CLOSE WINDOW

D1294
བོད་ཡིག

/zhes bya ba'o/ /de kho na nyid kyi snang ba rdzogs so/ /kha che'i paN+Di ta so ma nA thas bsgyur te gtan la phab pa'o/ /le'u ston rgya nag gis nan gyis zhus pa'o// @##/ /rgya gar skad du/ he badzra s+ya ha sta bya bar kra ma nA ma/ bod skad du/ dgyes pa rdo rje'i lag tu blang ba'i rim pa zhes bya ba/dpal rdo rje sems dpa' la phyag 'tshal lo/ /de la dang por bdag nyid sgrub pa po blo phun sum tshogs pa dang ldan pas bsam gtan gyi khang par zhugs shing / chos thams cad bdag med par mos te/ phyi'i khrus dang / nang bdud rtsi'i khrus bya'o//de nas ci 'byor pa'i yo byad bsogs pa dang / maN+Dal bya ba dang / ras ris dgram pa dang / dri chab la 'thor 'thung dang nye reg byas shing / oM he badzra a tiSh+ThA na ma ma rak+Sha rak+Sha hUM hUM hUM phaT swA hA/ zhes brjod pas bdag la sogs pa bsrung bar 'gyur ro/ /de nas stan bzang po la 'dug ste/ mchod pa'i yo rnams byin gyis brlab pa dang / oM badzra puSh+pe oM AH hUM/ oM badzra d+hU pe oM AH hUM/ oM badzra A lo ke oM AH hUM/ oM badzra gan+d+he oM AH hUM/ oM badzra nai wi d+ye oM AH hUM zhes pas so/ /mchod rdzas gzhan dag ni oM AH hUM/ zhes pas bdun nam nyi shu rtsa gcig gis so/ /de nas rang gi snying ga'i hUM gi 'od kyis bcom ldan 'das 'khor dang bcas pa spyan drangs te/hUM khyod ni rnal 'byor ma rnams bskor/ /rdo rje mi phyed cig bzhed pa/ /mchog tu dgyes pas gshegs nas kyang / /byin gyis brlab par mdzad du gsol/ /oM badzra gau rI dzaH oM badzra tsau rI hUM/ oM badzra be tA lI baM/oM badzra g+hasma rI hoH zhes brjod pas mngon sum du gsal bar bltas la mchod par bya'o/ /chu dang thang las skyes pa yi/ /lha rdzas bzang po'i me tog 'di/ /gus pa mchog gis bdag 'bul na/ /ci bde bar ni bzhes su gsol/ /oM sarba ta thA ga ta puSh+pe pU dza mi g+ha sa mu dra s+pha ra Na sa ma ye hUM/lha cig skyes dang sbyar ba yi/ /lha rdzas bzang po'i bdug spos 'di/ /gus pa mchog gis bdag 'bul na/ /ci bde bar ni bzhes su gsol/ /oM sarba ta thA ga ta d+hU pe pU dza me g+ha sa mu dra s+pha ra Na sa ma ye hUM/ gdon rnams 'joms shing bkra shis la/ /dge zhing mun sel mar me 'di//gus pa mchog gis bdag 'bul na/ /ci bde bar ni bzhes su gsol/ /oM sarba ta thA ga ta A lo ke pU dza me g+ha sa mu dra s+pha ra Na sa ma ye hUM/ nags tshal bcud ni yid du 'ong / /dri zhim sbyar ba lha yi chu/ /gus pa mchog gis bdag 'bul na/ /ci bde bar ni bzhes su gsol//oM sarba ta thA ga ta gan+d+he pU dza me g+ha sa mu dra s+pha ra Na sa ma ye hUM/ sman rnams bcud ni yid du 'ong / /sngags kyi zhal zas bshos 'di dab/ /gus pa mchog gis bdag 'bul na/ /ci bde bar ni bzhes su gsol/ /oM sarba ta thA ga ta ne wi t+ye pru dza me g+ha sa mu dra s+pha ra Na sa ma ye hUM/de nas lha mo brgyad kyis mchod de/ /gau rI ma ni ri bong 'dzin/ /tsau rI ma ni nyi ma 'dzin/ /be tA lI ni rdo rje chu/ /g+hasma rI ni sman 'dzin cing / /spos mo tsan+dan sdong bu 'dzin/ /ri khrod ma ni sbrang rtsi 'dzin/ /gtum mo cang te'u'i sgra sgrogs shing / /'dod chags chen po'i rjes chags pas//g.yung mos mgul pa nas 'khyud pa/ /skyes bu bzhin du byed par bshad/ /phyi dang nang dang gsang ba dang / /'di rnams kyis ni gtso bo mchod/ /oM sarba ta thA ga ta a nut+ta ra pU dza me g+ha sa mu dra spa ra Na sa ma ye hUM/ de nas bshags pa bya ste/ bdag gi sdig pa bgyis pa dang //rjes su yi rang bgyid stsal gang / /rdzogs sangs rgyas kyi spyan sngar ni/ /thams cad ma lus so sor bshags/ /de nas rjes su yi rang ba byas te/ sangs rgyas byang chub sems rnams dang / /'phags pa nyan thos rang rgyal dang / /so so'i skye bo'i bsod nams de/ / kun la rjes su yi rang ngo / /de nas bsngo ba bya ste/ bdag gi dge ba 'di dag kun/ /bla med byang chub yang dag rdzogs/ /sems can kun dang thun mong du/ /yongs su smin cing rdzogs par bgyi/ /de nas skyabs su gsol te/ rdzogs pa'i sangs rgyas rkang gnyis mchog /de yis gsungs pa'i dam chos dang //byang chub sems dpa'i dge 'dun la/ /byang chub bar du skyabs su mchi/ /de nas smon pa byang chub mchog tu sems bskyed de/ bdag gis bla med byang chub tu/ /yang dag rdzogs par gyur nas ni/ /sems can kun don phan bya'i phyir/ /mi gnas mya ngan 'das la dgod//de nas 'jug pa byang chub mchog tu sems bskyed de/ bdag gis sbyin pa la sogs pa/ /pha rol phyin pa kun rdzogs pas/ /rdo rje theg pa bla med pa'i/ /lam ni yang dag bsten par bya'o/ /de nas tshad med pa bzhi rim pa bzhin du bsgoms la/ ye shes kyi tshogs stong pa'i byang chub tu bsams te/ra ba dang gur la sogs pa'i nang du 'byung bzhi yongs su gyur pa'i gzhal yas khang gru bzhi sgo khyung dang ldan pa'i nang du so so'i gdan dbus su bdud bzhi/ shar phyogs su tshangs pa/ lho phyogs su dbang po/ nub phyogs su nye dbang / byang phyogs su drag po/ byang shar du gshin rje/ shar lhor nor byin/ lho nub tu bden bral/ nub byang du thags bzangs ris kyi steng du nyi ma'i dkyil 'khor bsams la/ oM sarba ta thA ga ta a ni la ya badzra swa b+hA ba A t+ma kou0f85haM zhes brjod do/ /de nas de'i dbus su mngon par byang chub pa rnam pa lnga/zla ba me long ye shes ldan/ /bdun gyi bdun pa mnyam nyid ldan/ /rang lha'i sa bon phyag mtshan ni/ /so sor rtog pa nyid du brjod/ /thams cad gcig gyur bya nan tan/ /rdzogs pa chos dbyings dag pa'o/ /zhes pas rgyu'i rdo rje 'chang sku mdog dkar po rig ma sngon mo dang bcas pa/zhal phyag bcu drug pa phyag rgya lnga dang thal chen gyis lus la brgyan pa bskyed la/ gsang ba'i gnas pad+ma su kha d+ha ra zhes pa la sogs pa dang / oM badzra ma hA de shwa la sogs pas byin gyis brlabs la/ /siM siM zhes pa la sogs pa'i rten cing 'brel bar 'byung bas bskyod la/oM sarba ta thA ga ta u nu rA ga Na badzra swa b+hA ba At+ma kou0f85haM zhes pas rjes su chags pa'i zhu ba las/ rjes su mthun pa'i mngon par byang chub pa rnam pa lngas lha mo'i 'khor lo spro bar bya'o/ /de la gau ri'i ma ni shar gyi gdan gyi steng du sngar gyi bsod nams dang ye shes l as A li kA li ra snang la/de dag gyur pa las zla ba dang nyi ma ste mngon par byang chub pa gnyis pa'o/ /de dag gi nang du zhu bar gyur pa'i g+haM/ zhags pa gri gug tu gyur/ de la g+haM gis mtshan pa zla nyi'i steng du gnas pa ni byang chub pa gsum pa'o/ /de nas sa bon g+haM las 'od zer rnal 'byor ma'i rnam pa'i gzugs su byung ste/sems can thams cad kyi don byas nas slar bsdus pas nyi zla la sogs pa zhu ba ni byang chub pa bzhi pa'o/ /de la gau rI'i gzugs sku mdog nag po drag chen mo la sogs pa rdzogs pa ni byang chub pa lnga pa'o/ /de bzhin du tsau rI la sogs pa gzhan dag la yang sbyar ro//de ltar 'khor bskyed pa'i bya ba rdzogs pa dang / de'i dbus su gtso bo rgyus 'gyur ba ni srid pa bar do/ /yi ge oM AH hUM ho dmar po gnyis kyi bar du bcug pa srid pa par do dri za nye bar 'khor gyi tshul du gnas pa ste/ dga' ldan de'i zhal du zhugs pas pad+ma'i mtha' ru chags shing zhu bas dran pa dang ldan par gyur te/de nyid kyi tshe gtso bo rig ma dang bcas par yang zhu bar gyur to/ /de ltar rgyu rdzogs nas rkyen glus bskul ba ni/ grwa bzhin gnas pa'i lha mo bzhis bskul ba'i las byed pas na/ byams pa la sogs pa'i glu bzhi blang bar bya ste/bzhengs shig rje btsun snying rje'i yid/ /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed mdzod/ /khyod mi bzhugs na bdag 'gum pas/ /dgyes pa'i rdo rje khyod bzhengs shig /stong pa'i rang bzhin nyid spongs la//ri khrod ma 'bras grub par mdzod/ /dga' gtso 'jig rten mgron gnyer nas/ /stong pa nyid la bzhugs sam ci/ /khyod med phyogs ni mi 'tshal bas/ /gdol pa mo bdag zhu ba bgyid/ /bdag gis khyod kyi thugs 'tshal gyis/ /mig 'phrul mnga' ba khyod bzhengs shig /g.yung mo bdag yid dran nyams pas/ /snying rje'i rgyun chad ma mdzad cig /ces pa'i rkyen gyis bskul bas/ /'bras bu'i he ru ka yud tsam gyis mngon par byang chub pa lngas rdzus skyes dang chos mthun par bskyed par bya ste/ de yang zhu ste/ gong bu gnyis su gyur te/ gong bu gcig ni steng 'og gi nyi zla gnyis dang /bar du sa bon hUM las rdo rje gyur/ de las sa bon gyis mtshan/ de las 'od zer rnal 'byor ma'i gzugs spros bsdus pa las gcig tu gyur pa las sku mdog nag po la sogs pa'i mtshan nyid du gyur to/ /de bzhin du bdag med ma la yang oM dang gri gug la sogs pa byang chub pa lnga las gyur to//de ma thag tu zhabs rnams kyi stang stabs la sogs pa gyur pa'i rjes la/ dbus kyi gnas su dkyil 'khor gyi bdag por gyur to/ /de nas yang 'khor rnams kyi sku mdog dang / mtshan ma la sogs pa gsal bar byas pa dang / sems dpa' sum brtsegs bya ste/ de la dpa' bo'i thugs kar paM las pad+ma 'dab ma brgyad pa dang / raM las nyi ma'i steng du hUM las rdo rje'o/ /de la hUM gis mtshan par gyur pa las bskyed pa'i ye shes pa rang dang 'dra ba'o/ /de'i yang thugs kar pad+ma dang nyi ma la hUM yongs su gyur pa'i/ rdo rje la hUM gis mtshan pa'o/ /de bzhin du gzhan dag la yang hUM dang rdo rje sems dpa' sum brtsegs bya ba nyid do/ /de nas gtso bo'i ting nge 'dzin sems dpa' las ye shes kyi 'khor lo mdun gyi nam mkhar spyan drangs te gsal ba de las byung ba'i yid kyis mchod pas mchod nas/ oM sarba ta thA ga ta anut+ta ra pU dza me g+ha sa mu dra spa ra Na ma ye hUM zhes brjod do/ /de nas rdo rje glu dang phyag rgyar bcas pas/ oM badzra gau rI badzra aM ku sha dzaH/ oM badzra tsau tI badzra pA sha hUM/ oM badzra be tA lI badzra s+pho Ta baM/ oM badzra g+hasma rI badzra g+ha N+De hoH zhes pas dgug pa dang gzhug pa dang / bcing ba dang / dbang du byed cing /dam tshig gi 'khor lo dang dbyer