CLOSE WINDOW

D1308
བོད་ཡིག

/skye rga na 'chi spangs nas 'khor ba'i rgya mtsho las brgal bla med byang chub thob par shog/ /slob dpon mi thub zla bas mdzad pa'o// @##/ /rgya gar skad du/ nai rAt+ma prA kA sa/ bod skad du/ bdag med ma'i rab tu gsal ba/ dpal dgyes pa'i rdo rje la phyag 'tshal lo/ /kun du rtog pa yongs spangs chos skur gang brjod pa/ /dpe med bde ba tsam mdzes longs spyod rdzogs pa'i sku/ /sa yi phan pa'i rgyur gyur gang gi sprul pa'i sku/ /bcom ldan rdo rje sems dpa' khyod des dge bar shog /gcig tu gsal la rgyas pa yis/ /mi rtog nyung la rgyas pa dag /ji ltar blo bzhin lung ji bzhin/ /bdag med ma yi sgrub thabs bshad/ /rnal 'byor pas yang dur khrod la sogs pa yid du 'ong ba'i gnas su bdud rtsi la sogs pa'i dam tshig bsten nas bde ba'i stan la nye bar 'dug ste/zhen pa med cing dogs pa dang bral bas sems can gyi don du blo bskyed de bdag med ma'i nga rgyal bskyed par bya'o/ /snying gar nyi ma'i dkyil 'khor la yi ge hUM sngon po bsgoms te/ de nas de'i gsal ba'i 'od zer rnams kyis khams gsum snang bar byas nas 'og min gyi gnas na bzhugs pa rnams bkug ste/rnal 'byor ma brgyad kyis yongs su bskor ba phyag bcu drug pa zhal brgyad pa/ thod pa'i phreng bas rnam par spras pa'i thod can zhabs bzhi yis bdud bzhi mnyam par mnan pa kha dog sngon po/ g.yas pa'i phyag gi tshogs rnams kyis bsnams pa'i thod pa rnams su gnas pa ni glang po che dang /rta dang / bong bu dang / glang dang / rnga mo dang / skyes pa dang / seng ge dang / byi la rnams so/ /cig shos kyi phyag gi tshogs rnams su son pa'i pad+ma'i snod rnams su gnas pa ni/ /'dzin pa dang / chu dang / skul byed dang / 'bar ba dang / mtshan mo'i mgo dang / nyi ma dang / gshin rje dang / gnod sbyin rnams so/ /zhal gyi gtso bo ni nag po'o/ /g.yas pa'i zhal ni zla ba dang / kun da lta bu'o/ /g.yon pa'i zhal shin tu dmar ba'o/ /steng gi zhal dub lta bu shin tu gtsigs pa'o/ /zhal gzhan mtha' dag ni shin tu gnag pa'o//brgya phyed kyi thod pa'i phreng bas brgyan pa'o/ /bdag med mas mgul nas 'khyud pa/ nam mkha'i dkyil na bzhugs pa mdun du bsgom par bya'o/ /de'i rjes su phyi dang / gsang ba dang / de kho na nyid rnams kyis mchod pa lha mo brgyad po rnams kyis mchod par bya'o//'di la yang thabs dang shes rab dag gis de'i bdag nyid rtogs par bya ba'i phyir pi tsu badzra'i mchod pa'o/ /de nas phyag 'tshal ba dang / sdig pa bshags pa dang / sdig pa slan chad sdom pa dang / bsod nams la rjes su yi rang ba dang / bsod nams yongs su bsngo ba dang /gsum la skyabs su 'gro ba dang / byang chub tu sems bskyed pa dang / bdag nyid kyi dngos po dbul ba dang / gsol ba gdab pa byas te/ tshangs pa'i gnas bzhi bsgom par bya'o/ /dngos po mtha' dag gi de kho na nyid kyi dngos po bsdus pa/ oM shU n+ya tA dz+nyA na badzra swa b+hA ba At+ma kou0f85haM/stong pa nyid kyi ye shes rdo rje rang bzhin gyi bdag nyid la chos thams