CLOSE WINDOW

D1338
བོད་ཡིག

bod kyi lo tsA ba dge slong rin chen rgyal mtshan gyis bsgyur cing zhus te gtan la phab pa'o// @##/ /rgya gar skad du/ rat+na mA lA u pa de sha /bod skad du/ dbang rin chen phreng ba'i man ngag /dpal bde ba chen po la phyag 'tshal lo/ /bde ba chen po 'khor lo'i bar//langs nas sprul pa'i 'khor lo gzigs/ /zla ba nyi ma'i lam de yi/ /a ba 'dud la phyag 'tshal lo/ /rin chen rdo rje zhabs bka' drin/ /thams cad bdag rtsa'i 'khor lo mkhyen/ /de dbus rtsa gsum de kho na/ /shes rab dpal bdag gsal bar bgyid//bde chen 'khor lo'i rtsa ba la/ /rtsa yi 'dug sa rab tu gnas/ /lus kyi rten de rtsa yin no/ /dper na khang rten ka ba 'dra/ /khang pa zhes bya 'khor lor gsungs/ /'khor lo'i khang pa ka med na/ /gzhan dag 'dug pa'i gnas med de/ /bde chen khang pa gnas yin no//dga' ba la sogs so sor gsungs/ /dga' dang rab tu dga' ba yis/ /skad cig de yi skad cig dang / /thang cig dang ni yud tsam mo/ /de lta bu yi dbang bzhi'i don/ /ye shes rgya mtsho'i rgyud nas gsungs/ /dpal ldan rdo rje sems dpa' yis/ /rdo rje'i snying po dag la gsungs//bde ba so so gnyis su yang / /rtsa ba dang ni 'bras bu'o/ /zla ba nyi ma me lam gsum/ /mig gnyis dang ni gling bu'o/ /dngos po lug rgyud 'dra ba'o/ /la la nA dang ra sa nA'o/ /a ba d+hU tI gsum pa yin/ /gcig pu de ni gsum du 'gyur/ /gzhan gyis rkang mthil yan chad khyab//rtsa yi rtsa ba du zhig mchis/ /stong phrag bdun cu rtsa gnyis te/ /sprul pa'i 'khor lo b+ha gar gsungs/ /sangs rgyas rin po che yi snod/ /g.yas g.yon la la ra sa nA'o/ /a ba d+hU tI dbus na bzhugs/ /gzung dang 'dzin pa rnam par spangs/ / rang byung gla rtsi g.yas g.yon rgyu/ /dbus kyi a ba d+hU tI la/ /ga pur rnam par rgyu ba yin/ /a ba d+hU tI ji ltar gsungs/ /snang srid 'byung ba'i rang bzhin can/ /thams cad med par byed pa'o/ /de ni a ba d+hU tI yin/ /rdo rje dbyings kyi dbang phyug ma/ /kun gyi gtso mor gsungs pa'o//de yi rang bzhin mi rtogs te/ /bla ma'i man ngag med gyur na/ /de ni rtogs pa ma yin no/ /thog ma dbang gsum ma thob na/ /slon dpon gcig kyang mi ston no/ /de bas dang po dbang gi don/ /rdo rje slob dpon la zhus pa/ /rgyud ni thams cad las gsungs pa/ / dbang gi rim pa rnam bzhi ste/ /'bras bu'i gzugs ni gsum du gsungs/ /bzhi pa'i dbang ni logs na med/ /gsum las med pa gsum pa rang / /de yi man ngag thams cad bde/ /de skad dpal rin rdo rje yi/ /bsgoms pa'i rim pa'i nang nas gsungs/ /dang po bum pa'i dbang dang gcig /gnyis pa gsang ba'i dbang du gsungs/ /gsum pa shes rab ye shes dang / /de ltar de bzhin bzhi yin no/ /de ltar bzhi pa bya ba gang / /shes rab ye shes dbang gi don/ /shes rab gang lags ye shes gang / /de yi de kho ngo bo mkhyen/ / shes rab bya ba mya ngan 'das/ /ye shes bya ba 'khor bar gsungs/ /de kun de dbus rang bzhin no/ /de ltar min na skyon du 'gyur/ /rdo rje sems dpa'i bka' lung brdzun/ /bka' lung brdzun pa ma yin te/ /gti mug che bar gyur pas so/ /lha sbyin mda' phrad bu yi dbang / /'bras