med du gyur to/ /de nas dam tshig la ye shes kyi 'khor lo brten zhing nus pa bskyed pa'i don du lha kun gyi skye mched byin gyis brlabs pa dang / sku gsung thugs so/ /de la gtso bo'i mig la maM gyi sa bon no/ /de yang yongs su gyur pa las gti mug rdo rje ma gsal bar bsam zhing /maM mo ha badzri oM AH hUM zhes brjod do/ /rna bar sa bon DaM las zhe sdang rdo rje ma bsam zhing / daM dwe sha badzri oM AH hUM zhes brjod do/ /sna la paM yongs su gyur pa las ser sna rdo rje ma bsam zhing / paM be shu na badzri oM AH hUM zhes brjod do/ /kha la raM yongs su gyur pa las/'dod chags rdo rje ma bsam zhing / rA ga badzre oM AH hUM zhes brjod do/ /lus la oM yongs su gyur pa las phrag dog rdo rje ma bsam zhing / oM iraSh+ya badzra oM AH hUM zhes brjod do/ /snying gar yid la yang sa bon naM yongs su gyur pa las bdag med par bsam zhing /naM nai ra At+ma badzra oM AH hUM zhes brjod do/ /de bzhin du gtso bo'i snying ga dang / lkog ma dang / spyi bor oM AH hUM gi sa bon las/ mkha' spyod sku'i rdo rje ma/ sa spyod gsung gi rdo rje ma/ zhabs 'og gnas pa thugs kyi rdo rje mar gsal bar bskyed cing / oM sarba ta thA ga ta khe tsa ri badzra swa b+hA ba At+ma kou0f85haM/oM sarba ta thA ga ta b+hU tsa ri badzra swa b+hA ba At+ma kou0f85haM/ oM sarba ta thA ga ta pA tA la wa si ni badzra swa b+hA ba At+ma kou0f85haM/ zhes brjod de/ de bzhin du lha kun la yang rim pa bzhin du sbyar ro/ /de nas gtso bo'i thugs ka nas byung ba'i 'od zer gyis mdun gy i nam mkhar byang chub sems dpa' thams cad spyan drangs la/yang 'od zer gyis mchod cing / oM sarba ta thA ga ta a nut+ta ra pU dza me g+ha sa mu dra spa ra Na sa ma ye hUM/ zhes brjod pas mnyes par gyur pa de las/ oM sarba ta thA ga ta a b+hi shi ny+tsa tu maM/ zhes gsol ba btab pas sangs rgyas dang byang chub sems dpa' de dag dpal he ru ka zhal brgyad phyag bcu drug par gyur te/de bzhin gshegs pa lnga zhu ba'i bum pas lha kun la dbang bskur nas/ so sor rigs kyi bdag po dbul bskyed cing / me tog gi char la sogs pa byung ba dang / oM sarba ta thA ga ta ab+hi She ka badzra swa b+hA ba At+ma kou0f85haM zhes brjod do/ /de nas yang rang gi snying ga'i sa bon gyi 'od zer las mchod pa'i lha mo'i tshogs spros nas bdag nyid gtso bo dang bcas pa'i 'khor lo la mchod de/ oM sarba ta thA ga ta pU dza badzra swa b+hA ba Atam kou0f85haM zhes brjod do/ /de nas/ thams cad dngos po'i rang bzhin mchog /ces bya ba la sogs pa 'am/ khyod ni rnal 'byor ma rnams yongs su bskor/ /zhes bya ba la sogs pas 'khor gyis gtso bo la bstod par bsam zhing / bdag nyid kyang glu blang zhing / oM sarba ta thA ga ta pra stu te badzra swa b+hA ba At+ma kou0f85haM zhes brjod do//de nas bdud rtsi myang ba'i chog bya ste/ bdag nyid gtso bo'i nga rgyal dang ldan pas dkyil 'khor gyi lha rnams rang gi ye shes kyi snang ba las gyur pa yin pas na rang dang tha mi dad pa'i nga rgyal bya'o/ /de nas rang gi mdun du 'jig rten pa'i g.yos byed pa'i tshul du kaM yongs su gyur pa las thod pa gsum dang /yaM las rlung ngo / /de nas raM yongs su gyur pa'i me'i steng du/ a yongs su gyur pa'i thod pa'o/ /nang du bdud rtsi'i ri lu'am phye ma myos byed dang sbyar ba la/ bi ra shu ma mu dang / go ku da ha na las bdud rtsi lnga dang / sgron ma lnga'i ngo bor gyur to/ /de'i steng du hUM yongs su gyur pa las rdo rje rgya gram kha chod lta bur bsam mo//de nas rlung gis me bskyod pas thod par bdud rtsi dang sgron ma 'dres shing khol bas rlangs pa lta bu'i 'od zer byung bas de bzhin gshegs pa thams cad kyi thugs ka nas ye shes kyi bdud rtsi bkug ste/ de rdo rje la thim pas zhu nas dam tshig gi bdud rtsi la thim zhing 'dres par gyur to//oM AH hUM zhes lan bdun nam nyi shu rtsa gcig brjod pas byin gyis brlab par bya ste/ de nas dkyil 'khor gyi lha kun rang gi gtso bo ra gsal ba'i thugs kar bskyed cing dmigs pa'am/ yang na rang nyid las gyur pa'i 'od zer lta bu'i snang bar bsams te/rang gi lce la hUM las gyur pa'i rdo rje nas 'bru tsam bsam mo/ /de'i 'od zer sbu gus bdud rtsi'i ro myang zhing / oM sarba ta thA ga ta a mr-i ta su satwa na badzra swa b+hA ba At+ma kou0f85haM/ zhes brjod do/ /de ltar yan lag drug po dag /'khor los sgyur ba drug r nams su//mos dang ldan pas bsgoms gyur na/ /myur du byang chub thob par 'gyur/ /de yi rtags ni 'di yin te/ /dang po sprin dang 'dra ba ni/ /sprin med nam mkha'i bar du'o/ /de nas rdzogs de kho na nyid/ /gtum mo sbar ba la sogs bya/ /rnal 'byor de yis ngal gyur nas/ / de nyid rjes su dran pa dang / /sngags bzlas gtor ma gtang ba dang / /spyod lam lhag par mos pa bya/ /de dag gi don ni 'di yin te/ yan lag drug po zhes pa ni/ /gzhi dang rjes su chags pa dang / /dbang bskur mchod bstod bdud rtsi myang / /'khor los sgyur drug ces pa ni/ /rtag pa rdo rje 'chang ba dang //mi bskyod don yod rin chen 'byung / /'od dpag med pa'am ye shes rnams/ /chos ldan bsgom pa zhes pa ni/ /rnam pa de dag bsgom pa'i tshe/ /mos pa sangs rgyas rang bzhin no/ /myur du byang chub 'thob ces pa ni/ mchog tu gyur pa'i rten 'brel mthu/ / rdo rje sems dpa' mkhyen phyir ro/ /de'i rtags zhes pa ni/ sems brtan de nyid la 'jug dang / /dngos grub 'grub pa'i mtshan ma'o/ /dang po sprin dang 'dra zhes pa ni/ dbang stobs lhan skyes bu mo 'am/ /las kyi phyag rgya mngon du snang / /sprin med nam mkha'i bar du'o/ / zhes pa ni/ sgom dang spyod pa 'bras bu'i stobs/ /phyag rgyal sogs rim bzhin sbyar/ /rdzogs rim de kho na zhes pa ni/ /rim gnyis tshogs pa gcig pa'am/ /brten te byin gyis brlab phyir ro/ /gtum mo sbar ba la sogs zhes pa ni/ /mtshan ma rnam rtog 'joms pa yis//yi ge a ma thig le las/ /'bar ba'i 'od zer byung bas so/ /sogs pa rdzogs rim gzhan yang bsgom/ /rnal 'byor de yis ngal zhes pa ni/ rim pa gnyis kyis ngal gyur na/ dbugs dbyung ba ni rnam pa gsum/ /de nyid rjes su dran zhes pa ni/ bdag nyid lha yi phung po dang //skye mched la sogs lha mor dran/ /he ru ka yi cha byad ni/ /pha rol phyin pa'i rnam dag dran/ /sngags bzlas zhes pa ni/ de la sngags kyi bzlas pa'i tshe/ /bdag nyid rim pa gnyis po dag /tshogs pa gcig tu snang byas nas/ /bdag nyid nam mkha'i ngos gnas pa'i//zla ba lta bu'i bsam gtan mos/ /dkyil 'khor 'khor lo'i bdag nyid ni/ /chu zla lta bur gyur pa'o/ /de la sngags kyi bzlas pa yang / /bdag nyid tshogs pa gcig gyur pas/ /sgra rings gsal ba khri 'bum bzlas/ /de tshe dkyil 'khor pa dag kyang //sgra brnyan brag ca'i tshul du zlos/ /gtor ma btang zhes pa ni/ de la gtor ma'i bya ba ste/ bshad rgyud lung dang man ngag go/ /bdag nyid tshogs pa gcig gyur pas/ /mdun gyi chos 'byung gru gsum du/ /steng 'og pad+ma rim gsum bya/ /steng du tshangs pa la sogs lha//oM skyes mdog dkar rtag pas mtshan/ /rdo rje dril bu 'dzin pa yis/ /rang mtshungs rig la dang ldan pa'o/ /bar gyi pad+ma hUM las byung / /mdog sngon mi bskyod pa yis mtshan/ /rdo rje dril bu 'dzin pa yis/ /rang mtshungs rig ma dang ldan pa'o/ /'og gi pad+mar a las byung //mdog dmar 'od dpag med pas mtshan/ /rdo rje dril bu 'dzin pa yis/ /rang mtshungs rig ma dang ldan pa'o/ /yaM las rlung dang raM las me/ /a las thod par bdud rtsi bsam/ /bdud rtsi sgron ma'i sa bon las/ /rim bzhin bskol bas 'od zer byung / / de yis ye shes bkug byas te/ /de nyid gsum gyi sngags kyis brtan/ /de la sngar gyi mgron rnams kyi/ /lce yi 'od zer sbu gu yis/ /bdud rtsi ro ru gsol bar byed/ /oM in+da/ dza ma/ dza la/ dzak+kha/ b+h+ra ta/ bah+ni/ ba u/ rak+Sha/ tsan+da/ sudz+dza/ ma da/ pa p+pa/ ta la pA tA le/ aT+Ta sap+pa swA hA/i daM ba liM/ b+huny+dza/ dziM g+ha/ phul+la/ d+hU pa/ mAM sa/ piM g+ha/ am+b+ha/ sap+pa/ kadz+dza/ sA da/ khan+ti/ khu Ni/ phe Da/ gA da/ oM a kA ro mu khaM sarba d+ha rmA NAM/ A d+ya nu t+pa n+na twA ta oM AH hUM phaT swA hA/ gal te mtshan phyed tshogs 'khor lo/ /byed na dbugs dbyung bzhi pa ste/ /gnyis 'og gtor ma'i sngon du bya//dang por kun gyis khrus la 'jug /bdud rtsi lnga dang dri zhim byugs/ /gos bzang rus sogs rgyan gyis brgyan/ /so so'i mgo la me tog gzhag /yang na me tog phreng bas bcing / /thig gdab le tsher bya ba dang / /rang rang stan la bde bar 'dug /kun gyi rnal 'byor gsal ba ru//phyogs dang mtshams su lha ru gsal/ /de nas karma badzra yis/ /me tog la sogs mchod pa lnga/ /rnal 'byor kun la rim bzhin bri/ /de nas dkyil 'khor lha rnams la/ /ba liM chen po'i gtor ma bstab/ /bza' dang btung ba'i phud bsdus la/ /lag tu thogs nas 'di skad brjod//oM badzra gau rI ga Na tsa kra a d+hi kh+Sh+rA na/ zhes pa'i glu ni drug 'gyur du/ /lha mo brgyad po rim bzhin du/ /de ltar byin gyis brlab byas la/ /karma badzra phud de rnams/ /gtor chen bskyed gsum ldan par ni/ /ra mgo lug mgo mi mgo can/ /'phan dang ba dan brgyan pas dbul//oM he badzrA d+hi sh+ThA na/ ma hA ba liM ta pra tI ts+tsha ho/ /kha kha khA hi khA hi/ grih+Na grih+Na/ b+huny+dza b+huny+dza pra tI ts+tsha hoH zhes pas glu blang zhing / oM badzra nai ra At+ma/ oM badzra gau rI zhes pa'i ming kun dang sbyar zhing dbul lo/ /de nas karma badzra yis/ /rdo rje slob dpon la sogs pa/ /kun gyi mdun du maN+Dal bya//rdo rje lag kor gar bya zhing / /rdo rje glu yis 'di skad brjod/ /khyod ni rnal 'byor dam pa mchog /bde ba chen po'i ros gang ba/ /de yi rkyen du dbul lags kyis/ /dgyes pa'i mdangs kyis bzhes su gsol/ /de nas bza' dang bca' la sogs/ /khyad par dang ni thun mong du//so sor tshim par gyur nas kyang / /rdo rje gar du glu blangs te/ /tshogs kyi