CLOSE WINDOW

D1331
བོད་ཡིག

/ //gur gyi don a sho kas man ngag tu brtsams so// @##/ /rgya gar skad du/ shrI ma hA rat+na kA la nA ma sA d+ha naM pa yi kA/ bod skad du/ dpal rin po che'i char yang zhes bya ba'i sgrub pa'i thabs/ dpal rdo rje sems dpa' la phyag 'tshal lo//shar ba ma yin nub pa min/ /dngos po med pa rtag tu shar/ /thams cad kun khyab brjod du med/ /rang rig bdag nyid phyag 'tshal lo/ /rnal 'byor rnams kyis rnyed dka' ba/ /mkhas pa kun gyis rnyed mi nus/ /gang gi drin gyis rnyed slar 'gyur//bla ma'i zhabs la phyag 'tshal lo/ /mi shogs khol nas bcings pa rnams/ /rdo rje rkang pa'i dba' rlabs kyis/ /phyogs rnams thams cad la khyab pa'i/ /sus 'di gting ring pa yi chu/ /gter gting dpag dka' shin tu dka'/ /de la gzung bar ga la nus//de bas dpal ldan thig chen po'i/ /thig le yi ni chu yi gter/ /dbus su snyoms pa de las ni/ /yon tan gter ni rin chen rgyal/ /shes rab dpal gsang bdag gis ni/ /rin thang chen po di ring drang / /rim pa gnyis kyi go rims kyi/ /ye shes mkha' 'gro bsgom pa 'di//bla ma'i lung gis rang gis min/ /skal ldan 'grub don bdag gis brtsam/ /rdzogs pa'i ye shes mkha' 'gro la/ /de la bskyed pa gzhung ma yin/ /phyag dang gzugs sogs brjod pa yis/ /de las kun rdzob skye bar 'gyur/ / de la kun rdzob rigs ma yin/ /don dam pa la 'gog pa yin/ /gal te bsgom pa goms pa las/ /kun rdzob skyon med 'ong 'gyur na/ /don dam pa yis phyogs la ni/ /kun rdzob de ni skyon du 'gyur/ /brtan pa las ni don grub na/ /the tshom med par log pa yin//de ni dpal rin rdor zhabs kyis/ /bdag med sgrub thabs gsungs pa'o/ /de ni go rims bdag gis ni/ /cung zad tsam ni bshad par bya/ /bsgoms las de ni rtog pa ste/ /rtog med pa ni gang na'ang med/ /rtog pa med pa'i gang ming ci//thams cad yang dag rtog spangs pa/ /rtog pa med las gang gzhan ni/ /sgom pa mchog ni yod pa'am/ /gal te de la yod na ni/ /'khrug pa med pa de la min/ /slob dpon mkhas pa kam+pa las/ /snang ba'i phreng las de skad gsungs/ / bzang ba dang ni ngan pa yi/ /rtog pa'i bye brag de la ci/ /rten gyi bye brag tha dad med/ /me yis tsha ba'i bya ba ltar/ /tsan+dan rang ni 'bar na yang / /reg pa byas na 'tshig par 'gyur/ /de bas rtog pa mnyam pa yin/ /de la bye brag cung zad med/ /rtog pa yin na de nyid med//de nyid yang dag rtog pa spangs/ /de nyid min pa spang don du/ /de kho na nyid gnas pa la/ /bsgom pa gzhan ni bsnyen byed na/ /de ni bsgom pa ji ltar yin/ /de bzhin u0f37nyid la bsgom pa med/ /de nyid ma yin de yin bsgom/ /de nyid ma yin bsgoms bslabs l as//de nyid ma yin gsal bar 'gyur/ /de nyid gsal ba ga la ste/ /de ni mtshan med de yang min/ /de nyid min pa bsgom rigs pas/ /de kho nyid ni bsgom bya ste/ /de nyid bsgom pa rigs pa yin/ /bsgom pa gnyis ni ngal ba'i don/ /yang na de med kyis de ni/ / nam yang de ni rnyed ma yin/ /rnyed pa'i don du 'bad byas te/ /de la bsgom pa'i don ci'i phyir/ /de ni dpal rin rdor zhabs kyis/ /dpal bsgom rim pa'i nang nas gsungs/ /gang gis gang don rnyed dka' ba/ /de yis nam yang rnyed ma yin/ /ji ltar mgon med mi gcig ni/ / bdag ni rgyal por sgom byed pa/ /log pa'i ye shes gti mug gis/ /de yis rgyal sa rnyed mi 'gyur/ /in+d+ra b+hU ti rgyal chen pos/ /ye shes grub las de skad gsungs/ /rdzogs pa yi ni rab bsgom yis/ /bskyed pa yi ni sgom byed na/ /rgyu med las ni rnyed pa med/ /rgyu yi nang nas don mi 'byung //rang las ma yin gzhan las min/ /gnyi ga las min rgyu med min/ /yod min med min yod med min/ /'o na gang nas byung ba yin/ /rten cing 'brel pa de las ni/ /skye bar sgom pa byed pa na/ /rten 'brel las skyes skye ba min/ /thams cad mkhyen pas de skad gsungs//klu sgrub snying po'i zhal snga nas/ /skye dang mi skye stong par gsungs/ /de lta'i gzhung lugs yod na yang / /de bzhin bskyed pa gzhung lugs so/ /nad pa sos pa'i thabs de ni/ /smra ba po ni ci yin rtog /de yi thabs ni mi