CLOSE WINDOW

D1344
བོད་ཡིག

/ @##/ /rgya gar skad du/ bod+hi tsi t+tabin+hu u pa de sha nA ma/ bod skad du/ byang sems thigs pa'i man ngag ces bya ba/ dpal dgyes pa'i rdo rje la phyag 'tshal lo/ /sa bon zla ba rgyas 'dra ba/ /'khor lo chen po'i gnas su 'khyil/ /sangs rgyas kun byi snying po ste/ / 'gro ba kun la rang bzhin gnas/ /yang dag par te dang por bshad/ /rtog yul chu rlung gis 'khyags te/ /de na sdug bsngal sna tshogs bskyed/ /de 'gags nas ni 'jug par 'dod/ /cha ni sna rtser bsgom par bya/ /pad+ma'i lte bar shes rab thabs/ /kha sbyor bar ni der gas pa/ / shel ltar dri med yungs kar ro/ /rnga 'brum brgyar gshags skar khung ni/ /thabs kyi cha yi dkyil 'khor du'o/ /ba thag yi ger ldan pa yis/ /rdo rje las su dkri bar bya/ /rnal 'byor mig gi 'od zer gyis/ /yungs kar dag la blta bar bya/ /nam zhig de la brten 'gyur na/ /mtshan ma lnga dag 'byung bar 'gyur//rgyal ba skyed par byed pa yi/ /tshogs kyi rang bzhin dri ma med/ /'di ltar khams gsum kun kyang ste/ /rgyu yi ye shes dmigs med pa/ /gnyis su med pa'i rnam pa ste/ /rnal 'byor chen po'i ye shes so/ /sna yi lam nas 'phro ba yi/ /rang gi gnas nas rlung bskyod pa'o//g.yon pa dang ni 'bar ba yis/ /skar khung dag gi lam nas ni/ /'khor lo cher ni 'gro bar 'dod/ /yang dag pa ste 'ju bar 'gyur/ /rtsa yi rdo rje'i lam nas ni/ /til gyi 'bru bzhi rgyas par 'gyur/ /rnal 'byor mthar phyin 'bras bu ste/ /bde ba chen po'i sku zhes bya/ / gzhan gyi don sogs yon tan rnams/ /'bad pa med par lhun gyis grub/ /ye shes drug pa gsang chen po/ /rgyu zhes bya ba yin par bshad/ /sangs rgyas zhabs kyis bdag la bstan/ /rkyen dang rnal 'byor gnyis su 'gyur/ /'bras bu bzhi ni gsang chen bo/ /bde ba chen po zhes bya ste//sbyor ba'i rgyud ni thams cad las/ /rgyal ba rnams kyis sbas pa yang / /shin tu sbyangs la rab gnas pa'i/ /snod ldan bdag nyid chen pos gzung / /lus sems bde bar spyad nas ni/ /nying mtshams sbyor ba bsten par bya/ /sangs rgyas zhabs kyis bstan pa'o/ /thabs dang shes rab gnyis med pa'i//byang chub sems kyi ye shes 'di/ /sangs rgyas 'dod pa bsgom par shog/ //thabs dang shes rab gnyis su med pa byang sems thigs pa'i man ngag ces bya ba/ rnal 'byor gyi dbang phyug chen po las kyi zhabs kyi zhal snga nas mdzad pa rdzogs so// //

CLOSE WINDOW