bdag pos sngar byas pa'o/ yang na gzhan dag gis kyang ngo / /oM badzra gau rI hUM/ badzra pU dza a nut+ta ra zhes pa rkang pa gsum gyi glus lha mo brgyad car la sbyar bar bya'o/ /gzhan yang skad cig dga' ba'i glu//rnam pa sna tshogs du ma yi/ /'o dang 'khyud pa la sogs pa/ /rnam pa sna tshogs skad cig ma/ /dga' ba'i longs spyod rab tu 'bul/ /rnam pa sna tshogs du ma yi/ /sgeg dang dpa' la sogs pa rnams/ /rnam par smin pa'i skad cig ma/ mchog dga'i longs spyod rab tu 'bul/ /rnam pa sna tshogs du ma yi/ /bde ba'i ston mo la sogs pa'i/ /rnam pa med pa'i skad cig ma/ /dga' bral longs spyod rab tu 'bul/ /rnam pa sna tshogs du ma yi/ /bde mchog chen po la sogs pa/ /mtshan nyid bral ba'i skad cig ma//lhan skyes longs spyod rab tu 'bul/ /'jig rten ma lus thams cad kyang / /nam mkha' kun gyi rnal 'byor gyis/ /nam mkha'i dam tshig la zhugs te/ thams cad nam mkhar longs spyod pa'o/ /zhes pa yis ni glu blangs la/ /gal te slob ma 'jug 'dod la//tshogs kyi 'khor lo sngon nyid du/ /cung zad bzlas pa'i rjes la bya/ /de yang rdo rje slob dpon gyi/ /las su bya ba 'di yin te/ /sngon du grangs dang mtshan ma'o/ /dus kyi bsnyen pas sbyang bar bya/ /'bum dang khri yis gtso 'khor lo/ /de bzhin zla drug goms pa dang //sngags kyi rab mthong pha rol son/ /gsal bar nus pa'i rnal 'byor ro/ /der ni bsnyen pas mthu bskyed nas/ /sa yi cho ga brtag pa ni/ /phyi dang nang du shes par bya/ /phyi ni tshwa sgo can la sogs/ /ngan pa'i skyon dag spang byas nas/ /grong khyer byang ngam shar du gzhol//mnyam la sogs pa'i yon tan ldan/ /nad ni mtshan ma rmi lam sogs/ /rnal 'byor nus pas rab tu brtag /sbyang ba de bzhin phyi dang nang / /phyi ni 'dom gang lte ba dang / /pus nub tsam du brko byas te/ /'byor pa rab 'bring tha ma yis/ /rdo dang gyo mo sol du ma bsal//de nas nang gi sbyang ba ni/ /ting 'dzin sngags dang phyag rgyas so/ /de nas byin gyis brlab bya ste/ /'og gzhi ri rab rtse mo'am/ /shrI d+ha na la sogs pa yi/ /bde ba can gyi gnas su bsam/ /der gnas pa yi rnal 'byor ni/ /yan lag drug po sngar bzhin bya//de nas sa yi lha mo ni/ /bskyed cing spyan drangs bzhugs pa la/ /ma ma rin chen sna tshogs 'dzin/ /zhes sogs tshig gis dpang por gsol/ /de rjes rnal 'byor ldan pa yi/ /slob dpon la ni grogs mchog gis/ /phyogs bzhi nas bstod gsol ba gdab//de yi dor byas langs te bsrung / /rdo rje lta stangs rdo rje 'gros/ /dengs shig pa dang stang stabs sogs/ /dkyil 'khor cho ga'i gzhung bzhin bya/ /de yi mtshan mo sta gon ni/ /lha dang bum pa slob ma'o/ /de la lha yi bya ba ni/ /dang por karma badzra yis/ /bya ba la ni 'jug pa dang //tshogs bsags pa dang rnal 'byor ni/ /yan lag drug po sngar bzhin bya/ /de nas bdag nyid phun sum tshogs/ /ldan pa'i bla ma la ni 'pho/ /de tshe dri yi thig le dang / /me mar dgu sogs phun tshogs bya/ /de nas bla ma'i rnal 'byor ni/ /gzugs brnyan me tog tshom bu la//ting 'dzin sa bon bdag gis bskyed/ /ye shes bkug la sum bsreg bya/ /de yang rang gi snying ga yi/ /sa bon 'od zer lcags kyu yis/ /mdun du ye shes 'khor lo bsdu/ /yid las byung ba'i mchod pa yis/ /ci rigs mchod cing sngags 'di brjod/ /oM sarba ta thA ga ta a nut+ta ra pU dza me g+ha sa mu dra s+pha ra Na sa ma ye hUM/de nas gau rI la sogs pa'i/ /dzaH hUM baM hoH'i sngags dang ni/ /glur bcas pa yi phyag rgya ni/ /dgug sogs thim pas ye shes 'bar/ /sangs rgyas byang chub sems dpa' ni/ /sgrub ste gzhan la yang ma yin/ / skye mched drug dang sku gsung thugs/ /byin gyis brlab dang dbang bskur ba/ /sngar bzhin byas te mchod pa'i tshogs/ /'dir ni rab tu rgyas par bya/ /bstod dang bdud rtsi myang ba dang / /sngags dang bcas pa sngar bzhin bya/ /de nas yang ni 'di skad brjod/ /gnyis med ye shes las byung ba'i//khyab bdag dngos grub bdag nyid can/ /ston pa gtso bo khrag 'thung la/ /bdag med ma dang yang dag ldan/ /phyogs mtshams rnams kyi mkha' 'gro dang / /rig pa'i lha mo sgyu 'phrul dang / /byang chub sems dpa' la sogs kun/ /ma lus bdag la dgongs su gsol//slob ma la yang phan pa dang / /khyed rnams la yang mchod pa'i phyir/ /rdo rje can dag 'di zhes pas/ /nang par dkyil 'khor bri bar 'tshal/ /rjes su brtse bar nyer dgongs te/ /byin gyis brlab par mdzad du gsol/ /zhes pas lha la gsol ba gdab par bya'o//de nas las kyi rdo rje yis/ /bum pa'i bya ba rab tu brtsam/ /de yang rgyu dang mtshan nyid dang / /sbyang dang byin brlab bya ba lnga/ /de sdom pa yi tshig yin no/ /de la rgyu zhes pa ni/ gser dngul zangs ma la sogs pa'i/ /rin chen las sam 'jim pa'ang rung //mtshan nyid ces pa ni/ lto che mgrin pa ring ba dang / /mchu 'phyang la sogs ra ri med/ /sbyang zhes pa ni/ legs par bkru zhing dkar pos byug /sa bon yang na mtshan ma dgod/ /yungs kar brdeg dang spos kyis bdug /bdud rtsi 'khyil pa'i sngags kyis bsrung / /ras bzang mgul chings kha rgyan la//gzungs thag btags pa'i rdo rje gzhag /de yi nang du chu bzang po/ /'o ma ldan pa gzhug par bya/ /sman lnga ha sa de ba dang / /daN+Da ut+pal kaN+Da kar/ /sha ta pr-i ha pa rtsid/ /byang chub lnga ni rten du gzhug /'bru lnga 'bras dang ma sha sran/ /nas dang gro dang til dkar nas//lha rnams kyi ni rang bzhin no/ /rin chen lnga ni gser dang dngul/ /mu tig gam ni mu men te/ /byi ru g.yas su 'khyil pa'i dung / /lha rnams che ba'i bdag nyid do/ /de bzhin bdud rtsi sgron ma dang / /snying po lnga yang nang du gzhug /de nyid gsum dang ming spel ba'i//sngags kyis so so'i rdzas la gdab/ /oM kalpa br-i k+Sha AH hUM/ oM pany+tsa any+tsa AH hUM/ oM pany+tsa be sha AH hUM/ oM pany+tsa gar+b+ha AH hUM/ oM pany+tsa maM sa AH hUM/ oM pany+tsa a mr-i ta AH hUM/ zhes pa ste/ gzhan la yang de nyid gsum tsam brjod/ /byin brlabs zhes pa ni/ bdag nyid lhar gsal snying ga yi/ /'od zer 'phro 'dus bum pa sbyang / /de nas yi ge b+h+rUM du gyur/ /de las gzhal yas khang du gyur/ /khaM gi yi ge dkar po las/ /bum pa'i nang ni stong par bsam/ /de nas baM yig dmar po las/ /lha snam pad+ma 'dab ma brgyad/ /re phas nyi ma'i gdan bsam bya//dbus su hUM las gtso bo ni/ /rig mar bcas pa gsal bar bskyed/ /gaM tsaM baM g+haM bzhi las ni/ /gau rI la sogs phyogs su'o/ /paM saM laM DaM bzhi po ni/ /yongs gyur mtshams su sbos mo sogs/ /de nas ye shes 'khor lo yang / / gtso bo'i thugs ka nas/ /'od zer gyis ni mdun du dgod/ /de la mchod yon mchod par bya/ /cung zad sngags dang bcas par brjod/ /de nas gau rI la sogs pa/ /dbyer med bstim par bya ba dang / /mchod cing bstod pa sngar bzhin bya/ /bdud rtsi myang ba 'dir mi dgos/ /bya ba zhes pa ni/de nas bzlas pa bya ba ste/ dang po lha mo bzhi yi sngags/ /ru ru s+phu ru la sogs pas/ /bum nang chu la sogs pa'i rdzas/ /'byung ba bzhi yis bsdus pa kun/ /lha mo bzhi ru byin gyis brlab/ /de nas lha yi bzlas pa yang / /brgya'am stong rtsa brgyad du bzlas/ /de tshe bdag gis bsam rgyud ni//snying gar gzung ba'i skud pa nas/ /yi ge hUM la lag pa sbyor/ /de yi 'od kyis pad+ma nas/ /byang sems gyen du drangs gyur te/ /skud pa'i gzugs kyis rdo rjer thim/ /rdo rje bum nang lha la thim/ /lha kun zhu bas bum pa gang / /de nas rol mor bcas pa yis//ras bzang me tog gcal bkram pa'i/ /steng du byin gyis brlabs la gzhag /de ltar rnam rgyal bum pa bzhin/ /bum pa gzhan la'ang lha rer zhu/ /ci rigs pa yi tshogs mchod bya/ /de nas bla ma slob dpon gyis/ /slob ma lhag par gnas par bya/ / sdom ni mtshan nyid bya ba dang / /cho ga smin pa rnam bzhi'o/ /de la mtshan nyid ces pa ni/ /nga rgyal med cing dbang dul la/ /rigs bzang dge ba bcu dang ldan/ /rgyal po'am rang gi bu med pa/ /de nas mtshan nyid ldan pa gzhug /bya ba zhes pa ni/ snga bar khrus dang maN+Dal bya/ /de la sems bskyed sdom pa sbyin//de yi nyin par slob ma ni/ /bsam pa bzang po ldan bzhin du/ /rdzas 'di dag ni nyer bsag bya/ /bum pa'i sman la sogs pa dang / /ku sha srung skud la sogs dang / /gzhan yang mchod pa'i rdzas rnams dang / /tshogs kyi longs spyod la sogs pa'o//cho ga zhes pa ni/ dang por las kyi rdo rje yis/ /tshogs bsags pa dang yan lag drug /bdag nyid ldan pa phun sum tshogs/ /sngar bzhin byas nas bla ma la/ /mos pa'i dbang gis 'pho byas la/ /de nas bla ma mos ldan la/ /slob mas maN+Dal phyag la sogs//byas te gsol ba gdab par bya/ /dga' chen khyod bdag ston pa bas/ /slob dpon khyod ni dgongs su gsol/ /mgon po chen po tshul bstan pa/ /dam tshig de nyid bdag la gsol/ /sangs rgyas chos dang dge 'dun te/ /skyabs gsum dag kyang bdag la gsol//thar pa chen po'i grong mchog tu/ /mgon po bdag ni 'jug par bgyi/ /bu tshur theg pa chen po yi/ /khyod ni tshul chen snod yin te/ /gsang sngags spyod tshul chog 'di/ /khyod la yang dag bshad par bya/ /rdzogs pa'i sangs rgyas gang 'das dang / /de bzhin gang dag ma byon dang //da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag rnams kyis gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa'i mtshan ma rnyed/ /gsang sngags spyod pa mnyam med de//skyob pa dpal ldan he ru kas/ /bdud sde shin tu mi bzad rnams/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sngags mkha' 'gro ma//'khor lor bzhugs pa'i bdag nyid can/ /kun la'ang rtag tu skyabs su mchi/ /dpa' bo dpa' mo dbang lha mo/ /byang chub sems dpa' bdag nyid che/ /khyad par du yang slob dpon la/ /rtag tu bdag ni skyabs su mchi/ /dpal ldan khrag 'thung dpa' bo dang //rnal 'byor ma dang rnam snang sogs/ /byang chub sems dpa' dpag med pa/ /thams cad bdag la dgongs su gsol/ /che ge dus 'di nas bzung ste/ /ji