byed na/ /nam yang sos par mi 'gyur ro//rjes su smra ba rdzogs byas dang / /yon tan yod pa'i smra ba po/ /de yi smra ba nyan byed na/ /kun du bkra shis 'grub par 'gyur/ /sgom pa'i rim pa mdzad pa yi/ /de yi zhal nas de skad gsungs/ /mngon sum dang ni rjes su dpag /sangs rgyas pa ni de gzung ngo / /nges pa pa dang rjes su dpag /bden pa de las rnyed pa'o/ /stong pa nyid ni rnyed pa gang / /de las rnyed par ga la 'gyur/ /dngos po yin na nges yod de/ /dngos po las ni rnyed pa yod/ /dngos por mthong pa'i phyir na ni/ /de la stong par ji skad smra/ /stong pa'i ming ni ci yang min/ /de skad yin na de la smra//stong pa cang min de ltar min/ /thams cad stong pa yin pa po/ /dngos po nyid ni stong pa yin/ /dngos po med pa'i rang bzhin no/ /rang bzhin gang la yod pa ni/ /de ni mtshan ma yin par bshad/ /dngos po gcig pu'i ngo bo ste/ /de spangs pa ni stong par bstan//ngo bo nyid bral stong pa ste/ /ye shes zhabs kyi rim par yod/ /dngos po med pa'i dngos po ni/ /thams cad kun la yod pa'o/ /bcom ldan 'das kyis de bzhin gsungs/ /dpal ldan ye shes rgya mtshor gnas/ /ji ltar gla rtsi'i dngos po ni/ / gnyis su dgyes pa yod pa ste/ /sra ba'i dngos po de dang gcig /dri yi dngos po de dang gnyis/ /sra ba'i dngos po spangs pa gang / /de ni dngos po min par gsungs/ /sra ba'i dngos po med pa la/ /de las dri ni mi rnyed na/ /ci ste de las dri mi rnyed/ /rang gi dpe la bltas pa yis//ji ltar dri med phra pa'i ras/ /bdug byas de la bag chags yod/ /gla rtsi gzhan ma'i gnas su gzhag /de la dri yod yin nam min/ /de skad dngos po med pa la/ /dngos po thams cad yod pa'o/ /de bzhin rgyu mtshan med pa la/ /bden pa'i 'bras bu yod pa'o/ /ji ltar chu sbyin bu ga las//rdo rje me ni gsal bar skyes/ /de bzhin gzugs min la gzugs yod/ /de bzhin dngos min dngos po yi/ /'khrul pa'i dngos po'i gzugs yin na/ /de la nyes skyon ci yang med/ /'khrul pa la yang yon tan yod/ /'khrul gzhan de yis med par byed//sngags dang sgom pa byed pa pos/ /dug la dug med mtshan ma na/ /dug gi 'khrul pa med pa 'di/ /dug med 'khrul pa bstan pas so/ /bla ma yi ni bla ma yis/ /de ni bsgom pa'i rim las gsungs/ /rtog pa'i sems ni 'byung ba gang / /rtog pa yis ni dag par byed//de bzhin kye yi rdo rje'i rgyud/ /rdo rje snying po las 'di gsungs/ /gang 'di dug gi dum bu yis/ /sems can thams cad 'chi bar 'gyur/ /dug de yi ni de nyid kyi/ /dug gis dug ni med par byed/ /ji ltar me yis tshig pa la/ /me yis yang dang yang bsro bya/ /de bzhin 'dod chags mes bsregs la//'dod chags me yis yang bsreg bya/ /ji ltar rna bar chu song la/ /phyi ma'i chu yis gdab par bya/ /de bzhin chos can rtog pa ni/ /dngos po yis ni dag par byed/ /dngos po bag chags bzung bas ni/ /chos can bag chags med par byed//goms pa yis ni kun med de/ /phyi nas de yang med pa'o/ /de nas dri med ye shes ni/ /'bad mi dgos par gsal pa'o/ /rang las skyu ru ra ltar mthong / /dpal ldan ye shes rgyud las gsungs/ /ji ltar 'di yi dpe yis ni/ /shing gi yal ga'i zla ba ltar//mdzub mo gang gis mchod byed pa/ /de las de ni skye 'gyur ram/ /mdzub mo la sogs bya ba tsam/ /de yis de ni gsal bar 'gyur/ /ji ltar mun pa'i mu tig gcig /mar me med na mthong mi 'gyur/ /mar mes de ni mthong ba las/ /mar me las ni me skye'o//mar me yis ni blta ba las/ /mar me de la sgom mi byed/ /de yi de ni rigs pas rdzogs/ /rnyed 'gyur de la sgom mi byed/ /de nas thar 'dod pa la 'di/ /lam rab shin tu gsal bar bya/ /rgya mtsho chen po'i gsang ngos sam/ /yang na dur khrod mchog dang ni//yang na dgyes pa'i ri phug dang / /thams cad bdag nyid dgon chen por/ /yang dag rnal 'byor pa yis ni/ /mgon po he ru ka mnyes bya/ /langs nas dang po rnal 'byor pas/ /snying rje'i rlan gyis brlan sems kyis/ /tshangs pa yi ni gnas bzhi ni//dga' ba yod pa bsgom par bya/ /de nas rang snying ga pad la/ /zla ba'i dkyil 'khor bsgom par bya/ /de