CLOSE WINDOW

D1306
བོད་ཡིག

bod kyi lo tsA ba dge slong shAkya ye shes kyis bsgyur ba'o// @##/ /rgya gar skad du/ nai ra A t+ma sA d+ha naM nA ma/ bod skad du/ /bdag med ma zhes bya ba'i sgrub pa'i thabs/ bcom ldan 'das bdag med ma la phyag 'tshal lo/ /'khor ba bud med gdul gzigs nas//bdag med rnal 'byor mar bsgyur gang / /thub pas pha rol phyin phyag 'tshal/ /sgyu ma'i phyag rgya phyag 'tshal 'dud/ /rnal 'byor dang po slob dus na/ /nges pa'i gnas bzang brtag byas te/ /gar gnas sngags pas sgrub pa yi/ /sems ni gcig bu mnyam gzhag pa'i//ri dang tshang tshing bya skyibs ni/ /me tog 'bras bu sogs brgyan pa'i/ /rdo rje skyil krung bcas byas la/ /snying gar paM las pad+ma ste/ /de steng raM las nyi dkyil 'khor/ /der ni gsal bar a bsams te/ /de las 'od zer rab 'phros pas/ /rdo rje las byung thugs rje che/ / nam mkhar rje btsun dmigs byas la/ /rgyan rnams thams cad 'dzin pa yi/ /lha mo brgyad kyis mchod par bya/ /gau rI ri bong can 'dzin cing / /chom rkun ma ni nyi ma'i snod/ /ro langs ma ni lag na chu/ /za phod ma ni sman 'dzin cing / /puk+ka sI lag rdo rje ste/ /de bzhin ri khrod ma ro 'dzin//gtum mo cang te'u brdung byas te/ /'di rnams kyis ni gtso bo mchod/ /'dod chags chen po'i rjes chags pas/ /g.yung mos phrag nas 'khyud pa nyid/ /bla mas sangs rgyas rab tu mchod/ /bla ma rdo rje mchod nas ni/ /bdun po yongs su dag pa bya/ /sdig pa byas pa bshags pa dang //byed pa yang ni sdom pa dang / /bsod nams dag la rjes yi rang / /de nas yongs su bsngo bar gyis/ /dkon mchog gsum la skyabs su 'gro/ /byang chub mchog sems bskyed pa dang / /lam la gnas shing bdag kyang ni/ /gzhan gyi don du 'bul ba dang / / gnang nod yang ni tshangs pa yi/ /gnas bzhis sems ni dbugs phyung ste/ /dang po byams pa bsgom par bya/ /gnyis pa snying rje'i bye brag bsgom/ /gsum pa dga' ba bsgom par bya/ /thams cad tha ma btang snyoms so/ /phyis ni byang chub sems brtan bya/ /de nas bsrung pa'i dam tshig go//[(]dad [,]dang [)]po bden brdzun rnam dpyad nas/ /rtog pa bya na bsgom mi nus/ /bskyed pa med par rab sbyor bas/ /bskyed pa 'di ni rab bshad do/ /oM shU nya tA dz+nya' na badzra swa b+hA ba A tam kou0f85haM/ /stong par rab bskyed hUM sngon las/ /sna tshogs rdo rje'i bsam gtan bya/ / 'gro ba'i bdud rnams sel byed pa/ /hUM las gsal bar spro bar bya/ /oM rak+Sha rak+Sha hUM hUM zhes brjod do/ /'di las rdo rjes bskor ba'i gur/ /bla re yang ni bsgom par bya/ /nam mkha'i khams su b+ha ga bsam/ /de yi dbus su bsgom pa ni/ /yaM byung rlung gi dkyil 'khor te//sngon po gzhu bdungs ba dan mtshan/ /raM byung me yi dkyil 'khor ni/ /rdo rje'i phreng bskor gru gsum dmar/ /baM las byung ba'i dkyil 'khor zlum/ /dkar po bum pas bskor ba mtshan/ /laM byung dkyil 'khor gru bzhi ste/ /ser po rdo rje'i phreng bas bskor/ /b+h+rUM las 'khor lo'i steng du bdag /srid pa bar ma bsam byas nas/ /e waM nyid du rab tu 'dres/ /'dres gyur de las byung ba ni/ /sangs rgyas pho brang thun mong yin/ /ngos bzhi pa dang sgo bzhi dang / /rta babs bzhi yis brgyan byas te/ /dra ba dra