcu'o/ /rmi lam lta bur mthong ba'o/ /de lta bu'i ting nge 'dzin la dmigs par bya ba yin pas na/ gzugs de rtag tu bsgom par bya/ /zhes gsungs so/ /med pa'i gzugs la bsgom pa ni//rnal 'byor rnams kyis de bsgoms min/ /zhes pa ni bsgom par bya ba'i yul med par ston to/ stong bar ma brtags lta ba'i phyir/ /zhes bya ba ni bsgom par bya ba'i shes pa med pa ston to/ /de nyid ni/ dngos dang dngos po min/ /zhes bya ba yin no/ /de nyid dpes bstan par bya ba'i phyir/ji ltar me long bkra ba gcig la ni/ /zhes smos pa yin te/ me long ni mtshon pa tsam yin la/ chu dang tsher ma can gyi shing dang / mthe bong la sogs pas so/ /dngos med las skyes bu mos mthong / /zhes pa ni rkun po la sogs pa ma mthong ba'i don lkog tu gyur pa mthong bar byed pas de bzhin du//mkha' la de bzhin rnal 'byor bas/ /zhes pa ni me long dang 'dra ba'i nam mkha' dri ma med pa la'o/ /sus she na/ rnal 'byor bas zhes gsungs pa yin la/ rnal 'byor gyi sgra yang snyoms par 'jug pa la yin gyi gang la gnyis su snang bde ni ma yin no/ /de nyid ni dus gsum gcig tu snang ba'i de kho na nyid do//de yang gang zhe na/ 'das dang ma 'ongs chos de bzhin/ /zhes gsungs te/ 'das pa dang ma 'ongs pa dang da ltar gyi chos ni snying po med pa dang / stong ba dang / gso ba dang / gsog dang / brdzun pa dang / sgyu ma dang / mig yor la sogs par shes pas so/ /de yang dang po de ltar rtogs pa'i rjes la du ba la sogs pas mthong ste/rtags la 'dun pa'i rnal 'byor pa la'o/ /de'i rjes la dus gsum gyi don lkog tu gyur pa skad cig la shes pa 'byung ngo / /yang nam mkha' zhes pa ni sems kyi nam mkha' rtogs par bya'o/ /sems kyi nam mkhar gnas pa las rnam par rtog pa thams cad rang zhi ba'i bde ba chen po 'byung ba las/sangs rgyas kyi gzugs zhes kyang bya ba'o/ /ji skad du yang dang po'i sangs rgyas las/ phyi rol nam mkha' ma yin pa'o/ /sems kyi nam mkha' dbus gnas pa/ /mi rtog pa la rab sbyar na/ /mi bdag rmad byung bde chen bskyed/ /zhes gsungs so/ /rgyu de'i phyir/ 'di med pas na zhes bya ste/ yid kyi nam mkha' chen po ste/ /so sor sdud pa'o/ /dngos yod min zhes pa ni rtags la 'dun pa rnams la phyir snang ba'i rtags kyang don logs par yod pa ma yin pa'o/ /dngos po stong ba'i don du ni du ba la sogs pa'o/ /mthong ba ni rtogs pa'o/ /de nyid dngos po med pa'i don yin pa zhes bya ste/do bo med pa las 'byung ba'am/ yang de rnams nyid rang bzhin gyis stong ba'o/ /de'i dpe ni/ rmi lam sgyu ma mig 'phrul mtshungs/ /zhes bya ba sgyu ma'i dpe bcu gnyis dang 'dra ba'o/ /'jig rten pa'i dper bya ba las 'das pa ni/ chos can med pa las chos zhes gsungs pa yin no/ / skye ba ni 'byung ba'o/ /'di ni zhes pa ni bde ba chen po'o/ /mthong ba zhes pa ni rtogs pa kho na'o/ /dpe bstan pa'i phyir yid bzhin nor ltar zhes gsungs te/ dper na yid bzhin gyi nor bu'am dpag bsam gyi shing ngam bum ba bzang po ltar sems can mtha' yas pa'i re ba ste bsam pa thams cad rdzogs par mdzad pa yin no//gong du brjod pa'i dpe nyid bstan pa'i phyir/ gzhon nu ma ste/ grong ba'i chos kyis mgos pa'i phyir ro/ /bra ni gong du bstan pa'o/ /ma mthong ba'i rkun po zhes ba ni mtshon pa ste/ don lkog tu gyur ba gzhan yang ngo / /mthong zhes pa ni bra de rnams la'o/ /pra de rnams la nyi tshe ba'i mig gis blta ba de bzhin du rnal 'byor pas nam mkha' dri ma med pa la nyi tshe ba'i dmigs pas lta ba de nyid kyis bskyod ces bya ba ni rtags la 'dun pa rnams kyis mig btsums pas so//sgrub pa po yis gzigs zhes pa ni rnal 'byor ba yis yod pa dang med pa las grol ba'i bdag nyid du lta ba yin pa'i phyir gal te yod pa'i gzugs mthong na bdag gi gdong ba dngos kyang me long la sogs pa'i nang du cis mi mthong zhes bya ba'i don to//'on te med pa'i gzugs mthong na/ ri bong gi rwa zhes pa ni mtshon pa tsam ste/ nam mkha'i me tog dang mo gsham gyi bu mo la sogs pa ji ltar min te/ ci'i phyir mi mthong zhes bya ba'o//mig gzhan gyis ni zhes bya ba la rnal 'byor pas mthong gi/ /gzhan gyis mi mthong zhes bya'o/ /bdag gi mig gis zhes bya ba la sgrib pa dang bral ba'i mig gis so/ /mi mthong zhes bya ba ni du ba la sogs pa'o/ /'o na ji ltar mthong zhe na/ skye ba med pa mthong ba ni gzod ma nas skye ba med pa'i chos ma mthong ba mthong ba zhes bya ste/dper na bu mo gzhon nu ma zhes bya ba la lo bcu gnyis man chad lon pa mngal gnas su mi rung ba'i bu mthong ba lta bu'o/ /de ltar so sor sdud pa legs par bstan nas/ da ni bde ba chen po spel ba bstan pa'i phyir/ gzugs mthong de yi 'og tu ni//zhes bya ba gsungs te/ de ltar du ba la sogs pa'i rtags bcu po mthong nas/ gal te zla ba'i rgyun bcad par ma gyur pa de lta na ni/ steng dang 'og tu rtsa gsum la/ /zhes bya ba smos te/ brkyang ma dang / ro ma dang / kun 'dar ma'i ming can te steng gi rtsa gsum mo/ /'og tu ni dri chen dri chu sa bon gyi lam mo//lus ngag sems kyi dgag pa'i phyir/ /zhes gsungs te/ lus dang ngag gi rang bzhin can gyi rlung gi rgyu ba dgag pa ni steng du yin la/ dri chen dri chu'i sa bon ni 'og gi dgag pa'o/ /rgyun mi 'chad par srog rtsol bya/ /zhes pa ni nyin dang mtshan du'o/ /srog dang rtsol bas ni rlung yongs su sbyangs pa la sogs pa'o//sngon du 'gro bas 'dzin pa ston to/ /nyi zla sgra gcan ni steng du'o/ /dri chen dri chus bon 'bab pa'i lam zhes pa 'og tu'o/ /chu me stong pa zhes pa ni g.yas kyi steng 'og dang / dbus ma'i steng gi rigs so/ /sa rlung ye shes zhes pa ni g.yon pa'i steng 'og dang dbus ma'i 'og ma'o//ye shes kyi khams kyi rigs so/ /gang rnams nyi zla mun can ni/ /zhes pa ni steng gi ming gi rnam grangs so/ /de nyid kho na steng du lus ngag sems kyi rtsa de rnams zhes bya'o/ /srog dang thur sel rim pa yis/ /zhes pa ni 'og tu thur sel yin la steng du srog yin no//dri chen dri chu sa bon 'bab pa ni 'og tu'o/ /da ni steng 'og gi rtsa drug po nyid rigs drug tu bstan par bya ba'i phyir/ thabs kyi sku ni zla ba la/ /zhes pa ni steng gi g.yon pa 'du byed rlung zhes bya ba sangs rgyas don yod grub pa'i rang bzhin no/ /shes rab gsung ni nyin mo mi/ /zhes pa ni steng gi g.yas pa tshor ba me'i khams zhes bya ba sangs rgyas 'od dpag med 'od kyi rang bzhin no//shes rab sku ni dri chen rtsa/ /zhes bya ba ni 'og gi g.yon pa gzugs sa'i khams zhes bya ba sangs rgyas rnam par snang mdzad kyi rang bzhin no/ /dri chu 'bab pa gtso bo'i gsung / /zhes pa ni 'og gi g.yas pa 'du shes chu'i khams zhes bya ba sangs rgyas rin chen 'byung ldan gyi rang bzhin no//steng 'og sems kyi rtsa gnyis ni/ /sa bon 'bab dang mun can ma/ /thabs kyi thugs ni mun pa can/ /zhes pa ni steng gi dbus mar rnam par shes pa nam mkha'i khams zhes bya ba sangs rgyas mi bskyod pa'i rang bzhin no//sa bon 'bab ma shes rab kyi/ /zhes pa ni 'og gi dbus ma mchog tu mi 'gyur ba ye shes kyi khams zhes bya ba sangs rgyas rdo rje sems dpa'i rang bzhin no/ /sku gsung thugs kyi rnal 'byor gyis/ /steng 'og rigs drug 'di nyid de/ /zhes bya ba ni de ltar brjod pa'i rim pas chu dang rlung dang nam mkha'i khams ni sa bon las byung ba ste/pha dang 'brel ba can gyi rigs so/ /sa dang me dang ye shes kyi rdul las byung ba ste/ ma dang 'brel ba can gyi rigs so/ /de yang 'di skad du gsang ba 'dus pa bshad pa'i rgyud lha mo bzhis yongs su zhus pa zhes bya ba las/ pha las skyes pa gsum tsam na//de bzhin ma las skyes pa gsum/ /de dag drug tshogs gong bu las/ /mi rnams ji ltar skye ba lags/ /zhes gsungs so/ /thabs dang shes rab sku dngos kyis/ /lus can rnams la yang dag gnas/ /zhes bya ba ni de ltar brjod pa'i rigs drug po ni skye 'gro thams cad la thabs dang shes rab kyi tshul du gnas zhes dgongs so//steng 'og lhag ma'i rlung gis ni/ /lus ngag rtsa la 'chi ltas yin/ /zhes bya ba ni 'dir mdor bsdus pa yin gyi/ rgyas par ni 'og nas ston to/ /da ni dbus ma'i rang bzhin bstan par bya ba'i phyir/ mun can sa bon 'bab ma las/ /skye dang 'chi ba gnas pa yin//zhes gsungs te/ ma'i mngal nas skyes pa la thug pa de srid du ni lus can zhes bya ba ni rlung gnas pa yin la/ de'i stobs kyis mngon par shes pa 'byung bar yang shes so/ /gzhan yang 'chi ba'i dus su rlung thams cad 'dus nas der 'jug ces gsungs so/ /de yang dang po'i sangs rgyas las ji skad du/shi dang rgyal dang ting 'dzin 'thob/ /gnyis gnyis 'khrig pa'i gnas skabs te/ /gnas skabs bzhi la 'jug 'gyur gyis/ /gzhan dag tu ni 'jug pa med/ /ces gsungs so/ /yang 'og gi sa bon 'bab ma las ni gang ma'i mngal na gnas pa de na sa bon gyi rnam pa gnas la 'chi ba'i dus na ni lam de nas sa bon 'byung bas 'chi ba yin no//de yang dbang 'di nyid las ji skad du/ lus can thams cad 'chi ba ni/ /zla ba'i bdud rtsi thur du 'gro/ /zhes gsungs so/ /skye dang 'chi ba'i dus dang ni/ /zhes pa ni gong du bstan pa nyid dang / 'khrig las kyi sa bon 'bab pa'o//zhes pa ni 'og gi dbus ma de nas so/ /gzhan yang rlung gi dbang du byas nas lus can thams