CLOSE WINDOW

D1341
བོད་ཡིག

rnal 'byor gyi dbang phyug chen po dpal shes rab gsang ba'i zhal snga nas mdzad pa rdzogs so// @##/ /rgya gar skad du/ aSh+Ta ang ga kra ma/ bod skad du/ yan lag brgyad pa'i rim pa/ dpal rdo rje sems dpa' la phyag 'tshal lo//dkyil 'khor dang ni sta gon dang / /khrus dang sku yi rab gnas dang / /dbang bskur de bzhin mchod sbyin dang / /sbyin sreg tshogs kyi 'khor lo ni/ /dpal rdor sems dpa' phyag 'tshal te/ /yan lag brgyad pa'i rim pa bri/ /sangs rgyas sras dang bcas pa bzod par mdzod/ /mkha' 'gro ma tshogs gzhan yang grub thob bzod pa mdzod//dbang bskur thob pa rab mchog slob dpon bzod pa mdzod/ /phyogs skyong la sogs lha dang lha min bzod pa mdzod/ /dang po slob dpon rnams kyis 'di/ /dam tshig dang bcas ma gnang yang / /de lta mod kyi snying rjes byas/ /skal ldan sems can don grub phyir//khyod kyis rtsom pa de lta na/ /gzhan la snying rje med dam ci/ /snying rje yod de 'on kyang gzhan/ /med pa gang gis rgyal bar 'gyur/ /de bas cung zad 'di la smra/ /de la bdag skyon yod dam ci/ /yang na snying rje'i skabs zhog cig /gang gis slob dpon rnams sems mi dga' bar gyur pa de ni mkhas pas byed dam ci//'on kyang skal ldan sems can gyis zhus pa'i phyir mi yis kyang mi byed na de la de yang skyon yod do/ /des bcom ldan 'das kyi gsung rab dang / de bzhin du grub pa thob pa'i bla ma'i rim pa'i man ngag la mi snang bar 'gyur ro/ / mi snang bar 'gyur bas 'jigs pa'i phyir ma 'ongs kyang 'bad par bya'o/ /'on kyang gang gi tshe grub pa thob pa'i bla ma'i bka' lung med pa de'i tshe mi bya'o/ /de bzhin du yang dpal ye shes snying po'i rgyud las grub pa thob pa'i slob dpon gyis dbang bskur ba dang / grub pa thob pa'i bka' lung thob pa dang /yang na nyid grub pa thob pa des dbang gi rim pa dang sgrub thabs la sogs pa bya'o/ /de bzhin du rtogs pa la sogs pas ma yin zhes gsungs so/ /bdag kyang grub pa thob pa'i slob dpon la sogs pas dbang bskur rgyud thams cad kyi pha rol tu phyin pa/ dpal u rgyan gyi yul na gnas pa'i dus su rnal 'byor ma chen mo dang lha gcig dam tshig spyod pa dang /de bzhin du bka' lung yang thob ste/ de'i don gyis dgongs pa dang gzhan yang rang gi rab kyi slob ma tshul khrims skyabs dang / shes rab rdo rje la sogs pas zhus pa'i ngor byas te/ phyag rgya chen po'i grub pa thob pa u rgyan yul/rdo rje rin po che'i gnas su gshegs pa/ sprul pa'i sku sa bcu'i dbang phyug chen po'i rgyal po/ dpal in+d+ra b+hU ti mgon po de las bar ma chad rim man ngag dbang bskur thob pa rig byed thams cad kyi mthar thug pa grub pa brnyes pa'i bla ma kha che'i dpal rin chen rdo rje'i zhabs kyi pad+ma'i bka' drin gyis ji lta ba bzhin/thos pa dang / mthong ba dang thob pa de bzhin du lhag chad bral bar bdag gis bri'o/ /slob dpon shes rab dpal gyis mdzad pa'i yan lag brgyad pa'i rim pa las gtan tshigs bstan pa zhes bya ba'i le'ur bcad pa ste dang po'o// // de nas dkyil 'khor gyi cho ga bshad de/ zhi ba dang / rgyas pa dang / dbang dang / drag po'i grong khyer dang / zhing dang / phug dang / dur khrod du bya'o/ /de la zlum po dang / gru bzhi pa dang / zla ba phyed pa'i gzugs dang / gru gsum rim bzhin du dbus kyi gnas su mngon sum gyi ngo bos rang rang gi las kyi rim pas gzugs kyis rnam pa bya'o//thams cad sor gsum lhag pa'i gru gsum pa bya'o/ /zhi ba ni me tog dang bcas pa'i shing dang / pi dza pu ra ka dang / pad+ma dkar pos so/ /rgyas pa sna tshogs rin po che'i shing gis so/ /dbang ni me tog dmar po dang ldan pa'i shing gis so//drag po ni dur khrod rnams kyis dang / de bzhin du me tog nag po dang bcas pa'i shing gis ldan par bya'o/ /gzhan sa'i rnam par dag pa dang / thig gdab pa dang / bdud gzhom pa la sogs sum b+ha'i sngags kyis sam/ yang na yi ge gsum gyi sngags kyis 'dus pa'i dkyil 'khor gyi no pi ka'i cho gas bya'o//ci'i phyir zhe na/ 'dir bstan bcos mangs pa'i 'jigs pas thams cad ma smras so/ /gang zhig rnal 'byor bla ma'i rgyud kyi rim pas thig gdab pa la sogs pa de thams cad la dag go/ /de nas bdag nyid rdo rje 'dzin pa'i nga rgyal byas nas tshon rtsi lnga byin gyis brlab par bya'o//de bzhin gshegs pa lnga'i rang gi ngo bos tshon rtsi lnga byin gyis brlabs te/ me tog dang bcas pa'i 'bras kyis sor mo lnga btsums pa'i phyag rgyas dang po sngags 'dis dkar po lan gsum mchod par bya'o//ar+g+ha yang 'o ma la sogs pa de nyid kyi sngags kyis so sor lan gsum sbyin par bya'o/ /oM bai ro tsa na ta thA ga ta a d+hi tiSh+Tha hUM hUM phaT phaT swA hA/ ser po ni mthe bo dang mdzub mos so/ /oM rat+na saM b+ha ba ta thA ga ta a d+hi tiSh+Tha huM hUM phaT phaT swA hA/ dmar po dang ni mthe bo dang bar mas so//oM a mr-i ta pra b+ha ta thA ga ta a d+hi tiSh+Tha huM hUM phaT phaT swA hA/ nag po ni mthe bo dang srin lag gis so/ /oM ak+Sho b+h+yaH ta thA ga ta a d+hi tiSh+Tha huM hUM phaT phaT swA hA/ ljang gu ni mthe'u chung dang sbom pos so/ /oM a mo g+ha sid+d+ha ta thA ga ta ad+hi tiSh+Tha huM hUM phaT phaT swA hA/ dkyil 'khor bri ba'i dus yon bdag gis rol mo la sogs pa dang bcas pa'i shin tu rgyas pa'i mchod pa bya'o//sbyin pa yang sbyin no/ /dkyil 'khor gyi slob dpon la yon dbul ba la sogs pas mnyes par bya'o/ /dkyil 'khor rdzogs pa'i dus su sna tshogs pa'i rol mo'i mchod pa la sogs pa dang bcas pas rdo rje slob dpon bla ma chen po spyan drang bar bya'o//de la dang po sna tshogs dri zhim po'i sman dang bcas pas khrus bya'o/ /phyi nas rnam pa sna tshogs rab mchog na bza' dang / mu tig gi dra ba dang / dra phyed kyis mchod do/ /dkyil 'khor gyi gtso bo'i mdun du dri ma med pa 'jam pa mtho ba de la stan sbyin par bya'o//g.yas g.yon gyi glor shin tu mkhas pa'i slob dpon gnyis stan 'bring po la so sor rdo rje dril bu dang ldan par gzhag par bya'o/ /las kyi slob dpon sta gon gyis dkyil 'khor mdun du stag gi pags pa'i steng du lo bcu gnyis lon pa'i las kyi bu mo dang lhan cig tu ra dgu pa'i rdo rje dang dril bu dang rnge'u chung dang ldan pa'o//thams cad kyi dbu rgyan la sna tshogs pa'i dar bcing bar bya'o/ /rdo rje slob dpon la rin po che la sogs pa'i bzor byas pa gser dang dmar po dang ldan pa'i cod pan no/ /sgor lag na rdo rje dang ldan pa dbang bskur thob pa sngags kyi bzlas pa la sogs pa kho na shin tu khrims dang ldan pa/'jig pa med pa/ ser sna med pa 'bad pas gzhag par bya'o/ /dkyil 'khor gyi phyi rol du bsrung ba la sogs pa dam pa'i chos klog pa'i dge bsnyen dang dge bsnyen ma gzhag par bya'o/ /rgyud mangs dang /rnge'u chung dang / gling bu dang / dung la sogs pa'i sgra bya'o/ /de'i skabs su dbang bskur med pa rang gi bu yin yang de la nang du 'jug pa mi sbyin no/ /dkyil 'khor la sogs pa dang rab gnas kyi dus su srog gcod pa dang / ca co dang / khrob mi bya'o/ /slob dpon shes rab dpal gyis mdzad pa yan lag brgyad pa'i rim pa las dkyil 'khor bstan pa zhes bya ba'i le'u bcad pa ste gnyis pa'o// //de nas gzhan yang sta gon gyi cho ga bshad de/ de yang bzhi ru dbye bar gnas par bya'o/ /dang po ni bum pa'i sta gon/ gnyis pa dkyil 'khor gyi sta gon/ bzhi pa ni slob ma'i sta gon/de bzhin du nang na bum pa'i sta gon las kyi slob dpon gyis bya'o/ /de la rim pa ni 'di yin te/ rgyud gang gis rim pas dkyil 'khor de'i grangs kyi bum pa bya'o/ /yang na lha mo dang lhan cig de bzhin gshegs pa la phyogs dang mtshams bye brag brgyad du brgyad/ dbus su rdo rje 'dzin pa la gcig bdud rtsi 'khyil pa la las thams cad pa de la bug rdol med pa/skyon dang bral ba/ ske ring ba/ dar gnyis kyis dkris pa/ zho dang / 'o ma dang / mar dang / sbrang rtsi dang / po ga ling dang / yungs kar dang / sman thams cad dang / gro dang / sran nag dang / nas dang / til dang / 'bras so ba dang / 'bras dang / gur gum dang / tsan+dan dang / ga pur dang / gla rtsi dang / skyu ru ra dang / dpal 'bras dang / dzA ti pa la dang / go yu dang / rin po che lnga dang / de la sogs pa dri ma med pa'i chu dang bsres pas dgang bar bya'o/ /ji ltar rnyed pa'i kha rgyan me tog dang bcas pa/'bras bu ldan pa/ rlon pa/ tsher ma la sogs pa dang bral ba'o/ /bum pa brgyad la rim pas phyag rgya 'di ltar bya'o/ /'khor lo dang / pad+ma dang / rin po che dang / ral gri dang / ri rab dang / sbrul dang / me dang / 'phan dang / dgu pa la rdo rje bcu pa la rgya gram dang rdo rje/ thams cad kyi sker me tog gi chun 'phyang bcing bar bya'o/ /bum pa sta gon gyi dkyil 'khor ni rab gnas kyi dkyil 'khor gyi g.yon phyogs su bya'o/ /de yang gru bzhi pa sgo la sogs pa dang ldan pa'o/ /de'i phyi rol du zur drug po rdo rje phreng bas rnam par brgyan pa/gru bzhi'i dbus su oM gyi rnam pa/ shar sgor shriM lhor priM/ nub tu dzrIM/ byang du khriM/ shar la sogs pa'i mtshams su/ yaM raM laM baM/ zur drug la rdo rje ma mo'i sa bon drug bri bar bya'o/ /lha min gtso mo ma'i traM/ /gzhan gyi stobs 'joms pa mo proM//'phrog ma mo'i hraM/ g+hasma ri g+h+raM /gtum mo Do/ 'jigs ma la b+h+raM/ rdo rje dang ldan pa oM gyi rnam pa'i steng shar lho nub byang rim pas 'khor lo dang ldan pa/ pad+ma dang ldan pa/ rin po che dang ldan pa/ ral gri dang ldan pa/ mtshams rnams su ri rab dang sbrul dang me dang 'phan dang ldan pa/zur drug gi steng du snod gang ba/ bum pa'i grangs kyis te/ de yang sta rga dang / dpal 'bras dang / rin po che lnga dang / 'phan la sogs pa dang ldan pa'o/ /rgya gram rdo rje dang ldan pa mdun du gzhag par bya'o/ /dung phor ram/ nya phyis sam/ dam tshig gi don bdud rtsi lnga dang bsres pa'i chus bkang nas/stan gyi steng du las thams cad pa'i bum pa'i g.yon gyi char ro/ /snod gang ba'i grangs kyi mar me sbyin par bya'o/ /mar me nyis 'gyur gyi lha bshos so/ /las thams cad pa'i bum pa'i mdun du/ gzhi mnyam dang / gzhan yang tsan+dan dang / gur kum dang / dri zhim po'i spos dang / gzhan yang spos kyi reng bu dang / sna tshogs pa'i me tog dang / gur kum gyis byug pa'i 'bras dkar pos bkang ba'i snod dang / ar+g+ha'i snod dang / 'thor 'thung gi snod rim pas gzhag par bya'o/ /gzhan yang legs par bkal ba'i tshon sna lnga'i skud pa dang /bsrung ba'i mda' dang / shin tu phra ba bug rdol med pa'i ras sta gon gyi dkyil 'khor du gzhag par bya'o/ /dngos po thams cad tshogs nas de'i 'og tu las kyi slob dpon gyis bkra shis kyi tshigs bcad brjod par bya'o/ /gang zhig bkra shis nam mkha'i khams la legs par bzhugs//dpal ldan rdo rje sems dpa' dbang chen skal ldan ma/ /shes rab chu skyes dbus su rdor mchog 'jug pa la/ /de yi bkra shis theg pa mchog la skyabs gyur cig /gang zhig bkra shis srid pa'i mtsho chen mnyam pa la/ /chags pa la sogs dam pa'i zhags pa gcod pa la//rnam par snang mdzad mya ngan 'das lam dag byed la/ /de yi bkra shis theg pa mchog la skyabs gyur cig /gang zhig bkra shis tshad med 'od zer ldan pa la/ /log pa'i shes pa gti mug 'jigs pa la/ /lha yi lha mchog 'jig rten rtag tu rig pa 'dzin/ /de yi bkra shis theg pa mchog la skyabs gyur cig /gang zhig bkra shis kha sbyar legs par bzhugs/ /ye shes bdud rtsi'i chus sbyin rtag tu char 'bab la/ /pad+ma dga' zhing 'jig rten sems can phan par brtson pa la/ /de yi bkra shis theg pa mchog la skyabs gyur cig /gang zhig bkra shis srid pa'i sa skyes bcad pa la//dpal rdor sems dpa'i gnas grub byed cing sbyin pa la/ /shes rab ral gri rtag tu phyar 'dzin pa/ /de yi bkra shis theg pa mchog la skyabs gyur cig /de nas bkra shis mchod pa'i don du nam mkha'i phyogs su de bzhin gshegs pa thams cad la me tog snyim pas phul te/spos kyi reng bu dang bcas par rdo rje dril bu lan gsum sngags 'dis dkrol bar bya'o/ /oM sarba ta thA ga ta pU dza me g+ha s+pha ra Na/ hriM hriM traM traM haM haM hiM hiM dra na dra na pa ra Na/ saM pa ra Na hUM hUM phaT phaT swA hA/ de