CLOSE WINDOW

D1275
བོད་ཡིག

yang dag pa'i man ngag 'grol bar dka' ba rdzogs so// //slob dpon phyag rgya chen po'i dngos grub can bi na pa'i zhal snga nas mdzad pa'o// @##/ /rgya gar skad du/ ma hA a b+hi She ka tri kra ma nA ma/ bod skad du/ dbang chen po rim pa gsum pa zhes bya ba/ dpal kye rdo rje la phyag 'tshal lo/ /pra yi ye shes sgrub 'dod pas/ /'dod chos mtshan gnyis shes pa'i mu/ /de shes yul du bya ba ni/ /mig dgug shir mtha' zad rtse/ /chu skyes dga' gnyis dbus su 'dus//gsang ba'i sa bcur shes par bya/ /thabs kyi ze 'bru gsum nor bu/ /pra ru 'dod pa sangs rgyas gcig /thur rlung phrad bzlog dbus zhugs pas/ /sa gnas gar 'dod kun kyang 'gengs/ /rtog bral smon lam gzugs su gnyis/ /ra ta'i ti la bzhi 'gyur gyi//skad cig cha kun shes byas nas/ /ro bzhi shes pas ro bzhi bya/ /rlung gi sa yi dus su ni/ /hUM phaT bskyod pas las rlung me/ /'byung bzhi'i rlung grangs 'khor lo bzhin/ /sa yi dus su bzlog la bstun/ /chu tshags rlung gis gzung yi ge/ /'greng stengs yar rlung dgag pa'o//ting 'dzin khyad par gyur pa yis/ /gnyis 'dus b+ha gar rlung bzhi gnon/ /mi g.yo bdud bzhi mnan zhes bya/ /cung zad 'dus par zin pa yis/ /mi rtog dang po'i sa thob bshad/ /brgyad phyed mtha' yi brgyad phyed mthar/ brag gdung lta bu gnyis phrad de//bstan pas ye shes bsam yas shing / /kun kyang gsal ba dung lta bu/ /yang dag rdzogs pa'i sangs rgyas te/ /yon tan che ba brjod mi lang / /gal te pra yi nyi ma dag /thig le kha bsgyur sngon bzhin sprad/ /mar ram chu ltar 'dres nus pas/ / so sor gnas kyang rmongs pa med/ /kun rdzob snang ba ma yin te/ /dngos po gnyis kyang rtag tu 'dres/ /sus kyang mthong bar mi nus te/ /yon tan ljags kyis rdzogs pa min/ /bskal par 'jigs dang bral ba med/ /gzung 'dzin bra la ba'i ye shes sku/ /dus su chos rnams me long bzhin/

CLOSE WINDOW