cad tha mal par gsungs pa ni/ nyi ma 'pho dang mnyam pa la/ /zhes bya ba gsungs te/ nyi ma ni g.yas pa'o/ /'pho ba ni g.yon du'o/ /mnyam pa ni gnyis ka nas so/ /mun can ma ni steng du 'bab//ces pa ni mnyam du 'bab pa'i rlung steng nas 'bab pa'o/ /dus sbyor 'byung ba'i mngon mtshams su/ /dbus ma yis ni mnyam par 'bab/ /ces pa ni gzhan yang dus sbyor bcu gnyis po re re yang g.yas pa dang / g.yon pa las drug drug tu 'bab pa ste/ de yang drug pa ni ye shes can zhes bya ba gnyis ka nas/mnyam du 'bab pa yin no/ /lhag ma ni g.yas g.yon nas dkyil 'khor lnga lnga 'bab pa yin te/ de yang ye shes can zhes bya ba nyid mngon mtshams zhes bya bar dgongs so/ /de nyid/ dbus ma yis ni mnyam par 'bab/ /ces bya ba yin te/ rkang pa dang bcas lnga bcu drug /ces pa ni dkyil 'khor lnga lnga po re re nas bcu gcig dang bzhi cha re re dbus mar 'jug cing rgyu ste/ /de ltar dkyil 'khor lnga las lnga bcu rtsa drug dang bzhi cha gcig ni dbus ma'i rgyu yin la/ de lta bu nyid bcu gnyis su bgres pa las nyi khri chig stong drug brgya nyin mtshan la tshang bar gnas so//'byung 'jug dbugs so mi dbang kye/ /zhes pa ni gong du brjod pa de nyid dbus ma'i 'byung 'jug go/ /mi dbang kye zhes pa ni bod pa'o/ /bdun cu rtsa lnga lhag pa yis/ /drug brgya nyin mo mtshan mo'o/ /zhes pa ni nyin zhag tshang ba la 'pho ba bcu gnyis yin zhing / 'pho ba re re nas rkang pa dang bcas pa lnga bcu rtsa drug dbus mar rgyu ste/de nyid bcu gnyis su bgres pas nyin zhag gcig la drug brgya bdun cu rtsa lnga rgyu'o/ /gang yang drug brgyas lhag pa yis/ /stong phrag nyi shu rtsa gcig ste/ /zhes pas ni nyi khri chig stong drug brgya nyid yin te de yang brtsi sti ba'i lugs ni gcig gis mtshan ma'i 'og tu thig le gsum bkod la/de la nyi shu rtsa gcig gis bsgyur bas nyi khri chig stong nyid du gnas pa las/ de la drug khri mtshan ma'i 'og tu thig le gnyis gnas pas nyi khri chig stong drug brgya'o/ /g.yas pa dang ni g.yon pa'i rtsar/ /'di yis dman pa rnams 'bab phyogs/ /zhes pa ni nyi khri chig stong drug brgya'i nang nas drug brgya bdun cu rtsa lngas dman pa'i lhag ma ni nyi khri dgu brgyas nyi shu rtsa lngar gnas pa yin te/g.yas pa dang ni g.yon pa'i rgyu'o/ /nyi khri dgu brgya nyi shu rtsa lnga las kyang / la la tsA dang ra sa nA/ /zhes bya ba g.yas g.yon so so nas khri bzhi brgya drug cu rtsa gnyis dang rkang pa gnyis su rgyu ba yin te/phye bas gsum dang bcas lo gsum/ /zhes pa ni zla ba phyed dang gnyis dang lo gsum mo/ /de cis 'gyur zhe na/ lo brgya yis ni dbus mar 'gyur/ /zhes gsungs te/ gang yang skyes bu tshe lo brgya pa de la'o/ /de la lo brgya la ni zhag sum khri drug stong yin la/sum khri drug stong gang yin pa de drug brgya bdun cu rtsa lngas bgres par 'gyur bas bye ba phrag bzhi dang sum 'bum gyis lhag pa'i sa ya phrag gnyis su 'gyur bar shes par bya'o/ /steng du g.yas dang g.yon pa ni/ /nyi zla lug dang ser skya gzhan/ /zhes pa ni nyi ma dang zla ba'i ming can la mu stegs can gzhan rnams zhugs pa'i phyir/lug dang ser skya zhes bya ba gsungs so/ /yang na nyi zo steng ngo / /lug dang ser skya ni 'og go /chu dang me'i rang bzhin zhes pa ni g.yas pa'i steng 'og go/ /pad+ma rin chen 'dzin pa ni/ /zhes pa ni de bzhin gshegs pa'i rigs su bzhag pa'i tshul lo/ /'og tu dri chen dri chu 'bab//ces pa ni 'og gi g.yon pa dang g.yas pa'o/ /sa dang rlung gi rang bzhin zhes pa ni g.yon gyi steng 'og tu'o/ /g.yas pa dang ni g.yon pa'i rtsa/ /zhes pa ni go sla'o// /'khor lo ral gri 'dzin pa zhes pa ni/ de bzhin gshegs par bzhag pa'i tshul te/ g.yon gyi steng 'og rim bzhin du//steng du dbus ma 'og tu g.yas/ /zhes pa ni go sla'o/ /sgra gcan dang ni sa bon 'bab/ /ces pa ni dbus ma'i steng 'og go/ /stong ba'i ye shes rang bzhin te/ /zhes pa ni steng 'og gi rim pa bzhin du'o/ /rdo rje 'dzin ni steng mi bskyod pa'o/ /rdo rje 'dzin pa ni 'og rdo rje sems dpa'o//zla ba'i lam ni dri chen rtsa/ /zhes pa ni g.yon pa'i steng 'og go/ /nyi mas dri chu 'bab pa'o/ /zhes pa ni g.yas pa'i steng 'og go /skye 'chi mnyam du 'dod chags la/ /zhes pa ni dbus ma'i ming can no/ /sgra gcan sa bon 'bab pa'o/ /zhes pa ni steng 'og go/ /steng 'og gi rnam grangs bstan pa'i phyir/gang zhig lte steng kun 'dar ma zhes pa ni de yang lte ba'i steng yan chad du dbus ma'i ming gi rnam grangs yin gyi/ 'og gi ni gzhan yin no/ /de bas na/ mun 'ba' zhig tu yid bzangs te/ /zhes gsungs pa de yin no/ /gang 'og nam mkha'i gdong de ni/ / zhes pa ni 'og gi rnam grangs ston par byed pa ste/ de yang / sa bon 'bab pa dung can ma/ /zhes gsungs so/ /lte ba'i pad+ma'i snying mgrin dang / dpral ba gtsug tor 'dam skyes la/ /zhes pa ni 'khor lo'i gnas bstan pa'o/ /sa chu me rlung stong pa ni/ /zhes pa ni rlung lnga'o/ /bsdus pa yis ni 'bab pa'o//zhes pa ni g.yas nas rgyu ba'o/ /gshegs pa dang ni byon pa ste/ /zhes pa ni rlung lnga'o/ /skyes pa yis ni sa la 'jug /ces pa ni g.yon pa nam mkha' rgyu ba'o/ /lte ba nas ni lte ba'i dbus/ /zhes pa ni pad+ma bzhi'o/ /kun 'dar mas ni byon zhing gshegs/ /zhes pa ni dbus ma'i rgyu ba'o//lte gsang nor bu pad+ma zhes pa ni sbrul ba dang / gsang ba dang / rdo rje nor bu gsum pa'o/ /lus ngag sems ni 'bab ma ste/ /zhes pa ni sku gsum gyi tshul gyis so/ /gshegs pa dang ni byon pa de/ /zhes pa ni a wad+hU tI'i rgyu ba gnyis so/ /sdud dang skyed pa'i gzugs can ma//zhes pa ni rgyu ba gnyis po'i phyir 'byung ba dang nang du 'jug pa'o/ /skyes bu kun la dung can ma/ /zhes pa ni 'og gi dbus ma de nyid skyes bu kun la ming du btags pa ste/ khrag gi rgyu ba med pa'i phyir ro/ /thur sel rlung ni 'bab par byed/ /ces pa ni dbus ma de nyid nas rlung gi dus su thur du sel ba'i rlung 'bab pa yang yin no//'di ni bud med bde ba yis/ /zhes pa ni 'khrig pa'i dus su'o/ /sa bon zhes pa ni dus der sa bon 'bab pa'o/ /dus su zhes pa ni nag po'i phyogs so/ /khrag 'bab ces pa ni dus der rtsa de nas khrag rgyu ba'o/ /steng gi g.yas dang g.yon pa ni/ /thabs dang shes rab sku yi tshul//zhes pa ni steng gi g.yas g.yon no/ /'og gi dri chen dri chu 'bab/ /ces pa ni 'og gi g.yas g.yon no/ /rdul dang sa bon 'bab pa ni/ /zhes pa ni 'og gi dbus ma'o/ /rdul 'bab phyir na tsaN+Da li/ /zhes pa ni dus der reg tu mi rung ba'i phyir ro/ /sa bon 'bab phyir nam mkha'i gdong //zhes pa ni bde ba chen po nam mkha'i nang nas 'bab pa rtsa der 'ong ba'i phyir ro/ /steng du rigs ngan bud med la/ /zhes pa ni steng gi dbus ma'i de nyid bud med rnams la khrag 'bab pa'i phyir rigs ngan no/ /skyes bu la ni kun spangs brjod/ /ces pa ni bde ba'i stobs kyis rtog pa spangs pa'i phyir ro//rtag par g.yon pa'i rtsa la ni/ /zhes pa ni sna bug g.yon pa nas so/ /rnam shes la sogs dkyil 'khor lnga/ /zhes pa ni rnam par shes pa nam mkha' nas rgyu ba'o/ /lnga ni 'byung ba lnga'o/ /g.yas pa'i rtsa la sogs te zhes pa ni g.yas pa'i sna bug nas dbugs sa nas rgyu ba'o//dbus su drug pa 'bab pa'o/ /zhes pa ni sna bug gnyis ka nas dus mnyam du 'bab pa ni drug pa ye shes kyi rlung ngo / /lte ba'i pad+ma'i 'dab ma la/ /zhes pa ni sprul pa'i 'dab ma la'o/ /dkyil 'khor drug cu rim pa bzhin/ /zhes pa ni chu tshod drug cu'o/ /dus sbyor g.yas dang g.yon pa la//zhes pa ni g.yas dang g.yon las dus sbyor bcu gnyis kyi tshad du 'byung ba'o/ /lug sogs khyu mchog la sogs so/ /zhes pa ni dus sbyor kyi ming ngo / rtsa ba g.yon dang de nas g.yas/ /steng dang dbus su rim pas rlung / /zhes pa ni 'byung ba lnga po de yang sna bug g.yas g.yon gyi phyogs bzhi dbus dang lnga nas 'byung ba lnga rim bzhin du 'byung ba'o//dkyil 'khor re re'i dbyu gu las/ /zhes pa ni sa chu me rlung nam mkha' dang / lnga ni 'byung ba ste/ chu tshod lnga lngar rgyu'o/ /sa sogs sna bug dag la'o/ /zhes pa ni sa la sogs pa nyid do/ /drug cur bcas pa'i sum brgya'i dbugs/ / zhes pa ni dkyil 'khor lnga po re re la yang dbugs sum brgya drug cu 'bab pa'o/ /de gang las she na/ rtsa ni rim pas 'bab pa'o/ /zhes gsungs so/ /stong dang brgyad brgya'i dbugs rnams ni/ /zhes pa ni stong brgyad brgya'o/ /rtsa lnga po yis de rnams 'bab/ /ces pa ni dkyil 'khor lnga'i rlung ste//sum brgya drug cu las rtsa lngar bsgres na'o/ /drug cu rtsa ni nyin mtshan du/ /lus can rnams la dkyil 'khor ni/ /zhes pa bcu gnyis la lngas bsgres nas drug cu yin no/ /'dab ma'i dbus dang de nas shar/ /zhes pa ni sna bug g.yon nas 'bab pa'i 'dab ma'i dbus nas 'bab ste nam mkha' rgyu ba yin no//de nas shar dang lho dang nub dang byang ngo / /g.yas dang g.yon du rim pas rlung / /zhes pa ni g.yas kyi rgyu ba'i rjes la g.yon yin zhing de nyid ni rim pas rlung zhes dgongs so/ /g.yon la rtag par mkha' sogs te/ /g.yas las sogs gzhan ma'o//zhes pa ni gong du rgyas par bstan pa nyid do/ /g.yon du srid pa rnam shes sogs/ /g.yas su sa sogs bsdus pa'o/ /zhes pa yang rgyas par bstan zin