srid bdag med par gnas pa/ /de yi tshangs spyod gnyis med par/ /bdag nyid sdom pa'i legs par bzung //de nas bshags pa la sogs pa/ /gzhan las byung bzhin tshig tu yang / /slob ma dag ni brjod du gzhug /de nas bdag gis tshig bcad 'di/ /rna ru 'bab pa dbyangs su brjod/ /bdag gis sdig pa bgyis pa dang / /bgyid du stsal dang yi rang ba/ /sangs rgyas spyan sngar mchis nas su//de dag thams cad bshags par bgyi/ /sangs rgyas byang sems dpa' dang / /rang rgyal dgra bcom 'gro rnams kyi/ /bsgom dang bzlas brjod bsod nams tshogs/ /de la bdag ni yi rang ngo / /sems bskyed mngon par sangs rgyas dang / /chos kyi 'khor lo bskor ba dang //byang chub sems dpa'i tshogs mchog la/ /de la bdag ni skyabs su mchi/ /sangs rgyas 'byung ba ji lta bar/ /sangs rgyas byang chub sems dpa' yis/ /byang chub sems ni bskyed pa ltar/ /'di nyid du ni sems bskyed do/ /de nas slob mas 'di skad brjod/ /gtso bo bdag la sdom pa gsol//thub pa nyi ma ma lus pa'i/ /sangs rgyas rnams ni bdag la dgongs/ /bdag ming 'di zhes bgyi ba ni/ /slob dpon dpang du gnas pa la/ /sangs rgyas rol pa las byung ba'i/ /mi ldog pa yi 'khor lor sbyor/ /thar pa'i rang bzhin grong khyer che/ /slob dpon bdag ni 'jug par mdzod//de nas bla mas 'di skad brjod/ /rtog pa rnams ni legs par bsdus nas kyang / /shin tu bsam pa bzang po ldan pas nyon/ /brjed ngas blo la rdo rje sems sogs pa'i/ /bde bar gshegs pa rnams kyis byin mi rlob/ /sangs rgyas chos dang dge 'dun te//bla na med pa'i dkon mchog gsum/ /deng nas brtsams te skyabs su song / /'di ni sangs rgyas rigs dag pa'i/ /sdom pa dam tshig yin par gsungs/ /rdo rje dril bu phyag rgya yang / /bla chen khyod kyis gzung bar gyis/ /byang chub sems gang rdo rje de/ /shes rab dril bu zhes bshad do//slob dpon dag kyang gzung bar bgyi/ /'di ni rdo rje'i rigs dag pa'i/ /dam tshig sdom pa yin par gsungs/ /rin chen rigs mchog chen po yi/ /dam tshig yid du 'ong ba la/ /zang zing mi 'jigs chos dang byams/ /sbyin pa rnam bzhi rtag tu sbyin/ /pad+ma'i rigs mchog chen po la//phyi nang gsang ba'i theg pa gsum/ /dam chos khyod kyis gzung bar gyis/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyis/ /mchod pa'i las kyang ci nus kyis/ /gzhan yang bcu bzhi 'di dag ni/ / phas pham par ni rab tu bshad/ /rtsa ba'i ltung ba zhes bshad de/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo / /'dod pa log par mi spyod cing / /brdzun du smra bar mi bya'o/ /phung khrol kun gyi rtsar gyur pa'i/ /chang na rnam par spang bar bya//sems can gdul phyir ma gtogs par/ /bya ba ma yin thams cad spang / /dam pa nye bar bsten bya zhing / /rnal 'byor pa rnams bkur bar bya/ /lus kyi las ni rnam gsum dang / /ngag gi rnam pa bzhi dag dang / /yid kyi rnam pa gsum dag ni//ci nus par ni rjes su spongs/ /theg pa dman la 'dod mi bya/ /'gro ba'i don la rgyab phyogs min/ /'khor bdag kyang mi spang zhing / /rtag tu mya ngan 'das mi chags/ /lha dang lha min gsang ba pa/ /khyod kyis brnyas par mi bya zhing / /phyag rgya bzhon pa mtshon cha dang / / mtshan ma 'gom par mi bya'o/ /'di dag dam tshig yin par gsungs/ /khyod kyis kyang ni bsrung bar gyis/ /de nas slob mas 'di skad brjod/ /mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas sangs rgyas par//bla med bdag la dgongs su gsol/ /ji ltar dus gsum mgon po nas/ /sems can mya ngan las 'das dgod/ /lan gsum du ni brjod par bya/ /de ltar phyi tshul byin brlabs nas/ /man ngag gis ni nang byin brlab/ /de yang slob mas 'di skad brjod/ / bdag ni dge ba'i las rnams 'di dag gis/ /'jig rten mi ring sangs rgyas myur bsgrubs nas/ /sems can 'khor ba'i rgya mtshor bying ba rnams/ /bla med byang chub tu ni bsgral bar bgyi/ /yang na 'di skad brjod du gzhug /de bzhin gshegs pa kun zhi ba/ /de bzhin gshegs pa kun gyi gnas//rdo rje sems dpa' kun gyi mchog /'dren pa bdag la byin gyis rlobs/ /mtshan nyid thams cad yongs su brjod/ /mtshan min thams cad dag pa yang / /kun du bzang po sangs rgyas mchog /'dren pa bdag la byin gyis rlobs/ / yang dag sangs rgyas mchog zhi ba/ /ye shes spyod pa rnam par sbyong / /kun du rdo rje gsum 'byung ba/ /'dren pa bdag la byin gyis rlobs/ /sems can kun gyi sems chen po/ /rang bzhin dag pa'i dri ma med/ /rnam par snang mdzad cher 'byung / /'dren pa bdag la byin gyis rlobs//de dag glur bcas sngags 'di brjod/ /oM sarba ta thA ga ta sI taM/ sarba ta thA ga tA la yaM/ badzra satwa sa mud+b+ha ba haM/ ma mA d+hi ta Sh+Tha na ya kaM /sarba ka la k+Sha saM pU raH/ sarbA lak+Sha na bi brdzi ta/ sa man+ta b+ha dra bud+d+ha ba haM/ ma mA d+hi tiSh+ThA na ya kaM /shAn+ta b+ha rmot+ta lod+b+ha ba/ dz+nyA na tsa ra bi shod+ha kaM /badzra ra li sa mud+b+ha taM/ ma mA a d+hi tiSh+ThA na ya kaM /sarba satwa ma hA tsi t+taM/ shud+d+haH pra kr-i ti ni rma laM/ ma hA bai ro tsa Na bud+d+haM/ ma ma a d+hi tiSh+ThA na ya kaM /de skad brjod cing smad lnga gtugs/ /brkyang phyag btsal te zhus pa dang / /bla mas rang snang rig ma dang / /snyoms par 'jug pa'i 'od zer gyis//slob ma'i sgo gsum dag par sbyang / /slob ma bu ru bya ba'i phyir/ /de nas gsang ba'i gnas su gzhug /ci rigs dbang yang bskur bya ste/ /slar byung lus 'dud spyan sngar ni/ /de la las kyi rdo rje yis/ /dri chab rak+Sha'i sngags kyis bsrung / /spos su ldan pa'i lag pa yis//spyi bor reg nas gnas gsum du/ /de nyid gsum gyi gnas kyis brjod/ /oM bo d+hi tsi t+ta ut+pA da yA mi/ /de ni sngar gyi thun mong la'o/ /oM yo ga tsi t+ta upA da yA mi su ra s+t+waM/ ya thA su khaM/ slob ma kun la de bzhin bya/ /de ltar sems bskyed dang po dang //khyad par rdo rje 'chang ba'i rigs/ /ji ltar bde las gyur pa de/ /sangs rgyas nyid dang sangs rgyas sras/ /de bzhin gshegs pa kun gyi yab/ /de bzhin gshegs pa kun gyi sras/ /bde gshegs sras kyi thu bo'o/ /bde gshegs bka' bzhin byed la sogs//sems bskyed yon tan ldan dag la/ /mgo la me tog sbyin par bya/ /mdun du spos sbyin mar me dang / /dri yi mchod pa snying gar sbyin/ /de bzhin bshos gtsang la sogs pa/ /ci rigs sngags dang phyag rgyas dbul/ /de nas so shing yid du 'ong / /u dum+WA ra a shwa t+tha//b+ha ba ta sogs shing bzang pos/ /mi yo ma chag 'bus ma zos/ /ma rnyings srog chags spangs pa ni/ /sor ni bcu gnyis tshad du bya/ /rtse mor me tog ldan bcings la/ /lci ba la sogs ba byung lngas/ /sa gzhi byugs pa ba ko tsam/ /maN+Dal de yi drung du ni//slob ma langs te 'dug byas nas/ /langs te kha ton dag byas nas/ /ltos pa med par thal sbyar gzung / /shar bltas mi dma' lus mi yo/ /phan tshun mi dor mdun drang por/ /dor ba de la mtshan ma brtag /de yang bla ma'i gdams ngag gis/ /dngos grub phrin las bar chod gsum//dngos grub rab 'bring tha ma gsum/ /dngos grub rab ni shar phyogs dang / /rang la bltas pa las shes bya/ /'bring po gzhan dag tha ma yang / /'og bltas 'dam la me tog zug /de bzhin gnyis po bla ma yi/ /zhal gyi gdams ngag las shes bya'o/ /de nas kha yi nyes bsal ba//dri chu lag pa'i khyor mor sbyin/ /oM de bi shod+ha na d+harmA/ sarba pA pa ni sh+tsa saM sho d+ha ya/ sarba bi kalpa na ya hUM/ zhes pa'i sngags brjod hub gsum btung / de rjes slob mas sems spungs bskyed/ /zab cing rgya che ba yi chos/ /bshad cing bla mas 'di skad brjod/ /'jig rten khams rnams thams cad du//thams cad mkhyen pa 'byung mi 'gyur/ /me tog u m+WA ra bzhin/ /brgya lam na ni res 'ga' 'byung / /de srid phrad dka' 'byung ba yi/ /gnyis med zab mo'i spyod tshul 'di/ /sems can sangs rgyas byed pa yi/ /bskal pa grangs med mang por ni/ /sngon du byas pa'i rnam smin gang //de kun zad par gyur pa ni/ /zab mo'i dkyil 'khor mthong bas so/ /de bzhin gzhan las gsungs pa'ang brjod/ /de nas oM AH hUM zhes pas/ ku sha byin gyis brlabs byas la/ /sngas dang stan du bya ba'o/ /de nas srung skud gdags pa ni/ /srung skud dkar po'am dmar po'am//rak+Sha'i sngags brjod mdud pa drug /dpung pa g.yas sam g.yon du bcing / /de nas me yi mchod sbyin te/ /sbyin sreg cho ga'i rim pa ni/ /bla ma'i gdams ngag la brten pa'i/ /yi ger bris pa gzhan du blta'o/ /de nas tshogs mchod sngar bzhin bya'o//ba liM chen po'ang de bzhin no/ /gdol pa khyi dang bram ze sogs/ /mnyam por gsol ba'i lhag ma bsdu/ /phud dang ba sres la mkha' 'gro ma'i/ /phyi rol dkyil 'khor tshim par bya/ /lag pa g.yas g.yon pad+ma'am/ /'khor lo lta bur bcings byas la/ / rkang pas mnan cing steng du blta/ /gyen du pheM gyi sgra sgrogs shing / /spyan drangs dbyangs dang sngags kyis so/ /oM shing gcig dang ni dur khrod dang / /ri bo dang ni ri sul dang / /grong dang bzhi mdo zhing dang ni/ /khyad par du ni khang stong dang / /sems can gnod dang thang dang ni/ / khyad par du ni chu la gnas/ /nag po drag po drag chen po/ /lha sbyin mnyam du bsten pa dang / /nag po 'jigs dang 'jigs byed pa/ /bka' las 'das dang log 'dren rnams/ /rgan byad ma dang drag mo dang / /'jigs byed ma dang u ma dang / /rgyal dang rnam par rgyal ma dang //mi thub gzhan gyis mi thub pa/ /nag mo bzang mo drag chen mo/ /nag sbom ma dang rnal 'byor ma/ /dbang mo dang ni zla ba mo/ /drag mo sdang mo za ba mo/ /sum cu'i dbang mo 'phrog byed mo/ /mar me 'dzin byed rnal 'byor ma/ /drag mo'i gzugs dang gzugs can mo//mche ba gtsigs dang thod chen ma/ /thod pa'i phreng can kha T+wAM ma/ /sbrul chen ral gri dgra sta ma/ /rdo rje de bzhin gzhu can ma/ /de nyid chen mo mkha' 'gro ma/ /las kun rjes su sgrub byed ma/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ / de bzhin gshegs pa'i