nas dbus kyi bum pa yan lag thams cad dang ldan pa gzhal yas khang du bsgom par bya'o//yang na bum pa'i nang du kaM yongs su gyur pa las gzhal yas khang / de'i dbus su A li kA li/ de'i steng du hUM gi rnam pa/ A li kA li dang hUM gi rnam pa yongs su gyur pa las/ rang 'od dang 'khyud pa'i rdo rje dang dril bu dang ldan pa/ sna tshogs pad+ma'i steng na/nam mkha' sngon po'i mdog rgyan thams cad kyis brgyan pa/ phyag gnyis zhal gcig spyan gsum rdo rje skyil mo krung du gnas pa'i rdo rje 'dzin pa chen po bsgom par bya'o/ /shar du paM yongs su gyur pa las rnam par snang mdzad mdog dkar po rdo rje 'dzin lta bu'o//lhor oM yongs su gyur pa las snang ba mtha' yas mdog dmar po rnam par snang mdzad lta bu'o/ /nub tu dzrIM yongs su gyur pa las rin chen 'byung ldan mdog ser po snang ba mtha' yas lta bu'o/ /byang du khaM yongs su gyur pa las don yod grub pa ne'u sing gi mdog rin chen 'byung ldan lta bu'o//shar mtshams su laM yongs su gyur pa las/ sangs rgyas spyan rnam par snang mdzad lta bu'o/ /lho mtshams su maM yongs su gyur pa las/ mA ma kI snang ba mtha' yas lta bu'o/ /nub mtshams su paM yongs su gyur pa las/ gos dkar mo rin chen 'byung ldan lta bu'o//byang mtshams su tAM yongs su gyur pa las/ sgrol ma don yod grub pa lta bu'o/ /de rnams la yang gnyis su med pa'i sbyor bas rang 'od thams cad dang yan lag ma dang ldan par bsgom par bya'o/ /mdun du hUM yongs su gyur pa las/ bdud rtsi 'khyil ba phyag drug pa spyan gsum zhal 'jigs par byed pa/phyed skyil gyis bzhugs pa/ rdo rje dang / dril bu dang / ral gri dang / gtun shing dang / sta re dang zhags pa bsnams pa/ mar sngon po'i mdog rang 'od yan lag ma dang ldan par bsgom par bya'o/ /dam tshig snod kyi nang du hrIMH yongs su gyur pa las dam tshig chen po'i dbang phyug ma/phyag gnyis zhal gcig spyan gsum zhal 'jigs 'jigs lta bu rdo rje skyil krung du bzhugs pa/ dbu skyes 'bar ba/ phyogs kyi na bza' can/ khrag chen pos yan lag byugs pa/ lha dang lha min gyi khrag thams cad drangs te bkang ba'i ka pA la g.yas na/g.yon na rdo rje kha T+wAM ga'o/ /ar+g+ha'i snod kyi dbus su oM yongs su gyur pa las de bzhin gshegs pa thams cad skyob nyi ma bye ba'i 'od dang mnyam pa grangs med pa'i de bzhin gshegs pa dang ldan par bsgom par bya'o/ /da ni bum pa la sogs pa'i bsam gtan gyi cho ga'o//da ni de rnams la rim pas bzlas pa'i chog bshad de/ oM badzra satwa ta thA ga ta a d+hi pa ta ye huM hUM phaT swA hA/ oM tsakra a d+hi pa ta ye huM hUM phaT swA hA/ oM pad+ma a d+hi pa ta ye huM hUM phaT swA hA/ oM rat+na a d+hi pa ta ye huM hUM phaT swA hA/ oM kha T+wAM ga a d+hi pa ta ye huM hUM phaT swA hA/ oM ta thA ga ta ne hri huM hUM phaT swA hA/oM pad+ma na rte shwa ri huM hUM phaT swA hA/ oM rat+ne A lo ke huM hUM phaT swA hA/ oM sarba A bar Na bi sho d+ha na ye huM hUM phaT swA hA/ re re la sngags lan brgya rtsa brgyad bzlas par bya'o/ /oM a mr-i ta kuN+Da li ma hA kro d+hI shwa ri sarba ma ra a re sarba sid+hi ka ra sarba karma sid+d+hi huM hUM phaT swA hA/ yi ge gsum gyi sngags kyis sngon du bsnyen pa bzlas nas grub pa'i don du sngags des brgya rtsa brgyad bzlas par bya'o//bzlas pa'i cho ga rdzogs nas/ nam mkha'i gnas nas dang po grub pa 'khor dang bcas pa'i ye shes sems dpa' phyag rgya dang sngags kyis dgug par bya'o/ /de la phyag rgya dang sngags ni 'di yin te/gung mo lu gu rgyud kyi rnam par byas te/ mthe bong gnyis mnan cing srin lag dang mthe chung lag mthil du bzhag nas mdzub mo dgug par bya'o/ /oM dz+nyA na satwa At+ma kou0f85haM badzra d+ha ra sa pa ri bA ra ba raM ha hi huM hUM phaT swA hA/ gshegs pa tsam gyis ar+g+ha dang / nya reg dang / 'thor 'thung dbul bar bya'o/ /de la rim pa ni 'di yin te/ oM gr-iM gr-iM ar+g+ha'i sngags so/ /g.yon pa'i gung mo dang mthe bo se gol gyi phyag rgyas so/ /oM huM hUM nye reg gi sngags so/ /pa ti'i phyag rgyas so/ /oM aM AM 'thor 'thung gi sngags so/ /'khor lo'i phyag rgyas so//oM tiSh+Tha tiSh+Tha hUM phaT/ gdan dbul ba'i sngags/ rus sbal gyi phyag rgyas so/ /de nas yang sngar bshad pa'i rdo rje dril bu'i sngags kyis lnga bcu rtsa bzhi'i grangs kyis lan cig rdo rje dril bu dkrol bar bya'o/ /de'i rjes su dam tshig chen po'i snod na yod pa'i chus dkyil 'khor na yod pa'i gzhi thams cad ku sha sor brgyad pa sboms pas sngags 'dis lan bdun gtor bar bya'o//oM swa b+hA ba shud+d+ha a ma la bi shud+d+ha ye swA hA/ de ltar gtor ba byas te/ de'i rjes la 'thor 'thung gi snod kyis las thams cad pa la me long gi steng du sman thams cad kyis sngags 'dis khrus bya'o//oM sarba ta thA ga ta kA ya bAka tsit+ta ma hA ga ga na sa du pa bi shud+b+ha ye oM AH hUM phaT swA hA/ de'i dbus su gru gsum gyi phyag rgyas sngags 'dis rab gnas bya'o/ /oM sarba da ra ak+Sha ya ga nAt+ma le huM hUM phaT swA hA/ de ltar rab gnas byas nas dam tshig gi snod kyi chu dang /pad skor gyi phyag rgya dang sngags 'dis dbang bskur sbyin par bgyi'o/ /oM sarba ta thA ga ta a b+hi She ka sa ma ya shri ye hUM phaT/ mchod pa byas nas sna tshogs rdo rje dra ba'i gzugs kyi phyag rgya dang / dri med bug rdol med pa'i shin tu sar pa'i gos/ oM AH hUM phaT sngags kyis byin gyis brlabs te/ bsrung ba'i sngags 'don cing thams cad dgab par bya'o/ /de la sngags ni 'di yin te/ oM hraM hraM hriM hrI huM hUM phaT phaT rak+Sha rak+Sha swA hA/ de'i skabs su gtor ma chen po bskor ba byas nas g.yon gyi byang logs su gzhag par bya'o//de la rem pa 'di yin te/ shin tu che ba'i zas la sogs pa'i snod bruM gyi rnam pa yongs su gyur pa las/ yan lag thams cad dang ldan pa'i gzhal yas khang yi ge gsum gyi sngags kyis byin gyis brlabs te/ khrag chen po dang / gzhan yang sna tshogs pa'i nya sha la sogs pa'i 'bras bu kha zas kyis legs par gang bar byas nas/de'i steng du a shwad+tha'i shing las byas pa'i gru gsum gyi phyag rgya gzhag par bya'o/ /grwa la sna tshogs kyi 'phan bcing bar bya'o/ /grwa'i steng du me dang kha zas kyi khams gsum gzhag par bya'o/ / snod kyi 'bras bu yang dag par sar pa'i dum bu gsum pa'i ka pA la khrag chen pos bkang ba'o/ /de'i dbus su hUM gi rnam pa dang ldan pa'i nyi ma'i dkyil 'khor de dag yongs su gyur pa las rdo rje ro langs ma chen mo phyag stong zhabs stong zhal stong spyan 'bar ba/ dbu skyes 'bar ba/khrag chen pos sku byugs pa/ bdud thams cad kyi khrag gi snod phyag na bsnams pa/ sna tshogs pa'i rus pas sku brgyan pa/ 'jigs byed chen po'i steng na g.yon brkyang bas bzhugs pa/ lha min gyi dbang po du ma dang / 'dre dang / srin po dang / yi dgags dang / sha za dang / uSh+man+da dang / a pasma ra dang / mkha' 'gro ma'i tshogs kyis yongs su bskor ba'o/ /snod kyi phyi rol du gdugs dang / rgyal mtshan dang / 'phan dang / rma bya'i rdul yab dang / gri gug dang / lcags mda' dang / chun 'phyang la sogs pa bya'o/ /bcom ldan mo ro langs mo chen mo gru gsum gyi phyag rgyas ha rnam pa lngas byin gyis brlabs te/las gang dang gang la khro bo'i gzugs su byas te/ bsrung ba'i don du sngags 'dis bskor bar bya'o/ /oM hi ma hA badzra bi tA lI ma hA bi shwe shwa re sarba doSh+TA kaSha aM ga re sarba sa satwo he taM kare satwa pa dra ba ka ra doSh+Ta tsit+ta naM/ha na ha na da ha da ha pa tsa pa tsa ma tha ma tha/ bid+h+wa n+sa ya bid+h+wa n+sa ya/ mA ra ya mA ra ya daN+De na tsur+Na ba kha d+ha ge na to Ta ya ts+k+re na ts+tshe da ya badzre Na b+he da ya/ sarba satwAnAM shAM tiM ku ru pu tsit+ta shre yaH ku ru sarba bya ti ma pa ha ra/ d+hu raka ti ma pa har/ d+ha ri da ya ma pa ha ra/ a ka la mr-i t+yu ma ba ha ra/d+ho b+hik+Sha ma pa ha ra/ na ma sarba karma sA d+ha ni ma hA yaM ku ru/ haM haM hiM hiM/ ki li ki li hi li hi li huM hUM phaT phaT swA hA/ de ni bum pa'i sta gon gyi cho ga'o/ /da ni dkyil 'khor gyi sta gon gyi cho ga bshad de/ dang po rdo rje dang dril bur bcas pa'i bkra shis kyi tshigs bcad brjod nas 'byung ba chen po bzhi yongs su gyur pa las/ji ltar phyi rol gzhal yas khang rnam par bzor byas pa de bzhin du de'i steng du bsgom par bya'o/ /de'i dbus su A li kA li yongs su gyur pa las zla ba dang nyi ma'o/ /de'i steng du ye shes kyi me'i rang bzhin hUM gi rnam pa des zla ba dang nyi ma yongs su gyur te/rang gi rgyud kyi go rims kyis rdo rje 'dzin pa chen po rang 'od kyi yan lag mas 'khyud pa/ 'khor lo dang bcas pa nyi ma la bzhugs pa/ skad cig gis rdzogs par bsgom par bya'o/ /yang na thams cad rang gi snying gar bsgoms te/ phyi rol du spro bar bya'o/ /de'i rjes su sngar bstan pa'i rdo dril gyi sngags kyis nyi shu rtsa bdun grangs kyis spos kyi reng bu dang bcas pa'i rdo rje dril bu dkrol bar bya'o//de nas nam mkha'i gnas nas dkyil 'khor 'khor lo dang bcas pa'i khams gsum rnam par rgyal ba'i phyag rgya dang / dzaH hUM baM hoH zhes de'i sngags kyis ye shes sems dpa' bkug nas/sngar bstan pa'i cho gar ar+g+ha dang nye reg dang 'thor 'thung dbul bar bya'o/ /de'i rjes su dkyil 'khor 'khor lo dang bcas pa dam tshig sems dpa' la 'jug par byas nas lan gsum rdo rje dril bu dkrol te/ mchod sbyin lnga'i mchod pa dbul bar bya'o//de nas rdo rje 'dzin pa chen po'i snying po'i sngags kyis bzlas pa stong bya'o/ /dkyil 'khor ba la rang rang gi sngags kyis re re la brgya rtsa brgyad do/ /de'i 'og tu yi ge gsum gyi sngags kyis gos byin gyis brlabs te/ oM ma hA badzra d+ha ra ma hA sa ma ya maN+Dali be shra ma tha hUM hUM phaT swA hA/nges par sa tshon gyi dkyil 'khor yin na khru gang tsam gyi steng du gos bres nas 'bad par bya'o/ /sngar bstan pa'i sngags kyi cho gas rol mo la sogs pa dang ldan pa'i gtor ma chen po bskor bar bya'o/ /de ni dkyil 'khor gyi sta gon no/ /da ni sku'i sta gon bshad de/dang po bkra shis kyi tshigs bcad brjod nas/ sku'i snying gar paM yongs su gyur pa las sna tshogs pad+ma/ de'i steng du A li kA li/ de'i steng du oM gyi rnam pa/ oM gyi rnam pa'i snying gar AH'i rnam pa/ AH'i rnam pa'i snying gar hUM gi rnam pa/ hUM gi rnam pa'i steng du ye shes kyi 'od kyi rang bzhin gyi thig le dang lhan cig thams cad yongs su gyur pa las/ sna tshogs pad+ma la bzhugs pa skyes bu chen po'i mtshan sum cu rtsa gnyis dang ldan pa/ dpe byad brgyad cus brgyan pa'i sku bsgoms te/ de nas de la sngags kyis byin gyis brlab par bya'o//oM sarba ta thA ga ta kA ya bAka tsit+ta ma hA badzra d+ha ra tiSh+Tha huM hUM phaT swA hA/ de nas nam mkha'i khams nas sku ji lta bu'i ye shes sems dpa'i g.yon pa'i lag pas rdor dril dkrol zhing g.yas pas rdo rje lcags kyu'i phyag rgyas yi ge gsum dang / A gats+tsha A gats+tsha'i sngags kyis bkug nas/ar+g+ha dang nye reg dang 'thor 'thung la sogs pa phul te hUM phaT pra be sha ya'i sngags kyis sku'i snying gar gzhug par bya'o/ /de'i 'og tu mchod pa lnga mchod sbyin dang / gtor ma chen po dbul lo/ /de ni sku'i sta gon no/ /da ni slob ma'i sta gon bshad de/re zhig dang po'i dkyil 'khor gyi khang pa'i phyi rol gyi gnas su skal pa dang ldan pa/ legs par khrus byas pa/ dbang po tshang ba/ me tog snyim pa gang ba dang ldan pa/ hUM phaT sngags kyis lan gsum dam tshig gi chus gtor bar byas te/ de'i rjes su yi ge gsum gyi sngags kyis so shing byin gyis brlabs te sbyin par bya'o//de'i 'og tu dam tshig gi chus kha bkru bar bgyi ba sbyin no/ /de nas yungs kar gyis mdzub mo mthe bong gis hUM phaT sngags kyis lan gsum brdegs nas rnam par snang mdzad kyi gzugs su byin gyis brlabs te/snying gar nyi ma'i dkyil 'khor de'i steng du ye shes pa'i bdag nyid de bzhin gshegs pa rnam par snang mdzad bsgom par bya'o/ /de nas legs par bkal ba'i tshon sna lnga'i skud pa yi ge brgya ba'i sngags kyis brlabs te/ lag pa g.yas par bcing bar bya'o/ /mgo bo'i steng du yi ge gsum gyis brlabs pa'i