to/ /nub dang shar dus dang rlung / /zhes pa ni 'dab ma bzhir gnas shar nub bo/ /phan tshun thabs dang shes rab ste/ /zhes pa ni g.yon gyi steng du rlung gi yin la/'og sa'i rlung yin pa'i phyir ro/ /mthe bong dang ni ming med kyis/ /gang gis kha la dbang bskur phyir/ /zhes pa ni mthe bongs yin la/ srin lag ni rlung ste/ de bas na thabs dang shes rab des byang chub sems myang ba'i dbang bskur ba gsungs so/ /g.yas dang g.yon du me dang chu//zhes pa ni g.yas ni lho'i ming yin la/ g.yon ni byang yin no/ /de nyid me dang chu ste g.yas kyi steng 'og me dang chu yin pa'i phyir ro/ /phan tshun thabs dang shes rab bo/ /zhes pa ni go sla'o/ /mdzub mo dang ni gung mo dang / /gang phyir ral grir 'gyur bas so/ /zhes pas mdzub mo ni chu yin la/gung mo ni me yin no/ /de nyid kyis nyon mongs pa gcod pas ral gri ste don yod grub pa'o/ /mche ba mthe'u chung gri gug ste/ /zhes pa la/ mthe'u chung de nyid 'og tu mtshon par byed pas ye shes yin la/ de nyid kyis nyon mongs pa thams cad 'joms pas za byed kyi mche ba dang / gcod byed kyi gri gug ces su dgongs so//stong pa mi 'gyur steng 'og tu/ /phan tshun thabs dang shes rab bo/ /zhes bya ba ni mthe'u chung gis mtshon pa'i mi 'gyur ba ni shes rab yin la/ 'og nas don ston pa'i stong pa ni thabs so/ /de yang / stong pa mtshon par byed pa ni/ /sor mo rnams ni phan tshun du/ / dkyil 'khor bcu ni yang bya'o/ /zhes pa ni/ dkyil 'khor bcu ni sa dang chu dang me dang rlung dang nam mkha'i bdag nyid can gyi lag pa g.yas g.yon gyi sor mo lnga lnga ste bcu yin no/ /de nyid spyi bor bzhag pa ni/ /spyi bor thal mo sbyar ba yis/ /zhes gsungs pa yin no/ /gri gug dang bcas rtse gcig po//zhes pa ni de nyid kyi steng ste/ stong par mtshon par byed pa'o/ /skyed pa dang ni sdud byed pa'o/ /zhes pa ni dkyil 'khor bcu la'o/ /mnyam pa de yang dbus ma'i rtsar/ /zhes pa ni de lta bu'i dkyil 'khor bcu mnyam pa dang mi mnyam pa'i tshul gyis 'bab par byed do/ /de yang 'pho ba'i dus su ni dbus nas 'bab ste/gong du rgyas par bstan pa nyid do/ /phung po khams ni rdo rje gsum/ /zhes gsungs te phung po dang khams la sogs pa rgyu bar byed pa'i lam gsum ni rdo rje gsum gyi ming can rtsa gsum yin no/ /dbus mar song nas gcig tu 'gyur/ /zhes pa ni rtsa dbus mar 'dus pa'o//dbus mar 'dus pa yang tshul gnyis te/ rgyu ba'i tshul gyis 'dus pa dang / /mi rgyu ba'i tshul gyis 'dus pa'o/ /gcig tu song ba ni der 'dus pa'o/ /zla ba nyi ma'i rtsa 'gags na/ /zhes pa ni steng 'og go /dri chen dri chu'i rtsa 'gag go/ /zhes pa ni 'og tu'o/ /sgra gcan rtsa ni 'gag yin no//zhes pa ni steng gi dbus ma'o/ /'og gi sa bon 'bab ma'o/ /zhes pa ni 'og 'gags zhes pa dang sbyar ro/ /grol na 'di rnams grol bar 'gyur/ /zhes pa ni steng grol na 'og grol zhes pa'i don to/ /skyed pa dang ni sdud byed ma/ /zhes pa ni gong du bstan pa'o/ /srog dang thur sel lam gsum gyis//zhes pa la srog ni steng ngo / /thur sel ni 'og yin no/ /lam gsum ni rtsa gsum mo/ /rtsa rnams kun spyod 'di yin no/ /zhes pa ni gong du bstan pa'i rigs kyis so/ /de bas nas rtsa'i kun du spyod pa ni de ltar legs par bya ba yin no/ /da ni lus can rnams la dus ma yin par 'chi ba'i ltas brjod par bya ba'i phyir/g.yas pa'am ni g.yon pa la/ /zhes pa ni sna bug la'o/ /nyin mtshan gcig dang zhes pa ni g.yon pa las so/ /de bzhin lnga zhes pa ni/ g.yas pa nas so/ /ci'i phyir g.yon pa nyi ma gcig yin la/ g.yas lnga yin zhes dgongs pa la/g.yon ni byang chub kyi sems thur sel gyi rlung gi bdag po lus ngag yid gsum gyi bdag po yin pa'i phyir ro/ /g.yas pa dang ni yul lnga la 'jug par byed pa dang / bde bar gshegs pa lngas byin gyis brlabs pa gyen du rgyu pa'i rlung yin pa'i phyir ro/ /rlung ni rab tu 'bab pa na//zhes pa ni g.yas pa'am g.yon pa las so/ /de nas lo gsum gyis 'chi 'gyur/ /zhes pa ni lnga dang gsum dang thun mong du shes par byas te/ g.yas nas zhag lnga rgyud pa de ltar na ni lo gsum na 'chi zhes bya ba dang sbyar ro/ /de bzhin du gang g.yon pa las ji skad du zhag gcig tu 'bab pa de ltar na ni lo gsum na ni 'chi zhes bya ba dang sbyar bar bya'o//de ltar mdor bstan nas da ni g.yas pa rgyas par bya ba'i phyir/ lnga phyogs tshes dang nyi shu dang / /de nyid rim pas re re lhag /ces sogs gsungs pa des ni dang po'i 'chi ba 'byung ba'i gnas rgyas pa zhes bya ba nas brtsams nas ji srid du phyi ma'i nges par 'chi bar ston pa'i gnas rgyas pa'i dus zhes bya ba 'chi ba'i rtags de srid du bstan pa yin par shes par bya'o//de yang lnga zhes pa ni g.yas pa 'ba' zhig nas gang gi tshe rgyun ma chad par nyin mtshan lnga rgyu pa de ltar na ni lo gsum na 'chi bar shes par bya'o/ /de bzhin du phyogs zhes pa ni snga ma lnga'i steng du lnga bsnan pa'o//de ni lo gnyis na 'chi zhes bya bar ro/ /tshes zhes pa ni bcu'i steng du yang lnga ste/ bco lnga yin la de ni lo gcig na 'chi ba zhes sbyar ro/ /nyi shu zhes pa ni yang bco lnga'i steng du yang lnga ste nyi shu yin la/ /de ni zla ba drug na'o/ /de nyid ces pa ni nyi shu'i steng du yang lnga ste nyi shu rtsa lnga yin la/de ni zla ba gsum na'o/ /re res lhag ces pa ni yang 'chi ltas g.yas pa nas nyi ma gcig ste nyi shu rtsa drug gis te zla ba gnyis na'o/ /yang 'chi ltas g.yas nyid nas zhag gcig ste nyi shu rtsa bdun du rgyu bas ni zla ba gcig na'o/ /de ltar brjod pa'i tshul ni 'chi ltas kyi nyi ma zhes rtogs par bya'o//de ni 'pho ba bcu gnyis kyi rten gyi rtsa drug stong bar byas nas 'dab ma bdun pa las srog gi rlung zhugs pa yin te/ lha dang mi gang gis kyang bzlog par nus pa ma yin no/ /nyi ma gsum cu gsum gnas pas/ /g.yas pa'i nyi ma'i 'chi ltas so/ /zhes pa las/nyi ma sum cu rtsa gsum ni 'chi ltas kyi nyi ma'o/ /gnas zhes pa ni rlung ngo / /de nyid ni g.yas pa'i 'chi ltas so/ /sngon gyi tshe'i lhag ma brjod pa'i phyir/ gsum pa gnyis gcig mnyam zhes bya ba gsungs so/ /de la gsum ni lo ste/ nyi ma lnga yis so/ /gnyis ni yang lo zhes sbyar te nyi ma bcu yis so//gcig ces pa yang lo dang sbyar te/ nyi ma bco lngas so/ /de ni lo'i tshe'i lhag ma yin no/ /de yang mnyam zhes bya ba ni 'dab ma bcu gnyis la gsum stong par mnyam pa'o/ /zla ba ni zhes pa la zla ba'i tshe'i lhag ma bstan pa'o/ /de yang gang yin snyam pa la/ drug gsum zung zla zhes bya ba smos so//de yang zla ba drug ni nyi ma nyi shus so/ /zla ba gsum ni nyi ma nyi shu rtsa lngas so/ /zung ni zla ba gnyis ni nyi ma nyi shu rtsa drug gis so/ /zla ba ni zla ba gcig ste nyi ma nyi shu rtsa bdun gyis so/ /de ni rtsa 'dab ma bdun stong ngo / /da ni nges par 'chi ba ston pa rgyas pa zhes bya ba'i dus na zla ba gcig nas 'chi pa'i 'chi ltas kyi nyi ma bstan pa'i phyir/tshes phyogs lnga dang yon tan gnyis/ /gcig gi lus can tshe 'gro 'gyur/ /zhes gsungs pa yin te/ de ltar rgyas pa'i dus na tshe zla ba gcig gnas pa las/ tshes zhes bya ba la nyin zhag bco lnga rgyus pa la ni bco lnga nyid nas 'chi ba'o//phyogs zhes bya ba bco lnga'i steng du bcu rgyus pas bcu nyid na'o/ /lnga zhes bya ba bcu las lnga rgyus pas lnga nyid na'o/ /yon tan zhes pa ni lnga las gsum rgyus pas gsum nyid na'o/ /'chi ltas kyi nyi ma sum cu rtsa gsum ni des yongs su rdzogs par 'gyur ro/ /gnyis zhes pa ni tha ma g.yon gyi lam zad par bya ba'i phyir g.yon gyi sna bug tu zhag gnyis rgyu ba ste/'dab ma bcu gnyis pa zad par bya ba'i don du'o/ /de ni 'dab ma bcu gnyis pa ma lus pa stong par 'gyur ro/ /de ltar brjod pa'i rim pas 'chi ltas kyi nyi ma sum cu rtsa gsum ni 'dab ma bdun yan chod la 'chi ltas kyi nyi shu bdun gnas pa ste/de'i rjes la 'dab ma lngas sum cu rtsa gnyis dang dkyil 'khor gyi gser gyis sum cu gsum mo/ /yas na 'dab ma drug pa yan chad ni nges pa ma yin la/ rgyas pa'i dus zhes bya ba nas 'dab ma bcu gcig pa ste/ 'dab ma bzhi la brtsi par bya ba ste/tshes zhes pa bco lnga la phyogs zhes pa bcu bsnan pas nyi shu rtsa lnga dang / de la lnga zhes pa bsnan pas sum cu dang / de la yon tan zhes pa gsum bsnan pas sum cu gsum zhes kyang 'dod la/ 'dab ma bcu gnyis pa ni g.yon pa'i lam yin pas g.yas par ni bgrang zhes brjod do/ /de yang ji skad du/dang po'i sangs rgyas las/ 'chi ltas mtshan mtshe yi lhag /shes par 'dod pa'i rnal 'byor pas/ /rtsig pa'am sa gzhi snyoms pa la/ /rdo rgyus dag gis thig bzhi btab/ /de ni le tshe brgyad du 'gyur/ /de rjes thig gnyis btab gyur pas/ /de tshe bcu gnyis dag tu shes/ / de nyid 'phar ma gsum du bya/ /zhes gsungs te/ de la 'phar ma nang ma la ni 'chi ltas kyi nyi ma rnams bri par bya'o/ /'phar ma bar ma la ni/ tshe'i lhag ma'i lo dang zla ba bri par bya'o/ /'phar ma phyi ma la ni lo dang zla ba de nyid kyi zhag gi mtshan ma bri bar bya'o/ /de yang 'chi ltas kyi mtshan ma ni nang gi 'phar ma'i 'dab ma dang po la ni lnga'i mtshan ma bri bar bya'o//de bzhin du 'dab ma lnga pa la thug pa de srid du/ rtags