sku chen te/ /rdul med rnal 'byor 'byin ma mo/ /rdo rje dbang mo bka' 'di yis/ /thams cad kun nas 'dir spyon cig /oM ka k+ka D+ha na/ bab+ban+d+ha na/ kha kh+khA da na/ sarba du Sh+TA na ha na ha na g+ha g+ha g+hA ta ya/ a mu ka shAn+tiM ku ru hUM hUM hUM phaT badzra swA hA/ de nas ha ho hriH zhes brjod/ha yis mdangs dang kha dog 'phrog /ho yis dri ni zhim pa bsdus/ /hrIH yis pha rol nus pa 'joms/ /kye'i rdo rje mkha' 'gro ma'i tshogs/ /las 'di dag la brtson par gyis/ /bdag la bde legs sdud pa dang / /tshe ring bde ba phun sum tshogs/ /phan dang yid la bde ba dang //grong dang yul 'khor shis par gyis/ /bu dang tsha bo rnams 'phel te/ /rang rang gnas su legs par sdud/ /gzhan yang pha rol rgol ba dag /zhi zhing dbang du bya ba'am/ /dgug dang dbye dang bskrad pa dang / /gsad pa tshar gcad la sogs pa//ci rigs pa yis tshar gcod brjod/ /kye'i rdo rje mkha' 'gro ma'i tshogs/ /dus ni myur ba nyid du brjod/ /oM badzra DA ki nI/ /a ka lo ba si ma sa/ tra yo rat+na A pa ka ri No/ /sarba sha trUM/ gr-i h+Na gr-i h+Na hUM mA ra ya mA ra ya/ ha na ha na hUM/ mA ra na mA ra na phaT/ he he badzra DA ki nI duSh+TA na/kha kha khA hi zhes pas mngon spyod byas nas bsdu/ /sngags 'dis gtor ma dbul bar bya/ /oM badzra DA ki nI bi liM ta pra tI ts+tsha/ kha kha khA hi khA hi b+huny+dza b+hu ny+dza hoH/ de bzhin gzhan yang sbyar bar bya'o/ /phyogs skyong gtor ma sngar bzhin du/ /btang ste smon lam gdab par bya/ dge 'dis/ sems can thams cad sdig med cing / /sangs rgyas nyid dang phrad 'gyur ba'i/ /lam de nyid nas zhugs nas kyang / /ma brgal ba rnams bsgral ba dang / /ma grol ba rnams dgrol bar shog /rnal 'byor gtsug lag dam tshig la/ /da lta nyid du gnas par shog /de bzhin gzhan la 'di skad brjod//dge ba gang thob de dag gis/ /sangs rgyas kun don thams cad ni/ /rdo rje 'chang gi go 'phang de/ /sems can kun gyis thob par shog /byang chub rdo rje'i bsngags pa yang / /rdzogs pa'i sangs rgyas sems spyod dang / /rdzogs pa'i byang chub spyod pa dang //rdzogs sangs rgyas kyi spyod pa gang / /bdag ni de gnyis spyod par shog /gang dang gang du skye ba der/ /ma nyams kye yi rdo rje ston/ /bla ma lha dang mchog gsum dang / /zla ba'i rigs la dga' ba dang / /de dang der ni skye gyur cig /ye shes 'khor lo gshegs pa na/ /oM dz+nyA na maN+Dal muH/zhes pa lan gsum brjod bya zhing / /khu tshur g.yon pa snying gar gzhag /lag pa g.yas pa sa la brkyang / /se gol lan gsum brngabs pa yis/ /phyi rol lha rnams gshegs su gsol/ /de nas dam tshig bdag la bsdu/ /brten pa'i 'khor lo gzhal yas khang //'byung bzhi de la nam mkha' thim/ /lha mo brgyad ni snying ga'i hUM/ /thim nas lha yi nga rgyal gnas/ /de nas bla mas dkyil 'khor gyi/ /nang du zhugs la lha rnams mchod/ /phyogs skyong rnams la gtor ma sbyin/ /slob ma rnams la sta gon gyi/ / gnas de'am nyal khang gzhan yang rung / /seng ge'i nyal stabs rmi lam brtag /smra brjod gzhan dag mi bya bar/ /dgyes rdor yid la byas te nyal/ /de nas sngar langs maN+Dal bya/ /bla mas dri zhing slob mas brjod/ /bzang ngan rab 'bring tha ma ni/ /bla mas shes par byas pa ste//ngan na rtog pa zhi thabs bya/ /bzang na yid dga' spro bskyed do/ /de dag ni lhag par gnas pa sta gon gyi cho ga'o/ /de nas nub gsum pa la 'jug /'jug pa'i yan lag 'jug dngos nyid/ /yan lag dang po thig gdab po/ /slob mar bcas pas sngar langs te//zhi ba'am rgyas pa'i sbyin sreg bya/ /de yang slob dpon mtshan nyid ni/ /yang dag de yi de nyid shes/ /khro ba med cing skyo ba bzod/ /rig bcas phyag rgyar ldan pa yis/ /lha rnams bdun du nam mkha' la/ /zla ba kha sbyar nang du gzhug /dbyangs yig bcu drug rgya yis gdab//de ltar bar gyi mtshams sbyar nas/ /thig gdab pa yi las brtsam bya/ /rin la ma rtseg ras bal gzung / /shes rab mtshan dang ldan pas bkal/ /'jur mdud med cing grog rked spang / /ring thung dkyil 'khor nyis 'gyur la/ /sboms su sgo yi nyi shu cha//srad bu brkyang ba so sor bsog /pad snod dri zhim nang du gzhag /de nas dang por srad bu ni/ /so so rang bzhin med par sgom/ /de la b+h+rUM khaM la sogs pa/ /yig 'bru lngar gyur de dag la/ /rigs lnga'i rgyu'am ngo bor bsam/ /de nas rnal 'byor nyi zla'i mig / 'bar ba'i lcags kyu'i 'od zer gyis/ /ye shes lha yi thugs ka nas/ /ye shes skud pa gnas pa rnams/ /gtso bo dgyes pa'i rdo rje dang / /lha rnams sngags dang gnyis med bzhugs/ /spyan drangs thim pas thig skud bskyed/ /b+h+rUM khaM la sogs sa bon lnga/ /oM hUM sogs kyis sngags brjod la//lag par phyag rgya dang bcas pas/ /oM a n+yo n+yA nu ga ta pa ra spa ra sarba d+hamA/ a n+yo n+yA nu ga ta pra biSh+Ta sarba d+harmA/ a t+ya n+ta a nut+ta ra sarba d+harmA zhes pa brjod cing bsgril bar bya'o/ /de nas thig skud mtha' gnyis dbus/ /oM AH hUM gsum bkod pa yis//byin brlabs nas ni sngags 'di brjod/ /oM badzra sa ma ya sU tra ma ti kra ma hUM zhes pa'i bzlas brjod brgya rtsa brgyad/ /gung mo gnyis sbyar gzung ste bzlas/ /de ltar thig skud bskyed pa dang / /de nas bla mas gtso bor bsam/ /grogs mchog de yi thugs ka nas/ / gau rI'am rig ma yum du sprul/ /de nas bla mas thig skud ni/ /dz+dzaH dz+dzaH zhes brjod de la gtad/ /des kyang dz+dzaH dz+dzaH brjod blang bar bya/ /de nas gnam thig gdab par bya/ /steng nas bzung zhing gyen du bzlog /tshangs thig dang po zur thig sogs/ /ci rigs pa ru gdab par bya/ / de tshe ngag tu sngar gyi sngags/ /brjod pa'am yang na tshig bcad 'di'o/ /'jig rten khams ni ma lus pa'i/ /sangs rgyas sras dang bcas la sogs/ /'gro ba'i don du rnam par sprul/ /khyed rnams kyi ni thugs nyid yin/ /zhes pa brjod nas sa thig gdab/ /de rjes dkar pos gzhal bya ste//tshangs thig dang por gdab pa yang / /slob dpon shar bltas slob ma nub/ /bltas te tshangs thig dang po gdab/ /slob dpon byang bltas tshangs thig gnyis/ /slob dpon shar lho'i mtshams su gnas/ /slob ma byang shar shar ngos gdab//de bzhin bla ma byang nub gnas/ /slob ma lho nub nub ngos gdab/ /bla ma rlung mtshams de nyid gnas/ /slob ma byang shar byang ngos gdab/ /de bzhin skor phyogs rim gyis gdab/ /bla ma shar lho slob ma srin/ /gnas la lho yi ngos thig gdab/ /de bzhin zur thig rim bzhin gdab//de la thig gi cha bgo ba/ /skud pas bgo bar mi bya ste/ /'phel 'grib gnyis kyi nyen yod pas/ /shing bu la sogs drang zhing sra/ /kha ti kha yi ri mos gdod/ /phyogs bzhir bzhi bcu rtsa gnyis pa'i/ /thig rkang las ni re'u mig go/ / sgo khyud thig gi nang rol du/ /pad+ma 'dab ma brgyad par bcas/ /lha yi snam bus ci rigs bskor/ /cha re rdo rje ra ba dang / /me 'od la ni bskor ba'o/ /de yi nang du rta babs dang / /'dod yon snam bu la sogs pas/ /ci rigs par ni bri bar bya/ /de ltar thig zin thig skud mchod//'bar ba'i lta bas sgo dbye zhing / /lha rnams bcas pa gshegs su gsol/ /de dag ni thig gdab pa'i cho ga'o/ /de nas tshon ni rab 'bring tha/ /rin chen lnga'am 'bras la sogs/ /tshon bsgyur dur khrod so phag gam/ /sol ba rul pa'i phye ma sogs/ / b+h+rUM khaM sogs pa'i yig 'bru lnga/ /yongs gyur tshon rtsi lnga ru bsam/ /de nas 'bar ba'i lta ba yis/ /dgyes pa rdo rje 'khor bcas la/ /spyan drangs mchod pa thim par bya/ /oM badzra tsi tra sa ma ya hUM/ zhes pa'ang mang du bzlas pas tshon/ /byin gyis brlabs la mchod pa 'bul//shis par bya phyir dbang ldan mtshams/ /bla mas re khA mdzub gang rang / /dkar dang ser dang dmar dang ljang / /sngon po nang du mnyam zhing drang / /de mchod me tog sil ma gtor/ /de tshe bla mas 'di skad brjod/ /'di ni chos dbyings dag pa ste/ /sems can khams ni sgrol mdzad pa//dpal ldan khrag 'thung rgyal po nyid/ /de bzhin gshegs pa kun gyi gnas/ /zhes so/ /de ltar bya ba'i rim pa ni/ /gzhung las 'di skad 'byung ba ste/ /nyes pa kun las rnam grol bas/ /tshon gyi las ni yang dag brtsam/ /slob dpon gyis ni dang por dgye//phyi nas kun nas slob mas so/ /zhes pas so/ /re khA drang ba'i rim pa yang / /mnyam dang drang dang ma chad sogs/ /de bzhin rigs pas shes par bya'o/ /de'ang lung las 'di skad du/ /bar chad thams cad rab 'joms pa/ /zhes pa dang / gzhan yang //mthe bong dang ni mthe'u chung dpangs/ /drang la mtho bar yang dag bri/ /gal te ri mo mi mnyam na/ /yo zhing dma' dang bcas pa dang / /ri mo dma' bas mi 'grub cing / /yon pos sdug bsngal skyed byed la/ /chad pas slob dpon slob ma dag /gnyi ga 'chi bar shes par bya//zhes pa'o/ /phyogs dang sgo yi rim pa yang / /shar du dkar dang lhor ser po/ /nub dmar byang du ljang gu ste/ /dbus sngo rgyud gzhan dag las gsal/ /dbus su pad+ma 'dab brgyad ni/ /dmar po gdan dang bcas pa bri/ /'dab ma 'phar ma gcig pa la//sgo dang grwa ru khyab pa ru/ /lha yi snam bu bri bar bya/ /phyi rol rta babs la sogs pa/ /dkyil 'khor gzhan dang thun mong bas/ /gzhan dang 'dra bar ci rigs bya/ /de ltar dkyil 'khor bri byas nas/ /'jug pa'i rten du phyag mtshan dgod/ /de yang dang por slob dpon gyis//dgongs mo'i dus su 'chag sar 'gro/ /slar log khrus dang byug pa dang / /gos dang rgyan ni lha mos bskyed/ /rol mo'i sgra dang bcas pa yis/ /sta gon zla ba kha sbyar te/ /dbyangs yig rgya bkrol nam mkha' nas/ /sngags ni so so'i sngags brjod cing / / de la dbus kyi gdan steng du/ /skyes pa'i thod pa'i rgya gram bri/ /sgo bzhir pad+ma 'dab ma la/ /gri gug cang te'u rus sbal sbrul/ /sngo dang dmar ser ljang go rims/ /mtshams bzhi'i pad+ma 'dab ma ru/ /seng ge dge slong 'khor lo rdo rje ni/ /sngo dkar ljang khra rim bzhin dgod//de tshe kun la sngags brjod cing / /bkod pas dkyil 'khor nyis bsres 