cad ces bya ba'i sngags kyi don bsgoms pas rab tu mi gnas pa'i ngo bor gnas so/ /de nas smon lam gyis dran pas langs te/ raM las mdun du nyi ma'i dkyil 'khor blta'o/ /de la yi ge hUM las sna tshogs rdo rje bsam mo//de nas de'i sna tshogs rdo rje'i 'od zer gyi rdul phra rab kyi tshogs 'phros pa des rdo rje ra ba dang dra ba bcing ngo / /'og tu rdo rje'i rang bzhin gyi sa gzhi dang / 'obs bsam par bya'o/ /nyi ma dang sna tshogs rdo rje dag las 'od zer dpag tu med pa byung bas de ltar de dag thams cad brtan par bya'o//de'i rjes su nam mkha'i dbyings chos 'byung gi rnam pa nang khong stong shin tu dkar po steng yangs pa'i shes rab blta bar bya'o/ /de nas de'i steng du kha dog sna tshogs pa'i pad+ma 'dab ma brgyad pa bsgom par bya'o/ /de nas de'i steng du raM las byung ba'i nyi ma'i dkyil 'khor la gnas pa'i yi ge hUM yongs su gyur pa las sna tshogs rdo rje bsam par bya'o//sna tshogs rdo rje'i dbus su yang rlung dang / me dang / chu dang / sa rnams ni du ba dang / dmar po dang / dkar po dang / ljang gu rnams/ gzhu dang / zur gsum pa dang / zlum po dang / gru bzhi rnams/ yaM raM baM laM rnams yongs su gyur pa las steng nas steng du blta'o/ /de dag thams cad ye shes tsam du btags te/ de dag yongs su gyur pa las/ gru bzhi pa/ sgo bzhi pa/ rta babs bzhi pa/ ka ba brgyad kyis nye bar mdzes pa/ dra ba dang dra ba phyed pas brgyan pa'i gzhal yas khang blta bar bya'o//de nas rdo rje ra ba'i nang rol du dur khrod brgyad bsam par bya'o/ /shar phyogs su dbang po dang / a ru ra'i shing dang / glang po che'i gdong can ser po'o/ /lho phyogs su gshin rje dang / tsu ta'i shing dang / ma he'i gdong can kha dog dkar po'o/ /nub phyogs su a sho ka'i shing dang /chu lha kha dog dmar ba dang / seng ge'i gdong can no/ /byang phyogs su byang chub kyi shing dang / lus ngan ser po dang / /mi'i gdong can no/ /me'i mtshams su shing ka rany+dza dang / me lha dkar po ra'i gdong pa can no/ /bden bral dul da dza ba Du'i shing dang / mi'i gdong can dang /bden bral dkar po'o/ /rlung gi mtshams su ka ku pa'i shing dang / rlung lha dang / ri dgas kyi gdong can ser po'o/ /dbang ldan gyi mtshams su 'byung po dang / khyu mchog gi gdong can no/ /n+ya gro d+ha sna tshogs pa bsgom mo/ /'di dag thams cad lag pa g.yon par thod pa 'dzin pa/phyag g.yas par rang rang gi mtshon cha sna tshogs 'dzin pa'o/ /lus kyi stod bstan pa'o/ /de bzhin du shar phyogs la sogs pa tshogs brgyad du go rims ji lta ba bzhin du/ mtha' yas dang / pad+ma dang / nor rgyas dang / pad+ma chen po dang / 'jog po dang /dung skyong dang / karko Ta dang / rigs ldan rnams so/ /sprin brgyad ni/ ser po dang / skya bo dang / dkar po dang / skya ser dang / dmar po dang / ser po dang / ljang gu dang / kha dog sna tshogs pa rnams so/ /de ltar phyogs skyong brgyad kyi kha dog ni grags par zad do/ /mchod rten brgyad kyi kha dog kyang