lnga lngas bsnan par bya ste/ 'di ltar gnas la bcu dang / gsum pa bco lnga dang / bzhi pa la ni nyi shu dang / lnga pa la nyi shu lnga rnams bri bar bya'o/ /de bzhin du 'dab ma drug pa dang /bdun pa la ni rim pa bzhin du nyi shu drug ste/ nyi shu bdun gyi mtshan ma bri par bya'o/ /de bzhin du gang brgyad pa nas bcu gnyis la thug pa'i bar ni bco lnga dang / bcu dang / lnga dang / gsum dang / gnyis kyi mtshan ma bri bar bya'o/ /de bzhin du 'phar ma bar ma'i 'dab ma dang po la sogs pa gsum la ni lo'i mtshan ma ste/gsum dang / gnyis dang gcig gi mtshan ma bri bar bya'o/ /de bzhin du 'dab ma bzhi pa nas bdun pa'i bar du ni zla ba mtshon par byed pa yin/ drug dang / gsum dang / gnyis dang / gcig gi mtshan ma bri bar bya ste/ rgyas pa'i dus su brgyad pa nas bcu gnyis pa la thug pa la ni rim pa bzhin du/bco lnga dang / bcu dang / lnga dang / gsum dang / gnyis bri bar bya'o/ /de bzhin du 'phar ma gsum pa'i dang po la sogs pa la ni lo zla la sogs pa'i zhag gi mtshan ma stong brgyad cu la sogs pa'i rim pa bzhin du bris la tshe dang srog gi rlung rtogs par bya'o/ /da ni gong du brjod pa'i lnga nas nyi shu lnga'i bar gyi bzhi bzhi bcu drug dor ba de rnams bshad par bya'o//de yang ji skad du/ zhag drug rgyu na lo gsum nas nyi shu rtsa bzhi dor bas 'chi/ zhag bdun rgyu bas lo gsum las/ /bzhi bcu rtsa brgyad 'dor bas so/ /zhag brgyad rgyu na lo gsum las/ /zla gnyis zhag bcu gnyis kyis so/ / zhag dgu rgyu na lo gsum mo/ /nyin mtshan dgu bcu rtsa drug 'dor/ /gal te zhag ni bcu gcig rgyu/ /lo gnyis nyin zhag nyi shu bzhis/ /mtshang ba na 'chi bar bshad/ /zhag ni bcu gnyis lo gnyis las/ /bzhi bcu rtsa brgyad phri bas so/ /zhag ni bcu gsum lo gnyis las/ /zla gnyis zhag ni bcu gnyis dbri//zhag ni bcu bzhi lo gnyis las/ /zla gsum zhag drug dbri bar bya/ /nyin zhag bcu drug rgyu ba ni/ /lo gcig zhag bcu gnyis na 'chi/ /nyin zhag bcu bdun rgyu ba ni/ /lo gcig zhag ni nyi shu bzhis/ /ma tshang ba na 'chi bar bshad/ /zhag bco brgyad kyis lo gcig las/ zla gcig zhag drug 'dor bas so/ /bcu dgu rgyun lo gcig las/ /bzhi bcu rtsa brgyad dor bas so/ /nyi shu gcig ni zla drug las/ /zhag drug ma tshang ba yis so/ /nyi shu rtsa gnyis zla ba gnyis las/ /zhag bcu gnyis ni 'dor bas so/ /nyin zhag nyi shu rtsa gsum rgyu/ /bco brgyad rnam par 'dor bas so//zhag ni nyi shu rtsa bzhi rgyu/ /nyin zhag nyi shu rtsa bzhis so/ /nyin zhag sum cu gsum de bzhin/ /'chi ba'i mtshan ma 'byung ba yin/ /rlung 'byung stobs las shes bya ba/ /de yan chad las yod ma yin/ /zhes gsungs pa dang / gzhan yang rdo rje mkha' 'gro las mdor bsdus te bshad pa ni 'di skad du//dang po nyi ma phyed byas nyi ma rangs pa'am yang na nyin mtshan dag gi bar du rgyu/ /de las zhag gnyis dang ni zhag gsum 'on te zhag bzhi khyab pa'i bar du ni/ /nyi ma la ste g.yon pa min pa'i rlung dag dbugs la brten te gang zhig rgyur gyur pa/ /de la gnas dang nyi ma phyogs dang bkra shis drug dang bzhi ni 'dir shes bya//lnga las nyi shu rtsa lngar 'dzegs par gyur las ji bzhin 'phel/ /de las re re skyed pa'i bcu ni sum 'gyur byas pas gsum gyis lhag pa kho na'i bar/ /rgyas pa'i dus su de ni lo gsum mig zla drug gsum zung dang zla ba drug /lhag ma tshes dang phyogs dang mda' dang yon tan zung dang zla bar 'tsho ba yin//zhes gsungs so/ /de yang 'chi ba 'byung ba'i zla ba ni dpyid zla 'bring po 'phos pa'i zla ba yin te/ lo gsum gyis 'chi ltas la'o/ /gzhan yang zla ba bcu gcig pa gang dang gang la 'chi ba'i mtshan ma 'byung ba de dang de ni rgyud bzhin du bla ma'i zhal las rtogs par bya'o//gcig gis lus can tshe 'gro 'gyur/ /zhes pa ni dbus ma'i de ni g.yas pa'i 'chi ltas bstan pa'o/ /da ni g.yon pa bstan pa'i phyir/ /rtsa ba nas ni re res lhag /ces bya ba smos te/ de la sngon bzhin du 'chi ltas kyi 'khor lo 'phar ma gnyis pa bri bar byas la/ tshe dang srog gi rlung bri bar bya'o//khyad par srog gi rlung gi rten gyi rtsa bcu gnyis las rtsa 'dab ma dang po la ni 'chi ltas gsum gyis zla ba drug bsgribs so/ /gzhan yang 'dab ma bcu la rim pa bzhin du 'chi ltas gsum gsum dang / zla ba gsum gsum du rtogs par byas la/ bcu gnyis pa ni g.yas su zhag gcig rgyu zhing ze 'bru dang zhag gnyis te/de nas srog gi rlung 'dor ro/ /g.yon gyi zla ba 'byung bar 'gyur/ /zhes pa ni g.yon gyi 'chi ltas 'byung ba'i tshul de ltar 'gyur zhes dgongs so/ /lo brgya yongs su rdzogs pa yis/ /dbus ma las ni 'chi bar 'gyur/ /zhes pa ni skyes bu lo brgya yongs su rdzogs nas gal te shi bar 'gyur ba de lta na ni g.yas dang g.yon pa'i 'chi ltas ma yin gyi/che'i tshad du gtugs pa zhes bya ba yin no/ /rgyu bstan pa'i phyir/ mnyam dang mi mnyam pa yis ni/ /zhes pa ni skye pa'i dus kyi nyi ma g.yas g.yon no/ /de skyes nas ni zhes pa ni g.yas pa dang g.yon pa nyid las so//dkyil 'khor 'byung zhes pa ni 'chi ltas kyi'o/ /de yang ci'i phyir snyam pa la/ phyogs gnyis rnam par mnyam pa'i phyir/ /zhes gsungs te/ g.yas g.yon gang yang rung ba gcig mnyam na gcig las 'byung ba zhes dgongs so/ /g.yas dang g.yon pa dag las 'byung / /zhes pa ni 'chi ltas kyi nyi ma'o//phyogs gnyis yang dag gnas pa dang / /g.yas dang g.yon gyi kun spyod dang / /dkyil 'khor lnga ni 'bab pa yis/ /gzhan du na ni 'chi ba yin/ /zhes pa ni rlung 'khrug pa med par rgyu na ji srid lo brgya'i bar de srid du 'chi bar mi 'gyur zhes dgongs so/ /de ni de lta bu'i dus ma yin pa'i 'chi ba bslu ba'i phyir/'chi ltas mtshan nyid shes byas la/ /zhes bya ba smos te/ 'chi ltas shes pa'i rjes la'o/ /srog ni thig ler zhugs par bya/ /zhes pa la srog ni rlung yin la/ de nyid thig le nas dbus mar 'jug pa nyid do/ /kun spangs go 'phang zhes pa ni sgra gcan gyi ming can no/ /go 'phang ni gnas so//rten byas la zhes pa ni rlung der bcug pa'o/ /mchog tu mi 'gyur bsgom par bya/ /zhes pa ni rlung der zhugs pa'i stobs kyis me 'bar ba ste/ de nyid dus kyi me 'bar ba yang ma yin no/ /des kun rdzob byang chub kyi sems zag pa'i phyir ma btang bas 'chi ba bslu ba zhes pa'i don to//gang gi 'chi ba bslu zhe na/ nyi zlar 'gro ba gzhom pa'i phyir/ /zhes gsungs te/ g.yas pa dang ni g.yon pa nyi zla'i ming can gang yang rung bar song ba'i rlung gzhom pa'i phyir ro/ /de bas na de'i phyir/ rtag par rdo rje bslang bar bya/ /zhes gsungs so/ /bslang ba ni mi 'dzag pa'i bde bas so/ / gzhan du na ni kun spangs char/ /zhes pa ni de lta bu'i thabs ma gtogs pa gzhan gyi srog gi rlung ni 'jug pa med ces pa ste/ sgra gcan gyi ming can no/ /'og tu dung can thur sel ni/ /zhes pa ni 'og gi rlung ngo / /der ma zhugs na 'chi ba yin/ /zhes pa ni dbus ma der khams de rnams ma zhugs na 'chi ba'i ltas mi bslus zhes bya'o//'on ji ltar bsgrub par bya snyam pa la/ 'chi ba bslu ba 'di nyid ni bslu ba'i thabs 'di nyid ces pa'i don to/ /rnal 'byor rnams la dga' bar 'gyur/ /zhes pa ni dga' ba rnam pa bzhis bslu bar 'gyur gyi gzhan gyis ni ma yin no zhes bya'o/ /gtsug tor steng gi pad+ma la//shu kra byung na dga' ba yin/ /zhes pa ni dga' ba rnam pa bzhi po yang 'khor lo rnam pa bzhi'i rten can yin pas/ gtsug tor steng zhes bya ba 'khor lo gnyis kyi bdag nyid las te dga' ba'i bdag nyid do/ /shu kra ni khu ba'o/ /mgrin pa snying ga mchog dga'o/ /zhes pa yang 'khor lo gnyis po mchog dga'i rten yin no//de yang dga' bral dga' bar 'gyur/ /sna tshogs dga' ba lte ba la/ /zhes bya ba ni sprul pa nas gsang pa'i 'khor lo la thug pa ni bi rA ma zhes bya ba'i dga' ba'o/ /gsang gnas rdo rje nor bu'i bar/ /lhan cig skyes dga' mi 'pho ba/ /zhes pa ni gsang ba'i pad+ma nas nor bu'i rtse mor ni lhan cig skyes pa'i rten zhes bya ba'i don to//rab tu mi gnas mya ngan 'das/ /chags chen mi 'gyur mnga' bdag go/ /zhes bya ba ni mya ngan las 'das par te nor bu'i mgrin pa las so/ /mi 'pho ba yi chags pa chen/ /zhes pa'i don to/ /dga' bral las ni bde 'pho gang //mya ngan 'das la bde ba'i gnas/ /zhes pa ni rdo rje nor bu'i mgrin pa las 'pho ba'i chags bral chen po ni mya ngan las 'das pa'o/ /sa bon zla ba gtsug tor shar/ /zhes pa ni byang chub sems kyi zla ba gtsug tor gyi 'khor lo nas tshes gcig pa'i tshul du 'byung ba'o//gsang ba'i chu skyes dag la rdzogs/ /zhes pa ni de ltar tshes gcig la sogs pa'i rim pas gsang ba'i pad+ma nas nor bu'i rtse mor rdzogs pa zhes pa nya ba yin no/ /ci'i phyir snyam pa la/ cha ni bcu drug ma gang ste/ /rdo rje nor bu'i pad rtser song / /zhes pa cha bcu drug pa'i bdud rtsi nor bu'i rtse mor 'ong ba de'i phyir ro//de 'og 'pho ba'i dus yin no/ /nag po'i tshes gcig 'byung ba yin/ /zhes pa ni de ltar nya'i rjes la nag po'i 'pho ba'i tshes gcig la 'byung ba yin gyi gzhan du ma yin zhes pa'i don to/ /stong la dga' ba bral ba yis/ /nyi ma mdzod spur 'gro bar 'gyur//de yi cha ni bcu drug la/ /gtsug tor pad+mar song bsan/ /'di ni zla ba zad par brjod/ /ces pa ni