CLOSE WINDOW

D1277
བོད་ཡིག

dpal ldan rgyal po'i snod thob shog /gsung bsdus pa'i dgyes pa rdo rje'i sgrub thabs rdzogs so// //rgya gar gyi mkhan po su ma ti shrI b+ha dra dang / dge slong shAkya 'od kyis bsgyur// @##/ /rgya gar skad du/ /shrI he badzra a b+hi sa ma ya ti la ka nA ma/ / bod skad du/ dpal kye rdo rje'i mngon par rtogs pa'i thig le zhes bya ba/ bcom ldan 'das dpal kye rdo rje la phyag 'tshal lo/ /grub pa'i dbang phyug sku mdog sngon po mun pa rab 'phrog sna tshogs rdo rjes mtshan pa'i dbu rgyan can/ /dbugs bral 'gyel ba'i brang gi steng dag tu ni gnas pa'i ma zlum dbus su gar mdzad za byed dang //spyi bo las ni skyes pa'i snod dang rig mar bcas la phyag dag rab ster phyag rgya drug dang ldan/ /mgo bo'i phreng ldan 'jigs byed rnam 'gyur dmar ser skra can 'jig rten gsum bskyod dpa' bo khyod la 'dud/ /'dir cho ga dang ldan pas dbang thob pa sngon du song zhing /bla ma la gus la dag pa'i 'tsho ba dang ldan pa bden pa'i ngag la som nyi med pas/ bdud rtsi lnga la sogs pas kha yongs su dag par byas te/ dur khrod la sogs pa yid dang rjes su mthun pa'i gnas 'ga' zhig tu/ sna tshogs rdo rjes mtshan pa'i stan bde ba la gnas pa'i rnal 'byor pas/oM rak+Sha rak+Sha hUM hUM hUM phaT swA hA/ zhes pa'i sngags kyis gnas bsrung bar byas nas/ rang gi snying ga'i nang du raM dmar po las byung ba'i nyi ma'i dkyil 'khor la gnas pa'i hUM yig sngon po nges par bltas la/ de'i yang 'od zer kha dog lnga pa rnams kyis nang snang bar byas te/ ba spu'i khung bu so so nas phyir 'thon pa/ bcom ldan 'das dpal 'jig rten gsum po kun du bskyod pa'i dpa' bo 'chad par 'gyur ba'i gzugs can dang / bla ma rje btsun spyan drangs te/ mdun gyi nam mkhar bzhugs pa la phyag byas nas/snying ga'i sa bon las nges par 'thon pa'i phyi dang gsang ba dang / de kho na nyid kyi mchod pa rnams kyis mchod par byas te/ /de la lha'i me tog dang bdug spos la sogs pa nyer spyod lngas mchod pa ni phyi'i mchod pa'o/ /sa bon de nyid las mngon par spros pa'i gau rI la sogs pa'i lha mo rnams kyis rang gi dam tshig gi rdzas kyis nye bar mchod pa ni gsang ba'i mchod pa ste/de la bcom ldan 'das kyi shar dang lho dang nub dang byang gi phyogs su dkar mo dang chom rkun ma dang ro langs ma dang / g+hasma rI rnams/ nag mo dang btsod ka dang /ser mo dang / ljang gu'i mdog can/ thod par gnas pa'i byang chub kyi sems dang / rang byung me tog dang / rdo rje'i chu dang sman 'dzin pa'o/ /dbang ldan dang me'i phyogs bral du/ puk+ka sI dang ri khrod ma sngon mo dang dkar mo'i kha dog can thod par gnas pa'i dngul chu 'dzin pa'o//gang / puk+ka sI ni rdo rje'i lag /ces brtag gnyis su mngon par brjod pa de la yang / rdo rje sha chen nyid du rnam par bshad do/ /bden bral du tsaN+DalI nam mkha' ltar sngo bsangs ma sgra dang ldan pa'i cang te'u'o/ /'di rnams kyis ni dkar mo la sogs pa rnams kyis te gsang ba'i mchod pa'o//tsaN+DalI'i cang te'us ni phyi'i mchod pa'o zhes kha cig tu rnam par bshad do/ /rlung du g.yung mo sna tshogs pa'i mdog can rang gi lus kyis 'khyud pa ste/ de yang bdag med ma dang lhan cig tu gyur cing mgrin pa nas 'khyud nas/bde ba chen po'i rang bzhin dang ldan par byed pa ni de kho na nyid kyi mchod pa'o/ /gzhan yang de 'dir brjod pa/ mnga' bdag gang zhig bde ba chen pos mchod mdzad ma/ /nang 'khrungs lha mor gcig ste lha mo gzhan ma yin/ /zhes pas thams cad rnal 'byor pa'i rgyud las sprul pa nyid yin te/bdag nyid kyi rgyud las phye ba'i phyir yang yid kyi rang bzhin gyi lus can thogs pa med pas lus gcig la nges par gnas te srid pa bar ma pa bzhin no zhes man ngag go/ /snying po'i bdag med ma bsal nas g.yung mos gtso bo'i mgrin pa nas 'khyud de bde ba chen po'i rang bzhin de kho na nyid kyis mchod pas mchod par byed pa'o zhes 'dod pa'ang mthong ngo //gang lha mo brgyad po rnams kyis gsang bas mchod de slar yang bdag med ma dang lhan cig ro gcig par gyur nas de dang de gnyis su med par gyur pa ni de kho na nyid kyi mchod pa'o zhes pa ni legs pa ma yin te/bya ba dang rjes su mthun pa'i rnam pas logs su phye ba'i phyir te/ 'dod chags chen po'i rjes chags pa/ /g.yung mos sku la 'khyud pa nyid/ /ces rgyud du gsungs pa'i phyir/de'i rjes su rang gi sdig pa bshags pa dang / gzhan gyi bsod nams la rjes su yi rang ba dang / rdzogs pa'i sangs rgyas la chos kyi 'khor lo bskor bar bskul ba dang / mya ngan las 'da' bar bzhed pa'i de bzhin gshegs pa 'khor bar bzhugs par gsol ba dang /yid kyis langs nas phyag 'tshal ba la sogs pa yan lag bdun pa'i chog blan med pa'i rnam grangs can byas nas/ khams gsum po mtha' dag gi bdag nyid can bde ba chen po'i 'byung gnas dpal he ru ka rdo rje ni sangs rgyas dang /des gsungs pa'i sngags dang phyag rgya dang dkyil 'khor la sogs pa rang bzhin gyi gzugs ni chos dang / de'i 'khor lor gnas pa'i rnal 'byor pa'i tshogs dge 'dun la byang chub kyi snying po'i bar du skyabs su mchi'o/ /sems can thams cad kyi don byed pa'i rgyur gyur pa rnam pa thams cad kyi mchog dang ldan pa'i stong pa nyid dang mtshan ma med pa yang dag par rdzogs par rtogs pa'i bde ba chen po'i bdag nyid can du sems bskyed par bgyi'o//bla na med pa'i byang chub kyi lam rdo rje'i theg pa la rtag tu gnas par bgyi'o/ / dpal he ru ka la sogs pa dang / rdo rje btsun mo'i tshogs la bdag nyid dbul bar bgyi'o zhes gsum la skyabs su 'gro ba la sogs pa bdag gi dngos po dbul ba'i mthar thug pa byas nas/ bu gcig pa bzhin du sems can rnams de bzhin nyid du ro gcig pa'i bde ba chen po la sbyor bar 'dod pa'i byams pa dang /rnam par rtog pa'i rgya mtshor bying ba'i sems can skyabs med pa mtha' dag bsgral bar 'dod pa'i rnam pa can gyi snying rje dang / dge ba las skyes pa'i longs spyod spyod pa la sogs pa rnams la mi 'bral bar 'dod pa'i rang bzhin can gyi dga' ba dang /thams cad la khong khro ba rjes mthun dang bcas pa spangs te/ gzhan la phan par 'dod pa'i chos nyid la'ang rang dang gzhan ro mnyam par 'jug pa'i mtshan nyid can gyi btang snyoms bsgoms te/ rnal 'byor pa'i bsod nams kyi tshogs skyed cing ye shes kyi tshogs 'phel ba'i ched du/oM swa b+hA ba shud+d+haH sarba d+ha rmAH swa b+hA ba shud+d+hou0f85haM/ zhes pa'i don mngon sum du gyur par byas shing sngon du bklags nas/ bla ma'i man ngag las chos thams cad stong pa nyid du bsgom mo/ /ji ltar bsdu ba'i rnam pa ni g nyis su 'gyur te/de la 'di'i rnam pa dang po ni/ 'khor thams cad dang / bcom ldan 'das skad cig gis 'od gsal du gzhug pa ni bsdu ba'o/ /gnyis pa ni mchod pa'i lha mo thams cad dang bcas pa'i bcom ldan 'das kyang bdag nyid kyi thugs ka'i sa bon la/de nyi ma la/ nyi ma hUM yig gi U yig la/ U yig ha yig la/ ha yig mgo bo la/ mgo bo zla phyed la/ zla phyed thig le la/ thig le nA da la rab tu gzhug cing / mthar sgom pa po yang skra'i rtse mo brgya stong gi cha tsam du bsgoms nas/ oM shU n+ya tA dz+nyA na badzra swa b+hA ba A t+ma kou0f85haM/zhes pa'i don mngon du gyur par byas nas/ brjod ma thag pa'i kun du spyod pa'i rnam rtog de yang dor bar bya ste/ 'di ni chos thams cad dmigs su med pa'i rang bzhin bcom ldan 'das ma shes rab kyi pha rol tu phyin ma de yin no/ /de nas sngon gyi smon lam gyi byed pa'i dbang las rang bzhin gyi 'od gsal las nam mkha'i rtog pa rnam par rtog pa las stong pa nyid kyi ting nge 'dzin las langs te/de la 'di'i ldang ba'i rim pa ni nam mkhar ra las byung ba'i nyi ma'i dkyil 'khor la hUM yongs su gyur pa'i sna tshogs rdo rje rtse mo gsum pa 'od zer lnga 'phro ba can bsgom par byas nas 'od zer bskal pa 'jig dus kyi me lta bu dang lhan cig thams cad nas 'phros pas sdig pa rnams thal bar byas nas 'bar pa dang ldan pa'i rdo rje'i rab ji srid 'dod par yangs par bskyed pa'i steng du rdo rje'i gur/de'i 'og tu rdo rje'i bla re/ 'og rdo rje'i rang bzhin gyi sa gzhi kun nas sa'i mthil gyi mthar thug par rnam par bsam par bya ste/ rdo rje'i ra ba la sogs pa de rnams kyang bgegs gzhom pa'i don du ste/ 'jig rten pa'i rnam par shes pa dag pa'i rang bzhin du rig par bya'o//de nas rdo rje gur gyi nang du sku dang gsung dang thugs rnam par dag pas zur gsum pa/ sgrib pa thams cad spangs nas ston ka'i zla ba ltar dkar ba/ sku gsum gyi bdag nyid can rdo rje 'dzin pa'i rang bzhin chos kyi 'byung gnas chen po ste/ chos kyi 'byung gnas de ni 'og phra ba steng yangs pa kha dog dkar ba'o//de'i nang du rnam par shes pa brgyad dag pas dur khrod brgyad kyi dbus su/ 'jig rten gyi chos brgyad kyis ma gos pa rnam par dag pas baM yig las skyes pa'i pad+ma 'dab ma sna tshogs pa can gyi ze 'bru la/ bdag med ma nyid kyi phyir chos kyi dbyings rnam par dag pas ro nyal ba'i snying gar/rang gi 'od kyi phreng bas srid pa gsum gyi gzi brjid sgrib cing phan par byed pas nyi ma'i dkyil 'khor dmar ser la/ A li phrag gnyis yongs su gyur pa las me long lta bu'i ye shes kyi rang bzhin thabs kyi ngo bo zla ba/de'i steng du Da D+ha da d+ha ya ra la dang ldan pa'i kA li phrag gnyis yongs su gyur pa las mnyam pa nyid kyi ye shes kyi rang bzhin nyi ma shes rab kyi bdag nyid/ 'gro ba gsum po'i steng du brjid pa dag bzhin du shes rab las sngar dmigs pa'i skyes bu yang gnas pa ste 'dus pa'i bde ba chen por bsam par bya'o//de nas ma dang pha nyi ma dang zla ba kha sbyar ba'i dbus su zhugs pa'i shes rab dang thabs kyi bdag nyid aM hUM sngon po'i sa bon gnyis bsam par bya'o/ /de yongs su gyur pa las gri gug dang rdo rje dag gi lte ba la zla ba dang nyi ma la gnas pa'i sa bon gnyis po de nyid so sor rtog pa'i ye shes kyi rang bzhin du bsgom par byas nas/de'i 'od zer gyi dra bas 'gro ba'i don byas nas de bzhin gshegs pa thams cad mi snang ba'i tshul gyis de nyid la rab tu zhugs te/ de rnams thams cad gcig tu gyur pa bya ba grub pa'i ye shes su bsam par bya'o//zla ba dang nyi ma dang sa bon dang mtshan ma yongs su gyur pa las/ bdag nyid shin tu rnam par dag pa chos kyi dbyings kyi ye shes kyi bdag nyid dpal mgon po 'jig rten gsum kun du bskyod pa byams pa chen po rnam par dag pas sku mdog sngon po/nyon mongs pa zhe sdang gi rtog pa zhig pas sku mdog nag po'o zhes kha cig go/ /gdug pa can 'dul bas khros pa/ gnyis su med pa'i ye shes dag pas zhal gcig pa/ log pa'i lta ba rab tu bcom pas rnam par 'gyur ba'i zhal can/bdud bzhi rab tu 'joms pas mche ba gtsigs shing 'jigs su rung ba bdud mngon par 'ching shing / 'joms pas drag tu rgod pa/ sku dang gsung dang thugs rnam par dag pas spyan gsum pa/ yang na rnam par thams cad kyi lam gsum mthong ba dag pa'o//brtse ba dang ldan pas dmar po'o/ /gdug pa can 'dul ba dag pas dbu skra dmar ser gyen du brdzes pa/ sna tshogs pa rjes su 'dzin pa nyid kyi phyir sna tshogs rdo rjes mtshan pa'i dbu rgyan can no/ /rang bzhin med pa nyid so sor rtog pa'o zhes kha cig go /rigs ldan rnam par dag pas dpa' bo'i thod pa lnga dpral ba'i mtshams su'o/ /tshogs gnyis rnam par dag pas phyag gnyis pa/ g.yas kyis mi shes pa'i ri bo 'byed pa la mkhas pa nyid kyi phyir dang / ye shes lnga ro mnyam par bsgom pa dag pas rdo rje sngon po rtse mo lnga pa 'dzin pa'o//g.yon pas g.yon nyid nas shes rab mal mnyam par 'khyud cing bdud bzhi'i khrag dag pa dang / bde ba chen po dang snying rje'i ro dag pas khrag gis gang zhing rdo rjes mtshan pa'i thod pa 'dzin pa'o/ /bden pa gnyis rnam par dag pas zhabs gnyis pa/sna tshogs chu skyes la gnas pa'i ro nyal ba'i snying gar nyi ma la khams gsum po dmigs pa med cing gsal ba dag pa dang / thabs su gyur pa'i byang chub kyi sems steng du 'gro ba dag pas g.yon pa'i brla la g.yas pa'i zhabs kyi rtse mo gzhag pa'i skyil krung phyed pa'i gar gyis gnas pa/thams cad la kun du khro pa spangs pa dang snying rje chen po'i tshogs dag pas g.yon pa'i zhabs kyi mthe bo'i rtse mos yid song ba'i stan la gnas pa'o/ /chos dang longs spyod rdzogs pa dang sprul pa'i sku dang / gsum rnam par dag pas khro gnyer gsum dang ldan pa yi ge A li kA li lnga bcu dag pas mgo bo sar pa lnga bcu rgyu ma rlon pa la brgyus pa'i phreng bas sku la brgyan pa'o/ /mi bskyod pa dang / 'od dpag med dang / rin chen 'byung ldan dang / rnam par snang mdzad dang / don yod grub pa rnam par dag pas mi'i rus pa las byas