283a3 / @##/ /rgya gar skad du/ sa ma ho ma bi d+hi nA ma/ bod skad du/ ro bsreg pa'i cho ga zhes bya ba/ bcom ldan 'das rdo rje mkha' 'gro la phyag 'tshal lo/ /rdo rje gur las gsungs pa ste/ /rdo rje dril bu lag tu sbyin/ /dbu rgyan mgo la bzhag
283a4 nas su//rdo rje sdom pa sngon bya zhing / /bum pa'i dbang ni bskur bar bya/ /mig sogs gti mug la sogs dang / /rdo rje gsum ni gnas gsum dgod/ /rdo rje thab khung sbyin pa yis/ /yang dag 'dus byas mnyam par brtsam/ /zhag bdun dag ni lon nas ni/ /
283a5 rus pa'i tshogs ni nye bar bsdu/ /'o ma dri zhim chus bkrus te/ /mchod rten dag ni rab tu bya/ /de la 'di'i don dang po khrus byas la/ dbu rgyan dang gos la sogs pa byin te/ ji lta ba bzhin du dkyil 'khor bris la/ dkyil 'khor bsgrub pa la sogs pa bya ste/ chu dang /
283a6 dbu rgyan dang / rdo rje dang / bdag po dang / ming dang / bum pa'i dbang bskur te/ yi dam lha'i gzugs su bskyed la/ ye shes sems dpa' gzhug pa sngon du 'gro bas/ mig la sogs pa byin gyis brlab pa la sogs pa byas la/ sngags kyi phreng ba mang po
283a7 bzlas te/mchod pa dang / bstod pa dang / bdud rtsi myang ba byas nas sngags mang po bzlas la/ ji lta ba bzhin gyi me thab tu me lha bskyed la/ de'i snying gar rdo rje sems dpa'am/ yi dam lha'i 'khor lo dang bcas pa la/ ro'i ye shes sems dpa'
283b1 gshegs su gsol/de'i dam tshig sems dpa' 'khor dang bcas pa'i 'khor lo dang ro gcig tu lhag par mos la/ yang dag par 'dus byas so zhes bya ba'i don to/ /gal te de ltar ma byas na mchod rten gzhig pa'i nyes par 'gyur ro/ /dam tshig dang ldan pa
283b2 rnams kyis ro bsreg pa'i cho ga /rdo rje gur nas gsungs pa rdzogs so// //rgya gar gyi mkhan po slob dpon a wa d+hU tI pa dang / bod kyi lo tsA ba dge slong ba ris bsgyur cing zhus pa'o// //blo gros chen pos mdzad gsung / bdun tshigs ni zhag bdun bdun zhing
283b3 khrus bya'o//slob mas slob dpon bsreg tu mi rung / gal te gzhan med na de bzhin gshegs pa thams cad kyis bsregs par bsam mo/ /rus pa la khrus byed na/ rang nyid yi dam lhar bskyed la/ rang gi snying ga nas 'od 'phros pas/ ye shes pa bkug la rus pa la gzhug
283b4 yang snying ga nas 'od zer gyis lha mo'i tshogs nam mkha' la bltas la/de rnams kyis bum pa bzung nas khrus byas par bsam mo/ /ji ltar bltams pa zhes bya ba la sogs pa'i sngags dang bcas pa brjod cing khrus bya'o/ /dbang bskur nas ro khrus bya/
283b5 lhar bskyed la ye shes pa gzhug /de la dbang bskur de dus rang gis tshig bshad brjod/ de yang de'i slob ma snying nye bas bya'o/ /rus pa de bum chus zhag bdun la nyi ma re re la khrus 'khor gsum gsum du bdun phrag bdun du bya'o/ /yi ge brgya pa bzlas
shing bya gsungs/

CLOSE WINDOW