me tog bzhag nas gtor ma chen po bskor bar bya'o//des kyang dbang bskur ma thob pa de'i tshe mtshan mo dang nyin mo ngal mi bso bar bud med la sogs pa med pa'i gnas su dri ma med pa'i stan gyi steng du yi ge brgya pa'i sngags gdon par bya'o/ / slob dpon shes rab dpal gyis mdzad pa yan lag brgyad pa'i rim pa las/ sta gon gnas pa zhes bya ba'i le'u bshad pa gsum pa'o// //de nas gzhan yang khrus kyi cho ga bshad de/ dang por re zhig khrus kyi rdzas 'tshogs par bya'o/ /phyis ni lnga ste/ dri zhim pa'i mar khu dang /sran nag gi phye dang / sran chung gi phye dang / bag phye dang / nas phye'o/ /'bru ni lnga ste/ sran nag dang / gro dang / sran chung dang / 'bras so ba dang / sran ma ser po'o/ /sman ni lnga ste/ br-i ha sti dang kaN+Da ka ri dang / sa la spar ni dang / sdong bu dang ldan pa'i ut+pal dang / ha sa de ba'o/ /'bras bu lnga ste/ dpal 'bras dang / dzA ti pa la dang / bu ga pa la dang / skyu ru ra dang / ka ko la'o/ /sna tshogs rdzas ni lnga ste/ zho dang / 'o ma dang / bo ga ling dang / yungs kar dang / sman thams cad do/ /byug pa ni lnga ste/ gur kum dang / tsan+dan dang /ga pur dang / gla rtsi dang / si h+la 'o/ /re re la sgron ma dang / lha bshos dang / gang ba'i snod lnga lnga'o/ /gzhan ni phyi ba'i ras dang / phyag rgya'i ras dang / spros dang / yungs kar dang / me long dang / dri ma med pa dang / che ba bug rdol med pa shing la sogs pa khrus kyi snod do//de dag thams cad tshogs nas hUM phaT sngags dang ldan pa'i dam tshig chus gtor te/ yi ge gsum gyi sngags kyis mchod par byas nas dag par bya'o/ /de'i rjes su oM gyi rnam pa'i sngags kyis zhal khab dbye ste/ lag pa g.yon snying gar bzhag nas mdzub mo bkug /g.yas pa rdo rje khu tshur gyi phyag rgyas rnam par rgyal ba'i bum pa'i nang nas rdo rje 'dzin pa chen po hUM hUM gi sngags kyi spyan drangs te/ me long gi steng du e'i rnam pa'i gzugs chos kyi 'byung gnas kyi phyag rgya bzhag nas yi ge gsum gyi sngags kyis me tog la sogs pas mchod pa byas te/rdo rje dril bu dkrol zhing bkra shis kyi tshigs bcad brjod par bya'o/ /de nas yi ge gsum gyi sngags kyis rdo rje 'dzin pa chen po'i dbu la ar+g+ha dang / me tog dang / spos dang / byug pa la sogs pa phul te/ phyis lngas las thams cad pa'i bum pas lag pa g.yon na rdo rje dril bu/g.yas na spos rdo rje dang ldan pas sngags 'dis khrus bya'o/ /oM sarba ta thA ga ta kA ya bAka tsit+ta/ ma hA badzra d+ha ra de be na ba re na/ pany+tsa d+ha ra ta ne ne sna pa ya me hUM hUM phaT swA hA/ de nas mchod pa lnga dbul bar bya'o/ /oM puSh+pa badzra swA hA/oM d+hU pa badzri swA hA/ oM dI pa badzri swA hA/ oM gan+d+he badzri swA hA/ oM nai bi t+ye badzri swA hA/ de nas dbu la me tog la sogs pa phul te/ 'bru lnga'i khrus bya'o/ /oM sarba ta thA ga ta kA ya bAka tsit+ta ma hA badzra d+ha ra de be na ba re na pany+tsa bri he'i sna ba me hUM hUM phaT swA hA/ sngar bstan pa'i rim pas mchod par bya'o/ /de nas yang dbu la me tog la sogs pa phul te/ sman lnga'i khrus bya'o/ /oM sarba ta thA ga ta kA ya bAka tsit+ta de be na ba re na pany+tsa 'u sha the na sna pa ya me hUM hUM phaT swA hA/ mchod pa ni sngar bzhin no/ /de nas yang dbu la me tog la sogs pa phul te 'bras bu lngas khrus bya'o//oM sarba ta thA ga ta kA ya bA ka tsit+ta ma hA badzra d+ha re be na ba ra na pany+tsa pha le'u sna pa yang me hUM hUM phaT swA hA/ mchod pa ni gong ma bzhin no/ /de nas yang dbu la me tog la sogs pa phul te/ sna tshogs lngas khrus bya'o/ /oM sarba ta thA ga ta kA ya bA ka tsit+ta ma hA badzra d+ha d+ha re de be na ba re na pany+tsa pr-i kAr+Na dra bya'i sna pa ya me hUM hUM phaT swA hA/mchod pa ni sngar bzhin no/ /de nas yang dbu la me tog la sogs pa phul te/ byug pa lnga'i khrus bya'o/ /oM sarba ta thA ga ta kA ya bAka tsit+ta ma hA badzra d+ha re de be na ba re na pany+tsa sa ma la ba de'i sna pa ya me hUM hUM phaT swA hA/mchod pa yang dang po bzhin no/ /khrus re re sna tshogs pa'i sil snyan gyi mchod pa dang / klu'i mchod sbyin dang gtor ma la sogs pa bya'o/ /de nas me long phyi ras kyis legs par phyis te yang dag par dri med par byas nas/ tsan+dan dang gur kum bsres pas nyi ma'i dkyil 'khor byas te/me tog la sogs pas mchod nas de'i steng du/ oM AH hUM phaT kyi sngags kyis rdo rje 'dzin pa chen po byin gyis brlabs te/ ye shes kyi phyag rgyas bum pa'i nang du hUM phaT rnam pa'i sngags kyis gshegs su gsol bar bya'o/ /de lta bu'i rim pas gzhan bum pa'i nang du bzhugs pa de bzhin gshegs pa dang lha mo'i khrus kyis cho ga bya'o//'on kyang rang gi rigs kyi go rims kyi phyag rgyas spyan drangs te/ rang gi mtshan dang spel sngar bstan sngags zhes bya'o/ /de ni bum khrus so/ /da ni dkyil 'khor gyi khrus bshad de/ hraM gyi rnam pa'i sngags kyis zhal kha ba kyi ras phye ste/ sngar bstan pa'i rim pas rdo rje dril bu dang / bkra shis kyi tshigs bcad la sogs pa brjod de/ me long gi steng du gur kum dang tsan+dan la sogs pad+ma byas nas/ de'i steng du b+hUM gyi rnam pa yongs su gyur pa las/ yan lag thams cad dang ldan pa'i gzhal yas khang bsgom par bya'o//de nas khams gsum rnam par rgyal ba'i phyag rgyas dang / de bzhin du dzaH hUM baM hoH'i sngags kyis skad cig thams cad yan lag dang ldan pa'i dkyil 'khor la spyan drangs te/ me long gi steng du bzhugs su gsol nas/sngar bstan pa'i cho gas 'khor dang bcas pa gtso bo las thams cad pa'i bum pa'i phyis lnga'i khrus bya'o/ /oM sarba ta thA ga ta kA ya bAg tsit+ta ma hA badzra d+ha ra sa pa ri bA rAn sa ma yo daM pany+tsa d+ha ra ta ne na sna pa ya me huM hUM phaT swA hA/ de lta bu'i rim pas byug pa'i khrus yan chad bya'o//de nas rnam par rgyal ba'i bum pa'i khrus bya'o/ /oM sarba ta thA ga takA ya bAka tsit+ta ma hA badzra d+ha ra sa pa ri bA raM be pany+tsa da rta ne na tso ya ka la she na sna pa ya me huM hUM phaT swA hA/ de nas rnam par rgyal ba'i bum pas khrus bya'o/ /oM sarba ta thA ga ta kA ya bAka tsit+ta ma hA badzra d+ha ra sa pa ri bA raM be tsa ye ka la sha na sna pa ye me huM hUM phaT swA hA/gzhan ni mchod pa la sogs pa dang / phyi ba dang gshegs su gsol ba ni snga ma bzhin no/ /de ni dkyil 'khor khrus so/ /da ni khrus bshad de/ sku'i dbu la gzhan ma yin pa'i khrus bya'o/ /gal te thang ka la sogs pa yin na me long gis so/ / de la dang po hUM gis rnam pa'i sngags kyis sta gon gyi gos bshus te sngar bstan pa'i phyag rgyas spyan drangs pa la sogs pa'i cho ga byas nas/ de'i rjes su oM sarba ta thA ga ta kA ya bA ka tsit+ta ma hA badzra d+ha ra pany+tsa ut+ta ra ne na sna pa ya me huM hUM phaT swA hA/ gzhan kun ni dkyil 'khor la sogs pa bzhin no//de ni sku khrus kyi cho ga'o/ /da ni slob ma'i khrus bshad te/ re zhig mdor bsdus pa'i khrus byed na/ de ni bla ma chen po rdo rje slob dpon gyis me long las bya'o/ /yang na rgyas pas long yod pa na dkyil 'khor gyi khang pa'i phyi rol du las kyi slob dpon gyis bya'o/ /de la rim pa ni 'di yin te dang por re zhig pa'i lci bas la ma lhung bas slob dpon gyis legs par byugs pa'i dbus kyi gnas su sna tshogs pad+ma brgyad dang ldan pa'i gru bzhi pa'i dkyil 'khor rdo rje phreng bas rnam par brgyan pa sor gsum lhag pa'i khru gsum par bya'o//de yang sna tshogs pa'i me tog la sogs pas mchod pa byas nas mda' dang ldan pa'i ris kyis bskor bar bya'o//de'i dbus dri ma med pa bug rdol med pa'i khrus kyi snod de'i steng du hUM gi rnam pa'i sngags kyis byin gyis brlab pa'i slob ma bzhag ste/ rdo rje dang dril bu dang ldan pa stan mtho bar gnas pa'i las kyi slob dpon gyis rim pas khrus bya'o//de la dang po ni oM sarba pA paM duSh+Ta ha na ha na da ha da ha zhes pa'i sngags kyis dang / pad+ma'i phyag rgya shum pa'i me'i steng du yungs kar btab ste/ lan gsum mgo la bskor nas phyi rol du dor bar bya'o/ /de'i 'og tu sngar bstan pa'i rdo rje dril bu'i sngags kyis sum cu rtsa bdun grangs la lan cig rdo rje dril bu dkrol ba byas te/slob ma rnam par snang mdzad kyi gzugs su byin gyis brlabs nas dbyangs kyi yan lag dang ldan pa'i bkra shis kyi tshigs bcad brjod par bya'o/ /de nas mgo bor yi ge gsum gyi sngags kyis ar+g+ha dang me tog la sogs pa byin te/rdo rje dril bu dkrol zhing oM AH hUM sngags kyis las thams cad pa'i bum pa byin gyis brlabs nas yang dag par rdzogs pa'i sangs rgyas mtshan dang ldan pa lo bcu gnyis lon pa'i bu mo'i lag tu sbyin par bya'o/ /nyid kyis phyag g.yas pas bum pa gtugs te tshigs bcad 'di brjod par bya'o//yang dag rdzogs sangs rgyas kun khyod/ /'on kyang glo bur dri mas khyab/ /de ni thams cad bkru ba'i phyir/ /dge yid ldan pa bdag gis bkru/ /oM a na ga ta bud+d+ha ta thA ga ta a ba lo ka ta de be na ba re na pany+tsa oM d+ha ta rta ne na ru pa ka daM na ru pa ka daM na sna pa ya me huM hUM phaT swA hA/de nas mchod pa lnga dbul bar bya'o/ /de nas yang mgo bo me tog la sogs pa byin te 'bru lnga'i khrus bya'o/ /oM sarba ta thA ga ta a ba lo ka ta de be na ba re na pany+tsa bri ha bi da na skand ma snam pa ya me huM hUM phaT swA hA/ mchod pa byas te/de nas yang mgo la me tog la sogs pa byin nas sman lnga'i khrus bya'o/ /oM a na ga ta bud+d+ha ta thA ga ta a ba lo ka ta de be na ba re na pany+tso a sha tha samya gdaM sna pa ya me huM hUM phaT swA hA/ mchod pa byas nas mgo la me tog la sogs pa byin te/ 'bras bu lngas khrus bya'o/ /oM a na ga ta bud+d+ha ta thA ga ta a ba lo ka ta de be na ba ri na sa saM skA ra sa da ma sna pa ye huM hUM phaT swA hA/mchod pa byas nas mgo la me tog la sogs pa byin te/ sna tshogs lnga'i sman gyis khrus bya'o/ /oM a na ga ta bud+d+ha ta thA ga ta a ba lo ka te de be na ba re na pany+tsa pra kIr+Na dra bya byi dz+nyA na ska n+d+ha sna pA ya me huM hUM phaT swA hA/mchod pa byas nas mgo la me tog la sogs byin te/ byug pa lngas khrus bya'o/ /oM a na ga ta bud+d+ha ta thA ga ta a ba lo ka de be+e na ba re d+ha na ska ra ya sna pA ya huM hUM phaT swA hA/ mchod pa byas nas mgo la me tog la sogs pa byin te/ byug pa lnga'i khrus bya'o//oM a na ga ta bud+d+ha ta thA ga ta a ba lo ke b+he ra ba re na sa ma la ba na pany+tsa ke na d+ha twA ya ta naM sna pA ya huM hUM phaT swA hA/ de nas spos kyis bdugs pa'i ras kyis kun phyis te/ hUM gi rnam pa'i sngags kyis mgo la me tog byin nas dam tshig gi khrus bya'o/ /oM ya thA he dza ta ma tra s+yosna pe ta sarba ta thA ga ta ta thA ga ta sna pa ye Sh+TaM me sho ta bi na ba re na oM AH hUM phaT swA hA/de nas sna tshogs pa'i gos bgos te dam pa'i chos klog pa'i gnas su stan gyi steng du gzhag par bya'o/ /slob dpon shes rab dpal gyis mdzad pa/ yan lag brgyad pa'i rim pa las/ khrus kyi cho ga bstan pa zhes bya ba'i le'ur bcad pa bzhi pa'o// //da ni rab gnas kyi cho ga bshad de/ re zhig dang po'i sil snyan la sogs pa dang ldan pa'i rdo rje dril bu dkrol te/ lag pa g.yon pa'i rdo rje khu tshur gyis mda' bzung nas/ lag pa g.yas pa rdo rje khu tshur gyis cig cig drangs te/tha mar oM AH hUM bkod nas/ shar lho nub byang la sogs pa'i gnas su sor bzhi yan chod 'og gi char gzhug par bya'o/ /de nas sngags dang ldan pa'i tshon sna lnga'i skud pas bskor ro/ /de la sngags ni 'di yin te/ oM pany+tsa na At+ma ko ma hA rak+Sha su tra ra tsaM badzra kan+de swA hA/su pra tiSh+The tu b+ha ba huM hUM phaT swA hA/ de nas shar phyogs kyi char 'khor lo dang ldan pa bzhag ste sngags 'dis rab gnas bya'o/ /oM tsakra ko la ya su pra tiSh+Tha tu b+ha ba huM hUM phaT swA hA/ lhor pad+ma dang ldan pa/ oM pad+ma ko la ya su pra tiSh+The tu b+ha ba huM hUM phaT swA hA/ nub tu rin po che dang ldan pa/oM rat+na ko la ya su pra tiSh+Tha tu b+ha ba huM hUM phaT swA hA/ byang du ral gri dang ldan pa/ oM karma ko la ya su pra