dbus sems kyi sa bon ni/ /sna tshogs 'od dang ldan pa bsgom/ /de yi 'od rnams snang ba las/ /bla ma dang ni sangs rgyas dang / /rang lha nam mkha' khyab mthong ba//chu zla lta bu'i rang bzhin can/ /sna tshogs mchod pa dbul ba ni/ /byas nas skyabs su 'gro bar bya/ /dkon mchog gsum la sogs pa ni/ /rdo rje gsum gyi ye shes dag /de yi bsod nams kyi ni tshogs/ /yang dag par ni 'phel bar 'gyur//ye shes tshogs ni 'phel don du/ /stong pa nyid ni bdag nyid yin/ /thams cad rmi lam lta bur blta/ /skad cig ma yi sgyu 'phrul can/ /ji ltar chu zla lta bu dang / /dri za'i grong khyer lta bu'o/ /gcig dang du mas rnam dpyad na/ /sbyor ba med pas mtshan nyid med//'das pa dang ni ma 'ongs med/ /da ltar yang na de bzhin no/ /'das pa de ni 'gags pa yin/ /ma 'ongs pa ni ma byung ste/ /da ltar mi gnas khab rtse la/ /nam yang gnas pa med pa'o/ /de lta bur ni thams cad bsam/ /de nas 'di ni dpyad par bya/ /stong pa las ni thams cad 'byung //stong pa'i ngang du thams cad nub/ /dag pa'i ngo bo stong pa ste/ /stong pa'i rang bzhin du ni bstan/ /dag pa sku ru brjod pa ste/ /gsung ni stong pa'i ngo bo yin/ /rang bzhin thugs su bshad pa ste/ /de ni rnal 'byor pa yis bsam/ /sprin med nam mkha'i dngos po la//sems ni mi g.yo bar ni gzhag /de yis don byed yang dag pa'i/ /gsang sngags 'di ni brjod par bya/ /oM swa b+hA wa shud+d+haH sarba d+harmAH swa b+hA wa shud+d+hou0f85haM/ oM shU n+ya tA dz+nyA na badzra swa b+hA wa At+ma kou0f85haM/ de yis ye shes kyi ni tshogs/ /sku gsung thugs ni rnam par dag /tshogs ch en gnyis ni rdzogs pa yis//skad cig gcig gis byang chub thob/ /bsod nams de ni mchog yin te/ /de bzhin ye shes chad pa'o/ /de gnyis dbus su byang chub ni/ /rang bzhin ye shes mtshan nyid do/ /de nas paM byung pad+ma dang / /raM las byung pa'i nyi dkyil du/ /hUM las khro bo'i rdo rje ni//spro ba'i bdag nyid can gyis bsam/ /dang po'i sum+b+ha ni sum+b+ha/ /gr-ih+Na gr-ih+Na de bzhin no/ /gr-ih+NA pa ya gnyis su bya/ /A na ya ho de bzhin te/ /b+ha ga wAn badzra bid+yA rA dza ste/ /'di yis phyogs ni bcing bar bya/ /oM dang hUM gnyis ming spel la/ /mthar yang hUM phaT sbyor bar bya//sum+b+ha'i sku bdag sngags pa yis/ /shar la sogs par sngags gdab bya/ /sna tshogs rdo rje'i sa gzhi ni/ /hUM las 'phro bar bsam par bya/ /de yi 'od zer gsal ba yis/ /rtsig pa dang ni bla bre'o/ /steng gi mda' yi dra ba ni/ /rdo rje me lce 'bar ba'o/ /dang po yi ni bzhi pa gnyis//g+hA ta ya ni gnyis par bya/ /sarba duSh+TAM de nas gdab/ /kI la ya ni gnyis bya ste/ /sarba pA paM de nas ni/ /badzra kI la de nas dran/ /de nas badzra d+ha ra gdab/ /adz+nyA pa ya de bya'o/ /kA ya bAka tsit+ta badzra ste/ /ka'i la ya ni de nas dran/ /badzra mung+ga badzra dang / /kI la ku ha de nas so//oM yig dang ni hUM phaT mthar/ /dbus su hUM gis ldan par bya/ /mi shigs pa yi rdo rje'i gur/ /de yi sngags kyis bsgom par bya/ /rdo rje'i gur gyi dbus su ni/ /chos dbyings phyag rgya b+ha ga dngos/ /de ni dbus su bsgom bya ste/ /rlung la sogs pa'i dkyil 'khor bzhi/ /de yi steng du ye shes me//hUM gi dngos po'i bdag nyid bsam/ /rlung sogs yongs su gyur pa las/ /mchog gi gzhal yas khang du gyur/ /gru bzhi pa la sogs ldan ni/ /dpal ldan he ru ka yi gnas/ /gtum drag dur khrod la sogs ni/ /de yi phyi rol bskor ba'o/ /pa ta pu ta ri sogs kyi/ /shing rnams kyis ni rab tu brgyan//khwa gzugs la sogs dpa' bo ni/ /shing rnams la gnas byin gyis rlob/ /sna dang kha gnas la sogs ni/ /nang ni dur khrod phyi rol lo/ /gsang ba'i nang ngam yang na lus/ /dbugs byed phyi rol na dur khrod/ /mthus byed ma rnams kyi ni rtsi/ /pa ta la sogs shing yin no/ /dur khrod nang du pad+ma ni//sna tshogs 'dab ma brgyad pa'o/ /lte ba'i nang gi phyag rgya ni/ /gru gsum b+ha ga'i gzugs can no/ /rdor mtsho ma dang legs dgyes rdor/ /de bzhin rdo rje glang chen ma/ /gru gsum la ni bsgom