CLOSE WINDOW

D1314
བོད་ཡིག

/srid pa gsum gyi khongs su gtogs pa yi/ /sems can bdag med ma yi don rtogs nas/ /sdig bral mkha' spyod gnas su 'gro bar shog /bdag med ma'i dkyil 'khor gyi tsakra'i sgrub thabs rdzogs so// @#/ /rgya gar skad du/ shrI te badzra tan+d+ra me na swA tiSh+Tha na ku ru kul+le sA d+ha naM/ bod skad du/ dpal kye'i rdo rje'i rgyud kyi rim pa las/ bdag byin gyis brlab pa ku ru kul+le'i sgrub thabs/ dgyes rdor rgyud dang rjes 'brel pa'i/ /'jig rten gsum dbang sdud mdzad ma/ /ku ru kul+le la btud de/ /de yi sgrub thabs gsal bar bshad//rgyud 'dir sgom pa'i skal ba dang ldan pa'i sngags pas/ snga dro mal nas langs te/ snying gar yi ge raM yongs su gyur pa las/ nyi ma'i dkyil 'khor la yi ge trIHdmar po bltas la de'i 'od zer gyis 'og tu 'chad pa'i bcom ldan 'das ma ku ru kul+le mdun du dmigs la/mchod pa lnga'i sprin phung gis yang dag par mchod de/ de'i mdun du/ dkon mchog gsum la bdag skyabs mchi/ /zhes bya ba la sogs pa'i tshigs bcad lan gsum du brjod par bya'o/ /de nas sdug bsngal gsum gyis sdug bsngal ba'i sems can rnams yid kyis dmigs la/sdug bsngal las ldog pa'i mtshan nyid can gyi snying rje chen po bsgom par bya'o/ /de nas chos dang gang zag gi ngo bo gzung ba dang 'dzin pa gnyis rang bzhin med par shes pa'i mtshan nyid can gyi stong pa nyid bsgoms la/ de sngags kyis byin gyis brlab par bya ste/oM shU n+ya tA dz+nyA na badzra swa b+hA wa At+ma kou0f85haM/ zhes pas so/ /de nas gnyis su med pa'i ye shes de nyid kyis nam mkhar nyi ma'i dkyil 'khor bltas la/ de'i dbus su yi ge hrIH dmar por gyur pa las ut+pal dmar po'i lte bar nyi ma la sa bon de nyid do/ /hrIH de las spro ba dang b sdu ba byas nas de nyid du rab tu bstims te/de thams cad yongs su gyur pa las bdag nyid ku ru ku l+ler blta ste/ pad+ma dmar po 'dab ma brgyad pa'i dbus su ro'i snying gar nyi ma'i dbus su skyil krung phyed pa'i gar gyis gnas ma/ nyi ma'i 'od kor can/ phyogs dang mtshams rnams su dur khrod brgyad kyis bskor ba/sku mdog dmar mo lo brgyad gnyis lon ma/ skra kham pa gyen du brdzes ma/ dbu la rgyal ba lnga'i rang bzhin gyi thod pa lnga 'dzin pa/ mi mgo rlon pa'i do shal can/ zhal mche ba gtsigs shing ljags 'dril ba/ dmar la zlum pa'i spyan gsum g.yon du yo ba/ khro ba dang sgeg pa'i nyams can mi'i rus pa'i 'khor lo dang /rna rgyan dang / mgul rgyan dang / gdu bu dang / skar rags dang / dpung rgyan dang zhabs gdub kyis brgyan ma/ rtsa ba'i phyag gnyis kyis rna ba'i drung du ut+pala'i myu gu'i mda' dang bcas pa'i me tog dmar po'i gzhu 'gengs pa/ phyag lhag ma dag gis ut+pa la dmar po'i zhags pa dang lcags kyu bsnams pa bsam par bya'o//de'i spyi bo dang / mgrin pa dang / snying gar oM AH hUM bltas te/ de nas rang gi snying ga'i nyi ma la gnas pa'i ut+pal dmar po'i lte ba'i nyi ma la hrIH dmar po bltas la/ de'i 'od zer gyis de bzhin gshegs pa thams cad bskul nas spyan drangs te/gsol ba btab pas/ de dag gis rin po che'i bum pa bdud rtsi lnga yis gang ba rnams kyis dbang bskur bas/ bcom ldan 'das 'od dpag tu med pas dbu brgyan te rgyas gdab pa'o/ /de nas rang gi snying ga'i sa bon las lha mo brgyad spros la/ rang rang gi byang chub kyi sems la sogs pas yang dag par mchod de/sa bon de nyid la bsdu bar bya'o/ /ak+Sha ra man+ta badzri a o/ na u so bin+du na