bde ba'i rten zla ba'i ming can lus pa med par nam mkha'i khams su 'dzag pa de'i dus na nyi ma'i ming can dang / bdud rtsi'i dag mdzod spu'i gnas su 'gro ste/ gnam stong chen po yin gyi zhing de'i skyon gyis 'jig rten gsum dkrugs pa yang yin no//'dod chags bde ba bral phyir ro/ /zhes ba ni bde ba'i rten bral ba'i phyir ro zhes pa'o/ /lus can thams cad 'chi ba na/ /zla ba'i bdud rtsi thur du 'gro/ /steng du nyi rdul sgra gcan dang / /rnam shes srid pa'i mtshan nyid do/ /zhes pa ni 'gro ba rnams 'chi ba'i skad cig na bde ba'i rten nor bu'i lam nas 'byung zhing nyi rdul sgra gcan gyi ming can srid pa skyed par byed pa'i steng du kha lta zhes pa'i don to//de nyid dus kyi me 'bar ba yin pas na lus can rnams bsreg cing gdung ba skyed par byed pa dang / phung po dang khams ma rung bar byed pa yin no//de bas zla ba'i bdud rtsi ste/ /'gro bar bya'o rgyal po kye/ /'og tu nyi rdul sgra gcan dang / /rnam shes mi 'gyur bde ba'o/ /zhes pa ni nyes dmigs de bas na/ byang chub sems ni kha yar bltas pa la bya la/ nyi rdul sgra gcan gyi ming can ni kha mar bltas pa la bya'o/ /rgyal po kye zhes pa'i don to//mdzod spur chu skyes sangs rgyas kun/ /zla ba'i bdud rtsi nya yin zhing / /nyi rdul gnam stong gsang ba la/ /gtsug tor nor bu de nyid 'chad/ /ces pa ni sangs rgyas rnams la ni zla ba'i ming can zhes mdzod spu'i pad+mar nya pa yin la/ nyi ma ming can ni nor bu nya ba'o/ /ston pa rdo rje'i tshig 'di ni//lus can rnams la phyin ci log /mi gnas mya ngan 'das pa yin/ /khams rnams phyin ci log tu 'gyur/ /zhes pa ni gong du brjod pa'i rim pas de bzhin gshegs pa rnams las lus can rnams la zla ba'i ming can nor bu la nya ba yin la/ nyi rdul gyi ming can steng gi pad+mar nya ba ste/de bas na khams rnams go bzlog pa yin no/ /de yang gang mya ngan las 'das zhes bya ba byang chub kyi sems zag pa de'i skyon las gyur pa zhes dgongs so/ /nor bu thugs dang gsang ba gsung / /lte ba sku yi bde chen phyir/ /dag pa'i sku las spros pa ni/ /chos dang longs spyod sprul pa yi//zhes pa ni byang chub sems kyi myu gu lus las 'byung ba'i dus na lte bar sku'i rdo rje rnam par snang mdzad chos dang / gsang bar gsung gi rdo rje 'od dpag med longs spyod rdzogs pa dang / nor bu thugs mi bskyod pa sprul pa'i sku ste/ mgo zugs pa dang / longs spyod pa dang / thim pa'i tshul gyis 'byung zhes pa'i don to//'og tu thabs 'gyur rgyal po kye/ /steng du shes rab dag tu 'gyur/ /zhes pa ni gong du bstan pa'i khams phyin ci log gi dbang gis so/ /dpral bar sku yi rdo rje yin/ /mgrin snying lte bar 'dab skyes la/ /sku gsung ye shes rdo rje thugs/ /sprul sogs 'di rnams sprul par mdzad//ces pa ni bde ba chen po la sogs pa'i 'khor lo bzhi las byang chub sems kyi myu gu rdo rje bzhi'i tshul gyis 'byung zhes pa'i don to/ /phung po khams rnams spros pas ni/ /sgrib pa med pas bde ba yi/ /zhes pa ni phyag rgya chen mo sngon song pas sgrib pa med pa yin la/sgrib pa ni 'dzag pa/ las kyi phyag rgya snyoms 'jug dang / /ye shes phyag rgya'i dmigs pa dang / /phyag rgya chen po gcig sbyor bas/ /'phel bar 'gyur dang mi 'gyur ba'o/ /zhes pa ni las dang ye shes kyi phyag rgya gnyis sam/ phyag rgya chen po la sogs pa dmigs te/byang chub kyi sems 'phel ba ste/ /lus rgyas pa ni mi 'gyur pa/ /zhes pa bya ba'i don to/ /'phel pa las ni zhes pa nas tshigs su bcad pa dang bzhi/ /mi 'gyur pa las mi 'gyur med/ /ces pa yan chad ni rtogs par sla'o/ /chos rnams rang bzhin med pa ni/ /sgyu ma zad dang 'byung bzhin no//zhes pa ni/ chos thams cad gzod ma nas skye ba med pa las ni smig rgyu bzhin te/ dper na smig rgyu ni gang nas kyang ma 'ongs la gang du yang ma 'gags pa de bzhin no/ /'byung ba zad par mi 'gyur te/ /rang bzhin gyis ni skye ba med/ /dngos dang dngos min mtshan nyid gcig /sna tshogs 'di ni mtshan nyid bral//zhes pa ni gzod ma nas skye ba med pa'i chos ni rtag pa dang / bsgom pa goms pas skye bar byed pa ni ma yin te/ de yang ji skad du/ 'di la bsnan pa ci yang med/ /'di la dbri pa'ang yod ma yin/ /yang dag nyid la yang dag lta/ /yang dag mthong na rnam par grol//zhes gsungs so/ /rang gi shes rab la 'khyud sems/ /pad+ma rdo rje nor bu song / /de la zla ba mthun 'gyur ba/ /zhes pa ni rang gi shes rab ni las sam ye shes so/ /de la 'khyud cing snyoms par 'jug pa las zla ba byang chub kyi sems mthun pa zhes pa 'dzag pa'i rang bzhin ni/ mi mthun bsgoms pas rgyu mthun no/ /zhes pa yan lag drug gi sbyor bas so/ /lus ngag sems kyi rtsa rnams la/ /lus ngag sems kyis bsgom par bya/ /zhes pa ni rdo rje rnam par snang mdzad la la nA dang / gsung ni rdo rje 'od dpag med ras nA dang / thugs ni rdo rje a wa d+hU tI mi bskyod par bsgom pa'o//rdo rje gsung ni sdud pa po/ /dung can ma la ye shes bsgom/ /zhes pa ni 'og gi dung can ma bde ba skyed pa'i gnas yin pa'i phyir ro/ /ji ltar bsgom snyam pa la/ /mgo bo la ni rim pa yis/ /shes rab chags pas thig le zhugs/ /zhes pa la/ /mgo bo las ni rim pa yis/ /zhes pa ni gong du bstan to//shes rab chags pas ni phyag rgya gsum las so/ /rdzogs pa'i go 'phang zhugs rnams la/ /zhes pa ni rdo rje nor bu la'o/ /don dam pas ni bcing bar bya/ /zhes pa ni rdo rje nor bu la gnas pa de 'gyur ba med pa'i phyag rgya chen pos bcing ba'o/ /rim pa ji ltar zla ba shar/ /cha rnams kyis ni rdzogs par 'gyur//nyin mo bzung ba rdzogs pa ste/ /zla ba tshes ba rdzogs pa min/ /zhes pa ni ji ltar zla ba ni tshes gcig la sogs pa bco lngas yongs su gang ba la rdzogs zhes 'jig rten pa brjod kyi/ ma rdzogs pa lam yin pa de bzhin du/ de bzhin rim pa ye shes shar/ /sa rnams dag ni rdzogs par 'gyur//zhes pa ste/ sa ni dga' ba bcu drug gi skye ba'i sa'am/ stong pa dang / srog dang / bzang po dang / rgyal ba la sogs pa yin pa'am/ yang nas dang po la sogs pa nas sangs rgyas kyi sa'i bar gyis rdzogs pa'o/ /nyon mongs la sogs pa bcom pas rdzogs/ /ye shes 'chad pa rdzogs pa min//zhes pa ni nyon mongs pa yang bag la nyal pa la sogs pa ma lus pa bcom pa ni rdzogs pa yin gyi/ gzhan du ni ma yin no/ /de nyid ye shes chad pa yang yin no/ /zla ba yongs su rdzogs pa yi/ /nyal ri bong can mi gnas/ /zhes pa ni zla ba'i dkyil 'khor yongs su rdzogs pa ni skad cig kyang mi gnas pa de bzhin du//'khor pa'i bag chags kyi mtshan pas/ /mi 'gyur pa de bde ba bzhin sems/ /skye ba dang ni 'jig pa'i phyogs/ /yar ngo mar ngo bar du gnas/ /zhes pa ni 'khor pa'i chags kyi skyon gyis ma spangs pa'i dbang gis phyogs gnyis su gnas zhes pa'i don to//de nyid dbus su rdzogs pa gang / rdzogs pa de ni rab mi gnas/ /zhes bya ba de nyid dbus su zhes pa ni yar ngo mar ngo'i dbus su'o/ /mi gnas pa ni gong du bshad pa nyid do/ /skad cig gis rdzogs sangs rgyas/ /rdzogs pa ni la g.yo mi 'gyur/ /zhes bya ba ni/ gong du brjod pa'i phyogs gnyis po spangs pa'i tshul gyis skad cig thang cig thams cad kyis yongs su gang ba ni rdo rje nor bu'o//de nyid ni/ gang zhig rdo rje nor bur sems/ /skad cig thams cad der rdzogs byed/ /dkar po'i phyogs la de mi gnas/ /dkar min la yang de mi 'gro/ /zhes rgyas par gsungs pa yin no//de'i phyir/ gnyis med rdzogs pa la song na/ /phyogs gnyis pa yi dbus su gnas/ /zhes bya ba ni stong pa nyid dang snying rje dbyer med pa'i tshul lo/ /de yang stong pa nyid ni nor bu las bral ba yin zhing / snying rje ni bral ba'o/ /gtsug tor las ni 'byung ba de/ /rdo rje nor bur rdzogs par 'gyur//zhes pa ni lugs su 'byung ba bstan pa'o/ /dga' bral bcas pa'i cha bcom pa/ /rdo rje nas ni rdzogs par 'joms/ /zhes pa ni 'jig rten phal ba'i lugs bstan pa'o/ /slar yang gtsug tor las byung ba/ /yang na rdo rje nor bur rdzogs/ /zhes pa ni 'khor ba pa'i ste/ 'khor lo'i tshul du 'jug ces pa'i don to//de yang gang yin zhe na/ dga' bral bcas pa'i cha bcom pa/ /zhes gsungs te/ sngon du brjod pa dag ste/ lus can ye shes bcom pa min/ /zhes pa ni bde ba chen po skye ba'i rten bcom pa yin gyi/ ye shes dngos ma bcom pa'i don to/ /bde ba chen po'i rang bzhin 'di//rdzogs pa'i sgra yis brjod par bya/ /zhes pa ni bde ba chen po'o zhes bya'o/ /gnyis su med pa'i ye shes ni 'jig rten pa'i dper bya ba las 'das pa yin la/ 'on kyang byang chub sems kyis yongs su gang ba zhes sam/ sa ya thams cad yongs su gang ba zhes bya bas brjod par bya'o/ /gzhan ma'i dngos po'i mtha' kun ni//skyed pa dang ni sdud byed rgyu/ /srid nas mya ngan 'das par gshegs/ /des na slar yang srid par byon/ /zhes pa ni bde ba chen po las gzhan pa 'dzag pa'i bde ba'i rang bzhin no/ /de'i dpe ni/ rang phyogs gnyis la zla bzhin dang / /zhes pa ste nag po dang / dkar po'i phyogs gnyis su gnas pa'i dpe'o//bgrod pa gnyis la nyi bzhin no/ /zhes pa ni nyi ma dang zla ba drug drug dang ldan pa'i bgrod pa gnyis la gnas pa'i dpe'o/ /rdzogs pa la mi g.yo ba'i dpe ni/ mi 'gyur skad cig gis zos pa/ /zhes pa ni/ 