bya ste/ /nang du ma yin phyi rol min/ /srid dang mya ngan 'das pa'i steng / /snang ba dang ni snang ba mched/ / dbyangs yig dpe byad las byung ba/ /sems can zhu ba'i rang bzhin can/ /de yi hUM bruM mthong ba ni/ /dpal rdor sems dpa'i bdag nyid do/ /'od kyi rigs dang ldan pa yi/ /rang bzhin gyis dag yongs su gyur/ /de nas smon lam gzhan don du/ /bya yi rnal 'byor rang don min/ /de ltar shes pas lha mo yi//bstod par shes las yang dag 'byung / /bde chen legs dgyes mgon po bzhengs/ /rdo rje legs dgyes bdag dga' mdzod/ /mgon po khyod min bdag ro 'dra/ /thugs rje ro yis bdag skye mdzod/ /kye ma mgon po stong pa'i mtshan/ /rdo rje mtsho ma bdag dga' mdzod//pad+ma kha phyi rol cig rol/ /mgon po stong pa'i rang bzhin min/ /a la la la a la la la/ /a la la la legs dgyes mgon/ /rdo rje glang chen ma dga' mdzod/ /khyod rang gis gsungs bdag min na/ /sangs rgyas 'byung bar mi 'gyur ro/ /glu 'di yis ni ngor mdzad nas//spro hUM snang las yang dag 'phros/ /de las rdo rje gri gug ni/ /yongs su gyur pas de nas nyid/ /dpal ldan he ru che mgon po/ /lha mos 'khyud par gyur pa'o/ /bung ba'i mdog la phyag bcu drug /zhal bcu drug la spyan gsum pa/ /sngo dang ser dang dmar dang ljang / / zhal bzhi g.yon nas bskor ba'o/ /gzhan ni sku mdog de dang 'dra/ /steng gi zhal ni 'jigs par ldan/ /thod pa'i phreng bas dbu la brgyan/ /zla phyed dbu rgyan gyis mtshan pa/ /thod rlon phreng ba'i dbu rgyan can/ /nyi ma'i gdan la khro tshul ldan/ /phyag rgya drug gis yan lag brgyan//nyi ma bye ba'i 'od dang mtshungs/ /g.yas brkyang steng 'og zhabs mnga' ba/ /gar dgu dang ni ldan pa'o/ /zhabs ni rnam pa bzhi rnams kyis/ /bdud bzhi yi ni steng na bzhugs/ /gshin rje pags pa'i sham thabs la/ /thod pa'i du ma bu'i ske rags bcings/ / phyag ni 'khyud pa'i g.yas pa dang / /rdo rje dang ni dril bu g.yon/ /phyag gnyis brkyang bas tshangs pa'i pags/ /gzhan gnyis mda' gzhu 'gengs pa'o/ /'khor lo rin chen ral gri dang / /rtse gsum nyi ma g.yas na bsnams/ /Da ma ru dang sta re zla/ /thod pa'i snod dang kha T+wAM ga /ye shes mkha' 'gro dbang phyug gi/ /g.yon du de ni shes par bya/ /legs dgyes dbang mo de dang 'dra/ /yang na phyag ni bzhi dang ldan/ /zhal gcig pa la spyan gsum pa/ /gcer bu dang ni thugs rje che/ /skra ni grol zhing nu ma sra/ /sgeg pa la sogs rgyan dang ldan//sdigs mdzub yod pa'i gri gug ni/ /g.yas pa'i phyag gis 'dzin pa mda'/ /kha T+wAM ga dang kA pa la/ /khrag gis bkang pa g.yon na bsnams/ /'khyud pa'i sgeg pa'i sbyor ba yis/ /gzhan ma rdo rje mda' gzhu'o/ /yan lag phyag rgya drug gis brgyan/ /thod dum ska rags dag gis brgyan//byin pa gnyis kyis legs 'khyud cing / /bde ba chen po'i gnas na bzhugs/ /gru gsum gnas kyi rnal 'byor ma/ /drug phyed bcom ldan 'das kyi gzhi/ /zhal dang rjes su mthun par bsam/ /ljang gu gcig gis spangs pa'o/ /zhal gcig pa la spyan gsum pa/ /g.yon brkyang pa yi gnas pas bzhugs//phyag bzhi pa la 'jigs chen ma/ /phyag rgya lnga yis brgyan pa'o/ /dbu skra ral pa gcer bu dang / /thod pa'i do shal brgyan pa'o/ /ro steng gnas pa 'od 'bar ma/ /la la la sogs dag pa'o/ /rang byung ro dang ga bur dang / /de yis pad snod bkang pa'o//g.yas pa yi ni phyag na thogs/ /kha T+wAM ga ni g.yon na'o/ /b+ha ga'i phyag rgya'i dbu steng du/ /mdzub mo tshangs pa'i bu ga'i dkyil/ /bde chen dang ni me 'khor lo/ /gnas gcig par ni brda yis mtshon/ /bde ba chu skyes me 'khor lo/ /phyi rol ma yin nang du min/ /sprul pa'i 'khor lo'i rigs pas na//sprul pa dang ni bde chen po/ /gang na bcom ldan 'das ni bzhugs/ /de ni bde ba chen pos brjod/ /rdo rje 'dzin pa nyid kyis ni/ /de bzhin gsang ba'i rgyud las gsungs/ /gang na bde ba bdag nyid bzhugs/ /de ni bde ba chen po'o/ /de yi shar phyogs o D+yan du//lha mo 'jigs ma de spyi bor/ /dzA lan+d+har byang du steng / /dpa' bo ma ni spyi bo gtsug /nub tu pul+lI ra mA ste/ /chang 'thung ma ni mtshog mar ro/ /lho ru kA ma rU pa ste/ /'jigs byed ma ni smin phrag dbus/ /de ni gnas ni bzhi yin te/ /nye ba'i gnas kyang de bzhin no/ / me yi phyogs su mA lA ba/ /pho nya ma ni sna rtser ro/ /bden bral phyogs su sin+d+d+hu ste/ /stobs ma mig gnyis la ni gnas/ /rlung gi phyogs su nA gar te/ /rta mgrin ma ni sna gnyis su/ /dbang ldan phyogs su sing+ga la/ /rta rna ma ni kha pad du/ /de ni bde chen 'khor lo ste/ /rdo rje gri gug gis ni bskor//gnyis pa longs spyod 'khor lo ste/ /dmar po pad+ma'i phreng bas bskor/ /de yi shar phyogs su ma ni/ /glang chen rna ba'i kosko'o/ /byang phyogs de wI ko TI ste/ /lto ba ma ni mgrin gling bur/ /nub phyogs pa ni ku lu tA/ /me mar rgyab kyi gling bu ro/ /lho phyogs a rbu dar ni ste/ /chu rgyun 'bebs ma 'o ma'i snod//de ni zhing dang nye ba'i zhing / /de bzhin tsha n+do nye tsha n+do/ /me'i phyogs ha ri ka la ste/ /zla ba de ni snying gar ro/ /bden bral phyogs su gu ta par/ /nyi 'od ma ni lte bar ro/ /rlung gi phyogs su lam+pA kar/ /dung rna ma ni gsang bar ro/ /dbang ldan phyogs su kA ny+tsi ka/ dung gtsug ma ni rgyal mtshan dbus//shar phyogs su ni dkar dmar te/ /dung steng ma yi rgyal mtshan rtser/ /byang phyogs ji mi ka ra ste/ /stobs chen ma ni gzhang pad du/ /nub phyogs su ni kung rkan te/ /bya rgod ma ni brla gnyis dran/ /lho phyogs su ni bin+d+ra ste/ /rgod kha ma ni pus gnyis su/ /me phyogs yi dgas 'dus pa ste//hor pa ma ni rje ngar du/ /bden bral phyogs su rgya mtsho'i ngogs/ /hor mig ma ni rkang bol dran/ /rlung phyogs tsa ri tra ni ste/ /'og 'gro ma ni mthe bor ro/ /dbang ldan ku ra ba ra ste/ /mig dmar ma ni sor mor ro/ /'dus pa dang ni nye ba'i 'dus/ / dur khrod de bzhin nye dur khrod/ /de ni chos kyi 'khor lo ste/ /nag po rdo rje phreng bas bskor/ /de yi shar phyogs kas ma ra/ /skra dmar ma ni lus thams cad/ /byang gi phyogs su ke'u ra ta ste/ /rin chen ma ni rkang mthil du/ /nub phyogs su ni ni pa la/ /pu ron mo ni lhag par dran/ /lho phyogs kar na ku rtsa ste//dmar po mo ni rkang par ro/ /me yi phyogs su sa bla ste/ /nag mo chos 'khor lte bar ro/ /bden bral phyogs su sa stengs te/ /ri bong ma ni lte snying du/ /rlung gi phyogs su sa 'og ste/ /ri dgas ma ni sprul snying por/ /dbang ldan phyogs su ri rab rtse/ /ra ma mo ni gsang snang ngo //bi la nye ba'i bi la bar/ /de bzhin sbyor dang nye ba'i sbyor/ /de ni sprul pa'i 'khor lo ste/ /dkar po 'khor lo'i phreng bas bskor/ /'khor lo bzhir gtogs rnal 'byor ma/ /zhal gcig pa la phyag bzhi pa/ /sdigs mdzub ldan pa'i gri gug ni/ /thams cad kun gyis phyag g.yas bsnams//kha T+wAM ga dang ka pA la/ /khrag gis bkang pa g.yon na'o/ /phyag gzhan dag ni gnyis gnyis kyis/ /mda' gzhu khengs par 'gengs pa'o/ /gru gsum gtogs pa gzhan ji ltar/ /gnas su gtogs pa de ltar ro/ /ji ltar 'khor lo rnams kyi mdog /rnal 'byor pa yang de ltar ro//rdo rje ro langs rdor 'dra ba/ /rdo rje rtse mo rdor zlum ma/ /gnag dang dmar dang ser dang dkar/ /shar sgo la sogs gnas na bzhugs/ /chu srin nya dang seng ge dang / /'ga' ru ra ni g.yas na thogs/ /ka pA la dang kha T+wAM ga /g.yon gyi phyogs su dran pa'o/ /gzhan gnyis rdo rje mda' gzhu ni//rna ltag tu ni 'gengs par dran/ /rdo rje ske rags de pag bcing / /rdo rje ser po dang ni gnyis/ /rdo rje rgod ma gsum pa ste/ /rdo rje nyi ma bzhi pa'o/ /rnga dang de bzhin gling bu dang / /rgyud mangs dang ni rdza rnga dang / /rdza rnga chung ngu chal chung dang / /taM bu ra dang ka ran to//de rnams phyag ni gnyis gnyis shes/ /mtshams kyi lha mo'i rim par ro/ /bcom ldan 'das ni mnyes byed gnas/ /gzugs gnyis pa la yid 'phrog ma/ /brkyang la sogs pas de rnams ni/ /ji ltar 'jigs pa'i lha mo rnams/ /gnas la sogs pa sar shes bya/ / bdun gnyis kyi ni grangs yin no/ /sa rnams de yi dbang phyug mgon/ /'khor lo'i dngos por rtag tu bzhugs/ /g.yas dang g.yon