rtogs par bya'o//de nas dkyil 'khor gyi 'khor lo'i nang du pad+ma 'dab ma brgyad pa dmar po bsams te/ pad+ma'i nang shar phyogs la sogs pa'i 'dab ma bzhi dang / de bzhin du gzhal yas khang gi zur bzhi dang / sgo bzhi dang / steng dang 'og rnams su ro bco lnga dang ldan par blta bar bya'o//de'i rjes su ro mnan pa'i A li dang kA li yongs su gyur pa las/ zla ba dang nyi ma'i nang du son pa'i a la sogs pa'i dbyangs bco lnga bsgom par bya'o/ /de nas a la sogs pa'i yi ge yongs su gyur pa las thams cad las sa bon dang bcas pa'i gri gug go/ /de nas zla ba dang /nyi ma dang / gri gug yongs su gyur pa las bdag med ma la sogs pa rnal 'byor ma bco lnga bsgom par bya'o/ /de la me long lta bu'i ye shes dang ldan pa ni zla ba'o/ /mnyam pa nyid dang ldan pa ni nyi ma'o/ /de dag gi nang du son pa ni so sor rtog pa'o/ /thams cad gcig pa ni bya ba nan tan no//gzugs brnyan rdzogs pa ni chos kyi dbyings shin tu rnam par dag pa'o/ /de lta lte ba'i nang du dbyangs kyi yi ge a las byung ba'i mi bskyod pas rgyas btab pa/ zhe sdang dang / rnam par shes pa'i phung po'i bdag nyid thabs dang shes rab kyi ngo bo'i gzugs kha T+wAM gas gzugs 'khyud pa'o//shar la sogs pa'i 'dab ma rnams la/ a i I U'i dbyangs las byung ba/ gti mug dang / phra ma dang / 'dod chags dang / phrag dog gi rang bzhin/ rnam par snang mdzad dang / rin chen 'byung ldan dang / 'od dpag med dang / don yod grub pa rnams kyis rgyas btab pa/ gzugs dang / tshor ba dang / 'du shes dang / 'du byed kyi phung po'i bdag nyid/ rdo rje ma dang / gau rI ma dang / chu ma dang / rdo rje mkha' 'gro ma rnams bsgom par bya'o/ /de nas phyi rol gyi rim pa la dbang po la sogs pa'i mtshams rnams su U r-i r-I l-i dbyangs la sogs pa'i mi bskyod pa dang / rnam par snang mdzad dang / rin chen 'byung ldan dang / 'od dpag med pas rgyas btab pa/ sa dang / chu dang / me dang / rlung rnams kyi rang bzhin/ puk+ka sI dang / sha ba rI dang / tsaN+DalI dang / Dom+bi ma rnams bsgom par bya'o/ /de nas shar phyogs la sogs pa'i sgo rnams su/ l-I e ai o'i dbyangs las byung ba puk+ka sI la sogs pa'i rang bzhin du rgyas btab pa/gzugs dang / sgra dang / dri dang / ro rnams kyi rang bzhin/ gau rI dang / tsau rI dang / be tA lI dang / g+hasma rI rnams bsgom par bya'o/ /de'i rjes su steng dang 'og tu gti mug dang 'dod chags kyis rgyas btab pa/ au aM las byung ba/ reg bya dang / chos kyi dbyings kyi rang bzhin te/ 'khor ba dang mya ngan las 'das pa'i rang bzhin sa spyod dang / mkha' spyod dag bsgom par bya'o/ /'dir yang lha mo rnams bskyed pa'i rjes su rang gi rigs dang bcas pa'i dbang bskur te/ rang gi rigs kyis rgyas btab par rtogs par bya'o//de dag ni rnal 'byor ma bco lnga'o/ /lo bcu drug pa'i tshul zla ba'i dkyil 'khor la gnas pa'i dbyer med pa'i mig sman nag po'i mdog lta bu ste/ byang chub sems kyi rang bzhin skra 'bar ba gyen du brdzes pa/ spyi