245a6 bcom ldan 'das ma ku ru kul+le'i sgrub pa'i rdzogs so// //paN+Di ta bim pa dang / lo tsA ba gzhon nu 'od kyis bsgyur ba// @##/ /rgya gar skad du/ ku ru kul+le sA d+ha naM/ bod skad du/ myur mdzad ma'i sgrub thabs/ lha mo ku ru kul+le la phyag 'tshal lo/ /de zhig bsgom par bya
245a7 ba'i gnas sa phyogs dben zhing sems nyams dga' bar dri rnam pa lngas byugs te/stan 'jam zhing rgya che ba la brtul zhugs can gyis mnyam par gzhag par bya'o/ /de nas snying gar yi ge raM las yongs su gyur pa'i nyi ma'i dkyil 'khor 'bar ba'i phreng bas 'khrigs pa rnam par
245b1 bsgom ste/de'i lte ba la yi ge hrIH dmar po rnam par bsam mo/ /yi ge hrIH de las 'od zer gyi dra ba byung bas phyogs bcu na gnas pa'i sems can gyi khams la phog ste/ dpal ku ru kul+le'i gzugs su mngon par byas nas/ 'od zer gyi phreng ba de dag kyang yang 'dus te/ de nyid du zhugs par
245b2 bsgom par bya'o//de nas mdun gyi nam mkha' la lha mo ku ru kul+le ma lo bcu drug pa lta bu 'bar ba'i dbu skra kham pa gyen du brjes pa/ thod pa lngas dbu la brgyan pa/ ro'i steng du skyil mo krung phyed mar gar kyi stabs su bzhugs pa/ mche ba cung zad gtsigs shing lce lcib par mdzad pa/ 'khor
245b3 lo dang /snyan cha dang / mgul chu dang / dpung rgyan dang / phyag gdub dang / ska rags dang / zhabs gdub kyis brgyan pa/ stag gi sham thabs can spyan dmar po g.yo zhing 'dril ba/ mtha' yas mgon gyis dbu la brgyan pa/ phyag bzhi la gnyis kyis ut+pal dmar po kha ma bye ba'i
245b4 mde'u dang ldan pa'i mda' dang /me tog dmar po'i gzhu'i mda' gzhu 'gengs pa/ lhag ma'i phyag gnyis na me tog dmar po'i lcags khyu dang ut+pal bsnams pa rnam par bsam par bya'o/ /de nas bcom ldan 'das ku ru kul+le ma la mchod pa bya ba'i phyir/ rang gi snying gar nyi ma'i dkyil 'khor la
245b5 gnas pa'i yi ge hrIH las byung ba'i mchod pa'i me tog dang bdug spos dang mar me dang dri dang lha bshos rnam pa lngas mchod par bya'o//'di ni mchod pa'o/ /mchod pa byas nas dam pa'i snying rje dang lan pa'i rnal 'byor pas/ lus ngag yid gsum gyis gus pas btud de phyag bya'o/ /'di ni phyag btsal
245b6 ba'o//phyag btsal nas sdig pa bshags par bya ste/ sdig pa gang bgyis bgyid du stsal ba dang / bgyid pa la rjes su yi rang ba la sogs pa de dag bcom ldan 'das ma'i spyan sngar mngon sum du bshags par bgyi'o/ /'di ni sdig pa bshags pa'o/ /de nas bsod nams la rjes su yi rang bar bya ste/ brtul
245b7 zhugs can gyis sangs rgyas dang byang chub sems dpa' rnams kyi bsod nams gang lags pa de dag la bdag rjes su yi rang ngo //de ni bsod nams la rjes su yi rang ba'o/ /de nas dkon mchog gsum la skyabs su 'gro ste/ sangs rgyas dkon mchog dang / chos dkon mchog dang / dge 'dun dkon
246a1 mchog rnams la gang du 'khor ba nas 'khor ba'i tshe bdag skyabs su mchi bar bgyi'o//'di ni dkon mchog gsum la skyabs su 'gro ba'o/ /de nas byang chub tu sems bskyed par bya ste/ gang dag srid pa'i 'khor ba na gnas pa'i sems can rnams drang par bya ba de'i phyir/ bdag gi gtso
246a2 bo thugs rdo rje bya'o//zhes bya ba ni byang chub tu sems bskyed pa'o/ /de nas tshangs pa'i gnas bzhi bsgom par bya ste/ sems can thams cad la bu gcig ba ltar gdung bar sems pa gang yin pa'i sems su bsgom pa 'di ni btang snyoms bsgom pa'o/ /de nas de rnams thams cad rang bzhin gyis mi
246a3 dmigs shing lus dang bral bar byed pa 'di ni stong pa nyid sgom pa'o//de nas sems tsam du ni byin gyis brlab pa'i gsang sngags oM shU n+ya tA dz+nyA na badzra swa b+hA wa At+ma kou0f85haM zhes bya ba 'dis sems byin gyis brlab pa'o/ /de nas sngon gyi smon lam gyi stobs kyis sems can gyi don la blo yis gzigs nas s
246a4 ngags pa lha'i skur bskyed de/gsang sngags sbas pa'i rim pa 'di ni lha'i sku zhes bya'o/ /de nas nam mkha'i ngos su yi ge raM las nyi ma'i dkyil 'khor 'od zer dra ba'i phreng bas 'khrigs pa bsgom par bya'o/ /'di ni nyi ma shar ba'o/ /de'i steng du yi ge hUM kha dog nag po yongs su gyur pa las/ sna