phyed yang dag ldan/ /ka ba brgyad kyis nye bar mdzes/ / chos 'byung las skyes 'khor lo ni/ /kha sbyor gnyis dang skyon med par/ /ze 'bru la ni gcig nyid de/ /gru gsum las ni gzhan du brjod/ /de yi dbus su ro bsams la/ /bco lnga'i gdan ni bdag nyid do/ /de yi steng du zla ba yin/ /zla ba'i steng du sa bon te/ /phyis ni nyi mas mnan pas so//gnyis su 'dus pa'i bde chen po/ /A li zla ba'i gzugs su gnas/ /kA li nyi ma'i gzugs gnas te/ /zla ba nyi ma gnyis 'dus las/ /gau rI la sogs sa bon ni/ /a A i I u U r-i r-I l-i l-I e ai o au aM/ A li dang po bdag med ma/ /A li gnyis pa rdo rje ste//A li gsum pa gau rI ste/ /bzhi pa chu yi rnal 'byor ma/ /lnga pa rdo rje mkha' 'gro ma/ /drug pa puk+ka sI zhes brjod/ /ri khrod ma ni bdun pa ste/ /gtum mo brgyad par shes par bya/ /dgu pa dang ni g.yung mo nyid/ /yang ni gau rI lnga gnyis pa/ /chom rkun ma ni bcu gcig ste//bcu gnyis ro langs ma zhes bya/ /bcu gsum pa ni za phod ma/ /bcu bzhi sa spyod ma zhes bya/ /bco lnga pa ni mkha' spyod ma/ /rnal 'byor ma rnams sa bon no/ /zla ba me long ye shes ldan/ /mnyam nyid ldan pa rta bdun pa/ /rang lha'i sa bon phyag mtshan ni//so sor rtog pa yin zhes brjod/ /thams cad gcig gyur nan tan te/ /rdzogs pa chos dbyings dag pa ste/ /'di dag thams cad rdzogs pa ni/ /shes rab thabs kyi rang bzhin te/ /zla ba nyi ma rab phye bas/ /A li shes rab kA li thabs/ /gau rI la sogs 'di las byung //dang po nang gi kha sbyar ba/ /nges par rnal 'byor ma lnga gnas/ /dbang po rdo rje gshin gau rI/ /chu bdag chu yi rnal 'byor ma/ /lus ngan rdo rje mkha' 'gro ma/ /dbus su bdag med rnal 'byor ma'o/ /phyi rol gyi ni kha sbyor la/ /dbang ldan du ni puk+ka sI/ /byin za'i grwar ni ri khrod ma//bden bral du ni gtum mo ste/ /rlung gi mtshams su g.yung mo nyid/ /'di dag mtshams kyi rnal 'byor ma/ /shar gyi phyogs su gau rI ste/ /lho dang nub dang byang du ni/ /chom rkun ro langs za phod ma'o/ /'di dag phyogs kyi rnal 'byor ma'o/ /steng zhal ma dang 'og zhal ma//lha mo sa spyod mkha' spyod ma'o/ /kha dog nag mo drag chen mo/ /'khor lo bdag po bdag med ma/ /zhal gcig ma la spyan gsum dmar/ /phyag gnyis skra ser gyen du 'greng / /g.yon pa thod pa kha T+wAM ga /g.yas pa'i phyag gis gri gug 'dzin/ /'khor lo rna cha mgur chu dang //lag gdub dang ni ska rags 'dzin/ /skyil krung phyed pas ro mnan nas/ /stag gi pags pas smad dkris shing / /bdag med rnal 'byor ji bzhin du/ /'di dag thams cad mtshungs par bshad/ /rang snying pad snying sa bon bsam/ /ye shes snying gar ye shes bsgom/ /dgug par byas te yang dag mchod//ye shes 'khor lo bsgom par bya/ /mig la sogs par gti mug sogs/ /rdo rje gsum ni gnas gsum dgod/ /gti mug rdo rje mig gnyis la/ /rna bar zhe sdang rdo rje ma/ /sna la ser sna ma zhes brjod/ /kha la 'dod chags rdo rje ma/ /reg la phrag dog rdo rje ma//yid la rnal 'byor bdag med ma/ /sku gsung de bzhin thugs kyi ni/ /oM dang AH hUM sngags 'di las/ /mkha' spyod ma dang sa spyod ma/ /sa 'og gnas pa'i bsam gtan bya/ /sna tshogs gzugs su yang dag brjod/ /'di ltar rnam par