pa'i 'khor lo dang / rna rgyan dang / mgul rgyan dang / gdu bu dang / ska rags su grags pa'i phyag rgya lnga 'dzin pa/ rdo rje sems dpa' rnam par dag pas rus pa'i rang bzhin las byung ba'i thal bas byang chub kyi sems kyis yan lag thams cad la khyab pa mtshon pa nyid kyis lus thams cad la byugs pa'i phyag rgya drug pa rnam par 'dzin pa can no//'gro ba mi rtag pa nyid bsregs pas thal bas byugs pa'i sku'o zhes gzhan rnams so/ /rnam par mi rtog pa'i tshangs pa dag pas mi yi skra yi mchod phyir thogs pa can/chags pa la sogs pa rnam par dag pas stag gi pags pa'i sham thabs can no/ /oM yig las skyes pa'i bdag med ma sngon mo/ phyag g.yas kyis dngos po dang dngos po ma yin pa'i rnam par rtog pa gcod pas gri gug / cig shos kyis bde ba chen po dang snying rje chen po'i rang bzhin gyi rdul gyis gang ba'i thod pa 'dzin pa'i rnam par 'phrul pa'o/ /zhal gcig ma can phyag rgya lnga 'dzin ma/ stong pa nyid rnam par dag pas dbyangs lnga bcu'i bdag nyid can gyi mgo bo skam po lnga bcu'i phreng pa can dpral bar thod pa lnga yis brgyan pa/dbu skra dmar ser gyen du 'khyil ba'i tshogs can/ dmar la zlum pa'i spyan gsum dang ldan pa mche ba rnam par gtsigs pa'i zhal can/ ske rags sil bu can ma dang lhan cig yang dag par sbyor ba'i rnal 'byor gyis gnyis su med pa'i bde ba chen pos lus thams cad la bgrod pa'i mthu las ba spu langs pa'i lus can no//g.yung mos sku la 'khyud pa nyid/ /ces kha cig sgrog par byed do/ /srid pa gsum mdzes par gnon pa'i rang bzhin gyis lus kyi longs spyod rgyas shing dam pa'i rol sgeg gi nyams can nyid kyi phyir sgeg pa dang bcas pa'o//'jig rten gsum mnan pa nyid kyi phyir dpa' bo'o/ /mi yi mgo bo'i phreng ba la sogs pa'i rgyan 'dzin pa nyid kyi phyir dang / mnan pa nyid kyi phyir mi sdug pa/ sgeg pa'i rjes su byed pa'i rtse 'jo 'phro ba ni rgod pa/ bskal pa 'jig pa rtsom pa 'byung ba'i nyi ma'i dkyil 'khor shin tu gtum pa la yum dang rtse zhing rnam par rtse bas drag shul can/ lha dang lha ma yin mtha' dag skrag par byed pa'i lus can gyis 'jigs su rung ba/ rtog pa mtha' dag gi mtshan ma med cing bde ba chen po'i rang bzhin nyid du yang sngon gyi smon lam las grub pa phul du byung ba'i sprul pa ma lus pa rnam par spros te/'gro ba'i don phun sum tshogs pa ji lta ba bzhin 'byung ba ni snying rje chen po/ 'gro ba las 'das shing bla na med pa'i lus can nyid ni rngam pa ste rmad du byung ba/chags pa la sogs pa'i nyon mongs pa'i phung po zhi ba nyid kyi phyir dang / thog ma med pa'i gter can nyid kyi phyir zhi bar 'gyur ro/ /bcom ldan 'das kyi nang rnam par dag pa ni/ sha ni puk+ka sI/ khrag ni ri khrod ma/ gdol pa mo khu ba/ g.yung mo rkang dang tshil bu/ pags pa rim pa bdun byang chub kyi yan lag bdun/ rus pa bden pa bzhi'o/ /de bzhin du dam tshig sems dpa'i nga rgyal dang ldan pa'i rnal 'byor pas bcom ldan 'das kyi thugs kyi nang du son pa'i nyi ma la gnas pa'i hUM las skyes pa'i rdo rje'i lte ba'i nang du gnas pa'i nyi ma'i steng du hUM yig /bcom ldan 'das ma'i thugs kar gnas pa'i zla ba la aM yig gi sa bon las skyes pa'i gri gug gi yu ba la gnas pa'i zla ba la aM yig bltas nas/ de dag gi 'od zer spros shing bsdus pas/ mdun gyi lam du ye shes sems dpa' 'bad pa dang bcas pas spyan drangs mdun du bzhugs pa la/snying ga'i sa bon gyi 'od zer las 'phros pa'i gau rI la sogs pa'i lha mo rnams kyis mchod yon phul ba sngon du 'gro bas yang dag par mchod pa dang / yang dag par bstod de/ dzaH yig gis spyan drangs/ hUM yig gis dam tshig sems dpa' byin gyis brlabs pa'i don chu la chu bzhin du bcug /baM yig gis bcings/ hoH yig gis dbang du byas te/ de nas bar ma chad par snying ga'i sa bon gyi 'od zer lcags kyu'i rnam pas sangs rgyas thams cad spyan drangs te/ sngar bzhin ma mo brgyad kyis mngon par mchod cing bkur stir byas te/byang chub rdo rjes sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol/ /a b+hi Shiny+tsan+tu mAM sarba ta thA ga ta/ zhes so/ /de nas sangs rgyas de rnams he ru ka'i rnam pas//sangs rgyas rnams ni thams cad kyi/ /gsang gsum gnas las byung ba yi/ /khams gsum pa yis phyag byas pa/ /rdo rje'i dbang bskur chen po sbyin/ /oM sarba ta thA ga ta a b+hi She ka sa ma ya shri ye hUM zhes gsungs shing / bdud rtsi lnga 'dzin pa'i de bzhin gshegs pa lnga'i bdag nyid kyi bum pas de la gnas pa'i dri ma dang sgrib pa thams cad zad par byas te/lan pa med cing mngon par mtshams sbyor ba med pa'i ye shes kyi chu rnams kyis mngon par dbang bskur bar bya'o/ /dbang bskur ba'i dus nyid du gur gum dang me tog la sogs pa'i char 'bab cing /rnga bo che'i sgra yang 'byung bar 'gyur ro/ /gzugs rdo rje ma la sogs pa rnams kyis mchod par bya zhing 'chad par 'gyur ba'i rdo rje'i glus spyan ma la sogs pa rnams kyis bstod par bya ste/ dbang bskur ba'i chu lhag ma rang gi rigs kyi bdag por bsgoms te/ de las kun du byang ba 'tsho ba rnam par dag pas bcom ldan 'das dang bcom ldan 'das ma'i spyi bor mi bskyod pa bskyed par bya'o/ /de nas/ oM sarba ta thA ga ta a b+hi She ka badzra swa b+hA ba A t+ma kou0f85haM/ zhes dbang bskur ba lhag par brtan par bya'o//de nas bar ma chad par dbang po rnams su go cha byas te/ de la mig tu gti mug rdo rje ma'i ming can dang mtshungs pa dkar mo'o/ /rna ba dag la zhe sdang rdo rje ma bdag med ma'i ming can dang mtshungs pa nag mo/ /sna'i bu ga dag la ser sna rdo rje ma nang gi gsang ba'i dkar mo'i ming can dang mtshungs pa ser mo/kha la 'dod chags rdo rje ma nang gi chu'i rnal 'byor ma dang 'dra ba dmar mo/ lus la phrag dog rdo rje rdo rje mkha' 'gro ma zhes kyang grags pa bzhin ljang gu/ yid la bdag med rnal 'byor ma bdag med ma'i ming can ma bzhin nag mo'o//'di rnams kyang grangs ji lta ba bzhin du/ AM aM IM IM uM gi sa bon las skyes pa/ zhal gcig pa/ spyan gsum pa/ g.yas pa dang cig shos kyi phyag dag gis gri gug dang thod pa 'dzin pa/ro la gnas pa'i zla ba la bzhugs par bsgom par bya zhing / spyi bo dang mgrin pa dang snying ga rnams su yang / oM AH hUM gi yi ge las skyes ba'i dkar po dmar po nag po'i mdog can ma/ 'jig rten gsum las byung bas spyod ma dang mkha' spyod ma dang bdag med ma bsam par bya'o//oM aM aM gi sa bon las skyes pa'o zhes kha cig go/ /dbyibs ni gti mug rdo rje ma la sogs pa bzhin no/ /de bzhin du re zhig mtsho skyes rdo rje'i rim pas/ ye shes sems dpa' bcug /dbang bskur/ go cha'i rim pa nges par mthong ngo / /lU yi pa'i zhabs kyi mngon par rtogs par ni/go cha'i bar ma chad par ye shes sems dpa' bcug /de nas dbang bskur ro zhes go rims so/ /de bzhin du shAn+ti pa'i dgongs pa'i rjes su 'brang ba'i kye rdo rje phyag gnyis pa'i sgrub thabs su yang bris so/ /rnam par dag pa'i gter du ye shes kyi dkyil 'khor bcug pa'i bar ma chad du go cha brjod nas dbang bskur bar mngon par brjod pa ni grub pa gnyis kyi bzhed pa dang mthun pa ma yin no//de'i bar ma chad du mdun du dzaM yig sngo po las skyes pa'i rlung gi dkyil 'khor gzhu'i dbyibs can mchog ma gnyis la g.yo ba'i ba dan gyis mtshan pa/de'i steng du raM dmar po las skyes pa'i me'i dkyil 'khor gru gsum pa/ re phas zur gsum la mtshan pa/ de'i steng du mgo bo gsum gyi skyed pu la gnas pa'i/ a yig dmar po las skyes pa'i pad+ma'i snod de thod pa'o//de'i dbus su b+hUM AM khaM hUM yongs su gyur pa las/ go ku da han/ bi ra shu ma mu'i rang gi ngo bo'i sgron ma lnga dang bdud rtsi lnga rang rang gi sa bon gyis byin gyis brlabs pa/ de'i steng du oM dkar po bsams nas de'i gzugs khyab pa'i aM yig las skyes pa'i zla ba'i dkyil 'khor de'i yang steng du/hUM yig dkar po las byung ba'i rdo rje de'i sa bon gyis mchan pa blta bar bya'o/ /de nas rlung gis bskul ba'i mes rdo rje'i 'khor de thams cad dang rdo rje yang zhu/ lnga tshan bzhi po zhu ba las byung ba'i bdud rtsi'i snod de nyid kyi nang du bsgrubs te/de nas ji srid du de nyid gang bar bsam par bya'o/ /de'i steng du oM AH hUM zhes pa'i yi ge gsum bltas nas/ de'i 'od zer mgal me'i rnam pas srid pa gsum na gnas pa'i bdud rtsi dang / de bzhin gshegs pa thams cad kyi ye shes kyi bdud rtsi spyan drangs nas de nyid la rab tu bcug ste ro mnyam par gyur pas/lha'i dri dang ro dang ldan pa'i ston ka'i zla ba'i 'od ltar dri ma med par rnam par bsams nas rang gi lce'i rtse mo la hUM dkar po las byung ba'i rdo rje nas 'bru'i tshad tsam bsams te/ de'i 'od zer mgal me lta bus bcom ldan 'das kyi bdud rtsi de zhal gyis myang zhing /bcom ldan 'das ma'i zhal du byin to/ /oM sarba ta thA ga ta swa da badzra swa b+hA ba A t+ma kou0f85haM/ zhes brjod pas bcom ldan 'das mnyes par gyur pa'o/ /de nas thugs ka'i sa bon las rnam par 'thon pa'i gzugs rdo rje ma l a sogs pa rnams kyis me long dang /pi wang dang / dri'i dung chos dang / ro'i snod dang sna tshogs pa'i gos dang / chos kyi 'byung gnas kyi phyag gis mchod pa bar ma chad par bya ste/ oM sarba ta thA ga ta pU dzrA badzra swa b+hA ba A t+ma kou0f85 haM/ zhes brjod cing / spyan ma la s ogs pa rnams kyis//khyod ni rnal 'byor ma tshogs yongs su bskor/ /khyod ni nyid kyi thugs kyi mchog brnyes shing / /khyod kyis rgyu dang mi rgyu'i 'gro ba kun brgyan te/ /snying rje'i thugs kyis sems can sad mdzad pa/ /sgyu ma spros pa rdo rje sgrub pa'i yid/ /he ru ka dpal rdo rje yid kyis dgyes//zhes rdo rje'i glu yis bstod par bya ste/ de nas oM sarba ta thA ga ta stu ti badzra swa b+hA ba At+ma kou0f85haM/ zhes brjod do/ /phyi nas 'khor lo bzhi'i bdag nyid kyi phyag rgya bya ste/ de la lte ba'i 'og tu rnam par gnas pa'i sprul pa'i 'khor lo dmar p o'am/sna tshogs mdog /pad+ma 'dab ma drug cu rtsa bzhi 'od zer 'phro ba can gyi snying po la/ aM yig nag po byin gyis brlab cing gdong steng du phyogs pa'o/ /snyad gar chos kyi 'khor lo dkar po pad+ma 'dab ma brgyad pa/ de'i dbus su sa bon hUM yig sngon po shar la sogs pa'i phyogs kyi 'dab ma rnams su/rnam par snang mdzad la sogs pa rnams kyis grangs ji lta bar/ b+h+rUM AM dzr-IM khaM gi sa bon no/ /dbang ldan la sogs pa'i 'dab ma rnams su spyan ma la sogs pa rnams kyi sa bon e waM mA ya ste 'di rnams kyi kha 'og tu'o/ / mgrin par longs spyod rdzogs pa'i 'khor lo mtsho skyes dmar po 'dab ma bcu drug pa/ de'i ze'u 'brul aM yig dmar po/ A li kA lis yongs su bskor ba 'di rnams kyi kha steng du'o/ /spyi bor bde ba chen po'i 'khor lo 'dam skyes 'dab ma sum cu rtsa gnyis pa/ dbus su haM yig dkar pos byin gyis brlabs pa kha 'og tu blta ba'o/ /'di rnams thams cad kyi yi ge zla ba la gnas pa'o/ /de nas 'khor lo bzhi po de'i 'od zer gyi tshogs nam mkha' la spros pas 'gro ba'i don byas nas/ der de nyid nang du bsgom par byas te/ de'i rjes su rigs lnga'i cha shas can du bya ba'i don du/bcom ldan 'das ma'i spyi bo dang snying ga dang lte ba dang gsang gnas dang brla zung rnams su/ ji lta ba'i rim pas/ oM hUM swA AH hA/ yongs su gyur pa las rnam par snang mdzad dang mi bskyod pa dang rin chen 'byung ldan dang 'od dpag med dang don yod grub pa bsam par bya'o//hUM yongs su gyur pa las pad+ma dang rdo rje AH dang oM yig gis yongs su rdzogs pa'i ze 'bru dang nor bu bsam par bya ste/ de nas oM pad+ma su kha d+hA ra ma hA rA ga su khan+da tsa tur A nan+da b+ha ga bi shwa hUM hUM hUM ka r+yaM ku ru Sh+wa me/ oM badzra ma hA dwe Sha tsa tur A nan+da dA ya ka kha ga mu kha e ka rA so nA tha hUM hUM hUM ka r+yaM ku ru Sh+wa me/zhes pas pad+ma dang rdo rje byin gyis brlabs par byas nas/ 'dzag pa med pa'i bde ba chen po'i ye shes thob par bya ba'i ched du/ pad+ma dang rdo rje'i sbu gu dag la hUM phaT kyi yi ge ser po bsam par bya'o/ / de nas sI'i yi ge gsum brjod cing / oM sar+b+ba ta thA ga ta a nu rA ga Na badzra swa b+hA ba At+ma kou0f85haM/ zhes pa 'dis rjes su chags par bya'o/ /dam tshig la yang las kyi phyag rgya'i snyoms par 'jug pa dang / rigs lnga'i cha shas can bsgrub pa la sogs pa thams cad yid la bya'o//gzhan yang ma dag pa'i bde ba snyems pa'i rnal 'byor pas de bsgrub par bya'o/ /de nas shes rab ye shes kyi dbang bskur ba'i dus su/ bla ma dam pa'i man ngag las lhag par rtogs pa'i rnam pa sna tshogs pa la sogs pa'i mtshan nyid kyi dbye bas dga' ba la sogs pa'i las kyi phyag rgya'i snyoms 'jug la yang de bzhin