246a5 tshogs rdo rje las rdo rje ra ba dang /rdo rje gur dang / rdo rje bcing ba dang / sa gzhi rdo rje ra rnam par bsam par bya'o/ /'di ni bsrung ba'i 'khor lo'o/ /de'i dbus su chos kyi 'byung gnas kyi ye shes yi ge e lta bu kha dog dkar po bsgom par bya'o/ /de'i dbus su yi ge hrIH dmar po las byung ba'i pad+ma
246a6 dmar po 'dab brgyad pa/de'i snying po'i steng du yi ge raM las yongs su gyur pa'i nyi ma dang ro'o/ /gzhan yang de dag gi steng du mtshan sum cu rtsa gnyis dang ldan pa'i zla ba nya gang zhing yongs su rdzogs pa dkar po'o/ /de'i steng du nyi ma'i dkyil 'khor dpe byad bzang po brgyad cu'i ngo bo kha dog dmar
246a7 po'o//de dag gi bar du yi ge hrIH kha dog dmar po yongs su gyur pa'i ut+pal dmar po kha ma 'bus pa'i nang du rang gi sems nyid zhugs par bsgom par bya'o/ /de nas zla ba dang dbyangs dang nyi ma rnams gcig tu zhu ba'i bdag nyid las sngon du brjod pa lta bu'i lha mo ku ru kul+le'i sku bsgom par
246b1 bya'o//rnam par bsgoms nas/ snying gar yi ge raM las nyi ma'i dkyil 'khor de'i lte bar hrIH yang bsgom par bya'o/ /de'i 'od zer rnams kyis mgon po mtha' yas bkug ste/ spyan drangs nas mchod pa 'dzin pa rnams kyis yang dag par mchod de/ dbang bskur bar gsol ba gdab po/ /
246b2 gsol ba gdab pa ni a b+hi Shiny+tsa tu mAM a mr-i ta nA tha zhes bya ba des mtha' yas kyi sa bon gyi bdud rtsi lngas yongs su gang ba'i bum pa thugs ka nas 'phro bar bsgoms te/ de nas bdud rtsi lngas gang ba'i bum pas dbang bskur zhing blugs pas bdag gi snying gar bum pa rnams zhugs te/ zhugs
246b3 pa'i rnal 'byor pa'i spyi bor mtha' yas bsgom mo//dus gsum du 'di bsgom zhing lha mo'i gsang sngags ba zlas brjod bya'o/ /de la gsang sngags ni oM ku ru kul+le hrIH swA hA/ lhag par yang tsan+dan dmar po'i phreng bas bzlas brjod bya'o/ /kha zas rnams ye shes rnam pa lnga'i bdud rtsis nan tan
246b4 gyis sbyong ste/oM AH hUM de nyid gsum pa 'dis kha zas dang zhal byin gyis brlabs na 'dis zhal gyi gsang sngags 'grub po/ /de nas sngags pas skyes pa'am bud med dbang du bya bar 'dod na/ yar gyi ngo'i tshes gcig nas brtsams te bzlas brjod khri bya ste/ dus gsum du bcom
246b5 ldan 'das ma'i skur dmigs te/smad dkris ras dmar po dang / lus la ras dmar po gyon nas rang gi snying gar nyi ma'i dkyil 'khor la gnas pa'i yi ge hrIH dmar po yongs su gyur pa las pad+ma dmar po 'dab ma brgyad pa rtsa ba 'dam nas skyes pa bsam par bya'o/ /'dab ma de
246b6 rnams la dbyangs kyi yi ge dang po brgyad las yongs su gyur pa'i bung ba brgyad khro zhing rgyas pa dga' zhing chags par rim pa bzhin bsams nas dbugs kyis bskyod de/sna bug nas byung nas bsgrub bya'i sna bug g.yas par zhugs nas sgra sgrogs shing gar byas te gdungs shing pad+ma'i
246b7 'dab ma la yang dbyangs yig dang po brgyad kha dog cung zad dmar ba dang ldan pa rnam par blta bar bya'o//de ltar bltas nas de nas rnal 'byor pas ut+pal kha ma 'bus pa'i mde'u dang ldan pa'i mda' lta stangs dang bcas pa'i khu tshur gyis rdzogs par bkang ste/ pad+ma'i ze ba la
247a1 brdeg go//des bung ba de rnams rang gi dam tshig gis bskul nas/ dbyangs yig re re khyer te sna bug g.yon pa nas byung nas rnal 'byor pa'i sna bug g.yas par zhugs te/ snying gar rang dang gzhan gyi rnam par shes pa gcig tu gyur par bya'o/ /de nas ut+pala'i rtsa bas mgrin pa nas
247a2 bcings te/lcags kyus mngal nas bzung nas drangs pas mi bzod par bsams te/ 'bar bas dbang du bsdu zhing rlung gi 'khor lo la bzhag ste/ rnal 'byor pa dga' ba'i sems kyis gsang sngags bzlas brjod bya zhing 'di ltar rnam par bsgom par bya'o/ /gsang sngags ni oM ku ru kul+le
247a3 hrIH che ge mo me ba sA mA na ya swA hA/'di ltar zla ba nya ba'i bar du mtshan mo kun du bzlas brjod bya'o/ /de nas nang par de 'ong bar 'gyur te/ chags pa dang bcas shing gcer bu skra bshig par 'gyur ro/ /gsang sngags kyi rgyal po 'dis bskul bas shin tu rgyas pa'i dngos grub kyang thob
247a4 par 'gyur ro//u rgyan gyi yul nas byung ba'i lha mo ku ru kul+le'i sgrub thabs rdzogs so// //rgya gar gyi mkhan po yul ma ga d+hAr skyes pa dpal byang chub chen por rab tu byung ba'i gnas brtan many+dzu shrI dz+nyA na dang / bod kyi lo tsA ba rong zom chos kyi bzang pos bsgyur cing zhus te gtan la phab
pa'o/

CLOSE WINDOW