tsi ta/ e so ba ra ma hA su kha he o/ na u phe Ti a na u ki ra ta/ zhes bya ba 'dis bstod par bya'o/ /de nas bdud rtsi myang ba'i cho gas bdud rtsi lnga dang sgron ma ldar byas la/yi ge hUM dkar po las byung ba'i ljags rdo rje'i rang bzhin du bsgoms te/ yi ge gsum gyis byin gyis brlabs la/ de lta bus bdag nyid ku ru kul+le'i ngo bo mnyes par bya'o/ /bsam gtan dang ma bral bas sngags bzla bar bya ste/ yi ge hrIH las bskor nas gnas pa'i oM ku ru kul+le hrIH swA hA/zhes bya ba yi ge brgyad kyi sngags kyi phreng ba mar me'i phreng ba 'bar ba ltar yid kyis mngon par bsam zhing / myur ba dang bul ba la sogs pa'i skyon med par tsan+dan dmar po'i phreng ba bgrang bar bya'o/ /sa ya gcig bzlas pas rigs drug gi 'khor lor gtogs pa'i sems can rnams dbang du 'gyur ro//thun gzhan la ni bdag nyid ku ru ku l+ler bsams la/ mchod pa dang bstod pa la sogs pa bya ste/ nyan bshad la sogs pa'i bya ba thams cad bcom ldan 'das ma'i nga rgyal gyis bya'o/ /de nas bsam pa ji lta ba bzhin du smon lam gdab par bya'o//'dir yang bla ma brgyud pa las byung ba'i man ngag bri bar bya ste/ rang gi snying ga'i sa bon bdud rtsi'i khu ba 'ba' zhig snying las langs te/ mgo'i g.yon nas bskor nas rna ba g.yas pa'i bu gnas 'thon nas/ lag pa g.yas pa'i gzhu'i rgyud la gnas pa'i mda'i ltong gi bu gnas/ut+pala'i me tog gi lte bar zhugs te/ de'i 'od zer gyis de rgyas par byas shing spros pas srid pa gsum gyi sems can gyi snying gar zhugs nas de'i pad+ma rnams bskul te/ bkug nas yang de nyid du gzhug par bya ste/ kha zum nas mda' nas rna ba'i bu ga nas/mgo bo'i g.yas su bskor nas dpral ba'i dbus su gnas pa a wa d+hU tI'i lam nas mgrin pa snying ga /lte ba'i mthar bde ba chen po'i gnas su man ngag bzhin du rab tu bcug ste/ de nas shes rab dang thabs kyi ting nge 'dzin dri ma med pa las byung ba'i bde ba dam pas/rang gi lus dang 'jig rten gsum gang bar bltas la/ de'i skad cig la tshigs su bcad pa dran par bya'o/ /gang la thog mtha' bar ma med/ /srid dang mya ngan 'das pa med/ /'di ni bde chen mchog gyur pa/ /bdag med gzhan yang yod ma yin/ /yang de ltar sems can dbang du gyur par bya ste/de dag phyag rgya chen po la mngon sum nyid du dgod par nus kyi bar du'o/ /de bzhin du bsgrub bya 'am bsgrub bya mo ku ru kul+le'i rang bzhin du bsgoms nas/ /sa bon de sngar bzhin bsgrub po'i mda'/ bsgrub bya'i lag par gnas pa'i me tog de'i 'od zer byis rgyas par byas la rna ba'i bu ga g.yas par zhugs te/de ltar song nas der gnas te/ de kho na bzhin du rab tu zhugs nas gnas der phyin la de bzhin du gnas par bya'o/ /ku ru kul+le'i gzugs la yang / /yi ge hrIH ni myos par byed pa'i gdugs la gzhag pas bud med 'ju bar 'gyur/lce la de nyid rdzas kyis bris na blo gros bskyed de snying gi dbus su ni/ /sbrul gyis zin pa la ni yongs su bsgoms pas chos kyi yi ges dug spyod 'gyur/ /sgrol ma'i snying pos 'jig rten gsum las rgyal ba gser ldan rnams kyis shes par bya/ /de nas gdon mi za bar bsgrub bya sgrub pa po'i dbang du gyur nas don rnams thams cad byed par 'gyur/ku ru kul+le'i sgrub pa'i thabs/ /byas pa'i bsod nams gang yod des/ /skye bo thams cad byang chub la/ /dgod pa'i dbang du 'gyur bar shog /bdag byin gyis brlabs pa ku ru kul+le'i sgrub thabs slob dpon lhan cig skyes pa'i rol pas mdzad pa rdzogs so/

CLOSE WINDOW