kho nar goms pa'i dbang las rim pas 'char ba'i mthar/rtog pa mtha' dag gi dra ba med pa bzhi pa lhan cig skyes pa'i bde ba sgo thams cad la lan cig gnas pa'i cha shas can gyi rnam pa dri mas mtshan pa ma yin pa 'od gsal ba la rab tu bzhugs pa ni rim pa'o//yang na de la 'di'i rim pa ni/ 'jig rten gsum dur khrod la/ dur khrod pad+ma'i stan la/ pad+ma ro la/ ro nyi ma la/ nyi ma bcom ldan 'das ma la/ bcom ldan 'das ma rjes su chags pas zhu bar gyur te bcom ldan 'das la/bcom ldan 'das thugs ka'i nyi ma la/ nyi ma rdo rje la/ rdo rje de'i lte bar gnas pa la/ nyi ma don yod grub pa'i ngo bo hUM yig gi U yig la/ U yig 'od dpag med kyi rang bzhin gyi ha yig la/ ha yig rin chen 'byung ldan du grags pa'i mgo bo la/ mgo bo rnam par snang mdzad kyi rang bzhin gyi zla phyed la/zla ba rdo rje sems dpa'i rang bzhin gyi thig le la/ thig le lhag ma mi bskyod pa'i bdag nyid kyi nA da la bzhugs par bya'o/ /kha cig gis ni mi bskyod pa'i rang bzhin gyi thig le/ rdo rje sems dpa'i rang bzhin gyi nA dar gsungs so/ / blo gros lhag pa tsam gyis ni/ /nA da yang skra'i rtse mo brgya stong gi cha shas tsam du bsams nas dor bar bya ste/ de nyid dngos po dang dngos po med pa la sogs pa mchog gi stong pa nyid sprin med pa'i nam mkha' ltar gsal zhing 'od gsal ba'i go 'phang la ji ltar sngon gyi smon lam gyi nus pa gnas pas sgrub pa'i dbang las de bzhin kho nar blta bar bya'o//de bzhin du yang dang yang du ldang pa'i bya ba la zhugs nas/ de nas ji ltar dbugs kyi rlung me long la gnas pa kun nas song ba bzhin du yang dag pa'i mtha' la rnal 'byor pas yang dang yang du 'jug par bya'o//rim pa 'di ni bden pa gnyis dbyer med pa 'bras bu rdo rje 'dzin pa'i rang bzhin zung dang gnyis ma yin pa'i rang bzhin gyi rnal 'byor mngon sum du byed pa'o/ /'di ni de kho na nyid shes rab dang bcas pa'i bsgom pa 'od gsal la rab tu 'jug pa'i thabs so//shes rab med pa'i bsgom pa la ltos pas ni/ shes rab rnam par dag pa'i kha T+wAM ga nyid do/ /shes rab kha T+wAM ga zugs can ma/ zhes gsungs pa'i phyir ro/ /de'i phyir gtum mo'i rnal 'byor la sogs pas lhan cig skyes pa 'char ba ni 'od gsal la rab tu 'jug pa'o//de la re zhig 'di'i gtum mo'i rnal 'byor ni/ lha'i rnam par gsal ba la/ lte ba'i 'khor lor aM yig nyid dam/ sems brtan pa'i rgyur/ srog gi rlung 'bab pa gnyis po dag yongs su bsdus nas/ a ba d+hU tIr bcug ste/ lte ba'i 'og gi rlung gis sbar bar gyur pa'i rab tu gtum pa'i me drang zhing shin tu phra ba'i re khA'i gzugs can/ mchog gi bdag med ma'i ming can bcom ldan 'das ma gtum mo 'bar bas/ snying ga'i 'khor lor gnas pa'i de bzhin gshegs pa lnga rnams dang / spyan ma la sogs pa'i lha mo bzhi bsregs te/ji srid du spyi bo'i 'khor lor gnas pa'i yid 'joms pa ma yin pa la reg par bya'o/ /de bzhin du 'bar ba dang / bcom ldan 'das ri bong can 'dzag ste 'ong ba de'i tshe yang gtum mo myur du 'bar bar byed pa'o/ /de rab tu 'bar ba dang ri bong can shin tu myur bar 'dzag ste/lte ba'i dkyil 'khor la dmigs bzhin pa'i gtum mo dang lhan cig gcig tu gyur nas yid nges par 'dzin par gyur pa'o/ /byang chub kyi sems rab tu 'dzag pa yang sprul pa'i 'khor lo la sogs pa rnams su nye bar bsags pas mchog tu dga' ba'i rim pas spyi bo nas pad+ma dang rdo rje nor bu'i mthar thug pa la rnam par ma chad par stong pa nyid dang /snying rje dbyer med pa rim gyis 'phel ba nye bar son pa gtum mo'i me'i 'od kyis yongs su sbyangs te/ bde ba chen po'i 'khor lo rtsa sum cu rtsa gnyis la khyab par gyur cing de nas gzhan rtsa stong phrag bdun cu rtsa gnyis ji srid par lus thams cad la mngon par khyab par byed pa nang gi nyi ma dang zla ba'i ngo bo shes rab dang thabs mnyam par bgrod pa dga' bral gyi bde ba chen po'i mthus phung po dang khams la sogs pa bdud dang bcas pa 'di mtha' dag mngon du gyur cing rab tu gyur to zhes pa gtum mo'i rnal 'byor gyis 'od gsal la rab tu bzhugs pa'o//'di nyid ni chos kyi phyag rgya'o/ /'di nyid ni dpyid kyi thig le'i sbyor ba'o/ /de ltar na dpyid ni bcom ldan 'das te zla ba'o/ /de'i thig le ni bcom ldan 'das ma gtum mo ste de dag gi sbyor ba zhes pa 'di nyid dang sbyor ba ste/gtum mo rtag tu goms pa'i rnal 'byor pas brtan par bsrungs pas mchog gi bde ba chen po'i rgyur gyur lhan cig skyes pa gtum mo gsal bar bya'o/ /de ltar yang rdo rje lta bu'i ting nge 'dzin la zung dang gnyis ma yin par gnas pa'i rnal 'byor pas phyag rgya chen po'i dngos grub lhag par rtogs so//rnal 'byor ma zhes pa ni gsang chen rtogs par kha cig sgrog par byed do/ /de'i lam ni ye shes kyi phyag rgya'am/ chos kyi phyag rgya la sa bcu'i rim pas gsal bar bya ste/phyis rdo rje 'dzin par bstan to/ /kha cig tu gnas la sogs par rdo rje la sogs pa'i rigs las byung ba ye shes thob pa'i nus pa can las kyi phyag rgya zla ba gcig la sogs par longs spyad cing sbyar ba las/ bde ba chen po dang snying rje'i rang bzhin mtha' yas par rgyas shing 'gog pa ma yin pa'o//yan lag bdun dang ldan pa lhan cig skyes pa'i bde ba chen po'i stong pa nyid kyi ting nge 'dzin gyi mngon sum du byas nas mchog gi gnas la 'jug par 'gyur ba ste/ yon tan gyi tshogs kyi lan bu dang rgyan gyi dga' bar byed ba can ma sprul pa'i tshogs thun mtshams su yang dag par 'gro ba'i don byed pa'i rdo rje 'dzin pa chen po'i lus can zla ba gcig gis ster bar byed do//yang na zla ba drug gam bdun du rig ma'i brtul zhugs spyad nas bdag nyid kyang lha'i tshul du byas nas phul du byung ba'i rnal 'byor rnam par shes pa gang gi tshe rab tu 'bar ba'i snang bas nyin mo dang mtshan mo rab tu 'brel pa dang 'dra bar rgyun du de kho na nyid kyi rnal 'byor la mngon du phyogs par nus pa de'i tshe/phyag rgya dang lhan cig tu kye rdo rje'i rnal 'byor dang ldan pas lhan cig skyes pa spyad pa'i phyir/snga dro dang thun mtshams la sogs par snyoms 'jug gi rtsol ba brtsam par bya'o/ /rnal 'byor gyi rim pa srid pa gsum po thams cad gcig pa'i rang bzhin kun du mtshungs pa dang kun du mtshungs pa ma yin pa gcig pa'i ngo bor lhag par srol ba/ rdo rje'i phyag rgyas rgyas btab pa ro mnyam pa'i bde ba chen po'i mthus snang ba dang snang ba rab tu mched pa dang 'dra bar nyin mtshan rtag tu gnas pa'o/ /de nas rab tu dga' ba'i mthar rtogs pa dga' ba bzhi pa'i de kho na nyid mngon sum du byed pa skya rengs shar ba'i dus su sgrub pa pos mchog 'grub par 'gyur ro//'dus pa phyi mar yang / bsgrub bya sgrub thabs kun du sbyor/ /gang zhig bsten las gsal bar 'gyur/ /rdo rje pad+ma mnyam du sbyor/ /nye ba'i sgrub par brjod par bya/ /hUM phaT yi ge yang dag ldan/ /g.yo ba'i sgrub par rab tu brjod//rang gi bde ba zhi rang bzhin/ /sgrub pa chen por brjod par bya/ /zhes thabs kyi yan lag bzhi rnams kyis dpal ldan rdo rje 'dzin pa chen po dang / rdo rje 'dzin ma chen mo'i go 'phang gi thabs sangs rgyas thams cad kyi chos dang / bsten par bya ba'i chos so zhes pa 'dis 'di nyid mngon sum du byed pa'i rim par 'dod do//de nyid gal te las kyi phyag rgya la snyoms par zhugs na de rtse gcig tu 'gyur ba'i phyir snga ma dang 'dra bar gtum mo'i me shin tu 'bar ba des bzhu ba'i ri bong can lhan cig skyes pa'i mthu las te/'di'i rnal 'byor ni las kyi gtum mo'i rnal 'byor du brjod par bya ste shes rab dang bcas pa'o/ /shes rab ma med pa'i ni lha'i rnam par bsgom pa'am nang du bsgom pa thams cad du brjod pa ste/ rtag tu gtum mo 'bar ba nyid kyi rgyus lhan cig skyes pa shar ba/ dbang bskur ba'i dus su yang phyi'i rig ma dang snyoms par zhugs pa las 'bar ba ni 'di'i gtum mo ste snga ma dang 'dra bar lhan cig skyes pa shar ba las kyang 'char ba ni las kyi gtum mo'i rnal 'byor du 'dod do//'on kyang lhan cig skyes pa ste/ de'i gdong mdzes pa'i rjes su byed pa ma yin no zhes gsungs so//de'i phyir las kyi gtum mo'i rnal 'byor 'di gdong la ma yin pa kho na'o/ /'on kyang kha cig ni slar yang sngon bzhin du rlung las rnam par rgyal zhing goms pa las srog rtsol ba'i bdag po thob pa ma yin zhing rlung gi lam tshad med pa'i lte ba'i dkyil 'khor la'am/yang na 'dzin pa las gtum mo de rab tu 'bar ba las byung ba'i bde ba chen po 'di ni las kyi gtum mo'i rnal 'byor du gsungs so/ /gal te thig le'i rnal 'byor gyis sems gnas par byed cing grub pa thams cad kyi snang ba mched par 'dod na/de'i tshe lte ba la sogs pa'i 'khor lo'i 'dud pa'i khung bu rnams la aM yig la sogs pa'i yi ge bzhi bltas nas/ gsang ba'i 'khor lo la gnas pa'i rlung gis me yang dag par bskul bas/ gtum mo'i rang bzhin aM yig 'bar ba'i 'od zer gyis hUM yig la sogs pa'i yi ge gsum kun nas zhu bas/oM yig dang lhan cig dbyer med pa lhan cig skyes pa'i dga' ba'i rang bzhin gyi thig le'i gzugs su bsgom zhing / bsgom pa yongs su rdzogs pa na spro bar bya ste/ de las de nyid phra mo 'od zer gyi re khA dag 'bar zhing gcig tu 'bar ba bzhin du gnas par blta bar bya'o//de'i 'od kyis zhu ba'i bdud rtsis gang zhing 'phro ba'i thig ler gyur nas/ de'ang 'od zer dkar po'i re khA can du gyur te/ de nas sems thig le de son pa de srid du blta bar bya ste/slar yang brtan pa thob pa'i mtshan ma nye bar dmigs pa ni srid du'o/ /de'i nye bar dmigs pa dang brtan pa ni 'od zer gyi re khA las mar me sna tshogs pa 'phro ba'i snang ba can du rnam par mthong zhing thams cad lag mthil gyi skyu ru ra lta bur mthong ste/ting nge 'dzin thams cad kyi snang ba mched pa zhes pa thig le'i rnal 'byor ro/ /yang na snying ga'i sngags kyi 'od zer gyi tshogs las spros pa'i de bzhin gshegs pas bkug par bya ba'i 'jig rten gsum nang du thig le'i rnam pa'i hUM yig de la gzhag par bya ste/ yid ji srid 'dod par ro/ /de'i rjes su spro ba'i lam gyi rim pas lus dang ngag dang sems kyi rdo rje'i mthar thug par ro/ /de'i 'od zer gyi snang ba dbugs 'jug pa'i tshul gyis kun du bsdus te/ sa bon gyi thig le la myur du gzhug cing ji ltar brjod pa'i bcom ldan 'das de'i dkyil 'khor ro//'khor lo bsgom pa la ni dkyil 'khor gyi 'khor lo gzhug par bya'o/ /slar yang spro ba'i tshul gyis 'od zer 'phros pas 'jig rten snang bar byas te/ de nyid la bsres shing 'gro ba'i don byed bzhin pa'i de bzhin gshegs pa rnams kyang dbugs 'jug pa'i tshul gyis snying gar bcug nas ji srid 'dod par bsgom par bya'o zhes pa 'di ni/mchog gi thig le'i rnal 'byor ro/ /yang na ting nge 'dzin sems dpa'i 'od zer rnams a ba d+hU tIr song nas bde ba chen po'i khor lor gnas pa'i byang chub kyi sems bzhu ste de nyid las 'ongs pa snying ga'i hUM yig gi thig le la/de'i bdag nyid kyi rdul phra rab kyi gzugs su gnas par bsam par bya'o zhes pa gzhan rnams kyi thig le'i rnal 'byor ro/ /de'i rjes su phra mo'i rnal 'byor bsgom pa ni mchog tu sems gnas par byed pa'i thabs so zhes pa ste/de bzhin kho nar aM yig la sogs pa'i yi ge rnams zhu ba ro gcig tu gyur pa lhan cig skyes pa'i rang bzhin gyis byang chub kyi sems kyi thig le yungs kar gyi 'bras bu'i tshad tsam la gsal bar rdzogs pa'i bcom ldan 'das kyi sku dang ldan pa'o//dkyil 'khor gyi 'khor lo bsgom pa la ltos pas ni/ dkyil 'khor gyi 'khor lo rdo rje nor bu'i rtse mo la'o/ /de las zags te pad+mar gnas pa'am/ yang na sna'i rtse mo la gnas par bsgom par bya'o/ /ji ltar gsungs pa'i brtan par gnas pa'i mtshan ma mthong nas/bcom ldan 'das de'i dkyil 'khor bsgom pa'am dkyil 'khor spro bar bya'o zhes pa ni phra mo'i rnal 'byor ro/ /de nyid lha'i rnam par bsgoms te/ bar ma chad par brjod pa'i rnal 'byor rnams kyis sam/ gzhan gyi rnal 'byor gyis ji ltar nus par 'od gsal la gzhug pa dang /ldang ba dang / bsgom pa dang / skyo bar gyur pa na sngags bzla ba'i cho ga 'dis sam/ gzhan du yang sngags kyi yi ge brjod par bya ste/ de la shes rab kyi zhal las 'thon pa'i 'od zer de rnams rang gi zhal du zhugs te/ rdo rje'i lam nas 'thon nas lha mo'i pad+mar zhugs/slar yang lha mo'i zhal nas rang gi zhal du rab tu zhugs te/ sngags kyi rgyun ma chad pa nyid du gzhug par bya'o zhes pa khyogs kyis bzlas par mtsho skyes kyi sgrub thabs su brjod do/ /gzhan du ni chos thams cad mnyam pa nyid kyi nga rgyal gyis sngags kyi phreng ba rang gi zhal nyid du zhugs pa rdo rje'i lam nas pad+mar sor a ba d+hU tI'i lam nas byung ste/bcom ldan 'das ma'i zhal nas spros nas/ rang gi zhal gyi sgor rab tu zhugs