'gyur/ /de nas bla re rgyal mtshan gdugs/ /ba dan rgyan sogs 'phen rnams bri/ /phyi rol mtshams dang rol mo brdung / /spos dang bcas pas bum pa rnams/ /sta gon gnas nas spyan drangs te//chu dang rin chen sman la sogs/ /bsam pa gzhug cing ting 'dzin bskyed/ /rol mor bcas pas dkyil 'khor la/ /lag tu thogs te lan gsum bskor/ /rnam rgyal bum pa gtso bo'i mdun/ /shar sgo'i g.yas su las thams cad/ /gzhan dag sgo dang mtshams bzhir dgod//de nas bskor ba lan gsum rjes/ /me tog phreng ba lha la dbul/ /nang par lhas sbyin me tog phreng / /de nyid dkar bcas mgo la bcings/ /las kyi byed pa'am khang skyong gis/ /dkyil 'khor nye ba'i sa phyogs su/ /chag chag me tog sil ma dkram//spos sogs mchod yon thams cad dgod/ /rtag tu bla ma la gsol gdab/ /de nas bla mas nye reg dang / /bdud rtsi ri lu kha ru gzhug /stan der 'dug nas dkyil 'khor bsgrub/ /rig dang bcas pas yan lag drug /bsam rgyud ting 'dzin gsal ba dang //las kyi rdo rjes sngar bzhin du/ /rak+Shas bsrung ba nas bzung nas/ /mchod bstod bdud rtsi myang ba'i bar/ /bdag nyid ldan pa phun sum tshogs/ /bla mas kyang ni sngar bzhin du/ /mos pas 'pho dang ting 'dzin ni/ /gzugs brnyan la brten sa bon nam/ / phyag mtshan tsam gyis lha rnams bskyed/ /de ltar dkyil 'khor sum bsres la/ /rang gi snying ga'i sa bon las/ /'od zer phyung ste lha rnams bsdu/ /de la mchod dgug gzhug la sogs/ /sngar bzhin thim pas ye shes 'bar/ /chu dang 'o ma 'dres pa bzhin/ / sangs rgyas byang chub sems dpa' ni/ /bsgrubs te gzhan du yang ma yin/ /de ltar dkyil 'khor bzhi bsres la/ /bla mas mchod dang bstod pa dang / /bdud rtsi myang dang bzlas brjod bya/ /de tshe bla mas bzlas dang bsgom/ /rnal 'byor ldan la slob ma yis/ /maN+Dal sngon 'gro gsol ba gdab//de yi ngor byas bla ma nyid/ /ji ltar slob mas 'jug pa bzhin/ /rim gyis byas te dbang yang yin/ /chu dang dbu rgyan la sogs pa/ /rjes gnang mthar thug rim bzhin no/ /lha yis rjes gnang byin pa yang / /khyod kyis sems can bsdu ba dang / / phan 'dogs dkyil 'khor 'jug pa dang / /dbang bskur dam tshig ldan par gyis/ /zhi sogs las kyis rjes gzung dang / /tshar gcod pa yi sems can kun/ /don rnams ma lus kun gyis shig /dman dang mchog gi dngos grub la/ /skal ba bzhin du rim par sbyor/ / de nas sngon du brtags pa yi/ /slob ma mtshan nyid ldan pa yis/ /'jug dang dbang thob bya phyir brjod/ /dga' chen khyod bdag ston pa pos/ /zhes sogs sngar bzhin brjod pa dang / /bla mas brtse dang ldan pa khyod/ /su yin ci 'dod gang la dga'/ /zhes pa brjod nas slob ma yis//skal ldan bdag lags rnam grol 'tshal/ /bde ba che la bdag dga'o/ /zhes brjod yang ni 'di skad brjod/ /sangs rgyas kun gyi ye shes sku/ /slob dpon la ni skyabs su mchi/ /gtso bo lha mor bcas pa yi/ /lha rnams la yang phyag 'tshal lo//thar pa chen po'i grong mchog tu/ /mgon po bdag ni 'jug par gsol/ /zhes pas slob dpon la gsol ba gdab par bya'o/ /de nas slob dpon gyis 'di skad brjod par bya'o/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni//bdag gis slob ma gzhug par bgyi/ /de nas dkyil 'khor gyi lha la lus ngag yid gsum gyi sgo nas phyag bya ste/ oM na ma te hUM/ oM na ma mi hUM/ oM na mo na ma hUM/ zhes bya ba dang / oM sarba ta thA ga ta kA ya wA ka tsi t+ta pra Na me na badzra ban+d+ha naM ka ro mi/ zhes pas kyang /sgo gsum gus pas phyag byas la/ /de nas sngar bzhin slob ma yis/ /gtso bo bdag la sdom pa gsol/ /thub pa nyi ma la sogs brjod/ /de bzhin sdom pa dam tshig ni/ /sta gon gnas pa sngar bzhin bya/ /de nas bla mas 'di skad brjod/ /deng khyod dpa' bo dang rnal 'byor ma rnams kyi nang du zhugs kyi/ngas khyod la dpal he ru ka'i ye shes bskyed par bya ste/ khyod de bzhin gshegs pa thams cad dang / dpa' bo dang / rnal 'byor ma thams cad kyi dngos grub thob par 'gyur na/ dngos grub gzhan smos kyang ci dgos/ de lta bu'i ye shes bskyed par bya yi/ khyod kyis dkyil 'khor ma mthong ba'i mdun du smra bar mi bya ste/ dam tshig nyams par gyur ta re/ he ru ka dpal deng khyod kyi/ /snying la yang dag gzhug pa ni/ /gal te tshul 'di smras na ni/ /de ma thag tu dral te gshegs/ /de nas ka pA la'i nang du bdud rtsi lnga dang ldan pa'i dam tshig gi chu blud pa ni kye'i rdo rje gzi mdangs dang ldan pas 'di skad brjod do//'di ni khyod kyi dmyal ba'i chu/ /dam tshig bsrungs na dngos grub ni/ /rdo rje bdud rtsi'i chu 'dis grub/ /oM sarba badzra pany+tsa a mr-i ta u da ka hUM/ deng nas brtsams nas khyod kyi dpal he ru ka nga yin gyi gang ngas 'di byos shig ces bsgo ba de khyod kyis bya dgos te/da khyod ngal brnyas pa'i las ma byed cig /byas na khyod kyi mi bde ba ma spangs par/ tshe'i dus byas nas dmyal bar lhung bar gyur ta re/ de nas 'di skad brjod do/ / deng khyod de bzhin gshegs pa thams cad kyi ye shes kyang 'grub par dka' ba ma lags na/ dngos grub gzhan lta smos kyang ci dgos zhes pas yol ba'i nang du drangs te/ ye shes dbab pa bla ma'i man ngag bzhin bya'o/ de nas mthong ba dri ba dang me tog gi phreng ba thogs te/pra tIts+tsha badzra ho/ /zhes brjod cing phreng ba dor ba dang / mig dbye bar bya ste/ oM rdo rje sems dpa' deng khyod kyi/ /mig 'byed pa ni brtson pa ste/ /mig ni thams cad 'byed mdzad pas/ /rdo rje'i mig ni bla na med/ /he badzra pa sh+ya/ de nyid sngags su brjod pa ni/ /oM badzra satwa swa yaM d+ya ya/tsak+ShA d+g+ha T+ta ya ta t+pa ra/ ud+g+ha Ta la ti sarbA k+Sho/ badzra tsa k+Shu rA nut+ta ra/ he badzra pre be sha /de nas gdong g.yogs phud cing 'di skad brjod do/ /da ni dad pa rab tu bskyed/ /dkyil 'khor bzang po 'di la ltos/ /khyod ni rnal 'byor ma rig skyes/ /sngags dang phyag rgyas byin gyis brlabs//'gro ba'i phun sum tshogs kun dang / /dngos grub thams cad mngon du gyur/ /dam tshig thams cad bskyed pa dang / /gsang sngags la yang brtson par gyis/ /zhes brjod pa dang / me tog gang la ltung ba'i lha ngo bstan cing lhag par dbog /sngags bslab cing de kho na nyid bshad par bya'o//de la gzhal yas khang gru bzhir byung ba ni tshad med pa'i rang bzhin gyis rnam par dag pa'o/ /sgo bzhi ni dran pa nye bar gzhag pa bzhi rnam par dag pa'i rang bzhin no/ /rta babs bzhi ni yang dag par spong ba bzhi rnam par dag pa'i rang bzhin no/ / dra ba ni nyon mongs pa chen po rnam par dag pa'o/ /dra ba phyed pa ni nyon mongs pa chung ngu rnam par dag pa'o/ /ka ba brgyad ni/ 'phags pa'i lam yan lag brgyad rnam par dag pa'o/ /dar gyi pa ti la sogs pa'i rgyan rnams ni tshul khrims rnam par dag pa'i mtshan nyid do/ / 'dod pa'i yon tan lnga rnams ni gzugs dang sgra la sogs pa rnam par dag pa'o/ /rdo rjer ba ni zab mo'i chos kyi 'khor lo bskor ba'i rtags so/ /me 'od ni phyi rol gyi bgegs la sogs pas mi tshugs pa'i rtags so/ /bum pa brgyad ni che ba'i yon tan gyis rgyas shing thugs rje chen po'i ngos yongs su gang ba'i rtags so//de nas lha'i de kho na nyid bstan te/ de la bcom ldan 'das dgyes pa'i rdo rje ni rnam par shes pa'i phung po dang zhe sdang rnam par dag pa'i rang bzhin no/ /gau rI ni zhe sdang dang gzugs rnam par dag pa'i rang bzhin no/ /chom rkun ma ni gti mug dang sgra rnam par dag pa'i rang bzhin no//ro langs ma ni nga rgyal dang dri rnam par dag pa'i rang bzhin no/ /g+hasma rI ni 'dod chags dang ro rnam par dag pa'i rang bzhin no/ /puk+ka sI ni zhe sdang dang sa rnam par dag pa'i rang bzhin no/ /ri khrod ma ni gti mug dang chu rnam par dag pa'i rang bzhin no//gtum mo ni nga rgyal dang me rnam par dag pa'i rang bzhin no/ /g.yung mo ni 'dod chags dang rlung rnam par dag pa'i rang bzhin no/ /bdag med rnal 'byor ma ni yab dang mthun no/ /de ltar de kho na nyid bshad nas slob mas maN+Dal sngon du 'gro bas bla ma'i zhabs la gtugs shing yon gyi mchog phul nas dbang bskur ba'i don du gsol ba gdab par bya'o//de yang thun mong gi dbang nod pa yin na/ 'di skad brjod do/ /byang chub rdo rje sangs rgyas la/ /mchod chen ji ltar mdzad pa bzhin/ /bdag kyang rab tu bsgral slad du/ / nam mkha'i rdo rje bdag la gsol/ /'khor ba 'dam gyi tshogs dag tu/ /bying ba skyabs med bdag la skyobs/ /mgon po khyod kyi bka' drin gyis/ /rig pa'i dbang bskur bdag la gsol/ /zhes pa dang / khyad par slob dpon gyi dbang yin na 'di skad brjod par bya ste/ he ru ka dpal dbang bskur ba/ /'gro ba bskyab phyir gzi brjid can/ /ci ltar yon tan 'byung gnas sogs/ /de bzhin bdag la de gsol cig /dpa' bo chen po mi ldog pa'i/ /dbang bskur ba ni bdag la gsol/ /sems can kun gyi don gyi phyir/ /bdag ni rtag tu slob dpon bgyis//zhes pa'o/ /de nas thun mong dang khyad par gyi slob ma rnams tha mal gyi stan dang / khyad par gyi gdan seng ge'i khri'am/ pad+mas mtshan pa gzhag par bya'o/ /gdugs dkar po gser gyi yu ba can phub nas/ slob dpon gyis kyang lha rnams ci rigs par mchod nas/bdud rtsi dang dri'i chu dang nyungs kar lag tu thogs nas bdag nyid nga rgyal dang bcas pas 'di skad brjod/ /nyon cig bar chad bgegs kyi tshogs/ /nga ni dpal ldan rdo rje 'chang / /mtshon cha sna tshogs 'bar ba'i bdag /gdug pa ma lus 'joms par byed//dengs shig bar chad bgegs kyi tshogs/ /nga yi bka' las 'da' ma byed/ /ci ste bka' las 'das gyur na/ /rdul phran bzhin du rlag par byed/ /ces dang / bdag nyid bdud rtsi 'khyil pa'i sngags dang ting nge 'dzin du gnas pas bskrad pa'am/ /rak+Sha la sogs pa'i sngags brjod cing ra ba dang gur la sogs pas bsrung ba'o//de nas slob mas khrus byas shing / stod g.yogs la sogs gos bzangs ldan/ /drug pa rdzogs sangs rgyas kyi dbang / /nod phyi snyim pa me tog