bor rdo rje sems dpa'i rang bzhin thod pa dum bu sor bzhi pa 'dzin pa/ mgo la yang sangs rgyas lnga'i rang bzhin thod pa skam po lnga 'dzin pa'o/ /spyan zlum po dmar po gsum pa zhal mche ba gtsigs pa/ ma mo bco lnga'i bdag nyid kyi mgo bo skam po bco lnga'i phreng bas brgyan pa/ stag gi pags pa'i sham thabs can/ skyil krung phyed pa'i gar gyis bzhugs pa ro la bcibs pa/phyag rgya lnga 'dzin pa'o/ /de la/ 'khor lor gzugs kyis mi bskyod pa/ /rna cha'i bdag nyid 'od dpag med/ /mgul pa'i phreng bar rin chen bdag /lag rgyan rnam par snang mdzad brjod/ /ske rags la ni don yod gnas/ / lus kun rdo rje 'dzin bzhin no/ /bla ma slob dpon 'dod lha la/ /phyag 'tshal spyi bor 'khor lo 'dzin/ /bla ma rdo rje 'dzin pa la'ang / /smod tshig mi nyan pa yi phyir/ /rna ba dag la rna cha 'dzin/ /sngags bzlas phyir ni mgul ba'i phreng / /phyag rgya bsten pa ske rags te/ /srog gcod spangs pa gdu bu ste//rkang rgyan dang ni dpung rgyan 'dzin/ /byams pa'i thugs ni yan lag gnag /dmar ser gyi ni skra dag ni/ /'dod chags chen por ston pa dang / /khro bor rtogs phyir steng du brdzis/ /sku dang gsung dang thugs shin tu chags pa'i rang bzhin gyi phyir/ rang bzhin gyis spyan dmar po chen po'o//srid pa dang mya ngan las 'das pa'i rang bzhin dag ni phyag dag go/ /nga rgyal la sogs pa'i skyon gcod pa ni gri gug go/ /khams gsum pa rnam par dag pa phung po la sogs pa'i bdud bzhi la sogs pa'i khrag gis bkang ba rnam par rtog pa mtha' dag gis lus thod pa dum bu gsum mo//chos dang longs spyod dang sprul pa rnam par dag pa ni gnyer ma gsum mo/ /ngo bo nyid gcig pu'i sku'i rnam par dag pa ni lus kyi ril po dag go/ /sgrib pa dang bral bar ston pa'i phyir stag gi pags pa'i na bza'o/ /khams gsum pa dmigs pa med par ston pa'i phyir zhabs ma sbyangs pa'o//ro gcig pa'i rang bzhin du bstan pa'i phyir zhabs gcig gis sa'i dkyil 'khor du mnan pa'o/ /de'i rjes su snying ga'i sa bon las byung ba'i 'od zer rnam pa lngas 'og min na bzhugs pa'i ye shes sems dpa'i rang gi bdag med ma'i 'khor lo la bkug la//snying ga'i sa bon la gzhug par bya'o/ /ye shes dang dam tshig sems dpa' dag gcig tu byas nas bdag med ma'i nga rgyal dang ldan pas bdag med ma dang mnyam par 'gyur te/ 'dir sbyor ba'i yan lag drug rnam par gzhag pa'i phyir rim pas/ nag po dang / dmar po dang / ser po dang / ljang gu dang / sngon po dang / dkar po rnams bsgom par bya'o/ /de la bsgom pa phul du byung ba'i rim gyis dang por sprin gyis bsgribs pa'i zla ba'i dkyil 'khor lta bur snang ngo / /de yang rab kyi phul du phyin pa las ni sgyu ma lta bur snang ngo //de'i rjes su rab kyi phul du phyin pa yongs su smin pa las ni rmi lam dang sad pa 'dra ba'i dus su gnyis su med par gang gis mthong bas phyag rgya chen po thob par 'gyur ro zhes bya bas ni bskyed pa'i rim pa'o/ /gzhan du bo la dang kak+kol dang yang dag par sbyor ba las/gang bde ba chen