pa de bzhin kho nar 'khor bar bsgoms te bzla'o zhes pa lhod cing zhi ba'i yi ge khyogs kyis bzlas par brjod do//'di nyid bcom ldan 'das ma'i zhal du zhugs te/ rang gi zhal du 'ong ba tsam gyi khyad par gyis yi ge mkhregs shing rtsub pa ni khro bo'i bzlas pa ste/ snying po la sogs pa mchog tu drag por brjod pa'i phyir khro bo'i bzlas pa'o/ /yang na snying gar gnas pa'i hUM yig la yongs su bskor te/gnas pa'i sngags kyi yi ge'i phreng ba mar me'i phreng ba lta bu bltas te myur bar 'khor bar dmigs la/ dam pa ma yin pa'i rtogs pa spangs nas bzla bar bya'o/ /oM trai lo kya A k+She pa hUM hUM hUM phaT swA hA/ bcom ldan 'das kyi rtsa ba'i sngags so//'di'i yang hUM yig gsum thung bar brtag pa gnyis pa'i rgyud dang de'i 'grel bar gsungs so/ /de nas 'chad par 'gyur ba'i gtor ma phul nas smon lam yang byas te ji ltar bde bar gnas par bya'o/ /thun mtshams su gyur par bcom ldan 'das kyi gzugs las langs te/ye shes sems dpa' gzhug pa la sogs pa bya'o/ /mtshan phyed kyi thun mtshams su yang thams cad byas nas gnyid 'od gsal gyi rang bzhin du lhag par mos pas nyal bar bya'o/ /tho rangs kyi thun mtshams su spyan ma la sogs pa'i lha mo bzhis rdo rje'i glus rab tu sad de//bzhengs pa la sogs pa'i bya ba thams cad bya'o/ /de nas grong khyer bskyod pa'i sngags ni/ oM a ka tsa Ta ta pa ya sha swA hA/ 'dir 'di'i man ngag ni/ myur bar shes rab dang bcas pa'i kye'i rdo rje'i gzugs su bdag nyid rnam par bsgoms nas/de'i thugs kar pad+ma dmar po 'dab ma brgyad pa rnam par bsams te/ de'i shar la sogs pa'i phyogs kyi 'dab ma rnams su g.yas skor du ji lta ba'i rim pas a ka tsa Ta zhes pa'i yi ge dang / dbang ldan la sogs pa'i phyogs bral gyi 'dab ma rnams su ta pa ya sha zhes so//dbus kyi ze 'bru la shar du swA/ dbus su oM/ nub tu hA/ thams cad nyi ma'i dkyil 'khor la gnas pa kha dog dmar po'o/ /'di rnams kyi yang 'od zer lcags kyu'i rnam par dag pa ba spu'i khung bu rnams las 'thon te/bsgrub bya bkug cing sgrub pa po'i rkang pa dag gi 'og tu byas nas 'di rnams nyid dbang du bya'o zhes bsams nas sngags bzlas par bya'o/ /'bum bzlas pa las grong khyer bskyod par 'gyur ro/ /dbang du bya ba'i sgrub pa'i don du ni/brjod pa'i rim pas sngon du bsnyen pa'i don du 'bum bzlas pa byas te/ dur khrod du tshogs kyi 'khor lo byas nas tshogs rnams kyang mngon par 'dod pa'i sgrub pa po gsad par 'dod pas de'i phyir ka gzung bar bya'o/ /de nas gnas kha cig tu phyin nas shar du mgo gzhag ste/mtho ba'i sngas la nyal zhing thod pa mA ma kIs gang ba rkang pa'i mthil la kun du reg par byas nas gcig bzlas par bya'o/ /phyis ldang ba na de thams cad 'thungs nas tshogs kyi 'khor lo'i gnas mtha' dag tu nye bar zhugs nas slar yang khri bzlas par bya'o//kye rdo rje la som nyi med pa'i rnal 'byor pas thams cad du rnam par sbyang bar bya'o/ /de nas dus kyi 'khor lo'i rim pas A li kA li'i bzlas pa brjod par bya'o/ /a ka tsa Ta ta pa ya sha'i sgras A li kA li don gyis thob pas brjod par bya'o/ /oM a A/ i I/ r-i r-I/u U/ l-i l-I/ a A/ e ai/ ar Ar o au al Al ha hA ya yA ra rA ba bA la lA/ zhes pa spro ba'i rim pas dbugs 'jug pa dang A li bzlas so/ /ka kA kha khA ga gA g+ha g+hA nga ngA tsa tsA tsha tshA dza dzA dz+ha dz+hA nya nyA Ta TA Tha ThA Da DA D+ha D+hA Na NA ta tA tha thA da dA d+ha d+hA na nA pa pA pha phA ba bA b+ha b+hA ma mA da dA d+ha d+hA na nA sa sA ny+pa ny+pA Sha ShA Th+ka Th+kA swA hA/zhes rlung 'gro bas kA li bzlas so/ /A li kA li 'bum bzlas pas 'jig rten gsum skyes par byed pa'i sngags pas gcig dang slar yang gcig gi tshad tsam du bya ste/ dgug pa dang / bsrung pa dang / rgyas pa ster ro/ / rim pa 'di yang dpal rdo rje snying po'i rab tu byed par mthong ngo / /de nas dbang du bya ba'i man ngag ni myur bar chu skyes dmar po'i phung po mdzes pa la shes rab dang bcas pa'i he ru ka'i gzugs su bdag nyid bltas te/ snying gar 'dam skyes dmar po bcu drug phyed can gyi ze 'bru la/A li dang kA ki yang dag par bsdus pa'i ngo bo sangs rgyas kyi yon tan la kun nas rjes su chags pa'i aM yig dang hUM yig dag yid la mngon par bris pa dag las shin tu dmar zhing yid du 'ong ba'i 'od zer gyi phung po rnams nges par 'phros pas 'gro ba snang par byas te/de yis gzhan gyi lus ngag yid rnams bkug nas aM yig dang hUM yig de dag nyid kyi thig le la gzhug par bya'o/ /de nas de dag yongs su gyur pa dang bung ba yid srub ku ru bin+da'i gzugs brnyan can mchog gi snying rje'i sbrang rtsi 'thung bas myos pa'i yid can no//des brjod pa'i shin tu ring ba'i hUM yig gi sgras bdag med dang he ru ka'i gzugs su bsam par bya zhing / de dang de'i snying gar le brgan rtsi'i tshon gyis btsos pa dang 'dra ba'i thig le yungs kar gyi 'bru tsam la/ aM yig dang hUM yig phra ba nges par bskyed do//de nas yid srub de dbugs kyi rlung 'byung ba'i shing rta la zhon te/ sna'i bu ga nas 'thon nas sems can rnams kyi lus ngag yid rnams sbyangs shing bzung nas slar yang dbugs 'jug pa la zhon te lam de nyid nas snying ga'i pad+ma'i ze 'bru la gzhug par bya zhing /de nas kun du bkug pa'i lus ngag yid rnams rang gi lus ngag yid la ting nge 'dzin gyis bstim par bya'o/ /de bzhin du yang dang yang du bsgom par bya ste/ ji srid du rnam pa gsal bar gyur gyi bar du bskyed par bya'o/ /phyi nas bsgrub bya'am bsgrub bya mo'i snying gar son pa'i pad+ma dmar po 'dab ma brgyad pa bsgom par bya zhing bung ba yid srub de de nyid kyis bkug ste/sna'i bu gnas de'i lus ngag yid kyi rang bzhin gyi snying ga'i pad+ma la gzhug par bya'o/ /de nas yid srub de de'i lus kyi rang bzhin me tog gi rdul gyis bdag nyid dmar ser du byas/ngag gi rang bzhin gyi sbrang rtsi 'thungs/ yid kyi me tog zos par byas te/ de'i rjes su yid srub de sgrub pa po'i dbugs kyi rlung gis bkug ste/ bsgrub bya'i sna'i bu ga nas bton la/ sgrub pa po'i sna'i bu ga nas snying ga'i 'dam skyes la bcug ste/ gshog pas gang bya ba de'i lus kyi me tog gi rdul sprugs/ngag gi sbrang rtsi dang sems kyi me tog skyug par bsam mo/ /de ltar yang nas yang du rjes su chags pa dag lhag par bsgom par bya ste/ bsgoms pa'i mthar bsgrub bya'i ming spel ba'i sngags bzla bar bya'o/ /'di dag gis kyang gang dag dga' bas myos par byed pa'i rig pa'i cha shas te/bdag nyid kyi mi dbang du byed pas snga bar khrus byas nas bsgom par bya ste/ gal te mi'i 'dod pa la skyon mthong ba de'i tshe mi mthong ba'i skyon du 'gyur bas/ de'i phyir dang po kho nar dam pa dang dam pa ma yin pa'i yul la rnam par dpyad de bsgom par bya'o zhes pa bung ba yid srub kyi rim pa'o//zhi ba la sogs pa'i las rnams su sbyin sreg la sogs pa'i cho ga rnams ni rgyud la sogs pa'i rjes su 'brangs pas legs par shes so zhes pas ma bris so/ /dur khrod la dgyes pa phyag gnyis pa kye rdo rje'i sgrub thabs ni/slar yang sngar bzhin thams cad byas te/ snying gar zla ba la hrIH yig sngon po las rdo rje/ de'i lte ba'i nang du son pa'i zla ba la gnas pa'i hrIH yig bsams nas de thams cad yongs su gyur pa las sngar brjod pa'i gzugs can gyi bcom ldan 'das nyid gcig pu bsgom par bya ste/ro la gnas pa'i zla ba phyed pa la gar gyis gnas pa/ mi'i pags pa'i gos can te/ lhag ma ni sngon bzhin no/ /bzlas bya'i sngags ni shrI he ru ka badzra sa ma ya hrIH/ sarba du Sh+TAn mu drA pra b+hany+dza ka hUM phaT/ 'di yang bcom ldan 'das kyis kha sbyor thig le'i rgyud du gsungs so//de ltar sgom pa po la ltos nas bsdus shing gsal ba rig ma dang bcas pa las cig shos su gyur pa'i bcom ldan 'das tsam gyi sgrub thabs brjod zin to/ /'di'i yang rgyas pa gsal ba ni rdo rje gur gyi nang du chos kyi 'byung gnas sku gsung thugs dag pas zur gsum pa/sgrib pa thams cad spangs pa nyid kyis ston ka'i zla ba ltar dkar ba/ sku gsum sa gcig pa rdo rje'i rang bzhin nyid kyis dang / chos kyi skye gnas chen po yin pa'i phyir 'og phra zhing steng yangs pa bsgom par bya'o/ /de'i nang du dur khrod brgyad kyi dbus su zla nyi kha sbyor la gnas pa'i hrIH yig sngon po las skyes pa'i rdo rje'i lte ba'i nang du zla ba la gnas pa'i hrIH yig sngon po bsams nas zhes pa ni rgyas pa'o//chos kyi 'byung gnas mdzes pa'i nang du gnas pa'i sna tshogs pad+ma'i steng du sna tshogs rdo rje'i kha khyer gyi dbus su/yaM raM baM laM gi yi ge las skyes pa sngon po dang dmar po dang dkar po dang ser po'i mdog can/ gzhu'i dbyibs kyi mchog ma gnyis la ba dan gyis mtshan pa dang / zur gsum pa re phas mtshan pa/ zlum po bum pas mtshan pa/ gru bzhi pa rdo rje rtse gsum pas zur bzhi la mtshan pa'i rlung dang me dang chu dang sa'i rang bzhin gyi 'byung ba chen po bzhi yongs su gyur pa las shes rab dang bcas pa'i rnam par snang mdzad dag cing /sangs rgyas kyi zhing yang dag par bsdus pa'i ngo bo/ rin po che sna tshogs pa'i rang bzhin gyi khang pa brtsegs ma/de bzhin gshegs pa dang so so'i skye bo dag gnyis su med pa'i rang bzhin nyid kyi gzhal yas khang pa gru bzhi pa/ de'i shar la sogs pa'i sgo bzhi ni dran pa nye bar gzhag pa dang / yang dag par spong ba dang / rdzu 'phrul gyi rkang pa dang /dbang po rnam par dag pa'o/ /sgo nyid ni byang chub kyi thabs nyid do/ /'phags pa'i lam yan lag brgyad dag pas sgo 'gram brgyad du ka ba ste/ sangs rgyas thams cad kyi yon tan gyis nye ba'i ka ba'o/ /so so yang dag par rig pa bzhi dag pas gzhan gyi don gyi khur khyer ba sngar thob zin pa'i phyir ka ba'i steng du gdung bzhi'o//dpa' bar 'gro ba dang / nam mkha' mdzod dang / dri ma med pa'i phyag rgya dang / seng ge rnam par rol pa'i ting nge 'dzin bzhi dag pas brtan zhing mdzes pa'i stegs bu bzhi rnams so/ /bzod pa dang chos dang don dang sngags kyi gzungs rnam par dag pas ngos so sor ram/bden pa so so la chos shes pa'i bzod pa dang / chos shes pa dang / rjes su rtogs pa shes pa'i bzod pa dang / rjes su rtogs pa shes pa'i mtshan nyid kyi skad cig gi dbye ba rnam par dag pas rtsa ba'i sgo'i ngos gnyis gnyis rnams su g.yas skor gyis lha mo gnyis gnyis rim pas gnas te/pi wang ma dang / gling bu ma dang / rnga zlum ma dang / rdza zlum ma dang / rdza rnga ma dang / phreng ba ma dang / sgeg mo dang / glu ma dang / gar ma dang / me tog ma dang / bdug spos ma dang /mar me ma dang / dri chab ma dang / me long ma dang / ro ma dang / reg bya ma dang / chos ma ste/ lha mo bcu drug rnams ni/ ser mo dang / dmar mo dang / dkar po dang / dud kha dang / ser po dang / dmar po dang / dmar skya dang / sna tshogs dang / dkar po dang / nag po dang / gser mdog dang / ser po dang / dkar po dang / dmar po dang / ljang gu dang / dkar po'i mdog can ma rnams/ rang rang gi ming dang rjes su mthun pa'i tshul can/ rang rang gi dang po'i yi ge las 'khrungs pa'o/ /brtse bas brlan zhing yangs pa'i bsod nams dang ye shes kyi tshogs kyi bdud rtsis yongs su gang ba rnam par dag pas bdud rtsis gang ba'i bum pa brgyad do//bsam pa'i dbang las rjes su 'jug pa'i mdo sde dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang /rtogs pa brjod pa dang / de lta bu byung ba dang / skyes pa'i rabs dang / shin tu rgyas pa dang / rmad du byung ba dang / gtan la phab pa'i sder grags pa'i yan lag bcu gnyis kyi dam pa'i chos kyi sgra thams cad du 'gro ba rnam par dag pas rlung gis bskyod pa'i ba dan la dril bu'i sgra dang ldan pa/ji lta bar sbyor zhing 'gro ba'i 'khor bar kun nas gdung ba zhi ba dag pas sam/ rnam par rtog pa mtha' dag spangs pas gdugs dang / ji ltar bsod nams rnam par bkra ba'i rin po che la sogs pa rnams kyis gzhan gyi don phun sum tshogs pa sgrub pa dag pas bum pa bzang po dang dpag bsam gyi shing rnams so//rtsa ba'i nyon mongs pa'i phyir 'jig rten las 'das pa'i bsgom pa'i lam rnam par dag pas do shal/ nyon mongs pa rnam par sel ba'i phyir 'jig rten pa'i bsgom pa'i lam rnam par dag pas do shal phyed pa/byang chub kyi sems rnam par dag pas zla ba/ shes rab ye shes rnam par dag pas nyi ma/ de bzhin gshegs pa'i lam gyi ye shes rnam par dag pas rnga yab/ byang chub kyi yan lag gi me tog phun sum tshogs pa rnam par dag pas me tog gi phreng pa/me long gi ye shes rnam par dag pas me long ste/ de ltar yang thams cad gsang chen gyi rgyud du gsungs pa/ nyon mongs thams cad nges 'joms pa'i/ /do shal du ni yang dag bshad/ /nyon