'jig rten pa yi 'dzag pa las/ /gzhan pa mi 'jog pa 'di ni//zhes su sbyar ro/ /'gyur ba med pa'i skad cig rdo rje nor bu ni der skad cig nyi khri chig stong drug brgyar gnas pa'i dbugs kyis zos nas/ sa rnams kyis ni yongs rdzogs nyid/ /ces bya ba ste/ rab tu dga' ba la sogs pa gzhon nus zhes pa'i tha tshig go/ /de nyid gang yin zhe na/ phyogs gnyis yang dag mnan pa ni//zhes bya ba dkar po'am nag po'am/ yang na rtag pa'am chad pa'i phyogs sam mtha' mnan nas gdod rdzogs par bya zhes pa'i don to/ /sa rnams kyis ni yongs rdzogs na/ /bden don rnam pa bcu gnyis ldan/ /zhes gsungs te/ dus de na ni rten 'brel bcu gnyis lugs las bzlog pa yin te/he ru ka phyag bcu gnyis kyi brda bstan te/ de nyid bcu gnyis sa'i dbang phyug yin la/ rnam pa bcu gnyis sa rnams kyis/ /rdzogs pa gnyis su med pa'i mchog /ces dgongs so/ /de nyid byang chub kyi sems zla ba cha bcu drug par 'gyur ba'i rang bzhin bsrung ba las lus rgyas pas na/cha rnams kyis ni rdzogs pa'i sems/ /rnam pa bcu drug mi 'gyur ba/ /don gcig gnyis su med pa'i sems/ /don dam pa ni mi nyams pa/ /zhes gsungs pa yin no/ /rdzogs pa'i gnas skabs sems 'gyur na/ /kun nas rab tu rdzogs pa yin/ /zhes pa ni bdag gi rdo rje nor bu nas mi 'gyur ba'i bde bas dri ma med pa man chad yongs su gang ba nas kun nas rdzogs pa'i phyir kun du bzang po yin no//dus de na 'jig rten pa'i chags pa dang bral zhing mi 'gyur ba'i bde ba la chags pa'i phyir/ chags bral la sogs chags pa che/ /zhes pa yin no/ / rdo rje yan lag mi 'gyur che/ /phyogs gnyis pa yi bag chags kyis/ /yongs su gang ba ma 'dres pa/ /zhes pa ni rdo rje yan lag med pa zhes bya ba yin no/ /rdo rje nor bu yongs su gang ba la yar ngo mar ngo'i bag chags kyis ma 'dres pa zhes pa'i don to/ /ji ltar rgya mtsho chu bo'i chu/ /zhugs na chu de dang mnyam 'gyur//zhes pa ni chu bran thams cad dug can du zhugs pa der ro mtshungs zhes pa'i don to/ /de bzhin du ni dngos po'i tshogs/ /'gyur ba de ni mi 'gyur snyam/ /zhes pa ni de bzhin du 'gyur ba dang / mi 'gyur ba'i ro gcig go/ /ji ltar khams kyi tshogs 'di ni/ /sa bon gyis zos ro nyid 'gyur//sa bon rang bzhin nyid du ni/ /'bras bu dus gsum nga rgyal spangs/ /zhes pa ni dper na/ 'bras bu tha dad pa'i sa bon gyis 'bras bu tha dad pa skyes kyang / rgyu 'bras kyi rtogs pa med pa'am/ yang na lcags dang zangs la sogs pa'i khams kyi tshogs la gser 'gyur gyi rtsi la sogs pas bsgyur kyang phan tshun du rtogs pa med pa'o//de ltar dngos po'i tshogs kyang ni/ /mchog tu mi 'gyur ba zos nas/ /rnam pa thams cad rang bzhin 'dzin/ /mchog tu mi 'gyur nyid du 'gyur/ /zhes pa la/ de ltar dngos po'i tshogs 'dzag pa la sogs pa la ni mchog tu 'gyur ba med pa'i ting nge 'dzin gyis zos nas rnam pa kun gyi mchog dang ldan pa'i bde ba chen por 'gyur zhes pa'i don to//mche rma'i tshor ba'i sdug bsngal ni/ /gzhan du 'ang mnan pas rig min la/ /kun rdzob gnas skabs 'gyur na ni/ /dbang po'i sgo yi yul ma yin//zhes pa ni dper na sbrul dug myur du khyab par byed pa'i mche bas skyes bu gang zhig la bzung na/ dug de myur du khyab pa'i tshor ba mi bzad pas dbang po thams cad myur du 'gags nas 'chi bar 'gyur ro/ /de bzhin rnal 'byor rdor nor bur/ /gzhan du dam pa'i bde rig min/ / sems ni rdzogs pa'i char 'gyur na/ /dbang po'i sgo yi yul la min/ /zhes pa ni de bzhin du rnal 'byor pas rdo rje nor bur 'dzag pa med pa'i bde bas gang ba ni lus po rnams bde bas rgyas pa zhes bya ste/ dbang po rnams bde ba 'gags pa'i bde ba 'byung ba zhes pa'i don to/ /ji ltar lcags kyi phyogs gcig na//ro bcud chen po yang dag gnas/ /lcags la drag po'i mes gdungs na/ /kun nas kun du 'bigs par byed/ /dper na zhes pa ni lcags dang zangs la sogs pa'i phyogs gcig tu rtsi bzhag ste mes drag tu gdungs na kun du khyab par byed do/ /de bzhin du ni phyogs gcig na//mi 'gyur bde ba yang dag gnas/ /sems ni 'dod chags mes gdungs na/ /kun nas kun du 'jigs par byed/ /ces pa ni/ bde ba chen po'i 'khor lo la ni byang chub sems kyi ming can gnas pa la phyag rgya chen mo zhes bya ba la snyoms par zhugs pa'i 'dod chags kyi mes gdungs ba bzhin bsregs nas lus kun la khyab par byed ces pa'i don to//de ltar phug pa'i lcags la ni/ /gang du yang ni dri ma med/ /de bzhin phug pa'i sems la ni/ /gang du'ang bag chags g.yo ba min/ /zhes pa ni de ltar gser du 'gyur ba'i lcags la sogs pa'i gnas skabs gang yang med pa de bzhin du mi 'gyur ba'i bde bas phug pa'i sems la nam yang bag chags kyi go skabs yod pa yang ma yin no//gser nyid du ni lcags bsgyur la/ /me yis dri med 'gyur ba ltar/ /de bzhin sems ni yang nas yang / /'dod chags mes ni dri med 'gyur/ /zhes pa ni lcags gser du 'gyur ba'i rkyen mes byed ba de bzhin du/sems dri ma med pa'i rkyen ni stong pa nyid las 'byung ba'i mes byed pa yin no/ /nor bu chen po rdo la reg /rab tu gsal bar 'gyur ba ltar/ /de bzhin mi 'gyur bde reg na/ /sems ni bde ba nyid du 'gyur/ /zhes pa ni dper na nor bu dmar po'i rigs la sogs pa rdo la bdar na gsal zhing 'od 'byung ba de bzhin du 'gyur ba med pa'i bde bas sems la bdar na sems bde zhing gsal bar 'gyur zhes pa'i don to//'dir mang smras pas ci zhig bya/ /'jig rten kun rdzob bden pa yis/ /lcags ni kun du 'bigs pa yin/ /ro yi nus mthu bsam mi khyab//don dam par ni ye shes dngos/ /rtogs par yang ni nus sam ci/ /zhes pa ni 'dir brjod pa mang pos ci zhig bya ste/ kun rdzob kyi bden pa la rten 'brel gyi nus pa bsam du med par dpyad par yang mi nus na gnyis su med pa'i ye shes mi 'gyur ba'i bde bas bskyed pa ci'i phyir rtog par nus zhes pa'i don to//glo bur dri mas g.yogs pa yi/ /sems la kun tu 'bigs pa yin/ /sems la kun du zhes pa ni sems kyi dri ma zhes bya ba yod pa ma yin pa rang gis yongs su brtags pa de la 'bigs zhes pa'i don to/ /sems la glo bur dri ma med/ /sems la yun rings dus na'ang min//sems las ma gtogs skye ba'ang min/ /sems la zad med gnas pa'ang med/ /ces pa ni dri ma med ces pa dang sbyar ro/ /de la dri ma med ces bya ba la/ gal te 'di'i glo bur ba yin na zhes pa'i don to/ /skyon cir 'gyur zhe na/ de'i phyir sngon du dri ma med pa'i sems zhes bya ba smos te/gal te glo bur zhes bya ba la snga ma med pa las 'ongs pa med pa zhes te de ltar na ni spangs shing phyi nas yang skye ba'i phyir skyon du thal bar 'gyur ro zhes bya'o/ /gal te 'di ni yun rings nas/ /de'i phyir de la srid min gang / /zhes pa ni/ gal te sems kyi dri ma 'di//sems nyid de yi rang bzhin yin/ /zhes dgongs na ni mya ngan las 'das pa zhes bya ba mi g.yo ba ma yin te/ me'i rang bzhin tsha ba mi 'dor zhes pa'i don to/ /gal te sems las ma gtogs 'ongs/ /de ltar nam mkha'i me tog mtshungs/ /zhes pa ni 'on te sems las ma gtogs pa tha dad par gnas pa yin pa de lta na ni yod kyang gnod pa mi skyed de//nam mkha'i pad+ma'am/ mo gsham gyi bu la sogs pas ni phan pa'am gnod par mi 'gyur zhes pa'i don to/ /gal te sems la rtag gnas na/ /de ltar kun du thar pa yin/ /zhes pa ni 'on te sems kyi dri ma de skyes bu dang gri ba ma 'dra'am/mar me dang 'od ltar rtag par gnas na yang mya ngan las 'das pa'i go 'phang 'thob pa med ces dgongs so/ /'o na de ci'i phyir zhe na/ dri ma zhes sam sgrib pa zhes pa ni btags pa dang ming tsam dang byis pa so so'i skye bos btags pa ste/ dper na nam mkha' legs par ma dag pa la skyes bu 'ga' zhig gis skyes bu 'ga' la lag pa'i sor mo lnga bstan na/sbrul mgo gdengs par 'khrul nas skrag pa dang 'dra'o/ /de yang ci skad du/ bcom ldan 'das nyid kyis/ dper na dogs pa'i 'du shes kyis ni dug langs pa/ /dug de khong du song ba med kyang brgyal bar 'gyur/ /zhes gsungs so/ /de ci'i phyir zhe na/ji ltar zangs ma'i dri ma ni/ /bcud kyi sbyor bas nyams par 'gyur/ /dri med kyis ni yang dag gnas/ /de yis de nyid nyams pa med/ /ces gsungs te/ dper na gang zangs sam lcags kyi dri ma la rtsi sman la sogs ba btab nas me la bsregs na dri ma tshig cing de dag nyid nyams pa med pa de bzhin du/de bzhin sems kyi dri ma ni/ /stong nyid sbyor bas nyams par 'gyur/ /dri med nyid kyis yang dag gnas/ /de yis ye shes nyams pa med/ /ces gsungs pa ni sems kyi dri ma zhes bya ba stong pa nyid kyi mes bsreg na 'tshig ces pa'i don to/ /de yang ji skad du/ ye shes gzi brjid rab 'bar bas/ /bdud dbung yul bcas ma lus bsreg /ces gsungs la/ de yang ji ltar 'jig rten phal pa'i chad par lta ba'i stong pa nyid ni ma yin gyi/ byang chub sems dpa' rnams kyi so sor rang gis rig pa'i stong pa nyid kyi sems zhes bya ba yang yin par dgongs so//ji ltar bcud kyis lcags 'bigs pa/ /lcags nyid du ni 'gyur ba med/ /de bzhin bde bas phug pa'i sems/ /sdug bsngal nyid du 'gyur ma yin/ /zhes pa ni dper na zangs lcags la sogs pa'i khams gser du bsgyur ba ni slar zangs dang lcags su mi 'gyur ba de bzhin du/mi 'gyur ba'i bde bas phug pa'i sems slar bzhin sdug bsngal gyi rang