CLOSE WINDOW

D1284
བོད་ཡིག

@#/ /rgya gar skad du/ pra ti sta bid+hiH bod skad du/ spyan dbye ba'i cho ga /rnal 'byor ma rnams la phyag 'tshal lo/ /rdo rje slob dpon gyis rab tu gnas pa'i las bya ba'i phyir/ cho ga gang gis gang la rab tu gnas pa de'i mtshan nyid bshad par bya'o/ /de yang thams cad la 'thad cing dgos pa ma yin te/skye ba med pa la gang zhig rab tu gnas par bya/ kun rdzob gtso bor spyod pas kyang / de nyid byin rlabs yin shes na/ /rab gnas cho ga mi 'thad do/ /sems can dang po'i las can gyis/ /rgyud rnams yang dag smin phyir byas//de yang slob dpon mthu thob pa dang / ma thob pa'i bye brag gis cho ga bsdus pa dang / rgyas pa'i bye brag gis ci rigs par bla ma'i man ngag la brten pa rnams kyis shes par bya'o/ /de la cho ga rgyas pa ni dang po bsnyen pa gtso bo'i 'bum mam/ 'khor gyi khrir/ de ltar grangs sam/mtshan ma'i bsnyen pa byas la/ dkyil 'khor bri ba'i cho ga dag tshul bzhin du byas la/ khrus sa'i stegs bu brtsigs la/ bum pa rnams bkod la/ bzlas brjod kyi cho ga ni rang gi yi dam gyi lha'i sbyor bas/ mtshan nyid ldan pa'i bum pa las/ /thams cad chu las kham phor du//cung zad blugs te rnam rgyal gyi/ /bum pa paM las skyes pa yi/ /rin po che yi steng du gzhag /der ni dkyil 'khor bskyed bya ste/ /dam tshig bdag nyid rdzogs pa dang / /ye shes dkyil 'khor spyan drangs nas/ /zhal bsil la sogs rim par dbul/ /dam tshig lhan cig bcug byas te//mchod pa rnams kyis tshim byas la/ /me tog spos sogs rol mo yis/ /'bad pa yis kyang mchod par bya/ /dril bu dag ni dkrol ba dang / /bstod pa gshegs kun khrus gsol ba/ /lha yi chu ni dag pa yis/ /de bzhin bdag gis bkru bya'o//oM sarba ta thA ga ta kA ya sa b+hi she ka sa ma ya shri ye hUM/ 'di ni khrus sngags so/ /ras sogs rang rang gsang sngags kyis/ /mnyam par gzhag pas dbul par bya/ /yang na rang gi sngags kyis dbul/ /bzlas te phyag 'tshal gtso bo la/ /oM badzra bA sa se swA hA/ me tog la sogs pa'i sngags su yang 'gyur ro/ /gser la sogs pas snod byas te/ /sbrang rtsi mar sar byugs pa yi/ /gser gyi thur ma yis ni mig /dbye ba'am yang na bsam gtan gyis/ /oM tsak+Shu sa man+ta tsak+Shu bi sho d+ha ni swA hA/ ji ltar rdzogs pa'i sangs rgyas kun/ / dga' ldan yang dag rab bzhugs nas/ /ji ltar lha mo sgyu 'phrul lhu mas/ /de bzhin 'dir gnas bzhugs byas la/ /'dir ni rgyun du zhugs gyur nas/ /mgon po me tog la sogs 'di/ /byang chub sems kyis bsdus pa'i phyir/ /che ge mo yi don du bzhes/ /lha rnams brtan par 'dod pa yis//mgo bo snying ga gsang gnas su/ /rdo rje yis ni bskor byas nas/ /lan gsum bskor te rab gnas bya/ /chad pa'am ni lhag pas kyang / /bdag gis brjod nas gang bgyis pa/ /gang phyir lus can skyabs mdzad pa/ /mgon po khyod kyis bzod par mdzod//ma rnyed pa dang ma shes pa/ /ma lus par yang bzod par mdzod/ /nyungs pa'am gzhan du bgyis pa gang / /de dag bzod par mdzad par rigs/ /zhes pas bzod par gsol la smon lam gdab po/ /mchod rten glegs bam la sogs la/ /kye yi rdo rje 'khor bcas pas//rab tu gnas par bya ba dang / /rnam pa dag ni ci rigs par/ /de nas slob ma rtsa ba'i dkyil 'khor du bcug la/ /ci bde bar ni mchod par bgyis/ /zhes bsgo'o/ /de nas gtor ma dang sbyin sreg gi las bya ste/ de rnams kyi cho ga ni gzhan du shes par bya'o/ /mchod pa dang bstod pa sngon du 'gro bas/ye shes kyi lha gshegs su gsol ba la sogs pa bya'o/ /de ni cho ga rgyas pa'o/ /rdo rje slob dpon nus dang ldan pas ni/ /nyin gcig gi rab tu gnas pa'i cho ga rdzogs par bya ste/ rang gi lha bskyed pa'i rim pa byas la/ rang gi lha'i sngags brgya'am/

CLOSE WINDOW