snang mdzad sogs//snying ga'i sa bon 'od zer ni/ /lcags kyu'i rnam pas bde gshegs bkug /lha mo brgyad kyis mchod byas na/ /dbang bskur ba ni blang ba'o/ /bcom ldan de bzhin gshegs pa kun/ /bdag la dbang bskur la sogs gsol/ /de nas he ru ka yi gzugs//de nas bdag la dbang bskur bsam/ /sems dang rtag pa rin chen bdag /snang ba mtha' yas don grub rnams/ /bdag med shar gyi rdo rje sogs/ /rnal 'byor ma lngas rgya yis gdab/ /sems dang rtag pa rin chen bdag /snang mtha' mtshams kyi rnal 'byor ma//zhe sdang gti mug nga rgyal che/ /'dod chags rdo rje phyogs gnas ma/ /rgyas gdab sku dang gsung nyid kyis/ /mkha' spyod ma dang sa spyod ma/ /dang po nag po bsgom par bya/ /gnyis pa dmar po bsgom pa ste/ /gsum pa ser po bsgom pa'o/ /de bzhin bzhi pa ljang gu'o//lnga pa kha dog sngon po'o/ /drug pa dkar por rnam par bsgom/ /rnal 'byor yan lag drug bsgom bya/ /lte bar gtum mo 'bar ba yis/ /de bzhin gshegs pa lnga bsregs te/ /spyan la sogs pa yang bsregs pas/ /bsreg pas haM las ri bong 'dzag /bsam gtan gyis du ba rnal 'byor gang //de ni dag pa rjes dran bya/ /gzugs phung rdo rje ma yin te/ /tshor ba gsang ba gau rI ste/ /de bzhin chu lha 'du shes ma/ /'du byed rdo rje mkha' 'gro ma/ /rnam shes phung po gzugs su ni/ /bdag med rdo rje ma gnas so/ /sa khams puk+ka sI ru brjod/ / chu khams ri khrod ma ru brjod/ /drod ni gtum mo rab tu brjod/ /rlung ni g.yung mor rab tu grags/ /gzugs la gau rI rab tu grags/ /sgra la chom rkun rab tu grags/ /dri yi cha la ro langs ma/ /ro la de bzhin za phod ma/ /reg bya la ni sa spyod de/ /chos kyi khams la mkha' spyod ma//zhe sdang rdo rje mar bshad do/ /'dod chags chu yi rnal 'byor ma/ /phrag dog rdo rje mkha' 'gro ste/ /ser sna gsang ba'i gau rI ma/ /de bzhin gti mug rdo rje ste/ /yid la rdo rje mkha' 'gro ma/ /zhe sdang la sogs dag pa'o/ /skyes pa'i bdud ni mgo bo 'dzin/ /gri gug lha ni gcod pa'o//thod pa nyon mongs mgo bo yi/ /phung po'i bdud ni ror brjod do/ /mi bskyod pa ni 'khor lo'i gzugs/ /snang ba mtha' yas rna cha'i bdag /mgur chu la ni rin chen bdag /lag gdub la ni rtag par brjod/ /ska rags la ni don yod gnas/ /phyag rgya lnga ni rnam par dag /bsam gtan gyis dub gsang sngags bzlas/ /A li mtha' yi a spangs pa/ /oM yig hUM phaT dang ldan pa'i/ /swA hA mthar gzhag gsang sngags so/ /oM a A i I u U r-i r-I l-i l-I e ai o au aM hUM phaT swA hA/ 'dod pa'i don kun sgrub pa dang / / bgegs ni zad cing zhi ba'i phyir/ /'og nas bshad pa'i cho ga yis/ /mi g.yo bas ni gtor ma sbyin/ /rlung me thod pa la gnas pa/ /'bar bas bsro ba la sogs pas/ /sha chen bdud rtsi lnga bsgrub po/ /yi ge gsum gyis byin brlabs pa'i/ /oM in+da/ dza ma/ dza la/ dzak+kha/ b+hU ta/ bah+ni/ ba u/ rak+kha/ tsand/ sU dz+dza/ mA da/ pap+pa/ ta la pa tA lA/ aSh+T+wa/ sap+pa swA hA/ i daM ba liM/ b+huny+dza/ dziM g+ha/ phul+la/ d+hU p+pa/ puSh+ba/ mAM sa/ ping g+ha/ am+ba/ sar+b+ba/ kadz+da/ sA d+ha/ khan+ti/ khu Ni/ phe Da/ ga da/ oM a kA ro mu khaM sarba d+harmA NAM/ A d+ya nu t+pan+na twA ta/ oM AH hUM phaT swA hA/

CLOSE WINDOW