mongs rnam 'phrog do shal te/ /kun du gcod cing rab 'joms pa'o//rab tu 'joms shing rnam sel ba/ /tshogs gnyis kyi ni sbyor ba'o/ /nyon mongs rnams kyi phyed 'phrog pa'i/ /do shal phyed pa zhes brjod do/ /rang bzhin 'od gsal rnam dag pa/ /byang chub sems ni bla na med/ /sems can kun don byed gyur pa'i//zla ba'i dkyil 'khor zhes brjod do/ /shes rab ye shes rang bzhin dag /rdo rje lta bu'i ting 'dzin skyes/ /thar pa'i 'jig rten gzi brjid che/ /nyi ma'i dkyil 'khor brjod par bya/ /kun rtog gnyis las nges grol ba'i/ /ting 'dzin ye shes rtog pa'o//lam gyi ye shes khyad par ni/ /rnga yab tu ni yang dag bshad/ /de bzhin byang chub yan lag bdun/ /phreng ba me tog chun 'phyang ldan/ /zhes so/ /blo gros phra ba dang rags pa dang bar ma rnams dang nges pa dang bral ba rnams la ji ltar 'os pa'i chos ston pa bsrung ba med pa dag pas bsrung ba med pa'i ba ku li'i phreng ba dmar po/'jig rten las 'das pa'i mchog tu dkar ba'i chos ston pa dag pas kra ma shIR+Sha/ bsam gtan bzhi dag pas rta babs bzhi'o/ /chos ston pa'i mi mthun phyogs gcod pa dag pas chos kyi 'khor lo ste/de'i rtsibs ni/ phyogs gcig la/ duH kha dang / kun 'byung dang / 'gog pa dang / lam dang / kun rdzob dang / don dam pa dang / 'jig rten pa dang / 'jig rten las 'das pa dag pa brgyad do/ /lugs gzhan la bcu gnyis te/ duH kha shes par bya'o/ /shes so/ /slar shes par byar med do/ /kun 'byung spang bar bya'o/ /spangs so/ /slar spang bar byar med do/ /'gog pa mngon du bya'o/ /byas so/ /slar byar med do/ /lam bsgom par bya'o/ /bsgoms so/ /slar bsgom par byar med do zhes rnam pa bcu gnyis kyi chos kyi 'khor lo bskor ba yongs su dag pa dang /rten cing 'brel bar 'byung ba'i yan lag bcu gnyis dag pa'o/ /bcom ldan 'das kyis gsungs pa'i chos tshad ma yongs su dag pa bsten pa'i drin las/ mu stegs ngan pa'i ri dgas dang ri dgas mo chos dang dad pa'i rjes su 'brangs te lam la sbyor ba dag cing /chos kyi 'khor lo zhes pa la mngon par sbyor ba dag pas mgrin pa bsnyengs pa dang ldan pa'i ri dgas dang ri dgas mo'o/ /khrel yod pa dag pas ni bla re dang gos dang phreng ba la sogs pa'o/ / thams cad nas so sor 'ching ba med pas yang dag par rdzogs pa'i sangs rgyas thams cad kyi rdo rje'i tshul gyi chos kyi 'khor lo rab tu bskor ba dag pas rdo rje'i phreng ba/ yang dag pa'i ye shes kyi gzigs pa dag pas 'od zer 'bar ba/ rnam par snang mdzad la sogs pa dag pas sa'i kha dog la sogs pa ste/gzhan ni grags zin pa'i phyir ma bris so/ /'di ltar khang pa brtsegs pa bsgom par byas nas/ de'i dbus su sna tshogs pad+ma la sogs pa'i rim pas sngar bzhin bdag nyid bcom ldan 'das su bsgom par bya ste/ sku gsung thugs kyi rang bzhin gyi oM AH hUM zhes pa'i yi ge gsum ho yig dmar po gnyis kyi khongs su chud pa bar do'i sems can du grags pa kun du dga' ba bcas pas bcom ldan 'das kyi zhal nas zhugs rdo rje'i lam nas lha mo'i pad+mar zhugs pa lto bar zhu bar gyur cing /bcom ldan 'das kyang mthar shin tu chags pa chen pos rang gi rig ma dang bcas pa zhu bar gyur te/dngul chu dang mtshungs pa'i byang chub kyi sems kyi gzugs kyis bde ba chen po'i rang bzhin du gnas so/ /de nas bar ma chad par byams pa chen po la sogs pa'i rang bzhin puk+ka sI la sogs pa'i rnal 'byor ma rnams kyis bdag cag rnams mgon med do zhes yid la shin tu gcags pas/rje btsun snying rje'i yid bzhengs shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed mdzod/ /khyod med na ni bdag 'gum pas//kye yi rdo rje khyod bzhengs shig /stong pa'i rang bzhin nyid spongs la/ /ri khrod ma 'bras grub par mdzod/ /dga' gtso 'jig rten mgron gnyer ba/ /stong pa nyid la zhugs sam ci/ /khyod med phyogs ni ma 'tshal ba/ /gdol pa mo dag zhu ba bgyid//bdag gis khyod kyi thugs 'tshal gyis/ /g.yung mo bdag yid dran nyams pas/ /snying rje rgyun chad ma mdzad par/ /mi 'phrul mnga' ba khyod bzhengs shig /ces rdo rje'i glu can rnams kyis yang dag par bskul ba dang / sngon gyi smon lam gyis bskul bas rdo rje'i glu'i sgra tsam gyis sad pa'am/rmi lam sad pa lta bur bzhengs te/ de nas shar la sogs pa'i phyogs kyi 'dab ma rnams su ji lta ba'i rim pas/ tshangs pa dang / dbang po dang / nye dbang dang / drag po rnams dang / dbang ldan la sogs pa'i phyogs bral gyi 'dab ma rnams su gshin rje dang /lus ngan dang / srin po dang / thags bzangs ris rnams kyi snying gar zla ba la gnas pa'i zla ba dang / nyi ma kha sbyar ba'i dbus su cho ga bzhin/ /bcom ldan 'das las nye bar spros pa'i byang chub kyi sems kyi thig le brgyad las skyes pa'i gaM tsaM baM g+haM paM shaM laM DaM gi yi ge la sa skyes pa'i gri gug dang /cang te'u dang / rus sbal dang / sbrul dang / seng ge dang / dge slong dang / 'khor lo dang / rdo rje rnams la/ zla ba la rtag tu gnas pa'i gzhan nyid ma yin pa'i yi ge bltas nas/lnga'i 'byung gnas kyi mngon par byang chub pa'i rim pas/ de thams cad yongs su gyur pa las/ gau rI la sogs pa'i rnal 'byor ma brgyad ji ltar gsungs pa'i kha dog can/ gzugs dang / tshor ba dang / 'du shes dang / 'du byed kyi phung po dang / sa dang / chu dang / me dang / rlung gi khams kyi rang bzhin can zhal gcig pa/ dmar la zlum pa'i spyan gsum dang ldan pa/ phyag gnyis pa/ g.yas kyi phyag gis gri gug dang / cang te'u dang / rus sbal dang / sbrul dang / seng ge dang / dge slong dang / 'khor lo dang / rdo rje rnams te/dngos po la sogs pa'i rnam par rtog pa gcod pa dang / gsung rab dang / phrag dog dang / zhe sdang dang / nga rgyal dang / byang chub kyi sems dang / mi shes pa gcod pa dang / ye shes rnams par dge ba'i rnam 'phrul lo/ /g.yon na ro hi ta dang / phag dang / thod pa dang rnal 'byor lhung bzed dang / dgra sta dang / 'khar gsil dang / thong gshol dang / sdigs mdzub can te/ sar sna dang / gti mug dang / stong pa nyid dang / chags pa'i tshogs la sogs pa gcod pa dang / 'di rnams kyi dran pa gso ba dang / bgegs drungs 'byin pa dang / chos gcig pa'i ngo bo nyid rnam par dag pa'i rnam par 'phrul pa'o/ /tshangs pa la sogs pa'i snying gar zla ba rnams la skyil krung phyed pa'i gar gyis gnas pa/ phyag rgya lnga 'dzin ma/ mgo bo rlon pa'i phreng ba dang ldan pa/ rnam par 'gyur ba'i zhal can/ dbu skra dmar ser gyen du brdzes pa/phyogs kyi gos can du bsgom par bya'o/ /thams cad rnams kyi snying gar zla ba la gnas pa'i rang rang gi phyag mtshan rnams su zla ba la gnas pa'i rang rang gi sa bon bsams shing / rkyen gyis spro bsdus sngon du 'gro ba'i don byas te/ de'i rjes su snying ga'i sa bon gyi 'od zer rnams kyis bkug pa'i ye shes kyi 'khor lo spros pa'i gau rIs/oM gau rI A kaR+Sha ya dzaH zhes pas dgug /oM tso rI pra be sha ya hUM zhes pa cau rIs bcug /oM betA lI ban+d+ha ya baM zhes be tA lIs bcings/ oM g+hasma rI to Sha ya hoH /zhes dbang du byas ta de nas dbang bskur ba'i mthar/phyogs kyi 'dab ma rnams la gnas pa'i go bo rI la sogs pa rnams la/ mi bskyod pa dang / rnam par snang mdzad dang / rin chen 'byung ldan dang / 'od dpag med rnams kyis so/ /puk+ka sI la sogs pa rnams kyi 'ang go bo rI la sogs pa de rnams nyid kyi rjes su rim pas mi bskyod pa la sogs pa'i phyag rgyar rnam par dag pa ni brtag pa gnyis pa bzhin no//de nas go cha la sogs pa thams cad sngon bzhin nyid do/ /bdud rtsi myang ba ni/ cho ga ji lta ba bzhin bcom ldan 'das nyid la rang gi shes rab mas dbul te/'khor gyi gau rI la sogs pas ni lce rdo rje'i sbyor bas myong bar bya'o/ /slar yang 'dir khang pa brtsegs pa ni brtag pas so/ /dbang bskur ba de bzhin gshegs pa mi bskyod pa/ bdud rtsi myang ba 'od dpag med kyi/ bstod pa rin chen 'byung ldan/ mchod pa don yod grub par yang dag par bshad cing / rjes su chags pa rdo rje sems dpar rtag tu bsams te/ 'di ni dngos grub kyi yan lag drug tu nye bar brjod par bya'o/ /'di rnams kyang 'chad par 'gyur ba'i dkyil 'khor gsum la yang blta bar bya'o//'od gsal du gzhug pa ni/ 'jig rten gsum dus gcig tu dur khrod la dur khrod/ khang pa brtsegs pa la khang pa brtsegs pa/ gau rI la sogs pa rnams la/ gau rI la sogs pa rang rang gi phyogs kyi bcom ldan 'das kyi ba spu'i khung bu rnams su ste/ lhag ma ni sngar bzhin no//de nas bdag med ma la sogs pa rnams kyi sngags su 'gyur ba ni/ oM aM swA hA/ bdag med ma'i snying po'i sngags so/ /oM lIM swA hA/ gau rI'i'o/ /oM eM swA hA/ chom rkun ma'i'o/ /oM aiM swA hA/ ro langs ma'i'o/ /oM oM swA hA/ g+hasma rI'i ste las thams cad pa'i sngags so//oM UM swA hA/ puk+ka sI'i'o/ /oM raM swA hA/ sha ba rI'i'o/ /oM laM swAhA/ g.yung mo'i'o/ /'dir gang gi cho dam tshig gi bzlas pa byed par 'dod pa de'i tshe/ snying ga'i sa bon las snying po'i sngags dang nye ba'i snying po'i sngags 'chad par 'gyur ba dag brjod pa'i tshe/dkyil 'khor gyi lha'i chogs yang dag par spros/ 'gro ba'i don byas nas sngags dang lhan cig pa nyid kyi phreng ba'i tshul gyis bkug ste/ rlung 'jug pa de'i tshe de nyid snying ga'i sa bon la gzhug par bya zhing / lha rnams kyi sngags so sor brjod pa yongs su rdzogs pa na/re re nas spro zhing bsdu bar bya'o zhes pa dam tshig gi bzlas pa'o/ /gang yang brtag pa gnyis par gsungs pa/ rdo rje ma dang / dkar mo dang / chu ma dang / rdo rje mkha' 'gro ma dang / bdag med ma dang / mkha' spyod ma dang / sa spyod ma'i rnal 'byor las rengs par byed pa la sogs pa brtul zhugs can gyis byed do zhes gsungs pa'i phyir/ 'dir yang bla ma dang phan tshun dbyer med par 'grogs pa'i man ngag las las rab tu rgyas pa bri bar bya ste/ aM gi sa bon las skyes pa'i rdo rje ma ser mo g.yon pa'i phyag dag gis thod pa dang kha T+wAM ga /g.yas pa'i phyag dag gis rdo rje dang gri gug 'dzin pa can gyi snying gar sa bon hUM ser po rnam par bsgoms te/ oM hUM swA hA/ zhes sngon du bsnyen pa 'bum byas pa'i mthar/ /'chad par 'gyur ba'i spel tshig dang bcas pa'i sngags kyis cho ga ji lta bar sbyin sreg bya ste/'di'i yang las kyi mthar so ma btang ba'i kham phor gnyis su/ thod le kor ser pos bum pas mtshan pa'i chu'i dkyil 'khor zlum po la gnas pa'i sna tshogs rdo rje dang / oM hUM badzre che ge mo staM b+ha ya hUM swA hA/ zhes pa'i rig pa bris nas/ gcig dur khrod kyi thal bas bkang ste/ kham phor gzhan gyis kha sbyar bar byas pa'i steng du/ dbang chen dkyil 'khor zung la phyogs su rdo rjes nye bar mtshan pa bris nas sa 'og tu bzhag nas/ bud med rkang pa g.yon dang / skyes pa rkang pa g.yas kyis mnan pa'i ting nge 'dzin gyis gnas pa'i mthar sngags bzlas par bya ste/stong gis bsgrub bya rengs par byed do/ /iM las rdzogs pa'i dkar mo gur gum gyi mdog can zhags pa dang / kha twAM dang / lcags kyu dang / rdo rje 'dzin pa/ snying gar son pa'i aM yig dmar po'i sa bon can bsams nas/oM aM swA hA/ zhes sngon du bsnyen pa 'bum byas te/ spel tshig dang bcas pa'i sngags kyis cho ga ji lta bar sbyin sreg bya ste/ 'di'i las kyi mthar yang / bsgrub bya dmar po skra grol ba man na nas/ mgrin pa zhags pas bcings/ lcags kyus skye gnas phug nas bkug ste/ rkang pa'i 'og tu 'gyel bar bsams nas/ de'i skye gnas su aM yig dmar po de las me 'bar zhing rnam par 'bar bar bsam par bya'o/ /skyes pa la ni de bzhin kho nar snying gar ro/ /oM aM gau rI a mu kI me ba sha ma nA ya swA hA/zhes bzlas pas nges par de dbang du 'gyur ro/ /iM gi sa bon las skyes pa'i chu ma sngon mo thod pa dang / tho ba dang / rdo rje dang / sdigs mdzub 'dzin pa/ snying gar nyi ma la gnas pa'i khaM yig sngon po can bltas nas/ oM khaM swA hA/ zhes 'bum bzlas ba byas te/spel tshig dang bcas pa'i sngags kyis ji lta bar sbyin sreg bya'o/ /'di'i yang las kyi mthar bsgrub bya skra grol ba mnan pa rlung la gnas pa/ rnga mo sngon mo la zhon pa kha lhor phyogs shing khros pas tho bas bsnun bzhin pa bsam par byas nas/oM khaM pA ri yo ge nI a mu kaM u ts+tsha Ta ya khaM hUM hUM hUM phaT swA hA/ zhes bzlas te/ mtshan mo bdun gyis skrod par byed do/ /u yig las skyes pa'i rdo rje mkha' 'gro ma chu ma lta bu'i snying gar nyi ma la gnas pa'i dzr-IM yig sngon po can bsams nas/ oM dzrAM swA hA/ zhes 'bum bzlas te/spel tshig dang bcas pa'i sngags kyis las dang rjes su mthun pa'i sbyin sreg bya ste/ 'di'i yang las mtha' bya ba/ bsgrub bya dag rta dang ma he la zhon pa pha rol dang pha rol dag rtsod par byed bzhin pa bsam par