gnyis bskor ba yi/ /lha mo rnams kyi mchod pa'i rim/ /de lta bu yi 'khor lo che/ /bdag nyid dang ni bcas par bsgom/ /yang na rgyud kyi man ngag bsgom//'di ni 'khor lo drug kyang yod/ /bde ba chen po la sogs lnga/ /me yi 'khor lo yod pas so/ /sgo dang mtshams ni mnyam ldan pa/ /de ni rlung 'khor drug pa'o/ /'khor lor gtogs pa'i lha mo kun/ /rtse re rnam par dag pa'o/ /bde chen rnam dag 'khor lo bzhi//gzhan ma gnyis ni rang rang ngo / /bde chen 'khor lo kun ka la/ /bskyed pa'i gnas su bstan pa'o/ /de bas bde chen 'khor lo ste/ /'khor lo rnam dag gzhung yin no/ /de nas phung po rnam dag 'di/ /rnal 'byor pas ni rtse gcig gis/ /gzugs ni longs spyod rdor shes bya//tshor ba ye shes rdo rje ste/ /'du shes snang ba rdo rje dang / /'du byed 'od kyi rdo rje dang / /rnam shes phung po'i ngo bo ni/ /rdo rje sems dpar rtag tu bzhugs/ /mig gnyis rdo rje mkha' 'gro ma/ /rna ba sprin gyi rdo rje ma/ /sna la srog gi rdo rje ma/ /kha la ro yi rdo rje ma/ / rag pa dga' ba'i rdo rje ma/ /yid ni ye shes dbang phyug ma/ /shes rab thabs kyi sbyor ba yis/ /gnyis med pa yi dngos po'i gzugs/ /he ru ka dpal bcom ldan 'das/ /de bzhin gshegs pa nyid du bzhugs/ /sa ni dga' ba'i rdo rje ma/ /chu yi khams ni stobs mar bshad/ / me ni 'byung ba rdo rje ma/ /rlung ni lcags sgrog rdo rje ma/ /nam mkha'i khams ni rnal 'byor ma/ /pad+ma'i lte ba yin par bshad/ /phung po khams dang skye mched kyi/ /dag pa yin par 'di bstan to/ /rigs chen bshad pa'i rgyud las ni/ /de lta bu yi dag par grags/ /rdor gsum yig gsum ye shes ni//dgong mi'i gnas su yi ge yis/ /ye shes sems dpa' dgug par bya/ /dam tshig sems dpa' la ni bstim/ /de ni gnyi ga ro gcig bya/ /ji ltar chu la chu gzhag bzhin/ /mthe'u chung lu gu rgyud kyi dngos/ /dbus su mthe bos brtan par bya/ / mdzub mo gnyis ni rtse sbyar bsgreng / /cung zad tsam ni dgug pa'i dngos/ /srog rlung ji ltar de ltar bzung / /tshangs pa'i bu ga'i steng du'o/ /rkang pa mnan cing gyen du blta/ /ha ha yi ni sgra sgrogs shing / /nam mkha'i dbyings kyi dbus nas ni/ /ye shes sems dpa' dgug par bya/ / phyag rgya de ni rgya chen te/ /ye shes thig le'i rgyu da las gsal/ /shes pa tsam gyis ye shes chen/ /the tshom med par rnyed par 'gyur/ /oM sarba bI ra dang po ste/ /yo gi nI yang de bzhin no/ /kA ya bA ka ni tsit+ta dang / /badzra swa b+hA wa de bzhin du/ /at+ma kou0f85haM de nas ni/ /ye shes sems dpa' rnam par dag /phyi rol sngags yig yod pa yi/ /cho ga 'dir ni ma bshad do/ /phung po lnga yi dag pa yis/ /de la go cha dgos ma yin/ /go cha byang chub sems yin te/ /de yi bsdam pa de ni rab/ /de yi thabs kyi tshig gcig ni/ /cung zad tsam ni bdag gis bshad//char yang gnas na srog gi rlung / /shes nas gyen du 'gog par bya/ /rlung ma gnyid ma sbyor ba yis/ /'byed pa dang ni 'dzums pa des/ /ye shes me ni de yis rtogs/ /rang bde ba ni mchog gi dngos/ /de yis gtum mo 'bar ba yin/ /shes rab rang rig mtshan nyid do//mtshan ma'i ye shes bsreg pa ste/ /phung po skye mched sogs 'du shes/ /de nas gyen du 'gro 'gyur te/ /rtog pa med pa'i bde chen gnas/ /rnam par rtog pa'i sde ye shes/ /rang gi 'od kyis zhu bar byed/ /de la 'di lta bur ni bsam/ /dngos pos min na nam yang min/ / bde ba chen po rnyed 'gyur te/ /de bas dngos po dngos med pa'o/ /'di bcad byam nas de nas ni/ /sngar tshig pa ni yang sos bya/ /brlag dang longs spyod dbang gis ni/ /thig le gsum ni rab dga' ba/ /'khor lo re rer shes bya ste/ /lte ba'i nang du phyi rol min/ /thig le gsum ni rin chen sker//thig le bco lngar de ni dran/ /char yang dga' ba'i bye brag tu/ /A li thig ler shes par bya/ /bcu drug pa de logs na med/ /rang bzhin yang ni de ltar ro/ /snang ba gsum dang ldan pa ni/ /rin chen ske ru phyin tsam na/ /'og pad lte ba'i pad+ma ni/ /'dzums byed sa de'i rang bzhin no//gsum po rnams ni spangs pa yis/ /gzhan ma gang na'ang rang