gis/ /dkyil 'khor lha yi gtso la 'bul/ oM pra tI ts+tsha badzra ho//zhes pa'i sngags brjod pas so/ /de rjes bla mas me tog blangs/ /slob ma'i mgo la bcings byas la/ /oM d+harmAH kuN+Da a b+hi Shiny+tsa zhes brjod par ni/ /chos kun bsdus shing 'khyil bas ni/ /lhag pa'i lha yin de skad du/ /phreng ba yi dam rgyal ba'i dbang / / sgom phyir dbang bskur dam tshig ldan/ /de rjes las kyi rdo rje yis/ /bum pa'i chu rnams bsdus nas ni/ /bzang po rnam rgyal bum par bsdus/ /de rjes dung chos nyid du'o/ /de nas rnam rgyal chu rgyun gyis/ /dril bu'i sgra dang dbyangs bcas pas/ /dbang skur ba ni 'di skad brjod/ / gsang gsum gnas las byung ba yi/ /khams gsum pa yis dbang bskur/ /sangs rgyas kun gyi chu yi dbang / /deng 'dir khyod la sbyin par bya/ /sangs rgyas kun ni rab bsgrub phyir/ /chu dbang dam pa khyed kyis long / /oM sarba ta thA ga ra u da ka a b+hi Shiny+tsA mi badzra swa b+hA ba A t+ma kou0f85haM/des ni rnam par rtog pa dang / /nyon mongs pa'i dri ma 'khru bar byed do/ /de nas gser la sogs pa'i rin po che dang shing dang ba so la sogs pa'i 'bur mar brkos pa'am/ /thang ka'i ri mo'am dbu rgyan du byas te/ trAM las rin chen 'byung ldan du bsam zhing dgug pa dang gzhug pa la sogs pas ye shes sems dpa' bstims la/mchod pa dang bstod pa dang sngags bzlas pa byas la 'di skad brjod do/ /gsang gsum gnas las byung ba yi/ /khams gsum pa yis dbang bskur ba/ /sangs rgyas kun gyi dbu rgyan dbang //thor tshugs cod pan gyis brgyan pa'i/ /sangs rgyas kun gyis bsngags pa yi/ /rin chen dag gi dbu rgyan dang / /dar dpyangs dbang bskur sbyin par bya/ /oM badzra pa rA ha ka badzra a ral+li hoH/ /de nas yang rdo rje AH las snang ba mtha' yas su bskyed la 'di skad brjod do/ / 'di ni sangs rgyas thams cad kyi/ /he ru ka dpal rgyal po dang / /mkha' 'gro rnams kyi dbang mchog ni/ /de ring khyod la dbang skur ro/ /oM shrI he ru ka a d+hi pa ti s+t+waM a b+hi Shiny+tsa tiSh+tha bI ra sa ma ya s+t+waM/ de nas de nyid brjod pa ni/ /thog mtha' med pa'i sems dpa' ni/ /rdo rje sems dpa' dga' ba che//kun du bzang po kun gyi bdag /rdo rje bsnyems tshul bdag po'i bdag ces pa ste/ /rdo rje'i dbang bskur ba lag pa g.yas par sbyin no/ /de nas dril bu khaM las don yod grub par bskyed la 'di skad brjod do/ /'di ni rnal 'byor ma kun gyi/ /shes rab dbyangs kyi rjes 'gror bshad/ /khyod kyis kyang ni rtag tu zung //byang chub mchog tu rgyal bas bzhed/ /de yi de nyid bshad pa ni/ /srid pa ngo bo nyid kyis dag /ngo bo nyid kyis dngos med byas/ /de bzhin dag pa'i sems dpa' ni/ /srid pa'i dam pa byed par 'gyur/ /badzra sa twa s+t+waM a b+hi Shiny+tsA mi/ zhes pas lag pa g.yon par dung byin la/ de nas ming gi dbang bskur bar bya ste/b+h+rUM las rnam par snang mdzad du bsam/ sangs rgyas kun gyi ming gi dbang / /zhes pa la sogs pa brjod la/ oM badzra shrI he ru ka a d+hi ba ti s+t+waM a b+hi Shiny+tsa mi/ shrI he ru ka nA ma a b+hi She ka ta/ zhes brjod cing rdo rje dril bu mgo'i thad kar sbyin no/ /de nas brtul zhugs kyis brtan par bya'o//'di de sangs rgyas thams cad nyid/ /he ru ka dpal phyag na bsnams/ /khyod kyis kyang ni rtag tu bcang / /he ru ka dpal brtul zhugs brtan/ /rdo rje'i rtse mo nas slob ma 'dzin du bcug la sngags 'di brjod do/ /oM sarba ta thA ta sid+d+ha badzra sa ma ya s+t+waM/ e Sha s+t+waM d+ha ra yA mi hUM swA hA ha ha hi hi zhes brjod la lag par rdo rje rgya gram sbyin no//de nas he ru ka dpal gzugs/ /rang gi dkyil 'khor cho gas sbyin/ /rdo rje slob dpon go 'phang thob/ /he ru ka dpal kha T+wAM ga /rnal 'byor ma ni Da ma ru/ /rdo rje kha T+wAM rdo rjer bcas/ /dril bu sil sil sgra sgrogs shing / /tshangs pa'i skud thogs rnal 'byor bdag /gri gug dang ni ka pA la/ /dpa' bo chen pos blang bar gyis/ /zhes brjod la/ slob ma de g.yas brkyang g.yon bskum pas gnas la/ rdo rje gri gug g.yas su sbyin zhing / dril bu dang Da ma ru dang ka pA la g.yon du sbyin zhing / kha T+rAM ga g.yas phyogs su brten pa sbyin par bya ste/ de lta bu'i che ba'i bdag nyid dag dang ldan par brjod do/ /'dis ni rdo rje slob dpon gyi dbang rjes su gnang ba dang / lung bstan pa dang / dbugs dbyung ba dang ldan zhing phrin las kyang rdzogs par 'gyur te/ zhi ba dang / rgyas pa dang / dbang dang / drag po dang / rengs pa dang / bsgrag pa dang / myos par bya ba dang /gsad pa la sogs pa dang / de rnams la thogs pa med par 'grub par bslab par byos shig /dngos grub 'di dag rdzogs par 'gyur te/ mchil lham bgo ba dang / char dbab pa dang / nyi zla gzung ba la sogs pa 'jig rten pa'i dngos grub dang / 'jig rten las 'das pa'i dngos grub thams cad 'grub par byos shig ces rjes gnang sbyin no//de dag ni bum pa'i dbang ngam/ rdo rje slob dpon gyi dbang rdzogs pa ste/ lus kyi dri ma dag par byed cing byang chub sems dpa' tshogs kyi lam mthar phyin pa dang skal ba mnyam par 'gyur ro/ /de nas dbang bskur ba gnyis pas ni ngag dri ma dag par byed pa dang /sbyor ba'i lam gyi nus pa 'jog /dbang bskur gsum pas sems kyi dri ma dag cing mthong lam gyi nus pa 'jog /dbang bskur ba bzhi pas ni nyon mongs pa dang / nye ba'i nyon mongs pa dag bsgom pa'i lam dang khyad par gyi lam la gnas pa'i nus pa 'jog /dbang bskur ba de dag gis dbang bskur ba'i rim pa ni bla ma'i zhal la ltos par bya ba'i phyir de bzhin gshegs pas kyang dgongs pa sbas pa yin la/ de bas ni dgongs don nyams pa spang ba'i phyir/ bdag gis kyang 'dir yi ger bkod pa ma yin snyam du dgongs so//de dag gis dbang bstan nas/ gang gi tshe rab tu gnas par byed par 'dod na/ de'i don yang 'di yin te/ sdom ni/ shes par bya dang nyams su blang / /'bras bu dang ni rnam pa gsum/ /de la shes par bya ba ni 'di yin te/ rab tu gnas pa thun mong dang khyad par du shes par bya'o//mnga' dbul lha ltar mchod pa dang / /slob ma lta bur dbang bskur ba/ /spyan dbye thun mong gser thur gyis/ /tshigs bcad sngags dang bcas par brjod/ /khyad par spyan ni dbye ba'o/ /zhal bsro ba ni sbyin sreg gis/ /slob ma shis par bya phyir dang / /lha rnams tshim pa'i don du'o//de'i rjes la nyams su blang ba ni 'di yin te/ sngar bzhin bla mar 'os pa la/ slob dpon mtshan nyid dang ldan pas gsol ba gdab pa dang / bsnyen pa dang / sa chog sngar bzhin byas la/ dkyil 'khor me long gi ngos ltar mnyam pa'i steng du'am/ stegs bu gru bzhi'i steng du'o/ / lta gon yo byad thams cad nye bar bsags la/ de la slob dpon du 'os pa ni 'di yin te/ brtan zhing dul ba blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ /dkyil 'khor bri ba'i las la mkhas/ /de nyid bcu ni legs par shes/ /'di ni slob dpon yin zhes bya//de yis bstan pa'i gsang sngags rnams/ /'grub 'gyur 'di la the tshom med/ /ces pa ni/ des kyang cho ga chad pa med par phun sum tshogs par bya ste/ 'di skad du/ cho ga nyams par mi bya ste/ /rab gnas rtag tu smad pa dang / /tshe 'di'i sdug bsngal chen po dang //'jig rten gzhan du 'jigs chen 'byung / /de bas dngos grub 'dod pa yis/ /bdag nyid kyis ni ci nus las/ /de bzhin cho gar gsungs tshul du/ /kun nas rab tu 'bad de bya/ /zhes pa dang / de nas dang po slob ma'am/ sgrub pa'i grogs po rang nyid rgyan dang byug pa la sogs pa dang /mchod yon byin gyis brlab pa dang / yan lag drug gi rnal 'byor bdud rtsi myang ba'i bar du bdag nyid la ldan pa phun sum tshogs pa byas la/ de nas bla mas kyang phun sum tshogs mos pa 'pho ba dang ldan pas rnal 'byor sgrub pa'i grogs mchog bzhin du ting nge 'dzin bskyed pa dang /rang bzhin spyan drangs pa gnyis bsres sam gsum bsres byas la/ mchod pa dang bstod pa dang bdud rtsi myang ba'i bar du sngar bzhin byas nas sku gzugs la sogs pa dag kyang byi dor byas la sngar byi gnas su gzhag go/ /de nas me dang chu nang du yungs kar blugs shing sngags 'di bzlas/lan gsum bskor zhing gtor bar bya/ /sbyang zhing bsrung ba dag tu bya/ /oM he badzra a d+hi tiSh+tha na barba pA paM da ha na he badzrA ya hUM phaT swA hA/ de nas 'bru mar la dUr ba'i pir gyis byug cing / oM sarba ta thA ga ta kA ya bi sho d+ha ni swA hA/ rak+Sha rak+Sha hUM hUM phaT swA hA/ de nas shun lpags lngas dril phyis dang / khrus la sogs pa byas kyang rung / ma byas kyang rung sngar gyi de dag gis rten sbyang ba'o/ /bdug spos thogs shing rol mo dbyangs dang bcas pas sangs rgyas thams cad mdun gyi nam mkha' la dkyil 'khor lha'i rnam par bsdus la 'di skad brjod do//dgyes mdzad rdo rje bcom ldan 'das/ /rig sngags rgyal la phyag 'tshal lo/ /slob ma la yang brtse ba dang / /khyed rnams la yang mchod pa'i phyir/ /thugs rje'i bdag nyid can rab gnas/ /mgon po bdag ni bgyid par 'tshal/ /bcom ldan bdag ni gus pa la/ / de bas gnang ba mdzad par rigs/ /bdag gi ming brjod 'di zhes pas/ /rig pa'i rgyal po 'di zhes bya/ /yo byad ci 'byor pa yis ni/ /nang par rab gnas bgyid par 'tshal/ /bdag dang slob mar bcas pa la/ /thugs brtse bar ni nyer dgongs nas/ /tshogs pa thams cad rab gnas la//byin gyis brlab pa mdzad du gsol/ /zhes pa dang / yang na/ phyogs bcur bzhugs pa'i sangs rgyas dang / /sras bcas 'jig rten rnam grangs dang / /zhes pa la sogs pas gsol ba gdab cing snyim pa'i me tog gtor zhing 'di skad do/ /nam mkhar bzhugs pa'i rdzogs sangs rgyas//me tog bzang po rin chen char/ /sku la rab tu 'bab 'gyur bas/ /kye kye so sor bzhes su gsol/ oM pa ra ma su khA sha ya su la li ti bi lA sa mi te/ na mA mi b+ha ga wAn dzaH hUM baM hoH hi hi hi hi/ pra tI ts+tsha badzra ku su mA ny+dza li nA tha ho/ /ji ltar sangs rgyas thams cad ni//dga' ldan