bya ste/ oM dzr-IM badzra DA ki nI che ge dang che ge dag bi dwe ShaM ku ru swA hA/dzr-IM hUM hUM hUM phaT swA hA/ zhes bzlas pas rnam par sdang bar byed do/ /aM gi sa bon las skyes pa'i bdag med ma sngon mo/ rnam par 'gyur ba'i gzugs can thod pa dang kha T+wAM ga dang / rdo rje dang / gri gug 'dzin pa'i snying gar nyi ma la buM yig sngon po can bsams te/oM buM swA hA/ zhes 'bum bzlas par bya ste/ spel tshig dang bcas pa'i sngags kyis cho ga ji lta bar sbyin sreg bya'o/ /'di'i yang las kyi mthar/ bram ze'i thod par dug dang ske tshe dang / sdigs mdzub kyi khrag gis 'khor lo zur drug pa zur rnams sa hUM dang ldan zhing /dbus su oM buM nai ra A t+m+ya a mu ka dzA ra ya buM hUM hUM hUM phaT swA hA/ zhes pa'am nye bar 'tshe ba mtha' dag spel te bris nas bzlas te/ phub ma'i me mdag la gdung bar bya ste/ rims kyis 'debs par byed do/ /aM las skyes pa'i mkha' spyod ma/ dkar mo lta bu'i snying gar hUM yig dmar po'i sa bon can bsam par byas nas/oM hUM swA hA/ zhes 'bum bzlas pa byas te/ spel tshig dang bcas pa'i sngags kyis cho ga ji ltar sbyin sreg bya'o/ /'di'i yang las la bsgrub bya rlung dang me'i dkyil 'khor gyi steng du rnam par 'bar bar bsams te/rang gi snying ga'i sa bon gyi 'od zer gyi lcags kyu sna bug g.yon nas nges par song nas/ bsgrub bya rnams kyi sna g.yas pa'i sbu gu nas bcug /snying ga dang skye gnas phug /sna g.yon nas 'thon te/ rang gi sna g.yas nas snying ga'i sa bon la gzhug par bya zhing /dbugs kyi rlung gis dgug par bya ste/ oM hUM khe tsa ri a mu kI nA A kaR+Sha ya hUM swA hA/ zhes bzlas pas 'gugs par byed do/ /aM yig las skyes pa'i sa spyod ma bdag med ma dang 'dra ba'i snying gar g+huH yig sngon po can bsgom par bya ste/ aM g+huH swA hA/zhes bsnyen pa 'bum byas te/ spel tshig dang bcas pa'i sngags kyis sngon bzhin sbyin sreg bya'o/ /'di'i yang las la g+huH yig las skyes pa'i 'bar ba'i rdo rje/ bsgrub bya'i 'og sgo nas rked pa tsam du zug par bsam par bya ste/ oM g+huH b+hu tsa ri a mu kaM mA ra ya g+huH hUM phaT swA hA/zhes bzlas pas gsod par byed do/ /rgyud du gsungs pa'i sngags kyi rim pa las 'dir/ sa spyod ma dang / mkha' spyod ma dag rim pa las 'das pa'o/ /rdo rje ma la sogs pa bdun po 'di rnams kyang nyi ma dang ro la gar stabs kyis gnas pa/phyag bzhi pa/ phyag rgya lnga yis brgyan pa/ mgo skyes dmar po gyen du brdzes pa'o zhes so/ /de nas rdo rje ma la sogs pa rnams kyi snying po'i sngags su 'gyur ba ni/ oM AM swA hA/ oM iM swA hA/ oM IM swA hA/ oM UM swA hA/ oM aM swA hA/ oM AM swA hA/oM au swA hA/ ji ltar bsdus pa ni rgyas pa la ltos pa las gsal bar 'gyur ba'i phyir phyag gnyis pa kho na la dkyil 'khor ldan pa'i sgrub thabs 'di brjod do/ /de bzhin du phyag bzhi pa la sogs pa rnams kyi yang rig par bya'o/ /'di dag gi khyad par ni dz+wa lA dz+wa lwa ni bdud bzhi las nges par rgyal ba dag pas phyag bzhi pa/g.yas pa dang cig shos kyi rtsa ba'i phyag dag gis rdo rje dang bdud kyi khrag gis gang ba'i thod pa 'dzin pa/ phyag lhag ma gnyis kyis bdag med ma dang mtshungs pa'i rdo rje phag mo la mnyam par 'khyud pa/gzhan ni sngon bzhin no/ /de'i sngags ni/ oM dz+wa la dz+wa la b+h+yo huM huM huM phaT swA hA/ 'di'i yang hUM yig gsum thung bar bshad do/ /ki Ti ki Ti badzra ni/ stong pa nyid dang / mtshan ma med pa dang / smon pa med pa'am/ rtsa gsum dag pas zhal gsum pa/dang po'i zhal nag po/ g.yas pa dkar po/ g.yon pa dmar po'o/ /pha rol tu phyin pa drug dag pas phyag drug pa/ g.yas kyi rtsa ba'i phyag gis rdo rje g.yon gyis srid pa gsum gyi nyon mongs pa 'joms pa dag pas rtse gsum/ gzhan gyis gri gug /cig shos kyis shes rab kyi pha rol tu phyin pa dag pas dril bu rnam par 'dzin pa'o//phyag lhag ma gnyis kyis bdag med ma dang 'dra ba'i rdo rje lu gu rgyud ma la kun du 'khyud pa sngon bzhin du gnas pa'o/ /'khor ni thams cad la ldan par gsungs pa nyid do/ /de'i sngags ni/ oM ki Ti ki Ti badzra hUM hUM hUM phaT swA hA/ hUM yig gsum ring por gsungs so/ /pi tsu badzra ni slar yang hUM yig las skyes pa'i thod par gnas pa'i nyi ma la gnas pa'i hUM yig las 'khrungs pa/ rnam par thar pa brgyad rnam par dag pas zhal brgyad pa/ de'i rtsa ba'i zhal nag po/g.yas dkar po/ g.yon dmar po cher 'jigs pa/ steng gi zhal dud ka rnam par gtsigs pa/ lhag ma bung ba'i mdog can zhal re re zhing spyan gsum pa/ stong pa nyid bcu drug rnam par dag pas phyag bcu drug pa/ g.yas kyi phyag brgyad kyi ma thil gyi thod pa rnams su steng nas rim pas/lud pa dang / dbugs dang / smyo ba dang / zad pa ste khong skems pa dang / mdze dang / rkang bam dang / mchin pa dang / mcher pa rnams kyi nad 'joms pa dag pas/ glang po dang / rta dang / bong bu dang / ba lang dang / rnga mo dang / mi dang / sha ra b+ha ga dag go/ de bzhin du g.yon gyi phyag tu gnas pa'i thod pa rnams su zhi ba las gsal ba la sogs pa'i dbang phyug gi dngos grub sems can kun la stsol ba dag pas/ sa dang / chu dang / rlung dang / me dang / zla ba dang / nyi ma dang / mthar byed dang / nor gyi dbang phyug rnams so//rtsa ba'i phyag gnyis kyis bdag med ma la 'khyud pa/ bsdu ba bzhi rnam par dag pas zhabs bzhi pa/ phung po dang / nyon mongs pa dang / lha'i bu dang 'chi bdag gi bdud rnams rab tu grub pa'i rgyur tshangs pa dang / khyab 'jug dang / brgya byin dang /dbang phyug chen po rnams kyi snying gar nyi ma la zhabs gnyis dag gis skyil krung phyed pa'i gar gyis dang / gzhan dag g.yas brkyang ba'i zhabs kyis gar mdzad pa'i zhabs bzhi rnams kyi rol pa dang ldan pa'o zhes kha cig go/ /'khor gyi cho ga ni sngon bzhin no/ / 'od gsal du gzhug pa ni/ 'di'i dbye bas gau rI la sogs pa'i rnal 'byor ma brgyad zhal brgyad rnams su rab tu gzhug cing / zhal bdun ni rtsa ba'i zhal la'o/ /phyag bcu bzhi mtshan ma dang bcas ba rtsa ba'i phyag gnyis la/ zhabs gnyis rtsa ba'i zhabs gnyis la'o//sna tshogs pad+ma la sogs pa bsdu ba ni sngon bzhin te/ gzhan dang mtshungs pa'o/ /de'i snying po'i sngags ni/ oM de ba pi tsu badzra hUM hUM hUM phaT swA hA/ 'di'i yang hUM yig gsum ring por gsungs so/ /oM badzra kar+t+ta ri he badzrA ya hUM hUM hUM phaT swA hA/ nye ba'i snying po ste 'di thams cad kyi yang nye ba'i snying po'o zhes par 'gyur ro//oM aSh+Ta na nA ya/ ping+go r+h+wa ke sha bar+t+ma ne/ tsa tu rbiM sha ti ne trA la/ Sho Da sha b+hu dzA ya kr-iSh+Na dz-I mU ta ba pu She/ ka pA la mA lA ne kA d+hA ri Ne/ Ad+h+mA ta krU ra tsit+tA ya/ ar+d+hen+du daMSh+Ti Ne/ mA ra ya mA ra ya/ kA ra ya kA ra ya/gar+dz+dza ya gar+dz+dza ya/ tadz+dza ya tadz+dza ya/ sho Sha ya shoSha ya/ sap+ta sA ga rAn/ ban+d+ha ban+d+ha/ nA gASh+Ta kA na/ gr-ih+Na gr-ih+Na/ sha trUM/ hA hA hi hI hu hU he hai ho hau haM haH phaT swA hA/ phreng ba'i sngags so/ /slang yang 'dir dbus kyi bi tsu badzra la lhag pa'i sems kyi dbye ba tsam las kyang kye rdo rje bzhir nges par mthong ngo zhes gsungs so//rim pa'i bar ma chad pa ni b+h+rUM las skyes pa'i rdo rje gur rgya che ba ser po sdug bsngal ba dang / kun 'byung ba dang / 'gog pa dang / lam dang / zad pa dang / me skye ba dang / chos dang / rjes su rtogs pa dang / kun rdzob dang / yongs su skye ba shes pa'i shes pa bcu rnam par dag pas rtsibs bcu 'khor ba'i dbus su gnas pa'i sna tshogs rdo rje'i steng du sna tshogs chu skyes dang nyi ma la gnas pa'i zla ba dang nyi ma kha sbyar ba'i dbus su son pa'i hUM yig sngon po bsams nas lnga'i 'byung gnas kyi mngon par byang chub pa'i rim pas/de thams cad yongs su gyur pa las/ dbang po sngon po'i mdog can zhal gcig pa/ rin po che'i cod pan can/ rdo rje dang dril bu 'dzin pa'i phyag dag gis/ rang bzhin gyi rig ma la kun nas 'khyud pa/ g.yon brkyang gi zhabs kyis 'jigs byed dang dus mtshan can mnan pa/rnam par bkra ba'i na bza' dang rgyan gyis brgyan pa'i rdo rje hUM mdzad du bdag nyid du rnam par bsgoms nas/ rdo rje thod pa'i sbyor bas/ khro bo bcu rjes su spros te/ de la shar la sogs pa'i rtsibs rnams su rim pas/gshin rje mthar byed dang / shes rab mthar byed dang / pad+ma mthar byed dang / bgegs mthar byed rnams dang / nag po dkar po dmar po sngon po'i mdog can/ rdo rje tho ba dang / dbyug pa dkar po dang / chu skyes dmar po dang / byes pa'i rdo rje rnams 'dzin pa/mi'u thung gsus khyim che zhing khro ba klu chen po brgyad kyis brgyan pa/ dbu skra dmar ser gyen du brdzes pa/ dmar la zlum pa'i spyan gsum pa/ rnam par snang mdzad dang / rin chen 'byung ldan dang / 'od dpag med dang / mi bskyod pa rnams kyi cod pan can/stag gi pags pa'i shams thabs 'dzin pa rnams so/ /me la sogs pa'i rtsibs rnams su/ 'dod pa'i rgyal po dang dbyug sngon can dang / stobs po che dang / mi g.yo ba rnams cher gnag pa/ lcags kyu dang / dbyug pa dang / rtse gsum dang / ral gri 'dzin pa rnams te/'dir 'dod pa'i rgyal po dang / mi g.yo ba dag gos dam pa dang / rin po che la sogs pas brgyan cing sgeg pa/ rin po che'i cod pan dag go/ /dbyug sngon can dang stobs po che dag gshin rje mthar byed bzhin rnam par 'gyur ba dag go/ /'og gi rtsibs su gnod mdzes nag po gtun shing 'dzin pa/mi bskyod pas mtshan pa'i rin po che'i cod pan can no/ /steng gi rtsibs su gtsug tor ser po 'khor lo 'dzin pa rnam par snang mdzad kyis mtshan pa'i rin po che'i cod pan can/ 'dod pa'i rgyal po la sogs pa bzhi ni mi bskyod pa'i cod pan can no//khro bo bcu po 'di rnams sna tshogs chu skyes dang nyi ma la g.yon brkyang gi zhabs kyis gnas pa/ g.yon pa'i phyag rnams kyi snying ga'i phyogs su khu tshur gyi sdigs 'dzub kyis klu'i zhags pa 'dzin pa blta bar bya'o/ /de ltar gyur pa'i srung ba'i 'khor lo rnam par bsgoms nas de'i dbus su rdo rje hUM mdzad yongs su gyur pa las/chos kyi 'byung gnas sngar brjod pa'i gzugs can du rnam par bsams te/ gzhan thams cad du gsungs pa'i rim pas sna tshogs pad+ma dang / sna tshogs rdo rje dang / khang pa brtsegs pa la sogs pa can gyi kye rdo rje bzhi po la yang blta bar bya'o//de ltar dkyil 'khor gyi 'khor lo rnams su bskyed pa'i rim pa'i rnal 'byor gcig gis rgyun du nges pa bar ma chad par bsgom par byas pa'i rnal 'byor gyis gsal ba las kyang gsal bar gyur pa na/ gzugs brnyan gyi mtshan ma rnams kyis ji srid du sgyu ma la sogs pa dang 'dra bar spros pa med cing kun du gsal bar 'gyur ba ste/ de ltar yang brtag pa gnyis par gsungs pa/ bskyed pa'i rim pa'i rnal 'byor gyis/ /brtul zhugs can gyi spros pa bsgom/ /spros pa rmi lam ltar byas nas//spros pa nyid ni spros med byed/ /ji ltar sgyu ma rmi lam dang / /ji ltar bar ma'i srid yin par/ /rtag tu goms pa'i rnal 'byor gyis/ /dkyil 'khor nyid du ni de bzhin 'dod/ /de'i phyir 'phral du sa bcu'i dbang phyug bden pa gnyis gcig pa'i ngo bo rdo rje 'dzin pa chen po'i sa bdud 'joms pa zhes so//bsgom pa gzhan gyis kyang rnal 'byor ba'i bsod nams kyi tshogs 'phel ba'i ched dang / bgegs nye bar zhi ba'i don du yang ji ltar rnyed pa'i phyir mchod pas bcom ldan 'das mchod par bya'o zhes so/ /de mchod pa'i cho ga brjod par bya ste/kye rdo rje'i rnal 'byor dang ldan pa'i sngags pas tho rangs kyi dus su gnas ji lta bar phyag dar la sogs pa bya ste/ sa'i cha shas rnams la lag pa reg ste/ oM rak+Sha rak+Sha hUM hUM hUM swA hA/ zhes pas sa gzhi byin gyis brlabs pa/ der bdud rtsi lnga dang dri bzang po la sogs pas byugs te/ de dang de'i sa gzhir mos pas/ gnas dang nye ba'i gnas/ zhing dang nye ba'i zhing / 'dun pa dang nye ba'i 'dun pa dang / 'du ba dang nye ba'i 'du ba dang / 'thung gcod dang / nye ba'i 'thung gcod dang / dur khrod dang / nye ba'i dur khrod ces brjod de/ maN+Dal gru bzhi pa byas nas/ oM badzra re khe hUM zhes pas khor yug byin gyis brlab bo/ /oM su re khe sarba ta thA ga ta a d+hi tiSh+Tha n+tu swA hA/ zhes pas maN+Dal gyi dbus su me tog gcig gzhag par bya'o/ /de nas snying ga'i sa bon gyi 'od zer gyis/ bcom ldan 'das 'jig rten gsum kun du bskyod pa dpa' bo lha mo brgyad kyis yongs su bskor ba spyan drangs te/ de la mtshungs pa med pa'i mchod yon la sogs pa sngon du phul te/ hUM yig las skyes shing yi ge gsum gyis mngon par bsngags pa'i me tog la sogs pa/oM AH hUM he badzra ya badzra puSh+pe hUM swA hA/ zhes pas dang por bcom ldan 'das la me tog gcig dbul lo/ /phyi nas snying