CLOSE WINDOW

D1329
བོད་ཡིག

/ @##/ /rgya gar skad du/ Sh+ma shA neSh+Ta/ bod skad du/ ro bsreg bya ba/ bcom ldan 'das 'jig rten dbang phyug la phyag 'tshal lo/ /mngon sum rdo rje 'dzin mdzad pa/ /rdo rje slob dpon phyag 'tshal nas/ /de yi yongs su bor ba'i ro//'dus byas cho ga bshad par bya/ /sangs rgyas byang chub sems dpa' yis/ /ma shes par ni bsregs gyur na/ /mchod rten bshig pa lta bur 'gyur/ /gang yang bsod nams ma yin zhes/ /mkhas pa rnams kyis brgyud rim bzhin//de rnams legs par 'dus bya ste/ /gzhan du na ni dmyal bar ltung / /rdo rje slob dpon 'ga' zhig ni/ /shi ste ro ru gyur nas kyang / /mchod pa yang dag sngon 'gro 'di/ /dur khrod du ni gzhug par bya/ /de nas gnas pa'i sa yi ni/ /dag byed sngags kyis 'dus byas te//slar yang cho ga bzhin bsgrub pa/ /dkyil 'khor yang dag bri bar bya/ /de yi gtso bo de nyid kyis/ /dbang bskur lnga ni sbyin par bya/ /rdo rje slob dpon dbang bskur yang / /phyi nas cho ga mkhas pas sbyin/ /me tog spos la sogs pas mchod//yang dag mchod nas bstod par bya/ /mi bskyod pa ni ye shes che/ /rdo rje dbyings ni zhes bya ba la sogs pa'i tshul gyis so/ /de ltar mchod cing bstod nas kyang / /badzra muHzhes rab brjod de/ /'gro ba'i bla ma rang gnas su/ /gshegs su gsol bar bsam par bya//ji skad gsungs pa'i mtshan nyid ldan/ /zhi ba la sogs yang na ni/ /las kun byed pa'i thab khung du/ /lte bar bgegs dgra'i mtshan ma'i rnal 'byor pa/ /sngags kyis sbar ba'i me nang du/ /mthe'u chung khru gang tshad kyi shing / /dbul zhing mar dkar blugs par bya//de la 'di ni me sbar ba'i sngags so/ /oM dz+wA la dz+wA la hUM/ ku sha shar phyogs rtse bstan nas/ /hUM bzlas g.yas skor nyid du dgram/ /de bzhin du ni sngar gyi me/ /thab khung ku sha dbul bar bya/ /thab khung bdag med par dmigs la/ / raM skyes zhi ba bsam par bya/ /dkar po zhal ras dkar ba dang / /g.yas g.yon sngo dang dmar ba'o/ /sbom thung ral ba'i cod pa can/ /g.yon pa spyi blugs be con bsnams/ /g.yas kyis mi 'jigs bgrang phreng 'dzin/ /pad+ma ra skyes me dkyil du/ /me lha bzhugs par bltas nas kyang //ye shes me lha spyan drang bya/ /de la 'di ni me lha spyan drang ba'i sngags so/ /oM e h+ye hi ma hA b+hU ta de ba r-i Shi dwi dza sa ta ma/ gr-i hi hwA gu ti ma hA ra asmiM san+ni hi to b+ha bA/ dzaH hUM baM hoH zhes brjod pas/ spyan drangs la sogs rim nyid kyis//mchod yon zhal bsil sogs phul nas/ /gcig nyid dam tshig la gzhug go/ /lha yi sku ru 'khrungs pa yi/ /me lha'i lce la raM bkod de/ /dgang blugs phul te phyi nas ni/ /mkhas pas gsang sngags 'di bsngags so/ /de la 'di ni sngags so/ /oM ag+na ye A dI pya A dI pya a bi Sha ma hA shri ye ha bya ka bya bA ha nA ya swA hA/bsang gtor 'thor 'thung phul nas kyang / /me tog la sogs mchod par bya/ /bdag nyid 'dod pa'i lha yi sku/ /me yi thugs kar bsgom par bya/ /mchod pa dam pa sngon 'gro ba/ /yon chab zhabs bsil la sogs dbul//de phyir mar gyi dgang blugs rnams/ /bdud rtsir bsams nas dbul bar bya/ /shi ba'i ro la dri zhim chus/ /khrus gsol mar gyis byugs pa ni/ /n+ya gro d+ha sogs yam shing la/ /sngags 'di brjod cing bsreg par bya/ /oM AH badzra sa twa a mu kaM badzra tsar+ya su khA ba ti pra pA ya swA hA/zhes pa'i sngags so/ /'thor 'thung na bza' ser po dang / /so rtsi 'dag rdzas byed pa dbul/ /dril bu rab tu dkrol nas su/ /bstod pa dang ni mchod pa bya/ /de nas sngags pa mnyam gzhag pas/ /thugs kar me tog thal sbyar te//dmar sogs skyon rnams zhi ba'i phyir/ /bzod par gsol zhes yang dag brjod/ /gang yang bdag blo gti mug pas/ /lhag pa ma tshang gang byas pa/ /gang yang lus can skyabs gyur pa'i/ /dpal ldan de nyid kyis bzod mdzod/ /gus pas bzod pa gsol ba'i mthar//rang gi gnang ba bsgom par bya/ /yi ge brgya pa brjod nas kyang / /me lha mnga' bdag gshegs su gsol/ /nyi ma de yang gnyis pa la/ /'o mas me la blugs byas nas/ /'bad pas rus bu kun btus te/ /gtsang ma'i snod du bcangs byas nas//de nas rus bu btus pa rnams/ /mkhas pas ba yi 'o mas bkru/ /'jim pa bsres nas sA ts+tsha gdab/ /snying po mchod rten brtsig par bya/ /de la sku gdung rgyal po'i mchod rten brtsigs/ /sangs rgyas mtha' yas mchog gis byin gyis brlabs/ /gtsang ma'i snod du legs par bcangs byas nas//sangs rgyas kyis gsungs rim par rab gnas mdzad/ /tsha ngas pa la sogs rnams kyang gus pas 'dud/ /de bas skye bo bshes gnyen spyan sngar 'dud/ /byang chub cho ga yis ni khas 'ches pas/ /de ni mchod rten rgyas pa chen po ste//don che'i rgyu ru gus pas yang dag mchod/ /dur khrod mchod rten byas pas ri bo can las khyad par 'phags pa de yis ni/ /dge ba gang zhig bsags pa de yis 'gro ba gsum du son pa'i skye bo rnams/ /dngos po dgra sogs btul ba'i shes rab mchog mnga' thugs rje skye ba mchog tu brtse/

CLOSE WINDOW