tiSh+The tu b+ha ba hUM hUM phaT swA hA/ me'i mtshams su ri rab dang ldan pa/ oM AH hUM phaT swA hA/ chu'i phyogs su sbrul dang ldan pa/ oM AH hUM ho phaT swA hA/ rlung gi mtshams su me dang ldan pa/ oM AH hUM phaT swA hA/ dbang ldan gyi mtshams su 'phan dang ldan pa/ oM AH hUM ha phaT swA hA/ dbus su rnam par rgyal ba/ oM sarba ta thA ga ta kA ya bA ka tsit+ta ma hA badzra d+ha ra kro d+ha satwa swa du pe Na su pra tiSh+The tu b+ha ba huM hUM phaT swA hA/ 'khor lo dang ldan pa'i g.yas phyogs su/las thams cad pa'i bum pa oM ho lo ho lo hri hri hUM hUM phaT swA hA/ dam tshig snod g.yon gyi cha ru/ de la oM aM AM hiM hIM huM hUM phaT swA hA/ gzhan ma gang dang gang mar me dang lha bshos dang yo byad la sogs pa phyogs mtshams bye brag tu yi ge gsum gyi sngags kyis gzhag par bya'o//de nas dkyil 'khor 'khor lo rab gnas bya'o/ /oM sarba ta thA ga ta At+ma ka ma hA dz+nyA na A ka sha swa du pa su pra tiSh+Tha tu b+ha ba huM hUM phaT swA hA/ de nas sku la rab gnas bya'o/ /oM pany+tsa A ka ra ma hA dz+nyA na taM At+ma ka su pra tiSh+The tu b+ha ba huM hUM phaT swA hA/ de nas slob ma la ni yi ge gsum gyi byin gyi rlabs kyis me tog mgo la byin te/ sngags 'dis rab gnas bya'o/ /oM bai ro tsa na ta thA ga ta s+t+waM su pra teSh+Te tu b+ha pa swA hA/ de ni rab gnas kyi cho ga'o/ /slob dpon shes rab dpal gyis mdzad pa/ yan lag brgyad pa'i rim pa las/rab gnas kyi cho ga bstan pa zhes bya ba'i le'ur bcad pa lnga pa'o// //de nas gzhan yang dbang bskur ba'i cho ga bshad de/ dang por re zhig bkra shis kyi tshigs bcad brjod par bstan te/ rdo rje dril bu'i sngags kyis spos dang bcas par rdo rje dril bu dkrol bar bya'o//de'i 'og tu me long gi steng du me tog la sogs pa gtor te/ las thams cad pa'i bum pas rnam par rgyal ba'i bum pa la sngags 'dis dbang bskur bar bya'o/ /oM sarba ta thA ga ta kA ya bAka tsit+ta ma hA badzra d+ha ra a b+hi She ka sa ma ya shri ye hUM phaT swA hA/ de nas 'khor lo dang ldan pa la/ oM bai ro tsa na ta thA ga ta a b+hi She ka sa ma ya shri ye hUM phaT swA hA/ de nas pad+ma dang ldan pa la/ oM a mi tA b+ha ta thA ga ta a b+hi She ka sa ma ya shri ye hUM phaT swA hA/ de nas rin po che dang ldan pa la/ oM rat+na saM b+ha ba ta thA ga ta a b+hi She ka sa ma ya shri ye hUM phaT swA hA/oM a mo g+ha sid+d+hi ta thA ga ta a b+hi She ka sa ma ya shre ye hUM phaT swA hA/ de nas ri rab dang ldan pa la/ oM b+ha ga ba te bud+d+ha lo tsa ne a b+hi She ka sa ma ye shri ye hUM phaT swA hA/ de nas sbrul dang ldan pa la/ oM b+ha ga ba ti mA ma kI a b+hi She ka sa ma ya shri ye hUM phaT swA hA/de nas sbrul dang ldan pa la/ oM b+ha ga ba te mA ma tI a rnyi She ka sa ma ya d+hishri ye hUM phaT swA hA/ de nas me dang ldan pa la/ oM b+ha ga ba ti b+han+da ra b+ha se ne a b+hi She ka sa ma ya shri ye hUM phaT swA hA/ de nas spos dang bcas par rdo rje dril bu dkrol te/ 'khor dang bcas pa'i dkyil 'khor la dbang bskur sbyin par bya'o//oM sarba ta thA ga ta At+ma kwa dz+nyA na A kA sha sA ru a b+hi She ka sa ma ya shri ye hUM phaT swA hA/ de nas yang rdo rje dril bu dkrol te thang ka la sogs pa'i bdag nyid kyi sku la dbang bskur sbyin par bya'o/ /oM pany+tsa A ka ra ma hA dz+nyA na At+ma ko a b+hi She ka sa ma ya shri ye hUM phaT swA hA/da ni slob ma'i dbang bskur bshad de/ dang po ni las thams cad pa'i bum pas so/ /yang na dam tshig gi chus/ me tog gi phreng ba dang bcas pa'i mig gi ras la/ oM a khaM bI ra'i sngags kyis gtor bar bya ste las kyi slob dpon gyi lag tu sbyin/des slob ma la ji ltar gnas pa mthong nas dam tshig sems dpa'i gzugs su byin gyis brlabs te/ stong phrag dang ldan na spyan/ oM sa ha srA k+Sha'i sngags kyis bcing bar bya'o/ /de'i dus su las kyi slob dpon gyis de la de lta bu'i tshigs bcad brjod pa des kyang de lta bu'i bla ma chen po rdo rje slob dpon gyi mdun du brjod par bya'o//mgon po spyan gyis bdag la gzigs/ /khyod ni bdag gis ston chen po/ /dam tshig de nyid bdag la gsol/ /thams cad mkhyen la phyag 'tshal lo/ /ye shes nyi 'od phyag 'tshal lo/ /thams cad mkhyen sman phyag 'tshal lo//ye shes bdud rtsi mtsho phyag 'tshal/ /de skad thos nas bla ma chen po rdo rje slob dpon gyis/ 'di skad ces gsung bar bya'o/ /skyes bu khyod ni su zhig yin/ /khyod ni ci 'dod bdag la smros/ /slob mas kyang 'di skad brjod par bya'o/ /dpa' bo chen po bdag skal ldan//thog ma'i dbang ni bdag la stsol/ /de nas bla ma chen po rdo rje slob dpon gyis skal ldan tshur shog tshur shog ces gsung bar bya'o/ /slob ma yang me tog gis bkang ba'i snyim pa dang ldan pa las kyi slob dpon gyis lag pa g.yas pa bzung nas/ bla ma chen po rdo rje slob dpon gyi mdun du me tog gi snyim pa dbul bar bya'o//de nas lan gsum phyag byas nas/ 'dab ma brgyad pa'i pad+ma'i steng du gzhag par bya'o/ /de nas rdo rje slob dpon gyis/ hUM phaT kyi rnam pa'i sngags kyis me tog byin gyis brlabs te/ a ti ho tiSh+Tha brtul zhugs bzang zhes gsung nas mgo bo la ni sbyin par bya'o//phyi nas kyang hUM gi sngags bzlas pa'i 'bras dkar po dang ldan pa'i me tog gis lan gsum snying gar btab par bya'o/ /de nas hUM gi rnam pa'i sngags kyis me tog dang bcas pa'i rdo rje snying gar legs par bzhag ste 'di skad brjod par bya'o//kye legs dgyes kye'i dam tshig khyod/ de bzhin gshegs pa thams cad la sogs pa'i dngos grub khyod ji ltar 'dod pa bzhin du rnyed do/ /phyi nas yang 'di skad smra bar bya'o/ /dkyil 'khor ma mthong sngon du ni/ /khyod ni gang yang smra ma byed//ma yin khyod kyi dam tshig 'di/ /don med nges par 'gyur ba yin/ /de nas yang hUM gi rnam pas rdo rje byin gyis brlabs te/ mgo bor bzhag la 'di skad brjod par bya'o/ /'di ni dam tshig rdo rje yin/ /spyi bor bdag gis gsor bar bya/ /khyod kyis gzhan la 'di smras na//skad cig gcig gis phug nas 'gro/ de nas dam tshig gi chu sbyin par bya'o/ /oM badzra u da ka ma hA ku raM/ /badzra tsa n+du bkra bya shi na zhes sngags des lan bdun bzlas pa byas nas lag pa g.yas su byin te 'di skad ces brjod par bya'o/ /'di ni khyod kyi dmyal ba'i chu//dam tshig nyams na sreg par byed/ /dam tshig bsrungs na dngos grub 'gyur/ /'thungs shig rdo rje bdud rtsi chu/ /de nas yang phyag g.yas pas lag pa gnyis bzung ste/ 'di skad brjod par bya'o/ /di ring phan chad khyod kyis ni/ /rdo rje sems dpar bdag la smros//bdag gis ji ltar bka' stsal bka' ba sbyin/ /de ltar khyod kyis dad par bya dgos so/ /gang yang nga la mi mos nam yang min/ /de ltar byas na rnam smin dmyal bar 'gro/ /de nas slob ma la dri bar bya'o/ /kye dge ba'i yid dang ldan pa khyod kyi mig gis ji ltar mthong /nag po dang / dmar po dang / dkar po dang / ser po dang ljang gu'i nang na ji ltar mthong ba de ltar las de las grub ces bla ma chen pos rang gi yid la dpyad de/ bden pa'i byin gyi rlabs bya'o/ /dri ma med pa'i me tog phyag g.yas pas bzung nas 'di skad brjod par bya'o//dkyil 'khor 'di la dkyil 'khor ba'i lha mo rang rang gi rigs kyi ji lta ba'i dngos grub yod pa de lta bu'i me tog bcas pa'i bu 'di la dngos grub thob par gyur cig /de skad smras nas nam mkha' la dbul bar bya'o/ /de nas mig gi ras kyi phreng ba'i dbus kyi me tog hUM gi rnam pa'i sngags kyis blangs nas slob ma la kha sbyar snyim pa'i dbus su byin te 'di skad brjod do//oM sa ma ya a d+he r+b+ha we to hUM hUM phaT swA hA/ de nas las kyi slob dpon gyi kha bye ba'i pad+ma'i phyag rgyas lag pa 'phar ma'i snyim pa/ dam tshig sems dpa' bzung ste/dkyil 'khor la bskor ba lan gsum byas nas/ rdo rje slob dpon gyi g.yon phyogs su gnyis ka langs te/ las kyi slob dpon gyis de la 'di skad brjod par bya'o/ /hUM pra tI ts+tsha hoH rdo rje 'dzin lan gsum brjod de dkyil 'khor gyi dbus su dbul bar bya'o/ /phul ba tsam gyis bla ma chen po rdo rje slob dpon gyis tha ma 'bring rab la sogs pa'i dngos grub nye bar bltas te/tshigs bcad 'dis mig dbye bar bya'o/ /rdo rje sems dpa'i de ring nyid/ /khyed kyi mig ni brtson par byed/ /bla na med pa'i rdo rje mig /thams cad spyan ldan bdag gis dbye//oM de byIn+d+ra dz+nyA na A ba lo ki ta dr-i sh+ya huM hUM phaT swA hA/ de nas dkyil 'khor 'khor lo'i don bstan par bya'o/ /de'i dus su slob ma langs nas bla ma rje btsun la lan gsum phyag byas te/ zhu ba'i tshigs bcad 'di ltar brjod par bya'o/ /byang chub rdo rje sangs rgyas la/ / chen po'i chen po ji ltar sbyin/ /bdag kyang bskyab pa'i don du na/ /nam mkha' rdor sngon bdag la stsol/ /bla ma rje btsun gyis kyang 'di skad brjod par bya'o/ /dbang bskur chen po'i rin chen ni/ /khams gsum gyis ni phyag byas pa/ /gsang gsum gzhi las byung ba ni/ / sangs rgyas kun gyi bdag gis sbyin/ /de nas hUM gi rnam pa'i byin gyis brlabs pa'i me tog mgo bo la byin nas/ rdo rje dril bu dkrol te/ sngags 'dis chu'i dbang bskur sbyin par bya'o/ /oM shrI a k+Sho b+h+ya swa b+hA ba badzra oM bo na a b+hi Shi ny+tsA mi hUM hUM phaT swA hA/ de nas hUM gi rnam pa'i byin gyis brlabs pa'i tsan+dan des dpral bar thig le bya'o//de nas mi bskyod pa'i lha'i rnam pa mthong nas mchod pa lnga dbul bar bya'o/ /de'i rjes su gser la sogs pa bzor byas pa dang / yang na ras la bris pa'i dbu rgyan snyim pa brkyang ba'i phyag rgyas bzung ste/ hri pha ra'i sngags kyis byin gyis brlabs nas de'i steng du grangs med pa'i 'jig rten gyi khams na bzhugs pa'i sangs rgyas bsams te sngags 'dis dbu rgyan gyi dbang bskur sbyin par bya'o//oM shrI rat+na saM b+ha ba swa b+hA ba mu ku Te na a b+hi Shi ny+tsA mi huM hUM phaT swA hA/ sngar bzhin du ni mchod pa byas nas rin chen 'byung ldan gyi gzugs su mthong ste/rdo rje'i dbang bskur sbyin par bya'o/ /hUM gi rnam pas byin gyis brlabs pa'i rdo rje phyag g.yas par bzung nas/ rdo rje slob dpon gyis tshigs bcad 'di brjod par bya'o/ /rdo rje sems dpas rgyal ji ltar/ /de ring bdag gis khyod dbang bskur//'di ni sangs rgyas thams cad kyi/ /rab grub phyir ni rdo rje bzung / /slob ma'i snying gar gtugs byas la/ /lag pa g.yas par sbyin par bya'o/ /oM shrI a mi tA b+ha swa b+hA ba badzra nA ma a b+hi Shiny+tsA mi huM hUM phaT swA hA/ de'i rjes thogs su thig le la sogs pa dang bcas pa'i mchod pa byas nas snang ba mtha' yas kyi gzugs su mthong ste/dril bu'i dbang bskur sbyin par bya'o/ /oM hriM hriM k+ShaM gi sngags kyis byin gyis brlabs te me tog la sogs pa'i mchod pa byas nas phyag g.yon par bzung nas tshigs bcad 'di brjod par bya'o/ / rdor dril sgyu 'phrul chen po 'di/ /gnyis med dngos po shes rab thabs/ /chos kyi dbyings kyi rang bzhin can/ /lag pa g.yon pas 'di zung shig /oM shrI a mo g+ha ko la swa b+hA ba a d+hi pa te badzra g+haN+Da a b+hi Shi ny+tsA mi huM hUM phaT swA hA/ sngar bzhin mchod pa byas nas don yod grub pa'i gzugs su mthong ste/ming gi dbang bskur ba sbyin par bya'o/ /oM b+hiM b+hiM gi sngags kyis rdor dril byin gyis brlabs te mgo bor bzhag nas sngags 'di brjod par bya'o/ /oM shrI bai ro tsa ni swa b+hA ba nA ma a b+hi Shiny+tsA mi hi a mo g+ha badzra te huM hUM phaT swA hA/ de lta bu'i ye shes lnga'i bdag nyid kyi slob dpon gyi dbang byin nas/phyi nas yang rdo rje slob dpon gyi dbang bskur sbyin par bya'o/ /slob mas kyang zhu ba'i tshigs bcad kyis bla ma rje btsun mnyes par bya'o/ /rdo rje slob dpon gyi ni dbang / /thugs rje'i gter gyis bdag la stsol/ / gang gis khyod kyis bka' drin bdag /bdag dang gzhan gyi don byed nus/ /bla ma rje btsun gyis de ltar gsan nas/ mgo la me tog la sogs pa byin te/ dam tshig gsum gyi dbang bskur sbyin par bya'o/ /hUM gi rnam pas byin gyis brlabs pa'i rdo rje phyag g.yas par bzung nas sngags 'di brjod par bya'o//oM pa ra ma A d+ya pu ru ShaM sarba badzra d+ha ra a d+hi pa ti s+t+waM hiM hiM huM hUM phaT swA hA/ a'i rnam pa las byung ba'i rdo rje dril bu phyag g.yon pas bzung nas/ haM hAM hiM hIM phiM phiM gi sngags kyis byin gyis brlabs te/ dka' thub rnams kyis gdung mi bya/ /ji ltar bde ba bde bar gzung //rdzogs pa'i sangs rgyas ma 'ongs pa/ /zhes brjod nas slob ma la sngags 'dis lag tu sbyin par bya'o/ /oM sarba ta thA ga ta ma hA sid+d+hi sa ma yA shwa sa a b+hi Shi ny+tsA mi huM hUM phaT swA hA/ gnang ba sbyin pa dang brtul zhugs dang / lung bstan pa dang skyabs sbyin yan chad bzhis phyir mi ldog pa'i dbang shes par bya'o//de nas shin tu mtshan nyid dang ldan pa'i brgyad gnyis dang ldan pa'i bu mo dang po dbang bskur nas/ bsrub pa dang bsrub thabs kyi sbyor bas byang chub kyi sems dbyung bar bya ste/ /rdo rje'i ske'i nang du hUM phaT kyi sngags kyis byin gyis brlabs te/dri ma med pa pad+ma'i snod du mthe bong mtha' ltag gi phyag rgyas ske btsir te dri ma med pa'i ras kyis dgab par bya'o/ /de las langs te g.yon phyogs su bu mo bzhag ste/ yi ge gsum gyi sngags kyis brgya rtsa brgyad bzlas te/ slob ma dgug par bya'o/ /kye sems dpa' chen po tshur shog tshur shog /des kyang 'di lta bu'i zhu ba'i tshigs bcad kyis zhu bar bya'o/ /byang chub rdo rje sems chen po/ /gsang ba'i dbang ni bdag la gsol/ /ye shes bdud rtsi bdag la stsol/ /rdo rje'i 'byung ba bdag la gsol/ /dpa' bo chen po khyod phyag 'tshal/ /phyag 'tshal phyag 'tshal rmad byung khyod//bde chen bzhugs la phyag 'tshal lo/ /de lta bu'i rdo rje slob dpon gyis gsan nas legs so legs so zhes brjod par bya'o/ /de nas las kyi slob dpon gyis spos kyi legs par bdug pa byas pa'i ras gdong pa la byin te/ bla ma chen po'i mdun du 'dug par bya'o//de'i dus su rdo rje dril bu la sogs pa dang bcas pa'i mchod pa byas nas mthe bo tha ltag gi bar du bzung nas phyag g.yon pa mgo bo la bzhag nas lce'i nang du byin te 'di skad brjod par bya'o/ /oM ma hA dz+nyA na a mr-i te na a b+hi Shi ny+tsA mi huM hUM phaT swA hA/ de nas longs spyod gnas pa dba' rlabs gnyis btsir bar bya'o//de nas shes rab ye shes kyi dbang sbyin par bya'o/ /re zhig bla ma mnyam pa nyid kyi ye shes dang ldan pa yin na/ de la yan lag ma gcig pu sbyin par bya'o/ /gal te cung zad chags pa chen/ de la gzhan ma shin tu mtshan nyid dang ldan pa bkug ste/dbang la sogs pa byin nas/ skyabs byin te bya gdong ma la sogs pa'i gnas bstan par bya'o/ /de nas slob ma dgug par bya'o/ /kye sems dpa' chen po kye tshur shog /des kyang 'di lta bu'i tshigs bcad kyis rje btsun la zhu bar bya'o/ /ye shes bde ba'i gnas bzhugs pa'i//rgyal 'gyur rgyal 'gyur mgon po khyod/ /A li kA li gnyis bdag can/ /dga' ba'i bde mtsho rgyal gyur cig /mchog dang chad pa'i dbus su ni/ /rol mdzad khyod ni rgyal gyur cig /shes rab ye shes kyi ni dbang / /mchog gis dbang phyug bdag la stsol//gang gis rang bzhin ye shes mchog /khyod kyi bka' drin bdag gis rnyed/ /de yi dus su g.yas pas shes rab ma'i lag pa 'phar ma bzung nas slob ma la 'di skad brjod par bya'o/ /'di ni khyod zung dgyes pa yin/ /bsnyen bya sangs rgyas kyi rab brtags//ye shes gsum gyi rab sbyor gyis/ /dam pa'i bde ba yang dag myong / /sangs rgyas rin chen snod kyi ni/ /g.yon gyi mchog la rtsa mchog bzhugs/ /gdong pa bya bzhin rnam pa ni/ /rdo rje dbyings phyug ma ni nyid/ /thabs gzhan dag gis byang chub ni/ /nam yang rnyed par mi 'gyur ro//de bas 'di dang lhan cig ni/ /nam yang sbyor med ma byed cig /des kyang cung zad nu ma gnyis kyi steng na mo'i na bza' phyed de/ /dri zhim po'i me tog gis dbu rgyan de 'di skad brjod par 'khyud pa'i phyag rgyas rdo rje sems dpa'i cha lugs byas nas slob ma la 'di skad brjod par bya'o//'di ni gang zhig mtshon gyi rab/ /shes rab kyi skur rjes su dran/ /khyod kyis kyang ni rtag tu bcang / /thog ma byang chub rgyal bas bsnams/ /rdo rje mchog gi ye shes ni/ /mi phyed nam mkha' lta bu'i gzugs/ /bdag ni gzhan min rdo rje 'dzin//sems can don phyir 'khor bar zhugs/ /zhes brjod nas slob ma la lag tu sbyin no/ /de'i dus su 'di skad brjod par bya'o/ /ji ltar bdag ting nge 'dzin du gnas pa de ring khyod kyis mthong ba de ltar khyed kyis kyang de bzhin du zhugs shig /oM badzras twa sa rU pa tri sa ma ye a b+hi Shi ny+tsA mi huM hUM phaT swA hA/rdo rje 'dzin pa'i cha lugs su slob ma gzigs nas 'di ltar gnang ba sbyin par bya'o/ /sems can thams cad phan don du/ /chos kyi rgya mtsho 'dra bar 'dug /thams cad ji ltar 'dul 'gyur ba'i/ /khyod kyis chos kyi 'khor lo bskor//de nas mgo bo la me tog la sogs pa byin te/ brtul zhugs kyi dbang bskur byin par bya'o/ /de'i dus su hUM gi rnam par byin gyis brlabs pa'i me tog dang bcas pa'i phyag g.yas pas bzung nas slob ma la 'di skad brjod par bya'o/ /'di ni de bzhin gshegs pa'i rigs//ye shes lnga grub zhi ba ni/ /ye shes rang bzhin mi phyed pas/ /sangs rgyas thams cad kyis phyag byas/ /dpal ldan rdo rje sems dpa' yi/ /nyid kyi phyag na ji ltar bsnams/ /de ltar khyod kyis kyang gzung bya/ /rdo rje khyod kyis kyang gzung bya/ /rdor rgyal mi shigs brtul zhugs so//oM pany+tsA ka ra sa du pany+tsa dz+nyA na At+ma ko sarba ta thA ga ta sid+d+hi badzra pa ti nA/ a b+hi Shi ny+tsA mi hUM hUM phaT swA hA/ de nas mchod pa byas nas/ lung bstan dbang bskur bar bya'o/ /oM gyi rnam pas byin gyis brlabs pa'i chos gos gsol/ /mchod sbyin skyabs sbyin ldan pas slob ma la 'di skad brjod par bya'o//rdo rje sems dpa' de bzhin gshegs/ /khyod ni bdag gis lung bstan bya/ /sems can thar pa grub don du/ /ngan 'gro rnams las 'dren pa yi/ /yang dag de bzhin gshegs pa khyod/ /khams gsum gyi ni thub pa khyod/ /sangs rgyas byang chub sems dpa' yis//mgrin gcig tu ni brtags pa ste/ /bla na med pa'i yang dag pa'i/ /byang chub tu ni khyod lung bstan/ /de skad gsungs nas nyid kyi chos gos slob ma la byin te/ phyag g.yas pas lag pa bzung nas sngags 'di brjod par bya'o/ /oM sarba bud+d+ha ma ma hA ta pa si d+d+hi bya ka ra Na a b+hi shi ny+tsA mi huM hUM phaT swA hA/de'i rjes su mgo bo la me tog byin te/ bka' stsal ba'i dbang bskur sbyin par bya'o/ /spos kyi bdug pa byas pa'i me tog gi phreng ba phyag g.yas pas bzung nas hUM phaT kyis byin gyis brlabs te slob ma la 'di skad brjod par bya'o/ / chags pa bral ba lta bu'i sdig /gzhan ma khams gsum na ni med/ /de bas 'dod pa'i chags bral ba'i/ /khyod kyis kyang ni yang ma byed/ /dam tshig chen po yod pa ni/ /hUM phaT rnam pa dang ldan pa'i/ /gsang ba'i dkyil 'khor la gzhug bya/ /sdig pa thams cad rnam par bral//bde chen theg pa 'di las ni/ /phyi nas shi ba yod med de/ /srid pa yang dag grub pa'i phyir/ /srid dang mya ngan 'das bsdus bya/ /rdo rje rin chen nang yod pa'i/ /byang chub sems ni spang mi bya/ /de yi 'byung ba tsam gyis ni/ /sangs rgyas nyid 'gyur the tshom med/ / dam pa'i chos ni smad mi bya/ /nam yang spang ba mi bya'o/ /log pa'i shes pa'am gti mug gis/ /phyi nas 'jigs pa bsrung bar bya/ /rdo rje dril bu'i phyag rgya ni/ /nam yang spang bar mi bya'o/ /sangs rgyas kun dang mnyam pa'i phyir/ /bla ma smad par yong mi bya/ bdag nyid yongs su bor nas ni/ /dri chen dri chu za ba 'di/ /kye bu khyod kyis nus sam ci/ /khu ba khrag dang de bzhin sha/ /de bzhin bud med gus pa dang / /b+ha ga'i pad+ma la 'jib ni/ /ji ltar bde ba bu khyod smros/ /slob mas kyang 'di skad brjod par bya'o/ /lha mo bdag gis ci mi nus/ / khu ba khrag sogs bza' ba dang / /rtag tu bud med gus bgyid dang / /b+ha ga yang ni gzhib bya'o/ /de nas yang shes rab mas 'di skad brjod par bya'o/ /bde ba thams cad dang ldan pa/ /bdag gi pad dbang e ma'o/ /gang zhig chogs bsnyen byed pa/ / de yi mdun du bdag ni 'dug /yang dag sangs rgyas mnyes pa'i phyir/ /ji ltar pad+ma'i don gyis shig /nyid kyi bde chen rgyal po ni/ /'di yi gnas na rtag tu bzhugs/ /bde chen dmar thigs bsnyen par gyis/ /kha yi chu skyes kyis ni b+ho/ /bsrub dang bsrub thabs sbyor ba yis//bde ba khong du chud par gyis/ /shin tu bstan pa'i don gyis shig /bstan pa med na don mi 'grub/ /de ltar yongs su rdzogs nas slob ma'i mgo la me tog la sogs pa byin te/ me tog gis snyim pa gang ba dang ldan pa'i shes rab ma lag pa'i pad+ma kha phye ba'i snying po'i dbus su slob ma la//sngags 'di brjod par byas nas sbyin par bya'o/ /oM ma hA badzra d+hA twI shwa ri pradz+nyA dzanyA na a b+hi Shiny+tsa huM hUM phaT swA hA/ bzhi pa'i dbang ni dbang rin chen snang bar gsal bar byas so/ /gang zhig yang dag pa'i 'bras bu 'dod pa des de ru blta bar bya'o/ / slob dpon shes rab dpal gyis mdzad pa/ yan lag brgyad pa'i rim pa las/ dbang bskur gyi cho ga bstan pa zhes bya ba le'ur bcad pa drug pa'o// //da ni mchod sbyin gyi cho ga bshad de/ dang por re zhig phyi'i 'jig rten skyong ba la sogs pa la spos dang / me tog dang lha bshos la sogs pas mchod pa byas te/gong gi dkyil 'khor la mchod sbyin bya'o/ /re zhig rnal 'byor bla ma'i dkyil 'khor yin no/ /da la dkyil 'khor rnams la phyogs dang mtshams bye brag tu bstan pa'i dang po'i sgo la sogs pa nas bzung ste/ dang po oM dang hUM phaT mthar/dbus su rang gi ming dang spel te/ so sor rdo rje dril bu dang bcas pa'i me tog dang spos dang mar me dang dri dang lha bshos la sogs pas mchod par bya'o/ /yang na rnal 'byor bla na med pa'i rgyud kyi rim pas gnas dang nye ba'i gnas la sogs pa zhes bstan pa'i mchod pas so/ / gzhan kun ni sngar bzhin no/ /dpal rdo rje 'dzin pa chen po la snying po dang nye ba'i snying po dang phreng ba'i sngags kyis so/ /sku la sngar bstan pa'i mchod pa dang ldan pa'i yi ge brgya pas so/ /bum pa rnams la de ltar bzhin no/ /'on kyang so so rang gi ming dang spel te snying po'i sngags kyis so//de ltar mchod sbyin gyi mchod pa rdzogs par byas te/ sngags kyi skud pa sbyin par bya'o/ /de la rim pa ni 'di yin te/ ras bal gyi skud pa bzhi lta ba byas nas/ legs par bsgril te/ lnga dbye lnga gnyis kyis khrus byas nas/ dkyil 'khor gtso bo'i sngags kyis lnga bcu rtsa bzhi mdud par bya'o//de nas gzhi mnyam gyis sna tshogs bzor byas te/ yi ge brgya pa'i sngags kyis brgya rtsa brgyad bzlas par bya'o/ /de lta bu'i bum pa dang sku dang / slob ma la sogs pa'i grangs kyis bya ste/ de'i 'og tu bkra shis kyi tshigs bcad la sogs pa dang ldan pa'i rim pas yi ge gsum gyi sngags kyis mgul par gdags par bya'o//slob dpon shes rab dpal gyis mdzad pa/ yan lag brgyad pa'i rim pa las/ mchod sbyin bstan pa zhes bya ba le'ur bcad pa bdun pa'o// //de nas gzhan yang sbyin sreg gi cho ga bshad de/ zhi ba dang rgyas pa dang /drag po mdor bsdus pa'i don tsam bshad de/ zhi ba ni grong khyer chen po'i gnas su/ rgyas pa ni zhing du/ dbang ni chu ngogs su/ drag po ni dur khrod du'o/ /zhi ba'i zlum po rgyas pa'i gru bzhi/ dbang gi gzhu lta bu/ drag po'i gru gsum mo/ /de nas sa la tshad ni 'byung ba chen po lnga dang / rgya mtsho dang / me dang / mig go/ /ji ltar steng gi tshad de'i phyed 'og tu'o/ /de dag kyang kha dog dkar ser dmar nag go/ /rang rang gi las kyi go rims kyis hom khung gi nang du so sor pad+ma brgyad pa'i pad+ma/ pad+ma'i steng du rgya gram rdo rje'i steng du rim pas zla ba dang rin po che dang gzhu dang gru gsum gyi phyag rgya'o//de rnams kyi steng du nyi ma'i dkyil 'khor thams cad la hom khung gi steng du rdo rje phreng ba'o/ /de ni hom khung gi mtshan nyid do/ /da ni hom gzar gyi mtshan nyid bshad de/ dgang bzar dang blugs gzar dang / de bzhin du mar gyi snod gsum ni 'bad pas bya'o//gzhan ma mar gyi snod chen po dang / mar dag pa'i snod ni tshad mi dgos te ji ltar rnyed pa'o/ /dgang gzar la sogs pa bzhi bcu rtsa brgyad kyi sor gyi tshad do/ /dgang gzar ni gru bzhi pa/ tshad ni sor drug pa/ rgya gram rdo rjes mtshan ma/ chu srin gyi kha nas byung ba/kha ni