po dang nye ba'i snying po dag gis so/ /oM AH nai ra At+ma ye badzra puSh+pe aM hUM swA hA/ zhes pas mchod pa byas nas oM aM hUM swA hA/ oM a A i I u U/r-i r-I/ l-i l-I/ e ai/ o au aM swA hA/ zhes pa'i sngags dag gis mchod par bya'o/ /gnyis ka'i spyi bor oM AH/ ak+Sho b+h+ya ya badzra puSh+pe hUM hUM swA hA/ shar la sogs pa'i phyogs kyi 'dab ma rnams su/ oM AH gau r+yi badzra puSh+pe gaM hUM swA hA/ oM gau rI hUM hUM hUM phaT swA hA/'di dag gis gau rI mchod par bya'o/ /de ltar yi ge gsum gyis rang rang gi sa bon gyi yi ge dang rnam par spel ba'i tsau rI la sogs pa lhag par mchod par bya ste/ phyi nas oM yig dang lhan cig bod pa'i tshig gis phul nas hUM hUM hUM phaT kyi yi ge dang swA hA'i mtha' can gyis mchod par bya'o//de ltar puSh+pe'i gnas su d+hU pe la sogs rnams kyis so so'i ming bcug ste dbul bar bya ste/ de nas oM sarba ta thA ga ta su la li ta/ na mi tai re na mA mi/ b+ha ga bAn+taM/ shrI he ru ka nA thaM dzaH hUM baM hoH pra tI ts+tsha maM/ ku su ma any+dza li nA thAH ho zhes pas me tog snyim pas phul nas 'dud par bya'o//oM sarba ta thA ga ta pU dza me g+ha pra sa ra sa mu he s+pha ra hI maM ga ga na khaM hUM sa man+ta swA hA/ mchod pa byin gyis brlabs pa'o/ /de nas/ bdud kyi sgyu ma rab 'joms shing / /stong nyid snying rje dbyer med pa/ /rnam par 'phrul pa'i rang bzhin sku//kye yi rdo rje khyod la 'dud/ /ces pas phyag byas nas ji ltar nus pa'i sdig pa bshags pa la sogs pa byas te/ rigs su skye dang dam tshig can/ /smyo med kye yi rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pas rdo rje dril bu 'khrol//zab mo'i chos ni klog pa dang / /btsun mo'i khu ba mnyam zas ni/ /skye zhing skye bar 'gyur bar shog /smon lam byas nas/ de nas cho ga lhag chad kha bskang ba'i don du yi ge brgya pa'i sngags brjod de/ oM badzra sa twa sa ma ya ma nu pA la ya/ badzra sa twa twe no pa tiSh+Tha/dri D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sar+b+ba sid+d+hi m+me pra yats+tsha/ sarba kar+m+ma suts+tsha me/ tsit+taM shre yaH ku ru hUM ha ha ha ha ho/ b+ha ga bAn sar+b+ba ta thA ga ta badzra mA me muny+tsa badzrI b+ha ba ma hA sa ma ya satwa AH/ zhes dang / oM khyod kyis sems can don kun mdzad/'di ltar rjes mthun dngos grub stsol/ /sangs rgyas yul du gshegs nas ni/ /slar yang byon par mdzad du gsol/ /oM badzra muHzhes gshegs su gsol/ de ltar phyag bzhi pa dang / phyag drug pa dang / phyag bcu drug pa'i dkyil 'khor la yang mtshungs par bya ste/dang por yi ge gsum gyis mchod par byas nas rang rang gi sngags kyis mchod par bya'o/ /rdo rje phag mo la'ang bdag med ma yis dbul lo/ /phyag bcu drug pa la ni rkang pa brgyad pa'i mchod pa'i sngags kyis kyang mchod par bya ste/oM aSh+nA na nA ya hUM hUM hUM phaT swA hA/ oM bi d+gor+d+h+wa ke sha par+t+ma ne hUM hUM hUM phaT swA hA/ oM tsa tu rbid+sha ti ne tra ya hUM hUM hUM phaT swA hA/ oM Sho Da sha b+hu dzA ya hUM hUM hUM phaT swA hA/ oM kr-ish+Na dzI mU ta ba pu She hUM hUM hUM phaT swA hA/ oM ka pA la mA lA ne kA d+hA ri Ne hUM hUM hUM phaT swA hA/ oM Ad+h+mA ta krU ra tsit+tA ya hUM hUM hUM phaT swA hA/oM ar+d+he n+du daM Sh+T+rI Ne hUM hUM hUM phaT swA hA/ zhes pa'i sngags kyis mchod par byas nas smon lam la sogs pa sngar bzhin byas te gshegs su gsol bar bya'o/ /de nas kha zas kyi bya ba brjod par bya ste/ tshogs kyi 'khor lo la dang por bza' ba dang thug pa la sogs pa la/cho ga bzhin bdud rtsir byas pa'i chang g.yon pa'i srin mdzub kyis gtor zhing / chos kyi 'byung gnas kyi dbus su snying ga'i sa bon gyi 'od zer gyis ye shes kyi 'khor lo spyan drangs pa'am/ snying ga'i sa bon las 'phros pa yang rung ste/sngar brjod pa'i sngags rnams la zas kyi dngos po'i ming spel ba rnams kyis dbul bar bya'o/ /phyi nas gshegs su gsol la dam tshig gi rdzas rnams kyis kha cung zad dag par byas te/ 'chad par 'gyur ba'i cho ga'i rnam pas gtor ma phul nas/ lte ba'i thab khung gi mes reg pas kha zas rnams zhu zhing babs nas/snying gar gnas pa'i dam tshig sems dpa' dang ting nge 'dzin sems dpa' 'am/ lte ba'i pad+ma'i ze 'bru la gnas pa'i 'bar ba'i phreng ba can gyi aM yig la thim pas tshim par bya'o zhes pa phyi'i dngos po rnams kyi nang gi bdag nyid kyi sbyin sreg gi cho ga'o//de nas mthar oM uts+tshiSh+Ta badzra a d+hi T-iSh+Tha i maM ba liM/ gr-ih+Na gr-ih+Na hUM hUM hUM phaT/ ces pas lhag ma'i gtor ma byin nas zas dor bar bya'o/ /phyi'i dngos po la ltos pa med pa'i slar yang nang gi sbyin sreg ni/ sngar bzhin rlung gis sbar te/ rtog pa mtha' dag gi mun pa dang sgrib par byed pa rnams/ lte ba'i dkyil 'khor gyi thab tu shin tu gtum pa'i gtum mos bsregs shing / byang chub kyi sems kyi zas kyi sbyin sreg gis sbyin sreg bya ste/ shes rab dang thabs kyi bdag nyid dang /nyi ma dang zla ba ro mnyam par gyur pa shin tu 'bar bas gang bar gyur pa'o/ /gnyis pa 'di yang / 'jig rten pa'i mngon par mtho ba'i sar gyur pa bla na med pa'i sbyin sreg ste/ skad cig so sor goms pas 'thob bo/ /da ni gtor ma brjod par bya ste/ dri dang me tog la sogs pa g.yas su dang /mdun du sha ka Ta dang / b+ha ra la sogs pa'i snod du nya sha dang / dzam+bu Di ka la sogs pa dang / zas bzang po dang / chu khyor ba gsum dang ldan par bya zhing / ji ltar rnyed pa'i dam tshig gi rdzas rnams kyang ldan par byas te bzhag la/ sngar bzhin bltas te/ bdud rtsi myang ba'i cho ga'i rim pas bdud rtsir byas te/ de kho na nyid gsum gyi chos kyi 'byung gnas dkar po dmar po nag po gsum gyi khung bur gnas pa'i pad+ma dmar po 'dab ma brgyad pa can steng nas steng du blta bar bya'o/ /de nas snying ga'i sa bon las spros pa'i gau rI/oM gau rI in+d+ra A dI na sa pa ri bA rA na A kaR+sha ya dzaH zhes pas bkug /oM tso rI in+d+ra A dI na sa pa ri wA rA na pra be sha ya hUM zhes tsau rI sa pad+ma rnams su bcug /oM be tA lI in+d+ra a dI na sa pa ri bA rA na ban+d+ha ya baM zhes be tA lI spros pas bcing bas bcings/ oM g+hasma rI in+d+ra A dI na sa pa ri bA rAn pra be sha ya hoH zhes pas dbang du byas te/ de la chos kyi 'byung gnas dbus ma la gnas pa'i pad+ma'i 'dab ma la/ thog mar dbang po/ mig stong ldan pa dkar po rdo rje dang sdigs mdzub can gyi phyag gnyis pa glang po che sa srung gi bu dkar po la zhon pa/lho'i 'dab ma la gshin rje nag po/ dbyug pa dang sdigs mdzub can gyi phyag gnyis pa ma he la zhon pa/ nub kyi 'dab mar chu lha dkar po chu srin la zhon pa/ sbrul gyi gdengs ka bdun dang ldan pa/ zhags pa dang dung 'dzin pa/ byang gi 'dab ma la lus ngan ser po lus rags pa/gter la gnas pa bI dza pU ra dang / ne'u le'i phyag can/ de rnams thams cad rin po che'i rgyan dang rin po che'i cod pan dang ldan pa/ gshin rje nyi ma'i gdan dang nyi ma'i 'od can no/ /dbang ldan gyi 'dab mar dbang phyug chen po dkar po/spyan gsum pa/ ral pa'i cod pan dang ldan pa/ rtse gsum dang thod pa'i phyag rgya can/ stag gi pags pa'i sham thabs can/ khyu mchog la zhon pa/ gau rI la mnyam par 'khyud pa/ zla ba'i gdan dang 'od can no/ /me'i 'dab mar me lha shin tu dmar ba lto ba 'phyang ba/ra la zhon pa/ smin ma dang ral pa dmar ser can/ bgrang phreng dang ril ba spyi blugs kyi phyag can/ nyi ma'i gdan dang 'od can no/ /bden bral gyi 'dab mar srin po'i bdag po sngon po ro la zhon pa/ skra dmar ser gyen du brdzes pa/smin ma 'khyog pa dang bcas pa/ gri gug dang thod pa 'dzin pa/ ral gri dang phub 'dzin pa zhes kha cig go/ /bden bral gyi 'dab mar rlung lha sngon po rlung yab 'dzin pa/ ri dgas la zhon pa/ rin po che'i cod pan can/ zla ba'i gdan dang 'od dang ldan pa/ rin po che'i rgyan 'chang ba'o//ze 'bru la sa'i lha mo ser mo rin po che'i gos dang rgyan dang ldan pa/ g.yon du bum pa 'dzin pa/ g.yas pas dam bcas pa sngon du nye bar 'gro ba'i phyag can zla ba'i gdan dang zla ba'i 'od can yi dags dang mun pa can gyis bskor te gnas pa'o/ /steng du gnas pa'i chos kyi 'byung gnas kyi pad+ma'i shar gyi 'dab mar/zla ba dkar po rta dkar po dang ldan pa'i ku mu ta'i shing rta la gnas pa/ phyag gnyis kyis zla bas mtshan pa'i ku mu ta 'dzin pa/ zla ba'i gdan dang 'od can no/ /lhor nyi ma nyi mas mtshan pa'i pad+ma 'dzin pa/rta ljang gu'i shing rta la gnas pa/ rang gi gdan dang 'od can no/ /nub la sogs pa dang dbang ldan la sogs pa'i mtshams kyi 'dab ma rnams su rim pas sa skyes dmar po ra la zhon pa/ mdung thung 'dzin pa'o/ /g.yas na chu gri dang g.yon pas mi mgo za ba'i tshul gyis 'dzin pa zhes kha cig go//lhag pa ljang gu mda' dang gzhu 'dzin pa/ pad+ma la gnas pa/ phur bu ser po bgrang phreng dang ril ba spyi blugs 'dzin pa ste/ rin po che'i pa tra dang bgrang phreng 'dzin pa zhes kha cig go/ /sbal pa la zhon pa'o/ /pa sangs dkar po bgrang phreng dang ril ba spyi blugs 'dzin pa/pad+ma la gnas pa'o/ /sben pa nag po bgrang phreng dang dbyug pa 'dzin pa/ rus sbal la zhon pa'o/ /sgra gcan dmar nag shing rta la gnas pa'i nyi ma dang zla ba'i gdan can/ skra dang sma ra dmar ser 'bar ba rnam par 'joms pa'i mche ba bzhi pa/nyi ma dang zla ba'i phyag can no/ /der de bzhin du tog dud ka /ral gri dang klu'i zhags pa 'dzin pa/ ats+tsha bri ti'i 'bras bu dang / ka ka Ti tra 'dzin pa'o zhes kha cig go/ /ze 'bru la tshangs pa ser po zhal bzhi rgyas pa/ phyag bzhi pa g.yas pa'i phyag gis bgrang phreng 'dzin pa/gzhan gyis mi 'jigs pa'i tshul can/ g.yon gyis dbyu gu gsum pa dang / ril ba spyi blugs 'dzin pa/ ngang pa la zhon pa ral pa can mchod phyir thogs dang ldan pa/ tshangs pas yongs su bskor ba mtshe ma dang dga' ldan pa la sogs pa dang /tshangs ris dang / tshangs pa mdun na 'don la sogs pa rnams dang / lha thams cad gnas par blta'o/ /chos kyi 'byung gnas 'og ma la gnas pa'i pad+ma'i shar la sogs pa'i 'dab ma rnams su rim pas stobs kyi rgyu dang / dung skyong dang / mtha' yas dang nor rgyas rnams ljang gu dang ser po dang / sngon po dang dkar po rnams so/ /dbang ldan la sogs pa'i phyogs bral gyi 'dab ma rnams su 'jog po dang / rigs ldan dang / pad+ma chen po dang / pad+ma rnams dmar po dang / sna tshogs dang / dkar po dang / dkar po rnams te/ nor rgyas dmar po dang / 'jog po dang / rigs ldan ser po'o zhes kha cig go/ /de rnams gdengs ka bdun dang ldan pa ze 'bru la lhag ma can dkar po de rnams thams cad kyi lus phyed mi la rin po che'i cod pan dang / rgyan thams cad dang ldan pa rnams lhag ma can bskor te gnas pa go cha dang bcas shing ral gri 'dzin pa'i lha ma yin dang dmyal ba pa'i sems can blta bar bya'o//dbus dang steng dang 'og gi pad+ma la gnas pa rnams rang rang gi gzugs yongs su spangs te/ thugs dang sku dang gsung gi rang bzhin hUM oM AH'i yi ge las skyes pa rnams nag po dkar po dmar po'i mdog can zhal gcig pa/phyag gnyis pa rdo rje dang dril bu 'dzin pa/ rang bzhin gyi rig ma la 'khyud pa/ g.yas brkyang gi stan la gnas pa rnams la/ he ru ka'i gzugs kyi sangs rgyas rnams kyis dbang bskur te/mi bskyod pa dang rnam par snang mdzad dang / 'od dpag tu med pa rnams kyis rgyas btab par blta bar byas nas/ gti mug rdo rje ma la sogs pa rnams kyis mig la sogs pa rnams su byin gyis brlabs te/ de nas bar ma chad par oM pra ba ra sat+kA ra ar+g+haM pra tI ts+tsha swA hA/zhes pa'i sngags kyis dung chos kyi phyag rgyas mdun du de rnams la mchod yon phul nas/ dung chos kyi phyag rgyas zhabs dag la zhabs bsil dbul bar bya ste/ de nas in+da/ dza ma/ dza la/ dzak+kha/ b+hU ta/ bah+ni/ ba u/ rak+kha/ tsand/ sudz+dza/ mA da/ pap+pa/ ta lA pA tA li/ aT+Ta sap+pa swA hA/ zhes pa 'dis bos te/ sgeg pa dang bcas shing dril bu'i sgra byas la/ sngar bzhin bdud rtsir byas pa'i gtor ma'i zas rnams bdag nyid kyi lce rdo rje'i sbyor bas zos shing bza' bar bya ste/ de rnams kyang de bzhin kho nar de myong bar byed pa'o zhes bsams te/i daM ba liM/ b+hu ny+dza/ dzi g+ha/ phul+la/ d+hUp+pa/ mAM sa/ ping+g+ha/ am+b+ha/ sap+pa/ kadz+dza/ sA da/ khan+ti/ khu Ne/ phe Da gA da/ zhes pas zhal zas su byas nas dril bu gnas gsum rnams su dkrol bar byas te/ oM a kA ro mu khaM sarba d+ha rmA NAM A d+ya nu t+pa n+na twA ta oM AH hUM phaT swA hA/zhes pa 'dis tshim par byas nas/ dril bu'i sgra byas te/ kol+la i re D+ni i bo lA/ mu m+mu Ni re kak+ko lA/ g+ha Ne kr-i pi Ta ho bA