285a3 /'jig rten gsum gtsug dpal ldan rdo rje sems dpa' ring por mi thogs 'grub par shog /ro bsreg pa dge slong ta thA ga ta rak+Shi tas mdzad pa rdzogs so// //rgya gar gyi mkhan po de nyid dang / lo tsA ba dge slong dar ma blo gros kyis bsgyur ba'o//[]@#/ /gdung bsreg pa'i
285a4 cho ga bzhugs// @##/ /dpal rdo rje mkha' 'gro la phyag 'tshal lo/ /lag na rdo rje dril bu byin nas ni/ /dbu la legs pa'i dbu rgyan ni/ /byin nas rdo rje sdom pa yang / /sdom pa byin pa'i man ngag nyid/ /mig la sogs par gti mug sogs/ /gtor gsum go 'phang gsum la
285a5 gzhag /rdo rje thab khung sbyor ba yis/ /gdung bsreg pa yang yang dag bya/ /nyi ma gsum pa'i nyin par ni/ /rus pa'i tshogs ni legs par bsdu/ /'o ma dri zhim gyis khrus bya/ /des ni mchod rten bya ba'o/ /'di'i don ni dang por dri zhim pos khrus bya ba dang / gos la
285a6 sogs pa byas pa'i dbu rgyan sbyin pa dang /dkyil 'khor bri ba dang / dkyil 'khor bsgrub pa la sogs pa byas nas/ chu dang / dbu rgyan dang / rdo rje dang / bdag po dang / ming dang / bum pa rnams kyis dbang bskur nas rang gi lhag pa'i lha'i gzugs su bskyed la/ ye shes
285a7 sems dpa' dgug pa la sogs pa sngon du 'gro bas mig la sogs pa byin gyis brlab pa la sogs pa byas nas/sngags kyi tshogs mang po bzlas pa bya ba dang / mchod pa dang / bstod pa dang / bdud rtsi myang ba byas nas/ sngags kyi bzlas pa mang po bya ba dang / ji lta
285b1 ba bzhin du me thab me lha bskyed la de'i thugs kar rdo rje sems dpa' 'am/rang gi lhag pa'i lha 'khor dang bcas pa dkyil 'khor bskyed de shi ba'i lus kyi ye shes sems dpa' gshegs su gsol/ de'i dam tshig sems dpa' dang ye shes kyi dkyil 'khor dang bcas
285b2 pa ro gcig tu gyur par lhag par mos shing gdung bsreg par bya zhes bya ba'i don to//gang de ltar mi byed na de'i tshe mchod rten bshig pa nyid du 'gyur ba'o/ /gdung bsreg pa'i cho ga rdzogs so// //rgya gar gyi mkhan po chen po a shrI dz+nyA na dang / lo tsA ba dge
slong dpal gyi snying pos bsgyur ba'o/

CLOSE WINDOW