gru gsum zlum po'i rnam pa/ rdo rjes nang du brgyan pa/ tshad mnyam pa'o/ /blugs gzar ni zlum po chur sor gnyis/ nang na rdo rje phra mos ldan pa'o/ /mar gyi snod ni bi la'i 'dab ma bzhin nang gting ring / chur sor drug pa/ rdo rje dang rin po che dang pad+ma dang 'khor lo dang ral gri dang ldan pa/thams cad la mtha' mar rdo rjes mtshan pa'o/ /zhi ba ni dngul las grub pa/ rgyas pa ni gser las grub pa/ dbang ni zangs las grub pa/ drag po lcags las grub pa'o/ /yang na zhi ba tsan+dan dkar pos/ rgyas pa la shing ser pos/dbang la tsan+dan dmar pos/ drag po la a ka ru nag pos so/ /phyi ba sboms pas ku sha sar pa la sor bcu gnyis bya'o/ /de nas sa'i rnam par dag pa la sogs pa sngar bstan pa'i dkyil 'khor gyi bzhin no/ /de la dang por re zhig zhi ba'i tshogs bshad de/nas dang til dang 'bras kyi so ba dang 'bras dang gro dang po ga ling dang sta rga tsan+dan dang 'o ma dang zho dang 'o ma'i thug pa dang bkra shis pas gang ba dang / 'bras kyi zho'o/ /gzhan me tog dkar po dang / yan lag bcu dang / dri dang mar me dang lha bshos so/ / gzhan yam shing ni sha mi dang / sha mo ka dang / sha me ba ga dang / a shwang+tha dang / pa la k+Sha dang / n+ya gro d+ha dang / u dum+WA ra ste/ sar pa sor bcu gnyis bya'o/ /gzhan ni ji ltar rnyed pa'i ku sha'o/ /shin tu sar pa skam pa me tog gi shing srog chags dang bral ba'i khru gang tshad bya'o//gzhin bum pa sngar bstan pa'i dkyil 'khor gyi cho ga bzhin no/ /rnam par rgyal ba'i bum pa hom khung gi g.yas phyogs su gzhag par bya'o/ /dam tshig gi chu'i snod dang / nye reg gi snod dang / 'thor 'thung gi snod dang / arga'i snod dang / so shing dang 'bras dkar po'i snod hom khung gi g.yon phyogs su/me long dang las thams cad pa'i bum pa mdun du/ ba'i mar yang dag pa sar pa dri zhim pa hom khung gi g.yon phyogs su'o/ /de ltar thams cad tshogs nas tshon sna lnga'i skud pa me tog gi phreng ba dang ldan pa rdo rje'i mdas hom khung gi phyogs bzhi nas bskor bar bya'o//de'i phyi rol bi ti sha bya'o/ /de nas legs par khrus byas pa dri ma med pa'i na bza' gsol ba 'jam pa mtho ba stan ri dgas kyi pags pa'i steng du slob dpon sems dpa'i skyil krung gi gnas pas bzhugs nas/ oM hraM hrAM hriM huM hUM hUM sngags kyis rdzas thams cad dam tshig gi chus gtor bar bya'o//de nas pad+ma bskor ba'i phyag rgya mdzad nas/ yi ge gsum gyi sngags dang bcas pas yam shing la sogs pa dag par bya'o/ /oM swa b+hA ba shud+d+ha a ma li ba ma li hUM phaT swA hA/ zhes bya ba'i sngags kyis mar dag par bya'o//de nas bkra shis kyi tshigs bcad brjod par bya ste/ me'i phyag rgya dang hUM gi rnam pa'i sngags kyis hom khung gi dbus su shar du kha bstan zhing gnas gsum du ku sha sbyin par bya'o/ /oM b+ha ra b+ha ra saM b+ha ra saM b+ha ra huM hUM phaT swA hA'i sngags des phyogs thams cad du dgram par bya'o//de nas hom khung gi nang du yaM gyi rnam pa yongs su gyur pa las rlung gi dkyil 'khor de'i steng du raM gyi rnam pa yongs su gyur pa las nyi ma'i dkyil 'khor gyi steng du oM gyi rnam pa/ de'i steng du AH'i rnam pa/ de'i steng du hUM gi rnam pa/ de'i steng du raM gyi rnam pa rlung gis bskyod pa/ thams cad yongs su gyur pa las rgya gram rdo rje'i steng du zhal gsum pa/ spyan gsum pa/ phyag bzhi pa/ sku mdog ser po spyan zlum po ral pa'i cod pan gyis brgyan pa/ 'bar ba'i phreng bas rngam pa/ ljags bdun pa/ sems dpa'i zhugs thabs kyis bzhugs pa/g.yas pa 'phan gsum pa'i phyag rgya/ de bzhin du phreng ba/ g.yon dbyig pa dang spyi blugs rin chen 'byung ldan gyi dbu rgyan dang ldan pa bsgom par bya'o/ /de nas dz+wA la dz+wA la'i sngags kyis me sbar bar bya/ g.yas pa'i bskor zhing phyag rgyas me'i lha spyan drang bar bya'o/ /kye tshur spyon tshur spyon 'od chen po'i bdag nyid 'dod pa thams cad [(]gi [,]kyi [)]don grub par mdzad pa/oM b+hu ru b+hu b+sAH swa yaM b+ho b+ha ga wAn kA me shwa ra ka ma d+ya yaR+Ya ag+ne de ba tA sa rba karma pra sA d+ha ne/ a tra san+ni hi to b+ha ba huM hUM phaT swA hA/ de ni me lha spyan drang ba'i sngags so/ /gshegs pa tsam gyis gdan dbul te/ar+g+ha dang nye reg dang 'thor 'thung dbul bar bya'o/ /mdzub mo lu gu rgyud kyi rnam pa bar ma sbyar/ byad kyi gzugs srin lag mig gi tshul mthe'u chung dang mthe bong zlum po'i rnam pas/ oM spo phaT swA hA/ sngags des gdan dbul bar bya'o/ /oM hriM hriM ar+g+ha'i sngags so//oM briM briM nye reg gi sngags so/ /oM a prok+Sha a prok+Sha 'thor 'thung gi sngags so/ /de nas yi ge gsum gyi sngags dang pa ti'i phyag rgyas dam tshig sems dpa'i bdag nyid la bzhugs par byas te dbang bskur sbyin par bya'o/ /oM sarba ta thA ga ta a b+hi She ka sa ma ya shrI ye hUM hUM phaT swA hA/de nas 'khor lo'i rnam pas snying gar phreng ba'i sngags dgod par bya'o/ /oM ag+ne de ba tA sarba karmAr+tha sA d+ha ka b+hur b+hu ba swaHswa yaM pho hUM phaT swA hA/ dbus su sna tshogs 'od kyis rngam pa raM gyi rnam pa zla tshes thig les rnam par brgyan par bsgom par bya'o//de nas phreng ba'i mchod pa sngags kyis nyi shu rtsa bdun gyi grangs kyis rdo rje dril bu dkrol te/ mchod pa lnga yis mchod par byas te/ me lha'i snying po'i sngags kyis dgang gzar gyi rtse mo'i steng du me tog la sogs pa byin te/ mar gyis dgang blugs bdun dbul bar bya'o//zho dang mar gyis re re/ gzhan rdzas thams cad sor mo gsum gyis gnyis gnyis te/ de la sngags ni 'di yin te/ oM ma hA te dza At+ma ka sarba pA pa da ha na badzra huM hUM phaT swA hA/ de nas mar gyi snod las blugs gzar gyis lha sangs rgyas thams cad dang / byang chub sems dpa' la sogs pa dang / dgra bcom pa dang sogs pa dang / oM dang po swA hA mthar/ rang rang gi mid spel te/ re re dbul bar bya'o/ /oM na maH sarba bud+d+hA nAM swA hA/ oM pra t+ye ka bud+d+hA nAM swA hA/ oM ar+ha tA nAM swA hA/ oM mai tri ya saM bo d+ha satwA ya/ ma hA satwA si swA hA/ oM sarba bo d+hi satwA nAM swA hA/ oM a na ka mi nAM swA hA/ /oM swa ke de ba mi nyi nAM swA hA/ oM sru ta pa nA nAM swA hA/ oM samya g+ga tA nAM swA hA/ /oM samya k+p+ra ti pa nA nAM swA hA/ oM brah+ma Ni swA hA/ oM in+di ye swA hA/ oM pra dza pa ta ye swA hA/ oM I sha nA ya swA hA/ oM ag+na ye swA hA/ oM ba ye be swA hA/ oM ba ru NA ya swA hA/ oM in+d+rA ya swA hA/ oM ya mA ya swA hA/ oM ba ru be NA ya swA hA/ yak+ShA d+hi pa ta ye swA hA/ oM tra ta ra sha ya gan+d+he rbA d+hi pa ta ye swA hA/ oM bi rU kA ya kaM ba dA d+hi pa ta ye swA hA/ oM bi rU pak+ShA ya nA gA d+hi pa ta ye swA hA/ oM de bA nAM swA hA/ oM nA gA nAM swA hA/ oM nA gA nAM swA hA/ oM a su rA nAM swA hA/oM ma ru tA nAM swA hA/ oM ga ru DA nAM swA hA/ oM gan+d+ha rbA nAM swA hA/ oM kin+na rA nAM swA hA/ oM ma ho ra gA nAM swA hA/ oM yak+ShA nAM swA hA/ oM rAk+Sha swA nAM swA hA/ oM pre tA nAM swA hA/ oM bi shA tsA nAM swA hA/ oM b+hU tA nAM swA hA/ oM kum+b+ha kA nAM kA nAM swA hA/ oM pu tA nAM swA hA/ oM skan+d+ha pu tA nAM swA hA/ oM skan+d+ha nAM swA hA/oM ut+mA n+dA nAM swA hA/ oM ts+tsha yA nAM swA hA/ oM A pasma rA nAM swA hA/ oM o sta ra kA nAM swA hA/ oM tsan+d+ra sU R+ya yoH swA hA/ oM ru drA nAM swA hA/ oM na k+Sha trA nAM swA hA/ oM gra hA nAM swA hA/ oM dza ti shA nAM swA hA/ oM ri ShI nAM swA hA/ oM sid+d+hi pra patA nAM swA hA/ oM sid+d+hi b+d+yI nAM swA hA/oM gau rI ye swA hA/ oM ga ta ra ye swA hA/ oM dza ko la ye swA hA/ oM a mr-i tA ya swA hA/ oM dzam+b+ha nA ya swA hA/ oM stam+b+ha nAM ya swA hA/ oM tsa te ye swA hA/ oM dra me drA ya swA hA/ oM sha ba ra ye swA hA/ oM a thaR+sha ba ra ye swA hA/ oM tsaN+DalI ye swA hA/ oM ma hA gI ye swA hA/ oM nA ga hr-i da yA ya swA hA/ oM ga ru Da d+he te yA ya swA hA/ oM ma nu sa ye swA hA/ oM ma hA ma nu si ye swA hA/ oM ShaT k+Sha ri ye swA hA/ oM ma Ni b+ha drA ya swA hA/ oM sa man+ta b+ha drA ya swA hA/ oM ma hA sa man+ta b+ha drA ya swA hA/ oM sa mA ya swA hA/ oM ma hA sa mA ya swA hA/ oM ma hA pra ti sa rA ya swA hA/oM shi ta wa nA ya swA hA/ oM ma hA shi ta wa nA ya swA hA/ oM daN+Da d+ha rA ya swA hA/ oM ma hA daN+Da d+ha rA ya swA hA/ oM mu tsi lin+dA ya swA hA/ oM ma hA mu tsi lin+dA ya swA hA/ oM dza ya tI ye swA hA/ oM a shwa kr-i tA ya swA hA/ oM a pa rA dzi tA ya swA hA/ oM su war+Na b+ha ba sa ma ya ma hA ma yUr rA dzA ya swA hA/oM ma hA d+hA ra nI ye swA hA/ oM man+t+ra pa tA naM swA hA/ oM ma hA ma yU ri bid+ya ra dz+nyI ye swA hA/ oM ma yUr kaM tA yi swA hA/ oM nan+da nA ga rA dzA ya swA hA/ oM u pa nan+da nA ga rA dzA ya swA hA/ oM ba su ki nA ga rA dzA ya swA hA/ oM tak+Sha ka nA ga rA dzA ya swA hA/ oM pad+ma nA ga rA dzA ya swA hA/oM ma hA pad+ma nA ga rA dzA ya swA hA/ oM a nan+ta nA ga rA dzA ya swA hA/ oM ku li ka nA ga rA dzA ye swA hA/ de lta'i rim pas rdzas re res re re la sor mo gsum gyis dgang blugs dbul bar bya'o/ /zho dang 'o ma dgang gzar gyis/ chu ni me long gis/ de'i rjes su mchod pa lngas mchod pa byas nas/rdo rje dang dril bu dkrol te/ khams gsum rnam par rgyal ba'i phyag rgyas blugs gzar kyis nyi shu rtsa gcig byas nas/ khro bo'i rgyal po rnams la so sor re re dbul bar bya'o/ /oM ya mAn+nya kA ya hUM phaT swA hA/ oM pradz+nyAn+ta kA ya hUM phaT swA hA/oM pad+mA n+ta kA ya hUM phaT swA hA/ oM big+h+nAn+ta kA ya hUM phaT swA hA/ oM Tak+ki rA dzA ya hUM phaT swA hA/ oM nI la daN+Da ya hUM phaT swA hA/ oM a tsa lA ya hUM phaT swA hA/ oM ma hA ba lnga ya hUM phaT swA hA/ oM uSh+NI Sha tsakra brti nA ya swA hA/ oM sum+b+ha rA dzA ya hUM phaT swA hA/de nas rdo rje ma mo rnams la khro bo bzhin no/ /oM badzra seg lI ye sneswA hA/ oM badzra be tA lI ye swA hA/ oM badzra kro d+hI shwa rI ye sdeswA hA/ oM badzra ba me swA hA/ oM badzra tsaN+Di swA hA/ oM badzra d+ha rI ye swA hA/ oM badzra prI ye swA hA/ oM badzra g+ha rI ye swA hA/ de nas sngar gyi rim pas rdzas thams cad kyis re re la re re dbul bar bya'o//zho dang 'o ma dgang gzar gyis/ /chu me long gis/ de nas rgyal po la sogs pa rnams la ma mo bzhin no/ /rgyal po chen po la bkra shis swA hA/ yon bdag la bkra shis swA hA/ mdzod dang bang ba la bkra shis swA hA/zhing la bkra shis swA hA/ khyim la bkra shis swA hA/ sems can thams cad la bkra shis swA hA/ grong khyer la bkra shis swA hA/ grong la bkra shis swA hA/ de nas gong gi rim pas dkyil 'khor de ni me'i zhal du rdo rje rgya gram gzhag ste/ yan lag thams cad dang ldan pa'i mchod pa byas nas/oM gyi rnam pa dang po/ hUM phaT gyi mthar rang rang gi ming dang spel te rang rang gi phyag rgyas re re la blugs gzar gyis brgyad byas nas dgang gzar gyis re re dbul bar bya'o/ /yam shing ni gnyis gnyis so/ /gzhan rdzas thams cad ni gsum gsum mo//zho dang 'o ma'i re re'o/ /me long steng du chu'i re re'o/ /de nas dkyil 'khor gtso bo la blugs gzar dbul bar bya'o/ /de'i dus su bla ma rje btsun la mchod pa dang ldan pa'i yon 'bad pas dbul bar bya'o/ /sbyin sreg gi dus su bla ma rje btsun la mchod pa dang ldan pa'i yon dbul ba des dngos grub thams cad ster bar byed do//gzhan yang de ru ji tsam grangs kyi gnas pa khye'u dang bu mo yan chad de rnams la mchod pa dang ldan pa'i sbyin pa ci nus bya'o/ /me'i lha la gser dang tshangs pa'i skud pa dbul bar bya'o/ / de nas bkra shis kyi tshigs bcad brjod nas/ /phreng ba'i sngags kyis lnga bcu rtsa bzhi bgrangs la spos dang bcas pa'i rdo rje dril bu dkrol te/ me'i phyag rgya mdzad nas yi ge brgya pa'i sngags brgya rtsa brgyad bzlas par bya'o/ /de nas rdzas thams cad snying po'i sngags kyis gsum gsum gyis sreg blugs phul te/me long gi chu yis bdun dbul bar bya'o/ /de nas dgang gzar la 'bras bu dang bcas pa'i me tog mgo bo dang de bzhin du kha ru yi ge gsum gyi sngags kyis byin te langs nas bar ma chad par mar gyis rgyun