dz+dza i/ kA ru Ne ki a i na ro lA/ ta hiM ba la kha dz+dza i/ ge d+haM ma a NA pi dz+dza i/ ha le kA liny+dza ra pa Ni a i/ dun+d+ra ra bA dz+dzi a i/ tsa u sa ma kats+tshu rI sih+la/kA p+pu ra lA i a i/ ma la in+d+ha Na sa liny+dza/ ta hiM b+ha ru kha i a i/ phreM kha Na kha Ta ka ra n+te/ shu d+d+ha a shu d+d+ha na mu Ni a i/ ni raM shu ang+ge tsa DA bi/ ta hiM dza sa rA ba pa Ni a i/ ma la a dze kun+da ru pA Ta i/ Din Di ma ta hiM na badz+dza a i/ phyi nas bsang gtor phul nas yang dag par mchod de/oM AH badzra pu shA+e hUM swA hA/ zhes pa 'di nyid dang d+hU pa la sogs pas phul nas rang gis bye brag ma phyed pa dang / cho ga dman dang lhag pa sbyong ba'i don du sngon bzhin yi ge brgya pa bklag sa nas gshegs su gsol lo zhes so/ /rim pa'i bar ma chad par yang gtor ma brjod de/kye rdo rje'i gzugs kyi thugs ka'i hUM yig gi 'od zer gyis/ khro bo bcu dang bcas pa'i srung ba'i 'khor lo'i lte bar gnas pa'i chos kyi 'byung gnas kyi nang du gzhal yas khang rgya che ba la gnas pa'i dkyil 'khor dang / srung ba'i 'khor lo'i phyi rol gyi phyogs la sogs pa rnams su dbang po la sogs pa 'khor dang bcas pa dang sems can dpag tu med pa bkug pa rnams 'od gsal du bcug nas/slar yang shes rab dang bcas pa'i he ru ka'i gzugs su sems par byed pa la sogs pa dang / zhal zas dbul ba la sogs pa sngon bzhin te/ thog mar gtor ma sbyang ste/ oM trai lo kya A k+she pa i maM ba liM gr-ih+na gr-ih+na a mu ka s+ya rak+shaM shIn+taM rak+shA ny+tsa ku ru hUM hUM hUM phaT swA hA/ zhes pa'i sngags kyis bcom ldan 'das la zhal zas dbul la/ /oM dz+wa la badzra la sogs pa rnams kyis kyang so so la bod pa'i dam tshig byin nas rang rang gi sngags kyis zhal zas dbul bar bya'o//oM A nai ra A t+m+ya zhes pa la sogs pas bod par byas la/ de'i sa bon yang bklags te/ a mu ka s+ya shIn+taM rak+shA ny+tsa ku ru hUM swA hA/ oM hUM zhes pa 'dis bdag med ma la sogs pa rnams la'o//na maH saman+ta bud+d+he b+h+yo/ na mo badzra mung+ga ra ha stA ya tsaN+Da maN+Dal A k+she pa ka rA ya hUM phaT/ na maH saman+ta bud+d+he b+h+yo/ ma hA daN+Da d+ha ra bi bi d+ha su ra a su ra/ mar+d+ha na b+hU tA n+ni rma thA hUM phaT/ na maH saman+ta bud+d+he b+h+yo/ /hu lu hu lu/ ma hA pad+ma a mr-i tI ku ru bi ShA Ni hU~M phaT/ na maH saman+ta bu d+d+he b+h+yo/ na mo badzra kro d+hA ya ma hA daM sh+T+ro t+ka ra b+hai ra ba ya/ badzra snod ha darbA ya/ oM a mr-i ta kun+Da li rak+shaM ma ma ku ru hUM phaT/ na maH sa man+ta bud+d+he b+h+yo/ /na mo a tsa la kA N+'aM/ tseT+Ta tseT+Ta/ moT+Ta moT+Ta/ tuT+Ta tuT+Ta/ g+ha g+ha/ g+hA ta ya g+hA ta ya hUM phaT/ na maH sa ma n+ta bu d+d+he b+h+yo/ Tak+ki hUM dzaH na maH saman+ta bud+d+he b+h+yo/oM ya ma daN+Da ya/ ni lA daN+Da ya/ tu ru tu ru/ mu ru mu ru/ sar+b+ba du Sh+tAM mA ra ya mA ra ya hUM phaT/ na maH sa man+ta bud+d+he b+h+yo/ na mo ma hA ba lA ya u ts+tshusham kro d+ha rA dzA ya/ sarba nA ga nAM/ hr-i da yaM/ tADa ya hUM phaT/ na maH saman+ta bud+d+ha naM/ na maH saman+ta d+ha rmA nAM/na maH saman+ta saM g+hA NAM/ oM si ta ta pa tra/ oM bi ma lA/ oM shang+kar/ oM pra t+ya ng+gi ra/ oM badzra u Sh+tISha tsa kra brti/ sarba yan+t+ra man+t+ra/ mU la ka r+m+ma/ b+n+d+ha nAM/ tA Da nAM kI la naM bA/ ma ma kr-i te/ ye na ke na tsi tata kri taM ta/ sarba n+tu/ ts+tshin+da ts+tshin+da/ b+hin+da b+hin+da/ tsi ri tsi ri/ gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM phaT phaT phaT/oM sum+b+ha ni sum+b+ha hUM/ gr-i h+Na gr-i h+Na hUM/ gr-i h+NA pa ya gr-i h+NA pa ya hUM/ A na ya ho b+ha ga bA na bId+yA rA dza hUM phaT/ ces pa mkha' 'gro ma rdo rje gur du gsungs pa'i sngags bcus shar la sogs pa'i phyogs rnams dang dbang ldan la sogs pa rnams su yang g.yas skor gyis dang / steng dang 'og tu yang gshin rje'i rje bo la sogs pa'i khro bo bcu po rnams la'o/ /oM in+da dza ma dza la/ zhes pa la sogs pa rnams kyis dbang po la sogs pa rnams la yang sngon bzhin sbyin par byas te/ de rnams kyis kyang sngon bzhin bdud rtsi myangs pas mchog gi bde ba chen po thob par gyur nas sgrub pa po'i mngon par 'dod pa sgrub par byed pa'o zhes bsams te/smon lam la sogs pa byas nas sngon bzhin gshegs su gsol zhes pa'o/ /'di yang bskyed pa'i rim pa'i gtor ma'i chog gnyis pa'o/ /bskyed pa'i rim par ni shes rab dang thabs rjes su g.yos pa'i khu bas zas tsam gyi ro myang bas/shes rab dang thabs kyi ngo bo rnams la dang / de bzhin du rang ji ltar 'dod pa'i dkyil 'khor gyi dbang po la sogs pa'i lta dang phan pa dang bcas pa'i dbang po la sogs pa rnams la ye shes kyi ro dang dbyer med pa'i gtor mas nye bar mchod pa ni gtor ma'i cho ga'o//cho ga ji lta bar sbyang bar byas pa'i bgrang phreng tshad ldan rnams kyis sngags bzlas pas myur bar dngos grub sbyin par 'gyur ro zhes pas/ de'i cho ga cung zad brjod par bya ste/ mig ni lha la lhag par mos pa'i tshul rang bzhin gyis shes pa'o//de gsal bar byed pa'i phyir srad bu'i ming can te/ ak+Sha su tra'o/ /yi ge rnams kyi srad bu yin pa'i phyir dang / grangs su byed pa'i phyir ak+Sha su tra ste/ bgrang phreng ngo / /i las brjod pa ma yin pa'i zhes pas re pha dbye'o/ /de la mu tig dang shel dang /rus pa la sogs pa rnams la zlum po mdzes par byas pa'i ril bu rnams kyis zhi ba dang / dngul la sogs pa rnams kyis rgyas pa dang / tsaT+nan dmar po dang / byu ru la sogs pa rnams kyis dbang dang / ru drA k+sha dang / lung tang dang ma he'i rus pa la sogs pa rnams kyis mngon spyod kyi las dang /bu'i bon gyi las thams cad par kha sbyor thig ler gsungs shing brtag pa gnyis par ni/ shel gyis rengs pa'i bzlas pa nyid/ /ni raM shus ni sdang ba la/ /rta yi rus pas skrod pa nyid/ /bram ze'i rus pas dgug pa la/ / glang po'i rus pas char 'bab pa/ /zhes so/ /ril bu brgya rnams kyis zhi ba dang / brgyad lhag pas rgyas pa dang / nyi shu rtsa lngas dbang du byas ba dang / drug cus mngon spyod la dang rgyas las thams cad la'o/ /'jam dpal gyi rgyud du gsungs pa/ /brgya dang brgyad dam nyi shu lnga/ / lnga bcu de bzhin bar ma'o/ /de yi tshad kyi phreng rnams ni/ /kun phan sngags pas thag par brgyu/ /stong phrag brgyad kyang de bzhin bya/ /phreng ba rnams ni mthe bong tsam/ /de ltar phreng ba rnam pa bzhi/ /'dir ni sngags pas brgyu bar bya/ /zhes so/ /de la gzhon nu mas byas pa'i srad bu rnams pad+ma'i phyag la sogs pa'i byang chub sems dpa' brgyad rnam par dag pa phyogs dang phyogs bral rnams su brgyad dang /dbus su kun nas rdzogs pa'i sangs rgyas kyi rang bzhin rdo rje sems dpa' rnam par dag pas gcig go zhes te/ dgu'i yon tan gyi srad bu bsgril bar byas nas/rim pas ril bu thag pa la brgyus te/ srad bu'i gdong gnyis mdud pa byas pa'i steng du ril bu ste/ kun du bsten pa'i stobs dang / mi 'jigs pa la sogs pa dang po'i chos kyi sku nyid do/ /de'i steng du ril bu gzhan ni chos kyi dbyings de bzhin nyid do//de nas zhi ba la sogs pa'i las dang rjes su mthun pa'i kha dog gi ril bu tsan+dan la sogs pa rnams kyis bsgo bar bya'o/ /kye rdo rje la sogs pa'i sngags bzla bas ni bdud rtsi lnga dang sgron ma lnga yis sbyangs te/ myur bar lag pa g.yas kyi sor mo rnams rdo rje rtse lnga pa'i ngo bor bsgoms nas/a yig las skyes pa'i nyi mas de byin gyi brlab po/ /g.yon pa'i sor mo pad+ma'i 'dab ma'i rnam par gsal ba la/ dang po'i dbyangs yongs su gyur pa la ri dgas mtshan pa ste/ des byin gyis brlab cing / so sor shes rab dang /thabs kyi rang bzhin de dag gi dbus su/ bgrang phreng bzung nas/ kye rdo rje'i gzugs kyi bar ma chad par mngon par 'dod pa'i lha'i ngo bor ram/ thams cad ril bur bsgom par bya'o/ /ak+Sha ru kA ra nyu tu a so hi a man+ta bi sa ru ga ni a saM kha a li si dz+dza i ta tu bi sa ru oM pa de pa de ma hA dz+nyA na sarba bud+d+ha ma han+d+ha be ta hUM hUM hUM hoHhoHhoHA swA hA/zhes pas byin gyis brlabs la/ brgyad lhag pa'i brgyar bsgyur pa'i sngags bzlas pas kyang byin gyis brlab bo zhes pa rab tu gnas pa'i cho ga'o/ /de'i rjes su stong pa nyid dang snying rje dag dbyer med par lhag par mos pas/g.yas pa'i lag pas zhi ba dang rgyas pa dang dbang dang mngon spyod kyi las rnams la/ grangs ji lta bar sdigs mdzub dang / gung mo dang / ming med dang / mthe'u chung rnams su bgrang phreng gi phreng ba gzhag pa yang / ma the bong gi rtse mo rdo rje lcags kyu'i ngo bor bsgoms te/lha dgug pa'i bsam pas drang bar byas nas sngags bzlas par bya ste/ myur du 'grub par byed do/ /dam tshig dag ni bsten pa dang / /rnal 'byor sgom par byed pa dang / /sngags bzlas pa la sogs pa yis/ /myur du 'bras bu ldan par 'gyur//zhes pas/ dam tshig 'ga' zhig brjod par bya ste/ sems can rnams la snying brtse ba dor bar mi bya ba dang / gzhan la tshul khrims phun sum tshogs pa med par gleng bar mi bya ba dang / mngon spyod kyi las mi bya ba dang / 'jigs pa dang zhum pa dang khro ba la sogs pa yongs su spang ba dang /rnyed pa dang bkur sti la sogs pa'i don du bdag gi yon tan bsgrags par mi bya ba dang / phyag rgya dang dkyil 'khor dang sngags rnams rang gi rtog pa tsam gyis mi bya ba dang / bde bar gshegs pas gsungs pa'i sna tshogs pa'i sngags dang lha rnams kyang dbye ba med par gzung bar bya zhing /yul gang du/ bla ma dang sangs rgyas dang byang chub sems dpa' la sogs pa rnams las slar chos dang cho ga thob par bya ba dang / bza' bya dang / bza' bya ma yin pa la sogs pa rnams rang bzhin gyis yongs su dag par mos par bya ba dang /'jig rten la gnod pa rnams rjes su bsrung ba la 'jug par goms par bya ba dang / bya ba ngan par spyod pa rnams drangs te/ bdag gi nang gi nang du thob par bya ba dang / sgom pa po bdag rnal 'byor pa dang / rnal 'byor ma'i bdag nyid du the tshom za ba de rnams kyi mthong bar 'gyur ba'i don spong ba dang /brda rnams la bdag goms par bya ba dang / ji ltar tshogs pa'i 'dod pa'i yon tan lnga de bzhin gshegs pa lnga dag pas bsten par bya ba dang / bud med rnams gdung bar mi bya zhing khyad par du phyag rgya'i gzungs ma la tshig ngan mi bya ba dang /mtshan ma'i rnam pa dang / bza' ba rnams la 'gom par mi bya ba dang / chom rkun gyi grogs spang bar bya ba dang / bdud rtsi lnga dang sgron ma lnga nag po'i tshes brgyad dam bcu bzhi la ril bur byas nas grib ma la bskams te/ thod pa'i snod kha sbyor du gzhag cing ji lta bar bdud rtsir byas nas nyi ma so sor bsten par bya ba dang /rtsa ba'i ltung ba bcu bzhi dang / sbom po'i ltung ba brgyad rnams 'bad pas spang bar bya ste/ de rnams ni rab tu grags pa nyid yin pas ma bris so/ /de rnams dang gzhan yang dam tshig gi khyad par rmad du byung ba rnam pa mang po de dang de rnams bcom ldan 'das kyis rgyud rnams su gsungs pa rnams grub pa rnams kyis kyang rab tu spros so//de ltar rtogs par byas nas 'gom par mi byas zhing / dam tshig smra bar yang mi bya'o zhes pa'o/ /brtag pa gnyis pa la sogs rgyud rnams su/ de yi thabs ni rnam pa du ma zhig /mthong nas rnam pa sna tshogs mngon rtogs dang / sgrub pa'i thabs rnams gzhan yang 'bad par byas/ srog dang 'dra ba'i bla med bla ma dang / /don du gnyer ba'i slob ma rnams kyis kyang / /cung zad dag ni bskul bar gyur pa las/ / 'di ni bdag gis rab tu bkod pa yin/ /rang nyid gzugs brnyan 'dra yang bskul ba las/ /thub pa'i dgongs pa cung zad 'chad pa gang / /de ni ngan pa'i spyod pa nyid yin te/ /ltung ba dang bcas dmyal ba rnams su 'gyur/ /mngon par rtogs pa'i thig le 'di byas la/ /bdag gis dge ba nye bar bsgrubs pa gang //de yis myur du dpal ldan kye rdo rje'i/ /rnal 'byor snod du bdag dang 'jig rten gyur/ /rnam par grags pa'i mkhas pa gnas brtan shAkya srung ba'i zhabs kyis mdzad pa'i/ dpal kye rdo rje'i mngon par rtogs pa'i thig le 'di rdzogs so// //lung rigs kyi dbang phyug skad gnyis smra pa'i gtsug gi nor bu/ /dpal ldan byang chub rtse mo'i bka' drin las/ brda sprod pa'i tshul la blo'i snang ba cung zad thob pa shAkya'i btsun pa skyob pa dpal bzang po zhes bya bas bsgyur ba'o/ /rgyud rgyal rin chen 'byung gnas bsrubs pa las/'byung ba'i nor bu rim gnyis 'od dkar can/ /gang 'dis bod yul gdul bya'i ku mud tshal/ /rgyas par bya phyir skyob pa dpal bzang pos/ /bsgyur las byung ba'i dge ba rab dkar ba/ /de yis 'gro kun rdo rje 'dzin gyur cig /

CLOSE WINDOW