na ni bzhugs pa las/ /lha mo sgyu 'phrul lhums zhugs ltar/ /de bzhin gzugs 'dir khyod bzhugs mdzod/ /'dir bzhugs rtag tu mgon po ni/ /gyur nas me tog la sogs 'di/ /byang chub sems ni 'phel ba'i phyir/ /bdag cag don du bzhes su gsol//zhes brjod de/ de yang dkyil 'khor du 'jug cing dbang nod pa yin na/ sngar bzhin du lha sta gon du gnas pa nyid byas pa ma yin na/ dgon po bsdu ba dag tsam gyis bya'o/ /de bzhin du dbang yin na slob ma lhag gnas la sngar bzhin du bya ba yin la/ ma yin na 'di tsam gyis slob ma lhag par gnas par bya ste/deng dus bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig mnyam pa ru/ /'byung bar bdag nyid the tshom med/ /byang chub sems dang sems gcig las/ /mi ldog par ni bdag gyur te/ /de bzhin gshegs pa'i rigs su ni//deng bdag skye bar the tshom med/ /deng bdag nyid ma dam pa ste/ /bdag gis mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /zhes brjod do/ /de nas gal te rdul tshon ma bris pa'i lhag gnas yin na shin tu snga bar thig dang tshon la sogs pa sngar bzhin du byas la/nyi ma bzang po la rab gnas 'di ltar bya ste/ yang slob dpon grogs dang bcas pas cho ga nyams par mi bya ste zhes bya ba la sogs pa tshigs su bcad pas yo byad thams cad bsog cing bstar ba dang / rgyan thams cad bri ba dang /yang rang nyid grogs dang bcas pas khrus dang byug pa nas gzung ste/ bdud rtsi myang ba'i bar du bdag nyid la ldan pa phun sum tshogs pa sngar bzhin du bya zhing / sku gzugs la sogs byi dor bya ba nas/ shun lpags lnga ste/ dzam+bu ka dang / ka ta dang / bil ba dang / a mra dang / pi tsu pu ri las byung ba'i dril phyis bya ba dang / de bzhin du sngar gyi tshigs su bcad pa dang / de ring rab gnas bgyid par 'tshal/ /zhes pa bcug la/ deng bdag 'dus pa'i mchog yin no/ /zhes pa'i bar du'o/ /zhes brjod do/ /de nas ba byung rnam pa lnga dang ldan pa'i bum pa'i chu la/ oM bi shu d+d+he badzra gro d+ha hUM AM b+h+rUM dzr-IM khaM hUM hUM phaT swA hA/ zhes pas mngon par bzlas pa'i chus khrus bya zhing / rol mo dbyangs dang bcas pas 'di skad brjod par bya'o/ /ji ltar bltams pa tsam gyis ni/ /lha rnams kyis ni khrus gsol ba/ /lha yi chu ni dag pa yis/ /de bzhin bdag gis khrus gsol lo//oM sarba ta thA ga ta a b+hi She ka ta sa ma ya shri ye swA hA/ gzhan yang spyan la sogs pa'i sngags/ oM ru ru s+phu ru la sogs pa yang brjod cing / bkra shis kyi tshigs su bcad pa gang yang rung ba cig gis dbyangs su brjod do/ /de nas ras kyis sku phyi bar bya ste/ bde gshegs sku gzugs dpe dang bral gyis kyang / /'gro ba'i don du sku gzugs cir yang gda'/ /rin chen dbyig ltar nyes pa'i skyon bral zhing / /'jig rten bsnyen bkur ri mo'i tshul gyis ni/ /dri med rgyal ba rnams kyis rab bsngags pa'i/ /ras mchog 'di yis rgyal ba'i sku phyi bas//nyon mongs sgrib pa ma lus kun byang nas/ /sku gsum ngang du bdag cag grub par shog /oM sarba ta thA ga ta badzra wa s+t+ra ye swA hA/ oM tsa tri gan+d+he swA hA/ oM badzra a b+hi Shiny+tsa ni swA hA/ de rab tu gnas pa'i dngos gzhi nyid yin te/ de yang sangs rgyas thams cad gcig bsdus dang / / rab gnas mtshan nyid bzang po nyid/ /ces pa dang / sku gzugs snying gar rab tu gzhug /ces pa dang / bsdu ba'i tshig 'dis shes par bya ste/ ting 'dzin ye shes byin brlabs dang / /dbang bskur ba yi rab gnas bzang / /de la dkyil 'khor gyi ting nge 'dzin ni/ sku gzugs sa bon phyag mtshan nam//skad cig sogs kyis lha yi sku/ /dkyil 'khor lha rnams lugs bzhin bskyed/ /snying ga'i sa bon 'od zer gyis/ /nam mkhar bsdus la mchod cing bstim/ /de nas byin gyis brlab pa ni/ /skye mched drug dang sku gsung thugs/ /byin gyis brlab pa sngar bzhin bya//de nas dbang bskur ba ni/ chu dang dbu rgyan nas gzung ste/ /rjes su gnang ba'i bar du sbyin/ /gzhan yang rin chen bdun la sogs/ /ci rigs par yang dbang bskur bya/ /mnga' dbul ba yang dbang der gtogs/ /de nas spyan dbye ba'i cho ga bya ste/ gser gyi thur ma la sogs pa mar dang sbrang rtsi la bsres te/ spyan dbye zhing 'di skad ces brjod do/ /ji ltar mig mkhan rgyal po yis/ /'jig rten ling tog bsal ba ltar/ /khyod kyis kyang ni mi shes pa'i/ /rab rib rgyal ba rnams kyis bsal/ /zhes pa dang / oM sarba ta thA ga ta tsak+Shu tsak+Shu bi sho d+ha ya swA hA/khyad par du spyan dbye ba ni slob ma la ye shes 'bebs pa ltar 'dir bya'o/ /de nas mda' dbul bar bya ste/ dang por gdugs dang rgyal mtshan dbul bar bya ste/ 'di skad do/ /bde bar gshegs pa'i sku gsung thugs rnam par dag pa'i gzugs brnyan la gdugs phul bas bde bar gshegs pa'i sku gsung thugs rnam par dag pa ni zhal dro zhing byin che/'gro ba skyob pa'i nus pa dang ldan pa yin gyi bdag po la sogs pa khams gsum gyi sems can thams cad nyon mongs pa dang / nye ba'i nyon mongs pa thams cad kyis gdungs pa sel zhing 'gro ba skyob pa'i skal ba dang ldan par gyur cig /ji ltar sngon gyi sangs rgyas la/ /gdugs mdzes gser gyi yu bar ldan/ /phul ba de bzhin bdag 'bul gyi/ /ci bde bar ni bzhes su gsol/ /oM sarba ta thA ga ta tsha traM shri sa ma ye hUM zhes gsum mam bdun gyi bar du brjod do//de bzhin du gzhan dag la yang bsgre zhing sbyar bar bya'o/ /rgyal mtshan yang sngar bzhin mdzad nas/ ji ltar sngon gyi sangs rgyas la/ /bar chod bdud las rgyal ba'i rtags/ /phul ba de bzhin bdag 'bul gyi/ /ci bde bar ni bzhes su gsol/ /oM sarba ta thA ga ta d+h+wa dza ke tu shrI sa ma ye hUM/de nas 'phan dang ba dan dbul te/ /ji ltar sngon gyi sangs rgyas la/ /snyan pa'i ba dan phyogs bcur sgrogs/ /phul ba de bzhin bdag 'bul gyi/ /ci bde bar ni bzhes su gsol/ /oM sarba ta thA ga ta pa tA ka shrI sa ma ye hUM/ de bzhin bla re la sogs pa la yang ngo / /yang khrus byas te mchod pa rnam pa lnga 'bul lo/ /de nas zhal zas 'bul lo/ /de nas mchod pa'i tshig sngar bzhin sbyar la/ sems can thams cad bkres skom dang / mu ge la sogs pa'i bskal pa las thar bar gyur cig /oM sarba ta thA ga ta a ha ra bruM dza shrI sa ma ye hUM/de nas na bza' dbul te/ sems can thams cad gos dang bgo ba la sogs pa'i sdug bsngal dang bral te/ lha'i na bza' pany+tsa li ka reg na bde ba gyon pa'i skal ba dang ldan par gyur cig /oM sarba ta thA ga ta wa s+t+ra nA nA shrI sa ma ye hUM de nas zhal bsro bya ste/de yang sbyin sreg gis bya'o/ /slob ma shis par bya phyir dang / /lha rnams tshim pa'i don du ste/ /de yang sngar bzhin cho ga ltar/ /de nas khyad par du yang nang gi sku gzugs la sogs kyi mchod pa dang tsAru 'i ston mo yang bya'o/ /de'i rjes la mchod gnas su gtad pa ni/ /khyod kyis nga la gsol btab pa//sku gzugs dag ni khyad par du/ /ji skad gsungs bzhin rab gnas pa/ /de ni ngas byas byed du bcug /khyed kyis de ni kun rdzogs par/ /ci bde bar ni mchod par gyis/ /de nas srung ma bsgo ba ni/ /bdag nyid lhag pa'i lhar sbyor bas/ /nag po chen po dgug pa dang //gzhug dang bcing dang dbang du bya/ /de la mchod dang gtor ma sbyin/ /de la bka' lung bsgo bya ba/ /nga yis rab gnas byas pa yi/ /gtsug lag khang la sogs pa 'di/ /ji srid gnas pa de srid du/ /bsrung zhing khyod kyis legs par skyongs/ / dkon mchog 'phags pa'i dge 'dun gyi/ /bka' stsal khyod kyis bsrung ba dang / /ston pa'i bka' dang slob dpon gyi/ /bka' lung bsgo ba legs par srungs/ /de nas bzod gsol bya ste/ rdzogs sangs rgyas dang lha rnams dang / /de sras tshangs sogs lha tshogs kun/ / gang zhig cho ga byas pa ni/ /nongs gyur de dag bzod mdzad rigs/ /de nas gshegs gsol byed 'dod na/ 'di tsam brjod par bya ba ste/ /sbyin bdag rnams la zhi ba dang / /bde legs chen po kun mdzad par/ /sangs rgyas yul du gshegs nas kyang / /slar yang 'gro ba'i don la gshegs//de nas byin brlabs brtan pa brjod/ /gang 'di sku gzugs bskal ba 'am/ /bskal ba brgya las lhag gnas shing / /sa dang me dang chu dang ni/ /rlung las lha rnams kun gyis srungs/ /slob dpon slob mar bcas pa dang / /bu dang tsha bo rnams 'phel te//rab dga' yid bder gyur nas ni/ /rang gnas bzang por rtag tu bzhugs/ /rab gnas spyi yi shes byas na/ /gal te glegs bam ras ris sogs/ /yin na gzhan las gsungs pa bzhin/ /yig 'brur sgyur dang khrus la sogs/ /sngags la sogs pa ci rigs bya//gzhung mangs dogs nas 'dir ma brjod/ /de rjes gzhung rdzogs tshigs bcad brjod/ /gang gis 'di rtsom pa yang bdag ming ni/ /mi mthun phyogs kyis thub dka' mi bskyod la/ /mtha' na rdo rje ldan pas btsas pa'i ming / /ma btsas grags pas bsod nams kun la khyab//mtha' na rgyal mtshan ldan pas snyan pa'i gsung / /gang brtsams gzhung de rab tu grub pa yang / /sgrub ba po yi lag tu bya ba yang / /mtha' ru blang ba ldan pas don kun rdzogs/ /tshigs bcad rkyang ba rnams spras rim pa la/ /mtha' na zhes bya ldan pas grags chen po/ / gang ltar don de rab tu rdzogs pa yang / /mngon rtogs sgrub thabs dbang dang rab gnas yin/ /sgrub thabs dang mthun bla ma'i mngon rtogs la/ /mtha' ru sgrub pa dang ldan dkyil 'khor cho ga rdzogs/ /dri ma dag cing nus 'jog dbang la yang / /mtha' ru rab gnas ldan pas gzhan don rdzogs//gang phyir sbyin pa'i 'bras bu 'grub pa yang / /phrin las dngos grub rang gzhan don du yin/ /de las cung zhig go bzlog 'di shes bya/ /bsten pa mngon rtogs rim par rang don las/ /mtha' nas gzhan don ldan pas sgrub pa'i don/ /dbang bskur ba las 'byung ba'i dngos grub la//phrin las ldan pas rab gnas bzang po yin/ /bod kyi lo tsA bsod nams rgyal mtshan gyis/ /gzhung dag las ni gsungs pa yin mod kyang / /bla mas rang la rang gis gzhan la ste/ /mdzad pa'i rim pa bsdus shing legs par bsgyur/ /rdzogs so// //

CLOSE WINDOW