CLOSE WINDOW

D1300
བོད་ཡིག

/bdag dang rnal 'byor thams cad dang / /sems can kun gyi don du bsngo/ /slob dpon chen po kha che rin chen rdo rjes mdzad pa rdzogs so// @##/ /rgya gar skad du/ sarba b+hU ta ba liM bi d+hi nA ma/ bod skad du/ 'byung po thams cad kyi gtor ma'i cho ga zhes bya ba/dpal kye'i rdo rje la phyag 'tshal lo/ /e waM rnam par nges bzhugs pa'i/ /rdo rje sems dpar phyag bya ste/ /rnam 'tshe log 'dren la sogs las/ /sems can bsrung phyir gtor ma brtsam/ /kye yi rdo rjer ldan pa yi/ /rnal 'byor pa yis bsgom bya ba/ /chos kyi 'byung gnas nang du ni//pad+ma 'dab brgyad sum brtsegs la/ /dkar nag dmar po'i oM hUM AH/ /rim par lha chen brgyad dang ni/ /phyogs srung brgyad dang klu chen brgyad/ /pad+ma'i 'dab ltar bskyed bya ste/ /mdun du dbang phyug chen po bskyed/ /g.yas su lha yi dbang bo bsam/ / rgyab tu tshangs pa bskyed bya ste/ /g.yon gyi phyogs su khyab 'jug go/ /me ru 'dod pa'i dbang phyug bskyed/ /srin por tshogs kyi bdag po ste/ /b+h+r-iM gi ri ti rlung mtshams su/ /dbang ldan mtshams su karti ka /mdun gyi 'dab mar brgya byin bsam/ /g.yas su mthar byed dgod par bya'o//chu lha rgyab kyi 'dab ma la'o/ /de ltar g.yon du nor sbyin dgod/ /me yi mtshams su me lha che/ /bden bral du ni srin po'o/ /rlung gi mtshams su rlung lha'o/ /dbang ldan mtshams su 'byung po'i bdag /stobs kyi rgyu dang dung skyong dang / /mtha' yas nor rgyas de bzhin te//'jog po dang ni rigs ldan dang / /pad chen shin tu pad chen po/ /thams cad zhal gcig phyag gnyis te/ /rdo rje dril bu phyag na 'chang / /rang 'od rig mas yang dag 'khyud/ /gdan la g.yas brkyang pa yis bzhugs/ /rang rang thugs ka'i sa bon las/ /'od zer lcags kyu ltar 'phros pas//lha chen brgyad la gzugs khams dang / /gzugs med gnas pa'i lha bsdu'o/ /'dod pa'i khams kyi lha dang mi/ /phyogs srung brgyad la rab tu bsdu/ /ngan 'gro gsum dang lha ma yin/ /klu chen brgyad la bsdu bar bya/ /rang bzhin gnas la bzhugs pa yi//dkyil 'khor ba rnams spyan drang phyir/ /gau rI yis ni dgug byas la/ /tsau rI yis ni zhags pas bcings/ /be tA lI yis lcags sgrog bsdam/ /dril bus mnyes byed g+hasma rI/ /rnal 'byor pa yi thugs ka nas/ /'od zer lcags kyu ltar 'phros nas/ /phyogs bcu'i rgyal ba sras bcas dgug /de la phyi nang gsang mchod de/ /de rnams kyis ni dbang bskur mthar/ /rang rang bdag pos dbu la brgyan/ /lha chen brgyad la rtag pa yis/ /rdo rje yis ni phyogs skyong brgyad/ /gar dbang gis ni klu chen brgyad/ /de la cho gas gtor ma bsgrub/ / rlung dang me yi dkyil 'khor las/ /AH las byung ba'i pad snod bsam/ /der ni b+h+rUM AM dzr-IM khaM hUM/ /go ku da ha na las ni/ /sangs rgyas lnga dang sems can lnga/ /zla ba nyi ma'i bar du bsam/ /nyi dbus hUM byung rdo rje ste/ /'bar ba dang ni spros pa yis/ /'chi med rab tu bsgrub par bya//nang gi rang bzhin 'di bsgoms nas/ /oM AH hUM gis byin brlabs dbul/ /de nas gtor ma gtang ba'i sngags/ /oM in+da/ dza ma/ dza la/ dzak+Sha/b+hU ta/ bah+ni/ ba u/ rak+Sha/ tsan+da/ sru dz+dza/ mA ma/ pap+pa/ ta la/ pA tA li/ AH g+ha srA hA/ de ni gtor ma'i mgron no/ / i daM/ ba liM/ b+hu ny+dza/ dzi g+ha/ phul+la/ d+hU p+pa/ mAM sa/ baM g+ha/ de ni gsol bar zhu ba'o/ /am+ba sarba kAdz+dza sA d+ha khan+ti khu N+Ni pheT gang / de ni don zhu ba'o/ /oM a kA ro mu khaM sarba d+ha rmA NAM/ Ad+ya nu t+pan+na tA ta/ oM AH hUM phaT swA hA/ de ni byin gyis brlabs pa'i sngags so/ /de nas dgyes par byas nas gshegs su gsol/yi ge brgya pa brjod par bya ste/ oM badzra satwa sa ma ya/ ma nu pA la ya/ badzra sa tra twe no pa tiSh+Tha/ dr-i D+ho me b+ha ba/ su to Sh+ya me b+ha ba/ a nu rak+to me b+ha ba/ su poSh+ya me b+ha ba/ sarba sid+d+hi m+me pra yats+tsha/ sarba karmasu ts+tsha me/ tsit+taM shre yaH/ ku ru hUM/ ha ha ha ha hoH b+ha ga bAn/ sarba ta thA ga ta badzra mA me muny+tsa/ badzrI b+ha ba ma hA sa ma ya satwa AH/ gtor ma 'di sbyin zhing rab tu mchod par byed na/ rnal 'byor ba la 'byung po thams cad kyis legs par byed par 'gyur ro/ /de tshe de la bde ba rnyog pa med pa nyid dang / lha mnyes pa dang / 'khor dge bar 'gyur ro/ /gal te 'byung po'i tshogs de la gtor ma byin na/dbang dang mngon spyod dang dgra'i sde gzhig pa dang / bskrad pa dang / dgug pa dang / zhi ba dang / bde ba dang / rgyas par byed par 'gyur ro/ /'byung po thams cad kyi gtor ma'i cho ga slob dpon nag po zhabs kyis mdzad pa rdzogs so// //

CLOSE WINDOW