gyis snying po'i sngags kyis dgang blugs dbul bar bya'o//de nas phying pa'i sboms pas legs par phyis te gzhan ku shas dbus dang rgyab dang gor legs par phyis te me'i zhal du/ oM sh+na ta wa ba to swA hA'i sngags kyis dbul bar bya'o/ /de'i dus su me 'bar ba'i mdog brtag par bya'o//dmar pos tshe 'phel bar 'gyur ro/ /ser pos nor la sogs pa 'phel bar 'gyur/ nag pos dri ma can du gyur pas skyon du 'gyur ro/ /de nas bstod pa'i rgyal po bya'o/ /sdig pa thams cad sreg par byed pa rgyal gyur cig /nyon mongs thams cad 'jig par byed pa rgyal gyur cig /dbul ba thams cad gcod par byed pa rgyal gyur cig /ngan 'gro thams cad 'gegs par byed pa rgyal gyur cig /nad kun 'jig par byed pa rgyal gyur cig /mu ge 'joms par byed pa rgyal gyur cig /zhi bar mdzad pa rgyal gyur cig /rgyas par mdzad pa rgyal gyur cig /rdzu 'phrul mdzad pa rgyal gyur cig /dbang phyug mdzad pa rgyal gyur cig /bkra shis mdzad pa rgyal gyur cig /dus ma yin pas 'pho ba 'joms pa rgyal gyur cig /ye shes 'od kyi rang bzhin rgyal gyur cig /rang byung bcom ldan rgyal gyur cig /'dod pa'i sbyin pa rgyal gyur cig /'dod pa'i dbang phyug rgyal gyur cig /mngon gsum lha de rgyal gyur cig /de lta bu'i bstod pa'i rgyal po byas nas/ me'i lha'i zhal nas/ yon bdag dang bcas pa thams cad la thig le dpral bar bya'o/ /de nas lan gsum bskor ba byas nas/ snyim pa me tog gis bkang nas phul te gtor ma chen pos bskor bar bya'o//gang gi tshe rdzas thams cad ma zhu ba de'i tshe gshegs su gsol bar mi bya'o/ /yongs su smin nas sngags 'dis bya'o/ /kr-i to ba sar+b+ba satwa ar+tha/ /sid+d+hi ma dat+tA yA nu ga /gats+tsha twAM bud+d+hA biSha yaM/ /pun ra ga ma na ya ts+tsha/ oM AH hUM phaT swA hA/de ni zhi ba'i sbyin sreg gi cho ga'o/ /rgyas pa la ni ma du lung ga la sogs pa'i rdzas sna tshogs dang / gzhan me tog ser po dang / gzhan lha bshos spos byug pa yam shing bud shing ku sha kun ser pos bya'o/ /dbang la rdzas dmar pos so/ /gzhan ni sngar bzhin no/ /da ni drag po'i las bshad de/dang por re zhig hom khung la phyogs bzhi ru ba'i rgyu mas bskor ba'i rdo rje mnga'/ ha na ha na/ da ha da ha/ pa tsa pa tsa/ ma tha ma tha'i sngags kyis 'og tu gzhug ste/ tshogs rdzas thams cad gzhag par bya'o/ /de la rim pa ni 'di yin te/ ske tshe dang sran ma nag po dang /ge re kar ni ga dang / ya bak+Sha ra dang / grisna a ga ru dang / sbrul nag po'i pags pa dang bya rog gi sgro dang / bya rog gi snying dang de'i rkang mar dang de'i klad pa dang / de'i rgyu ma dang mgo bo'o/ /'ug pa'i rus pa dang de'i mgo bo dang / rkang mar dang rgyu ma dang snying dang sder mo dang sgro'o//bya rgod kyi mgo bo dang de'i rkang mar dang sha dang rgyu ma dang snying dang sder mo dang sgro'o/ /ba lang gi sha khrag dang / dom gyi sha dang rkang mar dang / ske tshe'i mar dang / mar khu chen po dang / yi dags kyi gzhi'i mar khu chen po dang / yi dags kyi phyed tshig gi gos dang /de'i phyed tshig gi rus pa dang / de'i sol ba dang / de'i bud shing dang / tsher ma'i me tog dang / de'i yal ga dang 'bras bu dang ma he'i sha dang / kak+Sha nag po'i thug pa dang / ma du ba nag po dang / khur ba nag po dang / gzhan yang ji ltar rnyed pa'i yam shing ni nim pa dang /ka ra bI ra dang / da du ra dang / 'ba' da'i shing dang / gzhan bdud rtsi dang ldan pa ar+g+ha nye reg 'thor 'thung rnams so/ /gzhan yang bdud rtsi rnams so/ /phyogs dang mtshams su khrag gis bkang ba'i bum pa brgyad/ rtsa ba'i bum pa sna tshogs kyi sman dang khrag chen po dang /chu dang bdud rtsis gang ba/ las thams cad pa'i de bzhin no/ /de ltar tshogs thams cad so sor ka pA la'i nad du byas nas stan gyi stengs su gzhag par bya'o/ /de nas bdag nyid kyi thal bas byugs nas sna tshogs rus pa'i rgyan byas te/ ro'i steng du dpal he ru ka'i nga rgyal gyis/sum b+ha'i rgyal po'i sngags kyis bgegs bskrad par bya'o/ /de'i dus su lo nyi shu lon pa'i gzugs las kyi phyag rgya sna tshogs la mkhas pa/ sna tshogs rus pa'i rgyan gyis brgyan pa/ sar pa yang dag pa dum bu gsum pa'i snod du chang 'thungs nas sA lu'i rgyal po gsol te/grong khyer la sogs pa'i sbyor thabs kyis bsnyen par bya'o/ /bsnyen pa las gang zhig 'byung bar gyur pa des/ phan tshun snying ga dang ske dang dpral ba'i gnas su yi ge gsum gyi sngags kyis thig le bya'o/ /de nas langs te de bzhin gshegs pa'i bstan pa la gnod par byed pa dang /de bzhin dam tshig bsal bar byed pa dang / srog 'phrog pa la rdzas 'dis gzugs bya'o/ /de la rim pa 'di yin te/ gro'i phye dang dgra bo'i bshad pa dang / khyi'i rus pa dang / ba'i rus pa dang / ce spyang gi rus pa dang / mi'i rus pa dang /dur khrod kyi skra dang / dur khrod kyi sol ba dang / dur khrod kyi thal ba dang / dur khrod kyi sa dang / mar khu dang mar khu chen po dang / bya rog gi klad pa dang / rgya skyegs kyi khu ba dang / da du ra'i sa bon dang / ldong ros dang / ldong ros dmar po dang / mi'i glad pa dang / ba'i klad pa dang /khyi'i spu dang / mi'i sen mo dang / byi la'i so dang / sbrang rtsi dang / nya'i mkhris pa dang / ba'i mkhris pa dang / sbrul gyi mgo bo dang / ka ra bI ra'i sa bon dang / zla mtshan gyi khrag dang / khru ma dang / rma bya'i snying dang / 'ug pa'i snying dang / bya rgod kyi snying dang / bad kan dang /so'i dri ma dang / sen mo'i dri ma dang / bshang ba dang gci ba'o/ /de lta bu thams cad legs par zhib tu byas nas ji lta bu'i gzugs kyi dgra de lta bu'i gzugs kyi cha lugs bya'o/ /gang gi tshe cha lugs ma zin pa de'i tshe sA lu'i rgyal po las sA lu gzhan bza' bar mi bya'o las bgyid pa'i dus su hraM hraM hriM hriM la mos pa'i tshul gyis sngags bzlas par bya'o//de rdzogs nas sa nag pos byas pa'i ro'i steng du gzhag par bya'o/ /snying gar lcags las grub pa'i kyo ba gzhag par bya'o/ /de nas phyogs skyong mchod pa byas te/ hom khung gi nang du yaM gi rnam pa yongs su gyur pa las rlung gi dkyil 'khor mdog nag po gzhu'i dbyibs lta bu ba dan gyis mtshan pa/raM gyi rnam pa yongs su gyur pa las/ me'i dkyil 'khor gru gsum me lces mtshan pa/ de'i steng du hUM gi rnam pa ye shes kyi 'od zer gyis rab tu 'bar ba de thams cad yongs su gyur pa las skad cig gis rdo rje chen po'i khro bo'i sku zhal gsum spyan gsum phyag drug pa/g.yas brkyang g.yon bskum pa bdud bzhi zhabs kyis mnan pa/ ha ha'i sgra dang pheM ki ra'i sgra sgrogs pa/ khams gsum 'jigs par byed pa khrag chen pos sku byugs pa/ ral gri dang /gtun shing dang / sta re dang / zhags pa dang / ka pA la dang / kha T+wAM ga dang / rtse gsum bsnams pa'o/ /zhal rnams rnam par 'jigs pa'o/ /mi'i rus pa'i rgyan gyis brgyan pa/mche ba gtsigs pa ljags bdun 'bar ba'i phreng bas rngam pa/ gyen du 'bar pa'i skra/sku mdog dmar po gsus pa 'phyang ba/ spyan 'bar ba/ stag gi pa gas pa'i na bza' can bsgom par bya'o/ /de nas me spar ba byas nas g.yas brkyang ba'i gnas pas gyen du blta ba/ khams gsum rnam par rgyal ba'i phyag rgyas/ oM e h+ye hi ma ma hA dz+nyA na swA hA/hUM hUM hriM hriM gi sngags kyis bkug ste/ ha'i rnam pa gsum gyis ar+g+ha dang nye reg dang 'thor 'thung phul te/ gru gsum gyi phyag rgyas/ dam tshig sems dpa' bdag nyid la/ oM pra be sha ya pra be sha hUM phaT kyi sngags kyis snying gar gzhug par bya'o/ /de nas me lha la phreng ba'i sngags 'dis yan lag thams cad dang ldan pa'i mchod pa bya'o//oM ma hA krod+hi shwa ri sarba ma ma re re/ sarba sha tro rbe na shaka hUM hUM phaT/ de nas snying po'i sngags kyis bzlas pa 'bum bya'o/ /oM ma hA ka la pA na ag+ne ma hA kro d+ha mu ra te sarba pA paM da ha na badzra ye hUM hUM phaT phaT/de'i rjes su hriM hriM gi sngags kyis phyogs bzhir tsher ma'i yan lag dgram par bya'o/ /de nas rdo rje hUM mdzad kyi phyag rgya bcings te rtsa ba'i bum pas/ oM sarba ta thA ga ta na a b+hi She ka sa ma ya shri ye hUM phaT/ sngags des me long gi dbang bskur sbyin par bya'o/ / mchod pa byas nas dang po ni mar nag gi hUM phaT sngags kyis blugs gzar gyis nyi shu rtsa bdun byas te/ rtsa ba'i sngags kyis dgang gzar gyis gcig pu dbul bar bya'o/ /de nas b+ha ga'i phyag rgya bcas te/ sngar gyi rim pas rkang mar la sogs pa zhu ba byas te gcig dbul bar bya'o//de nas spyan dang ldan pa'i b+ha ga'i phyag rgyas khrag gis gcig go/ /de nas rdzas thams cad zur gsum gyis gsum gsum/ yam shing sum cu rtsa bdun/ ma du ba la sogs pas re re thug pas bdun bdun no/ de nas ma mo chen mo rnams la rdzas thams cad kyis re re/mar khu dgang gzar gyis gsum gsum/ de rnams la sngags ni 'di yin te/ oM merga m+ha la hUM phaT/ khro bo mig ma la hUM phaT/ oM nag po'i pho nya mo la hUM phaT/ oM nag po'i me ma la hUM phaT/ oM drag po'i mig ma la hUM phaT/ oM gshin rje'i lce ma la hUM phaT/ oM gshin rje'i mche ba ma la hUM phaT/oM gshin rje'i rgyal mtshan ma la hUM phaT/ oM rlung gi brtson 'grus ma la hUM phaT/ oM rgya mtsho'i snying po ma la hUM phaT/ oM chu srin mig ma la hUM phaT/ oM chu srin khri kha ma la hUM phaT/ oM glang chen rna ba ma la hUM phaT/ oM glang che gdong pa ma la hUM phaT/oM glang chen lto ba ma la hUM phaT/ oM sbrul lce ma la hUM phaT/ oM sbrul gyi spyi gtsug ma la hUM phaT/ oM lo ma gyon ma la hUM phaT/ oM stag gi gdong pa ma la hUM phaT/ oM seng ge'i gdong pa ma la hUM phaT/ oM dom gyi gdong pa ma la hUM phaT/ oM ne le'i gdong pa ma la hUM phaT/oM byi la'i gdong pa ma la hUM phaT/ oM khyi'i gdong pa ma la hUM phaT/ oM phag gi gdong pa ma la hUM phaT/ oM bong bu'i gdong pa ma la hUM phaT/ oM khrung khrung gi gdong pa ma la hUM phaT/ oM 'ug pa'i gdong pa ma la hUM phaT/ oM khwa'i gdong pa ma la hUM phaT/ oM bya rog gi gdong pa ma la hUM phaT/oM rma bya'i gdong pa ma la hUM phaT/ oM sha za'i gdong pa ma la hUM phaT/ oM glang chen lpags gyon ma la hUM phaT/ oM glang chen lce ma la hUM phaT/ oM mi khrag dga' ma la hUM phaT/ oM mi'i pags pa gyon ma la hUM phaT/ oM nag po'i dril bu ma la hUM phaT/ oM lha thams cad rnam par 'joms ma la hUM phaT/oM lha min thams cad 'joms ma la hUM phaT/ oM lus 'bar ma la hUM phaT/ oM ral gcig ma la hUM phaT/ oM ral gsum ma la hUM phaT/ oM thal ba'i lus ma la hUM phaT/ oM bum pa'i rna ba ma la hUM phaT/ oM rlung gi shugs can ma la hUM phaT/ oM zhal drug ma la hUM phaT/oM nu 'phyang ma la hUM phaT/ oM gsus 'phyang ma la hUM phaT/ oM keng rus gdong pa ma la hUM phaT/ oM thal bas byugs ma la hUM phaT/ oM sha chen dga' ma la hUM phaT/ oM nam mkhar 'gro ma la hUM phaT/ oM sprin sgra ma la hUM phaT/ oM glog gdong ma la hUM phaT/ oM chu rgyun ma la hUM phaT/ oM gar byed ma la hUM phaT/ oM pags mgo ma la hUM phaT/ oM tsArtsi kA'i dbang phyug ma la hUM phaT/ oM sme sha can ma la hUM phaT/ oM sme sha can chen mo la hUM phaT/ oM gtum mo la hUM phaT/ oM thod pa ma la hUM phaT/ oM thod pa chen mo la hUM phaT/ mchod pa byas nas ma mo la rang rang gi sngags kyis dung chen phreng bas re re la brgya rtsa brgyad bzlas par bya'o//de nas me lha'i rtsa ba'i sngags kyis rdzas thams cad la re res sum cu rtsa bdun dbul bar bya ste/ /de gnyis kyi sngags kyi brgya rtsa brgyad bzlas par bya'o/ /de nas hriM hriM gi sngags kyis mar snod kyis dgang blugs phyed byas te/phreng ba'i sngags kyis brgyad dbul bar bya'o/ /de nas rno ba'i gri gug bzung ste/ dgra'i cha byad dum bur dum bur byas nas/ phreng ba'i sngags dang rtsa ba'i sngags kyis brgya rtsa brgyad bsreg par bya'o/ /ma mo rnams la rang rang gi sngags kyis bdun bdun no//'byung po dang yi dags dang sha za la sogs pa la gsum gsum mo/ /phyi nas yang yan lag thams cad dang ldan pa'i mchod pa byas nas/ dgra bo'i ming dang spel te/ sngags 'dis khro bo'i ngag gi tshul gyis brgya rtsa brgyad bsreg par bya'o/ /oM a mu kaM da had ha hUM hUM phaT phaT/de nas