bzhin med/ /gsum po rang yang rang bzhin min/ /dpal ldan thams cad rgyud las gsungs/ /de bzhin char yang shes par bya/ /bcu drug pa ni gang na'ang med/ /bcu drug char yang med pa ste//de la tshes ni gang bzung ste/ /yod na yang ni de spang dgos/ /bya ba'i don ni de mi byed/ /kye yi rdo rje'i rgyud las gsungs/ /bdag gis kyang ni de gsal byas/ /'di la bya ba ji skad bstan/ /skye dang 'gag pa'i gzugs yin no/ /skye dang 'gag pa med pa yi//bcu drug pa la rtog mi byed/ /rang bzhin de las shes par bya/ /skye dang 'gag pa spangs pa'o/ /oM badzra shud+d+haH dang / /sarba d+ha rmA de bzhin yang / /badzra shud+d+hou0f85haM zhes te/ /go cha de ni sngags rgyal yin/ /chos kyi dbyings kyi bum chen po/ /rtsa yi kha rgyan dang l dan pa//zla ba gang dus rnal 'byor pas/ /bum pa gang ba'i nang du blta/ /srog dang rtsol ba 'gog pa yis/ /rdo rje sku la dbang bskur bya/ /sngags 'di yis ni rtag tu ni/ /rdo rje skal ba ldan par ni/ /ji ltar bltams pa tsam gyis ni/ /de bzhin gshegs kun khrus gsol ba//de bzhin bdag gis lha yi chu/ /dag pa yis ni khrus byas so/ /oM sarba ta thA ga ta a b+hi She ka sa ma ya shri ye hUM phaT swA hA/ de nas bde chen 'khor lo'i gzhi/ /pad+ma'i snod kyi dbus su ni/ /rin chen lnga ni lha yi mchog /de bzhin gshegs pa lnga'i bdag nyid/ /char yang steng na ye shes me//de yi 'og nas rang dbang rlung / /g.yon skor nas ni me 'bar bya/ /de yi bdud rtsi zhu bya'o/ /rdor gsum ye shes sa bon gyis/ /dkar sbyangs rtogs byas 'bar byas so/ /sngags kyi de nyid byin brlabs kyis/ /rang lce pad+ma'i 'dab mar gzhag /phyi nang bdag nyid can gyi gzugs//'khor lo de yis rab tshim bya/ /'khor lo lte ba'i phyi rol du/ /bdud rtsi nam yang spang mi bya/ /dpa' bo'i dpa' bo kha yi nang / /ske yi gnas su gzung bar bya/ /ske yi gnas nas gyen gyi gnas/ /thur du nam yang gtang mi bya/ /de nas mgon po'i snying po ni//snying gar 'phro bar gsal bar ni/ /shel gyi yi ge dag pa 'dra/ /A li ye shes mtshan nyid can/ /srog dang rtsol ba mgon po yis/ /srog dang rtsol ba bza' bar bya/ /rang 'od rig ma dang ldan pa/ /gnyis kyi rig mar sbyar byas nas/ /'khor los sgyur ba'i sngags rnams kyi//sngags 'di yis ni drang bar bya/ /oM ma hA kro d+he shwa re dang / /dza ya bi dza ya de bzhin no/ /Ta Ta ha sa de nas dran/ /ma hA kA wa nA g+Na be/ /sa ni yA ya de nas ni/ /hUM hUM phaT kaM yang de bzhin/ /tha mar swA hA dang ldan pa/ /bcom ldan 'das kyi snying po yin/ /oM badzra te gu dza dang ni/ / hrIM hrIM phaT kar dang ldan pa/ /nye ba'i snying po'i sngags chen po/ /thams cad kun ni dbang du byed/ /oM su rata de ni dang po ste/ /sa ma yi shwad de bzhin no/ /hUM hUM hUM phaT phaT kar dang ldan/ /tha mar swA hA sbyar pa'o/ /bcom ldan mo yi snying po 'di/ /grangs med pa yi yon tan yod/ /oM kr-iM bl-iM dz+l-iM rkang pa gcig /tha mar phaT dang swA hAr ldan/ /bcom ldan mo yi nye snying po/ /sangs rgyas kun gyis phyag byas pa/ /thog mar oM dang hUM phaT mtha'/ /bar du ming yang spel bar bya/ /thams cad 'khor lo'i sngags 'di yin/ /mchod pa'i dus su mchod par bya/ /ci tsam nus par bzlas byas te//skyon ngal ni gso bar bya/ /'bum bzlas pa yis 'grub 'gyur te/ /'phral du yid ches byed pa yin/ /de nas gtor ma sbyin par bya/ /sngags dang phyag rgya yod pa yi/ /sngar rdzogs pa yi gzugs kyis ni/ /phyi rol dang ni nang du'o/ /phyi ni bsrung ba'i don du sbyin//nang gi yang ni de ltar ro/ /sngar gyi phyag rgya'am yang na 'dis/ /mkha' 'gro ma rnams dgug par bya/ /rdo rje khu tshur gnyis bcings te/ /rgyab dang rgyab ni sbyar bar bya/ /mthe'u chung lu gu rgyud kyi dngos/ /mdzub mo gnyis ni drang por bya/ /g.yas dang g.yon gyi phyag gnyis kyi//mdzub mo cung zad dgug par bya/ /oM he he sarba yo gi nI/ /sarba DA ki nI/ pra ma ni ru dra ni/ ma he shwa ri/ /biSh+Nu bi/ bA rA hI/ nar sde gi /a yi tri/ ag+Na ye/ ba ru Ni/ /bA ya bi/ ku mA ri/ ga ru