CLOSE WINDOW

D1307
བོད་ཡིག

mkhas pa chen po dpal mi thub zla bas mdzad pa'i bdag med ma'i sgrub thabs rdzogs so// //rgya gar gyi mkhan po ga ya d+ha ra dang / lo tsA ba dge slong shAkya ye shes kyis bsgyur ba'o// @##/ /rgya gar skad du/ nai rAt+ma de pi pany+tsa da sha sto tra/ bod skad du/ bdag med ma lha mo bco lnga la bstod pa/bcom ldan 'das rdo rje mkha' 'gro ma la phyag 'tshal lo/ /mos pa sna tshogs gdul dka' 'dul ba'i phyir/ /chos dbyings mi bskyod 'gag pa med pa las/ /thabs kyis sprul pa sna tshogs ston mdzad pa/ /ye shes thugs rje can la phyag 'tshal lo//'khor lo bzhi yi bdag nyid a las skyes/ /bdud bzhi zil gyis gnon pa 'jigs pa'i sku/ /mi bskyod dbu brgyan bde ba chen po'i ngang / /ye shes mkha' 'gro'i tshogs la phyag 'tshal lo/ /A las skyes pa'i mdzes ma rdo rje ma/ /rtag tu dgyes pas kha T+wAM ga la gzigs//gdug pa rnam skrag rnam snang cod pan thogs/ /dur khrod rgyan dang ldan la phyag 'tshal lo/ /i las byung ba'i gsang ba'i gau rI ma/ /gzi brjid mi mtshungs gar ldan ro mchog myang / /don dam thugs chud dbu rgyan rin chen tog /spyan gsum thod rlon can la phyag 'tshal lo//A li kA li'i snyoms 'jug rnal 'byor ma/ /bde la rtag dgyes byang chub sems kyi ngang / /'od dpag med kyis dbu brgyan I las skyes/ /gar gyis dgyes pa de la phyag 'tshal lo/ /u las byung ba'i rdo rje mkha' 'gro ma/ /khams gsum dag byed sgrol ma las kyi mchog /don grub dbu brgyan chags pa'i spyan dang ldan/ /mtshungs med chags par ldan la phyag 'tshal lo/ /skye med chos dbyings rnam dag puk+ka sI/ /mi bskyod dbu brgyan dri ma dag mdzad cing / /u las skyes pa brgya phyed phreng ba 'dzin/ /'jig rten zhi mdzad de la phyag 'tshal lo//dus gsum 'dus ma byas pa'i ri khrod ma/ /spros bral dri med rnam snang dbu la bzhugs/ /r-i las 'khrungs pa gar gyis phyogs bcur gzigs/ /chu zla dang mtshungs khyod la phyag 'tshal lo/ /gnas dang nye gnas la sogs bgrod mdzad cing / /'du byed ma lus sreg mdzad tsaN+DalI//rin chen dbu brgyan brjid pas r-I las skyes/ /'dzag pa gsal mdzad ma la phyag 'tshal lo/ /mi gnas mya ngan 'das pa'i bdag nyid las/ /thugs rje skyed mdzad g.yo ba'i Dom+bi nI/ /sgeg mo snang mthas dbu brgyan l-i las byung / /mkha' ltar dri med sku la phyag 'tshal lo//shin tu grag pa'i brda yi skad sbyor zhing / /ru d+hi ra dang an+t+ra la rtag dgyes/ /zhe sdang rdo rjes dbu brgyan l-I las skyes/ /gau rI phyogs bcur gzigs la phyag 'tshal lo/ /chos nyid gsal ba'i yum gyur chom rkun ma/ /mi rtog mnyam nyid 'gro ba'i don la brtson//dbu rgyan gti mug rdo rje mi 'gyur rtags/ /e las bskyed pa de la phyag 'tshal lo/ /'jig rten ma lus chags las dbang du mdzad/ /dpal ldan gzi brjid skyed mdzad be tA lI/ /nga rgyal rdo rjes dbu brgyan ai las skyes/ /snyoms 'jug mi gnas ngang la phyag 'tshal lo//shes rab thabs su ldan pa'i g+ha sma rI/ /de nyid las skyes 'dod chags rdo rjes brgyan/ /o las byung ba drag po las las skyes/ /skye med skye bar bstan la phyag 'tshal lo/ /sgyu ma smig rgyu bzhin du mkha' la spyod/ /bar snang mnga' mdzad he ru ka yi ngang //cod pan snang ba mtha' yas au las skyes/ /thams cad mkhyen cing gzigs la phyag 'tshal lo/ /rnam snang mdzad kyis dbu brgyan sa 'og spyod/ /'og gi 'jig rten ma lus sgrol mdzad ma/ /aM las byung ba'i dur khrod 'jigs pas brgyan/ /thabs mkhas thugs rje can la phyag 'tshal lo//A li kA li zla ba nyi ma kha sbyor sa 'og rnam par dag pa las/ /gri gug thod pa la sogs phyag rgya lnga yis brgyan pa mdzes mdzad cing / /skyil krung phyed pa'i gar ldan gcer bu spyan gsum stag lpags sham thabs can/ /phyag rgya chen po'i sku la rtsa gsum sprul mdzad de la phyag 'tshal lo//bsod nams ye shes chen po las byung sku lnga ye shes lngar ldan 'jigs pa'i gzugs can ma/ /bdag nyid dad pa'i mthu yis rgyu yi yon tan shas tsam mthong nas dad pa'i dbyangs kyis bstod pa yis/ /khams gsum 'khor ba'i rgya mtshor gnas pa'i rnam rtog rlung gis rgya mtsho phyogs bcur g.yeng ba rnams/

CLOSE WINDOW