CLOSE WINDOW

D1339
བོད་ཡིག

/rdzogs so// @##/ /rgya gar skad du/ saM k+Shi p+ta a b+hi She ka kra ma/ bod skad du/ dbang gi rim pa mdor bsdus pa/ dpal gsang ba 'jam dpal la phyag 'tshal lo/ /dbang bskur ba la rnam lnga ste/ /dbang bskur mi rung skyon bstan dang //slob dpon slob ma'i mtshan nyid dang / /gnas dang dkyil 'khor dbang bskur ba'o/ /dbang bskur mi rung rnam gnyis te/ /rgyud kyi lung dang slob dgongs so/ /lung la'ang gsum ste sgra mkhan dang / /dge slong dang ni rgan po'o/ /dgongs pa la yang rnam bcu ste/ / mu stegs glan pa sgra shes dang / /nyan thos ma ning rgan po dang / /rang gi bu dang byis pa dang / /dad pa med dang rgyal po la/ /dbang ni bskur bar ma gsungs so/ /slob dpon mtshan nyid bcu bzhi ste/ /rigs bzang rab tu dpa' bo dang / /ye shes mkhyen la thugs rje che/ /phrag dog 'dod chags gnyis mi mnga'//som nyi dang ni snyun mi mnga'/ /thams cad mtshan gyis gang ba dang / /'dzam gling dga' ba'i spyan mnga' ba'i/ /rgyud rnams thams cad rab tu mkhyen/ /khro med rab tu bzang ba dang / /gtong phod pa ni slob dpon no/ /dpal chen rigs chen thig le yi//rgyud las rdo rje sems dpas gsungs/ /slob ma'i mtshan nyid bcu gnyis te/ /kha sbub dug dang rdol ba med/ /dbang gi snod rab yod pa dang / /thos che ba dang dad che ba/ /'dod chags che dang zhi drang dang / /thams cad yod dang gsang thub dang / /gtong phod phrag dog rkyang ba'o/ / gnas brtan ba la rnam gnyis te/ /rung mi rung ba brtag ba'o/ /mi rung ba la rnam pa gsum/ /rgyal po chom rkun mu stegs kyis/ /'jigs pa'i sa ni ngan pa yin/ /rung ba yi ni skyon med pa'o/ /dkyil 'khor la yang rnam gsum ste/ /rdul tshon me tog ting nge 'dzin/ /dbang po rab 'bring dbang du byas/ / gsum ni rigs chen rgya mtsho yis/ /rgyud las de skad 'byung ba'o/ /dbang bskur ba la rnam bzhi ste/ /bum gsang shes rab ye shes dang / /de ltar de bzhin bzhi pa'i dbang / /bum pa'i dbang la bcu gcig ste/ /chu dang dbu rgyan rdo rje dril/ /ming dang dam tshig brtul zhugs dang / / bka' stsal lung bstan slob dpon dbang / /dbang gsum gzhan du shes par bya/ /rgyud kun la ni rnam gnyis te/ /thabs dang shes rab dag rig bya/ /thabs ni de la rnam bzhi ste/ /kr-i ya tsaR+Ya yo ga dang / /yo got+ta ra dang rnams so/ /shes rab yo ga ne rot+ta'o/ /dbang de rnams la rnam gnyis te//dgongs pas bshad dang dngos su bshad/ /yo ga man chad cig la med/ /de ni dngos su bum pa'i dbang / /yo got+ta ra rnam gnyis te/ /dgongs bshad bum pa dngos kyi dbang / /dgongs ma yin la rnam drug ste/ /lha sbyin mda' phrad bum pa'i dbang / /de yis 'bras bu dga' ba bskyed//bag btsum skra bzung dbu rgyan dbang / /de yis 'bras bu rab dga' bskyed/ /pad+mar rdor bcug rdo rje'i dbang / /de yis 'bras bu dga' med bskyed/ /dga' ba med pa dga' med min/ /rdo rje pad bskyed dril bu'i dbang / /de yis 'bras bu rang bzhin dga'//bde ba chen po pad+mar babs/ /de ni ha skad ming gi dbang / /bde ba chen po'i rang bzhin no/ /ngo bo 'bras bu gnyis ma yin/ /pad nas byang chub lce yis blang / /de ni dam tshig gsum yin no/ /de skad rdo rje sems dpa' yis/ /gsang ba'i rgya mtsho'i rgyud las bshad/ / dgongs pa ma yin bde ba'i don/ /gsang ba'i rgya mtsho de las 'byung / /gsang ba shes rab ye shes dbang / /ne rot+ta ra'i bar du 'byung / /de ltar bzhi pa ci las gsungs/ /shes rab ye shes dbang gi don/ /shes rab gang lags ye shes gang / /de gnyis med pa'i rang bzhin dbang //de ni dbang ni bzhi yi don/ /'khor lo bzhi la dga' bzhi gnas/ /de yi yan lag skad cig bzhi/ /dbang po sprul pa chos 'khor lo/ /longs spyod bde chen 'khor lo bzhi/ /lte ba snying ga mgrin pa dang / /spyi bo dag la rim bzhin gnas/ /drug cu rtsa bzhi brgyad dang ni//bcu drug sum cu rtsa gnyis so/ /de kun pad+ma'i 'dab ma yin/ /'dab ma re re rtsa re yin/ /ka nas bzung nas sa yi bar/ /g.yas skor g.yon skor drug cu bzhi/ /trAM hrIH khaM aM sa bon bzhi/ /laM maM paM taM bsnan pas brgyad/ /thog mar a dang tha mar a/ /de ltar bcu drug bskor ba yin//a la sogs pa bcu drug gis/ /g.yas skor g.yon skor sum cu gnyis/ /de ltar 'khor lo sa bon yin/ /yaM las rlung dkyil gzhu 'dra dang / /raM las me dkyil gru gsum bskyed/ /shes rab thabs las me byung bas/ /las kyi rlung gis me dag 'bar/ / lte ba'i rtsa yi dbus nas langs/ /dam tshig 'khor lo'i mkha' 'gro tshig /chos dang longs spyod rdzogs lam gnas/ /longs spyod 'khor lo lan gsum bskor/ /ra sa g.yas byung smin phrag gnas/ /o rgyan lam byung dzA lan+d+ha/ /spyi nas bde chen 'khor lor zhugs/ /chos dbyings ye shes bdud rtsi gsol//bdud rtsi khyer nas sngar lam zhugs/ /longs spyod 'khor lo la song ste/ /sngar tshig mkha' 'gro gsos gang gyur/ /lte ba'i dkyil 'khor la gnas nas/ /yar 'gro mar 'ong mthong bar 'gyur/ /skra yi rtse mo khri yi cha/ /de ltar rtogs pa'i slob dpon drin/ /

CLOSE WINDOW