CLOSE WINDOW

D1271
བོད་ཡིག

/ @##/ /rgya gar skad du/ he badzra dwi b+hu dza sA d+ha naM/ bod skad du/ kye rdo rje phyag gnyis pa'i sgrub thabs/ rje btsun thugs rje chen po la phyag 'tshal lo/ /khrag 'thung 'jig rten gsum 'phen dang / /dpal mgon bla ma la btud de//de sgrub cho ga zhi ba yi/ /zhal snga nas gsungs rab dbye bya/ /dpa' bo zhal gcig phyag gnyis pa/ /bdag med ma yis mgul nas 'khyud/ /'khor lo la sogs rgyan dang ldan/ /spyan gsum zhabs gnyis 'dam skyes mnga'/ /rgyud 'dir bsgom pa la dbang bar bya ba'i rnal 'byor pas/nang par snga bar mal nas langs te/ rang gi snying gar nyi ma la gnas pa'i hUM bltas la/ de'i 'od zer gyis dpal he ru ka snang bar byas te/ me tog la sogs pa'i nye bar spyod pa lngas legs par mchod nas/ de'i spyan sngar sdig pa bshags pa dang / bsod nams la rjes su yi rang ba dang / skyabs su 'gro ba byas la/ byang chub chen por sems bskyed de/ /sems can thams cad la lha rdzas kyi bde ba nye bar sbyor ba'i byams pa dang / sdug bsngal thams cad nye bar sel ba'i rnam pa'i snying rje dang / bde ba de dag rgyun mi 'chad par nges pa'i rnam pa'i dga' ba dang /nyon mongs pa dang / nye ba'i nyon mongs pa dang / gzung ba dang 'dzin pa la sogs pa yid la mi byed pa'i mtshan nyid kyi btang snyoms bsgom mo/ /de nas chos dang gang zag la sogs pa'i dri mas ma gos pa'i ngo bo/ chos thams cad skye ba med pa'i tshul la zhugs pa'i stong pa nyid rnam par bsgoms la/oM shU n+ya tA dz+nyA na badzra swa d+hA wa At+ma kou0f85haM/ zhes bya bas byin gyis brlab po/ /de nas sad par byas la nam mkha'i phyogs su nyi ma'i dkyil 'khor la gnas pa'i hUM yig ste de y ongs su gyur pa las rdo rje'i lte ba la gnas pa'i hUM yig bltas nas/de'i 'od zer las byung ba'i dpal he ru ka'i gzugs kyis 'gro ba ma lus pa'i don byas la de nyid du gzhug go/ /de yongs su gyur pa las dpal he ru ka sna tshogs pad+ma'i 'dab ma la gnas pa'i ro'i steng du nyi ma'i dkyil 'khor la bzhugs pa/phyag gnyis pa spyan gsum pa/ phyag g.yas na rdo rje/ g.yon na rdo rjes mtshan pa'i thod pa bsnams pa/ gar dang bcas pa stag gi pags pa'i sham thabs can/ dbu la mi bskyod pa'i bdag nyid mi mgo las byas pa'i 'khor lo/snyan la 'od dpag med kyi bdag nyid rna cha gdub 'khor/ mgul du rin 'byung gi bdag nyid mgur chu/ phyag la rnam par snang mdzad kyi bdag nyid gdu bu 'chang ba/ rked pa la don yod grub pa'i bdag nyid ska rags dang ldan pa/ skra'i mchod phyir thogs dang /dpung rgyan dang / zhabs gdub dang ldan pa/ dbu skra dmar ser gyen du phyogs pa/ bdag med ma zhal gcig phyag gnyis ma/ gri gug dang thod pa 'dzin pas 'khyud pa ste/ de lta bur gyur par bdag nyid rnam par bsgoms la/ de nas 'di'i rna ba la bdag med ma/mig dag la rdo rje ma/ sna la gsang ba'i dkar mo/ lce la chu'i rnal 'byor ma/ lus kyi dbang po la rdo rje mkha' 'gro ma/ yid la