po'i rang bzhin mchog dang bral ba'i nang du son pa'i byang chub kyi sems skye ste/ de nyid bco lnga'i cha'i bdag nyid can skad cig gis sngon du bstan pa'i phyag mtshan dang kha dog dang dbyibs te/ rnal 'byor ma bco lnga'i dkyil 'khor gyi 'khor lor blta bar bya'o//de yang phung po lnga dang / khams bzhi dang / yul drug ste/ sku dang gsung dang thugs kyi rang bzhin te/ 'di ni zab mo bskyed pa'i rim pa'o/ /skad cig nyid las rnal 'byor ma bco lnga'i bdag nyid kyi dkyil 'khor gyi 'khor lo blta'o/ /'di ni rdzogs pa'i rim pa'o/ / rdo rje'i lus kyang ye shes lngas byin gyis brlabs pa'i rtsa sum cu rtsa gnyis te/ bde ba chen po'i gnas nas 'dzag pa'o/ /de yang rnal 'byor ma bco lnga'i bdag nyid de/ lus nyid bdag med ma'i 'khor lo'o/ /yongs su rdzogs pa'i rim pa'o/ /de bzhin dul la nA dang ra sa nA dag mgrin pa nas brtsams te/lte ba'i bar du g.yon pa dang cig shos kyi ngos su gnas pa zla ba dang nyi ma zhes bya bas/ lte ba'i nang du de nyid skye gnas kyi rtsa la la nA dang ra sa nA yin te/ mi bskyod pa dang khrag 'bab pa'o/ /a ba d+hU tI ni mgo dang mgrin pa dang lte ba dang skye gnas kyi nang du gnas pa byang chub kyi sems 'bab pa'o//rtsa de dag bdag med ma'o/ /mi phyed ma dang phra gzugs ma ni spyi bor gnas pa ste/ grangs bzhin du sen mo dang / so dang / skra dang ba spu'i mtshan nyid rnams zung ngu 'bab pa ni rdo rje ma'o/ /gsal ma ni rna ba g.yas pa'i pags pa dang / dri ma 'bab pa dang /g.yon ma ni rgyab kyi sgal tshigs kyi sha 'bab pa dag ni gau rI'o/ /ya mi ni dang / rus sbal skyes dag ni rna ba g.yon pa dang / smin ma'i dbus na gnas pa ste/ rgyus pa dang / rus pa dang / dri 'bab ba dag ni chu ma'o/ /dngos po ma dang dbang bskur ma dag ni/ mig dang lag pa'i rtsa bar gnas te/glo ba dang snying 'bab pa ste/ rdo rje mkha' 'gro ma'o/ /skyon ldan ma dang ma hA ni ye dag ni mchan khung dang nu ma dag la gnas pa ste/ mig dang mkhris pa 'bab pa ste/ puk+ka sI'o/ /ma mo dang mtshan mo dag ni lte ba dang sna rtse dag la gnas pa ste/ mchin pa dang rgyu ma dang dri 'bab pa sha pa rI'o//bsil ster dang tsha ba ma dag ni kha dang mgrin par gnas te/ ngos kyi skud pa dang lto ba 'bab pa ste/ tsaN+DalI'o/ /phra ma na ni snying dang bshang ba 'bab pa'o/ /mdog nag ma ni mtshams mthar gnas pa ste/ Dom+bi nI'o/ /phra gzugs ma dang spyi ma dag ni mdoms dang bshang ba'i lam dang bad kan dang mkhris pa 'bab pa ste/gau rI'o/ /rgyu sbyin ma dang bral ba dag ni brla dang byin pa dag la gnas pa khrag dang rdul 'bab pa ste/ tsau rI'o/ /sdug ma dang dngos grub ma dag ni rkang pa'i sor mo dang rkang pa'i rgyab tu tshil dang mchin pa 'bab pa ste/ be tA lI'o/ / 'tshed pa dang / yid bzangs ma dag ni/ mthe bo dang pus mo gnyis la gnas te/ de la snga ma ni bad kan 'bab pa/ phyi ma ni stobs dang snabs 'bab pa ste/ 'di ni g+hasma rI'o/ /snying ga'i pad+ma'i lte ba'i shar la sogs pa'i 