bzhin du 'gyur ba'i gnas skabs med ces pa'i don to/ /de bas na/ chags bral las ni sdig gzhan med/ /de las bsod nams gzhan yang med/ /de bas rtag par mi 'gyur bde/ /sems ni dbug bya min dbang kye//zhes gsungs te/ dus gsum gyi de bzhin gshegs pa bkrongs pa bas ni byang chub kyi sems bsad pa sdig che ba yin pas gzhan du yang dus gsum du bzhugs pa'i sangs rgyas rnams la bskal ba gang+gA'i klung du bsnyen bkur bas ni skad cig tsam du mi 'gyur ba'i bde ba la gnas pa'i bsod nams ches khyad par 'phags zhes dgongs so//gzhan yang sbyin pa rnams kyi nang na yang 'dod pa'i sbyin pa khyad par du 'phags pa'o zhes gsungs so/ /gzhan yang mi 'gyur ba'i bde ba chen po brjod pa'i yul las 'das pa'i dpe ni bde ba las ma gtogs pa gzhan du na/ gzhon nu ma yi dga' ba ni//bde ba smra bar mi nus kyi/ /lang tsho yis ni bde thob pa/ /bde ba chen po rang gis rig /ces pa ni shin tu 'dod chags kyi dbang du 'gyur ba las skye ba bde ba yin pa'i phyir/ gzhan la brjod par mi nus so/ /de bzhin ting 'dzin bral ba yis/ /bde ba smra bar mi nus kyis/ /ting nge 'dzin gyis mi 'gyur thob//rnal 'byor pa rnams rang gis rig /ces pa ni/ 'jig rten pa'i 'dzag pa'i 'dod chags kyang dpe yis brjod par mi nus na mi 'gyur ba las skyes pa'i bde ba gang gis kyang brjod par mi nus la ting nge 'dzin thob pa'i sbyong yul te/ so so rang gis rig pa'o/ /mi 'gyur las skyes the tshom med//thams cad mkhyen pa ma thob kyang / /yid la bde min chags bral bas/ /de ltar yang ni mi bya'o/ /zhes pa ni byis pa gang dag bde ba chen po'i sku 'di ni mi 'gyur ba'i bde ba las 'khrungs sam/ 'on te ma yin zhes dogs na/ de'i brjod pa lta zhog gi /ji ltar 'gyur ba'i bde ba yang 'pho ba med pa de srid du lus sim zhing rgyas pa yin la/ phyi rol du 'gyur ba ni med pas/ de bas chags bral du mi bya/ /zhes pa'i don to/ /de nyid chags bral nyes dmigs bstan pa ni/ 'pho ba la ni chags bral 'gyur/ /zhes pa ni/ sems can gzhan du srid pa med//ces pa yan chad kyis bstan pa'o/ /de bas 'bad pa thams cad kyis/ /'pho ba'i bde ba spang bar bya/ /zhes pa ni nyes pa de ltar bstan pa de bas na 'dzag pa'i bde ba spangs zhes pa'i don to/ /gang gis srid pa'i 'ching ba las/ /mi 'gyur bde 'gyur rnal 'byor pa/ /zhes pa ni gang gis srid pa 'ching ba'i 'dun pa las grol bar 'dod pa'i rnal 'byor pas ci'i phyir chags pa dang bral bar byed pa zhes pa'i don to//'dod pa'i bstan bcos chags can pas/ /chags bral bar ni mi 'dod na/ /zhes pa ni 'jig rten pa'i skad cig ma'i bde ba tsam nyams su len pa'i lha dbang phyug chen po la sogs pa yang chags pa dang bral bar mi 'dod pas/chags pa'i bstan bcos 'ba' dang tsha la yA na la sogs pa ston par byed pa'i rgyud ston cing / /gzhan dag kyang mnyan pa la 'bad par byed cing bde ba rgyun mi 'chad pa'i don du 'bad pa phun sum tshogs pa yin no/ /bdag gis bstan pa'i rgyud la ni//rnal 'byor pas ni sdug bsngal 'dod/ /ces pa ni ci'i phyir zhes sbyar bar bya'o/ /de yang bdag gi 'khor ba'i sdug bsngal 'byung ba'i rgyu chags bral du bstan la/ sdug bsngal de 'gag pa'i rgyu chags bral spangs par bstan pa la 'jug pa'i 'bad pa med pa ngo mtshar zhes pa'i don to/ /sa bon mi 'gyur rang bzhin gyis//mchog tu mi 'gyur bsgrub par bya/ /de ltar brjod pa'i rim pas 'gyur ba'i bde ba spangs la/ mi 'gyur ba'i bde bas lus 'grub ces dgongs so/ /rten ni 'pho ba thob pa la/ /rten byed chags pa bral ba nyid/ /ces pa ni de lta bas na/ bde ba'i rten byang chub kyi sems kyi ming can 'pho ba de la brten pa'i bde ba chen po yang 'pho zhes bya'o//'on rten dang rten byed kyi 'brel pa gang du 'dor bar 'gyur zhe na/ rten dang brten pa'i 'brel pa ni/ /ji srid mi 'gyur nyid du 'gyur/ /sems kyis mi 'gyur nyid 'thob pas/ /rten dang brten pa'i 'brel pa med/ /ces pa la/byang chub sems kyi myu gu rtse mo gyen du bstan pa ni dri ma med pa zhes bya ba'i gnas su bgrod pa nas 'bad pa mi dgos te/ rnal 'byor de grong dang grong khyer dang / skye bo mang po'i nang na 'dug kyang rung / rgyal po'i pho brang 'khor na 'dug kyang rung / ra ro 'am/ brgyal lam/ gnyid log kyang rung ste/'bad pa mi dgos zhes bya'o/ /de yang gsal bar bstan pa ni mi 'gyur ba las skyes pa'i sku/ mdzod spu'i 'khor lor son pa la/ /A li kA li 'byor pa yis/ /hUM yig mi 'dod rgyal po kye/ /zhes gsungs te/ de ltar mdzod spu'i dri ma med pa zhes bya bar byang chub kyi myu gus khyab pa la a la sogs pa yongs su gyur pa'i zla ba'i dkyil 'khor dang /kA la sogs pa yongs su gyur ba'i nyi ma'i dkyil 'khor dang / de'i bar du hUM sngon po ste de rnams yongs su gyur pa las/ rdo rje sems dpa'i sku lus las 'od zer sna lnga 'phros pa dang bsdus pa'i sku las bdud rtsi'i rgyun 'byung ba ye shes sems dpa'i byin gyis brlabs pas de lta bu'i brtags pa'i sku lta mi dgos zhes bya ba 'am/yang na de lta bu'i brtags pa'i rang bzhin du/ /mdzod spur 'gro ba'i rgyu mi byed/ /ces bya ba'o/ /kye zhes pa ni zla ba bzang po la bod pa'i tshig go/ /de yang stong pa las byung ba'i gzugs ni rgyu zhes pa'am/ yang na mi 'gyur ba las skyes pa'i rgyu ni rnam pa kun gyi mchog dang ldan pa de'i stong pa nyid yin la/'bras bu ni bde ba chen po yin no/ /'bras bu yis ni rgyu rgyas gdab/ /rgyu yis 'bras bu rgyas gdab bo/ /stong pa nyid gzugs rgyu yin te/ /'bras bu snying rje'i gzugs mi 'dzin/ /zhes pa ni gdul bar dka' ba'i 'gro ba la brtags pa'i chos ni brgyan pa yin la/de yang thabs kyi rigs can dang / /shes rab kyi rigs can gyis phan tshun du mtshon pa dang ltos par bya ba'i ched du'o/ /gzhan yang brtags pa'i chos la ni rgyu dang / 'bras bu 'grub la/ brtags pa ma yin pa la ni ma yin te/ de yang stong nyid snying rje dbyer med la//byang chub sems su de brjod do/ /zhes pa ni rgyas gdab pa las grol bar ston to/ /mya ngan 'das dang bral ba'i sems/ /'khor ba las 'da' mi 'gyur la/ /rtag dang chad las nges par grol/ /de nyid sbyor ba gnyis med gzhan/ /zhes gsungs pa yin te/gang yang las kyi phyag rgya shes rab kyi ming can dang thabs snying rje'i ming can de dag la ni ltos pa yin la/ shes rab chen po 'di ni ltos pa dang bral ba yin no/ /dngos med las byung mtshan nyid phyir/ /gzugs la dngos po med pa min/ /zhes pa ni/ byis pa rnams kyi rtog pa bzlog pa ste/ de yang chad par lta ba la kha cig gi bsam pa la kun rdzob tsam du yang med snyam pa'am gzugs la dngos po med ces pa ste/ du ba la sogs pas 'byung bar bstan pa'o/ /de nyid ther zug tu lta ba dgag pa'i phyir/ dngos po las byung mtshan nyid phyir/ /mi 'gyur ba la dngos po med/ /ces gsungs pa yin no//de bas/ dngos dang dngos med yang dag sbyor/ /rdo rje rnal 'byor gnyis med mchog /gzugs dang gzugs med rnam par grol/ /me long gi ni bra bzhin no/ /zhes pa ni/ de ltar brjod pa'i rim pas rdo rje rnal 'byor zhes bya ba ni gnyis su med pa'i zung du 'jug pa la bya'o/ /srid gsum gzugs ni mi 'ong ste//'gyur med mi grol mya ngan 'das/ /zhes pa ni du ba la sogs pa'i mtshan ma dang / mi 'gyur ba'i bde ba ni srid pa dang zhi ba'i mtshan nyid mnyam pa nyid yin gyi/ tha dad pa ma yin par dgongs so/ /de'i phyir/ phan tshun 'khyud dang zhi ba ni/ ma ning gi ni go 'phang mchog /ces pa nas/phan tshun du ni rgyas gdab med/ /ces bya ba ni mi 'gyur ba'i shes rab ye shes chen po la rgyas gdab pa med par ston cing / gnyis ka la mnyam par gnas pas na ma ning gi gnas kyi mchog yin par ston to/ /'o na gang la rgyas gdab ce na/ gang gi rgyu dang 'bras bu kun/ /de ni rten cing 'brel las 'byung //zhes gsungs te/ brtags pa'i chos la rgyas gdab par gsungs te/ gzhan la ma yin zhes dgongs so/ /phan tshun du ni rgyas gdab gzugs/ /skye ba med cing 'das pa'ang med/ /shes rab kun nas mya ngan 'das/ /mchog tu 'gyur ba med pa ste/ /rgyu dang 'bras bu rnam par grol//phan tshun rgya yis gdab pa med/ /ces pa ni shes rab chen po'i dbang la zhes bya bar sbyar ro/ /ma skyes pa dang ma 'gags pa'i/ /shes bya gang zhig 'di mthong na/ /zhes pa ni/ skye ba dang 'gag pa dang gdod ma nas bral ba'i dngos po 'di'o/ /phyi ru rnam par dbye ba las/ /rang gi sems las de gzhan min//zhes pa ni/ /gang zhig bdag las gzhan pa ltar snang ba 'di ni ma rig pa'i bag chags yongs su smin pa'i dbang gis snang ba gang de nyid shes rab kyi mtshon gyis dral nas bdag las gzhan pa mi rnyed do/ /de yang ji skad du/ /skyes bu'i kun rtog 'dod chags spang bya yis//'jig rten sna tshogs gang de de ltar gnas/ /zhes pa dang / gzhan yang 'phags pa lha'i zhal nas ji skad du/ phyi rol don ni yod ma yin/ /'di dag rang gi sems su gda'/ /zhes pa dang gzhan ci yang rung ste/ mdun rdzogs na de ci tsam la mi gnas so zhes pa dang / gzhan yangs bcu pa'i mdo las kyang ji skad du/kye rgyal ba'i sras dag khams gsum pa 'di ni sems tsam mo zhes gsungs pa de bas na rnam par shes pa thugs kyi bdag po srid pa gsum gyi mgon dang skyabs nyid las sna tshogs par snang ba yin no/ /de yang ji skad du/ dpal sa ra ha'i zhal nas/ thugs kyi bdag po ston pa'i mchog khyod gcig pu bdag gi skyabs gyur cing / /shes rab pha rol phyin pa'i rang bzhin rol pa rdo rje btsun mo'i tshogs/ /gang zhig 'khor ba'i ngo bos cher gnas dga' ba des 'bebs shing / /ye shes nam mkha'i yid kyi chu bo rgyas mdzad dpal ldan bla ma de nyid yin//zhes gsungs pa de bas na thogs pa med par gnas pa'i rnal 'byor yin te/ de'i phyir rang gis rang la ni/ /gar yang rgyas gdab nus ma yin/ /zhes gsungs so/ /ral gri so yis rang la ni/ /ral gri chen po gcod dam ci/ /zhes pa ste ral gris rang la rang mi gcod pa ltar/ rang gis rang la rgyas gdab par nus pa ma yin no/ /mo gsham bu mos sbyar ba na/ /rmi lam bde bar 'gyur ba ltar/ /zhes gsungs pa ni/ yod pa ma yin pa'i btsun mo la sbyar bas rmi lam du bde ba 'byung ba bzhin du/ nam mkha' las byung gzugs kyis ni/ /bdag la brten pa de bzhin no/ /zhes gsungs pa yin no//nam mkha' chen po la gnas shing brten pas rgya che ba'i nam mkha' nyid lta bu'i yod pa ma yin pa'i rdo rje 'chang gi gnas thob pa'o/ /lhan cig skyes pa'i shes rab bcas/ /'di ni thabs min shes rab min/ /zhes pa ni/ phyag rgya chen mo la brten pas nam mkha' las byung pa'i bde ba 'di ni thabs zhes pa'am/shes rab ces su gang gis kyang brjod par mi nus pa'am/ yang na 'di ni skyes pa dang / mi mo'i thabs dang shes rab las byung ba ma yin pa'o/ /kun nas kun du yongs su rdzogs/ /sgrib pa thams cad spangs pa dang / / nam mkha' lta bur gos pa med/ /yul dang dbang po spangs pa nyid/ /ces pa ni rgyu de lta bu la snyoms par zhugs pa yang 'bras bu de lta bu thob ces pa'i don to/ /kun du 'byung po kun la gnas/ /mi chod mi phyed spangs pa nyid/ /ces pa ni de lta bu'i bde pa'i ye shes ni 'gro ba thams cad la gzhig tu med pa'i tshul gyis gnas zhes dgongs so//ci'i phyir gzhig tu mi nus snyam pa la/ 'dir ni rang 'byung rdo rje sems/ /don chen mchog tu mi 'gyur ba/ /zhes pa ste byed pa dang bral pa'am/ rang 'byung ba'i phyir ro/ /'dod chags chen po sems dpa' che/ /sems can thams cad dga' bar mdzad//ces pa ni de lta bu'i 'od gsal ba'i bde ba las/ 'gro ba rnams kyi don thogs pa med par 'gyur zhes pa'i don to/ /byang chub sems dpa' zhe sdang che/ /nyon mongs zad mdzad dgra chen po/ /nyon mongs zhes gsungs te/ de lta bu'i byang chub sems dpa' gang yin pa de ni bdag dang gzhan gyi nyon mongs pa thams cad gsod pa'i phyir/dgra chen po yin no/ /'gro ba'i don la bshol ba med pa'am/ bsad du med pa'i yul gnas pa yin pa'i phyir ro/ /dam tshig chen po'i gti mug che/ /gti mug blo ste gti mug sel/ /zhes gsungs pa yin no/ /'jig rten pa'i lha chen po la sogs pa 'dul ba'am/nang gi lha ma yin gdul dka' ba 'dul pa'i phyir/ rdo rje rnal 'byor khro bo che/ /lha mo'i khro bo dgra chen po/ /zhes pa yin no/ /de gang yin snyam pa la/ dus kyi 'khor lo chags pa che/ /'pho ba'i chags pa sil mdzad pa/ /zhes pa ste/ gang zhi ba dang drag po la sogs pa dang 'tsham pa la de dang de'i rnam par ston pa'o//don chen bcom ldan 'das kyis 'dir/ /rdo rje mi phyed ces su gsungs/ /zhes bya ba ste/ dbyer med pa'i rdo rje ni mchog tu mi 'gyur ba'i don du bcom ldan 'das kyis gsungs pa yin la/ sems dpa' ni/ sems dpa' srid pa gsum gcig pa//mchog tu mi 'gyur dag tu brjod/ /ces pa ste/ lug dang / ser skya dang / yid bzangs ma zhes bya ba gsum gcig tu 'dus pa'i bde ba yin no/ /mchog tu mi 'gyur bde ba gang / /sa rnams kyis ni yongs rdzogs nyid/ /ces pa ni gong du bstan zin to/ /'gyur ba med pa'i bde ba'am/sems can rnams la chags pa chen po mnga' bas na/ 'dod chags chen po sems dpa' che/ /sems can thams cad dga' bar mdzad/ /ces gsungs pa yin no/ /sems dpa' byang chub rnam par gnas/ /de'i phyir mi g.yo byang chub sems/ /zhes pa ni/ 'gyur ba med ba'i byang chub sems kyi myu gu'am/rtag par sems can rnams la dmigs pas na/ de skad ces bya ba'o/ /nyon mongs la sogs zhe sdang tshogs/ /zhe sdang chen po dgra chen po/ /zhes pa ni zhe sdang phal ba gang yin pa de ni zhe sdang skyed pa'i phyir/ de skad ces bya'o/ /dam tshig zla ba'i bdud rtsi dkar//'pho ba med de zab bo/ /zhes pa ni/ 'od gsal ba'i ting nge 'dzin gang yin pa de la gnas pa'i rnal 'byor bas longs spyad par bya ba ni 'pho ba med pa'i byang chub sems kyi zla ba yin zhes bya'o/ /de bas na/ rig pa 'di ni byang chub sems/ /zhes pa ni 'gyur ba med pa la za'i 'gyur ba dang bcas pa la mi za ba'i phyir ro//gti mug blo ste gti mug sel/ /zhes pa ni 'khor pa'i gti mug bsal nas/ bsam du med pa'i yul la gnas pa'i phyir ram/ thob pa med pa'i rnam par 'phrul pas gnas pa'i phyir de skad ces bya'o/ /shes rab sku dang mi 'gyur bcas/ /rdo rje thams cad gcig po nyid//ces pa ni stobs dang snying rje mi phyed pa'i rnal 'byor pa la sku gsung thugs ye shes kyi rdo rje'am/ yang na dkyil 'khor pa ji snyed pa de snyed pa ni rdo rje yin la/ de dag thams cad rdo rje sems dpa' bde ba chen po las gzhan pa ma yin pas na de skad ces bya'o/ /khro bo'i gzugs can bdud rnams la//khro bo chen po dgra chen po/ /zhes pa ni/ lha'i bu la sogs pa'i bdung ngam/ lha drag po'am/ yang na mu stegs byed pa rnams skrag par byed pa'am yang na bdud de/ bsam gtan bzhi'i rten phyir mi 'da' ba la rtse gcig pa la de skad ces brjod do/ /mi 'gyur chen po bde stobs kyis//nam yang sems can don mi 'dor/ /sems can grol ba'i chags chen po/ /'gyur ba'i chags pa sel bar mdzad/ /ces pa ni/ sngon bla ma dang / sangs rgyas dang byang chub sems dpa' la sogs pa'i mdun du/ dngos su khas blangs pa'am/ yang na shugs kyis khas blangs pa yin pa'i phyir/bshol ba med pa'i dam bcas pas sems can rnams ji ltar na gnyis su med pa'i lam la dgod par bya zhes pa'am lam dam pa la dgod pa yin pa'i phyir ro/ /da ni rdo rje dbyings kyi dkyil 'khor du gyur pa'i phung po dang khams dang skye mched dang / yul dang dbang po la sogs pa bstan pa'i phyir/ mi 'gyur ye shes tshor ba ni/ /rnam pa drug ste ye shes tshor ba la sogs su brjod de/ /rnam shes gzugs dang 'du byed dang / /'du shes phung po'i rigs 'di rnams/ /zhes bya ba gsungs te/ 'gyur ba med pa'i 'grub pa'i rnam pa drug po 'di bde ba zhes bya ba rgyal ba drug gi rigs kyi rang bzhin du rtogs par bya'o//ye shes me dang nam mkha' sa/ /rim pa de bzhin rlung dang chu/ /zhes bya ba la/ bde ba zhes bya ba dang sbyar bar bya ste/ steng nam mkha' dbyings kyi dbang phyug ma dang / 'og rdo rje dbyings kyi dbang phyug ma zhes pa ste/ spyan ma la sogs pa drug gi rang bzhin du rtogs par bya'o//yid dang mig dang rna ba dang / /sna dang lce dang de bzhin lus/ /zhes pa ni kun du bzang bo dang / sa'i snying po la sogs pa drug gi rang bzhin du rtogs par bya'o/ /sgra dang ro dang chos kyi dbyings/ /dri dang reg dang kha dog ste/ /zhes pa ni/ yul rnams gzugs kyi rdo rje ma la sogs pa drug gi lce dang de bzhin lus/shes pa ni kun du bzang po dang / sa'i snying po la sogs pa drug gi rang bzhin du rtogs par bya'o/ /sgra dang ro dang chos kyi dbyings/ /dri dang reg dang kha dog ste/ /zhes pa ni/ yul rnams gzugs kyi rdo rje ma la sogs pa drug gi rang bzhin du rtogs par bya'o//rigs drug po ni yongs su dag /khro bo'i rgyal po gdong drug 'jigs/ /zhes ba ni de ltar brjod pa'i rim pas/ 'jig rten gsum gyi bdag po rdo rje 'chang nyid gdul bar bya bar dgongs nas/ khro bo'i cha lugs su gar dgu'i nyams dang ldan par bzhugs la/ des gdul ba la sogs pa la bstan pa yin no/ /gar thabs dgu ni/ sgeg pa dang / dpa' ba dang / 'jigs su rung ba dang / gshe ba dang / bzhad pa dang / snying rje dang / rngam pa dang / ngo mtshar ba dang / zhi ba zhes bya'o/ /dbang gi sgrub pa 'di nyid ni/ /mchog tu mi 'gyur sgrub pa ste/ zhes pa ste/ dbang rnam pa gnyis yod pa las/ 'jig rten las 'das pa'i dbang 'gyur ba med pa'i bde ba chen po sgrub pa zhes bya'o/ /rtsa dang rigs su yang dag ldan/ /mdor bsdus bshad pa zla ba kye/ /zhes pa ni gzhan yang bde ba chen po'i 'jig rten gyi tshul rtsa ba'i rigs dang ldan pa bstan te/ de yang gzhung rgyas pa ma yin gyi/ /gzhung bsdus pa yin la/ don rgyas pa zhes pa'am/ yang na rgyas pa ni dbang gi le'u las bstan te/ de bas na bsdus pa'i tshul gyis bstan zhes dgongs so/ /'jig rten gyi khams kyi le'u la sogs pa las/ le'u lnga ba mchog tu mi 'gyur pa'i dbang gi sgrub pa'i mdor bsdus pa'i le'u zhes pa ni/skyob pa'am/ g.yogs pas le'u zhes bya'o/ /lhag ma ni go sla'o/ /mkhas min blo ni dri mas g.yogs/ /gzhung don log par ston par byed/ /bdag gis rtsa rgyud sogs bltas nas/ /brtse bas 'grel pa bris pa yin/ /dang po'i sangs rgyas rgyud chen gyi//mdor bsdus dbang gi 'grel byas pa'i/ /dge ba bdag gis bsags pa 'dis/ /'gro ba 'gyur med dbang thob shog /dang po'i sangs rgyas kyi rgyud las bkol ba/ dbang mdor bstan pa zhes bya ba'i 'grel pa/ rnal 'byor pa dus kyi 'khor lo'i zhabs kyis mdzad pa rdzogs so/

CLOSE WINDOW