ma mo rnams la bdun bdun/ 'byung po rnams la re re/ de nas me'i lha'i snying po'i sngags kyis sum cu rtsa bdun grangs kyi rdo rje dril bu dkrol te/ dgang blugs gsal bar bya'o/ /rkang mar la sogs pa rdzas cung zad gtor ma la bzhag ste/ gzhan thams cad mar khu dang bsres nas langs te bar ma chad pa'i rgyun gyis nye ba'i snying po'i sngags 'dis dbul bar bya'o/ /oM sarba duSh+Ta hr-i da ya/ da ha ya na/ sarba duSh+Ta hUM rben sha ka ya hraM hraM hriM hriM hUM hUM phaT phaT/ de'i dus su dur khrod kyi skras dgang gzar phyis te/ me lha'i zhal du hUM hUM phaT sngags kyis dbul bar bya'o//de'i dus su me 'bar ba'i mdog blta bar bya'o/ /mdog dmar po kun du yin na/ the tshom med par don 'grub par 'gyur ro/ /de nas bstod pa'i rgyal po bya'o/ /bskal pa'i me'i 'od chen po'i sku bdud kyi gnod pa bcom pa rgyal bar gyur cig /sdig pa 'jigs par byed pa/ dgra kun 'jigs par byed pa rgyal bar gyur cig /bsam du med pa 'od dpag med bsam 'grub skye ba med pa yin yang de bzhin du don mdzad pa rgyal bar gyur cig /lha dang lha ma yin gyi mgo bo pA la dpe med pa'i do shal 'dzin pa rgyal gyur cig /de lta bu'i bstod pa'i rgyal po byas nas/ phyogs bzhi ru sol ba dang ldan pa'i thal bas/ oM bi traM sa ya bi traM sa ya hUM hUM phaT phaT sngags kyis rab tu dgram par bya'o/ /de nas nyid la me'i hom khung gi nang nas oM AH hUM phaT kyi sngags kyis lte ba snying gar mgrin pa dpral bar thig le bya'o//de nas gtor ma chen pos bskor te rdo rje glu dang ldan pa'i rdo rje rkang pas gar bya'o/ /de nas mtshan phyed na ral gri la sogs pa mtshon cha bzung ste/ sngags 'dis dur khrod chen por gtor ma gtang bar bya'o/ /oM ho lo ho lo na ta na ta pi na ta bi na ta tru ta ya tru ha ya trA sa ya trA sa ya/dgra thams cad sod sod/ bdag la zhi bar mdzod rgyas par mdzod/ sems la bkra shis par mdzod/ hUM hUM phaT phaT/ de lta bu'i rim pas mar ngo la nyi ma bdun byas te/ oM AH hUM gi sngags kyis gshegs su gsol bar bya'o//de dag gi nyi ma'i bar du dgra nges par 'chi'o/ /gal te re zhig cung zad 'gor na de la gzhan nyi ma bdun bsam gtan 'di bya'o/ /de la rim pa ni 'di yin te/ dgra bo'i lus po dri ma can du bsgom snum pa skra 'dzings pa/ khu ba dang khrag 'dzag cing 'dar ba mdun du bsam par bya'o//yang na mngon sum du bsgoms te/ 'bar ba'i khab gzhang kha'i sgor zhugs te/ ha na ha na da ha da ha hUM hUM phaT phaT/ sngags kyi kha sbub tu ltung bar bya'o/ /de lta bu'i bsam gtan gyis lha chen po yin yang 'chi'o/ /'on kyang 'khor ba na gnas pa'i mi lta ci smos/slob dpon shes rab dpal gyis mdzad pa yan lag brgyad pa'i rim pa las/ sbyin sreg gi chog bstan pa zhes pa'i le 'ur bcad pa brgyad pa'o// //de nas gzhan yang tshogs kyi 'khor lo'i cho ga bshad de/ tshogs ni 'dir gnyis su dbye ste/ dam tshig tu grags pa dang /ye shes su grags pa'o/ /ye shes grags pa la gnyis su dbye ste/ rgyur grags pa dang / 'bras bur grags pa'o/ /rgyur grags pa ni rkun rta bzhin no/ /'bras bur grags pa ni bde ba'i ngo bo la gnyis su dbye ste/ rig pa'i bdag nyid dang / rig pa la sogs pa dang bral ba'o//dam tshig tu grags pa la yang gnyis te/ bza' ba dang / bsrung ba'o/ /bsrung ba la yang gnyis su dbye ste/ gzhon pa rnams bsrung ba dang / rgan pa rnams la zhe sa dang brda'i tshig go /bza' ba la yang gnyis su dbye ste/ thog ma'i bdud rtsi rkan gyi bu ga dang lce gnyis myong ba de ni gcig go//sems can skal ldan gyi tshogs su yi ge gsum gyis byin gyis brlabs pa'i bdud rtsir byas pa ro drug dang ldan pa'i zas mnyam pa'i stabs brim pa zhes pa gnyis pa'o/ /de la dang por re zhig yid dang mthun pa'i gnas chom rkun la sogs pa'i 'jigs pa dang bral bar/sna tshogs dri zhim po'i me tog gis yan lag thams cad dang ldan pa'i dkyil 'khor bya'o/ /der rang gi rim pas dkyil 'khor de'i dkyil 'khor ba'i grangs kyis shes rab dang ldan pa'i stan gcig gi steng du rim pas tshogs gzhag par bya'o/ /de yang legs par khrus byas pa dang /sna tshogs gos dang / me tog la sogs pas brgyan pa dang / dam tshig gcig pa dang / sngags kyi theg pa'i 'dul ba 'dzin pa'o/ /de'i dbus su tshogs kyi gtso bo yon tan thams cad dang ldan pa/ sna tshogs pa'i stan steng du shin tu mtshan dang ldan pa dbang thob pa/brgyad gnyis lo dang ldan pa'i gzugs kyi shes rab ma dang ldan par bzhugs su gsol bar bya'o/ /der las byed pa yang dbang thob pa/ dam tshig dang ldan pa/ nga rgyal med par rem pa/ rnam par mkhas pa ser sna med pa/ khro bo la sogs pa dang bral ba sgo srung yang de dang 'dra'o//de nas sta gon gyi dkyil 'khor bstan pa'i rim pas gtor ma chen po bya'o/ /de'i phyogs dang mtshams bye brag tu brgyad cu dang ldan par gcig go/ /de nas kha zas thams cad yi ge brgya pa'i sngags kyis byin gyis brlabs te/ dang por gtor ma chen pos rab tu tshim par bya'o//de nas bkra shis kyi tshigs bcad brjod de/ tshogs kyi gtso bo la mchod par bya'o/ /de la rim pa ni 'di yin te/ dang por re zhig gzhi mnyam gyis byugs te/ me tog dang / mar me dang / spos dang / dri dang / phreng ba dang / phyi ma dang /gdugs dang / rgyal mtshan dang / 'phan dang / dril bus kun du mchod par byas nas/ de'i 'og tu tshogs kyi slob dpon gtso bo yan lag ma la yang de bzhin no/ /las kyi rdo rje'i slob dpon la yang gtso bo bzhin no/ /de nas dkyil 'khor dang bcas pa so so re re'i me tog dang /spos dang / mar me dang / dri dang tshangs pa'i skud pas so/ /las byed pa la sogs pa la yang de bzhin no/ /tshogs kyi nang na re re zhing rim pas dang po tshogs kyi gtso bo la mchod pa byas te/ de'i 'og tu so so la dkyil 'khor dang bcas pa'i me tog dang / spos la sogs pas 'khor lo'i mtha' yan chad do//de'i rjes su shin tu sar pa dri ma med pa dum bu gcig pa'i pad+ma'i snod rigs kyi me tog la sogs pa dang ldan pa/ chang gis shin tu khengs par byas pa ste/ yon bdag gi stan gyi steng du tshogs kyi gtso bo'i mdun du gzhag par bya'o/ / tshogs dang shes rab dang thabs gnyis la re re'o/ /de ltar rdzogs nas tshogs kyi gtso bos sngags kyis byin gyis brlab par bya'o/ /oM AH hUM gi sngags kyis brjod de/ gang gi rim pas dkyil 'khor de'i rim pas ka pA la'i nang du bskyed pa'i rim pa bsgoms te/ rnam par zhu ba'i bdud rtsi bzhin rang gi zhal du gsol te/bde ba chen po'i 'khor lo mchod do/ /gru gsum pa'i phyag rgyas gtor ma chen po la yang cung zad dbul bar bya'o/ /de lta bu'i rim pas tshogs kyis kyang bya'o/ /de'i 'og tu bkra shis kyi tshigs bcad brjod de/ dam tshig gi kyo ba legs par brim par bya'o//de'i dus su tshogs kyi gtso bos spos dang bcas pa'i rdo rje dril bu dkrol te/ yi ge brgya pa'i sngags kyis tshogs kyi 'khor lo la bsrung bar bya'o/ /las kyi rdo rje'i slob dpon gyis sngags 'dis so/ /oM hriM hrIM b+ha ra b+ha ra saM b+ha ra saM b+ha ra/ troM troM kroM kroM phroM phroM sruM sruM ho ro ho ro/ /kye bcom ldan 'das rdo rje 'dzin pa chen po tshur gshegs tshur gshegs tshogs kyi 'khor lo 'di la rnam pa thams cad kyis bsrung ba mdzod cig /tshogs kyi gtso bo la snying gar 'jug cing ro thams cad kyi ro'i mchog gsol cig hUM hUM phaT swA hA/ de ltar bsrung ba dang spyan drang ba byas nas las kyi rdo rje'i slob dpon gyis g.yas brkyang dang g.yon brkyang byas te/pad+ma bskor ba'i phyag rgyas tshogs kyi gtso bo la pad+ma'i snod dbul bar byas te/ tshogs la yang 'di skad bsgo ba sbyin te/ kye tshogs kyi bdag po pad+ma bskor ba'i phyag rgyas snod bzung la shes rab dang lhan cig tu btung ba mdzod/dam tshig gi kyo ba la gsol cig /de rnams kyis kyang tshogs kyi gtso bo la phyag byas te/ de ltar bgyis zhes brjod par bya'o/ /gzhan las kyi rdo rje slob dpon gyis ji ltar bka' stsal pa de ltar dad par bya'o/ /gang gi phyir zhe na/de ni rje btsun rdo rje sems dpa'i sprul pa'o/ /de bzhin du yang dpal ye shes thig le'i rgyud las/ ji ltar dpal rdo rje sems dpar grags/ de ltar dpal ldan las kyi rdo rje zhes gsungs so/ /gang gi skabs su tshogs kyi gtso bo ji lta ba'i phyag rgya bcing ba mdzad pa de lta bur tshogs kyis kyang bcing bar bya'o//skabs su gang zhig la sogs pa'i dgongs pa tshogs kyi gtso bo la phyag 'tshal te/ thams cad bya'o/ /tshogs kyi nang du rkang pa brkyang pa dang / ka ba la sogs pa la brten pa dang / rked par lag pa 'jog pa dang / sor mo la sogs pa 'dren pa dang / rgod pa dang / phan tshun gtam smra ba dang / the tshom dang gnyid dang / mchil ma la sogs pa 'dor ba dang / gzhan gyi snod la blta ba dang / bdag la byin zhes pa'i tshig dang / mi dga' ba dang / chang mang po 'thung ba dang / kham che ba dang / lag pa gcig gis 'thung ba dang / gzhan gyi shes rab ma la 'dod pa dang / lhag ma sbyin pa dang tshul 'chos kyi bsam gtan dang / lta ba dman pa'i phyogs su lta ba dang / skyug pa la sogs pa mi bya'o/ /de rnams kyi nang na gal te cig chad nas des kyang ci 'byor pa'i chad pa bya'o/ /de yang chad pa 'phel bar byas nas/tshogs tshim par bya'o/ /de nas rim gyis bdud rtsi bcud dang ldan pa'i zas dang btung ba brim par bya'o/ /de yang dal bu dal bus gsol bar bya'o/ /gang gis dga' ba 'phel bar 'gyur ro/ /skabs su ngal bso ste/ las kyi rdo rjes gang bgyi bka' stsal pa de'i tshe mnyan pa dang /dbyangs 'jam pas bya'o/ /de'i dus su gal te rnal 'byor ma la sogs pa brtag pa'i phyir 'ong na/ de rnams la tshogs kyi gtso bo'am las kyi rdo rje bsnyun gsol ba la sogs pa mdzad pa de bzhin du tshogs kyis kyang bya'o/ /de lta bu'i rim pas nyin bdun nam yang na gsum bya'o//rtag tu zas thams cad dang ldan pa chu la sogs pa dang bsres nas gtor ma oM a kA ro mu khaM gi sngags kyis 'bad pas gtang bar bya'o/ /thams cad rdzogs nas drug ldan la sogs pa'i glus mchod par bya'o/ /lhag ma gcig tu byas nas 'phan la sogs pas brgyan par bya'o//de'i 'og tu gshegs su gsol ba'i mchod pa byas nas gtor ma'i nang du me bzhag ste/ gtor ma re re so so'i lag tu sbyin par bya'o/ /gtor ma chen po las kyi rdo rje slob dpon la chu dang bsres pa sgo srung ba la/ kha cig rdo rje dril bu 'khrol zhing / kha cig rde'u chung / kha cig spos 'dzin/kha cig me tog bkram par byed pa/ kha cig snod 'dzin pa kha cig glu len pa/ de ltar rim pas chu bo chen por song nas/ rdo rje rkang pa dang ldan pa'i gar bya'o/ /de'i 'og tu mchod pa byas te/ bcom ldan ma ro langs ma'i sngags kyis sam/ yang na gang gi rim pa'i dkyil 'khor gyi 'khor lo de'i rim pa'i sngags kyi gtor ma chen po gtong bar bya'o//lhag ma'i gtor ma/ oM uts+tshiSh+Ta badzra yak+Sha aSh+Ti ti tiSh+Tha bi ba ta huM hUM phaT/ 'jig rten skyong pa la phyogs dang mtshams bye brag brgyad oM gyi rnam pa dang / hUM phaT mthar/ bar du ming spel te 'byung po dang yi dags dang sha za rnams la chu dang bsres pa sngar bstan pa bzhin no//de'i dus su gal te gang zhig brgya byin 'dra ba 'ong na de la re zhig 'jigs par mi bya'o/ /de'i mdun du g.yas brkyang ba bya ste/ khams gsum rnam par rgyal ba'i phyag rgya bcings nas/ khro bo'i tshul gyis phe'i rnam pa drug brjod par bya'o//de nas gtor ma chen po'i snod la sogs pa chus gang bar byas nas/ /bkra shis kyi tshigs bcad la sogs pa brjod la gnas su 'gro bar bya'o/ /slob dpon shes rab dpal gyis mdzad pa/ yan lag brgyad pa'i rim pa las/ tshogs kyi 'khor lo'i cho ga bstan pa zhes bya ba le'ur bcad pa dgu pa'o// //gang rgyud pad+ma la dga' yis gsungs rnal 'byor ma la sogs ni rmad du byung / /de yi nang nas shin tu rnam dpyad 'di drangs bla ma kun gyi yang dag nor/ /'dir ni bdag rang gis ni cung zad rang bzo ma yin 'on kyang 'dus pa byas//de las gang zhig 'bras mchog thob pa de ni sems can kun la 'phel bar shog /yan lag brgyad pa'i rim pa zhes bya ba/ rgya gar gyi slob dpon dpal shes rab gsang ba'i zhal snga nas mdzad nas bsgyur cing gtan la phab pa'o// //a Ti rdzogs so// //

CLOSE WINDOW