bdag med mar mos par bya'o/ /de nas mgo bo la pad+ma sum cu rtsa gnyis pa'i steng du haM yig thur du bltas pa'o/ /mgul par 'dab ma bcu drug pa'i steng du oM yig steng du bltas pa'o//snying gar 'dab ma brgyad pa'i steng du thur du phyogs pa'i hUM yig go/ /lte bar 'dab ma drug cu rtsa bzhi pa'i steng du phyogs pa'i aM yig bsam mo/ /de nas dam tshig sems dpa' dang 'dra ba'i ye shes sems dpa' spyan drangs te/dzaH hUM baM hoH/ zhes bya'i sngags 'dis dgug pa dang / gzhug pa dang / bcing ba dang / dbang du byas nas/ 'o ma dang chu bzhin du ro mnyam par bya'o/ /de ma thag tu rang gi snying ga'i nyi ma la rdo rje'i lte ba la gnas pa'i hUM yig las byung ba'i 'od zer de rnams kyis/de bzhin gshegs pa thams cad kyi rang bzhin he ru ka spyan drangs te/ mchod pa byas la/ de bzhin gshegs pa thams cad kyis bdag la dbang bskur du gsol zhes gsol ba gdab po/ /de nas de rnams kyis bdud rtsi lnga yis gang ba'i nor bu'i bum pa dag gis dbang bskur ba dang /bdag la mi bskyod pa'i cod pan du bsam mo/ /de nas rnal 'byor ma thams cad kyis tshogs kyi rang rang gi byang chub kyi sems la sogs pa'i rdzas kyis mchod pa bya'o/ /de nas/ mche ba gtsigs pa 'jigs chen po/ /rgyu ma'i me tog phreng bas brgyan//sha chen po dag gsol mdzad pa/ /he ru ka dpal bdag phyag 'tshal/ /zhes bya ba 'dis bstod do/ /de nas nam mkha' la hUM yongs su gyur pa las rdo rje'o/ /de'i 'og tu yi ge AH yongs su gyur pa las pad+ma'i snod de/ /de'i nang du oM yig gis mtshan pa'i go ku da ha na/ma ra mu shu bi la sogs pa'i dam tshig gi dngos po rnams te/ rdo rje dang pad+ma yang dag par sbyor ba las/ me 'bar ba dang / de'i rdzas rnams gdus pa dang / smin nas khu bar byas te/ de bzhin gshegs pa thams cad kyi gzugs sten pa'i ye shes kyi nyi mar byed de/ye shes kyi sa bon de'i 'od zer rnams kyis de bzhin gshegs pa thams cad kyi ye shes kyi bdud rtsi bkug ste/ dngos po rnams dang lhan cig tu byas nas/ oM AH hUM/ zhes bya ba'i yi ge gsum gyis byin gyis brlabs te/ lce hUM yig dkar po las byung ba'i rdo rje'i rang bzhin du byas la bdag nyid de yis tshim par bya'o//de nas snying ga'i 'od nyi ma la rdo rje'i lte bar gnas pa'i hUM yig la legs par bskor nas gnas pa'i/ oM tre lo kyA k+she pa hUM hUM hUM phaT swA hA/ zhes bya ba'i yi ge bcu gnyis pa'i sngags kyi phreng ba mar me'i phreng ba bzhin du 'bar ba yid kyis mngon par bris la/rim pa brjod pa bzhin du rgyun mi 'chad par bzlas pa bya'o/ /gung dang phyi dro'i thun mtshams ni yud tsam gyis dpal he ru ka'i gzugs su byas te/ de nas mig la sogs pa rnam par dag pa dang /'khor bzhi bsgom pa dang / mchod pa dang / bstod pa dang / bdud rtsi myang ba la sogs pa bya'o/ /'jig rten gsum 'phen dpa' bo yi/ /sgrub pa'i thabs mchog byas pa las/ /bsod nams gang zhig grub pa des/ /'gro kun rdo rje 'dzin gyur cig /

CLOSE WINDOW