'dab ma rnams la go rims bzhin du gsum skor ma dang / 'dod ma dang /khyim ma dang / gtum mo dang / bdud sbyin ma rnams so/ /de la rtsa dang po gnyis ni sa spyod ma'o/ /lhag ma rnams ni mkha' spyod ma'o/ /'di yang rtsa nas rab tu 'dzag pas/ rgyas par byed pa dang / 'gro bar byed pa dang / de nas cung zad 'bab pa'o/ /sku dang gsung dang thugs dang /chos dang longs spyod rdzogs pa dang / sprul pa'i ngo bo nyid ni 'khor lo bzhir lus la rnam par gnas pa'o/ /de la sprul pa'i 'khor lo ni kha dog sna tshogs pa pad+ma 'dab ma drug cu rtsa bzhi pa'i lte ba'i 'og tu yi ge a nag po steng du kha bltas pas rnam par gnas pa'o/ /chos kyi 'khor lo ni pad+ma 'dab ma brgyad pa la yi ge hUM nag po snying gar rnam par gnas pa'o//mgrin par longs spyod kyi 'khor lo dmar po 'dab ma bcu drug pa la pra na ba sa bon dmar po'o/ /spyi bor 'dab ma sum cu rtsa gnyis pa dkar po la yi ge haM dkar po'i sa bon kha thur du bltas pa las bdud rtsi'i rgyun 'bab pa bde ba chen po'i 'khor lo'o//'di dag dga' ba dang skad cig ma'i rnam par gzhag pa ni bla ma'i man ngag las rtogs par bya'o/ /'bad pa med par zung du 'jug pa gnyis med bar 'byung ba'i byang chub kyi sems mngon du byed pa'i rgyu'o//ngo bo nyid kyi rim pa'o/ /de nas bsgom pas dub na bdag med ma'i nga rgyal dang ldan pas sngags bzlas par bya'o/ /de la 'dir lhan cig skyes par grub pa phra ba dang po hUM phaT mthar gnas pa'i dbyangs bco lnga'i rang bzhin gyi a la sogs pa'i sngags so/ /'di lta ste/ oM a A i I u U r-i r-I l-i l-I e ai o au aM hUM phaT swA hA/ bdag med ma dmar mo'i nga rgyal dang ldan pas grong khyer dkrug pa'i sngags bzlas par bya'o/ /de la 'dir sngags ni/ oM a ka tsa Ta ta pa ya sha swA hA/ zhes pa'o/ /oM a kA ro mu khaM sarba d+harmA NAM/ A d+ya nut+pan+na twA ta/ oM AH hUM phaT swA hA/ zhes pa ni gtor ma'i sngags so/ /oM AH hUM zhes bya ba ni dam tshig byin gyis brlab pa'i sngags so/ /de'i rjes su dkyil 'khor gyi 'khor lo mngon du byas pa'i dus su ni nu ma spangs pas rang gi yan lag gi kak+kola'i nang du gnas pa'i bo lar bya'o/ /'gram pa gnyis ni dril bur 'gyur ba'o//gsang sngags tshul gyi bstan bcos snying / /bla ma dam pa'i 'bad pa las shes pa/ /bdag med ma ni rab tu gsal ba ni/ /bdag gi snying rje yis ni sems kyis byas/ /dkyil 'khor 'khor lo zab mo yi/ /rnam par nges par 'gyur ba ni/ /ji ltar 'dir ni lus can rnams//ri khrod mgon gyi zhabs kyi chu skyes kyi/ /rdul rnams spyi bos ma blangs pa/ /de dag nges par ji ltar 'gyur/ /mngon par rtogs pa 'di yis thob pa yis/ /dge ba 'di yis 'jig rten mtha' dag ni/ /srid pa gsum gyi sdug bsngal yid mi bde spangs te/ / rdo rje 'dzin pa'i go 'phang rab gnas shog /dpal paN+Di ta gnyis su med pa'i rdo rjes mdzad pa'i bdag med ma'i sgrub thabs rdzogs so// //rgya gar gyi mkhan po badzra pA Ni las mnyan te slad kyi dge slong mtshur dz+nyA na A ka ras bsgyur ba'o// //

CLOSE WINDOW