bu skad cig dga' ba bskyed//gnyis pa gsang ba'i rdo rje phrad/ /'bras bu rab dga' gsang ba'i dbang / /gsum pa gnyis med 'dod chags mes/ /bzhu ste byang chub sems byung myos/ /de ni shes rab ye shes dang / /dga' ba med pa'i 'bras bu bskyed/ /de yi 'gog pa bzhi pa ni//rang bzhin ye shes mtshan nyid do/ /thams cad mkhyen pa thams cad yod/ /thams cad rang bzhin thams cad med/ /de nyid gcig pu stong chen po/ /dngos po dang ni dngos po med/ /gnyi ga med par byed pa'o/ /de ni bzhi po'i man ngag don/ /chen po rin chen rgya mtsho'i rgyud//rdo rje sems dpas de skad gsungs/ /de yi don la mkhas pa 'khrul/ /rang rtags gti mug ches pas lhung / /de skad man ngag bdag gi lta/ /de nas bdag gi man ngag la/ /bzhi pa'i don la de ltar rtogs/ /shes rab ye shes zin nas su/ /byang chub sems myong bzhi pa yin//shes rab ye shes zin nas su/ /slob dpon slob ma skad cig gzugs/ /rdo rje nyi ma nub nas su/ /de las ye shes gsal bar bskyed/ /de yi don shes bzhi pa yin/ /slob dpon gzhan dag 'di skad gsung / /shes rab ye shes zin nas su/ /nor bu'i bu gar byang chub sems//skar zhung reg pa bzhi pa yin/ /mda' khung nas ni mda' byung bzhin/ /babs nas mi reg phyir byung ste/ /mi rtog pa ni bzhi pa yin/ /slob dpon gzhan gyi gzhung lugs so/ /gzhan dag gzhung gis de skad gsungs/ /shes rab ye shes zin nas su/ /dang po sems ni nam mkha'i dbyings//babs nas mi rtog bzhi pa yin/ /mkhas pa gzhan dag de skad gsungs/ /nam mkha'i dbyings kyi dbus dag tu/ /thams cad byang chub sems bcas pa/ /thams cad chos la btang snyoms so/ /gzhan ni bzhi pa de skad gsung / /de rnams gzhung dag phyir bor te//de ni rig pa ma yin no/ /shes rab gang lags ye shes gang / /de yi ngo bo 'bras bu gang / /de ltar don kun mi shes na/ /gzhung rnams grub par mi 'gyur ro/ /shes rab ye shes zin nas su/ /slob dpon slob la ji skad gsung / /ma zin na yang dzi skad gsungs//ye shes rang bzhin ngo bo yin/ /rang bzhin phyir gyi dga' ma yin/ /phyir dga' ma yin rang mi shes/ /de phyir bla ma'i man ngag dgos/ /zin dang ma zin par shes na/ /de ni bla ma'i man ngag rab/ /rang bzhin gnyis med rab zhi ba/ /'dod chags chags bral gnyi ga min//rang rig brjod pa'i tshig dang bral/ /de yi yan lag gsum du bstan/ /sgrub dang sgrub thabs phyi ma dang / /sgrub thabs chen mo dag dang gsum/ /rdo rje pad+ma phrad pa ni/ /de ni sgrub pa'i thabs yin no/ /hUM phaT rnam gnyis bskor ba ni/ /sgrub thabs phyi mar gsungs pa yin//rang rig bde ba rab zhi ba/ /sgrub thabs chen por gsungs pa yin/ /de 'bras ye shes shes pa ni/ /tshig tu slob dpon slob la gsungs/ /tshig don dga' ba'i dga' ba yin/ /phyi yi reg bya med pa yin/ /nang gi reg bya yang dag 'jam/ /de ltar rnal 'byor gnas bzhugs na//skad cig gcig la dngos grub thob/ /de kho na 'bras bu gsal ba'i gzugs/ /shes rab dpal ni gsang bas mdzad/ /rgya gar gyi ni slob dpon chen/ /shes rab dpal ni gsang zhabs kyis/ /bsgyur cing zhus te gtan la phab/ /sems can don du brtsams pa lags/

CLOSE WINDOW