Da/ pa na na gi bi nA ya gi/ ba wa swa sti/ bai sra ma Ni/ bska ri ca muN+Di/ sarba b+hU ta/ phre ta/ pi shA tsa/ pu Sh+paM/ d+hU paM/ dI paM/ gan+d+haM/ pany+tsaM a mr-i ta/ ma ta twa tsa/ ba ta ga te/ tsa tra tsa ma ra/ sa ma yo taM/ ma tsha/ mAM sa/ mahAM rak+ta/ nan gte/ saM pur+NaM/ i daM pa li saM tha sa ma ya/ rak+Sha tha/ ma ma sarba ta thA ga/ sa ha yaM ko ra thA/ a dra/ sa d+ha ni/ yi shra d+ha/ shigs staM/ rak+Sha/ ya thai baM/ ya the Sh+Ti/ b+hu ny+dza tha/hUM hUM phaT phaT swA hA/ b+ha ga'i phyag rgya spyi bor gnas/ /mtshan phyed na ni gtor ma sbyin/ /sngar bshad pa ni kun shes nas/ /de nas rang bzhin la ni gnas/ /rtog pa las ni rtog pa min/ /de ni rang bzhin du naM ngan/ /thig tshul tshar yang dga' ba rnams/ /de ni rtog pa'i mtshan nyid yin/ /tshul tsam rtog pa ma yin te//de ni ye shes rang bzhin mkha'/ /mdud pa'i nang gi 'phral ba ni/ /tshul dang dga' ba'i gzhi yin no/ /de yi steng gi pad+ma ni/ /mgrin pa'i mchog dang thig le'o/ /de yi steng na gtsug tor ni/ /snying gar chad dang char yang ngo / /snying ga'i lte bar ye shes te//de ni rang bzhin du ni grags/ /thig tshul char yang de dga' rnams/ /rtsa gsum nang na rlung dang ldan/ /rlung la zhon nas byang chub sems/ /gsum du dgyes nas rtag tu 'bab/ /bzhi pa la ni 'bab ma med/ /rang dbang rtog pa med pa'o/ /gsum ni spangs nas bzhi pa ni/ / nam yang rnyed par mi 'gyur ro/ /gsum po rang bzhin dgug byas nas/ /bzhi pa nges par rnyed par 'gyur/ /gsum pa spangs pa'i bzhi pa ni/ /phra mo'i phra mo skye ba med/ /bla ma yis ni ma gsungs ni/ /de mi shes par dka' ba yin/ /skye med de ni ga las shes/ /de ltar yin na de la'ang brjod//skye ba med kyang mi gsal min/ /ma skyes na yang rtag tu shar/ /ji ltar nam mkha' skye med bzhin/ /shin tu gsal bar rtag tu shar/ /dri med gsal ba yin na'ang / /long bas nam yang de mi shes/ /de bzhin tshad ma'i sgrib g.yogs kyis/ /long ba man ngag med pa yis//rtag tu shar ba'i rang bzhin ni/ /nam yang de ni shes ma yin/ /thams cad kun du khyab na yang / /thams cad kun nas mthong ma yin/ /de bas skal ldan 'grub don du/ /de ni bdag gis rnyed par bstan/ /pad+ma'i steng nang ye shes ni/ /de ni rang bzhin nges par rnyed//pad+ma gru gsum ma yin brjod/ /char yang de ni thig le'i dbus/ /de yi nang du 'gro ba'i sems/ /rnal 'byor dbang phyug de byed na/ /skad cig gcig gis ye shes chen/ /the tshom med par rnyed par 'gyur/ /da ma yin pa'i gsang chen po/ /man ngag de ni gzhan ma med//dpal ldan phyag na rdo rje yis/ /rgyud thams cad la sbas pa yin/ /de med 'jigs phyir bdag gis 'di/ /dad pa yis ni gsal bar byas/ /gsang ba de nyid gsal ba 'di/ /de bas rnal 'byor ma bzod mdzod/ /da ni yang dag skal ldan rnams/ /dbang mchog gsum ni yod pa dang //shin tu dpa' bo dag pa dang / /'dod chags zhe sdang med pa dang / /dam tshig shes dang bsam gtan gnas/ /bla ma la ni rtse gcig gus/ /ser sna nga rgyal med pa la/ /blo gros chen pos 'di bstan bya/ /gdug dang nad med skrag pa dang / /thos med ser sna khengs rmongs pa/ /nga rgyal phrag dog yod pa dang //sngags kyi sdom pa mi shes dang / /bla ma nges par mi 'dzin dang / /bsam gtan dam tshig spangs pa la/ /'di yis de nyid gsal byed na/ /dkon mchog gsum ni bsad dang mtshungs/ /de la dngos grub thag ring 'gyur/ /sdug bsngal mang po de la yang / /shi ma thag tu dmyal bar 'gro//de bas nam yang gsal mi bya/ /'bad de man ngag bsrung bar bya/ /bla ma chen po mchog rnams 'di/ /nges pa'i rmad byung bas rmad 'byung / /bla ma'i zhabs kyi bka' drin gyis/ /cung zad tsam ni bdag gsal byas/ /'di yi dri med dge ba yis/ / khams gsum ma lus kun gyis ni/ /dpal ldan rdo rje sems dpa' yi/ /sa ni myur du rnyed par shog/ /dpal rin po che'i char yang zhes bya ba'i sgrub pa'i thabs rdzogs so// //rgya gar gyi mkhan po chen po dpal shes rab gsang bas bsgyur cing gtan la phab pa// //

CLOSE WINDOW